آخر 10 مشاركات
عيون لا تعرف النوم (1) *مميزة & مكتمله * .. سلسلة مغتربون في الحب (الكاتـب : bambolina - )           »          لقاء الخريف / الكاتبة : طرماء و ثرثارة ، كاملة (الكاتـب : taman - )           »          جدران دافئة (2) .. سلسلة مشاعر صادقة (الكاتـب : كلبهار - )           »          ضلع قاصر *مميزة و مكتملة * (الكاتـب : أنشودة الندى - )           »          الدخيلة ... "مميزة & مكتملة" (الكاتـب : lossil - )           »          309 - نهر الذكريات - مارى ويبرلى - روايات احلامى (الكاتـب : samahss - )           »          دموع بلا خطايا (91) للكاتبة: لين جراهام ....كاملة.. (الكاتـب : *ايمي* - )           »          أنتَ جحيمي (82) للكاتبة المُبدعة: Just Faith *مميزة & مكتملة رابط معدل* (الكاتـب : Andalus - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          كتاب رحلة الساق المعلقة من رأس العش إلى رأس الكوبرى (الكاتـب : ahmad2006771 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree2Likes
إضافة رد
 
LinkBack أدوات الموضوع انواع عرض الموضوع
قديم 07-07-20, 07:53 PM   #21

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




#برائتي_وجبروتك
نور الشمري
#البارت_الثامن_عشر
Noor336

#انا تلك البريئه التي أقسمت انها لن تتنازل عن حقها انا تلك الملقبه بالمجرمه لكن سأمحي هذا اللقب وساضع بدله لقب البريئه لقب المضحيه وساثبتك لك انني عكس ما تظن بي يا ابن أدام انظر وانتظر فذلك الجبروت سينكسر ع ايدي البريئه او المجرمه كما تلقبها انت ..
ضي: صفنت ع الاسم ساره ساره طليقة اشهب بس شنو قصتها وليش عدها قضيه جريت الملف وكعدت ع الكرسي وبديت افتح بالقضيه انتبهت الاسم غير عن اسم ساره باوعت هذا اسم اخوها بس ليش مسجله باسم ساره يالله دخيلك احس راسي راح ينفجر يارب دخيلك فتحت الملف وصرت اكلب بي مستغربه ماعرف شصار بيه هواي اكو حجي بس ما كاعد اسيطر واقرا جسمي كله يرجف وراسي يوجعني
اخر شي هزيت راسي وبديت اقره شويه شويه اريد استوعب جانت جريمة قتل مسويها اخو ساره يمكن نفسها الي كال عنها يوسف بس شنو هي ماعرف انتبهت اكو اسم شخص اسمه مو غريب عليه مار رجعت اقرا وعرفت دفاع عن النفس او مجبورر يعني هيج شي بس شنو صفنت شويه حطيت اديه ع راسي واني صافنه
اذكرت من أسد كالي ع قضيه ع ولد وان هو مجبور يقتل معقوله يكون اخو ساره بس شنو باوعت ع اسم المقتول ولحظات واذكرت نفسه الي كال أسد عليه هو والله هو نفس الشخص الي كال عليه أسد انه انقتل والي قتله كان مجبور ومن سئلته منو ما كال يعني اخو ساره زين ليش قتله جريت الملف ورجعت اقرا واني احس راسي طبل من التفكير
كلشي مكتوب بالملف حتى الادله الجرريمه صارت بعد ما جابري يبيع مخدرات ورافض هددو وهو كايم من هددو كاتله بقيت صافنه رجعت باوعت ع الملف زين انتبهت ساره ما جايبين طاريها ابد زين ليش القضيه باسمها ليش الملف اسمها عليه رجعلت اكلب بالاوراق إلى بالملف ومن بين الأوراق اكو ورقه مهددين بيها اسد اذا ما ترك القضيه يقتلو
لازم اوصل الساره واعرف كلشي منهم هم الي راح يوصلوني لهذوله المجرمين واكيد هم نفسهم إلى جان قاصدهم الياس وهم إلى قتلو اسد اكيد بس شلون اوصل الها ساره صارت المفتاح إلى راح افتح بي الباب الأول للجريمه ومن بعدها لازم افتح بيبان بس اول شي لازم اوصل الساره واعرف منها كلشي
هي الوحيده الي راح تكلي كلشي حطيت راسي ع الميز واني دايخه حسيت الباب انفتح رفعت راسي اشهب باوعلي ودخل باوع ع الأوراق المنثوره ع الميز وع الملفات عقد حاجبه وتقدم كعد ع الكرسي الكدامي وهمس ببرود
- ها بشري لكيتي المجرم ههه
حجاها بستهزاء وكانما متأكد ان ماراح الكه شي وكفت باوعتله مسحت ادموعي وسديت الملف واتقدمت وكفت كدامه وهزيت راسي اي لكيت بس ممكن تتفضل بره اريد ادور براحتي وجودك يزعجني
وكف وعيونه حمر باوعلي وتقدم كمشني من حنجي وعصره حيل وهو يحجي بصوت عالي وهو صاك ع سنونه
- الف مره كلت احجي عدل الف مره كلت لا تندكين بيه بت الكلب يعني اله من اضربج ياله ماتعرفين تمشين عدل اذا ماضربج
دفعته من صدره واني احجي بغضب مو بكيفك امشي اني فاااااهم مو حيوان عدك وتضرب بيه بكيفك احجي عدل وياي وبرائتي راح اطلعها كدامك وكدام الكل واكسر عيونكم وخاصه عينك وجبروتك هذا الي عبالك مدري شنو انت يكول نبي استغفر الله بس مو بشر حالك من حالنا
ردت امشي ماحس غير جرني من شعري من فوك الحجاب وصاح
- لج كلببببه هذا الحجي المن
حجه كلماته وماحس غير براشدي وكعت بالكاع ابتسمت واني اكوم باوعتله وهمست اطلع بره اشهب رجائا اطلع برررره
هز راسه وعافني وطلع اول ما طلع نزلت دموعي هينه يا اشهب بسيطه ما أسمى ضي اذا ماخليتك تندم ع كل هذا وكفت واني امسح بدموعي عدلت حجابي وكمت رجعت حطيت الملف ع صفحه ورجعت اكلب بالباقيات ماكو شي فتحت الجراره الجوه مقفوله
كمت ادور ع المفتاح اذكري ضي اذكري وين المفتاح يحطه أسد اذكري ايييييي اذكرت جريت الملف حطيتيه بالجنطه وركضت طلعت اول ما طلعت صار كدامي كاعد بالصاله باوعلي وهو يدخن بكل برود عفته وصعدت فوك واني لابسه الحنطه خفت اترك الملف جوه ويدخل ويشوفه لان ما أمن بي ولا شويه
صعدت لغرفتنا وكفت بلباب هاي الغرفه ما دخلتها من يوم إلى جان أسد هنا شلون راح ادخل وهو ماكو حسيت ع دمعه تحرك خدودي مسحتها واني اهز براسي كافي ضي كافي بعدين ابجي مو وكت بجي ابد فتحت الباب ودخلت امشي ودموعي تنزل بس قويت نفسي
فتحت الكنتور كلشي ع حطيته ما تغير اي شي ملابسه غراضه وغراضي محد دخل للبيت من بعد الحادثه غير عمو بكر من أخذ الطلقات مسحت دموعي واني اخذ قميصه عطره لسه بي جان قبل لا يبلس القميص يرسه عطر ومن يلبسه يرجع يرش عطر هههه مبذر حيلل بالعطور بأسبوع يخلص شيشه اخذت القميص حطيته بالجنطه وفتحت الجراره إلي بالكنتور بيها قاصه صغيره مصنوعه ويه الكنتور فيكه كلش حلوه صح صغيره بس تفيد كتبت الرمز وفتحتها صارت فلوس ومفاتيح ووبعد اشياء هواي
طلعتهن كلهن وحطيته ع الجربايه اخذت المفاتيح ع صفحه والفلوس حطيتهن بالجنطه وبلشت ادور بالغراض الباقيه بيه حاله ماجنت ادخل بشغل أسد ابد بالعكس هو جان
يسولفلي كلشي لهذا مجنت ادور او اعرف شي لان واثقه منه
انتبهت اكو ورقه شكلها مثل المعقج ومرجع مسفطيها من جديد فتحتها وانصدم ذبيتها ووكفت واني خايفه احس جسمي كله يرجف من شفتها جانت أحرف بس لون احمر والحرف مخربطه بس منضرها يخوف وكانما مكتوبه بدم لعبت نفسي حيييل
خفت خفت كلشش بس اشجعت وكمشتها من طرفها بأطراف اصابعي وهن يرجفن بس قويت نفسي فتحتها واني نفسي كاشه وخايفه بنفس الوقت أحرف مخربطه فوك حرف ثاء و وجوه ياء وبعدها حرف لام وراجعين مكررين حرف الياء وحرف الضاد
صفنت شويه بالحرف وبعدها اتوضحت إلي ضي ليث شمرتها واني راجعه لوره يعني شنو يالله دخيلك يا ربي كعدت بالكاع صافنه ما كاعد استوعب رجعت اخذتها واني صافنه يمكن مرت خمس او عشر دقايق واني صافنه ع الورقه بعدها عرفت اكيد مهددين أسد بينا اكيددد ماكو غير احتمال رجعت صفطتها واني احطها ع صفحه احس روحي بفلم رعب ماكاعد استوعب كل هذا شلون ماحسيت بكل هذا صاير باسد لا اكيد اني بحلم لو بفلم مستحيل كل هذا حقيقه شنو وين عايشين احنى
باوعت الأوراق الباقيه كلها شيكات ماعرف شنو رجعتهم للقاصه وسديتها حطيت الورقه بالجنه ردت اطلع صار ميز المرايه كدامي باوعتله ودموعي تنزل اتقدمت واني اشيل العطور مالته وفرجت الشعر اخذت شيشية عطر وطلعت نزلت من نزلت هو ماكو عفته يطبه طوب للجهنم ان شاءالله ودخلت للمكتب واشوفه كدامي رجعت لوره مخروعه باوعلي ووكف
- هههه بعبع شفتي لا تخافين ماناكل بشر
باوعتله صفح وهمست بنفسي لا كلش ماتاكل بشر حجيت شتريد
- كيفي اريد اشوف شسوين
اتقدمت بصف الميز وهمست
- اشهب اطلع منا
- واذا ما طلعت حجاها وحط اديه ع الميز منا ومنا حصرني بينه وبين الميز ماكدر اطلع باوعتله بغضب وهمست انت
سكتت ماريد اسوي شي مثل مساعه اهدئي ضي اهدئي اخذت نفس وباوعتله دفعته رأسا وخر دنكت وفتحت الجراره كعد بصفي ع الكرسي واني كاعده بالكاع بصفه افتح بالجراره فتحتها واباوع مليان أوراق وملفات
طلعت وصرت اباوع عليهن واشمر بصفي إلى ماريده لحد ما وصلت لملف انتبهت ع اسمه هذا نفس اسم الشخص الي قتله اخو ساره رفعت راسي ع اشهب يدخن ويباوعلي ورجعت دنكت وسويت روحي عادي ماعرف ليش ماردته يعرف حطيت الملف بصف باقي الملفات بس شويه دنيته جوه رجلي ورجعت كملت اتكلب كلها ملفات واسمائها لشخصيات كبار
مهتميت شلت ملف وردت اشمر وراي جان يصيح هو
اوكفي اوكفي اوكفي ويجره مني باوعتله مستغربه فتح الملف وصار يكلب بي باوعتله وهمست شنو منو هذا
باوعلي ورجع دنك وحجه انتي عليمن ادورين
- مالك دخل
- مممم اوكي باوع ع الملف وابتسم ابتسامه خفيفه وطلع ركضت وراه واني اصيح
- اشهبببب شنو هذا الاخذته اريد اعرف رجع عليه وهو مبتسم ابتسامه صفح صغيره تك خد صار قريب وهمس
- اذا جنتي بريئه هذا الملف راح يثبت برائتج ماراح تفهمين بس هااا حته اطفي الفضول مالتج هذا الملف مال قضيه جان مستلمه أسد و حمزه واحد من الي جانو يم أسد بليلة إلي اتقتل بيها أسد ضي هانم
يعني نشوف حمزه أفندي شعده ما عده
باوعتله مصدومه وهمست اطيني الملف أريده
- لالا مو بهذه السهوله اطيج الملف لازم اباوعله اني وبعدين انتي رجعي كملي شغلج يلا الطياره الساعه ٦ العصر يلااا ام ليث
حجاها وهو مبتسم شكد كرهته ياللهي عفته ورجعت للمكتب مالكيت شي او بالأحرى ماعرف وين ادور بس ماكو اي شي المهم عرفت ان ساره راح تكون المفتاح مالتي ولازم اعرفها وين خلصت وطلعت كاعد بالكاع وحاط الملف كدامه والجكاره بحلكه
ويطلع بالاوراق مال القضيه ويشمرهن كدامه وعصبي شال راسه باوعلي ورجع دنك تدرين للأسف الملف مابي شي بس عرفت ان حمزه خاسر قضيه بسبب أسد
باوعتله مستغربه وهمست يعني شنو
- يعني ست ضي باوعلي ووكف وهو ينكث بنطرونه سكت وكال خلصتي
- اي يعني شنو كمل
باوعلي ودنك المستواي ضحك وكال شغله زلم النسوان ما يدخلن بيها يلا كدامي
لم الأوراق وطلع واني ابدي اكتله هنا ومن صدك ارتكب جريمه هلمره واخلص منه زلم هسه اعتبر انت ع الزلم وبعدين احجي بالزلم يا ذكر
طلعت صار الاستقبال كبالي مشيت بتجاهه هو باوعلي مستغرب همس يللا
باوعتله وهزيتله راسي وهمست دقايق
فتحت الباب واني دموعي تنزل دخلت وشهكت واني اشوف المكان حسيت الوكت رجع بيه لذيج الليله من دخلت ولكيته نايم كدامي نزلت دموعي واني اشهك كعدت بالكاع بنفس المكان صرت اتلمسه ودموعي تنزل همست بصوت ناصي
- اسدد وين عفتني بيا غابه يا أسد ماتعرف ضيتك مو كد الحمل ولا كد التعب هذا وفوك كل شي اتهاماتهم ما تخلص ساعه يكولولي اني الي قاتلتك وساعه يكولون اني خاينتك باجر شنو يكولون عني بعد هاا
تدري يا أسد جنت اكول ماتحمل كل هذا ماتحمل احس روحي خلص لهنا وتخلص قواي بس من اجيت اليوم وشفت التهديدات إلي جانت تجيك وتهديدهم بيه وبليث شنو الي عانيت منه يااسد ليش ما شاركتني همومك ليشش خليتني هيج ضايعه بس تدري من هل اللحظه راح ابلش اكشف كلشي انتضر وشوف صح هذني الكم تهديد م
ا يساعدن بشي ولا يثبتن برائتي وخاااااصه كدام اشهب بس هذا امل إلى أن راح الكه ع دليل اكبر
بقيت كاعده حسيته دخل وهو دايره وجهه للجه الثانيه كأنما مايريد يشوف المكان همس يلا اذا خلصت مسرحيتج
ابتسمت ووكفت هزيت راسي اي خلصت ماتريد انت تبلش مسرحيتك باوعلي بغضب وحجه وهو صاك ع سنونه
- ضي لا تلعبين بنار ليش تخليني اسوي شي بيج والله اصكطج لا تخلين الشيطان إلى بداخلي يطلع
-شنو الكلام بس الك يعني اذا انت محامي وعدك السان طويل نسيت اني هم محامية وعدي السان طوويل ادافع عن نفسي بي من امثالك
- ضيييي تردين اوديج للنجف يعني عاجبج ادفنج هناك
-حجاها وهو صاك ع سنونه وعيونه حمر وقريب عليه ابتسمت وهزيتله راسي وهمست اسوي فضل هلكبره اذا صدك دفعته من صدره وطلعت من اليوم راح اشوف ضي ثانيه يا اشهب
طلعت واني حاطه الملفات بالجنطه احمد الله اني جايبه جنطه جبيره شويه ركبت بسياره وحطيت الجنطه بصفي من جهة الباب وكمشتها صعد هو باوعلي وهز راسه شغل السياره و فتح الجكاير باوعتله وهمست
- هذه الجكاره رقم شكد من اجيت لسه اختنكت ممكن اطفيها
باوعلي وجابها وحطها بايده الثانيه الي ع جهتي وصار الدخان كله بوجهه باوعتله ودرت وجههي للجامه يعاند والله يالله مو رجال طفل مخبل
مشه وهو يدخن وكلساع مطلعله جكاره ع عنادي طبعا ماكو ياخذ منها شويه ويخليها مشعوله وبوجهي عناد بس عفته وماحجيت شي
قبل لا نوصل للمطار صف السياره بالكراج وخابر مدري منو كاله تعاي اخذ السياره بعد ما احتاجها وتشكر منه وسده باوعت الساعه اربع ونص بعد وكت اشجعت وكلت اسئل لو بالنجف لو بالهدف
بس خل انتضر نزلنا للصالة الانتضار بالمطار كعد بصفي ويهز برجله باوعتله وهمست اشهب رفع عينه وحاجبه إلى وهو مدنك راسه وهزه بمعنى شنو
- راح اسئلك سؤال بس ما تعصب عليك بداعت أسد لان ناس هنا
- هههه يعني تدرين سؤال يضوجني ليش تحبين تهينين روحج
- اشهببب مو هيج بس اريد جواب ع سؤالي وانت راح تجاوبني عليه
- هههه ومتاكده راح اجاوب
- باوعتله لكيته يباوع بمكر همست والله المكر والخباثه العدك ما موجوده عد احد ما استبعدها
- ههههه اسئلي شنو
- اتفنست وباوعت بالكاع وحجيت ساره وين
شال راسه باوعلي بستغراب وحجه ساره شعليج بيها
- جاوبني ضروري اعرف وين مكانها محتاجتها
- ها شنو تردين تنضمين لحلفها وتتفقن عليه
- لا مو هيج بس اريد اعرف شغله منها
- ماعرف
- واذا كتلك الشغله تتعلق باسد بس حجيت هيج باوعلي بغضب وصاح
- شلووووون يعني شنو و تتعلق باسد ما كاعد افهمم
- ماكدر افهمك اله افهم منها جاوبني ع سؤالي وبعدها اجاوبك من تجاوبني هي
صفنت شويه وهو يهز برجله حيل بتوتر ومبين يذكر رفع راسه وكال
- ماعرف وين بس الاعرفه مسافره ويه اخوها بس من بحث عنهم بالمطارات ع أسمائهم مالكيته فأعتقد بعدهم بالعراق
- يعني تكدر تلكاها
- ايي حاضر طلبات ثانيه مدام مو اني حارس الخلفوج بت الكلب كاعده وتتامر وتتستجوب هم
- شكد تغلط
- والله ماغلط اصلا ماحب الغلط بس وياج لان ادري يستفزج
حجاها وكام للستعلامات وهو مبتسم حقير وحيوان وتاافه ومريض ومخبل ومستفززز
ضليت كاعده وحاضنه جنطتي شويه واجه اشرلي يلا وكفت ومشيت وياه فتشوني وشوفتهم الأغراض الي بجنطتي دخلت وصار اشهب كبالي ينتضرني مشيت وراه وكعدت بمكاني ودرت وجهي باوعلي وكال
- شنو متخافين كعدتي بصف الجامه صح ليش تخافين اصلا اجيتي لوحدج من لبنان للعراق بطياره مو جديده عليج
باوعتله بغضب وهمست ماخاف لان هي طياره شنو راكبه صاروخ مثلا
- لا عبالي دبابه حجاها ودار وجهه ويحشش هم عشتوو بس طارت الطياره غفيت من التعب واني مادري بروحي كعدت ع صوت الموضفه وهي تحجي وياه اشهب ماعرف ع شنو فتحت تك عين شفتها واكفه وتحجي غمضت وردت انام بس ماجاني نوم
كعدت باوعتله وهمست ترا طبقت الشرع وأخذت اربع نسوان بعد هاي وين تحطها
- ههههههههههه لا اكو مكان لان طلقت
- وار ردت اكول أرمل وخفت يمسح الطياره بيه كدام الناس خل اسكت احسلي باوعلي وكال
-شنو غرتي
يممممه شنو اغار عليمن عليك واثق من نفسك ليش خل احبك وبعدين اغار والله يالله
- احجي عدل
- شلون احجي مثلا سئلتني وجاوبتك
استغفر ودار وجهه اول ما حطت الطياره ونزلنا جان عمر واكف بباب المطار باوعلنا وكال
- نورتو أربيل يأبه يحجي ويغمز الاشهب باوعت لهم اشهب خزره ومشه
باوعت لهم مصدومه مشيت واني مافاهمه شي ركبت بسياره وره وعمر يحجي ويه اشهب ماعرف ع شنو بالي مو يمهم اصلا بالي يم الملفات اريد اوصل واقراهن زين واتمعن بيهن وخاصه ملف هذا الي قاتله اخو ساره لازم اعرف كلشي عنه
اول ما وصلنا جانت الدنيا ليل دخلت للبيت وماحس غير ليث وقمر يركضون عليه اخذتهم بحضني واني ابوس بيهم
وكفت سلمت ع عمو عليي وأم اشهب واسيل حنان واكفه بركن تباوعلي صفح وتعلج جنها استغفرالله من هذني الس*** عفتها ومشيت دخلت كعدت بالاستقبال قمر منا وليث منا وعمر علي كاعد كدامي ب
اوع الاسيل وصاحلها
-اسيل بويه صحي للكل خل يجون اريدهم بشغيله باوعت مستغربه لا بس يريد يكول عن الزواج لا يالله مو هسه خل اروح ويحجي اكيد حنان راح تلعب فلك
دخلت ام اشهب واسيل وحنان وفراس ويوسف وإبراهيم وروز كعدو يباوعون ع عمو عليي واشهب كاعد وحاط رجل ع رجل ويشرب جاي ولا كأنما اكو شي حنان كعدت بصفه ماعرف ليش ابتسمت وصار عدي فضل اشوفها شراح اسوي برغم من خوفي من رد فعلها لان مهما يكن تبقى أنثى ومو سهل ان تنزل ضره عليها
باوع عمو علي وهمس
- اريد اليوم اكوللكم شي والكل يسمع وماريد اسمع اعتراض الناس مثل ماشفتو البارحه بس تحجي ع ضي وجودها ويانا والجهال أمانة أسد يمي ويم اشهب ويم ضي يعني منكدر نخليهم عدنا ونحرمهم من امهم ولا نخليهم يم امهم وننحرم منهم وماكو غير حل واحد واني قررت وخلص وأخذت الموافقه من الطرفين
اسيل : وشنو القرار عموو
باوعت ع اسيل الخبيثه تحجي وتبتسم وهي تباوع الحنان عبالك ماتعرف اللوتيه باوعلها اشهب وحجه
- ماكو غير حل واحد وهو باجر أعقد ع ضي محكمه و بعدها
بعده ما مكمل كلامه جان حنان تكوم وتصحيح
- شنوووو شنوووو تعقد شنووو واني هنا شنو صنم لو كرسي محد ياخذ رأيي وبعدين منو يكول اني أوافق تتزوج عليه
اشهب : حناااان زوديتها هواي شنو لا بس انتي الرجال ومادري بيج شوووفي ولج من ازوجتج كتلج كلامي زواجيي منج جان علمود الجهال وامي لان اسيل دراسه وماكو احد يدير باله عليهم وكتلج ماريد اعتراض ع اي شييي كلت لو لااا
- اييي بس مو معناها تتزوج عليه شنو بشنو مقصره وياك لو ويه اهلك هااا انتم كلكم ظالمين وحوبتي راح تطلع بيكممم وما أوافق ع هذا الزواج لو تموتون
اسيل : يمه يمه عبالك انتي الاميره إليزابيث وبعدين خطيييه ما مقصره ابد تكعدين الساعه ب١٢ الضهر هو ريوك وهو غدا وعووود تغسلين ماعين الغدا عود مرات وتغسلين الطارمه ومررررررات تنضفين الفوك من امي تحجي عليج ولج انتي حته اكل الج ما تعبين نفسج واسوي ومن امي تحجي عليج ياله تغسلين ملابسج وملابس رجلج وتكولين ممقصره لج انتي والله ما تستحين
اباوع ع اسيل مبينه جانت محمله عليها وما صدكت وانفجرت وهاي من سمعت هيج روحي ع اسيل تريد تكتلها من يمي خفت من عصبية حنان وشكلها جرها اشهب وضربها راشدي كدام الكل وصاح
- كلبه انتي شنو كدامي وتمدين ايدج ع اختيي وانتي اسيل كااافي احنى ما ناقصين مشاااكل خيطي حلكج لو تلزمين السانج شوفي حنان قسما عضما اذا فتحتي حلكج بكلمه ما تلومين نفسج فاااهمه وبعدين
شنو ما توافقين مو هي بكيفج لو انتي الرجال واني مادري بت الكلب غصبا ما عليج توافقين ورجليج فوك راسج فاااهمه وكلمه ما اسمع منج واذا عدج اعتراض الباب يفوت جمل وذاك المطار وذاك بيت اهلجج
والي عدي كلته باجر أعقد ع ضي محكمه
حجه كلماته ومشه واني مصدومه من القسوه إلي شايلها بكلبه مهما يكن ما لازم هيج يقلل من حنان كدامنا تبقى مرته وعدها كرامه ع الاقل بالغرفه مو هنا شكد ما عده احساس وضمير ولا حتى عده انسانيه ردت امشي الها ماعرف ليش كلبني وجعني عليها دار وجهه هو وباوعلي بخزره كأنما يحذرني اوصل الها وعرف إلي يدور بالي
لاااا اشهب هسه انت تسمع الصوت الناصي اوك امنا بالله بس تقرأ الأفكار هم لاااا هاي ما معقوله لان لو تقره الأفكار جان عرفت المجرم منو بس شلون عرف إلى يدور ببالي باوع ع حنان وصاح
- هااا نسيت اكوللكم هم ترا ضيي مرتي هسه ع سنة الله ورسوله يعني شرعا مرتي وباجر اصير قانونيا
حجاها وطلع واني واكفه بصدمه اباوع الجهال كله تباوع مستغربه بس يوسف يضحك هو واسيل هذول الاثنين فلم والله مو طبيعين ابد
باوعت ع ليث يباوعلي ويدنك كمشت ايده وغمزتله واني اهز براسي اله بمعنى شكو هز راسه وهمس باذني
- خايف عليج ماما خالة حنان وحده شريره
- ههههه وامك تخاف مثلا
- لاا ماما بطله مرت الأسد ما تخاف
- فدوه اروح اني لابني السبع اني ماخاف لان انت موجود يمي كمشت ايديه وردت اطلع جان يوكفني صوت حنان
كامت وهي عيونها حمر وتباوع بغضب تقربت يمي عمو علي باوعلها وصاح حناننن
- عمو. ماسوي شي بس اكول لها كلمتين
وكفت بصفي وحجت بصوت ناصي
- يعني ام السجون وأم الزلم هم كولي من البدايه عينج ع رجلي وكتلتي رجلج بس علمود تاخذين اشهب
- باوعتلها بصدمه وصحت انتي شنووو هاا صح نسيت الناس كلمن يرى بعين طبعه يعني انتي شوفين الناس مثل طبعج موو
ماعرف شنو من جرئه اجتني وقوه حجيت هيج كدامها قبل شويه مقهوره عليها وردت اواسيها وهسه اجرحها بكلامي باوعت لي وضحكت
- لعد يااا مجرمتنا اقصد بريئتنا انتي الي عميتي ع نفسج إكليها شوفي حنان شراح اسوي بحياتج اذا ما خليتج اتندمين ع الساعه الي وافقتي بيها تتزوجين رجلي ما اسمه حنان اني وياج وهذا البيت يشهد هييينه
حجته كلماته ومشته وهي الغضب مليانه تهديده وهي عيونها بيهن جرح وكسر اليوم انجرح كلب أنثى وانكسرت بسببج يا ضي بس تهديدها جان يخوف باوعت ع اسيل غمزتلي بمعنى مالج دخل بيها عفتها وط
لعت صار اشهب كبالي راد يصعد صحت
- اشهب اخذني للبيت
باوعلي وحط اديه بجيبه نزل وصار كدامي
- بيت يا بيت
- البيت الي صالي ٣ اسابيع عايشه بي
- اممم بيتي ماشي حظري روحج اجيب سويجي واجي
ماعدي شي حجيتها واني اباوعله صفح
- اعميهن الج بت الكلب باوعي عدللل
من كال بت الكلب اذكرت من كال ماحب الغلط بس اغلط عليج واستفزج بي باوعتله وكلت صدك مو ع اساس ما تحب الغلط شو مساعه غلطت ع حنان شنو هم تحب تستفزها
- لااا بس الفضل يرجع الج ما شاءالله يعني خليتيها بالساني ويه كل كلمه لازم اكولها
حجاها ومشه ضحكت عليه ودرت وجهي والله مو صاحي باوعلتي اسيل وهي تضحك
- شبيج ولج اضحكين
- عمر ع اساس يجي اليوم يخطبني بس خابر وكال ماكدر لان انتضر اشهب بالمطار ع باجر اجيبهم خاييييفه كلش
- باوعتله بصدمه شنو شنوو ولج خطوبه شنو راح تتزوجين واني مادري يا حقيره ع هدكه
- لج والله ع السريع صار يعني ما صاللنا كم اسبوع سوه وهو راسا كال اخطبج
- مممم سريع الاشتعال ههههه جنه صاحبه أسد هيج جان كل ما أنجح من مرحله جان يكول ها اجي اخطبج ههههه
حجيتها وسكتت ودموعي بعيني راسا ضحكت وكتلها اي هسه اذا باجر اجيت الكم مكياجج عليه
- لج اليوم اني كعدت جهزت نفسي وكاعده انتضر وتالي ما اجه ههههه انضربت بوري
- لا صدك جان بالمطار ينتضرنا هسه يلا اروح اني عفتها وطلعت اخذت الجهال وجنطتي وطلعت وكفت يم السياره طلع هو باوعلي وركب
رجعنا للبيت نزلو الجهال واني ردت انزل وماحس غير كمش ايدي باوعتله بخوف وصحت
- شداسوي
- اشوف ايدج شسوي يعني مثلا اوكفج حته احجي وياج باجر ب٧ اني هنا الكاج جاهزه حته نروح المحكمه
- والجهال
- اجيب اسيل يمهم لو عمي علي يلا
- ردت انزل بس باوعتله وهمست لا تعصب ع حنان ترا حقها
- حقهااا !!! اي حق بابا نزلي نزلي لا اطلع حركت حنان بيج حقها كالت والله يالله
عافني ومشه من نزلت درب السد ميرد ابو صماغ دخلت فتحت الباب استغربت من اطاني المفاتيح والجهال وياي شنو ما يخاف ههه والله يا اشهب انت تحير
دخلت باوعت ع الجهال الساعه ب١١ بليل
- يللا الغرفه بساع
ليث : اوو ماما حبابه خل اتفرج ع الفلم
- لاا باجر من يعيدو شوفه يلا حبيبي
صعد هو وقمر واني صعدت حطيت جنطتي ع الجربايه و سبحت و بدلت ملابسي و طلعت فتحت الجنطه طلعت قميص أسد اوفيشششش
هذه الريحه هي مصدر قوتي من اليوم حطيت شيشة العطر ع الميز والقميص تركته ع الجربايه وفتحت الملفات فتحت ملف هذا المقتول وبديت اقرا أسد ممخلي شي ما كاتبه كل صغيره وجبيره يكول محقق مو محامي فدوه الك شكد ذكي
بديت اقرا واني مصدومه عن المعلومات الي بي كله قتل وسلب وخطف يعني شخص مجرم يشتغل عد ناس عدهم سلطه جبيره بقيت مصدومه اخو ساره شمورطه ويه هيج ناس بس لو اعرف شنو الربط بينهم وبين أسد ليش هلكد حاقدين عليه ويهددوو وهذا اخو ساره ابو الانه ما قتلوو يقتلون أسد احس اكو شي غامض
دكيت ع عمو بكر رد بس صوته تعبان عبالي نايم
- عموو اسفه ع ازعاجك خاف نايم بس لازم اشوفك شي
- لا عادي اصلا ما نايم كاعد كولي شكو
- لعد شبي صوتك
- ماكو احجي شبيج
- مااحجي اذا ماتكوللي شبيك
- ماكو والله بس مشاكل
-مممم ويه حبيبت الكلب
- منو غيرها يعني كولي حبيبي شعدج
- اي صح نسيت شوف اليوم رحت لبيتي ودورت بالمكتب مال أسد مادور زين لان اشهب جان فوك راسي بس لكيت كم شغله لازم تعرفهن
- شنو هن
- سولفتله ع الملف مال اخو ساره ومسجل باسم ساره وع المقتول وع التهديدات وع كل شي
- معقوله يعني يكونون هم وره هذا الشي
- ماعرف بس اشهب لكه ملف وجان بي ان حمزه واحد من هذول الاربعه خاسر قضيه وبسبب أسد شلون مادري بس هذا العرفته
- هنا الحجي يعني حمزه القاتل
- لا عمو لا نتهم رأسا أسد عده هواي أعداء ومن ضمنهم هذا المقتول اضن ان الي يشتغل عدهم عبالهم أسد يفضحهم
- صح واخو ساره هم
- لا اخو ساره أسد جان يساعده بس هم مفتاحي هسه لازم اوصل الهم واعرف كلشي منهم
- اي طيني العنوان ونروحلهم
- هههه عموو لو موجودين ما خابرتك جان رحتلها رأسا ماموجوده مختفيه بس من سئلت اشهب كال ماعرف بس من سائل عارف ما طالعه خارج العراق بس لازم نتأكد
- اي عوفيها عليه اني اعرف شلون ادبرها المهم انتبهي ع هذني زين وضميهن بمكان زين لحد ما اجي اخذهن منج لان اذا شافهم اشهب مانعرف اذا يصدكنا لو
- اصلا هسه يكول متفقه وياهم اني هههه
- والله لا تستبعدين هذا عنه هههه هسه يلا حبيبتي تردين شي
- لا حبيبي سلامتك سديته وصفنت يالله ساعدني وخلي عمو بكر يلكى ساره بأسرع وقت ضميتهن كلهن بالكنتور جوه الملابس واتمدتت ع الجربايه احس اليوم جان متعب حيييل
كلش تعبت وكانما بفلم اجبني عايشه غمضت عيوني واني احضن قميص أسد وقتت التلفون الساعه ٦ ونمت فزيت ع صوت الاذان والكوابيس استغفر الله ربي
كمت توضيت وكعدت اصلي صفنت جنت ما أدير بال لصلاتي وحته من افز بنص الليل ما اصليها اله من
اكعد الصبح ويه الضهر ومرات اصليها ومرات لا وحتى مرات اصلي المغرب وماصلي الضهر ومرات العكس يعني جنت متقطعه بصلاتي حيل برغم أسد جان دائما يوصيني بيها بس لو انساها لو يكون عدي شغل التهي بي ماعرفت أهمية الصلاه اله من دخلت السجن وشفت عقاب رب العالمين إلى
اي هذا جان عقاب حته أسير ع الطريق الصحيح خلصت صلاه وكمت ضليت كاعده اقرا قرآن صايره مانام هواي وبرغم من هذا ما انعس هم باوعت ع الساعه حيل الساعه ٦ وربع صالي هواي كاعده اقرا قرآن
كمت سويت ريوك تريكت صح مااشتهي بس مضطره حتى ما تلعب نفسي صعدت لبست قميص اسود طويل يوصل للركبه وبنطرون اسود شويه عريض وفوكاهن مثل الصايه كصيره تجي أطول من القميص لفيت حجابي وعدلت نفسي باوعت ع الجهال نايمين عفتهم ونزلت اول ما نزلت اندكت الباب
حسيت احساس حلوو ههه اول مره تندك الباب واني وحدي محد موجود وافتحها براحتي مشيت فتحت الباب اشهب واسيل سلمت ع اسيل هو باوعلي وكال يلا اذا مخلصه
- اي ... اسيل حبيبتي الجهال نايمين اني حظرت ريوكهم ع الميز اذا كعدو يتركون وديري بالج عليهم واذا سوو شي رزلي و ضربي مطيتج الضوه الأخضر
اشهب : اي مو هي بكيفج وتضربن والله يا اسيل اذا سمعت ماده ايدج عليهم اعلكها بركبتج وتدرين باخوج يسويها
باوعلي وصاح والكلام الج هم موجهه يلا كدامي
باوعتله مصدومه كلش عود هسه انت خايف عليهم عشتو مو عود ما تضربهم جذاااب جذاااب والله انت اكبر جذاااب يا اشهب ركبت بسياره كاعد اعدل بجنطتي ماحس غير أنطبكت باب السياره حيل طبكها الهوه وهي مفتوحه ركب وهو يخزر
- بت الكلب السياره شعليها اذا معصبه عصبي عليه مو ع السياره
- ضحكت وضميت ضحكتي ممم كمشتك يا اشهب افدني من ايدك التوجعك يعني اهم شي السياره عدك ههههه اي خوش لعد مشه وطلعنا المحكمه هنا يختلف كلشي باربيل بس هو دبر كلشي لان تعين هنا نقل نفسه
جان يمشي وكل الي يشوفه يسلم عليهم وهو يصيح لا تباوعين من اشوفين احد وياي دنكي ووخري باوعتله صفح وهزيت راسي
- ليش يعني شنو تغار
حجيتها بمكر مثل ما يحب يستفزني اني هم استفزه ضحك وكال
- لا بس سمعتي بالمحكمه أريدها ماريد يكولون مرت اشهب الصغيره تباوع للزلممم
- من كال هيج حسيت سجينه و دخلها ببطني حقيرر عفته ومشيت كل ماريد استفزه يستفزني هو أكثر لو ببروده لو برده الحقير مثلله
ضي صايره تصرفين حقير هواي اصلا حقير قليله عليه وخطيه اشبهه الحقير بي
كعدت وضليت اهز برجلي وهو جهز كلشي سوينا التحاليل وراسا طلعهم لان عده عرف ماتاخرنا خلصهن واجه وكال يلا
- دخلت من شفت المكان رجع فكري لوره مرتين وكفت وره هذا القفص وحاكمموني مرتين شفت بيهن أقسى شعور ممكن يعيشه الواحد من انت برئي ومحد يصدكك ماعرف ليش حسيت جسمي كله يرجف خفت ادخل حسيت ع كلماته القريبه مني وهو يهمس
- اذكرتي ههه ان شاءالله من اثبت خيانتج وكذبج وجرمج انتي وابن خالتج ارجعج واوكفج بنفس هذا المكان
باوعتله وهمست انت شنو من بشر ها ماعندك كلب حرام الدسوي يقشمرون عليك بكلمتين واصدك
- هههه فوتي نرجع للبيت ونتحاسب فوتي
دخلت وهو الغضب مبين عليه ابتسمت حسيت بنصر من شفته غضبان مثل ما ضوجني قبل شويه دخلت وبلش القاضي سلم وكام يحجي سئلني وجاوبت سئل ع المقدم والمؤخر جاوبه اشهب ١٠ بـ ١٠ باوعتله وهمست ٥ بـ ٥ باوعلنا القاضي وكال شنو هسه
اشهب : سيدي ١٠ بـ ١٠
حجاها وهو صاك ع سنونه سكتت وماحجيت شي خلص وقبل لا يخلص باوع ع أشهب وسئله مرتك عدها علم
- اي عدها وموافقه وهذا الورقه كدامك
هز راسه القاضي خلص واطانه الورقه طلعت واني احس بغصه بداخلي خلص صرت مسجله باسم انسان غيرك يا أسد سامحني يا حبيبي سامحني
طلعت ودموعي تنزل رجعت للبيت اول ما وكف السياره همس
- لمي غراضج وغراض الجهال ويلا
باوعتله وهمست شنو
- شنو شنوو يلا تجين ويانا عمي علي اليوم يطي علم للناس يلاا فضيهاا
- ليش مستعجلين خل
- ضيييي فضيها كدامج ساعه الكاج هنا كدامج مخلصه كلشيي يلااا
سكتت ونزلت صارت اسيل كدامي باوعلي وكالت
- اوف لج اليوم العصر يجون يلا حبابه استعجلي
- اسيل اسكتي لا اطلع حركة اخوج بيج
نزلو الجهال باوعلي ليث وكال ماما وين جنتي
- هنا عمري رحت بشغله واجيت يلا لم غراضك وهسه اجي اساعدك
- ليش وين نريد نروح
- مممم نروح لبيت عمو علي هناك نعيش
قمر : حتى انتي ماما
- حتى اني
- هييييي
اسيل : يمعودين يلااا
اسيل راح اركعج بالجنطه وحق محمد انجبي وانلصمي مو فوك اخوج انتي
- سكتت سكتت بس تدرين اذا تاخرت لو طلعت كدامهم بهذا شكلي وراحت ام عمر تلطم لعمر شسوي بيج اشمرج من فوك الجربايه
قمر: هههه خاله اذا شمرتي امي من فوك الجربايه كلشي ما يصير بيها ههههه
جانو يحجون واني ألم بالغرض والملابس كعدت اسيل بصفي وكالت
- صدك ضيو امي كالت
- شنو حجتها وسكتت باوعت لها شكو شكالت
- شوفي مو ازعلين بس امي بعد من اهل قبل وتعرفين
- لا عمري ما ازعل كولي خوفتيني
-لا ان شاءالله
ماكو شي بس شوفي هو امي كالت خل تنزع الاسود لان هسه هي عروس واذا اجت الناس شرا
- اسييل خاله ام اشهب ع راسي وعيني بس رجائا لا تدخلون بهذه الأمور هذه خاصه بيه وما انزع الاسود لحد ما اقتنع اني
- بس الاسود لا يقدم ولا يأخر ولا ير
- ولا يرجعه اعرف هذا الكلام زين بس اسفه ماراح انرعه ووصلي هذا الكلام الخاله هذه الأمور لا تتدخل بيها
عفتها وطلعت الغرفتي ألم غراضي اخذت كلشي والملفات دحستهن بالجنطه جوه والقميص والعطر وكل غراضي ماخليت شي طلعت وأخذت غراض الجهال واسيل ساكته طلعت باوعت عليه من شافني اجه اخذ الجنطه حطهن بالسياره واخذ قمر
- اوووبااا شلونج حبيبت عمو
- زينه انت شلونك
- اني اني زين اذا انتي زينه يروح عمج
- سوباس ههه
كرص خدها وركبها بسياره اخذت ايد ليث وركبت اني وياه وره ركبت اسيل كدام وهو اتأكد من البيت وقفله و ركب رجعنا للبيت اول ما دخلت صارت حنان كدامي جانت شايله طشت بي مي بعدني بل الباب الخارجي وشمري الطشت علينا جان مليان مي وزاهي باوعت وصاحت
- يااااا عروستنا مادري بيج جنت اريد اغسل الطرمه فوتي فوتي
- حناااان شهلتصرفات اني شكلتلج البارحه باليل بالغرفه
- حبيبي مو قصدي بس
- حنانننن كدامي للغرفه بسااااع
عافتنا ودخلت باوعت ع الجهال وهمست ديرو بالكم لا تزحلكون
كمشتهم ومشيت ع كيف دخلت لجوه صارت ام اشهب كبالي
- هلا يمه هلا باوعت لي ودارت وجهه وكالت
- اسيل اني مو وصيتج تكولين لمرت اخوج تنزع الاسود
-خاله كالت بس اني رفضت هذا شي خاص بيه رجائا لا تتدخلين من اريد انزعه اني
- ايييي وتراددين هم والله خووش والله يا وليدي ولا ارتاحيت بالمره ولا وحده بيها خير
حجتها وطبت باوعت ع اسيل تضحك وتغمزلي بمعنى انسى مالج دخل دخل هو باوع وكال ها خيرررر هم حنان
قمر : لا عمو هذه بيبي
- قمررر لغرفتج يلا ماما
حاضر ركضت واني باوعت ع ليث بمعنى لغرفتك هو هم راح باوعت عليه وهمست ماكو شي سوالف نسووان الزلم مالها دخل بيها
حجيتها ومشيت سمعت ضحكته هو واسيل عفته وصعدت للعصر جنت كاعده اصفط ملابسي بغرفتي جانت بالممر الثاني مو بنفس الممر إلى بيها غرفة حنان بعد احسن جانت جبيره وحلوه وجاهزه بس ماحبيتها ماحب شي أسد مابيه
كعدت اصفط بغراضي ودخلت اسيل
- لججج لجج ضي فدوه ملابسي شلونها مكياجي خو مابي شي هااا حلوه طالعه مو الأثر إلى بخدي ممبين كلش مووو شعري شعري حلوو
- ههههه شبيج ع كيفج مكياج يخبل وهادئ وملابس حلوه وبسيطه ومباركه وشعرج حلوو كلشي حلو بس اهدئي
بعدين خاله ام اشهب تعرف
- لالا شتعرف يمعوده تردين اجلطيني
- لعد اذا نزلتي هيج مو أشك
- ماانزل راح تنزلين انتي ومن يجون هم اصعدين وع اساس تكليلي اجهز نفسي وانزل
- يمه يمه من عقلج مو عقل شيطااااااان
- ع اخوي طالعه غير يا حبيبتي يا مرت اخووي
- امشييي ولي مرت اخوج
- ههههههه
كاعد احجي وياها وندك الجرص باوعت لي وكال نزلي نزلي حبابه نزلييي
اي اي فهمت بس ع كيفج عفتها ونزلت لكيت نسوان ثنين وبنيه شابه دخلن للاستقبال اتلكتهن خاله ام اشهب دخلت شويه واجتلي روحي صيحي هذه اسيلووو النسوان جايه عليها خل تعدل الكفشه والخلقه وتنزل ع السريع وانتي جهزي فد شي ينوكل وينشرب يلا بنيتي
ابتسمتلها ومشيت واني اهز براسي واكول لها تدللين
حسيت روحي صدك جنه وحماية اني ما جربت هذا الشعور بس هسه جربته ابتسمت ومشيت كلت الاسيل انتضري ربع ساعه ونزلي
نزلت حظرت كلشي الست مسويه كيك ومحضره كلشي حاسبه حسابها سويتهن ودخلت هن ابتسمن جان وحده تسئلها منو هذه الحلوه
ام اشهب : هذه جنتي الصغيره مرت اشهب
- يااا لا بس مرت أسد
- اي هي
- يا خوش سويتو حته ما يتربون الجهال بين هذا وذاك واشهب مثل أخيه لاسد
- غمضت عيوني وكوه سيطرت ع الصينية ماتوكع من ايدي خلصت وطلعت اركض للمطبخ دموعي بعيني لكيت روزه وقمر كاعدات يلعبن مسحت دموعي وحجيت
- شداسون هنا ليش متلعبن بغرفتجن
-خاله ضجنا بالغرفه ورحنا للولد يلعبون كلاش ومايقبلون يلعبون ويانا
- اوف من هل الكلاش هاي ما نخلص منها عفتهن وكعدت ع الميز شفت اسيل نزلت وضلت تحوص تستحي تدخل كوه دخلت واني اضحك عليها اذكر من خطبني اسد كلساع اريد ادخل وامي تكمش بيه واصيح فضحتينا يا معزايه خلي عدج مستحه شويه
شهل خفة الدم العدج ولج عليمن طالعه واني بس اضحك اريد بس ادخل واكحل عيني بي صفنت واني مبتسمه ماحسيت غير ع طك أصابع كدامي باوعتله اشهب
- ها وين صافنه
جر كرسي كعد كدامي وباوعلي شنو تخططين شلون تقتليني تردين
- اي دافكر باي طريقه اقتلك واخلص منك
- ما انصحج بسلاح لان غبيه راح تعوفين بصماتج عليه وتنلكفين رأسا
- اي ولا اني انصحك تندك بيه لان راح اطلع وجههي الثاني وصدك هلمره من صدك اقتلك
- اوك نشوف
- ههه انت الي بديت
- اييي اريد اشوف ثقتج هاي لوين وتخلص
- ما تخلص
- اي نشوف
حجه هيج وكام صعد فوك درت وجهي واني ضايجه شلون يعني ما اخلص من خباله ك
اعده وشفت تلفوني اشتعل رساله من عمو بكر
اسيل : بيومها جنت كاعده وانتضر اهل عمر بس دك تلفوني رساله منه ركضت فتحتها واني الفرح مليان كلبي انتبهت ع الكتابه
💬 اسوله حب اسف مراح اكدر اجيب اهلي اليوم لأن اخيج يريد يجي ويريدني اتلكاه بالمطار هو ومريته الجديده يعني تدرين يريد صاحبه يباركله ويركصله وعد باجر هم يمج لو اعرف مو اخوج جدج من كبره يطلع هم اجيبهم واوفي بوعدي
ضحكت ع كلامه وكمت نزعت ثوبي وشديت شعري ومسحت مكياجي وكعدت لليل واجو اشهب وضي كعدو بالاستقبال وصاحلهم عمو علي عرفته يريد يعلن زواج ضي واشهب باوعت ع حنان واني اضحك
من خلص كلام عمو واشهب كال كلماته شفت الشرار يطاير من عيون حنان وتريد تاكلني من كلت كلامي الها صدك جنت محمله عليها هلكد وما صدكت انفتحت بوجهه وهي تخبلت من شافتني هيج وعبالك حيوان مفترس
بس والله اخوي شفه غليلي بيها كلماته اجت بالكصه بوووم ههههههه طارت جبهة حنان بليل من أخذهم اشهب نزلت حنان اصيح وتهد ع امي وتحجي
باوعتله واني واكفه
- هيووو شو انتي مدري شلونج احترمي من تحجين ع امي فاهمه لا تخليني احجي الاشهب وتعرفين شسوي
- كله من وراج انتي يا ادبسزز انتي الي خليتهم يزوجون ادري بيج تردين تحركين كلبي
ان اشهب : لج حنانوو صعدي فوك وجفي الشيطان ابو أسد هنا عيب صوتج ييلعلع كدامه امشييي
- هييينه اذا ما خليتكم كلكم تتوسلون بيه والله بسيطه وهاي شي حبيبت كلبكم ام السجون والزلم المجرمه خريجة سجون اذا ما كشفت وجهها كدامكم
بسيطه
- ديلا يلا بيج خير روحي عدلي شكلج وضبطي وبعدين تعاي كشفي وجوه الناس والله يالله حجيت هيج وهاي اجت ملخت شعري تملخ دفعتها واني اصيح والعباس ابو فاااضل يا حنان اذا ما هديتي شعري اكول الاشهب عليج واخلي يطلكج والله
هدتني وهي تباوعلي بغضب عافتني وصعدت وامي استلمنتي
- انت شنو هذا السانج شوكت تتلزمي لج عيبب لج عوفي العيب هاي وحده شيطانه يايمه جفى شرها وعوفيها تنبح تنبح وتتعب وتصعد
- تدللين يروحي انتي بس لا تشيلين هم يلا اروح انام باي
عفتها وصع ت الغرفتي لكيت عمر داز رساله شعر و ياها اعتذار رديت عليه
💬 عادي ماصار شي لا تعتذر هذهو سامحتك ههه
💬 هو ناقص ما تسامحيني غير هسه أشعل اشهب وعشيرته
💬 ياا ههههه ولك هذا اخويه لا تحجي عليه
💬 ولك بعينججج اسيل صح اني سبورتي بس لا تتجاوزين
💬 مااجاوزت بس كلت ولك
💬 اي لا تكوليها بالله تكوليها الاشهب
💬 لا يمه غير يعلكني بالمروحه
💬 اي لعد اني هم ما اريد اسمعها
💬 اوك اوك تدلل
💬اسيل
💬هاا
💬 احبج
استحيت وحسيت خدودي صارن حمر بقيت اسولف وياه الليل كله ثاني يوم رحت لبيت اشهب يم ليث وقمر وهم راحو عقدو واني ضليت افتر بالبيت صاير بي روح جان مهجور ويخوف وما يخلي احد يدخله اشهب بس هسه ماعرف شغير رأيي والله اكص ايدي اذا ما طلع اشهب عده شي ويه ضي،
كعدو الجهال وريكتهم ولعبت وياهم بعدها اجو من المحكمه ومبينين متعاركين وضي كلساع عايطه بيه ههههه همست بيني وبين نفسي بعد كل عداوه حب اشوفكم بعدين واحد يعشق الثاني واها هذا البيت يشهد ع كلامي
طلعنا رجعنا واني اضحك عليهم يكول جهال اول ما وصلنا تلكتنا الطفله حنان و بطشت الماي صارت نادره ام حلك ام الوصخ وتريد تغسل الطارمه
دخلنا وامي أسلمت ضي اوو امي من تريد تختبر جنه عدها خرب والله يا يمه ابد ما تبطلين سوالفج
للعصر جهزت نفسي وكعدت انتضرهم واحس كلبي راح يطلع من مكانه ممصدكه واخيرا راح يتحقق حلمي وازوج واحد احبه ويحبني من اجو ونزلت جنت لابسه ثوب يوصل حد الركبه وجوه كالون شفاف شلت شعري ذيل حصان وطلعت خصل منا ومنا وحطيت مكياج خفيف وشويه اكسسوارات بسيطه
دخلت وهن كامن سلمن ويباوعلي من فوك لجوه عبالك سونر واني ميته خجل وجهي صار طماطه لا يا طماطه معجون مال طماطه احمررر دم جني دم الغزال هن يحجن واني اعصر بديه بخوف وتوتر وخجل إلى عرفته جايات امه وعمته واخته بقيت كاعده شويه وكمت طلعت اهفي بنفسي وميته حر وخجل
يمكن ربع ساعه وطلعو طبت امي تحمد بيهم جايين يخطبوج كبرتي وكثرة خطابتج ههههه باوعت لي وكالت يجي اخوج ونكوله يخابر عمامه وخواله واخواتج الباقين ونشوف الرد
هزيت راسي وضي كالت
- خاله اشهب اجه وفوك
باوعتله اضحك غمزتلها جان تخزرني ضحكت وعفتها جنها رجلها بس تخزر عابت عفتها وصعدت فوك بدلت ملابس واني ميته خوف خايفه ومستحيه بنفس الوقت من اشهب والباقين لليل واني بغرفتي ما اطلع من الخوف لحد ما لليل واسمع صوت صياح طلعت اشوف شكو صعدت حنان تضحك باوعت لي وكالت
- ماعرف ع شنو كاتلين روحهم عليج ع حورج هسه اشو خدج مشووه والجسم جنه سلبوح والله صدك لو كالو حظ الزركه كاعد
مافهمت قصدها شنو باوعت من فوك ماشوف شي صار يوسف كدامي صحلتله لك يوووسف تعال شكووو باوعلي وكال يا عمه ما تدرين مو صرتي الاميره ديانا وكامو يتعاركون عليج هههه......يتبع

،،،،،، وللحكاية بقية،،،،،
قرائه ممتعه





فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 09-07-20, 06:05 AM   #22

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#برائتي_وجبروتك
بقلمي #نور الشمري
#البارت_التاسع_عشر

من هسه اكلكم البارت مليان سحك نشرته بدون تصحيح علمود تقرونه قبل لا تنامون ❤️ 😂
Noor336

# قليل من الحب والكلمه الطيبه تصنع لنا عالم باكمله من الخيال الوردي فكيف اذا كان هذا القليل بالكثير كيف لو صنعت لي ذالك العالم الوردي الخيالي حقيقه؟ لكن كل ذلك لا ينجح فانت ذات القلب الاسود الذي لا يتغير ذات الكره الذي لن يتحول إلى حب وذات الكلمه السيئه التي لن تتحول إلى كلمه طبيه انت ذاته الشخص الذي ظلمني وعذبني فكيف ستكون حياتي وانت من هدمت حياتي ؟؟
اسيل: باوعت ع يوسف بستفهام وجاوبته شنو شنو خطابه شنو هل الحجي هذا لك منو جوه
- عمتي عمو أكرم جوه وبابا رزله ويريد يطرده وهذا مجلب يكول اسيل إلي ما تطوها وبابا يكله مو بكيفك اختي واطيها اللي يعجبني وتعاركوو وخري خل ارجع اسمع واشوف شكو
عافني ونزل واني مصدومه أكرم يريدني لااا يا الله هذا شبي تخبل شنو بايعه نفسي واخذ أكرم والله اكتل روحي وما خذ هذا العار ركضت لبست حجابي ونزلت باوعت ضي مجتفه اديه ع صدرها وواكف بصف الدرج وصافنه نزلت واني الوح بيدي كدامهاا
- شكوو ضي شصاير
- خاله مو فاتحت اشهب بالموضوع وكالتله عمر صاحبك داز اهله يخطبون اسيل كال اي اعرف حاجاني وكالي
اهلي يردون يجون يخطبون محروستك لان امي شافتها بدورة سنة أسد وكلش حبتها واني ما الكه مثلكم واخذ منكم فكتلها روحي وهسه اني جاي اطيك علم وابيللك السالفه
اشهب كايل العمر تكبع وتأخذ وين الكه مثلك اني اخو وصديق وسند ماعدي غيرك من بعد أسد حته اخوتي ما أمن بيهم بكد ما أمن بيك فاتفقو خاله ام اشهب واشهب يخابرون عمامج ويطوهم علم وهذا المسودن من عرف اجه ومتخبل يكول
اسيل أريدها من زمان و منتضرها تخلص دراسه واخذها واني ابن عمها وأولى بيها اشهب تعارك وياه وكله مو غصب هي ليش ما حجيت من البدايه اني الولد اطيته كلمه وما أثنى كلمتي وبعدين لو تبقى اخر واحد مااطيك اختي وكلمه من هذا وكلمه من ذاك كبت العيطه
- عزا بعيني وهسه شنوو الله ياخذني راح يروح اخوي من وراي يربي هذا عصبي وأكرم خبيث كلشي
يسوي بس علمود ياخذني هذا الي يريده ياخذه وما يوكف بوجهه شي
- ماعرف ادخل عمو علي واخذهم للاستقبال وكلهم ما يصير الحجي هيج وامج بالغرفه ادك وتلطم واتقبل اطبلها
- يبوو خل اروح اشوفها رحت اركض واني خايفه لا اشهب يطيني لهذا العار والله اموت نفسي وما أخذه هذا النسونجي العركجي ابو المصايب والمشاكفتحت باب غرفتي لكيت امي كاعده وتبجي ركضت بحضنها وهي كامت تبجي اكثر واصيح
- يبوو يا اسيله هذا حظج تاليتج الإكرام يبووو ياللهي
- يممممه شتحجين لو اموت ما أخذه شنو شناقصني واخذ أكرم
ضليت كاعده يم امي وامي كلساع تحجي حجايه تخليني افور نار وأريد اطلع اتعارك ويه هذا أكرم بس اكعد اصبر بروحي اخر شي ماتحملت امي كاعده وتحجي عبالك اذب بنزين عليه واني نار صايره عفتها وكمت
طلعت كعدت بالمطبخ واكل بضافيري واهز برجليه كلساع اريد اروح صوب الاستقبال وضي متخليني واكفه يم الدرج حارس عبالك يا ويلي اذا عبرت الدرج ضليت كاعده احوس اريد اعرف شصار شو هدووء ياللهي اهدئي اهدئي اسيل اخوج ما يطيج كافي اهدئي طلعت مديت راسي ضي ماكو ركضت فد ركضه هستوني اريد افوت للممر جان ماحس غير ايد كمشتني من شعري اخ اخ
- شكلت اني هااا مو كلت بعد ما تتصنتين لج مو جهال اكوو يرحون يتعلمون منج امشي كدامي امشيي ياخبر اليوم بفلوس بكره بلاشش امشي
باوعت ع ضي تحجي واجر بيه باوعتلهن بغضب وهمست
- ضيي نتي جنج رجلج والله واحد أخبث من الثاني تتراهمونرااخ شعري هدى شعري ولج
- اذا عدتي هذا الكلمه اكطعه الشعر فاهمه
- حاضر حاضر عابت ايدها والجر جنها رجلها ايده والراشدي
عفتها ومشيت واني ادردم عليها وهي تضحك رجعت لمكاني كعدت بالمطبخ واني ضايجه كلشش شفت يوسف بالحديقه ركضت عليه مديت راسي من باب المطبخ وصحت عليه لك يوسفف يوسف يوووسف
- ها ها والله اسمع بس ضاربج بوري اقصد اريد اسمع اسمي بصوتج الحلو كولي يا احلا عمه
- أنجب وتعال فوت جربته وطببته للمطبخ وباوعتله احجيي شصاار شسمعت
باوعلي وحك راسه اول شي اريد فصل مال الجره شنو اني تايه الج واجرين بيه ما اسمحلج وها اريد عشر الاف الفصل مال الحره ثاني شي اريد تعويض لان كطعتي عليه التصنت وما سمعت شي وهم عليه ١٠ آلاف وثالث شي ار
- اشششش ولا كلمه شايفني بنك الخلفوك تحجي وغصبا ما عليك لا اكول الابوك يوسف يصنت عليكم وتعرف شراح يسوي بيك
- عمه قلبج قااااسي ماحبج بعدين كوليله اكيد راح يسئلني منين متعلم هاي العاده وتعرفين جوابي شنو مو عمتوو
حجاها وهو يلمض بعيونه ردت اركعه براشدي اكلب عيونه الحقير يستفزني ويهددني باوعتلهن وكلت احجييي شتريد اطيك بس احجييي
- لالا سلم واستلم عمتووو وها ترا حمره ٢٥ الف جيبي الحمره وهسه اسولفلج الأول والتالي
- لا يااا ادبسزز بسيطه بطول النعال وكاعد يساوم ويأخذ فلوس بعدك ه
لكدك اذا كبرت شلون
- يا عمه غير عايشين بالعراق العظيم وماكو داعي اكلج العراق العظيم شنو بي ويلا يلا فضيها اريد اروح
- فوووك بالجنطه مالتييي موجوده أخذها بس احجي
- والله يا عمه ماعرف منين ابدي بس مقهور عليج هوووواي لان هذه تاليتج
انخطف لوني وباوعتله بخوف وحجيت شنو ليش شصار ر احجي قبلوو راح يطوني لهذا الجلب
- مادري بس خلص كاعد يقنع ببابا وبابا كأنما اقنتع وراح يوافق عليه بس
- شنووووووو شنو يوافق عليه ولك شتحجي انت والله اكتل روحي والله وخر وخر خل اروح اني احجي وياهم هذوله مو مال عين واغاتي
- تعااااي لج عمه هههههههههه جذب والله وروح امي جذب تعاي
باوعتلهه بخزره واني النار صاعده براسي اني بيا حال وهذا كاعد يحجي هيج وياي ويشاقى عبالك وكت شقى ضجت كلششش باوعتله هينه يوسف هينه خل يطلعون واني الك احجييي حجيتها بعصبيه لان صدك عصبت وضجت اني بياحال هو من شافني هيج خاف وحجه
- هو ضل يحجي ع أن يحبج من جنتو صغار ويريدج وهو ابن عمج وأولى بيج من الغريب بس بابا رافض كاله مطي كلمه للولد وما أتراجع عن كلمتي علمودك وتعرف اني ما يهمني اي شي ومن الاخير اكولها الك انت مو كدها حته اطيك اختي وعمو اكرم راد يتعارك وياه بس جدو علي وكف بنص وهداهم وهسه كاعدين يلكون حل يرضون عمو أكرم بدون ما يطوج اله
تنفست براحه واني خايفه باوعتله وصحت برررره وفلوس ماكو
- لا بالله
احجي هيج وأركض فد ركضه لفوك مالي خلك الحكه واتعارك وياه عفته شويه ونزل ويلعب بال٢٥ وكلساع وطاكها كدامي لو يمشيها ع وجهه ويضوجني بيها واني ما مهتمه اله خرب بي مو طفل ابد
لليل كلشش ياله راح طلعت وكفت يم غرفة امي وسويت روحي عادي اباوع حنان نزلت من الدرج اطكطك بشحاطتها وعلجها وضي واكفه يم الدرج طلع عمو علي واشهب اباوع عليهم ماكو ولا واحد حجه
كعدو ع القنفات وصاح عمو علي
- وحده منجن تطيني كلاص مي متت عطش وهذا نشف ريكي ومايرضى يقتنع
اشهب : عوفه عمي دواه يمي ينبح مثل الجلب ويسكت مالكم دخل بي ولا كأنما اجه وشفتو وها اسيل تعاي يمي
باوعت ع ضي إلى جابت مي لعمو علي واني خايفه تقدمت كعدت بصفه ماعرف شيريد بس خفت منه جان عصبي من طب وعيونه حمر و مارات وجهه مبينه بس هسه لا شويه هدئ وشكله شويه تحسن باوعت عليه واني اعصر بصابيعي واكل بشفايفي بخوف باوعلي وضحك
-لج شبيج عبالك حاط حبل المشنقه بحضني ترجفين ترا والله ماكو شي بيدي هاج شوفي
باوعتلهه وهمست
- ما يحتاج شي بيدك حته تخوف بس جف ايدك كافي حته يرعبنا يخوي
- هههههههه هيج جف ايدي صكار هسه عوفي جف ايدي وعوفي ابن عمج العار وكوليلي امي كلتلج ع صاحبي عمر داز اهله يخطبج واني اتكفله الج ما تلكين احسن منه صدكيني اذا متردي ما اجبرج بس والله ما يتع
- لا خويه صفنت ع روحي يمه هاي اني شريد اسوي يمه باوعتله يباوعلي مستغرب من رد فعلي دنكت واني اغلط ع روحي الله ياخذج اسيل للسودان هناك اشرفلج عابت الج عابت باوعتلهه وهمست ااا اقصد يعني الي تشوفه سوي ما اكول شي فوك كلمتك واعرف انت ماتريد الشين إلي
حجيت هيج ودنكت باوعلي وضحك وكال ها نكول يالله يعني
دنكت خجلانه وهزيت راسي وعفتها وركضت ضي واكفه جان تغمزلي وتكلي
- هااا يا لوتيه مأكول شي فوك كلمتك ام سوالف مستعجله ههههه
عفتها وصعدت واني ميته خجل احس وجههي احمر يمه الله لا يخلي بنيه بهيج موقف مثل موقفي من تريد تجفصين كدام اخوج اوف ربي احس براحه مو طبيعيه شمرت روحي ع الجربايه واني طايره من الفرح باوعت ع التلفون ناسيته فوك ٦ مكالمات من عمر جريته ودزيتله رساله
💬 جنت جوه اشهب رادني علمود اطي موافقتي حجيتها ودزيتله سمايل قرد غاط وجهه
هو رأسا شافها ودز رساله
💬 اروح فدوه للقرد الخجلان اقصد للمريتي شنو جوابج
💬؛ قصدك اني قرد وبعدين كتله افكر واردلك خبر خل ادانش روحي اول
💬 اسييييل شنو ادانشين روحج لعد شنو احنه جهال اني شمتفق وياج مو كتلج أريد موافقتج ياله ادز اهلي
💬 شبيك هههه اشاقه وياك كتله مأكول شي فوك كلمتك إلي شوفه انت سوي
💬 العب لا هاي هي لعد يلا باي خيتي
💬 هاي شنو عمررر
💬 هههه مو وياج ويه حبيبتي السابقه اريد اكطع علاقتي بيها حته ابديها وياج من جديد
💬 عمررر دزيتها واني مبرطمه شنو عدك حبيبه
💬 اي بس ماقبلت اسوي علاقه اله اخطبها
ضحكت عرفته يقصدني
💬 تمام لعد من تعقد عليها راسلها يلا باي
💬 هاها يمعوده وين بعد وكت خليج
💬 شتريد ما تستحي ماعندك خوات زوجه ام وتزحف ع بنات العالم
💬 اي عدي بس عادي خل يزحفون بس مرتي خطط احمر اشلع عيونه إلى يباوعلها
💬 يمه يمه الغيره
بقيت اتراسل وياه للفجر هو نام واني هم كعدت الساعه بـ ٧ كوه افتح عيوني لان ما نايمه غير ساعتين ونص غسلت وجههي ونزلت سويت كهوه وشربته صعدت بدلت ملابسي وأخذت دفتري وجنطتي ونزلت صار اشهب كبالي
- صباح الخير شهوبي شنو تريد ريوك
- صباح النور اسوله والله ياريت اذا ما تتأخرين سوي
- ههه تدلل احج
ي وما اباوعله مستحيه من البارحه باوعتله وهمست بس انت توصلني
- اي اني ومناك اكول العمر ع قرارنا وان شاءالله بس تعتقدون ادور اهلي هو ياخذج ويجيبج أمن
- دنكت خجلانه وهزيت راسي اي
حطيتله الريوك وضحكت باوعلي ورفع حاجبه
- ها خبالو شبيج
بالبدايه جنت مستحيه بس اسيل ما يلوكلها الخجل اكثر شي عشر دقايق ويروح الخجل وابو الخجل هم باوعتله وجريت الكرسي وكعدت بصفه باوعتله وهمست
- اول شي ضحكت لان ما شاءالله عدك ثنين نسوان فوك وضال بلا ريوك خلف الله عليه ههههه
- كولي هذا الكلام الهن مو إلي كل وحده شكبرها وهن نايمات للضهاري
- لا خويه هاي بس حنانو ضي تكعد من الصبح يجوز هسه كاعده
- مممم
- ضحكت من شفته سوه روحه ماداير بال باوعتله وحجيت صدك هاي حنانو ماكو كرامه يعني فوك الكتل الاكله وادرزاله وفوك كل هذا اجتها ضره وهي ماكو احساس ابدددد عايشه عادي ولا زعلت باوعلي وعقد حواجبه وهز راسه وحجه وهوو يشرب بجايه
-ليش هي عدها احساس وتحس اول مره اسمع بي حنان عدها احساس وكرامة
- بووم خويه صاير تقصف صدك ذكرتني البارحه ابنك يوسفان قطني ابو الحمره أريدها منك باوعلي صفح وكال
- واني شكو انتي عمته وانتي وياه اصافو يلا كومي اتاخرنا
اريد فلوسييي
حجيتها وبرطمت ضحك وكال دمشي بسياره اطيج رحت شفت امي سلمت عليها ورحت للسياره هو شويه ونزل عصبي ماعرف شبي ركب ومبين عصبي حته من شغل السياره؛ غلها بعصبيه كلت راح السويج انكسر بس الحمدالله ع قيد الحياة لحد الان
اخذ الطريق كله يدخن وعصبي عرفت من صعد يجيب غراضه اكيد لو حنان لو ضي حاجيات شي وضايج بس اكيد ٨٠ بالميه ضيو الوحيده الي تكدر تستفز اشهب ههههه
وصلني للجامعه وراح نزلت وتلكتني طيبه
- هلا هلا والله بعروستنا عينييي
تحجي وتغمز خزوته وصحت انجبي لج استحي
- لا اسيل تستحي لا حبيبتي العالم كله يستحي اله انتي
- لا والله البارحه من اجن صرت معجون مال طماطه اصلا يا معجنون دم عزال صرت
- غير تستقر اخت الحلوو
- ها ها ازحفين ع اخوي لج طيبوو مو اكول الحسن خطيبج
- يااا وين زحفت ولي شكد ادبسزز امشي نروح للكافتريا ميته جوع
- يا ولج والمحاضره
- بعدها ب٩ ونص تبدي يلا فضيها
مشيت واني عاقده حواجبي وماعاجبني العجب كعدنا وصرت اسولفلها شصار البارحه وهي تنصف وتضحك لحد ما رفعت راسي باوعت هذا الولد شايفته عزااا بعيني يي هذا نفسه الي يلحكني ابو عيون رأسا درت وجههي ع طيبه
شيسون هنا شلون دخل للجامعه وشعرفه اني هنا. يالله دخيلك باوعت ع طيبه وهمست طيبه شوفي ديري بالج ادورين وجهج اكو ولد كاعد كدامي ع بعد ميزين عيونه ملونه ولابس تشيرت اسود وبي كتابه بيضه وكاعد وحده ديري بالج تخلي يحس شوفي تعرفي يداوم هنا
دارت وجهه وسوت روحها تعدل حجابه ع الجام رجعت باوعتله وكالت
- لج هذا صااااك يا بويه شهل الجمال منو هذا الحلو لا بس خطيبج
- نجبيي لااا بس صاله فترا يلحكني ويراقبني المهم ماتعرفي
- لا اول مره اشوفه
- استغفر الله شلون دخل للجامعه وهو مو طالب
- اوكفي خل اطك صوره اله وادزها الحسن يجوز يعرفه لان هو بكل كليه عده عرف
- ايي بعد اختج. بس شلون
غمزتلي وكالت شوفي ومالج دخل رفعت ايده مثل الي اطك سلفي بس هي فاتحه الكامرا الخلفيه وحطتها عليها وعود تريد اطك سلفي اذنتيت عليه وسويت حركه عود كاعد انطك صوره وطمتله صوره باوعلي وكالت
-هااا شلوني مو استحق اروح للصين
- ايي فديتج انتي مكانج باليابان فضيها دزيها خل نشوف دزتها الخطيبها حسن شويه ورد عليه لا ماعرفه اول مره اشوفه خفت صراحه جريت تلفوني وهستوني ردت ادز رساله الاشهب جان يوكف يعدل ملابسه وطلع
اتفست براحه وباوعت ع طيبه لج وكع كلبي والله عبالي راح يسوي شي
- هههههه كثرو معجبينج
- ايي هههههه
دخلت للمحاضرات وضليت من محاضره لمحاضره لحد ما خلصت ورجعت ويه اشهب اول ما دخلت ميته تعب سلمت عليهم وصعدت الغرفتي اول ما وصلت
لغرفتي وصار يوسف كدامي جريته من كفشته وصحت لككك ابو ثرب شووف قطيت ابوك خمسين ألف اخذت فلوسي والضعف شوف حبيبي تعلم من عمتك الذكاء
- اخ اخ دهدي شعري يا عمه شبيج متوحشه
- أنجب منو المتوحشه ولك
- اااا خاله حنان
حجاها وباوعت يمنى يسره ضحكت وضربته ع ضهره ع كيف
- دير بالك تعيد إلى سويته البارحه ترا العب بيك فلم والله سكتت لان مزاجي يخبل
- هاا لان بابا خابر عمو عمو وكله موافقين
- صدك عليك الله
- اييي جيبي خمظه مو كتلج خبر حلو
- دروح ابو حلك يريد خمسه
- بسيطه عمه
عافني ونزل واني اضحك عليه فتحت تلفوني لكيت عمر دازلي رساله
💬 احلا شي من تكعد الصبح وتسمع احلا خبر بحياتك حبيبتك راح اصير الك الف مبروك الج والي يروحي حظري روحج باجر امي تجي تتفق ويه امج ع الحاضر والغايب وع المهر وكلشي
💬 ماشي ان شاءالله دزيتها و زيت وياها قلب حب
ضحك لان هاي اول مره ادزله هيج عفته وبدلت ملابسي ونزلت تغديت ورجعت لغرفتي نمت كعدت المغرب لكيت
اشهب كاعد يم عمو علي كعدت بصفه وسولفتله ع الولد
-وين صورته خل اشوفها
- مو عدي عد طيبه بس هسه اخليها ادزها
راسلت طيبه ادزلي صوره الطكتها ردت عليه
💬 يا لج حذفتها لان حسن ماقبل بس لحظه دقايق أخذها من حسن وادزها الج
💬 اوك حب انتضرج
شويه ودزتليها اخذت التلفون ورحت الاشهب كاعد بنفس مكانه اطيته التلفون بس شاف الصوره وكف وعيونه صارن حمر دم بلوعلي وصاح
- اسيل متااااكده هذا هوو
- اي والله هوو عيونه ملونه
- لا يا عاررررر انتضر هنا هسه اجي ركض للمكتبه مالته لحضات وطلع بلوعلي وصاح دزيلي الصوره ع السريع دزيلياهااا
طفرت مخروعه من صياحه كلها طلعت امي تباوع مستغربه الجهال طلعو من غرفهم وعمو على طلع من الاستقبال هو وليث وضي وحنان نزلن يركضن دزيته اله وطلع يركض
ضليت اكل بصابعي خايفه شنو هلورطه هاي الي تورطتها هسه اني شحجاني يعني ماعرف اشهب وخباله دخيلك ربي احفظ اخويه باوعلي عمو علي وكال شبي اخوج
- ماعرف عمو بس من شاف صورة هذا الولد الي يلحكني تخبل اخذ الصوره وطلع
- لا اله الا الله هذا الولد ما يهده يعني مايعرف ان المشاكل ما تنحل بالعصبيه استغفر الله اخذ ليث ورجع للاستقبال هم دائما يكعدون سوه يسولفون باوعت ع امي عضت اصبعها وكالت
- اااخ ااااخ منج ما تكعدين راحه امشي الغرفتج امشييي
عفتها وصعدت واني ضايجه توضيت وكعدت اصلي يرجع اشهب سالم مرت الساعات واشهب ماكو اخر شي دزيت رساله العمر إلى ع اساس يجون اليوم وينتفق ع كلشي
💬 عمر موجود
مرت عشر دقايق ورجع دز
💬 ها اسولتي شكو
💬 عمر اشهب طلع صاله ٤ ساعات ولحد الان مارجع و خايفه عليه حيل سولفتله كلشي ودريتله الصوره وهو تخبل كال هسه اهابره واشوفه وين لا يضل بالج
💬 ااا عمر اهلك يجون
💬 لا حبيبي انتم هسه بيا حال وادز اهلي خليها من يهدى الوضع وادزهم
💬 اوك عموري
سديته وضليت افتر بالغرفه خايفه يمكن مرت ساعتين وسمعت صوت امي تصيح اريد امشي ماكدر احس رجليه اتشنجت وماكدر امشي كوه سيطرت ع روحي وركضت نزلت باوعت حنان كاعده ع الدرج تبجي وامي كاعده بالكاع وتبجي وضي واكفه يم غرفة الجهال وصافنه خفت حيل من نزلت باوعتلي حنان وكفت وصاحت
- كله من وراج راس البله اله عمررر ما وافقتي بأكرم وخلصتينا من مشاكله لو هي عيااره اله عمر شو أكرم ضابط وشخصيه شتردين بعدددد هااا
باوعتلهه خايفه وهمست أكرم شدخله اجت ضي كمشت ايدي ونزلتني
- تعاي اهدئي ماكو شي بس أكرم كامش اشهب وساجنه ع شنو ما نعرف راح عمر علي هسه لان عمر خابره وراح المخفر يشوفون شكو
يبوووووو عليه كله من وراي
- اشش وانتي شعليج اهدئي ماكو شي ان شاءالله
ضليت كاعده خايفه ودموعي بعيني خايفه اخوي يصير شي من وراي بس أكرم شدخله بقيت حايره لا اني الي فرحت بخطوبتي من عمر ولا اني الي مطمنه ع اخوي شلون حظ عدج يا اسيل
ضي : بعد ما كام اشهب من يمي وصعد فوك حسيت تلفوني دك باوعت عمو بكر دز رساله فتحتها وشفته داز
💬حبيبتي ضيو عرفت ساره بعدها ببغداد وما طالعه بس مكانها لحد الان ماعرفه لس اعرفه اكلج عليه ديري بالج ع الملفات مو شوين توديهن
اتفست براحه وحمدالله الحمدالله يالله اكو امل ان الكاها واعرف منها كلشي سديته وضليت كاعده واضحك ع اسيل وسوالفها كمت يم ليث لكيته فاتح الايباد ويلعب
- ليث شوكت تقرأ
- هسه ماما كايم بس خمس دقايق
- ماكو شطلعت هاي الخمس دقايق كوم يلا هو انت عايد السنه لا تخلي المعلمات ياخذن عليك نضره ع انك مسولي يلا حبيبي با على مبرطم وهز راسه وكام حاضر ماما فتح كتبه وكعد يقرأ واني أقرري بي وقمر تلعب وهسنه هي صف اول ابتدائي ضليت اقري باليث لحد ما سمعت صوت بره عفته وطلعت
باوعت ع ام اشهب تبجي
- خاله شبيج شصاير صار شي
- اووف هذا المكموع المسودن أكرم جاي يصيح يريد اسيل بقيت صافنه صوتهم عالي ويتعاكون بصاله اشهب يصيح من جهه وذاك من جهه اعرف أكرم شكد حقير لان انسجمت يمه وعرفت شنو هو
وهاي اسيل ولا تكعد راحه ابد كلساع تريد تروح تتصنت واكمشها وراجعه صليت كاعده ع الدرج بس علمود ما تروح تتسمع لليل ياله نحلت السالفه وصعدت لغرفتي ضليت ابحث بالتلفون عن اسم هذا المقتول واطلع عنه معلومات ماريد اضل كاعده هيج مجتفه الادين لازم اكشف برائتي بأسرع وقت
كاعده ع الجربايه وحاطه التلفون ع رجليه واكلب واقرا جنت لابسه دشداشه سودا توصل للركبه فانيله وفاتحه شعري اصلا هو قصير بس مرات اشيله كاعده وما حس غير الباب انفتح باوعت اشهب باوعت مصدووومه ماعرف اضم رجليه لو التلفون والمعلومات لو شعري لو صدري باوعتلهن بخزره هو رأسا دار وجهه
- انت شنووو ما تستحي شوو اخذت راحتككك غير ادك الباب
- والله غرفتي ومرتي وبراحتي شنو حرام حجاها وسد الباب وطب وكفت واني اباوعله بغضب اشهب لا تخليني اصيح والله
- شنو يعني صيحي رجال ومرته محد يدخل
حجاها وغمزلي باوعتلهن بغضب
- تحلمممم اصير مرتك لا تنسه الاتفاااق إلى بينا استاذ اشهب والله اخذ
الجهال وارفع شكوى عليك
رفع اديه وهو يضحك
- لا تخافين اصلا اني مالي نفس بيج بس تدرين احب اشوفج ضايج واستفزج
كعد ع الجربايه وكال ايي شنو جنتي اسوين
- مالك دخل شي ما يخصك
- ضييييي
- والله بكيفييي انت شكوو يعني صرت رجلي عبالك تتحكم بيه
- اللهم طولج ياروح ضيي اني مو كايلج يمي تعوذي من الشيطان ولا تحتكين بيه كايل لو لا ليش تردين اعصب عليج
سكتت وجتفت اديه ع صدري وعوجت حلكي هو من شافني هيج عاط
- لججج مو وياج انيي بت الكلبببب ليش تخليني اهينج من احجي جاوبيني ولا تكفين هيج وتباعين هيج لا اكسر رجليج وعيونج اشلعهن حقيره
- كااااافي اشهب كافيي والله حرت وياك كلت لا تحتكين بيه سكتت سكتت كلت لا تسكتين شنو اسوي هسه ترا زودتها هواي وصارت سخيفه وبعدين كااااافي تغلط كافيييي ابويه مو يمك وتغلط عليه فاااهم تقبل هسه اغلط ع ابوك مث
بعدني ممكمله جملتي ماحسه غير جرني من شعري وجرني عليه انضرب صدري بصدره باوعلي وهو عيونه حمر من العصبيه صك ع سنونه وهمس بصوت ناصي قريب ع اذني
- ايااااج اجيبين طاري ابوي ع السانح ضي احذرج الف مره اذا جبتي طاري المرحومه او ابوي والله وحق اسمه ماتتصورين شسوي بيج فااااهمه
- اخخخ هد شعري ووخر عني واحجي فااهم ومثل ما انت متقبل اغلط ع اهلك اني هم ما اقبل فلااا تصير رجال براسيييي
حجيت هيج لو تورطت ع روحي ماحس غير شمرني ع الجربايه وصار فوكي حط اديه منا ومنا يحصرني حته ما اطلع وباوعلي وعيونه حمررر
- انتي شنووو هااا ولج من يا طينه مصنوعه انتي بابا ادبي لا تخلين اشوفج شي ما يعجبج
خزرته وضربته ع صدره وصحت كوووم لا اصيح والله
- لا تضربيننننن حجاها وجر شعريي ورجع حجه ماكوم عاجبني الوضع لو اكلج بطلت لان لعبت نفسي منج ومن جذبج وتمثيلج
كام كعد وباوعلي وكفت همست ويه نفسي اهدئي ضي اهدئي مو وكت تعصيب
ايي شعدك جاي
- اي صح ذكرتيني وين تلفونج
- حجيتها بخوف واني اباوعله شتردين منه
- أريدها منا ورايح كل ما يعجبني اجي اشوفج لان انتي مو كد الثقه وافتش تلفونج جيبي
باوعت ع التلفون شلته واطيتهيا جنت حاطه بي رمز أخذه وصاح فتحييي
أخذته فتحته وراسا فتحته من ومن أيقونة التطبيقات حذفت كلشي هو رأسا جره مني خزرني وباوع ع التلفون وكعد ع الجربايه وكام بكلب بي
اتمفست براحه معدي شي لان حته وسايل عمو بكر امسحهن انتبهت ع روحي اني لسه بدشداشه السودا الكصيره عزااااااااا ركضت جريت روب طويله لبسته ولفيته ع نفسي رفع راسه باوعلي وهزه وابتسم
- بعد وكت شفت كلشي ماكو داعي ههه
- اشهبببب حجيتها واني بعيوني دموع ماتحملت رفع حواجبه وهمس مالي دخل اني دخلت. انتي هيج وحته من شفتيني ضليتي عجبج الوضع اضاهر حجاها وهو مدنك ع التلفون نزلت دموعي وصحت
-اخذ التلفون واطلعععع
وكف باوعلي تقرب رجعت لوره وهو يتقرب لحد ما نضربت بالكنتور حط ايده وكال سوالف المسلسلات عوفيهن لان ما اح تكدرين تحركين مشاعري ولا شويه لان وحده س*** مثلج مااخليها مرتي
حجاها وشمر التلفون ع الجربايه وطلع كعدت بالكاع وصرت ابجي الله ياخذك حقييير نذذذل
مسحت دموعي ووكفت باوعت ع شكلي بالمرايه لا تنكسرين ضي لا تنكسرين كلشي ينحل استحملي واكفه ع المرايه وصارت صورة أسد كدامي نزلت دموعي اكثر واني اهمس
سامحني أسد مو قصدي والله حجيتها وشمرت روحي ع الجربايه ودموعي تنزل بقيت هيج لحد ما غفيت ودموعي بعيني فزيت الصبح ع صوت العصافير اوو هاي شنو الساعه شلون ما كعدت ع الصلاه اني
كمت لبست روبي وطلعت للحمام علمود اتوضه اول ما طلعت صار اشهب كدامي يصعد الدرج باوعلي ودار وجهه
اني هم عفته وردت ادخل الحمام جان يصيح
- شنو ترا الصباحيه ما تاخذ عمرج اذا كلتي صباح الخير
- باوعتلهه واني استغفر الله حجيت واني اتخوصر اله انت كلتها ما تاخذ من عمرك جان كلت انت صباح الخير شنو تخسر لو تريد بس اطلع حجه عليه وتتعارك
تقدم وهو يباوعلي بعصبيه همس وهو يباوع ع الدرج
- والله لو ما امي وعمي علي نايمين جان ندمتج ع طولت اللسان هذا
- شسوي يعني تحبس تضرب اممم تقتل لو لا تأخذ الجهال مني شنو بضبط شوف ترا متخوفين بعد مابقه شي وأثبت برائتي ووكتها اندمك اني ع كل شي سويته بيه
جر شعري وقرب وجهي عليه وهمس وهو صاك ع سنونه اضاهر جلدج يحكج وتردين كتله ضي امشي ع عدل لا والله استخدم غير طريقه وياج لا تخليني أقسى اكثر عليج
- والله ههههه لا ضحكتني استاذ اشهب ليش هسه انت مثلا ما تقسى عليه ضغط ع شعري أقوى صار وجهي بصدره اذا رفعت راسي ادك بحنجه ضليت مدنكه ماكدر احجي ضربته بيدي ع صدره حته يؤخر ضغط اكثر حسيت أنفاسه قريبه مني همس باذني
- انتي لعبتي بنار إكليها لعد ما مسؤل عن الي راح يصير وياج وعقابج من ارجع تدللين
عافني ومشه لغرفه من مشه صحت وراه ما اخاااااف منك مادام الله موجود وياي ويعرف الحقيقه ومادام أسد يعرف كلشي ما تهموووني كلكمم عفته وركضت للحمام لا تبجين لا تبجين ايااج ضي خلص انتي كسرتتي هذهو
هو الخسران
توضيت وطلعت الغرفتي صليت وخلصت ونزلت الجهال دواهم كلهم ضهري كعدت سويت ريوك كعد عمو علي وخاله ام اشهب حطيتلهم الاكل وكعدت وياهم
ابو أسد : عاشت ايدج بنيتي البارحه باليل اطيج علم الاهلي كلهم وانتي ام اشهب اطيني علم لحبايبج
- اي جا شلون اول ما اجو من المحكمه طشيت الخبر ههههه
- ههههه الله يقدم الي بي خير شلون بنيتي اهلج درو
- ها عموو اي درو الحمدالله دنكت وحسيت اللكمه واكفه ببلعومي عمو عليي مايعرف اهلي اتبرو مني سكتت وخلصت ريوك كعدت الجهال ريكتهم كلهم ودزيتهم للدوام بس يوسف ماراح ماقبل وبيبيته بس تصيح عليه وهو معاند
- لك يوووسف تروح لو شلون
- ماروح بيبي ما روح لحد ما بابا يحجي ويه المدير ويكول لهم لحد يصيح إلى طبه حميسه والله مو سمين انيييي
- تمام اني احاجي المدير وماخلي واحد يكلك دبه حميسه بس روح للمدرسه
- ما مااا خاله ماروح لحد ما ترحين
تمااام يجي ابوك ونحجي وياه
- اييي
ام اشهب : يبوو عليه لك انت شنو عليمن طالع هيج عنيد
يوسف : ع بابا بيبي ههههه
ضحك ومشه يركض لغرفته واني نضفت البيت وأم اشهب بس تباوعلي وتبتسم ومرات تخزر ههه ماعرف شنو سالفتها شويه واجه اشهب و اسيل من جامعتها سلمت وصعدت خلصت غسل اماغين الغدا نزلت حنان باوعتلي وعوجت حلكها وكالت
- وين شوشو
باوعتله بنص عين واني متخوصره شنو مافهمت منو هذا شوشو
- اوووو نسيت انتي بعدج جديده ماتعرفين الدلع اقصد شهوبتي وين اشهب حبيبي زوجييي
- كمشت ضحكتي كوه حته ما تطلع وباوعتلها مبتسمه لحظه خل ادوره الج فتحت الخانه البصفي ورجعت سديتها فتحت الجراره ورجعت سديته وباوعتلها
- كدامج دورت عليه ومالكيته روحي شوفي وين خانس وهاا تلكي حاير يفكر بيه
حجيت هيج لو هي باوعتلي وهزت رأسها ومشت دررروحي ما ناقصني غيرها والله يالله خلصت تنضيف ورحت لغرفة الجهال عود ردت انضفهن جان اسمع صيحة اشهب ركضت طلعت شفته وجهه احمر دم ماعرف شنو اخذ من اسيل وطلع بس قبل لا يطلع باوعتلي بنضره
كلت خلص اليوم ماكو مجال بالنجف ابات وره ما طلع بساعتين اجو الجهال من المدرسه وهو ماكو وأمه بس تلوب وعمو على هم ليث جان يم همو علي رايح لمدرسه وجايبه والاستقبال كاعدين ماعرف ع شنو يحجون مرت اكثر من ٣ ساعات والبيت متوتر واني صافنه عليهم
ماعرف ليش انقهرت عليهم لان ماره بلي مارين بي من يخسرون شخص يحبو هذا خوفهم عليه ومجربته ضليت كاعده شويه ودك عمر ع عمو علي اول ما رد ماعرف شنو كاله وعمو على تخبل وكف وصاح ولكم جيبولي ملابسي
ركضت عليه خاله ام اشهب واني ركضت جبت ملابسه بدل وكال اني رايح
ام اشهب : وينننن وين اشهب شصاير خويه عليك بداعت أسد احجييي
- ماكو شي شبيج خل اروح
- والله ماعوفك لحد ما تكول ابني بي شي لو لا
باوعت عليه حالها يكسر الخاطر كمشتها واني اهدي بيها خاله اهدئ ماكو شي مابي شي اشهب لا يضل بالج
- وخرررري عنيي انت وجهه الفكر من طبيتي لهل البيت وما شفنا راحه ساعه بتي وساعه ابني بعد شسووين
حجتها وكعدت تبجي رجعت لوره خطوتين باوعلي عمو علي ابتسمت واني احس شي بداخلي تكسر معقوله !!! اني فكر اي ضي ليش تسبعديها شو رجلج ومات واهلج تبرو منج وهسه هاي العائله من طبيتيلها وهم ماشافو الراحه بقيت صافنه حجه عمو علي
- شبيج انت داكلج مابي شي ابنج بس هذا العار أكرم قابض عليه بتهمه وراح اشوفه البنيه شعليها يا ام اشهب حطي الله بين عيوونج
حجه هيج وطلع واني واكفه بالممر وصافنه باوعتلي حنان تبتسم كعدت بصف ام اشهب وصارت تبجي رجعت وكفت بصف باب غرفة قمر وروز وحنان كعدي وملخي روحج ع اشهب نزلت اسيل تسئل
عبالها هي السبب ماعرف اهدي منو اهدي نفسي إلى احسها تحطمت الف مره وصارت شتات صغار لو اهدي اسيل إلي حالها يبجي الصخر وهي خايفه ع اخوها لو اهدي ان اشهب المره الجبير الخليفه ع ابنها لو الجهال الخليفه وواكف بباب الاستقبال ويباوعون
هديت اسيل ورحت للجهال باوعت روز وقمر يبجن ويوسف وإبراهيم واكفين وواحد كامش ايد الثاني وفراس يباوع عليه ويهدي بروزه وقمر وليث ليث جان يباوع بشموخ احسه مستلذ وهو يشوفهم هيج نضراته خوفتني خوفتني حيييل من شفت ابني هيج يباوع وكفت بصفه وهمست ليث ماما شبيك
باوعتلي مبتسم مابيه ماما بس واخيرا الله استجاب دعائي حجه هيج وراح ع قمر وهو يهدي بيها بقيت كاعده صافنه خايفه ضايعه ماعرف شسوي للليل وماكو خبر منهم سويت عشه للجهال ووكلتهم ودزيته كلمن الغرفته واني خايفه من ليث احسه مشمت بيهم يالله لا ماريد ابني يحقد ع احد يا اللهي لا تخلي يحقد ع احد
عفتهن ومشيت لغرفته هو وفراس دكيت الباب ودخلت باوعتلهم فراس كاعد وصافن وليث ولا كأنما يلعب بايباده باوعت ع فراس وهمست
- شبيك فروسي
- ها خاله مابيه
- لا تخاف ابوك راح يرجع
هز راسه وباوعلي وهمس
- تدرين خاله الإنسان الوحيد الي ماازعل منه هو بابا اشهب يمكن لو جان والدي الحقيقي ماأحبه هيج بابا اشهب صار الي التب والأم حته خله كنيته باس
مه ما حسسني ابد ان اني مو ابنه مافرق بيني وبين يوسف وإبراهيم جان يدللني اكثر منهم حتى من اسوي شي غلط ماجان يعاقبني بالضرب لا جان يعاقبني بس مايحجي وياي ويزعل مني يومين وثلاثه واني اضوج كلشي ولا بابا اشهب يزعل مني
لهذا حاولت شكد ماخلي يزعل مني يمكن مرات يكون قاسي بس ماكو أطيب من كلبه الشخص الي ربه طفل لكاه بشارع وسجله باسمه وخلاه قطعه منه هذا تتصورين يكون قاسي يا خاله مستعد اسوي اي شي في سبيل يرجع سالم
لان ماعدي غيره اذا راح اضيع اني خاله محد يريدني غيره واني هنا بسبب اهلي الي هم اهلي شمروني بشارع اذا راح بابا اشهب تتصورين يخلون واحد غريب وياهم
بقيت صافنه عليه وع كمية العقل العده ابتسمت اله واني العب بشعره صاير شاب تدري حبيت كلامك شوف يكولون الام إلى تربى مو تحمل واني هسه راح اكولك الاب هو الي يربي ابد لا تكول ماعدي اهل انت عدك اب وعدك اخوه واعتبر امك متوفيه
حالك من حال ابراهيم ويوسف ابوك اشهب وبس واخوتك ابراهيم ويوسف وروز هم تمام حته ليث وقمر اخوتك
- شكرا خاله احبج هواي تدرين من زمان احبج وتمنيتج امي من اشوف اهتمامج بليث وقمر
- هههه حبيبي ليش ساره ما جانت تهتم بيك حجيتها واني اضحك بداعي الشقى
- لالا بالعكس جانت حبابه وربتني هي بس يعني اقصد حبج حيل جبير وحلو مو مثلها
- حبيبي يلا نام لا تسهرون ليث تعال الغرفتي اريد احجي وياك
أخذته وصعدت اول ما دخلت باوعتله شنو الكلام الي سمعته جوه وشنو نضراتك هاي شوف ليث ايااك تتشمت عليهم أو تدعي عليهم فااهم
- ليش ها مو ظلمونا وجبروج تتزوجين عمو اشهب علمونا ناس ظلمانيين
- ليييث محد جبرني لا تصير قاسي لا اضيع تربايتي بيك من وراهم حبيبي لا تخلي حقدك يعميك الحقد ابد ما انتصر بيوم خليك طيب سامح ولا تحقد حته الله يرضى عليك
- بس ماما
- ليش شايف تريد اضوجني وتقهرني
- لااااا
- لعد لا تحقد حبيبي ماشي
هز راسه وأخذته بحضني حبيبي انت سندي لا تخلي الدنيا تغمور وتحقد من هسه تحلم الطيبه والتسامح ماشي
هز راسه ونزل جوه شويه وسمعت صوت اسيل طلعت شفتها تبجي شبيج شكو
- أكرم ميرضه يترك اشهب اله يطوني اله وعمر من عارف متعارك وياه ومدخله للسجن بتهمه التعدي ع ضابطط
- عزا بعينه هذا شنووو
- عار والله مافي بي
حجتها وبجت اخذتها بحضني لا اديرين بال عمو علي هسه يطلعهم
بقيت اهدي بيها مرت يومين وهم ماكو واك م ميرضه يخلى سبيبلهم اخر شي عمو علي باوعلي وكال
- بويه اصيرين المحامي مالتهم واطلعيهم
عمو شتحجي اني مالي حق لان ما متعينه ولا الي حق لان هذه مو محافضتي وبعدين حته لو كدرت مستحيل يقبلون واني خريجة سجون
حجيت هيج ودنكت هز راسه وفهم ومشه اليوم الثلاث راح عمو علي المحكمه إلي يشتغل بيها اشهب واخذ احسن محامي وجابه وبطلاع الروح يا طلعهم واشهب رفع دعوه عليه ع انه سجنه بدون سبب وذاك متخبل بقيت صافنه سبحان مغير الاحوال قبل سنه جانو سوه عليه وهسه أعداء
بليل اجه اشهب وجان مبين من شكله تعبان سلم وصعد بقيت كاعده جوه شويه ونزلت حنان تخدر بيه ع شنو ماعرف كعدت بنص وهي تهز برجليهه ماعرف شبيها
نيمت الجهال وصعدت الغرفتي فتحت الباب وجان الكه اشهب بالغرفه باوعتلهن واني فاتحه عيوني شداسوووي هنا انت
- ضيي اذا عدج معزه الأسد ولو شويه سكتي اريد اناممم تعبان
سكتت طبيت واني اباوعله نايم ع الجربايه وبس بالفانيه والشورت حيل استحيت درت وجهي وبقيت احوس شعده هنا هذا
همس وهو مغمض عيونه
- ترا محد يعرف بتفاقنا حنان عبالها زواج فعلي يعني ماتدري ع ورق وما لازم تعرف ومجبور انام هنا مو تفرحين لان نمت هنا عبالج اكلبج
- انتتتت شنووووو شووف والله اذا ع ت هذا الكلام يا اشهب والله اطبب السيجينه ببطنك
- هههه ادري بيج اسويها عفته ورذت اطلع الدوشك من الكنتور جان تندم الباب باوعتلهن ومشيت فتحتها ونصدم بروز دموعها بعينها همست
- خاله حبابه خليني انام يم بابا ماعرف انام اذا مو يمه لو يم ماما وماما ماكو ووو وخاله حنان متخليني انام يمه من عرفته هنا اجيت حبابه
بقيت صافنه عليه دنكت واني امسح دموعها شنو هلدموع هاي وعليمهن هلحجي اصلا هذه بيتج شوكت ما يعجبج دفري الباب و طبي ههههه تعاي اخذتها وطلبتها هي رأسا طفرت بحظن اشهب وتبجي
- بابا لا تعوفني مثل ماما
اشهب : منو كال اعرفج مستحيل اعرفكم حبيبتي تعاي نامي هناا
بتوعتلي وكالت اسفه خاله راخ أصغر مكانج
صفنت عليها انت وسوت مكان وكالت تعاي نامي هناا
- لا حبيبتي نامي ع الجربايه اني راح افرش وانام بالكاع
- لا هاله ميصير لا تخليني اروح تعاي
باوعت عليه لكيته يباوع ع بته ومبتسم اتقدمت من الجهه الثانيه وكتلها يلا نامي اتمدتت ع الحافه وصارت روز بنص نايمه ع ايد اشهب انتضرتها تنام حته اكوم افرش وانام بالكاع بس شو غفيت ومادري بروحي
فزيت الصبح اباوع وين نايمه انيي راسي يم راس روزه انتبهت راسي ع ايد اشهب طفرت واني اعدل بروحي ضجت من نفسي حيل كمت رأسا واني ضاي
جه هفت الأماكن ونمت ع ايده لو كاعد هسه شيكول ضجت حيل غسلت وجهي ونزلت شويه ونزلت روزه
- صباح الخير خاله
- صباح النور حبيبتي
- بابا يربدج
-يريدني
- اي كال من تنزلين صيحي الخاله ضي
ماشي حبيبتي صعدت اول ما فتحت الباب جرني من ايدي اخ اخ شبيك
- البارحه ما حجيت وياج لان تعبااان ولأن روز اجت شنو خطتكم هاااا
- خطه خطه شنووو خفت عبالي شايف الملفات وعرف بس صدمني من كال
- خطتج انتي وابن خالتج العااار شوفي ضي وحق محمد والي خلق محمد إذا انمست شعرايه من اختي ماتلومين غير نفسج وابن خالتج العار هذا اطلعه لو من جوه الكاااع فااااهمه
باوعتله مصدومه وصحت شنوو شتحجي مافهمت عليك والله يا خطه والياس شبي
- أوو ع تمثيلج و غبائج ماشي اكلج شنو ابن خالتج العار صاله فتره يلحك اختييي شوفي ضي اذا صار شي الها والله
- لحظه لحظه شنو يلحكها متأكد انت يعني هو هنا
- اي هنا هاججج هاي الصوره طكتها صديقة اسيل اله خلي ابن خالتج يبتعد عن اختي لا والله اشوفك إلى ما يعجبكم
- اشهب والله
بعدني ممخلصه كلامه ركع الباب وطلع صفنت ماعرف شسوي كعدت ع الجربايه واني صافنه ماحس غير الباب انفتح وصار فوكي جر شعري وقرني منه وكال
- نسيت شغلله
حجتها وبقه صافن بعيوني اول مره يصير هيج قريب عليه حسيت نفسي لعبت من قربه دفعته وكع رأسا لوره كمشتني الضحكه من شفته وكع ع ضهره رأسا بس دفعته باوعتلهن ورفعت اصبعي ايااام تتقرب مرة الثانيه
حجيتها وطبيت للحمام بقيت بالحمام لحد ما تأكدت طلع ياله طلعت اوف الحمدالله بقيت النهار كله بالغرفه ما طلعت وجمعه اسيل بالبيت بليل كاعده ودك عمو بكر
ألوو عمووو
- اريد البشاره
- كول والله لكييتهااا
- ههههه اي لكيتها جهزي نفسج باجر اجيج ونروح لبغداد
- صدك عمووو شلون لكيتها
- سر المهنه هاي
- لالا صدوك شلون
- عدي عرف المهم هسه اخذي اذن من الشفيه مو بعدين يسويلنا سالفه مالي خلك ه بس لا تكليله راح لساره ماشي وها صدك لا جيبين الجهال حته ماعباله نهرب ويراقبنا
ماشي عمو اوف يالله ماصدك واخيرا راح احصل ع شي ربي حته لو بسيط راضيه باي شي منك بس كون يوصلني لقاتل أسد كمت اريد اروح اكول الاشهب علمود يقبل دكيت الباب ع حنان اول شي تردتت بس بعدين قويت نفسي فتحتها وصاحت
- شكوووووو
باوعتلهن وحجيت ويه نفسي شكاكه تشككج كون سلامتج حبيبتي بس اشهب جوه
- شعليج
- اهوووو احجي حنان
- ماعرف شوفي وين حجتها وسدت الباب بوجهي صفنت هاي شبيها عفتها ونزلت ادور البيت هدوء كلها نايمه باوعت ضوه المكتب مشعول مشيت للمكتب هستوني ردت ادك الباب علمود ادخل بس وكفني صوته واني اسمعه يكول........ يتبع
،،،،،،وللحكاية بقيه،،،،،،،
قرائه ممتعه
أكرر غلسو ع السحكات 😂😂فديتكم
فجرو البارت بتفاعلكم 😍😍
تصويتاتكم وتعليقاتكم وتوقعاتكم
#نور الشمري
#نوشه


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-07-20, 01:32 AM   #23

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


الكاتبه نور:
#برائتي وجبروتك
بقلمي #نور الشمري
#البارت العشرون

Noor336
كنت اسمع ان بعض الناس ليدهم أقنعه كثيره بكل موقف يرتدون قناع ويتضاهرون بطيبه باقنعتهم لكن الوجهه الحقيقي يكون ابشع ما خلقه الله حيث يكونون شياطين باجساد بشر كل ذلك كنت اسمعه ولم اعرف أنني سالتقي بهم ويكونون جزء من حياتي لتهديمها
ضي : بقيت واكفه مستغربه اتقربت خايفه اسمع الي يحجي صفنت واني اسمعه يكول
- مثل ما كتلك ماريد جنس بشر يعرف دير بالك اي اي شغله بينا كتلك ماريد احد يعرف اذا احد عرف قسماً عظماً اكتلك واذبك ومحد يعرف بيك دير بالك تلعب بذيلك من وراي مثل القبلك فاهم
هسه اتأكد من الي كتلك عليه ومثل ما وصيتك ماريد احد يعرف مالك دخل الك شغل بشغلك بسس ههه لا كدامي صارت ماتلعب بذيلها بعد هسه مثل ما اتفقنا والي تريده يوصلك واياااااك احد يعرف ولا شخص اذا عرفت شخص ثالث يعرف متلوم غير نفسك
- فتحت عيوني مصدومه من الي سمعته شنو السر إلى مايريده اشهب احد يعرف بي شنو الشي الي يخلي يهدد شخص معقوله يكون يعرف شي عن قاتل أسد لالا هذا واحد غبي قشمر يقشمرون عليه ويصدك بس شنو ومنو هذا ضليت واكفه بالخمس دقايق خايفه وضايعه ماعرف شنو الي يدور برأس هذا الإنسان الغامض هستوني حسيت ع روحي واكفه بلباب درت وجهي ماكو احد ردت ارجع وماحس غير انفتحت الباب رجعت لوره خايفه
هو رأسا فتح عيونه من صرت كدامه باوعلي بخزره وهمس ضي شداسوين هنا ومن شوكت هنا انتي
- اريد اطلع الكلمه ماكدر خفتتت خفت كلشش منه اول مره هيج اخاف منه باوعت بعيونه خايفه بيهن هواي أشياء بس شنو ماعرف ملامحه مابيهن ولا رحمه رجعت لوره خايفه بلعت ريكي وطلعت الكلمه مني كوه
- اااجيت ادور عليك أريدك بموضوع
- من شوكتتت هنااااا
طفرت من صاح همست واني اطلع الكلمه مني بخوف منه ومن عصبيته هستوني اجيت باوعلي بنص عين وكمشني من زندي وطببني لجوه سد باب المكتب وباوعلي اي شنو الموضوع ست ضي اتفضلي احجي اسمعج
- ااا اشهب واكفه ماعرف جسمي كله يرجف ماعرف ليش خفت منه بعد كلامه هذا المليان غموض باوعت اله وهمست باجر عمو بكر يريد يجي عليه لان بيبي متخربطه وتريد اتشوفني ويريد ياخذني البغداد و
- وجاي تاخذين اذن حلووو من شوكت صرتي حبابه وتستاذنين وبعدين شهل الهدوء
- استغفرت ربي وباوعتله اشهب وتالي وياك شلون شوكت تتصرف مثل الاوادم يعني حرت وياك شلون اتصرف بكل الاحوال ماكاعد تنصفي انت من يا طينه مخلوق
- هههههه من نفس الطينه بس اكو فرق ان انتي تحبين التمثيل اما اني اكره التمثيل
باوعتلهن وحجيت ويه نفسي اني لو انت تحب التمثيل اشهب افندني وكلامك هذا وراه انه وسالفه جبيره لازم اعرفها وما اسمه ضي اذا ماعرفتها باوعتله وهمست اني هم ماحب التمثيل من شخص يمثل كدامي ويكون بوجهين
كمشني من حنجي وضغط عليه حيل وهو يقربني منه شقصدج وضحى اكثر
- ماعدي قصد والكلام مو الك هسه كول اروح لو لا
- تريدين الصدك احبث أخبث
حجاها وكعد ع الكرسي وحط رجل ع رجل وباوعلي يعني هسه اذا كلت لا راح استفزج واضوجج وراح افرح شتكولين اكول لا اوو هاا عدي سؤال إذا كلت لا تعاندين وتروحين لو لا اريد جواب صريح
حجاها وباوعلي ورافع حاجبه اتنفست بضيق وهمست لا ماروح لان مو اني الي اعاند او اكسر كلمة احد حتى لو كان عدوي
باوعلي مبتسم وهز راسه
- ماشي لعد مادام هيج الجواب روحي بس الجهال
- مااخذهم لا تخاف اروح وارجع بنفس اليوم
- تمام لعد روحي
ابتسمت وردت اطلع واخير قبل لا اطلع صاح
- ضي ديري بالج تلعبين من وراي ترا اكشفج باوعتلهه بخوف واستفهام وهمست شلون يعني
- يعني خاف عدج نيه تهربين مثل المره الراحت اول شي ترهمين الوضع وبعدين تاخذين الجهال
- لا لا تخاف هلمره مااهرب ماهرب بعد واني اعرفك وين ماروح راح تعرف مكاني لهذا اذا اريد اخذ جهالي واعيش براحه فراح تكون كدامك وبموافقتك مثل هسه بضبط
باوعلي وهو مبتسم لعب بالتمثال الحاطه ع الميز وكال
-لعد روحي نامي وحلمي بهذا الحلم وشبعي بي لان ماراح يتحقق
- ماشي نشوف حجيتها وطلعت صعدت لغرفتي واتمدتت بمكاني واني حايره افكر بكلامه شنو يدور ببراسه لاشهب وياترى شنو الي يفكر بي ومنو هذا الي يهدده بقيت افكر والف فكره اجت ببالي الشيطان لعب بعقلي اجت براسي افتش تلفوني واشوف منو بس هو ابد ما يترك تلفونه بمكان باجر اكيد راح يجي ينام هنا وافتش تلفونه واعرف ويامن يحجي هذا الحل الوحيد واعرف ع شنو جانو يحجون
ضليت اتكلب ما نمت لل٢ ونص باليل هستوني اريد انام جان تفتح الباب طفرت مخروعه جانت النعسه بعيني باوعتله وصحت
- شكووو خير ترا ذيج غرفة حنان
جان شكله يخوف عيونه حمر ودمارات وجهه مبينه باوعلي وصاح
- بت ال الله يلعن بليسج لجججج شلون توكفين تتصنتين عليه هاااااا
صفنت عزااا هذا شعرفه باوعتلهه وصحت واني ما ابين خوفي كدامه
- ما اصنتتت جنت اريد احاجيك وصوتك عالي
- هاااا وليش جذبتيييي من كتلج شسمعتييي
- اييي ما سمعت شي انت ليش
ما تفهممم ما سمعت شييي
- ضيييي اني مو جاهل كدامججج هاي اول واخر مره تتصنتين عليه والله والي اسمه الله اذا تكررت مرة إلخ ما اضملج شيبقه بيج صاحي
وكفت بوجهه وصحت انت شنو ها إلى متى اضل هيج ترا مو عبالك ازوجتني صرت تتحكم بيه مو عبالك تمشيني بكيفك الي يعجبني اسوي وبعدين مثل ما هذا بيتك هو بيتيي هم والي يعجبني اسوي واذا هلكد خااايف احد يسمع مكالماتك السريه شوفلك مكان واحجي بي لان هذا بيت للجميع استاذ اشهب مو بس لحضرتك
جرني من شعري وركعني براشدي وكعت ع الجربايه كعد بصفي وصاح هاي اخر مره تتجاوزين بيها عليه ضي لا تخليني اصرف غير تصرف وياج داكلج يا بت الناس جفى شررررري داكلج اني واحد شرانييييي جفي شرييي وعوفيني ولا تحتكين بيههه هيج زين بعينجبجججج
يحجي ويجر بشعري دفعته وصحت لا تمد ايدك عليه لا تمدها مو مكخه عدك انيييي مو حنان تضربها وتسكت اذا عبالك ماعدي اهل غلطان شوف اشهب اخر مره تمد ايدك عليه لا والله
- هاهاها شو كمتي تهدددين
- اشهب
حجيتها وسكتت واني ضايجه وطكت روحي من تصرفاته عبالك جاهل باوعلي وهد شعري بس ضل كاعد بصفي رأسا كعدت وكمشت شعري باوعتله وهمست شتريد بضبط ترا والله مليتتتت وكف باوعلي ودار وجهه
- ماريد شي بس ابتعدي عني ولا تحتكين بيه
عافني وراح ضليت كاعده وكوه نمت كعدت الصبح ع صوت المنبهه بدلت ملابسي ونزلت لكيت اسيل واشهب كاعدين يتريكون صبحت وحجيت ويه اسيل
- اسوله حبيبتي الجهال بامانتج
- بعيوني لا يضل بالج
- حبيبتي تسلم عيونج باوعتله ودرت وجهي مو كال لا تحتكين بيه هذهو لعد شوف التجاهل المضبوط استاذ اشهب رحت لليث كعدته
- حبيبي راح اروح ويه عمو بكر لبغداد بليل ارجع لا اسوي شي ودير بالك ع اختك ماشي
هز راسه وهو منعس عفته رجع نام وطلعت رمش عمو بكر عليه بمعنى هو بالباب سلمت ع اسيل وطلعت واني مجاهلته حتى ما باوعت بوجهه
- هلووو
- هلا والله شلونج
- الحمدالله وانت شلونك ويه العروسه ههه
- يا عروسه يمعوده كل ساعه تطلع شي وابوي معاند مايحجي وياي وميقبل يروح يخطبها
- زين شرايك اني اروح اخطبها الك
- ههههه اي ومن جهة الزلم اجيب اشهب ها
- اييع هذا شجابه بنص خليني ناسيته
- هههههههه
- شلونك ويه أربيل
- الحمدالله تعودت عليها
- خوش رحنا للمطار وللبغداد جان اكو ببالي سؤال عمو بكر رأسا ما طول كم يوم وعرف مكان ساره واشهب إلى عده منافذ وواسطات معقوله ماعرف مكانها راح يحيرني هذا الرجال شهل الغموض والبرود إلى عده
اول ما وصلنا البغداد اتلكانا ابن عم بابا سلم ع عمو بكر وعليه واخذنا للسياره اول ما وصلت شفت قيس كاعد بصدر استغربت هذا لسه هنا شنو ماراح اللبنان بقيت مصدومه نزل سلم ع عمو بكر باوعلي وكال
- شلونج ضي
- هلو قيس الحمدالله وانت
- الحمدالله
هزيت راسي وركبت بسياره وهم ركبو كل ما ارفع راسي الكه قيس يباوعلي بالمريه اخر شي درت وجهي جانت السياره هدوء محد يحجي لحد ما حجه هو
- اي ع الخير الزواج ام ليثث
- ضجت باوعتله وهمست خير إلى يصيبك شكرا
- ولوو بس مو ع اساس ما تتزوجين غير أسد ومن هذا الأفلام شووو بعدها دورة سنه ما طالعه وعقد عليج صاحبه
بكر : قيسسس التفت للشارع وسوق انت وساكت مالك دخل بأشياء عائليه
- شنو هاي ابن عمي يعني هسه اني مو من العائله يعني ضي ماتهمني هذه هم عرضي وبمثابة بت عمي
- باوعتله وحجيت بمثابة بت اخوك يعني انت بمثابة عمو بكر يعني حلال عليك تتزوجني علمود اشهب ما يزوجني بس حرام ازوج اشهب علمود جهالي موو
- ماكلت هيج اني شوو صايره ماتعرفين تحجي اي من عاشر قوم ٤٠ يوم
بكر : كااافي قيسسس شنو طفل كااافي سد الموضوع وانتي سكتيي
سكتت ودرت وجههي ضايجه باوعت ع المكان هذه الكراده هذه تمثال كهرمانه من شفته اذكرت ليلى شكد تحب هذا التمثال ههه شلونها هسه هي أم زهره البنات ماعرف شنو حالهم ادعي الله يفك أسرهم بأسرع وقت
نزلنا من السياره سلم ع ولد عمه وكال يلا مشينا اباوع عمو يدخل بدرابين خفت همست واني مجلبه بايده حيل عمو شهل الأماكن هاي وين جايبني
- ههههه شبيج لج جبااانه امشي
مشيت وراه لحد ما وصلنا يم بيت تعبان حيييل وحته بابه مزنجره وقديمه يمكن بس واحد يدفرها برجله توكع دكها ووكف ع صفحه واشلي اوكف ع صفحه مثله ماعرف ليش بس طبقت إلى يكوله صار هو من الحايط الثاني واني من الجهه إلى كباله اجاني صوت مرايه اصيح. منوو
صفنت ع صوتها صوت ساره اي والله ساره هاي هي والله ردت احجي جان رأسا يخزرني عمو ويهز راسه
بمعنى لا ديري بالج. سكتت وهزيتله راسي صافنه باوعلي وكال بصوت عالي
- اني خيتي اني ابو جاسم دزني جبت المسوالك
حجاها وغمزلي صفنت ابو جاسم اخو ساره بس شنو يا مسواك فتحت الباب وهي حاطه شال ع راسها وكالت شنو وينه بعدها ممكمله كلماتها جان شفتنا رأسا اخترعت ورادت أسد الباب وكفت بوجهه
- فدووووه ساره لازم احجي وياج انتي الوحيده الي راح تجاوبني ع اسئلتي
- ماعدي اجوبه روحيي ضي روووحي م
نا لا انتي هم تنضرين
- انضر ؟؟ ليش كل الي صار وياي ما ضرني مثلا ساره اني اكثر وحده انضريت وعانيت لخاطر العشره
دنكت ودموعها بعيونها فتحت الباب وكالت تفضلوو
دخلنا كعدنا البيت قديم كلش مبين من الزمن القديم لان تفصيله وبنيانه تعبان خفت هذه ما تخاف يوكع عليها
باوعتلها وهمست محتاجج ساره انتي اختي الماجابتها امي صيري وياي عون وخل نهزم الكل ونطلع برائتي وبرائتج وبرائت اخوج
- شنووو منين تعرفين قصة اخوي
- لكيت القضيه مالته بمكتب أسد وقريت كلشي ساره سولفيلي كلششششي تعرفيي احلفج بداعت روز واذا
- اششش ضي شتحجين اصلا من زمان اريد اسولفلج بس ماكدر بس خلص راح اسولفلج كلشييي
شوفي ضي زواجي من اشهب جان زواج تقليدي واشهب واخوي ماجانو يتراهمون ابد اعترف اخوي جان قاسي بعض الشي ماجان يخلي فراس ويوسف وإبراهيم يجون وياي من اجي اهلي ماجان يدخلهم بيته وجان دائما يحجي ع أن ولد غربه شكو اربيهم واتعب عليهم واخر شي ينكرون كل هذا كل عقله ان باجر عكبه من يكبرون راح يسون تعبي وياهم ويعتبروني مرت اب بس مجنت اسمع اله
لحد ما قبل سنتين بضبط تغير اخويه حيييل إلى درجه جبيره صار انسان ثاني امي دائما تشتكي منه يسهر بره البيت ماعرف وين للصبح ياله يجي ويذب روحه وينام ومن اسئله امي يكللها اشتغل لحد ما سولفت الاشهب بالبدايه رفض لان كتلج علاقته وياه مو شي لان ميحب أطفاله وبهذا حقه المهم
راح اشهب بحث عنه وعرف ان يشتغل بمكان تدرين وين يا ضي يشتغل بواب بباب ملهى بالكراده إلي سمعتها بالعراق كله تدرين شنو حسيت بوقتها كرهت روحي وكرة اخوي وأهلي وكل احد اعرفه لان اخويه هيج بس بعدين كلت لا ماخلي اخوي يهدم روحه ويهدمنا وياه بديت اتقرب منه واحاول ابعده عن هذا الطريق وع ان الناس تحجي عليه ع أن اخويه يشتغل بملهى راح يوم واجه يوم واني اقنع بي إلى أن اقتنع
وترك الشغل بس للاسف إلى جان يشتغل وياهم ما قبلو يترك الشغل خافو يروح يبلغ عليهم لان صار يعرف كلشي عليهم وعدهم سمعتهم ضلو يحاولون وياه وهو رافض إلى أن كدرون يوصلون إللي تدرين شسوو هددو بيه طلبو منه طلب يسوي ويترك كلشي واذا ما سواه ياخذوني وعدج الحساب بعد من ياخذوني شيسون مجنت اعرفه بعدين ياله عرفت اني جنت مراقبه ومهددين اخويه بيه المهم قبل لا يروح اخوي اجه يبجي يمي
يكول ماكدر اخلي ابرياء تتهدم حياتهم من وراي لان طلبو منه يدخل مخدرات للمناطق الجنوبيه المهم رفضت وجازفت بروحي واني اعرف اذا اشهب عرف راح يكطع علاقتي بأهلي سكتت وضليت مسانده اهلي راح اخويه وجان بباله فكره ينهزم وما يسلم البضاعه واني أقدم شكوى عليهم بس انكلبت كل الموازين هناك من عرف اخويه ان واحد من أكبر الرجال الي راجعين الهم راح يروح وياه
رفض بس اصرو وكانما عرفو شنو يجول برأسه راحو وبطريق تعاركو لان جانو يستفزونه بيه كل كلمتين وكاللوله نخطف اختك تعاركو وصارت مشاحنات بيهم إلى أن ذاك طلع سلاحه وراد يضرب هه اخويه من حلات روحه ع نفسه كمش المسدس راسا وفره لفوك وكع بالكاع وصارو واحد يطي للثاني بوكسيات صدكي يا ضي والله شاهد عليه ماجان اخويه يريد قتله لو ما هو راد يقتله وعلمود يدافع عن نفسه قتله
عافه واجه بعد ما اخوي كتله وهو يدافع عن نفسي مات بين اديه من عرفو تخبلو رادو يكتلو كلت الاشهب رفض يرفع دعوى عليهم ويستلم قضيته مو لان خاف منهم او خاف ع روحه او شي لاا بس لان اخوي يكرهه ماراد يساعده أسد من عرف استلم القضيه هو واشهب ما خلاه كله خلص اني استلمها اخو مرتي واني استلم قضيته بس أسد رفض وكاله خلص
اني حبيت هذه القضيه واني استلمها ضلوو يمكن اكثر من اسبوع وهذا اول مره أسد واشهب يتعاركون ويطول زعلهم هلكد اشهب ماراد أسد يستلمها لان خاف عليه واسد اصل لان تدرين بزوجج شكد يحب القضيه الصعبه ودورها دواره المهم رجعت علاقتهم وضل أسد يساعد اخويه هواي مابقه شي ع الجلسه وبدت التهديدات توصل النا والأسد جان أسد يسولف الأخوي واخوي يسولفللي واني انقهر حييل لان ما بيدي شي
رغم كل هذا أسد حلفنا ان ما نكول شي ع التهديدات لاشهب او الج وما نجيب طاري القضيه نهائيا المهم أسد جان جان انساني حيل ساعد شخص بس شنو نهايته متعرف شوفي الي قتلو أسد هم نفسهم إلى جان اخوي يشتغل عدهم بسسس ليش وبامر منو هاي مانعرفها بسس اكو من جان كاعد يساعدهم ووهو واحد منكم ضي اكو من مايريد الراحه الج
- شلون اكدر اوصل الهم شلون اكدر اثبت برائتي شلون اعرف منو المسول
- شوفي الشي الي مخليني متأكده ان اكو احد امر بقتل أسد واحد يعرفه وحاقد عليه لان هم لو يردون يقتلون اخويه مو أسد بس اكو من أمر بقتله
- صفنت منو باوعتلها وشلون اثبت برائتي كدام الكل شلون اخلي اشهب يصدك مو اني ويعوفني بحالي
- لو بيدي جان ساعدتج بس حته بيه ميصدك اشهب بي طبع اذا شك بشخص ولو شك صغير مستحيل يصدكه وهو مستحيل يصدكني هو حته حاقد عليه أكثر منج اذا اجه
- ليشش حجيتها واني مصدومه
- ههه هواي اسباب لليش مالتج هاي يا ضي يعن
ي اولهم اشهب خيرني يا اما هم يا اما اخوي واخوي بآخر فتره حيييل ادهورت حالته و هددني اذا تركته وحده بنص الطريق يروح يسلم نفسه اعرف بي اناني اخويه فضل نفسه ع راحتي وعائلتي بس
الصوج باشهب هم الي تركني بسهوله اشهب ما حبني ابد وجانت هاي ورقه ربح حته يخلص مني هههه بس اني الغبيه الجنت اعشقه مو بس هيج اشهب كرهني من وره اخوي ماجان يصدك ان هو بريئ بسبب شخص تدرين منو أكرم
ضي اذا تردين تخلين اشهب يصدكج بعدي عن أكرم هذا انسااان حقير يسوي اي شي علمود الفلوس اي شييي واحد اناني وما يهمه غير الفلوووس وبس مستعد يقتل في سبيل الفلوس ويعرف شلون يستغل عصبية اشهب وطبعه كتلج اشهب بي طبع اذا شك بالشخص ١ ٪ ما يصدكه مو بعد اكو يترس راسه حجي
محد هدم عائلتي غيره لان هو الي وهم اشهب ان اخويه مو بريئ وهو الي وهم اشهب ان اني
باوعتلها مصدومه جانت تحجي ودمرعها بعينها كل كلمه تك لها تمسح عشره دموع من عينها كعدت بصفها وجربتها الحضني ضلت تبجي ضي لا اصيرين مثلي جبااانه لا اصيرين مثلي تركت بتي لان اعرف راح يخلوها طم الهم واعرف اشهب ما يعرفها إلي وهناك أمن الها
لحد الان احنى بخطر صار مو بس اخوي اني هم تدرين ليش مخلينا لسه عايشين لان يردون يموتونا من الخوف والرعب
ضي نصيحه مني أكرم ديري بالج منه واحد ظاااالم واناني كل همه الفلوس
- جنت شاكه بي هو وره كل شي صار بيه هو الي خله اشهب يسجني وهو الي يوصله حجي عليه بس مصورت هيج حقير إلى هذه الدرجه جنت اكول اشهب حقير بس أيقنت هسه أكرم أحقر من اشهب بقاطات لان مايهمه غير الفلوس حته حياة البشر مو مهمه عده
شوفي ساره اصلا اشهب وأكرم متعاركين واشهب رفع شكوى عليه وراح يسجنه ونخلص منه بس
- ههههه تخلصين منه بابا هذا واسطته جبيييره شتحجين انت هذا يطب بالسجن اليوم باجر يطلع مكرم مدلل شتحجين شوفي أكرم يستخدم اسم شكو نائب بالبرلمان جبير شكو واحد عده سلطه ضابط رركن اي شخص اله هيبه والكل يحسبله حساب
يعني هيج كدر يسجن اشهب قبل يومين وحبسه بدون اي شي وحته منعرف شلون بس كالو أكرم حبسه ورافع شكوى عليه وحته عمر سجنه
- شفتي هذا استخدم اسم شخص جبير وسجنه خوفج منه شوفي حاولي دائما تخلين اشهب يشك بي لان اذا شك بي بعد ما يسمع اله لو ماعرف شيصير
- بس شلون واني مااحجي وياه اصلا زواجنا ع ورق
- زواجكممم ليش ازوجتي
حجتها بصدمه وهي تباوعلي هزيتلها راسي اي باوعتله بحزن وكالت الله يعينج لعد إكليها وهاي حنان مادري ليش ما ارتاحلها
- هههه لو تشوفين هي واسيل مكافش
- هههه منو مثل اسوله صدك ضي حاولي شكد ما تكدرين تخلين اشهب يشك بأكرم وان شاءالله تنكشف الحقيقيه
- الله يسمع منج هسه عرفت أكرم اول عدو إلي ولازم اعرف العدو الثاني صدك ساره شعجب انتم هنا وليش
- هووواي اسباب أمن النا وهم بعيدين عن العالم اعرف كلها تعرف مكاني حته اشهب يكدر بساعه يعرف وين اني بس ما يسويها لان مايريد يشوفني وهو اصلا فرح من انسحبت من حياته للأسف يا ضي اشهب مشكلته هاي خليج قويه وكل ما يشك بيج زيدي ثقتج بنفسج كدامه
- ان شاءالله بس اكو شغله تعرفين مكان هذول الي
- ضييي ديري بالج اذا تردين حياتج عوفيهم دوري ع منو الأمر بقتله لان هم بس عبد مامورين روحي قبل لا يصير شي
وكفت ووكف عمو بكر إلى جان ساكت طول ما احنه كاعدين طلعنا واني مصدومه صدمه جبيره أكرم الحقير كل البله من وراه اخذ تكسي عمو رطلع باوعتله دلاه ع بيتنا باوعت ع عمو مستغربه نزلنا وكال يلا
- شكو عمو ليش جبتني هنا ماريد ادخل اذا ادخل انهار
- ضي اريد احجي وياج وماكو مكان آمن غير هذا المكان
- لا عمو ماكدر ما ادخل
- شلون دخلتي ذاكليوم
- جنت مجبوره علمود اادور ادله
- امشي امشي اخذني ورحنا لمطعم كعد بمكان طلع هيتفوناته اطانياهن وشكلهن بتلفون وكال حطيهن
باوعتله مستغربه اخذتهن من ايده واني اباوعله مصدومه من طلبه دخلتهم من جوه الحجاب ولبستهم فتح تلفوني وشغل واجاني صوت ساره وهي السوالف كلشي مسجل كلشي باوعتله مصدووومه عمووو
- اني عمج النجر يأبه شعبالج هذا اول دليل صار بدينا ويه الملفات وهسه مابقه شي غير بس نعرف منو وره الأمر ومن الي نفذ ماكو غير الاربعه إلى جانو ويه أسد راح يساعدونا
- بس شلووون نلكاهم ومنو يكول راح نلكاهم
- نلكاهم نلكاهم هذا التسجيل راح احفضه بأكثر من جهاز وأكثر من نسخه اخلي منه هنا واخلي هم منا عدي باربيل الاحتياط واجب بت اخوي
- عزا عمو هاي اني المحاميه مو مثلك شنو من عقل عدك
- انتي ضليتي ملتهيه اسمعين وذيج الثوله هم ملتهيه اسولف واني استغليت الفرصه
- واني اكول ليش جنت ساكت.
- بعد عمج يلا كومي كومي صدكتي هذا صاحبي ضابط هو من لكه عنوانها وكلي اسوي هيج اذا حجت هههههه
- باوعتله صفح واني اكول منين نزل الذكاء عليك من يا جهه
- انجبي لج هههههههه
- هههههه شبيك مو عليك ع الضابط
رجعنا واحنى نضحك واحس براحه شويه لان بديت اشتغل صح واطلع برائتي اخلص من هذا والتفت الحياتي بعد م
ا طلع برائتي اخلي عمو بكر يتوسط
واحقق حلمي واصير محاميه ناجحه اخلي أسد يفتخر بيه وارفع اسمه
رجعنا الاربيل اول ما وصلنا طلع عمو علي سلم عليه وجلب بيه اله يدخل باوعلي وكال شلونها بيبيتج
- هاا ليش زينه زينه الحمدالله صفنت ع روحي خرب جذبت الجذبه ونسيتها ردت اكول ليش شبيها هي
دخلت اني وعمو بكر بعد ما لح عليه عمو علي يدخل هو دخل للاستقبال واني دخلت للمطبخ لكيت حنان كاعده اسوي بالعشه انصدمت اول تالي تشتغل هاي عفتها ودخلت للصاله وانصدم من المنضر إلى شفته
جا اشهب يفتر وساد عيونه وماد اديه ويفتر يدور ع الجهال والجهال يفترون ما دايره وكلساع واحد صاح اني هناااا ويضحكون ويحاولون يخسرونه باوعت ع اسيل تضحك وادلي اشهب بمكان يوسف ويوسف يخزر بيها ويصيح
- لججج عمه ليش خبيثه انتي مو اقطج والخليج تبجين ع فلوسج
عفتهم وصعدت ابدل اول ما دخلت للغرفه اجه ليث يركض
- حبيبي شنو ما تلعب وياهم باوعلي صفح وصاح
- لااا
اممم نلعب اني وياك
- ايييييي
- تمااام لعد ابدل واجيك بدلت ملابسي ورجعت للغرفه لكيته كاعد يلا شنلعب
- مممم
عوج حلكه وهو يفكر واني صافنه عليه اضحك وماحس غير اسيل طبت تدك وتبجي
- شبيج ولجج
- الله يااااااخذني لج ثوووله غير تكولين عمج وياج هااا
- ليششش شكو عمو علي لح عليه ودخل
- لج مادري بي رحت اصيح العمو علي علمود يجي يتعشى ورحت هيج كفشتي وتراكي راح الله يغضب عليه لان غريب شاف شعري لج هسه شلون لو ممشطه ميخالف اخ ربي شكد فشله
- ههههههههههَههههههه لا تخافين عمو ميباوع
- دنجبي هاي ثاني مره يشوفني بلا حجاب راح ابجي والله شكد فشله هسه شيكول عليه وكلشش ميباوع مو ذيج المره بقه صافن وهلمره هم فتح عيونه ادبسزز ميستحي
- اسيل ههههههه يمعوده
- ها اسفه نسيت عمج اي شسوي هااا والله حرام هيج حته ممشطه
- زين هسه انتي شنو الكاتلج لان طلعتي بالكفشه لو لان حرام لو لان فشله لو لان عموري ميقبل
باوعتلي وصاحت يبووووو عمر إذا عرف والعباس يشنقنيييي اخ ربي
- ههههههه لالا والله عمو مو هيج لا تخافين اصلا نسه الموضوع
- انجبيييي نسه
عافتني وراحت الغرفتها تبجي واني اضحك عليها نزلت عشيت الجهال واكلت شويه وياهم وكمت غسلت المواعين وصعدت الغرفتي اجت براسي فكره
دخلت الغرفتي وقفلت الباب اي استاذ اشهب نشوف شلون تدخل اليوم ابتسمت ورحت الجربايتي يمكن ساعه وايدت الباب تحركت كعدت واني مبتسمه هو من شافها ما نفتحت دفر الباب صاح
- ضيي فتحي الباب
مارديت ضليت ساكته رجع دفرها من جديد هم ما رديت صاح
- ومن اغلط بت الكلب متقبلين فتحي الباب لا اكسرها عليج ادري بيج كاعده
اتمدتت وعفته يدك بالباب ويحجي بعصبيه بس همس حته حنان متسمعه ضل يحجي ويغلط ساعه وراح نمت مرتاحه كعدت الصبح نزلت سويت ريوك للجهال حته يرحون للمدرسه كعدتهم
يوسف : اني ما روح
- يوسف كوم بلا كلام لا اكوول الابوك كوم حجيتها واني اخزره
باوعلي وكام
- خاله ترا ميلوكلج العصبيه والضحكه ذيج باوعي هاي هاي هاي طلعت طلعت طلعت
لااراديا ضحكت من كام يحجي هيج خزرته وهو
طلع يضحك ويحجي
- خاله لخاطر هلضحكه راح اداوم
ضحكت وطلعت اول ما طلعت من غرفتهم صار كدامي باوعلي وهز راسي
- هينه يبت موسى أسدين الباب وتقفليها ماشي تدللين
عافني وطلع باوعتله وهزيت ايدي لاا حباب تعال لا تزعل مني خاب دطيرررر والله يالله
كعدت بصف الجهال وصرت اوكل بيهم اجه هو مد ايده من يمي واخذ جبن لفها بالخبزه وجر الجاي شربه وباوع للجهال وكال
- اليوم تحضرو نلعب واله اغلبكم
باوعتله رافعه حاجبي همست اغلب أكرم الجذاب وبعدين اغلب الجهال ماحس غير بكرصه بأيدي طفرت حيل وصحت بعلوو صرتي الجهال كلها طفرت
روزه : شكو خاله شبيج
باوعتله بخزره هز راسه وطلع باوعت للجهال ماكو شي حبايبي فد شي كرصني
- خاف دوده
- اي يجوز
- اعطيتهم جنطهم وطلعوو ليث باوعلي واجه
-دنكي ماما
ليش هزيتله راسي أشر ادنك ثنيت رجليه وكعدت هاا
شفت مد راسه وباس ايدي وكال الوحش كرصج من ارجع للدوام اني أعلمه
حجاها وطلع ابتسمت واني اشوفه هيج ربي لا يحرمني منكم عفته ودخلت للبيت انضف
نفس الروتين كل مره بس هلمره حنان كاعده رجل ع رجل وتتامر وكلساع وكالت ضهري يوجعني مشتهيه هيج اريد هيج جان ام اشهب تباوعلها
- شنوو لا بس حامل
- شنو خاله لا بس كولي ان شاءالله حامل شوشتي يريدني اترس البيت جهال
دكيت ع كصتي واني كامشه الضحكه هذه منين اطلع الالقاب هاي اخ يا اشهب هاي تاليتك ضحكت وهزيت ايدي جان تخزرني واصيح
- شنو ما عاجبج انتي تهزين بيدج
- لا حبيبي منو يمج انتي بس اذكرت صديقتي جانت غبيه وتصرفاته مثلها مليانه غباء جنها هذا بسيط إلى بسبونج بوم نفس الغباء بضبط وضحكت
عفتها وكمت لليل جانو كلهم كاعدين يلعبون حته ليث انصدمت من شفته يلعب بس من شفته كام يخبث ع اشهب ساعه يحط مخده كدامه وهو ساد عيونه لو بطل مي لو شو شنو اخزره اريده يبطل ميقبل
وه
ذا اشهب كلساع عاثر بيهم والجهال تضحك عليه بس الصدمني ان هو ابد ما عصب بالعكس ضل يضحك وياهم اخر شي كمش قمر وصاح كمشت رهينه اليوم منو يخلصج مني وصار يغور بيها وهاي بس تضحك الفطيره بقيت صافنه ع بتي إلى تكركر من الضحك من زمان ما سامعه هاي ضحكتها جانت تضحكها بس ويه أسد حسيت دموعي صارت بعيني مسحته وابتسمت
انتبهت تلفون اشهب ع الميز هو رجع سد عيونه وكام يدور ع غير واحد وقمر حابسها عود كمت سويت نفسي اروح للمطبخ وأخذته وركض للحمام
تنفست براحه واني اباوعله ردت افتح مانفتح لاااااا عليك الله لااا
افتح افتح اووف شنو الرمز ياربي ضليت اكتب ماكو اخر شي ضلت محاوله وحده ماعرف ليش اذكرت كلام فراس من كال يحبني حيل كتبت اسم فراس رأسا انفتح ابتسمت وانصدم صدمه جبيره واني اشوف صوري واني اريد افتح الموبايل يعني منصب برنامج يطك صوره للشخص إلى يفتح التلفون ويكون الرمز غلط يممممه منه هذا شنو رأسا دخلت للبرنامج حذفت صوري ورحت لسجل المكالمات ورحت ع تاريخ اول البارحه لكيته مكتوب النقيب
منو هذا يا نقيب باوعت ع الرقم حته تلفوني مو وياي واخذه خرب طلعت خابت آمالي لحضه غرفة ليث وفراس من هاي الجهه يعني اذا طلعت من الحمام محد يشوفني بس الي بالممر طلعت واني حاطه التلفون بجيبي صوت ضحكهم بعده يعني بعدهم يلعبون طلعت للغرفع رأسا
جريت ورقه وقلم من دفاتر ليث وكتبت الرقم ورجعته شكيت الورقه وحطيته بجيبي وطلعت بعد شلون ارجع التلفون طلعت ورحت للمطبخ عادي سويت روحي اشرب مي حطيت التلفون ع ميز الطعام لان ماكدر ارجع المكانه ورجعت كعدت خلصو لعب وكعد بارع ع روز وكال
- بابا روزه تلفوني ع الميز فوكاج اطينيا
يمه حته مكانه ما ناسي كامت روز ورجعت بابا ماكو وكف راسل شنو ماكو باوع علينا ومشه كام يدور بالاله كامت اسيل
- خاف شو وين حاطه
- حطيته هنا بيدي اسيل شنو غبي انييي ماذكر
اسيل : لا حشاك هسه ادوره
شفت اسيل راحت للمطبخ جان اصيح
تعال اشهب هذا تلفونك ع الميز الطعام هو صفن واخده من اسيل راسا فتحه عرفته يريد يشوف منو فاتح التلفون من البرنامج والله يا اشهب طلعت مو قليل
وره العشه كلها طشت واني هم ونفس البارحه قفلت الباب بس ما اجه همزين صارت عدك كرامه وما اجيت مرت شهرين ضبططط عمو بكر يحاول يدور ويعرف ولو شي بسيط ويه تسجيل الصوت والملفات حته ننطيهم الاشهب ويحل عني بس ماكو
عبالك فص ملح وذاب ماكاعد نعرف شي عنهم وأكرم صدك دخل السجن منا طلع ثاني يوم منا ولا كأنما الرقم الي اخذته اطيته العمو بكر وكال الرقم النقيب اسمه رامي
صفنت واذكره نفسه الضابط إلي عود جان يساعدني وهو من طرف اشهب والله يالله بس شنو الشي البينهم ماعرف بقينا اني وعمو نبحث هواي بس ماكو اي شي اني دائما اذب كلمات الاشهب ع أكرم وهو يضل يخزر بيه بس ابد ما احتكينا او حجينا اني مجاهلته وهو مجاهلني بس مرات من اسمعه حجي ع أكرم وهو يخزر
من ذاك اليوم وهو ما دخل الغرفتي بعد طلع ابو كرامه استاذ اشهب شهرين ٠نت نوعا ما مرتاحه ويه جهالي بس ابقه غصت نضرات اشهب وحنان إلى وعبالك صدك مجرمه
حنان ماطلعت حامل بس ضلت اذب سمها عليه وكل فترا اطلع شي عرفتها تريد تخليني احجي واتعارك حته تكول الاشهب فإني اعطيتها اذن الطرشه ع كولت اشهب من اجاهله هههه لحد ما بيوم جنت اكلب بصفحة هذا رامي بلكت اعرف شي لان عرفته يعرف شي هو واشهب ميردون احد يعرف بي لكيت ناشر منشور واشهب معلقله كايله مثل ما متفقين
شنو ماعرف صار عدي فضل اعرف شنو الي يدور براسهم بيومها قمر جانت مريضه كلش وصخونه ضليت سهرانه وياها لليل ياله شويه نفكت صخونتها
رحت للمطبخ ابد المي إلى اسويها بي كمامات جان اشوف اشهب بالحديقة يخابر فتحت الشباك وضلت اباوعله
- راااامي سوي الاكلك عليه ومالك دخل بالقانون عوفها عليه اييي اذا اضطر الأمر أزور الملفات فضهااا سوي الاكلك عليه يلا انتضرك
استغفرالله كتلك مالك دخل اعرف شلون ازورهم مندون ماحد يشك اعرف الشغله يلا باي ماتحملت من سمعته شيريد يسوي هذا باوعت اكو سجينه كدامي ع النغسله جربتها وطلعت هو باوعلي وصاح
- شنووو رجعتي العادتج القديمه تتصنتين
- اشهبببب تزوير شنوووو
- سوالف زلم النسوان مالها دخل
- اشهبببب اذا الشغله تتعلق باسد والله اكتلك فاهم
- لا خوفتني لا حبابه بابا روحي كملي نومتج روحي
- اشهبببب لا تلعب وياي والله مستعده اكتلك وماخليك أزور شي اكيد عليه مو علمود تسجني مو
- تقريبا بس مو عليج
- يعني شنو التزوير علمود ملفات قضية اسددد
- شهل الذكاااااء هذا بس هم مو هي بس وصلتيييي
- اشهبببب رفعت السيجينه بوجهه وصحت والله اكتلك احجيييي شتريد اسوووي
- شبيججج انتي ويه القتل كل كلمتين ورفعت سلاح ساعه مسدس ساعه سجينيه بعدين تعاي إلى يسمعج يكول اني الي كاتل أسد وخري هاي مو للجهال وولي طبي جوه مالج دخل بشغلييي والله يالله
- ماشي لعد تقدمت وباوعت بعيونه انت عميت ع روحك لعد
اسيل : وره ما طلعو اشهب وعمر من
السجن ماصدكت ابد طرت من الفرح ضليت انتضر اليوم الي يجون بي شوكت لحد ما بيوم جنت كاعده
واشهب يلعب ويه الجهال وضي هستوها اجت من بغداد كمت صبيت العشه ورحت اصيح العمو علي هو ٢٤ ساعه بالاستقبال هههه بارده وجبيره وهدوووء يرتاحلها
جنت لابسه تراك لونه سمائي ووردي وشعري شادتته كبه لفوك ومطلع خصل منه تسريحتي المفضله برغم اطلع جني حمار بس احبها من اسويها
ويوسف كل ما يشوفني يكلي ها الشمس طالعه ع كفشتي ههههه دخلت جفت واني اكول
- يلا يا ركاله العشه كاهز واعوج بحلكي جني هذني المصريات جان اشوف عم ضي كاعد صار كدامي فتح عيونه وضل صافن اني من شفته هيج رأسا سديت الباب وركضت لفوك ودموعي تنزل ااااخ يا غبائج يا اسيل تف عليه ثوووله مطيه غبيييه
اه ياللهي شهل الورطه هاي صعدت الضي ابجي وهاي بس تضحك وبدل ما تكحلها عمتها من كالت عمر يبووو اذا عرف والعباس ابو فاضل يعلكني بالمروحه بقيت اليل كله ابجي من الفشله دوم احط نفسي بفشلات
والله يسلط عليه هذا الرجال اخ يالله ضليت مبرطمه لحد ما دك عمر رديت عليه ودموعي بعيني
- الو اسيل شبيج حبيبي ليش صوتج هيج
مسحت دموعي ورديت ماكو بس ضايجه شويه
- ليش الحلوه مالتي ضايجه ليش اسولتي ضايجه العمر انتي منو مضوحها
صفنت احجيله لو لا لا هذا خبل يروح يعارك خلي بعدين جاوبته ماكو بس جنت اتفرج ع مسلسل ومات البطل
- لا بالله هذه لو عمر ميت جان ما بجيني عليه هيج حظوووظ والله بت الاوادم تبجي ع غريب وعايغه حبيبها وزوجها
- اسم الله عابت شهل الحجي هذااا
- اروح فدوه للي يخاف عليه يااابه اروح فدوه اني
- اسم الله لا تحجي هيج فدوه
- تدللين صدك شلونه الوضع يمكم
- عادي ليش شبي
- مو علمود هذا العار ماجه بعد
- هااا قصدك أكرم توو مااجه
- خوش
- ههههه شبيك
- اذا اجه بس رمشيلي واني افتهم اعوف بغداد واجيج
- هو انت عايف بغداد وجايني صدك تعال شو مكابلني وكاعد شنو ماعندك شغل
- عدي بس كلبي ما يطيني اعوف اشهب اقصد اعوفج هههههه حبيبي انتي
- روح زعلت خلي اشهب يفيدك
- دتعااي شبيج
- ها ها صدك عدي سؤال اسئله واروح ازعل
- هههههههههه سئلي
- هذا أكرم شلون سجنكم يعني ليش سجن اشهب وشلون
- استخدم هويته وواسطه عده خابر كال هذا اعتدى عليه وحطو واني من هجمت عليه هم كالت اعتدى عليه
- مممم
- بعدين تعاي بت الكـ الككو هذا سؤالج واني مكيف سؤال سؤال طلع ع العار أكرم
- ههههههه يلا باي اني زعلانه
- لجججج اني اعلمج
سديته واني اضحك عليه مرت الايام اجن اهله قبل لا يرحون البغداد كالو نعقد ونروح حته ياخذون راحتهم ويتعودون ع بعض وادور يزوجون
صدك اتفقو نعقد شيخ بس والمحكمه من يقرب العرس رحنا ليم شيخ عمو علي يعرفه جنت لابسه ثوب ابيض يوصل للركبه وجوه كالون بس مو شفاف لا وحجاب ابيض هذه أوامر الوالده نبع الحنان رحنا و عقدلنا وخلصنا جانت احلا لحظه من رفعت راسي اشوف عيون عمر وهو يباوعلي مبتسم رديت جوابي واني مبتسمه جانت امي وعمو على واشهب وياي رجعنا للبيت بدون لا هوسه ولا شي ولا حفله اشهب ماقبل ولا عمر كالو بالعرس نسوي هوسه
رجعت طايره من الفرح ممصدك صرت مرت عمر الي جنت اكرهه وهسه اعشقه واموت عليه كعدت فرحانه ممصدكه بقيت اتراسل وياه شهر ونص اروح للجامعه وارجع وهو كل خميس وجمعه يجي الاربيل الخميس يجي ويكابلني بجامعه ويضل بس يصفن عليه ومن اخلص محاضرات ياخذني نتغدا بمطعم ونرجع طبعا بموافقة اشهب
وهو يوثق بعمر هواي يمكن عشت احلا ايام حياتي قربت امتحانات الفاينل وبيوم عدي امتحان رحت اريد امتحن متحنت وطلعت اول وحده لان الاسئله سهله كلشش رفعت راسي شفته كدامي ماعرف ليش حسيت جسمي كله كام يرجف خفت منه ابو عيون نفسه
الجامعه تقريبا فارغه ومابيها احد يوم ثلاثاء والدنيا حاره وكل الطلاب بالامتحانات يوم كلشي انرعبت بي رجعت للقسم مالتي دخلت كعدت جوه واني ارجف شويه وشفته من الشباك يفتر يم الجامه مالتي
ماتحملت طلعت واني خايفه بس أقوى بروحي وكفت بوجهه وهمست
- انت شتريد هااا صالك فترا بس تلحك بيه ماعندك خووووات ما تستحييي
- شبيج شبيج شنو استلمتيني اعرفج تعرفيني حبيبتي اداوم هنا وجاي أخذها ممنوع يعني شنو كل الي يباوعلج يعني يلحكج ع حورج هسه حاطتلج وشم بخدج دروحي روحي
- انت صدك بلا مستحه وين أمن الجامعه والله اشتكى عليك وكول اسيل ماكالت ها عفته ورحت ع الأمن مشيت هواي تعبت بس يستاهل
- السلام عليكم
- وعليكم السلام تفضلي
- رجائا اكو شخص غريب صالي فترا اشوفه يلحكني ومن احاجي يكلي انتضر حبيبتي وهو مو طالب ويانا وقلل ادب هواي وياي ياريت تصرفون وياه
جنت احجي بالكردي و عصبيه حيييل ماحسه غير وكف وراي باوع عالامن واعتذر منهم وطلع صفنت هذا شبي يحجي صدك والله مو صاحي عفته ورجعت ادردم عليه قليل ادب مامتربي ادبسزز
والله يالله رجعت للبيت ضايجه كلش بيوميتها رأسا ذبيت روحي ونمت كعدت ع صوت رسالته عمر
💬 حبيبي اليوم ماكو
💬 هلا بس
تعبانه رجعت من الامتحان ونمت
💬 الله يساعدج وهسه شلونج
💬 هه بعدني بس هسه صرت احسن
💬 خوش لعد اريد اكلج شغله بس احلفي بداعت والدج ما تفهمين غلط تمام
💬نشوف
💬 مو نشوف أحلفي
💬 اول اشوف الموضوع مايعجبني شلون احجي وانشاءالله ما ازعجك
💬 ماشي شوفي حبيبتي اكو دكتور تجميل هنا ببغداد كلش معروف شرايج قبل زواجنا اجيبج اله شويه يمحي أثر القلم
💬 عمر حبيبي اول شي هو أثر ويروح بمرور الزمن ترا كاعد يخف وبعدين هيج ضايج منه
💬 لج لااا ماضايج بس الله شاهد لان ادري عماتي شنو واكيد. راح يضوجنج بالحجي وماريد اذيج او اخلي احد يزعلج
💬 ان شاءالله محد يزعلني ويضوجني وانت موجود
💬 حبيبتي يعني هسه ماترحين
💬 افكر واردلك الخبر
💬 تمام حبيبي
ضليت احجي وياه لحدما هو راح لمحله واني نزلت ساعدت ضي لان خطيه بتها مدري شبيها لليل وصخونتها كبت ضليت كاعده وياها بس بعدين كالت روحي وراج امتحان
صدك عفتها وصعدت هستوني اريد انام جان يدك تلفوني باوعت عن رقم غريب
💬 لقد اغرمت بعيناكِ جمالهم گجمال البحر والسماء ااه كم انا عاشق لهن وكم اتمنى ان أراهن كل يوم وأصبح بهن وامسي بهن فكأنما بحر داخل عيناكِ بحر مليئ بالالماس والمجوهرات بحر ثمين لا يعرف قيمتة اله من غاص باعماقه وجرب ذالك الاحساس.... عاشقكك الولهان............... يتبع

الاغنيه تمثل أبطالنا كلهم ♥️
،،،،،،، وللحكاية بقية ،،،،،،
قرائة ممتعه أحبتي
تصويتاتكم وتعليقاتكم وتوقعاتكممم
والفديو بعد البارت
#نور الشمري
#نوشه




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-07-20, 01:36 AM   #24

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#برائتي_وجبروتك
بقلمي #نور الشمري
#البارت الواحد والعشرون
Noor336

# يا ابن آدم لا يغرك طول الأمل وكثر التمني تراك مقفي والنهاية قريبة والعمر محسوب بالثواني لا زود ولا نقص ولا فيه ريبه ومسؤول عن القاصي والداني واصبر على ما جاك من مصيبة ولا تظلم ترى الحق يباني ودعوة المظلوم على الظالم مصيبة تجرح شعوره بكلام ما له معاني تضيمه وجروحه تزايد لهيبه امسك طريقك ولا تصير عدواني بأسباب ظلمك وجروح القلب عطيبة حسبي الله على اللي بلاني أنا أرجي اللي من ترجاه ما يخيبه عالم الظاهر وما بين ضلعاني يجلي هم بقلبي تزايد لهيبه ويريح بالي ولا يفرح عدواني يبين الحق والظالم ظلمه يخيبه ويجمع قلوبنا بود وحناني نفرح بجمعنا والظالم ظلمه يعيبه
ضي: ماشي لعد تقدمت وباوعت بعيونه انت عميت ع روحك لعد صح إلى يسمعك ويشوفك مأيكول انت قاتل أسد لاا راح يكول شكد وفي هذا لصاحبه وشكد يحبه بس بالحقيقه باوعت ع عيونه جانن يجدحن نار عبالك حمرر ويباوع بغضب من كلامي تقدمت وصرت واكفه كدامه خطوتين خطوتين بس تفصلني عنه واكون بصفه باوعتلهه واني مبتسمه ولازمه السيجينه بيدي وكملت كلامي
بس بالحقيقه العكس لان انت وره قتل أسد تعرف ليش يمكن مو انت الي قاتله بس انت السبب لو لازم قضيةة اخو ساره من البدايه ماصار كل هذا لوو تارك العناد والحقد ع جهه ووكفت ويه المظلوم ما اجان استلمها أسد وراااااح لان هم الي قتلوووه
وكل هذا من وراك انت ووره انانيتك هذه راح صديقك انت اول شخص سببت بقتله تعرف باوعلي بغضب وصاح بصوت عالي
- شتمخرطين انتي شنوو عدتج بتج بصخووونه امشي طبي جوووه وديري بالج تعيدين هذا الكلام مرة الثانيه لان والله احطج هنا واكتلج ومايرفلي جفن فااااهمه
- هههه عصبت لان الحقيقه هاي استاذ اشهب تعاقب ضوك المر تدري جان ببالي اكتلك بس لاا راح اكتلك بكلمات إلى راح اخليك تاكل نفسك نددددم فااهم لو لا والله الي تحلف بي هسه راح اخليك تندم ع كل شي
- شوفي ولج مو عبالج تنتصرين عليه بهل الكلمتين بعدين شهل الفلم الي جايه تمثلين بي ترا سخيف ومانجح هه بعدين تعالي منين تعرفين بقضية اخوها الساره هاا
- حجاها وهو يرفع بحاجبه إلي بغضب ابتسمت وهزيت راسي سر المهنه استاذ اشهب نسيت احنى محامين بعدين هده الهامك انت هسه كول ع شنو تريد أزور ملفات وشنو إلى يدور براسك
- لحظه خل اذكر لان من شفتج خفت ونسيت كلشي
حجاها وضحك وحك خشمه تقدم وصار كدامي رفعت السيجينه بوجه ضحك وكمش ايدي ونزلها
- متخوفيني واعرفج مسويها لان جبانه
فتحت عيوني مصدومه كلامه تغير ابتسمت وهمست بصوت ناصي
- مو ع اساس اني مجرمه بنضرك يعني مااخاف وصارت سهله بنسبه الي ابتسم وكمش شعري من وره وهو يضغط ع راسي من وره ويحجي
- اي صحيح وما تغير كلامي بس تدرين ماعوفج حته من تكتليني وأسكن كوابيس مثل اسدددد
حجه اخر كلمتين وهو صاك ع سنونه ويحجي بمكر فتحت عيوني شقصدك هااا يعني أسد ساكن كوابيس يريد ينتقم مني هههههه
- لالا مو هيج ادري باسد كلبه رجيج وخاصه يمج بس يحب يضوجج شويه واني بعد ماكو داعي تعرفين كرهي الج اسود عيشتة والله اسكن كوابيس ٢٤ ساعه
- هسه ما ناوي تسولف يعني
باوع بعيوني وهو لسه كامش شعري بقه هيج دقايق ماعرف شنو صار بس نضراته تحولت فجئه من كره وقساوه إلى شي ماعرفت افسره جانن يلمعن لمه مو طبيعي بيهن بريق وهن صافنات بعيوني بقت صافنه
عليه شبي هذا شو صفن واني اباوعله بستغراب ماحسيت غير بايده ع خصري مدها من ورها وجرني عليه وهو لسه صافن بعيوني خزرته وضربته بيدي الثانيه ع صدره وهمست
انت شسوي وخر عني هددد شعري وشيل ايدك لا اعيطط ابتسم بهدوء وهو لحد الان لازمني جسمي لامس جسمه ايده محاوطه خصري حيل والثانيه مثبت راسي وكامش شعري بيها ورافعه اله باوعت عليه بخزره واني متقززه من عده ومن لمساته رجعت كررتها مره الثانيه وضربته ع صدره
فتح عيونه وانرسمت ابتسامه صفح ع شفايفه بس
هلمره جانت ملامحه مختلفه تحولن من شيطان هايج إلى ملاك هادئ صدمني من انقلابه المفاجئ ضجت وبقيت احاول اطلع من قبضته بس هو ماكو ساكت ومجلب بيه انطفت الكهرباء صارت الحديقه ضلللمه بس ضوه القمر بيها
باوعلي وهمس بهدوء تردين تعرفين شنو اريد أزور ماشي راح اكولج بس تخليها سر حجاها ورفع تك حاجب وابتسامه صغيره مرسومه ع شفايفه هذا الي شفته من ضوه الكمر باوعتلهه مصدومه
شهل الهدوء والتصرفات المفاجئه هاي باوعتلهه بصدمه غريبه حته نسيت روحي بحضنه من تصرفاته الغريبه الصدمتني همس باذني
- التزوير علمود حته اساعدج
باوعتلهه رأسا مصدومه من كلمته وهو ضحك بس بصوت عالي ورجع كمل حجيه بهمس
- حتى ادخلج للسجن واعاقبج بس انتضريني اثبت الشغله الي ببالي وبحححح ترحين المكانج الأصلي الطلعتي منه
هناا حسيت روحي صدك وحده غبيه من صدكته ولو لحظات وعبالي يريد يساعدني غبيه من صدك ضربته حيل ببطنه وححت حقييييير ومستفزززز ما اصيلك جاره لا والله راح أضل دوومك ظااالم بس ظلمك هذا راح تتحاسب
عليه ضحك حيل وهو يلعب بشعري ويجر بي حيل واصابعه تتلمس خصري
- اييي هههه وياج بهاي مستفزز حيل وخاصه وياج يا بويه شكد احب استفزج واضوجج احس بنصصصر عظظظيم ههههه صدكتي اساعدج يعني ههههه بحلمج
- هددد وخر عنييي لا والله اصيح هدنيي وخر اديك والله اضربك هدد
احجي واني فايره نار من العصبيه واضرب ع صدره اخر شي رفعت ايدي إلى بيها السيجينه ردت ادفعه ادفعه بثنين اديه جان ينزل ايده إلى كامش بيها شعري ماحس غير السيجينه دخلت بيده من فوك من يم الزنده فتحت عيوني مصدومه واني اشوف ايدي انترست دم من عده لحظات او ثواني شلون صار هيج مادري ماعرف خفت باوعت عليه عاكد حواجبه هدني وابتعد وكمش ايده باوعلي وصاح
- يااااه شايف غباء بس مثل غبائج ما شايف بابا هذا كلبي هنا مو هناا يحجي وياشر ع كلبه وأيده ويضحك بس بعصبيه ماعرف احسه عصبي بس هو يضحك شلون ماعرف لحد الان مصدومه اباوع ع ايدي ثواني هي شلون صار كل هذا ماعرف خفت كلش واني اشوف الدم بيدي لحظات وصار أسد كدامي واني اضغط ع جرحه حتى ما ينزف هواي واديه نترست بدمه المشهد تكرر كدامي
نزلت دموعي ووكعت بالكاع ابجي وأهمس لا تموت أسد لا تموت تحمل تحمل احجي بهمس واديه ترجف واباوع السيجينه واكعه كدامي وهو كاعد كدامي كامش ايده. ماعرف شصار بس دموعي تنزل واديه ترجف كدامي واني اباوعلهن وأهمس لا تموت تحمل أسد لا تموت ماعرف شلون
كام وصار بصفي حسيت عليه من جر شالي إلى ع ركبتي لف بيها ايده باوعتلهه مصدومه وهو يباوعلي مصدوم هم لفها وكف
مره الثانيه من تردين تكتلين يا ثولتنا لا تيهين الأماكن واحفضي مكان الكلب زين حته ما اضربي بغير مكان ههه
ججاها ومشه ورجع وكف واني اباوعله ودموعي تنزل ماعرف شنو صار بهاي اللحظات إلي كلبت كلشي رجع مرة الثاني باوعلي وهمس
- كومي غسلي ونضفي المكان لا يكعد احد عمي علي شوي ويكعد ع الصلاه نضفي آثار جريمتج مو تعوفيها ومن تخلصين لحكيني للمكتب
حجاها ومشه وهو كامش ايده واني لسه ع كعدتي وصدمتني شلون دخلت السيجينه بيده مادري شلون هيج بسرعه صار كل هذا ماعرف وكفت واني احاول انهض روحي واقوي نفسي وكفت ومشيت للحمام الكهرباء اجت بس احس روحي بضلمه مو طبيعيه دخلت واني اباوع اديه عباره عن قطعه حمررره
كمت اغسل بيهن حيييل وابجي ماعرف شصار بيه باوعتلهن بيض صارن بس لسه خايفه منهن باوعت ع ملابسي مابيهن شي بس شويه نقط دم من ايدي وهن سود ممبينات كلش غسلته حيل ماراح بس خف شويه عفته
حسيت ع روحي وذكرت المكان لسه والسجينه بالحديقة طلعت واني امسح بدموعي جريت وصلة المسح وصرت اجلف بالكاشي حيل ودموعي تطيح ع المكان ماعرف ليش ينزله كل ما اريدهن يوكفن ينزلن اكثر
خلصت جلف بالكأشي ووكفت شلت السيجينه مليانه دم لعبت نفسي منها اخذتها ولفيتها بعلاكها سوده بعدين ماعرف شلون اجه السلاح ع بالي والبصمات رأسا طلعتها جريت الخاولي إلي بصفي مسحتها للسجينه حيييل وضليت كامشتها بالخاولي لفيتها بعلاكه سوده وذبيتها بالحاويه واني ارجف حطيتها ويه الكراتين والوصخ دحستها حييل
وطلعت الوصله إلى مسحت بيها هم لفيتها بعلاكه وذبيتها دخلت وصرت اغسل اديته بالديتول واني ارجف ودموعي بعيني كوه وكفن درت وجهي جان اشوف عمو علي واكف باوعلي جفلت واني خايفه منه يمكن وجهي صار قطعه صفره ليمونه من الخوف واذا احد ذبحني ما يلكى قطرة دم بيه
ماعرف ماعرف شبيه هيج خايفه عبالك مات واني بالغلط ضربته صفنت باوعتله ابتسم وكال
- شمكعدج لسه بنيتي
ها ااا عمو قمر خفت اعوفها ووو أجيت باوعت ع الطاسه والخاولي إلى جنت انزل بيهن حرارة قمر كملت كلامي واني اباوعله بخوف
اابدل المي واغسل الخاولي حجيتها وباوعتله ابتسم ومسح ع راسي نامي بنيتي مو زين عليج وجهج اصفر مابي دم ما عليها شي قمر حجاها ومسح ع راسي وراح توضى اخذت الطاسه وركضت واني ارجف اووف ياللهي زين اني ليش هيج خايفه الهاي الدرجه
دخلت للغرفه لكيت قمر نايمه نسيت حته بتي ياللهي شكول عليك اشهب يمه عزا اشهب وين لا بس مات عابت ضي شبيج شنو مات أوو ضليت مثل المخبله احجي ويه روحي وافتر بالغرفه طلعت ع كيف اريد اشوف هذا الحقير عايش ميت اذكرت كلامه من كلام لحكيني للمكتب يعني بالمكتب هسه
مشيت ع كيف جنت متردده ادخل لو لا بس اني السبب وره هذا الشي ولازم اتحمل المسؤليه جان مات هسه بين اديه من وره غبائي قوي نفسج ضي واعتبري انسان عادي محتاج مساعدتج اشجعت ودخلت
باوعت الغرفه ثلللللج وضلللمه ركضت فتحت الضوه وطفيت السبلت باوعتله نايم ع الكرسي ولاف الشال مالتي ع ايده اتخبلت هذا لسه عايفها هيج باوعتله بغضب وهمست انت ما عقمت ايدك لسه
فتح عيونه وضحك انتضرج تكملين المعروف يلا اااخ عقميها ولفيها
- باوعتله بغضب وهمست مو اني اشتغل عدك بس هو صوجي لو مخلتها بكلبك مو احسن
- هههه ع الجايات لان صارت عدج لعبه حبيتيها
باوعلي وكعد وعدل نفسه خاصه صدمتج من مثلتي عود مصدومه وترجفين اشو هاي وينج كلشي مابيج اصحه مني واني كلت راح ت
موت هي مو اني ههههه
- استغفر الله هزيت راسي وكعدت بالكاع بصف الكرسي مالته وسكتت ماحجيت جريت ايده ردت افتح الشال جان يكمشني من شعري ويجرني عليه باوع بعيوني وهمس
- لا تفتحي عوفي تلكين التعقيم والشاش بجراره الثانيه الوره الكرسي مال المكتب
باوعت عليه اكو مكتبه وبيها جراره جبيره فتحتها وانصدم مليانه تعقيم وشاش وكطن وكلشي من الأدوات الطبيه اخذت الي احتاجه ووكفت ردت امشي وانتبهت ع ملف ع الميز مكتوب ضي موسى باوعت بصدمه جان يباوعلي ويصيح يلااا يمعوده شنو اجيبلج فراش تنامين بعد بت الاوادم استعجلي
رجعت كعدت واني صافنه شنو الملف معقوله هذا الملف الي كال عليه ازوره باوعتله واني مصدومه همست راح توجعك
- لا اصيرين دكتوره براسي فضيها اعرف توجع
- باوعتله بكره حتى اسلوب ماعده بالكلام عابت جريت الكطن والتعقيم وصرت انضف بيها وهو مغمض عيونه حييل وبعدها لفيتها باوعتله وهمست
باجر روح للمستشفى لا اضل هيج حجيتها ووكفت جان يضحك
- شنو خايفه عليه صدك لو كالو يكتل الكتيل ويمشي بجنازته انطبقت عليج
ابتسمت وباوعتله همست واني اباوع بعيونه اذا اريد اكتلك جان طببت السيجينه بكلبك مو بيدك بس ماريد الله يغضب عليه من وراك لان ماتستاهل
حجيتها ووكفت باوعت ع الميز اخذت الشاش والتعقيم ارجعه جان يصيح عوفيهن واطلعي
- عشتوو عود كاتله روحي اضل يمك دروح شمرتهن بصفه وطلعت باوعت قبل لا اطلع من الممر خاف ام اشهب لو عمو علي ماكو احد ركضت لغرفة قمر وروز شفت حرارتها زينه عفتها وصعدت
بدلت ملابسي ونزلت اصلا ممبين لان ثوبي اسود بس بي هيج شويه طكعه مبينه يبس عليها بدلت ونزلت يم قمر ماكدر اعوفها تمدتت بصفها وضليت صافنه شلوون هذوله الهم كلب يكتلون احد شلون طيهم كلبهم وكتلو روح
اني بالغلط واكرهه وانقهرت وخفت عليه شكد جنت اتمنه اكتله بس من شفته ماردت يصير بي شي لان روح هاي شلون هيج بقيت صافنه ع هذوله إلى يكتلون بالبشر
ضميرهم هم هيج يانبهم لو لا هم يقهرون لو لا هم يفكرون بجهاله اذا مات شنو مصيرهم لو لا هم يفكرون بامه ومرته منو الهن من بعده هم ينام مرتاح معقوله ما تجي كوابيس بحلمه معقوله الله ما غضب عليه زين هو ماخاف من رب العالمين
بقيت صافنه مصدومه من هيج بشر اني هذه الحظات راح تبقى طول عمري مانساها لان جنت ع وشك ان اقتل روح وهذه الروح أمانة الله سبحانه وتعالى
مسحت دموعي واني مصدومه من الي صار اليوم وياي مو قليل ابد حسيت روحي نعاد شريط موتت أسد كدامي غمضت عيوني ردت انام دقايق واذكرت الموقف كعدت واني استغفر الله انتبهت الجامع اذن
طلعت توضيت شفت عمو علي كاعد بالاستقبال هو دائما قبل الاذان بنص ساعه اكثر يكعد يقره قرآن ويصلي لحد ما يأذن ردت ارجع شفت اشهب كدامي بالحمام يتوضه بس بصعوبه من ايده باوعتله وحجيت ويه روحي ماعتقد صلاتك مقبوله وانت ظالمني يا اشهب عفته وصعدت الغرفتي صليت وخلصت ضليت كاعده ودموعي تنزل اعذرني ياربي مو قصدي أذى روح والله انت تعرف مو عن قصد صار هذا الشي
لميت السجاده وكمت لفراشي نمت ماكعدت غير لل١٠ ع صوت حنان تلعلع مدري شبيها كمت واني اشيل شعري من كدام واشده بقراصه من وره وتركت الباقي مفتوح بدلت ملابسي وطلعت غسلت ومشيت باوعتله واكفه بباب غرفتها واصيح واشهب واكف كدامها يباوعلها ببرود ويلعب بلحيته
صراحه انصدمت من هدوئه شعجب واحد يصيح كدامه وساكت مريت من يمهم جان تصيح هلا هلا والله بأم الزلم خطافة الزلم يا ما تستحييين شكبرج بعد وتعرفين تتصرفين حقيره
باوعتلها واني رافع حاجبي همست الها واني أتقدم هذا الكلام المن لا بس الي
- اي اي الجججج لج ع الاقل كولي منا جهال عيب هيج اسوي بنص البيت ماعندكم غرفه يعنييي وحاضنه الرجال بنص الحديييقه
فتحت عيوني بصدمممه واني اباوع لها هاي شايفتنااا لا بس شافتني من لالا اكيد ما شافت باوعتلها وباوعت ع اشهب اشرلي براسه بمعنى ما تعرف باوعتلها وهمست
- هسه انتي تلعلعين من صباحيات الله جنج ديج يعوعي ما تستحين ما تكولين اكو ناس نايمه زين اني وحده ما تستحي اذا هيج يهمج الجهال يشوفونا جان اجيتي وفشلتينا بكلامج
حجيتها واني مبتسمه واباوعلها حبيت اغيضها وانكد عليها مثل ما ضوجتني ونكدت عليه من الصباحات وهم علمود اشوفها شافتني من دجيت السيجينه بالغلط باوعتلي وصاحت انتي صدك ما تستحين
وقليلة اددب اصلا اني انقرفت منكم وصعدت راساا لان لعبت نفسي من شفتكم بس انتي ماكو مستحه
- باوعتلها واني مجتفه اديه هزيت ايدي ومشيت وحجيت عفت المستحه الج يا ام المستحه والأخلاق والادب
حجيت هيج لو هي تخبلت ما حس غير هجمت عليه رادت تجر شعري كمشها اشهب وصاح بيها
- كااااافي صالي ساعه ساكت وعايفج اطلعين قهرج لان حقج وما منعتج بس لهنا وبسسس بعد تمالخي كدامي حته من صدك هلمره ارحعج الاهلج ورجعه لهنا ماااكو حجيتي هووواي وسكتت لان حقج بس كافي زودتها هووواي
باوعتله مصدومه هذا اشهب لو غيره جان لازم حنان من ايدها ويحجي وياها وهي تباو
علي بغضب ومثل إلي تتوعدلي عافتنا وطبت للغرفه وسدت الباب باوعتله واني اهز براسي من شوكت تعرف الحق من المو حق وادافع عني استاذ اشهب
ضحك ودننك لمستواي وهمس قريب ع اذاني دافعت عنج لان ماريد أدين زوجتي تتوصخ بيج خاف تموتين بين اديها وتبتلي المسكينه وين اروح بلياها
حجاهاا وضحك ونزل باوعت مصدومه الرجال من البارحه انكلب ١٨٠ درجه شنو الغيره ماعرف هزيت ايدي واني مصدومه ونزلت صارت اسيل كدامي ماعرف شبيها باوعتلها وهزيتلها راسي شبيج
- ها لا مابيه بس بالي بالامتحان لان الماده صعبه حييل شبيها هاي تلعلع
ماشي حبيبتي ماكو خبله جتها الحاله ههههه
عفتها وسويت الريوك الجهال كاعده كلها بس قمر ماكو ضل بالي يمها عفت القوري ع النار ومشيت القمر دخلت للغرفه لكيتها نايمه لسه
- حبيبتي قموره الحلوه يلا ماما كعدي تلمست كصتها ماكو حراره فتحت عيونها بتعب وشبكتني
- ماما جسمي يوجعني
- يروحي انتي هاي من الصخونه هسه اجيبلج ريوك نتريك اني وياج واطببج سبيحين وتاخذين دواج واصيرين زينه
- ماريد دوه ماما
- مايصير لعد شلون يروح الألم يلا انتضريني
عفتها ورحت للمطبخ دخلت لكيت ليث ويوسف يلعبون يم القوري صحت ليييث يوووسف
- ماكو مكان غير يم القوري ادبسززيه لو واكع عليكم هااا امشو هيج البيت شكبره ماكو غير هالمكان هذا
باوعولي سكتو وطلعو طفيت النار من عليه واني احجي عليهم ماحس غير صوته اجاني طفرت وووكع القوري ع الطباخ وطفر جاي عليه رجعت لوره ايدي طفر عليه باوعتله وحجيت شنو تريد تاخذ ثااارك ردت احترك اله شويه وهاي ايدي احتركت
باوعلي وكال
- شبيج ثوووله هاي ايدج كلشي مابيها قابل مثل ايدي
حجاها وجر كلاص مي وكال اكو مرهم مال حروك اذا تردين ولو ما اشوف تحتاجي لان هي نقطتين طاحن عليج
تنفست حيل واني اصبر بروحي عادي ضي عادي لا تخلي يستفزج باوعتله بغضب ودرت وجهي ايدي شويه تحركني بس مو هواي لان ما طاح عليه بس طفر شويه الطباخ جان مليان جاي عفته ورحت سويت واحد جديد مسحت الطباخ وسويت جاي درت وجهي شفت قمر كعدت ع الميز
- هاي شنو مو كتلج انتضريني
- تأخرتي
ماشي حبيبتي هسه اجيج صبيت الجاي الي والحليب القمر لان ماتحب الجاي ولا تشربه لو عصير لو حليب ويه الاكل اطيتها الجبن والبيض وكعدت بصفها وتريكت وياها جان تدخل حنان تخزر بيه
اجاهلتها وكملت اكلي خلصت عفت المواعين كلت اسبح قمر واغسلهم لان تعبانه كلش اخذتها سبحتها وطلعتها كعدت امشط شعرها بصاله واحجي وياها
- اذا شربتي الدوه وطبتي اخلي عمو يأخذنا لمدينة الألعاب هاا
- صدووووك ماما
حجتها وهي تضحك بعدين عبست وكالت
- بس انتي متحبين عمو اشهب شلون راح تحاجي
بعدني كاعد احاجيها جان يدخل هو
- ويه منو تحجي
باوعتله وهمست هذا شنو اليوم يضل هنا مايروح لشغله راح يكابلني ويكعد استغفر الله وكمت جبت دوه قمر وقمر تكوله
- حباب عمو.اخذنا لمدينة الألعاب
- يدلل الحلوو كم قمر عدي اني تدلل عليه
طفرت عليه وهي تضحك باوعلي وهو يبتسم بمكر جان تدخل حنان تخوصرت ووكفت
- ست ضييي من تخلصين اكلج غسلي ماعينج انتي وبتج مو خدامة الخلفوج انيي
- منو ضربج ع ايدج وكلج اغسليهم اني عفتهم اخلص سبح قمر واغسلهم لان البنيه تعبانه من الصخونه بعدين شكالولج عليه اني حنان ازقنب واعرف اماعين
- هيو هيوو احجي عدل لاااا والله اكوملج بالنع
اشهب : ها ها ها ها شنو هنا اني مزهريه بنات الكلب ماكو احترررام انعل ابو إلى يكعد بالبيت مو نسوان لا والله عقل ماكو
حجاها وهو يكوم اول ما كام جلبت قمر بيده جان يصيح اااخ بت الاوادم ايدي
- ماعرف ليش لزمتني الضحكه من كال هيج سأله ساعه يغلط علينا وع قمر كال بت الاوادم شكد حقير يعرف اتخبل من يغلط عليه بس عناد اخذت قمر وأمه طبت
- شبيك يمه شبيها ايدك
اشهب : بسم الله يا ستار ياربي منين طلعتي انتي مو نايمه ههههه مابيه شبي والله شويه حيه كرصتني
- يمممه صخام الصخمني منين اجت الحيه ولك والاسم مالتها يبووووو
- يوووم شنو القصه منو مات شجاج اشاقه وياج ماكو شي كاعد امشي وانضرب وانضربت بعامود شويه العظم ياذيني لا يضل بالج حجيه هسه اروح للمستشفى عليها
حجاها وهو يضحك ويباوع من المرايه عليه ما درت بال اخذت قمر ومشيت هو طلع وحنان استلمتني عفتها تحجي وحده نضفت البيت هي اصير نادره بس من اشهب هنا اول ما طلع اشهب صعدت الغرفتها
واسيل امتحانات ما يطيني كلبي اشغلها عفتها وضليت انضف وأم اشهب تطبخ بالغدا كعدت ادرس الجهال مابقه شي ع امتحاناتهم باوعتلهم وهمست
- إلى يجيب درجات كامله بكل المواد اشتريله بلي ها شتكولون باوعتلهم كلهم طفرو وصاحو صدككك
- اي صدووك
فراس : واذا كلنا جبنا درجات كامله
ههههه بهل الساعه اشتري ثنين واخلي كل واحد بغرفه هااا اتفقنا
- ايييي
يلا لعد شوفوني شطارتكم باوعت ع يوسف جر الككو وكعد ياكل
- ها يوسف شمتفقين شنو متريد بلي
- لاا ابراهيم موجود راح يكفي ويوفي يجيب درجات كامله واجي
بيله بلي وهو اكيد يخلي بغرفتنا وخصباً ما عليه يخليني العب وياه لان مو معقوله يلعب وحده ههههههههههه
باوعتلها بصدمه خرب بعقلك شنو من عقل هذا متكلي منين جبت هلفكره
- شعبالج لعد خاله احنه محد يوصل الذكائنا اصلا
- ايي اسم الله عليكم ياريت تستخدمون هذا الذكاء بدراسه هم مو بس الشغلات الطايح حظها
- لا خاله عذريني دماغي هنا يتوقف عن العمل والذكاء ياخذ ريست
- كوم ابو الريست كوم ابو سوالف
بقو يضحكون ع سوالف يوسف عفتهم وكمت صعدت فوك و دخلت الغرفتي جان الكه حنان بيها باوعتلها وصحت شتسوين هناااا
هي رأسا طفرت وباوعتلي جان تضحك تقدمت وكالت
- ماخاف منج وأكولها بوجهج جنت افتش غرفتج لان انتي ما يتأملج عدج سوابق
باوعتلها بغضب واشرت ع الباب اطلعيييييي بره طلعييي بره
ضحكت وطلعت باوعت عليها جانت تفتش بالخانات إلى بصف الجربايه وهمزين ما حاطه بيهن شي ما عدا فتحت عيوني وفتحت الخانه ماكووو قميص أسد وينن
لا يا حقيييره شلون أخذته هاااي طلعت واني افور نار
دكيت الباب عليه واني اغلط فتحتها وهي تصيح
-شبيج كسرتي الباب
- اكلي تبن يااا قندره وين القميص هاااا
- والله هياته عدي بس ما اطي لحد ما يجي أشهب
باوعتلها بغضب وصحت جيبي القميصصص مالج دخل بي
- تو تو مو بهل السهوله بعدين هذا مو قميص اشهب ولا ريحة اشهب المن هذا القميص هااا يعني فوك ماا مجرمه خاينه هممم
- حناااان بسسس جيبي القميص داكلججج
سدت الباب بوجهي وحجت من وره الباب وهي تضحك
- بحلامج حبيبتي يجي أشهب ونتصافى
عفتها ورجعت للغرفه جان اسيل تطلع باوعتلي وكالت شكو صوتجن طالع
- ماكو شي رجعي كملي قرايتج
هزت رأسها ورجعت طبت واني دخلت الغرفتي هذه عربانه اشهب شلون اذا صدك كلامها وعباله القميص شو المن ياللهي شنو من ناس هذوله ورطت روحي بيهم كعدت خايفه بالغرفه اروح وارجع هذه حنان مو سهله واكيد ببالها شي
ولازم اكون أذكى منها واعرف شلون اكلبها عليها كاعده ع الجربايه وصفنه تاخذني وصفحه جيبني ومنا نعسانه بس القلق والتفكير ما كاعد يخليني انام فتحت تلفوني عمو بكر
- الو ها عمو
- ها حبيبتي شلونج
- الحمدالله انت شلونك كلي شخبارك
-الحمدالله هسه عوفج مني مساعه جنت احجي ويه زيد
- زيدد زيد المحامي مالتي
- اي هو
- اي ع شنو
- حجيته علمود أكرم والقضيه والملفات كال أكرم من البدايه ما ارتاحيت له من شفته مصر ع القضيه ويحرض اشهب كال اكثر من مره سمعته بالمحكمه يكول الاشهب ترا هذول واساطاتهم جبيره وهسه يجيبلك ادله من جوه الكاع بس ما اهتميت اله وهسه من كتلي اتأكدت هو وره سالفه واكيد اله ايد بقتل أسد
- شنوووو لا ما معقوله شنو فايدته من قتل أسد هو لا يعرفه ولا شي يعني ما معقوله
- ضي حبيبتي ترا أكرم يسوي كلشي علمود الفلوس يعني اذا واحد دافعله فلوس علمود جريمه صدكي يسويها بدون اي تردد
- بس يا عمو هذه روح شلون يكدر يفرط بيها هيج بعدين لا مادري عمو دخت
- شوفي ضي لازم نخلي كل الاحتمالات كدامنا
- وشلون نتتأكد لازم احاجي اريد احاجيي عمو اريد احاجي أكرم
- تخبلتي حته اشهب يجن عليج كعدي وستري ع روحج نسيتي هسه هم عداوه عوفي عليه اني اروح لبغداد واحاجي
- لا متروح وحدك اجي ويااك
- ماروح وحدي اخذ زيد وياي بس لا اصيرين مطي وتفاولين بالموزين
- رحمه الله والديك سويتني مطي
- واحلا مطي هم ههههه عدي الج خبر ثاني
- زاعلتك اي بالله شنو الخبر يلا اريد اسده
- انجبي لج اسدي شنو سمعي لعد حمزه إلى كلتي ع الملف مالته عد اشهب
- ايي شبي
- زيد كال اعرف شلون اجيب معلومات عنه بس مو كامله يعني كم معلومه وو اشهب عرفتلج كم معلومه عنه كاعد يبحث عن حمزه وموكل هذا الضابط رامي
هو الي يدوره
- مممم شوف لعد عمو اشهب يريد يزور أوراق ماعرف شنو ماعرفت بس هيج شي سولفتله إلى سمعته البارحه
- ماشي اشوف شنو تاليتها ويه هلاشهب وهذا رامي شنو راهم
- اي ودير بالك من تروح لبغداد شوكت رايح
- باجر ان شاءالله
- ماشي دير بالك مو تروح وحدك
- لا يأبه اصلا. راح اكول الصاحبي اواخذ زيد هم
- اي خوش اسوي
- اي احم ضي
- هاا
- هذه اخت اشهب
- شبيها
- اااا هيج هيج انسي يلا باي
- تعال تعال ماعوفك كول شبيها اسيل
- ماكو شي وخري حبيبتي دادك عليه
- ممم صدكتك تهرب بس ها ترا البنيه مخطوبه
- دكلي تبن لجج شكالولج اريد اخطبها مثلا
- لا مو سؤالك عنها وو يعني وو هروبك
- كافي اتاووين وو و. وو شعدج شكد صرفتي ووات
- هههههه ووات ههههههه ماشي صدك سلملي ع
ام ود
- ههههه شعدج ويه ام ود دخل اخطبها اول وبعدين اصير ام ود منين تجي ود واني لسه ما خاطبها
- هههههههه تجي تجي يلا بيباي ابو ود ديربالك ع نفسك
- جلبت جلبت تورطت كلت اسمي بتي ود لزمتوها عليه ولي يلا
- ههههه باي
سديته واني صافنه هيج ونعرف منو وره أكرم بس مااضن أكرم يحجي شي صفنت شويه واذكرت معقوله أكرم وره قتل أسد هيج الروح سهله عده
م يقتلها عبالك حيوان استغفر الله ربي
كمت اتأكدت من الملفات مضمومات وكعدت صفنت اذكرت الملف الي شفته البارحه عد اشهب وعليه اسمي لازم اشوف شنو بي باوعت الساعه ب٤ العصر حيييل شبسرعه فتحت الباب كلت اروح اشوفه مادام طالع وهذه فرصه هستوني اريد انزل جان يصير كدامه باوعلي ومشه
يمه همزين ما طبيت جان انكشفت نزلت ومديت راسي من الدرج ع المكتب واشوف الكاميرات واضحات من فوك عزاااا بعيني يمه الله يحبني لك هذا مو رجال فللك
حاط كامرات كدام المكتب خرب بيووومك نزلت مصدومه واني اكول شلون عرفني ذاكليوم اليوم كعدت بصاله صافنه حته بعد ماكدر ادخل للمكتب لحظه اذا طفيت الكهرباء الكاميرات ماتشتغل
اييي بس خل يروح واعرف شلون ادخل للمكتب ضليت كاعده اتفرج ع التلفزيون ويه ام اشهب شويه ونزل اشهب عيونه حمر صاح بعلوو صووته
- ضييييي تععاااي
وكفت واني اباوع مصدومه باوعت حنان واكفه وراه ومبتسمه عرفتها الشيطانه ما سكتت طلع عمو علي ع صوت اشهب صاح شكو شبيكك وليدي
- ماكو شي عمو لا يضل بالك ضي وراااي
بلعت ريكي ولحكته ماخايفه احجي وبكل صراحه شنو خايفه منه صدك صدك ما صدك يطبه طووب اول ما صعدت الصاله الفوك هو باوع ع حنان وكال
- دخلي لغرفتج وانتي كدامي الغرفه
مشيت للغرفه كعدت هو شويه وطب بيده القميص حطه ع الجربايه وسد الباب وأيده جانت معلكه بركبته يمكن رايح للمستشفى باوعلي وكعد ع الجربايه وكال اي
هزيت راسي شنو سكت وحك لحيته صفن شويه وحجه بهدوء عكس العصبيه إلى جانت بره
-هذا القميص لكيته حنان بغرفتج ماتبررين
-ماعدي شي ابرره لان هي ما تستحي من طبت وفتشت غرفتي وما خايفه لا منك ولا منها لان اعرف نفسي كلش زين وكف باوعلي وهز راسه وهمس
- يعني متخافين
جان هادئ حته لو ما خايفه هدوئه خوفني لا يكون الهدوء ما قبل العاصفه باوعت بوجهه وهمست توو ما خايفه تدري ليش لان انت مزوج مره زوجها صاله سنه وكم شهر من توفى ولحد الان ما عرفت منو قاتله ولحد الان يتهموها بقتله هز راسه وكال
- فهمت
شمر القميص بحضني وهمس خلي كدام الكل معلك بغرفتج لا اضممي بالخانات حته محد يشك بيج
حجاها وطلع واني مصدومه لالالالا تعالو صحوني هذا اشهب لو غيره شنو هلتغيره ياربي لاااا اكيد اكو شي براسك اشهب ما ينزل الملاك عليك هيج فجئه
شويه وسمعت صوت حنان تبجي وهو يصيح طلعت اركض لكيت اسيل واكفه بالباب هزيتلها راسي
- مادري شكو شبيهم
- مادري باوعت تقربت ع الباب دكيتها صاح
- محد يددددخل اني ومرتييي مالكم دخل اريد ادبهااا شويه حته ما اجذب بعد عليه وتتهم الناااس زور ماكو شي يمه روحي عمي علي لا يضل بالك
. ابتسمت اني واسيل عباله عمو علي وأمه وحجه
عفتهم ورجعت الغرفتي مالي خلك الهم هذوله واحد اضرب من الثاني لليل نزلت اسوي عشه هو كاعد وعمو على يسئله ع ايده وهو يباوعلي ويحجي
عفته ودرت وجهي كعدت اكلي بالبتيته جان يدخل هو وتلفونه بيده باوعلي وقرب راسه يمي وهمس بصوت ناصي
- شايفه شلون كلها تسئلني ع جرحي مايعرفون مرتي هي الي ضاربتني ديري بالج لان اذا صار بيه شي راح تهموج رأسا لان عدج سوابق والنسوان تكول فكووور فكرت الرجال الثاني رأسا
- شكد ضجت من قربه بس ماكدرت ما اضحك ع كلامه باوعلي وكال شلونه ايدج خطيه يعني حتركت كلها بجاي يعني الله يساعدج توتو قهرتيني
عرفته كاعد يستهزء بيه باوعتله وهمست ايي لو يدرون ايددي احتركت من وراك جان عمو علي شلع اذاناتك
باوعلي بغضب وصاح بت الكـ سكت وهو يحك بلحيته باوعت وراي عمو علي بلباب ضحكت ورجعت ع الطاوه وهو طلع رأسا للحديقه من شفت الحديقه اذكرت الصار البارحه ضجت كلش خلصت العشه وطب اشهب يضحك
- يوووم اريد البشاره منج
- يا يمه خير شنووو
- مصطفى باجر العصر هو هنا
- يا صلوات يا محمد كلوووووشششش يمه وليدي رجع بعد غربه يمه فدوتك ربيي ماصدك
باوعت عليهم ع فرحهم نزلت اسيل تركض تصيح شكوو والجهال فرحانه اذكرت اخويه هم صاله سنين بالغربه شوكت يرجع واسند نفسي عليه حالي حال الأخوات من تسند روحها باخوها عفتهم وكملت العشه كعدو كلهم وهم فرحانين ع العشه صعدت فوك هستوني ردت اقفل الباب جان يحط رجله
باوعتله رفع حاجبه وكال
- ما يعجبج نزلي نامي يم بتج غرفتي وبراحتي
باوعتله صفح وهمست اي اطلع ماضل يمك اصلا عفته وجريت ملابسي وطلعت باوعتله وطبكت الباب حيل جان يعيط كسريها بعد بت الاوادددم عفته يدردم ونزلت اول ما نزلت شفت اسيل بالمطبخ تخابر ولونها مخطوف ماعرف شبيها رحتلها جان رأسا تباوعلي واسد تلفونها وتكول ويه عمر زعلان
حجت هالكلمتين وصعدت واني مصدومه عفتها ورحت الغرفة قمر وروزه افكر اروح للمكتب لو لا لا خلي باجر الصبح من يروح اشهب للمحكمه اطفي الكهرباء وادخل
اسيل : من قريت الرساله انصدمت وكفت مخروعه أقره واني مصدومه منو هذا الي اجرء وكتب هيج منين جاب رقمي اصلا خرب بحظي خررب
ماارتاح ياربي ماارتاح ضربته بلوك مااجاوبته و نمت واني ضايجه ماعرف ليش كلبي ناخزني
خايفه نمت والنومه نومه كعدت الصبح ع صوت صياح حنان صفنت خرب الامتحان لسه ماقريته طفرت كعدت شلت شعري ذيل حصان وطلعت
صارت ضي كدامي سئلتها واني مصدومه شبيها هاي جاوبتني هزيت ايدي هاي فارغه لا عمله ولا شغله عفتها ونزلت سويت لفه وأخذتها وصعدت ضليت كاعده اقرا شفت عمر دك
رديت واني الابتسامه ع شفايفي
- شلونها الحلوه مالتي
- ههه زينه انت شلونك بعدين تعال اني زعلانه ماحجي وياك
- يا بويه كليبي زعلانه مني يلا لعد خل اروح اشوف اشوفلي صاكه احاجيها ع ما ترضى حبيبتي
فتحت عيوني مصدومه حبيبه شنو حبيبه لكك عمر والله اذا صدك مااحجي وياك بعد وافصخ الخطوبه
- لا يأبه صدكتي ووابوفاضل إلى تحلفين بي انتي واشهب صدك ما مكلب بنيه غيرج من يوم الحبيتج
ضحكت واني اهمس خوش لعد اروح اكمل قرايه
- اي حبيبي شدي حليج حته تنجحين ونزوج
- ليش مستعجل يعني
- لج عاجبج وضعي كل أسبوع اني جاي ع الاقل نستقر ونكعد
ههههه بس ميخالف لا نتسعجل
- هسه خلصي امتحانات والله كريم اخر امتحان اجيج
- ماشي حبيبي انتضركك
- عيدي عيدي بروح ابوووج عيدها
- شنو هيي حجيتها بمكر واني اضحك
- خالتي شنو هي حبيبي عيديها بداعت حبنا
- يلا باي
- تعاااي اسيل بداعت حبنا كوليها يا بويه اول مره تتغدل بيه لج اروح فدوه للي يتغزل
- كافي خجلت وسديت التلفون كعدت اقرا وفرحانه ثاني يوم داومت ورحت امتحن واني الفرحه بكلبي من رسائل عمر الي كل ساعه يدز رساله واضل ابتسم حته جاوبت واني فرحانه من وراه جاوبت وجنت شايله هم للامتحان بس ابو الاشعار ما بطل كل يوم داز شعر شكل واحظر ويرجع يدز من جديد من رقم ثاني خبلني
اخر شي كلت اكول الاشهب عليه لو عمر وافضها لان لعبت نفسي منه بيومها بليل جنت كاعده اسوي لفه بالمطبخ ودك تلفوني باوعت رقم ما رديت
جان تجي رساله
💬 ردي لا افضحج والله
فتحت عيوني مصدومه شيفضح هذا اول ما اتصل رديت منو انت شتريد ما تستحيي
- اعصابج يا حلوه مو هيج ع كيفج هههههه بعدين خل نسولف
- شوووف والله اذا ما بطلت اكول الاخويه عليك فااهم
- لااااا خوفتني كلشش شوفي ولجج اذا ما سويتي الاريده الصوره الي راح ادزها الج هسه تلكيها ع برامج التواصل الاجتماعي كله فااااهمه
حسيت ع واحد وراي باوعت ضي وراي رأسا سديته خايفه عفتها وصعدت واني ارجف هذا صورتيش عليمن يحجيي يالله دخيلك
يمكن لحظات عشتهن بخووف دقايق ودك تلفوني رساله باوعت صوره دخلت فتحتها وانصدم من شفتها صوره فوتشوب مبينه جسم وحده تقريبا بضعفي وطولي لابسه ملابس فضيحه مال نوم وبصفها واحد مغطين وجهه وع وجهه البنيه مسوين فوتوشوب الصورتي لا لا يالله دخيلك
بس الصوره مبينه فوتوشوب بس منين جاب صوره الي هذاااا مسحت دموعي واديه ترجف دكيت عليه وصحت شتريد انت هاااا احجيي شتريد
-هههه شاطره رأسا دكيتي شوفي يا حلوه اريد منج شغله وحده بس باجر من ترجعين من الامتحان تلكين سياره حمره واكفه نهاية الجامعه تركبين وانتي ساكته وما تفتحين حلكج بكلمه
- بحلاااامك ما اسويها لو تموتني وتريد اسوي سووي تدري شنووو والصوره راح اشوفها الاخويه ومبينه فوتشوب متكدر اسوي شي ماخايفه منك ويلا منااا
سديته بوجهه واني خايفه مسحت دموعي وطلعت ادور ع اشهب ماكو لا بالمكتب ولا يم حنان عرفته يم ضي رحت الغرفة ضي دكيت الباب اجاني صوته
فتحتها ودخلت باوعتله وهمست اشهب اكعد
كعد مخروع شنو اسيل شكو شبيج
- اكو واحد دزلي هذه الصوره ومبينه فوتشوب كال اذا ما تجين باجر وياي انشرها اطيته التلفون وهو فتح عيونه بغضب شمره ع الجربايه وصاح لججج منو هذاااا
- ماعرف والله ماعرفه لو اعرفه مااجيكك
- لججججج اعرف منووو بس
- مادري والله
- لا يكون هذا الي يلحكج اليااااس الحقيرر
- اليااس؟ ماادري مادري
- دريلي الرقم رديتله الرقم وهو كامش راسه باوعلي وصاح منين جاب القندره صوره الج منيييين نزيت خايفه من عصبيته جان نااار سكتت وماعرف المن دزه الرقم وحجه سده وكال هسه نعرف الرقم المن
وامشي روحي ومالج دخل اني احلها بعدلج كم امتحان
- اثنين وعمر كال اخر امتحان اجيج
- ماشي اني باجر اخذج وارجعج ديري بالج لا اطلعين وخليج داخل الجامعه هزيت راسي وأخذت تلفوني ورجعت لغرفتي الليله كله ما نمت خايفه واشهب شفت بوجهه خوف مو طبيعي حته ماعرف شيسوي يعصب لو يهدي ويفتهم منني حته الفرحه مال مصطفى اتلاشت وراحت شكد جنت فرحانه لان راح يجي
كضيت اليل كله ابجي والامتحان نسيته صبح الصبح واني ما مغمضه عيني ومن الصبح اخذني اشهب للجامعه وكال من ادك عليج ياله اطلعين وضلي ويه البنات لا اضلين وحدج هزيت راسي ونزلت اتلكتني طيبه
- شبيهن عيونج ولج سووود
- هاا مانايمه الليل كله
-يا ليش ولج شكو
بعدين اسولفلج خل نمتحن دخلت امتحنت وطلعت اول وحده وماعرف شجاوبت كعدت ع الصبات صافنه انتضر اشهب يدك عليه واني انتضر اجت يمي بنيه تحجي كردي رادتني إدليها ع المكتبه كمت وياها وصلتها للمكتبه وردت ار
جع جان يصير كدامي هذا ابو عيون ابتسم وتقرب ولا كلمه اي كلمه افضحج بجامعه واكلهم حبيبتي فااااهمه كدامي
دفعته وهمست وخررر ودير بالك توصل يمي والله اصيح والم الجامعه عليك ماخااايفه منك
باوعت المكان فااارغ مابي احد بلعت ريكي اني شجاني واجيت لهنا باوعتله ورفعت اصبعي بتهديد بس لحظات وماحس غير ايد انمدت من وراي وشي صار ع وجهيي فتحت عيوني مصدومه ردت ادفعه بس دخت وغوش بعيوني صار كمت اريد اشوف ماكدر ماحس غير غمضت عيوني وصار سواد كدامي وماعرف شنوو صار بعد..........يتبع
،،،، وللحكاية بقيه،،،،،،
قرائه ممتعه أحبتي
اكو شغله حبيت اوضحه رجائا لا اجبروني أوقف القصه لبعد امتحاناتي وانهيها واخليها جزء ثاني ابلشه بعد امتحاناتي لان كاعد اضغطون عليه هواي كتلكم انشر يومي ادور بس يجوز اتأخر بليل بنشر لان الكتابه مو سهله واني اقل شي اقل شي ٥ ساعات اكتب البارت ومرات اكثر وامتحانات وتقارير وغير شغل البيت يعني مالحك والله فلا اجبروني اوقفها للقصه اعرف مشوقين للقصه بس هم راعو ظروفي لان اني بشر حالي من حالكم ومن بلشت بالقصه بطلب منكم وكتلكم عدي دراسه بس انتم لحيتو هسه عوفوني من هذا الموضوع يولي ههههه كولولي توقعاتكم شنو للقصه وشنو راح يصير وبدرلكم تابعولي هل الحلوات هاي فضلا وليس امرا
2Do6699
Sab_oo_sh
user02216269
التفاعل ما يعجبني يلا شدو الهمه وصلو البارت ٧٠٠ تصويت حته ما اوقف القصه هههههه (خوش تهديد 😜)
تصويتاتكم وتعليقاتكم وتوقعاتكم
#نور الشمري
#نوشه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-07-20, 02:34 AM   #25

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#برائتي_وجبروتك
بقلمي #نور الشمري
#البارت_الثاني_والعشرون
Noor336

طبعا من هسه اكوللكم البارت قصير اعرف والله بس هذا الي كدرت اكتبه اليوم لأن الله شاهد عدنا حالة وفاه وكوه كتبت هذا البارت هسه لخاطركم
والبارت ما مصحح يعني غلسو ع السحك
#وحلفت أنّك لن تميل مع الهوى أين اليمينُ وأين ما عاهدتني فلأقعُدنّ على الطّريق وأشتكي وأقولُ مظلوما وأنت ظلمتني.
اسيل : فتحت عيوني واني احس بألم قوي براسي كمت افتح واسد بعيوني بس ماكو شي اشوفه فقط قطعه سودا كدامي حركت جسمي واني احاول اعدل كعدتي بس مكدرت شويه شويه بديت اوعى عرفت اكو عصابه ع عيوني حجبت الروئيه
بديت احرك برجليه واديه بس ماكو مضبوبات حيل يوجعني كلش واكو شي ملفوف عليهن بديت اذكر إلي صار اخر شي اذكره حطو شي ع خشمي وبعدها ما اذكر غير من فتحت عيوني هسه نزلت دموعي وافتهمت نفسي اني هسه مخطوفه بديت اصيح اريد احد يسمعني واحرك برجليه واديه
اكوو احد هنااا اسمعووووني ساعدوني يااا عالم سااعدونيي
احجي وابجي كمت ماعرف شسوي اصيح وين اني ومنو يسمعني اسكت ماعرف شسوي رحفن لحد ما انضرب ضهرب بشي وراي ماعرف شنو حايط لو حديده لو شو شنو ماعرف المهم سندت نفسي عليه وبديت احك الخيط بالصبابه إلى بالكاع اريد بس
اطلع منا ماعرف شلون اجت هلفكره براسي بس حسيت الكاعده عليها صبابه مكسره حته مكدر اكعد عليه تأذيني صرت احط الخيط بيها بس ماكو فايده نزلت دموعي دخيلك ياربي ساعدني ياللهي احفظني يا بو فاضل لا تتركني وحدي
بدت دموعي تنزل اكثر واني اهمس بادعيه خفتتت حيل خفت بس بقيت اردد بذكر ابو فاضل إلى ما نزل من حلكي اذكرت اشهب ياربي اكيد هسه يدور عليه منو هذوله شيردون مني ياربي بس احفظ شرفي وماريد شي عسى ما يموتوني بس ماريد اهلي ينضرون بسببي ماريد سمعة اخوتي تتطلخ من وراي
شكد غبيه شلون مافكرت هذيج المنطقه هادئه وابيها احد اخ ربي سندت راسي واني صافنه شنو نهايتي شنو تاليتي يالله وين يصفى بيه الدهر الف فكره وفكره اجت ع راسي كومه افكار مرت عليه وكلساع الشيطان يلعب بعقلي وافكار السيئه ماتركتني
بقيت هيج ماعرف شكد بس مر وقت هواي واني ع هل الحاله ماحجيت ولا صيحت لان مو أغبياء مثلي ويخلون حلكي مفتوح ميلت راسي ع الجهه الثانيه صار قريب من كتفي وغمضت عيوني ارجف شنو حال امي اشهب اخوتي كلهم عمر عمر عرف لو لا شسوه من عرف واني افكر وبهذه الحاله حسيت الباب انفتح ردت اتحرك بس بطلت
وضليت كاعده بمكاني ونفس منضري متحركت حسيت احد كعد كدامي همس وهو يحجي ويه شخص ثاني
- جيبلي كرسي خل نتصافى ويه الحلوه
بلعت ريكي وتحركت خفت خفت اتحرك وبغتصبوني خفت يعرفني كاعده ويأخذ شرفي سكتت ومتحركت
رجع حجه ووجه سؤاله للواحد الوياه ماعرف منو بس احس اكو نفس كدامي يعني كاعد كدامي وصوتهم وهم يحجون
- ماكعدت لسه شنو ما طلع مخدر شمطيها متكلي
- والله ماعرف بس مكانها يختلف يمكن كاعده وراجعه نايمه او مغمى عليه
- ماشي اذا هيج
جنت ساكته ما فتحت حلكي بكلمه اول ماخلص كلماته ماحس غير احد جرني من فوك حجابي
- ياااا كعددي مو وكت نومج ع ي حجي وياااج
-حجاها ودفعني ع وجهي وكعت رأسا لان ما اسيطر ع روحي لا اديه أسند بيهن روحي ولا رجلين احس روحي طلعت من وكعت وخشمي اذاني حيل واحس شي حاااار ينزل ع شفايفي كمت اشهك وارجع لوره خايفه ازحف ع ماخرتي واني ارجف واشهك صاح
- كاافي بجي ترا راسي صاير طبل من وره اخووج العار صيري عاقله لا والله الي اسمه الله اسوي بيج سوايه اخلي عمرج كله تتوسلين بيه استرح وفهمتيهاااا اعتقد حيوووانه
سكتت خايفه ينفذ تهديده ردن اكعد مكدرت رجعت وكعت ع وجهي وخشمي ينزف لان يوجعني وااحس شي ينزل منه سمعت واحد كال
- هذه تنزف خشمها ينزف لا بس انكسر شوف احنى ماتفقنا هيح اتفقنا انك تخطفها علمود تهدد اخوها لا تكثر ولا أقل وماناكس شعره منها ليش هيج داسوي
- وأنت شعللليك خلصت اخذ فلوووس ولي منا ا ا هلكد خايف عليها وإياك تفتح حلكك بكلمه
صفنت ع صوتهم ماعرفه بس هذا العصبي مبين صوته نفسه الي هددني البارحه ع الصور خفتتت كلش
حسيت بي وهو يسندني ويكعدني همس وهو يحجي بعصبيه
- خل نشوفج شكد عزيزه ع اخوج ست اسيل اذا ما ذوكته المر إلى ذوكنيا هو وصديقه أسد هييينه
صفنت ع كلامه جان يحجي بصوت ناصي يمكن ويه نفسه شنو يعني يا مر واسد اسد شدخله بكل هذا يالله احس راح ادوخ من الصدمات حسيت ع ايد تمشي ع راسي خفت ركعت لوره سمعت صوت ضحكته ايي ندك ع اخوج لولا لاا خلي شويه تعلعل كلبه وبعدين نخابره
واعتذر ع المعامله هاي بس راح تبقين ضيفتنا لحد ما اخوج ينضر الحالج ويسوي إلى نريده يلا فكري زين اذا اخوج يحبج لو لا
سمعت صوت رجليه وهو يطلع اجاني صوت شخص ثاني وهو يحجي بصوت ناصي
- ادعي كون اخوج يوافق لان اذا موافق راح يموتج هذا خبل مو صاحي
عافني وطلع واني مصدومه من كلامه ربي شهل الاختبار هذا والله مالي ذنب ياللهي دخيلك ماعرف شبيه شراح يصير بقيت كاعده خاي
فه ماخليت ايه ولا دعاء ماقريتهن دموعي ما نشفت شويه وسمعت صوت الأذان بس جان بعيييد كلشششش بس لان الغرفه هدووء اجاني صوت المآذن وهو يصيح الله اكبر
يمكن هذه رساله من رب العالمين ان اني مو وح ي وان اكو الله اكبر منهم وراح ينقذني ااي اي اعرف رب العالمين ميتركني واني ماسويت شي غلط ولا مره غضبت اهلي وربي واكيد مراح يتركني وحدي وراح يساعدني
بقيت اردد الكلمات هاي بيني وبين نفسي ساعه وساعه اردد الاذان وابقه اردد بي وساعه أقر دعاء وساعه آيات قرانين ماعرف هم شكد مر بس عرفت الليل هذا لأن الاذان جان اذان المغرب نزلت دموعي واني اذكر اهلي شنو حالهم هسه واني مو بالبيت صار الليل واني ماكو شنو خالج يا يمه شنو حالك يا اشهب
يمكن ما فكرت بنفسي كد ما فكرت بأهلي لان هم كلشة شي بنسبه الي اذا جنت راح اعيش فاعيش علمود هم واذا اموت هم اموت علمودهم بس اهم شي ما انزل رأسهم يمكن دقايق ورجع انفتح الباب محسيت غير ع ضربه ببطني صحت بعلو صوتي وكعتزبالماع واني اتمرغل حسيت روحي طلعت ورجعت وهو يغلط ويسب ويفشر ويضرب بيه ع شنو ماعرف
حسيت خلص راح اموت سمعت واحد كام يحجي وياه باشا اهدئ مو هيج باشا ع كيفك راح تموت البنيه بين اديك وخرررررر عنهااا يمعود شبييكك
- هذا الكلللب اخووها والله والله اذا مخليته يبجي دمممم اني اله
احس عضامي كلهن تكسرن الله لا يطيك العافيه منو ماجنت حسبي الله ونعم الوكيل بيكم غمضت عيوني ودموعي بعيني جسمي كله يون حلكي وخشمي ثنينهم ينزفن سوه يمكن ما بقه دم بيه حسيت ع ايد كمشت ايدي وكعدوني كحيت ووكع الدم من حلكي عبالك مي
صرت ابجي اريد بس اتحرك سمعته يحجي
- لا تخافين ما يصير شي الج بس ادعي اخوج يقبل لان عاند وكال اطلع اختيدواطلعكم من جوه الكاع
ابتسمت بدون ماعرف ع شنو يحجي اصلا بالي مو يمهم رفعت راسي وهمست إلى رب يشوف حالتي وراح ادفعون ثمن هذه عملكم والله ي لها باهلكم وعرضكم
حجيته ووكعت ع صفحتي اريد انام غمضت عيوني برغم ضلمه والوصله إلى ع وجهي مغطيه كلشي ماشوف ضلمه بس احتاجت اغمضهن واريحهن حسيت اكو نفس ثاني بالغرفه خفت بس ماحجيت يمكن ثواني ورجع حجه نفس الشخص الي نقذني من أدين هذا المخبل
- شتعرفين عن ضي واخوج
باوعتلها مستغربه شننوو همست واني مصدومه ردت اكعد بس مسيطرت رجعت نمت واني اباوع مستغربه رجع حجه
- شوفي الباشا يريد شي واحد مقابلج وهو ضي وجهالها شتعرفين عنهم كوليلي حته تنقذين روحج من أدين هذا المخبل
- ههه ضحكت واني بحالتي اني حسيت مصاريني تتكطع همست بصوت ناصي كوه اطلع الحجايه مني
كول الباشا مالتك بالحلم تحصل ع ضي لان لا اشهب ولا ضي راح يجونه واني اني لا اخوي ولا خطيبي يتركوني عدكم
- اتمنى هدا الشي والطلعين منا سالمه غانمه بس اذكري زين كل ما تسرعتي اكثر كل ما نقذتي روحج
سمعت صوت الباب نسد بقيت ابجي وحدي ردت انام واشرد من هذا الحلم تمنيته كابوس واكعد من النوم بجربايتي وغرفتي ببيت اهلي بين امي واخوي ع رسالة عمر وهو يكلي صباحج ورد يا احلا ورده بالعالم
اخ تمنيت بس يبقه تمني غمضت عيوني افكر منو هذا شيريد من ضي معقوله هذا الياس إلى كال عليه اشهب بس الياس تبن خالتها الضي ليش يريدها شنو السر يالله تحميني واحمي اهلي من شر هذوله
ضليت اردد آيات قرانيه لحد ما غفيت مدري انغمى عليه ماماكله شي من البارحه لان كعدت الصبح مااشتهي شي ورحت للامتحان امتحنت وطلعت وهاي اني هنا هسه وفوك كل هذا الدم الخسرته الله يكسر اديكم خلصتو دمي
اوف اسيل فكري فكري شلون اطلعين منا فتحت عيوني واني اسمع واحد يحجي بس ماكو صوت ثاني يمكن يحجي بتلفون ضليت ع مكاني واسمع صوته
- شووف اكلك احنه مو هذا اتفاقنا ماشي اتفقنى ع شي وصار اما هسه هذا شي راجع إلي ومالي علاقه بيك وشتسوي سوي مايهمني يلااا واسمع زين اذا لعبت بذيلك والله اخلي السيد إحسان يوديك وره الشمس
سكتت وحجه لككك عبدو وينككك جيب التلفون الثاني خل نخابر اخو ضيفتنا ما غير رئيه
حجاها وماحس غير ع دفره ببطني شلتني شل كليت ع ضهري واني اتلوه واصيح
- صح النوم ضيفتنا كعدي يلا خل نحاجي اخوج الشفيه
نزلت دموعي واني ساكته دقايق واجاني صوت اشهب وهو يصيح
- اشهببببببب اشهببببب ساعدنيييييي ماحس غير ع ايد واحد وصم حلكي صرت ارفس واحجي بس صوتي ماكو حسيت بدووخه وبعدها فقدت الوعي
فزيت ع مي ع وجهي فتحت عيري صار ضوه مال شمس بعيني رأسا غمضتهن ودرت وجهي للجه الثانيه وصرت افتح بعيوني شفت نفسي بمكان باوعت عليه مخزن مدري حقل ماعرف شنو بي كواني انتبهت عليهن بيهن حنطه وماعرف شنو باوعت وراي اكو مثل الخشبه سانديهازع الحايط
يمكن إلى سندت نفسي عليها رجعت رفعت راسي شباك صغير داخله الشمس منه ياترى بيش الساعه هسه شنو حالهم الاهلي غمضت عيوني ونزلت دموعي بعدين حسيت ع احد وراي درت وجهي راساا مخروعه جان كاعد بزاويه وحاط رجل ع رجل
ويباوعلي رفع حاجبه كام وكف يمي واني خايفه اكيد وراه شغله من فتح عيوني باوعتله خايفه
هزيت راسي من صار كدامي ثنه رجليه وكعد كدامي ع ركبته انتبهت ع عيونه جانن خضرررر بس الشر إلى بيهن مو طبيعي حرام هلجمال هذا عد شخص حقير
ابتسم وكال
- اخوج معاند والضاهر راح اطولين عدنا ومنريدج تموتين لهذا فتحت عيونج عادي هو انتي شايفتني يعني مو جديده
ابتسمت نفسه ابو عيون إلي يلحكني باوعتله وهمست انت انت شتريد بضبط
- مممم خوش سؤال فكري زين يجوز اساعدين نفسج والطلعين
- انت منو شتريدددد احجييي
- ماشي راح اكولج اخوج المصون اخذ شي خاص بيه مو بس هيج اخوج دايخربط كل شغلي دفعت دورلات وسويت اشكككال في سبيل احصل ع اللي أريده بس شنو صار اخوج اجه واخذ كلشيي حطيت ايدي بيدي أعدائي علمود اخذ أخذها وشصارررر اخوج بين ليله وضحاها أخذها منييييي
نزيت خايفه من صيحته رجعت لوره مصدومه ضحك وكال لججج اني وكفت ويه ابن عمج العار علمود اخذها سويت كلشييي علمودهاا وهي شسوووت لج انييي حته ش
باوعتلي وسكت وكانما حس ع روحه كاعد يحجي كلشي مسح ع وجهه وهمس تدرين اني من جنت صغيرها احبها بس هي فضلت الغريب مرتين مرتين فضلت الغريب عليه مو بس هيج اخوجج فوك ما أخذها خرب شغلي وواكفلي عظم ببلعوميي
صفنت عليه يحجي بحركه دم وعصبيه همست منو انت عليمن تحجي حجيتها واني اباوع له حسيت كل عقلي وكف وما عاد يفكر بشي باوعلي وكال
- اني اليااااس ابن خالتها الموت اخوج هه حبيبتي إلى حبيتها بس هي ما حبتني تدرين شنو صوج مو بخوج لو باسدددد ااصوج بيها هيييي اذا ماخليت هل اضوك من نفس الكأس مرتين واذا ماخليت ها تجيني اخر شي ما اسمه اليااااس
بقيت صافنه حسيت روحي بفلم مو حقيقه او مسلسل هذا الايام ماانساهن ابدد وكف وهو يعدل بملابسه دخل واحد وكال
- باشا يتصلون من طرف السيد إحسان
- عوفهم
حجاها ويباوعلي وكال ايي شفكرتي
رأسا اجت ع راسي فكره بلكت تنجح باوعتله وهمست ماشي اسوي اي شي تريده. ااا عدي فكره خل اني اتصل لاشهب واقنعه فدووه هوو اكيد راح يسمع مني ويجي ينقذنييي
حجيتها واني انتضر جوابه ع امل يوافق ووافق من هز راسه طلع تلفونه دك وشكره بحضني باوعت ع التلفون فاتح سبيكر اجاني صوت اشهب
- شوووف والله
- اشهببببب حجيتها ودموعي نزلت هو رأسا صاح
- اسييل يابعد اخوج كوليلي سوولج شي هذا العار كولي وين انتي خل اجيج كولي
ماعرف ماعرف بس فدوه سوي اي شي وطلعني منا ماتحمل بعد ولله جسمي لسه يوجعني من ضربهم يااشهب ساعدني حجيتها وبجيت
- وعيوووونج اطلعج بس انتضري ولا تخافين
- همست واني اباوع له بخوف جان واكف وحاط اديه بجي به ويباوعلي همست اشهب ماخايفه لان الله موجود وياي وصوت الاذان يطمني
حجيتها واني اباوع له ما حس الحمدالله بس كون اشهب يفهم رسالتي ان اني بمطقه بيها هواي جوامع بيها لان صوت الأذان اكثر من واحد يعني المنطقه مو مسيحيه
- ادري بيج سباعيه خليج هيج
-اشهب سوي الي يريده خل اطلع منا فدووه
جنت احاول اطول بالمكالمة شكد ماكدر اخر شي كال اشهب ماشي ماشي راح اسوي اي شي بس لخاطرج
أخذه هو ويبتسم همس
- اي شي استاذ اشهب
حلوو هسه صرت خوش تفكر انتضر مني خبر يلا نلتقي عندما نتفق
سده وهو مبتسم همس
عفيه عليج لو ادري جان من زمان سولفتلج قصتي ههه
حجاها وطلع عباله انقهرت عليه الكلب دروووح بس كون اشهب فهم كلامي اني طولت المكالمه علمود ينزل مكاني وكلت اسم الجوامع حته يعرف اني بمكان بي جوامع هواي
بس كون مايسويها ويطي ضي ولو اعرفه مايسويها واكيد ببراسه فكره رفعت راسي ادعي الله يخلصني منا بأسرع وقت ضليت صافنه وحدي غابت الشمس واني اباوع من الشباك ع النجوم ماعرف مصيري المجهول شنو
ضي : كعدت الصبح ع صوت روزه وقمر وهن يتعاركن باوعت عليهن هن باوعلي وكالن سوه
- شداسوين هنااا
باوعتلها مصدومه وهمست بكفي عجبني انام يمجن ممنوع
روزه : شعدج هنا ليش عايفه بابا وحده هاي لو خاله حنان جان لزكت وما تعوفه ههههه وكلساع وبايسته ههههه
حجت هيج وهي تضحك جان قمر هم تضحك باوعتلها
- ولجنننن منين جبتن هسوالف هاي كومن طايحات الحظ ادبسزيات كمت واني احجي عليهن وهن يضحك عفتهن وطلعت واني ألم شعري جان اصير حنان كدامي
- شنو لا بس طردج من الغرفه ههه
- هههه لا حبيبتي اني عفته لان خطيه تعبان من كد ما كتلج
حجيتها ومشيت جان هي اضل تخزر بيه جان اصيح
- سمعييي لج والله اذا مخليته يطردج من هل بيت انتي وجهالج مااسمه حنان
- الله وايدج يلا وينج هيج واصير صدك حجيتها واني اضحك جان هي باوعتلي بخزره وتهز براسها
عفتها وطلعت صبحت ع ام اشهب وكعدت سويت ريوك إلى والجهال ريكتهم وكمت نضفت البيت و حنان واكفه بدرج تضحك ماعرف شبيها بس تضحك كل مشوفني لو تخزر لو تضحك أريدها تصعد فوك حته ادخل للمكتب ماكو كعدت ع الدرج لزكت
اخر شي شفتها كمشت تلفونها وكامت صعدت لغرفتها اني رأسا ركضت باوعت ع النقطه مال الكهرباء عاليه جبت كرسي وصعدت عليه طفيته وركضت باوعت ماكو احد ام اشهب هيج وكت تكعد بغرفتها وحنان فوك ركضت للم
كتب فتحت الباب انفتح دخلت وصرت ادور ع الميز ماكو فتحت الجرارات وصرت بالملفات ماكو وين راح اني متأكده هنا شفته سمعت صوت الجهال يلعبون بالاله اني عفتهم بالحديقة يلعبون طوبه رأسا طلعت
سديت الباب واني ميئسه وين ضامه هذا طلعت جان ليث يصير كدامي باوعلي وكال ماما شداسوين هنا
- حبيبي كاعد اطلع الملابس الوصخ من غرفتك يلا كدامي مشيت شفت ام اشهب كاعد اسوي بالغدا عفتها وصعدت فوك باوعت السااعه ١٢ الضهر شو اتأخرت اسيل كعدت ع الجربايه صافنه وينها هاي
شويه ودك تلفوني باوعتلها عمو بكر
- ألوو ها عمو حبيبي شنو
- ها حبيبتي ضيووو شرفي ماعدي وكت وكاعد اسوق خاف اسوي حادث من وراج وماكدر ما اكلج ع الخبر لحد ما اوصل
- شنو عمو خوفتني
- هههه ماكو راح ادزلج هسه تسجيل سمعي وكوليلي شلوني
صفنت شنو يقصد سلم وسده ماكو دقايق اجه تسجيل ع الواتساب رأسا فتحته حطيت سماعاتي وسمعت صوت عمو بكر وهو يحجي ويه احد لحد ماكال عمو بكر شوب أكرم
عزا هذا اكرم وكفت التسجيل واني صافنه عزا عمو راح وحاجي ويه أكرم ومسجيل الحجي والله وطلعت مو هين يا عمو فتحت واني اسمع حجيهم وحاطه سماعاتي واسمع مصدومه
بكر : شوف أكرم من الاخير اكولها الك شكد تريد مقابل تحجي كلشي
أكرم : احجي شحجي ماعدي شي احجي
- متتاكد صدك ماراح ينجاب طاريك ولا احد يعرف بس احجي واطيك شكد متريد دفتر دفترين ثلاثه عشره ملاين الرقم الي تريده
صار هدوء وبعدها حجه أكرم وهو يكول العمو بكر
- ماشي احجي مقابل ان هذا المحامي يسوي هسه ورقه توقع عليه انت ما ينجاب طاريي لان اذا انجاب الورقه توديك وره الشمس
- هههه تدلل احنه زلم وكد كلمتنا من كلت مااحجي معناها مااحجي
- ماشي لعد اريد ٣٥ مليون
- لااا موهيج شنو عدنا سياره
- هذه حياتي استاذ بكر
- ماشي ٢٥ لعد
- تو ٣٠ من الاخير
- ماشييي بس هاا اذا الكلام مايعجبني ماتشوف مني فلس
- هههه ماشي لعد ع كل خبر مهم ١٠ ملايين ها
- ماشي متفقين
صفنت عليهم هذا صدك يحجي وعمر بكر شلون هيج يتفق وياه شنو ميخالف بعدين منين يجيب الفلوس بقيت صافنه رجعت شغله التسجيل واني اسمع مصدومه
- شووف ياا ابن الحجي أسد مستلم قضيه والقضيه تابعه لواحد تاجر جبير ومعروف يتعامل ويه السياسيين والبرلمانيين هذه الرجال مشكلته جانت ويه اخوها المرت اشهب ابو جاسم ومتفقين ان يكتلو بس يصيللهم مجال واسد يهددو ويسكت
طبعا هلحجي عرفته بعد الحادثه الله شاهد بيوم إلى اجاني اشهب اجاني اتصال منهم قدمولي مبلغ في سبيل ما ينجاب طاريهم نهائيا وتنكلب كل الادله ع مرت أسد اني شلت كل شي جان دليل بمسرح الجريمه بعد هذا شغلي يعني بفلووس اسري كلشي ضميت كلشي المهم نرجع لسالفتنا وبعدين نسولف بهذا الموضوع
اتفقو بيوم ان يكتبون ابو جاسم ويخلصون منه بس اكو من ادخل وغير كلشي شخص من طرفك او من طرف عائلة أسد او من اي طرف ماعرف بس جان مبين حاقد ع أسد كلششش زين هو الي طلب منهم يقتلون أسد لان أسد مايتركهم المهم ماعرف شلون قنعهم وودزو احد قتله منو ماعرف اني جنت موكل ان اضمم السالفه وماخلي اي دليل عليهم جنت استلم الفلوس واسوي اي شي يردو
بس الله شاهد مالي اي علاقه بقتل أسد
بكر : لك انتتت بعملتك هاي انت واحد نذل عديم الغيره والناموووس بس هينه كمل
-ماعدي شي أكمله واعرف لو مو ادخلني السجن لو تقتلني اكو من وراي واخليهم هم ياخذون ثاري منك فاهم دير بالك وهسه اطلع وفلوسي اريدهم ٣٠ مليون لااا صدكني اخليك بصف أسد
- بقيت مصدووومه هذا اعتراف بحد ذااااته هذا يكفي ان برائتي كلها تضهر هذا اكبر دليل بنسبه الي شلون كدر عمو يحجي شلون خلاه يحجي شلووووون
دكيت عليه واني مصدومه جان يجيني صوته فرحان هااا حبيبتي سمعتي
- عموووو تعرف هذا التسجيلرشنوو خلص بعد ماكو داعي اخااف واسكت من يتهمني وبس يجي اشهب اسمعه الفيديو ومايهمنييي
- لا ضييي ديري بالج مو هسه بعد اكو ببالي شي خلي نجمع كلشي حته محد يلفها علينا ويكول جذب نجمع كل الادله ونقدمهم للكل بس اصبري واتحملي
- عمو شتسوي بعد داكلكك هذا الدليل كاااافي هذا اعتراف بحد ذااااته يخلي ينسجن هو والويااه فد ١٠ سنوات والله اخليهم يخيسون بسجوون
- انتضر ضي مو هسه داكلج انتضر هيه اني راح اروح من اوصل احاجيج
سديته واني مصدومه واخيرا دليل برائتي صار بين اديه وهاي اعترف واحد منك يا اشهب وكفت فرحانه فتحت الكنتور اريد اطلع القميص مال أسد جان تندفر الباب باوعت رأسا مخروعه اشهب عيونه حمر دم باوعتلي بغضب وصاح ابن خالتج العار ويييييين وينننننن اخذ اختيييي احجوووو لا اذبحج والله
حجاها وهجم عليه ماحس غير خنكني بدي الاثنين ويحجي بغضب
- اذا صار بختي شي اذا نلمست منها سعرايه وحده والله و حق الله يا ضي الخليج تتمنين الموت وماتلكييي ولكمممممم وينننننن اخذتوووهاا
- اريد اتنفس ماكدر جان ضاغط حيل جلبت بديه واني اباوع بعيونه هو من صفنت بعيونه رخه ايده وشهكت بصوت عالي دفعني ع الجربايه وصار فوك
ي وحجه
- والله ووالله ياضي اذا صار باسيل شي متلومين غير نفسججج امشيييي
جرني من شعري وهو ينزل بيه الدرج واني اصيح هد شعريي يا ظالممم وخر عنيي جنت احجي بصعوبه لان مخنوكه البيت فارغ الجهال دوامهم ضهري واني وحدي عمو علي ماكو طلعت ام اشهب
- يمه اسم الله شكو شبيك شمسوي
شمرني بالكاع وصاح هاي العااار متفقه ويه ابن خالهااا وخطفووو اسيل لج يمممه خطفوووو اسيل اخخخ ربي
جان يحجي وعيونه حمر ويعصر براسه جرني من ايدي واخذني للمكتب واني احجي
- والله مافاهمه عليك والله ماعرف وين الياس ولا حاجيه وياه عوفنيييي
فتح المكتب وشمرنيي بي وصااح
- راح اضلين هنا لحد مااا اسيل تطلع فاااااهمه
عافني وطلع واني دموعي تنزل قفل الباب ومشه صرت ادك بالباب مثل المخبله واصيح حته احد يطلعني بس هيهات محد اكو غير ام اشهب وحنان ماكو الها حس ماعرف طالعه نايمه يمكن ثواني وسمعت صوت اشهب يصيح لج يوووم يووم شبيج اكعدي فدوه اروحلج يوووم
لحظات يمكن أصعب لحظات عشتهن
صرت افتر بالمكتب مثل المخبله ماعرف شسوي ماعرف شكد مر وقت ووين هم البيت هدوء شويه وسمعت هوسه وصوت زلمه والجهال ردت ادك ع الباب بس بطلت خفت ع جهالي لا ينفه ون وليث يسوي شي وهذا عصبي اخاف ياذي ومدري بروحه سكتت وكعدت صافنه اريد استوعب يعني شنو
الياس خطف اسيل؟؟؟ بس ليششش شنووو المقابل شنو يريد يمكن لليل ودخل عيونه حمر عاصر ايده حيل باوعتلي وصاح
- بتتتت الكلبببببب فوكاها يعني يشترط ابن الس***** مقابل اختي تدرين شطلب هذا الحقير ههه طلبج انتي وجهالج والله بحلامكم بحلامكم احقق إلى تردو اني الج ضي بسيطه
حجاها وركعني براشدي حسيت شفتي انشكت باوعتلها بغضب وصحت
- سكتتت لان مجروح ع اختك بس لهنااا وبسسس اسمع اكلك اتمد ايدك عليه أكثر من مره بس كافيييي مالك حق تمدها بعد والله ياااشهب اشوف شي من
بعدني ممكمله كلامي ماحس غير جرني من شعري وصار يفر براسي ويصيح لج كلبببه قندره س****
انتي وياه هذا ابن خالتج والله اذا ماخليتكم تاكلون تبن بثنين اديكم مااسمه اشهب ضربني حيل ع الميز وطلع رفعت ايدي كلها دم راسي انضرب بحافة الميز احس دخت بس سيطرت وسندت روحي ع الميز
رفعت راسي وهمست كاعد تشوف ياللهي ظلم البشر كاعد اشوف انصفني يارب ماعرف شصار بعد بس البيت هووسه وصوت زلم اتمدتت ع القنفهه وغفيت
احس شعري اتهلس كله سكتت اليوم لأن حقه مو سهله اخته تنخطف
فزيت ع واحد يفتح المكتب كنت رأسا صار كدامي ولد شاب يطلع عمره نهاية العشرين او بالوسط ماعرف باوعتلي مستغرب وراسا دنك
- اسف معبالي اكو احد شسوين بالمكتب بهل الصباحات هاي
صباحيات حجيتها مصدومه جان يرد اي الدنيا الصبح شنو انتي من البارحه هنا
دنكت وعزيت راسي همس وهو مدنك راسه ميباوعلي لان ملابسه حجاب
- انتي مرت اشهب الصغيره مرت أسد الله يرحمه مو
. رفعت راسي ولمعت عيوني هزيته وهمست اي
- البقيه بحياتج يارب اعرف متأخر بس تدرين جنت مسافر اعتذر
حجاها وهو يمسح ع لحيته هزيت راسي عرفته مصطفى اخو اشهب الصغير باوعتلها وهمست لكيتو اسيل
- اشهب من البارحه ما نايم يدور عليها قبل شويه خابرت والمكالمه جانت طويله واعدين يسجلون موقعها بلكت يلكوها
لا تخافين اشهب ما يطيج لا يترك اسيل
باوعتله ع شنو اخاف هذا عباله خايفه يعطيني الياس هنيالي
دخل اخذ مدري شنو وطلع شفته عاف الباب مفتوح ماقفلها بس ماكدر اطلع لان اكو زلم وماعدي حجاب الله لا يطيك العافيه يا اشهب
باوعت ع المكتب مالته ضي المكتب من البارحه انتي بي وجنت تتمنين اطبييله اخخ راسي كم؛ ته وتحسس اكو دم يابس عليه الله يكسر ايدك كعدت مالي خلك حته ادور ع شي بالس يم اسيل كعد ع القنفهه مرت ساعه وطب اشهب باوعلي وصاح
- وحق ابو فاضل اذا مالتي وينه ابن خالتج العار اكسرج مثل ما كسر اختيييي احجييي
- مااندله ماعرف ويننن ليش ماتفهممممم
حجيت هيج لو ماحس غير براشدي وكعت وهو استلمني راشديات وبوكسات صرت افتح واغمض بصعوبه كلشش اخر شي كعد ع القنفهه وكام يدخن باوعلي وهمس
ليش ليش تهددوني بيها ولكم ليششش مو هذا شرررف ولج مو انتي مره وعدج شررررف كعدت بصعوبه رجعت لوره سندت ضهري ع القنفهه وهمست بصعوبه
والله مااندله وحق الله وحق ليث وقمر مااعرف وينه اسيل مثل اختي والله مستحيل اسوي هيج بيها
وكف هز راسه اكمشه اكمشه لهذا العار ووكتها اعرف اذا مظلومه لو ظالمه
بعده كاعد يحجي جان يصيح اخو ضرغام من بره
- اشهببببب وينك هذا رامي خابر كال راح نحدد مكانها ساعه والمكان يمنا
باوعلي مبتسم وكال اختي صالله ٢٦ ساعه مو بالبيت اذا لزمته لابن خالتج طلقه براسه اول ما يخلص كلامه لو اعرف اكضي كل عمري بسجن ماخلي عايش وو
بقه يباوعلي بعدها دار وجهه قبل لا يطلع جان يصيح طلعه منا ماكو لحد ماجيب اسيل وابن خالتج العار ونسوي كعده ونكشف المستور......... يتبع
،،،،،، وللحكايه بقيه،،،،
قرائه ممتعه أحبتي
تصويتاتكم وتعليقاتكم وتوقعاتكم
#نور الشمري
# نوشه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 14-07-20, 01:29 AM   #26

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#برائتي_وجبروتك
بقلمي #نور_الشمري
#البارت_الثالث_والعشرون
Noor336

#تقسو علـي بـلا ذنـب أتيـت بـه
ومـا تبرمـت لكـن خاننـي النغـم
أعـاده شجنًـا بـاح الأنيـن بــه
فهـل يـلام محـب حـالـه عــدم
حسبي من الحب أنـي بالوفـاء لـه
أمشي وأحمـل جرحًـا ليـس يلتئـم
وما شكـوت لأنـي إن ظلمـت فكـم
قبلي من الناس في شرع الهوى ظلموا
أبكـي وأضحـك والحـالات واحـدة
أطـوي عليهـا فـؤادًا شفّـه الألـم
فإن رأيت دموعـي وهـي ضاحكـة
فالدمـع مـن زحمـة الآلام يبتـسـم
وفي الجوانح خفـاق متـى عصفـت
به الشجون تلـوى وهـو مضطـرم
فاظلم كما شئـت لا أرجـوك مرحمـة
إنـا إلـى الله يـوم الحشـر نحتكـم
ضي : باوعت له مصدومه شنو قصده شيريد يسوي شنو يكشف المستور باوعت عليه ووكفت بصعوبه قبل لا يطلع صحت وره
- اشهببب
دار وجهه عليه رافع حاجبه جنت كوه واكفه سانده روحي ع القنفات همست واني اباوع له ليث ليث وقمر خل اروح الهم من البارحه اني هنا حرام عليك
باوعلي ومسح ع لحيته دار وجهه وهمس طلعي غسلي وجهج وعدلي شكلج وروحيلهم بس قسما اذا شفتج تفترين منا ومنا وتلعبين بذيلج ماتلومين غير نفسج فاهمه
هزيت راسي اي عافني وطلع وهو يركع الباب حيل تنفست براحه طلعت رأسا ماكو احد بالممر ركضت للحمام دخلت وصارت المرايه كدامي انصدمت من شكلي ونفسي باوعت ع عيوني جواهن ازرك ع احمر سوود والبياض إلى بداخل عيوني احمر صاير باوعت ع كصتي هي منا بيها أثر وبعد اجاها هذا الأثر كملت
شكول عليك حسبي اللله بيك بس هذه اكولها اخ باوعت ع كصتي الدم يابس عليه ومنضرها يقزز اخذت مي بيدي وصرت اغسل بيها ع كيف واوخر الدم اليابس وهي توجعني خلصت فتحت الصيدليه إلى بالحمام اخذت التعقيم والكطن وصرت اعقم بيها
احس روحي طلعت من الوجع حطيتلها لاصق جروح غلست عيوني ووجهي من جوه وركبتي احس مخنووكه انتبهت آثار أصابعه لسه ع ركبتي حمره الله يكسر ايدك يا ظالم شلت شعري وعدلت وجهي كلبت شعري كله صفح ضميت جرح كصتي باوعت ع شفتي مفطوره من كد الراشديات حته ماكدر افتح حلكي دورت ع دهن ماكو كلت اصعد اخذ من فوك طلعت اركض لفوك
دخلت للغرفه بدلت ملابسي ع السريع وحطيت حجابي ع راسي وحطين دهن لشفتي ونزلت اول ما نزلت صارت حنان كدامي باوعتلي وضحكت جان توكف وتهمس قريب من يم اذني
- هاي البدايه بعدج ما شايفه شي
حجتها ومشت ماعرفت شنو قصدها قصدها مشمته وهي وره الكتله لو قصدها ان هذا اشهب وهذه البدايه اكلي إلى اني اكله ماعرفت لان بالي اصلا مو يمي مشيت كبل للغرفة يوسف وإبراهيم اول مدخلت صارو الجهال كلهم كدامي قمر وليث اول ما شافوني اجو يركضون عليه ثنيت رجليه واخذهم بحضني شبيكم هاي شنووو ليش هلبجي قمورتي
- وينج من البارحه ماكو لا انتي ولا خاله اسيل وخاله حنان كلساع عايطه علينا وتريد تضربنا وبيبي ام اشهب متخليها
سوده عليه يبعد كلبي تعاي يروحي ولا اديرين بال هاي اني رجعت جنت ادور ع خاله اسيل لان ماهيه وهسه شويه وتجي وراي
ليث : ماما مو تكولين الكذب حرام ليش تكذبين
باوعت ع ليث بصدمه جريته وكعدته ع رجلي الثانيه وصرت العب بشعره حبيبي منو كال اني اجذب هاا
- اي لأن البارحه سمعت الوحش يكول الجدو ان هو حابسج ومن ردت اروحلج اليوم ماخلاني وكال هي تجيك
- وهاي اجيتك لو لا
- ايي بس هو وحش شوف شمسوي بيج
- لاا حبيبي هذا مو هو من جنت ادور ع خاله اسيل ويه عمو بكر وكعت وتعورت
باوع عليه وكانما ما صدكني كعد بالكاع وكال زين اصدكج ع شرط تحلفين بروح ببابا
- لييييث حرام الحلف كم مره كتلك دير بالك تحلف ماكو داعي تحلف حته احد يصدكك فااهم ايااك تعيدها مرة إلخ
يوسف : خاله ليش حرام اني دائما من احلف صدك اكول وروح امي بس مو كدام بابا لان يعطيني رزاله ثلاثية الأبعاد بطعم الكتله الاسطوانية الشكل
- ههههههه هاي شلون صايره
- يعني رزاله غسل ولبس وكتله مليانه بوكسيات و جلاليق
فراس : أنجب يوسف لا تحجي ع بابا هيج هو مايضربنا اله اذا غلطانين حته منعيد الغلط
- بقو يشانطون واني اباوع لهم مبتسمه اخر شي حسيت ع ايد قمر وروز ع وجهي باوعتلهن ها شبيجن
- ماما ليش هيج خدج وعيونج
روزه : اي خاله شوفي عيونج ماتوجعج
- لا هههه ماتوجعني لان كبيره اني وكتلكم وكعت وتعورت كافي اسئله تعالو كولولي شسويتو البارحه
كعدو يسولفولي شصار البارحه من حبسني اشهب ماعرفت بعد شصار كعد يوسف يسولفلي كلشي كت الأول والتالي واني اضحك عليه
عرفت اشهب تعارك ويه الياس من مخابره وماقبل يطيني اله بس المصدومه منه الياس ليش يريدني معقوله يريد ينقذني لاااا هذا واحد حقير زور صور الي وخله اشهب يصدك اني خاينة أسد ماانساها اله ابد
عرفت البارحه الكل جاي ضرغام اخو اشهب وعمر من بغداد وعمام اشهب من المحافظات هم ولي هنا هم اجه ومن صايره الجمعه داخل مصطفى اخوهم ومستغرب من المنضر وتخبل من عرف ضلون يدورون عليها ويحاولون ان يلكونها من الخط بس جان ماكو تغطيه لان اول ما ينسد تروح الشبكه عنه
رامي ماتر
ك اشهب وضل يدور وياه َهو إلى تكفل بقضيتها هذا رامي صاير هو واشهب دبس وراشي
اخر شي اليوم عرفت اسيل متصله بيهم وضاله تحجي وياهم لحد ما كادرين يحددون المكان وراح يرحون بعد شوي بقيت ادعي ترجع اسيل سالمه مو لان خايفه ع نفسي لاا لان خايفه عليه اني امرأه واحس واعرف البنيه شنو أغلى شي عدها
بقيت كاعده يم الجهال والسوالف وابتسم هيج وياهم بس بالي يم اسيل وعملت الياس إلى ماتنحجي خلاني بموقف حقير انتبهت ع ليث بس يباوعلي عرفته حاقد ع اشهب وعرف هو الماد ايده عليه بس ما أطيته مجال
كل ما يباوعلي ابتسم وما بين شي كدامه لحد ما طلعت من الغرفه اجيب مي القمر لازمتها بيدي وهي تحجي ع سوالفها جان اصير ام اشهب كدامي باوعتلي وهمست
- هاا ارتاحيت هسه من ابن خالتج العار اخذ بتييي والله اذا صار بيها شي والله اذا رجعتلي وبيها شي يا ضي ماتبقين ببيتيي فااااهمه
- خاااله شنو هلحجي اني شعليه ذاك الياس وروحو اصافو وياه شنو تورطت صار عدي ابن خاله عار مثله كافي ابنج من جهه وانتي من جهه وجنتج من جهه شطلعت هااي ترا اني بشرررر مثلكم كااافي اظلمون بيه ترا اكو الله يباوع ويعرف كلشييي
- اي اي تمسكني ونزليلج كم دميعه كدام ابو أسد وروحي تبجبجي كدامه سوالف النسوان المزعطيه اعرفها شوووفي ولج كلبي احترك ع بنيتي من البارحه والله يا ضي اذا صاير بيها لا سامح الله ماتل
- مو بكيفجج .. متحملت انفجرت بوجهه احجي بعصبيه سالها ساعه تحجي بكيفها ساعه ابنها وساعه هي وساعه حنان شطلعت هاي باوعتلها وحجيت بتحدي
- ماطلع لان مثل ما هو بيتج وبيت ابنج هو بيتي بيت رجلي وبيت جهااالي اني اكثر وحده الي حصه بي خل يكون بعلمكم بس اني مو طماااعه اني ماريد كلشي لو تخيرني بين هلقصر وبين جهالي اتركلكم كلشي بس اخذ جهالي واهج واخلص منكم ومن ظلمك كااااافي
عفتها ومشيت وقمر تمشي وراي صافنه نسيتها حته واكفه دخلت للمطبخ واني افور نار ماتحملت شنو هذوله مو بشر لا وحوششش كعدت قمر كدامي تمسح بدموعي وتحجي
- لا تبجين بس يجي عمو اشهب اكوله عليها لان حته البارحه ضلت تحجي عليج كدامنا بس جدو عليي سكتها
غمضت عيوني واني اشوف ظلم البشر ليش هيج قاسين وكفت واني ابتسم اطيت مي القمر ودخل مصطفى باوعلي وضحك
- لكوو اسيل وراح يجيبوها هسه
- صدووك الحمدالله والشكر يارب شلونها
- الحمدالله بس
باوعت مخروعه بس شنووو راح عقلي للبعيد كل عقلي راح ان خلص اسيل انتهت بس اجتاني صوته وهو يكمل
- ابن خالتج كامشه رامي واشهب متحلف بي زين هو شنو مشكلة ويانا
هزيت راسي ماعرف والله حته اني مصدومه من تصرفه هذا ليش هيج يسوي
- يجي ونعرف اي ماتعرفنا اني مصطفى اخو اشهب يعني تكدرين تكولين حماج هههه
- اهلا وسهلا بيك اني ضي ام ليث كول
- والله والنعم من ليث زلمه بعد ترباية أسد
- تسلم
- يلا من رخصتج اروح ابشر الوالده مشه وكرص خد قمر
الله وياك اخدت قمر وهي تباوعلي
- ماما هذه عمو حباب مثل عمو اشهب وعمو بكر البارحه من بيبي ام اشهب ضليت تحجي عليج ليث تعارك وياها وكاللها لا تحجين ع امي كام هو أخذني اني ووليث واشترالنا وضحكنا
- اي حبيبتي بس ديري بالج صفنت ع ليث هذا الولد راح يشلع كلبي من هسه شلون بي اعرف هو دايدافع عني بس مو حلو هيج راح ياخذها للكبر يحب يسيطر ع المقابل ويصيح عليه بدون ما ينتبهه لعمره ويحسب حساب
دخلت الصاله وبقيت كاعده يم الجهال إلى جانو كاعدين ليث كاعد هادئ ردت احجي وياه بس ماقبل يجي عاند يمكن نص ساعه مرت وانفتح الباب وصوت هورنات ترست الشارع ركضت ع الجامه الشباك مال الصاله مضلل والحديقه عليه طلعو الجهال يركضون
انتبهت ع عمر نزل من السياره الثانيه عيونه حمر يباوع بغضب عرفت البارحه من جاي هو خابص الدنيا صيح ومعارك ومادخل للبيت وبس يدور عليها ويرفع شكوى من مركز لمركز
وكف يم الباب مال السياره وفتحها نزلت اسيل ساندها اشهب ومبين عليها شكد تعبانه انصدمت من شفتها وجهها كله كدمات وملابسها متحولات لقطعه حمره من الدم انصدمت من شفتها هيج
دخلوها وامها اتلكتها تبجي وتلطم ركضت عليه اخذتها منه هو خزرني وطلع جريت اسيل إلى جانت ضاربتها ع الصامت شكله يقهر العدو اخذتها كعدتها ع القنفات بصاله دخل ضرغام عصبي
- لجججج هوو مد ايده عليج احجييي شسوالج بعددد ليش هدومج دممم احجييي شسوالجج
وكفت اني مصدومه من يمي باوعت عليه بخزره ماعجبني اسلوبه ويه اخته بره عالم أصدقاء اشهب ورامي والشرطه وولد عمهم هم يعني الطارمه جانت متروسه عالم وهذا جاي يحجي هيج هي بياحال وهذا يستجوب بيها باوعتلها وهمست
- انت اخوها لو عدوهاا شوف البنيه بيا حال وانت كاعد
قاطعني هو يرفع أصبعه بتهديد
- انتي مالج دخلللل كل الصار ويانا من ورهه ابن خالتج العاار وانتي الثانيه احجيييييي
اشهب : كافي ضرغااام امشي اطلع يم الزلم عيببب دشوف حالها هسه وعوف الاستجواب وامشييي
- ماشي اشهب بس اذا طلع الي براسي صح مااخلي عايش والله
-اي اي لا تخاف اطيك المسدس واضر
ب عليه بسس اطلع
باوعلي وصاح
- اخذيها لغرفتها خل تبدل ملابسها وتسبح وترتاح
حجاها وطلع باوعت ع اسيل بس تبجي ومبين تعبانه وامها ولا سكتت هسه بتج غير تقويها مو تكسرها اخذتها وصعدت الدرج ع كيف قبل لا ادخلها الغرفتها جان حنان تحجي
- عود ضمضمن السالفه حته عمر المسكين يطيح بيها ههه ويتقشمر
باوعتلها بغضب شووفي ولج. صح ابن خالتي عار بس عده غيره ويعرف الشررف شنوو ومايسويها فاهمه بطلي سؤالفج الطايح حظها هاي وإياج تعيديها مرة الثانيه ادبسزز
حجيتها ودخلت الغرفه افور نار باوعتلها هي رفعت راسي ودنكت وصارت تشهك
- اشش اشش كافي حبيبتي انتي كافي شنو هلدموع عليج بداعج امج كافي ولج كطعتي كلبي هذهو انتي بينا محد يوصلج لا الياس العار ولا غيره هذهو كومي كومي سبحي ع ما حظرج ملابس اجي وياج هزت رأسها بـ لا وهي تمسح دموعها
اخذتها وصلتها للحمام ورحت حظرت ملابس الها انتضرتها تطلع واني خايفه ماعرف اشيل هم منو انزل واشوف الياس الحقير لو ابقه يمها واواسيها ع خطف ابن خالتي الها مديت راسي من الشباك شفتهم نزلو وسحلوو الصوره البيت واشهب كلساع وضاربه اووف ياربي شسوي
اسيل : بعد ما سديت التلفون واخذه وطلع وعافني ضليت بمكاني ماعرف شسوي حايره خايفه كلشي صار بهذاك الوكت ماعرف بضبط شنو نهايتي بقيت اردد باسم اشهب وعمر هم الوحيدين إلى ماراح يتركوني يمكن مرت ساعه او اكثر اني ع هل الوضعيه احس
جسمي كله يون عليه من الوجع صرت افتح واغمض عيوني نعست كلش يمكن دقايق واسمع صوت بره وصوت طلق زحفت واني اعدل كعدتي بخوف دقايق ودخل إلى اسمه الياس
- حقيرررره كله من وره اتصال س**** اني اعلمج صار يدفر ببطني واني اتقي دم احس مصاريني كلها تكطعت وخر عني وضل يضحك مثل المخبل جرني من حجابي إلى ماعرف شلون لحد الان ثابت ع شعري جرني وطلعني وصوت الطلق والهوسه
اخذني وذبني وصاح
- اذا انضربت طلقه وحده اكتلهااا والله لو اطيح بيها طلقتكم جرني سحل شمرني بنهاية الشارع كدام سيارة الشرطه نزل اشهب يركض ووراه عمر وضرغام وولد عمامي كمشوهم الشرطه ضحك هو وكال
- شنووو هاي اشهب مصورت تجي بهل السرعه وجايب خطار وياك
- هه شعبالك احنه كد الكلمه يا جباااان لك هذه قوووتك بيك خير تعال واجهني مو خاتل وره النسووان
- هههه لاه لاه استاذ اشهب شنو شكالولك عني اشهب اني مزوج اربع نسوووووان
- لا يا كلب يا ابن الكلب
حجه هيج وطفر اشهب يريد يكتله بس جلب بي شرطي اني كاعده بالكاع ابجي صافنه عليهم حسيت فد شي انحط عليه باوعت عمر حط القمصله مالته عليه وعدلت حجابي بدون صوت وباوع ع شرطي ماعرف شنو كاله ردت اجلب بي بس راسا تركني ومشه ماحس غير ضرب الياس بوكس انتبهت الشرطه جابو كل الي جانو بالبيت ماعرف شلون بس اذكر ان عمر نام فوك الياس وشبعه ضرب واشهب من بعيد يضربه برجله بس مجلب بي شرطي وعمر كلساع يوخرو ويرجع
- ههه حقك تكتلني عمر افندديي ماا خطيبتك البارحه نامت عدي خطار ههه شلون ليله
فتحت عيوني مصدومه من حقارته حسيت احد فتح اديه إلى جانن مسدودات لسه هو من اخذني من الغرفه فتح رجليه بس وكفت واني اصيح
- حقيييييير لاتكذذذب
تخبلت صرت اصيح بنص الشارع ماعرف شصار بيه بذيج الساعه اصورت كلهم راح يصدكو ويكتلوني بقيت ابجي واصيح جذاب لحد يصدكه واحد جذاااب شبكي اشهب من وره وهو يهدي بيه
- اشهب ما صدكته مو واحد جذاب هذا والله دايكذب اشهب والله
اخذني بحضني واني حالتي ستريه ماعرف شنو صار بيه بهذاك الوكت بس من شلت راسي ودموعي بعيني شفت عمر وضرغام مستلمين الياس ضرب والشرطه تؤخر بيهم وهم يرجعون وعمر يصيح
- اسكتت لا تفتح حلكك اسكتتت والله اليوم اطلع روحك والله
واشهب يهدي بيه اخذوني للسياره والشرطي إلى جان يم اشهب اخذ الياس بقيت ابجي وأهمس والله جذاب جذاب
حسيت ع ايد اشهب وهو يباوعلي بحنان من زمان ما شايفه هذه النضره بعيون اشهب نمت ع رجله واني ابجي ماعرف شكد مر الوقت لان يمكن المكان الي اني بي بعيد مثل القريه او هيج شي بس الاعرفه مشت السياره هوواي
بقيت دموعي تنزل بهدوء واني بحضن اشهب بطريق وكفو السيارات اجه الشرطي الاشهب
- راح اخذ الياس للمركز وانت الحكني
اشهب : لا رامي اريد ببيتي اريد اطلع القضه والمضه بي اريد اعرف كلشي متتصور هذا شنو بنسبه الي
- ما اصور خوش فكره الأفضل أخذه واحقق اني وياه وانت الحكني
- رامي اذا تريد عوفني اني اعرف شلون اصرف هسه انت سوي الاكلك عليه أخذه للبيت ومالك دخل
كعدت واني امسح بدموعي جلبت بقمصلة عم ر باوعت عمر وين
- اشهب عمر وين
- بسياره الورانا شبيج ماعليه شي
بعدني اريد احجي جان تنفتح الباب البصفي باوعت عمر باوع ع اشهب وهمس
- اشهب دير بالك عليها راح بشغله شويه واجي
- دخل نروح للبيت نشوف العار وبعدين روح
-بس يلا ماشي لعد
جان عمر يحجي وحاط ايده ع راسي يمسح عليه نزلت دموعي باوعلي بنضره مكدرت افسرها شنو هي أبتسمي وسد الباب
بقيت كاعده بسياره واني مصدومه شنو راح يك
ولون الناس عليه نسوان عمامي وخالاتي ونسوان خوالي عماتي كلهن يشمتون وما يصدكون يلكون ذله علينا شلون راح اكدر اتحمل كلامهم وحجيهم وصلنا ونزلني اشهب واني مصدومه خايفه اريد حضن امي وابوي اعرف اشهب ماقصر بس يبقه حضن الاب غير
كعدوني بصاله وماحس غير ضرغام فوك راسي وصار يحجي حجي صدمني هذا اخووي اخويي سندي هيج يحجي عليه ليش شنو سويت وهيج يحاجيني معقوله ما يثق بيه ولا يصدك نضراتي ما فهم رفضي اله هناك
اخذتني ضي واني مصدومه من ضرغام وكلامه وطلعتلي حنان من جهاا جان ناقصني يعني استغفر الله دخلت سبحت واني دموعي ماتوكف ماعرف ليش كل ماريد اوكفهن يرجعن من جديد شلال ينزلن
طلعت واني دموعي بعيني رأسا اتلكتني ضي وهي تباوعلي بقلق ضلت تسئل ليش ابجي جاوبتها مابيه بس خايفه منهم ما يصدكوني
- اشش لا تكولين هيج هم اخوتج اكيد يصدكونج يلا تعاي خل اشوف جروحج كعدت تباوع ع جروحي اكو شخوط بخدودي وخشمي مبين بي رض او مكسور ماعرف بس النزيف كساع ونازف وضي تمسح بي اخذ ايدي وضلت تمسح بيهن لان اكو جروح من الصبابه من اوكع عليه كل جسمي ازلخ
خلصت وباوعت لي مبتسمه جان يندك الباب ويدخل مصطفى من شفته حسيت روحي ردتلي يممه اخوي حبيبي ممصدكه
ركضت عليه واني ابجي وهو اخذني بحضنه
- اشش لج شنو هل الدموع هاي وين اسيل إلى تضحك ٢٤ ساعه وما يهمها شي مو كلتي بس تجي واشوفك اشبعك كتل ع المقالب إلى اقلبها بيج جنت
ضربته ع صدره واني دموعي بعيني همست اي خل أطيب واني ألك بسيطه
- ههههه اي هاي اسيل إلى اعرفها ام كصيبه شكبرج ومسويه كصيبه
- وخر لا ازعل والله لا تحجي هيج
- لا يأبه سكتت هههههه تعاي يلا خل ننزل
اخذتني ضي ونزلنا كلهم جوه كاعدين عمامي وعمو علي وامي وضرغام واشهب و وعمر جان كاعد ويهز برجله عيوني اسلطن عليه خايفه منه ماعرف ليش تصرفاته وياي غريبه حته مااجه وشافني
كعدت بصف امي واني اعصر بديه ضي راحت وكفت يم الجهال ردتها اضل يمي بس اعرف اشهب ميخليها باوعلي اشهب وكال
- شلونج احسن
هزيت راسي اي
- تكدرين اسولفين اني لسه مارحتله العار انتضرتج اسمع منج ياله اروحله
هزيت راسي اي
ضرغام : احجييي شنو هلدم الي ع ملابسجج
اشهب : ضرغاااام هاي اختنا مو عدوتنا شبيك متكلييي لووو ست الحسن دافعتك ع اختك
- اي مو عربأنه وتدفعني شو متعرف تحجي انت اعرف اخوي الجبير بس مو أتجاوز عليه كدام الكل واسكتلك
- غصبا ما عليك تسكت وانت الممنون اسمع من الاخير اذا ما عاجبك اطلع محد جابرك
ابو أسد: كاافي شبيكم متكلو لي جهاال خو مو جهاال احجيلك كلمه ابو مهيمن هذا انت عمهم الجبير بمثابت ابوهم شجاك ساكت
- والله يا ابو أسد ماعدي احجي والي كاله ضرغام صح هاي بتنا وشرفنا ولازم نعرف شصار وياها
عمر : كاااافي اعتذر بس شووو انتم ماتعرفون تحجووون هو انتم خليتو البنيه تحجي اشو استلمتوهاا مالكم دخل بيهااا
ابو مهيمن : وانت شكو وتددخل بينا شوو متعرف تحترم وتحجي ع الأكبر منك احنه عائله بينا انت شكوو
اشهب : عمييييي كافي بسسس إلى ما عاجبه الباب يطبب جممل ما ضاربه ع ايده وكايله تعال اكعدد اسمعو كلكم عمررر اخوي ورجل اسيل يعني من العائله يا عمي المحترم مااسمحلك اتقلل منه وثاني شي اسيل ماراح تحجي كللللمه وحده عن الحادثه لان اني عدي ثقه بيها واعرفها لو جان صاير شي ما جان كعدت وحطت عيونها بعيوني
بس اسيل مادام حطت عيونها بعيوني وكعدت كدامي وهي رافعه رأسها فاعرفها ما نزلت راسي وكافي تلفون حجي من كيفكمممم والي ما عاجبه ويريد يعرف شصااار تفضل اطلع بره لان اسيل ماراح تحجي كللللمه وحده عن الي صار البارحه بس راح تحجيلي إلى عرفته ليش خطفها وشنو غااايته
اتفضلو اذا حابين تطلعون لان اللي ببالك ما يصير
جنت كاعده خايفه اعصر بديه من كلامهم بس فجئه ابتسمت واني اشوف اشهب يدافع عني بكل حب وماا رجفت كلماته جان مسيطر ويحجي بكل سيطره ابتسمت بفخر واني اباوع له هيج اخو ينراد النا مو اخو مثل ضرغام الاخو سند لاخيته مو سلب يسلب منها كلشي
بتصرفاته يسلب منها ثقتها واحترامها وكل شي ويخليها لا شي كدامه يهين بيها شوكت ما يعجبه وتخدمه شوكت ما راد مو هيج لاا هذا الاخو إلي جنت اعرفه جبل إلى وراح ينقذني باوعت ع عمر جان كاعد ضايج يخزر بعمو ابو مهيمن إلى جان كاعد ما عاجبه ابتسمت واني اشوف عمر
وأخير اطه رد فعل وأخير دافع عني وماقبل عليه الشين شكد حلو هيج احساس من يكون عدج سند سندين بي ضهرج مثل الاخو والزوج هيج إنسانين لازم يكونون سند المرأه مو يصيرلها رجال ويبيع رجوله براسها
باوعت ع ضرغام ماعاجبه وكف وصاح
- بس هيج راح تكبرون رأسها لازم نعرف شصار حته الناس من تحجي نعرف شلون نسكتها
مصطفى : الله خويه الله كل همك الناس من تحجي لا هذا مو ضرغام اخوي شمغيرك لك هذه اخيتنا مو بت الجيران ونعرف هي شنوو
اشهب : مصطفى هذهو المايعجبه الباب يدخل جمل ما جابره يضل
حجاها وكعد وهو يباوع لي مبتسم رجع كال هذهو روحي المكتبي وهسه اجيج عمو ع
لي تعال ويانا
عن اذنكم عدي حجي ويه اختي
ابو مهيمن : لك اشهببب من البارحه احنه هنا نركض مثل المخابيل ندور ع اختك وتاليتك هيج تهينا ببيتك
- العفو عمي كلت اختي ههه ليش هي مو بت اخوك لو اني غلطان مو ع اساس ماعندك ثقه بيها شكو تحجي هيج اسمعوني زين الي ماعده ثقه باسيل يتفضل بره وهذه يا عمي بت اخوك قبل لا اصير اختي
جرني واخذني للمكتب وهو عصبي لحكنا عمو علي دخلت واني مصدومه المكتب مخربط شعجب اشهب تاركه هيج كعدت ع القنفنه خايفه اعصر بديه واكل بشفايفي
باوعلي اشهب مبتسم جان يهمس
- لج بسس شبيج مااكلج اي اسوله احجيلي شسمعتي ماريد اعرف شصار بس عرفتي ليش خطفج شنو غايته من هذا كله
- هزيت راسي اي واني اباوع لهم همست خويه هذا واحد مريض مو صاحي ابد هذا يحب ضي بس هي ما تحبه ومتخبل لان ازوجتك وضل يهدد ويحجي اشياء هواي وع اساس انت موقف شغله ماعرف شنو كعدت سولفتله كلشيي كاله إلي وهو فاتح عيونه حك لحيته وكال
-ماجاب طاري صور شو شنو
- لا جان حذر ما سولف هو راد يحجي شي بس رأسا حس ع روحه وسكت بس شنو مادري
شفته كام يفتر هز راسه وكال ماشي روحي لغرفتج ومالج دخل بأحد وخلي ضي اجيبلج اكلج وكلشي الغرفتج لا تنزلين لحد ما يرحون حته ما تنغثين من كلامهم ولا ادري بخيتي سباعيه
حجاها وكرص خدي وهو يبتسم ابتسمت وكمت باوعت عليه وهمست راح اصعد باجر اخر امتحان إلى ماريد اضيعه وتروح سنه عليه راح أقر
- لا خلي اني ائجله الج
- بس اكيد الاستاذه متقبل مشدده
- افه واني شنو هنا عوفيها عليه كتلج يلا روحي الغرفتج ولا اديرين بال
هزيت راسي ووكفت ردت اطلع همست اشهب باوعلي رافع حاجبه ابتسم وكال
- عيون اشهب
- ابتسمت واني اشوف اخويه رجع مثل قبل هيج جان حنون وكلبه طيب حجيت واني مبتسمه تسلم عيونك بس عضيت شفايفي وهمست ضي مالها دخل لا تحملها المسؤليه اصلا هي ضحيه مثلي
هز راسه وابتسم
- لا اديرين بال
حجاها وطلع طلعت وراه واني امشي ويه عمو علي لكيتهم كلهم كاعدين باوعت ع عمر ردت يباوعلي ما باوع مدنك ويهز برجله صاحله اشهب وكف صارت عينه بعيني باوعلي وابتسم وغمزلي ابتسمتله وركضت فوك مرتاحه اهم شخصين مصدكيني مو المهم الباقين ما يهموني
كعدت بالغرفه فرحانه فتحت ضفيرتي بس خفت اضل وحدي طلعت صارت روزه وقمر كدامي يردن يدخللي
روز : هلوو عمه اشتاقينالج هووواي
حجتها وهي تفتح اديها
قمر : اي خاله لا ترحين بعد هيج
حبايبي تعالن هنا يروحي اخذتهم ودخلته الغرفتي
- هسه اجيجن اشوف ضي وين واجي طلعت اريد انزل جان حنان اصيحلي
- اسيل
باوعتلها واني أقوى نفسي
- ههه شنو قشمرتيهم بكلمتين مو عبالج اني هينه واصدك بنيه باتتت بره البيت شتتوقعين ترجع يعني
- اياااج لهنا وبس ديري بالج تحجين كلمه لخ لا والله انزلج سحل واطرج منا مو عبالج خايفه منج
- ههه روحي طلعي عضلاتج هاي ع عمر واشهب وابو أسد إلي صدوك كلامج
ضربتها راشدي ماتحملت اسمع اكثر شوووفي هذا مجرد تحذير مرة إلخ اذا اجاوزتي مو اضربج راشدي لاااا امسح البيت بيج الخليج وصله مال مسح ياهو الجه وسحك عليج ومسح البيت بيج فلااا تختبرين صبري
عفتها ونزلت صار مهيمن وحسن ولد عمي كداامي سلمت عليهم ومشيت دخلت للمطبخ مالكيتها وين ضي
رحت لغرفه ليث لكيتها
- ضي تجين وياي فوك
- لااا تعاي انتي يمنا راح اسوي اكل وتعالي يم الولد ع ما اخلص الاكل واجي
هزيت راسي بس صيحي للبنات فوك ضلن
- ماشي
باوعت الولد كاعده وكف يوسف وهو يهز جتف
- شبيك ولك
- غير فرحان برجعتج يا عمه صالج أثر ثاني بوجهج لا مو ثاني شو خل احسبهن
ضربته ع ايده واني احجي حقير ولي
- شبيج عممه لك ابراهيم شغل الاغاني خل نركص وها وها وها وها خوتي ها
باوعتلها كلهم وكفو وصاحو هااا
- وها خوتي هااا ورجعت عمتنا الجكمه وها وها وها وها ورجعت عمتنا الحيه وها وها وها ورجعت عمتنا ورجعت نذالتها هاها ورجعت عمتنا ورجعت وكاحتها هاها ورجعت عمتنا ورجعت الضحكه النا وهاوها وها
- بقيت صافنه لككك يوووسف ياااا حقير
- والعباس جذب ردت اشاقه وياج يأبه البيت ولا ينطب بدونج
حجاها وباوع ع إبراهيم وكال لك توأمي اني جذبت اصلا البيت جان يخبل هدوء بيوم القيامه انت تحاسب بدالي
- يوووسف شهلحجي السخيف هذا حرام شنو هيج تحجي
- لك يأبه تعال شوف عمتي صارت مسلمه وتحجي بالحلال والحرام
- أنجب لك شنو جنت يهوديه مثلا
- لا من قوم قريش هههههه
- هاها مضحك ولي ماحجي وياك دير بالك تحتاجيني فاهم دير بالك
- دروحي بابا شبيك هو منو مكلبح اصلا منو حاجي وياج اصلا
حجاها وكعد يكرز حب باوعتلها مبتسمه اجه فراس كعد بصفي أخذته بحضني واني اضحك والعب بشعره وهم يلعبون ضليت يمهم شويه ونزلت باوعت من الشباك شفت عمر بالحديقة يدخن رحتله بس كوه امشي من بطني حييل توجعني من ضربه
وكفت وراه وهمست عمر باوعللي رأسا ذب الجكاره وفتح اديه إلى ركضت اله ودفنت راسي بصدره ابجي وهو يمسح ع راسي
ضي : وره ما نزلت ووكف
ت ع صفحه واني اباوع لهم بس انصدمت من كلام اشهب شلون يدافع عن اسيل ابتسمت والله وطلع بيك خير اشهب ع الاقل طلعت مو جاهل وتفكر جا شبيك يحظي وياي بس الضرب
ضليت واكف خايفه لا الياس حاجي شي جذب كدام اسيل ويورطني صدك ما امن بهذا الولد ابد اول ما طلع اشهب من المكتب اجاني
- سوي اكل الاسيل بس والباقين راح اوصي مصطفى يجيبلهم اكل جاهز ديري بالج عليها
حجاها وطلع صراحه انصدمت قبل ساعات جان يكلي انتي خططتي ويه ابن خالتج عليها وهسه يكلي ديري بالج عليها شهل الرجال هذا ياللهي كم عقل عده براسه واحد لو ثنين لو شكد
عفته طلع وبالي خايفه الف فكره وفكره براسي مشيت يم الجهال لكيته كاعدين بفرفة كعدت بصفهم واني حاطه التشريبه ع النار ام اشهب ضغطها صاعد ونامت
اجت اسيل يمهم واني كمت سويت التشريب والاكل وحطيت كلشي بصينيه فواكه وزلاطه وثريد وتمن ولحم كله الاسيل حته تاكل اخذتها اله وجبتها سفن مشيت انضف المطبخ وانتضر يجيبون الاكل حته اصب بس احس ضهري انكسر منا عضامي يونن عليه من الكتله ومنا وكفت هواي وشغلت تعبت شوي ودخل مصطفى واشهب يدخلون الاكل باوعلي وكال
- ليش وحدج
- اسيل كاعد تتغدا يم الجهال
- وهاي الثوره وين منطمره لج حنااان حنااان قنادر مو حنان مو ويااج اني بت الكلللب
نزلت تركض هي حجت بعصبيه
- شبيك اصيح فشلتني كدام عمامك وولدهم عيبب شويه سويلي احتر
بعدها ما مكمله جان يسحلها للمطبخ ويضربها راشدي فتحت عيوني مصدومه جان يصيح
- كلمه ماسمع منج كللبه شنو ٢٤ ساعه منطمره بغرفتج هااج كعدي نضفي المطبخ وصبي الغدا ضي اخذي اكل للجهال وروحي حنان اصب هناا يلاااا
ماتمشن اله بضرب يكول حمار مو انسان بنات القندره
طلع وهو يدردم واني صافنه جان مصطفى يضحك
- هاي شمسويات لأخوي ولجن اشهب يغلط ويفشر لاا لاا ماصدك ولجن هو جان كلمه أنجب ما يكولها متكللي شسويتله
باوعتلها واني اصب اكل للجهال حجيت
- ايي عيني مو يحب يستفزني شلون يدري من يغلط اضوج وأخوك ما يقصر يحير شيسوي مقابل يضوجني عشتوو
- هااا قصدج ان يحب يضوجج ويطلع مشاكل من جوه الكاع حته يضوجج
باوعتلها يحجي ويضحك هزيت راسي اي
- اها يعني اخوي مطبق المثل مال من حبك لاشاك هسه اخويه هيج
باوعتلها بضوجه جان يضحك ويأخذ الاكل شالت رأسها وهي تضحك
- لا تكيفين أشهب ماعده كلب ويحبج وبعدين يعوف الكل ويحبج انتي هههه اله مخبل لو مسويته شو شنو
- ههه اني هم ماريد حبه لا تخافين اذا اريد اسويله شي اسويه علمود يتركني بحالي اني وجهالي
حجيتها وأخذت الصينيه وطلعت اطيت الجهال الاكل وطلعت كلها تتغدا بس اشهب ماكو عرفته راح إلى الياس بس شلون اروحله طلعت وره البيت اركض اكو مخزن هو من ضمن البيت بس بابه من بره اكيد هنا حاطي جريت اكو تنكات حطيت وحده وصعدت عليها جان يطلع صوت يبووووو بقيت واكفه ماتحركت خفت الحمدالله محد طلع
صدك باوعت من الشباك جان كاعد اليلس واشهب يضرب بي وهذا رامي هم وبعد كم شرطي وياهم ماسمع شي بس ماعرف شنو حجه الياس جان اشهب يستلمه ضررب حيل شويه وسمعت ليث يصيحلي
نزلت اركض رحت اول ما كاعد ادخل جان انضرب بواحد رفعت راسي مهيمن ابن عم اشهب دنكت وعدلت حجابي هو ابتسم وكال
- نعتذر اسفين
هزيت راسي جان يصيح شنو خرسه اعتذرنا ردي علينا لو مو من استايلج احنه
صدك ضجت ماتحملت باوعتله وهمست احترم نفسك فاهم لا تخليني اكول الاشهب عليك ولو ماكو داعي لان اكو كامرات وراح يشوفك اقرا الفاتحه ع روحك
حجيتها ومشيت واني اضحك جذب ماكو كامرات بس يم مكتبه بس احب اخبث بلكت يخاف ويبطل يحجي هيج دخلت كعدت يم الجهال واسيل سؤالف وضحك ويه الجهال غيرنه شويه من وضع اسيل ما فتحت طاري الخطف نهائيا
لليل راحو ولد عمامهم طلعت اشوف ام اشهب لكيتها كاعده جبتها اكل كالت صيحي الاسيل رحت صحتلها وعفتهن اوف شكد مشتاقه الأمي
ماتحملت جنت محتاجتها حيييل صعدت فوك ودموعي بعيني جريت تلفوني واشجعت ودكيت هي ماادك اني ادك مايهمني بس الأهم اسمع صوتها
شويه وردت
- ضيووو يبعد امج شلووونج ولج هااا متصورتج كلبج قاسي يا يمه ليش ماراجعتي وياه ابوج ليشش
-يوووم رحمه الابيج اسكتيي خابرتج حته اسمع صوتج لان مشتاقتلج لا تخليني أسد التلفون تعرفين كلش زين ليش هيج سويت انتي ام وتعرفين فراق الضنه يا يمه شنوو
سكتت لان عرفت قصدي مو قصدي اجرحها لا بس أبين الها ان ماكدر اعيش بدون أولادي وهي مجربه شعور البعد لان اخوتي ماكو واحد مستشهد وواحد مسافر
ضليت اسولف وياها ردت اكوللها ع الياس وبطلت سديته منها وباوعت ع تلفوني اكو رسايل من عمو بكر فتحتهم وبلشت اسمع بيهن رسال صوتيه
- ألوو ضيو حبيبي عدي الج خبر وينج ضي يمعوده
دكيت عليه اجاني صوته وين جنتي
- اسفه بس والله جان عدنا خطار ومادري برسالتك
شنو الخبر
-ها خوش تدرين اشهب مزور أوراق علمود القضيه وباسم حمزه بس شنو ماعرف دير بالج انتي واني بس اعرف شي اخابرج زيد كال بحثت ع حمزه وماكو خبر ولا معلومه عنه وكل
ت الزيد يراقب رامي ونشوف تاليتها
- عمو وين تريد توصل انت عوف كلشي التسجيل مال أكرم كااافي
- لا مو كافي مالج دخل هسه روحي ودير بالج ع نفسج ماشي سلملي ع ليث وقمر وبوسيلياهم
- سلمت عليه وسديته نزلت البيت هدوء كلها خانسه بغرفها طلعت امشي ع كيف للحديقه جان اسمع صوت صريخ الياس ركضت للمكان ووكفت قريب ع الباب سمعته يصيح
- مااحجي والله مااحجي وضي أخذها أخذها من بين عيونك ومصيرك مثل اسدددددد
فتحت عيوني خايفه شنو يعني شنو تهديده هذا شنو قصده معقوله هو الي سمعت صوت شي تكسر وصوت اشهب يصيح عوووفني عليه لك هدني خل اكسره تكسررر احجييييي منو قتل اسدددد احجيي
الياس : ههه روح شوفلك واحد ثاني يحجي لان اني أصم ابكم
حسيت ع شي تكسر مديت راسي خايفه شفت اشهب يضرب بي ومصطفى وعمر يوخرون بي وهو يدفع بيهم ويريد يهجم عليه وذاك يضحك
جان يدفره عمر برجله جان يوكع لوره هو والكرسي فتحت عيوني مصدومه حط رجله عمر ع صدره وصاح لك احجييييي لا افرغ المسدس براسك احجيي
- لالا واسوله وين تروح اذا انت كتلتني ودخلت السجن قهرتني
استلم اشهب وعمر ومصطفى يجر بيهم واني مصدومه واكفه بالباب ماعرف منين انصدم من كلام ابن خالتي الي مبين اله ايد بقتل أسد لو من الي كدامي إلى ماعدهم رحمه بس لا يستاهل هذا مو مال رحمه هذا يستاهل الكتل باوعت عليهم وهمست انت قتلته
كلها باوعتلي مستغربه حته اني مستغربه من نفسي جان يجره مصطفى ويكعده ويصيح ايي تعاي مرت اخوي تعاي هذا جتال رجلج شسوين بي سوي حلال عليج
باوعت مصدومه جان عمر يضربه ع راسه ويصيح
- لك مطي هو وين اعترف وكلت كتال لك هذا حمامه ما يكتل بس تكدر تكول اله ايد بقتله وراح يوصلنا الهم
جان الياس يباوع ع عمر ويضحك ويصيح
- أحسنت أحسنت يا اخي ما هذا العقل لديك يحجي فصحى ويضحك خلص وباوعلي وصاح بت خالتي شنو هيج شاكه بيه نسيتي اني الي حذرتج منهم
اشهب : هههه اييي كلشش ووين الفلاش بالله اذا صدك مالك ايد بقتل أسد
- بححح راح ههههههه
صفنت عليه الياس مو طبيعي ابد كأنما مخبل باوعت عليهم وهمست هذا صاااحي لو شنوو هذا مو الياس الياس مو هيج بقت دموعي تنزل جان هو يضحك ويصيح
- بت خالتي سويت كلشي علمود ازوجج بس انتي شنو دخلتي السجن وانتي بريئه هههه والمجرم منا وبينا ههه ورجعت كلت لااا هذا بت خالتي لازم اساعدها ومن ردت اساعدج رحتي للي سجنج ليش هيج هااا ليش محد يحبج مثلييي لج والله محد يحبج مثلييي
كاعد يحجي جان اشهب يركعه ببوكس كمشه من هدومه وصاح
اشهب : لكك عااار شقصدك احجيي لااكسر اسنونك احجييييي انت وره الصوره مووو الصور الي بتلفونها وعلاقتكم كذب ولعبه منك موو احجييييي
- اييي ذكي والله ذكي عاشت ايدك ههههه اييي اني سويته وحطيتهن ومساعدة واحد منك وبيك ههه هو سهلي المهمه وتدري شنووو سويت كل هذا حته تترك ضي لان اعرف ماراح تتركها
حجه هيج واشهب تخبل استلمه بوكسات والدم ما يعرف منين ينزل من الياس كلت راح مابقه عظم صاحي بي وكف واستلمه عمر ومصطفى صاح تستاهل والله ما افزعلك
بقيت صافنه عليه رفعت راسي باوعت ع اشهب باوعلي ودنك ومسح ع وجهه ولحيته وصار يفتر ويصيح الله اكبر رجع رفع راسه جنت واكفه اباوعله باوعللي وعيونه حجت صاح بمصطفى ودرا وجهه عني
- خابر رامي خل يجي ياخذه لا اموته بين اديه وخلي يعترف لا قسماااا ارتكب جريمه وادخل السجن والله
- ماشي بس اهدئ انت وماعليك شي
طلع مصطفى يدك ع رامي واني واكفه كدامه همست ودموعي بعيوني مصورت هلكد حقير انت لك عرفتك حقير بس لدرجه انك أشارك بجريمة قتل مصورتها منك انت واحد مريض وحقير حسبي الله بيك حسبي الله بيك
ردت امشي بس وكفت من اذكرت كلام أكرم وساره رجعت عليه وهمست انت الي أمرت رجال هذا التاجر يكتلون اسدد احجييييي انت
هز راسه بـ لا وضحك
ماصدك بيك كلكم جذابين كلكم الكم ايد بقتله
عفته وطلعت اركض ودموعي بعيني كعدت بالحديقه ابجي حسيت احد وراي شلت راسي اشهب باوعلي بنضرات معرفت افسرهن درت وجهي عنه بكره انت اكثر شخص اكرهه انت اكثر شخص اذاني راح تطلع كلشي برائتي ما بقالها شي وتضهر وساعتها
اترك هذا البيت والي بي واخذ جهالي واروح جنت احجي ويه نفسي ودموعي تنزل حظنت نفسي وصرت اواسي روحي ضليت هيج ماعرف شكد بس من دخلت للبيت جانت الساعه 2 بليل تمدتت بمكاني وغفيت واني دموعي بعيني
ابن خالتي هيج يسوي ليشش شنو الي سويته حته هيج يجازيني شنو سؤاله أسد ويقتله الله ينتقم منك الصبح كعدت بارده الغرفه ثلجج كمت شغلت الهيتر ومشيت طلعت غسلت وجهي وطلعت مابقه شي وندخل ب٢٠١٧ يا ترى شنو مضموملي بهاي السنه
نزلت الساعه بسته سويت الجاي وكعدت اشرب جان يدخل مصطفى من بره
- شسوي بره
- سلمت الرهينه للضابط هههه
مرت اخوي فرحانه لان ما بقه شي وتضهر برائتج لو ضايجه لان طلع ابن خالتج اله ايد بقتل زوجج
- هه الاثنين سوه بس الأكثر الأولى لان الياس مو مهم بحياتي صح شلون عرفتو اله ايد بقتله
- من كلام اسيل
هو مسوفلها واشهب شك وراح من كام اشهب يستفزه بيج وكام يحجي بس منتبه يحجي الجمله نصها ويكطعها سلمنا الرامي ونشوف تاليتها يعترف يعترف وكلشي يضهر الله يرحمه أسد والله يعاقب إلى قتله
- آآآمين الله يسمك منك
شويه شويه كعدو تريكو وطشو كلمن الشغله ام اشهب متحجي وياي من البارحه واني هم عفتها براحتها وهي كعدت اسوي بالغدا واني اساعدها لو انضف البيت حنان نضفت الفوك والطارمه اسيل بغرفتها
والجهال يلعبون وعمو علي كاعد ع التلفزيون وكلساع اشوفه صافن اشهب ماشفته من البارحه وعرفته بالمكتب مالته تغدو واشهب ماكو خلصو وكلها طشت بغرفتها صعدت لغرفتي
خابرت عمو بكر وسولفتله كلشي اتخبل وكال جايج هسه نتفاهم ومادام اشهب عرف انتي مالج دخل صار لازم نطي التسجيل والملفات يشوفهم ويدور ع القاتل الحقيقي
- ماشي عمو
- ربع ساعه واني يمج
- همست اي وسديته جان وكت العصر الساعه ب٤ عفت تلفوني بالغرفه ونزلت جوه لكيت اسيل كاعده بالمطبخ باوعتلها وهمست شبيج
- مابيه ههه انتضر عمر يتصل
بعدني كاعد احجي وياها جان يدخل مصطفى
- وينن اشهبببب
ماعرف اليوم ما شفته
عافني وطب وهو يصيح اشهبببب لك اشهبببب
الكل طلع من غرفهم واني طلعت اركض واسيل وراي وكفت بالباب لان عرفت الموضوع يخصني لو يخص أسد يعني لان شكل مصطفى مايبشر بالخير ابد طلع اشهب من المكتب عيونه حمر صاح شكووو شبيك عبالك ماتلك احد منو مااات اخوك
- لا الياس.......... يتبع
،،،،،،، ولحكايه بقيه ،،،،،،
قرائه ممتعه أحبتي
وصلو البارت ٨٠٠ تصويت يلا حبايب ❤️ حته اغششكم باجر
تصويتاتكم وتعليقاتكم وتوقعاتكم
#نور الشمري
#نوشه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-07-20, 02:42 AM   #27

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#برائتي وجبروتك
مشهد مستقبلي
بقلمي #نور الشمري
المشهد من البارتات القادمه او البارت الأخير


ضي: جنت كاعده كدام الشباك صافنه ع المنضر الكدامي منضر يرد الروح الخضار إلي تارس المكان والهوه النقي شي كلش حلوو من تشوف هيج منضر وانت بشقه الفوك وجوه عبالك جنه من الخضار والجمال صدك جمال الطبيعه جمال بمعنى الكلمه وهيج أماكن تنسيك الغربه
باوعت ع الجهال كاعدين يلعبون وكفت واني البس الكوت مالتي باوعتلهم وهمست اني راح انزل تجون وياي طفر ليث وهو يضحك
- اي ايي نجي ليشش لا بس بشرط انروح لمدينة الألعاب
- مممم من يجي خالو يأخذنا
- لالالا ماريد اريد هسه حباااابه حباااابه
صفنت عليه واني ارفع حاجبي اله حطيت اصبعي ع شفايفي ورفعت عيوني لفوك واني افكر وهو قمر خربانين ضحك عليه
- ماشي بس بشرط اتركون الايباد وماتلعبون بي غير مره وحده باليوم
ليث: لااااااا شنو هاي
حجاها وهو مبرطم واني لازمه ضحكتني جان قمر تبرطم وتحجي
- لعد شلون احاجي عمو بهاي المره العب بيها لو احاجي عمو
ليث: وشعدج تحجين وياه واحد وحشش
قمر : موو وحششش عمو حباب
-لا وحششش
- مو وحشش
كااافي هاي شنو رجعنا لنفس الاسطوانه ماكو طلعه يلا خليكم بالبيت عفتهم ونزعت الكوت ومشيت رجعت لنفس مكاني واني مطنكره وهم يضحكون عليه
شويه ودك تلفوني باوعتله اوووف كل ما يدك اذكر الماضي القاسي إلى عشته باوعت ع قمر وهمست
- هاج هذا عمج الخابصتنا بي ردي عليه
اجت تركض فرحانه اخذت التلفون مني وفتحت الخط وصارت تحجي وياه صوره وصوت سمعته كال الها وين ماما
باوعت الها بخزره واشرتلها بأيدي ع راسي عود كاعد اسبح
باوعت ع التلفون هي وهمست
- عموو تكول ماما وتشر بيدها ع راسها
عود تسبح نفس ما سويتها اني ورجعت كملت
هيج كالت شنو يعني
دكيت ع كصتي وليث طكها بضحكه وهو اسمعه خربان ضحك باوعتلها بخزره سمعته كال
- هذهو وصلت الرساله ههه سلملي ع ليوثي و ديرو بالكم ع نفسكم ماشي عموتي صيري سباعيه مثل ما متفقين
صفنت ع كلامه كأنما وداع جان صفنت اول مره هيج يحجي اول ما سدته خزرتها وصحت لج انتي عليمن طالعه غبيييه
قمر : اني مو غبيه
حجتها وهي مبرطمه اي اي مو غبيه اني الغبيه إلى اعتمدت عليج ام حلك هاي لو سالفه طايحة الحظ جان لكفتيها رأسا
احجي واشيل بالملاعيب بغضب انفتح الباب ودخل عيسى باوعلي عاقد حاجبه
- هاي شكو شبيج عصبي
- باوعتلها بغضب وهمست اييي واخيرا عرفت بتي عليمن غبيه ع خالها طالعه
باوعلي مصدوم فاتح العيون باوع ع ليث وكال
- ابن اختي مو جني انقصفت وطارت جبهتي
ليث: اي خالو ههههه ماما عصبيه لان قمر فضحتها كدام الوحش ههههه
- هااا هنا السالفه
امشي امشي لبسي خل افرج بسويد شووفي الله شخالق تنسين أسد واشهب والخلفوهم هم امشي
باوعتله بخزره جان يحك راسه ويكول
- جفصت مو اي ادري بروحي اقصد تنسين الظالم اشهب بس أسد لااا جفصه صارت نعتذر
عفته ومشيت لبست الكوت والحجاب وهو يضحك عليه
- ها شكووو
حجيتها بعصبيه هز رأسه هو و ليث عفتهم ومشيت وهم طلعو وراي باوعت ع الشارع برغم من جماله بس يبقى العراق بنضري جنه اخذني لمطعم وكعدنا ناكل نسيت شويه الفشله وصرت السوالف واضحك ويه عيسى والجهال ما اكلت هواي من اكلهم لان خفت يصير نفس ذاكليوم للعصر ياله رجعنا كاعد نتمشى للبيت جان يدك تلفوني باوعتله عمو بكر
- ألوو ها عمو شلونك
- الحمدالله بخير ضييي اكو شغله لازم تعرفيها والأفضل ترجعين للعراق بأسرع وقت
اسيل : واكفه كدام المرايه صافنه ع نفسي وين جنت ووين صرت ليش ليش هلكسره هاي يالهي شنو سويت وانكسر هيج كسره خليت اليسوه والمايسوه يشمت بيه ليشششش ليششش يارب امتحانك صعببب باوعت ع الصوره وهمست ودموعي بعيني
مو باجر عرسنا مو اتفقنا نكون احلا عائله ليش هيج سويت باوعت ع بدلة العرس جانت ع الجربايه ماتحملت اشوفها ركضت عليها وجريت المكص وصرت اشكك بيها مثل المخبله وابجي واصيحح شكو مخليها اذا ماكو عرسسس شكوووو ضاله بغرفتييي ماريد اشوفهااا ماريدددهااااا
حسيت بالباب انفتح دخل اشهب يركض عليه وامي وضي بس هذول شفتها وبعدها غمضت عيوني ماريد اعيش بعد ماريددد
هذه المشاهد من البارتات القادمه واكو بيها من الاخيره اطوني توقعاتكم. بنسبه للغش كلكم كلتو حنان هي الي ساعدت الياس واني اكلكم مو هي الساعدت الياس ههههههه بس نكدر نكول الها ايد بس مو ويه الياس وغش ثاني عمر ما يموت وانمااا يصير شي ثاني
شلونه خوش غشش 😂😂
اخو شي طبعاا ماعرف شلون اكولها بس اليوم ماكو بارت كلششش اعتذر منكم والله بس عدي تقرير رسم ولازم اسلمه باجر و٣ رسمات تدرون صالي ٤ ساعات ونص برسمه وحده ياله خلصتها يعني كل رسمه ٤ ساعات اني وال٢ بليل اخلص رسم 😭😭
#نور الشمري
#نوشه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-07-20, 02:53 AM   #28

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#برائتي_وجبروتك
بقلمي#نور الشمري
#البارت_الرابع_والعشرون
@noor336


#أيها الظالم مهلا أنتَ بالحاكمِ غرُّ
كل ما استعذبت من جوجَوْرك تعذيبٌ وجَمْرُ
ليس يلقى دعوة المظــلومِ دونَ الله سِتْرُ
فخف الله فما يخــفى عَلَيْه منهُ سرُّ
يجمع الظالم والمظــلومَ بعد الموتِ حَشْرُ
حيث لا يمنع سلــنٌ، ولا يُسْمَعُ عُذْرُ
أَوَ مَا ينهاكَ عن ظُلــمك موت ثم قبر
بعض ما فيه من الــهوالِ فيه لكَ زَجْرُ
ضي : فتحت عيوني مصدومه من جاب اسم الياس شفت اشهب رأسا تقدم وصاح شبييييي
مصطفى : خويه رامي لاكي بالسجن ميت منو وشلون مانعرف ولا يعرف هسه هو فتح تحقيق ونشوف اذا انمر ب
بعده ممككل كلامه مصطفى جان يصيح اشهب مات لو بعده عاااايششش دمك راسه مصطفى وهمس
- مااات
فتحت عيوني مصدومه لاااا ياللهي لااا ماعرف انقهر ع ابن خالتي المات وراح وهو بعز شبابه وكل هذا من وره الحب حب وحده ماحبته حب وحده مزوجه مستحيل اصير من نصيبه الحب عمى عيونه وخلاه ما يعرف يصرف الحب حوله انسان ثاني
الحب حوله من مظلوم إلى ظالم حبه الاناني خلاه يكون شخص ظالم ومات وهو ظالم ماعرف انقهر عليه لو ابجي ع حالي اخر امل إلى بأن اعرف منو القتل أسد كان هو وراح من ادينا ليشش هيج ياللهي الك بيها اراده ربي لا اعتراض ع أمرك
باوعت عليهم اشهب عصبي ويصيح ويتعارك ويه مصطفى اخذ سويجه وطلع واني اباوع بصدمه حسيت اسيل تحجي وياي مافهمت شنو حجت اصلا مشيت واني بغير عالم ماعرف شبيه كعدت بالصاله صافنه شوكت تضهر برائتي شوكت الشخص الجنت متأمله ان يحجي منو قتل أسد راح
حسيت ليث كعد بصفي وصار يلعب بيدي بارعلته أبتسمي وكال ماما ليش زعلانه شنو صار
باوعتله مبتسمه هزيت راسي
- ماكو شي حبيبي روح يم اختك
كمت باوعت ع اسيل كاعده بالمطبخ باوعتلي وهمست
- ضي معقوله عمر كتله البارحه من شفته جان متحلف بي خايفه خايفه يكون هوو والله ماكدر اعيش بدونه شلون شلون بيه
- اششش لا تحجين هيج عمر عاقل مو لهدرجه هاي مخبل ويسويها اكيد هذوله إلى يشتغل وياهم ماكو غيرهم يقتلوو
- بس شلون شلون قتلوه
- ههه إلى يقتل نفس والي عده سلطه وواسطه يكدر من خلالها كلشي يسوي خايفه عليه لو صافنه شلون يدخل ويقتل هذوله ببل علن يقتلون ويسلبون كلشي مقابل اسمهم وفلوسهم والشعب عدهم لا شيء
كومي كومي عمر عاقل ما يسويها
عفتها وكعدت صافنه دخلت حنان اطك بعلجها إلى بدي اطلعه والزكه بكصتها لعبت نفسي جرت كرسي وكعدت باوعتلي ورفعت حواجبها
- هاا شنو لا بس ضجتي ع حبيبج لان مات ههه والله عيون صلفه ولا تستحي مزوجه وضايجه ع حبيبها
- حناااان
وكفت باوعتلها بغضب وهمست ديري بالج ديري تعيديها اني مو حنان واخون فاهمه اني أسد مابدله بكنوز العالم مو بعد برجال العالم وما يهمني رأيج وكلامج لان سكوتج وحجيج نفس العدم وهاااا خاف ناسيه اذكرج انتي هنااا شنو لا شيييييييي فكعدي ولا تخلين الشيطان إلى جواي يطلع لا وحق الي خلقج وخلقني اطودج بره بيتي
حجيتها وردت اطلع جان اصيح
- لحظه لحظه شنو. يأبه لا بس مصدكه روحج مرت اشهب وتردين اسيطرين ع البيت شوفي لجج ترا اني هنا الامر والانهي فاهمه انتي و هاااي
حجتها وهي تاشر ع اسيل وتحجي بعصبيه جتفت اديه ووكفت باوعتلها مالي خلكها وسكتت لان مالي خلك اتعارك لان اني حاليا مو بحالة عركه باوعتلها وهي تكمل كلامها
- انتي وهاي راح اخليجن تبجنننن دم وكولن حنان ما كالتها والله اذا ما خليتجن تمشن وتحجن ويه ارواحجن هينه
مصطفى : هاي شنووووو حناان شهل الحجي هذاا شنو تهددين اختي وضي
حنان : هاي انت مصطفى مادري بيك هناا لا مااهددهن بس داحضرهن لان شادات وياي وكل مافوت وسمعني حجايه واني اسكت لان ماريد اشهب يشلع كلبه بسوالف النسوان و
اسيل : هيي هيي شو ماتعرفين تحجين سالي ساعه تاركتج تحجين لان عذريني ما افهم لغة الحيوانات بس هسه تم الترجمه شوفي ولج لهنا وبسس قسما والله اخلي اشهب يطلكج فاهمه ماعرف شعدج ضاله هنا بعد لا كرامه ولا اخلاق ولا ادب ولا مستحه ادبسزز
حجت بعصبيه اسيل وطلعت باوعت ع مصطفى واكف عصبي يخزر بالحنان باوعلها ورفع أصبعه بتهديد وكال
- شووفي ولج اختي خط أحمر وضي هم من اليوم اذا سمعتج حاجيه كلمه لو مهدد لو مجاوزه مو بس اخلي اشهب يطلكج لا َاكعد عشيرتج فصل هم مو عبالج جنت بالخارج وماعرف ترا والله الخليج تتمنين الموت وماتشوفي امشييي مناا
انتبهت ع مصطفى يحجي ومبين لازم الضحكه من شفت شكله هيج ضحكت ويه ضحكتي باوعتلي حنان هزت رأسها وحجت
- تدلل صوفي شعدنا غيرك
حجتها ومشت وكفت كدامي وهزت رأسها لا اضحكين هواي لان الي يضحك هواي تاليته يبجي
حجتها ومشت واني صافنه عليها باوعت ع مصطفى اول ما طلعت طكها بضحكه وكال
- اخ يأبه بطني هاي الطفله شوكت كامت تهدد اشو حته الفاره ما خافت منها هههههه يكول ثور مجنح رأسا طارت الغرفتها بعد الرزاله
- ابتسمت بوجهه وهمست اله ماعرفت شي ع الياس
- راح اشهب وعمر للمركز يم رامي واني ضليت ل
ان الوضع مبين تكهرب ومو مال نتركجن وحدجن ورامي المسكين هم لا بس ينرفع عليه دعوه لان مو مكان شغله هذا وماله حق يلقى القبض من وحده
- يعني هو القى القبض ع الياس مندون امر ولا شي
- لا بس هو اخذ صديقه الضابط هنا بس اذا صار تحقيق راح اطيح براسه
- زين معرفتو شلون قتلو ومن هم
- لاا للأسف ننتضر اشهب بلكت من يجي يعرف
هزيت راسي ومشيت شفت الجهال بغرفهم إلى يلعب والي نايم والي يقره عفتهم وكعدت باصاله جان يوم حيل متوتر حته غدا محد سوه ام اشهب تفتر وتصيح
- ولك يمه صطيف ما تخابر أخيك اتأخر
- يمه شجاج ع كيفج تردين اشهب يوديني للنجف دكعي وسكتي تدرين بي من يطلع ما يحب احد يدك عليه هسه يجي
صارت الساعه ال٣ الضهر طب عمو علي ووياها عمر صاح يالله
مصطفى : تفضلو تفضلو
كمت عدلت كعدتي ووكفت طبو بس اشهب ماكو باوعلهم مصطفى وكاللهم هااا بشرو شصار
ابو أسد : ماكو حاسبين حسابهم ما مخلين ولا دليل ولا شي اخذو للمشرحه ونشوف تاليتها شلون
عمر : اخخ كـ*** نهزمو بيهم خير يوكفون بالوجه مو يتخنثون مخانيث جلاب ****
- يمعود نسوان منا الزم السانك واني اكول اخوي منين متعلم الغلط والفشار طلع مصاحبك
- دكل خره مصطفى مالي خلكك ما حارك دمي غير مات وما مشفى غليلي بي ما كتله كتله معدله اااخ
جان عمر يحجي ويعض بصابيعه بعصبيه ومصطفى ساعه يحشش ويضحك وساعه وياهم يغلط وعصبي هذا الولد صدك جنه اسيل نفس التصرفات هو واسيل ويوسف ضحكت فطارتهم وكلبهم الطيب يمكن لل٦ العصر ودخل أشهب العيون حمر دم ومن كد ما ضاغط ع ايده حته الورده مبينه
صفنت عليه بستغرب وخوف من نضراته ومنضره كعد ع القنفهه وحط ايده ع راسه وباوع وكال اسيل وين
صفنت ع سؤاله شيريد من اسيل درت وجهي ع الدرج جانت كاعده بنهاية الدرج نزلت وهمست بصوت ناصي ها
- ماعرفتي شي اسم واحد من جنتي هناك أي شيييي ما حجو كدامج مانجاب طاري اسم شخص
صنت وبعدها هزت رأسها اسيل بـ لا واشهب هي كومه وهي كلبه الطبله الكدامه جانت كزاز صارت طحيين صفنت عليه وهو كعد يصيح
- كلاااب ما مخلين شيييييي وراهم والله والله اطلعهم من جووه الكاع والله حجاها وكام جنت واكفه ببداية الصاله واباوعلها بصدمه يعني شنو هسه هو صدك اني ما خاينه أسد وصدك اني مو مجرمه لو شنو
صارت عيونه بعيوني باوعلي واني اباوع عليه مصدومه حسيت نضراته تغيرن رأسا وهدئ مسح وجهه ودنك وعافني وطلع وراح من جهة المكتب بعدني واكفه جان تنزل قمر تركض
- ماما تلفوونج
باوعتلها اكثر من ١٠ مكالمات من عمو بكر وماما متصله مرتين خفت شكو بعدني هستوني ردت ادك ع عمو بكر جان ادك امي باوعتلها مستغربه البارحه حجيت وياها شلته واجاني صوتها يبجي
-ولجججج ضييي هسه تجين ماضلين يمه هذا العاار كتل ابن خالتج كتل ابن اختييي يااا ضيَيييي وضاله يمه لسسه لج يمه وين عقلج راح متكليلي وين ضي العاقله الواعيه الفاهمه ولج هذا ابن خالتج ع الاقل اذا اعتبري اخ مثل اخيج ولج شلون ضاله لسه يمممه احجيييي
- يوووم شبيجج منو كال لكم اشهب قتل الياسس اشهب ماقتله وبعدين هذا جزاته لان ظلمني يا يممه الياس ضلمني ورب العالمين حاسبه
- ولجج لعب بعقلج هذا الما يسمه لعب بعقلجج والله اليوم خوالج ورجل خالتج جااين الاربيل والله يستر من الي راح يصير بس شوفي اكلج شغله اذا ضليتي ع هذا غباائج حته اني تخسريني
- يوووووم بس كاااافي رحمه الاهلج كاافي اخلص من الناس الغربه وظلمهم إلي يجوني أقرب ناسي ويظلموني اول شي ابن اختج العااار وهسه انتي تكوليلي تخسريني يووم اني خسرت عمري وشبابي خسرت زوووجي وابو أطفالي خسرت اهلي بسبب خوفهم ع سمعتهم خسرت ابوي وجدي كل هذااا وتحمله لخاطر أطفالي لان ما مستعده اخسرهم لان هم مصدر قوتي يووم انتي امي وراح تفهمين قصدي يوم من الايام من يخروج بين جهالج واهلج راح تفهمين قصدي يا يمه انتي ممجربه شعوري
ومايهمني شي حاليا غير جهالي وكااافي كافي تتصلون بيه وتحجون هذا الكلام كافيي اني بشررر واحس إلى متى تلوموني ع شي جنت مجبوره عليه يووم انتي امي مو عدوتي لا اصيرين انتي والظلم وياي
حجيتها وكعدت بالكاع ابجي واحجي كل هذا ومجنت واعيه ع تصرفاتي جنت احجي بكل حركة دم وأنفعال وناسيه روحي اني واكفه بنصهم سمعت صوت امي وهي تكولي
- ولج يمه والله ما يهمني غيرج بس غير الدنيا قاسيه اجانه خبر ع أن ابن خالتج عد اشهب من البارحه واليوم الصبح لكو مكتول يعني شنو غيرر هو الكاتله
- يووم حجيتها واني ابجي ومنهاره كاعده بالكاع وسانده راسي ع القنفهه همست بصوت ناصي اني مراح ادافع عن اشهب بس راح احجي إلى شفته كدامي صح جان هنا الياس بس ما مات هنا ولا احد قتله لا اشهب ولا واحد منعده لان سلمو للشرطه وهناك مات
سمعت صوت شهكت امي وهي تلطم
- يممه يا ممعزايه منو إلى كتله
- مامعروف بس اكيد إلى جان يشتغل عدهم او الي جان شريك وياهم يووم ابن اختج جان واحد من الظالميني جان اله ايد بقتل أسد وتخريب سمعتي كدام اشهب كل هذا علمود يحصل عليه
وتااالي شنو وين صفه بي الدهر جوه التراب
روحي يوم بعدين احاجيج سديته من انتبهت ع نفسي الكل واكف فوك راسي ومستغربين وكفت وهمست عمو علي رجل خالتي وخوالي جايين لهنا هم مايعرفون شي اتمنه ما
- لا اشيلين هم بنيتي عوفيها عليه اني احاجيهم هزيت راسي وصعدت فوك بغرفتي حته جهالي ما رحت وشفتهم دك تلفوني عمو بكر رديت عليه واني الدموع بعيني حيل انهضمت من كلام امي مايهمها غير مصلحة ابن اختها واختها وانييي لعد مو بتج اني ليش هيج اسوي ليش هلتفرقه ياربي استغفر الله
انتبهت ع تلفوني يدك عمو بكر صفنت اذكرت هو ع اساس يجي رحت لغرفتي ورديت عليه ع السريع جاوب
- وينج يمعوده ادك ماكو بالي كله يمجج
- ماكو شي عمو شويه التهينا بالياس لان
- ايي عرفت قبل لا اجيكم كلت اخابر اشهب علمود نكعد بمكان واشوفه كلشي بس مارد عليه ضل بالي اتصلت بعمج علي جان رد وسولفلي ورحت وياهم للمستشفى
- صدك وشصارر اشهب ماسولف شي اجه عصبي ويصيح
- مع الأسف من طببو التشريح وطلعو كالو ميت بنوبة قلبيه
- وصدكتو
- اكيد لا لأن الدكتور الي طلع جان مشكوك بامره لان اجه متأخر وماطول شويه وطلع وكال نوبه قلبيه يعني شي خارج نطاق العقل
- ههه صح الله كريم
- ايي اني كلت باجر اجي واشوف التسجيل الاشهب احسن خل يعرف بعد ماكو داعي
- اي الأفضل هذه الحل ولازم نتعاون حته نطلع القاتل الحقيقي
-وهو هيج يلا حبيبتي من رخصتج اروح اشوف المعرض لان ازاد ماكو
- تمام سديته واني صافنه بقيت بغرفتي ماعرف شبيه ضايجه تجي نوبات اريد ابجي واصيح ونوبات اريد اصفن وافكر ونوبات اريد بس هدوء واعيش السعاده الي صالي سنه ونص ما شايفته غفيت بذيج الليله واني متكوره ع نفسي حته ما نزلت وشفت ليث وقمر
ولا هم اجوني جانت نومه طويله حته ما فزيت بليل كعدت الصبح ع صوت سيارات وهوسه باوعت من الشباك شفت خالي نزلت لبست حجاب وصايه ونزلت اركض جان رجل خالتي ابو الياس وخالي وبعد زلم عرفتهم عمام الياس من الشباك شفتهم
طلع عمو علي ومصطفى يحجون وياهم حسيت بشخص واكف وراي درت وجهي رأسا جان انضرب بصدره باوعتله بغضب ودرت وجهي عنه وهو ما اطه اي رد فعل بالعكس دنك و عافني وطلع كطييييعه ابو صمااغ
بقيت واكف يم الشباك اريد اعرف شكوو اسمع بس صوت الصياح واني واكفه حسيت اسيل ضربتني ع راسي وصاحت
- هاا ام العيب مو ما تقبلين واحد يتصنت شنو واكفه تتصنتين
- اششش بروح ابوج سكتي بعدين حاسبيني من يطلعون هي ضحكت و كعدت باوعتلها شفتها ضايجه جريت الكرسي الكدامها وصحت
- اهووو العروسه ضايجه شبيج
- ههههه مابيه شي ضايجه شوويه بس لان الياس مات ضي تدرين ماتمنيته يموت شوفي هو صح غلط وغلطه كبير بس مو صاحي صدكي تصرفاته وكلامه يدل ان هو مو صاحي والي سواه وياي برغم من كل هذا ماتمنيته يموت لان هو يحتاج علاج
- باوعتلها وهمست نفس الي يدور براسي ماعرف انقهر لو افرح سكتنا ومحد حجت كلمه وحده يمكن مرت ساعه وساعتين وثلاثه طب عمر واسيل اتلكته عفتهم وكمت مرت ٥ ساعات ضبط ياله طلعووو اول ما دخلو للصاله صحت شيردوون
مصطفى : مرت اخوي شبيج قلقه وخايفه ترا خوالج خوش خوال هههههه ماعدهم مره حلوه
انتبهت ع اشهب خزره سكت كعد وكام يلعب بلحيته
- متفهمين السالفه غلط او احد موصلها غلط الهم واني فهمتهم الصح وشفتهم التصوير هم
- تصوير حجيتها بستغراب هو رفع حاجبه وكام
واني ضليت صافنه يا تصوير معقوله مصوره من معترف والله وطلع مو هين هلاشهب للعصر اجه عمو بكر فتحتله الباب ودخلته للاستقبال باوعلي وكال اشهب هنا
- اي هنا
- روحي صيحي
- اسم الله منو اني لا عيني لا
- لا اني هسه اطب اروح اصيحله اكله هاي مرتك اجتك تعال شوفها بت الاوادم لعد ابوي يجي
- باوعتلها صفح وكمت واني احجي بعصبيه لا تكول مرته لا تكول مرته خرب بحظي
- ها يأبه اقصد زوجته يلا ههههه
- عموووو
- هههههه اشاقه وروحه للمرحومه الموميائيه نسخونس
باوعتلها صفح وصحت
- انت ساعه تحجي بالمغول والجيش المغولي وكال فلان ملك وحجه فلان ملك وساعه تحجي بالمومياء ونسخونس وناني ومدري منو اثبتلك ع وحده
- ههههه تدللين باجر احجي ع هتلر ومعاركه القتاليه
ههههه عفته وطلعت صارت اسيل كدامي تخابر وتضحك عرفتها ويه عمر عفتها ومشيت صار عمو علي كدامي همست عمو باوعلي
- ها بنيتي شنو
- عمو بكر هنا ويريد يحجي وياك انت واشهب بموضوع
- اي هلا بي بنيتي رايحله هسه
راح واني مشيت للمكتب مالته وكفت بلباب ادخل لا خل ارجع وادز اسيل لالا ادز قمر لا هاي فضيحه هسه تفضحني ادز روز ااووو ضي دخلي وبطلي عناد ما راح ياكلج اذا طبيتي لالا ما اطبله خل يولي هسه عباله كاتله روحي عليه
اوف بقيت احجي ويه روحي مثل المخبله واكول ادخل لا ادخل لا واني واكفه ماحس غير فتح الباب ووكف مجتف ايديه وكال
- ها خلصتي خيرتج ادخلين لو لا
فتحت عيوني ورفعت راسي ع الكاميرات وعقجت وجههي خرب بيج ضي شجاج نسيتي يعني شبيج لهدرجه غببييه غبييه وثوله وعميه ه
م يعني شلون تنسين هو عده كامرات ويكدر يشوفج باوعتلها صفح وهمست عمو بكر هنا ويريدك
حجيتها ومشيت واني عصبيه وادردم عليه ابو صماغ شايف نفسه عشتوو
عفته وراسا ومشيت شفت الجهال كاعدين يلعبون من البارحه هاملتهم بس يطلع عمو بكر اروحلهم صعدت لغرفتي جبت تلفوني وفتحت الكنتور اطلع الملفات واراق التهديد
طلعتهم بس حسيت كنتوري مثل الي مهوس يعني اني بيه حاله من احط شي انتبه شلون احطه واضل حافظته يعني ابسط شي اني اكو علبه حاطتها اعرف مكانها كلش زين وحته عاليه عن الجهال شكله مغير وعبالك مفتوحه كلت يجوز ليث داخل ماخذ شي
وداحجها بيده اخذت الملفات إلى جنت حاطتهن جوه الخشبه مال الكنتور حته محد يلكاهن لو يكلبون الكنتور ما يلكونهن لان شالعه الخشبيه وحاطتهن جواها اخذتهم ونزلت صارت حنان كدامي قبل لا انزل من الدرج كاعده ع القنفات إلي بصاله الفوك وتلعب بموبايلها
باوعتلها ومشيت محجت شي بس ضلت تباوعلي شكيت بيها هي داخله غرفتي لان ذاكليوم شفتها بيها بس كلت لا ماأخذ غيبه البنيه
نزلت ورحت للاستقبال لكيته كلهم كاعدين عمو علي كاعد ع كرسي وعمو بكر ع قنفه وبصفه مجال واشهب كاعد كدامه وهم ع قنفه وبصفه مجال رحت كعدت بصف عمو بكر
جان اشوف اشهب باوعلي صفح رفعت حاجبي بمعنى شكو مسح ع لحيته وهز راسه وباوع ع عمو بكر وكال ايي تفضل
- ابو فراس انت تعرف كلش زين الصأر البارحه واعتراف الياس بنص كلامه يعني ضي مو هي المجرمه
- صح
حجاها وباوعلي ورجع كمل كلامه ويه عمو بكر وهو يكول
- صح بس بعدنا ما متأكدين استاذ بكر يعني يجوز جان يقصدها
حجاها وهو ع وجهه شبهه ابتسامه خزرته وصبرت نفسي وكفت وهمست استاذ اشهب مشكلتك هاي بس اعتقد اذا شفت هذه الادله راح يكون كافي ان مو اني الي جان يقصدها الياس
شمرت الملفات ع الطبله الصايره بنص وجريت تلفوني اريد اطلع التسجيل بس ماكو دورت ع الواتساب ماكو ويه تسجيلات الصوت ماكو باوعت ع عمو بكر وهمست
- عمو تسجيل أكرم ما موجود بتلفوني واني ما حذفته
بكر : متاااااكده
- اي والله
هاك شووف
- مو مشكله هسه اطلعه عدي جر تلفونه وطلعه واني واكفه صافنه التسجيل وين راح جان عدي والله منو مسحه شفت اشهب أتقدم وجر الملفات وكام يفتح ويقره ويرجع يقره بالتهديدات باوع عليه وكال منين جبتي هذا الأوراق
- من مكتب أسد من رحنا قبل فترا
رفع حاجبه وباوعلي بخزره وهز راسه وكال لعد اني شنوو مكررن كدامج ما شوفتينياااهن
-لان ببساطه مراح اصدك
-لا بالله شلون واثقه انتي شنو من عقل عدج
ابو أسد : كاااافي بس بتي فتحي التسجيل خل نشوف شبي
باوعت ع اشهب بخزره وفتحت التسجيل وحطيته ع الميز وطول ما أكرم يحجي اشهب فاتح عيونه مستغرب واني اباوع له ومجتفه اديه انتبهت عليه عيونه حمر دم باوع بعصبيه وكال منين جبت هذا التسجيل ابتسمت وهمست را
بعدني ممكمله كلامي جان يباوعلي بخزره ويهمس ما وجهت كلامي الج وجهته العمج لا تدخلين
هنا حسيت روحي تطلع من الفشله والغضب الاحتلني يعني هيج انسان مستفز وحقير ما شايفه ابددد كعدت بصف عمو بكر وكلساع اباوعله بخزره وهو يهز برجله بغضب ويحجي ويه عمو بكر واني يمكن بركان صرت من النار ماتحملت ابد
نقل التسجيل من عمو بكر وعمو بكر يكله لا تسوي شي خل نثبت المهمه ياله وهو يهز براسه عبالك ببراسه شي بس يمكن لو يطيح بيدي ماارحم بي واشوف دم سنوني ولا اشوفه حقييير
كعد عمو بكر يمه وصارو يسولفون ع كيف واني ووعمو علي واحد صافن بوجهه الثاني ومنعرف شكو
وشيحجون بس اشهب عصبي نار يمكن لو بيده جان هسه يذبح أكرم
ضلو هيج بعدها كام عمو بكر وكال اني اروح وكف اشهب ماعرف شنو صار يحجي وياه وطلعو لباب الرئيسي واني طبيت للبيت رحت يم الجهال كعدت وكمت اعض بصابيعي من الغضب كعد ليث ويوسف بصفي واحد يأشر للثاني باوعتلها وهزيت راسي ها شكو
يوسف : خاله اذا جوعانه كومي اكلي ليش تعضعضين بصابعج
حجابها وهو يضحك باوعتلها بخزره وكمت وهو يضحك عفتهم وطلعت هذوله حته اليكعد وياهم ما يطلع صاحي
صعدت فوك الغرفتي واني صافنه وين التسجيل راح معقوله واحد لاعب بي بس تلفوني دائما يمي بقيت صافنه ع التسجيل وهم ضايجه من تصرف اشهب مرت الايام اشهب ماكو لو بالمكتب لو طالع حته ع الاكل ما يطلع واني خلصانه منه
يمكن صرت بالأسبوع اشوفه مره وحده بس وهيج خطف ومن يصير كدامي يدور وجهه صاير محترم عشتوو دروح عابتلك ابو صماغ
مر شهر تقريبا ضبططط اشهب ماكو سأله اسبوعين يكولون مسافر وعمو بكر كل ما خابره يكولي ملتهي بشنو ماعرف شكيت اكو شي ضامه عليه بس داحاول اعرفه بس ماكدر اسيل شويه شويه رجعت مثل قبل بس ضل كلام الناس يوجع بس الاحله عمر ما تركها
بهذا الشهر تقربت من أطفال اشهب وصرت مثل الام الهم وصرنا نسولف ونضحك ونلعب صرت اقضي كل اوقات فراغي يمهم ننجمع بغرفة يوسف وإبراهيم لان اكبر شويه ونضل نلعب ونسولف واضحك ع ضحكهم حنان ما تندك بيه مرات تسمعني كلام صح بس ما سوت شي بس اذب كلمات وصدفه
وضلت سالفه التسجيل ببراسي واشك بيها بس اريد دليل حته اعرف اصرف وياها اشهب من يوم إلى شاف التسجيل وهو ماحاجي كلمه وياي يعني آخر كلمه كتلها إلى من فشلني كدام عمو علي وعمو بكر واني هم مرتاحه منه لان بعيد عايشه بسعاده ويه
أطفالي
وبعيده عن ضيم اشهب اهلي كل فتره احجي ويه امي واطمن عليها وخالتي حالها حال المسكينه دخلنا سنه جديده وخلص الشهر الأول منها جانت بدايته خير بنسبه الي نوعا ما مرتاحه
اسيل : بعد خبر وفاة الياس حسيت بصدمه مو طبيعيه خوف ع توتر ع قلق ع حزن خفت من كلامه الاخير عني خفت ان صدوكو وهو مات وما كال الحقيقه وقلق وتوتر من كلام الناس عني إلى ماراح يسكت لان بنيه انخطفت وباتت بره بيتها وحزن عليه اي يمكن اني اول وحده انحزن ع شخص خطفني وكان ع وشك ان يدمر حياتي بس
مو ذنبه ابد هو مريض واني متأكده من هذا الشي وبسبب مرضه هيج يتصرف صديقتي تدرس علم النفس وتعرف بهذا الأمور ومن سئلتها اكدتلي ان هو حبه الضي مرض وهذا مرض من نوع آخر
بيومها خفت يكون عمر هو القاتل لان عمر بيومها تحلف اله يكتله من سولفتله ع ضربه إلي خفت بس اتأكد بعدين مو هو من شفت حركه دمه لان ما قتله هو هههه
بيوم إلى اجو خوال ضي جان البيت شويه مترتر راسلت عمر مارد شويه واجه متأخر رأسا راح و للعصر كعدت بالمطبخ اتراسل وياه وابتسم ع سوالف جان يحاول ينسيني همي بكل الطرق واحلا شي من يكعد يكلي راح اخطفج ارجعج اسيل القديمه وارجعج لو من يكولي شكد اضوجن انتن النسوان ما تملن من الضوجه بابا شويه غيرن جو ليش تخلت الضوجه تسيطر عليجن ويكعد ينصح ويصير دكتور نفسي براسي واني اضحك عليه
العصر جنت فاتحه اتصال صوره وصوت وياه وكاعده بالحديقة السوالف وياه واني السوالف وياه جان تندك الباب طلعت ضي اشرتلها منو كالت عمو بكر
عفتها ودخلت للمطبخ لا اوكع بفشله ويه الرجال لان اني ما شاءالله يعني مليااانه فشلات مليااانه وياه يكول عبالك متواعد كل ما يجي لازم انحط بموقف خايس وياه
وره العشه جنت كاعده السوالف ويه يوسف وروزه وقمر وإبراهيم وفراس وليث كاعدين ع صفحه يلعبون كلاش واني السوالف وياهم شويه لان ضايجه تغيرت هووواي مو ذيج اسيل إلى تسولف وتضحك لاا جان يوسف يحاول ينرفزني ويخليني اتعارك وياه مثل قبل بس مالي واهس واني كاعده جان تجيني رساله من عمر
💬 كاعده حبيبي
اخذت التلفون وكنت طلعت بالحديقة وكعدت ع الثيل ودزيته رساله
💬اي عمورتي كاعده
💬 هههه شعدج كاعده
💬 ههه العب ويه الجهال
💬 ممم تحبين الجهال
💬 اييي كلششش عمر شي يخبل تدرين من اضوج بس اكعد يمهم كل نفسيتي تتغير وانسه همي واضل بس اسولف وياهم يعني ينسوك حزنك كوله
💬 هههه هو انتي طفله فأكيد مكانج هذا
💬 عمررررر
حجيتها بغضب واني اباوع ع رسالته جان يدك رديت عليه بصوت عود زعلانه جان يجيني صوته يضحك
- اشاقه والله بعدين انتي احلا طفله شبيج متفرحين من واحد يكلج طفله
- لا احسه يصغرني ويقلل مني من هيج يكولي
- تمام لعد ما راح اكولها
- اييي عفيه بوليدي إلى يسمع الكلام
- هاي شنو صرت وليدج ولج ترا اكبر منج ب٩ سنوات اني
- اي عادي ههههههههههه
- اي نرجع بالله تحبين منو اكثر اني لو الجهال
- سؤال صعب ههههه شوف الجهال هم مصدر سعادتي بالحياة يعني ابد ما اضوج منهم وأكثر مثال هسه أطفال اشهب ٤ وضي يعني ست أطفال كولهم اعاملهم نفس الشي واحبهم كلشش مثل نفسي يعني مصدر سعادتي هم. انت روحي يعني ثنينكم ما اكدر بلياكم ههههه
- تمام وصلت فكرتج هههههه يعني الأطفال اكثر مني هذهو زعلت
- ياااا وين كلت هيجج صدك انت واحد هتلي صاير روح
- تعاي يمعوده زعلت الطفله تعاي اشاقه
- عمررر لا تكول طفله
- لا ازعلين ومالكولها
- اي اوك
ابتسمت وصرت العب بشعري بفرح حجه بهمس وكال ايي بعد
- ماكو انت تحب الجهال
- كلشي تحبي انتي اني احبه
يبووووو هنا اني معت و ذبت وسحت لا اراديا رفعت ايدي ع وجهي عبالك هو كدامي وضميت
كافي عمررر والله استحي
- لككك اروح فدوه للي يستحيي
- ههههه حبيت اغير الموضوع رأسا كتله زين شنو راح تسمى ابنك
- ابنيي
حجاها مستغرب ضحكت وهمست ابنا يعني ضحك وصفن شويه وكال
- عباس ههه لا تستغربين
- ابتسمت مستغربه عباس شعجب زين الاعرفه هو مو شيعي مو سالفه طائفيه بالعكس كلش حلوو بس مستغربه شمعنى يعني استحيت اسئله هذا السؤال بس هو جاوبني من ضليت ساكته
- استغربتي مو ههههه لان هذا نذر
- شنو من نذر
حجيتها مصدومه جان يضحك ويكولي مو هسه تعرفين من اني اعرف اكلج
- تمام هههه
ضليت بيومها احجي وياه لليل وسوالف وضحك غيرلي مزاجي كلياااا ونساني سالفة الخطف نسيت كلشي وضليت اسوالف وياه مبتسمه نمت ع الثيل واحجي واضحك واني اسوالف وياه شفت اشهب طلع من البيت وعصبي يدخن ويمسح بوجهه
سديته من عمر وباوعت له مصدومه ماشافني راح كعد بجهه الثانيه وضهره عليه ومبين كلشش ضايج
ماعرف شبي بس جان مهموم كلش بين ويذب جكاره ويرجع ياخذ الثانيه تقر
بت ردت اكعد يمنا جان اسمعه يحجي ويه نفسه
- ربي سامحني اعرف غلططي جبير بس انت مسامح وراح تسامحني لان عرفت غلطي وتبت اعرف استعجلت بس جانت غلطه حياتي وندمي واتمناه يرجع الوكت حته ماعيد هذا الغلط
جان يحجي ويبجي ويدخن همست اشهب دار وجهه عليه مسح دموعه وكال
- اسيل شسوين هنا
- شبيك من شنو ضايج ليش هل الهموم هاي
- ماكو شي حبيبتي هيج سالفه ندمان عليها كلشششش
- متوجع منها
- كلششش اسيل احسس كلبي يتكطع من وراها تدرين يا اسيل شنو احس هسه اني احس اني مجنت رجال اصرفت بغباء واستعجال احس نار تاكل بيييه اكل اتمنه ما سويت كل هذااا شلون شلون أواجه باجر عكبه من اموووت ولج شلون أواجه ربيييي واني ظالم بشرررو ياللهي شلووووون
شفته يحجي ويبجي ماتحملت اشوف اخويه هيج بهل الحاله هاي اول مره يبجي كدامنا وهيج مكسور حضنته وصرت ابجي وياه واني اهدي بي واطمنه رب العالمين يسامح ضليت اقرا آيات واهدي لحد ما سكت يمكن ضل ربع ساعه هو بحضني ودموعه تنزل ابتعد وكام بدون ما يحجي كلمه دخل للبيت عرفته استحى مني عفته براحته بس ضل بالي يمه
مرت الايام ومر شهر ع خطفي مرات وضعي يدهور واضل اتخيل وبس ابجي الكدمات راحت شويه بس ضل آثار خفيفه ومرات اسوالف واضحك ويه عمر الي بس يكول الووو ينسيني كل همي
ونضل نسولف ونضحك مره اجت مرت عمي هم هنا باربيل عايشين وضلت تحجي وكلساع وذابتلها كلمه عليه وع خطفي واني اتكلي نار اخر شي ماتحملت عفتهم وكمت
بيومها اتصلت بيه رقم مارديت من سالفة الياس بعد مارد ع الأرقام صارت بيه خوفه من كلشي اجتني رساله من نفس الرقم
💬فتحي الخط اني ام عمر
انصدمت ام عمر شتريد فتحت الخط وجاولته سلمت وسئلت ع اهلي وبعدين حجت وصدمتني وهي تكولي
-شوفي بنيتي انتي الله شاهد حسبت بتي ولو بتي مرت إلى مريتي بي اسوي مثلج بس هم مااضلم ابن الناس شوفي ماريد تفهمين غلط بس والله لخاطرج انتي وعمر اني فاتحت عمر وعصب وكام يصيح ومقبل اجيتج بدون ما يدري اعرف سالفة خطفج مو بيدج
بس يا بنيتي هم الناس تحجي خل نسكت السانهم شتكولين لو اجي الاربيل واخذج الدكتوره تفحصج حته ياهو الحجي نسك
- بعدها ممكمله كلامها قاطعتها وحجيت خااااله شتحجين انتي شلون هيج تحجين اني اشوف من الشرف وما اسمح لأي كان يقلل من شرفي والياس الله يرحمه ما تقرب ولا شاف شعره منييي ولو اعرف اموووت متخلي واحد يفحصني
حجيتها بعصبيه واني فاقده جان هي تحجي
- بس يبنيتي هيج ميصير
- خااااله اذا ما يعجبج فصخي الخطوبه اذا قبل عمر اهم شي كرامتي وشرفي وانعل ابو الحب الي يسوي هيج
جان تكلي ماشي بنيتي بس انتي المسؤله سدته واني شبعت بجي ليش ما مقسوملي ارتاح ليششش ياربي شوي ودك عمر مسحت دموعي ورديت عليه
- اسييييل امي شحجت وياج
- ماحجت شي
- اسييييل
- عمر لا تضغط عليه ماحجت شي سوالف نسوان عادي وسلمت عليه وع اهلي هذهو
- ماشييي اني اعرف شلون اعرف شحجت شلونج
- بعد وكت زينه هههه
ونفس كل مره تغير المود بمجرد ما سمعت صوته حته امه نسيتها وضليت السوالف واضحك اتفقنا
بعطلة أخير السنه نزوج وجنت حيل فرحانه وممصدكه
ضي : بيوم جان عيد ميلاد يوسف وإبراهيم كعدت اسويلهن كيك وهم فوك راسي باوعتلهم وحجيت
- يعني هسه حته من اريد اسوي مفاجئه الكم ماكدر جنكم قروده ولا نينكدر الكم حجيته واني اخزر بيهم جان يوسف يضحك ويكول
- خاله هسه انتي سوي ومالج دخل من تردين اسوين مفاجئه كوليلنا نكعد بالغرفه وعود طببي الكيكه وعود احنه مستغربين ونفرح هههههههه
- خرب بعقلك مو طفل والله
- مو طفل اني عمري ١٢ سنه
- اوووي عينيي لعد شنو ١٢ سنه طفل
- لااااااا اا
- اي اي لا لا هذهو هههههههه
خلصت عشه وجبتلهم الكيك وصارو يضحكون ويلعبون جان يوم كلش حلو لحد ما هذه الساعه الي كلبت كلشي كمت اريد اجيب غراض من الغرفه مالتي جان اشهب هستوه جايبه فراس وإبراهيم ويردون ياخدو للاستقبال عفتهم وصعدت ضليت ادور عليهم بربع ساعه خلصتهم وهستوني ردت انزل جان يدخل ليث عيونه حمر باوعتلها وهمست بخوف شبييييك
كعد ع الجربايه ضايج انتبهت خده احمر تخبلت لك ليث شبيك حبيبي منوو وياك خدك ليش احمر وهاي الأثار
وكفت وصحت منو ضاربك هو مو ضربك هز راسه وهو مدنك تخبلت كمت وصحت ليششش دنك واني ماتحملت اضل اسمع مهما يكن ما يصير يمد ايده عليه
نزلت اركض والعصبيه نار عدي اول مدخلت للاستقبال صحت وين اشهببب باوعتلي حنان تضحك واسيل واكفه والكل مبين ضايج رجعت صحت وين اشهببب
ان اشهب : وطرششش ترا نسمع ماكو داعي تصيحين والله يالله
عفتها تحجي وطلعت اكيد بالمكتب هستوني اريد افتح الباب ويجيني صوت تكسر من جوه فتحت وطبيت مندون اذن باوععتله حاط اديه ع الميز وهو واكف ومدنك راسه اول مدخلت شال راسه باوعلي انتبهت الأغراض كلها مخربطه ردت احجي جان يصيح
- ضييي طلعيي بعدين تعالي
- مااطلع واليوم نتحاسب باي حق تمد ايدك ع ابنييي هاااا سكتت مره لان مجنت موجود ولأن ابني غلطططط بس هلمر
ه مااسكت مهما يكن طفلل ومايصير اضربه كدااام الكل انتتت شنو من بشرررو شنووو ها صح انت الخباثه والحقاره تمشي بدمك بدل الدم يعني تكدر تكلي ربي ابنج عدل واني اعاقبه بسس لاااا تمد ايدك عليه انت شنووووو هاا
يعني تضربني واكول ميخالف اني كبيره واتحمل وتغلط واسكت لان من احجي انكتل وماريد جهالي يتاذون بس مال تضرب اب
بعدني ممكمله كلامي ماحسه غير كمشني من خصري وجرني عليه أنلزكت بي وراسا طبع شفايفه ع شفايفي ببوسه لحضات او لا ثواني جانت او اقل حته فصل هو عن العالم واني دموعي نزلت اتخبلت من تصرفه دفتعه ما وخر جان مجلب بخصري حيل ولسه يبوس بيه متحملت رفعت ايدي وضربته ع بطنه حيل وخر عني راسا
محسيت غير رفعت ايدي وضربته راشدي اول ما وخر ودموعي ع خدي انت واحد حقيييير شلووون شلووون اسويها شلوووووووون
مسح ع لحيته ودنك وهمس سويت هيج حته اوصلج الفكره ان اني غلطت وانتي ضربتيني وليث غلط واني ضربته واني المسؤل عنه ومن حقي اعاقبه اذا غلط وصلت الفكرة........ يتبع
،،،،،،،،،وللحكايه بقيه،،،،،،،،
بارت بي ندم اشهب وهذه البدايه من ندمه فقط وبين مشهد غومنسي (مو سحك والله 😂) هههههههه شلونها الغومنسيه بده الغومنسيه وخل يشبع اشهب راشديات ورزايل من اليوم
قرائه ممتعه احبي
وصلو البارت ٨٠٠ تصويت حته اطيكم مشهد غومنسي ثاني هههههههههه
#نور الشمري
#نوشه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 17-07-20, 03:18 AM   #29

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#برائتي_وجبروتك
بقلمي #نور الشمري
#البارت_الخامس_والعشرون
Noor336

طبعا كلشش اعتذر ع التأخير بس والله نت ماكو والبارت مخلصته من ال١١ وكلساع اعيد نشره وماكو نت زفتت
#وخاف احبَك ..
خاف احسبنّك وَطن
وگليبَك يسِد عني بابه
وانه مو ذاك الگبُل
يستقبِل الـ لچمَة برحابَه
لا تحبنّي اني ما أضمِنلك
بسّد ماييّ راح يعيّش وردَك
لا ولا اضمِن دمعتَك
ماتظل ليليه تتبَده اعلى خدَك
مااريد بيوم اخسِرك
لاتحبنّي ..
هوَ بس انتَ السند ظليّت اليه
تخيل اتبده وچفوفَك ماتلمنِي
ضي: رفعت راسي عليه بعضب ودموعي ع خدي ماتحملت كلامه هذا تقدمت وكفت كدامه بغضب رفعت ايدي اريد اضربه راشدي ثاني لان الأول ما طفى النار الي بكلي ولا هده الإعصار إلى صار بداخلي ولا سكت الكلمات الي رددهن عقلي وهو يكولي خنتي أسد كل هذا ما جان كافي براشدي واحد بمجرد ما رفعت ايدي وأريد اضربه كمش ايدي
وجرني عليه ايد لازم بيها ايدي الرافعتها وأيده الثانيه لزمني من راسي من وره من شعري ودفعني عليه صرت قريبه من صدره همس بغضب وبصوت ناصي
- هذه أول واخر مره تمدين ايدج عليه سكتت لان غلطت وحقج بسس اذا تكررت ما اضملج شنو يصير بيج صدكي اعلكها بركبتج لا تلعبين بنار باوعت بعيونه بغضب وضحكت واني احجي ويه نفسي الله ياخذك واخلص مستحت ادموعي بيدي الثانيه وباوعت له بفخر وراسي مرفوع
- انت الي دير بالك تعيدها لان بوكتها ماراح اضملك شنو ممكن اسوي بيك اذا تكررت هذه الحركه هد راسي وكمشني من خصري وجرني حيل عليه حسيت ببطني لامست بطنه خزرته واني اباوع له بغضب همست واني صاكه ع سنوني شيل ايدك وهددددني شنووو نسيت اتفاااقنا
-هههه لا ما ناسي بس اتفاقنا جان اذا اتمم زواجنا ولحد الان ما اتمم وهذه الأشياء عادي يع
بعده ممكمل كلامه ضربته ع صدره بثنين اديه بعد ما جريت ايدي من ايده حيييل وصحت وخرررررر هدنيي لا اصيح والله رجع كمشني من راسي وخصري ورفع راسي اله وصاح
- صايره مفترسه هههه ترا ما كاتل روحي عليج لا تخافين ما اتقربلج بس كاعد اطيج مثل حته تعرفين ليوثي شمسوي ما اضلين تتفلسفين براسي
باوعتلها بخزره صاح عيوووووونج نزليهم لا افكسهن الج بت الكلب راح ينحولن شكد ما خزرتي بيهن
غمضتهن ودنكت مو لان سمعت كلامه بس لان صدك عيوني كامن يوجعني لان فاتحته حيل وخازره بيهن ميل راسه ودنك ع شعري ماعرف شنو سوه بس بقه هيج لحضات اني مصدومه واكفه مصدومه من تصرفاته المتغيره ١٨٠ درجه ردت ادفعه بس جان هو اسرع مني ابتعد وهو يهدني ويدفعني رجعت لوره وطحت ع القنفه باوعت بغضب وكمت رافعت اصبعي بتهديد صحت
- انت شنوو هااا اشو تتصرف براحتك وكانمااا انت ولي أمرنا من صدك اني واطفالي خط أحمر ومالك دخل بينا هنا واحنى ضالين لخاطر وصية اسدد لا غير ابتسم ابتسامه خفيفه وكعد ع الكرسي وهو يحط رجل ع رجل وهمس
- الله شنو هاي ست ضي وصايره تحجين هم والله و َطلعلج لسان نسيتي اني زوجج وأب الليث وقمر
-مستحييييل اصير اب الهم وزوجي إلى خليها ببالك لا اني راح اقبل ولا أطفالي ايااك اتعيد هذا الكلام لان بوكتها يصير حجي غير
وكف وكال اييي هسه شتردين يعني مفهمت وضحى اكثر
باوعتله بغضب شكد كرهته اذا جنت اكرهه ١٠٠ هسه اكرهه اضعااااف الكره الجنت حامله اله لان استغلني همست واني ماباوعله لان مالي اي نفس اباوع عليه
- ليش ضربت ليث شنو سوه
باوعلي وابتسم غلط وعاقبته شغله بيني وبينه
- والله شنو هاااااي ترا اني اممممه واني إلى احاسبه واني إلي اعاقبه واني إلىَي لازم اعرف كلشي عننه مو انت وبعدين شغله بينك وبينه اتمد ايدك عليه كداااام الكل انت شنووو احجي ليش ضربتهه كمشني من ايدي وجرني عليه حيل وهو مجلب بأيدي حيل همس وصاك ع سنونه
- كتلج غلط وعاقبته يعني شي مالج دخل بي
- مو هي بكيفككك
حجيتها وما حس غير جر شعري وباوعلي وع شفايفه ابتسامه ماكره خبيثه همس قريب ع اذاني
- يعني تعودتي مسكييتين اله بهديج الطريق عادي تعاي اسكتج اذا تردين
حجاها وهو يباوعلي بعيون منعسه دفعته رأسا رجع لوره صحت واني رافعه اصبعي بتهديد
- لك من يا طينه انت مخلوووق من شنووو لك حرام عليك والله حرام اشهب كلتها وسويتها هلمره المره الجايه لا تخليني اسوي شي والله كاااافي ظلم
حجيت هيج هدني ورجع لوره اطاني ضهره وهمس
- سوه شي جان واكف يحجي ويه يوسف وفشر ع واحد فشاره جبيره حذرته ورجع عادها وكدامي بكل عين صلفه ولهذا ضربته اليوم يحاجيها كدامي باجر يحاجيها كدام الكل ويكولون ابن أسد ما متربي ترضيهااا
-هههههه الله شنو هل الكلب الحنون العدك يا اشهب تعرف اول شي منين متعلم هو غير من حظرتك لان سمعك تحجي بيها يكولون من شاب ع شي شب عليه وهو شاب ع فشارك وغلطك ع امه فشي اكيد راح يفشر ع اي شخص يشوفه وهو يرجع الك استاذ اشهب وصلت وهااا شغله ثانيه حتى لو ما جان الك حق تضربه تكدر تحاجي واذا ما سمع تكولي واني اعرف شلون اصرف وياه بس مو تمد ايدك عليه
بس يلا عادي مو جديده عليك من تضرب يعني بس هاي ا
خر مره تضربه فاهم لا تخليني اتصرف غير تصرف وياااك
عفته ومشيت ردت اطلع لان ماتحملت اضل يمه اكثر من هذا الوقت لان من اشوفه اتنرفز طلعت صعد ت فوك لكيت ليث نايم ع جربايتي بسته وهمست سوده عليه يروحي بيه ولا بيك أخذته بحضني وضليت العب بشعره وهو غافي جان تندك الباب مكدرت اتحرك لان ليث جان نايم ومجلب ايده بدشداشتي همست منو
- اني ماما
- تعالي حبيبي قموره ماماتي
انفتح الباب ودخلت تركض شفته واكف بالباب هو الي جابها خزرته وهو ردلي بخزره وابتسامه خفيفه وعافني ومشه اخذت قمر بحضني من الجهه الثانيه وصرت اني بنص وغفيت بعدني بين النايمه والكاعده حسيت ع ايدي تمشي ع شعري ردت افتح عيوني بس النعاس جان مسيطر عليه وبس افتحها اتروح النعسه كلها كلت اكيد حلم هذا غفيت ومادري بروحي كعدت الساعه ب١٠ الصبح خرب شكد نمت اني طفرت راساا كعدت الجهال همزين دوامهم ظهري اخذت ملابس وطلعت اسبح
من خلصت لفيت الخاولي وطلعت ويه طلعتي صار اشهب كدامي جنت لابسه تراك باوعلي بخزره وصاح
- ولج شهل اللبس هذا مو مصطفى هنااااا
باوعت عليه مصدومه أشرت براسي شنوو ترا مصطفى غرفته جوه واني فوك ومايصعد الولد واذا اريد انزل راح البس روبي بعد شكوو لو اله تحب تعكر مزاجي من صباحيات الله
باوعلي بخزره وكال من يرحون الجهال للمدرسه حضريلج قطعه ملابس لان راح نروح
- يمه اسم الله وين ماخذيني وعايفه جهالي يم الحيه حنان
حجيتها لا اراديا ومادري بروحي شفت شكله تغير من العصبيه لضحك مرسومه شبهه ع وجهه حك حاجبه وكال للنجف
- وشنسوي رايحين للنجف ماروح
- والله بعد احسن خفتنا وراحه اروح ازور أسد اني براحتي بدونج والله عاشت ايدج خوش سويتي ولو ما عمي عليي ما كتلج
حجاها ودار وجهه حسيت ع روحي وصحت وراها
- لالالالا اووكف اروح بس بشرط الجهال يرحون وياي
باوعلي صفح وكال
- مو بالمدرسه الجهال بعد شلون وباجر هم عدهم مدرسه وراح نبات هناك لان راح نطلع وره الضهر منلحك نروح ونرجع بنفس اليوم
صفنت صح ماكدر اغيبهم يومين همست واني العب باصابعي زين اسيل تروح ويانا
- شعدهااا رايحه شبيج ترحين لو لاااا
- باوعتلها بغضب وهمست ايي
عابت والله لو ما أسد ماروح وياك لو اموت ابو صماخ عشتوو مشيت سويت ريوك للجهال وحضرتلهم جنطهم واني طبيت سبحت وطلعت لل١٢ الضهر بدلتلهم واخذهم مصطفى للمدرسه واني صعدت بدلت لبست ثوب اسود طويل وبي حزام جوزي وعليه ابو ليره اسود هم ولفيت حجابي الاسود وجنطه جوزي وحذاء
انتبهت ع شكلي تعبان كلش وشاحب جريت كريم ع الميز وحطيته لوجهه ورجعت حطيت شويه خافي عيوب وطلعت نزلت كعدت باصاله وكامشه التلفون مالتي انتضر الاستاذ
جان تطلع حنان من المطبخ كعدت كدامي وصارت تهز برجله وهي كاعده رجل ع رجل طلع اشهب من المكتب باوعلي وكال
- اي عبن السالفه بيها سفر تحضرتي وكعدتي تنتضريني قبل ساعه
باوعتله صفح ما عاجبني وهو كمل مشي جان قبل لا يطلع باوع ع حنان وكال لها انتي شو ما رحتي الاهلج
- منو ياخذني إذا حضرتك ملتهي ويه ست الحسن منو ياخذني طبعا حنان كخه وضي هي الأصل وشتريد تم
حجتها ودارت وجهه بزعل باوعلها وحط اديه بجيوبه وكال
- ماخابرتي اخوج يلا هسه اخلي مصطفى ياخذج لبغداد حجاها وطلع وهي تخبلت باوعتلي بغضب وحجت
- فرحه مادوم ان شاءالله لا تفرحين زايد
حجتها وكامت واني صافنه هاي شبيها تخبلت عفتها وطلعت باوعتله واكف يم سيارته ركبت وره وهو ركب باوعلي وكال وهو يباوعلي من المرايه ورافع حاجبه
- منو كالج اني سايق الخلفوج بت الكلب تعاي ركبي هنااا
باوعتلها بعصبيه وصحت هسه ليشش تغلطط انت من شنو مخلووق اريد اعرف ليششش تغلط والبارحه من غلط ليث ضربته باوعلي بغضب وصاح امشييي لج تعاي ركبي هنا
نزلت وباوعت له بغضب فتحت الباب وكعدت بالصدر وجريت الباب حيل لان جنت عصبيه ولازم افرغ عصبيتي بشي ماتحمل اكتمها بداخلي وذبيتها بالباب جان باوعلي بغضب وصاح
- كسريها بعد بت الاوادم كسريهااااااا
حجاها بس بخزره وعصبيه كلش ابتسمت فرحانه ع انتصاري درت وجهي عنه واني اضحك انتهت عليه مد ايده عالجقمجه الكدامي فتحها وطلع نضارت منها لبسها وعدل شعره ورجعه لوره باوعتله صفح ودرت وجهي جان اسمعه يضحك
باوعتلي وكال اعترفي طلعت حلو مو
- تريد الصراحه لا طلعت جنك خليني ساكته
باوعلي صفح وهمس مضغوطه درت وجهي عليه ورجعت باوعت ع الجامه ما عاجبني وهو مشه شغل اغنيه الكاظم الساهر
وشغل التدفئه وصعد الجام جانت الدنيا بارده شويه نهاية شتا وبدت كلمات الاغنيه تعلى والسكوت بينا صفنت ع كلماتها وع صوت كاظم
ودّي أشرحلك شعوري يا حبيبه ودي اشكيلك شجوني يا رقيقه وإسمحيلي وإفتحيلي باب قلبك وإسمعيني شوفي قلبي كيف حبك ودّي مِنك ودي منك بس دقيقه
صفنت ونعست الطريق طوووويل كلش ماعرف ليش سافر بسياره مو بطياره حطيت راسي ع الكشن ونمت غفييت ما فزيت واني اشوف السيطره مال النجف كعدت رأسا مخروعه حيييل شكد نمت اني باوعت الساعه ب٦ العصر عزااا
هاي شنوو شكد نمت اني باوعتله باوعلي وكال
- صح النوم شنو ما نايمه بليل
باوعتله ومارديت عليه ضحك وكال عبالي مانمتي من وراه ال
- ديربالككك اشهب لا تخلينيي هسه اجاوز عليك والله ماعدي مانع حته اذا تريد راشدي هم اضربه الك
حجيتها ودرت وجهي وهو ابتسم كال ترا بالج حيييل منحرف اقصد ع الكوابيس اني يعني حجاها ورفعلي حاجبه هنا تمنيت اطم روحي وما اشوفه وجههي بعد درت وجهي بدون مااحجي كلمه وحده
واني احجي ع روحي غبيه ثوووله ضي شجاج دومج مستعجله درت وحههي وهو وكف السياره بالكراج باوعتي وكال يلا نزلي باوعت هذا قبة علي ابن أبي طالب باوعتله وهمست راح نزور
- اي صالي أشهر ما زاير اذا متردين عاد
- قاطعته واني اهمس لا عادي اني هم هاي اول مره راح ادخل اله صح جنت أزور الكاظم ويه أسد ووهواي اجيت للنجف بس ما دخلت وأريد ادخل هسه
- ماشي امشي خل اشتريلج عباه لعد هزيت راسي ومشيت وراه وكف يم محل يبيع عبي باوعلي واعطاني عبايه وكال شوفيها عليج لبستها صارت بس شويه طويله وماكو غيرها كلت عادي اشيلها شويه اشتراها وطلعت بيها باوعت واني مصدومه
اول مره راح ادخل واتمنى مايردني هواي جنت اسمع عنه ابو اليتامى واني عدي أطفال يتامى هواي اسمع ما يرد احد اذا طلب منه بكل خشوع وحب وإيمان قبل لا ادخل باوعلي وكال
منا باب التفتيش ادخلين وتنتضريني اجي عليج ماشي ديري بالج تتحركين لحد مااجيج هزيت راسي ودخلت للتفتيش لزمت سره وبعدها فتشتني المفتشه ودخلتني اول ما دخلت باوعت ع الصحن ودموعي نزلت لا اراديا حسيت بحساس مو طبيعي أمتلك كل جسمي مثل الجرفه او كزبر جسمي ماعرف بضبط واكفه ودموعي تنزل ع وجهي حسيت شخص وكف يمي باوعت رأسا اشهب
اشلي براسه وكال تعالي يلا مشيت وراه لحد ما وصلنا بنص صرنا باوعت وكال منا ادخلين واطلعين منها واذا ماخلوج اطلعين من ذيج الباب وتجين هنا راح تلكيني هنا ما اتاخر أزور واطلع
-ماشي ردت امشي جان يصيح ام ليث درت وجهي عليه شفته يباوعلي أتقدم وحك خشمه وهمس دنك وضل دقايق ساكت بعدها حجه
- لخاطر الأطفال لا تدعين عليه هم أيتام ام لا تخليهم أيتام اب وام
حجه هيج وراسا دار وجهه ومشه من جهه الزلم مافهمت شنو يعني يعني يخاف ادعي عليه ويستجاب رب العالمين لو شنو عفته ودخلت باوعت الشباك فارغ برغم هسوه خلص اذان المغرب وكفت كدام الشباك ثنيت رجليه وكعدت ماتحملت اضل واكفه
كمشت بي حيل ودموعي صارت تنزل عشره عشره واني لازمه حيل بشباك عبالك يريد يروح همست ودموعي تنزل اول مره ادخلك واطلب منك هذا الطلب ولا تردني اريد قاتل أسد يتعذب كل شخص اله ايد بقتله أريدك تعذبه وتفضحه سنه سنه يا علي ابن أبي طالب سنه بس واردها منك تعاقبهم كلهم الي معفن بسجن والي تعاقبه اشد العقاب ولا تحرمني من أطفالي
وخليهم سند إلي لا تضوكني مر فراقهم مثل ابوهم لان ماعدي القوه ع التحمل بعد لا تردني يا علي واني جايتك اول مره وغريبه ضليت هيج كاعده بنفس مكاني ودموعي تنزل واحجي ويه الشباك واتوسل لحد ما اجاني صوت المفتشه وهي تحجي وياي
رفعت راسي الها وهمست لها بس دقيقه واكوم
- خليج ماما خليج بس ردت اشوفج محتاجه شي صالج ساعه كاعده هنا وبس دموع
- تسلمين مابيه شي متقصرون مسحت دموعي ووكفت من رخصتج عفتها وطلعت واني دموعي تنزل وامسح بيها لكيته واكف يصلي كعدت بصفه وانتضره يخلص لان ماعرف اخاف اصلي
خلص وباوعلي واشر براسه كومي راح اصلي راح اوكف وياج اكمل صلاتي باوعتله وهمست لا ماريد
- ضيي دخلتي للضريح وما اتصلين شلون راح يستجاب دعائج
سكتت وباوعت له وهمست مو اخاف
- اششش كومي يلا
وكفت باوعتله واني ساكته وكفت وراه وجتفت اديه وصرت اصلي حسيت روحي مسويه شي بس الحلو ان محد ضل يباوعلي وكانما شي عادي ووحده منهم كملت صلاتي واني مرتاحه بدون خوف ومبتسمه خلصت وباوعت عليه لكيته يباوعلي رفعت حاجبي وهمست هااا
- هاا راح تتعاركين بنص الضريح ترا ماباوعلج كاعد اباوع ع القبه وادعي
باوعتله بعضب شكد يحب يفشلني درت وجهي عنه وضليت كاعده جابلي الزياره وكال اقريها اخذتها من ايده بدون مااعترض وفتحت وبلشت اقرا واني مرتاحه احس روحي هم وانزاح مني راحه مو طبيعيه ابد خلصت وباوعت له سد القرآن هو وكال ها نطلع هزيت راسي اي
الساعه جانت ب٨ بليل كال نتعشى ونروح للفندق وباجر الصبح نروح للمقبره لو تردين هسه باوعتله بخوف وهمست واني اضم خوفي عنه
- لا عادي هسه باجر ماكو فرق
- متأكده
حجاها ورفع حاجبه باوعتله بتحدي وهمست ايييييي شنو يعني
ضحك ومشه طلعت وراه وصار يمشي واني وراه ماعرف وين لحد ما وصلنا المطعم وهاي اني امشي واتعثر بالعبايه لان ماعرف البسها لحد ما دخلت للمطعم ونزعتها ولفيتها وخليتها ع صفحه وهو راح طلب الاكل واجه كباب شوي وكص وبيبسي بديت امل وبالي يم جهالي هسه رجعو من الدوام تغدو لا
جنت صافنه افكر بيه وساكته جان يدك تلفونه باوعتلها رد وهو يحجي
- متأكد يعني ماشي رامي ماشي باجر اجي ونتفاهم يلا مع ا
لسلامه وكف باوعتله
وكال اذا خلصتي كولي
حجاها وكمش تلفونه وصار يحجي رسائل صفنت شيحجي هذا شكو خلصت اكل وباوعت له وكمت باوعلي وكال وين
- اريد اغسل شنو ممنوع مثلا
- ها لا عادي
باوعتله صفح ومشيت دخلت غسلت وطلعت لكيته كاعد بس مبين متوتر اول ما طلعت كال يلا امشي
اخذني وطلع راساا يمشي ع السريع واني كلساع اريد اطيح الشارع مو عدل ولابسه حذاء بيها كعب صح مو عالي بس الكعب بسماري يعني يضووج اذا جانت الصبه مو عدله كلساع واكول راح اطيح ع وجهي ويصير وجهي خارطة الوطن العربي من التزلخ
طببني بشارع هيج صغير دربوني صاير ردت اوكع جلبت بالحيط وصحت اشهبببب شبيك منو راكض ورانا الساعه ب١٠ ونص بليل هدوء والشارع إلى طبينا بي فارغ باوعلي وكال يلا امشي نروح للفندق فضيهااا يمعوده
اجه كمشني من ايدي وجرني بعدني كاعد امشي ومدنكه اعدل بحذائي وأجر بيدي الكامشه حيل والعبايه حاطتها ع ايدي اتبهذلت كلش واني مدنكه ماحس غير وكف ردت انضرب بي اله شويه رفعت راسي شفت ثنين زلم واكفين ببداية الشارع أتقدم واحد منهم وكال
- انت المحامي اشهب ممكن تتفضل ويانا اليوم انتم خطارنه
فتحت عيوني صافنه منو هذول ماحس غير ع ايد اشهب انمدت ع جيبه الوره وطلع موبايه واطانيا مافهمت شيريد بالبدايه بس بعدين طخت عدي أخذته واني اباوع عليهم بخوف وهو كان يحجي وياهم واني فتحت التلفون صار كدامي رقم رامي رأسا دكيت عليه
وفتحت السبيكر وعفته بيدي شفته انفتح الخط جان رأسا احجي اشهب منو هذووول
- استاذ اشهب رجائا لا تخلينا نستخدم القوه وياكم تفضلو
باوعلي اشهب وكمش ايدي مشينا وراها جان يباوعلي ويدور وجهه لوره باوعتلي وهمس تكدرين تركضين
باوعتلها بخوف وهزيت راسي لا بالكعب ماكدر
- لعد نزعيها بسرعه
مديت ايدي نزعتها وهم واكفين صافنين مشيت خطوتين ويه اشهب باوعلي وكال من ادور وجهي لوره انتي رأسا هدى ايدي وركضي لوره وطلعي ع السوق الجبير ماشي
هزيت راسي اي مشينا شويه وهو دار وجه وهد ايدي اني ركضت لوره وهو وراسا ماعرف شكو وشيريدون ومنو هذووول اركض وخااايفه احس كلبي راح يوكف اسمع صوت أقدام وراي باوعت اشهب وهم ورانا اول ما دخلنا السوق الكبير مثل ما سماه هو وكفو هم لان ناس بي رأسا جر ايدي ومشه
شفته دخل بشارع ورجع طلع منه وطب بالثاني وكام يطب ويطلع واني امشي حافيه احس روحي صرت فلم هندي ورجليه يوجعني كلش انتبهت عليه وكف باوعت مكان قديم كلش وبيوت تعبااانه كلش باوعلي وكال
- محد راح يدخلنا بيته ولا اكو فندق هنا اوكفي طلع تلفونه ودك مادري عليمن جان يحجي راسا
- رامي هذول مثل ما كلت أجونا لازم احط ضي بدين سليمه ياله اروح الهم واعرف كلشي منهم بس ضي شلون
جان مطيني ضهره ويحجي واني صافنه شنو يعني شيقصد هذا
ضل يحجي ويه رامي وبعدها سده باوعتلي وكال امشي
- شكوو منو هذول وشيردون حجيتها واني صافنه وخايفه باوعلي وكال نوصل واسولفلج
وكفنا يم فندق صغير كلشش دخلنا راح اطه هويته وهويتي وفلوس واخذ منه المفتاح واشلي براسه كل هذا واشهب ساكت وهادئ صدمني معقوله هذا اشهب ماصدك
اول ما دخلنا للغرفه خابر هو رامي
- الو رامي اني بفندق إلى كتلي عليه مثل ما كتلك اريد ضي اضل بدين سليمه
ماشي باجر اطلع واشوفهم اكيد راح يدورون علينا يلا مع السلامه هات رامي خابر بكر وكوله لان تلفوني مابي شحن وماريد يطفي لَيلا مع السلامه
باوعت بصدمه بكر عمو بكر زين شدخله باوعتله بخزوه وهو دار وجهه باوعلي واشالي براسه شكو
- سوووولف منو هذول وشيردووون ترا مو طفله اني
- اول شي اعصابج ثاني شي السوالف بس اكعدي وثالث شي احجي عدل لا اطلع حركتي بيج من تحجين وياي احجي عدل وعيونج يوم من الايام اشلعهن الج
باوعتلها بغضب وهمست سوووولف مو راح اموت
انرسمت شبهه ابتسامه ع خده وهو يضحك باوعلي وكال راح تموتين يمعوده سترى عليه وين اروح هسه شكول لليث ماصدك امه ماتت وحدها اكيد راح يتهمني
باوعتله وحجيت مو وكت حجي احجي باوعتلي وكال من اجه عمج بكر وو. حك لحيته ودنك وكال من طلع التسجيل اتفقا وياه نوصل للي جان يشتغل عدهم اخو ساره والي جانن يهددون أسد ونكعد وياهم ونحجي وجهه لوجهه
خليت رامي يتكفل بهذا الشي ودزينا خبر الهم ورامي جان يخطط الشي كال اذا نجح واعترفو خلص احسبهم دخلو السجن واعدام
شهر كامل احنه نحاول وماكو اي خبر منهم اليوم خابرني رامي وكال ترا هذوله يردون يشوفوك وع ساعه يطلعون بوجهك دير بالك ولا تهلي ضي وياهم لان ما ينامون بيهم واكيد راح يستخدموها ضدك
وشفتي اول ما طلعنا صارو كدامنا وصار الصار
-باوعت بصدمه وتريد تروح وحدك الهم متخاف بعدين تعال انت شلون تفكر هيج بدون متاخدون رئيي لعد اني هنا شنووووو يعني لا انت ولا عمو بكررر حجالي ليششش
- لان انتي مو رجال ضيي هذوله يسون كلشي واكيد راح يستخدمج طعم الهم فلا تخليهم ينجحون وخل نتفق ونصير ايد وحده لا اضلين تعاندين وتخليني اعاند وياج وشفتي من اعاند شلون
باوعتله صفح و
حجيت ماشي بس
- ضي لا بس ولا بسبس رحمه لاهلج تعبان اريد انام باجر وراي كعده وها باجر يجي رامي وبكر وراح ترحين وياهم
سكتت محجيت شي باوع ع المصيبه وهمست انت نام ع الجربايه واني راح انام بالكاع
- هسه غير تستقر هي ليله لا تخافين ما سويلج شي نطمري وسكتي وهاي حطيت مخاد يلا
سكتت من لا جاره لان ماكو فراش بالكاع نزعت ملابسي وضليت بستريج والتيشيرت الابستهن جوه الثوب وحطيت ابو الليره فوكهن وتغطيت رأسا ونمت وهو نام بصفي والمخده بنصنا شفته نام بلا مخده لان مالته حطها سد
اطيته ضهري وغفيت بس اني ونايمه حسيت بحلم او كابوس جنت عبالك غركانه وأريد بس اطلع كل ما اكول راح اطلع وارجع اغرك من جديد بس فجئه المي الغركانه بي تحول لونه احمر دمممم صرت اصيح اريد بس احد يطلعني منا صرت اصيح وبعدها فزيت مخروعه الحلم جان حيل يخوف كعدت ابجي وأهمس ساعدوني ساعدوني حسيت روحي لسه مخنوكه والمي خانكني حسيت بأيد ع جتفي باوعتله اشهب نزلت دموعي وهو بقه يباوعلي مصدوم
- شبيج
- كابوس جان جنت جنت غركانه كل ماريد اطلع اغرك اكثر وفجئه تحول المي احمر دم شنو شنو معنا اشهب أطفالي يالله ليش بالي يمهم
حجيتها وبجيت واني اشهك وكوه اطلع الكلمه مني اخذني بحظنه وهو يهدي بيه صار راسي ع صدره وهو يحجي
- اشششش ماعليهم شي مصطفى وعمي علي وعمر هم خابرته وهناك هو لا اديرين باب ماكو شي كابوس وراح انسي
- لالالا اني كوابيس مرات تتحقق اشهب خايفه اكيد اكو دم اكو احد راح ينقتل موووو
حجيتها وبجيت اخذني بحضنه اكثر وهمس شش محد يموت بعد هذهو اذا راح يموت واحد فهذا الشخص منهم مو منا نامي ماكو شي اتمدد واني راسي ع صدره ودموعي تنزل جنت محتاجه احد حته لو يقشمر عليه ميخالف بس المهم يهديني ليا كان بس اريد اهدئ وارتاح
غفيت واني ع صدره فزيت الصبح ع صوت الدعاء إلى وره اذان الفجر باوعت ع روحي شلون نايمه جنت نايمه ع ايد اشعب ومطيته ضهري وهو حاضني من خصري ودافن وجهه بركبتي تقزتت وضجت من نفسي وخرت عنه رأسا جان يكمشني ويرجعني دفعته رجع كمشني صحت وخررر
- واذا ماوخرت
حجاها وكلبني وصار فوكي باوعلي وهمس بعد شوي رايح ولو ارجع لو لا اكدر اطلب طلب
باوعتله وهمست وخر عني واطلب واحجي مثل البشر مو مثل الحيوانات وخر عني
خزرني وضحك
- راح اسكت بمزاجي وهسه راح اسوي الي أريده وبدووون موافقتج هم وهذه نعتبره فصل كلامج هذا حجاها ودنك باسني من ركبتي رفعت اديه ردت ادفعه بس كمشهن رأسا جان اسرع مني رفع اديه لفوك وبقه هيج يبوس بركبتي واني دموعي تنزل انقرفت منه وحسيت روحي خاااينه ماتحملت صرت اشهك وابجي لا اراديا رفعت رجلي وضربته ع المنطقه الحساسه مالته جان يطفر ويخوزني ويصح باوعلي بخزرني ودار وجهه ومبين ضربتي قويه عافني وكام للحمام
واني حضنت نفسي وصرت ابجي حسيت روحي وصخه انتضرته اول ما طلع من الحمام ركضت عليه قفلت الباب وكعدت اجلف بركبتي وابجي لحد ما سمعت باب الغرفه انسد حيل عرفته طلع نزلت دموعي واني اهمس الله لا يطيك يا اشهب
الله ينتقم منك
اسيل : بيوم إلى سافر بي اشهب وضي للنجف مصطفى راح حجز طياره لبغداد واخذ حنان للمطار ومناك عود يلكاها اخوها رجع واني استلمت البيت تنضيف وسويت اكل امي كاعده بالصاله وتحجي ع حنان وضي وماعاجبها العجب جان مصطفى يكعد كدامها ويحجي
- اكو يووم اشو انتي مستلمه الجناين اكس مربع لا بس باجر عكبه من ازوج هم تسلتلمين مرتي هيج
- والله اذا هيج عياره جنها حنانو وأم راس البله ضيووو فالساني ما يطيح من ذكرها وكله بسوء بس اذا لا العكس لاااا وين ماكد احمد بيها
ضحك مصطفى وكال
- لعد اغسل ايدي من هسه لان لو اجيبلج انجيلا جولي ما راح تعجبج وهم اطلعيلي بيها عيب من جوه الكاع
بقيت كاعد واضحك ع سوالف مصطفى للعصر اجو الجهال سويتلهم اكل وكعدنا بليل نلعب ونتفرج افلام اني والجهال ونتعارك ونشاقه بس انتبهت ع عمو علي ومصطفى مدري شبيهم شويه وندك الباب باوعلي مصطفى وكال هذا عمر حجاها وطلع صفنت عمر شيسوي هنا
امي بغرفتها نايمه دخل واني واكفه بالباب صافنه بالي وغمزلي
- شلونها اسولتي
ردت احجي جان مصطفى يضرب عمر ع علباته ويصيح لا تزحف ع اختي لككك
عمر : مرتي غير شني هم مرتي وهم ميصير ازحف عليها الله واكبر
-دفوت فوت الله جابك تعال نلعب شطرنج والي يخسر ينضف البيت باجر الصبح بدل اسيل
اني من كال هيج مصطفى راسا تربعت وكعدت وصحت الجهال وكلت ياااا هلا بيكم بالحالتين اني مخلصه من النضيف باجر جريت شيلة امي وصرت اهز بيها وهم يضحكون عليه جان عمو علي يصيح بيه
ضحكت وكعدت عاقله وساعه اشجع مصطفى وساعه عمر منو الي يتقدم اشجعه هههه لحد ما مصطفى حرك الجندي مالته اشو عمر رأسا كال المصطفى كشش ملك باوعت عليهم عزااا صدك راح الملك مال مصطفى
- لااااا غشيت عمر والله غشيت
- حبيبي ابو الصوف تعلم اللعب مني بعد عموري اني شعبالك
ضلينا متعدين لل٣ الفجر الجهال نايمين واني كاعده وياهم السوالف واضحك لحد ما نعست كمت بغرفة ا
لبنات مالي خلك اصعد فوك انام قبل لا انام جان يكمشني عمر بالممر بين الصاله والغرف
-ماعوفج اليوم قبل ا ما أخذ جائزة فوزي
- هههه و؛شتريد جائزت فوزك بالله
- بوسه
- لا يا منحرف تحلم وخر
-شبيججج بوسه من الخد والله حجاها ودنك بأس خدي غمزلي وكال
- هذهو الباقي بلية العرس نخليها
ضحك ومشه واني احس خدودي صارن حمر متت خجل طبيت للغرفه ونمت بصف روزه وكلساع ومبتسمه لحد ما غفيت وفزيت ع عياط امي الي رج البيت رج......... يتبع
،،،،،، وللحكاية بقية،،،،،،
قرائه ممتعه أحبتي
تصويتاتكم وتعليقاتكم وتوقعاتكم
عبرو البارت ٨٠٠ تصويت يلا حته باجر هم انزللكم يا احلا متابعين ❤️💋
#نور الشمري
# نوشه



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 18-07-20, 03:54 AM   #30

modyblue

نجم روايتي

alkap ~
 
الصورة الرمزية modyblue

? العضوٌ??? » 321414
?  التسِجيلٌ » Jun 2014
? مشَارَ?اتْي » 19,073
?  نُقآطِيْ » modyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond reputemodyblue has a reputation beyond repute
افتراضي

احنى انخلقنا احرار مو حته يجي ذاك وهذا يمشون كلامهم علينا ونسمع هذا وهذاك ونخاف من هذا وذاك احنى انخلقنا حته نخاف من واحد الأحد وهو الله سبحانه انخلقنا حتى نختار طريقنا احنى نمشي بطريقنا إلي اختارينا والي اختاره الله سبحانه وهو نخاف منه ونعبده ونسمع اله ونطيعه اله وحده مو للبشر ليش ناخذ طريق خطأ وهيج لا احنى إلى فلحنا بدنيا ولا بالاخره

modyblue غير متواجد حالياً  
التوقيع
[imgr]https://scontent.cdninstagram.com/t51.2885-15/e35/13381174_1031484333594500_1155395635_n.jpg?ig_cach e_key=MTI3NDU2NTI5NjAzNjMwNzM2OQ%3D%3D.2[/imgr]

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:11 PM



Powered by vBulletin®
Copyright ©2000 - 2024, vBulletin Solutions, Inc.