11-06-20, 10:59 AM | #11 | ||||
| أثواب حريرية الفـــصل الثـالث أثْوابٌ حرِيـــريّة ـــــــــــــــــــــــــ ـــــ أضحى لحضوره هيبة معلنة في نفوسهم لتترقب حواسهم عن ما يصدر منه سواء في طبعه الحازم والمفعم ببعض البرود واللا مبالاة أو في هيمنته في كثير من الأحيان لينتج عن ذلك تحاشي البعض الوقوف أمامه؛ كعادته الصباحية منذ استلم أعمال جده ليديرها بنفسه عاد مراد من الخارج، في بهو القصر كان الجميع مجتمعين لتناول طعام الإفطار، رؤيته أربكت البعض وأبهجت البعض الآخر، حين لمحته هدير ابنة عمته سميحة يتدرج نحوهم نهضت، كانت ترتدي زي مدرستها وقامت بتجديل شعرها لضفيرتين، قالت بإشراقة: -صباح الخير يا أبيه مراد ابتسم لها فقط ثم وقف عند مقدمة الطاولة مستندًا على مقعده الفارغ، كشرت هدير من جفائه لتجلس متابعة تناول طعامها فتضايقت سميحة، لم تعلق على ذلك بل زيفت بسمة ودودة قائلة: -صباح الخير يا مراد، تعالى إفطر معانا، مكانك جاهز مرر نظراته على الجميع وبالأخص منتصر الذي دعاه أخيه ماهر من أجل أمر ما والذي تطلع على ما في طبقه محاولا عدم الإختلاط به، رد مراد عليها بنظرات قاتمة: -ما ليش نفس، هاطلع أنام شوية كان ماهر يحسب الوقت كي يرحل فاتسعت بسمة مراد وهو يلمح الزعر في عينيهم، لمح ابنائه يهبطون الدرج فجمد نظراته عليهما، ابتسم بمحبة لهما ليهتفوا باسمه لكن برقي متقدمين منه ليستقبلوه، كانت نظراته نحوهما تنبلج منها أبوة حنونه وكانت تزداد حين يكبرا أمامه عينيه، من خلفهما كانت السيدة هدى تهبط الدرج ثم لاحقتهما نحو مراد، أمسك شريف بيد والده ليقبلها باحترام مرددًا: -حمد الله على السلامة يا بابي انحنى مراد بجزعه ليقبل كلتا وجنتيه فتابع حسام أخيه ليفعل مثله، قبله مراد هو الآخر ثم سألهما بألفة: -هتروحوا المدرسة دلوقت؟ هز حسام رأسه وهو يجاوب عليه: -أيوة يا بابي ابتسم مراد فتقدمت السيدة هدى منه قائلة بتردد: -كنت عاوزة أقولك حاجة يا مراد!! رد بانصات المهتم وهو يقبل يدها، الأمر الذي يثير حنق سميحة: -خير يا ماما ردت شبه هامسة له بحذر شديد: -ليه مش بتعيّن حراسة على الولاد، معقول سايب بس السواق يوديهم، مش خايف عليهم يا مراد؟! تخوفها من تلك المسألة لم تزعجه، لكن أزعجه فكرة أن يفكر أحد قط في ذلك، تعالى صوته وهو يرد متعمدًا أن يسمعه كل ما هو موجود: -لا يا ماما مش هعيّنلهم حراسة، ولادي هيعيشوا على حريتهم زي أي أطفال، في إيدي أعمل اللي بتقولي عليه بس مش هيحصل ثم بنظرات قاسية وجهها نحو الجميع تابع: -لو حد من ولادي حصله حاجة مش هخلي حد عايش، خلي حد يقرب بس منهم غصّ منتصر وهو يشرب من الكوب ثم سعل، تذبذبت نظرات أخيه ماهر نحوه والتزم الصمت، بينما ردت سميحة عليه بارتباك داخلي: -دول ولادنا يا مراد، أكيد محدش فينا هيأذيهم!! تجاهلها ليتطلع على أولاده قائلاً: -يلا على مدرستكم علشان متتأخروش ابتسما له ليعيد وضع قبلة على وجنة كلاً منهما، غادر الأطفال أمام عينيه غير منتبه لنظرات هدى الفرحة بسيطرته التامة، عاود مراد النظر لها ثم استفهم بصلابة: -جدي فين؟! ........... ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،، ظل يقبّل يده بامتنان حين أغدقه ببعض النقود، ضحك السيد رشدي على هذا الفتى المشاغب ابن ابنته أكرم قائلاً: -شكل أبوك حارمك ومش بيديك المصروف اعتدل كرم قائلاً بتأفف مضحك: -أبويا دا بخيل موت، أنا خايف يكون هو اللي عاوزني أديله المصروف ازداد ضحك السيد رشدي عليه مرددًا: -إنت جايب خفة الدم دي منين، أبوك وأمك مش كده ضحك من قلة حيلته وفي تلك اللحظة ولج مراد عليهما، رغم عدم وجود علاقة مباشرة بينهما كان أكرم يتوتر من رؤيته ويهيب التحدث معه، لذا أنهى الحديث مع جده كي يرحل قائلاً باستعجال: -طيب يا جدي هامشي علشان ما اتأخرش على المدرسة ثم قبّل يده سريعًا ليهرول بعدها تاركًا الغرفة دون النظر لـ مراد، نظر له مراد شزرًا متعجبًا من ردة فعله، لم يبالي كثيرًا ليتوجه نحو جده قائلاً بلطف: -صباح الخير يا جدي ثم كغيره انحنى مقبلاً يده، ابتسم السيد رشدي ثم جلس مراد بجواره فقال السيد برزانة: -الشغل عامل أيه، لسه أسعد بيضايقك؟ ابتسم في تهكم وهو يرد: -أنا فاهم ليه بيعمل كده، مع إن حضرتك اديته نصيبه في البلد، بس نقول أيه في الطمع رد السيد بتنهيدة مستاءة: -سيبه كده، العمر بيجري بيه وهو عايش على حياة الخلاعة -دا أنا سمعت إنه هيتجوز شهق السيد بصدمة حين أبلغه مراد بذلك، رد بتجهم: -هو نسي نفسه، دا جد وأحفاده على وش جواز، شكله مش هيجبها البر رد مراد بتردد: -أنا سمعت يا جدي، بس مش متأكد، أصل أخباره بتجيلي من هناك انزعج السيد بشدة ثم زفر بضيق، تابع مراد بتودد: -متزعلش نفسك، سيبه براحته رد بتوجس: -طيب أنا خايف على الولاد وكمان هدى، ممكن حد يعملهم حاجة هتف متحكمًا في انفعالاته: -جدي لو حد من ولادي حصله حاجة رقبة الصغير قبل الكبير هتكون تحت رجليا، هما عارفين ده كويس ومحدش هيتجرأ ويعملها، علشان وقتها مش هرحم حد!! رد السيد بتردد مغايرًا الموضوع: -طيب وهتفضل كده لحد إمتى؟ لم يتفهم مراد مقصده فاستفهم: -من ناحية أيه يا جدي؟ رد باندهاش: -هيكون من ناحية أيه، جوازك يا مراد، معقول هتفضل كده من غير جواز............!! ___________________________________ استعجبت وبالأحرى امتعضت من ذهاب ابنتها الشبه يومي لسراية السيد أسعد لتظن بأنها تتعمد ذلك، حين عادت من الخارج قابلتها سعاد هاتفة بعبوس: -عاوزة أعرف ليه كل شوية بتروحي لسراية البيه؟ ارتبكت أمل للحظات ثم عللت مختلقة رد وهي تتعمق للداخل: -هو آني لوحدي اللي بروح ياما، بنات البلد كلاتهم بيروحوا يشتغلوا عنديه، أصله بيدينا فلوس حلوة جوي، دا غير ما بناكل وننبسط ثم بتوتر أخرجت من لفة قماش بحوزتها بعض الطعام قائلة: -شايفة كمان جبتلكم أيه، دا وكل ياما، فيه لحمة!! الكلمة الأخيرة حفزت حواس سعاد لتنصب نظراتها على ما جلبته ابنتها، دق قلبها بشدة وهي محدقة في اللحم لتقول بشوق: -دي لحمة بجد يا أمل، من زمان مدخلتش دارنا ثم نظرت لابنتها قائلة بمدح: -فيكي الخير يا بت ابتسمت أمل بشدة كون تناست والدتها أمر تعنيفها، تناولت سعاد منها اللحم لتأمرها بتلقائية: -روحي نادي لأخوكي وغزل علشان ناكل كلياتنا سوا لوت أمل فمها وانزعجت، ردت بمقت: -مريحاش، كل حاجة الست غزل اللي مدلعة و.... قاطعتها والدتها لا تريد سماعها قائلة بحزم وهي تتوجه للمطبخ: -قولت روحي ناديلهم وكفاياكي كلام ملوش عازة كزت أمل على أسنانها بقوة، غمغمت بتبرم: -أهو آني مستحملة الست هانم اللي موجفة حالي ومش عاجب حد كلمة مني ثم صمتت لتتوعد لها متابعة: -البت دي وجودها هنا غلط عليا، اللي أصغر مني أجوزوا وخلفوا، لازم تغور في داهية هنفضل مستحملين قرفها لميته بس؟ انتفضت أمل من صوت والدتها الحاد الذي جاء من المطبح: -هتجعدي ترغي كَتير، يلا ناديلهم دول شجيانين من الصبح تأففت أمل وهي ترد بصوت عالٍ متذمر: -حاضر ياما هروح أهو..........!! ____________________________________ وقف بجواده الأسود عند إحدى الأشجار الطويلة ليتخفى من حرارة الشمس تحت ظلها المدرار، كانت وقفته مجدية مشبعًا من خلالها غريزته الرجولية من خلال نظراته المتفحصة للفتيات وهن يعملن بجد في حقله، شغلته إحداهن لتتصلب نظراته الشغوفة عليها -التي تكاد تأكلها- من فرط تمنيه لها؛ تحرك بالجواد ليكون على مقربة منها ويتسنى له التدقيق في ملامحها وجسدها تحت ثيابها البسيطة، وقفت هي تحت أشعة الشمس الحامية تجني لوزات القطن والعرق يغزو طلعتها لتكشر متأففة طالبة لبعض الهواء ليدفعها للتكملة، همس الرجل لنفسه بتنهيدة حارة: -خسارة يا بت يلي كيف الجشطة وجفتك دي، اللي زيك يجعد في سرايات من جانبها لاحظت المرأة ذي الجلباب الفضفاف الذي ملأته بوزنها الزائد ثم ابتسمت بمغزى، نكزتها في ذراعها لتنتبه لها الأخيرة والتي نظرت لها بجبين معقود، همست لها بظلمة: -يا بختك يا بت، صاحب الأرض ابنفسه عياكلك بعنيه!! زاد عبوسها مما تتفوه به المرأة لترمقها بنفور قائلة: -دا راجل أعنيه زايغة يندب فيها رصاصة، ومافيش واحدة مسبهاش افحالها من وجت ما وجف كيف التعلب إكده شهقت المرأة وهي تتلفت حولها لتتأكد من عدم سماعه لهن أو أحد من النسوة لها، عاودت النظر إليها لتعيب عليها قائلة بتحذير وهي تخفض نبرتها للغاية: -اسكتي لحد يسمعك ويروح يجوله، النسوان هنا كيف الحياية إهنه(جمع حية)!! ردت لاوية شفتيها بعدم اكتراث: -ولا يهمني، مبجاش غير الجحش دا علشان ابصله رمقتها المرأة بنظرة متهكمة ولم يعجبها غرورها، قالت بسخط: -ومفكرة نفسك بت مين عاد علشان تجولي إكده على زينة الرجال ضحكت بخفوت على وصفها ثم قالت مستهزئة من شخصه: -دا كيف البغل، أخره واحدة بجرة زيك يتجوازها اغتاظت المرأة منها ثم قالت لتخمد غرورها المستفز: -أما نشوف يا بت السجا عتتجوزي مين لم تعيرها اهتمام لتجني اللوزات التي أمامها وهي تبتسم بغطرسة وتدندن ببعض الأغاني لتزيد من حنق الأخيرة.... بعض وقت قليل انتبهت لمن يتفوه باسمها مناديًا: -غزل تنبهت سريعًا للهاتف ثم بحثت عنه هنا وهناك، وجدته أخيها عند مقدمة الأرض ممتطيًا حماره فأشارت له بحماس، خاطبها بصوت عالٍ ذي معنى: -تعالي عاوزك قالها بنبرة غير مريحة لاحظت فيها ضيقه من شيء، تلاشت فرحتها ليحل الاستغراب، امتثلت له لتترك ما بيدها ثم اعتزمت التحرك لتستجيب له ولكن ذلك أزعج صاحب الأرض والذي أوقفها قائلاً بحزم: -على فين وسايبة شغلك؟، مفكراها سايبة إياك نظرت له غزل لتجيب بتوتر: - دا أخوي يوسف بيعيط عليا يا ريس، عروح أشوف عاوز أيه ومعتأخرش هنا توجه يوسف نحو ذلك الغليظ ليحدثه بتجهم: -معيزينهاش تشتغل يا ريس رفاعي وجاي أخدها معاي، يلا جربي علشان نعاود سوا وجه جملته الأخيرة لها فاندهشت من قراره هذا ثم تحركت ناحيته، لكن لم يكن ذلك دون سبب فقد لاحظ يوسف نظراته المباحة نحوها وقد غار عليها، اقترب رفاعي منه ثم قال باستشاطة وهو يمسك بيدها ليقربها منه رافضًا رحليها بتصميم عجيب: -هي بجت خلاص من العمال بتوعي ومينفعش إتسيب مكانها، ولو حوصل معخليكش تشوفها تاني واصل........!! ___________________________________ بعد فترة من غيابها وصلت لقرابة العامين عادت السيدة قسمت ابنة السيد رشدي الوسطى للقصر ومن خلفها بعض الحرس حاملين لحقائبها، لم يكن أحد بالقصر سوى سميحة والخدم بالأسفل، كانت سميحة جالسة في البهو مع آحدى الخياطات تنتقي ما يعجبها، لاحظت سميحة حضورها ورغم أنها أختها لم يصدر من ملامحها سوى تأفف، ليس علني لكن تفهمت قسمت الذي ابتسمت في سخط، رسمت سميحة طلعة فرحة لتقابل أختها بها، هتفت بترحاب: -قسمت، نورتي القصر يا حبيبتي عانقتها قسمت متماشية مع لؤمها قائلة: -وإنتي كمان يا سميحة، علشان كده ناوية اقعد معاكوا ابتعدت عنها لتهتف بتعابير مقتطبة: -وهتسيبي جوزك لواحده؟ ردت الأخيرة ببسمة حانقة: -أصلي اتطلقت -اتطلقتي!! رددتها سميحة بضيق داخلي فقد ظنت أنها ارتاحت من وجودها، انضمت هدى التي نزلت من الأعلى لهن لترحب بها ببسمة رقيقة قائلة: -حمد الله على السلامة يا قسمت هنا كانت بسمة قسمت حقيقية لتقابل هدى بلطفها الدائم مع الجميع، عانقتها بمودة وحرارة جعلت فم سميحة يلتوي للجانبين، سألتها بعدها هدى باهتمام: -فين جوزك؟ فتحت قسمت شفتيها لترد لكن سبقتها سميحة لتقول باستهزاء: -اتطلقت رد سميحة أزعج قسمت لتلاحظ أنها لا تهتم بمقدار حالتها البائسة بعكس هدى التي ردت بحزن: -بكرة يجيلك أحسن منه هتفت سميحة بفظاظة: -دا البنات الصغيرة مش لاقين يتجوزوه، هي اللي هتلاقي ابتلعت قسمت كلماتها كونها تتزوج كثيرًا ولم يكتمل لوجود ما يمنع انجابها لأطفال، بلطف شديد خاطبتها هدى: -طيب إطلعي استريحي شوية على ما عمي يصحى علشان تسلمي عليه ابتسمت لها قسمت لتتحرك صاعدة الدرج نحو غرفتها القديمة، حين صعدت حدثت هدى سميحة بلوم: -ليه كده يا سميحة؟، دي أختك! ردت الأخيرة بلا مبالاة وهي تتوجه نحو الخيّاطة لتكمل ما توقفت عنه: -ما بناخدش منها غير فضايح في كل جوازة، دي الكبيرة يعني لو كانت خلفت عيالها كان زمانهم متجوزين ثم جلست لتتابع حديثها بشماتة ظاهرة: -ربنا حرمها من الخلفة علشان اللي عملته في ضناها لم تعرف هدى ماذا تقول لها؟ سوى أنها تحركت نحو المطبخ لتتابع ما به، قابلت فتحية فقالت لها بنبرة مألوفة: -مدام قسمت اللي جابتك من البلد هنا يا فتحية، إطلعي شوفي طلباتها وسلمي عليها.............!! x x x x x x x __________________________ x x x x x x x x x x ____________________ x x x x x x x x x x x x xx _____________ | ||||
11-06-20, 08:11 PM | #12 | ||||
| أثواب حريرية الفـــصل الـرابع أثْوابٌ حرِيـــريّة ـــــــــــــــــــــــــ ـــــ في مكتبه بأحد المخازن القديمة جلس ماهر برفقة أخيه منتصر الجالس أمامه يتحدثا معًا، بتجهمٍ جم ردد ماهر: -شايف بيعمل فينا أيه، رميلنا شوية شغل أي كلام بيلهينا فيه، إنما الكلمة كلمته في الآخر، وإحنا مجرد ديكور صحح له منتصر ما قاله بمغزى: -رميلك إنت، لازم تعرف إني مش صغير علشان أخلي عيل يتحكم فيا كلماته جعلت ماهر رغمًا عنه يقهقه، هتف بسخرية: -وإنت عملت أيه يعني، سيبت القصر وقعدت برة علشان ميتحكمش فيك، لا وشغال مع واحد في الممنوع تهكم منتصر في رده قائلاً بعلو شأن: -وماله، معايا كتير اللي معرفتش تحوشه في شغلك ده رغم انزعاج ماهر من ذلك لكنه رد بظلمة: -بس من الحرام، وكل مدى ما بيزيد لحاجات استغفر الله!! تجاهل منتصر ما يقوله فقد رسخ ما يفعله في دمه، لذا رد بلا مبالاة: -عاجبني اللي باعمله تحاشى أن يتعمق ماهر معه كي لا يتخاصما كالعادة وأن لا يهتم بما يفعله، تحدث بجدية: -أنا مش عارف أعمل أيه في البضايع بتاعته، دا بنفسه بيسهر مع الرجالة في المخزن الكبير زم الأخير شفتيه ثم رد بمعنى: -أنا كلمت بابا وقال هيتصرف، والريس جعفر وعد هيساعد رد قاطبًا جبينه: -كل مرة بيقول كده ومبينفعش اللي بيعمله، زي ما يكون فيه حد بيبلغ مراد بكل حاجة، واخد حذره من كل حركة بتحصل بعد تفكير خاطف ردد منتصر بتأكيد: -أنا متأكد إنه ضرغام ليه يد في كده، الراجل ده كبير وفاهم ومراد ميقدرش يستغنى عنه، صعب ناخده في صفنا، لازمله حاجة تانية بدا على ماهر الإنصات الجيد فتابع منتصر بقساوة: -نخلّص عليه، شوية سم في الأكل بتاعه ولا رصاصة طايشة تجيب أجله أحب ماهر الفكرة ولم ينكر تخوفه من عواقبها ولا النتائج المترتبة عليها، لذا رد بقلق: -مراد مش هيسكت!! ضحك منتصر بغموض مريب، رد بمكر: -الموضوع هيجي طبيعي خالص، ولا حد هيشك فينا.........!! ____________________________________ أثناء سيرهم هم الثلاثة في اتجاه المنزل تنفست براحة كبيرة حين خرجوا من مأزق قد يودي بحياة أخيها، شكرت غزل أختها قائلة: -جيتي في وجتك يا أمل، الله أعلم الراجل ده كان ممكن يعمل أيه في يوسف! ردت عليها بتبرم: -دا أخويا ومن دمي، عاوزاني أشوفه في موجف زي ده ومعتصرفش توتر يوسف من تلميحات أخته فقد خشي أن تفسد كل شيء بنزقها الذي تتعمده ثم غمز لها أن تكف عن ارباكه فابتسمت بثقة لتهمس له حين مالت عليه: -آني ساكتة علشانك بس السنين اللي فاتت دي، بس دا معيمنعش تشبرج أختك بشوية حاجات حلوة وجد يوسف نفسه يهز رأسه منصاعًا لما تطلبه هامسًا: -اللي تجولي عليه هاعمله، بس اجفلي خشمك شعرت أمل بانتشاء عظيم فهتفت غزل بمدح ممتزج باللوم: -عليكي تفكير يا أمل، بس اعتب عليكي تفوّلي على ابونا، أنا جلبي كان هيوجف لما قولتي قدام البغل رفاعي تعالى يا يوسف أبوك بيموت، ارتاحت لما غمزتيلي رد يوسف بلطف: -سلامة جلبك، ربنا ما يحرمنا من أبونا كان يوسف حذرًا في عدم شك غزل بما يحمله من مشاعر ناحيتها كي لا ترتاب في شيء، لذلك جمع بين حبه الأخوي وبين حبه العاشق نحوها، انتبه لـ غزل تتابع بشغف المهووس وهي تحدق في جنينة القصبي: -عاوزة تفاح يا يوسف! اتسعت بسمته ليتحرك نحو الجنينة ليجلب لها ما تريد مرددًا: -هجبلك من كل الفاكهة الموجودة لم تلبث غزل مكانها لذا تحركت خلفه لكن ظلت أمل موضعها تتأفف من متطلباتها المجابة في الحال ووقفت تتابع ما يفعله؛ تسلق يوسف السور بخفة شديدة ثم وصل ليجلس على حافته، انتقى لها بعض من ثمار التفاح الأحمر ثم خاطب غزل التي ترفع رأسها وتتأمله: -خدي يا غزل التقفت الثمار بتهليل وضحكت فتابع يوسف: -هجبلك موز كمان لم تمانع ليجلب لها الموز أيضًا، ألقاه عليها بحرس لتمسك به فحملته غزل في أحضانها، لمحه محسن القصبي ابن صاحبها من داخل شرفته فهتف بغضب: -يومك مش فايت يا حرامي إنت استمعوا لصوته فارتعب يوسف لتخاطبه غزل بخوف: -إنزل يا يوسف قبل ما يشوفك ويعرف إنت مين أسرع يوسف بالنزول من على السور حين قفز ليسقط على الأرض فالتوت قدمه ليخرج أنينًا متألمًا فشهقت غزل بفزع، هرعت أمل نحوه مستفهمة بقلق: -حُصولك حاجة؟ نهض متحاملاً على نفسه وهو يرد مدعي اللا شيء: -أنا كويس، يلا بسرعة من إهنه تحرك الثلاثة قبل رؤية أحد لهم ثم لفت غزل الفاكهة في وشاح كان على كتفها لتخبأه ليكملوا طريقهم..... ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،، ركب الحنطور الخاص به ومن حوله رجاله على أحصنتهم ليفسح لهم الجميع الطريق كي يمر بهيبته التي يرهبها من حوله؛ عرج سائق الجواد بالحنطور ليسلك ذاك الطريق وللحظات وقعت عينا جعفر على غزل وهي تسير منتصفة أخويها وتأكل من ثمرة التفاح، نبضة شاردة خرجت من قلبه ولمعة ظاهرة في عينية أعربت عن إعجابه بها، لم تكن غزل بقدر الجمال الساحر لكن بشرتها الحنطية من حرارة الجو مع ملامحها الصغيرة الطبيعية وجسدها الممشوق وطولها المثير جعله يحدق فيها وقد سال لعابه، حدث العربجي باستفهام: -مين البنتة العود دي يا ولا؟ وجه العربجي بصره نحو الثلاثة وفطن من سؤاله أنه يستفهم عن غزل، عرفها على الفور ولهذا رد بمفهوم: -دي غزل يا سعادة البيه، بت حسن السجا اللي بيروي الأراضي دقق جعفر النظر فيها وهو يتمتم بقتامة: -بجى حسن الفجير ده عنده الحلاوة دي كلها -لا وكمان يا بيه متعلمة، بتروح المدرسة في البلد اللي جمبينا زاد انبهار جعفر بها في تلك اللحظة التي مرت من الطريق المجاور ليفتن بها فابتلع لعابه مرددًا: -بت كيف الفرس، حرام تترمي في مكان زي اللي هي فيه، دي عاوزة اللي يجدرها.........!! ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،، حين اقتربوا من المنزل وجدوا سيدة واقفة بتمايل أمامه مرتدية عباءة أنيقة مزخرفة ببعض النقوش اللامعة وشعرها يظهر من تحت غطاء للرأس شفاف، حين أدارت رأسها ناحيتهم ظهرت هويتها فلوت أمل فمها مغمغمة بصوت سمعه الاثنان: -هي الست دي مبتختشيش، ماشية على حل شعرها ومافيش راجل يلمها، فاكرة نفسها فين دي!! رد يوسف على أخته هامسًا بتنبيه: -ملكيش دعوة، كل واحد حُر ربنا هو اللي بيحاسب كانت غزل تتأملها من نظرة أخرى حيث أعجبت بما ترتديه لتحزن على وضعها فهي لم تحظى بشيء مما تملكه هذه المرأة التي غطت مساحيق التجميل على ملامحها، دنوا منها فهتفت السيدة بتغنج وهي تلك العلكة: -كنت جاية علشانك يا يوسف، عندي شوية شغل في الدوار عاوزاك تعملهولي! رد بتردد: -شغل أيه يا ست نوال؟ ردت بنظرات غامضة: -تعالى بنفسك شوف الشغل، مش المفروض لما أطلبك في حاجة تقول حاضر وخلاص تدخلت أمل لتقول مزيفة ابتسامة: -هيجي يا ست نوال، هو يقدر يرفض تأفف يوسف في نفسه فقدمه ما زالت تؤلمه ثم نظر لـ غزل التي أخفت ابتسامتها، همست في أذنه بنبرة أعجبته: -حاسب على نفسك منيها ومتجلعش هدومك جدامها ثم ابتعدت لتكتم ضحكتها بصعوبة، ابتسم لها يوسف فمجرد اقتراب صغير بينهما يفرحه، رمقت نوال غزل بنظرات حاقدة داخليا لتحسدها على هيئتها الملفتة وطولها الجذاب، لم يظهر يوسف ألمه أمام غزل كي لا تندم كونه فعل ذلك من أجلها ثم خاطب نوال بامتثال: -يلا يا ست علشان إتوريني الشغل هزت نوال رأسها لتتمايع بتعمد في مشيتها وهي تتحرك أمامه ليتحاشى يوسف النظر إليها، قالت أمل لاوية شفتيها: -الله يكون في عونك يا يوسف، الست دي معرتحلهاش واصل، جليلة أدب وناجصة رباية جاية من البندر تجرفنا إهنه أنهت أمل كلماتها ثم تحركت لتلج منزلهم، بينما وقفت غزل متيبسة بعد أن رأت تلك السيدة الكبيرة التي تبحث عن ابنتها تجلس تحت ظلال إحدى الأشجار، ساقتها قدماها نحوها وحين اقتربت منها نظرت لها السيدة بخوف، حدثتها غزل بلطف: -متخافيش، أنا جيبالك أكل ثم بتلقائية كشفت غزل عن الفاكهة التي بحوزتها، نظرت لها السيدة باشتهاء وهي تبتلع ريقها لتدرك غزل أنها تتضور جوعًا، جثت غزل على ركبتيها أمامها ثم ناولتها الثمار، اختطفت السيدة واحدة لتأكلها بشراهة فنظرت لها غزل بشفقة ثم ابتسمت لتبعث لها الأمان وهي تضع ما تملكه من فاكهة أمامها، بعد فترة قليلة سألتها غزل بحنكة: -أنا اسمي غزل، إنتي بجى اسمك أيه؟ توقفت المرأة عن الأكل وقد لمعت عيناها لترجع بذاكرتها للخلف ومن يعرفها يناديها باسمها وهي في ريعان شبابها، ردت بعد وقت بتلجلج: -هـ هانم!! ردت غزل ببسمة ودودة: -اسمك حلو ابتسمت السيدة ثم عاودت الأكل، سألتها غزل بحذر: -هو إنتي ملكيشي أهل؟ ظلت المرأة تأكل متجاهلة الرد وأثناء ذلك بدأت في الهذيان والتخريف ليظهر خبلها، نهضت غزل متخوفة منها ثم تراجعت بضع خطوات، وجدت المرأة تحمل دمية قديمة أخرجتها من طيات جلبابها الرث وتقبل فيها، كشفت عن صدرها لترضعها قائلة: -ارضعي يا حبيبتي، زمانك جعانة رق قلب غزل وهي تراها ميؤوسة الحال هكذا، التمعت بعض العبرات في عينيها وهي تشاهدها هكذا، خشيت أن يراها أحد هكذا لذا سترتها حين سحبت الوشاح من عليها لتستر به صدرها العاري، ابتعدت غزل لتراها ساكنة فقط ملامحها تتحدث عن حالتها المحزنة، قالت بصوت خفيض: -إنتي صعبانة عليا جوي............!! ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،،،،،،،،،،،،، وقف أمامها بشموخ ليتأمل ضعفها وهي متسطحة أرضًا على فرش قديم في غرفة خافتة الإضاءة، فتحت المرأة الكبيرة عينيها بضعف وهي مستلقية على جانبها حين انتبهت لولوج أحدهم عليها، تمعنت النظر فيه جيدًا لتعود كل قسوة نالتها منه على ذهنها، رمقته بعدائية فهو السبب في تحطيمها، لم تجد سوى البصق عليه ثم قالت بشراسة: -جبان وندل اعتاد على ذلك منها لذا التزم الهدوء، رد بحقارة: -آني ممكن أخليكي تحصلي بتك، بس صابر عليكي على ما تخبريني فلوس أبوكي فين كل مرة تراه فيها يتأجج احتقارها له، ودت لو أكالت له بعض الضربات لتفرغ غضبها فيه، لكن لضعف جسدها ظلت طريحة فقد أنهك جسدها بقلة إطعامها لتهتاف عليها الأمراض، ردت عليه بكره: -ليك يوم يا جعفر، ودم بتي اللي جتلتها مهيروحش هدر، طول عمرك واطي وبادعي رابنا يطول إف عمري علشان أشوفك جدامي مذلول ضحك من قلبه فهذا مستحيل، صمتت لتتمنى فقط ذلك فهي مقيدة الآن، رد بقلب ميت: -اللي يجف جدامي حكم على نفسه بالموت، وإنتي عارفة إكده من زمان، أنا جعفر يا عزيزة ولا نسيتي، وبتك كانت خاطية ومصيرها كان جطع رجبتها جملته الأخيرة جعلتها تتخيل منظر ابنتها مفصولة الرأس لذا بكت عليها متحسرة، لم يرحمها فهي أيضًا ابنته لكنه متحجر وتعرفه، هتفت بقلب منفطر: -حسبي الله ونعم الوكيل فيك، أشوف فيك يوم!! ثم تابعت بكائها فابتسم بغرور ليقول بمكر: -جولي الفلوس حطاها فين وآني هرحمك من اللي إنتي فيه.....!! ____________________________________ طرق باب غرفة أخيه الأكبر بهدوء ثم انتظر أن يسمح له بالدخول، حين تنبه مراد النائم على تخته بمن يدق الباب استجمع حضور ذهنه وهو يرد: -أدخل! هنا ولج يزيد عليه فاعتدل مراد ليجلس حين رآه، تقدم يزيد منه ليقول بحرج شديد: -أنا آسف إني بصحيك من النوم، أصلي كنت محتاج منك فلوس بنظرة أربكت يزيد رد مراد: -والمدام عاوزة أيه المرة دي؟ ازدرد ريقه وهو يقول بنبرة مشدودة: -دا أنا محتاجهم للمصاريف، ما إنت عارف إني متجوز وليا أسرة أصرف عليها، دا طبيعي يا مراد!! ابتسم باستهزاء من حديثه المبرر ونبرته المتوترة، تنهد مراد بعمق ليقول بكل هدوء: -إنت أخويا يا يزيد، وأنا مقدرش أمنع عنك حاجة، بس مش كل شوية تيجي تطلب فلوس علشان تراضي المدام اللي بتصرفهم في التفاهة شدد في نطق الكلمة الأخيرة بضيق فانحرج يزيد وتخضبت ملامحه، تابع مراد بصرامة ونظرات قاسية: -مافيش فلوس يا يزيد، إنت ومراتك عايشين معانا، وليك مرتبك اللي بتقبضه واللي يكفيك وزيادة، يلا روح على شغلك عاوز أكمل نومي حرك رأسه بامتثال ليتركه على راحته ثم سارع بالخروج فنفخ مراد بحنق ليعاود النوم... حين دلف يزيد كانت زوجته بانتظاره على مقربة، اقترب منها فهتفت بشغف: -جبت الفلوس؟ رد بقلة حيلة ازعجتها: -مرضيش يديني ومعرفش اعمل أيه! صرت أسنانها بغيظ قائلة: -أنا عايزة أعرف أنا متجوزة مين، إنت ولا هو؟، بلاش أطلب منك طالما إنت كده، يا رتني كنت اتجوزت مراد على الأقل هيكون عندي كل حاجة!! رسم الغضب الذي لم تقتنع به وهو يوبخها: -احترمي نفسك، أنا باشتغل وباقبض، إنتي اللي طلباتك مبتخلصش وكل شوية عايزة حاجة، ومتنسيش إنك عايشة وسطينا وكل طلباتك مجابة زي أي حد هنا، كفاية حاجات ملهاش لازمة علشان تتجملي وسط أصحابك ردت بانفعال: -كمان مغلطني، باطلب أيه يعني، دا صحباتي اللي عايشين أقل مني عندهم اللي مش عندي أنهى يزيد معها الحديث قائلا بتنبيه: -آخر كلام مافيش فلوس، وإذا كان عاجبك هو ده اللي عندي، غيرك يتمنى يعيش مكانك ثم تركها تغلي من عدم اهتمامه بأمرها، عضت قبضتها بغل قائلة: -وأنا اللي فاكرة الدنيا ضحكتلي يوم ما اتجوزتك، عندها حق صاحبتي، كنتي اتجوز مراد..........!! ____________________________________ لم تغفا لتظل متيقظة وعقلها زائغ فيما مرت به وقبلها طيلة السنوات الدابرة، جزء بداخلها أدركت به الشر وجزء حائر مريض حاقد أصبحت به تخطط للنيل ممن دمروا حياتها، بغرفتها جلست قسمت على فراشها منكمشة في نفسها تلوم نفسها شاعرة بالقهر، لكن من ماذا؟!، لم يكن سبب ما هي عليه هو انفصالها عن زوجها بل اعتادت على ذلك؛ طاش فكرها لبعيد لتتذكر استغنائها عن قطعة منها لسطوة من أحبته عليها واصراره على عدم وجود ما يربطهما، عاقبها الله ليحرمها من الإنجاب ثم بكت بحرقة لتخرج ما في جعبتها من آلام..... شهقت بهلع حين نادتها هدى من الخارج: -قسمت! سريعا كفكفت عبراتها جيدًا وهي تحاول الهدوء، عاود صوت هدى يقول لها: -قسمت أنا عارفة إنك منمتيش عاوزة اتكلم معاكي، مش معقول هتنامي والنور والع لم تجد قسمت مفر لترد مختلقة تبرير: -استني يا هدى أنا بلبس هدومي انتظرت هدى وبعد وقت هيأت فيه قسمت نفسها حين نهضت لتظبط نفسها قالت لها بجأش: -ادخلي يا حبيبتي ولجت هدى مبتسمة كعادتها ثم سألتها وهي توصد الباب: -إنتي منمتيش ولا أيه؟ جلست قسمت على الأريكة ثم دعتها للجلوس معها، حين جلست هدى ردت الأخيرة بكذب: -لا نمت شوية وبعدين صحيت سألت هدى بجدية: -لو متضايقة من وجودك هنا علشان سميحة ممكن تسافري الصعيد عند عمك، مش إنتي عندك كمان صاحبتك نادية هناك ذلك الاسم بدل تعابير قسمت لشيء مريب جعل هدى ترتاب في أمرها، ابتلعت قسمت ريقها في توتر ولم تعلق، أكملت هدى باستفهام: -صحيح نادية ليه مش بتيجي من سنين، إنتم كنتم أصحاب قوي، حتى مبقتيش تجيبي سيرتها أو تقولي عاوزة أروح عندها شحبت قسمت فجأة ولم تستطع إخفاء ذلك لتبين وجود ما يقلق، قالتها صراحة: -بيقولوا هربت، وفيه بيقولوا أبوها قتلها أوجست هدى من ردها فهذا ما وصلها من زمن، سألت هدى باهتمام: -يعني متعرفيش عنها حاجة، دي كانت أقرب صاحبة ليكي! أرادت قسمت أن تكف الأخيرة عن الحديث عن ذلك لذا قالت بضجر: -خلاص يا هدى معرفش، أنا بقالي سنين بعيد عن الصعيد ومعرفش عنها حاجة لاحت عصبية قسمت في ردها فقالت هدى بامتثال: -طيب يا قسمت على راحتك، أنا قولت تروحي تفكي عن نفسك شوية ردت بمفهوم بعدما زفرت بقوة: -أنا هنا مرتاحة، ومش عاوزة أروح البلد، علشان ماليش حد فيها ممكن يهمني، حتى أسعد ميهمنيش............!! ___________________________________ شغلته تلك الفتاة اللعينة ليظل فكره لا يذكر سواها بين الفينة والأخرى متذكرًا دلالها حين تتحدث معه واقترابها منه بحجة طلبه لشيء ما؛ نفوذه ومكانته وأيضًا عُمره الكبير يمنعوه من الارتباط بفتاة في منزلتها المتدنية، ناهيك عن فارق السن بينهما، أشبع أسعد اشتهائه لملامسة فتاة في عُمرها بتفكير شيطاني خطط له بمكر، ليجد أن هذا هو الحل الوحيد... استدعى أحد خفراء سرايته لينفذ مخططه المستهجن فأتى الخفير مطأطئ الرأس ثم وقف أمامه باحترام، نظر له أسعد لبعض الوقت ثم استجمع كلماته قائلاً بدجنة: -مش عاوز تتجوز يا عوض؟ تنبه عوض لسؤاله فنظر له بحرج قائلاً: -نفسي يا بيه دا العُمر بيجرى بيا، بس منين؟ رد أسعد بخبث: -أما أنا شايفلك عروسة هتعجبك قوي، ومتقلقش جوازتك عليا تهلل عوض واتسعت بسمته غير مصدقٍ ما يسمعه منه، تابع أسعد بنفس دهائه: -هجوزك البت أمل بنت حسن السقا، عارفها يا عوض تذكرها عوض فهي تأتي الفترة الأخيرة كثيرًا ثم قال بموافقة حماسية: -موافج يا بيه، حلوة أمل! انتهت مهمة أسعد الأولى وجاءت المرحلة الأهم، قال بابهام: -بس إنت هتتجوزها قدام الناس بس يا عوض لم يتفهم عوض ليستفهم بجهل: -مش فاهم يا بيه؟ رد بجبروت: -يعني في الأصل هتكون مراتي أنا، وقدام الناس مراتك تجمدت تعابير عوض عليه مصدومًا متلعثمًا في النطق وقد ألجم لسانه، هتف أسعد بحدية: -قولت أيه يا عوض، لو مش عاوز قول، بس قبل ما ترفض هتندفن بالسر ده معاك تذبذبت نظرات عوض ناحية هذا الرجل الفاجر عديم الأخلاق، أراد خنقه من بذائته لكنه قليل الحيلة أمامه، أراد الرفض لكن سيدفع حياته ثمن هذا، نظرات أسعد الشرسة نحوه جعلته لا يقوى على الرفض، وافق خوفًا منه وهو يقول باذعان: -اللي تشوفه يا بيه...............!! ___________________________________ ولج المنزل مجهدًا فقد تعمدت المرأة أن تزيد الأعمال على عاتقه بعدما رفض أن يقترب منه حيث راودته عن نفسها فانتقمت، شعر يوسف بالتعب وبألم في قدمه جعله يجر قدمه وهو يتقدم للداخل، كانت غزل أول من رأته ثم ركضت نحوه، رددت بقلق وهي تدنو منه: -مالك يا يوسف، شكلك مش منيح؟ رد بعدم اهتمام وهو يرتمي على الأرض متعبًا: -مافيش يا غزل، شوية تعب إكده ثم شرع في فرك قدمه أمام غزل التي لم تقتنع أنه على ما يرام، تيقنت أن قدمه وقت قفزه ما زالت تؤلمه، تحركت دون كلمة معه نحو المرحاض وما هي إلا لحظات وكانت تدلف منه حاملة إناء كبير مليء بالماء، وضعته أمامه فاستغرب، تحركت لتجلب القليل من الملح من المطبخ فقالت لها سعاد وهي تقلب الطعام: -واخدة الملح فين يا غزل؟ ردت وهي تتحرك للخارج: -هغسل رجلين يوسف ياما لجاي تعبان جوي لم تعلق سعاد لكن فجأة وعيت للموقف فهو ليس بأخيها، لم تعطي الأمر حجمًا أكبر لذا صمتت... توجهت غزل نحو يوسف لتغسل قدميه وهذا ما استشفه، حين جثت أمامه رفض بشدة قائلاً: -لا يا غزل مهيحصولش، أنا منيح ردت بإصرار عنيد: -لا أنا جبت المية وهتغسل رجليك ثم رفعت قدميه واحدة تلو الأخرى لتضعهما في الإناء، بدأت في تدليكهما بلطف شديد وهي تغسلهما، شعر يوسف بقشعريرة غريبة تسري بداخله ويديها تلامس قدميه حتى الركبة، لم يحِل ذلك لذا عاود الرفض قائلاً وهو يسحب قدميه: -خلاص يا غزل معاوزش، روحي ذاكري وأنا هعيط على أمل تيجي هي أمسكت بقدميه بقوة لتظهر قوة جسدها وهي ترد بحزم: -محدش هيغسلها غيري، كفاية إنه بسببي ثم تابعت تدليكهما وكل ذلك كان يضرم مشاعر غير محمودة بداخله، هو شاب وأكمل الثلاثين ولم يشعر أحد بما يخالجه، تمالك نفسه ولكن نظراته نحوها فضحته، هذا ما لمحته أمل التي تقف عند باب الغرفة تتابع ما يحدث بعدم رضى، تسللت للمطبخ لتتحدث مع والدتها حيال ذلك، تقدمت منها قائلة باستياء: -ياما مينفعش اللي بيوحصل ده، يوسف زودها جوي مع غزل إلتفتت لها سعاد لتستفهم بعبوس: -فيه أيه يا بت، يوسف عمل أيه؟ لم ترد أمل الآن بل سحبتها من يدها كي ترى بنفسها أولاً، تحركت بها عند باب المطبخ لتشاهد بنفسها ثم همست لها بغيظ: -شوفتي ياما بيبصلها كيف، أيه رأيك بجى في اللي بيوحصل ده؟ لم يعجب سعاد تطلعات يوسف على الأخيرة، خاصةً كشفها لشعرها أمامه، لم يكن خطأ غزل منذ البداية لكن ارتضاء يوسف واستباحته للنظر إليها تغضبها فقد كبرت الفتاة عن زي قبل ولابد من الاهتمام بالأمر، عادت للداخل ومن خلفها أمل تريد سماع قرارها بشأن ما يحدث، بعد تفكير جاد قالت سعاد بحسم: -غزل لازم تفارجنا، جعادها إهنه مش هيجيب خير رددت أمل بفضول: -هتوديها فين ياما؟ لم تجد سعاد الرد المناسب لذا طلبت منها بتصميم: -شوفيلي أبوكي فين وخليه يجي ضروري...........!! ____________________________________ استدعاه لغرفته التي لم يغادرها منذ فترة، لم يتوانى مراد في تلبية طلبه ليستجاب فورًا، بعد تقبيل يده جلس مراد ليستمع له، فكر السيد رشدي جيدًا فيما اتخذه من قرار ولهذا قال دون مقدمات: -أنا كنت كلمت هدى في موضوع جوازك يا مراد، وخلاص اختارتلك واحدة حلوة عقد مراد جبينه وهو يرد: -أنا دلوقتي مش في دماغي جواز يا جدي لم يقتنع السيد رشدي بذلك لذا قال بمكر لطيف: -إنت مكسوف تتجوز، أنا عارفك يا مراد، بس مافيش راجل بيختشي! ارتبك مراد حين افتضح بما بداخله، تابع السيد بمحبة: -أنا فاهمك يا مراد، إنت راجل وليك احتياجاتك وكنت متجوز ولازملك واحدة حافظ مراد على هيبته رغم أنه يتمنى حياة طبيعية فقد توفيت زوجته من سنوات، ناهيك عن ذاك الفراغ الغائر بداخله، انتبه مراد أن جده لم يعلن عن الزوجة المستقبلية ولهذا سأل بفضول دفين: -ومين يا جدي اللي هتجوزها؟ رد جده بحماس ممزوج بالفطنة: -هدير بنت عمتك سميحة فور نطقه الاسم حدق مراد في جده بذهول، ردد اسمها بسخط: -هدير!! ادرك السيد رشدي أنه لن يرتضي بسهولة فهي أصغر منه بالعُمر، لكن قال السيد بحكمة: -عارف إن فرق السن كبير شوية، بس ده ما يمنعش تتجوزها، وفيه بيتجوزوا بنات صغيرة عنهم بكتير -بس أنا مش منهم، هدير دي باعتبرها بنتي، إزاي هتجوزها -ليه بقى؟، أوعى تكون مكسوف علشان هتتجوز بنت عمتك رد بحرج أكد حدس السيد: -شوف غيرها أنا مقدرش أعيش معاها!! رد السيد بتهكم: -لا يا مراد، جوازك من هدير هيخليهم يحبوك، هتكسب عمتك وابن عمك والكل، مافيش غير هدير، أنا عاوز استقرار يا مراد، والجوازة دي هي الاستقرار شرد مراد في كيفية التأقلم مع تلك الفتاة وكيف سيتعايش معها، لم يجحف حرجه فهذه شخصيته، لكن انصب تفكيره على أولاده وفكر فيهما، بعد انتظار من السيد وافق مراد مرددًا: -خلاص يا جدي أنا موافق، بس بشرط........!! ___________________________________ بعد تناول طعام العشاء جلست في أحد الجوانب هي وزوجها يتهامسا سويًا حول أمر الأخيرة، سألت سعاد بجدية: -فتحية جالتلك أيه لما حكيتلها؟ همس لها بمعنى: -جالت هات غزل عِندي، وجعدت كتير تبكتني علشان خبيت عليها حاجة زي إكده ردت بلا مبالاة: -لازم تعرف علشان الحل عِنديها، أومال هنوديها فين؟ تأمل حسن غزل وهي جالسة مع أولاده بتودد جارف فقد اعتبرها في منزلة ابنته ولم يفرق بينهم، لاحظت سعاد ذلك فربتت على كتفه قائلة: -إحنا بنعمل الصح يا حسن، غزل مش لازم تخليها وسطينا، محمود كبر ومبجاش عيل إصغير علشان تنكشف عليه إكده، إحنا صعايدة وإنت خابر إن ده حرام ومنرضاشي بيه هز رأسه ليتنهد بضعف فرحيل غزل سيسبب فراغ بداخله، استفهمت سعاد بتحير: -وهي إكده هتسيب العلام يا حسن، دي في آخر سنة وجربت تخلص علشان تخش الجامعة كِيف ولاد كبرات البلد! رد بدراية خفيفة: -هتيجي تمتحن وتسافر تاني، ومن هناك تدخل الجامعة اللي بيجولوا عليها تفهمت سعاد ووجدت الأمر لن يضر بالأخيرة، قال حسن بقلق وعينيه تقع على ابنه: -يوسف مش لازم يعرف، هيضايج قوي دا بيحبها -هنخبي عليه يعني؟ رد بحزم: -يعرف بعد ما تسافر لخالتها، أنا هاخدها من وراه بكرة الصبح علشان نلحج الجطر دا سفر بياخد ساعات فكرة رحيل غزل عن المنزل أثرت في سعاد التي جمدت نظراتها عليها لتشبع شوقها القادم فسوف تشتاق لمرحها وطلعتها الودودة، انتبهت لـ حسن يقول بألم: -البت دي هتجطع فيا، أنا اتعودت عليها...................!! x x x x x x xx _________________________ x x x x x x x x x x ___________________ x x x x x x x x x x x x x ____________ | ||||
13-06-20, 12:25 PM | #13 | ||||
| يعني غزل بنت عمة مراد الي زوجها حبيبها طلب التخلص منها وهي اعطتها لصديقتها والاب الهمجي شك في بنته وقتلها وهي بريئة والصديقه الي انقتل طلبتعدم قتلها او هي سمعت احد يتفق مع ابو الطفله انه يقتلها وله فلوس علشان كذا خافت عليها وهربتها بس الغريب ماقالت الم انها لقت الطفله وشاكهباحد | ||||
13-06-20, 09:18 PM | #14 | |||||||||
عضو ذهبي
| الرواية مشوقة جدا وجميلة💖💖 بابن مراد هو البطل بس كم عمره ماعقدرت اخمن بس باين في الثلاثين في سن يوسف غزل بتكون بنت قسمت يعني بنت عمة مراد بي ماعرفنا ليش ناديه الي هي صاحبة قسمت اتخلصت منها وليه هي اتخلصت منها اساسا ..ظاهر ومنتصر ولاد سميحة باين طماعين زي اسعد ..اما يوسف فتصرفاته لا تصح خصوصا ان انو عارف انها مش اخته وهي مستحيل تشوفه غير انه اخوها كويس الي عمله حسن عشان يبعدها عنه ..اما امل فحركاتها وتصرفاتها وقلبها الاسود حتقع في شر. اعمالها مع اسعد الكلب ..ياترى حيحصل ايه لغزل متشوقين للاحداث ودمتي بخير 😍😍 | |||||||||
13-06-20, 09:26 PM | #15 | ||||
| بحب روايات الاريض والاسود 😍..الرواية باينة مشوقة اتمنى لك التوفيق ..مراد احسه شخص جامد وجده رشدي رباه على اساس انه خليفته في. حمل اسم.واعمال العائلة وحمله فوق طاقته من صغره حتى بزواجه وهو يعتبر طفل ماخلاه يعيش طفولته وزي الماسالتانية الان بعد موت زوجته كمان جده بيتدخل ويتحكم في حياة مراد للمرة التانية ويفرض عليه بنت عمته ..الجد كل همه الاسم والتركة مافكر بحفيده واحلامه ومراد اصبح زي الانسان الالي الي بينفذ وبس ..ياترى لما تدخل غزل حياته حيحصل ايه ..متشوقين للاحداث الجاية 💞💞 | ||||
14-06-20, 01:47 PM | #17 | |||||
| اقتباس:
| |||||
14-06-20, 01:49 PM | #19 | |||||
| اقتباس:
| |||||
14-06-20, 01:52 PM | #20 | |||||
| اقتباس:
| |||||
أدوات الموضوع | |
انواع عرض الموضوع | |
|
|