14-06-20, 09:56 PM
| #22 | ||||
|  مستعدين يا قمرات للفصل الرابع لأنه مليان أحداث و كل فصل فيه أحداث أكتر ها مين مستني الفصل و أرجوكم كومنتات وو تفاعلات في هنا لو عجبتكم الفصول يا ريت متبخلوش عليخ بتفاعل أنا بقدر قرائي و بحطهم في عنيه تحياتي ليكم جميلات المنتدى مثقفاتي  الساعة تسعة و نص هيتم تنزيل الفصل الرابع حبوباتي | ||||
|  |
|
14-06-20, 10:33 PM
| #24 | |||||
|
جلست(بسملة)بجانب(مروان)الذي كان يشاهد فيلم من نوع الإثارة. شعر(مروان)بجلوس زوجته ورأسها التي أسندتها على كتفه كقطة وديعة ولم يخف عنه توترها وتكور أناملها ببعضهما البعض عند تفكيرها بشيء ما يقلقها. وضع(مروان)أنامله بين خصلاتها الناعمة وقبلها هامسًا وهو يحيط كتفها الضئيل بذراعه: -(بوسبوستي) مالها ؟ كادت أن تتفوه(بسملة)بما فيها ولكن هاتف(مروان)صدح بنغمة خاصة بوالدته. أخذ(مروان)هاتفه من على المنضدة وقال: -تلاقي ماما عايزة تطمن عليكي. ثم ضغط الزر: -أيوة يا ماما، أه تمام روحنا للدكتور بس مدخلتش معاها كان جالي مكالمة من مدير الشركة، والدكتور طلب مننا تحاليل وأشعة، لأ الأشعة علشان يطمن أكتر زيادة إطمئنان بس أه. ثم نظر إلى(بسملة)مبتسمًا: -أه جنبي أهي ماشي. وأعطى هاتفه إلى(بسملة) بمرح: -أيوة يا عم إدلع ماما عايزة تطمن عليكي. لكزته(بسملة)في كتفه وهي تأخذ الهاتف وتأوه(مروان)ضاحكًا تحدثت(بسملة): -أيوة يا طنط، لا يا حبيبتي والله أنا بخير هو بس شوية إرهاق و لا قاعدة على اللاب، لا يا حبيبتي متتعبيش نفسك، طب علشان تصدقي إني بخير و أنا راجعة من الشغل بكرة هعدي عليكي أوكيه...ههه حاضر. ونظرت إلى(مروان)ضاحكة: -هاخد بالي من(مروان)أوكيه سلميلي على(سالي)مع السلامة. ابتسم(مروان)وهو يأخذ الهاتف من(بسملة)وتساءل: -ماما وصتك عليه؟ التقطت(بسملة) بعض من طبق البوشار ووضعتها بفمها مدعية التجاهل: -محصلش طبعاً. دغدغها(مروان)في جانبها مازحًا: -يا(بسبوستي) على(رونتك)دا أنا حبيبك يا لمبي؟ أطلقت(بسملة)ضحكة من جراء دغدغته وتحركت من جلستها: -(مروان)بس(يا لا)ههه. اقترب منها(مروان)وإتكأ بذراعيه على الأريكة وبعينيه خبث الدنيا وهو يتأمل زوجته التي كانت أسفل صدره ويقترب بهمس: -فيه واحدة تقول لجوزها(يالا)فين الإحترام يا امرأة؟ أين حمرة الخجل ؟ ضحكت(بسملة)وهي تضع أناملها على فمها وتخفي أسنانها البيضاء: -جنب الفجل والجرجير. ثم رفعت حاجبًا متسائلة وهي تراقب الخبث المتجسد في عيني زوجها: -(مروان)إنت ناوي على إيه بالظبط؟أنا مش مستريحالك. اقترب(مروان)أكتر من وجهها بدفء: -يعني عمال أقرب و إحنا متجوزين و إنهاردة حر و لبسالي بيجامة وشورت ولا هوت شورت كمان و مطلوب مني إيه بقا؟ أغض البصر مثلًا؟ انزلقت(بسملة)بخفة من الأسفل ووقفت خلف(مروان)هاتفة بمرح: -أه طبعاً تغض البصر مش مراتك؟ يبقى لازم تغُض البصر. التفت(مروان)متفاجئًا ووقف يراقبها تطفئ التلفاز وتذهب إلى مشغل الموسيقى وتساءل بمرح: -إنتي بتعملي إيه؟ ينفع تسيبيني كدة؟ أنا زحلان؟ وضعت(بسملة)سبابتها على شفتيها وهي تقترب من(مروان): -هوششش إسمع وبس. صدر بعدها صوت(محمد منير)بأغنية(لما النسيم): -لما النسيم...بيعدي بين شعرك حبيبتي بسمعه...بيقول آهااات هتف(مروان)بشوق واقترب من(بسملة)يحتويها بذراعيه: -يااه يا(بوسبوستي)أنا بعشق الأغنية دي. وتخللت أنامله خصلاتها المنسدلة على ظهرها ويلتقط بكفه الآخر كفها مقبلًا إياها بدفء وهو يهمس بأذنها يكمل الأغنية: -وعطورك الهادية اللى دايبة فيكى كل ما تلمسك بتقول آهاات. وكان(مروان)ينهي جملته باستنشاق خصلات(بسملة). ثم أكمل وهو يلمس وجه(بسملة)وعينيه تصرخ حنينًا: -يا نجمة...كل ما ضيها يلمس حجر...يعلى ويتحول قمر. -بكتب حروف اسمك بحبات الندى...على كل أوراق الشجر. (بسملة)كانت تشعر بأنها أميرة من الأساطير بين ذراعي حبيبها وبسمتها لا تغيب عن شفتيها ثم أكملت الأغنية وهي تدغدغ بأناملها شعر(مروان): -مين اللي يقدر يعشقك أدي أنااا...مين اللي يقدر يوصفك زيي أناا. ثم أطلقا كلماتهم معًا: -يا حلم نفسى تحلمه كل القلوب...يا أعلى إحساس شدنى خلانى أدوب...خلانى أحس إنى بشر. تفاجأت(بسملة)أن(مروان)رفعها بذراعيه وضمها إلى صدره هاتفًا: -عايزانى ليه لما تقوليلى بعشقك ما اصرخش واملى الكون آهاات... وكانت ليلة ليست كمثيلتها بالنسبة إلى(مروان)و(بسملة)فلقد ذابا شوقًا وحبًا. ********* في وقت الظهيرة دلفت(أروى)إلى المطبخ وكانت تعد الفطور ثم اتجهت إلى المبرد لتخرج اللحم النيء الذي أعطته إليها(فرح)من قبل وقد قررت طهيه اليوم لأن(فادي)كان حنونًا معها الليلة السابقة فأرادت ارضاؤه بعمل طعام شهي لعله يغير معاملته البشعة. تفاجأت به خلفها وهو يحتضن خصرها: -صباح الخير يا جمييل، إيه اللحمة دي جبتيها منين؟ التفتت(أروى)وقشعريرة تسري بأوصالها وهي تشعر بقبلته عند عنقها: -صباح النور يا حبيبي، دي من(فرح)جارتي دبحوا و إدتني من الدبيحة. أدارها(فادي)وداعب خصلتها وهو ينظر بعينيه الخضراء الداكنة في عينيها متسائلًا: -تُشكر، قومتي ليه من جنبي؟ ارتعشت(أروى)من داخلها محاولة السيطرة على خوفها: -أابدًا قلت أقوم أعملك الفطار وأحضر الغدا. قرب وجهها بعنف منه قائلًا وهو يتلذذ بخوفها هذا: -امم تسلم ايدك يا طِعم إنتَ. وخرج بعدها صوته به لكنة أمر: -بس لما تكوني نايمة جنبي متقوميش إلا لما تقوليلي بعد كده مينفعش تسيبيني. وصمت عن التحدث متفحصًا حدقتيها التي خيل إليه أنها ترتعش ثم قال بنبرة هامسة وهو يدنو بشفتيه منها: -لما تخلصي الفطار هاتيه الأوضة أصلك حلوة أوي انهاردة. علمت(أروى)ما يدور بعقل(فادي)وهزت رأسها في طاعة: -حـ..حاضر يا(فادي)هخلص وهجبلك الفطار في الأوضة زي ما قلت. تركها(فادي)والنشوة تنطلق بين حروفه: -مستنيكي يا قمري. وخرج تاركًا(أروى)تتخبط من داخلها ويديها ترتعش تنهدت وهي تضع اللحم ثم فتحت صنبور المياه عليه ورفعت رأسها للأعلى تبتهل إلى الله أن يصبرها على بلائها وأن يهدي زوجها من حماقاته وخُلقه السيء. وتنهدت بقلة حيلة: -يا رب إنت اللي عالم بيه مليش غيرك. ******* استيقظت(إينار)على مداعبة أنامل(يوسف)زوجها هل قالت زوجها؟؟ احمرت وجنتيها عندما تذكرت(يوسف)أسبلت عينيها عدة مرات ثم فتحتهما ورأت وجههُ وهو يتأملها مبتسمًا وقال وهو يغمز بعسليتيه: -صباح الخير يا (ناري). قامت(إينار)والابتسامة تشع بثغرها وتعيد ذراعيها للخلف متثائبه: -صباح النور يا (يوسي). ثم تلفتت رأسها يمينًا ونظرت إلى الشرفة التي يظهر من خلالها شاطئ رملي ذو نسمات هادئة وأمواج بحر صافية تركض خلف بعضها وقالت بتنهيدة راحة: -جميل أوي يا حبيبي المكان اللي بنقضي فيه شهر العسل بتاعنا. ثم ضحكت وهي تضع أناملها على أطراف فمها قائلة: -يووه أنا بنسى إسم المكان هو اسمه إيه يا(يوسف)؟ أخذ(يوسف)يتأمل نغماتها التي تخرج من فمها فكلماتها بالنسبة إليه كالنغمات لا يستطيع أن يحيد برأسه عنها لحظة ترى ماذا فعلت به هذه المرأة النارية؟ ثم هز رأسه عندما سمع(إينار)وهي تهتف باسمه: -(يوسف)إنت روحت فين؟ ضحك(يوسف)على ما آل حاله إليه سيصبح من المجانين إن لم يكف عن تفكيره بها حتى وهي أمامه. أخذ بذقن(إينار)واقترب من وجهها فجأة بهمس: -ده بقى يا قلب(يوسي)مكان اسمه "شرم الشيخ". هزت(إينار)رأسها وهي تتصنع المعرفة: -أيوة أيوة أعرفه بس كان تايه عن بالي كنت بشوفه في التلفزيون و الدِش أومال ما أنا قلتلك تعليمي متوسط. قهقه(يوسف)وهو ينام على الفراش من كثرة الضحك ويضع راحة كفه على جبهته هاتفًا: -يا لهوي عليكي يا(إينار)، دا إنتي تعليمك عسل مش متوسط. ما فعله(يوسف)أثار غضبها وقالت وهي تقف على الفراش الذي أظهر قميص نومها الأحمر ذو الحمالات الرفيعة للغاية ووضعت يديها في خصرها: -بتتريق عليه يا(يوسف)أه تعليم متوسط و أعرف اكتب براجراف بالإنجليزي و حافظة كام كلمة بتتكون من حداشر حرف و خمسين حرف كمان. هنا صرخ(يوسف)من كثرة الضحك وهو يتلوى يمينًا ويسار أخذت(إينار)وسادتها ثم انهالت على(يوسف)ضربًا وهي تنحني قام(يوسف)بجزعه وهو يضع يده أمامه مدافعًا عن كم الضربات التي يتلقاها من زوجته الغاضبة ومازال الضحك مسيطر عليه وهو يحاول تفادي غضب(إينار)وهي تقول بانفعال: -والله بتضحك طب أنا هضحكك أوي يا خفة. أخذ(يوسف)خصر (إينار)بذراعه القوية وأسقطها على الفراش مما جعلها تسقط على ظهرها وهي تشهق صارخة: يخربيتك. ثم ضحك(يوسف)مرة أخرى وما زالت ذراعه تحاوطها واقترب منها حتى قارب وجه من وجهها وأنفاسها مضطربة وتعلو وتهبط نظر إلى عينيها قائلًا بمرح : -طب أعمل إيه بس فيكي يا مجنونة والله أنا اتجوزت واحدة مجنونة وأنا معرفش. كادت(إينار)أن تدافع عن نفسها ولكن(يوسف)وضع أنامله على شفتيها الصغيرة هامسًا: -ششش إسمعي بس للآخر، أنا بحبك كده يا(ناري)مش عايزك تتغيري تعليمك متوسط تعليمك عالي مش متعلمة بحبك كده بحب (إينار)اللي جننتني ببدلتها الفيروزي و الحمرة و الدهبي والسودا و أه من السودا عجبني لما رفعتي جزمتك على واحد علشان كان عايزك قررت من هنا إني عايز أتجوزك و أخليكي ليه مش لحد تاني فهمتي بقى؟ ثم أزاح اصابعه عن فمها ينتظر رد فعل هذه القطة الشرسة ولكن(إينار)بعد أن أجزمت أن مظهرها الآن كالبلهاء فلقد فتحت فاهها بعض الشيء من سحر عبارات(يوسف)بالنسبة إليها فهو يقبَلها على وضعها هذا. لامس(يوسف)أصابعه على وجنتها فلقد انتابه بعض القلق عليها فهي لم تتفوه بكلمة واحدة وقال: -(إينار)حبيبتي انتي كويسة ؟ قالت(إينار)كالبلهاء بصوت متهدج ونفس منقطع وكأنها تتسلق جبل: -يا لهوي على كلامك يا(يوسف)عايزني أقول إيه بعد كلامك ده. علت البسمة فم(يوسف)وبانت أسنانه المتناسقة وقبل خصلاتها قائلًا: -قولي بحبك يا(يوسف). قالت(إينار)لا إراديًا: -بحبك يا(يوسف)بحبك أوي. قبلها(يوسف)من شفتيها ثم قال بعد أن توردت وجنتيها: و أنا بموت فيكي يا روح(يوسف). ثم قال متسائلًا وهو يلتقط كفها ويفتحه يرسم خطوط وهمية بها: -قوليلي صحيح هو فيه كلمة إنجليزي بتتكون من خمسين حرف؟ نفت(إينار)وهي تضحك بخبث وتضع كفها الآخر على فمها: -ولا أعرف حتى كلمة من عشرين و لا عشرة حتى. دغدغها(يوسف)في خصرها هاتفًا: -يا شييخة و إتحمقتي أوي و تقوليلي حافظة مش عارفة كلمة من خمسين حرف ها؟ أطلقت(إينار)ضحكة جعلت القليل من العقلانية بعقل(يوسف)غير موجودة وهتف وهو ينقض عليها: -الله ها الله دا إحنا هنقعد في الأوضة بقا؟ ضحكت(إينار)هاتفة: -(يوسف)بس يا مجنون إحنا الصبح و لسه هنروح البحر . قاطعها(يوسف)وهو يطلق ضحكة ساخرة وفي فحواها مكر: -هههه أه بحر بعد الضحكة دي؟ مينفعش بحر إنتي حرقتي فيوزاتي. رفعت(إينار)حاجبًا: -إيه فيوزاتك؟ ثم قالت بخبث وهي تتلوى على الفراش بين ذراعيه القويتين وتضع يديها خلف شعرها المنساب مثل جسدها الناري: -وإيه حرقها بقى ؟ خلع(يوسف)ردائه العلوي: -و كمان حركات إغراء طب تعالي بقى و أنا أفهمك. أطلقت(إينار)ضحكة خليعة: -مش عايزة أفهم يا(يوسي). ****** جلست(غدير)في غرفتها بعد أن استيقظت عصرًا وأخذت حمام دافئ ينعشها وينسيها ما تواجهُ من مآسي فهي لن تنسى(إياد)وما فعله فلقد عاد الفجر وكانت هي مستيقظة وقد عادت قبله بعدة ساعات وعند اتصالها به وجدت هاتفه مغلقًا وكان القلق ينهشها ولكن عند دلوفه للبيت وهو يترنح وكان السُكر سيده وصعد عدة درجات وهي تراه من أعلاها وتنظر إليه بقمة الاشمئزاز فلقد زاد الوضع عن حده عقدت ذراعيها والغضب يعتلي وجهها: -يعني ينفع كده يا(إياد)تليفونك مقفول و راجعلي عمال تتطوح كدة ؟ نظر إليها(إياد)وتوقف عن الصعود ناظرًا إليها وهو يشيح بيده: -عااادي...ييــ...عني...إااايه المشكلة خخخلاص أمشي؟ أشارت إليه(غدير): -هو إنت كنت فين؟ حفلة؟ معتقدش طبعًا أكيد كنت معاها،أنا ك... ولم تكمل(غدير)كلماتها فلقد تفاجأت بصعود(إياد)المفزع بالنسبة إليها وأمسك وجهها بعنف بكلتا يديه ورائحة الخمر تخترق أنفها: -شششش أنااا ككنت ممعاكي، متشغليش دماغك بككنت مع مين، ححتى لو مع واحدة تانية إاانتي اللي معايا سمعاني. رغم عدم تصديق(غدير)لأي ترهة من ترهاته ولكنها هزت رأسها موافقة على ما يقوله. ابتسم(إياد) وعينيه تلمع بخبث. تذكرت(غدير)ودموعها تسبق أناملها التي تحاول مسحها وهي تتذكر كم خضعت له ولكلماته لما تبدو حمقاء خانعة خاضعة له بهذه الطريقة ؟ ثم قاطعها صوته هاتفًا من خارج الغرفة: -(غدير)يا(دورا)مش يلا يا قلبي عندنا مقابلة في برنامج هنتأخر؟ ابتسمت بسخرية وهي تتأمل وجهها الذي فسدت زينته بسبب عبراتها وقالت بصوت محاولة جعله طبيعيًا: -حاضر يا (إياد) ثواني ونازلة. ثم أكملت بعد أن أزالت عبراتها بمنديل وألقته جانبًا وهي تضع بعض من البودرة التي تجعل وجهها أملس: -إنزل إنتَ يا حبيبي. أتاها صوت(إياد): -أوكيه يا(دورا)مستنيكي. ثم طرق إلى مسامعها صوت نزول(إياد)على الدرج. نظرت إلى ذاتها في المرآة ولقد تحولت كليًا من وجه عابس إلى وجه مشرق براق يشع بالحيوية والفرح. ضحكت(غدير)بسخرية أكثر وهي ترى في المرآة ذاتها مصفقه بكفيها: -برافو(غدير)مثلتي في المسلسلات والأفلام وبتمثلي في الحقيقة بجد فخورة بيكي. ثم قالت وكأنها تحادث شخص حقيقي: -عن إذنك بقى أروح أكمل تمثيل في البرنامج باااي. أرسلت قبلة في الهواء ودارت بجسدها مغادرة الغرفة تعلن لذاتها عن تمثيل فصل آخر من حياتها . ******** في الليل وقت أذان العشاء جلس(رامز)مع صديقه(قاسم)في قهوة (مزاجنجي)في أسفل بناية منزلهما وكان(رامز)الضيق يظهر على ملامحه وهو يرتشف الشاي من كوبه الساخن ثم وضعه وهو يتململ في جلسته بجانب صديقه(قاسم)الذي لوح إليه وهو يعقد حاجبيه الكثيفين وبصوته بعض الصلادة هاتفًا: -جرى إيه يا عم(رامز)فيه إيه يا بني؟ من ساعة ما قعدت و إنت عمال تتحرك بالكرسي أُدام شوية وورا شوية ما تهدا كده و تقولي مالك؟ هتف(رامز)بضيق لاويًا فمه: -الست(نسمة)مش عايزاني أسافر أنا مش عارف أعمل إيه؟ ضحك(قاسم)وهو يصفق يد بيد مما أثار غضب(رامز)ونظر إليه شذرًا: -يا سلام طب ما تضحكني معاك يا عسل إنتَ. توقف(قاسم)عن الضحك ونظر إلى(رامز)معتذرًا: -طب حقك عليه يا(رامز)وقولي بقى إيه اللي حصل؟ توجه(رامز)بالمقعد صوب(قاسم): -(نسمة) طالعالي في الأزرق و عملت فيلم علشان قلتلها على موضوع السفرية بتاعة روسيا دي. رفع(قاسم)حاجباه بتعجب: -طيب و هتعمل ايه؟ رفع(رامز)كتفيه بحيرة: -والله مش عارف. ثم قص لصديقه على ما فعله وبعد أن أنهى حديثه وقال وهو يرى من بعيد صديقه الثالث(يونس): -طب بس بقى يا عم علشان صاحبنا الواعظ جه. ضحك(قاسم)بسخرية وهو يحك ذقنه القصيرة أسفل شفته: -أه عم الشيخ(يونس)يا أهلًا. نظر إليهما(يونس)بمودة وتغاضى عن سخريتهما التي اعتادها منذ صغره، وجر مقعد خشبي آخر هاتفًا: -حلبة حصى يا(ليفه)،مساء الخير عليكم. ردد(رامز)بسخرية لاذعة: -حصى!! مساء الفل يا(يونس)، إنتَ يا بني مش هتبطل الأدب اللي انت فيه ده و تعيش كده؟ دا أحنا في حارة(الكوفتي)اللي هي طالع منها ناس سوابق. ضحك(يونس)حتى بانت نواجزه وقال: و إنت مش هتبطل السؤال ده يا(رامز)و ربنا يهديك كده؟ اقترب(قاسم)منهما وقال بمرح: -عارفين إنتوا بقالكم كام سنة و إنتوا بتسألوا بعض السؤال ده يا جدعان دا احنا أصحاب من أيام المدرسة. تراجع(رامز)ولوح بيده اليمنى: -يا عم هو أنا ناسي. ثم دنى بوجههُ إلى كفه متكئًا عليها: بس إلا قولي صحيح يا شيخ(يونس)هو إنت متشيك كده ليه بنطلون جينز و قميص أبيض مبين العضلتين اللي عندك، رايح فرح و لا هتتقدم لعروسة؟ هز(يونس)أصابعه متسائلًا: -هو إيه حكاية شيخ(يونس)دي يا بني هو علشان أنا واحد مبشربش سيجارة و بصلي و ملتزم في حياتي أبقى شيخ؟ ثم نظر إلى ملابسه وأشاح بيده في وجه(رامز): -و بعدين هو أنا كنت معفن قبل كده و أنا معرفش، أنا عالطول شيك، و هريحك يا سيدي أنا رايح فرح (ولاء) بنت خالتي وماما هتنزل دلوقتي و معاها(فريدة)أختي. هتف(قاسم)بمرح: -أهو شفت يعني(رامز)مغلطش لما قال إنك متشيك الله عليك يا (رامز)و إنت مركز. نظر إليهما(يونس): مش عارف إمتا هتعقلوا؟ ضحك(قاسم)وهو يشير إلى ذاته: -الصراحة أنا مبسوط إني مش عاقل لكن صاحبك(رامز)هيعقل و يخطب(نسمة). علا مزيج غريب بين الدهشة على قسمات وجه(يونس)ثم اختفت: -بجد؟؟ هتخطب(نسمة)يا(رامز)؟مبروك ألف مبروك. ابتسم(رامز)بخفة: -الله يبارك فيك يا(يونس)عقبالك. قام(يونس)سريعًا: -يا رب أنا هروح أستعجل ماما و أختي. ثم نظر إلى ساعة يده وأكمل: -الوقت بيفوت يلا سلام. ثم تركهما متعجبان من استعجاله الغريب. جاء(ليفه)بمشروب(يونس)هاتفًا : -و عندك واحد حلبة حصى للأستاذ(يونس). ووضع الكوب ناظرًا إلى مقعد(يونس)الذي فرغ وتساءل: -الله! هو فين الأستاذ(يونس)يا عم(قاسم)؟ ضحك(قاسم): -مشي، بح يا(ليفه)هنشربه إحنا. قال(ليفه)بزرزره: -أوووه يبقى مش هيدفع تمنه. قام(قاسم)من مقعده وأمسك رأس(ليفه)ودفعها في صدره بقوة: -عليك نوور واعي يا روح أمك. ثم أخذ يمسك خصلاته وأكمل: أنا عرفت صحيح هما ليه سموك (ليفه)علشان شعرك اللي شبه الليفة هع هاهاها. ثم أطلق ضحكة ساخرة دافعًا(ليفه)بصينيته الفارغة ونظر إلى(قاسم) بمقت وهو يحك خصلاته السوداء ثم عاد أدراجه ساخطًا. ضحك(رامز)على صديقه(قاسم)وعلى ما فعله مع صبي القهوة المسكين ثم قال: -ياض بطل إفترا إنت مستقوي كده ليه على الواد؟ ضحك(قاسم)وهو يجلس مرة أخرى: -معرفش بس بحب أرذل عليه بشعره ده، المهم يا عريس هتعمل إيه؟ نظر(رامز)بسخرية: -عريس...أه تصدق كنت هنسى، هروح أتقدم لها بعد بكرة و أخلص من زنها ده. عدل(قاسم )مقعده ونظر بعمق في عيني(رامز): -هو أنا ليه حاسك مغصوب على الجوازة دي؟ نفى(رامز)بسرعة: -لأ طبعًا مغصوب إيه يا بني هو(رامز)يتغصب على حاجة؟ أنا بحبها و علشان كده لازم أراضيها. لم يقتنع(قاسم)بما قاله صديقه ولكنه ابتسم وهو يربت على كتف (رامز): -ربنا يسعدك يا خويا. ابتسم(رامز)بتوتر وهو يرتشف كوب الحلبة وينظر إلى الفراغ ولا يعلم هل ما سيفعله صائب أم... ********* ها يا ترى هيحصل إيه ؟ هل جوازه يوسف و اينار حبهم هيستمر ؟ أروى و فادي توقعاتكم ايه ؟ بسملة و مروان هييح و لما النسيم نسمة و رامز ايه في دماغ رامز و خايف ليه و ايه رأيكم في قاسم؟ توقعاتكم للي جاي با بناويت و منتظرة لايكاتكم و تفاعلاتكم | |||||
|
| |
|
14-06-20, 11:54 PM
| #27 | |||||
| اقتباس:
الصبر يا جميلة | |||||
|
| |
|
14-06-20, 11:58 PM
| #28 | |||||
| اقتباس:
فادي فعلا انسان مختل و بيحب يخوف أروى لأنها وحيدة ملهاش حد و لا ضهر تتسند عليه و لكن تفتكري هتفضل كده عالطول و لا هتتغير؟ رامز ندل هممم تفتكري؟ طب ما يمكن رامز هيتجوز نسمة يا نونا مش عايزين نظلم الراجل  و تسلمي يا نونا لى حضورك و تفاعلك السكر و دايما منوراني يا سكر  | |||||
|
| |
|
17-06-20, 02:12 AM
| #30 | |||||||
| نجم روايتي  
| مساء النور حبيبتي إسراء  , عنوان الرواية جميل للغاية و هو نوعا ما دفعني لقراءة فصول الرواية رغم اني متوقفة حاليا عن القراءة بسبب انشغالي بالكثير من الامور من بينها روايتي الحالية ..و لكن لا باس باقتطاع جزء من وقتي للقراءة لا سيما و اني استمتعت للغاية بما قراته ... حتى الان لم تتوضح القصة بشكل عام و لا الرابط الذي يجمع بين ابطال الرواية و لكن القصص المختلفة لكل شخصياتها جعلت لكل شخصية مسارا متفردا رامز و نسمة ///علاقة حب يوجد منها الكثير في مجتمعنا العربي , الشاب غير قادر على تأسيس أسرة و الفتاة غارقة حتى النخاع في حبه مقدمة الكثير من التنازلات في سبيل ذلك ..رغم أن انزعاج صديقه يونس قد جعلني اشك بحبه لنسمة ..ما اعتقده أن رامز سييذهب فعلا و يتركها و سيتقرب منها يونس . فادي و أروى /// رجل مثله هو عذاب لا يمكن لاي امراة حمله و لكنها المسكينة تعيش وحيدة و لا ملجأ لها سواه , ما اعتقده ان فادي قد عانى بشكل ما و هو يخشى فقدانها , يخشى البقاء وحيدا , رغم اني لا احلل افعاله ..العنف ضد المراة امر قاس و لا يجب ان يتم تبريره . بسملة و مروان /// قصة الحب الايجابية في هذه الرواية رغم اني اشك انها ستبقى على هذا الحال بسبب مرضها غدير و إياد /// الخيانة الزوجية , إياد يعاملها بقسوة تاركا اياه تحاول لملمة خطاياه و اخفاها عن الناس رغم انه قد احدث شرخا بالفعل في قلبها و مزق انوثتها ..هي تحبه بالفعل و لكن هل ستنجح في استعادته ام ستستسلم ؟ سلسبيل و طارق و وعد /// الرجل احيانا يتمادى في التباهي برجولته ليقترف مثل هذا الخطأ أن يتزوج على زوجته دون علم حتى ..و هي صديقتها فوق هذا ..لا أدري كيف اصنفهما ؟ و لكن الحب لا يشفع ابدا مثل هذه الافعال ..ان تبني حياتك حتى لو حطمت شخصا اخر في سبيل ذلك .. إنار و يوسف /// قصتهما ستكون اكثر من معقدة , حب بتلك الطريقة ليس سوى تهلكة , من الواضح أن يوسف تصرف بطريقة متسرعة تماما و هو يهم بالزواج من راقصة متجاهلا كل الموانع ...حتى لو كان هناك الحب الا انه لم يكن يتصرف بمنطقية و هو يتزوجها بتلك الطريقة .. ستعاني انار خفوت مشاعره هذه بعد ان تخفت شهوته اتجاهها و تبدأ الفوارق بالظهور امام عينيه .. كل التوفيق في روايتك و مرحبا بك معنا , استمتعي بما تخطينه .. ارحمي عيناي و انت تفعلين ذلك (كبري الخط الى 5 :heeheeh: في انتظار الفصل القادم ..ليلة سعيدة ..الكاتبة الزرقاء | |||||||
|
| |
 |
| أدوات الموضوع | |
| انواع عرض الموضوع | |
|
|
.png)
العرض العادي
