سيأتي الصُبح في مشكاةِ فجرٍ
وعند الصُبح تبتسم الأمانّي..💚
صباااح الخيرااات والليراااات 😍😍
اولا وقبل كل شي اسفه لأني سحبت وتأخرت لكن والله انشغلت هالاسبوع اختبار ومراجعة ووووو ونلتمس منش العذر ياخية❤️
الفصل ممتع وشيق وجمييييل كالعادة لولوه ابداع منقطع ادنظير والله ارفع لش القبعة على التشويق الي بالبارت 😍😍😍👏🏻
نبدأ بلقاء هزاع ومحمد وكان لقاء فخم والله وعرف محمد كيف ينقذ نفسه من الي صار وحاول يزينها مثل ما سوت روزه واذا كنت من قبل اقول حرام ان ربيع انظلم لكن الحين ما اقول الا حرمت عليه عيشته بعد بلاويه🙂🙂🙂اجل ادوية ممنوعة وشغل شبيه بالدعارة وموانع حمل عشان السوالف الطايحةاستغفرالله يارررب لوين وصلت يا ربيع 🌚 هزاع والله شخص ينشد به الظهررر احب شخصيته الرجولية الفخمة الي تتفهم الأمور بعقلانية حتى لو ضد اهواءه واتمنى انه يركز اكثر على سالفة الخنجر لأنه بابه للوصول لسهيل 😇..
آرنود كشف لنا الكثيررر من الاسرار والخفايا بهذا البارت ووضح لي كثير من الأمور طلع هو الشخص الي كان يركض بالوادي هارب بس من ايش؟ بما ان حرابه كانت قريبة فهل كان رايح يودعها كنظرة اخيرة بما انه طالع من القرية هو وامه! الصراحة انصدمت جداا جداا من حبه لحرابة مدري شي لا عالبال ولا الخاطر والله 🤐من أول ما قال هذه الليمونة مدري وش ذمرها عذبته بحبها كثيرا استغربت يعني مهما كان الاخ يحب اخته ماتوصل انه يتغزل بحبها كذا طبعا هذا بناء على شطحتنا ان ارنود هو سهيل 🙂بس خلاص توضح لنا ان ارنود هو ابن ريكا وربما ابن لأحمد من علاقة محرمة 🤐بما ان احمد ارتد فماعاد شي يمسكه عن الحرام وهذا هو سبب الشبه بسهيل لأنه سهيل يشبه ابوه وارنود يشبه ابوه🤣لا تصفقين ادري جبتها ههههههههههه.. ريكا واضح من تذمرها ان في شخص استغلها وخلاها تجي تنقذ سهيل مقابل المال ويمكن هذا هو سبب دخولها لحياة سهيل من البداية وهذا الشخص احسه جابر وهو الي كان موجود وقت الحدث مع ارنود وريكا ويمكن هو يعرف بحكايتها مع احمد وبآرنود عشان كذا كان مؤمن ببراءة سهيل.. ايش الدواء الي كانت تشربه ريكا؟! هل كانت تعبانه من حياتها بمكان ماتحبه وسبب لها ارق ويمكن الاسرار الي كانت تعرفها تعبتها اكثر وصارت تشرب مهدئات او منومات عشان ترتاح لأن ارنود شرب الحبتين من هنا ونام من هنا.. رغم ان ريكا قبل ١٥ سنه كانت مسلمة الا انها شكلها من نوع شاهين اسلام بلا سلام مجرد شكل لا مضموون لم تسلم قلوبهم وانفسهم لذلك لم يسلموا غيرهم من شرورهم..
ديدريك سهيل ويارب ماعاد يجي شخص نقول ذا سهيل لأن خلاص ثبت ان ديدريك هو سهيل لأن على كلام جواهر ديدريك وارنود من زمان يعرفون بعض من قبل تجي لهولندا وبما ان سهيل هو الشخص الي انقذته ريكا وابنها وسفروه معهم فأكيد هو ديدريك لكن ايش سبب عصبيته؟! اذا كان جابر يعرف بأمر سهيل وكونه حي فاعتقد انه باقي على تواصل معه ويمكن هو الي يمده بالاخبار الاسرية واكيد قاله عن جده صياح وعن طيحته بالوادي وسببها لأن جابر هو الي اخذ الصندوق وهو الي عرف ايش سبب طيحة صياح بما انه يعرف ايش بالصندوق.. عشان كذا سهيل فار تنوره لأن الشي الي دفع حياته وسمعته وروحه فداء له عشان مايكشف انكشف وضاعت تضحيته هباء منثورا.. ايش سبب اصراره على الزواج قبل الرحيل هل عشان يبي يروح وهو الي عاش حياته وكون اسره وكأنهم ماكسروه؟! ولا سبب ثاني 🌚اااخ كم فرحت ان ديدريك سهيل وانه يحب جوااااهر 🤤🤤🤤اهم شي مو باقي على حب روزة.. والى اين الرحيل ياسهيل هل قررت اخيرا العودة للوطن لأخد حقك بعد ان انكشف المستور 🥺💔فلن يصاب احد بخيبة لارتداد احمد اكثر من صياح وبما ان صياح علم فلا بأس ان يعلم الجميع 🥺💔حيييييل متشوقة لبارررت اللية😭😭😭😭❤️ومتشوقة لجواهر الي تمتص ثوران ديدريك بحبها وطهارتها وانا حاسه انها ماتعرف عنه شي هو بالنسبة لها ديدريك جوردن مدري وش المهم من عايلة امها لأن لو تدري انه عربي مثلا ماكانت بتتحلطم قدامه بالعربية وهو يسوي نفسه مو فاهم 🤣بس هل بتأثر صدمتها على قرارها؟!
اذا كانت ماتعرف عن سهيل فيعني ارنود هو الي ارسلها لحرابة..
حرابة كشفت ارنود وشكت بالشبه وبحثت خلفه وخلف الي خلفه وكل ذا بسبب شبه بسهيل شقيق الرووح ماتصدقين كم عورني قلبي وهي تقول لغابش على احساس الشخص الي تنحرق عيونه و جوله َيداته وقلبه مازال حي اااخ والله صدق ابشع شعور يارب جنبنا نار جهنم ونار الدنيا😭 تنرحم والله.. غابش انفلتت سيطرته على نفسه وحتى وان كان بدأ يعجب بها ويميل لها كزوج لكن احس لو انه يتوقف عن الانجراف احسن لسلامة الاثنين هي ماتدري بالي يدور من وراها وصح انه بنظرها الي بيصير شي طبيعي بين زوجين بس هذا لمن يكون الاصل من الزواج السكن مو لمن تكون اهداف الزواج غيررر لذلك اتمنى من غابش انه ما يأذيها اكثر وهي لسى ماتدري عن الخوافي عشان بعدها ممكن تسامحه لكن لمن تعتف سبب الزواج وانه مشى فيه بكل خداع بتتألم وبتنكسر وشخصية مثل حرابة حمت نفسها سنين من الانكسار بيكون وجعها كبيرر جداا 🥺🥺🥺🥺💔
شاهين انسان مريض والله وكل ما له مرضه يتضاعف واصل لمرحلة متقدمة جدااا ولا مو معقول بكل هالشر وانعدام الإنسانية والضمير ويمشي وهو يدوس كل شخص ممكن يهدد أمانه وااه كم فرحت بموتة عبدالكريم هي كذا الذئاب اذا جاعت أكلت بعضها بعضا وموتته كانت لايقة له.. صياح حرق عبدالكريم بسبب سبه لأمه ورغم ان فعلته شنعاء بس حرام تكون السبب بخسارة سهيل لحياته جعلهم كلهم بالناررر..
ظنتي صياح زوج نورة لاحمد من محبته للاثنين ويمكن كان يحس ان شاهين مايناسبها وبما ان احمد وقتها لسى الحمل الوديع فهو الانسب لنورة يتيمة صياح..
لكل ظالم نهاية وشفنا نهايات عبدالكريم وجوهر والبقية باقي انته ياشاهين الله يجبر قلوبنا بخاتمتك السيئة 🌚🌚💔
شكرا لولوه عالبارررررت سلمتي وسلمت اناملش والله لا حرمنا هالجمال 😭😭🥺❤️💚