آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-07-20, 11:51 PM
| #31 | ||||
| نجم روايتي  
|  أكاد انتهي ومن الوجود اختفي وكأنني .. سرابٌ في سراب تحترق أنفاسي يلتهب جسدي واطرافي يحيط عالمي .. أسوار من الضباب يؤلمني قلبي .. تحترق روحي .. تبكي عيوني .. يا ترى ما بي ؟! صرخةٌ محبوسةٌ في كياني دمعةٌ منثورة على أحلامي بسمةٌ مدفونة في خيالي يا ترى ما بي؟! ما بال بسمتي في ثنايا دنيتي تختفي .. في حزن واكتئاب تنظفئ انواري ينتفض خوفي واوهامي يتوه خافقي .. في ليال من عذاب ضاعت خطواتي في وسط صراعي والحزن حياتي يا ترى ما بي ؟! صرخةٌ محبوسةٌ في كياني دمعةٌ منثورة على أحلامي بسمةٌ مدفونة في خيالي يا ترى ما بي بسمةٌ مدفونة في خيالي يا ترى ما بي؟! ما بال بسمتي في ثنايا دنيتي تختفي .. في حزن واكتئاب تنظفئ انواري ينتفض خوفي واوهامي يتوه خافقي .. في ليال من عذاب ضاعت خطواتي في وسط صراعي والحزن حياتي يا ترى | ||||
|  |
|
10-07-20, 12:50 AM
| #32 | |||||||
| مشرفة منتدى الروايات المنقولة 
| اقتباس:
رح اكملها بما اني وصلت لنصفها تقريبا لانه اظن رح ينعمل لها رابط هنا للتحميل بعد انتهاء التنزيل | |||||||
|
| |
|
10-07-20, 03:57 AM
| #33 | |||||||
| مشرفة منتدى الروايات المنقولة
| اقتباس:
رح اغيره ان شاء الله | |||||||
|
| |
|
22-07-20, 04:29 AM
| #36 | ||||||
| مشرفة منتدى الروايات المنقولة
| بارت 10 رونق تمسح دموع صغيرتها .وبنبره طفوليه تقنعها : ليه البكاء يا ماما ..ما رح اتاخر ورح تجلسين عند الجده الجازي واقفه فوق راسهم وبضحكه: لا تقولين جده احس نفسي عجوز معها عصاه ونظارات !، رونق رفعت نظرها للجازي بدون تعليق و بعدها رجعت ناظرت قدر : تلعبين مع خالد وديما ! هزت راسها بالرفض وهي تبكي بصمت: اروح معك! وسيم بضجر :تأخرنا سكت لما قرصته الجازي بكتفه : انكتم وسيم بدأ يبكي بشكل مبالغ فيه ! ام فياض تضايقت من تصرف الجازي: ليه قرصتيه ...تراه صادق تأخروا! رونق ناظرتها بهدوء وبنبره جافه : ما احد ماسكه الباب مفتوح والمفتاح مب معي ! فياض رفع حاجب من ردها :،وحضرتك كيف توصلين للجامعه ! ردت وهي تمسح على شعر قدر ببرود : اعرف ادبر نفسي واصلا مب متعوده اروح بسياره يا حلاة المواصلات العامه ! الجازي مسكت يد قدر ما تبغى تصير مشكله وهي تشوف ملامح فياض المنتفخه: تعالي يا قدر عندي! يلا اطلعي يا رونق! رونق اقتربت من قدر الباكيه : رح اشتري لك شيء تحبينه لا تبكي انت بطله! قبلتها بهدوء وناظرت فياض : نطلع الحين ؟! فياض وهو متكتف : لا خذي معها صورة ! امشي امشي قدامي! طلعت والضيق مخيم عليها على قدر إلي للحين ما هي متعوده على احد ..تخاف من كل إلي حولها ! زفرت بضيق وركبت بالسياره وطول الطريق ووسيم يتكلم ما سكت ...تحس رونق اصابها صداع من صوته ! تنفست براحه لما نزل من السياره!، فياض تكلم بهدوء : ممكن اعرف ليه تتكلمين مع عيال عمك كذا ! راكان شاب محترم ومايصير تكلمينه بذي الطريقه وخطيب اختك بنفس الوقت ردت بدون ما تناظره بعد ما قفلت الكتاب :بالنسبه لك كذا تشوفه اما انا بنظري شيطان على هيئة انسان ! صفر بتعجب: لذي الدرجه! وبنبره تساؤل وهو يعرف الاجابه : زياد دكتورك بالجامعه ؟! سألني ليه تغيبت عن الامتحان ! حتى يكون عندك علم ترى قلت له ما لها مزاج للامتحانات ورح تعمل تاجيل للامتحان للفصل الجاي! وتقدم اي عذر وتمشي السالفة ! رفع حاجب وهو يناظرها من المرايه يشوف رد فعلها ! ناظرته بنبره مخذوله من تصرفاته .وبنبره عميقه ردت: نسمع عن الرجال والشهامه والعظمه بالتلفاز او بالروايات نتساءل في انفسنا معقول هذا الصنف موجود بواقعنا؟ لكن لما التقيت فيك اول مره وتوظفت عندك حسيت الشهامه والرجوله ما زالت موجوده بعصرنا...... الخير شفته يتجسد بشخصيتك وما زال موجود بحياتنا مع ما كنت اشوف من حولي الياس والشر يحيط فينا وجدت فيك اب اخ حنون ...اناظر فيك وكأني اشوف ابوي اشوف السند ..اتمنى وانا اناظرك تكون عندي الجرأة واشكرك ..ما انكر بعدها بفتره قصيره تغيرت كل نظرتي.... اقتنعت قناعه تامه انه الرجال اكره المخلوقات على قلبي !، ما يهمني لا راكان ولا زياد..تكلم مثل ما تبغى ما رح اهتم واخره امتحان لا راح ولا اجى ! وقول لصديقك المحامي راكان تهديد مني ان تعرض لي مره ثانيه بحرف واحد الا ارفع عليه قضيه تحرش وما يهمني احد ! قاطعها فياض : الحمد لله كلما فيك بتتقدمين لطريق الجنون ! ممتاز ما بغى على جنونك الا خطوات! وبنبره مغبونه من تصرفاتها : راكان يبغى مصلحتك يا محترمه ..... لا تنسي انه ابن عم ابوك من لحمك ودمك قاطعته بنبره ساخره : انا مب معترفه ابوي حتى اعترف بابن عمه ! رفع حاجب وبجديه : وليه ما تعترفين ! الفحوصات اثبتت انك ابنتهم وانك البنت إلي انخطفت وهي صغيره ! وقضيه الخطف انفتحت من جديد ! المفروض تفرحين و تشعرين بالسعادة عندك ام واب ! ليه كل هالسلبيه إلي بداخلك ؟! انا اقولك ليه ؟ ما تبغين تعترفين بجواد حتى تهربين من واقع انه نايف عمك ناظرته بعيون متسعه بدون اي كلمه تابع كلامه بهدوء :كل هذا لانك كنت زوجة نايف ! خير يا طير ! تعرفي انه عمك قبل الخطف ؟ طبعا لا كثير تصير اعرف واحد عنده 7 اطفال من زوجته وبعد كل هالسنين اكتشف انها اخته ! شوفي بينهم عيال بينهم حب وحياه جميله وفجأة كذا يفرقون بينهم ! انت متصوره شعورهم ! انت على الاقل تكرهين نايف وما تطيقينه عكس ذيك الحرمه زوجها حبيبها ما تعرف تجلس بدونه كذا يبعدونه عنها !- انت ما عملت الغلط حتى تكونين بذي النفسيه ! وانكارك لأهلك ما يغير الحقائق ...تقبلي واقعك حتى لو كان مر ...مع الايام رح تستسيغي طعمه ! وهذا يعتمد عليك! عائلة ابوك من العائلات المتحفظه ما يقبلون بناتهم يبعدون عن نظرهم! مستحيل يزوجون بناتهم خارج عائلتهم ! وجودك عند امك ما رح يطول لانهم ما رح يسكتون ....وبنفس الوقت جواد متعلق بعياله كثير حتى مريم بالرغم انها من زوجه ثانيه لكنه يغليها ومدللها ...يعني شو ما سمعت من معامله اهل ابوك لامك لانها غريبه عنهم وما يبغونها بينهم ...ومعاملتهم معك رح تكون مثل مريم لانك من لحمهم ودمهم ! ناظرته لما وقف السياره باب الجامعه ...وبنبره ساخطه: وش المطلوب مني بعد هالمحاضره؟) احمل اغراضي واروح لجواد ! هذا إلي تبغاه ! قلت لك من قبل ما تبغاني في بيتك قولها بوجهي لا تلف وتدور ! ويكون بعلمك من بيتك مب طالعه ....وإلي حفظك هالكلام قول له يكتبه وينقعه بمويه! نزلت بهدوء وتوجهت لبوابه الجامعه ودموعها تنزل بصمت بعد ما ضرب فياض الوتر الحساس ...ما تبغى تعترف بابوها حتى ما تتقبل حقيقة انه نايف عمها وقدر ابنة عمها وابنتها بنفس الوقت !، تحس رح تنهار بأي لحظة ! اخذت نفس عميق مسحت دموعها....لمتى رح توقف عند هذه العقبه ؟! منى تتجاوز هذه الصدمه ! صعب عليها ومب بسهوله ! كيف تقابل جدتها وجدها وهي متزوجه ولدهم ! كيف رح تكون نظرات الكل لها ! هزت رسها راسها بالنفي! ما يهمها نظرات احد ما عملت غلط - اهم شيء عندها قدر ...كيف تأمن لها حياه بدون انكسار ! عقلها مب مساعدها حتى تتخذ قرارات صائبه ! الحين عندها امتحان ولازم ما تنشغل عنه ! توجهت للقاعه بعد ما مسحت دموعها بطرف كمها حتى تتاكد من عدم وجود دموع بعيونها! دخلت القاعه متاخره والطلاب الكل بدأ بالامتحان ! التقت عيونها بزياد إلي كان مراقب عليهم ...متاكده رح يطردها الحين ! زياد وعيونه على الطلاب ...مد لها بالورقه : تفضلي اجلسي هناك ! اخذت الورقه بدون تردد ...جلست وهي تحس بالاعياء ...اعصابها منهاره ...كله بسبب فياض ...ضروري يذكرها بمأساتها ! ناظرت الورقه تحس نفسها جالسه تقرا عبري مب فاهمه شيء ...ناسيه كل شيء ! دفنت وجهها بالمقعد ....وسمحت لدموعها بالنزول بصمت ....لعل وعسى ترتاح وتقدر تستذكر المعلومات ! تحس قلبها يوجعها ...ما فيها حيل تمسك القلم نفسها بدأ يضيق وكأنها مخدره ...صحيح الصبح قبل ما تلبس اصابها خدر ...لكن الحين اقوى . يراقب الطلاب مع دكتور الماده وهو مستغرب حالها ..من اول ما دخلت باين انها كانت تبكي ...والحين مر نص وقت الامتحان وهي على نفس الوضعيه دافنه راسها بالمقعد ! تكلم حتى ينبهها على الوقت : انتبهوا ما بقى وقت ! اقل من نصف الوقت ! ومع ذلك ما تحركت! مر الوقت وانتهى وقت الامتحان تسمع اصوات من حولها ما تدري هي غفت والا بعالم ثاني ؟! ما فيها حيل ترفع راسها ..تعبانه ..جسمها وكأنه مخدر ....في اصوات قويه بس مب قادره تميز ! عيونها مب قادره تفتحهم ! الدنيا تدور بها ....تبغى تقوم وتتحرك لكن سرعان م حست نفسها سقطت بمكان عميق ما له قرار ! زياد واقف فوق راسها ناظر الدكتور باستغراب: ما ادري ! وبصوت هادي: رونق يا رونق الدكتور تحسين: معقول نايمه اقتربت وعد إلي كانت تنتظر رونق: وش فيه دكتور زياد ما يطيق هالبنت .لكن محتاجها الحين : شوفيها شكلها نايمه اقتربت وعد وهزتها بخفيف : رونق رونق ناظرت الدكاتره بفزع: ما تتحرك ابعدها زياد وبصوت مرتفع :رونق سحب يدها حتى يشوف النبض انصعق وهو يشوفها تسقط كأنها جثة هامده ! *** ** ** تناظر المكان بمحاولة استيعاب ...ناظرت المغذي بيدها....وعد اقتربت منها :سلامات ما تشوفين شر ! فتحت عيونها بصدمه لما استوعبت الوضع الامتحان الجامعه : انا وين وعد مطت شفتها بهدوء: حنا بالمركز الطبي بالجامعه ..لا تخافين حبيبتي مبروك مقدما انت حامل! فتحت عيونها باستنكار وهي تحس انها رح تصيبها سكته قلبيه ...وش تخبص حامل ! كيف حامل ! وبغضب نطقت : انت وش تقولين! وعد بضحكه : ههههه وش فيك مندهشه حبيبتي ...هذا زرعك وهذا حصادك ! رونق ما عادت تستوعب : انكتمي! وعد بخبث وهي تجلس على طرف السرير: لا تنفعلين يا حلوة عادي الفصل الجاي تعيدينها لا انت اول وحده ولا اخر وحده تحمل مواد فتحت فمها للحظات لما استوعبت السالفه ...كتمت نفسها بقهر ...طالعت وعد بقهر: وقحه ! ضحكت وعد ضحكتها الرنانه: انا وش دخلني اتكلم عن المواد بس انت عقلك المنحرف راح لامور ثانيه ههههههه عموما فقدت وعيك بالقاعه ....والحين لما يخلص المغذي تطلعين ! غمضت عيونها بتعب طول البارحه سهرانه ومن لما وصلت عند امها ما اكلت الا كم لقمة ! ما لها نفسنفس بالاكل أكيد فقدت وعيها من قلة الاكل والسهر والضغوط النفسيه حولها ! عضت شفتها بألم من الضغوط النفسيه! فياض قلب مواجعها ...هو السبب وكلامه ! وعد مطت شفتها بتذكر: تدرين انك صديقتي وعزيزه علي والا كان ما جلست دقيقه هنا من الدكتور زياد عقدت حواجبها رونق : زياد! وش علاقته؟ وعد تحاول تظهر نفسها عادي لكنها مجروحه بقوة: يقولي لو سمحت ابعدي عن طريق ابنة عمي يكون افضل واقطعي علاقتك فيها ! ما قلت انه يقرب لك ! انت متضايقة من وجودي وطلبت منه يقولي هالكلام رونق رفعت حاجب بعدم استيعاب..وبنفي: انا ما قلت له ! اصلا وش دخله بعلاقاتي مع البنات ! وعد بصوت مخنوق : ما ادري عنه ! رونق ما ادري انا ارتحت لك ما تعرفين كم احس بالسعادة لما اشوفك ...ليه تحكمون علي من مظهري ؟! رونق ما تحب تكسر خاطر احد : ما تهتمي لاحد ...لو تضايقت منك كان قلتها بوجهك وما انتظر احد يقول عني لاني بصراحه إلي ما يعجبني اقوله وما علي من احد ! الحين ابغى اراجع الدكتور تحسين علشان الامتحان ...انت متخيله امتحانين راحوا علي ! وعد تناظر المغذي : انتظري ما اعرف افكه ! دخلت الممرضه بهدوء...توجهت للمغذي فكته وهي تعلك وسحبت نفسها وطلعت ! وعد عقدت حواجبها : سلامات حنا وين ! وش هالناس هذه ! رونق وضعت يدها مكان الابره بعبوس من الوجع : وش تبغين فيها اهم شيء فكته ! وقفت رونق وهي تحس بالدوار ...وللحين قوتها خائره ...تكلمت بخفوت : وعد تقدرين تسنديني! وعد بابتسامه: انتظري اشتري لك عصير ثواني ما رح أتأخر ! بغت تعترض رونق بس ما تركت لها فرصه وعد ! جلست على السرير بارهاق ...ناظرت جوالها إلي يرن .ردت بهدوء على فياض : هلا .....انتظر شوي .....ايه انتهى ...بس لحظه عندي شغله ضروريه اعملها ....ما فيني شيء ....يعني عشر دقائق .......سلام قفلت الخط بضجر ..يحاسب فيها امتحانها صار له قريب الساعه منتهي ! دقائق ورجعت وعد معها بيبسي ...مدتها للجازي بابتسامه: خذي اعرف انك تحبين البيبسي ..فتحتها لك لانك تعبانه! اخذت العلبه رونق بهدوء ....تكلمت بصوت متعب: عمي ينتظرني برا ما اقدر اروح للدكتور تحسين باكر رح امر عليه! وعد وقفت بهدوء وابتسمت: اوصلك للبوابه! هزت رأسها بالرفض: هذا هو قريب من هنا! شكرا وعد تركتها وغابت عن انظار وعد...ناظرت العلبه وقبل ما تنوي ترميها ..في شخص وقف بطريقها بهدوء ...مد يده وسحب منها العلبه ...توجه لسله القمامه...رماها ....رجع لرونق بنبره آمره: ابعدي عن هذه البنت! فتحت عيونها من جرأته ...قبل ما تتكلم . ...تابع كلامه:امتحان اليوم اعطاك الدكتور تحسين فرصه تعيدينه باكر...اما امتحاني خبرني فياض انك كنت مريضه ما له داعي تحضري تقرير طبي يوم الأربعاء امتحانك على الساعه 8:30 موفقه! تركها بهدوء وغادر المكان.....للحين واقفه مصدومه من تصرفه ....اوقح من راكان وزياد ما شافت يتدخلون بحياتها اكثر من بيت جدها ! وفياض ليه يكذب. عليها تحركت لما سمعت صوت جوالها اكيد فياض الحين مولع من الغضب ! تنفست بصعوبة لما وصلت السياره ...ناظرت يدها ترجف ... معقول كل هذا قلة تغذيه ! فياض ناظرها من المراية ...وبنبره هاديه حنونه: كيف امتحانك ؟! ناظرته مع انها متأكده غاضب من تاخرها الا انه ما أظهر ويسألها عن امتحانها .. ردت بغصه : الحمد لله ! هز راسه وهو يحرك السياره : امك ما هي بالبيت عند بيت جدك وليد وامي هناك يعني البيت فاضي ..رح اوصلك هناك اتفقنا! كتمت ضيقها مب متهيئه تشوف احد...خاصه حنين تحسها ما تبغاها ! فياض باهتمام : متى تنتهي امتحاناتك! ردت: الاسبوع القادم رد بهدوء: رح اخبرهم ما يتأخرون حتى ترجعين وتدرسين!- ما ردت واكتفت بصمت وهي حاضنه كتبها وحقيبتها بارهاق ..تحس الي اصابها بقاعة الامتحان رح يصير الحين...غمضت عيونها وهي تحاول تتماسك ....ما تبغى تفقد وعيها هنا ....همست لنفسها تماسكي يا رب لطفك ..وش فيها صحتها بتدهور ! ما عمره اصابها هذا الشيء بلعت ريقها بصعوبه لما وقف امام بيت : انزلي ردت وهي ماسكه نفسها بصعوبة : ما رح تنزل بنبره هاديه : انا طلعت من الدوام حتى ارجعك ...رح الحقكم هنا بعد ماينتهي الدوام حست بثقلها عليه وش ذنبه حتى يقطع دوامه ويرجعها للبيت ! وبهمس متعب:مشكور ياعمي! ،نزلت وهي تحاول تظهر امامه انها طبيعيه ما فيها شيء ...وقفت عند الباب وبحرج طرقت الباب بعد ما غادر فياض ..استندت على الباب بتعب ما عادت تقدر توقف على رجلينها ! فتح خالد الباب وهو يضحك مع طفل ثاني!، تحس الرؤيه ضبابيه قدامها ...ما هي شايفه احد مب مركزه ...ما تعرف كيف وصلت الباب الداخلي ..الجازي بفرح اول ما شافتها : هلا والله ...نور البيت ! بشري كيف امتحانك اتصلت عليك وما رديتي! ام فياض تحسها متكبره كثير ...تضايقت وهي تشوف لهفة الجازي لها ورونق ما هي معبريتها .وبانتقاد:علامك ما تردين ! تحس جسمها بدأ يتعرق ..وجسمها لهيب ! تبغى تتماسك حتى توصل الكنبه ...بالرغم انها ما تبعد عنها الا كم خطوة الا انها تحسها بعيده ....وازنت خطواتها بهدوء ...وعلى اول كنبه جلست ..وبصوت مرهق منحرج للجازي : اعطيني كوب مويه ام فياض رفعت حاجب ما عجبها تصرفها تتأمر على امها : هذا كوب المويه قدامك مب قادره تتناوليه رونق قرصت عيونها وهي تحس انها ما عادت تميز شيء ...ما تشوف مويه قدامها...... تحس لحظات رح تفقد وعيها الجازي تناولت الكوب ومدته لها بابتسامه ..مطنشه تطنيش رونق لها: خذي يا احلى بنت بالعالم! اكشفي وجهك ما في احد ! تحس جسمها يرتجف بردانه ...تحس نفسها رح تستفرغ باي لحظة لكن معدتها خاويه ما فيها شيء ..مدت يدها وبصوت ضعيف : مشكوره مسكت الكوب بيدها المرتجف...تحس نفسها رح تستفرغ وبسرعه نطقت : وين الحمام مشت بسرعه اتجاه الحمام بعد ما قالت لها الجازي! ناظرت الكأس جازي بيدها:غريبه ما شربت ! ام فياض بانتقاد: الحين مين اقرب للمويه انت والا هي؟!! خلي عندك شخصيه وما تخلي فصعونه تتأمر عليك !- وبسخريه تقلد صوت رونق «اعطيني كوب المويه» الجازي ما عجبها كلام عمتها تحسها متحامله على رونق ...وبانزعاج ردت :يا عمه وش صار اذا ناولته؟ مستعده اخدمها طول حياتي بس ما انحرم من رؤيتها ورؤية قدر...انت ما تعرفين بوجود قدر احس وكأني استعدت التوام المخطوف ...خليهم يتدللون انا راضيه ! ام فياض ما عجبها الرد: الحمد لله على نعمة العقل ! على فكره ام راكان اتصلت فيني تقول تبغى تزورني وتجيب معها مريم مشتاقه لك ! رفعت حاجب الجازي بعدم تصديق الحين مريم مشتاقه لها ..وبلامبالاه نطقت : ان شاء الله بالحمام بعد استفرغت ما في غير عصار المعده ...استندت على الباب بتعب ...مب قادره توقف ....قوت نفسها وغسلت وجهها لعلها تستعيد نشاطها ! نشفت وجهها مضبوط ...بلعت ريقها بصعوبة ..خرجت من الحمام وهي تحس نفسها اصابتها برديه.... تمددت على الكنبه....تكورت على نفسها بهيئه الجنين وبصوت منخفض: ابغى غطاء ، ام فياض فتحت عيونها : انت جايه تنامين ! احد ينام بالصاله هنا ! الجازي تقدمت منها وهي مب شايفه شيء منها ..متكوره: وش فيك قاطعتها وهي بصعوبه تجمع الكلام : ما في شيء ...بس نعسانه الجازي: تعالي للغرفه ونامي براحتك اكيد انك سهرتي على الامتحان هزت راسها بالرفض : اعطيني غطاء بس ربع ساعه اغفى وصحيني كتمت الامها ...ما تعرف وش اصابها !، تحس جسمها يرتجف من البرد...حست براحه لما وضعت الجازي فوقها الغطاء ! لكن احساس البرد متواجد .....كل شيء من حولها ظلام ...تحس جسمها لهيب ....حلقها ...بطنها ..كل شيء يوجعها ...والشعور بالاستفراغ لوحده مقرف !، تسمع ام فياض تتكلم فوق راسها بس ما تدري وش تتكلم ! الجازي وهي تغطيها مضبوط : لا تغطين وجهك بلاه تخنقنين! همست بصوت هادي ما تدري اذا وصل لمسامع امها او لا : مرتاحه كذا ! طلعت حنين من المطبخ وتوجهت لهم استغربت نوم رونق: وش فيها ! الجازي بصوت منخفض حتى ما تزعج رونق: راجعه من الامتحان وطول الليل سهرانه اكيد رح تكون نعسانه ومرهقه ! هزت حنين راسها بتفهم : قدر للحين نايمه ! ابتسمت الجازي والفرح يشع من عيونها : ايه نايمه قبل شوي تفقدتها! تخيلي تناديني ماما ! ام فياض خزتها : انت طول الطريق وانت تنقين فوق راسها قولي لي ماما ماما صجيتي راسي الجازي عضت على اصبعها وبصوت منخفض: وطي صوتك يا عمتي خليها نايمه ! حنين تجلس وهي تبتسم على شكل ام فياض وهي تكش على الجازي •* •• ••* جالس بالحديقه مع اخوه وهو فاتح عيونه بصدمه من هالكلام:تخيل بالأول يقولي ابعد عنها خير شر ولما اصريت عليه يقول ... انها ناويه تشتكي علي بقضيه تحرش! شفت اوقح من كذا! فياض يقولي اتركها لا تكلمها بلاه تعمل مشكله وبكل سهوله وبروده اعصاب تدخل المركز وتشتكي عليك زياد بتأييد : وفياض صادق ..البنت يطلع منها كل شيء وما استبعد عنها هذه الامور ! راكان بقله صبر: متى تنفذ خطتك ...نفسي اشوفها بين اعمامها هنا خليهم يربونها طالعه نازله على كيفها ! حتى جواد يقول ما رح يصبر اكثر ان ما نفذنا الخطه رح يسحبها غصب عنها ويرجعها ! زياد مط شفته الامور معقده : والله سالفتها احس نفسي ابغى استفرغ ....يعني لو وقفت من زاويه نظر رونق تقول معها حق واذا وقفت من زاويه نظر جواد وزاويه نظرنا تقول معنا الحق ولازم ترجع لاهلها ! الموضوع ما هو سهل على الطرفين يتقبلوه ...في حواجز كبيره بينهم ..وعلشان كذا لازم تتكسر هالحواجز برجوعها لاهلها ...وقتها بعد ما تتكسر هالحواجز ترجع الحياه طبيعيه ولا كأنه شيء حصل ! بس يبغالهم وقت ..وكل طرف يعطي الثاني فرصه حتى يتقبلوا بعض! راكان مط شفته بملل : ترى بسببها تأجلت الملكه احتمال كبير تكون الاسبوع الجاي ! زياد بتذكر : صح وش سالفه بدر قلت لي رح تقول وما خبرتني مط شفت بقرف : تخيل يعرض علي وش رايك تخطب رونق بدل مريم ! زياد بهدوء رفع حاجب: من عقله :! راكان عقد يدينه خلف رقبته : الظاهر يشوفون ما في طريقه حتى يردونها الا بالزواج زياد رفع حاجب : وليه انت اختارك ؟ ليه ما هو ليث وإلا غيث عيال عمها يا كثرهم ! راكان مط شفته بسخريه: روح اسأله جاي تسألني انا! •*• •• *• •• رفع حاجب باستغراب : علامك ما قلت الا الحين عن زيارتها ! وش صار بينكم؟! جواد هز كتوفه بقله حياه: وش يطلع بيدي وانا بالمستشفى ! لكن ما هي ناويه تجيبها على بر ..تقول انت عندك مريم وهي عند امها !، ام جواد هزت راسها بحسره: وش عملنا حتى نتجازى بحفيده مثل هذه ! لسان طويل وقله حياء ! غيرها يدفن وجهه بالتراب متزوجه عمها! جواد بحده ما عجبه كلام امه : قولي هالكلام لولدك الكلب ...يروح يدفن نفسه بالتراب...لعب بأعراض الناس حتى ردت لنا في ابنتنا ومن عمها! شفت أمر من كذا ! لو انه كان مثل الناس و العالم لما يخطبون بنات الناس كان على الاقل لما تروحون تخطبون له رح تلاحظون التشابه بين التوأم وما صار إلي صار ! انا بداخلي نار تحترق كلما اشوف ذيك الطفله! ام جواد بقهر،: هذه الطفله ما لها علاقه .......ليه ما تقول خطيئة الجازي قاطعها بنبره مشتعله من كلامها:انا وش عملت فيها؟ ردت بسخرية: ما هو كأنك حرمت البنت من امها ! ظلمك رجع لك و ابنتك ما تبغاك وما هي طايقيتك وراحت تركض لامها ....وفوق هذا يبقى قلبك محروق وانت تشوف ابنتك وحفيدتك قدام عيونك والحقيقه ملاصقه لهم ..مثل ما حرقت قلب الجازي جاء الشيء إلي يحرق قلبك ! فتح عيونه باستنكار: هذا الكلام لي ؟! احسك متشفيه فيني ! ام جواد صدت للجهة الثانيه بضيق: انا ما اتشمت لكني نبهتك كثير انتبه من حوبة الجازي لا ترجع علينا ! هذه رجعت لنا ! تابعت كلامها بشراسه : كله بسببك لا تحط الحق على نايف ! لا تظن انك الوحيد إلي كسرتك هالحادثه ! تدري انا من لما طلعت السالفه ما خرجت من البيت ما لي وجه اقابل احد ! وش اقول وش ارقع و رونق معها ابنة حرام قاطعها ابو جواد بغضب : اسكتي ! ام جواد بنار تغلي بداخلها : إلي تنجب من عمها وش نسميها جواد يحس بكتمه على صدره ...وبصوت ضعيف: تبغين تجلطيني يمه ! خلااااص يكفي ! ام جواد بندم : استغفر الله ! ارتاح الحين قاطعها ابو جواد بحنق : ما نعرف نجلس الا لما نعلك بالكلام ! جواد بتعب :اعطيني مويه نشفت ريقي ! ام جواد بنبره راجيه وهي تناوله المويه : اترك مريم تزور امها لعل حوبتها تغادرنا ...انا ما ابغى افقدكم يمه ! اذ لي خاطر عندك لا تحرم الام من بناتها ! مسحت دموعها إلي نزلت من الضيق إلي تحس فيه وخوفها على عيالها ! جواد هز راسه بهدوء: ان شاء الله خير ! ** •* •* ،يتبع.... وليد ناظر ساعته : للحين نايمه ...انا اقول تقوم تصلي ...الغداء جاهز! فياض وهو يناظرها دافنه نفسها تحت الغطاء ما هو باين منها شيء ...ما يدري اذا كانت صاحيه او لا : تعبانه؟! الجازي هزت راسها بنفي : تقول نعسانه طول الليل سهرانه ! قدر تلعب مع الصغار وكل شوي تناظر امها ! وليد مط شفته بسخرية : اليوم اتصل اخوك يهدد فيني اذا اخذت رونق ما رح يصير شيء طيب ! فياض مايل لرأي اهل جواد : والله يا خالي صعبه عليهم ابنتهم وتعيش بعيد عنهم وابوها موجود ! المفروض تستقر عند ابوها خزته الجازي بغيض وقبل ما تتكلم نطقت حنين : اصلا ما رح ارضى تعيش عندي ...احس هالتوام نفسيات وانا اكره علي اتعامل مع شخصيات مثل ام جواد! سبحان الله نفس جدتهم ! ام فياض بتأييد : وانا اقول كذا ...تدرين مريم اخف من هذه واشرت على رونق ...يا لطيف وش رافعه خشومها للسماء ما ادري على وش الغرور يا حظي ! حنين مطت شفتها بكره لجواد: يا اختي ابوها كذا شايف نفسه شيء كثير وهو ما يسوى نعال وليد : حنين ليه تغتابين بالرجال ! الجازي انتفخ وجهها من الغيض : رونق مب كذا ! وما اسمح احد يشبه عليها لاحد ! وما هي مثل ما تقولون رجاءعمتي اكثر من مره قلت لك لا تتكلمين على رونق كذا ..ومع ذلك مطنشه كلامي ولا ما اكتفت وتتكلم مع ام راكان وتعيد نفس هالكلام عن رونق ! ابفهم ليه تقولين عنها كذا ! البنت من لما جاءت ما شفنا منها شيء ! ما ادري انت وفياض تتكلمون كذا حتى تنفر من عندي ! وش بتستفيدي من هالكلام ! وانت يا يمه متى ما قلت خذي رونق عندك قولي هالكلام ..تراها مب طراره على بيتك حتى تقولين هالكلام ...واعتبري هذه اخر مره رونق تدخل بيتكم ! ام فياض ناظرتها بصدمه من هذا الهجوم عليها وعلشان بنت للحين ما عرفت خيرها من شرها ! فياض عقد حواجبه وبنبره حاده: ما بقى الا تقومي وتضربي امي وامك ! وليد يهدي الوضع : تعوذوامن الشيطان ما صار شيء ! فياض بنبره غاضبه : عاجبك كلامها يا خالي ! ترى اذا انت تشوفين ابنتك ملاك ما تجبرين الناس تشوفها بنفس النظره ملاك ! ترى لكل انسان نظره ووجهةنظر مالك تتدخلين فيها وتفرضين رأيك على الناس ! مجرد رأي لا راح ولا اجى ! وين المشكله ؟! انا اما احب او اطيق رونق وين المشكله؟!- حبي او كرهي له اهميه ؟!- طبعا لا ! اراء الناس ما هي مشكله ولا لها أهميه...فلا تنفعلي زياده على شيء ما يستحق ...وأقولها واكرر لا تندفعين لانك رح تندمين مع الايام وخاصه من رونق لانك ما تعرفيها! حنين ناظرتهم: لو ادري كلامي يزعلك كان ما قلته ،! الجازي وهي تشوف نظرات الزعل بعيون فياض ....وبكل غيض تكلمت وهي حاز بخاطرها انه ما يحبها : وليه ما تحب رونق وش عملت لك؟! وليد زفر بضيق : الحين تركت كل كلامه وركزت على هالجمله ؟! ترى ما قال انه مايحبها ترى اعطاك مثال ! لا تتحسسين زياده ! ما نبغى مشاكل ...ما صار شيء ! فياض خلاص فك هالكشره ...ترى مب قصدها هي انفعلت زياده ..وانت تعرف كم تحب امك وامها الظاهر الجوع اثر عليها ! الجازي زفرت بضيق وبداخلها تبغى تبكي ...من نظره إلي حولها لرونق ما احد يحبها ! امها ما تحبها وكثير تحس ام فياض ما تبغاها معهم وحتى أخواتها يقولون لها ابنتها مستفزه وما تنطاق ! ليه يقولون كذا !- ام فياض وهي تناظر الضيق على وجه الجازي وبندم : لو ادري انه كلام يضايقك ما تكلمت ...اسفه الجازي بعيون لامعه وهي تتذكر حياتها في بيت ابو جواد وكيف كانت منبوذه ما تبغى رونق تعيش نفس الشعور : حصل خير !! انا اسفه ان رفعت صوتي عليكم لكن وليد بمقاطعه وهو يقوم : غريب كل هالضجه وما صحيت او تململت كشف الغطاء وهويشوف شحوبها ..والعرق على جبهتها هزها بالخفيف : رونق رونق عفست ملامحها لثواني و بعدها ارخت ملامحها رجع يهزها باقوى : رونق يا رونق فتحت عيونها بانزعاج من الصوت ...رفعت رأسها بفزع وهي تشوف وجه وليد القريب منها ...مين هذا الشخص ما تعرفه ..وين هي اصلا ! وضعت يدها على راسها وكأنها مسطوله وين هذا المكان وليه هي هنا !، معقول انخطفت وبصرخه نطقت :ابعد عني الجازي اقتربت باستغراب: وش فيك يا رونق ناظرت الجازي وسرعان ما ارتخت اعصابها المشدوه ...رمت نفسهاعلى الكنبه بارهاق وهي تدفن وجهها بالكنبه بعقل مشوش مين هالرجال ....شافته من قبل لكن وين وبهمس نطقت: مين هذا !، ضحك وليد لما فهم انه عقلها مقلوب : اناجدك وليد قومي يا ابوي صلي الاكل جاهز ! غمضت عيونها لثواني براحه هذا جدها وش فيهانسيت شكله ..كيف نسيت انها زارتهم اليوم....تحس للحين ما هي بخير رفعت راسها بشويش ضغطت على راسها إلي رح ينفجر من الوجع..رقبتها توجعها مب قادره تحركها ! نطقت ببرود وهي تمد يدها: كيفك يا جدي وليد شد على يدها وهو يقبل رأسها : بخير طمنيني عنك ام فياض بانتقاد: المفروض توقف و تقبل راسك ما هو العكس انت تقبل راسها ! وليد بدون اهتمام لكلام اخته ناظر رونق بتفحص وهو للحين ممسك بيدها : عليك حراره انت تعبانه هزت راسها بالنفي وهي تسحب يدها سرعان ما فتحت عيونها بصدمه وهي تسمعه يتكلم : اكيد رح ترتفع درجه حرارتها دافنه نفسها تحت الغطاء ! مسكت الشاله تغطي وجهها لكن سرعان ما مسك يدينها وليد: تراه مثل ابوك ..ربنا اجاز لك ليه تتغطين ام فياض:خلاص شافك يا قمر نيسان ! الجازي ناظرتها وابتسمت : واحلى قمر بالعالم ! حنين بهدوء: ما بقى وقت على صلاة العصر قومي لحقي الصلاه هزت راسها وهي تناظر الارض انحراج كيف فياض إلي كان مديرها يشوفها ! وقفت بهدوء ظاهري ومن الداخل تحس الدنيا تلف فيها ! تابعت خطواتها وهي ماسكه بقدر إلي ركضت لها ..متمسكه بقدر حتى ماتفقد توازنها! فياض بعد خروج رونق : كأنها تعبانه:؟!- ليه كذا شاحبه! ام فياض : من لما جاءت لنا وهي وجهها كذا!، وليد : يمكن للحين اثار الصدمه واضحه عليها! الجازي بضيق لحالها تحس بحواجز بينهم ما هي عارفه كيف تحتويها وتقترب منها ! لو كانت طفله لاحتوتها باحضانها مثل قدر تماما...ما هو مثل رونق كبيره وكانت متزوجه عاشت حياه غير تفكيرها غير ! وفوق هذا تحس رونق صاده عنها وما تبغاها ..تحس بالعجز لكن ما رح تستسلم رح تحاول معها ! وتكسب ثقتها ! ناظرت امها إلي تكلمها : تعالي نجهز الاكل ** ** **، غسلت وجهها ونشفته ...بعدها توجهت للسرير تستلقي عليه شوي...قدر التصقت فيها : ماما رونق بإعياء مسحت على رأسها : وش فيك ؟! احد ضربك بغيابي! هزت راسها قدر بالرفض رونق ابتسمت بتعب وهي تمسك شعر قدر مقسوم من النصف جدوله على اليمين وجدوله على اليسار: مين رتب شعرك كذا ! قدر بابتسامه طفوليه: ماما جازي! مطت شفتها رونق بسخريه : تحبين ماما جازي؟ هزت راسها بابتسامه: اعطتني حلاوه ! غمضت عيونها براحه للحظات تحس جسمها تخدر وارتاح شوي ! قدر امسكت يد امها : جوعانه! فتحت عيونها رونق وناظرتها بابتسامه: قريبا لما اموت رح اوصي تعيشين عند الجازي لانها رح تكون اخف وارحم الوحوش إلي حولنا ! رح اموت وانا مطمئنه وقتها رح تكونين بخير ! ما ادري كم ساعه بقى لي ...اتوقع ما بقى شيء ...جسمي ما عاد احس فيه ...الموت ارحم لي من هالحياة ...اتمنى الموت والرحيل بصمت عن هالحياه ...ما لي رغبه بالحياه .كنت متعلقه بالحياه عشان احميك يا قدر لكن الحين الجازي رح تهتم فيك ..يقولون ما اغلى من الولد الا ولد الولد ! نفسي ضايق كلما فيه يضيق ! ما تدري هل هي لحظاتها الاخيره بالدنيا ! قدر تناظرها مب فاهمه شيء وبحيره: ماما نهضت رونق نفسها بشويش وابتسمت لها : انا بخير ادري اني رح اكون سبب تعاستك ..سامحيني ! وقفت بتعب وازنت نفسها ..امسكت يد قدر : تعالي اكيد الاكل جاهز! اخذت شهيق وزفير تحس بكلامها استهلكت طاقه كبيره ! اكيد معها مرض خطير وما بقى لها الا ايام معدودة ! ما رح تروح للمستشفى تبغى تموت في البيت ! طلعت برا الغرفه وفوقها تخيم غيمه افكار سلبيه عن الموت والياس من الحياه ! حنين ناظرتها : تعالي لصاله الاكل ! تفضلي حياك ! هزت رأسها وتبعتها...دخلت وهي تشوف الكل موجود تحاشت النظر لجهة فياض جلست براحه بعد ما اسندت ظهرها على الكرسي ! ناظرت وليد إلي يرحب فيها بابتسامه دافئه : حيا الله رونق نور البيت ! ناظرته بشبح ابتسامه وما علقت ! ام فياض : وين بندر واحمد الجازي: بندر نايم مب راضي يقوم واحمد اكيد عن عمتي نجوى ! انا عيالي خليتهم ياكلون قبل الاكل حتى ما ابتلش فيهم وقت الاكل فلا تبلشوني ببندر واحمد رونق اخذت العصير بدون اهتمام للاسماء إلي ذكرتها الجازي ..ناظرت يدها وهي ترتجف ....عندها فضول تعرف المرض إلي عندها ....شربت ربع العصير على نفس واحد ..تنهدت وهي تحس جسمها انتعش ..سرعان ما بدات معدتها تقلب عليها ...وش سبب هالغثيان ؟! لازم تمسك نفسها وما تستفرغ هنا ! عادت لها الدوامه اصوات من حولها لكن ما هي مستوعبه شيء ! نزلت راسها ومن قلب رددت «لا حول ولا قوة الا بالله » رددت اكثر من مره ما رح يتغير حالها من حال الا بعون الله ...وبداخلها تدعي «يا رب اصرف عني الغثيان » وقت قصير حست رجع لها توازنها ..رفعت راسها على صوت الجازي: رونق ما اشوفك مديتي يدك للاكل ....لا تستحين رونق هزت راسها وهي تحس نفسها صارت افضل والغثيان اخف ! ناظرت قدر إلي تأكل لوحدها بعد ما وضعت لها الجازي بصحن امامها !، تناولت كم لقمة وحست نفسها اكتفت وشعور الغثيان اخف من اول ....معقول قلة اكل ! لا لا اكيد مرض خطير !، مب مقتنعه متأكده عندها مرض خطير ! والا كان ما فقدت وعيها ! لحظه فقدت وعيها بوجود زياد ! يا فضيحتها ! معقول كشفوا عن وجهها ! والدكتور تحسين معه ! يا فضيحتها ! اليوم يوم الفضيحه العالميه ! لازم تسال وعد اكيد كانت موجوده ! رفعت نظرها لما كلمها فياض وسرعان ما نزلت راسها بخجل : رونق انت لازم تعملين فحوصات اتوقع معك فقر دم حاد! سرعان ما رفعت راسها باستغراب؛ فقر دم ؟! الجازي : كيف يعني ؟! انت وش عرفك !؟ وليد بتأييد : وانا اقول كذا ! انت ما تأكلين؟! حنين رفعت حاجب بتحليل: تحسين نفسك مب قادره تتحركين او ما فيك حيل ؟! هزت راسها بالنفي ما تحب تظهر نقاط ضعفها قدام احد : ما فيني شيء ...كأنكم تتوهمون! الجازي: من باكر نروح للعيادات وتعملين فحص دم وانا اقول ليه وجهك شاحب كذا ! شربت من العصير رونق حتى تبعد عن نظراتهم: عندي امتحان باكر جازي : امتحان باي ماده ردت رونق وهي تشعر بالاختناق من هالاسئله ! فياض رفع حاجب: بس انت اليوم امتحنت بهذه الماده! زفرت بضجر من كلامهم واسئلتهم تحس نفسها محاصرة: يمكن توهمت وليد بهدوء ينهي السالفه: موفقه ان شاء الله ! واعطى اشاره لفياض يختصر ! فياض هز راسه وبسؤال اخير : يمكن توهمت بس ذكريني وش كان امتحانك اليوم ؟! ردت بحده ما تحب احد يجلس يفتش خلفها : انا باستجواب والا وش بالضبط ؟! انا طالعه باكر للجامعه اغير جو وما عندي امتحانات في مشكله بهذا الشيء ! فياض رفع حاجب بحده اقوى : ايه في مشكله ! رونق بضجر وهي تحس انها رجع لها الارهاق : الرجاء قلت لك من قبل ما احب احد يتدخل بشؤوني! وليد : يا جماعه وش فيكم كل ما واحد قال كلمه الثاني كلمه هب الاول فيه ...خلي عندكم روح رياضيه ! الجازي ناظرت رونق: طيب بعد الامتحان امر عليك ونتوجه للمستشفى وتفحصين رونق للحظات سقط منها كوب العصير وبهتت ملامحها وهي تتذكر كلام وعد «حامل» والاعراض إلي معها اعراض حمل! مستحيل! وقفت الجازي واقتربت منها وهي تجمع الزجاج: وش فيك ؟! بلعت ريقها رونق وبحرج من الموقف :انا اسفه سقط وليد قاطعها: فداك كل الزجاج! حنين انزعجت هذا الكاس هديه من امها وما تحب شيء ينقص منه ! الجازي حلفت يمين وهي تبعد يدين رونق : والله ما تلمسينه انا انظفه انت ارتاحي ! فداك كل الزجاج ! جلست وهي تشعر بالامتنان للجازي لانها فعلا ما فيها حيل توقف ! شتمت نفسها على غبائها كيف تفكر بذي الاشياء واصلا ما عليها صلاه!، وما هي متزوجه ...بس الظاهر الضغوط والتعب اثر على عقلها ! فياض من بين الموجودين حس في شيء مخفيته رونق ليه انخطف لونها لما قالت لها امها عن الفحوصات ! هو ما يكره رونق لكن ما تعجبه تصرفاتها يبغى لها الأفضل لكن راسها يابس وعنيده ! اما حنين وام فياض ما عجبهم انه الجازي تنظف الارض ورونق جالسه فوقها ! فياض بعد ما انتهت الجازي من التنظيف وجلست مكانها تكلم فياض: الحين بعد الاكل نطلع للمستشفى تعمل رونق فحوصات وبعدها تزور ابوها الجازي عفست ملامحها : المختبرات ما تفتح الا الصبح قاطعها وهو يناظر ملامح رونق بدقه : رح نروح للطوارئ! حافظت على توازن ملامحها بصعوبه و بعدها نطقت ؛ انا ما فيني قاطعها بصرامه: حتى لو ما فيك شيء ! نتطمئن على صحتك ... وتعرفين سبب هالشحوب ! وليد هز راسه : والله فكره ممتازه ! المهم الحين كملي اكلك يا رونق الجازي بابتسامه وقفت : لحظه اجيب لك عصير بدل إلي انسكب على الارض ! بغت تعترض لكنها سكتت لما شافتها راحت ! حنين عفست ملامحها وهي تشوف الجازي معها نفس نوع الكأس تخاف تكسره رونق ...بس سكتت وما علقت ! الجازي وضعت العصير قدام رونق : صحتين وعافيه ! تنهدت رونق وبهمس: شكرا ! شربت من العصير وهي تحس نفسها تحسنت بعد ما شربت منه ...صارت افضل من اول ! رجعت تناولت كم لقمه على عين وليد ! انسحبت ام فياض وهي تردد الحمد لله ! و بعدها فياض و وليد ! رونق ناظرت قدر: شبعت! الجازي مسكت يد قدر لما هزت راسها بالشبع : هات انا بغسل لها عنك !، وقفت رونق وهي تشعر بدوار بسيط ! حنين وهي ترتب المكان بهدوء! توجهت للخارج مب قادره رجع التعب من جديد تحس بغثيان رجع لها من جديد! وقف فياض لما شافها : يلا على المستشفى الجازي طلت خلفها : لحظه انظف المكان مع امي ابغى اروح معكم ! فياض بهدوء : ما له داعي انا وخالي وليد طالعين ورح نزور جواد وين رح تجلسين؟! ما رح نتأخر ! بغت ترفض لكنها رضخت لما ركضت لها قدر وحضنت رجلها وهي تبكي : ماما اروح معك قدر متعلقه فيها حد النخاع متاكده لو تفقدها رح تتدمر قدر ! كيف تفكر بالموت وتتركها قبل ما توفر لها حياه جميله بعيده عن الانكسارات! وبصوت هامس: ما رح اتاخر انتظري عند ماما جازي ! الجازي مسكت قدر تعالي العبي فوق مع الصغار ....اخذتها وهي تناظر للخلف تبغى امها! تغطت الجازي وخرجت وهي تجر خطواتها بصعوبه ! ** ** ** طول الوقت نبضات قلبها تدق بقوة ..ما تدري ليه خايفه من الفحوصات ....ارتاحت شوي لما طلع عندها فقر دم ! معقول فقر الدم يعمل كذا ! واقفه على جنب تنتظر فياض وجدها يصرفون الدواء- ! تحس نفسها صارت احسن بعد المغذي ! لما ترجع لازم تشرب دواء ما تبغى قدر تكون يتيمه الام والاب ! رفعت حاجب وهي تشوف زياد واقف معهم ! تحس قلبها يدق وهي تشوفه يبتسم !، غضت بصرها وصدت للجهة الثانيه تنتظرهم،! بعد وقت قصير...اقترب فياض وهو يتكلم مع زياد ويضحك ! زفرت بضيق وصلت لحاله تكره الضحك ليه الناس تضحك ! فياض بابتسامة رايقه: تفضلي تأخرنا عليك! ردت وهي توجه كلامها لوليد تحسه انسان متفهم...ما لها مزاج تقابل احد او تجامل لانها فعلا متعبه نفسيا وجسديا: جدي انا انتظركم هنا فياض بتصميم :رح تمشين وانت ما تشوفين الضوء ! وليد اشر على مقاعد الانتظار : انتظرينا هناك وما رح نتأخر عليك ا فياض باعتراض: يا خالي وليد بحزم: هي حره ما لها خاطر تشوف احد وتجامل وفوق هذا تعبانه الحين انت بكل الاوقات مستعد نفسيا تشوف الناس ...تراها بشر ولها رغبات ما هي آلة نحركها حسب هوانا! واذا على جواد ملحقه على الغثاء ! ناظرته وبداخلها بدأت مشاعر جميله تتولد لهذا الانسان ! فياض هز راسه: مثل ما تبغى يا خالي !- تفضلي ارتاحي يا ساندريلا ! تحس بداخلها دغدغه وهي تشوف ملامح فياض ! زياد واقف ينتظرهم قريب منهم ..ما عجبه كلام وليد المفروض هذا الكلام ما ينقال قدامها ! جلست بمقاعد الانتظار وهي تحس بحمل جبال انزاح عن قلبها ! مسكت الادويه إلي اخذتها من فياض ...ناظرتها وقررت تشرب حتى تتحسن ...اهم شيء قالت للدكتور عن الغثيان ... شربت كل انواع الادويه لانها متعبه فعلا ! يقول الدكتور عندها ارتفاع قليل بالصفائح الدمويه ! لما ترجع للبيت رح تشوف على النت وش هذا ! مطت شفتها بسخريه و هي تتذكر فياض يتوعد فيها الا تصير بحجم البرميل ! تحسه يعاملها كأنها طفله ويبغى يقوم سلوكها ! غمضت عيونها وهي تنتظر رجوعهم ! بعد وقت قصير بدأت تحس بتحسن الصداع خف كثير ...وجسمها الارهاق والتعب بدأ يخف التدريج! فتحت عيونها وهي تناظر حولها كأنهم تأخروا ! طلعت الجوال مشتاقه بهذه اللحظات لمروان وجدتها ...ليه قطعوها كذا ! جواله مقفل ! كيف وضعهم مرتاحين ، شبعانين؟! يا رب تحفظهم وين ما كانوا! كان داخل المستشفى بناء على طلب ابوه وما يخلي فيه فجوة بينه وبين جواد ! وقفت تناظر حولها وين طسوا ! عقدت حواجبها باشمئزاز وهي تشوف نايف ..يااااه عمرها ما كرهت احد مثله ...نفسها تعمل خرائط بوجهه !، يمشي وبيده ويطقطق بالجوال ...رفع نظره تلقائيا ..استغرب النظرات الناريه الموجهه له ! مط شفته بقرف مب ناقصه الا هي ! كل المشاكل إلي يحصلها بسببها ! نفسه يمسكها ويكسره والي ينرفزه نظراتها المحتقره له وكأنه حشره! وقف ورفع حاجب بشر لما وصل على مستواها بصقت بصوت مرتفع: تفووووو على اشباه الرجال ! اقترب لجهتها والشر بعيونه : اختصرني احسن ما تطلعين جنازه من هنا ! رونق متجاهله بعض الناس المتواجده ...ناظرته والحقد يتولد بداخلها ...صحيح مثل ما قال فياض رافضه تعترف بجواد والسبب نايف ..اكتفت تناظره باحتقار ! اقترب وهو مولع منها وبتحذير : لا تخليني ابتلي فيك قاطعته بتحدي: حاول حتى تنام اليوم بالسجن قاطعها وهو يشدها من يدها بقوه ويلويها خلف ظهرها بقوه...بما انها مريضه سرعان ما سقطت على الارض وهو للحين لاوي ذراعها ..تأوهت بوجع : اتركني يا حثاله!، نايف بانتقام: انا اراويك مين الحثاله لما شد على يدها صرخت تجمع الناس:الحقووووووووني ااااااااااه تجمع بعض رجال والامن حتى يفكها نايف هزها بقوه : عيدي كلامك مره ثانيه شوفي وش رح يصير فيك! بيدها الثانيه بصعوبة اخرجت المشرط ...وبسرعه رفعته حتى تضربه ..سرعان ما تفادى الضربه ومسك يدها من المعصم وبغضب : مجنونه ! الامن يسحب نايف : اترك البنت! رح نستدعي الشرطه !، فياض بغضب تكلم : ما له داعي للشرطه مشكله عائليه تراه عمها ! تقدم من نايف بغضب سحب يده عن رونق: اتركها! ترك نايف يدها وهو باعلى درجات الغضب ! فياض ابعد الناس عنهم و بعدها ناظر نايف: انت صغير على هالحركات! زياد بنفس غضب فياض: ما يحق لك تمسكها كذا ! ثاني مره اذا مديت يدك عليها انا إلي قاطعه نايف بغضب : انا مب صغير تتكلم معي كذا ! هذه يبغى لها تكسير راس تبغى تطعني بالمشرط!، ليث تقدم يحاول يهدي الوضع: حصل خير ! فياض خلاص خذ رونق واطلع وين ابو بندر ؟! فياض ملامحه منتفخه من الغضب: تعالي يا رونق ! نايف بتهديد: وقسم بالله إذا عادتها وتفلت علي إلا يصير شي زياد قاطعه بحده: لا تهدد روح يا فياض! ** *** ** بالسياره ينتظر وليد ..ناظرها بحده: اتفهم موقفك وكرهك لنايف ! بس يعني ما تعرفين تمسكين اعصابك! وش هالحركات هذه تبصقين ومشرط وقسم بالله احس عيال الشوارع ما يعملونها !، انت كبيره واعيه وفوق هذا جامعيه! كيف يصدر منك هالتصرفات ...سلاااامات حنا وين عايشين ! و بعدين ما يطلع لك تحاسبينه او توجهي له كلمه وحده ..هو وش يعرفه انك ابنة اخوه؟! انت ما تعرفين كم يعاني نايف من هذه النقطه تظنين سهله عليه يكون متزوج ابنه اخوه ! تتعاملين وكأنه خاطفك قاطعته بصوت بارد: مطولين ننتظر رفع حاجب وهو يمسك اعصابه لانها تنرفز بقوة : لا حول ولا قوة الا بالله ! قاطعهم وهو يطرق على زجاج نافذة فياض نتهى البارت ...دمتم بخير | ||||||
|
| |
|
22-07-20, 04:30 AM
| #37 | ||||||
| مشرفة منتدى الروايات المنقولة
| بارت 11 بالسياره ينتظر وليد ..ناظرها بحده: اتفهم موقفك وكرهك لنايف ! بس يعني ما تعرفين تمسكين اعصابك! وش هالحركات هذه تبصقين ومشرط وقسم بالله احس عيال الشوارع ما يعملونها !، انت كبيره واعيه وفوق هذا جامعيه! كيف يصدر منك هالتصرفات ...سلاااامات حنا وين عايشين ! و بعدين ما يطلع لك تحاسبينه او توجهي له كلمه وحده ..هو وش يعرفه انك ابنة اخوه؟! انت ما تعرفين كم يعاني نايف من هذه النقطه تظنين سهله عليه يكون متزوج ابنه اخوه ! تتعاملين وكأنه خاطفك قاطعته بصوت بارد: مطولين ننتظر رفع حاجب وهو يمسك اعصابه لانها تنرفز بقوة : لا حول ولا قوة الا بالله ! قاطعهم وهو يطرق على زجاج نافذة فياض ...نزل النافذه وهو يشوف ولد متسول يتكلم بمهنيه : ربي يرزقك اعطيني! ربي يحفظ لك امك وعيالك فياض متضايق رد وهو يمد يده للولد : خذ هذه رونق تناظر الطفل وهو يدعي لفياض .......يمكن يكون محتاج فعلا وهذه الفلوس رح تساعده بحل ازمه ماليه بالنسبه له او يكون فعلا هذه مهنة يعمل فيها مثل كثير من الناس .... ما اهتم فياض لدعاء الطفل وقفل النافذة وهو للحين متنرفز من الشخصية إلي جالسه خلفه ! رفعت حاجب بانتقاد وهي تناظره من المراه الاماميه عافس ملامحه ويناظر بقرف بعد ما اعطى الطفل ...ما تحب النظره الدونية هذه : تراه بشر مثلك مثله ليه هالنظره الدونيوكأنك ملاك وهو شيء قذر ! بالرغم من ضيقه ابتسم بسخرية اصلا ما ناظر الولد بفوقيه حتى ملامحه ما انتبه عليها: ما شاء الله ! جالسه برج مراقبه! على الاقل انا افضل منك اعطيته وما هو مثلك ! ليه ما اعطتيه ! وبعدين ذول لازم ما نعطيهم حتى ما نشجع على الظاهره هذه ....أغلبهم كذابين واحتيال ونصب إلي محتاج ما يمد يده للناس يشتغل ويحصل المال بتعب جبينه قاطعته بنغزه: مب كل الناس انولدت وبفمها ملعقه من ذهب ! زم شفته ما عجبه نغزاتها : عندي فلوس لو جلست في بيتي طول حياتي يكفوني ومع ذلك ما اجلس اتعب واشقى والحمد لله ما احتاج احد انتفخ وجهها من العجز متى يكون معها فلوس وما تحتاج احد ! عقدت حواجبها بتساؤل طرى على بالها : انت وش تقرب لجواد ! يعني غريبه متزوج طليقته وتزوره ! ناظر من النافذه يدور بنظره على وليد : ما اتوقع يخصك علاقتي بجواد! متى ما صارابوك اسألي هذا السؤال ! تكتفت بهدوء وبداخلها ضجر من الانتظار ...نظرها مسلط للامام وبنبره تحذير : لا تظن لو واحد بالميه اني اقبل انك ترميني لصديقك حتى تظهر له كم انت وفي له ! لا يغرك سكوتي الحين تراك ما تعرفني ! ناظرها بعد ما مط شفته بملل : تدرين سبحان الله نفس عقل امك قبل ما اتزوجها كلامها وطريقة حياتها كانت مقلوبه متخبطه مب عارفه تعيش حياتها تتكلم بانتقاد وشراسه تتعامل مع الناس بطريقه حاده قاطعته بنبره ساخره: طبعا انت البطل إلي عدل سلوكها ! ضحك على نبرتها وبثقه نطق وه يناظرها من المرايه : بالضبط انا البطل إلي قدرت احتويها واخليها تعيش الحياه من جديد بعد ما كانت ميته ! وانت ان شاء الله ربنا يبعثلك ابن الحلال إلي يحتويك ويفتح عيونك على جوانب حلوة من الحياه ! ترى نظرتك البائسه ما تقدم ولا تؤخر ! اسمعيني زين انا اعرف اهل ابوك اكثر واحد ان حطوك براسهم الا يأخذونك وغصب عنك ...وقتها توقعي يعزلونك عن كل العالم إلي حولك واولهم الجازي مثل ما عملوا مع مريم اختك ! انا بصراحه ما ابغى الجازي تنكسر بسببكم يا التوام يعني إلي شافته من أختك كثير و انت تكملين عليها انا ما رح ارضى ! لا تظنين اني اكرهك بالعكس اعتبرك مثل عيالي لكن لا تسلكين طريق امك كانت عايشه في بيت عمتها وكله عيال حتى ما تعيش في بيت جدها ابو ناصر ! مط شفته بعدم اعجاب وهو يردف مسخره! حنا ليه نشوف الحلال ونبعد عنه ! ما ادري هالصفه الغبيه إلي وارثيتها من امك ! وش المانع عندك تعيشين عند أبوك ؟! ناظرته وهي رافعه حاجب : المانع اني الحين رح احمل اغراضي واروح لبيت جدي وليد تلف وترجع لنفس السالفه وش المانع وش المانع ! المانع اني حره بنفسي اعيش وين ما بغيت وما احد له دخل فيني يا حضرة المدير ! ضحك فياض من قلبه : لله في خلقه شؤون ! دخل وليد السياره بهدوء بعد ما التزم الطرفين الصمت لما دخل! وليد التفت عليها باهتمام : عساك الحين طيبه ! هزت راسها جسمها الحين تمام بعد ما اخذ الدواء مفعوله !: الحمد لله بخير ! فياض بهدوء : اليوم ان شاء الله رح نطلع نتعشى برا بمناسبة رجوع رونق وليد عجبته الفكره: ممتاز ردت باعتراض؛ عندي امتحان باكر قاطعها بلامبالاه: صدقيني انت بحاجه تغيرين من نفسيتك شوي ردت بقرف من هالحياه: انا بحاجه ابعد عنكم كلكم ! هذا إلي احتاجه وما تخاف قريب جدا رح يصير! فياض وهو يفتح عيونه بانتقاد وهو يناظر وليد : شفت يا خالي ! وليد بهدوء وهو يناظر للامام : وهي صادقه وش تتوقع من انسان فجأه يطلع الف واحد بوجهه والكل يصدر اوامر عليه ؟! ويبغى يتحكم فيه ! اتركها يا فياض براحتها ....تحتاج وقت حتى تستوعب إلي حولها ! فياض : انا اقدر وضعها لكن هي تبغى قاطعه وليد : اتركها ترتاح تراها تعبانه والحين ترجع الجازي للبيت خلي رونق تدرس على امتحانها ! والا اقولك نزلني عند باب بيتي انا ورونق رح نطلع لوحدنا فياض عقد حواجبه : خالي وليد بهدوء: ما عليك انت وصلني ومشكور مقدما! رونق بغت تعترض لكن الفضول إلي بداخلها حثها انها تسكت وتشوف وين رح يأخذها هالوليد لو فكر مجرد فكره يرميها لجواد رح تأكله بأسنانها ! بعد وقت وقف فياض وهو يطالع خاله مستغرب وين رح يأخذها نزل وليد بهدوء وهو يناظر رونق: يلا يبه تعالي نزلت بتردد وكل الافكار تدور براسها ...توجهت لسياره وليد بعد ما القت نظره لفياض إلي هز كتوفه بعدم معرفه ! قبل ما يتحرك تكلمت: قدر قاطعها بتفهم : لا تخافين ما رح نتأخر ! وبعدين قدر مع الجازي بالحفظ والصون! حرك السيارة والهدوء يعم السياره ...بعدها بلحظات نطق وليد :الطريق طويله شوي علشان كذا انا رح اثرثر فوق راسك وانت ما عليك الا تسمعين ...رح اتكلم حتى يكون عندك خلفيه عن الشخصيات إلي رح تتعاملين معهم ......وعن العائلتين حتى يكون عندك انطباع عن الجميع موافقه! ناظرته بهدوء وهي تناظر خارج السياره بتفحص للطريق : بس بالاول اعرف انا وين رايحه قاطعها بهدوء وعيونه على الطريق : للقريه اكيد تعرفين اسمها *• *** ** * جواد بغضب :الله اعلم ولدك الكلب وش قال لها حتى عملت كذا ! وبغضب ناظر نايف وهو يرفع يده يشبر فيها : قلت لك ابعد عن البنت خير شر ! انت ما تفهم نايف بقهرمنه نطق : الحين تبيع اخوك علشان حثاله ما عرفتها الا البارحه ويا ليت معترفه فيك ! ابو جواد بغضب من جواد اشر على نايف : هذا عمها لو كسر رأسها ما يطلع لها ترفع بوجهه المشرط اي بنت جايب لنا يا جواد ..الله يلعنك يا جازي ويلعن ما جبتي ! كله بسببها ! وانت يا جواد ما يطلع لك تحاسب اخوك كذا تفهم ! تراه ما عاد ابو الطعش إلي تزفه وتضربه تراه قريب يصك الأربعين والكلبه ذيك دواها عندي! من باكر ابغى اشوفها مغروسه قدامي ! جواد انتفخ وجهه : يبه الحين حطيت عليها الحق وتغاضيت عن نايف ! ابو جواد بغضب اعلى وهو يناظر حوله : انت يا راكان متعلم يا محامي تكلم يصير ترفع المشرط بوجه عمها ؟! انت يا ليث يا حضرة الضابط ! قولي فهمني يمكن انا ما افهم وانت يا حضرة الدكتور تكلم فهم ولد عمك يمكن يفهم منكم !! زياد وهو يناظر عمه بهدوء : اي بنت ما يصير ترفع صوتها على عمها من باب الإحترام والتقدير للاب فما بالك بمشرط ؟! لكن رونق تختلف لانها اصلا ما هي معترفه فيكم ! يعني هي ما تشوف نايف عم لها وانما بنظرها رجال دمر حياتها فما استغرب تصرفها تجاه نايف ابو جواد ما عجبه الكلام : الحين هذا إلي تعلمته ! والا لانها طالبه عندك ترقع عنها ! لكن علم يوصلكم ويوصلها والله ما تكمل جامعه والا تجلس بالبيت مثل البهيمه ! زياد عقد حواجبه ما عجبه الكلام: ليه وش فيه تخصصها يا عمي ! لما تمرض وحده من محارمك على طول تطلب دكتوره وين هالدكتوره اذا انت وذاك رفض ابنته تدرس هالتخصص ! نايف باتهام لزياد: ليكون الاخ مضبط وضعه جالس تدافع عنها ! راكان بغضب رفع يده بتهديد: وقسم بالله كلمه وحده اهفك بهذا الكرسي ! هذا الكلام ما ينقال لزياد ! هذا الكلام ينقال لاشكالك حتى محارمك ما خلصوا من شرك ! وذيك ابنة اخوك ما دخلت العشرين ومطلقه من عمها !بس خبرني مين رح يقبل فيها بعد عملتك ؟! اما مطلق او ارمل او عجوز على حفة قبره ! ما هو زياد إلي يركض خلف فضلتك ! زياد ما يتزوج الا بنت معروفه تربيتها واخلاقها ما هي مم مركز لمركز وفوق هذا ما يتزوج الا عزباء تفهم ! اعطاه نظره ناريه وطلع ! جواد حس كأنه احد شطره نصفين لقوة كلام راكان عن ابنته ما احد يقبل فيها إلا مطلق والا ارمل والا عض على شفته من القهر إلي بداخله يحس ما هو قادر يبلع ريقه اذا عيال عمه يقولون ع ابنته كذا وش ينتظر من الغريب ! سبحان الله تدور الايام نفسها ليتجرع نفس الكأس إلي شربه وليد لما ناظر الجازي باحتقار وهو يردد مين رح يقبل فيها إلا ارمل والا مطلق ! ناظر نايف بكل حقد العالم : ليه يا نايف ؟! ليييييه ! ابو جواد ناظر نايف : حدك يا نايف عيال عمك ! يكفي ما نواجه شيء الا نلقاهم يمنا يدهم بيدنا ! زياد يناظر بهدوء ما علق على كلام راكان ! ليث زفر بضيق : المفروض قبل ما تسعون وترجعونها لكم يكون في حل لاشتباكها مع عمي نايف اما عمي نايف يطلع من البيت او عمي جواد يطلع من البيت ويسكن في بيت مستقل مع عياله ابو جواد بحزم: والله ما احد منهم يطلع من عندي زياد تكتف ما عجبه الكلام: ترى كلامك يا عمي ابدا ما هو منطقي كيف تقبل انهم يعيشون في بيت واحد اما ابوها بيستقل في بيت لوحده او تسكن عند جدتي ام ناصر تراها تعبانه وبحاجه احد يجلس عندها! جواد برفض قاطع : كيف تجلس وانتم بنفس البيت ليث بمقاطعة: ترى بيت جدتي مفصول عن بيت عمي ناصر ! ابو جواد مط شفته بسخريه: ليه ما بقى الا هالملعونه احطها عند امي حتى تجيب اجلها جوادبقهر : يبه تراها ابنتي وما ارضى عليها وما نقدر نحاسبها على شيء هي ما لها يد فيه !، ابو جواد زفر بضجر: اناهذه البنت ما مرتاح لها والحين تلقاها ملتصقه بوليد تأخذ منه دروس نايف زفر بضيق ..كلما يتذكر انه متزوج كان ابنة اخوه يشعر بالجنون ويزيد كرهه لرونق وابنتها ! زياد تكتف بهدوء: المفروض تكونوا اكثر مرونه بالتعامل مع الامور وعلى وضعكم هذا على جثتي ما ترجع البنت لكم! اول شيء وقبل كل شيء لازم تتقبلوها كحفيده مثلها مثل مريم وتنسون سالفه نايف ولا كأنها صارت ! وشرعا ما عليها ولا عليه اثم ! هذا قدر من ربنا ...نصيب هالبنت تيجي على هالدنيا ! كل شيء اقدار مكتوبه من عند ربنا ! متى تفهمتم هالنقطه رح ترجع رونق لكم .لكن بدايه رح تسكن عند جدتي خلي هالنفوس تهدأ ونتجاوز هالعقبه ! ابو جواد صد بوجهه وما نطق بحرف واحد!، ليث بتأييد: كلامك عين الصحيح جواد تأفف : يصير خير يصير خير! *• ** ** ** وليد وعيونه على الطريق : هذه قصه امك من لما خطبها ابوك الى يومنا هذا ! قبل ما تقولين حرف انت ام تصوري نفسك مكانهاويأخذون قدر منك ! كيف رح يكون حالك كيف رح تعيشين حياتك ! وفوق هذا يخلون قدر تكرهك وما تتقبلك ! اعطيني وش رح يكون موقفك ! امك عانت لفقدكم اتمنى انك ما تكسريها مثل مريم ! انا ما تكلمت حتى اسمع منك لكن ابغى تكونين على إطلاع على الماضي ويكون عندك معلومات عن هالشخصيات ! ويكون بعلمك من المؤكد رح يعاملونك زين لانك منهم وفيهم بخلاف الجازي اعتبروها غريبه !، وحطوا المر بحلقها ! والحين اي بيت من البيوت بيتكم سكتت للحظات وبعدها تنحنحت حتى تطلع صوتها لانها طول الوقت صامته : من هذا الاتجاه كتمت نفسها للحظات وبعدها اخذت نفس طويل وهي تحس قلبها يدق طبول لملاقاة جدتها مروان ! قفلت سيرة الماضي إلي سرده وليد لانها الحين رح اخوها وجدتها هم حياتها والدنيا بدونهم ما تسوى ! اول ما وصلوا البيت طلبت منه يتوقف عند الباب: تفضل وليد بهدوء: وش مصلحتي من الدخول انت اجلسي مع اهلك وطمني قلبك عليهم ! ناظرته بامتنان لانها فعلا محتاجه جدتها : مشكور يا جدي! هز راسه بابتسامة تدخل لاعماقك الراحه ! توجهت للداخل وهي ملهوفه لشوفتهم ** *** *** فياض هز كتوفه بعد ما استلقى على كنبه: والله ذاك ابوك اسأليه وين راح فيها؟! ام فياض بتحليل: يمكن اخذها لمطعم او شيء تغير جوها وقسم بالله انه شوفتها تجيب الاكتئاب الجازي ناظرت عمتها بزعل ...ام فياض باستدراك: ما هو قصدي شيء بس لازم تطلع البنت هالاكتئاب الي فيها حنين بهدوء؛ وليه ما يرد على جواله ! الجازي بحنق: نفسي ادخل عقل ابوي واعرف كيف يفكر ! بندر دخل عليهم وهو يدندن : سلااام حنين عفست ملامحها : متى أشوفك انسان عاقل تراك مب صغير ! ترى ابوك طق كبده منك ! بندر بضجر : اووووووو وبعدين ! انا وش فيني ؟! هذا انتم خطبتم لي وما فتحت حلقي! الجازي رفعت حاحب: لا والله اعترض ! ناظرها بازدراء: انت خليك ببناتك كل يوم طالعه لك بنت ! حنين بتحذير : وازن كلامك يا بندر! بندر انتبه على فياض إلي متمدد : انا وش قلت ! اقترب وجلس مقابل فياض:هلا والله بحضرة المدير ! اقول البيت منور ! فياض خزه بعيونه: يعني لو الحي كله ينور بوجودي ما رح تأخذ اجازه ولو لساعه ! بندر بانتكاسه: لااااا اهون عليك انا اخو المدام الجازي وهي تجلس جنبه : وعلشاني ما تعطيه اجازه يا ليت تعطونه ساعات اضافيه !- بندر فتح فمه. بصدمه : شريره انا اخوك مب عدوك ! فياض بابتسامه: لا توصي حريص بندر انتفخ وجهه بقهر ...التفت لامه وهو يهم بالخروج : ترى زوجك لمحته عند محطة البنزين ومعه حرمه ان ما خاب ظني انه متزوج عليك فياض باهتمام: وما عرفت وين راح ؟! هز كتوفه بلا مبالاه : مااعرف ! الجازي بقهر منه : طيب ما سألته ؟! ضحك بندر من قلبه : هههههههه ومين قالك اني اقتربت انا لمحته من هنا وخلال ثواني اختفيت من المنطقه كلها انا مب ناقصني تحقيق، رفعت اصابع يدها بقهر : انا لو خرمشت وجههك بأظافري ما احد يلومني !- * ** ** ام مرعي بضيق : والله يا ابنتي ما وصلنا الا وجع الراس تحقيقات وكأننا مجرمين ! للحين مب مصدق كيف انت مب حفيدتي رونق بصوت مخنوق: انا حفيدتك انت وغصب عنهم كلهم ! انا ما ابغى اهل الا انتم ! خلاص رح اترك الدراسه واعيش هنا ما لي احد غيركم ام مرعي برجاء : دخيلك يا رونق لو يطلع بيدي ما فارقتيني لكن كافي مشاكل لعمك مرعي تراه ما له قوة حتى يواجه اهلك ! ارضي بقدرك ! دام ا نهم اهلك ليه كارهيتهم كذا! وسالفه نايف لاتخليها تؤثرعليك وتتصرفي بالغلط ذول امك وأبوك ومطلوب منك تبريهم ! هذ امر ربي! تحاشي وجود نايف وان التقيتي فيه اعطيه ظهرك وكأنك ما شفتيه ! ما تسمعين الحقران يقطع المصران ! خليك قويه مثل ما ربيتك ! زفرت بضيق :احاول مروان : تزوجي احد من هنا وقتهاما رح يقدر يتحكم فيك ء ابتسمت بسخريه رونق : هذا الشيء مستحيل اكرره ! تجربتي الفاشله اعطتني درس ما رح انساه ولا تنسى اخاف ان تزوجت قدر يسحبونها مني! وقتها ما رح امسك نفسي رح اذبحهم واشرب من دمهم ء- ام مرعي : لا يا امي مثل ما علمتك تصرفي بحكمه وعقل ولا تنجرين لعواطفك ! واترك سوالف هالخبل هذا ! ابتسمت بالرغم من ضيقها : واحلى خبل ! كيف دراستك يا مروان ! هز راسه بهدوء: الحمد لله! رونق بتذكر سحبت اذنه : جوالك ليه مقفل؟! انا بالي منشغل عليكم وظروفي ما تسمح كل يوم عندكم اكون ..اذا لي خاطر عندكم لا تقفله ابغى يرتاح قلبي لسماع صوتكم ! ام مرعي : مامعه شاحن للجوال رونق فتحت شنطتها : خذ هذا شاحني انا ادبر عمري بالله لا تقفل جوالك .انت م تعرف كم قلبي يشتاق لكم ! مروان بتساؤل : شفتي توأمك ! هزت راسها بقلب ميت : ما لي نفس اشوف احد منهم ! ام مرعي : لازم تتأقلمين قاطعتها بروح ميته: ما أقدر ما أقدر احس جمره هنا بقلبي مب قابله تنطفي!، انا إلي شفته بحياتي صعب صعب اتحمله! احس روحي باي وقت رح ترجع لباريها!، ما يكسرني الا قدر ....قدر يمه انا دمرتها دمرت مستقبلها ! كيف تعيش وتواجه إلي حولها! قلبي ينذبح الف مره على حالها! اتمنى اختفي من الوجود انا وقدر للابد ! قاطعتها ام مرعي: تعوذي من الشيطان هذا كله منه ...لازم ترضين بقدرك وتقولين الحمد لله ! رددت رونق بهمس: الحمد لله الحمد لله ! المهم الحين انتم تكونون بخير ورح افتح حساب بالبنك وكلما قدرت رح ارسل لكم فلوس وقبل ما تعترض جدتها : ربيتيني انا وقدر على الاقل تعبير عن شكري وامتناني ومع انه قليل..جدتي انا احبك قطعت كلامها وهي تنحب بوجع من الم الفرقه ما تدري متى ترجع وتشوفهم ! مسحت دموعها بخفه: مروان اذا لي خاطر عندك كمل دراستك ورح نكمل احلامنا ونجلس مع بعض للحين كلامي ما غيرته !، انت اخوي ومستحيل ابدلك بالعالم كله ! مروان باختناق لفراق رونق بس ما يظهر ضيقه من فراق روحه ..رونق كانت بحياته كل شيء ! من لما وعي على الدنيا وهي مرافقيته على الحلوة والمره..ضحكوا مع بعض وزعلوا مع بعض ...تشاركوا كل هموم الدنيا مع بعض والحين الدنيا تفرقهم بلحظه يبعدون ...يااااااه من قسوة الدنيا ! ما في كلمه وحده توصف روحه لانهم كانوا روح بجسدين ** ** ** ** زفرت بضيق قبل ما تطرق الباب ..اليوم الاربعاء ...متى تخلص من الامتحانات وصلها صوته بعدما طرقت الباب ..دخلت بهدوء : السلام عليكم رد وهو يناظر اللاب : تفضلي رونق تكلمت بهدوء عكس الضيق إلي متلبس روحها: دكتور بالنسبه للامتحان هز راسه بمقاطعه: تفضلي الحين اعطيك ورقة الامتحان ! جلست وهي تكتم انفاسها حتى ما يسمعها ليه خايفه من الامتحان كذا ! زفرت بهدوء ورفعت نظرها لما مد لها ورقه الامتحان بدون ما يطالعها : خذي معك نص ساعه اخذت الورقه وهي تناظر الاسئله ومعقده حواجبها ...وش هالاسئله هذه؟! والعبره خانقيتها، تكلم بنبره مهنيه:بدأ الوقت اذا عندك اي سؤال عن الاسئلة اسألي الحين ! عضت على شفتها السفلية بضيق وهي تحس نفسها رح تبكي من صعوبة الاسئله ! يبغى لها وقت ...هزت رأسها بالنفي ما عندها اسئلة غمضت عيونها وهي تردد «ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه ان الله بالغ امره قد جعل الله لكل شيء قدرا » سمت بالله وبدآت تحل بالاسئله وهي مستغربه ليه كل الناس ضدها ويصعبون الامر عليها !، حتى اسئلة الامتحان صعبوها عليها ! مر الوقت وهي تكتب بسرعه تحاول تكتب كل شيء تتذكره ....اسئله دقيقه وتحتاج تركيز.... رفعت رأسها بصدمة لما نطق : انتهى الوقت ! تحس الوقت مر بسرعة ....بلعت ريقها ومدت له بالورقه بدون اعتراض ...... الحين يظن انها تجلس ترتجيه يمدد الوقت ..مستحيل تذل نفسها لاجل علامه ! زياد بهدوء تكلم لانه وضع لها علامتها مسبقا والامتحان مجرد شكليات : كيف الاسئله؟ ردت بهدوء: عادي اخذت اغراضها ووقفت وهي تهم بالخروج وقفت لما تكلم : مب ناويه تزورين اهلك ؟! ردت وهي رافعة حاجب بثقه: البارحه زرت اهلي مع جدي وليد ! رفع حاجب باستغراب وهو يناظرها : بس ما سمعت انك زرتيهم ! ردت وهي تمشي خطوة : مب ضروري تكلم بهدوء :صدقيني انا ابغى مصلحتك البنت ما لها الا بيت اهلها ! لا تربطين علاقة امك بابوك الفاشلة بحياتك ..يمكن شكت امك لك عن علاقتها بابوك السيئة بس هذا الشيء المفروص ما يؤثر على علاقتك بجواد هذه اختك مريم عايشه عند ابوها ومبسوطه معه ...انت وش مشكلتك بالضبط مع جواد يمكن اقدر اساعدك ! مطت شفتها بسخريه : لا تربطني بمريم لاني اختلف عنها 360 درجه اذا هي رضيت بحياة العبوديه عندكم انا ما ارضى هالحياه ابدا ! حياة التخلف والرجعية الي تعيشونها ما تناسبني ابدا ! هذه المشكلة باختصار ! اعطته نظره قويه واثقه وتركته وغادرت وهي تمشي بخطوات ومن داخلها ضياع ...تتظاهر بالقوةومن داخلها ضعف وتشتت ....عندها رغبة كبيره للبكاء ....طلعت جوالها إلي يرن ...رقم امها ...ما لها نفس تكلم احد الحين الضيق إلي يتصاعد بداخلها مانعها من التنفس بشكل طبيعي !.... اليوم ملكة بندر ما لها نفس تحضر ! للحين تشعر بارهاق وتعب لكن اخف من قبل ...طلعت من الكليه وهي تمشي بدون هدف ...بداخلها ضياع شتات وحزن ما هي قادره تتقبل وضعها !، جلست على احدالمقاعد وهي تتذكركلام وليد ..تحس امها فعلا عانت لغيابهم وما تنكر شافت هذا الشيء بعينها لانها متاكده نفس الحرمه إلي التقت فيها عند الرصيف بعد ما انطردت من الشغل هي نفسها !، هي تقدر مشاعرها ومستحيل تجرحها لكن من داخلها ما هي متقبله انها امها ما هي متقبله احدمن إلي حولها ! زفرت بضيق من هالحياه ..... اهل ابوها عندهم قسوة مب طبيعيه كيفعاملوا امهاكذا ! لما تجلس تستذكر كلام وليد عن حياة الجازي تستغرب من تصرفات الاباء يدوسون على مشاعر بناتهم بسبب عادات وتقاليد سخيفه ! كيف سكت لهم ؟! لو كانت مكانه كان مستحيل تسمح لاحد يهين ابنتها بحرف كيف يضربها ؟! الي يزعل ابنتها بنظره وحده مستعده تذبحه وتشرب من دمه ! زفرت بقرف من عادات تقيدنا ...تستنزف كل طاقات التحمل عندنا مقابل ولا شيء اكثر شيء قاهرها لما تفكر بالسالفه «مريم» كرهتها من قبل ' ما تشوفها ! يا قساوة قلبها كيف تعمل كذا بأمها ؟! من صغرها تعرف امها الحقيقية وتجحدها وترفضها! ما ررح تسكت على هذه المهزله ورح تخلي مريم تندم على تصرفاتها مع الجازي كذا ! قطع حبل افكارها وعد وهي تجلس جنبها بضحكه : الحلوة البريئة وش عندها سرحانه ؟! عفست ملامحها رونق وسألت باستغراب: انت عندك دوام ؟! وعد بضحكه مرتفعه : حلوة ذي ! ليه احد قالك ما ندخل الجامعه الا للدوام او الامتحانات :! عدلي معلوماتك ترى حنا باي وقت يطخ براسي انا وشلتي نطلع للجامعة نغير جو ! المهم جيتك بسالفه مهمه جدا ! ناظرتها رونق بملل : ترى ى اذا سالفه تافهة مثل س قاطعتها وعد بحماس : سالفه طازج! تعرفيني احب الخير واحب اجمع القلوب ! الحين فارس إلي يدرس معنا بالكليه تعرفينه رونق بقلة صبر : يا ربي قلت لك انا ما اعرف احد وما عندي خرابيطك وعد مطت شفتها : ادري بك يالمعقده! المهم الحين فارس حسب الأخبار إلي وصلتني يبغى عنوانك حتى يخطبك قاطعتها رونق وهي رافعه حاجب باستغراب يخطبني ؟! وانت وشعرفك بالسالفه ردت وعد بابتسامه عريضه : تراه يكون صديق مح قاطعتها رونق وهي توقف لما اشرت وعد على فارس واقف مقابل لهم بس بعيد وما يسمع كلامهم : كلامك هذا كله اذا فتحتيه مره ثانيه معي ما رح يعجبك تصرفي ! تركتها وغادرت بخطوات هاديه لخارج الجامعه ما لها خلق تشوف هالوعد كل حياتها هالسوالف يصيبها غثيان من كلامها ! مطت شفتها بسخريه «يخطبها » يمكن بعد الزواج تكشف انه خالها والله حاله ! ** **يتبع . ** ** تمشي مع صديقتها بالممر بحرص وهي تناظر مكتبه وبهمس: مكتبه مفتوح اكيد انه موجود صفاء بضجر : وش تبغي فيه ! وعد بحقد : انا اراويه خايف على ابنة عمه مني ! حضرته يهدد فيني ! ماتحسين بشعوري وانا اشوفه يسحب منها علبة البيبسي ويرميها بالزباله الظاهر انه متوقع اني حاط لها حبوب او اي شيء ...قهرني صفاء هزت راسها وبصراحه نطقت : هو ما ينلام لانه بصراحه تاريخ اهلك قاطعتها وعد وهي تمشي:اقول امشي بلا تاريخ صايره مؤرخه ! ناظرت صديقتها وابتسمت بخبث وبعدها تكلمت بصوتها المرتفع كالعاده : والله انك نهفه هههههههههه صحيح نسيت اقولك توقعي رونق مين يحبها _ مين ! لما اقتربت من مكتبه نطقت : فارس إلي بالدفعة الي قبلنا يحب رونق وتعرفيني احب الخير والحين اعمل حتى يتواصلون مع بعض اليوم خبرتها بهذا الخبر صفاء ابتسمت بعد ما تجاوزوا مكتبه ::وش قالت لك ؟ وعد بابتسامه خبيثه غمزت لها : نسيت اعطيها رقمه لما ارجع للبيت اتصل فيها واعطيها الرقم ......مسكين ذايب بهواها .. جالس بمكتبه وصوتها العالي يوصل له ..يميز صوتها الجوكر بالنسبة له...متاكد انها تتكلم كذا حتى تقهره ...! ترك القلم من يده وبداخله غيض من هالانسانه لازم تبعد عن رونق بأي وسيلة ! رفع حاجب بتذكر لاسم الشاب إلي ذكرته «فارس» يمكن يعرفه بالشكل ما يستحضر صورته الحين ! تنهد رونق يعتبرها مثل اخواته وما يبغى وعد تجذب لها المصائب ..رونق قويه مب ناقصها صديقه سيئه تزيد من الطين بله ! مط شفته بسخرية وهو يردد كلامها بعقله «التخلف » حنا متخلفين؟! الأهل يحافظوا على بناتهم ويخافون عليهم من النسمة يصيرون متخلفين ورجعيين ؟! ما يعرف وش الصورة إلي نقلت لها عنهم ! كل إلي يهمه الحين ترجع البنت لأهلها والأهم تكمل دراستها بالطب ....مثل هذه البنت وعبقريتها حرام يضيع كذا بالهواء ...المستشفيات بحاجه لطلاب بهذا الذكاء ما رح يضيع مستقبل رونق رح تكمل غص غصب عن الكل ! ** •* ** يوم خطوبة مريم الجازي برفض وبداخلها غصه : ما رح احضر الملكه ...مجرد اتصال استخسرت تخبرني! مين اولى انا والا زوجه ابوها! خلاص يمه والي يسلمك لاتضغطين علي تراني سكتت الجازي لما انقطع صوتها بشهقه تحكي حزنها وجرحها من ضناها ! ام فياض بترقيع: ما تعرفين ظروف البنت ! الجازي برفض قوي وعي تمسح دموعها: قلت لا يعني لا حنين ناظرت رونق إلي بيدها كتاب مطالعه تطالع وكأنها لوحدها بالمكان : وانت بعد ما رح تحضرين ملكة اختك ؟!، ام فياض بانتقاد : هذه ملكة خالها ما حضرتها تبغينها تروح تحضر ملكة مريم ! الجازي : يا عمه تبغين تروحين هذا الطريق الله معك ! انا مب رايحه ! رونق قفلت الكتاب بهدوء..ناظرت الجازي تمسح دموعها بصمت ... وبصوت امر واثق: رح تحضرين ! الجازي فتحت عيونها بصدمه والدموع ما زالت تنسكب من عيونها :-سكت دهرا و نطق كفرا انا ما رونق بنفس الهدوء: رح تحضرين وانا معك حنين ناظرت ام فياض باستغراب! الجازي سكتت للحظات وبعدها نطقت : تبغين انذبح وانا قاطعتها ببرود: ما رح تنذبحين ما بقى وقت انا طالعه اتجهز وانت اسبقيني وجهزي نفسك ! الجازي برفض : ما رح اروح رونق بثقه : رح تروحين صدقيني ما رح تندمين ! هذا اول طلب اطلبه منك وترفضين؟! يلاااما بقى وقت ! الجازي بضيق مجبره ماتبغى تكسر بخاطرها وتقول لها لا: نشوف اخرتها معك ! ام فياض فاتحه فمها وهي تشوفها تكلم الجازي وكأنها ابنتها والغريب انها الجازي طلعت تتجهز ! حنين زفرت بهدوء بعد خروج رونق : رح تجلطني هذه البنت ببرودها ! ام فياض: اشك اذا عندها مشاعر ! لكن الاهم انها قدرت لابنتك العنيده ! ** ** ** بالصالة واقفه رونق تناظر حولها بعد ما سألت حنين عن الشخصيات الموجوده..بعدها رجعت نظرها على الجازي واوجعها قلبها وهي واقفه تشوف الكل قريب من ابنتها وهي الغريبه عنها ! ما تقدر تقرب منها ..مثلها مثل اي ام بيوم خطوبة ابنتها ! المفروض هي تكون اقرب وحده للعروس! تولدت بداخلها مشاعر كره وبغض لشق التوام لها ...كيف تفضل زوجه الاب على امها ! لو جربت الحمل والولاده كان عرفت وش يعني ام ! تتخيل نفسها مكان الجازي وقدر تعمل فيها كذا الا تموت من القهر ! اخذت نفس متجاهله اي نظره موجهة لها لانها باختصار ما يهمها احد من الحضور ! وبنبره هاديه وهي تمسك يد الجازي : تفضلي معي الجازي برفض وبداخلها غصه وهي تشوف زوجه جواد اخذت مكانها : صدقيني انا الطالعه وهم الداخلين بالنسبة لمريم ...هذه البنت تكرهني وما تبغاني قاطعتها وهي تهمس بصوت حاد: حتى لو ما تبغاك غصب عنها لازم تعرف قائمه الاولويات انت امها وغصب عنها تكونين جنبها ...انت تعالي وما عليك منها حتى لو ما تحبك لازم تثبتين وجودك وما احد يأخذ مكانك انت إلي حملت فيها وتعبت وعانيت الم الولادة وعشت حرمانها وقلبك مهما عملت وغلطت يبقى يحمل لها مشاعر جميله هذا حق لك انت ما هو لزوجة ابوها !، حنين راق لها كلام رونق ...ناظرتها رونق : وانت بعد قدامي انت جدة العروس ...قبل ما تعترضين ادري بك ما تحبين التوام لكن هذا ما يمنع تواجدك عند حفيدتك ومقامك لا تتنازلين فيه لاحد! سحبت معها يد الجازي وهي تناظر حنين : يلا توجهت للكوشه بثقه ...وما ناظرت توامها ما لها نفس تشوق شبيهتها ! وقفت بثقه وبصوت عالي تلفت النظر لها : لو سمحتم الكل يبعد عن العروس كذا رح تكتمونها ...ما احد يبقى ا لا امها وجدتها والباقي يتفضل هناك ! ام جواد انتفخ وجهها من كلامها اقتربت منها ... وقبل م تتكلم همست لها رونق بتحذير : كلمه وحده اقلب العرس مجزرة والتفتت وهي تؤشر للموجودين تبعدهم عن المكان !، تركت ام جواد واقتربت من الجازي وهي رافعه حاجب بغرور : لو سمحت انزلي الجازي بهدوء بهمس: انا قاطعتها رونق بصوت ساخر : انت المربيه حقتها والمربيه مكانها تحت الرجاء تفضلي بدون مشاكل وما تعطين نفسك فوق حجمها تراك مجرد مربيه سرقت البنت من امها وكانت شريكه بالجريمه مع زوجها ...انت كلمة بشر ما تستحقينها لانك ناظرتها بتقييم ما في كلمه توصف حقارتها : تفضلي مع الضيوف ما ابغى اغلط عليك ناظرتها الجازي بقهر من كلامها لفت وجهها بزعل وغادرت متجاهله ام جواد خلفها ! رنيم مسكت شذى : خلاص فكينا من المشاكل تراهم يبغون يخربون الخطوبه شذى جلست بغضب : هالكلبه اكيد امها عبت راسها علينا ! حنا اهل العرس وتطردنا هالقرويه وامها القزم ! اخخخخ يالقهر ! ام راكان رفعت حاجب بحده لرونق: حنا اهل العريس رونق بلامبالاه وبصوت مرتفع :اهل العريس تفضلوا لاماكنكم متى ما دخل العريس تتفضلون هنا ....حنا كذا عاداتنا ! ام لؤي اعطت نظره لبناتها يختصرون ما تبغى تتحول الملكه لحلبه مصارعه ورونق مب ناويه على خير ! تنهدت براحه وهي تشوف ما في احد حول العروس الا حنين والجازي وام جواد ! حنين تناظر ام جواد بانتعاش ! الجازي واقفه جنب مريم إلي ما عجبها حركة رونق ....الجازي بعتب هامس : اتصال استخسرتي تخبري امك ....اااه منك يا مريم رونق وقفت فوق رأسها: اتركيها هالغبيه ...لاني اتوقع لو فتحنا عقلها الا نلقاه كله تبن ....يا كلبه الحين تفضلين زوجة ابوك على امك انا ما ادري عقلك حالفه يمين تسلمينه بكرتونته! مريم تناظر توأمها نفس ملامحها لكن رونق بشره شاحبه حول عيونها اسود لابسه شاله وعبايه فضفاضه ولا كأنها جايه لخطوبه ! تكلمت بقهر منها: انت مين سمح لك رونق وهي تناظر مريم وما تحس فيه شبه بينهم يمكن من المكياج وبنبرة تحذير : اوصصصص صوتك ما ابغى اسمعه انكتمي قفلي حلقك ! لانه احقر منك ما اتوقع فيه على وجه الارض ! ابتعدت وقفت جنب حنين ام جواد اقتربت منها وبداخلها نار تشتعل وهي تشوف ابتسامه حنين :: وربي لتندمين ! طنشتها رونق وهي تناظر للبعيد.....مطنشه نظرات الحقد من حولها ....ما هان عليها تشوف ام مكسور خاطرها على ابنتها فآقسمت بنفسها الا تاخذ حقها كيف مريم تعمل فيها كذا ! ام راكان جالسه على احد الكراسي وتحس ضغطها ارتفع : الحين هذه القروية تطردنا من متى هالعاده اهل العريس ما يقربون من الكوشه إلا لما يدخل العريس ام لؤي : يا يمه خلي هاليوم يعدي على خير شوفي الناس تناظر بس تبغى سالفه يتكلمون فيها ! لجين بتوعد هامس:اخخ يمه اتركيني عليها والله لامسح فيها الارض ..هالقرويه وجهها يلوع الكبد قاطعتها ام لؤي: خلااص الحين يدخل خالك وتنقلع ! * ** ** ** على طاوله ثانيه تتكلم بابتسامة : يمه ما توقعت ام مريم كذا ...مب باين انه بناتها كبار كذا صغيره وكيوت مع هالفستان العنابي جميله وصغيره ! جمانه : والله حلوة اشوفها احلى من مريم ...تدرون اكثر شيءيضحكني عمتي شذى ههههههه مروه وهي تهمس وعيونها على شذى: لو حطينا فوقها طبخه الا تستوي من الغليان ميس بابتسامة : حنا ما لنا دخل ! نغم رفعت حاجب: الحمد لله سعاد ما وصلت للحين كان صارت علوم ميس بضحكه : رح يكتمل المشهد ههههههه وهي تشوف ضرتها مروه تناظر رونق بتأمل : احسهارافعه خشومها بزياده وفوق هذا قويه شفت ما استحت من احد وطلعت خالتي ام عبود من المكان وحطت امها غصب عن الكل ! ما هي مثل مريم شخصيتها ضعيفه ! نغم : ايه فعلا قويه نفسي اعرف وش قالت للجازي حتى تركت الحفله وطلعت بس اتوقع جواد ما رح يسكتلها ! جمانة اشرت بعيونها : شوفي شوفي خالتي ام راكان شوي وتنفجر هههههه مروه : شوفي وجه جدتي مب قادرة تفتح حلقها بحرف واحد وفوق ها اكيد متفشله من شق التوام ههههه ميس تهمس لنغم : شوفي عمتي حنين كيف تناظر خالتي ام جواد ههههههه يا شماتتها الحين ابتسمت نغم : اسكتي لاحد يشوفنا ترى كاميرات ا لمراقبه يا كثرها ! ميس بضحكة : وانا وش قلت هههه ** ** *** ام راكان تناظرام فياض إلي جلست عندها : هذه اخرتها ! ما بقى الا القرويه تطردنا ام فياض عجبها تصرف رونق تجاه اهل جواد بس ما عجبها تصرف مع ام راكان بما انها صديقتها وبترقيع : تراها ما تعرفك لو تعرفك ما قالت كذا ! ام راكان بتوعد :هين ! انا ما ادري كيف ابو فياض مدخلها بيته ! البنت اخلاقها حثالة ولها سوابق مثل وجهها ! انت كيف ترضين انها تعيش عندك ! الجازي على عينك بس البيت بيتك انت وما يطلع لاحد يدخله بدون اذنك ! انا لي كلام مع ابو فياض لما يرجع ! يصير خير ! ام فياض بهدوء : صدقيني ما تعرفك وما تعرف انك ام العريس ام لؤي بكره لرونق: الا تعرف بس هي وقحه بزياده شوفيها كيف واقفه مثل الضابط ورافعه خشومها للسماء ويا ليت لابسه عدل ! عبايه احد يلبس بخطوبة اخته عبايه ! اكيد في عيب فيها وما تبغى احد يشوفه ! ام فياض التفتت لرونق بتأمل من لما جاءت طول الوقت تنزل لهم بالعبايه والشال مع انه البيت ما فيه رجال معقول فيها عيب وما تبغى احد يشوفه ! يمكن مشوهه؟! لجين مطت شفتها وهي ماسكه نفسها : نفسي اشوتها برا الحفله من شعرها ! ام فياض بنهر : اقول اسكتي تبغين فضائح شوفي الناس كيف تناظر وكأنهم حاسين فيه شيء ! ام راكان بتوعد : اتركيها الحين يا لجين بعدين بعدين ! ** ** ** ** واقفه قريب من امها هي تناظر القاعه والفخامه تفكر كم دفعوا مقابل كم ساعه .....بالمقابل فيه كثير بالقرية يبحث عن لقمة الخبز ما هو ملاقيها ! كم تعيش بحالة ترف وغيرنا يموت من الجوع ...مطت شفتها حضرته محامي ومعه فلوس يشفطها من الناس حتى يعطيهم حق غيرهم ! وش حظ اختها النحس حتى يكون راكان نصيبها ! مطت شفتها بتعب وهي تحس بدأت نفسها تقلب عليها ! مجرد ما ينتهي مفعول الدواء تحس جسمها ينتكس من جديد ! امالت راسها بارهاق بداخلها جرح ينزف ...ذول اهلها لكن ما تشعر بالانتماء لهم ...تحس نفسها غريبه عنهم ! حتى نظراتهم الظاهر انهم ما هم متقبلينها ! متأكده بعملتها هذه زادت من كرههم لها ...بنفس الوقت ما يهمها محبتهم ...إلي يهمها تقدم معروف للمرأة إلي انجبتها وما تشوف بعيونها الحزن ! متناقضه بمشاعرها ما تحمل مشاعر للجازي وبنفس الوقت ما تقبل احد يجرحها او ينقص من قدرها خاصه بعد ما سمعت قصتها ! فعلا ما تحس انها شريره مثل ابوها بالعكس تحسها بريئه وبداخلها روح جميله ! ما تدري يمكن تحمل لها مشاعر جميله من تعاملها اللطيف والجميل مع قدر وكأنها فعلا بنت من بناتها ! تنهدت بهم كلما تتذكر قدر ! ناظرت ام جواد إلي تتكلم بغل : العريس رح يدخل الحين ! ولا هذا بعد بحاجة لموافقه منك حتى يدخل ؟! رونق بهدوء وثقه عكس جسدها المنهك تكلمت مع امها مطنشه جدتها: خليك هنا مع الغبيه هذه تراك ام العروس غصب عن الكل وسلمي على خطيب ابنتك النصاب ...ناظرت اختها بترفع : مبروك مقدما خروجك من سجن جواد ودخولك سجن راكان تكسرين الخاطر ام جواد بحده وهي تهمس: حاسبي على كلامك وقسم ب بالله رح تندمين ! ناظرتها رونق بتقييم من فوق لتحت وبهدوء العالم نطقت : ما انخلق إلي رح يخليني اندم ! هذه حقائق... ليه تزعلون منها ؟! تركتهم وغادرت وهي تمشي مكتفه يد واليد الثانيه ماسكه ذراعها ..خطوات هاديه واثقه وكأنه ما في احد بالمكان غيرها ! توجهت للحمامات وهي تحاول تتماسك اكثر ....بعد وقت غسلت وجهها بعد ما استفرغت ...كذا ما رح يرتفع دمها إلي تأكله تستفرغه ! مسحت وجهها وهي تشوف الشحوب والتعب بدأ يظهر اكثر ! رجعت للقاعه تخاف اذا طلعت برا تفقد وعيها وبنظرها ما في امان ..حتى فكرة تروح للمستشفى بسياره اجره ملغيه تخاف تفقد وعيها مع رجال غريب ! جلست على طاوله فارغه ...نزلت رأسها بتعب ....لو جابت الدواء معها كان شربت !، غمضت عيونها بقوة وهي تحس الدنيا تلف فيها ! دعت من قلبها ربنا يعطيها القوة حتى ترجع البيت ما تبغى تنتكس حالتها هنا ..... رفعت نظرها باستغراب وحست الوضع متكهرب عند الكوشه! ** ** ** حنين سلمت على راكان وباركت له بفرح بالرغم انه ما في علاقه بينهم لكن ولد اخوها ناصر ...وناصر له معزه عن باقي اخوتها ! راكان وهو يسلم على الجازي بعدم تصديق وحنين تتكلم : وهذه ابنتي الجازي حماتك ! راكان بضحكه : ظنيتها العروس ما شاء الله ! ام جواد حاست بوزها وهي تشوف الجازي وجهها احمرمن الاحراج : تراه يحب المزح ! الجازي رفعت حاجب وناظرتها سبحان. الله عادتهاما تتركها ولعانه فيها حركت حواجبه مع ابتسامه تغيضها وكأنها تقول لها «موتي بحرتك» ام جواد لفت وجهها بقهر وبداخلها تردد «مالت عليك يا قزم» ام راكان للحين زعلانه ...واقفه خاطرها مب طيب ! سلم على مريم إلي تبكي بصمت ! ام جواد بقهر : حسبي الله كدرتم خاطر العروس !، خلاص مريم الناس تناظر ! راكان وهو يناظرها بابتسامه: كل هذا خوف وتوتر ! ام لؤي : يا قلبي رقيقه وحساسه ما هي مثل بعض ناس ! الجازي بحده ؛إلي بيحلم يفسر ! ام جواد ما تبغى يصيرون مضحكه بين الناس ويتشابكن : كل وحده تصل على الرسول وما له داعي هالكلام الحين ! يلا ابتسمي يا مريم وفكينا من الدموع ! اكيد تبكي تبغى امها تكون جنبها حسبي الله على من كان السبب الجازي ناظرتها بقوة : احترمي نفسك تراك زودتيها وانا ساكت لك ترى انا امها تفهمين حنين بكره تطالع ام جواد : انا نفسي ام لؤي برجاء : الناس تطالعنا فكونا من المشاكل وخلي الخطوبه تمشي على خير راكان حاس فيه شيء صاير وخاصه مع بكاء مريم :وش صاير حنين عفست ملامحها بقرف:-الي صاير انه زوجة عمك ما تحترم احد ام جواد بتحذير : قفلي السيره ما هو وقته الحين حنين رفعت حاجب بشر : يعني انتم وقته ترمون الكلام والا انتم يطلع لكم الجازي بقهر : حتى خطوبة ابنتي يبغون يحرموني منها مريم بقهر من تصرف رونق والجازي تحس كسروا فرحتها بتصرفاتهم خاصه قدام اهل خطيبها : يكفي طردتم امي من الحفله انتم وش تبغون مني ومن امي ! خربتم الحفلة بتدخلكم انا اصلا ما عزمتكم الجازي وكانه احد صب فوقها مويه بارده ...ناظرتها ودموعها بدت تنزل بدون انذار ...يا كثر ما تجرحها مريم ...ذبحتها من الوريد للوريد ....تحس بوسط حلقها خنجر مب قادره تنطق حرف واحد ...... وش هالقساوة إلي بقلبها ؟! لجين وهي تتخصر : بعد 18 سنة تذكرت انه لك بنت مريم بقهر وهي تبكي : مو ابنتها قطعت كلامها لما استقرت يد رونق على خدها وبصوت عالي ما عاد يهمها خاربه خاربه : انت وقحة بزياده وما لاقيتي احد يربيك ! هذه امنا تاج راسك غصب عنك تفهمين ! دام وجودنا خرب الحفله الحين رح تخرب على اصولها راكان بتحذير وغضب من وقاحتها :رونق اقصري الشر وانصرفي ردت بقوة وهي واضعه يدها على بطنها تحس بالوجع بدا يتلاشى مع هذا الاكشن ...وبصوت عالي يسمعه الموجودين : إلي يدوس على طرف ثوب امي الا امسحه من الوجود ! خلال ثواني كانت تسريحة مريم تحت قبضتها وبصراخ فيه غصه وهي تتخيل نفسها مكان الجازي وقدر تنكرها كذا : هذه امك يا عديمة التربيه تفضلين المربيه على امك ! وش هالقلب إلي بداخلك ...ما عندك احساس ولا مشاعر بدا الصراخ والاصوات ترتفع ...ومريم تحاول تفك نفسها من رونق ! راكان بغضب : اقولك اتركيها لما شاف ما في استجابه منها ...سحب يد رونق بقوة عن مريم ودفها بقوة ! حنين بغضب ركضت لرونق تسندها لما سقطت على الارض وناظرت راكان بعصبيه : كسر يكسر يدينك ! الجازي واقفه توزع نظرها بين التوأم ..مريم إلي انعفست حالها ومتكوره تبكي بضعف.و رونق إلي اسندتها حنين ! ياااه من حالهم المتشتت هذا! ام راكان بغضب بعد ما خربت الحفله ..والحريم يطالعون ويتهامسون ويضحكون : ابنتك هذه الجازي بغضب : ولا كلمه حدك رونق ما اسمح لك خلاااص كافي ام جواد بغضب:انا ما رح اسكت عن هذه المهزلة ! رونق تحس جسمها تكسر من دفته ..بس مب رونق ابنة القريه الي تسكت عن حقها ...خلال لحظات غمضت عيونها من الوجع وكأنه تربيه ام مرعي خلال السنوات الماضيه وقسوة الحياه إلي عاشتها بدأت تشحن بداخلها قوتها المعروفه.. ما هي ضعيفه رح تأخذ حقها بيدينها ...وبدون سابق إنذار استغلت تلاسن حنين والجازي مع الحريم ..وراكان انحنى لجهة مريم يطمئن عليها ...سحبت كرسي ...وبكل قوتها ضربت فيه راكان عم الصمت لحظات بنظرات استنكار لهذا الحدث وكأنه الزمن توقف للحظات ! رونق ما تسمح لاي رجال غريب يلمسها .........محافظه على نفسها ..ييجي راكان بكل جرأة يمسك يدها ويرميها للارض ....مين يظن نفسه ...و بصوت عالي متوعد: والله ان مديت يدك مره ثانيه الا اذبحك واشرب من دمك تفهم! التفت راكان للخلف بصعوبه وهو عافس ملامحه بألم ...ناظرها وهي واقفه تناظره بتهديد ...بدا صراخ الحريم بالقاعه يرتفع ...وبوعيد نطق : رح تندمين ام راكان بدافع الأمومة هجمت على رونق مع ام لؤي ولجين... وشاركت معهم شذى الي قلبها يغلي من الجازي ورونق ! خلال ثواني اشتبكوا مع بعض والصراخ عم المكان ! راكان يحس ظهره انقسم نصفين مب قادر يوقف نطق بغضب لام جواد : اتصل بالرجال بسرعه ! انتهى البارت ...انتظروني يوم الأحد بإذن الله ...دمتم بخير | ||||||
|
| |
|
22-07-20, 04:32 AM
| #38 | ||||||
| مشرفة منتدى الروايات المنقولة
| بارت 12 ** *** ** بعد ما غادر الرجال وما بقى الا الاهل جواد ناظر فياض بقهر : انت ليه من البدايه تفتح بيتك لها وليد بهدوء لكن فيه نبره قويه، رد غن فياض: والله البنت عند امها وما يطلع لك يا جواد تتمادى اكثر من كذا ! ابو جواد بكره لوليد : هذه ابنتنا ومردها لنا يا ليت تحطها حلقه بإذنك ....ترانا ما نرضى عيالنا يعيشون بعيد عنا ويأخذون عادات غيرنا وليد قاطعه بسخريه : عاد رونق عكس عاداتكم وعاشت بعيد عنكم ! ندري انكم ما تطلعون البنت غريبه لكن ما توصل لدرجه تزوجونها لعمها يا كبرها عند ربي واعطاه نظره شماته قاطعه ابو جواد بغضب : وليد ترى نايف وليد مط شفته بسخريه : لو ولدكم مشى بعاداتكم كان ما تزوجها اذا ولدكم رمى عاداتكم بعرض الحائط وانتم للحين تقولون عاداتنا ! تتكلمون عن التربيه والاخلاق وشفنا هالتربيه على اصولها ما شاء الله نايف أعطى نموذج رائع عن تربيتكم ! جواد زفر بغضب : لا تطولها وهي قصيره البنت رح ترجع لي ! وليد بابتسامة : والله هذا راجع لابنتكم ترى ما احد جبرها تعيش عند امها هي اختارتها وانبهك تعمل حركات ملتويه تراها البنت ولا اسهل منها تشتكي عليك بمركز الشرطه ! عملتها من قبل حسب معلوماتي ! وابتسم باستفزاز ! ابو احمد بغيض : انت جاي تتشمت فينا يا وليد ! عبدالله بكره : اتركه يقول إلي يبغى الله يستر اذا ما هو إلي خطف قاطعه زياد بسرعه ما يبغى تكبر المشكله أكبر من كذا : يا جماعة الخير مب كذا تنحل هذه الامور ! قلنا لكم اصبروا فتره البنت تتقبل واقعها وانه لها اهل وقتها هي بنفسها رح ترجع لابوها وما رح ترضى تعيش عند زوج امها ...تراها البنت عندها عقل وتفكر وما هي عبيطه والا سلبيه اي واحد يمشي كلمته عليها ! فياض بتأكيد: صادق البنت شخصيتها قويه وما هي من النوع إلي احد يؤثر عليها بالعكس اذا ما اقتنعت بالشيء ما رح تعمله ! مسألة وقت وكل شيء ينحل ! ابو جواد بتوعد : يصير خير يصير خير ! ناظر جواد إلي يتكلم بالجوال وملامح وجهه تغيرت....تكلم بعدم صبر قبل ما يقفل جواد الجوال: وش صاير ؟! جواد وقف بملامح ما تتفسر : امي تقول الحريم اشتبكوا مع بعض ! ** ** ** الجازي تمسح على شعر رونق بتنهيده: جعلهم للفنى ..قومي يا رونق يا قلبي حنين جالسه بهدوء: الدكتور يقول وضعها تمام ...مجرد وقت وتستيقظ الجازي بصوت مخنوق: يمه من وقت الاشتباك للحين ما صحيت وهي فاقده الوعي...اخاف ضربوها بمكان على راسها وتفقد ذاكرتها حنين بضجر: استغفر الله حاضره فيلم وجايه تطبقيه على البنت ...ترى ما احد لمسها منهم فقدت الوعي قبل ما احد يلمسها ...لا تخافي شوي وتصحى دخل فياض بملامح ما تتفسر وناظر الجازي :ممكن تتفضلين معي ابوها يبغى يدخل عندها من لما دخلت وانت مقيمه هنا الجازي بغضب : فوق ما ضربوها وله عين يشوفها ! ما رح اطلع ثانيه وحده ما افارقها فياض مط شفته بسخريه : البنت ضاربه الرجال وتقولين ضربوها ؟! هذه البنت بصراحه ما شفت مثلها ابدا ! حنين تكتفت بشماته: يستاهل اكثر من كذا ... هو الي دفها فياض بملل : اناما لي علاقه بالسالفه كلها وحنا ما لنا دخل ...قومي يا جازي هزت راسها بالرفض : ما رح اتركها حنين ما تبغى اصطدام بين فياض وجواد : خلاص روحي يا جازي انا عندها الجازي باصرار: مستحيل ذول ما عندهم رحمه الا يأكلونها ! فياض عقد حواجبه: والله! ترى هي بروحها تأكل بلد ! والا بنت عاقله تضرب رجال بكرسي ! الجازي مطت شفتها بشماته: خليه يستاهل هز راسه باسف: تدرين نسيت انه البنت وامها مجنونات مثل بعض بس الفرق انك هبله وقلبك طيب ما عندك الا هاللسان بعكس ابنتك مجنونه وقويه تشتغل وعقلها شغال ما هي عبيطه ولا غبيه اي كلمه او فعل يصدر منها يكون مقصود منها الجازي ما عجبها كلامه: ما احد طلب منك تحلل شخصيات وخليها قويه ان لم تكن ذئبا اكلتك الذئاب ..هذا البيت ما يحتاج الا يكون لك انياب وتأكلهم فياض بدا يتنرفز: لا تشجعين البنت تراها مفترسه بدون تحريض ! وبتذكر : مين قدم بلاغ وطلب حضور الشرطه ! رفع اصبعه بتحذير : الجازي لا تدخلين نفسك بمشاكل الجازي قاطعته: لا تناظرني كذا انا ما بلغت كنت ناويه ابلغ بس ابوي حلف يمين ما حنين هزت كتوفها وهي تقاطعها : حنا ما تكلمنا بشيء فياض عقد حواجبه : تدرين انه الشرطه تنتظر انها تفوق يأخذون أقوالها ! الجازي تحمست : صدق ! لازم انتظر واكون معها حتى تقول أسمائهم لانها رونق ما تعرفهم وخاصه عمتها شذى ام خرطوم وام لؤي الدبه وام راكان المتوحشه وحفيدتها وش اسمها يمه حنين باندماج: لجين أن ما خانتني ذاكرتي ناظرهم بتعجب : ما شاء الله عليكم .....الحين وش استفدت لما اغتبت الناس ! الجازي لا تستفزيني تراها واصله معي وماسك اعصابي بصعوبه ...تعالي معي وبعدين نرجع لها دخل وليد بهدوء وناظر وضعهم المتكهرب: اطلعي يا جازي ابوها يبغى يدخل الجازي زمت شفايفها بقهر تبغى تعترض بس ملامح ابوها وفياض اجبرتها تسكت ! حنين بهدوء : ما عليه يا جازي البنت بخير ناظرت فياض بقهر وطلعت معه من الغرفه ...شافت جواد ومعاه شاب قريب من الغرفه تمنت تذبحه وتخلص منه لأنه هو سبب معاناتها واحزانها ! * ** * ** بالغرفه دخل جواد وخلفه عبود بهدوء رد السلام ! حنين بدون نفس ردت السلام وصدت للجهة الثانيه! جواد وضع يده على جبهة رونق ...زفر بضيق وبعدها نطق باتهام: اخذتم البنت لكن ما اسمح لكم تخربون علاقتها مع اهلها قاطعته حنين بردح،: نعم نعم ! الي يسمع يقول طول وقتنا نحش برأسها ..يا عمي اصحى تراها البنت ذكيه من اول نظره عرفتكم على حقيقتكم وما هي مثل العبيطه والغبيه مريم ! من وهي رضيعه تحشحش برأسها بافكار وخليتها تكره امها ...هذا انت خربت علاقتها بامها والا انت يطلع لك ! جواد باسلوب متعالي : والله انا ابغى مصلحة ابنتي وابعدها عن كل شيء يشكل خطر على حياتها حنين عفست ملامحها بكره : دام ام جواد امك ما رح اعلق لانه يطلع منكم احقر من كذا ! وليد بهدوء ظاهري : رجاء بدون رمي كلام يا جواد ... جواد جلس على جنب السرير : وكأنه ما هو ذنب ابنتك إلي ضيعتها وبسببها عاشت حياه وليد بمقاطعة : جواد اسم الجازي ما لك حق تنطقه افضل لك ! عبود يناظر بعدم اعجاب : ومتى تصحى حضرتها ؟! حنين ناظرت عبود بكره : يا شين البزران إذا تفلسفوا عبود فتح عيونه بصدمه وقبل ما ينطق تكلم وليد بهدوء: أتمنى اذا صحيت رونق ما تفتح معها تحقيق ودروس بالاداب ترى البنت نفسيتها تعبانه المفروض قليل من مراعاة المشاعر ....ما هو يتهجمون حريمكم عليها .....هذا استقبال ؟! كيف تبغى البنت تقبل تعيش عندكم بهذا الاستقبال ؟ عبود بتدخل : والله يبغى لها تكسير راس والا هذه القروية تطرد امي من الحفله حنين بشماته : ما طردتها بس وضحت لكل واحد مستواه حتى ما ترتفع رقبته لفوق وبعدها تنكسر جواد بتحذير رفع إصبعه: انا احذركم تستعملون رونق اداة للانتقام وتصفيه الحسابات وليد مط شفته بسخريه: شوفوا مين يتكلم عن الانتقام وتصفيه الحسابات ! لا حول ولا قوة الا بالله! مغمضه عيونها بإتقان وكأنها فعلا فاقده للوعي....تعبها ومرضها ساعدها بإتقان هذا الدور ....افضل شيء انه الشرطه موجوده ...الحمد لله الدكتور سمع لها وتأثر بالمسلسل إلي الفته له واستدعى الشرطه ...تحس جسمها كله مكسر بسبب دفع راكان للارض ......يا الله وش هالقدر يكون لها اهل مثل كذا كل طرف يكره الثاني ! تعبت وهي مغمضه عيونها ...نفسها تقلب عليها الحين ... مشاكل اهل امها وابوها ما تنتهي ! فتحت عيونها وهي عافسه ملامحها بتمثيل متقن لهذا الدور .. وكأنها الحين استيقظت وليد انتبه على حركتها اقترب منها وما اهتم لجواب جواد على كلامه: كيفك يا ابوي الحين جواد اقترب من رأسها: يوجعك شيء! حنين عفست ملامحها وهي تكلم جواد : ابعد عنها تراك تكتمها كذا ! ناظرها جواد وهو يكتم غضبه ... ! ابتسمت حنين تقهره ...وقفت وهي ناويه تخبر الدكتور انها صحيت حتى يحققوا معها وياخذونهم للسجن وتتشمت فيهم ! جواد باهتمام استغربته رونق توقعت انه يمسح فيها الارض : كيفك الحين ان شاء الله افضل ؟! طيب وش سبب فقدان الوعي ..وجهك شاحب وليد مط شفته : اكيد رح تفقد الوعي من الرعب والخوف اربع حريم ناويين يضربوها جواد انتفخ وجهه:الا قول من قلة التغذيه عبود بملل : متى يكتبوا لها خروج رنق بالرغم من تعب جسدها نطقت : انكتم ! جواد ناظرها : ما له داع هالاسلوب قاطعه دخول الدكتور ..سكت وهو ناوي ما يرجع للبيت الا رونق معه * ** ** راكان واضع يده على ظهره بألم : جعل يدها للكسر هذه مجنونه ما فيها عقل ! ابو جواد بحرج : لا تزعل انت تعرف انها البنت عاشت بعيد عنا واخذت عادات وطبع هالقرية ..لكن صدقني رح تعتذر منك غصب عنها ! راكان مط شفته وهو للحين عافس ملامحه: ما ابغى تعتذر بس هذه البنت بحاجه لإعادة تربيه ! الله يكون بعون إلي رح يتزوجها مفترسه ! بدر بضحكه : والله شكلك نهفه العريس ينضرب دخل الغرفه عبود وحامل الأخبار: الشرطه عندها تحقق ابو جواد وقف : نبه عليها جواد تقول بلاغ كاذب وأنها سقطت عن الدرج لوحدها عبود هز رأسه :ايه قال لها كذا وهزت راسها حتى ابو بندر قال لها ذول اهلك ما يصير تشتكي عليهم مجرد سوء فهم بينكم وينحل ! ابو جواد عفس ملامحه بقرف : يعمل نفسه فهيم وحكيم زمانه! راكان باستغراب: نفسي اعرف مين طالب الشرطه والمشكله الدكتور رافع خشومه للسماء وما يتكلم الا بالقطاره يا ثقل دمه ! زياد عقد حواجبه: انا طالع اشوف وش رح يصير ! استغرب لما وصل مقابل الغرفه الصراخ واشتباك ..اسرع بخطواته وهو يبعد جواد عن بندر وش فيكم ؟! جواد بغضب: ما احد لعب بعقل البنت غيركم بندر يتفلت على جواد بس وليد مسكه: من زينك وزين ابنتك ! جواد يتنفس بسرعه وزياد مثبته من كتفه: وش صاير جواد بقهر نطق : رونق اشتكت على راكان والحريم زياد ببرود :ما هي مشكله انا احلها رفع جواله واتصل على ليث كلمه بهدوء وبعدها قفل الجوال وهو يتكلم : كل شيء ينحل حنين ناظرته بشماته : بصراحه تكسر الخاطر ابنتكم تجرجركم بالمحاكم ههههههه جواد بصراخ عم المكان: لا تستفزيني تراها واصله هنا حنين بمتابعه استفزازها: كنتم تتكلمون على الجازي وتربيتها ما هي عاجبيتكم لحتى جاء اليوم إلي ابنتك من مركز لمركز ومشتكيه عليكم ههههههه والله تكسرون الخاطر زياد بنرفزه : يا عمة حنا نطفي النار وانت ترشين كاز ! والله ما هو وقته هالكلام ! جواد بتوعد :والله الحين رح ترجع معي ما احد خرب البنت غيركم لكن يصير خير وقفت على باب الغرفه لانهم كتبوا لها خروج ....مطت شفتها بقرف مستحيل ترجع مع جواد ! شافت الجازي متوجه لها بعد ما وقف فياض عند جواد ووليد وبندر وصوتهم للحين طالع ! الجازي مسكت يدها :امشي نطلع بسرعه ! رونق بهدوء: ترى ما اخاف من احد جواد ناظر جهتها اقترب منهم وبصوت حاول يكون هادي:؛رح ترجعين معي بعد ما تسقطين الشكوى رونق بهدوء وهي تعدل نقابها: ما رح اتنازل حتى يوقعون تعهد بعدم التعرض لي ابو جوادوصل وهو باعلى درجات غضبه : ضاربه الرجال ولك عين تتشرطين.. ردت بقوة عكس جسمها إلي يرتجف من التعب و الإعياء : دفاع عن النفس المره هذه مرت سليمه لكن وقسم بالله ان لمسني مجرد لمس الا اذبحه واشرب من دمه ! الجازي متمسكه فيها بقوة خايفه احد يأخذها بقوة ما تستبعد عنهم شيء جواد بلع قهره ونطق بهدوء وهو يتحاشى النظر جهةالجازي: يلا يا رونق تحركت خطوات هاديه : انا جالسه عند امي وإلي فيه خير يعترض طريقي ! هم جواد نحوها لكن وقفهم زياد بنبره امره :اتركها يا جواد ناظره جواد وجهه احمر من القهر ..اعطاه نظره زياد بمعنى سلك الموضوع الحين ! صك أسنانه بغيض وقهره و هو يحس نفسه مكبل ابنته قدامه وتتحداه وهو ما يقدر يعمل شيء ! ناظرت زياد إلي يكلمها بهدوء :الحمد لله على سلامتك ... انا اعتذر نيابه عن راكان ما كان قصده يمسكك حقك علينا .ما تشوفين شر ! نزلت نظرها وهو يتكلم اسلوبه ورقة كلامه بدا يعزف على اوتار قلبها ....وفوقها يعتذر لها وهو دكتورها .....احتارت هل هو فعلا هذا طبعه والا تمثيل وله اهداف ثانيه؟! نطقت باحترام له كونه مدرسها بالجامعه : الشر ما يجيك تحركت بعيد عن المكان والجازي للحين متمسكه فيها وما هي مصدقه انه ما احد اعترض طريقها ومرت بسلام ! ابو جواد بغيض: مرتاح يا وليد الحين ! وليد مط شفته ببرود : والله البنت عافتكم انا وش دخلني بندر بتهديد : وقسم بالله إلي يحط امي وابوي بالسالفه الا اكسر راسه وخاصه انت «اشر على جواد » عدل كلامك لما تتكلم مع ابوي ابو جواد بانتقاص: شوفوا مين يتكلم السكير الداشر بندر بلامبالاه : والله كنت اسكر مع نايف وداشر معه بس هو تفوق علي وتزوج ابنة اخوه ههههههههههخ جواد بغضب هجم عليه وكأنه ثور هايج... .قبل ما يوصله مسكه زياد: يكفي ! ليث تقدم منهم: خلاص ما له داعي هالتجمهر السالفه انتهت ابو جواد مولع من القهر : والشكوى ليث ببرود : مزقتها وخلي حفيدتك تشرب مويتها ! وليد تكلم وهو يغادر :يلا يا ام بندر ! حنين ناظرت اخوها بشماته : اليوم شكوى باكر تسجنكم كلكم هههههه الوضع فررررررري عندكم تركته وغادرت وهي تمسك بيد بندر وسخريتهم واصل لهم ! ابو جواد ناظر فياض إلي ملتزم الصمت من البدايه: عاجبك كلام حماتك فياض زفر بضيق: والله هذه اختك قبل ما تكون حماتي...انا ما لي علاقه بالسالفه ومجرد وقت وترجع لكم ابنتكم وهذا يرجع لحكمتكم حتى ترجع برضاها لاني مستحيل اقبل انها تطلع مغصوبه جواد ناظره بعدم رضا والتزم بالصمت لانه اذا تكلم رح يحرق كل من حوله ! زياد بنبره هاديه تكلم وهو يناظر فياض: رايتك بيضاء ما قصرت يا ابو وسيم وتأكد انه خلال اسبوع رح تكون عندنا وبرضاها ناظره جواد بعدم تصديق لانه بنظره رونق صعبت الامور وما هي سهلة ما هو ناقصه فضائح ! ابو جواد هز راسه بتوعد :يصير خير ! ** ** ** ** الجازي بقهر رفعت يدها بدفاع: لا تكلمني كذا ! فياض وهو ماسك اعصابه : وكيف تبغيني اتكلم؟ اسمعيني زين مكان فيه جواد مااسمح لك تدخلينه فاهمه ولا اقولك اطلعي يعني اطلعي ! الجازي عفست ملامحها بغضب : انت وش فيك قالب علي...كل هذا لانه صديقك زعل ؟! بالطقاق إلي يطقه وبعدين ما يهمني موجود والا ما هو موجود ونب مستعده اغادر المكان لانه حضرة جواد موجود ...خلاص. يكفي فياض ناظرها وهو رافع حاجب : لا اصرخي اكثر ترى ما احد سامعك ! زفرت الجازي بضيق ..وبنبره حزينه موجوعه : انت تستفزني ! خسرت ابنتي الاولى ما ابغى اخسر الثانيه !، ما رح اتخلى عنها رونق غير عن الكل بالرغم من لقائنا القريب الا انها حاولت تعمل شيءمن اجلي فياض عفس ملامحه: الحين ما احد عمل شيء لك الا رونق ! انت اصلا الجازي مسكت يده وبصوت مخنوق : فياض ما تزعل مني ! انا ما انسى فضلك علي ومساعدتك إلي قدمتها لي ...وما ابدلك بالكون قلبي ما ينبض الا لك ...وما يشوف رجال بالعالم غيرك ...لكن كمل معروفك وتحملني انا ما ابغى تصير بيننا فجوة فياض ناظرها وزفر بضيق : رح اصبر ونشوف اخر هالقصه لاني رح انفجر منها كلها ! ** ** ** ام راكان جالسه مع ام ناصر وهي تحس ضغطها الف :والله يا خالتي مب قادرة انسى الموقف ! انا انا هالقرويه تعمل فينا كذا ! ما هي من ثوبنا يا خالتي !، لجين عفست ملامحها : لو تشوفينها تظنين انها طالعه من القبر ! انا اشك انها مدمنه السواد حول عيونها ما هو طبيعي والله كانها مدمنه ! رفع عيونه على كلام لجين للحظات «مدمنه» و كأنها ضربت الوتر الحساس وبنبره حاده تحذيريه نطق : هذا الكلام لو اسمعك تعيدينه ما تلومين الا نفسك لجين بلعت ريقها وهي تشوف نظرات خالها المتوعده! ام راكان بكره: وهي صادقه لو تشوفها الا تقول انها مدمنه واكبر دليل جايه للعرس بالعبايه الله يستر وش فيها عيوب حتى ام فياض تقول دائما لابسه العبايه بالبيت ! اكيد داسه شيء عن الكل وما تبغى احد يعرفه ! ام ناصر بصوت ضعيف : يا ام راكان الظلم ظلمات يمكن هالبنت تستحي قاطعتها لجين بضحكة : حلوة هذه تستحي ! ترى وجهها مغسول بمرقه تد قطعت كلامها لما ناظرها زياد بحده ! ابتسمت بتورط وناظرت جدتها الي تكلمت ام راكان مطت شفتها : وليه تناظر البنت وهي صادقه وبعدين يا خالتي انتي بعظمه لسانك قلتي انها بحاجه لتربيه قليلة ادب ! احس هنا قهر بداخلي وانا اتذكر لما طردتنا من عند العروس قال عاداتهم اهل العريس ما يقربون على العروس الا بوجود العريس! نسيتي يا خالتي لما تهجمت علينا ورفعت المشرط على لبنى وفوق هذا ضربت راكان بكرسي هذه ابعد ما تكون انثى هذه مفترسه ام ناصر قاطعتها ؛ والله ادري وانا معك الغلط راكبها بس وش يطلع بيدنا نقول او نتكلم البنت ما هي مثل بناتنا تقولنها عايشه برا اي واحد يتكلم عليها تشتكي عليه ! انا ما نسيت لما اشتكت على ابوها وتوقف بالمركز ...انا اقول ابعدوا عن شرها واتركوها بحالها هي بحالها وحنا بحالنا مب ناقصنا فضائح ! ام راكان : الحمد لله سعاد ما حضرت والا كان صارت علوم بالحفله سعاد ما تسكت والله لو كانت موجوده الا تمسح فيها الارض ! زياد مط شفته بسخرية: تراكم مكبرين الموضوع زياده ..يعني واضح عملت كل هذا حتى يكو لامها مكان بالحفله وما هي على الهامش ! على الاقل قدرت امها مع انهاما جلست مع امها الا ايام عكس كنتك إلي ما هي سائله عن امها لجين قاطعتها: ومين قالك بالعكس مريم تحب تزور امها بس ما تحب تضايق على ابوها او تزعله وهي قالت متى ما تزوجت ما رح تقطعها حتى خالي راكان قال لها باكر تروح مع امي وتزور قاطعها بتهكم : قصدك اجبرها تروح تعتذر لامها ! والا بنت فهمانه تقول لامها انا م عزمتك والله انها كفو رونق يوم طقتها ام راكان بحده: اشوفك جالس محامي دفاع عنها والله لولا انها فقدت الوعي والا كنت ناوي امسح القاعه بشعرها وبعدين انا قلت لام فياض دامها جالسه بالبيت ما رح ادخله تقلعها لاي مكان بوقت زيارتنا والنيه تعطينا خبر لما تنقلع برا ! مط شفته بضجر من تفكير الحريم ابعد ما يكون عن المنطقيه ! قرر يغادر برا افضل له ! يحتار بشخصيتها ضربت راكان لانه مسكها اكيد كلام رعد عنها مب صحيح لكن وعد تحوم حولها واكيد ما رح تتركها الا وتجرها لمستنقعها! ** ** ** ** جالسه بالحديقه على الارض وسانده ظهرها على ساق الشجره وبيدها كتاب تطالعه وكل ما حولها هدوء ..لكن بداخلها ضجيج ....يمكن تبدو من الخارج ما عندها مشاعر او أحاسيس انسانه جماد ...يظنون بالكلام ما تتأثر تراها انسانه ....كلام ام فياض لها ثقيل تبغاها ما تكون موجوده لانه صديقتها ام راكان ما تبغى تشوفها! تتمنى انه كانت بكامل صحتها ومسحت بام راكان الارض حتى تعرف قيمتها ! مطت شفتها بسخرية وفوق هذا بدأت ام فياض تعمل لها موشح باحترام الكبير والمفروض ما عاملت ام راكان كذا ! صدق فاضيه أشغال ! نزلت نظرها للارض وهي تلعب بالعشب الاخضر ...وعيونها بدات تلمع بالدموع .....بداخلها حزن يذبحها بقوة !- رجعت تقلب صفحات الكتاب بعشوائيه .... تحب تطالع الكتب حتى تخرج عن عالمها الحزين او تهرب من خلال المطالعه من الواقع ! لمتى رح تجلس هنا !؟ اهل ابوها سالفه ثانيه ! ما تعرف غلطت لانها ما اعطت ابوها وجه بالمستشفى ! دامه ابوها لازم تعامله بالحسنى ! رح تحاول تغير من نفسيتها وتعدل علاقتها معه بغض النظر عن المشاعر الي تحملها له وقفت لما سمعت صوت صراخ مرتفع ..توجهت للداخل بخطوات متزنه ..ناظرت ام فياض إلي تصرخ بصوت عالي : تعالي شوفي ابنتك كسرت هذه الفازا ... رفعت حاجب ببرود :انا على بالي وصلك خبر وفاة علشان كذاتصرخين قلت يمكن زوجها مات والا ولدها وبالاخير كل هالصراخ علشان فازا؟! حنا اسفين وانا باكر رح اشتري لك وحده بدالها ام فياض بغضب : تتمسخرين علي ! وبعدين على بالك انت المنتفه تقدرين تدفعين ثمنها ! تراها غاليه وجاءتني هديه ! مسكت يد قدر لما شافتها خايفه وببرود نطقت : اوكي قولي للشخص إلي اهداك يرجع يهديك مره ثانيه ! ومره ثانيه صوتك ما ترفعينه على قدر وتفزعينها ! ام فياض لمحت فياض واقف اعلى الدرج يناظر الموقف بصمت : تعال شوف حل معها ! رونق ما التفتت لاحد .....ابعدت قدر وتقدمت تنظف الزجاج المكسور بصمت ! نزل فياض بهدوء: اتركي يا رونق الحين الشغاله تلمه ! ردت بهدوءوهي تجمع القطع المتناثره: قدركسرته انا رح انظفه ! ام فياض بغيض : هذا الي قدرت عليه الشغاله تنظفه ! فياض بابتسامه وهو يتقدم من قدر ويمسح على شعرها : انكسر الشر يمه فدى هالامور الصغيره ...شوفي صراخك كيف ارعبها ! باس راسها بحنيه وابتسم لها ! ام فياض بقهر غادرت المكان ! وسيم بعد ما غادرت جدته تكلم بضحكه :، تخوف جدتي اذا احد خرب هذه الاشياء توجهت رونق بصمت للمطبخ احضرت ادوات التنظيف ورجعت تنظف بصمت ! جلس فياض مقابل لها وهو يتصفح الكتاب إلي كان بيدها باللغه الانجليزية ....كانت روايه عن جريمه قتل ....رفع حاجب : عن وش يتكلم هذا الكتاب ! كملت تنظيف وتوجهت له سحبت الكتاب بهدوء...ناظر ها وهي كالعاده بالعبايه والشال نفس الشحوب : عن وش يتكلم هذا الكتاب ! مسكت يد قدر وبهدوء نطقت : كيف تتخلص من الفضول رفع حاجب بانتقاد : يعني حنا فضوليين : ؟! ردت وهي مستمره بالمغادرة: دامك تعرف عن وش يتكلم ليه تسأل ؟! رد بصوت عالي حتى تسمعه : ما الومك على الحس الاجرامي إلي عندك دام هذه كتبك ! والله حاله ! متأكد هذه البنت عندها مب عقده نفسيه الا عقد متراكمة ! وبنفس الوقت تكسر خاطره بالرغم من قوتها ...احيانا يفكر يطلعها برا المنطقة تسافر وتبعد عن الكل مع ابنتها لكن يتراجع ! دخلت الجازي وناظرته وهو جالس وسارح بفكره : السلام عليكم ناظرها ورد بهدوء : وعليكم السلام ...خالي وصلك؟ هزت راسهاوهي تجلس جنبه: إيه رد بهدوء: ليه ما دخل ؟! ردت وهي تفتح الجوال : مشغول كالعاده! وسيم اقترب من امه : فاتك يا ماما اكشن ! فياض اعطاه نظره قويه : وسيم اطلع على غرفتك ! الجازي باصرار: وش فيه ؟! وسيم تكلم وهو يناظر ابوه : قدر كسرت الفازا لجدتي وجدتي عصبت على الاخير ! الجازي عقدت حواجبها : قالت شيء لرونق فياض بهدوء : ما قالت شيء تتكلمين كأنك ما تعرفين امي النظافه وديكور البيت والأدوات شيء مقدس ! ردحت شوي وبعدها طلعت لغرفتها تدرين لازم تفقدت امي اكيد ضغطها مرتفع للحين ! ناظرته الجازي بصمت وهو يبتسم ...تحس شيء بداخلها انجرح...تخاف عمتها تسمع رونق كلام تجرحها ! ما تبغى احد يجرحها بكلمه وحده ! رونق غير عن الكل ) رونق إلي عرفتها من أيام وقفت معها على حساب علاقتها بأهلها وكل هذا مقابل حتى ما تكون على الهامش بالحفله ! رونق رفضت تكون على الهامش ..وقفت معها قول وفعل ...اعطتها احساس جميل ..وكأنها تقول لها «انت امي وم ارضى احد يهينك لو بنظره» وقفت بهدوء وبنبره مخنوقه تكلمت :انا عند رونق تبغى شيء! هز كتوفه بهدوء: سلامتك! تغاضى عن تصرفاتها وعنادها لانه يعرف كم هي متعلقه بالتوام ما حب يدخل معها بنقاش ويجرحها ! رح يسلك لها حتى يشوف نهاية هالقصه ** ** * يتبع رفعت راسها من السجود ...دخلت الجازي بهدوء ...جلست على طرف السرير جنب قدر و مسحت على شعرها بحنيه : كيفك يا بطله ! قدر ابتسمت :: بخير انهت رونق الصلاه..والتفتت للجازي لما كلمتها: وش تصلين ؟ ردت بهدوء: سنة الوضوء الجازي ابتسمت لها: الله يقبل ! تقدمت رونق وهي عارفه انها رح تتكلم بذي السالفة ...الجازي بتردد نطقت : ما اعرف وش اقول بس صدقيني عمتي هي كذا عندها الأثاث والنظافه خط أحمر رونق ببرود تجاوزتها وهي تتوجه لرف الكتب مدت يدها بخفه تناولت كتاب ...التفتت للجازي وبجديه تكلمت بموضوع اخر : تدرين هذا الكتاب للصدفه لقيته بأحد البسطات قريب من بوابة الجامعه تخيلي يبيع كتب على بسطه ..تخيلي حتى الكتب صارت يبيعونها على بسطه ! وما عادت بمكانها الصحيح بالمكتبات ! رفعت الجازي حاجب باستغراب هي تتكلم وين وابنتها بعالم ثاني الا اذا كانت تقصد انها الكتاب او انها تبغى تغير الموضوع ردت بمجاراه : يبحثون عن أبواب رزقهم ! اليوم انا وخالاتك طالعين للسوق جهزي نفسك ! هزت راسها لانها بحاجه للسوق حابه تطلع تتنفس من اجواء هذا البيت ! الجازي بابتسامة : ليه ما تختلطين ببنات خالاتك والله انهم عسل قاطعتها رونق وهي تجلس على الكرسي مقابل لها : ما احب الاختلاط وما احب الاصدقاء ولا اؤمن بالصداقه! انا ما اصادق الا الكتب على الاقل ان تركتها ما تطعني بظهري صح ؟! الجازي عبست ملامحها بضيق من حال رونق وش هالعقل إلي فيها من لما جاءت ما تتكلم الا بالقطاره وان جلست الصمت رفيقها او كتاب تطالعه غير كذا ما عندها ! تحاول معها لكنها محصنة نفسها بحصون واسوار كثيره حتى ما احد يقترب منها ! وبنبره حزينه مجروحه نطقت : ليه دوم تصرون على جرحي يا التوام ؟! انا ما عملت لكم شيء؟ ليه تعاملوني بهذا الجفاء؟ انا امك تعرفين وش يعني امك ؟! ليه تعامليني كذا ! رونق مطت شفتها بملل من هالحياه: انا ما عملت شيء ! اتوقع من حريتي اختار صديقات وما احد يجبرني ! رفعت نظرها للجازي بوجع تتابع كلامها: ما تلوميني بداخلي اشياء ما يعلمها الا ربي ! وما احب ابوح بها لاحد ! صدقيني انا ما اكرهك بالعكس احسك انسانه حبوبه ورائعة و العيب فيني ! خذيها نصيحه مني انسي التوام وعيشي حياه جديده مع عيالك .....كل منا رح يمشي بطريق صدقيني حنا ما نستاهل هذا الاهتمام .. قاطعتها الجازي بقهر : كيف انساكم تراكم قطعه من روحي قاطعتها رونق بروح معدمه وكأنها مروان إلي يتكلم : والي فقد روحه يعيش حياه طبيعيه ؟! انت كملت حياتك زوج وعيال ومبسوطه وتضحكين ....عن اي روح فقدتيها تتكلمين؟! مريم كملت حياتها مبسوطه مع ام بديله وابو متعلقه فيه والحين زوج وباكر عيال مكمله حياتها بسعادة ...عن اي روح تتكلمين ؟! وانا عايشه مع ابنتي_ بلعت غصتها _ مبسوطه كثيره وحنا متشتتات كل يوم بمكان الحمد لله وش تبغين اجمل من هالحياة ! غمضت عيونها للحظات وبداخلها تصرخ انا الي فقدت روح الحياه ...كل مكمل حياته وهي على الهامش ما احد حاس بالنيران إلي بداخلها الجازي زفرت بضيق : لا تقلبين المواجع عسى ربي ما يحرمني منك ..انت ما تعرفين غيابكم عني كيف مزق وجداني ..الحياه بدوكم ناقصه وما لها طعم وما تكتمل الا باجتماعنا واجتماع ارواحنا ...رونق متى تحسين فيني انت واختك ....انتظر على امل نجتمع الثلاثه مع بعضنا رونق بشبح ابتسامه : تأخر الوقت باجتماعنا يمكن لو اجتمعنا قبل كذا وبظروف غير رح يكون الوضع افضل بكثير ...لكن الحين وش ابغى منك ومن ابوي ! يعني لو كنت انت وابوي ما انتم منفصلين كان الوضع اخف وافضل بكثير ....يعني انت متخيله الوضع ام واب منفصلين عن اي جو اسري نتكلم عنه ؟ اما تعيش عند زوج امك ويتحكم بحياتك وغير نظرات الكره لانك ابنة طليق زوجته او تعيشين عند زوجة اب تحرث عليك ليل نهار وتقلب حياتك نكد ! هذه الحياه السعيده إلي افرح فيها بعد ما لقيتكم ؟! انا كبيره ومب محتاجه لا حبكم ولا حنانكم ولا عطفكم ولا فلوسكم ...شوفيني هذا انا كبرت وكونت نفسي بنفسي مب مثل اي بنت دلوعه ما تقدر تقوم بأمورها الا بمساعدة امها وابوها ! خلينا نقفل السالفه افضل لانها بصراحه تنرفزني وما ابغى اقول كلام يجرحني قبل ما يجرحك خلي كل شيء للايام يمكن تتغير الحياه ! خليها للايام تداوي جروحنا ! الجازي رفعت حاجب وعيونها تلمع بالدموع على حال رونق والنفسيه إلي تعيشها : فياض ضايقك بشيء ؟! او يناظرك بكره او قاطعتها رونق بضيق،: انا اقول مثال لا تدققين الجازي: صدقيني فياض انسان رائع قلبه كبير ابتسمت بمجامله : الله يهنيك معه ! دخل وسيم : ماما بابا ينادي عليك ديما تبكي الجازي بضجر ناظرته : اسبقني وانا الحقك ناظرت رونق : جهزي نفسك بعد المغرب ! زفرت رونق بضيق من الحياة ...تجبرها تتواجد بأماكن ما تبغاها ! دفنت وجهها بالكتاب وهي متأكده من شيءواحد ما رح تطول هنا ام فياض ما تنطاق ما تدري كيف امها متحمليتها ! *• *• •* جواد بترقيع: انا اتوقع ما هو قصدها ! ابو جواد بغضب : كيف مب قصدها وهي تقول لها بوجهها انها مجرد مربيه وما خلتها تقرب من مريم ! ربت مريم احسن تربيه كيف تقول كذا ! وفوق هذا فشلتنا مع ام راكان وضربت راكان جواد بضيق : بس راكان ما يطلع له يمد يده عليها ابو جواد : الرجال اعتذر منك وقال مب قصده الموقف جعله يتصرف بدون وعي والسبب ابنتك! ام جواد للحين مقهوره: يرحم ايام الجازي مسكينه بالنسبة لها ...سبحان الله اخذت القو كله من حنين وراثه إلي برأسها تعمله وما يهمهااحد! بدر باستدراك : الا قولي مثل نايف رامي كل العادات والتقاليد خلف ظهره والا ناسيه سوسن فضحتنا مع زوجها بمشاكلها إلي ما تنتهي والا نسيت شذى لسانها وش طوله والاهم ابوها راسه يابس قاطعته ام جواد :الحين طلعت كل هالعيوب بعيالي ! على الاقل عيالي يحترمون إلي اكبر منهم ابو جواد بامر : اسمعني تسحب اوراقها من الجامعه هذه لو تدرس دراسات اسلاميه ما ابغى تدخل الجامعه جواد برفض: مستحيل! تصرفها بالخطوبه شيء ودراستها شيء ثاني لا تخلط الامور بدر بتأييد: صحيح دراستها ما لها علاقه حنا ما نبغى نظلم البنت ونحرمها من الدراسه ابو جواد برفض : اذا درست ما تكمل طب جواد عقد حواجبه :يا يبه طول عمرك تقول البنت ما لها دراسه الا معلمه او طبيبه حنا إذا مرضت حريمنا نطلب دكتوره من وين نلقى اذ قاطعه بقهر : ابنتك هذه قويه باكر ان صارت دكتوره مين يقدر لها ! الا من الحين قص جنحانها خلها تجلس بالبيت ...صدقني ان كملت دراسه ما تقدر تنطق اسمها .. نايف رفع حاجب: طول ما هي جالسه عند وليد ما رح تتقبلكم اكيد عمتي حنين تحش براسها كذا ! ام جواد بتأكيد : وانا اقول كذا ..انتم ما شفتم كيف بالخطوبه نافشه ريشها حنين وتناظر بشماته بدر يناظر ساعته : تاخر راكان وزياد ! ام جواد وهي تقوم : الحين يوصلون انا رح ادخل اشوف اخواتك زفر جواد بضيق بعد خروج امه ! وقت قصير دخل راكان وزياد .....ابو جواد باهتمام : كيف ظهرك الحين هز راسه:-الحمد لله اليوم افضل بكثير المهم خلينا بسالفه رجوعها ابو جواد بتفكير: كيف نرجعها لو يطلع بيدي الا اسحبها من شعرها هالكلبه جواد صحيح متضايق من تصرفاتها الا انه ما يحب احد يتكلم عليها ..عفس ملامحه وناظر نايف إلي تكلم :انا عندي الحل اسحب قدر منها وقتهارح تضطر ترجع غصب عنها جواد برفض قاطع : مستحيل اقبل انكم تحرقون قلب ابنتي مستحيل وانا حذرتك من قبل يا نايف لا تقرب من قدر دامها مع رونق ! راكان رفع حاجب؛ بالعكس فكره نايف ممتازه .. جواد برفض : قلت لا يعني لا زياد ابتسم بسخريه : نرضى لغيرنا ما لا نرضاه لانفسنا المهم الحين عمهامرعي على وصول عن طريقه رح نرجعها لهنا وبرضاها ! جواد عقد حواجبه : كيف يعني! زياد بهدوء: الحين يوصل وتعرف ** ** ** مريم ناظرتهابضيق:حتى راكان زعلان مني يقول متى ما رضيت امك اكلمك ! انا والله مب قصدي اقول كذا بس أنا تضايقت لما طردوك ! الجازي بضيق : اول مره احمل بنفسي على احد بصراحه اختك ما عندها ذوق ...احسها بس حضرت الحفله حتى تصغرني وتطردني ! مريم بأسف : والله اني تضايقت علشانك بس وش يطلع بيدي وقتها وفوق هذا تضربني وتضرب خطيبي وش هالاخت الهمجية الجازي مطت شفتها : ابوك متضايق حيل وخاصه بعد الاشاعات الي طلعت انها رونق تبغى راكان وانقهرت لانه خطبك علشان كذا خربت الحفله ! مريم فتحت عيونها بذهول : مين قال هالكلام ! الجازي هزت كتفها بلامبالاه: الحريم خليها تستاهل هي جابته لنفسها ! مريم بتحليل : معقول كانت عينها على راكان كونها اشتغلت عنده وانقهرت لانه خطبني! الجازي باستبعاد: ما اتوقع كل هدفها تخرب الحفله حتى تنتقم لامها ! مريم عقدت حواجبها : تنتقم ليه ؟! ماما خربت بيتها بتصرفاتها لو كان رجال ثاني كان ذبحها بعد ما ضيعت بناته بس بابا اكتفى وطلقها ...وبعدين اي زوجين يصير بينهم مشاكل وينفصلوا خلاص ليه حاقدين على بابا كذا ! الجازي تنهدت : بس ما هو ذنب الجازي انكم انخطفتم اي انسان يتعرض لمثل هذا الموقف ...يعني لو ابوك ما حرم الجازي منك ما كان امك حقدت علينا ! مريم بصراحه :مب قادره احس انها امي اقنع نفسي للحظات وبعدها ما أقدر اجاملها اكثر من كذا ! تدرين مروه وجمانه يقولون لي اني باين اكبر منها واغلب للناس تقول البنت باينه اكبر من امها بصراحه انا انقهرت يعني لذي الدرجه انا باينه كبيره وفوق هذا راكان شافها ويقول ظنيتها العروس انقهرت يا ماما ! الجازي مطت شفتها بعد ما غزتها مشاعرالغيره فعلا الجازي مب باين فيها العمر وكل فتره تزيد جمال وما يتصدق انه التوام بناتها : يمكن لانها قصيره واقصر منكم الناس تقول كذا ! مريم بتردد نطقت : حتى يقولون كيف عمي جواد تركها لو يشوفها الا يندم الجازي انتفخت ملامحها : ترى مروه وجمانه ما عندهم الا فلسفه زايده وابوك لو بغاها او كانت بنفسه ما طلقها ! ** ** ** ** ناظرت الجوال باستغراب وهي تشوف رقم عمها مرعي ...ردت بتوجس تخاف صار لجدتها شيء : الو _ هلا رونق كيفك !؟! ردت وهي معقده حواجبها ودقات قلبها زادت : بخير ..عمي انتم بخير ...جدتي بخير ؟ ومروان قاطعها وهو يناظر إلي حوله وبعدها نطق باتقان نبرة الضيق : من وين يجي الخير يا رونق من وين ؟! ردت برعب : صاير شيء؟ مرعي : نأكل المر ونتجرعه من بعد سالفتك كل يوم تحقيق وسوالف ما تنتهي والحين المحامي يهدد رح يسجني انا وجدتك قاطعته بحده : ما هو على كيفه وانت صدقته ما في دليل واحد ضدكم ...عمي لا تكون ضعيف كذاويلعب عليكم هالمحامي النصاب ! كل الانظار توجهت لراكان بعد كلام رونق وتحول وجهه للون الاحمر جواد ناظره برجاء يمسحها بوجهه ! مرعي ناظرهم بحيره وش يرد عليها ! راكان اشر له يحط كتم ....وبعدها تكلم قول لها اني اقدر العب بالقضيه واقلبها ومن هذا الكلام حاول اضغط عليها هز مرعي راسه بتفهم ورجع للمكالمه ..ورونق مسهبه بالكلام : عمي انت معي ؟! مرعي بتلعثم :ءءء ايه معك بس يا رونق هذا المحامي مب سهل قلت له هالكلام ما في دليل علينا يقول عنده واسطات يقدر يقلب القضيه ويرمينا بالسجن ...يهون عليك اخر هالعمر انا وجدتك يسحبونا للسجن خلاص ارجعي لبيت ابوك وهو يقول مستعد يتنازل عن القضيه ! وش قلت ؟! قلبها نغزها في مؤامرة حولها ...ردت وهي رافعه حاجب : طيب انت وين الحين ؟! رد بتلعثم : ءءانا طالع بالسياره نزلت حاجب بعدم تصديق : يعني راجع للقريه ناظرهم وهو متورط من اسئلتها : ايه على الطريق قريب اوصل مطت شفتها وبداخلها غيض من كذبه: وليه ما اسمع صوت للسياره رفع عيونه للسقف بصبر ما له صبر على كثر الاسئله : لا حووووول ولا قوة الا بالله ! انت جالسه تحققين معي ؟! يا بنت الحلال ترى وقفت على جنب وجالس اكلمك تبغين اتخالف وانا اكلمك ! الحين قولي لي وش قلت ؟! زمت شفتها بضيق وهي للحين قلبها ناغزها : طيب شغل السياره خليني اسمعها من زمان ما سمعت صوتها جواد ناظر ابوه وهو كاتم غيضه من رونق فعلا ترفع الضغط ! زياد زفر باحباط لانه متاكد انها كشفت لعبة عمها ! يا قو هالبنت ! مرعي يظهر نبره غاضبه حتى يخرج نفسه من المآزق: انت جالسه تكذبيني ! خلاص انسي طلبي ورقمي احذفيه دامك تكلميني كذا ! والا شفت اهلك و تكبرتي علينا حنا قاطعته رونق : عمي ممكن دقيقه خليني اتكلم رد بغضب : تكلمي بالموضوع والله لو دخلت بسوالف ما لها طعم الا اقفل الجوال ابتسمت بألم : ما تخاف رح ارد على كلامك ...شوف يا عمي انت تعرف كم اغليك واعزك اكثر من ابوي إلي طلع لنا فجأه جواد فتح عيونه باستنكار وهو يسمع كلامها ! وضع بدر يده على فمه يمنع ضحكته تطلع ! تابعت رونق بنفس الهدوء : وما اردك لو طلبت روحي لكن هذا ما هو طلب منك ! قول للي جالسين حولك واولهم المحامي ما احد يجبرني على شيء ما ابغاه لو على رقبتي ...طرقهم الملتويه ما تمشي معي ...انا متى ما بغيت اعيش عنده ما انتظر الاذن من احد افتح الباب وادخل ! يا عمي انت اهلي إلي ربيتوني راكان بصوت هامس ما يسمعه مرعي : ازفت تربيه ! نايف ناظره وكتم ضحكته على تعليقه ! تابعت رونق : انتم ربيتوني وما رح انسى فضلكم علي ..اتمنى يا عمي لا تكون لعبه يحركها المحامي على كيفه ...إلي خطفني مات الله يرحمه وما لهم عندك وعند جدتي شيء واحد ...بالعكس المفروض تطالبهم بكل فلس صرفته جدتي علي كتعويض وغير كذا ما عندي ! والحين رح اقفل سلام ! قفلت الخط وهي شاده على الجوال بقوة : نذل حقير ! احقر من راكان ما شافت الحين يبغى يضغط عليها عن طريق اهلها بالقريه ! لازم تبعد عن المنطقه كيف ؟! ما تقدر تعيش لوحدها هي بنت والدنيا ما فيها امان ! رفعت راسها وهي تفكر لو تزوجت ابو فياض وقتها تقدر تبقى قريب من امها وتهتم بقدر وهي تكمل دراستها ومن لما تتخرج يكون ابو فياض ميت اكيد انه عجوز ومنه تقهر ام فياض ...ابتسمت على افكارها لو تسمعها ام فياض ! ضحكت بصوت عالي وهي تتخيل شكل ام فياض ...من زمان ما ضحكت ....توسعت ابتسامتها وهي تشوف قدر تناظرها باستغراب ! بس لحظه هذه فكره ما هي بطاله تتزوج ابو فياض ..... ** ** ** مرعي قفل الخط وناظرهم باستسلام: هذا إلي قدرت اعمله .....وهذا انا عملت مثل ما طلبت مني والحين اسمح لي بدر بهدوء: اجلس تعش قاطعه مرعي وهموم الدنيا فوق راسه: تسلم بس الطريق طويل وما أقدر اتاخر ! استأذن وغادر وهو يناظر حوله باعجاب بيوت راقيه وحضرتها ما هو عاجبها هالنعيم ....طول عمرها رأسها يابس وتفكر بطريقه غريبه راكان ناظر جواد وهو عافس ملامحه: ابنتك هذه ما ينفع معها الا القوة يبغى لها تكسير راس ابو جواد انفجر منها : والله يبغى لها واحد يكسر راسها وين قوتك ياجواد يرحم ايام الجازي الحين ابنتك مب قادر تمشيها على الصراط ! جواد زفر بقهر: قلتها بعظمة لسانك يا يبه ابنتي ! اذبحها وانا طول السنين احس بغصة فقدها وبعد ما لقيتها تبغاني اذبحها ! راكان بتفكير : طيب اخطبوها لواحد من عيالكم شاوروها يمكن ترضى ! ابو جواد اكتساه الهم: يا وليدي رونق معها بنت صعب ما احد رح يقبل فيها من العيال ! دخل عليهم بعد ما سمع كلامهم وبتردد نطق : انا اخطبها على سنة الله ورسوله انتهى البارت ..انتظروني يوم الخميس بإذن الله ...دمتم بخير | ||||||
|
| |
|
22-07-20, 04:34 AM
| #39 | ||||||
| مشرفة منتدى الروايات المنقولة
| بارت 13، راكان ناظر جواد وهو عافس ملامحه: ابنتك هذه ما ينفع معها الا القوة يبغى لها تكسير راس ابو جواد انفجر منها : والله يبغى لها واحد يكسر راسها وين قوتك ياجواد يرحم ايام الجازي الحين ابنتك مب قادر تمشيها على الصراط ! جواد زفر بقهر: قلتها بعظمة لسانك يا يبه ابنتي ! اذبحها وانا طول السنين احس بغصة فقدها وبعد ما لقيتها تبغاني اذبحها ! راكان بتفكير : طيب اخطبوها لواحد من عيالكم شاوروها يمكن ترضى ! ابو جواد اكتساه الهم: يا وليدي رونق معها بنت صعب ما احد رح يقبل فيها من العيال ! دخل عليهم بعد ما سمع كلامهم وبتردد نطق : انا اخطبها على سنة الله ورسوله جواد عفس ملامحه بغضب وقبل ما يتكلم نطق زياد بنبره غاضبه: وقص يقص لسانك يا قليل الادب بدر بضحكه وهو متكي بروقان: وش فيك على الولد اكلته وبعدها ناظر اياد:وين ابوك؟ اياد رفع حاجب وبضجر رد: احد قالكم اني احمله 24 ساعة بجيبتي ! جواد عباره عن بركان وجاء مين ينفجر فيه : صدق ابوك ما رباك ولا علمك سلوم العرب ابو جواد ابتسم لاياد هذا الولد له ميزه عنده : علامكم عليه ! زياد بانتقاد: تراكم تخربونه بهذه التربيه انت وابوه تراه مب صغير اياد وقف وهو ينفش ريشه: هذ ا انت قلتها بعظمة لسانك مب صغير ...خلاص انا قررت اخطبها سمعت انها تدرس طب يعني من هنا لوقت ما اكبر تكون تخرجت وتوظفت وجهزت البيت قطع كلامه وخلال ثواني هرب لما وقف زياد وهو ناوي يعطيه كم علقه! ا بو جواد بلوم : وشفيك حاط عقلك بعقل هالبزر زياد بحده : تراه مب صغير يا عمي عمره 14 سنة ! وبعدهاناظر راكان بغضب : انا كم مره قلت لك سالفة زواج رونق تنساها وترجع وتفتحها وكأنك تعاند ! رونق ما رح تتزوج الا بعد ما تتخرج وتكون ابنتها كبرت وهي اعتمدت على نفسها بعدها رح تتخذ قرار زواجها بنفسها بدون اي ضغوط حالها حال اي بنت بعمرها تفهم ! ابو جواد باعتراض: كلامك ما هو منطقي ابدا،! انا مب راضي بدراستها تبغى البنت تدرس هالتخصص المختلط وهي ما في وراءها رجال قاطعه زياد بنظرات قويه :ترى لها اب اذا نسيت يا عمي ! ابوها وراءها يحميها البنت إلي ما يكون ابوها واخوها سند خلف ظهرها مكسورة السند يا عمي ! وبعدين كثير بنات درسوا وتخرجوا وتوظفوا وسمعتهم الكل يشهد باخلاقهم الطيبه ! المفروض ما نخلط بالامور ...رونق رح تكمل دراستها وقدر معها وما احد يعترض طريقها ! بدر بضحكه: والله احسك اخذت دور ابوها ! جواد اعجبه كلام جواد خمد شوي من النار إلي يحسها بداخله بعد كلام زياد ! زياد رد على كلام بدر : رونق من لحمنا ودمنا وانا اعتبرها مثل بنات اختي ...ابغى مصلحتها! نايف خزه بس ما قدر ينطق بحرف وهو خايف من عواقب كلامه وهو متأكد 100% انه زياد مخطط على رونق ! راكان بهدوء: طيب الحين رح نمشي على كلامك ..اعطيني طريقة ترجع فيها الى هنا ! زياد بثقه : رح ترجع صدقني وبنفسها مستحيل تحس بالاستقرار عند فياض رح تحس نفسها ثقيله عليهم ..ورح تطلع بنتيجه ما لها الا ابوها وهو مجبور إلي يتحملها ! راكان باستياء : ومتى ييجي هاليوم ؟! زياد تنهد وناظر نايف : سبب نفورها من اهل ابوها هو نايف نايف بغضب وقف : انتم كل شيء تحطونه فيني ترى قاطعه زياد وهو معقد حواجبه : ايه انت السبب البنت رافضة تقبل بحقيقة انه جواد ابوها حتى ماتواجه الواقع انك عمها ! شوفها كيف تقبلت اهل امها واختارتهم قبل ما تشوفهم ! بدر بتأييد : كلامك منطقي وعين الصواب ...طيب بذي الحالة وش الحل ؟ جواد ناظر نايف بغضب وهو شاد على اسنانه: كله منك ومن اخلاقك المنحطة انا لو ذبحتك ما احد يلومني نايف رفع يده بتهديد : عاد من زين ابنتك لا تخليني اسحب منها البنت واحرق قلبها ترى ما اسمح لك تناظرني كذا وتكلمني باسلوبك الخايس هذا كلما جبتم سيرة بلقيس ! والله حاله ! ابو جواد أعطى نظره لجواد يختصر بعدها ناظر نايف : اخوك مب قصده الحين وش الحل كيف نرجعها ؟! بدر بتفكير : انا اقول خليها عند امها وانت يا جواد بين كل فتره تزورها مع الايام تعتاد على هذا الشيء وترجع عندك يعني خلينا واقعيين شوي اذا امها كلمتها عن معاملتك معها ايام زواجها اكيد البنت رح تنفر منك قاطعه جواد وهو معصب: نعم نعم ! انا وش عملت فيها ؟! لو كنت مكاني ما تحملت تصرفاتها دقيقة ! زياد بمقاطعه: هذا ما هو موضوعنا ..حاليا نعتمد فكرة بدر نهاية الاسبوع نسق زياره لها وخلال الاسبوع اتصل فيها تطمئن عليها وهذا رقمها سجله عندك ! نايف مط شفته بسخريه بعد ما عقد حواجبه وبداخله «ومعه رقمها يا سلاااام » جواد ما علق على الرقم لكن بداخله تضايق رقمها مع زياد ومحتفظ فيه! ابو جواد ما اهتم للسالفه لانه يثق بزياد ويعرف انه ما هو من النوع اللعوب ! بدر بتذكر : لاتنسى لها مصروف اكيد انها بحاجه لمصروف وفياض ما هو ملزوم فيها وانت يا نايف أرسلت لقدر مصروف ! نايف عفس ملامحه: مب اختارت فياض خلي فياض يصرف عليهم ! انا يا دوب اقدر اصرف على بيتي راكان خزه بقوة: مقطع حالك مصروف وسعاد طول الوقت تشكي من شحك قاطعه : ناكرة المعروف راكان خزه : اقول ترسل لابنتك المصروف وانت ما تشوف الطريق ! ابو جواد بهدوء: رح يرسل لا تخاف ! رجع اياد دخل وبتهديد : تراني علمت ابوي عنكم ويقول لكم البنت ما تطلع غريبه وولد عمها اولى وانا ولد عمها ومحيرها لي قاطعه بدر بابتسامه: الاحق ولد عمها إلي مجهز نفسه وليث سبقك وحيرها له واناموافق على الخطوبه والحين مالك شيء ! انقلع برا ! زياد ناظر بدر بتفحص يشوف معالم وجهه حتى يعرف انه يمزح او يتكلم بجديه ! اياد بغضب: بس انا خطبتها قبل ولدك المهبول! جواد ناظره وما هو رايق له : خطبت قبله ورديناك يلا وريني مقفاك قبل ما اقوم واعلم بالعقال على ظهرك ..ترى قلبي يغلي والله ان وقعت بيديني ما تطلع سليم ..انقلع لا بارك الله فيك ! اياد انقهر برد عمه ...وبنبره حاول ما يظهر قهره :من زين ابنتك انا اصلا حزنت عليها وخطبتها لانها بايره وما احد رح يناظر وجهها ..ما بقى الا أتزوج مدمنة مخدرات بلع اخر كلمه وحاول يهرب لما شاف جواد قام مثل الثور الهائج ..تعثر بخطواته ...وسرعان ما انقض عليه جواد مثل الاسد إلي مسك فريسته! ابو جواد بتدخل ؛: اتركه يا جواد تراه جاهل زياد اقترب من جواد : الا يستاهل كم علقه تسنعه حتى يوازن كلامه! بدر بتدخل : اتركه يا جواد اخاف يعملها على نفسه شوف كيف وجهه صار ؟ ! جواد وهو صاك على أسنانه هزه من ثوبه بقوة : وش هالكلام الي سمعته! اياد وهو يبلع ريقه بخوف : ءءاا انا ما لي دخل سمعتهم يقولون كذا زياد سكت للحظات وكأنه الزمن توقف وهو يتذكر كلام امه ولجين ! جواد بغضب وصوته يرعد رعد : مين الي يقول كذا ! راكان عنده علم بالكلام من كلام امه ما يبغى تكبر السالفة ...مسك يد جواد : اتركه جاهل يتكلم بدون عقل قاطعه جواد وعيونه تشع شرار ويهز اياد إلي كان مثل الريشه بيده: مين إلي يقول زياد حتى ما تكبر السالفة ...يخاف تكون اصل السالفه من عند امه ما هي حلوة بحقهم:-اتركه حتى يتكلم بصعوبه تركه جواد : يلا تكلم زياد أعطى اياد حركه بدون ما يشعرجواد حتى يهرب ! وما صدق خبر مثل الفأر هرب بسرعه من بين يدين جواد جواد بغى يلحقه مسكه راكان: اتركه كأنك ما تعرف اياد ولسانه الطويل جواد بغضب :انا لو هذا الولد عندي كان زمان ذبحته نايف بسخريه :عندك ازفت منه بنت وش طول لسانها ويدها طويله وما عملت لها شيء جواد بتهديد : انت انكتم احسن لك ابو جواد بضجر : لا حول ولا قوة الا بالله اسمعني يا جواد انا اقول من باكر تسحب اوراقها من الجامعه لانه كل شغلكم ماهو عاجبني هذه البنت ما تنعطى وجه نعطيها العين الحمراء شوفها سكتنا لجلستها عند امها قامت تتمادى علينا انا مستحيل اقبل تكمل دراسه لازم نقص جنحانها قبل ما تحلق بعيد ! زياد تغيرت ملامحه من كلام عمه ...حاول تكون كلماته هاديه: عمي انا قلت رونق تكمل دراسه الا اذا بغيت تفشلني وتردني ! راكان بعدم قناعه: مع اني مب مقتنع بدراستها لكن يا عمي ما يصير تفشل زياد تراه ما هو صغير ! بدر يضغط على ابوه : والله ما يصير جالس في بيتنا ونرده ! صدقوني اذا فصلتها من الجامعه رح تتعقد الامور اكثر حنا نحاول نعدل الامور وانتم تعقدونها ! ابو جواد ما قدر يرفض وبعبوس رد : انا حذرتكم وقلت لكم ما تكمل دراسه باكر تندمون وتقولون يا ليت سمعنا كلام ابو جواد ! زياد هز راسه بارتياح : لا تخاف ان شاء الله كل الامور تمام ! ** ** ** ** ** نزلت لمستوى قدر تعدل لها الفستان ...قبلتها على خدها بقوة : اموت على الحلوين ! قدر بابتسامه طفوليه وهي تلف حول نفسها: حلو ماما ! رونق ابتسمت بشحوب : تجننين الجازي من خلفها تكمل : تجنن مثل جدتها ! رونق التفتت لها وهزت راسها بتأييد : فعلا هذه البنت كلما كبرت تصير تشبهك اكثر فياض وهو ينزل وماسك بيده ديما : زوجتي الحلوة ما لها شبيه هي نسخه وحده بالعالم ! ناظرته رونق وهي مستغربه ليه مشاعرها اتجاه هالانسان كيف تغيرت ...كان اول ما التقت فيه تحمل له مشاعر جميله ...معقول لانه طردها تغيرت مشاعرها ...هزت راسها بالنفي لانه بعد ما طردها طلبت مساعدته بمركز الشرطه ...مشاعرها تغيرت لما عرفت انه زوج امها ! واذا كان زوج امها وين المشكله ؟ ليه تحولت مشاعرها حتى وصلت في بعض الاحيان للكره ! ابتسم فياض وهو يشوفها تحدق بالفراغ وكأنها تفكر بعمق : وين سرحت ؟! الجازي ابتسمت: تأخرنا يلا يا رونق! رونق تنهدت وتحركت بصمت خيم عليها وهي تمسك يد قدر بهدوء! الجازي استغربت حالها دوبها تكلمت وش فيها غزاها الصمت كذا !- فياض بهمس للجازي: امشي امشي ابصم ب 100 انه عندها عقد نفسيه متراكمه المفروض ما تتأخرون بأخذها لدكتور نفسي قبل ما تتفاقم حالتها ناظرته بغضب وبهمس حاد نطقت : ابنتي ما هي مجنونه تفهم ! مط شفته : مشكلتكم تكابرون ! الجازي وقفت وبنبره تحذير هامسه : انتبه هذا الكلام تقوله قدامها ترى والله قاطعها وهو يمسك بيدها بهدوء: ترى ما احب هالاسلوب جالسه تهددين ! ترى طالعين نستأنس مب نتذابح ! تمشي امامهم وصوت همساتهم الغير مفهومه توصل لها ...حتى تعرف انه بينهم نقاش حاد! وقفت عند باب السياره وما التفتت لهم ...اكتفت تنتظرهم بهدوء ! اول ما وصلوا المول ....تكلم فياض : انا رح اجلس مع سالم وسعود ننتظركم لما تكملون اتصلوا فيني ! الجازي ناظرته بمحبه: ان شاء الله تركهم واخذ معه ديما ...رونق بهدوء : انا في محل قريب من هنا رح اروح اشتري منه غرض قاطعتها الجازي: ما في مشكله اروح معك يلا رونق برفض: لا لا خالاتي ينتظرونك انا لما اكمل رح اتصل فيك والحقك لمكانك الجازي بموافقه : اتفقنا رح اخذ قدر معي رونق برفض: خليها معي الجازي ابتسمت لها : براحتك تنهدت رونق بعد مغادرة الجازي ...ناظرت حولها وهي تحس نفسها كانت بسجن وطلعت ....جاي في بالها تمشي لوحدها لعلها تنفس عن ضيقها شوي،! غزتها مشاعر الحنين وهي تتذكر لما كانت تطلع للسوق مع مروان ! همست بدعوات من قلبها لمروان وجدتها ! بدأت تمشي بخطوات هادية بطيئة ..وقدر بفرح تؤشر لها على الالعاب : ماما ...رونق ...لعبة رونق بنبره هاديه : بعدين ! دخلت لاحد المحلات ناظرت بعيونها وهي تبحث عن شيء معين .....ما هو موجود ..توجهت للمحل الثاني .جالت بنظرها بداخله ما في ! قبل ما تطلع وقع نظرها على الشيء إلي تبحث عنه ! اقتربت منه عقدت حواجبها حتى تشوف السعر ! صفرت باندهاش من سعرها المرتفع ! صدقت ام فياض لما قالت «انت يا منتفه من وين تشترينها» صدق انها منتفه وسعرها غالي ! لكن السؤال الاهم إلي خطر في بالها مين الغبي إلي اعطاها الفازا هدية وهي بهذا السعر ؟!!! فتحت شنطتها تشوف كم معها يمكن تقدر تجمع ثمنها وترجعها لام فياض ما تبغى احد يمن عليها ! عقدت حواجبها لما شافته فارغ ..لحظه كان فيه فلوس وين راحت ؟! لحظة تذكرت اشترت فيهم اخر يوم بالدوام العاب لقدر! زفرت بيأس...وطلعت من المحل وبداخلها غصه من الفقر إلي تحس فيه ! متى يصير معها فلوس ...وقتها ما رح تحرم نفسها من شيء ! قدر تحاول تلفت انتباه رونق : ماما هناك العاب رونق بضيق : بعدين بعدين يا قدر ! عبست ملامحها قدر واكتفت بالنظر بصمت ! بدأت تتجول بالمكان من باب تغيير جو ما لها نفس تشوف خالاتها ! ركضت قدر بعد ما تركت يدها واقتربت من لعبه معروضه على احد أبواب المحلات ..وهي فاتحه عيونها بانبهار ! اقتربت رونق منها وجلست القرفصاء وهي تقلب بيدينها اللعبه وقدر بحماس تتكلم: ماما اشتريها رونق مطت شفتها : يا بختك يا قدر على الاقل عندك العاب حنا لعبة قماش ما حصلنا بطفولتنا ..كنا نحمل الوساده ونقنع انفسنا ان هذه لعبه ! ايام الحرمان لكنها جميله ببراءتها ! قدر ما هي فاهمه عليها شيء:ماما اشتريها ! رونق ببرود وهي مازالت تتأمل اللعبه : كان ابيع كليتي واصرف منها لحظه كليتي ! كيف ما خطرت ذي في بالي ؟! اكيد في ناس تشتري ! بس صحتها تعبانه للحين متى ما انتهى مفعول الدواء تنتكس حالتها ! لازم تعرف علة مرضها وبعدها تبيعها ! وقفت على حيلها والفكره تحوم بنفسها اذا باعتها بسعر عالي رح تهرب مع قدر لمكان ما احد يعرف مكانه وتصرف من فلوس كليتها ! بس وين رح تبيعها ! تعمل اعلان على مواقع التواصل كليه للبيع ! فكره منطقيه ! تمشي وهي غارقه بالافكار وما انتبهت لقدر إلي اصابها اليأس انها رونق تشتري لها وكل حزن العالم تجمع فوق راس هالطفله ! بعد ما ترك اهله لفت انتباهه وجودها ...كيف وما يعرفها بذي العيون إلي سحرته من أول نظره ! يمشي خلفها عن بعد بهدوء وكأنه مسير ..... رن جواله وكانت امه تبغى فلوس ناسيه تأخذ ...توجه لامه بخطوات بضجر ! سميه اول ما شافته : تعال بسرعه حاسب اقترب بضيق بعد ما خربت عليه :احد يتسوق بدون فلوس سميه بأمر : حاسب بلا فلسفه اقولك نسيت ! دانا بابتسامه: وش فيك متضايق كذا! الجازي مسكت الجوال واتصلت على رونق ! طلعوا من المحل وسميه تضحك : لو شفت شكل البنات قال يبغون يطلعون دانا بضحكه وهي تتذكر الموقف: يا اختي احلى شيء تتسوقين بدون بزران ! فرح بابتسامه: صادقه بس تدرين يا سميه بناتك شريرات قهروني لمارفضن انه احط عيالي عندهن ! فارس مط شفته : والله حاله انتم تتسوقون والبنات مندفسات بالبيت تراه ظلم سميه خزته : دامك حنون كذا باكر اطلع معهم قاطعها بفزع : ليه بايع عمري انا ! فرح دفته : ايه خواتك ما تطلعهن اما البنات بالجامعه مستعد تطلعهم كلهم على حسابك ! ابتسم لذكراها : ارمي كل بنات الجامعه على جنب والي خطفت قلبي على جنب مستعد اشتري لها كل المول دانا خزته،: يا كذبكم يا الرجال متى ما تزوجتم كأنكم ثوب وينقلب ... سميه بضحكه: ذبحني الفضول واعرف هالبنت إلي عذبت قلب ولدي،! سكت وعيونه تعلقت برونق إلي متوجه لهم ومنزله راسها تكلم قدر ! ما انتبه على البنت إلي معها نطق بلا شعور : يمه هذه البنت إلي ابغى اخطبها ! كل العيون توجهت لرونق بصدمه! رفعت راسها رونق تلقائيا ...واستغربت وجود فارس معهم...اعتراها الضيق من وجوده وخاصه يعد كلام وعد...لكن الغريب وش علاقته بخالاتها ! التقت عينها بعينه سرعان ما نزلتها وهو يناظرها ومبتسم ! زفرت بضيق وهي كأنها تساق للموت ما تبغى تقترب منهم ...واخيرا وصلت عندهم ردت السلام ببرود ...استغربت حال امها وخالاتها وخاصة سميه لانها كاشفه وكأنه على رؤوسهن الطير ! فارس رفع حاجب باستغراب لما شافها وقفت عندهم وردت السلام ....خفق قلبه معقول تبغى تشكي لامه بعد ما خبرتها وعد ! نزل نظره بشويش لقدر المتمسكة بيدها بقوة ! هذه قدر يعرفها تيجي لجدته نجوى مع خالته الجازي بس وش علاقتها برونق! مدت رونق يدها تصافح خالاتها : كيفك خالتي؟! دانا إلي كانت اقرب لها صافحتها بدون ما تنطق حرف واحد ! عقدت حواجبها رونق باستغراب من حالهم ومن برودهم وكأنهم ما يبغونها معهم ! كملت سلام وحست بشيء كتم على صدرها وهي تحس نفسها بمكان غير مرحب فيه ! سميه كتمت ضيقها وبعدها تكلمت : يلا نكمل تسوق فارس انت ارجع لعند ابوك والرجال ما له داع وجودك هنا ! فارس ناظرها كأنه جماد ........فيه اسئله في باله يبغى لها جواب : ب سميه بحده : قلت لك روح الحين ناظر امه وبعدها التفت على رونق إلي معطيته نص ظهرها ومنشغله مع قدر ....هز راسه وغادر المكان بدون اي كلمه ! دانا تتمنى رونق ما هي موجوده تبغى تحقق بالسالفه وتتكلم سميه تحركت لاحد المحلات الصمت مخيم عليها ! اما الجازي تمشي وكانها جدار الصدمه شلتها الحين البنت الي طول الوقت يتغزل فيها وحالته حاله هي رونق ! طيب رونق عندها علم بالسالفه والا لا ! واضح على معالمها الارتباك معقول هي تبادله نفس الشعور ؟! تحس بصداع يضرب براسها ! ماتدري كيف مر وقت التسوق ..عقلها شغال بذي السالفة ! رونق مستغربه سكوت خالاتها وامها وضعهم مب طبيعي ! توجهت معهم للمطعم وهي تفكر فارس ولد اي وحده من خالاتها ! نزلت نظرها بضيق وهي تشوف فارس عيونه مسلطه عليها .... دانا توجهت لطاوله قريبه من الرجال وجلست عليها ! سميه اعطت نظره قويه لفارس وهي تشوفه عيونه على رونق ! الجازي النار دبت بقلبها متى تختلي بفارس وتاخذ منه كل التفاصيل! جلست رونق وهي تناظر خالاتها يناظرونها بتفحص .عقدت حواجبها بضيق،: فيه شيء ؟! سميه خزتها بقوة : ما في شيء ! وش يعني رح يكون ؟! رونق بقوة وانزعاج: اجل ليه تناظروني كذا فرح تغطي على الموضوع : زمان ما شفناك و الطاوله مغلقه اكشفي قبل ما تكمل كشفت رونق وما اهتمت لنظراتهم إلي واضح فيها عدم الاعجاب ! ناظرت الجازي إلي كانت بعالم ثاني وكأنه في سالفه كايده بعقلها! دانا : انا رح اطلب لكم العشاءعلى ذوقي ! خزت سميه بنظره «فكي هالعقده » سميه زفرت بضيق وانشغلت بالجوال ! رن جوال رونق ...كان رقم غريب ...حطته صامت ..تكتفت بعد ما أسندت ظهرها للكرسي ....نزلت نظرهاوغرقت بافكارها ! •• **** ** سالم ناظر الجازي واخواتها لما اختاروا طاوله : هذه إلي معها ابنة جواد ؟! فارس حس اصابه صمم من سؤال ابوه ...والتفت لفياض يسمع الجواب ! فياض هز رأسه: هذه البنت المخطوفة سعود : و كيف وضعها بالبيت معكم يعني انسجمت معكم والا ؟! فياض مط شفته باستياء:على حالها انطوائيه بشكل ينرفز تدري اني ما اذكر انها ضحكت والله يا اخي الي صار لها مب سهل ابدا ..كذا فجأه تكتشف انك مخطوف وعايش مع ناس مب اهلك وفوق هذا متزوجه عمها ومعها بنت ! فارس يناظره وهو يحس كانه مويه بارده انكسبت فوقه ! من هذه الحقائق ...البنت إلي دخلت قلبه هي نفسها ابنةخالته ! زوج دانا باندماج: ومب ناويه تروح لابوها ؟! فياض هز كتوفه: هذه البنت ما احد يحزر عليها ..يعني صحيح عايشه معنا بنفس البيت لكن تحس بعيده عنا ! سعود : بعين الله ! سبحان الله كيف ابنتها تشبه جدتها بشكل مب طبيعي! فياض انزعج من كلامه اعطاه نظره سعود بترقيع : اقصد جدتها حنين ! هذه هي طلعت ! فياض ناظر رونق تركت المكان ومعها قدر: يمكن اخذت ابنتها للحمام ! صحيح تذكرت تدري يا فارس انه عمار ذيك المره سكت لما شاف فارسنظراته مسلطه لجهة معينه ..نغزه بيده:وش فيك اكلمك فارس تغير وضعه وهو يحس باختناق وما يدري وش قال فياض ...انقذه رنين الجوال استغرب امه وش تبغى منه ! توجه لها بعد ما طلبت منه يروح لها! الجازي اول ما شافته نطقت : ابغى تفسير لهذا الشيء فارس عقد حواجبه وكأنه ما يعرف الموضوع: تفسير ؟! سميه بملامح غاضبه لكنها تكلمت بصوت منخفض: الي قلته قبل وصول رونق! فتح فمه وكأنه متفاجئ وبعدها ابتسم بصعوبه: الله يهديك يمه لا تقولين صدقت ترى امزح دانا خزته: تمزح؟!. رد بتبرير: يعني امي تقول نفسها تشوف إلي ابغى اخطبها يعني من وين رح تشوفها .. رفعت يدي بعشوائيه امزح معها واشرت وانصدمت مثلكم لما طلعت ابنة خالتي ترى ما كنت قاصدها ! ترى كل السالفه مسخره ومزح فلا تقلبوها جد ... تابع كلامه بمراوغه وبعدين انا قلت البنت معي بالجامعه وهذه مب بالجامعة شغلوا عقلكم بس شوي وفكوني من سوالفكم هذه! فرح خزته بعدم تصديق:احاول اصدق دانا بتحقيق :بس هي تدرس معك....ودك تقنعني انك ما تعرفها ؟ ! احتدت ملامحه لانه فعلا ضاق صدره من تحقيقهم : يعني وش رايك اعطيك كشف باسماء بنات الجامعه ! ترى قلت لك بالغلط صدفه جاءت كذا اشرت عليها وخلاص! وش هالورطه ! ليت اصبعي انكسر قبل ما اشرت سميه بهدوء قاطعته: خلاص روح فهمنا السالفه ! دانا ما صدقته وما انتهت لقافتها : طيب وش اسم البنت إلي تحبها بالجامعه؟! بسرعه جاوب اشوف ! ناظرها بغضب: اسمها صبحيه ارتحتي الحين ...وقسم بالله ترفعون الضغط ! تركهم ورجع عند الرجال وهو متندم على زلة لسانه .....ما توقع ولا احتمال انها ابنة جواد !- عفس ملامحه بكره لهذا الشخص الظالم المستبد ! ازفت نسب ولايشرفه يحط يده بيده ! ** ** ** جلست باحد المقاعد وهي تتنفس بتعب .....وش نهايه هالاستفراغ لازم باكر تعمل فحوصات ...ما هي طايقه حالتها كذا ..شدت على بطنها هي تحس ببروده تسري بجسمها وبنفس الوقت.ارهاق تعب ما تقدر تتحمله...مالت راسها على المقعد بتعب ....شدت على بطنها اكثر وبدات تقرأ « وننزل من القران ما هو شفاء ورحمة للمؤمنين " وبعدها بدأت تقرأ سورة الفاتحة وهي مغمضه عيونها ....تنهدت براحه بعد ما خف الالم ....رددت بهمس«الحمد لله الحمد لله» ناظرت قدر واقفه وتناظر حولها ببراءة وطفوله وتتأمل كل من حولها حست باهتزاز جوالها..رفعته بضجر توقعت انه امها. .لكن استغربت رقم غريب ! قفلته بلامبالاه ! ورجعت تكورت على نفسها وعيونها على قدر ما تبغى ترجع هناك !- حست باهتزاز جوالها مره ومرتين وثلاث حتى تعدى 10 مرات-مسكت الجوال بخمول كان كم اتصال من امها والباقي نفس الرقم! اتصلت بامها : الو .....لا ما في شيء زحمه بالحمامات ...._ناظرت شاشه الجوال لما اعطاها اشعار انه احد يتصل فيها ...نفس الرقم_ كملت المكالمه مع امها شوي واكون عندك ...ان شاء الله ! يتبع قفلت الخط وهي معقده حواجبها من اصرار هذا الرقم !،، وصلها رساله فتحتها «السلام عليكم ...انا ابوك جواد ردي» عقدت حواجبها هذا وش يبغى منها التفتت حولها تتفقد يمكن يكون حولها وهي ما تدري ! زفرت بضيق لما شافت اتصاله ...وكأنه ينقصها الحين جواد ...ومع ذلك هي موقنه بداخلها مهما كان يبقى ابوها وله حق عليها .....ما تبغى تكون عاقه وتغضب ربها .....يمكن مرضهاعقاب لانها عاقه لابوها ...كل الاحتمالات تدور براسها ..وبهدوء ردت بعد ما استجمعت قوتها: الو جوادضبط اعصابه : واخيرا رديتي حكت ما بين عيونها وهي عافسه ملامحها بتعب ....وبنبره هاديه تكلمت : رقمك مب مسجل عندي قاطعها بهدوء: مب مشكله سجليه عندك...والحين كيفك وش اخبارك ؟! رونق بنفس النبره : الحمد لله ! وش اخبارك ؟! جواد: بخير بس ينقصني شوفتك ! ولا تقولين لي ابو اتصل فيه او ازوره ! رونق بمجاراه: حقك علي بس انشغلت شوي سكتت ما ف شيء تقوله ! جواد عقد حواجبه: صوتك باين انك تعبانه او كنت سكت كان يبغى يقول لها «كنت تبكي» رونق بنفسيه حضيض للحظه كانت رح تفقد السيطره على نفسها وتقول له تعبانه يا يبه ما اجمل هالكلمه وما اعذبها لكنها صعبه عليها وما لها احقيه فيها بعد هالسنوات الطويله ..ردت بهدوء: مب تعبانه بس مزكمه شوي رد بهدوء: سلامتك ..محتاجه شيء ؟! اي شيء تبغينه انا موجود!، كتمت آهتها لو كانت بنت ثانيه كان صدقته بسرعه بس هي ما تقع بسرعه بعد ما شافت وحشيته بعيونها وفوق هذا امها ذاقت المرار معه ....كيف يقدر الانسان يمثل هالحنيه والطيبه بهذا الاتقان...طلعت من افكارها لما كلمها: الو وين صوتك ردت باقتضاب:معك معك هز رأسه ما رح يطول معها ذي البدايه وما هي سيئه : عموما انتبهي على نفسك ...واي شيء تحتاجيه هذا رقمي معك بس اتصلي فيني ! ردت لانهاء المكالمه : ان شاء الله ! قفلت الخط وتنفست الصعداء بعد ما قفل الخط ..وش يبغى من خلف هالاتصال ...والا خطه جديده لجذبها ! وقفت متوجه لامها لانها تاخرت عليهم ...ورجع عقلها يفكر بفارس وكلامه عن خطبته لها ! اكيد ما عمل كذا الا انه عارف انها ابنة خالته ويمكن سألها عن رأيها قبل ما يخطبها رسمي ! او يمكن يبغون ينتقمون من جواد عن طريقها ! بنظرها كل الاحتمالات وارده وما تستبعد شيء! قطعت افكارها لما دخلت المطعم وهي تشوفه يناظرها ..هذا الغبي رح يفضحها بنظراته وخاصه لما شافت فياض يناظر مكان ما يناظر فارس.....فياض نبيه وما تفوته اي حركه ! تابعت خطواتها وهي تتمنى تعدي الليله على خير ! الجازي باستغراب : وينك تأخرت وجوالك مشغول ! جلست وهي تشوف خالاتها يناظرونها ينتظرون الاجابه...اخذت نفس وردت : هذا انا جيت ما صار شيء ! دانا رفعت حاجب اجابتها ذبحت فضولها : الاكل برد قاطعتها رونق ببرود :ما ابغى اكل عليكم بالعافيه ..ومدت يدها تناولت من الاكل لقدر ! الجازي اكتفت بالسكوت لأنها حست رونق ما ودها تتكلم قدامهم ...احترمت رغبتها وسكتت فرح بتأمل : وش فيهم عيونك منتفخه كذا ! الجازي ناظرت عيون رونق: صاير شيء! رونق زفرت بضيق من لقافتهم ما لها خلق لاحد ..ردت وهي ماسكه اعصابها ..وبهدوء نطقت: يمكن من الاستفراغ! الجازي: استفرغت ! انا اقول لازم تعملي فحوصات قاطعتها رونق : ما فيني شيء بس الظاهر اخذت برد سميه رفعت حاجب وهي تتأملها بعدها ناظرت دانا إلي تمزح : بعد عمري ما تنلامين عايشه بقريه وحر وفجأة كذا مكيفات و هواء بارد ناظرتها رونق بملل وكأنها تقول لها يا سخفك! الجازي اعطت دانا نظره بمعنى انكتمي:، يا ليت تكملين العشاء بدون صوت دانا بابتسامه ناظرت رونق: ترى امزح ابغى اغير قاطعتها فرح بتحقيق وهي تكلم رونق : انت بأي جامعه تدرسين يا رونق ؟!- خزتها الجازي بقوة وهي نفسها تقوم تصفق اخواتها يعني فرح تعرف وين تدرس ليه تحوم حول السالفه ! رونق رفعت حاجب : ليه تسألين ؟! فرح فتحت فمها للحظه ما توقعت هالاجابه وباستدراك نطقت : اقول يمكن تعرفين ابنة دانا تراها بالجامعة دانا بتذكر : صحيح ما تعرفين ابنتي بالجامعه ؟! الجازي فتحت فمها من كذبهم !- مطت شفتها رونق بضجر : تدرين نسيت كلما اشوف بنت بالجامعه أسألها انت ابنة خالتي دانا ! فرح عقدت حواجبها وفتحت فمها بصدمه: سبحان الله نفس اسلوبه الخايس وبتقليد لفارس «نسيت اجيب كشف باسماء بنات الجامعة» مالت عليكم وعلى خلفتكم النفسيات !- عقدت حواجبها رونق باستفهام : مين تقصدين ؟! الجازي تعض على شفتها وتعطي اشارات لاخواتها ينكتمن بس ما في فائده ! دانا وجاءتها الفرصه ابتسمت وهي تشرح بطريقه كوميديه : تقصد ابن سميه فارس هذا إلي كان واقف معنا لما سلمت علينا ! سألناه اذا كان يعرفك شهقت دانا بألم لما رفست الجازي رجل دانا بقوة من تحت الطاوله! واعطتها نظره تهديد و وعيد ! فرح طالعت دانا : وش فيك ! دانا كتمت وجعها وابتسمت بتورط : و لا شيء ! رونق تناظرها تبغى تسمع السالفه هل اهله يدرون عن سوالفه والا ما خبر احد ...بس تحكمت بنفسها وما سألت عن باقي السالفة حتى ما احد يظن انها مهتمه بامره ! دانا رجعت ناظرت رونق ما تعرف تسكت : ايه ولما سألناه قام هب بوجهنا وقال« نسيت اجيب لكم كشف باسماء بنات الجامعة » انت تعرفيه كون تخصصكم نفس بعض ! رونق شيء نغزها انهم يبغون يسرقون منها كلام وكأنهم شاكين بشيء ...وبهدوء ردت : الحين هذا إلي كان معكم بالجامعه! وانا على بالي بالمدرسة ! سميه حست بكلامها تنقيص لولدها :لا يا شيخه خلي عنك ! بالمدرسة ! فرح : بصراحه بالغت يا رونق لانه ما شاء الله ولدها باين انه كبير ومزيون بعد ! يا حظ إلي رح تكون من نصيبه ! مطت شفتها رونق بملل وانشغلت مع قدر وما علقت على الموضوع ! الجازي تضايقت من اخواتها وحستهم زادوا العيار بثقل دمهم ! بس مب قادره تتكلم تخاف دانا تجيب العيد وتقول السالفه قدام رونق ! رفعت الجوال واتصلت بفياض حتى يرجعون! دانا باعتراض: ليه يا قزومه دخلت ديما عندهم : بابا يقول يلا !- سميه وقفت مستعجله على الرجعه وراءها تحقيق مع فارس: يلا قومي ! فرح عبست ملامحها : علامك كذا تكلمينا ترى حنا ما لنا دخل اذا ولدك قاطعتها سميه وهي تدوس رجلها قبل ما تفضحهم:انكتمي وقومي! فرح بألم : يوجع يا دبه تدوسين رجلي تظنين نفسك فراشه تراك فيل كسرت رجلي! تلقائيا رفعت رونق راسها بعد ما تغطت وابتسمت وهي تشوف انفعال فرح وشتائمها لسميه ! دانا وقفت واخذت شنطتها بطريقه كوميديه : الا قولي برميل نفط امشي بسرعه قبل ما تنفجر فينا ! سميه ما لها خلقهم تركتهم وطلعت ! الجازي مسكت يد ديما : حسابكم بعدين ! يلا يا رونق ! ناظرتهم رونق بصمت وتحركت وقدر ممسكه بيدها ...كانوا الرجال واقفين مع بعض ينتظروهم....نزلت نظرها بهدوء بدون ما تنتبه على الاشخاص إلي حطوا كاميرات مراقبه عليها ! أصدر جوالها وصول رساله ..طلعت جوالها وهي معقده حواجبها مين رح يراسلها ! استغربت وعقدت حواجبها وردت برساله« نعم؟ » رفعت راسها بتلقائية وجاءت عينها بعين فارس وهو ماسك جواله وبنفس الوقت أصدر جواله صوت رساله ! نزلت نظرها لما وصلها الرد «ابغى اشوفك ضروري» تحركت لما حست فيهم يمشون وعيونها بالجوال ..تنهدت وردت « وش تبغى ؟» رفعت راسها لما حست انها رح تدعثر بخطواتها ...مسكها من كتفها فياض بهدوء وبنبره غامضه بدون ما يناظر جوالها : حاسبي على خطواتك ! واتركي عنك الجوال الحين ! وقفت معه وحست بنظراته شيء ما ريحها : في شيء؟! ناظر جوالها بعد ما اعطى اهتزاز لوصول رسالة رجع ناظرهم وهم يبعدون عنهم ونطق بنصح ابوي : ان كان في شيء بينكم فلا تأملين نفسك لانه مستحيل اهلك يقبلون فيه وان اصر عليك صدقيني بيلعب عليك نكايه بابوك ! عقدت حواجبها باستنكار نطقت: وش تقصد! رد بحزم : قصدي عارفيته اكثر مني !- وان كان ما معك خبر بشيء انتبهي توقعين وقتها انت الخسرانه ! تركها وتقدم منها بخطوات هاديه يمكن البعض يشوف تصرفه غلط وقليل ذوق وما له دخل بالأساس! لكنه حب يعطيها نصيحه حتى تكون على بينه ....هو ماهو غبي حتى ما يلاحظ نظرات فارس اكلتها بشيء مب طبيعي ما يقدر ينتقده بكلمه لأنه بسهوله رح يقول انه ما يطالعها ويناظر شيء ثاني ! الاثنين يدرسون بنفس الجامعه وبنفس التخصص ونظراته لها تؤكد انه يعرفها ! الصدفه جوالاتهم الاثنين تعطي اشعارات وكأنهم يتراسلون ..هي كتبت بالجوال وناظرته وبنفس الوقت وصلت لفارس رساله ! قراها وكتب ورجع يناظرها معقول تكون صدفه ! بنظره اي بنت بهذا العمر تتأثر بهذه الأمور ..هذا شيء طبيعي .....وبوضع رونق يمكن تنتظر البطل إلي يخلصها من حياة التشتت ... يمكن رونق ما عندها فكره عن الموضوع وكل هذا صدفه ..لكن فارس ما هو صدفه متأكد يحوم حولها وما رح يسمح لهذا الشيء يصير ابدا ! رونق واقفه وكأنها جماد بعد ما القى كلماته ...يترجم عقلها كلامه ووصل لنتيجه وحده انه يشك باخلاقها ...انجن عقلها عند هذه النقطه وبسرعه توجهت نحوه ...جذبته من كتفه وبنبره غاضبه : انت تطعن قاطعها وهو يفك يدها عنه برفق وهو يناظر حوله : حنا بمكان عام ! قاطعته بغضب هامس : ما يهمني احد رد وهو يرجع للخلف خطوه حمل قدر بهدوء: انا ما اشك باخلاقك بس انبهك من فارس! مجرد نصيحه ابويه وانت حره تقبليها او لا ! لا تنفعلين بزياده ترى انا شايف نظراته لك ومتأكد منها وانا احذرك منه واقولك يعني مجرد احتمال ان كنت على علم بحركات فارس انتبهي منه هذه كل السالفه لا تكبرينها ! والحين امشي تاخرنا عليهم ! ناظرته بنظرات قويه وهو يؤشر لها براسه تمشي ! تحركت خلفه بصمت ....او خلينا نقول اضطرت تسكت لانها ما تبغى احد يعرف انه فارس وصل لها مشاعره ! يحذرها من فارس معقول سامع شيء! وليه واثق انه اهلها يرفضونه كذا ! بالعكس يمكن فرصه يتخلصون منها كونها بنظرهم ما احد رح يخطبها بعد طلاقها من نايف ومعها بنت ) اصلا هي مستحيل تقبل بفارس ما يعجبها شكله ! ضربت جبهتها بقوة هي وين وعقلها وين راح بتفكيره! صدق ناقصات عقل ! ناظرت فياض شخصيته حلوة بالرغم انه بالاربعين معقول ابوه مثله ! قرصت نفسها بقوة الظاهر وقعت بشباك هالشايب قبل ما تشوفه! يمكن من كثر ما هي كارهه ام فياض راسمه تقهرها ! وقفت عند السياره لما نزل فياض قدر ....الجازي باستغراب: علامكم تاخرتم ؟! فياض فتح السياره وعيونه على فارس لما حرك وغادر المكان : ما في شيء ركبت رونق بصمت وهي صاده لجهة الشباك ..وعقلها يلف بالدنيا ما بين فارس وجواد وقدر وامها واهل ابوها عقلها مشوش كليا ! *• *• *•• سميه ناظرته باتهام : اقولك قول الحقيقه وبدون لف ودوران! سالم يناظر فارس ينتظر منه جواب بعد ما خبرته سميه بالسالفه : تكلم ! فارس زفر بغضب : قلت لك اتغشمر ومجرد مزحه لكن انت محششه براسك افكار انه في شيء سميه بمقاطعة : وعيونك إلي اكلتها طول الوقت وش تفسرها ! مط شفته وهو يحس نفسه محاصر : ما ناظرت احد يعني اذا ناظرت الطوفه والا الكرسي تجلسين تألفين قصص من راسك ؟! سميه بانفجار : ترى طول الوقت مراقبك وش هالصدفه نغمات الرسائل بينكم عقد حواجبه باستنكار: رسائل ! اي رسائل انت وين وصلت بالمسلسل الي ألفتيه !،ترى حرام عليك هذا ظلم ! اقسم بالله ما معي رقمها ولا عمري كلمتهااوراسلتها خذي شوفي الجوال وشوفي الرسائل ترى عمي سعد كان يراسلني ! مد لها الجوال بثقه وهو يتابع كلامه : صدقيني لولا اني ابغى اثبت براءه البنت والا ما حلفت ولا مستعد اهتم اذا صدقتي او لا ! سميه ما اخذت الجوال ...تكتفت وبنظراتتحذير : لا تفكر مجرد تفكير انك تأخذها لسببين ! سالم يكمل عنها : السبب الاول جواد لو ما بقى بنات بالعالم الا بناته ما رح ننسابه ما بقى الا نسب هالعائله المريضه ! ترى ما انسى نظراته لنا وكأننا حشرات وحضرته ملك نازل من السماء ! فارس رفع حاجب بعد ما تكتف : والسبب الثاني ! سميه بغل : السبب الثاني لاجل البنت نفسها يا لطيف وش رافعه خشومها للسماء من اول ما التقينا فيها وهي تتعامل معنا بفوقيه انسانه جليد ما تحس ما عندها مشاعر ! فارس بهدوء ومن داخله وكأنها صخره على قلبه اتعبت قلبه وما عاد يعرف وش يبغى : قلتلك من قبل ما في شيء وكل السالفة مزحه بس انت وخالاتي قلبتم السالفه جد ! انا طالع انام تبغين شيء تحققين فيه قبل ما اطلع ! ردت سميه بعد ما ناظرته بتقييم : لا ! مط شفته بضيق واختفى عن عيونهم ..وقف بعد ما اختفى عن نظرهن ...وهو يسمع امه تكلم ابوه عن تصرفات خالاته دانا وفرح بالمطعم ..خفق قلبه بقوة لما وصلت امه عند سؤال خالته اذا تعرف رونق فارس بالجامعه ! دقات قلبه تدق بقوة حتى يسمع الاجابه ..قطعت عليه اخته وهي تضربه على كتفه بمرح : وش تعمل هنا ! ناظرها بغضب وبهمس: انكتمي! رفعت صوتها ايات : جالس تتسمع على امي وابوي ! مسكها من فكهاوشد عليه بسببها ما سمع الإجابة : ما تعرفين تنكتمي ..يا ثقل دمك ! انقلعي من وجهي دفها بخفه وما صدقت خبر بسرعه هربت! ورجع لامه و ابوه لما نادت سميه بصوتهاو ؛وش فيه ! اقترب منهم بملامح مكبوته : ولا شيء نسيت مفتاح السياره ورجعت اخذه ! سحب المفتاح وطلع ووقف وهو يسمع امه متضايقه : تخيل تقول عن فارس وانا ظنيته بالمدرسة تقول ما تعرفه ! زفر ببطئ مرتاح ومتضايق بنفس الوقت مرتاح انها ما خبرت احد انه افصح بمشاعره تجاهها وانكرت معرفته ! ومتضايق من كلامها لذي الدرجه شايفيته ما يسوى ! ايه ما هو بعينها طالب مدرسه ! شد قبضة يده بقوة « يصير خير » ** *•** ••** انتهى البارت ..انتظروني يوم الاحد بإذن الله ...دمتم بخير | ||||||
|
| |
|
22-07-20, 04:35 AM
| #40 | ||||||
| مشرفة منتدى الروايات المنقولة
| بارت 14 مسكه وكأنه انقض على فريسته وبنظرات حاده وهو يجذبه لجانب الطريق وبتحقيق : مين تكلم عن رونق انها مدمنه ؟ مين قال هالكلام؟! تكلم قبل ما اهفك اياد وجهه احمر يبغى يبكي من الخوف من ملامح زياد : مب انا قلت ! اصلا ما اعرفها ! هزه بقوه وهو صاك على أسنانه: مين قال لك ؟! اياد يحاول يحرر نفسه من قبضته: انا ما لي علاقة لؤي تكلم قدامنا ! فتح عيونه بصدمه ..وش هالفضيحه : قدامكم ؟! قدام مين تكلم هالزفته ؟! اياد بصعوبه نطق من الخوف :قدامي انا بس ! رد بعدم تصديق : بس انت قلت قدامنا ..تكلم قدام مين تكلم ! اياد بانكار وهو يبكي :والله بس قدامي والله سكت لما استقر يد زياد على خده وهو يتكلم بتحذير : والله ان سمعت هالكلام طلع من لسانك الا اقصه وارميه للكلاب تفهم ! هز راسه بخوف بس يبغى يهرب من قبضته ...زياد بتاكيد،: وان سألك جواد من وين سمعت الكلام يا ويلك إن قلت لؤي تصرف السالفه ولا كانه لها وجود تفهم ! هز راسه وهويمسح دموعه وهو يتمنى يفر من سطوة هالوحش ! زياد زفر بغضب : لؤي وين؟! اياد وهو يحاول يفلت : عندكم اتركن قبل ما يكمل دفه زياد بقرف وتوجه لبيتهم وهو ناوي على لؤي ...دخل البيت ناظر الصالة فاضيه نادى بصوته الغاضب : لؤي لؤي طلعت ام راكان من المطبخ: وش فيك صوتك لاخر الحاره!، زياد اخذ نفس : وينه لؤي؟! ام راكان بحرص بعد ما خبر اياد عن زياد خلته يهرب لانها متاكده رح يجلده: مب هنا طلع ! رفع حاجب وللحين ما طلع حرته : وين انقلع ام راكان تتوجه نحوه بهدوء وباقرب كنبه جلست : وش تبغى فيه زيادبقهر هز كتفه: ولا شيء ! تدرين انه يتكلم على رونق انها مدمنه قاطعته ببرود: طيب وش الجديد بالسالفه مدمنه وستين الف مدمنه ! فتح عيونه باستنكار : يمه كلامك هذاما يصير ترى لو عرف جواد بالسالفه ما هي حلوة بحقنا نتكلم على ابنته مطت شفتها باستصغار: من زين ابنته ! بعد ما فضحتنا بالحفله ! صفر بضجر : انت تعيدي بنفس السالفه خلاص انتهت قاطعته بقوة : لا ما انتهت وكيف تنتهي والناس اكلت وجهنا بالشائعات بعد سواد وجهها ! عقد حواجبه باستنكار:-شائعات صفقت يدينها ببعض: الحريم يتكلمون من بعد تصرفها انها تحب راكان وعلشان كذا خربت الحفلة انتقام قاطعها وهو عافس ملامحه من الشائعات إلي ملتصقه برونق : وش هالتخلف بعقل الناس قاطعته ام راكان : وهم صادقين ! تبغى تقنعني انها عملت كل الضجه وخربت الحفله علشان امها تنتقم لها ! ترى ما لها فتره عارفه امها سبحان الله جاءتها الحميه تدافع عن امها الا بخطبة راكان ! عقد حواجبه بعبوس: وش تقصدين ردت بمصارحه علنا : وانا مصدقه هالشائعات لا تنسى انها اشتغلت عند راكان تبغى تقنعني وحده قرويه مثلها ما حفيت خلف راكان حتى يناظرها ولما شافته خطب اختها انجن جنونها لو شفتها بالحفله بعيونك وش عملت كان صدقت ! هز راسه باشمئزاز يطرد هالافكار: يمه الظلم ظلمات يوم القيامه ...نام مظلوم ولا تنام ظالم ! والله موقفك ما يسوى ترفع يدينها بالليل وتقول «حسبي الله ونعم الوكيل بكل من ظلمني» لا يا يمه انا اعزك وما ابغى يوصلك اذى من خلف كلام قاطعته بعدم اقتناع وبكلام مبالغ فيه: وش تسمي مقاطعتها للاكل وكل شوي تستفرغ وتفقد الوعي والحين يراكضون فيها المستشفى ليه تاركه الاكل كله لانها فقدت الاملمن راكان قاطعها بضيق : انت مين قال لك ردت وهي ترخي ظهرها للخلف بشماته: ام فياض قبل شوي اتصلت فيها حتى نشوف اذا الجازي فاضيه لأنه راكان ومريم يبغون يزورونها ! وقالت لي انهم اخذوها لمستشفى بس انتبه تخبراحد ترى نبهت علي ام فياض ما اقول لاحد حتى ما توصلها مشاكل! عم الصمت للحظات وهو سارح بفكره ...ناظر امه إلي تكمل كلامها: يمكن خطيتنا مرضها وربنا جازاها ناظرها وما عجبه كلامها : الحين كل واحد مرض يكون عقاب من ربنا لانه غلط بحق غيره! يعني جدتي الحين مرضها عقاب ........ الله اعلم مين ظلمت وهذه خطيئته ! وانت ذيك المره لما جلست بالفراش كم يوم خطيئة مين ؟! خلينانرتقي شوي بعقولنا المرض شيء ما احد يتشمت فيه ...يمكن يكون بلاء من عند ربنا او تكفير خطايا وذنوب ... وبنبره راجيه : يمه اذا لي خاطر عندك لا تنزلي مستواك لذي الامور تراك غاليه وانا ما اقبل لك تكوني كذا وتذكري العرض دين لاتطعنين بالعرض حتى ما يرجع لنا ! سكتت ما في كلمه تقولها ...ناظرها وهي ساكته : انا طالع الحين تبغين شيء! تنهدت بهدوء وردت: لا وبتذكر : بالله عليك لؤي ما تضربه تراه قاطعها بهدوء: ان شاء الله ** ** ** ** حاضنه نفسها وهي جالسه على كراسي الانتظار وبضجر: وش هالازدحام هذا ! كل الناس اليوم مريضه ! الجازي بهدوء تناظرها باهتمام : تعبانه اذا مب قادره تتحملين اتصل بفياض رونق برفض: ما ابغى احد يمن علي قاطعتها الجازي بحالميه : غلطانه ترى فياض ما فيه مثله انسان مثالي و راقي ومتفهم وصبور وعنده نخوة واجمل ما فيه خلق الحلم ما تتصورين كم هو حليم ! هزت راسها بالنفي بكل تعب...بعدم تصديق ..أسندت راسها على الكرسي وناظرت السقف وهي تتكلم بنبره رقيقه حزينه بموضوع طير عيون الجازي : وش كان شعورك لما التقيت بجواد ذيك المره بالمستشفى؟! فتحت الجازي عيونها باستنكار : وش تقولين؟ رونق عدلت جلستها وضغطت بيدها على بطنها تخفف الالم: يعني معقول عشت معه يمكن 3 سنوات ولما تشوفينه ما يكون بداخلك مشاعر تتحرك سواء كره او حب ! الجازي رفعت حاجب بتحقيق مع رونق:، البارحه كنت مشغوله معه على الجوال ؟! هزت رونق راسها بدون اي كلمه الجازي بانفعال: وش يبغى منك ؟ رونق مطت شفتها بسخريه يعني اب وش يبغى من ابنته ..وبنبره ساخره : يبغى يرجعك لذمته حتى يلتم شملنا حنا الاربعه ...وش قلت ؟! الجازي ضربت رونق على راسها بقوة: وقحه ! ضحكت رونق بالرغم من تعبها وهي ضاغطه على بطنها بقوة اكبر : يعني اب وش يبغى من ابنته ؟! تنهدت رونق بتعب بعد ما غادرتها نوبةالضحك:انا اتكلم جد وش مشاعرك تجاه جواد؟! الجازي ردت بكره : بحياتي ما كرهت انسان مثله ناظرتها رونق : يمكن توهمين نفسك وتقنعيها انك تكرهيه حتى تطمسي مشاعر جميله نمت بيوم من الايام له !- جدي قال انك حبيته قاطعتها الجازي : انا ما حبيته انا تقبلت الواقع وقتها واقنعت نفسي اني احبه ! رونق حضنت نفسها وهي عافسه ملامحها بتعب ..وبرفض لاجابه الجازي وعدم تصديق : يعني تأخرت بالانجاب بدايه حياتك لو كنت ما تحبيه كان قلت اجت لوحدها وطلبت الطلاق ..ليه ذبحتي حالك حتى تنجبين منه ؟! بالرغم من معاملته السيئه معك ! كل هذا ما له تفسير الا انك حبتيه وما لقيتي حل انك تربطيه فيك الا الحمل! رفعت نظرها بلوم وعتاب : دام حياتكم من بدايتها مشاكل ونكد ليه سعيتي لوجودنا ؟! غريبه حياة الازواج دام التفاهم معدوم بينكم ليه تنجبوا عيال وتخلونهم يعيشون بأجواء نكد وصراخ وهموم وكدر ! دامكم مب قادرين توفرون للطفل حياة بجو اسري يملاه المحبه والسلام والاستقرار لا تنجبوا ! الجازي تناظرها بصمت خيم عليها ! رونق ناظرتها وهي للحين متكوره : ليه حياتنا مختلفه عن القصص والروايات ..كل الروايات تقول انه البطل يندم على عمله بالبطله ويصير يحبها بجنون وهي تسامحه وترجع له لانها تحبه ! او انه البطل الشرير يصير له شيء حادث او يمرض ويندم ندم شديد على اعماله السيئه مع البطله .والبطله بقلبها الرهيف تسامحه ! حنا الواقع مب كذا ! هذا هو جواد ظلمك وعايش حياته ومبسوط ! ليه الروايات والقصص ما لها وجود بواقعنا ! حسب الكلام إلي نسمعه انت تحبين جواد! لانهم يقولون اذا اساء لك الشخص إلي تحبيه فما لك الا امرين اما تسامحيه وترجعين له لانك تحبيه او الحب كله يتحول لكره وتغذين ذكراه بالحقد ! اما اذا ما عاد يطرى على بالك ونسيتي وجوده فهذا دليل انك اصلا ما حبتيه مجرد مشاعر وهميه و انتهت ! قاطعتها الجازي بغيض: ما شاء الله عليك والله ما هو مخرب عقلك الا هالخرابيط إلي طول وقتك جالسه عليهم ! مشكلتك مب فاهمه الحياه ! ترى هبل رواياتك ما هو موجود بالحياه يعذبها وفجأة يحبها وهي تسامحه لانها تحبه اصحي يا ماما ! شوفي المراه لها قدرة على الصبر والتحمل غير معقولة ..يعني هذا الشخص يؤذيك ويعذبك وتصدر منه تصرفات تجرحك ومع ذلك تتحمل الانثى وتطنش على امل انه بعد اول مولود يتغير الحال وتتحمل طول هالفتره حتى تضع طفلها الاول ....بعدها تتحمل وتصبر على زوجها مب حب فيه لا علشان عيالها لكن بعد وقت خلاص الكرامه فوق شيء قاطعتها رونق بعد ما مطت شفتها : اي كرامه اشك اذا عند الحريم كرامه! وين كرامتك من اول مره رفع صوته عليك او مد يده وين الكرامه وانت جالسه معه ، وكأن المرأه حيوان يضربها ! كرامتي ما تسمح لي اجلس في بيته دقيقه ولو يموت ما رجعت له حتى يتأدب ويعرف قيمتي قاطعتها الجازي بسخريه: على هالحال عمرك ما رح تجلسين دقائق عند زوج الغفلة ..صدقيني الحياه الزوجيه مختلفه عن تصورك هذا ! رونق مط شفتها بملل من هالحياه وزاد تعبها: اصلا ما احد فاهم الحياه غيري ! والا اقولك فهميني هالحياه نأخذ مثال من حياتك فياض الحين كيف وقع بشباكك ! ابتسمت وهي تغمز لها : نأخذ منك خبره بالتزبيط لا تستحين ! وقفت الجازي بغضب: فعلا انك وقحه كله من هالروايات الي تشوفينها مفصحيتك والي يشوفك دوم تطالعين يقول م شاء الله يظن انسانه مثقفه ما يدري انها قاطعتها رونق وهي تشوف فياض اقترب منهم مسكت يدها : اجلسي الجازي بحده رفعت اصبعها بتهديد: ان جبت سيره ابوك والله ما اجلس جلست الجازي و بلعت ريقها وهي تشوف فياض خلفها ووجه احمروباين عليه الغضب ! رفع حاجب وهو يناظر الجازي وبصوت منخفض : وش صاير ؟! الجازي ردت بصوت يكون هادي وطبيعي: ولا شيء فياض اعطاهم نظره ما ريحت الجازي! رونق اخذت نفس عميق وهي تصدر صوت النفس ....وبعدها سألته: متى دورنا ناظرها فياض وهو نفسه يصفقها كف على وجهها من برودها :مطوله رونق وقفت بهدوء: انا رايحه للحمام مسكها من كتفها فياض وهو صاك على اسنانه وبنبره تحذير : سيره جواد يا ويلك ان فتحتيها قدام امك ! ناظرت رونق كتفها باستنكار وهو شاد عليه ونظراته المتوعده لها وكانه يحذرها يقال ذابحيته الغيره ..بدت مشاعر الكره تغلي بداخلها فكت يدها منه وبنبره قويه حتى تحرق قلبه وتثبت لامها انه ما في رجال مثالي: وش دخلني هي تسال عنه وانا اجاوب ! فتحت الجازي فمها باستنكار ...وانلجم لسانها م توقعت رونق تعمل فيها كذا وناويه تخرب بيتها ! فياض رجع جذبها من كتفها بقوة؛ اتقي شر الحليم ان غضب ! مطت رونق شفتها ببرود : ما يهمني لا خيرك ولا شرك ... الجازي بمقاطعة : انا سألتك عن الزفت ! رونق وهي تحاول تفلت يد فياض وهي تناظر حولها المكان مزدحم : لا انا إلي فتحت معك موضوع حتى ترجعين له .....ترى مازال العرض مفتوح فكري بالموضوع وانا انتظر ردك سكتت وكتمت المها لما شد يدها فياض بقوة : لا تستفزيني اكثر يا رونق ! وقسم بالله احول حياتك جحيم ! رونق احتدت نظراتها وبقوة نطقت : لا تهدد انت إلي بتندم وسرعان ما دعست على رجله بقوة حتى يفلتها! الجازي منصدمه من تصرفاتها : رونق وش فيك ؟! اول ما تركها فياض وهو عافس ملامحه من دعستها على رجله ....جلست على الكرسي بتعب ! الجازي بضيق ناظرت فياض بلوم : فياض قبل ما يتكلم اخذت رونق نفس عميق وكانها تكلم نفسها : زعلت لما قلت لها ابوي كلمني البارحه ما تبغاني اكلمه وتحقق معي وش يبغى مني ؟! انا اقترحت عليها تتركك وترجع لجواد ونعيش حياة طبيعيه بس زعلت وما تبغى سيرته ! إذا انت تكرهين ابوي مالك حق تجبريني اكرهه وتتحكمين بمشاعري! وش تختلفين عن جواد اذا اتبعت هذه الطريقة؟! تحكم بمريم ومشاعرها ! كلكم مثل بعض ...انا ومريم ومجرد اداه انتقام بين العائلتين بس ! كانت رح تتكلم الجازي ..قاطعها فياض وهو يؤشر لها تتركها تتكلم براحتها ! مسحت رونق دمعه نزلت غصب عنها : انا مب فتانه حتى اخرب بينكم العلاقه لكن ابغى اقهرك واطلعك عن مثاليتك المزيفه ! ما تحملت ثواني وكان الانسان المثالي المتفهم الراقي مثل غيره من الرجال همجي وما عنده اسلوب الا الضرب والتهديد والوعيد...قلت لك يمه الرجال كلهم مثل بعض ...لازم تمشين على هواهم ان خالفت لو نقطه يدوسونك تحت الارض ! شفت بعيونك يا يمه ! فياض رفع حاجب وهو باصم 100 % انها بحاجه لطبيب نفسي ! ارخت راسها على كتف الجازي وغمضت عيونها بتعب ...هذا المرض هد حيلها ! رفعت الجازي نظرها لفياض بتردد ....هز راسه بهدوء واعطاها اشاره كل شيء تمام ! ابتعد كم خطوة عنهم وجلس مقابل لهم ! الجازي تحس الضيق إلي بداخلها ما عادت تقدر تحمله ....رونق رح تبقى حسره بقلبها حتى بعد ما التقت فيها ما حست بطعم الراحه ! كيف توفر لها حياة هاديه من خلالهاتريح نفسيتها وتحس بالاستقرار عند اهلها مستحيل اخواتهاما رح يتركونها بحالها ! وان راحت عند جواد متاكده رح تتدمر نفسيتها نهائيا وتخسرها للابد ! ما تبغى تخسرها بعد ما لقتها!- ما عندها الا حل واحد وما لها غيره ....لانها متاكده رونق بس بحاجه لاستقرار خالي من رجال ! ناظرت فياض المنشغل بجواله بأسف ما لها غير هالحل لازم تضحي لاجلها ! *** *** ** تمددت بتعب على سريرها...جرثومه من وين جاءت لها واحتمال يكون معها القولون العصبي ..مطت شفتها دكتور غبي ما يفهم شيء ! هي الغبيه الي قررت تراجع بالمستشفى !- تذكرت قدر من التعب نسيت تقول لامها يجيبونهامن عند نجوى ! طلعت بخطوا ت هاديه ...قبل ما تنزل عقدت حواجبها من صوتهم الطالع الجازي تغلي غلي ابنتها قاعده تضيع منها وما رح تسكت : اقولك انا رح اسكن في بيت لوحدي مع رونق والعيال! فياض صفق يدينه: برافووووووو ومتى الرحيل ان شاء الله!، الجازي الله يرضى عليك مب رايق لذي السخافات قاطعته : ما رح اسكت ورح اطلع رونق ..مب مرتاحه هنا المكا ذن هذا ما يناسبها قاطعها بقوة بعدما استفزته : قلت لك من قبل والحين اعيدها رونق بحاجه لمصحه نفسيه قاطعته بغضب :ابنتي مب مجنونه تسمع مط شفته بسخرية:ما ذبحك الا المكابره رح تفقديها وانت تكابرين ! البنت بحاجه لدكتور نفسي لانها كلها عقد نفسيه ومنظرها لوحده يجيب الاكتئاب تحتاج لعلاج باسرع وقت قبل ما تتفاقم حالتها ! وفوق هذا قدر رح تعيش بتعاسه دام رونق امها ومقابليتها 24 ساعه الجازي ترفض هالكلام : ما رح ارد عليك.. علشان كذا انا رح انتقل مع رونق لبيت وحدنا تكتف وهو يناظرها بتقييم : حلو حلو طيب من وين لك اجره البيت ومصروف وهذه الامور ! مسحت دموعها بعنف من العجز الي تعيشه المراه : ابوي ما رح يقصر ! ابتسم بسخريه رغم الغضب الي بداخله:ما شاء الله خالي يدفع..... وكأنه جالس على بنك ! تراك انهبلتي وجالسه تدمرين بيتك علشان شخص ما يستاهل اصحي من غيبوبتك لو تضحين من اجل مريم كان قبلتها لانها شخصيتها ضعيفه وان كرهتك ما هو بيدها اما رونق غير ما احد يتحكم بمشاعرها قويه وتوقعي منها تدوس على مشاعرك بدون ما يرف لها جفن ! تعوذي من الشيطان واترك قاطعته برجاء : فياض لا فياض احتدت ملامحه سرعان ما هدت ملامحه وهو يشعر بوجود رونق ...رفع حاجب بخبث مستحيل يقبل انه يخرب بيته ...تعيش رونق سعيده لكن ما هو على حساب بيته واستقراره.. .نطق بعد مازفر بهدوء: انا موافق تسكنين لوحدك في بيت ثاني ومستعد ادفع الاجره والمصروف لكن بالمقابل عيالي عندي يعني بالمختصر تطلعين انت ورونق وقدر وبس ! سكتت الجازي وانلجم لسانها كيف تترك عيالها ! تابع كلامه وهو يناظرها بانتصار :معك ثلاث ايام تختارين بين رونق وبين وسيم ، خالد ، ديما ! وانا راضي باختيارك ! الحين طالع اجيب امي والعيال اعطاها نظره وغادر البيت وهو متاكد انها سمعت الكلام ! ومتأكد من اختيار الجازي مستحيل تتخلى عن وسيم خاصه! يمكن بعد اختيار الجازي تحس على دمها رونق قطع افكاره بضيق وهو يحس انه تصرفه غلط وبنفس الوقت مصلحة اسرته أولى وما رح يسمح بشتات عائلته ...وما ينسى رونق بدات الحرب بكلامها بالمستشفى ! رونق تسمع وهي مصدومه ...دكتور نفسي ! لذي الدرجه يظنها مجنونه ! يخير امها بينها وبين عيالها ! رجعت بخطوات للخلف وللحين الصدمه محاصريتها ! دخلت للغرفه بخطوات تائهة ...ناظرت نفسها بالمرايه ..منظرها يجيب الإكتئاب اذا فياض يعمل كذا ويتكلم عليها كذا ! غمضت عيونها وعقلها يفكر باختيار امها ! ما عندها اي فكره عن اختيار الجازي !- رجعت للسرير ارتمت لما حست بدوخه ! تحس عقلها توقف عن التفكير ...عيونها جمدت عن البكاء مب قادره تفكر بشيء ! يمكن هي سيئه بتعاملها مع الناس علشان كذا بتشوف ذي المعاملة من إلي حولها ! مب قادره تستعيد نفسهامن جديد! لازم تتغير وتكون اكثر مرونه ! هي متأكده من شيء واحد انه وجودها مضايق فياض لحد ما تتصوره !، هذه اخرتها يطلع عليها اشاعات انها مجنونه! هزت راسها بالرفض ما هي مجنونه! رفعت نظرها للسقف معقول انها مجنونه بس هي مب حاسه بنفسها ! الحين المجانين ما يعرفون عن نفسهم مجانين يحسون انفسهم مثل باقي الناس ! رفعت أصابع يدها تتاكد خمس اصابع لو كانت مجنونه كانت ما عرفت تعد ! لحظة يمكن خربطت بالعد مسكت اصابعها واحد اثنين ثلاثه اربعه خمسة ! دفنت نفسها بالفراش ودخلت بنوبة ضحك وبكاء ما عاد تعرف وش تبغى من ذي الحياة ! ما عاد لحياتها طعم ! ** ** ** جالسه في بيت وليد بهدوء مستمعه لمحادثه حنين والجازي... .دخل وليد بهدوءرد السلام ...سلمت عليه رونق وهي تحس الوضع متكهرب بينه وبين الجازي حتى حنين تحس بعيونها كلام بس مب قادره تتكلم قدام رونق ! من البارحه يخيم عليها البرود والهدوء ومع الدواء إلي صرفه الدكتور تحس صارت افضل بكثير ! جلس وليد والتزم الصمت على غير عادته ...متأكده رونق انه زعلان على الجازي بسبب موقفها مع فياض الامس ! دخل وسيم وهو معصب : ماما شوفي خالد يرمي تراب حنين بضيق من تخريب الصغار:جازي شوفيه وقفت رونق باتزان : خليك انا اشوفهم! اعتدلت الجازي بجلستها : نتفي شعراته هالدب ! حنين بضحكه: والله ان ضربته وجاء يبكي ما تخلص منك الجازي ابتسمت: يعني ضرب عن ضرب يختلف ! طلعت رونق بهدوء ...اقتربت من خالد وهو يلعب بالتراب ...هرب لما شافها اقتربت منه ! تنهدت ما تحس. بمشاعر تجاه اخوانها ! جلست على الارض وهي تناظر قدر تلعب مع ديما تحت الشجره ! مستعدة تعيش حياه الشقى مقابل انها قدر تكون مبسوطه بحياتها وما تتحسس من اي شيء !- كتمت الضيق إلي بداخلها هذا هو مر اليوم الأول وامها ما اختارت ! ينقبض قلبها لسماع الاختيار ! وزايد ضيقها النقاب ..تخاف احد يدخل فجاة التفتت لما دخل فارس بيت وليد وهو يكلم بالجوال ...تكلم بسرعه : اكلمك بعدين قفل الخط واخذ نفس عميق يهدي من دقات قلبه ! غض نظره عنها بعد ما مسح فيه فياض الارض .....رجع للخارج ورن جرس البيت ! لحظات طلع وليد .وتوجه للباب وفتحه : هلا فارس تقضل حياك ! فارس المفروض ما يدخل لوجود رونق بس شيء جذبه للدخول :انتظر احمد وينه ؟! ما يرد على الجوال وليد هزراسه بتفهم : الحين اناديه الظاهر انه نايم ! ادخل للداخل مب حلوة وقفتك برا ! دخل فارس بدون تردد ..ووقف ينتظر وما قدر يصرف نظره عنها لماغادر وليد ! اخذ نفس يحاول يهدي دقات قلبه ...نظره مثبت عليها وهي معطيته ظهرها ..تقدم كم خطوة وبصوت منخفض تكلم : ممكن سؤال ! حست رونق طنين بإذنها.. قلبها يدق بقوة يمكن توهمت ..طنشت يمكن الجنان إلي فيها يوهمها انه يكلمها ! التفتت بقوة وقلبها يدق بقوة لما نطق اسمها: رونق ! ابتسم بلطافه لما ناظرته باستنكار وصدت عنه..سألها وهو يناظر الباب يخاف يخرج احمد باي لحظه : اسمعيني زين انا ما كنت اعرف انك ابنة خالتي لما كلمتك وعد اتمنى إلي صار بالجامعه خالتي ما تعرف عنه ولااحد ما شاف منها رد فعل :-رونق انا سكت وابتعد وصد لما شاف احمد طلع له ! سلم احمد وما انتبه على وجود رونق وغادر المكان ! شدت قبضتها رونق بقهر كان نفسها تمسح فيه الارض لكنها سكتت حتى ما تجيب الشبهة لنفسها ! غمضت عيونها وهي تحتضن قلبها بيدها ....وهي تفكر ليه ما يبغى احد يعرف ؟! والا هون لما عرف انه ابوها جواد ! مطت شفتها وقررت تدخل تخاف ييجي احد ثاني ! دخلت بهدوء والنظرات محتده بين الموجودين ....جلست وناظرت وليد إلي تكلم بهدوء: اشتريت زوج حمام لونهم ابيض شفتيهم يا رونق )؟، ناظرته رونق وهزت راسها بالنفي: لا وقف بابتسامه ما ريحتها : تعالي شوفيهم ! وقفت على مضض وهي تحس وراه شيء ! وصلت لبيت الحمام ووقفت تناظرهم بهدوء ...لحظات وتكلم وليد بنبره حانيه : الكلام إلي بيننا ما ابغى الجازي تعرف عنه ! ناظرته وهوى قلبها وهي تحس بوجع بأعماقها م تبغى تسمع شيء يطعنها ويزيد من جروحها ! وليد بنبره حنونه: انت يا ابنتي الحين كبيره وواعيه ومب حاجه ام او اب إلي بعمرك يبدون يستقرون مع زوج ويبنون اسره رفعت حاجب بعد مافهمت مقصده : وش المطلوب مني ! وليد اخذ نفس : شوفي انت مثل ابنتي وابغى لك الافضل انا اعرف شخص محترم والكل يمدح فيه سال عن عروس واعطيته مواصفاتك وحتى قدر ما يمانع من وجودها عنده! لا تقولين هذا يبغى يتخلص مني ابدا صدقيني بمثل وضعك افضل حل تتزوجين وتكونين صاحبة بيت مب تعيشين عند زوجة اب او زوج ام ! لا تنسين انا سمعت انه جدك ابو جواد للحين رافض دراستك ومصمم على سحب اوراقك من الجامعه ...وبطلوع الروح حتى زياد اقنعه يسكت لكنه رح يرجع ويدور لنفس السالفة انا اعرفه ما يرتاح الا يحقق إلي في باله ء- رددت بهمس وكأنها ما سمعت من كلامه الا اسمه : زياد وليد هز راسه : ايه زياد حسب المعلومات إلي وصلتني هو اقنع ابوك تكملين دراسة الطب ويضغط الحين على ابو جواد حتى ما يوقف بوجه دراستك ! سبحت في بحر افكارها زياد ليه واقف معها ويدافع عنها حتى وهي مب موجوده يدافع عنها هزت رأسها بالنفي ما تبغى تشعر بالامتنان لاي شخص لانها متاكده رح يخذلها ......يذبحها الخذلان من الوريد للوريد ! رفعت راسها على صوت وليد وهو يخرجها من بحر افكارها : وش قلت ؟! ومن الحين لك حريه الاختيار تجلسين مع الرجال قاطعته بخيبه : انت تبغى تزوجني حتى ما يخرب بيت ابنتك فقلت ازوجها وارتاح سكت للحظات وهو يفكر فعلا هو خايف على بيت الجازي ينهدم ...لكن بطبعه ما يحب يجرح احد :لا تقولين كذا ء! اناالجازي وقلت لك من قبل اجبرتها على الزواج لاني شفت ان مصلحتها ! ردت تجاريه بالكلام : وابوي! تبغى تزوجني بدون علمه وتنتقم منه بقوة شوف ابنتك تزوجت بدون علمك ! هز راسه بالنفي ابتسمت بالم : لا تنكر اوكي انا موافقه بس بشرط العريس ابو فياض فتح عيونه باستنكار :انجنيتي ! نسيتي انها اختي تبغين تخربين بيتها بعد هالعمر رونق حاصرته: اختار بين خراب بيت اختك او خراب بيت ابنتك رد برفض : لا ذي ولا ذي مستحيل اقبل وانت بعدك صغيره قاطعته رونق : ما رضيت لاختك وابنتك يخرب بيتهم اما انا تضحي فيني مقابل ما يخرب بيت الجازي ! زفر بضيق : رونق لا تفسرين الكلام على كيفك ...انا ابغى لك رجال اعزب صغير بالسن ويحتويك بإمكاني حتى ما يخرب بيت الجازي باتصال واحد لجواد تعال خذ ابنتك وانتهينا بس انا ابغى لك الافضل ما ابغى ترجعين لجواد وتعيشين عند زوجة ابوك قاطعته بمرارة :ما ابغى اتزوج طول حياتي رد بمقاطعه لحل ثاني : اوكي انا قلت لك هذا القرار بيرجع لك وما احد يجبرك ! انا ما اشوفك سعيده بحياتك معنا واكيد تبغين اهلك بالقرية وش رايك ارجعك لهم وما احد رح يدري من اهل جواد وكل اسبوع انا والجازي عندك نطمئن عليك قاطعته بضحكه قصيره من خلفها وجع كبير : حلوة هذه الحمامه إلي تشرب مويه ! انتبه للباب لانها باي لحظه رح تغافلك وتطير بعيد بعيد وما تقدر تحصلها ! وليد بهدوء : ما رح تطير دام الصياد حولها ويقص جنحانها ...صدقيني ان رجعت لجواد ما عمرك رح تطيرين ابد !- معك اقتراحين اختاري بينهم اما تتزوجين او ترجعين للقريه قاطعته وهي معقده حواجبها : او اسكن عندك! رفع حاجب بعدم تصديق : متاكده ! من الحين ما ابغى انسان يعرف من اهل ابوك انك عندي ! ترى ان عرفوا الا يسحبونك من شعرك ! قاطعته بهدوء :انا رايحه للداخل! وليد تنهد بقله حيله: اعملي المناسب وقبل كل شيء تذكري امك عانت كثير حان الوقت ترتاح لا تبخلين عليها بالراحة ! لا تزعلين مني ! مطت شفتها بهدوء.....وما علقت ! انتهى البارت ...انتظروني الخميس القادم باذن الله ..دمتم بخير | ||||||
|
| |
|
| أدوات الموضوع | |
| انواع عرض الموضوع | |
|
|
27Likes
العرض العادي
