آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
23-06-20, 12:14 AM
| #11 | ||||||||
| مراقبة عامة ومشرفة منتدى الروايات المنقولة  
|  #برائتي_وجبروتك بقلمي #نور الشمري #البارت_الثامن Noor336 #رفيف الحب يا ولدي حنان الأم في الكبد يزقزق في جوانحها كنغمة طائرٍ غرد يطل على نواظرها بريقاً رائعٍ الوَقد زرعتَ النورَ في عَيْني زرعت الخوفَ في سَهدي بنوتُكَ التي سطعتْ أفانينٌ من الرغدِ ضي : كعدت الصبح واصلا ما نمت اليل كله فكر تاخذني وفكر اجيبني الخوف محتل داخلي كليا ماعرف نهايتي شنو عمو بكر والمحامي يطمنون بيه بس خايفه خايفه يصير شي ما حاسبيله حساب اخاف اشهب يعاند ويسوي شي لان صرت اعرفه بس يريد يذلني حسيت ام زهره كعدت بصفي وهي تمسح ع راسي - شبيج يمه دكولي يالله وكومي كومي خل ناكل اللكمه الاخير وياج هههه - هههه منو يكول ضربتني ع راسي وهي تحجي - دتتفائلي بالله خير والثول كومي والله اذا رجعتي ماطببج واشد واصف ويه ختام واعوفج - هههههه لالا خلص كلشي ولا اصفين ويه ختام كايمه كمت وياها وليلى تباوعلي وتنزل رأسها همست واني اباوع لها - شعدج احجي ههههه - ياا شعرفج اي شوفي لعد انتي لحيتي عليه احجي - ياا اي عمي اني لحيت احجي شعدج - اريدج من اطلعين تباوعين للشمس ها لا مو الشمس للقمر وتسلمين عليه وتكوليله هذه السلام من ليلى وترجعين توكفين بنص الشارع واصيحين ياشوارع بغداد ليلى اسلم عليكمم وكل الي شوفي تعرفي ماتعرفي سلميلي عليه ههههههه - تدللين بعد اي طلبات ست ليلى - امممم اي ترحين لكهرمانه لان احبها هوووواي ام ليلى : ليله بطلي شقه ولج - لالا صدوك اشاقه مو اصدكين بس شوفي كل ما تباوعين للقمر اذكريني ممكن - ههههه اكيددد - وو - شنوو - واذا رحتي للنجف سئلي ع قبر مسره وين وزوري وسلميلي عليها هوووواي - حسيت دموعي لمعت بعيني هزيت راسي وهمست ان شاءالله يلا لج راح ابجي وخاله ام زهره اصيح علينا اسكتي - اي اي ههههه خلصت اكل وشفت الساعه مابقه شي مشيت بدلت ملابسي وشديت شعري ذيل حصان وباوعت ع البنات ونزلت دموعي شبكت ليلى وصرت ابجي - راح اشتاقلج هوواي - دفعته واني اباوع لها نجبي منو يكول اطلع يجوز ارجع الجن حجيتها واني مدنكه وكلبي يوجعني اريد اطلع وماريد افاركهن ضربتني ليلى وهي اصيح - غير ارجعج للنجف والله انجبي وهسه بس اطلعين منا نكعد انصلي الج وندعيلج كون نفتك منج وماترجعيلنا - ماعرف ابجي لو اضحك شبكتها وشبكت ام زهره ودعتهن وودعت البنات واني دموعي بعيني ماعرف اذا راح ارجع لو لا طلعت صارت ناديه كدامي همست واني اباوع لها - ناديه ماعرف اذا راح ارجع لو لا بس اريد تبريلي الذمه لان مرات حجيت عليج هههه - دروحي اني ماصدك اطلعن واخلص منجن تردين ترجعين درب السد ميرد هههههه الله وياج ومبريه الذمه سلمت عليها وع البنات الشرطيات صح اذني بس هذه شغلهن وواجبهن طلعت وصار رامي كدامي ماباوعتله ولا اهتميت اله كأنما ما موجود طلعتني الشرطيه وهي تحجي وياي ركبتني بسياره وركبت بصفي وشويه وركب رامي استغفرت الله ودرت وجهي عنه باوعت ع السجن - مااتمنه ارجعلك ابد لان الي شفته حيل اذاني برغم من علمني هواي أمور وخلاني أقوى وأقوى من قبل كل هذا بفضلك يا سجني ماريد ارجع لنفس الايام الي ماصدكت خلصت منه عذاب بتعذيب بتهامات بكل انواع الذل إلي ممكن يشوفه الشخص هواي أمور عشتهن بهل الاربع أشهر وحسيت موتي بيهن حسيت السياره مشت واني صافنه افكر ماريد ارجع بعد يالله دخيلك لا ترجعني ع هذا المكان اريد ابقه بحضن امي واطفالي ياللهي واني صافنه حسيت الضابط رامي يحجي وياي درت وجهي عليه بستفهام وجاوبته تحجي وياي مسح ع لحيته وباوعلي بغضب - ست ضيي احترمي شويه ترا مو اخوج اني وتحجين وياي هيج - لا والله صدك اصلا ماشرف بهيج اخ كاذب مخادع - استغفر الله يالله واتوب اليك مانخلصص يعني شوفي ماعندكم دليل كافي لهذا فكرت ا - لالا ماقصرت كفيت ووفيت تسلم ما محتاجه مساعدتك عمو بكر موجود وبابا والمحامي ومراح يقصرون وياي بس اطلع منها انت وبعدين منو كال ماعدي دليل عدي وبالمحكمه اشوفه حجيت كلماتي ودرت وجهي وبقيت الطريق كله ساكته لحد ما وصلنا اول مادخلت المحكمه والكلبشاتت بديه احس الناس كلهه تباوعلي اكثر موقف كرهة نفسي بي اكثر موقف حسيت روحي وحده مجرمه من نضرات الناس الي واني اديه مكلبشه والشرطيه كامشتني وكفتني كدام غرفه دقايق وطبو اهلي بابا وماما وعمو بكر والمحامي وحتى عمو احمد شكد مشتاقتلكم كلهمم ردت اروح واشبكهم بس مكدرت أتقدم المحامي وصار يحجي ويه رامي خمس دقايق وبعدها صاح ع الشرطيه - خلي أهلها يشوفوها بس هنا حضرت المحامي - اي اكيد ركضت ع امي شبكتها وصرت ابجي وهي حاضنتي وتمسح ع شعري وتحجي وتبجي - هذاهو يمه هذاهو خلص انشاءالله خلص بس هل كم ساعه وترجعين بحظني بجيت واني اسمع كلماتها اذا اني الجبيره هيج مشتاقه الأمي أطفالي شنو حالهم لعد هسه شنو وضعهم شكد تمنيت يكونون موجودين بس مايعرفون اكيد شلون يجون للمحكمه شويه ودخلنا لجوه بس الي صدمني اشهب لحد لان ماكو وهذا زاد خوفي خفتت كلش خفت لا يكون مخطط لشي ربي دخيلك برحمتك اني ياللهي يمكن دقايق وطب اشهب وراه الضابط ابن عمه أكرم وبعد شاب اعرفه صديق أسد هم جنت اشوفه من يجينا لو بصور أسد مرات دخل اشهب لابس روب المحاماه وعلامات البرود ع وجهه ماعرف مكدرت افسر شنو الي يدور بباله من ملامحه انتبهت كعدو الضابط وصديق أسد واشهب اخذ مكانه دخل القاضي نفسه مالتي إلى حاكمني قبل أربع أشهر باوع عليه وهمس - شلونج جاهزه - هزيت راسي اي باوعت ع نفسي نفس المكان الي وكفت بي قبل أربع أشهر ونفس اللقطاط انعادت عليه قسمت ع القرآن وبعدها بلشت الجلسه والقاضي بلش يحجي وهو يباوع ويحجي وبعد معاناه هواي من الحجي والأقوال كال حضرة المحامي زيد تفضل تكدر تحجي - شكرا سيدي سيدي موكلتي انسجنت حسب الادله والشكوى إلى انبنت من طرف اهل المقتول الادله كانت تشمل بصماتها ع السلاح و الشهاده إلى قدمها جوارينهم بنسبه للشهاده هذا ماتعتبر شهاده لان ما حظر الجريمه أمام عينه وماشافها وهي تقتله صح المهم ان هي مو شهاده كافيه بنسبه للسلاح سيدي اكدر استدعى الضابط أكرم ع منصه الاستجواب - تفضل - شكرا سيدي بقيت اباوع عليهم المحامي مالتي جان مسيطر كليا وكانما يعرف النصر بصفه واشهب اشهب كاعد وصافن ببرود كلششش بروده قتلني وخوفني ولا كأنما كام أكرم وحسب خبرتي جان مبين عليه الخوف ع ملامحه بس ليش خايف ماعرف وكف وهو يباوع ع المحامي مالتي والمحامي ماقصر وياه انتبهت عليه وهو يحاجي - استاذ أكرم انت الي كنت حاضر بمكان الجريمة وجمعت كل الادله صح - صح - تمام راح اسئلك سؤال واحد بس واجابته يا اما اي او لا ... السلاح إلي كان عليه بصمات موكلتي ضي والي ع اساس ان انقتل بي السيد أسد كان بي طلقات من أخذته من مسرح الجريمه - ااا كمشته وأخذته للجنائيه ما - كاااان بي طلقات او لااااا حضرة الضابط جاوبني - لااا الحمدالله يالله اتنفست واني اباوع عليه ابتسم المحامي مالتي ودار وجهه ع القاضي وهو يحجي بس قبل هذا كله شدني اكثر برود اشهب إلي لحد لان ماعترض او خالف او حجه شي بس ملامحه ممبين عليه اي غضب لا بالعكس هادئ وبارد رجعت ع صوت المحامي وهو يحجي - اذا سيدي السلاح إلي انقتل بي السيد أسد علي محمد مو نفسه السلاح إلي عليه بصمات موكلتي ضي إلي هو بالأصل سلاح السيد أسد واكبر دليل ان السلاح فاااارغ والطلقات كاملات وموجودات بالقاصه إلي بالبيت وهذني عددهن ونوعيتهن والسلاح موجود تفضل سيدي اما الطلقه إليي انضرب بيها السيد أسد للأسف مانعرف خبرها لكن الضابط أكرم ما مشه بجرائات الجنائيه الكامله حضرت الضابط مثلا تفضل هذا -انتبهت عليه قدم للقاضي شي صغير ملفوف بضرف فتحه القاضي وبقه صافن رجع قدم أوراق وحجه - وهذا الظرف الفارغ (الغلاف الخارجي للطلقه)وهذا تابعه للطلقه إلي انضرب بيها السيد أسد سيدي ومعناها تختلف عن الطلقات إلموجوده كدامكم إلي تابعه للسلاح إلي عليه بصمات موكلتي وهذا الأوراق تثبت صحت كلامي احب اسئل الضابط أكرم - شلون حققت وفتشت مسرح الجريمه حضرة الضابط وانت الدليل كدام عيونك او بالأحرى نكدر نكول تم التغليس عليه ها - مو هيج اني اخذت السلاح وطلعت وتركت ضابط الجنايات بمكاني - وضابط الجنائي يكول السيد أكرم اخذ كلشي مني بعدها - اي صح وما كان موجود غير السلاح وتقرير البصمات وأشياء عاديه - تدري وين لكيته هذا استاذ أكرم لكيته بضبططط ويه السلاح من رحت أخذه مضموم تحت الملف مال القضيه - شلووون ويه السلاح لا مستحيل خل اكمل استاذ أكرم هذا نص الادله سيدي وغير التهديد إلي وصل موكلتي وهي بسجن الابن خالتها إلي كان شاهد ع أن السيد أسد مهدد قبل أن يتم قتله وهذه التهديد - بقيت صافنه المحامي منين جاب الصوره اني تركتها عد رامي درت وجهي عليه شفته يباوعولي مبتسم درته منه واني صافنه شنو هاي يالله معقوله راح اطلع لان كلشي خلص - سيدي وغير هذا الياس مختفي من بعد التهديد ومامعروف اصلا َ وين راح واصدقاء المرحوم إلي كانون وياه طلعو خارج العراق بنفس الليله وواربعتهم بس ما معروف وين وكل هذا يدل ع برائة موكلتي سيدي لان ماكو شي يثبت اتهامها بعد باوعت ع القاضي باوع ع الأوراق والادله إلى كدامه ورجع باوع ع اشهب وهمس - سيد اشهب عدك شي تقوله قبل اعلان الحكم - نعم سيدي خفت باوعتله بخوف واني ماعرف شنو الي يريده وكف وتقدم خطوتين وهو يكول - سيدي حسب كل الادله إلموجوده ثبت برائت السيده ضي وحسب هذا الشي فأنا القاتل لحد لان مجهول وكل شي مجهول ومامعروف منو وراه حتى وجود الظرف الفارغ فجئه ويه السلاح شي غريب لكن حسب الإمكانية إلي عدي لان اني المسؤل عن القضيه من طرف عائلة السيد أسد والشكوى إلى قدمها ابو صاحبي السيد عليي محمد و َالصلاحيه إلي اطانياها ابو أسد اني اسحب الشكوى سيدي وماكو بعد اي دليل ضدها للسيد ضي وشكرا - حسيتها صدمه ويه كل كلمه يكوله جانت صدمه إلي ضحكت واني اباوع ع أهلي ممصدكه باوعت ع اشهب بصدمه خلص كلامه ورجع لمكانه والق اضي بده يعلن الحكم ويه كل كلمه ينطقها القاضي تنزل دموعي وضحكتي المرسوم ع خدي واخيررررا واخيررررا احس الكلمات كامت ترن ببالي فان السيده ضي موسى بريئه من جميع التهم وتم البرائه لها حسب قانون () اخر صوت وصل الاذني هي هذه الكلمات وصوت اعلان نهاية الجلسه حسيت بنصر عضيمم مو طبيعي ومن الفرح فقدت الوعي ومادري بروحي فزيت واني بحضن امي ضحكت وامي ممصدكه شبكة امي وصرت ابجي وهي تبجي وياي ماعرف اذا كانت دموع فرح لو دموع حزني ع أسد إلى مكدرت أحزن عليه حالي حال باقي الزوجات بسهوله وكفت واني فرحانه شبكت بابا وصرت ابجي وهو يطمن بيه ويباركلي وعمو بكر واكف ع صفحه فرحان شبكته - عموو شلوون شلوون كدرتو اسوون كل هذا بهل الكم يوم ماصدك والله ماصدك اااه يالله عمو احبك احبك - هههه حبيبتي كم ضي عدنا تدللين - بس شلون كدرت تقنع اشهب - سالفه طويله نرجع للبيت ونحجي يلا حبيبتي الضابط يريدنا نخلص كم شغله مطلوبه ونرجع للبيت هزيت راسي ومشيت ويه عمو بكر والمحامي خلصنا كلشي وكالو العصر تكدرون تاخذوها باوعت بخوف ع عمو هز براسه ان هذا التوجيهات وعلمود تخلصين كل شي مطلوب هزيت راسي ورجعت وياهم خلصت كلشي ماعرف شنو بس المهم خلصت وأخذت غراضي من السجن ودعت البنات مرة الثانيه ليلى وأم زهره وكلهم حتى ختام وتركتهم وهن يهلهلن وراي واني دموعي تنزل طلعت واني الفرح مرسم ع وجهي صار الضابط رامي كدامي درت وجهيي وردت اكمل بس وكفني - اعتذر كلشش منج وكلش فرحان لان طلعت برائتج وان شاءالله اخر الاحزان خلص كلماته وتركني وراح طلعت صار بابا وعمو بكر كدامي تنفست الحريه وأخير طلعت من هذا السجن بدون قيود ركضت الهم واني ممصدكه احس روحي مثل الطير يريد بس يطير ويحلق فووك من نحبس طير بالقفص سنين وبعدها نفتحها الباب شلون يضل حاير شلون يطير من الفرحه هيج احساسي جان ماعرف شنو اسوي من الفرحه بس اول شي خطر ع بالي أسد باجر اطلع للنجف وازوره ولو ما يأخذنا الليل جان رحت هسه بس اخاف ع عمو وبابا طلعنا واني اباوع ع الشارع يكول صالي ٤ سنوات مو اربع أشهر الله يساعد ام زهره وليلى والبنات والله لا يحرمهن هاي الفرحه اخذت الطريق كله صافنه واذكر حياتي شلون جانت شلون جنت سعيده وكل يوم اطلع ويه الجهال للحديقه يلعبون واني التقي يا بساره لو بصديقتي ونبقه سوالف وضحك ومرات نتعشه برا إذا أسد مو بالبيت ومرات لا خلصت الطريق صفنات وابتسامه حزينه وصلنا لبيت اهلي و اني الدمعه بعيني باوعت ع عمو بكر وهمست اريد اروح لبيتي بعدني ممخلصه كلمتي جان بابا يعيط - وين موليه كعدي واسكتي لا تخليني اعصب عليج فوتي يلااا - باباا شبيكك اريد اروح اجيب ملابس وغراض مابقه بهذني إلي جانن بسجنن واجيب غراض أطفالي - استغفر الله بويه فوتي فوتييي لا تفضحنا بنص الشارع - خويه شبيك ع كيفك شحجت هسه هي وانت استلمتها - بكررر لا تدخل انت عفتهم و طبيت جوه بابا ماعرف شبي احسه متغير حييل دخلت وصارت امي كدامي وبيبي ومرت عمي ركضت لأمي واني احضنها افيششش يا يمه شكد مشتاقه لريحتج والحنانج يممه ماريد ابتعد عنج بعد والله ماكدر اعيش وحدي - اششش وين ترحين تبقين بحضني محد ياخذج خلصص يمه كابوس وراح ابتسمت وحضنت بيبي واني الدمعه بعيني وهي شبكتني وتبجي ابتعدت عنها واني اسلم ع جدو وعمو احمد صارت مرت عمي أحمد كدامي عفتها ودخلت لو ما هي ما جان اشهب كدر ياخذ الأطفال دخلت وضليت بحظن امي ما اكوم وهم يسولفون وكفت واني اهمس بابا يلا خل نروح نجيب ليث وقمر مشتاقتلهم هوواي - استغفرالله بتي كعدي باجر اخذج - شنوو باجر بابا شبيكككك باجر شنو لا تخبلوني أطفالي صالي ٤ أشهر ما شايفتهممم بعيده عنهممم وهسه تكلولي باجرر احجي بكل حركة أعصاب وانهيار جان مرت عمي تحجي وهي كاعد - اي شبيج صبرتي كل هاي الاربع أشهر صبري لباجر لحد ما - اشششششش ولا كلمه وكفت بوجهه واني اباوع عليهاا ولا كلمه فاهمه كله منجج كله منجج لو ما انتي جان أطفالي هسه هنااا عد اميي مو عد الغريببب هاي هايي الامانه من طلعت وامنتهم عدج هذا الامانه يا مرت عميي - لج شو صايره السااان ايي طبعاا من عاشر قوم صاحبتي السجينات وصرتي خريجة سجون شتوقع منجج بعدددد اكيد السانج يصيرر الس بكر : ام خديجهههه ضبي السانج واحجي ويه بت اخوي بحترااااام احمد : بكرر مالك دخل بمرتي ماشفته شلون اصيح ع الأكبر منها ما تلام بيها - الله الله شنو هاي خويه صفيت ويه مرتك ع هلمضلومه شوفو و والله إلى يفتح حلكهه ويه ضي مايلوم غير نفسه وهل الكلام موجهه للكل جان صوتهم عالي عمو بكر يصيح من جهه وعمو احمد من جهه ومرت عمي ما تسكت وبس تحرض باعمي احمد نزلت ادموعي واني اباوع عليهم كل هذا بسببي حسيت بابا كعد وأيده ع راسه ويستغفر وامي تهدي بي وجدو يصيح بيهم يسكتون ماحسيت غير شي انكسررر اباوع جدو كاسر المزهريه إلي ع الميز إلى بصفه الكل سكتو وهو وكف يباوع عليهم أتقدم وهز راسه وكال - عفييه عفيه بولدي هيج اري دكم ممالخ واحد يكتل الثاني عفييه هاي جزات التعب بيكم والتربيه تتعاركون كدامي ولكم ماعندكم مستحه مو اني واكف شنو انتم شوف احمد ادب مرتك احسلك صح هي بت اخوي بس ما متربيه لو متربيه ما تحجي هلحجي لبت حماها وانت لو بيك خير جان سكتتها مو خليتها تدفع بيك عرباااانه - بويه شنقصصصه -انجبببب لكك اكعد يلا اكعدد وانتي هم كعدي وانت بكر عود العاقل انت الصغير الي اكول عليه يشبهني تالي تصيح وتريد تضرب اخوك الجبير - بويه ماشفته شلون - انجبببب مهما يكن يبقه أخيك الجبير وانت يا بجري عود معتمد عليك اشوفك كاعد واخوتك واحد يمالخ الثاني - ماشفته شلون يصيحون فشلوناا كدام الجوا - مووووسى راح اغلط عليك خليني محترمك وابني الجبير ماهينك كدامهم اي كعدوو كلكم عدي حجي وياكم كومي بعد جدج ضي تعاي شتردين بويه - اريد اروح اجيب أولادي جدي اريد اشوفهم مشتاقتلهم حجيت وكمشتني العبره جان بابا يصيح - ماكو رووحه باجر نكعد اني وعمامج وعمامي وانفض السالفه روحه لبيت ذاك الحقير ماكووو وعود باجر شوفيهم - بس يا با سكتني جدي وهو يحط ايده ع متني ويهز براسه مثل متردين بنتي ولا يهمج - بويه بكر : بويه اني أخذها روحي حضري روحج ضي واني اصعد اسبح ونطلع ابتسمت واني فرحانه باوعت ع جدي هزلي راسه ركضت لفوك فرحانه ممصدكه مسحت دموعي ودخلت سبحت احس روحي صالي ٤ أشهر ما سابحه احس روحي وصخههه جلفت روحي لحد ماصار جسمي احمرر طلعت واني لافه شعري لبست بنطرون اسود وقميص اسود من امي لان اني وياها نتلابس وهي ضعيفه وطويله هم رفعت شعري كبايه ونزلت اركض شفت عمو بكر كاعد وهم يحجون ردت ادخل كمشتني امي - تعاي عدي حجي وياج - شنوو ماما - يوم عوفي السالفه الأباجر هذا واحد - يوووم لو انتي بمكاني تتحملين هااا مو انتي ام وتعرفين شعوري - يمه اعرف والله وحاسه بيج بس يا يمه ما يفيد ما يفيد مايطيجاهم هذا ابن الحرام الله لا يوفقه - يووم اعرف ما يطينياهم بس اريد اشوفهم اشبكهم اشمهم وعمو بكر وعدني يرجعهم إلي - اووف يا يمه لو تدرين احنى ليش مانريد ترحين جان اتفهمتي الوضع - ماريد افهم اي شي اريد اشوف أولادي وبسس وعود باجر جيبولياهم بس هسه اريد اشبكهم واشمهم يمممه - سوده عليه يا روحي انتي اخذتني بحضنها وهي تهدي بيه وتهمس كافي يمه هذهو روحي مثل ما تردين بس ديري بالج تجين تبجين اذا سمعتي شي - يوم شكو خوفتيني - ماكو شي يمه بس ابو أسد هناك - ابتسمت واني اباوعله يوم عمو هناك صدوك لعد اكيد ماراح يحرمني منهم - بنيتي كاعد تحجي امي ودخل عمو بكر وقطعها وهو يكول - يلا خانم يلا نروح للامراء - هههه اي ايي يلاا وكفت واني اضحك احس الكاع ما شايلتني من الفرحه وصلت لباب المطبخ ورجعت شبكت امي ااااف شكد مشتاقتلج - دمشي امشي اشوفج فكرتي بيه اول ما دخلتي صحتي جهالي - ههههه انتي ام وتعرفين بعد لا تحجين هيج - روحي يمه مودعه بالله طلعت وركبت ويه عمو بكر طلعنا كبل للبيت اشهب باوعتله مستغرب تندل البيت عمو باوعلي بنص عين وهو يسوق - مستهينه بيه شو انتي شنو اندل غير سويت هذا الطريق زلاطه البارحه بس لخاطرج - ياا ليش - بعدين هسه المهم اشوفين الأمراء هسه - شفتهم انت شلونهم - اي شفتهم هسه اشوفيهم وتعرفين بعدين تعاي شنو هذا الأثر إلى بكصتج - تلمست كصتي واني مبتسمه واذكره كلام ليلى بعدين اسولفلك يلا سوق وانتي عينك ع الشارع باوعت ع الطريق واذكرت شكد جنت اروح وارد بهذا الطريق ويه أسد هههه اول ما وصلنا ماصدكت ومن فرحي وشوقي الأطفالي و قبل لا يصف السياره فتحت الباب ونزلت اركض وهو يصيح - لجج بت العسل مو هيج لاا يا ههههههه دكيت الباب حيل واني بس اريد احد يفتحها سمعت صوت بنيه تحجي منوو عرفتها اسيل صحت واني وره الباب لج اسييييل فتحي هاي انيي - يمممه ضيووو فتحت الباب وشبكتني وهي تبجي ولج طلعتي وحق الله لو ما بشارع جان هلهلت فوتي فوتي عفتها وطبيت اركض لجوره اول مادخلت للمطبخ صارت حنان كبالي باوعتلي وكالت - شلونج الحمدالله ع السلامه ههه شلونه السجن اسيل : حنااااان اذا مسكتين اكول الاشهب بس يجي والله - يمه خوفتني ليش هو من دخلها غير اخوج وحده مجرمه شتتوقعين منها - لج حنااااان والله اليوم اني اعلمج صحت اسيلل اوكفييي شبيج وين ليث وقمر اريدهمم اريد اشوفهم فدووووه - يااا ماتدرين راحو ويه اشهب وعمو علي - ليش وين راحو حجيتها بخوف واني اباوع عليه - راحو يجهزون كلشي لان بعد يومين نروح الاربيل - أربيل وليث وقمر شدخلهم - شنو شدخلهم ضي ماتدرين احنى راح اشهب : اسيللل روحي شوفي امي - اشهب اجيت - اسييييل باوعتله بغضب ومشيت اباوع عمو بكر ماكو وين راح وكفت بوجهه ورفعت اصبعي بتهديد اريد اطفاليييي وينهممم - بره يم عمج وجدهم الحمدالله ع السلامه يا بريئتنا - اشهبببب حجيتها واني صاكه ع سنوني بس وقفني صوت ليث وهو يصيح مامااا ركضت عليه واني اشبكه حبيبي ياروح امك وقلبها يا روحي افيششششش شكد مشتاقتلك يروحي انت شلته وصرت افر بي وابوس ماعرف شسوي صرت ابوس واشم بي مثل المخبله وهو يضحك ويشبكني حيل حسيت ع وحده كمشت قميصي وصوت شهكات درت وجهي قمر - حبيبتي قمرتي اااخ ربييي الحمدالله ماحرمتني منهم اخذتهم بحضني اثنهن وشبكتهم وصرت ابجي وابوس بيهم وهم حاضنين اقوه بعد واني ابجي وكامشتهم قوي اخاف ياخذهم مني حسيت ع واحد يصيح يالله رفعت راسي ابو أسد وكفت واني ابوس ليث وقمر وأهمس باذانهم - انتضروني اسلم ع جدو وارجعلكم - عمو - شلونج ام ليث - الحمدالله هسه صرت زينه - فرحت لان برائتج طلعت بس هذا ما يعني ان لهنا وخلص - مافهمت عمو شنو قصدك بكر : عم علي باجر اني واخوتي والوالد وعمامي بإذن الله يمكم ونتفق ع هذا الشي وتحجي علمود الأطفال و - الأطفال ماعدكم أطفال عدنا احفاذي عدي يتربون جنت انتضر اشهب يخلص القضيه ونطلع الاربيل ونربيهم - عم علي كلنا نحجي باجر كعدت زلم مو وكت هذا الكلام مووو وضي جايه اشوف أطفالها اعتقد ما تمنعها وهذا حقها - لا ليش نمنعها من حقها اكيد بقيت صافنه ع حجيهم انتبهت ع اشهب حاط اديه بجيوبه وواكف ببرود ومتجي ع الحايط شكد جنت ما ارتاحله بس مكرهته ابد بس هسه اكرهه موت اشوف دم سنوني ولا اشوفه هل العار هذا شبكت أطفالي ونزلت دموعي وخرت قمر عني وهي تباوع للباب - ماما وين بابا مو ع اساس تجون سوه دنكت واني ماعرف شنو اكول حسيت ع ايد ليث مشت ع كصتي وهو يهمس باذني - منو ضاربج بس كولي والله اروح اموته وارجع اني ابن الأسد محد يخوفني نزلت دموعي واني ماعرف شنو ارد ع أسئلتهم دنكت وضليت حايره اخذتهم بحضني وضليت بعشر دقايق اني حاضنتهم وابجي وهم مستغربين حسيت ع أدين ليث تمسح ع ضهري وهو يهمس باذني - اني يمج ماما لا تخافين بس بابا وين وليش لابسه اسود وعيونج سود هم وشنو هذا الي بكصتج كولي ماما مو اني الرجال مالتكم ابتعدت عنه واني امسح بدموعي حبيبي مابيه شي بعدين نحجي بكل هذا هسه خل اشبع منكم مشتاقتلكم همست بإذن ليث واني اباوع ع اشهب - حبيبي اكو احد ياذيكم مرتاحين - لا ماما محد بس تدرين ماحب هذا الوحش شوكت نرجع نفس قبل - كمشت دموعي حسيت عمو بكر نقذني وهو ياخذ ليث مني ويحاجي - ها حبيبي شحجينا احنه مو كل ما تصبرون كل ما ازيد المفاجئات - ماريد مفاجئات عمو اريد ارجع مثل قبل بين بابا وماما -تعال ليوثي ماماتي كولي تريد تجي وياي - ايييي اكيددددد اشهب : عمي شتكول انت نخليها رفعت راسي ع اشهب وباوعتله بغضب رجعت باوعت ع عمي واني اتوسله بعيوني مايحرمني من أطفالي هو باوع ع اشهب وهز راسه وهمس - اشهب شوفي ام ليث احفاذي بعد يومين أخذهم وارجع الاربيل واشهب راح يجي وياي ونربيهم سوه اعتقد سمعتي هذا من دخلت كتلج اشهب انتضر لحد ما تخلص القضيه وهو عده بيت باربيل جبير والبيت باسم أسد واشهب وراح تعيش بي اني واحفاذي واشهب اذا حابه تجيني اهلا وسهلا اشهب : عمييي شتكول شنوو تجييي - أنجب اني الجبير هنا واني الحجي لا تقاطعني اي بتي واذا حابه اضلين يم اهلج ماعدنا مانع وشوكت ما يعجبج تجين تشوفين أطفالج مانمنعج هذا حقج بس مال تأخذيهم واضلين ببيت اهلج لااا هاي انسيه - باوعتله ودموعي بعيني وهمست بس يا عمو احنى - فكري زين ورديلي الخبر باجر من يجون الزلم ونكعد كعده محترمه وهسه اخذي الأطفال خليهم يمج ع ما يخلص اشهب كلشي بهل يومين واخذهم منج باوعت ع عمو بكر غمض عيونه بمعنى سايريهم باوعتله برفض بس مابيدي شي سكتت وباوعت عليهم رجعت الهم وهمست الهم - يللا روحو جيبو غراضكم خل نروح قمر : هييييييي ليث: صدوك ماما - اي حبيبي صدك يلااا راحو يركضون واني ضليت واكفه حسيت ع حنان تهز بيده وتضحك باوعتله بخزره جان تدور وجهه هاي شكد ما تستحي يعني طالعه هيج واكو رجال غريب عشتوو شعليه اني عفتها بس شغل بالي كلامهم والكعده والبيت إلى باربيل ماعرف عنه شي من شوكت هذا البيت عدهم طلعو الجهال يركضون فرحانين جلبو بيه اخذتهم وطلعت للسياره واني كلساع ابوس بيهم وهم يضحكون وياي رجعنا للبيت واني الفرحه ما ساعيتني دخلت وأهلي مستغربين يباوعولي وفرحانين بنفس الوقت بقيت نايمه بحضن امي وجهالي بحضني ماريد ابتعد عنهم للحظه وحده وكلساع ادنك ابوسهم نامو بحضني وهم حاضنين حيل عبالك اريد اشرد واني هم ممصدك نايمه واطفالي بحضني واني بحضن امي غفيت واني مرتاحه لأول مره من موتت أسد لحد لان اسيل : كعدت ع صوت صياح اشهب وهو يصيح ويغلط ع حنان لان ما كعدته من وكت وعده قضيه اف هاي البنيه ولا بيها خير بس نوم واكل جنها بقره حته البقره نستفاد منها من تطينا حليب هاي كلشي ماكو طلعت واني الف بالكفشه مالتي صار يوسف كدامي - هاولك شمكعدك - كعدتني حبيبتي ههههههه يعني شمكعدني نفس السبب الي كاعده عليه يا اسوله - لك يوسف السانك لا اكصه يمه طفل عمره عشر سنوات والسنه هلطوله واني عمري ٢٠ سنه استحي من كلشي - هسه شبيج قابل غلطت عليج - لا ناقص تغلط لالا تعال أخذلك راشدي بعد - صدكك اجييي - امشيييي ابن الاوادم ماصدك يلعن بليسك - لا تكولين يلعن بليسك هاي خاصه ببابا ههههه - باوعت يمنى يسرا ماكو احد جان باوعتله وحجيت لا تخليني اغلط عليك وع ابوك امشيييي باوعلي وهو يسوي حركه بحنجه بمعنى اني اعلمج - اله اكول الباب عليج - امشيييي ما تخوفني يلااا عفته ونزلت شفت اشهب طلع وطبك الباب عصبي باوعت ع حنان ومشيت سويت ريوك الأمي وأخذته الها لكيته كاعده تسبح - صباح الخير - صباح النور شبي اخوج يصيح من صباحيات الله - محكمة مرت أسد اليوم ومتأخر من وره ست الحسن عفتها وطلعت نضفت البيت وخلصت وهاي رجعت نطمرت حتى اماعين مال الريوك مالتها ما غسلتهن مسخت البيت وغسلت الاماعين كعدو الجهال سويتهم الريوك وصعدت الغرفتي صفنت ع روحي شنو ناقصني ومحد يباوعلي خرب بحظج اسيل هو انتي قبل محد يباوعلج مو بعد حاطتلج وشم بخدج شطوله اذكرت الموقف إلي صار وياي البارحه وكمشتني الدمعه اهمداج اسيل اهمداج شمرت روحي ع الجربيه واني سرحانه اوف ربي ارزقني واحد صاك ياللهي دخيلك لا تحرمني من هذه الشعور اوووف كون واحد مثل مال البارحه شبيج اسيل حتى لو جان عدج امل بعد ما طلعتيله جنج جني اخترع ومايكلبج بعد غمضت عيوني واني اسرح بخيالي ويه فارس أحلامي وجان تنفتح الباب طفرت واني اباوعله يوسف -يوسف راح اكتلك - لالا اوكفي شبيج عمه اجيت اكلج خبر حلووو البارحه عمو عمر مو جان يم بابا - ايي حجيته بملل واني اعدل جربايتي - ايي جان عمو عمر يكول البابا اريد ازوج وحده صاكه مشوفلي وحده من معارفك لان انت ماشاءالله ماخذ ٣ نسوان تعرف كلش زين بهل الأمور جان بابا يركعه بنفاضه مال الجكاير ويغلط عليه ويكله اشوفلك مطي مو مره ههههههههههه كمشت ضحكتي كوه وباوعتله وهو يكمل كلامه اني ويوسف ابد ما نتراهن ٢٤ ساعه واحد يضوج الثاني بالكلام مو يكول هو طفل واني مره بس ع كولت اخويه عقلي عقل طفل ههههههه انتبهت ع يوسف وهو يكمل كلامه ادعي كون بابا يطيج لعمو عمر واخلص منج واخذ غرفتج هلا هلا - امشي ولي ادبسززز اكو احد يكول العمته هيج حقير اني اعلمك بعدين منو كالك اريد ازوج هااا لا وازوج منو هذا عمر الي جنه عصى مطيرجي دروح روح - ان اخوك يا ابراهيم لك ابراهيم تعال اسمع عمه اسيل تكول ع عمو عمر عوده مطيرجي هههههههه حلو الله عمه خوش لقب وانتي القفص مال الطيور هههههههه - لا يا ابن اوكفلي ركض لجوه واني لحكته ختل وره امي وهو كلساع ماد راسه يعيب واني اخزر بيه - يوم وخري خل اربي هذا صاير طايح الحظ هسه هذوله مو اخوتك شو مو مثلك هذا فراس وإبراهيم فد يوم سوو مثلك لو ليث ليش ما تتعلم منهم انت - حبيبتي عمتي اني نسخه اصليه لا اقلد احد - دكل تبن ابن الـ الـ الاوادم - ههههههه ابن شنو ها ها عمه اعترفي - ليش تخليني اهينك عفته ومشيت صارت قمر كدامي غمزتلها وكتلها تعاي جدو وين. - طلع للنجف كال أزور وارجع - ماشي تعاي خل نمشطلج شعرج - خاله شوكت ترجع روزه - باجر حبيبتي حته بعده نروح الاربيل - اني مارح اذا مو بابا وماما وياي - منو كال هم مو وياج هم دائما وياج بس هسه احنى انروح وهم بعدين يلحكونه كلش انقهر ع هذوله الاثنين لان حاسه بيهم وماره بشعورهم اني هم كبرت بدون اب وعيت ع الدنيا وبابا متوفي ومااذكر منه شي نزلت دموعي ورجعت مسحتها واني اعدل شعرها. رباني اشهب مثل بته واخوي مصطفى هم ماقصر عدي ٣ اخوه واخت وحده وكلهم متزوجين ماعدا اخوي عباس هذا طالع بالخارج وعزابي اكبر مني بسنتين عفت قمر تلعب ونزلت سويت غدا الضهر اجه اشهب ومبين عصبي خابر مدري منو وطلع وشويه ورجع اخذ ليث وقمر وابو أسد وطلعو العصر جنت كاعده اسوي اكل واندك الباب طلعت افتحها وانصدمت من شفتها ضي يالله شكد احب هلبنيه ومن كال اشهب هي الي قالت أسد مصدكت لان اعرفها تموت ع أسد مستحيل تكتله سلمت عليها ومن فرحي مادري بروحي عفت باب الشارع مفتوح وصرت اكمز بطارمه من فرحي وماحس غير شخص ينزل من السياره باوعت بصدمه يبوووووو يا اسيل ولج هذااا نفس الي اجه البارحه ماعرفت شسوي ركضت سديت باب الشارع وكمت اغم بروحي يعني الله يفشلني كدامه البارحه واليوم البارحه من اجه طلع ليث يفتح الباب واني جريت عباية امي وره الباب وطلعت اشوف منو لان ليث اتأخر امي كصيره وسمينه شويه فعباته وصلتني جوه الركبه بشويه وشعري طالع من فوك ولابسه تراك وردي والبجامه ورديه وبجامتها عريضه شويه من طلعت شفت رجال غريب شابك ليث وليث شابكه صحت ليث منو هذاا - خاله هذا عمو بكر عم ماما -هاااا باوعت بصدمه عليه خرب بحضي شهلجمال شهل الصكوك هذا هم بشر نفسنا دنك وهمس خيتي اشهب هنا - هااا اشهب لالا ماموجود اني موجوده ااا اقصد امي موجوده شال راسه ابتسم وكال راح انتضره بره بسياره شكرا الج اكدر اخذ ليث - اااا لاا شنو تأخذه اعرف وين تودي يجوز تخطفه يجوز اسويه شي عوووفه - هههه عف نا عفنا جان يباوعلي ويبتسم ويطلع انتبهت ع روحي العبايه الركبه والبجامه والشعر يبووووو الله ياخذني شجانيي غميت روحي تف عليج اسيل ع الفاشله هاي جماله اكله اني هنا اهمداج عشر مرات - اوو اسيل عوفي المواقف الخايسه مالتج وروحي شوفي البنيه شبيها اصيح طبيت شفتها تتعارك ويه حنان وبعدها اجه اشهب ردت اطلع اشوف شكو بس شفت الصاك كمت رأسا ختلت وره الباب وبقيت اباوع من الجام لان مضلل لليل اجه عمر صديق اشهب واني بالمطبخ واشهب يحجي ويه عمي ابو أسد حسيته احد يغسل بالمغسله البره المغسله صاير كبال الباب مال المطبخ مديت راسي واني فاتحه حلكي صحت اشهب اذا شفت يوسف صيحله خل يشتريلي علاكه عبالي اشهب جان يطلع عمر هو من شافني ضحك وطب يبوووووو **** عليج اسيل وع حظج شبيج ويه الفشلات شبيججج يحضيي هسه شيكول عليه هذا عمير واني ادري بي واحد ابو عين مايشبع اسمع صوت اشهب يصيح جوه ويتناقشون علمود باجر ضي : كعدت الصبح جهالي بحضني نايمين احلا صباح والله بوستهم وكمت غطيتهم وطلعت شفت امي كاعده شبكتها واني ابوسهه بخدهاا ماما وين البقيه - حبيبتي راحو لبيت هذا الي مايسمه بلكت يوصلون الحل - اتنفست بغضب وهمست انشاءالله كعدت بصف ماما وهي توكل بيه مثل الطفله واني ابتسملهه بس بالي يمهم مااشتهي اكل شي شويه وكمت يم ليث وقمر ورجعت دحست روحي بنصهم وصرت ابوس بيهم كمش ايدي ليث وهو يباوعلي جان يهمس ماما بابا بي شيي.......... يتبع  ،،،،، وللحكاية بقيةةة،،،،،، قرائه ممتعه أحبتي ،،،،،، توقعاتكم وتعليقاتكم وتصويتاتكم،،،،،، #نور الشمري #نوشه | ||||||||
|  |
|
25-06-20, 03:40 AM
| #12 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت التاسع البارت كتبته مرتين لان انحذف بسبب الشبكه كلش ضعيفه وماعرف شبيها كل ما اكتب ينحذف طلعت روحي غلسو ع السكات لان مصلحته مرة الثانيه #كفى ضلماً فنحن بشر خلقنا من طين نتضايق وننقهر ونبكي ونصرخ ونحزن جميعنا خلقنا من نفس الطين فلما التكبر فلما الظلم يابن أدام فجميعنا نعود إلى القبر ويحاسب الله ع كل شي فباي وجهه تقابل ربك وانت ضلمت انساناً لا يستطيع أن يواجهكك ويملك قوتك لكن يستطيع أن يشكيك عند الله ووقتها تندم و تتذكر كيف ضلمتني ومافعلته انت من ظلم سوف تتحاسب وتأخذ جزاك عليه فهناك رب يراى ويسمع ويعلم كل ما في داخلك ضي : باوعت عليه وماعرف شنو اكول كعدت واني اباوعله جريته الحضني وهمست -ليث ماما انت جبير هسه وتفتهم ولازم تعرف كلشي باوعلي بعيون مليانه خوف وهو ينتضر جوابي بلعت ريكي ودنكت ماعرف شنو اجاوبه نزلت دموعي واني اجمع كل قوه عدي حتى اكوله خلص ابوك مات وراح بس ماعدي الجرئه إلي اسويه ماعدي اي جرئه مسحت دموعي بس رجعت نزلت من جديد شبكته واني ابوس براسه ودموعي تنزل وخر عني وباوع بعينوني وهمس - ماما عيونج حزينه بابا بي شي كوليلي لا تسكتين -شهكت واني اضم دموعي ع ليث حطيت اديه ع وجهي وصرت ابجي وهو حاضني ابتعد عني وهمس بصوت حزين دموعه بعينه وهو يكول - يعني خلص بابا راح مات بابا موو احجي كولي لا اني طفل وماافتهم وهو كاعد يتعالج احجييي ماما لا اسكتيننن بده صوت ليث يعلى ودموعه تنزل واني صافنه عليه مصورت راح يكون رد فعله هيج مصورت راح يلكفها رأسا هزيت راسي وجريته - اششش اختك نايمه حبيبي خل - شنو الاشش ماما لا تكولين بابا مات وراح ماما هو وعدني يضل وياي لحد ما اتخرج واتعين ويصير شايب يفتخر بابنه ليش راح هااا مو ع اساس انروح الاربيل سوووه وهناك نتونس بلعطله مو ع اساس راح راح كله كله من وره هذا الوحششش هو السبب موو ماما هو السبب بابا مات وانقهر لان ضربني مووو احجي - ضليت صافنه ع عصبية ليث وحجي ولا كأنما طفل عمر ٩ سنوات ماعرف شلون اهدي ولا اصرف وياه بقيت ابجي قمر كعدت صافنه وامي اجت تركض تهدي بي وهو بس يصيح من كال ضربني حسيت راشدي اجاني وصحاني من الي اني بي وكفت وجريته ليثثثث شتكول منو ضربكك احجي منو مد ايده عليك يا ضالممم - وخري وخري ماما واني اكول عمو اشهب ليش مد ايده عليه لان ماعدي اب بعد يوكف بوجهه ويوكف بضهري يحميني ولا ام تركتنا ومافكرت بينا واحنه بعاد ليش هيج سويتي - لككك ليثثث السااانك شنو هلحجي هذااا عيببب هذه امك طفل هلكدك تحجي حجي اكبر منك اعتذر من امك يلااا ضليت صافنه ع ابني إلي تحول وحش كدامي بقه يباوعلي بنضراته تمنيت الله ياخذني ولا ابني يباوعلي هيج امي تحجي وياه وهو ساكت يباوعلي بعتب وندم عبالك يكلي انتي السبب من خليتي ذاك يضبرني وخليتينا عد الغريب اي هيج نضراته جانت عافنا وصعد فوك واني صافنه عليه وع كلامه إلى مناسب عمره ابد امي تحجي عليه - ما متربي راحله كم شهر هناك رجع طالع عينه واللسان ويصيح ع امه بعد تعال اضربها والله يالله - يوووم كااافي وكفت واني اباوعله ودموعي تنزل كافي تحجين ع ابني كافيي سكتت وطلعت للمطبخ واني ضليت حاضنه نفسي ودموعي تنزل هذا الجنت خايفه منه ياربي شلون راح اتعامل وياه شلون ياللهي وحدي عبالك أسد بعصبيته ووكفته كلشي بي يشبه ابوه حسيت ع ايد تمسح دموعي انتبهت عليه قمر واكفه وتبجي -تعاي حبيبتي ليش تبجين شبيج - ماما صدك بابا ميت يعني بعد منشوفه مثل بيبي - غمضت عيوني وهزيت راسي اي باوعتلي بدموع تنزل ع خدودها وتهمس - يعني ادور انروح انزوره مثل ما جنه نزور بيبي وخالو بهاي الأماكن التخوف هزيت راسي اي وهي شبكتي ماما يعني بعد مالعب وياه ولا يشيلني ويشتريلي شهكت واني اكعدها بحضني وتمسح دموعها - حبيبتي انتي هسه جبيره لا تخافين اني موجوده ادور وماخلي شي ينقصكم وشنو جان بابا يسويلكم اني اسوي بمكانه وهو دائما راح يبقه ويانه بس احنى ماراح نشوفه - يعني اذا احجي وياه يسمعني - ايي يسمعج ويشوفج ويجيج بالاحلام بس كون تصيرين عاقله وما تضوجيني وما تبجين اهم شي واسمعين الكلمه هم - ايي والله كلهن اسويهم واصير حبابه - عفيه ببنيتي يلا مسحي دموعج وكوليلي منو ضارب ليث وليش - شوفي هاي من جنه نلعب كعدت قمر اسولفلي شلون ليث شامر القلم ع اسيل واشهب ضاربه حسيت النار اشتعلت بداخلي اخ لو اشوفك كدامي يااشهب والله احركك وما يشفى غليلي بيك يا حقير تضرب ابني شلت قمر ريكتها وغسلتلها وليث فوك باوعت ع امي - يوم اني اسفه مو قصدي اصيح عليج بس ليث هذا طبعه من زمان يتنفز بساع ويعصب مثل أسد بضبط يعني بعد ليش كل هذا الكلام باوعتلي صفح ودارت وجهها -شتردين هسه اريد سلامتج ورضاج لا ازعلين عليه حبيبتي انتي - يمه شعدي غيرج اكدر ازعل منج بس اني علمودج هذا اليوم يصيح عليج وهو بطول ايدي باجر من يكبر شلون يمد ايده عليج - لا يوم انتي متعر فين ليث لعد المهم سامحتيني امشي خل اصعد الاكل لليث والله اخاف يسوي شي بنفسه - روحي اني ما روحله - يوم - ضي لا تلحين روحه لليث ما روحله وطلعي عينه طلعيها عفتها وطلعت واني مهضومه ليش هيج تحجي هي أم وتحس بيه اكيد ماقبل احد يقلل من ابني اخذت صينية الاكل وصعدت فوك شفته بغرفتي كاعد هو وقمر وهو يبجي وقمر تمسح بدموعه الموقف موتني واني اشوف أطفالي هيج دخلت وهو كاعد ماشال راسه ابد كعدت بصفه وباوعت ع رجليه وصرت اهز بيه مثله همست واني اباوع ع الصينيه - اكو رجال عصب الصبح وصعد وهو ما ماكل شي وهو من يجوع يكوم بطنه توجعه باوعلي ودار وجهه - ليث حبيبي انت متعرف شنو صار بهاي الاربع أشهر كل شي صار فجئه ومو بارادتي - ماما اسئلج سؤال واحد بس وين جنتي جاوبيني ولا تكذبين مو تكولين الكذب حرام فلا تكذبين - غمضت عيوني واني حايره ماعرف شسوي ماعرف اكوله الحقيقه جنت بسجن ويأخذ نضره عني ع أن امه خريجة سجون لو اكذب وأخلي ابني يكرهني غمضت عيوني قوي وهمست واني اشجع بنفسي إلى يصير يصير ما يهمني بس الأهم ابني ميكرهني ولا يتوقع بيوم اني اعوفهم - جنت بسجن حجيتها ودموعي نزلت هو باوعلي بصدمه وهمس سجن؟؟ -هزيت راسي اي بسجن تهموني بقتله زور وخلوني اعيش اسوء اربع أشهر بحياتي بعيده عنكم وداخل سجون وتعذيب بس جنت كل ما اذكرك انت واختك أقوى واحلف اله ارجع وارجعكم والبارحه طلعت برائتي - منو الي تهمج ماما ليش هيج سوو بيج الحقراء مايعرفون انتي شكد تحبين بابا دنكت وهزيت راسي بـ لا مايعرفون والي ميخافون الله هواي هم الي تهموني - ماما اسف لان حجيت عليج بس والله عبالي عفتينا لان بابا راح - اشششش اعوف روحي ولا اعوفكم واله اندم هذا الي اسمه اشهب واكسر ايده إلى مدها عليك - ههه طلعتي أسد ههه ابتسمت ودموعي تلمع بعيني أقسى شعور ممكن ينحط بي الإنسان من يضحك ويبجي بنفس الوقت هذا الشعور قاسي حيل ماتعرف منو الي يريد ينتصر بينهم الضحكه لو الدموع العين لو الشفايف كأنما حرب بينهم ويحاربون حته ينتصرون أخذته بحضني واني ابوس بي وهو يبجي - ابجي حبيبي ابجي ارتاح اتيتمت وانت بعدك صغير ماشفت شي ابجي يروحي ارتاح رفع راسه وكال - خل نروح نزور بابا - ان شاءالله حبيبي بس خل يجي عمو بكر وياخذنا وهسه تعال نروح البيبي ضايجه منك هواي أخذته ونزلت الأمي هو تركني وراح يركض الها شبكها وهمس اسف بيبي مو قصدي اصيح ع ماما ماتنعاد ان شاءالله - حبيبي انت هيج أريدك ابوك عافك عون الامك مو تطلعلها فرعون - شنو بيبي مافهمت منو عون وفرعون شجابه - ههههه هيج حبيبي روح يم اختك اكل اكلك كعدت يم ماما واني صافنه الساعه راح اصير الوحده الضهر وهم ماكو لسه محد رجع ضل بالي وخفت هواي لا يكون اكو شي وراح يمنعون أطفالي امي اسوي بالغده ومبين هم بالها مشغول بس مو كدي بقيت افتر اروح وارجع اخر شي طلعت للطرمه وكفت كدام الحديقه وضليت صافنه شكد جنت اوكف هنا وانتضر رساله من أسد لو من تزوجته جنت اكعد هنا واخابره واصوره مكاني اكله شوف اني وين كاعده بنص الحشيش والورد وانت خليك وره الميز وكدام الأوراق والقضايه إلي تشيب الراس وهو يضحك ااخ أسد اخ ياريت لو تارك كلشي لخاطرنا ع الاقل اذكرت الياس ماكو صدك ركضت الأمي واني اباوع لها يوم سولفيلي شلون دبرتو كل شي و الياس وين صدك مختفي باوعت لي بنص عين ودارت وجهه تكلي بالتمن وتحجي - مادري بي وين بس الي اعرفه مخابر امه ومطمنها بس وين مادري - يعني ما مخطوف الحمدالله والشكر - فال الله ولا فالج مفاوله ع الولد شبيج - لا بس البارحه بالمحكمه - هذهو صفحه وانطوت من حياتنا الله لا يرجعها - امين اي يوم تعاي سولفيلي - شسولف ولج التمن يحترك -ماعليه شي وتعاي كلشي سولفيلي يلا يوم والله راح اطك من الانتضار ع الاقل يخلص الوقت - وين جهالج مديت راسي كاعدين يلعبون بالصاله سويتهم هلو ضحكو ذولاك كاعدين بصاله يلعبون اي احجي - اي مو بعد ما سولفتي العمج ع السلاح هو راح لبيتكم وفتشه كله لكه الطلقات كام اخذهن للمحامي رأسا المحامي جان داخل بالواسطه وخطيه حط بالملايين بس علمود يدخل ويشوف السلاح ومن دخلو شاف هذا ظرف الفارغ مدري شسمه استغرب لان هذا يعتبر دليل وجان جوه الملف مال قضية أسد بضبط أخذه وطلع بدون مااحد يعرف دوله تايهه اي بعد ما جمعو كل هذا كام عمج بكر راح لاشهب يحاجي بس الي صدمنا كلنا ان اشهب رأسا قبل وكال اي عادي اني اقنع عمي ابو أسد ونرفع الشكوى وهم اطه العمج الصوره الي اجتج بسجن وكاله هاي اطيها للمحامي مالتكم لان يعتبر دليل وتهديد ورجع عمج مستغرب من انقلاب اشهب ١٨٠ درجه وبالمحكمه شفتي ماعترض ولا اي شي بس مارتاحيتله حسيت وراه سالفه مو خاليه ويريد يسوي شي لان مو هين مبين - كلام امي صدمني وخوفني بنفس الوقت يعني اشهب هو الي اطه التهديد العمو بكر وهو الي قانع عمو علي يسحب الشكوى وو لا مامعقوله هذا مو اشهب معقوله عقل ورجعله عقله لو انشال عقله نهائيا وعده شي مثل متكول امي بعدني دافكر وانفتح باب الشارع دخلو بابا وجدو وعمر بكر وعمر احمد وعمام بابا هم فتح بابا باب الاستقبال ودخلهم بقيت ألوب اريد اعرف شصار دخل بابا وهو يصيح ع امي - يا مره جاي جاي - يا متردون غدا - لا متغدين بس جاي راسنا راح ينفجر - بابا شصار حجيتها واني اباوعله باوعلي وهز رأسها وكام - بعدين خل يطلعون عمامي ونكعد خفت من طريقة كلامه ومبين عليه ضايج حيل عفتهم وطلعت يم ليث وقمر هم من شافوني هيج اجو يركضون لحضني ليث: ماما لا تخافين مانعوفج بعد ابدد - اي حبيبي اي اخذتهم بحضني واني دموعي تلمع بعيني بس ترفض تنزل مرت ساعه هم بالاستقبال وساعه اسمع صياح بس مافرزن شنو وساعه يسكتون وكل الي يدخل ميقبل يسولف شي لحد ما طلعو وضلو بس بابا وجدو وعمو احمد وبكر اول ما طلعو باوعت ع ليث وقمر - حبايبي انتضروني هنا هسه اجي لا تطلعون عفتهم وطلعت للاستقبال اول مادخلت صاح عمو احمد -هلا هلا شرفت الخانم شرفت ست الحسن والأخلاق باوعت عليه وع طريقة كلامه المستفزه ماهتميت اله كعدت يم جدو وهمست - جدو شصار حجيتو مو ولدي راح يبقون يمي - اووف يبنيتي جدهم معارض يكول مايتربون عد الغريب احفاذي واني أولى بيهم - هاااااا من صارو يمي صرت غريبه ومن جانو عد اشهب لااا بكر : كتله هيج جان يكول اشهب ابني مثل ما أسد ابني واني خليت الجهال امانه عده هلاربع أشهر ع ما يخلص البيت والقضيه ونكعد بي - زين ليش ما نكعد هنا وهو يجي هنا والله احطه فوك راسي وادير بالي عليه بس لا يحرمني من أطفالي - بعد جدج شبيج بجيتي شنو قابل مشوفيهم بعد مالج دخل اني افكر بموضوع والخليج يمهم ابتسمت واني اشبك جدي بس صاح ابويه وهو عيونه بكصتح - بويه شتحجي شووفوو مال ضي تروح تكعد وياهم هاي سالفه وشيلوها من بالكم اول شي بتي متكعد ويه واحد حقير وتهمهاا وثاني شي رجال غريب كاعده وياه بنفس البيت شنو لا حماها ولا شي الناس تاكل وجهنا وهو مأكول ع الاقل نحفظ كرامتنا الباقيه نزلت دموعي واني اباوع ع ابويه وكلامه الجارح حقه هو ما كال شي غلط بس احسه جرحني وحملني المسؤليه ان الناس تحجي علينا ع أن خريجة سجون بس شبيدي اني رحت ودخلت السجن شو انتم اخذتوني وكلتو انطلعج وعفتوني ٤ أشهر اعاني وحدي كل هذا وما حقدت عليكم احجي بكلبيي ودموعي تنزل صاح جدي بي. وهو يحط ايده ع ضهري - شنوو موسى جهال احنى كدامك هاااا هي هم بتنا وعرضنا وحفيذتي يايوم شفتني مسوي غلط وهسه جاي تحجي هيج هاا شو متعرف تحجي عبالك راح نشيله وننطيها اصلااا منو كال راح افكر بقتراحاتهم الخايسه مثلهم بس كاعد افكر بشي بكر : بويه وشنو هم باجر ياخذون الجهال قابل نسكت ونخليهم وهذا اشهب من الصبح تلكي بلباب مايصدك - ابني اصبر ليش مستعجل شنو انسوي لعد نخلي البنيه تروح وياهم وننسه عرضنا وسمعتنا ضلو يحجون واني صافنه عليهم ساعه يكولون كل جمعه ناخذج الهم وساعه يكولون ماكو نصبر ونشوف وساعه يكولون نشكتي بلكت المحكمه توكف ويانا كلساع يحجون شكل واني صافنه عليهم ماعرف شسوي واذا اريد احجي يسكتوني ماتحملت وكفت واني احجي - اطفالييي ماتركهم ويه هذا الحقير تدرون ماد ايده ع ليثثثث شلون أمن اترك أطفالي يمه واني ماصدكت اطلع منا صالي ٤ أشهر مشايفتهم وانتم كاعدين تحجون هيجج شوفو رجلي ع رجل جهالي ومايهمني اي شييي المهم ماابتعد عن أطفالي ابدددد فاهميننننن واكبر واحد مايوكفني ردت اطلع واني دموعي احسهن جمر ع خدودي كل الي صار وياي وهم يردون يبعدني ع أطفالي ليش فتحت الباب وصاح عمو بكر عليه -تعااي اني عدي فكره تعاي كعدي بويه قبل لا اصير السالفه وقبل موتت أسد صاحبي فاتح معرض سيارات باربيل وكال تعال اشتغل وياي كتله اردلك خبر وصارت سالفة ضي ووفاة أسد مكدرت أدر اله خبر وهسه من سمعت ضي ماراح اتركهه واني واعدها ارجعها لحظن أولادها ومنا لحد ما تفكرون انتم وتلكون فكره ترجعون بيها الجهال لهنا اني راح اخذ ضي واروح الاربيل استاجري بيت ونكعد بي وكل يوم تروح للجهال واني اروح للمعرض ومن ارجع ارجعها وياي للبيت - وليش نستأجر البيت اله حصه الأسد ونكعد بحصة أسد مو بحصته واضل يم أطفالي - مايصير شنو فندق واني رجال غريب وهم عدهم بنات عيب احنى مانرضاها هم يرضوها ومااترك هناك هم اخذج من الصبح لليل هزيت راسي ماشي وباوعت ع جدي انتضر جوابه وماحس غير بابا يكول - شنو الفرق نفس الشي راح تكابل هذا وتكعد بكر : خويه شبيك شنو الرجال ماعده شغل هم عده شغل ويطلع واني احجي ويه ابو أسد واشوف الوقت الي يطلع بي اشهب تروح ضي يم أطفالها لحد ما اشوفون فكره انتم يا اما - يا اما شنو ولك شو تهدد يوليدي - لا بويه ماهدد بس داكلكم مااحرم ضي من أطفالها الكو حل بأسرع وقت لو اصرف اني وتدرون من ادخل اني شنو يا اما تطلع جثتي يا جثت واحد منهم ومااترك الجهال لو اعرف أخذهم وانهزم - عفيييييه بعد بعد بابني عفيه لك شنو انت عقل ماكو و ابن ا لكلب ما متروبي شنو تنهزم شوف ولك هاي المره كلته المره إلخ اطردك بره البيت وهسه امشي سوي الي تريده - يعني نروح جدوو صدك متعارضون - يعني اذا عارضت راح سمعون الكلام انتي وهذا ابو راس يابس هااا - جدو فكر بسرعه وشوفلك حل نرجع لهنا اني وجهالي ماتحمل اضل مجهوله منا ومنا - ان شاءالله ان شاءالله عفته وكمت واني شويه مرتاحه لان ع الاقل ماانحرم من جهالي هواي عرفت ان لو شما اسوي ما اكدر اخذ الجهال لان جدهم عايش ومن حقهم وحته بالمحكمة ماكدر اسوي شي لان بكل الحالات اشهب موجود ويكدر يسوي كلشي حته ما يخلي الأطفال عدي واكيد راح يكول الجمله المشهوره خريجة سجون شلون راح تربى الأطفال اوف يالله لا قانونيا ولا عشائريا راح اكدر أخذهم كعدت كدامهم وصرت امسح ع شعرهم وابتسم باوعلي ليث وهمس - ماما شنو راح نروح الاربيل راح نرجع الهذا الوحش - لا حبيبي ماعوفكم راح ترحون يم جدو انتم راح تكونون ويه جدكم مو ويه اشهب واني اجي يمكم وكل يوم اجيكم قمر : ليش متعيشين ويانا ها شنو نبقى هيج - لا حبيبتي بس كم يوم واخذكم ونرجع لهنا وماكدر اضل بالبيت لان عيب ماما - ماشي بس ماتعوفينا ابدد - ابدددد تكعدون الصبح تلكوني وتنامو واروح ليث ضل يباوع عليه وقمر اطفر شبكني ليث وهو يكول - ماما اني اكلهم وابقى ويانا - لا حبيبي هم ماعدهم أشكال بس هسه تعالوو شنو رئيكم نلعب هااا وكفت ورحت جبت الفراش فرشته وسطرت الكوشات ع شكل حايط وهم ركضو جابو سلاحاتهم قمر : انتي الحرامي واحنى الشرطه - لا اني الشرطه وانتم الحرامي - ما ما اني الشرطه - ههههه اوك وكفت وره الكوشات وصرت العب وياهم وهم يضحكون وكلساع اوكع عود يكتلوني ويخربون ضحك حسيت روحي رجعت الايام قبل ونسيت همي ومصيبتي لحد ما تعبنا وكعنا بالكاع من التعب وعمو بكر يضحك علينا اخذتهم بحضني وصرنا انسولف وغفيت من التعب والهم كعدت الصبح ع صوت حجي شويه عالي وكفت باوعت الساعه بـ ٧ الصبح حييييل هاي اني شكد نمت من الـ ٨ باليل لثاني يوم خررب وكفت شلت شعري وطلعت اركض للمطبخ باوعت من الجام ووكف كلبي من شفته اشهب وعمو بكر وبابا وجدو يحجون وياه وهو واكف بكل برود وحاط اديه بجيبه ويحجي ولا كأنما هذول كبار يحترمهم ع الاقل انتبهت عمو بكر ضاج وعيونه صارن حمر دخل صرت كباله باوعتله بتوسل هز راسه واخذني بحضنه - والله نلحكهم هسه البارحه حاجيت صديقي وكتله ع بيت قريب ع بيتهم واطيته العنوان وانشاءالله يلكى هزيت راسي وهو طب باوعلي وكال يلا كعديهم مشيت لغرفتي كعدتهم وهم ضلو يباوعولي بستغراب قمر حضنتني وكامت تبجي وليث يباوع عليه ومبرطم مسحت دموعي وهمست باجر اني يمكن ماشي صيرو حبابين وتحملو بس هذا اليوم اي هز راسه ليث وكال - بس اليوم اذا ماجيتي باجر اخذ قمر واشرد ونروح - شنو هلحجي هذا ليوثي اكيد بس اليوم يلا شو مشط شعرك عفيه بوليدي اخذتهم ونزلت اطيتهم لعمو بكر وهو أخذهم وطلع واني شهكت بالبجي ربي لا تحرمني منهم بحق نبيك محمد يالله مسحت دموعي وكمت فرشت سجادتي وكعدت اصلي وابجي وادعي الله مايحرمني منهم ويرجعهم الحضني اسيل : وره ما أخذت ضي الجهال وراحت باليل كعدو عمو علي واشهب واشهب بس يصيح ومايعجبه العجب وعمو علي كلساع صايح وغالط عليه ويكله بطل هذه تصرفاتك شبيك ولا كأنما محامي دارس موتت أسد هواي أثرت بيك وغيرتك جنت واكفه وره الباب اسمع هذا الحجي بعد ما راح عمر والفشله إلي اكلتها اليوم بقيت اسمع وماحس غير ع ضربه بركبتي من وره طفرت طفره من هاي الزينه درت وجهي رأسا عبالي امي طلع يوسف لا يا ادبسز يا يوسف والعباس اليوم محد يخلصك مني بس خل اخلص اصنت اوكفلي - اي اي انتي اوكفيلي اذا مأكول البيبي عليج البارحه سويتيلنا محاضره شكبره ع التصنت وحرام وعيب ومادري شنو وهسه كاعده تصنتين انتي هاا - أنجب لك اني ماكاعد اتصنت اني اني اريد اشوفهم يردون جاي وخر يلا - عمه اسوله ترا اعرفج زين ديري بالج مني ترا الشيطان لعب براسي وراح اصورج واشوفه البابا - لا يا حقير ع هل سالفه اوكفلي ركضت ع المطبخ طلعت هذه خاشوكة التمن الخشب وركضت وراه وانت اركض افتح الباب وادخل واني رأسا وكفت لا يا خبيث ع هلدكه اشهب: هاي شكو شبيككك - اااا بابا ادور ع إبراهيم فراس يريده - بره ابراهيم يم فراس هسه شفتهم بعد شنو هلجذبه تعال كلي شبيك واكفه وره الباب واكل بضافيري خرب بيك يوسف لا تكول حباب لا تكول والله اشهب يموتني يا رب يارب - اسمع يلا احجي - بابا ماكو شي والله كاعد نلعب وبالغلط طبيت - دروح يلا وبعدين نحجي ودير بالك تعيده - حاضر يا احلا اب انت شوف اللوكي كعد يتلوك دتطلع واني اعلمك ضليت واكفه هسه يطلع هسه يطلع ماكو ماحس غير مد راسه من باب المطبخ - هلو عمه - لا يا حقير طالع من الباب الثانيه موو وعايف هاي مفتوحه حته ماسمع حقير مو بيدك طالع ع مرتك ابوك حنانوو - لا ييع لا شبهيني بسعلوه اني نسخه اصليه لا اقلد احد - دولي ول ي ابو نسخه اصليه خاف تقليد ابو ثرب - عممممه لا تكولين ابو ثرب يلا سعلوه - روح روح ع الاقل احنى ضعاف رشيقات هسه شلون اسمع اني رجعت الخاشوكه ووكفت ع صفحه وفتحت كل حواسي حته اسمع شكو ماسمعت شنو كال عمو علي بس سمعت اشهب عصب وصاح - عمييييي شتحجي لو اموت مااسويها شنو هاي شبيه اله مخبل واقبل لا تخاف ماياخذون الأطفال ولا هي تتركهم خل نشوف شراح اسوي كلب الام عمي إذا سوت اقل غلط لا تلومني ع الي اسوي بيها - كوم كوم والله اذا وصلت الها ماتلوم غير نفسك مرت الغالي هاي - اي اي لا تخاف ماسوي لها شي حبيبت كلبك حسيت باشهب وكف رأسا دخلت للمطبخ وصرت اسوي بجاي عود محضره كلشي ههههههه خلصت الجاي ووديته الهم وصعدت بغرفتي باوعتله فارغه كلشي ململم بالكراتين والجنط باوعت ماناسيه شي واتمدتت ثاني يوم اجو اهل ضي وكرايبهم وكرايبنا هم واسمع صياح وحجي ماعرف ع شنو واني وحنان واكفين بلباب عسى ولعلى نلكفلنا شغله بس بهاي اني وحنان صديقات هههههه ضليت اسمع بس ماكو سمعت صوت واحد صاح - بت اخوي ماطيهااا لو ع كص ركبتييي واني اعرف شلون اشوف أطفالها بدون منية احد باوعت ع حنان ووحده تسئل الثانيه شكو وسالفه اجر سالفه لحد ما مرت ساعات وهم جوه راح اخويه ضرغام جان الاكل جاهز وصبينا واحنى منعرف شي لحد ما طلعو وطب ضرغام استلمته امي واني - شكووو شصار احجيي - ماكو راح يروح اشهب يجيب الجهال ويضلون عدنا لان عمي علي مايرضه يطيهم الجهال - والله حرام خطيه ليش تحرموها من أطفالها حجيت كلماته وماحس غير اشهب طب وهو يجاوبني - لا تخافين عليها يومين ولكيها بباب بيتنا تتوسل نطببها حتى تعيش ويه جهالها - باوعت ع اشهب وحجيت ويه. روحي لو افتهم ليش تكره ضي ارتاح شمسويتلك خرب والله خطيه عفتهم وصعدت بجيت من القهر ع ضي بيه حاله اضحك بسرعه وابجي بسرعه اقل شي يضحكني وأقل شي يجيني وهذه الحاله ابد ما حبها بيه ثاني يوم راح اشهب جاب الجهال واجه وهو البارحه دز عمر ويه سيارت حمل شالن الأغراض واحنى طلعنا اليوم الطريق كله حاطه قمر بحظني واحجي وياها واسولف علمود مضوج وتنقهر ع امها مرت الساعات واني متت تعب الطريق طويل مادري بروحي وغفيت فزيت ع صوت الجهال يصيحون وصلنا أربيل وصلنا أربيل - سمممم وزحير شبيكم طرشتو اذانيي افتهمنا وصلنا أربيل ترا مو فرنسا يوسف : عمتوو هذا عراقيه توديها الأجانب ليش يأبه دباوعي الجمال رباني -لك يوووووسف شنو هلحجي - بابا اني اقصد ع الجبال والله ورحمة امي - يوسسسف كم مره كتلك لا تحلف هيج ليش تخليني أمد ايدي عليك الكل سكت سمعت ليث إلى كاعد بصفي يهمس بينه وبين نفسه وهو يباوع ع اشهب - اي مو انت وحش متعلم ع الضرب باوعتله وكمشتني الضحكه هزيتله راسي منو الوحش جان يباوعولي ويضحك هذا اخوج - لك صوتك هههههه كاعد احجي وياه وسمعت اشهب باوع بالمرايه وكال - اي شبي اخوها اني وليث واحد باوع الثاني وهمست سمعنااا - مو عليك ع ضرغام ههههه حجيته واني اغمز لليث وليث يضحك باوعت ع أربيل الله شكد مشتاقتلها اول ما وصلنا انتبهت ع البيت كلششش جبير يطلع مساحة ٦٠٠ متر او اكثر ومبين ضخم حيل جنت شايله هم للنتضيف بس من دخلت وشفته نضيف يلمع لمع استغربت همس اشهب وهو ياخذ ايد عمو علي - هذه غرفتك وهذا الجهه إلى باسم أسد وغرفة الجهال هاي ليث فراس تعالو هذه غرفتكم قمر و روزه غرفتكم هاي ويوسف وإبراهيم غرفتكم إلى بجهه الثانيه يوم تعاي اشوفج غرفتج وهاي غرفتج غرفتي فوك وهذه عرفة المكتب مالتي محد يوصل الها خطط احمر اسيل غرفتج فوك ثالث غرفة هزيت راسي واني اباوع ع البيت بستغرب قصر مو بيت والله يمكن اذا اصعد فوك اتيهه حسيت ع صوت واحد غريب يحجي عدلت حجابي وباوعت ع اشهب جان يكلي صعدي فوك هذا عمر صعدت فوك واني اشوف غرفتي تخبل وجاهزه ومنضفه بس ناقصها ارتب الملابس هاي شوكت صار كل هذا ومنو نضف البيت مرت ساعه ومديت راسي فوك اكو هواي غرف المن هذني كلهن نزلت شفت امي كاعده بالمطبخ - يوم منو منضف البيت - يوم هو نضيف اخوج ما تاركه كل جمعه تجي وحده تنضفه والبارح دز عليها الله يطيها العافيه - امين صدوك وين حنان - وين يعني فوك بغرفتها روحي شوفي اخوج صديقه عشاه هنا - ليش بعده - اي فضيها - يلا رايحه حاضر ماما وسويت روحي بنكلاديشيه وامشي واقلد حاضر ماما دكيت الباب جان يجيني صوته منو ويضحك - عزا هذا يحجي هيج كدام اشهب رجعت دكيت الباب جان يرجع يصيح سم ما تطبون شبيكم ردت افتح الباب بس حسيت شالي مو ع راسي يمه الحمدالله جان راح إيماني استغفر استغفر الله هههه من وره هذا العار عفته ومشيت يوم ماهو اشهب بس هذا الع ردت اكول العار وسكتت بس هذا عمر مدري شسمه َعود اذا عشاه هنا كوليلي رايحه يم روزه وقمر عفتها ومشيت رحت للبنات شفتهن يلعبن وبعدها رجعت ع ليث وفراس كلمن لازم ايباده رحت ع يوسف وإبراهيم يوسف حاط الاكل وكاعد ياكل ابو ثرب وإبراهيم حاط كتابه وكاعد يقرأ ولا كأنما تؤام ياربي واحد شمال وواحد جنوب - لك ابو ثرب راح اطك من الاكل كوم يلا العب رياضه شوف شسمنك - اي عمه السمن هيبه والضعيف عيبه - ياااا ولك نعلت ابو للمثل ههههههه يلعن بليسك كلبته كلب عفته ومشيت ضليت افتر بالبيت واشوف شنو بي انتبهت ع مكتب اشهب صاير جوه الدرج واخر شي بالممر بزاويه شلون مكان مختار خرب بيومك اشهب يكول مكتب مراد علم مدار حته كامرا حاط بلباب خرب ههههههه اخوي ماخذ كل احتياطاته عفته ومشيت سويت عشه ووكعدنا نتعشه عمو ابو أسد خطيه صعد ضغطه ونام وامي هم نامت اشهب طلع ويه عمر وحنانو فوك والله ملل واني ويه الجهال كاعده ويكللولي شبيج تتصرفين جنج جاهله اي اذا اني مكابله الجهال ٢٤ ساعه شطلع يعني مثلا عجوز شوكت ترجع الجامعات وارجع اداوم وارتاح فتحت الفلم وكعدت اني وليث وفراس وروزه وقمر وإبراهيم وابو ثرب حاط الشاميه بحضنه وكلساع صاير معارك عليه لحد ما غفينا كلنا ع الفلم ع القنفات فزيت الصاله بارده مجرشه متت برد كمت الدنيا ضلمه خرب ساعه واجفص ببطن واحد ومادري البيت شكبره واحنه نايمين بالصاله هسه إلي يشوفنا شيكول صعدت جبت بطانيات غطيت الجهال ونصيت السبلت كم درجه ورجعت نمت كعدت الصبح ع صوت الباب يندك لميت كفشتي وطلعت جريت حجابي إلي بالمطبخ وطلعت منوو - اني ضيي - ياااا حبيبتي فتحت الباب رأسا فوتي فوتي اكو احد وياج - اي عمو بكر بس اشهب هنا - والله مادري هاي كعدتي - اسفه إذا كعدتج - لا عادي هو هم ياله لان الجنه لا شغله ولا عمله ههههه بس نوم يااا دطبي لج وطببي عمج خل افتح الباب الاستقبال - لالا ماكو داعي راح يروح عمو بس ذبني علمود الجهال - اوي فدوه فوتي سديت الباب ودخلت صارت حنان كدامي لابسه ملابس النوم وعليهن الروب صحت بيها - هيييي ولج ما تستحين مو عمو علي هنا صخام الصخمج ولج انتي شنووو وين اشهب عنج - اييي شبيج قابل نزلت بلا هدوم - عزا بعينج اي والله انتضري خل تكعد امي واني الج تعاي داده تعاي مالنا دخل بكفار قريش شوفي هذوله البارحه كعدنا نتفرج ع فلم وغفينا سبعتنا ههههههه انتضري هنا هسه اجيج عفتها يم قمر تبوس بيها وصعدت فوك غسلت وبدلت هدومي وردت انزل انتبهت غرفة اشهب مفتوحه وهو ماكو -حنان اشهب وين - والله مادري من كعدت ماكو حته مارجع من البارحه ودكيت عليه مغلق - يمه عززا اخوي تلفونه ابد ميغلقه شوفي لا تكولين لامي هسه تنجلط خل يكعد عمي ابو أسد ونشوفه - اي خوش عفتها وطلعت للصاله لكيت ضي كاعده ومكعده الجهال كلهم وقمر وليث بحضنه ومجلبين بينا حيل شويه وطلع عمو ابو أسد كامت ضي سلمت عليه وكعد هو بصاله خرب عمو تعال مشيت وكفت يمه وهمست عمو اشهب وين من البارحه ماكو وتلفونه مغلق طفر هو وكال تحجين صدككك هزيت راسي هو رأسا جر تلفونك واطلع من البيت كله ياا عزا هذول شبيهم باوعت ع ضي تباوعلي بستغراب ضي : ضليت كاعده اصلي واتوب ع كل شي طب عمو بكر - تقبل الله - من الجميع - كومي بدلي هدومج نروح للنجف يلا - طفرت واني ممصدكه صدوك والله لو تشاقه ضربني ع راسي وهو يحجي لج هيج موضوع يشاقه بي الواحد والثول كومي يلا طفرت ممصدكه راح ازور أسد صعدت فوك باوعت ماعدي ملابس ولا حجاب شلون اطلع ولازم اروح اله واني لابس حجاب وامي مو محجبه وماعدها شلون هسه نزلت واني الدمعه بعيني همست عمو باوعلي وامي كاعده شبيج ولج - ماعدي حجاب ولا ملابس محجبه وأريد اتحجب وارح أزور أسد ابتسم وهو يباوعولي برضى امشي لعد اخذج اشتريلج صدوك والله - شبيج صدوك وصدوك قابل جذب فضيها يلا طلعت اركض واني ممصدكه اخذني للمحلات اشتريت مالتو وبنطرون عريض وحجاب وبعد كم شي ورجعت كلت بعدين اشتري من ارجع رجعنا للبيت بدلت هدومي وردت اطلع باوعلتي امي وكالت - خابري ابوج وكوليله بكر : اني خابرته مرت اخوي لا اديرين بال ابتسمت العمو وطلعنا للنجف واحنى بطريق خابرو ع عمو كلوله لكينالك بيت والمنطقه إلي تريدها وإيجار زين ولازم هسه تجي باوعلي وهز راسه بمعنى ها - خلص عمو انروح الاربيل وبعدين اخذ الجهال ونزور أسد - ماشي لعد ما مقسومه خل اخابر ابوي واكله دك ع جدو جدو ماشاله رجع دك مدري عليمن بس وصلني صوت بابا - ها بكر شتريد - هاي راح اخذ ضي واروح الاربيل هسه لان ابو البيت يريدني وحته مانضيعه - بكر لا تخبلنيييي اذا اخذت ضيي ماتلوم غير نفسككك - شبيك انت هااا شبيك صح اخوي الجبير بس ما اقبل تقلل مني وبعدين هاي بتك وأم اذا مو علمود ها خاف ربك لا تدعي ع الي بعدو أطفالها عنها ويوصلك طشار يخوي الله عادل لااا اسوي هيج - شوف بكر اني العدي حجيته وخلص اذا عتبتو بغداد بعد لا عدي اخ اسمه بكر ولا بنيه اسمها ضي صوت بابا كد ما عالي وصل ليمي نزلت دموعي واني اباوع ع عمو بكر هز راسه بمعنى مالج دخل اني احلها - ليش هيج دايسوي بابا ها عمو - اووف اووف ابوج ما ينحزر كلساع شي عوفي بعدين يفهم يلا طبي لمي غراضج وجهزي روحج اني اروح للبيت اكول البويه واجيج - ماشي طبيت للبيت شافتني امي اجت تركض - خير رجعتو صاير شي - لا ماما ماكو شي بس خابر عمو ولكو بيت ولازم يروح يحجي ويه ابو البيت لا يروح منه لان مكانه وفلوسه زينات - يعني ترحين لاربيل ضي يمه فكري زين هذا واحد - ماما اول شي اني رايحه ويه عمو بكر واذا اروح لبيته اروح لبيت أسد مو بيت اشهب ومارايحه اله رايحه اشوف أولادي واخليهم يكرهونييييي مامااا انتي اكثر وحده تعرفين شنو يعني الابن من يكره اهله عفتها وصعدت واني افور نار لميت ملابسي هن كم شغله لان ملابسي كلهن ببيتي ومارحت ابد ماعدي القوه اروح البيتي واسد ماكو واذكر ذاك اليوم المشؤم اخذت كلشي وطلعت انتضر عمو بكر شويه واجه - قبل جدو مو - اي يلا حبيبتي استودعناكم مرت اخوي - الله وياكم بكر دير بالك عليهه - احطها بعيوني شتحجين وبعدين لا تخافين عليهه واني موجود - ماشي لا تتأخرون - والله تأخرنا يضل وراكم وره رجلج وابو رجلج هههه شوكت يلكون حل لهل الطحان الحظ هذا يلا ضي ودعت امي وطلعت ركبت بسياره ومشينا أخذنا الطريق كله انام واكعد انام واكعد لليل ياله وصلنا اذكر اخر مره اجينا بيها الاربيل قبل ٨ أشهر من جان أسد عايش اجينا انزور عمو ابو أسد وجانت احلا سفره بحياتنا ومجنت اعرف هذه آخر سفره النا دخلنا الاربيل ورحنا عمنطقه صفنت هذا مو الطريق إلى نروح بي كل مره عمو شنو اسم المنطقه الي بينا البيت باوعلي بابتسامه - اممم اني احزرج ياها هي مكان مشتهره بيها فدشي عالي وجبير - هاي شنو عموو عليك الله تحجي صدوك هههه شلون راح اعرف اذا أربيل متروسه أماكن عاليه وكبار - هم صح يلا بيها منارة - لا تكول منارة جولي - ايي هههه - اويليي تدري عمو جان أسد دائما ياخذني الها ويكول ضاملج مفاجئه هناا وأكثر مكان احبه باربيل هي هاي المنارة ياربي ماصدك يعني جان مشتري بيت هنا - الله يرحمه - كلمة عمو صحتني من الي اني بي نزلت ادموعي ووكفت السياره كدام بيت مو جبير كلش حلو وسط طلع واحد لابس ملابس كرديه ووياه ولد شاب يطلع بعمر عمو وصارو يحجون ويه هذا الكردي لحد ما خلصو واعطاهم المفتاح اشرلي بيده نزلي نزلت واني ممصدك - عمو وين البيت وره هذا الشارع بضبط - يعني قريب - ايي - زين وين المنارة - ضيي وين اشوفها بهل اليل دطبي طبي جنج قمر ابتسمت واني اذكر أسد دوم يكلي جنج قمر حتى قمر احسن منج دخلت البيت حلو بس بي شويه وصخ جاهز واثاث بي - اخ ميت تعب راح اطب أنام وباجر اخذج للجهال - هزيت راسي بس خل انضف غرفتك عن التراب ركضت نضفتها ع السريع عن التراب وشغلت السبلتت وطلعت هو طب ومبين صدك تعبان راسا نام واني مكدرت انام نايمه هواي بسياره ضليت كاعده انضف بالبيت وعدلت كلشي وحتى غسلته طلع يلمع من التعب اول محطيت راسي ع القنفه نمت كعدت الصبح ع صوت عمو وهو يكعدني كعدنا نتريك واني اتريك سئلني سؤال غريب - ضي هذه البنيه إلي من رحتي لبيت اشهب فتحتلج الباب منو - اسيل اخته الاشهب بس ولا كأنما اخته ملاك وهو شيطان - هههههه زين شبي خدها - يا لعد مو ليث ضاربها بالقلم وخطيه صاير أثر شكبره ههههه هاي إذا ماراح تطلبنا فصل البنيه بعدين تعال شعدك تسئل ها وين راحت حبيبت الكلب لعد - انجبي لج مجرد فضول وحبيبتي مابدلها بالف وحده - اي اي صدمتك دكوم يلا اخذني الطفالي - لج من الصبح كعدي الساعه ب٨ - ماما هو مو اجه ب٧ البارحه أخذهم اني هم اروح من الصبح يلااا وعدتهم اول ميكعدون يلكوني - استغفر الله دكومي يلا - كمت رأسا لبست حجابي والمالتو مالتي وطلعنا باوعلي وضحك - ها تحجبنا هذهو - ايي هذهو ههههه - ديلا لعد طلعت رحت لبيتهم اول ماشفته استغرب جبير كلشش وحلوه فخم مبين متعوب عليه هووواي دكيت الباب وفتحته اسيل ودعت عمو بكر ودخلت صارت حنان كدامي خرب لعبت نفسي من شفتها هيج صدك تحجي هاي ورجال غريب اكو ركضت ع جهالي صرت ابوس بيهم وهم كعدو من شافوني طفرو بحضني واني اكركر بيهم وهم يضحكون ماحس غير الجهال كله كعدت ضليت كاعده انتبهت اسيل مدري شبيها من طلع عمو ابو أسد استغرب من شافني بس ضحك واخذني بحضنه سلم عليه وكعد واسيل مدري شكاتله وطلع مستعجل باوعتله اشرتله شكو - لج اشهب ماكو من البارحه وتلفونه مغلق وعمو من سمع طلع رأسا عبالك عرف شغله صفنت معقوله عرفو القاتل لو لالا معقوله انخطف اشهب لووو ضي شعليج اهتمي بطفالج وبس شعليج بهذا الحقير انتي..........يتبع ،،،،،، وللحكاية بقيه،،،،،،، ،،،،، قرائة ممتعه أحبتي،،،،، تصويتاتكم وتوقعاتكم وتعليقاتكم #نور الشمري #نوشه | ||||||||
|
| |
|
25-06-20, 11:17 PM
| #13 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بارت١٠ قبل لا ابلش بالقصه احب اوضح شغله بنسبة للحضانه كولكم او اغلبكم كال الحضانه من حق الام و حتى وأن كان الاب عايش هي من حقها مو بعد الاب متوفي هذا الشي اذا كانت مو عدوه الهم او بالأحرى مو عدوه الاشهب ولا داخله السجن اني مثلكم هم سئلتها وحجيت جان جوابها ان(انتِ متعرفين اشهب وشنو الحقد إلى شايله بداخله إلي مستعد كلشي يسوي حتى يخليني ابجي دم اذا رحت للمحكمة وقدمت شكوى راح يكون المنتصر الوحيد هو اشهب لان هو محامي معروف اول شي يكدر يستخدم معرفتة وسلطتة بالمحاكم ويأخذ القضيه لان ماعدنا قانون عادل ابد ثاني شي حتى وأن ما استخدم منافذه يكدر بسهوله يضحك ع القاضي بأن ان كنت متهمة بقضية قتل وجنت داخله سجون يعني خريجة سجون شلون تربى أطفال وبهاي الحالة راح اخسر كلشي وحتى أطفالي مو ضعيفه اني ولا ماكدر أقدم شكوى علية بس لأجل عين الف عين تكرمون لأجل أطفالي مستعده اسوي اي شي والحضانه بهل الحاله تكون من حق الجد مو من حق اشهب لكن الي راح يربي اشهب يعني مو بسهوله اكدر أقدم شكوى واخذ الأطفال لان هم عد جدهم يعتبرون) اما بخصوص البيت اتكولون البيت بيت أسد ومن حق ضي باي حق اشهب كاعد بي او يمنعها البيت بيت أسد واشهب بنص بنصص يعني مثل الي عليه أسد عليه اشهب هم يعني هو ماكاعد ببيت أسد كاعد ببيته تمام طولت عليكم اسفه يلا نبلش #برائتي وجبروتك بقلمي #نور الشمري #البارت العاشر Noor336 #بين ازقة الماضي والحب بنيت شخصية قوية لن استسلم للاحد ولن اكون نقطة ضعف يستخدمونها فأنا حواء يا آدم التي شهد القران على كيدها فلا تستهن بي وبكيدي وبقوتي ... ضي: ضليت كاعده يم الجهال واسيل تروح وترد ومبين عليها ضايجه حنان اكلت وصعدت فوك وهاي اسيل تفتر وتاكل بضافيرها حتى اني وترتني وياها - حبايبي يلا شو كلمن الغرفته يغسل ويجي ع ما اسويلكم ريوك طفرو كلهم ع الغرف واني كمت الاسيل إلي واكفه بالمطبخ وتاكل بضافيرها - يمعوده شبيج كولي يالله ماكو شي ان شاءالله - ان شاءالله خرب شلون يوم فكر اول يوم النا هنا شلون صبحنه صباح عفتها تحجي واني احضر بريوك الجاي ع النار محطوط بس طلعت الكلاصات والجبن من الثلاجه طكيت بيض وحطيته ع الميز باوعت ع اسيل - يلا تعاي اتريكي ولا تكولين ماريد ساعه واجت امج وشافتج هيج وتنقهر يلا خل اصيح للجهال طلعي الخبز لو الصمون لان ما ندلهن عفتها وطلعت للجهال لكيتهم واكفين بالباب ويتعاركون ليث يوسف شنو هاي شبيكم شصاير - خاله اريد اطب اكل وليث ميخليني - لا يووم مو هيج بس احنى متفقين البارحه إلي يخسر ما يتريك - شنو هاي جديده انوب الاكل شدخله بالعب ها يلا شو كدامي للمطبخ وماريد ولا حسسس ليثث لا تخليني اعصب طبو كدامي واني اباوع لهم يمه شلون متحملته اسيل هذوله ولا ينجرعون دخلت للمطبخ شفتها شايله صينية الأكل - هاي شنو زعلتي راح اتعزلين وحدج ههههه - ايي مادام ابو ثرب اجه اني اطلع حجتها وغمزتلي وطلعت ادري بيها تشاقى وياي راحت ودت الاكل الامها واجت كعدت بصفي وصارت تاكل اني واوكل بقمر وروز باوعت ع اسيل وسئلتها بصوت ناصي - ساره وين شعجب عافت روزه - اني هم نفسج مستغربه راح اشهب قبل يومين من جيتنا لهنا جان ما لاكيها لا هي ولا اخوها من سائل كايليله سافرت وين الله اعلم - معقوله ساره مسويها وتترك روزه والجهال واسافر اكيد صاير شي وياها - اني هم هيج كلت بس خفت اسئل اشهب لان عصبيي نار و امي من اسئلها تكلي مالج دخل انتي موتوني بهاي الكلمه مالج دخل انتي - ههههه صدوك اسيل اريد اسئلج سؤال بس لا تفهمين غلط مو قصدي يعني - اي حبيبتي اسئلي - باوعت لها شفتها التهت ونست اشهب خطيه كلت خل اضل اسولف وياها لحد ما يجون بلكت ااا عمو علي شعجب كاعد يمكم يعني الناس وال - يااا متدرين لعد - لا شنوو - عمو علي يصير اخوها الإماما برضاعه وصديق بابا من جانو صغااار واحنى احتراما اله ولأن بابا جان يعتبره اخ نصيحله عمو لان جان بمثابة اب النا - ضليت صافنه يعني أسد يصير ابن خاله الاشهب - لج بالرضاعه هم اخوان بس تكدرين تكولين اي هههه شنو متدرين أسد ما كايلج - لااا ماسئل وهو اذا ماسئله ما يطرق لهيج مواضيع - الله يرحمه صدوك لزمتي عده عليه - لا وين بالسجن مكدرت جان هسه بقالي ٥ ايام واخلص العده بس شسوي لازم اتوب والمها من جديد بس ماعرف شلون والجهال - ممممم عدي فكره انتي شسوين هنا يعني استقريتي لو شنو - لاا علمود الجهال لحد ما الله يحلها - اها خوش يعني ضاله هنا لعد شوفي خليج بالبيت مالتكم والزمي العده واني كل يوم الصبح اكعد انضف واجيبهم اخليهم يمج لليل اخلي اشهب يجي ياخذهم من عمج لحد مخلصين العده هاا - والله ياريت بس يقبلون - منو اذا ع عمو علي يقبل اكيد ليش ميقبل واذا ع اشهب ميكدر يكول لا فوك كلمة عمو علي ها ولا تخلين الله يغضب عليج صح متأخره بس مو بيدج - ايي صحيح ماشي لعد اكول العمو بكر واشوف - اوك صدك شلونه الوشم مالتي يخبل مو حجتها ومدت خده ا ضحكت عليها واني أكلها اي يخبل بعد سواه ابني - ايي اطلبكم فصل - تدللين شتردين ككو لو جكليته لو عصير ابو ثنين بربع لو مصاص ابو ٣ بربع ههههههه - طاح حظج وخري زعلت والله خوش ابنها يشوهه وهي تدفع شغلات هم كلهم ثنين بربع هم ياريت الشغله بربع - هههههه عفتها وكمت غسلت القمر ورزه واكفه وراي شلته وصحت يللااا غسلي ولج شسمنج ههههه اسيل : طالعة ع اخوها ابو ثرب - لا عممه اني ما اشبهه يوسف اني اشبهه بابا - لا بالله منو كالج - خالو يكلي انتي جنج ابوج وكحه هههههه باوعت ع اسيل وضحكت يعني اكو من يشهد ان اشهب وكح - يييي لج يا وكح لج والعباس صدك وحش ع كولة ليوثي يرادلنا اميره حته نكول الاميره والوحش ههههه - هههههه منو تقبل بي ههههه - هم صدك منو تقبل بي بهاي طباكاته ضليت كاعده ويه الجهال كلساع اسوي شي وساعه انضف ويه اسيل وهي ادك وماكو خطيه بالها كله يمهم وامها بس تسئل للعصر ماكو خبر منهم لحد الاربعه العصر طب عمو علي و ياه عمر شفتهم من جام المطبخ ركضت ع اسيل واني اكللها - يمه عزا اخويه وين - ولج اوكفي اباوع البنيه جري حجابج ولفي شلون ماجان وطبي لجوه اسمعها تسئل عمو علي ع اشهب جان عمر يكول لها - مابي شي بس عده شغل - عمر لا تضحك عليه احجو اخويه وينننننن - لا اصيحين كلنا مابي شيي - لااا اصيح ونصص اذا متكولولي اخوي ويننن - بت ال. اخوج مختفي من البارحه ماخلينا مركز ماخلينا لطام ماخلينا مستشفى ماخلينا شي وهو ماكو فص ملح وذاب - شنووو لا اضحكون عليه اكيددد لك عمررر والله اذا صار بخويه شي ماتلوم غير نفسك انت جنت وياه فاهم - هيوووو شبيج تخبلتي شو اكلتيني اكل عبالك اني اخوج الصغير ترا مااسمحلج فاهمه وبعدين اني هم قلق عليه - يمه خوفتني ديلا يلااا ابو أسد : بسسسس كافي شبيكم اتخبلتووو شنو ع الاقل اتحرموني اني الواكف بنص شنو مطي محد معبرني - لا حشاك عمو - حشاك عمي بس اكو -عمررررر واكفه وره الباب واسمع صياحهم عرفت اشهب ماكو مانقهرت ولا شي هاي حوبتي لا ضي لا تكولين هيج خاف ترجع عليج واطفاله خطيه يربون بدون ام وأب لا اصيرين قاسيه ضل عقلي يحجي شكل وكلبي شكل احس راح انفجر ماعرف شسوي رحت يم الجهال وصرت العب وياهم واسوالف وياهم معرفت بعد شكو بس مبين عليهم ضايجين ودايدورون عليه بس ما كاعد يلكوه كاعد امشط القمر والسوالف وياها نزلت حنان - هاي انتي لسه هنا شنو ماعدج بيت - ابتسمت الها ووكفت باوعت عليها وهمست الها حبيبتي مثل ما انتي الج حق بهذا البيت اني هم الي حق بي واذا اجه حقي اكبر من حقج لان حصة أسد كله إلي والأطفالي اما انتي فيجوز الج حصه بس هلكدها واشرت باصابعي وابتسمت يعني البيت بيتي ومو خطار لهذا لا تعبين نفسج وياي احسلج لان راح اطلعين انتي الخسرانه عفتها ومشيت صارت اسيل كدامي غمزتلي وضحكت عفتها ومشيت القمر عدلت شعرها وبوستها وكلتها تعاي اسويلج عشه حتى تنامين واروح برطمت وباوعتلي ميصير اضلين - لا حبيبي ماكدر هذا ليوثي هنا وانشاءالله باجر تجون يمي لو اني اجيكم سويتلها عشه الها والجهال وكعدو اكلو عفتهم وكمت يم اسيل صار عدي فضول اعرف وين اشهب - لكيتو اخوج - هههههههههههه كاعد تحسسيني اخويه عمره ٥ سنوات وضاع ههههههه خرب بيومج ضي - عابت شمدريني طلعت لا اراديا - ههههههه حلوه هاي لكيتو اخوج وهو رجال عمره ٣٩ سنه وهاي تكلي لكيتو هههههههههه - اسيييل والله راح اعوفج - لالا خلص سكتت لا لسه مالكيناه هههه مدري وين ضايع هههه لا عمر طلع وماكو لسه خايفه لا يكونون نفسهم إلى هددو قبل يومين - هدووو منو هدده وليش حجيتها بستغراب واني صافنه - مو أسد لكه مكان واحد من هذوله الاربعه وع اساس يروح بطياره خاصه هو وأكرم وهناك يتفقون ويه السفاره بس قبل لا يرحون اجاه تهديد وهددو بالجهال وخطيه حاله حال من ذاك اليوم لحد لان - يا ويلي وهذا الحجي شوكت - بيوم إلى طلعتي من السجن احنه منعرف بس سمعنا يسولف العمر وأخوه إلي بستخبارات بس عمو علي كاله اذا ما ابتعدت اتبرى منك ولا اعرفك ولا تعرفني ما ناقص اخسر ولد ثاني وكالو لحد يكول لا يسون شي هذوله لان مبينين اقويا وشرانيين حيل - زين منو وليش دايسون هيج معقوله نفسهم القتلو أسد - اكيد حتى عمو علي كال بس اشهب كال اي واكو شريكة وياهم ههههه - ممم عليه يعني لسه مقتنع اني القاتله - شوفي هو ما مقتنع بس تردين الصراحه هو يوم يكول شي ويوم يغيره يعني بمجرد ما يطلع ويرجع تنكلب أفكاره جذريا والله كلت يجوز هذوله مسويله سحر هههههه - عابتله ههههه يلا خل انيم قمر واودع ليث واروح - بعد وكت - لا هم ياله شوفي عليها باجر - اي اي حبيبتي لا تخافين اني اخلي عمو علي يجيبهم واني احاجي لا ديرين بال - مانسالج هذا المعروف ابد - ولو عفتها وكمت دكيت ع عمو بكر كال نص ساعه واجي نيمت قمر وكعدت اسولفلها قصص مثل قبل غفت رأسا كمت ضليت كاعده احجي ويه ليث واحجي وياه يصير ع اقل ولا يتصرف بخباثه واني ماموجوده نام بحضني واني صرت العب بشعره وهو يلعب بايباده بحظني لحد ما اجه عمو بكر رمشلي وخرته وكمت يلا حبيبي اني اروح ومثل ما وصيتك - ماشي يلا باي فروسي - باي خاله طلعت سلمت ع اسيل وحنان كاعده بالمطبخ رجل ع رجل وتباوعلي ماعاجبها العجب عفتها وطلعت لكيت عمو بكر بسياره - هلوو - هلوات شلونج -زينه اكول عمووو باجر راح الزم عده صح متأخره بس واجبه وعسى ولعل تنقبل لان مو بيدي ولا عمدتا تركتها وحتى اسيل كالت اني احاجي عمو علي واخلي يجيب الاولاد يمج من الصبح لليل واخذهم - انشاءالله الله شاف ويعرف و الله يحفضهم خوش ناس ماعده اشهب - ههههه اني هم هيج اكول سبحان الله اووو عوفنا منه الرجال بين الحياة والموت ما ناخذ غيبته -يا رجال - اشهب ماهو من البارحه باليل مختفي ومامعروف وين ومخربين الشرطه ودايدورون عليه -الشرطه ااا اقصد عليمن تلكي ملتهي شو بيمن العار ما يموت بت اخوي - اي والله صدقت دخلت البيت عزااا عمو شنو هاي البارحه نضفته ليش هيج مسوي - يا ضيو شسوي قابل بيدي اجيت الصهر تعبان وجوعان اباوع ع البيت الصاله الكوشات واكعه والجرجف والمخده ع القنفه والمطبخ لا هذا سالفه عبالك مفجوره قنبله بي الاماعين والكدوره والاكل - عموووو اول شييي هم المن صنعو غرف مو علمود الواحد ينام بيهااا - اي يبعد عمج بس تعبان ومالي خلك امشي هههههه - يااااا والك خلك اسوي كل هذا بس مالك خلك تمشي للغرفه - اي هههههه عفته ومشيت للمطبخ اضحك وادك ع كصتي مااصيرللكم جاره انتم الرياجيل كل ما تنعافون بالبيت وحدكم ينكلب كلاب نضفت المطبخ وغسلت المواعين ونضفت الصاله عمو كاعد ع الحاسبه مالته عمو محتاج شي - لا حبيبتي تعبتي روحي نامي - تصبح ع خير عفته ومشيت ع الغرفه دخلتله بارده طفيت السبلت وأتمدتت ونمت كل شي غموض بغموض منو هذوله وليش دايسون كل هذا صح اكره اشهب بس ما اتمنى اله الموت لان عده أطفال وموتت الاب حيل توجع غفيت واني افكر بس كل أحلامي جانت عباره عن كوابيس ما تركتني ابد فزيت باليل ع كوابيس وميته خوف نفس الحلم اشوفه كل يوم ياربي دخيلك كمت توضيت وفرشت سجادتي وكعدت اصلي ضليت اصلي واقرا قرآن وغفيت ع السجاده ومادري بروحي كعدت ع دك الباب وكفت لميت شعري ونزعت الجادر وفتحت الباب ها عمو - صح النوم اكلج جعت شنو ماكو ريوك - يا سوده عليه هسه اسوي لك بس لحضه - اكلج - ها عمو - التلفون إلى اطيتجياه البارحه خو ما اطيتي رقمج لأحد - لا ما أطيته ليش - اي احسن خلي صفنت ع سؤال عمو شبي ليش هيج من البارحه مبين عليه متوتر سويت الريوك واطيتهيا كعد تريك وكام بدل وكعد - شنو متروح للشغل - لا انتضر الجهال يجون ياله - يا عمو لا تتأخر روح شنو القصه - ضي لا تعاندين - امم سكتت البيت نضيف البارحه نضفته ونمت كعدت فتحت تلفوني إلي اطانيا عمو البارحه قبل لا اروح وضليت اكلب بي اندكت الباب طفرت باوعلي عمو بخزره ضحكت طلع فتح الباب عمو علي جاب الجهال يمه اروح فدوه الج اسوله وفت بوعدها طبو يصيحون - ماما ماما - يروح امكم انتم ايي تعالوو اشوف متريكين - ايي - ضي اني اروح الباب لا تفتحيها لا تنسين لازمه عده - حاضرر كابتن - طلع عمو واني قفلت الباب وراه وطبيت اييي منو يلعب وياي قمر : اني اني بس شنوو ليث: ختيلان حبابه خل نجرب للبيت الجديد بلختلات ههههه - اووك يلااا ضليت العب ويه الجهال كلساع شكل واصيح واركض ضحكنا وتونساا حيل كعدت من التعب بالكاع رفعت اديه خلاص استسلم - أوو ماما شنو هاي كبرتي وصرتي اتعبين بساع ضحكت وكمشت خاصرتي من امشي لو اركض هواي خاصرتي تكوم توجعني وهذا من عذبني الحقير سلام ورفسني ببطني صارت ع كلاتي ومن يومها توجعني ليث : ماما صدك الوحش مات -حجاها وهو يضحك ليث ماما الشماته مو حلو وحرام لا تتشمت واسم الله لا تكول هيج اذا مو الخاطره الخاطر أولاده تقبل يتربون بلا اب وأم - لاا ماما ماريد طفل يخسر ابوه لو امه لان خطيه فدوه الابني اني الي يفكر بغيره هيج أريدك اسيل : بعد ما راحت ضي باليل عمو علي جان كاعد باستقبال رحت كعدت بصفه وصرت اعصر بصابيعي ماعرف شحجي رفعت راسي يباوعلي ويسبح اخر شي كال - شعدج احجي - هاااااا ماعرفت خبر عن اشهب وين - لا ماكو لحد الان مامعروف عنه خبر وعمر الولد ولا كعد بس يدور عليه - انشاءالله خير ويرجع بسلامه - امين والله مالي خلك اخسره بعد موتت أسد كسرت ضهري - الله يساعدك ااا عمو - ها بنيتي - اكولك شغله بس لا تعصب - وليش اعصب احجي - قمر وليث ضي تريد تلزم عده تكول بلكت الله يتقبلها لان هي مو بارادتها ما التزمت بيها وماتكدر تجي كل يوم هنا كتلها اني اجيبلج الجهال من الصبح لليل انرجعهم شتكول - اي ليش لا من حقها - صدوك - اي باجر من اطلع أخذهم وياي كعديهم - فدوه الكلبك عمو الله لا يحرمنا منك - حبيبتي يلا كومي شوفي امج لا تخليها وحدها - لاا كلساع اروحلها واصلا كل مافوت تسئل ع اشهب اخر شي كتلها راح البغداد عده شغله - خوش سويتي عفته وطلعت واني الفرحه ماليتني ماكدر اتحمل اشوف ام وأولادها بعيدين عنها واضل ساكته صعدت بغرفتي وضليت اكلب بملازمي مابقه شي ع الدوام ضليت اكلب بالغرض وارتب بيهن لحد ما غفيت ثاني يوم كعدت من الصبح سويت ريوك وكعدت الجهال وحضرتهم كعد عمو علي اتريك وبدل واخذ الجهال وطلعوو واني ضليت احوص بالبيت نضفته وخلصت وسويت ريوك كعدو الجهال اتريكو واني اسوي بالغدا وامي يمي والولد كاعدين بصاله جان يطب يوسف - بيبي هذا عمو عمر بالباب يكول اريد احجي وياكم باوعت عليه بسرعه خزرته خرب بيك عمر مايدري امي ما تعرف اشهب ماكو اااا يوسف حبيبي روح كوله بابا ببغداد وجدو طالع يلا حبيبي - بس عمه - يلااا حجيتها واني صاكه ع سنوني باوعت عليه واشرلته براسي امشي ذبيت الخاشوكه وطلعت لكيته واكف يسولف وياه يووسف ابراهيم يريدك - اي رايح طب واني طلعتله مديت راسي واني لافه حجابي انت شنو غبي اي اي اكيد غبي مو امي متعرف وهي منا مريضه وكلبها تعبان تريد تجلطهاا - شمدريني اني لا تتجاوزين زينن احترمي شويه وبعدين ردت اكلكم عرفنا خبر عن اشهب خابرني محبوس بقريه هيج ع الجبل مدري شوداه لهناك راح اروح اجيبه واجي بس الله جابج - اي الحمدالله والشكر باوعتله صفح شنووو شنو الله جابني - يعني همزين انتي طلعتي لان اريد اكلج شي لا تفهمين غلط اشهب اخوي بس اني رايح للموت ماعرف اذا رجعت لو لا لأن ماعرف كم واحد هم وماعرف شلون انقذ اخوج بس الاعرفه ماروح قبل لا اكبل اقصد اخطب يعني اذا اتقدملج توافقين باوعتله بصدمه هذا شبي شنو ما نايم والنعس مأثر عليه باوعتله وحجيت - عمررر شنو ما نايم - اروح فدوه لليهتم بيه اي والله مانايم غير ساعتين وم - اوكف اوكف شنو مهتمه بيك مو جنك طلعت رون سايد وع الترابي هيج عدل لو غلطانه جان يحجي ويباوعلي بعيون معرفت افسرهن بس صراحه اول مره انحط بهيج موقف وماعرف شنو احجي صدك انثولت - يعني شنو تردين سياره اجيبلج مهر سياره بس كولي اي - ههههههه لا صدك انت مو صاحي مهريشش - مهرج غير - عمر روح لا تطلع امي روح لا تجي حنان وماخلص منها - ماروح قبل لا اسمع جوابج - عمررررر - كلبه إلي يدك باسمج من يوم إلي شفتج لسه - عمررررررر - عيونه إلى ماشافن غيرج من - هذهو هذهو روح بعدين اردلك خبر بس روووح - وعد تخابريني رقمي عد امج ترا ماانقذ اخوج اذا ماتخابريني - اييي اخابر بس ولي روححح خرب سديت الباب واني اباوع خرب شنو هذا صدك يحجي طبيت باوعت لي امي بنص عين - وين جنتي - اااا يمه كنست الطرمه مو يوسفف خزرته وهو ضحك وغمزلي وكال اي عمه شلون كنسه مرتبه - أنجب أنجب ابو ثرب - عمه ابو ثرب ولا ابو بريص - اييع ولي طاح حظك - هههههه صبيت الغدا ونزلت المحروسه باوعتله واني اتخوصر الها هلا هلا والله اشوفج ماخذه راحتج اذا غاب القط العب يا فأر موو طبعا صكارج ماكو الله يعلم غرفته شلونها هسه لج ماتكولين اني جنه عدي واجبات التزامات صخام بوجهج وبوجه إلي جابج عل - اسيييل - شكو يمهه قاطعتيني - شكاكه تشككج لج لا تغلطين ع اخوج - هاا صح اخوي جابها ايي صخام بوجهج وبوجه كلمن صادقج لج افتهم انتي شنو ع الاقل سوي زقنبوتج مو تنزلين وكت الغدا تزقنبين وتكومين اصعدين جنج ثور. هايشه بس تاكل وتسمن وتنام - اسيييل والله اني اعلمج خل يرجع اخوج واني اعلمج تحجين عليه اني هايشه يا سلبوح - لااااا كلش راح يسمع منج روحي روحي بابا عفتها وصعدت واني ع درج صحت المواعين غسليها ونضفي المطبخ ست الحسننن عفتها ودخلت الغرفتي اوف شنو من بنيه ما تمل من النوم ٢٤ ساعه بغرفتها شنو هاي كعدت ع الجربايه واذكرت كلام عمر شمرت روحي ع الجربايه وضليت افكر ااخ اسيل وأخير اجاج فارس احلامج مستعجل ههههه اتصل لو لا لا عيب بس خاف ما ينقذ اشهب لا غصبا ما عليه ينقذه اممممم عدي فكره جريت تلفوني وخابرت عمو علي - ألوو عمو شلونك - الحمدالله بتي خير - عمو وين انت بالشغل - اي حبيبتي كولي - ااا خابرك عمر - لا ع شنو - مو اجه للبيت وكال اليوسف اشهب متصل بي ومحددين مكانه وكال راح اروح له بس ينتضر خبر منك - الحمدالله بس خبر مني ليش - ااااااااا خرب بيومج اسيل فكري فكري اي اي قصده انت تخابره تكلي روح يعني هيج - وليش اخابره - ممم مدري هو كال اليوسف هيج اصيح يوسف اسئله حجيتها بخوف واني ادعي يكول لا فدوه فدوه الك ربي يكول لا والله يوسف يشرني ع الحبل فدوه اروح الك ربي ساعدني ساعدني هلمره وبعد ماجذب والله والله -لا خلي هذهو هسه اخابره وافتهم منه - يسس اي اي عمو عاشت ايدك يلا امي اصيحلي باي سديته واني اركص هيييي اني اعلمك عمير ماطلع اسيل اذا ما خبلتك هههههههه شمرت روحي ع الجربايه وجريت أوراقي واقلامي وكعدت ألوان واشخبط احب ارسم والون ودخلت كلية فنون لان احب هذه الشغله غفيت واني ارسم ومادري بروحي فزيت ع صوت هورن كلشش قوي طفرت اذكرت قمر وليث عزااا بيش الساعه باوعت الساعه ٨ باليل خرب نزلت اركض يوسف فراس ابراهيم روزز وينكم وين عمو علي يوسف : ما اجه خرببب حتى ما اندل بيتهم خل اخابر عمو علي. - الووو عمو وينك - ها حبيبتي اني يم ضي جلبت وماخلتني اروح ودكيت وطلعلي يوسف وكتله شنو ما كالج - هاااا يوسف لاا ماكال خوش عمو ضل بالي يلا مع السلامه سديته ودرت وجهي وين يوسفففف ابراهيم : صعد فوك اني اعلمك يوسف والله اليوم محد يخلصك مني هستوني صعدت اول درجايتين ودك الجرس نزلت باوعت ع فراس - فراس تعال نطلع نشوف منو جريت حجابي وطلعت اول ما فتح الباب فراس دخل اشهب عصبي وكبل للبيت ركضت وراه وعفت فراس بلباب صحت اشهببب رفع ايده وهو يخزر بيه ولا احددد يوصل يميي ولا واحد ماريد اشوف ولا احد عافنا ودخل للمكت مالته واني اباوع ع الجهال حاله حال ملابسه من اللون الاسود إلى الأبيض وكصته بيها جرح جبيره فوك حاجبه والدم يابس عليه وخشمه ينزف يمه هذا يا واحد بايع روحه وماد ايده ع اشهب الله يرحمك وين ما جنت ضليت كاعده بصاله احمد الله امي نايمه بغرفتها من وره كلبها ماكدر تطلع وبس نايمه الحمدالله جان راحت بيها الولد واحد صافن بوجهه الثاني. شويه ونزلت حنان المكياج والملابس فضيحه باوعلتي ودارت وجهها - حبيبتي روزه بابا وين سمعت صوته - بالمكتب مالته واذا متردين روحج طبيله ضحكت ع كلام روز وهي خافت كامت كعدت ع الدرج واني اضحك عليها كلساع تنزل تريد تروح للمكتب وتبطل لل١٠ اجه عمو علي وليث وقمر - شكو شبيها وجوهكم - عمو اشهب رجع بس عصبي نار ودخل للمكتب مالته - ماشي روحو انتم كلمن الغرفته يلا واني احلها - هزيت راسي وأخذت الجهال الغرفهم نيمت قمر وروزه وطلعت شفت امي وردت اصعد جان اسمع عمو علي يصيح - انجببب اتأكد من حجيك ياله تحجي - عميي وحق ابويه وروحه إلي داكوله صح بكر هو الي خطفني سمعت صوته بذانيي شنو ماعرفه انييي - شووف اشهب اذا طلع كلامك غلط ماتلوم غير نفسك - هههه لا تخاف اني باجر اخلي ينسى حليب امه واعلمه الرجال شلون تضرب وجهه بوجهه مو هو ومجتف لازمه ضرب بسيطه بكر أفندي بسيطه - يممه عزااا هاي ليش هيج سوه عم ضي معقوله هو القاتل لالا اسيل شبيج لعني الشيطان مو معقوله يكتل زوج بت اخو وليش اووف بس ليش خطف اخوي وشنو السبب ضي : بليل اجه ابو أسد وراد ياخذ الجهال جنت اسوي بالعشه لحيت يدخل يتعشه ويانا عمو بكر اتصل كال اتأخر بالمعرض كعدنا تعشينا وجان مكان أسد فارغ مكانه بحياتي كليا فارغ احس شي ناقصني اوف يافراقك يا اسدي بقينا نسولف ونضحك لل ١٠ اخذ الجهال وراح حسيت اخذ روحي والله مايطيني كلبي اعوفهم بس شبيدي نمت واني مادري بروحي من كد التفكير وفزيت الصبح ع صوت الباب يندك حييل طفرت اشوف شكو طلعت من الغرفه لان عمو بكر طالع من الغرفه مالته وبيده مسدس - عموووو شنوو هذا السلاح - اشششش طبي جوه - ماعوفك والله ماعوفكك - لج بتي لازمه عده انتييي فوتي جوه ماكو شييي طبيت للغرفه واني ارجف ابجي سمعت صوت اشهب يصيح ويهدد وعمو علي يهدي بي بكر : كافي خل احجيي الحجي مو بس الكمم ابو أسد : ابني.كول الصدك انت خاطف اشهب - اي اني شهكت واني احط ايدي ع حلكي يمه عزا بعيني هاي عمو بكر شمسوي ردت اطلع واذكرت العده خررب بقيت احوص بالغرفه وهم يصيحون اخر شي صاح عمو بكر - بسسس عمي ابو أسد خل اكولك ليش خطفته خطفته حتى اراوي شلون يمد ايده ع مره شايف الجرح إلى بكصة ضي لو الزراك إلى بديها وضهرها كل هذا التعذيب بسجن من طلب الأفندي اشهب ليش هاا ليشش لك انت رجال ماتحملت واحد يضربك بعد هي شلون تحملتتتت - لك مو هاي بمثابة عرضك ومرت اخوك تعتبر ليش هيج ضكت إلي ضاكته حسيت بالالم إلي حسته هييي هذا الي ردت اوصله الك ان المضلوم يتعذب هوووواي أضعاف عذابك هسه عمي ابو أسد اني اعتذر ع قلة الاحترام هاي بس جان لازم اطي درس للأستاذ اشهب - والله لاندمكم ماطلع اشهب بسيطه دقايق وصار هدوء طلعت اركض اشوف شكو صار عمر بكر كدامي - عمو ليش هيج - اشش لا تتدخلين بسوالف الكبار وخري - عمو و - كتلج اششش عافني وطلع ومر هذا اليوم واطفالي ما اجوني ومر اليوم الوراه ونفس الشي وماكدر اطلع لان ماعدي بوشيه ولا شي ما ماخذه احياطاتي ابد حالتي سائت وبس ابجي ومتكعوره روحي بالغرفه وعمو بكر خطيه حار شسوه بس ما طلعت وحالتي فدور لحد ما ندكت الباب العصر كوه وكفت ع رجليه وطلعت اشوف منو اكو زرف بالباب سواه عمو بكر حته اشوف منو الي وره الباب شفتها اسيل رأسا فتحتها دخلت ووراها ليث وقمر يمه من شفتهم حسيت روحي ردت إلي اخذتهم بحضني ووكعت بالكاع وصرت ابوس بيهم وهم شابكين ويبجون باوعت ع اسيل واكفه تبجي - اسفه والله بس البيت حان مدهور احواله وكلها داخله حالة إنذار ومنكدر نحجي حجايه وحده مكدرت اجيبلج الجهال اليوم اشويه البيت احسن ج بتهم واجيت - حبيبتي متقصرين شكرا الج طببتها وليث وقمر بحضني كلساع اشبكهم وهم يضحكون منو جابج - عمو علي بس مقبل ينزل - هزيت راسي عرفته زعلان من عملة عمو بكر اعرفه سوه هشي علمودي بس ضلم روحه وخله الناس تكرهه ليش هيج سوه - اكلج اسئلج سؤال بس لا تفهمين غلط - لا كولي - صدك عمج هو الي خاطف اشهب - هزيت راسي وكعدت اسولفلها كلشي وهي تبجي - سوده عليه كل هذا صار وياج ومتحمله دنكت واني اباوع ع الجهال طلعو الألعاب من الغرفه واجوني - يلا خل نلعب - اي ليش لا واسيل ويانا - اي وياكم بس بفريقج ليث : لا ميصير اني واسيل وماما وقمر اسيل : اوك اني موافقه - واني هم يلا لعد بدينا نلعب ختيلان ساعه وساعه شرطي وحرامي وهم يضحكون وساعه انطلع ورقه وانشخبط ونلعب ترسنا الصاله ملاعيب احلا ايام عشتهه ويه أطفالي كاعده اسيل تشاقه ويه قمر وفاتحه شعرها وهو طويل جان مانحس غير عمو بكر يدخل - ولكم اليوم الجيش المغولي محتلنااا هلا هل - انتبهت عليه صفن ع اسيل وبقه صافن وهاي الثوله من شافته كومي ركضي فد ركضه الغرفه واني ميته ضحك شلت شالها ورحتلها لكيته تبجي - يا ولج شبيج - دشوفي عمج شافني هيج هسه شيكول عليه - ما شافج مانتبه ضل يباوع ع قمر حجيتها وضحكت -اي قشمري قمر بهذا الحجي جيبي الشال يلا خل اخابر. عمو يجي عليه - لا حبابه خليج وره اللعشه وأخلي عمو يوصلكم - لا يمه والله بعد ماطلع كدامه لو اموت شكد فشله - لج هو راح يدخل الغرفه وينام وبعد مايطلع دمشي يلا - بس اتأكدي طلعت مديت راسي ماهو رجعتلها ماكو يلا مو كتلج بالغرفه - اكلج شو من شفته ما كرهته غير اكرهه لان خطف اخويه هههههه - حبيبتي عمو محبوب مينكرهه هههههه - اويي عينيي ع جماله - هاها ترا الصوت يوصل الغرفته - جذبب الله ياخذج اسيل ضليت اشاقه وياها و نسولف ونشافه واضحك واسوالف لليل اجو اخذوهم ومرت الايام تركض ركض وخلصت الاربع أشهر وعشر ايام وطلعت من العده وأهلي لحد الان ما لكو حل واحنى ضالين هنا ماعرف مصيري شنو ولمتى ابقى هيج مرات يجوني الأطفال من الصبح لليل بيوم العطل ومرات يجون العصر ومرات يباتون عدي والصبح ياخذوهم ويرجعوهم ثاني يوم وع هذه الموال خلصت الاربع أشهر مصورت راح يخلوني اشوف الجهال وخاصه اشهب وبعد إلي سواه عمر بكر بي بس صدمني من كالت اسيل ما كال شي اصلا لا عارض ولا قبل من طلعت العده كمت اروح الهم اني واول مدخلت سئلت اسيل - اخوج هنا - هههه لا طالع تعاي الحمدالله ماريد اشوفه دخلت شفت الجهال كاعدين كلهم وأم اشهب كاعده وهم كاعدين يقرون وكلمن دفتره وقلمه ويقرا لان المدارس رجعت من زمان باوعلي ليث وكال - ماما خل نلعب ختيلان يوسف : هاي شنو خاله تلعبين - اي شعبالك احركم كلكم هم وسويت حركه بديه عود طلعت عضلاتي هم ضحكو وصاحو خل نلعب - اوك بس اول شي خلصو واجباتكم ونلعب ضلو يقرون خلصو وكالو يلاا باوعت ع اسيل يلا انتي وياي - لااا تردين حنان تضحك علينا - دروحي بابا حنان شنو حبيبتي عيشي ولا تهتمي كومي كومي لا اكومج بل - لالا عفيه كلشي ولا تغلطين كايمه - صدك شصار ويه عموري حجيتها وغمزتلها هي بعد الفشله إللي اكلتها من عمو بكر بعد ما تجيني بس من هو بالمعرض وساعه وتروح ومره سولفتلي ع عمر واعترافه إلي يضحك - ييع شمدريني بي ببغداد خففه خلصت منه - ممم صدكتج - انجبي انجبي يلا كومي ندور ع الجهال اني راح اصعد فوك وانتي دوري جوه اوك صرت افتر وادخل غرفه غرفه وادور عليهم واصيح اجيتكمممم انييي اليوم احرككم كلكممم وصلت للممر الثاني شفت غرفه بزاويه ضحكت واني اروح الها لكيتكمم فتحت الباب وانصدم واني اشوففها غرفة مكتب باللون الأحمر والأسود تخوف إلى درجه كبيره ومليانه أوراق وملفات وماعرف شنو ردت اطلع بس انتبهت ع سلاح ع الميز شكله مو غريب عليه تقدمت اشوفه جان اسمع قفل الباب درت وجهي بسرعه اشهب - شلونج ابو ليث صاللنا ٤ أشهر وشويه ما مشاوفين عرفت جنتي لازمه عده ع الخير طلعتي منها اخر الاحزان ان شاءالله يحجي ويتقدم خفت منه نضراته تخوف حيل و ماتبشر بخير ابد السلاح كدامي لا اراديا شلته وصوبته عليه إذا تقدمت خطوه وحده بعد اضغط والله ومايهمنيييي بعد شي دير بالك - هههههه يلا ضغطي اضاهر تعودي ع السجون انت واحد حقيييير هذا كاعد احجي و انتبهت ع تلفوني القديم ع الميز مالته اي والله هذا تلفوني القديم شجابه يم اشهب باوعتله بخزره واني مصوبه السلاح عليه........يتبع ،،،،،، وللحكاية بقيه،،،،،، قرائة ممتعه أحبتي ،،،،،،، توقعاتكم وتعليقاتكم وتصويتاتكم،،،،،،،، #نور الشمري #نوشه | ||||||||
|
| |
|
28-06-20, 01:21 AM
| #14 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_الحادي_عشر Noor336 # و عتبي عليك ياخريف فظيع كيف تناديني لفصلك أكرر وأعيد ألا تكف عني لأبدأ مع الربيع ﻷرى الزهر وأركض كالفراش السعيد دعني وشأني بعد الآن كفاني عن السعادة ضائعة أضيع ضي: اشهبببب لا تضحك عليه كولي تلفوني شيسوي عدككك احجييي باوعت عليه واني الغضب ملياني ماعرف شنو صالي بذيج الساعة بس جنيت وفقدت عقلي وصرت اصيح بعلو صوتي وهو يبتسم صار قريب ع المسدس باوعلي وهو رافع حاجبه - السلاح مو لعبة ست ضي ذبي احسلج - والله هههههه واذا ما ذبيته شسوي هاا - ضيي لا تختبرين صبري لان اني يمج ماعدي صبر والله هنا ادفنج ومايرفلي جفن حتى - الله الله عليك هاي إذا طلعت عايش منا استاذ اشهب طلعه منا وانت عايش ماكو و قبل لا تكول تلفوني شيسوي عدككك - منو يكول تلفونج شبيج انتي اشو تحجين وجنج مسيطره حجه كلماته ومشه كلب التلفون وراد يحطه بالجراره صحت اشهببب - جيب تلفوني - منو كال تلفونجج - اشهبببب تلفوني اعرفه من بين كل التلفوناااات لان جابه أسد إلىي والكفر مميز لان سؤاله اشهب إلى بسسس فلاااا تلعب عليه وجيببه داكولك حجيته واني اصوب السلاح عليه باوعت عليه وسحبت أقسام هو رأسا أتقدم - هيييي هيييي شنو شبيج ترا مو لعبه هذا ذبييي - ماذببببه - ماشي لعد ضربي خل نشوف شجاعتج يلااا ضربي ست شمنتضره - اشهبب - ضربيي يلاا -اشهب دير بالك مني ترا اسويها والله تلفوني شعده عندك وهذا السلاح المنننننن لان شايفته قبل متأكده احجييي انتبهت عليه وكف كدامي ومبتسم - ماشاءالله منتبه زين وتعرفين تلزمين سلاح بعد - اشهبب لا تجنني جاوب - ماجاوب اريد اشوف شلون راح تضربيني مثل ما ضربتي أسد حجاها وغمزلي - انتتتتتت واحد حقيييير. ردت اضغط ع الزناد بس لعنت الشيطان وباوعتله تدري شنو مشكلتي ان اني مو انانيه مثلك ولا حقيره وظالمه اني انسانه افكر بغيري انسانه افكر بطفالك اذا قتلتك وين يرحون وهم ماعدهم ام وهسه اب شنو راح يصير بحالهم منو الهم هم الي شافعيلك هسه واله من زمان قتلتك وخلصت من شرك وظلمك يا ظالم تعررف لو ما هم جان قتلتك ودخلت السجن واني مرتاحه لان مامنه أطفالي راح يكونون بأمان عد اهلي لان جدهم مراح يكدر يربيهم وحدهم وانت ماكو ادخل السجن وماكو شخص ظالم وراي ع الاقل صدك مجرمة اكون بس هلمره غير هههه برائي اضغط ع الزناد واكون انانيه ومافكر غير بنفسي لو جاوب وتكون شخص زين برئيك جاووب - ماعرف ليش بوكتها من شفت التلفون والسلاح حسيت اكو شي وراه حسيته يضم شي مايريد احد يعرفه وماجان عدي اي طريقه ثانيه غير التهديد سمعت صوت الجهال وهم يدورون عليه اشهب جاوب اريد اطلع - هههه اذا بيج حظ ضغطي ع الزناد لان لو بمكانج اني ما استسلم ولا لحضه واضغط وما اخاف من شي بس اضاهر مو كدها - غلطان اكدر افرغه براسك هسه بس اريد اعرف اول شنو وراك تلفوني ليش عدك أتقدم خطوتين وصار المسدس يبعد عنه اصبع باوع بعيوني وهمس - تدرين اني واحد حقير واناني وظااالم ماراح احجي يلا فضيها كتليني وخل نخلص لا تبيعين دور الملائكه كدامي لان مراح يمشي هذا الدور عليه - وأنت شيطااان لك حتى الشيطان مو مثلك اصلا منو كالك اني ملاك اني اصلا انسانه من دم ولحم والانسان يغلط ومو معصوم لهذا اني مكدر اكول عن نفسي ملاك واني مرتكبه أخطاء بس مو مثل أخطائك يا حظرة المحامي اشهب - ههههه واوو يعني هسه اني شيطان وانتي نص ملاك منكول ملاك زين كتليني وخلصي مني وعيشي سعيده - مو انانيه مثلك - صح بس شلون ما اشوفج اشوفج تتعاملين ويه السلاح بكل علم وعبالك تعرفيه زين - ايي ههههه صح تدري ليش وشلون اعرفله لان علمني أسد قبل لا يتوفى علمني شلون ادافع عن نفسي بيوم إلي هو ماكو واجه هذا اليوم الي حتاجيه بي - الله قهرتيني يعني هسه انتي مظلومه كلششش واني ظالمج اخ منك اشهب شكد ظالم لك شنو من قلب شايل يا غبي هاي الظلم قليل بحقهااا - سخيييف اسئلك سؤال واطلع لان أطفالي يدورون عليه وادعي ربك اني ماقتلتك لان عدي رحمه وقلب مو حجر مثل جان واكف بكل جبروت ضحك بصوت عالي ودار وجهه اطاني ضهره وكال اي سئلي سؤالج - ليش ماخذ عني هذه النظره ليش كل مشوفني اسمعني كلام جارح وبرغم من ان برائتي طلعت كدامك وانت شهدت و - واطيت دليل ع برائتج مو راح تكولين هذا الكلام ماشي اجاوبج بس قبلها خل اكولج شغلة من شخص يعاندك ويسوي عكس الي تريده انت شنو راح تتصرف وياه راح تكلب كلشي وراح تسايره وشنو يريد تطي وهو ساعتها راح يبطل عناد ويسوي إلي انت تريده هذا الشي نفسه شلون دار وجهه عليه واني رجعت حطيت المسدس عليه بعد ما نزلته ضحك ودنك ورجع كمل كلامه - وافقت اطلعين حتى اشوفج نجوم الضهر وافقت اسوي كلشي طلبه عمج ع ان اراقبج واعرف كلشي عنج ووكتها راح اثبت جريمتج - انت واحددد مريضضض - ههههه هذه اكثر من مره اتعيديها واسكت المره الجايه من تكوليها ما اضملج اطلعين صاحيه - انتت شنو وووو - بشر يريد حق صاحبه - حق صاحبه هيجج من تتهم مرته بشي هي مسويته ههههه ضحكتني - ههههه اي صح تدرين ان اني بعد خليتج تطلعين وقدمت الصوره العمج كل هذا علمود اضهرج ع حقيقتج - انت صدك مو صاحي تدري جان أسد يكول عنك انت واحد صاحب قلب ابيض من جوه ومن بره يكون ظالم واسود بس أسد جان غلطان لان انت العكس داخلك اسوووود وخارجك ابيض تمثل بي دور المظلوم وانت أكبر ظالم - خاله وينججج اجاني صوت يوسف وهو يدور عليه درت وجهيي للباب ورجعت باوعتله بس بلمح البصر وماعرف شلون جر المسدس مني واخذه وحطه عليه - شنو راح تكتلني حجيتها واني اباوعله بستهزاء - اريد اشوفج القوه لو مهما يكون الشخص المقابل وانتي شاكه بي ولو ١ ٪ لا تركي عايش بغبائج وهسه اني راح اخليج تذكرين كلامي زين وتكولين اه لو ضاربته باوعتله بستغراب شيقصد هذا ماحس غير ضغط ع الزناد رأسا درت وجهيي واني خايفه ارجف رجعت راسي ماكو طلقه باوعتله شمر المسدس ع القنفله وهمس -المسدس مابي ولا طلقه يا بريئتنا راحت عليج حرامات بقيت صافنه عليه شلون ومنين جاب الجرئه وضرب وماخاف يكون اكو طلقه حاشره لو شو وين واروح صدك ظالم عفته كعد وره الميز وطلعت اركض واني شالة بكلبي كره مو طبيعي عليه مكدرت أخذه منه ولا كلمه صار يوسف وإبراهيم كدامي جان يكولون - وين جنتي سألنا ساعه ندور عليج بعدني ردت اجاوب ودخلت اسيلو وهي تغني - ها ها ها واحنى الاسسنا الملعب واحنى انلعب بي وها وها وها وها -هاا سالمين خير شبيج - مابيه بس اجتني الحاله اي غير واخيرا لكيناج سالج شكد مختفيه يا خيه خفت عليج باوعت لها صفح متربين من سوالفج - لاا هههههه - وين ليث وقمر - فوك صعدو يدورون عليج ماشي صعدت ادور عليهم ليوثي وينكم حبيبي كاعد امشي ما اندل بالبيت زين جان اشوف حنان كامشه قمر من شعرها وتصيح عليها مجرد ما شفت المنضر حسيت النار صعدت الرأسي متحملت اشوف بتي بهل الوضع وماحسيت غير صحت بصوت عالي لج حناااااااااااااااان هو اني منا ما جرعت هاي المخلوقه ومنا شفتها تضرب قمر ركضت عليها وجريتها من شعرها -لج حيوانه منو انتي وتمدين ايدج ع بنتييي طايحت الحظ والله اليوم اربيج اني صعدت اسيل والجهال يركضون واني بس اضرب بيها راشديات وهي تدفع بيه واني ارجع عليه حسيت براشدي قوي لف راسي لف درت وجهي شفتها حنان دفعتني وصارت فوكي وتملخ بشعري وأصيح - حقيره اتمدين ايدج عليه والله اليوم اني اعلمج وبحركه لا اراديا مني واني ادافع عن نفسي خرمشتها بخدودها وهي عاطت وخرت مني واسيل واكفه تضحك عليها والجهال يردون يفكونا من شفتها وخرت عني نمت فوكاها وهلست شعرها والله اليوم اكسر ايدج اليوم يا حيوانه اتمديها ع يتيمه يا بلا اخلاق رفعت ايدي اريد اضربها وماحس غير واحد كمشها ردت اضربه بيدي الثانيه بدون ماشوفه حتى منو بس من رفعت ايدي وراسي انتبهت هذا اشهب جان يباوع بكل برود وايده كامش بيها ايدي وايد الثانيه مادها ويباوع همس بهدوء وهو يباوع ع اسيل - اسيييل تعاي شيلي هاي وكعديها اريدها تصحى واشر ع حنان وباوعلي وهد ايدي وهمس الكل جوه خمس دقايق الكل كدامي عافنا ونزل واني اريد الحك اسيل وحنان جان تكمشني قمر تبجي وتصيح ليث من جابت طاري ليث فتحت عيوني وين اخوج احجيييي بسرعه وينه ولج وين اخووج - ب بال بالحم بالحمام قفلة الباب عليه خاله حنان و عفتها تحجي وركضت ع الحمام الفوك اريد افتح الباب ماكو المفتاح ماكو صحت يوووسف فراس ابراهيم وينكم واحد منكم يجيب النسخه الثانيه من المفتاح فدووووه يوسف : عد بابا هسه اجيبه الج ركض يوسف واني ادك بالباب ليث ليث حبيبي تسمعني ليثثث - ماما اختنك الريحه مو طيبه تنفست براحه واني اسمع صوته ابراهيم : هههه اسبح ع ما نفتحلك الباب حته الريحه تروح هههه فراس :اششش - ههههه ضحكت ع كلامهم اجه يوسف يركض بيده المفاتيح اطانياهم وجان يباوعولي ويهمس - خاله احنى اسفين مندري هيج راح يصير لو ندري َمانعوفهم وننزل ندور عليج وع عمه اسيل حته نفوز - لا حبيبي ماصار شي لا تعتذر فتحت الباب وطلعت ليث أخذته بحضني واني ابوس بي سوتلك شي حبيبي ها تأذيت - لا ماما مكدرتلي ومن ما كدرت حبستني - الله يكسر ايديها ان شاءالله - لا ماما عوفيها الله يعاقبها لا تدعين عليها مو انتي هيج تكولين - اروح فدوه الك جريت ليث وقمر بحضني واني احميهم حسيت روحي صدك صرت مفترسه من شفت جهالي هيج ولحد الان اذا اشوفها كدامي يمكن اذبحها وما يرفلي جفن نزلنا ونزلت اسيل وياها حنان اول ما خلصن الدرج عافتها اسيل واجت وكفت بصفي وتهمس باذني - اروح عشر فدوات الج وارجع باوباما ع هذا الدكه اتخبل يمه ابدي اركص هسه خزرتها تسكت باوعت عمو علي وأم اشهب واشهب كاعدين وكف اشهب وصاح اييي سولفو لي شنوو هايي - شنو جهاااال انتن وانتي عود العاقله شلون هيج اسوين باوعتله بنص عين لا معقوله هذا اشهب لو غيره زين منو يقصد بالعاقله اني باوعتله و اشرت ع نفسي اني العاقله منو كال حجيتها واني اباوع ع عمو علي جان يضحك ويدنك راسه يهزه راسه باوعت عليه وهمست استاذ اشهب من يكون الأمر متعلق باطفالي انسه العقل ويصير عدي جنون اعذرني جان يباوعلي بخزره ويدور وجهه ع حنان جان يصيح -اييي وانتي مداام بالله هاي افتهمناها ماعدها عقل واجتها الحاله وانتيي من كال هيج ضحكت اسيل واني ماتحملت نسيت كلشي وضحكت وياها عصبية اشهب وكلامه صدك يضحك جان باوعلنا بخزره رأسا دنكت اسيل واني باوعتله بتحدي هز راسه ورجع داره ع حنان وصاح - اييي اسمعج - والله مالي دخل فجئه ماحس غير هذه الشيطانه هاجمه عليه وملخه شعري - ايا جذاااابه ولج لا اجذبين حجيتها واني اريد اهجم عليها واسيل مكمشه بيه باوعلي اشهب وخزرني وصاح اي احجي بلا هلاتصرفات المتحوشه يلا باوعتله بغضب وهمست من صعدت ادور ع ليث وقمر لكيتها كامشه قمر واجرها من شعرها وحابسه ليث بالحمام هم اسئل فراس واخوته هي سكتت وباوعتلي بغضب واني رديتها النضره بابتسامه جان يوسف يهمس - اي بابا من اجيتك وكتلك اريد مفتاح الحمام الفوك جانت خاله حنان حابسه ليث حنان : يوووسف لا اجذب هاي الحقيره الجذابه علمتكم ع الجذب مووو - حناااان لا تخليني اغلط عليج من اكلج احجي تحجين وولدي ميجذبون عليه ويوكفون ويه المظلوم ليث بابا احجي شصار باوعت ع ليث واشرتله براسي يحجي باوع ع اشهب وهمس - عمو اول شي لا تكولي بابا لان انت مو بابا وبس بابا يكلي هلكلمه ابتسمت واني اسمع كلام ابني باوعتله بفخر لان عدي هيج طفل ورديت النضره ع اشهب إلى احسه شاط نار من سمع كلامه هز راسه وكال - حبيبي متعلم عليهه وانت مثل ابني هسه عوفنا من هذا الحجي وكولي ليش حنان سوت بيكم هيج - عمو جنه نلعب اني والولد من شفنه محد اجه كالو الولد خل ننزل اندور عليهن وانفوز بس اني ضليت اني وقمر وروزه ما نزلنا جان كتلهن تعالن نغير مكانه لا يلكفونه طلعنا هستونا وجان تطلع خاله حنان من غرفتها احنه ركضنا للحمام ردنا نختل جان تعيط بينا خاله حنان وتكللنا - انتم شسون هنا هاا نزلو جوه لعبو يلا ماريد هوسه هنا اريد انام اني كتلها نامي بغرفتج محد يوصلج واحنه نلعب هنا مو يمج جان هي تكول ترد عليه ولك اني اعلمك اليوم وهسه تنزل من طابقي يلا وضلت تحجي ع أن هذا بيتها واحنه خطار هنا ومن هذا الحجي ماتحملت كتله مو بيتج هذا بيت بابا وعمو اشهب ومن حقنا نعيش بي مالج دخل انتي جان رفعت ايدها تريد تضربني مخليتها ودفعتها جان هي تضربني ودخلتي للحمام وقفلت الباب وبعد مادري شصار روزه : اي بابا صح اني جنت واكفه بلممر جان قمر اضل اجر بيها وتكللها فتحي الباب لاخويه وهي مقبلت كامت كمشتها من شعرها وضربتها وبوكتها اجت خاله ضي وصار الصار باوعت ع ليث وقمر واني كلي فخر بيهم بس لو يهدوني عليها اخ ماخذت حيفي منها زين - حنان أفندي شنو هذا الي سمعته - لالا اشهب عليك الله لا والله ماعيدها والله مو قصدي ابدددد جذابين اي جذابين ماحس غير اشهب هاجم عليها جرها من شعرها وصعد بيها الدرج سحل واني صافنه يمه عزا هذا شنو باوعت ع اسيل ولج راح يموتها - يطبها طووب - لج اسييييل مو هيج اني اكرها بس مو هيج يا غبيه باوعت ع عمو علي شفته لحك اشهب ويريد يصعد فوك لحكته واني اساعده يصعد الدرج وهو خطيه كوه يصعد لحد ما وصل يم اخر درجايه جان يصيح - لك اشهببب لك وليدي لا تعيد الغلط بالغلط مو هيج تنحل الأمور ركضت ع الباب واني ادكها وهو ماكو ميفتحها واني حايره شسوي جان عمو علي يدك من جهه واني من جهه ومانسمع غير صياح حنان إلى يهز البيت هز واني ضليت اكل بروحي ضميري ما خلاني اعوفها مجنت اعرف اشهب هيج حقير وضالم طلع مو بس وياي طلع حته ويه نسوانه حقير ضل عمو علي يحجي وياه وهو ماكو صعدت اسيل وأم اشهب والجهال كلهم اباوع روز وقمر يبجن واسيل اسكت بيهن وأم اشهب وعمو علي يحاولون يطلعون اشهب لحد ما عمو علي صاح ولك اشهببب راح اخذ الجهال واطلع وما تشوفني طول عمرك عافنا ونزل عمو علي ماكو ثواني وانفتح الباب وطلع اشهب يخزر اذا كلت ما خفت منه اجذب منضره جان يخوف من صدك جان اسم ع مسمه اشهب يعني اول مره اخاف منه ومن نضراته عافنا ونزل لجوه لحك عمو علي واني ركضت دخلت جوه شفت حنان نايمه بالكاع وتون صح اكرهه بس بهاي الساعه انقهرت عليها وكلبي مطاني اعوفها ركضت كعدتها وجبتها ملابس ومي اريد اغسلها جان تدفعني - كله من وراج والله محد يخلصج مني والله والله اذا مخليتج تشوفين نجوم الضهر ما اسمه حنان اذا مخليت اشهب يسوي بيج مثل ما سوه بيه واكثر ما اطلع حنان اني وياج والزمن موجود عافتني وهي تسند بروحها ع الأخشاب وتدخل الحمام صراحه خفت من تهديده لان جانت تحجي بكل حركة دم وتتوعد باوعت ع اسيل جان اتشرلي اطلع اخذت روز وقمر ونزلت اباوع ليث والولد بالغرفه كعدت بصاله وحدي ويه البنات واني صافنه شنو راح يصير معقوله اني السبب صدك وضلمتها لا حيل بيها هي رفعت ايدها ع يتيم والله عاق بهاا ضليت بحيره وماعرف شسوي دخل عمو علي باوعلي وكال - بنيتي اخذي جهالج وروحي لبيتكم واني باجر اجي عليهم من كال هيج مصدكت كمت بسرعه الغرفه اخذت غراضهم وكتبهم حته اقريهم وخابرت عمو بكر - عمو تجي عليه - شكو صاير شي - اااا لا او اي بس تعال ونسولف - خو مسوالج شي هذا الحقير والله هلمره مارجعه صاحي - لا عمووو شنقصه صاير عصابجي ههههه سديته واني كاعده بصاله وليث وقمر كاعدين بصفي فرحانين منضرين عمو واسيل تباوعلي واتشر اشرتلها شكو - لج امي صعد ضغطها ونامت وهي بس تسئل ع اشهبووو ابو المشاكل وين راح تدرين وينه - و شعرفني بي شنو الحارس الشخصي مال الخلفوه ومادري بروحي - خرب بيومج ولا تكعدين راحه - ابد ههههههه شويه وسمعت صوت هورن عمو بكر حبيبي ليوثي اطلع العمو ع ما اجيب الجنطه واجيك شلت الجنطه وأخذت قمر بأيدي جان يجيني صوته وين خانم - باوعتله وهمست من اجاوبني ع سؤالي اجاوبك يلا مع السلامه عمو - ضيييي لا تلعبين بناررر ابو أسد : شبيكك شبيكك اني كتلها تاخذ الجهال وتروح لان البيت مكهرب ومرتك ما تحترم و بس تهدد -عمي الجهال شعليهم - اشهبب لا تخليني احجي حجي ما يعجبك الجهال اني المسؤل عنهم بعد ابوهم الله يرحمه عود من اموت انت تصرف - الله يطول بعمرك عمي مو هيج بس - اشهبب - هذهو عمي باوعلي بخزوه واني رديتله ابتسامة نصر لان اتفشل وماكدر ياخذ الجهال مني وطلعت احس روحي منتصره عليه ركبت ويه عمو وهو يباوعلي - شكو كعدت اسولفله الصار من اول مادخلت البيت ومن دخلت المكتبه ورفعت السلاح بوجهه لحنان وسألفتها - تستاهل هلعار والله اول مره اوكف ويه هذا العار اشهب - يا عمووو حته انت - انجبي لج لعد ترفع ايدها ع يتيم ونسكت والله لو ساكت اشهب امي ماسكت بس ماقصر هههه وبعدين تعاي شلون ترفعين السلاح ولج بوجهه لج بابا هذا واحد خبيث وحقير شراني يروح يسويلج سالفه - شنو هاي عمو ترا اني مو قليله لا تخاف تربيتك وتربية أسد - والله والنعم ههههه وصلنا للبيت واني سعيده لان ٠هالي اليوم يمي سويتهم الاكل الي يحبو وكعدنا اسولف وعمر بمر ما طلع للشغل ضل يمنا وصلينا سوالف وضحك وشقى لليل كعدت اقريهم وعمو بكر كلساع وصاح اليوم الجيش المغولي عدنا يأبه وليث يتخبل من يكله هيج ويكوم يشمر روحه عليه ويضلون يتماطلون ويشاقون واني وقمر بس نضحك عليهم لليل كلش خلصت قرايتهم واخذهم لغرفتي وفتحت التلفزون ع فلم كارتوني وكعدنا نتفرج غفينا واحنى نتفرج ٣ من التعب كعدت باليل ميته عرك من الكابوس استغفر الله يالله نعلت الشيطان واني اكوم توضيت وفرشت سجادتي وكعدت اصلي وادعي الله يخلصني من هلكوابيس خلصت ورجعت مدتت بصف جهالي واني صافنه جان أسد كل ما يفز ويصلي صلاة الصبح يجي ينام بنصهم ااوف اشتاقيتلك أسد هوااااي اشتاقيتلك ليس رحت عني ليشش غفيت واني افكر باسد و الصبح كعدت ع صوت المنبهه الجهال دوامهم ضهري عفتهم نايمين وكمن لكيت عمو طالع للشغل نضفت البيت وطبخت الغدا لل١١ كعدو الجهال صباحوو ياحلوين - صباحوو صباحوو ياحلوين يلا تعالو تغدو حته ترحون للدوام قمر : ماما الروضه هاي كلش حلوه مو مثل الي ببغداد - صدوك - ايي وحته البنات صح اكو ميحجن مثلي بس كلش حبابات - فدوه اني لبناتي اذا تردين نتعلم نحجي مثلهم - صدوووك - اييي ليش لااا - اي اي حبابه ماما حبابه - تدللين ريكتهم وب١٢ ونص اجه عمو علي أخذهم للمدرسه ومناك يرحون للدوام هم خابرت اسيل وصيتها عليهم وتقريهم زين اعرف ليث يعتمد ع روحه صاير وميقبل احد يدرسه بس هم ميخالف خلصت وصفنت اريد اروح للنجف أزور أسد خل اكول العمر على اذا قبل اخذ الجهال واروح العصر اجه عمو بكر صبيتله غدا وضليت اسولف وياه - اكول عمو - كولي حبيبتي - انت وعدتني نروح للنجف شوكت نروح - شوكت متردين نروح - صدوك لعد باجر احاجي عمو علي اذا قبل ناخذ الجهال الجمعه ونروح - تدللين فدوه الكلبج عمو ضليت انتضر باجر بفارق الصبر باليل راسلت اسيل سئلتها ع الوضع - كالت ماهيه اليوم الصبح اجه ابوها من بغداد وراحو - اي الحمدالله حته اجي باجر - لج خفه خلصت منها افيششش شلون رويتيني من كتلتيها حرامات لو ما اشهب جان نزلت وياج عليها وها شوط الج وشوط إلى بس اشهب - لا لج حرام خطيه هههههه - لا شوف منو يحجي مو البارحه كلساع تردين تهجمين جنج جلب مسعول واكمش بيج يمعوده سترى علينا - يا هاي منو انييي - اي جا ابوي من كبره - عزا بعينج دروحي روحي هذا عمير مطلع عينج - يااا إلى يسمعج يكول صادقته خيه هي مره وحده حاجيته ورجع لبغداد - اشوفج ضجتي - انجبي عليش اضوج بس شو هذا بس كلام مو ع اساس يخطبني - مستعجله ههههههه - انجبي اصلا ماريده - يا هههههههه صدك اضحكين يلا اروح انام وباجر اجيكم - ماشي سديته ونمت بس قبل لا نام قريت اية الكرسي ودعاء طلعته بالفون ونمت صدك والله نمت والنومه نومه للصبح من دك عمو الباب عليه حته كوابيس مشفت كعدت فرحانه جان يوم أربعاء رحت وكتله العمو يجي عليه الضهر من يطلعون الجهال للمدرسه اول مدخلت باوعت ع اسيل اخوج المستئذب هنا -ههههه خوش لقب لا مو هنا بشغل - لج ملخ البنيه فلك اي والله - تستاهل - انجبي اسيل وين الجهال - نايمين لسه خل اكعدهم واراجعلهم كعدتهم راجعتلهم المواد ودرستهم وقمر تلح اعلمها كردي واني أكلها مو هسه بالعطل نتعلم اعرفلي كم كلمه معلملياهن أسد لان يعرف كردي قريت ليث وراجعتله المواد الاخذهن ورحت شفت قمر شماخذه بروضه وضليت كاعده وياهم سوالف وضحك لحد الضهر بدلتلهم وانتضرنا عمو علي اول ما اجه كمت - عمو اذا وصلت الجهال ورجعت عدي حجي وياك - ماشي بنيتي تدللين - طلع اخذ الجهال للمدرسه واني ضليت انتضر ربع ساعه واجه باوعلي وكال كولي بنيتي شعدج باوعت ع اسيل وهمست - عمو الجمعه عمو بكر يريد ياخذني للنجف ازور أسد وو و كلت بلكت اذا توافق حته حته اخذ الجهال يزورون ابوهم من خلصت ابتسم وكال -وليش خايفه هيج من حقهم واني من اريد أخذهم بس اكول خليها من يفرغ اشهب وياخذنا هذهو بنيتي باجر من يرجعون من المدرسه اجيبهم الج هم وغراضهم والجمعه ترحين - فدوه الك عمو ماعرف شكولك فرحتني كلشش -فرحينا وياج ست ضي اجاني صوته و اني بعز فرحي ضجت ودرت وجهي عليه - استاذ اشهب شي بيني وبين عمو علي ممكن ما تدخل باوعلي بخزره واني عفته وكمت اكيد عمو بكر ينتضرني هسه لان دك عليه من زمان بس جنت احجي ويه عمو علي طلعت وصار عمو بكر كدامي مبين ضايج -شبيك عمو -مابيه ركبي ركبته وانتبهت حاجبه بي دم عزا عمو هذا شنو حاجبه - اشش ولا كلمه روحي طالعه هذا العار يمد ايده عليه اني اعلمه - منو اشهب - منو عار غيره يعني باوعت ع عمو بكر سوده عليه كله مني بس شبيدي اسوي ااا عمو اطلب منك طلب - كولي - اكو بنيه وياي بسجن جانت وتوفت دنكت واني اذكر مسره ودموعي لمعت - ايي - ايي فاريد ازورها بس ماعرف وين قبرها كالو ع اساس اخذوها أهلها دفنوها بس منو ووين ماعرف - ماشي اني اتصل بصاحبي الشرطي إلى يداوم بسجن واسئله - فدوه درت وجهي فرحانه لان راح أزور أسد ومسره واطفالي وياي اسيل : جنت كاعده اكلب بالفون واجتني رساله ع الفايبر باوعت رقم غريب 💬شلونج صفنت منو هذا دخلت ع الصوره حاط صورة طفل واسمه مزخرف بلاتيني مدري يا لغه ساعه صافه اريد اقراها ماكو دزيت سمايل صافن ورجعت كتبت 💬منو حضرتك 💬شنو معرفتيني 💬ولا صغر بيك بس لا 💬شنو هاي حبيبي نسيتي أيامنا من جتني هاي الرساله وكفت خايفه باوعت اشهب بالمكتب مالته اروح اشوفه لا هسه يكلي شعدج مجاوبه عليه خرب شسوي رجع دز 💬 ها حبي شنو القط اكل اصابيعج مو السانج وبعد متكدرين تكتبين - لا يا ادبسززز ماتحملت اخذت الفون ورحت ع اشهب هي رزاله رزاله دكيت الباب واجاني صوته ادخل دخلت ع مكتبه إلى احسه غرفة إعدام مو مكتب كلشي كئيب بيها باوعلي وكال ها شنو شبيج - راح اشوفك شي بس متعصب - اسيل مالي خلكج احجي - احلف ما تمد ايدك عليه - اسيل - احلف - وداعت أسد يلا فضيها شكو شوف هذا مدري منو اخذ الفون باوع فتح عيونه وباوعلى بغضب - لج حيووووانه شكو مجاوبه - اي عبالي وحده من صديقاتي - وحده من صديقاتج وتكليله منو حضرتك لج نعاله والله لو مو الحلف جان كطعت النعال ع راسج كلبه - ها مو احنى ندري - اسيل اني روحه طالعه من وره هاي الطركاعه ضي إلى راح تأخذ الجهال وتروح للنجف لا تخليني اطلع حركتي بيج رديلي الرقم خل اصخم اخابره من عدي يلعن بلسكم واحد واحد رديتله الرقم واني اباوعله بخوف دك جان يحجي اشهب - الووو شلونك حبيبي لا يا قندره ع هذه العمله والله اني اعلمك يا مصطفى بسيطه لالا والله تعال للبيت وشوف شسوي بيك ادبسززز هاي تاليتها اني اعلمك سده وشمر التلفون ع الميز وباوعلي - اخوج العار هذا عود يطلع عضلاته ويمقلبج - عابتلك يا مصطفى والله اني اعلمك دتعال اذا ما نعلت ابو باوعلي اشهب بخزره واني رأسها صحت ابو التلفونات والله عفته وطلعت اركض اهمداج اهمداج يعني انتي اله جفصين كدامه وبعدين معرفتي هذا صفيان ابو المقالب دوم يمقلب بيج عفته وصعدت فوك ثاني يوم كعدت ع صوت روزه وهي تكعدني - عمه عمه كعدي - ها حبيبتي - شوفي هذه تلفون بيبي بس يدك ويطلع اسم ابو حمود منو هذا - ابو حمود اخذت تلفون امي امي اتخيل شتسجل بالاسامي هيه يطلع واحد من ولد عمامي لو خوالي رديت الووو - هلا بهل الصباح - يمه عزا هذا انت ولك لو شايله اشهب - شلون يشيله وهو مو بالبيت - شوف عمر والله اذا ما عفتني اسوي بيك سوايه ماتلوم غير نفسك - حبيبتي والله بس خل تطلع دورة سنة أسد وتدللين شدردين اسوين سوي لان اصير خطيبج - لا يا حقير ولي سديته بوجهه واني اضحك يمه هذا يريد يخطبني بس تطلع دوره سنة أسد نزلت واني ابتسم بعدني ع الدرج واسمع عمو علي وماما يسولفون بالصاله - يعني ابو أسد متأكد من هذا قرارك - اي متأكد صح اشهب رفض بس غصبا ما عليه يقبل الناس اكلت وجهنا صفنت شكو عليمن يحجون ع شنو اشهب رافض وشنو إلى حجو الناس عليه ضليت صافنه واني حايره عليمن يحجون جانو ضي : الجمعه حضرنا غراضنا وطلعنا من الفجر صلينا وطلعنا للنجف اني والجهال وعمو بكر والطريق كله اني والجهال نشاقى ونسولف حته ما يضوجون اخر شي نامو بنص الطريق ودك تلفون عمو بكر عمو تلفونه السماعه مالته صوتها قوي كلش يعني اني بصفه اسمعه اول ما رد اجاني صوت جدو - اسمع ماكو غير هذا الحل لان ابو أسد دايخطط لشغله مستحيل اصير - شكو يأبه شصاير - بس تخلصون زياره اسد تاخذ الجهال وللمطار يتلكاك اخوك هناك موسى تاخذ منه الأغراض وكلشي عدنه وتطلع التركيا ومن تركيا تروح يم ابن عمك بلبنان بس ما ريدهم يشكون لهذا ترحون لتركيا وبعدين لبنان فهمت - بويه شتحجي انت - سوي الي داكولك عليه وبسسس لا والله ما مسؤل عن أي شي يصير..........يتبع  ،،،،،، وللحكاية بقيه،،،،،، قرائة ممتعه أحبتي ،،، تصويتاتكم وتعليقاتكم وتوقعاتكمم،،،، #نور الشمري #نوشه | ||||||||
|
| |
|
29-06-20, 03:00 AM
| #15 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_الثاني_عشر Noor336 #إنّ الحرية، قوة جرأة، تحدي فدون الثلاثة لا تكون حراً...الحرية نقيض العجز فإن تكون مقيد فأنت عاجز .. فأنت محدود الحركة، تحت السيطرة، مسجون لست حراً .. صعب أن تكون حراً، وأنت عاجز عن صنع حياتك كما تريدها .. الأصعب من العجز أن تكون أنت العجز ذاته مأسوراً .. الحياة ليست طريقاً بالورود مفروشاً .. لكن من لا يستطيع أن يُعبِّد الطريق ويفرشه بالورود والبساتين لا يستحق شم رحيقها وهو حر.. ضي : باوعت ع عمو بكر إلي سده وهو عصبي همست عمو شكو شصاير شبي جدو ووين نروح - ضي رحمه الأسد اسكتي ماريد اسمع كلمه وحده سكتت واني اباوع ع الطريق بخوف شكو وين يردون ياخذوني وشصاير البارحه اجه عمو علي ومابي شي وعادي معقوله يريد ياخذ الأطفال مني لاا مايسوي ها ليش يحرمني منهم اصلا هم عدهم بس اني اشوفهم يعني حتى هذه الساعات إلي باليوم يردون يحرموني منها لا ياربي دخيلك ماعدي غيرك بقيت الطريق كله اني خايفه ودموعي بعيني خايفه لا صدك يحرموني من أطفالي وبعد ماشوفهم الطريق كله خلص بصفنات وماحسيت ع الطريق من خلص واصلا عمو بكر جان يسوق بكل سرعته يمكن لو الجهال كاعده جان خافوو السياره هدووء وهو يمشي سرعه اذا صارت سياره كبالنا ننتهي ونروح بيها كل ماريد احجي ابطل اخاف لان عمو بكر من يعصب ميحب احد يحاجي سكتت وعفته وحده واني هم درت وجهي ع المرايه صافنه خايفه ضايعه الطريق يخوف وكله سيطرات خفت لا يصفن عمو بكر بعصبيته ويطلع ع طريق غلط وتكمشنا سيطرة داعش ونروح بيها همست واني احجي وياه عمو حبيبي بس وكف السياره شويه ممكن وكف السياره وضرب ع الستيرن اخذت بطل مي من وره من يم الجهال وفتحته واطيتهيا أخذه مني وهو صافن شربه كله وغسل وجهه حط راسه ع الستيرن وهمس ليش دايسون هيج شوكت نخلص - شنو صار عمو شبيهم - ماكو حبيبتي خل نوصل للنجف وتفتهم من ابوج مسح ع وجهه ورجع يسوق بس احسن من قبل رجعت راسي ع الكشن وضليت صافنه حتى ما نمت وبس افكر فكره توديني وفكره اجيبني انتبهت ع سيطرة النجف من وصلنا باوعت بابتسامه واخيرا راح ازورك يا اسدي واخيرا دخلنا للنجف واني اباوع ع الطريق كعدو الجهال يباوعون بستغرب همس ليث وهو يباوع - ماما وصلنا - اي حبيبي بكر : خل نروح نتغدا لان وكت غدا ونروح المقبره ونطلع للمطار ليث : مطار ليش وين نروح ماما صفنت ماعرف شنو اجاوبهم درت وجهي عليه مبتسمه جدو موسى هناك - صدكك الله يعني راح نرجع لبغداد قمر : ماريد ارجع اريد ابقه ويه روزه وبروضه الجديده - انجبي ذولاك مو أهلنا ما نكدر نضل يمهم - لا نكدر مو ماما ليث: لا منكدر - هاي شنوو ليث قمر كافي مااسمع ولا صوت خزرتهم ودرت وجهي وعمو بكر يضحك علينا أخذنا المطعم تغدينا بس ما جان عدي نفس اكل جان كل همي أزور أسد وبس خلص وكام - اني راح اروح اتوضى واشوفي مكان اصلي بي ليث: عمو خل اجي اصلي وياك - خلص اكلك وتعال - خلصت - يلا لعد اخذ ليث وطلعو للحمامات واني كعدت أوكل بقمر ضليت كاعده يمكن بس لكمتين اكلت حتى لا تلعب نفسي حسيت ع قمر تحجي وياي - ها حبيبتي - ماما تلفونج سأله ساعه يدك باوعت ع التلفون اي والله بس رقم منو هذا عفته رجع وره شويه دك مرة الثانيه فتحت خط بدون ما اكول الو كلت اذا الصوت اعرفه اجاوب واذا ماعرفه مااجاوب اول ما كال الووو واجاني صوته عرفته مستحيل انسى هذا الصوت - اشهببب شتريد - شنو هاي ذاكرتج قويه عرفتي صوتي رأسا - اي طبعا لان الظالم ما ينسى صوته شتريد - وصلتو اريد اطمن ع الأطفال - لا بالله مو هم عد غريب شوف أسد لا تخليني اعصب واني كاعده بنص العالم أطفالي اعرف اهتم بيهم فاهم - اول شي اني اشهب مو أسد ههه حقج تيهين صايره ثاني شي هم مو أطفالج بس هم أطفال أسد واسد مثل اخويه واني باعتبار عمهم لان أسد ماعده اخ فاهمه - صفنت عزا هاي اني صدوك كلت أسد ومادري بروحي شلون هيج اكول لهذا الحقير أسد همست لك أسد وين وانت وين يا سخيف أسد ملاك وانت شيطان ومستحيل تتشابهون بشي ومستحيل انت اخ أسد تعرف ليش لان أسد انسان طيب وأخوه لازم يحافظ ع عائلته مو يشتتها يا استاذ - خلصتي - هاااا - خلصتي عذريني جنت احجي ويه عمر ما منتبه ع كلامج اذا خلصتي اطينيي قمر لو ليث - لا يا حقير يا مستفزززز حجيتها بكلبي وهمست ماكو -شنو ماكو وين الجهال - هاا اقصد ليث ويه عمو دايصلي - اطيني قمر - شتريد منها حجيتها بغضب واني فايره نار منه شكد اكره هذا الإنسان يا اللهي -شعليج تطيها لو اجي للنجف هسه والله - صفنت لا يالله لالا اقصد اي هاك اطيته القمر وقمر اخذت التلفون وصارت تحجي وياه وتضحك قمر عكس اخوها بضبط كلش تحب اشهب وعائلته انتبهت ع بتي السوالف وتضحك وياه عبالك ابوها ماعرف ليش ضجت قمر بعدها صغيره ماريدها تنسى ابوها واضل تفكر باشهب لازم ابعدها عنه شفتها دنكت وهزت رأسها وهي تكول - ماشي عمو اكوله هههه وانت هم د ير بالك ع روحك يلا باي باوعت عليهه وهمست شراد منج - ماكو بس حجه وياي وكال سلميلي ع بابا من ازوري - قمررر حبيبتي ماريدج تتعمقين وتقويم علاقتج باعمو اشهب ماشي - شلون يعني وليش ماما - هيج وبس يلا كومي خل اغسلج اجو اخوج وعمو يلا حبيبتي وها هذا سر بيني وبينج متكلين لاحد عمو اشهب خابرنا - ماشي اخذتها ورحت للحمامات غسلتلها وغسلت إلي وعدلت حجابي غسلت وجهي لان احسه نار من وره اشهب الحقير شيريد من قمر اخذت قمر وطلعت اتلكاني عمو بكر وهو يباوعلي ها نروح هزيت راسي اي وطلعنا ليث هادئ كلش وقمر بس اسولف ويه عمو بكر وتحجي وتسئل كلشي اشوفه كدامها بشارع هذا شنو وهذا ليش هيج وهذا شيسوي ووو ماخلصنا من السانها لحد ما وصلنا بمجرد ما رفعت راسي وصارت صورة أسد المحطوطه فوك قبره كدامي حسيت روحي طلعت وكانما أسد هستوه مات اتخيلت المنضر إلي جان بي وكلماته الاخيره حتى وهو ميت جان كل باله علينا ضليت كاعده بسياره اخاف انزل وعمو بكر يباوعلي ماعدي القوه انزل دموعي تنزل واني اباوع ع القبر حسيت الباب انفتح ونزل ليث يركض ردت الحكه كمشني عمو بكر - عوفي خل يحاجي ابوه وانتي ارتاحي ونزلي خليج قويه لا تنهزمين بسهوله ولا تكسرين لا تخلين أطفالج يشوفوج هيج بهذا المنضر واسد إلي صاله اكثر من ٨ أشهر ينتضرج لا تنزليله مكسوره باوعتله واني دموعي تنزل شنو بيدي اسوي وما سويته يا عمو كل قواي إلي جمعتها اتلاشت بمجرد ما شفته الأسد هيج مدد جوه التراب وضلت بس صوره معلكه ليش هااا - هذه أرادت الله حبيبتي شنو تعترضين عليه - لا اكيد والنعم بالله بس ليش أسد مندون الكل ليشش - شنو هاي لا بس ترديني اني اموت بدل اسدج ههههه حجه هيج وهو يريد يغير الموضوع شمرت روحي بحضنه واني ابجي لا والله مو قصدي هيج بس قصدي ليش الزين يروح والشين يبقى ليش الظالم يبقه ويتمرد والمظلوم يروح - هذه الي كاتبه الله سبحانه وتعالى( وعسى أن تكرهو شيٍ وهو خيرِ لكم) حبيبتي الله كاتب كل شخص وقدره وشكد ما طول الظالم بظلمه يجي يوم وينكسر ظلمه ويتحطم ويصير رماد حاله حال الباقين لا حول ولا قوه كل شخص اذاج او نزل دمعه من عيونج اضنين ان الله راح يتركه ابدددد كلشي ولا احد يظلم بشر وربج بالمرصاد راح يجي يوم وكلهم كلهم راح ياخذون جزائهم من قاتل أسد لاشهب إلي ظلمج - ابتسمت واني اهز براسي باوعت ع قمر تباوعلي وتبجي همست واني اباوع لها يا شبيها الحلوه تبجي -لج هاي صايره حساسه وبس تبجي لج بابا عليمن طالعه انتي قموره اشو ابوج سبع وامج بعد اسبع هههههه واخوج هذا بعد ليث اسم ع مسمى ليش هيج ضعيفه انتي هاا باوعت ع عمو وهمست هاي ماطالعه علينا هههه - اي طالعه رون سايد خارج نطاق العائله ماخذه جينات وراثيه مختلفه طافره جيناتها ع حبولتي السابعه مدري العاشره هههههههه - هههه نزلت واني كامشه ايد قمر قوي اباوع ليث كاعد يم قبر أسد وماعرف شنو يحجي وياه بس اشوفه يبجي من وصلنا يمه سكت من وصلت وصرت قريبه ع القبر حسيت فد احساس ماعرفت افسره ماعرف حسيت أسد يمي باوعت رأسا ماكو بس والله حسيته بصفي واكف والله بقيت صافنه ع القبر واني صافنه ماصدك انت هنا أسد ماصدك كعدت بالكاع واني صافنه الدنيا ضهريه وحاره الشمس عاليه والكاع تسمط بس ما همني كعدت وضليت امشي ايدي ع قبره ودموعي تنزل ماعرف شنو اكول مشاعر متطافره ماعرف شنو الاحساس الي بيه كل ماريد احجي احس بي بصفي وادور وجهي بس ما الكاه قمر شابكه القبر وتحجي وياه كلماتها بجتني اكثر وهي تحجي وتكوله - بابا اشتاقيت لك ارجع والله ماتعبك ولا الح عليك علمود اللعب لو المشترى ولا ازعلك وازعل ماما بس ارجع حباب ارجع عمو اشهب يكول كسرة ضهري بفراقك ليش هيج داسوي بينا بابا حتى عمو اشهب القوي ميكدر بدونك ارجع حباب اخذت قمر بحضني واني ابجي أخذها عمو بكر عني وهو يرش مي الورد والبخور ع قبره واخذ الجهال ورجع لوره وهو يباوع لنا كعد بكان جوه سقيفه عن الشمس وحاط ليث وقمر منا ومنا واني كاعده بصف قبره - ايي أسد شلونك تركتني ورحت بنص الطريق وانت الي جنت تكول حتى من اموت ماعوفج ليش لعد عفتني عفتني بحيره وضياع وخوف يا أسد صديقك يريد يحرمني من أطفالي يريد ياخذهم مني صديقك إلي جنت دوم ازامط بي وتكول اخيي سجني وعذبني واتهمني وكل هذا ما كفاه ويريد يحرمني من أطفالنا وابوك ابوك واكف وياه يا اسد رحت وتركتني وحدي اصارع الوحوش البشريه إلي ماترحم ليش ها ليش ضليت كاعده ماعرف بضبط يمكن ربع ساعه او اكثر اني كاعده بس اسولف وياه وكلساع مدنكه ابوس بقبره ساعه اعاتبه وساعه اسولفله فراقه شسوه يوم من اسوء الايام الموت عليه يوم ما انسى طول عمري اخر شي باوعت ع صورته وهمست تدري مره وعدتني وعد من جنت تراسل صديقتك واني غرت وتعاركت وياك كتلي لو احجي ويه الف وحده هذا القلب ما يحب غيرج ولو شنو ما صار هذا القلب راح يضل ينبض باسمج يا ضوه حياتي ضيوشتي انتي هذا كلامك جان اسدي وهسه اني راح اوعدك وعد لو مهما يص ير ولو مهما اعيش بصعوبات ولو اضطريت وانجبرت ع شي ماراح ينبض هذا القلب غير باسمك يا أسد وراح يبقى وفي الك لآخر نبضه اله وهو يردد باسمك هذا وعد من ضيوشتك هذا وعد ماراح أنساك ولا راح احب غيرك ابد طلعت وصله لافته بشريط وحاطه بيها خصله من شعري كصيتها البارحه اتقربت وشديت الباقي مال الشريط بالعمود مال الصوره الي فوك قبره شديتها حييييل وأكثر من مره وباوعتله هذه امانه خليها يمك وراح أضل هنا لحد ما يدفنوني بصفك ماشي وكفت واني اباوع له حسيت قمر وليث اجو يمي حضنو القبر وضلو يحجون وياه ويودعونه واني مبتسمه الهم اخذ عمو بكر ليث ومشه واني انتضرت قمر سمعته تحجي بصوت ناصي اتقربت واني اسمعها - بابا عمو اشهب كالي اكولك هذا الكلام ان هو ماراح ينسى وصيتك ابدد وشنو يصير راح يحافظ ع امانتك وهو يعتذر منك هوووووواي هوووواي وكفت وباوعتلي بستغراب اخذتها ومشيت محجيت شي ضليت ساكته ركبتها بسياره وركبت اني بصدر وطلعنا للمطار اباوع ع عمو بكر ضاج اول ما وصلنا يم المطار دك ع بابا شويه وصارت سيارة بابا كدامنا نزل واني نزلت اووف شكد مشتاقتله ركضت عليه وحضنته وهو حضني - بابا حبيبي اشتاقيت لك هوواي - حبيبتي اني اكثر - هاك اني حضرت كلشي جوازات الجهال طلعتهن وهمزين هم ماعدهم جوازات وبطلاع الروح وبالواسطات ياله سووهن بدون ما هم موجودين وهذا جواز ضي وجوازك وهذني فلوس دزهن ابوي وهاي المستمسكات خاف تحتاجهن وهاي جنطه ملابس شي قليل مال يومين شوف تطلع منا لتركيا ومااضل رأسا للميناء ولبنان وهناك قيس يتلكاك - بس لو افهم ليش داسون هيج شكو شصاير يعني الوضع هيج متأزم ويريد ابوي يطلعهم - ايي هيجج لك هذا ابو أسد ماعرف شلون يفكررر يريد اااخ منك يلساني ماريد اخلي ضي تسمع بعدين نسولف وها نسيت هاك هاي ورقة علمود اطلعون الجهال لان ابوهم متوفي متكدرون اطلعوهم بدون موافقة ولي أمرهم - ماشي بس نوصل تكلييي انتبهت ع بابا جر عمو بكر وماعرف شنو شاوره وعمو بكر تخبل وعيونه صار حمر وصار يصيح وبابا يهدي بي واني كامشه بجهال وصافنه ماعرف شكو اجه عمو بكر - يلا خل نمشي - عمو شكوو - ماكو شي حبيبتي ماكو شي يلا تعالي ودعت بابا والجهال ودعو ودخلنا للمطار ليث وقمر صافنين وبس يسئلون جريتهم كعدتهم بصالة الانتضار وباوعتلهم - شوفو هسه احنى راح نروح لتركيا ومن تركيا نروح نعيش بلبنان وهناك اني وياكم وعمو بكر ومحد راح يوصل يمناا ونعيش بسعاده ليث : صدك ماما يعني هذا الوحش اشهب ما يجي - لا ما يجي بس احنى قمر : ليش ماما خطيه هو كال من تجون ا - قمرررر ماريد اسمع كلمه اني شكلت خزرتها سكتت ضليت كاعده بصاله الانتضار انتضر عمو بكر واني خايفه خايفه لا اشهب مراقبنا وننكشف وهلمره يحرمني من الأطفال اني كل فكري ان اشهب اتفق ويه عمو علي علمود يحرمني من الجهال وعمو وافق لهذا بابا وجدو يردون يطلعونا ضليت كاعده خايفه شويه واجه عمو بكر بيده الأغراض يلا - عمو سيارتك وين عفتها - راح ياخذها ابوج و صديقه وياه وهو راح يسوقها - اها خوش أخذنا وطلعنا وصلنا يم الاستعلامات اطيتهم جوازي وجوازات الأطفال والورقه مال الموافقه وقعو عليه واطونياها اخذني عمو بكر وطلعنا فتشونا واخذو الجنطه والاغراض ودخلونا الطياره اباوع قمر وليث يباوعون بستغرب فرحانين ليث : ماما اني اكعد بصف الجامه قمر : لا انيي ماما كليله اني اكعد بصف الجامه بكر : شنو هاي ولكم عيب ليث تعال يمي حبيبي تعاي ضي كعدي هنا انتي وقمر واني هذا وراج اني ووليث - ماشي ركبت قمر يم الجامه وكعدت بصفها وضليت صافنه اذكر من سافرت ويه أسد وصعدت بطياره مكيفه ومجلبه اله اكعد يم الجامعه مثل الجهال هسه وهو يضحك عليه اخر شي كال اني اول مره اشوف وحده تركب طياره اول مره بحياتها وما تخاف أشو البنات يخافن انتي وين انوثتج ضحكت واني اذكر ردي من رديت عليه.. والله يا حبيبي اني وحده شجاعه مو جبانه وأتموع مثلهن عشتوو بعدين شنو شدخل الانوثه بهل الموضوع حسيت ع قمر وهي تضحك هههه طالعه عليه بتي ماخافت برغم من هي طفله اتأكدت من الحزام ووصيت عمو ع ليث وصفنت معقوله لهنا وخلص تنتهي كلشي وتنهتي رحلتي ويه اشهب وظلمه واعيش بحريه معقوله خلص راح اعيش بسلام بس للاسف يا سلام واني بدوله غريبه بعيده عن اهلي ووطني معقوله بعد ما ارجعلك يا عراق معقوله لهنا وتنتهي صفحتي وياك لا يالله لا تحرمني من وطني وأهلي وناسي ازرع الرحمه بقلب اشهب وخليني ارجع بأسرع وقت طارت الطياره واني ع امل ارجع مرة ثانيه لهنا ونعيش بسلام بس المضموم منعرفه وماجنت اعرف الي ضامه ربي إلي طلعت من العراق واني ماعرف نيتهم شنو يردون بس كل الي ببالي ان مافترق عن جهالي اهم شي طارت الطياره وطلعت لتركيا واني صافنه حسيت اني طويت صفحه من حياتي صح مكدرت أزور مسره بس من دخلت المقبره قريتلهه الفاتحه وين ما جانت لان عمو ما لكه اي خبر عن كرايبها وماعرف مكانها غفيت واني بطياره لان كاعده من الفجر وما نايمه حسيت ع صوت ليث وقمر وهم يحجون فتحت عيوني باوعت عليهم يباوعون ع الغيوم لان الطياره صايره فوك الغيم وممصدكين روحهم وواحد يكول للثاني شوف شكد حلو ابتسمت واني اشوف فرحة أطفالي وصلنا ونزلنا لمطار تركيا مكمشه بطفالي حيل خاف يضيعون مني اباوع بستغراب خايفه خاف اندم بعدين ع قراري هذا كلشي صار ع السريع واكيد إلي كاتبه رب العالمين يصير اذا كان زين او لا باوعت ع عمو بكر وهمست عمو ماراح اندم مو - لااا اذا ضليتي يمهم تندمين ناس حقراء امشي حبيبتي لو اعرف اضيع بالغربه ولا اطيج الهم باوعتله بستغرب وهمست المن تطيني عليمن تحجي عمو - ماكو شي يلا حبيبتي كملنا الاجرائات وطلعنا جانت الساعه ٨ باليل باوعت ع عمو بكر وهمست عمو خل نضل هنا وباجر نروح - لا حبيبتي هسه نروح خل اشوفلي تكسي بقيت صافنه ع عمو ليش مستعجل هيج يجوز لأن يخاف لا يحسون ويلحكونا سمعت قمر وهي تسئل - ماما يعني هسه هذولي الي نشوفهم بالتلفزيون الأتراك هنا عايشين ابتسمت الها واني اباوع ع اسطنبول اي حبيبتي هناا عايشين ليث : واو ماما خل نلتقي وياهم ونطك صور وياهم بكر : هلو ياب ويامن تريد اطك استاذ ليث هاا - هههه عمو اريد اطك ويه سمر باوعت ع ليث بستغرب واني اضحك هلووو ياب هاي منو سمر هااا - شبيج ماما سمر الحلوه إلي ويه مهند - ههههههههه ابني كبر وكام يدور حلوات يأبه -اي عيني طالع ع عمك اشهب مسطر ٣ نسوان ههههههه - لا عمو اني ما اشبهه اني اشبهه بابا - انه اخوك يا موسى تعاي سمعي ضي تعاي يعني أسد نسونجي - لا عمو هههه اقصد سبع عليه هسه شبيك قابل راح اتزوجها بس كلت حلوه وأريد اطك صوره وياها - ههههه عمو عوف وليدي مالك دخل بي حب حبيبي حب شنو قابل حرام بكر : اي العب شوف الام شلون تعلم الطفل لا ربحنا قمر : ههههههه اني هم اني هم عمو اني هم اريد اطك صوره ويه مهند هلوو ياب أطفالي طبو تركيا وطلعت عيونهم بكر : جهال اخر وكت والله والنعم من تربيتج ضي خانم امشوو يلا كدامي وحده تريد مهند وواحد يريد سمر وانتي ماتريدين احد - لا هذهو بتي راح تأخذ مهند هذهو ماريد ههههه راح اصير نسيبة مهند شريد بعد -لا هذهو اغسل ايدي من هسه شوف الام - هههههه اجر تكسي عمو وطلع للميناء استغربت شكو بالميناء اول ما وصلنا ونزلنا باوعت ع عمو - عمو راح نروح تهريب حجيتها واني فاتحه عيوني بخوف ضربني ع راسي وصاح - غبيييه غبييه لج بابا يا تهريب سفر بالبحر بس لان سكته ولا شي يعني محد يعرف - يعني تهريب عمو - انجبي لج يلا شافتنا مافيا ونهرب ليث : اي ومراد علم دار اي عمو خل نطك صوره وياه هم - اي تدلل باشا ليث بعد ويامن - من اذكر اكلك - دخل نوصل لبنان اذا ما خليتك تنسى الأتراك ماطلع بكر - ها عمو هاا اشوفك انحرفت وحد عن جهالي - لا يأبه اني قصدي ع المنضر شبيج انتي - اي كلشش خل نرجع واكول لحبيبتك حبيبتي عمو بكر ترا بس يتغزل بالأماكن مال لبنان - انجبي ياا تخليني اغلط عليج كدام جهالج امشي يلا ادبسزز تفضحني تريد. ام حلك صدك عمو هي تدري انت راح تسافر - منين اذا اني اليوم ياله عرفت وما خابرتها - يا خطيه - اكلج فاتتني لو خاطفها وعاقد عليها واجيبها وياي - اي علمود اذا مو اشهب يكمشنا ويفرغ المسدس براسنا اني وياك اهل حبيبتك يفرغونا - هم صح ههههههه نسيت هم اضرب من العار اشهبو ههههه ضلينا نضحك ونسولف لحد ما وصلنا ع السفينه إلي راح نسافر بيها ركب ليث وقمر وادور ساعدني ركبت وهو ركب باوعلنا وكال - مستعدون يا قراصنااا قمر وليث: نعم نعم كابتن هيااااااا هههههههههه صرتو قراصنااا ربحت أخذنا عمو وصار يحجي ويه صاحب السفيه وهذاك يهز براسه وبعدها مشه دخل جوه الغرفه مالته والمساعد مالته يحظر بسفينه واني والجهال صافنين صراحه حتى اشهب نسيته وضليت صافنه ع المنضر المي شكد حلوو من نباوع انت بنص المي واليابسه بعيده وتحس راح تعيش حر بعيد عن الظلم بقينا نمشي طول الليل الجهال نامو واني برغم من النعاس بس كلبي ما أطاني افوت هذا المنضر وانام ضليت كاعده اتفرج وعمو بكر يباوعلي من الجامه لحد ما غفيت واني مادري بروحي من النعس المسيطر عليه وغلبني بقيت نايمه وماشفت كابوس لا جنت مرتاحه حيييل حسيت ع احد يغطيني وصوت العصافير فتحت عيوني عمو بكر - هاي شنو شبسرعه صبح الصبح - دكعدي شوفي المنضر وصلنا باوعت صدك ذاك علم لبنان باوعت ع عمو عمو ماصدك اني بالبحر هسه هههه - لا يأبه وين بالبحر انتي انتي بسفينه وروحها لحبوبتي - عمووو هههههه - ههههه كعدو الجهال ممصدكين يضحكون وعمو بكر يطكلهم صور شويه ووكفت السفينه ع الساحل انتبهت ذاك قيس ابن عم بابا باوعت ع عمو بكر وهمست ذاك ابن عمك - اي اني خابرته كتله راح نوصل باوعتله صفح ودرت وجهي - هاي لسه ضايجه منه يمعوده - عمو إلي سواه مو قليل اكرهه - لج غير جان يشاقى ماعباله هيج تكبر - يشاقى عابت جنه جاموس اذكرت من راح الأسد بيوم إلي خطبن ي أسد وكاله اني وضي نحب بعض ونريد نزوج واذا ما صدك هسه أخبارها واغازلها كدامك وبيومها خابرني ويغازل واني متعوده عليه هيج يحجي وياي لان اعتبره مثل عمو بكر وهو هم ويومها تعارك أسد وياي وسواها سالفه وشهر ميحجي وياي سخيف ومن يومها اني تعاركت وياه ومحجيت وياه احسه اتقصد سوه هيج هو كال جان يشاقى بس ماحسه شقى وصلنا ونزلت ردت انزل قمر حسيت بي صار وراي - شلونج بقرتنا - باوعتله ودرت وجهي احتراما الأطفالي ما راح اكول لقبك كدامهم لان عيب تروح كرامتك كدامهم عدلت حجابي ومشيت ع صفحه نزل عمو والجنطه وياه واجه سلم ع ابن عمه ومشينا واني امشي كرصت عمو بكر هو طفر وباوعلى - شكووو سم شبيج - لا تكولي راح نضل بشقة هذا - هذا اله اسم - اي صح جاموس قيس : لج بقره ترا سمعتج - لا بالله خوفتني اكول بالله ما لكيت ليلى - لا والله ملكيتها انتضرج ادوريها إلي - اي تدلل عدي شلون وحده بس للاسف مزوجه انت روح طلكها واخذها تفيدك بكر : منو هاي ولج - حنانو - لا بالله تردين الزوجين ابن عمي لهاي ال*** - عمو اللفاظك منا ليث وقمر - ها اي صح ركبنا بالتكسي وطلعنا اباوع ع بيروت كلش حلوه صح حسيت بغربه بس عمو بكر يمي حطيت راسي ع الجام واني اباوع أسد تعال شوف وين صفى بيه الدهر مسحت دمعه نزلت من عيني ونزلت ونزلت الجهال دخلنا ع بنايه جبيره بيها شقق قيس: شوف بكر هاي الشقه الهنا صاحبها يريد يبيعها البارحه باليل حاجيته بس خابرني عمي وكالي ان شاءالله بس يطلع يطيني مفاتيحه -ماشي شوكت يطلع - فد يومين ثلاثه باوعتله وهمست واني راح ابقه متحملتك يومين ثلاثه - اوكفي اوكفي عوفي التحمل هاي انتي متحجبه ولا انتبهت لك طاله ئمر يؤبرني انااا شو حليوه - قيسس راح اركعك بوكس والله احترم - هههههه اشاقه شبيج كلبتي الخلقه دفوتي فوتي دخلت واني اباوع الشقه اثاثها يجننن قيس عمره يطلع بعمر عمو بكر وسبورت حيل وطويل وجسمه رياضي بس لو ما عملته صح ما ضايجه لحد الان بس ميخالف خل اثكل عليه شويه اني وياه دوم معارك ٢٤ ساعه من جنه عبالك رويسيه من جنت صغيره جنت بس اكل هواي وهو يصيحلي بقره بس تعلف شبيج ماشايفه اكل واني اصيحله جاموس وهو يخبل من اكله هيج دخلت الجنطه للغرفه ونيمت الجهال وهم يلحون يطلعون بس مخليتهم اخاف عليهم وعمو كعد يحجي ويه صديقه إلي باربيل علمود المعرض وراح يدز واحد من ولد عمه يكعد بمكانه واني ضليت حايره يا ترى شنو حال اشهب هسه جان لازم اليوم ارجع الاربيل اكيد هسه عرفو انتضر عمو يخلص مكالمته اول ما سده باوعلي ها شبيج - سولفلي شعدهم عمو علي واشهب - اهوو لحيتي ماعرف ابوج ماكال -عمو لا اجذب عليه - لج شمجذب والله ماعرف السالفه شنو ابوج ما كال عفته وكمت نمت بصف جهالي قفلت الباب ونمت واني خايفه خاااايفه حيل من اشهب لان يكدر يطلعنا لو جوه الكاع اسيل : كاعده اكلب بالتلفزيون وروزه بصفي وببالي الحجي الي سمعته بين عمو علي وامي شنو الي ببالها معقوله يردون يسون شي زين شنو الي يخلي اشهب ميوافق ضليت كاعده حسيت ع اشهب من طب باوعلي وكال - هاي ما رجعت - منو حنان لااا حجيته ودرت وجهي وهمست بصوت ناصي الله لا يرجعها ان شاءالله حجيتها وسمعت صوت اشهب وهو يصعد الدرج صاح - امييين فتحت عيوني مصدومه باوعت ع روز هي تباوعلي وتضحك - سمعتي إلي سمعته روزه كال امين لج سمعني عزااا هذا اخوي عده اذانات ذيب لو شنو بضبط كلشي يسمع يمه لا وفوكاها يكول امين ويوافقني الرأي لالا هذا اكيد مو اشهب كومي كومي نشوفه اشهب وين - عمه شبيج كعديي ههههه -اي اي خل اكعد زودتها مو زين صدك ترا سالفه واكفه اشهب وافقني الرأي لااا وسمعه قوي هاي ثاني مره يسويها او لا الثالثه عفتها وكمت احضر ملابسي كال الجامعه الي البسهم باجر دخلت الغرفتي فتحت الكنتور وماحس غير جرجف وكع عليه ضليت اصيح ولج يمممه لحكيلي خطفووني اريد اشيل الجرجف ماكو ملفلف عليه واسمع ضحك يوسف ضليت ادور ع شي لحد ما لكيت الطرف وطلعت منه باوعتله واكف بالباب وخربان ضحك - اي عليمن تطلع ع عمك غير ابو الدكات اني الك يوسف بسيطه هييينه عفته وكمت اطلع بملابسي يعني اخلص من مصطفى يستلمني يوسف شلون ثنين ربي خلصني منهم طلعت الملابس من الكنتور وحضرتهن وكعدت اراسل صديقتي جان ادزلي 💬 لج اسوله شصار ويه هذا الصاك إلي سولفتي عليه من طلعتيله جنج مخبله لابسه عباة امج هههههه 💬 انجبي طيبه لا تخليني هسه احجي عليج ماعرف عنه شي هو من ذيج الفشله بعد ماشفته 💬 ههههههه خوش صدكت عود سلوم يسئل عليج 💬 كطيعه شعده يسئل شوف حظي الصاك اتفشل كدامه والاجكم لازك بيه 💬 قهرتيني ههههههههه ضليت احجي ويه طيبه صديقتي واني مسولفتلها ع الفاشله مال بكر ضلينا نسولف لحد ما صار العشه نزلت سويت العشه واني بس اخزر بيوسف وهو يضحكلي كعدنا نتعشه واشهب مبين عصبي حيل خلص اكل وباوع ع عمو علي وحجه - عمي باجر من يجون الجهال خابرني عدي شغله - ماشي وليدي عافنا وكام واني كمت غسلت المواعين وصعدت نمت لان وراي دوام كعدت الصبح كعدت الجهال وسويتلهم ريوكهم وبدلت الروزه وسمعت امي تحجي ويه عمو علي اتقدمت الصوت جاي من الاستقبال - اي اليوم من تجي واجيب الجهال احاجيها - متأكد يخوي خاف متقبل - اذا تريد جهالها تقبل ماعدنا غير حل يا ام اشهب الناس اكلت وجهنا ومو بس هيج هم أمانة أسد عد اشهب واشهب ميكدر يحميهم وهم بعاد عنه - أسد أمن أطفاله عد اشهب وانت وهم عدنا بعد شكو تظلمون البنيه وهي تحب أسد يا خويه - خيتي أسد أمن ضي والجهال مو بس الجهال ما نكدر نعوفها الناس تحجي عليها وهي عرضنا نسكت الناس افضل حل - بس يا خويه ظلم هذا - ام اشهب زواج ع ورق وبس علمود يكونون تحت عينا ومحد يجيبها بكلمه مو زينه - زين اذا وافقت هي تتوقع اشهب يوافق - يوافق اعرف شلون اخلي يوافق غصبا ما عليه هسه كومي شوفي هل اسيلو وين خل اسوي لي استكان جاي - رجعت للمطبخ واني مصدووومه عمو علي يريد يزوج ضي لاشهبب !!!!!! ليششش وشلون اكيد ضي ماراح توافق بس يالله ظلم هذا ظلم شلون عمو علي هيج يفكر وامي شلون توافق واشهب وهم واحد ميجرع الثاني ضليت حايره بأهلي وافكار هم المتناقضه اول شي سجنوها وبعدين كالو امانه عدنا ويردون يزوجها زين ليشششش لازم اعرف لازم سويت الجاي ووديته العمو علي وصعدت فوك بدلت ملابسي ولبست حجابي وحطيت مكياج خفيف وطلعت بالحديقة. انتضر السايق واني صافنه اخابر ضي واكول لها لالا خاف اسوي شي بروحها هاي خبله تكتل روحه وما تزوج اشهب ياربي شلون هسه حسيت ع امي تعيط عليه - لج وين بالج السايق سأله ساعه يدك عليج ثويله - ثويله شنو هاي يمه اني سامعه ثوله مو ثويله - امشي لججج طلعت اضحك بس الف فكره براسي ركبت وسلمت ع البنات وطلعت للجامعه خلص اليوم واني كلشي ما مفتهمه من المحاضرات لان بالي يم ضي واشهب وأهلي طلعت كعدت بالكفتريا واني صافنه حسيت طيبة كعدت بصفي - ها يحلو وين صافن - ها لا هنا بس ما فهمت من المحاضرات شي و لا كتبت شي اذا كدرتي صوريهم إلي من ترجعين - اي ماشي حبيبتي ضليت كاعده يمها لحد ما اجه السايق ورجعت اول مدخلت البيت سمعت اشهب يصيح - والله ارتكب جريمة بيهاااااا كتلك لا تأمن بيها كتلك لو لااااااا ااخ ربي اريد افتهم شلوننن شلون آمنت واطيتها الجهال شلووون يا عميييي - كافيي شبيك هسه نلكيهم امشي احجز طياره لبغداد نروح هناك ونشوف اكيد يم اهلها - ههههه اي مو هم أغبياء مثلنا عمي حته تأخذهم وتروح تلكيها طلعت من العراق من زمااااان ااخ ربي لو اكمشها وحق روحه الأسد اذا ما ندمتها ما اطلع اشهب هينه ضي ضليت صافنه باوعت ع امي واشرتلها شكووو رحت يمها يوم شكووو - اااخ مصيبه ولج هاي ضي ماخذه الجهال ومنهزمه واخوج شايط يكول اذبحها بس الكاها - يممه عزا وين راحت لا بس خطفوهاا - انجبي خطفوهاا شنو داكلج انهزمت انهزمتتتت باوعت بصدمه انهزمت ليش وشلون خرب لج ضي شسويتي جان يوم متوتر حيل عمو علي واشهب راحو البغداد وهناك امي خابرت ضرغام اخويه وسئلته كاللها ماكو ينكرون كالو محد اجانا ولا ندري بيهم واشهب متخبل وحلف يمين ما يهده ولا يطب البيت إذا ما يلكاها ويكتلها واني افور نار ادك عليها مغلق ضليت خايفه لا مخطوفه لا شي صاير بيها لان ادري بضي مسويها واذا سوتها تعرف اشهب يلكاها لو جوه الكاع اخذت الجهال عشيتهم وهم بس يسئلون خو يوسف وروز يمممه ولا يسكتون يكول مسجل اخر شي ماتحملت عطت بيهم - كاااافي روز يوسف شنو القصه ترا ما ناقصكم اني كومو يلا شو يلا غسلو وكلمن لغرفته يلاا فراس حبيبي دير بالك ع اخوتك ع ما اغسل المواعين واجي - ماشي عمه خسلت المواعين ورتبته وهستوني اريد اقفل البيبان جان تندك الباب ركضت ع الكامرا إلي حطها اشهب قبل كم يوم شفتها حنان - هو ما ناقصنا غيرج يعني عود جنا ناقصين طلعت فتحت الباب الها ذبها ابوها وراح وهي طبت تخزر كعدت وكالت شكو البيت هدوء شنو المحروسه ماخذه جهالها يمها لان ماكو حس - حنان مالي خلكج رحمه الاهلج انلصمي وانجبي واسكتي ماشي هيج فهمتي عفتها ورحت يم روز لكيته حاطه دفترها وتكتب كعدت درستها وكمت درست يوسف وإبراهيم وراجعت الفراس امتحان وكمت حتى مالي واهس اقرا اني هم خلص ماداوم خل اشوف تاليتها شلون مرت يومين اشهب ماكو ما رجع بس عمو علي رجع وحنان بس اطب وتطلع اشمر كلام وكلساع عايط بيها عمو علي وهي متسكت اخر شي كتلها راح اخابر اشهب والله خافت وسكتت واني يومين ممداومه وبالي يم ضي وأخويه ثالث يوم اندكت الباب طلع فراس فتحها ورجع - منو - ماعرف واحد كال اريد واحد جبير من أهلك عقجت وجهي منو ردت اطلع بس كلت خل اصيح العمو علي أحسن رحت صحت العمو علي وهو طلع باوعت بجامه ولد شاب دخل عمو وهو يهز برأسه ركضت ها عمو شكو - ضي طالعه التركيا هي والجهال وعمها بكر وهذا الخبل اشهب لحكهم التركيا وين يلكاهم بدولة شكبرها شعرضها مرت الايام واشهب بتركيا يدور ع ضي وعمو علي هنا خطيه حاله حال الضيم كلساع يتخربط وضرغام اجه يمنا لان اشهب ماكو وجاب مرته وجهاله ومعارك هي وحنان يعني اذا جانت وحده صارن ثنين وبس يتعاركون عبالك ضراير مو سلفات خرب بيومهن من اجه ضرغام اني رجعت للدوام مر شهر ونص وماكو خبر عن ضي وائيسنا ان نلكاهم بس اشهب ما يئس وحلف ما يرجع للبيت اذا مو ليث وقمر وياه لحد ما بيوم جنت طالعه من الجامعه والسايق ماكو خابر كال سيارتي عطلانه خابرت ضرغام وضليت واكفه انتضر حسيت اكو سياره تلحكني مشيت الكراج وهي تمشي وراي صراحه خفت من صدك درت وجهي جان شاب عيونه ملونه باوعلي غمزلي رأسا درت وجهي وخفت منه يمه منو هذا هسه لو يشوفه احد شيكول ما صدكت دخلت للكراج وضليت انتضر ضرغام واني ارجف لحد ما اجه وركبت واني خايفه - ضرغام ادور لا تتأخر من اخابرك حباب - شبيج شكو - ماكو ماكو بس لا تتأخر رجعت للبيت هستوني انزع حجابي ودك تلفون عمو علي باوعت اشهب عمو جان يصلي رديت عليه - ألوو اشهب - الو اسيل - اي شلونك - الحمدالله شوفي عمي علي وين - دايصلي - ماشي من يخلص خل يخابرني سده بوجهه واني صافنه شبي هذا الولد باوعت ع عمو حطيت التلفون بصفه وكتله اشهب كال من تخلص خابرني عفته وصعدت بدلت ونزلت سمعت عمو علي يصيح ركضت عليه عبالي تخربط شفته يحجي بتلفون وضرغام يهدي بي وامي تبجي شكووو - هاي الما تسمه وليدي صاله اكثر من شهر بالغربه يدور عليهم وهي طالعه تهريب لغير دوله - منو ضيي - اي جا اميي الله ينتقم منج يا ضي ويحرك كلبج مثل ما حركتي كلبي ع وليدي الصاله شهر ونص بالغربه حاله حال -يوووم لا تدعين ع البنيه ترا مو قليل الي شافته من ابنج الله يساعدهااا كلش ضجت من اهلي عفتهم وصعدت بغرفتي واني خايفه اذا لكاها اشهب خلاص اقرا الفاتحه عليها ربي احمي ضي وين ما جانت ياللهي دخيلك هلمسكينه ما رتاحيت ابد ضي : مرت الايام ونقلنا للشقه مالتنا قيس عنده مكتب ماعرف شنو وعمو يطلع وياه واني ضاله بشقه اخاف اطلع لو اطلع الجهال لا يلكانا اشهب بس يوم بعد يوم لا كمت اطلع وياهم ونفتر نغير جو وراح الخوف مني مر شهر اني عايشه احلا عيشه بين أطفالي وكل يوم اخابر اهلي كامرا صوت وصوره عمو بدل تلفوني والسيم كارت وكلشي للاحتياط اني وقيس بس نتعارك وعمو وليث وقمر بس يضحكون علينا بديت اشتغل ويه قيس بالمكتب مالته اعدل الأوراق واسوي هالاشياء هو مهندس بس اساعده احسن من كعدت البيت والجهال ويانا مرات ناخذهم ونطلع نفتر وقيس وليث بس يزحفون خو قيس اذا شافله وحده ناقصه بس يمرغر روحه بتراب من الزحف وليث يركض وره الحلوات وهو طفل هذني مايصدكن وهذا قيس يتخبل ويضل يحجي واني بس اضحك عليهم صار ع وفاة أسد ١٠ أشهر وبقى؛شهرين وتطلع دورة السنه مالته جنه بسنة ٢٠١٦ وبيروت كلش حلوه ايام ما انساها تعرفت ع بنات حبابات وضليت اسولف وياهن مرات من اضوج هن بنفس العماره جنت من اطلع واوكف بشوارع احس براحه لان اشهب ماكو ما اخاف ان خاف يسوي شي الأطفالي بس يبقى خوفي من ان يلكانه بس الفرحه إلي احسها هسه واني بعيده عنه تسوى كلشي بيوم جنا كاعدين ودك صديق قيس عليه هو لبناني بس دائما يجي للمكتب وأكثر من مره التقينا جان يضحك قيس ويكله باجر نحجي يلا مع السلامه سده وباوعلنا احزرو - شنوو - لك يأبه بعد شتردين خطبوج مني هههههههه - باوعتله بستغرب شنووو شنو خطبوني منك شبيك قيس - شنو بيها ولد خطبج لا تستحين كولي اي اريد وفضيها هههههههه - قيس شبيييك ترا هيج موضوع ما يشاقى بي واسد لسه السنه مالته ما طلعت شنو بعد هلحجي هذااااا ومستحيل ازوج بعد اني مرت أسد وراح ابقه مرت اسد ومستحيل اكون زوجة شخص ثاني غير أسد واسجل باسمه مستحييييل تركتهم واني اركض للغرفه واقفله عليه ودموعي تنزل مستحيل اصير لغير واحد مستحييييل ........ يتبع ،،،،،،، وللحكاية بقية،،،،،،، قرائة ممتعه أحبتي ،،،،،، تصويتاتكم وتعليقاتكم وتوقعاتكم،،،،،، #نور الشمري #نوشه | ||||||||
|
| |
|
29-06-20, 11:20 PM
| #16 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت الثالث عشر بارت مفاجئ عنوني ههههه ومليان سحكات مليااان بروح المرحوم غلسو ع السحك هههههه لان كتبت ونشرت بدون ماشوف شنو كاتبه اصلا Noor336 #الحياة رحلة وليست سباقا أقدارنا كُتِبت،وأعمارُنا حُدِّدت وأرزاقُنا بدقة قُسِمت وحُسِبت امضِ في رحلتِك راضيًا .. حامدًا .. شاكرًا تَسعَد بها ضي: ضليت نايمه بالغرفه ودموعي تنزل جهالي بره يردون يدخلون بس ما ريدهم يدخلون ويشوفوني بهاي الحالة ضليت فوك الساعه هيج بس ابجي لحد ما ارتاحيت شويه وكمت فتحت الباب وطلعت غسلت وجهي ورجعت للمطبخ ماحس غير قمر وليث حاضنيني من وره ليث: ماما لا تبجين محد ياخذج واني موجود - يروح امك انت تعال أخذته بحضني واني ابوس بي اوفيش ربي هم الي مصبريني ع هاي الحياة لا تبعدهم عني اخذتهم ورجعت الغرفتي جبتلهم اكل وكعدنا ناكل ثلاثتنا باوعت لهم بستفهام واني اسئلهم - وين عمو بكر - طلع كال عدي شغل وعمو قيس راح الشقته - تمام حبيبي كمل اكلك عفته وكمت دكيت ع عمو بكر وينه الساعه ب٨ باليل وهو ماكو ضليت ادك عليه بس ماكو ميشيله ضل بالي شويه ودز رساله 💬ضيو حبيبتي بعدين اخابرج عدي شغله اخلصها واجي اذا تأخرت لا يضل بالج نامي ماشي حبيبتي ضليت صافنه شنو عده عمو بهل الليل اخذت الجهال وكعدنا بلبلكونه المنضر حلوو والجو يخبل باوعلي ليث وهمس - ماما - ها حبيبي - ماما راح اسئلج سؤال بس تجاوبيني بكل صراحه - اكيد حبيبي كول - ماما صدك راح تتزوجين عمو اشهب؟ وكفت واني صافنه من سؤاله باوعت عليه بغضب واستفهام وجاوبته - منو كال هذا الحجي هااا مستحيل مازوج احد اني راح أضل يمكم والكم وبس قمر : ليش ماما تزوجي عمو اشهب حتى نعيش كلنا سوه - قمررررر مرة الثانيه راح أمد ايدي عليج اياني واياج تعيدين الكلام هذا فاهمه ليث منين سمعت هذا الكلام - من بيتي ودخلتي لغرفتج عمو بكر كال لعمو قيس ان اشهب يريد يزوجج ماعرف شنو - صفنت معقوووله لا اكيد اشهب ميسويها هو صح حقير بس مو لهدرجه يزوجني لاا اكيد فاهم غلط ليث يجوز سامعه يكله اشهب مخليها تزوج وفاهم غلط اي اي بس مستحيل لااا يالله شلون اذا طلع كلامه صح لالا اسم الله اخذت الجهال نيمتهم وطلعت كعدت بلبلكونه واني لافه شالي اباوع بخوف وقلق يعني شنو معقوله لهذا السبب اهلي طلعوني من العراق زين شلون وليش واشهب شلون يحط هيج فكره براسه الحقير ضليت كاعده ما يجيني النوم وانتضر عمو بكر يجي حتى اسئله بس بردت ودخلت تمدتت ع القنفه واني انتضر عمو بكر بس مادري بروحي من غفيت فزيت ع صوت خرخشه بالمطبخ باوعت الساعه ب١٠ الصبح حيييل هاي شكد نمت اني كعدت واني ألم شعري القصير إلى كصيته شويه صار جوه من اذاني بشويه شلته منا ومنا بالقراصه وممت غسلت وجهي ودخلت للمطبخ صار عمو بكر كدامي يحضر باللريوك - مممم منين طالعه الشمس اليوم وتريد اسويلنا ريوك -هيج عجبني دوخري لا يطفر دهن عليج رجعت لوره واني اضحك عليه شلون يفتر بالمطبخ سندت نفسي ع الباب وباوعتله واني اضحك لابس الصدريه ويركض منا للطاوه ومنا للقوري وللبيض ويحضر بالجبن اخر شي وكف بنص وباوعلي - شو مكيفه انتي ماتجي اياعديني بت الاوادااام تتمضحك بكام ما ساعدني - ههههه خفت ادخل وماتقبل - اكو واحد يكلوله نساعدك ويرفض بس الغبي - ههههههه هم صح بس معبالي هيج مدبرها حجيتها وضحكت وماحس غير القبق طار فوكي - بت الل تخليني احجي هسه شنو ما دبرها حيوانه بس لان مستعجل ما لحك - هاااا اي صح مستعجل ههههههه - ضيي - خلص خلص - صدك ابن خالتج الياس باربيل مدري شيسوي شايفه عمي أحمد - باوعت بستغرب شيسوي مو مختفي هو - اي مادري أمره غريب هذا الولد - اي والله صدك شصار بهذا أكرم إلي عفنا بالمحكمه وطلعنا - لا تخافين عليه طلع ورجع الشغله ولا كأنما واسطات ضيوو - صدك تحجي حتى ما حققو وياه - تؤ - كون اني بدال القاضي والله ماعده اله اخلي يعترف الحيوان عمو تدري دوم يحجي عليه واذا مطلع هو يحرض اشهب عليه - وليش شعده وياج شبيج تحجي مطفيه اليوم - لا عمو والله داحجي صدك يعني الموضوع مينسكت عنه ابد - مالج دخل - عمو البارحه ليث سامعك وانتي تحجي ويه قيس ع أن اشهب يريد يزوجني ماعرف شنو صدك شفته انخطف لونه وصاح لاااا منين جبتي هالكلام - لاا مو هيج قصدي جان - اي اني كلت الليث قصدك مو هيج ويجوز سامع غلط - اي اي - الحمدالله يعني جذب الكلام - هااا ايي - يلا اني رايح ويه قيس ديري بالج ع نفسج - ماشي سديت الباب وراه وكعدت صافنه شنو راح يصير خابرت اهلي وضليت احجي وياهم والسوالف لحد ما كعدو الجهال وسويتلهم اكل كعدو اكلو واني كمت نضفت البيت وسويت غدا وضليت افتر بالبرامج ضايجه لحد ما اجتني فكره براسي ليش ماراسل اسيل واشوف اشهب اذا نسى وبلكت فك ياخه مني واكدو ارجع لو لا بس بعدين بطلت خاف يشوف المسجات ويعرف مكاني كعدي ضي ولا تعمين ع نفسج سديت الفون وكعدت ضايجه الغربه قاسيه كلش مرت الايام وراح يصير النا ٣ أشهر احنى هنا موضوع صديق قيس منفتح بعد واني هم ماريد يفتحو بعد بيوم صادف خميس ضوجه حيل الجهال ملو من الشقه واني هم كمت اخذت الجهال وطلعت خابرت عمو كتله راح اخذ الجهال شويه امشيهم وارجعهم هنا ماروح بعيد وافق بدلت ولبست حجابي وطلعت اني والجهال ضلينا نفتر ومتونسين اشتريت كرزات وحلويات باوعت ع ليث وكلت - ها هذهو نرجع - اي يلا لعد رجعنا ودخلت للشقه دك تلفوني اطيت الأغراض للجهال ورديت ع قيس ها قيس - لج بطه سمعتي - لا شنو - لعد مو عمج حبيبته أهلها يردون يزوجوها وهذا مسودن وخابر جدج وتعارك وياه - عزا بعيني هذا الحجي شوكت - هسه - غزا وشصار بعد - ماصار هديته وكعدت كتله فكر عدل لا تخلي الشيطان يلعب بعقلك وشنو يعني تروح هاي تجي عشره بمكانه - يبوو يا قيس انت بمكان ما تكحلها عميتها - ليش ولج بمكان ما اواسي واقوي - اي اي الله يخليك دكمل -ايي فخابر البنيه كلها هاي هاليومين اجي وراح يجي عمج احمد بمكانه وبكوري يروح يلحك حبيبته قبل لا ياخذونها هههه - يمه عزا صدك تحجي قيس - اي والله ادعيله خطيه اذا ما اطوها كون أتم عملية الخطف بنجاح - يااااا انت تريد تكتله ولك غير يصير مذابح بشوارع استر علينا صالك ٧ سنوات بلبنان نسيت العراق وعاداته ابو صماغ غير يستقر - لو سمحتي هذا اللقب خلي لذاك ابو سوالف ابو الدم الحار والغيره والحب وابو الوعد واحترام الزايد لصديقه - راح اغلط قيس كافي زودتها - شحدج غير هسه اجي اكسر الشقه عليج وبعدين تعاي اكلج شنو لا بس ما قبلتي عليه ههههههه - انت صدك واحد سزز صاير دروح سديته منه واني افور نار شكد حقير لليل اجه عمو بكر خطيه حاله حال كال باجر ارجع لبغداد بس مارجع قبل لا أحمد يجي واطمن عليج - جان اجه بابا ليش عمو احمد - مو خاف يشكون لان اشهب حاط ناس تراقب - يمه واذا شافوك شلون - خل يشوفني احسن بلكت عباله بالعراق ونخلص منه لان راح ارتكب جريمه لو بي لو بهذا العار إلي راح ياخذها مني -سوده عليه انشاءالله مقسومه الك وماتروح لغيرك والله لا يحرمنا منك عفته ورحت للجهال واني كلبي ناغزني احس اكو شي ما مرتاحتله ثاني يوم اجه عمو احمد وبنفس اليوم راح عمو بكر رجع لبغداد وعمو احمد بس يحجي صدك ضجت منه ماتحملت وكفت وصحت - عمو اذا ماعاجبك محد جابرك ذاك بيت ابن عمك روح اكعد بي وذاك العراق واجعله بس لا اضل تحجي كلام عني وعن جهالي - اي انتي شكو عليج عايشه مرتاحه واحنى الطايحين بيها - شلون يعني - لج بابا اشهب صاله اكثر من شهرين ما طاب العراق ويدور عليج من تركيا للدول ويريد يرفع قضيه ضدج لان خاطفه الجهال من جدهم ومن ابوج صايح عليه وكايله انت شلك دخل كلك واحد غريب جان يطلعنا ورقه ويشم ها بوجهنا هذا زوجج واحد اناني مافكر بيج من كتب وصيته وأمن الجهال عد هذا الحقير ومطي الصلاحيه بتربايتهم وحتى انتي مأمنه بيج يعني بختصار أسد وصيته كلها ان انتي والجهال امانه ابو أسد واشهب وهم يحموكم ويكونون مسؤلين عنا تدرين اذا قدم هذا الورقه للمحكمه وقدم وياها أوراق سجنج ش اح يصير يا فهيمممه انتي خريجه سجووووون والجهال من حق جدد هم وعمهم الي هم اشهب وكعت بالكاع واني ابجي هزيت راسي بلا وباوعت عليه - لا عمو هذول جهالي اني اني الي حق بيهم مو هذا الظالمممم - جهالج ع العين والراس والحضانه من حقج لكن إذا قدم أوراق سجنج اشهب للمحكمه والف كلام من كيفه تتصورين راح المحكمه تخلي الحضانه عدج هزيت راسي واني دموعي تنزل ليش هيج سويت يا أسد ليششش حطيت حبل مشنقتنا بيد هذا الظالم ليشش لهذا اشهب مصر ان يربي اولادي علمو وصية أسد مو علمود شي والله اذا لمس شعره منهم ما يلوم غير نفسه - اي هاي إذا طلعتي عايشه من يلكاج - لعد انت شنووو انتم شنو مو اهلي هاا واجبكم تحمونيي منه ليش هيج تحجي عمو ليششش - صوتتج بت الكلب شو تحجين بكل صلافه يعني شتردينا نسوي والله اني عن نفسي ما ادخل بهذا الشراني اخاف ع بتي لا يسوي شي الها باوعتله بحقد وهمست انانييي انت شنو من عم انت عم وبكر عم لك حتى اشهب احسسسن منك لان يحافظ ع ولد صديقه يريد وانت انت بت اخوك ما تريد تحافظ عليهم وسفه عليك عمي عفته وركضت لغرفتي واني ابجي الله ينتقم من كل شخص اله أيد بقتل أسد الله ينتقم منهم واحد واحد بجيت لحد ما هديت وارتاحيت قمر نايمه وليث كاعد يلعب بصاله خايف وكلساع يجي ماد راسه عليه يشوفني بس يخاف يتقرب واعيط بي اسيل : مرت الايام وصار ع هروب ضي ٣ أشهر واشهب اجه لبغداد ومتعاوك ويه اهل ضي كايلتلهم اخذو بتكم بس وجعو الجهال لان أمانة المرحوم هذه والله ما تاح اله وارجعهم لحظن جدهم فسلم هم انت احسن لا أقدم شكوى عليكم بس ماكو فايده واشهب متخبل وعمو علي حالته حاله اجه اشهب للبيت عصبي نار ومحد حاجاه بكلمه ضل يومين ومحد يكدر يحاجي غير امي وعمو على حالتهم حاله مره كعدت باليل نزلت اشرب مي وشفت اكو ضو بالحديقه طلعت اشوف منو سمعت صوت اشهب مثل اليبجي ويحجي ويه روحه اول مره اشوف اشهب هيج مكسور جان حاط صورته هو واسد ويحجي وياه مكدر اسمع زين لان يحجي بصوت ناصي بس الي سمعته جان يكله سامحني لان مكدرت احافظ ع امانتك زين وتيهتهم من ايدي كله من وراي اني السبب بضياعهم بس وعد ارجعهم وابيهم مثل متريد واحسن جان يحجي بكل حركة كلب ومن هذا اليوم عرفت اخويه شكد يعز أسد واطفاله جانن كرايبنا من يخابرن امي ويعرفون اشهب يدور ع ضي والجهال يضلن يحجن حجي مو حلو ع أن عدهم علاقة وماعرف شنو ومن هذا الحجي كلام يلعب النفس والله وصاعد ونازل شوهن سمعة البنيه ماخلن شي ما كالنه يمكن لو يسمعهم اشهب يرتكب جريمه بيهم وهو ع عينه جاي للبيت بعد ما تخربط عمو علي وطلب منه يرجع ويدز واحد يدور بمكانه رجعت لغرفتي واني ضايجه ع اخويه صح قاسي وظلم ضي بس كل هذا لخاطر اولاد أسد ووصيته كلش انقهرت عليه من شفته هيج اليوم غفيت واني افكر بي كعدت الصبح ع صوت عرك حنان و رتاج مرت ضرغام كمشت راسي واني استغفر الله - ربي شنو سويت من صباحيات الله تكعدني ع هذه الأصوات المزنجره استغفر الله ربي طلعت وصارت رتاج كبالي باوعتله وهمست انتن شنوووو بابا عيب عليجن عيببب كولن اكو رجال جبير مريض نايم كولن اكو جهال نايمه كولون اكو صخام براسجن بالبيت خل ننصي صوتنا شنو انتن الله اكبر عفتها ونزلت واني تفور نار مو جناين لا والله يكول كدوره كدوره شنو شبيج اسيل كمتي تخربطين بالكلام كعدت يم امي ويوسف باوعتله - ها خير اليوم من الصبح كاعد باوع يمنى يسره وهمس -ليش هو البيت الي بي هذني هم يرتاح الواحد بي يكول عبالك دياجه من صباحيات الله كركركركر - ههههههه اخ بطني كوووم لك ابو السوالف عفته وكمت بدلت وطلعت للجامعه اول م خلت اتلكتني طيبه - لججج اسيل اليوم اكو واحد بجامعه يسئل عليج - شنو منو وشكر يسئل - مادري بس حسام هسه كلي كال اكو ولد عيونه ملونه وبس يسئل ع اسيل - صفنت ع كلامها عيونه ملونه عزا هذا نفسه الي لحكني ذاك اليوم يمه عزا هذا شيريد مني ضليت خايفه لا يسون شي بس ارجع اكول الاشهب عليه ماسكت اول ما رجعت ودخلت سئلت ع اشهب كالو بالمكتب عفت كلشي ودخلت اركض اله فتحت الباب ودخلت رأسا هو وكفه وضم شي بالجراره وبا على بخزره وصاح - شبيج شبيجج شنو مداهمههه خير ان شاءالله شبيج - اشهب راح اكولك شي بس لا تعصب فدوه - احجي شنو - اكو واحد وكعدت سولفتله من لحكني وهسه من يسئل عليه بالجامعه وكف باوعلي وكال - اسيل متأكده - اي والله - شنو لون عيونه - ماعرف بس هن ملونات - ماشي هسه اخابر عمر واخلي اخوه يحاجي أصدقائه إلي هنا علمود يشوفون الكاميرات - هزيت راسي وطلعت ضليت قلقه وختيفه للعصر حتى تكل ما اكلت لان شفت اشهب استغرب ومثل إلى عرفه منو بس منو للعصر اندكت الباب طلع فراس يفتحها من دخل باوعلي وكال بخوف - عمه كولي البابا هذا عمو عمر بالباب -وليش ماحوله انت شمسوي - ممسوي شي والله بس اخاف لا يعصب عليه لان دخلت للمكتب مالته بعدني محاجيه جان يجيني صوت اشهب وهو يضحك - هههه تعال لك بس انت تفهمني والله لا تخاف انت الوحيد ما عصب منك باوعلي وهو حاط ايده ع ضهر فراس ويحجي - تعلمي منه شلون ادخلين ست اسيل حجاها ومشه وهو يضحك ويهز براسه ضحكت وباوعت ع فراس لك شنو هاي عيني كليت مزاج الاشهب ١٨٠ درجه - ههههه يعني يحبني - لك دشوف اني اخته رزلني وانت عيني الوحيد ميعصب عليك عشتووو حجيتها واني اهز بديه واحرك شفايفي مثل السوريات وهو مات من الضحك - هههههه غرتي يلا لا تبجين اني اكول يحبج - امشي لككك ابو سوالف ههههه عفته ومشيت للمطبخ البيت هدوء لان الشيطانات كلمن بغرفتها مرتاحه منهن ومن سوالفهن دكيت الباب ع اشهب اجه اخذ العصير وراح واني ضليت كاعده بالمطبخ اكلب بالفون شويه وحسيت خيال واحد بطرمه حطيت شالي ومديت راسي شفته عمر باوعلي وغمزلي واشر بيده ع شكل حلقه ودخل - يمممه غزا هذا شيريد يسوي لا بس يحاجي اشهب ويخطبني عزا بعيني يسويها الخبل والله كرصت روحي شبيج اسيل شتردين بعد اشو صاك وطاك وو صح شويه هتلي بس انتي تعدلي ع ايدج او و اسيل عشتي اللحظه انتي امشي شوفي امج وين كعدت يم امي وعمر ضل للعشه سويت العشه اني وحنان وضرعام واشهب ينقلون بالأكل وعمو علي كاعد ويه عمر وسوالف واحنى كاعدين بالصاله جان تندفر الباب ويدخل اشهب عيونه حمر ركض للمكتب وركضت حنان وراه واحنى صافنين هسه جان هادئ وشحلاته شكلبه ياللهي دخل ضرغام وامي جلبت بي - ولك شبي اخوك احجي يمه وليدي راح - يمه خابرو لاكين مكان جهال أسد - باوعت بخوف وشهكت واني اباوع لهم يممه عزا بعيني راحت ضي خويه فدوه روح وياه لا يسوي شي بيها - انجبي انتي كله من وراها ام المصايب شكو منهزمه واهي تدري رجلها موصي ولدي ع جهالها وهذا خبل كلشي ولا أسد - يمه وهي شعليه لا تحجي عليه كاعد احجي ويه امي وطلع اشهب و حنان وراه تبجي وتحجي -ولك ضرغام هذا طلع عصبي حاجي فدوه لا يصير بي شي - شبيجنننن شنو جاهل هو مايعرف يصرف مثلاااا قسما بالله اذا اسمع منج كلمه ما تلومن غير نفسج هسه أدز عمر وياه بس لا تتفاولن عليه عافنا وطلع واني ماعرف اشيل هم اخوي لو ضي شلون ياربي هذا خبل وذيج اخبل بعد شلون بيهم يالله ضي : الصبح كعدت لكيت عمو احمد كاعد باوعلي وكال - راح اروح ويه قيس تردين شي لو تخافين اضل - لا عادي روح عمو حجيتها ودرت وجهي اكمل ريوك الجهال وهو لبس قمصلته وطلع واني صافنه شبي عمو. احمد احسه ضايج البارحه عصبي ويصيح شو هسه نزل الحنان عليه كعدو الجهال ريكتهم وقمر ضلت تلح - ماما حبابه خل نروح نشتري من المحل - اي ماما ونسوي كيك حبابه - ماشي يلا امشوو لبست حجابي واتصلت بعمو احمد ما رد اتصلت بقيس وكتله كال روحي اخذتهم وطلعت للمحل مو بعيد اشتريتلهم واشتريت غراض الكيك ومن رجعنا دخلو ع محل حلويات اخذو واخو ملاعيب ورجعنا واني امشي والسوالف وياهم دخلت للعمره وصعدت للشقه مالتنا هستوني اريد تفتح الباب جان يجيني صوت من الاستغراب والخوف وكعن الأغراض مني درت وجهي رأسا واني اباوع عليه بخوف شفته واكف ع الدرج وحاط ايده ع المحجر ويباوعلنا صفح ورافع حاجبه وع وجهه ابتسامتة استفزازيه انتبهت ع قمر من هدت ايدي وراحت تركض اله -عموووو اجيت علمودي مو - يروح عمج اي حبيبي انتي اجت اخذج وارجعج يمي باوعتله بغضب وهمست متاخذهم ابتسم وهو يباوع شنو راح تخلينا هنا برئيي ندخل جوه لان موحلوه تتفشلين كدام الناس الغربه هاا - اشهببب فدوه لا اسوي هيج خل نحجي - فوتي جوه ونحجي - حجاها ببرود وهو شايل قمر ويلعب بشعرها اشرلي براسه لجوه - ماكدر ادخلك بيا صفه ادخلك للبيت ومحد بيبي حجيتها واني صاكه ع سنوني - ماشي لعد نحجي هنا نزل قمر وباوعلي جيبي جوازات الأطفال يلا - اشهب - ضييي لا تخليني اطلع حركتي بيج والله كتلج طبي جيبي الجوازات بساااااع - زين خل نحجي إلى تريده اسوي الك والله واعطيك الجهال بس لا تحرمني منك فدوه - تدرين شنو الي واكف بعيوني هسسسه أسد لو ما هو جان ماضمنت الج حياتججج لجج غبييه تفضلين الغربه الى أطفال ع اهلهممم - مو هيج والله مو هيج اشهب انت - انيي انييي ايي اني ظالم هذا الي تكولي موو بس تدرين اني ماشوف ان اني ظلمتج ابد ولسه ما شفتي الظلم ع اصوله برئي ظلمج بعده ما بلش يصير خير ضي يصير خير -اشهب مالك حقققققق تحاسبني - ايي مالي حق بس اسوي الي حق تدللين جنج ع هذا سهله والله من عيوني تدرين جنت غبي من رفضت اقتراح عمي علي وكلت مرت صاحبي مثل مرت اخوي بس هسه لااا ترجعين للعراق خو مضلين هنا ويصير خير فوووووتي جيبي الجوازات فضيهاا ليث : لا اصيح ع ماما منو انت وأصيح عليها بس بابا يصيح عليها وانت مو بابا - ليث لا تتدخل بسوالف الكبار اخذ اختك وانزل عمك عمر بسياره جوه - ماعرف امي - لييييييث - ماتحملت واني اشوفه يصيح عليه خزرته وهمست لا اصيح عليه - ضي اخر كلمتين اكولهن اذا ما تردين تحرمين من جهالج وما دامي بعدني ما متخبل عليج فوتي جيبي الجوازات - اذا جبتهم ما تحرمني منهم - اللهم طولج ياروح شنو احجي كردي لو فرنسي ومادري بروحي سمعتي زين مواعيد كلامي يلااا فتحت الباب ودخلت للشقه واني دموعي تنزل ليث لحكني وهو يبجي ماما ما وح وياه ماعوفج وحدح - حبيبي اني ماعوفكم لا تخاف ماشي اريد رجال ايي يلا تعال اخذت الجوازات وطلعت باوعت عمر واكف - شلونج ام ليث خيتي والله مكان ااخ شلون صاكات حرت اباوع ع الام لو البت باوعتله مالي خلك اضحك بيا حال اني وهذا يشاقى وانتبهت ع أشهب خزره وجر الجوازات مني اطاهن العمر وكال - اخذ الجهال وهسه اجيك ليث: ماروووح ماعرف ماما - لا تخاف حبيبي إذا تريدكم تجيكم ماما - وخر انت مو ابونا حتى تأخذنا منها وخر شفت ليث صار يضرب ويدفع بي كلت راح يضربه ردت أخذه بس هو سبقني وجوه كعده بحضنه وهو كعد ع الدرجات مال الدوج وكال - صح اني مو ابوكم بس اني مثل عمكم وابوك وصاني بيكم وكتب ان انتم من مسؤوليتي اني وجدكم ترضى ان تخالف كلام ابوك ها حبيبي - لاا بس انت راح تح منا من امي واحد وحشش - منو كال احرمكم منها بالعكس باوعت بستغراب من كلامه باوعلي ووكف نزل ليث وهمس لا تخاف ما حرمك منها وهي تلحكنا ويه عمها لان الطياره متكفي - احلف ما تأخذنا بعاد عنها ولا تاذيها لان بابا يكول إلى ياذي مره مو رجال ابتسمت واني اسمع كلام ابني شفته مسح ع وجهه وكال - ما ابعدكم عنها يلا روح ويه عمك عمر يلا حبيبي أخذهم واني نزلت دموعي وحسيت اخذ روحي مني باوعتله ودموعي تنزل وهاي اول مره أبين انكساري كدامه باوعلي وهو يمسح ع لحيته بغضب وهمس اذا تردين تضلين ويه جهالج جيبي جوازج ولحكيني انتضرج جوه ١٠ دقايق اذا ماجيتي تشوفين جهالج مره بالأسبوع وبعد بكيفج......يتبع  ضي 💔 ،،،،،،، وللحكاية بقيه،،،،،،، ،،،، قرائة ممتعه أحبتي،،،، اكو شغله حبيت اكولها ليش هيج تبلغون ع الحساب شنو الي مسويته وتبلغون عليه إذا مسويه غلط تعال واجهني الحساب شدخله اذا كتاباتي بيهن شي تعال كول لو بيكم مرض مال تبليغ وشغله ثانيه رجائا لحد يدخل خاص ويكلي تقلدين فلان كاتبه بشنو اقلدها مثلا يعني ترا كلهن ع راسي وما اقلد وحده نهائيا وقصصي كلهن ما قلدت بيهن كاتبه ولا افكر اقلد كاتبه وكل كاتبه الها ميزه مختلفه بيها وشغله لخ هم كم وحده كالتلي اكو بنات دايقلدن طريقتج بنشر بنهاية البارت او البدايه او من انشر صور الابطال او إلى غيره شعليه بيهن خليهن هن لو كاملات ما قلدن غيرهن واعتمدن ع نفسهن هن وهسه ع حوري ويقلدني ههههه عمي هيج طكيت وصرتن تقلدني هههه بعد لحد يحاجيني هههههه اسفه طولت عليكم ومرة ثانيه غلسو ع السحكات ،،،،، تصويتاتكم وتوقعاتكم وتعليقاتكم،،،،، #نور الشمري #نوشه | ||||||||
|
| |
|
02-07-20, 02:26 AM
| #17 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت الرابع عشر Noor336 #القلوب انواع فمنها قلبوب لا تنكسر لاكنها تتحطم وقلوب لا تنكسر لكنها تتشتت قليلا وقلوب تتكسر بسرعه جدا ويتكسر معها كل شي .. لكن يبقى العقل هو الذي لا ينكسر ولا يتحطم ولا حتى يتشتت فجميعنا نعلم ان العقل أقوى من القلب لانه يفكر بعقلانيه وليس گ القلب بمشاعر وأحاسيس ضي : عافني ونزل الدرج واني صافنه ماعرف شسوي احس دموعي تحرك خدودي ماعرف اروح وطز بكلشي يصير بيه بس الأهم اكون بقرب أطفالي لو ابقى وما انكسر واتحمل واصبر إلى أن يرجعون أطفالي الحضني يالله دخيلك صفنت ثواني وحسيت ان ماكدر ماكدر ابتعد لحظه عنهم واشهب يلكاها حجه ع أن امكم ماتريدكم مسحت دموعي ودخلت لجوه اخذت جوازي وتلفوني واني دموعي امسح بيهن ويرجعن ينزلن عبالك شلال وانفتح ولا يخلص ردت اطلع من الشقه قفلتها ومشيت خطوتين صعد قيس يباوع مستغرب وع وجهه علامات الاستغراب همس وهو يباوع بعصبيه وغموض - هاي شكو شبيج تبجين ومنو هذولي الجوه الجهال عدهم دنكت واني ابجي رجعت رفعت راسي ومسحت دموعي وهمست بيني وبين نفسي - كافي ضعف ضي كافي شكد بعد راح تبجين وتخلين الكل يشوف دموعج ويعرف نقطت ضعفج كافي محد يكدر يحرمج منهم محد حتى اشهب قوي نفسج وكوني قويه وتحملي كلشي علمودهم باوعت ع قيس وهمست - بعدين بعدين خل اروح وبعدين اتصل بيك واكولك عفته وردت انزل كمش ايدي بعصبيه وصاح - شبيججج مستعجله منو هذوله وشنو يردون لااا لا بس هذا - دنكت راسي ورجعت رفعته وهزيت راسي وهمست اشهب هذا اشهب خليني انزل والحك عليهم قيس ماعدي غير هذا الحل بعد - اي حل شبيج ضي وين رايحه خل افتهم شنو اني هنا مو رجال بعينج لو كرسي كدامج ماكو روحه ويه هذا العار هسه اخابر بكر لو موسى وافتهم منهم ونرجع اني وياج وهناك عود - شنوو شنوو قيسسس داكولك ماعدي غير هذه الفرصه اذا منزلت هسه راح انحرم من أطفالي من كل شي - مو بكيييفه شبيجج انتي هذا عقل هنا عقلل صار يصيح ويضرب ع راسي - اريد افتهم عقل هذاا لو حجاره هنا هااا كولي حته نسويلج عمليه لج اول شي رجاااااال غريب راجعه وياه للعراق شنوووو هاااا وبعدين شكو رايحه شنو هو ابوهم عمهم خالهم ويحرمج منهم مو بكيفه هسه اشتكي عليه واخلي شرطة لبنان تمسح بي بيروت مسح وخري عني دفعني ونزل واني دكيت ع راسي يبووو يا حضج يا ضي واحد اخبل من الثاني ركضت واني انزل ع السريع اول ماطلعت من العماره لكيت اشهب يريد يركب السياره ويمشي جان يصيح قيس عليه - هيييي انت اوكف باوعت عليهم واني خايفه التلفون بيدي دكيت ع عمو احمد ماكو ميرد رددد رد رد الله يخليك رد ولو مره وحده اوكف وياي ركضت ع قيس واني اكمش بي واحجي - قيسسس شبيك ارجع العقلك لا تسوي فضيحه بنص الشارع وكتلك رجلي ع رجل جهالي كافيي تحجي حجي مخربط - مخررربط الله الله شنو هاي ضي صرت احجي مخربط موو اي خل اخابرلج بكر ونشوف حجي منو المخربط حجيي لو حجيج يا مدام حجاها وضرب أصبعه براسي وره هذه الحركه محسيت غير قيس واكع بالكاع باوعت اشهب يممه عزا بعيني باوعتله بخزوه انت شداسويييي شلون تضربه - ولا كلمه هذا منو انوب علينا هاااااا امشييي - هددد ايدي لا افضحك والله مالك حق تلمسني لو تحاسبني شنو رجلي ومادري بيك حجيتها بعصبيه واني افور نار من كمش ايدي وراد يصعدني ضحك وهو يمسح ع لحيته وباوعلي - اي تدللين لعد ضي وراي طياره اريد ارجع الجهال الجدهم وافتهمت ان الشفيه إلى كاعد يحميج مني يخاف يدزج ويه غريب زين اهلج ماستحو من خلوج عد غريب - اشهبببببب حجيتها واني بدي اضربه راشدي بس ماحس غير قيس نام فوكه نزل عمر وهو يفاككهم وواحد يضرب للثاني شو عمر عود نزل يفكهم كام يضرب ويه اشهب بقيس بقيت اباوع ماعرف شسوي الناس صافنه وتخاف تتدخل كمشت ايد قيس واني اتوسل يؤخر عنهم ابتعد وهو يباوع صفح باوعت ع اشهب وهمست - اعرف شلون ارد عليك بس مو بدولة غريبه استاذ اشهب وراح تدفع ثمن هذه كلماتك باوعلي صفح و حك لحيته من يم حنجه وصفن وهو يباوعلي دار وجهه واني هنا ركضت وراه - جهااالي - ههه اي من ترجعين ويه هذا الغريب إلي مأمنين بي اهلج عليكم من عدنا نكعد ونحجي - يعني متحرمني منهم - اااخ لو بيدي جان اضفر ماخليج اشوفي منهم بس اترحمي الأسد إلي بسببه راح اطيج وقت ترجعين للعراق وتجين ونحجي عود يلا نلتقي باربيل ام لييييث باوعت عليه نكث بنطرونه من التراب وليث وقمر يباوعولي من الجامه ركب سيارته وعمر يباوع ع قيس وهو ينكث بملابسه هم عود عبالي هذا عون طلع فرعون اضرب من اشهب استلم قيس اكس مربع باوعت ع قيس وهمست - ليش سويت هيج عباله انت واحد غريب - يطبه طووووب ابن الكلب عبالك مدري شنو والله لو ما انتي جان دفنته هنا - اي كلشش شفتك شلون صرت حمامه جواهم حجيتها بكلبي واني اباوع عليه صفح همست اله واني امشي ادخل العماره - احجز إلي اريد اليوم اني ببغداد - ضيي - قيسس ان ما حجزت إل ي اني اروح واحجز النفسي لا تخليني اتصرف غير تصرف لا تجننوني إلي بيه كافي رحمممه الاهلكم عوفوني اتصرف اني عفته ودخلت واني دموعي تنزل باوعتله وهمست لا تخابر عمو بكر إلي بي مكفي خطيه - وهذا عمج العار وين مو ع اساس دزو يمج يبقه - مافهمت مو اجاك هو - اجاني محد اجه ومن دكيتي عليه استغربت كلت لعد وين أحمد عفت المكتب واجيتج - شنو يعني عمو احمد وين شلت التلفون واني ادك عليه ماكو اول شي يدك بس ماكو ميرد بعدين كام يطلع مغلق شمرت التلفون واني الوب باوعلي قيس وهو يحجي - اريد افتهم هذا شعباله شنو ماخذ حريته زايد وكانما ابو الجهال اكلج خاف هو ابوهم ومندري - قيسس زودتها هوووواي وسكتت هواي كافي احجزلي البغداد هسه عفته ودخلت الغرفه ونزلت دموعي يالله مايطلع إلى ببالي صح ما معقوله عمو احمد يسويها لالا مو هو واذا هو وينه ليش ميرد خو بالعكس يرد حته محد يشك بي لا ضي لا عمج صح اناني بس مو لهدرجه كعدت واتصلت بجدو اول ما شاله وكال الو نزلت دموعي كعدت ع الجربايه ودموعي تنزل همست واني العب بضافري جدوو - شبييج يروح جدج شكوو - جدوو اشهب أخذهم - شنوووو شلووون وشوكت - ماعرف ماعرف فجئه لكيته فوك راسي شلون مادري مادري جدو راح اجي البغداد هسه واخذني الاربيل وخل نحاجيهم حباب - ماشي ماشي بس لا تبجين ماريد دموعج تنزل كلشي اله حل بس حلج صعب ومستحيل اطيج تعاي بسلامه ونشوف شلون تصفى جنت بحاله يرثى لها ما انتبهت ع كلامه ولا ع الي كاله بس ابجي وأهمس بكلمات سديته واني دموعي تنزل وكفت كدام المرايه واني اقوي نفسي -ضي صيري قويه شنو هاي شجاج اشهب لو يريد يحرمج منهم ما اطاج وقت ترجعين للعراق ولا اطاج فرصه ترحين وياهم صح عده شي بباله يدور بس انتي صيري قويه لان لو يريد اشهب جان عاقبج لان اخذتي الاولاد صيري قويه لان محد يفهم إلي اني بي ولا يحسون يالله شسوي شسوي كعدت بالكاع وحضنت رجليه للصدري وصارت دموعي ينزلن واني افكر الف فكره وفكره تمر ببالي شنو راح يصير وشراح يسوي اشهب مستحيل يسكت ع الي سويته بس شلون خايفه لأول مره اخاف من عده واحسبله حساب مرت ساعتين و اندكت الباب كمت لبست حجابي وفتحتها - شتريد قيس - تعاي خل نحجي وها طيارتج بعد ساعتين تعاي خل نحجي حته اخذج للمطار ومناك موسى يتلكاج واني اشوف عمج وين واجيبه واجي هزيت راسي وطلعت كعدت ع القنفه وهو كعد كدامي باوعلي وهمس - اعتذر اذا سببتلج مشكله ماجنت اعرف ميعرفني هاي شبيه شنو ميعرفني اذا اني ماعرفه هو شلون يعرفني شبيك قيس عدتك ضي بغبائها صار يحجي وحده ابتسمت واني اشوفه هيج وهزيت راسي وهمست اني مو غبيه بس ماراح تحس بيه ولا تحس بالي مريت بي قيس اني ٤ أشهر ما شايفه جهالي اربع أشهر شفت بيهن الويل انواع التعذيب والاتهامات الي حصلتها هاك شوف كصتي لحد الان الأثر ميروح وغيرها من آثار كل هذا ما هتميت اله بكد همي الاطفالي حاربت كلشي ورحت الاربيل لخاطرهم واني تاركه الناس ببغداد تحجي أشكال ألوان عني وعن شرفي كل هذا ومهتميت اله لان تدري ليش لان اعرف نفسي كلش زين اني شنو وما يهمني غير اكون ويه أطفالي ويمهم هذا يكفيني كلام الناس كله غير الناس الي باربيل من شافوني ادخل واطلع صارو يالفون انواع الحجي ساعه يكولون جنتهم ومطلكيها وساعه يكولون حبيبت ابنهم وساعه أشكال الكلام كل هذا غضيت البصر عنه وما اطرقت اله لخاطر أطفالي قيس أطفالي خط أحمر هم مصدر قوتي وضعفي بهذا الحياة بدونهم اني لا شيء تدري مرات اصفن واكول لو ما هم من زمان متت ولحكت أسد لان الحياة بدونه صعبه بس لطاخرهم اتعايشت وسويت نفسي قويه ورجعت بنيت شخصيتي كل هذا الخاطرهم اشهب مو غريب عليهم وهو بمثابة العم بنسبة الهم لأنك تدري أسد ماعده لا اخ ولا اخت وأمه متوفيه ماعده غير ابوه وابوه رجال جبير بالعمر ميكدر يربيهم بدون اشهب واشهب كل هذا دايسوي علمود هم وعلمود ابو أسد فهمت -شوفي ضي فهمتج بس مهما يكن احنى عراقيين منكدر نتصرف بكيفنا منو يتقبلها ع عرضه ترجع ويه رجال غريب حتى وأن كان صديق أو كرايب زوجها فهمتي وهسه كومي يلا لج كافي دراما شنو ناقصنا احنى كومي كومي يلا جنا أرامل ننوح اني وياج كومي ابتسمت واني اشوف تصرفاته دخلت حضرت نفسي لفيت حجابي عدل وأخذت الجواز والجنطه والفيزه الجابها قيس قبل شويه وكل شي وطلعت اخذني وطلعنا للمطار - خو متخافين وحدج - توو شنو القصه بس تعال يعني هسه انت آمنت ترجعني وحدي وما آمنت ترجعني ويه أطفالي - ويه هذا العار مو. ويه اطفالج - وان يكن اني راح اكون ويه أطفالي يعني ماعليه شي - دنجبي انجبي تكولين ما تفهموني دفهمينا اول شي وبعدين نفهمج بت الحلو - هههه والله انتم تحيرون - اكلج بس سؤال اذا صارت كعده وكعدتو اريدج اسئلين هذا بأت مان ليش ضربني هههه - هههه من غير سبب هيج عجبه - لا بالله مو مكفخه اني كدامه ابن الكلب مكفخة الخلفوه - كافي تغلط ع ابوه شدخله الرجال - محد كله يخلف هيج واحد - ه ههه اكول عمو احمد ما لكيت منه خبر بالي كله يمه - لا اني هسه اشوفه وين بس الكاه اجيبه واجي لبغداد - صدوك - اي والله بقيت كاعده اسولف ويه قيس ع ميخلص الوقت وانسه شويه همي لحد ما صار الوقت اخذت جوازي واغراضي ومشيت أشرت القيس ودخلت لجوه صعدت الطياره واني خايفه قوي نفسج ضي شنو يعني واذا ركبتي وحدج بيها عادي عادي كعدت بمكاني واني العب بضافري واسمع صوت الموضفه وهي تحجي بالمايك ربطت الحزام واني بلشت أقره آيات هاي رابع مدري خامس مره اركب الطياره واول مره اخاف منها يمكن لان وحدي بقيت اقرا آيات وادعيه وره شويه هديت وغمضت عيوني غفيت ومادري بروحي فزيت ع صوت هوسه وحجي اكو بنيه كاعده بصفي وكامشه كتابها باوعت لها وهمست شكو شصاير باوعت لي وهزت رأسها - ماكو شي واحد كام يصيح ع اساس تحرشو بمرته هي عار شكو مكعدها يم الزلم اذا تغار وتخاف عليها - بقيت صافنه عليها شلون تحجي درت وجهي شفت رجال يصيح ع مجموعة شباب واكو مريه واكفه بصفه وتبجي هزيت راسي ورجعت كعدت بس مبينين مو عراقيين اجت المضيفه تحجي لبناني بقت تحجي عليهم هم سكتو رجعت راسي لوره وبقيت صافنه ع السمه ربي وعد اسوي اي شي بس لا تحرمني من أطفالي اي شي وداعت أسد ياللهي مرت ساعه ووصلنا لبغداد اول ما نزلت من الطياره ودخلت المطار صرت اباوع وادور ع بابا ولمحته من بعيد ركضت عليه شبكته وصرت ابجي وهو يهدي بيه ويمسح ع راسي - اششس هذهو حبيبتي هذهو خلص ارجعهم الحضنج والله بس لا تبجين تعاي يلا اخذت جنطتي وطلعت وياه ودموعي تنزل وكلساع احضنه لكيت ابن عمه ينتضره بسياره ركبت واني اسلم علية بس عيوني من البجي منفوخات اول مركبات السياره باوعلي بابا وكال - وين هذا عمج ال **** عود دازي يمج ولا كأنما مختفي - بابا لا تحجي هيج كلشي يصير يجوز تلفونه ضاع انباك بي شي مستحيل عمو احمد يسوي هيج رجعنا للبيت وبابا الطريق كله يحجي ع عمو احمد ويتحلف بي بس يرجع واني بالي كله يم ليث وقمر وليث راح ع عينه خايفه يحجي حجايه واشهب يمد ايده لو شو شنو يسويله الف فكره وفكره مرت ع بالي اول ما وصلنا لبيت جدي ودخلت اتلكتني مرت عمي أحمد وهي تصيح - ها يالمسعده ارتاحيتي هسه وين رجلي ولج احجيي وينه هاااا شسويتله انتي وذاك المخبل احجي لج ام السجون ماحس غير ذبت روحها عليه وصارت تملخ بيه دفعتها بس هي اسمن من عدي مكدرت دخل جدي وصاح بيها هاي شنوووو وخرت واني كمت اريد اروح اكتلها جان تدخل بيبي باوعتلي بخزره وصاحت - تعاي هنا ضيه - بيبيييي - وسمم تعاي مو وياج مشيت وكفت بصفها واني اخزر بمرت عمي ماحب احد يمد ايده عليه اتخبل من هذا الشي وماارتاح اله ارجعله الضربه لو اسمعله كلام لان اذا ماسويت هيج اضل اكل بروحي احس نفسي ضعيفه وسكتت باوعلي جدي وصاح تعاي وراي للاستقبال ضي عافنا وطلع باوعت ع بيبي ومرت عمي ومشيت وكفت بوجهه وهمست بصوت بس هي اسمعه - بيج خير روحي شوفي رجلج ويه منو هسه مو كاعده تلوميني اني شكو بس عمي مسكين رجال ويريد حقه واللبنانيات حلوات ومايقصرن حجيت هيج ومشيت واني احس روحي انتصرت اعرف جذبت واعرف شي غلط بس خليها تفور نار مثل ما فورتني الحقيره دخلت للاستقبال واني اشوف جدي وابويه واخوت جدو واولادهم كعدت بصف جدو واني صافنه - شوفي بنيتي انتي بعدج صغيره والعمر كدامج وجهالج هل تشوفيهم جدهم ما يرضى يطيهم الج واشهب رجال غريب ماكدر اخليج يمهم والناس تحجي يا بنيتي هو بس دخولج للسجن كافي يا بعد جدج اني ما كاعد الومج لو احملج المسؤليه بس داحجي علمودج باجر عكبه منو ياخذج والناس تحج بعده ممكمل كلامه وكفت واني النار احسهم براسي وصلت شنووو شنووو جدو شتحجي انت شنو منو ياخذني ليش اني كتلكم اريد ازوجج مثلا اني بعد أسد مستحيل ازوج وبعدين شلون تحجون هيج هاا ما بقى غير كم يوم وتمر السنه مالته الأولى وانتم تحجون هيججج - بنيتي شبيج احنى دانضرب مثل عوفي كعدي خل اكمل كعدت واني اباوع لهم واحس روحي راح تطلع - ضي لا بالمحكمه نكدر ناخذهم لان الوصيه مكتوبه والجهال مسؤلية جدهم واشهب ومسوليتج بس المحكمه متكدر تطيجياهم لان راح يكون اكو سبب وهو دخولج السجن - جدو اعرف هذا الحجي طب بزبده شنو تردون مني - مانريد منج شي إلي أنريده علمودج ابو أسد واشهب دايخططون لشي من سابع المستحيلات يصير واني اعرف انتي متوافقين ولا اني ولا ابوج نوافق - شنو هذا الشي حجيته واني اباوع ع جدي وابويه دنكو وهمس جدي - يردون يزوجوج اشهب وكفت واني اضحك هههههه جدو شتحجي انت ترا اشهب ما يطيق يشوف شكلي مو بعد يزوجني اصلااا هو لحد لان شاك بيه اني القاتله تريد يزوج قاتله بنضره ههههه ترا اوفر كلش يعني مستحيل اصدك تحجون صدك موسى : ضييي احجي عدل قايل نجذب عليج احنى شوفي ماكو غير حل واحد وهو انزوجج ابن عمي قيس علمود المحكمه تطيج الحق اشوفين جهالج كل فترا وبهل حاله نضمن ان لا انتي تحرمين من الجهال ولا تتزوجين هذا الحقير اهم شي مبكدر ياخذج باوعت عليهم صفح واني اضحك الله شنو هاي متفقين ومخططين وتردون انفذ مووو - ضييي صوتج -بابا لهنا وبسسس سكتت هواي بعد ما اسكت شتردون مني اسكت وانتم تردون تزوجوني واسد لسه ما طالع دورة سنتةة انتم شنوووو شنو من بشر انتم الله اكبر عليكم شوفو واسمعو لا ازوج قيس ولا غيره وجهالي غصبا ما عليكم وعليهم اشوفهم وأريد اشوف منو يوكف بوجهي طلعت واني اسمع صوت بابا يصيح عليه ويغلط ادبسزز مامتربايه حقيره كل هذا امشي وتنزل دموعي واسمعهم يردون ازوج بعد أسد واعيش ولا كأنما أسد زوجي واو ازوج واعيش وأخلف من جديد ههه ضي شبيج هم اصلا ما كاعد يسون هيج لخاطر سواد عيونج علمود سمعتهم بالمنطقه وعلمود لا يدنكون رأسهم لاشهب هههه بابا واعرفه وجدي جدي شلون يسوي هيج طلعت وره البيت امشي وابجي كعدت جوه شجرة النبك وسندت ضهري وراسي ع الجذع مالتها واني دموعي تنزل بقيت تقريب الساعه اني كاعده ودموعي تنزل شلون بيه ساعه افكر واكول اكيد اشهب راح يحرمني منهم بس اذا ازوجت وطلعت للبنان وطلبتهم ولان هم صغار يطونياهم بس ارجع واكول لا اشهب راح يستخدم كل الي يكدر عليه وبعدين شلوننن تفكرين تتزوجين ضي هااا شلون تفكرين تتزوجين واحد ثاني غبيييه نسيتي اسد صرت احجي ويه روحي مثل المخبله وابجي فجئه حسيت خيال فوك راسي رفعته عمو بكر وكفت واني مبرطمه من شافني فتح عيونه هلكبر الوحده شمرت روحي بحضنه وصرت ابجي بس هو بس هو الوحيد الي يفكر بيه حتى ابوي وجدي صارو ما يفكرون غير بسمعتهم وكرامتهم اهم شي ما يدنكون الاشهب - شبيج ضيو حبيبي شصاير باوعتله واني برطمه وهمست شصار ويه حبيبتك كدرت تأخذها دنك وهز راسه بـلا وهمس - عوفينا من عدها هي الخسرانه كولي شبي وجهج وليش انتي هنا لااا الجهال وين يعني اخدهم هزيت راسي اي وبجيت - شلوون كدر الحقير يوصل وليش انت هناا شسوه ماخلاج - لالا مو هيج كعدت وصرت احجيله كلشي ماعدي غيره اشكيله همي جان صافن ويباوعلي بستغراب وعيونه حممر صارن ومن سولفتله الحل مال جدو وبابا وكف وهو متخبل - لا يااا هذوله من صدك يحجون شبيهم يعني بربهم هذااا حل كومي كومي وياي جرني واخذني للاستقبال اول ما فتح الباب ودخلنا وكف ابويه وصاح - ها شنوو جايبتلي بكررر شوفي ضيي اذا ترديني أرضه عليج خلصيني من همجج إلي صالي ١١ أشهر شايله ع ضهريي لان ما تحمممل بعد وكفت بوجهه واني دموعي تنزل شنو بابا بسرعه مليت مني اي حقكك انت صح جنت تكول بنيتي وتراعيني بس مو انت الربيتني اتربيت بين جدي وعمو بكر صح جنت مدللني بس ما جنت احسك تحبني تدري شنو بابا اني من عمري ١٩ سنه تركت بيتك وطلعت منه عروس فرحانه وخلصتك من مسوليتي وما شكيتلك ابد فديوم وهسه تكلي صرت هم بنسبه الك شايله فوك ضهرك ومتحمله ههه لعد اني شكول إلى أطفالي كل واحد حملت بيهم ٩ أشهر ببطني وتحملت كلشي تحملت اكثر وجع بالعالم لخاطرهم تحملت السجن والضرب والاتهامات تحملت الغربه وكل شي لخاطرررهم تريد مني اتخلص هسه من همهم واعطيهم للغريب واني اروح ازوج واعيش وأخلف من جديد ولا كأنما شي صاير بس علمود اشهب ما يزوجني غلطان بابا إذا هذا تفكيرك انت اني تفكيري غير تدرون مستعده اسوي اي شي لخاطر أطفالي بس اني اخون أسد لااا افضل الموت ع هذا الشي بكر : بويه تحجي صدك انت وبعدين منو كال قيس يقبل ليش داسون هيج حرام تدري قيس يعتبرها حالها حال اخته كافي شجاكم هاي بدل ما تفكرون بحل ابو موسى: مالك دخل بكر قيس اني اعرف شلون أقنعه اكيد ما يقبل ع عرضه ان ياخذها واحد حقير كل همه يعذبها علمود أطفالها وبعدين شنو بيدنا ما سوينا تريدنا نلزم سلاح ونتكاوم ويه عشيرة اشهب وابو أسد هااا ٧ أشهر اني بس حاير بيها وبجهالها وماخليت شيخ ما خليته يتوسط لابو أسد وهو معاند شسوي بعد - هذهو بويه كفيت ووفيت مشكور وانت خويه هم كفيت ووفيت هاي بتكم ترا مو بت شارع ومليتو منها بسرعه بس تدرون انتم كل همكم ان اهم شي اشهب ما يمشي كلامه عليكم هذا اهم شي عدكم والا لا ضي ولا جهالها ولا أسد يهمكم وسفه والله وسفه انتم اهلي امشي ضي اريد اشوف منو يحرمج من جهالج امشييي طلعت واني دموعي تنزل اول مره اسمع هذا الكلام من أبويه وجدي طول عمري متعلمه ع كلامهم الحلو وطيبت كلبهم طول عمري متعلمه ع دلالهم و قوتهم تعلمت عدم الاستسلام منهم بس هم هسه غير مو اهلي هذول تغيرو تغيرو حيل سبحانك ربي لكل شي بي اراده موتت أسد طلعت وجوه ع حقيقتها وان كانو اهلي عرفت منو الوياي ومنو الضدي ركبت بسياره وطلعنا اني وعمو بكر الهدوء جان سيد الموقف لا هو حجه ولا اني حجيت اثنيننا مجروحين واثنيننا مخذولين واثنيننا مكسورين بس لازم نتحمل ماعرفت وين ماخذني بس الاعرفه اني بأمان ما دامني ويه عمو بكر غمضت عيوني وغفيت الساعه بـ ٦ العصر جانت فزيت ع صوت البريك مال عمو بكر فتحت عيوني شفته المطار باوعلي وكال يلا نزلي - شنو عمو وين - لعوين وين غير الاربيل فضيها اذا رحنا بسياره نتأخر والليل اجه والطريق مو امان - زين منو يكول اكو رحله - هسه غير تمشي وما اضل تتشائم ياللهي ابتسمت ومشيت وياه اول ما دخلنا راح عمو للاستعلامات رجع ووجه معقج - اكو رحله بس الساعه ب٩ باليل امشي - ووهسه - جوازج عدج لا تكولين لا هسه اهفج براشدي ارجعج يم ابوج ال استغفر الله كلبي ما يعطيني اغلط عليه - هههه اي عدي مديت ايدي ع جيب المالتو فتحت الدكمه وطلعته أخذه وكال -خليج هنا احجز واجيج هزيت راسي وهو مشه ضلينا كاعدين بصاله الانتضار كال امشي ناكل شويه مو زين نركب الطياره وانتي ما ماكله شي - ما كلت لا لأن إذا ركبتها وبطني فارغه تلعب نفسي كمت طلعنا واخذنا لمطعم تعشينا بهدوء لا اني حجيت ولا هو خلصنا ورجعنا أول مدخلنا المطار جانت الساعه ٨ دك تلفون عمو بكر - ها يأبه اي راح أخذها واشوف شلون تمنعوها بويه هذا حل بنضرك شنو ازوجها برئيك هيج تكدر اضل ويه جهالها هي مشكلتها جهالها مو زواجها من اشهب انتم كل عقلكم اشهب وبس هذهو قراري نهائي وطزز اني هم بعد ماريدها لا تروح ولا تخطبها ماريد منيتكم جان يحجي وبكل عصبيه وحركة دم كلش نقهرت عليه كمشت ايده واني دموعي بعيني باوعلي بخزره وصاح -ديري بالج تنزلين دمعه وحده يلا لج كومي شنو عجبتج الكعده متردين شوفين جهالج - هزيت راسي واني اضحك وركبنا الطياره وهاي ثاني مره اركبها اليوم احس راسي راح ينفجر اول ما وصلنا ركضت غسلت وجهي وتنفست حسيت روحي اختنكت باوعت ع أربيل وغمضت عيوني رجعتلج يا أربيل اضاهر ماكو مفر منج ركبنا بتكسي ورحنا الفندق لان البيت الي مستأجري قبل أخذه صاحب البيت لان خلص الوقت هو جان ٦ أشهر اخذ عمو غرفه والي غرفه دخلت وأبدي اروح هسه لاطفالي واحضنهم بس الوقت متأخر وهسه نايمين اكيد حطيت راسي ع المخده ونمت ماعرف شكد نمت بس من التعب والتفكير غفيت ما كعدت غير ع دك الباب طفرت واني البس حجابي همست منو - اني لج فتحي - هلا عمو فتحت الباب دخل باوعلي وكال شنو هاي هستوج كعدتي الساعه ٩ الصبح شنو عجبج المكان اضاهر - هههه لا بس مادري نمت والنومه نوم - ههههه ديلا جهزي روحج خل نروح - برئيك يخلوني - غصبا ما عليهم ههههه شحدهم يلا لج استعجلي اوك اوك هههه دخلت للحمام غسلت وجهي ولفيت حجابي عدل وطلعت اله باوعلي وضحك أخذنا تكسي وطلعنا لبيتهم واني احس جسمي كله يرجف ماعرف شصار بيه ماعرف اذا الخطوه هاي صحيحه لو لا ماعرف شنو الي راح يشرطو ولا إلى يردو بس اهم شي اشوف جهالي اول ما وصلنا ونزلنا عامل عمو بكر صاحب التكسي باوعتله واني معجبه - شنو هاي عمو صاير تحجي كردي بطلاقه - والفضل المن يرجع هههههه - اكيد إلي هههه - عفيه عليج دك الباب عمو بكر واني كمشت بيديه قوي دقايق واجانا صوته فتح الباب و باوعلنا ابتسم وكال - هلاا والله تفضلو حجاها عبالك بستهزاء وهو يباوع ع عمو بكر بنضرات يريد يفترسه فتح باب الاستقبال وكال - دخلو هسه اصيح العمي علي واجيكم باوعت ع عمو بكر وهو باوعلي - شنو هاي منين اجه الهدوء متأكده هذا اشهب خاف اني كبرت وضعف نظري وكمت اهلوس - ههههه لا اني هم مثلك كمت اهلوس عمو اطمئن هو بشحمه ولحمه - الله يهدي - ما اظن بس امين حجيتها ودخل عمو علي ووراه اشهب باوعلي عمو علي وكال - ولو زعلان منج بس تضلين مرت الغالي تعاي حضنته ونزلت دموعي رفعت راسي وهمست - مو بيدي عمو جنت خايفه تبعدوهم عني اسفه - كعدي كعدي شهل الحجي هذا شنو احنى مجرمين لو ماعدنا رحمه باوعت ع اشهب ورجعت باوعت ع عمو علي وهمست عمو انت محشوم من الغلط بس باوعت ع اشهب وهو رفعلي حاجبه وكال - اي ست ضي كملي بس شنو انتبهت عمو بكر يضحك كمشت نفسي ما ابتسم ورجعت نظري ع عمو علي وهمست - اكولها بكل صراحه خفت من اشهب لان اعرفه ظالم وبس يريد يحرك كلبي وع ساعه يمنعني من شوفتهم بهل الحاله شلون اعيش اني اشهب : اييي مو اني يزيد وظالم بت الكلب شو متعرفين تحجين بكر : هي هي شو تغلط وماخذ راحتك شنو - والله يعجبني هيج ما يعجبك اكرمنا بسكوتك ابو أسد : اشهبببب ما تفقنا هيج - عميي - اشهبب عوف البنيه تحجي رجعت كملت كلامي واني اهمس - عمو اعرف انتم ضجتو من الكلام لان ببغداد الكل يحجي اذا من عائلتي او من عائلتك او من عائلة اشهب ومحد يسكت ويالفون كلام وحتى هنا كامو يحجون لان كل يوم طابه طالعه عليكم لو انتم تجوني عمو ع الاقل بيام العطل يجون يمي يعني خميس وجمعه وسبت يضلون يمي وباقي الايام يمكم ماكدر اضل هيج - زين اسئلج سؤال بنيتي - كول عمو - إلى متى اضلين هيج - مافهمت شلون يعني - يعني إلى متى يضلون هيج الجهال مشردين يوم يمنا ويوم يمج إلى متى اضلين هنا عايشه وهذا المسكين عايف اهله وشغله وكلشي وجاي هنا علمودج حجه واشر ع عمو بكر ورجع كمل كلامه - نكول سنتين ثلاثه اربعه خمسه كل هذا وانتي بعدج صغيره والخطابه تجيج برئيج اهلج راح يخلونج هيج - من كال هيج اذكرت كلامهم ابتسمت هم هسه يردون يزوجوني مو بعد ٥ سنوات اخ يا أسد رفعت راسي وهمست عمو اني ب عد أسد مستحيل اكون مرت احد - إلى متى - للموت - اسم الله عليج بنيتي العمر كدامج طوويل بس فكري مثلا مثلا بعد كم سنه ازوجتي مثلا برئيج إلي راح تزوجي يقبل كل فترا تجين ببيت غريب وشوفين جهالج لو يتقبل جهال غيره ببيته اني عن نفسي وعن احفاذي ويمكن تشوفيني اناني ماقبل ان اولاد أسد يتربون خارج هذا البيت ويربيهم واحد غيري او غير اشهب راح تكولين ليش اله اشهب اني اكلج ليش أسد يا بتي جان حاس راح يموت او حاس يصير بيه شي كتب وصيته وسلمها عد واحد نعرفه وقبل كم شهر اجه وجاب الوصيه جان مضمونها شنو تدرين -هزيت راسي واني اباوع عليه انتضره يكمل - جان مضمونها ان ليث وقمر انتي تربيهم ومحد يحرمج منهم وتكونين اب وأم الهم وهو يعرف متقصرين بس بنفس الوكت يحتاج رجال وشرعا اني المسؤل عنهم بعد والدهم وطلب ان اربيهم مثل ما ربيته وضمن هذا جان اكو شي اساسي وهو ان اشهب يكون الهم اب ويربيهم مثل ما راح يربي ابراهيم ويوسف وروز وفراس تدرين ليش - هزيت راسي لا واني دموعي تنزل ويه كل كلمه - لان يعرف اني مو كد المسؤليه هو يريد ليث نسخه منه وقمر نسخه منج ويعرف اني رجال كبير مو كد التربيه واني وياج مو كد هذا المسؤليه الكبيره مهما يكن نحتاج شخص قوي مسيطر وهو ماعده اخ يثق بي ولا احد غير اشهب الي يعتبر توامه وروحه يعني احنى ال٣ مسؤلين عن تربيتهم شلون راح نربيهم ونحقق حلم أسد وانتي ببيت واحنى ببيت بكر : عمي الي تريد طب بي لا اضل تلف وادور اعذرني بس كول شنو الحل بنضرك - بكر وليدي مو طلبي طلب أسد هو يعرف كلش زين الناس شنو تحجي وهو كال الاولاد احنى نربيهم يعني شلون بنضرك هيج نجيبها ونكعدها ويانا عادي اني ماعدي اي مانع ولا اشهب بس الناس تسكت طزز بناس بس وسمعت بت اخوك والكلام الي يكولو ما تخاف عليها شوفي بنيتي اعرف صعبه عليج بس هذا وعد مني ووعد من اشهب وكدام عمج بكر توافقين تتزوجين زواج ع وراااق من اشهب ع ورق يا بتي وكدام الناس بس وشوكت ما يعجبج وكلتي اريد اطلك يطلك وهو الممنون وانتي بغرفه وهو بغرفه بس علمود الجهال وعلمو تحققين حلم أسد وبعد بكيفج اذا متردين تكسرين وصية أسد وكفت واني اباوع ع عمو علي وع بكر وع اشهب الجان مدنك يلعب بالمحبس مالته باوعت عليه وهمست - عمووو شلون ترضاها ع مرت ابنك تزوج واحد غير ابنك - اشهب نفس ابني ضييي واني علمودج الله شاهد انتي والجهال أمانة أسد النا واني ما مستعد اخاطر بامانة ابني -وبرئيك هيج تحافظ ع أمانة ابنككككك يا عميي هيج برئيك ببساطه تزوجها الشخص ثانيييي حجيتها واني اشهك ودموعي تنزل وكف اشهب وهو يباوعولي وعيونه حمر - سمعييي يا بت الناس ترا سمعتي عمي كال زواج ع ورق وانتي راح اضلين بنضري مرت اسددد وبس وعلمود اضمن بعد ما تلعبين بذيلج وتشردين وماكدر احاسبج اذا اخذتي الجهال وشردتي يعني بالمختصر المفيد تريدين جهالج وافقي ترا ماكاتل روحي عليج بس وصية أسد ماكدر اكول لا لوصية ميت وعزيز كلبي والا ما يشرفني مجرمه و خاينة تكون مرتي بكر : لا يا حقير هاي كدامي وتهين بيها لعد اذا صارت مرتك شلون - اوووكف اوووكف عمووو خلصص وكفت كدام عمو بكر واني اتوسل بي باوعت ع عمو علي وع عمو بكر كعدت ع القنفنه واني صافنه يمكن ساعه مرت واني بهل الحاله عمو بكر كاعد بصفي ويهز ويعصر بصابعه وعمو علي كاعد يلعب بسبحته واشهب هذا قضية كاعد مدنك يهز برجله ويلعب بالمحبس مالته اخر شي وكف - زين اني عدي اقتراح الج وافقي واكتبلج تعهد واوقعه وكدام شهود هم اذا ازوجتج و فد يوم اتقربتلج او خليتج مرتي فعلااا تكدرين تتطلكين وتاخذين الجهال ومحد يمنعج ويتربون عدج هم وما ادخل ولا اكول لا هاا ؟؟ باوعت ع عمو بكر واني مستغربه من اقتراحه معقوله اني شنو بعلم لو حلم حسيت الشيطان لعب براسي هيج اكدر اكون ويه أولادي وبنفس الوقت محد يجبرني ازوج واكون وفيه الأسد يمكن ماكو غير هذا الحل وكفت واني اباوع عليهم - ماشي موافقه بكر : ضيييي فكري زين - عمووو هيج لا اهلي يكدرون يزوجوني قيس ولا غيره واكون ويه أولادي ومحد يجبرني ع شي وبنفس الوقت اكون وفيه الأسد - مااجبرجج بنيتي فكري و وديلي الخبر - ماكو داعي عمو موافقه بس هذا الشرط ما أوافق اذا ما يسوي التعهد ويوقعه كدام الكل ساعتها اوافق اشهب : كدام الكل؟؟ كلت.كدام شهود مو الكل يعني عمج بكر وعمي علي وعمر وامي وبسسسسس ولا احد ثاني يعرف غيرهم بكر : لا هيج ميصير الشهود اغلبها من طرفك ابو أسد : وليدي بكر اني راح اكون ويه بنيتي ضي ها هذهو باوعت عليهم واني ماعرف اذا هذه الخطوه صحيحه لو لا باوعت ع عمو بكر اطلب المساعده منه بس اعرف جوابه لا بس ماعدي غير حل مجبوره أوافق هزيت راسي وهو كام - ماشي لعد راح اجهز الأوراق اليوم وباجر نعقد والعرس بعد دورة سنة أسد - لحظه لحظه شنو عرس شنو باجر عقد مو جنك مستعجل استاذ اشهب - لا غلطانه لان لو مستعجل جان هسه عقدتت عليج بس مالي واهس و علمود ما تلعبون من وراي لان انتم خطرين وعدكم سواب ق ما أمن بيكم بكر : اشهب اجاوزت هوااي - والله احجي الحق اني تخوفون ما تتامنون واني رجال اخاف ع الامانه المهم هسه تكدرين شوفين جهالج ساعه بس لحد ما نعرس كدام الناس - ماريد عرسس - بنيتي مو عرس شجاكم جهال بس نعلن الزواج كدام العالم - زين ليش يعقد باجر حجيتها واني اباوعله صفح رفع حاجبه وكال اشهب : اعتقد لان كلت عدكم سوابق حتى خاف اشردين اكدر اكول مرتي والحكج ههه - مو مرتك حجيتها واني صاكه ع سنوني جان يضحك ويهز براسه - اي صح لان اني مرتي مو عافنا وطلع قبل لا يكمل جملته دخلت لجوه واني اركض ع ليث وقمر احضنهم وهم يبجون - خلص حبايبي خلص بس هلكم يوم وابقه يمكم ماعوفكم ابد - يعني راح تتزوجين الوحش - اوشش ليث ماما عيب ماازوجهه مجرد اتفاق -شنو من اتفاق - مممم من تكبر اكولك هسه عوفنا كولي شلونك سوولك شي -لااا حبيبي كاعده احجي وياهم وهم بحضني جان تنزل اسيل - يمممه ضي والعباس كلت خلص اشهب موتها تعاي اشتاقيتلج والله شبكتها واني اضحك وهي تحجي مكيفه فرحانه جان تنزل حنان اطك بالعلج باوعلتي ومشت يالله ماكدر اخرب عائله صح حنان حقيره بس تبقى أنثى والضره شي قاسي شلون راح تتحمل وهي منا تكرهني لازم احاجي اشهب علمود يكللها بلكت تفتهم الوضع من تعرف ع ورق بس ولو هو أول شي خل يفتهم هو وبعدين هي تفتهم شلون ثنين والله يالله ضليت كاعده ويه الجهال لحد الضهر وبعدها طلعنا اني وعمو الطريق كله عمو بس يحجي عليه - شلون توافقين انتي مخبله ما فكرتي زين لج هذا واحد حقير تهمج وسجنج ولحد الان يكول عنج مجرمه وهسه ضاف عليها لقب خاينه جديده هاي يحجي ويضرب ع الكشن وعصبي ما قابل عليه بس ماكدر يحجي شي هناك باوعتله وهمست - عموو ماكو غير حل وهذه فرصه اكمش بيها اشهب من ايده التوجعه اقل شي يسوى راح اهدده بالورقه الموقعه - بس هو كال فقط إذا تقربتلها - خجلت ودنكت وكمت احجي كوه شوف عمو اني اعرف شلون استخدمها لصالحي لا تخاف عليه هذه فرصه واعرف شلون استخدمها ترا تربيتك اني هز راسه ماراضي رجعنا للفندق وخلص اليوم ع السريع واني فكره تاخذني وفكره توديني اشهب شنو يدور بباله وشنو إلي يريد بضبط وشلون حط هيج شرط ع روحه ماعرف بس احسه غامض وعده شي ياللهي ساعدني ماعدي غيرك اذا الخطوه إلى خطيتها صح خليني اتحمله واذا غلط بعدني عنه قبل فوات الأوان صليت صلاة الاستخاره ونمت واني ماعرف شنو مصيري كعدت الصبح واني اباوع ع الضوه إلى يدخل من الشباك خلي صباح خير يا اللهي أسد سامحني ماعدي غير حل لا اضوج مني مجرد زواج ع ورق والله اعرف راح تتاذه بس لخاطر أطفالنا بس وعد ما راح يسكن كلبي غيرك كمت غسلت وجهي وبدلت ملابسي وطلعت لكيت عمو هستوه طالع -ضي متأكده خل انئجل الموضوع - لا عمو ماكو داعي - بكيفج وانتي المسؤله عن قرارج هذا - هزيت راسي وطلعت وياه اول ما وصلنا اتلكانا اشهب عيونه حمر عصبي أخذنا لبيت الشيخ وأمه وعمر وعمو علي وياه ردت ارجع وارفض بس اذكر أولادي واذكرت من نمت ما شفت كابوس معقوله هذا يدل اني امشي بطريق الصحيح ماعرف بس راح اتركها وراك ربي لا تخليني اندم فد يوم ع هذا القرار كعدت وهو جاب الورقه حطها بنص وكال وقعي باوعتله واني رافع حاجبي - مو قبل لا اقراها استاذ اشهب مسح ع لحيته واستغفر وكعد جريت الورقه وبلشت اقرا بيها كلشي كاله البارحه مكتوب غمضت عيوني واني أقوى نفسي خلص ضي انتي مجبوره وقعي ونقذي أطفالج وقعت واطيت الورقه العمو بكر وقع وهو يهز براسه ما عاجبه ووقع هو ووعمو علي هم وعمر بس من وقع اشهب انتبهت مسح ع لحيته وغمض عيونه حيل وباوع ع الشيخ وكله بلش ردت اكوم واكول ماريد بس ماعدي غير حل صفنت واني اشوف خيال أسد كدامي ردت اكول لا لحضات تفصلني واني اكول لا بس فجئه غيرت رئي وهمست واني اكول اي شلون ماعرف وشلون طلعت مني هم ماعرف خلص ووكف الشيخ والكل وكف اشهب وهو يتشكر منه واني كاعده ودموعي تنزل كمشني من متني عمو بكر وهو يهد بيه - كومي حبيبتي كومي الله موجود ويباوع وانشاءالله بيها اراده وكفت واني امسح دموعي ردت امشي ويه عمو بكر حسيت احد كمش ايدي درت وجهي رأسا اشهب جريتها واني اخزره ابتسم وهو يكول خير وين بكر : شنو وين ترجع للفندق وياي - اعذرني ضي صارت مرتي هسه ع سنة الله ورسوله ومو حلوه تكعد بفندق ورجلها عده بيت حجاها وهو رافع حاجبه باوعتله وهمست - اول شي اني مووو مرتك وعمري ماراح اصير مرتك اني مرت اسدددد وراح أضل لاسد ثاني شييي هذا الورقه مجرد ورقه واضل ورقه ومستحيل تكون حقيقه فلا اصدك الكلام الي بيها انك زوجي ثالث شي والاهمممم احنى اتفقنا بعد دورة سنة أسد اتعلنون الزوج بعد باي صفه اعيش وياكممم قبل هذا الموعد - يعني تتحملين كل هلمده بعيده عن جهالج؟؟ معقوله - مافهمت اكيد اجي اشوفهم - لالا ميصير استاذ بكر اعتذر منك بس انتم الاثنين سوه خطرين ماكدر اخليكم سوه لهذا تكدر ترجع البغداد وانت مطمن بت اخوك بالحفظ والصون - نعمم اروح واعوفها يمك - اني رجلها هسه استاذ بكر لا تخاف ماراح اسوي شي راح اخليها بمكان أمن واجيبها أطفالها وتكدر تخابرها كل يوم وكل ساعه هم - بس مو هذا اتفاقنا اشهب انت - لحضه احنى ما تفقنا ماكتلكم اني ان ضلون شوف اذا تريد تبقى باربيل منا لحد دورة سنة أسد اهلا وسهلا واذا تريد ترجع هم بكيفك بس الأهم اني ضي ما تبقى يمك - باوعتله واني الغضب محتلني انت شنووو باي صفه اروح وياك تخبلت الناس شتكول - مالج دخل اني وعمج نسولف اتمنى ما تتدخلين - احسه ضربني راشدي من كال هذا الكلام شكد مستفز ابدي اضربه ع بطنه بوكس اطلع كل مصارينه واخلص ماعرف شنو حجه ويه عمو بكر ع صفحه واني واكفه بصف عمو علي - عمو ما تفقنه هيج - بنيتي هن ٣ اسابيع وجهالج يمج هم خلصيهن وتعاي لبيتج معززه مكرمه وجهالج وياج هم - يعني اذا رحت وياه يجيبلي جهالي - ايي - والله - شنو هاي ممصدكه - لا مو هيج بس اشهب : ها ام ليث نروح باوعت ع عمو بكر غمض عيونه بمعنى روحي ماكو غير حل اني هسه شرعا مرت اشهب بس بداخلي اني لحد الان مرت أسد كمش ايدي من معصمها وجرني باوعتله بغضب ردت افكها مكدرت ركبني بسياره وصعد هو باوعت ع عمو بكر ودموعي تنزل مسحتها رأسا قبل لا يشوفه هذا الحقير ودرت وجهي ع الجامه - وين ماخذني - ماخذج نكعد كعده محترمه و نتحاسب - نعممم باوعتله بستغراب وخوف ضحك وهو يمسح ع لحيته وعيونه حمر مشه بس مشه هوواي وطلع ع طريق كله جبال ومنحدرات لحد ما وصل لمكان هيج قريه هيج بجبال مكانها يجنننن بس استغربت حيييل بعيده عن البيت خفت حييل من عده نظراته تخوف وعيونه حمر وكلساع وضارب الستيرن وكف السياره كدام بيت حلوو كلش منضره من بره نزل والتفت من الجهه الثانيه وباوعلي وعاط بصوت عاليي - شنووو متنزليننن - جفلت وخفت كلش نزلت واني اباوعله بتحدي خزرني بمعنى لا تباوعين هيج بس عفته ومشيت اجه وراي فتح الباب و دخلني مانتبهت ع البيت من الخوف ماحس غير شي تكسر وراي درت وجهي بسرعه اشهب مكسر مزهريه موجوده بزاويه رجعت لوره واني خايفه كمش راسه وضل يفتر جان مثل الممر فتح الباب وطلع واني صافنه شبي هذااا ركضت ع الباب فتحتها واني اشوفه يمشي سريع وبعصبيه لحد ما وكع ماعرف كعد مادري منضره جان فضييع ماعرف انقهر لو افرح لو اخاف لو شنو مادري سمعته يصيح ماعرف شنو يحجي طلعت ومشيت كم خطوه اريد اعرف شبي انكلب هيج سمعته مثل الي يبجي انصدمت اشهب يبجييي !!! زين ليش سمعته يهمس - ارتاحيت يا أسد ارتاحيييت هسسسه من خليتني ازوج مررررتك اااه يالله اني واحد خااااين وحقييير عليمن اعتب عليها واكوول خاينه اني طلعت خااااين لان تزوجتها ازوجت مرتك يا اسددد ليش ليششش هيج حملتني هاي المسؤليه يا اسد ليشش مو كد هل الحمل اني مو كدده ليش هيج مالكيت غير هذا الحل مالكيت غيره ااااه يا ربي سامحني سامحني أسد صار يضرب بلكاع ويبجي مثل الطفل انصدمت شنو قصده شنو ليش هيج يحجي عفته ودخلت جوه ركض واني خايفه يمكن عشر دقايق ودخل وهو عيونه حمر باوعلي وكال - اسئلج سؤال هزيت راسي واني خايفه منه كاعده ع القنفه واباوعله -شنو احساسج من خنتي اسد وهسه كاعده تمثلين دور الحبيبه -نعممممم خاااينه مافهمت انت شتحجي ساعه مجرمه وساعه خاينه انت شنوووو هااا حجيتها واني عصبيه واباوعله بغضب ما اصدك انت بشرر انت مريض روح اتعالج ........يتبع ،،،،،،،،، وللحكاية بقية ،،،،،،،، ،،،، قرائة ممتعه أحبتي،،،، توقعاتكم وتعليقاتكم وتصويتاتكم البارتات القادمه ناررر والأحداث بلشت احبكم #نور الشمري #نوشه | ||||||||
|
| |
|
03-07-20, 03:28 AM
| #18 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_الخامس_عشر Noor336 # الكل يسألك "كيف حالك" ، حسنًا .. انا بخير. هل يعنيك ذلك حقًا؟ فلنفترض بأني لست بخير ماذا ستفعل حين اخبرك بالحقيقه؟ ماذا لو اخبرتك بأني حزين واشعر بالوحده؟ هل ستقتطع ضلعاً من سعادتك تهديه لصدري الضائق؟ ام ستترك كل ماهو خلفك لتخنق وحدتي بحضورك؟ دعنا نقول الحقيقه ، ودعنا نكون من أناس هذا الزمن ونتجرد من مثالية ومبادئ القدماء. انت تسأل مجرد سؤال اعتدت عليه لا اكثر! والحقيقه ان كنت بخير فهذا لا يهمك ، لأني عندما لا اكون بخير ، فأنت لن تفعل شيئًا لأجلي. ضي: انت واحد مريض روح اتعالج تتخيل اشياء واصدكهاا من تلقاء نفسك ماعرف انت شنووو ولا اعرف الي براسك عقل لو شنو بضبط حجيت كلماتي واني اباوعله بغضب وكف وهو يباوعولي بعصبيه وعيونه حمر دم انتبهت ع ايده قابضه حيل بحيث حتى الاورده مبينه صراحتاً خفت منه بس اشجعت ووكفت واني اباوعله بكل حقد وغل وكره وكف ورجع شعره لوره بصابع ايده وباوعلي هز راسه وهمس - ايي صحيح اني واحد مريض بس مرضي هو حقيقة أسد وقتلج وخيانتج القتل كدرتي اطلعين منها مثل الشعره بالعجين ولا كأنما شي صاير لكن الخيانه شلون راح اطلعين منها هاا تمام لحظه باوعلي ومد ايده بجيبه طلع تلفوني القديم الي جابه إلي أسد والي شفته بالمكتب مالته قبل كم شهر ماعرف شنو بحوش بي وداره إلي بارع بعيوني بغضب وصاح - هاااا مو الج هذه وهاي مو صفحتج احجيييي - جفلت ووكفت واني خايفه هزيت راسي اي وباوعتله اي إلي وصفحتي هذه جانت شكووو حجيتها واني اباوعله بستغراب هذه صفحتي القديمه بس شنو صاير بيها شبي عصبي هيج ع ساعه تخيلت اشياء شمر التلفون بحضني وصاح - شوفي بعينج حتى خاف تكولين اني اجذب تفضلي - جريت الفون واني اباوعله محادثات ع الواتساب اول شي رسايل من الياس مكتوب بيهن وينج حبيبتي بالي كله يمج ليش متردين وراها كاتب ها طلعتي من السجن ما تتصورين شكد فرحت واخيرا راح تجعيلي ومحد راح يوكف بوجهنا هلمره لا أسد ولا غيره ونعيش بسلام وحتى الأطفال نربيهم اني وياج رجع داز ليش ما تردين صايلج شي بالي يمج حبيبتي رفعت راسي واني مصدومه هز راسه وجر التلفون مني ودخل ع الاستوديو ورجع شمره عليه باوعت محادثات باسمي ونفس الصوره والاسم مال صفحتي بس مو اني والله مو اني ولا مره راسلت الياس من زواجي من أسد لحد الان باوعتله بصدمه واني دموعي تنزل هزيت راسي واني اشوف الكلام والحجي إلى بصور يلعب النفس اتخبلت ماتحملت - مو انيي والله مو انيي مو إلي هذه الصفحه مو الي والله - سئلتج قبل لا اشوفج الصور وشنو جوابج جان هاا الي مو ليش تنكرين هسه لان طلعتي ع حقيقتججج هزيت راسي واني خايفه لالالا والله مو اني اشهب شوف والله مو اني مو انيييي مستحيل مستحيل اسوي هيج والله مو اني لك شلون هيج صااار كعدت ع القنفنه واني كامشه راسي واحسه راح ينفجر من كد التفكر والصدمه ماعرف شسوي ولا اعرف شلون هيج صار باوعت عليه اشهب - ضييي ولا كلللمه خليني محترمج لخاطر أسد ولا تخليني اعصب واطلع خبالي كله هسه وحده حقيره س*** - اشهبب لا تغلططط ما اسمحلك فااااهم لك لا تغلط دير بالك تغلط بعد شكو ازوجتني اذا بنضرك هيج اني هاااا شكووو خليتني مرتك وعرضك وجاي هسه تطعن بيييي ما اسمحلك فااااهم حجيت كلماتي وضربته ع صدره احس الغضب محتلني جسمي كله يرجف ودموعي تنزل وحده وراه الثاني باوعلي بخزره وصاح لا اضربين لججج لا اضربين ضييي لا تخليني اشوفج المريض شنوو - حجاها وهو صاك ع سنونه كعدت بالكاع وثنيت رجليه ودموعي تنزل فوك اتهامات القتل هسه اجت اتهام الخيانه ومنو ابن خالتي يسوي هيج باوعتله وهمست منين جبت هاي الصور منين جبتهننن - ههه لكيته بتلفونج من اخذته من اكرم - وو وكفت واني اباوعله بستغرب وتلفوني شيسوي عد أكرم اشهب تتخيل لو اني ممكن اخلي هيج دليل وراي مثلاا يعني هيج غبيه اني - اول شي تلفونج جان عد اكرم علمود التحقيق لان لكو بمسرح الجريمة واني أخذته وانصدمت بوجهج الحقيقي تدرين هذا الدليل لو جان عدي بيوم المحكمه شنو جان سويت بي جان خليتج تتمنين الموت وما تلكي وخليتج طول عمرج بسجن - اشهب مو انيييي والله يعني هيج غبييه اترك دليل وراي - اي صح اني هم كلت هيج بس تدرين وين لكيتهن لكيتهن ويه الصور المحذوفه فهمتي - لالا مستحيل دنكت واني اريد استوعب الموقف الي اني بي لا يالله لا رفعت راسي واني اباوعله دموعي تنزل ع خدودي اتمنى اكله مو اني ويصدكني بس هيهات اشهب وماصدك يلكى دليل عليه همست واني كاعده بنفس كعدتي ثانيه رجليه وحاطه راسي بين رجليه وحاضنه نفسي ودموعي تنزل همست ليش ازوجتني باوعلي وابتسم تربع وكعد كدامي وهو يباوعلي صفح شغل جكاره وكعد يدخن وساكت ماجاوب شويه وحجه - ازوجتج علمود أسد لان امنج انتي والجهال عدي ومو من شيمي ارد صديقي ووو حتى اعرف حقيقتج حتى تكونين قريبة مني واعرف كل شي اسوي وكل خطوه تخطيها - انت واحد حقيير حجيتها ودرت وجهي وهو ضل يحجي يحجي يحجي أشكال الحجي بس مجان بالي يمه بالي بعيد برسائل ليش الياس هيج مسوي زين اذا الياس شلون وصل للتلفون وحط الصور بي دخت ياللهي دخيلك منو هذوله وشنو يردون ليش دايسون كل هذا باوعت عليه وهو يدخن ويغلط صحت واني احس راسي يوجعني - كاااافي اسكتت فدوه اسكت بس شويه اسكت بعدني ممكمله كلمتي وماحس غير كام وصاح اسكت ايي اسكت اسكت اسكت اشهب اسكت دائما اسكت واسكت إلى متى اضل اسكت هااا اسكت هاي مرت اخوك وصاحبك اسكت وتزوجها لان أمانة أسد اسكت ولا تفضحها لان الله كال لا تفضحون واعتبرها عرضك اسكت واتأكد من الحقيقه اسكت وخل نشوف تاليتها شنو واسكت ماكو غير هذه الكلمه ماكو كل ما اكول خلصص راح الكه قاتل أسد يكلولي اسكت ويضيعون الأول والتالي ليششش كله من وراج ورره ابن خالتج انتم شنو من بشر شنوووو - لا تغلط كاااافي من اجيت لسه تتهم وتغلط انت شنو ماعندك رحمممه حرام عليك حجيت كلماتي وماحس غير راشدي وكعني بالكاع كمشت خدي واني مصدومه ابتسمت ووكفت واني اباوعله ايي تضرب ليش شنو عدك انت غير الضرب شي مو جديد عليك ابد اصلا ماتعرف شي غير الضرب انت انت شنووو احجي وبكل عصبيه واني كامشه خدي ماحس غير رفع ايده من شفته هيج لا اراديا سكتت ورفعت اديه حتى احمي نفسي لحظات وصوت تكسر رفعت راسي يكسر بكل شي يصير كدامه مزهريه نفاضه مال جكاير طبله اي شي وهو عيونه عصبي رجعت لوره خايفه منه همست - مو جديد الضرب عليه استاذ اشهب لان ماقصرت انت وجلابك بسجن حرت شنو اسوي ساعه اضربون وساعه تعتدون وساعه تهينون كل هذا ما انساااه ولا انسه الأثار إلى ضلت بجسمي من تعذيبهم وكله من وراك انتتتت عمري ماراح اسامحك وهسه جان تمد ايدك عليه شي مو جديد ابدد تقدم وهو عيونه حمر باوعلي وهمس - اعتداء شنو - ههه اسوي نفسك متعرف يعني كأنما مو انت الي دازهم موو حالهم حال رامي ضرب الحايط وهو يصيح اعتداء شنوو لا تخليني احجيييي واغرد ينعلن بليسج صعدتي ضغطي احجييي - رجعت لوره خايفه من عصبيته همست واني اباوع ع عيونه الحمر البياض صار احمر والاورده مبينه همست واني ارجع لوره حاولو يع مكدرت اكمل نزلت دموعي واني اذكر الموقف مو شي سهل واسولفه بكل فخر ولا شي يسولف عادي كعدت بالكاع وحضنت رجليه واني ابجي صار هدوء كعد ع بعد مسافه عني طلع جكاير يشرب وهمس حاولو لو رفعت راسي رأسا وهزيته بـ لا حاولو ولحكو عليه بآخر لحظه حجيته ونزلت دموعي واني اذكر ذاك الموقف ما انسه إلى سووه سلام وصديقه العار ولا انسه إلى سببوه إلي يمكن مرت ساعه ع هذا الهدوء إلي حتى اني استغربت منه جان كاعد ويشرب جكاير بس يمكن خلص الباكيت كله رفع راسه وكسر الهدوء وهو يهمس -شنو أسمائهم باوعتله واني ما فاهمه شي شنو همست واني خايفه منه - شنو أسمائهم ومنو هم فضيهاااا عرفته يقصد سلام وصديقه إلى رادو يعتدون عليه دنكت راسي وهمست شتريد منهم تتشكرهم ع الضرب والائهاين لو ع - ضييييي طفرت واني خايفه منه حسيت ع نفسي شنو حجيت لا اراديا طلعت مني الكلمات اسفه مو قصدي بس لا اراديا طلعت مني - ايييي مو انتي ما كافيه ادور السانج عليه فضيهاا - سلام و أمجد موجودين بسجن إلي جنت بي حجيتها واني اباوع عليه هز راسه ووكف احس خدي نار رجعت لوره واني اباوعله عدل ملابسه وباوعلي صفح وهمس - ان شاءالله عن قريب اجيبلج حبيب الكلب يمج وتعترفون بكل شي كدامي راد يطلع بس رجع وهو عاكد حواجبه - صدك منو هذا اللبناني مدري عراقي الي امنتي بي اكثر من ابو أسد ومني هاا باوعتله بغضب وهمست اي امنت بي اكثر منك بس ما آمنت بي اكثر من عمي ابو أسد تدري احسن منك - اي طبعا واحسن من الياس أفندي إلي عافج جنه قنفذ يتختل جوه الكاع جريذي وهسه جايبتلي ديج يعوعي عليه ومحتميه بي هزيت راسي واني لازمه ابتسامتي متطلع كدامه باوعتله وهمست ماسمحلك تحجي عليه ع الاقل اشرف منك لان حافظ عليه - اي اسم الله عليه مشه ورجع تدرين بي انوثه اكثر منج لو تتبادلون الأدوار احسن الكم حته من اكشفج ع حقيقتج واطلكج تتلائمين وياه رأسا - اشهببب باوعتله واني احجي بغضب رفعت اصبعي بتهديد وهمست ترا هذا نفس ابن عمو وبمثابة عمو بكر فاهم مو غريب لان يصير ابن عمه البابا وعرضه اني وغصبا ما عليه يحميني باوعلي بعصبيه وتقدم كمش اصبعي وصاح المرة الثانيه اكسره هذه اصبعج اذا رفعتي واذا عليتي صوتج حنجرتج اكسرها وماخليج بعد تحجين كلمه وحده واذا تهددين مرة إلخ اشوفج التهديد ع اصوله وافضحج ببغداد واربيل بدون ما يرفلي حفن فااااهمه شمرني وطلع باوعت وراه واني افور نار اخ اصبعي باوعت وكعت ع ا القنفه وانضرب ضهري بلحافه مال القنفه احس روحي طلعت وكفت واني احس بألم بضهري واصبعي شفته يمشي بصوب سيارته باوعت من الشباك بخوف عزااا هذا وين عايفني هنا ورايح اباوع حتى بيوت ماكو قريبه كل بيت بجهه وع مسافه المكان يخوف طلعت اركض خايفه نسيت حتى المعركه الصارت جوه صحت وراه واني اركض حافيه - اشهببب باوعلي وصاح اجيبلج مايك بعددد بت الكلب بعد علي صوتج بعد باوعتله بحقد ردت اشيل الطابوكه البصفي واشمرها عليه واخلص بس سكتت ورجعت همست من شفته دار وجهه -وين رايح حجيتها بخوف واني اباوع ع المكان شفته عقد حاجبه وعقج وجهه وتقدم وهو يهز براسه -نعم ماسمعت ممكن تعيدين - باوعتله بكره شكد حقير سمعني بس يريد اعيد كلامي صحت بصوت عالي عناد ويين رايححح - وطرشششش طرشتي اذاني - والله عبالي ماسمعت مثل مساعه خزرني سكتت تقدم وهو رافع حاجبه - شنو ست ضي مو جنج اخذتي دور الزوجه من هسه - لا بالله مو اني اشهب واخذ الدور رأسا دروح روح اصلا ما كاتله نفسي بس بس ردت تكوله اخاف وحدي هنا بس كرامتي مسمحتلي سكتت واني اباوع ع المكان شفت ابتسامه ع شفايفه وهو يكول - لا بس خفتي لااا مصورتها منج يلا تلفون عدج عود اتصلي بواحد من الي عدج كم واحد عدج الياس وهذا اللبناني وبعد منو - اشهب زودتهاااا حجيتها واني اباوعله بكره ضحك ومشه - رايح للبيت ماعتقد تجين وياي لان اكيد متردين الناس تحجي عليج ههه خليج هنا ساعه وارجع طبي جوه مااطب حجيتها واني اخزره أتقدم دفعني لجوه وسد الباب وقفلها تخبلت اشهب افتح الباب اشهببب اشهببب - وجع وسم شبيجججج - افتح البابببب - عذريني راح اضلين سجينتي لحد ما اطلع الحقيقه اقصد مرتي حجاها ومشه سمعت صوت مشيه الله ياخذك حقيير رجعت كعدت واني دموعي تنزل اخ ضهري يوجعني لسه باوعت البيت صاير خارطه من وراه كلشي مكسر حتى لو اريد افتهم منه شي كلشي ما افتهم من وره خباله مريض مو صاحي شيخلص هل ال٣ اسابيع واخلص من هالمكان لحظه جهالي ركضت ادور ع تلفوني وين راح مديت ايدي بجيب المالتو ماكو وينه يالله متأكده من ركبت بسياره جان بجيبي بس وين راح باوعت ع البيت ضي حتى لو كدامج من وره هاي الهوسه ما اشوفي احسن شي ارتب هذه الهوسه كعدت اشيل الكزاز والأشياء المكسوره ذبيتهن كلهن وعدلت الكوشات إلي واكعه ودورت عليه ماكو وين راح هذا انتبهت ع البيت مرتب واثاثه كلش نازك بس قديم البيت بي صاله واكو ممر إلى بي الباب مال الخارج والمطبخ والصحيات صايرات بنهاية الممر واكو باب تودي ع الصاله وبعدها درج وغرفة ماعرف شنو بس هي باب من فتحتها طلع الاستقبال بي قنفات مرتب ترتيب حلو صعدت بالدرج اكو غرفتين غرفة كبيره والثانيه صغيره بس مو كلش وبيهن اثاث الصغيره مبينه مال أطفال بيها جربايتين وألعاب والكبير مال نوم رجعت نزلت واني ضايجه وين اروح وتلفوني وين معقوله أخذه هذا الحقير لا ميسويها هو عايفني هنا بمكان مهجور وماكو تلفون والله اذا صدك العب بي طوبه كعدت ع القنفهه واني صافنه بسالفة المحادثات متأكده مو اني بس المصيبه الكلام الي بالواتساب إلى دازه الياس ليش هيج سوه ليششش مسحت دموعي وانتبهت اكو شي جوه القنفهه كمت اشوف شنو طلع تلفوني اكيد وكع مني ومن هذا المسودن كام يشمر الأغراض طاب جواها باوعت عليه واشجعت ودكيت ع امي اول ما كالت الو انفجرت ابجي - شبيج ولج يمه شكوو بالي كله يمج ولج يمه ضناي شلونج يبعد روحي انتي كوليلي شفتي جهالج شلونهم يبعد امج انتي ااخ ربي منين اجتنا هاي المصيبه - ماما بابا شلونه انتي جدو كلكم - كلنا زينين انتي شلونج بشريني شفتي جهالج مسحت دموعي وهزيت راسي وهمست اي شفتهم وهسه اني بالبيت - يا بيت مو أخذه صاحب البيت منكم - هااا صفنت عرفت عمو بكر ما كايللهم ماما راح اسئلج سؤال وجاوبيني - خير يمه خوفتني شكو - ماما الياس وين - مادري يمه إلى اعرفه مهدد ومختفي - ماما إذا تعرفين مكانه كولي ضروري يووم اني بورطه ولازم اثبت برائتي يممه - يمه اسم الله يا برائه شبيج ويا ورطه - ابن اختج الشفيه داز رسايل حب ويسئل عليه وكله حبيبتي وطمنيني وماعرف شنو ع تلفوني القديم والتلفون عد اشهب وفوك كل هذا اكو صور محادثات مزوره ماخذين صورة الصفحه والاسم مالتي وع اساس اني الي حاجيه وياه وكلام كله يلعب النفس يوووم ليش هيج سوه ابن اختج ليشش دايدمر حياتي ليششش - لج يوم اهدئي منو يكول هو يجوز هذولي الي يهددو المايخافون الله - يووم لا تخبليني منو ضناج اني لو هووو ليش ما اصدكينيي ابن اختج واحد حقيررر استغل كلشي الصالحه بس ليش دايسوي هيج - زين بس فهميني مشكلتج هسه شنو - ههههه ماما شبيج شنو مشكلتي شنووو يوم اشهب تاهمني بالخيااانه داكلج كلام يلعب النفس يعني هلمره ماكو مفرررر واشهب لو اجيبله ألف دليل ما يصدك واذا احلفله ما يصدك بس تدرين شنوو العتب مو ع ابن اختج العتب عليج يمه انتي اطيتي مجال هواي يدخل بحياتنا دخلتي بيتنا ودائما يدخل بكلشي وخليتي عده امل حتى بعد ما ازوجت يوم اذا برائتي ما طلعت كدام اشهب انتهي اني اذا ما دليتيني بمكان ابن اختج العار تنسين عدج بنيه اسمها ضي واكون انانيه مثلج ومثل بابا ومافكر غير بنفسي وبجهالي سديت الخط واني ابجي واتعب ع الزمن إلى خلاني بهذا المكان عرفت ليش اشهب ميقبل يطي تلفوني بذاك اليو م ماشي اشهب ما استسلم واله اطلع برائتي كدامك وانت يا ابن خالتي اني وياك والزمن موجود مرت فوك الساعه واني كاعده بنفس مكاني نزعت حجابي نعست احس نفسي ما نايمه الساعه بـ 1 ونص الظهر وبلا ريوك جعت والمطبخ فارغ مابي اكل رجعت ع مكاني واتمدتت ع القنفهه وغفيت ومادري بروحي فزيت ع طكت المفاتيح كعدت واني اسمع صوت قمر وهي تحجي - الله عمو المكان يجنن حباب خليلي مرجوحه - يدلل الحلو بعد شتردين دخلو للصاله واني من شفتهم لا اراديا ركضت عليهم وصرت ابوس بيهم حيل يكول صالي شهر ما شايفتهم مو البارحه شفتهم اخذتهم بحضني وصرت ابجي واني حاضنتهم حيل رفعت راسي شفته دخل للمطبخ وخرت عنهم واني اباوع ع ليث - حبيبي شلونك - زين بس ليش اجينا لهنا شنو راح نعيش هنا - لا حبيبي بس كم يوم ونرجع يم جدو علي - ماريد اضل يم هذا الوحش خل نرجع يم عمو بكر وعمو قيس حلوه هناك - منو هذا عمو قيس دخل وهو يباوع صفح ما جاوبته ركضت قمر وهي تكوله - عمو قيس اخو ماما شفنا هناك بعيد وين وين وين ليث ليث: تعاي هنا قمررر كم مره كتلج لا ترحين اله - ليثث عيب اعتذر - ماما - اعتذر - اسف عمو عافنا وكعد ع القنفهه وهو عصبي باوعت عليه قيس ابن عم بابا هز راسه سمعته همس بصوت ناصي ها الديج النافش ريشاته عليه كمشتني الضحكه بس مهتميت باوعتله وهمست الأطفال يضلون يمي مو - للأسف الشديد اي بس أخذهم العصريه يم جدهم وارجعهم باليل حجاها ودخل للمطبخ عفته وكعدت يم قمر وليث وصرت احجي وياهم وهم يضحكون سئلتهم شصار بغيابي خفتو ليث: شويه من شفناج بعيده خفت الوحش ياخذنا منج وبعد منشوفج ابتسمت وردت اجاوبه بس اجاني صوته من المطبخ وهو يحجي - ليث عمو اني من اطي وعد اوفي بي ومن وعدتك ما ابعدك عن امك وفيت لو لااا فتحت عيوني واني مصدومه هذا شلون سمع جنه كاعدين بنهاية الصاله ع القنفهه وهو بالمطبخ شويه بعيد باوعت ع ليث إلى هو مصدوم مثلي وهمس - ماما هذا مو بس وحش وذيب هم عده اذانات ذيب مثل هذا الذيب إلى بكرتون ليلى والذئب إلى عده اذانات كبار ويسمع بيها هذا هم هيج هاي مو اول مره يسمع هيج باوعت بصدمه هذا شنو يمه اذكرت مره من كتلت حنان وكعدنا بصاله وحجت ويه اسيل بصوت ناصي هم سمعنا اويلي والله طلع كلام ابني صدك طب وهو مبتسم غمز القمر واشر الها وهي ركضتله شكد كرهته لان استغل طفولتها حقير يعرف شلون يقشمر الواحد باوعلي وصاح شنو راح تخلينا بلا اكل كومي سوي زقنبوت خل اطلع - ليش ما مزقنب الساعه ب٣ الضهر حجيتها وصفنت ع روحي باوعتله واني رافعه حواجبي باوعلي بخزره وصاح - حتى الزقنبوت ماريده جر السويج وطلع ركضت للممر شفته قفل الباب الله ياخذك حقير ومريض ومخبل هم حبسني وطلع سم الهاري ان شاءالله باوعت ع جهالي واني فرحانه وهم يضحكون عليه صحت واني اباوع لهم هاي اني وياكم وحدناا والوحش راحح ههههه ليث: ايييي همزين راح عبالي راح يضل بس ماما ليش خليتني اكول اسف اله - حبيبي عيب مهما يكن هو أكبر منك وما لازم تتجاوز عليه كدامه بيني وبيك اي بس كدام احد غريب لا حتى ما يكولون ضي ماعرفت تربي ترضى يكولون عليه هيج - اكيد لا -عفيه عليك يلا تعال نشوف الوحش شجاب اكل حته ناكل اخذتهم ورحت للمطبخ شفته جايب مسواك كامل ودجاج شوي هم وخبز حطيت الاكل ع الميز وكعدتهم ياكلون شنو ما متغدين قمر : لا اجه عمو كال اخذو ملابسكم وتعالو وراي حضرت ملابسنا خاله اسيل وطلعنا جانو هستوهم يصبون الاكل راح للسوك اسوك واجينا لهنا -ممم خوش يلا لعد - ماما ليش انتي وعمو اشهب دائما تتعاركون عبالك فاره والبزبون - هههههههه صدوك بلا اني شنو الفاره لو البزون ليث: لااا قمر عبالك البزون والكلب حته ماما البزون والكلب عمو اشهب - لا ليث ميصير اول شي ماما لازم الفاره لان مريه والبزون عمو اشهب لان رجال والكلب عيب تكول عليه كلب بابا ميقبل تكول هيج - من كالت هيج غمضت عيوني واني احس الدمعه بطرف عيني بس علمود جهالي حاولت ما نزلها شكد ما اكدر واتحمل ابتسمت واني اباوع عليهم يتعاركون هذه تكول ماما الفاره وذاك يكول البزون واني صافنه عليهم وخربانه ضحك ع سوالفهم عفتهم يتناكرون وكمت غسلت المواعين ورتبت المسواك صفنت إلى متى ابقه هيج عايشه معقوله يعني هاي تاليتها هيج اعيش هنا بهذا المكان وبسجن هذا الحقير لا ضي هن كم اسبوع وترجعين للبيت رجلج وغصبا ما عليه تعيشين حالج حال البقيه ما تبقين سجينته درت وجهي عليهم باوعتلهم مبتسمه شنو حبايب ماتنامون - لا ماما نريد نبقى يمج حبابه ماشي ماشي تعالو يلا اخذتهم وصعدت فوك وشايله الجنطه الجابوها وياهم دخلت للغرفه الصغيره فتحت الجنطه وطلعت ملابسهم انتبهت اكو ملابس نسائيه بعدهم جدد اخذتهن باوعت ع ليث وهمست منو حطهن - خاله اسيل - ماشي حبيبي حطيتهن ع صفحه ورتبت ملابس الجهال وضليت كاعده وياهم الغرفه حلوه ولاديه اكو ميز بي جرارات فتحته علمود احط الملابس بس صار ألبوم صو ر كدامي طلعته واني صافنه اجو الجهال وراي - ماما شنو هاي افتحي حبابه - اوكف هسه فتحته جان تطلع صورة أسد واشهب من جانو بالكليه استغربت ليث رأسا كعد بصفي وصاح هذا بابا كلبي ماما حبابه خل نشوف صرت اكلب وأغلبهم الصور الأسد واشهب واشهب وأولاده ابراهيم ويوسف وفراس هم وصغار والجهال تكلب وتضحك واني صافنه عليهم لحد ما اكو صوره بيها اشهب وبنيه صراحه الجمال الي شايلته مو طبيعي قمة في الجمال انصدمت من شفتها منو هاي جانت تضحك ومبين حيل فرحانه بصوره وبطنها عالي مبين حامل طلعت الصوره وكلبتتها مكتوب وره (أجمل زوجة في العالم في انتظار أجمل أطفال في العالم ❤️) ومرسوم قلب ابتسمت واني اشوف الكلام رجعت كلبتها البنيه تخبل حسيتها تشبهه ابراهيم ويوسف نسخه منهم عرفتها مرت اشهب الأولى مبينه جانت سعيده شعجبها بهذا المريض الخبل وزوجته والله هي وساره انظلمن هواي من ازوجن هيج واحد صفنت ع روحي ضي ترا انتي هسه مرته الله ومرته الرابعه شنو هاي اشهب طبقت الشرع وازوجت ٤ طلعت من هين رجعت اكلب بالصور الباقي كلهن صور اله و مرته لو هو واسد واكو صوره اشهب ومرته واسد جانو يضحكون ومبين بمكان عام يمكن جامعه يعني يعرفون بعض من زمان ابتسمت واني اكلب والجهال يسئلون منو هاي ومنو هذا ووين هاي واني اجاوبهم لحد ما خلصن الصور سديت الألبوم ورجعته للجراره و حطيت الملابس وباوعتلهم - رايحه انام ماريد هوسه هزو رأسهم عفتهم ودخلت الغرفه الثانيه معقوله هذا بيته جان هو ومرته الأولى زين ليش جابني هنا اكيد هذا المكان يعنيله هواي ليش جابني لهنا اوو ضي كافي تفكرين نامي والله كريم تمدتت واني الف فكره وفكره براسي ماعرف وين راح اوصل غمضت عيوني وغفيت فزيت بليل الساعه بـ ٩ ع صوت ضحك قمر وهي تكركر طلعت واني الف شعري باوعت ع غرفتهم ليث كاعد يلعب بالايباد مالته - ليث اختك ويامن تضحك والايباد منو جابه - اجه الوحش هو وروز وجوه تلعب وياهم هزيت راسي ونزلت شعده جاي هذا نزلت صار كدامي كاعد يلعب ويه قمر وروز وهن يكركرن ضحك اتحمحمت واني اباوعله صفح - مو جنك سويت الطريق روحه جيه خير استاذ اشهب باوعلي صفح عكد حواجبه وهمس -لا بس بيتج ومادري بروحي شنو هاي صار بيتج من اول يوم واطرديني منه ههههه - لا مو هيج بس رايح راجع شكو شيكولون - بيتي وحر وبعدين روز رادت قمر - هااا باوعت عليه بغضب جذااب حجيتها بكلبي ومشيت للمطبخ سويت عشه وحطيته ع الميز صحت القمر اجت تركض - صيحي العمج وتعالو اكلو عفتهم وصعدت فوك سمعته صاح - فوكاها هي أم الراهي ترا مو سواد عيونج مكابلج وكاعد بس اخاف لا تاخذين الجهال وتنهزمين ولو ادري مسويها وحدج لهذا ع ساعه اسوي كبسه واشوف شسوين - يحجي بصوت عالي واني ع الدرج اسمعه شكد حقير نزلت وكفت بوجهه وصحت انت ششايف نفسك هااا ترا مااسمحلك هواي اطيتك مجال تحجي بكيفك مو عبالك محسيته غير جر شعري وباوعلي بعيون حمر اااخ هد شعري - قسما بالله يا ضي اذا اجاوزتي لو طولتي السانج عليه بعد والله ما اخليج صاحيه واله اكسر بيج شي الخليج تحسبين الف حساب للكلمه من تردين تكوليها - ههههه شنو يعني تخوفني بضرب ترا ماخاف والضرب صار عدي عادي وها صح خليها باذنك باي فرصه راح اخذ جهالي واروح دير بالك وهد شعري لااا اصرف غير تصرف - مثل شنو مثلا تكولين اتقربلي ههه اذا صدك بيج خير كولي هيج وشوفي شسوي بيج والله مو بس احرمج من الجهال احرمج حته من الحريه ديري بالج اجذبين هاي الجذبه - واحد حقير مريض نفسي محسيت غير ع راشدي باوعتله مبتسمه اي اي انت بس هذا شاطر بي - ضيي السااانج كوه كامش نفسي ما أمد ايدي عليج - سكتت من شفت روز وقمر بالباب عفته وصعدت ودموعي تنزل وحششش ظالم الله ياخذك ماسامحك طول عمري كعدت بغرفه واني دموعي تنزل مرت ٣ ايام اشهب يجي الصبح يشوف شكو ماكو والعصر ياخذ الجهال ولليل يجي يجيبهم ويروح بس كل هذا ما احتكيت بي من اشوفه جاي لو اصعد فوك لو اسوي روحي اشتغل بالمطبخ وهو هم ماحجه بس جان يراقبني ويراقب حركاتي حتى ليث اكثر من مره شافه يلعب بتلفوني واني عايفته لان ادري بي ما بي شي بلكت يحس ع روحه ويبطل اتهامات كل يوم اخابر عمو بكر اكثر من مره وافتح كامره وياه واضل اسولف وياه ماما ادك عليه ما اشيله لحد ما فد يوم دك بابا عليه شلته وهو استلمني دك رزايل وحجي - لج شلون هيج اسوين هاااااا شلون ترحين تزوجيه بدون علمي وعلم جدج هاااااا والله اليوم اني يمج واشوف يا كلب يخليج يم هذا الحيوان وانعل ابو الجهال كلبه تكسرين كلمتي وكلمة جدج دخل اوصل اذا ما علمتج انتي وهذا بكر وهذا العار اشهب اني الكم تلعبون من ورااانااااا سده بوجهي وهو يصيح خفت حيل دكيت ع عمو بكر جان يكول اي ادري خابرني يصيح وجاي هو وجدج هم وقيس هم وياهم لان جاي من لبنان البارحه باليل هو وعمج احمد - وين جان عمو احمد - مادري ما سئلت عنه لان التهيت ويه جدج وابوج إلى يصيحون وتخبلو من سمعو - ماشي - ديري بالج ع نفسج هم ما يندلون البيت ولا اني اندله طلع ذكي هل الاشهب خوش لعبها يلا ع الاقل سوه شي بي خير ادري ابوج ما يسكت اذا لكاج - اصلا كال اخذج وتعوفين الجهال ومن هلحجي - ميكدر اصلا ميندل البيت وماعقتد اشهب يدليهم عليج اوف شلون ورطه هاي - عمو معقوله إلى سويته غلط واندم عليه - ضي انتي سويتي هذا كله لخاطر جهالج واني متأكد راح تتحملين وراح اطلعين برائتج كدام اشهب حتى لو بعد الف سنه صح ما قابل ع الزواج بس اهم شي الأطفال بحضنج ماشي كلبي اطمني ماخليهم يبعدوج ع الجهال بعدين انتي مرت اشهب هسه مو كيفهم ياخذوج - عمو مو مرته لا تكول هالكلمه فدوه حجيتها وبجيت - هذهو اخته ههههه يلا خل اروح الولد يصيحني سديته واني صافنه عمو بكر خطيه مارجع لبغداد وضل هنا يم صاحبه ورجع للمعرض يشتغل بي من اسئله جوابه يكون شعدي ببغداد لا أهل ولا حبيبه يردوني خليني هنا صدك انقهرت عليه وكلبي يوجعني من يكول هيج ساعه ودك تلفوني رقم غريب خفت ارد شويه ورجع دز 💬 ردي هذا اني اشهب من كال هيج رأسا رديت الووو اشهب اهلي جايين - اعرف وجايبهم وجاي - شنوووو تخبلت انت - ضي الساااانج - شلون اسوي هيجج يردون ياخذوني انت - محد ياخذج اول شي انتي مرتي وثاني شي مو صغيره ويجبروج هسه راح يجون ويسئلونج تردين اشهب لو ترديهم تعرفين الجواب - لا أريدك ولا أريد اهلي اريد جهالي وبسسس - جهالج وين عدمن - اشهب لا اسوي هيج حرام ماكدر اكول هيج الاهلي -بكيفج لعد اذا اخذوج ما امنعهم يسون فضل والله ثاني يوم اطلكج يا ثاني يوم بلحظتها - اشهبب -ضييي اذا تردين جهالج تكولين اريد اشهب حته يتركوج مو علمود شي بكيفج بعد فكري بكلامي ع ما نوصل سده واني صافنه ليش دايسوي هيج ليش اجه ليث يركض وقمر صافنه - ماما شكو ليش تبجين الوحش سؤالج شي لو شنو - لا حبيبي بس جدو موسى يريد ياخذني - اي خل نروح وياه - لا حبيبي إذا اخذني بس اني - لا لعد انضل هنا ابتسمت واني أخذه بحضني يمكن ربع ساعه وحسيت بصوت سيارات وكفت ركضت لبست حجابي واني حاضنه أطفالي وواكفه بخوف انفتح الباب ودخل اشهب وراه عمو بكر وبابا وجدو وقيس دخل اشهب ومن راد يدخل قيس صاح - اوكف اوكف اعذرني بس مادخل غريب البيتي ومرتي موجوده تكدر تنتضر بره من كال هيج جدو صاح بي - اشهبببب احجي عدل شنو تهينا واحنى ببيتك - افه لا عمي هذا بيتك قبل لا يصير بيتي بس اعذرني مادخل غريب - مو غريب ابن اخوي هذا - وان يكن يكون غريب ع مريتي واني رجال غيور عمي ههه جان يحجي بكل استهزاء ومسيطر عمو بكر يباوع مستغرب باوعلي وكال بصوت ناصي -ماخذ الدور كلش قويه والله وخوش يمثل - علمود مصلحته عمو لا علمودي ولا علمود الجهال - بس هم مسدفادين منه صراحتا يا بت اخوي اني صرت انعجب بشخصية هذا الإنسان كل ساعه شكل هههههه - لا عمو دخيلك كلشي ولا هاي بعدني داحجي جان اسمع صوت الباب انطبكت حيل باوعت اشهب طبكها بوجهه قيس انصدمت عزا شلون جرئه عده جدو يباوع بغضب باوعلي وصاح - امشي كدامييي يللا - جلبت بليث وقمر حيل وهمست ما اطلع منا واترك جهالي - ضي لا تسودنيني امشي داكلججج - اسفه جدوو بس أطفالي ما اتركهم - عوفي الأطفال اني اجيبهم الج كل أسبوع - كل أسبوع جدو و اني ام ام مو مربيه واجيب هم كل اسبوع يمي اني ام اريد أشارك أطفالي بأبسط الأمور بكل دقيقه وثانيه ماريد ابتعد عنهم ثانيه وحده ليش متفهوووون ليشش - ضيي تجين لو لاااا بس اذا ضليتي تنسين عدج اهل وما مسؤلين عن أي شي يصير بيج من وراه مو تجين باجر عكبه تشتكين منه لان حذرناج وكنالج هذا واحدد بلا شرف وشراني بس انتي عاندتي تنسين عدج اهل وديري بالج توصلين يم شارعنا اصلا وراح نعتبر بتنا ميتتتته - جدوووو حجيتها واني دموعي تنزل باوعت ع عمو بكر ورجعت نضري ع اشهب ماعرف شسوي ع ساعه كلت اروح وياهم واشوف جهالي كل اسبوع ولا اخلي اهلي يغضبون وساعه اكول لااا اضل يم جهالي وأهلي اكيد يجي يوم ويحنون بس لا اهلي اعرفهم من يكولون كلمه خلاص باوعت ع اشهب وع أطفالي ودموعي نزلت وقررت هذهو إلي يصير يصير رفعت راسي سامحني ربي همست .......... يتبع ،،،،،، وللحكاية بقيه،،،،،، قرائة ممتعه أحبتي اعرف البارت قصير بس والله عدي امتحانين وهذا الكدرت اكتبه انشاءالله اعوضكم توقعاتكممم وتعليقاتكممم وتصويتاتكمم #نور الشمري #نوشة | ||||||||
|
| |
|
04-07-20, 02:52 AM
| #19 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_السادس_عشر Noor336 #ظلم وحب هذه هي حياتي لا أعلم من ينتصر بنهاية الظلم ام الحب البرائه ام الجبروت الشوق ام الكرامة الضرب ام الكلمة الطيبه وكأنها حرب من نوع آخر و الصابر لا زال لا يعلم ما مصيره لكن سينتظر الفرج إلى نهاية المعركة ... ضي: غمضت عيوني واني خايفه همست خلص اذا هيج اني سكتت وباوعت ع أطفالي إلي يباوعولي وبنضراتهم خوف وقلق وقوه اي نضرات ليث إلي جانت مليانه شجاعه رفعت راسي وصار اشهب كدامي وصارت عيوني بعيونه باوعلي رافع حاجبه باوعتله وعيوني مدمعه اعرف اذا بقيت وياه راح اشوف انواع الذل والقهر وأهلي مو وياي منو الي واني الفكره ببالي حسيته عرف إلى يدور أبالي تقدم وصار بسدي بيني وبين جدو دنك راسه وكانما يلعب بشعر قمر وهمس بصوت ناصي - فكري زين ما امنعج من شوفتهم اذا طلعتي بس اذا ازوجتي واني اعرف اهلج ما يتركوج لحد مايزوجوج ساعتها تنسين ليث وقمر لان امانه عدي وماخلي الغريب يربيهم حته ولو ساعه حجه كلماته وثنه ركبته وصار يمسح ايده ع شعر قمر وكف وشالها وهو يباوعلي وكانما ينتضر جوابي الاخير هديت ايد ليث وتقدمت خطوه وكفت كدام جدي وهمست - جدو اذا تركت أطفالي واجيت وياك راح أضل مصر ع قرارك لزواجي من قيس حجيته واني اباوع عليه وانتضر جوابه وقبل لايحجي كملت كلامي واني اباوع ع بابا بسس ديرو بالكم اسايروني كولو اي او لا لأن إذا كذبتو ساعتها انهزم واخلي سمعتكم من صدك بطين ومافكر بيكم مثل ما مفكرتو بيه اكون أنانية موسى : ضيي انتي اول وتالي تتزوجين خو مو اضلين هيج تشوفين جهالج كل نهاية اسبوع يومين واضلين مكفخه لمرت عمج باجر عكبه يجي اخوج ويجب مرته وهم تستلمج إلى متى اضلين هيج - اها وانت كلتها ليش لعد ماقبلتو باشهب حجيتها واني اباوع لهم اريدهم يكونون وياي - ضييي لا تخبليني هذااا شجابه ع قيسس لج هذا نفسه التهمج ونفسه السجنج ونفسه إلي حرمج من أطفالج لا تخبلينيييي وجايه هسه تكولين ليش ماقبلتو بييي لج وين راح عقلج ويننن نسيتي شصار بسببه بيج - مانسيت مانسيت بابا بس ع الاقل راح ابقه يم جهالي ويم عمو علي ماانحرم منهم لا اسون هيج ماكدر بلياكم ولا اكدر بلياهم انتم اهلي وهم عائلتي بابا جدووو فكرو بيه اني بتكم ماكدر ازوج قيس وغيره حته اشهب ما اشهب : ضيي درت وجهي شفته خازرني عرفت قصده مأكول ع الاتفاق هزيت راسي وباوعت ع بابا وهمست - بابا عمري ما صرت انانيه مثلك لا تخليني اكون اليوم انانيه - ضي إلى عدنا حجينا هذا ما يصير نسيبنا لو ع موتنا واحد حقيرررر مستحيل ننطيج اله اله غصبا عنا فيا بتي تعاي ويانا ولا اصيرين مضحكه للناس ع أن ازوجت صديق زوجها والي سجنها وأتهمها اشهب : وليش اصير مضحكه عمي ما مقبوله منك ضي مرتي هسه ع سنة الله ورسوله وبعد كم اسبوع اصير مرتي قانونا هم يعني عرضي ماقبل واحد يقلل منها لان راح يقلل منيي باوعت عليه مصدومه هذا منو الي يحجي اشهب لو غيره باوعتله مصدومه هو حك كصته وباوعلي وانرسمت ابتسامه خفيفه ع شفيفه تستفزني بيها بابا حجه وهو يباوع الاشهب بغضب - ههه عرضك اذا هيج شريف من دخلتها السجن وين جان شرفك وغيرتك ع مرت صاحبك لووو - اني امشي وره الادله عمي - يعني هسه تريدني اصدكك انت بعد ما تشك بضي - هذا شي خاص بيني وبينها هسه يلا قررو لان وراي شغل اريد اروح باوعتله بصدمه شنو من إنسان هذا باوعت ع جدي دار وجهه وصاح - اذا طلعنا منا وانتي مو ويانا يا ضي نعتبر دفناج هنا واذا اجيتي ويانا انحطج فوك راسنا وما نحرمج من جهالج - وازوجوني موو - ضيييي - جدووو جاوب - اي جا اعوفج تلعبين بذيلج انصدمت من كلمات جدي حسيت دموعي نزلت ع خدي وعرفت اهلي كلش زين هزيت راسي وكمشت ايد جدو واني ابوسها ورحت ع بابا وسويت نفس الشي همست واني اباوع لهم - الله يسامحكم ويسامحني بس اعذروني روحه وياكم حتى ازوجوني قيس ما اروح وقيس بمثابة عمو بكر وبس ابو موسى :هذا قرارج الاخير يا بنيتي وحفيذتي هزيت راسي واني اباوعلهم بكل ثقه غمضت عيوني ودعيت الله ما يخليني اندم ع هذا الموقف ابد موسى : حسافه التربيه إلي ربيتج ياها هاي تاليتها تفضلين الشخص الضلمج ع اهلج ماشي ضي عافنا وطلع بابا وهو عصبي ردت الحكه كمشني عمو بكر باوعتله وعيوني تنزل هز راسه بمعنى خلص عوفي باوعلي جدي وهمس - اتمنى ما يجي يوم وتتوسلين بينا نطببج بيتنا بعد ما يطردج هذا الشخص يا بت ابني انتي ميته عافنا وطلع واني وكعت بالكاع ابجي ركضو ليث وقمر عليه وهم يبجون ع بجيي ويحضنون بيه واني دموعي تنزل اخذتهم بحضني مسحت دموعي ماريد أضعف وخرتهم واني مبتسمه - لخاطركم كلشي اتحمل بكر : ابوي ما يكدر بلياج ضي يجي يوم ويعرف تضحيتج هاي ويقدرها كمشني من متني وهو يهدي بيه حضنته واني اباوع ع الباب رفعت راسي - عمو وين اشهب ماعرف طلع وراهم ركضت ع الباب خفت لا يسوي شي الهم لو يحجيله كلمه شفته واكف يحجي ويه قيس ماعرف شنو حجه اشه ب جان قيس يضربه بوكس واشهب ماصدك اكلبه ونام فوكه وهو يضرب بي ركضت اصيح لعمو بكر طلع يركض واني صافنه عليهم قيس كل ما يرفع ايده يريد يضربه اشهب يضربه بوكس ع بطنه لو خشمه خلاص اصلا كلت راح خشم قيس انكسر فاككهم عمو بكر وهو يصيح عليهم باوعلي جدي وهو يهز براسه وكانما يكلي انتي السبب ارتاحيتي جر جدي قيس ومشو للسياره واني دموعي تنزل اجه عمو بكر كمش ايدي ومسح دموعي - ها ها شمتفقين احنى مو ماكو دموع اريدج قويه هزيت راسي واني اضحك ودموعي بعيني اخذني بحضنه وهو يضحك وهمس بذني - دعيلي حبيبت الكلب فصخت خطوبتها دعيلي اكدر أخذها باوعتله واني فرحانه كول والله عمووو صدك تحجي يا رب كون من نصيبك ولا يحرمك منها يارب تنجمعون بأسرع وقت اويلي عمو ما صدك ابدد - هههه كافي ولج فضحتيني يلا اروح اني واندليت البيت كل فتره اجي اطمن عليج - حبيبي عمو هلا بيك بكل وقت - راد يمشي جان يصيحله اشهب - وين بكر بعد وكت خليك ع الغدا ميصير تروح هيج بعد انت منا وبينا يحاجيها وكانما كاعد يستفزه او يستفزني ويضحك انتبهت عليه ايده تنزف حييل وياه يستاهل حسيت عمو بكر وهو يحجي وياه بكر : لا مشكور اريد اروح غير مره عافنا وراح وهو ياشرلي بس راح باوعلي وصاح - فوتي خل نتحاسب فوتي - ع شنو نتحاسب اسم الله - فووووتي - لا اصيححح - ضييي منو المصيح اني لو انتي حيوانه سكتت وطبيت ما جاوبته لان اذا جاوبته راح يرد ومانخلص لباجر عفته ومشيت صار ليث وقمر كدامي دخل هو وصاح - ليث قمر صعدو لغرفتكم ليث: ما مااصعد واعرف ماما اكيد راح تضربها مثل ما تضرب خاله حنان - ما اضربها اصعد - مااا اصعد حجاها واجه يركض كمش بيه دنكت كعدت كدامه باوعتله وهمست - حبيبي عمو اشهب ميضرب اذا مو واحد غلطان واني ماسويت شي غلط ليش يضربني - بس اشهب : ليث تعال يمي شوف حبيبي اني صح مرات اعصب واضرب بس مو معناه اضرب ع أشياء تافهه بعدين نكعد اني وياك كعدت زلم ونحجي اصعد ويه اختك يلا حبيبي صعد ليث وهو يباوع عليه كلساع داير وجهه حبيبي يخاف عليه ابتسمت واني اشوف ابني هيج باوعتله وهمست شنو تريد - تعاي كعدي هنا كدامي ردتي ترحين ويه اهلج مو - اي ردت اروح لو ما انت - جان رحتي شنو لزمتلج الباب مثلا - بس انت هدتت - اني ما هدتت بس صحيتج ع الي داسوي وكتلج حتى باجر عكبه ما تكولين خدعتني فهمتي - ههه كلش عود هسه انت ما خدعتني - راح اعبرها بكيفي لان الجهال هنا بس قسماً عضماً يا ضي اذا نعاد تجاوزج عليه لا تلوميني ع الي اسوي بيج فاهمه - شتسوي هاا تضربني لو تحبسني لو شنو - ما اضمنلج ان تعاندين خليج عاقله هذه الديج قيس أفندي شو جاي يهدد ويكول اذا ما اطلكها ارفع دعوه عليك ههه ماخذ دور الحبيب - اشهب وين تريد توصل من الاخير قيس ماكو بيني وبينه شي والياس هم لا اضل اذب كلام وكف وصار كدامي تقدم خطوتين ودنك عليه وهمس - قيس تريدين تقنعيني ان ماعده شي وياج ليش لعد اهلج يردون يزوجوج اله - اشهببب كافييي كافيي حرام عليك تتهم بيه حجيتها واني دموعي تنزل رفع اديه وهمس -هذهو اعصابج ماشي نكول قيس اهلج يردون يجبروج عليه الياس ها تقنعيني هم اهلج جابريج اسوين علاقه وياه - اشهببببب راح ارتكب جريمه بيك والله - ارتكبي شي جديد عليج يعني اشهب زودتها هواي هواي مو عبالك ضعيفه واسكت اني مو حنان وتضربها وترجعلك خاضعه وخايفه ولا ساره الي ٩ سنوات متحمله خبالك وضربك وخيانتك وساكته ولا مرتك الاولى إلى انخدعت بواحد جذاب وخداع وزوجته والله خلصها منك من أخذها منك اني بعدني ممكمله جملتي ماحسه غير دفعني وجرني من شعري - اياااااج اياااج اجيبين طاريها ع السانج اياااج فاااهمه اشرف منج ومن حنان ومن ساره اشرف منجن كلجنننننن ع الاقل مازوجتني علمود فلوسيييي وما ازوجتني علمود اهلهااا ولا ازوجتني علمود أطفالها اشرف منج مو خاينه وقاااتله ولا مخادعه وكذابه وناكرة جميل مثل ساره ولا طماعه وحقيره مثل حنان ضيي نعلي الشيطان وخليج بعيده عني كوه متحملج وساكت عنج لا تخليني أمد ايدي عليج واضربج واسكطج والله خليج عاقلة سمعي الكلمه افضل الج والي والنا ديري بالج مني لان اتحمل اتحمل اتحمل واطكككككك واذا طكيت مثل العبوه اهدم كل شي يصير كدامي نصيحه مني لا تقربين مني ولا تتقربين من أشيائي الخاصه احركج والله واهدمج هد شعري ووخر عني وهو عيونه حمر كعد ع القنفه وهمس - خليني محترمج اخر احترام لخاطر أسد واطفاله كوه صابر ومتحملج وكفت واني خايفه منضره وهو فوكي ويحجي بغضب ويجر بشعري جان موقف ماانساه ابد عفته وركضت للمطبخ واني احس كلبي يدك الف دكه جذب جذب اذا كلت ما خفت من نضراته ومن كلامه كل قوتي اتلاشت ماعرف ليش من أجمع قواي كلها بمجرد ما اشوفه تتلاشى وتروح من اشوف عصبيته جد اخاف منه حسيت عليه من دخل المطبخ وفتح الخانه الأولى طلع كلاص كبير ترسه مي واخذ خاولي ومشه عرفته يريد يداوي ايده اني من عزلت البيت لكيت كطن ولفا ف حطيتهن بالجراره طلعتهن وأخذتهن اله دخلت للصاله كاعد يمسح بدم وكفت بصفه وشمرت الكطن والشاش ع الكرويته الكاعد بصفها ومشيت صاح وراي - خبااااال وعلي ابو طالب خبله اذا اني مريض فأنتي مخبله بالله شيسموها مساعده لو منيه هاي ههه درت وجهي يهز براسه ويمسح بيده ضحكت ومشيت ترست طاسه مي حار وأخذتها اله حطيتها ع الميز وباوعتله وحجيت بتحدي - لا تكيف ما مقهوره عليك بالعكس فرحانه بس اخاف من ربي هز ايده وهمس بصوت ناصي اللهم طولج ياروح ويكولون إلي مريض لعد هاي شنو مو مسودنه ربي الصبر الصبر عفته وصعدت واني مبتسمه بعدك ما شايف شي يا اشهب والله اخبلك واخليك تروح للشط وترجع عطشان اني الك دخلت للجهال لكيت ليث نايم وقمر تلعب بالايباد باوعتلي وهي تضحك - ماما عمو راح لو بعده - بعده الوحش - هههه لا مو وحش حباب اصلا - اي اي حباب عافتني ونزلت وهي تضحك سمعتها تحجي وياه شويه وسمعت صوت بره فتحت شباك الغرفه مال الجهال شفته يشد بحبل بشجره عزا هذا لا بس دايسوي مرجوحه من صدك يريد يوكع جهالي شكد ظااالم وخبيث نزلت واني فايره نار لبست حجابي وطلعت رحت وره البيت وكفت وصحت شداسوي انت باوعلي ورجع كمل شد - العب حديد تجين تلعبين لا خليها الك شوف اشهب اذا صار شي بجهالي لو تاذت شعره منهم من وره مرجوحتك ما تلوم غير نفسك والله والله اكسرك تكسر - تقدم وهو يباوعلي بعصبيه همس وهو صاك ع سنونه لهنا وبسسس ششايفتني ولج هاااااا ششايفتني بت النعال هيج حقير واذي أطفال واطفال منو صاحبي الي امنهم عدي اني الج امشي كدامي امشييي انتي اصلا مو صوجج صوجي اني الحمار اطينج مجال كلبه قندره - لا تغلطططط حجيته ودفعته من صدره واني افور نار لا تغلط فاااهم كافي شبيك شبيككك اتخبلت انتت - حذرتج وما فاد وياج ماشي ضي عافني ومشه شال قمر ركبها بسياره ماعرف شحجه وياها ودخل للبيت ركضت وراه واني اشوفه يصعد فوك لحكته - اشهب شداسوي اشهب شوف والله اصيح اشهببب دخل لغرفة الجهال شال ليث وطلع اشرلي اشش همست بصوت ناصي - اشهب وين ماخذهم اشهببب نزل وهو ساكت ولا حجه ولا كلمه واني اركض وراه حط ليث بسياره صحت اشهببب - سممممم امشي امشييييي كدامي طبي جوووه جرني من زندي وطببني للبيت شمرني بصاله وصاح - انتي جبرتيني إكليها لعد الجهال اليوم يباتون يمي وهذا عقابج ركضت وراه واني اضربه ع ضهر ما تأخذهم ما تأخذهم دار وجهه عليه وعصبيه ضربني راشدي - ضيييي هاي ثالث مره تجبريني أمد ايديييي عليج كتلج امشي عدل وياي - وين ماخذهم رجعهممم والله اكتلك فاهم - استغفر الله ربي واتوب اليك ضي يا بت الناس اعصابي تلفت وشيطاني شاطر ترا والله ماخلي بيج شي صاحي ماعرف شصار بيه بهذا الوكت فقدت عقلي وصرت اصيح خفت ياخذهم وبعد ما يجيبهم ويحبسني هنا وحدي خفت منه لان واحد حقير يسوي اي شي حتى يذلني وكفت وصرت اصيح عليه ماذكر حتى الكلام الي كتله بس اذكر اخر كلمات كلتهنواتندمت بعدين باوعت عليه من راد يطلع ويعوفني اصيح وحدي - هاي هي رجولتك يا ظالم تضرب وتحرم الجهال مني الله ينتقم منك دنياا وآخره والله لا يسامحك واسد راح يدعي عليك و متأكده لو يعرف هيج اسوي ماجان وثق بيك طووول عمره واحد جبببان انت رجع عليه وعيونه حمر - جباان ومو رجال اني مو أسد يدعي عليه ولو يعرف الي اسوي ما جان وثق بيه موو مو ما يثق ويدعي عليه لج انيييي إلي احس ضميري ياكلني اكل وليلي مانامه من وراججج خايف اظلمج وخايف أظلم أمانة اسددد خايف من أسد لان اخذت مرته منه كرهت روحي وكلشي من وراج ومن وره مصايبج وغبائج انتي وحده ماعرف شلون تفكرين ولا اعرف شنو انتي مرات اكول انت مظلومه وارجع ع الادله واكول لاااا وحده حقيره تستاهل وحده خاااينه مجرمه بس تدرين هسه اتأكدت لو أسد يدري بيج جان عض اصابعه ندم لان ازوجج - ومرتك الأولى لو تدري بزوجها واحد ظالم ماجان قبلت بيك واحد مريضضضضض رجع عليه وهو يصيح لججج مو كايلج لا تجيبين سيرتهااا كلت لو لاااااا محسيت غير جرني من شعري وضربني راشدي دفعني بالكاع ودفرني ببطني وهو يصيح لا تجيبين سيرتها كلبه لا تجيبين سيرتهاااا احس روحي طلعت من ضربته باوعلي وكال هاي حتى مجيبين طاريها مرة الثانيه والجهال ارجعهم من اشوفج عقلتي وبطلتي تتجاوزين عافني وطلع واني احس روحي طلعت من اللم راسي يوجعني من جره إلي وخدي وبطني كلشي بيه يوجعني حتى كلبي يوجعني اتمدتت بمكاني يم القنفهه وضليت نايمه وابجي حضنت نفسي وابجي ابجي ع كل شي صار وياي حيل وياي منو كال أطول السان وياه يعني مو حذرج بس انتي تحبين تنهانين ضي لا مو هيج بس ماحب اشوفه يدخل بحياة أطفالي بقيت داخل حرب بين عقلي وضميري إلى كل واحد يحجي شكل غمضت عيوني وغفيت ماعرف شكد مر الوقت ولا اعرف بيش الساعه بس كعدت لكيت نفسي نايمه ع القنفهه وجرجف عليه كعدت مخروعه منووو باوعت الساعه بـ ١١ باليل يالله شنو هاي شكد نمت اني اصلا منو كال نمت يجوز فقدت الوعي ومادري بروحي وكفت واني احس بدوار مو طبيعي باوعت منو شالني منو هنا وكفت خايفه مشيت للمطبخ ماكو احد انتبهت ع الباب الخارجي مشيت اريد افتحه واجاني صوته - ويننن - يممه انت شنو باوعتله وبرطمت هز راسه وصاح طبي جوه يلا - وين الجهال - من تعقلين اجيبهم طبي جوه - اشهب لا اسو بعدني ممكمله كلمتي عافني وصعد لحكته لكيته بغرفة الجهال دخلت واني العب بضافري مجبوره اعتذر منه حتى يرجع الجهال اني ما خاطرت بحياتي علمود اعيش وياه ولا تركت اهلي علموده اني سويت كلشي علمود جهالي ردت انطق واكول اعتذر بس ما كدرت ما طاني كلبي اعتذر منه طلعت واني ضايجه نزلت جوه وبقيت اكلب بتلفوني شويه واجاني طلب صداقه ع الفيس فتحت واحد اسمه أمير الحسيني وبالانكليزي وصورته بيها رتبة عسكريه ٣ نجوم عفته واني روحي طالعه و ما ناقصني كمت سويت اكل اكلت وضليت مكابله التلفزون وكاعده شيسون هسه نايمين لا اوف يالله سويت كل شي علمودهم ولحد الان اتعاقب بيهم ليش هيج من كد التعب والإرهاق رجعت نمت مرة الثانيه كعدت الصبح فتحت الفون اشوف الساعه لكيت هذا الي داز طلب صداقه البارحه مراسلني استغفرت الله ودخلت شفته كاتب 💬ليش ما تقبلين طلبي؟؟ ركعته بلوك وسديت التلفون اني بيا حال وهذا بيا حال صدك لو كالو اني بيا حال والدفان يغمزلي والله يالله سويت ريوك وكعدت اتريك واني ناسيه هذا الحقير فوك نايم بغرفة الجهال شويه واشتميت ريحة جكاير اول شي صفنت منين هذه الريحه عبالي اكو شي ع الطباخ بس من سمعت صوت بالصاله اذكرت دكيت ايدي ع كصتي ثوله وغبيه يعني شكو غيره مثلا عفت القوري ع النار ع صفحه وغسلت المواعين الوصخه حطيت كلاص نضيف ع الميز وجبن وكيمر والصمون ع الميز وعفتهن وطلعت صار كدامي انتبهت عليه تلفوني بيده -وتالي إلى متى تفتش تلفوني ماتستحي انت -ما افتشه وإنما اتأكد منج الحذر واجب مريتي دار وجهه واني ردت اشيل التلفون واكعه براسه حقير كال مرتي كال وينك وين جروخك بحلمك اصير مرتك ابو صماغ نسونجي عفته وصعدت فوك شويه وسمعت سيارته مشت نزلت اخذت تلفوني ودكيت عليه - خير شنو ماحجيت ضليت ساكته اريد اكله حباب جيب الجهال بس كرامتي ماتسمحلي - شنو راح اضلين ع الصامت ما تحجين ضليت ساكته محجيت العب بتمثال إلى ع الميز جان يوكع مني ويطلع صوت - اضاهر عدج رصيد هواي وتريدن تخلصي لو اشتاقيتي الصوتي لو ترديني التهي بيج واسوي حادث واموت - ولا وحده بس تدري الاخيره خوش فكره مو ع بالي - ها صلاوات حجيتي كولي شعدج يبووووو ضي شجاج حجيتي همست واني اباوع صفح عبالك كدامي هو مو اتصل بي - الجهال شوكت اجيبهم - شوكت ما يعجبني - اشهببب - العصر اخلي عمو علي يجيبهم يلا راح اسوي حادث وهلمره اذا متت اجيج بالحلم واكتلج وحق محمد ومو بس هيج اروح للقاضي هم ازوره بالحلم واخلي يسنجج لان موتى بسببج سده بوجههي وهو يسب ويغلط دروح عشتو ابو صماغ مثلا مهم هيج هو عود وموتتهم اصلا ياللهي ما تأخذه وخلصني منه ليش مااخذته وعفت أسد كعدت ارتب البيت ماسويت غدا لان بس اني. مااشهتي ضليت كاعده وانتضر العصر ع نار لل5 جنت اكلب بتلفوني هستوني جان سمعت صوت سياره ركضت للباب مال الصاله جان تنفتح ويدخل عمو علي وقمر وليث ويوسف وروز - حبايبي افيشششش يالله مو ليله عفتوني يكول عمر طببتهم وسلمت ع عمو علي والجهال - شلونك عمو - الحمدالله كعد شويه وبعدين سئلني شنو هاي خدج هذه اشهيب مد ايده عليج دنكت وهزيت راسي - شوفي بنيتي اعرف انتم واحد ما طايق الثاني بس لخاطر الجهال اتحملي خبل ادري بي ع ابوه الله يرحمه هههه مسودن وعصبي وأقل شي يمد ايده بس صدكي قلبه طيب خل اسولفلج موقف صار ويانا قبل كم سنه عم اشهب تكدرين تكولين عليه واحد عار يدور مشاكل ومخدرات ومن هالسوالف وجان دووم يجيب المشاكل الابو اشهب وابو اشهب جان عصبي مثل اشهب بضبططط بس جان يركض للكل واي شخص يشوفه محتاج يركضله اذا جان صديقه او عدوه المهم فديوم اجه اخو المرحوم ابو اشهب الاخو ويبجي يريد فلوس لان كتلج مكضيتها مخدرات وهذا اخو من دمه ولحمه اخذه وراح باع كطعة كاع عده جان مخليها البته اسيل وشال الفلوس واعطاهم للديانه و بلرجعه هو واخو سوولهم كمين وكتلو ابو اشهب ومات اشهب حقد ع عمه حيييل وحلف يمين ينتقم الابوه وعمه ما تاب وكال اخويه راح من وره شغلي الطايح حظه رجع وزاد اكثر وبسبب حقارته خطفو بته وهو ماعده غير هلبت هاي تدرين اشهب من سمع شسوه نسه هذا عمه العار ونسه بسببه ابوه انكتل ونسه كلشي وراح وكف ويه عمه ودور ع بته ورجعها وفوك كل هذا نقذ حياة عمه من رادو يكتلو لان كلبه طيب ما اطاه يعوف عمه بهذا الحال برغم من كل ذنوبه ومساؤه وهسه يا بنيتي انتي المظلومه تردين اشهب ما ينقهر عليج صح يعصب وماد ايده واتهمج واعرفه لحد الان شاك بيج بس مجرد شك يا بنيتي بمرور الايام من يعرف زين راح يندم وراح تعرفين اشهب ابو الكلب الطيب - صفنت ع كلامه وضليت صافنه همست واني اباوع له يعني سامح عمه - مو سامحه بس من يطلب مساعده منه يوكفله وكفة زلم ذاكليوم مشية بته راح ووكف وياهم برغم من كرهه العمه بس ماحب يكسر بي كدام الناس هزيت راسي واني مصدومه بقه كاعد ويسولف وياي باوعلي وكال - لو شاك بيج ١٠٠ بل ١٠٠ ما يجيبج ع هذا البيت ولا يحطج بي - ليش عمو حجيته واني مستغربه - هذا البيت يعنيله هوواي الاشهب هذا اول بيت اطاهيا ابوه هديه لزواجه من خطب المرحومه جان يعشقها حييل جان هذا بنسبه الهم عش الحب مو بيت ومن توفت ترك البيت وكلشي بي وطلع وماخله اي شخص يدخله لا قريب ولا بعيد لا ساره ولا حنان ولا حتى اي احد من اهله جان يجي كل فترا لهنا من يضوج هذا المكان غالي عليه حييل برئيج ليش جابج لهنا اذا يكرهج شوفي بنيتي اشهب يحقد ويعصب ويضرب بس ميكره ابد وموتت أسد كسرته كسرة جبيره حييل مو بسهوله يتعود ترا الي شافه اشهب مو قليل اول شي موتت ابوه الي محد يعرفها محد يعرف شلون مات غيري وغير اشهب وغير عمه الاشهب وأم اشهب احنى الاربعه وانتي الخامسه أشهب اتلقى صدمات بحياته هواي يا بنيتي اول صدمة موتت مرته حبيبته ام أولاده والثانيه ابوه وهسه صاحبه وأخيه ٣ من أكثر الأشخاص القريبين عليه كسبي الج ولا تخسري مثل ساره وحنان ترا الاشهب خوش اشهب بس الدنيا معاكسته وهسه شنو راح تخلينا بلا عشه - ههه لا افه عليك عمي تدلل عفته وكمت اسوي بالعشه وهو كام يصلي واني مصدومه من كلامه شيريد مني اسوي اتقرب منه لالا مو هيج بس هو كال كسبي يعني اخلي يصدك ان اني مو مجرمه ولا خاينه اي ضي خلي هدف بحياتج ان اضهرين حقيقتجكدام اشهب وتخلصين من اتهاماته وتكسبي حته تعيشين ويه جهالج بأمان بس ليش دائما يحجون ع ساره ساره جانت دره مال الله اخلاق وجمال وكل شي ليش هيج يحجون عليهه اكيد اكو شي ولازم اعرفه شنو خلصت العشه وصحت للجهال كعدنا ناكل كاعده اوكل بقمر وروز روز احسها مسكينه برغم من امها عايشه بس عايشه حالها حال اليتيم مرات تقهرني حيل من اسولفلي اسيل عليها شلون تبجي ع امها حتى يوسف وإبراهيم وفراس حيل متعلقين بساره لان هي الي ربتهم من هم وصغار خلصت عشه وكعدت اغسل بالماعين حسيت احد وراي درت وجهي يوسف ها حبيبي شنو تريد يوسف : خاله اطلب طلب منج - اكيد ياعمري كول - خابري ماما ساره شوفيها شلونها - ممم ليش ما تخابروها حجيتها عادي جان يصيح بصوت ناصي - اشش خاله شبيج لا يسمعج جدو ويكول البابا وبابا يعصب لان محذرنا ما نحجي وياها - كعدت ع الكرسي وجريته وباوعتله بستفهام ليش - لان بابا خيرها بينا وبين اخوها وهي اختارت اخوها بس مجبوره والله خاله هي مجبوره اختارت اخوها واخوها واحد حقير ع اساس عمو أسد يدخله للسجن بس عمو أسد مات وهو الحقير أخذها وراح حتى ما اضل هنا وتشوفنا -لحضه لحضه مافهمت ع كيف ليش آخو ساره شسوه - ليش خاله ما تدرين اخوها الماما ساره كاتل واحد وبابا من عارف مهدده اله يدخله السجن بس ماما ساره ما قبلت وضلت تتوسل بي ما يرفع شكوى عليه فهو خيرها يا اما احنى يا اما هو وهي انجبرت تختار اخوها لان اخوها هددها بشنو مادري بس بابا وعمو أسد اتفقو اله يدخلو السجن بس صار الي صار ويه عمو أسد ومات وهذاك شرد واخذ ماما ساره - صفنت مصدومه اليوم مليان صدمات ياللهي شنو هاي صدمه بعد صدمه جريته وفتحت فوني حافظ رقمها هز راسه اي رده لعد رده إلى وكتبته وسجلته باسمها ودكيت عليها واعطيتها اليوسف دك دك.هو واكف فرحان بس ماكو مارد ضل يدك لحد ما انكطع - اني ارجع ادك عليه لا تزعل وشوكت ما حصلتها اكولها وشوكت ما اجيت نرجع نخابرها شبكني وهو يضحك - احلا خاله والله احلا مرت اب - باوعتله مصدومه منين تعرف انت عض السانه وحك شعره وحجه وهو يكلب بعيونه - اكولج بس مو تكولين البابا - لا مأكول احجي - بصدفه والله بالصدفه شفت عمه اسيل واكفه تتسمع ع جدو علي وبيبي واني وكفت وراها وكمت اسمع وياها وسمعتهم مو كالو انتي وبابا ازوجتو - هاي اسيل اعرف شلون اعلمها وانت تعال اكعد كدامي مو عيب التصنت - مالي دخل اني عمه اسيل جانت تتسمع - وأنت شعليك بعمه اسيل - مو هم يكولولي مخبل جنك عمتك اسيل لهذا اني اشبهه بالتصرفات غير ولازم نشارك هذه الصفه - لا بالله منو كالك - مادري بعدين مو بس عمه اسيل حته خاله حنان تتسمع يعني مو جديده - حتى وأن يكن عيببب ميصير اسوي هيج راح راح اعاقب اسيل واعاقبك - وخاله حنان - مالي دخل بيها اني وياها مو حلف - اي صح انتي من حلف المستئذبين وهي من حلف مصاصي الدماء وهم ابد ما يتحالفون هههههه - امشي كوممم ابو سوالف واني اكول أولادي منين ماخذين هاي السالفه مال المتشابهه طلعت منك البارحه سووني بزونه وفاره وهسه مستئذب ومصاصي دماء ييع كوم ابن الاوادم - هههه شبيج خاله ترا والله حلو الفلم خاله اسيل دائما اشوفه واني اشوفه وياها بس ديري بالج توكعين بحب البطل مال مصاصي الدماء لان عمه اسيل اتحبه ومتقبل - لككك انت والله ماتستحي ركض طلع من المطبخ وهو يضحك صحت وراه اني اعلمك يوسف بسيطه اله اكول الاشهب مد راسه وهو يحجي - لا خاله مااسويها ادري بيج لان ماتحبين بابا هههههه لو خاله حنان اي - والله اني الك ركضت وراه وهو ركض ختل وره عمو علي ويطلع بلسانه وقمر وليث طفرو يصيح هي هي ماما يلا كتلي وروز تضحك - اي اي تعال لهنا ليش خاتل - لا وسفه عليج خاله اني ابن الاشهب وتكوليلي خاتل هاي اني زلمه باعي طلع وكف كدامي اول ما مشيت اني هو اركض فد ركضه فوك ويصيح قشمرتج خاله قشمرتج يأبه احنه الاسود ما ننغلب - اني الك اوكفلي ابو أسد : بويه تخبلتي الجاي طلعت ريحتة صار باجه شنو رجعتي طفله صفنت عزا الجاي اني اعلمك يوسف والله ما ألوم اسيل من اتعارك وياك ٢٤ ساعه طفيت النار ع القوري و ذبيته وسويت غيره لان صاير صدك باجه اطيته العمو علي وكعدت بصفه نزل هو وكعد بصف عمو علي وكلساع يباوعلي ويرفع حواجبه - اخابر اسيل تاخذ ثاري منك ابو ثرب - هاا خاله تكليلي ابو ثرب لعد صار لازم اطلعلج لقب شسميج حط ايده بحلكه وصفن وهو يفكر شسميج شسميج شنو هاي خاله مالج لقب ماكو شي بيج غير قانوني مع الأسف - اي حبيبي اني كلي ع بعضي قانون دوله وعلم وصرت اسوي حركات بيدي عود عضلاتي وهم يضحكون صدك كضيت وقت وياهم سوالف وضحك ولعب وعمو على ساعه يصيح بينا وساعه يضحك علينا لحد ما صارت الساعه ١٢ بليل - شووو يلا الكل ينام محد يضل كاعد صعدت نزلت فرش فرشت العمو علي واليوسف وليث وأخذت روز وقمر الغرفه نيمتهن واني دخلت لغرفتي صفنت بسرعه مشه الوقت ونسيت نفسي صدك العائله حلوه نسيت همي ورجعت مثل قبل من جنت العب وياهم مرت الايام وصالي ١٠ ايام هنا اشهب من ذاك اليوم ماشوفه هواي يجي بس العصر ياخذ الجهال يم جدهم ويرجعهم باليل حته ما يدخل واني هم خلصانه منه احسن خطوه سواها مرات يدخل من يجيب مسواك لحد ما فد يوم اجه وجايب لحم ومنقله وفحم والجهال وياه فراس ويوسف وإبراهيم وروز نزل وهو يصيح وينكم يا أهل الدار وينكم يمعودين ركضو قمر وليث طلعو مكيفين حط المنقله وكال اليوم عشاكم عليه خل نشوف منو يطبخ احسن هااا حجاها وباوع ع ليث إلى يباوعله بخزره هههه ابني طالع عليه واكفه بالباب واباوع عليهم هذا الي يجيب الفحم وهذا الي يجيب الششياش وهذا الي يجيب المهفه وهوسه واني اضحك ع الجهال من يتعاركون ع شغله شال راسه وصاح - شنو راح اضلين هناك تحركي شوفينا مهارتج وتعاي شيشي الششياش باوعتله بصدمه وهمست انيي - لا بيبيتي من كبرها تطلع اشيش ابتسمت ومشيت الهم كعدت وبلشت اسوي بلششياش واحط بيهم لحم والجهال يضحكون ويتعاركون ع الششياش كلمن يريد ياخذه مني ويطي الاشهب حتى يشوي اسيل : مرت الايام هدوء جنت خايفه لا يكون الهدوء ما قبل العاصفه وخاصه من اجه اشهب واخذ الجهال وكال راح يضلون يم امهم انصدمت وضليت مصدومه اخوي مستحيل يسوي هيج اكيد اكو بباله فكره وحنان مكيفه خلصت منهم شكد غبيه هاي البنيه مرات احسها شيطان خانس ومرات احسها غبيه من أخذهم وشفت توتر وخوف امي شكيت اكو شي ضامي علينا لحد ما فد يوم كاعده اكنس وسمعت عمو علي يحجي ويه امي بغرفتها ع اشهب وضي وانصدمت من عرفت عاقد عليها يا ويليييي شنو هاي المفاجئه لالا ضي صارت مرت اخوي العب يأبه العب شنو هاي اخ يا حنانو لو تعرف اجتج ضره ومنو. ضيو اسم ع مسمى يا مسكينه يا حنانو جان اشهب يجيب الجهال العصر وبليل يرجعهم ومن يروح حنان اضل تحوس ها راح يمها خاف شو شسوي واسويله اغراء وتعالو سترو عليه نسوان ميخافن الله وخاصه هاي ام السجون جانت تحجي واني اضحك لو تدري مرته يا مسكينه ع الصدمه إلى راح تاكليها من تعرفيها تشوقت حييل اشوف شكلها من تعرف جنت انضف البيت واضل ويه الجهال واقريهم واشوف امي واصعد فوك روتين كل يوم عبالك فلبينيه ناقصني بس أشد عصابه واصيح نعم ماما نعم بابا من الصبح لليل كرف كرف كرف شنو هاي كعدت باليل اكلب بالفون دخلت ع صفحته ضي ردت احاجيها وبطلت خاف اشهب ميقبل وأصير لها مشكله من وراي اخوي واعرفه عفتها وطلعت بالغلط واني طالعه دخلت ع صفحة اشهب وصارت صفحة عمر كدامي ابتسمت واني اشوفها دخلت عليها وصرت اكلب بالمنشورات لحد انتبهت اخر منشور ناشره منذه ساعه جان مكتوب ع الصديق والفراق عرفته يقصد أسد بي ومسوي تاك الاشهب وصوره بيها أسد واشهب وعمر عمر كاعد بنص واسد مسوي علامة النصر ع راسه العمر واشهب جار شعره العمر صوره كلش حلوه جانت وكمية الصداقه والحنيه إلي بيها مو طبيعيه بقيت اتفرج واتمعن بيها انتبهت ع عمر واول مره اصفن بي هيج جان شخصيه وضحكته مبينه بوجهه مرسوم رسم وضاحك من كل كلبه وكامش اديه أسد واشهب شخصيه صراحه جنت دائما اشوفه يضحك وسرسري بس اليوم لاا شفته انسان غير شفته شخص مختلف شفت انسان مختلف عن الي جنت متصورته خاصه كلماته جانن بيهن عبره وكلام يبجي وهو يكتب عن أسد وفراقه سديت التلفون واني دموعي تنزل ورجعت فتحته وبقيت اكلب بصفحته واني اكلب ماحس غير يوسف فا تح الغرفه وطاب راسا ع السريع ذبيت التلفون وسديته وصحت - يوسف كم مره كتلك دك الباب من تدخل - عمه شنو جنتي تبجين - هاا لا ليش ابجي احجي شتريد - لا جنتي تبجين لا تقهرين لان ما حصلتي عريس وعنستي صديقي خوش ولد تردينه لو اخابر عمو مصطفى يشوفلج واحد مناك كون هيج عضلات وابيض احمر ها شتكولين - لك انت ولا تستحي شكالولك عمري ٤٠ وعنست كله ٢٠ سنه حقير ابن ال - هاها عمه ترا ابوي اخوج ديري بالج - أنجب لكك واحجي شتريد - اريدج سالمه يبعد روحي اريد الف - لا يامصلحجي ع هلدكه هاي امشي ولي ماطيك ربع - اي لعد راح اكول البابا عمه اسيل تغلط عليك - لا يا جذاب يمتى غلطت عليك - ولي ولي ماريد حته الف منج نحسه انجببب يوسف ولا تغلط مو اختك الصغيره اني حقير طلع وهو يدردم عليه ادبسزز ما اصير له جاره ابد فتحت التلفون وانصدم بشعار جايني تمت الموافقه ع طلب الصداقه الذي أرسلته إلى عمر عمر عزا بعيني عزا الله ياخذج اسيل الله ياخذج للسودان لالا الله ياخذج لجهنم لااا عليمن اشهب هسه بووم راساااا يوديني للجهنم عزا اكيد راح تطلع عده هسه أصبح عمر عمر واسوله صديقان تف تف عليه يربي شسوي شسوي رأسا لغيت المتابعه وركعته بلوك وضليت اكل بضافري خرب خرب يارب يارب نذر مني ماتعارك ويه يوسف ٣ ايام بس لا تخلي اشهب يشوف ويعرف والله بالغلط ياللهي والله ماتنعاد تنذكر وماتنعاد توبه توبه ربي فدوه الك ساعدني ياللهي بقيت كاعده واكل بضافري واهز برجلي وخايفه شويه واجت رساله ع الواتساب فتحت واني مصدومه اني الفيس مالتي مسويته ع رقمي نسيته هذا الشي وانصدمت من دخلته و شفته عمر يمممه عزا منين جاب رقمي يبوو لالا خلص اسيل خلص نهايتج اليوم اضاهر لا مجال اقري الفاتحه ع روحج واليوم بوادي السلام تباتين اشجعت ودزيته رساله 💬شوف عمر اعتذر منك اني بس الطلب اندز بالغلط الك هذا يوسف جان يلعب بالفون ولغيته فرجائا لا تفهم غلط دزيتها واني اكل بضافري رجع شويه ودز 💬 لا يأبه شنو القصه قابل ما اعرفج اعرفج واعرف اخلاقج بس ردت اعرف شنو مناسبة الطلب ههه انصدمت من جديته وكانما مو عمر جاوبته واني مصدومه 💬 انت عمر؟؟ 💬 لا خالته الصاكه ههههه جا جدي مضحك عابت اعتذرت منه وسديت التلفون مرت الايام واني اروح وارجع للجامعه وكل ما اطلع اشوف عمر بالباب واكف وهذاك ابو عيون بعد ما شفته مااجه همزين ماتحملت صار عدي فضول عمر ليش يجي للجامعه مشيت اله سلمت وحجيت - عمر شتريد واكف هنا - كاعد احرسج - تحرسني - اي اخوج عيني حارسج الشخصي شنو متدرين - لا حجيتها بصدمه ضحكك وكال دروحي روحي لا يشوفج احد ويفهم غلط ويروح يكول الاشهب اختك واكفه ويه واحد ويجي يحط طلقه براسي ضحكت ومشيت ومرت الايام وعمر كل يوم الكاه بباب الجامعه وبليل لازم يدزلي شعر واني اقرا واضحك وما اجاوب ماعرف شيصير بيه من اشوفه بباب الجامعه لو من يدز الشعر تغيرت نظرتي عنه ١٨٠ درجه وصرت احب اشوفه واقرا محادثاته واعرفه اكثر واكثر فد يوم ما دز شعر باليل ضليت الليل كله ما نمته ومنا اشهب جان جايب الجهال يمكن متعارك ويه ضي ماعرف بس جان عصبي حيل طبب الجهال ودخل مكتبه وضل يصيح وهو بالمكتب حته صوت اتكسر الأغراض سمعنا بس محد دخل خفنا لحد ما هدئ ودخلته امي ومن اجه عمو علي وعرف كعد وياه وبعدها طلع اشهب وماندرين وين راح ضليت حايره منا بالي ع اشهب وضي ومنا عمر والليل كله ما نمته وما صدكت صبح الصبح ورحت للجامعه اول ما نزلت ماكو كلت بطلعه احاجي من طلعت هم ماكو ضل بالي وضجت حيل تعلقت بي بهل الكم يوم ولا كأنما اعرفه سنين بس بهل كم يوم عرفت عمر الحقيقي مو عمر السبورتي التافهه رجعت للبيت واني ضايجه طلب عمو علي اروح وياه لضي جنت اتمنه اروح بس مالي خلك اعتذرت وصعدت الغرفتي ردت ادك عليه بس بطلت يومين عمر ماكو وبالي يمه لحد ما بيوم الخميس بليل جان اشهب ماخذ الجهال ورايح الضي دك تلفوني رساله طفرت واني ممصدك واخيرااا اول ما فتحتها جانت من عمر بس ما جانت شعر لا جانت كلمات خلتني اطير من الفرح و اتأكد أن اني شايله مشاعر اله بعد هل كم يوم إلى تعودت بيهن عليه انتبهت ع كلامه 💬 بت الناس اني صح واحد هتلي بس مو ويه عرض صاحبي واني اعترف حبيتج ومن اشوف الشباب الي بجامعتج فرت نار واتخيلت كلها تباوعلج مثل ما اني اباوعلج لهذا ما تحمل اسيل اريدج ع سنة الله ورسوله بإذن الله بعد اسبوع دورة سنة أسد وانشاءالله بعد دورة السنة امي يمكم تخطبج اذا موافقه كوليلي ادزها واذا لا كولي حته ما تفشل كدام صاحبي ويكول حاط عينك ع عرضي معرفت شنو اكول وانصدمت بنفس الوكت استحيت حيل واني اسيل إلى بعمري ما خجلت اليوم خجلت وماعرفت شكول تشجعت وكتبت اله هلا بيكم وسديت الفون واني اضحك........ يتبع ،،،، وللحكاية بقيه،،،،، قرائة ممتعه احبتي اعرف كاعد اتأخر عليكم بس والله مو بيدي النت هيج وقت يصير ضعيف يمي ويشلع الكلب بنشر وصلو البارت ٧٠٠ تصويت و ٤٠٠ تعليق حتى باجر هم انشر الكم هاا اتفقنه ♥️😂 اذا ما وصلو باجر ما انشر اضلون ع عكبه بعد بكيفكم 😂😂 توقعاتكم وتعليقاتكم وتصويتاتكم #نور الشمري #نوشة | ||||||||
|
| |
|
06-07-20, 02:14 AM
| #20 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_السابع_عشر Noor336 من هسه اكول غلسوو ع السحكك البارت مليااااان سحك مليااااان ما صلحته لان نشرته ع السريع لان عدي امتحان فاعتذر ع السحك ههههه والي يغلس اطي تغشيشه #فراقك قاسي جدا واتعبني كثيرا فلقد مرت الايام بسرعه فإلى الان اتذكر ذاك اليوم الذي تفارقت ارواحنا واجسادنا عن بعض لكن قلبي لا زال مرتبط بك وبحبك ولن يسيطيع الموت ان ياخذ الحب الذي في قلبي كما اخذك مني ضي: كعدت اشيش بشياش واطيهم للجهال وهم يركضون يطونهن لاشهب ويشويهن ع المنقله مدنكه اسوي بيهن وبالي افكر بعد كم يوم عن دورة سنة أسد شبسرعه مرت الايام وراح يصير سنه هو ماكو ذاكليوم جنه نضحك ونسولف سوه شارده افكر وماحس غير اشهب صاح - لجج شداسوي ثووله ديري بالج شلت راسي باوعتله لكيته يضحك ويخزر بنفس الوكت باوعتله رافعه حاجبي همست واني مستغربه من منضره خزره وضحكه شنو هاي همست شنو خير شبيك همست مستغربة باوعلي وابتسم واشر براسه ع الشيش انتبهت كامشته بالمكلوب مخليه الجهه المدببه إلى لازم ادخل اللحم بيها عليه يعني اذا أقدمه شويه يطب ببطني والجهه الثانيه الي الازم اكمشها بيدي حاطتها وأريد ادخل اللحم بيها باوعتله واني عاضه شفتي من فشلتي وهو رفع حاجبه وهز راسه وصاح جيبي جيبي اذا نضل عليج باجر منخلص فوكاها يعني تريد تكتل روحها وتبليني يحجي ويهز براسه ابتسمت وكمت اطيته الشياش واللحم ردت اطب صاح - ها يمعوده شنو هاي مادبرتيها الشوي هم ما ادبري باوعتله واشرت ع نفسي وهمست اني اشوي - لاا ابوي دكعدي هاج بس هفي ومالج دخل كعدت واني اخزر بي شكد حقير بس يريد يستفزني ويمشي كلمته عليه مغرور ضليت كاعده اهفي بيهن وهو يكلب بيهن ويسولف ويه الجهال إلي يلعب واليي كاعد يتفرج علينا كعدن قمر وروز يمي وهنا يبسبسن باوعتلهن بستغراب وهمست شكو خير شبيجن ها حجيتها وانا ارفع حواجبي واغمزلهن روز : خاله يوسف يريد يذب مي علينا واحنه اجينا هنا لان ميكدر يذب علينا مي وبابا موجود - وليش يذب مي شسويتن اله حجيتها واني رافعه حاجبي قمر : ماما ما سوينا شي احنى بس خبثنا شويه - باوعتلهن بخزره ودرت وجهي عليهن اي وشخبثتن ها - خاله اكولج بس مو تعصبين وتكولين البابا - لا مأكول كولي - هو جان يلعب هو وليث واني وقمر اجينا من وراهم وذبينا عليهم بيبسي وهم اطافرو خاله لو شوفين منضرهم شلون طفرو تموتين ضحك عليهم هههههه اشهب : اي عفيه ببنيتي تعالن تعالن شمسويات درت وجهي عليه مستغربه شنو من سمع عده ياللهي قمر وروز رأسا اجن ختلن وراي وهن يضحكن باوعتلهن وهزيت راسي - خليتني بوجهه المدفع مو بسيطه اني الجن اشهب اسئلك سؤال عوف الجهال - يالله استر يا ربي اسئلي والله الحافظ باوعتلهن يطلع بالحم ويحجي شكد سخيف - انت شنووو يضبط شنو السمع العدك دخيل الله - ههههههههههههه اي يأبه غير ذيب ع كولت ليث عدي اذانات كبار هههههه اذا انتن كاعدات ع بعد شبر عني وتحجين بصوت مسموع شسويلجن أسدن اذاناتي مثلا صفنت صدك احنى كاعدات قريب والصوت مسموع باوعتلهه وهمست مااسوي شي الهن مو خزرني ووكف - كومي ولي طبي حظري الزقنبوت إلي يسمعها يكول مجرم مثلها بت الكلب وانت تعالن يمي وكفت اخزر بي عاط لا تخزرين لج انتي استغفر الله ربي واتوب اليك عفته وطبيت حظرت المواعين والخبر وكلاصات الببسي والزلاطه جان يطب وهو يحجي - اني شكايلج ها ضي نعلي الشيطان وجفي شري ترا اسوي شي ما يعجبج وحق من انزل القرآن - شسوي هااا انت اصلا كلك ع بعضك ماعرف شلونك شنو يعني تضرب مو جديده تهين هم مو جديده اذل هم مو جديده تتهم وهم مو جديده شسوي هاا تحبسني هاي حابسني كلشي صار قديم ومو جديد بنسبه الي عفته ودرت وجهي واني دموعي تنزل مسحتهن ماريد أبين ضعفي كدامه ماريد ماريد تنزل دموعي كدامه ابتسمت واني احاول بشتى الطرق ما ابجي وكف بصفي وضحك درت وجهي عليه بستغراب وهزيت راسي بمعنى شكو ابتسم صفح وكال - توو هذني كلهن صارن قديمات وادري ما يجيبون حل بس اكو طريقه صفن بوجهي وطك اصبعتين بوجهي وهو مبتسم وهمس بصوت ناصي نعاقبج عقاب جربتي مره وحده وصرتي تتوسلين ارجعهم الج فأفضل الج والكرامتج والأطفالج لا تعاندين او اسوين شي مايعجبني لان راح يكون عقابج هو ليث وقمر حجاها ومشه وهو ياخذ المواعين لبره شكد حقير بعدين شوكت اتوسلت بي جذااااب والله اني اعلمك بس اصبر والله اخليك تندم ع كل هذا بس خل اطلع برائتي اخذت الخبز والبيبسي وطلعت كعدت ياكلون وهم يضحكون وهو يضحك ويشاقى ويه الجهال ولا كأنما مسوي شي حسيت ع ايد انحطت ع ايدي باوعت ليث - اني احبج ماما ماعوفج - حبيبي ادري بيك ابتسمتله وكمت نضفت المواعين وهم بالحديقة يلعبون طوبه ويضحكون باوعت الساعه ب١٠ ونص باليل هذا شوكت يرجع شنو ناوي ينام هنا طلعت وكلت اذبله بسمار بلكت يحس وكفت بالباب وصحت قمر ليث يلا حضرو روحكم حته اطبون تسبحون وتنامون قمر : أوو ماما بعد وكت حبابه - قمر لا تعاندين من اكول يلا يعني يلا ليث: حاضر ماما اجيتج اجه ليث يركض وقمر مبرطمه واكفه شالها وهو يباوع عليه - بعد وكت عوفي الجهال يلعبون شنو بس من اشهب هنا ينامون من وكت ذاكليوم لل١٢ ياله نمتو مو يوسف باوعتله بصدمه شعرفه هذا يمكن يكعد يستجوب الأطفال من يرجعون مني والله يالله عفته ومشيت طببت لليث الحمام سبح وطلع لكيتهم كلهم بصاله وفاتحين تلفون اشهب ومشكله ع التلفزيون ومطلع فلم كارتوني مال سيمبا ويتفرجون ليث من شاف الفلم عوف ايدي وأركض اكعد بصف يوسف واتفرج وياهم دكيت ع كصتي وعفتهم وصعدت بغرفتي هذا ناوي اليوم هنا يضل ع عناد ماشي اشوفك العناد شنو استاذ اشهب طفيت الاضويه واتمدتت بغرفتي واني اكلب بالفون لكيت اشعار مال طلب صداقه ورساله ع الماسنجر دخلت ع الطلب نفس الاسم أمير الحسيني ونفس الصوره بس غير صفحه ومبينه جديده شنو هذا لزك دخلت ع الماسنجر لكيت الرساله منه كاتب 💬 سويت صفحه جديده لان حظرتيني من ذيج اريد اسئلج سؤال واحد بس اترجاج جاوبي هزيت راسي واستغفرت واني روحي طالعه بقيت صافنه اجاوب لو لا لا خل اعوفه لا هذا راح يبقه يلزك ويسوي الف صفحه في سبيل يسوي الي يريده خل اجاوبه واشوف شيريد واخلص كتبت 💬نعم تفضل شرايد حضرتك دقايق ودز رساله 💬 اسف ع ازعاج بس اريد اعرف انتي موضفه هذوله الفارغين يعني بربك مسوي صفحه ثانيه وسؤال وسؤال بس علمود تعرف موضفه لو لا اخ ربي الزلم كاعد تنقرض شويه شويه للأسف دزيت رساله واني معصبه 💬 لا خريجة سجون يعني بربك مسوي صفحه ثانيه ع هذا السؤال دزيتها و ذبيت التلفون وكمت افتر بالغرفه ضوجوني حيل انتبهت تلفوني يلمض بمعنى اشعار 💬ههههه حلوه هاي خريجة سجون ممكن نتعرف لا بربك اي حته اشهب من يقره المحادثه طلقه براسي ويطلعك من جوه الكاع ويكول خانتنييي ويه هذا مثل ما خانت اسد وهو ما يصدك استغفرالله 💬 لا اكيد شوفلك وحده موضفه اني خريجة سجون ما افيدك وبعدين اني مزوجه وعدي جهال احسلك روح لا زوجي يدخلك السجن مثل ما دخلني دزيتها وركعتة ببلوك وويه تبلغ هم ابو نتعرف هو ما شوه سمعت الانترنت غيركم انتم هاي النماذج فرت نار وحسيت راسي كام يوجعني نزلت اسوي جاي لكيت الجهال نايمه كلهم ومتغطين هستوني ردت ادخل للمطبخ شفت باب الخارجي مفتوح طلعت عبالي ناسيها لكيت اشهب واكف ويدخن ويشمر برجله بتراب مبين عصبي ع شنو ماعرف تلفونه بيده شويه ودك اول ماافتحه كام يمشي ويحجي خرب مسمعت شي اوو شعليه بي اني يطبه طوب عفته ودخلت سويت جاي وكعدت اشرب واني كاعده دخل هو باوعلي ودار وجهه وطب جوه دحس روحه بين ليث وفراس ونام عفتهم وصعدت فوك حطيت راسي ع المخده وبقيت صافنه ما لازم اضل هيج لازم اعرف القاتل واعرف الياس ليش هيج سوه بيه هاي عود عرضه اني لازم اكول العمو بكر يدوره زين ويجيبه ويعترف بكلشي لان لا اني الي راح ارتاح ولا واحد راح يرتاح غمضت عيوني وغفيت واني افكر بهواي أمور نايمه والكوابيس ما تعوفني بس هلمره الكابوس جان يختلف جنت اركض وراي مريه لابسه عبايه وبوشيه ولازمه مسدس وتركض وراي فزيت مخروعه خايفه ميته عرك وارجع باوعت الساعه ب٩ الصبح كعدت لميت شعري ونزلت اول ما نزلت صار اشهب كدامي عافني ومشه للمطبخ باوعت ع الجهال نصهم نايمين بس قمر ماكو دخلت للمطبخ لكيته كاعده ويه اشهب ويتريكون قمر : مامااا عمو راح يسجلني بمدرسه اهليه اجنننننن كلش حلوه شفت صورها بالموبايل تعاي شوفيها - بعدين حبيبتي كملي اكلج حجيتها ودرت وجهي احمي الجاي سمعت قمر تحجي وياه جان تكوله - حه زد ليه اكم عمو باوعت لها مستغربه قمر منين تعلمتي كردي - عمو علمني حجتها وهي تضحك باوعلي وكال شنو تعرفين كردي عرفتي شكالت باوعتله وهمست شنو شكالولك وماعرف كردي - ممم شكالت لعد حجاها وهو يضحك ويشرب بجايه باوعتله بغضب لو تموت ما اكولها - لا بالله كاتل نفسي عليج هسه اني والله يالله عافني وطلع وهو وهو عصبي شبي هذا مو هو الي جان يريدني اكولها ومفتخر هم فوكاها هو أبو الراهي - ماما صدوك تعرفين شنو كلت العمو كعدت واني اباوع لها أي اعرف لان جنت اكولها - صدوك المن البابا مووو لمعت عيوني وهزيت راسي اي يلا كملي اكلج واني اعلمج ع هواي كلمات - صدوك ماما هييي. سوباس سوباس - هههههه يلا يلا مو تعلمتيلي كلمتين وجايه مكيفه خلصي اكلج يلا طب ليث وهو يفرك بعيونه وكال ليث : ماما قمر شكالت شنو كامت تحجي اجنبي قمر : لااا كردي نننن - اي كلش احجي عربي عدل وبعدين احجي كردي هههه - ماما صحي باليث - باوعتلهم اضحك كافي عيب شنو هاي راح تتعاركون ع الاكل - ماما حبابه ترجمي شكالت قمر - كالت شكرا شكرا - والوحش شكالتله قمر : كتله احبك لان راح ياخذني لمدينة الألعاب - باوعت ع قمر وهمست شوكت - ماعرف بس كال اخذكم بعدين كعدو الجهال تريكو وخلصو واخذهم اشهب كلهم وراحو حته ليث وقمر ع اساس يشوفون جدهم بس صار اليل وهم ماكو وين ضلو هذوله ضل بال ي من الصبح ولحد الان وهم ماكو ردت ادك ع اشهب وبطلت اخر شي دكيت ع اسيل - الو اسيل حبي الجهال يمكم - شنو لا من العصر من أخذهم اشهب وكال ارجعهم الامهم شلون لسه ما اجو هزيت راسي وهمست لا لسه - عزا بعينيي امشي امشي خل اكول العمو علي سدته وعافتي بصدمه يمه جهالي دخيلك ياللهي وين معقوله اشهب يسويلهم شي لاا ضي شجاج شنو شبيج فكري زين معقوله خطفوهم لالا عمو بكر اي اي اتصلت بي واني خايفه ارجف اول مدكيت رد - ها ضيو حبيبتي شكو - عمو اشهب عدك - لاا شيسوي عدي - عمو احجي الصدك فدوه - لج شيسووي عدي شبيج شكوو - عمو اخذ الجهال الصبح وراح الجدهم ولحد الان ماكو خابرت اسيل كالت من العصر أخذهم وراح وهسه الساعه ب٨ باليل -اهدائي ماكو شي هسه جايج اني لا يضل بالج ماكو شي تلكي ماخذهم شو وين سده واني ضليت الوب بعدين اذكرت عمو يريد يجي والباب مقفول شلون خرب بيك اشهب رحت ع الباب كلت بلكت مفتاح بيها شو بس فتحتها انفتحت فتحت عيوني بصدمه شنو ما مقفوله شعجب اشهب ما قافلها اول تالي طلعت مديت راسي ضليت كاعده بالحديقه واللوب شويه وشفت سيارة اشهب من السياج ركضت فتحت الباب واني ممصدكه نزلو الجهال يركضون إلي ااخ يا الله وين جنتو بالي كله يمكم - انتي شمطلعج - وين جنتو ليش هيج متأخرين مأكول هاي ام يضل بالها باوعلي بعصبيه وصاح مالج دخل ويلا طبي حجاها وطب قبلي واني مصدومه اخذت الجهال وطبيت دكيت ع عمو بكر وكتله اجو لا تجي -ها لحد اني وصلت يلا لعد ما دام وصلو سالمين هذا هو - تعال عمو مشتاقتلك - غير مره حبيبتي يلا اروح اني سده واني باوعت ع الجهال اخذت ليث وهمست وين جنتو باوع لفوك وهمس - واحنى بطريق وكفت سياره كدامه نزل عمو يحجي وياهم ماعرف شنو حجو وبعدها اخذونا لمكان خلونا نلعب بالاملاعيب وهم يسولفون لحد ما خلصو وعمو جابنا واجه بس عصبيي - منو هذول تعرفهم - لااا - ماشي حبيبي عشيت الجهال واخذتهم وصعدت فوك لغرفتي وهو بغرفة الجهال قافل الباب عليه اخذت الجهال بحضني وصرت اسوالفلهم قصص اخر شي قمر كعدت - ماما ما كاعد انام بعد وكت غني مثل قبل من جنا ما انام اتغنين النا حبابه حبابه ونغفا اني وليث وبابا صوتج يجن حبابه - اي ماما حبابه غني صفنت عليهم وهزيت راسي لا بعدين -حبابه ماما حجتها وهي مبرطمه الشفايف وتباوع بحزن قمر بيها حاله من تريد شي تباوع بحزن وهن عيونها ملونه و تبرطم شفايفها يطلع منضرها فد شي يجبر الواحد ان يلبيلها كل طلباتها هزيت راسي اي كعدت كدامهم وصرت العب بشعر ليث إلى نايم بحضني وقمر كاعد كدامي وحاطه اديه ع خدودها الكبار وتباوعلي مبتسمه صفنت شنو اغني ماحافضه اغاني بس اكو اغاني حزينه جنت اسمعها كلش احبهن من اضوج اكعد اسمعهم وابجي حته لو كلشي مابيه هههه المهم ابجي صفنت ع الحايط وبديت اغني انا حنيت انا انذليت ارجعلي اتوسل حبيبي بيك انا مشتاااك يكفي فرااااك كل شي بيه يسالني حبيبي عليك عيوني تشتهي تشوووفك واذوب بلمسة جفوووفك حبيبي من البعد صدك انا ملييييت تعال لحضني دفينييي وعوض عمري وسنينييي اموت من الحزن بعدك اذا ماجيت سكتت ومسحت دموعي وباوعت ع ليث جان يباوعولي مبرطم وعيونه مليانات دموع عبالك حس بيه وعرف شنو اقصد بالاغنيه مو طفل عبالك شاب كدامي قمر صاحت - حبابه ماما كملي والله نعست ع صوتجج حبابه ماشي يلا بس هلمره وتنامين - اي اي ابتسمت وعيوني مليانات دموع ورجعت كملت آلاغنيه والعب بشعر ليث وقمر النايمين بحضني من غبت عني وانا صدكني مراية مكسورة وجرح يعكس جرح من ضعت مني كلبي تعبني مااحس اني على قيد الفرح عيوني تشتهي تشوووفك واذوب بلمسة جفوووفك حبيبي من البعد صدك انا ملييييت تعال لحضني دفيني وعوض عمري وسنيني اموت من الحزن بعدكك اذا ماجييييت مسحت دموعي واني اعدل الجهال ونومتهم نايمين وليث دمعة ع خده حبيبي ونايم كسر كلبي من شفته هيج كمت اريد اطفي الضوه ولمحت خيال بالممر طلعت اشوف ماكو احد بس متأكده شفت خيال ضي النعس ماثر عليج نامي باوعت ع غرفة الجهال مسده بابها نفس ما عفتها دخلت للغرفه ونمت مرت الايام اخابر عمو بكر وع مرتين اجانا بس من اشهب موحود اكيد اشهب مانحك بي هواي لان اذا عاندته او سويت شي يضل يهدد بجهال واني ماتحمل واضل الاسن ففضلت السكوت افضل صرت اعرفه من يأخذ الجهال ويطلع يعوف الباب مفتوح وما يقفلها ومن الجهال موجودين لا يقفل الباب ويروح بمعنى يحبسنا هنا ساره ادك عليها ماكو يدك اول شي وبعدين يطلع مغلق شنو السبب ماعرف عفتها وكلت اسئل اسيل عليها واعرف سالفتها شنو مرت الايام ومابقى غير يومين ع دورة سنة أسد نفسيتي هالايام تعبانه وحتى الجهال من احاجيهم كوه واذا سوو شي اعصب عليهم وع اتفهه الأشياء اجت ببالي فكره وكلت من تخلص دورة سنة أسد اخذ عمو علي واروح لبيتي بلكت عسى ولعلى الكه شي بأوراق أسد وقضاياه ليلة دورة سنة أسد اجه اشهب وصاله يومين ما يجي حتى الجهال ما ياخذهم لجدهم و شكد حا ولت اعرف منو الي التقى بيهم ذاك اليوم ويه الجهال مكدرت وسولفت العمو بكر كال اشوف اذا كدرت اعرف منو ومن كتله ع سالفه المحادثات اتخبل وكال اطلعه اطلعه لو جوه الكاع نعتب ع الغريب وطلع ابن خالتج اضرب منه اني اله دخل اشهب عصبي كعد يدخن قمر كعدت بصفه أخذها بحضنه وضلو يسولفون شويه وكام يضحك سبحان مقلب الأحوال إلى قلب حاله بسرعه هسه جان مخنزر وكالب الخلقه كعدت اسوي اكل طب هو باوعلي وكال - باجر من الصبح حضري روحج اخذج للبيت هزيت راسي بدون مااحجي كلمه ماحس غير عاط - مو وياج انييي من احجي وياج جاوبي لا تعطيني اذن الخرسه درت وجهي عليه ومنا اني نفسيتي زفت ومنا ما اتحمله اصلا باوعتله وهمست شتريد هااا هزيتلك راسي بمعنى اي بعد شكو لو اله اكولك حاضر حظرة الإمبراطور تامر شي ثاني هيج تريد ماحس غير كمشني من شعري وصاح - ضييي مالي خلكج ترا روحي طالعه وواصله الخشمي اذا تردين روحج ابتعدي ولا تحتكين بيه والي أريده سوي دفعته من صدره واني اباوعله هاي اكثر من مره تمد ايدك عليه وتصيح وتكول لا تحتكين بيه هو منو الي محتك اني لو انت شو متعرف تحجي انت عبال بعدني ممكمله كلمته ماحس غير براشدي حسيت اذاني صوفرت وغوشت عيوني كعدت بالكاع صافنه شفته طلع بره ورجع عليه جرني من شعري ومشه - اخ اخ هد شعري وخر عنييي يااا وخرر حيوان وخر جرني من شعري وصعد لفوك اباوع خايفه لا الجهال يشوفون المنضر بس هو خبيث طلع شافهم بره واجه جرني دخلني لغرفتي وسد الباب وصاح وين تلفونجججج نزيت واني خايفه همست شنووو شتريد منه - وين تلفونجججج داكولج شوفي ماردت اسويها سالفه وردت اتأكد بس انت عميتي ع روحي جيبي التلفون اطيهيا واني واثقه من نفسي ما عدي شي كلشي مابي ماعرف شسوه كعد ع الجربايه وحط اديه ع راسه اني ماسحه كل المحادثات الي احاجيها ويه عمو بكر وحته هذا الي اسمه امير مسحت المحادثه وركعته ببلوك بس يبقه الخوف خوف من شوف انسان عصبي هايج فاقد عقله كلياا كدامك شنو راح نتصرف اكيد راح تخاف لان تحس الكدامك انسان مريض مجنون مو صاحي ماكو دقايق ووكف عيونه حمر اتقرب عليه وشمره وصاح - بت الكلبببب منو هذا هااا يعني ما كفاج ان خنتي أسد وانتي ع ذمته جايه هسه تتمعشكين وانتي ع ذمتييي حجاها وشمر التلفون عليه طفرت واني احس الشياطين تتطافر كدامي - شتحجي انت خيانة شنو تمعشك شنوو شبيك ترا وصلت حدهااااا ماحسيت غير ع راشدي وكعت بالكاع بصف الفون انتبهت داخل ع الأشخاص المطيتهم حظر ومطلع حسابه غمضت عيوني وباوعتله - اني ما خنت احد وعمري مااخون مو اني الآخون فاهم جريت التلفون وصحت شنو دليلك هلمره هااا شنو دليلك اني خنتتت فتح تلفونه واطانيا وهو كعد ع الجربايه ويعصر براسه أخذته. اني صافنه الحجي الي حجته اني وياه هذا الحقير أمير مدري شسمه من سئل كله مسويله فوتشوب وحجي يلعب النفس غمضت عيوني واني احمد الله ان المحادثه كلها مصورتها ودازتها العمو بكر علمود يعرفه منو - المحادثه فتوشوب وهسه اثبتلك كلامي دكيت ع عمو بكر واني دموعي تنزل وامسحها اول ما كال الوو همست عمو دزلي صور المحادثه الي دزيتلكياها علمود تعرف صاحب الصفحه منو -خير ضي صاير شي - بعدين عمو دزها هسه سديته واني اباوعله بكره وهو صافن عليه شويه واجن الصور ع الواتساب فتحت واطيتهيا هاك شوف الصور الحقيقيه اشهب مو كلشي اشوفه اصدك اتأكد ياله تحكم ع الناس هذا انت المحامي هيج شخليت الناس الي ماتعرف حجيتها ووكفت ردت اطلع صاح اوكفي درت وجهي عليه ودموعي بعيني تقرب حك حنجه وحاجبه الأيمن باوعلي وهمس - مرة الثانيه اي شخص غريب يراسلج تجيبي اليي ماتحجين كلمه وحده اعتقد شفتي شصار لو ما طاكتلهن سكرينات وموديتهن العمج جان محد خلصج مني - وأنت لهدرجه هاي ع سكتت ردت اكول عربأنه يدفعوك بأقل كلمه بس سكتت وكلت استر ع روحي لان مخبل هزيت راسي وهمست اي طلبات ثانيه -انجبي حجيت هيج علمود متتكرر بعد لان الي دايسو هيج شاطر ويريد يخليني اضل شاك بيج اخر كلمتين حجاها رأسا وسكت ومشه فتح الباب قبل لا يطلع همس بصوت ناصي اسف عافني ونزل واني واكفه شنو يعني اضل شاك بيج مافهمت شنو يدور ببالك يااشهب كلساع رئي شكل وكلساع تتصرف شكل وهسه تعتذر مني اني بقيت بصدمه من تصرفاته المتناقضه المامعروفه شنو تفسيرها كمت عدلت شعري اخ يوجعني الله يكسر ايدك ان شاءالله عدلت شعري ونزلت ابتسمت للجهال وباوعتلهم اجت قمر برطمه شبيج - عمر راح ومقبل اروح وياه - وشعدج رايحه وياه قمر امعدي وسكتي لا تخليني اعصب عليج حجيتها ومشيت للمطبخ خابرني عمو بكر يسئل شكو سولفتله كلشي - هذا ششايف نفسه ويمد ايده عليج شنو يعني عقد عليج هذهو صرتي مكفخه اله - واحد مريض - عوفي باجر اني احجي وياه من تجي للعشه - راح تجي - اكيد قابل اعرفج وحدج - فدوه العمرك عمو احلا عم والله سديته منه وضليت صافنه الجهال نامو واني كاعده حاطه صورة أسد ودموعي تنزل خلص أسد لهنا وبس ضعف سكت ت سنه ينننه كامله مر ع وفاتك ولحد الان كاتلك يفتر برفاهيه وعايش احسن عيشه بس بهنا وبس ما بقه شي واطلع من هذا المكان واعرف منو القتلك لازم اروح البغداد واروح لبيتي ماكو غير حل حته اعرف كلشي اسد سكتت سنه وتحملت بس لهنا وبس ضليت كاعده ودموعي ما نشفت ولا حته غمضت ما شفت النوم شنو لحد ما طلعت الشمس صارت بسبعه صعدت لبست ثوب أسد شديد شعري ذيل حصان ولبست حجاب اسود وكعدت الجهال لبستهم ملابسهم وأخذت لهم ملابس هم شويه وسمعت الباب انفتح القفل عرفته اجه نزلت قمر تركض واخذ اخدت ليث والجنه ونزلت وعيوني منفوخه منا ما نايمه ومنا الليله كله ابجي يعني صايرات دعبله باوعلي وصفن وباوع ع قمر وكال يلا للسياره انتبهت عليه عيونه حمر وكانما هو هم مانام ماهتميت اله مشيت و ركبت بسياره اول ما وصلنا وباوعت ع البيت جبير حيل جان لازم اتعيش بي يا أسد مو تخليني احضر دورة سنتك بي دخلت ودموعي بعيني حسيت ع اسيل وهي تمكش ايدي شكبتها وصرت ابجي بحضنها دخلت لجوه وصرت ابجي ماعرف النسوان منين كامن يجن ولا اعرف منو قمر كاعده يمي وليث ويه يوسف وإبراهيم وفراس بره للعصر واجت المله جان أقسى يوم مر عليه خاصه لان ما حضرة فاتحته بقيت كاعده ومجرد دموع تنزل مني والنسوان تباوعلي بستغرب من هدوئي اي جنت هادئه بس دموع تنزل مني حته اني استغربت من نفسي بس من سمعت المله وهي تنعى وصوت النسوان إلى مااعرفهن حتى منو يبجن حسيت بشي غريب مسحت دموعي وحلفت يمين ان هاي أقر مره ابجي بيها كدام احد وحلفت يمين ان راح اطلع الحقيقه شكد ما طولت واعرف القاتل منو لو اعرف ادفع هذا حياتي مرت الساعات وخلصت المله ام اشهب واسيل ما قصرن خطيه اشوفهن يروحن ويرجعن ع النسوان عبالك هن اهل الميت للأسف جانن اكو نسوان من كرايب عمر ابو أسد من بعيد جايات وضلن يسمعني كلام وكلمة خريجة سجون ما نزلت من حلكهن نص احسهن شافقات عليه ونص احسهن مشمتات ونص مقهورات ونص بس يريد يحجن جايات غمضت عيوني بتعب واني اسمع كلماتهن إلى تكول خطيه والي تكول شلون تمثل والي تكول صدك لو كالو يكتل الكتيب الكتيل ويمشي بجنازته ونص يكولن بعدها صغيره وشافت الضيم ووو كلام ما يخلص ابد ماتحملت اسمع اكثر ردت اكوم وانتبهت ع خالة أسد أسد ماعده احد غير خالته وبعيده عايشه بجنوب وماخذه غريب اشرلتلي كعدت بصفها واخذتني بحضنها وتحجي وياي - افيششش ياريحة الغالي شلونج يمه شلونهم جهال المرحوم - الحمدالله خاله يبوسون ايدج - شبيهم عيونج يمه راح يطكن كولي يالله مو زين هيج كومي كومي ناميلج شويه النسوان راحت بلكت يستراحن عيونج شويه - لا خاله ما يحتاج -كومي لج وسمعي الكلمه يلا قموره يمي لا يضل بالج هزيت راسي الها وكمت ردت اروح لغرفة قمر وروزه صارت حنان كدامي تعلج واطك بعلجها جنها وحده استغفر الله وشايله صينية المي صدك تخبلت ماتحملت من شفتها هيج كمشتها من ايدها وجريتها للغرفه مال ام اشهب - انت شنووو ماعدج مستحه لج ع الاقل استحي من النسوان كاعده تتعالجين واطكين بي كدام الرايح والراد صدك إلى استحو ماتووو ع الاقل لخاطر ابو الأسد احتراما اله احترمي دورة سنة ابنه لج انتي شنووو - وخري وخري وانتي شكو شنو لا بس ضجتي يمه هههه إلى اعرفه ماعدج احساس ابدد هههه ادور عليه مجرمه ترا اخاف منج شويه رجائا خل اروح بعدني عروس صغيره ماريد اموت ع ايدج - تدرين شنو حجيتها واني أتقدم الها دالكر اسويها صدك واكتلج واصير مجرمه من صدك بلكت اخلص من شرج حنان ديري بالج تندكين بيه - شسوين يمه بابا انتي محددد يكلبج اصلاا روحي شوفيلج احد يكعدج عده مو ضاله بالفندق واهلج متبرين منج اي اكيد يخافون منج بتهم مجرمه وخريجة شجون شيتوقعون منها - ابتسمت وباوعتلها منو كال كاعده بفندق هاا منو كال اهلي اتبرو مني ممم منو كال كل هذا الي كاله يجذب عليج لان يدري بيج قشمر اول شي ردت اكولها عايشه ببيت اشترا اشهب بس بطلت خفت لا تروح تكول الاشهب وهذا عباله كاعد افتخر بي لو شو شنو باوعت اكو ماعون فواكهه يم جرباية ام اشهب وبي سجينه جربتها وهمست شنو رئيج اجربها بيج واشوفها حاده لو لا لأن المعزين لسه بره وعيب منهم خاف تطلع عميه ومو حاده شفتها خافت ورجعت لوره - اتخبلتي اكيد وخريها عنيي - خفتي لالا ميصير هيج لاز بعدنا كاعد احجي وطب اشهب فتح عيونه وصاح - هاي شنووو حنان بس شافته طفرت وراه وهي اصيح همزين اجيت حبيبي هاي تخبلت واجتها الحاله تريد تكتلني شوف السيجينه بيدها باوعلي مستغرب وباوع الحنان وهز براسه - طلعي كلشي مابيج اصحى مني طلعت تركض َهو باوعلي وهز راسه وهمس بصوت ناصي - هلمره قرارج جان بمحله واختيار صح بس لو متأخر شويه اني هز راسه واخذ مدري شنو من الخانه وطلع ابتسمت مستغربه من كلامه يريد اكتل مرته والله هذا الإنسان اكص ايدي اذا صاحي عفته وطلعت لغرفة قمر وروز اتمدتت ع الجربايه وصفنت واني اذكر زواجي من أسد وسوالفنا غفيت واني الدمعه بعيني فزيت ع صوت الكدوره باوع ت الساعه ب٦ العصر كما حطيت شالي ع راسي وطلعت اول ما طلعت شفت اشهب وكرم واكفين بباب المكتب مال اشهب ماعرف شنو يحجون بعدها كرم طلع شي واطاه الاشهب واشهب ضمه بجيبه هذول الاثنين ما يتجمعون بس من يكون الشغله تخصني شفت أكرم طلع واشهب دخل للمكتب مشيت واني اريد اعرف هلمره شنو الدليل إلى عليه جايبي فتحت باب المكتب ودخلت اول ما دخلت اشهب رأسا ضم شي جوه الميز وصاح - شسوين هنا تخبلتيييي امشي طلعي الزلم رايحه جايه شلون احيتي اصلاااا وشلون ادخلين للمكتب هيج - كيفييي لان الموضوع يخصني ادخل أكرم شطاك هاا احجي شطاك اكيد اطاك دليل عليه مو اذا ما طلع هذا واحد حقير ما اسمه ضي كل البله من عده احجي - شبيج تخبلتيييي اطاني عنوان وامشي طلعي بره حسابج بعدين - لا بالله خوفتني شتريد اسوي هااا ترا متخوفين وتحجي شطاك ذاك العار - ضييي احجي عدل ولا تخليني اعصب هسه - احجي وخلي اطلع - احجي مو بسيطه إكليها لعد تقدم وهو جان لابسه بنطرون اسود وقميص اسود وستره سودا فتح الدكمه مال الستاره متعرف ليش من شفته هيج وهو يتقدم صارت صوره سلام وامجد كدامي رجعت لوره وااني اصيح - لالالالا لا تتقرب وخروووو - اشششش سممممم فضحتنا بت ال شبيجج اريد اشوفج إلى اطانيا العار ع كولتج شبيج باوعتله بخوف ودموعي تنزل كعدت بالكاع اتنفس حيل وهو صافن عليه ما انسه منضرهم وهم يردون يعتدون عليه ثنه رجله ركبه ونص وكعد كدامي صافن همس بصوت ناصي شبيج ششفتيني بعبع هزيت راسي وهمست صارت صورة سلام وامجد ك بعدني دتحجي وكف وصاح فهمتتت شمر الورقه كدامي وكال باجر يجيج خبر وعافني وطلع قبل لا يطلع باوغلي وهمس خليج هنا لحد ما ادز اسيل عليج واطلعج لان الزلم هنا حجتها وطلع بقيت صافنه باوعت ع الورقه شلتها بيها عناوين وأرقام تلفونات ماعرف شنو شمرتها واني صافنه بقيت كاعده اتفنس ودموعي تنزل خايفه خايفه حيل باوعت ع المكتب وكفت وكلت بنفسي هذه فرصه بديت افتح واكلي بالاوراق اريد بس شي شي واحد عن أسد خطي ولو صغير بس ماكو كلها قضايا وأشياء ماعرف شنو حَنص ساعه وحسيت الباب انفتحت شلت راسي اسيل تنفست براحه - خوفتني عبالي اشهب - ليش مو هو عافج هنا - اي بس - امشي خل نطلع يمعوده الممر الخارجي مليان زلم لا نترزل بعدين تعاي اشهب شلون هلاج وحدج بالمكتب لج هو وبي ميخلي احد يدخله انتي شلون خلاج بي وحدج هيجج لالا كاعد انصدم بيكم -باوعتله ودت وجهي بيا حال اني وهاي تحجي هيج صار العشه واكو نسوان كرايب اشهب وخالة أسد وبعد وحده كرايب ابو أسد من بعيد ضلن ع العشه جنت كاعده وامشط شعر قمر إلي مهوس باوعت لي خالت أسد وحجت - ها يمه نمتيلج شويه - اي خاله نمت شويه - الحمدالله سكتت ورجعت كرايب ابو أسد حجت وهي تباوعلي - اممم وين عايشه انتي لا تكولين هنااا حجتها وهي فاتحه عيونها ابتسمت وهزيت راسي - لااا يم ويه عمو بكر بشقه هنا - مممم هزت رأسها ما عاجبها عفتها وباوعت ع قمر - قمر مو اطلعين بره عيب كعدي بالغرفه والعبي - او ماما الجهال كله تلعب بره بس اني - منو يلعب بره روزه وين - روزه ويه خاله اسيل لان عمو اشهب ميقبل تطلع - اي لعد لا اطلعين لان عمو اشهب ميقبل يلا بنيتي لو ترحين الغرفه لو يم روزه - تعاي وياي يم روزه وخاله اسيل - ماشي اخذتها وطلعت يم اسيل بكيتها بالمطبخ كاعده وروزه يمها باوعتله كامشه تلفونها وتضحك - ضحكينا وياج حجيتها واني رافعه حواجبي - ماكو شي بعدين لج شنو هاي عيونج عبالك ضاربيج بوكس ههههه - دانجبي لج بوكس شنو بعدين صدك اخرج ممقصر البارحه اطاني راشدي صوفر اذاني وخوش عيوني - لا بروح ابوج صدك يمه اخوي يخوف حجتها وهي خايفه ضحكت عليها وكتبها شبيج انتي من يمج خفتي - ها لالا ماكو شي - خبال اي والله صدك اسيل ليث وين - يم اشهب لا تخافين عليه أخذهم اربعتهم وراح يم الزلم اسيل : وره ما دزيت الرساله ضليت كاعده فرحانه احس روحي فراشه وطايره من الفرح شويه ودك تلفوني رساله بس فتحتها بكيتها منه داز 💬 يعني هذهو ان شاءالله هلا بيكم اعتبرها اي سكتت ما ديت رجع دز 💬 السكوت علامة الرضا مو اسولتي يمه عزا هذا شبساع اخذ دزيته واني اضحك عليه 💬 شبساع صوت اسولتك استقر شويه 💬 ههههههه اسولتي ومريتي وأم جهالي وعمر هم بعد عفته وشديت التلفون واني فرحانه ثاني يوم داومت بالجامعه وطيبه بس تسئل شبيج اضحكين وحدج ولج لا بس عاشكه هزيت راسي واني مبتسمه - منو عليج الله كولي اويليييي ماصدك اسيل واخيررررا عشكت ياااا عالم اسيل واخيرا حبت وراح ترتبط هلهوله - سممممم و مرض اي والله فضحتني الله يفضحج شبيج - منو هذا ها يا خاينه احجي من وراي -لج شنو من وراج يأبه الولد البارحه اعترف وكال بعد كم يوم ادز اهلي اه اها - خايبه اسيله هذا مستعجل رأسا راح يدز الوالده ههههههه منو هذا ابن الحلال الي امه داعيه عليه اقصد داعيتله وانرزق بيج - انجبي لج وين يحصل وحده مثلي جم ال وأخلاق وأدب وهادئه وعيون ملونه وضعيفه و - دخيلج كافي كافي كلهم اتفق وياج بس هادئه لا رجائا هيج راح نعمين ع الهادئه يعني اذا انتي هادئه إلوكحه شلونها - شقصدج طيبه - ماكو قصد والله انتي ماكو منج وحده وتورط قلبي بحبج ههههه - كومي لج تصنفين بت عبيس ولي يلا - شبيج عبيس ضاغطج لج بت سعاد - انجبي طيبه - ههههه انجبي بس تدرين اذا ازوجتي وشفت خبر ع الفيسبوك لو الانستغرام جنه تضرب حماتها في المزاح وتسبب لها جلطه دماغيه ما استبعدها ابد اتكونين انتي - لج شكالولج عليه بت الاوادم كومي يلا ولي جاسميه - اي جاسميه اخبل قابل مثلج ساجده عبيد - عزااا كومي ولي فضحتني بالكليه الله يفضحج كون عفتها وطلعت واني اضحك عليها وكفت انتضر الخط ولحت سياره حمره واكفه ع مسافه انتبهت بيها نفس الولد الي جان يلحكني قبل فترا ابو عيون خفت وطلعت تلفوني اتصلت باشهب - ألوو اشهب هذا الولد الي يلحكني قبل فترا هسه واكف بباب الجامعه - شنووو ديري بالج اضلين وحدج اسيل ودخلي جوه يم الحارس هسه جايج - ماشي سديته وردت ادخل اوكف يم الحارس جان يمشي هوو كأنما حس خرب ضليت انتضر اشهب لحد ما اجه نزل ع السريع - وينه -راح من شافني اخابر من حجيت هيج باوعلي بهزره وصاح -ثوله والعباس ابو فاضل ثوله - بابا وين عقلج تحجين صدك انتي تختبرين كدامه اكيد شافج من انتبهي عليه وانتي رأسا خابرتني وضليتي تباوعيله وتحجين وياي مو ادري بيج غبيه هزيت راسي واني مدنكه - غبيه امشييي اخذني ورجعنا للبيت وهو يغلط عليه واني صافنه ع روحي صدك غبيه شجاني خابرت كدامه وابا عله واحجي صدك حته لو ما منتبهه خليته ينتبهه رجعت للبيت واتلكاني يوسف - ها عبالي خطفوج وخلصت منج - أنجب لك فال الله ولا فالك - شبيج عمه اني علمودج بلكت اصير قصة حب انتي وياه وتتزوجون مثل الأفلام واخلص منج عنستي ع كلوبنا - لا يا ادبسزز اشهب : لك يوسففف هذا الحجي المن باوعت ع يوسف رأسا فتح عيونه وأركض فد ركضه لغرفة عمو علي وكرشه يروح منا ويجي منا منضره يخرب ضحك باوعلي وصاح هذا عليمن يقصد - اااا ع بنيه بالفلم البارحه شفناها اني وياه - اي مو اني ابراهيم وتضحكين عليه ابراهيم : يعني ابراهيم بكلشي محطوط حته بهاي ليش هيج بابا ليش - ههههه مو انت فقير وراسا اصدك شنو يكول لك فنضرب بيك مثل حبيب ابوك انت ههههه مو مثل يوسف ابو المصايب - ههههه خويه صاير تصبغ هواي - انجبي لج شصبغ شنو احذيه واصبغ يوسف : رحمه الله والديك بويه سويتنا احذيه مو احنه ولدك يعني ولدك بعد تشبهنا بالاحذيه يعني فتحت عيوني عزااا بعينك يوسف باوعت ع اشهب دار وجهه عليه وصاح تعال تعال شكلت اذا زلمه تعال كدامي وكولها لككك اجه يوسف يباوع عليه وع ابراهيم - بويه ترا اني حذاء ونعال وقندره هم بس لا تفهم غلط اني قصدي ع فراس يعني هم مشمول وروزه أشهب : هااا هذا قصدك - اي بويه - امشييي خل اسمعك عايد هذا الكلام اكطع اذاناتك ابن الحلو - ههههه اشهب شنو هاي عبالي راح تكول ابن الك ابن الكيك يعني انت صاير تحجي حجي يخبل اشهب : عليمن اعتب ع ابني اذا اختي السانها فالت ويكولون عليمن طالع يوسف هاك استلم عمته بعد اضرب منه حجاها ومشه وهو يهز بيده واحنه نضحك من زمان ما ضحكنا هيج واشاقينا اشهب تفير حيل خاصه اخر سنتين جان دائما يسولف ويضحك ويانا هيج لهذا اني والجهال متعودين نحجي كلشي كدامه بس هسه تغير ومن ابسط الأمور نخاف منه عفتهم ومشيت بدلت ملابسي وكعدت لكيت رساله من عمر كاتب 💬 الا ليتني طيراً واحلق فوك عشككِ واكحل عيناي بروئيتكِ وأهمس لكِ كم انا مشتاق لعيناكِ الملونتين التي سحرنني عند روئتهن اول مره كيف حالك يا اجمل أمراء في العالم ضحكت ورديت عليه 💬 الحمدالله وانت شلونك بقيت اسولف وياه عرفت هواي أشياء عن عمر مجنت اعرفها ابد سئلته سؤال واني اريد اعرف جوابه - عمر انت ما تتركني ابد حبك الي مو كلام بس موو - شنو هذا الكلام اسيل مو اني الي اضحك ع اعراض العالم وعرض منو صاحبي اذا احب اوفي بوعدي وما اجذب وبعدين انتي صرتي تمشين ويه النفس شلون اكدر بلياج انتي الأوكسجين مالتي اسيل وحق الله وروحه الأسد احبج وراح اثبتلج هذا - واني هم احبك عمر حجيت هيج وسديت التلفون واني الخجل محلتني وكفت كدام المرايه وبقيت اباوع ع شكلي انتبهت ع خدي بسه اكو أثر ما راح مال القلم ابتسمت واني اتلمسه هذا الأثر خله الكل يحبني ههههه نمت وثاني يوم كعدت انجهز لدورة سنة أسد لان راح اصير هنا حضرنا كلشي ونضفنا البيت الي من بغداد لو محافضاتي اجو من اليوم برغم هي باجر متنا تعب من الصبح لسه نشتغل ثاني يوم الناس انكلبت مصورت هيج راح يجون محافضات هم أول ما خلصت قراية النسوان بلش عشه الزلم وهوسه الزلم إلى ما تخلص همزين اشهب جايب طباخين هم طبخو كاعد بالمطبخ وطب اشهب باوعلي وكال - اسيل ضي بالمكتب مالتي روحي جيبها بسرعه مادام الممر مابي زلم - ضي بالمكتب مالتك شسوي - وانتي شكو امشي داكلج يلااا - أعصابك حبيبي اخويه الحلو رايحه حطيت حجابي ع راسي ولبست الصافيه مالتي ومشيت للمكتب واني رايحه صار بكر عم ضي كدامي باوعلي ودنك وهمس - اعتذر خيتي معبالي اكو احد - لالا عادي اصلا اني اجيت علمود اخذ ضي بالمكتب - ضي !! شعدها شكو بيها شي - لالا ماكو شي مابيها شي بس دخلت وانحبست مكدرت تطلع لان زلم - ها لعد فوتي اخذيها واني راح اوكف بالباب ماخلي احد يدخل - شكرا والله ياريت حجيتها وباوعتله جان مدنك ويحجي مشيت وهو رفع راسه صاح اسيل فتحت عيوني هذا منين يعرف اسمي ردت وجهي عليه بستغراب وخوف همس - ديري بالج ع ضي اكيد النسوان راح يسمعنها حجي وتضوج - بعيوني لا أدير بال حجيتها ومشيت يمه احس كلبي راح يطلع هذا منين يعرف اسمي وشلون يحجي ماخاف يجي اشهب ولا كأنما مسيطر دخلت للمكتب اخذت ضي وطلعت بس الصدمه إلى عليه مو طبيعيه اشهب ميخلي احد يدخل للمكتب مالته وهو موجود داخله مو بعد يترك ضي بيه ويروح شنو هاي اخويه تغير وعلي اخذتها وطلعت كعدت بالمطبخ وعمر دز رساله 💬 بس هاليومين وادز امي من بغداد لا بيل مشايه لاعيونج ضحكت ودخلت ضي ضليت اسولف وياها هم صبو العشه ومن خلصو اشهب ما قبل يطببون المواعين تركوهن بالطرمه وكعد هو وعمر و وولد عمامي وولد خالي وبكر عم ضي ويغسلون المواعين انتبهت اشهب وبكر يحجن ماعرف شبيهم بس شكلهم جدي يخوف اباوع عليهم من الجامه مستغربه اخر شي رجعت كعدت بمكاني مرت يومين ولازم اليوم ام عمر تجي النا حضرت نفسي وكلشي وضليت كاعده العب ويه روزه وانتضرهم ضي : بعد ما خلصو عشه كعدو يغسلون المواعين وعمو بكر شاطر بهيج أمور دائما حان يساعدنا من اصير عزايم فدوه الطوله عرفت من اسيل جانو يحجون هو واشهب بس ع شنو ماعرف باليل كلها نامت واني نمت فوك بوحده من الغرف اصير بصف غرفة اسيل مكدرت انام لبست حجابي ونزلت جانو ولد عم اشهب وولد خاله بالاستقبال نايمين طلعت للطرمه الساعه ب٢ باليل برغم صالي يومين مانايمه غير ساعتين بس ما يجيني نوم كل ما غمض عيني يجي طيف أسد كدامي وهو مدد بالاستقبال والدم مليانه وفوك كل هذا كوابيس السجن هم ماتتركني طلعت كعدت وره البيت ودموعي تنزل حسيت اكو احد وره البيت كمت وكفت اباوع منو جان اشهب كاعد يدخن استغربت من شفته رفع راسه وهمس كعدي ليش واكفه كعدت واني العب بالحشيش ساكته همس فد ٣ ايام ونروح نعقد محكمه ووبعدها عمي علي يطي علم للناس هزيت راسي واني العب بالحشيش مادري لا اراديا نزلت دموعي همست واني ارفع راسي للسمه - اطلب طلب منك باوعلي وكال طلبي نشوف شنو طلبج - اريد اروح لبغداد لبيتي - ليش حجاها بستغراب ورافع حاجبه - هيج عدي شغله تاخذني لو اكول العمو علي لو عمو بكر - كلت لااااا ليش تحجين من كيفج بعد باجر الصبح نروح - بعد باجر حجيتها مصدومه - اي باجر عدي شغل ماشي عفته وطبيت جوه كوه ياله نمت كعدت الصبح نزلت الساعه ١٠ كلها كاعده وهوسه وحنان بس تخزر بيه مدري شبيها بس تخاف توصل يمي شويه وطب اشهب باوعلي وصاح - ام ليث تعاي حجاها وطب للصاله بقيت اباوعت بصدمه جان اسيل تنقذ الوضع - روحي عمو علي يريدج انتي واشهب هزيت راسي وم؛ يت يمه همزين حجت هيج اسيل لان حنان اكلتني بعيونها دخلت وكف اشهب شمر صور كدامي وورقه باوعتله مستغربه وهمست - شنو شجايب هلمره ضحك وكال شوفي شفته هادئ اخذت الصور وانصدمت سلام وامجد اريد اشوف شكلهم ماكو كله مختفي من كد الضرب والدم يمكن ما ضال عظم صاحي بيهم باوعتله بصدمه كوه ياله عرفتهم انت شمسوي - باوعي ع الورقه هم باوعت ع الورقه امر فصل فصل تام لسلام وامجد وحته غرامه ورافع شكوى عليهم هم باوعتله مصدومه معقوله هذا اشهب إلى سوه هيج باوعتله مبتسمه -وهسه يلا روحي حظري روحج نروح لبغداد - هسه مو كلت باجر - غيرت رأي وحجزت يلا هزيت راسي ومشيت شفتهم كلهم طلعو إلى باتو البارحه لبست حجابي وأخذت غراضي وخليت قمر وليث يم اسيل وطلعت وكبل للمطار جنت خايفه مالكى شي ويضيع كل امالي بس لا ما استسلم طول الطريق هو ساكت واني هم محجيت شي اول ما وصلنا الغداد ورحنا لللبيت حسيت بغصه بكلبي وكفت بالباب خايفه ادخل سمعت ضحكت اشهب المستفزه درت وجهي وقويت نفسي ودخلت صارت عيني ع باب الاستقبال نزلت دموعي ماتحملت عفته ودخل كبل للبيت ودموعي تنزل كوه اجر النفس اختنكت اتنفست بصعوبه كلش فتحت المكتب ودخلت كعدت بي وصرت اشهك من البجي وكوه اجر الهوه ماتحملت اشوف هذا المكان الي دمر حياتي كافي ضي كومي قوي نفسج كافي ضعف كمت ابحوش بغراض اسد وباوراقه اريد بس شي ولو خيط امل ياربي واني اكلب بالاوراق لمحت قضية ملف باسم ساره حسين عباس......... يتبع  ،،،،،،،وللحكاية بقيةة،،،،،، قرائة ممتعه أحبتي طبعا البارحه اعتذر لان مكدرت انزل ونشرت تنبيه ع المنصه مالتي يعني الي متابعيني يطلع عده لهذا ليش هواي سائل ع البارت نشر ت واعتذرت منكم واكرر اعتذاري لان والله نالحكت وهذا بارت طويل كلش تعويض وصلوو نفس ذاك البارت ٧٠٠ تصويت و٥٠٠ تعليق لا اصير طماعه وازيد العدد هاا 😂 تصويتاتكم وتوقعاتكم وتعليقاتكم #نور الشمري #نوشه | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
