آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-11-20, 03:32 AM
| #81 | ||||||||
| مراقبة عامة ومشرفة منتدى الروايات المنقولة  
|  ﺍﻟﺒﺎﺭﺕ 26 ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ .. ﻏﻴﺎﻫﺐ ﺍﻹﻧﺘﻘﺎﻡ ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ 💔💔💔💔💔💔💔💔💔💔💔 ﺍﻻﺳﻴﺮﺓ .. ﺃﻧﺎ ﺍﻟﻘﻮﻳﺔ .. ﺍﻟﺬﻱ ﺍﻋﻴﺶ ﺗﺤﺖ ﺍﺟﻨﺤﺘﻚ .. ﺍﻧﺎ ﺍﻟﻬﺰﻳﻤﺔ .. ﺍﻟﺘﻲ ﺗﺮﻫﺒﻚ .. ﺍﻧﺎ ﺍﻟﻔﺮﻳﺴﺔ .. ﺍﻧﺎ ﺍﻟﺨﺬﻻﻥ .. ﻭﻣﻦ ﺍﻻﻥ .. ﻟﻦ ﺗﻄﻐﺊ ﺍﻧﻴﺎﺑﻚ .. ﺃﻧﺎ ﻟﻚ ﻭﺑﻚ .. ﺍﻧﺎ ﺿﻌﻔﻚ .. ﺍﻧﺎ ﺍﻟﺴﺮﺍﺏ ﺍﻟﺬﻱ ﻳﻼﺣﻖ ﺍﻳﺎﻣﻚ ﻭﺍﺣﻼﻣﻚ .. ﻟﻦ ﺗﻨﺠﻮ ﻣﻨﻲ .. ﻭﻣﻦ ﺍﻻﻥ .. ﺍﻧﺎ ﺍﻟﺘﻤﻠﻚ ﻭﺟﻤﻴﻊ ﻣﺎﺗﻤﻠﻚ .. ﻟﻦ ﺍﺭﺣﻢ ﻭﻟﻦ ﺍﻋﻔﻮ .. ﻭﺷﺒﻌﺖ ﻧﺪﻭﺑﻚ ﺧﻴﺒﺔ .. ﻣﻦ ﻻﻥ .. ﺃﻧﺎ ﺍﻟﻘﻮﻯ ﻭﺍﻧﺎ ﺍﻟﺘﻤﺮﺩ .. ﺍﻧﺎ ﺍﻻﺳﺘﺒﺪﺍﺩ .. ﺑﻘﻠﻤﻲ ﺳﻤﺴﻤﺔ ﺍﻟﺪﻟﻴﻤﻴﺔ .. ﺑﻨﺎﺕ ﺍﻧﻲ ﻣﺎ ﺍﻧﺤﺎﺯ ﻷﻱ ﻓﺌﻪ ﻭﺍﻟﻜﻢ ﺍﻟﺤﺮﻳﻪ ﺑﺎﻟﺘﻌﻠﻴﻖ ﺑﺲ ﺑﺎﻧﺘﻘﺎﺩ ﺑﻌﻴﺪﺍ ﻋﻦ ﺍﻟﻘﺬﻑ ﻭﺍﻟﺸﺘﻢ ﻭﺍﻟﻔﺸﺎﺭ ﻭﺍﺣﺒﻜﻢ ﻛﻮﻭﻣﻪ ﺗﺮﺉ 😍 ................................ ﺟﻮﻟﻴﻴﺖ ﺍﻛﻮ ﺷﻌﻮﺭ ﺑﺪﺍﺧﻠﻲ ﻳﻮﺟﻌﻨﻲ ﻭﻳﻨﺘﺎﺑﻨﻲ ﺍﺻﺮﺭﺭﺥ ﺑﺼﻮﺕ ﻋﺎﻟﻲ ﺍﺗﺮﺱ ﺑﻲ ﺍﻟﻤﻜﺎﻥ ﺑﺼﺮﺍﺧﻲ ﻭﺍﻟﻠﻪ ﻣﺎ ﺍﺭﻳﺪ ﺍﻟﻔﺖ ﺍﻧﺘﺒﺎﻩ ﺷﺨﺺ ﺍﻭ ﻋﻨﺪﻱ ﻏﺎﻳﻪ ﻻ ﻗﺴﻤﺎ ﺑﺬﺍﺕ ﺍﻟﻠﻪ ... ﺑﺲ ﺍﻛﻮ ﺷﺊ ﺩﻓﻨﺘﻪ ﺑﺨﺎﻃﺮﻱ ﻭﻫﻞ ﺷﺊ ﺍﻧﺘﻔﺾ ﺿﺪﻱ ﻭﻳﺮﻳﺪ ﻳﻄﻠﻊ ﻣﻦ ﺻﺪﺭﻱ ﺍﻱ ﻫﺬﺍ ﻫﻮ ﺍﻟﻸﻡ ﺍﻧﺘﻔﺾ ﺿﺪﻱ ﻣﻦ ﺍﻭﻝ ﻣﺎ ﺩﺧﻠﺖ ﻋﻠﻴﻪ ﺷﺎﻡ ﻭﺣﺴﻴﺖ ﺑﻮﺟﻮﺩﻫﺎ ﺣﺴﻴﺖ ﺑﻐﺼﻪ ﻭﺍﺭﺗﺒﺎﻙ ﺑﻜﻞ ﺃﻋﻀﺎﺋﻲ ﻣﻦ ﺟﻴﺘﻬﺎ ... ﻫﻲ ﺍﺑﺪ ﻣﺎ ﻣﻬﻤﺘﻪ ﺍﻟﻮﺟﻮﺩﻱ ﻭﻛﺄﻥ ﺍﻧﻲ ﻣﺎ ﺍﻟﻲ ﺍﻱ ﻭﺟﻮﺩ ﻭﻫﻲ ﻣﺎﺧﺬﺗﻪ ﺣﺎﺻﻞ ﻓﺎﺻﻞ ﻭﻛﺄﻥ ﺑﻬﺬﺍ ﺗﺼﺮﻓﻬﺎ ﺩﻛﻮﻟﻲ ... ﺍﻧﺘﻲ ﻣﺎ ﺍﻟﺞ ﻣﻜﺎﻥ ﺑﻘﻠﺐ ﺍﻟﻜﺎﺳﺮ ﻫﻮ ﺍﻟﻲ ﻭﺑﺲ ﻭﺍﻧﺘﻲ ﻣﺠﺮﺩ ﻫﺎﺍﺍﺍﻣﺶ ﻭﺳﺮﺍﺏ ﻣﻨﺘﻬﻲ ﻣﻦ ﺯﻣﺎﻥ ﺍﻗﺘﺤﻤﺖ ﺑﻴﺘﻲ ﻣﻦ ﺩﻭﻥ ﺳﺎﺑﻖ ﺍﻧﺬﺍﺭ ﻭﺍﺗﺼﻠﺖ ﺑﺒﻴﺘﻲ ﺍﻧﻲ ﻭﻛﺪﺍﻣﻲ ﻭﻛﻞ ﻫﺬﺍ ﻳﺤﺴﺴﻨﻲ،ﺍﻧﻲ ﻣﺎ ﺍﻟﻲ،ﺍﻱ ﻭﺟﻮﺩ ﺑﺤﻴﺎﺓ ﺍﻟﻜﺎﺳﺮ ... ﺍﺗﺼﻠﺖ ﺗﺤﺖ ﻭﺟﻮﺩ ﺍﻟﻜﻞ ﺳﻤﻌﺘﻬﺎ ﻛﻠﺘﻠﻪ ﺟﺎﺍﺍﺍﺳﺮ ﺍﻧﺖ ﻋﻨﺪ ﻏﺰﻝ ﻣﻮ ﻫﻴﻴﻚ ؟ ﻭﺍﺭﺩﻓﺖ ﺑﻌﺪ ﻣﺎ ﺟﺎﻭﺑﻬﺎ ... ﻻ ﺗﺠﻲ ﺧﻠﻴﻴﻚ ﻫﻮﻭﻧﻴﻚ ﺍﻧﺎ ﺟﺎﻳﻪ ﻟﻌﻨﺪ ﺍﻧﺎ ﺟﺎﻳﻪ ﻋﻠﺊ ﺍﻟﻨﺠﻒ ﺑﺪﻱ ﺯﻭﺭ ﻗﺒﺮ ﺑﻨﺘﻲ ﺍﻟﻤﻀﻠﻮﻣﻪ ... ﻭﻧﺘﻔﺎﻫﻢ ﻋﻠﺊ ﻛﻞ ﺷﺊ ﻭﺍﻥ ﺷﺎﺀ ﺍﻟﻠﻪ ﺧﻴﺮ ﻭﺑﻌﺪﻫﺎ ﻛﻤﻠﺖ ﻛﻼﻣﻬﺎ ﺑﻔﺰﻉ ... ﺍﻧﺖ ﺷﻮ ﻋﻢ ﺗﺤﻜﻲ ﺷﻮ ﻋﻢ ﺗﻘﻮﻝ ﺍﻧﺎ ﺑﺪﻱ ﺍﺟﻲ ﺯﻭﺭﺍ ﻟﺒﻨﺘﻲ ﻻ ﻣﺎ ﺑﺴﺘﻨﺊ،ﻏﻴﺮﺭ ﻳﻮﻡ ﺍﻧﺎ ﺑﺪﻱ ﻫﻼﺀ ... ﺳﺤﺒﺖ ﻧﻔﺲ ﻋﻤﻴﻖ ﻭﺑﺼﻮﺕ ﺑﺎﻛﻲ ﻣﻨﺘﺤﺐ ﺭﺩﺕ ﻋﻠﻴﻪ .... ﻭﺍﻧﺎ ﺷﻮ ﺩﺧﻠﻨﻲ ﺑﺮﻓﺌﺎﺗﻚ ﻭﺍﺯﺍ ﻛﺎﻧﻮﺍ ﻣﻌﻚ ﺭﻓﺌﺎﺗﻚ ﺍﻧﺎ ﺑﺪﻱ ﺍﺟﻲ ﻛﻤﻠﺖ ﺑﺤﺪﻩ ... ﻟﻴﺶ ﻫﻴﻴﻚ ﻋﻢ ﺗﻌﺎﻣﻠﻨﻲ ﺍﻧﺎ ﺷﻮ ﻋﻤﻠﺘﻠﻚ ﺍﺍﺍﺍﻩ ﺍﺣﻜﻲ ﻗﻮﻝ ﻣﺎ ﺑﺪﻙ ﺍﺟﻲ ﻟﻌﻨﺪﻙ ﻳﻜﻮﻥ ﺑﻌﻠﻤﻚ ﺍﻧﺎ ﺑﺠﻲ ﻟﺤﺎﻟﻲ ﻟﺒﻨﺘﻲ ﻭﺍﺣﻀﻦ ﻗﺒﺮﻫﺎ ﻭﻣﺎﻧﻲ،ﺑﺤﺎﺟﺘﻚ ﺳﻜﺘﺖ ﺗﻘﺮﻳﺒﺎ ﺩﻗﺎﺋﻖ ﺩﻻﻟﻪ ﻋﻠﺊ ﻛﻼﻣﻪ ﻭﻳﺎﻫﺎ ﻭﺑﻌﺪﻫﺎ ﺍﺭﺩﻓﺖ ﺑﺘﻨﻬﻴﺪﻩ ﻃﻮﻭﻭﻳﻠﻪ ﻭﺑﺼﻮﺕ ﻣﻌﺬﺏ ﻭﻣﺮﺗﺠﻒ ... ﻟﻜﺎﻥ ﺍﻭﻭﻭﻋﺪﻧﻲ ﺗﺎﺧﺪﻧﻲ ﻏﻴﺮ ﻣﺮﻩ ﺷﻬﻜﺖ ﻣﻦ ﺑﻴﻦ ﺩﻣﻮﻋﻬﺎ ﻭﺻﻮﺗﻬﺎ ﺍﻟﻤﺨﻨﻮﻙ ... ﻭﻭﻭﻋﺪ ؟ ﻗﻔﻠﺖ ﺍﻟﺨﻂ ﻭﺳﻤﻌﺖ ﺻﻮﺕ ﺛﺎﻧﻲ ﻭﻫﻲ ﺗﺴﺎﻟﻬﺎ ﺑﻠﻬﻔﻪ ... ﺷﻮ ﺣﻜﺊ ﻣﻌﻚ ؟ ﺗﻨﻬﺪﺕ ﺑﻀﻴﻖ ﻭﺟﺎﻭﺑﺘﻬﺎ ... ﺑﻴﻘﻮﻝ ﺍﻧﺎ ﺭﺍﻳﺢ ﻣﻊ ﺭﻓﺌﺎﺗﻲ ﻭﻣﺎ ﺑﻘﺪﺭ ﺍﺧﺪﻙ ﻣﻌﻲ ﻭ ﻭﻋﺪﻧﻲ ﻳﺎﺧﺪﻧﻲ ﻏﻴﺮ ﻣﺮﻩ ... ﺍﻧﺎ ﻛﻤﺎﻥ ﻣﺎ ﺑﺪﻱ ﺭﻭﺡ ﻫﻼﺀ ﻻﻧﻲ،ﺣﺎﺑﻪ ﻧﺮﻭﺡ ﻋﻠﺊ ﻭﻗﺖ ﻭﺑﻬﻴﻚ ﺷﺊ ﻧﻘﺪﺭ ﻧﺘﻔﺎﻫﻢ ﻭﻗﺎﺭ .... ﺍﻧﻲ ﻣﺘﺨﺒﻠﻪ ﻣﻦ ﻳﺎﺳﻤﻴﻦ ﻣﻮ ﻫﺎﻱ ﺷﺎﻡ ﺍﺑﺪ ﻣﺎ ﺣﺎﻗﺪﻩ ﻋﻠﻴﻬﺎ ﺑﻜﺪ ﻳﺎﺳﻤﻴﻦ ﺣﺴﻴﺖ ﻳﺎﺳﻤﻴﻦ ﺧﺬﻟﺘﻨﻲ ﻭﻃﻴﺤﺖ ﺣﻀﻲ ﻭﻟﻌﺒﺖ ﻋﻠﻴﻪ ﻭﺍﻧﻲ ﺟﻨﺖ ﻣﺜﻞ ﺍﻟﺜﻮﻟﻪ ﻭﻃﻴﺒﺖ ﻛﻠﺒﻲ ﺧﺴﺮﺗﻨﻲ ﺯﻭﺟﻲ ﻭﺩﺧﻠﺖ ﺷﺎﻡ ﻋﻠﺊ ﺑﻴﺖ ﺍﺧﻮﻳﻪ ﻭ ﺯﻋﺰﻋﺖ ﺍﻣﺎﻥ ﺑﻴﺖ ﺍﺧﻮﻳﻪ ... ﺷﺎﻡ ﻋﻨﺪﻫﺎ ﻗﻮﻳﻪ ﺑﺸﺨﺼﻴﺘﻬﺎ ﻋﺠﻴﺒﻪ ﺑﺤﻴﺚ ﻣﺎ ﻣﻌﺘﺮﻓﻪ ﺑﻜﻞ ﺍﻟﻮﺟﻮﺩ ﺑﺎﻟﺒﻴﺖ ﻭﺣﺘﺊ،ﻣﻦ ﺗﻮﺟﻬﻪ ﻛﻼﻣﻬﺎ ﺗﻮﺟﻬﻪ ﻓﻘﻂ ﺍﻟﺠﺎﺳﺮ ﺑﺤﻴﺚ ﺍﻫﺘﻤﺎﻣﻬﺎ ﺑﺲ ﺑﺠﺎﺳﺮ ﻭﺗﺮﻳﺪ ﺍﻟﻘﺮﺍﺭ ﻣﻨﻪ ﺷﺨﺼﻴﺎ ﻫﺴﻪ ﻫﻲ ﻣﺜﻼ ﺩﺧﻠﺖ ﻟﻠﺒﻴﺖ ﻣﺮﺍﺡ ﺗﺤﺠﻲ ﻭﻳﻪ ﺍﻱ ﺷﺨﺺ ﻭﺗﺘﻬﺠﻢ ﺧﺎﺑﺮﺕ ﺟﺎﺳﺮ ﻭﺭﺍﺡ ﺗﻄﻠﻊ ﺑﻜﺮﺍﻣﺘﻬﺎ ... ﻟﻜﻦ ﺧﺎﻟﺘﻲ ﺻﺒﺮﻳﻪ ﻣﺎ ﺗﻘﺒﻞ ﺑﻬﻴﺞ ﺷﺊ ﻓﻜﻠﺘﻠﻪ ... ﺍﻛﻠﺞ ﺧﺎﻟﻪ ﺍﺷﻮﻭ ﺍﻧﺘﻲ ﻣﺎﺧﺬﺗﻨﻪ ﺣﺎﺻﻞ ﻓﺎﺻﻞ ﺷﻨﻲ ﻣﻮ ﺑﻌﻴﻨﺞ ﻟﻮ ﻣﺎ ﻣﻌﺘﺮﻓﻪ ﺑﻴﻨﻪ ﺣﺘﺊ ﻣﺎ ﺳﻠﻤﺘﻲ ﻣﺜﻞ ﺍﻻﻭﺍﺩﻡ ﺭﺩﺕ ﻋﻠﻴﻬﺎ ﺑﻌﺪ ﻣﺎ ﺍﺣﺘﺪﺕ ﻣﻼﻣﺤﻬﺎ ... ﻟﻴﺶ ﺑﺪﻱ ﺳﻠﻢ ﻋﻠﻴﻜﻦ ﺍﻧﺘﻮ ﻣﺎ ﻧﺼﻔﺘﻮﻧﻲ ﻭﻻ ﻭﻗﻔﺘﻮﺍ ﺑﺠﻨﺒﻲ ﻭﺍﺻﻼ ﻣﻦ ﻳﻮﻡ ﻳﻮﻣﻜﻦ ﺑﺘﻜﺮﻫﻮﻧﻲ ﻭﻣﺎ ﺑﺘﺤﺒﻮﻧﻲ ﺟﺎﻭﺑﺘﻬﺎ ﺻﺒﺮﻳﻪ ... ﻟﻴﺶ ﻳﻤﻪ ﺍﺣﻨﻪ ﺷﻔﻨﻪ ﻣﻨﺞ ﺣﺘﺊ،ﻧﺤﺒﺞ ﻭﺑﻌﺪﻳﻦ ﺍﻧﺘﻲ ﻟﻴﺶ ﻣﺎ ﺧﻠﻴﺘﻴﻬﻢ ﻳﺤﺒﻮﻧﺞ ﻋﻘﺪﺕ ﺣﻮﺍﺟﺒﻬﺎ ﺑﺎﺳﺘﻐﺮﺍﺏ ﻭﺭﺩﺕ ﻋﻠﺊ ﺻﺒﺮﻳﻪ ... ﺍﻧﺘﻲ ﻣﻴﻴﻦ ﺍﻣﻪ ﻟﻬﺎﺍﺍﺍﻱ « ﺍﺷﺮﺕ ﻋﻠﺊ ﺟﻮﻟﻴﻴﺖ » ﻭﻛﻔﺖ ﺻﺒﺮﻳﺔ ﺑﻐﻀﺐ ... ﺍﻱ ﺍﻣﻬﺎ ﺍﻧﻪ ﺍﻣﻬﺎ ﺍﻟﻤﺎﺟﺎﺑﺘﻬﺎ ﺑﻄﻨﻲ ﻭﺑﻌﺪﻳﻦ ﺷﻨﻲ ﻫﻴﺞ ﺗﺎﺷﺮﻳﻦ ﻋﻠﻴﻬﺎ ﻫﻲ ﻣﺎ ﻋﻨﺪﻫﺎ ﺍﺳﻢ ﻭﺍﺭﺩﻓﺖ ﺑﻌﺼﺒﻴﺔ ... ﺷﻤﺴﻮﻳﺘﻠﺞ ﺍﻟﺒﻨﻴﻪ ﻭﺷﺎﺩﻩ ﺣﺮﺍﺑﻪ ﻭﻳﺎﻫﺎ ﻋﻀﺖ ﻋﻠﺊ ﺷﻔﺎﻳﻔﻬﺎ ﻭﺍﻧﺘﺤﺒﺖ ﺑﺎﻟﻢ .... ﺍﻧﺘﻮﻭﻭ ﻣﺎ ﻋﻢ ﺗﻔﻬﻤﻮﻭﻭﻭﻧﻲ ﻣﺤﺪﺍ ﻋﻢ ﻳﻔﻬﻢ ﺍﻧﺎ ﺷﻮ ﻋﻢ ﻋﺎﻧﻲ ﺍﻧﺎ ﺗﻌﺒﺎﻧﻪ ﻛﺘﻴﻴﻴﺮ ﻛﺘﻴﻴﻴﺮ ﻟﻄﻤﺖ ﻋﻠﺊ ﻭﺟﻬﻬﺎ ﺑﻨﻬﻴﺎﺭ ... ﻟﻚ ﺑﻨﺘﻲ ﻫﺎﺍﺍﺍﺍﺍﻱ ﺑﻨﺘﻲ ﺍﻓﻬﻤﻮﻭﻭ ﺩﺧﻴﻠﻜﻦ ﺍﻓﻬﻤﻮﻭﻭ ﻣﺎ ﺑﻘﺪﺭ ﺍﺗﺨﻴﻴﻞ ﺍﻧﺎ ﻣﺎﺗﺖ ﻭﺍﻧﺘﻬﺖ ﻗﺎﻟﻮ ﻳﺎ ﺷﺎﻡ ﻻ ﺗﺮﺟﻌﻲ ﻭﺍﻟﻠﻪ ﺑﻨﺘﻚ ﻣﺎﺗﺖ ﻭﺣﺘﺊ ﻋﻤﺘﻬﺎ ﻋﻄﺘﻨﺎ ﺻﻮﺭﺓ ﻗﺒﺮﻫﺎ ... ﺷﻔﺘﻮﻭﻭﻭ ﻭﺍﻧﻬﺮﺕ ﻫﻞ ﻗﺒﺮ ﺑﻴﺤﻤﻞ ﺟﺴﺪ ﺑﻨﺘﻲ ﺑﺮﺟﻒ ﻭﺍﻟﻠﻪ ﻣﻦ ﻟﻤﺎ ﻗﺮﻳﺖ ﺍﺳﻤﻬﺎ ﻋﻠﺊ ﻫﻞ ﻗﺒﺮ ﺍﻟﻤﺮﺣﻮﻣﻪ ﻏﺰﻝ ﺟﺎﺍﺍﺍﺳﺮ ﻣﻬﻴﻮﻭﻭﺏ ﺿﺮﺑﺖ ﻋﻠﺊ ﻭﺟﻬﻬﺎ ﻭﺧﻤﺸﺘﻪ ﻭﺗﺨﺮﺑﻂ ﺣﺠﺎﺑﻬﺎ ... ﻟﻚ ﻣﺘﺘﺖ ﻣﺘﺘﺖ ﻭﺍﻧﺎ ﺑﺸﻮﻭﻭﻑ ﻗﺒﺮ ﺑﻨﺘﻲ ﺍﻟﻤﻐﺪﻭﻭﻭﺭﻩ ﺑﻬﻞ ﺣﻔﺮﻩ ﺍﻟﻀﻴﻘﻪ ﻟﻚ ﻭﺍﻟﻠﻪ ﻛﺮﻫﺖ ﺣﺎﺍﺍﺍﺍﻟﻲ ﻛﺮﻫﺖ ﻛﻠﺸﻴﻴﻲ ﻭﺍﻟﻠﻪ ﻣﺎ ﺑﻴﺼﻴﺮ ﻫﻴﻴﻚ ﻭﺗﺠﻮﺯ ﺟﻮﺯﻱ ﻭﺣﺘﺊ ﻣﺎ ﻳﻤﻜﻦ ﺳﺄﻝ ﻋﻨﻲ ﺍﻧﺎﺍﺍ ﺷﻮ ﻋﻤﻠﺖ ﻟﺤﺘﺊ ﺑﻴﺼﻴﺮ ﻓﻴﻪ ﻫﻴﻴﻚ ؟ ﺑﺲ ﺍﺣﻜﻮﻟﻲ ﺍﻧﺎ ﺷﻮﻭﻭ ﻋﻤﻠﺖ ﻋﻨﺠﺪ ﺗﻌﺒﺖ ﻛﺘﻴﻴﺮ ... ﻫﺠﺮﺓ ﻟﺠﻮﺀ ﺗﺸﺮﻳﺪ ﺳﺠﻦ ﻭﻛﻞ ﻫﺎﺍﺍﺩ ﻭﻗﻠﺖ ﺑﺘﻬﻮﻭﻥ ﻳﺎ ﺷﺎﻡ ﺑﺘﻬﻮﻭﻥ ﺑﻜﺮﻩ ﺗﺮﺟﻌﻲ ﻋﺠﻮﺯﻙ ﻭﻋﺒﻨﺘﻚ ﻭﺗﻌﻴﺸﻲ ﺑﺄﻣﺎﻥ ﻭﺍﺗﺎﺭﻱ ﺍﻻﻣﺎﻥ ﻣﻔﻘﻮﺩ ﻣﻦ ﺯﻣﺎﻥ ﻭﺍﻧﺎ ﻣﺎ ﺑﻌﺮﻑ ... ﺣﻄﺖ ﺍﻳﺪﻫﺎ ﻋﻠﺊ ﺻﺪﺭﻫﺎ ﻭﺗﻨﻔﺴﺖ ﺑﺎﺧﺘﻨﺎﻕ ﻭﺻﺮﻳﺦ ... ﻟﻚ ﻭﺍﻟﻠﻪ ﻋﻢ ﺍﺧﺘﺘﺘﺘﻨﺊ ﻣﺎ ﻋﻢ ﺑﻘﺪﺭ ﺍﺗﻨﻔﺲ ﺣﺴﻮﻭﻭ ﻓﻴﻪ ﻛﺮﻣﺎﻝ ﺍﻟﻠﻪ ... ﻭﻛﻔﻦ ﺍﻟﻬﺎ ﺻﺒﺮﻳﻪ ﻭﺟﺮﺕ ﻧﻔﺲ ﻟﺰﻣﺖ ﺍﺩﻳﻬﺎ ﻭﻛﻌﺪﺗﻬﺎ ﻋﻠﺊ ﺍﻟﻘﻨﻔﻪ ﻭﺍﺣﺘﻀﻨﺖ ﻛﻔﻮﻓﻬﺎ ﻭﻫﻤﺴﻦ ﺑﺘﻨﻬﻴﺪﻩ ... ﻭﻟﺞ ﻳﻤﻪ ﺷﻠﻮﻥ ﻣﺎ ﺣﺎﺳﻴﻦ ﺑﻴﺞ ﻧﺪﺭﻱ ﺍﻟﻀﻨﺎ ﻏﺎﻟﻲ ﻭﺍﻧﺘﻲ ﺣﻘﺞ ﻭﺍﻟﻠﻪ ﺑﺲ ﺷﺬﻧﺐ ﺑﻨﻴﺘﻲ ﺟﻜﻠﻴﺘﻪ ﻭﻫﻴﺞ ﺗﺤﺎﺭﺑﻴﻨﻬﺎ ... ﻣﺴﺤﺖ ﺩﻣﻮﻋﻬﺎ ﺑﻄﺮﻑ ﺍﻟﻜﻨﻠﻜﺲ ﻭﺟﺎﻭﺑﺘﻬﺎ ﺑﺸﻬﻜﻪ ... ﺷﻮ ﺑﻴﻌﺮﻓﻨﻲ ﺍﻧﺎ ﺷﻮ ﻋﺎﻧﺖ ﺑﻨﺘﻲ ﻣﻦ ﻣﺮﺗﻮ ﻻﺑﻮﻫﺎ ﻭﻛﻴﻒ ﺍﺧﻮﺍﺗﻬﺎ ﻟﻬﺎﻱ ﺑﻴﻘﺘﻠﻮﺍ ﺑﻨﺘﻲ ﺑﺪﻡ ﺑﺎﺭﺩ ﺷﻬﻜﺖ ﺑﻌﺬﺍﺏ ... ﻭﺍﻻﺩﻫﺊ ﻣﻦ ﻫﻴﻴﻚ ﺟﺎﺳﺮ ﻣﺨﻠﻴﻬﺎ ﻋﻞﺀ ﺫﻣﺘﻮ ﻭﻛﻤﺎﻥ ﻋﻢ ﺑﻴﺪﺍﻓﻊ ﻋﻨﻬﺎ ﻟﻴﺶ ﻫﻴﻴﻚ ﻋﻢ ﺗﺴﺎﻭﻭ ﻭﺍﻟﻠﻪ ﺣﺮﺍﻡ ... ﺭﺩﺕ ﻋﻠﻴﻬﺎ ﺭﺿﻴﻪ ﺑﺤﻨﺎﻥ ... ﻻ ﻳﻤﻪ ﻭﺍﻟﻠﻪ ﺟﻮﻟﻴﻴﺖ ﺍﺑﺪ ﻣﺎ ﺍﻟﻬﺎ ﺫﻧﺐ ﺑﻠﻲ ﺻﺎﺍﺍﺭ ﻭﺍﺧﻮﺍﻧﻬﺎ ﻣﺸﻜﻠﺘﻬﻢ ﻣﻮ ﻭﻳﻪ ﺟﺎﺳﺮ ﻣﺸﻜﻠﺘﻬﻢ ﻭﻳﻪ ﻋﻤﻬﺎ ﻓﻼﺡ ﻭﻫﻲ ﺳﻮﺩﻩ ﻋﻠﻴﻪ ﻃﻠﻌﺖ ﺗﺮﻛﺾ ﻭﺍﻟﻄﻠﻘﻪ ﺍﺟﺖ ﺑﻴﻬﺎ ﻭﺟﺎﺳﺮ ﺗﺮﺉ ﺿﻠﻤﻬﺎ ﺍﻟﺠﻜﻠﻴﺘﻪ ﻭﺍﺫﺍﻫﺎ ﻭﺍﻫﻠﻬﺎ ﺷﺮﺩﻭﺍ ﻭﻋﺎﻓﻮﻫﺎ ... ﺻﻜﺖ ﻋﻠﺊ ﺍﺳﻨﺎﻧﻬﺎ ﺑﺎﺣﺘﺪﺍﺩ ﻭﺍﺣﺘﻘﻦ ﻭﺟﻬﻬﺎ ... ﺣﻘﺮﺍﺀ ﺟﺒﻨﺎﺀ ﺑﻜﺮﻫﻦ ﻛﺘﻴﻴﺮ ﻗﺘﻠﻮ ﺑﻨﺘﻲ ﺑﺪﻡ ﺑﺎﺍﺍﺭﺩ ﻣﺸﺎﻥ ﺷﻮﻭﻭ ﻭﺍﺭﺩﻓﺖ ﺑﺨﻴﺒﺔ ﺍﻣﻞ ... ﺍﻧﺎ ﻣﺎ ﺑﻘﺪﺭ ﻋﻴﺶ ﻣﻌﻬﺎ ﺍﺑﺒﺪ ﻣﺴﺘﺤﻴﻴﻞ ﻭﺍﻟﻠﻪ ﺧﻠﻴﻬﺎ ﺗﺘﻄﻠﻖ ﺍﺣﺴﻦ ﺣﻞ ﻻﻧﻮ ﻣﺴﺘﺤﻴﻞ ﺍﻧﺎ ﻛﻮﻥ ﺿﺮﻩ ﻋﻠﺊ ﺍﺧﺖ ﺍﻟﻲ ﻗﺘﻞ ﺑﻨﺘﻲ ... ﺻﺒﺮﻳﺔ ﻃﻠﻌﺘﻠﻬﺎ ﺟﻜﺎﺭﻩ ﻭ ﺭﺛﺘﻬﺎ ﻭﺟﺎﻭﺑﺘﻬﺎ ﺑﻌﺪﻡ ﻣﺒﺎﻻﺓ ... ﺍﻟﻠﻪ ﻭﺍﻳﺪﺝ ﻳﺎﺭﻳﺖ ﻭﺍﻟﻠﻪ ﺟﻮﻳﺴﺮ ﻳﻄﻠﻚ ﺟﻜﻠﻴﺘﻪ ﻭﻟﺞ ﻭﺍﻟﻠﻪ ﻳﻤﻪ ﺍﻧﻪ ﻭﺑﻨﺘﻲ ﺟﻮﻳﻠﻴﺘﻪ ﻣﺎ ﻛﺎﺗﻠﻴﻦ ﺭﻭﺍﺣﻨﻪ ﻋﻠﺊ ﺟﻮﻳﺴﺮ ﺍﺷﺮﺕ ﻋﻠﺊ ﺟﻮﻟﻴﻴﺖ ﺍﻟﻲ ﺟﺎﻧﺖ ﻛﺎﻋﺪﻩ ﺑﻬﺪﻭﺀ ﻭﻣﺎ ﻧﻄﻘﺖ ﺑﺄﻱ ﻛﻠﻤﺔ ﺍﺑﺒﺪ ﻭﻻ ﺷﺎﺭﻛﺖ ﺑﺎﻟﺤﺪﻳﺚ ﻭﻋﻴﻮﻧﻬﺎ ﺍﻟﺰﻣﺮﺩﻳﻪ ﺛﺎﺑﺘﻪ ﺑﻤﻜﺎﻥ ﻭﺍﺣﺪ ﻭﻣﺮﺗﻜﺰﻩ ﻋﻨﺪ ﻧﻘﻄﻪ ﻓﺎﺍﺍﺭﻏﻪ ... ﺍﺷﺮﺕ ﻋﻠﻴﻬﺎ ﺻﺒﺮﻳﻪ ﻭﻛﺎﻟﺖ ... ﺧﺎﻳﺒﻪ ﺷﻮﻓﻴﻬﺎ ﺟﻜﻠﻴﺘﻪ ﻭﺍﻟﻌﺒﺎﺱ ﺍﺑﻮ ﻓﺎﺿﻞ ﻣﺘﺰﻭﺟﻪ ﻭﺍﻟﻮﺍﺩﻡ ﺗﺨﻄﺒﻬﺎ ﺟﺎﺍﺍ ﺷﻌﺪﺍﻟﺞ ﺗﻀﻞ ﻣﺤﺪ ﻳﻜﻠﺒﻬﺎ ؟ ﻻ ﻭﺭﻭﺡ ﺍﻣﻲ ﺟﻮﻳﺴﺮ ﻳﻄﻠﻚ ﻣﻨﺎ ﻭﺍﻧﺎ ﺍﺯﻭﺟﻬﺎ ﻣﻨﺎ ﻭﻛﻮﻟﻲ ﺻﺒﺮﻳﻪ ﻣﺎ ﻛﺎﻟﺖ ... ﺭﺩﺕ ﺷﺎﻡ ﺑﻌﻨﻒ ... ﺍﻱ ﺑﺘﺘﻬﻨﺊ ﻣﺎ ﺩﺧﻠﻨﻲ ﻓﻴﻬﺎ .. ﺭﺿﻴﻪ ﺟﺎﻭﺑﺘﻬﺎ ... ﺷﻠﻮﻥ ﻳﻄﻠﻜﻬﺎ ﻭﻫﻲ ﺑﺪﺍﺧﻠﻬﺎ ﻃﻔﻞ ﻣﻨﻪ ﺣﺘﺊ ﺣﺮﺍﻡ ﻃﻼﻛﻬﺎ ... ﺗﻠﻌﺜﻤﺖ ﺷﻔﺎﻳﻔﻬﺎ ﻭﻛﺎﻥ ﻛﻼﻡ ﺭﺿﻴﻪ ﻛﺎﻥ ﻣﺜﻞ ﺍﻟﺮﺻﺎﺹ ﻭﺍﺧﺘﺮﻕ ﺍﺫﻥ ﺷﺎﺍﻡ ﻭﻛﻔﺖ ﻭﻛﻤﻠﺖ ﺑﺼﻮﺕ ﻣﺮﺗﺠﻒ ... ﻛﻞ ﺷﺊ ﻋﻤﻠﺘﻮ ﻓﻴﻪ ﻣﺎﻟﻮ ﺗﺒﺮﻳﺮ ﻭﻛﻤﺎﻥ ﺟﺎﺳﺮ ﻣﺎ ﻋﻨﺪﻭ ﺗﺒﺮﻳﺮ ﻟﻜﻞ ﺷﺊ ﻭﺣﺎﻣﻞ ﻛﻤﺎﻥ؟ّّّ ... ﻭﺣﺘﺊ ﻟﻮ ﺣﺎﻣﻞ ﻣﺎ ﺑﺘﻬﻤﻨﻲ ﺻﺒﺮﻳﻪ ﺭﺩﺕ ﻋﻠﻴﻬﺎ ... ﻭﻟﺞ ﺍﻧﺘﻲ ﺷﻜﺪ ﺍﻧﺎﻧﻴﻪ ﻭﻋﻴﻨﺞ ﮔﻮﻳﻪ ﺻﺮﺧﺖ ﺑﺼﻮﺕ ﺣﺎﺍﺩ ... ﺍﻧﺎ ﻋﻢ ﺍﺗﺼﻨﻊ ﺍﻟﻘﻮﻭﻩ ﻭﺍﻧﺎ ﻣﻜﺴﻮﺭﻩ ﻭﺍﻟﻠﻪ ﻣﻜﺴﻮﺭﻩ ﺑﺲ ﻭﺍﻟﻠﻪ ﻟﻮ ﺑﻌﺮﻑ ﻣﻮﻭﺕ ﻣﺎ ﺑﺴﻤﺢ ﺑﻬﺎﺩ ﺍﻟﺸﺊ ﺍﻟﻤﺠﺮﻡ ﺑﺪﻭ ﻳﻨﻘﺘﻞ ﻭ ﺟﻮﺯﻱ ﺍﻟﻲ ﻭﺣﺪﻱ ﻭﻣﺎ ﺑﻴﻬﻤﻨﻲ ﻏﻴﺮ ﻫﻞ ﺷﺊ ... ﻫﺎﻱ ﺑﺘﻜﻮﻥ ﺍﺧﺘﻮ ﻳﻠﻲ ﻗﺘﻞ ﺑﻨﺘﻲ ﺍﻓﻬﻤﻮ ﻻ ﺗﻌﺰﺑﻮﻧﻲ ... ﺑﻴﺠﻮﺯ ﺗﻜﻮﻥ ﻫﻲ ﺳﺒﺐ ﺍﻟﻤﺸﺎﻛﻠﻪ ﻭﻣﺎ ﺑﻌﺮﻑ ﺑﻨﺘﻲ ﺷﻮ ﻋﺎﻧﺖ ﻣﻨﻬﺎ ﻭﻛﻔﺖ ﺟﻮﻟﻴﻴﺖ ﻭﺍﺩﻳﻬﺎ ﺗﺮﺗﻌﺶ ﻭﺟﺎﻭﺑﺘﻬﺎ ﺑﺎﺣﺘﺪﺍﺩ .... ﺍﻃﻠﻌﻲ ﺑﺮﺭﺭﺭﺭﺍ ... ﺑﻬﺘﺖ ﻣﻼﻣﺢ ﺷﺎﻡ ﺑﺴﺮﻋﻪ ﻭﺑﺎﻭﻋﺘﻠﻬﺎ ﺑﻨﻈﺮﻩ ﻣﺘﺄﺳﻔﻪ ﻭﺿﺤﻜﺖ ﺑﺎﺳﺘﻬﺰﺍﺀ ... ﺑﻴﺤﻖ ﺍﻟﻚ ﺑﺘﺌﻠﻌﻴﻨﻲ ﻋﻨﺠﺪ ﺑﻴﺤﻖ ﺍﻟﻚ ... ﺑﺮﺍﻓﻮﻭ ﻭﺍﻟﻠﻪ ﺧﻠﺖ ﻭﻃﻠﻌﺖ ﺗﺮﻛﺾ ﻭ ﻭﻳﺎﺳﻤﻴﻦ ﻭﺍﻣﻬﺎ ﺗﻬﺪﻱ ﺑﻴﻬﺎ ﻭﺗﺤﺎﻭﻝ ﺗﻄﻤﻨﻬﺎ ﺑﺄﻥ ﻛﻞ ﺷﺊ ﻳﺼﻴﺮ ﺗﻤﺎﻡ ... ﺗﻨﻔﺴﺖ ﺟﻮﻟﻴﻴﺖ ﺑﻬﺪﻭﺀ ﺑﺲ ﻣﻼﻣﺤﻬﺎ ﺗﺪﻝ ﻋﻠﺊ ﺑﺮﻛﺎﻥ ﺛﺎﺋﺮ ﺑﺪﺍﺧﻠﻬﺎ ... ﺭﺿﻴﻪ ﻟﺰﻣﺖ ﻛﺘﻔﻬﺎ ﺑﻠﻮﻡ ... ﻟﻴﺶ ﻳﻤﻪ ﻟﻴﺶ ﺗﻄﺮﺩﻳﻨﻬﺎ ﺟﺎﻥ ﺧﻠﻴﺘﻴﻬﺎ ﺗﺤﺠﻲ ﺑﻜﻴﻔﻬﺎ ﻫﻲ ﻫﻢ ﺍﻡ ﻭﻣﺠﺮﻭﺣﻪ ﺭﺩﺕ ﺟﻮﻟﻴﺖ ﺑﺼﻮﻭﺕ ﻣﻨﺘﺤﺐ ﻭﺑﺎﻛﻲ ... ﺗﺮﺉ ﻭﺍﻟﻠﻪ ﺍﺣﺲ ﺻﺪﻛﻮﻧﻲ ﻋﻨﺪﻱ ﺇﺣﺴﺎﺱ ﻭﺍﻟﻠﻪ ﺳﺎﻛﺘﻪ ﻭﻣﺘﺤﻤﻠﻪ ﻭﺍﻛﻮﻭﻭﻝ ﻣﻴﺨﺎﻟﻒ ﺍﺣﺠﻲ ﺣﺠﺎﻳﻪ ﺍﻟﻜﻞ ﻳﻠﻮﻭﻭﻣﻨﻲ ﺗﺮﺉ ﺍﻧﻲ ﻣﺜﻠﻜﻢ ﺑﻨﻲ ﺍﺍﺍﺩﻡ ﻣﻦ ﺩﻡ ﻭﻟﺤﻢ ﻭﻋﻨﺪﻱ ﺍﺣﺴﺎﺱ ﻣﻮ ﺑﺲ ﺍﻧﺘﻢ ﻋﻨﺪﻛﻢ ﺍﺣﺴﺎﺱ ﻭﺍﻟﻠﻪ ﺍﻧﻲ ﻫﻢ ﺍﺣﺲ ﻭﺍﻟﻜﻠﻤﺔ ﺗﺠﺮﺣﻨﻲ ﺣﺘﻀﻦ ﻣﺠﺘﺒﺊ ﺭﺟﻠﻴﻬﺎ ﻭﺭﺩ ﻋﻠﻴﻬﺎ ﺑﺒﻜﺎﺀ ... ﻣﺎﻣﺎ ﻻ ﺍﺑﺠﻴﻦ ﺍﻧﻲ ﺍﻋﺒﺒﺞ ... « ﻣﺎﻣﺎ ﻻ ﺗﺒﺠﻴﻦ ﺍﻧﻲ ﺍﺣﺒﺞ » ﺍﺗﻠﻤﺴﺖ ﺷﻌﺮﻩ ﺍﻷﺷﻘﺮ ﻭﺭﺩﺕ ﻋﻠﻴﻪ ﺑﻬﻀﻢ ﻛﺒﻴﺮ ﻭﺃﻟﻢ ﻧﺎﺑﻊ ﻣﻦ ﺭﻭﺣﻬﺎ ﺍﻟﻤﻀﻠﻮﻣﻪ ... ﻭﻟﻚ ﻳﻤﻪ ﻭﺍﻟﻠﻪ ﻣﺘﺘﺖ ﻣﺘﺖ ﺗﻌﺒﺖ ﺩﻋﻴﻠﻲ ﺍﻣﻮﻭﺕ ﻭﺧﻠﺺ ﻣﻦ ﻫﻞ ﺿﻴﻢ ﺍﺣﺘﻀﻨﻬﺎ ﺑﻔﺰﻉ ﻭﻫﻮ ﻳﺒﺠﻲ ﻭﻣﺮﺗﻀﺊ ﻣﻦ ﺷﺎﻓﻬﺎ ﺍﻧﻬﺎﺭﺕ ﺭﻛﺾ ﻋﻠﻴﻬﺎ ﻭﻛﺬﻟﻚ ﺍﺣﺘﻀﻨﻬﺎ ﺭﺩ ﻋﻠﻴﻬﺎ ... ﻣﺎﻣﺎ ﻻ ﻣﻮﺗﻴﻦ ﻭﺍﻟﻠﻪ ﺍﻋﺒﺒﺞ ... ﺑﻠﻌﺖ ﺭﻳﻜﻬﺎ ﺑﻐﺼﻪ ﻭﺗﻨﻔﺴﻬﺎ ﺿﺎﻕ ﻫﻤﺴﺖ ﺑﻌﺬﺍﺏ ... ﺍﺧﺬﻭﻧﻲ ﻣﻨﺎ ﻳﻤﻪ ﻭﺩﻭﻧﻲ ﺍﻟﻐﺮﻓﺘﻲ ﺍﺭﻳﺪ ﺍﻧﺎﻡ ﻫﻢ ﻟﺰﻣﻮﺍ ﺍﺩﻳﻬﺎ ﺑﺎﺩﻳﻬﻢ ﺍﻟﻨﺎﻋﻤﻪ ﻭﺍﻟﻤﻮﻗﻒ ﺟﺎﻥ ﺣﺰﻳﻦ ﺣﺘﺊ ﺍﻟﻄﻔﻞ ﺣﻦ ﻋﻠﻴﻬﺎ ﻭﻧﺰﻟﺖ ﺩﻣﻌﺘﻪ ﺍﻟﻬﺎ ﻫﺰﺕ ﺍﻳﺪﻫﺎ ﺻﺒﺮﻳﻪ ﻛﺎﻟﺖ ... ﺍﻟﻠﻪ ﻻ ﻳﻮﻓﻖ ﺍﻟﺠﺎﻥ ﺍﻟﺴﺒﺐ ﻫﺴﻪ ﻫﺎﻱ ﺍﻟﻤﺴﻜﻴﻨﻪ ﺷﻨﻮ ﺫﻧﺒﻬﺎ .... .......................... ﺷﻬﺪ .. ﺑﻌﺪﻫﺎ ﺍﻟﺨﻨﻜﺔ ﺑﺮﻭﺣﻲ ﻭﺑﻌﺪﻧﻲ ﻣﻮ ﻃﺎﻳﻘﺔ ﺍﻟﺪﻧﻴﺎ ﻭﺣﺘﻰ ﺗﻨﻔﺲ ﻃﺒﻴﻌﻲ ﻣﺎ ﺍﻛﺪﺭ ﺍﺗﻨﻔﺲ ، ﺍﺣﺲ ﺭﻭﺣﻲ ﻛﺒﺮﺕ ﺍﻛﺜﺮ ﻣﻦ ﺗﻼﺛﻴﻦ ﺳﻨﺔ ﻣﻌﺒﺎﻟﻚ ﺑﻌﺪﻧﻲ ﺑﻌﻤﺮ ﺍﻟﻤﺮﺍﻫﻘﺔ .. ﻭﺣﺘﻰ ﺍﻟﺪﻣﻊ ﻣﺘﺤﺠﺮ ﺑﻌﻴﻨﻲ ﻭﻣﺎﻳﺮﺿﻰ ﻳﻨﺰﻝ ﻭﻳﺮﻳﺤﻨﻲ ﺑﻠﻜﻲ ﺍﺭﺗﺎﺡ ﻭﺍﻧﻲ ﻉ ﻫﺎﻟﺤﺎﻟﺔ ﺩﺧﻞ ﺟﻌﻔﺮ ﻭﺍﺟﻪ ﻳﺒﺎﻭﻋﻠﻲ ﺑﻨﻈﺮﺍﺕ ﻣﻐﻠﻔﺔ ﺑﺎﻟﺤﺰﻥ ﻭﺍﻟﺸﻔﻘﺔ ﻋﻠﻰ ﺣﺎﻟﻲ ﻛﻌﺪ ﺑﺼﻔﻲ ﻭﺍﻧﻲ ﻻ ﺍﺭﺍﺩﻳﺎ ﻇﻠﻴﺖ ﺍﺷﻬﻚ ﻭﺍﺑﺠﻲ ﺍﺧﺬﻧﻲ ﻟﺤﻈﻨﻪ ﻭﺑﺎﺱ ﺭﺍﺳﻲ ﻭﻟﺰﻡ ﺍﻳﺪﻱ ﺑﻴﻦ ﺍﺩﻳﻪ ﻭﻫﻢ ﻗﺮﺑﻬﻢ ﻟﺸﻔﺎﻓﻪ ﻭﺑﺎﺳﻬﻢ ﻭﺧﻠﻪ ﺍﻳﺪﻩ ﻭﺭﻩ ﺭﺍﺳﻲ ﻭﺑﺎﻭﻉ ﺑﻌﻴﻮﻧﻲ ﻛﺎﻝ ﺣﺒﻴﺒﺘﻲ ﺷﻬﻮﺩﺓ ﺍﺣﻨﻪ ﺍﺛﻨﻴﻨﻪ ﺿﺎﻳﺠﻴﻦ ﺗﺮﺓ ﺍﻧﻲ ﻣﺸﺘﺎﻕ ﻟﻠﻌﺰﻳﺰ ﺍﻟﻐﺎﻟﻲ ﺍﺑﻮ ﺍﻟﻐﻴﺮﺓ ﺍﻟﻲ ﻳﻨﺴﻴﻨﻲ ﻫﻤﻮﻣﻲ ﻋﻜﺪﺕ ﺣﻮﺍﺟﺒﻲ ﻣﻨﻮ ﺗﻘﺼﺪ .. ﺩﺍﺭ ﺻﻔﺢ ﻭﻛﺎﻝ ﺍﻛﻮ ﻏﻴﺮﻩ ﺑﻄﻞ ﺍﻟﻌﺮﻙ ﺟﺎﻥ ﺍﻧﻲ ﻫﺴﻪ ﻣﻮ ﻫﺎﻱ ﺣﺎﻟﺘﻲ ﻛﺘﻠﻪ ﺑﺎﻟﻠﻪ ﺟﻌﻔﺮ ﻣﻨﺎﻗﺼﺘﻚ ﻫﺴﻪ ﺍﻧﻲ ﺑﻴﺎ ﺣﺎﻝ ﺩﻭﻭﺧﺮ ﻋﻨﻲ ﻭﻭﺧﺮ ﺩﺧﻴﻴﻠﻚ ﻭﻭﻭﺧﺮ ... ﺍﺣﺠﻲ ﻭﺍﺩﻓﻊ ﺑﻲ .. ﻫﻮ ﻭﻛﻒ ﻭﻛﺎﻝ ﺩﻛﻮﻣﻲ ﻳﻠﻪ ﻛﻮﻭﻣﻲ ﺍﺧﺬﺝ ﻟﻠﻌﻠﻮﻳﺔ ﺍﻣﻲ ﺍﻧﻄﺘﻨﻲ ﻋﻨﻮﺍﻧﻬﺎ ﻧﺮﻭﺡ ﺍﻟﻬﺎ ﺑﻠﻜﻲ ﺗﻄﻴﺢ ﻋﻠﻰ ﻋﻠﺘﺞ ﺭﻓﻌﺖ ﺟﺴﻤﻲ ﺍﺣﺎﺟﻲ ﺑﻬﻤﺔ ﺑﺮﺑﻚ ﺟﻌﻔﺮ ﻟﺘﻮﺩﻳﻨﻲ ﻟﻠﻌﻠﻮﻳﺔ ﻃﻠﻌﻨﻲ ﻣﻦ ﺍﻟﺒﻴﺖ ﻭﺍﺷﻤﺮﻧﻲ ﺑﺎﻗﺮﺏ ﺷﻂ ﻭﺍﺧﻠﺺ ﻣﻨﻲ ﻭﺍﻟﻠﻪ ﻣﺎﺍﺗﺤﻤﻞ ﺣﻴﺎﺗﻲ ﺑﻌﺪ ﻭﺍﺫﺍ ﺳﻮﻳﺘﻬﻪ ﺗﻜﺴﺐ ﺑﻴﻪ ﺍﺟﺮ ﺍﺟﻪ ﻳﻤﻲ ﻭﺍﺣﺘﻀﻦ ﺍﻛﺘﺎﻓﻲ ﺑﺎﺩﻳﻪ ﻭﻟﺞ ﺷﻬﻮﺩﺓ ﺍﺫﺍ ﺍﺷﻤﺮﺝ ﺍﻧﻲ ﻣﻨﻮﻭ ﺍﻟﻲ ﻏﻴﺮﺝ ﻭﻣﻦ ﺑﻌﺪﺝ ﺗﺤﺠﻴﻦ ﺻﺪﻙ ﺍﻧﺘﻲ؟؟ ﻟﺞ ﻏﻴﺮ ﺍﻧﺖ ﺍﻟﻨﻔﺲ ﺍﻟﻲ ﻳﺼﻌﺪ ﻭﻳﻨﺰﻝ ﺟﺎﻭﺑﺘﻪ ﻭﺍﻧﻲ ﺍﺑﺎﻭﻉ ﻻﻇﺎﻓﺮﻱ : ﻻ ﺟﻌﻔﺮ ﻻ ﻫﺬﺍ ﺑﺲ ﺣﺠﻲ ﺛﺎﻟﺚ ﻳﻮﻡ ﺍﻟﻔﺎﺗﺤﺔ ﺗﺪﻭﺭﻟﻚ ﻣﺮﺓ ﺳﺪ ﺣﻠﻜﻲ ﺑﻴﺪﻩ ﻭﻛﺎﻝ ﺍﺷﺶ ﺍﻣﺪﺍﻧﻲ ﺍﺫﺍ ﺍﺳﻮﻳﻬﺎ ﻭﺳﺤﺒﻨﻲ ﻣﻦ ﺍﻳﺪﻱ ، ﺩﻛﻮﻣﻲ ﻛﻮﻣﻲ ﺑﺪﻟﻲ ﻣﻼﺑﺴﺞ ﻭﺣﻀﺮﻱ ﻧﻔﺴﺞ ﺩﻧﻄﻠﻊ .. ﻛﻤﺖ ﻏﺼﺒﺎً ﻋﻠﻴﻪ ﻟﺒﺴﺖ ﺷﻮﻥ ﻣﺠﺎﻥ ﺑﺲ ﺗﺮﻳﺪ ﺃﻃﻠﻊ ﻣﻦ ﻫﺬﺍ ﺍﻟﺒﻴﺖ ، ﻫﻮ ﻟﻤﻦ ﺷﺎﻓﻨﻲ ﻫﻴﺞ ﻛﺎﻡ ﻧﺴﻘﻠﻲ ﻣﻼﺑﺴﻲ ﺍﻟﺸﺎﻝ ﻭﺍﻟﺠﻨﻄﺔ ﻭﻃﻠﻌﻨﺎ ﻭﺷﻲ ﻣﻴﺸﺒﻪ ﺷﺊ ﻟﻮ ﺿﺎﻟﻪ ﻋﻠﺊ ﻗﺒﻞ ﺍﺣﺴﻦ ﺍﺧﺬﻧﻲ ﻟﻠﻌﻠﻮﻳﺔ ﻫﻮ ﺑﻘﻰ ﺑﺮﺓ ﻭﺍﻧﻲ ﻓﺘﺖ ، ﺍﺧﺬﺗﻠﻲ ﺧﻴﺮﺓ ﺑﺎﻟﻘﺮﺃﻥ ﻭﻛﺎﻟﺖ ﻣﺴﺤﻮﺭﺓ ﺍﻧﺖ ﻭﻭﻳﺎﺝ ﺗﺎﺑﻌﺔ ﺑﺴﺒﺐ ﺍﻟﺴﺤﺮ ﻭﻣﺪﺭﻱ ﺷﻨﻮ ﻭﻛﺎﻟﺖ ﻫﻢ ﻳﻤﻜﻦ ﻋﻨﺪﺝ ﺧﻨﻜﻪ ﻣﻦ ﺍﻟﺤﻤﻞ ﺍﻧﻄﺘﻨﻲ ﻣﻲ ﻣﻘﺮﻱ ﻋﻠﻴﻪ ﻭﺩﻋﺎﺀ ﺍﺷﻴﻠﻪ ﺑﻤﻼﺑﺴﻲ ، ﺧﻠﻴﺖ ﺑﻴﺪﻫﺎ ﻓﻠﻮﺱ ﻭﻃﻠﻌﺖ ﻣﻦ ﻳﻤﻬﺎ ﺭﺣﺖ ﻟﻠﺴﻴﺎﺭﺓ ﺟﻌﻔﺮ ﻳﻨﺘﻈﺮﻧﻲ ﺑﺲ ﺭﺟﻌﻨﺎ ﻟﻠﺒﻴﺖ ﺩﺧﻠﺖ ﻟﻐﺮﻓﺘﻲ ﺭﺟﻌﺘﻠﻲ ﺍﻟﺨﻨﻜﺔ ﻣﻦ ﺟﺪﻳﺪ ﺍﺟﻪ ﺟﻌﻔﺮ ﻳﻤﻲ ﻛﺎﻝ ﺍﻟﻌﻠﻮﻳﺔ ﻣﺎﻛﺎﻟﺖ ﻳﻤﺘﻪ ﺗﺼﻴﺮﻳﻦ ﺯﻳﻨﺔ ؟؟ ﻛﺘﻠﻪ ﺍﺩﺭﻱ ﻫﻴﻪ ﻗﺎﺑﻞ ﺩﻛﺘﻮﺭﺓ ﺣﺘﻰ ﺗﻌﺮﻑ ﻳﻤﺘﻪ ﺍﺻﻴﺮ ﺯﻳﻨﺔ ﻫﻴﻪ ﻋﻠﻮﻳﺔ ﻭﻟﻮ ﺍﺻﻴﺮ ﺯﻳﻨﺔ ﻭﻟﻮ ﻣﺎﺍﺻﻴﺮ ﻭﺍﻟﻠﻪ ﻃﺎﺡ ﺣﻈﻲ ﻭﻛﺮﻫﺖ ﺭﻭﺣﻲ ﻭﺍﻟﻠﻪ ﺍﺗﻤﻨﻰ ﺍﻟﻠﻪ ﻳﺎﺧﺬ ﺍﻣﺎﻧﺘﻪ ﻭﺍﺧﻠﺺ ﻛﺎﻝ ﻭﺍﻟﻠﻪ ﻣﺤﺪ ﻏﻴﺮﻱ ﺍﻟﻲ ﻃﻜﺖ ﺭﻭﺣﻪ ﺍﻧﻲ ﻟﻮ ﺿﺎﻝ ﻋﻠﺊ ﻧﻮﻳﻠﻪ ﻣﻮ ﺍﺣﺴﻦ ﻋﻠﺊ ﺍﻻﻗﻞ ﻣﻠﺘﻬﻴﺎﺕ ﺛﻨﻴﻨﺠﻦ ﻭﺍﻧﻲ ﻃﺎﻟﻊ ﻣﻨﻬﺎ ﻭﻣﺮﺗﺎﺡ ﻣﻨﺠﻦ ﺧﻠﻪ ﻭﻃﻠﻊ ﻣﻦ ﺍﻟﻐﺮﻓﺔ ﻭﻇﻠﻴﺖ ﻋﻠﻰ ﻫﺬﺍ ﺍﻟﺤﺎﻝ ﻭﺍﻟﻲ ﻳﺰﻳﺪ ﺧﻨﻜﺘﻲ ﻭﻣﺮﺿﻲ ﺳﺠﻴﻮﺓ ﺍﻟﺨﺒﻴﺜﺔ ﺍﻧﻮﺏ ﻣﻦ ﺗﺸﻮﻓﻨﻲ ﺍﻟﻮﺏ ﻭﻣﺨﻨﻮﻛﺔ ﻭﺍﺭﻳﺪ ﺑﺲ ﺍﺷﺘﻢ ﻫﻮﺍ ﺗﻈﻞ ﺗﻀﺤﻚ ﻋﻠﻴﻪ ﻭﺗﺘﻮﻻﻧﻲ ﺣﻞ ﻭﺣﻞ ﺑﻴﺞ ﻭﺗﺴﺘﺎﻫﻠﻴﻦ ﻋﺒﺎﻟﻚ ﻛﺎﺗﻠﺔ ﺍﻫﻠﻬﺎ ﻟﻮ ﻣﺪﺭﻱ ﺷﻨﻮ ﻣﺴﻮﻳﺘﻠﻬﺎ ﻣﺮﺕ ﻛﻢ ﻳﻮﻡ ﻭﺍﻧﻲ ﻉ ﻫﺎﻟﺤﺎﻝ ﻭﺣﺎﻟﺘﻲ ﺩﺗﺰﻳﺪ ﺭﻏﻢ ﺳﻮﻳﺖ ﻛﻠﺸﻲ ﻛﺎﻟﺖ ﺍﻟﻌﻠﻮﻳﺔ ﺑﺲ ﻣﺎﻓﺎﺩ ﺍﺧﺬﻧﻲ ﺟﻌﻔﺮ ﻟﻺﻣﺎﻡ ﺍﻟﻜﺎﻇﻢ ﻋﻠﻴﻪ ﺍﻟﺴﻼﻡ ... ﺑﺲ ﺩﺧﻠﺖ ﺍﺣﺲ ﺩﻣﻮﻋﻲ ﻣﺎﻛﺪﺭ ﺍﺳﻴﻄﺮ ﻋﻠﻴﻬﺎ ﺑﻌﺪ ﺑﻠﻠﺖ ﺧﺪﻱ ﻭﺻﺮﺕ ﺍﺷﻬﻚ ﺑﺼﻮﺕ ﻣﻜﺘﻮﻡ ﻣﺎﺩﺭﻱ ﺷﺒﻴﻪ ﻳﺎﺭﺑﻲ ، ﻇﻠﻴﺖ ﺍﺷﻜﻲ ﺑﺼﻮﺕ ﻧﺎﺻﻲ ﻭﺍﻧﻲ ﻻﺯﻣﺔ ﺍﻟﺸﺒﺎﻙ ﻭﻟﻤﻦ ﻃﻠﻌﺖ ﻟﻠﺤﻀﺮﺓ ﺣﺴﻴﺖ ﺍﺭﺗﺎﺣﻴﺖ ﻛﻌﺪﺕ ﻭﺍﺭﺗﺠﻴﺖ ﻭﺻﻔﻨﺖ ﻭﺍﺗﻤﻨﻰ ﺍﻛﻌﺪ ﺍﻟﻌﻤﺮ ﻛﻠﻪ ﻫﻨﺎﻧﻪ ﻭﻣﺎﺭﺟﻊ ﻟﻠﺒﻴﺖ ﻻﻥ ﺻﺎﻳﺮﺓ ﺍﻛﺮﻫﻪ ﻛﻠﺶ ﺣﺴﻴﺖ ﺗﺄﺧﺮﺕ ﻋﻠﻰ ﺟﻌﻔﺮ ﻻﻥ ﺑﻘﻴﺖ ﻫﻮﺍﻱ ﻛﺎﻋﺪﺓ ﺑﻤﻜﺎﻧﻲ ﺭﺣﺖ ﺍﻟﻪ ﻭﻫﻮ ﺭﺯﻟﻨﻲ ﺑﺲ ﻣﻬﺘﻤﻴﺖ ﻭﺻﻌﺪﻧﺎ ﺑﺎﻟﺴﻴﺎﺭﺓ ﻭﺗﻮﺟﻬﻨﺎ ﻟﻠﺒﻴﺖ ﺑﺲ ﺩﺧﻠﻨﺎ ﺭﺟﻌﺘﻠﻲ ﺍﻟﺨﻨﻜﺔ ﺭﺣﻨﺎ ﻟﻠﻐﺮﻓﺔ ﻭﺗﻔﺎﺟﺌﻨﺎ ﺑﺴﺠﻰ ﺑﻐﺮﻓﺘﻨﺎ ﻭﺍﻧﺼﺪﻣﻨﺎ ﺑﻴﻬﺎ ﻫﻤﺎﺗﻴﻦ ﺗﻮﺟﻪ ﺍﻟﻬﺎ ﺟﻌﻔﺮ ﻭﻟﺰﻣﻬﺎ ﻣﻦ ﺍﻳﺪﻫﺎ ﻭﺳﺤﺒﻬﺎ ، ﺟﺎﻧﺖ ﺍﺭﺽ ﺍﻟﻐﺮﻓﺔ ﻣﺒﻠﻠﺔ ﻭﻫﻴﻪ ﺗﺨﻔﻲ ﺷﻲ ﻭﺭﻩ ﻇﻬﺮﻫﺎ ﻟﻤﻦ ﺳﺤﺐ ﺍﻳﺪﻫﺎ ﺟﺎﻥ ﺑﻴﺪﻫﺎ ﺑﻄﻞ ﻣﻲ ﻭﺑﺎﻗﻲ ﻧﺼﻪ ﺗﻔﺎﺟﺌﺖ ﺍﻧﻲ ﻭﺻﺮﺧﺖ ﻋﻠﻴﻬﺎ ﻻ ﻳﺎ ﻛﻠﺒﺔ ﻳﺎﺣﻤﺎﺭﺓ ﻫﺎﻱ ﺍﻧﺘﻲ ﺻﺪﻙ ﺩﺗﺴﺤﺮﻳﻠﻲ ﻣﺎﺟﺬﺑﺖ ﺭﻳﻬﺎﻡ ﻟﻤﻦ ﻛﺎﻟﺖ ﻣﺴﺤﻮﺭﺓ ﻟﺰﻣﻬﺎ ﺟﻌﻔﺮ ﺣﻴﻞ ﻭﺧﻨﻜﻬﺎ ﻣﻦ ﺭﻛﺒﺘﻬﺎ ﻭﻳﻬﺰ ﺑﻴﻬﺎ ﺍﺟﺖ ﺗﻤﻮﺕ ﺑﻴﻦ ﺍﻳﺪﻩ ﻭﻭﻛﻊ ﻣﻨﻬﺎ ﺍﻟﺒﻄﻞ ﻭﻧﻜﺐ ﻉ ﺍﺭﺿﻴﺔ ﺍﻟﻐﺮﻓﺔ ﺿﺮﺑﻬﺎ ﺭﺍﺷﺪﻱ ﺑﻜﻞ ﻗﻮﺗﻪ ﻭﺭﺯﻟﻬﺎ ﻃﻴﺢ ﺣﻈﻬﺎ ﻟﺞ ﺣﻘﻴﺮﺓ ﺍﺩﺑﺴﺰ ﻫﺎﻱ ﺷﺴﻮﻭﻳﻦ ﻟﺞ ﺑﻌﺪﺝ ﺑﻜﺪ ﺍﻟﻔﺼﻤﺔ ﺗﺮﺷﺮﺷﻴﻦ ﻭﺗﺴﻮﻭﻳﻦ ﺳﺤﻮﺭﺓ ﻫﺎﻱ ﻣﻨﻮ ﻋﻠﻤﺞ ﻋﻠﻰ ﻫﺎﻟﺴﻮﺍﻟﻒ ﻫﺎﺍﺍﻱ ﻣﻨﻮ ﺩﺯﺝ ﻋﻠﻴﻨﺎ ﻻﺯﻣﻬﺎ ﻣﻦ ﺍﻳﺪﻫﺎ ﻭﻳﻬﺰ ﺑﻴﻬﺎ ﺑﻌﻨﻒ ﻭﻋﺼﺒﻴﺔ ﻭﻫﻴﻪ ﺗﻌﻴﻂ ﻭﺗﺼﺮﺥ ﻭﺗﺼﻴﺢ ﺩﺧﻠﺖ ﻋﻤﺘﻲ ﺍﻡ ﻓﻼﺡ ﻭﻓﻜﺘﻬﺎ ﻣﻦ ﺍﻳﺪ ﺟﻌﻔﺮ ﻭﻫﻴﻪ ﺗﺨﺒﻠﺖ ﻭﻇﻠﺖ ﺗﺼﻴﺢ ﺍﻟﻪ ﺍﺣﺮﻙ ﺭﻭﻭﺣﻲ ﻣﻮﺗﻮﻧﻲ ﻣﻮﻭﺗﻮﻧﻲ ﻳﺎﻫﻮ ﻟﻴﺠﻲ ﻳﻜﻔﺦ ﺑﻴﻪ ﻣﺤﺪ ﻳﻜﻮﻭﻝ ﻳﺘﻴﻤﺔ ﻣﺎﻋﺪﻫﺎ ﺍﺣﺪ ﺑﺎﺑﺎ ﻛﺘﻠﺘﻮﺍ ﻣﺎﻣﺎ ﺷﻤﺮﺗﻮﻫﺎ ﺑﺎﻟﺴﺠﻦ ﺍﻧﻲ ﺷﺘﺮﺩﻭﻭﻥ ﻣﻨﻲ ﺷﺘﺮﺩﻭﻭﻭﻥ ﻋﻤﺔ ﺍﻡ ﻓﻼﺡ ﻇﻠﺖ ﺗﺤﺠﻲ ﻋﻠﻰ ﺟﻌﻔﺮ ﻭﻟﻚ ﻳﻤﻪ ﺷﺒﻴﻚ ﻭﻳﺎﻫﺎ ﺷﻤﺴﻮﻱ ﺑﻴﻬﺎ ﻭﺟﻬﻪ ﺍﺣﻤﺮ ﺷﺒﻴﻬﺎ ﺷﺴﻮﺕ ﻛﺎﻟﻠﻬﺎ ﻳﻌﻨﻲ ﻣﺎﺷﻔﺘﻴﻬﺎ ﻣﻦ ﺩﺧﻠﺖ ﻟﻠﻐﺮﻓﺔ ﻟﻴﺶ ﻣﺎﺟﻴﺘﻲ ﻭﺭﺍﻫﺎ ﻭﺷﻔﺘﻴﻬﺎ ﺷﻨﻮﻭ ﺟﺎﻧﺖ ﺗﺴﻮﻱ ﻫﺎﺍﺍ ﺷﺎﻝ ﺍﻟﺒﻄﻞ ﻣﻦ ﺍﻻﺭﺽ ﻭﺷﻮﻓﻪ ﻷﻣﻪ ﻭﻗﺮﺑﻪ ﻣﻨﻬﺎ ﻫﺎﺍﺍﺝ ﺷﻮﻓﻲ ﻫﺎﻱ ﺍﻟﻲ ﺗﺪﺍﻓﻌﻴﻦ ﺍﻟﻬﺎ ﺷﻮﻭﻓﻲ ﺷﺠﺎﻧﺖ ﺗﺮﺵ ﺑﻐﺮﻓﺘﻨﺎ ﺍﻧﺎ ﻣﻮ ﺍﺟﻴﺖ ﺍﻣﻮﻭﺕ ﻣﻦ ﻭﺭﻩ ﺳﺤﻮﺭﺓ ﺍﻣﻬﺎ ﻋﻤﺘﻲ ﺍﻧﺼﺪﻣﺖ ﻭﻟﻄﻤﺖ ﻋﻠﻰ ﺻﺪﺭﻫﺎ ﻭﻇﻠﺖ ﺗﺤﻘﻖ ﻭﻳﺎﻫﺎ ﺗﻜﻮﻟﻠﻬﺎ ﻭﻟﺞ ﻣﻨﻮ ﻋﻠﻤﺞ ﻋﻠﻰ ﻫﺎﻟﺴﻮﺍﻟﻒ ؟ ﻣﻨﻮ ﺍﻧﻄﺎﺟﻴﺎ ﻫﺬﺍ ؟؟ ﻭﺳﺠﻰ ﻣﺘﺨﺒﻠﺔ ﻭﺗﺤﻠﻒ ﺣﻠﻔﺎﻥ ﻣﻮ ﻃﺒﻴﻌﻲ ﺍﻧﻮ ﺟﺬﺏ ﻫﻴﻪ ﻣﻤﺴﻮﻳﺔ ﺷﻲ ﻭﺗﻬﺪﺩ ﺗﺤﺮﻙ ﺭﻭﺣﻬﺎ ﻟﻮ ﺗﺸﺮﺩ ﺧﻠﺘﻨﺎ ﻣﺼﺪﻭﻣﻴﻦ ﺑﺲ ﻋﻠﻴﻤﻦ ﺗﻄﻠﻊ ﻭﺍﻣﻬﺎ ﻧﻮﻳﻠﺔ ﻭﺟﻪ ﺍﻟﻄﺎﻭﺓ ﻭﺍﺑﻦ ﺍﻟﺒﻂ ﻋﻮﺍﻡ ..... ﺍﻧﻮﺏ ﺧﻠﺖ ﻭﺭﺍﺣﺖ ﺟﺎﺑﺖ ﻧﻔﻂ ﺗﺮﻳﺪ ﺗﺤﺮﻙ ﺭﻭﺣﻬﺎ ﻭﺟﻌﻔﺮ ﺗﺨﺒﻞ ﻟﺰﻣﻬﺎ ﻭﻛﺘﻠﻬﺎ ﻛﻠﻬﺎ ﺑﻐﻀﺐ ... ﻫﺎﻱ ﻣﻨﻴﻦ ﻣﺘﻌﻠﻤﻪ ﻫﺎﻱ ﺍﻟﺴﻮﺍﻟﻒ ﻭﺍﺫﺍ ﺣﺮﻛﺘﻲ ﺭﻭﺣﺞ ﻟﻠﺠﻴﺮ ﻭﻟﻠﺠﻬﻨﻢ ﻣﺎ ﺗﻀﺮﻳﻦ ﻏﻴﺮ ﻧﻔﺴﺞ ... ﺍﻟﻴﺠﻲ ﻣﻦ ﺍﻳﺪﻩ ﺍﻟﻠﻪ ﻳﺰﻳﺪﻩ ﻧﺴﻮﻳﻠﺞ ﻋﻮﺩ ﻓﺎﺗﺤﻪ ﻭﻧﺸﺒﻊ ﺗﻤﻦ ﻭﻟﺤﻢ .. ﻭﺍﻧﺘﻲ ﺗﺮﺣﻴﻦ ﺍﻟﺠﻬﻨﻢ ﻳﺴﻮﻭﻧﺞ ﺩﺟﺎﺝ ﺷﻮﻱ ﻋﻠﺊ ﺍﻟﻔﺤﻢ ... ﻫﻲ ﻧﻔﺲ ﺍﻣﻬﺎ ﺑﺎﻟﻀﺒﻂ ﺿﻠﺖ ﺗﻠﻄﻢ ... ﻭﺭﻭﺡ ﺍﺑﻮﻭﻱ ﻭﺭﺓﺡ ﺍﺑﻮﻭﻱ ﻟﻞ ﻣﺴﻮﻳﻪ ﺳﺤﺮ ﻭﻻ ﺷﺊ ... ﺍﻧﻲ ﻃﺎﻟﻌﻪ ﺣﺘﺊ ﺍﺳﻮﻱ ﺳﺤﻮﺭﻩ .... ﻭﺍﺭﺩﻓﺖ ﺑﺼﺮﺍﺥ ... ﺑﻮﻭﻭﻳﻪ ﻓﻼﺡ ﺗﻌﺎﻝ ﺷﻮﻭﻑ ﺗﻌﺎﻝ ﺷﻮﻑ ﺍﺧﻮﺗﻚ ﺷﺴﻮﻭ ﺑﻴﻨﻪ ﺑﺎﻭﻋﻠﻬﺎ ﺑﻘﺮﻑ ... ﺧﺎﺏ ﺩﻛﻮﻭﻭﻣﻲ ﻫﻮ ﺷﻮ ﻓﻼﺡ ﻳﻮﻣﻴﻪ ﺟﺎﻳﻨﻲ ﺑﺎﻟﺤﻠﻢ ﻳﻜﻮﻝ ﺗﻔﻠﺶ ﺍﻟﻜﺒﺮ ﻣﺎﻟﺘﻲ ﻛﺪ ﻣﺎ ﻭﺟﻬﻪ ﺍﻟﻄﺎﻭﻩ ﻭﺑﻨﺎﺗﻬﺎ ﻳﺤﻠﻔﻦ ﺑﻴﻪ ﺟﺬﺏ ﻭﺍﻧﻲ ﺭﻭﺣﻲ ﺗﺼﻌﺪ ﻭﺗﻨﺰﻝ ﻭﻓﺸﻠﺖ ﺣﺘﺊ ﺍﻟﻜﺒﺮ ﻣﻦ ﻭﺭﺍﻫﻦ ... ﻫﻮ ﻃﺒﻌﺎ ﺟﻌﻔﺮ ﺟﺬﺍﺏ ﻣﺎ ﺟﺎﻳﻪ ﻓﻼﺡ ﺑﺎﻟﺤﻠﻢ ﺑﺲ ﻫﻲ ﻓﻌﻼ ﺗﺪﻕ ﺑﻜﻼﻣﻬﺎ ... ﻫﻲ ﺧﻠﺖ ﻭﺭﺍﺣﺖ ﺗﺒﺠﻲ ﻭﺍﻧﻮﺏ ﻟﺰﻣﺖ ﺍﺧﻮﺍﺗﻬﺎ ﺍﻟﺼﻐﺎﺭ ﻛﻄﻌﺘﻬﻦ ﺗﻜﻄﻊ ﻧﻔﺲ ﺍﺳﻠﻮﺏ ﺍﻣﻬﺎ ... ﺑﺲ ﻋﻤﺘﻲ ﺍﻡ ﻓﻼﺡ ﺿﻠﺖ ﺗﺼﻴﺢ ﻋﻠﻴﻬﺎ ﻭﻛﻠﺘﻠﻬﺎ ... ﻭﺍﻟﻠﻪ ﺑﺲ ﻳﺤﻲ،ﺟﺎﺳﺮ ﺍﻟﻪ ﺍﺧﻠﻲ ﻳﺮﺑﻴﺞ ... ﻭﻫﻲ ﺯﻋﻼﻧﻪ ﻭﻛﺎﻋﺪﻩ ﺑﻐﺮﻓﺘﻬﺎ ... ﺷﻮﻳﻪ ﻭﺍﺟﺖ ﺻﺒﺮﻳﺔ ﺟﺎﻧﺖ ﻋﻨﺪ ﺑﻴﺖ ﺍﺧﺘﻬﺎ ﺑﻴﺖ ﺷﻴﺦ ﻋﻜﺎﺏ ﻭﻛﺎﻟﺖ ﺟﺎﺑﺮ ﻳﺮﻳﺪ ﻳﻄﻠﮓ ﻭﻗﺎﺭ ﻭﻋﻤﺘﻲ ﺗﺨﺒﻠﺖ ﺑﺲ ﻫﻲ،ﻣﺎ ﺣﺠﺖ ﻭﺧﺎﺑﺮﺕ ﺍﺷﻮﺍﻕ ﻛﺎﻟﺖ ﺧﺎﺑﺮﺕ ﺟﺎﺑﺮ ﻭﻣﺼﺮ ﻳﻄﻠﻜﻬﺎ ﺳﺠﺊ ﻃﻠﻌﺖ ﻭﺳﻤﻌﺖ ﺍﻟﻜﻼﻡ ﺍﻟﻲ ﺍﻧﺪﺍﺭ ﻭﺑﻌﺪﻫﺎ ﺧﻠﺖ ﻭﺩﺧﻠﺖ ... ........................... ﻭﻗﺎﺭ .. ﺟﺎﺳﺮ ﻟﺤﺪ ﺍﻻﻥ ﻣﺎ ﺍﺟﻪ ﻣﻦ ﺍﻟﻨﺠﻒ ﻭﺍﻧﻲ ﻧﻀﻔﺖ ﺍﻟﺒﻴﺖ ﺟﺎﻥ ﺛﺎﻧﻲ،ﻳﻮﻡ ﻭﺩﻧﻴﺎ ﺍﻟﻈﻬﺮ ﺭﺍﺣﺖ ﺧﺎﻟﺘﻲ،ﺻﺒﺮﻳﻪ ﺷﻮﺕ ﺳﻤﺞ ... ﻛﻌﺪﻧﻪ ﺑﺎﻟﺼﺎﻟﻪ ﻧﻨﺘﻀﺮ ﺍﻟﺴﻤﺞ ﻳﺴﺘﻮﻱ ﻭﺍﻣﻲ ﺭﺿﻴﻪ ﺗﻨﻀﻒ ﺑﺎﻟﺨﻀﺮﻩ ﺍﺫﻥ ﺍﻟﻤﺆﺫﻥ ﻭﺻﻠﻴﻨﻪ ﺍﻟﺤﻤﺪ ﻟﻠﻪ ... ﻭ ﻣﺠﺘﺒﺊ ﻭﻣﺮﺗﻀﺊ ﻻﺯﻣﻴﻦ ﺍﻟﺪﻳﺞ ﻭﺣﺎﻃﻴﻦ ﺍﻟﺘﺮﺑﻪ ﻳﻜﻠﻮﻟﻪ ... ﻳﺎﻟﻠﻪ ﻋﺒﻴﺒﻲ ﻃﻠﻲ ... « ﺻﻠﻲ » ﻭﺍﻟﺪﻳﺞ ﻳﻌﻮﻋﻲ ﻳﺮﻳﺪ ﺑﺲ ﻳﻔﻠﺖ ﻣﻨﻬﻢ ﻋﺬﺑﻮ ﻭﻫﻢ ﻻﺯﻣﻴﻦ ﺭﺍﺳﻪ ﻭﻳﺠﺒﺮﻭﺍ ﻳﺼﻠﻲ ... ﻣﺠﺘﺒﺊ ﺍﺟﻪ ﺍﻻﻣﻪ ﻭﻫﻮ ﻻﺯﻡ ﻭﺟﻬﻬﺎ ... ﻳﻤﺎﺍﺍ ﺳﻮﻓﻲ ﻣﺎ ﻳﻄﻠﻲ ﺗﺎﺍﺍﻓﺮ « ﻳﻤﻪ ﺷﻮﻓﻲ ﻣﺎ ﻳﺼﻠﻲ ﻛﺎﻓﺮ » ﺭﺩﺕ ﻋﻠﻴﻪ ﺻﺒﺮﻳﺔ ... ﺍﻧﺠﺐ ﻭﻟﻚ ﻣﺸﻤﺶ ﺍﻧﻪ ﺣﻴﻮﺍﻧﺎﺗﻲ ﻛﻠﻬﻢ ﻣﺘﺪﻳﻴﻨﻴﻦ ﻭﻣﻮﺍﻣﻨﻪ ... ﻫﺬﺍ ﺍﻟﺪﻳﺞ ﺟﺎﻥ ﻳﻜﻌﺪ ﻭﻳﻪ ﺃﺫﺍﻥ ﺍﻟﻔﺠﺮ ﻳﻮﺫﻥ ﻟﻠﻮﺍﺩﻡ « ﻳﺄﺫﻥ » ﻭﺫﺍﻙ ﺩﻭﻳﭽﻲ ﺍﻟﻲ ﺍﻛﻼﻩ ﺍﺑﻮﻭﻙ ﺟﺎﻥ ﻳﻜﻌﺪ ﻭﻳﺔ ﺻﻴﺤﺔ ﺍﻟﻠﻪ ﺍﻛﺒﺮ ... ﺑﻌﺪ ﺷﻠﻮﻥ ﻛﺎﻓﺮ ﻣﺸﻤﺶ ﻣﺎ ﺟﺎﻭﺑﻬﺎ ﻭﺧﻠﻪ ﻭﺭﺍﺡ ﻛﻌﺪ ﻳﻢ ﻣﺮﺗﻀﺊ ﻭﻫﻢ ﻻﺯﻣﻴﻦ ﺍﻟﺘﺮﺑﻪ ﻳﺮﺩﻭﻧﻪ ﻳﺼﻠﻲ ﻣﺮﺗﻀﺊ،ﻟﺰﻡ ﺍﻟﺪﻳﺞ ﺑﺴﻴﺎﺳﺔ ... ﻳﺎﻟﻠﻪ ﻋﺒﺎﺏ ﻃﻠﻲ ﻋﺒﻴﺒﻲ ﺍﺣﻨﻪ ﺗﻠﻨﻪ ﻧﻄﻠﻲ ﺑﺖ ﻣﻤﺶ ﺗﺎﻓﺮ ﻣﺎ ﻳﻄﻠﻲ ... ﺿﺮﺑﻪ ﻣﺸﻤﺶ ﺑﻐﻀﺐ ... ﻧﻌﻠﻪ ﺍﺑﻮﻭﻙ ﻭﺍﻟﻠﻪ ﺍﻃﻠﻲ « ﻭﺍﻟﻠﻪ ﺍﺻﻠﻲ » ﻣﺮﺗﻀﺊ ﺑﻮﻋﻴﺪ ﻭﻫﻮ ﻋﺎﻛﺪ ﺍﻟﻨﻮﻧﻪ ﻭﻳﺴﻮﻱ،ﺑﻴﺪﻩ ﻣﺜﻞ ﺍﻟﺒﺴﻴﻄﻪ ... ﺑﺲ ﻳﺪﻱ ﺑﺎﺑﺎ ﺍﺩﻟﻪ ﻋﻠﻴﻚ ﺗﻨﻌﻞ ﺍﺑﻮﻳﻪ ﻭﺍﻧﺖ ﻣﺎ ﺗﻄﻠﻲ ﻣﺎ ﺳﻔﺘﻚ ... « ﺍﻧﺖ ﻣﺎ ﺗﺼﻠﻲ ﻣﺎ ﺷﻔﺘﻚ » ﻋﺎﺩ ﻭﻛﻒ ﻣﺸﻤﺶ ﻭﺳﺤﺐ ﺣﺠﺎﺏ ﺍﻣﻲ ﺭﺿﻴﻪ ﻭﺧﻼﻫﺎ ﻣﻔﺮﻋﻪ ﺑﺲ ﺑﻜﺼﺎﻳﺒﻬﺎ ﺍﻟﺤﻤﺮ ﺻﺎﺣﺖ ﻋﻠﻴﻪ ﻭﻫﻲ ﺗﺤﻂ ﺍﻳﺪﻫﺎ ﻋﻠﺊ ﺭﺍﺳﻬﺎ ... ﻳﺎﺍﺍ ﻋﺰﺍ ﺍﻟﻌﺰﺍﻙ ﻣﺸﻤﺶ،ﻭﻟﻚ ﺗﻌﺎﻝ ﺟﻴﺐ ﺷﻴﻠﺘﻲ ﻫﻮ ﻟﺒﺴﻬﺎ ﻭﺗﺸﻴﻞ ﺑﻴﻬﺎ ﺍﻧﻮﺏ ﻫﻮ ﻣﻮ ﺑﻴﺾ ﻭﺍﻟﺨﺪﻭﺩ ﺣﻤﺮ ﻭﺍﻟﻌﻴﻮﻥ ﻣﻠﻮﻧﻪ ﻭﺍﻟﺸﻴﻠﻪ ﺳﻮﻭﺩﻩ ﻋﻴﻨﻲ ﺍﻟﻨﺒﻲ ﺗﺤﺮﺳﻪ ﻃﻠﻊ ﻳﺠﻨﻦ ... ﺣﻂ ﺍﻟﺘﺮﺑﻪ ﻭﻫﻮ ﻻﺑﺲ ﺷﻴﻠﺔ ﺭﺿﻴﻪ ﻭﻋﺎﻛﺲ ﺍﻟﻘﺒﻠﻪ ﻭﻳﺼﻠﻲ ﻭﻳﺮﻛﻊ ﺑﺴﺮﻋﻪ ﻣﺜﻞ ﺻﻼﺓ ﺟﻌﻔﺮ ﺧﻠﺼﻬﺎ ... ﺍﻟﻠﻪ ﺍﺑﻞ .. « ﺍﻟﻠﻪ ﺍﻛﺒﺮ » ﺷﻤﺮ ﺍﻟﺸﻴﻠﻪ ﻭﺍﺟﻪ ﺑﻔﺨﺮ ﻭﻫﻮ ﻳﺒﺎﻭﻉ ﺍﻟﻤﺮﺗﻀﺊ ﻭﺍﻟﺪﻳﺞ ... ﻳﺎﻟﻠﻪ ﻃﻠﻴﺖ ﺣﻠﻲ ﻫﻮ ﻳﻄﻠﻲ « ﻳﺎﻟﻠﻪ ﺻﻠﻴﺖ ﺧﻠﻲ ﻫﻮ ﻳﺼﻠﻲ » ﺧﻄﻴﻪ ﺭﺟﻌﻮﺍ ﻟﻠﺪﻳﺞ ﺧﻨﻜﻮﺍ ﺻﻠﻲ ﻣﺎ ﺻﻠﻲ ﻭﺍﻟﺤﻤﺪ ﻟﻠﻪ ﺟﺎﺳﺮ ﻣﻦ ﺩﺧﻞ ﻧﻘﺬ ﺍﻟﺪﻳﺞ ﻫﻢ ﻣﻦ ﺷﺎﻓﻮﺍ ﺍﺑﻮﻫﻢ ﺧﻠﻮ ﻭﺭﻛﻀﻮ ﻋﻠﻴﻪ ﻭﺍﻟﺪﻳﺞ ﺍﻧﻬﺰﻡ ﻣﻨﻬﻢ ... ﺷﺎﻟﻬﻢ ﻭﻫﻮ ﻳﺒﻮﺱ ﺑﻴﻬﻢ ﻭﻳﺤﻀﻨﻬﻦ ﻭﻛﻞ ﺗﺮﺍﺏ ﻣﻦ ﺗﺮﺍﺏ ﺍﻟﻌﺰﺍﺯ ﺍﻟﺲ ﺍﻧﺪﻓﻨﻮﺍ ﺑﻮﺍﺩﻱ ﺍﻟﺴﻼﻡ ... ﺍﻭﻝ ﻣﺎ ﻭﻛﻊ ﻧﻈﺮﻩ ﻋﻠﺊ ﺟﻮﻟﻲ ﺍﻟﻲ ﺟﺎﻧﺖ ﻛﺎﻋﺪﻩ ﺑﻬﺪﻭﺀ ﻭﻣﺨﻠﻴﻪ ﺍﻳﺪﻫﺎ ﺑﻄﻨﻬﺎ ﻭ ﺍﻟﺬﺑﻮﻝ ﻃﺎﻏﻲ ﻋﻠﺊ ﻣﻼﻣﺤﻬﺎ ﺗﻨﻬﺪ ﻭﺟﺮ ﻧﻔﺲ ﻛﺎﻝ ... ﺍﻟﺴﻼﻡ ﻋﻠﻴﻜﻢ ﺍﻟﻜﻞ ﺭﺩ ﻋﻠﻴﻪ ... ﻭﻋﻠﻴﻜﻢ ﺍﻟﺴﻼﻡ ﻭﺣﺘﺊ ﺟﻮﻟﻲ ﺭﺩﺕ ﺑﺨﻔﻮﺕ ... ﺍﺟﻪ ﻛﻌﺪ ﺷﻮﻳﻪ ﻛﺎﻝ ... ﺷﻠﻮﻧﻜﻢ ؟ ﺭﺩﺕ ﻋﻠﻴﻪ ﺻﺒﺮﻳﺔ ... ﺍﻟﺤﻤﺪ ﻟﻠﻪ ﺑﺨﻴﺮ ﺑﺲ ﺷﻨﻲ ﻫﺪﻭﻭ ﻋﻠﻴﻨﻪ ﺭﺑﻌﻚ ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ ... ﻣﻨﻮ ﺭﺑﻌﻲ ؟ ﺟﺮﺕ ﻧﻔﺲ ﻭﺷﻐﻠﺘﻠﻬﺎ ﺟﻜﺎﺭﻩ ... ﺷﻮﻳﻤﻪ ﻭﺭﺑﻌﻬﺎ ﺍﻛﻠﻚ ﻳﻤﻪ ﻭﺍﻟﻠﻪ ﺗﺮﺉ ﻣﻮﺗﺘﻨﻪ ﻃﻠﻜﻬﺎ ﻣﺎ ﻃﻠﻜﻬﺎ .. ﻓﺪﻭﻩ ﺍﺭﻭﺣﻠﻚ ﻣﺎ ﺗﻄﻠﻚ ﺟﻜﻠﻴﺘﻪ ﺑﻨﻴﺘﻲ ﻭﺭﻭﺡ ﺍﻣﻲ ﺑﺲ ﺗﺠﻴﺐ ﺍﺯﻭﺟﻬﺎ ﺟﺎﺍﺍ ﺷﻨﻲ ﺷﻮﻭ ﻫﻲ ﺧﻄﺎﺑﺘﻬﺎ ﻛﻮﻭﻣﻪ ﻫﻮ ﺑﺎﻭﻉ ﺍﻟﺼﺒﺮﻳﻪ ﺑﺨﺰﺭﻩ ﻭﺭﺩ ﻋﻠﻴﻬﺎ ... ﺍﻟﺨﺎﻃﺮ ﺍﻟﻠﻪ ﺧﺎﻟﻪ ﺗﺮﺉ ﻃﺎﻟﻌﻪ ﺭﻭﺣﻲ ﻭﻣﺎ ﺍﻟﻲ ﺧﻠﻚ ﺍﺑﺒﺪ ﺷﻨﻮ ﺍﻃﻠﻚ ﺷﻨﻮ ﺗﺰﻭﺟﻴﻬﺎ ... ﻫﻴﺞ ﺍﻻﻣﻮﺭ ﻋﻨﺪﺝ ﺗﺎﻳﻬﻪ ﻧﻔﺨﺖ ﺟﻜﺎﺭﺗﻬﺎ ﻭﺭﺩﺕ ﻋﻠﻴﻪ ... ﺟﺎﺍﺍ ﺧﻮﺵ ﻫﺬﺍ ﺍﻟﻜﻼﻡ ﻛﻮﻟﻪ ﻟﺸﻮﻳﻤﻪ ﻣﻮ ﺩﻛﻮﻟﻪ ﺍﻟﻴﻪ ﺷﻨﻬﻲ ﺍﻧﻪ ﻣﻄﺎﻟﺒﻪ ﻣﻨﻚ ﺗﻄﻠﻚ ﺟﻜﻠﻴﺘﻪ ... ﻭﺍﻧﻪ ﻣﺎ ﻣﺠﺬﺑﻪ ﻭﺭﻭﺡ ﺍﻣﻲ ﺟﻜﻠﻴﺘﻪ ﺗﺠﻨﻦ ﺍﻟﻔﻠﺢ ﻣﻦ ﺟﺎﻧﺖ ﻋﻨﺪﻱ ﻛﻠﻪ ﺗﺨﻄﺒﺘﻬﺎ ﻭﻛﻠﻬﺎ ﺗﺴﺎﻟﻨﻲ ﻋﻨﻬﺎ ﻭﻟﻚ ﻳﺎﺑﻮ ﻣﺮﺗﻀﺊ ﺍﻧﺖ ﻋﻨﺪﻙ ﺟﻮﻫﺮﻩ ﻛﻮﻥ ﻫﻴﺞ ﺗﺤﻄﻬﺎ ﺑﺠﺎﻥ ﺧﺎﻥ ﻭﺗﻌﺎﻳﻦ ﺍﻟﺤﻠﻜﻬﺎ ... ﺑﺲ ﻭﻳﻦ ﻫﻞ ﻣﺴﻴﭽﻴﻨﻪ ﺣﻀﻬﺎ ﻣﺪﺭﻱ ﻭﻳﻦ ﻧﺎﻳﻢ ﻣﺎ ﺳﺎﻭﻩ ﺣﻆ ﺍﻟﻜﺢ ... ﺗﻨﻬﺪ ﺑﻀﻴﻖ ﻭﺿﻞ ﻳﺒﺎﻭﻋﻠﻬﺎ ﻟﺠﻮﻟﻲ ﺑﻘﻬﺮ ﺧﻄﻴﻪ ﺣﻴﻴﻞ ﻣﺤﺘﺎﺭ ﺍﺧﻮﻳﻪ ﺑﻴﻨﻬﻦ ﻭﻛﻒ ﻛﺎﻝ ... ﻳﺎﻟﻠﻪ ﺍﻧﻲ ﺭﺍﺡ ﺍﺳﺒﺢ ﻣﺮﺗﻀﺊ ﺻﺎﺡ ﺑﺼﻮﺕ ﻋﺎﻟﻲ ... ﺑﺎﺑﺎ ﺍﻧﻲ ﻣﺪﺍﻋﻠﻚ ... « ﻣﺰﺍﻋﻠﻚ » ﺿﺤﻚ ﺑﺴﺨﺮﻳﻪ ﻭﻛﺮﺹ ﺧﺬﻩ ... ﺍﺯﻋﻞ ﺑﻮﻳﻪ ﺍﺯﻋﻞ ﻫﻮ ﺍﻧﻲ ﺍﻟﻤﻮﺗﻪ ﺯﻋﻠﺖ ﻋﻠﻴﻪ ﻭﺭﺣﺖ ﺍﺭﺍﺿﻴﻬﺎ ﺿﻠﺖ ﻋﻠﻴﻚ ﺭﺍﺡ ﻳﺴﺒﺢ ﻭﺍﺣﻨﻪ ﺣﻀﺮﻧﻪ ﺍﻟﻐﺪﺍ ﻃﻠﻊ ﻣﻦ ﺍﻟﺤﻤﺎﻡ ﻭﻫﻮ ﻳﻨﺸﻒ ﺷﻤﺮ ﺍﻟﻤﻨﺸﻔﻪ ﻋﻠﺊ ﺍﻟﻘﻨﻔﻪ ﻭﻛﻌﺪ ﺑﺼﻒ ﺟﻮﻟﻲ ﺍﺣﻨﻪ ﺟﻨﻪ ﻣﺴﻮﻳﻦ ﺳﻤﻚ ﻭﺗﻤﻦ ﻭﻣﺮﻙ ﻭﺯﻻﻳﻂ ﻭﺩﻧﺎﻛﻞ ﻭﺟﻮﻟﻲ ﺷﻔﺘﻬﺎ ﺗﻠﻮﻭﺏ ﻭﺗﺘﻌﺼﺮ ﺑﺮﻭﺣﻬﺎ ﺣﺴﻴﺖ ﺑﻴﻬﺎ ﺗﺮﻳﺪ ﺗﺘﻘﻴﺊ ﻋﻮﺩ ﺭﺩﺕ ﺍﺭﻭﺡ ﺍﻭﻛﻔﻬﺎ ﺗﺮﻭﺡ ﻭﻫﻲ ﻭﻛﻔﺖ ﻭﺭﻛﻀﺖ ﺑﻌﺪﻫﺎ ﻫﺴﻪ ﻭﻛﻔﺖ ﻭﻣﺎ ﺗﺸﻮﻑ ﻫﻲ ﺧﻄﻴﻪ ﺿﺮﺑﺖ ﻛﺎﺳﺔ ﺍﻟﻤﺮﮔﻪ ﺑﺮﺟﻠﻬﺎ ﻭﻛﻌﺖ ﺑﺤﻀﻦ ﺟﺎﺳﺮ ﻫﻮ ﺍﻧﺮﻫﺐ ﻋﻠﻴﻪ ﻭﻟﺰﻣﻬﺎ ﺑﺨﻮﻭﻑ ﻭﻗﻠﻖ ﺍﺣﺘﻀﻨﻬﺎ ﺑﻴﻦ ﺍﺩﻳﻪ ﻭﻫﻮ ﻳﺴﺎﻟﻬﺎ ... ﺷﺒﻴﻴﺞ ﺟﻮﻭﻭﻟﻲ ﺟﻮﻟﻴﻴﺖ ﺷﺒﻴﻴﺞ ﺍﺣﺘﺮﻛﺘﻲ ﺟﺎﻧﺖ ﺗﺤﺎﻭﻝ ﺗﻤﻨﻊ ﻧﻔﺴﻬﺎ ﻻ ﺗﺘﻘﻴﺊ ﺑﺲ ﻣﺎ ﻛﺪﺭﺕ ﺗﺴﻴﻄﺮ ﺍﻛﺜﺮ ﻣﻦ ﻫﻴﻴﺞ ﻭﺗﻘﻴﺌﺖ ﻋﻠﺊ ﺟﺎﺳﺮ ... ﻛﻠﻨﻪ ﺭﻛﻀﻨﻪ ﻋﻠﻴﻬﺎ ﺭﺩﻧﻪ ﻧﻮﻛﻔﻬﺎ ﻭﻫﻲ ﺿﻠﺖ ﺗﺒﺠﻲ ﺑﺼﻮﺕ ﻭﺍﻧﻲ ﺍﻧﻄﻴﺘﻪ ﻛﻨﻠﻜﺲ ﻛﺘﻠﻪ ... ﺟﺎﺍﺳﺮ ﻫﺎﻙ ﺍﻣﺴﺢ ﻗﻤﻴﺼﻚ ﺭﺩ ﻋﻠﻴﻪ ﺑﻀﺤﻜﺔ ... ﻫﻬﻪ ﻳﻤﻌﻮﺩﻩ ﻫﻲ ﻣﺎﻝ ﻛﻨﻠﻜﺲ ﺧﻠﻲ ﺍﺧﺬﻫﺎ ﺗﻜﻤﻞ ﺑﺎﻟﺤﻤﺎﻡ ﺷﺎﻟﻬﺎ ﻭﻫﻲ ﺗﺒﺠﻲ ﻭﺍﻳﺪﻫﺎ ﻋﻠﺊ ﺷﻔﺎﻳﻔﻬﺎ ﻭﺟﻬﺎﻟﻬﺎ ﻳﺮﻛﻀﻮﻥ ﻭﺭﺍﻫﺎ ... ﻋﺒﻴﺒﺘﻲ ﻻ ﺍﺑﺠﻴﻴﻦ ﻫﺘﺊ ﺑﺎﺑﺎ ﻋﺴﻠﺞ « ﺣﺒﻴﺒﺘﻲ ﻻ ﺗﺒﺠﻴﻦ ﻫﺴﻪ ﺑﺎﺑﺎ ﻳﻐﺴﻠﺞ » ﻫﻮ ﺩﺧﻞ ﻟﻠﺤﻤﺎﻡ ﻭﻗﻔﻠﻪ ﻭﺷﻮﻳﻪ ﻭﻓﺘﺢ ﺍﻟﺒﺎﺏ ﺍﻧﻲ ﺟﻨﺖ ﻣﻨﺘﻈﺮﺗﻬﻢ ﻛﺎﻝ ﺑﺼﻮﺕ ﻋﺎﻟﻲ ﻭﻫﻮ ﻳﺸﻤﺮ ﺍﻟﻘﻤﻴﺺ ... ﻭﻗﺎﺭ ﻫﺬﺍ ﺍﻟﻘﻤﻴﺺ ﺧﻠﻲ ﺑﺎﻟﻐﺴﺎﻟﻪ ﻣﺎﺑﻲ ﺷﺊ ﺷﻄﻔﺘﻪ ﻧﺸﻔﻲ ﺑﺴﺮﻋﻪ ... ﺍﺧﺬﺗﻪ ﻭﻧﺸﻔﺘﻪ ﻭﻋﻔﺘﻬﻢ ﺍﻟﻮﺣﺪﻫﻢ ﺍﺷﻮ ﺳﺘﺤﻴﺖ ﺍﺿﻞ ﻭﺍﻛﻔﻪ ﻋﻠﺊ ﺭﺍﺳﻬﻢ ﺟﻨﻲ ﻏﺮﺍﺏ ... ﺭﺣﺖ ﻏﺴﻠﺘﻪ ﻣﺮﻩ ﺛﺎﻧﻴﻪ ﻭﻧﺸﻔﺘﻪ ﻭﺍﻧﻲ ﺍﻟﺪﻣﻌﻪ ﺑﻌﻴﻨﻲ ﺟﺎﺑﺮ ﺍﺑﺪ ﻣﺎ ﺳﺎﻝ ﻋﻨﻲ ﺍﺣﺘﻤﺎﻝ ﻧﺎﻭﻱ ﻳﻄﻠﻜﻨﻲ ﻣﺜﻞ ﻣﺎ ﻛﺎﻝ ... ﺍﻱ ﻫﻮ ﺍﺑﺪ ﻣﺎ ﺣﺒﻨﻲ ﺧﻠﻲ ﻳﻄﻠﻜﻨﻲ ﺍﻧﻲ ﻫﺬﺍ ﺣﻀﻲ ﺍﻧﺨﻄﺒﺖ ﺍﻟﺪﺍﻭﻭﺩ ﺍﻟﻌﺎﺭ ﻭﺗﺎﻟﻲ ﺗﺰﻭﺟﺖ ﺟﺎﺑﺮ ﻻ ﻳﺤﺒﻨﻲ ﻭﻻ ﻳﻮﺍﻃﻨﻲ ﺑﻌﻴﺸﺔ ﺍﻟﻠﻪ ... ﺍﻟﻠﻪ ﻛﺮﻳﻢ ﺍﻥ ﺷﺎﺀ ﺍﻟﻠﻪ ﺗﺼﻔﺊ ﻭﺍﻧﻮﺏ ﺻﻼﺡ ﻣﺘﺨﺒﻞ ﻛﻞ ﺷﻮﻳﻪ ﻭﺍﺟﺎﻧﻲ ﻭﺷﻜﻮ ﻭﺷﻜﻮ ﻭﻟﻴﺶ ﺿﺮﺑﺞ ﻭﺗﻌﺎﻟﻲ ﻟﺒﻴﺘﻨﻪ ... ﻭﺍﻧﻲ ﻣﺎ ﺍﺭﻳﺪ ﺍﺭﻭﺥ ﺍﻟﺒﻴﺖ ﺍﻫﻠﻲ ﻫﻨﺎﻙ ﺭﻳﻬﺎﻡ ﻭﻣﺎ ﺍﺭﻳﺪ ﺍﺗﻔﺎﺷﻞ ﻭﻳﺎﻫﺎ ﻭﻫﻤﺎﺗﻴﻦ ﺷﻬﺪ ﻭﺳﺠﻴﻮﻩ ﻣﺎ ﻳﻨﺠﺮﻋﻦ ﺍﺿﻞ ﻫﻨﺎ ﺍﺣﺴﻦ ... .............................. ﺟﻮﻟﻴﻴﺖ ... ﺟﺎﺳﺮ ﺭﺟﺎﻝ ﺳﻠﺐ ﺣﻴﺎﺗﻲ ﻣﻦ ﺩﻭﻭﻥ ﻗﺼﺪ .. ﻭﻣﻮﺕ ﺍﺛﺮ ﻋﻠﺊ ﺣﻴﺎﺗﻲ ﻭﺟﺎﺳﺮ ﺣﺐ ﺍﻧﻄﻌﻨﺖ ﺑﻲ ﺑﺎﻟﺒﺪﺍﻳﺔ ﻭﺍﻧﻘﺘﻠﺖ ﺑﻲ ﺑﺎﻟﻨﻬﺎﻳﺔ ﺍﺣﺲ ﻧﻔﺴﻲ ﻭﺍﻧﻲ ﺑﺤﻀﺮﺗﻪ ﺫﻟﻴﻠﻪ ﻭﻣﻜﺴﻮﺭﻩ ﻭﻣﺸﺎﻋﺮﻱ ﺗﻠﻔﺎﻧﻪ ﻣﻦ ﺍﻭﻝ ﻣﺎ ﺍﺟﻪ ﻣﻦ ﺍﻟﻨﺠﻒ ﻭﺍﻧﻲ ﺣﺎﺳﻪ ﻧﻔﺴﻲ ﻣﺘﻘﻴﺪﻩ ﻭﻣﻘﻬﻮﻭﻭﺭﻩ ﺣﻴﻴﻞ ﻭﺟﻮﺩﻩ ﻳﺎﺫﻱ ﻣﺸﺎﻋﺮﻱ ﻭﻳﻜﺴﺮ ﺟﻨﺎﺣﺎﺗﻲ ﻣﺎ ﺍﻛﺪﺭ ﺍﺿﻞ ﻣﻮ ﺧﺎﻳﻔﻪ ﻫﻮ ﻣﺎ ﻃﻤﻨﻲ ﺑﻜﻠﻤﻪ ﻭﻻ ﺍﻋﺮﻑ ﺷﻨﻮ ﺍﻟﻲ ﻳﺪﻭﺭ ﺑﺨﺎﻃﺮﻩ ﻭﻛﻞ ﻫﻤﻲ ﺍﺫﺍ ﻃﻠﻜﻨﻲ ﻳﺎﺧﺬ ﺍﻃﻔﺎﻟﻲ ﻣﻨﻲ ﻭﻳﺤﺮﻣﻨﻲ ﻣﻨﻬﻢ ﻭﻳﺴﻔﺮﻧﻲ ﺍﻻﻫﻠﻲ ﻭﺍﻧﻲ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﺍﺭﺿﺊ ﺑﻬﺬﺍ ﺍﻟﺸﺊ .. ﺗﺨﻴﻼﺕ ﺗﺮﺍﻭﺩ ﺍﻓﻜﺎﺭﻱ ﻭﺗﻘﺘﺤﻢ ﻋﻘﻠﻲ ﻣﺎ ﻋﻨﺪﻱ ﺛﻘﻪ ﺑﺄﻱ ﺷﺨﺺ ﻫﻲ ﺍﻣﻲ ﺍﻻﻋﺰ ﻣﻦ ﺭﻭﺣﻲ ﺑﺎﻋﺘﻨﻲ ﻭﺿﺤﺖ ﺑﻴﻪ ﻳﻌﻨﻲ ﻏﻴﺮﻫﺎ ﻣﺎ ﻳﻀﺤﻲ ﺑﻴﻪ ﺟﺎﻧﺖ ﺧﺎﻟﺘﻲ ﺻﺒﺮﻳﻪ ﺗﺤﺠﻲ ﺣﺘﺊ ﺗﺜﻴﺮ ﻏﻴﺮﺗﻪ ﻭﺗﻨﺮﻓﺰﻩ ﺑﺲ ﻫﻮ ﻳﻌﺮﻑ ﺍﺳﻠﻮﺑﻬﺎ ﻟﺬﻟﻚ ﺟﺎﻥ ﻫﺎﺩﺉ ﻭﻳﺎﻫﺎ ﻭﺑﻌﺪ ﺍﺟﻴﻨﻪ ﻧﺘﻐﺪﺉ ﺍﺟﻪ ﻛﻌﺪ ﺑﺼﻔﻲ ﺍﻧﻲ ﺑﺲ ﺷﻤﻴﺖ ﺭﻳﺤﺔ ﺍﻟﺴﻤﺞ ﺍﺣﺲ ﻧﻔﺴﻲ ﺗﺰﻭﻫﺮﺕ ﺍﺟﻴﺖ ﺍﺑﺠﻲ ﻻ ﺍﻛﺪﺭ ﺍﮔﻮﻡ ﻭﺍﺭﻭﺡ ﺍﺗﻘﻴﺊ ﻭﻻ ﺍﻛﺪﺭ ﺍﻃﻠﺐ ﻣﻦ ﻭﺍﺣﺪ ﻛﻮﻭﻭﻟﺶ ﺗﻌﺰ ﻋﻠﻴﻪ ﻧﻔﺴﻲ ﻭﺍﻧﻘﻬﺮ ﻋﻠﻴﻬﺎ ﻭﺩﺍﺋﻤﺎ ﺍﺫﺍ ﺍﺭﻳﺪ ﺍﻃﻠﺐ ﺷﺊ ﺍﻃﻠﺒﻪ ﻣﻦ ﺭﺿﺎﻭﻱ ﻭﻣﺠﺘﺒﺊ ﻻﻥ ﻫﻢ ﺍﻃﻔﺎﻟﻲ ﻭﺍﻋﺮﻑ ﺩﺍﺧﻠﻬﻢ ﺷﻨﻮ ؟ ﻭﻛﻔﺖ ﺩﺍ ﺍﺭﻛﺾ ﻭﺟﻐﺼﺖ ﺑﻨﺺ ﺍﻟﻜﺎﺳﺔ ﻣﺎﻟﺔ ﺍﻟﻤﺮﻛﻪ ﺍﻟﺤﻤﺪ ﻟﻠﻪ ﻫﻲ ﻣﺠﺎﻧﺖ ﺣﺎﺭﻩ ﺗﻔﻮﺭ ﺻﺢ ﺑﻴﻬﺎ ﺣﺮﻭﺭﻩ ﺑﺲ ﻣﻮ ﻫﻠﻜﺪ ﻭ ﻭﻛﻌﺖ ﺑﺤﻀﻦ ﺟﺎﺳﺮ ﻫﻮ ﻟﺰﻣﻨﻲ ﻭﺿﻞ ﻳﺤﺠﻲ ﻭﻳﺎﻱ ﻭﺩﻳﺸﻮﻑ ﺷﺒﻴﻪ ﻭﺍﻧﻲ ﻣﺎ ﺍﺗﺤﻤﻠﺖ ﺗﻘﻴﺌﺖ ﻋﻠﻴﻪ ﻫﻞ ﻣﻮﻗﻒ ﺭﻏﻢ ﻣﺮﺍﺕ ﺍﻟﻮﺍﺣﺪ ﻳﺸﻮﻓﻪ ﻣﻀﺤﻚ ﺑﺲ ﺍﻧﻲ ﻣﺘﺖ ﻗﻬﺮ ﺑﻲ ﺣﻴﻴﻞ ﺍﻧﻘﻬﺮﺕ ﻭﻓﺸﻠﺖ ﻭﺍﻧﺤﺮﺟﺖ ﻫﻮ ﺷﺎﻟﻨﻲ ﺑﻴﻦ ﺍﺩﻳﻪ ﻭﺍﻧﻲ ﻣﻦ ﺧﺠﻠﻲ ﻭﺍﻧﺤﺮﺍﺟﻲ ﺩﻓﻨﺖ ﻭﺟﻬﻲ ﺑﺮﮔﺒﺘﻪ ﻭﺍﻳﺪﻱ ﻋﻠﺊ ﺷﻔﺎﻳﻔﻲ ﻭﺍﺑﺠﻲ ﺣﺴﻴﺖ ﺑﻲ ﺩﺧﻠﻨﻲ ﺑﺎﻟﺤﻤﺎﻡ ﻭﻓﺘﺢ ﺍﻟﺒﻮﺭﻱ ﻓﺘﺢ ﺍﻟﺤﻨﻔﻴﺔ ﻏﺴﻠﻲ ﻭﺍﻧﻲ ﻣﺘﺖ ... ﺿﻠﻴﺖ ﻛﺎﻋﺪﻩ ﻋﻠﺊ ﺍﻟﻤﺼﻄﺒﻪ ﺍﻟﻲ ﺑﺎﻟﺤﻤﺎﻡ ﻭﺣﺎﺿﻨﻪ ﻧﻔﺴﻲ ﻭﺍﺭﺟﻒ ﻭﺍﺳﻌﻞ ﻭﻫﻮ ﻣﺪﺭﻱ ﺷﺒﻲ ﺑﻠﻞ ﺻﺪﺭﻱ ﺗﺒﻠﻞ ... ﺍﻧﻮﺏ ﺻﺎﺡ ﻋﻠﺊ ﻭﻗﺎﺭ ﺍﻧﻄﺎﻫﺎ ﻗﻤﻴﺼﻪ ﺗﻨﺸﻔﻪ ﻭﺭﺟﻊ ﺷﺎﻟﻨﻲ ﻭﺍﺧﺬﻧﻲ ﻟﻠﻐﺮﻓﻪ ... ﺣﺴﻴﺖ ﺑﻲ ﻣﺸﺊ ﺧﻄﻮﺍﺕ ﻛﺎﻝ ﺑﻬﺪﻭﺀ ﻭﻛﺄﻥ ﻣﺼﺎﻳﺮ ﺷﺊ ... ﺷﻨﻮ ﻋﺎﺟﺒﺞ ﻳﺎ ﻟﻮﻭﻥ ﺗﻠﺒﺴﻴﻦ ؟ ﺭﺩﻳﺖ ﻋﻠﻴﻪ ﺑﺎﺳﺘﻬﺰﺍﺀ ﻭﺍﺭﺟﻒ .... ﺍﺣﻤﺮ ﺣﺴﻴﺖ ﺑﻲ ﻳﺪﻭﺭ ﺑﺎﻟﻜﻨﺘﻮﺭ ﻣﻦ ﺧﻼﻝ ﺗﺤﺮﻛﺎﺗﻪ ﺭﺩ ﻋﻠﻴﻪ ﺑﺨﺒﺚ ... ﻣﺎﻛﻮﻭ ﺷﺊ ﺍﺣﻤﺮ ﺑﺲ ﺍﻟﻤﺸﻠﺘﺤﺎﺕ ﺍﺫﺍ ﻋﺎﺟﺒﺞ ﺍﻟﺒﺴﺞ ﻋﺎﺩﻱ ﺑﺲ ﻻ ﺗﻄﻠﻌﻴﻦ ﺑﻴﻬﻦ ﺑﺮﻩ ﻻﻥ ﻫﺎﻱ ﺻﺒﺮﻳﻪ ﻣﻮ ﺭﺍﺣﻪ ﻭﺍﻧﻮﺏ ﺗﺮﻳﺪ ﺗﺰﻭﺟﺞ ﻭﺍﻛﻴﺪ ﺗﺮﻭﺡ ﺗﻮﺻﻔﺞ ﺍﻟﻬﻢ ﺍﺑﺘﺴﻤﺖ ﺑﺬﺑﻮﻝ ﺛﻮﺍﻧﻲ ﻭﺣﺴﻴﺖ ﻧﻔﺴﻲ ﺑﺤﻀﻨﻪ ﺟﺮ ﻧﻔﺲ ﻭﺑﺎﺱ ﺭﺍﺳﻲ ﻛﺎﻝ ﺑﺤﺰﻥ ... ﺟﻮﻟﻴﻴﺖ ﺍﺻﺒﺮﻱ ﺍﻟﻲ ﺷﻮﻳﻪ ﻭﺍﻥ ﺷﺎﺀ ﺍﻟﻠﻪ ﻣﺎ ﻳﺼﻴﺮ ﺧﺎﻃﺮﺝ ﺍﻟﻪ ﻃﻴﺐ ﻋﻀﻴﺖ ﻋﻠﺊ ﺷﻔﺎﻳﻔﻲ ﺑﺤﺰﻥ ﻭﻛﺘﻤﺖ ﻋﺒﺮﺗﻲ ﻫﻤﺴﺖ ... ﺍﻟﻌﻔﻮ ﻣﺠﺎﻥ ﻗﺼﺪﻱ ﺍﺗﻘﻴﺊ ﻋﻠﻴﻚ ﺑﺲ ﻭﺍﻟﻠﻪ ﻣﻜﺪﺭﺕ ﺍﺻﺒﺮ ﻧﻔﺴﻲ ﺍﺩﺭﻱ ﺍﻧﺖ ﺍﻧﻘﺮﻓﺖ ﻣﻨﻲ ﺟﺮ ﻧﻔﺲ ﻭﺭﺟﻊ ﺣﻀﻨﻲ ﺑﺼﺪﺭﻩ ﺍﻟﻌﺎﺭﻱ ﻛﺎﻝ ... ﺍﻛﻠﻲ ﺗﺒﻦ ﺷﻨﻮ ﺍﻧﻘﺮﻓﺖ ﻣﻨﺞ ﺗﺤﺠﻴﻦ ﺻﺪﻙ ﺍﻧﻲ ﺍﺟﻴﺖ ﺍﻓﺘﺢ ﺍﺩﻳﻪ ﻭﺍﺧﻠﻴﺞ ﺗﺘﻘﻴﺌﻴﻦ ﺑﻴﻬﺎ ﻣﻮ ﻋﻠﺊ ﻗﻤﻴﺼﻲ ﺟﺮﻳﺖ ﻧﻔﺲ ﺑﺨﻴﺒﺔ ﺃﻣﻞ ... ﺑﺲ ﺍﻧﻲ ﺍﺳﺘﺤﻲ ﻭﻣﺎ ﺍﺣﺐ ﺍﻛﻮﻥ ﺑﻬﻴﺞ ﻣﻮﻗﻒ ﻣﺴﺢ ﻭﺟﻬﻲ ﺑﺜﻨﻴﻦ ﺍﺩﻳﻪ ﻭﻃﺒﻊ ﺑﻮﺳﻪ ﺩﺍﻓﻴﻪ ﻋﻠﺊ ﺟﺒﻴﻨﻲ ﺭﺩ ﻋﻠﻴﻪ ... ﻻ ﻣﻮ ﺑﻴﻨﻪ ﺍﻧﺘﻲ ﻻ ﺗﺨﻠﻴﻦ ﺣﻮﺍﺟﺰ ﺑﻌﺪﻫﺎ ﻭﻛﻒ ﻭﺭﺍﺩ ﻳﺮﻓﻊ ﺛﻮﺑﻲ ﻳﻨﺰﻋﻪ ﻻﻥ ﻣﺒﻠﻞ ﻭﺗﻠﻔﺎﻥ ﺿﻤﻴﺖ ﺍﺩﻳﻪ ﺍﻟﺼﺪﺭﻱ ﻭﻣﻨﻌﺘﻪ ﻳﻨﺰﻋﻨﻲ ﻫﻤﺲ ﻋﻨﺪ ﺍﺫﻧﻲ ... ﺷﺒﻴﻴﺞ ﺷﻨﻮ ﻣﺴﺘﺤﻴﻪ ﺗﺮﺉ ﻟﻮ ﻣﺎ ﺍﻟﻄﻔﻞ ﻣﻴﺖ ﺟﺎﻥ ﻫﺴﻪ ﻋﺪﻧﺎ ﺭﺑﺎﻋﻲ ﻟﺰﻣﺖ ﺍﻟﻔﺮﺍﺵ ﺣﻴﻴﻞ ﻭﻣﻘﻬﻮﺭﻩ ﺍﺩﺭﻱ ﺑﻲ ﻫﻮ ﻧﻘﻬﻮﺭ ﺑﺲ ﻣﺎ ﻳﺮﻳﺪ ﻳﺨﻠﻲ ﺑﺨﺎﻃﺮﻱ ﺍﺑﺒﺪ ﻭﻳﻄﻠﻌﻨﻲ ﻣﻦ ﻣﻮﻭﺩ ﺍﻟﺤﺰﻥ ﺍﻟﻲ ﺍﻋﺘﻼﻧﻲ ... ﻣﻦ ﺷﺎﻓﻨﻲ ﻣﺎ ﺗﺤﺎﻭﺑﺖ ﻭﻳﺎﻩ ﺟﺮ ﻧﻔﺲ ﻛﺎﻝ ... ﺗﺒﺪﻟﻴﻦ ﻟﻮ ﺍﻧﻲ ﺍﺑﺪﻟﺞ ﻫﻤﺴﺖ ... ﺍﻧﻲ ﺍﺑﺪﻝ ﻣﺎﻛﻮ ﺩﺍﻋﻲ ﺗﺒﺪﻟﻲ ﺍﻧﻄﺎﻧﻲ ﺍﻟﻤﻼﺑﺲ ﻭﻓﻬﻤﻨﻲ ﺷﻠﻮﻥ ﺍﻟﺒﺲ ﻻﻥ ﻣﺎ ﺍﻛﺪﺭ ﺍﺷﻮﻑ ﻭﻳﻦ ﺍﻟﺼﺪﺭ ﻣﻦ ﺍﻟﻈﻬﺮ ... ﻛﺘﻠﻪ ﺑﻬﺪﻭﺀ ... ﻣﻤﻜﻦ ﺗﻄﻠﻊ ﺍﺭﻳﺪ ﺍﺑﺪﻝ ﻫﻮ ﻣﺸﺊ ﺧﻄﻮﺍﺕ ﻭﺣﺴﻴﺖ ﺍﻟﺒﺎﺏ ﺍﻧﻘﻔﻞ ﺭﻓﻌﺖ ﺍﺩﻳﻪ ﻭﻧﺰﻋﺖ ﻣﻼﺑﺲ ﻭﺑﺪﻟﺖ ﻟﺒﺴﺖ ﺍﻻﺗﻚ ﺟﺎﻥ ﺳﻤﻌﺖ ﺻﻮﺗﻪ ﻭﻫﻮ ﻳﻜﻮﻝ ... ﻻ ﺟﻮﻟﻲ ﻋﻜﺴﺘﻲ ﺩﻳﺮﻱ ﻭﻟﺒﺴﻲ ﻋﺪﻝ ﺍﻧﺼﺪﻣﺖ ﻭﺗﺤﻨﻄﺖ ﻛﻞ ﺍﻋﻀﺎﺋﻲ ... ﻋﺰﺍﺍﺍ ﺷﻜﺪ ﻣﺎ ﻳﺴﺘﺤﻲ ﻭﻫﻤﻨﻲ ﻃﻠﻊ ﻭﻗﻔﻞ ﺍﻟﺒﺎﺏ ﻭﺍﺳﺘﻐﻞ ﺿﺮﻓﻲ ﺍﻟﺨﺎﺹ ﻭﺿﻞ ﻳﺒﺎﻭﻋﻠﻲ ﺷﻜﺪ ﻣﺎ ﻳﺴﺘﺤﻲ ﺿﻤﻴﺖ ﻧﻔﺴﻲ ﺑﺨﺠﻞ ﻭﻋﻄﺖ ﺑﺼﻮﺕ ﺧﻔﻴﻒ ... ﺭﻭﻭﻭﺡ ﺍﻃﻠﻊ ﻻ ﺗﺒﺎﻭﻋﻠﻲ ﻳﺎﺍﺍ ﻭﺍﻟﻠﻪ ﺍﺻﻴﺢ ﺧﺎﻟﻪ ﺻﺒﺮﻳﺔ ﺭﺩ ﻋﻠﻴﻪ ﺑﺒﺮﻭﺩ ... ﺻﻴﺤﻴﻬﺎ ﻭﺷﺪﺧﻠﻨﻲ ﺑﻴﻬﺎ ﺩﺍﺧﻞ ﻏﺮﻓﺘﻬﺎ ﻟﻮ ﻏﺮﻓﺔ ﻣﺮﺗﻲ ﻭﺑﻌﺪﻳﻦ ﺗﺮﺉ ﺍﻧﻲ ﻣﺒﺪﻝ ﻣﻼﺑﺲ ﺍﻛﺜﺮ ﻣﻦ ﻣﺮﻩ ﺷﺪﻋﻮﻩ ﻫﺴﻪ ﺗﺴﺘﺤﻴﻴﻦ ؟ ﺿﺤﻜﺖ ﺑﺎﺳﺘﻬﺰﺍﺀ ... ﻫﻬﻪ ﻣﻮ ﻗﺼﺔ ﺧﺠﻞ ﻭﻣﺴﺘﺤﺊ ﺑﺲ ﻗﺼﺔ ﻣﺸﺎﻋﺮ ﻭﺭﻭﺡ ﻣﻮ ﻣﻠﻜﻲ ﺍﻧﺖ ﻣﻮ ﻣﻠﻜﻲ ﺣﺘﺊ ﺗﺸﻮﻓﻨﻲ ﻭﺍﻧﻲ ﻟﺤﺪ ﺍﻻﻥ ﻣﺴﺘﻐﺮﺑﻪ ﻟﻴﺶ ﻣﺎ ﻟﺤﻜﺖ ﺷﺎﻡ ﻭﺭﺣﺖ ﻛﻌﺪﺕ ﻋﻨﺪﻫﺎ ﺗﻨﻬﺪ ﺑﻀﻴﻖ ﻭﺭﺩ ﻋﻠﻴﻪ ... ﺷﺎﻡ ﻣﺤﺮﻣﻪ ﻋﻠﻴﻪ ﻭﺣﺎﻟﻴﺎ ﺷﺎﻡ ﻣﻮ ﺯﻭﺟﻪ ﺍﻟﻴﻪ ﻻﻥ ﺻﺎﺭ ﺑﻴﻨﻪ ﻫﺠﺮﺍﻥ ﺳﻨﻴﻦ ﻃﻮﻳﻠﻪ ﻓﺮﻛﺖ ﺍﺩﻳﻪ ﺑﺘﻮﺗﺮ ... ﻭﺍﻧﻲ ﻫﻤﺎﺗﻴﻦ ﻫﺠﺮﺗﻨﻲ ﺍﺣﺘﻤﺎﻝ ﻣﺎ ﺍﻛﻮﻥ ﺯﻭﺟﺘﻚ ﺣﺴﻴﺖ ﺑﻲ ﺍﺣﺘﻀﻦ ﻭﺟﻬﻲ ﻭﺍﻧﻔﺎﺳﻪ ﺗﻀﺮﺏ ﺑﺒﺸﺮﺗﻲ ﻛﺎﻝ ﺑﻐﻤﻮﺽ ... ﻻﺍﺍﺍ ﺍﻧﺘﻲ ﻏﻴﻴﺮ ﺣﺘﺊ ﻟﻮ ﺍﻣﺘﻨﻊ ﻣﻨﺞ ﺍﺷﻬﺮ ﺑﺲ ﺍﻧﺘﻲ ﻛﺪﺍﻡ ﻋﻴﻨﻲ ﺣﻀﻨﻪ ﻟﺰﻣﻪ ﺑﻮﻭﺳﻪ ﻭﻫﺬﺍ ﻛﻠﻪ ﺑﺎﻟﺤﻼﻝ ﻭﺑﺴﺎﻋﺎﺕ ﺍﻟﻬﺠﺮ ... ﻣﺎ ﺍﻓﺘﻬﻤﺖ ﻛﻼﻣﻪ ﻭﻻ ﺣﺘﺊ ﻋﻠﻘﺖ ﻋﻠﻴﻪ ﺑﺲ ﻫﻮ ﺍﺭﺩﻑ ﺑﻐﺮﻭﺭ ﻭﺧﺒﺚ ... ﻭﺑﻌﺪﻳﻦ ﺍﻧﻲ ﺷﻮﻛﺖ ﻫﺠﺮﺗﺞ ﺍﺫﺍ ﺍﻧﻲ ﻫﺎﺟﺮﺝ ﻫﺎﻱ ﺍﻟﺰﻋﺎﻃﻴﻂ ﺍﻟﺘﺨﻠﻔﻴﻦ ﺑﻴﻬﻢ ﻣﻨﻴﻦ ﺍﺟﻮﻭ ﺷﻤﺮﻭﻫﻢ ﻋﻠﻴﻨﻪ ﻣﻦ ﺍﻟﺴﻤﺎﺀ ... ﺭﻓﻌﺖ ﺍﻛﺘﺎﻓﻲ ﺑﻤﻌﻨﺊ ﻣﺎ ﺍﻋﺮﻑ ﺑﻌﺪﻫﺎ ﺿﺤﻜﺖ ﺍﻟﻄﻒ ﺍﻟﺠﻮ ... ﺷﻌﺮﻓﻨﻲ ﺍﺫﺍ ﺍﻧﺖ ﺧﻠﺼﺘﻬﺎ ﻋﻠﻴﻪ ﻣﺤﺮﻣﺞ ﻋﻠﺊ ﻧﻔﺴﻲ ﻭﻛﻞ ﺷﻮﻳﻪ ﻭﺣﺎﺻﺮﻧﻲ ﺑﻤﻜﺎﻥ ﺗﺤﺮﻳﻤﻚ ﻧﺺ ﺭﺩﻥ ﺭﺩ ﺑﻐﺮﻭﺭ ... ﻛﺘﻠﺞ ﻻ ﺗﺜﻘﻴﻦ ﺑﻴﻪ ﺟﺎﻭﺑﺘﻪ ﺑﺜﻘﻪ ﻭﺑﻨﻔﺲ ﺍﻟﻐﺮﻭﺭ ... ﻻ ﺻﺪﻛﻨﻲ ﺍﺑﺪ ﻣﺎ ﺍﺛﻖ ﺑﻴﻚ ﻟﺬﻟﻚ ﻣﺎ ﺍﻧﺼﺪﻡ ﺑﺄﻱ ﻗﺮﺍﺭ ﻣﻨﻚ ﺳﺤﺐ ﺍﻟﺜﻮﺏ ﻣﻦ ﺍﻳﺪﻱ ﻭﻟﺒﺴﻨﻴﺎﻩ ﺑﻠﻌﺖ ﺭﻳﻜﻲ ﺑﺘﺴﺎﺅﻝ ... ﻟﻴﺶ ﺗﺴﺘﻐﻠﻨﻲ ﺗﻨﻬﺪ ﺑﻀﻴﻖ ... ﺻﺪﻛﻴﻨﻲ ﻣﺎ ﻣﺴﺘﻐﻠﺞ ﻭﺍﻋﺮﻑ ﺷﻨﻮ ﺍﻟﻲ ﻳﺪﻳﺮ ﺑﺒﺎﻟﺞ ﺑﺲ ﻳﻜﻮﻥ ﺑﻌﻠﻤﺞ ﺍﻧﻲ ﻣﻦ ﺍﺳﻤﺢ ﺍﻟﺸﺎﻡ ﺑﺎﻟﻜﻼﻡ ﺑﺲ ﻻﻥ ﻫﻲ ﺍﻡ ﻭﻓﺎﻗﺪﻩ ﺿﻨﺎﻫﺎ ﻭﺍﻧﻲ ﻓﻘﺪﺕ ﻭﺣﺎﺱ ﺑﻴﻬﺎ ﺟﻮﻟﻴﻴﺖ ﺍﻧﻲ ﻣﺎ ﺍﺑﺮﺭ ﺍﻟﺸﺎﻡ ﻭﻻ ﺍﻓﺮﻕ ﺑﻴﻨﺠﻦ ﺑﺲ ﻫﻲ ﺣﺎﻟﻴﺎ ﻣﻮﻗﻔﻬﺎ ﺻﻌﺐ ﻭﻣﺎ ﺗﻌﺮﻑ ﺷﻨﻮ ﺗﺤﺠﻲ ﺻﺪﻛﻴﻨﻲ ﻣﺮﻩ ﺻﺪﻳﻘﻲ ﻣﺎﺕ ﺍﻣﻪ ﺍﻟﻮﻟﺪ ﺩﻛﻮﻝ ﻻﺑﻮ ﺍﻟﻮﻟﺪ ﺍﻟﻤﺎﺕ ﺍﻧﺖ ﺍﻟﺴﺒﺐ ﺑﻤﻮﺗﺖ ﺍﺑﻨﻲ ﻭﻫﻮ ﺍﺑﻮ ﻻ ﻳﺪﺭﻱ ﺑﻲ ﻣﻦ ﻣﺎﺕ ﻭﻻ ﺷﺊ ﻣﺠﺮﺩ ﻃﻠﻊ ﻭﺳﻮﻩ ﺣﺎﺩﺙ ﻫﻲ ﻟﺤﺪ ﺍﻻﻥ ﻣﺎ ﺗﻌﺮﻑ ﺷﻠﻮﻥ ﺗﺘﺼﺮﻑ ﻭﻣﻦ ﻭﺟﻊ ﻛﻠﺒﻬﺎ ﻋﻠﺊ ﺑﻨﺘﻬﺎ ﻫﻴﺞ ﺗﺘﺼﺮﻑ ﻭﻳﺎﺝ ﻭﺍﻧﺘﻲ ﺳﻜﻮﺗﺞ ﻣﺤﻴﺮﻫﺎ ﺑﻠﻌﺖ ﺭﻳﻜﻲ ﺑﻐﺼﻪ ... ﺑﺲ ﺍﻧﻲ ﺍﻟﻴﻮﻡ ﻃﺮﺩﺗﻬﺎ ﻟﺤﻈﺔ ﺻﻤﺖ ﻣﻨﻪ ﻟﺜﻮﺍﻧﻲ ﻭﻛﻨﺖ ﻣﻨﺘﻈﺮﻩ ﺟﻮﺍﺑﻪ ﻋﻠﺊ ﻧﺎﺭ ﺟﺮ ﻧﻔﺲ ﻛﺎﻝ ... ﻫﺬﺍ ﺑﻴﺘﺞ ﺍﻧﺘﻲ ﻭﻣﻨﻮ ﺍﻟﻲ ﺣﺎﺑﻪ ﺗﺴﺘﻘﺒﻠﻲ ﺑﻲ ﺗﺴﺘﻘﺒﻠﻲ ﻭﻟﻤﺎ ﺣﺎﺑﻪ ﻳﺠﻲ ﻋﻨﺪﺝ ﻫﻢ ﻫﻞ ﺷﺊ ﺭﺍﺟﻌﻠﺞ ﻋﻀﻴﺖ ﺷﻔﺎﻳﻔﺊ ﻭﺍﻧﻲ ﺍﻛﺘﻢ ﺩﻣﻮﻋﻲ ... ﻭﺍﻟﻠﻪ ﻣﺎ ﺍﻋﺮﻑ ﻟﻴﺶ ﻃﺮﺩﺗﻬﺎ ﺑﺲ ﺟﺎﻥ ﻛﻼﻣﻬﺎ ﺷﻮﻳﻪ ﺟﺎﺭﺡ ﻭﻋﺒﺎﻟﻚ ﺍﺷﺘﻐﻞ ﻋﻨﺪﻫﺎ ﻣﺎ ﺍﺣﺘﺮﻣﺘﻨﻲ ﻭﻣﺪﻛﻮﻝ ﺟﻮﻟﻴﺖ ﺩﻛﻮﻝ ﻫﺎﻱ ﺍﻧﻲ ﻣﻮ ﺣﺎﺑﻪ ﺍﻧﺎﻓﻘﻠﻚ ﻋﻨﻬﺎ ﺑﺲ ﺍﻧﻲ ﺩﺍ ﺍﺑﺮﺭ ﻣﻮﻗﻔﻲ ﺍﺧﺎﻑ ﻻ ﺳﺎﻣﺢ ﺍﻟﻠﻪ ﻭﺗﺴﻤﻊ ﻣﻦ ﻏﻴﺮﻱ ﻭﺗﺠﻲ ﺗﻬﺠﻢ ﻋﻠﻴﻪ ﺑﺎﺱ ﺧﺪﻱ ﺑﻠﻬﻔﻪ ﻛﺎﻝ ... ﻭﻟﻴﺶ ﺍﻫﺠﻢ ﻋﻠﻴﺞ ﻛﺘﻠﺞ ﻫﺬﺍ ﺑﻴﺘﺞ ﺍﻧﺘﻲ ﻛﻴﻔﺞ ﺗﻄﺮﺩﻳﻦ ﺗﻀﻴﻔﻴﻦ ﺭﺍﺟﻊ ﺍﻟﺞ ﺍﺳﺎﻟﺘﻪ ﺑﺘﺮﻗﺐ ﻭﺍﺭﺗﺒﺎﻙ ... ﺍﺫﺍ ﺍﻃﺮﺩﻙ ﻋﺎﺩﻱ؟ ﺭﺩ ﺑﻘﻬﺮ ... ﺷﻜﺪ ﺑﺮﺑﻮﻭﻭﻙ ﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻲ ﻭﺍﻧﻲ ﺍﻛﺘﻢ ﺿﺤﻜﺘﻲ ﺷﻜﺪ ﺍﻛﺮﻩ ﻫﺎﻱ ﺍﻟﻜﻠﻤﻪ ﺑﺲ ﻫﻮ ﻣﺎ ﻳﺤﺠﻴﻬﺎ ﺍﻟﻪ ﺍﺫﺍ ﺍﺳﺘﻔﺰﻩ ﺍﻭ ﻫﻮ ﻳﺴﺘﻔﺰﻧﻲ ﻭﻫﻞ ﻣﺮﻩ ﺍﻧﻲ ﺍﺳﺘﻔﺰﻳﺘﻪ ... ﻛﺎﻝ ... ﻃﺎﻟﻊ ﻣﺤﺘﺎﺟﻪ ﺷﺊ ؟ ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ... ﺍﺀﺀ ﻻ ﺑﺲ ﺷﺎﻡ ﻭﻳﻦ ﺭﺍﺡ ﺗﻜﻌﺪ ﻣﻮ ﻣﻌﻘﻮﻟﻪ ﺗﺨﻠﻴﻬﺎ ﻣﺸﺮﺩﻩ ﻭﺗﺠﻤﻊ ﻣﻌﻮﻭﻧﻪ ﻣﻦ ﺍﻟﻌﺎﻟﻢ ﺣﺘﺊ ﻟﻮ ﻏﺜﺘﻨﻲ ﺑﺲ ﺗﻀﻞ ﻣﺮﺗﻚ ﺻﻤﺖ ﻣﻄﺒﻖ ﻭﺑﻌﺪﻫﺎ ﺭﺩ ﻋﻠﻴﻪ ... ﺍﻛﻴﺪ ﻣﺎ ﺍﻋﻮﻓﻬﺎ ﺗﻀﻞ ﺍﻡ ﻏﺰﻝ ﺗﻀﻞ ﺍﻡ ﺑﻨﺘﻲ ﺍﻟﻤﺎﺗﺖ ﻣﻘﺪﻭﺭﻩ ﻭﻣﺤﺮﻭﻣﻪ ﻣﻦ ﻃﻔﻮﻟﺘﻬﺎ ... ﺍﺑﻮﻱ ﺍﺟﻪ ﺯﻋﻼﻥ ﻣﻨﻲ ﻻﻥ ﻛﺎﺳﺮﻩ ﺍﻧﺘﻲ ﺧﺎﻃﺮﻩ ﻭﺍﻛﻴﺪ ﻏﺰﻭﻟﻪ ﺗﻨﻘﻬﺮ ﻋﻠﺊ ﺣﺎﻝ ﺍﻣﻬﺎ ... ﻟﺬﻟﻚ ﺍﻥ ﺷﺎﺀ ﺍﻟﻠﻪ ﺍﻧﻲ ﺭﺍﺡ ﺍﻛﻌﺪﻫﺎ ﺑﺸﻘﻪ ﻫﻲ ﻭﺻﺪﻳﻘﺎﺗﻬﺎ ﻭﺍﻣﻬﺎ ﻭﻧﺸﻮﻑ ﺷﻨﻮ ﺍﻟﺘﺮﻳﺪﻩ ﻫﻲ ﺿﺤﻜﺖ ﺑﻤﺮﺡ ﻋﻜﺲ ﺍﻟﻤﺮﺍﺭﻩ ﺍﻟﻲ ﺑﺪﺍﺧﻠﻲ ... ﺗﺮﻳﺪﻙ ﺗﻄﻠﻜﻨﻲ ﻫﻬﻬﻪ ﻭﺍﻛﻴﺪ ﺍﻧﺖ ﺗﻨﻔﺬ ﻃﻠﺒﻬﺎ ﺭﺩ ﻋﻠﻴﻪ ﺑﺠﻤﻮﺩ ... ﻫﻞ ﺷﺊ ﺭﺍﺟﻌﻠﻲ ... ﻃﻠﻊ ﻭﻗﻔﻞ ﺍﻟﺒﺎﺏ ﻭﺍﻧﻲ ﻧﻤﺖ ﻋﻠﺊ ﻓﺮﺍﺷﻲ ﺗﻨﻬﺪﺕ ﺑﻀﻴﻖ ﻣﺎ ﺍﺩﺭﻱ ﺣﻴﺎﺗﻲ ﻣﺪ ﻭﺟﺰﺭ ﻭﻳﻪ ﺟﺎﺳﺮ ﺍﻧﻲ ﻟﻮ ﻣﺎ ﻫﺎﻟﻪ ﻣﺼﺎﺭ ﺑﻴﻪ ﻛﻞ ﻫﺬﺍ ﺍﻟﺼﺎﺭ ﻭﻻ ﻋﺸﺖ ﻛﻞ ﻫﻞ ﻣﺮﺍﺭ ﺍﻟﺤﻘﺪ ﻋﻤﺎﻫﺎ ﻭﻏﻴﺮﺗﻬﺎ ﻋﻤﺔ ﺑﺼﻴﺮﺗﻬﺎ ﺑﺴﺒﺐ ﺍﺣﻤﺪ ﺩﻓﻌﺖ ﺍﺛﻤﺎﻥ ﻣﻮ ﺛﻤﻦ ﻭﺍﺣﺪ ﻭﺿﻌﺖ ﻟﻼﺳﻒ ﻭﺍﻟﻠﻪ ... ﺟﺎﺳﺮ ﺻﺢ ﺗﺰﻭﺟﺘﻪ ﻭﺟﺎﻧﺖ ﺷﺎﻡ ﺑﻜﻠﺒﻪ ﻟﺤﺪ ﺍﻻﻥ ﺑﺲ ﺟﺎﻥ ﻳﺤﺘﺮﻣﻨﻲ ﻭﻳﻘﺪﺭﻧﻲ ﻭﺍﺣﺴﻦ ﻣﻦ ﺍﺧﻮﺍﻧﻲ ﺑﻬﻮﺍﻱ ﻻﻥ ﻫﻮ ﺻﺪﻛﻨﻲ ﻭﻫﻢ ﻣﺎ ﺻﺪﻛﻮﻧﻲ ﻭﺿﻠﻤﻮﻭﻧﻲ ﺣﻴﻴﻞ ﺣﺘﺊ ﻣﻦ ﺗﻘﺮﺏ ﻣﻨﻲ ﻭﻣﺠﺎﻥ ﺍﻛﻮ ﺍﺛﺎﺭ ﻋﺬﺭﻳﻪ ﺟﻨﺖ ﻣﻴﺘﻪ ﺑﺠﻲ ﻭﺧﻮﻭﻑ ﺑﺲ ﻫﻮ ﻃﻤﻨﻲ ﻭﻣﺎ ﺷﻚ ﺑﻴﻪ ﺍﺑﺪ ﻟﺤﺪ ﺍﻻﻥ ﺍﺣﺴﻪ ﻫﻮ ﺍﻻﻣﺎﻥ ﻣﻮ ﺍﻫﻠﻲ ﻟﻼﺳﻒ .... ............................ ﺭﻳﻬﺎﻡ ... ﺩﺧﻠﺖ ﺟﻮﻩ ﺍﻟﻐﺮﻓﺘﻲ ﺑﻌﺪ ﻣﺎ ﺳﻤﻌﺖ ﺍﻟﻜﻼﻡ ﺍﻟﻲ ﺩﺍﺭ ﺑﻴﻦ ﺍﺷﻮﺍﻕ ﺍﻭﻝ ﻣﺎ ﺍﺟﺖ ﻣﻦ ﺍﻟﻤﺤﺎﻓﻈﻪ ﻭﺑﻴﻦ ﺍﻡ ﻓﻼﺡ ﺍﻧﻲ ﺑﺼﺮﺍﺣﻪ ﺍﻧﺼﺪﻣﺖ ﺷﻨﻮ ﻫﻞ ﻛﻼﻡ ﺍﻟﻮﺍﺻﻞ ﺍﻟﻬﻢ ﻭﺍﻟﻠﻪ ﺟﺬﺏ ﻣﺘﻮﺻﻞ ﻟﻬﻴﺞ ﻣﻮﺍﺻﻴﻞ ﺧﺎﺑﺮﺕ ﺟﺎﺑﺮ ﻣﺎ ﺣﺼﻠﺘﻪ ﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺑﻴﺪﻱ ﻣﻠﺰﻣﺔ ﺩﺍ ﺍﻗﺮﺍ ﺩﺧﻞ ﺻﻼﺡ ﻭﻃﺒﻚ ﺍﻟﺒﺎﺏ ﺑﻌﺼﺒﻴﺔ ، ﺟﻔﻠﺖ ﻭﻛﻤﺖ ﻋﻠﻰ ﺣﻴﻠﻲ ﻭﺗﺮﻛﺖ ﺍﻟﻤﻠﺰﻣﺔ ﻋﻠﻰ ﺍﻟﺴﺮﻳﺮ ﻭﻛﻔﺖ ﻣﻘﺎﺑﻴﻠﻪ ﻫﻮ ﺟﺎﻥ ﺍﻳﺪ ﻋﻠﻰ ﺧﺼﺮﻩ ﻭﺍﻳﺪ ﻻﺯﻡ ﺑﻴﻬﺎ ﺭﺍﺳﻪ ﻭﻣﺒﻴﻦ ﻣﻌﺼﺐ ﺑﺎﻭﻋﺘﻠﻪ ﺟﺎﻧﻦ ﻋﻴﻮﻧﻪ ﺑﺮﺍﺳﻪ ﻭﻳﺨﻮﺯﺭ ﻇﻠﻴﺖ ﺍﻋﺼﺮ ﺑﺄﺻﺎﺑﻌﻲ ﻛﺪﺍﻣﻪ ﻣﺘﻮﺗﺮﺓ ﻭﺳﺄﻟﺘﻪ ﺑﺪﻭﻥ ﻣﺎﻛﺪﺭ ﺍﺳﻴﻄﺮ ﻋﻠﻰ ﺍﺭﺗﺠﺎﻑ ﺷﻔﺎﻳﻔﻲ ﺑﻘﻠﻖ ﺧﻴﺮﻙ ﺻﻼﺡ ﺷﺒﻴﻚ ﻫﻴﺞ ﻣﻌﺼﺐ ﺻﺎﻳﺮ ﺷﻲ !! ﺿﺮﺏ ﺍﻟﺒﺎﺏ ﺑﻘﺒﻀﺔ ﺍﻳﺪﻩ ﻭﻛﺎﻝ ﺍﻛﻮﻭ ﻏﻴﺮ ﺍﺧﻮﻭﺝ ﺍﻟﻌﺎﺭ ﺍﻟﻄﺎﻳﺢ ﺍﻟﺤﻆ ﺟﻔﻠﺖ ﻣﻦ ﺿﺮﺑﺘﻪ ﻟﻠﺒﺎﺏ ﻭﻛﺘﻠﻪ ﺑﻨﺒﺮﺓ ﺷﺒﻪ ﻋﺼﺒﻴﺔ ﻣﺴﻴﻄﺮﺓ ﻋﻠﻴﻬﺎ ﺑﺲ ﻣﺎﻛﺪﺭﺕ ﺍﺳﻴﻄﺮ ﻋﻠﻰ ﺍﻧﻔﺎﺳﻲ ﺍﻟﻲ ﺍﺿﻄﺮﺑﺖ .. ﺍﺣﺠﻲ ﻭﺃﺷﺮ ﺑﺄﺩﻳﻪ ... ﺷﺠﺎﻛﻢ ﻣﺎﺗﻜﻠﻮﻟﻲ ﺗﺮﺓ ﻃﻮﺧﺘﻮﻫﺎ ﺣﻴﻴﻴﻞ ﺍﺩﺭﻱ ﺍﻭﻝ ﺍﺛﻨﻴﻦ ﻳﺘﻌﺎﺭﻛﻮﻥ ﺧﻤﺎ ﺍﻭﻝ ﺍﺛﻨﻴﻦ !!! ﺗﻘﺮﺏ ﻣﻨﻲ ﻋﺎﻛﺪ ﺣﻮﺍﺟﺒﻪ ، ﻓﺘﺤﺖ ﻋﻴﻮﻧﻲ ﻣﺒﻬﻮﺭﺓ ﺍﻻﻧﻔﺎﺱ ﻭﺍﺑﺘﻌﺪﺕ ﺧﻄﻮﺍﺕ ﻟﻠﺨﻠﻒ ﻭﻃﺨﻴﺖ ﺑﺎﻟﺴﺮﻳﺮ ... ﻫﻮ ﻋﺎﻁ ﻟﺞ ﺍﺧﻮﻭﻭﺝ ﻳﺮﻳﺪ ﻳﻄﻠﻚ ﺍﺧﺘﻲ ﺷﺘﺤﺠﻴﻦ ﺍﻧﺘﻲ ﺷﺘﺤﺠﻴﻴﻴﻦ ؟؟ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻻﻻ ﺟﺎﺑﺮ ﻣﻴﺴﻮﻳﻬﺎ ﻻ ﺗﻀﺨﻢ ﺍﻻﻣﻮﺭ ﺻﻼﺡ ﻛﺎﻓﻲ ﺑﺎﻟﻠﻪ ﺣﻠﻮﻫﺎ ﺑﺎﻟﺘﻔﺎﻫﻢ ﺍﺣﺴﻦ ﺻﻴﺢ ﺑﺼﻮﺕ ﻋﺎﻟﻲ ﻭﻟﻠﻠﻠﺞ ﻳﺎ ﺗﻔﺎﻫﻢ ﻳﺎﺑﻄﻴﺦ ﺍﺧﻮﺝ ﻳﺮﺍﺩﻟﻪ ﺳﺤﻠﺔ ﺣﺘﻰ ﻳﺠﺮ ﻋﺪﻝ ﻋﺒﺎﻟﻚ ﻣﺴﻮﻱ ﻋﻠﻴﻨﻪ ﻣﻨﻴﺔ ﻷﻥ ﻣﺘﺰﻭﺟﻬﺎ ﻛﺘﻠﻪ ﺑﺮﻓﺾ ﻻ ﺻﻼﺡ ﺟﺎﺑﺮ ﻣﻮ ﻫﻴﺞ ﺍﻧﺘﻪ ﻏﻠﻄﺎﻥ ، ﻟﻮ ﻣﺎ ﺍﻧﺘﻪ ﺍﻛﺜﺮ ﻭﺍﺣﺪ ﺗﻌﺮﻓﻪ ﻟﻴﺶ ﻫﺴﻪ ﺍﺧﺬﺕ ﻋﻨﻪ ﻫﺎﻟﻨﻈﺮﺓ .... ﺭﻓﻊ ﺍﻳﺪﻩ ﺑﻮﺟﻬﻲ ﺑﺘﻬﺪﻳﺪ ، ﺭﺍﻓﻊ ﺍﺻﺒﻌﻪ ﺍﻟﺴﺒﺎﺑﺔ ﻭﺑﺎﻗﻲ ﺍﺻﺎﺑﻌﻪ ﻃﺎﺑﻜﻬﻦ ﻛﺎﻝ ﻻ ﺗﻈﻠﻴﻦ ﺗﺪﺍﻓﻌﻴﻠﻪ ﺻﻴﺮﻱ ﻭﻳﻪ ﺍﻟﺤﻖ ﺧﻮﻭﻭﺵ ﻛﺘﻠﻪ ﺑﺎﺻﺮﺍﺭ ﺍﻧﻲ ﻭﻳﻪ ﺍﻟﺤﻖ ﻭﺩﻭﻡ ﺭﺍﺡ ﺍﺑﻘﻰ ﻭﻳﻪ ﺍﻟﺤﻖ ﻛﻞ ﻫﺎﻟﻬﻮﻭﻭﺳﺔ ﻫﺎﻱ ﻣﺎﻟﻬﺎ ﺩﺍﻋﻲ ﻭﺍﻧﺘﻪ ﻻ ﺗﺘﺪﺧﻞ ﺻﻼﺡ ﺻﻴﺮ ﻭﺍﺳﻄﺔ ﺧﻴﺮ ﺍﺣﺴﻦ ﻟﺰﻣﻨﻲ ﻣﻦ ﺍﻳﺪﻱ ﺑﻘﻮﻭﺓ ﻭﺟﻬﻪ ﻗﺮﻳﺐ ﻣﻦ ﻭﺟﻬﻲ ﻭﻳﻔﺢ ﺑﻌﺼﺒﻴﺔ ﻭﺻﺎﻙ ﻋﻠﻰ ﺍﺳﻨﺎﻧﻪ ﻭﻟﺞ ﺷﻨﻮ ﻣﺎﺗﺪﺧﻞ ﻫﺎﻱ ﺍﺧﺘﻲ ﺗﻌﺮﻓﻴﻴﻴﻦ ﺷﻨﻮﻭ ﺍﺧﺘﻲ؟؟؟ ﺍﺧﻮﻭﺝ ﻳﺮﻳﺪ ﻳﻄﻠﻜﻬﺎ ﻟﻴﻴﺶ ﺷﻨﻮ ﺷﺎﻑ ﻋﻠﻴﻬﺎ ﻭﻫﻴﺞ ﻳﺴﻮﻱ،ﺑﻴﻬﺎ ﻫﻞ ﻧﺬﻝ ﺳﺤﺒﺖ ﺍﻳﺪﻱ ﻣﻨﻪ ﻭﻻﺯﻣﺘﻬﺎ ﻭﻛﺘﻠﻪ ﺑﺎﻗﺘﻀﺎﺏ ﻭﺟﺎﺑﺮ ﻫﻢ ﺍﺧﻮﻳﻪ ﻭﺍﻧﺘﻪ ﺩﺗﻐﻠﻂ ﻭﺗﻬﻴﻦ ﺑﻲ ﻛﺪﺍﻣﻲ ﻭﺍﻧﻲ ﺳﺎﻛﺘﺔ ﻭﻻ ﺟﺒﺖ ﺳﻴﺮﺓ ﻭﻗﺎﺭ ﺑﺎﻟﻤﻮﺯﻳﻦ ﻛﺎﻝ ﺷﺤﺪﺝ ﺗﺠﻴﺒﻴﻦ ﺳﻴﺮﺗﻬﺎ ﺑﺎﻟﻤﻮﺯﻳﻦ ﺭﺩﻳﺖ ﺍﻱ ﺍﻧﻲ ﻋﻜﺴﻚ ﻣﺎ ﺍﺟﺞ ﺍﻻﻣﻮﺭ ﺩﺍﺣﺎﻭﻝ ﺍﺻﺎﻟﺤﻬﻢ ... ﻫﻮ ﺷﺄﺟﺞ ﺍﻻﻣﻮﺭ ﻫﻮ ﺍﺧﻮﺝ ﺭﺍﻛﺒﻪ ﺍﻟﻐﻠﻂ ﻣﻦ ﺭﺍﺳﻪ ﻟﺮﺟﻠﻴﻪ .. ﺍﻧﺖ ﺗﺸﻮﻓﻪ ﻫﻴﺞ ﺍﻧﻲ ﻻ ﻭﻛﺎﻓﻲ ﺗﻈﻠﻤﻪ ﺍﻛﻌﺪ ﻭﻳﺎﻩ ﻭﺍﺳﻤﻊ ﻣﻨﻪ ﻣﻴﺼﻴﺮ ﻫﻴﻴﻴﺞ ﺍﻭﻝ ﻭﺗﺎﻟﻲ ﻫﺬﺍ ﺍﺧﻮﻳﻪ ﻭﺍﻧﻲ ﻣﺎﺍﻗﺒﻞ ﺗﻐﻠﻂ ﻋﻠﻴﻪ ... ﺑﻨﻔﺎﺫ ﺻﺒﺮ ﻏﺎﺿﺐ ﻗﺮﺏ ﻣﻨﻲ ﺍﻛﺜﺮ ﻭﻛﺎﻝ ﻭﺍﻟﻠﻪ ﺍﺫﺍ ﻣﺎﻋﺎﺟﺒﺞ ﺩﺭﻭﻭﺏ ﺍﻟﻠﻪ ﻭﺳﻴﻌﺔ ﻭﺍﻟﺴﻼﻡ ﺭﻭﺣﻲ ﻛﺎﺑﻠﻲ ﺍﺧﻮﺝ ﻭﻛﻌﺪﻱ .. ﺍﻧﺼﺪﻣﺖ ﻣﻦ ﻛﻼﻣﻪ ﻭﺍﺧﺘﻔﺖ ﺍﻟﻜﻠﻤﺎﺕ ﺗﺤﺖ ﺯﺣﻤﺔ ﺍﻟﺪﻣﻮﻉ ... ﺣﺴﻴﺖ ﺑﺤﺮﺍﺭﺓ ﺑﻌﻈﺎﻣﻲ .. ﻫﻮ ﺗﺮﻛﻨﻲ ﻭﻃﻠﻊ ﺑﻌﺪ ﻣﺎ ﻟﻤﺤﺖ ﺍﻟﻨﺪﻡ ﺑﻨﻈﺮﺍﺗﻪ ﺛﻮﺍﻧﻲ ﻭﺍﺧﺘﻔﺖ ﻣﺜﻞ ﺍﻟﺴﺮﺍﺏ .. ﻛﻌﺪﺕ ﻉ ﺍﻟﺴﺮﻳﺮ ﻭﺑﻌﺪﻧﻲ ﺗﺤﺖ ﺗﺄﺛﻴﺮ ﺍﻟﺼﺪﻣﺔ .. ﻣﻌﻘﻮﻟﺔ ﻳﻌﻨﻴﻬﺎ ؟؟ ﻟﻮ ﻫﻮ ﺷﻴﻘﺼﺪ ، ﺗﺸﺘﺘﺖ ﻭﺍﺣﺎﺟﻲ ﻧﻔﺴﻲ ﻻﺗﻐﺸﻤﻴﻦ ﻧﻔﺴﺞ ﺭﻳﻬﺎﻡ ﺍﻧﺘﻲ ﺗﻌﺮﻓﻴﻦ ﺷﻨﻮ ﻳﻘﺼﺪ .. ﺑﺲ ﻫﻮ ﺻﻼﺡ ﻳﺤﺒﻨﻲ ﻭﺍﻛﻴﺪ ﻛﺎﻝ ﻫﻴﺞ ﻻﻥ ﺟﺎﻥ ﻣﻌﺼﺐ ﻭﺍﻟﻲ ﻣﻴﺴﻄﺮ ﻋﻠﻰ ﺍﻋﺼﺎﺑﻪ ﻛﻮﻟﺸﻲ ﻳﺤﺠﻲ ﺍﻓﺘﺮﺱ ﺍﻟﺤﺰﻥ ﻗﻠﺒﻲ ﻭ ﺍﺳﺘﺴﻠﻤﺖ ﻟﻤﻮﺟﺔ ﺍﻻﺭﻫﺎﻕ ﺍﻟﻲ ﺍﺟﺘﺎﺣﺘﻨﻲ ... ﻧﻤﺖ ﻣﺜﻞ ﻭﺿﻌﻴﺔ ﺍﻟﺠﻨﻴﻦ ، ﻭﻏﺮﻛﺖ ﺑﺒﺤﺮ ﺍﻓﻜﺎﺭﻱ ﻭﻛﻠﺴﺎﻉ ﺗﺘﺮﺩﺩ ﺻﺪﻯ ﻛﻠﻤﺎﺗﻪ ﺍﻟﻘﺎﺳﻴﺔ ﺑﺄﺳﻤﺎﻋﻲ ﻭﺍﻛﻮﻝ ﻻ ﺻﻼﺡ ﻣﺎﻳﺴﻮﻳﻬﺎ ﺑﺲ ﻫﻮ ﻣﻌﺼﺐ ﺍﻓﻜﺮ ﻭﻋﻴﻨﻲ ﻋﻠﻰ ﺑﺎﺏ ﺍﻟﻐﺮﻓﺔ ﻭﺍﺗﻮﻗﻊ ﺑﻜﻞ ﻟﺤﻈﺔ ﻳﺠﻲ ﻣﺘﻨﺪﻡ ﻭﻳﺼﺎﻟﺤﻨﻲ .. ﺑﻌﺪﻫﺎ ﺧﻠﻴﺖ ﻭﻃﻠﻌﺖ ﻭﺷﻮﻳﻪ ﻭﺍﺟﺖ ﺳﺤﺮ ﻭﻫﺎﻟﻪ ﻭﺍﻡ ﻫﺸﺎﻡ ﺿﻠﻦ ﻳﺴﻮﻟﻔﻦ ﻭﻳﺤﺠﻦ ﻭﺳﺠﺊ ﺍﺟﺖ ﻛﻌﺪﺕ ﻳﻤﻬﻦ ... ﻛﺎﻟﻦ ﺑﺤﻨﺎﻥ ﻣﺼﻄﻨﻊ ... ﻭﺍﻟﻠﻪ ﻧﺮﻳﺪ ﻧﺮﻭﺡ ﻧﺸﻮﻑ ﺟﻮﻟﻴﻴﺖ ﻋﻤﻬﺎ ﻳﻜﻮﻝ ﻻﺯﻡ ﺗﺮﺣﻦ ﺍﻟﺒﻴﺘﻬﺎ ﻭﺗﺰﻭﺭﻧﻬﺎ ﻭﺗﻌﺘﺬﺭﻥ ﻣﻨﻬﺎ ﺧﻄﻴﻪ ﻣﺴﻜﻴﻨﻪ ﻭﺑﻌﺪﻫﺎ ﺣﺠﺖ ﻭﻳﻪ ﺍﺷﻮﺍﻕ ﻛﻠﺘﻠﻬﺎ ... ﺻﺪﻙ ﻋﻮﺩ ﻭﻗﺎﺭ ﺗﺮﻳﺪ ﺗﺘﻄﻠﻚ ﻭﺍﻟﻠﻪ ﻛﻠﺶ ﺍﻧﻘﻬﺮﺕ ﻋﻠﻴﻬﺎ ﻣﺘﺴﺘﺎﻫﻞ ﺭﺩﺕ ﻋﻠﻴﻬﺎ ﺍﺷﻮﺍﻕ ﺑﺘﻨﻬﻴﺪﻩ ... ﻻ ﻫﻴﺞ ﺳﻮﺀ ﺗﻔﺎﻫﻢ ﻭﺍﻥ ﺷﺎﺀ ﺍﻟﻠﻪ ﻳﻨﺤﻞ ﻛﺎﻟﺖ ... ﻫﺎﺍﺍ ﺑﺲ ﻫﻮ ﺻﺪﻙ ﺟﺎﺑﺮ ﻻﺯﻣﻬﺎ ﺗﺨﺎﺑﺮ ﺑﺪﻭﻭﺍﺩ ﻭﻣﺘﺨﺒﻞ ﻭﻛﺎﺗﻠﻬﺎ ﻭﺟﺎﺳﺮ ﻫﺎﺩ ﻋﻠﻲ ﻣﻮ ﺻﺢ ﻫﺬﺍ ﺍﻟﻜﻼﻡ ﺍﻧﻲ ﺍﻧﺘﻔﻀﺖ ﻣﻦ ﻳﻤﻲ ... ﻻﺍﺍ ﺍﻋﻮﺫ ﺑﺎﻟﻠﻪ ﻣﺎﻛﻮ ﻫﻴﺞ ﺷﺊ ﻣﺠﺮﺩ ﺳﻮﺀ ﻓﻬﻢ ﻣﺪﺕ ﺷﻔﺎﻳﻔﻬﺎ ﺑﻌﺪﻡ ﻣﻌﺮﻓﻪ ... ﻭﺍﻟﻠﻪ ﻣﺎ ﺍﺩﺭﻱ ﻫﻴﺞ ﺳﻤﻌﻨﻪ ﻭﺍﻟﻨﺎﺱ ﺍﻟﺠﺎﺑﺖ ﺍﻟﺤﺠﻲ ﺛﻘﻪ ... ﻋﻤﺘﻲ ﺍﻡ ﻓﻼﺡ ﺿﻠﺖ ﺗﺎﻛﻞ ﺑﺮﻭﺣﻬﺎ ﻭﺣﻠﻔﺘﻬﺎ ﻣﻨﻮ ﺣﺠﻪ ﻫﻞ ﻛﻼﻡ ﺑﺲ ﻫﻲ ﺣﻠﻔﺖ ﻛﺎﻟﺖ ﻣﺎ ﺍﻛﺪﺭ ﻣﺤﻠﻔﻴﻨﻲ ﺍﻧﻲ ﺧﻠﻴﺖ ﻭﺭﺣﺖ ﻭﻟﻄﻤﺖ ﺧﺪﻱ ﻋﺰﺍ ﺍﻟﻌﺰﺍﻧﻲ ﻳﺎ ﺟﺎﺑﺮ ﻭﺍﻟﻠﻪ ﺍﺧﺘﻬﻢ ﺷﺮﻓﻬﺎ ﻋﺰﻳﺰ ﺑﺲ ﻻ ﺗﺼﻴﺮ ﻛﺎﺗﻞ ﻭﻣﻜﺘﻮﻝ ﺩﺧﻴﻠﻚ ﻳﺎﺍﺍﺭﺏ ﺩﺧﻴﻠﻚ .... .......................... ﺟﻮﻟﻴﻴﺖ ... ﻣﺮ ﻛﻢ ﺍﺳﺒﻮﻉ ﺍﻻﻭﺿﺎﻉ ﻫﺎﺩﺋﺔ ﺣﻴﻴﻞ ﻣﺎﻛﻮ ﺷﺊ ﺍﺑﺪ ﺑﺲ ﺍﻟﻴﻮﻡ ﻭﻗﺎﺭ ﻣﺎ ﺍﻋﺮﻑ ﻭﻳﻦ ﺭﺍﺣﺖ ﻭﺟﺎﺳﺮ ﻛﺬﻟﻚ ﺛﻨﻴﻨﻬﻢ ﻣﻮ ﻫﻨﺎ ﺑﺲ ﻣﺎﻣﺎ ﺭﺿﻴﻪ ... ﺍﻧﻲ ﻣﺎ ﺍﻋﺮﻑ ﺍﺣﺴﺎﺳﻲ ﻳﻜﻮﻟﻲ ﻋﻨﺪ ﺷﺎﻡ ﻭﺻﺎﻳﺮﻩ ﺭﻭﺣﻲ ﺑﺨﺸﻤﻲ ﻣﺪﺭﻱ ﺷﺒﻴﻪ ﻟﻜﻞ ﺍﺣﺴﻪ ﻳﻌﻄﻒ ﻋﻠﻴﻪ .. ﺳﺎﻟﺖ ﻣﺎﻣﺎ ﺭﺿﻴﻪ ﻛﺎﻟﺖ ﺑﺘﻮﺗﺮ ... ﻫﺎﺍﺍ ﻳﻤﻪ ﺟﺎﺳﺮ ﻭ ﻭﻗﺎﺭ ﺍﺧﺬﻭﺍ ﺷﺎﻡ ﻟﻠﻨﺠﻒ ... ﻃﻠﻘﺖ ﺍﺧﺮ ﺟﻤﻠﻪ ﻭﺧﻠﺖ ﻭﺭﺍﺣﺖ ﻛﺎﻟﺖ ﺍﻟﺒﺎﺏ ﻳﻨﺪﻙ ﺧﻠﻲ ﺍﺷﻮﻑ ﻣﻨﻮ ﺍﻟﻲ ﺍﺟﻪ ﺻﺎﺭﺕ ﺍﻟﺪﻧﻴﺎ ﺣﺴﺎﺳﻪ ﻭﻳﺎﻱ ﻭﺍﻟﻨﺎﺱ ﻛﻠﻬﺎ ﺗﻌﺎﻃﻔﺖ ﺑﺲ ﻣﺎ ﻟﻜﻴﺖ ﺍﻟﻲ،ﻳﻌﻮﺿﻨﻲ،ﻭﻳﺎﺧﺬ ﺍﻳﺪﻱ ﻭﻳﻄﺒﻄﺐ ﻋﻠﺊ ﻛﺘﻔﻲ ... ﺍﻟﻨﺎﺱ ﺻﺎﺭﺕ ﻣﻴﺘﺖ ﮔﻠﺐ ﻣﺎ ﺑﻴﻬﺎ ﺫﺭﺓ ﺍﺣﺴﺎﺱ ﻭﺍﻟﻠﻪ ﺣﺮﺍﻡ ﺿﺎﻋﺖ ﺑﺎﻟﻐﺮﺍﻡ ﻭﺍﻟﺤﻘﺪ ﻭﺍﻟﺬﻝ ﺳﻨﻴﻨﻲ ﺭﺟﻌﺖ ؟؟؟ ﻧﺴﺎﻧﻲ ... ﺗﺎﺭﻛﻨﻲ ﻣﻬﺠﻮﺭﻩ ﻭﻋﻤﻴﻪ ﺍﻟﻮﺣﺪﻱ ﻫﻨﺎ ﻻ ﻣﻦ ﻣﺎﻣﺎ ﺭﺿﻴﻪ ﻭﻻ ﻣﻦ ﺻﺤﺘﻲ ... ﺍﻓﺘﺮﺕ ﺑﺎﻟﻐﺮﻓﻪ ﺑﻀﻴﺎﻉ ﻣﺎ ﺍﻋﺮﻑ ﺍﻧﻲ،ﻭﻳﻦ ﻭﺑﻴﺎ ﻣﻜﺎﻥ ﺻﺮﺕ ﺿﻼﻡ ﺑﻀﻼﻡ ... ﻳﺎﺭﺑﻲ ﺭﺑﻲ ﻛﻠﺖ ﻻﺯﻡ ﺍﻋﻴﺶ ﺍﻻﻧﺴﺎﻥ ﻧﺴﻴﺘﻪ ﻭﻫﻤﻠﺘﻪ ﻭﻋﺬﺑﺘﻪ ﻣﻦ ﺯﻣﺎﻥ ﻭﺧﻄﺌﺖ ﺑﺤﻘﻪ ﻣﻦ ﺯﻣﺎﻥ ﺍﻱ ﻭﺍﻟﻠﻪ ﻫﺎﻱ ﺍﻧﻲ ﻧﺴﻴﺖ ﻧﻔﺴﻲ ﻣﻦ ﺯﻣﺎﻥ ﻭﻫﻠﻜﺘﻨﻲ ﺍﻟﻤﺼﺎﻳﺐ ... ﻣﺪﻳﺖ ﺍﺩﻳﻪ ﺑﻀﻴﺎﻉ ﻭﺍﻧﻲ ﺍﺿﺮﺏ ﺑﺎﻟﻬﻮﺍ ﻭﺍﺩﻭﺭ ﺑﺲ ﻟﻮ ﻋﻠﺊ،ﻃﻴﻔﻬﻢ ﻭﻳﻴﻦ ﺭﺍﺣﻮ ﻭﻋﺎﻓﻮﻧﻲ ﻭﻳﻴﻦ ﺭﺍﺣﻮ ﺻﺮﺕ ﻋﺎﺟﺰﻩ ﻣﺤﺪ ﻳﺤﺒﻨﻲ ﻣﺤﺪ ﻳﺮﻳﺪﻧﻲ ﺍﺻﻄﺪﻣﺖ ﺑﺠﺴﻢ ﻓﺮﺣﺖ ﺣﻴﻴﻞ ﻭﺍﻧﻲ ﺍﺗﻠﻤﺲ ﺑﻬﻞ ﺟﺴﻢ ﺑﺲ ﺿﺎﻋﺖ ﺍﻣﺎﻟﻲ ﻣﻦ ﻋﺮﻓﺖ ﻫﻞ ﺟﺴﺪ ﻣﺎ ﻳﺨﺼﻨﻲ ﻭﻛﻔﺘﻨﻲ ﻋﺪﻝ ﻭﺣﺠﺖ ﺑﺼﻮﺕ ﻣﺴﻤﻮﻡ .... ﺻﺮﺗﻲ ﻋﻤﻴﻪ ﻫﻬﻬﻪ ﻣﺤﺪ ﺍﻟﺞ ﺍﻟﻮﺣﺪﺝ ﻣﺸﻤﻮﺭﻩ ﺑﻬﻞ ﺑﻴﺖ ﻗﻬﺮﺗﻴﻨﻲ ﻭﺍﻟﻠﻪ ﺍﺣﺘﻤﺎﻝ ﻳﺨﻠﻮﻧﺞ ﺑﺪﺍﺭ ﺍﻟﻌﺠﺰﻩ ﻋﺮﻓﺘﻬﺎ ﻣﻦ ﺻﻮﺗﻬﺎ .... ﺍﻧﺘﻲ ﻫﺎﺍﺍﻟﻪ ﺍﻋﺮﻓﺞ ﺍﻧﺘﻲ ﻫﺎﻟﻪ ﺍﻟﻜﻠﺒﻪ ﺍﻛﺮﺭﺭﻫﺞ ﻣﺎﻣﺎ ﺭﺿﻴﻪ ﻭﻳﻴﻴﻨﺞ ﻫﻲ ﺩﻓﻌﺘﻨﻲ ﺣﻴﻴﻞ ﻭﻛﻌﺖ ﻋﻠﺊ ﺷﺊ ﺣﺎﺩ ﺍﻧﻀﺮﺏ ﺑﻀﻬﺮﻱ ﺻﺮﺧﺖ ﺑﺼﻮﻭﺕ ... ﺍﺍﺍﺍﻩ ﻳﻤﻪ ﺿﻬﺮﻱ ﺳﺤﺒﺘﻨﻲ ﻭ ﻭﻛﻔﺘﻨﻲ ﻛﺎﻟﺖ ﺑﻘﻬﺮ ﻭﻋﺼﺒﻴﺔ ... ﻭﺍﻟﻠﻪ ﺗﺴﺘﺎﻫﻠﻴﻦ ﻛﻞ ﺷﺊ ﻳﺼﻴﺮ ﻭﻳﺎﺝ ﻭﺍﻟﻠﻪ ﺣﻴﻴﻞ ﻣﺘﺸﻤﺘﻪ ﺑﻴﻴﺞ ﺣﻴﻴﻞ ﺗﺪﺭﻳﻦ ﻟﻴﺶ ﻻﻥ ﺍﻧﺘﻲ ﻳﺎ ﻛﻠﺒﻪ ﻳﺎ ﺭﺧﻴﺼﻪ ﺧﻨﺘﻴﻨﻲ ﻭﻳﻪ ﺣﺒﻴﺒﻲ ﻭﻫﺎﻱ ﺍﺟﺘﺞ ﺣﻮﺑﺘﻲ ﻃﺎﻳﺮﻩ ﻭﻫﺴﻪ ﺯﻭﺟﺞ ﺑﺤﻀﻦ ﻏﻴﺮﺝ ﻫﻬﻬﻬﻬﻪ ﻭﺍﻟﻨﺒﻲ ﺣﻴﻴﻞ ﻣﺘﺸﻤﺘﻪ ﻭﺑﻌﺪ ﺧﻠﻲ ﺍﻛﻮﻟﺞ ﺷﺴﻮﻳﺘﻲ ﺑﻴﻪ ﻟﺞ ﺍﺩﺑﺴﺰ ﻣﺎ ﺍﻧﺴﺊ ﺷﻠﻮﻥ ﻣﻦ ﻭﺭﺍﺝ ﺍﻧﻬﻨﺖ ﺑﺎﻟﺪﻳﻮﺍﻥ ﻣﻦ ﺭﺣﺘﻲ ﺍﺷﺘﻜﻴﺘﻲ ﻋﻠﻴﻪ ﻋﻨﺪ ﻛﺎﻇﻢ ﺯﺑﻮﻥ ﻭﻟﺞ ﻭﺍﻟﻠﻪ ﺍﻣﻮﻭﺕ ﻭﺍﻧﻲ ﻭﺭﺍﺝ ﻭﻫﻞ ﻣﺮﻩ ﻣﻮ ﺑﺲ ﻣﻨﺞ ﺍﻧﺘﻲ ﻻ ﻣﻦ ﺟﺎﺳﺮ ﻛﺬﻟﻚ ﻣﺎ ﺍﻧﺴﺊ ﺷﻠﻮﻥ ﺍﺑﻮﻳﻪ ﺿﺮﺑﻨﻲ ﻛﺪﺍﻣﻪ ﺑﺴﺒﺒﺞ ﺍﻧﺘﻲ ﻛﺬﻟﻚ ﺍﻧﻲ ﺗﻌﺬﺑﺖ ﺑﺴﺒﺒﺞ ﺍﻧﺘﻲ ﺧﺴﺮﺕ ﻛﻞ ﺷﺊ ﺑﺴﺒﺒﺞ ﺍﻧﺘﻲ ﻭﺍﻟﻲ ﻳﺼﻴﺮ ﻭﻳﺎﺝ ﻣﺴﺘﺎﻫﻠﺘﻪ ﺻﺮﺧﺖ ﺑﻮﺟﻬﻬﺎ ﺑﻐﻀﺐ ... ﻻﺍﺍﺍﺍ ﺍﻧﺘﻲ ﺍﻟﺼﺎﺭ ﺑﻴﺞ ﺑﺴﺒﺐ ﺍﻓﻌﺎﻟﺞ ﻳﺎ ﺭﺧﻴﻴﺼﻪ ﻭﻛﻦ ﻣﻈﻠﻮﻡ ﻭﻻ ﺗﻜﻦ ﻇﺎﻟﻢ ﻭﻟﺞ ﺍﻧﺘﻲ ﻇﻠﻤﺘﻴﻨﻲ ﻣﻦ ﻭﺭﺍﺝ ﻃﻔﻠﻪ ﻭﺗﺰﻭﺟﺖ ﻭﻣﻦ ﻭﺭﺍﺝ ﺍﻫﻠﻲ ﺣﻘﺪﻭﺍ ﻋﻠﻴﻪ ﻭﺷﻜﻮ ﺑﻴﻪ ﻭﺣﻄﻴﺘﻲ ﺳﻤﻌﺘﻲ ﺑﺎﻟﻄﻴﻦ ﺍﻧﺘﻲ ﺍﻟﺴﺒﺐ ﻭﺣﺴﺒﻲ ﺍﻟﻠﻪ ﻋﻠﻴﺞ ﻣﻦ ﺍﻟﻴﻮﻡ ﺍﻟﺪﻳﻦ ﻣﺎ ﺍﻛﻮﻝ ﻏﻴﺮ ﻫﻞ ﺷﺊ .... ﻣﺎ ﺳﻤﻌﺖ ﻏﻴﺮ ﻣﺎﻣﺎ ﺭﺿﻴﻪ ﻭﻫﻲ ﺗﻄﺮﺩ ﺑﻴﻬﻦ ﺑﺲ ﻣﻜﺎﺩﺭﻩ ﺍﻟﻬﻦ ﻛﺎﻟﺖ ... ﺍﻣﺸﻦ ﻭﻟﻦ ﻣﻨﺎ ﺻﺪﻙ ﻣﺎ ﺗﺴﺘﺤﻦ ﻭﻋﻴﺐ ﻋﻠﻴﺠﻦ ﻳﺎﻟﻠﻪ ﺍﻣﺸﻦ ﻭﻟﻦ ﻣﻨﺎ ... ﻫﻨﻪ ﺿﻠﻦ ﻳﻐﻠﻄﻦ ﻭﻳﺠﺎﻭﺯﻥ ﻭﺑﻌﺪﻫﺎ ﺧﻠﻦ ﻭﻃﻠﻌﻦ ﻭﺍﻡ ﻫﺎﻟﻪ ﺩﻛﻮﻝ ﺍﻟﺮﺿﻴﻪ ... ﺍﻟﻠﻪ ﻻ ﻳﻮﻓﻘﺞ ﻛﻮﻭﻥ ﻣﻮ ﻣﻦ ﺣﻘﺞ ﺗﺤﺮﻣﻴﻨﻪ ﻣﻦ ﺑﻨﺖ ﺍﺧﺘﻲ ﻭﺍﻧﻲ ﺍﺭﻳﺪ ﺍﺷﻮﻓﻬﺎ ﻭﻫﺎﻟﻪ ﺗﺼﻴﺢ ... ﺍﻱ ﻭﺍﻟﻠﻪ ﻣﻮ ﻣﻦ ﺣﻘﺞ ﻏﻴﺮ ﺑﻨﺖ ﺧﺎﻟﺘﻨﺎ ﻭﺑﺎﺑﺎ ﺩﺯﺍﻧﻪ ﻧﺸﻮﻓﻬﺎ ﺍﻧﺼﺪﻣﺖ ﻣﻦ ﻧﻔﺎﻗﻬﻦ ﻭﺟﺬﺑﻬﻦ ﺷﻠﻮﻥ ﺣﻴﺎﺕ ﻭﺣﺮﺑﺎﻳﺎﺕ ﺷﻠﻮﻥ ﻛﻠﺒﺎﺕ ﻓﺮﻧﻬﺎ ﻋﻠﺊ ﺭﺿﻴﻪ ﻭﺳﻮﻥ ﺭﻭﺣﻬﻦ ﺑﺮﻳﺌﺎﺕ ﻭﻫﻲ ﻫﺎﻟﻪ ﻣﺎ ﺻﺪﻛﺖ ﺳﻤﻤﺘﻨﻲ ﻭﻃﻠﻌﺖ ﻃﻠﻌﺘﻬﻦ ﻣﺎﻣﺎ ﺭﺿﻴﻪ ﻭﺍﺟﺖ ﻛﻌﺪﺗﻨﻲ ﻭﻫﻲ ﺗﻤﺴﺢ ﻋﻠﺊ ﺷﻌﺮﻱ ﻛﻠﺘﻠﻬﺎ ﺑﺤﺰﻥ ... ﺻﺪﻙ ﻳﻤﻪ ﺟﺎﺳﺮ ﻭﻳﻪ ﺷﺎﻡ ؟ ﺭﺩﺕ ﻋﻠﻴﻪ ﺑﺘﻨﻬﻴﺪﻩ ... ﺍﻱ ﻳﻤﻪ ﺍﺧﺬﻫﺎ ﺗﺰﻭﺭ ﺑﻨﺘﻬﺎ ﻻ ﺗﻌﺘﺮﺿﻴﻦ ﻫﺎﻱ ﺿﻨﺎﻫﺎ ﺣﻀﻨﺘﻬﺎ ﻭﺍﻧﻲ ﺍﺑﺠﻲ ... ﻻ ﻳﻤﻪ ﻣﺎ ﺍﻟﻲ ﺣﻖ ﺣﺘﺊ ﺍﻋﺘﺮﺽ ﻭﺍﻟﻠﻪ ﻫﺎﻱ ﺑﻨﺘﻬﺎ ﻭﺍﻧﻲ ﻣﻨﻮ ﺣﺘﺊ ﺍﻋﺘﺮﺽ ﺻﺪﻛﻴﻨﻲ ﻣﺎ ﺍﻋﺘﺮﺽ ﻭﻻ ﺍﺣﺠﻲ ﺑﺲ ﻟﻴﺶ ﻣﻦ ﺭﺍﺣﻮ ﻣﺎ ﻛﻠﻮﻟﻲ ﺗﺮﺉ ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﻫﻞ ﺗﺼﺮﻑ ﻋﻄﻒ ﻟﻮ ﺍﺧﺎﻑ ﺍﻋﻜﺮ ﻣﺰﺍﺟﻬﻢ ... ﺣﻀﻨﺘﻨﻲ ﻭﻃﺒﻄﺒﺖ ﻋﻠﺊ ﻛﺘﻔﻲ ... ﻛﺎﻓﻲ ﻳﻤﻪ ﻛﺎﻓﻲ ﺍﻟﻠﻪ ﻳﻌﻴﻨﺞ ﻭﺍﻛﻴﺪ ﺟﺎﺳﺮ ﻣﺎ ﺭﺍﺩ ﻳﺰﻋﺠﺞ ﻭﻣﺎ ﻛﻠﺞ ﺭﺍﻳﺤﻴﻦ ﺍﻟﻐﺰﻝ ... ﺗﻨﻬﺪﺕ ﻭﺭﺟﻌﺖ ﺣﻀﻨﺘﻪ .. ﻭﺍﻟﻠﻪ ﻣﺎ ﺍﻟﻲ ﺷﻐﻞ ﻭﺍﻟﻠﻪ ﻫﺴﻪ ﻟﻮ ﻳﻮﻣﻴﻪ ﻳﺎﺧﺬﻫﺎ ﺍﻧﻲ ﺷﺪﺧﻠﻨﻲ ﻫﻲ ﻏﻴﺮ ﺑﻨﺘﻬﺎ ﺑﺲ ﻟﻴﺶ ﻳﻀﻤﻮﻥ ﻋﻨﻲ ﻟﻴﺶ ﻟﻴﺶ ﺍﺳﻤﻊ ﻣﻦ ﻏﻴﺮﻩ ﻣﻮ ﻣﻨﻪ ﺣﻠﻮﻩ ﻣﻦ ﻫﺎﻟﻪ ﺗﺴﺎﻟﻨﻲ ﻋﻦ ﺯﻭﺟﻲ ﻭﺍﻧﻲ ﻣﺎ ﺍﻋﺮﻑ ﺑﻲ ﻭﻳﻴﻦ ﻭﺗﻌﻴﺮﻧﻲ ﺩﻛﻮﻟﻲ ﺣﻮﺑﺘﻲ ﻣﺎ ﺗﺘﻌﺪﺍﺝ ﻫﺴﻪ ﻧﺎﻳﻢ ﻭﻳﻪ ﻣﺮﺗﻪ ﻭﺍﻧﺘﻲ،ﺿﺎﻟﻪ ﻫﻨﺎ ... ﻳﻌﻨﻲ ﻫﺎﻟﻪ ﺗﻌﺮﻑ ﻭﺍﻧﻲ ﻣﺎ ﺍﻋﺮﻑ ﻭﺍﻟﻠﻪ ﻣﺼﻴﺒﻪ ﻫﻞ ﺣﻴﻮﺍﻧﻪ ﻣﻨﻴﻦ ﺗﻌﺮﻑ ﻣﻨﻮ ﻳﻨﻄﻴﻬﺎ ﺍﺧﺒﺎﺭ ... ﻏـﺪࢪﺗﻨـﻲ ﺗﻠـڪ ﺍﻟـﺼﺪﻳﻘـۿ ﺍﻟﻤـﻘـࢪﺑـﺔ ﻭ ﺃﻭﻗﻌﺘﻨـﻲ ﻓـﻲ ﺩۿـﺎﻟﻴـﺰ ﻟـﺎ ﻣﺨـࢪﺝ ﻣـﻨـۿﺎﺍ ﺣﺘـﻰ ﺗﺒـࢪﻭﺍ ﻣﻨـﻲ ﻋـﺎﺋﻠـﺘﻲ ﻟﻴـࢪﻣـﻮﺍ ﺑـﻲ ﻓـﻲ ﻳـﺪ ﺷﺨـﺺ ﻟـﺎ ﻳﻌـࢪﻑ ﻣﻌﻨـﻰ ﺍﻟﺤُـﺐ ﻓـ ﻳﻨﺘﻘـﻢ ﻣﻨـﻲ ﺑـﺴﺒﺐ ﺫﻧـﺐ ﻟـﻢ ﺍࢪﺗـڪﺒﻪُ ﺍﺑـﺪﺍً ﻭۿﺎ ﺍﻧـﺎ ﺍﻟـﺄﻥ ﺫﺍﺕ ﺃﻋـُﻴـﻦ ﺟﻤﻴـﻠﺔ ﺟﻴـﺪﺍً ﻟڪﻦ ﻟـﺎ ﺃࢪﻯ ﺑـۿﺎ ﺳـﻮﻯ ﻇـﻠـﺎﻡ ﺣـﺎﻟـڪ ¡.... ﺑﻘﻠﻢ ﺍﻟﻤﺘﺎﺑﻌﻪ ... ip_zozo ................................ ﻭﻗﺎﺭ ... ﺟﺎﺳﺮ ﻭﻋﺪ ﺷﺎﻡ ﻳﺄﺧﺬﻫﺎ ﻋﻠﺊ ﻗﺒﺮ ﻏﺰﻝ ﻭ ﺣﻘﻒ ﻭﻋﺪﻩ ﺍﻟﻬﺎ ﺑﺲ ﻃﻠﺐ ﻣﻨﻲ ﺍﺭﻭﺡ ﻭﻳﺎﻫﻢ ﻻﻥ ﻳﻌﺘﺒﺮ ﺷﺎﻡ ﻣﺤﺮﻣﻪ ﻋﻠﻴﻪ ﻭﻻﺯﻡ ﻳﻌﻘﺪ ﻣﻦ ﺟﺪﻳﺪ ﻻﻥ ﻫﻢ ﺑﺴﻨﻴﻦ ﻫﺠﺮ ﻃﻮﻭﻳﻠﻪ ... ﺭﺣﻨﻪ ﺑﺎﻟﻄﺮﻳﻖ ﻫﻲ ﺍﺟﺖ ﻫﻲ ﻭﺍﻣﻬﺎ ﻭﻳﺎﺳﻤﻴﻦ ﺑﺲ ﻭﺍﻧﻲ ﻭﺟﺎﺳﺮ ﺍﺧﺬﻧﻪ ﺑﺴﻴﺎﺭﺗﻪ ﻫﻲ ﺍﺧﺬﺕ ﺍﻟﻄﺮﻳﻖ ﻛﻠﻪ ﺗﺒﺠﻲ ﻭﺗﻜﺴﺮ ﺍﻟﺨﺎﻃﺮ ﻭﻣﻦ ﺷﺎﻓﺖ ﺍﻟﻘﺒﻮﺭ ﺍﻭﻝ ﻣﺎ ﺩﺧﻠﻨﻪ ﺍﻟﻨﺠﻒ ﺿﻠﺖ ﺗﻨﺘﺤﺐ ﺑﺼﻮﺕ ﻋﺎﻟﻲ ﻭﺗﺸﻬﻚ ﻭﻫﻲ ﺗﺒﺎﻭﻉ ﻣﻦ ﺍﻟﺠﺎﻡ ﻭﻣﺨﻠﻴﻪ ﺍﻳﺪﻫﺎ ﻋﻠﺊ ﺍﻟﺠﺎﻡ ﻭﺗﺒﺠﻲ ... ﻟﻚ ﺍﻣﻲ ﻟﻚ ﺑﻨﺘﻲ ﻳﺎ ﺣﻠﻮﻩ ﺍﻧﺘﻲ ﻫﻮﻭﻥ ﻧﺎﻳﻤﻪ ﻫﺎﺩ ﻣﻜﺎﻧﻚ ﻳﺎ ﻋﻤﺮﻱ ﺭﻳﺘﻚ ﺗﺆﺑﺮﻳﻨﻲ ﻳﺎ ﺑﻨﺖ ﻗﻠﺒﻲ ﺍﻧﺘﻲ ... ﺍﺣﻨﻪ ﺿﻠﻴﻨﻪ ﻧﺒﺠﻲ ﻋﻠﻴﻬﺎ ﺣﻴﻴﻞ ﻭﺟﺎﺳﺮ ﺟﺎﻥ ﻭﺟﻬﻪ ﻣﺤﺘﻘﻦ ﻭ ﺍﻟﺠﻤﻮﺩ ﻣﺒﻴﻦ ﻋﻠﺊ ﻣﻼﻣﺤﻪ ﺑﺲ ﻣﺎ ﺣﺠﻪ ﺍﻱ ﺷﺊ ... ﺩﺧﻠﻨﻪ ﻋﻠﺊ ﻣﻜﺎﻥ ﻗﺒﺮﻫﺎ ﻭﻧﺰﻟﻨﻪ ﻣﻦ ﺍﻟﺴﻴﺎﺭﻩ ﻫﻲ ﻧﺰﻟﺖ ﺗﺮﻛﺾ ﻭﺗﺘﻌﺜﺮ ﺑﺨﻄﻮﺍﺗﻬﺎ ﻭﺗﺒﺠﻲ ﻭﺗﻘﺮﻩ ﺑﺎﻟﻘﺒﻮﺭ ﻭﺍﺟﺖ ﻋﻴﻨﻬﺎ ﻋﻠﺊ ﻗﺒﺮ ﺑﻨﺘﻬﺎ ﺍﺣﺘﻀﻨﺘﻪ ﺑﺤﺰﻥ ﻋﻤﻴﻖ ﻭﻫﻲ ﺗﺒﻮﺱ ﺑﺎﺳﻤﻬﺎ ﺑﻌﺸﻮﺍﺋﻴﻪ ﻭﺗﺼﺮﺥ ﺑﺼﻮﺕ ﻋﺎﻟﻲ ﻭﺗﻠﻄﻢ ﻋﻠﺊ ﺻﺪﺭﻫﺎ ... ﻳﺎﺭﺭﻭﺣﻲ ﻳﺎ ﺍﻣﻲ ﻳﺎﺍﺍ ﻏﺰﻭﻟﻪ ﻳﺎ ﺑﻨﺘﻲ ﺗﻌﻲ ﻳﺮﻭﻭﺣﻲ ﺍﻧﺎ ﺍﻣﻚ ﺍﻧﺎ ﺍﺟﻴﺖ ﻟﻌﻨﺪﻙ ﻳﺎﻟﻠﻪ ﻳﺎﺑﻨﺘﻲ ﺑﺪﻱ ﺷﻮﻭﻑ ﻃﻠﺘﻚ ﺍﻟﺤﻠﻮﻩ ﺑﺪﻱ ﺷﻮﻭﻑ ﻋﻴﻮﻧﻚ ﺍﻟﺤﻠﻮﻩ ﻳﺎﻟﻠﻪ ﺑﺄﻣﻲ ﺍﺣﻜﻲ ﻣﻌﻲ ﻻ ﺗﺘﺮﻛﻴﻨﻲ ﻫﻴﻴﻚ ﻋﻢ ﻋﺎﻧﻲ ﺿﺞ ﺍﻟﻤﻜﺎﻥ ﺑﺎﻟﺒﻜﺎﺀ ﻋﻠﺊ ﺻﻮﺕ ﺑﻜﺎﺋﻬﺎ ﻭﻧﺤﻴﺒﻬﺎ ﺍﻟﻲ ﻳﻜﻄﻊ ﺍﻟﻜﻠﺐ ﻭﺟﺎﺳﺮ ﺍﺑﺪ ﻣﺎ ﺗﻘﺮﺏ ﻣﻨﻬﺎ ﻭﺭﺍﺡ ﺯﺍﺭ ﻓﻼﺡ ﻭﺍﺑﻮﻱ ﻭﻗﺮﻩ ﺍﻟﻬﻢ ﺍﻟﻔﺎﺗﺤﻪ ﻭﺍﻧﻲ ﻛﺬﻟﻚ ﺯﺭﺗﻬﻢ ﺑﻌﺪﻫﺎ ﺗﻘﺮﻳﺒﺎ ﺳﺎﻋﺘﻴﻦ ﻭﻫﻲ ﻋﻠﺊ ﻓﺮﺩ ﺩﻣﻌﻪ ﻭﺷﻜﻮﺉ ﻭﻧﺤﻴﺐ ﺍﺟﻪ ﺗﻘﺮﺏ ﻣﻨﻬﺎ ﻭﺭﻓﻌﻬﺎ ﻣﻦ ﺍﻛﺘﺎﻓﻬﺎ ﻭﻫﻲ ﺣﻀﻨﺘﻪ ﺑﻌﻤﻖ ﻭﻟﻬﻔﻪ ﻭﺑﺠﺖ ﺑﺎﺧﺘﻨﺎﻕ ﻭﺗﺼﺮﺥ ... ﻣﺎ ﻋﻢ ﺑﻘﺪﺭ ﻭﺍﻟﻠﻪ ﻣﺎ ﻋﻢ ﺑﻘﺪﺭ ﺗﺮﻛﻨﻲ ﺧﻠﻴﻨﻲ ﻋﻨﺪﺍ ﻭﺍﻟﻠﻪ ﻣﺎ ﻋﻢ ﺻﺪﺀ ﻏﺰﻝ ﻣﺎﺗﺖ ﻣﺎ ﻋﻢ ﺻﺪﺀ ﻫﺎﺩ ﺍﻟﻘﺒﺮ ﻋﻢ ﻳﻀﻢ ﺟﺴﺪﻫﺎ ﺍﻟﺼﻐﻴﺮ ﻫﻮ ﺍﺣﺘﻀﻨﻬﺎ ﻭﺟﺮ ﻧﻔﺲ ﺑﺎﺱ ﺭﺍﺳﻬﺎ ﺑﻬﺪﻭﺀ ... ﻫﺬﺍ ﺍﻣﺮ ﺭﺑﺞ ﻣﺎﻛﻮ ﺍﻋﺘﺮﺍﺽ ﻋﻠﺊ ﺍﻣﺮﻩ ﺷﻬﻜﺖ ﺑﻌﺬﺍﺏ ... ﻋﻢ ﺍﺗﻌﺰﺏ ﻭﺍﻟﻠﻪ ﻋﻢ ﺍﺗﻌﺰﺏ ﻣﺎﻧﻲ ﻣﺼﺪﺋﻪ ﺍﻟﻲ ﺻﺎﺭ ﺳﺤﺒﻬﺎ ﻭﺍﺧﺬﻫﺎ ﻛﻌﺪﻫﺎ ﺑﺎﻟﺴﻴﺎﺭﻩ ﻭﺍﺷﻮﻓﻬﻢ ﻣﻦ ﺑﻌﻴﺪ ﻳﺤﺠﻲ ﻭﻳﺎﻫﺎ ﻭﻳﺘﻔﺎﻫﻢ ﻭﻳﺎﻫﺎ ﻭﻫﻲ ﺗﺤﺠﻲ ﻭﻳﺎﻩ ﻭﺗﻤﺴﺢ ﺑﺪﻣﻮﻋﻬﺎ ﻭﺗﻬﺰ ﺑﺮﺍﺳﻬﺎ ﺑﺲ ﻣﺎ ﻋﺮﻓﺖ ﺷﻨﻮ ﺍﻟﻜﻼﻡ ﺍﻟﻲ ﺩﺍﺭ ﺑﻴﻨﻬﻢ ... ﺑﻌﺪﻫﺎ ﺧﺎﺑﺮﻧﻲ ﻛﺎﻝ ﻳﺎﻟﻠﻪ ﺧﻠﻮﻧﻪ ﻧﺮﻭﺡ ﻧﺰﻭﺭ ﺻﺪﻙ ﺭﺣﻨﻪ ﺯﺭﻧﻪ ﺍﻻﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ ﺧﻼﻧﻪ ﺑﺎﻻﻣﺎﻡ ﻭﻫﻮ ﺷﻮﻳﻪ ﺭﺍﺡ ﻭﺍﺟﻪ ﻳﻤﻜﻦ ﺭﺍﺡ ﺯﺍﺭ ﻏﺰﻝ ﻻﻥ ﻣﻦ ﺟﺎﻧﺖ ﺍﻣﻬﺎ ﻳﻤﻬﺎ ﻫﻮ ﺍﺑﺪ ﻣﺎ ﺗﻘﺮﺏ ﻣﻨﻬﺎ ... ﺑﻌﺪﻫﺎ ﺭﺟﻊ ﻋﻠﻴﻨﻪ ﺩﺧﻠﻨﻪ ﻣﻄﻌﻢ ﺗﻐﺪﻳﻨﺎ ﻭﻣﻦ ﺑﻌﺪﻫﺎ ﺭﺟﻌﻨﻪ ﻟﻠﺒﻴﺖ ﻫﻮ ﻭﺻﻠﻬﻦ ﻟﻠﺸﻘﻪ ﺍﻟﻲ ﻛﻌﺪﻫﻦ ﺑﻴﻬﺎ ﻭﺍﺣﻨﻪ ﺭﺣﻨﻪ ﻟﻠﺒﻴﺖ ... ﺩﺧﻠﻨﻪ ﻟﻜﻴﻨﻪ ﺟﻮﻟﻴﻴﺖ ﻧﺎﻳﻤﻪ ﻋﻠﺊ ﺍﻟﻘﻨﻔﻪ ﻭﺭﺿﻴﻪ ﻛﺎﻋﺪﻩ ﺗﺼﻠﻲ ﻫﻮ ﺑﺴﺮﻋﻪ ﺩﺧﻞ ﺟﻮﻩ ﺍﺧﺬ ﻣﻼﺑﺲ ﻭﺭﺍﺡ ﻟﻠﺤﻤﺎﻡ ﻭﻣﺎ ﺣﺠﻪ ﻭﻳﻪ ﺟﻮﻟﻲ ... ﺑﻌﺪﻩ ﻳﺴﺒﺢ ﻭﻣﺎ ﻧﺸﻮﻑ ﺍﻟﻪ ﺍﻟﺒﺎﺏ ﺍﻧﺪﻙ ﺭﺍﺡ ﺭﺿﺎﻭﻱ ﻓﺪ ﺍﻟﺒﺎﺏ ﻭﺍﺟﻪ ﻳﺮﻛﺾ ﻛﺎﻝ ... ﺍﻫﻮﻭﻭ ﻫﻢ ﺍﺩﺕ ﺳﺎﻣﻴﻪ ﻫﺘﻪ ﺣﻠﻲ ﻣﺎﻣﺎ ﺍﺑﺘﻲ « ﺍﻫﻮﻭ ﻫﻢ ﺍﺟﺖ ﺷﺎﻣﻴﻪ ﻫﺴﻪ ﺗﺨﻠﻲ ﺍﻣﻲ ﺗﺒﺠﻲ » ﺟﻮﻟﻴﺎ ﺍﻭﻝ ﻣﺎ ﺳﻤﻌﺖ ﻛﻼﻡ ﻣﺮﺗﻀﺊ ﻋﺪﻟﺖ ﻛﻌﺪﺗﻬﺎ ﺍﻧﻲ ﺗﻔﺎﺟﺌﺖ ﻣﻦ ﻭﺟﻮﺩﻫﺎ ﻣﻮ ﻫﺴﻪ ﻧﺰﻟﻨﺎﻫﺎ ﻋﻠﺊ ﺍﻟﺸﻘﻪ ﺭﻓﻌﺖ ﺣﺎﺟﺐ ﺑﺪﻭﻥ ﺳﻼﻡ ﻛﺎﻟﺖ ... ﻭﻳﻨﻮ ﺟﺎﺳﺮ ﺑﺪﻳﺎﻩ ﺍﻧﻲ ﺟﺎﻭﺑﺘﻬﺎ ... ﻣﻮ ﻫﻨﺎ ﻫﻲ ﺗﺠﺎﻫﻠﺘﻨﻲ ﻭﺭﺍﺣﺖ ﻭﻛﻔﺖ ﻣﻘﺎﺑﻴﻞ ﺟﻮﻟﻴﻴﺖ ﻛﺎﻟﺖ ﺍﻟﻬﺎ ... ﺍﻧﺘﻲ ﺗﻌﺮﻓﻲ ﻧﺤﻨﺎ ﻟﻬﻼ ﻣﺎ ﻟﻘﻴﻨﺎ ﺣﻞ ؟ ﻻﻧﻮ ﺍﻧﺘﻲ ﺣﺎﻣﻞ ﻭﻣﺎ ﺑﻴﺼﻴﺮ ﺗﺘﻄﻠﻘﻲ ﻭﻛﻤﺎﻥ ﺍﻧﻪ ﺣﺎﻟﻴﺎ ﻣﺤﺮﻣﻪ ﻋﻠﺊ ﺟﺎﺳﺮ ﻭﻣﺎ ﺑﺮﻃﺊ ﺑﺎﻟﻌﻘﺪ ﺍﻟﻪ ﺍﻧﺘﻲ ﺗﺘﻄﻠﻘﻲ ﻟﻬﻴﻚ ﺍﻧﺎ ﺑﺴﺘﻨﺎ ﻟﻤﺎ ﺑﺘﻮﻟﺪﻱ ﺑﺲ ﻣﺎ ﺑﺪﻱ ﻃﻞ ﻫﻴﻴﻚ ﺑﺪﻱ ﺗﻌﻄﻴﻨﻲ ﻭﺍﺣﺪ ﻣﻦ ﻭﻻﺩﻙ ﻋﻮﻁ ﻋﻦ ﺑﻨﺘﻲ ﻏﺰﻝ ﻭﺟﺎﺳﺮ ﻫﻮ ﺍﻟﺤﻜﻢ ﺑﻴﻨﻪ ... ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔 ﻧﻮﺭ ﺳﻤﻮ ﺍﻟﻌﺮﺍﻕ 😘... ﻻ ﺗﻨﺴﻮﺍ ﺍﻟﺘﺼﻮﻳﺖ ﻭ ﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ | ||||||||
|  |
|
28-11-20, 01:31 PM
| #82 | ||||
 
| السلام عليكم ورحمة الله وبركاته شام مستفزة جداً بطلبها الأخير لا يحق لها حتى لو فقدت ابنتها لا يعني أن تفقد أخلاقها لا مبرر لها أبداً جولييت وما أدراك ما جولييت متى ستنصفيها بحق الله؟! ما كل هذا الظلم والوجع المحيط بها والله تستحق وحدها العشق والحب لا العطفة والشفق صدقيني لو رجعت شام لذمة جاسر ستفقد الرواية جمالها وستخسرين الكثير من جمهورها وأولهم أنا🥰 | ||||
|
| |
|
29-11-20, 02:14 PM
| #84 | ||||||||
| مراقبة عامة ومشرفة منتدى الروايات المنقولة
| ﺍﻟﺒﺎﺭﺕ .. ﺍﻟﺴﺎﺑﻊ ﻭﺍﻟﻌﺸﺮﻳﻦ ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ 💔💔💔💔💔💔💔💔💔💔 ﺑﺎﺭﺕ ﻣﻔﺎﺟﺊ ﻟﻌﻴﻮﻥ ﺍﺣﻠﺊ ﻣﺘﺎﺑﻌﻴﻴﻦ 😍😍😍 ﺍﻋـﻴﻮﻧﻬﻢ ﺻﺎﺭﺕ ﮔﺰﺍﺯ ﺑﻜﻞ ﺟﻔـﻦ ﻳﻨﺪﻟﻪ ﺣـﻠﻤـﻚ ﻭﺍﻧﺘﻪ ﻳﻠـﻤﺠـﺮﻭﺡ ﺧﺎﻑ ﺍﺣﭽﻲ ﻭﺍﻟﭽﻤﻚ ﻛﺎﻇﻢ ﺇﺳﻤﺎﻋﻴﻞ ﺍﻟﮕﺎﻃﻊ ﺗﻨﻮﻳﺔ ... ﺍﻟﻜﻼﻡ ﺍﻟﻲ ﺭﺍﺡ ﻳﺤﺠﻲ ﺟﺎﺳﺮ ﺑﺨﺼﻮﺹ ﺍﻻﺳﺘﻔﺘﺎﺀ ﺍﻟﺸﺮﻋﻲ ﻛﻼﻡ ﺻﺤﻴﺢ ﻭﻣﺴﺘﻨﺪ ﻭﻣﻦ ﻭﻛﻴﻞ ﺍﻟﺴﻴﺪ ﺍﻟﺴﻴﺴﺘﺎﻧﻲ ﺩﺍﻡ ﺿﻠﻪ ﻭﺍﺫﺍ ﺣﺎﺑﻴﻦ ﺍﺑﺤﺜﻮﺍ ﻋﻨﻪ .. .......................................... ﺟﻮﻟﻴﻴﺖ ... ﺭﺑﻲ ﺍﻧﻄﺎﻧﻲ ﺍﻟﺠﻨﻪ ﻫﻲ ﻭﺣﻮﺭﻫﺎ ﻛﻠﻬﺎ ﺍﻱ ﻓﻌﻼ ﻭﺍﻟﻠﻪ ﺭﺿﺎﻭﻱ ﻭﻣﺠﺘﺒﺊ ﻋﻨﺪﻱ ﺍﻏﻠﺊ ﻣﻦ ﺭﻭﺣﻲ ﻭﻣﻦ ﻛﻞ ﺷﺨﺺ ﻣﺮ ﺑﺤﻴﺎﺗﻲ ﺟﻨﺖ ﺍﺿﻦ ﺍﻣﻲ ﻭﺍﻫﻠﻲ ﻭﺍﺑﻮﻱ ﻣﺎﻛﻮﻭﻭ ﺍﻏﻠﺊ ﻣﻨﻬﻢ ﺑﺲ ﺗﺎﻛﺪﺕ ﻣﻦ ﺑﻌﺪ ﻭﻻﺩﺗﻲ ﺑﻬﻞ ﺩﺭﺗﻴﻦ ﺍﻥ ﻛﻞ ﺍﻟﺤﺐ ﺍﻟﻬﻢ ﻫﻢ ﺑﺲ ﻭﻻ ﺍﺣﺪ ﻏﻴﺮﻫﻢ ... ﻋﺸﺖ ﺃﻗﺴﺊ ﺍﻳﺎﻡ ﻭﻛﻠﻬﺎ ﺍﻳﺎﻡ ﺣﺴﺮﻩ ﻭﺿﻴﻴﻖ ﻭﺟﻨﺖ ﻣﺘﺤﻤﻠﻪ ﺑﺲ ﺍﻟﺨﺎﻃﺮ ﻋﻴﻮﻧﻬﻢ ﺍﻟﺤﻠﻮﻩ ﺟﺎﻧﺖ ﺍﻻﻳﺎﻡ ﺗﻤﺮ ﻃﻮﻭﻭﻳﻠﻪ ﻭﺍﻧﻲ ﺍﺣﺴﺒﻬﺎ ﻭﺍﺭﻳﺪ ﺍﺷﻮﻓﻬﻢ ﻛﺪﺍﻣﻲ ﻳﻜﺒﺮﻭﻥ ﻭﻳﻠﻌﺒﻮﻥ ﺍﻧﻲ ﺍﻟﻌﺎﻧﻴﺖ ﺑﺴﺒﺒﻬﻢ ﺍﺣﺘﺮﻙ ﻣﺮﺗﻀﺊ ﺑﺎﻟﺠﺎﻱ ﻭﺍﻟﻠﻪ ﺭﻭﺣﻬﺎ ﺷﺎﻏﺖ ﺍﻟﺮﻭﺣﻪ ﻭﺍﻟﺪﻣﻌﻪ ﻣﺎ ﻧﺸﻔﺖ ﻣﻦ ﻋﻴﻨﻲ ﺍﻟﺪﻗﻴﻘﻪ ﺗﻤﺮ ﺑﺴﻨﻪ ﺍﺫﺍ ﺑﺠﺊ ﺍﻭ ﺍﺗﻮﺟﻊ ﺍﺭﺟﻒ ﻣﻦ ﺍﺷﻮﻓﻪ ﻳﺒﺠﻲ ﻭﻣﺎ ﺍﻋﺮﻑ ﺷﻨﻮ ﺍﺳﻮﻭﻭﻱ ... ﻣﺤﺘﺒﺊ ﺣﺒﻴﺒﻲ ﺭﻭﺣﻲ ﻭﻣﻌﺎﻧﺎﺗﻪ ﻭﻣﺮﺿﻪ ﻭﺍﻋﺎﻗﺘﻪ ﻭﺍﻟﻠﻪ ﺍﻟﻨﺎﺱ ﺗﻨﺎﻡ ﻭﺗﺮﻭﺡ ﻭﺍﻧﻲ ﺍﻟﻴﻞ ﻛﻠﻪ ﻛﺎﻋﺪﻩ ﻭﻏﺎﻟﺐ ﻋﻠﻴﻪ ﺍﻟﻨﻌﺎﺱ ﻭﺍﻧﻲ ﺍﺳﻮﻱ ﻣﺴﺎﺝ ﺍﻟﺮﺟﻠﻴﻪ ﻭﺍﻧﺸﻂ ﺍﻋﺼﺎﺑﻪ ﺍﻛﻮﻝ ﺧﺎﻑ ﺍﻟﻌﺎﻟﻢ ﺩﻛﻮﻝ ﺍﺑﻦ ﺟﻮﻟﻴﻴﺖ ﻣﻌﻮﻭﻕ ﻭﺧﺎﻑ ﻳﻜﺒﺮ ﻭﻳﺸﻮﻑ ﺍﺧﻮ ﻳﻤﺸﻲ ﻭﻫﻮ ﻻ ﻭﻳﻨﻘﻬﺮ ... ﺟﻨﺖ ﺍﻭﻛﻊ ﻣﻦ ﺍﻟﺘﻌﺐ ﺑﺲ ﻛﻮﻭﻥ ﺍﺷﻮﻓﻬﻢ ﻫﻢ ﺑﺨﻴﻴﺮ ﻭﻻ ﻓﺪ ﻳﻮﻡ ﻫﻤﻠﺘﻬﻢ ﻭﻻ ﺍﺫﻳﺘﻬﻢ ﺍﺑﺪ ﻭﺍﻟﻠﻪ ... ﺭﻏﻢ ﻭﻛﺎﺣﺘﻬﻢ ﻭﺍﻟﻠﻪ ﻣﻦ ﻳﺘﻌﺎﺭﻛﻮﻥ ﺑﻴﻨﻬﻢ ﺍﺧﻠﻴﻬﻢ ﻳﻌﻀﻮﻧﻲ ﺍﻧﻲ ﻭﻻ ﺍﺧﻠﻲ ﻭﺍﺣﺪ ﻳﺎﺫﻱ ﺍﻟﺜﺎﻧﻲ ... ﺷﻠﻮﻭﻭﻥ ﺷﻠﻮﻭﻥ ﺗﺮﻳﺪ ﺍﻧﻄﻴﻬﺎ ﻭﺍﺣﺪ ﻣﻦ ﺍﻃﻔﺎﻟﻲ ﺑﻴﺎ ﺣﻖ ﻭﺑﻴﺎ ﻣﻨﻄﻖ ﻭﺷﺪﺗﺤﺠﻲ ﺍﺻﻼ ؟ ﺍﻋﺮﻑ ﻫﻲ ﻣﺎ ﻫﺎﻣﻬﺎ ﺗﺎﺧﺬ ﻃﻔﻞ ﻣﻨﻲ ﺑﺲ ﺍﻟﻬﺎ ﻏﺎﻳﻪ ﻭﻋﻨﺪﻫﺎ ﺭﺳﺎﻟﻪ ﺗﺮﻳﺪ ﺗﻮﺻﻠﻬﺎ ﺍﻟﻴﻪ ﺑﺲ ﺍﻧﻲ ﻣﺎ ﺣﺒﻴﺖ ﻫﻞ ﺭﺳﺎﻟﻪ ﺗﻮﺻﻞ ﺑﻬﻞ ﻏﺎﻳﻪ ... ﺍﻧﻲ ﻟﻮ ﺗﺮﻳﺪ ﻫﻲ ﺍﻧﻄﻴﻬﺎ ﺑﻴﺘﻲ ﻭﻛﻮﻭﻭﻟﺸﻲ ﺑﺲ ﻣﺴﺘﺤﻴﻴﻞ ﺍﻓﺮﻁ ﺑﺘﻮﺍﻣﻲ ﻭﺍﺑﻌﺪﻫﻢ ﻋﻦ ﺑﻌﺾ ﻭﺍﺑﻌﺪﻫﻢ ﻋﻨﻲ ... ﺍﻧﻲ ﺷﻜﺪ ﻋﺎﻧﻴﺖ ﻣﻦ ﺟﺎﺳﺮ ﻭﻣﻦ ﺍﻫﻠﻪ ﻭﻣﻦ ﻧﻮﺍﻝ ﺍﻧﻲ ﻟﻮ ﻫﻞ ﺗﻮﻡ ﺍﻟﻌﻨﺪﻱ ﺟﺎﻥ ﺗﻄﻠﻜﺖ ﻭﺭﺣﺖ ﻫﺠﻴﺖ ﻭﻳﻪ ﺍﻫﻠﻲ ﻭﻻ ﻫﺬﺍ ﺍﻟﺼﺎﺭ ﺑﺲ ﻣﺠﺘﺒﺊ ﻭﻣﺮﺗﻀﺊ ﻫﻢ ﺭﺑﻄﻮﻧﻲ ﺑﻌﺎﺋﻠﺔ ﻣﻬﻴﻮﻭﺏ ﻭﻛﻞ ﺷﺊ ﺗﺤﻤﻠﺖ ﺍﻟﺨﺎﻃﺮ ﻋﻴﻮﻧﻬﻢ ﺻﺮﺧﺖ ﺑﺼﻮﺕ ﻋﺎﻟﻲ ﻣﻦ ﻛﻼﻣﻬﺎ ﺍﻟﻼﺫﻉ ... ﻣﺴﺘﺤﻴﻴﻴﻞ ﻣﺴﺘﺤﻴﻴﻴﻞ ﺍﻧﻄﻲ ﺍﻱ ﻃﻔﻞ ﻣﻦ ﺍﻃﻔﺎﻟﻲ ﻭﺍﻟﻠﻪ ﻟﻮ ﺍﻋﺮﻑ ﺍﻣﻮﻭﻭﻭﺕ ﺍﻣﻮﻭﻭﻭﺕ ﻣﺎ ﺍﻧﻄﻲ ﻗﻄﻌﻪ ﻣﻦ ﻣﻼﺑﺴﻬﻢ ﻣﻮ ﺍﺭﻭﺡ ﺍﻧﻄﻴﻬﻢ ﺍﻟﺞ ﺍﻧﺘﻲ ﺑﺄﻱ ﺣﻖ ﻫﻴﺞ ﺗﻄﻠﺒﻴﻦ ﻣﻨﻲ ﻭﺍﻧﺘﻲ ﺍﺻﻼ ﻣﻨﻮﻭﻭﻭ ؟ ﺳﻜﺘﺖ ﺍﻟﺞ ﻫﻮﻭﻭﻭﺍﻱ ﻭﻛﻠﺖ ﺍﻡ ﻣﺜﻜﻮﻟﻪ ﺑﺒﻨﺘﻬﺎ ﻣﺮﺍﺡ ﺍﺣﺠﻲ ﻭﻳﺎﻫﺎ ﺑﺲ ﻭﺻﻠﺖ ﺣﺪﻫﺎ ﻭﺍﻧﺘﻲ ﺗﺠﺎﻭﺯﺗﻲ ﻫﻮﻭﻭﻭﺍﻱ ﻋﻠﻴﻪ ... ﺟﺎﻭﺑﺖ ﺑﺒﺮﻭﺩ .... ﻟﻴﺶ ﻣﺎ ﻓﻴﻬﺎ ﺷﺊ ﻳﻌﻨﻲ ﺑﺲ ﺍﻧﺎ ﺑﺪﻱ ﺍﺻﺒﺮ ﻣﺸﺎﻥ ﻣﻮﺕ ﺑﻨﺘﻲ ﻳﻠﻲ ﻗﺘﻠﻬﺎ ﺍﺧﻮﻭﻛﻲ ﺍﻟﻨﺬﻝ ﺍﻧﺘﻲ ﻛﻤﺎﻥ ﺍﺻﺒﺮﻱ ﻭﺍﺑﻨﻚ ﻣﺎ ﺑﻴﻜﻮﻥ ﻣﻴﺖ ﺑﻴﻜﻮﻥ ﻋﻨﺪﻱ ﺭﺟﻒ ﻛﻞ ﺟﺴﻤﻲ ﻣﻦ ﻛﻼﻣﻬﺎ ﻭﻣﻦ ﺑﺮﻭﺩﻫﺎ ﺍﻋﺮﻑ ﺗﺮﻳﺪ ﺗﺴﺘﻔﺰﻧﻲ ﺑﺲ ﻣﻮ ﺑﻬﻞ ﻃﺮﻳﻘﻪ ﺟﺎﻭﺑﺘﻬﺎ ﺍﻣﻲ ﺭﺿﻴﻪ ... ﻛﻮﻟﻲ ﻳﺎ ﺍﻟﻠﻪ ﻳﻤﻪ ﺷﺴﺎﻟﻔﺘﺞ ﺗﺤﺠﻴﻦ ﺻﺪﻙ ﺷﻠﻮﻥ ﺗﻨﻄﻲ ﺿﻨﺎﻫﺎ ﺍﻟﺞ ﻫﻢ ﺍﻟﺒﺰﻭﻥ ﻭﺍﻟﺒﺰﻭﻥ ﻣﺎ ﺗﻨﻄﻲ ﺑﺰﺭﻫﺎ ... ﻭﻗﺎﺭ .... ﺍﻧﻲ ﺍﻧﺼﺪﻣﺖ ﻣﻦ ﻛﻼﻡ ﺷﺎﻡ ﺑﺼﺮﺍﺣﻪ ﺍﺣﻨﻪ ﺭﺣﻨﻪ ﺯﺭﻧﻪ ﺑﻨﺘﻬﺎ ﻭﺟﺎﻧﺖ ﺍﻻﻣﻮﺭ ﻃﺒﻴﻌﻴﻪ ﺻﺢ ﻫﻲ ﺍﻧﻬﺎﺭﺕ ﻋﻠﺊ ﺑﻨﺘﻬﺎ ﻭﺑﺠﺖ ﻭﺍﻧﻲ ﺍﺍﻛﺪ ﻣﺴﺘﺤﻴﻴﻞ ﺗﺎﺧﺬ ﻃﻔﻞ ﻣﻦ ﺟﻮﻭﻭﻟﻲ ﺑﺲ ﻫﻲ ﻋﻨﺪﻫﺎ ﻏﺎﻳﻪ ﻻﻥ ﻫﻲ ﺍﻻﻃﻔﺎﻝ ﺍﻟﻌﺎﻟﻢ ﻛﻠﻬﺎ ﻣﻮ ﺑﻌﻴﻨﻬﺎ ﺑﺲ ﻏﺰﻝ ﺑﻨﺘﻬﺎ ﻣﺤﺪ ﻳﻌﻮﺽ ﻣﻜﺎﻧﻬﺎ ... ﺻﺮﺧﺖ ﺑﻴﻬﺎ ﺟﻮﻭﻭﻟﻲ ﻭﺭﺩﺕ ﻋﻠﻴﻬﺎ ... ﻭﻫﻲ ﺟﺎﻭﺑﺘﻬﺎ ﺑﺒﺮﻭﺩ ﺑﻬﻞ ﺍﺛﻨﺎﺀ ﻃﻠﻊ ﺟﺎﺳﺮ ﻣﻦ ﺍﻟﺤﻤﺎﻡ ﺑﺴﺮﻋﻪ ﻭﻫﻮ ﻳﺰﺭ ﺑﺎﺯﺭﺍﺭ ﻗﻤﻴﺼﻪ ﺍﻻﺳﻮﺩ ﻭﺷﻌﺮﻩ ﻣﺒﻠﻞ ﺍﻧﺼﺪﻡ ﻣﻦ ﻭﺟﻮﺩ ﺷﺎﻡ ﺑﺎﻟﺒﻴﺖ ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ ... ﺷﺎﺍﺍﻡ ﺷﺠﺎﺑﺞ ﺍﻧﻲ ﻣﻮ ﺧﻠﻴﺘﺞ ﺑﺎﻟﺸﻘﻪ ؟ ﺑﺎﻭﻋﺘﻠﻪ ﺑﺠﻤﻮﺩ ﻭﺩﺍﺭﺕ ﻭﺟﻬﻪ ﺍﻟﺠﻮﻟﻴﻴﺖ ﻭﻛﺎﻟﺖ ﺑﻬﺪﻭﺀ ... ﺟﺎﻳﻪ ﺑﺪﻱ ﺍﻻﺧﺖ ﺗﺤﺲ ﺑﻮﺟﻌﻲ ﻣﻮ ﻛﺘﻴﺮ ﺷﺊ ﻗﻠﻴﻞ ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ ﻣﻦ ﻛﻼﻣﻪ ... ﺷﺒﻴﻴﺞ ﺷﺘﺤﺠﻴﻦ ؟ ﺍﺑﺘﺴﻤﺖ ﺑﻌﺬﺍﺏ ﻭﻋﻴﻮﻧﻪ ﺗﺠﻤﻌﺖ ﺑﻴﻬﺎ ﺍﻟﺪﻣﻮﻉ ﻭﺑﺎﻭﻋﺘﻠﻪ ... ﻣﻔﻜﺮ ﻟﻤﺎ ﺍﺧﺪﺗﻨﻲ ﻋﻠﺊ ﻗﺒﺮ ﻏﺰﻝ ﺍﻧﺎ ﺍﺭﺗﺤﺖ ؟ ﺿﺤﻜﺖ ﻭﻫﺰﺕ ﺭﺍﺳﻬﺎ ﺑﺤﺰﻥ ﻭﺍﺭﺩﻓﺖ ﺑﻨﺤﻴﺐ ... ﻻﺍﺍ ﻭﺍﻟﻠﻪ ﻣﺎ ﺍﺭﺗﺤﺖ ﺍﺑﺒﺒﺪ ﺑﺎﻟﻌﻜﺲ ﺯﺍﺩ ﺍﻟﻮﺟﻊ ﻋﻠﻴﻪ ﻛﻨﺖ ﻣﺎﻧﻲ ﻣﺼﺪﺋﺔ ﻛﻨﺖ ﻋﻢ ﻛﺰﺏ ﺣﺎﻟﻲ ﺑﺲ ﻫﻸ ﻻﺍﺍﺍ ﺻﺪﺋﺖ ﻭﺷﻔﺖ ﻗﺒﺮﻫﺎ ﺑﻌﻴﻨﻲ ﺣﻄﺖ ﺍﻳﺪﻫﺎ ﻋﻠﺊ ﺻﺪﺭﻫﺎ ﻭﺿﺮﺑﺖ ﻗﻠﺒﻬﺎ ﻋﺪﺓ ﺿﺮﺑﺎﺕ ... ﻫﻮﻭﻭﻥ ﻛﺎﻥ ﻋﻨﺪﻱ ﻗﻠﺐ ﺑﺲ ﻫﻼﺍﺍ ﻣﺎﺍﺍﺍﺕ ﻣﺎﺍﺍﺍﺍﺕ ﻣﻦ ﺳﻨﻴﻦ ﻳﺎ ﺟﺎﺳﺮ ﺍﻧﺎ ﺻﺮﺕ ﻭﺣﺪﺓ ﺗﺎﻧﻴﺔ ﺑﺪﻱ ﺍﻟﻜﻞ ﻳﻌﻴﺶ ﻣﺘﻞ ﺣﺎﺍﺍﺍﻟﻲ ﺷﻔﺖ ﻟﻮﻭﻭﻳﻦ ﻭﺻﻠﺖ ﺍﻧﺎ ؟ ﺿﺤﻜﺖ ﻭﻫﻲ ﺗﻤﺴﺢ ﺍﻟﺪﻣﻮﻉ ﺍﻟﻤﻨﻬﻤﺮﻩ ﻋﻠﺊ ﻭﺟﻨﺘﻬﺎ ﻭﻛﻤﻠﺖ ﺑﺤﺰﻥ ﻓﻀﻴﻊ ... ﺗﺰﻛﺮﻫﺎ ﺗﺰﻛﺮ ﻛﻴﻒ ﻛﺎﻧﺖ ﺗﻠﻌﺐ ﻛﻴﻒ ﻛﺎﻧﻬﺎ ﻭﺭﺩﻩ ﺟﻮﺭﻳﻪ ﻛﻴﻒ ﺣﻠﻮﺓ ﻭ ﺯﻛﻴﻪ ﻟﻴﺎ ﻋﻢ ﺑﺲ ﺍﻧﺎ ﺍﻟﻤﺠﻮﻋﻪ ﻋﻠﻴﻬﺎ ﻟﻴﺶ ﻋﻢ ﺣﺲ ﻣﺤﺪﺍ ﻣﻬﺘﻢ ﻟﺒﻨﺘﻲ ﻭﻛﻞ ﻣﻴﻦ ﻣﻨﻜﻦ ﻋﺎﻳﺶ ﺣﻴﺎﺗﻮﻭﻭ ﻣﺎ ﺑﺪﻱ ﺍﺟﺮﺣﻚ ﺍﻛﺘﺮ ﻣﻦ ﻫﻴﻴﻚ ﺑﺲ ﺍﻧﺎ ﻃﻠﺒﺖ ﻫﻴﻚ ﻃﻠﺐ ﺻﻐﻴﺮ ﺗﻘﺪﺭ ﺗﻨﻔﺬﻭ ﺍﻟﻲ ﺍﺧﺖ ﻳﻠﻲ ﻗﺘﻞ ﺑﻨﺘﻲ ؟ ﺭﻓﻌﺖ ﺣﺎﺟﺐ ﻭﻫﻲ ﺗﺒﺎﻭﻉ ﻟﻠﻮﺟﻮﻩ ﻭﺗﻌﺮﻑ ﺍﻻﺟﺎﺑﻪ ﻃﺒﻌﺎ ... ﺧﻠﻴﻬﺎ ﺗﻌﻄﻴﻨﻲ ﻭﺍﺣﺪ ﻣﻦ ﺍﻭﻻﺩﻫﺎ ﻋﻄﻴﻨﻲ ﻭﺍﺣﺪ ﻳﺎ ﺟﺎﺳﺮ ... « ﺟﺎﻧﺖ ﺗﺤﺠﻲ ﻭﺗﺒﺎﻭﻉ ﺍﻟﺠﻮﻟﻲ » ﻫﻨﺎ ﺟﻮﻭﻭﻭﻟﻲ ﺍﻧﻬﺎﺭﺕ ﺭﻓﻌﺖ ﺍﺩﻳﻬﺎ ﻭﻫﻲ ﺗﺼﺮﺭﺥ .... ﻭﺍﻟﻠﻪ ﻣﺎ ﺗﻨﻄﻴﻴﻴﻴﻴﻲ ﻭﺍﻟﻠﻪ ﻣﺎﺗﻨﻄﻴﻲ ﺍﻛﺘﻠﻚ ﻭﺍﻟﻠﻪ ﺍﻛﺘﺘﺘﺘﺘﻠﻚ ﻭﻻ ﺩﻛﻮﻭﻭﻭﻝ ﺟﻮﻟﻲ ﻣﺎ ﻛﺎﻟﺖ ﻭﺍﻟﻠﻪ ﺍﻧﺘﻘﻢ ﻣﻨﻜﻢ ﻛﻠﻜﻢ ﺣﻄﺖ ﺍﻳﺪﻫﺎ ﻋﻠﺊ ﻭﺟﻬﻬﺎ ﻭﻫﻲ ﺗﺸﻬﻚ ﻭﺗﺼﺮﺥ ﻭﺗﻨﺎﺷﻎ ﻋﺎﺩ ﻫﻮ ﻣﻦ ﺷﺎﻑ ﺟﻮﻭﻟﻲ ﻫﻴﻴﺞ ﻭﻣﻦ ﺷﺎﻑ ﻛﻼﻡ ﺷﺎﻡ ﻣﻮ ﻣﻨﻄﻘﻲ ﺗﺨﺒﻞ ﺗﻘﺮﺏ ﻣﻦ ﺷﺎﻡ ﻭﻟﺰﻡ ﺍﻛﺘﺎﻓﻬﺎ ﺑﻐﻀﺐ،ﻭﺑﺤﺪﻩ ﺻﺮﺥ ﺑﻮﺟﻬﻬﺎ ﺑﻌﺼﺒﻴﺔ .... ﻛﺎﺍﺍﺍﺍﺍﺍﺍﻓﻲ ﺷﺎﺍﺍﺍﻡ ﺗﺮﺉ ﻃﻐﻴﺘﻲ ﻫﻮﻭﻭﻭﻭﺍﻱ ﻻ ﺗﺘﻔﺮﻋﻨﻴﻴﻦ ﻭﻻ ﺗﺰﻋﻄﻄﻴﻦ ﺑﺮﻭﺣﺞ ﻭﻳﻨﺞ ﻣﻦ ﻧﻔﺴﺞ ﻭﻳﻴﻦ ﺷﺎﻡ ﺍﻟﻌﺎﻗﻠﻪ ﻭﻳﻦ ﺷﺎﻡ ﺍﻟﺤﻘﺎﻧﻴﻪ ﻟﻴﺶ ﺟﺎﺍﺍﺍﻱ ﺍﺣﺴﺞ ﻣﻮ ﺍﻧﺘﻲ ﻟﻴﺶ ﺗﺨﻠﻴﻨﻲ ﺍﺗﺼﺮﻑ ﻭﻳﺎﺝ ﻏﻴﺮ ﺗﺼﺮﻑ ﺭﺩﺕ ﻋﻠﻴﻬﺎ ﺟﻮﻟﻴﻴﺖ ﻭﻫﻲ ﺗﺒﺠﻲ ... ﺗﺮﺩﻳﻴﻦ ﺗﺎﺧﺬﻱ ﺍﺧﺬﻱ ﺭﻭﺣﻲ ﻧﺎﻣﻲ ﻭﻳﺎﻩ ﻭﺟﻴﺒﻲ ﺩﺭﺯﻥ ﺟﻬﺎﻝ ﻣﺤﺪ ﻻﺯﻣﻜﻢ ﻭﻣﺒﺮﺭﺭﻭﻙ ﻋﻠﻴﻜﻢ ﻫﻮ ﺟﺎﻥ ﻻﺯﻡ ﺷﺎﻡ ﻭﻣﻦ ﺣﺠﺖ ﺟﻮﻟﻴﻴﺖ ﺍﺳﺘﻮﻗﻒ ﻛﻼﻣﻪ ﻭﺍﺳﺘﻤﻊ ﺍﻟﻜﻼﻣﻬﺎ ﺑﺲ،ﻣﻦ ﺩﻭﻥ ﻣﺎ ﻳﺪﻳﺮ ﻭﺟﻬﻪ ﺍﻟﻬﺎ ﻭﺑﻌﺪ ﻣﺎ ﻧﻬﺖ ﺍﺧﺮ ﺟﻤﻠﻪ ﺍﻟﻬﺎ ﺯﻣﺠﺮ ﺑﻴﻬﺎ ﺑﻜﻞ ﻏﻀﺐ ... ﺍﻧﻠﺼﻤﻴﻴﻴﻴﻴﻲ ... ﺭﺩﺕ ﻋﻠﻴﻪ ﺑﺤﺪﻩ ... ﻣﺎ ﺍﻧﻠﺼﻢ ﻭﻻ ﺭﺍﺍﺍﺡ ﺍﺳﻜﺖ ﻭﺍﻟﻠﻪ ﻭﺍﻧﻲ ﺍﻟﺤﺎﺭﺑﺖ ﺍﻟﺨﺎﻃﺮ ﻭﻟﺪﻱ ﻭﺷﻔﺖ ﺍﻟﻀﻴﻢ ﺑﻌﻴﻮﻧﻲ ﺟﺎﺳﺮ ﺍﺫﺍ ﺗﺮﻳﺪ ﺗﻄﻠﻜﻨﻲ ﻭﺍﻟﻠﻪ ﻃﻠﻜﻨﻲ ﻣﺎ ﻋﻨﺪﻱ ﺍﻱ ﺃﺷﻜﺎﻝ ﺑﺲ ﻻ ﺗﺤﺎﺭﺑﻮﻧﻲ ﺑﻮﻟﺪﻱ ... ﺷﺎﻡ ﺭﺩﺕ ﻋﻠﻴﻬﺎ ﻛﻠﺘﻠﻪ ... ﺣﺴﻴﺘﻲ ﺑﻮﺟﻌﻲ ؟ ﺟﻮﻟﻲ،ﺟﺎﻧﺖ ﻣﺎ ﺗﻌﺮﻑ ﻭﻳﻦ ﺗﻮﺟﻬﻪ ﻧﻈﺮﻫﺎ ﺭﺩﺕ ﻋﻠﻴﻬﺎ ﻭﻫﻲ ﺗﺒﺎﻭﻉ ﻟﻠﻔﺮﺍﻍ .... ﻫﻬﻪ ﻟﺞ ﺍﻧﻲ ﺣﺎﻟﻲ ﺍﺭﺩﺉ،ﻣﻦ ﺣﺎﻟﺞ ﻻ ﻋﺒﺎﻟﺞ ﺍﻧﻲ ﻣﺮﺗﺎﺣﻪ ﻻﺍﺍﺍ ﻭﺍﻟﻠﻪ ﻣﺎ ﻣﺮﺗﺎﺣﻪ ﺍﺧﻮﻱ ﻗﺎﺗﻞ ﺗﻼﺛﻪ ﻭﻛﻠﻬﺎ ﻭﻛﻌﺖ ﺑﺮﺍﺳﻲ ﻭﻟﺞ ﺍﻧﻲ ﺍﻟﻲ ﺧﻴﺮﻧﻲ ﺟﺎﺳﺮ ﻭﻛﻠﻲ ﻭﻟﺪﺝ ﻟﻮ ﺍﻫﻠﺞ ﻭﻟﺪﺝ ﻟﻮ ﺍﻣﺞ ﻭﺍﺑﻮﺝ ﻭﺍﻧﻲ ﺟﺎﺑﺘﻪ ﻭﺍﻧﻲ ﺍﻟﻲ ﺑﺴﺖ ﺍﻳﺪﻩ ﻭﺭﺟﻠﻪ ... ﻻ ﻓﺪﺩﺩﺩﻭﻩ ﻻﺍ ﺍﻟﻠﻪ ﻳﺨﻠﻴﻚ ﺧﺪﺍﻣﻪ ﺍﻟﻚ ﻭﺍﻻﻫﻠﻚ ﺑﺲ ﻻ ﺗﺤﺮﻣﻨﻲ ﻣﻦ ﻭﻟﺪﻱ ﺍﻧﺘﻲ ﻋﺸﺘﻲ ﻣﻮﺕ ﺑﻨﺘﺞ ﻣﺮﺓ ﻭﺣﺪﻩ ﺍﻧﺪﻓﻨﺖ ﺍﺧﺬﻫﺎ ﺍﻷﺣﺴﻦ ﻣﻨﻲ ﻭﻣﻨﺞ ﺑﺲ ﺍﻧﻲ ﻭﻟﺪﻱ ﻛﻞ ﻳﻮﻡ ﺍﻣﻮﺕ ﺍﻟﻒ ﻣﻮﺗﻪ ﻣﻦ ﻭﺭﺍﻫﻢ ﺍﻟﻜﻞ ﺣﺎﺭﺑﻨﻲ ﺑﻴﻬﻢ ﺟﺎﺳﺮ ﻭﺍﺷﻮﺍﻕ ﻭﺍﻣﻪ ﻭﺣﺎﺭﺑﺖ ﺍﻟﺨﺎﻃﺮﻫﻢ ... ﺻﺪﻛﻴﻨﻲ ﻋﺎﻳﺸﻪ ﺷﻌﻮﺭﺝ ﻭﺍﻟﻠﻪ ﻋﺎﻳﺸﺘﻪ ﺍﺫﺍ ﺍﻧﺘﻲ ﻫﺴﻪ ﺟﺎﺳﺮ ﻳﺮﺍﻋﻲ ﺷﻌﻮﺭﺝ ﺍﻧﻲ ﻭﺍﻟﻠﻪ ﻣﺎ ﺭﺍﻋﻨﻲ ﺍﻧﻲ ﻋﺸﺖ ﺑﺮﻋﺐ ﺍﺧﺎﻑ ﺍﻭﻟﺪ ﻭﻳﺎﺧﺬﻫﻢ ﻣﻨﻲ ﺑﻌﺪ ﻣﺎ ﻫﺪﺩﻧﻲ ﻻ ﺗﻤﺘﺤﻨﻴﺘﻲ ﺑﻬﻴﺞ ﺍﻣﺘﺤﺎﻥ ﺗﺮﺉ ﻭﺍﻟﻠﻪ ﺯﻭﺟﺞ ﺍﻣﺘﺤﻨﻲ ﻣﻦ ﻗﺒﻞ ﻭﻣﺎ ﺍﻧﻄﻴﺘﻬﻢ ﺍﻟﻪ ... ﺑﻠﻌﺖ ﺭﻳﻜﻬﺎ ﺷﺎﻡ ﺑﺤﻴﺮﻩ ﻭﺭﺩﺕ ﻋﻠﻴﻬﺎ ... ﺑﺘﺘﻮﻗﻌﻲ ﺍﻧﺘﻲ ﻟﻮ ﻋﻄﻴﺘﻴﻨﻲ ﻭﺍﺣﺪ ﻣﻦ ﺍﻭﻻﺩﻙ ﺍﻧﺎ ﺑﺮﺗﺎﺡ ؟ ﺭﺟﻔﺖ ﺟﻮﻟﻲ ﻭﺟﺎﻭﺑﺘﻬﺎ ﺑﻠﻬﻔﻪ ﻭﺫﺑﻮﻝ ... ﻻ ﻣﺘﺮﺗﺎﺣﻴﻦ ﻻﻥ ﺭﺍﺡ ﺍﺗﺤﺴﺐ ﻋﻠﻴﺞ ﻟﻴﻞ ﻭﻧﻬﺎﺭ ﺷﻠﻮﻥ ﺍﻟﺞ ﻧﻔﺲ ﺗﺎﺧﺬ ﻃﻔﻞ ﻣﻦ ﺍﻣﻪ ﺍﻟﻀﺮﻳﺮﻩ ﻭﻫﻲ ﻻ ﺣﻮﻝ ﻭﻻ ﻗﻮﻩ ﺭﺩﺕ ﻋﻠﻴﻬﺎ ﺑﺜﻘﻪ ﻭﺍﻟﺪﻣﻮﻉ ﺳﺎﻟﻜﻪ ﻋﻠﺊ ﺧﺪﻫﺎ ... ﻭﺭﺣﻤﺔ ﺑﻨﺘﻲ ﺗﺤﺖ ﺍﻟﺘﺮﺍﺏ ﺍﻧﺘﻲ ﻭ ﻭﻻﺩﻙ ﻭﻫﺪﺍ ﺍﻟﻌﺎﻟﻢ ﻛﻠﻮﻭﻭ ﻣﺎ ﺑﻴﻌﻮﺿﻨﻲ ﻋﻦ ﻏﺰﻝ ﻭﺭﺣﻤﺔ ﻏﺰﻝ ﻭﻋﻴﻮﻧﻪ ﺍﻟﺤﻠﻮﻳﻴﻦ ﻟﻮ ﺑﺘﻌﻄﻴﻨﻲ ﺍﻭﻻﺩﻙ ﺗﻨﻴﻨﻬﻦ ﻣﺎ ﺑﺎﺧﺪﻭﻫﻦ ﺑﺲ ﺍﻧﺎ ﺑﺪﻱ ﺗﺤﺴﻲ ﺑﻮﺟﻌﻲ ﻭﺑﺪﻱ ﺍﻓﻬﻤﻚ ﺷﻮ ﻣﻌﻨﺊ ﺍﻧﻚ ﺗﻔﻘﺪﻱ ﺿﻨﺎﻙ ... ﺟﻮﻟﻴﻴﺖ ﺣﻄﺖ ﺍﻳﺪﻫﺎ ﻋﻠﺊ ﺷﻔﺎﻳﻔﻬﺎ ﺑﻨﺤﻴﺐ ... ﻋﺎﻳﺸﺘﻪ ﻗﺒﻠﺞ ﺻﺪﻛﻴﻨﻲ ﺟﺎﺳﺮ ﺭﺩ ﻋﻠﻴﻬﺎ ﺑﻌﺼﺒﻴﺔ ﺑﻌﺪ ﻣﺎ ﺑﻌﺪ ﻋﻨﻬﺎ ... ﻛﺎﻓﻲ ﺷﺎﻡ ﺑﻌﺪ ﻻ ﺗﺠﻴﻦ ﻫﻨﺎ ﺍﻧﻲ ﻓﻬﻤﺖ ﻭﺷﺮﺣﺘﻠﺢ ﻭﻛﺘﻠﺞ ﻣﺎ ﺗﺠﻴﻦ ﻫﻨﺎ ﻭﻛﻞ ﻭﺣﺪﻩ ﺑﻌﻴﺪﻩ ﻋﻦ ﺍﻟﺜﺎﻧﻴﺔ ﻭﺭﺣﻤﺔ ﻏﺰﻝ ﻭﻋﻴﻮﻧﻪ ﺍﻟﺤﻠﻮﻳﻴﻦ ﻟﻮ ﺑﺘﻌﻄﻴﻨﻲ ﺍﻭﻻﺩﻙ ﺗﻨﻴﻨﻬﻦ ﻣﺎ ﺑﺎﺧﺪﻭﻫﻦ ﺑﺲ ﺍﻧﺎ ﺑﺪﻱ ﺗﺤﺴﻲ ﺑﻮﺟﻌﻲ ﻭﺑﺪﻱ ﺍﻓﻬﻤﻚ ﺷﻮ ﻣﻌﻨﺊ ﺍﻧﻚ ﺗﻔﻘﺪﻱ ﺿﻨﺎﻙ ... ﺟﻮﻟﻴﻴﺖ ﺣﻄﺖ ﺍﻳﺪﻫﺎ ﻋﻠﺊ ﺷﻔﺎﻳﻔﻬﺎ ﺑﻨﺤﻴﺐ ... ﻋﺎﻳﺸﺘﻪ ﻗﺒﻠﺞ ﺻﺪﻛﻴﻨﻲ ﺟﺎﺳﺮ ﺭﺩ ﻋﻠﻴﻬﺎ ﺑﻌﺼﺒﻴﺔ ﺑﻌﺪ ﻣﺎ ﺑﻌﺪ ﻋﻨﻬﺎ ... ﻛﺎﻓﻲ ﺷﺎﻡ ﺑﻌﺪ ﻻ ﺗﺠﻴﻦ ﻫﻨﺎ ﺍﻧﻲ ﻓﻬﻤﺖ ﻭﺷﺮﺣﺘﻠﺢ ﻭﻛﺘﻠﺞ ﻣﺎ ﺗﺠﻴﻦ ﻫﻨﺎ ﻭﻛﻞ ﻭﺣﺪﻩ ﺑﻌﻴﺪﻩ ﻋﻦ ﺍﻟﺜﺎﻧﻴﺔ ﺭﺩﺕ ﺑﺒﺮﻭﺩ ... ﺑﻌﺘﺬﺭ ﻋﻨﺠﺪ ﺑﺲ ﺍﻧﺎ ﻣﺎ ﺑﻌﺮﻑ ﻛﺄﻥ ﻣﻦ ﺷﻔﺖ ﻗﺒﺮﻫﺎ ﻟﻐﺰﻝ ﺗﺠﻴﺸﺖ ﺟﻴﻮﺵ ﺑﺪﺍﺧﻠﻲ ﻭﺑﺘﻄﻠﺐ ﻣﻨﻲ ﺍﻧﺘﻘﻢ ﻟﺒﻨﺘﻲ ﺗﻘﺮﺑﺖ ﻣﻨﻬﺎ ﺭﺿﻴﻪ ﻭﻟﺰﻣﺘﻬﺎ ﺑﺤﻨﺎﻥ ... ﺍﻟﻠﻪ ﻳﺮﺣﻤﻬﺎ ﻳﻤﻪ ﻭﺍﻥ ﺷﺎﺀ ﺍﻟﻠﻪ ﺷﻔﻴﻌﻪ ﺍﻟﺞ ﺑﺎﻟﺠﻨﻪ ﺍﺗﻌﻮﺫﻱ ﻣﻦ ﺍﺑﻠﻴﺲ ﻭﻻ ﺗﺨﻠﻴﻨﻪ ﻳﻠﻌﺐ ﺑﻌﻘﻠﺞ ﺑﻌﺪ ﺍﻣﺞ ... ﺟﺎﺳﺮ ﻣﺴﺢ ﻭﺟﻬﻪ ﺑﺘﻮﺗﺮ ﻣﺤﺘﺎﺭ ﺣﻴﻴﻴﻞ ﻭﻣﺎ ﻳﻌﺮﻑ ﺷﻠﻮﻥ ﻳﺘﺼﺮﻑ ﻭﺍﻟﻠﻪ ﻣﺮﺍﺕ ﺍﻧﻘﻬﺮ ﻋﻠﻴﻪ ﺣﺘﺊ ﻣﻮ ﻣﺜﻞ ﻗﺒﻞ ﺍﺣﺴﻪ ﺗﻐﻴﺮ ﻫﻮﻭﻭﺍﻱ ﻣﺤﺘﺎﺭ ﺑﻴﻦ ﺟﻮﻟﻴﻴﺖ ﻭﺑﻴﻦ ﺷﺎﻡ ... ﺟﻮﻟﻴﺖ ﻭﺣﺰﻧﻬﺎ ﻭﻣﻌﺎﻧﺎﺗﻬﺎ ﻭﺑﻴﻦ ﺷﺎﻡ ﺍﻻﻡ ﺍﻟﻔﺎﻗﺪﻩ ﻭﺍﻟﻤﺎ ﻋﺎﺭﻓﻪ ﺷﻠﻮﻥ ﺗﺘﺼﺮﻑ ... ﻭﺍﺣﻨﻪ ﻣﺎ ﻧﻌﺮﻑ ﺷﻨﻮ ﺷﻌﻮﺭ ﺷﺎﻡ ﻭﻻ ﻧﻌﺮﻑ ﺿﺮﻭﻓﻬﺎ ﻭﻻ ﻧﻌﺮﻑ ﺑﺸﻨﻮ ﺗﻔﻜﺮ ﻭﺷﻨﻮ ﺍﻟﻜﻼﻡ ﺍﻟﻲ ﻭﺍﺻﻞ ﺍﻟﻬﺎ ... ﻟﺰﻣﺘﻬﺎ ﺍﻣﻬﺎ ﻭﺣﻀﻨﺘﻬﺎ ﻛﻠﺘﻠﻪ ﺑﺘﻨﻬﻴﺪﻩ ﻭﺣﻨﺎﻥ ... ﺑﻴﻜﻔﻲ ﻳﺎ ﺑﻨﺘﻲ ﺍﻧﺎ ﻣﻦ ﺍﻟﺒﺪﺍﻳﺔ ﻣﺎ ﺭﺿﻴﺖ ﻋﻠﺊ ﻛﻼﻣﻚ ﻭﺍﺟﻴﺖ ﻣﻌﻚ ﻣﺠﺒﻮﺭﻩ ﺍﻟﻠﻪ ﻳﺮﺣﻤﻬﺎ ﻟﻐﺰﻝ ﻫﺎﺩ ﻧﺼﻴﺒﻬﺎ ﻣﻦ ﺍﻟﺪﻧﻴﺎ ﻭﺍﻥ ﺷﺎﺀ ﺍﻟﻠﻪ ﻣﺤﺪ ﻣﻘﺼﺮ ﻣﻌﻨﺎ ﻭﻛﻤﺎﻥ ﺍﺑﻮﻫﺎ ﻟﻐﺰﻝ ﻣﺎ ﻗﺼﺮ ﻣﻌﻚ ﻭﺍﺧﺪﻙ ﻋﻠﺊ ﻗﺒﺮﻫﺎ ﻭﻛﻤﺎﻥ ﻛﻞ ﻣﺎ ﺑﺪﻙ ﺑﺘﺮﻭﺣﻲ ﻻ ﺗﻌﻤﻠﻲ ﺑﺤﺎﻟﻚ ﻫﻴﻚ ﻳﺮﻭﺣﻲ ﺍﻧﺘﻲ ﻭﺍﻟﻠﻪ ﻋﻢ ﺍﺗﻌﺰﺏ ﻟﻤﺎ ﺑﺸﻮﻓﻚ ﻫﻴﻚ ﻳﺎ ﺑﻨﺘﻲ ﻣﺎ ﺍﻧﺎ ﻛﻤﺎﻥ ﻣﺎﺕ ﺍﺑﻨﻲ ﻭﺍﺑﻮﻛﻲ ﻣﺎ ﺟﺰﻋﺖ ﻣﺘﻠﻚ ﻳﺎ ﺭﻭﺡ ﺍﻣﻚ ﺍﻧﺘﻲ ﺧﻼﺹ ﺳﻠﻤﻲ ﺍﻣﺮﻙ ﻟﺮﺑﻚ ﻭﻻ ﻋﺎﺩ ﺗﻌﻤﻠﻲ ﻫﻴﻚ ﻻﻧﻮ ﻭﺍﻟﻠﻪ ﺍﻧﺎ ﺗﻌﺒﺖ ﻛﺘﻴﻴﺮ ﻭﻛﻤﺎﻥ ﺑﻴﻌﺰ ﻋﻠﻴﻪ ﺑﺸﻮﻓﻚ ﺑﻬﻞ ﺣﺎﻝ ﻭﺑﺴﻜﺖ .. ﻭﻛﻤﺎﻥ ﻳﺎ ﺑﻨﺘﻲ ﻣﺎ ﺑﻴﺼﻴﺮ ﻳﻠﻲ ﻓﻬﻤﺘﻮﺍ ﺍﻥ ﻫﻞ ﺑﻨﺖ ﺗﺎﺭﻛﻪ ﺍﻫﻠﻪ ﺑﺴﺒﺐ ﻣﻮﺕ ﻏﺰﻝ ﻳﻌﻨﻲ ﻫﻲ ﻛﻤﺎﻥ ﻣﺤﺮﻭﻣﻪ ﻣﻦ ﺍﻫﻠﻪ ﻫﺎﺩ ﻋﻘﺎﺏ ﻳﺎ ﺑﻨﺘﻲ ﻭﻗﺎﺳﻲ ﻛﻤﺎﻥ ﻻ ﺗﻨﺴﻲ ﺭﺑﻚ ﺍﻧﻲ ﻣﺎ ﺭﺑﻴﺘﻚ ﻋﻠﺊ ﻫﻴﻴﻚ ﻭﻻ ﺣﺘﺊ ﺍﺑﻮﻛﻲ ﻻ ﺗﺰﻋﻠﻴﻨﻲ ﻣﻨﻚ ﻳﺎ ﺍﻣﻲ ﺍﻧﺘﻲ ﺣﻀﻨﺖ ﺍﻣﻬﺎ ﻭﻫﻲ ﺗﺒﺠﻲ ... ﺍﻣﻲ ﻭﺍﻟﻠﻪ ﻣﺎ ﺑﻌﺮﻑ ﺍﻫﺪﺉ ﻣﻮ ﺑﻴﺪﻱ ﻣﻮ ﺑﻴﺪﻱ ﺣﺴﻲ ﻓﻴﻨﻲ ﺩﺧﻴﻴﻠﻚ ﻭﺍﻟﻠﻪ ﻋﻢ ﻣﻮﻭﺕ ﺑﺎﻟﺤﻈﺎﺕ ﺑﺪﻱ ﺍﻗﺘﻞ ﺣﺎﻟﻲ ... ﺍﻧﺎ ﻣﺎ ﺑﻘﺊ ﺣﺪﺍ ﺍﻟﻲ ﻫﻮﻭﻭﻥ ﻭﻣﻦ ﻛﺘﺮ ﻣﺎ ﺍﺑﻜﻲ ﻭﻧﻮﻭﺡ ﺻﺎﺭ ﺍﻟﻜﻞ ﺑﻴﻜﺮﻫﻨﻲ ﺃﻣﻬﺎ ﺑﺎﻭﻋﺖ ﺍﻟﺠﺎﺳﺮ ﺑﻨﻈﺮﻩ ﺍﺳﺘﻌﻄﺎﻑ ﻭﺗﺮﻳﺪﻩ ﻳﺮﺿﻴﻬﺎ ﺟﺎﺳﺮ ﺟﺮ ﻧﻔﺲ ﻭﺳﺤﺐ ﺍﻳﺪﻫﺎ ﻛﻠﻬﺎ ... ﻻ ﻟﻴﺶ ﻫﻴﺞ ﺗﺤﺠﻴﻦ ﻣﺤﺪ ﻳﻜﺮﻫﺞ ﻭﺍﻧﻲ ﺍﻟﺞ ﻭﻋﺪﺗﺞ ﻣﺎ ﺍﺧﻠﻴﺞ ﺗﺤﺘﺎﺟﻴﻦ ﺷﺊ ... ﻣﺴﺤﺖ ﺩﻣﻮﻋﻬﺎ ﻭﺭﺟﻌﺖ ﻭﻛﻔﺖ ﺑﺜﺒﺎﺕ ... ﻳﻜﺘﺮ ﺧﻴﻴﺮﻙ ﻭﺍﻧﺎ ﻛﻤﺎﻥ ﺑﺪﻱ ﺍﻋﺘﻤﺪ ﻋﻨﻔﺴﻲ ﻭﺑﺪﻱ ﺷﻐﻞ ﻫﻮﻥ ﻻﻧﻮ ﻣﺎ ﺑﺪﻱ ... ﺭﺩ ﻋﻠﻴﻪ ﺑﺘﻨﻬﻴﺪﻩ .. ﻋﻮﻓﻲ ﺍﻟﺸﻐﻞ ﻫﺴﻪ ﺷﺎﻡ ﺑﻌﺪﻳﻦ ﻧﺘﻔﺎﻫﻢ ﺑﻠﻌﺖ ﺭﻳﻜﻬﺎ ﻭﺭﺩﺕ ﻋﻠﻴﻪ ﺑﺒﺮﻭﺩ ... ﺍﻫﺎﺍﺍ ﺑﻨﺘﻔﺎﻫﻢ ﺑﻌﺪﻳﻦ ﻭﺍﻧﺎ ﻫﻼ ﺑﺪﻱ ﺭﻭﻭﺡ ... ﺭﺩ ﻋﻠﻴﻬﺎ ﺍﻧﻲ ﺍﻭﺻﻠﺠﻦ ... ﺍﺧﺬﻫﻦ ﺑﻌﺪ ﻣﺎ ﺍﺧﺬ ﺍﻟﺴﻮﻳﺞ ﻭﺭﺍﺡ .... ﺍﻧﻲ ﺍﻧﻘﻬﺮﺕ ﻋﻠﺊ ﺟﻮﻟﻲ ﺧﻄﻴﻪ ﺟﺎﻧﺖ ﻭﺍﻛﻔﻪ ﻫﻤﺴﺖ ﺑﺼﻮﺕ ﺣﺰﻳﻦ ... ﺭﺍﺣﻮﻭﻭ ... ﺳﺤﺒﺖ ﺍﻳﺪﻫﺎ ﻭﻛﻌﺪﺗﻬﺎ ﻫﻤﺴﺖ .. ﺍﻱ ﺣﺒﻴﺒﺘﻲ ﺭﺍﺣﻮﻭﻭ ﺭﺍﺡ ﺟﺎﺳﺮ ﻳﻮﺻﻠﻬﺎ ... ﺗﻨﻬﺪﺕ ﺑﻀﻴﻖ ﻭﺛﺒﺘﺖ ﻧﻔﺴﻬﺎ ﻭﻛﺎﻥ ﺗﺼﺒﺮ ﻧﻔﺴﻬﺎ ﻛﺎﻟﺖ ﺑﻬﺪﻭﺀ . ﻣﺎﻣﺎ ﺭﺿﺎﻭﻱ ﺗﻌﺎﻝ ﺍﺧﺬﻧﻲ ﺍﺭﻳﺪ ﺍﻧﺎﻡ ﺻﺎﺡ ﺑﻴﻬﺎ ﺑﻌﺼﺒﻴﺔ ... ﻫﻲ ﺗﻨﻴﻪ ﺗﻠﻪ ﻧﺎﻳﻤﻪ ﻧﺎﻳﻤﻪ ﻣﺎ ﺩﻋﺪﻳﻦ .. ﺍﺑﺠﻴﻦ ﺍﻧﺎﻣﻴﻦ ﺍﺑﺠﻴﻦ ﻧﺎﻣﻴﻦ ﺗﻨﻮﻭ ﺍﻧﺘﻲ ﻋﻨﻮﻧﻪ ... « ﻫﻲ ﺷﻨﻴﻪ ﻛﻠﻪ ﻧﺎﻳﻤﻪ ﻧﺎﻳﻤﻪ ﻣﺎ ﺩﻛﻌﺪﻳﻦ .. ﺗﺒﺠﻴﻦ ﻭﺗﻨﺎﻣﻴﻦ ﺷﻨﻮ ﺍﻧﺘﻲ ﺻﻐﻴﺮﻭﻧﻪ » ﺗﺮﻛﺘﻪ ﻳﺤﺠﻲ ﻣﺘﻀﺎﻳﻘﻪ ﻣﻦ ﻛﻼﻣﻪ ﻣﺸﺖ ﺧﻄﻮﺗﻴﻦ ﻭﻫﻲ ﺗﺘﻠﻤﺲ ﺑﻴﺪﻫﺎ ﻭﻟﺰﻣﻬﺎ ﻣﺠﺘﺒﺊ ﺑﻌﺪ ﻣﺎ ﺭﻛﺾ ﻋﻠﻴﻬﺎ ... ﺍﻧﻲ ﺍﺣﺪﺝ ﻣﺎﻣﺎ ﻫﺪﺍ ﺭﻭﻃﻲ ﺣﺎﻳﺲ « ﺍﻧﻲ ﺍﺧﺬﺝ ﻣﺎﻣﺎ ﻫﺬﺍ ﺭﻭﺿﻲ ﺧﺎﻳﺲ » ﻋﺎﺩ ﻣﺮﺗﻀﺊ ﺗﺨﺒﻞ ﺷﻠﻮﻥ ﻳﻐﻠﻂ ﻋﻠﻴﻪ ﺭﻛﺾ ﻋﻠﻴﻪ ﻭﻣﻠﺨﻪ ﻣﻦ ﺷﻌﺮﻩ ﻭﺧﻼﻩ ﻳﺼﺮﺥ ﻭﺻﺎﺭﺕ ﺑﻴﻨﻬﻢ ﻋﺮﻛﻪ ﻭﺍﻧﻲ ﺍﻓﺎﺭﻍ ﺑﺎﻟﻨﺺ ﺟﻮﻟﻲ ﺍﺑﺘﺴﻤﺖ ﺑﺤﺰﻥ ... ﻫﻬﻬﻪ ﺗﺮﻳﺪ ﻭﺍﺣﺪ ﻣﻨﻬﻢ ﺣﺘﺊ ﻳﻄﻠﻌﻮﻥ ﺍﻟﻬﺎ ﻛﺮﺭﺭﻭﻥ ﻟﺰﻣﻮﻫﺎ ﻭﺍﺣﺪ ﻣﻨﻬﺎ ﻭ ﻭﺍﺣﺪ ﻣﻨﻬﺎ ﻭﻫﻢ ﻳﺨﻨﺰﺭﻭﻥ ﻭﺍﺣﺪ ﻋﻠﺊ ﺍﻟﺜﺎﻧﻲ ﻭﻛﻞ ﺷﻮﻳﻪ ﻭ ﻭﺍﺣﺪ ﺗﻔﻞ ﻋﻠﺊ ﺍﻟﺜﺎﻧﻲ ... ﺍﻧﻲ ﻫﺰﻳﺖ ﺍﻳﺪﻱ ﻳﺎﻟﻠﻪ ﺷﻜﺪ ﻭﻛﺤﻴﻦ ﺫﻭﻭﻝ ﺍﻧﻮﺏ ﻫﻢ ﺷﻌﺮﻫﻦ ﻃﻮﻭﻭﻳﻞ ﻭﺍﺷﻜﺮ ﻭﻣﻦ ﻭﺍﺣﺪ ﻳﻨﺎﻡ ﻳﺸﻌﺮ ﺍﻟﺜﺎﻧﻲ ﺑﻌﺪ ﺷﻴﻔﻜﻪ ﺍﺑﺘﺴﻤﺖ ﺑﺤﺰﻥ ﺟﺎﻥ ﺟﺎﺑﺮ ﺩﺍﺋﻤﺎ ﻳﻜﻮﻟﻲ ... ﻛﻮﻥ ﺗﺨﻠﻔﻴﻠﻲ ﻃﻔﻞ ﻳﺸﺒﻪ ﺟﻬﺎﻝ ﺟﺎﺳﺮ ﻫﻴﺞ ﺣﻠﻮﻳﻦ ... ﺍﻭﻭﻭﻑ ﻳﺎ ﺟﺎﺑﺮ ﺍﺑﺪ ﻣﺎ ﺣﻦ ﺍﻟﻴﻪ ﻭﺍﻧﻮﺏ ﺑﻌﺪ ﻣﻦ ﺿﺮﺑﻪ ﺟﺎﺳﺮ ﺍﻟﻤﺸﻜﻠﻪ ﺣﻴﻴﻞ ﺗﻌﻘﺪﺕ ﻟﻸﺳﻒ ﺭﺟﻌﺖ ﺍﺑﺘﺴﻤﺖ ﻣﻦ ﺗﺬﻛﺮﺕ ﺧﺎﻟﺘﻲ ﺻﺒﺮﻳﻪ ﺩﻛﻮﻝ ﻛﻨﻮﺵ ﺑﻜﺪ ﺟﺎﺑﺮ ﻫﻬﻬﻬﻪ ﻭﻳﻦ ﺍﻛﻮ ﻣﻄﻲ ﺛﻼﺛﻴﻨﻲ ﻭﺍﻟﻠﻪ ﻳﺎ ﺧﺎﻟﺘﻲ ﺻﺒﺮﻳﻪ ﻛﻮﻥ ﺍﺧﺎﺑﺮ ﺟﺎﺑﺮ ﻭﺍﻛﻮﻟﻪ ﺻﺪﻙ ﺍﻧﺖ ﻭ ﻛﻨﻮﺵ ﺻﺎﻳﺮ ﻧﻔﺲ ﺍﻟﺴﻨﻪ ؟ ﻫﻬﻬﻬﻬﻪ ﻭﺍﻟﻠﻪ ﻳﺎ ﺧﺎﻟﺘﻲ ﺻﺒﺮﻳﺔ ﺻﺪﻙ ﺗﻀﺤﻚ ﻭﺗﻮﻧﺲ .... ﻓﺘﺤﺖ ﻣﻮﺑﺎﻳﻠﻲ ﻭﺩﺧﻠﺖ ﻋﻠﺊ ﺣﺴﺎﺏ ﺟﺎﺑﺮ ﺗﻨﻬﺪﺕ ﺑﺤﺰﻥ ﻋﻤﻴﻖ ﻳﺎﻟﻠﻪ ﻭﺍﻟﻠﻪ ﻋﺒﺎﻟﻚ ﻣﻬﺠﺮﻩ ﺻﺢ ﺍﺧﻮﻳﻪ ﻣﻤﻘﺼﺮ ﻭﻳﺎﻳﻪ ﺑﺲ ﻣﻮ ﻣﺜﻞ ﻏﺮﻓﺘﻲ ﻭﺑﻴﺖ ﺯﻭﺟﻲ ... ﺍﺣﺲ ﻫﻨﺎ ﻋﺒﺎﻟﻚ ﺧﻄﺎﺭ ﻭﺍﻟﻠﻪ ﻭﺭﻏﻢ ﻣﺤﺪ ﻣﻘﺼﺮ ﻭﻳﺎﻳﻪ ﻭﻻ ﺍﺣﺪ ﻣﺎﺫﻳﻨﻲ ﺑﺲ ﺍﻧﻲ ﺩﺍ ﺍﺗﺤﺴﺲ ... ..................... .. ﺭﻳﻬﺎﻡ ... ﺟﻨﺖ ﺣﻴﻴﻞ ﺯﻋﻼﻧﻪ ﻣﻦ ﺻﻼﺡ ﻭﻫﻮ ﻣﺎ ﻛﻠﻒ ﺧﺎﻃﺮﻩ ﻭﺭﺍﺿﺎﻧﻲ ﺭﻏﻢ ﺻﺎﺡ ﺑﻮﺟﻬﻲ ﻭ ﺭﺯﻟﻨﻲ ﻭﻏﻠﻂ ﻋﻠﺊ ﺍﺧﻮﻳﻪ ﻭﺍﻧﻲ ﻻ ﺑﻴﻬﺎ ﻭﻻ ﻋﻠﻴﻬﺎ ﻭﺣﺘﺊ ﻣﻦ ﺍﺣﺠﻲ ﺍﺣﺠﻲ ﺑﻬﺪﻭﺀ ﻭﺍﻟﻠﻪ ﺗﻌﺠﺒﺖ ﻣﻌﻘﻮﻟﻪ ﻫﺬﺍ ﺻﻼﺡ ﻣﻌﻘﻮﻟﻪ ﺍﻟﻲ ﺟﺎﻥ ﻳﺪﻭﺭ ﺭﺿﺎﻱ ﻭﻳﺪﻭﺭ ﺣﺒﻲ ﻋﻮﺩ ﻫﻮ ﺻﻼﺡ ﺍﺣﺴﻦ ﻭﺍﺣﺪ ﺑﻴﻬﻢ ﻭﻳﺤﺘﺮﻡ ﻭﻳﻘﺪﺭ ﺑﺲ ﻃﻠﻌﻮﺍ ﻛﻠﻬﻢ ﻧﻔﺲ ﺍﻟﺸﺊ ﻭﻃﻠﻊ ﺟﻌﻔﺮ ﺍﺣﺴﻦ ﻣﻨﻬﻢ ﻛﻠﻬﻢ ... ﻫﻮ ﺍﺟﻪ ﺩﺧﻞ ﺑﺎﻭﻋﻠﻲ ﻭﺟﺮ ﻧﻔﺲ ﺍﻧﻲ ﺟﻨﺖ ﺩﺍ ﺍﻗﺮﻩ ﻋﻨﺪﻱ ﺍﻣﺘﺤﺎﻥ ﻣﺎ ﺍﻫﺘﻤﻴﺖ ﺍﻟﻪ ﻋﻔﺘﻪ ﺍﻟﻮﺣﺪﻩ ﺑﺲ ﻣﻦ ﺷﻔﺖ ﺑﺮﻭﺩﻩ ﻭﺭﺩﺓ ﻓﻌﻠﺔ ﺍﻧﻘﻬﺮﺕ ﻫﻤﺴﺖ ﺑﻬﺪﻭﺀ ... ﺍﻣﻤﻢ ﺻﻼﺡ ؟ ﺟﺮ ﻧﻔﺲ ... ﻫﺎﺍﺍ ﺭﻳﻬﺎﻡ ﺍﺑﺘﺴﻤﺖ ﺑﻔﺸﻠﻪ .. ﺍﺀﺀ ﺍﺭﻳﺪ ﺍﺭﻭﺡ ﺍﻻﻫﻠﻲ ﺑﺎﻭﻋﻠﻲ ﻭﻋﻘﺪ ﺣﻮﺍﺟﺒﻪ ... ﻟﻴﺶ ﺷﻜﻮﻭ ﻋﻠﺊ ﺷﻨﻮ ﺭﺍﻳﺤﺘﻠﻬﻢ ﻟﻴﻜﻮﻥ ﺍﻧﺰﻋﺠﺘﻲ ﻣﻦ ﻛﻼﻣﻲ ﻟﻮ ﺯﻋﻼﻧﻪ ﻻﻥ ﺣﺠﻴﺖ ﻋﻦ ﺟﺎﺑﺮ ﺗﺮﺉ ﺟﺎﺑﺮ ﻏﻠﻄﺎﻥ ﺟﺎﻭﺑﺘﻪ ﺑﻬﺪﻭﺀ ... ﻻ ﺑﺲ ﻫﻴﺞ ﺍﺭﻳﺪ ﺍﺭﻭﺡ ﺍﻻﻫﻠﻲ ﻳﻌﻨﻲ ﻣﻮ ﺍﻟﻪ ﺯﻋﻼﻧﻪ ﻭﺑﻌﺪﻳﻦ ﻛﺎﻓﻲ ﺻﻼﺡ ﺍﻧﺖ ﺗﻤﺎﺩﻳﺖ ﻫﻮﺍﻳﻪ ﺍﻧﺘﻢ ﻭﻟﺪ ﻋﻤﻲ ﻣﻬﻴﻮﺏ ﻋﻠﻴﻜﻢ ﺣﻼﻝ ﻭﻋﻠﺊ ﺍﻟﻨﺎﺱ ﺣﺮﺍﻡ ﻫﻮ ﻭ ﺯﻭﺟﺘﻪ ﺷﻜﻮ ﺗﺤﺠﻲ ﻭﺗﺘﺪﺧﻞ ﺗﺮﺉ ﺻﻼﺡ ﺍﻧﺖ ﻣﺼﺨﺘﻬﺎ ﻭﺗﺠﺎﻭﺯﺕ ﻫﻮﺍﻳﻪ ﻭﺍﻧﻲ ﺳﻜﺘﺖ ﺍﻛﻮﻝ ﻣﺎ ﺍﺭﻳﺪ ﺃﺷﻌﻞ ﺍﻟﻔﺘﻨﻪ ... ﺭﻓﻊ ﺣﺎﺟﺐ ﺑﻐﺮﻭﺭ ... ﻻ ﺻﺪﻙ ﻳﻌﻨﻲ ﻫﺴﻪ ﺍﺣﻨﻪ ﻃﻠﻌﻨﻪ ﻣﻮ ﺍﻭﺍﺩﻡ ﺑﺲ ﺍﻧﺘﻢ ﺑﻴﺖ ﻋﻜﺎﺏ ﺍﻻﻭﺍﺩﻡ ﻭﻋﻠﺊ ﺭﺍﺳﻜﻢ ﺭﻳﺸﻪ ... ﻭﻛﻔﺖ ﺑﺘﻌﺐ ... ﺻﻼﺡ ﺍﻧﺖ ﻟﻴﺶ ﻣﺪﺍ ﺗﻔﻬﻤﻨﻲ ﺗﺮﺉ ﺍﻧﺘﻢ ﻛﺒﺮﺗﻮﻫﺎ ﻭﺍﻟﻠﻪ ﺩﺗﺨﻠﻴﻨﻲ ﺍﻧﺪﻡ ﺍﻥ ﺍﻧﻲ ﺗﺰﻭﺟﺘﻚ ﻟﺰﻡ ﺍﻳﺪﻱ ﺑﺤﺪﻩ ﻭﻋﺼﺒﻴﺔ ﻭﻟﻮﺍﻫﺎ ﺣﻴﻴﻞ ... ﺷﻨﻮﻭﻭ ﺍﻧﺪﻡ ﺷﻨﻮ ﻫﻞ ﻛﻼﻡ ﺛﻤﻨﻲ ﻛﻼﻣﺞ ﺍﻧﺘﻲ ﺷﻮ ﻣﺎ ﺗﻌﺮﻓﻴﻦ ﺗﺤﺠﻴﻦ ﻭﺗﺘﺠﺎﻭﺯﻳﻦ ﻫﻮﻭﺍﻱ ... ﺣﺎﻭﻟﺖ ﺍﺛﺒﺖ ﻣﻮﻗﻔﻲ ﺑﺲ ﻣﺎ ﻛﺪﺭﺕ ﺍﻫﺘﺰﻳﺖ ... ﻫﻞ ﺯﻭﺍﺝ ﻣﻦ ﺍﺳﺎﺳﻪ ﻏﻠﻂ ﻳﻌﻨﻲ ﺯﻋﻠﺖ ﻭﻗﺎﺭ ﺍﻧﻲ ﻣﺤﺎﺭﺑﻨﻲ ﻋﻠﺊ ﺷﻨﻮ ﺷﺪﺧﻠﻨﻲ ﺍﻧﻲ ﻛﺎﻳﻠﻪ ﻻﺧﺘﻚ ﺗﻌﺎﺭﻙ ﺍﺧﻮﻳﻪ ﻳﻌﻨﻲ ﺍﺧﺘﻚ ﻣﺘﻐﻠﻂ ﺑﺲ ﺍﺧﻮﻳﻪ ﻳﻐﻠﻂ ﺷﺪﻋﻮﻩ ﻋﻠﻴﻜﻢ ﻭﺍﻧﺖ ﺷﻜﻮ ﻫﻠﻜﺪ ﻣﻜﺒﺮ ﺍﻻﻣﻮﺭ ﺭﺩ ﻋﻠﻴﻪ ﺑﻘﻬﺮ ... ﻻ ﻣﻜﺒﺮ ﻭﻻ ﺷﺊ ﺑﺲ ﺍﻧﺘﻲ ﻣﻮ ﺣﻘﺎﻧﻴﺔ ﻭﺗﺪﺍﻓﻌﻴﻦ ﻻﺧﻮﺝ ﻭﻫﻮ ﻏﻠﻄﺎﻥ ﺑﻠﻠﺖ ﺷﻔﺎﻳﻔﻲ ﺑﻘﻬﺮ ... ﻻ ﻭﺍﻟﻠﻪ ﺍﻧﺖ ﺍﻟﻲ ﻣﻮ ﺣﻘﺎﻧﻲ ﻭﺍﻧﺖ ﺍﻟﻲ ﺗﺜﻴﺮ ﺍﻟﻔﺘﻨﻪ ﻫﺴﻪ ﺍﺧﺘﻚ ﺍﻧﻀﺮﺑﺖ ﺍﻧﻘﺎﻣﺖ ﺍﻟﻘﻴﺎﻣﻪ .. ﺍﺧﺘﻚ ﻗﻠﻠﺖ ﺍﺩﺏ ﻭﻳﻪ ﺍﺧﻮﻳﻪ ﺿﺮﺑﻬﺎ ﻭﻫﺬﺍ ﻛﻞ ﺍﻟﻲ ﺻﺎﺭ ﻟﺰﻣﻨﻲ ﻣﻦ ﺷﻌﺮﻱ ﺣﻴﻴﻞ ... ﺍﻧﺠﺒﻲ ﻟﺞ ﺷﻨﻮ ﻗﻠﻠﺖ ﺍﺩﺏ ﺷﻨﻮ ﺍﺧﺘﻲ ﻗﻠﻴﻠﺔ ﺍﺩﺏ ﺷﻮ ﺍﻧﺘﻲ ﻣﺎ ﺗﻌﺮﻓﻴﻦ ﺷﻠﻮﻥ ﺗﺤﺠﻴﻦ ﺭﻓﻌﺖ ﺭﺍﺳﻲ ﺍﻟﻪ ﺑﻐﻀﺐ ﻭﻧﺤﻴﺐ ... ﻋﻠﺊ ﺍﺳﺎﺱ ﺍﻧﺖ ﺍﻟﺘﻌﺮﻑ ﺗﺤﺠﻲ ... ﻣﺎ ﺍﺷﻮﻭﻭﻑ ﺍﻟﻪ ﺟﺎﺑﻨﻲ ﺑﺮﺍﺷﺪﻱ ﺧﻼﻧﻲ ﺍﺭﺗﺪﻳﺖ ﻭﺍﻫﺘﺰﻳﺖ ﻣﻦ ﻣﻜﺎﻧﻲ .. ﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﻭﺍﻧﻲ ﻣﺼﺪﻭﻭﻣﻪ ﻭﺍﺑﺎﻭﻋﻠﻪ ﻓﺎﺗﺤﻪ ﻋﻴﻮﻧﻲ ﻋﻠﺊ ﻭﺳﻌﻬﻦ ﻭﺍﺗﻨﻔﺲ ﺑﺮﺟﻔﻪ ﺣﺴﻴﺖ ﺍﻟﻬﻮﺍ ﺍﻧﻜﻄﻊ ... ﺭﻏﻢ ﺍﺣﺲ ﺟﻤﺮ ﺑﺪﺍﺧﻞ ﺧﺪﻱ ﺑﺲ ﻣﻮ ﻣﺜﻞ ﺍﻟﻨﺎﺭ ﻭﺳﻌﻴﺮﻫﺎ ﺍﻟﻲ ﺑﺼﺪﺭﻱ ﻣﻌﻘﻮﻭﻭﻟﻪ ﺻﻼﺡ ﻳﻀﺮﺑﻨﻲ ﻭﺍﻟﻠﻪ ﻣﺎ ﺍﺻﺪﻙ ... ﺣﻄﻴﺖ ﺍﻳﺪﻱ ﻋﻠﺊ ﺧﺸﻤﻲ ﻭﺍﻧﻲ ﺍﺷﻮﻑ ﺳﻴﻼﻥ ﺍﻟﺪﻡ ﺍﻟﻲ ﻧﺰﻝ ﻋﻠﺊ ﺷﻔﺎﻳﻔﻲ ﻫﻮ ﻣﻦ ﺷﺎﻓﻨﻲ ﺗﺨﺒﻞ ﻭﺍﻧﺼﺪﻡ ﻣﻦ ﺗﺼﺮﻓﻪ ﺭﻛﺾ ﻋﻠﻴﻪ ﺑﺘﻤﻠﻚ ﻭﻟﻬﻔﻪ ﻭﺣﻀﻨﻲ ... ﺭﻳﻬﺎﺍﺍﻡ ﺭﻳﻬﺎﻡ ﻭﺍﻟﻠﻪ ﻣﻮ ﻗﺼﺪﻱ ﺍﺿﺮﺑﺞ ﺣﺒﻴﺒﺘﻲ ﻭﺍﻟﻠﻪ ﻣﺎ ﺍﺩﺭﻱ ﺷﻠﻮﻥ ﻣﺪﻳﺖ ﺍﻳﺪﻱ ﻋﻠﻴﺞ ﺩﻓﻌﺘﻪ ﺑﻐﻀﺐ ﻭﺍﻟﺪﻣﻮﻉ ﺗﺤﺠﺮﺕ ﺑﻤﺤﺎﺟﺮ ﻋﻴﻮﻧﻲ ﺑﻠﻌﺖ ﺭﻳﻜﻲ ﺑﻐﺼﻪ ﺟﺎﻥ ﻳﺮﻳﺪ ﻳﻠﺰﻡ ﺍﺩﻳﻪ ﻭﺍﻧﻲ ﺍﺑﻌﺪ ﺑﻨﻔﺴﻲ ﺑﺴﺮﻋﻪ ﻭﻣﺎ ﻧﻄﻘﺖ ﻭﻳﺎﻩ ﻭﻻ ﻛﻠﻤﻪ .. ﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺖ ﻣﻼﺑﺴﻲ ﻫﻮ ﺳﺤﺐ ﺍﻟﻤﻼﺑﺲ ﻭﺑﺎﻭﻋﻠﻲ ﺑﻐﻀﺐ ... ﺭﻳﻬﺎﻡ ﺷﺠﺎﻱ ﺗﺴﻮﻭﻭﻳﻦ ﺍﻧﺘﻲ ﺷﺴﻮﻭﻳﻦ ﺗﺮﺩﻳﻦ ﺗﺮﺣﻴﻦ ﻻﻫﻠﺞ ﺍﺑﺘﺴﻤﺖ ﺑﺴﺨﺮﻳﻪ ... ﻟﻴﺶ ﻣﺴﺘﻐﺮﺏ ﺫﺍﻙ ﺍﻟﻴﻮﻡ ﺩﻛﻮﻝ ﺍﻟﺒﺎﺏ ﻳﻮﺳﻊ ﺟﻤﻞ ﻟﻴﺶ ﺗﻨﺎﻗﺾ ﻧﻔﺴﻚ ﻟﺰﻡ ﺍﺩﻳﻪ ﺑﺤﺰﻥ ﻭﺍﺑﺎﻭﻋﻠﻪ ﻳﺮﺟﻒ ... ﺭﻳﻬﺎﻡ ﻻ ﺗﺴﻮﻭﻳﻦ ﻫﻴﻴﺞ ﺭﻳﻬﺎﻡ ﻭﺍﻟﻠﻪ ﻣﺎ ﺍﻛﺪﺭ ﺑﺪﻭﻧﺞ ﺍﻧﻲ ﺣﺠﻴﺖ ﺑﺪﻭﻥ ﻭﻋﻲ ﺍﻧﺘﻲ ﻣﺎ ﺗﻌﺮﻓﻴﻦ ﺍﻟﻀﻐﻂ ﻋﻠﻴﻪ ﺍﻧﺘﻲ ﻣﺎ ﺗﻌﺮﻓﻴﻦ ﺍﺑﺘﺴﻤﺖ ... ﺷﻜﻮﻭ ﻃﻠﺒﻮ ﻣﻨﻚ ﺍﺫﺍ ﻭﻗﺎﺭ ﺗﺘﻄﻠﻚ ﺍﻧﺖ ﺗﻄﻠﻜﻨﻲ ﻣﻮ ﻫﻴﺞ ﻛﺼﻪ ﺑﻜﺼﻪ ﻣﻮﻭ ﻟﺰﻡ ﺍﺩﻳﻪ ﺑﺤﺰﻥ ... ﻻ ﻣﻮ ﻫﻴﻴﺞ ﺑﺲ ﺟﺎﺑﺮ ﺟﺎﻱ ﻳﻄﻌﻦ ﺑﺎﺧﺘﻲ ﻭﻳﺬﺏ ﻋﻠﻴﻬﺎ ﺗﻬﺎﻳﻢ ﻭﻳﻄﻌﻦ ﺑﻌﺮﺿﻬﺎ ﻭﺍﻧﻲ ﺣﺎﻓﻆ ﻋﺮﺿﻪ ﺩﻓﻌﺖ ﺍﻳﺪﻩ ﻭﺍﻧﻲ ﻣﺼﺒﺮﻩ ﺭﻭﺣﻲ ﻣﺎ ﺍﺑﺠﻲ ﺑﺲ،ﺩﻣﻮﻋﻲ ﻧﺰﻟﺖ ﻏﺼﺒﺎ ﻋﻨﻲ ... ﺍﻧﻲ ﻣﺤﻔﻮﻇﻪ ﻗﺒﻞ ﻻ ﺗﺤﻔﻆ ﻋﺮﺿﻪ ﻟﺠﺎﺑﺮ ﻳﺎ ﺻﻼﺡ ﻭﺍﺧﺬﻧﻲ ﺍﻻﻫﻠﻲ ﻫﻞ ﺭﺍﺷﺪﻱ ﺍﻟﻀﺮﺑﺘﻨﻴﺎﻩ ﺍﻧﻲ ﻣﺎ ﺍﺳﺘﺎﻫﻠﻪ ... ﺍﺣﺘﻀﻦ ﻭﺟﻬﻲ ﺑﺎﺩﻳﻪ ﻭﺑﻠﻊ ﺭﻳﻜﻪ ﺑﻐﺼﻪ ﺭﺍﺩ ﻳﺒﻮﺳﻨﻲ ﺩﻓﻌﺘﻪ ﻭ ﻭﻛﻔﺖ ﻏﻤﻀﺖ ﻋﻴﻮﻧﻲ ﻭﻛﻠﺒﻲ،ﻳﺨﻔﻖ ﺑﺸﺪﻩ ... ﺻﻼﺡ ﺻﺪﻛﻨﻲ ﺍﺫﺍ ﺿﻠﻴﺖ ﻫﻨﺎ ﺍﻣﻮﻭﺕ ﺧﻠﻴﻨﻲ ﺍﺭﻭﺡ ﻻﻫﻠﻲ ﻭﺻﺪﻛﻨﻲ ﻣﺮﺍﺡ ﺍﺣﺠﻲ ﺷﺊ ... ﺗﻨﻔﺲ ﺑﻀﻴﻖ ... ﺭﻳﻬﺎﻡ ﻭﺍﻟﻠﻪ ﻣﺎ ﺍﻛﺪﺭ ﺍﻋﻴﺶ ﻣﻦ ﺩﻭﻧﺞ ﻭﺍﻟﻠﻪ ﻫﺎﻱ ﺍﻳﺪﻱ ﺍﻟﻲ ﺍﻧﻤﺪﺕ ﻋﻠﻴﺞ ﺍﺣﺮﻛﻬﺎ ﺻﺪﻛﻴﻨﻲ ﺍﺫﺍ ﺗﺮﺩﻳﻦ ﺑﺲ ﻻ ﺗﺰﻋﻠﻴﻦ ﻣﻨﻲ ﻟﺰﻣﺖ ﺍﻳﺪﻩ ﺑﺘﻮﺳﻞ ... ﻋﻔﻴﻪ ﺻﻼﺡ ﺍﺧﺬﻧﻲ ﻻﻫﻠﻲ ﻋﻔﻴﻪ ﺧﻠﻴﻨﻲ ﺍﺭﺗﺎﺡ ﺷﻮﻳﻪ ﺑﺪﺍﻋﺔ ﺍﺑﻮﻭﻙ ... ﻣﺎ ﻗﺒﻞ ﻳﺎﺧﺬﻧﻲ ﻭﺍﻧﻲ ﻣﻦ ﺍﻟﻘﻬﺮ ﻛﻞ ﺷﻮﻳﻪ ﻭﻧﺰﻑ ﺧﺸﻤﻲ ﺩﻡ ﻭﻫﻮ ﻣﻦ ﺷﺎﻓﻨﻲ ﻫﻴﻴﺞ ﺍﻧﻘﻬﺮ ﻋﻠﻴﻪ ﻓﺎﺧﺬﻧﻲ ﺑﺲ ﺍﺧﺬ ﺍﻟﻄﺮﻳﻖ ﻛﻠﻪ ﻳﺘﻮﺳﻞ ﺑﻴﻪ ﻭﻛﻞ ﺷﻮﻳﻪ ﻭﺑﺎﺱ ﺍﻳﺪﻱ ... ﺑﺲ ﺍﻧﻲ ﻛﻠﺒﻲ ﻣﺠﺮﻭﺡ ﻣﻨﻪ ﻣﺎ ﻣﺘﻌﻮﺩﻩ ﻋﻠﺊ ﻫﻞ ﺍﺳﻠﻮﺏ ﻭﻻ ﻣﺘﻌﻮﺩﻩ ﺍﺣﺪ ﻳﻀﺮﺑﻨﻲ ﺍﻟﻠﻪ ﻳﺴﺎﻋﺪ ﺟﻮﻟﻴﻴﺖ ﺟﺎﻧﺖ ﺷﺎﺑﻌﻪ ﻣﻦ ﺟﺎﺳﺮ ﺿﺮﺏ ﻭﻣﺘﺤﻤﻠﻪ ﺍﻟﻠﻪ ﻻ ﻳﺨﻠﻴﻨﻲ ﺑﻤﻜﺎﻧﻬﺎ ... ﻭﺍﻟﻠﻪ ﺯﻳﻦ ﻭﺻﺒﺮﺕ ﻭﺗﺤﻤﻠﺖ ﻫﺴﻪ ﺍﻧﻲ ﺷﻜﺪ ﻣﺎ ﺩﺍ ﺍﺻﺒﺮ ﻧﻔﺴﻲ ﺑﺲ ﻣﺎ ﻛﺪﺭﺕ ... ﺩﺧﻠﺖ ﺍﻟﺒﻴﺖ ﺍﻫﻠﻲ ﻟﻜﻴﺖ ﺍﻣﻲ ﻛﺎﻋﺪﻩ ﺗﺼﻠﻲ ﻭﻣﺤﺪ ﻣﻮﺟﻮﺩ ﺑﺎﻟﺒﻴﺖ ﺑﺠﻴﺖ ﺑﺼﻮﺕ ﻧﺎﺻﻲ ﻭﻛﻌﺪﺕ ﺍﻧﺘﻈﺮﺗﻬﺎ ﻛﻤﻠﺖ ﻭﻫﻲ ﺍﺟﺖ ﻣﻔﺰﻭﻋﻪ ﻋﻠﻴﻪ ﺑﺎﺳﺘﻨﻲ ﻭﺣﻀﻨﺘﻨﻲ ﻋﺮﻓﺖ ﺑﻴﻪ ﻣﻀﺮﻭﺑﻪ ﻻﻥ ﺧﺪﻱ ﺷﻬﺪ ﻋﻠﺊ ﻛﻒ ﺻﻼﺡ ﺿﻠﺖ ﺗﻮﺍﺳﻲ ﺑﻴﻪ ﻭﺳﻮﻟﻔﺖ ﺍﻟﻬﺎ ﻋﻦ ﺍﻟﺼﺎﺭ ﻭﻫﻲ ﺧﻄﻴﻪ ﺿﻠﺖ ﺳﺎﻛﺘﻪ ﻛﺎﻟﺖ .. ﺍﻟﻠﻪ ﻛﺮﻳﻢ ﻳﻤﻪ ﺍﻟﻠﻪ ﻛﺮﻳﻢ ﺍﺧﺬﺗﻨﻲ ﺍﻟﻐﺮﻓﺘﻲ ﻧﻤﺖ ﺑﻴﻬﺎ ﻭﺍﻧﻲ ﺍﺑﺠﻲ ﺧﻠﺼﺘﻬﺎ ﺑﺲ ﺍﺑﺠﻲ ﻭﺣﺎﺿﻨﻪ ﻃﻔﻠﺘﻲ ﻭﺍﺷﻜﻴﻠﻬﺎ ﻣﻦ ﺍﻟﻤﻮﺿﻮﻉ ﺍﻟﺼﺎﺭ ﺍﻟﻴﻮﻡ .... ................................ ﻭﻗﺎﺭ ... ﺳﺒﺤﺖ ﻭﺻﻠﻴﺖ ﻭﺭﺣﺖ ﻛﻌﺪﺕ ﺑﺎﻟﺤﺪﻳﻘﻪ ﺷﻮﻳﻪ ﺟﺎﻥ ﺍﻟﺠﻮ ﺑﺎﺭﺩ ﻭ ﺟﺎﺳﺮ ﻟﺤﺪ ﺍﻻﻥ ﻣﺎ ﺭﺟﻊ ﻭﺟﻮﻟﻲ ﻧﺎﻳﻤﻪ ﻫﻲ ﻭﺟﻬﺎﻟﻬﺎ ﻭﻣﺎﻣﺎ ﺭﺿﻴﻪ ﻛﺬﻟﻚ ﻣﺎﻣﺎ ﺭﺿﻴﻪ ﻛﺎﻟﺖ ... ﺷﺘﺘﺤﻤﻞ ﻫﻞ ﺑﻨﻴﻪ ﻣﻦ ﺣﺰﻥ ﻭﻣﻦ ﻣﻌﺎﻧﺎﺓ ﻭﺍﻟﻠﻪ ﺧﻄﻴﻪ ﺍﻧﻮﺏ ﺍﺟﻨﻪ ﻫﺎﻟﻪ ﻭﺃﻣﻬﺎ ﺧﺒﻠﻨﻬﺎ ﺗﺨﺒﻞ ﻣﺎ ﺧﻠﻦ ﻋﻨﺪﻫﺎ ﺣﻴﻴﻞ ﺍﻧﻲ ﺣﻴﻞ ﺍﻧﻘﻬﺮﺕ ﻣﻨﻬﻦ ﺫﻥ ﺷﻌﺪﻫﻦ ﺟﺎﻳﺎﺕ ﻭﺍﻟﻠﻪ ﺑﺲ ﻳﺠﻲ ﺟﺎﺳﺮ ﺍﻛﻮﻟﻪ ﻋﻠﻴﻬﻦ ﻣﻮ ﻛﺎﻓﻲ ﺍﻟﺴﻮﻧﻪ ﺑﻴﻬﺎ ... ﺟﺎﺳﺮ ﺃﺗﺄﺧﺮ ﻟﺤﺪ ﺍﻻﻥ ﻣﺎ ﺍﺟﻪ ﻣﻌﻘﻮﻟﻪ ﻛﻞ ﻫﺬﺍ ﻳﻮﺻﻞ ﺷﺎﻡ ﻟﻮ ﺷﻨﻮﻭ ﺍﻛﻴﺪ ﺿﻞ ﻳﻔﺘﺮ ﺑﺎﻟﺸﺎﺭﻉ ﻣﺎ ﻳﻜﺪﺭ ﻳﻮﺍﺟﻬﻪ ﺍﻟﻜﻞ ﺍﻟﻠﻪ ﻳﻌﻴﻨﻪ ... ﺿﻠﻴﺖ ﺷﻮﻳﻪ ﻛﺎﻋﺪﻩ ﻭﺍﻧﻲ ﺣﺎﺿﻨﻪ ﻧﻔﺴﻲ ﻭﻣﺎ ﺍﺷﻮﻑ ﺍﻟﻪ ﻓﺘﺢ ﺑﺎﺏ ﺍﻟﻜﺮﺍﺝ ﻭﺭﺟﻊ ﺩﺧﻞ ﺑﺴﻴﺎﺭﺗﻪ ﺑﻌﺪ ﻣﺎ ﺭﻛﺒﻬﺎ ﻭﺭﻛﻨﻬﺎ ﺑﺎﻟﻜﺮﺍﺝ ﻧﺰﻝ ﻣﻦ ﺍﻟﺴﻴﺎﺭﻩ ﻭﺑﺎﻭﻋﻠﻲ ﺗﻨﻬﺪ ﻭﺣﻂ ﺍﻳﺪﻩ ﻋﻠﺊ ﺟﺒﻴﻨﻪ ﻛﺎﻝ ... ﺷﻮ ﻛﺎﻋﺪﻩ ﺍﻟﻮﺣﺪﺝ ﻭﻳﻨﻬﻢ ﺍﻟﺠﻤﺎﻋﻪ ﺍﺑﺘﺴﻤﺖ ﺑﻬﺪﻭﺀ .. ﺟﻮﻟﻲ ﻧﺎﻣﺖ ﻫﻲ ﻭﺍﻻﻃﻔﺎﻝ ﻭﻛﺬﻟﻚ ﻣﺎﻣﺎ ﺭﺿﻴﻪ ... ﺗﻨﻬﺪ ﺑﺤﺰﻥ ﻭﻛﻌﺪ ﺑﺼﻔﻲ ﺟﺮ ﻧﻔﺲ ﻛﺎﻝ ... ﺟﻮﻟﻴﻴﺖ ﺷﻠﻮﻧﻬﺎ ﻋﻔﺘﻬﺎ ﺍﺧﺮ ﺷﺊ ﻣﻨﻬﺎﺭﻩ ؟ ﻋﻀﻴﺖ ﺷﻔﺎﻳﻔﻲ ﺑﺎﺳﺊ ... ﻣﺴﻜﻴﻨﻪ ﻣﺎ ﺣﺠﺖ ﺷﺊ ﻫﺮﺑﺖ ﻣﻦ ﺍﺣﺰﺍﻧﻬﺎ ﺑﻨﻮﻣﻬﺎ ... ﻭﺷﺎﻡ ﺯﻭﺩﺗﻬﺎ ﻭﻳﺎﻫﺎ ﻭﺑﻌﺪﻳﻦ ﺗﺮﺉ ﻣﺎ ﻳﺼﻴﺮ ﻫﻴﺞ ﻫﻲ ﻣﺤﺮﻣﻪ ﻋﻠﻴﻚ ﺑﺎﻭﻋﻠﻲ ﺑﻐﻤﻮﺽ ﻣﻦ ﻛﻠﺖ ﻣﺤﺮﻣﻪ ﻋﻠﻴﻚ ﻭﺿﺤﻚ ﺑﺎﺳﺘﻬﺰﺍﺀ ... ﺍﺳﺘﻐﺮﺑﺖ ﻣﻨﻪ ﺑﺲ ﻣﺎ ﻋﻠﻘﺖ ﻋﻦ ﻧﻈﺮﺗﻪ ﻭﻋﻦ ﻏﻤﻮﺿﻪ ﺍﺭﺩﻓﺖ ﺑﺘﻨﻬﻴﺪﻩ ﻃﻮﻭﻳﻠﻪ .. ﺍﻧﻲ ﻣﻮ ﺿﺪﻫﺎ ﺻﺪﻛﻨﻲ ﻳﺎ ﺟﺎﺳﺮ ﺑﺲ ﻭﺍﻟﻠﻪ ﺟﻮﻟﻴﻴﺖ ﻋﺎﻧﺖ ﻫﻮﻭﺍﻱ ﻳﻌﻨﻲ ﺣﺘﺊ ﺍﻟﻤﻮﺗﻪ ﺣﻨﻮ ﺍﻟﻬﺎ ﻭﺍﻧﻜﺴﺮ ﺧﺎﻃﺮﻫﻢ ﻋﻠﻴﻬﺎ ﻭﺯﻋﻠﻮﺍ ﻋﻠﻴﻚ ﺍﻟﺒﻨﻴﻪ ﻣﻈﻠﻮﻣﻪ ﻭﺍﺣﻨﻪ ﺍﺧﺬﻧﺎﻫﺎ ﺑﺬﻧﺐ ﻏﻴﺮﻫﺎ ﻳﺎ ﺭﻳﺖ ﺗﻔﻬﻢ ﺷﺎﻡ ﺍﻥ ﺟﻮﻟﻲ ﻣﺎ ﺍﻟﻬﺎ ﺫﻧﺐ ﺑﻠﻲ ﺻﺎﺭ ﻧﻔﺦ ﺑﺎﺭﺗﻌﺎﺩ ﻭﻣﻠﻞ ... ﺣﺠﻴﻴﻴﺖ ﺣﺠﻴﻴﺖ ﻭﻣﻠﻴﻴﺖ ﻭﺍﻟﻠﻪ ﻋﻠﺊ ﺳﺎﻋﻪ ﺍﻛﺘﻞ ﺭﻭﺣﻲ ﺗﻤﺸﻲ ﻋﺪﻝ ﺛﻮﺍﻧﻲ ﻭﺗﺮﺟﻊ ﺗﻨﻬﺎﺭ ﺷﺎﻡ ﺍﻟﺼﺎﺭ ﻭﻳﺎﻫﺎ ﻣﻮ ﻗﻠﻴﻞ ﻭﻣﺎ ﺧﻠﻪ ﻋﻘﻞ ﺑﺮﺃﺳﻬﺎ ﺷﻔﺘﻴﻬﺎ ﻣﻦ ﺭﺍﺣﺖ ﺍﻟﺒﻨﺘﻬﺎ ﺷﻠﻮﻥ ﺍﻧﻬﺎﺭﺕ ﻭﺗﺎﺫﺕ ﻭﺍﻧﻲ ﺗﺮﻛﺘﻬﺎ ﺑﺤﺎﻟﻬﺎ ... ﺟﺮﻳﺖ ﻧﻔﺲ ... ﺍﻱ ﺻﺢ ﺍﻧﻲ ﻭﻳﺎﻙ ﺑﺲ ﺟﻮﻟﻴﻴﺖ ﻣﺎ ﺍﻟﻬﺎ ﺫﻧﺐ ﺑﻠﻲ ﺻﺎﺭ ﻏﻤﺾ ﻋﻴﻮﻧﻪ ﺑﺎﺳﺊ ... ﺍﺩﺭﻱ ﻭﺍﻟﻠﻪ ﺍﺩﺭﻱ ﺗﺮﺉ ﻣﺤﺪ ﻣﺘﻌﺬﺏ ﻋﻠﺊ ﺟﻮﻟﻴﻴﺖ ﺑﻜﺪﻱ ﺍﻧﻲ ... ﻳﻌﻨﻲ ﻃﻔﻠﻪ ﻋﺎﺷﺖ ﻋﻨﺪﻱ ﻭﻋﺎﻧﺖ ﻣﻨﻲ ﻭﺗﻌﺬﺑﺖ ﺑﺤﻀﻨﻲ ﺗﺮﺉ ﻭﺍﻟﻠﻪ ﻣﻦ ﺍﺩﺧﻞ ﻏﺮﻓﺘﻬﺎ ﻭﺍﺷﻮﻓﻬﺎ ﺷﻠﻮﻥ ﺟﺴﻤﻬﺎ ﺍﻟﻀﻌﻴﻒ ﻏﺎﻃﺲ ﺑﺠﺮﺑﺎﻳﺘﻬﺎ ﻭﺑﺪﻭﻥ ﻏﻄﺎ ﺍﻣﻮﺕ ﻗﻬﺮ ﻋﻠﻴﻬﺎ ... ﺍﻣﻬﺎ ﻣﺎ ﺗﺤﻦ ﻋﻠﻴﻬﺎ ﻣﺜﻠﻲ ﻛﻠﺸﻲ ﺑﻴﻬﺎ ﻳﻘﻬﺮﻧﻲ ﺣﺘﺊ ﺍﻟﻄﻔﻞ ﺍﻟﻨﺎﺋﻢ ﺑﺎﺣﺸﺎﺋﻬﺎ ﻳﻘﻬﺮﻧﻲ ﺑﺎﻭﻋﺖ ﺑﻌﻴﻮﻧﻪ ﻭﺍﻧﻲ ﺍﺩﻭﺭ ﻋﻦ ﺻﺪﻕ ﺍﻟﺠﻮﺍﺏ ﺑﺴﺆﺍﻟﻲ .. ﺗﻌﻄﻒ ﻋﻠﻴﻬﺎ ﻫﺰ ﺭﺍﺳﻪ ﺑﻨﻔﻲ ... ﻻ ﻭﺍﻟﻠﻪ ﻣﻮ ﻋﻄﻒ ﺍﺑﺒﺒﺪ ﻣﻮ ﻋﻄﻒ ﺍﻧﻲ ﻣﺎ ﺍﺗﻌﺎﻃﻒ ﺍﺑﺪ ﺗﻌﺮﻓﻴﻨﻲ ﻛﻠﺶ ﺯﻳﻦ ﺧﺎﺻﺔ ﻭﻳﻪ ﺟﻮﻟﻴﻴﺖ ﺑﺲ ﺟﻮﻟﻴﻴﺖ ﺗﺨﺼﻨﻲ ﺟﻮﻟﻴﻴﺖ ﻣﻦ ﻳﻮﻡ ﺍﻻﺧﺬﺗﻬﺎ ﻣﺎ ﺷﺎﻓﺖ ﻣﻨﻲ ﺷﺊ ﺣﻠﻮﻭﻭ ﺟﻮﻟﻴﻴﺖ ﺭﻏﻢ ﻣﺸﺎﻛﻠﻲ ﻭﻳﺎﻫﺎ ﻭﻣﺎ ﻧﻜﻌﺪ ﻛﻌﺪﻩ ﺍﺫﺍ ﻣﺎ ﺗﻌﺎﺭﻛﻨﻪ ﻭﺍﺫﺍ ﻣﺎ ﺟﺮﺣﺘﻬﺎ ﺑﺎﻟﻜﻼﻡ ﺑﺲ ﺗﻀﻞ ﻫﻲ ﺳﺎﻟﻔﺘﻲ ﻭ ﻭﻧﺴﺘﻲ ... ﺣﻂ ﺍﻳﺪﻩ ﻋﻠﺊ ﺭﺍﺳﻪ ﺟﻮﻟﻴﻴﺖ ﻋﺎﻳﺸﻪ ﻫﻨﺎ ﺍﻣﺸﻲ ﺍﻃﻠﻊ ﺍﻛﻞ ﺍﺷﺮﺏ ﻫﻲ ﻭﻳﺎﺍﺍﺍﻱ ﺍﺑﺘﺴﻤﺖ ... ﺗﺤﺒﻬﺎ ﺍﻛﺜﺮ ﻣﻦ ﺷﺎﻡ ؟ ﺭﺩ ﻋﻠﻴﻪ ﺑﻌﺪ ﻣﺎ ﻭﻛﻒ ﻛﺎﻝ ... ﺗﺼﺒﺤﻴﻦ ﻋﻠﻰ ﺧﻴﺮ .. ﺟﺮﻳﺖ ﺣﺴﺮﻩ ﺑﺨﻴﺒﺔ ﺍﻣﻞ ﺍﺑﺪ ﻣﺎ ﻳﻨﻄﻲ ﺟﻮﺍﺏ ﺍﺑﺒﺪ ﻻﺯﻡ ﻳﺨﻠﻲ ﺍﻟﻮﺍﺣﺪ ﺣﺎﻳﺮ ﺑﻐﻤﻮﺿﻪ ﻭﺗﺼﺮﻓﺎﺗﻪ ... ﻛﺘﻠﺔ ... ﻭﺍﻧﺖ ﺍﻟﺨﻴﺮ ﻛﻠﻪ ﺑﺲ ﻋﺠﺒﻨﻲ ﻣﻮﻗﻔﻚ ﻣﻦ ﻋﻔﺖ ﺷﺎﻡ ﺍﻟﻮﺣﺪﻫﺎ ﻋﻨﺪ ﺑﻨﺘﻬﺎ ﻭﺗﺎﻟﻲ ﻣﻦ ﺍﺧﺬﺗﻨﻪ ﻟﻼﻣﺎﻡ ﺭﺣﺖ ﺯﺭﺕ ﻏﺰﻝ ﻣﺮﻩ ﺛﺎﻧﻴﻪ ... ﺍﺑﺘﺴﺖ ﺑﻐﻤﻮﺽ ﻛﺎﻝ ... ﺻﺢ ﻣﺮﻳﺖ ﻋﻠﺊ ﻏﺰﻝ ﺑﺲ ﺍﻧﻲ ﺭﺣﺖ ﺑﺸﻐﻠﺔ ﺛﺎﻧﻴﺔ ﻭﻛﻔﺖ ﻣﺴﺘﻐﺮﺑﻪ ﻣﻦ ﻛﻼﻣﻪ ... ﺷﻐﻠﺔ ﺷﻨﻮﻭ ؟ ﻋﺾ ﻋﻠﺊ ﺷﻔﺘﻪ ﻭﺟﺮ ﻧﻔﺲ ﻋﻤﻴﻖ ﻛﺎﻝ ... ﺭﺣﺖ ﺍﺳﺘﺸﺮﻋﺖ ﺑﺨﺼﻮﺹ ﻣﻮﺿﻮﻉ ﺍﺧﺘﻔﺎﺀ ﻭﺻﺤﺔ ﺍﻟﻌﻘﺪ ﻋﻘﺪ ﺣﻮﺍﺟﺒﻲ ﻭﻫﺰﻳﺖ ﺭﺍﺳﻲ ﺑﺘﺴﺎﺅﻝ ﺿﺤﻚ ﺑﺪﻫﺎﺀ ﻛﺎﻝ ... ﺷﺎﻡ ﻣﻮ ﻣﺤﺮﻣﻪ ﻋﻠﻴﻪ ﺷﺎﻡ ﻣﺮﺗﻲ ﻭﻣﺎ ﺗﺤﺘﺎﺝ ﻋﻘﺪ ﺛﺎﻧﻲ ﺣﺘﺊ ﻟﻮ ﺑﻌﺪ ﻣﺨﺘﻔﻴﻪ ﺍﻛﺜﺮ ﻣﻦ ﻫﻞ ﺳﻨﻴﻦ ﻭﺍﻧﻲ ﻣﻦ ﺍﻟﺒﺪﺍﻳﺔ ﺍﻋﺮﻑ ﺑﻬﺬﺍ ﺍﻟﺸﺊ ﺿﻠﻴﺖ ﺑﺲ ﺍﺭﻣﺶ ﺑﻌﻴﻮﻧﻲ ﻣﻦ ﻛﻼﻣﻪ ﻭﺍﻧﻠﺠﻤﺖ ﻋﻨﺪﻱ ﺍﻟﺤﺮﻭﻑ ... ﺑﻠﻌﺖ ﺭﻳﻜﻲ ﺑﺘﻮﺗﺮ ﻭﻫﻤﺴﺖ ﺑﺼﻌﻮﺑﻪ ... ﺍﻧﺖ ﻣﻮ ﻛﻠﺖ ﻣﺤﺮﻣﻪ ﻋﻠﻴﻚ ﻻﻥ ﻓﺎﺗﺖ ﻣﺪﻩ ﻃﻮﻳﻠﻪ ﻋﻠﺊ ﻓﺮﺍﻗﻜﻢ ﺣﻂ ﺍﻳﺪﻩ ﻋﻠﺊ ﺧﺼﺮﻩ ﺑﺜﻘﻪ ﻭﻓﺘﺢ ﻣﻮﺑﺎﻳﻠﻪ ﻭﻫﻮ ﻳﺪﻗﻖ ﻋﻠﻴﻪ ... ﺍﻱ ﺻﺢ ﻭﺟﻨﺖ ﺍﻋﺮﻑ ﻫﻞ ﺷﺊ ﻏﻠﻂ ﻭﻣﺘﺎﻛﺪ ﻭﺭﺣﺖ ﺗﺄﻛﺪﺕ ﻣﻦ ﺭﺣﻨﻪ ﻟﻠﻨﺠﻒ ﻭﺳﺄﻟﺖ ﺑﺎﻹﺳﺘﻔﺘﺎﺀﺍﺕ ﺍﻟﺸﺮﻋﻴﻪ ... ﺷﺎﻡ ﺯﻭﺟﺘﻲ ﻭﺍﻟﻌﻘﺪ ﺻﺤﻴﺢ ﻭﻣﻴﺤﺘﺎﺝ ﺗﺠﺪﻳﺪ ﻻﻥ ﻣﻮ ﺍﻧﻲ ﺍﻟﻤﺨﺘﻔﻲ ﻫﻲ ﺍﻟﻲ ﺍﺧﺘﻔﺖ ﻫﺎﻱ ﻭﺣﺪﻩ ﻭﺣﺪﻩ ﺛﺎﻧﻴﻪ ﻫﻲ ﻣﺎ ﺭﺍﻓﻌﻪ ﻋﻠﻴﻪ ﺩﻋﻮﺓ ﻃﻼﻕ ﺑﻌﺪ ﺍﻟﻬﺠﺮﻩ ﻭﺍﻟﻬﺎ ﺍﺳﺒﺎﺏ ﻣﻮ ﻣﻦ ﺩﻭﻥ ﺳﺒﺐ ﺻﺎﺭ ﺍﻟﻬﺠﺮ ﺑﻴﻨﻪ ... ﺍﺫﺍ ﺟﻨﺖ ﺍﻧﻲ ﻣﺨﺘﻔﻲ ﻫﻨﺎ ﺍﻻﻣﺮ ﻳﺨﺘﻠﻒ ﺑﺲ ﻫﻲ ﺍﻟﻲ ﺟﺎﻧﺖ ﻣﺨﺘﻔﻴﻪ ﻭﻫﻲ ﺗﻌﺮﻑ ﺍﻧﻲ ﻭﻳﻦ ﻭﺑﻴﺎ ﻣﻜﺎﻥ ﻟﺬﻟﻚ ﺍﻟﻌﻘﺪ ﺻﺤﻴﺢ ﻭﻫﻲ ﺯﻭﺟﺘﻲ ﺣﺎﻟﻴﺎ ﺷﺮﻋﺎ ... ﻭﺍﻧﻲ ﻣﺎ ﺟﻨﺖ ﺍﻋﺮﻑ ﺑﻴﻬﺎ ﻭﻳﻴﻦ ﻟﻮ ﺍﻋﺮﻑ ﻫﻲ ﻭﻳﻦ ﻭﻫﺎﺟﺮﻫﺎ ﻻﺯﻡ ﻋﻘﺪ ﺟﺪﻳﺪ ﺑﺲ ﻫﻲ ﺟﺎﻧﺖ ﻣﺨﺘﻔﻴﻪ ﻭﺗﻌﺮﻑ ﺍﻧﻲ ﺑﻴﺎ ﻣﻜﺎﻥ ... ﺟﺎﻧﺖ ﻣﻼﻣﺤﻲ ﻣﺼﺪﻭﻣﻪ ﻣﻦ ﻛﻼﻣﻪ ﺍﻧﻲ ﻣﺎ ﺍﻋﺮﻑ ﺑﻬﺬﺍ ﺍﻟﺸﻲ ﻭﻻ ﺍﻋﺮﻑ ﺑﻬﻞ ﺍﺳﺘﻔﺘﺎﺀﺍﺕ ﻭﺧﻠﻴﺖ ﺍﻟﺪﻳﻦ ﻻﻫﻞ ﺍﻟﺪﻳﻦ ﻭﺍﻟﻠﻪ ﻣﺎ ﺍﻋﺮﻑ ﺑﻬﻞ ﺷﺊ ﺍﺑﺪ ... ﺑﺲ ﻫﻮ ﻟﻴﺶ ﻛﺎﻝ ﺍﻟﺠﻮﻟﻴﻴﺖ ﺍﻥ ﻫﻲ ﻣﻮ ﻣﺤﺮﻣﻪ ﻋﻠﻴﻪ ﻭﻛﺬﻟﻚ ﺷﺎﻡ ﻫﻴﺞ ﻭﻫﻤﻬﺎ ﺟﻨﺖ ﺍﺭﻳﺪ ﺟﻮﺍﺏ ﺍﻟﺴﺆﺍﻟﻲ،ﻟﺬﻟﻚ ﺳﺎﻟﺘﻪ ... ﻟﻴﺶ ﻫﻴﺞ ﻛﻠﺖ ﺍﻟﺠﻮﻟﻲ ﻭﺷﺎﻡ ﻟﻴﺶ ﻛﻠﺖ ﻳﺤﺘﺎﺝ ﻋﻘﺪ ؟ ﺟﺮ ﻧﻔﺲ ﻋﻤﻴﻖ ﻭﺣﺰﻳﻦ ﻛﺎﻝ ... ﺣﺘﺊ ﻳﺴﺘﻘﺮﻥ ﺷﻮﻳﻪ ﺣﺘﺊ ﺟﻮﻟﻴﻴﺖ ﺗﺘﻄﻤﻦ ﻭﺗﻨﻄﻲ ﺍﻟﻨﻔﺴﻬﺎ ﻣﺠﺎﻝ ﺑﺎﻟﺘﻔﻜﻴﺮ ﻭﺣﺘﺊ ﺷﺎﻡ ﻣﺎ ﺗﻔﺘﻌﻞ ﻣﺸﺎﻛﻞ ﻭﺗﺘﻤﺮﺩ ﺍﻛﺜﺮ ﻭﺣﺘﺊ ﺍﻧﻲ ﻳﻨﻄﻨﻲ ﻣﺠﺎﻝ ﻭﺍﻛﻮﻥ ﺍﻟﻮﺣﺪﻱ ﻭﺍﻓﻜﺮ ﺑﻘﺮﺍﺭ ﺻﺤﻴﺢ ... ﺑﺲ ﺍﻛﻴﺪ ﻣﺮﺍﺡ ﻳﻀﻞ ﺍﻟﻮﺿﻊ ﻫﻴﻴﺞ ﻭﺭﺍﺡ ﺍﺭﺗﺐ ﺍﻻﻣﻮﺭ ﻭﺍﻛﻮﻝ ﺍﻟﻬﻦ ﺍﻟﻌﻘﺪ ﺻﺤﻴﺢ ﻣﺎ ﻳﺤﺘﺎﺝ ﺗﺠﺪﻳﺪ ﺗﺮﻛﻨﻲ ﻭﺭﺍﺡ ﻭﺍﻧﻲ ﻣﺬﻫﻮﻟﻪ ﻭﻣﺪﻫﻮﻭﺷﻪ ﻣﻦ ﻛﻼﻣﻪ ﻳﺎﺭﺑﻲ ﺷﻬﻞ ﺭﺟﺎﻝ ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﻟﻲ ﻳﺪﻳﺮ ﺑﺒﺎﻟﻪ ﻳﻌﻨﻲ ﻣﻌﻘﻮﻟﻪ ﺣﻴﻜﻮﻥ ﻫﻮ ﻭﺷﺎﻡ ﺯﻭﺟﻴﻦ ﺍﺻﻮﻟﻴﻴﻦ ﻭﻳﻤﺎﺭﺳﻮﺕ ﺍﻟﻌﻼﻗﻪ ﺍﻟﺰﻭﺟﻴﻪ ﺷﺊ ﻋﺎﺩﻱ ﺯﻳﻦ ﻟﻴﺶ ﺍﻓﺘﻌﻞ ﻫﻴﺞ ﻛﺬﺑﻪ ﻣﻌﻘﻮﻟﻪ ﻣﺎ ﻳﺮﻳﺪ ﻋﻼﻗﻪ ﺯﻭﺟﻴﻪ ﻭﻳﻪ ﺷﺎﻡ ﻟﻮ ﺍﺩﻋﺎﺋﻪ ﺻﺤﻴﺢ ﺑﺄﻥ ﻳﺮﻳﺪ ﻭﻗﺖ ﻭﻳﺮﻳﺪ ﻳﺨﻤﺪ ﺍﻟﻨﺎﺭ ﺑﻴﻨﻬﻦ ... ﻳﺎﺭﺑﻲ ﺣﺘﺊ ﻧﺴﻴﺖ ﺍﻛﻮﻭﻭﻟﻪ ﻋﻦ ﻫﺎﻟﻪ ﻭﺍﻣﻬﺎ ﻭﺍﻟﻠﻪ ﻧﺴﺎﻧﻲ ﺍﻥ ﺷﺎﺀ ﺍﻟﻠﻪ ﺍﻛﻮﻟﻪ ﻏﻴﺮ ﻣﺮﻩ ... ......................... ﺣﺎﺯﻡ .... ﻃﻠﻌﻨﻪ ﺍﻧﻲ ﻭﻋﺎﺻﻢ ﺍﺧﺬﻧﻪ ﺍﻣﻲ ﻟﻠﺪﻛﺘﻮﺭ ﺟﺎﻧﺖ ﻣﺮﻳﻀﻪ ﻭﺗﻌﺒﺎﻧﻪ ﺷﻮﻭﻭﻳﻪ ... ﺿﻠﻴﻨﻪ ﻧﺴﻮﻟﻒ ﺍﻧﻲ،ﻭﻳﺎﻩ ... ﻛﺎﻝ ﻋﺎﺻﻢ ... ﺍﻣﻲ ﺗﻌﺬﺑﺖ ﺑﺴﺒﺐ ﺟﺎﺳﺮ ﻭﺍﻟﻠﻪ ﺗﻌﺒﻨﺎ ﻣﻨﺎ ﻟﻮ ﻧﺪﺭﻱ ﻣﺎ ﺯﻭﺟﻨﺎﻫﺎ ﺫﻳﺐ ﻭﻣﻜﺮﻭﻩ ﻫﻮ ﺍﻟﺴﺒﺐ ﺑﻜﻠﺸﻲ ﺑﺎﻭﻋﺘﻠﻪ ﺑﺤﻴﺮﺓ ... ﺍﻧﺖ ﻣﺎ ﻣﺘﻨﺪﻡ ﻳﻌﻨﻲ ﺿﺮﺏ ﻋﻠﺊ ﻋﻜﺎﺯﺗﻪ ﺑﺎﻻﺭﺽ ﻛﺎﻝ ... ﺷﻠﻮﻥ ﻣﺎ ﻣﺘﻨﺪﻡ ﻭﻟﻚ ﺍﻧﻲ ﻛﺘﻠﺖ ﺗﻼﺛﻪ ﺍﻛﻴﺪ ﻣﺘﻨﺪﻡ ﺑﺲ ﻫﻮ ﻫﺬﺍ ﻳﻮﻣﻬﻢ ﺷﺴﻮﻱ ﻗﺎﺑﻞ ﺇﻛﺘﻞ ﻧﻔﺴﻲ ﺑﺲ ﻫﻮ ﻣﻮ ﺭﺟﻮﻟﻪ ﻣﻨﻪ ﻫﻴﺞ ﻳﺴﻮﻱ ﺑﻴﻨﻪ ﻭﻳﺸﺘﺘﻨﻪ ﺍﺣﻨﻪ ﻋﺪﻧﻪ ﺍﻣﺎﻧﻪ ﻋﻨﺪﻩ ﻭﻻﺯﻡ ﻳﺮﺟﻌﻬﺎ ﺍﻟﻨﻪ ﻭﻣﺜﻞ ﻣﺎ ﻫﻮ ﻋﻨﺪﻩ ﺛﺎﺭ ﻋﺪﻧﻪ ﺍﺣﻨﻪ ﻫﻢ ﺍﻟﻨﻪ ﺛﺎﺭ ﻋﻨﺪﻩ ﻫﻮ ﻗﺘﻞ ﺍﺧﺘﻲ ﻭﻫﻲ ﻋﺪﻟﻪ ﻭﻗﺘﻠﻨﻲ ﺍﻧﻲ ﻭﺣﺘﺊ ﺍﺑﻮﻱ ﻣﺎﺕ ﺑﺴﺒﺒﻪ ﻫﻮ ﻭﻛﻞ ﺍﻟﻲ ﺻﺎﺭ ﺑﻴﻨﻪ ﻫﻮ ﺍﻟﺴﺒﺐ ﺗﻨﻬﺪﺕ ﺑﻀﻴﻖ ... ﻣﻤﻜﻦ ﺗﺴﻜﺖ ﻛﻼﻣﻚ ﻣﺎ ﻳﻌﺠﺐ ﺿﺤﻚ ﺑﺨﺒﺚ ﻛﺎﻝ ... ﺍﻱ ﻃﺒﻌﺎ ﺍﻧﺖ ﻣﺎ ﺗﻬﺘﻢ ﺍﻟﺠﻮﻟﻴﻴﺖ ﻟﻚ ﻫﺎﻱ ﺍﺧﺘﻨﺎ ﺗﻔﻬﻢ ﻟﻮ ﻻ ﺑﺎﻭﻋﺘﻠﻪ ﺑﻨﻈﺮﻩ ﺍﺣﺘﻘﺎﺭ ... ﺍﺧﺘﻨﺎ ﻣﻮﻭﻭ ؟ ﻣﻨﻮ ﺟﺎﻥ ﻳﺤﺮﺿﻨﻲ ﻋﻠﻴﻬﺎ ﻣﻨﻮ ﺟﺎﻥ ﻳﻀﺮﺑﻬﺎ ﻭﻣﻨﻮ ﺟﺎﻥ ﻳﺸﻜﻚ ﻛﺘﺒﻬﺎ ﻭﻳﺤﺮﻣﻬﺎ ﻣﻦ ﻛﻠﺸﻲ ﺍﻧﺖ ﻟﻮ ﻏﻴﺮﻙ ﺭﺩ ﺑﺜﻘﻪ ... ﺍﻱ ﺻﺢ ﺍﻧﻲ ﺑﺲ ﻫﺬﺍ ﻛﻠﻪ ﺍﻟﻤﺼﻠﺤﺘﻬﺎ ﺷﻮﻓﻬﺎ ﺻﺎﺭﺕ ﺍﺧﻼﻗﻬﺎ ﻋﺎﻟﻴﻪ ﻭﻓﺮﺿﺖ ﺍﺣﺘﺮﺍﻣﻬﺎ ﺍﻟﻔﻀﻞ ﻳﻌﻮﺩ ﺍﻟﺘﺮﺑﻴﺘﻲ ﻭﻛﻔﺖ ﻣﺼﺪﻭﻡ ﻣﻦ ﻛﻼﻣﻪ .. ﺍﻧﺖ ﺗﺤﺠﻲ ﺻﺪﻙ ﻭﻟﻚ ﺍﻧﻲ ﻣﺘﻨﺪﻡ ﻻﻥ ﻣﺪﻳﺖ ﺍﻳﺪﻱ ﻋﻠﻴﻬﺎ ﻭﺍﻧﺖ ﻣﻔﺘﺨﺮ ﺑﺘﺮﺑﻴﺘﻚ ﺟﺮ ﻧﻔﺲ ... ﺷﺒﻴﻚ ﺍﻧﺖ ﻟﻚ ﺑﺎﺑﺎ ﻫﻲ ﺟﺎﻧﺖ ﻃﻔﻠﻪ ﻭﺍﻧﻲ ﺟﻨﺖ ﺍﻋﻠﻤﻬﺎ ﻭﺍﺣﺎﺳﺒﻬﺎ ﻣﺎ ﺑﻴﻬﺎ ﺷﺊ ﻏﻴﺮ ﺍﺧﺘﻲ ﻗﺎﺑﻞ ﺍﺭﻳﺪ ﺍﺿﺮﻫﺎ ﻟﻚ ﻭﺍﻟﻠﻪ ﺍﻧﻲ ﻛﺪ ﻣﺎ ﺍﺣﺒﻬﺎ ﺍﺗﻤﻨﺊ ﺍﻛﺘﻞ ﺟﺎﺳﺮ ﻭﺍﺭﻭﺡ ﺍﻋﻔﻦ ﺑﺎﻟﺴﺠﻦ ﻭﺍﺧﻠﻴﻬﺎ ﺗﻌﻴﺶ ﺑﺄﻣﺎﻥ ... ﺑﺲ ﺻﺪﻛﻨﻲ ﻭﺍﻟﻠﻪ ﻭﺭﻭﺣﻤﺔ ﺍﺑﻮﻭﻱ ﺑﺲ ﺧﻠﻲ ﺗﺠﻴﺐ ﺍﻟﻪ ﺍﺧﻄﻔﻬﺎ ﻭﺍﺟﻴﺒﻬﺮ ﻫﻨﺎ ﻭﺧﻠﻲ ﺟﺎﺳﺮ ﻳﺪﻙ ﺑﺮﺍﺳﻪ ... ﺍﻧﻲ ﺟﺎﻥ ﺟﺒﺘﻬﺎ ﻫﺴﻪ ﻭﺷﻮﻓﺘﻪ ﺍﻟﺮﺟﻮﻟﻪ ﻋﻠﺊ ﺍﺻﻮﻟﻬﺎ ﺑﺲ ﻣﺎ ﺍﺭﻳﺪ ﺍﺑﺘﻠﻲ ﺑﻄﻔﻞ ﻣﻨﻪ ﺧﻠﻴﻬﺎ ﺗﺠﻴﺐ ﻭﺍﺟﻴﺒﻬﺎ ﻫﻨﺎ ... ﻭﻣﺎ ﺍﺭﻳﺪ ﺍﻛﻌﺪ ﺍﺭﺑﻲ ﺟﻬﺎﻝ ﺍﻟﻜﺎﺳﺮ ﺍﺧﺘﻲ ﺗﺠﻲ ﺗﻌﻴﺶ ﺑﻔﻠﻨﺪﺍ ﺗﺸﻮﻑ ﺣﻴﺎﺗﻬﺎ ﻭﺗﺄﻣﻦ ﻣﺴﺘﻘﺒﻠﻬﺎ ﺑﻌﻴﺪ ﻋﻦ ﺟﺎﺳﺮ ﻭﻋﻦ ﺍﻫﻠﻪ ﻭﻋﻦ ﺟﻬﺎﻟﻪ ﺿﺤﻜﺖ ... ﻭﻣﻦ ﻛﻞ ﻋﻘﻠﻚ ﺟﻮﻟﻴﻴﺖ ﺗﻀﺤﻲ ﺑﺎﻃﻔﺎﻟﻬﺎ ... ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ... ﻻ ﺗﺼﻴﺮ ﻇﺎﻟﻢ ﻫﻲ ﺷﺸﺎﻓﺖ ﻣﻦ ﺟﺎﺳﺮ ﺣﺘﺊ ﺗﺸﻮﻑ ﻣﻦ ﺟﻬﺎﻟﻪ ﺑﺎﺑﺎ ﺷﺒﻴﻚ ﻫﺬﺍ ﺍﻟﻜﻠﺐ ﻣﺨﻠﻴﻬﺎ ﺑﺲ ﺗﺨﻠﻒ ﻭﺗﺸﻤﺮ ﻋﻠﻴﻪ ﻣﺎ ﺷﻔﺖ ﻫﻴﺞ ﺍﻧﺴﺎﻥ ﻛﻠﺐ ﺑﺤﻴﺎﺗﻲ ﺭﻏﻢ ﻣﻌﺬﺑﻬﺎ ﻳﺎﺧﺬ ﺣﻘﻮﻗﻪ ﻣﻨﻬﺎ ﺷﻜﺪ ﻋﻤﺮﻫﺎ ﻫﻲ ﺣﺘﺊ ﺗﺒﺘﻠﻲ ﺑﺘﻠﺚ ﺍﻃﻔﺎﻝ ﺻﻜﻴﺖ ﻋﻠﺊ ﺍﺳﻨﺎﻧﻲ .. ﻭﻣﻦ ﺯﻭﺟﺘﻬﺎ ﺍﻟﻪ ﻟﻴﺶ ﻣﺎ ﻛﻠﺖ ﻃﻔﻠﻪ ؟ . ﺭﺩ ﻋﻠﻴﻪ ﺑﺒﺮﻭﺩ ... ﺗﺮﺉ ﺍﻧﻲ ﻣﺎ ﻣﺰﻭﺟﻬﺎ ﺍﻣﻲ ﻫﻲ ﺍﻟﻲ ﺗﺘﺤﻤﻞ ﺍﻟﻤﺴﺆﺅﻟﻴﺔ ﻭﻫﻲ ﺍﻟﻲ ﺯﻭﺟﺘﻬﺎ ﺍﻟﻪ ... ﻣﺸﻴﺖ ﺧﻄﻮﺍﺕ ... ﺍﻟﻜﻼﻡ ﻭﻳﺎﻙ ﺿﺎﻳﻊ ﻣﺸﻪ ﻭﺭﺍﻱ ﻭﻟﺰﻣﻨﻲ ﻣﻦ ﻛﺘﻔﻲ ... ﺍﻫﺪﺉ ﺣﺎﺯﻡ ﺍﻧﻲ ﺍﺧﻮﻛﻢ ﺍﻟﺠﺒﻴﺮ ﻭﺍﻋﺮﻑ ﻣﺼﻠﺤﺘﻜﻢ ﺗﺮﺉ ﻓﻼﺡ ﻫﻮ ﺍﻟﻲ ﺍﺳﺘﻔﺰﻧﻲ ﻭﺍﻧﻲ ﺟﻨﺖ ﺷﺎﺏ ﻭﻃﺎﻳﺶ ﻭﻓﺎﺭ ﺩﻣﻲ ﻣﻨﻪ ﻗﺎﺑﻞ ﻣﺘﻌﻤﺪ ﺑﺲ ﺟﺎﺳﺮ ﻣﺎ ﺍﻟﻪ ﺣﻖ ﻳﻌﺬﺏ ﺍﺧﺘﻲ ﻭﻳﻀﺮﺑﻬﺎ ﻭﻳﻌﻤﻲ ﻋﻴﻮﻧﻬﺎ ﻭﻓﻮﻙ ﻛﻞ ﻫﺬﺍ ﻫﻲ ﺣﺎﻣﻞ ﻣﺮﻩ ﺛﺎﻧﻴﻪ ﻳﻌﻨﻲ ﺍﺫﺍ ﻳﻜﺮﻫﻬﺎ ﻟﻴﺶ ﻳﺘﻘﺮﺏ ﻣﻨﻬﺎ ﻭﻳﺒﻬﺬﻟﺖ ﺑﺎﻻﻃﻔﺎﻝ ﻫﺬﺍ ﻛﻠﻪ ﺿﺪﻧﻪ ﺗﺮﺉ ﻋﺎﺭ ﻋﻠﻴﻪ ﻳﺎﺧﺬ ﺛﺎﺭﻩ ﻣﻦ ﻃﻔﻠﻪ ﻻ ﺣﻮﻝ ﻭﻻ ﻗﻮﻩ ﺍﺧﺘﻨﺎ ﻧﺮﺟﻌﻬﺎ ﺑﻌﺪ ﻣﺎ ﺗﺠﻴﺐ ﻃﻔﻠﻬﺎ ﻭﻫﺬﺍ ﺍﺧﺮ ﻛﻼﻡ ﻣﺴﺤﺖ ﻭﺟﻬﻲ ﺑﺘﻮﺗﺮ ﻣﻦ ﻛﻼﻣﻪ ﻭﺧﻠﻴﺖ ﻭﺭﺣﺖ ﻋﻨﺪ ﺍﻣﻲ ﻟﻜﻴﺘﻬﺎ ﻧﺎﻳﻤﻪ ﻭﺷﺎﺩﻳﻠﻬﺎ ﻣﻐﺬﻱ ﻭﺣﺎﻟﺘﻬﺎ ﺻﻌﺒﻪ ﻟﻼﺳﻒ ... ........................... ﺟﻮﻟﻴﻴﺖ ... ﻣﻦ ﺭﺍﺣﺖ ﺷﺎﻡ ﻭﺍﻧﻲ ﺣﺮﺍﺭﺗﻲ ﺍﺭﺗﻔﻌﺖ ﻭﺳﺨﻨﺖ ﺣﻴﻴﻴﻞ ... ﺗﻌﺒﺖ ﻧﻔﺴﻴﺘﻲ ﻭﺣﺎﻟﺘﻲ ﻣﻦ ﺍﺗﺸﻨﺞ ﻭﺣﺎﻟﺔ ﺍﻟﺼﺮﻉ ﺭﺟﻌﺘﻠﻲ ﺿﺮﺑﺘﻨﻲ ﺍﻟﺤﺎﻟﻪ ﻭﺭﺍﺣﺖ ﻣﻨﻲ ﻭﺍﻧﻲ ﺍﺑﺪ ﻣﺤﺪ ﺍﺟﺎﻧﻲ ... ﺩﺧﺖ ﻭﻧﻤﺖ ﺟﻨﺖ ﺑﻴﻦ ﺍﻟﻮﻋﻲ ﻭﻻ ﻭﻋﻲ ﺟﻨﺖ ﺑﺤﻠﻢ ﺍﻭ ﺑﺤﻘﻴﻘﻪ ﻣﺎ ﺍﻋﺮﻑ ﻛﺪ ﻣﺎ ﺟﺴﻤﻲ ﺗﻌﺒﺎﻥ ﻭﻛﺪ ﺑﺎﻟﻲ ﻣﺸﻮﺵ ﺣﺘﺊ ﻣﺮﺍﺕ ﺍﻧﺴﺊ ﺍﻧﻲ ﺗﻌﺸﻴﺖ ﻟﻮ ﻻ ﻭﺍﻟﻠﻪ ﻋﺒﺎﻟﻚ ﺻﺮﺕ ﺍﻓﻘﺪ ﺍﻟﺬﺍﻛﺮﻩ ﺷﻮﻳﻪ ﺷﻮﻳﻪ ﻣﺮﺍﺕ ﺍﺣﺲ ﺿﺮﺑﺔ ﻧﻮﺍﻝ ﺍﺛﺮﺕ ﻋﻠﻴﻪ ﻭﻋﻠﺊ ﻋﻘﻠﻲ ... ﺍﻫﺬﻱ ﻭﻣﺎ ﺍﺩﺭﻱ ﺷﻨﻮ ﺍﻟﺤﺠﻲ ﺍﻟﻲ،ﺩﺍ ﺍﻛﻮﻭﻟﻪ ﺣﺴﻴﺖ ﺑﻲ ﻟﻒ ﺍﺩﻳﻪ ﻋﻠﺊ ﺑﻄﻨﻲ ﻭﻫﻮ ﻳﺤﺘﻀﻨﻲ ﺍﻧﻲ ﻭﻃﻔﻠﻲ ﺍﻟﻤﺴﻜﻴﻦ ﺍﻟﻲ ﺩﻳﻌﺎﻧﻲ ﻣﻦ ﻫﻞ ﻣﺸﺎﻛﻞ ... ﻟﺰﻣﺖ ﺍﺩﻳﻪ ﻭﺍﻧﻲ ﺍﺇﻥ ﻣﻦ ﻭﺟﻌﻲ ﻭﻻﺯﻣﻪ ﺑﺎﺩﻳﻪ ﺣﻴﻴﻞ ﺣﺴﻴﺖ ﺑﺒﻮﺳﺎﺗﻪ ﺍﻟﺪﺍﻓﻴﻪ ﺗﺨﺘﺮﻕ ﺑﺸﺮﺗﻲ ﻭﺍﺩﻳﻪ ﺗﺘﻠﻤﺲ ﻧﻌﻮﻣﺔ ﺟﺴﻤﻲ ... ﻭﺷﻮﺍﺭﺑﻪ ﺍﻟﺨﺸﻨﻪ ﺗﺪﻏﺪﻍ ﺑﺮﮔﺒﺘﻲ ... ﻫﻤﺲ ﺑﺼﻮﺕ ﺫﺍﻳﺐ ... ﺟﺎﺍﺍﻧﻴﺖ ﺗﻨﻔﺴﺖ ﺑﻌﺬﺍﺏ ﻭﻫﻤﺲ ... ﺍﺍﺍﺍﺍﺍﺥ ﺟﺎﺳﺮ ﻣﺴﺢ ﺍﻟﺪﻣﻌﻪ ﺍﻟﺤﺰﻳﻨﻪ ﺍﻟﻨﺰﻟﺖ ﻋﻠﺊ ﺧﺪﻱ ﻭﺑﺎﺳﻨﻲ ﻫﻤﺲ ﺑﺤﺐ .... ﺍﺣﺒﺒﺒﺞ ﻣﺘﺖ ﻗﻬﺮ ﻣﻦ ﺷﻔﺘﺞ ﻧﺎﻳﻤﻪ ﻭﻓﺎﻗﺪﻩ ﻭﺍﻟﺪﻣﻌﻪ ﺟﺎﻓﻪ ﺑﻌﻴﻨﺞ ﺟﺎﻥ ﻳﺒﻮﺱ ﺑﻴﻪ ﻭﻛﻞ ﺷﻮﻳﻪ ﻭﻧﻄﻖ ﺍﺳﻤﻲ ﻭﻛﺎﻝ ﺟﻮﻟﻴﻴﺖ ﺍﺣﺠﻲ ﻭﻳﺎﻱ ﺍﻧﺘﻲ ﺗﺴﻤﻌﻴﻨﻲ ﺟﻮﻭﻭﻟﻲ ﻻ ﺗﻔﻘﺪﻳﻦ ... ﻛﻌﺪﺕ ﻣﻦ ﻧﻮﻣﻲ ﻣﻔﺰﻭﻋﻪ ﻭﺍﻧﻲ ﺍﺗﻠﻤﺲ ﺑﺎﻟﻤﻜﺎﻥ ﻭﻳﻨﻪ ﻫﻮ ﺻﺢ ﺟﺎﻥ ﻋﻨﺪﻱ ﻟﻮ ﺍﺣﻠﻢ ؟ ﻣﻌﻘﻮﻟﻪ ﻳﻜﻮﻭﻥ ﺣﻠﻢ ﺑﺲ ﻣﺴﺘﺤﻴﻞ ﻳﻜﻮﻥ ﺣﻠﻢ ﻟﺴﻪ ﺧﺼﺮﻱ ﻳﻮﺟﻌﻨﻲ ﻣﻦ ﻟﻤﺴﺎﺗﻪ ﻭﻟﺴﻪ ﺍﺣﺲ ﺑﺸﺮﺗﻲ ﺗﺪﻏﺪﻏﻨﻲ ﻣﻦ ﺑﻮﺳﺎﺗﻪ ... ﻟﻤﻴﺖ ﺷﻌﺮﻱ ﺑﺈﻫﻤﺎﻝ ﻳﺎﺭﺏ ﻫﻞ ﻇﻼﻡ ﺍﻟﻲ ﻣﺤﺎﻭﻃﻨﻲ ﻋﺬﺑﻨﻲ ﻣﺪﺍ ﺍﻓﻬﻢ ﺍﻱ ﺷﺊ ﻣﻦ ﺣﻴﺎﺗﻲ ﻭﻛﻞ ﺷﺊ ﺩﺍ ﺍﺣﺴﻪ ﺣﻠﻢ ﻣﻮ ﻭﺍﻗﻊ ... ﺗﻨﻬﺪﺕ ﺑﻀﻴﻖ ... ﺟﻮﻟﻲ ﺣﺘﺊ ﺑﺎﻟﺤﻠﻢ ﻣﺎ ﺍﻟﺞ ﻓﺮﺣﻪ ﻭﺍﻧﺘﻲ ﻳﻤﻜﻦ ﺗﺤﻠﻤﺘﻲ ﻛﻠﺞ ﺍﺣﺒﺒﺞ ﻳﻌﻨﻲ ﺗﺤﻠﻤﻴﻦ ﻳﺤﺒﺞ ﻫﻬﻬﻪ ... ﻭﻛﻔﺖ ﻭﺍﻧﻲ ﺍﺗﻠﻤﺲ ﺑﺎﻟﻤﻜﺎﻥ ﻭﺍﺭﻳﺪ ﺍﻭﺻﻞ ﻟﻠﺒﺎﺏ ﺑﺎﻟﺘﻌﺐ ﻭﺍﻟﺸﺎﻓﻌﺎﺕ ﻳﺎﻟﻠﻪ ﻭﺻﻠﺖ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻭﺍﻧﻲ ﻟﺤﺪ ﺍﻻﻥ ﺍﺗﻠﻤﺲ ﺑﺎﻟﺤﺎﻳﻂ ﺳﻤﻌﺖ ﻣﺎﻣﺎ ﺭﺿﻴﻪ ﻛﺎﻟﺖ ... ﻫﺎﺍﺍ ﻳﻤﻪ ﺟﻮﻟﻲ ﺻﺒﺎﺡ ﺍﻟﻌﺎﻓﻴﻪ ﺍﺧﺬﺗﻨﻲ ﻏﺴﻠﺖ ﻭﺟﻬﻲ ﻭﺭﺟﻌﺖ ﻛﻌﺪﺗﻨﻲ ﻋﻠﺊ ﺍﻟﻘﻨﻔﻪ ... ﻭﺍﻧﻲ ﻟﺤﺪ ﺍﻻﻥ ﺍﻟﻲ ﺻﺎﺭ ﺑﻴﻪ ﻳﺮﺍﻭﺩﻧﻲ ﺍﻧﻲ ﺻﺪﻙ ﺍﻟﺒﺎﺭﺣﻪ ﻧﻤﺖ ﺑﺤﻀﻦ ﺟﺎﺳﺮ ﻟﻮ ﺷﻨﻮ ﻏﺮﻳﺐ ﺍﻟﺼﺎﺭ ﻭﻳﺎﻱ ﺍﻟﺒﺎﺭﺣﻪ .... ﺍﺑﺘﺴﻤﺖ ﺑﺬﺑﻮﻝ ... ﻣﻦ ﺍﺗﺬﻛﺮﺕ ﻫﻮ ﺟﺎﻥ ﺧﺎﻃﺐ ﻭﺩﻳﺮﻳﺪ ﻳﺘﺰﻭﺝ ﺟﻨﺖ ﺑﻮﻗﺘﻬﺎ ﻃﻔﻠﻪ ﻭﺍﻧﻲ ﺍﺑﺠﻲ ﺍﺭﻳﺪ ﺍﺭﻭﺡ ﺑﻌﺮﺳﻪ ... ﻭﺍﻣﻲ ﺗﺼﻴﺢ ﻋﻠﻴﻪ ... ﻭﻟﺞ ﻭﻣﺮﺽ ﺷﺒﻴﺞ ﺗﺒﺠﻴﻦ ﺭﺩﻳﺖ ﻋﻠﻴﻬﺎ ﺑﻘﻬﺮ ... ﺍﻧﺘﻲ ﻛﻠﻪ ﻣﺎ ﺗﻘﺒﻠﻴﻦ ﻧﻄﻠﻊ ﻭﻻ ﻧﻤﺸﻲ ﺑﺲ ﻣﺨﻠﻴﺘﻨﻪ ﺑﺎﻟﺒﻴﺖ ﻟﻴﺶ ﻣﺎ ﺗﺨﻠﻴﻨﻪ ﻧﺮﻭﺡ ﺑﻌﺮﺱ ﺍﻳﻦ ﺧﺎﻟﺘﻲ ﻭﺍﻟﻠﻪ ﻣﺎﻟﻲ ﺷﻐﻞ ﺍﺭﻭﻭﺡ ﻳﻌﻨﻲ ﺍﺭﻭﻭﺡ ﺍﺭﻳﺪ ﺍﺭﻛﺺ ﺍﺭﻳﺪ ﺍﻟﺒﺲ ﺷﻨﻮ ﻛﺎﻋﺪﻩ ﻫﻨﺎ ... ﻋﻀﺖ ﺍﺻﺒﻌﻬﺎ ﺑﻘﻬﺮ ... ﻭﻟﺞ ﻭﺳﻢ ﺷﺘﺮﻛﺼﻴﻦ ﻳﻤﻌﺰﺍﻳﺔ ﻫﻮ ﻗﺎﺑﻞ ﻫﻨﺎ ﻳﻌﺮﺱ ﺭﺍﺡ ﻳﻌﺮﺱ ﺑﺴﻮﺭﻳﺎ ﻳﻢ ﺍﻫﻞ ﺍﻟﻌﺮﻭﺱ ﺭﺩﻳﺖ ﻋﻠﻴﻬﺎ ﺑﻄﻔﻮﻟﻪ ﻭﺍﺑﺠﻲ ﻣﻦ ﻛﻞ ﻋﻘﻠﻲ ... ﺍﻱ ﺧﻠﻲ ﻧﺮﻭﺡ ﺍﻟﺴﻮﺭﻳﺎ ﺷﻜﻮ ﺑﻴﻬﺎ ﺧﻠﻲ ﻧﺴﺎﻓﺮ ﻭﺍﻟﻠﻪ ﻫﺎﻱ ﻟﻮ ﻫﺎﻟﻪ ﺩﻛﻮﻝ ﻻﻣﻬﺎ ﺍﻣﻬﺎ ﺗﺎﺧﺬﻫﺎ ﺭﻛﺾ ﻭﺍﻧﻲ ﺍﻗﻮﻩ ﻃﻠﻌﻪ ﺍﻟﺴﻮﻙ ﺍﻟﻤﺨﻀﺮ ﺭﺩﺕ ﻋﻠﻴﻪ ﺑﺘﻬﺪﻳﺪ ... ﺧﻮﻭﺵ ﻳﺠﻲ ﻋﺎﺻﻢ ﻭﺍﻛﻠﻪ ﻋﻠﻴﺞ ﺻﺎﻳﺮﻩ ﻭﻛﺤﻪ ﻭﻟﺴﺎﻧﺞ ﻃﻮﻭﻭﻳﻞ ﺭﺩﻳﺖ ﻋﻠﻴﻬﺎ ... ﻫﻼﻭﻭﻭ ﻭﺷﻨﻮ ﺧﺎﻳﻔﻪ ﻣﻦ ﻋﺎﺻﻢ ﻫﻮ ﺩﺧﻞ ﻋﺎﺻﻢ ﻭﺍﻧﻲ ﺟﻤﺪﺕ ﺑﻤﻜﺎﻧﻲ ﻭﺭﺟﻔﺖ ﻛﻞ ﺍﻋﻀﺎﺋﻲ ﺑﺎﻭﻋﻠﻲ ﻭﻫﻮ ﻋﺎﻗﺪ ﺣﻮﺍﺟﺒﻪ ... ﺧﻴﺮ ﺷﻜﻮﻭﻭ ﺳﻤﻌﺖ ﺍﺳﻤﻲ ﺍﻧﻲ ﺑﻠﻌﺖ ﺭﻳﻜﻲ ﺑﺨﻮﻭﻑ ﻭﺍﻣﻲ ﺑﺎﻭﻋﺘﻠﻲ ﻭﺗﻨﻬﺪﺕ ﻛﻠﺘﻠﻪ .. ﺗﺮﻳﺪ ﺗﺮﻭﺡ ﺍﻟﻌﺮﺱ ﺟﺎﺳﺮ ﺍﻛﻠﻬﺎ ﺑﺴﻮﺭﻳﺎ ﻣﺘﻔﻬﻢ ﻫﻮ ﺍﺟﻪ ﺗﻘﺮﺏ ﻣﻨﻲ ﻭﻛﺮﺹ ﺧﺪﻱ ﺣﻴﻴﻞ ﻭﺑﺨﺒﺚ ﻭﻋﺼﺒﻴﺔ ﻛﺎﻝ ... ﺑﻌﺪ ﺍﺫﺍ ﺳﻤﻌﺖ ﻛﻠﻤﺔ ﺍﻟﺞ ﺍﺷﻚ ﺣﻠﻜﺞ ﻳﺎﻟﻠﻪ ﺍﻣﺸﻲ ﻭﻟﻲ ﺍﺩﺑﺴﺰ ﺧﻠﻴﺖ ﻭﻣﺸﻴﺖ ﺑﺲ ﺍﺣﺲ ﺍﻟﺪﻣﻌﻪ ﺑﻌﻴﻨﻲ ﻭ ﻭﺟﻬﻲ ﺻﺎﺭ ﻧﺎﺭ .. ﺍﻧﻮﺏ ﺍﻣﻲ ﺿﻠﺖ ﺗﺤﺠﻲ ﻋﻠﻴﻪ ﻭﺭﺯﻟﺘﻪ ﻭﺍﺟﺖ ﺑﺎﺳﺘﻨﻲ ﻭﻃﻴﺒﺖ ﺧﺎﻃﺮﻱ ﻭﺍﺧﺬﺗﻨﻲ ﻟﻠﺴﻮﻙ ﺍﺷﺘﺮﺗﻠﻲ ﻣﻼﺑﺲ ﻭﻛﻞ ﺷﻮﻳﻪ ﺗﺒﺎﻭﻋﻠﻲ ﺑﺤﺰﻥ ... ﺗﻨﻬﺪﺕ ﺑﻀﻴﻖ ﻭﻃﺮﺩﺕ ﻫﻞ ﺍﻓﻜﺎﺭ ﻣﻦ ﺑﺎﻟﻲ ﻭﺍﺣﻪ ﻣﺮﺗﻀﺊ ﻭﻣﺠﺘﺒﺊ ﻳﺒﻮﺳﻮﻥ ﺑﻴﻪ ﻭﻳﺸﻜﻮﻥ ﻣﻦ ﺍﻟﺪﻳﺞ ﻭ ﻭﻗﺎﺭ ﺗﺤﺠﻲ ﻋﻠﻴﻬﻢ ﻣﺴﺒﺤﻴﻨﻪ ﻭﻣﺨﻠﺼﻴﻦ ﺍﻟﺸﺎﻣﺒﻮ ﻣﺎﻟﺘﻬﺎ ﻛﻠﻪ ﻭﻫﻲ ﺗﺸﺘﺮﻱ ﻏﺎﻟﻲ ... ﻫﻬﻬﻬﻬﻬﻬﻬﻬﻬﻪ ﺧﻄﻴﻪ ﺍﻧﻘﻬﺮﺕ ﻋﻠﻴﻬﺎ ... ﻛﻌﺪﺕ ﻳﻤﻲ ﻭﻫﻲ ﺗﺤﺠﻲ ﻋﻠﻴﻬﻢ ﻭﺗﻐﻠﻂ ﻭﺍﻧﻲ ﺍﺿﺤﻚ ﻋﻠﻴﻬﺎ ... ﻣﺮﺕ ﺍﻳﺎﻡ ﻭﺟﺎﺳﺮ ﺻﺎﺭ ﻋﺎﺩﻱ ﺍﻻﻣﻮﺭ ﻃﺒﻴﻌﻴﻪ ﺑﺲ ﺍﻧﻲ ﺑﺒﺎﻟﻲ ﺍﺭﻳﺪ ﺍﺭﻭﺡ ﺍﻟﺸﺎﻡ ﻭﺍﺷﻮﻓﻬﺎ ﻭﺍﻭﺍﺟﻬﺎ ﻭﺍﺣﺠﻲ ﻭﻳﺎﻫﺎ ... ﺣﺠﻴﺖ ﺍﻟﻮﻗﺎﺭ ﻋﻦ ﻫﻞ ﻗﺮﺍﺭ ﻭﻫﻲ ﻣﺎ ﻗﺒﻠﺖ ﺑﺎﻟﺒﺪﺍﻳﻪ ﺑﺲ ﺑﻌﺪﻫﺎ ﻗﻨﻌﺘﻬﺎ .. ﻛﺎﻟﺖ ... ﺧﺎﻑ ﺟﺎﺳﺮ ﻣﻴﻘﺒﺎ ﻛﻠﺘﻠﻬﺎ ﻻ ﻧﻜﻮﻟﺔ ﺭﺍﻳﺤﻴﻦ ﻟﻠﺪﻛﺘﻮﺭﻩ ﺍﻭ ﺍﻱ ﺷﺊ ﻭﻧﺎﺧﺬ ﻣﺎﻣﺎ ﺭﺿﻴﻪ ﻭﻳﺎﻧﻪ ﻫﻲ ﺗﻨﻬﺪﺕ ﻛﺎﻟﺖ ... ﺧﺎﻑ ﺗﻄﺮﺩﻧﺎ ﻫﻬﻬﻪ ﺿﺤﻜﺖ ... ﻋﻮﺩ ﺍﺫﺍ ﻃﺮﺩﺗﻨﺎ ﺍﻧﺠﺮ ﺗﻜﺴﻲ ﻟﻔﺸﻠﺘﻨﺎ ﻭﻧﺠﻴﺒﻬﺎ ﻫﻬﻬﻪ ﺿﻠﻴﻨﻪ ﻧﻀﺤﻚ ﺷﻮﻳﻪ ﻭﺑﻌﺪﻫﺎ ﻛﺎﻟﺖ ... ﻫﻲ ﻳﺎﺳﻤﻴﻦ ﻫﻲ ﺍﻟﺴﺒﺐ ﺗﺮﺉ ﺷﺎﻡ ﺭﻏﻢ ﺗﺤﺠﻲ ﻭﺗﺼﻴﺢ ﺑﺲ ﻣﻮ ﻣﺜﻞ ﻳﺎﺳﻤﻴﻦ ﺍﺣﺴﻬﺎ ﻣﻦ ﻗﻬﺮﻫﺎ ﻫﻴﺞ ﺗﺤﺠﻲ ... ﺑﺲ ﻳﺎﺳﻤﻴﻦ ﺟﺬﺍﺑﻪ ﻛﺎﻟﺖ ﺟﻨﻪ ﻻﺟﺌﻴﻦ ﻳﺎﻟﻴﺒﻴﺎ ﻭﻫﻮ ﺟﺬﺏ ﻣﺠﺎﻧﺖ ﺑﺎﻟﻴﺒﻴﺎ ﺍﺻﻼ ﺷﺨﺬﻫﻢ ﺍﻟﻠﻴﺒﻴﺎ ... ﺑﺲ ﺍﻟﻲ ﻓﻬﻤﺘﻪ ﺷﺎﻡ ﺭﺍﻳﺤﻪ ﻣﻬﺠﺮﺓ ﺍﻭ ﻻﺟﺌﻪ ﻟﻠﺒﻨﺎﻥ ﻭﻫﻨﺎﻙ ﻣﺴﺠﻮﻧﻪ ﺑﺘﻬﻤﺔ ﺍﻻﻧﻀﻤﺎﻡ ﻟﺘﻨﻀﻴﻢ ﺩﺍﻋﺶ ﺍﻋﺘﻘﺪ ﺟﺎﻧﻮﺍ ﻭﻳﻪ ﻭﻓﺪ ﺍﻻﺟﺌﻴﻦ ﺟﺎﻥ ﺍﻛﻮ ﺩﻭﺍﻋﺶ ﻭﺳﺎﺟﻨﻴﻦ ﺍﻟﻜﻞ ﻫﻴﺞ ﻓﻬﻤﺖ ﻣﻦ ﺟﺎﺳﺮ ﻭﻟﻮ ﺍﺧﻮﻳﻪ ﻣﻴﻔﻬﻢ ﻳﺤﺠﻲ ﺑﻐﻤﻮﺽ ﻭﻫﻤﺎﺗﻴﻦ ﻫﻲ ﻣﺼﺎﺭ ﻫﻮﺍﻳﺔ ﻣﻦ ﻃﻠﻌﺖ ﻣﻦ ﺍﻟﺴﺠﻦ ﺑﺲ ﻣﻦ ﺟﺎﻧﺖ ﺑﺎﻟﺴﺠﻦ ﺟﺎﻧﺖ ﺍﻛﻮ ﻣﺮﻩ ﺗﺘﻮﺍﺻﻞ ﻭﻳﺎﻫﺎ ﻭﺗﺰﻭﺭﻫﺎ ﺑﺎﻟﺴﺠﻦ ﻫﻲ ﺑﺎﻟﺒﻨﺎﻥ ﻭﺍﻛﻴﺪ ﺍﻛﻮ ﺍﺗﺼﺎﻝ ﺑﻴﻨﻬﺎ ﻭﺑﻴﻦ ﻳﺎﺳﻤﻴﻦ ﻻﻥ ﻫﻲ ﺍﻟﻲ ﻭﺻﻠﺖ ﻛﻞ ﺷﺊ ﺍﻟﺸﺎﻡ ﺍﺳﺘﻐﺮﺑﺖ ... ﻫﻞ ﻛﻼﻡ ﻣﻨﺞ ﻟﻮ ﻣﻦ ﺷﺎﻡ ؟ ﺟﺮﺕ ﻧﻔﺲ ... ﻻ ﻫﻮ ﻫﻴﺞ ﻭﻫﻴﺞ ﻛﺘﻠﺞ ﻧﺮﻭﺡ ﺍﻟﻬﺎ ﻭﻧﻔﺘﻬﻢ .... ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﺿﻠﻴﺖ ﺍﻓﻜﺮ ﺑﻜﻼﻡ ﻭﻗﺎﺭ ﻳﻌﻨﻲ ﻣﻌﻘﻮﻟﻪ ﻳﻜﻮﻥ ﻛﻼﻣﻬﺎ ﺻﺤﻴﺢ ﻟﺤﺪ ﺍﻻﻥ ﻣﺎ ﺍﻓﻬﻢ ﺳﺒﺐ ﺍﺧﺘﻔﺎﺀ ﺷﺎﻡ ﻭﻻ ﺍﻓﻬﻢ ﻣﻮﺿﻮﻋﻬﺎ ... ﺷﻮﻳﻪ ﻭﺩﺧﻞ ﺟﺎﺳﺮ ﺳﻠﻢ ﻭﺭﺍﺡ ﻣﺎﻛﻮ ﺗﻘﺮﻳﺒﺎ ﻣﺮﺓ ﺳﺎﻋﻪ ﻭﺍﺟﻪ ﻳﺼﻴﺢ ﻭﻣﺘﻌﺼﺐ ﺍﻧﻲ ﻭﻛﻔﺖ ﺑﺨﻮﻭﻑ ﻭﺍﺟﺖ ﻭﻗﺎﺭ ﺗﺮﻛﺾ ﻛﻠﺘﻠﻪ ... ﺧﻴﺮ ﺷﻜﻮﻭ ﺷﺒﻴﻚ ﺟﺎﺳﺮ ﺭﺩ ﻋﻠﻴﻬﺎ ... ﻫﺎﻱ ﺍﻟﻜﻠﺒﻪ ﻫﺎﻟﻪ ﺷﻠﻮﻥ ﺗﺪﺧﻞ ﺑﻴﺘﻲ ﻭﺷﻠﻮﻥ ﻣﺎ ﺩﻛﻠﻮﻟﻲ ﺭﺩﺕ ﻋﻠﻴﻪ ﺭﺿﻴﻪ ... ﻭﺍﻟﻠﻪ ﻳﺎ ﻳﻤﻪ ﻧﺴﻴﺖ ﻣﻦ ﻛﺜﺮ ﺍﻟﻤﺸﺎﻛﻞ ﺍﻱ ﺍﺟﺖ ... ﺣﺠﺘﻠﻪ ﺷﻨﻮ ﺍﻟﺴﻮﺕ ﻭﺷﻠﻮﻥ ﻫﺎﻟﻪ ﺩﻓﻌﺘﻨﻲ ﻭﺧﺎﻟﺘﻲ ﺗﺼﻴﺢ ﺍﻧﻮﺏ ﻭﻗﺎﺭ ﺻﺪﻣﺘﻨﻲ ﻣﻦ ﻛﻠﺘﻠﻪ ﺻﻮﺭﺕ ﺟﻮﻭﻟﻲ ﻭﻫﻲ ﺑﺎﻟﻤﺴﺘﺸﻔﻰ ... ﺍﻧﻲ ﺍﻧﺼﺪﻣﺖ ... ﻋﺰﺍ ﻟﻴﺶ ﻣﺼﻮﺭﺗﻨﻲ ﻳﺎ ﺣﻴﻮﺍﻧﻪ ﻟﻴﺶ ﻫﻮ ﺿﻞ ﻳﺼﻴﺢ ﻋﻠﺊ ﻭﻗﺎﺭ ﻭﺭﺯﻟﻬﺎ ﻛﻠﻬﺎ ﺷﻠﻮﻥ ﻣﺎ ﺩﻛﻠﻴﻠﻲ ﺍﻧﺘﻦ ﻭﺍﻟﻠﻪ ﺳﺒﺐ ﺍﻟﻤﺼﺎﻳﺐ ﻣﺎ ﺩﻛﻠﻠﻲ ﺑﻮﻗﺖ ﺍﻟﻤﺸﻜﻠﻪ ﺍﻟﻪ ﺗﺼﻴﺮ ﺍﻛﺴﺒﺎﻳﺮ ﻳﺎﻟﻠﻪ ... ﺍﻧﻮﺏ ﺧﺎﺑﺮ ﺍﻣﻪ ﻛﻠﻬﺎ ... ﻛﻠﻲ ﻻﺧﺘﺞ ﻭﻫﺎﻟﻪ ﻳﺠﻦ ﺑﺴﺮﻋﻪ ﺍﻟﺒﻴﺘﻨﻪ ﻭﻫﺎﺍﺍ ﻻ ﺩﻛﻠﻴﻠﻬﻦ ﺟﺎﺳﺮ ﻛﺎﻝ ..................... ﺟﺎﺑﺮ ... ﺟﻨﺖ ﻛﺎﻋﺪ ﺑﻐﺮﻓﺘﻲ ﻭﺍﺗﺬﻛﺮﺕ ﻗﺒﻞ ﺍﻳﺎﻡ ﻣﻦ ﺭﺟﻌﺖ ﻟﻠﺒﻴﺖ ﻭﺻﺎﺭ ﻫﻞ ﺣﺪﺙ ﺍﺧﺘﻲ ﺭﻳﻬﺎﻡ ﺻﺎﺭ ﻛﻢ ﻳﻮﻡ ﻣﻮﺟﻮﺩﻩ ﺍﻛﻴﺪ ﺯﻋﻼﻧﻪ ﺑﺲ ﻣﺘﺤﺠﻲ ﺭﺟﻌﺖ ﺑﺬﺍﻛﺮﺗﻲ ﻟﺬﺍﻙ ﺍﻟﻴﻮﻡ ﺭﺟﻌﺖ ﻟﻠﺒﻴﺖ ﺑﻮﻗﺖ ﻣﺘﺄﺧﺮ ﺗﻘﺮﻳﺒﺎً ﺳﺎﻋﺔ ١١ ﺑﺎﻟﻠﻴﻞ ﺍﺣﺎﻭﻝ ﺍﺷﺮﺩ ﻣﻦ ﺍﻟﺒﻴﺖ ﺍﺭﻳﺪ ﺍﻓﺮﻍ ﻫﻤﻲ ﺑﺮﻩ ﺍﺫﺍ ﺍﺑﻘﻰ ﺑﺎﻟﺒﻴﺖ ﻛﻞ ﺷﻲ ﻛﺒﺎﻝ ﻋﻴﻨﻲ ﻳﺨﺼﻬﺎ ﻭﻫﺎﻟﺸﻲ ﻳﻀﻮﺟﻨﻲ ﻭﻳﺬﻛﺮﻧﻲ ﺑﺴﻮﺍﻟﻔﻬﺎ ﻭﺃﻫﻠﻬﺎ ﺍﻟﻲ ﺷﺠﻌﻮﻫﺎ ﻭﺗﺘﺄﺟﺞ ﻧﺎﺭ ﺍﻟﺤﻘﺪ ﺑﺪﺍﺧﻠﻲ ﻟﻤﻦ ﺩﺧﻠﺖ ﺗﻠﻜﺘﻨﻲ ﺍﻣﻲ ﻟﺰﻣﺘﻨﻲ ﻳﻤﻪ ﻟﻴﺶ ﻫﻴﺞ ﻳﺠﺎﺑﺮ ؟ ﺗﺘﺄﺧﺮ ﺑﺮﻩ ﻭﺗﺨﻠﻴﻨﻲ ﻗﻠﻘﺔ ﻋﻠﻴﻚ ﻭﺧﺎﻳﻔﺔ ؟ ﻟﻴﺶ ﻳﺎ ﻭﺣﻴﺪﻱ ؟ ﺗﺤﺴﺮﺕ ﻭﺑﺴﺘﻬﺎ ﻋﻠﻰ ﺭﺍﺳﻬﺎ ﻳﻤﻪ ﺍﻟﻠﻪ ﻳﺨﻠﻴﺞ ﻭﺍﻟﻠﻪ ﻣﺎﻟﻲ ﺧﻠﻚ ﻣﻼﻣﺔ ﺗﻌﺒﺎﻥ ﻭﻃﺎﻛﺔ ﺭﻭﺣﻲ ﻭﺿﺎﻳﺞ ﻭﺍﻧﺘﻲ ﻣﺎﻳﺨﻔﻰ ﻋﻠﻴﺞ ﻫﺬﺍ ﺍﻟﻮﺿﻊ ﺧﻠﻴﻨﻲ ﺑﺮﺍﺣﺘﻲ ﻗﺎﺑﻞ ﻭﻳﻦ ﺭﺍﻳﺢ ﺃﻧﻲ ؟؟ ﻫﻮ ﻫﻨﺎ ﺑﺎﻟﻤﻨﻄﻘﺔ ﻳﻢ ﺟﻤﺎﻋﺘﻲ ﻟﻮ ﺑﺎﻟﻜﻮﻓﻲ ﻛﺎﻟﺖ ﺑﻨﻔﺲ ﻧﺒﺮﺓ ﺍﻟﺤﺰﻥ ﻭﺍﻟﺘﻮﺳﻞ ... ﺍﻱ ﻳﻤﻪ ﻣﻴﺨﺎﻟﻒ ﺑﺲ ﻋﻠﻰ ﺍﻻﻗﻞ ﺭﺩ ﻋﻠﻰ ﺍﻟﺘﻠﻴﻔﻮﻥ ﺷﻜﺪ ﺧﺎﺑﺮﺕ ﻋﻠﻴﻚ ﺧﻠﻴﺖ ﺍﻳﺪﻱ ﻋﻠﻰ ﺟﺒﻴﻨﻲ ﻭﺗﻨﻬﺪﺕ ﺍﻭﻭﻭ ﻧﺎﺳﻲ ﺻﺎﻣﺖ ﻭﺍﻟﻠﻪ ﺣﻘﺞ ﻋﻠﻴﻪ ﻳﻤﻪ ﻋﺬﺭﻳﻨﻲ ﺧﻠﻴﺘﺞ ﺗﻨﺸﻐﻠﻴﻦ ﻭﺗﺨﺎﻓﻴﻦ ﻛﺘﻠﻬﺎ ﻳﻠﻪ ﺍﻧﻲ ﺍﻓﻮﺕ ﻟﻠﻐﺮﻓﺔ ﺍﺭﻳﺪ ﺍﺳﺒﺢ ﻭﺍﻧﺎﻡ ﺑﺎﺟﺮ ﻫﻢ ﻭﺭﺍﻱ ﻛﻌﺪﺓ ﻣﻦ ﺍﻟﺼﺒﺢ ﺍﻱ ﻳﻤﻪ ﻓﻮﺕ ﺑﺲ ﻫﺎ ﺍﺟﺖ ﺍﺧﺘﻚ ﺍﻟﻌﺼﺮ ... ﻫﺎ ﺭﻳﻬﺎﻡ ﻭﻳﻨﻬﺎ ؟؟ ﻛﺎﻟﺖ ﻧﺎﻣﺖ ﺗﻌﺒﺎﻧﺔ ﻭﻫﻢ ﻭﺭﺍﻫﺎ ﺩﻭﺍﻡ ﺑﺎﺟﺮ ... ﺍﻟﺼﺒﺢ ﺗﺸﻮﻓﻬﻪ ﺍﻥ ﺷﺎﺀﺍﻟﻠﻪ .. ﻛﺘﻠﻬﺎ ﺑﻘﻠﻖ ﺧﻮﻭ ﻣﺎ ﺟﺎﻳﻪ ﺯﻋﻼﻧﺔ ﺍﻭ ﺍﺣﺪ ﻣﺴﻤﻌﻬﺎ ﺣﺠﻲ ؟ ﻣﺎ ﻻﺣﻈﺘﻲ ﻋﻠﻴﻬﺎ ﺷﻲ ؟؟ ﻛﺎﻟﺖ ﺑﺮﻓﺾ ﻻﻻ ﻳﻤﻪ ﺍﺑﺪ ﺍﻃﻤﺌﻦ ﺻﻼﺡ ﻭﺭﺩﺓ ﺗﺪﺭﻱ ﺑﻲ ﺍﻧﺘﻪ ﺷﻜﺪ ﻳﺤﺒﻬﺎ ... ﻛﺎﻟﺖ ﻫﻴﺞ ﻭﺩﺍﺭﺕ ﻭﺟﻬﻪ ، ﻣﺎﻋﺠﺒﻨﻲ ﻭﺿﻊ ﺍﻣﻲ ﻋﺒﺎﻟﻚ ﺗﺨﻔﻲ ﺷﻲ !! ﺧﺎﻑ ﻣﺄﺫﻳﻨﻬﺎ ﻟﺮﻳﻬﺎﻡ ﻻ ﻭﺍﻟﻠﻪ ﺍﺫﺍ ﺻﺪﻙ ﻫﺎﻟﻤﺮﺓ ﻳﺸﻮﻓﻮﻥ ﻭﺟﻬﻲ ﺍﻟﺜﺎﻧﻲ .. ﻛﺘﻠﻬﺎ ﻫﺎﺍ ﻭﻳﻨﻬﺎ ﻫﺴﻪ ﺭﻫﻮﻣﺔ ؟؟ ﺑﻐﺮﻓﺘﻬﺎ ﻣﻮﻭ ؟ ﻛﺎﻟﺖ ﺍﻱ ﻳﻤﻪ ﻣﻮ ﻛﺘﻠﻚ ﻧﺎﻳﻤﺔ ؟؟ ﻫﺰﻳﺖ ﺭﺍﺳﻲ ﺧﻠﻴﺖ ﺍﻳﺪﻱ ﻋﻠﻰ ﻛﺘﻒ ﺍﻣﻲ ﺗﺼﺒﺤﻴﻦ ﻋﻠﻰ ﺧﻴﺮ ﻋﻔﺖ ﺍﻣﻲ ﺑﺎﻟﺼﺎﻟﺔ ﻭﺗﻮﺟﻬﺖ ﻟﻠﻐﺮﻓﺔ ﺭﻳﻬﺎﻡ ﺩﻛﻴﺖ ﺍﻟﺒﺎﺏ ﻣﺎﻟﻜﻴﺖ ﺍﺟﺎﺑﺔ ، ﻓﺘﺤﺘﻪ ﺟﺎﻧﺖ ﺍﻟﻐﺮﻓﺔ ﻇﻠﻤﺔ ﺻﺤﺖ ﺑﺼﻮﺕ ﻧﺎﺻﻲ ﺍﺷﺒﻪ ﺑﺎﻟﻬﻤﺲ .. ﺭﻳﻬﺎﻡ ﺭﻳﻬﺎﻡ ﺍﺫﺍ ﻛﺎﻋﺪﺓ ﺣﺎﺟﻴﻨﻲ ﻋﻨﺪﻱ ﺣﺠﻲ ﻭﻳﺎﺝ ؟ ﺑﺲ ﻣﺎﻛﻮ ﺟﻮﺍﺏ ، ﺍﻟﻈﺎﻫﺮ ﻧﺎﻳﻤﺔ ﺻﺪﻙ ﺍﻭ ﺗﺘﻈﺎﻫﺮ ﺑﺎﻟﻨﻮﻡ ﺑﻘﻴﺖ ﻗﻠﻖ ﺧﺎﻑ ﺻﺎﻳﺮ ﺍﻟﻬﺎ ﺷﻲ ، ﺟﻴﺘﻬﺎ ﻣﻮ ﺧﺎﻟﻴﺔ ﺑﻬﺎﻟﻮﺿﻊ ﻫﺬﺍ ، ﺳﺪﻳﺖ ﺍﻟﺒﺎﺏ ﺑﻬﺪﻭﺀ ﻭﺗﻮﺟﻬﺖ ﻟﻐﺮﻓﺘﻲ .. ﺩﺧﻠﺖ ﻟﻠﻐﺮﻓﺔ ﺗﻨﻬﺪﺕ ﺻﺎﻳﺮ ﺍﻛﺮﻩ ﻫﺎﻟﻐﺮﻓﺔ ﺗﺬﻛﺮﻧﻲ ﺑﻴﻬﺎ ﺍﻛﺜﺮ ﺷﻲ .. ﻓﺘﺤﺖ ﺍﻟﻀﻮﻩ ، ﺷﻤﺮﺕ ﺍﻟﻤﻔﺎﺗﻴﺢ ﻋﻠﻰ ﺍﻟﻤﻴﺰ ﺑﻌﺼﺒﻴﺔ ، ﻭﻃﺒﻜﺖ ﺍﻟﺒﺎﺏ ﺑﻌﻨﻒ .. ﺑﺎﻭﻋﺖ ﻟﻤﻴﺰ ﺍﻟﺘﻮﺍﻟﻴﺖ ﺍﻟﻲ ﺻﺎﻳﺮ ﺑﺼﻒ ﺍﻟﺒﺎﺏ ﻭﺗﺬﻛﺮﺕ ﻗﺒﻞ ﻓﺘﺮﺓ ﺭﺟﻌﺖ ﻟﻠﺒﻴﺖ ﻫﻢ ﺟﻨﺖ ﺟﺎﻱ ﻣﺘﺄﺧﺮ ﺗﺄﺧﺮﺕ ﻭﻳﻪ ﺟﻤﺎﻋﺘﻲ ﺭﺟﻌﺖ ﻓﺘﺤﺖ ﺍﻟﺒﺎﺏ ﺷﻔﺘﻬﺎ ﻛﺎﻋﺪﺓ ﻋﻠﻰ ﺍﻟﻜﺮﺳﻲ ﻭﺧﻠﻴﻪ ﺭﺍﺳﻬﺎ ﻋﻠﻰ ﻣﻴﺰ ﺍﻟﺘﻮﺍﻟﻴﺖ ﻭﻣﺴﺘﺴﻠﻤﺔ ﻟﻠﻨﻮﻡ ﺍﻧﺘﺒﻬﺖ ﻋﻠﻰ ﺍﻟﻐﺮﻓﺔ ﻣﺰﻳﻨﺔ ﻧﻔﺎﺧﺎﺕ ﻭﻭﺭﺩ ﻋﻠﻰ ﺍﻟﺴﺮﻳﺮ ﻋﻠﻰ ﺷﻜﻞ ﻗﻠﺐ ﻭﺍﺣﺮﻑ ﺍﺳﻤﻲ ﺑﺎﻻﻧﻜﻠﻴﺰﻱ ﺍﺳﺘﻐﺮﺑﺖ ﻭﺍﻧﻲ ﻣﺒﺘﺴﻢ ﺑﺎﻭﻋﺖ ﺷﻔﺖ ﻛﻴﻜﺔ ﺍﺣﻤﺮ ﻭﺍﺑﻴﺾ ﻭﺍﺳﻤﻲ ﺑﺎﻟﻨﺺ ﻫﺎﻱ ﺷﻠﻮﻥ ﻧﺴﻴﺖ ﺍﺍﻟﻴﻮﻡ ﻋﻴﺪ ﻣﻴﻼﺩﻱ ﺍﻛﻮ ﻭﺍﺣﺪ ﻳﻨﺴﻰ ﻋﻴﺪ ﻣﻴﻼﺩﻩ !!! ﺍﻧﺤﻨﻴﺖ ﻋﻠﻴﻬﺎ ﻭﺧﺮﺕ ﺷﻌﺮﻫﺎ ﻣﻦ ﻋﻠﻰ ﻭﺟﻬﻪ ﺣﺒﻴﺒﺘﻲ ﺍﻟﻲ ﻣﺴﻮﻳﺘﻠﻲ ﻣﻔﺎﺟﺄﺓ ، ﺑﺴﺘﻬﺎ ﻋﻠﻰ ﺭﺍﺳﻬﺎ ﻭﺭﻓﻌﺘﻬﺎ ﻣﻦ ﻋﻠﻰ ﺍﻟﻜﺮﺳﻲ ﻭﺗﻮﺟﻬﺖ ﺑﻴﻬﺎ ﻟﻠﺴﺮﻳﺮ ....... ﻫﻴﻪ ﻟﻤﻦ ﺭﻓﻌﺘﻬﺎ ﺑﻴﻦ ﺍﺩﻳﻪ ﻓﺰﺕ ﻣﻦ ﻧﻮﻣﻬﺎ ﻭﻛﺎﻟﺖ ﻭﻫﻴﻪ ﻣﻨﻌﺴﺔ ﻭﻣﺘﻤﺴﻜﺔ ﺑﻴﻪ ﻗﻮﻭﻱ .. ﺟﺎﺑﺮ ﻟﻴﺶ ﺗﺎﺧﺮﺕ ﺣﺒﻴﺒﻲ ؟ ﺧﻠﻴﺘﻬﺎ ﻉ ﺍﻟﺴﺮﻳﺮ ﻣﻴﻠﺖ ﺭﻭﺣﻲ ﻋﻠﻴﻬﺎ ﺑﻮﺳﺘﻬﺎ ﺑﺨﺪﻫﺎ ﻭﺭﺍﺳﻬﺎ ﻭﺍﺩﻳﻬﺎ ﻛﺎﻟﺖ ﺣﺮﺍﻣﺎﺕ ﺧﺮﺑﺖ ﺍﻟﻤﻔﺎﺟﺎﺓ .. ﻛﻌﺪﺕ ﻳﻤﻬﺎ ﺍﺑﺎﻭﻋﻠﻬﺎ ﻣﺒﺘﺴﻢ ﻻ ﻣﺎﺧﺮﺑﺖ ﺍﻟﻠﻴﻠﺔ ﻧﺴﻬﺮ ﻟﻠﺼﺒﺢ ﺣﺘﻰ ﻟﻮ ﺍﻏﻴﺐ ﺑﺎﺟﺮ ﻋﻦ ﺍﻟﺪﻭﺍﻡ ﺿﺤﻜﺖ ﻭﻛﺎﻣﺖ ﺑﺎﺳﺘﻨﻲ ﻋﻠﻰ ﺧﺪﻱ ﻭﻫﻴﻪ ﺗﻬﻨﻴﻨﻲ ﺑﻌﻴﺪ ﻣﻴﻼﺩﻱ .. ﻛﻞ ﻋﺎﻡ ﻭﺍﻧﺖ ﺑﺨﻴﺮ ﺣﺒﻴﺒﻲ ﺍﻟﻠﻪ ﻳﺤﻔﻈﻚ ﺍﻟﻲ ﻃﻮﻝ ﺍﻟﻌﻤﺮ ... ﺭﺟﻌﺖ ﻣﻦ ﺫﻛﺮﻳﺎﺗﻲ ﻭﺍﻧﻲ ﺍﻛﻮﻝ ﺍﻟﻈﺎﻫﺮ ﻣﺎﺭﺍﺡ ﻧﺒﻘﻰ ﻃﻮﻝ ﺍﻟﻌﻤﺮ ﻳﺎ ﻭﻗﺎﺭ . ﻃﻠﻌﺖ ﺗﻠﻴﻔﻮﻧﻲ ﻣﻦ ﺟﻴﺒﻲ ﻓﺘﺤﺘﻪ ﻫﻮﺍﻱ ﻣﻜﺎﻟﻤﺎﺕ ﻣﻦ ﺍﻣﻲ ﺳﻮﻳﺘﻪ ﻋﺎﻡ ﻭﺍﺧﺬﺕ ﻣﻼﺑﺲ ﻭﺭﺣﺖ ﻟﻠﺤﻤﺎﻡ ﻏﺴﻠﺖ ﻭﻃﻠﻌﺖ ... ﻭﻛﻔﺖ ﻉ ﺍﻟﻤﻴﺰ ﺍﻟﺘﻮﺍﻟﻴﺖ ﺍﻧﺸﻒ ﺷﻌﺮﻱ ﺳﻤﻌﺖ ﺻﻮﺕ ﻣﺴﺞ ﻭﺻﻠﻨﻲ ﺍﺳﺘﻐﺮﺑﺖ ﻣﻌﻘﻮﻟﺔ ﻫﻴﻪ ؟؟ ﺷﻤﺮﺕ ﺍﻟﺨﺎﻭﻟﻲ ﻭﺍﺧﺬﺕ ﺗﻠﻴﻔﻮﻧﻲ ﺷﻔﺖ ﻣﺴﺞ ﻣﻦ ﺭﻗﻢ ﻏﺮﻳﺐ ، ﻛﻌﺪﺕ ﻋﻠﻰ ﺍﻟﺴﺮﻳﺮ ﻓﺘﺤﺘﻪ .. ﻗﺮﻳﺘﻪ ﻣﻜﺘﻮﺏ ... ﺍﻧﻲ ﺳﺠﺊ ﺑﻨﺖ ﻓﻼﺡ ﻣﻤﻜﻦ ﺍﺣﺠﻲ ﻭﻳﺎﻙ ﺷﻮﻭﻳﺔ ؟؟ ﺍﺳﺘﻐﺮﺑﺖ ﻭﻋﻜﺪﺕ ﺣﻮﺍﺟﺒﻲ ﺑﻘﻴﺖ ﺛﻮﺍﻧﻲ ﺍﻓﻜﺮ ﺍﺭﺩ ﻋﻠﻴﻬﺎ ﻟﻮ ﻻ ؟ ﻭﺍﻧﻲ ﺑﺰﺣﻤﺔ ﺗﻔﻜﻴﺮﻱ ﺍﺟﺎﻧﻲ ﺍﻟﻤﺴﺞ ﺍﻟﺜﺎﻧﻲ ﻣﻨﻬﺎ ﺑﺲ ﻣﻤﻜﻦ ﺗﺠﺎﻭﺏ ﻫﻮﺍﻱ ﺷﻐﻼﺕ ﺍﺭﻳﺪ ﺍﻛﻮﻟﻚ ﻋﻠﻴﻬﺎ ﺗﺨﺺ ﻋﻤﺔ ﻭﻗﺎﺭ ﻭﺭﻳﻬﺎﻡ ﻭﺗﺨﺼﻚ ﻭ ﺍﻧﻲ ﺣﺎﻟﻲ ﻣﻦ ﺣﺎﻟﻚ ﻣﻀﻠﻮﻣﻪ ﻭﻣﺘﺄﺫﻳﺔ ﺍﻧﻲ ﻭﺍﺧﻮﺍﺗﻲ .. ﺟﺮﻳﺖ ﻧﻔﺲ ﺑﻌﺼﺒﻴﺔ ﻭﺭﺩﻳﺖ ﻋﻠﻴﻬﺎ ﺍﻫﻼ ﻭﺳﻬﻼ ﺑﻴﺞ ﺗﻔﻀﻠﻲ ﺷﻨﻮ ﻋﻨﺪﺝ ؟؟ ﺍﺫﺍ ﺍﻛﺪﺭ ﺍﺳﺎﻋﺪﺝ ... ﺭﺩﺕ : ﺍﺭﻳﺪ ﺗﺤﺠﻲ ﻭﻳﻪ ﺟﺪﻭ ﻋﻜﺎﺏ ﻳﺤﺎﺟﻲ ﻋﻤﻮ ﺟﺎﺳﺮ ﻳﻄﻠﻊ ﻣﺎﻣﺎ ﻣﻦ ﺍﻟﺴﺠﻦ ﻭﻋﻴﺐ ﻋﻠﻴﻬﻢ ﻳﺨﻠﻮﻥ ﺟﻨﺘﻬﻢ ﺑﺎﻟﺴﺠﻦ ﻣﺜﻞ ﻣﺎ ﺗﻌﺮﻑ ﺍﺣﻨﻪ ﻧﺎﺱ ﺷﻴﻮﺥ ﻭﻋﺸﺎﻳﺮ ﻭﺍﺣﻨﻪ ﺑﻨﺎﺕ ﺑﺎﺟﺮ ﻣﺤﺪ ﻳﺪﻙ ﺑﺎﺑﻨﺎ ﻭﺍﺣﻨﻪ ﺍﻣﻨﻪ ﺧﺮﻳﺠﺔ ﺳﺠﻮﻥ ﺭﺩﻳﺖ ﺍﻟﻬﺎ ﺍﻱ ﺻﺢ ﻛﻼﻣﺞ ﺑﺲ ﻋﻨﺪﺝ ﻋﻠﻢ ﺍﻧﻮ ﺍﻣﺞ ﻣﺠﺮﻣﺔ ؟ ﻗﺘﻠﺖ ﻧﻔﺲ ﺭﻭﻭﺡ ﻭﺗﺴﺒﺒﺖ ﺑﻀﺮﺭ ﻻﻡ ﻣﺮﺗﻀﻰ ﻭﻋﻤﺖ ﻋﻴﻮﻧﻬﺎ ﻭﻻﺯﻡ ﺗﺎﺧﺬﻫﺎ ﺟﺰﺍﺀﻫﺎ ﻫﺬﺍ ﻫﻮ ﺍﻟﻌﺪﻝ ... ﺟﺎﻭﺑﺖ : ﺍﻱ ﺍﻧﻲ ﻭﻳﺎﻙ ﻣﺎ ﺍﺩﺍﻓﻊ ﺍﻟﻤﺎﻣﺎ ﺑﺲ ﻳﺎ ﻋﻤﻮ ﺍﻧﺖ ﺗﻌﺮﻑ ﺍﺧﻮﻫﺎ ﻗﺘﻞ ﺑﺎﺑﺎ ﻭﻣﺎﻣﺎ ﻣﻦ ﺿﻴﻤﻬﺎ ﻫﻴﺞ ﺳﻮﺕ ﻭﻫﻢ ﻣﺎ ﺳﺠﻨﻮﺍ ﺍﺧﻮ ﺟﻮﻟﻴﺖ ﻟﻴﺶ ﺑﺲ ﻋﻠﺊ ﻣﺎﻣﺎ ﻳﺼﻴﺮﻭﻥ ﺳﺒﺎﻉ ﻭﻳﺴﺠﻨﻮﻫﺎ ﻛﺘﺒﺖ ... ﺍﻭﻝ ﺷﻲ ﻋﻴﺐ ﻫﺎﻟﺤﺠﻲ ﻫﺬﻭﻝ ﻋﻤﺎﻣﺞ ﻣﻴﺼﻴﺮ ﻫﻴﺞ ﺗﺤﺠﻴﻦ ﻋﻠﻴﻬﻢ ، ﺷﻐﻠﺔ ﺛﺎﻧﻴﺔ ﻋﻨﺪﺝ ﻋﻠﻢ ﺗﺮﺓ ﻋﻤﺞ ﺟﺎﺳﺮ ﺿﺮﺏ ﻋﺎﺻﻢ ﺑﺎﻟﺴﻼﺡ ﺧﺮﻃﺔ ﺧﺮﺭﻁ ﻭﻣﺎ ﻣﺎﺕ .. ﺭﺩﺕ ... ﺍﻱ ﺗﺮﺉ،ﻣﻦ ﻛﺘﻠﻪ ﻣﻮ ﺍﻟﺨﺎﻃﺮ ﺑﺎﺑﺎ ﺻﺪﻛﻨﻲ ﺑﺲ ﻳﺮﻳﺪ ﻳﺎﺧﺬ ﺛﺎﺭ ﺑﻨﺘﻪ ﻫﻮ ﺩﺍﺋﻤﺎ ﻳﻜﻮﻝ ﻫﻴﺞ ﻣﻬﺎﻣﻪ ﻏﻴﺮ ﺩﻡ ﺑﻨﺘﻪ ﻭﺑﻌﺪﻳﻦ ﺍﻧﺖ ﻟﻴﺶ ﺩﺗﺪﺍﻓﻊ ﺍﻟﻬﻢ ﺗﺮﺓ ﻫﻢ ﻇﻼﻡ ﻭﺍﻧﺖ ﺗﺤﺒﻬﻢ ﻭﻣﺎﺗﻘﺒﻞ ﻋﻠﻴﻬﻢ ﻭﻫﻢ ﺟﺬﺍﺑﻴﻦ ﻫﻤﻴﻨﻪ ﻳﺤﺠﻮﻥ ﻋﻠﻴﻚ ﺣﺠﻲ ﻣﺼﺎﻳﺮ ﻟﻮ ﺗﺴﻤﻊ ﻣﺎﺗﺼﻒ ﻭﻳﺎﻫﻢ ﻭﺗﻜﺮﻫﻬﻢ ﻣﺠﺎﻭﺑﺘﻪ ﺑﺲ ﻫﻴﻪ ﺑﻘﺖ ﺗﻜﺘﺐ .. ﻭﺻﻞ ﻣﺴﺞ ﻣﻨﻬﺎ ﻛﺎﺗﺒﺔ : ﻭﺣﺘﺊ ﺑﻴﺒﻲ ﺍﻡ ﻓﻼﺡ ﺩﻛﻮﻝ ﻟﻮ ﻣﺨﻠﻴﻪ ﻭﻗﺎﺭ ﻋﻨﺪ ﺩﺍﻭﻭﺩ ﻭﻻ ﻣﺰﻭﺟﺘﻬﺎ ﺍﻟﺠﺎﺑﺮ ﻳﻜﻔﺦ ﺑﻴﻬﺎ ﻭﻳﻀﺮﺏ ﻭﻣﻴﺨﺎﻑ ﺍﻟﻠﻪ ﻭﻣﻮ ﻛﺪ ﺍﻟﺰﻭﺍﺝ ﻭﺯﻋﻄﻮﻁ ﻓﺘﺤﺖ ﻋﻴﻮﻧﻲ ﺑﺼﺪﻣﺔ ﻳﻮﺻﻠﻨﻲ ﻣﻌﻨﻰ ﻛﻼﻣﻬﺎ ﻣﺜﻞ ﺳﺠﻴﻦ ﺣﺎﺩ ﺑﻼ ﺭﺣﻤﺔ ﻭﺑﻌﻨﻒ ﻳﺪﻣﻴﻨﻲ ﻭﻳﻘﺘﻠﻨﻲ .. ﺍﺳﺘﻤﺮﺕ ﺗﻜﺘﺐ ﻭﺍﻧﻲ ﻧﺎﺭ ﻭﺷﺎﻋﻠﺔ ﺑﻴﻪ ﻣﻌﻘﻮﻟﺔﺓ ﺗﻜﺬﺏ ﻫﻴﻪ ﻃﻔﻠﺔ ﻭﻣﺒﻴﻨﺔ ﻣﻈﻠﻮﻣﺔ ﻣﺴﺘﺤﻴﻞ ﺗﻠﻔﻖ ﻫﻴﺞ ﻛﻼﻡ .... ﻭﺑﻌﺪﻫﺎ ﻛﺘﺒﺖ ﻭﺣﺘﻰ ﻋﻤﻮ ﺻﻼﺡ ﺷﺴﻮﻩ ﺑﺮﻳﻬﺎﻡ ﺍﺧﺘﻚ ﺧﻄﻴﺔ ﺗﻌﺎﺭﻙ ﻭﻳﺎﻫﺎ ﺿﺮﺑﻬﺎ ﻭﻃﻴﺢ ﺣﻈﻬﺎ ﻭﻃﺮﺩﻫﺎ ﻣﻦ ﺍﻟﺒﻴﺖ ﻭﻫﻴﻪ ﺧﻄﻴﺔ ﻣﺮﻳﻀﺔ ﻭﺍﻧﺘﻮﺍ ﺗﻌﺮﻓﻮﻥ ﻭﺿﻌﻬﺎ ﺗﻜﺴﺮ ﺍﻟﺨﺎﻃﺮ ﻛﻤﺖ ﻋﻠﻰ ﺣﻴﻠﻲ ﻭﺍﻟﺘﻠﻴﻔﻮﻥ ﺑﻴﺪﻱ ﺑﻌﺪ ﺷﻮﻳﻪ ﻭﺗﻜﺴﺮ ﺑﺎﺩﻳﻪ ﺑﺴﺒﺐ ﺿﻐﻄﻲ ﻋﻠﻴﻪ ﺑﺎﺩﻳﻪ ﺍﺧﺮ ﺷﻲ ﻛﺘﺒﺖ ﻭﻫﺎ ﺗﺮﺓ ﻋﻤﻪ ﻭﻗﺎﺭ ﻣﻤﻬﺘﻤﺔ ﺍﻟﻚ ﺗﻄﺐ ﻭﺗﻄﻠﻊ ﻋﻠﻰ ﺣﻞ ﺷﻌﺮﻫﺎ ﻭﻣﺘﻮﻧﺴﺔ ﺭﺍﺣﺖ ﻟﻠﻨﺠﻒ ﻭﺿﺎﺭﺑﺘﻚ ﺑﻌﺮﺽ ﺍﻟﺤﺎﻳﻂ ﻭﺭﺍﻫﺎ ﺟﺎﺳﺮ ﺍﻛﻴﺪ ﻣﺎ ﺗﻌﺘﺮﻑ ﺑﻴﻚ ﻻﻥ ﺍﻧﺖ ﺗﻌﺮﻑ ﻫﻮ ﻣﺤﺪ ﻳﻜﺪﺭ ﻳﻮﻛﻒ ﺑﻮﺟﻬﻪ ﻭﺣﺘﻰ ﻫﻢ ﻳﻜﻮﻟﻮﻥ ﺷﺤﺪﻩ ﺟﺎﺑﺮ ﻳﺤﺠﻲ ﺟﺎﺳﺮ ﻳﻄﻴﺢ ﺣﻈﻪ ﻳﺠﻌﺼﻪ ﺟﻌﺺ ﺑﻴﺪ ﻭﺣﺪﺓ ﺍﺻﻼ ﺍﻟﻜﻞ ﻣﺴﺘﻬﻴﻦ ﺑﻴﻚ ﻳﻄﺒﻮﻥ ﻭﻳﻄﻠﻌﻮﻥ ﻳﺤﺠﻮﻥ ﻋﻠﻴﻚ ﻭﻋﻤﺔ ﻭﻗﺎﺭ ﺗﻄﻠﻊ ﻣﻦ ﺍﻟﺒﻴﺖ ﻋﻠﻰ ﺣﺒﺎﻳﺔ ﻭﻧﺺ ﺍﻟﻜﺸﺨﺔ ﻭﺍﻟﻠﺒﺲ ﻭﻳﺎﺟﺎﻳﻪ ﻟﺒﻴﺘﻨﺎ ﻳﺎ ﺭﺍﻳﺤﺔ ﻟﺒﻴﺖ ﻋﻤﻮ ﺟﺎﺳﺮ ﻟﻮ ﻟﺒﻴﺖ ﺻﺪﻳﻘﺎﺗﻬﺎ ﻟﻮ ﻟﻠﺰﻳﺎﺭﺓ ﻣﻤﺨﻠﻴﺔ ﻣﻜﺎﻥ ﻋﺎﻳﺸﺔ ﺣﻴﺎﺗﻬﺎ ... ﺍﻧﻲ ﻣﺎﺭﻳﺪ ﺍﺿﻮﺟﻚ ﺑﺎﻟﻜﻼﻡ ﺑﺲ ﻭﺍﻟﻠﻪ ﻻﻥ ﺍﺣﺲ ﺑﻴﻚ ﻣﺜﻠﻲ ﺍﻧﻈﻠﻤﺖ ﺑﺴﺒﺒﻬﻢ ﺍﻧﺘﻪ ﻭﺍﺧﺘﻚ ﻭﺩﺍﺍﺣﺠﻴﻠﻚ ﻣﺎﺭﻳﺪﻫﻢ ﻳﺴﺘﻐﻔﻠﻮﻙ ﻭﺍﻟﻤﻲ ﺗﺠﺮﻱ ﻣﻦ ﺟﻮﺓ ﺭﺟﻠﻴﻚ ﻭﺍﻧﺘﻪ ﻣﺎﺗﺪﺭﻱ ﺑﻴﻬﺎ ﻭﺿﺮﻭﺭﻱ ﺗﻌﺮﻑ ﻛﺘﺒﺖ ﺍﻟﻬﺎ ﻣﺸﻜﻮﺭﺓ ﻣﺎﻗﺼﺮﺗﻲ ﺍﻟﻠﻪ ﻭﻳﺎﺝ ﻭﺍﺫﺍ ﻋﻠﻰ ﻣﻮﺿﻮﻉ ﺍﻣﺞ ﺗﺪﻟﻠﻴﻦ ﺭﺍﺡ ﺍﺣﺎﺟﻲ ﺍﺑﻮﻱ ﺗﺼﺒﺤﻴﻦ ﻋﻠﻰ ﺧﻴﺮ ﻗﻔﻠﺖ ﺍﻟﺘﻠﻴﻔﻮﻥ ﻭﺷﻤﺮﺗﻪ ﻋﻠﻰ ﺍﻟﺴﺮﻳﺮ ﺑﻌﺼﺒﻴﺔ ﻭﺍﻧﻲ ﺍﻏﻠﻲ ﻭﺍﺣﺲ ﺍﻟﻨﺎﺭ ﺗﺴﺮﻱ ﺑﺸﺮﺍﻳﻴﻨﻲ ﻭﺗﺤﺮﻛﻨﻲ ﺟﺴﻤﻲ ﺻﺎﺭ ﻋﺒﺎﺭﺓ ﻋﻦ ﻛﺘﻠﺔ ﻣﻦ ﻧﺎﺭ ﺍﻟﺤﻘﺪ ﻭﺍﻟﻐﻀﺐ .. ﺳﻤﻌﺖ ﺻﻮﺕ ﻣﺴﺠﺎﺕ ﺗﻮﺻﻞ ﻟﺘﻠﻴﻔﻮﻧﻲ ﺍﻛﻴﺪ ﺑﻌﺪﻫﺎ ﺗﺮﺳﻞ ﺑﺲ ﺍﻧﻲ ﺍﻛﺘﻔﻴﻴﻴﺖ ﻭﻇﻠﻴﺖ ﺍﺗﻮﻋﺪ ﻫﻴﻴﻴﻨﺔ ﻭﺑﺴﻴﻄﺔ ﻳﺎﺑﻴﺖ ﻣﻬﻴﻮﺏ ﺑﺴﺴﺴﻴﻄﺔ .. ﺭﺟﻌﺖ ﻣﻦ ﺫﺍﻛﺮﺗﻲ ﻭﺍﻧﻲ ﺍﻏﻠﻲ ﻣﻦ ﺍﻟﺪﺍﺧﻞ ﺑﺲ ﺑﺴﻴﻄﻪ ﺍﻟﻠﻪ ﻛﺮﻳﻢ ﺑﻌﺪ ﻭﻗﺎﺭ ﻣﺎ ﺍﻟﻬﺎ ﺭﺟﻌﻪ ﻭﻳﺎﻱ ﺍﺑﺪ .................. ﺷﻬﺪ ... ﺟﻨﺖ ﻛﺎﻋﺪﻩ ﺍﻧﻀﻒ ﺑﺎﻟﺒﻴﺖ ﻭﻫﺎﻱ ﺳﺠﻴﻮﻩ ﺗﻔﺘﺮ ﻭﺭﺍﻱ ﺭﺍﺡ ﻳﻜﺜﺮﻥ ﺑﺎﻟﺒﻨﺎﺕ ﻭﻛﻠﻪ ﻳﺠﻴﺒﻦ ﺑﻨﺎﺕ ﺭﺩﻳﺖ ﻋﻠﻴﻬﺎ ... ﺷﺒﻴﻬﻦ ﻳﻤﻪ ﺍﻟﺒﻨﺎﺕ ﺍﻣﺞ ﻣﻮ ﺟﺎﺑﺖ ﺍﺭﺑﻊ ﺑﻨﺎﺕ ﻟﻮ ﺍﻧﻲ ﻏﻠﻄﺎﻧﻪ ﻫﺰﺕ ﺭﻭﺣﻬﺎ ﺑﻘﻬﺮ ... ﺍﻱ ﻭﺍﺫﺍ ﻣﺎﻣﺎ ﺟﺎﺑﺖ ﺑﻨﺎﺕ ﻳﻌﻨﻲ ﻏﺮﺗﻦ ﻣﻨﻬﺎ ﻟﻮ ﺷﻨﻮ ﻭﻻ ﺗﻘﺎﺭﻧﻦ ﻧﻔﺴﺠﻦ ﺑﻤﺎﻣﺎ ﻋﻔﺘﻬﺎ ﺗﻠﻐﻲ ﺍﻟﻮﺣﺪﻫﺎ ﻭﺭﺣﺖ ﺍﻧﻲ ﻋﻨﺪﻱ ﺍﻭﺟﺎﻉ ﻭﺍﺣﺲ ﺍﺭﻳﺪ ﺍﺟﻴﺐ ﺟﻌﻔﺮ ﺟﺎﻥ ﻣﻤﻮﺟﻮﺩ ﻃﺎﻟﻊ ... ﺷﻮﻳﻪ ﻭﺍﺟﺖ ﻫﺎﻟﻪ ﻭﺍﻣﻬﺎ ﻭﻫﻦ ﻳﻀﺤﻜﻦ ﻛﺎﻟﻦ ... ﺷﻌﺠﺐ ﺧﺎﺑﺮﺗﻴﻨﻪ ﺍﻡ ﻓﻼﺡ ﻣﻮ ﻋﻮﺍﻳﺪﺝ ... ﻣﺎﻛﻮ ﺗﻘﺮﻳﺒﺎ ﻧﺺ ﺳﺎﻋﺔ ﻭﺍﺟﻪ ﺟﺎﺳﺮ ﺑﺲ ﻣﻦ ﺩﺧﻞ ﺩﺧﻞ ﺑﻌﺼﺒﻴﺔ ﻭﺟﺒﺮﻭﺕ ﺧﻔﺖ ﻣﻨﻪ ﺣﻴﻴﻞ ﺍﻭﻝ ﻣﺎ ﺩﺧﻞ ﻫﻦ ﻭﻛﻔﻦ ﻛﻠﺘﻠﻪ ﺑﺒﺘﺴﺎﻣﻪ ﺍﻡ ﻫﺎﻟﻪ .. ﻫﻼ ﺧﺎﻟﻪ ﺷﻠﻮﻧﻚ ﺭﺩ ﻋﻠﻴﻬﺎ ﺑﻘﺴﻮﻩ ... ﺑﻼ ﺧﺎﻟﻪ ﺑﻼ ﺑﻄﻴﻴﺦ ﺍﻧﺘﻦ ﺷﻨﻮﻭ ﻣﻦ ﻣﻠﻪ ﺗﺠﻦ ﺍﻟﺒﻴﺘﻲ ﻭﺗﺘﻬﺠﻤﻦ ﻋﻠﺊ ﻣﺮﺗﻲ ﺷﻌﺒﺎﻟﺠﻦ ﻣﺎ ﻭﺭﺍﻫﺎ ﺯﻟﻤﻪ ﺍﻟﻲ ﻳﺮﺩﺟﻦ ... ﻭﺑﻌﺪﻳﻦ ﺷﻜﺪ ﺷﺎﻳﻒ ﺣﻘﻴﺮﺍﻥ ﻭﻛﻠﺒﺎﺕ ﻣﺜﻠﺠﻦ ﻣﺎ ﺷﻔﺖ ﺷﻠﻮﻥ ﺗﺼﻮﺭﻥ ﻣﺮﺗﻲ ﻭﻫﻲ ﺑﺎﻟﻤﺴﺘﺸﻔﺊ ﻭﺍﻛﻴﺪ ﺍﺧﺬﺗﻦ ﺍﻟﺼﻮﺭ ﺍﻻﻣﻬﺎ ﺣﺘﺊ ﺗﺤﺮﻛﻦ ﻛﻠﺒﻬﺎ ﻋﻠﻴﻬﺎ .. ﺭﺩﺕ ﻋﻠﻴﻪ ﺍﻡ ﻫﺎﻟﻪ ... ﺍﺳﺴﻜﺖ ﺻﺪﻙ ﻣﺎ ﺗﺴﺘﺤﻲ ﺷﻜﻠﻮﻟﻚ ﻋﻠﻴﻨﻪ ﻛﺢ ... ﻭﻫﻴﺞ ﻧﺴﻮﻱ ﻻ ﻣﺎ ﺍﺳﻤﺤﻠﻚ ﺍﺣﻨﻪ ﻻ ﻣﺼﻮﺭﻳﻬﺎ ﻭﻻ ﺷﺊ ﻭﺍﺫﺍ ﺗﺮﻳﺪ ﻧﺤﻠﻒ ... ﺟﺎﻭﺑﺘﻬﺎ ﺧﺎﻟﺘﻲ ﺍﻡ ﻓﻼﺡ ﺑﻐﻀﺐ ... ﺻﺨﺎﻡ ﺑﻮﺟﻬﺞ ﻭﻟﺞ ﺍﻧﺘﻲ ﻣﻮ ﺍﻋﺘﺮﻓﺘﻲ ﺻﻮﺭﺗﻴﻬﺎ ﺑﺎﻭﻋﺖ ﻋﻠﺊ ﺧﺎﻟﺘﻬﺎ ﺑﺎﺳﺘﻨﻜﺎﺭ ... ﺍﻧﻲ ﺷﻮﻭﻛﺖ ﺻﺪﻙ ﺍﻧﺘﻦ ﻣﺎ ﺗﺴﺘﺤﻦ ﺍﺑﺪ ﺍﻧﻲ ﻟﻬﻞ ﺩﺭﺟﻪ ﺣﻘﻴﺮﻩ ﺣﺘﺊ ﺍﺣﺮﻙ ﻛﻠﺐ ﺑﻬﻴﺔ ﻋﻠﺊ ﺟﻮﻟﻴﻴﺖ ؟ ﺯﻣﺠﺮ ﺑﻴﻬﺎ ﺟﺎﺳﺮ ﺑﻐﻀﺐ ... ﻭﺍﻟﻠﻪ ﺑﺤﻴﺎﺗﻲ ﻣﺎ ﺷﻔﺖ ﻫﻴﺞ ﺣﻘﺎﺭﻩ ﻭﻟﺠﻦ ﺍﻧﺘﻦ ﺷﻨﻮ ﻣﻦ ﻣﻠﻪ ﻫﻢ ﺟﺬﺑﻦ ﻛﻮﻟﻦ ﻣﺎ ﺍﺟﻴﻨﻪ ﺍﻟﺒﻴﺘﻚ ﺭﺩﺕ ﻋﻠﻴﻪ ﻫﺎﻟﻪ ﺑﻮﻗﺎﺣﻪ ﻭﻫﻲ ﺗﻬﺰ ﺑﺮﻭﺣﻬﺎ ... ﻭﺷﺪﻋﻮﻩ ﻋﻴﻨﻲ ﻛﺎﺗﻞ ﻧﻔﺴﻚ ﻋﻠﺊ ﺟﻮﻟﻴﻴﺖ ﻭﻫﻲ ﻓﺪ ﻭﺣﺪﻩ ﺳﺎﻗﻄﻪ ﻭﺍﺩﺑﺴﺰ ﻭﻛﻠﻬﺎ ﺷﺒﻌﺖ ﺑﻴﻬﺎ ﻣﻦ ﺩﺍﻭﻭﺩ ﻭﺷﻴﻞ ﺍﻳﺪﻙ ﻋﺎﺩ ﻫﻮ ﻣﺎ ﺍﺗﺤﻤﻞ ﻛﻼﻣﻬﺎ ﺍﻟﻼﺫﻉ ﻭﺭﻓﻊ ﺍﻳﺪﻩ ﺑﻜﻞ ﻗﺴﻮﻭﻭﻩ ﻭﺳﻄﺮﻫﺎ ﺑﺮﺍﺷﺪﻱ ﺧﻼﻫﺎ ﻭﻛﻌﺖ ﻣﻦ ﻃﻮﻟﻬﺎ ﻭﻫﻲ ﺗﺰﺣﻒ ﻋﻠﺊ ﺍﻻﺭﺽ ﺑﺨﻮﻭﻑ .... ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔 ﻧﻮﺭ ﺳﻤﻮ ﺍﻟﻌﺮﺍﻕ 😘.. ﻻ ﺗﻨﺴﻮﺍ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ 🌹 ﻗﻔﻠﻪ ﺣﻠﻮﺓ ﻭﺧﻔﻴﻔﻪ ﻣﻮ ﺻﺪﻙ 😍 ﺑﻨﺎﺕ ... ﺍﺫﺍ ﺗﺤﺴﻮﻥ ﺍﻟﻘﺼﻪ ﺑﻴﻬﺎ ﻣﺒﺎﻟﻐﻪ ﻭﻋﺪﻡ ﺻﺤﻪ ﻭﻃﻮﻟﺖ ﻭﻣﺪﺭﻱ ﺷﻨﻮ ﺗﻜﺪﺭﻭﻥ ﺗﺘﺮﻛﻮﻫﺎ ﺍﻧﻲ ﻣﺎ ﺍﺟﺒﺮ ﺍﺣﺪ ﻳﺘﺎﺑﻌﻬﺎ ... ﻫﻮ ﻣﺤﺪ ﺣﺎﺟﻲ ﻃﺒﻌﺎ ﺑﺲ ﻭﺣﺪﻩ ﺍﻧﺘﻘﺪﺕ ﻭﻛﺎﻟﺖ ﻣﺒﺎﻟﻎ ﻭﺭﺩﻭﺍ ﻋﻠﻴﻬﺎ ﺍﻟﺒﻨﺎﺕ ﺍﻟﺤﻤﺪ ﻟﻠﻪ ﺑﺲ ﺍﺭﻳﺪ ﺍﺷﻮﻑ ﺷﻨﻮ ﺍﻟﻤﺒﺎﻟﻎ ﺑﻲ ﻋﻮﺩ ﻻﻥ ﻋﺮﺍﻗﻲ ﺗﺰﻭﺝ ﺳﻮﺭﻳﺎ ﺍﻭ ﻻﻥ ﺍﻛﻮ ﻻﺟﺌﻴﻦ ﺑﺎﻟﻌﺮﺍﻕ ﺗﺮﺉ ﻫﺬﺍ ﻛﻠﻪ ﻭﺍﻗﻊ ﺣﺎﻝ ﻟﻴﺶ ﻧﻜﺬﺏ ﺍﻟﻮﺍﻗﻊ ... ﻭﻳﺎﺭﻳﺖ ﺗﻨﻄﻮﻧﻲ ﻣﺠﺎﻝ ﺍﺳﺪ ﻛﻞ ﺍﻟﺜﻐﺮﺍﺕ ﻭﺍﻓﻬﻤﻜﻢ ﻋﻠﺊ ﺑﺎﻗﻲ ﺍﻻﺣﺪﺍﺙ ﻻﻥ ﻣﺎ ﺍﻛﺪﺭ ﺍﺳﺮﺩ ﻛﻞ ﺍﻻﺣﺪﺍﺙ ﺑﺒﺎﺭﺕ ﻭﺍﺣﺪ ﻭﺍﻟﻠﻪ ﺭﻏﻢ ﺍﻟﺒﺎﺭﺕ ﻃﻮﻭﻳﻞ ﺑﺲ ﻣﺎ ﻳﺴﺪ ﻛﻞ ﺍﻟﺘﺴﺎﺅﻻﺕ ﻓﺪﻳﺖ ﺍﻟﻤﺘﺎﺑﻌﻴﻦ ﺍﻟﺤﻠﻮﻳﻦ ﺍﻟﻲ ﻣﺪﺍﻓﻌﻴﻠﻲ 😍😍😂 | ||||||||
|
| |
|
30-11-20, 01:44 PM
| #85 | ||||||||
| مراقبة عامة ومشرفة منتدى الروايات المنقولة
| البارت الثامن والعشرون رواية...جولييت_واسرها...غياه� � الإنتقام بقلمي...نور سمو العراق 💔💔💔💔💔💔💔💔💔💔💔 لا قيمة لاراء الناس...!!!!! مادامت افعالك تمنحك ضميرا مريحاااا.. 💚 .............................. شهد... كل مره بينه تتمنئ تتزوج رجال عنده شخصيه ويكون الها سيف ودركه والي يغلط بحقها يحاسبه ويكون مسؤؤل عنها وعن اولاده ويحاسب كل شخص يريد بيها السوء جاسر رغم حاد بشخصيته ويه الكل وخاصه ويه جولي بس حسب وجودي ببيتهم وحسب الي دا اشوفه هو ما يقبل اي شخص يتجاوز عليها او اياذيها غيره... وهذا الي لاحضته من نوال ضربت جولييت رغم هم عائلة عشائرية وابوهم شيخ بس هو ما اهتم لهذا الشئ وسجن نوال وغصبا عن الكل وما اهتم الكلام الناس اببد ولا حتئ الناس الي لامته هو عقله براسه ويعرف خلاصه وكذلك هسه اني مدا افهم شنو الي صار ولا افهم هو ليش اصلا ضرب هاله راشدي بس بالقران ضربها راشدي ضلت تحزف علئ الارض وهي مرعوووبه عبالك مثل الحيه ضلت تتكلب... وبعدها وكفت مثل السعفه ترجف وحاطه ايدها علئ خدها وامها جانت بحالة صدمة وعمتي ام فلاح اردئ من حالها صرخت هاله بصوت عالي ومنفعل...يمممممه ضربني ضررربني والله اليوم اسويها كاتل ومكتووول والله اليوم اسويها عشاير والله اليوم ارجع يوم مهيوب هجمت ام هاله بعنف علئ جاسر بس لزمتها ام فلاح وهي تحاول تهديها ام هاله...ولك تضرب هلوله تاااج راسكم ولك اني ما ماده ايدي عليها رفع اصبعه بتهديد وهو يفح من غضبه...والله لو الي سلطه عليه بس شويه اله اطييح حضها لك ماكوو هيج بشر هي شنو هاااي وتحجي علئ ام مرتضئ وتطعن بيها قسما بذات الله اذا مره ثانيه طعنتي بعرض ام مرتضئ ما تلوميين اله نفسج كافي تماديتن هووواي انتي صورتي مرتي بالمستشفئ شنو الغايه ؟ اكيد غايتجن السوء تقهرن امها وتثيرن الفتنه بينه ولجن انتن شنو من مله شنو من بشريه يعني حتئ شيخ عشيرتجن ما كدر الجن ... وانتي بالذات لا تحبين جولييت ولا تطيقيها شهل محبه النزلت عليجن تالي،وكت وجاييت الها وتغلطن عليها وتضربنها... صاحت ام هاله هي وهاله...جذابه والله جذابه احنه اجينه نشوفها هاااي جولييت الكاتل روحك عليها اخذت خطيب بنتي منها ودمرتها ومو بس هييج خلتها علج بحلوك العشيره كض مرررتك يا رجااال لا تخليها دايحه ... عاد هو رد عليه بهدوء وبرود عكس الاعصاب الي بداخله...امشن اطلعن برااا لانعل ابووجن لابو الجابجن ... خالتي ام هاله ضلت تلطم علئ صدرها...كرة عييينك ام فلاااح ابنج سب ابووونه والله اليوم يا جاااسر اله اخلي ولدي يدفنونك وانت عدل انت شنو وتضرب وتسبنه والله اليوم نسبحكم بدم ... وتستاهلون الصار بيكم وعاصم زين سوه من كتل بنتك وابوك واخووك يا كلاب ... هو طردهن بره وهن طلعن يلعلعن ويغلطن كعد علئ القنفه ومد ايده بجيب البنطرون طلع باكيت الجكاير وضل يدخن وعمتي ام فلاح بعد ما طلعت ام هاله وهاله وهي طلعت وراهن اجت تلطم علئ خدودها وتحجي عليه وهو يباوعلها ببرود كالت..ولك يمه جاسر تحجي صدك ولك شلون تضرب هاله وتسب خالتك شلون احنه ما نخلص من المشاكل...مو عيب رد عليها ببرود...لا مو عيب هل كلبه ما تعرفين شسوت صورت مرتي وهاي مو اول مره تصورها قبل هم صورتها بعرس وقار وسكتت الها وهسه صورتها وهي بالمستشفئ واكيد حطن فلفل وبهارات ويردن يعلكنها وترئ لا عبالج الدخل البيتي حرامي يريد يبوگ ويروح...لااااا هذا متقصدني ويريد ياخذ جولييت مني لان اكيد بعد هل تصوير الي رسلته هاله اخوان جولي رادو ياخذوها مني لان هم من دخلو لا اخذوا طفل ولا اخذوا فلوس اخذوها هي لو ما صبرية لحكت عليها... وبعدين اني خليت كاميرات بالشارع وبالحديقه والكاميرا مصورتهن اجن البيتي اني الحمد لله البارحه فتحت الكاميرا وشفتهن ولو ما شايفها جان وقار الثوله لحد الان ساكته وما كلتلي... ام فلاح ردت عليه...بس يمه هي خالتك كلتلي راح نشوف جولييت عمها كال روحن الها لان مريضه رد بستهزاء وهي ينفخ الدخان من بين شفايفه...شعجب شهل حنية النزلت عليهم تالي وكت اخاف يردون يموتون واردف بجديه وهو يعدل كعدته...يمممه لا تصدكين بذن الحيايه ذن هن راس البله وهاي جايه دكل المرتي رجلج رايح ويه شام حتئ تقهرها شفتي شلون منافقات لا هامهن ام مرتضئ ولا شئ... يمه اني اعرفهن كلش زيين منافقات وجذابات ويبيعن رواحن علئ الفتنه هي مو باعتلي عاصم وحازم جيه عليهن ذن الكح... اني رجال ما اريد مرتي تلتقي بيهن ورا اريدهن يجنها عايل وياكم ؟ جرت نفس وحطت ايدها علئ كتفه وتنهدت...بس يا يمه هي راح تثير الفتنه اكثر وهسه يهدون علينه بيت ابو هشام رد عليها ببرود...اريد كواد يهد عليه وبعدين اذا هم زلم ما يلزمون نسوانهم ضالات يطبن منا ويطلعن منا لا حسيب ولا رقيب ضربته علئ كتفه وكأنها تذكرت شئ...ولك جاسر شلون تغلط علئ خالتك تدري انت سبيت ابوي الله يرحمه ابتسم بهدوء...الله يرحمه نسيت هو هم ابووج ..بس شسوي اذا اختج حقيره هز راسه باسف...وبنت اختج احقر منها ماكوو شفتيها شلون تفشر علئ ام مرتضئ وتحجي بعرضها الادبسز تروح فدوه النعال جولي... عمتي ام فلاح ضلت مركزه علئ ابنها وعلئ كلامه بحق جولييت كلتله ...لهل درجه تحب جولي يجاسر هو عقد حواجبه مستغرب من سؤال امه...شنو هل سؤال يمه مرتي وام ولدي شلون ما احبها... جرت نفس...وشام ؟ باوع الامه بحييره واتصل موبايله بسرعه فتح خط وضل يحجي ما عرفت ويه منو يحجي بعدها قفل الموبايل و وكف كلها باستغراب...يمه شو ريهام ماكو تنهدت بضيق...ريهام عند اهلها ؟ رمش بعيونه بعدم استيعاب...ليش شنو خطار لو شنو ؟ حطت ايد علئ ايد وجرت نفس...لا يمه بس شويه صار بينها وبين صلاح زعل وراحت الاهلها بسبب موضوع وقار وجابر فرك وجهه بتوتر...وشجاب هاي علئ هاي شبي صلاح تخبل واني اكول عليه العاقل واعقل واحد بينه تالي هيج يتصرف ... يالله بسيطه ان شاء الله اروح العمي وارجعها... كالت...اهلها ما يدرون بيها زعلانه بس امها لان هي ما حاجيه يكول صلاح... اخذ موبايله وباكيت الجكاير...اهااا يالله تمام نشوف شسوي... من طلع شاف سجئ تكنس بالبيت صاح عليها بهدوء...تعالي عمو سجاوي محتاجه شئ ؟ ردت بقلق...هاااا لا عمو ما اريد ممحتاجه كلها...لعد انطيني موبايلج كم يوم وارجعه الج بلعت ريكها وبلعت العافيه وياها كلتله...هاااا اي عمو هسه اجيبه راحت بس شويه اتأخرت انوب جابته واجت انطته اله وهو اخذ الموبايل وخله وراح... وهاي سجئ تخبلت شلون ياخذ موبايلها راحت وتعاركت ويه بيبتها ام فلاح دكولها انتي حرضتي عليه وهيج اخذ موبايلي... ................................ ريهام.... طلعت من الجامعه واني لازمه كتبي منتظره الخط والبنات والشباب ديطلعون باوعت الايدي شفت الحلقه مزينتها ابتسمت بحزن... رغم صلاح ضربني بس انقهرت عليه هاي صار كم يوم عند اهلي خطيه يخابر كل شويه واني ما افتح عليه خط وانوب كل شويه ورسل مسج اليه وحتئ اجانه مره بس اني مطلعت اله دخلت للحمام سويت روحي اسبح وهو من شاف هيج خله وراح بخيبة امل... يعني الحمد لله هو يحاول يراضيني واني اعرف شكد هو يحبني ... دا اعبر الشارع وشفته وكف بسيارته عضيت شفايفي بفرح صح جرحني بس اهتمامه يفرحني ويدل علئ حبه اليه... وكف مقابيلي وهو مقهور وحزين كال بلهفه...هااا رهومه حبيبتي شلونج اخذت اجازه زمنيه وكلت لازم ارجع اوصلج للبيت ما حبيت اكسر خاطره بلعت ريكي ورحت صعدت وياه كتله...بس بلا زحمه علئ اهلي سايقنه مو تاخذني الغير مكان.. باوعلي وجر نفس كال...ليش ما ترجعين وياي للبيت والله متندم اذا تردين هاي ايدي كدامج واحركيها بس لا تسووين هييج ريهام انتي عزيزه عليه والله من ابوي خطبج الجعفر يوم كامل متخربط ومي ما خليت بحلكي وكل شويه واتمنئ اكتل جعفر وحتئ علئ ابوي حقدت ... ترئ تعذبت بحبج وتعذبت اكثر من تمرضتي يعني حسي بيه شويه واغفري ذنب واحد الي يا ريهام هو صح انتي ما تستاهلين هل راشدي بس والله ما كفرت وبعدين ربج غفور رحيم ليش انتي ما ترحمين... عدلت كتبي والملازم ورديت عليه بعبره...وليش يا صلاح اني ما احببك والله من خطبوني الجعفر اجيت ابجي وكلت لو شيصير ما اتزوج جعفر حتئ لو ما اخذ صلاح بس ما اتزوجه واني احب اخوو بس هو غلط واحد يتزوج كصه بكصه وبعدين يا صلاح اني شدخلني بجابر و وقار هم عائلة بيت وكل شئ يصير بينهم ويمكن هاي مشكله صغيره واحنه تبهذلنه بسببها يا صلاح احنه اذا نضل معلكين مصيرنا ويه مصير جابر و وقار ونبني اسس حياتنه علئ حياتهم صدكني مراح نرتاح... احنه زوجين مثل ما هم زوجين وهي مصارين البطن تتعارك ماكو داعي لهل نزاع الي ما اله طعم وما يجيب بس المشاكل اني جنت اتجنب المشاكل وحتئ ما اناقشك بس انت مصختها شويه والله لزم ايدي وباسها ورد عليه بثبات...هذا هو بعد ما يصبر خاطرج اله طيب احنه مالنه شغل لا بوقار ولا بجابر اتفقنا... عضيت علئ شفايفي بحيرة...تمام اتفقنا بس ان شاء الله كم يوم وارجع لان والله تعبانه و هماتين عندي امتحانات هل يومين ركز بنظره للطريق وبعدها باوعلي...بس يعني ما زعلانه مني والله صرت جني مطي بس اصفن وحتئ الكل يسألني شبيك صلاح مستثول شبييك هههه ما يدرون ضارب روحي وضميري اموتني عليها بس حلفت اكسرها هل ايد الي انمدت عليج اكسرها...ما عدكم بوري ببيتكم ضحكت ...لاااا اكسرها بالبوري مالت المرجوحه الي جاسر جان يكتل بي جعفر... رد عليه ...اي والله خوش فكره بس ارجع اشوفلي واحد يركعني عليها... اتصل موبايلي واني اضحك رفعته كتله بمرح...يااا هذا ابو مرتضئ خير ان شاء الله فتحت خط هو اول شئ سلم عليه وضل يسأل عن ابويه انوب كال رحت لاهلي ما لكيتج كالو صلاح ضاربج كلت خلي اخابرها اشوف شكو رديت عليه بخجل..هااا لا هيج سوء تفاهم جاوبني بقهر...طاح حضه والله لو لازمه اله اكسر ايده ببوري المرجوحه شلون يضربج هل عار اخووي هذا ضحكت...ابن الحلال بذكره هسه تذكرناه اني وصلاح سوه كال بصدمه...شنو صلاح عندج ؟ باوعت الصلاح وابتسمت...اي هو هذا عندي اجه اخذني من الجامعه جر نفس كال...تصالحتو ؟ عضيت شفايفي بخجل...اي تصالحنه رد عليه...طاح حضكم شكد ملطلطين واني عود مفكر اليوم اجيب ام مرتضئ واسوي وياكم موقف تذكرونه بي وارجعكم سوه شدعوه هلكد مستعجيل انتظروا شويه خلونه نفتهم شنو السالفه ضحكت بصوت وفشله وفتحت مايك وصلاح ضل يسمع تغريدات جاسر .. رد عليه بصوت عالي...خويه جاسر اخووك ذيب معتمد علئ نفسه اني رجعتها بيدي شفت شلون... جاوبه باستهزاء...عفيه سبع بعد اخووك بس انت من يوم يومك عاقل ومعتمد علئ نفسك بس ذاك جعيفر اووف منه ولو هم صاير آدمي... ضلوا يسولفون علئ طول الطريق بعدها هو كال...ابوج شلووونه والله اني اريد اجي اشوفه بس ما عندي مجال بس ان شاء الله اجي عندي موضوع وياه... رديت عليه...اهلا وسهلا بيك جيب ام مرتضئ وياك جر نفس كال...ما تكدر تطلع شويه تعبانه بس اشوف احتمال نجيكم كلنه بعدها سلمت عليه وقفلت الخط استغربت شعنده جاسر جاي يجينه هو مو ما يحجي ويه جابر وحتئ علاقته ويه ابوي مو هلكد بس الضاهر هو تندم او هو من البدايه ما يحب يخرب ويه اهلي ويحبهم وان شاء الله بس هو يلين راسه شويه وقار ان شاء الله ترجع ... وصلنه للبيت نزلت طلبت من صلاح يجي يتغده يمنه بس ما قبل كال ان شاء الله كم يوم واجيكم اخذج دا ادخل واشوف ام نوال واختها وبنتها طلعوا من بيتنا وابويه وامي وراهم استغربت من جيتهن سلمت عليهن بس من شفت اطياف ضجت اني مو اغار بس ما احب البنيه القليلة ادب شلون اجت ودكول لصلاح احبك شوكت حبته بس ما يصدكن يلكن واحد يلزكن بي... دخلت جوه ما سألت عن الي صار ولا حجيت بس تغديت سالت امي عن جيتهن كالت ...والله يمه ما ادري خنسن بابوج وابوج ما كال شيردن... استغربت عزا ذن شيردن والله جيتهن مو طبيعيه... .......................... وقار... جاسر خله وراح بعد ما كلت العذه عن تصوير هاله الجولي واني وامي رحنه الها وحجينه وياها... تقريبا ساعتين وهو اجه للبيت جنه كاعدين هو شاف جولييت كاعده اجه كعد بصفها وفرك وجهه بتوتر هي من حست بوجوده ضلت تحرك باديها تريد تشوف هو وين من حس بيها لزم ايدها ونزلها وهو يباوعلها باسئ بلعت ريكها بخوف كلتله...شسوويت ؟ جر نفس كلها...طيحت حضهن هل كلبات الادبسزيات تنهدت بذبول...يمعوود خلي يولن ليش هيج تسوي مشاكل هسه يحدن اسنانهن بعد شيخلصنه رد عليها بعدم مبالاة ...يطبهن مرض ضلينه شووويه كاعدين وما نسمع اله الصياح والغلط والتفليش علئ الباب... جولييت حطت ايدها علئ صدرها...عزاااا هذا منووو الي ديغلط علينا هو جاسر ركض وامي رضيه واني لزمناه واحنه نصرخ ...فدوووه جاااسر فدووه لا تطلع لا انوب مسلحين وانوب يكتلوك مثل ما كتلو اهلنه من قبل دفعني بغضب وزمجر بوجهي...ووووخري خلينه اشوووف من هذا الجاي يتهدد عليه بباب بيتي هو طلع يركض واني وامي رضيه ركضنه وراه ونصرخ انعاد علينه نفس مشهد عاصم من قتل ابوي وبنت جاسر واخوي فلاح ... طلع جاسر الهم هم جانوا مسلحيين كال هشام بغضب...لك جااااسر لك انت شنووو وتغلط علئ امي وعلئ اختي والله اليوم ادفنك ببيتي رد عليه جاسر بغضب...اكل خ.....لك بيكم خيير ما مخليهن يفترهن هنا وهنا ويسون مصايب وانتم غافلين وجهه هيثم اخو هشام المسدس علئ جاسر وهو يصيح...لك يا خببيث انت شنو صاااير خيير بيك خيير واجه الزلم لا تواجهه نسوان مو رجوله منك حتئ تاخذ حقك من اختي وامي رد عليه ببرود ورفع حاجب...لا صدك ليش انتم بيكم زلمه هي ارجل وحده بيكم هاله وبعد وين الزلم الي اواجهه ضل هيثم يرمي عشوائي واحنه نصرخ ونلطم وانوب جووولي المسكينه ما ندري بيها وين خطيه هي من تسمع رمي تتخبل بسبب الصار من قبل... بس انتبهت علئ الطلق جان خلب مدري شنو يعني ما ياذي بس اني ما اعرف بالاسلحه بس حيل خفت من صوت الرمي وصار عندي انهيار انوب امي رضيه تصرررخ و وكع حجابها...ولك يمه جاسر ولك راح يكتلونك ولك يمه بعده جرح اهلك اخضر ادخل لا يموتونك هو صاح بيها بصوت عالي رعبها رعب...ادخلن جووووه ادخلن سحبته امي رضيه وهي تجرجر بي وتلهث ولسانها يبس عبالك صار خشبه...ولك يمه لك يمه ادخل لا تجيك طلقه من ذوول الكلاب رد عليه وهو يبعدها عنه...خلي يولون جبناء مسدس مو حقيقي هذا صوتي بس عوفيني انطيني مجال... دفع رضيه وهجم علئ هشام ضربه بوكس هم جانوا اكصر واضعف من جاسر يعني هم مو كلش كبار هو اكبر منهم لفلهم تلفلف صار الضرب بينهم بوكسيات ورفسات وخطيه رضيه لزمت الها واحد منهم سحلته سحل ورضاوي ومشمش يشمرون عليهم نعالات صارت بالنعل ويصيحون...نعله ابوتم نعله امتم والله اعفكم « نعله ابوكم نعل علئ امكم والله اعضكم » جاسر اخذ المسدس من هيثم وضربه باخمس المسدس علئ جبينه باجرام خلاه يرعص بمكانه والدم يطرف من جبينه اخذ المسدس وباوعل لهشام بحقد...اخذ اخووك وكضوا نسوانكم لا وحق الرسول اتصرف وياكم تصرف ما يعجبكم هشام اخذ هيثم وذاك داخ من الضربه كله بوعيد...بسيطه جاسر بسيطه والله اذا ما ندمناك ما نطلع ولد ابو هشام والله اله نبجيك دم ونخليك علج بحلوگ الوادم احنه وياك والزمن طووويل رد عليه بسخرية وبدون نفس.. دكل نعل واخذ اخووك وروح...انوب المزعطه عليه ... هم راحوا بس هاي شنو عود العالم التمت وفارغوهم انوب تشكر منهم جاسر ودخلنه جوه هو حط ايده علئ اكتاف اطفاله كلهم...ادري بابا شنو محضرين رواحكم انتم ونعالاتكم بعدني ما طلعت لكيتكم كدامي ما تخافون واحد منكم ينضرب رد عليه مشمش بثقه.. لا اني دلمه ما حااف « لا اني لزمه ما اخاف » ورد عليه بفرحه...بابا اني قكيت هدا الحايس بجره...« بابا اني طكيت هذا الخايس برجله » ضربه مرتضئ...شداب بابا والله اني قكيته ودليتله نعله ابوووك نعله امممك « جذاب بابا والله اني طكيته وكلتله نعله علئ ابوك نعله علئ امك » انوب تكافشوا من الروس وهو تنهد بضيق كال...وقار شوفيلج جاره وياهم دخل وهو شايل المسدس الصوتي مالة هيثم بيده وشرايين ايده بارزه من كثر عصبيتة من هل موقف الصار اليوم دخلنه ونشوف جووولي واكعه وفاقده هو من شافها تخبل ركض عليها وحضنها ضل يضرب بخدخا علئ كيف...جولييت جوولي اكعدي شبيج ونت بصوت حزين و رجعت ذابت مره ثانيه هو شالها بين اديه واخذها الغرفتها... .............................. جولييت... اول ما صار الغلط والباب الي تفلش اني بلعت العافيه و وكفت بخووف سمعت جاسر ركض وانوب كلها ركضت وياه عرفت هذول ولد عمي ابو هشام هم الي هدو عليه اني لان ما اشوف وما اعرف شلون اطلع ولا اندل المكان... ضليت بحيره واني ابجي واصرخ واريد اندل الباب اريد اطلع اريد الزمه اتوسله لا يطلع اخلي روحي بمكانهم خلي اني اموت ولا اي واحد منهم يموت ماتوا من قبل اهل جاسر واني دفعت الثمن صرخت بصوت عالي...مجتبئ رضاوي يمه وينكم ويينكم يروحي انتم سمعت صووت الطلق كلت لااا مدام جاسر طلع ومدام صار رمي واحد منهم انكتل ... حطيت اديه علئ عيوني واني افرك بيهن واصرخ اريد اشووف اريد اطلع احس مختنكه احس مربطه احس روحي عايشه بسجن بسبب هل عيون الفقدتهن وكعت علئ ركبي...جااااسر ولك جااااسر ليش هييج ليش تطلعوون ولج يمه رضيه ويينج ويينج تعكفت اديه وانثنت رجليه وكعت علئ جانبي واهتز جسمي واني اصلا مريضه حسيت الموت دخل بجسمي تشاهدت والظلام محاوطني وما دريت شصار بعد ... فزيت علئ قبلاته الخدي وايده علئ بطني وهو يصحي بيه...جولييت جولي اكعدي شبييج اني يمج فزيت مرعوووبه واني اتلمسه بلهفه وخوووف...جااااسر جااااسر شصار منو مااات احجي منو مااات فدووه منو تاذه رد عليه بصوت يطمن وهو لازم اديه...لا ماكو شئ محد بي شئ والله هذا هشام وهيثم مزعطه جاين محرضتهم هاله وامهم وهجموا عليه رجفت شفايفي والدمعه علئ خدي ...مووو هو صار رمي منو انضرب رد بضحكه...ابن عمج المطي جايبله مسدس صوتي واجه هاد عليه انطيته المقسوم وراح توكل رفعت ايدي واني اتلمس بوجهه اريد اشوفه وين بلعت ريكي بغصه...برووح غزل محد انضرب محد انضرب محد بي شئ مسح وجهي بثنين اديه كال ...والله محد بي شئ كتلج هذا الرصاص من مسدس صوتي واني اصلا تندم طلعت اله عركه مال مزعطه لو مطلع الهم رضاوي بمسدسه ابو المي احسن ههه ابتسمت بغصه بس لحد الان أرجف من الخووف همست بعذاب...فدوه جاسر كافي مشاكل والله تعبت ولعبت نفسي جر نفس كال...ليش اني مرتاح يا جولييت والله حالي من حالج وعقلي،مشوش تدرين للحضات احس الدنيا توكف بعيني واحس عمري كصير بهل دنيا خفت من كلامه وعصرت ايده حييل كتله...لا اسم الله عليك رد عليه بقهر...ما تتمنين اموت حتئ تخلصين مني صفنت بقهر وهزيت راسي بنفي وحطيت ايدي بعشوائيه علئ شفايفه...اششش لا دكول هل كلام اني مو ظالمه حتئ اتمنئ الموت لأي شخص اني علئ عدو ما اتمنئ الموت عاد مو عليك لا تحجي هييج وتحسيني اني فد وحده حقيره وما عندي احساس... بلع ريكه بغصه وبنبره حزينه اول مره اسمعها منه كال...جولييت طالعه روحي والله اووول مره اتمنئ المووت علئ هل عييشه تعبان وروح غزل تعبااااان عضيت شفايفي بقهر واني اكتم حزني همس بصوت خافت وحزين ..جولييت احتويني رفعت اديه اله بدون سابق انذار وحضنته الصدري واني ابجي وانووح واشكي منه واله واطمنه وما اعرف اصلا شنو الاسوي همست بصوت ذايب من الحزن...اتدنئ عليه تدنالي يجاسر حضني باديه كانه ربطني بصدره وتقرب مني اكثر واكثر صرنه روحين بجسد واحد وضعت باحضانه وهو يتنفس علئ بشرتي واني روحي طايره مني وحاضنته حييل مثل ما هو متمسك بيه وابجي علئ روحي وعليه... فلجأ إلى ضلعها وهو حزين ، قال يا كُلّي أريحيني ، فاحتوته بكُلّها كأنَّها كوْن وهو في مراحِمها جنيْن ... ....................... شهد... اوجاع عندي مو طبيعيه تروح وتجي وعمتي ام فلاح دكول نضفي حتئ الطفل ينزل بسرعه وما اعرف شنو واني اشتغل وارجع ليوره بس لحد الان اني شويه عندي خنكه صح مو مثل قبل بس هم مختنكه... طلعت رحت للحمام وكع عليه قطرات مال دم خفت شويه بس كلت يمكن عادي... اجه جعفر يفر بسويج السياره ويغني باوعلي كال...هاج جبت لفات انطي البنات فلاح واكليلج وحده وهااا انطي لامي اهم شئ لان ما اريد اصير عاق بوالديه جر نفس كال...الله يرحمك يا مهيوب صح جنت هواي انكتل منك بس بصراحه أضل الولد الوحيد الي مريحك بعد مماتك وهل لفات ثواب علئ روحك يا بويه الله يرحمك واني اعرفهن ذن ياكلن ويمسحن ايدهن بالحايط بذلك اني قريت الفاتحه مسبقا وهديتها علئ روحك الطاهره ... ابتسمت بوجع وصحت علئ ضحاوي انطيتها اللفات و وديت وحده العمتي جان شويه واسمع ضحاوي ورقيه يبجن وسجئ دكلهن اله ترجعنهن وهن يردن ياكلن دكلهن ما ناكل احنه فضايل عمامجن ويالله رجعيهن اجه جعفر سمعها صاح عليها كلها تعالي هي اجت اخذ منها اللفات وانطه وحده الضحئ و وحده الرقيه اكلنهن يمه وهي تباوع وتخوزر بيهن كلها انتي ما عاجبج تاكلين لا تحرمين اخواتج من شئ والله واذا لكيتج ضاربتهن ما تلومين اله نفسج انتي حييل مستهتر هي طنكرت وخلت وراحت اني اخذتهن غسلت الهن واحس شئ طك ببطني لزمت بطني بوجع وصرخت بعد ما اجتني الطلگه اجه جعفر يركض عليه وعمتي ام فلاح لزمتني كالت...هاااا يمه هااا كولي يا الله كولي يالله يمه جعفر خلي ناخذها للمستشفئ صارت عندها ولاده اباوع علئ رجليه نزل منها مي هو خطيه لزمني ويمشي بيه وصلني للسياره ورجع صاح علئ سجئ...سجيوه والله اذا كتلتي البنات اموتج واحذرتج ترئ صاحت عليه امه...ولك تعال عوفنه من سجيوه ركب السياره وساق بسرعه كلها...يمه شسالفه غير اادبها ورجع باوعلي..تحملي حبي تحملي يروحي انتي تحملي لخاطري امه كلتله...خاب شبيك احجي عدل رد عليه...شمدريني يمه غيري اسوي دراما شويه حتئ يجي الطفل متفائل للدنيا اني ضليت اتوجع وابجي وهو من شافني صدك خاف عليه وكل شويه ودار وجهه عليه وصلنه للمستشفئ وسوولي اللازم وبعدها اخذوني لصالة الولادة كالو عندج ولاده يالله بسرعه ادخلي دخلوني للصاله واني ابجي من الوجع وانطوني مغذي خلوني انتظر شويه متت من الوجع رغم ولادتي طبيعيه بس اني جعفر كال خلي تولد بالخاص لان بس عناية اكثر من العام وهو جذب نفس الزفت ونفس الاذيه والتعامل بطلاع الروح جبت بنوته وكعت بين رجليه واني لزمتها قبل لا توكع رغم وجعي بس لزمتها وبيومها حسيتها اعز من روحي واعز من كل شخص مر بحياتي صرخت بصوت عالي...تعالووو جبت جبت بنيه فدوه بردت خطيه جنت احجي بصوت مبحوح ورايح من البجي والدموع سالكه علئ خدي اجت اخذتها ولفتها وكصت الحبل السري انوب ضلت تحجي عليه وتغلط وجرحتي شكول عليج يالظالمه جبت طبيعي ليش تجرحيني دكلي والله هذا امر من وزارة الصحه لان انتي بكر موتتني الله ينتقم منها... ضليت تقريبا ساعه وطلعوني بعد ما لفوني ببطانيه وكعدوني بعربانه مال مقعدين والطفله جانت بالخدج ينضفون صدرها مدري شنو من طلعت شويه واجه جعفر وهو شايلها وفرحان ويبوس بيها ويباوعلي ويضحك كال بصوت عالي من بعيد فضحنه بالمستسفئ كال...حلكها شكبره جنه حلك وجهه الطاوه عمتي ضحكت كالت...ياااا غير يصم حلكه فضحنه بالمستشفى اني ضحكت بتعب واجه باوعلي كال ...شوفيها شكد حلوه بيها بس حلكها جبير بلكي يستعدل اذا صغر اصلي صلاة شكر لوجهه الله عمتي باستها كلتله...لا يمه مو حلكها جبير بس هي خطيه طفله بعدها ومغمغه من جانت ببطن امها هسه معانيها تستعدل وتصير تجنن ولو هي حليوه اخذتها من ايده واني ابوس بيها...فديتها والله حليوه تجنن وحلكها صغير بس هذا جعفر جذاب صارت عنده عقده من وجهه الطاوه صار منو يشوفها يحسها نفس حلك وجهه الطاوه... رجعنه للبيت واني ضليت عند عمتي ام فلاح هي دارتني ما قصرت ابد وريهام اجت من اهلها وحتئ وقار اجت هي وجاسر و ماما رضيه وجولي وجهالها وجهال جاسر مكيفين مرتضئ كال...سموها فقومه « فطومه » ضحك جعفر وضربه كلها..هذا هو فقومه فقومه بس هااا ترئ هي الك من هسه مو بس تعرف تسميها لا صير رجال وخطبها وانهي عليها شوف الحلك جنها حلك وجهه الطاوه بس ترئ كلبها طيب وروحها مرحه مثل امها... باوعتله بعتب...كافي جعفر كرهتني حتئ بالطفله والله حلكها حلو ضلوا كاعدين يمي خطيه فرحانين بالطفله وحتئ بنات فلاح مكيفات بس سجيوه مطنكره مدري شبيها شايله خشمها واخذت اخوتها وراحت...وهن يبجن يردن يضلن عاط بيه جاسر...كلها شبييج انتي عوفيهن وامشي روحي نامي ترئ انتي صايره مستهتره حييل هي عافتهن وراحت وهنه خطيه مكيفات ويباوعن عليها وجهال جاسر يبوسون بيها وكل شويه وتعاركو عليها... وجعفر كل شويه وكال...بويه مو كتلكم وجهه الطاوه شوفو شلون تريد تكاتل الاخوه من هسه بدت طبعا هو جعفر ما يحجي كدام سجئ علئ امها حاليا بس قبل جان يحجي هسه لا يتفاده المشاكل وامه توصي ميحجي... ........................... جولييت... اتفقنا نروح اني و وقار البيت شام بس كالت وقار مو هسه خلي شويه يهدئ الوضع وخلي جاسر شويه يتطمن احنه هاي الايام كلها ما اجت ابد شام ولا عرفنا اخبارها ولا سمعنه منها شئ... جان دنيا الضهر هسه متغدين ومكملين شويه واندك الباب راحت فتحت الباب رضيه ودخلت وهي دكول...تفضلوا تفضلوا هله خويه ابو جابر كل الهله بيك وبام جابر يا اهلا وسهلا ... اني وكفت بارتباك وهو دخل وتحمحم بصوته اجه سلم عليه بكل هيبه وصوته الي يرهب ويهيم علئ المكان كال...هااا بويه بنيتي جولي شلونج ان شاء الله زينه رديت عليه ببتسامه وجاوبته واني اباوع للفراغ...الحمد لله عمي زينه انت شلونك ؟ رد عليه بتنهيده...الحمد لله بويه انا من شفتج صرت بخير... اجت وقار سلمت عليه وهو رد عليها بثقل اني عبالي جاي يرجع وقار بس صدمني من كال...بويه اني جاي وعندي موضوع علئ انفراد ويه بنيتي ام مرتضئ استغربت منه بس ما حجيت اخذتني ماما رضيه بالاستقبال وهو اجه يمي وسد الباب بس شنو اني مدري شبيه خفت ضليت ارجف استغفرت ربي الف مره وتعوذت من ابليس حسيت بي كعد يمي بس مو كوولش قريب وكال...بوية ام مرتضئ اني عندي موضوع وياج وهل موضوع انتي الي تحلينه عقدت حواجبي باستغراب...شنوو عمو احجي اذا اكدر ان شاء الله اساعدك جر نفس وتنهد كال...بويه نوال صدك ضلمتج وطيحت طفلج وعمت عيونج بس بويه الله يغفر اخنه ليش ما نغفر وهي صاحبة يتامئ وارمله بالسجن زحمه علينه وحنه شيوخ وتضل نوال جنتنه صدك عارها علئ اهلها بس احنه ما نريد بنيات فلاح يتعيرن بامهن علئ ابو امهن خريجة سجون ... انعصر كلبي من كلامه حييل اني بصراحه ما احب نوال وهي سبب بتعاستي وانصدمت من حجه عنها هييج رجع كمل كلامه كال...بويه البنات مثل الورقه البيضه اي لطخه تدمرهن واحنه ما نريد ندمرهن بامهم وهن يتيمات وربج يكول فأما اليتم فلا تقهر وهي امهم مهما جان السبب محد يتخلئ عن امه بلعت ريكي بغصه...بس عمي انت طلبك علئ عيني وعلئ راسي بس جاسر هو الي رفع الدعوه مو اني وانت تعرف ابو غزل من يعاند زفر نفسه بضيق...اي بويه اعرفه جااا انه ليش التجئت الج اريدج تاثرين عليه والله اجت امها واختها انوب اجه اخوها ويعتذرون ويكولون شتردون احنه حاضرين ... واخوها حتئ بجي ضل يبجي وبناتها تصير عليهن سمعه بسبب امهن وهنه بنات باجر محد يدك بابهن اذا مو لخاطرها لخاطر هل يتيمات... بلعت ريكي وبللت شفايفي الي جفت وانلجم الساني ما عرفت شنو احجي حييل احتاريت ولا عرفت ارد عليه... اني عمي ابو جابر حييل احترمه واحبه وهو ساعدني هووواي و وكف بصفي هوواي لذلك كووولش خجلانه منه ... بهل اثناء دخل جاسر وكال...السلام عليكم اليوم عمي يخطط هو ومرتي خير ان شاء الله بس لا تردون تسوون انقلاب علئ بيت مهيوب ضحك عمي ورد عليه...والله انتم بيت مهيوب ينراد الكم انقلاب لان ما ماشين عدل ... رد عليه...لا وداعتك فقره وماشين بصف الحايط بس الناس ما تمشي ويانه عدل... ضلوا كاعدين يسولفون ولا كان صار بينهم شئ،من قبل هم حلوه علاقتهم حتئ لو يتعاركون بسرعه يتصافون وما يطوولون مو مثل اهل ابوي الحقد عامي عيونهم... بعدها حجاله عمي عن الموضوع الي اجاني بي وجاسر تخبل ما قبل اببد كال لا والله اخليها تعفن بالسجن واطيح حضها... ضل يحجي وياه ويقره اله احكام وايات واني كذلك كتله...ميخالف جاسر الخاطر بناتها مو الخاطرها هي ان شاء الله ربي يحاسبها الله موجود وما ينسئ عبده سقط الدعوه عنها وشوف شلون الله راح يجازيها صدكني بس لا تخلي بنات اخووك الناس تلطخ بيهن ويكولون امهن خريجة سجون ومدري شنو والعالم ما ترحم وانت تعرفهم ضغطنه عليه بالكلام تقريبا ساعتين احنه بنفس الموضوع هو قافل واحنه نقنع بي لحد ما شبه اقتنع كال...هذا هو ان شاء الله اسقط الدعوه اخابر رضا واخلي يسقطها... تنفست بارتياح رغم بداخلي حزن دفيين وعظيم حسبي الله ونعم الوكيل عليج يا نوال... بعدها خلو وراحوا بس ابد ما فتحوا موضوع وقار ولا حجو عنها وهي ضاجت حسيت بيها من خلال كلامها وتنرفزها واسلوبها... مر يومين واني جنت كاعده بالحديقه اعيد بالماضي وتتكرار عليه ايام اعيدها بمخيلتي وكفت واني اتلمس بالكرسي و وكفت دا ادخل جوه انضربت بالسندانه الي علئ الارض حسيت بشخص سحبني من خصري لزمت ايده عرفته جاسر ابتسمت ومشيت كتله...شكرا علئ المساعده... رد عليه ببرود وغرور...خادمج مسحت وجهي بتوتر ورديت عليه...خادم الرحمن تسلم لزم ايدي و وكفني كال ...جنت اباوعلج وانتي صافنه بشنو تفكرين ورغم كلشي حسيتج تعيدين الماضي انرسمت ابتسامه باهته علئ وجهي...اي صح اتذكرت امي بموقف انت وياها... كال باستغراب...اي موقف ذكريني حطيت ايدي علئ صدري كتله...تتذكر مره من اجيت النه جنت خاطبني وعزمتونه وانت اجيت تاخذنه بيومها ماما كلتلك خاله جاسر اريد اطلب منك طلب... جريت نفس وكملت كلامي باسئ ...خاله ما اريدك بيوم تعير بنيتي جولي علئ عيشتنا ولا اريدك بيوم دكلها امج معوقه وابوج معوق اني والله جولي مدللتها اعوز علئ روحي واجيب الها التريده .. ضحكت وانت ما قبلت علئ كلام امي عضيت شفتك وكلتلها...افااا خاله هذا كلام دكولي شنو جولييت غريبه ترئ هي بنت خالتي وراح تصير مرتي هل كلام ما مقبول منج وسفه عليج تحجينه رجع احتضني مره ثانيه وباس راسي كال...واني ما فديوم عيرتج بعوق امج وابوج ولحد الان اتذكر من اجيتكم واتذكر هذا الموقف جنتي لابسه بيها تنوره كابوي واصله لحجل رجل ولابسه تشيرت ابيض وشال وردي ... بيومها ما رحتي من خيالي يالله طفله وحتئ استايلج طفوولي وردي وابيض وكابوي و وجهج مابي مكياج... خلصت اليل كله واني اتذكرج من طلعتي بهل لبس هذا الي يوحي عن طفله توه بلغت... ضحكت بحزن...هو اني جنت طفله ولكيتلي شويب ما صدكت لزكت بي هههههه رد بقهر...من افشر تلوميني شووويب مووو لحد الان اتذكر نظراتج وانتي تسرقينها اليه ترئ جنت كاشفج اكول معقوله هل طفله تحبني رفعت اكتافي بعدم مبالاة....اي انت واحد دبلوماسي وتكتشف بسرعه مو مثلي بريئه واني ترئ فتحت عيوني عليك لو ادري ما فتحتها ههههه جاوب بقهر وهو يتنفس بوعيد...فد حيوانه ولا تحجين حجايه بيها خيير مديت شفايفي بعدم اهتمام...شسوي بربوك علئ كولتك رد عليه...ومن زمان مو هسه... حطيت ايدي علئ خصري مقابله بكلامه..لا والله جاوبني بثقه...وشرف خالتي ام هاله جريت نفس...اي صدك اشو اليوم احسك مزاجك حلو خير ان شاء الله فرحنا وياك اجتني نبرة صوته المستهزئة....منين يجي المزاج الحلو يابه عندي ثنين نسوان وحده محرمه عليها و وحده مسويه عليه حصار اىدف بتنهيده...بس شسوي ما اريد اعكر مزاجج وادخلج بحالة مستعصية وانتي مرضيه شوفي شلوت اراعي شعورج تبوسين ايدج وجهه وكفه علئ اخلاقي... ضحكت...اي مثل اخلاق خالتك ام هاله حسيت بي خنكني بيده بس بمزح وخفيف مو حييل كال...يعني شكد ما الزم اللساني اله تخليني ارجع افشر عليج احسج تستمتعين باخلاقي من افشر ضربته علئ صدره.. عزا العزاني شكد لسانك سلييط وما عندك حياء حضوري شنو افرح بالفشار شكلولك عليه خالتك ام هاله ... عض خدي بس حييل كال...تروحلج فدوه هي وهاله... فركت خدي بوجع وبعدها هو أخذني ودخلني جوه ارتاحيت من شفته شويه زين... كال هليومين عنده ضغط بالشغل وما اعرف شنو واني استغليت الفرصه وقررت اروح لشام... ....................... وعيت على صوت جعفر يكعدني ولج شهد شهيدة كعدي هاي الطفلة كاعدة فاتحة الكماط و جوعانة خطية كومي رضعيها .. كمت اتمطط الليل كله مانمت من وراها يربي الامومة صعبة من صدك هو اني يرادلي واحد يسهرلي ويهتم بيه .. انوب اني من النعاس نومتها بنصنا اني وجعفر ... باوعتلها صدك شفتها تبجي وتعصر بروحها .. واني حتى ماسمعت صوتها بسبب التعب .. كال جعفر كومي مو طكيتيها صفنة الصفنة لابو القاط الرصاصي مو الج وبعدين ولج منيمتها بنصنا انت ماتتوبين جم مرة اكولج خليها بكاروكها لا واحد منه ينكلب عليها ويمردها خطية كتله اووو جعفر يومية هالقوانة المجروخة جهاي من الصبح ترة والله انته حقك متدري شيصير بيه بالليل اصير اكسر الخاطر والله صفن بوجه فطومة ثواني وكال ولج هاي حلكها شكبرة جنه حلك وجه الطاوة لعد شكد تحبيها وطلع حلكها عليها فريت ايدي واني اخذها من الفراش اخليها بحضني لا والله مو لان احبها بس لان جانت مكابلتني اربعة وعشرين ساعة وقلصت عيوني خاف انته تحبها وطلعت بنتك عليها ... ضحك كام من السرير كال ديله يله شحجي وياج من الصبح هيه لو ما سامطتني بسحر ومشتني مثل الطلي جان اشتهي اباوع بوجهه مديت ايدي للممة يمي ع الدولاب الي بصفي وكتله اي زين تعترف .. كال اني اروح للشغل هم الحك ع الحفاضات والحليب ... كتله ما تنتظر اسويلك ريوك لتطلع جوعان كال ماريد .... سيرة وجه الطاوة من الصبح سدتلي نفسي .. طلع هو واني شربت فطومة الممة وغيرتلها ورجعتها على نومتها وكمت اغسل الممة بالمطبخ .. شفت عمتي ام فلاح طفت على الجاي ، صبحت عليها ردت وسألتني على فطومة كتلها رجعت نامت .. ووكفت على السنك اغسل الممة وهيه كالت سجئ ماكعدت لهسه اروح اكعدها لا يفوتها دوام المدرسة اني ظليت ادردم لا هلا بهالصبح البي سجيوة هسه خليها نايمة نوم الظالم عبادة .. كالت عمتي ام فلاح شنو كلتي شو جنج تحجين وحدج مدري تحجين وياي ولج ؟ التافيت الها اكلج عمة خليها نايمة سجوو والله احسن الها شسوي كاعدة بس تتعارك ويانا ولسانها شطوله وياج شعندج مكعدتها .....بس هاا صدك نسيت عندها دوام كالتلي سكتي سكتي عود هيه تعرف تحجي ولج انت هم ماتكبرين لو خلفتي عشرة هذا عقلج يبقى بكد حبة الحمص اووو هسه شكلت اني يا عمة يعني عاجبج الي تسوي يومية عركات وملاسن والله حتى فطومة بنتي هم ماتسلم من لسانها ظلت تأشرلي بعصبية كرمينا بسكوتج احسن ولا تعلميني شنو اسوي وما اسوي شو ماناقصة بالملاسن انتي لسانج هم متر وازيد خلتني وراحت رفعت ايدي ونزلتها بملل هسه تكعد وجه الطاوة رقم اثنين سجيوة ... انوب جعفر يكول فطومة تشبه نويلة ، اني اخلص من وحدة تطلعلي الف وحدة غيرها انوب عبالك تنبع من الكاع .. غسلت الممة طلعت من المطبخ واشوف عمتي تلوب وتفتح بيبان الغرف وتدور وتطلع بره تصيح وترجع تطب جووة تفاجئت رحت قربت منها وهيه اجت عليه تضرب باديها ولج يمه البنات ماكو فص ملح وذاب .. عزااا يا بنات عمة شتقصدين ؟ كالت ولج بنات فلاح مالهن اثر بالبيت عزااا بعيني مدري وين راحن ، صخام الصخمني كعدت بعتبة الباب ترجف وباوعتلي بعصبية ولج شمنتظرة ليش تباوعيلي هيج ولج سويلج شي ماابيه بعد اني كلبي راح يووكف كتلها بارتباك شسسوي عمة شسووي كليلي عاطت وايدها على صدرها ولج خابري واحد من الولد ولج جيبيلي تليفوني وخابري على رقم جاسر يا يمه بس لا صار بيهن شي لو دخلوا للبيت وخطفووووهن الي مايخافون الله هواي اني فتحت عيني ممستوعبة الي ديصير ركضت طليت على بنتي من الخوف ، خاف لا خطفوها هيه همين يمه كلبي راح يوكف الحمدلله شفتها بفراشها طلعت اركض ادور على تليفون عمتي واشوف وين مخليته .. ....................... وقار... بدلنه اني وجولي وامي رضيه ورحنه بعد ما كلنه الجاسر حنروح للدكتوره نشوف جولي شبيها عندها اوجاع... جولييت لبست صايه سوده وسال اسود وما خلت اي شئ والوجهه بس هي ما شاء الله حليوه ومن متخلي مكياج احسها احلئ و وجهه طفولي اكثر خاصه هي حاليا علئ الحمل ما ادري احسها حليانه رغم تجيها ساعات تذبل وخشمها شوكت ما تجينه احمر ... وكل شويه وكلتلي...اكولج فدوه وقار شكلي مخربط لو يعني حلوه واني كل شويه ورديت عليها...حلوه حلوه ولا يهمج ومرتضئ ومجتبئ ويانه الحمد لله نسيتهم الديج وشمرتخ بالسطح جان هسه جابو واجو ويانه... ماما رضيه مجانت قابله علئ جيتنه بس بعد جولي اصرت وهي جولي،عنوديه شويه لو والله مو شويه هووواي... وصلنه للشقه طبعا اني اندلها هل شقه لان من اجينه من النجف و وصلنه شام اندليتها وهي اصلا طريقها ما يتيه... اول ما وصلنه جولييت لزمت ايدي بخوف وارتباك وقلق كالت. اشو خفت مدري شبيه جريت نفس وشجعتها وبعدها كلتلها...اذا تردين خلي نرجع ردت عليه بلهفه. لا لا خلينه نروح اني لازم احجي وياها ميصير هيج حاقده عليه وتتهمني باشياء مو صح او يمكن تدعي عليه وعلئ اطفالي ويصير نفس عليهم خلي ارضيها حتئ هي ترتاح واني ارتاح تنهدت بضيق ودكيت الجرس عدت مرات واحنه واكفين كلنه اجانه الصووت وانفتح الباب... نهاية البارت....يتبع كونوا انتم كونوا بخير...احبكم 💔 نور سمو العراق 😘 لا تنسوا التصويت والمشاركه بكم نكتمل....🌹 وغلسوا علئ السحك بارت من دون تدقيق 😁 | ||||||||
|
| |
|
30-11-20, 06:22 PM
| #86 | ||||
| السلام عليكم ورحمة الله فيتامين سي شكراً على النقل ❤❤ أتمنى أن تنزلي في اليوم أكثر من فصل حتى تنهي الرواية إذا كانت مكتملة ورسالتي لك ِ هناك الكثير من الروايات المنقولة لا تستحق النشر مثل كثير من الروايات الخليجية والعراقية أتمنى أن توصلي رسالة للكاتبات قبل البدء بكتابة أي رواية عليهن القراءة في جميع المجالات كي يكتبن رواية جيدة وبوركت جهودك غاليتي🥰 | ||||
|
| |
|
30-11-20, 08:07 PM
| #87 | |||||||||
| مراقبة عامة ومشرفة منتدى الروايات المنقولة
| اقتباس:
وعليكم السلام ورحمة الله وبركاته الروايه عزيزتي قيد الكتابه وأنا أنقل لكم البارتات أول بأول بالنسبه للروايات المنقوله أولا نحن ننقل كثير من الروايات وأغلبها ما قرأناها لأن وقتنا مايسمح لقراءة كل الروايات اللي ننقلها ولو بأنقل اللي أقرأها فقط كان مانقلت ربع اللي ناقلته روايات تنعد على الأصابع اللي متابعتها وقرأتها واللي راقت لي وبالمثل لو بأنقل اللي تعجبني وعلى ذائقتي فقط كان مانقلت الا شيء قليل جدا لكن الأذواق تختلف بإختلاف الأعمار والميول لهذا ننقل الكثير والقارىء يختار اللي يناسب ذائقته وميوله وبكذا نحاول نرضي جميع الأذواق وأنا معك فيه روايات لو حسب ذائقتي مانقلتها لكن أذواق القراء تختلف فمالا يعجبنا يعجب الآخرين غير إن الروايات المميزه نادره جدا وهذا الموجود في المواقع والجود من الموجود شكرا على مشاركتك | |||||||||
|
| |
|
04-12-20, 09:10 PM
| #88 | ||||||||
| مراقبة عامة ومشرفة منتدى الروايات المنقولة
| بارت 29 رواية...جولييت واسرها...غياهب الإنتقام بقلمي...نور سمو العراق 💔💔💔💔💔💔💔💔💔 تــــرى صعبة ضحكتـــي هوايـــة تخفي همـــــــوم...! .................................. جولييت... اني انسانه ضايعه بي،وبدوونه للاسف اي فعلا احس نفسي بضياع فضييع والقلق متلبسني... احس نفسي تايهه بوسط صحراء وماكو منقذ الي ... وكل شخص بجانبي يحاول يغدر بيه واني الي رويتهم بماي الحياة... الكل عزف علئ حزني المهموم بقصد او بدون قصد احس كل شئ صار كذبه وكذبه طوويله وماكو من الحقيقه غير حزني ... احس روحي بدوااامه وهل دوامه تخص كاسري ومشاعره ما اتاكد من مشاعره اله اذا صرت بخطر اكبر... اليوم قررت اروح عند شام وهل روحه بيها الي غايه يمكن الكل يلومني ويعتب عليه لان يمكن يشوف ان تصرفي غلط بس اني عندي قناعه وهل قناعه خافيتها بداخلي واكدر اتنازل عن كبريائي واروح عندها أفهمها ان كل الي صار هو غلطه لا اني ولا جاسر اله ايد بلي صار.. لازم شام تسمع منه احنه مو من غيرنه زواجي من جاسر غلطه وموت غزل غلطه والكل الي صار الي غلطه بس اطفالي هم الي مو غلطه ومستحيل اعتبرهم غلطه... ومستحيل اقبل واحد ينافسني عليهم ولا انطي اي واحد منهم ... بدلت وكملت جنت كاعده واني انتظر ماما رضيه و وقار... لزمت بطني بوجع ما اعرف من صرت حامل لحد الان واني كووولش تلعب نفسي من كووولشي من ادنئ عطر تلعب نفسي... ابتسمت بخيبة امل ..عزا انوب بس لا اضل انقيئ عند اهل شام والله عيب مرات ما الحك علئ نفسي ومو ما اشوف تضل تتخربط احوالي... اتذكرته من تقيئت وهو كال افتحلج اديه مدري ليش احب اهتمامه بيه احب اقل حركه منه ادنئ حركة منه ترفعني للسما وارجع واكول لا هو بعطف عليه وكل هذا عطف لان اني يتيمه وعميه ومهجوره من اهلي ... بس هو يعني مو مثلي هههه هو احسن مني يعني اني من تقيئت هو غسلي وبدلي وحتئ هو غسل قميصه وما استنكف مني ولا خله اي واحد يغسله غيره... واني مره من المرات جنت يمكن صار عشر ايام من متزوجه وهو ماكل بالمطعم مدري شنو وجان لعبانه نفسه ومعدته تفور ... خطيه ماما رضيه تركض وراه كل شويه وانطته شئ وكل شويه وكلتله...هاك يمه هذا ليمون ونعناع ومي بلكي معدتك ترتاح هاك يمه هذا علج مر خطيه جانت محتاره بي وابو كل شويه وكله...ولك بويه بعد ابووك دروح للمستشفئ ليش هيج ضال وهو يرد عليهم ...مابيه شئ بس شويه حراره بمعدتي... واني جنت واكفه بس اباوع عليه واستحي منه جنت هسه عروس واني مو هلكد علاقتي بي بس جنت مقهوره عليه وكل شويه اروح اباوع عليه وأسأله عن صحته... ومتوتره حييل وافرك باديه وهو نايم بالاستقبال علئ القنفه ليش ما ركض للحمام ديريد يتقيئ ... وماما رضيه دفعتني بسرعه كالت...ولج اركضي اركضي شوفي رجلج شبي غسليله وبوسي وامسحي وجهه حتئ يحبج ... اني هماتين ما اعرف طكيتهه ركضه وراه واني متوترة ومتردده شفته لازم المغسله وديتقيئ اتقربت منه بارتباك... وحطيت ايدي علئ ضهره ولزمته ...هاااا جاااسر بييك شئ خليني اغسلك .. عود دا اريد اغسله واني مدري شصار بيه معدتي كلبت واني ذبيت شكو ببطني انوب هو ضل يغسلي ويغسل بوجهي... انطاني الخاولي وابتسم بسخريه كال...شنو لعبت نفسج مني ؟ بلعت ريكي بخجل وفشلة...لااا اءء لا والله مم مااا متعلب نفسي منك والله بالعكس ببب بس لزم اديه واخذ الخاولي وهو ينشف بوجهه...اي بس شنوو؟ بلعت ريكي بصعووبة...اءء والله والله اني ما احب البيض واكلت بيض واني اصلا نفسي لعبانه من الصبح ... رد بوقاحه بعد ما انطاني الخاولي...لو نايم وياج جان كلت حامل حسيت عبالك ضربني راشدي ضليت ارمش بعيوني من خجلي يممه عزا ما اتخيل بتقرب مني رغم ماما رضيه ماكله مخي تدلعي عليه وتقربي منه وابو من يشوفه يضل يبسمر بي واني مدري شبيه من يحجون هييج عبالك انضرب بوكس ببطني واحس اسخن و وجهي يشتعل نااار ... رحت اركض وراه واني ابرر موقفي ...اني اءء اني والله هاي مو من هسه من زمان من اكل بيض تلعب نفسي لهيج اني ما اكل بيض الصبح بس اكل جبن لان ما يلعب النفس والله والله... دار وجهه عليه وابتسم كال...اي ادري والله ادري نزلت عيوني باسئ...بس والله ما لعبت نفسي منك والله انت زوجي شلون تلعب تفسي منك والله يعني حتئ هسه اني حغسل المغسله والحمام هل شئ مسؤؤليتي وانت زوجي ومريض،لازم اساعدك واكون بصفك ولا تحسس من موقفي والله لا ارادي .. ضحك وهز راسه بقبول...ولج والله اعررف اعرف شبيج جنت اشاقه وياج ادري بيج متلعب نفسج مني فركت اديه بتوتر...اي وداعة ماما اببد متلعب نفسي منك ...اذا تريد تقيئ عليه ضحك بصوت عالي وكرص خدي وبعدها كال بتنهيده...شكد بريئة انتي تستاهلين الاحسن مني لزمت ايده بحب...لا ماكو احسن منك انت احسن شخص شفته بحياتي اني ما انكر شنو سويت الخاطري انت رجعت شرفي وبريتني من التهمه الي توجهت ضدي مثل براءة الذيب من دم يوسف... ومو بس هيج انت نقذتني من ايد عاصم وحازم وكبرتني بين اهلي وما قبلت واحد يحجي ويايه وقبلت تتزوجني وانت جنت تعرف بيه وبمشكلتي وجان لحد الان ما طالعه برئتي واخويه ابن امي وابويه ما صدك بيه ضل يباوع الانحاء وجهي بجمود وبعدها جر نفس كال...هي عيونج كلها براءة لج اني الجذاب اعرفه من عيونه وانتي ما فديوم شفت الجذب بعيونج ما اعرف شلون كدروا يصدكون بيت عمج ويجذبونج انتي وانتي اصلا شكلج ومضهرج وطفولتج وحتئ كلامج ورجفة اديج مستحييل يخلي الواحد يشك بيج.. بس هم اغبياء ما اعرف شلون هيج اتهموج اتهام وليش اكو واحد ما يعرف شنو تربية اخته هسه يعني مثلا اني اخواتي ما اعرف شبيهن ما بيهن اعرف شنو يسوون واعرف شنو الشئ الي يتجرئن يسوونه والشئ الي ما يجرئن يسونه هل شئ واضح بس هم اغبياء وحقراء ولو تزعلين عليه... نزلت عيوني وعضيت شفايفي بحزن...لا ما ازعل لان هم فعلا هييج هم يكرهووني بس ماما وبابا يحبوني لهذا السبب هم صدكوني مو مثل عاصم وحازم جذبوني.. حسيت نفسي راح ابجي فاستأذنت منه وخليت ورحت الغرفتي ودخلت بنوبة بكاء طووويله شنو ذنبي واني بين احضان زوجي اكعد مرعووبه وابجي واصرخ واني اتوسل بعاصم لا ياذيني... ليش يا عاصم ليش شنو ذنبي اخجل حتئ من انام خاف اكعد مرعوووبه وانت تراودني بحلمي لييش والله كرهتك وانت اخوويه كرهتك حييل ... حسبي الله ونعم الوكيل عليك ... فزيت علئ صوت وقار وهي دكوله...هااا جولي يالله تاخرنا لا يجي جاسر... ابتسمت و وكفت واني اتلمس بالمكان اخاف اوكع هي لزمتني وعدلت شالي تنهدت بضيق...حلوه لو لا ابتسمت كالت...والله حلوه بس امشي .. طلعنه اني وياها وماما رضيه ومرتضئ ومجتبئ كلت بلكي ابوهم يتاخر هل يومين وينسون الي صار وما يفتنون عليه لان هم كل حجايه بحلگ ابوهم... وصلنه للمكان ودكينه الباب شويه واجانه الصوت...مييين ردت عليها وقار بهدوء...اني ممكن تفتحين الباب... انفتح الباب بس اني لا عرفتها منو ولا شفتها بس جنت لازمه الصايه بخووف وقلق وكلبي يدم سريع ما اعرف شصار بيه فجأة وخفت من المجهول كالت باستغراب...شو بدكوون ردت عليها ماما رضيه...نريد نشوف شام بلا زحمه ... وقار... دكيت الباب عدت مرات وماكو دقايف انفتح الباب جانت ياسمين باوعتلنه باستغراب واني باوعتلها بحقد كالت...شو بدكن ماما رضيه جاوبتها كلتلها نريد نشوف شام وهي كالت بعد ما باوعت النه كلنه بشك تنهد كالت...بس ثواني.. ضلينه واكفين بالباب وتقريبا خمس دقايق واجت ام شام كالت...تفضلوا تفضلوا ليش واقفين علئ الباب.. اني لزمت جولي ودخلتها خفت عليها توكع بس انتبهت الها ترجف.. وماما رضيه دخلت وكالت...شكرا ربي يزيد فضلكم... كعدنه بالصاله الي بالشقه بتوتر وترقب وامها وياسمين وبعد وحده اجت كعدن يمنه... ام شام كالت لياسمين...يالله يابنتي عمليلناه شي بنشربوا هي خلت وراحت ضلت تسولف ويه امي رضيه وامي رضيه كلتلها ببتسامه وارتباك...وين ام غزل نريد نشوفها .. وكفت امها بتعب وكالت...اي هلأ بناديها الكن... خلت وراحت ومشمش ومرتضئ سوو اقتحام علئ البيت يلعبون ويركضون جولي تعض بصبعها. وبصوت خافت..ولكم تعالو اكعدوا فشلتوني الله يفشلكم ان شاء الله شويه واجت شام جانت لابسه بجامه رصاصي عريضه شويه ولابسه تشيرت رصاصي وبي ازرگ ورافعه شعرها ليفوك ونازل بعض الخصل منه بس مجانت مخليه مكياج اببد بس وجهها صافي حييل وخدودها حمر شكلها حلوو ومبينه اصغر من عمرها رغم الي صار الها بس هي حليوه وما مغيرها الزمن اببد بس عيونها ذبلانه حييل كأن باجيه قبل شويه ... اجت سلمت من بعيد وكعدت وشتت نضرها بلا شئ بس كل شويه وباوعت الجولي... جولييت بلعت ريكها وكالت ببتسامه وهي تفرك باديها...شش شلونج شام ردت ببرود...من الله منيحه.. تنهدت جولي وردت عليها...ان شاء الله دووم ..ههه جنت عبالي،متستقبلينا رفعت حاجب بغرور...ليش ما بستقبلكن اني ما بطرد اي حدا بيدخل لبيتي حتئ لو كان عدووي انا مو هييك... واردفت بتنهيده طوويله...ازا انتي كنتي بتطردي يلي،بيدخل لبيتك انا مو متلك جوليت عضت شفايفها بفشله وردت عليها...اعتذر بس اني جنت تعبانه شويه وانتي استفزيتيني واني والله مو هييج ابد مستحيل اطرد اي شخص يدخل عندي حتئ إسألي ياسمين جانت دائما تجي عدنا... باوعت لاضافرها بقهر...مو مهم عندي هل شئ ازا كنتي تستقبلي او لااا انا اجيتك وانتي طردتيني وستخفيتي،بوجعي... رجف صوتها ومسحت دمعتها بقسوه قبل لا توكع...اي انتي استخفيتي بوجعي انا اناا... كطعت كلامها وما كملت ... وجليت تنهدت وبلعت ريكها بغصه...لا والله ما استخفيت ابببد بالعكس اني حاسه بشعورج صدكيني باوعتلها بحيرة والدمعه بعينها...لشوو اجيتي لحتئ تبعديني عن حياتك وحياة جوزك وعن اولادك ولا لشوو... هزت راسها بنفيي وجاوبتها...لا صدكيني مو هييج بس اني اجيت اشرحلج الصار افهمج ان اني مو سبب بلي صاار كله والله... رفعت اكتافها بعدم اهتمام...مو مهم عندي صدقيني انا خلااااص ما عد ينفع معي شئ انا الدنيا كانت بعيني،ورديه وهلا سوده... جولييت تنهدت وكالت...واني من قبل لا اتزوج جاسر ولحد الان الحياة بعيني سووده وبعمرها ما صارت وياي ورديه ولا يوم من الأيام صارت وياي ورديه... باوعتلها بحسره وكلتلها متجاهلة كلامها...كيف عاشت عندك غزل شو عانت منك ومن خواتك وليش قتلوها... وكفت جولي وهي تريد تكون قريبه الشام ساعدتها وكعدتها قريب منها ونظرات شام الها جانت مثل مواقد من نار... عقدت حواجبها بقلق وبنبره خايفه... اءءء شام صدكيني اني ما تزوجت غير كم شهر وماتت غزل محد عذبها ومحد ضلمها بالعكس الكل جان يحبها... اني اصلا جنت حتئ استحي وياها واخاف انطق بكلمة واتحاسب عليها لان جانت غزل خط احمر عند الكاسر ... والله جان يحبها اكثر من نفسه جان يعشقها جنت دائما اكوول ياريت عندي انسان يحبني مثل ما جاسر يحب بنته مكبرها بعين نفسها وبعين اهلها وعمامها جانت من تحجي كلمه الكل ينصت الها... جانت مت تروح للمدرسه مستحيل تروح وحدها لازم واحد من عمامها يوصلها كد ما ابوها يحبها ويخاف عليها... اذا اكولج شخصيتها اقوئ من شخصيتي،واني زوجت ابوها تصدكين ؟ اي والله شخصيتها قويه مثل ابوها محد يدوس الها علئ طرف والكل يحترمها ويحبها ويقدرها... شام صرخت بصوت عالي وضمت اديها الصدرها...اااااااه يابنتي ياااروحي يا امي لك والله ما عم صدق ما عم صدق بنتي ماتت لك هاااي،غزل بنتي قطعه من روووحي بعرفها زكيه وشاطره وبريئة وبتحب الكل باوعت الجولي برجاء وهي تبجي...لا عاد تحكيلي عن شخصية بنتي لاني بعرفها بعرفها كتيير اشرت علئ نفسها وهي تضرب علئ صدرها بقبضة ايدها...بعرفها والله هاي بنتي انا يلي ربيتها وكنت بحلم اني بشوفها شئ كبيير بخلي جدها يلي رفضني هو واهلو يفتخروا فيها يفتخروا ببنت السوريا بس شو بدي اعمل لحضي اناا... وكفت الها رضيه وحضنتها ومسحت دموعها...كافي يمه كااافي يبعد امج والله الكل يفتخر بيها وكلنه مفتخرين بغزل وجدها جان يعزها اكثر حتئ من بنات فلاح ويفتخر بيها... ويكول ذكيه وعاقله فاهمه صدكيني يمه بنيتج ابوها وجدها وكلمه مفتخرين بيها لزمت اديبن رضيه بتوسل...اي والله كنت كتير بحبها وبدياها تكون شئ كتير حلو كنت بدي يقولوا بس شام عندها بنت عنجد ماني مستوعبه الي صار .. انا ما كنت بدي احرمها منكن ولا بدي ابعدها عنكن وكنت بقول انا من غير بلد ما بدي يقولوا عني ما بتخلي اولادنا يربوا عنا كنت دايما ابعتها مع ابوها زياره لالكن ما كان بدي يكون فجوه بيني وبينكن ... اشرت علئ نفسها وهي تبجي.. انا انا اخر مره بعتتها لعندكن مشان اوراق مدرستها وجنسيتها مشان عيونها كنت بدي استقر هوون ... انا كان عندي شغل ما اجيت معها كنت خايفه كتيير بهدااك اليوم حسيت انا وهي ما عاد نرجع مع بعض كنت كل شويه وقلت الو جاسر بوس ايدك دير بالك عليها لا تتاخروا عليه كتيير مشان الله ارجعوا بسرعه مو اول مره تجي مع ابوها للعراق بس كأنها اول مره بكيت بوقتها كتير وهو بالمطار اتصلت في جاسر ارجع ما عاد بدي ما بقدر اترك بنتي عندك طمني ان راح يرجعوا ما بيطولوا بس كذبوا عليه ... بلعت غصتها والدمع مثل شلال من حزن..كذبوا عليه صار القصف علينه داعش احتل مناطقنه مات ابي واخي وانا وامي هربنا... كعدت علئ القنفه وهي تبجي بصووت حزيين ...بيتنا راح وضيفتي خسرتها اخي وابي وكل احبابي هاااد كلو راااح لك كنا خايفين منهن اي كنا خايفيين بشعيين كتيير مجرمين بنخاف علئ شرفنا وعلئ عرضنا وعلئ حياتنا منهن... عشنا برعب،ما ضل عنا شئ بتصل ما بحصل اي حدا كل الشبكات انقطعت فجأة لك انا عشت يلي مستحييل العقل يستوعبوا ... انا ما بدي كمل لان انتو ما عم تحسوا بوجعي... لزمتها امي رضيه من اديها وردت عليها...لا والله يمه انحس بيج ونحس،بوجعج ولج يمه انتي هذا المر عليج ترئ مر علينه... احنه العراق الموصل سقطت كلها وتهجرت عوائلها ونسبت نسوانها لا يمه المر علئ سوريا مر علينه ونحي بيكم وبوجعكم... احنه هم انطينه شهداء وانطينه ضحايا وترملت نسوانه وتفلشت بيوتنا...الله يعينكم يا يمه ويعينه كملت باسئ ..انا بنت لا حول ولا قوه وما بعرف بالمناطق ولا بعرف بأي شئ من خوووفي ومن رعبي منهم والله مجرمين والله ... كنت طالعه مع يلي طلعوا طالبين لجوء لغير دوله وتهجروا ما بعرف وين ماخدينه وعلئ اي بلد بس كنت بمشي معهن وما بعرف مصيري شو... شاحنات وسيارات كبار يلي طلعت وطريق كان طوويل ومضلم وانا كل شوي كنت بيغمئ عليه من الخوف والرعب ... وبتصل ومحد يجاوبني والله محدا جاوبني كنت بتمنئ لو حدا يجاوبني اتصلت بجاسر كتير بس ما جاوبني الشبكه انقطعت... ولما سالت قالو نحنا عحدود لبنان كنت اتمنئ لو نحنا عحدود العراق بس قدر الله وما شاء فعل... وكنت كمان فرحانه لانو خلصنا من اعداء الله يلو هتكوا بالارض وفسدوا فيها ...كنت بخاف كتير علئ شرفي كتيير... بس يلي صدمني ان نحنا اغلبنه بالسجن لان السياره يلي دخلت لحدود لبنان كانت بتضم بعض من الدواعش واشتبهه فينا معهن... وضلينه بسجون لبنان تعذبنا ونذلينا وتعبنا كتيير... تعرفت بسجن علئ ياسمين وعلئ بعض من البنات هونيك بعدها طلعت ياسمين من السجن ونحنا ضلينا... سالتها اني...ياسمين جانت ضمن الرتل الي اشتبه بي دواعش ؟ ردت بسرعه...لا لا ياسمين تعرفت عليها بعدين هي كانت بسجن بتهمه باطله كمان هي كانت قبلي بالبنان وبعدها طلعت وانا حكيت قصتي الها ومن طلعت راحت علئ العراق بس بعدها اختفت وما عاد شفتا.. كلتلها...بس هي من جنت النه مكالت جنه بالبنان كالت جنه باليبيا حتئ اني استغربت شجابها علئ ليبيا ... ضحكت بحزن ممزوج بسخرية...كانت بتبعد عنها الشبهه... جولييت ردت عليها...زين بعدين شلون عرفتي غزل ماتت وانتي شوكت طلعتي من السجن وشلون بروج من تهمة التنظيم الداعش ؟ باوعت الجولي بقهر وكالت...اوووه كل هل أسأله بدي جواب عليها شو هاد انتي بتستجوبيني وله شوو؟ يبوو عرفت هي لحد الان ما تطيق جولي وكلام جولي بالنسبه الها سم ... ابتسمت جولي بفشله كلتله..اءء لا عادي اذا محابه لا تحاوبين هيج مجرد سؤال... هي غمضت عيونها وتنهدت بعدها كملت كلامها...انقطعت علاقتي بياسمين بس كانت هونيك شرطيه كانت بتحبني وبتعرف انا مضلومه لهيك هي يلي كانت تتواصل مع ياسمين وانا ما كنت بعرف بهل شئ اله قبل كم شهر... كنت دايما بصعد محكمه ما كان عندي محامي بيدافع عني بس كانت الدوله هي يلي معينه لالنا محامي ومدعي عام يستجوبنه وبيدافع عنا وكان موقفوا ضعيف كتيير... ومن بعدها اربع سنين واكتر قدر يبريني من التهمه وطلعت براءة ومن طلعت قررت ارجع علئ العراق مشان ارجع لعند بنتي وكنت متأكده عن جاسر تجوز رغم بيحبني ... باوعت الجولي بحقد...اي بتصدقي كنت متأكده انو تجوز مستحيل في رجال بيضل وفي لمرتوا بيضل الكلب اوفا منن... صدك صدمتني بكلامها اجيت اتعارك وياها بس صبرت نفسي شويه اخويه مو كلب اببد والله شكد لاقه معاناة بسبب اختفائها وجانت سوريا خطره وهو يروح يسافر ويتسفسر عنها واليل كله ما ينامه لخاطرها... بس هو من تزوج اتزوج بسبب ظروف جولييت القاسية... كملت كلامها بثقه...كان لازمني سفر كنت لازم اشتغل شوويه وانا انسانه مثابره اشتغلت بالتقاطعات ما مديت ايدي لحدا والله... موبايلي اخذوا اول ما انسجنت وراح هو وارقاموا عرفت من الشرطيه بعد ما اتصلت بياسمين ان جاسر متجوز مكان الي اي ردة فعل رغم الجبل البداخلي يلي تكسر ...بس كنت متوقعه زواجوا... وبعدها قالت ان غزل ماتت هوون كانت ضربه قاااسيه لالي كانت ضربه علئ راسي بتعادل كل يلي صار الي ما كنت مصدقه ابببد ما كنت مصدقه... بس يلي خلاني اصدق هو صورة القبر بنتي وكمان تسجيل صووت لعمة بنتي ولي هي انتي...اشرت عليه ... هل شئ خلاني مجنووونه كتيير انا لشو بدي ارجع للعراق ما عاد فيها حدا ما عاد عندي حدا فيها بنتي،وماتت وجوزي وتجوز لشو بدي اجي... صرت مجنونه امشي وابكي بتخانق مع حالي كتيير تعبت كتير وكمان بالبنان تعبت كتيير لان فرص العمل صعبه ... وبعدها اجينه انا وامي علئ العراق كنت بدي اجمع كم فلس لحتئ سافر علئ امريكا لعند خالي هونييك وما كنت بدي شوف جااسر... وكفت مقابيل جولييت وكالت الها بضحكه حزينة...بتصدقي انا مره شفتك انتي وهو و ولادك جولييت عقدت حواجبها باستغراب والدمعه تلالي بعينها كالت...وين شفتيني ؟ مسحت دموعها وردت...كنت عم بيع كنلكس ومي بالتقاطع وكان في ازدحام وانا شفتكن بس هربت بسرعه وما خليتوا يشوفني... بيومها بكييت كتيير ونحت كتيير وانا بشوفكن مع بعض وبنتي تحت التراب ... انا ما كنت بدي يعرف انا هوون لان من بعد ما تجوز ومن بعد ما ماتت بنتي الروح ما عادت تطيقوا ... بس كلو بسبب ياسمين هي يلي رجعتنا لبعض وهي يلي راحت فتنت ضدي ولما عرفت ظروفوا وسبب زواجوا منك وشفت لهفتوا وحبوا لالي سامحتوا بلعت ريكها بغصه وكملت بعذاب...اي جاسر بيحبني بعدوا لهلا بيحبني نفس لهفتوا وحبوا الي ... لحد هلا متمسك فيني لحد هلأ... انا كمان ما عاد الي حدا بهل دنيا كلا انا هوون مجرد لاجئه وهو جوزي ما بخجل اذا طلبت منو واذا ساعدني متل ما انتي عم يساعدك مو هييك... ردت عليها جولي بصدق...لا ما بيها شئ والله واني اصلا اطلب منه يساعدكم قاطعتها شام بنفي...يكتر خيرك لا عاد تطلبي هو من ذات نفسوا بيعرف انا شو بدي مو بحاجة تذكري.. تنهدت جولييت باسئ...ادري لحد الان كارهتني وحقج محد يلومج بس،صدكيني اني زواجي من جاسر غلطه ومستحيل افرض نفسي عليه هو ساعدني مثل ما انتي ساعدج ... اني هماتين مرة عليه ظروف ومرة علية إيام ما اتمناها العدوي بس مجرد اخوي قاتل اهل زوجي هذا الشئ يخليني انهار واتعب صدكيني تحملت هواي ضرب واهانه وكلام يسم البدن بس حتئ اعييش والله لو اعرف بيج عايشه واعرف بيج مسجونه لو اعرف اموت ما اتزوجه ... بس هل شئ قسمة ونصيب واني تعبت هوواي اذا انتي اذاج الغريب اني مني وبيه الي اذاني وترئ جاسر الي،جان مغركج بالحب والحنان اني ما شفت منه بس الايام السوده... والله مرة عليه أيام مثل ايام ايوب علية السلام تعبت وفاق الصبر حدوده عندي ... اني اجيت بس اطلب منج طلب واحد بس تسمعين مني وتفهميني ... اني لا عذبت بنتج ولا اذينها اصلا ما عشت وياها هوواي واصلا هي الي جانت فارضه شخصيتها عليه مو اني اني جنت طفله وخايفه وضايعه اريد بس الناس ترضه عليه حتئ لو طفل ... واريدج ما تحمليني سبب موت غزل لان صدكيني اني ما الي،ذنب بلي صار هو الي صار كله بسبب فلوس بين حمايه واخويه واخويه تهور وقتل تلثه من بيت واحد والله جنت اتمنئ،اني الي متت ولا غزوله ولا عمي مهيوب ولا حتئ فلاح... ردت شام بسرعه...انا ما دخلني فيكي وانا لما كنت هجم عليكي انا كنت تعبانه ومو بوعيي بيساعدني ربي علئ الي شفتوا بس خلي يكون بعلمك جاسر جووزي متل ما هو جوزك وحتئ لو كان عندك عر اولاد... ابتسمت جولييت وردت عليها...اكييد اني ترئ ما حارمته منج بس هو يكول هي حرام عليه لان هاجرها صار فتره جاوبتها بضحكه...هههه بيحكي لحالو... اني استغربت وهي جولي هماتين وشام تحجي بثقه ياربي السالفه شنو اشو مدا افهم شئ .. بعدها ضلينه كاعدين شويه وبعدها خلينه ورحنه شام جانت زينه وحتئ امها حبابه حيبل بس جان التحريض واضح من ياسمين ...لان ياسمين من اجينه ضاجت ومن طلعنه جانت عبالك صايبتها رجفه مدري شبيها... ............................ شهد... عمتي ام فلاح خابرت ولدها كلهم وخابرت شيخ عكاب واولهم جاسر ... كلهم تركوا شغلهم واجو بسرعه بس شنو احوا اعصابهم نار وجعفر فلش الباب تفلش،وهو يسب ويغلط ويصيح... وعمي عكاب كل شويه وقبض علئ سبحته ...شلون ينهزمن شلون هيج يسوون خابري علئ جدادهن خاف راحن الهم... ردت عليه عمتي ام فلاح وهي تلطم وتبجي ...عزا العزاني لاااا خاف ما انهزمن لااا ما انهزمن اكييد انخطفن بنات فلاح خطفوهن ولك ماكو غير عويصم الكلب النذل... وكف شيخ عكاب و وياه صلاح بذهول كال صلاح...معقووله معقووله عويصم النذل يخطف بنات اخووي والله جنه علئ نفسه والله اليوم ندفنه وهة عايش... جاوبته خالتي بصراخ...اي يريد يكسر عينه اعرفه النذل العار ابن الكلب ذاك اليوم داس بيت جاسر وهسه خطف البنات بس لا يغتصبهن انوب... جاسر جان لحد الان ما جاي كال بالطريق وهي دخلت ام نوال وام اطياف وبعد ذيج اختها الثانيه ما اعرف اسمها وهن كلبن البيت كلاب يتصارخن ويتباجن ويصيحن هسه تطلعون بنات نوال هسه والله يبيت مهيوب نحرك بيتكم علئ راسكم ذبيتو امهن بسجن وانوب هيج سويتو بالبنات اليوم نحركم حرك بهل اثناء دخل جاسر وهو عاقد حواجبه كال...شكوو شبيهن بنات فلاح وين راحن .. جاوبته ام نوال بغضب...شنووو وين راحن ذن المسكينات والله انتم مدري وين وديتوهن ولا يمكن هذا اخو مرتك العار هو الي خطف بنات بنتي انتم مو كفو ببيتكم والبنات انخطفن رد عليه ببرود وهو يطلع موبابله...لا ممخطوفات طالعات هن طلعن الوحدهن وانتن الي اخذتنهن... هي جاوبته بصدمه...ششش شنووو احنه شدخلنه والله انتم انتم ومدري وين وديتوا بنات نوال انت دومك تدافع لكتال اهلك ... رفع حاجب بغرور...كتال اهلي ادووسه بنعالي وما اعترف بيه بس شنو يعني انجذب الواقع لو تجذبن ونصدكجن... لطمت صدرها...جاااا وين راحن البنات باوعلها ببرود...عدكم ام اطياف صاحت بوجهه...والله ما عدنا والقران ما عدنا انت شنو تريد تبيلنه بلوووه والله بنات نوال تجيبوهن وغصبا عنكم يجوز انتم هيج مطلعين عليهن تهمه حتى يتستحگرون... رد عليها وهو لحد الان يباوع الموبايله...اهااا يالله تمام وسلميلي علئ سجيوه وكليلها يكول عمج جنيتي علئ نفسج ... هي ضلت بس ترمش وتندس بامها واحنه مدري شبينه شنو هل ثقه العنده... اجه عمي الشيخ ولزمه كله...اكلك جاسر احنه بنص النار وانت بارد وكول شكوو بنات اخووك وين مخطوفات منهزمات شني السالفه... جر نفس ورد عليه...لا عمي انهزمن هذن خالاتها اتفقن وياها وجابلهن تكسي من الصبح وانهزمن اني رديت عليه بضحكه وتفكير...اي صدك اتذكرت مو عمو جاسر هو مراقب موبايل سجئ واكيد عرف من خلال مراسلتها... رد عليه...لا سجيوه مو ثوله صح مراقب تليفونها بس هي مغيره السيم كارت وكل الحسابات منقوله بس اني مخلي كاميرا بالبيت وهي الي شهدت ضدهن عاد هنه كل وحده وجهها صار اصفر ليمونه وضلن وحده تطك بالثانية باوعلهن بعتب كال...ادري بيجن عود تردن تنكسن راسه وبناتنه انخطفن ومدري شنوو واحنه مو زلم حتئ بيتنه ينداس والبنات لان مو امهن هنا خطفوهن لان محد مهتم بيهن... بس شوفي هذا كله الكلام مو مهم مدام سجئ سوت الي براسها تمام خليها درب الجلب علئ الكصاب ومردها النه... وكليلها عمج شافج شلون طلعتي وانتي تسحولين باخواتج وام اطياف وياج جانت منتظرتج بتكسي بباب البيت ... ترئ اني رابط الكاميرا علئ موبايلي واول ما كالو خطفوهن فتحت الكاميرا وطايحة الحظ لا مخطوفه ولا شئ طلعت بإرادتها... رجع كعد وباوع الهن ...ويالله انقلعن منا سجيوه واخواتها يمجن بعد شكو جايات عاد هي كبت عركه بين عمتي ام فلاح وبين ام نوال واخوتها وجعفر يصيح ويغلط وطاحوا بيهن وطردوهن واحنه مصدومين صدمة عمرنا منهن شكد حقيرات وحيوانات شلون هيج سوون.. خلن وطلعن وهن لحد الان يغلطن جاسر كال...شهد بعد عمج جااي اني ركضت سويت جاي وهم ضلوا يسولفون ويحجون وعمي عكاب كلها بغضب...جاسر هذن شكد ما يستحن وادبسزيات ولك شني مالهن رداد شوف لا تطلع نوال من السجن رد عليه جاسر بهدوء وهو يدخن...لااااا اطلعها اني ما جنت ناوي اطلعها بس بعد هل موقف لازم اطلعها من السجن رد عليه صلاح...بس ليش؟ تنهد بهدوء...لان سجيوه محد يطيح حضها غير نوال وهي الوحيده الي تكدر عليها وصدكوني تجينه سجيوه مذلوله... جاوبه عمي بتنهيده...والله ما اعرف بعد بكيفك انت يا عمي وان شاء الله انت تصير جبير علينه لان اني يا عمي لا احل ولا اربط مدري شجاني انت مثل مهيوب ما تفوتك فايته هو وكف وباس راس عمي كله...لا شيخنا ابو جابر انت جبيرنا وانت تاج علئ راسنه اني ويني و وين العشاير... ضلوا شويه وخلو وطلعوا وعمتي ام فلاح خلصتها بجي هي تحب بنات فلاح وضاجت من عملتهن هاااي.... عمي الله يساعدها المره.... ............................ جولييت... رجعنه من عند شام اني وصيتهم ما يحجون بس هم منافقين مدري عليمن طالعيين... سمعت بنات فلاح مهزومات حيل ضجت من الي،سوونه اني سويتها من قبل وندمت... مر يومين مشت الامور طبيعيه وجاسر صح جان عنده شغل ... وبيومها رجع كال...اي بشري شلون صرتي وجنس الجنين شنو ضحكت..والله ما ادري ما سألت الدكتوره .. رد عليه بتنهيده...اي يا دكتوره رحتيلها يكولون الدكتوره الرحتي الها من غير دوله ؟ بلعت العافيه ورديت عليه...هاااا لا عراقيه ابا عن جد كرص ايدي حييل كال بقهر....فد بروبوك و صلفه تكج ماكووو ليش تجذبين ولج رديت ببراءة...ممجذبه جاوب بهمس...شعندج رحتي الشام؟ بلعت ريكي...هاااا موو انن اني ما رحت منو كال... صاح بصوت عالي...مرتضئ،بابا اجه مرتضئ يركض كله...بابا رضاوي وين رحت انت وامك وبيبي رضيه و عمه وقار رد عليه بصدق...رحنه لهاي ساميه لتحلي ماما ابتي ...اهئ اهئ ...يقلد عليه .. رد بثقه كال...ولدي ما معلمهم علئ الجذب بسرعه يعترفون احجي شعندج رحتي الها... تنهدت بضيق ولزمت ايده...هييج بس حبيت افهمها وافهم منها... كال....هاي اخر مره ترحين بعد لا تعيدها هزيت راسي بقبول باس شفايفي وهمس بهدوء...عفيه حبابه... خلاني لحالة ذهوول منه ياربي شنو هل رجال والله ديحيرني بتصرفاته انوب من يبوسني مدري شبيه انثووول عبالك محد بايسني ولو اني،صدك محد بايسني بس هو و ولده يبوسون بيه.... ............................ جابر ... من يوم الي عرفت ببنات فلاح الله يرحمه مختفيات واني شاك بيهن راحن لبيت خوالهم او خالاتهم .. بقى بالي مشغول وقررت اروح لجاسر للبيت واكله على كل شي .. مهما يكون جاسر ابن عمي واحنه اهل والدم ميصير مي رغم كل شي .. بس بعدها ترددت وتراجعت وحاجيت نفسي لا عمي اني بدون لا اروح سوني احب مرته ومخلي عيني عليها وناس ترفع وناس تكبس ... خليني اخابره لجاسر بالتليفوون احسن شي ... لزمت الموبايل وبقيت اباوع لرقمه بس ممرتاح .. وتذكرت لمن ضربني ذاك اليوم ومن يومها واني شايل حقد عليه ، طلعت من المكالمات خلي يولي ما يستاهل اتنازله واخابره .. ماكو غير اخابر على أشواق واحجي وياهه وهيه تكول الهم احسن واني الي عليه سويته خلي هم يتصرفون ... خابرت على رقم اشواق واجاني صوتها بنبرة مرحبة .. هلا جابر هلا ابن العم شلونك شعجب اليوم ذاكرنا! ضحكت اي والله اجيتي على بالي كلت اسلم عليج وهم احجي وياج بموضوع كلش مهم .. ردت بنبرة متفاجئة : ياا خير ان شاءالله جابر كوول ؟ كتلها باعي اشواق قبل فترة راسلتني سجى بنت المرحوم فلاح الله يرحمه كالت ياا عزااا شتريد هاي المصخمة ؟ انت دريت هنه شردن من البيت هيه وخواتها واهلي محتارين بيهن هسه !! بس امي كالت اجه جاسر وعرف ويين رديت بسرعة اي اي علمود هيج اني مخابرج واريد احجي وياج بهذا الموضوع واريدج توصلينا لجاسر ..وادري كال ابوي عرف عند اهل امهن عود صدك تحجي جابر خوفتني والله احجي بس ليش مو انته تروح تكوله مو احسن ؟ لالا لشواق انتي كليله اني اعفيني الي عليه اسوي اكلج والباقي عليج ارتبكت بالكلام لمن كالت هاا خوش لعد كيفك وان شاءالله اني اكوله على كل حرف راح تكوله .. باعي هيه لمن راسلتني كالت كلام اكبر منها اتضح الي انو هيه اكو احد واكف بظهرها وساندها ويعلمها شتحجي وشتكول .. يعني البنيه من طلعت طلعت وراها ضهر لان تحجي بزودها وملقنينها الكلام واني اعتقدت من اول ما طلعت انو هيه راحت يم خالتها ماكو غير هالشي زطلع توقعي صح بالاضافة لهذا كله ترة هيه حييل حاقدة خلي ينتبهون لهذا الموضوع هيه هم بنت اخوهن والظفر مايطلع من اللحم .. اي صحيح كلامك جابر واوعدك اوصل لكلام لجابر اكيد هو يتصرف ... ماتقصرين اشواق والله انت حبابة ... ضحكت كالت جابر تسلملي ع المجاملة .. كتلها والله لو متزوجج مو احسن من اختج ... لا يمعود جابر ليش تحجي هيج ترة والله وقار حبابة وتحبك هماتين .. تجاهلت كلامها عن وقار وكتلها هسه لهنا الحجي تمام مثل مكتلج وصلي هالكلام لجاسر ..صح هو هل كلام اجه متاخر بس حتئ ما تضلمون البنات وهن محرضات من خالاتهن كالت جابر افتهمت ترة وراح اوصله اله بس اختم مكالمتك بس شحتسوي ويه وقار ؟ جاوبتها بحزم اني ممخابرج عمود هالموضوع .. كالت بس اني اريد اعرف شراح تسوي ويه اختي لان صارلكم فترة زعلانيين وبعيدين عن بعض وحتى ماكو بوادر صلح جاوبتها باصرار اي ماكو صلح اشواق ماااكو غير الطلاق والانفصال وكلمن يروح بطريقه مثلما دخلنه بالمعروف نطلع بالمعروف احسن ... كالت بصدمة ياااعزا جابر شتحجي انته .... لا لا مستحيل .. كتلها شبيج قابل اول ناس نتطلك ماتوالمنا واختج بصراحة شكوكية ومالها ثقة بيه واني مااكدر اعيش ويه هيج وحدة .. لا عفية جابر لا تستعجل فكر بعد اكثر ولا تتسرع وبعدين تندم والله مو خوش حجي هذا .. لا اشواق انتي تعرفين شي واني اعرف شي بصراحة اختج ماتتعاشر اني ماريد احجي واكول بس الي صار هو انبنت حواجز بيناتنا مستحيل تنهدم والله ضوجتني جابر وقهرتني بس انصحك لا تستعجل ابد ميخالف كل اثنين يصير بينهم خلاف وانتوا بعدكم بداية طريق ان شاءالله تتعدل الاوضاع بيناتكم وترجعون سوى لا هذا هو اشواق صدكيني ماكو شي يتصلح بعد وهسه اترخص منج ومثل موصيتج تدلل جابر ومشكور ماقصرت رغم كل شي انت كلبك على اهلي والله والنعم منك جابر والله يهديكم انتوا ووقار وادعيلكم من كلبي .. اذا تحبين اختج وتعزيني ادعيلنا ننفصل احسن الي والها ويله مع السلامة .. قفلت الخط اني المهم وصلت اتصال ومراسلة سجئ العمامها حتئ اخاف يطلع شئ عليه اني الحمد لله بريئ منه... ............................ جولييت جنت نايمه وهو نايم بصفي وحاضن بطني المنفووخه مرت علينه اشهر وصرت بالشهر السابع ببدايته... وهو يكولي سمنانه علئ الحمل وصايره حلوه احس بيده تتحرك علئ بطني وهو يتلمس الطفل... همس عند اذني...متعبج الحمل موو ؟ مجاوبته وتصنعت النووم اريد اشوف هو من يشوفني نايمه هم يحجي او يفصح عن مشاعره ... رفع نفسه شويه وباسني بخدي مرة مرتين تلاثه رجع خصلة شعري وره اذني وباس اذاني وطول شويه... ابتعد عني واني مشاعري تخربطت ضليت ارجف وحاولت اثبت نفسي اكثر... بعدها اتصل موبايله هو اخذه وطلع برا ما اعرف حسيت اكووو شئ وكفت بصعووبه واني لازمه بطني وامشي واتلمس بالاثاث والظلام محاوني... كدرت افتح الباب وطلعت وكفت بباب الصاله واني اسمع كلامه وياها وضحته الرنانه ويحجي بخفوت لزمت كلبي بوجع واني اصبر نفسي...كافي جولييت مو من حقج هي زوجته والاولئ واوله بيه انتي هماتين زوجته بس هي زوجته ومن حقه... رجعت الغرفتي بعدني دا ادخل لكن استوقفني كلماته الي كسرت نص من روووحي لهل دررجه اني يعنيي لاااا... رجعت واني امشي علئ كييف والدمعه بعيني لزمت بطني بوووجع قاااااتل بعد ما اجتني كرفه قووويه حسيت روحي طلعت بيها صرخت بصوت عالي ودوه بنص البيت... واني لازمه بطني...يممممه بطني بطنيييي... .............. وقار ... كعدت على صوت صياح متألم ، كمت من فراشي مخروووعة ، فتحت الضوه وطلعت ركض لغرفة جوليت .. حتى لا دكيته ولا شي كبل فتحته وفتت .... شفتها كاعدة على الجرباية لازمة بطنها بيد واللخ لازمة ظهرها وتتألم تغمض عيونها بقووة وتون وتصر على أسنانها بوجع .. وجاسر كاعد يمها على السرير وملامحه متجهمة باتجاهه ومبين شكد خايف عليها وقلق .. رحت يمها لزمتها وعين عليها وعين على جاسر واحاجيهم بقلق شبيهاا شبيج جوولي شصار ؟؟ كالت بألم ماادري ووقار مادري الم راح يموووتني ... خاااف عندج وولادة .. رد جاسر ولادة شنوو توها يله بالسابع .. خليت ايدي على حلكي عزااا خاف عدها ولادة بالسابع باوعلي جاسر وتبدلت ملامحه من التجهم للذهول وهيه صررخت جوليت اااااخ يمه وووينج لحكيني عووفني عووفني يمه ولج راح اموت ... اخذها يهدي بيها ووهيه حسيت بيها تريد تبعد عنه وترص عليه بقووة ولازمة طرف ملابسها وتبجي بألم ..وكل شويه وكلتله عووفني بس خطيه ما عندها طاقه وهو ايده على راسها ويبوس بجبينها ورة كل بوسه يحاجيها يهدأ بيها .. كاللها يله هسه اوديج للمستشفى .. بس هي جانت منهاره وعبالك شلون البزون تريد تاكله وتبتعد عنه راد يكوم لزمته من ملابسه وجرته وتضرب بي وصرخت داااانزف الحكووووني .. يمه ظهري يممممه كومها من السرير ونزلها وكفت على رجليها ... وهيه تموت قهر متشوف شي مرة تخلي ايدها على ظهرها عبالها هالشي يمحي المها ومرة تمررها بالهوا عبالها حتصدم بشي .. لمن وكفت عبالك سطل من وكع منها غركت بالمي كالت بخووف ووودوني رااح اولد عزاا حيخلص مي الطفل ويموووت يمممه طفلي راح يموت ركض هو للكنتور طلعلها ملابس واني لازمتها وواكفة ومحتارة شأسوي .. وهيه ساندة جسمها بيدها ومخليتها على الميز وتتلوى وتشد على ايدي ... اجه اخذها مني ويطمنها بكلماته ، كعدها على السرير وهيه لزمت ايده حييل كلتله وخررر مني حموووت والله مااتحمل الالم ..انت السبب ولج يمه تعاي ويينج ويينج كل مره عايفتني تعالي لزم وجهه باثنين اديه كاللها لا اسم الله ماتموتين عمرج طويل هسه نروح للمستشفى ويسوولج اللازم بس تحملي شووية وظل ينزعها ملابسها ويبدل الها .. اني خجلت كلش من منظرهم درت وجهي ودخلت ماما رضية كالت شكوو شصااير شبيها بنيتي جوليت .. كتلها مبين عدهه ولادة مبكرة هيه هسه بشهر السابع بس عدها اعراض ولادة ادعيلها ماما .. راحت وكفت يمها وجاسر بعده جان ديبدل الها وظلت تدعي وتطمنها لاتخافين يمه ذبي حملج ان شاءالله تكومين بالسلامة هواي هيج يجيبون بالسابع والحمدلله يكبرون توكلي على الله ان شاءالله الله يسهلج .. واني بقيت واكفة وميتة خوف لمن اشوفها تتألم عبالك الالم بيه عبالك اني راح اجيب وعيت على صوت جاسر وهو ينبهني وقاااار ليش وواكفة يله روحي لبسي حتى ترحين ويانه .. كتله بحماس اااي بس لحظة وركضت للغرفة اخذت صايتي وشالي وطلعت شفته شايلها ومطلعها من الغرفة عبالك طفلة بيده وهيه مجلبة بقميصه حييل وتتألم وتون وتبجي وتعض بشفتها .. تبعتهم للسيارة وماما رضية تمشي وراه وتكله بقلق على كيفك يمه جاسر شوي شوي وهم لاتسوق سريع يمه طمنها هو وشايل جوليت وبانفاس تلهث لا تخافين يمه لاتخافين هسه بسرعة نوصل وانتي بس ادعيلها وديري بالج على الجهال .... ردت عليه بنبرة حنية ممزوجة بالقلق بعيوني والله ... لا توصي جاسر مايحتاج .. خلاها بالسيارة بالورة وصاح وقااار تعالي كعدي يمها يله .. دااروح اكعد يمها امي رضية انطتني جنطة كالت هاي حضرت الها ملابس وللطفل كل شي يصير خاف تولد الليلة بالسلامة ان شاءاالله .. اخذتهم منها وكعدت يم جولي ، طل جاسر كلي خلي راسها بحضنج .. سويت مثل مكال وهيه خطية على كد الالم جسمها الرقيق يرجف ومخلية طرف شالها بحلكها تكتم صرخاتها .. سد الباب الي يمي وراح كعد كدام حرك السيارة وطلع بينا .. ظلت جوليت تتلوى واني ماعرف شسويلها بس ابجي واشهك وهيه كلساع ترفع جسمها وتصرخ متألمة .. وجاسر لو يباوع بالمراية علينا لو يدور عليها يباوعلها ويهدي بيها ويرجع يباوع للطريق ويضغط على الستيرن بقووة بعدها تشنجت صارت اطرافها تهتز وترجف اجتها نوبة الصرع ، عطت اني عزاااا جاسر بسرعة عفييية تشنجت .. هو التاف باوع عليها بخووف وبعدها دار وجهه على الطريق وكال يللله يييله وصلنا ماابقى شي استمرت دقايق على هذا الحال وهيه بحضني دموعي توكع على وجهه وابجي حالها يصعب ع الكافر وتموت قهر رجعت لوعيها وتتنفس بصعووبة واني لازمة ايدها واشد عليها ورجعت انياب الالام تنهش بيها وجع بظهرها وبطنها ، تكعد وترجع تخلي راسها على رجلي محتارة شتسوي ..... ياربي هون عليها ولادتها وسهللها ولا تخليها تتألم اكثر وارزق كل محروم من الذرية ... وصلنا لمستشفى خاص ، نزل جاسر من السيارة واجه فتح باب الورى ونزلها شايلها هيه استحت كلتله اني امشي هو رفض وشالها لحد قسم الولادة واخذوها هناك بكرسي متحرك .. لان شافوا حالتها وعرفوا خطية ماتشوف .. دخلنا على الدكتورة باوعتلها انتبهت عليها ماتشووف سألتني عمية ؟ واني شرحت حالتها الها .. هيه هواي دارتها لمن عرفت بحالتها واشفقت عليها ... نزلتها من الكرسي ومددتها على السدية و فحصتها وهيه تتألم وتصرخ خطية .. طلعت الدكتورة كالت عدها ولادة مبكرة حضرولها بطل دم مطابق لدمها بسرعة .. ركضت لجاسر كتله وهو راح يركض يجيبلها دم من بنك الدم واني رجعت للمستشفى .. السسترات التمن عليها واحتارن وياها ، حمدت الله وشكرته خطية جوليت هواي تعبت بحياتي ولحد هاللحظة وهيه متعوبة .. واجتها حالة الصرع اثناء الولاده سمعت صوت طفل زادت الدموع بعيني شهكت واني احمد الله واشكره .. طلعت الدكتورة المشرفة على ولادتها رحت الها اركض هاا دكتورة بشريني ؟؟ كالت ولدت بنوتة بس للاسف . نهاية البارت...يتبع كونوا انتم كونوا بخير...احبكم 💔 نور سمو العراق 😘 هلاو بنات ...اني ما اريد اقدم اي اعتذار لان هذا حقي اني هاي الايام ملتهيه تحضيرات عيد ميلاد بنتي وهي اول طفله اليه ومحتاره بيها وهي هماتين خطيه مريضه كل شويه اخذها للطبيب واركض اشتري الها بدله وطلعت مو قياسها ورجعت للسوك وصايره لخه اني وابوها وعمتها وبيبتها نركض ومملحكين 😂😂😂😂 لعد من تعرس شنسوي عمتها دكول لو عندها شعر جان حجزنا الها عند بسام 🙄🙄🙄 المهم ان شاء الله البارت السبت وان شاء الله اعوضكم عن الايام الراحت والي نقدني بسبب النشر احب اكولكم شكرا وهماتين ما شفت التعليقات حتئ ما اغث نفسي 😂😂😂 | ||||||||
|
| |
|
06-12-20, 08:37 AM
| #89 | ||||||||
| مراقبة عامة ومشرفة منتدى الروايات المنقولة
| #البارت 30 رواية ...#جولييت_واسرها...غياهب الإنتقام #بقلمي...نور سمو العراق ......................................... لا تمر بخاطري مثل الغريب ؛ ! وانتَ صاحب دار وعيون? وطن ... 💔💔💔💔💔💔💔💔💔💔 وقار... جان دنيا المغرب صليت اني وجولييت وهي جانت تعبانه شوويه وبطنها كبرت... ياربي استغفر الله صح الك حكمه بحمل جولي بس خطيه هي مريضه وعمية وابد مو وقتها هل حمل .. صدك حمل علئ جووولي وعلئ عاتقها وهل طفل الجديد مسؤؤلية هماتين لو مو حامل احسن ...بس اله بيها ارادة... اجه جاسر من وكت اليوم تعشينه والحمد لله كل واحد راح علئ غرفته اني دخلت الغرفتي ودخلت بنوبة بكاء عااارمه مقهووره حييل حييييل يعني جابر ابد ما اجت بعينه العشره ابد ما يتذكر موقف اليه.. صار شكد زعلانه ولا سأل عني،ولا كال هاي وين راحت ولا اشتاقلي عكسي اني الي دا اكذب علئ نفسي واكول ما اشتاقيت اله... لذلك هو طلع صدك ما يحبني ولا بعمره حبني هو ما اعرف ليش تزوجني لحد الان متأكدة ومقتنعه ان هو تزوجني بس حتئ ينقذ جولييت والله هو كل تصرفاته غلط اني صح مو معصومه بس هو يجفص بالبطن ويقهر... ضايجه ومقهوره حييل اجتني رساله علئ الواتساب مكتوب...شلونها وقوره... بلعت ريكي بخووف رقم غريب هذا بسرعه شكيت بي يكون جابر ... اترددت اجاوب وبعدها شجعت نفسي وجاوبت...تفضل منوو ؟ رد عليه بسرعه كتب...معجب يام الحجايه الدافيه ضليت اباوع للرساله باستغراب...يالله هذا مو اسلوب جابر ابببد منو ليكون هو جابر بس متنكر بغير شخصية... كتبت...طاح حضك رد بسرعه...تمونيين تنهدت بضيق...كول انت منوو ولا تكعد تلعب عليه لان اسهل شئ عندي الحضر كتب...احضريني عادي ادخل من غير رقم هزيت ايدي واني اضحك...ههههه يمعود عادي ترئ اغير رقمي ومحتعرفه صدكني كول منو انت قبل لا احضرك كال...احزري منو اني؟ ترددت اكتب جابر هماتين مجنت اريد احسسه ان هو مهم عندي لذلك ضليت محتاره وكتبت...شمدريني قابل اني عرافه... كتب...تنصدمين اذا عرفتي اني منو ؟ ضحكت وكل ضني جابر...منو انت الجني الازرك رد بسرعه...لا اني داوود خطيبج سابقا فتحت عيوني بذهوول وصدمه ومن خوووفي شمرت الموبايل بسرعه ومجاوبته... هو بسرعه اتصل مره ومرتين وتلاثه واني مصدومه وارجف من خووفي ومن ارتباكي رجعت لزمت الموبايل باصابع ترجف وعيون دامعه كتبت...خيير شتريد جان يطلعلي جاري الكتابه تقريبا طوول دقايق واجتني رساله منه كاااتب ...وقار حبيبتي اني والله ما اعرف شلون ضيعتج من أيدي والله لحد الان ما مستوعب جابر اخذج مني... جابر لعب لعبه وصخه ضدي ودنت نفسه علئ عرضي الي هي انتي وجنتي خطيبتي وترئ،جابر اله سوابق اي اله سوابق وهم من قبل حط عينه علئ زوجة اخووج اني ما اريد احجي لان الكلام يجرح... بلعت ريكي من كلامه وجاوبته برساله...داوود هل كلام مو مهم عندي وكل الي صار قسمه ونصيب وانت لا تنسئ نفسك نشرت صوري وفضحتني ولو فعلا تحبني ما تسوي بيه هييج... كتبت... اكدر اتصل ؟ تنهدت بضيق كتبت...لااا مستحييل اني ما اريد اسمع صوتك ولا اريد احجي وياك وحغير رقمي ... تجاهل كلامي وكتب...وقار اني صح نشرت صورج بس صدكيني جان الي اعذاري وظروفي انتي حبي الاول انتي عشقي وروحي وحياتي وابن عمتي غدرني بيج واخذج مني وهذا كله طير العقل من راسي... انتي،يا وقار مو اي شخص مر بحياتي اني عشقتج وحبيتج حتئ اشتريت قطعة ارض وردت ابنيها الج ونستقر سوه ورغم انتي خنتيني بس اني لحد الان احببببج واموووت عليج وابوس تراب رجليج... اني هسه بس سمعت جابر يريد يطلكج كلت لازم ارجعها اليه والله جابر يطلكج منا اني اخطبج منا والله ما يستاهلج ترئ وما خطبج بس حتئ يتقرب من جولييت اي هو من خطبج حتئ يكون قريب من جولييت لان هو يحبها ويعشقها من زمان... لطمت خدي بصدمه والدمعه بعيني...عزا بعيينك انت شدتحجي ولك لا تحجي هييج الله يخليك وخليك بعيد عني ترئ كلامك مو منطقي... دزلي رساله صوتيه من فتحتها وسمعت صوته الخشن كلبي ضل يدك بخووف واني اتلفت لا يدخل عليه جاسر ...وبعدها اجت اكثر من رساله صوتيه.. كال..شلونج حبيبتي وقار شلونها مريتي ان شاء الله شوفي حبي اني سمعت من عمتي صبريه ان جابر قافل علئ طلاكج يعني ما يريدج واني من زمان ادري بي هو ما يريدج وتزوجج بس حتئ يتقرب من جولييت وطز بي هو جولييت لان هو ما حب روحج ولا حبج الج ... صدكيني بس يطلكج اني اتزوجج والله سويت المستحيل حتئ اوصل الج واخذ رقمج وكوه اخذته من صبريه وفاتحتت اهلي بخطبتج صح اول مره ما قبلوا بس من شافوا اصراري وحبي الج وافقوا اصلا حتئ لو ما يوافقون مو ذات اهميه عندي لان انتي اهم شئ بحياتي... تطلكي منه وان شاء الله وعد اني اتزوجج قبل لا هو يطلكج واموووت عليج حذفت الرسائل كلها بسرعه وبعدها حضرته واني ارجف وابجي صدك جابر يريد يطلكني اي صح هو ابد ما حبني وحتئ اشواق كالت يريد يطلكج... تقريبا مرة عشر دقايق واني ابجي وانحب علئ حضي اني رغم كلام داوود القاسي بس بصراحه مدري شبيه ارجف علئ جاابر حسيت انطعنت بنص گلبي واني اشهك بالبجي اندك الباب واني كمزت من مكاني ومسحت دموعي بعشوائية ... همست بصوت مبحوح...منووو دخل بكل هيبه وجبروت وهو عاقد حواجبه سد الباب وهو يباوعلي باستغراب بلعت ريكي بغصة...ج جاسر تنهد بهدوء واجه كعد يمي وهو يباوعلي واني نزلت راسي بخجل ومسحت دموعي مد ايده علئ وجهي ومسح دمعتي كال...شبييح منو وياج منو ماذيج شهكت بحسره وحضنته واني ابجي...جاااسر تعبت والله تعبت اني والله ما عندي حظ بالهلدنيا من جنت صغيره تعوقت وانعكفت علئ نفسي.. انوب خطبني داوود واذاني ونشر صوري انوب هسه جابر ابد ما مهتم المشاعري ولا مهتم اليه اني ليش هيج يصير وياي طبطب علئ كتفي وجر نفس...كولي الحمد لله على كل حال وهذا هو اذا جابر ما رادج مو نهاية العالم خلي يطلكج وكل واحد يروح بحال سبيله.. ما يسوه دموعج ..صدكيني واصلا هل زواج من اساسه غلط نهئ عليج واخذج وانتم ما بينكم اي تفاهم اني ما اكدر لا اجبرج عليه ولا اجبره واذا الطلاق حل مفيد خلي يطلكج ضميت وجهي بكفوف اديه واني ابجي...شلون يا جاسر يطلكني شلوون هذا زوجي عشت وياه وكعدت واكلت وياه والعشره متهوون سحب نفس عميق وهو يدخن بجكارته...اني جنت اريد احجي وياه واحاول اصالحكم بس هو تكبر هوواي وخلق من المشكله الف مشكله وكلامه عند اشواق ما عجبني ...لا تهتمين اله واذا يريد يطلك مو فد شئ مهم هو خلي يطلك... بلعت ريكي وتنهدت ياربي شحجي شكوول اكول اني احب جابر وهو ما معترف بيه والله حتئ استحي احجي اي كلمة ... باس خدي ورد عليه...كافي وقار انطيني بس،شويه وقت واني اخلي يرجعلج وهو الممنون ... ابتسمت واني امسح بدموعي..شتسوي تزوجني ؟ ههههه ضحك كال...للاسف لو مخلي رضا علئ الاحتياط جان هسه زوجتج اله خووش شاب والنعم منه... ضربته علئ ايده واني اضحك بمزح...اي غير كله من وراك رحت زوجته ما فكرت باختك يمكن تتطلگ جر نفس عميق ورفع حاجب كال...فاتتني للاسف .. بعدها ضل يحجي ويايه وينصحني ويطيب بخاطري بس اني ما كتله عن كلام داوود... مر تقرببا تلث ساعات وما اسمع بس الصريخ من طلعت شفتها جولييت اخذناها للمستشفئ طلع عندها ولاده مبكره ... جنه بالانتظار ومن طلعت الدكتوره كالت...الحمد الله جابت بنوته بس للاسف الام دخلت بغيبوبه ما تنعرف شكد وقتها والطفله بحالة تعبانه واخذوها للخدج... لطمت خدي بخووف...يااا عزااا ليش دكتوره شصار وياها... باوعت الاوراقها ورجعت باوعتلي كالت بامتعاض...ماما شوفي هي البنيه متعرضه الضربه براسها واصلا الحمل مو زيين عليها من غير هي عندها صرع وهذا كله مآثر علئ صحتها... لذلك جانت ولادتها صعبه واحنه حاولنه وياها هوواي رغم جانت كل شويه تفقد واحنه نخاف نفقد الطفل لذلك الضربه اثرت عليها ودخلتها بغيبوبه ثانية ارتعشت اناملي وانتفض جسمي...زيين دكتوره شلوون فدووه اخاف تموت رجعت باوعتلي كالت...ادعولها... طلعت بسرعه اركض لكيت جاسر واكف وصلاح اخويه وامي جايين الضاهر مخابر عليهم باوعولي بسرعه وهو جاسر اجه يركض عليه لزمني بخووف وقلق كال...هاااا بشري جابت شلونها شلوون صارت بس لا فقدت ... ج جاوبته بتوتر شديد واني افرك اديه...هااا لا جاسر بب بس جوولي جابت بنيه .. صلاح ضحك وباوع الجاسر بفرحه وجاسر جانت ملامحه جامده كال...هسه عوفيني من البنيه جولييت شلونها صحتها شلونها هي كل شويه وفقدت وتعبانه احجيلي ؟ باوعت الامي بخوف وجريت نفس..اءء بس جولي فقدت ودخلت بغيبوبه ما تنعرف مدتها... فتح عيونه مصدوم من كلامي لزم اكتافي بحددده كال بغضب...شلووون استغفر الله يااااربي شلوون تفقد يعني ما كدروا يسيطرون على حالتها... مسح وجهه بتوتر ...روحي صيحيلي الدكتوره بسرعه خليني افهم منها شئ صلاح كال...استغفر الله هاي البنيه ولا ارتاحت حتئ بولادتها... امي جاوبته ..الله كريم ان شاء الله ما بيها شئ انتم ليش معضمين الامور كولوا يالله... جاسر باوعلها باسئ...يمه منو المعظم الامور البنيه عميه ومريضه وحالتها ما مستقره يعني شلون ما نعظم الامور شلون نضل هيج نباوع عليها ... اجت الدكتوره هو ضل يحجي وياها وهي شرحت اله حالتها وكلتله ان هي دخلت بغيبوبه ما معروفه مدتها والطفله بالخدج لان شويه تعبانه وهسه نقلوها للعناية المركزه راح تضل كم يوم بالمستشفى... هو كال...روحوا كلكم ارجعوا واني راح اضل هنا وخلي اخابر ولد صديقي علمود شغلي،والله كريم... اني مقبلت وضليت وياه وصلاح وامي باليل كووولش راحو او مو باليل لا بالفجر... جنت كاعده اني وياه بالانتظار وهو كاعد وحاط راسه بين كفوفه وعلامات الضيق واضحه علئ وجهه حطيت ايدي علئ كتفه ببتسامه هو باوعلي همست..مبرووك حبيبي ان شاء الله تتربئ بدلالك ... باوعلي بتفاجئ ورفع حاجب بمرح كال...الله يبارك بيج والله تدرين انتي اول شخص يباركلي حتئ امي وصلاح نسوا ما باركولي بسبب غيبوبة جولي... ضحكت...اي خطيه نسوا نروح اني وياك نشوف الطفله وهااا لازم نسميها مووو صح ابتسم كال...اي صح مشينه خلي نشوفها تشبة امها لو تشبه صبريه لان جولييت هسه بخيالها محد يمر غير صبريه ههه ضحكت كتله...لا اكيد تشبهك انت لان انت الوحيد الي تمر بخيالها... هو جر نفس ومشئ كدامي وصلنه للخدج وحجينه ويه الدكتوره وهي اشرت النه عليها جانت ناااااعمه ناعمه حييل وشكلها احممر ما مبين منها شئ بس تبجي بصووت عالي ... والدكاتره واكفيين يمها وهم يسكتون بيها ولابسه بس حفاضه الحفاضه اكبر منها هههه جاسر حط ايده علئ الجام وابتسم النعوومتها وضعفها باوعلي بحزن وابتسامه مذبوحه علئ شفايفه كال...نااااعمه مثل امها لا تشبهني ولا تشبة صبريه ضحكت...وهاي صار عندك بنيه يا جاسر تعوضك عن غزل ركز بيه ثواني كال...محد يعوض عن غزل ...غزل خساره بغض النظر عن امها وعن كلشي غزل بنت رووحي غزل اني الي ربيتها اقرب اليه من روحي هزيت راسي بنفي...شنو قصدك يا جاسر يعني ولدك مو اعزاز عندك حتئ غزل ما تتعرض ابتسم وجاوبني بنفي قاطع...لا مو هييج كل واحد اله معزته الخاصه بس غزل يتيمتي امها انفقدت واني صرت الها الام والاب وداريتها وما قصرت وياها وضكت الم فراگها ... محتبئ ومرتضئ وحتئ هاي الطفله صح عوضوني عنها بس ما نسونياها واله اكلج مستحيل الضنا ينسي الضنا طالع من الكلب... استوقف كلامه بنهر...بسس جولييت اكدر اكلج سدت مكان غزل لان مثل ما غزل يتيمتي جولييت كذلك اعترف اذيتها وتمردت عليها بس جانت دوه لجروحي ودوه قااااسي ومريضها لجولي ما ينجرع لو ما جولييت موجوده بحياتي وغزل ميته احتمال اني اموت وراها او انقاد للجنون بس جولييت ربكت حياتي اكثر من غزل .. من يوم هروبها لحد ما لزمتها لحد ما جابت شويه شويه اني اتعالج بيها وهي تتدمر شويه شويه لحد ما انتهت واني عشت لزمت ايده باسف ...الله يرحم غزل ويخليلك جولييت واردفت بتساؤل...اي صدك جاسر شام لحد الان ما تعرف انت زوجها شرعا لو عرفت... ضحك كال.. ههههه شام مو مثل جولييت كلشي يمشي عليها راحت واستشرعت من وراي وعرفت الكلام باطل... حطيت ايدي علئ خدي بتفاجئ...يااا عزااا وانت شكلتلها جذبت عليج لو شنو ؟ رد ببرود...عادي كلتلها ما اعرف استشرع واجيج واخذت فتره كلتلها استشرعت وكلامج صحيح انتي زوجتي شرعا... جاوبته...اي والتالي جر نفس...عادي ماكوو شئ بلعت ريكي ...يعني مو لازم تعدل بينهن مدام هن ثنينهن نسوانك ؟ هز راسه بقبول... ياربي فور دمي لا يحجي لا يكول اخذ الكلمه منه كوووه ميصير هيج الله يساعد جولي عليه لا يمطي حق ولا باطل... واني استحي أسأله شكوله انت هم تنام وياها والله حتئ استحي منه وعيب...وهو تطلع الكلمه منه بالشافعات... مشئ عني واني رحت اركض وراه كتله..وحتسميها غزل موو ؟ رد عليه بهدوء...تكعد امها وتناقش بموضوع اسمها... رحنه للعنايه المشدده دخلنه علئ غرفة جولي هو عادي اول ما دخل عليها باسها بخدها وباسها برأسها جانت نايمه ومتغطيه برجف ابييض وملبسيها ملابس مال مستشفئ وحتئ راسها كذلك جامعين شعرها بمال مستشفئ ما اعرف اسمه بس جان شكلها محزن الئ ابعد احد هالات تحت عيونها قويه وشفايفها جاااافه حييل و وجهه شاحب مثل الموتئ ... انقهرت عليها ضايعه بالسرير هو لزم ايدها وباوعلها بحسره تكلم وياها عبالك كاعده كلها...شلونج جولييت اكعدي مو انتي جنتي متحمسه لهل طفل من البارحه ولدتي وهو بعازتج وابد ما اجيتي شفتي انتي الحنينه اكعدي وساعدي نفسج... جانت ملامحها الحزينه جامده وما تعبر عن شئ فعلا كلامه بقهر وهي بغيبوبه يمكن تسمعه من كلها انتي الحنينه شلون عايفه طفلج ونايمه يمكن يريد يحفز عندها حافز الانتعاش حتئ تثور عليه وتساعد نفسها وتكعد باس ايدها بحب وتنهد ...يالله جولي اكعدي لا تعذبيني شويه واتصل موبايله هو باوع للموبايل وقفله بسرعه بس رجع اتصل مره ومرتين عاد هو طلع برا وضل يخابر... عرفته اتصل بشام طلعت بسرعه سمعته يكولها...اي جابت بنيه ...اوك اوك يالله مع السلامه احاجيج غير مره... ما فهمت منه شئ. وبعدها خليت ورجعت دخلت جوه عند جولي ......................... ريهام... اجتنه ماما رضيه من الصبح وهي جايبه مجتبئ ومرتضئ ثنينهم لابسين تفس التراكات ومرتضئ شايل الديج والنعالات تك وتك كلمن لابس تك الثاني... ابتسمت علئ شكلهم وجنهم هسه كاعدين من النوم كالت رضيه..يمه موتوني اجرت تكسي وخبلوا ابو التكسي انوب يا سيطره نفوت منها ولزموا الديج ...دول تلام عليتم ما دول تلام عليتم رد مجتبئ وهو يرفع ايده...تلام عليتم عبيباتي ضحكت اني وشهد و رحت عليه بوسته بخده وحضنته ...يعمري انت السلام عليكم والله باوعلي وهو مبرطم...عمه ماما ماتوو ؟ جريت نفس حزين وابتسم ...يروحي ماما راحت تجيب الكم نونو حلوو. مثل فطومه بنت عمو جعفر هز ايده بعدم قبول...هي فقومه حلدها سبيير « حلكها جبير » صرخت شهد بصوت عالي وهي حاضنه بنتها...لااااا مشمش والله اذبحك لا دكول حلكها جبير فدوووه والله صغر صغر راح ابجي ياربي... ما اشوف اله مرتضئ جاب مشمش براشدي وذاك صرخ بصوت عالي ركضت عليه وشلته ...ياااا ولك ليش ضربته مو خطيه اخووك رد عليه بغضب...ودح اقلط علئ فقومه جاوبته رضيه بغضب..انهجم بيتك يالحنين ولك من هسه شديت حرابه ويه اخووك بعدك ما ضكت خيرها هو باوع الرضيه بغرور وراح واخذ الديج قربه من فطومه وهو يكللها...هدا عبيبتي الج اني عبج مممش عايس ان يعبج...« هذا حبيبتي الج اني احبج هذا مشمش خايس ما يحبج » بسته بخده واني شايله..اي مشمش نسيبي ما يحبها يحب بنتي مو هيج مشمش رد عليه وهو يصرخ...عوووفني لا عفففج والله اليد اتتله جاوبني بعناد...مو اعويه اني اء عبه « مو اخويه اني ما احبه » ضل يتلوئ وبعدها ما كدرت نزلته وهو ركض وملخ مرتضئ من شعرها وشرد وذاك تخبل شلون يملخها ويصرخ يريد يكتله ومشمش خاتل وره رضيه ويضحك بخباثه ويكله...فقومه مو علوه حلدها سبييير تنها وده القااااوه هههههه... ومرتضئ يصييح بصوت عالي...نعلللله ابوووووك رد عليه مشمش بعناد و وعيد...نعله ابووك انته..اودف اودف والله بت ادي بابا ادله علئ انت قلط علئ ابويه « اوكف اوكف والله بس يجي بابا اكله علئ انت تغلط علئ ابويه » جاوبه مرتضئ بعناد وعدم خوف وهو مبرطم شفايفه...نعله ابووك يالله دخل جعفر وهو يفر بجيس الحفاظات كال...هلا بولد اخوووي اليوم مشرفينه اهلا وسهلا والله رضيه جاوبته..بعدهم ما دخلو وتعاركوا من والله بت ام حلك مجتبئ غلط عليها ومرتضئ ما يقبل باوع المرتضئ..عفيه بنسيبي عفيه هيج اريدك اريد امووت وعيني تغمض واني مرتاح ومسلمها الرجال وبعد عمك انطوني فلوس المهر من هسه اجيب بي حفاظات لان اركض والعشئ حفاظات مو خباز... مرتضئ كله بترقب عبالك ديعترف علئ مجرم...عمو هدا مممش دول علئ فقومه حلدها سبيير باوع المشمش بنص عين..يعني اخووك وراضي بيها انت تسوي طائفيه وفتنه لييش ؟ يعني تريد تنبهه علئ حلكها لو شنو رد عليه مشمش بعناد..واي فقومه حلدها سبير جعفر جاوبه بملل...هسه خلي نشوف اختك حلكها شلونها ولو انتم عائلة جاسر حلككم فراوله قابل مثل عائلتي وحدتهن حلكها طلاقتين مثل بوفية رضيه... باوع الشهد بتبرير...شوشو لا تاخذين علئ نفسج حبي اقصد علئ فقومه و وجهه الطاوه انتي حلكج فستق مال بوس ضربته رضيه علئ كتفه...ولك عاد استحي كوول هل مره واكفه كوول مرة اخووي واكفه ضحك ...اعذريني رضرض نسيت عندج جفاف من مات ابوي لحد الان بس مرة اخوي لا تخافين عليها هسه يجي رجلها ويروي الجفاف العاطفي لعندها انت فكري بس بنفسج وعوفي عباد الله... اني خليت ورحت جعفر ما عنده لحية مسرحه يحجي طك بطك واني استحي من كلامه ... اخذت الاطفال دخلتهم بغرفتي وهم يسولفون علئ امهم وخطيه مجتبئ يكول ...عمه عمه ماتو ماما ما اعرف امسي الزم الحايق وامسي ما تسوف « عمه عمه ماكو ماما ما تعرف تمشي تلزم الحايط وتمشي ما تشوف » تنهدت يارب ترجع تشوف طبعا اني وياها حبلنه سوه بس اني قبلها بشهر بس هسه هي جابت قبلي،لان خطيه صارت عندها ولاده مبكره. همزين سجئ،مو هنا جان كالت كلجن جبتن بنات ههههه والله شبيها البنيه رحمه من الله بس هي،تفكيرها تفكير ابو جهل... انوب اتصلت بيه لعبت لعب دكولي شنو عمو يحجي عليه ويتوعد بيه شنو خايفه مثلا هو مو مرته انهزمت من قبل شو ما صار رجال عليها صار بس عليه ما عرفت شنو ارد عليها بس كلتلها...عيل هل كلام انتي مو صغيره ومو حلو تعيدين نفس الغلط وهل كلام لا تعيدي بس يسمعج عمج تحجين علئ مرته يطيح حضج ردت بوقاحه..عشتوو علئ شنو يطيح حضي خلي يلزم مرته بالاول يالله يتمرجل براسي واني ترئ ما خايفه وياريت توصلين هل كلام اله عاد اني قفلت الخط بوجهها ادري بيها ملقنه هل كلام من طلعت امها من السجن وهنه كل شويه واتصلن عليه وضلن يغلطن عاد اني حضرتها ما عايزه مشاكل ولا احب الفتنه والقال والقيل... اني جنت قبل شويه متونسه علئ جولي صح هي مخلصتها بجي بس تضحكني واندمج وياها هووايه واحسها نفهكني مثل ما اني افهمها... اتذكر قبل لا يشيلون وقبل لا تضربها نوال شويه جانت علاقتها بجاسر هسه صايره زينه ... هو اجه من شغله وهي شافته وختلت وره البرده الي بالمطبخ كالت...ريهام من يسالج كليله راحت الاهلها بعد متريدك ههههه عاد اني لطمت صدري...يا عزا العزاني تردين اجذب لا لا استغفر الله ربي مالي شغل كالت بتوسل..فدوه فدوه رهومه كليله ما ادري بيها كذبه بيضه اريد اكمزه اكطع خلفته اخلي بعد ميخلف... كلتلها باستهزاء..اي هاج كوولش كمز وخاف باوعتلي بنظرات بريئة وتوسل...شبييج فدوه ؟ حطيت ايد علئ ايد وتنهدت...يالله امري لربي هي ختلت وره البرده والبرده جانت كصيره شويه ورجليه طالعه من جوه انوب طالعات بييض ومدبدبات جنها رجلين رضاوي ضحكت عليه هو دخل للمطبخ كال باستغراب...ويين جولييت بلعت ريكي وباوعتله باحراج هو باوع بارجاء المطبخ واستقرت انضاره علئ رجليها ابتسم وعض شفته بكتمان غمزلي امشي بخطتها كال بصوت حاد...ويين جولييت فريت عليها البيت كله وهي ماكووو... جاوبته بترقب وفشله..وهاااا مدري وين راحت يمكن لأهلها... رفع حاجب وهو وهو متصنع الغضب...لااااا وين راحت هاي اليوم لا ما ذبحتها ما اطلع جاسر هي طلعت من وراه وتمشي بترقب وتباوعلي وتضحك بسكوت وصاحب بصوت عالي...بوووووه هو سايرها وباوعلي بخووف وقلق حط ايده علئ صدره ويتنفس بقلق ورهبه مصطنعه...صدك تحجين طيحتي كلبي ببطني وهي تضحك من كل عقلها....هههههههه كمزتك ؟ رد عليها بقهر...اي كمزتيني حتئ خلفه بعد ما اخلف طكتها بضحكه قويه....ههههههههه العباس عليك كمزت الحمد لله الحمد لله طلعت قوويه رد عليها ببراءة...بعد لا تعيدها لا انجلط وترحين تبتلين بيه كملت ضحكها الهستري ....لا تخاف اشمرك بدار العجزه انت بس توكل وانجلط هههههه قلص عيونه بوعيد ...لو ما ريهام واكفه جان فشرت علئ كولتج اني استحيت وبلعت العافيه من كلامه ردت انسحب انسحاب تكتيكي بس هي مخلصتها بس تضحك حيرتني... رجعت لزمته بشك...اكلك انت صدك كمزت لو تضحك عليه تجاهلها وهو يمشي...اي وداعتج كمزت كمزه اله شويه جان انجلطت تعالي شوفي اديه شلون ترجف... سرعت بخطواتها ولزمت اديه...ويين شوو ما ترجف الله عليك بس كول صدك كمزت لو لا ؟ تركها بدون ما يجاوبها وهي تريد تتاكد شويه واجت وهي تتذمر وتمسح بخدها اني عبالي ضربها... لزمتها كلتلها شبييج كالت...عضاني بخدي حييل انوب يكلي بعد ما اخلف لان كمزتيني واني ممصدكه بي يكولي اذا حبلتي تاكدي انتي ما كمزتيني واذا ما حبلتي فانتي كمزتيني تعاي اليوم وخلي نجرب ونشوف انوب عضني حييل دخلت شهد شافت خدها احمر كالت بخبال...يااا شبي خدج هذا يا سلوگي عضج اني سديت حلكها واني اضحك...عزا بعينج ان شاء الله ولج جاسر عضها هههه حطت ايدها علئ خدها بخوف..العزا العزاني همزين ما سمعني والله عيب ... بعد من مرة هاي الايام كلها وجولي طلعت حامل انوب بتوم بس .واحد مات ذكرتها بهذا الموقف وكلتلها شاف رجليج بس انتي ما انتبهتي هي ضحكت كالت...اي هو جذاب ادري بي مسوي روحه خايف ويرجف ياربي يكون بعونها ويفرحها بطفلها ويرجعها الهم سالمه غانمه.... صدك من شالت البيت فرغ عليه وصار وحشه بس خطيه هي لازم تستقر ببيتها بعيد عن المشاكل وعن بيت عمي مهيوب... ............................ وقار... صار تقريبا صار اسبوع واحنه بالمستشفئ اني اروح واجي وكل شويه وحده تجي منا وحتئ اشواق اجتي وطبعا اشواق راجعت هوايه بس مصار عندها طفل هو السبب من زوجها مو منها بس هي تحبه وما تنطي بي وهسه قررت بعد تعب من السنين ان تسوي طفل انابيب وضلت تراجع يارب يرزقها يارب... شويه واجت صبريه دخلت للمستشفئ اني من بعيد عرفتها لابسه نعالها ابو الصبغ والعبايه مفتوحه من الجهتين وتمشي هي واختها ام جابر من شفت ام جابر دك گلبي سريع ياربي شسوي والله احبه جابر وهو ما يستاهل حبي... اجت سلمن علينه اني وماما رضيه واشواق كالت صبريه بتهجم...اكلكم عود جكليته من يصير بيها شئ ليش ما دكلولي شني منتظريها تموت يالله لو شني ؟ جاوبتها بعد ما بلعت ريكي...والله خاله نسيت عاد هي سدت اديها وفتحتهن بوجهي كالت...اهمداج كوون فشلت منها ومن تصرفها بس عادي احنه متعودين عليها وعلئ اخبالها وخاصة من ناحية جولي هي تتخبل تعتبرها مثل بنتها وتعزها كووولش معزة قوويه... اردفت بغضب...وعلي وروح امي هاي اخر مره جويسر يحبل جوييليته شني معمل مال تفريخ ضاله تخلف وتشمر عليه خلي يخلف من شويمه انه جويليته رقيقه ما تحمل فروخه لجويسر هل تخربطت وفقدت انه لو جكليته تموت ربحي بيمن بجويسر وفروخه.؟ جاوبتها رضيه بفشله...ولج خيه اسكتي عيب منا الدكاتره والعالم صاحت بصوت عالي وغاضب...جااا وشني انه خايفه من الدكاترة يوو مستحيه من الوادم ...وروح امي هسه اصيح بصوت عالي جووويسر موت جكليته هو وفروخه ... وبعدها اردفت بحب وحنان...صدك جويليته جابت بت وهااا بتها حليوه ياااا لااااا وجاوبت نفسها بنهر...خاب يمن كوون امداني انه شني واشك بانتاج جكليته هو الجكليت شيخلف غير الجكليت اكيد احله من امها... اني ضحكت.. اي خاله فدووه تجنن بس بعدها ناعمه ولحد الان بالخدج لان صحتها مو تمام وبعدها ما كامله احتمال تضل كم شهر منا لمن يخلي نومها... جرت نفس حزين...يمه سوده بوجهي كوون بحسنه ولا ببت جكليته انا هذا هو قررت بعد ما دابت جكليتي اخذها هي وفروخها وتعيش عندي واريدن واحد يمر بخطيتها... شويه واجه جاسر وصبريه مطنكره عليه ما اعرف شبيها وتباوعله من وره خشمها وتخوزر بي وهو ما منطيها اي اهتمام بس سلم عليها... يعرفها تكرهه وتريد تاخذ جكليته منه... شويه وتجت الممرضه تركض وكالت...المريضه جولييت كعدت وتريدكم... عاد احنه ما صدكنه خالتي صبريه وجهها خير علينه الحمد لله ........................... جولييت... اريد شويه من حضنج يمه فاض بيه الحنين واني اريد اسمع صوتج العذب اني يا يمه اتنفس من دوونج صرت ام للمره الثالثه وانتي مو يمي ولا حضرتي ولادتي ما ادري اني وين جنت ولا اشووف شئ بس حسيت بنغزة ابره بيدي صرخت علئ أثرها وفتحت عيوني نفس الظلام محاوطني من زمااان ... حسيت بايد ناعمه لزمت خدي وهي تحجي ويايه بصوت هامس...هاا حبيبي الحمد لله على سلامتج همزين كعدتي لان طفلتج بحاجتج... بلعت ريكي بغصه ورديت عليها بهمس...اءء اني ويين ؟ جاوبتني بسرعه وهي تفرك بيدي..حبيبتي انتي بالمستشفئ جبتي بنوته حلوه مثلج بس محتاجينج ترضعيها رضاعه طبيعيه وانتي دخلتي بغيبوبه بسبب الضربه الي براسج كعدت ملهووفه واني ابجي واتنفس بضيق...ايي ايي اني جنت حااامل يعني اني جبت عفيه اريد طفلي اني جبت بنيه مو صح لزمتني وهي تهدي من روعي...حبيبتي اهدي لا تخافين اي جبتي بنيه بس هي بالخدج لان انتي جبتيها بالسابع وشويه حالتها ممستقره لا تخافين بس ان شاء الله ما بيها شئ... رجعت نمت واني ابجي همست...ويينهم ؟ ردت عليه بلهفه..زوجج وكل عيالج واكفين بره ان شاء الله هسه اصيحهم الج.. هي خلت وطلعت واني ضليت اتنفس بضيق وخوف واني احن الشوفت بنتي اتذكرت كلامه يمكن يكون عادي بس اثر بيه حسيته نكرني واستغل شئ مني ...حسيت اني لا شئ عنده دقايق وحسيت بوجودهم كلهم هو اول الحاضرين قبلاته اخترقت وجهي وراسي وهو يتحمد الي بالسلامه ويباركلي بمولودتي الجديده... وبعدها خالتي صبريه و وقار وماما رضيه وام جابر ضلوا يحجون ويايه ويباركولي واني ابتسم بحزن سالتهم عن مرتضئ،ومجتبئ كالو بخير الحمد لله حمدت ربي وشكرته.... ضليت بالمستشفئ وبس هو عندي يروح ويرجع اليه لان ما يقبلون يضل وقت اكثر بالمستشفئ بعدها اجت الدكتوره كالت...ماما انتي لازم تجين ويانه حتئ ترضعين الطفله بالخدج او نجيبها الج هنا...بس تجين انتي افضل بقسم الاطفال لان نخاف عليها... جاوبتها بخوف شديد وبسرعه...لا لا اني ارووح الها اني اروح اشوفها واني ارضعها حبيبي ما اريد اتعبها ... جاسر رد عليها للمرضه كلها...روحي اني هسه اجيبها بس ارتب امورها شويه... صدك هي خلت وراحت وهو لبسني الصايه ولبسني الحجاب جنت حييل مشمئزه من قربه مني وخايفه بنفس الوقت خايفه يستغل ضعفي ومرضي ويضلمني... اخذني للخدج وكعدني بغرفة الانتظار حسيت بي دخل مره ثانيه وهو شايل الطفله ويحجي وياها يكولها...حبيبي باباتي تعالي خلينه نشوف ماما اجت عليج وهي تعبانه شفتي شلوون تحبج وكفت ملهووفه والدمووع سبقتني واني أستقبل بنتي رغم من الغيبوبه تعبت جسمي وحتئ احس لساني ثكيل والنطق عندي صعب بس تحملت الخاطر بنتي هو رجع كعدني وحط البنوته بيدي واني ما اعرف وين ابوسها محتاره وما اشوف ضليت ابوس بيها بعشوائيه وابجي همست بعذاب...ياروحي يا يمه انتظرتج هوواي تكونين حبيبه الي اشكيلج من ظلم ابووج ومن ظلم اهلي ومن ظلم القدر اليه يعز عليه والله يايمه اشكي للناس والشكوئ لغير الله مذله سمعيني يا يمه ولا تكرهيني... ضليت ثواني دافنه وجهي بصدرها وابجي وهو ما قبل بهل شئ كال...كافي جولي لا تقهرين نفسج حتئ الطفله من ترضع وتكونين مقهوره تتاذه سكتت الخاطرها واني لسه ابوس،بيها كال.. يالله كافي بوس رضعيها غطيت نفسي بشالي وطلعت صدري دا ارضعها بس ما اندليت ملامحها ضليته محتاره واني اتلمس بيها واتمنئ اشوفها هو تقرب مني وراد يلمسني لميت نفسي بغضب ونزلت الشال اكثر علئ صدري همست...جاسر عووفني كال بستهزاء...شنو مستحيه هاي اول مره اشوف مره تستحي من زوجها واني كل يوم مذكرج التوم مني وهل طفله هم مني واني شايف ومتعمق بلعت ريكي من كلامه...مو قصة استحي منك بس اكو اشياء بداخلي ترفض هل شئ انت انت كطعت كلامي وما كملته علئ شنو اكمله اجرحه والجرح جرحني اكثر... تقرب مني اكثر وهو يرد بخبث...دخليني اساعدج ماكو مره تخجل من زوجها ولا تستنكف منه حطيت اديه علئ صدري والايد الثانيه لازمه بيها بنتي...ماااا ماااا صيح الدكتوره ضل معاند واني الملم بنفسي منه وكل شويه وكتله...اهووو دووخر هي شنوو استغفر الله ياربي خوو انتم ولد مهيوب العناد يمشي بدمكم رد عليه ببرود...شفتي شلوون كعد بصفي وجبرني وساعدني بس اني جنت زعلانه ودايره وجهي منه كال...ادري شكو دايره وجهج للجهه الثانية... جاوبته بعناد...احسن ضحك...اي شكو شصاير؟ وترئ انتي ما تدرين بروحج دايره وجهج عليه يعني لا بيج ولا بزعلج درت وجهي للجهه الثانيه هو مجان كاعد بصفي وصوته يكولي هو قريب مني ما اعرف ياربي دخت ما احس اله باسني بخدي انصدمت ...يااا عزا شلون جذاب يكول دايره وجهج عليه واني اصلا مو عليه قشمرني وخلاني درت وجهي عليه. مسحت بوسته وهو لحد الان ما يعرف ليش اني ضايجه منه ياريت والله لو يطلگني صح راح اتعذب لان محد الي وصعب اني ضريره وبرگبتي تلث اطفال بس ما اكدر اتحمل هل نفاق والله... خلصت رضاعتها واني اتمنئ اشوفها وكل شويه واتلمس ملامحها همست بتنهيده...عيونها يا لووون ؟ رد عليه بمرح...نفس عيونج وحلوه حييل مثلج بستها بنعومه...يعمري يحبيبتي سميتها لو لحد الان ممسميها جاوبني بتنهيده...انتظرتج نتناقش باسمها اني جنت ناويه اسمها غزل بس بعد الي سمعته قررت ما اسميها غزل وغزل وحده ما تتكرر الله يرحمها ويسكنها الجنه ... تحب ابوها حييل ودائما اتحلم بيها ادافع لابوها دفاع مستميت حتئ وان كان علئ خطا لمستها بحنان وجاوبتها...اريد اسمها هدار جاوبني باستغراب...اسم حلو بس غريب ضحكت ...مثل امها اسمها غريب وعاشت غريبه بس بنتي مو مثلي لان اني اكل اوادم عليها وراح تشووف مستحييل استغنئ عنها ولا اضحي بيها مثل امي تقرب مني ومسح علئ راسي بحنان كال...اكييد واني ابوها ما اخليها بحاحة اي شخص واذا صار بيها مثل ما صار بيج اطلعها من حلك السبع انقذها... بعدها اردف بحزن...اسم الله عليها ان شاء الله ما تشوف اله كل خيير...وان شاء الله هل بنيه وجهها خير علينا ونسعدها ونفتخر بيها ابتسمت بهدوء ورجعت بستها وهي تنوص خطيه حتئ ما بيها حيل تبجي... وبعدها اخذوها للخدج واني رجعت للغرفتي لان لحد الان حالتي تعبانه شويه... ......................... شهد... جنت كاعده اغسل بفطوومه وعمتي ام فلاح تلعب بولد جاسر صايره تحبهم وهم هماتين يحبوها رغم شويه يتعيقلوت عليها وكل شويه وكلولها امشي اشتري النه وهي مكيفه عليهم وحسيتها شويه من اجو جهال ارتاحت ونست بنات فلاح او تناستهن وانشغلت عنهن هي رحت تشتري الهم وشويه واجت واني بدلت الفطومه وانطيتها الها... وما اشوف اله جعفر دخل وهو يصييح...ولكم الحكوو الحكوو ولج شهد تعاي ولج يمممع طبعا جعفر ابد ما يشرب بعد ويصلي باوعتله شفته مو سكران بس حالته مو طبيعيه كتله بخووف ورهبه...خير جعفر شكوو؟ رد عليه بانيهار...ولج ماتت ماتت نهاية البارت...يتبع كونوا انتم كونوا بخير...احبكم 💔 نور سمو العراق 😘 موش تنسن التصويت خوووش بصوت علي اخو دينا 😬 وبنات اني مقدره وضعكم البارت ينشر متاخر بس شسوي مدا الحك ان شاء الله احاول اضبط وقتي ادللوو... | ||||||||
|
| |
|
08-12-20, 09:35 AM
| #90 | ||||||||
| مراقبة عامة ومشرفة منتدى الروايات المنقولة
| البارت 31 رواية..جولييت_واسرها...غياهب الإنتقام بقلمي...نور سمو العراق 💔💔💔💔💔💔💔💔💔💔 مَاريدك وأريدك ، حرت وأحتاريت !! تعال ولا تجِي وثنينهن صَعبات ! ............................ شهد دخل جعفر وهو يولول ويصرخ وملهووف ..ولج شهد ولج شهوده ماتت ماتت راحت الزينه راحت ام هله اني رجليه صارن خيووط من الخوف لزمته برعب...يممه يممه ولك احجي منو ماتت صبريه رضيه لو بنت جاسر رد عليه وهو يهز براسه وهو يلطم...ورجلج والولد عدمن مخليته ورجلج والولد عدمن مخليته .. باوعلي كال...يالله شهيده يالله كولي لا خيه لا مالي حييل فراكج لا خيه لا ...صدك ميته يالبراسج يحلفون صدك ميته يالبراسج يحلفون لزمت قميصه بعصبية...هي شنو دحجي،منو ماتت؟ حط ايده وهو يضغب بكذب...بزونتج شهد بزونتج ماتت بزونتج كتلوها فتحت عيوني مصدومه ومرعوووبه ضربت صدره...جذااااب رجع باوعلي بثقه...بالقران ماتت هسه دخلت لكيتها ميته بباب بيتنه ضلربينها بمصياده براسها عاد اني ما صدكت...عاااااا يمه بزوونتي جذب جذب ولج يممممه ولج بزونتي الحلوه ماااا اريد بزونتي اريد بزونتي عاط بيه...خاب،ومرض فضحتينه انلصمي شنو بزونتج احسن من الراحوا هذا يومها وهذي ساعتها كعدت واني ابجي واصرخ واجت ريهام تركض هي،وعمتي كالن...شكووو شكووو شبيج تبجين وكفت واني اصررخ ومنهاره...بزونتي تؤم روحي ماتت ماتت كتلوها خرب حضي والله كله بسببي كله مني السبب اني السبب لو مخيتها عند اهلي احسن ولج يمه بزونتي ماتت عمتي غمتني...امداج امده فركج الئ متئتضلين زعطوطه عبالي مدري منو مات تاليها بزونتج ماتت رديت عليها بنهيار ودموع...اي حقج حقج انتي ما تحسين بوجعي هاي ربيتها وعاشت عندي وكبرتها وزوجتها ومنتظره جهالها تالي تموت؟ عمتي هزت ايدها وخلت وراحت واني ضليت ابجي وريهام تواسي بيه واني ابجي... لبست حجابي وطلعت اركض وجعفر لزمني صحت بي. .عوفني عوفني وووخر خلي اشوف بزونتي اشوفها يا نعال كتلها... دفعني بغضب...امشي ادخلي لج فضحتينه هسه هذا يومها شنسويلها الله يرحمها... لزمته واني ابجي...فدووه فدووه رووح جيبها روح خلي اشوفها... كال..ذيج هي بالباب ميته رحت مديت راسي واني اباوع الها وابجي صدك ماتت ماتت حبيبتي شهكت ودموعي ...رووح جعفر رووح ادفنها لا تخليها هييج واريد اعرف منو الي كتلها والله اخذ حقها منه.. صاح بيه بغضب...دفوتي جووه لا اجي امددج بصفها دخلت واني ابجي منظرها حزني فاتحه عيونها ومتمدده والدم نازل من راسها الله ينتقم من الي،قتلها... بس جعفر كال ...يمكن كتلها جيرانه ابو الطيور لان جعفر كال هي ماكله طير من طيوره وهو توعد الها ..هيج دمها راح هدر جعفر مراح حاسب ابو الطيور ... واني خلصت يومي بس ابجي وراح جعفر يدفنها... عمتي،بس تحجي عليه دكول انتي مخبله هسه شنو كاتله روحج علئ البزونه ..عاد اني،جاوبتها هو شنو كاتله روحي غير صاحبتي ومربيتها وكبرتها وعاشت وياي علئ الحلوه والمره عافتني،وراحت ورهومه كعدت تصبر بيه شويه ودخل جعفر عاد اني ركضت عليه ملهووفه ولزمته...هاااا جعفر وين دفنتها رد عليه بسرعه...دفنتها بوادي السلام بصف حبوبتي خاچيه اجيت ادفنها بصف ابوي بس كلت عيب تضل مره غريبه عليه... صار عندي شك بكلامه المستهزء...لا برووح ابووك وين دفنتها ؟ حك رگبته وهو يباوعلي بترقب...شمرتها بالزباله عاد هو ما كال هييج اني تخبلت لطمت علئ صدري بغضب...تحجي،صدك ولك جعفر شمرت بزونتي بالزباله وما دفنتها والله اليوم العب لعب... كال بملل..دروحي لج ترئ موتيني هي بزونه وماتت ترديني احنطها وادفنها بهرم اخنتون لو شنوو رحت زعلانه واني ابجي وادردم بگلبي،والله خبيص ليش هيج ليش محد يراعي مشاعري ترئ والله عشت وياها وربيتها ليش،هيج يسوون بيه ويستهزئون بيه... والله لحد الان مصدومه بس هو جعفر واهله گلوبهم ميته وانوب يضحك عليه كل شويه وكال...شو ما لابسه اسود على المرحوومه وصلاح يرد عليه بضحكه...الحزن بالگلب،وبعدين المرحومه وصت وكالت لحد يلبس عليه اسود لان ما احبه... جعفر كال بضحكة...شهيده بس لا هم تردين جبره وتردين توزعين ثواب علئ روحها الطاهره.. اني جنت مغلسه منه وما احجي وياه هم صح يستهزئون بيه بس،اني زعلانه ومطنكره ولا اتجاوب وياهم إيد... ................................. ريهام... شهد صار يومين زعلانه وتبجي علئ بزونتها صح هم يعتبرون الموضوع سخيف وماخذينه بضحم بس اني بصراحه لاا معتبرت الموضوع هيج لان هي خطيه مربيتها ومتعلقه بيها... واني حتئ اكول الصلاح لا تصير مثل جعفر يستهزء بيها هي خطيه مشاعرها هييج وهي مربيتها اكيد تنقهر عليها... عاد هو شويه بطل منها اني اليوم قررت اروح للمستشفى اني وصلاح لان نريد نشوف جولي وطفلتها وهماتين نتحمد الها بالسلامه... ومن خابرتها هي كالت ...جيبي وياج مرتضئ،ومجتبئ مشتاقه الهم... عاد اني هماتين ما قصرت رحت دا اصيحهم لكيتهم كاعدين يم بيبتهم ام فلاح وهي تصلي... مجتبئ جان لازم التربه من تركع يخليها جوه راسها ويرجع يبوسها برأسها وهو يكلها...عبيبتي تطلين احتن من ديج رطاوي ما يطلي... ضحكت اتذكر جولي جانت من تصلي،يكعدون يصلون وياها ومن تدنك يصعدون علئ،ضهرها وهي تعلمهم علئ الصلاه ولو هم ميعرفون بس هيج يتعلمون من الصغر... بس الشئ الي عجبني عمتي ام فلاح جانت زينه وياهم وفرحانه بيهم وهم مخلصينها وياها عبيبتي بيبي ما عبيبتي بيبي وهي مكيفه عليهم دكول والله ذول احن من سجيوه واخواتها عليه شلون يحجون وياي وكل شويه وباسوني.... اني اخذتهم ورحت واني،أبتسم الحمد لله من حنت عليهم وعرفت قدرهم وقيمتهم... بدلت الهم واخذتهم ويايه اني وصلاح وصلته للمستشفى طبعا هي لحد الان بالمستشفئ لان الطفله بعده نموها مكامل ويحتاج الها عنايه وبعدها بالخدج... رحت علئ غرفة جولي دخلنه لكيناها كاعده بغرفتها ترضع بالطفله بس مغطيه صدرها من حست بينه دارت وجهها وهي تخفي نفسها عنه لان سمعت صوت صلاح وهو يسلم .. وجان جاسر كاعد علئ الكرسي مقابيلها من شافنه سلم علينه وحضن اطفاله وهو يبوس،بيهم وهم مكيفين عليه ويبوسون بيه ويشكون اله واحد يشكي،من الخ وهو يضحك عليهم... اني سلمت عليه وباركت اله وبعدها كعدت يم جولي وسلمت عليها وباركت الها... ومرتضئ ومجتبئ اجو عليها يركضون وصعدوا علئ السديه وهم يبوسون بيها وهي حاضنتهم وتبوس بيهم اخذت الطفله من ايدها جانت نااااعمه حييل بس عيووون وجهه جنها عيون بزون بس حييل حييل ناعمه يمكن وزنها كيلو ونص،حتئ اخاف الزمها... ابتسمت جولي بهدوء كالت...ريهام حلوه لو لا ؟ باوعت للطفله وبستها بخدها...اي فدوه عين النبي تحرسها جنها حلقوومه تخبل... ابتسمت وهي تتلمس بيدها ومجتبئ ومرتضئ صافنين عليها مجتبى كال...ماما هاي نيه حلدها زعيرون مو متل حلد فقومه سبييير باوعله مرتضئ وخزره واني لزمته اخاف يضربه ابتسمت جولي كالت...اي ماما هاي اختكم انتم تحبوها موو؟ رد عليها مرتضئ،بعناد وهو ياشر علئ نفسه...هي احتي اني مو احت مممش ضربه مجتبئ بغضب...نعله ابوووك هي مو احتك ماما هي ان احتي ؟... جولي بقهر...اختكم ثنينكم وبله لغووه تمام ؟ مجتبئ كتف اديه زعلان...ما اعبج تنهدت بضيق مدت ايدها وهي تتلنس،بي وسحبته لحضنها وباسته بخده حييل وكعدت تفهم بيهم... مرتضئ كلها ...اتمها النيه عنونه « شسمها البنيه الصغيرونه » ابتسمت ..اممم اسمها هدار رد عليها مجتبئ ..ايييع ان علووو « ايع محلو » ضحك جاسر كله...اي صح اني هم معجبني جولييت بقهر وصدمه...يااا عزا شبي محلوو والله حلو مجتبئ...لا ان علو تميها عزل اني انصدمت وجولييت بهتت ملامحها وحتئ جاسر عبالك مي بارد ونزل عليه بسرعه عقد حواجبه متفاجئ من كلام مجتبئ كله باستنكار...قصدك غزل ..شعرفك انت بهل اسم ؟ رد عليه ببراءة وطفوله...بيبي دول احتك اتمها عزل وتتلوها قگوها قلقه « بيبي دكول اختك اسمها غزل وكتلوها طكوها طلقه » جاسر انتفض،من كلامه وجولي وجهه ضل ينطي الوان كالت...حبيبي كافي الله يرحمها اسكت جاوبها بعناد...مااا هاي النيه اتمها عزل جولييت سكتت وجاسر وكف وتنهد رد عليه كله...كافي بابا اسكت تجاهل امه وابو وتقرب من البنيه وهو يبوس،بيها.. عزل اني عبببببببج اوووووواي اتر من رطاوي صلاح كال...سموها بالبيت غزل وبالجنسيه هدار بهل شئ يكون رضيتو الطرفين جاسر باوع الجولي...بكيف امها اني،ما اريد افرض عليها شئ... جولييا ردت عليه بهدوء وارتباك...اخاف ام غزل متقبل اسمي بنتي علئ اسم بنتها... رد عليها صلاح...وشنو شام اخذت طابو بالاسم لا ما بيها شئ سموها بالبيت غزل وبالجنسيه هدار ما بيها شئ وهم يكون الاسم ذكرئ من المرحومه غزل جولييت بلعت ريكها بحسره...والله اني من زمان جنت اتمنئ تصير عندي بنيه واسميها غزل علئ اسم اختها الله يرحمها بس من جبت بنيه غيرت رأيي لان يجوز ابو غزل ما يرضئ الاسم يستهلك الأكثر من اثنين جاسر باوع الجولي الي هي جانت موجهه نظرها بفراغ وتحجي بدون ما تباوعله اصلا... هز راسه باسئ من كلامها وعرفها تعزف علئ الوتر الحساس وتريد تفهمه ان اولادها ما اعز من غزل وهاي وجهة نظرة مو وجههت نظرها هي...كأن تريد توصل اله رساله مبطنه... جاوبها بعد ما رفع حواجبه بتهجم من كلامها...انتي شتحجين شنو مستهلك وبعدين هذا هو مدام اخوانها يردون اسمها غزل هذا هو اسمها غزل بالبيت وبالجنسيه هدار حتئ ارضييج لا اكثر ولا اقل ابتسمت باستهزاء ومجاوبته... وهو اخذ الطفله وباسها بخدها بحذر وراح يرجعها للخدج لان هي،جولي،بس ترضعها يرجعوها للخدج... لزمتها بقلق وسائلتها...شبيج جولي احسج مو طبيعيه؟ بلعت ريكها بغصه وشهكت...اي والله يا ريهام مدري شبيه احس الدنيا تمشي عكس ويايه واني والله ابد ما مئذيه شخص اني دست علئ كرامتي هواي بحيث ارضي العالم وتالييها انداس عليه... مسحت دموعها وبستها بخدها...كافي يروحي ان شاء الله ربج يفرجها .. جان صلاح ملتهي ويه جهال جاسر يركض وراهم هيج وهيج لان لو يخليهم يفلشون غرفة المستشفئ صاح عليها بصوت غاضب مصطنع...ادري جولي بس تنطين خبز ما تنطين تربيه جهالج شبيهم خابصين الامه ضحكت جولييت و وجهت كلامها لصلاح...شسوي يا بيت مهيوب ولدي طالعين عليكم رفع حاجب باستنكار...ولج شنو احنه ما عدنا تربيه ؟ رجعت ضحكت مره ثانيه ...ههههه لا لا استغفر الله مو قصدي والله ونعم منكم بس انتم يعني هيج مشعوذين او مشيطنين باوعلي ورفع حاجب ورجع باوعلي كلها...ونعم منج انوب طلعنه مشيطنين ومشعوذين لو ضالين علئ التربيه احسن حطت ايدها علئ شفايفها وكملت بفشله . يااا عزا ونبي مو قصدي خاني التعبير هيج يعني قصدي وكحين او اسباع او مدري شنو رفع اديه ببراءه ...عمي اني بريئ من بيت مهيوب اني رجال عاقل وهادئ بس اخوتي لااا صدك مشيطنين من فلاح الله يرحمه لحد جعفر ... رد عليه مجتبئ. بت بابا عباب «بس بابا حباب » تنفس بقهر...ابوك ابوك هو المصيبه الجبيره ابوك جان بالمدرسة يعارك ويضرب ويفصله المدير ويستدعي ولي امره وهو جاسر جان يخاف من ابووي حييل فشيسوي يروح الجيرانه عنده دكان ياخذه ويكل للمدير هذا عمي ابوي مو هنا بالعماره ويرجعونه للدوام وهاي جانت سوالف ابوكم الحباب لا وازيدك من الشعر بيت مره من المرات هو غايب باخير السنه وطلع راسب ويخاف من ابوووي ابوي شويه قاسي وجاسر مشعوذ ... ومناك انطاني الجنطه كال...اخذها لاهلك واني راح اشوفلي مكان اشوفلي ناس تحميني من ابوي واحنه من يوم ندور عليه وماكو تاليها خابرونه علئ التليفون الارضي من البصره كرابتنه كالو جاسر وصل لا يضل بالكم ابوي انصدم هذا شلون ركب شلون اندلهم وراح جابه واجه بس ما كتله لان راحت وياه رضيه ورضيه تحبنه حييل وضاله تتوسل بي بالطريق ومن جابه واجه سمعت ابوي يضحك بس جاسر مو يمه يكول الرضيه...هذا جاسر صدك زلمه راح للبصره الوحده وهو ما يندل بس المنطقه وسأل المختار وهم ماخذينه الكرابتنه هناك وما كايللهم شردت من ابوي لان راسب كاليللهم ابوي كلفني بمهمه هنا ضحكت جولييت...بس اني ولدي مؤدبيين مو مثل ابوهم اني ابوهم غاسله ايدي منه هو دخل كلها...ليش بويه غاسله ايدج مني شمسويلج شو اخذتيني لحم وشمرتيني عظم... هي عضت علئ شفايفها وكتمت كلامها رد عليه صلاح بضحكه...جنت اسولف الهم عن ماضييك الاسود وطفولتك البريئة باوعله بنظرة عتب وعض شفته...افااا عليك صلاح فضحتنه ليش هييج تفضح اسرار اخووك كدام الغاسلين اديهم مني... صلاح بضحكة..سولفت الهم من رسبت وانهزمت للبصره خايف من ابووي ضحك بتنهيده....بوووياي والله بيومها من اجاني ابوي دخلت فلم رعب علئ اكشن كلت راح انكتل واني اشوف امي رضيه كل شويه وعضت اصبعها وتتوعدلي كلت لا هذا هو انكتلت بس تفاجئت ابوي باسني كدامهم وما كأن شئ صار ومن رجعنه بالسياره جنت اباوعله بترقب واني منتظر الكتله بس ما ضربني وضل زعلان عليه شهر كامل واني محتار شلون ارضيه واطيب خاطره الف رحمه علئ روحك يابه صدك انت خساره ما تتعوض حكيم وحليم وتستاهل تكون شيخ عشيرة .. همست بحزن الله يرحمه وجولي باوعت الملامحها عبست بحزن اي حقها تحزن لان عمي مهيوب صدك رجال ونعم منه وقتله اخوها فعلا اي ذكره منه تاذيها هي،قبل ما تاذي غيرها احساسها فضييع بهل لحظه لان الخساره بسبب اخوها... ضلينه عندها شويه وخلينه ورجعنه للبيت بعد ما صلاح كال الجاسر...صدك ما تدري منو الماتت ؟ عقد حواجبه باستغراب. اي منوو نويله لو خالتك ام هاله جر نفس عميق وحزين...لا بزونتة شهد مرة جعفر صفك جاسر اديه باسف....لاااااا حرامات شلون ماتت والله المرحومه باخر ايامها صارت صاكه... بس جولي طلعت اخس من شهد وهي حييل حزنانه علئ البزونه...بس صدك والله خطيه... ................................. وقار... مر اسبوعين واجت خالتي صبريه مره ثانيه خطيه هي ابد ما خلت جولي تجيها وتجيب الها... دكت الباب واني طلعت الها شفتها تنزل بالاغراض من السياره باوعت هاي سيارة جابر والي بداخلها هذا جابر من شفته عيوني ضلت متعلقه بوجهه الوسيم وهو باوعلي بنظره طولت شويه وبعدها دار وجهه للامام ضليت اباوعله وعيوني ترمش كلبي يرجف منه وعليه باوعتلي صبريه وهي تنزل بالمسواك كالت...خايبه شمالج روحي بعد نامي وياه اكلتي الولد اكل انصدمت من كلامها وباوعتله بجمود واتداركت نفسي بلعت ريكي بغصه وابتسمت بحزن ...شلونج خاله جاوبتني بقهر...وخل خلاله كووون الج ولجويبر ابو المتعه صاحت عليه من بعيد وبصوت خشن...خاب جويبر ابو المتعه ما تجي تنزل المسواك يمن كوون مال اللطم انزززززل لا اجي افلش السياره علئ راسك هو نزل من السياره وضل ينزل بالصناديگ والاغراض،وانوب جايبه بشوش،يبووو نخلص من الديج تطلع النه البشوش... جان جابر يخلي بالاغراض بالحووش ويباوعلي،بعتب بس لا سلم ولا نطق لي كلمه صبريه باوعتله وهي تهز بروحها ..ما تسلم بحلكك عظم هاي،وقيره بت عمك يالله بوسها وسلم عليها هو دنك وخله وراح بدون ما يجاوبها واني روحي صعدت للستار وانقهرت حيل خلته راح وهي كالت...خايب اهمداك يابو المتعه ورجعت باوعتلي كالت...لا تنقهرين خلي يطلكج وجوليته تتطلك وازفجن ثنينحن بيوم واحد واخليهم يتخبلون وروح امي ضحكت علئ كلامها ودخلنه جوه عزلنه المسواگ اني وياها وهي فد نادره ومعدله نضفت المطبخ و الثلاجه طلعتهن يجنن... وجايبه تمر مسويته بدهن حر ضمته بالكاونتر كالت...هذا لجكليته بنيتي بس هي تاكله وروح امي اذا جويسر اكل منه اله انتحر رفعت حاجب بصدمه . يا خاله انتي تكرهينه كالت...اي والله اكرهنه عذب بنيتي جوويليته وهي صغيره ومالها والي ولج هو العنده جكليته شلون يكدر يعذبها ويقسئ عليها بس اخوج مجرم ضليت كاعده اني وياها هي رادت تروح للمستشفئ وجبناها نسولف كالت..وجهه الطاوه طلعت من السجن يا بعدها... جريت نفس بملل من ذكر اسمها كلتلها...اي طلعت من السجن صار تقريبا بالاربع اشهر من اول ما شردن بناتها جاسر طلعها وهسه سمعت من ريهام ان دتنخطب هاي سجئمتصله بيها وكايله الها... طلعت جكارتها ودخنتها بقهر...واللع عمي خووش طكت الها تلث رجوله وينه و وينه بعد شتريد جااا مثل حضي ابو اللول جنه شيشه مال كحه ويتعيقل عليه أنوب تزوج عليه حسنه وجهه جهه جنه معلاگ بايت... ضحكت عليها...ههههههه اي والله خاله بعد كلمن وحضه وهي سوكها ماشي نفخت الدخان من خشمها وشفايفها كالت..واي جااا غير ضاله تشد وتمط ومحتاره شتسوي جااا مثل حضي مخلصتها انش بالهووش واحصد بالزرع وكل يوم ميتلي غالي... تنهدت وسرحت بتفكيرها...اي والله يوميه رايحلي غالي من ثوري الباعه ابو اللول وعرس،بي الثوري الكتله داوود ... ........................... جولييت... تقريبا شهر كامل اني بالخدج ويه طفلتي ارضعها و وياها وياها لان هي خطيه صحته شويه مو تمام الضربه من زمان اثرت عليها وهماتين صارت عندي ولاده مبكره وجبتها بالسابع يعني لحد الان ما كامله بس الحمد لله المهم تمام الخلقه اليوم كتبوا النه خروج لان صارت زينه وحتئ يكولون شويه سمنت ونشنشت يعمري شكد اتمنئ اشوفها... هو جاسر طلعنه من المستشفئ الله شاهد هو ما قصر ويانه اببد واني اكول الخاله صبريه هو ابد ما مقصر ويانه دكول خلي يروح هذا واجبه وكله رياء شككتني بروحي وبي... ركبني بالسياره وربط حزام الامان عليه وانفاسه تضرب بوجهي وبعدها خله الطفله بحضني وساق بسرعه... كتله بتنهيده طووويله...جاسر اني لازم اسوي العمليه وارجع اشوف اني مو وحيده وما عندي شئ لا اني،ام وعندي تلث اطفال برگبتي يعني،يحتاج الهم عنايه واهتمام ومن بس،هيج اني ما اريد اي شخص،يعطف عليه وبعدين صدكني حتملون مني فلازم اسوي العملية حتئ اهتم باطفالي وبنفسي،واعتمد على روحي... تنهد بضيق،كال.. اكيد اسويلج عمليه اني،من البدايه ردت اسويلج عمليه بس انتي حامل ومو زين علئ،الطفل وان شاء الله بس،تستقر حالتج شويه اسويلج وان شاء الله ترجعين تشوفين وتنورينا من جديد اردفت بارتجاف...جاسر اني عندي الذهب مالتي،بيعه وسويلي،بي عمليه ضرب علئ الاستيرن بقووه وكأن كلامي ازعجه وجاوبني بحبروت هااائل... اسككككتي كلامج مو منطقي انتي ليش هييج تتصرفين ليش تتحسسيني،اني مقصر وياج شنو تبيعين ذهبج اني الي اتكفل بعمليتج هسه لو تصير بمية مليوون انتي زووجتي ومسؤؤله مني لا تضلين تطنطنين بكلامج ترئ كلامج ما بعجب اشرت علئ نفسي،مذهوله من كلامه...اني اطنطن بكلامي ؟ رد بقسوه وتهجم...اي تطنطنين ومتعرفين تحجين ترئ كلامج يجرح بس انتي،ما تحسين ابببد تنفست بخفوت واضطراب وسكتت مقهوره من كلامه من وصلنه وهو نزلني ولزمني،من خصري وشال الطفله بالايد الثانيه ودخلني جوه استقبلتنه رضيه و وقار وخالتي،صبرية ...سلمن عليه واخذن الطفله مني ... واني أخذني جاسر للغرفه لزمني وباسني بخدي،واني بسرعه ابتعدت عنه رجع لزمني وحضن وجهي بكفوفه كال بذوبان...شبييج ليش احسج مو طبيعيه انتي سامعه شئ هزيت راسي بنفي... كرص خشمي كال...لا تصيرين ام خنيس،جنج قسمة مرة زامل ما تنطق الها بحرف رفعت حاجب بقهر...انوب صرت قسمه ضحك ورجع باس،خدي...اي بس بالسكوت بس الشكل لا انتي غيييير عضيت طرف شفتي بحزن ومجاوبته تنهد ورجع حضني كال. احجي شبيج شنو الي مضوجج انتي والله ابد مو طبيعيه ما جنتي هييج جاوبته بسرعه...شوكت تطلكني ابتعد عني ومشئ عني خطوات كال...من يبيض الديج ضربت رجلي بالارض...اهووو لا تاخذني علئ كد عقلي احجي الصدك شوكت ننفصل وانت عادي روح شوف حياتك رجع تقرب مني وباس عنقي عبالك مدا احجي وياه كال ..صايره حلوه بس ليش جاي تنفرين مني يجوز لان نفسه موو ...لان انتي جنتي حتئ تتنسين عليه... بلعت ريكي بصدمه من وقاحته بالكلام شوكت تنسيت عليه والله ما ادري اصلا تنسيت كوجه حامضه ببنوتي وبمرتضئ،ومجتبئ نساوتي خلصت عند خالتي صبريه بعد شوكت تنسيت عليه هو يحب يبالغ...ويالف قصص... رحت دا اطلع الي ملابس بس هو ساعدني وطلعلي ملابس دا البسهن حسيت بالباب انسد بس مال الحمام مو الغرفه كلت جوز دخل يسبح نزعت ثوبي ضليت بالاتك ودا البس،جان هو كال بصوت مستهزء....هههه والله عمي زين تطلب الطلاگ وتسويلي اغراءات ضميت الثوب الصدري ورجعت خطوات واني اتلفت بالمكان كتله بفشله وارتباك ...انت ويينك ليش هيج تسوي بيه ليش تستغل ضعفي ومرضي تقرب مني وحضني واني اتلوئ،بين اديه كال...رحت غسلت و رجعت لكيتج مشلتحه بس عادي ترئ ياما تشلتحتي كدامي تذكرين من جنت انومج عندي وانتي نومج مستهتر اوووف شسويتي بيه سحب الثوب ولبسنياه بهدوء كال...شفتي شلون سترتج وما خليتج هيج كدامي وترجعين ودكولين تستغلني ولج بربوك اني يا يوم مستغلج همست بدلال...ما احبببببك رد بغرور...مو مهم المهم اني احببج ضحكت باستهزاء وهو خله وطلع وسحب ايدي وغسلي بره بالمغسله كال المستشفئ،بيها جراثيم لا انوب تتمرضين وانتي مناعتج مو قويه جاوبته...لا تصير حنين وهم اضل ما احبك رد ببرود...وهم ارجع وافشر عليج وانتي تكيفين مو فشار غزل عندج... رفعت اكتافي بعدم قبول...منحرف شسويلك باس،خدي...سويلي اغراءات همست...شكد منافق عاد هو لزم وجهي بعنف وبااااسني حييل وابتعد عني بارادته كال ببرود وخدر...شفتي المنافق شيسوي رديت بقهر...اي هي هاي سوالفك تبوس بيه وتحجي عليه جاةب بنفس البرود...شسوي،منافق مو بيدي اني لو اشوف بذيج الساعه جان ركعته باكبر جفجير علئ راسه كد ما دقاني بكلامه وبروده... ضلينه يومين علئ هل حال...هو زين ويايه وما عنده اي مشاكل ويايه وخالتي صبريه راحت وطلعت اربعين طفلتي اخوانها يسموها غزوله ويحبوها حييل واني اخاف عليها منهم لان هم اببد مو امان لان يلزموها ويسبحوها سواية من سبحوا الديج... اجتني وقار بصوت خايف كالت...هاي شام تريد تحجي وياج اني استغربت واخذت الموبايل من ايدها بس مدري شبيه خفت حييل واديه رجفت كلت ...الو هلو جاوبتني بهدوء...اهليين كيفك الحمد لله عسلامتك بلعت ريكي وجاوبتها بهدوء...تسلمين الله يسلمج كالت...ليه سميتي بنتك غزل لشووو ااه عقدت حواجبي باستغراب وجاوبتها...اءءء لان اخوانها رادوو هييج بس هي بالجنسيه هدار كالت بغضب. لا عاد تبرري انا بعرف ليش هيك سميتها لانو بدك ابوها ينسئ ان في غزل ماتت وانقتلت علئ ايد اخووكي لو كان عندك كرامه ولو شووي ما كنتي سميتي بنتك علئ اسم بنتي وياريت لو بتغيري الاسم لان هل اسم اسم بنتي وابوها ما بينساها لو خلفتي عشر بنات وكلون سميتيهن غزل ما بينساها ولا بيعوضوا عنها فهمتتتي سدت الموبايل بوجهي وخلتني فرت من قهري كالت وقار ...خير شكوو شتريد منج مسحت وجهي بتوتر ما تريد شئ،بس جاسر اجه لو بعده .. كلتلها...لا بعده هسه خابر كال بالطريق سكتت مجاوبتها وهو بس اجه واني انهرت حييل هو تخبل لزمني وعاط بيه كال....شبييج شبييج تخبلتي شكوو تصيحين عطت بي ...والله روح كل المرتك الي خافيها عني ودكول محرمه عليه وتجذب عليه ومستغفلني كلها لا تحتك بيه وخلي تعوفني بحالي حتئ علئ الطفله اجت حاسبتني شنو مسميتها علئ اسم بنتها تقبل بالله انت بهل كلام بس انت اكيد تقبل هاي ست الحسن والدلال قابل جولي الي ضاله ملطشه بيدك هو لزمني بعنف من اكتافي وهزني بغضب ...شنوو ملطشه وشنوو اقبل اشو انتي صايره كلش تتعيقلين ومتعجرفه ضحكت باستهزاء واني ابجي...اي اني اتعيقل لك اني يا يوم تعيقلت يا يوم تكبرت وتعجرفت دستوني كلكم برجلكم وسكتت ما حجيت شوف مثل ما هي مرتك اني مرتك وكلها خلي تحترم نفسها واذا مو كدها انت طلكني اني من حجيت هيج هو هجم عليه بس لزمته رضيه ضل يصيح ويغلط انوب فلش البيت ما اسمع بس التفليش وقار اخذتني الغرفتي واسمعه يخابر بشام وضل يصيح عليها وتجاوز عليها وخله وراح ضل كم يوم زعلان مني ولا حتئ يحجي ويايه واني كذلك لا احجي وياه ولا مهتمتله بس داخلي مكسوره حييل ومقهوره... ........................ جابر .. كاعدين بالبيت العصر ورى الغدة وكالعادة دنشرب جاي .. اندكت الباب خليت الاستكان وطلعت اشوف منو .. طلعت فتحت الباب واتفاجئ بيها سجى بنت المرحوم فلاح واخواتها .. جانت واكفة شايلة اختها الصغيرة على خصرها ومبينة تعبانة ووجهه مخرمش ولابسات ملابس بيت واخواتها حالتهم يرثى لها وتقهر . على عيونها نظرات توسل خذلان وحزن .. من اجت عيني بعينها نزلت اختها وكالت بنبرة مرتجفة ومتلعثمة شلووونك عمو جابر ... رديت عليها بصدمة : سجى ؟؟ هاي شصاير منو جابج ؟ كالت عفية عموو ممكن ادخل عندكم ؟ بس احجي وياكم حباب .. تحجي وتفرك باديها .. اني جنت مذهول من الموقف حتى مكتلها فووتي عبالي رأسا بقيت صافن .. على كلامها وتوسلها وعيت وخرت من فتحة الباب سويتلهن مجال وفاتن جوه تلاثتهن واني سديت الباب وصرت كدامهن .. تعالوا تفضلوا تفضلوا .. فتحت باب الاستقبال ودخلتهن جوة للصالة مكان ما امي امي وابوي كاعدين .. لمن شافوهم كاموا متفاجئين .. هيه سجى سلمت وهيه مدنكة السلام عليكم .. ردوا عليها وملامحهم باهتة .. او بالاحرى مذهوليين .. ابوي سألها هاا بوية خير ان شاءالله منو جاي وياكم .. هي دنكت واني رديت عليه بسرعة .. يابه جايين وحدهم ..موو جايين وحدكم ابوي حس اكو شي اشرلهم كعدوا بويه استريحوا .. هيه كعدت ع القنفة واخواتها بصفها مدنكة تعصر باديها وترجف .. سألها ابوي انتوا شون جيتوا وحدكم امج شون امنتكم بويه ؟ رفعت راسها وعيونهه كلها دموع .. جدو ماما هيه الي طردتنا ااقصد .. هيه كالت روحوا على عمامكم ماريدكم اني ماما تريد تتزوج جدو وخطيبها ميريدنه .. رد ابوي بعد حسرة .. لا حول ولا قوة الا بالله هاي شوون ام هااايه ؟ اكو ام هيج تسوي بضناهه زين شون خلتكم تطلعون من البيت وحدكم وانتن بنات ماخافت عليكم ماخافت الله بيكم ؟؟ كالت بخوف ونحيب...لا لا هي جابتنه هنا اجرت النه تكسي وذبتنه وراحت كتلها شوفي سجى هذا اول درس الج ، ترة امج مو خيرة وانت عفتي بيت جدج الي جنتي معززة مكرمة بينهم ورحتي ركضتي وراها وهيه باول موقف باول شخص تقدم الها عافتج انت واخواتج وانتي الي جنتي حاقدة على عمامج بسببها وتكولين ظلموها يله شوفي هسه منو المظلوم خلت ايدها على حلكها وظلت تبجي وتشهك واختها الصغيرة وكفت توخر ايدها من على حلكها وتمسح دموعهه عنهه .. كالت عمو اني والله ماريدكم تلوموني اني الي سويته غلط وهسه كلهم تخلوا عني حتى بيت جدي ميريدوني وماما تكول رجعوا لعمامكم وتضرب بينا وتأذينه واني محتارة ماادري وين اروح ووين اودي خواتي كاللها ابوي ليش محتارة بويه بيت ابوج مفتوح الج بيت جدج مهيوب رباج وانتي صغيرة يحتويج انتي واخواتج ومحد يتخلى عنج شون يصير هالحجي ! لا جدو الله يخليك والله عمو جاسر متحلف بيه ماريد ارجع لبيتهم اخاف والله اخاف والله تعبت من الضرب ياهو الي يلزمني يضرب بيه عفية لا تكلوله اني هسه عندكم خاف يجي يضربني كاللها لا بويه لا جاسر وعمامج لازم يعرفون انتي مسؤؤليتهم كامت على حيلها تفرك باديها وترجف بعد شويه وتوكع وتتبجي وتتوسل الله يخليك جدو لا تكوله والله يموتني موو كتلك اني هو متحلف بيه الله عليك الله يخليك .. راحت يمها امي لزمتها من جتفها تهدي بيها وابوي من شافهه هيج ظل يطمن بيها هذا هو بوويه ماراح اكل لجاسر لا تخافين وبعدين وجه كلامه لامي ام جابر اخذي البنات صبي الهن اكل خاف جوعانات وخلي سجى ترتاح بغرفة ريهام باوعت لابويه ودموعها على خدها يعني مراح تخابر عمو جاسر وتكوله احنه هنا ؟ جاوبها بهدوء روحي ارتاحي بويه رووحي ولا تخافين .. اخذتهم امي وراحن .. تقربت من ابوي وسألته بصوت هامس ها يابه شراح نسوي هسه ؟؟ رد لازم نخبر عمامها مايصير نضم عليهم هيه مسؤؤليتهم يا بويه ... ............................ وقار ... كعدنا الصبح اليوم متفقين نروح لزيارة الامام الكاظم ، نزور الطفلة .. تحضرنا كلنا وروضي ومشمش خبلوني يردون يلبسون على ذوقهم ... طلعت نص الكنتور يله عجبهم .. ساعدت جوليت وبدلت للطفلة وخليتها بحضن ماما رضية واني رحت لبست .. كعد جاسر شافنه متحضرين احنه كلناله قبل يوم حنروح .. ظل يباوع لجوليت بحسرة ، هيه لمن سمعت صوته تنفست بعمق وعضت على شفايفها ... وبعدها طلع محفظته وانطانه فلوس ووصى على الجهال وعلى جولي وراح وهو يلتفت عليها يباوع الى ان طلع من الباب ووصاني اقفل البوب ورايه .. اني شلت الطفلة ولزمت جوليت من ايدها ، وماما رضية لزمت روضي ومشمش وطلعنه من البيت وكفت جوليت على صفحة وانطيتها الطفلة شالتها على ما قفلت باب الشارع .. باوعت اله من بعيد شفته لحد الان بعده ما رايح رجع علينه وضل يحجي ويه جولي بس ما سمعت كلامهن بس هو جان يحجي وياها بهمه وهي بس تهز براسها... بعدها عدل حجابها وطلع فلوس وخلاهن بيدها وعي لحد الان تحجي وياه رجع علينه كال...والله لو ما عندي شغل جان اني اخذتكم بس عندي شغل ودزوا عليه كال..عود دعولنه ضحكت جولييت...ادلل راح ندعي عليك وبعدها صعدنا بالسيارة وانطلقت بينا للامام الكاظم .. اخذت جولييت اني زورتها لان متشوق وماما رضيه والاطفال ضلوا بره بالصحن زرنه اني وياها جان ازدحام كووولش قوي صادف يوم اربعاء والزياره ضخمه كعدنه اني وياها برا بالصحن نصلي وماما رضيه كالت راح اروح ازور الطفله واجي وبعدين اخذ التوم ازورهم... هي راحت وجولي وكفت تصلي،ومرتضئ يبجي يريد يروح للحمامات كلتلها جولي راح اخذ مرتضئ للحمامات هي جانت تكبر ما حاجتني ولا جاوبتني اني،بعد موتوني اخذتهم ورحت جان ازدحام علئ الحمامات نزعتهم وبعدها غسلت الهم وطلعنه توضيت من جديد رجعت للمكان ما لكيت بس رضيه والطفله تقربت منها كلتلها بتساءل...وين جولي كالت بخووف...غير وياج خليتها يمج انخطف لوني وبخوف جاوبتها...ياااا عزاا وين راحت عفتها هنا والله رحنه نركض واحنه ندور من نص النسوان ماكو قص ملح وذاب طلعنه للمناداة ناديه باسمها ماكوو تقريبا ساعتين ندور وماكو عاد اني تخبلت وماما رضيه ضلت تلطم ..يمه بنيتي جولي يمه شلون ارجع وانتي ماكو يمه شكل لرجلج الدهر صابني كوون نهاية البارت...يتبع كونوا انتم كونوا بخير...احبكم 💔 نور سمو العراق 😘 لا تنسوا التصويت والمشاركه احبتي بكم نكتمل🌹 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
