اخي اسمع
 

باركو لاخي راح يخطب
ا أردت قوله لأخي حين كان ذاهب للخطبة
وليدووووو:
والله غير كبرة ..وراح تخطب...يا وليدو... هههه
ربي يكتبلك يلي فيه الخير...ويارب (راح نولي كي أمي) إذا كان فيها الخير تجي...وإذا كان فيها الشر تڨعد في دارهم.... وليدووووو هات برك ماتنسانيش كي تتزوج.. راني نبقى ٱختك....المهم حبيت نهدرلك زوج كلمات...وعلابالي بلي مهمش راح يوصلوك...بصح راح نكتبلك....شوف يا وليد...المرأة تحب الراجل يكون معاها....حنييين...كون ليها خوها وٱمها...وبيها...وراجلهابالطب� �...راهي خلات هاذو ٱكل وراها..وجات ليك...أعرف بلي راهي فضلاتك عليهم...ملاهي يا خويا...كون لي هذو أكل...ٱمه الحنينة...وأخوها لي خاف عليها...وبيها لي يشريلها...الشيكولا...وكثر منها...راهي مكاش انثى..متحبهاش...هههه أسأل انثى...كيفها...
أما الثانية...إتقي الله فيها....نروح نصلي ونجي أيا تشاو...
راني جيييييت...
متقسيش عليه...عاملها بالتي هي أحسن...رفقا بالقوارير...راهي قرعة...متزيرش عليها تروح فيها....
حاول تفهمها...ومتنساش بلي المرأة كائن حساااااس...وبلبزاف...ومتسمعش لأمي كي تقول..لمرة إذا طلقتلها تركب عليك...ملها زيرها من لول..باه تكون أنت المسيطر...وكاين لي كثر من أمي...محسينك بلي راح تبدأ الحرب العالمية الزوجية...هههه.ماكش راح تبدأ حياة جديدة...والله غير يكرهوك في الزواج...وراني لاحظة عليك بلي هبطلك المرال...بصح هذي هي عايلتنا واش راك حاب نديرو... ميعرفوش بلي الزواج تنازلات مشتركة...بين كلى الأطراف...والله يلي يڨولك مكاش حب بعد الزواج..مالاهي كيفاه راهم عايشين مع بعض.....المهم راك تڨول هذي هدرة لكبااار وميڨولوهاش.......نتفاخر شوي....الهدرة هذي من خلاصة قراءاة كثيرة..والفضل لله..ومن ثم لأم البنين...
ومبرووك عليك ياوليدوووو.من جديد...وربي يهنيك...وهذا ماكان...
وفي الحنة نلتقي وكل أعضاء المنتدى الراقي
للذي لم يفهم الكلمات اسأل واشرح لك
تحياتي وتقديري

مبروك عليه الخطوبه
الله يهنيه
ويرزقه السعادة
والذرية الصالحة

السلام عليكم ورحمة الله وبركاته
بسم الله الرحمن الرحيم
مبروووك يا الشابة على خوك و عسى دااركم دايم مليئة بالافراح
الله يكتبلهم اللي فيها الخير و يرزقهم الذرية الصالحة و يجعلها زواجه الدهر

شكرا اختي ربي يحفضك..
وفي الجنة نلتقي وكل اعضاء المنتدى الراقي

وعليك ماقلتي
ان شاء الله يارب
ربي يحفضك
وشكرا على مرورك الكريم

السلام عليكم ورحمة الله وبركاته
هدوئي حياتي مرحبا بك ,, ساخذ دور الشرح منك لدقائق (في الجنة نلتقي)
اختنا تبلغنا بخطوبة اخيها و تنصحه بما لا و لن يقراءه و تغدق عليه بدون ان يدرك من ما تعلمته من قراءتها الكثيرة
فنحن نبارك لها

ممم راكي تهدريىفي بلاصتي
ههه معليش ياحبي
هو نصائحي ملاح
قولي الصح

حيتي الجميلة آسفة جدا.جدا
من بعد تعالي اشرح لك..اذا لم يكفك شرح قرنفلة الجميلة
اجدد اسفي انا أردت ان انشرها بالعامية الجزائرية ...
لكن هذه اول واخر مرة
تمام يا عسل