آخر 10 مشاركات
بسمة مدفونة في خيالي الجزء الثاني لرواية احكي غيابك مزق الوجدان للكاتبة ظاقت انفاسي (الكاتـب : ام جواد - )           »          عن الحكيم إذا هوى (1) *مميزة و مكتملة*.. سلسلة في الغرام قصاصا (الكاتـب : blue me - )           »          موضوع خمس مائه ألف رد (الكاتـب : قلبي مملكه و ربي يملكه - )           »          481 - من أجلك فقط - اليزابيث باور ( عدد جديد ) (الكاتـب : Breathless - )           »          730-حب وحنين -عبير ميوزيك (أصلية) (الكاتـب : Just Faith - )           »          221 - مدللة - جيسيكا هارت (الكاتـب : Fairey Angel - )           »          عرّافة..تراكِ في الفنجان (7) *مميزة ومكتملة*.. سلسلة قلوب تحكي (الكاتـب : كاردينيا الغوازي - )           »          فضيحة زواج (86) للكاتبة: بربارا دانلوب (الجزء الرابع من سلسلة فضائح بارك أفينو) كاملة (الكاتـب : Gege86 - )           »          589 - أكره أن أحبك - سارا وود - ق.ع.د.ن (الكاتـب : ^RAYAHEEN^ - )           »          أنـــا وصغيري للكاتب: الرميثي (الكاتـب : أناناسة - )


العودة   شبكة روايتي الثقافية > قسم الروايات > منتدى قصص من وحي الاعضاء

Like Tree450Likes

إضافة رد
 
LinkBack أدوات الموضوع انواع عرض الموضوع
قديم 04-07-20, 01:22 PM   #131

روجا جيجي

? العضوٌ?ھہ » 371410
?  التسِجيلٌ » Apr 2016
? مشَارَ?اتْي » 405
?  نُقآطِيْ » روجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond reputeروجا جيجي has a reputation beyond repute
افتراضي


كالعاده طبعاً مبدعه وافكار متجدده
قصايد وسرعه بديهه
سديم واضح انها اتعلقت بيوسف وصعبان عليها وواضح ان رعد وسعود عارفين ان يوسف مش مجنون علشان كده كانو بيضربوه وواضح انهم هما بس اللى عارفين الحقيقه دى
ولسه الغموض حوالين الماضى حنين قابلت سعود طب ليه مكنش عارف انها متجوزه اخوه ؟
تسلمى ومتتاخريش علينا
وربنا يشفى مريضتكم ويذهب عنها السوء ويلبسها ثوب الصحه والعافيه


روجا جيجي متواجد حالياً   رد مع اقتباس
قديم 04-07-20, 11:03 PM   #132

modyblue

نجم روايتي

alkap ~
 
الصورة الرمزية modyblue

? العضوٌ?ھہ » 321414
?  التسِجيلٌ » Jun 2014
? مشَارَ?اتْي » 18,397
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

اللهم رب الناس مذهب البأس أشفي عائشة ( ام علي ) من كل مرض


اللهم رب الناس، أذهب الباس، واشفها وأنت الشافي، لا شفاء إلا شفاؤك، شفاء لا يغادر سقماً

payan likes this.

modyblue غير متواجد حالياً  
التوقيع


رد مع اقتباس
قديم 05-07-20, 01:15 AM   #133

amani*taha

? العضوٌ?ھہ » 450106
?  التسِجيلٌ » Jul 2019
? مشَارَ?اتْي » 6
?  نُقآطِيْ » amani*taha is on a distinguished road
افتراضي

صدود حبيبتي تسلميلي فصل رائع نبدا يوسف اللي حوله أسرار و الغموض هل هو مجنون و لا عاقل حاليا متأكدة مليون بالمية انه عاقل مش مجنون كل تصرفات و أدلة تبين انه عاقل اول نقطة هجوم الشباب و ضربهم يوسف و كانه عارفين شو يعملوا و يحاسبوا فيه يعني لو مش واعي ليش يضربوا و لا سعود كل كلمة يحكي سديم اطلعي فوق انتي مش فاهمة سديم و خوفها علي يوسف و دفاعها عنه انه طفل كيف يضربوا و الله يا سديم شكلوا رح تطلعي انتي طفلة بينهم و مش فاهمة شيء 😂😂 واضح انها حبته من غير ما تحس حتي وقت محاولة هروبها بدها تاخده معها 😍😍😍 فوقها يوسف كيف رجع غطي رأسها سديم وحتي لمي سديم هجمت علي رعد و حكتله يا مجرم ما بكفي اللي عملته حنين نو ان دمها ع الأرض بسببك و تستاهل انك محروم من ابنك طيب كيف فهم يوسف شو عم بتحكي اذا كان مجنون و عرف انه خلص رعد فقد أعصابه و كان ع وشك يذبحها سديم مش بس يضربها يعني والله انه عاقل مش مجنون 😂😂 واضح انه سعود اللي عارف كل شيء و يمكن رعد عرف لوحده او عم يشك لانه ع حسب وقت حادثة يوسف المفروض رعد كان غيبوبة صح 😓😓 و نرجع وقت إصابة سديم نظرة يوسف الوحشية اتجاه رعد اللي كان يحاول يسعف سديم و يلمسها و رفضه يخليه يحملها هاد عاقل و واعي و لا مجنون 😂😂😂 وفوقها لمي بدأ يسألها و هي تجاوب و هي من غير ما تحس كانت تعطي أجوبة تعذيب زوج عمتها الها حقارة متعب معها و فوقها مشاري اللي بدوا إياها و عن دفاع حنين الها و كانه يوسف صار يتوعد لهم بحسه يتصرف برا كمجنون يمكن لانه مراقب مثلا هيك بتصرفاته يثبت انه مجنون بس فعلا شو أولاد اخوه اللي ما يحترموا عمهم و نازلين ضرب فيه ولا تقربه من سديم و خوفها منه و خصوصا لمعة الفرحة بعيونه لمي حلفت انه ما رح تتركه و رح يكونوا سوا و كانه فاهم و هاد وتر سديم و خوفها من نظرته هي مش فاهمة شيء بس فعلا يبقي سؤال ليش يوسف زوج ايرام من مساعد من غير ما تعرف و ليش بدوا يغير فيها اللي ما عاجبه ريما كسرت قلبها ايرام لمي اوهمتها بزواج مساعد من وحدة ثانية و ما كانت عارفة انها عروس ريما شو أسباب كرهها ايرام و غريب انه ليش ما حدا خبرها بزواجها من مساعد او حتي يباركلها بس بنهاية كسروا مساعد قبل ايرام و فرحته فيها رعد و حنين و سر الليلة اللي قلبت حياتهم حاسة انه متعب اله يد بس انه واضح رعد ما دخل حياة حنين غير انتقام من أبوها فيها بما انها قريبة من قلب ابوها الا انه ما عمل حساب قلبه اللي حبها و عشقها براءتها و حب سديم معه بقوتها و اللي حركت فيه مشاعر اخوة شو صار الليلة مجهولة حتي صار دم حنين الأرض و ردت انتقامها و حقدها رعد و طعنته هون حاسة هاي مواجهة و انتقام حنين من رعد انه مظلوم لانه هو نفسه مش فاهم شيء و شو صار و ليش هيك عملت حنين بس انه اللي واضح بسبب خداع رعد حنين ماتت حنين بوجعها و ولدت محلها قصايد بقوتها و نار الانتقام و حقدها قلبي عجبتني لحظة اللقاء بالمستشفي بينهم و خصوصا نظرة العيون بينهم👁👁 و تحديها اله بحركتها من عيونها و كيف قدرت تهرب منه بنفس الدقيقة حنين عم تلعب بالنار مع رعد و الخوف هي تنحرق حنين طول ما رعد بعيد عنها و عن اولادها هي قوية بس اذا قرب من اولادها ممكن تضعف بلحظة بس اكيد لك تقتله لو فكر انه يحرمها منهم بالنهاية اثنين متوعدين بعض يا قاتل يا مقتول💔💔💔 بس ما فهمت فهد شو كان يقصد بكلامه عن سديم و صوتها اللي ذكره فيها هي طفلة شو حكتله وقتها و بنفس الوقت سراب والله فرطتني ضحك من خوفها من سعود قررت اتوب و ما عادت تنصب 😂😂😂 بس حنين كيف معقول تقدر تخطف سعود و بعدين من وين يعرفوا بعض اثنين اذا العائلة كلها ما كانت تعرف بزواج رعد و حنين و الله يصبرنا أسبوع جاي يسلمووو كثير حبيبتي صدود فصل حلو 😘😘😘😘😘
روجا جيجي and payan like this.

amani*taha غير متواجد حالياً   رد مع اقتباس
قديم 05-07-20, 03:23 AM   #134

payan
 
الصورة الرمزية payan

? العضوٌ?ھہ » 384471
?  التسِجيلٌ » Oct 2016
? مشَارَ?اتْي » 480
?  نُقآطِيْ » payan has a reputation beyond reputepayan has a reputation beyond reputepayan has a reputation beyond reputepayan has a reputation beyond reputepayan has a reputation beyond reputepayan has a reputation beyond reputepayan has a reputation beyond reputepayan has a reputation beyond reputepayan has a reputation beyond reputepayan has a reputation beyond reputepayan has a reputation beyond repute
افتراضي

حنين ورعد مازالت قصتهم غامضه واكيد ف حقايق م يعرفوها عن بعض
يوسف احسه مو مجنون والدليل تحقيقه مع سديم وتصرفه معها
ايزم ومساعد مسأله وقت بما انهم بحبو بعض
سلمتي حبيبتي الفصل يجنن🌷♥️


payan غير متواجد حالياً   رد مع اقتباس
قديم 05-07-20, 04:14 AM   #135

دونك العمر
 
الصورة الرمزية دونك العمر

? العضوٌ?ھہ » 351676
?  التسِجيلٌ » Aug 2015
? مشَارَ?اتْي » 619
?  نُقآطِيْ » دونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond reputeدونك العمر has a reputation beyond repute
افتراضي

اللهم رب الناس مذهب البأس أشفي عائشة ( ام علي ) من كل مرض


بارت ناري كله اكشن
حنين ولحظة اللقاء المرتقب لرعد
والحمد لله عدت سليمة
سراب ورعبها من سعود

بلحظة فكرت راح يغمى عليها

او يمكن تنكشف لو وجود اختها انقد الموقف
يوسف والغموض الي حوله مرات بشك انه مريض نفسي ورجع اتذكر لما وقعت سديم ردة فعله منها لواحد عالق وخصوص الطريقة الي شلها بها نتنتظر ونشوف
تلمسي غاليتي صدود على بارت جنان
وقبل ما انسى لك سلام خاص من عمتي

بتقولك عاش من سمع اخبارك وابسطت انك رجعتي للكتابة
اذ تذكريها ا عمتي هي zahra13


دونك العمر متواجد حالياً   رد مع اقتباس
قديم 06-07-20, 12:12 PM   #136

Maha bint saad

? العضوٌ?ھہ » 437412
?  التسِجيلٌ » Dec 2018
? مشَارَ?اتْي » 156
?  نُقآطِيْ » Maha bint saad is on a distinguished road
افتراضي

اقتباس:
المشاركة الأصلية كتبت بواسطة صدووود مشاهدة المشاركة


السلام عليكم ورحمة الله وبركاته ..

كيفكم غالياتي..
شاركوني دعواتك للغالية عائشة.
اللهم رب الناس مذهب البأس أشفي عائشة ( ام علي ) من كل مرض واحفظها لعائلتها وابنائها وامها..اللهم انها بين يديك ضعيفة لا حول ولا قوة فاسكب الصحة بجسدها واسعد قلوبنا بسلامتها...
واشفي جميع مرضى المسلمين يارب العالمين..




البــــارت الثـــمان ..

يا زهرة بطيوب الصبح عابقة
إني أتيت و ريح الليل في كبدي
يا ضحكة بالصبا الممراح ضاخبة
أما رأيت خيوط الدمع في كمدي؟
و يا حمامة دوح تستريح على
فخ من الشوق.. إن لم ترحلي تصدي


المرحوم غازي القصيبي..



وعلى افتراض أني سلعة..
فإني أيها البائع ..
لا أُرد ولا أستبدل ...

صدت عنهم وتوجهت للدرج وهي ترتجف بخوف وقهر وعصبية..
يوسف قال موافقة احلفوا بس..مساعد خطبك من سنتين..
مساعد تملك من سنتين وانا بكيته لين تورمت عيوني..
باي حق تخطبني يامساعد باي حق تتجرأ وتتكلم عني عند جدي وعمامي..مالك حقوق عندي..رح وتمم زواجك على الي ملكت عليها..والله ان الليالي الي بكيتك فيها ماتستاهلها..
صعبــــة يامساعد تكون كبير في قلبي وصغير في عيني..
كيف تجـــرأت وسويتها فيني..كيف تجرأت وخطبتني..
واي شرط واي كذبة جايين تنسجونها حواليني الحين..

دخلت غرفتها وهي تكتم شهقاتها بكاها..والله ما ابكيك ولا ابكي قهرك لي ..والله لو مايبقى غيرك ما اخذتك..
هو حب سيطرة وبس..هذا سبب زيارتك لي بالعيادة..
تبي تفحص البضاعة من قريب..ياترى تليق بمساعد او لا..
فضلت غيري علي وقهرتني..

ألتفتت على باب غرفتها لما انفتح وتقفل بقوة وأختنقت بالهواء لما شافته واقف قدامها بطوله بهيبته بنظراته الحارقة ..
واقف يناظرها بغرفتها بفستانها بشعرها..كيف قدر مساعد يطلع لغرفتي يدخل ويقفل الباب..غير مستوعبة لتواجده وكانها بحلم..
همست باسمه بصدمة بحسرة..
ايرم بصوت مبحوح\مسـ ــاعد
مساعد بحدة\زوجــك مســاعد ..

ايـرم ولا زالت تحت تاثير كلام رعد وسعود وربط اسمها باسم مساعد سبب لها رجفة تضرب عظامها..
لكـن تواجد مساعد بغرفتها قريب منها عصــف بكيانها كله..
بعثـــر كل شعور بداخلها..من صدمة وخوف ورهبة بتواجده..
مسـاعد الغالي..أبوي أمي .. صديقــي وهـــاجري..
اشـــقت لك يامساعد..
أشتقـــت تقولي لبيـــه.. محتـــاجه تبعــد الخوف مني..
محتـــاجتك تــقتل وحدتي بدونك..
يــارب مايكون كلامهم صـدق..
تكفى يامساعد لا اكــون زوجتك..
لا يــاربي .. رجيــتك يارب لا تجمعني فيه بهالشكل..
لا يبقـــى جرح ماله دواء.. لا يكـــون زوج من غير علــمي..
تواجده في غرفتي وبعلم رعد وسعود يـثبت انه زوجـــي ..

قسوة نظرته وعصبيته الواضحة والغضب الي مابيوم وجهه مســاعد لها..هذا هو اليوم يرميه عليها بعيونه..
امــــــا كلمته ( زوجــك )
فهي كانت القاتـــلة لإيــرم ..
القــــاطعة لشرايين الثـــقة .. القاصـــمة لظهر الصبر..
الطـــاعنة لبقــايا شعــور..الغادرة بالسنين الماضية..
( زوجـــك )
تذكرت كلمة رعـد ( السالفة ماعادت خطبة )
مـــن الي غدر فيني بهالشكل.. من الي زوجني وانا ما اعرف..
بــأي حــق ينسلب مني مســـاعد للمرة المليــون..
بأي حـــق أجتمع مع مساعد بخدعــة ..

تراجعت بخطواتها لما اقترب بخطواته..مدت يدينها باشارة رجاء يوقف مكانه..بس هالمرة مساعد ما طاعها..اقترب بخطواته أكثر..
شــيء قاهر وأكبر من قدرته يتحكم فيــه..يجبره يقترب يجبره يشـــعر..يجبـــره يغضـــب..
بس قبــل لا يطيع كل مشاعر الغضب والقهر الي فيه..
قرر يهدي نفســه هدية قرر يتــأمل محبوبة قلبــه طفلته مدللته..
مشــــــــتاق لها لعيونها لملامحها.. يبي يقرأ السنين بدونه بوجهها.. يبي يلمس كفوفها..يمسح خدها..يسمع عتبها..
مشتـــاق لطفلته الي هجرته..
عيــونه المشتاقة فضحت إعجابه بجمالها المبهر لعيونه..
بجسمها الناعم الإنثوي..بشعرها الأملس وغرتها الجميـلة..
بفستـــانها القصير المغـري..وكـأنها كانت تتعدل لعيونه..
مد يـده لها ولا أهتــم لشهقتها الخايفة والرافضة..
مابأسمح لاحد ولا حتى إنتــي يا ايرم ما بتسلبيني لحــظة لقانا الغالية لقلبي..مابتسلبين مني حلـــم اللقى الي تمنيته ورسمته..
طــفلتي الغالية..دلوعـة مساعد..روحه الي غابت من غير حيل ولا قوة مني..
كبـــرتي يا ايرم .. تغيــرت طفلتي وصارت أنثــى كاملة..
ملامحك الجميلة زادت جمال..شعرك القصير صار طويل ولونه تغير.. جسمك الطفولي صار كامل ومغري..
أما عيــونك لا زالت تبرق بحــزن وعتـــب..
كــم عتب تحمليــن كم ســر تكتمين..
كــم دمعة ذرفتيها وبكيتي.. آآه يا ايرم لو تعرفين مايهزمني بهذي الدنيا الا أنتــي.. ولا قــصرت مع أحد غيــرك..
أنا اللي كنت كفو والمحزم لكل من طلب عوني..
وهجرتك مع كل من هجر وأبتعد..
واليــوم جيت أطلب الوصــل وتقولين مســاعد ما أبيه ..

الله لا يســلم فيني عظم إن خليــتك تقرريـن باقي حياتنا..
عطيــتك العذر وعطيتك الأمر والنهي .. قلــت خلوها تشرط من الي يستاهل يشرط إن ماشرطت علي ايرم..
خلوها تدلل..هــذي الي ما يأمر عليها غيرها..
بســك إلى هنا اليوم يا ايرم..
من الليلة أنـا اللي بأتولى رحلتنا..وأنا الي بأسيطر على كل قراراتنا..
مساعد وكفه على خد ايرم غمض عيونه يستنشق رائحة عطرها المحتال الي انزرع بداخل قلبه..
يحس بارتجافها من ملمسه لها يسمع شهقات خوفها ورهبتها من تواجده بغرفتها..يعرف انه باغتها بدخوله عندها..بس هي لازم تعرف إنه هالمرة جاي لحتى ياخذ..ولا بيرضى بنصف او اقل من الكمال..هالمرة مساعد بياخذها كلها..
مساعد\سنين أنتظر يطيح حكمك وينتهي هجرك..سنين أتخيل أول كلمة بتنطقينها بيوم لقانا.. واسمع منك ما ابي مساعد..
هــذا هو سلامك علي بعد كل هالسنين العجاف..ما ابي مساعد..؟

ملمس يده على خدها عذبها ارهق كل حواسها..هذا الكف الغالي الي ياما مسح دموعي..مشط شعري..كتب عني واجباتي وتقاريري.. هذا الكف الي مسك يدي بكل خطوة خطيتها بالدنيا.. ولما توجهت لي أقسى ضربة موت أمـي . تركتني هاليد ورحلت..
وش هالشعور الي يبيني اضم يده على خدي وابكي عليه..
وش هالخيانة الي بروحي تبي تغفر له وتضمه وتطلب قربه..
يســـألني هذا هو سلامك على مساعد بعد سنين عجاف..؟
ليـــه يامساعد من إللي أخذ قميص يوســف مني وتسبب لنا بالسنين العجاف..؟
بخــوف ابعدت كفه عن خدها وتراجعت بخطواتها عنه ..
اخذت عبايتها ولبستها بارتباك..وهو تركها تسوي الي يريحها وعيونه تراقب كل حركة منها..
ما أتحمل طعــون جديدة يامساعد..أنا بالموت قدرت استرجع نفسي..
أنا ضعـــت من بعدك ولا تدري وش صار فيني..
لو تدري ماكنت بتناظرني بهالنظرات..

ايرم\انا ما أعرف ليش انت هنا..وكيف قدرت تتواجد بغرفتي.. لا تتوقع مني ترحيب ولا استقبال..ولا تعتب لان مالك حق العتب..
مساعد\انا هنا لانك ناوية تخونين عهود..
ايرم\ماعاهدتك على شي..
مساعد\إنتي طلبتي تبقين سنة بعد الملكة عند جدي..وانا عطيتك سنة زيادة وصاروا سنتين..والحين انتي لي..
ايرم برفض\ماني لك..تواجدك هنا يعني ان كلام رعد صحيح والموضوع ماهو خطبة..
مساعد بصبر\اي خطبة.؟أنتي زوجتي من سنتين..
ايرم بقهر\لا أنا مو زوجة احد..أنا مارضيت بهالزواج ولا عرفت عنه .. يعني باطل..
مساعد بحدة\رضيتي وعطيتي شروطك يا ايرم..ولا هو بانا الي باخليك تسويني مضحكة عند الناس..
ايرم بصدمة\انا مارضيت..انا ما اعرف عن كل الي تقوله الا الليلة منك ومن رعد..ماصار ملكة ولا صار شي..انا ماشرطت ولا وافقت..
مساعد \لا تكذبين لا تصغرين بعيني بكذبك..يوسف الي اخذ موافقتك ويوسف الي عطاك الدفتر ووقعتي وتمت الملكة..
ايرم بقهر\يــوسف مريض ناقص عقل كيف يقرر عني وتصدقونه كيف..؟
مساعد\هذا انتي تبين تنسجين كذبة ومو قادرة عليها..
ايرم بقهر\أنا ما اكذب..يوسف زوجني بدون ما ادري..
ليش وكلتوا طفل عني..جدي وعمامي موجودين..
مساعد بحدة\ملكتنا تمت قبل حادث يوسف..قبل يمرض يوسف..
اتركي عنك التهرب يا ايرم..
ايرم بعدم تصديق\ما صار والله ماصار..ماعندي خبر عنك ولا عن هالملكة الملعونة..
مساعد بصدمة\ملعونة..؟ملكتنا ملعونة يا ايرم..؟
ايرم بقهر\ايــــه ايه..كيف اتزوج وانا ما ادري..كيف بعد سنتين من الملكة تجي انت وكان توك تتذكر انك تزوجتني..سنين مرت ماتذكرت تسال ولا تقول كيفك وينك كيف دنياك..جاي الليلة بملكة ما احد اعترف فيها ولا احد ذكرها لي..
كنت طفلة وانت رعيتني والله يعطيك العافية..ما اعرف ليش تعتقد بعد هالسنين بتلقاني بنفس المكان الي تركتني فيه ..بتلقاني جالسة انتظرك ترحم حالي وترجع..
مساعد\لا ما ابيك بنفس المكان الي تركتك فيه..ولا توقعت القاك فيه..انا مو مصدقك يا ايرم مو مصدق انك ماتعرفين..
ايرم بغصة\قلت لك ورب البيت العظيم ما اعرف الا الليلة منك انت ورعد..يوسف ماقالي شي..جدي مساعد ماقال..

مساعد\تدرين وش الي صادمني اكثر من كذبتك..
اذا ماتدرين عن الملكة معناتها بهالسنتين مابيوم كلمك عني جدك مساعد..مابيوم غلط وذكر اسمي..بالسهو مادخلت بهامش سوالفكم.. مانذكر اسمي وبعدها قالك عن الملكة..سنتين مرت اقنعيني انك صادقة ..
ايرم\وليــه اتكلم عنك..وليه اذكرك وانت تخليت ونسيت..
انت انسحبت اختفيت..ليه تتوقع باركض وراك..عشان احتاجك..؟ لا خلاص انا ماعدت احتاجك..
مساعد\وتظنين بكم كلمة..انا بانسحب الحين واقول ايرم حكمت..
غلطانة يا ايرم..سبع سنين كانت كافية لك..تحكمين وتعاقبين وتستبدين..اليوم ما باخليك تسويني مضحكة الرجال ..
عندي عزة نفس عندي كبرياء ما باخليك تكسرينه..
معزتك صارت بيدك انتي..اما ترفعينها او ترمينها بالارض..
ايرم بقهر\ما ابي المعزة المجبورة ما ابيها..
مساعد\مابقى لك الا تبقين مجبورة..لأني ما باتنازل ولا عاد يهمني الرضا منك ..

خرج من غرفتها بعد ما بين لها وش بيكون قراره..
مابقى للمجاملة مكان يا ايرم..
خليك لحتى تستوعبين انك حرمتي انا..

الجــود مايبني سوا بيت راعيــه..
والمكرمه بالحب قلبــي حملها..
الحب مثل النبــت محتاج نسقيه..
بعض الجفـــا يفسد محاصيل أهلها ..

&&&&&&&&&&&&&&&&&&&&&&&&&&


مـــأخوذين بالقلق..
نفتش عن الطمأنينة في الوجوه والأمكنة..
لكنهــا غادرتنا يا الله ..
إنسلت من بين ايدينا مثل شيء لايعرف البقاء الطويل..


بخطوات راقصة توجهت سديم لغرف ايرم مبسوطة بجوالها وناوية تطلب من ايرم اشتراك عشان تقدر تفتح برامج التواصل.. وقبل توصل لغرفة ايرم سمعت اصوات عالية بالصالة تحت وكان فيها هواش او مضاربة..
قربت من درابزين الدرج ونزلت راسها تناظر بفضول مين يتضارب ويتهاوش..وشهقت بصدمة لما سمعت صوت رعد يصارخ على يوسف..وسمعت صوت سعود غاضب مثل اخوه..
بقهر عظيم وبدون تفكير نزلت الدرجات بخطوات سريعة وهي ترفع قبعة البلوفر على راسها وتثبته..
تفاجاءت وانقهرت أكثر لما وصلت لهم وكان رعد ماسك يوسف من رقبته ويصارخ عليه..وبلحظتها وجه لكمة لوجه يوسف..وسعود واقف وله من الهواش نصيب على يوسف..
بدون شعور لتصرفاتها صرخت سديم باسم رعد بقهر..
وبخطوات سريعة وصلت لهم وضربت رعد على ذراعه تبعده عن يوسف..بس رعد ماكان منتبه لها من قهره لحالة ايرم..
كيف يوسف يزوجها بدون علمها بدون معرفتها..
ماهمه بوقتها ان يوسف جاهل كل شي هم يسئلونه عنه ويعاقبونه عليه..
سديم تغرس اظافرها بكف رعد كمحاولة لابعادها عن رقبة يوسف..
سديم تبكي\ابعد يدك عنه يامجرم..ابعد عنه..
سعود\سديم انتي ابعدي عن هنا..
سديم\يامجرمين مالكم حق تضربونه..
يوسف وجه لكمة لوجه رعد ودفعه عنه بقوة ووجه لكمة ثانية لسعود وسديم كانت بالنص بين ثلاثتهم وماتدرك مين الي ضرب ومن الي انضرب..
يوسف وراها اما رعد وسعود قدامها صوت بكاها من الخوف اعتلى وصراخها باسم الجد مساعد على..
اغلب الكلام الي يرمونه على يوسف هي مو فاهمته ومو مركزة فيه..وبينما هي تضرب يدين سعود ادركت ان سعود يبعد رعد عن يوسف ورجعت يدينها تضرب برعد الي مو واعي لتواجدها بينهم..لقصر قامتها ولعدم احساسه بضرباتها له..
بالموت لحتى قدر سعود يسيطر على حركات رعد وسحبه عن يوسف..وهي وقفت بين يوسف ورعد وكانها تحميه من رعد..

سديم بنحيب\ياقاتل يا مجرم..ابعد عنه اياك تضربه..
ماتكتفي انت بجرايمك مو كافي حنين والي سويته فيها..تظني باسمح لك تسوي بيوسف مثل سواتك باختي يانذل.. ليش ماتموت وتريحنا منك ليـــش تضربه ليش..هذا طفل يا مجرم طفل ماينضرب..
توجهت لكماتها تضرب رعد باي مكان توصله..وحست بذراع يوسف تلتف على خصرها ويرفعها من مكانها يبعدها عن رعد الغاضب وبحركة غير ايرادية لما حست بحالها ترتفع عن الارض رفعت رجلها وركلت رعد بقوة على بطنه..كمحاولة لإيلامه مثل ما تسبب بالم يوسف..
نزلها يوسف بعيد عن رعد وهي مو راضية الا ترجع وتضربه..
رفع يدينه لراسها وثبت قبعة البلوفر عليها..
سديم بقهر\مجرم قاتل مهما قلت فيك من اجرام ماينتهي.. اخذت مني حنين من سنين والحين تبي تقتل يوسف.. كنت صغيرة ماقدرت ادافع عن اختي..بس اليوم انا باقتلك يارعد بدون ما اتردد..
رعد بعصبية\انقلعي فوق انتي مالك شغل..
سديم\انت انقلع هذا بيتنا..بيت يوسف وابوه مو بيتك.. هذا عمك وتاج راسك حتى لو كان طفل مايفهم مو تضربه وتفرد عضلاتك..
سعود\سديم خلاص روحي لغرفتك الحين باخذهم عند جدي..
سديم\والله ماتاخذونه..هبلة انا عشان اصدقكم يامجرمين..اطلعوا من بيتنا ليش جالسين هنا..يالله ارجعوا بيتكم..وانا بعلم جدكم بكل الي سويتوه فيه..
رعـد بغضب\قلت لك اطلعي مو وقتك الحين..
سديم بقهر\مو وقتــي صح..؟تبيني اختفي لحتى تقضي على انسان بريء ثاني..؟ تبيني اخليك تتفنن بجريمتك تحوله لشبه جثة من الضرب وتروح وهو مرمي بالارض..تخســـي يارعد تخسي ما اخليك تسوي فيه مثل ماسويت في حنيـــن..

مسكت يد يوسف ومشت باتجاه الدرج بس رعد قطع طريقها لما وقف بوجهها..وعيونه بتحرقها من الوعيد الي فيها..
رعد بغضب\ماتقطين الكلام وتروحين..فسري كل كلمة قلتيها..
سديم\ايـــه بكل صوتي باقولها انت واحد مافيك خير.. لا لعمك التعبان ولا لحرمتك المغدورة منك .. وأكيـــــد مافيك خير لولدك المحروم منه..

بعد كلامها الي نطقته بقهر وبدون ما تحسب حساب الغاضب الي قدامها..سحبها يوسف عن طريق رعد وطلعها الدرج غصب عنها وهي تشوف رعد يحاول يفلت نفسه من سعود الي متمسك فيه بقوة يمنعه لا يلمس سديم او يوسف..
وقف يوسف بالصالة العلوية ونزل سديم على الارض وهو يناظر بدموعها بعيونها الخايفة وبرجفة كفوفها من الموقف العنيف الي كانوا فيه كلهم..ضمته سديم وهي تبكي..
سديم تبكي\كيـف أحميك منهم..كيف امنعهم يضربونك كلهم ويوجعونك..
ادري ماني احسن منهم..بس انا اضربك لاني اخاف منك..هم ليش يضربونك انت ماتخوفهم هم كبار ليش يضربونك..
يوسف بمواساة\ما يوجعني عادي..
سديم بقهر\بلــى يوجعك..ضربهم قوي..ماباخليك عندهم باخذك معي بنهرب من هنا اوعدك..اذا ابوك ماعاقبهم باخذك معي..
يوسف\ايه باروح معك مابي ابقى عندهم..
جلسته سديم على الكنبة وجلست مقابله له على الطاولة الزجاجية.. كفوفه الكبيرة بين كفينها الصغيرة وعيونها تتفحص وجهه والعلامة الي بخده وطرف فمه..
سديم تبكي\عســى يدك الكسر يا رعد..

قبل يرد يوسف عليها كان مساعد خارج من غرفة ايرم ولما قابلهم جالسين قدامه ماقدر يمنع نفسه يقتل يوسف او يعاقبه على تصرفه مع ايرم ..على تحطيمه لهم بهالشكل..
قرب منهم مساعد وسحب يوسف من جيب ثوبه وضربه بقوة على بطنه بلكمة قوية تبعتها لكمة ثانية بنفس المكان..
وهذا العنف والتصرف تسبب بصرخات عالية متتالية من سديم الي انهارت قوتها بسبب خوفها على يوسف الي كل واحد يشوفه يضربه..يامجرمين اتركوه طفل حرام عليكم..
كانت تحاول تبعد مساعد عن يوسف بضرباتها له وهي تبكي وترتجف.. تعرف انها مو قد احد فيهم ولا لها القوة الي ممكن تساعد فيها يوسف بس مابتبقى متفرجة عليهم وهم يقتلونه ويتخذونه تنفيس لغضبهم وفشلهم..

صراخها باسم يوسف استدعى رعد وسعود الي طلعوا الدرج بخطوات سريعة راكضة وصلوا لهم بنفس الوقت اللي خرجت ايرم فيه من غرفتها بسماعها لصراخ سديم الباكي..

بلحظات كانوا اربعة عمالقة مثل المجانين وبينهم سديم المنهارة تحاول تنقذ يوسف منهم غير مدركة ان سعود ورعد يحاولون يبعدون مساعد عن يوسف..وبين اجسادهم الضخمة تعرضت سديم لدفعة قوية من رعد الي حاول يبعدها عن ارض المعركة ولكن دفعته لها رمتها على الارض بقوة..و الي استقبل سديم مو الارض..استقبلتها الطاولة الزجاجية الي بنص الصالة..وطاحت سديم على جنبها الايمن ضاربة الطاولة بقوة ..
صوت الزجاج أيقظ الأربعة من هيجانهم وعصبيتهم القاتلة..
وأجبرهم يلتفتون على الجسم الصغير المرمي بين الزجاج وصوت أنيـن سديم وألمها مختلط بنحيبها وبكاها أصم أذانهم عن شتايم ايرم لهم ..بلحظات كانوا اربعتهم محاوطينها يحاولون يلقون الطريقة الانسب لتخليصها من حفرة الزجاج المحاصر لها..
سديم من شدة الألم الي تحس فيه بدخول الزجاج بجسمها تصرفت بغير تفكير لما قررت تتحرك تبي ترفع نفسها عن الزجاج..
ولكن حركتها تسببت بدخول قطعة حادة بفخذها اليمين تسببت بصرخة الم قوية منها..
رعد كان أول شخص لمسها وضغط بيدينه بقوة عليها يمنعها تتحرك أكثر..مو مصدق الحالة الغير معقولة الي كانوا فيها كلهم.. مو مصدق انه تسبب بكل هذا الألم لسديم والوجع..مصدوم من لون الدم الي بدأ يخرج من جروحها العميقة..
وبسبب حركاتها الإنفعالية تجرحت بالزجاج أكثر..كانت دمائها تسيل من كم جرح بجسمها..يوسف بهيجانه توجه لهم وابعد رعد عنها ..وسحبها بقوة من بين الزجاج غير منصت لكلام رعد وسعود بانه مايحركها..
سديم بغير وعي إلا للألم الي يحرق جسمها صارت ترتجف وتبكي تحاول تخلص نفسها من الوجع الغير محتمل..تمد كفها بعجل تبي تسحب الزجاج الي بذراعها وفخذها ولكن يدين رعد منعت يدها تسحب اي شي منها..وهو يردد عليها انها بتتسبب باصابة اقوى اذا سحبت الزجاج بنفسها..
القطعة الي بفخذها كانت الأقوى وتنزف بشدة..شالها يوسف وهو حاضنها له ورعد يمشي معه مقيد يدينها مانعها تلمس الزجاج..
رعـد\يوسف عطني اياها انا باشيلها..
يوسف بنظرة غضب وكره وجها لرعد ضم سديم بقوة اكبر تسببت بشهقة الم منها..رعد انقهر لان الوقت مايساعد يحاول يقنع يوسف يتنازل عن سديم..
رعد بحدة\خفف يدك عنها وانا بامشي معك تمهل بخطواتك..
سعود قرب سيارتك بسرعة..ايرم جيبي حزام نربطه على فخذها..

بشتايم وصوت باكي وهي تسب رعد وسعود ومساعد توجهت ايرم لغرفتها تركض تجيب الحزام الي طلبه منها رعد..وسعود نزل بخطوات سريعة يقرب لهم السيارة..
عطت ايرم الحزام لرعد وقبل يقرب من سديم تحرك يوسف لناحية الدرج مانعه يقرب منها..لحقه رعد وهو ندمان على كل الي صار بسبب عدم تحكمهم بغضبهم..وفي النهاية ما راح فيها الا سديم..

وقبل ينزلون من الدرج كان الجد مساعد مع أبو مساعد طالعين لهم..بسبب اصواتهم العالية ومضاربتهم ..ولما شاف الجد مساعد حال سديم وكيف هي بين يدين يوسف ورعد..اعتزى وهو يسبهم..
الجد مساعد بجزع\ ابو صالح ..ســود الله وجيهكم من عيال..وش سويتوا بالمسكينة..فضحتونا في بنت العرب..
نزل يوسف متعدي ابوه وأخوه ورعد معه..وايرم ثبتت شيلتها على راسها ودخلت تاخذ نقابها وجوالها..
طلعت لهم من غرفتها وكان جدها واقف يناظر لمكان الطاولة المكسورة ولبقايا المضاربة الواضحة معالمها على الكنب المقلوب والتحف المرمية بالارض..
ايرم بقهر وهي تبكي\يبــه مساعد.. رعد وسعود ومساعد ضربوا يوسف وهم الي طيحوا سديم لما كانت بتفك يوسف من بين ايديهم ..البيت الي اكون فيه انا وسديم هم ممنوعين من دخوله كلهم الثلاثة..ولا والله باروح لخوالي واخذ سديم معي..هذي صارت غابة وحوش..

نزلت ايرم وتركت جدها مع مساعد وابوه..وعيون الجد مو مصدقة الحالة الي في البيت تحت وفوق..ولا الحالة الي كان عليها يوسف ولده وسديم..ولده المريض الطفل المسكين يضربونه ثلاثة رجال عاقلين..ولا هم رجال غريبين الا هم عيال اخوه وهو عمهم..
وش اذنب معهم يوسف فيه عشان يتفقون عليه..
المفروض يكونون لعمهم سند وأمان..وش الي مسويه يوسف افقد هالثلاثة عقولهم..
ابو مساعد لولده\انت صدق ضارب عمك..؟
مساعد يستغفر\ايـــه ضربته..
ابو مساعد بغضب\عســى والله يدينك للكسر..تضرب أخوي؟. تضرب عمك التعبان الي مو فاهم شي..؟ومتسببين باصابة حرمته الي الله اعلم فيها..
مساعد بقهر\مـاكنت أبيها توصل لهالحد..يـوسف قهرني بشيء ماله حق فيه..
ابو مساعد\وش الي بيقهرك فيه يوسف..وهو مايفهم..وان صار وقهرك بشي فهو مو قاصد..ولا لك عذر تضرب اخوي..هــذا أخوي يا مـــساعد..تبي تحطني بين الولد والأخـو..
مساعد بصبر\يبــه الله يحفظك والله ان يوسف فجعني الليلة.. وردت فعلي ما أنلام فيها.
ابو مساعد\تخسي وتعقب ماتنلام فيها..والله يامساعد ان رضاي من رضى يوسف..ولا تفتكر باختار الولد على الاخو..اخوي الي مايعرف يدافع عن نفسه..
الجد مساعد\وش مسوي فيك يوسف يامساعد.؟
مساعد بضيق\صد بوجهك قبل ارد عليك..كمل صدودك وهجرك..
الجد مساعد بحزم\ولـدي الغالي وش سويت فيه وش عاقبته عليه.؟
مساعد ببرود\ولدك يكمل مسيرتك انت وايرم في الغدر..حتى يوسف سرق مني حقي وغدر فيني..استكثر علي موافقة ايرم ورضاها بالزواج..انبسط يابو صالح يوسف كمل الباقي..
ابو مساعد\تكلم كلام عاقلين واضبط نبرة صوتك هذا ابوي..
مساعد بقهر\وأنا ولدك..وكنت ولد قلبه..هذا جدي الي تنكرني سنين قابلني بالصد والهجر والقهر..حتى بليلة الملكة قبل سنتين تمنى مايحط كفه بكفي وقت الملكة..ملكني ايرم وهو صاد بوجهه عني..والليلة يوم جينا نبغى الوعد ونفذت الشرط الي شرطته بنته وحبيبة قلبه لا زال يصد..تصد عني يابو صالح وكني المذنب بموت ام ايرم بيتمها بكسرتها..
انا وانت وعيالك نعرف من المذنب من الي حرم طفلة بحجم الذراع من امها..
ابو مساعد\أنت وش الي قاهرك كذا وش الي صار بليلة فرح جينا نتممها ونحدد زواجك بايرم متى يكون..؟
مساعد يبتسم بحسرة\ليلة فرح؟؟ لا يبه الملكة عندها خطة لسقوط مساعد للمرة الثالثة..
ابو مساعد بحذر\يبوك وش العلم والله رجفت عظامي..
مساعد\الملكة ايرم تقول ماعندها خبر بالزواج ولا بالملكة ولا بارتباط بيني وبينها..وان يوسف زوجها بقراره وتوقيعه..
الجد مساعد\ماهو صحيح هالكلام..يوسف انا كلفته يدخل ويكلم ايرم وهي رضت وبصمت على الدفتر..
مساعد\ادري انك كلفت يوسف ياخذ موافقة ايرم او رفضها.. لأنك كنت مفتشل تقول لها انت بنفسك انك بتعطيها لمساعد.. مساعد الي حرمها من امها..بنظرك انا ما استاهلها صح.؟
الجد مساعد\لا حشى ماهو كذا يابوك..
مساعد بعدم اهتمام\ يشهد الله يابو صالح اني شريت قربكم سنة ورى سنة..وتحملت وقلت يمونون هذا جدي مساعد الغالي.. وهذي ايـرم ولابه عاقل يجهل منهي ايرم لمساعد..بس الليلة ماعاد لي بقربكم رغبة..
الجد مساعد بمحبة\ ما أنت بغشيـــم يامساعد عن مكانك وعن قدرك..
مساعد بضيق\القــدر حشيمة وأنا مالقيت منكم حشيمة..
جايين الليلة بعد ماشرطتوا وانا نفذت الشرط تكسرون فيني قدام الرجال..أنت يابو صالح مثل الي يعشي ضيفه من لحمه..
ابو مساعد\إعقـــب يامساعد اقطع ولا كلمة..
مساعد\ أنا ماعاد أقبل شروط من حد.. الشرط والأمر صار لي.. ولا حد منكم بيقدر يعارضني..انا عطيت ومن الليلة متى ما أبي خذيت..

صد مساعد عن ابوه وجده وكأنه مثل الي صحى من نوبة هستيرية غير معقولة,,أنا العاقل الي ما اتمادى على هلي وربعي..أنا الي مابيوم عاتبت ولا بينت وش في الضماير..الليلة ابين الخوافي لجدي وابوي.. بس انتي يا ايرم صار لازم تعرفين الرسن في يدي انا والامر اول وتالي راجع لي..بس لغلاتك خليتك تشرطين وجاريتك بشرطك..مع ان شرط بنت العم على ولد عمها منقود بس قلت هذي ايرم ولها الي ماهو لغيرها..
اللي قهرني ما طحت الا بيوسف..مالقيت الا يوسف اسود وجهي فيه..لا يفهم ولا يذكر شي صار قبل حادثه..كيف اعاقبه واشره عليه..الي يستاهل العتاب ايرم ماهو يوسف..
خليك عند ابوك مساعد يا ايرم..ماظنتي باطيق اجتمع بك وانا وانتي بهالحال الردي..وشكلنا بننتهي قبل نبتدي..

&&&&&&&&&&&&&&&&&&&&&&&&&

ايرم اللي نزلت الدرج بخطوات سريعة وهي تتصل على فهد الي لقته ينتظر تحت مع باقي عمامها..ماردت على احد فيهم وخرجت وفهد معها لما اشرت بيدها له يجيها..
ايرم\بنروح المستشفى سديم مو بخير..
تحرك فهد بسرعة لسيارته وايرم تمشي معه..كان يسالها وش صار وايش السبب اللي خلى الاربعة يتضاربون واصواتهم توصل لخارج البيت وتوصل للمجلس..وسالها عن حالة سديم الي شافها فيها ودمها الي غرق ملابس رعد ويوسف..
بس ايرم ماكان عندها اي اجابة على اسئلة فهد..وكانهم كانوا بغابة.. كلهم يضربون يوسف على اساس هم احسن منه.. كل واحد منكم عنده ضحايا .. المسكينة سديم ياعمري هي اللي راحت فيها..
فهد بصبر\طيــب باي مستشفى بنلقاهم..
ايرم بتاكيد\أكيــد بيكونون بالمستشفى العسكري..سديم تابعة ليوسف وهو تابع للمستشفى العسكري..
فهد\ايرم يرحم والدينك وش فيه وش صار.؟
ايرم\فهد لو انك معهم مابتكون احسن منهم..
فهد\اخو سارة مالك حق بذا الكلام..
ايرم\تكــفى فهد البنت حالها مو طيب بسرعة..
فهد بعصبية\ياختي تكلمي وش صار..ليه المضاربة والهواش؟؟وسديم وش صار لها؟؟
ايرم\اخوانك ومساعد ضربوا يوسف..
فهد بصدمة\اعقبوا..والله احسبهم متضاربين رعد ومساعد..اما يضربون يوسف ماهقيتها..
ايرم بقهر\والله متضاربين معه وموجعينه بعد..مدري وشش يحسون فيه صدمووني والله..
فهد بعصبية\ وضربوا حرمته معه ..؟
ايرم بزعل\لا ياقلبي عليها لو شفتها كيف تحاول تفك زوجها منهم المجانين..وبنص الهوشة طيحوها على الطاولة وتكسر الزجاج بجسمها..
فهد بقهر\والله انهم مايستحون ولا فيهم نخوة..اجل حرمة عمهم تفكه من بين يدين عيال اخوانه..أشهد إنها بنت رجال كفو عليها..
ايرم بقلق\تكفى فهد أسرع..

اسرع فهد بسيارته وهو يبي يقول لايرم انه حتى لو اسرع هي مابتغير بحال سديم شي..غريب حالهم راحوا يتكلمون مع ايرم عن زواجها هي ومساعد وقامت بينهم الحرب..ايرم وسديم والاربعة المجانين..عز الله الي انطردوا اخواني من بيت جدي..الحمدلله ماكنت معهم ..
محتاج اشوف وجه سديم..لازم اشوفها..صوتها ماهو غريب عني من هذيك االليلة الي وصلت فيها ولما سمعتها تهاوش رعد صوتها ذكرني في بنت ظافر الصغيرة الي انجبرت التقي فيها مع ابوها بوصاية من جدي مساعد..
بيومها قالت لي شي مافهمته ولا عطيته بال وخاطري استفسر وش تقصد..يمكن كانت هبال اطفال او حبت تناقرني وتعاندني عشان عليت صوتي على ابوها..

&&&&&&&&&&&&&&&&&&&&&&&

ألتفت رعد على يوسف الي حاضن سديم وهي تبكي مستوجعة من الزجاج الي جارحها ..يواسيها بكلماته المطمنة ( إنتي حلــوة ) هذي اكثر كلمة يرددها يوسف لسديم يظن انه ممكن يساعدها بكلماته وبنبرة صوته الي باين فيها انعدام الحيلة من بين يدينه لاي حل ممكن يوقف المها الجسدي.. رعد يلوم نفسه وتسرعه ومعاملته القاسية ليوسف..وتعرضه لسديم ومحاولته تخويفها لحتى تنطق باي معلومة عن حنين..سديم نصبت نفسها حامي ومدافع عن يوسف..
ماكان المفروض تكون هذي نهاية هذي الليلة..هم عيال أخوه عزوته وهو عزوة لهم..
انقهر من يوسف تصرف بالنيابة عن ايرم وعن الجميع.. بس ماكان يوسف شخص متعصب او قاهر عشان يقرر يزوج ايرم بهالشكل الغريب لمساعد..فيه سبب أكيد..

ضاق صدره لما سمع سديم تنادي باسم ( حنين )..أختها المغرمة فيها بجنون..الي تحاول تحميها بكل قوتها الضعيفة..عنادك متــعب ياسديم لو غيرك كانت بتكشف كل شي تعرفه اول ما اهددها بتزويجها لمجنون..بس إنتي غير..قوتك عجيبة رغم انها قوة كذابة ومجرد قناع ترتدينه..بس مصممة تثبتين لنفسك قبل غيرك انك قادرة تتحملين..
كنتي اقوى من حنين..أجرىء منها بعد..كنتي تثورين لو يضيع لك شي او احد ينسى منك..بس حنين كانت غير عنك..
كانت النعومة الرقة الجمال كله فيها..سحرتني وهزتني لحتى قررت اتراجع واتردد..حسيت بالذنب عشان لا اأذيها ..بس أكتشفت انها كانت ترتدي قناع الضعف..
وينــها حنين عنك وعنـــي..بس مايخالف أنا مسكت راس الخيط..
ومصيري اسحبها لي..
لو تعرف حنين بحالتك بتظهر اكيد بتحاول توصللك..بس بأكون بينك وبينها..سامحيني يا سديم صوتك وانتي تتوجعين يقهرني..
بس صوت الفراق بيني وبين ولدي يطغى على كل شيء..
حتــى على قهري من اختك وثاري منها..
اول اخذ عقاب وبعدها حساب حنين..

نزل رعد لما وقفت السيارة عند باب الطوارى للمستشفى واتجه للباب الخلفي للسيارة يفتحه ويحاول يساعد يوسف باخراج سديم..لكن يوسف نهره بصوت غاضب يمنعه يلمس سديم..أما سعود توجه لداخل المستشفى يطلب خدمة الطوارى..
اللي اخذوا سديم من يدين يوسف بحذر وبخبرة طبية..
تحرك معهم يوسف ومعه رعد وسعود..وكف يوسف اسير بكف سديم الي تناديه باسمه وتترجاه مايتركها..وتترجاه يجيب لها حنين..
دخل يوسف لغرفة الطوارى الي ادخلوا فيها سديم رافض يستمع لاي شخص يطلب منه يترك يدها او يخرج من الغرفة..
تكلم معهم سعود وعطاهم كافة المعلومات الخاصة ببطاقة يوسف العسكرية ورقم ملفه في المستشفى ..
بغرفة الطوارى كان لابد من التخلص من ملابس سديم لمعالجة جروحها وايقاف نزف الدم.. وهنا كان ليوسف تصرف عنيف وغاضب على الي يصير قدام عيونه..
تسبب باصوات عالية وتهديد فاضطر رعد وسعود يدخلون ويخرجون يوسف من الغرفة بالقوة..حاطين بالمرتبة الاولى صحة سديم..قدر رعد يسيطر على مقاومة يوسف لهم بمساعدة سعود..وانسحبوا خارجين من غرفة المعالجة..
وصلت ايرم ومعها فهد.. ولاحظت حالة يوسف العصبية الجديدة عليها كليا..وكيف يخلص نفسه من بين يدين رعد ويواجهه كانه يطلب منه المضاربة مرة ثانية..
وكان يوسف مستعد هلامرة لاكثر من الضرب ..
قربت ايرم من يوسف ومسكت كف يده وكانها تبي تطمنه انه بخير..
ايرم بحنية\يوسف حبيبي لاتخاف..ترى جروحها مو قوية..
يوسف بغضب يناظرهم\لعبتــــي..حقتـــي أنا..إنتوا كسرتوها..وأنا بأكسركم كلكم..
سعود بندم\يوسف استهدي بالله هي بخير..مابيصير شي قوي..
يوسف يناظر ملابسه وملابس رعد\هـذا دم لعبتي..كسرتوا لعبتي.
فهد بقهر\ماعليك منهم يوسف..خلنا نتطمن على حرمتك.. وهم خل حسابهم مع جدي مساعد..
سعود\فهد اسكت لا تشيشه..يهيج الحين وش يهديه..

بلحظات انسحب يوسف من ايرم ومسك سعود من جيب ثوبه..
وسحبه لخارج قسم الطوارى ولحقه فهد ورعد..
دفع سعود عنه بقوة وهو يشتمه..ودفع رعد ..ورفع عيونه وشاف مساعد واقف مستند على سيارته وكانه متردد يدخل المستشفى او ينسحب..
يوسف\انقلـعوا..انا مو مجنون..لعبتي تقول أنا عاقل..وأنتوا المجانين..والله انتقم منكم..
فهد بحذر\يوسف..خلهم عنك مجانين مافيهم خير..تعال معي داخل أنا صديقك..
يوسف يناظر فهد بنظرات يبي يتاكد اذا فهد مجرم معهم او لا..ولكن ايقن ان فهد ما اذاه لا هو ولا سديم..
يوسف\أنت صديقي ماضربتني ولا كسرت لعبتي..
فهد براحة\ايه أنا صديقك..تعال نشوف الدكتور..بس لاتسوي ازعاج عشان مايطردونا..
يوسف بكره\هذولاء مايدخلون..ولا اسامحهم يافهد..
فهد\مابيدخلون وعد مايدخلون..ولا تسامحهم العن شكلهم وانا معك..

دخل يوسف بعد ماوجه لهم نظرة كره..اما فهد الي ماقدر يكتم الي بقلبه اكثر وطغى عليه طبعه الحار والعصبي..وتمنى لو يهجم عليهم ويضربهم سواء اخوانه او مساعد..
فهد بقهر\ضاربين حرمة عنبوا ذا الوجيه الودرة..حرمة عمكم عساكم العمى..
رعد بعصبية\انطم يافهيدان ماني ناقصك..
فهد بغضب\مانت ناقصني..وش بتسوي يالقوي يالكبير انت وهم بتنهي الجولة بضربي انا..يالله تعالوا اشوف..على الاقل انا عاقل او يقال اني عاقل..أذكر اني المتهور الي كل يوم يضارب ويهاوش ويدخل سجون..بس ماني تعبان على النية مثل عمــكم يوسف الي استقويتوا عليه..
ايــه عمكم وتاج على راسكم كلكم حتى لو كان مريض..
سعود\فهد افهــم قبل تغلط بالكلام..
فهد\ياليتني اغلط بالفعل والله..ليتني الكبير وانتوا الصغار..بدل ماتفزعون لعمكم من الغريب قامت حرمته الي بطول الذراع تفزع له منكم..
والله يستر وش صاير بالمسكينة الحين..ابعدوا عن يوسف لا يشوفكم داخل..

دخل فهد المستشفى ورى يوسف وترك الثلاثة واقفين وكل واحد فيهم ياكله الندم على الي صار..كل واحد منهم له وجهة نظر وله راي..ولكن لهم ذنب موحد هي سديم..
مساعد غمض عيونه بقهر لما ادرك ان الدم الي بثياب يوسف ورعد كانت لسديم..الصغيرة الغبية ما اذكر اني شفتها او لمحتها موجودة..لأي درجة يهمها يوسف الي انجبرت عليه لحتى تدافع عنه مني او بالاصح منا..
ااااخ منك يايوسف أنت وش سويت..؟ أنا لاي وحش تحولت الليلة..كيف ضربتك وانت بهذي الحالة التعبانة.. كيف شرهت عليك وانت معذور بمرضك..
كيف اصلح الغلط الي صار بلحظة غضب.؟
كيف اصلح غلطك انت الي قبل سنتين..؟؟
يــارب تشفي هالبنت الي صارت ضحية لنا كلنا مو بس بحرب اختها ورعد..ولا ضحية جنون يوسف..

&&&&&&&&&&&&&&&&&&&&&&&&&&&&&


قفلت ايرم من سراب بعد ماطلبت منها ملابس لها من غرفة امها.. لانها باقي بالفستان من الليلة الماضية ولافيه احد تقدر تطلب منه في بيت جدها هالطلب..وطلبت من سراب تشتري بجامات وملابس داخلية بمقاس سديم لانها مو ناوية تخليها بلبس المستشفى الكئيب..ما استغربت هيجان سراب لما عرفت بحادث سديم..فسراب صارت تعتبر سديم صديقة لها بلقائين فقط..
ماقدرت ايرم تقول لسراب عن حقيقة الحادث..اكتفت بقول ان سديم تعثرت بشي وطاحت على الطاولة ..
قربت لسرير سديم..من بعد عمليتها الفجر ماتصحى الا لحظات وتنام..تتوجع من جروحها وخصوصا من الجرح الي بفخذها كان الاقوى والزجاجة تسببت بقطع احد العروق الي كان لازم يتم معاملتها وايصالها في بعض..
لمست جبينها تتاكد من حرارتها الي ارتفعت من بعد العملية وكان لابد من حقنها بالمضادات الحيوية وادوية خفض الحرارة..
باست خد سديم ومسحت على شعرها ..وهي تتذكر كيف لما خرجت من غرفتها بعد خروج مساعد خرجت بسبب الاصوات العالية للهواش والسب..
شافت الاربعة بحالة مخيفة تعرف ان مساعد فقد اعصابه لما قالت له انها ماتعرف عن زواجهم..وان يوسف ماعطاها خبر ابدا..
كان مساعد مثل المجنون وهو يضرب يوسف رغم محاولة رعد وسعود الوقوف بينهم كان باين على رعد انه متضارب مع احد وفهمت انه اكيد متضارب مع يوسف..
كانت هذي القزمة المتهورة داخلة بينهم تحاول تنقذ يوسف منهم..
مرة تضرب رعد ومرة مساعد ومرة سعود..
صوت بكاها وصراخها تستنجد باحد ينقذ يوسف من الوحوش كسر قلب ايرم..كيف كانت تنصح سديم ماتعلق يوسف فيها..انقلب وباين ان سديم هي الي تعلقت بيوسف..
ياعــمري ياسديم إن كان مجرد اهتمام يكون احسن من انك تحبيــنه..يوسف طفل كبير مابيقدر يكون زوجك..

ألتفتت على الباب لما دخل يوسف الي بالموت قدرت تقنعه هي وفهد يوافق يترك يد سديم ويروح البيت يغتسل ويبدل ملابسه..
مارفع عينه لايرم توجه لسديم مباشرة ومسك كف يدها الصغيرة وباسها..عيونه تتأمل كل شي فيها وكانه يبي يرصد اي تغير صار فيها من بعد ماتركها..
اخيرا رفع عينه لايرم يبي احد يطمنه عليها..
يوسف\ماصحت.؟
ايرم بكذب\ايه قامت من نومتها وسالت عنك..قلت لها انك بتجي وبتجيب لها ورد وهدية..
يوسف بلؤم\لا تكذبين ماجبت ورد وهدية..
ايرم تبتسم\انا طلبت ورد وهدية بيوصل بعد وقت ومعه كرت اكتب فيه الي تبي..
يوسف\خليها تصحى واشتري لها كل شي تبيه..جوال وحصان وشموع وكل شي..
ايرم\هي بتصحى ان شاء الله لاتخاف عليها..بس نايمة عشان العملية الي صارت..
يوسف\ابوي جاء ومعه الوحوش لا تخلينهم يدخلون عند لعبتي..
ايرم\لاتخاف بامنعهم يدخلون كلهم..

خرجت ايرم وهي تدري ان يوسف حاب يبقى لحاله مع سديم لأنه من بعد عمليتها وهو يصرف ايرم كم مرة..يرسلها تجيب كوفي هو مايشربها ويرسلها تجيب ماء متواجد بالغرفة..المهم تخرج ايرم وهو يبقى مع سديم..
توجهت لاستراحة الممرضات توظت وصلت صلاتها..
بعد ماسلمت رفعت يدينها تدعي بدعاء دائم بينها وبين ربها..
يارب أنا ما اعرف وين الخيرة بحياتي ووين الطريق الي ما القى اخرته شقى وندم..يارب أنت وليي في الدنيا والأخرة..إكفني شر نفسي وشر من ارداني بشر..يارب انت تشهد اني ماعرفت بزواجي من مساعد ولا نطقت القبول أشهدك يارب إني قبلت بمساعد زوج لي وراعي لبيتي..ماعاد بيدي الا القبول بامر صار حتمي من سنين..يارب ان كان لنا في بعضنا خير إجمعنا على ماتحب..وإن كان لنا في بعضنا شر اقطع مابيننا قبل يتم..
يارب انا سامحت عمي يوسف على قراره لتزويجي لمساعد بدون مايكون له الحق..يارب لا تحملنا ماليس لنا طاقة به..

لمت سجادتها وهي تستغفر..هي مابتدعي الجهل بدوافع يوسف تزويجها من مساعد..دام مساعد قال الزواج تم قبل حادث يوسف..فهذا يعني ان يوسف كان يراقبني لانه ماوثق فيني وقرر ان زواجي من مساعد بيمنعني عن مصيبتي..
يوسف طلب باسمي سنة ابقاها انا عند جدي ومساعد عطى سنة ثانية..
عرفت سبب الشرط الي قاله يوسف باسمي..كان ناوي يعدلني بهذيك السنة وينقذني من مصايبي لحتى اصير صالحة بعينه لمساعد..ولكن الحادث الي صار معه والحالة الي وصل لها يوسف نستني كل المصايب الي كنت اسويها..سحبتني من العالم المظلم الي كنت فيه واجبرتني اكرس كل وقتي وجهدي للعناية بيوسف..

أنا عرفت وفهمت سبب تصرف يوسف بس هم مافهموا..
هم هاجموه من غير حق..يقال فازعين لي ليش يظلمني ويزوجني بدون رأيي..بأي حق من غاب عن حياتنا سنين يجي ويدور له مكان فيها ؟؟!
لما يتركنا بأشد أيامنا حاجة له ولوقفته معنا..يبتعد يتلاشى ويغيب..
المواقف هي الي تصنع الحلفاء..الاصدقاء..الاحبة..
ما أظلم مساعد واقول ما كان درع لي وصيق وحامي ومربــي ..
مساعد تركني وانا بحاجته..تخـــلى بأشد مواقف حياتي وجيعة وألم.. ماقدم لي العذر على حزني وفجيعتي بأمي..
فليش يتوقع مني اليوم اقدم له عذر عندي عن صده وهجره..
مساعد عايش دور المهــجور وأنا على مايقول عايشة دور الضحية..

جلست برجفة على الكنبة وكانها الى الان تحاول تستوعب غن مساعد زوجها واسمها مرتبط باسمه..
هل انا العروس الي انربط اسم مساعد باسمها قبل سنتين..
هل أنا الي بكيت منها وكرهتها وكرهت مساعد والدنيا بسببها..
هل انا هي العروس المهجورة..؟!
ليــه طول هالسنتين ماحاولت يامساعد تكسر جمود العلاقة..
ليه ماحاولت تثبت اني لك وانت لي..
ليــه هذا البرود والظلام يسود حياتنا..
حسبي الله عليك يا ريمــا..باليوم الي قهرتيني وقلتي مساعد تزوج والله يبني بيته مع الي تستاهله..
كيف قدرتي تطعنيني بذيك الليلة وتقتلين الف شعور والف قلب..
بايش غلطت معك لحتى تتعنين لي في بيتي وتقطين كلامك ..
كيف عرفتي اني ما اعرف بزواجي من مساعد..
كيف قدرتي خلال سنتين تزرعين فيني الف وجع..
هو أنا ناقــصة حرمـــان..ناقصة وجع..


سألتني يامساعد بحسرة ليش ماتكلمت انا وجدي عنك طول هالسسنتين ووضح لي زواجي منك..
كيف لو أسألك واقول ليش ما احد بارك لي بزواجي منك..
لأي درجة انا مخفية عن الناس ومحد أهتـــم يقول مبروك ملكتك..
انا قابلت عمامي بناتهم حريمهم أهلهم كلهم..
الكل يزور جدي وانا راعية بيت جدي..يشربون القهوة من يميني..
ولا وحدة منهم قالت مبروك..
الكـــل بصفك يامساعد ويشوفون انــي بعتك وبعت اهتمامك فيني..
جازيتك بالقطاعة بينك وبين جدي..
كيف دخلوا كل هالناس بينا..؟
ما انت مهجــور يامساعد انا المهــجورة ..

&&&&&&&&&&&&&&&&&&&&&&




جلست حنين بعبايتها توها راجعة من مكتبها مع خالها راشد الي كان تواجده بالمكتب ضروري اليوم ..
أبعدت هيثم عن قرناس الي كان يقول رجله فيها شوكة صغيرة مو قادر يطلعها..هيثم مسوي انه هو الي يعرف وبيطلعها.. ورفعت رجل قرناس الصغيرة على ركبتها وشغلت كشاف جوالها وطلبت من هيثم يثبته على رجل قرناس..خرجت الشوكة الصغيرة وبدت التحقيق معهم..
قصايد\إنتوا خرجتوا من البيت ..؟
قرناس وهيثم \ لا .
قصايد\كيف جات هالشوكة برجلك يعني..واضح انك خرجت وبدون جزمة كمان..
قرناس\كنا بحديقة بيتنا ورى عند الارانب..
هيثم\ ايــه تصدقين يمه صار عدد الارانب 36 ارنب اليوم خولة جابت 8 جديدين ..
قصايد بهدؤ\ نصابين..خولة ولدت الاسبوع الفايت..
قرناس\أجل سماهر هي الي ولدت اليوم..صح هيثم..؟
هيثم بورطة\سماهر ماتجيب عيال قالته سراب..
قصايد\انا الي باربطكم ثنينكم بجحر الارانب اذا ماقلتوا وين رحتوا..
قرناس بتفكير\انتي وش يعرفك ان حن نطلع..
قصايد\قلب الام يعلمها..يقول عيالك خرجوا بالشمس وبدون جزم وسارقين قطوتين من عند الجيران..
قرناس\يمه القطوتين معنفات..لو تشوفين شرشبيل كيف يعذبهم..
هيثم\ايه شفتي كيف قطع ذيل القطوة المسكينة..
قصايد\تقوم تسرق قطوته..
قرناس\مو حقته..حقت اخته الحيوانة تزوجت وخلت قطواتها عند شرشبيل المجنون..
هيثم\من هذاك اليوم الي قالت لي انها ماتحبني مثل حبي لها عرفت انها خاينة..شوف كيف خانت القطوات حقتها..
قصايد بصدمة\حتى بنت الجيران قلت لها انك تحبها..
هيثم يبتسم\يمــه وش أسوي قلبي شمالي..
قرناس يعزز له\كفـــو..خلك ورى ايرم شكلها تحبك..
قصايد تضحك\يمه فديت الي قلبه شمالي..تكفى هيثــم كم وحدة تحبها وتتزوج وتخليك..
هيثم\هم الخسرانين اقول لهم انا ولد قصايد..ابشروا بالقصيد يضحكون ثم يسحبون علي..
قرناس\وش رايك تحب سراب شكلها مابتتزوج..
هيثم يبتسم\لا سراب انا مكلفها تشوف لي بنات حلوات..
قصايد بصدمة\مابيودينا ورى الشمس الا سراب هذي..هيثم اعقل ماما ولا خليت خالي راشد يعقلك..
قرناس\ترى ايرم بتزعل..
هيثم \لا ايرم هي الحب الاول .. ما اتنازل عنها..
قصايد تبتسم\ترى عندها عيال عــم مابيخلونك تاخذها..
هيثم بتملك\ الي ولد أمه يقابلني وياخذها..اتوطى في بطنه..

نزلت سراب من فوق وهي تركض وتنادي قصايد..
جلست جنبها وحضنت كفيها مع بعض..وشالت رجل قرناس الي يتدلل على امه وقطتها على الكنب..
قرناس\سراااب وخري مكاني..
سراب بتطنيش\ابي اقولك شي صرفيهم بسرعة..
قصايد\قرناس خذ اخوك واطلعوا تغسلوا لحتى اجيكم بسرعة..
من النبرة الجدية الي تكلمت فيها قصايد انسحب قرناس هو وهيثم..
هيثم\تبي اشيلك باقي رجلك تعورك..
قرناس\لا خلاص امي شالت الشوكة..عساها تنغرز بسراب..

قصايد\وش فيــك..؟
سراب بتردد\ما اعرف كيف اقولك..فكرت ما اقولك بس انتي لازم تعرفين..
قصايد\تكلمي سراب وش فيك..؟بالشغل بالبيت او عيالي مسوين شي قولي..
سراب\سديــم ..
قصايد بخوف\وش فيـــها ..؟
سراب\ما عرفت وش صار بالضبط..ايرم كلمتني تبي اغراض من غرفة امها لها..وقالت اشتري لسديم ملابس..
قصايد\مافهـمت مو امس انتي تقولين بتنزلين السوق وتشترين لسديم اغراض ..وش فيك الحين..؟
سراب\سديم بالمستشفى .. قالت ايرم انها طاحت على طاولة زجاجية واخذوها لامستشفى..

وقفت قصايد بصدمة..ماتوقعت هالشيء ابدا..سديم تتوجع تتألم..أختي الحلوة بالمستشفى..
أختي من أدنى شي تتوجع وتدلل..كيف من زجاج..
صارت الخيالات تدور في بال قصايد وتتعدد السناريوهات عن كيف طاحت وباي شكل وكيف قوة الضربة الي تعرضت لها دلوعتها الحلوة..
قصايد باهتمام\ وش قالت لك ايرم..هي بخير..؟تاذت؟؟بكــــت؟؟
اختي مو عمياء عشان ترمي بنفسها بطاولة زجاجية.. ولا متعثرة بالخطوات..لا يكون المجنون هو الي اذاها..
سراب\والله ما قالت شي زيادة عن الحادث الي صار..بس طمنتني قالت هي بخير ..
انا قلت لازم تعرفين انتي اختها..وفكرت اذا تبين تشوفينها ولو من بعيد..
قصايد بقهر\أشوفها من بعيــد..وش يفيد البعيد..
ابي اخذها معي..ومابيمنعني احد اخذ اختي..
سراب\كيف بتاخذينها..اكيد رعد هناك وزوجها ومااعرف من بيكون موجود معهم..
قصايد بكره\الموت لرعد ولطاريه ولجنونه..هو السبب بالي فيها ..
هو الي اخذها وزوجها مجنونهم..

شالت طرحتها من على الكنب ولمتها على راسها ..
وتوجهت للباب وهي تكلم سواقها يجهز السيارة..
سراب تمسكها\قصايد لا تتهورين..مثلا شافك رعد وش بيصير..؟
انتي بس فكري بهالشيء..
قصايد\أنا متفاهمة معك من زمان..إن صار ومسكني رعد تعرفين وش بتسوين بعيالي ووين بتاخذينهم..
سراب\اعــرف..بس انتي وش بيصير فيك..؟
قصايد\باعرف اخلص نفسي منه..
سراب\طيب انتظري باروح معك وندخل على اساس بنات خوال ايرم وجايين نتطمن على سديم وكذا..
قصايد\لا..خليك انتي ولا تقولين لخالي شي..رعد بدا يقرب مني..وانا مضطرة ابعده ..
سراب\ طيب واذا ماجيتي.؟ترى باهجم على بيتهم واخذك انتي واختك بالقوة..

خرجت قصايد ولا انتظرت تستمع لباقي كلام سراب..
مستحيل تنتظر او تصبر..الي صبرها بزواج سديم من يوسف المجنون تاكيد ايرم لهم انها تبعد عمها عن سديم..
وان سديم قوية وتحاربه..
بس ما اقدر اصبر وقلبي تعبانة وتعاني..انا ذقت الم الزجاج اكيد توجعتي ياروحي..
والله لو اعرف ان احد منهم تسبب لك بالوجع لا يذوق نفس الوجع الي تحسينه.. يارب احفظها..يارب انت تعرف غلاتها عندي..
لا تختبرني فيها وفي عيالي..
خذ من صحتي وقوتي واسكبها بعروق سديم..

&&&&&&&&&&&&&&&&&&&&&&&&&&&


مستبـــدة..
لــو وقــف وقفة جبــل..
نظــرة من عيــنك تهــدهـ ..

بإحباط وقف رعــد خارج الغرفة الخاصة بسديم..بعد ماحلف جده الغــاضب مايدخل ولا يشوف سديم.. ولا يقرب من يوسف ولده..
وايرم بمعاداة له ولسعود واقفة بصف فهد ويزيدون النار حطب بمحارشتهم لجده..
ايرم\بجــد رعد وش جايبك..؟مصدق باخليك تدخل عندها هي ويوسف ..
رعد بعدم اهتمام\مصــدقة إنتي اني باخذ رأيك قبل أدخل..
لازم اتطمن عليها..
ايرم بجمود\وهـي بخير الحمدلله.. عملية بفخذها وجروح متفرقة بجسمها مع اصابة قوية باعلى ذراعها..وكدمة بكبر راسك برقبتها بسبب اصطدامها بحافة الطاولة..الي رميتوها عليها يالوحوش..
رعـد بضيق\لأي درجــة تتالم هي..؟يعطونها مسكنات.؟
ايرم\ايــه لازم يعطونها مسكنات..ماتتحمل الالم..
رعد\ايـرم لازم اشوفها لما يطلع يوسف عطيني خبر..
ايرم\اسمح لي رعد..ما باخليك تشوفها..لا بوجود يوسف ولا بغيابه..
رعـد\مــرة ثانية أعيدها لك ما انتظر الاذن منك..
ابتعد بخطواته عن ايرم ورجع لها ومعه جوال سديم الي اشترته لها سراب..مده لها بعدم هتمام..
رعد\هـذا الجوال طاح منها..يمكن تحتاجه..
ايرم بصدمة\مـــن جد عادي عندك.؟توقعت مابترضى..
رعد ببرود\عــادي وليه اهتم.. هي براسها عندي ومايهم اذا معها جوال..

جلس على المقاعد الي بالممر والحين صار لجده نص ساعة بالغرفة عند سديم..وهو مصمم يلقى طريقة يشوف سديم..حالها مو مريحة ولا مطمنه..
ومن ناحية ثانية واثق إن حنيــن بتكون قريبة..اكيد لحنين طريقتها لحتى تعرف وش صاير في اختها..
ومثل مادخلت بالحيلة واخذت معدي بتحاول تجي وتاخذ سديم..
هي ماتملك بالدنيا احد تحبه مثل حبها لسديم..
هي ام لسديم وعـــاشقة لأختها الملقوفة..كـان معجب بحبهم واهتماهم في بعض..
سديم رغم صغرها بس كانت تتخذ موقف الدفاع دائما عن حنين..
وحنيــن ماكان لها أعداء لحتى تحميها منهم سديم..فكانت احيانا توجه دفاعها ناحيته هو بسبب غيرتها منه..
حنين كانت بريـــئة ومحبوبة ومدللة لأبوها ولكل من يعرفها..
حتــى هو الي دخل حياتهم يكرهم ويكره ابوهم غزت قلبه غصب عنه..وسديم أقتحمت القلب معها..
هو عشــق حنين كرجل..وتقبل سديم كأخت صغيرة ملقوفة طويلة لسان..

حنيــن بتخرج من مخبأها لما تدري بحالة سديم الموجعه..
مابتتحمل تترك اختها مريضة..هي تحب سديم لابد بتجي..
ولما تعرف اني انا الي تسببت بسقوط سديم على الزجاج بتتصرف بدون تفكير لأخذ ثارها الجديد مني..

رفع راسه عن جواله الي تاكد من مزامنته مع جوال سديم..
ايه أنا باتبع كل خطوة عشان اوصل لك ياحنين..ولو استغليت سديم لاخر نقطة..ما باتراجع عنك..
لفت نظرة السيدة الي تمشي قدامه بقامتها وشكلها .. بنفس الممر الي هو جالس فيه ..لثمتها تبين كبر عيونها..حدة النظرة الي توجهت له..تسببت بلهفة غريبة بقلبه.. العيون الي تناظره مو غريبة عليه يحلف انها مو غريبة..
هو مو متعود يطيل النظر بالنساء او باعراض الناس..
بس هذي اجبرته يتعلق بعيونها..
فز قلبه..غصب عنه حس انه يفقد نبضاته..وقف وكأنه يستقبلها..
وكأنها متوجهه بخطواتها له هو..
وش هالشعور الغريــب..ماعمري وقفت وقفة انتظار بكل هالشوق الا لنزول حنين بليلة زواجنا..
أنتظرها بخطواتها الناعمة وطلتها المبهرة توصل وامسك كفها بيدي..كانت حلم وتحقق..
قربت منه وعيونها تقـــتل عيونه..هذا هو التعبير الي يقدر يقوله..
عيونها تطعنه بقوة..
اسدلت رموشها على عيونها لما تساوت بالمكان معه وحولت النظر والخطوات عنه..
تعدته بخطواتها وكملت تمشي بطريقها المجهول بالنسبة له..
ومجهول ايضا بالنسبة لها..

أبتعــدت قصايد بخطواتها الواثقة المتــكبرة بدون تصنع.. عن موقف رعد والمكان الي واقف فيه..
توقعت تلتقي دروبهم بيوم..بس ماهو بهالحال..ماهو قبل لا هي تقرر تلتقي فيه..الرهبة الي سكنتها والخوف المطلي بالقوة حست فيه ينهز وان ماسيطرت عليه بتنهار..
يمكن قدر الله وكتب هاليوم يكون يوم المواجهة بينهم..اتذكر اخر مرة كنت فيها بصحوتك يارعد..
كيف كنت تنزف وانا انزف..كيف كنت مصدوم وانا مثلك مصدومة..دمك مغطيني..خنجرك بيدي..عتابك الي ماله اساس توجهه لي..تعاتبني وانا الي تركتني اموت..
سبحان الي كتب لك تصحى بعد كل هالسنين..ورجعت توقف على رجلينك..شايل جبروتك وحقارتك..ماتغير فيك شي..والي اثبت لي تصرفك مع سديم..تزويجك لاختي من عمك المجنون..

بمجرد دخولها الممر المؤدي لغرفة سديم..
كان واقف مثل الجبل ثابت شامخ..مكتمل بنفسه باهله بقوته..
بأي حق يبقى قوي وهو مايستحق القوة..
القوة الي سلبتك اياها بيوم يارعد بارجع اسلبها مرات ومرات..
وبالحيلة اكيد..ما باقدر عليك مواجهة الند للند..
لاحظت نظراته لها لما رفع راسه عن جواله والتقت عينه بعينها..
ترددت وفكرت ترجع من الطريق الي دخلت منه ولكن هذا الشيء يمكن يثير الشك فيه..
فكملت طريقها غير قادرة تبعد عيونها عنه.. غصب عنها تعلقت بعيونه وغصب انسكب الكره العظيم الي بداخلها من عيونها عليه..
توقعت بعد ما قتلتك ان التقينا ترجف عظامي واصرخ بمكاني بخوف منك ورعب..
يمكن كنت باكون بهذا الضعف لو قابلتك بوقت مبكر بعد الي صار بينا..بس طالت غيبتك بغيبوبتك..وأنا صقلتني الدنيا والمواقف..
تمردت على كل خوف يسكني منك..
أمشي مقابله لك عيوني بعيونك..والأجمل إنك جاهل أنا من أكــون..أنا موتــك المؤجل يارعد..
نزلت رموشها تقطع تواصل عيونها بعيونه المحتارة القاسية..
كملت طريقها تشتمه..تشتم القاتل الي قتل روحها وقلبها..
معقولة ما أحد يشوف دم روحي بيدينك..
ما احد يلمح سيوف الغدر الي حاملها بكفوفك..
أنا الي تسببت لها بخسارات وحروب ومآسي..
ولازلت ناوي لها على الشر والقهر..

قررت تنسحب قبل يتأكد إنها حنين..لاحظت انه يمشي بخطواته وراها ويترك مسافة بعيدة..هي تعرف انه مو غبي..تعرف انه بدأ يشك لانه يعرف عيونها..
مو هذي عيونها الي قال فيها غزل وكلام الحب..يبي يتاكد قبل يهجم عليها..صارت تعرف انه بلحظات ممكن يمسكها ويكشف انها حنين..طلبت المصعد ومطمنة لوجود ناس بالمكان..
دخلت المصعد ورفعت عيونها الي التقت بعيونه مرة ثانية وهو واقف كمراقب أو كقناص مثل ماوصفوه عيالها مصمم يكتشفها..الشك بعيون رعــد أصبح يقين لما حنين بغير قصد رفعت حاجبها الأيسر ..
هذا الحاجب الي كان له دور كبير باعجاب رعد المتزايد فيها..
وكثرة مواقفهم وكلامهم بحاجبها المستفز لرعد..
رعـــد بيقيــن\ حنيـــن ..
تقفل المصعد ورعد يتوجه لهم بخطوات سريعة..
وهي بتصرف سريع ارسلت رسالة لسواقها ينتظرها عند الباب الرئيسي للمستشفى..
رفعت عينها لرجل يرتدي الزي العسكري كان موجود مع ممرضتين..وتصنعت الخوف بلهجتها وهي تشكي له من رجل بمواصفات رعد يتعرض لها من دخولها المستشفى..
طمنها بانه يقدر يساعدها وماتخاف الامن بالمستشفى بيتصرفون
معه وهو بيبقى معها لحتى تقدم الشكوى..
تعرف انه بيكون قدامها او وراها بخطواته ولازم تحط العثرات بطريقه لحتى مايقدر يمسكها..
انفتح المصعد وخرجت واثقة بان العسكري بيمشي معها لحتى سيارتها لأنها طلبت هالشي منه..
وفعلا ماكذب رعد توقعاتها كان واقف عند الباب الرئيسي يتلفت بكل مكان يدور عليها..وقفت متقصدة يشوفها ويعرف مكانها..
ولما شافها رعد واقفة وكانها تنتظره توجه لها وهو الضامن انه بيمسكها وانتهت رحلة البحث عنها وعن عقاب..
همست بصوت خايف للعسكري ان الرجل المتحرش متوجه لها..
وقبل يوصلها بخطوتين قبل يلمسها..
وقف بوجهه العسكري الي بدأ معه بمشاجرة كلامية تسببت بفوضى بالمكان الي هم فيه..وتجمهر لبعض الناس الي يسمعون الرجل ينطق بحقوقه والعسكري ينكر عليه هذي الحقوق..
قدرت قصايد بخطوات واثقة مستفزة وامام عيون رعد تنسحب من المكان..بس قبل تبتعد رفعت اصابعها السبابة والوسطى واشرت على وجهها على الجبين والخد وكأنها ترسل تحية للعلامة المحفورة بوجهه ..

أبتسمت لما خرجت من المستشفى وهي تسمع صوت رعد عالي يحاول يخلص نفسه من الموقف الي حطته فيه بدهائها..
ابتسمت بانتصار لأنه عرفها..
عرف عيونها وحاجبها..
مانسيـــتني يارعــد.. وأكيد مانسيت وش سويت فيني..
أنا حاولت اقتلك قبل سنين وفشلت..
وكنت باتعاقب وتنتهي حياتي..
بس إنت قتلت روحي ..
ولا أحـد عاقبك على قتلي إلى اليــوم..


قــــــاتل الجســم مقتول بفعلته..
وقـــاتل الروح لا تدري به البشــر ..

&&&&&&&&&&&&&&&&&&&&&&&&&&

صحت سديم وغصب عنها يطلع الأنين من بين شفايفها..
الألم الي تحسه بجسمها غير معقول وغير محتمل.. بدت تبكي وتعض على شفتها السفلية متوجعة..
حست بوجه يوسف الحبيب يلصق بوجهها ويبوس دموعها..
ويده تمسح على خدها ويردد كلامه الي يقوله لها كل مابدت تبكي..
يوسف بحنية\أنتي حلــوة..
سديم بوجع\ يوسف..
يوسف\هممممم..
سديم\ ضربوك.؟؟
يوسف يبتسم\أبوي ضربهم..
سديم تبكي\لما اقوم أنا باضربهم..
يوسف\لا انتي صغيرة .. انا باضربهم..
سديم تبكي\ابـــي حنين..يوسف خلها تجي..
يوسف\وين القاها..اروح اجيبها بسرعة..
سديم\مدري وينها..بيتهم مدري وينه..تكفى يوسف خذني لها..

قرب يوسف منها وجلس جنبها من جهة اليسار وحضنها له وهي تبكي من الالم الي تحس فيه..الالم الجسدي يحرق جسمها كله..
أما النفسي فهو يمكن يقضي عليها..
بكاها يزيد كل ماتتذكر كيف كان يوسف بين الثلاثة المجانين..
الطفل المسكين يضربونه بدون رحمه بدون شفقه.. كانه عدوهم و قاتل لهم قتيل..
سديم تتمسك بقميص يوسف\كيف احميك منهم.؟وين اخبيك عشان مايضربونك..ماقدرت ادافع عنك..سامحني يوسف كنت ابي ابعدهم عنك بس رموني بعيد..لازم اهرب واخذك معي..
ما ابخليك لهم الكلاب..
يوسف يبوس راسها\باهرب انا وانتي نروح بعيد..بناخذ ابوي وايرم معنا..
سديم\لا مانبيهم..ابوك ليش مايحميك منهم..بنخليه حتى هو مانبيه..
يوسف برضى\ايه خلاص ماناخذه معنا مانبيه..

رفعت راسها وقربت وجهها منه تمسح على خده على اثر الضربة الي بوجهه..زادت حدة بكاها..كم مرة ضربوك قبل اعرفك..
وش صار اكثر من الضرب..هل كانوا يحبسونك بالظلام مثلي..
سديم بغصة\تدري انت قوي..انت بطل..
أنا كنت مثلك يضربوني..وحتى يقفلون علي في غرفة تحت الدرج..بس كنت قوية مثلك..
يوسف بقهر\من الحيوان من يضرب لعبتي..؟
سديم\ماكنت لعبتك..كنت باقي صغيرة..كانوا مقهورين من اختي حنين..لأنها هربت مع رعد ومارجعت..
ولأنها اخذت كل شي هم يبونه..
يوسف\من ضربك؟؟
سديم بكره\هذاك الشرير الي انت صرخت عليه..قلت هذي زوجتي ياحيوان انقلع بيتكم..
يوسف يشد سديم بقوة له\باقتلــه..عشان ضرب لعبتي..
سديم تبكي\وانا باقتل الحيوانين الي ضربوك..
يوسف\من قفل عليك بالغرفة؟
سديم برجفة\هذاك الي كان معلق يدينه برقبته كانت مكسورة يدينه..بس امي عذوب كانت تنقذني منهم..
يوسف\وحنين.؟
سديم بمحبة\مسكينة حنين..جات بيوم تبي تاخذني بس شافها متعب الكلب كان بيسجنها بس انا وامي عذوب هربناها مرة ثانية..
يوسف\من متعب..؟
سديم بكره\كان يبي يتزوجني غصب عشان ياخذ الي مع حنين..
بس مشاري الحيوان الثاني قال سديم حقتي..وتضارب معه..
انا كنت خايفة ياخذوني صدق..فشربت علاج امي عذوب كله..
ولما رحت المستشفى علمت الشرطي عليهم..
يوسف بقهر\انتي حقتــــي..وانتي مجنونة احد يشرب علاج كله..؟
سديم\كنت خايفة منهم..امي عذوب كانت تعبانة..محد بيساعدني..
بس حنين ابعدتهم عني..سحبتهم برا حياتي كلها..
يوسف\انا احــب حنين..
سديم \وهي لما تعرفك بتحبك..انت باخذك معي ماباخليك لهم..
يوسف بحماس\متى نروح لها..؟
سديم بتعب\لما يخف الوجع الي فيني نهرب من هنا ونكلمها تجي تاخذنا طيب..
يوسف بتحالف\طيـــب ..

قرب منها يوسف وباسها على خدها قريب من زاوية شفايفها..
انصدمت وتصنمت بدون حركه..خوف من بوسة يوسف لها..
اللي عادها مرة ثانية بخدها الثاني وبنفس الزاوية..
خافت سديم وسحبت فراشها تغطي حالها منه..
سديم بخوف\يوسف بعد عني انا تعبانة انت بتصير تعبان..
يوسف\لا ما اصير تعبان..وانتي حلوة اصير حلو..
سديم\ روح نادلي ايرم ابيها بسرعة..
يوسف\طيب انا باروح مع فهد وارجع بالليل طيب..؟
سديم\ايــه مافيه مشكلة روح مع فهد هو صديقنا مايضربك..
يوسف يرفع طرف الغطاء عنها ويدخل راسه معها تحت الغطاء..ويقرب من وجهها
يوسف \ايه هو مايضربني..انتي تحبيني.؟
سديم بصدمة\انت صديقي.
يوسف\بتبقين معي ولا بتخليني.؟
سديم بوعد\ مستحيـل اخليك..باخذك معي..
يوسف يبتسم\بتاخذيني معك..؟
سديم\ايــه ما ابخليك معهم..انت زوجي تجي معي وين ما اروح..
يوسف\أنتي حقتي .. زوجتي تبقين معي ..

باسها على راس خشمها وابتعد عنها وهي ترتجف بخوف من بعض تصرفات يوسف..الي حذرتها منها سراب ..
لما قالت يوسف رجال مو طفل الا بالعقل..

خرج يوسف وترك سديم لحالها..تنتظر ايرم ترجع بعد ما قالت لها بتزورها سراب ويمكن قصايد معها..ياربي مو مصدقة بالتقىي حنين مشتاقة لها لريحتها ليدينها لها كلها..
مشتاقة لاختي الجميلة الطيوبة..كيف صرتي الحين ياحنين..
رفعت راسها للباب الي انفتح ودخلوا ثنتين..وحدة على كرسي متحرك والثانية تدفع الكرسي .. وقفلوا الباب وراهم..
سديم استغربت منهم..وقالت يمكن غلطانين بالغرفة..
وقفت الي على الكرسي بحركة سريعة خوفت سديم..
وقربت منها وهي تشيل الغطاء عن راسها..ضحكت سديم بفرح لما شافت سراب واقفة قدامها وفاتحة يدينها لها..
ضمتها سراب وهي تبوسها براسها ووجهها..وتسمع بكاء سديم وشكوتها من الوجع..
سراب\ سلاااامتك عساها في رعد واخوانه ولا فيك..
سديم \وفي ولد عمهم مساعد..
سراب بتاييد\وفي ولد عمهم مساعد..
سديم\اشتقت لك كثير..ماظنيتك بتزوريني..
سراب\انا مو جاية ازورك وبس..أنا جاية اخطفك..
سديم بصدمة\كيـــف.؟
سراب بعجل\مو وقته الحين قومي معي باخذك..
سديم\سراب مقدر اتحرك انا تعبانة مسوية عملية انا..
سراب\ادري ياقلبي..باوديك مستشفى ثاني قومي معي..
سديم\وين حنين.؟هذي من.؟
سراب تلتفت وراها\هذي اختي الهبلة سحاب وغيوم..

قربت منها البنت الغريبة وهي تتجاهل سراب..
سحاب\الحمدلله على سلامتك أنا سحاب اخت هذي النصابة..
اما قصايد منعناها تجي معنا بتخرب الخطة..
سراب\ايه اختك انا وجدي منعناها تجي معنا بتفضحنا..
لما عرفت ان رعد هو الي طيحك على الطاولة سوت مصيبة..
قومي قبل تجي ايرم او احد ثاني..شفت هذاك مساعد الي مع فهد بالمكتب كان معه ورد وحركات جاي يزورك يالربع..

سحاب مسكت يد سديم وشالت المغذي من يدها..وساعدت سراب وشالوا سديم ونزلوها على الكرسي المتحرك..
سراب\وش ملبسك هذي البجامة القصيرة.؟
سديم بغيض\انتي اشتريتيها يا حيوانة الادب..
سراب\قلت اكسب اجر فيك انتي والاطخم زوجك..بالله سديم ماخق لما شافك لابستها..
سديم تتوجع\انطمي سرابوه..وش يخق شايفتني مجرحة من كل مكان..
سراب\والله ان اخذ علومك بس اول خلينا نخرجك من هنا..
سديم\لحظة باخذ يوسف معي..
سراب بصدمة\نعم تاخذين من.؟
سديم\ابي يوسف باخذه معي..
سراب بكذب\باخلي حنين تجيبه لك معليك انتي..

سحبت عباية من شنطتها الكبيرة ولبستها سديم ولفت الطرحة على راسها..ولبستها نقاب..حطت الشنطة بحضن سديم داخل العباية..
وناظرت اختها سحاب..
سراب\اخرجي شوفي اذا فيه احد..
سحاب\طيب..انتي كلمي جدي..
وقفت سحاب عند باب الغرفة ولما التفتت على جهة اليسار كان سعود ومساعد متوجهين لغرفة سديم..وسعود كان لابس بدلته العسكرية..
سحاب بصوت عالي\يمه قلت لك مو هذي غرفة خالتي..انتي ماتسمعين..
سراب فهمت اختها..ودفعت كرسي حنين لخارج الغرفة وهي تهاوش سحاب\عساك العمى وعيون الضفادع ليش مدرسينك احنا مو عشان تقرين الغرف..
سحاب\يمه فضحتينا بيسمعونك الرجال..
سراب باتقان\السموحة ياعيال الحمايل..بنتي لنا ساعتين ندور مالقينا غرفة اوخيتي..لو عندي ولد كان انا بخير..
سحاب بقهر\يمه خلاص مشينا..
سراب\مسكينة البنية الي شفناها بهالغرفة..الله يشفيها لكم..

لما رفعت عينها سراب وشافت الشرطي الي واقف قدامها..ضاع الاحتراف والقوة الواثقة منها..أكبر خوف ورعب يواجه النصابين هو رجل الشرطة..وهذا سعود واقف قدامها مثل العملاق..
وكانه ممكن بثواني يعرفها ويسحبها للسجن..
لك يوم ياسراب..وشكل هاليوم صار..نهايتك شكلها قربت..
صرت اشوف السيف بساحة القصاص..واشوف يدي السراقة مقطوعة ومرمية للكلاب تاكلها..والله ياربي ما انصب مرة ثانية بس انقذني..
سحاب استغربت وقفة سراب المتخشبة..هزتها بيدها..
سحاب\يمه مشيــنا..
سراب فكت الكرسي وتمسكت بذراع سحاب..سحاب تلقائيا مسكت الكرسي ودفعته بعيد عن طريقهم..حركة سراب اثارت استغراب سعود..بس ماحب يطيل النظر بالحريم الموجودين قدامه..

سديم متالمة من حركة الكرسي وشايلة هم يوسف تبي تاخذه معها..ولما شافت مساعد وسعود بالممر واقفين عند باب غرفتها تمنت تقوم وتصفقهم بالهدايا الي جايبينها لها..
ياعمري يايوسف كيف اخليه مع هالوحوش..لازم اخذه معي..او اخلي حنين تجيبه لي..هي بتقدر تجيبه..
اشتد الالم بذراع سديم وفخذها..وسراب تحرك الكرسي بحركات سريعة ومتعبة لها..رقبتها رجع لها الالم .مع انه مع مقوم الرقبة ماكانت تشعر فيه قوي..حست بالدم يسيل من جرحها الي بالفخذ..كانت كاتمة لكل خزة الم عشان مايطلع صوتها..
غمضت عيونها وفقدت وعيها عن المكان وعن كل شي يصير حولها..

التفت مساعد وسعود عن سراب والي معها بدون مايردون على كلامها..ينتظرونها تنسحب من عند باب الغرفة..
انسحبت سراب ومعها سحاب يدفعون الكرسي لجهة المصاعد..
وسحاب تبعد يدين سراب عن ذراعها..
سحاب\ياحيوانة فكي يدي..وش فيك.؟
سراب بخوف\يمــه سحاب شفتي الشرطي..بيسجني..
سحاب بهدؤ\لا ترتبكين قدامه ولا تلفتين نظره..فكري في سديم..
سراب\قالوا لابغيت تخوف الثور لوح بالسوط..
سحاب\يعني انتي ثور وهو سوط..
سراب\سديم قومي خليني اجلس مكانك عظامي ترجف..
سحاب\سديم ياقمر حنين تنتظرك..ومعها العيال الحلوين..

التفتت سحاب على ندا الممرضة لها ونزلت عيونها بالارض لما شافت الممرضة تشير على الدم الي بالارض..
وقفت قدام الكرسي وشالت النقاب عن وجه سديم..
سحاب بخوف\سديم..وش فيك..؟؟سراب شوفي البنت..
سراب\الـــدم كله منها..قلت لكم بدري البنت تعبانة والله قلته..
سحاب\اطلبي المصعد بسرعة خلينا نروح..
سراب\كيف نروح والبنت حالها كذا..؟
سحاب\مابناخذها معنا..دكتووور بليز ساعدوني نادوا الطبيب..اختي مريضة بتموت..

التفت سعود ومساعد على صراخ البنت الي تنادي..وانتبهو على الدم الي كان بالارض من باب غرفة سديم..الى المكان الي واقفين فيه..
تحرك سعود كم خطوة باتجاه البنات الي كانوا يراقبونه والممرضات يفحصون سديم..
ولما انتبهت سراب لخطواته صرخت بخوف وسحبت سحاب معها يركضون للمصعد الي تركته بوضع استعداد..
هروبهم وتصرفاتهم ادخلت الشك بقلب سعود توجه لغرفة سديم وفتح الباب بدون ماينتظر اي احد يئذن له يدخل..
كان سريرها فاضي والمغذي مرمي بالارض..وادرك ان هذي عملية اختطاف..هم مختطفين سديم ..
خرج من الغرفة يركض ولقى مساعد واقف مع الممرضات الي نزلوا سديم على سرير طبي..
سعود\كانوا خاطفين سديم..المجرمات..
مساعد\عرفتها..لما شالوا نقابها..روح سعود دورهم انت شفتهم وبتعرفهم..امسكهم قبل يهربون..
ركض سعود باتجاه الدرج وهو يتصل على القسم ويقدم شكوى عاجلة..ويطلب الدعم..
وصل للدور الارضي ولكن ماعاد يعرف وين ممكن يلقاهم..
خرج للمواقف الخارجية..وشاف سراب وسحاب متوجهين لسيارتهم هاربين منه..
ركض وراهم ووقف قبل يوصل لهم وخرج سلاحه ..
سعود\وقفـــي إنتي وهي بأمر الحكومة..اذا ماوقفتوا باطلق النار عليكم..
وقفت سراب وهي تضم سحاب لها..عرفت ان هذا الشرطي مايلعب ويمكن يرميهم بالنار..
قرب منهم بخطوات حذرة وهو يتلفت حوالينه يراقب المكان ومتاكد ان معهم شركاء..
وقفهم على احد السيارات وسلاحه باقي بيده..
سمع صوت خطوات وراه وقبل يلتفت انصعق بالصاعق الكهربائي على رقبته من ورى وطاح بالارض..
فتح عيونه بالقوة وشافها جالسة على ركبتها جنبه..
قصايد\نــــام ياسعود..
سعود\تذكرتك حنيـــن..
قصايد\وش رايك أخذك لحتى يرجع أخوك سديم ؟

الى الملتقى باذن الله تعالى.

كونوا بخير..


السلام عليكم ورحمة الله وبركاته

اسعدت بنزول البارت كاتبتنا المتالقه مع اني كنت حاطه تنبيه على حسابك بالتويتر توقعت تنزلين

خبر قبل وكل يوم احدث الصفحه

نجي للبارت وش اقول وش اخلى بارت عميق جميل مليى با الاحداث

نجي لايرم ومساعد اكثر اثنين قلوبهم وتصرفاتهم وتنازلاتهم اتعبتهم

صدمة ايرم انها زوجة مساعد من سنتين وانها ماكان عندها خبر وماتوقعت تكون العروس اللي

تكلمو عنها وتشمت ريما اخت مساعد فيها ومن كبر الحقد اللي بقلوبهم عليها انه ماحد بارك لها

ثانياً مقصد يوسف من انه يعطيهم موافقة ايرم ويوقع بدالها بدون علمها والشرط اللي طلبه عن

تاجيل الزواج ايرم بنفسها عطتنا السبب يوم قالت انها ذيك الفتره حياتها وتصرفاتها كانت غير

وكان يحاول يعدلها لها يوسف

اما مساعد حسيت انه شعر بالخذلان من ايرم لما قالت انها ماتبيه والموافقه على الزواج وانه

انتظاره كل هالمده وبالنهايه هذا ردها او بالاحرى ماعندها خبر 💔

اقول لرعد وسعود ومساعد صحيح يوسف استغفل الكل وزوج ايرم بدون موافقتها بس هذا

مايعطيكم الحق تمدون يدكم عليه وهو بهذا الوضع

ياربي ياسديم رحمة وضعها وهي تشوفهم يطقون يوسف وهو ماله حول ولاقوه واحساسها بالغبن

عليه وانها مسئوله عن الدفاع عنه

توقعت من البدايه ماراح يوقف هواشهم الا مصيبه وياعمري جت بالضعيفة سديم

قصايد واه من قصايد تسرعت لما راحت لاختها بدون تخطيط بس اشوى قدرت تتدارك الموقف

نجي ليوسف ماقلت لكم انه يدعي الجنون اول موقف لما دخلت سديم بينه وبين رعد اول كان

مستسلم لضربهم بس لما جت سديم ماتحمل وضرب رعب وشال سديم وابعدها وبعدين عدل غطاء

راسها يسترها عنهم ولما شالها وطلعها فوق وثالث موقف حركته لما سلم عليها بالمستشفى حركة

واحد عاقل 😊

اما خطة سراب بهروب سديم احس انهم تسرعو وهي توها طالعه من عملية وباءت بالفشل بس

الحمدلله انهم قدرو يهربون اوبالاصح حنين ساعدتهم

وبانتظار البارت عزيزتي بفارغ الصبر

ودمتى بصحه وسلامه

rayadeeb and modyblue like this.

Maha bint saad متواجد حالياً   رد مع اقتباس
قديم يوم أمس, 11:06 PM   #137

modyblue

نجم روايتي

alkap ~
 
الصورة الرمزية modyblue

? العضوٌ?ھہ » 321414
?  التسِجيلٌ » Jun 2014
? مشَارَ?اتْي » 18,397
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

قــــــاتل الجســم مقتول بفعلته..
وقـــاتل الروح لا تدري به البشــر ..

&&&&&&&&&&&&&&&&&&&&


modyblue غير متواجد حالياً  
التوقيع


رد مع اقتباس
قديم يوم أمس, 11:09 PM   #138

modyblue

نجم روايتي

alkap ~
 
الصورة الرمزية modyblue

? العضوٌ?ھہ » 321414
?  التسِجيلٌ » Jun 2014
? مشَارَ?اتْي » 18,397
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

فصل رائع بطلته سديم ذات خفة الدم والاقدام
رعد وطاح للمرة الثانية
القفله رهيبه حماسية
يوسف وتعلق سديم به
ايرم ولعنة مساعد هي العروس المجهولة وريما خدعتها اه لو يعرف مساعد
لازال هناك اسرار
فهد يعرف اخت حنين
وغموض رعد وحنين من كاد لهم اعمامها طمعا ف المال
تشويق وحماس دومتي مبدعه


modyblue غير متواجد حالياً  
التوقيع


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:59 AM



Powered by vBulletin® Version 3.8.9
Copyright ©2000 - 2020, vBulletin Solutions, Inc.