آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-10-20, 01:44 AM
| #41 | ||||
 
|  . . . الــــبـــــــارت الخــــامـــــس والعـــــشرون والأخــــيـــــر . . . ببـيت خالد مريم بعتب : بس لاهلك حق عليك وش دخل هدى ؟ خالد بقهر : انا قلت لابوي اذا هذي تجي للبيت انا ماعاد لي دخله فيه افهميني يامريم هذي عقررب عقرب محد سلم من شرها لاحبيبها ولا عدوها تكره الكل حقوده انانيه مريضه وحتى انتي لو تشوفك ماتسلمين من شرها مريم قمطت: وش دخلها فيني خالد : هي سبب بموت مياده رغم انهم كانو خوات وهي الي سوت سحر لطلال رغم ان طلال بحاله وماله شغل بأحد ولايحتك بأحد .. اكبر مثال بأنها ماتفرق الي قدامها تضرّه وبس مريم تنهدت وبنبره تحاول تليّن قلبه : بس اكيد امك تشتاق لك وحتى ابوك ماهي عدله والله ياخي حتى انا اشتقت لهم من زمان عنهم بسبب انك تروح بالاسبوع مره ومن غير لاتاخذني معك خالد بضيق : والله اني اروح وانا كاره وجودي بمكان هي تكون فيه فوق اني مابيها تشوفك ولاتعرفك ولاتوصل حتى لرقمك مريم بهدوء : لهالدرجه خالد : لهالدرجه ونص ماني مستعد اخسرك متني استعد اعيش مثل الي عشته قبل ولاتقولين راح اتجنبها واتحاشاها المرحومه كانت لها اخت وصديقه وماسلمت منها مريم بحذر : تحتاج طبيب نفسي ! خالد : الكل عارف هالشـي وتصرفاتها وروعتها المفاجأه ماتبشر بالخير بس ان ماقطيتها هناك بيدي ماكون خالد ولد ابوي __________________ القصيم .. فـزّت وكأن صابتها لسعة كهربا وعيونها مبققه : تمزززحح !! ححح ياربي كل ذا يطلع منك نايف بإرتباك : قصري حسك لايسمعك احد منيره : خل يسمعون ياجعلهم يهابدون بك لسابع قاع وش ذاااا شيطان رسمي انت ؟ وش ذي الفعايل وش ذا النهب عيني عينك نايف : انا قلت لك كل شي ابغى منك حل متوهق ماني عارف وش اسوي خلي انفعالاتك هذي بعدين منيره : يعني فوق بوقتكم الكبيره هذي ! فوق استغلالكم للضعيفه بقتو كل ماعندها لعبتو بحسبة خلق الله كل هذااا وتنكب على الي كانت معك وتروح تفضحهاا ! ناااااااايف حوبتك من هذا كله وش هي ؟؟ نايف : انتي عارفه اني ماصرفت ولا ريااااال من الفلوس هذي كلها والبيت الي شرته بعته وحطيت فلوسه بالحساب واذا على قولك فضحتها ، انا فضحتها عشان الي حولها يعرفون هذي وش عشان يعرفون المشاكل الي تصير لهم بسبب من منيره : بس وانت بعد لك حق من هذا كله وينك قبل لاتهبب معها وينك مانصحتها دام انك بتفضحها من الاخير نايف وهي يتأفف كارهه نفسه : انعجبت فيها اول وبعدين طمعت ولما بديت اسلك طريقها مع الوقت كرهت كل الي نسويه وصارت نيتي اني مااخليها تنفذ الي براسها واكتشفت اني تأخرت لما ماتت قريبتها هنا وقفت وسحبت نفسي وكشفتها عند اهلها منيره : حسبي الله ونعم الوكيل ااخخ يانايف ماهقيت يطلع كل هذا منك قويه بحق نفسك والله قويه نايف وهو يفرك جبينه : عميمه عميييمه خلك من هذا كله انا الحين متوووهق بهالفلوس مابي اصرفهم ابي ارجعهم لأصحابهم علميني انصحيني وجهيني وش اسوي خايف حد يقفطني ويدري عن حسابي هذا واطيح بسين وجيم ماني فاضي منيره بسخريه : زين باقي عندك ضمير حي وتبي ترجع الحلال لأصحابه نايف : اي ماعندي استعداد اني اصرف منهم شي منيره : كيف وصلت لاهلها عشان تكشفها لهم اوصل لهم الحين وقول لهم هذا حقكم نايف : ماابي اشوف ولاحد منهم لا من قريب ولا من بعيد منيره بتفحص : خايف ؟ نايف : والي سويته شوي تشوفينه ؟ منيره بقهر : تستاهل لو يقطعونك ويرمون لحلمك للكلاب نايف كشر : وش ذا الكلام ماني بناقص ترى بتحلّينها لي ولااقوم اقلب وجهي منيره سكتت تفكر وناظرته بطرف عين : تدري لو ابوك يدري نايف وهو يزفر : ذبحي ببلاش ادري خلصي علي بس منيره : مراح اقدر اعطيك حل بهالسرعه هذي اصبر اقولبها براسي واشوف الصح خبرك بعد قربك منهم مو من صالحك الافضل كل شي يصير من بعيد لبعيد وهذي يبي لها تفكير نايف متوتر : خذي راحتك بس لاتنسين عاد دبريها منيره وهي قايمه : وانت لاتحن ومو اكيد القى لك حل ماني خبره ولاعندي علم بذي الامور حتى بس بحاول مع نفسي ___________________ ببـيت بو خـالد .. طلعت من غرفتها بهدووء وصعدت الدرج دخلت غرفتها القديمه وسكرت الباب وراحت فتحت دولابها وصارت تدور بملابسها عن لبس يناسب للي بتحاول تسويه خذت لها شورت وبلوزه تكشف نص البطن وقامت بسرعه وقبل لاتطلع لفت انتباهها لون مززععج بالنسبه لها وصار يزعجها كثير من مرور الوقت .. لون ستارتها للي باللون الاحمر ماتدري ليه تحس بنفور لما تشوفه ومن غير شعور مشت وهي تسحب الستاره بقوه وصارت تسحبب وتششد بجدّيه تبي تقطعها رمت الي بيدها وحطت حيلها بأنها تقطع الستاره ومن غير ماتحس وهي ترص على اسنانها صارت تصرخ __________ عـند بدر الي كان طالع من غرفته وبينزل لها سمع صوتها بغرفتها القـديمه فتح الباب بسرعه وشافها شاده الستاره بقوه ومبعده تحاول تقطعها انهبل وراح بسرعه مسكها : ههــدددى هدى وهي مستقطبه وفكرها كله بهالستاره الحين : وش ذا اللون ماابغاه بغرفتي الحين الحين تشيلونه ماابيييهه سحبها بقوه لدرجة كانت بتطيح عليه وصرخ فيها : ووشش فيييك انهبلتي!! ناظرته باستغراب مقشعره تكره الصراخ ! : غرفتي كيفي لاتصااررخ بدر بغضب : غرفتك تححت انزلي وش مجيبك لهنا وتبين تقطعين مدري وش تسوين هدى وهي تتلافت وفكّها يرجف : حتى هذي غرفتي بدر وهو يتأفف : اطلعي قبل يشوفك عز او ابوي ويقلبون الدنيا فوق راسك ولاعاد تطلعين من تحت وابوي هنااا لاتعاندين ياهدى طلعت وهي ناسيه وش كانت جايه له من الاساس واول ماطلعت قابلها بو خالد طالع من غرفته وتبددت ملامحه لبداية غضب : وش مطلعك من غرفتك طاح قلبها ببطنها دورت بيدينها هي كانت تبي شي بس وشوو ؟؟ تلعثمت وهي تتنفس برعب : كنت ... كنت صررخ وهو يقرب منها : انـا ووش قااايل ماااتطلعيييننن من غرررفتتتكك سااااامعععهه ماتطلعييينن تقلععيي عن وجههي يلااا بدر طلع من الغرفه وسكر الباب وشايل بيده الملابس الي خذتهم : كانت جايه تاخذ ملابس لها يبه بو خالد: قفل الباب وجب المفتاح بدر قفل الباب وخذ المفتاح لأبوه الي حط المفتاح بجيبه ودف هدى للدرج : غرفتك وهدومك تحت كل شي هناا انسييـه نزلت بهرووله مصروعه بشكل قوي من صراخه عليها خايفه بشكل مجنون من انه يصرخ بوجهها دخلت غرفتها ورنين صوته بأذنها انسدحت بقوه وهي مغطيه اذانها ومغمضه وتررجف عنـد بو خالد الي راح معصب لام خالد كيف هدى تطلع وهو موجود بالبيت ام خالد : هي وش دراها انك موجود يابو خالد اكيد مفكرتك طلعت وبعدين الله يهديك لاتضغط عليها كذا ماهو زين قدّر حالتها بدر بهدوء راح وحط ملابس هدى عند امه : خذيهم لها باين من خوفها نستهم وتأكدي من انها ماخذه ادويتها حالتها كانت غريبه بغرفتها فوق ، انحنى خذ جواله من على الطاوله ورفع انظاره لأبوه الي حامل بقلبه عتب كبير عليه واستأذن وطلع اما ام خالد قامت وخذت الملابس وراحت لغرفة هدى دخلت وشافتها على حالها راحت لها بسرعه وحاولت ترفعها من اكتافها : بسم الله عليك ياهدى وش فيييك هدى وهي تسحب نفسها من يدين ام خالد : مافيني شي وخرري عني اتركيني لحالي واطلعي ام خالد : لا يابنتي قومي اكلي لك شي وخذي دواك هدى برفض تام : مابي اكل شي قوممي واطلللععيي قامت ام خالد قبل لاتنهار عليها وسكرت الباب بينما هدى زاد بكيها وهي تحس بكره تجاه نفسها كررهه مجنوون بسبب انها صارت تحس بأنها ماتسوى ولاشي عند الكل ! تشوف الكره والحقد بعيون الكل او الشفقه بعين بدر وام خالد قامت واخذت الشورت الي طلعته لها وشقته من النص هو والبلوزه لانها مراح تكسب شي من وراهم ! هي اصلا ولاشي بعين عبد العزيز بالعكس هو يكرهها وميهاف ومستحيل انها تكسبه مستحـيل وبغضب رمتهم بالزباله وبتهور قامت ورفعت مخدتها وطاحت الحبوب من تحت الغطا اخذتهم وبجرعه وحده بلعتهم راحت لشنطتها الي تخبي فيها الحبوب بعد وبلعتهم صارت تروحي وتجي بغرفتها بهستيريها متوتره وكأنه به شي قارصهـآ طاحت عينها على الحبوب المنومه الي كانت مخططه بهم شي كبيـر ! هفت العلبه بيدها وطيرتها لبعـيد ماعاد به شي تخطط له ! _______________ بعـد سـآعه بالضبط رجع بدر وكان جايب لهـدى اشيا من زمان تحبها وكآن ابوه قام من الصاله وامه موجوده .. راح على طول فتح باب الغرفه شوي بكوعه لانه حامل اشيا كثيره وكان مبتسم وماشافها ! فتح الباب اكثر لقاها طايحه على وجهها عند دولابها ومستفررغهه بهتت ملااامحه وبهممس : هـدى رمى العصاير والحلويات الي جايبها وركض لعندها وهو يقلبها على ظهرهااا صصرخ لأمه يناديهااا وجات تهرووول واول ماشافت هدى انهبلللت تلافت بدر حوله ولقى بعض الحبوب متناثر على الارض انفجع بزود : ههذيي ماكله حبوبهااا كله شكلهااا ، وقام جاب عبايتها غطاها بسرعه وشالها وطيران للمستشـفى وبطلعته عبد العزيز داخل واستغرب شكل بدر .. راح لأمه وشاف حالها مايبشر بالخير وخاف : وش صاير وش فيكم ام خالد ببكي : كلله منك اننتت وابوك ان مااتت هالبنت ذنبها برقبتكم عبد العزيز مو فـاهم : وش صاااير وش فيهااا وش دخلنا انا وابوي شمسويين لها ام خالد وهي تجلس على الكنب : هدى حاولت تنتحر تنتحررر فاهم وش يعني تنتحر عبد العزيز بقلب بارد : مريضه تعرفين وش معنى مريضه ! مريضه نفسيا والي مثلها الانتحار عندهم من ابسط الحلول لأي مشكله لاتحطين ذنبها برقبتي ولا برقبة ابوي ام خالد : لو انكم عاملتوها زين ماكان حاولت تنتحر عبد العزيز بهدوء : عندك خبر ان بعد فعلتها هذي خروجها من مستشفى الامراض النفسيه مستحيل؟ ام خالد بإندفاع : عبـد العـزيز !! عبد العزيز برجا : يممهه طالبك لاعاد تمنعين هالشي تكفين فكري الحل هذا احسن لها ولناا وش استفادت من وجودها بغرفه محبوسه فيها ومحد طايق يكلمها ام خالد بغضب : وقعدتها بستشفى كله مجانين بتموتها ناقصه عمر عبد العزيز : من قال مجانين ؟ الي مثل هدى اسمه مجنون ؟ يمه انتي عارفه وش يعني شخص يصاب بمرض نفسي ؟ عارفه لهالمرض حاالات في منها البسيط وفي منها القوي الشديد ! مقدر اقول هدى لوين وصلت بس بما انها حاولت تنتحر مره .. ف يكون بعلمك مراح تكون اخر مره وهالمره قولي الحمدلله سلمت منها بس هي هنا مو امان لها بعد اليوم المستشفى بيكون مكانها المناسب صدقيني ناظرته امه بعتب كبييير من غير لاتنطق عبد العزيز وهو ياخد يد امه ويسكر عليها بيده الثانيه : ادري صعب تتقبلين على هالشي لانها بنتك بس الاحسن تفكرين بالشي الي يخليها تكون بخير ام خالد بهدوء : الله يكون معها يشافيها ويعافيها وترجع لهنا سكت عبد العزيز محترم دعوة امه ولو انه مو حابها ________________ ببيت فهـد .. جالسه في الصاله بملل بيذبحها التفكـير وحالهم مايبشر بالخير الفجوه الي بينهم كل مالها وتزيد بسبب حقران فهـد لها صار له مده ماينام حتى بالغرفه غير انه مايتكلم معها كثير والسبب .. حاب انها تراجع نفسها من جديد وكالعاده كانت متوقعه هو يرجع يلين لكن باين هالمره قد ايش ماخذ بخاطره وواصله معه تأففت ومن غير تفكير قامت وهي تسحب نفس وتروح لـ وين ماهو قاعد .. فتحت الباب بهدوء وطلت براسها بحذر ولقته جالس مقابل التلفزيون وبيده جواله يطقطق به انتبه لدخولها ناظرها لثواني ورجع لجواله تنهدت بهدوء وسكرت الباب راحت وجلست جنبه : ممكن تفضى لي شوي ؟ فهد من غير لايرفع راسه : وش عندك ؟ منار : التفت لي طيب عشان اقدر اتكلم ! سكر جواله وحطه والتفت لها مشبك يدينه : قولي تنهدت وهي تحك جبينها استعدلت وقابلته : فهـد مابي اطول بالحكي معك انا جيت بقرار متأكده منه وخالصه عقد حاجبينه بشوية خوف : وش قرارك ؟ سكتت وهي منزله راسها : ابغى نفتح صفحه جديده نعيش من اول وجديد ماينكـر فرحته الي بغى يتشقق بسببها لكنه مسك نفسه وبهدوء وبرود : وبرودك وتطنيشك ؟ رفعت راسها مستغربه : قلت انا صفحه جديده ! ياتوافق يـ.. قاطعها بسرعه : موافق ابتسمت بتودد : مشكور فهد : على ؟ منار : اعتبر هذي فرصه جديده واعطيتني اياها وان شاءالله اكون قدها وعند ظنك فهد بهدوء : باين فكرتي كثير هالمره منار بنفس الهدوء : لاني حسيت اني بخسرك جد .. ولأول مره حسيت اني لا مابي اخسرك كل مره انت الي تتمسك فيني لكن هالمره انا الي تعلقت فيك ومابي اخسر وجودك بحياتي ... يقولون ماتحس بقيمة الشي الا اذا فقدته وانا تخيلت اني فقدتك وشفت اني ماني بقد هالشي ابدا فكرت كثيير لدرجة اني الحين اقولك يافهـد انا ابـيك اتسعت ابتسامته رضا على كلامها وهي ابتسمت له ورفعت اكتافها : ابي اعيش معك بالشكل الصح مابي مجامله مابي اني اضغط على نفسي واجيك او تجيني ! ابي احس ان حنا زوج وزوجه حالنا هذا متعب انت بجهه وانا بجهه حتى لو بالمكان مع بعض بس احس عقولنا ماهي سوا فهد : انتي داريه اني شاريك بكل الي انتي فيه متحمل وساكت واقول بتلين وتتغير لكن اذا طفح كيلي ابتعدت عشان لااضرّك ولا ازعلك وكنت هذا الي اقدر اسويه بحقك لاني يامنار عارف وش مكـ.. قاطعته لما عرفت وش بيقول : مكانتك كبيره رفع حاجبينه بتعجب : متأكده انك منار؟ ضحكت : والله منااار الله يسامحك بس فهد : ليييه منار : تعبت وانا اعبر عن الي بداخلي بالاخير تقول كذا ؟ فهد : اي ياخي احس كل كلمه منك بكف على وجهي خبرك يعني جديد علي كلامك منار تسندت : مافي مشكله مع الوقت تتعود عليه تسند جنبها ويده على بطنه همس : جوعااااان منار بطرف عين : شفت الثقل وش يسوي ؟ اطبخ لك عشا ولا تاكله فهد : وش رايك نقوم نطلع نتعشى برا نغير جو منار : الحييين ! متأخر الوقت فهد قام يستعجلها : نلحق نلحق انتي استعجلي منار : تمام .. وقامت طيران حهزت ع السريع وطلعو __________________ بجـانب ثـاني ومكان بعييييد لابس نظارته وصاب تركيزه باللاب توب .. وجا لعنده صاحبه : ليه ماتطيع وتروح معنا لاحقين على الشقا بو العبد عبدالله : لا تكفى مالي مزاج انزل السعوديه الحين الاجازه الجايه انزل ان شاءالله صاحبه: بتزهق عبدالله : ياارجال وش يزهقني بعدين الاجازه كلها سبوعين وشغلتي شغله لو بنزل عشان سبوع صاحبه : براحتك ، انا بروح اقضي تجهيز اغراضي تدري مابه وقت كثير عبدالله : بالسلامه ... ، ورجع يشتغل وهو مقتنع تماما بأن نزلته للسعوديه بهالوقت مراح تكون من صالحه هو هرب منها بسبب ان كل مكان فيها يحمل ذكرى ، ومااخذ كفايته من الوقت لاجل ينسى ورجعته الحين بتجدد كل شي بقلبه وعقـله .. _________________ بالقصـيم اول ماسكر جواله نطت : هااا وش قال نايف : ماهب حولي محيوس يقول ملكته هالاسبوع بس لما قلت له اني بحول له كل مافي البطاقه بالتدريج لحسابه رفض وقال يبيهم بحساب ابوه هو ماله دخل بشي منيره : اي صح راحت عن بالي هو وش دخله ياخذهم .. بس وش حسيته معصب منك ولا ؟ نايف : لالا رواق ماكنت متوقع بصراحه وتفّهم الموضوع بس اول ماقلت له انصدم توقع اني بسرقهم منيره : اي معه حق بس الحمدلله ضميرك صحى نايف تنهد : مراح ارتاح صدق الا لما اشوف ذا الحساب فاضي مابه ولا ريال منيره : ياعساها تكون لك قرصة اذن واياني واياك يلعب بك الشيطان وتكرر هالشناعه ذي نايف بإندفاع : لالالا انسي انسي والله اني ماعاد افكر حتى اكلم بنت وربي من الخرشه كرهت كل البنات منيره : مو معناه ذي البنت سيئه يعني كل البنات سيئين لاياخذ عقلك لذي الافكار انتبه نايف يرفع يدينه ينهي النقاش : حاليا عميمه اعذريني ماني طايق كل البنات منيره وهي تتسند وتناظره بطرف عين : مع نفسك ___________________ وقـضى الاسبوع حـافل بالتجـهيزات من فساتين وتجهيزات جانبيه الكل محتاس بسبب ضيق الوقـت الي حدده عبدالعزيز والمفاجأه الكبيره لعبد العزيز بأن ميهاف طلبت ان مايكون فيـه عرس كبير ! وياغالي والطلب رخيص ! وكأنها اعطته هديه بين يديـنه فوق تجهيزه لملكتهم كان يجهز لسفرتهم شهر العسل على طـول وهي نفس الشي كانت تجهز لكل شي بـظرف اسبوع الكل صارو يجهزون معها رند ودلال ورهف ومنار كل منهم وبالاخير قدرو انهم يغطون على اغلب الحاجيات ولو انهم ماخلصو .،، لكن مابه وقـت . . _________________ ويـن ماهـدى قضت اليوم كله بصراخ وبكي وتحاول تتهجم على اي شخـص يقرب منهـا وكل هذا اول ماعرفت من بدر اليوم ملكـة عبد العزيز ، انهـارت وبكت الين مانـبح صوتها رفضت وقاومت بيدينها ورجلينها تاخذ اي مهـدئ اجبرت الطاقم يربطون يدينها ورجلينها واعطوها جرعات مهدئه خـدرت وهي تحاول بكل قوتها تفك قيودهم وهي تهذي بأسمه طاحت دموعها بقل حيله الين ماراحت بعالم ثـاني ..، "وماكانت عارفه ان وجودها بهالمكان راح يطووول كثير كثير الوحيد الي كان يزورها هو بدر .. الي حط العذر لكل شي سوته .. هي مريضه وماعليها عتب ، ماكان قادر انه يكرهها ويحقد عليها مثل الباقي كان شفقان عليها بقوه وكاسره خاطره وعلى طول يمر عليها ويحاول يرضيها بينما هي تصد عنه ودايم تجرحهه بالحكي لكن هو متقبل كل شي منها ومقدر حالتها النفسيه وخصوصا بعد ماصارت بهالمستشفى الي هدّ حيلها وصارت من بعدها مكسوره ولاحول لها ولاقوه" ____________ نرجع بالساعات شوي بنفس الوقـت الي كانت تبكي فيه هدى ! كانت ميهاف تضبط حدود روجها بعد ماوقعت على عقد القران ماقدرت تمسك دموعها بكت لكن هالمره فررح ، ورجعت تضبط نفسها من جديد كانت بنظرهم متماسكه ماهي خايفه ولامتوتره بالعكس الامور طبيعيه عنـدها انتبهت على صوت احد يضرب الباب فتحته وكان ولد صـغير استغربت : من انت مد لها ورقه : خذي خذتها : من وين هذي الولد ببراءه : واحد لابس بشت ماعرف من هو ضحكت : طيب طيب .. وهج بسرعه اما هي سكرت الباب وقفلته فتحت الورقه وهي تجلس على الكرسي وبدت تقرا ...... " انا يمكن اعيش بلا هوا او ماء ولكن مستحيل اعيش من دوونك " ولو ان كلامه كان قصـير لكن بقوته ضرب احساسها بشكل فضـيع حطت يدها على فمها تخبي ابتسامتهااا حست بأطرافها بدت ترجججف وابتدت دقات الخجل تنبض عندهـا سكرت الورقه بسرعه وخبتها وهي تسمع ينادونها وقامت فتحت الباب ولقتها منار وخطرت ببالها فكره مجنونه مسكت منار سحبتها وسكرت الباب : ابغاك بشغله منار مستغربه : وشو بعد الحين طلعت ميهـاف الورقه وكتبت تحت جملته " يقولون العرب ان الغرام وانا اصلا اشوف الدنيا بعـيونك " حطت الورقه بيد منار : وصلي هالورقه لعبدالعزيز منار بتناحه : وش ذي ؟ ميهاف بتحذير : منااااار لاتفتحينهااا وصليها له جابها لي بزر مدري من ولده دبريها عاد منار : طيب طيب بروح واجي اشوفك جاهزه عشان تنزلين الحين ميهاف : جااهزه خلاص _____________ عند الرجاجيل ، كان مثل المقروص الي ماهو جاي يقعد على حيله كل شوي قايم يمكن احد بيناديه ويدخل الحين ! وتوه جلس وماشاف الا البزر نفسه جا وقط ورقته بحضنه وهج عنه ، طير عيونه عبد العزيز : شف النذل ماخذ الورقه لها ، تأفف بتذمر وفتحها بعفويه وففزز ورجع بسرعه استعدل لما شاف وش ردت عليه ، حط الورقه بجيبه وقام من غير صبر وطلع اتصل على منار : اسممعيي انا ادخل الحين يعني ادخل منار انفجعت : وششوووو ميهاف توها الحين بتنزل عبد العزيز : اي ماعليه ادخل انا قبل منار : لا مسستحيل عبدالعزيز كيف كذا مايصير عبد العزيز : اسمعي ترى ادخل والي فيها فيها ف خلي الجماعه يتغطون ابرك لك سكرت وراحت لامها وهي تتحلطم : يممممهه شوفي ولدك المهبول يبي يدخل الحين وبعدها ميهاف تدخل ام خالد بشهقه : وششووو لاماهو بصاحي منار : يقول بيدخل والي فيها فيها طلعت له ام خالد وبعد محاولات اخيرا وافقت وزفوه هو بالاول وميهاف لما عرفت جن جنونهااا وكانت بتعاند وبتتأخر بس رضخت للامر بالاخير ، وقفت عند البوابه الي بتدخل منهـا وباللحظه الاخيره طلبت انهم يغيرون زفتها ويشغلون اغنية بدون اسمـاء الي تبادلوها بالرسايل قبل يدخل وأول ماشتغـلت الاغنيه ابتسم وعرف المقصد كان واقف وعيونه على مدخلها دخـلت وهي تمشـي بخطوات واثقه متناسيه وجود الكل حولها وماكانت عيونها الا عليه ابتسمت ابتسامه جانبيه اول مارجع ابتسم كانت الاغنيه ماخذه مجراها بينهم وكأنها رسايل يتراسلونها فيما بينـهم وفجأه وقفت ومن غير لاياخذ تعليمات من اي احد مشى لهـا وهي كل ماقرب تحاول تتصدد بنظراتها بدت تتسارع انفاسها بشكل ملحوظ لكن تعابير وجهها كانت حلوه والابتسامه زايده من حلاها ، واخـيرا وقف مقابلها التفتت له اخيرا التقت نظراتهم بهالقرب لثواني وهو بعفويه وتصرف لاارادي مسك كفينهااا ودنق باس جبينهـآ تنهدو بلحظتها هم الاثنين وكأنهم يقولون صبرنا على هاللحظه كثـير ! مشى معها لوين ماكان واقف وجـلسو وبدت المصوره تاخذ لهم التقاطات الغريب انه كان ماسك يدها لكن هي كانت شادّه بمسكتها له وماحاولت تفلت يدها من يده كانت تشوف الفرحه بعيون خواتها ومنار كان لو بخاطرها تقوم وتضم كل وحده فيهم تعبر عن كبر فرحتهاا تحس مهما سوت مافيه شي يوصف شعورها اليوم . . وبعد مامر الوقت وطلعو راحو للفندق ... تروشت ولبست فستان ناعم وضبطت شكلها من جديد وكانت كل شوي تدخل لدورة المياه وتغسل يدينها وتطلع كان الارتباك معها واصل لأقصى مراحله فتح باب الغرفه بالوقت الي كانت بتروح تغسل من جديد ... وقفت بمكانها بينما هو ميّل راسه وماسك عروة الباب تنهـد بوضـوح ابتسمت له واتكّت بيدها على التسريحه وبهدوء : بسم الله عليك عبد العزيز بنفس هدوءها : ارفقي علي وعلى حالي ضحكت وتوردت خدودها : وش الي انا سويته ترك عروة الباب وراح لها وبتجاهل لسؤالها : خلك مبتسمه على طول ... ابتسامتك حلوه حاولت تزم فمها لكن ماقدرت الا انها تبتسم له بزود : عيونك الاحلى تنهد للمره الالف بهاليوم وهو يقول : تعـالي .. ومسكها من كفينها سحبها وضمهـا وهو يغمر وجهه بشعرها ويتنهـد الراحه ... ساكت يترك نفسه يحس بحلاوة هالشعور ظلت مرخيه يدينها متجمده وماطالت المده الا وارتفعت على اطراف اصابعها وحاوطت بيدينها رقبته استنشقته وغمضت عيونها وهي تسحب نفس عمييييق ابعد عنها وهو باقي ماسك يدينها رفعهم له وباس باطنهم ابتسم لعيونها وهمس : يقولون العرب ان الـغرام اعمى ميهاف بنفس النبره وعيونها بعيونه : وانا اصلا اشوف الدنيا بعـيونك . . . . . . . عندما تبتهج الوجوه بلقاء من لهم الوجدان يَسُر، تكفي الإبتسامة في التعبير عن ما يذخر القلب من غلا و حب لهم و في بعض الأوقات تسبق الابتسامات دمعة الفرح لترقص على خد كاد أن يجف و يذبل من طول الفراق، و تصدم الأجساد ببعضها لبعض لتولد حرارة الشوق و تلتمس الكفوف بالأيدي لتنقل أحاسيس الجوف و مشاعر الروح . . . تمت ... للكــاتبه / داليا .. . . . أسمح للجميع بنقل الروايه للمنتديات الاخرى لكن مع ذكر أسمي | ||||
|
|
06-12-20, 02:23 PM
| #43 | ||||
| اشراف القسم 
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا الغوازي, rola2065, ebti ، رغيدا) تحياتنا اشراف وحي الاعضاء | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
