22-08-20, 10:47 PM
| #11 | ||||
 
|  البارت الخامس : مدخل : حلوةٌ أنتِ إلمسِي أيامه بِعطفك ، لِتزداد حَلاوة 💛 : ضحك بطنازه وهو يستشعر صوتها نحوه وقاال:ما دام جي انكوي بنفس النار اللي كويتيها فيها ويا مالج بزود ان كانت هالبنت تخصني يا الريم وتاكدي ان اول من يوقف في ويهج انا ،، قبل كنت أقول جذب ما اعتقد. تسوينيها بس ما دامج اعترفتي بنفسج عيل احسن الله عزاج في حب حمد لج الليله بدال ما تكون حمرا وورديه بتكون ليلة سودا عليكم بسواد قلبج وقلبه وسكر الخط في ويهها وهو ينافخ بغيظ كانه افعى تفح،، بطل الشرفه ووقف وهو يستنشق الهواء النظيف والعميق وقال بصوت مسموع: محد لوث الهواء الصافي غير البشر ومحد سود الحياه في ويه البشر الا البشر نفسهم والسبب كل سبب في قلوبهم وحقدهم وغيرتهم ونهشهم في لحوم بعض وتدخلاتهم في حياة الاخرين لو مغذييين قلوبهم بالقران والاذكار وراضين بلي عطاهم الله إياه ومقتنعين ما كان صار كل هذا ما كان الاخو تزاعل مع اخوه عسب بنت او مال ولا كانوا قرايب تضاربوا وتذابحوا على كلام ناس ومسامعهم والله هذا قال والله انا سمعت والله هذي قالت يخربيت القال والقيل والنفوس الرديه والدنيئة ،، اه لو كل واحد حط حد لنفسه كان ابرك ما صارت هذي المشاكل فالحياه ،، الحين الولد يتبع حرمته اوامه واصبح بين نارين نار ام عياله ونار امه ،، والاخوان تزاعلوا على القال والقيل وغيره من المظاهر والمشاكل اللي نشوفها على مسمع ومرأ من الناس ،،، طبايع البشر في قلوبهم ما يتغيرون فز على مسكة كتوفه صد وشاف اخوه عضيده تنهد بصوت مسموع اما بطي فابتسم وهو يحط ايديه على كتوف اخوه ويقول: بلاك ي عضيدي ،، عسى ما شر اشوفك تتكلم عن الحياه ومشاكلها شو اللي شاغل بالك يا ولد امي وابوي... تنهد ببتسامه وقعد على الكرسي: تعال اقعد يا الغالي قعد مجابل اخوه وقال وهو يقرب الكرسي من طاوله: امر ي خوي شو اللي في خاطرك التتفت حوله وهو يشوف الليل وانوار الشارع وقال: ما تحس ان الليله السما غير ... رفع عيونه وناظر بالسما وهو يبتسم ويقول: حلوه وصافيه وهاديه الليله بس شو اللي في خاطرك وتبا توصل له ... اتكأ على حديد شرفه وهو يناظر الشارع ويشوف الماره ويسمع اصوات السيايير لف ع اخوه وقال: تحفظ السر ي خوي ابتسم وربت ع كتف اخوه وهو يقول: من هالعين قبل هالعين ي الغالي ... تنهد يمهد له الموضوع ليسرد له م فعله وبالحظه تذكر كلام المجهول يوصيه محد يعلم شموخ بشي ابتسم وهو يتنشق الهواء ليتخلل مشاعره وصدره ولزم صمت وعين بطي تراقبه بتصرفاته واسلوبه وملتزم الصمت نفسه ... گل يوم أحبگ بشعور جديد گأن قلبي توّ? مبتدي فيگ ❤ عند المعرس الليله فرحته غير فرحة محب صادق وولهان فرحة حب تتوج بالزواج ،، لابس الكندورة والغتره والعقال وواقف في قسمه يشوف ترتيب شما وشموخ والعنود رتبوا له الأغراض وزينوا له الصاله بالورد والشمع المنثور على الأرض ودخل غرفته وهو يشوف المفرش الأبيض والورد الأحمر المنثور وتشكيل القلب بالورد بنص السرير وداخل القلب صوره لهم تجمعهم يوم عقد قرانهم حس بالباب تبطل لف وشافها بكامل زينتها تقدمت له وهي تبتسم وتمد له البخور: يعله الف مبروووك ي بو شهاب ... ابتسم وخذ منها البخور: الله يبارك فيج يارب وقام يتفحصها بنظراته وهو يدخن وشاف لبسها المغربي اللي مدموج بلونين عنابي وذهبي وعقد الألماس الأبيض مع لون الزمرد العنابي اللي يزين نحرها وميكبها الهادي وعباتها اللي على كتوفها وشيلتها اللي على نص شعرها وشعرها المفرود فوق العباة جميله بالفعل قرب منها وهمس: جمييله واااايد بس سبحان الله صدق اللي قال الجمال مب كامل.. تضايقت من أسلوبه وفردت ظهرها وقالت بنفس وتيرة نبرته: مب انته تقيّيمني شموخ ما يقيّمها الا اللي ينطق اسم ابوها وهو حاط ايده على راسه تمام وصل العلم يا الشيخ وراحت عنه وهي تتافف بقهر اهبل مينون واللي شراته ماعليه ملامه ع قولة عيضه ... انقهر من تصرفها واسلوبها في الكلام وتحديه عمري ما شفت بنت قدامي بها الثقه اللي فيها شموخ وعمري ما شفت وحده بتحدي هذا وزوجها اليوم بيزوج وهي عادي عندها وما فرقت لا ودخنه بعد وفرحانه له ضحگ بغباء على نفسه كيف تحبه او تمن له مشاعر وهو أصلا لابسنها من يوم ما تزوجوا ... اما تحت فكان الكل مستعد والعنود طايره من الفرحة وترمق شموخ بنظرات شامته وشموخ لابستنها ولا افتكرت فيها انتبهوا ع حمد اللي نزل وكانت الفرحة والراحة مبينه على ويهه هي اللي تعببر عن مشاعره وصدق حبه انتبه ع صوت العنود: مبروك ما دبرت بو شهاب ابتسم بفرحه وده تعانق السما وقال: الله يبارك فيج يا بنت العم ولف بعيونه وشافها متحجبه وطالعه وهي تبتسم رد لها الابتسامه تغطن البنات وراحن لبيت عم حمد ... اما عند الريم فكانت حالتها حاله قاعده وتصيح أغلقت تلفونها وهي تبكي قهر كلها ساعه وتكون قربه وتنفضح بسوواد وييهها ،، دخلت عليها أمها وهالتها من المغرب يقنعون فيها ويحاولون وياها ولا في فايده لا تلبست ولا جهزت تفاجاووا بدخول العنود اللي شهقت من حالة اختها وهي تقول: مينونه بنتكم ولا شو !! تنهدت أمها بضجر وهي طالع اختها تتكلم ،، تنهدت خالتها وهي تتكلم بهدوء : العنود عندج شي به خير تكلمي اما اذا يايه بشرج اكفينا شرج الله لا هانج.. تضايقت من اختها وقفت وهي تهز ريولها بتوتر وقالت: ترا شموخ وشما وعمتي وحمد تحت لا تفشلين اهليه عندهم لو سمحتي بطيب نفس قومي .. من سمعت اسم شموخ حست بشي يهز جسمها ونطقت وهي تقول : خلي شموخ تيني واطلعوا انتوا برى .. ارتجفت من طاريها وقالت بقهر وهي تقول: انتي تبين تيننييني في حد يطلب شريكته غيرج انتي شو من قلب عليج فهميني وطلعت مغتاضه ونزلت بسرعه وقالت لحمد يطلع فوق يشوف الريم .. كان الجو متكهرب ماغير شما اللي تضحك وتقول لشموخ: عساها ما تكتمل الفرحة ضربتها ع كتوفها ورمقتها بنظره عصبيه وقالت: الدنيا دواره والشماته مب زينه قولي الله يهدي سرهم ويصلح بينهم.. بقهر ونفس خايسه قالت: وليش م أقول الله يصلح بينكم انتوا طالعتها بنظره ورفعت واحد من حايبها وهي تقول: لان انا ما في خاطري اخوج ولا غيره واللي ما املي عينه مايملي عيني لو شو ما يسوى ترا بعدج ما عرفتيني ركزي في نفسج وفي منطوق كلامج ولفت طالع المعازيم وفردت ظهرها وهي تقوم وتسلم عليهم .. اما فوق تفاجات بدخول حمد اللي شاف شكلها وبخوف قال: بسم الله عليج الريم شفيج وقرب منها وهو يشوف دموعها وشعرها الذابل ع ويهها وبهدلت لبسها اعتراه خوف ما يدري من شو بس قرب منها يبا يلمسها وهو متردد نقز يوم صرخت وهي تقول: لا تلمسننني بعد حمد عنها وتعوذ من بليس وقال بهدوء ؛:الريم حبيبي انتي عيوني اللي اشوف فيها قولي لي بلاج ترددت بس بعدين قالت: ممكن تزقر شموخ تفاجا بطلبها وكمل بهدوء: مالج الا اللي يرضيج يا بنت الناس انتي بنت عمي محد بيدخل بينا وانا مابا طرف ثالث يدخل بينا فهمتي ولالا .. عاندت بضيق وتوها بتلح اكثر تفاجات بدخول عمتها والعنود وهي تقول بعصبيه وترفع ايدها بحذر : ان ما قمتي ياويلج بتشمتين الناس فينا .. قرب منها وحضنها وهو يهمس في اذنها: الريم تكفين عشاني قومي والله ما ضرج ولا يصير شي بدون رضاج فديتج لا تفشليني قدام الناس .. بعدت عن حضنه وهي تقوله: بتعطيني مهله لين اتعود عليك ابتسم ومسح دموعها بيده: اكيد يا قلبي يلا قومي... نزلوا عنها ونشت وهي تتنهد براحه وبدت تتسبح ووتتجهز .. اما تحت فكان الديجي شغال ورقص وحمد ورياييل فالميلس ... كانت تسلم على الحريم وتستقبلهم ببتسامه وترحيب قطعه عليها: ام مبارك هذي بنتج وتاشر ع شما ،، ردت عليها ببتسامه وفرحه: هيه نعم شما .. تنهدت وهي تقول شو شاف فيها عوض يحبها مريضه ويعالجها كيف حبها مادري صحيح انها حلوه بس ما تناسبه وتنهدت بصمت .. وقعدوا في الجلسة وعن يشوفن البنات.. تنهدت بغصه كيف تكلمهم وتقولهم أبا بنتكم لولديه وسكتت لوقت اخر ... بدت زفه وزفوا الريم بفستانها السكري وشعرها مرفوع ومنزله خصلتين على طرفين من الوجهه وميكبها خفيف وكانت تبتسم وقعدت عالكوشه وتقدمن كلهن يسلم عليها ويباركن لها ومن ضمنهم كانت شموخ ... وبعد العشا انزف حمد الى عروسه قرب منها وباسها ع راسها وهو يقول: مبروووك حبيبي ردت بضيقه وابتسمت مجامله: الله يبارك فيك وفي خاطرها يوم بتعرف اني مب بنت بيخوز الحب منك ابتسمت للحضور مجامله وحمد عايش جوووه بالحب ومسك ايدها وهو متحمس لقربها اليوم وكل يوم ،، دخلوا اخوان الريم فجأة الصالة بدون تنبيه وكانن حريم وايد موجودات وتغطن بسرعه وقعدوا يشوفون اليواله والرزفه ... //. //. //. //. //. في جهة ثانيه بعد مارجعوا المعاريس الى البيت ودخلوا القسم انبهرت الريم من التصميم والذووق الرفيع وقالت لحمد : ما شاء الله ذوقك حلو وجميل وراقي تفاجات بتصميم الكوفي واعجبها التصميم وتنزيل اللمبات على الكوفي بطريقة احترافيه منزلات على شكل نجف متعددة عاطيه المكان جمال إضافي تفاجات بحضنه من ورى وهو يبوسها ع خدها ولمها باحكام وهو يسكر عليها بيديها ويبوسها بشعف وقال: انتتتتتي عذذذذاب قلبي اللي عذبتيييه من سنين ... تغصصت من أسلوبه وحست بحراره جسمه كانها نار تشعل جسدها نحيل غمضت عيونها بالم وهي تحاول تبعد عنه بس هو راص عليها باحكام وهو يوزع اشواقه الحارة بين رقبتها وخدها قالت بصرخه وهي تمسك ايديه بتفكهن: انته ما وعدتني تنهد وابعد عنها وخذ ملابسه وراح الحمام اما هي طلعت ملابسها ودخلت الغرفه الثانيه تسبحت وتلبست وطلعت وهي لابسه قميص بحري وتفاجات بوجوده وهي تقول: انتيه شفيك تتبعني تراني مب طايره عنك ... ضاق صدره من هالجفا وبخاطره يقول وهذي اول ساعه بس وهي متفرعنه وتقدم منها وبلين قال:شفيج ي غناتي ترى القلب ما يميل لغيرج وانتي موجوده لا تفتكرين ان حد بياخذ غلاج .. لفت عنه بعدم اهتمام وهي تكمل مشيها وقالت وهي تقعد ع طاولة الكوفي: ليش الغرفة هاي فيها كوفي وشبريه والثانيه مافيها كوفي انته وشموخ منفصلين عن بعض ... قرب منها وحاوطها من خصرها : انتي ليش تسالين وايد ومالج في طويله ،،القلب يوم يحب ،، يحب مره ،،ويوم يصد يـصد وما يلتفت للورى ابدا وباسها ع خدها.. غمضت عيونها من حست ببوسته عارفه انك بتصد عني يوم بتعرف الصدق ضايقت اكثر من قربه وانصدمت انه شلها بين ايديه ووهو يحضنها تفاجا بصرختها وهي تضربه ع صدره: حمدددددد تكفىىى انته وعدتني وعد الحر دين عليه ... كمل ضحكته وهي بين ايديه وقال: بس بين المحبين مافي وعود ولا ديون فديتج كل وعد بيني وبينج منقوض.. ضربته ع صدره وهو يسدحها عالشبريه وتمت تصرخ بجنون لدرجة ابعد عنها وهو يسد اذنيه: بسسسسسسسس وبعصبيه فجرتي طبلة اذني الله يغربل حسسسسج مطوله ،، شبلاج انتي مينونه في حرمه تسوي جي بريلها في ليلة دخلتها.. انطوت ع نفسها وهي تقول: تكفى طلبتك ما تقرب مني ارجوووك ناظرها بنظره تساول وانحنى قربها وهو يقول: ليييييش ابعد وانتى حلالي شو يصبرني .. لمت نفسها اكثر وقالت: طلبتك عندك زوجتك الأولى روح لها وابعد عني هالفترة طلبتك... عقد حياته لين بانت عروق جبينه وقال بنظره غضب: ليششش في مانع يمنعج مني ويمنعني منج غير العذر الشرعي... سكتت وهي تذكر كلام حامد محتاجة قربه هو الوحيد اللي يريحها بكلامه هو الوحيد اللي صادق معاها حتى بنظرة قلبه وده يوقف وياها وهي اللي اجرمت في عمته نست للحظه ان حامد ممكن يأخذ حقه بيده منها مره ثانيه فضلت انهاا تنسحب وتبعد عنه وتنسى تتصل فيه صحت على حضنه وهو يقول: منو ماخذ عقلج في شخص ثاني ساكن في فلبج.. هزت راسها بنفي من دون تفكير من كثر خوفها بانه يكشفها ،، سدحها على شبريه وقبضها باحكام مقهور من سرحانها وبعدها عنه أسلوبه الحلف خوفها المبالغ فيه يأكد له انه فيه شي يبا يرضي غروره ويثبت لنفسه انه مافيه شي لانه شك بدى يداعبه من بدت تنطوي على نفسها وخوفها وجحض عيونها خلاه يفكر في شي واحد بس ويبا يكسر غروره وشكه ناسي توسلاتها وصياحها وصراخها. ..... إلى ماله نهايه ... يا ليل فيك البوح وهم و مسافه والشوق جمرة تحت ضلعين نوحي اهديت لي نبض الاماني حسافه واهديت لك من الوجد تنهيد بوحي في جهه ثانيه عند سرور قاعد ويا حبيبته واخوه .. تكلم بعد ما صحصح وتسبح: يعطيك العافيه ي الغالي ... رفع ايده يناظر ساعته وطالع حبيبة اخوه بمعنى صرفها ابتسم سرور وقعد وهو يمسح ويهه بالمنشفه وقال: هند حبيبتي ادائج جدا ممتاز كان وطالع اخوه وضحك وهو يشوف اخوه رافع حايبه مب عايبنه الكلام اللي صار وابتسم وقال بجديه : امر الغالي شو فخاطرك.. طالعه وطالعه حبيبة اخوه وقال: انتي شو تعرفين عن الريم .. ضحكت بغنج وهي تحضن سرور وقالت: الريم بالنسبة لي صديقه قديمه عرفتها عن طريق هند بنت عم غانم .. انصدم من سمع طاري غانم وعدل يلسته وقال: ايوا كملي وبعدين شو صار بينهم عدلت يلستها وهي تقول: سوينا اللي ما يسويه مسلم في وحده انا ماعرفها بس الريم وهند يعرفنها... توتر وحس انه هذي نجاته وهذا الوقت اللي يسحب منها الكلام طرش لباسل مسج شغل تسجيل كيمرات القصر وبالذات اللي في غرفة طعام وركز الكيمرا ع صوره البنت وخل صوت واضح ابدى اهتمامه في الكلام وقال: طيب شو سويتوا وشو فيها هند توها بتسرد لهم الحكاية الا غانم يدخل وسكروا الموضوع والمجهول من شاف غانم سل عمره وطلع قبل لا يصير بينهم شي ... اما غانم فانصدم بشوفته وقال لسرور: بلاه اخوك حضن حبيبته اللي حس ان اخوه يباها في موضوع ممهم باسها ع خدها وقال: مافيه شي شوي تعبان ... ابتسم غانم وقال بأرف: ما زهقتي من يومين وانتي مجابله سرور خلاص فجي عنا شويه نبا نقعد معاه ... ابتسمت بدلع وباست خده: وانته شحارنگ ... شوي واتصل مارك على غانم وقام عنهم وطلع ... تنهدت بضيق وهي تقول: ي سرور متى نعلن زواجنا حبيبي مليت من الخش والدس .. ضحك وهو يقول: انتي لي انركنتي زوجه او حبيبه فلا تصدعين براسي وبدى يقولها: حبيبيتج وايد ع صدقج ويايه انج انقذتي فهد من ظلمه لنفسه ولاخته.. ضحكت بحب وهي تقول: صحيح انى رضيت اعترف لك بكل شي ويبا لك سيدي اللي انته طلبته بس من هالبنت تخصكم .. تنهدً بضيق: لا ما تخصنا بس انتي تعرفين ما اتضى بظلم ولا احب اشوف حد مظلوم وبا الوقت اللي اساوم حمد فيه ... تنهدت بضيق: طبعازمحد يعرف اني انا واصله لك واييب لك كل علوم هند والريم وشو سوووا بالبنت صح .. باسها ع خدها يطمنها: اكيد اكيد بس انتي لازم تختفين فتره مابا حد يشوفج .. حضنته بحب: أبا اسافر معاك.. باس خدها وهو يشرب من الغرشة اللي قدامه وقال بحب: اكيد باذن الله حبيبي بس مب الحين بعد ماتعطيني علومهن كامله تمام .. باست خده وراحت فوق بعد ما شافت غانم خلص المكالمه ورجع ... تنرفز وهو يقول: بس بس من هالاغبر اللي تشربه تراك لعوزتنا خاف الله في صحتك وعافيتك ... تنهد وهو يأخذ الغرشه الثانيه ويفتحها ويشربها: الله يهديني تنرفز وقال: الله يهديك ان شاء الله بس تبا دافع تبا ارداه مب بس الله يهديني وخلاص وقاعد استمر بالحرام ما يصير جي سرور تراك ريال ومن خيرة الريال وطيب لا تضيع طيبتك وقتك في شي ما يرضي الله ورسوله .. وازن امورك ياخي الموضوع فيه حل وحرم ... تنهد بضجر وسكت عنهــ مخرج لرُبما يشعُرون بالنّدم،لكنّ في وقّت مُتأخر جدًا. البارت السادس مدخل: : الحب لك ماهو مجرد قصيــــــــــده ماهو كلام عابر يكتب بكــــــــــراس حبك ملك قلبي وساكن وريـــــــــده شعور حبي لك عطيته واﻻحســاس أنت أمتلكت القلب ياسيد سيــــــده حطيت حبك تاج عالي على الــرأس : : : - وكيف أخفيك؟ والأشعار تفضحُني ولوعة الحبّ.. والأشواق والصور.. : عند المجهول اللي قاعد يتفحص الموضوع ويطالع تسجيلات قلب الاشرطه وقلب الالبومات طاح بين ايديه اليوم صغير فتحه وشاف صور تجمعه مع الحب تنهد تنهيده طويله وهو يتامل صورها صحى ع صوت تلفونه ورد بضيق: هلا راشد ... بضيق رد عليه : اهلين الغالي بتخبرك شموخ داقه عليه وانا مارديت لا يكون درت بلي سويناه.. انصدم ولم الالبومات بسرعة وحطهن في الخزنة وقفلها وقال بصدق: ياويلك تيييب طاري شي خل عمرك عادي أخاف الريم تفتن على حامد... تنهد وهو يشوفها انت الخط: هذي تتصل .. بنذاله وشوق لصوتها ابتسم وهو يقول: شبكها عالخط ويانا ابتسم وهو يرد عليها ويشبك الخط وياهم : مرحبا ب القاطعه ابتسمت وهي ترد وتضحك عليه: المرحب لا هان كيف الحال الغالي تنهد براحه وذاك ابتسم بحب وتنفس صعداء بفرحه ،، كمل راشد: بخير يعلج الخير انتي شحالج فديتج ربج بخير.. ركبت سياره ويا دريول وهي تقول: راجوا روح بيت باباه.ردت على راشد: بخير ونعمه يا الغالي يسرك الحال فديت ويهك... ابتسم المجهول وحس بحنيه لها زود عن قبل وقال راشد: افداج حبيبي شو امورج بشريني عنج.. تنهدت براحه وهي تقول: طيبه غناتي ،،، تعال بيت ابويه الحين أباك في موضوع مهم .. ارتبك وخاف من موضوعهم لا يكون حامد قالها والمجهول بصمت يسمع وقطع عليهم شموخ وهي تقول: راشد وين سرت غناتي اكلمك انا ... انتبه على صوتها والمجهول غمض عيونه بالم وشوق وراشد قال بتنهيده: وياج فديتج بس حيرتيني .. تكلمت بصرامة وهي تقول: راشد حامد ليش مايرد عليه فيه شي .. اختبص وماعرف شو يقول مب وقتك يا حامد رد وقال: مادري به ما تلاقيت وياه من كم يوم بس ليش تسالين عنه.. وصلت البيت ونزلت من سياره: راجوا ارجع ساعه تسع باليل كملت وهي تدخل من باب الصالة قالت: مب عادته ما يرد عليه واحيدكم ما تفارقون انتوا الاثنينه فقلت اكيد بتعرفه وين ... تنهد بضجر وهو خايف من تفكير حامد والمجهول يسمع بانصات: لا فديتج مافينا شي والله ... سمعها تفدا حد وهي تقول: فديتتتتتتتتتت جبالك ي خوي وحضنته وحضنها بقووو وهو يقول: فديييييت وصلج يا غناتي شحالج فديتج حضنته بقو وهي تقول : افدى شوف ويهك الغالي ربك بخير وبعدت عن حضنه وهي تنزل شيلتها من ع راسها واردفت كلامها لراشد: برايك بو سنيده عيل اترياك انا في بيت ابويه ... بسرعه رد: تمام غناتي وسكر ورد ع المجهول وكملوا كلامهم.. اما شموخ قعدت في صالة وهي فارده ظهرها وقالت: حمدلله ع سلامتك عيوني متى وصلت الغالي ... عبدالله وهو يقعد عدالها:من قريب فديتج الا من 12 ساعه... ابتسمت له وهي تفرد شعرها ع ظهرها وتفر شيلتها ع الكرسي وتقوله: ياخي راحه بيت هلك تسوي اللي ما يتسوى وضحكت ههههههه ضحك عبدالله عليها وهو يقول: بتخبرج انتي عادي عندج ريلج معرس وانتي طبيع مب صعبى .. ضحكت وهي تعدل قصتهاوترجعها ورى اذنها وتقول: شوف الغيرة بالفطرة موجودة عند زوجه لكونه زوجها سواءً تحبه او لا ،، لكن عندي وحياتك ان الموضوع مختلف تماماً والله انه ما اثر فيني امس احس اني بلا مشاعر مستغربه من نفسي بس الحمدلله مفتكه من الغيرة وغيرة ومريح راسي فديت ويهك انا لي اللي يستاهلني.. حست بحضنه من ورى لفت عليه وبادلته الحضن: عني افدى الويه السموح وسحبته من ايديه ريليته عدالي : وينك اليوم تنهد بتعب وانسدح ع ريلها: راقد الغاليه لعبت في شعره وهى تقول: مارديت عليه غريبه.. تنهد بالم وغمض عيونه وقال بضيقه يحاول يخفيها: تعبان عموه وما بغيتت حد يغثني .. استغربت رده وكلامه مسحت ع راسه وهي ملتزمه صمت وتلعب بشعره نقزت ع فجة الباب وهي تشوف فتون وحمده تربع فوق قامت بخوف هي وعبدالله وحامد وقالت لفتون: شفيكن فتون تضحك: ههههههههه حمده الهبلة فرت غرشة البيبسي ع راشد وخاست كندورته كلها بيبسي وعصب عليها نزل بيضربها وشردت فوق .. ضحكت شموخ وهي تقول : ماتودر حركاتها يا بوج لازم تستقبل حبيب القلب ... | ||||
|
|
15-09-20, 11:00 AM
| #12 | ||||
| اشراف القسم 
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا الغوازي, rola2065, ebti ، رغيدا) تحياتنا اشراف وحي الاعضاء | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
