آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-06-20, 12:09 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  برائتي وجبروتك ،للكاتبة/ نور الشمري " عراقية" (مكتملة)
التعديل الأخير تم بواسطة فيتامين سي ; 03-08-20 الساعة 02:47 AM | |||||||||||||||||
|  |
|
20-06-20, 12:10 AM
| #2 | ||||||||
| مراقبة عامة ومشرفة منتدى الروايات المنقولة
|  قصه حقيقية 100٪. ..... باللهجه العراقية بين يوم وليله استيقضت على ذالك الكابوس الذي غير حياتي.... خسرت به أعز الناس الى قلبي....حبيبي قبل أن يصبح زوجي عشيقي قبل أن يصبح اب أولادي.... لأصبح انا قاتلته وانا بريئه كيف لا أعلم.... لاسكن السجون ويصبح قضبان السجون هي صديقتي...... لتصبح جدران السجون هي جدران بيتي....والسجينات هن عائلتي اترك أولادي ولا أعلم مكانهم أين.... كل هذا ولقب مجرمه يلاحقني..... كل هذا لأصبح انا قاتلة زوجي كيف ومتى لا أدري.... خرجت من تلك الجدران الملطخه بسواد... خرجت من خلف القضبان الحديدي ... واني فتاة مختلفه أنثى قويه... اصارع مجتمع ظالم... خرجت وانا اعاهد نفسي بأن لا اترك أطفالي بين يديك أيها الظالم... الذي فرقني عن أولادي... خرجت واني اعاهد نفسي بأن انتقم منك... ومن الذي فرقني عن زوجي وفرقني عنه... فشخصيتي الجديده بنيت بين جدران السجون... لتتحداك يا أدام انت وكل من يتجرء إلى الاقتراب من أحبتي.... اخذتو حبيبي والان انت تفرقني عن أطفالي ... بأي حق ومن سمح لك بذالك يا آدم....جبروتك هذا نهايته ع يدي انا البريئه من تهمت القتل.... فتذكر جيدا انا أنثى سكنت السجون... ومن بين تلك السجون سجنك انت... سكنت سجنك من أجل أطفالي... لكن نهايتك قريبه برائتي هي من ستقتل جبروتك..... القصه حقيقيه ١٠٠٪ بقلمي #نور الشمري #نوشه التعديل الأخير تم بواسطة فيتامين سي ; 03-08-20 الساعة 02:49 AM | ||||||||
|
| |
|
22-06-20, 11:54 PM
| #3 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري Noor336 #مشاهد - اباوع ع الكل واني واكفه بركن وقفص الاتهام مادايري القاضي كدامي كاعد يحجي و اني انتضر حكمي شوكت يعلون عنه وبراسي الف فكره وفكره والف شغله وشغله ابني بتي القاتل الحقيقي والتهمه إلى عليه كل هذا واني صافنه بالفراغ حسيت بدوخه ماماكله شي من البارحه كمشت بلمحجر إلى كدامي واني أقوى نفسي ماما طمنتي راح اطلع وبابا هم ميتركني وحدي متأكده هو وعدني راح يطلعني منا بأسرع وقت درت وجهي وصارت عيني بعينه كاعد و ع وجهه علامات البرود والجبروت عيونه تشدح نار ولابس روب المحاماه اول مره اشوفه هيج صح مجنت التقي بي هواي بس جان أسد دائما يحجي عنه وعن بروده بس مصورت لهدرجه هاي ماعرفت شنو مصيري واني اشوف كل الي بلقاعه عيونهم مليانه اتهام إلي ليش محد يصدكني ليش بده القاضي يحجي وهو يعلن عن قرار الحكم واني مثل الضايعه غمضت عيوني واني اتمنه يكون حكمي إعدام ع الاقل التحق بـ أسد هواي أملي من هذه الدنيا وينك يا أسد وينك تعال شوف حالي شنو صار بي من بعدك تعال شوف شنو صار بيه و باطفالنا إلى ماعرف أراضيهم وين ما وين تركو كل التهم وتهموني بقتلك !!!!!!! سمعت صوت القاضي وهو يعلن الحكم لكن وقفه صوت المحامي مالتي وهو يوكف جان طول الوقت يباوع ع ساعته لحد ما وكف وصاح - لحظه حضرة القاضي اسف ع اقطاعك بس لازم تشوف هذه الفيديو استأذن حته يطلع تحت أنظار الكل وطلع دقائق. رجع بيده ضرف دخل وقدمه للقاضي - سيادت القاضي اعتقد ان هذا الفيديو يثبت نص برائت موكلتي ضي موسى أخذه القاضي واني صافنه يعني شنو راح اطلع باوعت ع امي جانت تباوعلي وتضحك وعيونها بيها نظرات اطمئنان باوعت ع القاضي إلى بده يفتح الضرف وباوعت عليه جان كاعد وكف وهو يتقدم وحجه بكل برود -اعترض سيادة القاضي لكن هناك سؤال اريد ان اطرحه ع المحامي زيد إذا الفيديو يثبت نص برائت موكلتك ليش هسه ياله ظهر وتحديدا بهذا الوقت - سيدي القاضي الفيديو طلع من كاميرات المراقبه إلى كدام بيت موكلتي و تعرف الناس شكد تخاف من أبسط الأمور مو بعد جريمة قتل وحصلت الفيديو بصعوبه ومو بس هذا الشي سياده القاضي لازم نجيب ابن موكلتي ليشهد ع تلك الليله القاضي : كم عمر الطفل أيها المحامي وانت تريد أن يشهد زيد : ٨ سنوات سيدي وأعتقد أن هذا العمر كافي لكي يفهم الطفل كل شي حدث - اعترض سيدي طفل بـ ٨ سنوات من عمره كيف له أن يشهد ع جريمة قتل يا حضرة المحامي زيد القاضي : كفى هدوء شغلو الفيديو ولاحقا نرى شهاده الطفل زيد : لكن هناك مشكله سيدي الأطفال من يوم الحادث ومحد يعرف مكانهم جان جدال حاد بينه وبين المحامي مالتي والقاضي صافن عليهم وهو جان مبين يحجي بكل حركة دم وهو يدافع عن قضيته مو علمود يربح لا علمود يكشف الحقيقه بس اللاسف هو مايعرف الحقيقه زين هو دايسوي كل هذا لخاطر أسد بس اللاسف مايعرف هو كاعد يضلمني إلى هو كل عقله اني المجرمه وهو سبب وجودي هنا وهو استلم قضيته حته بس ياخذ ثار أسد من جابو طاري الأطفال ركزت بلكلام واني اريد احد يكول مكانهم حته اطمن - الأطفال عدي حضرة القاضي مثل متعرف المرحوم جان أقرب أصدقائي واخوي وهو..... _ مشهد 2 _ - اريد أطفالي مالك اي حق تحرمني من عدهم مالك اي حق تمنعني اشوفهم أو أخذهم - لا والله هه ضحكتيني كلش يا بريئه هه كالها بستهزاء آخر كلمه وهو يباوعلي بكل حقد وغل وملامح متروسه برود وجبروت رافع راسه وكأنما هو الأمير وليم بزمانه استفزني أكثر متحملت اتقدمت وهمست - اكدر ارفع قضيه عليك لأن ماعندك اي حضانه بحقهم لأنك شخص غريب ومالك اي صلاحيه بتربيتهم - ههههاي لالا صدك تحجين لعد وين ترديهم يتربون لا بس عدج؟ ههه روحي حبابه روحي لأن لو تنطبق السما ع الارض ما تاخذين ألحضانه واثنينه نعرف ليش ياا بريئه - ولا انت تاخذهااا جدهم عايش وآله الحق بتربيتهم وهو ميمنعي منهم ومن شوفتهم منثلك فااااهم ياضالم - إلي ونصصص فاهمه وهسه ولي عني حجاها وهو صاك ع سنونه واطاني ضهره ومشه وعيوني غرغرت بدموع _مشهد 3 _ - ماما - ها حبيبي شنو - ماما اخذينا منا والله ماتحمل ليش عافنا بابا ها ليش عافنا هنا عد هذا المجرم الما يرحم يضربني وذاكليوم راد يضرب قمر وحش - لا تخاف حبيبي جدو وبيبي راح يطلعونا منا ومايخلوك تبقه هنا انت اصبر نسيت بابا شنو جان يكولك ها هز راسه بأي وهو عيونه مليانه دموع بس يكابر دخلت قمر وهي تباوع علينا بعصبيه دفعت ليث وكالت بصوتها الطفولي -وخر هذه حظن مالتي ضحك ليث واني ضحكت جريتهم ثنينهم ع حظني واني اطمنهم واحجي الهم قصص مثل قبل غفو وهم نايمين ع ايدي ماحس غير الباب انفتح حيل باوعت رأسا اسيل - اخ لج ضي تعاي شوفي شلون يركصون جوبي اموع واسيح اني ع الجمال الصكوكه وكفت واني اغطي بي واضحك عليهم - أي من يسمعج اخوج عود سيحي وموعي ع الصكوكه مثل الصابون السائل من يسح ع وصلة المسح ضربتني حيل ع متني وصاحت عابت فال ا لله ولا فالح تردين حبل مشنقتي يتعلك خل اعرس اول - هههه لاحكه ع العرس كاعد احجي وياها وهي فاتحه البرده شويه منها وتباوع عليهم وهم يركصون جوبي طفرت وهي اصيح صخااااااام لج لحكيلي ضي صخاااام - شكو ولج شبيح صوتجج الجهال نايمه حجت ووجهه مخطوف وعيونها مليانات دموع - ولج اشهب شافني واني اباوع عليهم يمه اليوم ابات بنجف عزا بعيني لج يوم لحكيلي ......... يتبع ومن هنا تبدئ حكايه جديده القصه كلش حلوه ومن أجمل القصص إلى مرت عليه وكلش حبيت اكتبها لجمالها وخاصه اني احب الغموض والتشويق وقصتنا أغلبها غموض طبعا القصه تحجي عن الأنثى إلى بين ليله وضحاها تلكه نفسها بسجن وبتهمة القتل وليست اي تهمه فهي متهمه بقتل زوجها الذي حاربت الدنيا من أجل الزواج منه زوجها الذي عشقته وخالفت كلام أهلها من أجله زوجها الي عاشت معه قصة حب ل 3 سنوات حته أصبح من نصيبها وبين يوم وليله تلكاه مقتول ولتصبح هي المجرمه والقاتله كيف لا تعلم لتواجهه مصيرها الذي لا تعرفه بأي طريق يسير لتواجهه كلام الناس والمجتمع وتواجه أدم الذي سجنها تعيش مراره الفراق والبعد عن أطفالها لتسكن بين أربع جدران وقضبان حديديه ولتعيش بعد ذالك بسجن أدم وأكثر الأشخاص كرها بها لتحارب من أجل اضاهر الحقيقه لتثبت لذالك البارد والذي يحتله الجبروت بأنه أخطأ هذه المره وان جبروته سيقتل ونهاية هذا الجبروت بين يدين هذه البريئه ولتعيش صراع بين كشف برائتها وبين جبروت ذالك البارد الذي سجنها ووجه لها تهمه القتل | ||||||||
|
| |
|
22-06-20, 11:56 PM
| #4 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_الأول Noor336 #خلف قضبان وعدت نفسي بانني ساكرس حياتي للانتقام من قاتلك يا اسدي ....خلف ذالك القضبان عرفت من انا وعرفت كيف أكون قويه ... فإنا زوجت الأسد الذي طالما لم يخف من بشر ... والان سأكون نسخه منه لاكرس ذكراه ولن انساه ... ولاجعل من أطفالي نسخه منه ... فهو والدهم الذي ضحى من أجلهم واجلي .... ووعدً يا اسدي لن اجعلك تتعذب تحت التراب ... ولاخذ ثارك من الذي قتلك ومن الذي جعلني اسكن خلف هذا القضبان .... فإنا ان وعدت اوفي بوعدي ولو كلفني ذالك مماتي .... #حب ام كره ... نبت بين احشائي لم أعرف هل هذا حب ام كره ... ام ماذا لكن الاعلمه هو إثبات برائتي فقط لا غير ... فلا يهمني سوى برائتي أمام ذالك المتسلط ... امام ذالك المغرور الذي يملئ قلبه من الداخل كره وحقد ... ومن الخارج جبروت ... لا ينكسر وكانما أمير في زمانه ... لكن لا يعلم انني زوجت أسد لا يهزم ... برائتي ستضهر ان لم تكن اليوم غدا ... وان لم تكن غدا فبعد غد ... االأهم انها ستضهر وستكسر ذالك الجبروت اللعين ... يوما ما الذي دمرني وجعلني اسكن بين القضبان ... وفرقني عن اعز مااملك وهم أطفالي ... الذين يستخدمهم كنقطه ربح له ... لكن نسى ان هؤلاء أشبال من أسد ... تركهم خلفه ليكونو سند لي أمامك ... وأمام جبروتك وأمام كل من ياذيني ... وسياخذو ثار والدهم معي... وسأحررهم من قيودك ... وسأتحرر انا من قيودك أيضا يا مالك الجبروت ...سنتحرر انا واطفالي منك .... #ها انا اخرج من كسر الزمان لي ... لابني شخصيه مني جديده بعد شخصيتي التي كسرتها الدنيا لي ... ها أنا الآن ابني حياة جديده بعيده عن ماضي آليم ... وها انا وقفت على قدماي بمساعدتك يا صاحبي ... وعدت من جديد انسان مليئ بالقوه بفضلك يا صديقي ... صنعت مني الدنيا انسان ضالم ... لكن معك كنت انسان طفولي يعرف ما بداخلي بنضر عين واحده ... وها انا الان استيقض على صباح قتلك ... وأعود من جديد إلى تلك النقطه المليئه بالاحمرار ... والحقد والكراهية ... إلى تلك النقطه التي اخذت مني أغلى إنسانين ... على قلبي لتتركني وحيد يا صاحبي اقف وحدي ... واساند نفسي وحدي ... من ضلمات البشر ... وكسر الدنيا لكن وعد يا صاحبي ... لن أخذلك وانتقم من تلك الخائنه ... التي قتلتك ... وساجعل من حياتها جهنم ... واجعلها تبكي بدل الدمع دماً .... 2015/5/20 .... بغداد ..... 3:30 عصراً .... - ليوثي ماما وينك تعالي بسرعه - ها ماما شنو درت وجهي عليه واني اشتغل ع السريع وهو اجاني يضحك لان كلساع اصيحله ع شي - هاي شنو ليث لسه ما بدلت - ماما بعد وكت والله بابا كال وره المغرب يجون وهسه عصرونيه - ليثث كافي روح جيب طحين من المحل وتعال بسرعه خل اسوي كيك يلا حبيبي - رايح بس تطيني الف - ليثثثث - رايح رايح اقط بابا وبعدين اجيبلج طحين هههاي - اوف ياربي شتميت ريحت شي احترك يمه درت وجهي الوصله مال الطبخ صايره ع العين ومشتعله عزا بعينج ضييي شسوي هسه طفيت النار رأسا وجريت الوصله وذبيتها بالمغسله وفتحت المي عليه باوعت المطبخ مليان اماعين وكدوره اوف منا اماعين الغدا ومنا تحضيرات العزيمه اوف يا أسد اووف اله يعزم ابو صماغ هسه لو زواجه اول مره اكول ميخالف شو هاي ثاني مره يزوج عشتوووو والله يالله طفيت النار ع الكدوره وعفت الدجاج بالفرن وصعدت فوك أسد نايم وقمر بغرفه حاطه ملاعيبها وتلعب - لجج قمررر اني شكلت مو كلت ماريد هووسه - ماما انتي كلتي ماريد هوسه لان يردون يجون بيت عمو اشهب واني صعدت بغرفتي العب ومن اخلص ليث يلمهن والجوه نضيف - والله خووش اتخوصرتلها واني اخزرها اول شي ليث اخوج الجبير ما يشتغل عدج تخلصين لعب اتلميهن انتي مو هو وثاني شي اريد البيت كله نضيف لان هاي العوبه ام سنون مرت ابو صماغ راح تجي لبيتي وماريد اضل تتفلسف براسي فاهمه يلااا كومي لمي ملاعيبج ولحكيني للحمام اسبحج يلا حبيبتي عفتها ونزلت واني ادك ع كصتي اه يالله اه مو عائله شياطين وين جنتي يا ضي ووين صرتي اي اي يطبج مرض هذا الحب وتالي الحببجيات محد ضربج ع ايدج وكلج حبي وازوجي وانتي بعدج صغيره احجي ويه روحي واشر بيدي واحس راح اطك من العصبيه نزلت وصار ليث كدامي جايب الطحين ويباوع لي بستغراب - شنو ماما اتخبلتي كمتي تحجين ويه روحج بعصبيه لو كمتي اشوفين أشباح وتعصبين عليهم مثل ما تعصبين علينا هههههه - ليييث كم مره كايله السانك لا اطوله ع الكبار هااا عيب شنو تكولي اتخبلتي بكدك انيي باوعتله برطم وباوعلي بعصبيه وكال - بابا يكول شنو ع السانك كوله ولا تخاف اني بضهرك - والله هو ما طلع عيونك غير البابا مالتكم خل يكعد واني اله أسد أفندي هاي تاليتها يعلم الجهال هيج جيب الطحين وشوف اختك اذا خلصت لم ملاعيبها - حاضر ست ضي طلبات ثانيه هههه - لككك ليييث درت وجهي عليه وكمشت الجفجير الي صار كدامي هو من شافني شرد لفوك وهو يضحك ويطلع السانه اني اعلمك ا كمشك لو لا بسيطه اخ ياربي راسي احسه حينفجر هم اثنين يا ربي لو ٤ ٥ شصار بيه والله مو جهال جيش يكول واحدهم يعادل ٢٠ جاهل خبطت الكيكه وخلصتها وحطيته بالفرن ورجعت ونضفت المطبخ وطلعت ع الصاله والاستقبال نضفتهن وعطرتهن وشديت البيبان حته ليث وقمر ميدخلون و صعدت ع قمر سبحتها وبدلت ملابسها واني اخزر باليث وهو يضحك - كوم بدل ياله - ماا انتضر بابا نبدل اني ويا - اللهم طولج يا روح ليث لا تعاندني وتدري من تطبك عدي واعصب اكوم اجفص واكتلك كوم بدل - اييي بابا كايلي دير بالك تخلي امك تعصب واجفص لان اصير مثل القرد بس اطفر بالحجي ههههههههههه قمر : ههههههه - لا يا ادبسززيه والله اليوم اربيكم من جديد بسطه حته ابوكم يرادله كرصه اذن شلون يحجي هيج للجهال ما يدري هم ما شاءالله السانهم ناقص خطيه ويعلمهم خزرت ليث وجريته من اذانه هو خاف و كام بدل لان يعرف من اعصب من صدك واخزر بعد مااشوف كدامي واكتله من صدك عفتهم وطلعت لغرفتي فتحت الضوه وفتحت الشباك وجريت قنينة العطر مال أسد الي يحبها البارحه اشتراها مشيت ع كيف ووصلت يمه كعدت ع الجربايه وبديت ارش عليه قطرات مال مي خفيفه من الكلاس الي بصفي وهو يعقج الوجهه ويكلب للجه الثانيه اخر شي جريت الكلاص مال المي وشمرته عليه وهو يطفر - لا يا مخبله ع هلعمله شبيججج شنو اجتج الحاله - ايي اجتي الطباكات وانطبك الأحمر ويه الازرك وحته ريحة عطوب طلعت مني وكفت واني اتخوصر واحجي وياه وكامشه الشيشه مال العطر مالته - كم مره كتلك لا تعلم الجهال ع طوله اللسان كلت لو لا - ههههه وع هاي معصبه - شنو معصبه اسدد اكو طفل يكول الامه اطفرين مثل القرود بالحجي لو يكلله مخبله هاا اكو طفله هيج يحجي الي يسمعه شيكول مو ما متربي هسه علمته يكول اسمي أمنه بالله وكلنا ميخالف بس مو هيج اسدد - لا يا سرسري يا ابن الكلب اني أعلمه عوفي عليه باوعتله صفح من غلط ع روحه كمشتني الضحكه بس صبرت وشمرت شيشه العطر ع الجربايه وهمست - عبالي تعاند مثل ابنك كلت اكسر الشيشه مال العطر براسك وراس ابنك - ههههههههه مسويها وعيونج مسويها رجعت عليه وباوعتله بتحدي تتحداني استاذ أسد - اي اتحداج يا سيادة القاضيه ضي موسى - هههههههه صح بعدني ما صرت قاضيه بس ميخالف حلو اللقب هههههه خوش ياا محامي أسد - هههههه اصيرين اصيرين وعيونج اصيرين واحلا محاميه وقاضيه هم اكولج صاحبي الروح بروح عرس قبل يومين لعد اني وحد خل اعرس - اي حبيبي عرس بس ما اضمنلك تكعد صباحية عرسك سألم انت والعروسه - هههههههااي تعاي اني اعلمج شلون تنتقمين مني ومن العروسه تعاي - عزااااا - وسم وحمسس شبيججج طرشتي اذانيي - ساعه خمسه وصاحبك العزيز ع جيه وخر وخر خل اجهز روحي وانت هم ويبوووو الكيكه احتركت نسيتها بالفرن عفته ونزلت اركض وهو يضحك عليه طلعت الكيكه وزينتها بالكريم وحطيته بالفريزر وصعدت فوك لبست ثوب اسود يوصل جو ركبي بشويه وحزام احمر والياخه مالته حمره والطرف مال الردان احمر جان موديله من يم الخصر ضيك ويجي شويه مدنفش من جوه لبست كالون بيجي كلبت شعري صفح وهو قصير يوصل حد اجتافي او اقصر بشويه مكيجت روحي وعدلت نفسي ردت انزل ودك تلفوني باوعتله ساره اوف يا روحي شكد مسكينه هلبنيه رديت عليه - الو ها سرو شلونج حب - شلوني يعني مثلا وحده يطلكه زوجهه وره شهر من طلاكهم يزوج شلون اكون - اووي سوده عليه لو بيدي جان دعيت عليه هذا ابو صماغ بس ماكدر لان اعرف انتي ماراح تقبلين وراح اترزل واعرف أسد أفندي هم راح يرزلني لان صديقه صدوق - ههههه شكد تغارين ع أسد من اشهب - مااا اغاار - ايي كوولشش - اووو ساره كتلج مااغار شنو هو مره واغار منه ع زوجي عشتوو - خوش خوش هههه شداسوين - المصونه ضرتج اقصد زوجي المحترم عازم صاحبه ابو صماغ واكيد ضرتج المصونه جايه وياه - ههههه خرب بيومج وبعدين مو ضرتي لان اني طليقته هسه - اي اي ميخالف اخ ربي ولا حبيتها لحنانو هاي ام كفشه - ليش شعجب انتي ما تكرهين احد الااااا طليقي ههههههه - انجبي اني مااكرهه بس ما ارتاحله نفرر نفرر - ههههههه والله حقج ما ترتاحيله بعد سوايته حته اني كرهته ومارتاحله بعد -عود صدكتج - انجبي ويلا اني اروح خاف عطلتج -عزاا نسيت روحي شكول عليج خل الحك عليهم لان ادري اذا انجمعو الثلاثي المرح البيت يتكسر - هههههه والله عدج سوالف يلا باي سديته ونزلت اركض كامشه حذائي بيدي اباوع لهم حسيت الدمعه بعيني البيت ع وشك ان يتكسر قمر الشعر مكفوش والحال حال واسد كامش الكوشات مال التخم ويشمرهن ع ليث وليث هذا قضيه صاير نازع البنطلون وضال بشورت والتشيرت مدري شلونه حسيت النار صعدت لراسي والدمعه بعيني من الصبح انضف وهاي تاليته الكوشات بالكاع والحال حال - هاااي شنووووووو اسدددد عود صدك تحجي عود انت الابو اخ ربي شسويت واطيتني هيج عائله أسد : حمدي ربج عدج هيج زوجج صاك المطلقات والارامل والبنوتات والعجايز و كل أنثى اشوفني تزحف عليه وفوك كل هذا محامي طاك يعني شتردين بعد وعدج ولد سبع زلمه ابن زلمه ع ابوو وصاك ومؤدب ماكو منه وعدج قموره هاي تحطيها ع الجرح يطيب جمال وأدب وأخلاق ونضافه وكلشي شتردين بعد حبيبي انتي - اسددد والله والله راح اهج من وراك انت وجهالك يعني وكت لعب هذا عليك الله وكت لعب خمس دقايق يا أسد خمس دقايق كلشي يرجع لمكانه والكاكم مثل ما عفتكم لا والله ارتكب جريمه بيكم ليث: بابا ماما طلعت اتهدد هم مثل المجرمين حاكمها خل نخلص منها - اي حبيبي احاكمها واجيبلكم ماما جديده حبابه شتكولون قمر : لاا ماريد اريد ماماتي نفسها لا تحاكمها بابا اني احبها لاماما - ههههههههههههه سمعت تعاي حبيبتي تعاي باوعت ع قمر مبرطمه وتحجي ويه ابوها وليث صافن ع قمر الي انكلبت وع ابوه الي خربان ضحك وهسه انتم الاثنين كدامي تنضفون الصاله وتعدلون أرواحكم لااااا أسد : لا شنووو حجاها وهو يغمزلي خزرته واني اخذ قمر للمطبخ عدلت شعرها وملابسها وباوعتلها بخزره - ديري بالج توصخين ملابسج لو تخربين شعرج اشيل كل الملاعب واضمهن واحرمج منهن وحتى مشترى ماكو - لالا والله ما اسوي شي راح اكعد عاقله - عفيه ببنيتي التسميع الكلام يلا روحي ركضي اتفرجي ع التلفزيون طلعت وكفت يم الباب مال الصاله واتجيت عليه وابتسمت واني اشوف أسد يركض منا ومنا ساعه يعدل ملابس ليث وساعه يشيل الكوشات الي واكعه وساعه يعدل بروحه شال راسه - ضحكي ضحكي اني اعلمج - والله ياروحي الي يجي من ايده الله يزيده ههههه بقيت صافنه عليهم برغم من كلشي احس روحي اسعد وحده بالكون صح مرات اجفص واكول شنو من عائله لو اعصب بس شاكره ربي الف مره ع هذه العائله نعمه احسه احلا شي صار وياي عائلتي الصغيره جنتي بالحياة زوجي أسد الي حبيته ٣ سنوات عشت بيهن احلا ايام عرفت شخص صادق طيب رجال بمعنى الكلمه بمجرد دخولي للجامعه نفذ وعده واجه خطبني صح بالبدايه اهلي رفضو لان اكبر من بـ ١٠ سنوات بس الحب ما ممكن يوكف بوجهه شي والقدر مكتوب وقدري هو اسدي وخاصه اهلي بابا وماما ازوجو ع حب ويعرفون الحب ومرارة شنو لهذا بمجرد ما عرفت امي بحبي لاسد قبلت وقنعت بابا هذا الكلام من صار عمري ١٨ ١٩ سنه هيج تقريبا وتقدمي وحبنا بلش من كان عمري ١٦ سنه بصدفه شفته وكان ابوه صديق جدو صح من غير طائفيه بس حبنا اكبر من الطائفيه ومو مهم الطائفيه الأهم ان احنى مسلمين وعراقين هاي ماما وبابا من غير طافيه ودين وعاشو عشرت عمر واحلا عشاق دوم اشوفهم عشاق وجنت ادعي ربي يرزقني واحد مثل بابا يحب ماما ويفهمها بمجرد ما يباوع لها واستجاب دعائي ربي واطاني اسد الي ماراح اندم ابد اني اختاريته طبعا امي مسيحيه وابوي مسلم واني الوحيده ع ثنين ولد والصغيره اخوي الكبير مستشهد بحرب إيران للأسف ملحكت عليه هواي لأن كنت صغيره ماشبعت منه اما اخوي الثاني عيسى طالع يدرس هندسه بالخارج صاله سنتين واني ضي بابا سماني ضي لان كال ضويتي العتمه الي جنت بيه جان مكسور لان خسر بشغله وولد عمامه تركو وحده وهم جان متهم بقضيه وجان راح وعدمه صدام لو ما لطف الله سبحانه وتعالى كال بمجرد ما اجيتي ع الدنيا كل شي انفتح بوجهي تركوني جماعة صدام بمعجزه من ربج وانفتح كدامي باب رزق كبير عدي اثنين عمام بكر واحمد عمو احمد مزوج بت عمه بس مليانه خباثه ودووم تخبث ع ماما وتحير شسوي بس تخاف من عمو بكر هووواي برغم هو حماها و أصغر منها هههههه عمو بكر أصغر من بابا وعمو احمد عمره ٣٠ سنه اكبر مني بـ ٣ سنوات هههههه كلش قريب عليه واعتبره اخ مو عم بس هو يحب وحده شيعيه بس للاسف أهلها ميقبلون يطوها والله شنو ابن عمها يريدها يأبه وين ابن عمها والله مسافر ومنكدر نطيكياها لان قارين الفاتحه بس عمو يكول يكول كذابين لان من غير طائفيه ميقبلون يطوها وعايش بحيره ويه قصة حبه وطبعا عصبيييي نار لهذا دوه مرت عمو ثريا هو عمو بكر لان تخاف منه هههههه عمات ماعدي غير عمه وحده عايشه بالخارج واخوي يدرس يمها بنسبه لخالتي وخوالي عدي خال واحد وخاله وحده وثنينهم علاقتي بيهم سطحيه لان مو هواي اندمج وياهم وخاصه خالتي لان جانت تريدني الابنها بابا مدير مدرسه اعداديه للولد و امي كذالك مدرسه بمدرسه مال بنات ودائما تحذرني من هواي أشياء صح هي ما قابله ع زواجي جانت بس ماكدر تكول شي كدام الحب لان تعرف معنى الحب ومرارته وتركتني اخذ قراري بنفسي واتحمله اما عائلتي اني و اسدي وليثي وقمري هذول عائلتي عائله عنونيه ع كولت قموره ههههه ازوجت قبل ٩ سنوات من كان عمري ١٩ سنه حملت باليث رأسا وهل هذا لسان ع ابوه ما اكدر ابدد احاجي كلمه يرد بعشر كلمات هههه وبعدها قمر عمرها ٥ سنوات ونص واللسان وحد عن ابوها واخوها وامها ههههه اني هم ممقصره الساني هلطوله فزيت من صفنتي ع صوت الجرص رحت ع المرايه عدلت حمرتي وشعري وباوعت ع ليث وقمر واكفين واحد بصف الثاني عبالك مسوين استعداد والقائد راح يدخل سمعت صوتها لحنانو وهي تتنعوص دكيت ع كصتي واني اهز براسي ربي خليني اتحمل هذا الانسانه هلكم ساعه هاي ولا تخلي الساني يغرد أشكال ألوان طلعت واني مبتسمه كوه أرحب بيها يعني فوك ما هي ما تنجرع وفوك ما تتنعوص وكوه اطلع الحجايه وفوك ما ازوجت زوج صديقتي هذا ابو صماغ النسونجي بمجرد ما جبت طاري اجاني صوته - شلونج ام ليث - هلا اشهب الحمدالله انت شلونك - الحمدالله حنان : شلونج عيني - هلا يروحي الحمدالله تفضلي أسد خزرني بمعنى اصرفي عدل والله ما اطيقهم برطمت ودرت وجهي عنه مشه أسد واشهب وهذه مجلبه بأيد اشهب عبالك راح يطير افتهمنا عرسان بس مو هيج هيووو يمعوده وين بعد كعدي بحضنه الله يصبرج يا ضي ع هذه الطركاعه - شلونك حبيبي فروسي وين روزه لعد - عد ماما ساره ماقلت تجي يمنا حجاها ودنك يلا اخذ اخوتك وروح ويه ليث العبو حبيبي باوعت عليهم فراس هو أكبر واحد بيهم عمره ١٣ سنه هادئ كلش وما يسولف اله ع كد السؤال مرات استغرب هذا طفل الي بعمره يحيرون شيسون اله هو مرات اكول الساره ابنج ما تطينيا واطيج ليث ههههه انتبهت ليث يلعب ويه يوسف وإبراهيم توأم وولد اشهب كذالك عمرهم ١٢ سنه وروزه اخر العنقود بس ما جايه انتبهت ع قمر كاعده زعلانه لان روزه ماكو ههههههه قمورتي تعاي وياي حبيبتي اجت تركض وهي تباوعلي بعيون طفوليه مدمعات - شبيها بنيتي الحلوه - روزه ماكو ويامن اللعب اني - ههههه العبي وياهم عادي - ليث مايقبل يكول انتي بنيه مايصير تلعبين ويه الولد - اه هذا ليث هيج كال والله ابني كبر وكام يغار ع اخته ههههه تعاي اني اخليهم يلعبوج وياهم خصبا ما عليهم اخذتها ورحت الهم حاجيت ليث يخلي اخته تلعب وياه ضاج بس ما حجه شي عفتهم ونزلت جوه كعدت يمهم هاي لازكه بااشهب ولا اتعوفه صح اني مااشوفه هواي بس ساره جانت دائما تسولفلي عليه شعجب مخليها الي اعرفه ميحب هيج تصرفات هههههه والله طنجره ولكت غطاها طبعا ساره زوجت اشهب بس قبل شهر عرفت اطلكت منه ع شنو ماعرف وقبل يومين أسد كال اشهب ازوج وهنا جانت صدمه الساره ساره صديقتي واختي الي جابتها الدنيا الي أسد دائما يطلع ويه اشهب وجنت اضل وحدي ماعرف شنو اسوي إلى أن كام من يطلع ياخذني وياه يذبني يم ساره وهيج بديت علاقتي ويه ساره تقوى يوم بعد يوم يوم هي تجيني ويوم اني اروح لها وخاصه ازواجنا جانو ٢٤ ساعه سوه فاحنه وين نروح هم نبقه سوه هههههه حسيت حنان تحجي وياي - بيتج حلو ما شاءالله بس اللوان شويه ما كاعده ويه الديكور ابتسمت كوه وباوعتلها بشموخ حبيبتي ما يهمني اذا اللوان عجبنج لو لا لأن اني عاجبتني وطبعا البيت واللوان من تصميم المهندس إحسان الخالدي والكل يعرف تصاميمه اتخبببل شفتها سكتت وبوزت وضلت كلساع مشاوره هذا ابو صماغ وهذا يخزره وهي ولا اتوب كلت ع ساعه راح يكوم يكتله عفتهم وكمت اجهز العشه هي اجت وراي - صالج شكد مزوجه - ٩ سنوات تقريبا - اهاا حلوو عن حب - اكيدد عن حب. - الله يخليكم - تسلمين بديت اشتغل واحظر وهي بس تسئل وتحجي وتسئل وترجع لوره ناقصها تفتح جلسه وتستجوبني بعد - صدووك شعجب ما لابسه حجاب الي اعرفه أسد شيعي ومن النوع الي يغار - اني ما اريد البسه لان ما مقتنعه واذا البسه إجباري حرام واسد يعرف هذا الشي لهذا ما جبرني عليه وخلاني من وحدي اقتنع والبس عدج مانع - لا بس هيج مجرد سؤال استغربت من شفتج سافره -عادي ماكو شي يخليج تستغربين يلا اتفضلي خل اصيحلهم طلعت واني ابدي احطها بالفرن واقفل عليه واخلص منها كطيعه مو مره يممه اتعشو وهم يسولفون ويضحكون انتبهت ع أسد يحجي ومتوتر ويه اشهب وكانما اكو شي شويه وكامو للمكتب وضلو فوك الساعه هم جوه واني مكابله السعلوه وبس تتسئل ع أشياء سخيفه مثلها ما طلعو لان روحي طالعه اول ما طلعو اخذت الجهال نيمتهم وبدلت ملابسي ونزلت شفت أسد لسه بالمكتب - ادخل - هههه من شوكت تستأذنين وتدخلين صايره مؤدبه هههههه تعاي حبيبي تعاي - شبيك احسك مو ع بعضك وضايج - ماكو شي عمري سالفه - اي سولفلي لعد اني شنو هنا يجوز اكدر اساعدك - مممم هم صدك ههههه ما دامج الدرسين قضاه خل اسئلج لو اجتج جريمة قتل بس المجرم مضلوم وكان مهدد واضطر يقتل اذا كنتي گ محاميه راح ادافعين عنه - أسد انت محامي شااطر وواجبك هو اضهار الحقيقه وإثبات برائت المضلومين وغيره لكن عملك كله يطلب حقيقه وانت گ محامي لازم تباوع للقضيه من كل الجوانب ولازم تثبت ان المتهم كان مجبور ع هذا الشي واسوي كل الي بيدك حته اساعده بتخفيف الحكم لان هو مضلوم واحنى واجبنا ان اساعد المضلومين لو جانت هذه القضيه الي جان اخذتها وسويت كل الي اكدر عليه حته اثبت برائت هذا المسكين لان القضايا هي تجينا واحنى علينا ناخذها والله هو الي يختار الي الزين والشين فهمت عليه - فهمت حبيبي يلا نكوم ننام - اوكف ليش روزه مااجت اني ماسئلت اشهب لان تعرف مو هلكد وياه بس كد السلام واستحي منه واصلا ما اطيقه قمر ضاجت هواي لأن ماكو روزه - ههههه تعاي تعاي جرني كعدني بحظنه وبده يلعب بشعري - شعليج بروزه هاا فكري بيه اني - كاافي وخر ليث كاعد ع ساعه ينزل يلا جاوب حباب وبعدين ليش فراس مبين عليه ضايج ليش ماراح يم امهم الولد -اووف ضيوشتي شكولج شوفي حبيبي السالفه وما بيها فراس ويوسف وإبراهيم مو ولد ساره - شنووووووو لعد ولد منوو وكفت ع حيلي واني مستغربه كل هل السنين ماعرف لان مااسئل عنهم مو من تصرفاتي ادخل بحياة غيري وكل ضني هم ولد ساره لان هي تهتم بيهم حيييل وهم يصيحولها ماما ما فكرت بيوم هم مو ولدها - يعني شنو اشهب كان مزوج وحده قبل ساره - لا جان مزوج سوق بلي وحملهم من عده - هه ههه هههه مضحك عبالي مزوج الكوكل احجي احجي فدوه تدري الفضول اشتعل هسه - ههههه فضولج ما يشتعل بس من أسد يحجيله كلمه اي يا عيني أشهب جان يحب وحده وزوجها حملت بيوسف وإبراهيم بس للاسف الدنيا اخذتها اتوفت بحادث واشهب كلشش عانه وضل شهور هو يعاني وولده هاملهم ومحد بحالهم وبطلاع الروح وكف اشهب ع رجليه من جديد وقرر يزوج علمود تربي ولده بس قبل لا يزوج وبيوم من الايام جان طالع وصدفه شاف ولد صغير كاعد يم الحديقه مال المحكمه واللاسف الولد ما عده اهل ضل اشهب يدور ع عائلة هذا الطفل ومن خلاله رجع اشهب أقوى من قبل بسبب هذا الطفل بس ما لكه اي خبر عنه لهذا قرر يربي هو وهذا الولد هو فراس ازوج ساره وجابتله روز وربت فراس كأنما ابنها مو ابن غريب وربت يوسف وإبراهيم كأنما ولدها مو ولد زوجها وخلصت الحكايه يلا امشي انام كلش تعبان ماصدكتي صعدت فوك واني مصدومه يعني فراس مو ابنهم والتوأم مو ولد ساره عزاا شنو هاي ٧ سنوات اعرف ساره ولا يوم شفتها اتنفزت منهم وحاطتهم فوك راسها اوف يالله هسه صدك راح يتربون عد مرت ابو لان حنان مبينه وحده متسلطه وخبيثهه الله يستر وهذا ابو صماغ طلع صدك نسونجي وهذه الزواج الثالثه مو الثانيه بعدله وحده ويطبق الشرع ههههه غفيت واني صافنه بهذا العائله الغريبه الأطوار كعدت الصبح أسد ماكو الساعه ب ٧ بعد وكت وين راح هذا نزلت جوه ماكو ضل بالي صعدت لغرفة الجهال شفته نايم يمهم ابتسمت واني اشوفه فارش بالكاع وحاط قمر منا وليث منا أسد من يضوج من شي لو يتعكر مزاجه يجي يم الجهال يكول بمجرد ما اشوفهم انسه كلشي وافرح لا اراديا مشيت ع كيف ودعست روحي مثل كل مره من الكاهم نايمين سوه حظنت ليث وحطيت راسي ع أيد أسد وغفيت فزيت ع صوت ادردم فتحت عيوني أسد هستوه كاعد ويدردم - شكوو ادردم - بت الاوادم الساعه ٩ ونص وعدي قضيه بـ ١٠ وربع - عزااا نسيت والله طفرت بسرعه واني اضم بروحي ثوله وغبيه ضي اضلين حظرت الريوك وهو نزل مبدل اكل بسرعه وطلع يركض وصل للباب وكف شمرلي بوسه بالهوه وطلع يركض للسياره واني اضحك عليه قفلت الباب وصعدت فوك نمت بمكان أسد وحضنت جهالي وغفيت فزيت الساعه ب ١١ ع صوت التلفون - ألوو - هاي شنو ضي نايمه - طفرت واني اسمع صوت امي هلا ماما لا ما نايمه يوم شجاج بس مدده لان راسي يوجعني - انجبي انجبي عود مااعرف اسوالفج اني سمعيني زين كعدي وصحصحي وفتحي اذاناتج شوفي ابن خالتج اتصل بيه وكال لازم تحاجيني ضروري - اوو شيريد يمه والله مالي خلكه واذا عرف أسد والله يذبحه - لج شبيج الولد نساج من يوم الي لزوجتي لا اضلين اتالفين حجي من كيفيج وحاجي يكول ضروري كلش كلشش - ماشي هسه شويه واخابره -ماكو شويه هسه اسدي مني وتخابري - يوم صاير شي - ضي ولي ولي باي سدته منه وهي معصبه شبيها امي اول مره هيج تحجي شلت شعري وكمت غسلت وجهي وكعدت الجهال عطله هستوهم خلصو امتحانات وقمور روضه هم عطلوو سويتهم ريوك وخلصت حطيت الاكل ع النار البيت نضيف لان البارحه باليل نضفته ونمنا فتحت حاسبتي وكعدت ابحوش بيها تخرجت من كليه القانون وتعينت ٣ سنوات بالمحكمه ويه أسد محاميه بس تركت بعد ما حطيت فكره المعهد القضائي براسي حته اكون قاضيه وهذا حلمي من الصغر درست سنه بالمعهد وبعدلي سنه واتخرج ويتحقق حلمي كاعده ادرس ع حاسبتي وجهالي كبالي باوعت ليث كاعد ياكل باوعلي وهو ياكل - ماما بابا كال الاسبوع الجاي انروح الاربيل لجدو صدوك - اي حبيبي - هيييي كام يركص ويضحك ممصدك راح يروح الاربيل وقمر تركص وياه ع الواهس اذكرت امي و إلياس ابن خالتي اوف هذا شيريد جان يحبني وخطبني بس رفضت لان جنت احب أسد وماريد غيره ومن يومها وخالتي حساسه من عدي اشجعت واتصلت بي رن رنتين ورد - ألوو شلونج بت خالتي - هلا إلياس الحمدالله انت شلونك - الحمدالله بت خالتي اكو احد يمج - باوعت بس قمر كاعده تلعب وليث كاعد فوك ع الدرج وكامض ايباده واسد طالع همست ماكو احد كول شنو عدك - سمعيني زين لعد شوفي ومريم العذراء كل كلمه راح اكولها صدك وما مجذب بيها زوجج بخطر بت خالتي عده قضيه مسجله ضد ناس معروفين ومجرمين وراح يهددو واذا ما سمع احسبي حساب حته انتي ترحين بيها لا سامح الله بت خالتي والمسيح ماجاي اجذب عليج - انت شتح جي شنو تهديد شنو خطر إلياس فاهم الي تكوله لو لا - اي فاهم لا تنسين اني بالامخابرات واعرف كلش زين شنو يدور والناس الي متورط وياهم زوجج يودوكم وره الشمس بدون مااحد يدري - وشنو المطلوب وشلون اصدك - ماشي راح ادزلج اميل فتحي وشوفي شنو بي بس ها ديري بالج من اتفتحي اتأكد حاسبتج ما هكره تمام وسمعي المطلوب اذا صدكتي بكلامي تحاولين تبعدين زوجج عن هذا القضيه ويتركهاا ماشي يلا مع السلامه بت خالتي - صفنت هذا شيحجي معقوله يكون كلامه صدك شنو مصلحته يجذب بهيج شي وخاصه الياس اعرفه كلش زين ما يجذب وخاصه اذا حلف شويه ورن تلفوني باوعت رقم غريب تركت ما رديت رجع دك مرة الثانيه مارديت شويه ودز رساله 💬 ضي هذا اني أسد فتحي الخط يمه من كال هيج اجه كلام الياس ع بالي رأسا فتحته اول ماتصل - هاي شكوووو رقم منو وانت بيك شي هااا - ع كيفج يمعوده شبيج مابيه شي والله تلفوني خلص شحنه واليوم يردون يجون ربعي يمي واتاخر كلت اخابرج اطيج علم لا يضل بالج لان رقمي مغلق - وكعت كلبي شكول عليك روح زاعلتك والله -احبج هههه - ما تقشمرني بهذا كلامك تجي وعدي كلام وياك - ماشي حبيبي اتأخر شويه ولا تنسين دزي ليوثي يجيب شغلات من المحل لان ربعي يجوني وره العشه - ماشي يلا باي - زعلت الطفله والعباس انتي اعند من قمر مو يكول مره عمرها ٢٧ سنه يكول عمرها ٧ سنوات - اسدددد -روحه وكلبه الأسد - زاعلتك - ههههههههههه ميخالف من اجي اصالحج يلا خلص رصيد ابو فروسي شراح يخلصني باي حبيبي - باي ههه سديته واني صافنه شبيه خفت هيج وكلبي نخزوني يالله دخيلك احفظ أسد من كل مكروه دخيلك ربي شويه واجه اشعار ع حاسبتي اول ما فتحتها اشو صارت شاشه سوده عزا حاسبتي ضليت افتح بيها ماكو شكلت خرب يمعوده ماعدي غيرج وكل دراستي عليه اذكرت كلام الياس من كال اتأكد منها عزااا لا بس هكروها يمعوده هييو بس حته لو شلون يهكروها هيج خاف فايروس دخل بيها خرب اهمداج ضي ع هذا الحظ الي عدج عفتها واني ضايجه يجي أسد ويشوفها لان اني ماعرف بهاي السوالف ومنا افكر بكلام الياس بغداد ...... المنصور ..... ١١:١٥ صباحاً - شلونك ابو فروس خيرك شو صافن - هلا عموري والله راسي موتني من الصبح لسه وهاي بس ادك - منو الجديده لو القديمه هههههه - عمر مالي خلكك أنجب احسلك - أنجب اللبن ع الستره خل امسحه واجيك هههههه شبيك ضايج احجي مو مثل أخيك اني - سخيف مو بيدك مابيه بس أسد ماعرف شبي صاله فترا ومايقبل يحجي احس بي شي - مابي شي وما تدري باسد انت مايسولف تلكي قضيه محتله فكره لو صاير شي بالبيت - والله يا خويه مادري خل اطلع اجيب زقنبوت لهاي ماتعرف تطبخ اخذتها وتورطت ع عمري واشوف الجهال وارجع العصريه - ههههههه الحمدالله ولا وحده خليك مثلي يخوي حرر طليق ازوجت لك ٣ وكلشي ما شفت منهن ثلاثتهن - عمر راح اركعك بالجلاق والله امشي ولي عني طلع عمر وهو يضحك واني صافن دك تلفوني عبالي حنان شلته وصحت - خيرر شكووو كلساع داكه منو مات - هاي اني اشهب ساره - ساره خيرج شرايده - اريد اشوف الولد مشتاقتلهم - الولد يا ولد ماعدج ولد عدي - اشهب لا اصير قاسي الولد اني ربيتهم مثل امهم واني امهم ومن حقي اشوفهم - ماشي واخوج المصون يقبل يدخل ولد غريبين البيت لو يستحرم - اشهب شبيك هذا اخويه وبعدين مالك دخل جيبهم وبس - ماشي راح اجيبهم العصر مو علمود شي بس علمود اشوف روزه مشتاقلها واخذهم باجر كلهم - حتى روز - اي حته روز بتي تتربه عدي يلا باي سديته واني عصبي اخذت تلفوني وطلعت اشتريت اكل جاهز وطلعت للبيت لتلكتني حنان وهي تحجي اختك هيج وامك هيج واختك هيج وابنك هيج - حناااان ما يعجبج ذاك بيت ابوج وروحيله يلااا عفتها وصعدت فوك للمشتمل مالتي شمرت روحي ع الجربايه وغفيت اليل كله ما نمته واني افكر باسد وضعه ما عاجبني كعدت العصر ع صوت صياح اسيل وحنان اللهم طولج يا روح اله اكتل وحده منهن ياله يجرن عدل نزلت واني عيوني نار هايييي شنوووو اسيل : خويه تعال شوف مرتك ترضاها تمد ايدها ع هذا اليتيم ابراهيم تقبل واحد يمد ايده ع ابنك باوعت ع حنان رادت تحجي صحت بيها اشششش ولا كلمه وفوك بسرررعه وانتي اسيل حظري الولد خل أخذهم لساره يلا عفتها وصعدت وره هاي المصيبه سمعي زين ولجج ولدي خط أحمر اذا عرفت ماده ايدج عليهم لو حاجيه لو غالطه ما تلومين اله نفسج فااااهمه - بس اني هم مثل امهم وإبراهيم غلط وردت اعاقبه حته ما يعيدها - واحد منهم غلط تجيني اني تكوليله واني اعاقبهم مو من حقج تعاقبيهم انتي فاهمه لا تخليني ازورك وجهج وبعدج عروس عفتها وطلعت ركعت باب الغرفه ونزلت شفت الولد فرحانين لان راح أخذهم لساره اوف يا ربي اخذتهم وطلعت لبيت ساره وصلتهم وكلت الفراس جيبلي روزه خل اشوفها شويه واجه فراس وبيده روزه - باباا - حبيبت ابوهااا شلونج ها شلون تعوفيني هيج مزاعلج - بس انت تعرف مااكدر اعوف ماما رجعها وخل اعيش ويا كم اثنينكم ومحد يزعلني لا انت ولا هي ههههه بستها واني العب بشعرها الله كريم باباتي يلا بنيتي روحي رجعي الامج وباجر ترجعين وياي ويه اخوتج - وماما - ماما خلص هذا قرارها وهي تتحمله يلا حبيبتي باي عفتها وطلعت رحت للمكتب مالتي و باليل كاعد يم عمر وادك ع أسد ماكو ما يشيله فوك العشر مكالمات وهو ماكو استغفرت الله وكلت باجر من الصبح اروح اشوفه شبي هذا عفت عمر كاعد وحده وصعدت نمت وهذا يحجي - وين راحت يمعود ابو فروس اشهب هل من يسمع ندائي عفته يحجي وحده يحجي يحجي ويسكت ويطلع بقيت صافن وافكر باسد الي متغير فجئه ضي : صار اليل واجه أسد ردت احاجي ع الصار اشرلي اجي ع المكتبه هو هم مبين بي شي - ضي حبيبي ربعي راح يجون بعد شوي ماريد اطلعين ماشي راح اطحهم بالاستقبال بعيد شويه عن المطبخ والبيت ومن تحتاجين شي خلي ليث يجي يكلي - ماشي شفته يحجي ويطلع بأوراق ومن ضمن الأوراق مسدس شهكت واني ادك ع صدري يمممه هذا شنوو اسددد - اششش صوتج شنو مسدس اول مره اشوفيي عدي -لا شايفته بس ليش مطلعه أسد لا تخوفني كولي شصاير - ماصار شي شبيج اريد اطي الصاحبي ينضفه - اسدددد لا اجذب عليه - والعباس ما مجذب والله وعيونج هاي شبيج حساسه اليوم شوكت مجذب عليج - أسد انت حياتك بخطر مو من وره القضيه - شنووو منو كلج هلحجي ماكو هيج شي وعن اي قضيه ماكو شي حبيبي يلا روحي شوفي الجهال وين شو هدوء - اسدددد - ضيييي شبيج لا تعصبيني عافني وطلع ضليت كاعده خايفه واكل بضافيري لل٨ واجو أصدقاء أسد وديت العصير بيد ليث وكلساع طالبين شي ويجي ليث ياخذه ويروح واني كاعده بالمطبخ خايفه وكلبي ناخزني من شي احس راح يصير شي بس شنو مادري مديت راسي للحديقه واسمع صوت سوالفهم وضحكهم اطمنت ماكو شي صارت الساعه ١٢ كمت اخذت ليث وقمر لسه كاعده وصعدتهم فوك انيمهم هم ما ينامون اذا ما يسلمون ع ابوهم ضلو معاندين ما ينامون اخر شي قمر نعست كولش ونامت وهي تبجي بس ليث ضل كاعد صارت الوحده وهم لسه بس هدوووء كلش جريت روب عدي طويل لبسته فوك تراكي ونزلت - ماما وين - نام حبيبي هسه اجيب مي واشوف بابا إذا يمه احد واجيكم نزلت امشي البيت هدوء اذا اشمر ابره تنسمع زاد خوفي وكلبي انقبض اكثر من قبل وين أسد مديت راسي للحديقه هدوء ما كو اي صوت همست اسددد اسدد مشيت ع كيف للاستقبال ردت ادخل بس انتبهت باب الشارع مفتوح احس روحي بفلم رعب الدنيا ضلمه الساعه وحده وربع باليل باب الاستقبال مردوده شويه و باب الشارع مفتوح منها شويه أسد ابد ميعوفهاا مفتوحه مشيت سديتها ورجعت ع الاستقبال فتحت الباب ودخلت وياريتني مادخلت واني اشوف ......... يتبع وللحكايه بقيه قرائه ممتعه أحبتي هذا البارت الأول يجوز اشوفو مابي شي بس حبيت يكون بدايه واعطيكم لمحه عن حياة بطلتنا شلون كانت عايشه قبل الجريمه الي صارت وفجعت حياتها ووانكلاب حياتها من الأبيض للاسود من البارت القادم راح نبلش الغموض والتشويق والحزن اطوني رئيكم بالقصه وشلونها وتفاعلكم حبايبي حته يصيلي واهس اكمل وصلو البارت ال٥٠٠ صوت حته اكمللكم بنسبه للمواعيد النشر راح يكون يومين نشر ويوم استراحه غير البارتات المفاجئه توقعاتكم للقصه شلونها #نور الشمري #نوشه | ||||||||
|
| |
|
22-06-20, 11:59 PM
| #5 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور_الشمري #البارت_الثاني Noor336 #بكيت وهل بكاء القلب يجدي؟ فراق أحبّتي وحنين وجدي! فما معنى الحياه إذا فترقنا؟ وهل يجدي النحيب فلست أدري فلا التذكار يرحمني فأنسى ولا الأشواق تتركني لنومي فراق أحبّتي كم هزّ وجدي وحتى لقائهم سأظل أبكي. ضي: دخلت وياريتني ما دخلت واني اشوف حبيبي وزوجي غركان بدمه اريد اصدك عيوني ماكدر اريد امشي ماكدر اريد استوعب المنضر الكدامي ماكاعد استوعب ماعرف شنو صار بيه بهذاك الوكت ولا عرفت شنو اصرف بوكتها جنت مثل الطفله الضايعه وماعرف طريقها بقيت واكفه بالباب وارجف حسيت ع روحي من شفت وجهه أسد وعكدت حاجبه ابتسمت من شفته حرك أصبعه عايش عايش ركضت عليه مثل المخبله واني احرك بي اسدد اسدد رد عليه حبيبي فدوه رد أسد مابيك شي مو أسد مابيك شي مو احجي اسدد لا تخبلنيييي اسدددد صرت مثل المجنونه اهز بي واريده بس يحاجيني ابجي واحجي وياه ماعرفت بهذاك الوكت شنو اصرفت لان مافكرت باي شي بس اريد انقذ أسد أسد حبيبي الي حبيته ١٢ سنه اعرفه وما فد يوم زعلني لو جبرني ع شي ما فد يوم ضربني او هاني يدللني مثل ما مدلل الطفله وداير باله عليه مثل المي الي بصينيه ويخاف عليه يطيح جنت مثل بته قبل لا تكون حبيبتة وحبيبته قبل لا أكون مرته نزعت روبي وحطيته ع جرحه واني اضغط عليه حته يوكف النزيف لان النزيف مو طبيعي ابد وبحركه غبيه مني وبدون وعي انتبهت ع المسدس مال أسد قريب ع راسه شلته وشمرته ع القنفنه وكعدت بمكان المسدس وحطيت راس أسد ع رجليه وصرت اضرب ع خده حته يكعد فتح عيونه وهو يباوعلي بحزن بقه يتنفس حيل ويباوع بطريقه كأنما يريد يشبع مني هزيت راسي واني احاجي أسد اسدد هسه هسه اخابر بابا يجي وناخذك للمستشفى مايصير بيك شي زين ما يصير بيك شييييي جريت تلفون أسد الي ع القنفه وصرت ادك ع بابا بس اديه يرجفن اكثر من مره كمشت الفون وكع من ايدي واسد يحاول يحاجيني واسكته ماريد يحجي لان اعرف راح يحجي كلام وداع وماعرف شنو يخليني اتكطع ماعرف شنو اسوي الساعه تجاوزت الوحده باليل والشارع فاارغ وماكو احد ادك ع بابا ماكو ميرد اخر شي رد بصوت منعس هستوه كاعد من النوم حاطه ايدي ع راسي وايد كامشه الفون وارجف وراس أسد ع رجليه - الووو ها صهري خيرك باليل صاير شي - بااااااباااا حجيتها بدموع وصرخهه باباا الحكلي بابا حباب الحكلي أسد راح يموت بابا فدوه تعال انقذه بابا راح يخلصصصص دممه تعااااال بسررررررعه - شنننوو جايج جايج خمس دقايق ويمج بس ع كيفج بنيتي سديته واني اضرب خدود أسد واحاجي لا تغمض عيونك اسدد لا تنام لا تنام لا تعوفني اني وجهالك وحدنا هنا ما تعرف انت ماكدر اعيش بدونك اكعد اصبر اصبر حباب اصبرر بس شويه باوعلي بعيون فاتحه للنص وكوه يفتح ويسد بيهن اباوع الزيف ما دايوكف ضغطت ع الروب واني احاول اوكف النزيف بس ما يفييد همس وهو كوه يطلع الحجايه من عده وكلمات متكطعه حجاها يمكن كوه فهمتها - اا ان انتي يي والج جهاااا ل بأم مانة ﷲ ب بهل اا لد دنيا ه هاي ور راح اترك ككم بب اما أمانته - اششششششش شنو هلحجييي هذاا مو كتلك اسكت اسكت لا تحجي لا ازعل وماحجيك بعد والله فاهم اسكت هسه هسه يجي بابا وينقذك حطيت راسي ع راسه وصرت ابجي وادعي يارب دخيلك لا تردني يارب دخيلك رجعلي أسد بسلامه دخيلك يا ربي حسيت تلفون أسد يرن يمي ماعرفت شسوي باوعت ع المتصل مكتوب عضيدي منوو هذا انوب عقل ما بقه براسي بوكتها ماعرف شنو اصرف و بقيت خايفه ارد لو لا أسد أسد لا تنام ايي باوعلي هسه بابا ع جيههه لا تناااااام تلفون أسد ما سكت وهذا بس يدك شلته واني احجي الوووو -الووو منو ام ليث صفنت هذا الصوت سامعته بس مكدرت افسر الصوت بوكتها لان جنت بحاله مزيره ومو مال اكعد واعرف منو هذا من صوته سمعت صوت ليث بالحديقة وهو يناديني لالا يالله ماريد يدخل ويشوف ابوه بهالحاله شمرت التلفون ع القنفه بعد ما سديته وماحجيت اي كلمه غير ألوو وركضت ع ليث بره - ليييث ليش ما نايم امشي روح نام بسرعه - ماما شبيج شنو هذا الدم الي بيدج وملابسج ماما شكو بابا وينننننن - ليييييث لا تخلبني كلت اصعددد فوووك بسرعه ودير بالك تنزل ماكو شي بس جرح صغير يلا حبيبي حته باجر نروح الاربيل - ماما اني مو طفل اني رجال ليش هيج تحاجيني كولييي شصاير ليش متخليني ادخل لجوه هاا - ليييييث رفعت ايدي اريد اضربه بس كلبي ما طاوعني خزرته وهو راح يركض لجوه ودموعه بعينه وهاي اول مره ليث يبجي من اصيح بي مجنت اعرف شنو اسوي بهاي الحاله بس مردت ابني يشوف ابوه هيج رجعت دخلت للاستقبال وركضت ع أسد حضنته واني ابجي حاطه راسي ع صدره من الجهه الثانيه وابجي واتوسل بي ما يروح حسيت التنفس مالته اختفى رفعت راسي عيونه مغمضه اسدددددددد لاااا لااااا اسدد د وعدتني ما تتركني اله وشوفني محققه كل أحلامي اكعد اكعددد مو جنت تريد تشوف ليث من يكبر ويصير طيااار اكعد يلااا علمود ليث اكعد اسددد قمر قمر مو جنت تك ول لها مااطيج اله الواحد يكدر يهزمني شلون راح يهزمك وانت ماكوو اكعد اسددد اكعد فدووووه حسيت ع صوت الباب مال الشارع يدك حيل بابا بابا اجهه لا تنام أسد لا تنام ركضت ع الباب فتحتها دخل بابا وعمو بكر وماما شمرت روحي بحظن امي واني احجي حبابين انقذوو أسد لا يموت باباااا فدوه انقذ اسدد د ماما مابي شي راح يعيش مووو احجي وارجف وهي تهدي بيه شاله بابا وعمو بكر وطلعو يركضون للسياره ردت الحكهم بس امي عاطت بيه - وين طالعه هيج شبيج تخبلتي اصحيي ولدج وين عايفتهم خليج هنا وابوج وعمج يمهم - لالالا يووم شتحجين انتي ما اعوف اسدد مااعوفههههه صرخت حيل واني ادفعها ردت اطلع كمشتني - لج غبيه تعاي تعاي هسه بدلي ملابسج دشوفي وضعج وخل اخابر ع عمج احمد يجي يم الجهال خو مو نعوفهم وحدهم واخذج للمستشفى بس اهدئي وبدلي هدومج وغسلي وجهج واديج عفتها تحجي وركضت جريت عبايه إسلاميه عدي لبستها ع تراكي وطلعت لكيت امي تحاجي بعمو احمد بقيت افتر بالبيت مثل المخبله حسيت ليث واكف يم الدرج رفعت راسي كاعد ع الدرج ومكمش بالحجر ويباوع لي بحزن ركضت عليه واني احضنه حبيبي انت طفل ماعندك اي ذنبوب والله يستجاب دعائك ادعي البابا يكوم بسلامه ويرجعلنا - شبي بابا يوم ليش ماخليتيني اشوفه ليش - حبيبي مابي شي بس شويه جرح صغير بس ادعي يكوم ويرجع النا شويه ودخل عمو احمد وزوجته جلبت بعمو ياخذني للمستشفى هسه وصدوك اخذني اني وامي وعاف مرته يم ليث وقمر بطريق وخابر عمو بكر يسئل عن اسم المستشفى واني بس اهز برجلي واكل بضافيري ومثل المخبله اباوع منا ومنا رفعت اديه لفوك واني ادعي دخيلك يالله بحق نبيك محمد لا تردني يالله احفظ زوجي ياللهي دخيلك وصلت للمستشفى ونزلت اركض ومن غبائي وسرعتي حتى نسيت البس شي برجلي واجيت حافيه واركض بالمستشفى جافيه وشعري مكفوش وحالي حال وامي تهدي بيه اخذني عمو احمد بعد ما سئل الاستعلامات وركضنا ع جناح العمليات لكيت بابا وعمو بكر هناك ركضت ع بكر واني اسئله عمو بكر شلونه عايش أسد مو عايش - ايي عايش و دخلوه للعمليه كالو لازم نطلع الطلقه بس الطلقه بمكان خطر كلش داخله بكلبه وو - ووو شنوو احجيي - و كالو معجزه لسه عايش واذا عاش هاي معجزه كبيره دكيت ع راسي واني دموعي ما وكفت كعدت بالكاع واني ابجي واذكر كل وعود أسد الي ومن بينهم كال ما يفرقني عنج غير الموت وهذا الموت يا اسدي راح يفرقنا واني ماشبعت منك بعدني اريد اتعارك وياك بعد ع قمر من تكبر وتدخل الكليه وانت تريد تحجبها واني ماخليك اريد اتعارك وياك ع ليث من تريد تعلمه شلون يزحف ع البنات الحلوات وشلون يختار واني اعصب عليك واغار اريد اسوي هواي أشياء بعد وياك اريد أزواجهم ونتعارك ع العريس من ماتقبل انت عليه واني اقبل اريد وأريد كومه اشياء بعد يا اسدد مخططه الها وياك بس انت ماكو اسدي حبيبي ارجعلي فدوه لا تعوفني هنا وحدي حسيت بأمي تحضني وهي اطمني حمدت الله اكو دكتور مناوب وجراح بالمستشفى جان مات ومحد اهتم بي ولا دخلو عمليه لان تعتبر جريمه واله الشرطه موجوده بس الحمدالله اكو دكتور صديق عمو بكر مرت الساعات وصار الاذان واسد لسه بالعمليه ماطلع كمت واني احس روحي متخدره كليا غسلت أديه ووجهي عن الدم الي ضال بيهن من دم اسدد واني دموعي ينزلن وحده وره الثانيه دخلت للحمامات نزعلت تراكي لان مليان دم ورجعت لبست الجبه توضيت ومشيت اخذتني امي بمكان مخصص للصلاه فرشت سجداتي ووكفت ع القبله وصرت اصلي ودموعي تنزل ويه كل كلمه انطقها تنزل عشر دموع وياها خلصت وكعدت ادعي واني كاعده ع القبله اجه بابا يركض وهو مبتسم وكفت واني ارجف خايفه بابا طلع عايش موو - اي اي الحمدالله عايش بس حاليا بالعنايه المركزه وو - وو شنو - مكدرو يطلعون الطلقه بس وقفو النزيف وراح ينتضرون ٢٤ ساعه ونشوف شنو راح يصير عفتهم ورحت اركض ع العنايه كعدت يم الباب واني اتجيت راسي ع الكراسي الي بصفي وغمضت عيوني ماترككك أسد راح ابقه وياك وانت لا تتركني هذا وعدنا جان غمضت عيوني وسرحت بأفكاري وحبي ويه أسد ماحسيت غير غفيت شلون وشوكت مادري حته ماعرفت شلون اهلي قنعو المستشفى اسوي العمليه وهذا تعتبر جريمه ولازم شرطه ومخفر وقال وقيل بس الحمدالله عمو بكر عرف يصرف بمعرفه والدكتور صديقه الموجود غفيت واني كاعده بالكاع وراسي متجيته ع الحديده مال الكرسي الي بصفي وضهري ع الحايط بصف باب العنايه المركزه فزيت ع صوت صياح وحجي فتحت عيوني شفت واحد مطيني ضهره ويحجي بكل حركة دم - شلووون صار هيججج ومنو القاتل انتم شنوو ماتعرفون لازم تخبرون الشرطه شنو من عقل عدكم - ابني لا تتجاوز مثل ما أسد صديقك هو هم زوج بتي ومثل ابني ومااسمحلك تقلل من قيمتنا وتتجاوز علينا - لا والله ولله ثم والله اذا ماطلعت المجرم من جوه الكاع وخليت الكل يدفع الثمن مااسمه اشهب وهاااا اذا صار شي بااسد ما تلومون غير نفسكم لان انتم سترتو ع الموضوع وخليتو سكتهه بكر : احنه ما سترنا ع الموضوع احجي عدل ولا اضل اشمرر بس علمود الطبيب يسوي العمليه بسرعه انجبرنا نخفي الموضوع ونقنعهم لان لو ضالين ع ما يجون الشرطه ويأخذون الافاده جان صديقك مات وراااح - ههههه اي من تنكشف كل الأوراق نكعد ونحجي حجي زلم عمرر خليك هنا واذا صار شي خابرني لازم اعرف المجرم منو وأخبر الشرطه كعدت واني اشوف هذا يحجي ويتجاوز شكد اكرهه وهسه ابدي اكله بسنوني واكطعه اتكطع يعني احنى باي حال وهو جاي يحجي هيج باوعت الساعه ٥ الصبح اووف احس ضهري اتكسر وكفت باوعت من الجام نايم يارب دخيلك احفظه اجت امي الي بسرعه - ها يوم شلون صرتي - مو زينه يوم مو زينه اريد أسد يوم اريدده - يمه كولي يالله ومابي شي هسه يرجع مثل قبل واحسن بس ادعيله والله الليل كله كعدت ادعي واصلي اله يرجعلج بسلامه سكتت وحطيت راسي ع الحايط وصافنه ماعرف شنو اصرف ولا شنو اكول مرت الساعات تركض ركض واسد ماكو ما كعد لسه اجت الشرطه وأخذت الافادات وبصمات وماعرف ايش بس احس نضراتهم بيها شي غريب ما هتميت لان مالي خلك اكعد ادقق كل همي جان أسد وبس صارت الساعه ١٢ الضهر وحسيت جهالي اجو ع بالي طفرت الأمي - يوووم ليث وقمر ويننن يووم وينهم - يوم اهدئي يم مرت عمج اهدئي مابيهم شي شجاج ماتكليلي ماعرف شبيه خفت عليهم خفت لا يكتلوهم مثل ما كتلو أسد شفت امي أخذت تلفونها وكامت تتصل واني اخذت السبحه مال بابا وكعدت اسبح وادعي الأسد يكوم بسلامه الدكتور كال لليل اذا ما كعد معناها دخل غيبوبه يالله دخيلك كلشي راضيه بس كون اكو امل يكعد بيوم من الايام ولا يروح للكبر وما اكحل عيوني بشوفته ابد اسبح واشوف اهلي مخبوصين ومن اسئلهم يكللولي ماكو شي واني هم ما اهتمت اكثر وكل ما اسئل ع ليث وقمر امي وجهه ينكلب واتكول يم مرت عمج مابيهم شي واني اصدكها صارت الساعه ٤ العصر 2015/5/22 الخميس الساعه اربعه ماراح انسه هذا الوقت وهذا اليوم نهائيا جنت كاعده ع الكراسي والسبحه بيدي وادعي ودموعي بعيني حسيت احد وكف كدامي رفعت راسي اشهب صديق أسد انتبهت عليه يباوعولي بطريقه غريبه طريقه ماعرفت افسرها ابد وطريقه ما راح انساها طول عمري بوكتها طلع الدكتور من العنايه وهو يباوعلي أتقدم الي وباوعلي همس وهو يحاجيني - فتحي ايدج بتي فتحت ايدي واني اباوع ع الدكتور بخوف حط بأيدي حلقت أسد وباوع بعيوني ودنك وهمس بصوت حزين البقيه بحياتج بنيتي هناااا حسيت روحي طلعت باوعت عليه واني ارجف واهز براسي لااا وكتها معرفت شنو سويت بس الي اذكره بقيت اصيح واكسر كلشي صار كدامي واضرب بيهم اريد بس ادخل اله واودعه بس محد خلاني صرت اصرخ واكسر اي شي يصير كدامي حته السبحه قطعتها وخرزها ترست الطابق واني بس اصرخ وابجي واصيح باسم أسد هنا عرفت شنو اليتيم لان أسد جان اب مو زوج هنا اني اتيتمت واتيتمت جهالي حسيت بدوخه مو طبيعيه صرت اشوف كلشي بغوش كدامي غمضت عيوني ووكعت وبعدها ماذكر شي هذا الي اذكره شي بسيط مقابل الي سويته بالمستشفى حته سمعت ان هواي مشتكين علينا و رايدين يطردونا من المستشفى بس عمو بكر مدخل ومن فقدت الوعي اخذوني لغرفه خاصه وحاطيلي كانونه معرفت شكد نمت وشكد ضليت فاقده الوعي بضبط اشهب : مكدرت انام وضليت افكر باسد الي مايرد عليه هاي اول مرا يسوي هيج اخر شي كلت خل اجرب وادك اذا رد اشوفه علمود سالفة ساره واخوها واذا لا يصير الحجي غير دكيت دك دك لحد ما اجاني صوت ناعم بس الصوت جان مبين بي بحت خوف وبجي اعرف الشخص اذا يبجي بصوته صفنت هذه معقوله مرت أسد زين ليش ردت هي وليش ماتحجي ليش ساكته شصاير ضل الشيطان يلعب براسي خاصه بعد ما سدته بدون ماتكول غير كلمه وحده ضليت احوص ماعرف انام اتصلت بعمر واني اتمنى يطلع متصل بي أسد - الو ها شنو ابو فريس حلمان بيه لو اشتاقيتلي هاا مكدرت اتنام بدون ما تسمع صوتي - عمر مالي خلك سوالفلك اسمع أسد اتصل بيك اتصلت بي انت - لاا بس صديق أسد هذا حمزه مدري شسمه لكيته داك عليه ب١٢ وجنت حاط التلفون صامت رجعت دكيت عليه ماكو مارد كلت نايم شكو شنو انعدا منك و ازوج الثانيه - يلعن ابليسك ولي عني لا اكسر وجهك اني بيا حال وهذا يحشش شوف راح ابدل واطلع لبيت أسد اشوف الوضع - شعدك شبيك اشهب شنو اول مره أسد ميرد علينا - اي اول مره يسويها لك حته وهو معصب وما يحاجيني يرد عليه لهذا خايف وفوك كل هذا مرته خوفتني اكثرر -ليش شبيها مرته ألوو ابو فريس وينك شوو انتضرني ابدل واجيك اضاهر السالفه مو خاليه ابد حته اني كلبي كام يلعب من السالفه لان هذا اول مره يتصل بيه والي اعرفه هم اليوم عدهم لمه علمود قضيه - شنوو لمه شنو - هذول أصدقاء أسد الي وياه بالمحكمه اليوم عده علمود قضيه مدري شنو ملتزمين ببيت أسد بس هذا حمزه اول مره يدك عليه - بساع البس وتعال انتضرك كمت بدلت ملابسي وردت اطلع كعدت حنان - هاي وين حبيبي وين رايح بهل اليل - رايح لجهنم الي تلفج واخلص منج انطمري ومالج شغل وين مولي استغفر الله يال لهي شهلورطه هاي الله يلعن بليسج عفتها ونزلت اركض ع الدرج اخذت المفاتيح مال السياره وطلعت انتضر عمر ربع ساعه ياله شرف - جان اخذتلك نومه بعد شعدك جاي لو ضال نايم - لكك غير كمشتني دوريه وتعال منين وين رايح وشعدك بطلاع الروح خلصت نفسي منها - امشي امشي أخذته وطلعت ع بيت أسد اول ما وصلنا اباوع المنطقه هدوء انتبهت كلوبات البيت كله مشغله باوعت ع عمر وكتله تعال دكيت الباب شويه واجاني صوت مرا جبيره شويه - منو انت وشرايددد - السلام عليكم اني صديق أسد وجاي اشوفه لان ادك عليه من المغرب لسه ماكو وضال بالي فتحت الباب وباوعتلي من فوك لجوه عبالك تاخذ سونر وكالت - أسد اخذو للمستشفى لان لاكينه مضروب طلقه - شنووووو شتحجين انتي ومنو ضاربه - والله الله اعلم خابرت مرته بنص اليل كلبت البيوت كلاب عبالك مدري منو المصوب كلشي مابي جنه بزون بسبع اروح هسه يرجع خزرتها سكتت اني اعرفها وشايفه اصير كرايب مرته الأسد بس مادري بيها هيج السانها اخ لو مو مرا جبيره جان عرفت شسوي بيها درت وجهي ردت اطلع بس شفت ليث واكف يباوع ع الاستقبال مالتهم ودموعه بعينه ليث الاعرفه من النوع الي يكابر وما تنزل دموعه بسهوله تربايت أسد هههه شكد استغرب منه مرات بالمواقف الصعبه الي الطفل لازم يبجي هو يوكف مثل الجبل عبالك جبير بس اليوم لا اليوم شفته مكسور وخايفه تركت المرا تحجي ودخلت لجوه للليث هو من شافني مسح دموعه - حبيبي ليث شداسوي هنا شعدك - مالك دخل بس عمو اذا رايح للمستشفى اخذني وياك اشوف بابا مسحت وجهي بعصبيه وحطيت ايد ع راسه وكتله تعرف منو كتل ابوك - لااا ماعرف واذا اعرفه اكتله واخلي يموت لان راد يموت بابا - مممم وامك وين جانت انتم وين جنتو من صارت هذا السالفه - انت شو ما تستحي دخلت وكمت تسئل بكيفك بهذا الليل اطلع لا ألم الجوارين عليك يلااا وصاحبك بالمستشفى اذا تريده - ع كيفج خاله اعصابج خاف يطك عدج عرج ووين انوديج بهذا اليل رايحين بس راجعين الشرطه اجت لولااا - لااا مااجت وامشي اطلع بره يلااا طلعتني المره من البيت قبل لا اكمل كلامي ويه ليث اخدت عمر وطلعت للمستشفى بس فجئه اجه ع بالي هذا حمزه الي داك ع عمر وكفت السياره وصحت بعمر - اطيني تلفونك - شتريد منه -دطيني ياه يلعن بليسك جيبب خل اشوف هذا العار دكيت عليه يدك وماكو ميشيله اخر شي كام يطلع مغلق الله ياخذك ضربت الستين قويه وطلعت للمستشفى واني فاير نار منو ضارب أسد منو اله مصلحه يضربه منوووو لازم اعرف لازم مارتااح اذا ماعرفه منووو اول ما وصلت المستشفى وعرفت ما مخبرين الشرطه اتخبلت واحس الشياطين كامت تتطافر براسي وافكار شيطانيه كامت اجول براسي ماعرف شلون صبرت خليت عمر بالمستشفى لان ما أمن بيهم واذا ضليت اكثر اتعارك وياهم ع أشياء تافهه عفتهم وطلعت لبيت أسد لازم اعرف شصار هناك وأخبر الشرطه لان هيج قضيه ما تنسكت عنها ابد اول ما دخلت الشارع شفت هذا المرا الي باليل طردتني طلعت وقفلت الباب من برا بس لا ليث ولا قمر وياها خفت ع ولد صديقي واخوي ومنا خوفي ع صديقي ومنا ما مخبرين الشرطه حسيت اكو انه وره هذا السالفه طبكت السياره شويه عن بيت أسد ونزلت اباوع الشارع فارغ مابي احد دكيت الباب خاف احد موجود ماكو صوت جريت تلفوني واتصلت بابن عمي ضابط سولفتله المختصر كال نص ساعه ويمك اخذ العنوان وسده ضليت واكف بالباب شويه واجه ابن عمي هو ووياه شرطه وورقه مال تفتيش من كتلهم ماكو احد بالبيت - شوف اشهب لازم ندخل وناخذ كلشي لان موقع الجريمه هذا ومن حقنا ندخل اترك الباقي عليه اني اعرف شلون اصرف اذا حجو وكالو دخلتو لبيتنا بدون علم وعدي ورقه من المحكمه محد يحاجيني صدك والله فتحو الباب ودخلووو اباوع ع الاستقبال الباب مقفول دخلت من جهه المطبخ انتبهت ليث وقمر بالصاله نايمين اتخبلت وحسيت عيوني تشدح نار أطفال عايفيهم بالبيت وحدهم شنووووووو من بشررر هذول شفتهم يحاولون يفتحون باب الاستقبال عفتهم ورحت ع ليث وقمر كعدتهم واخذتهم لسيارتي قمر : عمو راح تاخذنا لبابا وماما مو - اي حبيبي بس انتضرو هنا لا تنزلون ابدددد شويه واجيكم عفتهم ورجعت للبيت شفتهم فاتحين باب الاستقبال وداخلين وأكرم ابن عمي متصل بالجنائيه تجي علمود تشريح المكان ضليت كاعد وحاط اديه ع راسي انتبهت مسدس أسد ع القنفنه الكدامي - إكرم هذا المسدس هو الي انكتل بي أسد مو -ماعرف انتضر الفرقه الجنائيه تجي بس اوكف لحظه طلع جفوف لبس وكمش كلنس وشاله وهو يكلب بي - مبين هو الي انقتل بي صاحبك بس لازم ناخذه للمشرحه ونشوف البصمات وكذالك ناخذ بصمات البيبان والكل شي بموقع الجريمه للاحتياط - ماشي شويه واجت الفرقه وبدو يشرحون المكان ويأخذون البصمات وكل شي واني صافن طلعت بالحديقة ادخن صافن اذا صار شي لاسد احرق الأخضر واليابس واطلع المجرم لو من جوه الكاع وأخلي يخيس بالسجن سمعت صوت تلفون جوه دخلت شفت اكو تلفون ع القنفات واكو رقم يتصل ما هتميت رجعت بس وكفني أكرم وهو يكول - تلفون منو دايدك - ماعرف يمكن تلفون مرت أسد او احد من أهلها لان جانو هنا - تمام راح أخذه لان يجوز يساعدنا بشي - ليش - نحتاجه اشهب نحتاجه فكر زين وكلشي اتوقع الدنيا تخوف واقرب ناسنا يخونونا - قصدك ان - مو اكيد بعدنا لازم نتأكد من هذا الشي ولو اني احس ان اكيد مادام محد خبر الشرطه بساعتها مبين اكو شي وحته الدكاتره الي بالمستشفى مبين سكتوهم بتهديد او بفلوس - أكرم لعب بعقلي وخلاني اصفن بكلامه خلصو كلشي وطلعو اني هم طلعت اخذت ليث وقمر ورحت لبيت ساره جنت ناوي احاجي أسد علمود سالفه ساره واخوها بس شوف الدنيا خلتني انسه سالفتهم وأحير بسالفة صاحبي - بابا ليث انتضر انت واختك هنا اجيب الولد واجيك نزلت ودكيت الباب طلعت ام ساره الي وهي تباوعلي بستصغار ابتسمت الها بشموخ - اذا مصير زحمه صيحي لجهالي خل أخذهم ونرجع - انتضر شويه ع ما اكعدهم عافتني وطبت ضلت واكف بالباب اتجيت راسي ع الحايط يارب ماكدر اخسر شخص عزيز ع كلبي بعد احمي أسد ما اكدر اعيش بلياه هو اخوي وصديقي وابوي وكلشي بدنيا من السادس ابتدائي ولحد لان احنى سوه لا تفارقني عنه هو مصدر قوتي بهذا الحياة يارب اخذت الانسانه الاحبها من هاي الدنيا لا تاخذ اخوي استغفرالله ربي واتوب اليه حطيت اديه ع عيوني وغمضتهن حيل لا اعتراض ع أمرك ربي بس والله هضيمه يروح وهو بعده شاب شويه وطلعو الجهال الي يركضون ركبتهم بسياره وفرحو من شافو ليث وقمر بس قمر ضلت تلعب ويه روزه بس ليث ساكت ويباوع بغضب هذا الولد نسخه من ابوه مو يكول طفل عمره ما يجوز ال٩ او ٨ سنوات يكول رجال نضراته وشموخه وصلتهم لبيتي وهو باوعلي وحجه - عمو اشهب اخذني لبابا - انزل ليث بعدين - بس انت كلت تأخذنا - لييييث سكت ونزل عصبي عفته نزلت واني عصبي كل هموم الدنيا احسها ع ضهري هسه صحت اسيل اسيل وينج - ها خويه امر يا هاي منو قموره عدنا وليوثي هم هلا هلا اليوم شدو روسكم يا كرعان - سمعي اديرين بالج ع ليث وقمر وماريد هم يقهرون من شي زين ولا تخلين حنان توصل يم الجهال وبالاخص روز - ماشي اشهب لا أدير بال بس خير صاير شي - بعدين اكولج يلا رايح عفتهم و طلعت للمستشفى اول ما وصلت تلكاني عمر - وين جنت يمعود الشرطه اجت وأخذت أفادت الكل وسئلو عنك. - اشوف أسد واروح اطيهم افاتدي يلا امشي دخلت للجناح وصارت مرته كدامي من شفتها ماعرف ليش اجه صوته وهي خايفه من كالت الوووو باذني معقوله يكون التوقع صح وهي القاتله بس ليشششش بس خوفها واذا كانت مو هي الي كاتله ليش من خابرت ما كالت الي ليش ما كالتلي ضليت اباوع لها بنضرات كأنما متهمه كدامي دقايق وطلع الدكتور وأعلن الخبر الصادم الي خلاني احقد ع العائله كله برغم ما شفت منهم شي بس بمجرد ما عرفت انهم استرو ع الموضوع وماخبرو الشرطه احسهم مجرمين حطيت اديه ع راسي واني صافن ليششش ليششش رحت أسد ليش رحت وتركتني وحدي مثل زهراء ليش مثلها انت هي هم جانت وياي ووعدتني ما تتركني وهسه انت هم وعدتني اضل وياي ونشيب ونشوف احفاذنا سوه وانزوج ولدنا سوه بس تركتني بنص الطريق وخليت المسؤليه كلهه عليه باوعت ع جثت أسد من الجامه وحلفت يمين اله اخلي المسؤل عن قتلك يعفن بالسجن واعذبه انواع التعذيب ما يطلع اسمي اشهب وابن امي وابوي تركت المستشفى وطلعت والدمعه بعيني صوت صريخ مرته يرن باذاني بس صوت صريخ أعماقي أقوى من صريخها هذا صديق الطفوله واخوي اخ يالله عفت كلشي وطلعت ع جسر الجادريه جان أسد كل ما يضوج يجي هنا نزلت واني احس روحي رجعت لنقطت الصفر رجعت لموت زهراء ووكعتي رجعت من البدايه باوعت ع البحر واني اشوف صورة زهراء وصورة أسد كدامي اثنينكم قطعه من داخلي واثنينكم تركتوني ورحتو لا اشهب لا مو وكت ضعفك وكت قوتك هسه وكت اضاهر الحقيقه للكل هسه لازم الي وره مقتل أسد ما ينام اليله مرتاح اليله ينام بسجن خابرت أكرم ورحت للمخفر يمه كال ننتضر بصمات السلاح تطلع باوعتله بستغراب -أخذنا بصمات الكل وننتضر اذا البصمات الي بسلاح تتطابق ويه احد من عدهم - شويه واجا واحد ماعرف شنو حجه وياه تركني بالمكتب مالته وطلع يمكن ربع ساعه ورجع اني ضليت عاصر راسي بين اديه وحاطه ع الميز وما استوعب لحد لان أسد خلص مات بعد ما موجود دخل وهو يباوعلي - مثل ما توقعت بضبططط البصمات الي بسلاح اطابقت ويه بصمات زوجت المقتول ضي موسى - شنوووو وكفت ع حيلي معقوله الي اعرفه بينهم قصه حب زين ليششش هيج سوت اني الج ضي والله والله الخليج تعفنين بالسجن واحلمج اشوفين اضفر واحد من الجهال باوعت ع أكرم - جبت ورقه اعتقالها - لا لحد لان رايح هسه للمحكمه اجيبها ونحتاج محامي للمقتول ونحتاج احد يشتكي -ابتسمت وباوعتله اني اني راح اكون المحامي لقضيه أسد وراح اشتكي عليها واردها تعفن بالسجن - متأكد اصورتك راح تكون محامي للسيده ضي - نعمممم اعرفها تعرفني هي أخذت أغلى شخص واغلى صديق وأخ عدي واني راح اشوفه ا الموت وهي عايشه القو القبض عليها وخلوها تعفن بالسجن اني رايح عفته وطلعت واني متخبل هههه هاي تاليت الحب شكد انسانه حقيره لعد والله انسانه حيوانه باعت حب أسد ااخ يا أسد ااخ حريمه اسد مضلوم بيج كان مع الأسف انتي مرت أسد خابرت عمر سئلته ع فاتحت أسد بس كوه طلعت الكلمات من عدي مو سهله صاحبك بين يوم وليله تتلكه خبر وفاته وع ايد منو زوجته الي عاش وياها عمر وحبها اكثر من روحه ضي : فتحت عيوني المغذي بايدي باوعت امي كاعده بصفي ودموعها تجري همست بصوت ناصي ماما أسد وين - يمه كعدتي الحمدالله ع سلامتج ضل بالي عليج يايمه وكعتي والوكعه وكعه - ليش شصار أسد وين بقيت صافنه ساكته لحظات واذكرت كلشي نزلت دموعي لا اراديا واني اباوع ع امي يوم كولي حلم الي صار واسد هسه يطب مابي شي كولي حبابه استهترت وكنت احجي وابجي بدون وعي - كافي يمه كطعتي كلبي كافي درت وجهي ع الجهه الثانيه ودموعي تنزل ماريد اصدك لا جذب دايجذبون عليه اي اي هسه شويه ويدخل أسد وجايب الجهال ضليت اقنع بروحي هيج لحد ما مرت ساعه واندكت الباب دخل بابا ووراه ضابط وشرطيه باعلي الضابط وكال - شلون صرتي - الحمدالله حجيتها ودنكت وكلساع اباوع ع الباب واكول هسه يدخل أسد حسيت ببابا صاح - شنو تاخذونها شو تحجون من كيفكم مالكم حق - استاذ الادله تثبت ان بتك هي الي قاتله زوجه واكو شكوه عليها وماكدر نسوي شي ومضطرين ناخذها ويانا يلا شوفي شغلج باوعت ع الشرطيه وهي اجت بتجاهي ولازمه الكلبشات باوعت ع بابا ورجعت باوعتله عفوووا شتردين اسوين - ست ضي انتي متهمه بقتل السيد أسد علي محمد لهذا تفضلي ويانا رجائا - شنووووووو شتحجي انتتت ولكم قتل شنو تخبلت ماروح مارروح واسد ما ميت أسد ما يعوفني يا مجرمينننن وخرووووو عني - رجائا ست ضي لا تخلينا نستخدم القوه وياج تفضلي ويانا - لااااا مستحيل لااااا جهالي ماما جهالي اسدددد وين ياخذوني ماروح وياكم عوفونيييي - بابا سمعي روحي وياهم وهسه اجيب عمج بكر ومحامي واجي اطلعج لا تخافين مخليهم ياذوج - بابا شتحجيييي تريدني ادخل مخفرررررر ولكم شتحجونن اييي طبعاا اذا غاب القط العب يا فأر أسد راح منو يحمينييي شفتوني وحيده وكلتوو نستغل هاا لو القاتل معروف ووعده معارف وواسطه ماتكدرون تكمشوو خفتو منه كلتو انذبها برأس مرته مووووو والله والله ماروح وخرو عنيي ولحد يلمسني وخروووو - ماما ضي اهدئي لا تخافين محد يلمس شعره منج واحنى موجودين لا تخافين لو اعرف اسوي كلشي وما خليج تتاذين بس يا أمي مانكدر نعارض القانون روحي وهسه نجي وراج وتفتهم كلشي منو المشتكي وليش هيج سوه وشنو الادله الي عدهم - باوعت ع اهلي خافو من الناس ما اهتمو الي ولا المشاعري ولا الاي شي زين شلون اروح واترك جهالي شلون اروح واتركهم وحدهم منو يربيهم منو يوكلهم منو يشربهم منو يلبسهم منو يتحملهم واسد أسد منو اله وينك أسد تعال شوف حبيبتك وين صفت بلياك مو كلت انتي امانه الله بهالدنيا هههه جنت تعرف محد راح يحميني غيرك لهذا امنتني بهالدنيا عد الله دخيلك ربي انت تعرف المستور لا تضلمني وتضلم أطفالي يالله باوعت ع عيون الكل ماجان عدي قرار ثاني واذا اهرب راح يثبتون الجريمه ضدي مديت اديه للشرطيه حطت الكلبشات بيهم وكمشتني من ذراعي وكومتني طلعت واني مدنكه وعيوني مليانات دموع مليات انكسار و ضياع وحزن احس روحي متيهه ماعدي احد فوك كسرت أسد وفراقه اجت جريمه القتل براسي ركبت بسياره ورجعت راسي لوره وضليت صافنه شنو النهايه ياترى منو مشتكي وشنو الدليل الي عدهم وصلت للمخفر واني دموعي ما وكفت نزلت وجرتني الشرطيه الي وياي حيل اخذتني للممر صاير ع صفحه وبعدها فتحت باب ودخلت ع زنزانه فتحت بابها وشمرتني بيها وكعت ع ايدي حسيت روحي طلعت من وكعت واذتني حيل رفعت راسي فتحت الكلبشات وقفلت الزنزانه وطلعت درت وجهي اكو بنيه كاعده وراي بلعت ريكي وضلت كاعده ثنيت رجليه واتجيت ع الحايط وضليت صافنه ياربي يكون حلم ياربي حلم يارب حلم واكعد يالله مو لهدرجه يالله دخلك ماريد اكضي كل عمري بسجن اريد اربي أولادي يالله دخيلك أسد أسد وينك تعالي مرت ساعتين واجت الشرطيه نفسها باوعتلي وكالت تعاي طلعتني لكيت بابا وعمو بكر وياهم واحد عرفته المحامي مالتي باوعلي عمو بكر واجه عليه - ضيي اصحيي وفكري زين مو وكت بجي وحزن انتي واكعه بورطه جبيره فكري زيننن انسى كلشي وانسى حتى أسد وفكري شلون اطلعين منااا وترجعين جهالج لحضنج الي ما معروف أراضيهم وين - شنووووو ليش وين وينهم جهالي عموووو وينهممم - ماندري مرت عمج تركت البيت ساعتين وهم نايمين رجعت ما لكت احد - شنووووووو شتحجون يالله دخيلك عفتهم امانه يمكمممم ليش هيج يالله وحده وحده يالله مو كلهم سوه يالله دخيلك راح اجننننننن شتحجي عموووو ههههههه لالا هذا حلم مووو اول شي موتت أسد وبعدين اتهمتوني بقتله وهسه تكولولي جهالج ما معروفين ويييين - ضيي بابا فكري شلون اطلعين منااا وكل شي ينلكه حل اله بس فكري يا بتيييي انتي بورطه جبيره ضليت كاعده صافنه مااستوعب شي عقلي احسه مقفول الصدمات الي كاعد اتلكاها اليوم كبيره اكبر من حجمي صعب صعببب امتحانك ربي ساعدني ماكدر وحدي ربي انت المعين ولك المستعان ساعدني ضليت صافنه بكلامهم شنو بصمات شنو سلاح شنو هذا الشي مسحت وجهي واني اذكر أسد همست ويه روحي ضي قوي روحج مو وكت انكسار هسه مو وكت حزن يردون يالفون كذبه عليج صيري قويه باوعت ع الضابط وهمست - حضرت الضابط اني محاميه ومالك حق تسجني هيج بدون ادله - منو كال ماعدنا ادله ضدج حضرة المحاميه هههه محاميه غبيه من ترتكبين جريمه لا تنسين بصمات اصابعج تبقى مطبوعه ع الأماكن يعني السلاح الي قتلتي بي زوجج المكرود بصمات ايدج عليه يا محاميه ههه - شنو وووو وكفت صافنه ع كلامه شنو بصماتت انت شتحجيييي صفنت اذكرت غبائي من ردت اكعد يم أسد شفت السلاح وبدون وعي شلته وشمرته ع القنفه شكد غبييييه ضربت ع كصتي وصحت بصوت عالي غبييييه - هااا اذكرتيي يا محاميه ههههه اليوم جمعه والمحكمه تفتح الأحد نشوف جلستج شوكت تبلش ومنا لحد ما تبلش الجلسه انتي ضيفه عدناا يا محاميتناا بكر : لحظه لازم يكون اكو شكوى ضد ضي حته تحكمها وتسجنها - ومنو كال ماكو شكوى صديق المغدور اشهب اسماعيل هو الي مشتكي ع محروستكم المحاميه ويريد ياخذ ثار صديقه - شنووو وكفت اشهب اشهب مشتكي عليه لحظه حضرت الضابط اعتقد غلطان لان اشهب يعرفني ماسوي هيج ويعرف قصة حبي ويه أسد مستحيل اغدره واقتل زوووجي اعتقد اكو سوء فهم اشهب : لا ياا ضي موسى ماكو اي سوء فهم والي كاله الضابط صح .......... يتبع  حال ضي 💔 ،،،،،،،،،،،،وللحكايه بقيه،،،،،،،،، ومن هنا تبدئ الحكايه خلف قضبان السجون وراح يبلش الجد والعذاب راح ننتقل لمعاناة المرأه دخل السجون وهي مضلومه ونعرف الي يصير خلف تلك القضابين راح ننتقل لحال الأنثى الي يوكف الكل بوجهه وتخسر أطفال ويبعدوها عن أطفالها بكلمه انتي مجرمه والي راح تلتقي انواع العذاب توقعاتكم للبارت القادم وتفاعلكم التفاعل قليل كلش ،،،، تصويتاتكم وتعليقاتكم وتوقعاتكم،،،،، حبايب قلبي #نور الشمري #نوشه | ||||||||
|
| |
|
23-06-20, 12:01 AM
| #6 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_الثالث #عد من جديد فقلبي لا يصبر ع الفراق الطويل عد يا حبيبي فكم يستغرق غيابك اتحمل لكن لا تقل ان غيابك إلى الأبد الا تعلم أن قلبي تعلق بك كما يتعلق الصغير بوالدته الا تعلم أن الذئاب كثيره يا اسدي وجميعها تنهش لاكلي الا تعلم أن فراقك لا يتحمل وان قلبي الصغير لا يتحمل بعدك تركتني احارب وحيده ترتكني احارب الذئاب التي تنهش بي تركتني احارب من بعدني عن أطفالي تركتني وحيده اصارع مع هذه الدنيا الظالمه لماذا لماذا تركتني لماذا علقتني بك إلى هذه الدرجه وتركتني بعدها لماذا تركتهم يحاربون ضدي وهم يعلمون انني بريئه أقرب الناس لك يا اسدي أقرب الناس لك يحاربني ما ذنبي قل لي ما ذنبي لأنني أحببتك ام لأنني وثقت بالدنيا وكسرتني قل لي لماذا تركتني وحيده هنا لماذا .... ضي : درت وجهي ع سريع ع مصدر الصوت فتحت عيوني كوه من كد البجي احسهن منفوخات باوعت زين وهمست اشهبب اشهب : اي اشهب حضرت الضابط وصلت خبر لوالد ااسد وان شاءالله باجر هو هنا وتمشون بالاجرائات - لحضه لحضه اشهب انت اشتكيت عليه هههه وتهمني بقتل اسدد انت شنو هااا تعرف انت كاعد اتعذب روحه لاسد تعرف انت كاعد تحرك باسددد وهو هو استهرت مكدرت اكول وهو بالكبر ماطاني كلبي كمت اصيح بعلو صوتي واضرب اي شي يصير كدامي انتتت شنووو من شنوو مخلووق لك اني باي حااال وانت تجي تشتكي عليه مالك اي حقق تشتكييي فااااهم مالك حقققققق بكل شيي اسوي انت ظالم ظااااالم والله ع الظالم يا اشهب خلي الله بين عيووونك ولك انت شنووووووو - هدوووء ست ضي لا تخليني اخذج للزنزانه اسكتي وخل نشوف شغلنا - شغلكم هههههههه صدك ضحكتني شغلككك يا حضرت الضابط تروح تلكى المجرم الحقيقي مو تجي تتهمني من وحدكككك ع أن بصماتيي ع السلاح ايي اعترف لزمت السلاح بس مو اني الي قتلته ولكم هذا روووحي اكو احد ياذي ررروحه احجوووو اكو شخص يكتل رووحه احجي ودموعي تنزل واحس النار براسي تشتعل كمشني عمو بكر وهو يهدي بيه وهمس باذني اهده بس جنت فاقده وحده تخسر زوجها وبعد ساعات يتهموها بقتله وتدخل المخفر وبعدها تعرف أطفالها ماكووو وتردوني اهدئ هههه باوعت ع الضابط وهمست - شنو الادله الي عدك غير البصمات حضرت الضابط - داندور الا وما نلكه دليل ثاني ونخليج تعترفين بعضمت السانج انج قتلتييييي زوجج يااا ست ضيي - كاااافي حسيت الشرطيه كمشتني وجرتني من ايدي دفعته وحجيت بصوت عالي الله الله ع الظالم يااا ويلكمم يا ويلكم من حساب الله وخرري انتي وخري ماادخل وخرووو زيد : حضرت الضابط مو هيج اتفقنا خليها هنااا وخل نحجي طك بطك انت اخذتها وحطيته بسجن بدون حته ما حققت وياها -استاذ زيد اني اعرف شغلي وضابط التحقيق ع جيه وهو راح يحقق وياها منا للاحد ع ما ناخذ جلسه اله بالمحكمه اذا صدك بريئه موكلتك اثبت برائتها واذا لاااا تعرف شنو النهايه استاذ اشهب تريد شي - اي عدي كلمتين اكولهن جنت كاعده ع الكرسي واديه مكلبشه وعمو بكر وبابا يهدون بيه اسكت حته يحاجون الضابط رفعت راسي صارت عيني بعينه عيوني المليانات حزن وانكسار ويه عيونه البارده المليانه حقد وكره وثار أتقدم يمنا وحجه - اسد جان يموت عليج جان يعشقج جان دائما يحجي بيج وكل ما ينجاب طاري النسوان جان يصفن ويضحك وكلها تصيح ها ها صفن وهو يبتسم تدرين شنو جان يكول عليج جان يكول بنيتي هاي قبل لا اصير مرتي وأم أطفالي تدرين معنى هاي الجمله شكد غاليه وانتي شنووو هااا شنو سويته وشقدمتي لهذا الرجل الولهان بيج قدمتيله الغدر ليش علمود شنوو لاااااا بس - دنك وباوع عليه ورافع حواجبه وهمس بصوت ناصي لا بس شفتيلج واحد ثاني ماحسيت ع روحي من كمت وضربته راشدي وصحت انتتتت واحد حقييييير حرامات انت صديق اسددد والله حرامات ابتسم وحط اديه بجيبه ودار وجهه حط رجليه رجل ع رجل ودنك يباوع للكاع صاح الضابط ع الشرطيه - رجعيها ع الزنزانه ووصيحي لحسين خل يجيب كل شخص جان بالمستشفى او بـ مكان الجريمه يعني العائله الكريمه خل ناخذ اقوالهم وانسجلهن - لحضه أكرم -سيدي اتفضل سيدي اتفضل درت وجهي جان ضابط ثاني بس مبين رتبته اكبر من هذا الي كاعد مااهتميت جنت اريد بس اشرد واخلص من كل هذا الواقع باوعت ع الشرطيه وهمست شنو راح تخليني هناا لا اني الكاعده ولا اني الرايحه للقصر مالتكم - اششس سكتي لجج ما شفتي الضابط اجه سكتيي اجه موتتج خل نشوف شلون ماراح تعترفين هسه باوعت بخوف عليها ورجعت باوعت ع الضابط الي اجه جديد انتبهت عمو بكر والمحامي مالتي يحجون وياه وهذاك الحقير كاعد رجل ع رجل بكل برود ويباوع عليهم باوعلي الضابط وهو يحجي ويه الضابط الثاني - أكرم اخذت اقوالها - سيدي بس قبل لا تطلع التقارير اخذناها بالمستشفى وهسه جبناها وجنا ننتضر حضرتكم - يعني مااخذت الأقوال من جديد ماشي سويت ملف للقضيه - بلشت بي سيدي - جيبلي معلومات كامله عنها وعن زوجها اريد كلشي من الصغيره للجبيره وترحون اجيبون الكل علمود الأقوال وها ااا تاخذ دوريه وتروح للمنطقه تسئل تفهم عليه شتسئل - فهمت سيدي كلشي يمك راح يصير جرتني الشرطه واخذتني ع نفس الزنزانه الي دخلتني بيها اول شي وعافتني وراحت باوعت ع المكان ما جنت منتبهه بس هسه انتبهت ع المكان وصخ وريحه مو طيبه وهذه البنيه بس تشخر ماكو مكان ثنيت رجليه وكعدت بالكاع حطيت راسي ع رجليه وغمضت عيوني ونزلت دموعي أسد وينك تعال شوف صديقك شدايسوي بيه تعال شوف وين صفه بيه الدهر تعال اخ ربي جهالي وين يالله وينهم ربي احميهم انت ربيي دخيلك احميهم ماريد شي منك بس تحمي أطفالي يالله حرت ع شنو افكر وابجي ع جهالي الي ماعرف أرضهم وين لو ع حظي الي جابني لهنا لو ع أسد الي عافني وراح اذكرت كلام عمو بكر وهو يكلي مو وكت انكسار يا ضي أنتِ مرت الأسد ومايلوكلج الانكسار اوكفي ع رجليج ودافعي عن نفسج لانج مضلومه اعرف بيج مضلومه دافعي عن نفسج وطلعي رجعي جهالج لحظنج وساعتها ابجي وانكسري براحتج بس هسه لااااا البجي والانكسار ممنوع يا ضي اعرفي لا البجي يرجع أسد ولا الانكسار يطلعج من السجن مسحت دموعي واني أقوى نفسي اهدئي ضي اهدئي وفكري فكري زين بعدين ابجي البجي ما يفيدج ضي البجي مايفيد والانكسار ما يفيد مثل ما كال بكر مايفيدني شي غير القوه والصبر الازم اطلع منا باوعت ع الحدايد هذا مو مكانج ضي مو مكانج قوي نفسج طلعي وابجي بحضن أطفالج مو هنا تبجين انكسري بوجود أطفالج حته هم يرجعون قوتج مو هنا وكفت وضليت افتر مثل المخبله منا ومنا كل ماريد افكر تجي صورة أسد وهو مدد بالاستقبال وغركان بدمه وانهار كل ماريد اصفي راسي وافكر عدل اذكر المنضر الي ماراح انساه وانكسر وتنزل دموعي ضييي ضييي أسد جان يكول تعاملي ويه كل القضايه وكانما قضيتج مو قضيته ناس غربه حطي نفسج بمكان صاحب القضيه وبعدها اشتغلي وهسه هسه لازم احط نفسي كمحاميه مو كمضلومه ومسجونه حته ادافع عن نفسي هلمره لازم تنقلب الأدوار يا ضي وتكشف الحقائق كعدت بالكاع واني احجي ويه روحي ماعرف شكد مرت الساعات ولا اعرف شنو الي دايصير بره بس الي اعرف اني بدوامه هنا ماغمضت عيني ولا لحظه برغم من التعب والنعس الي احسهن راح يصيلي يومين ما نايمه وعيوني اذني حيل حطيت راسي بين رجليه وغمضت عيوني واني هستوني بين الغافيه وبين الكاعده واحس برفسه ع خاصرتي - كوووومي كعدي هيووو مو ويااج يلااا راح يحققون وياج كوومي كعدت واني احط ايدي ع خاصرتي باوعت ع هذه الي وياي تباوعلي وتضحك باوعت ع الشرطيه تختلف عن الي جابتني هاي سمينه ومبين الشر بوجهها كمشت خاصرتي واتجيت ع الحايط وكمت جرتني وهي تحط الكلبشات بيدي وجرتني اول ما طلعت لكيت عمو بكر والمحامي مالتي عموووو فدووه الكو جهالي عمووو فدووه - لا تخافين دادور عليهم وهاي مرت عمج العار اني اعلمها عمج ما عرف يضبها زين بس خل ارجع للبيت واني اعلمها شلون تعوف الجهال دخلي ولا تخافين زين كلنا وياج وكلنا اطينا اقوالنا ومحد يك - رجائا شنو فندق هوو وواكف تحجي وياها براحتك وخر وخر جرتني الشرطيه ع غرفه فتحت الباب و خلتني بيها اكو احد كاعد باوعت مانتبهت عليه اول مادخلت لان اصلا مو بوعي كوه فاتحه عيوني وامشي اصلاا كعدت ع الكرسي وهو كدامي باوعلي وكال - اي ست ضي ملفج كدامي محاميه وكاعد الدرسين القضاه حلووو يعني تعرفين القضاه زين وتعرفين لازم تعترفين لان مو حلووه قاضيه ومحاميه ماتحجي الحقيقه احجي اسمعج - بلعت ريكي وباوعت عليه همست فاتحت أسد صارت لو بعدها باوعلي بخزره وصاح اني شحجيت وانتي شحجيتييي صبر يالله صبرررر راح اجاوبج بعدها تجاوبيني ع سؤالي فاااااهمه - هزيت راسي اي واني اباوع ع الميز رفعت راسي عليه عرفته الضابط الي اجه البارحه بالييل وراد معلومات عني باوعلي وكال - اليوم الفاتحه مالته الي عرفته راح يجي ابوه يسون الفاتحه ومن الفاتحه يجي هنا هو والي مقدم الشكوى هزيت راسي واني العب بالكلبشات همس دورج احجي - شنو احجي مو اني الي اقتل زوجي واغدره ماعدي حجي - شوفي احجيلي كلشي يجوز اكدر اساعدج ضي ملفج نضيف خلي نضيف وجاوبي سولفيلي عدكم أعداء صاير شي وياه بشغل مهددد شي - صفنت ع كلامه واذكرت الياس ابن خالتي وكلامه ايييي ايييي بيوم الحادثه اتصل ابن خالتي بيه كعدت احجي كلشي للضابط ع كلشي كاله الياس وع أسد و من أخذ المسدس وشلون بصماتي طلعت ع السلاح سولفتله كلشي احجي وابجي كوه حجيت بس ماعدي غير حل لازم اطلع منا علمود أطفالي - زين ما سمعتي صوت طلقه يعني ابدددد - لاا سيدي ما سمعت - تمام تعرفين أصدقاء زوجج الي جانو وياه بالبيت - لاا بس الي اعرفه وياه بالمحكمه يشتغلون - كم واحد - 4 جانو - تمام راح استدعي ابن خالتج واشوف أقواله وراح اشوف منو الي جان بذيج الليله ويه زوجج ونستدعيهم وناخذ اقوالهم ونحاول نجمع الادله ونشوف تفضلي - سيدي أطفالي ماعرف عنهم شي من يوم الحادثه - راح احاول اعرف عنهم شي تفضلي هااا نصيحه مني الجذب ما يفيدج ست ضي يمكن اذا اعترفتي وكلتي ا لسبب يتخفف من حكمج بس اذا الادله ثبتت كلها ضدج وماترضين تعترفين ساعتها راح تنضلمين - الله شاهد ما كذبت عليك بحرف من الي كلته - تمام يااا شرطيه دخلت الشرطيه ورجعتي ع الزنزانه بقيت كاعده كلساع اغفه وارجع افز من اشوف أسد بنومه والدم عليه ما يفارقني ابد كل ما اغمض عيوني تجي صورته كدامي بقيت انام وافز وماعرف شنو نهايتي اجت الشرطيه وهي تحجي المحامي مالتج يريد يحاجيج خمس دقايق دخل المحامي وهو يباوعلي حجه من وره الحدايد - شوفي ست ضي الوضع دايتازم اكثر واكثر وخاصه هذا الي اسمه اشهب حجيت ويه الضابط عليه ع أن ماله حق يشتكي عليج وهو بس صديق المرحوم بس هو دايلعبها صح وجاب ابو الزوجج وراح يخلي هو يقدم الشكوه - حطيت ايدي ع راسييي شنووو لالا اوكف عمو علي مايسوي هيج عمو علي يعرفني ما اسويها خل يجي ويعرف الحقيقه - ست ضي انتي ماتعرفين هذا اشهب شنو دايسوي دايسوي كل الي يكدر عليه حته يطلع ادله اكثر عليج وخاصه الضابط أكرم ابن عمه ودايساعده هواي - ههه شوف الدنيا سبحان الله أقرب شخص ع زوجي دا يتهمني اريد احاجي ضروري - شنوو ست ضي متأكده - ايي - ماشيي راح احاول واوصل كلامج للضابط ابن عمه هزيت راسي عافني وطلع رجعت لمكاني حته حزن ماكدر أحزن ع زوجي صفنت شلون الزم عده واني هنا يالله شلوون ساعدني ياربي ماعدي غيرك بقيت صافنه واجمع أفكاري ساعه ابجي وساعه افكر واشوف وين اوصل لحد ما تعبت وغفيت كعدت ع صوت الشرطيه وهي تحاجيني كعدي يلااااا والله خوش واسطات وكلساع واحد يريد يشوفها كوومي وكفت واني اباوع عليها شبيها هاي اني بيا حال وهاي بس تحجي عفتها ووكفت دخل اشهب وهو يباوعلي بابتسامه - مجرمتناا عذريني اذا تردين تحلفيني بالغالي علمود اسحب الشكوى فنجوم الضهر اقربلج لان ما اسكت عن حق صاحبي - حقق ههه اي حق يا ابو فراس هاي تاليتها صديقك يروح وانت تلعب بكيفك بذيلك - ها ها اشوف لسانج طلع وراح الحزن والبجي ههه اي طبعا تمثيل بتمثيل وجهج طلع ع حقيقته هسه. يرادلج تصفيق ع التمثيل مالتج - ششايف نفسكك انتت اشوو تحجي بكيفك اسمع وشوف مالك حققق تسجني والادله ما تكفييي انت محامي بس للاسف محامي غبييييي لان القاضي راح يطلب ادله اكثرر وغيرهاااا شكوتك مالها فائده لأنك ما تقرب لاسد اي شيي - هههه غلطانه لان مو اني الي رافع الشكوى عمي علي محمد هو الي رافع الشكوه جان هنا اجينا سوه تدرين عمج ابو زوجج الي كتلتلي عرف بيج وبحقارتج وعرف بغدرج واجه واشتكى عليج واشوف شلون بعد اطلعين واذا ع الادله تدللين جنج ع ادله - انت حقيير تعرف هههه مالوم زهراء من ماتت وعافيتك ولا ألوم ساره من أطلقت منك لأنك واحد مررريض انت مريضضض روح اتعالج لككك انت اكثر واحدد يعرف شكد اني واسد نحب بعضنا انت اك - لحضهه لحضضضه ولا كلممممه اييي اني اكثر واحد اعرف شكدددد صاحبي يعشقج مو يحبجججج بس للاسف ماعرف اذا انتي اتحبي او جنتي تمثلين دور الحبببببرمثل هسه لان ماعرفج اني اعرف صاحبي واذا جبتي طاري زهراء مرة الثانيه والله اخلي حبل مشنقتج يتعللك حتى واذا اطريت أزور ادله - انتتتت شنووووووو لك انت شنووووو - هههههه اني شنووو اني الموت الي راح تتمنى وما اتشوفي اني عذابج من اليوم ست ضيي نلتقي بالمحكمه عود عافني وطلع اتخبلت صرت اضرب راسي بالحايط مثل المخبله مرت الساعات واني مثل المخبله افتر وساعه ابجي ع حظي وع أسد وع أطفالي وساعه اضحك ع هذا الغبي المريض وع الدنياا الضالمه اللي عرفته ابن خالتي جاي ومقدم أفاده ومقدم أوراق ع انو أسد متعرض لتهديد واكيد راح يساعدني هذا الشي بس الي يكتل ان أصدقاء أسد الي جانو وياه بيوم الحادثه ماكو فص ملح وذاب ومامعروفين وين وهشي هم اطاني حافز ادافع عن نفسي لان لو اني الي قاتلته ما جان اختفوو أصدقائه الي جانو وياه قبل ساعات من الجريمه تحددت الجلسه بعد يومين ونشوف شنو الي راح ينحكم عليه وكتها المحامي طمني ان ماعدهم اي ادله ثانيه غير البصمات والشكوى المقدمه عميي الي قدمها ورجع الاربيل ثاني يوم بس هم هذا الشي كافي حته يسجني كم سنه زاد خوفي ع أولادي وحقدي ع اشهب ثاني يوم جنت كاعد ودموعي تنزل وادعي الله يحفظ أطفالي ماعرف شنو ادعي بس كل اللي بالي هسه أطفالي دخلت الشرطيه وياها عمو بكر والمحامي مالتي - عمو و لكيتو أطفالي مووو - للأسف لاا ملتهين بقضيتج ودانسئل بس ماكو والمحامي مالتج دايحاول ياخذ سجلات من الكاميرات المراقبه الي موجوده عد الجوارين بس محد يقبل يطي وحته من اجو الشرطه رفضوو وكالو الكاميرات ما يشتغلن مجرد حاطيهن هيج حته اذا احد طفر ع البيت يخاف بس اني اعرف شلون اجيبهم بطريقتي بقيت صافنه ماعرف شنو راح يصير قبل الجلسه باليل استدعاني الضابط مال التحقيق اخذتني الشرطيه وهي تحجي وياي - اعترفي وخلصينه ماعرف الضابط ليش متساهل وياج والله لو مكانه جان عرفت شلون اخيج تعترفين بجلاق واحد امشي امشي دخلت للغرفه نفسها غرفة التحقيق لكيته كاعد باو علي واشر براسه اكعد - باجر جلستج وعرفتي ان ابو زوجج اجه قدم الشكوى يعني متكدرين تحجين شي بعد بس عدج امل لان أصدقائه الي وياه ماكو هزيت راسي وباوعتله وشنو تريد سيدي - اريد اساعدج هذا الي اسمه اشهب الي اعرفه حاقد حيل عليج وحاطج براسه وعدي احساس انتي مضلومه - واحد مريض ماكدر يسوي شييي وهو عده بس البصمات - بس هذا دليل كااافي - واني هم عدي ادله ابن خالتي واختفاء أصدقاء اسدد هذني هم ادله - الله كريم باجر الجلسه ونشوف تاليته رجعت ع مكاني واليل كله ماكدر انام ضلت فكره تجيبني وفكره اتوديني شنو نهايتي ماعرف حضنت نفسي وصرت اذكر ايامي ويه أسد واطفالي شلون جنت عايشه وشلون فجئه بين ليله تنكلب حياتي الليل كله ما نمته بالي يم أطفالي الي ماعرف بيهم وين وبين نهايتي الي ما معروفه وبين أسد وقتله الغامض لازم أقوى نفسي حته اكدر اطلع منا غمضت عيوني واني مبتسمه بمخيلتي ويه لحظات عمري الي عشتها ويه أسد كعدت الصبح ع صوت الشرطيه اخذتني لكيت بابا وماما شبكت امي وصرت ابجي مثل الطفل بحضنهااا هاي مو حياتي هاي مو اني مشتاقه لحنان امي وحضنها مشتاقه لاسد وتصرفاته ومشتاقه الأطفالي وعنادهم وسوالفهم الضحك مشتاقه البابا وكلشي بحياتي - لا تخافين جاين وياج للمحكمه وادعي كون عمج بكر يكدر يلحك بينا - ليش وينه ماما - لا تخافين راح اطلعين يمه اطمني اي ابوج ما يعوفج واتفق وياه المحامي وعمج وراح يطلعوج بس خل يجيب عمج الدليل وكلشي ينحل. ماعرفت اي دليل تحجي عنه امي بس اهم شي راح اثبت برائتي ابتسمت وركبت بسياره والشرطه وياي وحته الضابط المحقق وياي واني صافنه ماكو اي طعم سعاده بداخلي لو واحد غيري ويكلوله جبنالك دليل برائتك راح يطير من الفرح اله اني دمعتي لمعت بعيني ماكو اي طعم للسعاده بغيابك اسدي وصلنا للمحكمه ودخلنا الكل يباوعلي دنكت وصارت عيني ع الكلبشات الي بيدي اجت صورة أسد براسي - وعددد ماانكسر بعد وما رتاح اله احط هذه الكلبشات بيد الي قتلك يا اسدد وعدد راح اكون قويه مهما يصير لان أسد يكره الضعيف واني مو ضعيفه والبجي مايفيدني دخلنا للمحكمه بابا وماما يباوعولي بطمنان والمحامي واكف وكلساع يخابر دخل اشهب ولابس روب المحاماه باوعلنا و ياه الضابط ابن عمه شويه وبلشت الجلسه دخلت ووكفت وره قفص الاتهام باوعت ع القاضي رجال كبير بالعمر باوعلي وباوع ع الكل وبده يحجي ويسئلني حطيت ايدي ع القرآن وبلشت احلف واقسم اني راح احجي كل الحقيقه وصورة أسد كدامي ما تروح من بالي وهو نايم باوعت ع القاضي وبيدت احجيله ليش بصماتي ع السلاح اشهب : ههه سيدي القاضي حتى الطفل ما يصدك هذا الكلام تلمس السلاح وتشمره فقط علمود تجلس وتضع راس اسد ع رجلها هههه هل تسمح لي بسؤالها حضرة القاضي انتبهت القاضي اطاها الموافقه أتقدم وصار كدامي باوعلي وهو رافع حاجبه وكال بيوم الحادثه ويمكن الحادثه بوكتها صايره اتصلت ع أسد لان مايرد عليه من العصر وبالي يمه رديتي انتي ليش ما كتيلي اذا جنتي صدك مضلومه ليش ضليتي ساكته وخايفه هااا - باوعت عليه وانصدمت يعني هو الي اتصل مجنت اعرف انت المتصل حضره القاضي صدكني مجنت اعرف هو المتصل لان لو اعرف جان كتله وما سكتتت وو - ليش ما تعرفين يعني اسمي ما طلع بالتلفون يا ست ضي - لا طلع باسم مستعار أسد جان مسميك عضيدي ومجنت اعرف انت هوو وبوكتها سمعت صوت ابني وماردته يدخل ويشوف ابوه بهاي الحاله اضطريت أسد التلفون واروحله - خوش فلم تمام حضرت القاضي سمعت باذنك وفوك كل هذا ماخبرو الشرطه رأسا وادخل عمها و بمعرفه محد خبر الشرطه شنو اسميها حضرت القاضي زيد : سيادة القاضي اعترض من ماخبرو الشرطه هم كانو يردون ينقذون حياته وهذا كان كل همهم ولو مختبرين الشرطه وع ما يجون ويأخذون الافاده يكون مات - بس يا محامي زيد هم حته بعد ما طلع من العمليه ماخبرو الشرطه شنو السبب - صار نقاش حاد بين اشهب المحامي مالتي والقاضي يهدي بيهم اخر شي أجل الجلسه لنص ساعه وطلع بقيت كاعده خايفه واكل بضافيري ماعرف شنو نهايتي انتبهت بابا كال اشهب اجاه اتصال وطلع بلكت ينسحب ونخلص منه مبين شراني بعده دايحجي واخذه الشرطي من يمي لان ممنوع ضليت كاعده والدموع بعيني بس حلفت ما تنزل دموعي كدام احد ماريد أضعف واخلي الرايح والجاي يستهين بيه اني مرت الأسد وأم الليث مو ضعيفه ابدد خلصت النص ساعه ورجع الكل المكانه دخل اشهب وابتسامه ع وجهه ابتسامه خفت منه كلششش حسيت نهايتي بهاي الابتسامه بده القاضي يحجي ادخل اشهب وهو يكول - سيادة القاضي اكو شخص لازم تسمعه كلشش ضروري باوعت عليه شاهد معقوله يكون شاهد شنووووووو هذا شيحجي شنو من شاهد شنو يا شخص هذا لا بس يريد يخلي شاهد زور لالا هو صح حقير بس مو لهدرجه هاي ربي دخيلك دخيلك ربي لحضات ودخل واحد من باوعتله انصدمت هذا ابن جوارينا الي بيتهم شويه عنا شايفته اكثر من مره من اطلع اشوفه شنوو راح يحجييي باوعت ع بابا وماما نضراتهم صح بيها خوف ب س يطمنوني بيها حسيت دموعي تريد تنزل بس كابرت وكف وصار يحجي قسم ع القرآن وبعدها بلش يحجي - سيدي الساعه وحده وشويه باليل جنت طالع امشي بيه عاده كل يوم وره ال١٢ باليل اطلع اركض وامشي شويه رياضه اخذلي ساعه وارجع واني راجع شفت بيت السيد أسد بابه مفتوحه من وصلت قريب شويه كلت ادك الباب عليهم خاف بيهم شي محتاجين شي لان الكل يعرف المحامي أسد مايقصر ابدد ويه احد وسباق بالخير قبل لا اوصل الهم شفت مرته مدت راسها وهي تباوع ومبين عليها الخوف باوعت وراسا سدت الباب وقفلتها ودخلت وبعدها مادري يعني ماعرف شسوي بهذاك اليل بالباب وليش بابهم مفتوح وشنو الي سوته مااعرف بس وراها بربع ساعه اكثررر اجو أهلها ووضلو يحجون واسمع صيااح بعدها طلعو السيد أسد وركبو بسياره وجان غركان بدمه زيد : سيدي تسمحلي اسئله كم سؤال شلون شفت كل هذا وهم جوارينك ليش ما قدمت ايد المساعده - من شفتها هيج وخايفه ضليت كاعد بباب البيت والدنيا ضلمه وادخن كلت اخذلي شويه واطب ومن شفت أهلها اجو استغربت وردت اروح اقدملهم المساعده بس من شفتهم طلعو وبديهم واحد نايم والدم تارسه خفت ورجعت لوره وضلت بباب بيتنا بلضلمه اول شي ماعرفت الي طلعو هو نفسه أسد بس بعدين عرفته ثاني يوم رحت اشوف اذا يحتاجون شي لان ضميري مارتاح بس طلعتلي مره وطردنتي بس هذاا الي صار والله شاهد احجي الصدك - غمضت عيوني وحسيت خلص ألابواب كلها انسدت بوجهي وماكو بعد باب ينفتح ونهايتي قربت خلف هذه القضابين وبده القاضي يحجي واني اباوع ع الكل واكفه بركن وقفص الاتهام مادايري القاضي كدامي كاعد يحجي و اني انتضر حكمي شوكت يعلون عنه وبراسي الف فكره وفكره والف شغله وشغله ابني بتي القاتل الحقيقي والتهمه إلى عليه كل هذا واني صافنه بالفراغ حسيت بدوخه ماماكله شي من البارحه كمشت بلمحجر إلى كدامي واني أقوى نفسي ماما طمنتي راح اطلع وبابا هم ميتركني وحدي متأكده هو وعدني راح يطلعني منا بأسرع وقت درت وجهي وصارت عيني بعينه كاعد و ع وجهه علامات البرود والجبروت عيونه تشدح نار ولابس روب المحاماه اول مره اشوفه هيج صح مجنت التقي بي هواي بس جان أسد دائما يحجي عنه وعن بروده بس مصورت لهدرجه هاي ماعرفت شنو مصيري واني اشوف كل الي بلقاعه عيونهم مليانه اتهام إلي ليش محد يصدكني ليش بده القاضي يحجي وهو يعلن عن قرار الحكم واني مثل الضايعه غمضت عيوني واني اتمنه يكون حكمي إعدام ع الاقل التحق بـ أسد هواي أملي من هذه الدنيا وينك يا أسد وينك تعال شوف حالي شنو صار بي من بعدك تعال شوف شنو صار بيه و باطفالنا إلى ماعرف أراضيهم وين ما وين تركو كل التهم وتهموني بقتلك !!!!!!! سمعت صوت القاضي وهو يعلن الحكم لكن وقفه صوت المحامي مالتي وهو يوكف جان طول الوقت يباوع ع ساعته لحد ما وكف وصاح - لحظه حضرة القاضي اسف ع اقطاعك بس لازم تشوف هذه الفيديو استأذن حته يطلع تحت أنظار الكل وطلع دقائق. رجع بيده ضرف دخل وقدمه للقاضي - سيادت القاضي اعتقد ان هذا الفيديو يثبت نص برائت موكلتي ضي موسى أخذه القاضي واني صافنه يعني شنو راح اطلع باوعت ع امي جانت تباوعلي وتضحك وعيونها بيها نظرات اطمئنان باوعت ع القاضي إلى بده يفتح الضرف وباوعت عليه جان كاعد وكف وهو يتقدم وحجه بكل برود -اعترض سيادة القاضي لكن هناك سؤال اريد ان اطرحه ع المحامي زيد إذا الفيديو يثبت نص برائت موكلتك ليش هسه ياله ظهر وتحديدا بهذا الوقت - سيدي القاضي الفيديو طلع من كاميرات المراقبه إلى كدام بيت موكلتي و تعرف الناس شكد تخاف من أبسط الأمور مو بعد جريمة قتل وحصلت الفيديو بصعوبه ومو بس هذا الشي سياده القاضي لازم نجيب ابن موكلتي ليشهد ع تلك الليله القاضي : كم عمر الطفل أيها المحامي وانت تريد أن يشهد زيد : ٨ سنوات سيدي وأعتقد أن هذا العمر كافي لكي يفهم الطفل كل شي حدث - اعترض سيدي طفل بـ ٨ سنوات من عمره كيف له أن يشهد ع جريمة قتل يا حضرة المحامي زيد القاضي : كفى هدوء شغلو الفيديو ولاحقا نرى شهاده الطفل زيد : لكن هناك مشكله سيدي الأطفال من يوم الحادث ومحد يعرف مكانهم جان جدال حاد بينه وبين المحامي مالتي والقاضي صافن عليهم وهو جان مبين يحجي بكل حركة دم وهو يدافع عن قضيته مو علمود يربح لا علمود يكشف الحقيقه بس اللاسف هو مايعرف الحقيقه زين هو دايسوي كل هذا لخاطر أسد بس اللاسف مايعرف هو كاعد يضلمني إلي هو كل عقله اني المجرمه وهو سبب وجودي هنا وهو استلم قضيته حته بس ياخذ ثار أسد من جابو طاري الأطفال ركزت بلكلام واني اريد احد يكول مكانهم حته اطمن - الأطفال عدي حضرة القاضي مثل متعرف المرحوم جان أقرب أصدقائي واخوي وهو بيوم الي جنت بي ويه الضابط أكرم بمسرح الجريمه لكيت الأطفال وحدهم بالبيت شنو من اهل يتركون أطفالهم بالبيت وبمكان صار بي جريمه اخذتهم وياي وهسه هم عد جدهم باربيل سيدي - تمام شغلو الفيديو لكن محامي زيد الشرطه حاولت هواي اتحصل التصويرات بس ماكو شلون حصلته بكر : سيدي اني الي حصلته التصوير حاجيت أصحاب البيت بأن ما ينجاب اسمهم وطمنتهم وجبت نسخه منه - تمام شغل القرص يا ابني شغلو القرص وبده طلع بيتنا الباب مسدود شويه وانفتح الباب وطلعو اثنين بس علامات الخوف مبين عليهم طلعو ع السريع مثل الي يركضون دقايق وطلعو ثنين بعدها هم عرفتهم أصدقاء أسد الي جان عدنا بس من طلعو ردو الباب وطلعو يركضون ويلتفون وراهم وخايفين كلششش انقطع الفيديو باوعلي القاضي ورجع باوع ع المحامين وبده يقرر الحكم - بما ان الادله غير كامله للطرفين وبما ان هذول الاربعه مختفين مانكدر نبرئ السيده ضي فقط من خلال هذا الفيديو زيد : لكن سيديي - رجااائا لا تقاطعني وبما ان بصماتها ع السلاح تئجل الجلسه إلى بعد ٤ أشهر من اليوم بضبططط وتبقى السيده ضي موسى داخل السجن هذه المده إلى أن تقرر تعترف او تثبت برائتها خلال هذه الفترا وهذه الفترا كافيه لتقديم كافة الادله يا اما برائة المتهمه يا اما الحكم عليها ونطالب من الضابط رامي ان يلاحق هذول الاربعه ويقدمهم للقضاه لأخذ آفادتهم خلص حكمه وكام والمحكمه مليانه صوت صدى حسيت بدوخه وكنت اشوف الكل بضباب أسد وينك ماحسيت غير وكعت وبعدها فقدت الوعي حسيت ع شي بارد ع وجهي فتحت عيوني والدموع بعيني ٤ أشهر ٤ أشهر يالله باوعت شلون راح اصبر صار الضوجه بعيني درت وجهي وصارت عيني ع اشهب الواكف ومبتسم يحجي ويه ابن عمه غمضت عيوني أطفالي ع الاقل اطمنت أطفالي بأمان يم جدهم بس وكفت وباوعت ع الشرطي - فدوه بس خليني احاجي المحامي اشهب خمس دقايق ضروري - ماشي خمس دقايق - اي ايي راح حاجاه واجه وهو وراه باوعلي مبتسم شنو ست ضي راح تشكريني - لا تفرح لان الحقيقه بعدها ما طالعه وراح اثبت برائتي كدامك وكدام الكل - اي اي كدامج ٤ أشهر فكرررري زين بيهن ماكو احد يساعدج اعترفي واختصري الطريق - انت ما شفت الفيديو شفت خوفهم وهم طلعو - شفتتت بس يجوز هددتيهم بسلاح كلشي يصير وطلعو خايفين نخلي كل الاحتمالات كدامنا ست ضي - شكددددد ردت احجي بس سكتت عصرت ايدي واني اصبر نفسي باوعتله اريد اشوف أطفالي - هههه أطفالج اتحلمين اشوفيهم بس اذا اعترفتي يجوز افكر اخليج بشهر مره اشوفيهم - صكيت ع اسنوني وباوعتله مالكككك حقق فاااهم - هههه رايح للنجف تردين اوصل كلماتج لاسد راح اكله ع كلشي سويتي بي بلكت تطلع حوبته - حسبي الله ونعم الوكيل بيك دار وجهه وباوع ع ابن عمه باوعلي وحجه ويه ابن عمه بصوت مسموع - وصل هذا الفلوس الهم وكللهم كل ما استعجلوو ان يخلوها تعترف بجريمته اطيهم اضعافها اطاني نضره ودار وجهه وطلع جرني الشرطي بعد ما أخذ فلوس من ابن عمه الاشهب ومشيت اجه عمو بكر وراي يركض الشرطيه اجر بيه وعمو بكر يركض وراي سمعيني زين ضيو حبيبتي لا تخافين وتحملي هاي الاربع أشهر والله اطلعج لو اعرف اجيب هذوله الصخول الاربع من جوه الكاع لو ادفع الثمن روحي المهم اطلعج اصبري يبعد روحي ولا تستسلمين وخليج مرت الأسد الي الكل يهابه يركض ويحجي لحد ما وصلنا للسياره ركبت بيها و نزلت ادموعي شكد اصبر يا عمو شكد ٤ أشهر مو قليله ومامعروف شنو مصيري بهاي ال٤ أشهر ولا معروف شنو راح يصير بعدها يمكن انعدم ويمكن مؤبد ويمكن ٢٠ سنه ويمكن برائه ربي رحمتك انت اعلم العالمين وانت تعرف الحقيقه لا تضلمني واني مضلومه الطريق كله اني صافنه بس ارتاح كلبي من عرفت اطفالي بخير ويم جدهم وصلنا للسجن رفعت راسي وباوعت عليه راح اكضي بيك ٤ أشهر يا ترى شنو ضاملي دخلوني واستلمتني شرطيه وهي تصيح هلا هلا بسجينه الجديده هههههه راح نشبع فلوس من وراج اضاهر ضهرج قويي فوتي فوووتي مافهمت عليه مشيت وسمعت احد صاح ضي درت وجهي شفته الضابط باوعتله أتقدم باوع ع الشرطيه وكال ناديه كلمتين احاجيها عافتنا وراحت باوعتله بستغرب الممر فارغ بس بنهايه اكو شرطيين وبدايته هم اكو شرطيين بس بعيدين باوعلي وكال -بعد ما شفت الفيديو عرفت انتي بريئه بس يرادلج دليل قوي او شاهد اصبري لان المكان هنا ضالم اكبر من هذا اشهب واني موجود هنا اي شي تحتاجي بس كولي لناديه ترديني وماقصر باوعتله بستغراب وجاوبته - ليش داساعدني - لانج بريئه والدنيا ضالمه واطفالج محتاجينلج - ههه منو يكول بريئه حجيت هيج لان ما ارتاحيتله - ههههه شنو اعتراف هذا باوعتله بكرهه ودرت وجهي اذا خلصت صيح للشرطيه تاخذني وها نسيت اني لازم الزم عده شلون - ماعرف بس متكدرين تلزمين عده لان راح يحققون وياج كل فترا - ماشي - اهلج راح يجون بعد شوي ويجيبون غراضج راح اطيهم الناديه وهي اجيبهم الج ومثل ما تفقنه عافني ومشه هزيت ايدي ناقصني خبل اني اجت ناديه تضحك غمزتلي هااا مو اكلج واسطج جبيره انتي قبل لا تجين وصلت الفلوس - فلوس شنووو باوعتله بستغراب - ماكو شي امشي امشي جرتني واخذتني ع سجن فتحت الباب ودفعتني لجوه وسدت الباب رفعت راسي واشوف سجينات باوعلي نص ابتسمن ونص ما اهتم خفت ورجعت لوره اي خ فت اول مرا اخاف وكلبي يرجف حسيت ع ايدي انحطت ع متني صحت ورجعت لوره مخروعه من شفتهه وحده صلعه وتخوف باوعتلي وكالت تعااي وياي ادليج مكانج نورتينا ههه باوعتله بستغراب اخذتني ع جربايه تعبانه كلشش كالت هذا مكانج .......... يتبع ،،،،،،،، وللحكايه بقيه،،،،،،،،، قرائه ممتعه أحبتي شغله وحده حبييت انوه عليه إلى يكول هي محاميه وتدرس قضاه شلون هيج تلزم سلاح بدون ما تفكر راح اجاوبكم اني كلنا اصير ويانا مواقف نفقد عقلنا وتتصرف بدون وعي وغباء اي لا تكولين لا ماكو هيج لا اكو حطو مكانكم مكان ضي واتخيلو ادخلون وتكون الشخص الي تحبو اوغالي عليكم نايم ومليان دم شنو راح تصرفون تكعدون تفكرون منو قتله ودورون ادله وما الزم هذا ولا الزم ذاك لو اكعد استجوبه وهو يتنفس أنفاسه الاخير ترا شي طبيعي الي سوته ضي حتى وان كانت محاميه هي من سوت هيج سوته بدون وعيي وخايفه ع زوجها لان الموقف مفجع إلى درجه كلش كبيره اتمنى فهمتو عليه وان شاءالله البارتات القادمه تتوضح كل شي واسفه إذا طولت عليكم ،،،،،،تصويتاتكم وتعليقاتكم وتوقعاتكم،،،،،، احبكم #نور الشمري #نوشه | ||||||||
|
| |
|
23-06-20, 12:05 AM
| #7 | ||||||||
| مراقبة عامة ومشرفة منتدى الروايات المنقولة
| #برائتي وجبروتك بقلمي #نور الشمري #البارت الرابع (( البارت ما مصلحته لهذا غلسو ع السحك فدوه اروحلكم ههههههههههه)) #تؤلمنا جداً بعض الكلمات...... ف كلمةإلى اللقاء أليمة ..... و كلمة الوداع مرّة ..... موجعة حقااا..... كل تلك الأشياء التي تسرق الانساان من الإنساااان..... ضي: اخذتني ع جربايه تعبانه كلشش كالت هذا مكانج باوعت عليه الجرجف متحول من اللون الأبيض إلى الاسود والحديد مزنجره والمخده مشككه هاي غير الباطنيه الي ما معروف شنو الطكع الي عليهه باوعتلها وسكتت جان ترفع حواجبها واتكول - شنو خانم لا بس ما عجبج المكان دحمدي ربج حصلتي مكان ما نمتي بالكاع والله يالله يكول جايه لفندق خمس نجوم مو سجن عافتني ومشت رجعت درت وجهي ع الجربايه ثنيت رجليه وكعدت بالكاع وبقيت صافنه ع السجينات هاي الي اسولف وهاي الي يلعبن وهاي الي صافنه وهاي الي مزوركه ومبين عليه مكتوله خفت هواي ومبين كلمن ومسويه حزب بينهن حسيت ع وحده مدت راسها من فوك الجربايه - بشبش ميوو هلاو -باوعت عليهه تطلع اكبر مني بسنتين او ثلاثه سنوات يعني بثلاثين من عمرها حلوه عيونها ملونه وبيضه بس كصيره جوه عيونها سواد بس تحجي وتضحك - هييي شنو خرسه لكك محيسن هاي خرسه هههه خرسه وطببوج للسجن شلون راح تعترفين لعد باوعت عليه شنو اكو ولد هنا وكفت وباوعتله - شنو اكو رجال هنااا حجيت هيج وماحس غير كلهن ضحكن بصوت عالي وهاي الكدامي ضحكت وكالت - ايييي محيسن هذا الروح والريه الصاك المصككك يعجبج بوكفاته تحجي وتضرب جتهفا بجتفي وتضحك خفت هواي رجعت لوره ودمعتي لمعت بعيني سمعت صوت مرا جبيره صاحت - لجج ليلووو عوفي البت هستوها جايه استلمتيها بسوالفج هاي جذب حبيبه ماكو لا رجال ولا شي بس مسره يسمونها محيسن لان صليعه عدها هاي الي جابتج ع مكانج باوعت عليه جانت كاعده رجل ع رجل وتباوع صفح صاحت - خاله راح اسكت لان مره جبيره جان عرفت شلون اتعامل وياج صليعه شنو وانتي ليلى ماعدج شغله وعمله امشيييي وخري عنها يلاا ما ناقصنا مشاكل غمزتلي هاي الي اسمها ليلى وتربعت وكعدت بالكاع وهي تباوعلي كعدي كعدي شبيج لو هم تتحسسين من الكاع دكعدي جرتني من ايدي وكعدتني ايي خل نتعرف عليج بعد صرتي منا وبينا وعشرت عمر - انه ليلى محروستج هناا لا شغله ولا عمله بس اضحك واصنف ع هذه وذيج اطلع حركة السنين كلها الي ما ضحكت بيهن وانتي شنو اسمج ومنين وليش اجيتي و - لج ليلوو اني شكلت تعاي اخذي جرجف منا وفرشي ع جربايتها خل تمدد وبعدين اسئليها يلاا وفتحي تحقيق وياها - حجتتت حجتت لج خاله انتي حاطه كورج ويه كوري ما تعوفيني بحالي امشي روحي اندكي ويه مسره ويه ختام ويه نوال جايه عليه اني المكروده - انتي مكروده كوومي كووومي لا اصيح الناديه تاخذج منا و اخلص منج كومي بت الزمال - ههههههه اول مره تحجين كلمه تفرحني والخاطر هالكلمه كايمه باوعتلي وصاحت جايتج مو عبالج تخلصين مني لااا بعد عدي حجي هوواي عافتني وكامت واني صافنه عليهن شنو من بشر هذني انصدمت من سمعتها تغلط ع ابوها وتفرح عبالك تمدح بي مو تغلط عليه جابت جرجف نضيف مبين شالت الوصخ ذبته وشمرته ع وحده كلتله هااج هذا الج وفرشت الي جابته وخرت المخده والبطانيه وكالت - كولي الناديه لو المروه يوصن اهلج يجيبولج اذا تتحسسين هيج بعدها عافتني ومشت وكابلت هذه المره الجبير وكعدت اسولف وياها كعدت ع الجربايه صافنه اباوع عليهن نص يباوعن بحقد خفت من نضراتهن ونص اصلا مجاهلاتني ونص بس صافنات عليه سكتت ولميت رجليه طبكتهن وحطيت راسي عليهن وغمضت عيوني واني افكر شلون راح اعيش هنا وشلون راح اكدر اتعايش هاي الاربع أشهر بعيده عن أطفالي وياترى شنو مضموم الي وره هاي الاربع أشهر نص ساعه واني نايمه هيج وسرحانه والدمعه بعيني احير بيمن افكر وبيمن اشيل همه طبت الشرطيه الي اسمها ناديه وصاحت - ضيي ضيي وين هاي الجديده لج هيوو تعاي اهلج جابولج ملابس وغراض فضيها - من سمعت طاري اهلي كمت ركض عليهه فدوه خل اشوفهم بس خمس دقايق احاجيهم اوصيهم ع أطفالي يرحون يطمنون عليهم حبابه - اي مو هو فندق الخلفوج واشوفين شوكت ما يعجبج روحيي ماكو زياره وكت الزياره عود شوفيهم وخري يلا هستوج اجيتي عافتني وطلعت وخلتني وحيده هناا اخذت الجنطه الي جابتها ومشيت فتحت الجنطه ملابس وغراض نسائيه الملابس باللون الاسود شكد جنت احب هذا اللون واحب البسه بس كرهته ماريد البسه ماريد البسه ع اسددد اكرهه لهذا اللون صحت بعلو صوتي ماريد دد هذا اللون ماريدده كعدت بالكاع وابجي انتبهت اكو صوره بجنطه ويه الملابس جريتها صورتي اني واسد وليث وقمر نزلت دموعي شبكتها وصرت ابجي حيل الله ينتقم من الي فكك عائلتي الله ينتقم من كل واحد جان اله ايد بقتلك يااسد احجي وكامشه الصوره حسيت برجلين كدامي رفعت راسي البنيه الصلعه كعدت كدامي وكالت - حاسه بيج هههه كلنا مثلج من ندخل اول شي نضوج ونعصب وانحس هذا مو مكانه وخاصه من يعذبو ج او يشغلوج ويهينوج وفوك كل هذا ماكو احد يسئل عليج شسوين هنا وانتي مبين عليج من اهل الله وهذا المكان ما يلوكلج هههه حته مبين حالتكم زينه مو فقره باوعت عليهه شنو اجاوبه حسيت وحده كعده وراي ع الجربايه درت وجهي البنيه ليلى - اي اي سولفي شنو اسوين هنا وشكد حكمج وشنو تهمتج و ام زهره : ليلى عوفي البنيه بكيفها يجوز ماتريد تحجي وانتي مسره عوفيها هم - لالا عوفيهن خاله ئئئ خليهن اني اريد افضفض الي بداخلي انتبهت مسره كعدت وباوعتلي برفعت حاجبها وكالت ايي احجيي - تهمتي جريمة قتل ومو اي جريمه تهموني بقتل زوجي وحبيبي كعدت اسولفلهن كلشي وشويه شويه زيدن ويجن يكعدن كدامي ويضلن صافنات عليه لحد ما حسيت بوحده عاطت ختام : شنووووو هاي نريد ننام شنو ما انام يعنييي ولج مسيره محيسنو شنو هل الصوت جديد ع اذاني اول مره اسمعه كعدت بنيه سمينه وشعرها كصير رفعت حاجبها وكالت منو هاي جديده ههه كومي لجج كومي سويلي جاي راسي يوجعني مسره : ختااام بطلي مشاكل وكعدي وعوفي البنيه ما ناقصها مشاكل وبعدين مو عدج جلبتين خلي يسولج زقنبوت - لججج مسيرووو راح تخليني اعصب عليج وهلمره ما ازين شعرج لااااا اكص السااانج - ايي صح نسيت عدج عرف والضباط كلها تعرفج تكدرين اجذبين جذبه وتخليهم يعذبوني بس لا تنسين اني هم عدي السان وادين واعاقب نوال : ايي كافي انفتحتن شنو ما نخلص كول يوم معارك معارك معارك بطلن نسوان كل وحده شكبرها والله يالله اسكتي مسره كافي - ليش يأبه اسكت ما تكولين الختام تسكت شنو لو ابوي ماكدر بس ع امي وانتي كدرتج بس عليه درووحن انعل يومج لا يوم الي جابني بي عليجن - بقيت صافنه عليهن وهن يتعاركن يخوفن انتبهت ع ليلى بس تضحك وتهز بيده والمرا الكبيره تستغفر وتهز براسها شويه وسكتن وطشن كلمن لمكانها بقيت كاعده ع الجربايه والصوره كدامي مادري بروحي من غفيت نمت وعبالك صالي سنه ما نايمه فزيت مخنوكه احس فدشي ع صدري خانكني اباوع كلهه نايمه وضلمه خفت بلعت ريكي وثنيت رجليه وبقيت صافنه اذكرت أسد باوعت ع الصوره ضي لازم اتفكرين زين وتذكرين منو هذوله الاربعه وشلون ماحسيت من طلعو ومن ضربو الطلقه شلووون غبييه غبييه انتي بقيت صافنه وافكر نمت هوااي وهاي صالي من الحادثه لسه ما نام زين حسيت ع وحده كاعده تباوعلي باوعتله المره الي اسمها ام زهره - تعاي تعاي شبيج يمه احس هموم الدنيا كلها ع ضهرج باوعت عليهه و دنكت ليش خاله الي صار وياي سهل مثلا -مو سهل بس الله سبحانه وتعالى يمتنحن عبده وكل عبد اله امتحان خاص بي لو تدرين هنا كم وحده وحده مضلومه وكم وحده ووحده اضطرت تكتل علمود تعيش بسعاده ايي يمه شايفه هليلى هاي الي بس تضحك ماجانت تعرف شنو يعنى ابتسامه باعها ابوها وهي عمرها ١٢ سنه لواحد بكد جدها وهذاك ابن الحرام حار شنو سوه بيها ضرب اغتصاب اهانه وكل شي وهي بعمر ١٢ سنه مو بس هيج كام حته يتاجر بيها وكل هذا وابوها يعرف ويسكت لان تجي الفلوس الباب بيته لحد ماا كبرت ووعت وعرفت حجم المصيبه الي هي بيها ماتحملت ضيمها كتلت الرجال الي اشتراها والحرس مالته وكومي سلمي روحج للشرطه لان تعرف اذا ضلت عد ابوها يبعها لواحد ثاني وعدها هالمكان هذا جنه وهل هاي نوال شفتيها هادئه وماتحب المشاكل فقيره ماعدها لكمه تأكلها جانت تشتغل عد ناس خدامه بس الله لا يوفقهم اتهموها بسرقه وبوكت فلوس وهي ربع دينار ماعده انسجنت هذه مو ضلم تنسجن اما مسره يابنتي هاي سالفتها سالفه مريضه تجيها نوبات تعصب وتضرب وتكسر إلى أن مره اجتها نوبه وابوها ماقبل يعرفها كومي كسرى المزهريه براسه ومات الرجال ومرت ابوها ما صدكت جابتها وسلمتها للشرطه حته تخلص منها ومو بس هيج نوبات تجيها الحاله تكعد اتاذي نفسها في سبيل ما تاذي وحده من السجينات وغير الي يهددوها وهاي ختامو حاطه راسها برأس هلمكروده تحير شنو اسوي بيها عبن عدها واسطات وهي اضل ساكته ماتجي لخاطر ما تاذي احد بس لكل صبر حدود - بقيت صافنه شنو من دنيا ماترحم باوعتله وهمست وختام شنو سالفتها - هههه هاي هاي المدلله مال الحكومه ديري بالج تندكين بيها وشنو تكول كولي اي وحاضر لان اذا كلتي لا تقرين الفاتحه ع روحج عدها واسطات عد الضباط وحته برلمانيين وكل فترا تطلع كم يوم وترجع حته محد يشك بس عايشه برفاهيه وعبالك فندق كلشي يوصل الها لان حكومتنا ماتخاف الله يابنتي الي مثل ختام كون اعددام قليل بحقها لان الي سوته مو قليل - ليش شنو الي سوته حجيتها بخوف واني اباوع عليهه - خليها سكته يمه كومي نامي كومي - ماجاني نوم نمت هواي خليني يمج اذا اضل وحدي اذكر أسد وو - الله يرحمه بنيتي ويجعل مثواه الجنه - وانتي خاله شسوين هناا باوعتله واني أريدها تحجي لان اندمج ويه كلامها ونسيت همي شويه باوعتلي وهزت راسها - يمه اني استاهل العقاب لان الي سويته مو قليل والله بالمرصاد سكتت عن الظلم والله عاقبني سالفه طويله ماريد اذكرها انست واندفنت ويه السنين - عفتها براحته ا وكمت ع مكاني ضليت افكر شلون اقنع اشهب اني مالي ايد بقتل أسد شلون أقنعه يخليني اشوف أطفالي مشتاقتلهم هواي مرت يومين إلى واني ساعه ابجي وساعه التهي ويه هلخاله هاي سوالفه حلوه ساعه تغلط وساعه تستغفر والبنات ما انحكيت بيهن وبقيت بعيده عنهن كلهن وخاصه هاي الي اسمها ختام لان صدك حسيتها تخوف بعد هاليومين دخلت ناديه وهي تباوعلي - كووومي الضابط يريدج باوعتله وهمست شيريد مني - يطلعج يونسج ويفرفرج ببغداد تغيرين جو لان صالح يومين هنا شسوين يعنييييي غير يحقق وياج ويشوف تاليتها لوييين وكفت ومشيت بتجاها اول شي احجي عدل ولا اصيحين لان اني مو طرشه واسمع زين وثاني شي ماعدي شي اكوله واني بريئه هن ٤ أشهر وأهلي راح يبكون القاتل واطلع - هههههه ضحكتيني دامشي امشي هو ما ناقص هذا السجن غير وحده مثلج امشي بابا امشي مسره : اوكفي اي ضابط راح يحقق وياها باوعت ع مسره وسؤالها الغريب ردت ناديه عليه وهي تضحك - الضابط محيسن هههههههه منو يعني يحقق بهيج أمور ست ناديه تعرفي كلش زين الضابط سلام شفت وجهه مسره انكلب وكلهن باوعلي جرتني ناديه وطلعتني امشي يلااا فتحت باب و دخلتني بغرفه ضلمه حطت الكلبشات بأيدي وفتحت كلوب واحد بس عليه وعافني وطلعت بلعت ريكي واني اباوع ع المكان لحظات وانفتح الباب ودخل واحد ووراه شخص ثاني رفعت راسي شفته واحد ضخم دخل وراه واحد كامش دفتر سد الباب ووكف وراها وهذا الضخم جر الكرسي الي كدامي وكعد عليه وباوعلي - انتي السجينه الجديده شسمج ضي موسى - يحجي ويباوع ع الأوراق الي كدامه ايي ضي احجي - باوعتله ودرت وجهي وهمست ماعدي شي احجي - الله شنو هلجرئيه لك أحمد تدري المشكله شنو أن البنات من يدخلن السجن عبالهن مانكدر نعذبهن لا بنات ونخليهم يحجن بس هن ناسيات ان المجرم مجرم حته وان كانت بنيه يعني عدنا كومه طرق نستخدمها حته تعترفن فاحجي افضل الج - ههههه ضحكت من كلامه وباوعتله هاليومين الي كضيتهن بالسجن وعدت نفسي اكون قويه حته اكدر اطلع منا لان الضعيف مايعيش هناا ابد ووعدت روحي مااخاف من شي وبنيت شخصيه جديده بهل يومين باوعتله رافعه حاجبي وانت تعرف يا حضرت الضابط الي يمد ايده ع مره هذه مو رجال مو لو لااا ماحسيت غير ع راشيدي وكعت من الكرسي ع الجهه الثانيه حسيت شفتي طكت دم غمضت عيوني واني اصبر نفسي استحملي ضي استحملي الله موجود ويشوف سندت روحي وحطيت اديه المكلبشه بالكاع وحاولت اكوم بس فشلت اجه كعد كدامي ثنه رجليه نص ركبة وجر شعري باوعتله وعيوني تشدح نار ماصحت ولا بينت اي علامه من علامات الوجع ع شكلي طبعي هذا من جنت صغيره أكابر مو بعد هسه ابتسمت وباوعتله اي هذا كل تكدرون عليه ضرب واتهامات زور بيكم خير روحو دور ع القاتل الحقيقي مو اطلع مراجلك ع النسوان جر شعري حيل وهو صاك ع سنونه اذا ما كصيت السانج هذا الطويل وكبريائج العالي الي كلمة اخ ما طلعت منج ما اسمه سلام هينه هينه يبت موسى صدك لو كالو كيدهن عظيم ههه كتلت رجلها وبكل صلافه تنكر - احجييي عدل ولا أطول بكلامككك فاهم ماعندكم اي دليل قوووي يثبت ان اني القاتله - اييي والبصمات بصمات مطي مشابهه ويه بصماتج دكومي كومي كعدي عدل جرني من الكاع وكعدني ع الكرسي صار وراي وهو يجر بشعري ويحجي حيل سمعي زينن كل ماا اسكتين كل ما عذابج يقوه اكثر فإذا متردين وجهج هذا الحلو يشووه احجي وخلصنا لان عدنا ميت شغله وشغله ما فارغين الج - جاوبتك وكتلك ماعدي شي احجييييييي - احمددددد أخذها لغرفة التعذيب وجيب حمديه اريد اشوف شلون ما تعترف - وربك ورب الجلاله اذا ما خليتك تعفن بالسجن مااسمه ضييي بس خل اطلع مناا ما اطلع مرت أسد مراجل زباله تتمرجل ع النسوان ياا عديم الأخلاق خلصت كلماتي وماحسيت غير براشدي والثاني والثالث والرابع غمضت عيوني وتمنيت اموت واخلص والحك باسد واخلص من الدنيا الضلمه هاي درت وجهي عليه وبغضب همست اذا رجال موتني ولا اضل تضرب هيج لان هذه اهانه لرجولتك - احمددد طلعها لا اموتهااااااااا طلعهااااا حسيت بأحد كمش ايدي وكومني فتح الباب وصاح ناديه حمديه وينجننن تعالن أخذن هااي فاتحه عيوني كوه واباوع عليهم اجت ناديه تركض كمشتني وصاحت فلككك ولج شحجيتي واخذتيلج كتله من اول تحقيق خرب بيومج دتعاي تعاي جرتني فتحت الباب ودخلتني صاحت - ام زهره نوال وينجن تعالن كمشن هاي راح توكع افتح واسد بعيوني كوه واكفه ع رجليه حسيت بوحده سندتني ومشتني ماعرفته منو بس عرفتها من صوتها مسره وهي تحاجي ناديه - هذا العار ما يبطل ضرب ما يعرف ان الضرب ما يصلح كلشييي ضالم حيووان اله يوم الله ينتقم منه - دكمشيها خل اجيب كطن شفتها وكصتها ينزفن كعدت ع جربايتي جابن كطن وضلن يمسحن بكصتي وشفتي واني صافنه اول مره بحياتي انضرب هيج اول مره بحياتي اتلكه كل هذا وابقه صامدا ماجنت اعرف نفسي هلكد قويه طلعت ناديه وضلت نوال وليلى يم راسي شويه وعافني واني هم غمضت عيوني وهن ما صدكن اغمض رأسا غفن من وح دهن غفيت واني اشوف كوابيس ملتحقتني من يوم الحادثه كل ماغمض عيني اشوف انواع الكوابيس وكلهن بيهن دم بس هلمره هاي الكابوس يختلف شفت أسد وهو يكتبون بي جانو ثنين ملثمين بي واحد كامشه واحد يضرب طلق عليه واني اصيح اريد اروح اله بس احس واحد كامشني مايخليني اتحرك كل ما اريد ادور وجهي اشوفه منو ما يخليني لحد ما وكع أسد بالكاع عافني رحت اركض ع أسد واني اكعد بي صدره كله متروس طلق واديه انترست دم واني احاول اهز بي علمود يكعد فزيت من النوم واني اصيح اسدد ام زهره : اسم الله بنيتي القرآن شبيج كابوس اهدئي اهدئي كابوس وراح بنيتي غمضت عيوني وتنفست بعمق دخيلك ياللهي شنو هلحلم يالله دخيلك والله ماتحمل بعد ربي رحمتك عليه رجعت راسي لوره طلعت الصوره وضلت كامشتها وابجي حسيت وحده كعدت بصفي باوعت لها مسره - اني هم جنت احب واحد وجنت اعشقه وهو جان يمثل دور العاشق الي بس بمجرد ما عرف بمرضي تركني وكال كلماته الجارحه الي اخر كلمه كالها ماريد ام جهالي اتكون وحده مريضه مااسيطر ع روحها وبعدها ماشفته ابد حقدت عليه هواي وكرهته هواي بس اجذب لو كلت بطلت ماحبه لحد لان اذكره اكول لو جنت مابيه شي مو جنت هسه عايشين احسن عيشه ومرتاحين وزوجته وو وجان ابوي عايش وما اضل كل يوم من احط راسي ع المخده تجي صورته ع بالي وابقه الوم نفسي ماكو أقسى من هذا العذاب يا ضي حمدي ربج ع كل شي لان مصيبتج اهون من مصيبتي بهواي حجت كلماتها وعافتني وراحت بقيت صافنه اباوع ع الصوره ودموعي تنزل حسيت بوحده واكفه فوك راسي رفعته ختام - سمعي لجج كومي مرغيلي رجليه يوجعني يلا كومييي - باوعتله بنص عين ووكفت الها نعمم شنو كلتي ماسمعت طول هلفترا جنت مجاهلتها اسمع كلام منها والجاهل بس ما اسمح الها تقلل من قيمتي وكرامتي وكفت بوجهه وهمست - مو خدامه الخلفوج اني روحي شوفي وحده تخدمج وابتعدي عني - ههههه ههههه ضحكتيني هههههه لالا صدووك خوفتني ليش بالله منو بضهرج حيدر العبادي واني مادري هينه هيننننه ماتطلع ختام اذا ما خليتج تبوسين رجليه - ما ع بخيلج اركبي يلااا منااا مالي خلكججج يلااا ام زهره : ضي بتي عوفيها يمه - خاله ترديني اسكت وهي تقفل من كرامتي - سكتي يمه ماتدري هاي شتكدر اسوي - شسوي مثلا تكتلي والله ياريتتتتت واخلص من هالدنيا هااي عفتهم ونمت ع جربايتي مرت الايام وصار الي اسبوع من دخلت السجن وختام اطب تطلع تباوعلي بغضب واذب كلمات واني ولا مهتمه الها بديت احط ورقه وقلم واكتب الأشياء الي اذكرها اريد اجمع معلومات عسى ولعلى اعرف شي عن هذوله الاربعه كل ما اذكر شي اكتبه لان أسد دائما يسولف لي ابسط الأمور بس مرات مااكون منتبهه كاعده ودخلت ناديه باوعتلي وكالت عدج زياره تعاي وكفت وهمست منوو - اهلج من كالت اهلي حسيت روحي طير طلعت اركض ممصدكه واخيرا راح اشوف اهلي ناديه تمشي ع كيف واني ابدي اركض وهي كلساع جارتني وخازرتني لحد ما وصلنا دخلت وصار عمو بكر كدامي ركضت حضنته واني ابجي - طلعني منااا والله ماتحمل بعدد عمو فدوه طلعوني - تحملي حبيبتي تحملي داحاول كل الي اكدر عليه واسوي - عمو شلونك - الحمدالله بخير اذا انتي بخير كوليلي شصار وياج ماصار شلونهم وياج - اوف الحمدالله أطفالي شلونهم هم تعرفون عنهم شي شفته دنكو عمو بكر احجي أطفالي بيهم شيي بكر : عد هذا الي ما يسمه اشهب - شنوووو موو ع اساس عد جدهممم - اي راحو يومين ورجعهم راحت امج اشوفهم - خلاها حجيتها واني الدمعه بعيني - اي بس مشتاقيلج هواي يكسرون الخاطر لا امهم ولا ابوهم - الله ياخذني يالله عمو فدوه اريد اشوفه الاشهب وصله خبر اريد احاجي - تخبلتيي هذا واحد شراني حقير عوفي - عمووو فدووووه اريد اشوف أطفالي خليني احاجي مره - الله كريم هسه جاي اسئلج كم سؤال اريدج اساعديني صار يسئلني عن أصدقاء أسد الي جانو وياي واني اجاوبه لحد ما دخلت ناديه - يلا عيني خلصت الزياره شنو عجبكم الوضع بكر : استغفر الله ربي كايمين - عمو لا تنسه سلملي ع بابا وماما ومثل ما وصيتك - يوصل حبيبيي اصلا ابوج بره بس ما خلوه يدخل اله واحد يدخل وادري بابوج ينسه بسرعه ماكدر اعتمد عليه - هههه خوش ماما شلونها خو ماكو شي - لا ماكو شي كلشي الحمدالله الجيه الثانيه اخلي ابوج لو امج يجوج - ماشي وها عمو كول الماما خل اجيب الصور مالاتي - ضييي - عمو فدووه لا تكول لااا -ماشي - يلا مع السلامه عفته وطلعت رجعتني ناديه اول مادخل حسيت احد جر شعري درت وجهي راسها ختام - شبيييج تخبلتي هدى شعريي - اي تخبلتتتتت واني الججج اليوم - وخريي هدى شعري يااا شبيج مو وياااج هدى شعريي نوال : يااا شبيجن ختام هدى شعرها شبيج - والله اليوم الي يدخل ما تلوم غير نفسها واحطها بدل مكان هاي المكموعه واذبحهاا من كالت هيج درت وجهي عليه وضربتها راشدي ودفعتهااا - ايدج هاي اكسرها اذا مديتيها عليه ما خايفه منج اني ولا خايفه من هذول الي بضهرج النسوان الي متنكرين بزي الزلم وسفه معتبريهم زلم ولا خايفه من هذا الضابط فااااهمه وخرري منيي ولا تخلينييي اسوي شي ما يعجبج - هههههه ههههه ضحكتيني ههههه شنوو منو بضهرج وهيج مطلعه عضلاتج عبالك بت العبادي روحي روحي إذا ما خليتج تبجين دم ماطلع ختام درت وجهي عليها وباوعتلها صفح لا بالله صدك خوفتيني عفتها ومشيت كعدت ع جربايتي وأم زهره تحجي عليه - يمه ليش تندكين بيها هاي ما تعرف الله وماتخاف منه والله وكيلج يكلبون حياتج كلب - خاله ما خايفه منهاااااا أسد الله يرحمه جان يكول محد يستاهل نخاف منه بهاي الدنيا وانضل نفكر بي ونشغل تفكيرنا بي غير الله سبحانه وتعالى الله ما خلق عقلنا حتى نخاف من هذا وذاك ويضلون بقلنا والي كاتبه الله يصير مو يكولون المكتوب ع الجبين لازم اشوفه العين خلص بعد الي صار وياي ما اخاف من شي أطفالي مطمنه ماراح يوصلهم شي وهم عد اشهب صح هو حقير بس راح يحمي ولد صديقه ومااشك بهذا الشي واذا عليه ههه اسوي فضل اذل تموتني واخلص عفتها ودرت وجهي طلعت الكتاب الي اطتنيا ليلى اقراه حلوو وموضوعها حلو هي روايه كلش حلووه يمكن اسمه جان فتاة القطار كعدت اقرا وسرحانه حسيت ناديه دخلت وكالت يلا اليوم يوم الشغل يلا كدامي شلت راسي اباوع عليهه حطيت الصوره بنص الكتاب وحطيته جوه المخده وكمت مشيت ويه ليلى وأم زهره اول ما طلعنا صاحت ليلى - ولجن يا بنات تدرن شنوو عاجبني هسه اشرد واروح ع كهرمان اطك صوره يمها وارجع اسلم نفسي نوال : ثوله انتي شردتي شردتي شكو راجعه مسلمه نفسج - جا وين أولى اروح للمريخ اذا اضل بالعراق وابوي عرف شاررده يطلعني من الكاع خليني هنا مرتاحه مسره : طلعي بالخارج عيشي حياتج شكو ضاله بالعراق - هم صح اروح لكوكب زحل احبه كلشش ومابي بشر اخلص من الكل شبيجن عبالك ما تدرن اروح وحدي شعدي وبعدين ماتدرون صرت اخاف من الرياجيل كلهم ترديني اروح للخارج وحدي ام زهره : زين يا بتي اذا اطلعين فد يوم شلون وين ترحين - اوو خاله خليني هسه مستانسه وعود الله كريم منا لمن اطلع يلااا اكلجن امشن مشيت وصار الضابط كدامي الي حقق وياي بالمخفر والي اجه للمحكمه وياي باوعلي واجه يم ناديه ماعرف شنو حجه وياها مادرت بال ومشيت هستوني داطلع وصاحت ناديه - ضيي تعاي المحقق رامي يريد يحقق وياج - استغفر الله مانخلص يعني عفتهن ومشيت ويه ناديه وصلت يمها دخلتني للغرفه وطلعت جان كاعد باوعلي وكال - تعاي ضي عدي كلمتين وياج الضابط سلام الي حقق وياج قبل كم يوم مد ايده عليج مو - هههه اي مدها شنو جاي اتكمل الي ماكمله هو - افه شكالولج عليه بعدين لا جاي اكلج المحامي مالتج تكدرين تحاجي وتخلي يقدم شكوى عليه - تمام شكرا خلصت اكوم -ضيي اذا اندكت ختام بيج بس هدديها بيه ومالج دخل - شكرا ما احتاجك حجيت كلماتي وكمت ماحبيتها ابد احس وراه سالفه كمت دكيت الباب فتحتها ناديه واخذتني اول ما طلعت صار الضابط سلام كدامي - اييي ضي اشوف جرح وجهج طاب يرادلج جرح ثاني - اذا رجال مدها الايدك - لجججججج رامي : سلااام امشيييي كدامي - رامي لا تددخل - اكل خره وامشي كدامي يلاااا لا تخليني اصرف غير تصرف - شوف مو عبالك حاط نجمه زياده تمشي كلامك عليه ترا اكبر واحد ما يكدرلي - هيج الحجي سلام أفندي ماشي تدلل هم يتعاركون واني اباوع ع ناديه الي فاكه حلكها وتضحك عليهم عاط بيها سلام - عابت هللسنون امشيييي اخذيها وولي شكو واكفه شنو مسرحيه بت النعااال ردت ارد كمشتني ناديه - امشيي يمعوده شبييج ماتعرفين اسكتين هسه غلط عليج اشو غلط عليه واني بلعتها وسكتت لان تعلمت - شنو تعلمتي بابا هذا دايشوه اسم الضباط الي مثله لازم يجرد من شغله ويكعد بالبيت يلبس حجاب مرته اشرفله ماكو كرامه هنا ابدد والله شنو ضابط واذا ضابط اكبر واحد لا تخلي يغلط عليج ويكبر عليج لان راح يتعود وراح يضنج ضعيفه ويكون يلعب بيج طوبه وانتي وغيرج سكتن ع ابو تعودنا والله يالله - هسه اتأكد انتي محاميه من السانج هذاا - ههههه ليش يعني اذا محاميه الساني طويل اني هيج من صغري ماعرف اسكت وبعدين كلشي ولا الكرااامه يا اختي الكرامه خططط احمر اكبر واحد لا تخلي يغلط عليج - هههه دامشي امشي لا يشوفنا واحد وعباله اتفق وياج علمود اهربج - ياا عشتوو عفتها ومشيت واني افور نار السجن علمني هواي أمور وعرفت هواي اشخص بي الشين وبي الزين وبي الفقير وبي الشرير اشهب : بعد المحكمه رجعت للبيت وذبيت روحي وغفيت كدرت اغفه بعد ما اطمنت ان هاي المجرمه الخاينه بالسجن هستوني اغفه ودك أكرم - الووو ها أكرم - ابو فروس هذا الشاهد الي اجه اليوم للمحكمه - اي شبيي - خابرني يكول اخاف ضلمت البنيه وتطلع بريئه بس اني حجيت الي شفته وبس وخاف تطلع بريئه والله يعاقبني - اوووو أكرم ولي اريد انطمر وبعدين اني ما جبرته يجي يشهد اصرف انت وياه سديت التلفون واني صافن ليش الكل يضن هي بريئه معقوله تكون بريئه صدك وضلمتهه بس كلشي يثبت هي بصماتها وهذا الغبي الشايفها ليش خايفه الي ما مسوي شي غلط ما يخاف ليش من شافهه هذا جانت خايفه وحتى من ردت عليه اخ يالله راسي راح ينفجر من التفكير بس الي اعرفه مقتل اسدد غاااامض غمضت عيوني واذكرت مشهد اني واسد جنه كاعدين ع الشط وجان اجه دود ردت اكتبهن بس أسد ما خلاني أسد : لك لااا لا تكتلهن خطيه هههه - من شوكت يكسرن خاطرك استاذ أسد هااا - ههههه من ازوجت لك هلبنيه راح تخبلني هاي الدوده ماتقبل اكتلها تكلي خطيه اكيد عدها احلام واطفال ليش اتيتمهم وتخدم أحلامها اكلهه يمعوده شتحجين انتي صدك تكلي اي والله شنو لعد بس احنه البشر عدنا جهال واحلام الحيوانات هم - اي خويه وانت نعديت منها - اي والله من عاشر قوم ٤٠ يوم - اي اي مبين صحيت من تفكيري ع صوت اسيل وحنان وهن يتعاركن حنان : شوفي حبيبتي اني مو خدامة الخلفوج الصبح اني نضفت وولد اخوج وصخو نضفي انتي اسيل : يمه اسم الله ليش يأبه الجنه احنه المن جايبين تاكل وتنام حبيبتي الجنه هذا شغلها ويلاااا نضفي هم هم ولد رجلج يعني نفس ولدج وغصبا ما عليج تنضفين - يممه عشتووو اي ولد رجلي بس مو ولدييي فاهمه ياااا شتردين اسوين سوي وماانضف - لججج حناننن نزلت واني معصب منا مقتل أسد وسألتفه ومنا هاي المصيبه الي متندم الف مره لان اخذتها عود ردت اكسر خشم ساره بس اضاهر انكسر خشمي اني مو خشم ساره نزلت وكمشت حنان من ايدهااا - شنو هذا الكلام ولججج هاااا تربية سززز حقيره والله اليوم اربيج من جديد امشي كدامي فوووك امشيييي اسيل : لا خوويه فدوه اكعد مو قصدها والله هي بس تريد اضوجني لا تمد ايدك عليهاا - اسيييل تولين عن وجهيي لاااا احطج بدالها ورب الكعبه وخرييي وانتي امشيييي جريت حنان من شعرها وصعدتها سحل وهي تعيط نعال اضاهر اهلج ماعرفو يربوج لج اهلي خططط احمر فاااهمه ضربتها راشدي وصحت فاااهمه - اي اي فهمت والله بس هد شعري مو هلسته - نعااال خل اشوفج مطوله السانج ويه واحد من اهلي حته روزه تحترميهاااا من أكبر واحد لاصغر واحد فاهمه - اي اي فهمت والله عفتها وطلعت يلعن ابليسجنن ماتخلن الواحد ينام اول ما طلعت دك عمر - ها ابو فروس وينك - بجهنم تجيي - اييي والله خليلي مكان بصفك وصف ابو لهب وجابك بطريق هسه - انت ليش ما تاكل خ - عسل عسللل اكل اني حبيبي تدري بيه ماحب اكل ملوحه - الله يلعن - ابليسي وولي منا ادري والله حفظتها تعال لكهرمانه عدي حجي وياك - شعدك عمر والله نعسااان - تعال شبيككك سديته وركبت السياره وطلعت لكهرمانه اول ما نزلت تلكاني عمر - شلون صرت - مو زين عمر مو زين عايش بس جسددد موتت أسد كسرت كلبي وعمي علي ادري بي ما يكدر للجهال باجر اروح اجيبهم وابيهم اني ويه جهالي حالهم حال الجهال بس فراقه كسر كلبي لك صاحبي من الابتدائيه وهاي تاليته يروح هيجج - هذا قدره ابو فروس شنو تعترض ع قدر الله - لاا والنعم بالله بس احس اكو احد مشارك بجريمه ويه هاي الحقير بس لو اعرفه منو لان ماكدر وحدها - شتحجي اشهب شبيك هاي مثل مرت اخونا واني من البدايه ماقلت ع الي سويته والي سويته غلط بغلط لازم نتأكد - عمر عوفني لخاطر الله ما ناقصك اني ولا دكول بريئه مو بريئه بس اكو احد وياها لازم اعرفه منو - ليش مأكول اكو احد كتله ولفلف السالفه براسها باوعت ع عمر - مادري عمر مادري بس السالفه مو هينه وهاي مو نهايته هاي البدايه والي اعرف ادفع عمري علمود اعرف الحقيقه كوم كوم اخذني لشقتك ميت نعس - ليش يأبه ماعندك بيت - لا ماعدي بس امشييي صدك عمر ابن خالتها الموت اخوك المضلومه الله يخليها أريدك تجيبي معلومات عنه - شعدك وياه - هسه دجيب ومالك دخل - ماشي امشي يلا ثاني يوم رحت الاربيل جبت ليث وقمر والطريق كله قمر تبجي تريد امها وابوها وكوه متحمل ماعيط بيها بيه طبع ماتحمل وماعدي صبر رأسا اعصب - عمو قمر سكتي رحمه الابوج سكتيييي ليث : عموو بابا ما ميت ليش تكول رحمه الابوج ٧اا مسحت ع لحيتي واني اصبر روحي يالله شلون اكول للجهال ابوها مات وامهم انسجنت وهي الي كتلته - بابا ليوثي الرحمه ع الميت والحي - لااا بس الميت لا تحجي ع بابا هيج حباب عمو - هذهو حبيبي بس سكت اختك لان راسي يوجعني اخذتهم للبيت وره فترا اجت ببيتهم ام المحروسه مكدرت امنعها علمود الجهال مو علمود احد خليتها اشوفهم ووصيت اسيل اختي عليهم اسيل عمرها ٢٠ بس عبالك عمرها سنتين تحيل شسوي واضل تلعب ويه الجهال والبيت صاير هرج ساعه تلعب وياهم ختيلان وساعه شرطي وحرامي ماتخلي لعبه ما لعبتها وياهم وهم ماشاءالله خير من الله ست جهال لا هنا ولا هنا ضي : مرت يومين وطبت شرطيه جديده صاحت منو ضي وكفت وصحتها اني ليشش تعاي عدج زياره كمت وكفت معقوله اشهب اي بلكت أقنعه اشوف جهالي اخذتني وطلعت وصلتني ع مكان الزياره طببتني باوعت اشهب وكف باوعلي - شنوو ست ضي مستعجله ع موتج وتردين اشوفين - اشهب خل نكون صريحين انت ليش هيج داسوي ليش كل هذا - لان وحده مجرمه -اشهب اني مو مجرمه ليش ماتفهممم ليشش هسه مو هذا موضوعنا اشهب القاتل بره دايسرح وانتم تعذبني هنااا تراا ضلم - ضي فوتي من الاخير شتردين - اريد اشوف جهالي مالك حق تحرمني منهم - ليش ما تفهمين عقلللل ماعدج انتييي ماكو عقلل غبييه شلون اجيب جهال للسجن شبيج تخبلتييي - يعني اكو - هم لحد لان مايعرفون ابوهم مات كتلهم انتم مسافرين علمود علاج اسددد لان ليث يدري ابو مصوب واضطريت اجذذذب تردين اجيبهم ويشوفون وجهه امهم الحقيقي عادي ماعدي اي أشكال باجر اجيبهم - لا لا لا خلص بس خل اسمع صوتهم فدووه تكدر بمعارفك حته احاجيهم باوعلي صفح وهو يمسح ع لحيته ويحك بحاجبه هز راسه وكال - ماشي افكر واذا وافقت اخلي أكرم يحاجي وحده من الشرطيات ادعي أوافق وما اطنكر عليج عافني وكام عدج شي بعد لو أولي هزيت راسي لا عافني وطلع وكفت واني شويه مرتاحه لان اكو امل اسمع صوت أطفالي رجعت للمكاني فتحت كتابي وبلشت اقرا واسد ما يروح من بالي لحد ما صار الليل نزلت ادموعي واني اشبك الصوره وابجي أسد اشتاقيت لك والله اشتاقيتلككك مووت شبكت الصوره و ونمت واني نايمه حسيت بشي انحط ع خشمي وحلكي وادين كمشت اديه ورجلي وو ........ يتبع  الاغنيه تمثل حال ضي ،،،،،،،،، وللحكاية بقيه،،،،،،، قرائه ممتعه أحبتي تنويه النشر كل يومين نشر يوم استراحه ،، ،،،توقعاتكم وتصويتاتكم وتلعليقاتكم،،،،،، #نور الشمري #نوشه بالنسبه للبارت الخامس ان شاءالله باجر بنفس موعدنا باليل احبكم #نور الشمري # نوشه | ||||||||
|
| |
|
23-06-20, 12:07 AM
| #8 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي #نور الشمري #البارت_الخامس Noor336 #في مرحلة من عمرك ستعرف أن الإحترام أهم من الحب ، و أن التفاهم أهم من التناسب ، و أن الثقه أهم من الغيره ، و أن الصبر أعظم دليل على التضحيه ، و أن الإبتعاد عن المشاكل بالصمت و التغاضي لا يعني الضعف بل يعني أنك أكثر قُدرة على الإستمتاع بحياتك .... ضي : حسيت انفاسي الاخير كاعد اتفسها صور أطفالي اجو ع بالي شلون راح يعيشون بلا اب وأم أيتام بهاي الدنيا وصورة أسد بس فجئه حسيت النفس رجعلي وصرت اشهك حيل اريد افتح اديه او رجليه ماكو عبالك حجاره فوكهن مو أدين كامشتهن حسيت بصوت قريب ع اذاني يهمس بصوت ناصي كلشش - خلينا نلعب شويه ضي حبيبتي شرايج اكيد كد اللعبه ما دامج اتحديتيني رفست رجليه حته اكدر اخلص من هذه الي كامشتني بس رجعت قيدتني من جديد اقوه اريد احجي ماكدر صامين حلكي وبس هي تحجي رجعت كامت تحجي بصوت ناصي - ماانسه الضربه إلى ضربتيها إلي ضي خانم مو عبالج اسكت لاااا افه مو ختام إلى تسكت عن حقها واذا ما خليتج اتبوسين الأيادي ما اسمه ختام وهسه شتكولين لو شويه نطلع من دمج لان تدرين بعد السجون مايصير الواحد يبقه بيها صاحي ومابي شي لازم نترك أثر تتذكرينا بيها مو بنات إلي اعرفه بعد ٤ أشهر وتطلعين فلازم اخلي ذكرى خاصه باسمي حته كل ما تباوعين عليها تذكريني ههه شتكولين - جنت اتمنه لو اكدر احجي بس الجبانه ماخذه كل احتياطاتها وكانما تعرف ما راح اسكت ولا أخاف من كلامها باوعت لها بنضرات تحدي وقوه عليمن اخاف بعد روحي واخذوها مني ماتهمني نفسي بعد المكان اضلم واكو ضوه خفيف يضرب علينا انتبهت بصعوبه شفتها طلعت فد شي من ملابسها وباوعتلي ماعرف اذا جانت موس او سجينه او شي ثاني بس مبين هيج شي باوعتله بستغراب شنو تريد اسوي هاي قربته وصارت تمشي ع ايدي وتحجي - وين تردين ننترك الأثر ست ضي ع ايدج لو رجلج لوووو وجهج اني اكول بمكان اخلي كل الي يشوفه يشرد منج قربته ع ركبتي وصارت تمشي عليها ها نبلش ست ضيوو مستعده غمضت عيوني واني انتضر آخرتي بس حسيت ع صوت مسره وهي اتعيط بختام مسره : لججج ختااام هاي شداسوين عوفي البنيه لااااا اصرف غير تصرف عافتني وكامت ختام : تؤ تؤ يعني ما لكيتي غير هاي اللقطه اتكطعيها عليه مسره خانم مو داعاقبها يلا تعاي باوعي ويانا واحنى انعاقبها - ختااام امشي لمكانج ولا تخليني اصرف وياج غير تصرف وانتنن وخرن عنها يلااا مو وياجننن وخرننن هاا صح الحيونات ما تفهم لغتنا هي تفهم بالضرب وبس والضابط رامي يعرف شلون يفهمجن مووو اعتقد اسمه كافي حته اتركن ضي وخرن عنهااا يلاا -من كالت هيج مسره هن رأسا وخرن وعافني كعدت رأسا احس اختنكت واديه يوجعني كلشش كد ما كامشاتها قوي باوعت بستغرب ع مسره ليش جابت اسم هذا الضابط ختام : سمعيي لجج مو عبالج تخوفيني بهذا رامي مدري راشي تراا اودي وره الشمس بس اكول خطيه شاب ما يعرفني وتاركته - هههههه اييي خطيه شلون كلب عدج حنين كلشش سوده عليه ههه يمكن العقاب الاخير إلي اخذتي منه جان كافي حته يخليج تفقدين عقلج ست ختام وهسه عوفي ضي بحالها لان اذا صار بيها شي انتي الي راح اتكونين بوجهه المدفع وما اتخيل شنو العقاب هلمره إلي راح تاخذي من عده هههه دفعت مسره ختام واجت يمي باوعت ع معاصم اديه حمر دم الدم محصور بيها وصايره حمره وبيهن زراك باوعتلي وكالت - مالج دخل بعد ما توصلج عوفيها مثل الجلب تنبح تنبح وتسكت - يووو كلش لكيتيني اهتم لهيج أمور - ههههه ديلا نامي عافتني وكامت رجعت سندت نفسي ع الحايط وصفنت شنو راح اواجهه بعد صار عدي فضول اعرف رامي شمسوي لختام وهذني البنات الي بمجرد ما سمعن اسمه تركني ضليت افكر لوجهه الصبح ماجاني نوم وبعدها غفيت كعدت الصبح راسي يوجعني صفنت واني اباوع ع ام زهره مبين عليها متندمه هواي بس ع شنو ماعرف سبحتها بيدها ٢٤ ساعه وستسغفر ومايوكع اسم الله من السانها هشي يخليني ارتاح وزاد إيماني بالله سبحانه صفنت وقررت بس اطلع من السجن البس حجاب لان ضي القديمه ماتت ويه أسد وراحت من يوم إلى دخلت هذا السجن واني وحده جديده ماكو بداخلي غير الانتقام من الي قتل أسد اريد بس اطلع منااا وانتقم من الي فكك عائلتي واخذ حبيبيي ودخلتي السجن راح اتقرب إلى الله وما خلي شي يكون عائق بعد واني صافنه حسيت بوحده كعدت كدامي وضربت متني باوعت لها ليلى - شلونج - زينه ع الله - ضي اريد اسئلج سؤال بس عليج الله لا اضحكين عليه مثل الباقيات - مممم ما اضحك اطمني كولي شعدج - الدنيا بره شلونها ادري سؤالي سخيف بس تدرين صالي ٤ سنوات هنا ههههه عدي عرف مشوفين كلها تعرفني هههه مشتاقه اشوف الكمر تالي الليل واكعد احجي وياه واسولفله همي مشتاقه اطلع وامشي بشارع واباوع ع الناس الرايحه والجايه مشتاقه لكلشي كولي شتغير بهاي ال٤ سنوات شصار بدنيا باوعت عليها كسرت كلبي هلبنيه ماعرفت شنو اجاوبها بس همست واني اباوع بعيونها - كلشي تغير ليلى الن اس اتغيرت والشوارع اتغيرت والمناطق وكلشييي ابسط شي الناس كلهم صارو بوجهين وما يصدكون يلكون زله عليج حتى يشمتون بيج ماتعرفين العدو من الصديق بعد ماتعرفين الشين من الزين لان الكل صار يتنكر حته الدنياا ليله حته الدنيا قاسيه كلش يوم الج وعشره عليج وتحير شلون اضربج وتختبرج تدرين الله يحبج خلاج هنا بعيده عنهم لان ماراح تعيشين بره بأمان نوال : حته هنا مو امان الها ماتدري شنو الي مضموم الج ولا تدرين السجينات شنو راح يسون بيج وخاصه اذا اكو وحده قويه واسيطر ع الكل ماراح تكدرين تكولينلها لا - غلطانه نوال احنى انخلقنا احرار مو حته يجي ذاك وهذا يمشون كلامهم علينا ونسمع هذا وهذاك ونخاف من هذا وذاك احنى انخلقنا حته نخاف من واحد الأحد وهو الله سبحانه انخلقنا حتى نختار طريقنا احنى نمشي بطريقنا إلي اختارينا والي اختاره الله سبحانه وهو نخاف منه ونعبده ونسمع اله ونطيعه اله وحده مو للبشر ليش ناخذ طريق خطأ وهيج لا احنى إلى فلحنا بدنيا ولا بالاخره ضليت احجي ويا البنات وغيرت جو شويه سوالف ليلى الاضحك وقصص ام زهره الحلوه و نصائح نوال وعصبية مسره كاعده اغسل وجهه واجت ناديه - تعااي عدج اتصال تحجي وتلتفت خايفه باوعتله بصدمه معقوله اشهب سواها وراح يخليني اسمع صوت أطفالي منووو ناديه فدوه - ماعرف بس اجتج واسطه يلا فضيها -اخذتني لمكان هيج ممر فارغ مابي احد واطتني تلفون هاج هسه راح يدك بس لا تتأخرين - اي وكفت دقيقتين ودك رقم باوعت ع ناديه أشرت جاووبي فتحت الخط واديه ترجف واجاني صوت ليث اااوف يا يمه كل هل الايام الي جنت اقنع بيهن كلبي وابرده واهدي روحي بلحضات انهارن كلشي ونزلت دموعي واذكرت كلشي كعدت بالكاع واني اسمع صوته يحاجيني - الووو ماما ليش مجاوبين ردي عليه مشتاقيلج رجعي حبابه والله بعد ما أطول الساني ولا اضوجج بس ارجعي قمر كل يوم تبجي باليل عليج انتي وبابا وماتنام اله من تشبع بجي شهكت واني كوه اريد اطلع الحجايه من عدي احس كلبي ينزف عليهم - حبيبي ليوثي شلونك يروحي اختك شلونها -ماما مو زينين تعاي بسرعه حبابه تدرين ماحب ابقه بعيد عنكم ولا احب هذوله الناس - حبيبي اتحمل كم شهر وارجع وماراح تفاركون حضني ابدددد لا تخاف يروحي بس اصبر واحسب - وبابا ماما يجي وياج موو مشتاقله هواي خل اسمع صوته بمجرد ما كال هيج شهكت ودموعي نزلت ياربي دخيلك القوه ياللهي عيني ع ما ابتليتني به يالله دخيلك امتحانك صعببببب - ماما بابا بي شي ردي حبابه - مسحت دموعي واني احاول اهدي نفسي حبيبي ماكو شي بس من ارجع اكعد اني وياك ونسولف انت كبير هسه والرجال مالتنا ولازم تعرف كلشي اي حبيبي لا تخاف راح ارجع وراح كلشي يرجع مثل قبل - اوك هاي قمر تريدج قمر : ماماا احبج وينج - حبيبتي عمري انتييي زينه انتي شلونج حبيبتي لا شلعين كلب اخوج زين وصيري حبابه لا تخلين الناس يحجون عليج وعليه واني كم يوم واجي اي حبيبي - ماشي ماما راح اصير حبابه بس انتم لا اطولون اشتاقيت لغرفتي والالعابي و البابا من نلعب اني وياه رجعو بسرعه حبابه هاا بوسيلي بابا وكوليله يكوم بسرعه حته العب وياه ههههه - اااخ يالله، ماشي حبيبتي يلا اني راح اروح ومثل ما وصيتكم ديرو بالكم ع نفسكم ولا تخلون الناس تحجي عليه ع أن ماعرفت اربيكم صيرو حبابين اعرف بعدكم صغار ع المسؤليه بس لخاطري تحملو هل كم شهر - ماشي ماما باي وبوسيلنا بابا - غمضت عيوني قووي وكرهة نفسي لان تاركه أطفالي اعرف مو بيدي بس لازم اطلع منا بأسرع وقت وهشي لازم اثبت برائتي اول سديته منهم واطيته الناديه باوعتلي ودنكت - اعرف بالي تحسين بي فراق الضنه صعببب كلشش صعبب اني هم حرموني من بتي وماخلوني اشوفها كومي يلا خل نرجع لا يحسون علينا اخذتني ورجعتني مددت نفسي ودموعي تنزل مرت ٣ ايام كلشي ماكو نفس الاسطوانه تنعاد بس هلمرا ختام ما تنحك بيه وبس تباوعلي صراحة حسيت وره نضراتها هاي سالفه مو خاليه وماراح تعدي ع خير ابد بيومها اخذوني للتحقيق بس جان ضابط جديد حقق وياي ونفس كل مره جوابي كان مو اني الي قتلته وهلمرا هاي جانت اكو شرطيه وجانت كل مااجاوب جواب ميعجبهم تكمشني وماحس غير الراشدي يجني لحد ما فقدت الوعي من كد الضرب والراشديات يمكن كان أقسى يوم مريت بيه من اجيت للسجن لسه ومجنت اعرف هاي البدايه وبس وجان مضموملي الاقسى من هذا وهاي البدايه مال العذاب فزيت ع شي بارد انذب عليه باوعت ثنين شرطيات واكفات فوك راسي شكلهن غريب ويخوفن بس بقيت صامدا باوعت عليهن بيدهن سطل مال مي وشمرنا عليه حسيت شعري انجر اتحملت حته ما اصرخ ماريد أضعف كل هذا راح يبني إلي شخصيه قويه اكدر ادافع بيها عن نفسي وعن أطفالي بيوم إلي اطلع منا ومالكه إلي يسندني رفعت راسي وبس دموعي ينزلن بهدوء - كوومي هاج بدلي ملابسج فضيها خل نرجعج وكفت كوه ع رجليه واني احس بدوخه خفت لا يغمى عليه مرت الثانيه وساعتها يستلمني ضرب مرة الخ صبرت وتحملت وبدلت ملابسي المبلله وجرني رجعني اتلكتني ناديه وهي تباوعلي مصدومه - لجج هم طولتي السانج اخ منج انتي شنوو امشي امشي شوف وجهج صاير خريطه ماحجيت اي كلمة دخلتني لجوه وكلهن اتلكني إلي سندتني والي ركضت جابت الاسعافات والي عدلت مكاني كعدت وجابت ناديه الاسعافات اطتهن المسره ومسره كعدت تداوي بيهن واني بس صافنه حتى ما حسيت بألم لان ألم قلبي جان أوجع ومغطي ع هذه الآلام غمضت وضليت اردد بداخلي ربي لو تاخذ امانتك لو ترحمني ماتحمل هذا الذل والله ماتحمل درت وجهي وعفتهن يحجن وياي ونمت ماريد اسمع شي ولا افكر بشي اريد انام وبس حقدت ع الكل وعاتبت الكل واني نايمه عاتبت أسد لان عافني بهيج دنيا قاسيه وراح عاتبت اهلي إلى تركوني اعرف ما يقصرون بس مو بيدي ابدد نمت والنومه نومه من العصر او الضهريه ماعرف بالضبط لحد ثاني يوم وهاي اول مرا هيج انام هلنومه هاي بدون ماافز او بدون كوابيس كعدت الصبح كلهن كاعدات عدلت كعدتي وثنيت رجليه وبقيت صافنه انتبهت ختام ماكو درت وجهي شفت ليلى طبت لابسه دشداشه مثل مال ختام وفاتحه شعرها وكافشته نفس الكفشه ومقدمه نفسها لكدام عود كرشهاا وطبت جو وهي اطفر واصيح - ها خوتي هاا وها وها وها يأبه هديه من ختام الكم الكل افرااااج يلااا شوو الكل يجي يمييي خل اطي خبر الإفراج مالته يلا يلا -صدك منضرها جان يضحك ابتسمت واني اشوفها هيج حسيت بأيد ع متني باوعت ام زهره - يمه الدنيا ما تسوه ترا واذا ع هل جم جلاق الله وكيلج كلنا ضكناهم وصار عسل بنسبه النا هههه الله موجود ويشوف يا بتي كومي كومي عيشي اللحظه وشوفي هل اليله شراح اسوي بعد باوعت عليها بابتسامه وهزيت راسي كمت وكفت ايدي توجعني ووجهي واكو زراك بأيدي وجهي ماعرفه ازرك ع احمر خارطة الوطن العربي صاير وكفت واتجيت ع الجربايه وكمت اباوع ع ليلى باوعتلي وكالت - اخلص هدية محيسن واجيج ههههههه دارت وجهه ع مسره وراحتلها - لك محيسن جايبلك شلون هديه تخبل غمضي عيونج بداعت طول حيدر العبادي - هنا صدك ضحكت وباوعتله طلعت ضرف واطتهه المسره وكالت - هاي هديتج فتحيها واقري شنو بيها فتحتها مسره وضحكت - لج طركااااعه منو كال اريد ازوج دخل اطلع منا وبعدين ازوج وبعدين منو يقبل ياخذ محيسن ليلى : افه صدك جذب لك محيسن الصاك انت الف واحد يتمناك شرايج بواحد من الضباط حته اصيرين مثل ختامووو ههههههههه حجت هيج ومسره ركضت وراها و يضحكن برغم من كل الي مرن بي بس هن يضحكن ويعيشون اللحضه ع كولت ام زهره اتكول اللحضه الحلوه تخلص بساع بس ذاكرتها أطول واللحضه الحزينه أطول بس بمرور الايام ننساها او نحاول نتناساها وهن هيج جانن يضحكن ويشاقن برغم من كل شي اجت يمي واطتني الضرف وكالت ليلى : هاي هديتج يبعد جبدي بس هاا ديري بالج من تفتحيها مو اتكومين تركصين من الفرح عيب ام زهره : لج ليلهه - شبيج خاله زلة السان فتحتها واني اباوع ع ليلى ومبتسمه قريت الي بداخلها وصدك حسيت بفرح جان مكتوب تم الإفراج عنك وذلك عن طريق القبض ع المجرم الحقيقي تهانينا -الله يسمع منكم يارب ويجي هذا اليوم - ان شاءالله كاعده احجي وياهم ودخلت شرطيه يلا اتحضروو وقت الزياره اباوع كلهن كامن يحضرن بارواحهن انتبهت ليلى ومسره ونوال وأم زهره كعدن ويباوعن عرفت ماعدهم واحد يزورهن شكد شعور قاسي من اشوف الكل هنا اكو احد يذكرهن بس هن لااا من يوم إلي دخلن وهن وحيدات باوعتلي الشرطيه وكالت - يلاا انتي هم عدج زياره باوعت ع ام زهره شلون اطلع وبوجههي هذا الخارطه - روحي يمه روحيي طلعت وياهن واني مدنكه شلون لو جان بابا والله ما يتحمل اذا شافني هيج شلون باوعت ع الشرطيه - لو سمحتي منو الي جاي هم عرفتي - ماعرف بس رجال شاب إلي عرفته يلا امشي - مشيت فرحانه عبالي عمو بكر بس اول ما دخلت صار اشهب كدامي اصنمت واستغربت من جيته هو من شافني رفع حاجبه وباوعلي اتقدمت وصرت كدامه باوعلي وكال - كل هذا وما اعترفتي - اعترف بشي ما سويته استاذ اشهب - هههه اني مااشوف هيج المهم ابن خالتج وين مكانه - شتريد منه شعدك وياه اشهب ليش داسوي كل هذااا شنو تريد تراا حرام الي كاعد اسوي - خلصتي لا تخليني اصرف غير تصرف وياج احجي عدل احسلج ولا تخافين ما اسوي شي بس اريد اعرف شي وهذا الشي ما اعرفه اله من ابن خالتج وين الكاه جاوبي - وشنو هذا الشي بالله باوعتله بستهزاء وهو ردلي النضره ببرود وصاح جاوبيييي - شنو يضملي ماراح تسويله شي لان انت شاطر بالاتهامات الكاذبه - بسسس لهنا وبسس اريد اعرف شغله كتلج ولو ما مضطر مااجي واشوف خلقتجج هاي الخريطه فضيهاا باوعتله بكرهه وجاوبته - ماعرف بس اذا مو بغداد لو كركوك تلكاه ببيت اخته باربيل - وين باربيل - اطيته العنوان ووكف باوعلي وكال عدي سؤال رجع كعد ورفع حاجبه منو ساعدج بقتل أسد حجاها وغمزلي ووجه مليان غضب حسيت النار صعدت لراسي وكفت وباوعتله بغضب - حقييير وظالم وو - انجبي واسكتيي لا تخليني اتصرف غير تصرف - لا والله عف ته وردت امشي صاح - اوكفييي ماكملت منو الي مد ايده عليج - نعممم مالك دخل اعتقد مايهمك هاا لا صح يهمك حته تتشكر منه موو مع الأسف رجال محسوب ع الزلم - ضييييييييييي - هاي شنو صوتك رجائا وانتي يلا تعاي وياي خلص الوقت - جرتني الشرطيه وطلعت واني اباوعلهه بكره وهو يردلي نضرته المليانه عصبيه وكره عفتها وطلعت بس لو ما داخله هل الشرطيه جان والله اخلي اليوم يطلع منا فاقد عقله والله يالله ما ناقصني غيره اني رجعت لمكاني ولكيت البنات مجمعات وفرحانات - شكوو فرحني وياجن ليلى : نواله راح تطلع بعد اسبوووع لججج مال اهلهل هسه بس اخاف اخذلي كتله ههههههه - هههه حبيبتي نواله ع الخير - حبيبتي ام ليث يوم اللج والبنات ونلتقي كلنا بمكان ونتذكر سوالفنا ليلى : والله كلها تطلع اله اني حتى لو طلعت اروح اكتل ابوي وارجع اطب السجن ههههه مسره : مخبله - انعديت منج لان عاشرتج حوبي محويسن ههههههههه ضلن كاعدات يسولفن ويضحكن وفرحانات عبالك كلهن راح يطلعن مو نوال إلي راح تطلع واني كاعده يمهن بس بالي يم هذا اشهب شيريد من الياس باليل اجت شرطيه باوعتله وكالت كوميي عدج تحقيق مسره : البارحه حققو وياها وبعدين باليل شكووو - مالج دخل انتي ويلا كومي فضيها انتي اللخ وكفت واني استغفر الله يعني البارحه ما كسرو عضامي زين ويردون يكسرهن هسه طلعت وياها واني اباوع صار الضابط رامي كدامي باوع بستغرب وكال وين ماخذتها - سيدي الضابط أمجد والضابط سلام طلبوها للتحقيق - اثنينهم بهليل ماشي روحي هسه اشوف مدير السجن واجي بقيت صافنه الله شلون ثنين يالله وهذا راح يصير الثالث لا اليوم يا ضي ترجعين بالعربانه هاي إذا مو بتابوت دخلتني وسدت الباب جانو ثنينهم كاعدين وع صفحه شرطيه باوعلي هذا الي اسمه سلام وكال - اليوم اشوفج الزلم زين تعاي تعاي باوعتله مبتسمه وهمست زين عدي اقتراح افتح اديه وخل نتعارك مره لمره عركة نسوان هههه هيج العباره افضل - من حجيت هيج ماحس غير طفر وصار كدامي وضربني راشدي - لججج قندره ا**** حيوانه أمجد : اوكف سلام اوكف احنى ما جبناها حتى نحقق وياها جبناها لغير شيي عوفها تحجي وحدها - حجه هيج وابتسم وهو يباوع بوجهي باوع ع الشرطيه الواكفه ع صفحه وصاح انتي اطلعي ولا تخلين احد يدخل عرفت هذوله ما ناويها ع خيرر طلعت الشرطيه واني باوعتلهم - ايي شتردون مني سلام : شويه نشوفج الزلم إلي تستهينين بيهم شراح يسوون بيج من كال هيج رجعت لوره نضراتهم جانت مطمن وعرفت وراهم شي صرت ارجع وانضرب ضهري بالحايط دخيلك ربي اني بحمايتك ربي احميني منهم ربي دخيلك مو شرفي ربي رحمتك. ماحس غير هذا الي حقق وياي البارحه جرني من شعري وهذا سلام صار يضرب بيه راشديات هو وجههي خدران من البارحه كد الضرب وهسه رجع يضرب عليه حسيت راح يغمى عليه لان دخت وهذا جارني من شعري راسي موتني كمت اغمض وافتح ماحسيت غير دفعوني ع الكاع باوعتله وحجيت بتهديد - ديربالك تتقرب والله والله اقتلك وما يرفلي جفن وهل مره صدك ارتكب جريمه - لااا صدوك خوفتيتيييي لك أمجد خوفتني هههه كمت ارجف يمه يمه إلي راح انساوي هاي حته اتكصين السانج وما تندكين باسيادج وختام ما تقربين الها ومن توكفين كدامي ادنكين وشكول تكولين حاضر نزع القميص العسكري مالته وشمره بالكاع صرت ارجع لوره اديه مكلبشه حته ماكدر ادافع عن نفسي حسيته تقرب يمي جرني من شعري وقرب وجهي يم وجهه وصاح - اييي اليوم سهره للصبح امجدد ههههههه كلماتهم واستفزازهم خلاني اسوي هيج بدون ما افكر حته رفسته برجلي ع بطنه وبعكسي ع خشمه وردت اركض ع الباب بس كمشني هذا الثاني وهو يجر بشعري - لج حيوانه سا*** كلبه اني الج والله اليوم اشوفج نجوم الضهر شمرني ع الكاع وصار يشكك بعدومي واني اضرب اريد بس عبالك حجاره نزلت دموعي واني ادعي الله ينقذني من هذول الوحوش إلي يردون ياخذون شرفي فوك فراق زوجي واولادي يردون ياخذون شرفي حسيت الباب انفتح وصوت شخص معرفت منوو بس هو رأسا كام اخر شي اذكره هو صياح بس ع شنو مادري اسمع أصواتهم بس ماكدر افتح عيوني ولا اتحرك حسيت بأحد حط شي عليه وصاح - تعالن سندنهاا واخذنهاا وعقاب الكل ع ايدي اخذني سانداتني منا ومنا بس يهدني اوكع بعدها مادري شصار فقدت الوعي مدري نمت مادري بس كعدت نايمه بمكاني ومسره وليلى وأم زهره فوك راسي ومسره تحطلي كمامات فتحت عيوني واجت الصوره ببالي رجعت لوره صحتتتت لاااااا ام زهره : يمه اسم الله حبيبتي ماكو شي اهدئي اهدئي شربني مي وكعدن يهدن بيه واني بس صافنه ودموعي تنزل صافنه شلون لحضات جانت و افقد شرفي لو ما الله ستر شلون ربي هذا المكان مو أمن ابد ربي دخيلك والله ماتحمل بعد نزلت دموعي شبكتني مسره وهي تهدي بيه - كافي اهدئي راح وخلص وراح ياخذون جزائهم ومدير السجن استبعدهم شهرين عقاب يلا حبيبتي كافي اهدئي اليي عرفته بعدين هذا الضابط رامي جايب مدير السجن وجاي لان دايحققون وياي باستمرار وبت عذيب والدنيا ليل واول ما وصلوو سمعو صرتي واجو ركض ومن شافو المنضر مدير السجن راح استبعدهم عقاب شهرين تنفست براحه لان الله خلصني منهم فد شهرين ونقذني من اديهم ومرت الايام واني بس كوابيس اشوف وختام رجعت شدت وياي واني تاركتها لان مالي خلك لها لحد ما فد يوم صادف زياره وجان عمو بكر راح يجي كعدت صح شويه الكدمات اختفن بس اكو أثر شويه مبين وعمو بكر عصبي واعرفه بس يشوفني هيج يكلب السجن اشجعت ورحت اشوفه اشهب : بعد ماكعدت وصفنت وضليت وحدي يومين بالمكتب عرفت اكو احتمالين للجريمه يا اما القاتل الحقيقي معروف ووعرف شلون يؤقت الجريمه باي وقت ويجوز واحد من هذول الاربعه وقتلو أسد وتركو السلاح علمود يتهمون شخص ثاني والغبيه مرت أسد طاحت بيها يا اما شريكه هي والمجرم ومتفقين عليه ومن اجه ليث نست تمسح بصماتها إلان إلي عرفته ما مخليه ليث يدخل وجانت مستعجله واكيد وخايفه احس دخت كل ما اكول لكيت خيط ينلاص اكثر قررت اروح لابن خالتها دخل عمر جايب معلومات عنه -ها بشر -يخوي كلشي ماكو كوه حصلت هلكم معلومه يكول عبالك يعرف وراسا ضمضم كلشي ابن الكلب مامخلي شي - إلي يسمعك يكول هو المجرم وضمضم كلشي - يخوي كلشي يصير يجوز كتله علمود يزوج ضي - شنوووو - ايي هو يحبها وخطبها قبل لا تزوج أسد بس هي رفضته هذا الي عرفته اليوم - هناا الحجي ايي - ايي وعود ع اساس ناسيها بس لحد لان ما ازوج ولا حب او لا ارتبط شيسموها هاي يبعد جلاويي - عمر أنجب واحجي عدل - لك ابو فروسس اني حجيي كله كلام وحكم شحجي بعد أكثر من هذا ابن ال - عمرررر - شبيك اريد اكلك ابن البقلاوه مو صوجكك صوجي اني - هسه غير يسكت فضها احجي شلكيت بعد - ماكو بس هالمعلومات عرفته ويشتغل بمكان بوزارة وبيتهم بزعفرانيه بس ماموجود من بعد محكمة ام ليث اختفى - ايي وبعد - والله ياخوي لهنا وبس بس عدي خبر اله بشده رقم حمزه إلى طلبت اراقبه فتح واتساب خمس دقايق وسده راسااا اليوم الصبح - تحجي صدك لو تشاقه عمر ترا - فد يوم اشاقيت وياك ابن البقلاوه يعني ماتعرفني وكت الجد جد ووكت الضحك ضحك وبعدين وداعت خشمك ما جذبت بشي وهاي حلفت بالغالي - امشي ولي عمر امشيييي حته بوكت الجد يحشش ابن - هاها ترا اسمع - ابن الاوادم أنجب وولي - هههههههاي رايح حبيبي رايح بس لا تنسه ادعيلي الله يرزقني صاكه مصككه - عمرررر راح اجي اصكك واخليك اصكك بنجف بسلام تعرف قصدي بعد وين بسلام -الله اروح اصحكك يم حبوبتك رغده بعد شريد اندفن يم رغده اه اطك للستار - لك عمرررررر - رايح رايح والعباس إلى تحلف بي انت رايح هزيت راسي وبقيت اباوع ع المعلومات الي جابهم عمر ماكو غير حل اروح للسجن واشوفها وهي تكلي مكانه اقصر طريقه ثاني يوم طلعت للسجن وكت الزياره من دخلت وشفت وجهه مأكول فرحت لا اكو شي بداخلي ماعرف ضميري كال بريئه ومضلومه ما تستاهل كل هذا بس عقلي ما يصدك او بالاحرى اني ماريد اصدك اخذت العنوان وردت اطلع بس ردت اسمها شويه ردت اشوف شكله من احجي هذا الكلمات شلون راح يكون شكلها شفتها عصبت وضاجت ماعرف احزرها وماحصلت شي من كتلها منو مشاركج طلعت ورحت لاكرم - شوف أكرم تروح للسجن واشوف ضابط ثقه تعتمد عليه ضابط مو شرطي لو شرطيه يضل يراقب بيها وهااا خل يضلون يحققون وياها بس بدون تعذيب وشوفلي من الي كاعد يعذب بيها - شنو صاحب اضاهر غيرت رئيك وو - أكرم لا تخليني اغلط عليك زين مالك دخل بشغلي سوي الي اكلك عليه وتأخذ أجرك عليه لا تخاف مو مصلحه . حجيت وياه وطلعت منا رجعت للبيت اتلكتني حنان - هلا حبيبي الله يساعدك اسويلك غدا لوو احضر الحمام باوعت عليهه مستغرب ضحكت ويه روحي من يوم الكتله وهي اجر عدل - ماريد شي بس اريد انام - خوش حبيبي فراس حبيبي اخذ اخوتك واصعد فوك ابوك يريد ينام لا اسوي هوسه حبيبي باوعت لها مستغرب الله يهديج عفتها وصعدت وكفني صوت ليث - عموو خل احاجي ماما - باوعتله مو هسه حبيبي مو كتلك ماتكدر تحاجيك لان ملتهيه ويه بابا من تفرغ هي تخابر عفته وصعدت ليث وقمر عفتهم من مسؤلية اسيل ادري بيها تحب الأطفال وماراح تاذيهم مطمن عليهم غفيت وفزيت ع صوت عياط نزلت اركض شفت اسيل كامشه خدها وتلوب واصيح وتبجيييي وليث واكف ع صفحه وشابك اخته وصافن يباوع بنضرات معرفت افسرها صحت هاي شكوو ووووووو الله يلعن بليسكمم احجووو حنان : داخذ البنيه للمستشفى لا يلتهب جرحهاا باوعت جرح من بداية خدها من جوه عينها لحد النهايه من يم فكها شخط جبير اخذتها ع السريع وطلعت وامي تبجي حطت عبايه ع راسها واجت وياي خابرت اخوي ضرغام يجي للبيت لان مابي بس الجهال و حنان وهاي مو مال مسؤليه الجهال كتله يروح للبيت وطلعت للمستشفى عقمو ولفوو شخط بي جبير وشويه عميق وخاصه قلم رصاص منبل انصدمت من سئلها الدكتور بيمن جارحه روحج جان تكله قلم رصاص اخذتها ورجعته للبيت اسيل منو سوه هيج بيج - محد اني كاعده العب ويه روزه وقمر وبيدي القلم وشخطت روحي بالغلط - اسييييل سكتت خايفه ماكدر تجذب عليه لهذا سكتت من صحت اختي واعرفها رجعت للبيت واول ما دخلت صحتتت حناااااان وين الجهال - بغرفتهم صيحيلهم بسرررعه ضرغام : خويه أعصابك شبيك ماتنحل الأمور هيج - ضرغام اسكت رحمة الابوك اسكتتتت طلعو كلهم باوعت لهم واحد واحد - فراااس منو عور عمتك اسيل - ئئئئ ماعرف بويه ماجنت موجود - ماشي يوووسف جاوبني دنك يوسف وصار يلعب بأصابعه وجاوب بابا جنت يم فراس مادري -ماشي روزه حبيبتي منو شامر القلم ع عمتج حبيبتج - ااااا انتبهت روزه ضلت اتباوع ع اسيل وتباوعلي صحت -روووز احجي وديري بالج تجذبين تدرون بيه إلي يجذب شسوي بيي - ااا بابا جنت مدنكه ارسم من رفعت راسي ع صوت عمه اسيل مادري منو - رووووز -بابا اسئل ابراهيم اني ماجاوبك ماعرف - ولد الجلااااب شنوووو هنا اني شو ولا واحد احترمني جاوب ابراهيم ودير بالك اجذبببب - لاااا بابا اكلك بس لا سويلي شي -انتبهت يوسف يضرب بي بممعنى اسكت صحت بي يوووسف تعال هناا - ها بابا رفعت ايدي وضربته راشديي - هاي علمود مااجذب عليه وعلمود ماتعلم اخوك ع الجذب ولييييي يلااا وانت احجي فضهااا اسيل : اشهب كافي شبيك مو - انتي انجبيييي وسكتيي جاوببب - بابا ليث - لييث باوعت ع ليث واكف شابك اخته ويباوع بنضرات ماحسيت بيهن خوف ابد لا عبالك واكف ينتضر لعبه اتخبلت - ليث الكلام الي كاله ابراهيم صحح - اي عمو صح فتحت عيوني ومشيت بتجاها وبحركة عصبيه اسيل : لااااااااااا اشهب عوفههه لخاطري اشهببب رفعت ايدي وضربته راشديي - ضربتك علمود ما تعيدها بعد وتقلل ادب ويه الأكبر منك باوعت لهم كلهم وصحت - ماكو لا تلفونات ولا ايبادات ولا طلعه ولا اي شي تنحرمون من كلشي لمدة يومين وكلكمممم لان جذبتو عليه . عفتهم وصعدت فوك واني افور نار دخلت للغرفه وقفلتها وصار ميز المرايه كدامي كسرت كلشي عليه ااااه ربي أسد وينككك وينكك اليوم مديت ايدي ع ابنك يا اسدددد تعااال عاتبني وازعل مني الله ياخذني ولا مادها عليه ياربي ضربت ايدي بلكزاز إلى بالكاع صوت اسيل وامي وحنان بره بس عفتهن يحجن وحدهم وضليت كاعد ونزلت دموعي اول مره نزلت دموعي بموتت أسد وهسه احس هم جبير ع ضهري ربي اغفر إلي هذا يتيم واني مديت ايدي عليه يالله دخيلك جريت تلفوني واغراضي وفتحت الباب وطلعت سمعت صوت حنان وامي يصيحن وراي مادرت بال الهن عفتهن وطلعت ركبت السياره وطلعت الاربيل ضي : دخلت وصار عمو بكر كدامي باوعتله ودموعي نزلن من شافني فتح عيونه - لجج ضيي هاي شنوووو - شنووو عموو شبيك - لج هاي شنو وجهج هذول الجلاب مادين اديهم عليج احجيييي - دنكت وماعرف شنو احجي - والله اليوم اكلب السجن عليهممم وانسيهم حليب امهم إلي رضعووو - عموو اهدئ فدوه اهدئ اصلا تعاقبوو عمووو - وخرررري عني ضييييي - عموو انت جاي اشوفني لو تتعارك داكلك تعاقبوو والله اكعد خل افهمك - ضيي لا تجذبين - بكوري فد يوم جذبت عليك اني والله تعاقبوو لا تخاف انت عايف زلمه بالسجن مو مره ههه شلونهم بابا ماما جدو البقيه أطفالي كاعد اشوفوهم - الحمدالله كلنا بخير اجيت اشوفج واكلج مابقه شي وان شاءالله نعرف شي المحامي دايبحث واني هم لا تخافين - ماشيي حبيبي ضليت احجي وياه لحد ما خلصت الزياره وطلعت مكان نوال فارغ بعد ما طلعت فرحتها هواي خطيه مرت الايام وصالي شهر هنا فد يوم جنت كاعده اقرا بكتاب وسمعت صوت ليلى وهي تصيح ولكم الحكووو مسره مدري شبيها لج مسرره احجي وياي مسره جاوبيني رحتلها ركض واني اشوفه ترجف وفاتحه عيونه واصيح منضر يخوف......... يتبع ،،،،،،،،،، وللحكاية بقيه،،،،،،،،، قرائه ممتعه أحبتي عظم الله اجوركم واجرنا بذكرى استشهاد الامام جعفر الصادق عليه السلام فسلامٌ على الإمام جعفر الصادق في العالمين 💔 . . . صوره مشابهه لحنان👇🏻 البارحه الواتباد صار بي خلل وما حملت الصوره بنسبه الاسيل وعمر وبكر كلتو منو او شنو موقعهم بالقصه الهم دور كلش جبير والهم قصه خاصه ان شاءالله بلبارتات القادمة تبلش وبنسبه لبكر ترا عمره ٣٠ سنه يعني أصغر من أسد و اشهب اما صوره مقربه الأسد ماكدر انزل وهذه طلب من الابطال واسفه ع الاطاله #نور الشمري #نوشه | ||||||||
|
| |
|
23-06-20, 12:09 AM
| #9 | ||||||||
| مراقبة عامة ومشرفة منتدى الروايات المنقولة
| #برائتي_وجبروتك بقلمي#نور الشمري #البارت_السادس Noor336 رسالة فراق : أعتني بنفسك جيدًا ، لاتقترب من اي شخص يكسرك او يؤذيك ، ولاتنسى انك تعني لي الكثير ".😔💔 👑 ضي: بقيت صافنه عليه خايفه منضرها يخوف وهي ترجف وفاتحه عيونها ركضت ليلى وهي اصيح ع الشرطيات اباوع الكل يخاف يتقرب الها اشجعت وكعدت بصفها ردت احضنها بس ما حسيت غير دفعتني وكعت لوره بقيت صافنه وأم زهره تدعي طبت ناديه وياها بعد ثنين - شنو هل الهوسه هاي وخرن يلااا اشو وخرن شبيها هااي بقن يحجن واخر شي كومنها كوه واخذنها الغرفه مال الدكتور بقينا انلوب عليها ماهدئنا السجن كله انكلب وليلى تروح وترجع تدعي وخايفه عليها شويه ودخلت ناديه ركضت ليلى عليها وهي تسئلها - شلون صارت بعدها لو احسن - بعدها اخذوها للمستشفى ومناك يقررون حالتها ويمكن اضل بالمستشفى لان حالته مو طبيعيه هاي جنون ليلى : ليش ما تسكتين ليش تخليني اغلط جنون شنووو لج هااا ماسمحلج تراا مسره مابيها شي مو مجنونه هي فاااهمه - اي اي فهمت عافتنا وطلعت خلص الليل هيج مانعرف اي خبر عن مسره الصبح طبت شرطيه واستلمتها ليلى حته تعرف خبر عن مسره بس ماكالت شي مرت يومين واحنى مانعرف شي عن مسره واليوم الثالث دخلت ناديه وشكلها مايعجبني ابد خفت ووكفت رحت الها -ناديه احجي مسره شبيهااا صاللكم يومين ماتحجون احجيييي - البقيه بحياتجن مسره اطتكم عمرها هذه الكلمات نزلت عليه مثل الصدمه مسره لا يالله ليش ليش هيج ربي كل شخص اتعلق بي تأخذه ليش ربي شنو سويت وتعاقبني هيج والله تعبت تعبت وانت تاخذ الناس الأحبه واحد وره الثاني مشيت ع مكاني وكعدت ع الجربايه استوعب إلي سمعته صوت بجي ليلى وأم زهره والبنات يرن باذني وصوت ناديه وهي تحاجيهن مايصير هيج اترحمن الها اترحم اي ضي اترحمي عليهه وع أسد وع حياتج هم لان انتي يا اما وحده فكر كل الي تتعرفين عليه يموت او الله دايعاقبج بالناس إلي تتعلقين بيهم بسرعه ع شي سويتي بس شسويت حتى هيج اتعاقب يالله حسيت ام زهره كعدت بصفي وهمست ودموعها بعينها يمه ضي شبيج صافنه - خاااله ليشش راحت ليشش -الله يرحمها يمه احسللها من هالدنيا الضلمه هاي كومي يبعد كلبي كومي صليلها وادعيلها بالرحمه كمت صليت الها واني دموعي تنزل وادعيلها بعدين عرفنا صاير وياها تلف عصبي وماكادرين ينقذوها لان جايه متأخره وضلت يومين ع الأوكسجين وبعدها ماتت مكانها فارغ كلشش والسجن حزين هسه صار صدك حزين يمكن جان شويه ارفلي من جانت موجوده هي صح ما اختلط بيها هواي بس حبيتها كلش حسيت بمعاناتها وبحزنها وانقهرت عليها هوواي مرت الايام كئيبه كلش ماكو اي شي نكدر نسوي غياب مسره حيل أثر بينا وخاصه بليلى انعزلت وتغيرت حيل مو ليلى إلي اعرفها ابدددد كاعده ع جربايته وبس تذكر بمسره وتبجي واذا احد حاجاها تبجي وأقل شي تنزل دموعها واني رجعت لحالتي الأولى كئيبه وبعيده عن الكل اذكر أسد وابجي اكعد تالي الليل مخروعه من الكوابيس إلي صارت ملازمتني وماتتركني واضل وحيده كاعده ابجي جانت مسره تكعد ع صوتي وتجيني واضل اشاركني وجعي وتهديني بس هسه اني وحيده اصارع وجعي ومحد وياي عرفت شكد الإنسان مضلوم هناا برغم من يعرفون هي مريضه ماا اخذوها وعالجوها ومن تأزمت حالتها هم ماخذوها اله من رادت تموت ياله وبسببهم وصلت الموت وماتت شكد لعد حكومتنا حقيره وحياه الناس رخيصه عدها ماتفكر بشعبها إلي هي لا شيء بدونه مر شهر وصار الي شهرين بسجن وبقالي شهرين وبهاي الايام ختام ساعه اذب كلام وساعه تسكت ولحد لان السجن كئيب وحزين بس شويه شويه ليلى رجعت نفس ماجانت بعد ماحاجتها ام زهره وكالتلها هيج مسره تنقهر من اشوفج ليلى طفله حيل دائما اذكرني بقمر بتصرفاتها ماعاشت طفولتها ولا مراهقتها ولا شبابها وحيل انقهر عليها خايفه اتعلق بيها وهم تروح ماعرف شنو اسوي من يوم إلي ماتت مسره وهم ما حققو غير مره وحده وياي وماتعاملو بضرب وياي استغربت منين نزلت الإنسانيه عليهم لحد ما مره كاعدين وكامت ليلى - اكلكم عود ليش هيج كئيبات هااا ترا طلعت روحي عبالك فاتحه ترا حته محيسن راح يضوج منا وهو فوك يلااا خل نرجع مثل قبل ونعتبر محيسن لحد لان موجود ويانا او نعتبره طلع من السجن مثل نوال هههههه مو صح هسه كوللي مادام ختام ماكو شتردين اقلد منوو اوكفن اوكفن خل اقلد الجن الضابط إلي جابو بدل هذا العار سلام ذاكليوم شفته من رحت ويه ناديه - بقيت اباوع لها لفت شعرها كبايه وجابت خصله من شعرها حطتها فوك شفايفها عود هاي شوارب وجلبتهن بشعرها من الجهه الثانيه رفعت الدشداشه وطببته جوه البجامه عود هاي القميص والبنطلون العسكري وجرت المشط حطته بخصرها عود المسدس واركضي جري جرجف من فوك جربايه وطببي جوه الدشداشه عود هذا كرشهاا هنا صدك ضحكت وكمشت الخيط عود هذا العصى مالته وصاحت - ولجنننننن انه مو كلت ماكو سهر يلااا نأمن بنات السجون ناا امن يلاا مو سينما واسهرهن تحجي وتهز ببطنها وتحجي وكامشه الخيط جرت المشط وحطته ع ام زهره وصاحت - انتتتي كومي يلااا أحقق وياج وانتي كعدي هسه يجيج دورج صافنه عليهه ودخلت ناديه وراها بعد شرطيه ماعرف شنو بس مبين عليها مكانها اكبر من مكان ناديه - هاييي شنووو - ليلى من شافتهن من وحدها وكع الجرجف من بطنها ونزلي الدشداشه وابقى صافنه عليهم اجت الشرطيه الجديده تقدمت وكفت يم ليلى وباوعت عليها جرت شعرها إلى حاطته ع شفايفها عود شوارب وصاحت - قليلت ادب عليمن تقلدين هاااا مو هم جهالج الضباط وتقلدين عليهم اخذنهاااا وودنها لغرفتي بساااع - حجت كلماته وباوعتلنا وطلعت وناديه جرت ليلى ركضت ع ناديه احاجيها - ناديه عفيه شراح يسون بيها - والله ماعرف وخري خل أخذها لا تعصب اخذتها وهاي الفطيره بس تضحك عبالك ماخذيها للمدينة الاعاب باوعت ع ام زهره هزت رأسها بمعنى شبيدي كعدت خايفه ع ليلى ماعرف شسوي هلبنيه كسرت كلبي كلشش مرت ساعه والثانيه وليلى ماكو بقيت الوب وين راحت هاي يمكن مرت ٤ ساعات وانفتح الباب دخلت بنيه ضخمه شرطيه اعرفها شمرت ليلى بنص السجن ودارت وجهه وطلعت ركضت عليهه واني احرك بيها يمممه ليلى ولج ليلى شبيج احجييي حسيت البنات كلهن تكومن فوكي وصرت احرك بيها فتحت عيونها وهي تضحك وجهه ازورك من كد الضرب وشفتها طاكه دم وخشمها وحالها حال شبكتها وصرت ابجي وهي تضحك -شكو اضحكين غبيييه لج شوفي شصار بيج من وره سوالفج - هههههه شبيج ترا متعوده صارت زلاطه كلش عادي شبيها الكتله تخبل بس المهم والشخصيه يكتلو ويعذبو ههههه اخ يمه وجهيي - هههه خرب بيومج كومي صوجيي خايفه عليج وانتي تتمضحكين - جا اكعد اتبكبك مثلج هههه اخ - ياااااا اني اعلمج روحي ام زهره : اشش كافي كومي لج انتي ام سوالف ارتاحيتي - اي والله مشتاقه للكتله صالي شهور ما ضكتها افيششش يا طعم الكتله شكد طيب ههههه - باوعت عليهه تضحك واسولف بس مبين عليهه الحزن والوجع مشيت جبت كطن وشاش عدي من عذبوني اخر مره ضل عدي رحت الها صحت ناديه اجيب تعقيم بس ماكو جانت اكو وحده واكفه بلباب - لو سمحتي فدوه بس تعقيم انعقم جرحها بعدني داحاجيها وماحس غير هاي الي اخذت ليلى صارت كدامي - ماكوو تعقيم ماعدنااا يلااا مناا يلاا باوعت عليها بحقد ودرت وجهي رجعت إلى ليلى مسحت الدم بس من وجهه وعفتها هي هم ماقبلت ع التعقيم وعافتنا ومشت نامت بمكانها باوعت ع البنات كلمن راحت لمكانها واني هم كعدت بمكاني وطلعت الصوره شكددد مشتاقه الاطفااالي ااه يالله لو اشوفهم هسه ماعرف شسوي من فرحي ربي لا تحرمني منهم ربي فدوه بحق نبيك محمد لا تحرمني من أطفالي وفرح عيني بشوفتهم مثل مافرحت يعقوب بشوفت يوسف ياربي باوعت ع أسد وصرت احجي وياه ها اسد شلونك مرتاح مو قمر مشتاقتلك وتريد تلعب وياك وليث محتاجك بعد كم سنه يكبر ويصير مراهق شلون راح اكدر عليه واني وحدي ليش تركتني وحيده ساعدني أسد ساعدني ولو بشي قليل حتى اثبت برائتي فدوه خليني ارجع لخاطر أطفالنا أسد حضنت الصوره ونمت واني ع امل ان الله مايتركني واني نايمه شفت أسد بحلمي وهاي اول مره اشوفه هيج بدون كابوس وبدون دم جان لابس دشداشه بيضه وهو من النوع الي يحب الدشاديش وشكله عبالك عمره بدايت الثلاثين نهاية العشرين هستوه والشعر اسود واللحيه سوده هو من راح جان شعره مليان شيب ولحيته بيه شيب بس قليل بس هسه بالحلم لااا جان اسوود مثل ما جان قبل زواجنا من شفته وحبيته هذا شكله بضبططط تقدم وهو يلعب بشعري ولازم اديه باوع بعيوني وهمس - مشتاقلج ليش هيج وجهج تعبان - ماتعرف ليش يعني ليش هيج وجهي - هههه هذا كله عليه هيج اني غالي عليج ومادري بروحي حجه كلماته وفتح اديه وحط اسلاحه بيدي وكال - رجعي الاطفالنا أطفالنا محتاجيج محتاجين ام وأب يحميهم ضيوتي حبيبتي ديري بالج عليهن وع نفسج لا تستسلمين بسرعه ماشي خليني اروح مرتاح فزيت من الحلم اتنفس بسرعه بقيت صافنه انتبهت ام زهره كاعده اصلي اسددد شنو يعني باوعت ع اديه ليش أطيتني سلاحك أسد ليشششش ياربي دخيلك دخيلك اتعوذت من الشيطان وكمت صليت ويه ام زهره خلصت ورفعت اديه - ربي اعرف مقصره وياك هواي بس ياربي فرصه فرصه خليني ارضيك عليه ياللهي اعرف عقاب إلي ع الأشياء الي سويتهن لان مجنت ملتزمه بصلاتي زين ولا جنت البس حجابك بس من اليوم راح اكون انسانه غير راح ابدي من اليوم اصلي كل الفروض بس انت ياللهي لا تتركني اهديني ع الطريق الصحيح ياللهي اهديني وخل ارجع الأطفالي رجعت لمكاني وبقيت صافنه اذكر شنو الي صار بهذيج الليله بتفصيل كل ماريد اذكرها ماتحمل وابجي وعقلي يشدد بس هسه لا لازم الكه حل ماعدي اي طريقه بعد بقيت صافنه واذكر من دخل البيت لحد ما فجئه اذكرت أسد من طلع اسلاحه بيومها وطلع الطلقات هو ما حط طلقات الطلقات ضلن بالقاصه ايييي اييي والله ما طلع طلقات كال اريد انضفه وطلعه ومشفت ابدددد طلع طلقات من القاصه هشي يعني ضيي يي فكري معناها واحتمال كبير كلششش اسدد مانقتل بسلاحه ايييييي لازم اعرف اذا السلاح بي طلقات او لاااا بس شلون لازم اسئل المحامي مالتي صار الصبح واني ما نمت وبس افكر لحد ما الكل كعد ركضت ع ناديه - ناديه فدووووه محتاجه مساعدتج شكد متردين اطيج بس خل اتصل بعمو بكر فدووه - شتحجين لا مستحيل الضابطه هنا وماكدر ع ساعه تجي أزور المكان هي بس تفتر - فدووه ناديه ضرووري كلششش - زينن بس مو هسه باليل وهااا مو تغلسين - لالا والله بس اخابره واحصله اكله يجيب فلوس وياه وشكد متردين اطيج - خلي يسلمهن إلي - اي ايي - ماشي روحي وبالليل اجيج عفتها ورجعت صارت ختام كبالي باوعتلي من فوك لجوه وهمست - شنو رئيج اساعدج بما ان عدي واسطه - شكرا ما احتاجج وبعدين ساعدي نفسج وطلعي منا وبعدين ساعديني - ههههههه اني مرتاحه هنا لو اريد جان طلعت من زمان بس شنو أريده يوصلي بس انت يا مسكينه اطفالج بعاد وعد الغريب واهلج ملتهين يطمطمون سالفتج بالمنطقه - ختااااااام احترمي نفسج ولا تخليني هسه ادوس عليج واشوفج ضي شنوو لحد لان ما طلعت وجهي العصبي بعدين تعاي نسيت اضاهر هليام ماكو شكوى عليج شنو رئيج اشكيج عد الضابط رامي هاا حجيت هيج حبيت اضوجها بلكت تسكت واخلص منها ابتسمت وردت امشي صارت كبالي - بعدنا كاعد نحجي مستعجله هنااا الحجي الضابط رامي اعوفج وماندك بيج وحتى سلام وامجد اخليهم فصل وبعد مشوفين شكلهم بس بشرط ترحين تشتكين ع رامي ع أن راد يعتدي عليج رفعت ايدي وضربتها راشدي وباوعتلها بعصبيه - مو اني اعض الايد إلى ساعدتني رامي نقذني من الحيوانات مالتج إلى دزيتيهم عليه والي تردين تبيعيهم هسه سمعي من الاخير اكلج ديري بالج تندكين بيا لاااا والله اعدمج بديه بس اطلع منا عفتها ومشيت واني عصبيه نار يعني هاي شعبالها والله يالله رجعت لمكاني شفت ليلى كاعده - شلونج ام التزورك ههه -يااا اني ام التزورك وانتي نسيتي وجهج الخارطي ههههه - ههههه لا يأبه وين انساه هاج هاي كصتي لسه الأثر ما يروح منها شلون بصمة عار راح أضل ملاحكتني - لا ولج هاي بصمه الحب هاي اول بصمه تاكليها من اجيتي ع السجن لازم كل ما تذكرينها تضحكين - ياا ع شنو اضحك ع الدم الطاح مني لو ع التزورك لو ع الوجع - ع كلشي حبيبه ع كلشييي ههههههه هزيت ايدي ومشيت لليل الكل نام بقيت كاعده انتضر ناديه طولت كلش هستوني ردت اغفه لان مانايمه من البارحه وحتى البارحه ما نمت هواي وطبت ع كيف أشرت إلي اجيها وكفت وطلعت ع السريع وع كيف اخذتني ع ممر صاير بنهايه ماكو احد -هاج يلا دكي بس ع السريع - ماشي يارب كون يرد دكيت ع عمو بكر واحمد الله حافظه رقمه هو الوحيد الي حافظه رقمه هو واسد دك دك بس ماكو ميرد اكيد نايم رجعت دكيت مرة الخ هستوه راد ينكطع ورد - الووو منووو بهليل يا ابن مطيي - عمو هاي اني ههه - ضييييي عليج الله هاي انتي شبيج عموتي احد لمسج اذاج احجي هسه اجي - لاا عمو ماكو شي والله بس صالي شهر مشايفتك هذه الشهر الزيارتين اجو بابا وماما ومشفتك عمو عدي حجي ضروري اكلك عليه اذكرت شي مهم كلشششش لازم تجي انت والمحامي باجر ضروري عموو - ماشي حبيبتي ماشي باجر من الصبح يمج اني والمحامي محتاجه شي بعد - اي عمو اذا اجيت جيب فلوس وياك ضروري سلمهن للشرطيه إللي راح اجيبني من اشوفك اسمها ناديه ماشي - ليش صاير شي ضي كوليلي -لالا عمو ماكو و والله بس علمود الاتصال - ماشي اذا هيج باجر يمج سلمت عليه وسديته باوعت ع ناديه - ها خلصتي - يلا رجعي بسرعه رجعتني وقفلت الباب رجعت لمكاني وماحس غير ختام صاحت -وين جنتي خانم - اعتقد انتي مو ولي أمري فمالج دخل عفتها ومشيت اتمدتت بمكاني واني افكر هيج واطلع برائتي واخلص يالله غفيت واني بأمل ان الله مايتركني واكيد الله دايساعدني كعدت الصبح ع صوت الهوسه نفس كل مره وعركات ختام ويه البنات الي ماتخلص شديت شعري وكمت صبحت ع ام زهره وليلى والبنات وضليت كاعده انتضر عمو بكر شويه وطبت ناديه صاحت ضيي تعاي عدج زياره يلاا وكفت واني فرحانه اريد بس احجي ابدي اطير واروح الهم اول مادخلت بغرفه خاصه لان المحامي موجود ركضت ع عمو بكر شبكته - حبيبتي كولي شلونج زينه شوفي مابقه شي انشاءالله - انشاءالله عمو هسه عدي خبر لازم اكوله الكم قبل يوم شفت أسد بالحلم وكعدت سولفتلهم الحلم وبعدها شنو صار من كعدت واذكرت المسدس وكتلهم من أخذه جان فارغ وهو ابد مارجع دخل للغرفه من حجيت هيج المحامي رأسا كال - تدرين اذا طلع كلامج صح معناها مابقى عدهم اي دليل بس الشكوى وحتى الشاهد إلى شهد شهاده مو كافيه لان ماشاف الجريمه بعينه يعني اذا طلع صح هل الكلام معنا ٧٠ ٪ راح اطلعين يبقه عدنا فقط الشكوى يسحبونها وهشي راح يسحبونها رأسا من ماعدهم دليل - اعرف هذا الشي حضرة المحامي بس اريد اتأكد بكر : زين اني اروح لبيتكم واشوف القاصه اذا الطلقات موجودات - تمام استاذ بكر واني راح اعرف من الضابط إلي أخذ السلاح وين حاطي واشوف اذا كان بي طلقات او لا والطلقه إلي انجرح بيها أسد شنو بكر : عفيه عليج هيج اريدج قويه يبعد عمج وهسه اني رايح محتاجه شي - لا سلامتك بس لا تنسه الفلوس - لالا مانساهن هسه اطيهن بقينا نحجي شويه وبعدها طلعت رجعتني شرطيه ثانيه جانت واكفه بالباب وناديه خذت الفلوس وصار عدي امل اطلع منا واكسر عينه الاشهب اشهب : بعد ما ضربت ليث وطلعت من البيت كرهت نفسي حييل طلعت الاربيل لهذا ابن خالتها اريد اعرف كلشي اول ما وصلت ودكيت الباب ثواني وطلع ولد صغيره - حبيبي الياس موجود - خالو الياس اي موجود نايم - تكدرت تكعد وتكله اكو واحد من طرف ضي ضروري تشوفه - ماشي راح الطفل يركض لجوه واني ضليت واكف دقايق وطلع شاب باوعلي وكال - تفضل منو حضرتك ومنين تعرف ضي - اني صديق المرحوم أسد والي مستلم القضيه مالته حاليا محتاجك بكم شغله لخاطر أسد وضي بت خالتك اذا كانت بريئه - شوف العدي حجيته كل الي اعرف ان أسد جان مهدد بسبب قضيه مستلمه هو وسبب بخسارة شخص كبير كلش وحذزرته بس ما سمع مني وبيومها اتصلت بضي وكتلها راح ادزلج ملف القضيه وشوفي والملف جان بي التهديد مال أسد هم بس من دزيته الضي رأسا تكهرت صفحتها وانسحب الملف وحته من عدي راح بس اني جنت ماخذ احتياطاتي وحافضه بغير حاسبه - ليش ما حجيت هيج بيوم المحكمه استاذ اليااااس هاا - هددوني بأمي وأهلي ومكدرت اسوي شي يا اما اهلي يا اما الملف اختاريت اهلي وكلت الكه حل واطلع ضي من السجن - دكل خررره وامشي طب جيبلي الفلاش إلى حاط بي الملف يلاااا - ماكدر اطي - لا والله - لان مو عدي - لعد عد منو لك احجيييي - تركته بالبيت ببغداد - يلعن بليسك وبليس الخلفوك شوف لك باجر ترجع البغداد وتطيني الملف فااااهم - ماكدر بس اطب بغداد يقتلونيييي - منو هممممم احجيي - الجماعه إلى متورط وياهم اسدد قبل لا يموت والي وكف ضدهم بالمحكمه - ماعرف دبريي طريقه المهم الملف يوصليي فااااهم واعرف هذوله منو ومن وين عفته ورجعت لبغداد واني متخبل القضيه كل ما جابها وتتعقد اكثر وهاي استلم أسد جان مهدد واني مادري ليش هيج يا أسد ليش مو عود اني اخوك وصاحبك واني بسياره انتبهت ع ايدي الدم يابس عليها وصايره تخوف عفتها وضليت امشي ولوجهه الصبح ياله دخلت بغداد رحت للبيت واول ما طبيت صارت حنان كبالي وامي ركضت عليه - رحمه الاهلجن عوفني اريد انام من البارحه ما نايم عفتهن وصعدت فوك قفلت الباب ونمت وما فزيت اله باليل ع صوت اسيل وهي تضحك مسحت ع وجهي حيل شكد نايم اني نزلت جوه شفتهم كلهم مجموعين الجهال وامي واسيل بس حنان ماكو كعدت وصحت ايي سولفولي شصار البارحه وشلون ليث ضرب اسيل بدووون جذذذذب اسيل : خويه كافيي فدوه الخاطري طفل ومو ب - اسييييل اسكتي انتي ليثث احجي انت ليش ضربتها - لان صاحت بقمر واني اختي ماقبل احد يصيح عليها - ليش صيحت عليها احجولي بتفصيل خل اسمع يلااا - شوف عموو احنه هنا امانه يمك لان بابا وماما ما موجودين وانت صديق بابا ومن حقك اتعاقبني اذا غلطت لان نفس عمي بس اني دافعت عن اختي اعرف خاله اسيل ماجان قصدها تصيح بقمر بس ماتحملت من شفت دموع قمر قمر حساسه وبسرعه تبجي عموو وماتحمل اختي تبجي ومن شفت دموعها ماتحملت وراسا شمرت القلم عليها بس هذا -مسحت ع لحيتي وباوعتله تعال اعرف ضربتك واذيتك لان مهما يكن ما لازم تمد ايدك ع الأكبر منك وهشي راح ينكلب ع اهلك تعرف راح يكولون عنك ما متربي ترضاها ع اهلك هيج يحجون عليهم ضربتك حته بعدين من تريد تمد ايدك ع الأكبر منك تذكر هذا الراشدي وتذكر كلامي واعتذر منك واطلب السموحه منك هم هههه روزه : هاي شنو بابا يعتذر لالا بابا شو دائما تضرب اخوتي من يغلطون ما تعتذر منهم جريتها كعدتها بحضني وحجيت لان انتم أطفالي اني اني المسؤل عنكم ام ليث وقمر لاا هم صح مثلكم بس عدهم اهل فهمتي - لا هههههه - احسن امشي يلااا ههههه بقيت كاعد يمهم ليث بس يباوعولي اعرفه صح اعتذرت منه بس مبين مقابل واصلا اعرفه ميحبني وع عينه صابر ههههه عفتهم وصعدت لمكتبي طلعت اواق القضيه مال أسد وبقيت صافن بيهم اذا صدك امكم برئيه معناها اني ارتكبت اكبر إثم بحياتي والله راح يعاقبني بيوم من الايام بس اذا لاااا ماعرف شلون راح اواجهه أسد بس الاعرفه اكو غلط واكو سالفه بالموضوع كاعد اكالب بالاوراق ودك عمر - ها عمر شتريد - اشهبببب الحكك واحد من هذول الاربعه عرفو مكانه طالع لتركيا بنفس الليله ومن تركيا طلع الى الاأيطاليا تهريب وهناك كاعد - عليك بداعت الخوه عمر تحجي صدك - اي والله وداعت روزه - انتضرني لعد عشر دقايق واني يمك طلعت بسرعه واني احس واخيرا راح تنكشف اللعبه وكلشي يطلع عمر اخوه بالاستخبارات وراسا اجاه الخبر ركبت سيارتي وطلعت العمر اول ما وصلت اتلكاني هو وأخوه - اشهب اهدئ احنه هسه منكدر انسوي شي راح نحاجي السفاره الايطاليه ونكللهم كلشي و نقدملهم الادله وهم راح يقدمو النا بس قبل هذا اريدك تصبر ولا تتسرع ابدد - اي اي بس اهم شي يجي للعراق ويصير بديه ضي : مرت كم يوم ختام بس تخزر بيه ومبين متحلفه بيه بس ماهتميت الها لحد ما فد يوم واني كاعده اشتغل ويه البنات اجت ناديه - كومي الضابط رامي يريدج كمت واني صافنه شيريد مني هذا طلعت وراها واخذتني ع غرفة من دخلت انصدمت هذا المكتب مالته ليش جابتني لهنا وشعده شويه ودخل - شلونج ام ليث - الحمدالله سيدي اكو شي صاير شي طالبني لهنا - لالا بس عدي كم حجايه وياج كعدي بالبدايه خفت لا يكون مثل البقيه بس بعدين اشعجت وكلت لو يريد يسويلي شي جان ما جابني لمكتبه كعدت وباوعتله - سمعيني زين لحد لان اهلج مالكو اي دليل او شي يثبت برائتج وبهل الحاله هاي راح تثبت الجريمه عليج و - لحظه سيدي بس اني - اسمعي ضي عدي اقتراح الج واعتبري مساعده مني تعرفين العراق مابي قانون ولا دوله وصاير بيدين ذاك وهذا - للأسف اي - لهذا اني فكرت بيج صدكيني اريد اساعدج أطفالج حرام يتربون بلا اب وبلا ام وامهم موجوده بس مسجونه ضلم عدي اقتراح الج اخذ أطفالج واسويلكم جوازات وهميه واهربج منا وكبل بووووم للخارج مندون مااحد يدري حتى وتعيشين بعيده عن العراق وهمه وحره شتكولين - باوعتله مصدومه ماتوقعت فد يوم انحط بهيج موقف باوعتله وهمست وشنو المقابل.. باوعلي وابتسم وجاوب ماكو اي مقابل بس حبيت اساعدج لا أكثر ولا أقل لان اعرف بيج مضلومه واني رجال اخاف الله باوعتله بس هيج يا حضرة الضابط راح تخون شغلك المهم شكرا ع هذا الاقتراح مااكولك اقبل ولا أرفض لان ماعرف شنو مصيري بس اكولك افكر بالموضوع.........يتبع ،،،،،،، وللحكايه بقيه،،،،،،،، قرائه ممتعه أحبتي  ،،،،،، تصويتاتكم وتعليقاتكم وتوقعاتكمم،،،،،، الأحداث الجايه ناار اريدكم تستعدون ههههههه اعتذر ع التأخير الوات صار بي خلل وماعرف ليش مايفتح عدي #نور الشمري #نوشه | ||||||||
|
| |
|
23-06-20, 12:11 AM
| #10 | ||||||||
| مراقبة عامة ومشرفة منتدى الروايات المنقولة
| كلبي رجيج ماكدر ينام ويعوفكم بلا بارت هذا نص بارت واليوم باليل التكمله #برائتي_وجبروتك بقلمي #نور الشمري #البارت_السابع @noor336 #ايها الظالم ألم تعلم ان للمظلوم رب 👆 تكفل بنصرته ولو بعد حين ضي : باوعت عليه وهمست شكرا ع مساعدتك راح افكر باقتراحك بس عدي بشرط واحد - تفضلي ام ليث كولي اني بالخدمه - اذا لا سامح الله واضطريت ان امشي ع اقتراحك ومكدرت اضهر الحقيقه بهل الشهر وشويه و كدرت اطلعني منا اني وجهالي اريد اضلون تبحثون عن المجرم وتلكوه وتقدمو للعداله حجيت كلماتي وباوعتله رافعه حاجبي انتضر جوابه -اكيد مندون ماتكولين اني ببالي هذا الشي ومراح اعتبره شرط لان احنى مابينا اتفاقيه هذه مساعده مني - شكرا الك ولوقفتك هاي عن اذنك اريد ارجع - اي طبعا بس ضي ماريد احد يعرف بهذا الشي ولا احدد فكري بينج وبين نفسج لان تدرين اذا طلع هذا الكلام بره هذه الغرفه ووصل لشخص ثالث غيري وغيرج ماراح اكدر اساعدج - لا تقلق ما احجي لاحد اعرف كلش زين شنو اسوي - تمام ناديه - تفضل سيدي - رجعي ضي لمكانها وهااا ضي اجت للغرفه علمود التحقيقققق ناديه زييين - اكيد سيدي ولا يهمك يلا تعاي طلعت ويه ناديه واني حايره بهل الموضوع وين راح اوصل وشنو نهايتي معقوله اضطر اخطى هيج خطوه ربي لا تخليني اخطى هيج خطوه وابتعد عن وطني وأهلي وناسي يالله ساعدني وخل الكه دليل برائتي بأسرع وقت لكيت البنات راجعات رجعت وكعدت يمهن بس بالي مو يمهن بالي يدور بالي صار قبل شويه زين ليش دايسوي هيج معقوله بس علمود يساعدني زين هواي اكو مضلومات ليش بس اني يريد يساعدني شمعنى حرت ياللهي ماعرف اذا جان هلشخص زين او شين واذا جان عدو او صديق ماعرف يالله بس الاعرفه راح اتوكل عليك واني اعرف ماراح يخيب ضني ابد وراح تخليني أسير بطريق الصحيح حسيت ع صوت ليلى تحجي وياي - يمعووووده وين بالج كولي شصار سوولج شي هذوله - هااا لا عادي بس حققو نفس كل مره لا اديرين بال عفتها وكمت واني اكول لعمو بكر لالا خاف يروح يتعارك وياه واصير سالفه واني اعرف عمو بكر مستحيل يقبل حتى لو انحكم إعدام مراح يقبل بهذا الشي واعرف هذا الشي غلط وغلطط جبير بس شلون شلون اذا ضليت بسجن واطفالي منو الهم يالله يضلون عد الغريب شكد يتحملهم سنه سنتين ثلاثه اكيد يجي يوم ويمل منهم ويعاملهم معامله قاسيه مااشك باشهب صح حقير وصح هو السبب بكل الي دايصير وياي وصح حرمني من أطفالي بس اعرف ماراح يخلي احد ياذيهم بس إلى متى وهاي حنان مبين عليها وحده شرانيه لو ساره جان آمنت وماعدي اي أشكال اضل طول عمري هنا المهم مطمنه أطفالي بدين امينه بس حنان لااا صار الليل وكلهن نأمن واني فكره توديني وفكر ترجعني ماعرف شنو الي يدور ببالي ساعه اكول ماكو غير هذا الحل وساعه اكول لا مستحيل اسوي هيج اذا اني المحاميه الواعيه الدارسه هيج اسوي شخليت للجاهل إلي مايعرف ليش ألوم الناس واني راح اسوي غلط اووف احس راسي راح ينفجر من التفكير خل انام والصباح رباح نمت وابالي شي واحد وبس وهو أطفالي ونفس كل مرا الكوابيس ما تتركني ابد كعدت الصبح ع صوت ام زهره وهي تكعدني - يمه ضي بيج شي نايمه لحد هسه بالي يمج - هااا لا خاله مابيه شي بس باليل مكدرت انام زين كعدت لفيت شعري وكمت غسلت ورجعت ع مكاني ام زهره بس تباوع عليه - تعاي هنا تعاي شبيج سولفيلي شنو الشاغل بالج مو ع بعضج من البارحه لليوم - هااا لااا خاله مابيه بس مشتاقه الأطفالي - يمه الشوق قاتل ومايرحم بس الله موجود وهذا اختبار منه يريد يعرف قدرتج ع التحمل والصبر بفراقج عن ضناج وع اختباراته الج يمه الله اذا يحب عبده يختبره ويمتحنه باصعب الامتحانات حتى يشوف قدراتهم تكدرون تتحملون لو لاا حتى الأنبياء وهم رسله الله اختبرهم بامتحانات صعببببه حييل مو بعد احنى البشر تحملي يمه والى مايجي يوم وتفرج وباب الفرج ينفتح بوجهج بس لا تياسين من رحمة ربج انتي مضلومه والله راح ينصرج بيوم من الايام واعرفي كل شخصصص اذاج راح يتعاقب كل شخص نزل دموعج وفرقج عن أطفالج وعذبج راح يتحاسبون كلهممم كلهمم بدون استثناء وراح يندمون ويطلبون العفو منج بس اصبري وشوفي الظالم مايدوم شكد ما طول حكمه والمظلوم راح ينتصر شكد ما طول ظلمه وحزنه وهسه يلا كومي كومي خل انصلي صلاة الضهر يلا بنيتي وكفت واني اباوع عليهه ماعرف ليش ارتاحيت من سمعت كلامها وحسيت ان راح اطلع منا بسرعه عرفت ام زهره رساله من الله حتى اصبر وماارتكب غلط اندم عليه بيوم من الايام جنت محتاره وهسه كلشي نحل كمت توضيت وبديت اصلي ويه ام زهره واني مرتاحه خلصت ورفعت اديناتي لفوك وبديت ادعي ربي كل طريق مو زين بعده عني كل شخص راح يضرني بعده عني يالله اهديني واحميني واحمي أطفالي من كل سوء يالله دخيلك اني بحمايتك احميني مرت يومين واني ماعرف اي شي عن عمو بكر والمحامي ومنضره الله يفرجها اما الضابط رامي ماشفته بعد من ذاك اليوم واصلا داحاول اجاهله وماريد اشوفه ل حد ما ضليت كاعده اباوع ع ام زهره وهي تقره قصص للبنات دخلت ناديه - ضي و رند تعالن عدجن زياره يلا باوعت ع ناديه منو يكون جاي طلعت اني وهاي البنيه إلى وياي رند واول مادخلت الغرفه صار المحامي مالتي كدامي - تفضلي ست ضي شلونج - الحمدالله بشر - ست ضي اريد البشاره مابقه شي وينكشف كلشي مثل ما كلتي السلاح خالي من الطلقات نهائيا واستاذ بكر كدر يدخل للبيت والخزنه والطلقات موجوده وهذا يعني ان المرحوم ماانقتل بسلاحه - الحمدالله ربيي الحمدالله - بس بقت شغله الطلقه إلي انضرب بيها السيد أسد ما معروف خبرها سئلت هواي وحاولت بس ماكو اي معلومه او بالأحرى هم ما اطو معلومات كل الي اسئله يضهر علامات الخوف ع وجهه ويكوولون ماندري لحد ما وصلت للدكتور إلى سوه العمليه وع اساس الطلقه ما طلعت وضلت بداخله بس مستحيييل هشي الطلقه داخله بقلبه وهشي يعني بمكان حساس ولازم تطلع وخاصه من دفنو تعرفين انتي الأمور يعني الطلقه مختفيه وهشييي معناه ان القاتل شخص ذكي خطط لكلشييي - بسس شلون راح نضهر كل هذا للقاضي لازم يكون عدنا ادله كافيه - ست ضي انتي محاميه وتعرفين ان السلاح إلي عليه بصماتج مو هو الي نقتل بي السيد أسد وهشي هذا جان اكبر سبب بدخولج للسجن وبعد ماكو اي داعي اله يعني ان خلص بس هلشهر والكم يوم والطلعين منا - اوف يالله هيج وصدك اطلع منا ماعرف شلون اشكرك ولا شلون اجازيك - هذا واجبي ست ننتضر خبر من الاستخبارات إلي كاعد اتلاحق المتهمين الاربعه لان اذا أنلكه واحد منهم يعني خلص ست ضي برائتج تكون ١٠٠ ٪ - ان شاءالله شكرا الك عفته وكمت واني فرحانه الحمدالله يالله ماراح تخليني امشي ع الغلط واطلع منا بغلط الف الحمدالله لازم اشوف رامي واكوله رفضي طلعت وصارت ناديه كدامي - يلا نرجع - ناديه اريد اشوف الضابط رامي ضروري فدوه - اسفه ماكدر وبعدين الضابط رامي اليوم نزوله تلكي نزل وراح انتضري يومين ع ما يرجع - ماشي رجعت ع السجن والفرحه محتلتني وأخير شفت الفرح بعد كل الي صار وياي وأخير الفرح لامس كلبي ولو قليل كل هذااا لخاطر أطفالي والا ماعدي اي مشكله ابقه هنا كل عمري او حتى انعدم كعدت ع جربايتي صارت ختام كدامي - باجر باليل عدي حجي وياج حجي مره لمره نحل كل مشاكلنا ونصافى - وليش بلا باجر خو هسه - لا مو عدي شغله هسه باجر نلتقي وهاا نسيت عود من جنتي عد المحامي اجت شرطيه جابت الج هذا شمرت عليه ضرف وطلع بقيت صافنه شنو هذا وشتريد مني هاي بعد فتحت الضرف صورة الياس واشهب ومكتوب وره بلون احمر اذا تردين حياة ابن خالتج خل يبتعد عن اشهب احسلج والا الاثنين يرحون مثل زوجج وكفت واني خايفه وارجف احس روحي بفلم ربي دخيلككك شنو هذا منو هذول ردت الحك ختام بس مالحك عليه منين جابت هذه الورقه وشنو يعني ربي دخيلك ماريد احد يمعوت بعد ربي دخيلك منو منوووو يكون وره كل هذااا لازم اعرف لاااااازم اشهب : ضليت كاعد يم عمر واخو وهم يسولفون ويهدون بيه حته ماسوي شي غلط سولفتلهم ع الي صار اليوم ويه هذا الياس جان اخو عمر يباوعلي ويكول - شوف اشهب اذا صدك مهدد مايترك الدليل ببغداد ويروح الاربيل ومو هيج هيته يطيك مكانه صدك فمن الاخير اكولك هذا الولد مارتاحيتله - يعني شنو قصدك جذاب - مو جذاب جذاب بس اكو سالفه وراه يعني مو بسهوله هيج يكولك عليه وهو مهدد ويترك الملف هيج هيته بعيد عنه وين صايره هاي - اني هم فكرت هيج بس بعدين كلت يجوز حته ما يكون وياه و يعني ائمنه عد احد حته خاف ينكمش الملف يكون بأمان - هم وجهة نضر هاي بس اطيني اسمه وعنوانه باربيل واني اتاكدلك من الموضوع - ماشي اطيته العنوان واسمه الكامل وطلعت اني وعمر عمر : اكلك خويه - عمر إذا شي سخيف مثل وجهك اسكت - طاحظك فشلتني دخل اكمل - لان ادري بسوالفك - لاا عدي فكره شتكول باجر نطلع للنجف نزور أسد و و - لااا عمر تدري بيه ماعدي القوه اواجهه أسد واني لسه ما ماخذ ثاره - اهوووو يأبه شبيك متكلي ثاريش يمعود ترا انت الوحيد الي راح تنضر من وره هذا الثأر وكول عمر ماكالها - دنجب نجب هسه تجي وياي للبيت - اي اجي بس بداعت الخوه وداعت أسد امشي وياي باجر والله مشتاق الأسد وتعرف مااندل بنجف زين - اهوو عمر لحيت امشي فضها - ادري بيك تريد تروح بس تكابر ههههه - عمرررر - سكتتت وداعت خالتي الصاكه الماتت وما خلفت بنيه صاكه مثلها - استغفر الله ربي رجعت للبيت اني وعمر اول مانفتحت الباب صارت اسيل كدامي بطرمه رأسا صحت اوكف عمررر اسييييل طبييييي جوووه هي رأسا باوعت لي بخوف من انتبهت عمر وياي طبت تركض فوت فوت - شبيك قابل غريب عليمن صيحت عليها ترا اني من جنت صغير جنت العب وياها - مو جنك طلعت رون سايد وطوخت بشقه هواي لك كلب مو اختي لا تخليني اطلع خبالي هسه عليك - لاااا وداعت خالتي ال - الصاكه الماتت افتهمت والله فوت فضها دخلت جوه وصحت حناااان لج حناااان لج طركاعه صخام وينج اسيل : ها ها اشهب شبيك اصيح امي هستوها نامت - وين هلطركاعه هاي صالي ساعه اصيح - ماهيه قبل ساعه اجو أهلها وكالت الأمي وراحت وياهم - الله الله شنو هاي واني شنو هناااا مكرررن لالا كوليلي شنو هنا اني حيوان لو حاطلي كرون وتطلع من البيت بدون متكول - ياا واني شكووو ذيج مرتك وروح تعارك وياها قابل اني الطلعت - اسييييييل ترا روحي طالعه لا تخليني اطلع خبالي عليج - هو انت دومها روحك طالعه ومخب باوعتلها بغضب هي رأسا حطت ايدها ع حلكه وسكتت تباوعلي بخوف - ماكو غيرج مخبل بت الاوادم امشي سووي عشه يلاا عفتها وطلعت واني مبتسم اذب الحجايه بدون ما تدري ما طلع عينها غير ابوي المرحوم ومنا ليث يمها شلون ثنين واحد اضرب من الثاني كعدت يم عمر وحجايه تأخذنا وحجايه اجيبنا تعشينا وهو طلع واني نمت بالاستقبال مالي خلك حتى اصعد فوك من التعب كعدت الصبح ع صوت التلفون باوعت عمر - خيرر خيرر. من الصباحات - شنو نسيت مو ع اساس نروح للنجف دكوم كوم جايك بطريق ولا تكول لاااا عدي حجي وياك يلاا لك اليوم اني بمكانك اكعدك ههههه - سديته وهو يحجي يلعن بليسك وبليس الخلفوك ما انام مرتاح يعني صعدت لغرفتي سبحت وبدلت وهستوني ردت انزل وصارت غرفة الجهال كبالي دخلت شفت ليث كاعد ومطيني ضهر مدنك ماعرف شيسوي دخلت ع كيف اباوعله انتبهت مدنك يكتب ودموعه ع خده همست ليث بابا شبيك باوعلي بعيون مدمعه وهمس - لا تكول بابا ابوي أسد وبس هو يكولي هالكلمه - ماشي حبيبي عموتي شبيك ليش كاعد من الصبح وليش تبجي - اشتاقيت الاهلي شوكت يرجعون هاا ليش ماخذوني وياهم بابا مو يدري اني متعلق بي هواي ليش مااخذني وياه والله إداري عمو وما اسوي وكاحه وحته اداوي جرحه اذا يريد حسيت دموعي لمعت بعيني شبكته وكعدته بحضني تمنيت أخذه هسه وياي واخلي يزور ابوه بس ماعدي القوه اخبره كل ماريد اكوله تتلاشه قوتي وابطل - شوف حبيبي ابوك من عافك هنا لان يدري بيك رجال وكدها وماكدر ياخذك وياه لان مايصير الأطفال يرحون وبعدين اختك منو الها هاا ابوك عافك حتى تحمي اختك وأريدك قوي مثل أسد شنو هاي من يمتى ليث يبجي هاا ترا ما متعلم عليك تبجي هيج انت ابن الأسد إلي ماتنزل دموعه بسهوله - اني ماابجي بسهوله بس اشتاقيت لهم صاللهم فوك الشهرين هم ماكو وقمر بس تبجي عليهم اريد نرجع مثل قبل - شلون مثل قبل اني هنا مو اني صديق بابا ونفس عمك يعني نفس ابوك اعتبرني ابوك وكلي شتريد - لاااا انت مو نفس بابا بابا ابد ما يضربنا - ممم خل ننسه الماضي ونفتح صفحه جديده شتكول - وشنسوي - اني اكولك شنسوي هسه راح اطلع عدي شغل من ارجع اكلك زين وكفت واني اغمزله وهسه يلا نام واشبع نوم حته من ارجع الكاك نشططط وقوي هز راسه وعفته وطلعت ااخ يالله شكد هذا الحمل جبير وين رحت يااسد ليش تركتهم ورحت ليشش شدتت عائلتك واني شسويت زوديت الطين بله وبمكان ما اساند عائلة صديقي وكفت ضدهم بس الضروف هي الحكم اجذب عيوني والادله قابل ماعرف شسوي يالله انت اعلم طلعت ويه عمر للنجف اول ما وصلنا للمقبره حسيت كلبي يوجعني دليت عمر ع قبر أسد وبقيت صافن حسيت السياره كفت ها شنو وصلنا - ياخوي واني شعرفني احجي وياك صافن عليمن جبتك لعد تدري مااندل وتشوف كلها نفس الشي باوعت ع الطريق حيييل هذا عابر الفتحه إلى اطب ع قبر أسد - غبي والعباس غبي ماصيلك جاره - والعباس إلى تحلف بي انت مو اني غبي انت بعد شتريد - أنجب تنجب وانزل اني اسوق نزل ونزلت سقت اني اول ما وصلنا حسيت اريد احضن القبر وابجي كعدت يمه وفتحت القرآن إلى حطه عمر ع القبر وهو راح يرش مي ورد عليه فتحت وصرت اقرا واني دموعي بعيني خلصت سديته وباوعت ع اسمه اشتاقيت لك أسد هذا القبر مو الك مو هذا مكانك يا حبيبي وصاحبي وسندي اااخ ااخ والله والله يااسد اله اخلي كل شخص اله ايد بقتله يندم وواله اخلي ينسه حليب امه بس اصبر كلي شلونك وانت بعيد عني وعن اطفالك تدري ليث اشتاقلك وقمر كل يوم باليل تبجي تريدك ضليت احاجي واني احاجي دك تلفوني باوعت أكرم ها اكرم شتريد - وين انت تعال عدي موضوع مهم - شنوو - دتعااال هسه وبعدين نحجي - اي بنجف اعطيني صبر كم ساعه ويمك - يلا لا تتأخر جايبلك خبر اله بشده سديته وصحت لعمر وطلعنا لبغداد ثلاث ساعات واني صتفن أكرم شيريد اول ما طبينا البغداد كلت العمر ياخذني الأكرم من وصلت نزلت صار كدامي طالع - اييي اجيت بوكتك تعال اشوف - شنوو اسمعك - الخطه إلى حطيناها حته نكشف وجهها الضي تدري شنو جوابهااا - اي احجي شنو رفضت - لااا كالت افكر واردلك خبر يعني مبين توافق بس مستحيه رأسا تكول اي ههههه شفت لو جانت صدك مضلومه ماجان باعت أسد بسهوله ووافقت تطلع تهريب - اكرممم متأكد من الكلام يعني - اي وداعت عمي المرحوم متأكد شبيك مو كتلك راح اكشفلكياها لك هاي الف وحده ووحده مثلها مايعبرن عليه - اااخ لااا يا س*** والله لشوفج نجوم الضهر يا ضي اسمع أكرم ماريد جنس بشر يعرف ماشي واني طالع للسجن اشوف المحروسه ام التهريب طلعت واني نار فايررر ع ساعه فكرت هي مضلومه واني ضلمتها بس لو مضلومه ماا تفكر تهرب وتأخذ الأطفال والله نجوم الضهر اقربللها من ان تاخذ الأطفال اول ما وصلت اطيت فلوس علمود يخلوني اشوفها لان مو وكت زياره ضليت كاعد انتضرها شويه ودخلت ضي : كاعده اسولف ويه ام زهره ع سوالف قمر وليث واضحك كل ماذكر سالفه عليهم واصفن واني احجي و بالي الصوره منو وراهه دخلت شرطيه باوعت لي وكالت تعاااي وياي - شكووو - تعاااي امشي فضيهاا جرتني واخذتني اعرف هذا الطريق ع غرفة الزياره بس شكو من جاي - فوتي عدج زياره يلا شويه واجي اخذج فتحت الباب و دخلتني باوعت اشهب - اشهببب شسوي هنا - هه جاي اسلم عليج مرت الغالي شلونج - الحمدالله ليث وقمر شلونهم - الحمدالله احسن عيشه عايشيها و يسلمون عليج ويكولون شكد ماتريد تبقه بعد تبقه لان نسيناها - اشهببببب احجي عدل - اكلييي لا تخليني اغلط عليج فاهمه تربية سززز لج شنو انتبيي هاا من شنو مخلوقه لج ع ساعه كلت مضلومه وردت اساعدج بس كلت اتأكد اول ايي كعد رجل ع رجل وباوعلى وكال - وين تردين ترحين تهريب ست ضي حجاها وغمزلي شهكت واني اباوعله بخوووف انت شتحجي تهريب شنووو ماطلع لو اعرف ابقه ستين سنه هناااا - لاااا صدكتج كلششش واقتراح الضابط رامي هااا ست ضي شنووو مثلا بالحلم شفته شوفي اكوللجياها من الاخير الأطفال ما يرجعون الج ولا اشوفيهم لو ع كص ركبتييي - مو بكيفكككككك فاهم - بكيفييييي ونصصص يا بريئه باوعتله بحقد وهمست مو بكيفك فاهم - ايي عود طلعي وشوفي يا مطي يطيج ياهم - اشهببببب أطفالي انيي الييي من حقي فاهم اريد أطفالي مالك اي حق تحرمني من عدهم مالك اي حق تمنعني اشوفهم أو أخذهم - لا والله هه ضحكتيني كلش يا بريئه هه كالها بستهزاء آخر كلمه وهو يباوعلي بكل حقد وغل وملامح متروسه برود وجبروت رافع راسه وكأنما هو الأمير وليم بزمانه استفزني أكثر متحملت اتقدمت وهمست - اكدر ارفع قضيه عليك لأن ماعندك اي حضانه بحقهم لأنك شخص غريب ومالك اي صلاحيه بتربيتهم - ههههاي لالا صدك تحجين لعد وين ترديهم يتربون لا بس عدج؟ ههه روحي حبابه روحي لأن لو تنطبق السما ع الارض ما تاخذين ألحضانه واثنينه نعرف ليش ياا بريئه - ولا انت تاخذهااا جدهم عايش وآله الحق بتربيتهم وهو ميمنعي منهم ومن شوفتهم منثلك فااااهم ياضالم - إلي ونصصص فاهمه وهسه ولي عني حجاها وهو صاك ع سنونه واطاني ضهره ومشه وعيوني غرغرت بدموع صحت وراه واني الغضب عاميني - مابقه شيي مابقه شهر وكم يووم واطلع واخذهم واكسر عينككك واشوفك منو انييي ضحك وهو مطيني ضهره وعافني وطلع وكعت بالكاع واني دموعي تنزل الله يااااااااخذكم شلون عرف هذا شلووون الله لا يطيككم العافيه......... يتبع ،،،،، وللحكايه بقيه،،،،،، قرائه ممتعه أحبتي انشاءالله ملتقانه اليوم باليل تكمله البارت اصلا من البارحه جان عدي نية اكتبلكم بارت مفاجئ بس من كعدت لكيت امتحان عدنا ومنا عدي تقرير مامخلصته ولازم اسلمه اليوم فكعدت امتحنت وكملت التقرير وماخلصت لليل ومن شفت تعليقاتكم مااطاني كلبي اعوفكم لهذا كتبتلكم هذا نص بارت ،،،،،، توقعاتكم وتصويتاتكم وتعليقاتكم،،،،،، #نور الشمري #نوشه | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
