آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
31-07-20, 02:38 AM
| #51 | ||||||||
| مراقبة عامة ومشرفة منتدى الروايات المنقولة  
|  #برائتي وجبروتك بقلمي #نور الشمري #البارت الرابع والثلاثون Noor336 ................. طبعا كلش اعتذر ع التأخير بس كتبت البارت واجيت انشره وفصل النت وحذف كلشييي لهذا هدت من البدايه وتأخرت والنت ماكو كتبت بالملاحضات وغلسو لان نشرته بدون تصحيح لان تعبت من الضهر اكتب وتالي ينحذف ................... # ويحملني الحنين إليك طفلا وقد سلب الزمان الصبر مني وألقى فوق صدرك أمنياتي وقد شقي الفؤاد مع التمني غرست الدرب أزهارا بعمري فخيبت السنون اليوم ظني وأسلمت الزمان زمام أمري وعشت العمر بالشكوى أغني.. وكان العمر في عينيك أمنا وضاع العمر يوم رحلت عني... ضي : فتحت عيوني واني احس ضوه الشمس بعيني ردت اكوم بس حسيت بشي ع خصري حطيت ايدي ع عيوني حته اكدر اشوف لان ضوه الشمس بعيني شفت ايد اشهب باوعت ع نفسي جنت نايمه بحضنه طفرت رأسا واني صافنه ع نفسي وخرت ايده بساع واني اعدل بنفسي ردت انزل من الجربايه بس وقفتني ايده وهي تلزم بيدي درت وجهي عليه وهمست - راح نتأخر ع الطياره اكعد - بعد وكت طيارتج بلـ ١٠ الصبح وهستوها ال٧ لاحكه تخلصين مني دنكت وانتبهت عليه يحجي ومغمض عيونه جريت ايدي من ايده بس لزمها أقوه جرني حيل وكعت عليه دفعته من صدره وهمست شبيك وخر اريد اكوم شعري مفتوح وجان نازل رجعه وره اذني وهمس قريب من اذني - بعدج مصره ع قرارج ماغيرتي باوعت عليه وهزيت راسي بـ لا وهمست اريد اروح ارتاح السويته بيه مو قليل اشهب البيه كافي اريد اروح ارتاح انت خالفت الشرط واتحمل مسؤوليته غلطك لان لهنا وبس حجيته هيج وردت اكوم بس لسه مجلب بأيدي رجعت كعدت وباوعت عليه وتالي شلون انضل هيج يعني - لو بيدي اي لو بيدي غير ماهدج حجاها وسكت وضل يباوع بعيوني وعيونه مدمعه باوعت عليه وهمست اشهب وخر جرني ورجعت وكعت عليه من جديد وهلمره صار جسمي ع صدره ابتسم وضل يلعب بشعري ويحجي بصوت ناصي - هن كم ساعه ليش اصيريين ظالمه ولجج مو فتيتي كلبي فتت شعلتي والديه مو حته الله راح يغضب عليج حجاها وابتسم دنكت وهو حط ايده ع راسي وسحبني عليه حطيت راسي ع صدره مثل ميريد وضليت ساكته ما رفضت لان صدك كلامه حرام لان هذه حقه وهو زوجي وواجبي مهما يكن لازم اطي حقه وما اكول لا سكتت وضليت اسمع دكات كلبه صوتهن ضعيييف كلش وكوه اسمعه بس جان يدك سريع مو مثل الكلب العادي لا اراديا رفعت ايدي وحطيته ع صدره وضليت مدنكه نزلت دموعي واني احس روحي مقصره من جهه أسد واشهب اثنينهم وحرت أرضه منو ضليت هيج وهو حاضني حيل من حس بدموعي تبلل صدره جرني حيل وحضني ضليت ساكته نص ساعه اني هيج متحركة لحد ما دك المنبه رفعت راسي وهمست - اريد اكوم هز راسه وجر راسي وطبع بوسه سريعه ع خدي وهمس كومي - كمت واني كاره نفسي باوعت ع الجنط ملاتي وهزيت راسي احسن قرار أخذته اخذت هدومي وطلعت للحمام سبحت وبدلت ملابسي ورجعت لغرفتي فتحت كنتوري اتأكد ما ناسيه شي صار قميص اشهب إلي نساه قبل شهر من اتقرب إلي شلته واني احجي ويه روحي شلون اكدر اسامحك واعيش واني شفت المر بحياتي من وراك هاا كولي شلون اكدر اسامحك شلون اكدر انسه أسد واعيش وياك عادي ماكدر ماكدر ياربي ساعدني واهديني لطريق الصحيح شي بداخلي وسوس إلي أخذه وشي ثاني كال لا لا تاخذين شي من هذا الإنسان انسان ظالم عيشي وانسى وكانما صفحه وانطوت من حياتج ضليت حايره بين قلبي الي مايرضه ياخذه علمود أسد وبين عقلي إلي يكولي اخذي وياي صار العكس هلمره وعكس كل الناس العقل قابل بس القلب رافض ضليت ساكت حايره فاتحه الكنتور وصافنه اخر شي حسيت ع احد بره رأسا دحسته بجنطه إلى بصفي وحطيت تراكي النزعته وسديت الحنطه دخلت اسيل دموعها ع خدها - خااااينه راح تعوفيني وترحين ليش ولج والله اشهب يحبج واحنه نحبج صح مرات ماما تضوج بكلامها بس والله تحبج لا ترحين والله انتي اختي الماجابتها امي - حبيبتي اسوله شنو هلدموع ولج المن سوو التلفونات لعد هاا كل يوم وكل ساعه نتصل فيديو واي وقت تردي اني موجوده بس اريد قويه اصيرين سباعيه اي - اووف ضي اوف والله متعوده عليج ماكدر اعيش بلياج حبابه فكري - اسيل لا تعرضين عليه باوعتلي بدموع وهزت رأسها - ماشي بس توعديني ترجعين باسرع وقت اي - الله كريم حجيتها وابتسمت الها لفيت حجابي وحضنتها ونزلت جانو الكل كاعدين بصاله الكل كاعد من وقت رحت سلمت صبحت الهم ورحت للجهال لكيتهم كاعدين هم قمر كاعده ع جهه ودموعها ع خدها وليث كاعد يهز برجله مبتسم اخذتهم بحضني وهمست شبيكم قمر : ليش نروح خل نضل هنا حبابه - نروح نشوف خالو ونتونس - ونرجع؟ - مممم صفنت ماعرف شجاوبها اجاني صوته من وره - اي اكيد ترجعون شنو لعد اضلين بلا عمو اشهب ها ولج حجاها وشال قمر وهي ضحكت وتكوله لالا شلون اكدر اضل بدونك وهو يكركر بيها وهي تضحك نزلها وباوع ع ليث وهمس - ها ولك فرحان - اي راح اشوف خالوو ما شايفه بس بالصور لعب اشهب بشعر ليث وهو يضحك وليث يبتسم وياه وقمر وياهم واني صافنه عليهم احسهم كأنما عائله حسيت الدمعه بعيني لان حسيت لاشهب كأنما أسد من جهه أريده يصير للهم اب ومن جهه ماريده ياخذ مكان أسد كمت اتأكد من غراض الجهال خلصت وهمست الساعه صارت ٨ وربع شوكت نروح - يلا هسه راح اصيح المصطفي يطلع الأغراض من الغرفه للسياره واني اصعد اجيب غراضج ووو باوعت عليه انتضر يكمل دنك حك راسه بتفكير ورجع حجه - وو احم تعاي علمود اطيج الأغراض والجوازات لان ضلن عدي البارحه اي طلع واني لبست الجهال وطلعو مصطفى اخذ جنط الجهال واني صعدت وراه جان يطلع بالجنط هن ثنين وحده صغيره ووحده جبيره باوعلي وكال تعاي خل اطيجياهم حطيهم بجنطه هزيت راسي ودخلت للغرفه وراه اول ما دخلت جان يجرني من خصري ويحصرني وره الباب حط اديه منا ومنا وهمس ترحين هيجججج بدون ودااع دنكت وهمست لا غير جوه اسلم عليك باوعلي رافع حاجبه وهمس بفحيح مرعب وهو صاك ع سنونه - اسلمين عليه وجووووه لج انتي غبيه لو تستغبين بربج تحجين صدك لو شنو باوعتلها بخوف وهمست شبيك ترا قصدي عادي غير يعني حال بعدني ممكمله كلمتي جان يخزرني سكتت وضليت اباوعله رفعت راسي وهمست هسه راح أضل هيج اريد انزل وخر دفعته ردت انزل جان يلزمني ويرجعني بمكاني ويأخذ شفايفي وصار يبوس بيه ردت ادفعه حسيت بضوجه بس اذكر هاي اخر مره رفعت ايدي وجلبت بياخة قميصه وأيدي الثانيه كمشه بايده توترت كلش وخدرت وهو ميقبل يؤخر وخر شويه وحط كصته ع كصتي وضل يباوع لي دموعه بعيونه ورجع باسني من جديد وهلمره غير هلمره جنت خدرانه حيل ماعرف شنو صار بيه وماعرف حته شلون رفعت ايده وحطيته ع ركبته يمكن خمس دقائق ماحسيت بيهن ووخر عني ضل يباوعلي دنك حك راسه ودنك ضل يباوعلي واني كوه اتنفس ورجليه خدرانات كعدت بالكاع وهو ضل فوك راسي همس ضي هزيت راسي وهمست روح هسه اجي حجيتها بس بصعوبه وهو ضل واكف بالباب ماراح ضليت تقريب فوك الخمس دقايق اني كاعده بعده وكفت عدلت حجابي لان تخربط وشفايفي مبينات مورمات من شفتهن انصدمت جريت الحمره وحطيت شوي حته اخفي الورم طلعت وهو حاط اديه بجيبه ويباوعلي عفته ونزلت جان الكل بصاله رحت ع عمو علي ودموعي تلمع اخذني بحضنه وهمس باذني بصوت ناصي - ارتاحي فتره ورجعي لبيتج هذا بيتج انتي انتي اكثر وحده الج الحق بي لا تتأخرين هواي عن بيتج ابتسمت اله وهزيت راسي وكتله ماشي بست راسه وأيده و رحت للأم اشهب سلمت عليها وهي حضنتني رحت ع اسيل الي بس تبجي حضنتها وصرت اضحك عليها واحجي وياها ضحكتها وسلمت عليها وكفت يم مصطفى باوعلي مبتسم وكال - مرت اخوي الغاليه ترجعين بأسرع وقت لان راح نشتاقلج صفنت عليهم كأنما يعرفون هم البارحه اشهب كاللهم رايحه علمود اخويه بس اليوم انصدمت من شفتهم هيج متأثرين وعبالك يعرفون السبب باوعلي مصطفى وحجه - مرت اخوي مو تنسيني اتصلي خل اسلم ع الجهال بين يوم ويوم والله اعتبرهم مثل جهال اشهب واغلى - اكيد تدلل وهم ولد اخوك اصلا تقدم جرني حطني جوه جتفه وباس راسي سوها حركه عاديه وعفويه لان الي اعرفه هو حيل عفوي وكاعده هيج شي درت وجهي ع الجهال وصارت عيني بعين اشهب إلى يخزر وعيونه حمرر دم درت وجهي متجاهله نضراته كعدت يم فراس وكرصت خدوده وهمست اله - صير رجال وحقق أحلامك ايي وخليك دوم شاطر حته اصير ضابط ابتسم وشبكني أخذته بحضني وبوسته من راسه حبيبي كل يوم اتصل بيكم ماشي - ماشي خاله انتي صدك صرتي ام تدرين حبيتيج حيييل لان ابد ما فرقتي بينا - يروحي كرصته من خدوده وكمت باوعت ع إبراهيم دموعه بعينه خرب هذا الطفل شكد هادئ وحساس شبكته وهمست باذنه لك شهل الدموع هذه هااا - خاله احبج رجعي بسرعه لا تتأخرين اعرف مشتاقه الاخوج بس احنه هم نشتاقلج لا تتأخرين - حبيبي كل يوم اتصل بيكم بقيت اسولف وياه ورحت اليوسف إلى واكف مبتسم باوعتلها ورفعت حاجبي وهمست - جنك فرحان لان راح اروح - لا ضايج خاله بس فرحان لان من ترجعين راح اجيبين هدايا النا هواي موو ضحكت من كل كلبي ع فطاريته اسمع الكل يضحك واسيل تمسح بدموعها وتضحك وتكوله كل همك مصلحتك خرب بيومك باوعتلها مبتسمه وهمست تدلل اجيبلك احلا الهدايه كل يوم كولي شتريت واشتريها الك واضمها - صدوووك كولي والله مرتين اشهب : يووسف كم مره كتلك لا تحلف هيج - اسف بابا بس انفعلت زايد من الفرحه روحي خاله الله ومحمد وعلي وياج اهم شي لا تنسيني بالهدايه اقصد بالدعاء وأهم شي الحنط اترسيهن اقصد اهم شي مو اضوجين وحدج مصطفى : شنو رايحه للعمره قابل رايحه للسويد وين الصاكات والصاكين - هههه اي تعال كل فترا وشوف الجهال حجيتها وغمزتله هو ضحك وكال - ايييي مرت اخوي اهم شي الجهال ضحكت عليه وباوعت ع روزه جانت مدنكه وتبجي اخذتها بحضني وصرت العب بشعرها شبيها الحلوه - كلجن ترحن بس اتعود عليجن انتي وماما ماما تركتني وراحت وهسه انتي اشهب : شهل الكلام باباتي تعاي تعاي شوفي خاله راح تروح بس ترجع اكيد مو خاله حجاها وباوعلي رافع حاجبه ابتسمت وهزيت راسي حضنتني وهي بحضن اشهب واني هم حضنتها وصرت العب وياها واضحك واضحكها لحد ما خلصت باوعتلهم وهنا الدمعه لمعت بعيني سنتين مو قليلات عشت بيهن المر وماشفت فرحه بحياتي بس اليوم قررت افتح ورقه جديده أسد الدفتر القديم من حياتي وأبدى بدفتر جديد ابيض مابي اي شي غلط طلعت ركبت بسياره واشهب اجه هو يوصلنا جانت الساعه ٩ تقريبا طلعنا للمطار اول ما وصلنا نزل الجنط واشر براسه جان ساكت طول الطريق ما يحجي ولا كلمه دخلنا وصلنا ع الاستعلامات وهذا آخر محطه تجمعنا سوه جانت عيونه تاكلني اكل باوعلي وكال -راح ينتضر اخوج هناك جنت اتمنه اجي بس مبين ما مقسوم ضي حجاها وتقدم همس باذني - لا تطولين برجعه لبيتج لان الكل راح يكون بنتضارج باوعتله وابتسمت وهمست ليش ما تزوج وتعيش حياتك - هههه ضيي اني صالي فوك ال١٢ سنه ما حاب من بعد ام ويلادي ما حبيت اله من دخلتي حياتي وصرتي مرتي كلبتي كل كياااني وكل قوانيني من جنت اضربج واعذبج اكره نفسيييييي من جنت اشوفج توجعين جنت اتوجع من يمي بس جنت أكابر واكول تستاهل وحده خاينه ومجرمه بس للاسف كبريائي وجبروتي وكلام الضباط هم الي جانو يخبلوني جنت كل ما اريد اكحلها اعميها كل ماكول يالله وراح تنحل المشكله بس للاسف الكه نفسي بدوامه وامد ايدي لحد ما عرفت حقيقتج وانزرع حبج بكلبي ضي حبج عماني بس بنفس الوقت غيوني برائتج هي الي انتصرت عليه برائتج غيرت الوحش إلي خلقته بنفسي علمود انتقم واخذ آثار أسد وعميت عيوني بالحقد بس حلج صحاني قبل فوات الأوان حته اكدر اصحح خطئي اعرف غلطت هواي وغلطي ما يغتفر بس يابت الناس ماكو احد معصوم من الغلط وان شاءالله اذا رجعت اكون كد الثقه واسعدج صدكي ومارح تندمين ابد هزيت راسي اله ابتسمت وردت امشي وقفني صوته ترك مصطفى يم الجهال وجر ايدي ومشه باوعتلها وهمست اشهب وين ماخذين اترك ايدي عفيه الناس تباوع - اشش ولا كلمه طببني ع ممر فارغ بي باب وحده مبين استعلامات ماعرف شنو جرني ع حضنه وحضنييي حييل ابتسمت جابني لهنا علمود هاي والله يا اشهب بعدني وطبب شعري من حجابي وهمس هاي اخر مره تخلين مصطفي يحضنج فااااهمه كوه صبرت ع روحي ما تعاركت باوعتلها مستغربه وهمست شبيك ترا هذا اخوك ونفس اخويه - لاتخبلينييييي كلت اخر مره آخر مره حجاها وعيونه حمر هزيت راسي وعفته ومشيت وهو وراي اخذت جهالي ومشيت كملت كلشي من الاجرائات والجهال ما زعجوني لان اشهب مخلص كلشي صعدت الطياره خااايفه كلش من هذا الخطوه ماعرف اذا راح أنجح لو لا كعدت بمكاني وخليت أطفالي يمي قمر تبجي وليث يباوع ع المكان بفرح جان خوف ورعب مو طبيعي عمو بكر البارحه ودعت خطيه ترك شغله واجاني شافني وسلم عليه وراح وأهلي خابرتهم سلمت عليهم ركبت جنت خايفه اول مره اروح ويه أطفالي وحدي شي بداخلي جان يعطيني أصوات ماعرفت شنو افسرهن رجعت راسي لوره وغمضت عيوني وكلساع افز اشوف الجهال قمر نامت ودموعها ع خدها وليث كاعد يم الجامه يباوع بفرح مرت الساعات واخر شي سمعت صوت الموضفه وهي تحجي كوردي وره شويه هبطت الطياره شعور قاسي واني اشوف وطن غريب مو وطني وناس غربه مو ناسي فتحت حزامي وحزام الجهال ونزلتهم مشيت دخلت الصالة الانتضار خلصت كلشي والجهال مجلبه بيه اخذت الجنط واني اباوع وادور ع عيسى بس اكو غصه ودموع بعيوني كلساع اريد ابجي اباوع ناس مو مثلي ولا مني ودوله اول مره ادخلها الله يعيني ع هذا الخطوه مشيت واني اجر بالجنط وقمر بصفي وليث يجر بالجنطه الثالثه الصغيره وصلت للكراسي جانت ناس كاعده انتبهت ع شاب كاعد صفح شعره خفيف ولحيته طويله جسمه معضل ولابس تشيرت اسود وبنطرون ابيض ابتسمت واني اشوف اخوي الي صالي سنييييين ماشايفته باوعتله ودموعي الجنت حابستهن كوووه نزلن بساااع غربه وفراق وشوق وكل شي اشتاقيت الاهلي إلى ماكدر اودعهم لان بابا جان بالمستشفى اشتاقيت الهم كلهم وماصالي غير ساعات من عفتهم وكف هو وصارت عينه بعيني ابتسم واتقدم والضحكه تارسه وجهه وكف وصاح بنص المطار لججج بت اميي وابوي نورتي الغربه ولجج يااا بويه يا يمممه هسه ردت روحي افيشششش ياريحة العراق وأهلي ولج تعااي ركضت عليه ودموعي تنزل اخذني بحضنه وصار يبجي واني ابجي والجهال واكفه والناس تباوع علينا صار يبوس براسي وكلساع يباوعلي ويصيح - اويليييي ولج صايره مدبدبه وعدج خدود اوفيش ياريحة هلي لك خالووو ليوثي تعال ياحبيبي انت ياعمري يمه ولج هذا يخبل عليمن طالع - ضحكت عليه حاير المن يشبك ويبوس وكلساع ويباوعلي مبتسم ويكول اوف ولج ممصدوك والله انتي يمي لج خالو قموره يابويه اسم ع مسمى لج ضي بتج نسخه منج من جنتي صغيره ابتسمت وهزيت راسي اي كلش وكلها تكولي وليث ع ابوه حجيتها ودنكت ابتسم هو وكال يلا يلا شنو نضل هنا اخذ تلجنط مني وكلساع وحاضني ويبوس براسي ويصيح والله ممصدك انتي كدامي اخذني والطريق كله هو يغني ويضحك وكلساع يباوع لي جانت سيارته اخذني ع الشقه مالته دخلت واني الفرحه بكلبي بس اكو غصه بداخلي احس ا كو شي ناقصني بس ماعرف شنو دخلت جانت شقه حلوه ومليان ابيض كل اثاثها بيض بالبدايه صاله بيها تخم ابيض و اكو ممر واكو مقابل الممر باب باوعتلي وكال تعاي تعاي سولفيلي كلشييييي كلشييييي صدكك إلى سواه جدي دنكت وهزيت راسي ودمعت عيوني جرني بحضنه وضل يواسي بيه ضليت كاعده السوالف وياه والجهال راحو يفترون بالشقه خلصت ومسحت دموعي يا علي وكال كومي كومي شوفي شقتج وارتاحي شويه مبين تعبانه حيل هزيت راسي اي والله كولش اخذت غراضي ومشيت للممر جان نهاية الممر باب بيها الصحيات ومن الجهه الثانيه جانت مثل الصاله الصغيره بدون باب وبيها حاجز يفصلها عن المطبخ.اكو شباك بين المطبخ والصاله طلعت باوعت من الجهه الثانيه جانت بابين باب غرفه كلشش جبيره وبيها جربايه ام النفرين جبيره جبير يعني جانت متروسه اثاث والمجال الباقي كولش جبير باوعتلي وكال هذه غرفتج انتي وجهالج عذريني شقتي صغيره ع كدي ههه - هههه لا كلش حلووه بس كلها ابيض - اي احب هلون - اممم جيد ابتسمت وباوعت له صدك انت مو جنت تحب المائي شغيرك - ههههه هاي بعد غيرت مليت منه - ههههه فتحت باب الثاني جانت غرفه نوم هم بس اصغر من ذيج كال هذه غرفتي - ليش جان خليتها إلى - لا يمعوده اني اطلع من الصبح للعصر ع اليله وبعدين هاي غرفتي من البدايه صدكي ما بدلت -تمام لعد رحت ع الباب الي جان بصاله فتحته جان بلكونه واطل ع مكان يخبل مليان خضار وحديقه جواه اجننن باوعت ع الجهال يباوعون من الشباك فرحانين ممصدكين باوعتلهم فرحانه الهم وهمست شنو عجبكم ليث : اييي ماما خل نضل هناا المكان حلوو خل يجون بيبي وجدو ويوسف وإبراهيم وفراس وروزه وجدو علي وخاله اسيل يعيشون ويانا قمر : اييي عمو اشهب هم خل يجي حبابه ماما المكان حلووو ليث : لاا خل عمو مصطفى يجي بداله عمو اشهب عده شغل ما يجي وماريد يجي عيسى : هيو هيو شبيكم ولكم اشش شويه شكد حجيتو شبالعين مسجل ولج ضي جهالج شتنسيتي بيهم مسجل لو راديو - باوعتلهم صفح وهمست ماتبطل سوالفك - ههههه لا وعيونج بعدين صدك هذوله ولدج شبيهم هو انتي هجيتي من العراق من وره شهيب ابو الشهوب ويردون يجيبو هو وعائلته هناا لا ربحت - ههههههههههههه شهيب ابو الشهوب شنو - اي يااختي ذاكليوم عود من خابرني نسيت اسمه جان اكله ابو شهوب عود اريد اكله ابو فراس شعرفني بي ههههههه - خرب بيومك ههههه اكيد نزل عليك - لا والله ضحك كال لقب جديد انضاف إلى هههههه - اووو شهل التطورات اشهب ضحك واسنقبلها بروح رياضيه لا ماصدك - هههههه اي صدكي يبعد جلاويي اي بالله امشوو خالو لبسوو خل افر لكم بالسويد وانتي هم ونتغدا اكيد بلا غدا انتم لان اكل الطياره مايشبه كيك وعصير - ههههههه لا زين اطو بس اني مااكلت قمر : خالو اريد فنكر - جنج ع فنكر يبعد خالج من هسه استلمتيني قط بت الاوادم ضل عيسى يشاقه ويه الجهال كال تجين كتله لا روحو جيبو اكل وتعالو اريد ارتاح تعبانه كال بكيفج بس راح تندمين ضحكت عليه وهو بدل وطلع ويه الجهال كعدت اني صافنه باوعت من الشباك ع المنضر شكد حلو بس ليش مو فرحانه مو هذا الي أريده اني بعد ليش هيج ضايجه حسيت جنطتي تهتز بصفي باوعتلها وطلعت.تلفوني حاطته هزاز ونسيته باوعت اشهب رديت عليه - ألوو - بت الاوادم بت الكلب مو كتلج من توصلين كوليلي خليتي ابو ابوي ينسمط واني افتر عبالي صار بيكم شي - دكيت ع كصتي نسيت اخابره من وره عيسى وسوالفه همست بغضب اول شي لا تغلططط زين شوكت تبطل هذا العاده الموحلوه انت شنو ترضه هسه اكولك ابن الك سكتت ووحطيت ايدي ع شفايفي من جفصتي الجفصتها وعضيت الساني صاح - ااخ لو يمي يا ضي اوكلج تبن وعلي ابن أبي طالب اني الج بعدج اول ساعه الج بسويد وطلعت عطنج بعد شهر شنو يمكن تكفين بالمطار واصيحين اشهب انت طالك وتدورين وجهج وترجعين جان يحجي بعصبيه وقهر ضحكت ع سوالفه وهمست لو يحق جان سويتها حجيت هيج وابتسمت حبيت الضوجه اكثر همس بعصبيه مبين من صوته - و تكوليلي لا تغلط ولج انتي مال كتل وعلييي لو يمي يا ضي جان شوفتج عقابي الجديد - ها اضهر محضر عقاب من هسه جديد لان الباقيات صارن قديمات موووو كل هذا وترديني ارجع الك شوف تصرفاتك اشهب ما تنطاق ولا تتحمل - باي حجاها وسده بوجهي صفنت شبي هذا شحجيت اني ترا ما كلت شي ماعرف ليش من سمعت صوته ابتسمت بس ضجت بنفس الوقت شعور ممزوج بأشياء ماعرفت شنو افسرهن كمت بدلت ملابسي ودخلت للمطبخ ادور ع الأغراض واحضر ساعه وطبو يضحكون اجت قمر تركض تضحك - لج ماما خالو زحف ع بنيه ورقمها هههه َالبنيه شكت الورقه وذبتها بوجهه وماعر شحجت وياه ليث: اي ماما وجان وياها اخوها ضل يخزر بينا اني كلت خلاص خالو راح بيها ههههه عيسى : انه اخوك يا ضي ولكم انتم ما ينضم سر عدكم عود كتلكم لا تفضحوني قمر : شبيك خالو ما حجينا الأحد بس الماما وبعد شوي العمو اشهب من يخابر والخاله اسيل وال - اوكفي اوكفي شو خبصتوني باسيل منو هاي صااك يبعد خالكم شنو مواصفاتها سمينه ضعيفه طويله قصيره شعرها طويل لا عيونها ملونه لا باوعتلها بغضب وهمست عيسسىىى شجاك شبيك عوف اسيل وإياك تفكر بيها وبعدين انت ما تستحي تزحف كدام الجهال مو ليث راح يتعلم منك هذا العاده -ياااا وما عاجبج خلف الله علينا احنه الزلم كلبنا رجيج عليجن انتن النسوان لهذا نفكر بيجن وتكول خطيه خل نزحفلهن حته ما يحسن هن مو حلوات ولو تباوع بوجهه تطلع ابو جبير إلى جان يجي الصبح يدكدك بالبيبان من صباحيات الله علمود يتريك باوعتلها واني ضامه ضحكتي ولك الرجال يمك وشذكرك بي الله يذكره بالخير اذا عايش والله يرحمه اذا ميت - لج والله احبه بس والله يدك دكه ناقصه بيه من صباحيات الله يجي يدك بالباب حيييل عبالك انفجار اطفر للسكف وارجع خو مره دك الباب وجنت أحلم عود اني مخطوف وهذا اجه يدك الباب وحق الله طفرت طفره حته الجرجف التف برجلي ركعت ع وجهي وعود اريد اكوم جلبت بالميز والمميز عليه قوطيته الصبغ مال الاحذيه هاي السوده جان من اريد اكوم يميل الميز واطيح عليه وينصبغ شعري اسود بصبغ الاحذيه صرت حذاء مصبوغ - ههههههههههههههه ايي اذكر وضليت اسبوع ما تطلع - اي وبكير يضحك عليه يكلي ها جا وين تكك الثاني شو بس تك هذا - ههههههههه ضليت كاعد اضحك ويانا صدك غيرت جو ونسيت وصرنا نذكر ايام قبل ونضحك والجهال خربانه ضحك خلصت غدا ونضفت المكان ورحت الغرفتي اريد انام -عفتهم بصاله عيسى يريد يطلعللهم لعبه ماعرف شنو دخلت الغرفه وتمدتن ردت انام جان يدك تلفوني باوعت رساله من اشهب ردت اشوفها جان ادخل بالغلط كلت يلا خل اقراها باوعت عليها وضحكت هذا الرجال مو صاحي كاتب ومبين عصبي 💬 ضي وربج اذا اعرف مسويه شي من وراي لو مخالفه الشروط إلى كتلج عليه واضلين ادمين حنج ويه هذا وذاك عسما ابن خالتج والله اجيج للسويد اكتله واخذج وارجع خل يكون بعلمج عفته وغفيت نمت وماكعدت غير الساعه ب٩ باليل حييل يالله شكد نمت اني لميت شعري وفتحت تلفوني جان لكيته كاتب 💬 هينه اشوفين وماتردين موو كمت شفت عيسى يصلي همست اذن هز راسه لا خلص وباوعلي - لا شويه ويأذن بس صلاة العصر ناسي اصليها - اها الله يتقبل - من الجميع حبيبتي رحت شربت مي شفت الجهال نايمه بصاله باوعتلها وهمست هذول شوكت نامو - قبل شويه تعبو من اللعب ونامو - الله يساعدهم صوت ضحكهم واصل إلى - فدوه اروحلهم بقيت بشقه ماطلع هواي مرات عيسى من يجي من شغله يطلعنا نتونس شويه ويفرحنا ويدينا ع الأماكن مرت الايام ومن الضوجه كمت اطلع اللغه السويديه واتعلم حته ما الكه صعوبه بيها لان هواي داتعب من اطلع وما افهم شي وبلشت شويه شويه اتعلم والكلمه إلى ماعرفها اسئل عيسى عليها لشعب اه يا اشهب ولا مل كل يوميه يتصل بيه ولازم احاجي واذا مااحجي يووو يكلب الدنيا رسائل وغلط ومرات غزل حرت ويه هذا الرجال وماعرف شسوي صالي شهرين هنا كل يوم اتصل بيهم واحد واحد اهلي واسيل وعمو على والجهال ونضل نحجي لوين ونشاقه لحد ما فديوم اجه عيسى كال عازمكم ع عشه يلا نروح ماقلت بالبدايه بس لح وماكدرت اكسر بخاطره رحت وياه معدنا وصرت اعرف سويدي زين اجه الصنادل يقدم طلب عيسى اكل ماعرف شنو كال راح تاكلين أصابعج وراه والجهال تضحك ويكلوله شلون تاكل اصبعها خالو شبيك وهذا يضل يناكر وياهم صحت بيهم صوتكم ولكم فضحتونا عيسى : يمعوده منو يفتهم حجيي دسكتي رحمه البيبيتج سكتي إلى يسمعها يكول كاعده ببغداد وكلها تفهم حجيها.. - ضحكت وكتله حتلو ميخالف لا تحجي خاف اكو احد يفهم - دروحي بابا شبيج هيي ولكم * - عزااااا لطمت ع خدي واني اخزره ولك بطل سوالفك عيب شهل الكلام هذا - ههههه شبيج محد يفهم درت وجهي عنه واني اضحك جان اكو شاب كاعد وره عيسى وصاير مقابيلي باوعتلي رافع حاجبه يباوع بتقزز ومبين كاشه روحه ماعرف شبي ما عاجبه درت وجهي عنه شبي هذا شويه ودك تلفونه واسمعه يحجي عراقي لطمت ع خدي صخام الصخمني ولكككك عيسسسى - اسم الله شبيج ولج - ولك يا مصخم الوراك عراقي وسمعك من فشرت طاح حظكك - انجبي شنو طايح حظي هو طايح ما ناقصج حته اطيحي - هههه شويه وجابو الاكل بس هذا ضل طول المعد يخزر بينا حيل ضجت اول ما حطو الأمل لعبت نفسي وكمت رأسا احس بدوخه مو طبيعي باوعلي عيسى وجرني تعاي تعاي منا الحمام جرني واني ماكدر احجي دخلت للحمامات ذبيت شكو شي ببطني وجسمي كام يحكنييي كلشش اباوعله حته طكع خرب احس بدوخه من شفت الاكل واشتكيت ريحته لعبت نفسي انتبهت ع ايدي وصفت لاااا ياالله ضيييي لا لا مستحيل ماريده ماريده ياربي صفنت اخر مره اجتني قبل لا اسافر وهذه اعراضي من حملت بليث هم هيج لالالا اكيد سوء تغذيه لو شو شنو مستحيل طلعت واني دايخه تلكاني عيسى شبيج شصاير كتله مابيه شي هذهو عوفني رجعنا للبيت وقررت باجر اروح الصيدليه اجيب اختبار حمل وادعي وانخه وكفت ونخيت عل ابن ابي طالب إلى أول مره اطلب منه طلب يكولون ما يرد طلبت منه ماطلع حامل لان لحد الان ما عرف شنو افكر عقلي يكول شكل وكلبي يكول شكل كلبي رافض شخص ثاني غير أسد وعقلي يكلي ماعدج احد غيره وهو ياخذ حقج من جدج وكل شخص ظلمج صح هو ظلمج بس عرف غلطه وضليت حايره ثاني يوم رحت الصيدليه اخذت الجهال اشتريته واخذهم للأسواق اشتريتلهم ورجعت عفتهم بالاله وركضت للحمام ارجف وادعي لكن خاب ضني ووشهمت بالبجي من شفت النتيجه خطين لا يالله لاااا اكيد متعمد سوه هذا الشي شكول عليك اشهب اوووف يالله ما لازم يعرف ولازم اتخذ قراري بأسرع وقت صفنت وحطيت ايدي ع بطني وهمست ما ريدك تعيش مثل اخوتك بلا اب بس والله مو بيدي اجيت بالوقت الغلط انت ماعرف شسوي هسه اني ما كلت لاحد حته عيسى بس شك بيه من شافني وماتركني لحد ما كتله ايي حامل فرح بس من شافني ضايجه ضل يحجي عليه - بابا هذا طفل شعلي بابوه اذا جان قبللل قبل قاسي شوفي اني وياج وما قابل ع الي سواه اشهب ضلي هنا وجيبي هنا وادللج والله بس اذكري لابد يجي يوم واشهب يعرف من يعرف ضنج يتركه او هو اذا كبر وعرف ابوه عايش يقبل شوفي جهالج مكسورين بلا اب لا تخلين هذا هم يعيش بلا اب هزيت راسي بالرفض ومشت الايام ابتعدت عن اشهب برغم صرت احس بالفراغ اتعودت عليه بس ماريد احجي وياه اريد افكر واحسم قراري مرت الايام وصار ع حملي ٤ أشهر وع وجودي بالسويد ٤ أشهر وما رحت طبيب ولا شي تركت هذا الشي ع رب العالمين اذا قاسمه إلى يجي واذا لا فهذا قسمة رب العالمين كل يوم اقرر قرار جديد وارجع عنه بعد فترا ماعرف شسوي ماعرف شبيه بس متعوده ع اشهب كل يوم يتصل واسمع صوته مرات ارد ومرات اعوفه فكر مشدد وماعرف شنو نهايتي مرات افكر ليش هيج حضي من قررت اعيش ربطني بسلسال ماراح ينفك ابد باشهب ومرات اكول هذا قسمتي واكيد بيها صالح وعسى أن تكرهو شي وهو خير لكم حطيت ايدي ع بطني ونزلت دموعي ع أسد وع اشهب وع ابني إلى بعده ما جاي ع الدنيا ع جهالي إلى متبهذلين بالغربه صح فرحانين بس مرات اشوفهم ضايجين لان وحدهم حقهم وحدهم لا أحد يلعب وياهم ولا طفل بعمرهم واني هلفترا بعيده عنهم بس قررت ارجع اقوه وابني نفسي من جديد وافكر بعقل وارجع ضي القديمه وما أهمل أطفالي لحد ما فد يوم جنت كاعده كدام الشباك صافنه ع المنضر الكدامي منضر يرد الروح الخضار إلي تارس المكان والهوه النقي شي كلش حلوو من تشوف هيج منضر وانت بشقه الفوك وجوه عبالك جنه من الخضار والجمال صدك جمال الطبيعه جمال بمعنى الكلمه وهيج أماكن تنسيك الغربه باوعت ع الجهال كاعدين يلعبون وكفت واني البس الكوت مالتي باوعتلهم وهمست اني راح انزل تجون وياي طفر ليث وهو يضحك - اي ايي نجي ليشش لا بس بشرط انروح لمدينة الألعاب - مممم من يجي خالو يأخذنا - لالالا ماريد اريد هسه حباااابه حباااابه صفنت عليه واني ارفع حاجبي اله حطيت اصبعي ع شفايفي ورفعت عيوني لفوك واني افكر وهو قمر خربانين ضحك عليه - ماشي بس بشرط اتركون الايباد وماتلعبون بي غير مره وحده باليوم ليث: لااااااا شنو هاي حجاها وهو مبرطم واني لازمه ضحكتني جان قمر تبرطم وتحجي - لعد شلون احاجي عمو بهاي المره العب بيها لو احاجي عمو ليث: وشعدج تحجين وياه واحد وحشش قمر : موو وحششش عمو حباب -لا وحششش - مو وحشش كااافي هاي شنو رجعنا لنفس الاسطوانه ماكو طلعه يلا خليكم بالبيت عفتهم ونزعت الكوت ومشيت رجعت لنفس مكاني واني مطنكره وهم يضحكون عليه شويه ودك تلفوني باوعتله اوووف كل ما يدك اذكر الماضي القاسي إلى عشته باوعت ع قمر وهمست - هاج هذا عمج الخابصتنا بي ردي عليه اجت تركض فرحانه اخذت التلفون مني وفتحت الخط وصارت تحجي وياه صوره وصوت سمعته كال الها وين ماما باوعت الها بخزره واشرتلها بأيدي ع راسي عود كاعد اسبح باوعت ع التلفون هي وهمست - عموو تكول ماما وتشر بيدها ع راسها عود تسبح نفس ما سويتها اني ورجعت كملت هيج كالت شنو يعني دكيت ع كصتي وليث طكها بضحكه وهو اسمعه خربان ضحك باوعتلها بخزره سمعته كال - هذهو وصلت الرساله ههه سلملي ع ليوثي و ديرو بالكم ع نفسكم ماشي عموتي صيري سباعيه مثل ما متفقين صفنت ع كلامه كأنما وداع جان صفنت اول مره هيج يحجي اول ما سدته خزرتها وصحت لج انتي عليمن طالعه غبيييه قمر : اني مو غبيه حجتها وهي مبرطمه اي اي مو غبيه اني الغبيه إلى اعتمدت عليج ام حلك هاي لو سالفه طايحة الحظ جان لكفتيها رأسا احجي واشيل بالملاعيب بغضب انفتح الباب ودخل عيسى باوعلي عاقد حاجبه - هاي شكو شبيج عصبي - باوعتلها بغضب وهمست اييي واخيرا عرفت بتي عليمن غبيه ع خالها طالعه باوعلي مصدوم فاتح العيون باوع ع ليث وكال - ابن اختي مو جني انقصفت وطارت جبهتي ليث: اي خالو ههههه ماما عصبيه لان قمر فضحتها كدام الوحش ههههه - هااا هنا السالفه امشي امشي لبسي خل افرج بسويد شووفي الله شخالق تنسين أسد واشهب والخلفوهم هم امشي باوعتله بخزره جان يحك راسه ويكول - جفصت مو اي ادري بروحي اقصد تنسين الظالم اشهب بس أسد لااا جفصه صارت نعتذر عفته ومشيت لبست الكوت والحجاب وهو يضحك عليه - ها شكووو حجيتها بعصبيه هز رأسه هو و ليث عفتهم ومشيت وهم طلعو وراي باوعت ع الشارع برغم من جماله بس يبقى العراق بنضري جنه اخذني لمطعم وكعدنا ناكل نسيت شويه الفشله وصرت السوالف واضحك ويه عيسى والجهال ما اكلت هواي من اكلهم لان خفت يصير نفس ذاكليوم للعصر ياله رجعنا كاعد نتمشى للبيت جان يدك تلفوني باوعتله عمو بكر - ألوو ها عمو شلونك - الحمدالله بخير ضييي اكو شغله لازم تعرفيها والأفضل ترجعين للعراق بأسرع وقت....... يتبع ،،،،،وللحكاية بقيه،،،،،، والنهايه قريبه 💔 قرائه ممتعه أحبتي تصويتاتكم وتعليقاتكم وتوقعاتكم كل عام وانتم بالف الف خير يارب وينعاد عليكم بصحه والعافيه وتحقيق الاماني ❤️ #نور الشمري #نوشه | ||||||||
|  |
|
31-07-20, 01:45 PM
| #52 | ||||
| نجم روايتي 
| كل عام وانتم الى الله اقرب وعلى طاعته ادوم ومن الجنة ادنى واقرب وعن النار ابعد ولفعل الخيرات اسبق ولسنة النبى الزم ولحب اتباعه اصدق كل سنة وانتم بخير واطال الله عمركم فى طاعته واسعدكم بدخول جنته وتقبل الله منا ومنكم صالح الاعمال | ||||
|
| |
|
03-08-20, 02:31 AM
| #53 | ||||||||
| مراقبة عامة ومشرفة منتدى الروايات المنقولة
| الكاتبه نور: اول شي اعتذر ع التأخير بس حالة خالي جانت خطره وبين الحياة والموت وامي حالها حال وتردون اكعد اكتب الكم شنو هيج عديمة احساس اني المهم أكرر اعتذاري والبارت طويل كلش خاف يكون ناقض عدكم اتأكد البارت اكثر من 8700 الف كلمه وغلسو ع السحك نشرته ع السريع #برائتي وجبروتك بقلمي #نور الشمري #البارت الخامس والثلاثون والأخير Noor336 حــبــيــبــتــي .. أتركي الأشياء ركنا...؟؟ واجلسي بعد الصلاه..؟؟ في تسابيح العبادة..؟؟ فأنا لا أملك للأن شيئا...؟؟ الا ذكراك الجلادة..؟؟ أسهر الليل وحيدا..؟؟ أبحث عنك السعادة..؟؟ أطلب طيفا لحلمي ...باسم الحظ..؟؟ ورقيقا رقة..منها..ينادىا.. تذكريني.....حبيبتي....؟؟ كلما اتجهتي..شرقا ..حين ..تنوين العبادة..؟؟ وارحميني من عذابي...فأنا ماطقت صبرا..؟؟ ولا قدرت..أن أقول..شيئا زيادة..؟؟ فتذ كـــــريــــني حبيبتي ...؟؟ تـــــذ كــــريــــنـــي..؟؟ بكر : الحمدالله بخير ضييي اكو شغله لازم تعرفيها والأفضل ترجعين للعراق بأسرع وقت همست بخوف واني اسمع كلام عمو بكر خير عمو شصاير اكو شي لا سامح الله حجيتها واني خايفه اجه ع بالي بابا بي شي لو اشهب اجاني صوته وهو يحجي - لا حبيبتي خير كل الخير تعاي واتعرفين - عمو اذا علمود اشهب فاعذرني ماكدر ارجع هسه لحد ما اكدر اخذ قرار نهائي واعرف نها - ضييي شبيج منو جاب طاريه تعاي وبس شغله تخص قضية أسد - قضية اسدد حجيتها واحس كلبي كام يرجف وشي كام يسري بجسمي مثل الكهرباء ارجف هزيت راسي وهمست ماشي عمو راح اخلي عيسى يحجزلي ويخلص كل شي من أجرائات واجي سديته و اني ارجف صاير شي معقوله معقوله لزمو جدو حسيت ايد ع متني باوعت عيسى باوعلي وهمس شبيج ضايجه صاير شي خو ماكو شي هزيت راسي وهمست لا سولفتله كلام عمو هز راسه وكال اني باجر اروح اكمل الاجرائات الخاصه مالتج وادور احجزلج واجي وياج ماعوفج هزيت راسي بأي ومشيت الجهال يمشون بصف عيسى واني لازمه بطني وامشي اكيد لزمو جدو ومايردون يكولون يعني أسد هذهو راح ينوخذ ثارك وراح ترتاح رجعت للبيت ودموعي بعيني يعني هذهو الكل راح ياخذ عقاب ع الي سواه ابتسمت ٣ سنوات تقريبا جان المجرم يسرح ويمرح وعايش حياته واني متعذبه وانت جوه التراب دخلت الغرفتي وقفلة الباب عليه تركت الجهال يم عيسى اريد ابقه وحدي اريد ارتاح شويه وافكر باوعت ع جنطتي مال السفر كمت فتحتها بيها قميص اشهب ما طلعته نهائيا لان ماريد افكر بي طلعته وضليت صافنه عليه باوعت ع قميص أسد معلك ويه هدومي شداسوي اني شبيه شنو معنى تصرفاتي من احتفظ قمصان ثنين هذا خيانه الهم ثنينهم معقوله تخبلت شيسموها هاي ضي لازم تحسمين قرارج وكافي تعذبين نفسج هيج مدتت نفسي ع الجربايه واني افكر شوكت ارتاح شوكت اعيش حالي حال الكل وانت يا حبيبي ماريد تعيش إلى عاشو اخوتك ما ريدك تتربى بلا اب وبلا ام من جهه اولاد اشهب إلى متربين بلا ام وهم اخوتك ومن جهه أولادي إلى متربين بلا اب وهم هم اخوتك ماريد حظك مثلهم ماريدك تعاني مثلهم أريدك تعيش بين اهلك بيني وبين ابوك بس شلون واني ماكدر اخذ قراري شلون واني ماكدر احسم قراري النهائي ماعرف احس نفسي ضايعه اتمنى اعيش واربي أطفالي واضل يم أطفال اشهب واربيهم مثل امهم واعيش بذاك البيت الي تعودت عليه واعيش وياه اي حته هو اتعودت عليه بس ماكدر اسامحه شلون ماعرف أريده وماريده أريده صديق بس ماريده زوج صفنت وكلت انام والله كريم لكل شي غمضت عيوني غفيت من التعب والتفكير رأسا وبلحلم شفت أسد جان لابس دشداشه بيضه وشعره والحيته سود وكاشخ ومبين مرتاح باوعلي مبتسم جانت بطني عاليه ومبينه حامل ومن الجهه الثانيه وليث وقمر بصفي واكفين باوعتله وهمست شلونك ضحك ومارد عليه ضل ساكت وهو يباوع البطني حط ايده ع بطني وهمس - ديري بالج عليه هذا راح يكون السعاده الج وكل ما تحتاجيني راح تباوعين بوجهه وتذكريني وتحسين اني يمج هذا الطفل راح يتربى عدج وخلي نسخه مثل ما تردي انت وراح يذكرج بيه حجاها وابتسم وهو يباوع لنا باوع ع ليث وهمس حبيبي اخوتك بامانتك وامك هم مو تنسى الوعد البينا مشه وفجئه صار شخص يمشي وياه مطيني ضهرهم ردت اعرف منو هذا الي وياه اتمنيت يدور وجهه واشوفه منو فجئه يدور وجهه واشوفه اشهب وكفو وضلون يحجون ع مسافه عني فزيت مخروعه خايفه لالا اسم الله مابي شي هو ماراح وياه هو بس جان واكف يسولف وياه لا يالله لا اراديا جريت تلفوني دكيت عليه ماكو مغلق رد رد اشهب رد حبااب بقت دموعي تنزل واني خايفه لازمه بطني ودموعي تنزل ماريد يموت مثل أسد ماريد ابني إلى بعده ما جاي ع الدنيا يتيتم ماريد هذا الشي ياربي دخيلك ضليت افتر واكل بضافيري خايفه وكل ساعه ادك عليه مغلق اخر شي شمرت التلفون وطلعت من الغرفه صارو ليث وقمر كدامي اجو يركضون عليه اخذتهم بحضني وصرت ابوس بيهم ما ريدهم يحسون بالنقص واكون بعيده عنهم كافي هم بلا اب الدنيا ليل الساعه ب١١ نيمت الجهال ودموعي ع خدي خايفه كلش ماعرف شبيه باوعت ع قميصه ع الجنطه محطوط همست واني اباوع له من بعيد لا تروح مثل أسد ابنك محتاجك اعرف اتاخرت برد بس اريد اسامحك اريد ارجع اكدر اعيش وياك مو ما طايقتك وكوه اتحملك ضليت احجي ويه نفسي واباوع ع القميص لحد ما رن تلفوني كعدت عدل رأسا باوعت رقم غريب سويدي مارديت عفته دك مرة الخ وهم مارديت شويه واجت رساله 💬 يا قاسية القلب قلبج ما علمج هذا اني فتحي الخط ولج هذا اني صفنت منوو هذا معقوله اشهب لالا منين جاب رقم سويدي لعد منو معقوله عمو بكر لو منو عقلي يكلي اشهب بس ماكاعد اصدك رجع دك وهلمره اترددت ارد لو لا آخر شي شلته بدون مااحجي كلت اذا اعرف الصوت اجاوب واذا لا اسده رأسا اول ما رفعت وحطيته ع اذاني اجاني صوته وهو يحجي - قاسيه وربي قاسيه ولج حته اتصال ما اتصلتي بيه من اجيتي لهنا لسه لو اني الاتصل لو متتصلين وكمتي تتهربين وتعلمني الطفله تكذب عود بالحمام - سكتت واني اسمع صوته وكلامه كمت اتنفس سريع شكد مشتاقه اله بس مو شوق حبيب لا شوق تعود او شوق ماعرف بس ما حسه حبيب ابد كلبي مقفول ع أسد وبس همست واني اسمع صوته - ما اعرف هذا انت ومنينلك رقم سويدي شنو لا بس انت -هههه اي بسويد وجوه شقتكم بضبط فتحي البارده وشوفي - لا تجذب اشهب - انجبي لج اجذب شنو مو اني يوسف واجذب بت الاوادم نزلي يلا فتحي الباب - ماكو مكان شعدك جاي -ههههه يعني ترضيها زوجج جاي من العراق للسويد علمودج وكوليله ماكو مكان شعدك جاي -عضيت شفايفي بخجل وهمست اوكف راح افتح الباب سديته ونزلت من الجربايه ردت اطلع وصارت المرايه كدامي لابسه تراك برموده ولافه شعري لفوك ذيل حصان واصل فوك ركبي ذيل حصان هلكده طوله شبر هههه عدلت نفسي لا اراديا وركضت فتحت الباب وصفنت ع بطني عزاااااا لا بس ينتبهه عليه رأسا سديته جان يعيط -بت الاوادم ولج شيسموها هاي خباثه لو حقاره اطب واسدين الباب بوجهي يلعن بليسج ع هلدكه هاي راح خشمي دفر الباب راسا حطيت ايدي ع بطني دخل باوعلي رافع حاجبه وهمس باوعت ع خشمه مابي شي خزرته وهو حجه -وتاللي وياااج لج زعطوطتي - اشهبببب زعطوطتك شنو ترا اني مره ام زوجه زعطوطه شنووو ابتسم واتقدم وع وجهه شبهه ابتسامه وصل كدامي وهمس - يعني تعترفين مره مزوجه منو زوجج ها - ااا اشهب وخر كافي رجع لوره وهو يصوفر صفنت هذا شبي متغير يالله عفته حته يعقل جان يتخبل بزايد - سمنانه ولج حجاها وعكد حواجبه بلعت ريكي وهمست لااا بس سكتت وكمت العب بضافيري واباوعلها من جوه لجوه خايفه سد الباب وباعلي وهمس - اخوج وين رفعت راسي عليه وهمست نايم - خووش لعد حجاها وجرني ع حضنه حضني حيل احس كسر عظامي من كد ما ضاغط عبالك اريد اطير دفن راسه بشعري وهو يفتحه وضل ينتفس بي بعدني وهو يلعب بشعري وأيده ع خصري - شوكت يحن كلبج باوعتلها مستغربه وحجيت بكلبي ليش اني احبه ويحن كلبي عليه كول شوكت اسامحك وماكدر اعيش وياك لان حب مستحيل كلبي ينفتح بعد ما نقفل ع حب أسد بعده عني وهمست اشهب وخر لا يجي عيسى -ويجي شنو مرتي وجاي اشوفها فوك الاربع أشهر ماشايفه - اشهب حجيتها ورفعت عيوني عليه بغضب ابتسم وجرني من ايدي مشه ع القنفات إلى كدامنا كعد وكعدني بصفه باوعلي وكال - فكرتي لو لسه ضي ماريد منج شي بس رجعي والله حته حقوق ماريد بس رجعي احس البيت خنكه تدرين ماصعد فوك ادز اسيل اجيب غراضي ساكن المكتب ٢٤ ساعه لو بالمكتب لو بالمحكمه والعصر اروح لمكتبي ولج شلعتي كلبي شوكت يحن كلبج - اشهب لا تضغط عليه ماكدر افهمني اني لحد الان ما اكدر اتقبلك اعترف الك اتعودت عليك بس الي سويته بيه مو قليل حته اسامحك هيج بسهوله افهمني - واني ما كايل شي بس رجعي لبيتج ولج مو حته لون وطعم مابي تعرفين شنووو ولج مو كاعد اعترف الج اني تالي عمري اكعد اتوسل بمره من طاح حظي ع هلجيه هو مو صوجج لا والله صوجي اني المطي جاي من العراق لهنا علمود وحده ام راس يابسسس وكف وجان عصبي حيل باوعلي وصاح تجين لو لاااا باجر ارجع ويا ضي اخر مره اسئلج هذا السؤال ترجعين وياي لو لااااا صاح بصوت عالي طلع عيسى يركض باوعله وباوعلي ابتسم وهو يتقدم - اسلم عليك لو عصبي ههههه - تعال تعال انت شعليك اختك كوه أتريد اطلع خبالاتي كدامك بقيت صافنه عليهم سلم عيسى عليه وضل يباوع لي واني كاعده خايفه اباوع عليه مبين صاير نار ماعرف شبي عصبي هيج أتقدم عيسى وحجه همس باذني - الأفضل تكوليله لان اذا رجع وماعرف ويعرف بعدين فايختي العزيزه الله وياج حجاها بابتسامه باوعتله وهمست انت وياي لو وياه - اني ويه الحق حجاها ومشه كال اعوفكم وحدكم رايح يم الجهال خاف يكعدون هو باوعلي وهمس ايي ست جواببج شنو - ماكو داعي لكل هذا عمو بكر اتصل بيه العصر وراح ارجع بعد يومين ويه عيسى علمود القضيه بعد عليمن جاي - الله ماشي ست ضي ترجعين بعد يومين علمود القضيه لا علمودي ولا علمود شي ثاني ماشي يعني اصلا انتي ما مفكره بالموضوع لان مبين عليج متردين اصلا تحجين بي وماصدك تي خلصتي مني - اشهب مو هيج بس -بس بسس كافي اني رايح وانعل ابوه الي يخابرج بعد لو يجيج ويطبجج طووب اذا اجيتي لو لااا مشه يلبس حذائه يريد يطلع صار الحلم كدامي خفت كلت خاف اخسره صحت اشهببب دار وجههي ويباوع بغضب وصاح مات اشهب خيرر باوعتله مبرطمه همست اسم الله يعني اشهب انت ناوي ع شي مو لان جيتك هاي وراها شي كول شعدك باوعلي وكعد ع القنفنه حط راسه بين رجليه وكمشه بديه وهمس - باجر اروح ع جدج لان عرفت مكانه ومارد اروح قبل لا ارجعج ردت اشوفج ببيتي اخر مره - شهل الحجيي هذاا كعدت ودموعي تنزل وين تروح هاا وانت عايف ٦ أطفال وراك منو الهم واني اذا بيوم احتاجت احد منو الي صح ضايجه منك وصح ماكدر اتقبلك يعني لسه بس انت سندي وزوجي من تروح منو الي وو منو ال سكتت واني اريد اكوله تروح وماتشوف ابنك هز راسه وهمس - ماكدر اثق بأحد غير رامي ورامي وحده ميكدر يسوي شي ولازم اروح وياه لان جدج لاعبها زين - يعني تروح هز راسه وكفت وباوعت عليه وهمست روح واني مارجع وياك راح ارجع بعد يومين من يخلص كلشي وهااا ارجع ولا تخلي الموت ياخذك لان اكو من ينتضرك حجيتها وردت امشي جان يلزمني من ايدي باوعت عليه جرني لحضنه وهمس اخر مره اشبع منج لعد قبل لا اروح دفعته وباوعت له وهمست اله بطل مكر اعرف مكرك وخرك يلا واذا تريد نام هنا - اذا تريد بت الاوادم بدل ما تكول فوت نام ضحكت عليه وكتله فوت ذيج الغرفه حجيتها ومشيت كدامه دخلت الغرفه عيسى كاعد باوعلي وكال ها بشري - باوعت ع الباب وهزيت راسي بـ لا غمني وهمس ثووله اكليها لعد حجاها وطلع واني صافنه شويه ودخل هو باوع ع الجهال وتقدم بأسهم من رأسهم وشال راسه باوعلي عيونه تحجي الشوق الي بداخله بس مايريد يتقرب خاف ارفضه وتروح كرامته اعرف كلش زين شنو يدور براسه درت وجهي عنه همس - فرشيلي بالكاع اذا اكو فراش باوعت عليه وهمست ماكو داعي الجربايه جبيره وهي كم ساعه واني اصلا مانام لحد ما اصلي نام انت حجيتها ودرت وجهي فرشت سجادتي و طلعت القرآن وبلشت اقرا جنت خايفه من باجر حيل شفته يحوس اخر شي نزع قميصه وضل بالفانيله من شفت قميصه اذكرت القميص العدي حاطته بزاويه وراه ع الجنطه يعني بس يرفع راسه يشوفه يبووووو ربي دخيلك لا تخلي يشوفه ويأخذ غير فكره وعباله احبه بعدين صدك اني شكو محتفضه ومطلعه حيل بيه اذا شافه اووو ضي ماحبه بس اريد وجوده لان ماعدي غيره ضليت خايفه كلساع اباوع له خاف يكوم ويشوفه اخر شي نمت ع السجاده مادري بروحي واني فاتحه القرآن فزيت واني اعدل نومتي خفت ع الطفل كعدت شفته شايل القميص رأسا رجعت نمت واغم بنفسي اهمداج اهمداج ضي إكليها حيل وياج اوف ياربي هسه عباله احبه خرب بعقلي الغبي شويه وحسيته كعد يمي همس ضي كاعده كعدي ضي راح يأذن فتحت عيوني كوه ماريد افتحهن بس يعرف نومي خفيف و راسا اكعد اذا اضل امثل يعرفني كاعده امثل فالأفضل اكعد كعدت وباوعت له بخوف وهو ع شفايفه ابتسامه همس - شيسموها هاي يا اميرتي ها كولي مشاعرج لا اضمين عني شي ووعد اتقبلها شنو ما جانت باوعت عليه برطمه لازم القميص مالته همست اجه بالغلط ويه هدومي ومن يعني البارحه من اتصل عمو بكر ضجت وخفت وبوكتها نمت وشفت حلم شفتك رايح ويه أسد و وكفت انت وياه اسولف وياه خفت يصير بيك شي من وراي لهذا طلعت قميصك وصرت احجي يعني هيج رفع حاجبه إلى بمكر وهمس بسس هزيت راسي رأسا اي والله بس - ممم راح اصدكج كومي لعد خل نتفق - نفس الاتفاق القديم وهم نفس الاسطوانه حجيتها ورفعت حاجبي باوعتي وهمس - ضييي ترا اني وفيت بتفاقي بس اخر ايام لان ماتحملت اني بشر والكل معصوم من الغلط هزيت راسي وهو كمل - ترجعين وياي ونعيش مثل ما تردين شنو ترديني اصير الج بس ديري بالج تكولي اخوي اركع راسج بالحيط والله - ههههه شبيك كلتها اني - لا بس ادري بيج تكوليها - لا ماكولها بس يعني راح اكولك شنو أريدك شوف اني تعودت عليك وع وجودك بحياتي صرت سند إلي يعني كاعد اتقبلك بس ماكاعد اكدر احبك لان كلبي مقفول - عوفي كلبج وعقلج واحد منهم أريده ع الاقل اي شي المهم احس ان اكو شي بداخلج إلي - عقلي عقلي كل يوم يفكر بيك بس ماكدر اسامحك افهمني خلينا أصدقاء لحد ما اكدر اتقبلك گزوج بس لا تطلب مني احبك ابتسم وهمس هذا كافي كافي عقلج يفكر بيه وخلي كلبج مقفول ونشوف تاليتها بس ديري بالج تحجيها كدامي مره الثانيه حجها وعيونه حمر دم عرفته ضاج وغار بس ما بين هذا الشي هزيت راسي جرني ع حضنه واني غمضت عيوني ارتاحيت شويه لان راح اكدر اعيش وياه وابني يتربه بين ابوه وأمه ويجوز اسامحه بمرور الايام سند ضهره ع الجربايه وهو مدد للنص واني ع صدره ردت اكوم ماخلاني همس حضن اصدقاء هههه مو غير شي ضحكت وضليت نايمه بحضنه غفيت ومادري بروحي فتحت عيوني الصبح وهو يتحرك باوعتله لكيته صافن عليه كعد وهمس صباح الخير رديت عليه وهو رجع باوعتلي وحجه - سولفيلي ليش سمنانه هيج صاير عدج كروش صغ ير كعدت عدل وعضيت شفتي من اني ادخل الرابع بطني تكبر تكوم من ليث وقمر هيج حته من حملت بيهم كل الي يشوفني يكلي توم بيج بس هو هذا طبعي رأسا اسمن كعدت عدل واني اباوع له - اكلك بس قبل هذا الشي توعدني ما تروح ع جدي وتخليهم هم يجيبو كدرو كدرو ماكدر طززز بي باوعتلي عاكد حاجبه كعد وجر جكاره دخنه وكال احجي خوفتيني - عوف الجكاره هسه انت شماكل من صباحيات الله - مالج دخل كملي شكو - دنكت وحطيت ايدي ع بطني رفعت راسي ودموعي بعيني همست لخاطره لا تروح لخاطر ابنك إلى ما جاي ع الدنيا لسه فتح عيونه مصدوم عدل كعدته وهمس شنو شنو شو عديد كلامج ابنيي شنوو هزيت راسي وكف يمسح ع لحيته باوعلي بغضب وهمس وهستوج كلتييييييي صالج ٤ أشهر ونصص وهستوج كلتيييي - اشهب شبيك جنت محتاجه افكرر ومارد ابني يتربه بعيد عن أهله افهم لو مهما يصير باوعلي بغضب وهو يفتر ويدخن باوع ع الجهال وكال امشي نطلع بره نججييي اَمشييي طلع هو وره ما لبس قميصه واني طلعت وراه كعد ع القنفهه بااصاله وهمس وهو صاك ع سنونه يعني لو ما الروحه ما جان حجيتي ست ضي موو - لا مو هيج افهمني - شفهم ضي شفهممم حامل ببابني صالج ٤ أشهر ونص راح ادخلين الخامس وما بقه شي وجايه تكوليلي هذا الكلام هسه لان شفتي راح اروح مو لسواد عيوني لا لأن خفتي ع جهالج وع نفسج منو الج اذا راح اشهب راح اضلين ضايعه موو - اشهب كااافي طوختها ترااا - هن كلمتين ضييي اني رايح وبيوم المحكمه ترجعين وياااي للبيت واياج تعترضين لا والله اسحلج من هلكفشه واخذج غصبا ماعليج لو اعرف بنفسي احبسج - اييي طبعااا مو جديده عليك الحبس استاذ اشهب متعود - اي متعود والله لان انتي ما تمشين اله بالعين الحمره ياا قاسية القلللب - مو قاااسيه بس ردت افكرر - ايي شوكت بعد ٢٠ سنه من يدخل ابني كليه يجي يكلي اني ابنك بابا موو ضربت كصتي وهمست انت شبيك شبيك اريد افهم ليش تأخذ الحجي بكيفككك - هااا يعني اني مخبل مووو - استغفر الله تدري رحم الله امرؤ عرف قدر نفسه حجيتها وردت امشي جان يجرني وعيونه دم ويخزر والله يمكن ردت أشاهد لان شفت الموت بعيونه خوف اول مره احس بي رجفت وباوعت له بخوف وهو همس - ابنج شفعلج لو ما هو جان طبقت عقابي الجديد عليج هييينه جيبي واطابقه تدللين حجاها ومشه للغرفه باوعت عيسى واكف يضحك - شكو تضحك انت الثاني بمكان ما تجي تفزع الاختك - والله تستاهلين من البدايه كتلج كوليله لان اشهب مبين مو من هذا النوع الي من راح يعرف ياخذج بحضنه ويبوس راسج بس ااخ من رأسج اليابس ام راس بصل - عيسسسى حجيتها واني مبرطمه باوعلي وهمس -عيسسى ام راس البصل اليابس حجاها وطب الغرفته يبدل علمود يروح يسوي الاجرائات كعدت بصاله مبرطمه ماعرف شبيه شويه وطلع اشهب وياه قمر مبدل لابس سترته باسها وكالها يومين وتجون يمي وهي تكمز ممصدكه باوعلي ولبس حذائه همست واني كاعده - راح تروح يعني - اييي لان مو اني الي مره تمشي كلمتها عليه - بس انت وعدتني حجيتها واني مبرطمه - واني حلفتج مضمين عليه شي ضيي اكليها مو دومج تطيني أمثال لعد اكليها إلى يزرع يحصد ست ضي حجاها وطلع وهو ضايج باوعت من الشباك مبرطمه طلع ليث باوعلي وكال شسوالج ماما - ما سوه شي حبيبي كعد وباوعلي وهمس -تدرين جنت مشتاقله عبالي اكرهه بس من شفته بالغرفه فرحت حييل ابتسمت واني اشوف ولدي اتعلقو بي درت وجهي ع الشباك ماهو مبين اخذ تكسي وراح طلع عيسى باوعلي وكال جهزي غراضج حته شوكت ما كالو يلا نروح هزيت راسي وكمت واني الدمعه بعيني ماردته يروح وكتله علمود ميروح وتالي راح جدي إلى قتل أسد اكيد راح يقتل اشهب وهو يكرهه يالله احفظه من مكروه يارب دخيلك احميلياه لميت كل غراضنا وحضرتهم شفت قميص اشهب ع الجربايه جريته هو وقميص أسد لفيتهم سوه كافي ضي لهنا وانسى الماضي خلي حبج الأسد بكلبج وعيشي لخاطر أطفالج إلي تعودو ع اشهب واني مرته حرام الي اسوي هيج قرتت من اليوم اخلي حبي الأسد مدفون بكلبي واعيش صفحه جديده ويه عائلتي ارجع الاربيل وابني عائله جديده لخاطر ابني إلى ماجاي ع الدنيا بس يرجع اشهب سالم مابي شي وهذا نذر خلصت لم كلشي حطيت القمصان بعلاكه وحطيته بالكنتور تركتهم من يجي عيسى اكله عوفهم عدك ماريد اضل افكر من اشوفهم اضل اذكر ذيج الايام صح السواه اشهب مو قليل بس الله اطانه نعمة النسيان حته نعيش لان بدون النسيان احنه نضيع وهذا نعمه محد راح يفهمها بس الي مجرب نعمتها بيومها جنت قلقه كلش ادك ع اشهب مغلق ادك ع عمو بكر ما يعطيني جواب ادك ع اسيل هم نفس حالتي ماتعرف شي خلص اليوم واحنه ما نعرف شي ثاني يوم جانت الرحله مالتنا قبلها بليل اخذني عيسى لدكتوره علمود اشوف وضعي وتسمحلي اسافر باوعتلي مبتسمه وهمست - ابنج بطل شوفي شلون حرك مايصدك شوكت يطلع ابتسمت وهمست الها ولد - اي ولد يتربه بعزكم ان شاءالله تسلمين كتبتلي ورقه تسمحلي اسافر بيها لان كالت وضعج انتي وياه تما م التمام اخذتهم ورجعت ويومها سافرنا الاربيل جنت خايفه كلشش قبل لا اركب الطياره وأغلق خطي اتصلت باشهب مغلق وعمر بكر مارد ضل بالي واخدت الطريق كله بالي يمهم خايفه يصير شي والله ماتحمل فاجعه ثانيه ياربي رحمتك مرت الساعات طويله جانت الرحله الصبح ما وصلنا لحد ما طلعت روحي من التعب اول ما نزلت ذبيت من راسي حسيت روحي طلعت الجهال بصفي خايفين يباوعولي طمنتهم مابيه شي اني جنت مطيه خبر الاسيل وخطيه دازه مصطفى للمطار سلمت عليه والجهال ركضو عليه وعيسى كمل الاجرائات وطلعنا من المطار رجعنا للبيت البيت مكلوب ومكتئب وحالهم حال لان اشهب تلفونه مغلق من البارحه ويتصلون برامي ماكو عمو بكر راح للمركز علمود ياخذ أرقام الشباب الي ويه رامي حته يتصل بواحد بيهم شويه ودخل ومبين ع شفايفه ابتسامه ركضت سلمت عليه ووهو اخذني بحضنه وهمس مابقه شي ان شاءالله كلشي راح ينحل ورجلج جاي وراح ياخذ ثار أسد ابتسمت واطمنت من سمعت هذا الكلام سئلت عمو شلون لكيتو مكانه وشلون صار كل هذا ضحك وكال عمي رجلج مو قليل هو الي لاكي مكانه شلون ماعرف ٢٤ ساعه هو يدور عليه هو ورامي حته القضاياه مالته تركهم واطاهن االاصدقائه واتفرغ لقضبه أسد وجدج وكل يوم متعارك ويه واحد هههه وبس ابتسمت ودنكت طلعت مو هين بس وياي صرت غبي وضوكتني المر الك بيها اراده ياربي عرفت لازمين جدي بس شنو بعد كر وفر وركضه من الشمال للجنوب طلعت أرواحهم وهم يركضون وراه بعدين أشهى مسويه كمين ماعرف شلون ولازمي طلع مو هين ابد هلا شهب اسيل : بعد سفر ضي هواي أشياء اتغيترت صار البيت كئيب وما بي روح الجهال كلمن بغرفته ضايجين اشهب لو طالع لو من يدخل البيت يدخل للمكتب مالته وحاله حال ابد ما يصعد فوك ومن يريد شي يكولي اصعد اجيبه جان من المكتب للمحكمه من المحكمه للمكتب وهكذا يخلص يومه حته اكثر من مره تعب واختنك لان عايش ع الجكاير تعارك وياه عمو علي ياله صار ياكل شويه بس بقه ع الجكاير ٢٤ ساعه باليوم بخلص باكيت ويمكن أكثر كلت راح يموت اخويه لا مجال جان مبين براسه شي دائما يصفن وعبالك دايخطط لاشي ومن نسئله يكول جنت اتمنه ضي حامل بأن هذا اخر امل ترجعلي مستحيل ترجعلي اذا مو حامل وعمو علي يكوله لا تكول هيج ضي خوش انسانه وراح تعرف انت سندها ومحد يفيدها وراح ترجع شكد ما أطول اصبر يا ابني جان دوم يصفن ومن يتصل بجهال يضل يضحك ويتغير حالته ١٨٠ درجه خاصه اذا ردت هي عليه بس كامت مترد وتطي للجهال هنا اشهب عصب وصار ع اقل شي يعصب البيت كله عرف اشهب صار يعشق ضي مو بس يحبها اشهب إلى جان قافل ع كلبه سنين ميحب بعد زهراء اليوم حب وعشق ومنو ضي ضي تستاهل بس اخويه عذبها هواي اتمنه الله يجمعهم سوه لان واحد يحتاج الثاني بيتنا صاير كئابه يوم نسولف ونضحك ويوم حزين وكئيب وأكثر أيامه هيج عمر ااااه يا عمر من آخر مره حاجيته من تلفون اشهب بعد ما حاجيته تركته براحته ما ضغطت عليه ابد التهيت اسوي أعمال فنيه بعد ما خلصت امتحانات واتفنن وحدي بكر عم ضي كل فتره يراسلني ويطيني طاقه اجابيه واذا انشر منشور وراد يعلق يجي بالخاص حته محد يشوفه و يضل يحشش لو يعلق عليه مايعجبه ويضل يقلد ويصنف واني اضحك ع تصرفاته جنت صدك اتعودت عليه واي شي يصير اخذ رأيه ٤ أشهر علاقتي بي زادت بس علاقه اخويه وصداقه هو جان يسولفلي ع حبيبته بس هسه بطل ومن افتح موضوعها يكولي سدي واني دوم احجيله ع عمر وهو ينصحني مرات يكولي عوفي البي مكفي ومرآت يسكت مرات يطيني أقوال ومرات يصنف حرت وياه وصرت ماعرفه شنو كل فترا شكل بيوم جنت كاعده اسوي كيك والجهال بصفي من الضوجه اندكت الباب وراح فراس فتحها اجه وهو يباوع لي همس عمه هذه نسوان باوعتلها مستغربه همست منو كال مادري كالو صيحلنا للأمك اوكف خل اطلع اشوف منو لبست حجابي وطلعت اشوفهم منو مديت راسي جانت مره لافه الحجاب ع نص شعرها وطالع من كدام ولابسه بنطرون عريض شويه وقميص واصل للورك باوعتلي مبتسمه وياها بنيه سافره تطلع بكبر ضي ابتسمت وهمست الهن تفضلن محتاجات شي كلت اذا ما فهمن احاجيهن كوردي بس جاوبن عربي - زاد فضلج حبيبتي امج هنا -اي - الحمدالله اجينا نحاجيها بموضوع اذا مصير زحمه - هاا اي تفضلي دخلتهم للاستقبال ورحت كولت الامي ضلت تخزر بيه غير تعرفيهم شيردن ياله اطببيهن ناس ما نعرفهم وووو ضلت تحجي والله لو ما مطببتهم جان رزلتني درت وجهي يوسف واكف باوعلي يضحك جان يكول عمه انتِ مكروده شنو ما اسوين لازم تترزلين واني اضحك عليج - أنجب لك مضحكة الخلفوك اني ابن الاوادم ولي منا رحت للمطبخ طلعت عصير ورحت قدمت الهن روزه جانت كاعده يم امي اشرتله تجي من طلعت من طبيت لحد ما طلعت هن اكلني اكل شبيهن هذني ياا اول ما طلعت اجت روزه وراي - منو هذول وشيردون - عمه هذوله يصيرون كرايب صديقتج طيبه من طبت كالت احنه من طرف صديقتها طيبه ومفهمت شنو يعني شافها وصارت بنفسه كالت ابني شاف محروستكم وصارت بنفسه وكال لو هي لو ما ازوج وحقه ع مي بنتكم جمال وأخلاق فتحت عيوني مصدووومه وهمست منو هذول روحي روحي هو اني جان ناقصني بعد شلت تلفوني و دكيت ع طيبه اول ماردت صحت ولج هذول منو الي دازتهم يخطبونييي - سم شبيج ابن خالة امي يداوم وياي ومن شافج تمشين وياي سئلني عليج كتله متفيدك لان تحب وهيج وهيج كال معليج اني اعرف شلون اجيبها والضاهر داز اهله - وشلون عرف بيتنااا - مو مره سئلني ودليته معبالي هيج يسوي -الله لا يطيج العافيه ياااا طيبه تدرين هسه امي مصدك خرب سديته من طيبه واني افور ماريد ازوج ماريد مرت نص ساعه وطلعوو طبت امي شاكه الحلم وتهلهل صحت يوووم شبيج - يمه يوم المبارك واشوفلج عروس ولج والله طك كلبي عليج - يووم ترا بعدني عمري كله بعده ما صار ٢٣ سنه شبيج بعدني ما عنست من اعنس ع كلبج عود شمريني من هسه زواج مازوجججج وواطيهم الرفض حجيت هيج وصعدت فوك حته الكيكه عفتها بالفرن دخلت ابجي واغم بحظي إلي ما نصف بيه ابد مرت يومين امي تلح أوافق واني رافضه مستحيل أوافق ضلت تحجي وكل ساعه مطلعه شي لحد ما مليت وصعدت فوك اتصلت بعمر وعيوني كلها دموع اني اخذت رقمه الجديد بس ماتوصلت بي ابد اول ما كال الو طاحن دموعي وهمست ارتاحييييت ارتاحيت هسه - شبيج ولج وكعتي كلبي شصاير - شصاير كول شنو الماصايرر من وراك اجو خطبوني وامي موافقه وناصبه حرب اله أوافق ارتاحيت هسه حجيتها وبجيت ارجع عمر ارجع حباب سمعت تنهيده همس - اسوو كتلج شوفي حياتج وتنسيني مافيدج والله خلص وافقي وتزوجي وحملي وصيري ام وراح تنسيني والله - هذا قرارك الاخير حجيتها وبصوتي بحه وحزن همس اي هزيت راسي وهمست ماشي - الله وياك بعد من اليوم راح اطلعك من كلبي سديته واني دموعي ع خدي تحتاجين اشكي همومي بس المن اشكيها مالكيت غير بكر دزيته رساله 💬 موجود 💬 اهلا اي موجود 💬 اجوني خطابه وامي تريدني أوافق 💬 وانتي 💬 اني هههه اني متت قبل شويه بكر عمر يكلي ازوجي وعيشي وراح تنسيني هيج بسهوله 💬 وانتي شكتيله 💬 كتله ماشي من اليوم راح اطلعك من كلبي وسديته 💬 عفيه عليج لا اضعفين ابددد شوفي هسه شنو راح اكولج اذا تردين توافقين بس علمود كلام عمر فديري بالج لا ت تبطين اله من تتأكدين انتي نسيتي عمر حته ما اضلمين احد ابددد اوك 💬 اي اكيد راح أرفض وراح اطلع عمر من كلبي 💬 عفيه عليج هيج صيري تردين اجي اخطبج ههههه 💬 لا بالله مو جنك طلعت رون سايد وع الترابي روح كمل نومتك باي سديته حسيت براحه شويه من حجيت وياه نزلت وكلت الأمي رفضي ووعد مني بس اشوف احد يناسبني أوافق بس هذا ممناسبني واني لحد الان ماناسيه عمر ماكدر اضلمه هي اتفهمت الوضع وافقت مرت الايام عادي مابيها شي جديد لحد ما بيوم دخل اشهب فرحان كال راح اسافر السويد اجيب ضي و هم مابقه شي والكل ياخذ جزاء اعماله من فرحته وكلماتهم عرفنا عرف مكان جد ضي ثاني يوم سافر هو وره يومين اجت ضي بس اشهب ماكو تلفونه مغلق وحالنا حال اندك ماكو ضل بالنا عليه لحد ما بكر كدر يحصل واحد من الي ويه رامي وعرف لازمي وجايين شفت خوف ضي ونضراتها من عرفت اشهب مابي شي وفرحها فرحت بكلبي وكتله الله يسعدهم بليل جنا كاعدين شفت ضي لازمه بطنها باوعتلها وهمست لج ضي سمنانه - ههههه اي مو راح يجيج ابن اخ جديد - عليج الله ولج حاااامل يمه ماصدك وينك يخوي تعال اسمع طلعت اركض فرحانه وكفت بنص الصاله يا عزا اني ما باركت الها رجعت للمطبخ حضنتها وباركتلها وهي تضحك عليه طلعت اصيح بنص البيت - يا أهل البيت تعالو اسمعووووو طلع عمو علي يخزر بيه ومصطفى لان بكر جوه وصوتي عالي بس ماهتميت لان فرحانه لاخويه امي طلعت تحجي والجهال اجو يركضون باوعتلها وصحت راح اصير عمه حجيتها وضحكت باوعولي صافنين وعمو علي باوعتلي مبتسم وباوع ع ضي إلى مدنكه ومبين خجلانه أتقدم أخذها بحضنه وباركلها وهي مدنكه مبين احساسها مختلط بين الفرح والخجل والحزن امي ضلت تهلهل ومصطفى فرحان الجهال تركص راح يجينا اخ واحنا ع هذا الحال جان يدخل اشهب باوعلناله هو عكد حاجبه وكال خير شبيكم وصارت عينه ع ضي خزرها ودار وجهه ضحكت عرفت اخوي متعارك وياها ولا يكعد راحه ضي : من عرفو بحملي كلها فرحت وباركتلي واحنه واكفين جان يجي صوته من وراي درت وجهي باوعتلي بخزره ودار وجهه اني هم ما اهتميت اله بس شفت ايده تنزف ضليت اباوع عليها انتبهت مو نفسها ايده إلي دائما ينضرب بيها ابتسمت هلمره حولو ع ايده الثانيه يا علي شافني اباوع ع ايده واضحك جان يخزرني بارع ع اسيل وكال جيبي كطن وتعقيم خل الف ايدي جانت من يم الأصابع مبين شكد ماضارب ومتعارك ايده نازفه باوعت وكال بعد يومين عن المحكمه حظرو روحكم حجتها وصعد فوك واسيل لحكته بالغراض مرت يومين لا اني حجيت وياه ولا هو صبحنا بيوم المحكمه ٢٠١٨/١٢/٨ هذا التاريخ وهذا اليوم ماراح انساه ابد جان شهر الثامن والكل كاعد من الصبح علمود المحكمه بدلت ونزلت طول هاليومين ما شفت جدي ولا رحت اله ماعدي ا لجرئه اوكف بوجهه او احجي وياه طلعت واني مبين عليه الدموع اول ما نزلت جان اشهب واكف بصاله باوعتلي رافع حاجبه أتقدم وهمس - ايااج ثم اياج ثم اياج اشوف دمعه من عينج اطيح فاهمه هزيت راسي وهو مشه ابد ما يحجي وياي لسه ضايج لان ضميت الحمل عنه طلعنا اني واشهب وعمو علي وعمو بكر وعيسى طلعنا لبغداد والطريق كله سكوت اول ما وصلنا نزل اشهب وكانما مصيطر باوعلي وكال لا تخافين كلشي جامعه وماكدر يطلع راسه من الادله إلى جامعه عليه جر الروب مالته لبسه واخذ جنطته ونزل يمشي كدامنا جلبت بيد عمو بكر إلى جان ضايج مثلي شفت بابا وامي هناك ركضت الهم ودموعي تنزل حضنتهم لان جنت محتاجه الأمانهم وحنانهم مثل قبل بابا كاعد ع كرسي متحرك وحالته حال وامي شكلها متغير هواي من شافو عيسى خطيه ضلو يبجون ويحضون بي وهو يبجي وياهم موقف خلاني ابجي ماتحملت امي كلساع جارته لحضنها وتبوس بي ضليت يمهم لحد ما بلش موعد الجلسه دخلنا واحس كلبي انقبض من شفتها كل مادخللها اذكر إلى صار وياي والايام إلى عشتهن باوعت ع جدي الواكف ومدنك الشخص الوحيد الي ماجنت متوقعته منه هذا العمل الشخص الوحيد الي جنت أوثق بي كعدت وبلش القاضي يحجي جدي طول الوكت جان مدنك ما رفع راسه ابد لحد ما بلش اشهب يحجي باوع ع جدي وصار يقدم الادله للقاضي هواي ادله جامعه ع شغله الجدي و غير الفيديو مال الاعتراف مال حمزه استدعو حمزه ورجع كرر كلامه نفسه وعمو احمد هم وأكرم هه ابتسمت شلون واحد يشهد ع الثاني صارو سبحان الله مرت الجلسه واشهب ما خله اي كلام الجدي جان مثل السيف إلى واكف ع راسه وينحر بي بس انتبهت ع نضرات جدي اكلته وهو يباوعله بحقد حاجاه القاضي وسئله اذا عده شي سكت جدي بس اكو شي ماعرفت شنو ليش سوه كل هذا معقوله بس لان أسد جان رافع قضيه عليه بس علمود هذا وكف الكل ينتضر قرار القاضي واني دموعي تنزل ماريد يكون حكمه قليل بس اشهب لعبها صح اشهب مو بس جريمة أسد قدمها قدم حته جريمة الياس وقدم شغله وتجاره بالبنات ووالاسلحه يعني بختصار جان حاسب كلشي جدي ساكت ماحجه شي والقاضي ضل يحجي لحد ما وصل لنهاية الحكم جلبت بالحجر واني اسمه الكلام صعب صعب من تشوف شخص قريب عليك هو الي اذاك وهسه من اح ياخذ جرائه مقهور عليه سمعت صوت القاضي وهو يحجي - وحسب الماده ٤٠٦ التي جائت معالجه لنص ماده ٤٠٥ من قانون العقوبات العراقيه حكم ع المتهم سلمان احمد بالإعدام شنقنا حتى الموت هناا حسيت نفسي راح اركع ويه صوت اعلان نهاية الحكم جلبت بأمي حيل واني اشوف عدالة رب العالمين ابتسمت بفخر بس كلبي مكسور وملجوم اتمنى يكون غير انسان حته كلبي يفرح باوعت ع اشهب واكف والفرحه مرسومه ع شفايفه بابا وعمو بكر مدنكين ومبين عليهم الكسر حقهم مو هينه ابد باوع جدي ع اشهب وهز راسه كأنما يتحلف بي خفت من نضراته هاي طلعت وراهم وصحت بس لحضه اكدر احاجي شويه حسيت الكل نصدم مني وكفو باوعت عليه وهمست شنو السبب ليشششششش مو اني حفيذتك كل هذا علمود الفلوس كل هذا علمود سمعه ومكان زايل دنك ورجع شال راسه باوعلي وهمس رجلج دوم جان يلعب بذيله وكل ما تنزم عليه شحنه جان يرفع قضيه عليه بس ميعرفني منو بس جان يتمنه يستلم قضيتي ويسجني هزيت راسي واني اباوع عليه بكره ورجع كمل كلامه - قتلته حته اضوك ابوه طعم الغدر والوجع فتحت عيوني مصدومه وهمست شقصدك شنو حته اضوك ابوه طعم الغدر والوجع شعليك بعمو علي - عمج عليييي اخذ مني كلشي جنت وياه بنفس الدراسه نفس المرحله جان دوم متغلب عليه والكل واكف وياه ويسنده لحد ما اجه اليوم الي كلت راح يتحقق حلمي وفتحو شركه اهليه لأول مره بالعراق وكلت راح أحقق حلمي بسسس سبقني ومثل كل مره فضلو عليههه - بس هذا مو سببببب حجيتها ودموعي تنزل هز راسه وكال - مو بس هيج هوو غدرني كال مجمع فلوسنا ونفتح شركه وثقت بي واطيته كل العديي وهو شسوه اخذ الفلوس وكال انباكن ضليت افتر مثل المخبل ماعدي شي اكله وعمامج صغار ماعدي فلس اوكلهممم شفتي الغدر - هزيت راسي وهمست مستحيل عمو علي يسوي هيج هو مو هيج انت كذاااب حجيتها واني الخنكه ببلعومي اجاني صوت عمو علي من وراي - ضي بنيتي صح اني اخذت منه الفلوس بس وحق ابني اسددد الشخص الي اطيته فلوسي وفلوس جدج ضحك عليه واخذهم وراح وحته انييي ضعتت واشتتت من وراه نزلت دموعي صافنه ع كمية الحقد إلي موجوده عد جدي باوعت عليه وهمست هذا مو سبب حته تقتله وتخرب حياتي يا جدي - لا سبب هو مثل ابوه جان يريد بس يدمر حياتي ويدمو شغلي البنيته سنين واني كلشي ولا شغليي هزيت راسي وهمست انت مريض ليش وافقت عليه إذا هيج تكرهم ليشش - معبالي هيج حقير مثل ابوه جنت اريد ابني مصلحتي عليه كلت يساعدني لان صرنا عائله وحده بس طلع نفس ابوه - يساعدك بالحرام هههههه جدي تستاهل كل الي صار وياك والي سويته هذا مرض لان الي هذا مو سبب مقنع حته تقتل أسد حجيت هيج ورجعت يم اهلي ضليت طول الطريق مال الرجعه اني ضايعه من بغداد الاربيل أخذته نوم وصفنات ودموعي تنزل فرحانه لان الكل اخذ عقابه بس احس بغصه ببلعومي لان الي سبب خراب حياتي هم أقرب ناسي حته السبب مالت جدي مو مقنع صدفه صارت بعد شنو كل هذا اتأكد جدي مو صاحي واحد مريض يوسوس اله الشيطان وبسهوله ينفذ مرت الايام واني معتكفه بغرفتي ماطلع لان مالي واهس باي شي كلها حاولت وياي بس ماعرف شبيه برغم من الكل اخذ عقابه بس مارتاحيت لان الغدر صعب وخاصه اذا ماكو سبب مقنع بكلامه هذا خبلني اكثر مرت الايام والشهر دخلت بشهر الثامن رجعت انزل جوه عادي ورجعت مثل قبل السوالف واضحك ويه اسيل اشهب ااه يا اشهب لحد الان ما يحجي وياي بس كدامهم وبس نتعارك ع اقل شي لحد ما بيوم جنت كاعده باوعت عليه هو كاعد وفاتح الحاسبه مالته يشتغل همست اشهب باوعلي وكال ها - شوكت تسامحني - من اسامحيني انتي - يعني وحده بوحده - بكيفج شتفهميها - اوك عفته براحته ضجت من كلامه بس اخر ماتحمل تصرفاته هاي من يومها ورجع اشهب يسولف ويضحك وياي مرات يتحارش واني اخزر بي اعتبرته صديقي المقرب وصدك من يومها صار الي الصديق القريب صح ماعتبرته حبيبي بس اعتبرت صديق وزوج لازم اعيش لخاطر ابني إلى ببطني وعلمود اتحمل كلشي واسد أسد راح يضل حبه مدفون بكلبي ومستحيل كلبي يدك لشخص غيره بيوم شهر ١٢ الدنيا بارده كلششش جنت داخله شهري فزيت احس بمغص قوي واني اعرف اذا اريد اجيب يكوم ضهري يوجعني ومغص وهسه ضهري ومغص كعدت اشهب النايم بصفي فز مخروع جر قميصه لبسه بالمكلوب وصاح هاها شبيج اخذج للمستشفى لو اصيح امي - اشهبب راح اموت شصخم بأمك اخذني للمستشفففى - اي اي اي هسه جنت لابسه تراك برموده صح بارده الدنيا بس ماعرف انام بشي ثخين ابدد باوعلي ضحك وكال بابا حبيبي بفضلك راح ابدل الأمك خزرته واني احس روحي تطلع وهو يضحك بس متوتر اني بيا حال وهو بيا حال بدلي ولبسني دشداشه بس من الألم حته ما خجلت منه ولا درت بال بس أريده يخلص وياخذني نزل وهو جان صايح الاسيل مطيه علم الام اشهب ركبني بسياره وأمه ركبت بصفي واخذني للمستشفى ودخلوني لصالة الولاده وهنا بدت معاناه جديده واني احس روحي راح تطلع كأنما سكرات الموت حته ماعرف شنو كمت احجي وهن يحجن فوك راسي بالكردي حته مافهمت شنو يحجن لان بالي مو يمهن هن دقايق شفت الموت بيهن حسيت بصوت صرخته إلى جرت الغرفه رج باوعتلها مبتسمه واني اشوفه يبجي بيد الدكتوره غمضت عيوني واني مبتسمه كعدت بغرفه نضيفه وأم اشهب نايمه يمي اتحركت بصعوبه شويه ودخل هو يضحك - شلون صرتي هزيت راسي الحمدالله - الحمدالله - وين ابني كعد وجر ايدي بالخدج هسه يجيبو ترضعي ابني سبع من هسه طالع عليج كلشي بي يشبهج - حبيبي شوكت يجي حجيتها وبرطمت ضحك وجرني بحضنه بأس راسي وهمس مبروك يوم إلى تحنين عليه وتجيبين اخته خزرته وهمست بصوت ناصي خاف تكعد امه ترا احنه أصدقاء - وازوج هم حجاها ورفع حاجبه انتي كلتي ضحكت ما يضيع عليه شي كرص خدي وهمس اشاقه وياج والله اهم شي عايشه وياي واشوفلج فرحانه ابتسم اله ورجعت راسي ع صدره بس كوه اتحرك شويه واندكت الباب عدل نومتي هو ودخل عمو علي ومصطفى باركولي وبين فرحانين كعدت ام اشهب و شويه ودخلت الممرضه بيدها ابني أخذه اشهب منها واجه كعد بصفي باوعلي وكال - شتسمي باوعتلها ساكته عيوني حايره اكوله لو لا اتمنه اسمي أسد بس خاف يضوج هو ابتسم وكال جيبي خل اذن باذنه حته ترضعي أخذه مني وصار يأذن باذنه خلص وهمس باذنه اسمك أسد اسمك أسد اسمك أسد حسيت جسمي كزبر باوعتلها مصدومه شلون قره أفكاري وعرف شلون حس باوعتلها مبتسمه وعيوني مدمعه هو ع وجهه ابتسامه حطه بحضني باوعتلها برغم بعده صغير بس مبين عمره شهر مو ساعات عيونه كبار وسود مثل عيوني خشمه صغير كلش وشفايف صغار عده خدود ابيض احمر غليه شعره ثخين عبالك صاله سنه من جاي ع هذا الشعر اسود يلمع أخذته بحضني وصرت ابوس بي واحضن بي رضعته بعد ما طلعو وضلت ام اشهب بس رجعنا للبيت والفرحه عامه ع الكل جانت احلا ايام حياتي بعد وفاة أسد اعيشها اجو اهلي شافوني امي وبابا وبيبي خطيه فرحانين الجهال كلها فرحانه وليث كلساع وجاي بايسه بس قمر تغار منه وبس تخزر بي اذكرت حلم أسد صدك كل ما اباوع عليه اشوف اسد بي مادري ليش يمكن لان نفس الاسم اشهب طاير فرح بي واول ما يطب للبيت يركض عليه عبالك هذا اول طفل عده تصرفاته وحبه الزايد اله خلاني اتعلق بي اكثر مرات اصفن عليه شلون يكعده بحضنه ويسولف وياه صار عمر أسد شهر ونص طلع الأربعين مالته وهو مدبدب واشهب متخبل عليه وبس يعضعض بخدوده واني دوم احجي عليه وهو ولا كأنما يسمع مني فد يوم جنت كاعده ارضع باسد وهو طب باوعلي اني رأسا جريت الشال حطته ع صدري هو اخذ ملابس وراح للحمام بدل واجه جنت منيمه أسد بكاروكه باوعلي وكال نام - لا شتشوف يعني - هههههه غير اسئلج عبالي مدد باوعتله صفح وهو يضحك كمت مشطت شعري لان مبلل جنت هستوني طالعه من الحمام كعدت امشط بي حسيت ع ايده لزمت ايدي من وره باوعتله مستغربه اخذ المشط مني وهمس - لا تكصين شعرج بعد اذا كصيتي اكص راسج وراه - لا بالله شعري واني حره حجيتها وجريت المشط امشط واباوعلها بالمرايه يباوع لي صفح أتقدم وجرني من خصري صار وراي ضهري لامس صدره وأيده ع خصري همس باذني - انتي حره بامري اني ملكي واني الإقرر مو انتي باوعت بعيونه بالمرايه وهمست بس يضوجني ما متعوده ومو حلو - لا حلو مالج دخل سمعي الكلام كلت خلي تخلي لا تعاندين بنيتي هزيت راسي واني مبتسمه حسيت بشفايفه ع ركبتي غمضت عيوني واني اقنع بروحي خلص لازم اكون زوجه اله هذه نسة الحياة دار وجهي عليه يريد يشوف رد فعلي جنت مغمض عيوني همس وهو اديه ع خصري - فتحي عيونج ضيي باوعيلي فتحت عيوني كوه وع كيف باوعت عليه عيونه كوه فاتحه ويباوعلي همس وهو يلعب بشعري ماريد اجبرج هلمره اريد برضاج - سكتت ماعرف شجاوب بس هزيت راسي بدون مااحجي اي كلمه ماحس غير شمرني ع الجربايه وصار فوكي ومن لحضه قررت اعيش گزوجه مو شرط گحبيبه لااا بس گزوجه وگصديقه لان مراح الكه شخص يحبني مثله ومثل كل مره بأس راسي بعد ما وخر وتمدد بصفي جرني ع حضنه وضل يلعب بشعري واني ساكته وهو يحجي مواضيع عاديه باوعتلها وهمست اشهب - مممم - اريد ارجع المحاماه يعني كعدت البيت ضوجتني والله اريد ارجع محاميه مثل قبل كعدة البيت اضوج باوعتلي عاكد حاجبه وهمس - وابنج - شبي يضل هنا هن كم ساعه افتح مكتب بي ويم مكتبك حباااب - الله كريم - برطمت ودرت وجهي عنه ضحك وجرني وهو يحجي لج لا تبر طمين تدللين تدلل كم ضي عدي باوعتله مبتسمه وهو ثاني يوم بلش مشه بمعاملتي ولاني اتعينت سنتين بالمحكمه كدرت ارجع وكال هل الفترا ادورلج مكتب عود فرحت كلش ممصدكه وره يومين من هذا اليوم وتاريخ ٢٠١٩ /٢/٢٠ هذا التاريخ ماراح انساه طول عمري جنا كاعدين كلنا بالحديقة كاعد يحضرون للشوي واسد بحضني والجهال يلعبون ومصطفى لازم العود مالته كاعد يعزف يطلع مهاراته علينا اندكت الباب كام اشهب فتحها واحنه صافنين دخل للبيت وطلع الستره مالته بيده باوع ع مصطفى وعمو علي واشر الهم راحوله ماعرف شحجه وياهم وطلعو كلهم لبره الحديقه صايره هيج مسافه عن باب الشارع اطيت أسد الاسيل وكمت اشوف شكو صعدت ع الطرمه كمت امشي ع الكاشي وصلني صوت اشهب يصيح - داكلك كذاااب ماعدي شي ويااه استغفر الله العظيم يأبه خلاف صار وهذهو جان يحجي بعصبيه كلش دخل مصطفى يركض من شافني صاح جيبي دوه اشهب بساع ضغطه صعد لطمت ع خدي وصعدت فوك ركض جبت دواه واجيت اطيته االمصطفى واني واكفه خايفه ماعرف شصار بعد ما سمعت شويه شويه ودخل عمو علي و مصطفى باوعتلهم وهمست وين اشهب مصطفى : هذا ابن الكلب ابن ال**** مشتكي عليه ع ابو أهان القضاء ومن هلحجي كله من وره سلمان العار - شنوو اهانتيشش فهموني ابو أسد : بويه تعاي تعاي كعدي من جنتي بسويد اشهب رايح يدور ادله عن جدج وهناك اكو قاضي ما مخلي اشهب عرفه هذا من طرف جدج بس ماكو دليل عليه عافه بس ذاك ما راضي يعوف اشهب وضل يحتك بي لحد ما الخبل اشهب حاجي حجي مو حلو عليه ونازل عليه وهسه هذا القاضي مشتكي عليه لان تعتبر اهانه للقضاء لطمت ع خدي وباوعت لهم شنو شنوو عمو تعرف هذا شنو يعني راح ينسجن اقل شييي ٣ سنوات اذا صدكككك يالله يعني اشهب عاف الكل وراح هان وحاجي وغالط ع قاااضي خرب ضليت احوس ما عرف شسوي ما صدك ثاني يوم صار وهم محولي للمحكمه رأسا لبست ملابسي واخذني مصطفى ورحت اول ما دخلت حاولت احجي ويه القاضي ما قبل ضليت انتضر ومكدر ادخل لحد ما كالتلهم اني محاميه وأريد ادخل بطلاع الروح ياله خلوني ادخل دخلت جان اشهب واكف و القاضي إلى مشتكي عليه واكف مبتسم باوعت عليه وهمست حضرت القاضي اعتقد صاير سوء فهم لان اشهب جان بحالة عصبيه ومو قصده ان يهين القضاه ولا يعصب عليه - رجائا لا تتدخلين ست ضي وطلعي منها صفنت هذا منين عرف اسمي ضليت صافنه اشهب ما سكت وهذا القاضي مبين دافعيله لان هستوه ياله اذكر اشهب نتعارك وياه صارت كلمه من اشهب وكلمه من القاضي صاح القاضي وهو يباوع عليه انت اعرف شلون اخليك تتأدب زين باوع عليه ورجع باوع ع المساعد إلى كاعد بصفه وهمس اكتب ضليت واكفه صافنه حسيت بصدمه مو طبيعطه واني اسمع كلام القاضي وهو يحكم عليه ٣ سنوات سجن لان أهان قاضي كدام العالم باوعت ع اشهب وعيوني تحجي شوف عصبيتك وين وصلتنا يا اشهب شهل الظلم هذاااا ميصير هيج ضليت احجي ويه القاضي بس ماكو فايده جان معاند باوعلي وكال حمد ربج ٣ سنوات بس لان الكلام الكاله مو قليل حجه هيج وطلع واشهب واكفه عصبي يباوع لي وعيونه حمر عرفت هذه لعبه من جدي حته ينتقم من اشهب ويا خوفي يقتلو وهو بسجن مشيت باوعتلها وهمست شوف عصبيتك وين وصلتنااا - مو عصبيتي هاي حوبتج سجنتج ظلم وهسه الله شربني من نفس الكأس وراح يسجني ظلم بس لان ردت اكشف الحقيقه نزلت دموعي وهزيت راسي لا تكول هيج الله موجود اخذو وطلعت دموعي تنزل ماعرف شل ون صار كل هذا بين يوم وليله تنكلب كل حياتنا اتلكاني مصطفى يحجي ها ولج بشري باوعتلها ودموعي تنزل همست واني اهز براسي القاضي مدفوع ومبين من طرف جدي وكلام اشهب صح حكم عليه ٣ سنوات بتهمه ظلم يعني حته وان كان حاجي عليه بس هو بحالة عصبيه واكيد هو الي استفزه - متكدرين اسوين شي هزيت راسي وهمست القاضي مبين عده سلطه وواسطه جبيره خلاه يسجن اشهب بسهوله ويألفون عليه هذا الافتراء رجعنا للبيت واني مصدومه خنست بغرفتي ابجيي ليش هيج من كلت واخيرا ضحكت الدنيا إلي انكلب كلشي مرت الايام واني أزور اشهب وكل ما ارجع من عده اسكن غرفتي واشبع بجي ماتركته ابد وكل ما اكدر اروح ازوره ياخذني مصطفى واخذ أسد وياي ومرات اخذ واحد من الجهال وياي وهو حالته حال تعبان وكل ميشوفني يبتسم ويكلي حوبتج هاي انتضريني هن ٣ سنوات غمض فتح واطلع واعيشج بجنه والله وكل ماسمع كلامه اشبع بجي وطول وكت الزياره أسد بحضنه هاي غير الفلوس الي يدفعهم مصطفى علمود انزوره بين فترا وفترا وحلفت اله أفضح هذا القاضي واخليه يضوك إلى ضاكه أسد وافضحه هو واحد مدفوع ويمشي برشاوي جانت اتعس سنه مرت عليه بعد وفاة أسد بعد ما كلت وأخير راح اعيش بسعاده صار الي صار مرت الايام والاشهر واشهب بسجن ام اشهب حالها حال ع ابنها وعمو علي هم خطيه بس مصطفى يحجي عليهم ويكلهم حمدو ربكم هاي ولا غيرهم هم مالكو اي شي ع اشهب علمود ينتقمون منه وشافو هذا واستغلوها هم ٣ سنوات وتخلص وتعدي اكعدو ادعوله جنت افكر بنفس كلام مصطفى وصدك حسيت هذا عدالة رب العالمين اشهب عذبني هواي والله عذبه الله سبحانه وتعالى عاقب الكل حته اشهب كل شخص كان بيوم سبب دمعه مني استجاب دعائي من جنت ادعي عليه صدك الله يستجاب ولو بعد حين بس اشهب عرف غلطه واتندم وجنت بنسبه اله هذا اكبر عقاب بس بعد عدالة رب العالمين خلصت سنه من محكومية اشهب وجنت دوم اروح اله اخذت مكانه وصرت اشتغل بالمكتب مالته وهو من يشوفني يضحك أسد كبر وصار عمر سنه وشهرين ومندنفش واشهب من يشوفه بسجن يتخبل ويضل يعضعض بي ممصدك جانت هذا ٢٠٢٠ جنت ادور ع ادله ضد القاضي حته اسجنه واطلع اشهب بس ما الكه الادله إلى تكفى فضيحته واشهب يكولي عوفيني اعيش إلى عشتي بسببي - اش شهل الحجي لا تكول هيج راح اطلعك ماخليك انت مكانك بين جهالك وأهلك وياي اي ابتسمت وأخذت أسد وطلعت منه رجعت للبيت ويومها اجه عمو بكر هو وأمي وبابا وبيبي عيسى رجع السويد من زمان انصدمت من شفتهم رحبت بيهم و دخلتهم صحت العمر على وأم اشهب ورحت سويت عصير ورجعت كعدت يم امي اشرتله شكو - عمج جاي يخطب حماتج - اسيل يمه فدووووه حجيتها واني اضحك اول مره افرح من سجن اشهب لحد الان البيت كئيب وحاله حال - اششش ولج كومي صيحيلها خل تجي خل بيبيتج اشوفها - من عيوني طلعت اركض فرحانه الها ما مصدكه واخيرا راح ترتاح هي وعمو بكر ثنينهم اتعذبو عمو بكر حبيبته أهلها ما قبلو يطوها وهو آيس وكال بعد ماريدها وهذا الحجي صاله سنتين صعدت الاسيل اكولها جان الكاها تاكل بصافيرها وتبجي اسيل : مرت الايام واحنى حياتنا تخبل وخاصه بعد ما اجه اسودي مله البيت جهال وصار بي روحه بجيه جاهل علاقتي بعمر انكطعت نهائيا وحاولت انساه وزادت علاقتي ببكر وضليت دائما اسولف وياه وأقل شي اروح اله ماعد غيره وبيوم بسنة ٢٠١٩ السنه المشؤومه بنسبه النا اجانا خبر سجن اشهب بتهمه لا ع البال ولا الخاطر وبين ويوم وليله وهو اهانته للقضاء شلون هيج ماندري وصارت اتعس سنه البيت اتكئب ومابي اي حياة ضي كل ماتروح زياره اله وترجع تبجي واضل يوم كامل هي بس تبجي هذا المظلوم بالعراق دوم ياكلونه اكل ومرت سنه واحنه هذه حالنا عايشين بس مانعرف طهم الفرح شنو وبسنه ٢٠٢٠ إلى اجت واجت العجائب وياها وصار الشي الي ما جنت متوقعته شي خلاني ارجف ولأول مره بعد عمر كلبي يكوم يدك بسرعه نفس احساسي من اجه عمر خطبني اليوم عشته من عرفت بكر يريدني ويريد يخطبني بقيت مصدومه القدر جمعني بعمر وبكر بس كان نصيبي بكر بدلت ملابسي ونزلت ولأول مره من دخول اشهب السجن شفنا الفرح بوكتها جنت خايفه ضليت كاعده بغرفتي ابجي خايفه من الماضي مالتي من اجت ضي وشافتني هيج ضلت تحجي وتهدي بيه عدلت مكياجي وعدلت حجابي ونزلت ضلت تباوعلي وتكلي ها ولج عدج علم اضاهر سكتت خجلانه وهو صدك عدي علم صح طول الفترا إلى جنت احجي بيها ويه بكر ما اجرء وحجه وياي شي مو حلو بس كلش اتعودت عليه واليوم الي ماراسله احس بخنكه وضوجه مو طبيعيه والبارحه راسلني كال باجر جايب اهلي وجاي من سئلته ليش كال علمود اخذ مره منكم وضحك بس هذا مالها وعافني بعد ماحجه شي عرفته جان يقصدني وضليت الليل كله ما نايمه وطايره من الفرح ساعه اضحك وساعه اضوج خايفه يكون عمر بعد بكلبي واضلم بكر وساعه اكول لا عمر طلع من كلبي صاله سنه وشويه واني تعودت ع بكر . سلمت كلشي بيد الله ودخلت كعدت يم امي واني اعصر بديه خجلانه. ام بكر ضلت تباوعلي تضحك وتكول جنج كمر ومرت اخ و ام ضي هم طلعت من يمهن خجلانه واتفقو العقد والنيشان هسه والعرس بعد سنتين من يطلع اشهب من السجن لان اخوي الجبير واني اخته ومن حقه هذا الشي فرحت وبجيت بنفس الوكت جنت خايفه من الخطوه هاي بس كلت عدي هووواي مجال للعرس اذا مكدرت واذا شفت نفسي ماكدر اكمل انسحب وعرفت بكر حط هذا المهله علمودي علمود اتعود واحبه دوم يفكر بيه وره يومين رحنا عقدنا ورجعت واني ابتسم بيومها اجتني رساله 💬 الف مبروك فرحتلج هووواي لان تستاهلين بكر وبكر يستاهلج يوم إلى اسمع بيج صرتي ام عرفته هو عمر كلبي ما رف عليه مثل كل مره اشوف رسالته بس بجيت بجيت من كل كلبي عليه لان خسرت انسان يحبني لهكد ماراد يخليني اعيش معاناة وعافني لغيره في سبيل سعادتي هيج أسنان قليل بمجتمعنا سولفت البكر كلشي لان مامتعوده اضم عليه شي وهو هم كال عوفي حقه إلى صار وضل يحجي وياي وبده يجرء ويتغزل بيه شويه شويه واني اموت خجل وعرفت من هلال الرساله اني نسيت عمر وراح يضل ذكره حلوه بحياتي مستحيل انساه بس راح ابدي حياة جديده ويه بكر الشخص الي حسيته اب وأخ قبل لا احسه حبيب وزوج ضي : بيومها كعدت ع اتصال بعد خطبت اسيل وعمو بكر وخطيه جان عمو بكر حيل خايف ميقبلون من وره جدي بس كلها فرحت لان عمو بكر ذهب مايتعوض حته اشهب من سولفتله فرح وكال مالكه احسن من بكر وعمو بكر جان مبين كلششش يعشق اسيل كعدت ع اتصال عمو بكر - ضي - ها عمو خير - ابوي مات بسجن قبل لا يعدمو - ابتسمت وهمست الله يغفراله ويرحمه إلى سواه مو قليل بيه الأول كتله والثاني سجنه شيريد يسوي بعد أكثر من هذا سديته من عمو بكر ورحت الاشهب فرح من سمع الخبر وكال مابقه شي سنه ونص اتحملي - اشهب عسما ٣٠ سنه مو ٣ سنوات اتحمل واصبر تطلع لا يضل بالك - اروح فدوه احبججججج - ابتسمت واني اباوع عليه اريد اكوله اني هم بس ماكدر اكذب بمشاعري طلعت منه وراها بفترا عرفت حنان مسويه حادث وكاصين رجلها اليمني وضاله تك رجل انقهرت عليها وبنفس الوكت كلت سبحان الله يا اللهي حته هاي عاقبته ساره ساره مامعروف الها خبر لا هي ولا اخوها أكرم وعمو احمد وحمزه بسجن ورامي ممقصر وياهم ابد كل يوم يجلدهم جلده من هاي الزينه يشوفون الموت بيها واني اني ضليت بين ٧ جهال وبين اشهب وبين المكتب كل ما اشوف ابني أسد اشوف أسد بي احسه يشبهه ببعض التصرفات ووعدت اله اخلي يشبهه أسد بكل شي روزه صارت اصيحلي ماما هي وفراس هم يصحلي ماما ضي بس إبراهيم ويوسف ضلو ع خاله احساس حلو من اشوف هذا الشي العداله تحققت والكل اخذ جزاء اعماله حته اشهب إلى ما فد يوم اصورت راح يتعاقب يمكن هذا دعائي من جنت محرومه من أطفالي وجنت ادعي عليه الله استجاب دعائي كل فتره اخذ وياي واحد من الجهال واروح اله بس اخر فترا ما صرت أخذهم لان اخاف عليهم من هذا المرض وخايفه عليه هو بسجن مانعرف شنو اكو هناك بس خطيه رامي ماقصر وياه ابد ولا عمو بكر وحته عمر كل فترا واحد يجي يزوره ويشوف شيمحتاج وهسه اني كاعد اخذ دروس من اشهب حته اكشف هذا القاضي صح ضلت بس سنه ونص بس هم هواي لهنا وتنتهي قصتي العداله تحققت ولليوم هذا اني ضاله اطلع ادله عنه هذا القاضي حته افضحه وان شاءالله اكدر حته اكدر اطلع اشهب من السجن لان سنه ونص بعد هوواي الله سبحانه ماتركني وحقق العداله وانتقملي من الكل جنت مأكول غير حسبي الله ونعم الوكيل والله اخذ حقي منهم كلهم كلبي لحد الان مقفول ع أسد ومااكدر اخلي يدك الواحد ثاني بس كل جزء بيه هو ملك الاشهب لان هو زوجي والحي أولى من الميت بس ماراح انسه أسد وكلبي ماراح يدك الغيره ابد اتمنه تدعون اكدر اطلع الادله الضاله ع هذا القاضي واطلع اشهب من السجن دعوة الغريب مستجابه ،،،، وللحكاية نهاية ،،،،،، """لهنا وخلصت قصة برائتي وجبروتك اتمنه عرفتو المغزى من القصه وكتبتها لمغزا واحد وهي شكد ما طول الظلم ومهما كان الظالم الله راح ياخذ حقك من الكل اشهب برغم من جان مجبور وسوه كل هذا لخاطر صديقه وجان يصدك الخدع والكذب إلى جانت متهمه الضي بس هذا ما يعني هو ظلم انسانه وأسرع والله اخذ حق ضي من الكل واشهب اتعاقب ع كل دمعه نزلت من ضي خلاه يضوك إلى ضاكته ضي بسجن وفراق الضنه أصعب فراق واشهب فرق بين ام واطفاله والله عاقبه بنهايه بنضري النهايه جانت عادله كلش وانشاءالله الله يفرج أسر اشهب لخاطر أطفاله لان لا واحد ولا ثنين هم ٧ والدنيا ماترحم وهو اخذ عقابه سنه ونص سجن كافي حته يعرف حجم غلطه بنسبه الاسيل هي خطيبة بكر حاليا وبس يطلع اشهب يتم زواجهم كلش حبيت هذا القصه لان هواي اشوف قصص البطل يكون معذب البطله وبنهاية تحبه وكانما لا شيء حدث ويعيشون عيشه سعيده اما قصتي هاي لا اضهرت الحق والعدالة ان منو ما جان لازم ياخذ عقابه واشهب هو البطل بس اخذ عقابه جنت اكدر اغير بقصه واكوللكم طلع من السجن وعاش حياته بس تركتها كما هي حته تدعون اله الله يفرج اسره ان شاءالله ويرجع العائلته والضي بنسبه القصه الجديده راح ا نشر هسه منها مشاهدات من تخلصون قرائة البارت روحو شوفوها واطوني رايكم بيها كلش حلوه ومشوقه هم اسمها ( مياسين رائد ) من هسه إلى تريد تحجز البطل خل تطيني اسمها واحجزه اول وحده تدخلي خاص يتم حجزه الها هههههههه لان اول مره راح اكتب هيج شخصيه شخصيه متناقضه حته اكثر من اشهب بس رومنسي 😜 قرائه ممتعه أحبتي واعتذر ع التأخير #نور الشمري #نوشه | ||||||||
|
| |
|
13-09-20, 07:33 PM
| #55 | ||||
| نجم روايتي وفراشة الروايات المنقولة 
| عاشت ايدك حلوه وكلها دروس ووعظ لازم الانسان يتمسك بحبل النجاه الوحيد وهو الله سبحانه وتعالى هو المنتقم الجبار ولو بعد حين هاى واقع المجتمع لما يكون الواقع مصخم بالظلم وعدم مخافه الله والانفلات من العداله ولا عدل ولا حكومه تمسك الشعب وتصلح الفساد لانها تكون هي حكومه فاسده بالاصل اتمني الخير والاصلاح لشعب العراقيالجريح تقبلي مروره تسلم احلا كاتبه واحلا ناقله ورده فيتامين سي | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
.png)
العرض العادي
