آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-09-18, 05:14 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  وراء كبرياءه عاشق ، للكاتبة/ دودو محمد،مصريه (مكتملة)
التعديل الأخير تم بواسطة فيتامين سي ; 12-09-18 الساعة 10:32 PM | |||||||||||||||||
|  |
|
12-09-18, 05:15 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية https://www.rewity.com/forum/t423958.html#post13613791 «وراء كبرياءه عاشق» اقتباس يُحِبُ بشده .. ولكن دائما كبرياءه يسيطر ف المواقف الحساسه على قلبه سيطرةُ كامله . احيانا يكون بداخله عواصف من الكلمات ولكنه يوقفها خلف هذا الحاجز الصامت حتى لا يبدو عليه اللهفه او الشوق . يمكنه فى ليلةٍ ان يبكى بالدموع ويتوسل من كثرة الحب ، وفى ضحاها يكن كالتمثال الواقف . لا يكسِره شئ ، لمجرد احساسه بأن ضعفه ف الحب قد وصل لأنثاه ، وعلمت منه ما علمت . فيشعر وقتها بأن شعرة الرجوله القويه التى بداخله كادت ان تنقطع . قد حاز على جائزة نوبل ف القوة ، حتى يظل صامداً اما هذا الكائن الذى يسمى بالأنثى . فلا يهمه اظهار جوهر قوته امام نفسه ، بقدر اهتمامه واصراره على اظهار هذه القوة امام أنثاه . حتى تظل دائما على يقظه بأن كبرياء هذا الرجل لن ينام ابداً رجلاً لا تعرف ملامح وجهه الضحك الى حد كبير . وتزوره الابتسامه كل حين وآخر . ولكنها ليست بالزائر المرحب به. يمكن لكبرياء هذا الرجل ان يجعله يخسر اعظم قصة حب . دخلت الى قلبه ، حتى لا يتنازل عن مبادئه ولو بجزء بسيط ، التى ربما تكون مبادئ جوفاء مقارنة بالحب . ...يمكنه ايضا ان يمر بقصة حب بسيطه ولكنها ف عمقه قوية . تجعله يتخطى خطوط الكبرياء العريضه . والظهور كطفل صغير منكسر . ينتظر الحمايه والحب والامان من انثاه . وربما تكُن ضحكه منها . تزلزل كيانه بأكمله . و لكن خطر هذا الرجل . انه اذا احب احب بعمق .. واذا شعر بأن هناك شيئاً سيتخطى جميع الحدود للنفاذ عبر الكبرياء يمكنه ان يدمر هذا الحب وهذه الانثى تدميراً كاملا . حتى يعيد الى نفسه احساسه من جديد بانه صاحب السيطرة اولاً واخيرا على عواطفه . التى ربما ينظر لها على انها موجة من الهواء …………………………………………� �……… بقلمى (دودو محمد) يلا يا حلوين تفاعلو 👇👇 علشان انزلكم اول فصل من الروايه بحبكم اووووووى 😍😍💖💖😘😘💝💝💞💟 التعديل الأخير تم بواسطة فيتامين سي ; 12-09-18 الساعة 08:08 PM | ||||||||
|
| |
|
12-09-18, 05:20 PM
| #3 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» تعريف الشخصيات عز الدين:- صاحب أكبر شركة للبناء والتعمير فى الاسكندريه يبلغ من العمر ستون عامآ وسيم جدآ رغم تقدمه فى العمر يبدو عليه الهيبه حنون جدآ على ابناءه ولكن فى بعض الاحيان يضطر ان يظهر لهم بعض القسوه زوجته متوفيه من عشر سنين كان يحبها بشده وينتظر اليوم الذى سوف يرحل فى من الدنيا للقاء محبوبته ورفيقة عمره وام ابنائه وزوجته منى سيف عز الدين :- الابن الاكبر يبلغ من العمر التاسع وعشرون خريج هندسه معماريه يدير مع ابيه الشركات وسيم جدآ يبدو على ملامحه بعض القسوه الذى تجعله جاد فى عمله يهاب الموظفين فى الشركه لديه كبرياء كبير قلبه يغلفه القسوه يكره كل شئ مؤنث لا يحب ما يجرى وراه الرجال من ملاذات ومحارم لا يحب معشرة النساء فى اى ظرف من الظروف لا يهاب احد الا ابيه ولا يأخذ بكلمة احد صوته من دماغه ينفذ اللى هو عايزه وبس أدهم عز الدين :- الاخ الاوسط يبلغ من العمر الخامسه وعشرون فيه بعض الشكل من اخوه سيف ولكن يختلف عنه فى الطباع لديه شخصيه مرحه يحب الضحك والهزار ويحب اصطحاب الفتيات وفعل المحرمات فى كلية تجاره ولكن فاشل جدآ فى الدراسه ديمه :- الاخت الصغيره تبلغ من العمر عشرون عامآ ليس محجبه جميله جدآ ورقيقه جدآ ودلوعه جدآ جدآ جدآ الكل يحبها واخده شخصية أدهم المرحه تحب الضحك والهزار فى كلية طب ومتفوقه جدآ فى درستها …………………………………………� �……… حسن :- يبلغ من العمر خمسون عامآ يعمل فى شركة عزالدين للبناء والتعمير اب حنون جدآ على اسرته يفعل اى شئ ليحقق ما يتمنا ابنائه اصله من الصعيد ولكن تركها وجاء الاسكندريه هو واسرته يبحث على لقمة العيش يسكن فى احدى المناطق الشعبيه حوريه :- الام تبلغ من العمرخمسه و اربعون عامآ محتفظا بجملها رغم عمرها ورغم قسوة المعيشه عليهم لديها بعض القسوه على ابنأئها عمر حسن :- الابن الاكبر يبلغ من العمر السادس وعشرون تخرج من كلية الشرطه شخصيه أجتماعيه وسيم جدآ محتفظ بملامح امه الجميله حبيبه :- تبلغ من العمر ثلاثة وعشرون عامآ محجبه طيبه جدآ فى كلية هندسه معماريه عصبيه وعنديه بعض الشئ لا تمتلك جمال شديد ولكن لديها عيون بونيه تسحر من ينظر اليها دمها خفيف وباقى الشخصيات سوف نتعرف عليها فى الروايه أنشالله .…………………………………………� ��…… بقلمى (دودو محمد ) | ||||||||
|
| |
|
12-09-18, 05:22 PM
| #4 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» الفصل الاول فى احدى المناطق الشعبيه بالاسكندريه توجد بها بنايه قديمه متهالكه وفى أحدى الطوابق توجد شقه بداخلها اسره صغيره تتكون من اربع أفراد ومتجمعين حوالين طولة الطعام الاب حسن :- ايه يا حبيبت بابا مش بتاكلى ليه حبيبه :- شبعت الحمدالله حسن :- يا بنتى اكلتك صغيره اوى حبيبه :- والله يا بابا شبعت الحمدالله الام حوريه :- سبها براحتها يا خويه دى بتدلع حسن :- حرام عليكى بنتك مبقاش فيها جسم خالص حوريه :- ما الاكل ادمها حد حيشها ما تاكل حبيبه :- لا يا ماما الحمدالله وقامت من على الاكل ودخلت اوضتها حسن :- بص لابنه عمر وقال معلش يا ابنى خش شوف اختك عمر :- حاضر يا بابا وقام عمر دخل لاخته الاوضه حسن :- انتى ايه مش ام بدل ما تخدى بنتك فى حضنك وتقفى جمبها بتعمليها بجفاء كده حوريه :- وانا عملت ايه يعنى وبعدين مش كفايه الفضيحه اللى المنيل على عينه اللى كان خطبها عملها لينا فى الشارع حسن :- وذنب بنتك ايه هو اللى طلع ندل وواطى وبتاع نسوان حوريه :- مش ده مجايب بنتك وكانت بتحبه ومتعلقه بى حسن :- مفيش حد مننا معصوم من الغلط وهى اختارت الشخص الغلط يبقى نقف جمبها ونخدها فى حضننا ننسيها اللى حصل مش نقسى عليها ونخلوها تكره نفسها والحياه حوريه :- بقولك ايه انت يا راجل بلاش حنيتك الزياده دى اللى كانت سبب فى دلع بنتك لو كنت حكمتها من الاول مكنتش جابت لينا الفضايح دى كلها حسن :- بصلها وقال لله الامر من قبل ومن بعد وسبها وقام من على الاكل دخل اوضه …………………………………………� �……… عند حبيبه فى اوضتها كانت قعده وبتعيط ودخل عليها عمر عمر :- لالالا يا بيبه بلاش دموع انتى عارفه مبحبش اشوف دموعك وقعد جمبها واخدها فى حضنه حبيبه :- وهى بتعيط هى ليه ماما تملى تعاملنى بجفاء وقسوه كده ليه ا.ا.انا ذنبى ايه فى اللى حصل ه.ه.هو اللى بتاع بنات و.و.وحاول يعتدى عليه عمر :- شششش انسى بقى احنا عرفينك انتى ايه يابيبه وعرفين ان هو ندل وواطى وان انتى ملكيش دعوه باللى حصل حبيبه :- انا تعبانه اوى يا عمر انت عارف يعنى ايه لما تحب حد ويبقى هو كل حياتك وشايفه احسن حد فى الكون ومستعد تضحى بعمرك علشانه ومره واحده تكتشف ان كل ده وهم وان هو واخدك مجرد تسليه ليه او حب امتلاك يرضى بى غروره مش متخيل كمية الوجع اللى بحس بي وبعد ده كله مش قادره اكرهو ولسه بحبه وهو متأكد من ده وبيحاول على طول يوجعنى ويتجاهلنى ويغظنى مع دى ودى وانا ابقى وقفه متابعه وسكاكين بتقطع فى قلبى انا بتمنا اموت النهارده قبل بكره علشان استريح من الهم اللى انا فيه عمر :- بعد الشر عليكى ياحبيبتى الدنيا عمرها ما بتقف على حد وانتى بكره تنسى وتحبى غيره بس يكون راجل بجد يستاهل حبك حبيبه :- ده مستحيل احب غير مصطفى يا عمر عمر :- فوقى لنفسك بقى يا حبيبه مصطفى ده مش راجل لو كان راجل مكنش عمل معاكى كده حبيبه :- حضنت اخوها جامد وعيطت اكتر وقالت مش قادره يا عمر مش قادره عمر :- صعبت عليه اخته ضمها لي جامد وطبطب عليها وسبها تطلع اللى جوها وشويه وسبها وطلع من الاوضه حبيبه :- قعدة تفتكر اللى حصل معاها هى ومصطفى …………………………………………� �……… فلاش باااااك كانت حبيبه قعده مع مصطفى فى احد المطاعم حبيبه :- بحبك اوووووى يا ديشه مصطفى :- مكنش واخد باله من الكلام حبيبه :- ايه يا حبيبى اللى واخد بالك مصطفى :- ها ا.ا انتى طبعآ ياحبيبتى بس هروح اسلم على واحد صحبى وجاى بسرعه وسبها ومشى ونسا تليفونه على الترابيزه حبيبه :- ماله ده وشويه وتليفون مصطفى رن قالت طب اعمل ايه انا دلوقتى وسكت التليفون قالت الحمدالله اهو سكت وقعد التليفون يرن مره واتنين وتلاته حبيبه :- لا كده كتير ومسكت تليفون مصطفى وراحت تدور عليه علشان تديهولو وقعدة تدور عليه لحت ما سمعت صوت همهمات فى مكان مخفى فى المطعم راحت بصت وكان مصطفى ومعا واحده وكان بيبوسها حبيبه :- اتصدمت 😨😨 مصطفى البنت اللى معا طلعت تجرى مصطفى :- اتفاجئ بوجود حبيبه وقال حبيبه هفهمك ا.ا.انا ك.ك.كنت ل حبيبه :- قطعته وقالت تفهمنى تفهمنى ايه انك بتخونى واحنا لسه فى الخطوبه طب ب.ب.بعد الجواز ك.ك.كنت هتعمل ايه انت ايه يا اخى ببساطه كده تقدر تدوس على القلوب اللى بتحبك انت اقل من انى افكر فيك انت بنأدم واطى وغشاش مصطفى :- شدها ليه وقال اعملك ايه من كل ما اجى اقرب منك تعملى فيها خضره الشريفه ومحترمه وانا راجل ومحتاج لحب وحنان و وقرب عليها وحاول يبسها حبيبه :- اوعى كده متلمسنيش وقعدة تزق فيه وتقول انا محترمه غصب عنك انت اللى و***خ وبتحب البنات ال***ه اللى شبهك مش انا مصطفى :- انا هوريكى ال****ه على اصولها وحاول يقطع ليها البلوزه حبيبه :- قعدة تزق فيه وتقول ابعد عنى على جثتى اخليك تلمس شعره منى وفى الوقت ده جه النادل وشاف المنظر فكر ان هما الاتنين بيقضو وقت مع بعض وبلغ المدير والمدير طلب ليهم بوليس الاداب وجت وأخدتهم هما الاتنين وسط نظرات واحتقار كل اللى فى المكان ودموع حبيبه …………………………………………� �……… وصل الخبر لاهل حبيبه وجم ابوها وامها واستنو بره ودخل عمر لاخته الظابط :- انا هسيبك معاها شويه يا عمر باشا عمر :- بأنكسار شكرآ ليك يا عاصم باشا وخرج عاصم من الاوضه وساب عمر مع حبيبه اللى كانت منهار من العياط حبيبه :- بلاش البصه دى يا عمر انا استحاله اعمل كده عمر :- امال تسمى اللى حصل ده ايه ووجودك هنا ايه انتى ليه عملتى كده وحطيتى راسنا فى الطين حبيبه :- بدموع والله ما عملت حاجه انا مرضهاش ليكم ولا ليه ولا ان اغضب ربنا قبل اى شئ عمر :- انا عايز افهم كنتى بتعملى معا ايه انطقى حبيبه :- وهى بتعيط حكت ليه اللى حصل كله بس والله هى دى الحقيقه عمر :- يا ابن ال***ب والله ما سايب امه النهارده حبيبه :- وهى بتعيط خانى و ك.ك.كان عايز ي.ي.يغتصبنى يا عمر واترمت فى حضنه عمر :- طبطب عليها وقال ودينى ما انا سايبه وفى الوقت ده دخل الظابط عاصم وقال عاصم :- بشماته ياريت اختك تكون اتعلمت الدرس وتتقى ربنا وتصبر شويه لحد ما يحصل ده فى الحلال عمر :- وهو بيحاول يمسك اعصابه قال والله ياعاصم باشا اختى محترمه وانت عارف كده والدليل كنت هتموت عليها وهى اللى رافضتك عاصم :- بغيظ والحمدالله اهو ربنا كشف ليا حقيقتها عمر :- كان لسه رايح يمسك فى بس اخته مسكته حبيبه :- وهى مسكه بلاش ياعمر علشان خاطرى عمر :- كل واحد جاب سيرة اختى هنا هعرفه مقامه بس الاول اثبت برأتها وهفض ليكم وعلى الله اسمع حد مد ايده على اختى وقال كلمه جارحه ليها وباس اخته من جبينها وقال متخفيش وهطلعك من هنا فى اقرب وقت وسبها ومشى عاصم :- نده على العسكرى وطلب منه ياخد حبيبه ينزلها الحجز وقله متخليش حد يمد ايده عليها ولا يكلمها تحت فاهم وبص لحبيبه قبل ما تطلع وقال شوفتى اختيارك وصلك فين مش هو ده اللى انتى فضلتيه عنى ورفضينى حبيبه :- النصيب بقى ياباشا واهو ربنا كرمك بزوجه وبنوته زى القمر ربنا يخليهملك عاصم :- خدها يا عسكرى ونزل العسكرى حبيبه الحجز وطلب منهم محدش ليه دعوه بيها وسبها ومشى حبيبه :- خافت واخدت جنب وقعدة تعيط …………………………………………� �……… عند عمر طلع من القسم راح المطعم اللى كانت فى حبيبه مع مصطفى عمر :- للمدير ممكن اشوف الكاميرات اللى فى المكان المدير :- طبعآ يا باشا واخده عند الشاشه بتاعة الكاميرات عمر :- شغلى يا ابنى كل الكاميرات اللى فى المطعم فى الوقت من 3 ل4 العصر العامل :- حاضر يا باشا وشغل الكاميرات فى الوقت اللى قال عليه عمر :- شاف اخته وهى قعده على التربيزه قال بس بطئ هنا بقى وقعد يتابع الاحداث لحد ماجه وقت ما حبيبه راحت وشاف البنت وهى بتجرى وشاف اخته وهى بتحاول تبعد وايد مصطفى بتسحبها ليه وقال يا ابن ال*** ده انا هطلع عين امك النهارده وطلب السى دى بصفته ظابط واخد السى دى وراح تانى القسم ودخل مكتب عاصم ورم السى دى على المكتب قصاد عاصم عاصم :- ايه ده عمر :- برأة اختى عاصم :- ازاى برأة اختك عمر :- شغله وانت تعرف عاصم :- شغل اللاب توب وحط السى دى فى وشاف التفاصيل عمر :- ها عندك كلام تانى يتقال يا باشا عاصم :- اسف بس انت عارف الشغلانى دى خلتنى اشك فى كل حاجه من النسوان اللى بنشفها. عمر :- بس مش اختى ياباشا عمومآ اختى تتجاب من الحجز دلوقتى وتقعد هنا معززه مكرمه لحد الصبح ويتقفل الملف واحنا هنقدم فى الواطى اللى فى الحجز محضر بالاعتداء على اختى عاصم :- نده على العسكرى وطلب منه يجيب حبيبه من الحجز ونزل العسكرى جاب حبيبه حبيبه :- اول ماشافت عمر طلعت تجرى عليه واترمت فى حضنه وقالت ك.ك.كويس انك جيت ا.ا.انا كنت خايفه اوى وانا تحت عمر :- ضمها ليه جامد وقال حد كلمك تحت ولا اتعرضلك حبيبه :- هزت راسها بمعنى لا عمر :- طب انا خلاص جبت دليل برأتك وهتقعدى هنا للصبح وهيتقفل الملف ونعمل محضر فى مصطفى ونمشى علطول حبيبه :- م.م.محضر ايه عمر :- محضر فى مصطفى ان هو حاول الاعتداء عليكى حبيبه :- لالالا بلاش والنبى يا عمر عمر :- بستغراب لسه خايفه عليه بعد اللى عمله فيكى حبيبه :- م.م.مش كده بس يعنى خلاص ملهوش لزم المحضر عمر :- بغيظ براحتك يا حبيبه وبص لعاصم وقال ممكن تجيب الواطى ده هنا عاصم :- طبعآ وامر عاصم العسكرى يجيب مصطفى عمر :- اول ماشاف مصطفى هجم عليه وقعد يضرب فيه عاصم :- خلص مصطفى من ايد عمر بصعوبه وقال اهدى يا عمر مش كده عمر :- لمصطفى بعصبيه بق انت يا و*** تمد ايدك على اختى ده انا مش سايبك غير وانا مطلع روحك فى ايديا وحاول يهجم تانى على مصطفى حبيبه :- ياعمر اهدى بقى خلاص علشان خاطرى مصطفى :- بضحكة استفزاز وهو بيمسح الدم ههه ده اختك لسه بتحبنى وخايفه عليه اهو عمر :- وهو بيحاول يفلت من عاصم قال سبنى يا عاصم عليه عاصم :- انا غلطان ان سمعت كلامك وجبته بحسبك هتكون هادى عن كده ونده على العسكرى ياخد مصطفى الحجز واخده العسكرى بس قبل ما يخرج وقفته حبيبه حبيبه :- مصطفى مصطفى :- وقف وبصلها حبيبه :- رمت الدبله فى وشه وقالت مش عايزه اعرفك تانى مصطفى :- ههههه بس خليكى قدها بكره هتيجى تبوسى رجلى وتترجينى ارجعك وانا مش هرضه وهذلك سعتها عمر :- تذل مين يا ابن ال**** سبنى عليه يا عاصم عاصم :- للعسكرى خده على الحجز بسرعه ونزل مصطفى وهو بيتوعد لحبيبه ولعمر وطلع الصبح واتقفل الملف وخرجت حبيبه مع عمر …………………………………………� �……… باااااااك حبيبه :- واهو دلوقتى صدقت فى كلامك بتعذب من بعدك عنى مش قدره لا كرهك ولا انساك وبعدين عيطت وقالت يارب قوينى على نسيانه انا تعبت خلاص ومش قادره استحمل الفراق قلبى بيتقطع من جوه من الوجع والشوق والحنين …………………………………………� �……… فى قصر من افخم القصور يظهر عليه ثراء من بداخله ولكن يمتاز عليه الطابع الذكورى انه قصر عز الدين يجلس الاب على السفره وحواليه ابناءه الثلاثه عزالدين :- انت يا بيه مش ناوى تعقل شويه سيرتك فى كل الصحافه أدهم :- ليه يا حاج هو انا اخترعة الذره ولا ايه علشان يجيبو سيرتى عزالدين :- انت يا ولد اتكلم عدل وبعدين بيجيبو سرتك علشان سرمحتك مع البنات وسهرك لوش الصبح أدهم :- لنفسه يا دين النبى على ام الاسطوانه بتاعة كل يوم وقال يا بابا انا شاب وبنزل اسهر مع الشباب اللى زى مفهاش حاجه يعنى عزالدين :- طب ما اخوك اهو شاب ولا عمره نزل سهر مع شباب ولا جرى وراه بنات وطول عمره محترم ومحدش من الصحافه جاب سيرته أدهم :- يا عم الحاج سيف ده مفيش منه اتنين ده لو كان فى منه ده البلد كلها كانت ولعت فى نفسها عزالدين :- ولد اتكلم عدل على اخوك أدهم :- بص لسيف وقال طب بذمتك انت راضى عن حياتك دى من الشغل للقصر ومن القصر للشغل فين التجديد فين الحياه والمتعه اللى فيها يبقى لزمتها ايه الفلوس لو مش هتعيش بيها سيف :- خلاص خلصت كلام أدهم :- اه سيف :- طب اتفضل كل من سكات أدهم :- يادى النيله عليه وعلى نصيبتى السوده اضحك للحياه اتكلم معانا زى ما بنكلمك ده انا حاسس لو مره غلط وضحكت صواميل شفايفك هتعلق من كتر الركنه ديمه :- ههههههههههههه حلو دى يا دومى 😂😂 سيف :- بص بعينه لديمه ديمه :- احم سورى يا ابيه سيف :- بص لأدهم وقال بدل ما انت مقضى حياتك هلس و سرمحه انتبه الاول لكليتك وخلصها بدل ما انت مبلط فيها كده وقام من على الاكل وطلع اوضه أدهم :- سبحان الله يا حاج ابنك ده فوله واتقسمت نصين منك مش بتحبو الضحك ام انا والبت ديمو لينا الجنه معاكم والله ديمه :- حبيب قلب اختك يا دومى سيبك انت الحياه حلوه وتتعاش أدهم :- ومن غيرك انت متسواش ديمه :- حلوتك يا دومى وانت معايه على خط كفك هههههههههه عزالدين :- والله مجانين ديمه وادهم :- ههههههههههههههههه …………………………………………� �……… عند سيف فى اوضه مسك تليفونه واتصل على رفيق عمره الوحيد كريم استوب (كريم فى نفس عمر سيف صديقه من أيام الدراسه جسم رياضى واسمر عيونه سوده شعره ناعم لديه لحيه خفيفه يختلف عن سيف فى الطباع شخصيه مرحه جدآ ويعشق الحياه لكن اثناء العمل يتحول لشخصيه جاده وملتزمه يعمل مع سيف فى الشركه صديق وافى جدآ لسيف ) نرجع تانى كريم :- اذيك يا سيفو سيف :- مية مره اقولك بلاش الاسم ده مبحبش الدلع ممكن كريم :- ليه ياسيفو ده حتى اسم مبهج للحياه سيف :- كررررررريم كريم :- ههههههههههه خلاص خلاص المهم خير متصل ليه معقوله اكون واحشتك سيف :- هتوحشنى ليه وانت لسه كنت معايه من شويه انا متصل اسألك على الرسومات الهندسيه بتاعة البرج فين هى كريم :- اوبا ده انا نستها فى الشركه سيف :- تصدق انك عيل مهمل مش انا منبه عليك ان تجبها معاك كريم :- معلش بقى ياسيف نسيت سيف :- خلاص تنزل دلوقتى تجبها وتيجى هنا بسرعه كريم :- نعععععععععععععم يا اخويه انزل ايه انت عايزنى انزل فى الجو ده ده شتا وبرق ورعد يعنى استحاله هعرف امشى بالعربيه خليها للصبح احسن سيف :- خلاص يا كريم خليك انت قاعد جمب ماما بتشربك اللبن سخن علشان تدفيك وقفل السكه كريم :- الو الو انت يا ابنى قفلت السكه سيف :- قعد يسب ويلعن فى اهمال كريم ومسك مفاتيحه وموبيله ونزل وكان عزالدين لسه قاعد عزالدين :- ايه يا ابنى رايح فين فى الوقت ده والجو ده سيف :- رايح اجيب رسومات البرج علشان اشيك عليه علشان بكره الاجتماع مع اصحاب البرج يكون الرسم الهندسى النهائى جاهز للعرض عزالدين :- طب خليها بكره قبل مايجو ابقى بص عليهم براحتك بلاش تنزل فى الجو ده سيف :- معلش يا بابا انت عارفنى بحب اخلص شغلى اول باول عزالدين :- ربنا معاك يا ابنى سيف :- عن اذنك ومشى سيف وركب عربيته وراح على الشركه …………………………………………� �……… عند حبيبه كانت قعده فى اوضتها وحست بمغص فى بطنها دخلت الحمام وطلعت حبيبه :- يوووووه مش وقتك خالص ومش عامله حسابى لازم انزل بقى الصيدليه فى الجو ده وقامت ولبست هدومها وطلعت من اوضتها حوريه :- رايحه فين كده يا هانم حبيبه :- ريحه اجيب حاجه من الصيدليه حوريه :- مفيش نزول دلوقتى خشى والصباح رباح حبيبه :- مش هينفع البريوت جاتلى ومش عامله حسابى ولازم انزل الصيدليه ضروري حوريه :- بسرعه ولو اتأخرتى هنزل اجيبك من شعرك فهما حبيبه :- حاضر ونزلت حبيبه من الشقه ودخلت الصيدليه اشترت حجاتها وطلعت منها وهى ماشيه فى طريق ضلمه والدنيا بتمطر ورعد ومفيش حد ماشى غيرها طلع ليها مصطفى مصطفى :- اذيك يا حلوه واحشتنى ده انا بقالى كام يوم بستناكى علشان تنزلى لوحدك بس علطول معاكى حد من اهلك حبيبه :- ا.ا.انت عايز ا.ا.ايه مصطفى :- عايز منك اللى معرفتش اخده منك فى المطعم وقرب عليها حبيبه :- طلعت تجرى ومصطفى يجرى وراها لحد ما وصل ليها مصطفى وحط منديل مخدر على منخرها حبيبه :- مقدرتش تقاوم واتبنجت ومحستش بالدنيا مصطفى :- شلها ولسه هيحطها فى العربيه بس حس بأيد بتمنعه سيف :- انت يا حضرة واخدها ورايح فين مصطفى :- وانت مالك شئ ميخصكش سيف :- لا يخصنى لما اكون ماشى بعربيتى فى شارع مقطوع والاقى واحد بيجرى وراه بنت وبيخدرها وعايز يخدها معا يبقى ليا حق امنعه مصطفى :- دى خطيبتى وورينى هتمنعنى اخدها ازاى سيف :- خطبتك دا اللى هو ازاى فى واحد يعمل كده فى خطيبته مصطفى :- اه انا واوعى بقى من سكتى سيف :- لا وهات البنت افوقها وسبها تروح بيت اهلها مصطفى :- لا مش هتروح وهاخدها وامشى وزق سيف وحط حبيبه فى العربيه سيف :- لا يبقى كده انت اللى جبته لنفسك ومسك مصطفى قعد يضرب فيه لحد ما فقد الوعى وشال حبيبه واخدها فى عربيته وقفل الباب وقعد قصادها علشان يفوقها ورش مايه على وشها سيف :- يا انسه فوقى وخبط على وشها يا انسه فوقى حبيبه :- اممممم ومسكت راسها وفتحت عنيها وقالت انا فين اه يا دماغى سيف :- انتى كويسه حبيبه :- عاعاعاعا ا.ا.انت مين سيف :- ممكن تبطلى صوات وبعدين انا اللى انقذتك من الراجل اللى كان بيجرى وراكى حبيبه:- اه م.م.مصطفى ك.ك.كان خاطفنى سيف :- انا مليش دعوه بقى ان كان خطفك ولا لا ممكن تقولى فين عنوان بيتك علشان اوصلك حبيبه :- لا شكرآ متتعبش حضرتك سيف :- ماشى حبيبه :- اتصدمة من رده وقالت ماشى ايه يعنى انزل سيف :- مش انتى اللى عايزه كده حبيبه :- عادى انا بقول كده علشان تقولى لا ميصحش كده يا انسه تمشى لوحدك وتمسك فى لازم تروحنى مش تقولى ماشى سيف :- والله انا ما بغصبش حد على حاجه وانتى حره عايزانى اروحك ماشى مش عايزه اتفضلى انزلى علشان الوقت أتأخر حبيبه :- لنفسها ده ايه المتكبر ده وقالت امال فين الشهامه والرجوله سيف :- والله حضرتك الشهامه ان انقذتك من ايد راجل الله اعلم كان ناوى يعمل فيكى ايه اما الرجوله مفروض تكون عندكم علشان سيبين بنت فى سنك تنزل فى الوقت ده لوحدها حبيبه :- اتغاظت من رده وقالت وانت بأى حق تتكلم معايه بالطريقه دى سيف :- والله ده اللى عندى واتفضلى يا تقولى العنوان يا تنزلى من العربيه حبيبه :- لا هنزل وشكرآ على الشهامه يا اخ ورزعت باب العربيه سيف :- اول ما نزلت حبيبه مشى بالعربيه علطول حبيبه :- واحد متكبر ومغرور ومعندهوش دم وافتكرت انها نسيت الكيس فى العربيه عند سيف وقالت يا نهار اسود ده انا نسيت يالهوى على الكسوف وراحت الصيدليه واشترت مره تانيه وراحت على البيت …………………………………………� �……… عند سيف بيبص لاق شنطه سوده على الكرسى مكان ما كانت قعده حبيبه سيف :- بأستغراب ايه ده ايه الشنطه السوده دى ومسكها وبص جواها وقال دى بتاعة البنت اللى كانت هنا فى العربيه طب دى اوصلها ازاى ولا اعمل ايه بس هخدها معايه وفى يوم ابقى اعدى من هنا وابقى ادهلها وروح سيف على القصر يشوف شغله …………………………………………� �……… بقلمى (دودو محمد ) معلش يا جماعه اول الفصل فوق ☝☝ كان فى شوية نكد بس هى الروايه مش كده هى رومانسيه وكوميديه💖وارجو التفاعلو وتقولو رأيكم فى اول فصل بحبكم اووووى 💝💝❤❤😍💖☝💚❤💟 | ||||||||
|
| |
|
12-09-18, 05:24 PM
| #5 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» الفصل الثانى اشرق صباح يوم جديد فى الاسكندريه وبدءت حبيبه بالاستيقاظ فتحت عينها بتثاقل وتذكرت ماحدثه بالأمس وقالت حبيبه :- اعمل ايه ياربى شكل مصطفى مش ناوى على خير ولو قولت لعمر مش هيسكت والمشاكل هتزيد وهتفضح اكتر فى الحاره لا كده كتير بقى الموضوع ده ملهوش نهايه والا ايه وقامت من على سريرها دخلت حمامها واخدت شاورها وطلعت لبست هدومها وخرجت من اوضتها وقالت حبيبه :- صباح الخير حسن :- صباح النور يا حبيبتى عمر :- صباح العسل على عيونك ياجميل حبيبه :- ده انت اللى جميل وعسل كتك القرف فى حلوتك كده ههههههههه عمر :- لالالا انا كده هتغر بقى حبيبه :- من حقك يا قلبى ده يا بختها وحظها اللى انت هتخدها حوريه :- اتكتمو شويه واقعده كلو بقى حبيبه :- حاضر عمر :- حاضر بس متزقيش كده فى الكلام يا حاجه حسن :- هههههههههه ده انت مشكله يا عمر …………………………………………� �……… عند سيف صحى من نومه ودخل حمامه اخد شاوره ولبس هدومه وخرج من اوضه ونزل سيف :- صباح الخير يابابا عزالدين :- صباح النور يا حبيبى اقعد افطر يلا سيف :- قعد وقال امال فين البيه ديمه :- نايم فى اوضه يا ابيه سيف :- واحنا مش قولنا نلتزم بالنظام والمواعيد أدهم :- وهو نازل من على السلم سورى يا سيف بس طول الليل كنت سهران بذاكر مش قادر وسطى انكسر سيف :- رفع حاجبه وقال تذاكر من امته ده أدهم :- اصل كلامك دخل عندى على مركز المخ علطول واقنعته الصراحه سيف :- ياررراجل أدهم :- اه مش قادر اقولك على جمال المذاكره وسهولتها مفيش احسن من كده سيف :- بذمتك مش مكسوف من نفسك أدهم :- بقولك ايه اللهى يسترك بلاش محاضراتك على الصبح سيف :- طب راعى ان عندك اخت بنت واللى بتعمله فى البنات ما يتعملش فى اختك ادهم :- بجديه ده انا اقطع رقبتها لو تفكر تعمل كده سيف :- وانا قبل منك بس راعى ربنا فى بنات الناس علشان ربنا يسترها على اختك أدهم :- قام وساب الاكل وطلع اوضه سيف :- بنأدم مستهتر عزالدين :- ربنا يهدى يا ابنى سيف :- يارب يا بابا وقام من على الاكل وبص لديمه وقال لو اكلتى يلا علشان اوصلك كليتك ديمه :- ا.ا.اه خلاص يا ابيه وقامت ديمه من على الاكل ومشيت مع سيف وصلها الكليه وراح هو على شركته …………………………………………� �……… عند حبيبه فطرت وقامت هى وعمر علشان يوصلها الكليه وصلها عمر وراح على شغله دخلت حبيبه الكليه وهى خايفه من مقبلت مصطفى وقعدة تبص حواليها اول ما شفوها صديقاتها رنا ورشا طلعو يجرو عليها وحضنوها رنا :- حبيبه وحشتينا ايه يا بنتى الغيبه دى كلها حبيبه :- معلش يا رونى كان عندنا ظروف منعانى انزل والله رشا :- ومكنتيش بتردى علينا على التليفون ليه دا احنا قلقنا عليكى وكنا هنيجى عندك البيت بعد الكليه نسأل عليكى حبيبه :- معلش يا روشا بقى والله ده انا عدت عليه ايام ما يعلم بيها الا ربنا رنا :- ليه احكلنا ايه اللى حصل ميرهان :- انا اقولكم اصل الهانم اتقفشت مع مصطفى فى وضع مخل بالاداب وقضت ليله فى الحجز استوب :- (ميرهان حسين بنت اشهر رجل اعمال فى مصر مغروره جدآ فى نفسها بسبب جرى الرجاله وراها علشان ينوله رضاها متبرجه جدآ فى نفسها ولبسها ملفت للانظار بتحب مصطفى وبتغير من حبيبه جدآ ومش بتحبها ) نرجع تانى رشا :- ايه الكلام اللى بتقوليه ده استحاله حبيبه تعمل كده ميرهان :- اهى عندكم اسألوها كلامى صح ولا لا. رنا :- انتى واحده كدابه مستحيل حبيبه تعمل كده وبصت على حبيبه وقالت سكت ليه ياحبيبه ردى عليها وكدبيها حبيبه :- 😢😢😢 بتعيط وساكته ميرهان :- ههههههه شوفته بقى ان كلامى صح وسبتهم ومشيت رشا :- حبيبه انا عايزه اعرف ايه حصل بالظبط حبيبه :- وهى بتعيط محصلش حاجه والله رنا :- اهدى ياحبيبه احنا عارفين انك محترمه واستحاله تعملى حاجه وحشه اكيد ده ملعوب من اللى اسمه مصطفى خطيبك حبيبه :- ا.ا.انا سبته خلاص رنا ورشا :- فى صوت واحد نعمممممم رشا :- لا بقى انتى تيجى نقعد فى الكافتريه وتحكى لينا الحكايه بتفصيل حبيبه :- طب بعد المحاضره رنا :- لالالا مش هقدر اصبر ده انتى سيبتى مصطفى الثاقيل ده بعد ما كنا انا ورشا بنتحايل عليكى تسبيه وكنتى بتقولى بحبه ومقدرش اعيش حياتى بعيده عن يلا بسرعه احكلنا ايه اللى حصل حبيبه :- حاضر تعالو الكافتريه احكلكم دلوقتى وامرى لله وراحو التلاته الكافتريه وقعده وحكت ليهم حبيبه كل اللى حصل رشا :- يا نهارو اسود ازاى يعمل كده ده ندل وجبان حبيبه :- ولو ربنا مبعتليش الشخص اللى انقذنى من ايده كان زمانى دلوقتى متحطمه من اللى كان هيعمله فيه رنا :- ابن ال يعنى هو كان نيته سوده من الاول انا قولتلك بلاش شكله مكنش مريحنى وكانت نظراته ليا بتخوفنى من كتر وقاحتها حبيبه :- اهو سبته وخلاص رشا :- انتى لسه بتحبيه حبيبه :- احنا ملناش يد فى قلوبنا يا رشا رنا :- بس نقدر نتحكم بعقلنا يا حبيبه افتكرى اللى حصل معاكى واجبرى قلبك يكرهو حبيبه :- مش بسهول دى مش لما عقلى يقتنع الاول ويكرهو ابقى اكره قلبى فى رشا :- حتى بعد ما كان هيخطفك وكان ناوى شر ليكى حبيبه :- يمكن الموضوع ده اللى خلانى اخاف منه شويه بس برضه مكرهتوش رنا :- ربنا يكرهك فى يا حبيبتى ويبعت ليكى راجل بجد يستاهل حبك ويقدره حبيبه :- انا وانتو يارب رشا :- طب يلا نخش المحاضره رنا وحبيبه يلا …………………………………………� �……… عند سيف فى الشركه كان قاعد مع كريم فى مكتبه سيف :- بس ونزلت من العربيه وانا سبتها ومشيت كريم :- انت ايه معندكش دم تسيب البنت تروح بيتها فى الوقت ده لوحده طب افرض البنأدم اللى كان بيجرى وراها فاق وخطفها تانى سيف :- وانا مالى ما تولع وبعدين اللى كان بيجرى وراها اخد علقه تنيمه فى سريره اسبوع ميتحركش منه كريم :- طب كنت كمل جميلك ووصل البنت لبيتها سيف :- خلاص يا ابنى احنا مش هنقضى اليوم كله نتكلم عنها نركز شويه فى الشغل بقى كريم :- ماشى خلاص مفيش داعى تتعصب اتفضل اتكلم فى الشغل سيف :- احنا دلوقتى هنجتمع مع اصحاب التصميم الهندسى ده انا سهرت طول الليل عليه وانا عارف ومتأكد ان صاحب البرج لازم يطلع عيب فى بس لو مقتنعش بالتصاميم دى و اتكلم نص كلمه النهارده نلغى العقد معاه علطول كريم :- بس الشرط الجزئى اللى محطوط فى العقد ياما اوى هنخسر مبلغ كبير لو لاغينا العقد معاهم سيف :- تولع الفلوس بس محدش يتحكم فى ويعدل على تصاميمى اللى بسهر طول الليل اصممها وبسببها شركه عزالدين للبناء والتعمير بقت رقم واحد فى السوق كريم :- طبعآ دى بقت اشهر شركه فى مصر كلها وسمع سيف صوت خبط على الباب سيف :- اذن للى بيخبط الدخول السكرتير :- يا افندم الاجتماع فاضل عشر دقايق ويبدأ سيف :- ماشى اتفضل روح مكتبك السكرتير :- عن اذنك كريم :- سيف اهدى كده شويه جوه فى الاجتماع وبلاش عصبيه مع العمله الله يكرمك سيف :- ربنا يسهل كريم :- مش مطمن ليك يلا يا بينا يا اخويه ودخل سيف وكريم غرفت الاجتماعات …………………………………………� �……… عند أدهم فى الكليه كان قاعد وسط شلته الفاسده ( شريف ووليد وخالد وميرنا و جومانه ) شريف :- هنقضى الليله فين يابرنس أدهم :- انا مش فى المود خالص يا شباب ومليش نفس اسهر النهارده ميرنا :- بدلع ليه كده يا ادهومى ده السهر ما يحلاش الا معاك وليد :- بقى البوص ميسهرش معانا النهارده ليه ايه حصل فى الدنيا أدهم :- النهارده سيف اخويه كلمنى كلام زى الزفت قفل مودى خالد :- هو اخوك ده مورهوش غير النكد انا فى حياتى كلها مشفتش بنأدم زى اخوك ده قفل كده وعلطول كشرى ومبيعرفش يفرح جومانه :- بس الحقيقه موز اخر حاجه ده انا هتجن ويبص ليا حتى بصه واحده أدهم :- ريحى نفسك اخويه بيكره اى شئ مؤنث وبيكره الحريم اوى علشان كده متحوليش مش هيعبرك ميرنا :- المهم يا ادهومى هتسهر معانا النهارده ادهم :- شد ميرنا فى حضنه وقال علشان خاطر عيونك انت يا جميل 😉😉 هسهر معاكم …………………………………………� �……… فى بيت حبيبه كان قاعده حوريه وبتتفرج على التلفزيون وسمعت خبط على الباب حوريه :- قامت تفتح الباب وكان على الباب محمد اخو حسن من الصعيد ومعاه اشرف ابنه محمد :- اذيك يا مرات اخويه حوريه :- يا اهلا وسهلا اذيك يا محمد وبصت لاشرف وقالت اذيك يا اشرف بسم الله ماشاءالله ابنك اشرف كبر وبقى راجل محمد :- ههههههه ده عنده 27 سنه يعنى راجل ودكتور كمان حوريه :- الله واكبر ربنا يخليهولك محمد :- طب ايه يا ست حوريه مش هدخلينا ولا ايه حوريه :- يوووه يقطعنى اتفضلو ودخل محمد واشرف الصالون وقعده فى محمد :- امال فين حسن اخويه حوريه :- فى الشغل وزمانه جاى محمد :- وقف وقال خلاص نمشى ونبقى نيجى فى وقت تانى بقى يكون اخويه موجود حوريه :- ابدآ والله ما انتم ماشين الا لما تتغدو والعيال يسلمو عليكم اقعدو بس محمد :- قعد وقال امال عيالك فين حوريه :- عمر فى الشغل وحبيبه فى الكليه محمد :- بسم الله ماشاءالله هى كبرت ودخلت الجامعه حوريه :- اه فى كلية الهندسه وعمر اتخرج من كلية الشرطه محمد :- ربنا يخليهوملك وتفرحى بيهم محدش فيهم ارتبط حوريه :- لا والله لسه وبعدين منين هنجوزهم وهو كل الجاى على قد اللى رايح محمد :- ربنا يرزقكم برزقهم يارب حوريه :- ثوانى هخش اعمل ليكم حاجه وجايه محمد :- ملوش لزوم التعب حوريه :- تعبكم راحه ده انتو نورتونا النهارده محمد :- تعيشى يا مرات أخويه ودخلت حوريه المطبخ محمد :- بص لابنه وقال زى ما فهمتك تبلف البت بنتهم علشان تتجوزها وتغصب عليها بعد كده تتنازل على حقها فى الارض ليك اشرف :- حاضر يا ابا بس بدل الجواز ده كنا قدرنا نخلوها تمضى بمية طريقه تانيه محمد :- لا مش مستعد اخاطر بحاجه مش مضمونه تخلينا نتكشف اشرف :- وافرض البت موافقتش بيا محمد :- هتتجوزها بالعافيه اشرف :- ازاى بقى محمد :- عن طريق امها نغرى امها ونملا عنيها وهى هتقدر تغصب بنتها على الجواز أشرف :- وانت ضامن امها دى محمد :- اه حوريه طول عمره بتحب الفلوس اكتر حاجه فى حياتها حتى اكتر من عيالها وانت بقى وشطارتك أشرف :- وافرض طمعت اوى يبقى الارض دى بخساره علينا محمد :- يا عبيط مهما هندفع مش هيبقى حاجه من اللى هيجى من وراه الارض دى وفى الوقت ده دخلت حوريه حوريه :- لمؤاخذه يا خويه اتأخرت عليكم محمد :- لالا خدى راحتك حوريه :- وانت خاطب بقى يا اشرف اشرف :- لا يا مرات عمى حوريه :- ربنا يرزقك ببنت الحلال محمد :- ده مصدعنى كل شويه بحكاياته مع بنتك وهما صغيرين حوريه :- مش قعده كام سنه مع بعضيهم وهما صغيرين أشرف :- ده انا هتجن واشوف حبيبه اوى بعد ما كبرت حوريه :- دى كبرت وادورت وبقت قمر اشرف :- شوقتينى اكتر يا مرات عمى هى لسه قدامها كتير حوريه :- لا ساعه بكتير وتكون هنا اشرب يا محمد اشرب يا اشرف محمد :- من يد ما نعدامها يارب …………………………………………� �……… فى شركة عزالدين كان عزالدين قاعد فى مكتبه ودخلت السكرتيره ليه عزالدين :- نعم السكرتيره :- فى واحد بره عايز حضرتك عزالدين :- مين ده السكرتيره :- واحد من العمال اللى هنا اسمه حسن جادالله عزالدين :- ماشى خليه يخش طلعت السكرتيره ودخلت حسن وقفلت الباب وراها عزالدين :- اذيك يا حسن اتفضل اقعد حسن :- شكرآ يا عز بيه انا كنت عايز اكلم حضرتك فى موضوع عزالدين :- اتفضل انا سمعك حسن :- انا كنت تعبت من فتره صغيره ورحت لدكتور وقالى عضلة القلب ضعيفه ولازم استريح فى البيت علشان مع المجهود بتضعف اكتر ومحدش عندى فى البيت يعرف الموضوع ده وكنت بتمنى مسبش هنا غير لما ادخل بنتى عندك فى الشركه بس ملحقتش فاكنت بطلب من حضرتك ان بنتى تيجى تحجز وظيفه لحد ما تتخرج عزالدين :- الف سلامه عليك يا حسن واحنا مع بعض من زمان وطول عمرك سمعتك الكل بيشهد بيها طب بنتك فى كلية ايه حسن :- كلية هندسه عزالدين :- طب تمام دى فى نفس مجالنا ماشى يا حسن شوف هتقدر تنزل من امته وانا هدخلها مهندسه تحت التدريب مع سيف ابنى يدربها مع انك هتقطع بينا والله يا حسن حسن :- ربنا يكرمك يا عز بيه والله الواحد زعلان ان مش هيشوف حضرتك تانى عزالدين :- تبقى تيجى كل فتره كده تسلم علينا حسن :- انشالله مع السلامه يا عز بيه عزالدين :- مع السلامه يا حسن …………………………………………� �……… عند سيف فى الاجتماع سيف :- ها ايه رأيك فى التصاميم العميل :- مش بطال سيف :- يعنى ايه مش بطال العميل :- يعنى مفيش تصميم احسن من ده شويه سيف :- تصميم احسن من ده ازاى يعنى التصميم ده احسن شركات بره طالبه منى بس انا قولت فى بلدى احسن العميل :- ياسيف باشا تحس حضرتك ان مدخل مساحات كتير فى التصميم ده وانا عايز استغل المساحات بشكل افضل من كده سيف :- بعصبيه والله حضرتك شغل الخياطين ده مش هنا اللى بقى ليا حطت قماش علشان اعملها فستان للبت لا دى شركه محترمه وانا عارف شغلى ايه مش هيجى واحد زيك يعرفهونى هو ده التصميم اللى عندى عجبك عجبك مش عجبك يبقى معندناش تصاميم تانيه واعتبر العقد لاغى العميل : - انت قد كلامك يعنى انت عارف معناه ايه سيف :- ايوه وفلوسك هتخدها على الجزمه القديمه كريم :- اهدا بس ياسيف وسبنى انا اتكلم وبص للعميل وقال اتفضل حضرتك اقعد نتفاهم العميل :- بعد ما اهنى فى شركته كريم :- احنا اسفين ليك اتفضل وقعد العميل مع كريم كريم :- بس حضرتك الموقع بتاع البرج وهو اللى حاكم علينا بتصميم ده علشان الجبها اللى عليها الارض حواليها مرافق كتير وانت طلبت مننا قبل كده نقلل فى مساحات الشقق ونكتر فى عدد الشقق واستاذ سيف سهر طول الليل عليه علشان يطلعه ليك كده وبالفعل لما بعدنا التصميم بالفاكس فى بلاد بره طلبو مننا نفس التصميم بس سيف رفض وقال الاوله بلادى تكون فيها التصاميم دى العميل : - اوكى كلامك على عينى وعلى راسى بس حضرتك انا عايز استغل الارض بأكتر شئ ممكن كريم :- والله حضرتك هو ده التصميم اللى متوفر حاليآ عندنا وصعب الباشمهندس سيف يصمم غيره دلوقتى علشان عندنا ملتزمات هنبدء فيها من بكره شوف حضرتك عايز ايه واحنا معاك هتقبل بالتصميم اوكى هنبدء من بكره مش هتقبل يبقى هتتضر تستنا شويه لحد ما يكون فى وقت متاح للباشمهندس ويصمم ليك تصاميم تانيه واحنا تحت امر حضرتك العميل :- لا استنا ايه خلاص اوكى اتوكل على الله وابدء الشغل من بكره كريم :- خلاص اوكى من بكره انشالله هنبدء الشغل العميل :- شكرآ ليك يا كريم باشا كريم :- العفو احنا تحت امرك فى اى وقت العميل :- الامر لله سلام عليكم كريم :- وعليكم السلام ومشى العميل وقعد كريم قصاد سيف كريم :- مش ناوى تبطل عصبيتك دى اللى بطفش بيها العمله سيف :- بعصبيه ده راجل ابن ستين **** مش عاجبه حاجه خالص كريم : - انت لوكنت اتكلمت معاه بهدوء كنت قدرت تكسبه زى ما انا عملت سيف :- والله انا كده ومش بضرب حد على ايده علشان يجى يتعاقد معانا ويمسك شركتنا شغله الكل بيجى على سيرة شغلنا وسمعته كريم :- يا سيف الحياه ابسط من كده فك شويه مش كل حاجه عصبيه وخناق الحاجه بتيجى بالهداوه وضحكه حلوه كلمه طيبه سيف :- انا كده شخصيتى كده مش بحب الدلع ولا الحال المايل بحب النظام مش بحب الدوشه مش بحب الاعتراض مش بحب اعيد كلامى اقول كلمتى مره واحده كريم :- الله يكون فى عون اللى هتخدك وتعيش معاك عمرها كله ده لو مكنتش هتخلص عمرها بدرى سيف :- وانا اخد ليه واحده واتحمل زن وصداع الستات وتتقمص وتتلوى وتمد بوظها شبرين انا استحاله افكر فى صنف الحريم ده كلهم غشاشين وبتوع مصلحتهم ومش بيحبو حاجه فى حياتهم غير الفلوس وبس كريم :- مش كلهم ياسيف فى بنات كويسه وعايزه تعيش سيف :- تعيش بعيد عنى انا عمرى ما فكر فى صنف الحريم ده نهائى …………………………………………� �…… بقلمى (دودو محمد ) بحبكم اوووووووى 💖💖💖💖💝💝💟❤❤😘😘😍😍 | ||||||||
|
| |
|
12-09-18, 05:26 PM
| #6 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» الفصل الثالث عند حبيبه فى الكليه خلصت محاضراتها وسلمت على رشا ورنا وطلعت من باب الجامعه وكان اخوها واقف مستنيها حبيبه :- حبيبى واقف من بدرى عمر :- لا من شويه صغيرين حبيبه :- طب ليه مرنتش عليا عمر :- قولت بلاش ارن عليكى لتكونى فى محضره واسبب مشكله حبيبه :- ماشى يا حبيبى يلا بينا عمر :- حبيبه حبيبه :- ها عمر :- شوفتى مصطفى النهارده حبيبه :- لا عمر :- حبيبه لو شفتيه واتعرضلك قوليلى متخبيش حبيبه :- لا يا عمر مشفتهوش وانا لما نزلت تانى يوم من اللى حصل ورجعت منهاره لما استفزنى جيت ليك وحكيت ليك علطول عمر :- ايوه يا حبيبه بس المرادى نزلتى الكليه بعد مده من اللى حصل حبيبه :- خلاص بقى يا عمر لو كان حصل حاجه كنت جيت قولت ليك علطول عمر :- ماشى يا حبيبه يلا ووقف تاكسى وركب هو واخته وراحو البيت …………………………………………� �……… عند سيف خلص شغل ونزل ركب عربيته وراح يجيب اخته ديمه من الكليه واتصل عليها وقلها ان هو مستنيها بره وشويه وخرجت ديمه ديمه :- سورى يا ابيه على التأخير سيف :- مين اللى انتى كنتى وقفه معاه ده ديمه :- مين ده يا ابيه سيف :- انتى هتستعبطى ديمه :- بس انا مكنتش واقفه مع وبعدين افتكرت اه يا ابيه انت قصدك على دكتور عصام سيف :- كنتى واقفه معاه ليه ديمه :- ياابيه كان فى حاجه مش فاهمها فى المحضره كنت بسأله عليها سيف :- بعد كده لو عايزه تسالى على حاجه ابقى اسأليه فى المحضره جوه مش عايز اشوفك وقفه مع راجل تانى فاهمه ديمه :- حاضر يا ابيه اسفه ومشى سيف بعربيته للقصر …………………………………………� �……… فى بيت حبيبه وصل حسن وفتح الباب ودخل سمع صوت فى الصالون دخل يشوف مين واول ماشاف محمد فرح وقال حسن :- محمد عامل ايه واحشتنى اوى يا اخويه محمد :- حضنه وقال انت اكتر والله ياابن ابويه واحشنى اوى حسن :- والله احسن مفاجئه النهارده حوريه :- ده كان عايز يمشى علشان انت مش موجود حسن :- عيب الكلام ده يا راجل ده بيتك تيجى فيه فى اى وقت محمد :- عشت يا اخويه وبص لابنه اشرف وقال سلم على عمك يااشرف اشرف :- اذي حضرتك يا عمى حسن :- اخده فى حضنه وقال بسم الله ماشاءالله كبرت وبقيت راجل يا اشرف محمد :- ابنى بقى دكتور حسن :- ربنا يحميك ويحرسك يارب اشرف :- ربنا يخليك يا عمى وفى الوقت ده جت حبيبه وعمر عمر :- بعد ما فتح الباب قال ده شكل حد عندنا حبيبه :- ده مين اللى هيجلنا عمر :- مش عارف تعالى نشوف ودخله الصالون واول ما شافه عمهم اتصدمه حبيبه :- ا.ا.اذيك يا عمى محمد :- حضنها وقال اذيك يا بنت اخويه ده انتى كبرتى واحلوتى خالص حبيبه:- شكرآ يا عمى عمر :- اذيك يا عمى بس ايه الشقه الغريبه دى محمد :- اذيك يا ابن أخويه انت ايه مكنتش عايز تشوفنا ولا ايه عمر :- لا يا عمى انت نورتنا النهارده بس بقالك كتير مجتش عندنا محمد :- نعمل ايه فى اشرف بقى بقاله كذا يوم يقول عايز اشوف حبيبه يا ابا عمر :- بص لاشرف وقال اه سورى يا اشرف مسلمتش عليك وسلم عليه وقله منورنا والله اشرف :- منوره بأصحابها يا عمر وبص لحبيبه وقال بهيام اذيك يا بنت عمى عامله ايه حبيبه :- كويسه اشرف :- بس انتى احلويتى اوى يا بيبه حبيبه :- بأستغراب نعم عمر :- ايه يا عم اشرف ما تلم نفسك اشرف :- انتبه لنفسه وقال ا.ا.اسف محمد :- ههههههههه لحستى دماغ الولا يا بيبه حبيبه :- وهى بتضحك من غير نفس قالت هههههه هو دماغه لاحسه لوحديها ياعمى محمد :- ما هى انتى السبب من زمان وهو بيفكر فيكى لحستى مخه ومن هو صغير عمر :- ده وهما صغيرين لكن دلوقتى كبره وكل واحد بقى عنده حياه خاصه محمد :- ما احنا سألنا امك عليها لو مخطوبه وقالت لا حبيبه :- وانتو تسألو ليه مخطوبه ولا لا اشرف :- هههههه بنطمن يا بيبه حبيبه :- بقولك ايه اسمى حبيبه مش بيبه وبتطمنه ليه انشالله حوريه :- علشان تهدى الموقف قالت طب خلى الكلام بعدين ويلا قبل ما الاكل يبرد محمد :- والله واحشنى اكلك اوى يا مرات اخويه حسن :- ام عمر ميعلاش علي اكلها يا محمد محمد :- انت هتقولى انا مهما اكل محدش بيعرف يعمل أكلها حوريه :- تسلم يا اخويه اتفضلو على الاكل ومشيه كلهم راحو على السفره حبيبه :- هامسه لعمر انا اتخنقت من عمك وابنه ده عمر :- مش اكتر منى بس اه كلها كام ساعه ويغور حبيبه :- ده انا قربت اولع فى ابن عمك والله عمر :- هههههه اه شوفتى بيسبلك ازاى حبيبه :- انا مش شغلنى كل ده انا اللى شغلنى بنطلونه هو ناوى يوصله لصدره يدفيه ولا ايه عمر :- هههههههه 😂😂 طب بس احسن اخده بالهم وبص ليهم وقال منورين يا جماعه اشرف :- وهو بيبص على حبيبه هههههه بنورك يا ابن عمى حبيبه :- بصوت واطى يخربيت سقالت امك يا شيخ عمر :- ههههههههه سمعتك على فكره …………………………………………� �……… فى قصر عزالدين وصل سيف هو وديمه ودخل القصر والقى التحيه على ابوه اللى وصل قبله من شويه سيف :- امال فين ادهم عزالدين :- لسه مجاش سيف :- انا مش عارف ابنك ده هيفضل مستهتر كده لأمته عزالدين :- انا بفكر اجوزه اهو الجواز هو الحاجه الوحيده اللى هتلمه سيف :- ايه اللى انت بتقوله ده يابابا مش لما يخلص الجامعه بتاعته الاول عزالدين :- شكله مش نافع وهيفضل فيها العمر كله سيف :- طب ايه رأيك ننزله معانا الشركه اهو يتحمل شويه المسؤاليه عزالدين :- فكره حلوه خلاص لما يجى بلغه انت بالخبر ده واه فى بنت هتنزل معانا فى الشركه هى لسه بتدرس بس هتنزل تدريب عايزها تبقى تحت ايدك انت سيف :- واشمعنا انا ما تخلى اى حد تانى يدربها او حتى كريم عزالدين :- اصل ابوها راجل عزيز على قلبى اوى وهيسيب الشركه وكان عايز يضمن وظيفه لبنته والراجل استأمنى على بنته مش هضمن حد من الموظفين علشان كده طلبت منك انت تدربها سيف :- وهى بتدرس ايه عزالدين :- نفس مجالك مهندسه معماريه سيف :- بلاش انا انت عارف يابابا مليش خلق للنسوان ومش بحب الشغل معاهم عزالدين :- وهى هتاكلك ده ابوها كويس واكيد مربيها كويس يعنى مش هتكون من البنات اللى بتدلع سيف :- حضرتك شفتها عزالدين :- لا لسه معرفش هتيجى امته سيف :- ربنا يسهل بس ممكن اخلى كريم هو اللى يدربها اهو كريم كويس واحنا عارفينه عزالدين :- انا تعبت معاك رافض الاحتكاك بالحريم تمامآ ومهما اكلمك اللى فى دماغك فى دماغك سيف :- وهفضل رافضهم كده علطول ده صنف بنات حوا كلهم نمرود عزالدين :- يا ابنى شيل الفكره الغلط دى من دماغك طب ما امك من صنف الحريم بس عاشت قد ماعاشت صينه بيتها وجوزها وعيالها وكانت شايل الحمل لوحدها ولا عمرها اشتكت ولا ملت سيف :- يابابا ماما الله يرحمها ست مفيش منها دلوقتى بتوع اليومين دول كل اللى يهمها الطقم اللى لبساه ده ماركة ايه وان الميك اب يكون مظبوط وعايزه خروج وسهر وفسح كلها بنات مدلعه مفيش منهم دلوقتى اللى يقدر يتحمل المسؤاليه عزالدين :- كالعاده مش هوصل معاك لحل نهائى اللى انت شايفه صح اعمله وقام ودخل اوضه سيف :- لنفسه ده جنس نمرود لو وصل لقلب الواحد ما بيهدوش الا لو كسروه وقام دخل اوضه ديمه :- كانت قعده وقالت لنفسها حوار ممل جدآ وبتاع كل يوم مفيش تغير فينك يا دومى انت بس اللى بتفهمنى فى البيت الكائيب ده أدهم :- ديمو حبيبتى اتجنيتى ولا ايه بتكلمى نفسك يا بت ديمه :- دومى كويس انك جيت احسن مليت وزهقت من القعده وسط ابوك واخوك مع حوارهم الممل بتاع كل يوم أدهم :- هههههههههه الصراحه الله يكون فى عونك ديمه :- بس أقولك على خبر الموسم أدهم :- قولى ديمه :- ببلاش كده فين باكو الشكولاته بتاع كل يوم أدهم :- قد ايه انك انتهزيه وقحه اتفضلى يااختى اهو ديمه :- ياسلام عليك احسن دومى فى الدنيا أدهم :- ماشى يا اختى احكى ايه هو الخبر ديمه :- وهى بتاكل الشكولاته امم بابا وابيه اتفقه ان ينزلوك معاهم الشركه أدهم :- نععععععععععععم ده من ايه انشالله لا طبعآ مش نازل شركات انا ديمه :- ههههههه يا دومى بلاش تقول كلمه مش هتقدر تنفذها مدام ابيه قال انك هتنزل معاهم الشركه يبقى هتنزل 😂😂 أدهم :- تصدقى ان انا غلطان ان جبتلك شكولاته معايه وشده من ايديه ديمه :- طب انا مالى انا هات بقى الشكولاته أدهم :- لا علشان تعرفى تضحكى عليه كويس ديمه :- هات بقى يا ادهم أدهم :- لا ديمه :- بزعل طفولى والله لو مجبتها هخصمك أدهم :- ما تولعى ديمه :- هبطت رجليها فى الارض وقالت والله انت غلس ها ومشيت وهى متغاظه منه أدهم :- بصوت اللمبى بت يا ديمو امزه خدى اهو متزعليش يابت انا اللمبى الحب يابت العشق يابت ديمه :- ههههههههه هات يا اخويه …………………………………………� �……… فى بيت حسن جادالله بعد ما الكل خلص اكل دخل الصالون واتقدم ليهم واجب الضيافه محمد :- خلاص مش قادر مفيش مكان فى بطنى بجد تسلم ايدك يامرات اخويه حوريه :- الف هنا وشفا عليكم محمد :- الله يهنيكى ياست حوريه حسن :- بص لاشرف وقال اتفضل يا ابنى اشرب أشرف :- شكرآ يا عمى مش قادر خلاص حسن :- ده انا مبسوط اوى ان شفتكم النهارده محمد :- طب ايه رأيك لو جوزنا حبيبه لأشرف حبيبه :- كانت بتشرب العصير واول ماسمعت كده شرقت أشرف :- سلمتك ياروح الروح حبيبه :- لنفسها جاتك وجعه فى روحك حسن :- ايه اللى انت بتقوله ده يا محمد البت لسه فى الكليه محمد :- وفيها ايه ما هو اشرف هيخليها تكمل مش هيمنعها عمر :- طبعآ لا يا عمى اختى مش بتفكر فى الجواز دلوقتى محمد :- مش لما نشوف رأى العروسه نفسها وبص لحبيبه وقال ها يا عروستنا حبيبه :- رأى فى ايه يا عمى طبعآ لا انا زى ما قلك عمر مش بفكر فى الجواز دلوقتى وبعدين انا لسه عايزه احقق ذاتى اشرف :- ما هو انا هقف جنبك واساعدك فى كل حاجه حوريه :- الصراحه ابنك ما يتعيبش يا محمد دكتور وزى القمر حبيبه :- لنفسها قمر بالستر ياحاجه محمد :- قولتى ايه يا بنتى حبيبه :- معلش يا عمى ربنا يرزقه ببنت الحلال بس انا مش هنفع ليه انا لسه هخلص كليه واتعين فى شركه واوصل للى انا نفسى فيه حوريه :- طب يا محمد سبنا نفكر وخير انشالله حبيبه :- نفكر فى ايه ياماما حوريه :- بصت لحبيبه بمعنى اسكتى محمد :- خلاص يا حسن اناهمشى دلوقتى وهنستنا الرد النهائى حسن :- مالسه بدرى يا محمد محمد :- معلش علشان لسه السكه سلام عليكم كلهم :- وعليكم السلام ومشى محمد وابنه اشرف وابتدت الحرب فى بيت حسن جادالله …………………………………………� �……… فى قصر عزالدين سيف راح عند باب اوضة اخوه أدهم وخبط على الباب أدهم :- اذن ليه يخش سيف :- فاضى اتكلم معاك فى موضوع أدهم :- اه تعال يا سيف سيف :- دخل وقال اعمل حسابك من بكره هتنزل الشركه معانا آدهم :- لا طبعآ انا مش هنزل الشركه معاكم انا هستنا اخلص جامعتى وهفتح شغل خاص بى بعيد عن شغلكم سيف :- ليه ما شركة ابوك كبيره وكتير من الشباب اللى فى سنك يتمنوه يشتغله فيها أدهم :- بس مش أنا سيف :- ليه علشان تفضه لسرمحه والبنات والسهر مع شلتك الفاشله أدهم :- والله دى حياتى وانا حر فيها سيف :- لا مش حر فيها لما تكون حياتك الشخصيه بتأثر على سمعت عيلة عز يبقى من حقنا نوقفك على اللى انت بتعمله أدهم :- برضه مش هنزل الشركه معاكم سيف :- يا ابنى استرجل شويه وشيل معايه المسؤاليه ابوك كبر ومبقاش حمل شغل وانا الوحدى مفروض تبقى واقف معايه وجمبى أدهم :- معاك كريم مش سايبك وبيساعدك سيف :- بذمتك انت راجل علشان تعتمد على الغريب هو اللى يحرس فلوس ابوك أدهم :- اه انا مش راجل عجبك كده سيف :- ادههههههههم اتعدل فى الكلام أدهم :- انا مش عيل علشان تتحكمو فيه انت وابوك وتحددو مستقبلى نيابة عنى سيف :- انا قولت كلمه واحده الصبح تكون جاهز علشان تنزل معانا الشركه وسابه ومشى …………………………………………� �…… فى بيت حسن جادالله قعده مع بعض حبيبه :- انتى ازاى يا ماما تسيبى الموضوع متعلق انا استحاله افكر فى اللى اسمه اشرف ده حوريه :- ليه فى ايه يعيبه ده راجل بجد وابن عمك يعنى هيصونك ويخاف عليكى مش زى اللى كنتى جايبه لينا اللى فضحك فى المنطقه حبيبه :- برضه لا انا مش بطيقه اصلا حوريه :- الحب بيجى بعد الجواز حسن :- خلاص يا حوريه سيبى البنت على راحتها هى اللى هتعيش معاه مش انتى حوريه :- بقولكم ايه انا سبتكم تمشو موضوع مصطفى رغم ان كنت مش موافقه واهى النتيجه الفضيحه يبقى المرادى همشى انا الموضوع على دماغى انا حبيبه :- يعنى ايه يا ماما هتجوزهونى غصب عنى حوريه :- اه انا امك وعارفه مصلحتك اكتر منك عمر :- بس غلط اللى انتى هتعمليه ياماما هى مش بتحبه حوريه :- مش لازم تحبه دلوقته بعد الجواز لما تشوف حنيته عليها هتحبه وهتيجى تشكرنى كمان حبيبه :- وانا مش موافقه واللى عندك اعمليه حوريه :- قامت وقفة وضربت حبيبه بالقلم وقالت اخرسى انتى بنت مش متربيه علشان تردى على امك بالطريقه دى والجوازه هتم غصب عن الكل حبيبه :- حطت ايديها على وشها وعيطت حسن :- حوريه ايه اللى انتى عملتيه ده حوريه :- بنتك مش متربيه ونقصه تربيه وانا هربيها من اول وجديد حبيبه :- سبتهم وطلعت تجرى على اوضتها وطلع يجرى وراها عمر حسن :- انتى لاغتينى خالص يا حوريه وبتاخدى القرارات لوحدك حوريه :- انا ادره بمصلحة عيالى حسن :- ما هما عيالى انا كمان حوريه :- بقولك ايه لو الموضوع ده متمش زى ما انا عايزه والله لانا ماشيه وسايبه ليكم البيت …………………………………………� �……… بقلمى (دودو محمد ) يا جماعه انا زعلانه اوى على قلة التفاعل على الروايه لو هى مش عجباكم انا اقوفها مفيش مشكله عادى انا لو ملقتش تفاعل على الروايه النهارده هوقفها ومش هنزلها تانى واتمنى محدش يزعل منى | ||||||||
|
| |
|
12-09-18, 05:27 PM
| #7 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» الفصل الرابع فى شقة حسن جادالله كانت حبيبه قعده فى اوضتها وبتعيط ودخل ليها اخوها عمر عمر :- شششش خلاص يا حبيبه متعيطيش اهدى كده واحنا هنشوف صرفه للموضوع ده حبيبه :- وهى بتعيط انا استحاله اتجوز الكائن ده انا عندى الموت اهون من اعيش معاه عمر :- بعد الشر عليكى يا حبيبتى انشالله هو وانتى لا حبيبه :- بس ماما شكلها مصممه وانا عارفه ماما لما تصمم على حاجه مش بتسكت غير لما تمشيها عمر :- لا أنشالله انا وابوكى نقدر نقنعوها حبيبه :- يانهار اسود انا اعيش مع البنأدم ده ده انا يجيلى على ايده شلل اطفال بتاع روح الروح اللهى تطلع روحه البعيد عمر :- حضن حبيبه وقال هههههههه ايوه كده سبيها على ربنا وانشالله هتتحل …………………………………………� �……… فى قصر عزالدين كانت ديمه قعده فى اوضتها وبتتكلم فى التليفون ديمه :- اسكت يا حبيبى ده قلبى وقع فى رجليه لما ابيه شفنا وسألنى كنتى وقفه مع مين عصام :- اوعى تكونى قولتى ليه حاجه ديمه :- لا يا حبيبى قولت ليه ان كنت بسألك على حاجه فى المحضره عصام :- جدعه احسن انا مش قد أخوكى سيف لو عرف وانتى عارفه الظروف عامله ازاى ومقدرش اجى اتقدم ليكى دلوقتى ديمه :- عارفه يا حبيبى وانا صابره معاك لحد ما الظروف تتعدل معاك عصام :- ربنا يخليكى ليا يا حبيبتى ديمه :- ويخليك ليا يا قلبى عصام :- بقولك ايه عملتى ايه فى المبلغ اللى طلبته منك علشان عملية ماما ديمه :- للاسف يا حبيبى معرفتش اتصرف غير فى نصهم عصام :- ايه طب انا اعمل ايه دلوقتى ده الدكتور قلى لازم نعمل العمليه فى اقرب وقت وكنت معتمد عليكى ديمه :- انا طلبت المبلغ اللى معايه بحجة ان عايزه اعمل شوبنج واشترى حجات ليه عصام :- خلاص يا ديمه خليهم معاكى وانا اسف لو كنت تقلت عليكى ديمه :- انت زعلت انا مش قصدى اجرحك والله طب بس انا هاحاول اطلب بقيت المبلغ من أدهم أخويه وهو مش هيقولى لا وهيكون الصبح المبلغ كامل عندك عصام :- معلش يا حبيبتى تقلت عليكى بس انا مليش فى الدنيا غير حبيبت قلبى ديمه وانشالله فى اقرب وقت هردهملك وفوقيهم بوسه ديمه :- لالا خليهم مش عايزاهم بس هاخد البوسه ههههههههههه عصام :- يا سلام من عنيه طب ما يلا افتحى الكاميره ومتعينى ديمه :- لالالا مش هينفع عصام :- هو ايه مش هينفع مااحنا علطول بنعمل كده ايه الجديد ديمه :- بس بيقوله حرام عصام :- بكدب حرام ليه هو انا بلمسك ده كل واحد بعيد عن التانى بس بنتمتع شويه مفهاش حاجه يعنى ديمه :- يعنى مش حرام عصام :- بكدب لا ديمه :- ماشى وبدء فى فعل المحرمات مثل غيرهم من الشباب اللذينه استخدمو التكنولوجيه اسوء استعمال فى فعل محرمات الفيس بوك …………………………………………� �……… اشرقت شمس صباح يوم جديد فى سماء الاسكندريه بنورها الساطع لتداعب العيون البونيه لتفتح حبيبه عيونها وتغلقها عدة مرات من شدة الضوء حتى تعودت عليه قامت من على سريرها دخلت حمامها اخدت شاورها وطلعت لبست هدومها وخرجت من اوضتها …………………………………………� �……… خرجت حبيبه من اوضتها بس مكنش فى حد موجود حبيبه :- لنفسها امال فين اللى فى البيت راحو فين دول ودخلت المطبخ بس ملاقتش حد راحت خبطت على باب اوضة النوم بتاعة امها حبيبه :- بابا انت جوه وانتظرت الرد بس محدش رد عليها خبطت تانى وقالت ماما يا ماما حد فيكم يرد بس محدش رد قالت هو فى ايه انا بدأت قلق عمر :- فى ايه يا بيبه وقفه عندك بتعملى ايه وبتكلمى نفسك ليه حبيبه :- اخيرآ لقيت حد فى البيت ده انا كنت فقد الامل عمر :- ليه هو بابا وماما فين حبيبه :- مش عارفه انا دورت عليهم فى البيت كله ملاقتش حد عمر :- غريبه دى وسمعو الباب اتفتح وكان حوريه وحسن عمر :- ايه يا ماما كنتو فين احنا قلقنا عليكم حوريه :- ابوك تعب شويه وكنت بيه عند الدكتور حبيبه :- جريت علي ابوها وحضنته وقالت سلامتك يابابا طب ليه محدش صحانى وصحه عمر نروح معاكم حسن :- خفنا نقلق حد فيكم وانا الحمدالله كويس عمر :- والدكتور قلك ايه يا ماما حوريه :- قال عضلة القلب ضعيفه شويه ومحتاج للراحه وميتعرضش للانفعال حبيبه :- بدموع انشالله انا يا بابا وانت لا حسن :- طبطب على بنته وقال بعد الشر عليكى يا حبيبتى انا مكنتش عايز اعرفكم بس امكم مبتعرفش تخبى عمر :- ليه يا بابا مش عايزنا نعرف حسن :- علشان مشفش الزعل فى عين حد فيكم حبيبه :- ربنا يخليك لينا يا بابا ويطولنا فى عمرك عمر :- اقعد وارتاح ومتشلش هم المصاريف بتاعة علاجك ولا مصروف البيت انا هتكفل بيهم كلهم حسن :- عينه دمعة وقال مش عايز اكون حمل تقيل عليكم حبيبه :- ايه اللى انت بتقوله ده يا بابا ده احنا مهما عمالنا مش هنرد جزء صغير من خيرك وحنيتك علينا عمر :- وبعدين يعنى يابابا انت مخلف راجل ليه مش علشان يبقى سندك وضهرك حبيبه :- يا سلام يا اخويه هو انت الراجل بس طب ما انا بنت وبرضه اقدر اشتغل واساعد ومن بكره هنزل الشركه بتاعة بابا اللى كان شغال فيها حسن :- ربنا يخليكم ليا بس انتى يا حبيبه انتبهى لجامعتك وفى الاجازه انزلى اشتغلى فى الشركه وانا كلمة الراجل وقلى تنزل فى اى وقت عمر :- صح كلام بابا يا بيبه انتى خليكى فى جامعتك الاول وانا شغال ومتكفل بكل حاجه حوريه :- خلاصتو كلام اسمعو كلامى للاخر حبيبه مفيش خروج من البيت ولا مرواح للجامعه الا لو وافقتى على ابن عمك وتمت الخطوبه وده اخر كلام عندى عمر :- ايه اللى انتى بتقوليه ده يا ماما انتى عايزه تضيعى مستقبل بنتك علشان توافق على العريس حوريه :- هو ده اللى عندى لو مكنش عجبكم حسن :- حورررررريه انا علشان سكتلك هتسوقى فيها وحط ايده على قلبه حبيبه :- حست ان هتحصل مشكله مع امها وابوها بسببها وممكن ابوها يروح فيها قالت وهى حبسه الدموع فى عنيها حاضر يا ماما اللى تشفيه عمر :- اتصدم من رد اخته وقال حبيبه ايه اللى انتى بتقوليه ده انتى واخده بالك من كلامك حبيبه :- اه يا عمر يمكن اشرف ده ميطلعش وحش واقدر احبه بعد الجواز عمر :- لا يا حبيبه انتى عمرك ما هتحبيه وهتعيشى بقيت عمرك تعيسه مع شخص مفيش توافق فكرى مابينك وبينه حبيبه :- خلاص يا عمر انا قولت موافقه ومفيش كلام تانى يتقال حوريه :- راحت على بنتها وحضنتها وقالت بنتى حبيبتى اللى بتسمع كلام امها حبيبه :- وهى الدموع فى عنيها عن اذنكم ودخلت اوضتها عمر :- انا على جثتى اخلى الجوازه دى تتم حوريه :- وانت مالك صاحبة الشأن موافقه ايه دخلك انت عمر :- علشان انا عارف اختى كويس اوى وعارف هى بتكره اشرف ده قد ايه وفاهم هى وافقت غصب عنها ليه بس انا مش همشى الجوازه دى وبص لابوه وقال ساكت ليه يابابا ماتتكلم حسن :- قام وقال لله الامر من قبل ومن بعد لله الامر من قبل ومن بعد وسبهم ودخل الاوضه حوريه :- اهو شفت كله موافق اطلع انت منها عمر :- يعنى انتى كده ارتحتى ماشى يا ماما ورينى الجوازه دى هتم ازاى وسبها ومشى حوريه :- جريت على التليفون وطلبت رقم محمد وانتظرت الرد وشويه ومحمد رد عليها محمد :- السلام عليكم حوريه :- وعليكم السلام محمد :- اذيك يا مرات أخويه حوريه :- الحمدالله انا جبتلك بشرة الخير البت وافقت محمد :- بجد يا الف نهار ابيض يا الف نهار مبروك حوريه :- انا عملت بكل جهدى لحد ما اقنعتها شوف هتحليلى بقى بأيه بقى محمد :- حلاوتك محفوظه يا مرات أخويه وهتكون عندك يوم ما نيجى نتقدم لبنتك حوريه :- تشرفونا وتأنسونا محمد :- خلاص يا حوريه يوم الجمعه هنكون عندكم ومعانا شبكة المحروسه بنتك حوريه :- ماشى يا اخويه هبلغ حسن بالكلام ده مع السلامه محمد :- الله يسلمك يا ام العروسه وقفلت حوريه مع محمد ودخلت تبلغ الخبر لحسن …………………………………………� �……… فى قصر عزالدين استيقظ جميع من فى القصر واجتمعو على سفرة الفطار سيف :- جاهز يا آدهم أدهم :- من غير نفس رد وقال اه ديمه :- وهى بتكتم ضحكتها حنفى هتنزل المرادى أدهم :- بس ابت اللعن ابو شكلك على الصبح ديمه :- هههههههههههه شكلك مسخره والله أدهم :- كده طب شوفى مين هيجيبلك الشكولاته النهارده ديمه :- لالالا ده انت حبيبى يا دومى ده انت ابو الرجوله كلها سيف :- مش نبطل كلام على الاكل ونسكت شويه ديمه :- احم سورى يا ابيه والكل قام من على السفره وراح عزالدين مع السواق بعربيته للشركه وأدهم راح الشركه بعربيته وسيف وصل ديمه الجامعه وراح على الشركه …………………………………………� �……… فى البلد عند محمد وابنه اشرف :- بجد يا ابا وفقت محمد:- اه والله امها لسه مبلغانى الخبر واتفقت ان هنروح يوم الجمعه ونتفق ونلبس شبكه اشرف :- حبيبه كلها يومين وهتبقى خطيبتى محمد :- هى ايه الحكايه هى البت عجبتك ولا ايه أشرف :- الصراحه اه يا ابا البت مزه اوى محمد :- اعمل حسابك انا مليش دعوه بكل ده انا اهم حاجه عندى الارض اللى بأسمها وبعد كده انت حر تبقى معاها او تطلقها أشرف :- طبعآ يا ابا الارض هكتبها بأسمك بعد التنازل بس انا مش هفرط فى لهطت القشطه دى يا ابا محمد :- انا هتفق على اخر الشهر ده نعمل الفرح اشرف : - ده بعيد اوى يا ابا محمد :- بعيد ايه يا ابن العبيطه ده هيبقى كمان اسبوعين اشرف :- طب ما تخلى يوم الجمعه شبكه وكتب كتاب محمد :- بغيظ اشرف قوم روح شوف اللى وراك الله يكون فى عون البت منك ده هيجلها شلل رباعى من العيشه معاك اشرف :- ليه بس ده انا هشخلعها وهدلعها اخر دلع محمد :- قول انشالله بس احسن ما تقف بوشك الفقرى ده اشرف :- لالا انشالله طبعآ يا ابا …………………………………………� �……… فى بيت حسن جادالله دخلت حوريه اوضة النوم لحسن تبلغه باللى قاله محمد حوريه :- انا بلغت ابو اشرف بالموافقه وهو جاى يوم الجمعه ومعاه الجماعه وهيتفق ويلبس شبكه كمان حسن :- بعصبيه برضه عملتى اللى فى دماغك ومشيتى الجوازه حوريه :- ما خلاص بقى يا ابوعمر البت ووفقت وابن اخوك جاهز ومش هيدفعنا ولا مليم فى جهزها وحتى شنطة هدومها هو اللى هيجبها والولا مش وحش ودكتور يعنى متعلم زيها يبقى فى ايه يعيبه حسن :- فى ان بنتك مش بتحبه ووفقت عليه وهى مغصوبه منك وخوف على لانفعل ويجرارى حاجه حوريه :- يوووووه بقى يا حسن هما بنات اليومين دول كده بيدلعو ويقول لا وبعد الجواز تلاقى الواحده مكلبشه فى الراجل وبتغير عليه وتخاف عليه من الهوا الطاير حسن :- انا مش مسمحك على اللى هتعملى فى بنتك ده وعلى كسرة قلب بنتك حوريه :- انا قولتلك وخلاص وابقى بلغ بنتك وسابته وطلعت من الاوضه …………………………………………� �……… فى شركة عزالدين وصل الكل على الشركه ودخل كل واحد مكتبه ودخل أدهم مع سيف فى المكتب كريم : ايه ده أدهم عندنا فى الشركه ايه اللى حصل فى الدنيا سيف :- انا نزلته علشان يبدء الشغل معانا فى الشركه. كريم :- بس افرض وشك على الصبح علشان الرزق يخش لينا أدهم :- والله هو ده اللى عندى لو مكنش عجبكم كريم :- ده انت واضح مغصوب عليك من الدرجه الاول سيف :- هو اول يومين كده وبعدين هيتعود على روتين الشغل كريم :- طب هيبقى فين مكتبه سيف :- فى الاوضه اللى جمبى كريم :- اوكى انا هبلغ العمال يجهزو ليه المكتب فى الاوضه وهنزل أعلان فى الجريده عن وظيفة سكرتير أدهم :- لا انا عايز سكرتيره مش سكرتير مش هيبقى شغل ووشوش عكره كمان كريم :- وهو بيكتم ضحكته ماشى أدهم :- كاتمها ليه يا اخويه ما تضحك وخلص نفسك كريم :- هههههههههههههههههه شكلك تحفه وانت مغصوب كده أدهم :- بغيظ بقى انا أدهم عز جنتل الشله اقوم بدرى وانزل اشتغل وجو الشركات ده اه يا فضحتى يا انى سيف :- بقى نزولك الشركه وتبقى راجل مسؤال فضيحه واللى انت بتعمله مع البنات والسهر مع الشله مش فضيحه أدهم :- ياربى ليه ادتنى اخ كائيب شبه اسد خان فى مسلسل قبول (مسلسل هندى ) ليه مدتنيش اخ شبه رامز جلال كده فرفوش كريم :- هههههههههههههههههههه ده انت مشكله سيف :- كريم خده وامشى انت وهو من هنا كريم :- وهولسه بيضحك ههههههههه حاضر حاضر وخرج كريم وأدهم من اوضة سيف …………………………………………� �……… فى بيت حسن جادالله كانت حبيبه قعده فى اوضتها وعماله تعيط وسمعت خبط على الباب مسحت دموعها وقالت حبيبه :- خش حسن :- فتح الباب وقال حبيبت بابا بتعمل ايه حبيبه :- وهى بتحاول تدارى زعلها ولا حاجه يا بابا كنت قعده حسن :- ليه يا بيبه وفقت على الجواز حبيبه :- عادى يا بابا انا اخترت قبل كده وكان أختيارى مش صح يمكن كلام ماما صح ويكون اشرف كويس حسن :- كنتى قولتى لا وانا واخوكى معاكى حبيبه :- لا يا بابا انا مش عايزه مشاكل مع عمى وفى الاخر كل شئ قسمه ونصيب حسن :- طب هو هيجى يوم الجمعه هيطلب أيدك ويلبسك الشبكه حبيبه :- بصدمه ايه الجمعه الجايه بسرعه كده حسن :- هتفرق ايه الميعاد مدام انتى موافقه على المبادئ حبيبه :- بزعل عندك حق يا بابا حسن :- ارفضى قبل مايفوت الاوان حبيبه :- اترمت فى حضن ابوها وعيطت وقالت خلاص يا بابا معدش ينفع الكلام حسن :- صعبت عليه حبيبه قعد يطبط عليها وقال ربنا قادر يريح قلبك من عنده يا بنتى …………………………………………� �……… فى شركة عز الدين كان أدهم قاعد فى مكتبه الجديد ودخلت ليه السكرتيره بتاعة مكتب ابوه أدهم :- يا صباح المهلبات على القشطات على العسلات السكرتيره :- احم صباح الخير يا فندم أدهم :- فندم مين ده انت اللى افندم وباشا كمان السكرتيره :- احم استاذ عز عايزك فى مكتبه حالا أدهم :- جاى وراك علطول يا جميل السكرتيره :- عن اذن حضرتك أدهم :- اذنك معاك يا عسل السكرتيره :- خرجت وقالت لنفسها سبحان الله اللى يشوف سيف ميقولش ان ده اخوه خالص يخربيته دمه زى العسل ومز اخر حاجه أدهم :- الله يكرمك ده من ذوقك السكرتيره :- ها أدهم :- اصل مدام طلعتى من عندى وسرحتى كده يبقى بتشكرى فيه فى سرك فقولت اشكرك سكرتيره :- ع.ع.عن أذنك وسبته ومشيت أدهم :- هههههههه على مين كلها يومين وتبقى نايمه جمبى السرير وراح المكتب لابوه …………………………………………� �……… فى الجامعه عند ديمه ديمه :- خد اهو المبلغ يا عصام انا كملته ليك امبارح عصام :- شكرآ يا قلبى مش عارف اودى جمايلك فين فى كل مشكله تقابلنى الاقيكى وقفى جمبى ديمه :- يا حبيبى انا معاك فى اى حاجه ولو طلبت عينى متغلاش عليك عصام :- تسلملى عيونك بس انتى امبارح كنتى فرسه يا بنت اللذينه ديمه :- بس بقى يا عصام عصام :- اااااه امته يجى اليوم اللى يبقى كل حاجه على الطبيعه ديمه :- ربنا يكرمك ويوسع رزقك وتيجى تخطبنى من بابا وابيه سيف عصام :- ا.ا.اه طبعآ ديمه :- بحبك اوى يا عصومى عصام :- وانا بموت فيكى يا قلب عصومى …………………………………………� �……… بقلمى (دودو محمد) يا جماعه انا ملتزمه معاكم بالمواعيد فلو اتأخرت مره او اتنين ده بيبقى غصب عنى بيبقى النت ضعيف بس بحاول بكل طريقه علشان انزلكم الفصل فياريت محدش يزعل منى انا بحبكم اوووووى 😍😍😘😘💟❤❤💝💖💖 | ||||||||
|
| |
|
12-09-18, 05:29 PM
| #8 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» الفصل الخامس مر يومين بدون احداث تذكر وجاء يوم الجمعه وجاء وقت حضور محمد وابنه اشرف ودخل حسن لبنته فى اوضتها حسن :- ايه يا بيبه خلصتى خلاص لبس حبيبه :- بدموع اه يا بابا حسن :- بزعل على بنته وأخرتها يا بنتى ودموعك على خدك من يوم ما وفقتى على الموضوع حبيبه :- مش قادره اتقبل الموضوع يابابا حسن :- طب ماانا قولتلك من يومين بلاش الموضوع وانتى صممتى ان يمشى حبيبه :- ماما ردت عليهم ولو رافضنا الموضوع بعد كده هتحصل مشاكل احنا فى غنا عنها حسن :- بس انتى هتيجى على نفسك جامد حبيبه :- سبها على ربنا لو فى نصيب هيتم غصب عن الكل لو مفيش يبقى ربنا هيحلها من عنده حسن :-ونعم بالله طب يلا يا حبيبتى خلصى نفسك علشان هما على وشك الوصول وسبها وطلع …………………………………………� �……… فى قصر عزالدين قاعد عزالدين مع ولاده عزالدين :- ايه رأيك فى الشغل يا أدهم أدهم :- زفت عزالدين :- ايه أدهم :- اه والله زى الزفت وممل سيف :- علشان انت مش واخد على الاحترام عايز الهلس وبس أدهم :- أحياة امك ياشيخ مش كفايه كنت بشوفك فى البيت وبس لا وكمان بقى فى الشغل ارحمنى والنبى سيف :- لا انا اللى هموت واشوفك ده انا كل ما بشوفك بتحسر على الرجوله أدهم :- طب وجاى عليك بأيه كل ده ما تريح نفسك من وشى واعتقنى من ام الشغل ده سيف :- لا وانا وراك لحد ما تبقى راجل أدهم :- طب عملت ايه فى السكرتيره اهو تكون حاجه طريه تهون عليه الشغل فى المكتب عزالدين :- انت بنأدم مستفز ومعندكش دم يعنى مش مراعى ان انا قاعد ولا مراعى أخوك ولا محترم نفسك فى الكلام علشان أختك قعده أدهم :- و انا قولت ايه طيب انا بسأل على السكرتيره سيف :- من بكره فى سكرتير هيجى يستلم الشغل أدهم :- نععععععم سكرتير ليه انشالله سيف :- علشان انا عايز ابعدك عن مرض البنات مش معقول هجيب ليك البنات لحد عندك أدهم :- بغيظ يارب انت على المفترى وفى الوقت ده رن رقم عصام على تليفون ديمه ديمه :- اول ما شافت الرقم اتوترت وخافت وكنسلت عليه شويه ورن تانى سيف :- مين بيرن عليكى كتير كده ديمه :- د.د.دى صاحبتى اسراء سيف :- طب ما تردى ديمه :- ها ل.ل.لا م.م.مش مهم خلاص ابقى الصبح اكلمها علشان مصدعه شويه عزالدين :- الف سلامه عليكى يا حبيبتى ديمه :- الله يسلمك يابابا ا.ا.انا هخش انام تصبحو على خير الكل :- وانتى من اهله …………………………………………� �……… فى بيت حسن جادالله وصل محمد وابنه اشرف وامه سهير وعمته سماح وبعد السلام والترحيب محمد :- امال فين عروستنا حسن :- فى اوضتها سهير :- ده انا مشتاقه اشوف حبيبه من كتر الكلام والوصف اللى بيقوله اشرف ابنى عليها حوريه :- ما هو انتى اخر مره شوفتيها كانت لسه صغيره خالص لكن دلوقتى ادورت وبقت زى القمر سماح :- بنت أخويه ست البنته كلهم زى عماتها تمام حسن :- طبعآ يا حبيبتى طول عمركم اسمكم زى الجنيه الدهب والبلد كلها تشهد بكده سماح :- عشت يا اخويه اشرف :- طب يلا يا مرات عمى نادى على بيبه بسرعه خليها تيجى حوريه :- من عنيه يا حبيبى ودخلت حوريه الاوضه لحبيبه حوريه :- ايه اللى انتى لبساه ده فى واحده هتتخطب النهارده تلبس كده حبيبه :- ماله جيبه واسعه وعليها بلوزه حوريه :- ليه ما لبستيش فستان حلو من اللى عندك وحطيتى شوية ميك اب كده تدارى بيهم عيونك المنفخه من العياط دول حبيبه :- لا هو كده لبسى عجبنى ومش بحب احط مكياج يا اما كده يا مش طالعه خالص حوريه :- خلاص يا اختى طالعه فقريه لابوكى واخوكى تموته فى النكد زى عنيكم امشى خلصى وخرجت حبيبه وحوريه من الاوضه ودخلو الصالون اول ما شفتها سهير قالت سهير :- اسم النبى حارسك وصاينك قمر 14مشاءالله تعالى سلمى على مرات عمك وحماتك انشالله حبيبه :- من غير نفس اذيك يا مرات عمى سهير :- كويسه يا حبيبت مرات عمك سماح :- ما تسيبى البت تسلم على الباقين حبيبه :- اذيك يا عمتو سماح :- اخدتها فى حضنها وقالت كبرتى وبقيتى عروسه زى القمر يا بيبه ده انا لسه فكره لما كنتى مولوده وعماله تعيطه وصوتك طالع بالعافيه وكل شويه تعمليها على ابوكى وامك تقرف تغيرك واغيرك انا حبيبه :- بحب ربنا يعلم بحبك قد ايه ياعمتو ده انتى ليكى معزه خاصه فى قلبى سماح :- انتى بنتى اللى مخلفتهاش ده انا اللى ربيتك لحد ما مشيتو من البلد حبيبه :- ربنا يخليكى يا رب محمد :- انتى بتعيبى على سهير وانتى اسخم منها ما تسيبى البت شويه حبيبه :- سلمت على محمد وعلى اشرف من غير نفس وقعدة جمب ابوها محمد :- انت طبعآ يا اخويه عارف احنا جاين ليه علشان نطلب ايد بنتك حبيبه لابنى اشرف واحنا مش عايزين منك حاجه البيت فى البلد فى دور مخصوص لاشرف ابنى ومتجهز من كل حاجه وهندفع مهر لعروستنا علشان تنزل تجيب هدومها ولو فى حاجه نقصها والشبكه اهى بتاعة المرحومه امك كنت مشتريه منها ومخلى لعروسة ابنى ها ايه رأيك حسن :- طبعآ يا محمد ده شئ يشرفنى ان بنتى يخدها ابنك بس طبعآ الرأى الاخير للعروسه محمد :- مش هى العروسه وافقت وجينا على اساس كده وبص لحوريه وقال ولا ايه يا ام عمر حوريه :- اه طبعآ موافقه يا اخويه حتى اسألها محمد :- ايه رأيك يا عروسه حبيبه :- ……………………… محمد :- ها يا بنتى ردى عليه حبيبه :- موافقه محمد :- نقراه الفتحه دلوقتى ونلبس الشبكه وعلى أخر الشهر الفرح حسن :- ايه بسرعه كده انتو مستعجلين كده ليه محمد :- يا اخويه خير البر عاجله ومدام كل حاجه جاهزه يبقى ليه نستنا حوريه :- عندك حق يا اخويه حسن :- بص على بنته شاف دمعه نزله من عنيها قال بحزن ماشى موافقين محمد :- طب يلا نقراه الفاتحه وقراه الفاتحه ولبس الشبكه والكل خرج وساب اشرف مع حبيبه اشرف :- مبروك يا عروسه حبيبه :- من غير نفس الله يبارك فيك أشرف :- يااااه انا مش مصدق انك بقيتى بتاعتى ياروح الروح ومد ايده يمسك أيديها حبيبه :- زقت أيده وقالت لو سمحت أحترم نفسك ومتلمسنيش تانى أشرف :- ليه بس مش انتى خطيبتى حبيبه :- خطيبى مش جوزى يعنى مش مسموح تلمسنى أشرف :- كلها اسبوعين واللمسك براحتى يا قشطه انتى حبيبه :- بنفاذ صبر اللهم طولك ياروح لو سمحت اتكلم بأحترمك معايه ممكن أشرف :- انت تأمر يا قمر حبيبه :- لا كده كتير ممكن نطلع ليهم أشرف :- ما تخلينا قعدين مع بعض شويه حبيبه :- قامت وقفة وقالت لا انا طالعه ليهم بره عن أذنك وسابته ومشيت أشرف :- وراكى يا مزه لحد ما تحبينى …………………………………………� �……… كان الكل قاعد ودخلت حوريه المطبخ تحضر حاجه يشربوها ودخل وراها محمد:- خدى يا ام عمر حلاوتك ايه وادها ظرف حوريه :- شدتهم من ايده وقالت من يد ما نعدمها كام دول محمد :- 50 الف يا مرات أخويه حوريه :- ايه بس ده قليل اوى ده انا عملت مجهود كبير اوى على ما خلتها توافق محمد :- يا ام عمر خديهم ومتطمعيش هى الجوازه كلها مش هطلع منها بحاجه حوريه :- ماشى مع انى كان عندى امل تكون الفلوس اكتر من كده بس يلا بقى اهم حاجه عندى سعادة بنتى محمد :- اه ما انا عارف بالاذن وخرج وسبها حوريه :- مسكت الظرف وباسته وقالت مش مصدقه نفسى ان معايه المبلغ ده بس اهم حاجه اخبيهم ومحدش يعرف بيهم واخدتهم ودخلت الاوضه خفت الظرف اللى فى الفلوس فى الدولاب وخرجت وعملت العصير وطلعت بى من المطبخ وانتهى الوقت وروح الكل على بيته ودخلت حبيبه غيرت وخرجت من أوضتها وراحت عند أوضة أخوها عمر …………………………………………� �……… فى قصر عزالدين دخلت ديمه أوضتها وقفلت على نفسها الباب بالمفتاح واتصلت على عصام وانتظرت الرد عصام :- ايه يا بنتى برن عليكى بتكنسليه عليه ليه ديمه :- كنت هتودينى فى داهيه عمال ترن وانا كنت قعده مع بابا واخواتى تحت عصام :- اوعى يكون فى حد حس بحاجه ديمه :- لا عرفت اتصرف وقولت عليك واحده صاحبتى عصام :- شطره يا قلبى وبعد كده سيبى تليفونك فى الاوضه واقفلى الباب لما هتكونى معاهم ديمه :- حاضر عصام :- حاضرك الخير يا قلبى ديمه :- مامتك عامله ايه دلوقتى عصام :- لسه عامله العمليه وتعبانه ديمه :- الف سلامه عليها عصام :- دى هتجن وتشوفك من كتر كلامى عنك ديمه :- بجد يا حبيبى عصام :- اه ده انا مصدعها بيكى ديمه :- ربنا يخليك ليا طب هات اكلمها عصام :- لسه واخده الداوه ونايمه لما تصحه هخليها تكلمك ديمه :- خلاص ماشى عصام :- ديمه هو لو انا طلبت منك تيجى تبصى عليها هترفضى ديمه :- بقلق ب.ب.بس مينفعش يعنى شكلى هيبقى قدام مامتك وحش عصام :- بزعل خلاص يا ديمه قوليها بصراحه انتى خايفه منى ديمه :- لالا يا قلبى انا عمرى ماخفت منك بالعكس انا مش بحس بالامان غير وانت جمبى عصام :- ماشى خلاص يا ديمه عايزه حاجه هنام انا تصبحى على خير ديمه :- استنا هنا انت زعلت عصام :- لا انتى عندك حق انتى عايشه فى قصر ايه يغصبك تروحى تبصى على واحده فى شقه صغيره متجيش قد اوضه عندكم فى القصر ديمه :- لالالا انا عمرى ما فكرت بطريقه دى أبدآ طب خلاص هات العنوان وانا بكره لما ابيه يوصلنى ويمشى هركب تاكسى واجي اطمن على مامتك عصام :- خلاص يا ديمه مفيش لزوم ديمه :- وحياتى عندك ما تزعل وقول بقى العنوان عصام :- مشكلتى ان بحبك ومش بقدر ازعل منك خدى العنوان اهو ديمه :- بمووووووت فيك يا عصومى تصبح على خير عصام :- وانتى من أهله يا قلب عصومى من جوه …………………………………………� �……… فى بيت حسن جادالله خبطت حبيبه على اوضة عمر وسمعت صوته بيأذن ليها بدخول حبيبه :- بتعمل ايه عمر :- من غير ما يبصلها ولا حاجه حبيبه :- مجتش ليه قعد معانا عمر :- واقعد فى مكان مش حابب الناس اللى فيه ليه واقعد فى موضوع مش موافق عليه من اساسه ليه حبيبه :- علشان خاطر اختك عمر :- قعد علشان أختى لو عارف ومتأكد انها هتكون مبسوطه وموافقه عليه بأردتها مش موافقه على واحد انتى مش بطيقه اصلا حبيبه :- اه مش بطيقه بس برضه حياة بابا مهما بالنسبالى وعارفه ماما عنديه قد ايه ولما تكون عايزه تمشى حاجه بتمشيها غصب عن الكل وابوك دلوقتى مش زى الاول ابوك قلبه تعبان واى توتر اوعصبيه ممكن يروح فيها وده كان ممكن يحصل لو قولت لا انا عندى اعيش مع واحد مش بحبه وتعيسه ولا ان بابا يجراره حاجه ويسبنى عمر :- بعد الشر عليه طبعآ بس انتى برضه يعتبر رايحه للموت برجليكى لما تعيشى طول عمرك تعيسه وقلبك مكسور حبيبه :- ياحبيبى كل شئ بأيد ربنا ولو ربنا كاتبه ليا يبقى ده خير علشان ربنا مش بيكتب حاجه لحد وحشه عمر :- ونعمه بالله بس انا عايزك تعرفى ان هفضل طول عمرى وراكى وفى ضهرك واى حاجه هتحصل ليكى هكون انا معاكى فيها ومش سايبك حبيبه :- ربنا يخليك ليا يارب عمر :- حضن حبيبه وقال ويخليكى ليا يا ضيى عنيا وشويه وخرجت حبيبه وراحت اوضتها ونامت بعد يوم طويل وشاق …………………………………………� �……… اشرق صباح يوم جديد فى سماء عروس البحر ليستيقظ سيف من نومه دخل حمامه واخد شاوره وطلع لبس هدومه وخرج من اوضه ونزل من على السلالم وصبح على ابوه وقعد سيف :- امال فين أدهم وديمه عزالدين :- أدهم سبقنا على الشركه وديمه لسه فى اوضتها سيف :- بأستغراب أدهم يسبقنا على الشركه دى غريبه عزالدين :- ما انا برضه استغريت لما قلى كده سيف :- ربنا يهدى وفى الوقت ده جت ديمه ديمه :- صباح الخير الكل :- صباح النور ديمه :- اسفه ان اتأخرت بس راحت عليه نومه عزالدين :- ولا يهمك يا حبيبتى سيف :- اقعدى يلا افطرى علشان متأخرش اكتر من كده ديمه :- لالا يا ابيه مليش نفس يلا بينا سيف :- يلا ومشى سيف وديمه وصلها للجامعه ومشى بعربيته ديمه اول ما شافت عربية اخوها اختفت وقفت تاكسى واديته العنوان وراح عليه …………………………………………� �……… فى بيت حسن جادالله استيقظت حبيبه من نومها وهى حزينه تشعر بكل ما حوليها بالالون الاسود ونزلت دمعه من عنيها مسحتها بضهر ايديها وقالت حبيبه :- كفايه دموع بقى انا مش هقبل اكون ضعيفه تانى ولو الجوازه دى فيها خير ربنا يقربه ليه ولو فيها شر ربنا يبعده عنى وقامت من على سريرها ودخلت حمامها اخدت شاورها واتوضة وخرجت لبست هدومها واداة فرضها وخرجت من اوضتها حبيبه :- صباح الخير الكل :- صباح النور حوريه :- رايحه فين كده حبيبه :- ايه يا ماما مش خلاص حصل اللى انتى عايزه سبينى اروح الجامعه بتعتى حوريه :- ماشى يا حبيبه روحى حسن :- طب اقعدى يا بنتى كلى لقمه حبيبه :- لا يا بابا مليش نفس عمر :- طب استنى انا خلصت خلاص تعالى اوصلك معايه حبيبه :- ماشى يلا ونزلت حبيبه مع اخوها عمر وركبو التاكسى وصلها الجامعه وراح هو على شغله …………………………………………� �……… فى شركة عزالدين كان أدهم قاعد فى مكتبه ومقعد السكرتيره تبع مكتب ابوه على رجله أدهم :- تعرف يا جميل ان انا صاحى بدرى وجيت الشركه دى فى الوقت ده علشان عيونك انت السكرتيره سمر :- بدلع بجد يا ادهومى أدهم :- يخربيت جمال اسمى من شفايفك دول قوليه تانى والنبى سمر :- بدلع ادهومى أدهم :- قرب على شفايفها وبسها ودخل عليه فاجئه كريم سمر :- قامت وقفت وقالت احم ت.ت.تامر بحاجه تانى يا استاذ أدهم أدهم :- بغمزه 😉😉 لانبقى نكمل كلامنا بعدين سمر :- ع.ع.عن اذن حضرتك وخرجت تجرى من المكتب أدهم :- ايه يا عم فى حد يدخل كده علطول مش تخبط الاول كريم :- بصدمه ايه اللى انت بتعمله ده احمد ربنا ان انا اللى دخلت عليك مش اخوك ده لو كان سيف كانت حصلت حريقه فى الشركه ومكنش حد هيعرف يطفيها أدهم :- يا عم فكك بقى مش كفايه نزلنى الشغل غصب عنى سبونى بقى امتع نفسى بدل الملل اللى الواحد فيه ده كريم :- يا أدهم فكك من السكه اللى انت ماشى فيها اخرتها وحشه واتقى ربنا شويه فى بنات الناس أدهم :- هما مش بنات ناس لو بنات ناس مش هيقبلو يخرجو مع شباب ويسهر معاهم مش هيقبلو حد يمد ايده عليهم ده الوحده دلوقتى هى اللى بتطلب من الراجل انه ينام معاها ويعشرها فى الحرام يبقى ازاى نقول عليهم بنات ناس كريم :- بس فى ايدك انت تبعد عن السكه الحرام دى وتشوف ليك بنت حلال بجد تصونك وتبقى ملكك انت لوحدك وتبقى فى الحلال وبما يرضى الله أدهم :- لا انا مليش فى سكة الجواز دى انا بحب التجديد يعنى ازهق من واحده اسبها وادور على غيرها علطول كريم :- ربنا يهديك يا ادهم …………………………………………� �……… عند ديمه وصلها التاكسى للعنوان ونزلت منه وحاسبته وبصت على العماره من بره واتوترت وقالت ديمه :- اجمدى يا ديمه عصام بيحبك مش ممكن يعمل فيكى حاجه وحشه واخدت نفس عميق ودخلت العماره وطلعت الدور اللى فى الشقه وخبطت على الباب وفتح ليها عصام عصام :- اذيك يا ديمه اتفضلى خشى ديمه :- ش.ش.شكرآ ودخلت الشقه عصام :- قفل الباب ودخل ورها وقال اتفضلى اقعدى على ما اخش انادى على ماما ديمه :- ماشى وقعدة.ودخل عصام وبعد شويه جه ومعاه كوباية عصير وادها لديمه وقال عصام :- اتفضلى يا حبيبتى اشربى ده وشويه وماما جايه ديمه :- لالا شكرآ مش عايزه عصام :- ولو قولتلك علشان خاطر عصومك ديمه :- ماشى واخدت منه الكوبايه وشربتها وشويه حست بدوخه عصام :- مالك يا حبيبتى ديمه :- مش عارفه حاسه ان دايخه والدنيا بدور حواليه ومره واحده اغمى عليها ومحستش بحاجه عصام :- ديمه حبيبتى انتى نمتى وقعد يخبط على وشها ولما اتأكد ان المخدر عمل مفعول معها شلها ودخلها اوضة النوم وسلب منها اغلى ما تملك بدون رحمه ولا شفقه …………………………………………� �……… بقلمى (دودو محمد) كل سنه وكل ام طيبه وبخير واطال الله فى عمر امهاتنا واعطاهم الصحه ويرحم كل ام متوفيه ويجعل قبرها روض من رياض الجنه وبعتذر ليكم مش هقدر انزل الروايه لا خميس ولاجمعه وهبدء انزلها من يوم السبت 💝💝💖💖💖😘😘😍😍💞💞💖💚💚 | ||||||||
|
| |
|
12-09-18, 07:20 PM
| #9 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» الفصل السادس فى الجامعه عند حبيبه اول ما شفوها رنا ورشا طلعو يجرو عليها وحضنوها رنا :- ايه يا بنتى هو انتى كل مره تيجى تورينا وشك فى الجامعه وبعد كده تختفى بتلات اربع ايام وترجعى تظهرى تانى حبيبه :- معلش يا جماعه اصل اليومين اللى فاتو كانت خطوبتى ومكنتش فاضيه رشا ورنا :- بصوه لبعضيهم وقالو لا انتى بتهزارى صح حبيبه :- هزت راسها بمعنى لا رشا :- انتى يا بنتى ناويه تجننينا مره تغيبى وتظهرى وتقولى سيبت مصطفى ومره تانيه تغيبى وتظهرى وتقولى اصل اتخطبت هو فى ايه بالظبط حبيبه :- الحمدالله اهو كله ابتلاء من ربنا وانا صابره لحد ما اشوف اخرتها ايه رنا:- وده معنا ايه الكلام ده حبيبه :- متحطيش فى بالك رشا :- مالك يا بيبه فيكى ايه وعيونك دبلانه وحزينه ليه ده مش منظر واحده مبسوطه بخطوبتها حبيبه :- ويعنى لما فرحت بخطوبتى على مصطفى ايه اللى حصل اهو كله محصل بعضه رنا :- ربنا يفرح قلبك ويبعد عنك ولاد الحرام ومايكسرش ليكى خاطر ابدآ يارب يا حبيبه حبيبه :- اه والنبى ادعولى كده كل اللى محتاجه منكم الدعاء وبس رشا :- ههههههه انتى ليه محسسانى ان انتى داخله تحاربى مش هتتجوزى حبيبه :- صداقينى دى اكبر حرب بالنسبالى وبتمنى من ربنا يقف جمبى فيها رنا ورشا :- ربنا معاكى وفى الوقت ده جه مصطفى وقال مصطفى :- هههههههه شكلك بقى فظيع كل ده من بعدى عنك حبيبه :- ا.ا.انت عايز ايه لو سمحت ملكش دعوه بيا مصطفى :- بغمزه 😉😉 من قلبك طب عينى فى عنيكى كده حبيبه :- يلا يا بنات نمشى من هنا مصطفى :- وقف قصادها علشان يمنعها وقال ايه خايفه عينك تيجى فى عينى يبان اشتياقك ليه حبيبه :- بلعكس انا قرفانه ابص فى وشك انت ناسى اخر مره كنت عايز تعمل فيه ايه ولعلمك بقى انا اتخطبت وفرحى اخر الشهر وبحب ابن عمى اللى هو خطيبى ارتحت بقى عن أذنك ومشيت هى والبنات وسابته مصطفى :- ههههه ماشى يا حبيبه تحدى بتحدى وهنشوف مين فين اللى هيكسب فى الاخر …………………………………………� �……… فى بيت عصام صحيت ديمه من نومها لاقت نفسها مجرده من هدومها ونايمه عريانه ومتغطيه بملايه ديمه :- ايه ده ا.ا.انا بعمل ايه هنا و.و.وفين هدومى يا نهار اسود معقوله يكون عصام عمل فى كده لالا عصام :- وهو خارج من الحمام ولابس البورنص صحى النوم يا عروسه ديمه :- بدموع انت عملت فى ايه يا عصام عصام :- ههههههههه ولا حاجه يا جميل بس متعت نفسى بالجمال الربانى على الحقيقه بدل كلام الفيديو اللى من بعيد لبعيد ديمه :- بدموع ليه عملت كده فيه ده انا حبيبتك بجد ليه كسرتنى بالطريقه البشعه دى عصام :- هههههههه انتى هتعملى فيها شريفه امال تسمى اللى كان بيحصل معانا على الفيديو ده ايه ديمه :- كنت بخاف على زعلك واخاف اقولك لا تبعد وتسبنى عصام :- طب يا حبيبتى اعتبرى اللى حصل ده لو مكنش حصل كنت هزعل منك واسيبك ونصيحه بلاش زعلى علشان زعلى وحش اوى ديمه :- انت ايه مش بنأدم معندكش قلب تحس بغيرك ودوس برجليك على قلب اللى حبيتك بجد من قلبها وقعدة تعيط عصام :- لالا بلاش الدموع دى احسن انا قلبى ضعيف وميستحملش يشوف دموع حد ديمه :- حسبى الله ونعمه الوكيل فيك منك لله ياشيخ هعمل ايه انا دلوقتى اقول ايه لبابا لو عرف د.د.ده لو ابيه عرف ممكن يقتلنى منك لله عملت فيك ايه علشان تعمل معايه كده عصام :- بقولك ايه قومى يا حبيبتى البسى هدومك علشان تلحقى تروحى الجامعه علشان اخوكى لما يجى يخدك ديمه :- بدموع اطلع بره خلينى اقوم البس هدومى عصام :- هههههه مكسوفه ده انا كنت شايف ولمس كله دلوقتى على الطبيعه ديمه :- حطت أيديها على ودنها وقالت اطلع بررررررره مش عايزه اسمع صوتك عصام :- هههههههههههههههه ماشى وخرج من الاوضه وقفل الباب وراه ديمه :- بدموع يارب اعمل ايه فى الفضيحه دى ده لو ابيه عرف هيقتلنى وبابا ممكن يروح فيها ربنا ينتقم منك يا عصام وضربت على قلبها وقالت انت السبب لو مكنتش حبيبته وامانة ليه مكنش حصل كل ده انت سبب تعستى طول عمرى وقامت من على السرير لبست هدومها وخرجت من الاوضه وهى دموعها على خدها وبصه على الارض وفتحت باب الشقه وخرجت منها نزلت وركبت تاكسى وراحت على الجامعه بتعتها وشويه وجه سيف وركبت معاه سيف :- مالك وشك مخطوف كده ليه وباين علي عنيكى انك معيطه ديمه :- م.م.مفيش بس الدكتور زعقلى قدام الموجدين كلهم سيف :- تلاقيكى كنتى قعده ومش مركزه وبتدلعى كالعاده ديمه :- بدموع حاجه زى كده سيف :- خلاص مدام انتى اللى غلطانه متعيطيش سيف :- عندك حق يا ابيه انا اللى غلطانه ودموعها نزلت وراه بعضيها سيف :- صعبة عليه اخته قال خلاص متزعليش وبلاش عياط ولو عايزه افصلك الدكتور ده خالص من الجامعه هفصله ديمه :- لالا يا ابيه انا بس اضيقت علشان مش واخده ان حد يزعقلى ومسحت دموعها وقالت خلاص انا هبقى كويسه …………………………………………� �……… وصل عمر عند جامعة حبيبه ورن عليها وشويه وطلعت حبيبه عمر :- خلصتى ولا كان لسه وراكى حاجه حبيبه :- لا يا حبيبى خلصت عمر :- وكان يومك عامل ازاى النهارده حبيبه :- فهمت قصد اخوها وقالت عادى يعنى هو نفس نظام كل مره محاضرات وصداع عمر :- حبيبه انتى فاهمه قصدى ايه حبيبه :- اه يا عمر شوفته وقطعت الامل ليه وعرفته ان اتخطبت وفرحى كمان اسبوعين علشان ما يحولش يديقنى تانى عمر :- بس هو ده اللى حصل حبيبه :- اه يا عمر وسبته ومشيت عمر :- ماشى يا حبيبتى ربنا يكفيكى شره ويبعده عنك حبيبه :- يارب ووقف عمر تاكسى وركب هو حبيبه وراحو للبيت …………………………………………� �……… فى قصر عزالدين وصل سيف ومعاه ديمه وكان أدهم قاعد مع ابوه سيف :- السلام عليكم الكل :- وعليكم السلام عزالدين :- ايه اخركم كده سيف :- مفيش يا بابا بس الشوارع زحمه أدهم :- بستغراب مالك يا ديمو ديمه :- بكسره مفيش يا أدهم أدهم :- لا فى مدام قولتى ادهم مش دومى يبقى فى ديمه :- مفيش يا أدهم عن أذنكم عزالدين :- طب مش هتتغدى معانا ديمه :- معلش يا بابا مليش نفس كلو انتو عن أذنكو وسابتهم وطلعت اوضتها عزالدين :- متعرفش مالها سيف :- مشكله مع الدكتور بتعها زعق ليها وهى مدلعه ومش واخده ان حد يزعقلها أدهم :- مش حكاية دكتور زعق ليها دى شكلها ولا مات ليها ميت عزيز على قلبها سيف :- علشان مدلعه زى بنات حوا كلهم مش بيحبو حد يكلمهم حتى لو هما اللى غلطانين أدهم :- بصوت واطى هو فى احلا من بنات حوا لما يزعلو والواحد يصالحهم سيف :- بتقول حاجه يا أدهم أدهم :- لا ده انا بقول عندك حق يا ابو المفهوميه يا سيد الناس سيف :- يا راجل أدهم :- احم طب يلا بقى علشان ناكل …………………………………………� �……… فى بيت حسن جادالله وصل عمر ومعاه اخته حبيبه ودخلو كان حسن قاعد بيقراه فى المصحف حسن :- اول ماشاف حبيبه وعمر صدق بالله العظيم وقفل المصحف وحطه جمبه وقال اذيكم يا حبايبى عملتو ايه النهارده حبيبه :- الحمدالله يا بابا اهو يوم زى اى يوم عمر :- وانا برضه مفيش حاجه جديده المجرمين وهما هما اللى بشوفهم كل يوم حسن :- فى ايه مالكم متشأمين كده ليه حبيبه :- مش حكاية متشأمين بس كل الحكايه ان مبقاش فى جديد هو كل يوم اللى بيحصل مفيش تغير حسن :- طب ايه رأيكم لو ننزل نشم شوية هوا من بتوع بحر الاسكندريه اللى بيرد الروح عمر :- قشطه حبيبه :- قشطات عليك يا ابو عمر يا عسل حسن :- ههههههههههه ده انتى اللى دمك زى العسل عمر :- صح فين ماما مش باينه حسن :- الله اعلم يا ابن من الصبح مش لاقيها فى البيت ومعرفش راحت فين حبيبه :- يمكن راحت تبص على تيته حسن :- ممكن معرفش والله امكم بقى ليها حركات تغيظ بس مش بيهون عليه ازعلها علشان العشره اللى بينا وان هى ام لاحلى ولد وبنت فى الدنيا وشهادة حق استحملت معايه كتير جوع وفقر صبرت ولا عمرها اشتكت ولا قالت كلمه تجرحنى وتحسسنى بفقرى عمر :- ربنا يخليكم لبعض ويخليكم لينا حبيبه :- بغمزه 😉😉 بس ايه يا حاج الرومانسيه دى ده انت واقع لشوشتك فى حب امى حسن :- مش عشرة عمرى يا بنتى وام اولادى حبيبه :- لالا انا اغير كده انت حبيبى انا بس يا حاج حسن :- وانتى نور عينى من جوه عمر :- طب ما يلا بينا واهو نتغدا بالمره مع بعض بره وانا اللى عازمكم على حسابى حبيبه :- اوباااااااااا عمور هيتهور ويتعور فى المصاريف حلاوتك يا جامد عمر :- ليه يا واطيه نسيتى سندوتشات كبدة هوهو اللى كنتى بأكلهالك واحنا راجعين من جامعتك حبيبه :- الصراحه لا ده كان احسن واحد بيبع كبدة كلابو ههههههههه حسن :- جاتكم القرف مقرفين يلا يا اخويه منك ليها امشو قدامى …………………………………………� �……… فى قصر عزالدين فى اوضة ديمه كانت قعده وبتعيط ودخل عليها أدهم ديمه :- اول ما شفته مسحت دموعها وقالت فى حد يخش على حد كده مش تخبط الاول أدهم :- مالك يا ديمو حد مزعلك فى حاجه ديمه :- لا مضيقه من الموضوع اللى حكاه ليكم ابيه سيف أدهم :- لا يا حبيبتى اللى انتى بتعمليه ده مش ممكن يكون بسبب ان دكتور زعق ليكى فى المحاضره ديمه :- ا.ا.اه مش ب.ب.بحب حد يزعقلى وبالذات قدام حد أدهم :- احنا طول عمرنا واحنا قريبين من بعض واى حد فى حاجه مضياقه بيقولها للتانى ديمه :- مفيش يا ادهم حاجه غير اللى قولتها ليك لو فى كنت حكيت ليك علطول أدهم :- هعتبر نفسى مصدق ولو انى مش مقتنع بالسبب الصراحه المهم خدى شكولاتك ايه ديمه :- ميرسى يا أدهم مش عايزه أدهم :- لا كده يبقى فى حاجه وحاجه كبيره اوى علشان مترضيش تاخدى الشكولاته بتاعة كل يوم ديمه :- ها م.م.مش قصدى اقصد اقول ان مش قادره اكلها دلوقتى واخدتها منه وقالت خليها هاكلها كمان شويه أدهم :- ماشى يا ديمه براحتك وهستناكى تيجى تحكى ليا ايه مزعلك كده ديمه :- انشالله أدهم :- سلام يا مزه انا خارج عايزه حاجه اجبها ليكى ديمه :- لا يا حبيبى ربنا يخليك وخرج أدهم من الاوضه وخبط فى سيف أدهم :- ااااااه مش تفتح يا اخى سيف :- انا اللى افتح ولا انت اللى ماشى زى القطر أدهم :- يا سيدى انا غلطان حلو كده عن أذنك سيف :- رايح فين يا بيه أدهم :- احم رايح مشوار سيف :- مع شلتك الفاسده برضه أدهم :- لالالا والله انا مش بشوفهم بس انا رايح مشوار ضرورى مسافة السكه وجاى مش هغيب انشالله سيف :- انشالله يا اخويه ومشى أدهم وسيف نزل لابوه سيف :- بابا انا خارج اشم شوية هوا عايز حاجه عزالدين :- لا يا حبيبى عايز سلامتك سيف :- الله يسلمك ومشى سيف من القصر وركب عربيته ومشى بيها …………………………………………� �……… على شاطئ بحر اسكندريه كان قاعد حسن وعمر وحبيبه فى الارض على الرمله حسن :- استنشق الهوا وقال الله على جمال وحلاوة هوا اسكندريه هوا يرد الروح للواحد ومهما الناس تروح وتيجى عندهم اسكندريه دى ادمان بيعتبروها بلد متكمله مش مجرد محافظه فى داخل بلد بجد عمار يا أسكندريه عمر :- انا بقيت عامل زى السمك فى الميه لو خرج من البحر يموت اهو انا لو خرجت بره اسكندريه هموت حسن :- بعد الشر عليك من الموت ربنا يحميك ويحرسك لشبابك حبيبه :- عندك حق يا عمر اهو انا اكتر واحده حاسه بالموضوع ده علشان كلها ايام وهبعد عنها بجد حاسه ان روحى بتروح منى لما افكر ان هعيش بعيد عن البحر والهوا بتاع اسكندريه حسن :- ربنا يسعدك يا بنتى ويوافقك فى حياتك الجديده وبكره هتتعودى زمان لما اقترحت على امك ان احنا نسيب البلد ونيجى اسكندريه قعدة تعيط وتقولى انت عايز تبعدنى عن اهلى وناسى ده مستحيل ابعد عن البلد وبعد ما جنا اسكندريه وعاشت كام سنه فيها لو بس تقولى ليها هتسيبى اسكندريه تعملها حريقه وتهد الدنيا الفكره مش فى المكان الفكره فى راحت البال والناس اللى بنعيش معاهم هما دول المكسب الحقيقى وهما بيبقو البيت والوطن حبى الشخص اللى هتعيشى معاه هتلاقى نفسك عايشه فى الجنه مش فى الارض لا هيهمك بلد ولا مدينه فهمتى حبيبه :- والدموع فى عنيها فهمت يا بابا عن أذنك هقوم اتمشى شويه على الشط حسن :- ماشى يا حبيبتى عمر :- استنى هاجى معاكى علشان مفيش حد يضيقك حبيبه :- معلش يا عمر عايزه اكون لوحدى عمر :- ماشى بس لو حصل حاجه اتصلى بى وهكون عندك علطول حبيبه :- ماشى وسابتهم ومشيت على الشط وقعدة تشوط الميه بى رجليها والدموع نازله من عنيها وبتفكر فى حياتها الجايه وازاى هتكون عايشه تعيسه فى احضان بنأدم مش بتحبه ولا فى تشابه أطلاقآ فى طريقة التفكير وفى الوقت ده جه اتنين شباب عاكسو حبيبه الشاب 1:- ايه يا جمبل اداك معاد ومجاش احنا فى الخدمه وهنظبطك برضه الشاب 2 :- لالا ده شكله ضحك عليها ورماها وخايفه تروح بيت اهلها الشاب 1:- خلاص يا جميل تعالى اقعدى معانا فى الشقه اهو تطريه القعده حبيبه :- بقولك ايه انت وهو لم نفسك منك ليه بدل ما اصوت والم عليكم الناس واخليهم يقطعوكم الشاب 2:- ههههههههه تلمى مين انتى لو قعدى تصوتى من هنا لبكره محدش هيسمعك انتى مش واخده بالك من الحته اللى وقفه فيها حبيبه :- بصت حواليها لاقت نفسها وقفه فى مكان ضلمه ومفيش حد فيه الشاب 1:- وهو بيقرب منها ايه شكلك خوفتى يعنى ما تصوتى حبيبه :- ب.ب بقولك ايه ابعد عنى واياك تقربلى الشاب2:- وهو بيقرب ولو مبعدناش يا مزه هتعملى ايه حبيبه :- حولت تجرى بس الشاب لاحقها وحوال يقطع ليها هدومها والشاب التانى حاول يساعده حبيبه :- وهى بتصوت لالا ابعدو عنى حد يلاحقنى ابعدا عنى انت وهو الشاب 1:- هههههههههه صوتى من هنا لبكره محدش هيسمعك ويجى ينقذك بس حس بأيد بتشده وبتضربه وجه التانى ضربه فى ضهره اتوجع بس مسك الاتنين وقعد يضرب فيهم لحد ما وشهم جاب دم وطلعو يجرو حبيبه :- قامت من على الارض ش.ش.شكرآ وبتبص اتفاجئة 😨😨وقالت انت سيف :- هو انتى حبيبه :- ا.ا.اه سيف :- انتى ايه مش عاتقه لا فى الشتا ولا فى البحر حبيبه :- لوسمحت انا مسمحلكش اتكلم بأدب وبطريقه احسن من دى شويه سيف :- وانتى مين علشان تسمحيلى او ما تسمحليش انت حتت بنت من بنات الليل كل شويه مع واحد شكل فى اى وقت وفى اى مكان وانا اللى فكرتك بنت شريفه وشباب بيغتصبوها طلعتى بتعملى كده بمزاجك حبيبه :- انت بنأدم سافل وقليل الادب ومعندكش دم وانا اشرف من عشره زيك وميشرفنيش ان اقف اتكلم مع واحد جاهل وعديم الزوق شبهك وسبته ومشيت سيف :- بصلها وهى ماشيه وقلها لا انا اللى هموت واقف مع واحده زباله بتاعة رجاله زيك حبيبه :- بصتله وقالت انا مش هرد عليك بس ربنا مش بيرضه بالظلم وهو قادر يجيب حقى منك ومشيت سيف :- حس بحاجه فى قلبه لما سمع كده وقعد يبص على اثرها لحد ما اختفت وهو راح قعد تانى فى مكانه المعتاد المظلم اللى بيحس فى بنفسه منعزل عن جميع الناس حبيبه :- عدلت هدومها وظبطت نفسها وراحت عند ابوها واخوها عمر :- ايه يا بنتى الغياب ده كله احنا قلقنا عليكى حبيبه :- مفيش كنت قعده لوحدى ونسيت نفسى حسن :- ماشى يا حبيبتى ولا يهمك حبيبه :- يلا بينا انا سقعت وعايزه امشى عمر :- سقعه ايه يا بنتى احنا فى مارس ومصدقنا ان النواه اللى فاتت خلصت وخلص الشتا معاها اقعدى بس ده الجو جميل وهدوء حبيبه :- لا انا عايزه اروح علشان سقعانه وعايزه انام حسن :- ماشى يا حبيبتى يلا بينا عمر :- واحده فقريه تموتى فى النكد حبيبه :- معلش يا عمر والله تعبانه ومش قادره وقام حسن وعمر ومشيو التلاته على البيت …………………………………………� �……… بقلمى (دودو محمد ) بصو انا مهنش عليه زعلكم وكتبت ليكم فصل على السريع بس بالله عليكم بلاش تم وكملى وم زى ما بعمل بأى طريقه علشان ارضيكم ياريت انتو كمان تسعدونى وتقوله رأيكم وتوقعتكم فى الروايه واتمنا مكنش بزعجكو بحبكم اوى 💖💖❤💝💞💚😍😘 | ||||||||
|
| |
|
12-09-18, 07:21 PM
| #10 | ||||||||
| مراقبة عامة ومشرفة منتدى الروايات المنقولة
| «وراء كبرياءه عاشق» الفصل السابع فى غرفة نوم وعلى السرير كان نايم أدهم عارى الصدر ونايمه علي صدره السكرتيره سمر وهى لبسه قميص نوم يظهر من جسمها اكتر ما يخفى سمر :- بدلع بحبك اوى يا ادهومى انت كنت فين من زمان مكنتش اتوقع ان هايجى عليه يوم واحب حد اوى بشكل ده أدهم :- باسها فى راسها وقال يا حبيبتى انا موجود من زمان ورغم ان قبلت بنات كتير وعشرتهم بس مفيش واحده قدرت تبسطنى زيك سمر :- ايه ده بقى انشالله يعنى انت عرفت بنات كتير قبلى أدهم :- هههههههههه اه طبعآ ده انا من كترهم مش فاكر عرفت قد ايه سمر :- سبحان الله يعنى انت واستاذ سيف من بطن واحده أدهم :- هههههه اه ومن اب واحد سمر :- اللى يشوفك ويشوف أستاذ سيف ميقولش عليكم أخوات نهائى رغم الشبه اللى بينكم بس الطباع مختلفه خالص عن بعض أدهم :- اصل سيف طالع نفس طباع بابا مش بيحب الضحك والهزار بيكره كل بنات حوا وموته وسمه الدلع لكن انا واختى طلعين لعمى هو بيحب يضحك ويهزار وكان لعبى وبتاع بنات الله يرحمه بقى سمر :- ايه مات أدهم :- لا اتجوز سمر :- وهو اللى يتجوز يبقى الله يرحمه أدهم :- طبعااااااآ مش اتخلى عن الحريه وراح للنكد برجليه سمر :- معنى كده انك مش ناوى تتجوزنى أدهم :- ها لا طبعآ بس اخلص الجامعه بتاعتى الاول سمر :- اوعى يا أدهم بتكون بتضحك عليه انا مش من بنات دول انا حبيتك وسلمتك نفسى وانت أتأكد انك اول راجل يلمسنى أدهم :- ها ا.ا.اه طبعآ يا حبيبتى وقام من على السرير ومسك هدومه يلبسها سمر :- رايح فين أدهم :- يا دوب الحق اروح علشان اعرف انام ساعتين واقوم بدرى للشركه سمر :- طب هشوفك هنا تانى امته أدهم :- هبقى ابلغك فى الشركه سمر :- ماشى وقامت هى كمان ولبست هدومها ونزلو الاتنين من شقة أدهم …………………………………………� �………فى بيت حسن جادالله وصل التلاته للبيت وكانت حوريه قعده ومستنياهم حوريه :- بغيظ حمدالله على السلامه كنتو فين انشالله كده بربطة المعلم حسن :- والله المفروض انا اللى أسألك كنتى فين طول النهار ومشيتى من غير ما تعرفى حد حوريه :- ك.ك.كنت عند امى ببص عليها حسن :- وليه مقولتيش قبل ما تنزلى حوريه :- خلاص يا اخويه وانا اول مره انزل من غير ما أقولك انا اخد السكه صد رد فى القطر اطمنت على امى وجيت علطول حسن :- ماشى يا حوريه بس تبقى عرفينى قبل ما تنزلى حوريه :- انشالله واه انا شوفت اخوك محمد فى البلد وشوفت الدور اللى بنتك هتقعد فى شرح وبرح وهوا يرد الروح حسن :- بص على بنته وقال ربنا يسعدها حبيبه :- وهى حبسه الدموع فى عنيها قالت عن أذنكم ودخلت اوضتها حوريه :- انتو كنتو فين حسن :- روحنا نشم هوا على البحر شويه حوريه :- اه ما انتو ما صدقتو ان انا مش موجوده وطلعتو اتمشيتو مع بعض كأنى عدوه فى وسطيكم عمر :- لا يا ماما بس كل الحكايه كنا زهقنين وجعانين قولنا ننزل ناكل ونقعد شويه على البحر وبعدين البيت مش بيبقى ليه طعم وانتى مش فى حوريه :- اه يا اخويه كل بعقلى حلاوه حسن :- ماخلاص بقى يا حوريه ابقى اخدك واخد العيال وننزل يوم تانى مع بعض بس اهم حاجه متزعليش حوريه :- ماشى انا هخش انام تصبحو على خير حسن :- انا كمان جاى معاكى انام وبص لعمر وقال تصبح على خير يا ابنى عمر :- وانتو من اهله ودخل حسن وحوريه اوضتهم ودخل عمر اوضه …………………………………………� �……… فى قصر عزالدين وصل سيف وطلع اوضه غير هدومه ونام على سريره وافتكر كلام حبيبه وحس بنفس الاحساس اللى حسه اول مره فى قلبه وبعدين قال سيف :- متنخدعش ياسيف كلهم بتوع مظاهر بيبانو ان هما ولاد ناس محترمه وهما فى الاخر احقر منهم مفيش دول واخدين جايزة نوبل فى التمثيل و بعدين اتغطه ونام …………………………………………� �……… فى بيت حسن جادالله كانت قعده حبيبه فى اوضتها على السرير وبتعيط وقالت حبيبه :- بدموع مش قادره اتخيل نفسى ان هكون مرات واحد مبحبهوش وهعيش بعيد عن آهلى انا مش بعترض على حكمك بس بطلب منك صبرنى على العيشه معاه يارب وجه فى دماغها الكلام اللى قاله سيف ليها وقالت وانتقم من كل واحد ظلمنى وقال عليه كلمه وحشه فى حقى ونامت على السرير واتغطت وراحت فى نوووووووم عميق …………………………………………� �……… ومر الاسبوعين بدون أحداث تذكر مابين شغل سيف و حزن ديمه وسرمحت أدهم مع البنات وحزن حبيبه على جوازها من ابن عمها وشغل عمر وجاء يوم فرح حبيبه اشرقت شمس يوم جديد مليأ بالمفاجئات وكانت حبيبه نايمه فى اوضتها ودخلت حوريه ليها حوريه :- اصحى يا عروسه كل ده نوم حبيبه :- فتحت عنيها بصعوبه من ضوء النهار وقالت ايه يا ماما مالك من صباحية ربنا جايه تصحينى ليه حوريه :- قومى يلا لسه قدمنا حجات كتير عايزه تتعمل حبيبه :- حاضر يا ماما روحى وانا جايه وراكى حوريه :- اوعى تنامى تانى حبيبه :- لا متخفيش مش هنام تانى وخرجت حوريه من الاوضه وقامت حبيبه من على سريرها ودخلت حمامها اخدت شاورها واتوضة وطلعت لبست هدومها واداة فرضها وقعدة تدعى ربها بتوفيق فى حياتها و ان يصبرها على فراق اهلها وان يحببها فى اشرف مدام هو ده نصبها وقامت من على سجادة الصلاه وخرجت من اوضتها …………………………………………� �……… فى قصر عزالدين كان الكل متجمع على سفرة الفطار عزالدين :- بص لديمه وقال مالك يا حبيبتى وشك اصفر وخسيتى النص وعنيكى بقت دبلانه ديمه :- مفيش يا بابا بس من المذاكره مش اكتر أدهم :- يا بنتى براحه على نفسك شويه ده انتى مبقاش فيكى ديمه :- بهتم بمستقبلى بدل ما اخسره هو كمان سيف :- قصدك ايه بالكلام ده ديمه :- ها ولا حاجه بس بحاول علشان اجيب تقدير كويس واخش التخصص اللى انا عايزه عزالدين :- ربنا معاكى يا بنتى وبعدين بص ليهم كلهم وقال اعملو حسابكم النهارده عندنا كتب كتاب بنت واحد كان شغال عندنا وعزيز عليه سيف :- طب واحنا ملنا عزالدين :- الراجل اتعشم فينا ان احنا نروح كتب كتاب بنته فبلاش نكسفه ديمه :- معلش يا بابا انا تعبانه ومش هقدر اروح عزالدين :- يابنتى دى هى ساعه وهنيجى علطول ديمه :- معلش يا بابا روحو انتو عزالدين :- اللى يريحك وبص لادهم وقال وانت هتيجى ولا لا أدهم :- انا راشق معاك يا معلم بحب انا الجو ده عزالدين :- صبرنى يا ربى على الخلفه السوده دى سيف :- فى واحد محترم يقول لابوه يا معلم ادهم :- ده انا بدلعك يا حاج عزالدين :- طب كل يا اخويه وانت ساكت أدهم :- حاضر ابابى …………………………………………� �……… ومر الوقت وجه ميعاد كتب الكتاب ووصل اشرف وابوه محمد وامه سهير وعمتو سماح والكل رحب بيهم وقعده فى الصالون الرجاله والستات داخلو لحوريه المطبخ محمد :- امال فين عروستنا حسن :- فى اوضتها اشرف :- طب ما تناديها يا عمى حسن :- طب يا ابنى هروح اناديها وقام حسن وراح لاوضة حبيبه حبيبه :- تعال يا بابا حسن :- ايه خلصتى يا حبيبتى حبيبه :- اه يا بابا حسن :- طب تعالى معايه يلا حبيبه :- هو المؤذون جه حسن :- لا لسه حبيبه :- ماشى يا بابا لما يجى المؤذون هبقى اطلع حسن :- لا روحى اقعدى مع عمك وخطيبك على ما اشوف اخوكى خلص ولا لا حبيبه :- حاضر يا بابا وسبها حسن ودخل اوضة عمر وحبيبه راحت على اوضة الصالون ولسه هدخش سمعة كلام عمها وابن عمها محمد :- بقولك ايه اوعى تنسى نفسك مع البت وتنسى تخليها تمضى على بيع الارض ليك وتسجلها فى الشهر الxxxxى اشرف :- يوووووه بقى يا ابا انت كل شويه تقولى الكلمتين دول خلاص حفظتهم همضيها على البيع حاضر محمد :- علشان عارف انك اهبل وبتريل عليها ومجرد ماهى هتبقى معاك هتنسا نفسك علشان كده بفكرك كل شويه اشرف :- ماشى يا ابا بس مش من اول يوم كده تاخد عليه الاول محمد :- مفيش وقت انت تمضيها بالذوق او بالعافيه وابقى خليها تاخد عليك براحتك اشرف :- حاضر يا ابا حبيبه :- كانت بتسمع الكلام ده ودموعها نزله من عنيها ودخلت تجرى على اوضتها وقفلت على نفسها باب الاوضه وقالت حبيبه :- اعمل ايه يا ربى دلوقتى لو قلت لبابا ممكن يحصله حاجه ولو قلت لعمر متهور وممكن يعمل حاجه تخسره مستقبله ولو انا وفقت اتجوزه هخسر بابا الارض اللى مأمنى عليها اعمل ايه ومفيش وقت افكر فيه وبعدين جت فكره فى دماغها وقالت مش قدامى غير اعمل كده علشان اعرف افكر هعمل ايه فى المشكله دى سامحنى يابابا سامحنى يا عمر ومسكة شنطه وحطت هدومها فيه وكتبت ورقه وحطتها على السراحه وفتحت الباب براحه ملاقتش حد فى الصاله طلعت تجرى ولسه هتنزل من السلم شافت المؤذون طالع طلعت تجرى استخبت فى الدور اللى فوق لحد ما المؤذون وصل ودخل الشقه ونزلت تجرى على السلم وخرجت من باب العماره ووقفت تاكسى ومشيت بى …………………………………………� �……… فى الشقه دخل المؤذون وقعد فى الصالون محمد :- فين بنتك يا حسن من بدرى قولت انك هتنادى عليها ومجتش كل ده حسن :- مش عارف انا قولتلها قالت هتيجى تقعد معاكم معرفش مجتش ليه عمر :- ثوانى هروح اجبها وقام عمر وراح عند اوضة حبيبه وخبط على الباب وقال عمر :- يلا يا حبيبتى المؤذون جه وخبط تانى وقال حبيبه ردى عليه انت قافله ليه الباب وخبط تانى وقال لو مردتيش هفتح الباب واستنا شويه وبعد كده فتح الباب ودخل وملاقاش حد فى الاوضه والدولاب فاضى طلع يجرى ينادى ابوه وقال الحق يابابا حبيبه سابت البيت ومشيت حسن :- ايه استحاله بنتى تعمل كده اتاكد كويس تكون فى الحمام او فى اى حته فى الشقه عمر :- يابابا دى واخده هدومها اللى فى الدولاب كلها حوريه :- يا نهار اسود على الفضايح بنتك حطت راسنا فى الوحل يا اخويه حسن :- لالا بنتى متعملش كده وقام دخل اوضتها والكل دخل وراه قعد حسن يدور عليها فى الاوضه وفجأه سمع صوت اشرف وهو بيقول اشرف :- لا يا عمى بنتك طفشت وحطت راسنا كلنا فى الطين والدليل اهو واده عمر الورقه حسن :- فيها ايه الورقه دى يا عمر عمر :- مكتوب فيها ابى العزيز اخى العزيز انا اسفه ليكم ومتزعلوش منى بس انا مش هقدر اعيش مع اشرف وحولت كتير اقنع نفسى بالجوازه بس مش قادره اتقبل الموضوع وانا سبت البيت علشان مسببش ليكم مشاكل مع عمى وابنه واتمنى تتقبلو اعتزارى بحبكم اوى حبيبه محمد :- يعنى ايه بنتك كده هربت وجابت لينا العار اشرف :- لا يا ابا انا هقتلها وهغسل شرفنا وهداوى عارنا بأيدى دول عمر :- انت ايه اللى بتقوله ده محمد :- جرا ايه يا ابن اخويه القعده هنا نستك تقاليدنا وعادتنا البنت اللى تهرب من بيتها يوم فرحها يبقى معيوبه وخايفه لفضيحتها تبان واحنا صعايده وبنتكم حاطت راسنا فى الطين ومش هنقدر نرفعها الا لما نقتلوها ونغسل عارنا قدام الناس كلها حوريه :- وهى بتخبط على صدرها يا فضحتك يا حوريه فى الحته لما الناس تعرف هرفع وشى ازاى قدام اهل الحته منك لله يا بنتى فضحتينا اشرف :- هجبها فى اقرب وقت وهغسل عارنا بايدى دى وهنرفع.راسنا قدام الناس كلها حسن :- بس مش عايز اسمع ولا نص كلمه زياده وكل واحد يروح على بيته وسبونى لوحدى عمر :- بابا انت موافق على الكلام اللى بيقولو ده دى برضه بنتك واحنا عارفين ومتأكدين ان حبيبه عمرها ما تعمل حاجه غلط تغضب ربنا بيها وانت مربيها كويس ومتأكد من كده حوريه :- متربيه كويس ايه تلاقيها هربت مع المخفى مصطفى وهتتجوزه من ورانا حسن :- قولت بس مش عايز اسمع نفس كلكم بره بررررررررره والكل طلع من الاوضه وساب حسن فى الاوضه حسن :- ليه بس كده يا بنتى ما انا قولتلك من الاول ارفضى وانا هبقى فى ضهرك واخوكى كمان استفدى ايه دلوقتى عمك واحد شرانى ومش هيسكت غير لما ينفذ اللى فى دماغه وانا واحد مريض مش هقدر امنعه ولا اخوكى حتى يقدر يقف قصاده يا ترى انتى فين دلوقتى وفى الوقت ده سمع خبط على الباب حسن :- انا مش قولت سبونى لوحدى عمر :- من بره فى ناس عايزينك بره بيقوله انهم اصحاب شركة عز حسن :- ماشى قعدهم فى الصالون وانا جاى عمر :- حاضر وشويه وطلع حسن من الاوضه وراح لصالون عزالدين :- مبروك لبنتك يا حسن حسن :- الله يبارك في حضرتك وشكرآ ليك انك لبت دعوتى وشرفتنى عزالدين :- وانت غالى عندى وبنتك زى بنتى بالظبط حسن :- الله يكرمك وبص لسيف ولادهم وقال نورتونا والله النهارده سيف :- مبروك يا عمى لبنتك حسن :- الله يبارك في حضرتك أدهم :- مبروك يا حج حسن :- الله يبارك فيك يا ابنى وعقبالكم يارب عزالدين :- فين عروستنا نبارك ليها حسن :- م.م.مشت مع عريسها عزالدين :- وقف واداه حسن ظرف وقاله تبقى ادهولها انت بقى ربنا يهنيها ويسعدها حسن :- ملوش لزوم والله كفايه ان حضرتك شرفتنا طب لسه بدرى خليكو اتعشو معانا عزالدين :- ربنا يخليك مره تانيه انشالله مع السلامه حسن :- مع السلامه نورتونا النهارده ومشى عز الدين واولاده ودخل حسن اوضه من غير ولا كلمه …………………………………………� �……… بقلمى (دودو محمد) | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
13Likes
.png)
العرض العادي
