08-04-21, 06:00 AM
| #12801 | ||||
 
|  يعطيج الف عافيه عشوقه على البارت ..... انا طماعه كنت انتظر بارت اطول لانج علقتينا بالاحداث لكن نتحمل وننتظر لبعد رمضان لكن نبي مقتطفات تصبيره لنا .... تعليقي على البارت بالنسبه لليلى وخزام ... تستاهل ليلى وكان ودي خزام تكمش شعر ليلى تبرد حرتي فيها لان ليلى فيها نذاله على الكل ومغروره وايد لكن لمى خزام مسكة نفسها عجبتني اكثر وحتى تعاملها مع فياض عجبني كثير واتمنى تطلع كل خياسه وتشرشحه فيه .... بالنسبه لفهده فاهي هالمره تمام عدى كلامها على جوزاء بخصوص شطب اسم الصوارم ليش اهي ما عندها كرامه لمى قبلت تعيش مع ولدهم واهو موقع على رفضه لاهلها باللقب ولان بتال يمشي ورى كلام الحريم مثل ما قال ابوه اتوقع سبق ووقع بسبب عبير واتمنى يلقى شي بوسط اغراض عبير يكتشف هلي حبها على حقيقتها ويرفض هالوصيه الملفقه وبدل ما ياخذ بنتهم يحاسبهم على استغفال بنتهم له قبل .... بالنسبه لجوزاء اصفق لها من قلب على تصرفها وانتظر اللحظه الي يعرف بتال فيها بحملها ويا رب ما ينزل ويثبت .... هجرس علاقتة بغاده حلوه واتوقع تكبر ويتعامل معاها كام .... اما حسنا فمرد سلطان يكتشف سواتها من كاميرات المراقبه بقصرهم وانشاء الله يتلحلح ويعرفها قدرها هالمره ..... عقاب اتمنى ما يغير رايه بالنسبه لجوزاء على كلامها ولا يقبل لها بالمهانه حتى لو شعاع قالت له ان ام صالح تاكد الوصيه برغم انها جذب لان جوزاء ما تستاهل ابدا هالشي ومع اني عارفه ان معانات جوزاء ما بتوقف لكن ما اتمنى يكون بزواج بتال عليها .... عارفه طولت ويمكن خبصت فاعذريني عشوقه لكن هذا الي ببالي هذي اللحظه وحبيت افرغه .... كل عام والجميع بخير وعافيه ورمضان كريم .... | ||||
|  |
|
08-04-21, 09:50 AM
| #12803 | ||||
| في كل فصل ينزل اسال حالي معقول اكره بتال اكثر...وفي كل مره يثبتلي اني اقدر اكرهه اكثر واكثر...الله لايكثر من امثاله..،😠😤 يعني كان بالمانيا متونس بجوزاء ولافكر بعبير ولا بعياله..وبس وصل عالوطن اتذكرها يعني ماقدر يوصل زوجته ويسلم على امه وابوه ويطُمن على عياله وبعدين يروح يعزي اهل عبير الي صارلها اكثر من شهرين متوفيه...!!! ولا الوصية الله اكبر...من ثاني يوم صار وده ينفذ لاعمل خاطر لزوجته ولا خاطر لعياله الي بعدهم مايعرفو ان امهم ماتت...الصراحة اتفه من هيك شخص ماشفت ويستاهل ماجاه من جوزاء واكثر وان شاءالله انها تصر على موقفها وتخلعه عسى ماظل رجال على شكله..!! فياض وخزام...وافق شنن طبقه اسخف شخصين بالرواية شخصيات فارغة ابسط شي يفرقهم واسهل شي يجمعهم...لا مبادئ ولا اخلاق. اسماء واحمد..الحقيقة موقف لاتحسد عليه..لكن تستاهل يعني امس الرجال مستفرغ بعد ماعاشرك واليوم متمكيجة ومتزينه وجالسة تغريه..الحقيقة ماتوقعتها من اسماء كنت اظن انها اعمق من هيك.!! احمد انسان فاهم ومحترم حس انه غلط عالسريع اعتذر ان شاءالله ان يتخلص من عقدته وتكون اسماء خير مكافئه لشخصيته الجميلة غادة...قمة بهالبارت..من تعاطفها مع هجرس للردودها على ليلى تستاهل ابو هحرس يذوب بهواها...وحسناء المقيته...ترى غادة كانت زوجته قبلك يعني انت الي دستي بساطها فاماهو معقول توصل معك انك تحاولي قتلها !!هذا وانت كاره سلطان وكان ودك تطلقي وتتزوجي مسيار...! ومساعد الله يستر منه ومن طلباته..😰 لفت نظري عادة عندكم مااعرف اذا موجودة بالمجتمع ولا هي فكرة لخدمة الرواية من موقف الجماعة من عقاب وزواج بنته.. احنا مثلا ندقق على اختيار الشب اذا قرر يتزوج يبحث عن فتاة ذات اصل وفصل واخلاق عاليه واكثر مايسال عن اهلها وخوالها..فالرسول عليه السلام قال" تخيرو لنطفكم" والمثل يقول" ثلثين الولد لخاله" فنجد ان الاهل وابنهم يحرصو على ان تكون الزوجه من اصل كريم لان عيالها رح يكونو الهم فالمفروض يكون نسبهم طيب اما البنت عادي المهم انه يكون ذو خلق ودين...لقوله عليه السلام "اذا جائكم من ترضون دينه وخلقه فزوجوه" اما مالاحظته في الرواية ان الصوارم يهتمون لزواج البنت اكثر من زواج الرجل...رغم ان ابناء البنت سيكونو لاهلهم الي هم اهل الزوج . يعني ابناء اسماء سيكونون صنهات بينما ابناء حامد مثلا سيكونو صوارم!!! ومايدققو بزواج الرجل من اي فخذ او قبيله..رغم انه ابنائهم سيحسبون على العشيرة سواء صالحين ولا طالحين...!!! بينما البنت صار تخريب واطلاق النار والبنت وعيالها صارلو لقبيلة ثانية...الحقيقة غريبة؟! البارت كان ممتع وهادي...صحيح قهرني بتال بس جوزاء بردت خاطري وان شاءالله انها تفارقه وماترجع الا لما يذوق الويل لانه فعلا مايستاهل العنوه.. اخيرا اهل الله الشهر الكريم علينا وعليك باليمن والامان وطاعة الرحمن وكل عام وانتم جميعا بخير...نلقاكم ان شاءالله بعد الشهر الفضيل...كونو جميعا بخير♡♡♡ | ||||
|
| |
|
08-04-21, 10:38 AM
| #12804 | |||||
| اقتباس:
ماقصرتي كفيتي ووفيتي … شهر رمضان شهر عباده والكل مجمع عليه … الله يبلغنا واياكم ويعينا على صيامه وقيامه ونحن بصحه وسلامه وخير 💓💓💓 واعتبريه لك استراحة محارب ريحي فكرك وجددي نشاطك ونلقاك بعد العيد باذن الله … | |||||
|
| |
|
08-04-21, 11:28 AM
| #12805 | |||||
| اقتباس:
الحين بتال اكيد بيلاحظ جوزاء تصلي وهو اللي شايف الدم....وبيعرف ان الدم شيء ثاني...اسماء يا قلبي عليها ... ليلى وااايد متسلطة ....فياض للاسف فيه منه وااايد في مجتمعنا، يحب يدخل نفسه في شؤون الاخرين...اهتم بنفسك ومشاكلك وخل عنك اخوانك وزوجاتهم | |||||
|
| |
|
08-04-21, 01:21 PM
| #12806 | ||||
| صباح الخير 🌺 عشوقة تسلم اناملك على الإبداع ما قصرتي حبيبتي 💖 بتال وجوزاء ..يعني الواحد اش رح يقول يا سيد بتال كل عبارات السب بالعالم ما تكفي 😡 ياخي ما في مشكلة انك تحزن على زوجتك مهما كان فيه بينكم عشرة وأولاد لكن انك تفكر تأخذ اختها لانها وصية الصدق غباء يعني بالعقل هي ماتت بساعقة كهربائية متى لحقت توصي ولا الموضوع جاز لك 😡 الله يعين جوزاء الصراحة متت من القهر بس بردت حرتي فيه لما مسحت بيه الارض على مسامع أهله يستاهل ما جاه ..وفوق هاذ يهدد جوزاء بأخته واحمد ..يعني هذا هو حل المشكلة عندك اش ذنبهم ..والله عيال عقاب ما احد يتفوق عليهم بالنكد ..من وصلت جوزاء لارض الوطن وتوالت الأحداث هنا فهمت كلمت عاشقة لما قالت انه وفاة عبير حتكون وبال على جوزاء 😭 وبعدين اش العلم اللي مرسله الشيخ عقاب مع شعاع لام صالح ..ان شاء الله ما يقترح عليها انه المنذر ياخذ أميرة حتى تكون قريبة من عيال اختها 😱 لانه الجلسة النسائية ببيت عقاب ما ناقصها الا أميرة لحتى تقوم الحرب العالمية الثالثة 😂 وعمتي فهدة ما فهمت مين الا تحلم بيها ومسببة لها الصداع احد يفهمني رضا تقول انها ضعيفة 🤔 فياض وخزام ..خزام البارت السابق كانت عاقلة اش فيها جنت بهالبارت وصارت مثل اللبوة يعني هي ناقصة فاتحة على نفسها جبهة مع ليلى العوبة ..ما تكفيها الجبهة المفتوحة مع فياض ..وكمان موضوع نبش الماضي ما هو لصالحها ورح تزيد النار تولع في علاقتها مع فياض ..الماضي خلاص انتهى ما فيه داعي له ..وفياض كالعادة حل المشاكل عنده بالتجاهل أو بالإهانة والشتم ولا فيه احد يقول لزوجته بنت .......عيب والله في حقهم .. حسناء خير سلامات انجنت. 😱 ناوية تقتل غادة ..كل ما تجي سيرة مساعد والكهرباء بالرواية احس شاشة الجوال تتكهرب هههههههه😂 والطلب اللي رح يطلبه من حسناء ليه علاقة بجوزاء هذا مجنون أتوقع منه كل شي 🥺💔 احمد واسماء 💔 يا ريت احمد يتعالج بسرعة من عقدته لانهم الصراحة يكسرون الخاطر الاثنين ..احمد ما يقدر يوضح لها سبب المشكلة واسماء رح تاكلها الهواجيس 😢 الحكم وفزة ما كان لهم حضور بالبارت الأخير ولكن لهم حضور قوي بقلوبنا ورح نشتاق لهم ❤ وأخيرا بانتظار الانفجارات بعد رمضان ان شاء الله يا رب تمر ولا تضر الله يحفظ ابطالنا آه نسيت الرواية اللي تكتبها جوزاء قاعدة تعبر عن نفسها مسكينة فعلا بتال ما يستاهل الخير ههههههههه يمكن بعد شهر عشوقة تتغير افكارها مثل جوزاء بروايتها ويطلع لنا بطل جديد يستاهل جوزاء يحبها ويموت فيها وتكون اول حب بحياته 😊حزب بتال لا تزعلون امزح 😂جوزاء مالها الا بتال بس الله يصلح الأحوال دمتم بألف خير | ||||
|
| |
|
08-04-21, 04:52 PM
| #12807 | ||||
| اظن انا الوحيدة اللي بغرد خارج السرب ويمكن يجيني هجوم على تعليقي بس صدق احس فيه تحامل على بتال ومناصرة جوزاء على طول الخط بدون النظر لاي عوامل او ظروف ثانية .. يعني رجل ماتت زوجته لاحضر دفنها ولاعزاها الطبيعي انه يروح مباشرة لاهل زوجته ولو ماسوى مافيه خير هذي ام عياله وعشرة عمر هل من المفترض يمسحها من حياته عشان جوزاء ترضى!! ولما نام مع اطفاله في قسمهم ليه مستكثرين على المساكين هذولا ان ابوهم ينام عندهم وهو له شهور ماشافهم غير فاجعة فقد امهم اللي اصلا ماهم عارفينها المساكين البنات يعني لازم يروح ينام عند جوزاء ويتركهم بدون احترام لمشاعر عياله !1سؤال البنات لجدتهم يفتت القلب واصلا مقابلة جوزاء لهم وسلامها عليهم فيه قسوة في مشاعرها فضيعة مافكرت انهم يتيمات وحزنت عليهم كل اللي فكرت نظرات اهل زوجها لها كزوجة اب وبس !! حكاية اميرة هو مافكر فيها ابدا بس كلام ام زوجته له خلاه يفكر وكان يتناقش فقط مع امه هي اللي سمعت وكان اسلوبها سيء في سب الصورام وعمها عقاب يسمع واخوانه كمان وماهمها والمسكين مو قادر حتى يرد خلته مايسوى شيء قدامهم . مشكلة جوزاء من بداية الرواية هي شعور الدونية بسبب موضوع العطية وهذا بتال ماله دخل فيه بالاضافة لان عندها تقوقع على الذات فضيع والشعور انها ضحية فسارت كل تصرف كل حركة تفسرها ضدها صح بتال كان سيء معاها في البداية بس بعدين كان يحاول يرضيها لكن كل تصرف منه تحوره وتفهمه بحسب نفسيتها السيئة غير ان عندها طاقة سلبية فضيعة مايمكن تشوف اي ايجابيات في حياتها وهذي مصدرها ذاتها مو احد ثاني عموما استقبل الهجوم اقصد الردود بصدر رحب  | ||||
| |
|
08-04-21, 05:21 PM
| #12808 | |||||
| اقتباس:
أنا معك في موقف بتال سوا انه راح يعزي اهل عبير او انه نام مع اولاده في جناح امهم كل هذا من حقه وحق عياله عليه لكن أنا مع عقاب يوم قال انه يسمع شور الحريم وهم يغربونه ويشرقونه ويستاهل ماجاه من جوزاء كان عقب كل صبرها عليه وعلى غلطاته ورجعتها من نفسها له جالس يشاور نفسه ياخذ عليها ياصبر الارض ياولد الفهده حتى امه اهجدت وهو ماهنا عقل | |||||
|
| |
|
08-04-21, 05:27 PM
| #12809 | |||||
| اقتباس:
مساء الخير للجميع 😊 صراحه كلامش منطقي مئه في المئه بتال مسكين حرام مايقدر يتكلم كسحته 😂😂 بس ترا هو يستاهل بدايه زواجهم كان شغال ايهانات بطالعه ونازله يعني خلاص تنسى كل شي وتشرب عليه مويه بارده لا حبيبتي بتال يبي له إعادة تأهيل من اول وجديد وصراحه يبي تاديب ليتها تروح بيت اهلها ولا ترجعله الا بعد سنه | |||||
|
| |
|
08-04-21, 05:57 PM
| #12810 | |||||
| اقتباس:
فتاة طيبة ..اظهر وبان عليك الأمان ..انت من حزب بتال 😂 ترى احنا بحزب جوزاء مانا زعلانين لانه رح يعزي أهل عبير بالعكس هذا واجب عليه ..ومانا زعلانين لانه نام مع عياله بجناح امهم لانهم لهم حق على ابوهم وما احد ينكر هالشي ...احنا مقهورين لانه حط موضوع الوصية براسه وناوي ينفذها من ثاني يوم ويستاهل كل ما جاه من جوزاء ..لو كنت ناسية ارجعي اقري الفصول الاولى من الرواية جوزاء تعرضت للإهانة والمذلة على أيديه ولا ناسية يوم احتقر نسبها وعائلتها قدام أهله وموضوع العزل لما ما كان يبي يجيب منها عيال ويحرمها من الأمومة ولا الضرب لين كسر سنها ..عيال عقاب يتفننون في ممارسة التعذيب النفسي على حريمهم .. الصراحة رح نقدم طلب رسمي لشوشو باستبدال بتال ببطل جديد يقدر جوجو ويكرمها 💔🥺 | |||||
|
| |
 |
| أدوات الموضوع | |
| انواع عرض الموضوع | |
|
|
7197Likes
العرض العادي
