30-08-20, 11:01 AM
| #123 | |||||||
| كاتبة في قصص من وحي الاعضاء و قسم الروايات المنقولة 
|  الفصل الرابع ×× صحراء نجد قبل مايزيد عن ثلث قــرن ×× بعد زواجها وغيابها ثلاث سنوات عادت لبيت اخيهاا .. زوجة محسن وإلى جوارهاا أبنها الصغير يعبث بالتراب ...وهي تهز الصمــــيل لتخرج الزبد من اللبن ... نظرت غير مصدقة للسيارة القادمة من بعيد ... قبل أن تتوقف قربهم ..وتنزل أمراءة تتهادى بحذاء غير مستوي أثار تعجبهاا .. فهدة التي جاءت لزيارة عائلتها لاتستطيع المشي بالحذاء ذو الكعب في الصحراء والأرض الغير المتساوية ...رفعت عبائتها كاشفة عن ثياب فخمة :يوووه أنتم وغباركم حستوني وأنا ماسلمت على أحد ... زوجة محسن بضحكة :فهدة الله يغربل عدوينتس ماعرفتس ...يوووه أجل غبرناتس يالعوبااا ... فهدة بضحكة ترفع برقعها لتسلم عليها :هلا والله وشلونتس ..أشتقت لتس ياصالحة .. مع كل الدنيا اللي شفتها أشتقت لكم شفتي أني ماني قليلة أصل .. توجهت لأبن أخيها الصغير :ياويلي عنك وراك وصخ أمك متروش تعال وأنا عمتك اللحين أروشك ولبسك من الجديد اللي جبته لك من فرينسااا ... صالحة بصدمة :هو أنتي لحقتي تروحين لفرنسة يافهدة .. فهدة بضحكة على نطق صالحة :لاا والله التسذب خيبة بس عقاب راح لها وخليته يجيب لعواد بدله فرنسيه ... صالحة تتلفت حولها :إلا على طاري عقاب وين نروح ... فهدة وهي تداعب عواد الصغير :راح يودي شعاع وعيالهااا لديرتهم وبيجي يمسي عندنااا ... صالحة وهي ترى فهدة تنزع حذائها وتجلس على الزل :إلا هاللي لبسته وش هو يافهدةة ... فهدة بتكبر :هذا شين ماتعرفين ولايناسبتس ...هذا كعب لالبستيته ومشيتي على البلاط يطقطق .. بس من وين لتس بلاط تمشين عليه ...أجلسي بس عطيني علومكم ... صالحة التي أنزعجت من تكبر فهدة الذي زاد أضعاف :وش فيتس يافهدة وأنا اللي أقول بتجين وعلى كتفتس عيل والثاني تقودينهم قدامتس ... فهدة بتكشيرة :وأنا وش جابني إلا هالشي شوفيلي أم مضحي يتعالجني ماأدري ليه أبطيت ماجاني الحمل ...وشعاع وأنا معه حملت مرتين وطشت ...!! ..شكل العوق من عقاب فيه بلى .. صالحة تضع يدها على راسها :قطعي يامرة أنتي على عوابتس الأولية ماعقلتي .... فهدة :وإلا بعقل يووه ياصالحة يهالعقاب بيمشيني على كيفه بس أنا وريتس فيه .. صالحة بحماس :ايه هاتي عطيني علومتس وخرابيطتس ...وقبلها أفتحي هالأكياس اللي مشيلتها عطيني من اللي فيهاااا ضحكت فهدة وأخرجت كل ماحملت لها ولأبنهاا وأخيهااا وهي تسألها :وش أخبار عربانكم ...كان اللي شدوا هالسنة واجد ... صالحة بعدم أستحسان :أخوتس ماأدري وش بلاه على ربعه كاش منهم عيى يطيعهم ويشد معهم خلانا بهالخليان لحالنا ... فهدة :شقحاء وهذال مالهم طاري ماجاءكم من هم خبر ... صالحة بضحكة :والله خبري فيهم يوم ركبت وراه على الذلول وهجوا هكا الليلة وأبو شقحاء يركض وراهم يقول نزل بنتي خلاص طلقها وفكنا من شرك ... فهدة بأستحسان :أيه أحسن ماسووه .. الشايب بيتخدم فيها طول عمره يجيب له صبي ويسرحه بحلاله بدال هالمسيكينة ... صمتت قليلاً قبل أن تسأل :وضحى ماأعرست .. صالحة :والله شدت مع اللي شدوا وهي للحين مع أخواها ومرته ومتخدمين فيهااا .. ومابقى أحد من الجماعة ماخطبها وهي معيه ... فهدة بأرتياح :الله يبشرتس بالخير أهم شيء أنهم هالسنه ماهم هنيا ..وغيره الله يستر عليهم ... صالحة بضحكة :يااوه أنتي للحين خايفة منها تجي على راستس ...هذي هي اللي تأخذ على مرة تعيش طول عمرها تحتري الثالثة ... فهدة :والله ماهو أنا اللي جيتهم هم اللي جوني ... صالحة بشهقة أستنكار :ياعوبتس يافهدة وتنكرين بعد ..ترى كنت معتس يوم تروحين لعمة عقاب وتلمحين لها أن لو ماأختارتس لعقاب بتجين على بنتهااا طبينة ... وأن الرياجيل بس ينتظرون منتس أشارة ... فهدة وهي تلفتت حولها خوفاً من مجيء مفاجيء لمحسن :اصص اقطعي يالمهبولة بتفضحين ســـري هذا وأنا عادتس أختي وكل علومي تعرفينهااا .. صالحة ببرود :وأنا قلتها عند أحد أقولها بيني وبينتس قلت أذكرتس لو كنتي ناسية ... فهدة تغير الموضوع وهي تخرج عبوة وترش منها على صالحة :شمي كيف ريحته هذا طيب فرآنسي ... أن جازلتس خذيه مايغلا عليتس ياأم عــواد ... *** التعديل الأخير تم بواسطة ebti ; 30-08-20 الساعة 02:31 PM | |||||||
|  |
|
30-08-20, 11:06 AM
| #124 | |||||||
| كاتبة في قصص من وحي الاعضاء و قسم الروايات المنقولة
| *الحـــــاضر* # يوم عقد قران بتال وجـــوزاء # كانت الرابعة عصراً حين رن هاتفها معلن وصول أبن أخيها عبدالله ...أحمد ليقلها حيث سيعقد قرانها في منزل أخيها الأكبر بالخرج ...نزلت بعد أن أرتدت عبائتها لتلقي في والدتها التي تجلس بالصالة وتتحدث بالهاتف ...توقفت عن الحديث وسألتها :بتروحين ...؟! جوزاء التي تعتصر حقيبتها بيدها :أيوة هذا أحمد عند الباب .. وضحى بملامح وجمة لاتتفسر :طيب الله يوفقتس ...وقولي لأخوتس لايتشرطون ... خرجت دون أن تعلق ...ماذا ستقول هي لم تتخذ القرار بحياتها القادمة هل ستهتم بالشروط الذي ستوضع ... حتى لحضتها لم تفهم كيف قبلوا فيها بكل هذه البساطة ...قلبها لم يرتاح لهذة النقطـــة ... سلمت على أحمد وصعدت السيارة .. حدثها قليلاً وحين لم يجد تجاوب أدار الأذاعة على برنامج كروي وضل يستمع ... حين كانت تشرح وضعها ووضع أختها لأي أحد من خارج نطاق القبيلة لم يستوعبوا أين الخطأ بالموضوع ... ولكن الخطأ كل الخطأ بما فعله جدهم ... فقط تتخيل لو أنه لم يضع لقب قبيلة شيخه لم يحدث أي من هذا ...لقد ضموا لقبيلة وفخذ لم يقبل بهم ...ونظر إليهم دائماً بدونية فهم أبناء صنهات الراعي ولن يكونوا أكثر من هذا ...أبيها لم يكن يهتم بهذا الوضع وفعل الأسوأ .. فرغم زواجه بأمرأة من نفس ثوبة طمع حين سمع بخبر عنوسة أمهااا ..وأمها التي عنست وتركها أبناء عمومتهاااا أرادت معاقبتهم بالزواج من أبن الراعــــــي ...وهذا مالم يغفر لهم مجتمعهم الظالم ... هيفاء تزوجت من أبن خالتهااا ورغم ذالك لم تعفى من العنصرية فمع أول خلاف مع زوجها أو بنات خالتهاااا لابد أن يذكر أسم جدها وأصله ومن هم .. فكيف لهاا هي من ستدخل بيت من يعتبر من مشايخ قبيلته وأكثرهم عزة وأنفة ...ومن المعروف أن زوجاته وزوجات أبنائه جميعاً لايقلون عنهم أصلاً وفصلاً ولو لم تنخية أبنة عمة وتعطيه أبنتها لم يكن ليفكر فيها لاكزوجة ولاكنة ..... عادة من خيالاتها على نداء أحمد لها :الجوز وين الناس يالله أنزلي ياعروسه وصلنااا ... وقبل أن تنزل أمسك بيدها :أقولك ماودك تهونين من هالزواج والله مرة ماهو خاش ميزاجي .. نظرت في يد أحمد التي تمسك بيدهااا ورفعت عينيها له :أممم لو تحسب لي رأيي ولاشور بهذي الزواجة بتكون غلطان الراي من أمي لخالد ولا أنااا صمً بكمً عمً .... أحمد بتأفف ونزق :ياختي ماأدانيهم ولاأشتهيهم بعيشة الله وأكره لقبهم اللي ورى أسمي نفسي أمسكه هويتي وأقطعها وأرميها بالزبالة ولا ننذل كل هالمذلة ...تدرين كم مرة قالوا لي شباب ولد عمك فلان ولاعلان من الصوارم وش أرد وقتهااا وتدرين وش يقولون هم لو ينسألون نفس السؤال ولا أقولك خليني ساكت ... جوزا التي بقيت تحدق بأحمد وعينية التي تحكي معاناة لانهاية لهااا :تقدر تشيل أسمهم من هويتك جددها وشيل الصوارم وريح نفسك خلها لهم ولا أسم القبيلة بحر مال أحد حق يشتكي عليه وخل أسم جدهم لهم .... شخر أحمد بسخرية :ياليت الموضوع بهالسهولة .... *** في منتصف الصالة تجلس وقد عصبت رأسها وتتأوه من الصداع وعندها رضا التي أحضرت لها زيت خاص لتعمل مساج لرأسها المصاب بالصداع ... فهدة تضع يدها على رأسها بألم :آآآه يارضااا سويت اللي سويته بس قلــــبي عيى لايهدأ راسي بينفجر من القهـــر آآخ .. دخل حاكم أبن بتال راكضاً لتوقفه بصوتها المرتفع :تعاااال وش فيك ... حاكم الذي يستطيع الوقوف من شدة أنفعاله :بلبس ثوب عمي فياض يقول ألبس ثوبك وتعال بنزوج أبوك ..... فهدة تصيح بقهـــر :شفتي سواياه فــــي ويلوموني يوم ماأشتهيه هذا يبغى يجلطني ...حاكم روح وأنا جدتك ألعب مع نايف ولاااتجي هنااا ماهو وقتك .... حاكم الذي خاف من نظرة جدته الحادة رجع للخارج برأس منحنــــــي ... رضا وهي تخلط الزيوت :طيب ياعمتي العم عقاب وينه ... فهدة وهي تشير بذراعها على الجزء الآخر من المنزل :راح يتجهز في بيت شعــاع مايبون عبير يحز بخاطرها تجهزهم ... والله أني للحين ماأدري عندها خبر أو لااا أخذت لها هدية وقلت لبتال يقدمها لها مع هدية منه ويلم الموضوع بس ماأدري عنهم هي طلعت الصباح بدري مثل عادتهااا وهو من أمس ماشفته ... رضا وهي تقف بعد أن حمت الزيت بدرجة مناسبه على الموقد المتنقل التي أحضرته معها ...يالله ياعمه جاهزة ... فكت فهدة عصبت رأسهااا وبدأت رضا بعمل المساج لهااا فهدة بتأفف :وش هالريحة الله يهديتس يارضا ماتعرفيني ماأحب الروايح الشينة .... رضا بهدوء :ياعمتي هذا اللي ينفع الفايدة بهالريحة انت يخليني أشوف شغلي وبترتاحين أن شاءالله .... فهدة بشك :لاتكون زيتوتس غامقة وتخرب صبغتي .. رضا وهي تدلك فروة رأسها بتمرس:طمني قلبك كل حاجة زي ماتحــبي أنت ريحي أعصابك عشان ينفع المساج ولا ماراح يجيب نتيجة وأعصابك مشدودة ... أستسلمت فهدة لأصابع رضا ولكن عقلهوا لم يستسلم من أفكاره فهو أن لم يفكر ببتال وعبير سيذهب ليفكر بأسماء القابعة بالأعلى ولاتسمع أي من رأيها فهي لاتتناول الطعام الصحي والشعبي المناسب لوضعها ولا تتواصل مع زوجهاا ومصرة على الأنفـــصال ولاشيء سيردها عن رأيهااا ..وتعيش كائبة النفاس وأحيان لاتريد حتى أرضاع صغيرهااا .. *** بالجزء الأخر من القصر كان هناك الكثير من الضجيج والهرج الذي مصدره فياض الذي من سيراه سيعتقد أنه العريس ... فهو يريد أثارة أعصاب نساء المنزل المعتصمات الصمت فالجميع في صف عبير ويفندون زواج بتال من أخرى أبتداء من والدته وحتى أصغر فرد فيه أبنة فزاع التي أخرجت له لسانها حين طلب منها الرقص معه ... فياض بقهقة سخرية للفتيات المعتصمات بالصمت ومكتفات أذرعهن :والله لو تحلقن روسكن ماهوننا ... يالله قومن أرقصن بشغل شيلة ياويل اللي ماتقوم تلعب عليها ... ولكن صيحة أستهجان من والده أوقفته عن فعله ...ليفز واقفاً :سم جايك جايك ... عقاب بأنزعاج مماوصله من حديثه :يالله بس مشينا خل هروج الحريم عنك ... فياض الذي وصل إليه ينحني ليقبل أنفه :أفااا ياأبو سلطان أنا هروجي هروج حريم ...بس أنا بستفزهن وش عندهن زعلانات معترضات على الشرع ... ورفع صوته ليسمع والدته التي قد لفت لثمتها بأعتراض العجائز وهي التي لم يبدوا عليها هذا الأعتراض قبل عدة أيام وكأنه تم تغير رأيها بفعل فاعل :الشرع وش يقول مثنى وثلاث ورباااع ... عقاب بأبتسامة خفيفة :اللحين أنت وش تبيي فيهن خل كل واحد يعيش مشاعره الكبت ماهو زين ..والرباع بنخليها لك ... سلطان الذي نزل من أعلى وحتى لم يلبس شماغة بعد :أي والله يابعض الأشكال ودك من يطق عليها ثانية وثالثه ماعينتوا لي عطية ... فياض بقهقة :أستحليتوها هااه أسترجل وأمش أخطب لك ..ورفع صوته ليصل لطابق العلوي : طب وتخير بالبنات ياأبو نايف ... عقاب ييرفع عصائة من خلفه ليحثه على الخروج :يالله بس سرينااا تأخرنا على العرب ...الخرج بعيد يبي له مشوار ... كان أخر الخارجين فياض الذي سأل بسخرية :المعرس وين لايكون هج ولا المرة قفلت عليه بالحمام ... وماأن خرج حتى لاحظ تواجد بتال بسيارته وقد قربها من باب المنزل ليصعد إليهاا عقاب متجاهل الأثنين خلفه .. فياض بميزاجة الرائق على عكس الجميع :يالله أنسحب علينااا وين سيارتك ...يامدير محمد زفت أي نفر هات سيارة بابا سلطان جلدي .. سلطان بأستنكار :وأنت وين سيارتك ... فياض بعدم أهتمام فهو أي أمر يقع تحت يده يدمره :منبشرة وناقص زيتها وحالته بزفت وعطيتها واحد منهم يقلعها الورشة يصلحونها ولابدق ثانية .. سلطان التي أجواء الزواج أثرت عليه:أشوى أنها سيارة ماهي مرة على طول بتدق ثانية ... فياض يدفعه حين أقتربت منهم السيارة :يالله بسرعة نلحق الربع والله أبو حاكم طار شكله مستعجل وهو مسوي نفسه مغصوب ... **** من جهته بتال كان يسير بالسيارة بسرعة ينسى للحضة وجود والده جوارة فيضغط بقدمة بجنون على البنزين وكأنه سيهدأ مابداخله وماحدث ليلة أمس من جدال عنيف ... لقد حاول بكل مايستطيع أن يفتح الموضوع معها بهدوؤ وقدم لها الهدايا كم أخبرته والدته ولكنها رمته كل شيء بوجهه وهي تخبره أنها علمت أن فهدة أي أمه ستهدم حياااتها من أجل أنانيتهااا وكم هي ماكرة وحقود .. (ليلة أمس ) بتال الذي صف الهدايا والورد والطعام كمفاجئة لها بعد أن أخبرها أن تجلس بغرفتها لأن سلطان سيأتي ليتحدث معه بصالة جناحهم ..كان يجهز كل شي وقلبه يؤلمة هو لم يصنع لها أي حفلة أو تجهيز مسابق فقط عزمها بمناسبات الأعياد وبعد ولادات أطفال وإلا هي من تجهز الحفلات وتطلب منه الخروج للمطاعم والكافهيات صحيح أنه لايرفض ولكن لم يبادر من قبل وحين صنع لها حفلة يكون لهذة المناسبة ...قلبه غير مرتاح ولكنه أطاع رأي أمه ... فهي أمراءة وتفهم بهذة الأمور أكثر منه ..كان طقم ذهب فخم وثقيل من والدته وأحضر هو طقم ألماسي وخمسين ألف كاش جهزها كباقة ورد ... مع طعام وكيكة طلبها من أحد المطاعم ... ناداها لتخرج ...ذهلت ولم تصدق عينيها للحضات قبل أن تقفز سعيدة وتسرع إليه لتعانقة وهي تغدقه بكلمات الشكر والأمتنان وهو فقط أبتسامة صفراء تعانق شفتيه ... بعد أن تناولا الطعام وهي لم تتوقف عن تصوير الهدايا والحفلة .. طلب منها أن تهدأ لأنها يريد أن يفاتحها بموضوع .. عبير بدلال وهي متشبثه بذراعه :آمر حبيبي تدلل اليوم لو تطلب عيوني ماتغلى عليك ...ياروحي والله ظلمتك وفكرتك أنك بديت تمل مني ومات الحب اللي بينااا .. بتال وهو يبلع ريقه أن لم يمت بعد سيموت بعد قليل ...تباً لوضحى وأبنتهاااا وكل شيء يضعه بموقف النذل هذه اللحضة :حبيبتي تعرفين أحبك مو كلام بس أقوله والله أحبك وأحب عيالي وحياتي وكـــل شيء فيها ...وماأبي شي غيركم ولاودي أحد يخرب بينااا صدقيني أنا سعيد معك وكفاية علي كذا .. عبير التي توجست من حديثه جزء منه يريحها والجزء الآخر يوترها سألته بتوجس :أبو حاكم وش فيك يانظر عيني .. تشكي من شي ... بتال يغلق عينية :حبيبتي يمكن سمعتي بالعطية اللي أنعطت لأبوي .. عبير بوجه شاحب مالذي جاء بهذا الموضوع الآن وبينهما :أيوة سمعت ... بتال :حبيبتي أنا أمي نختني وطلبتني أخذها عن أبوي وأبوي بعد شار علي أخذهااا ووو... وقاطعته بصيحة أستنكار :كيف مين يأخذها ووش دخلك أنتي بتال أرجوك لتنجن مثلهم مايبيها عمي مو لااااازم وش هاللصقة إلا أحد منكم يأخذها ... بتال وهو يحاول تهدأتها :والله ماراح أخذها إلا فزعة ولاأنا أخذ عليك ياشيخة الحريم والله أنك تسوينهن كلهن بس الظروف حدتناااا والله أنها فزعة لاأكثر وجودها وعدمة وحدة ونذر علي ماأخلف منهااا ومالي عيال غير منك ... عبير التي دار رأسها من الصدمة لقد جهز كل شيء الأمور قد حسمت هو فقط يخبرها لاأكثر ولكنه قد جزم على أخذها ومايفعله مجرد نقل الخبر إليها سألته بهستريا وهي لاتصدق أنه قد أحضر لها هدايا كرضاوة ليتزوج من أخرى :يعني حاسم أمرك وخالص وكل هذا تسكيته لي مسويلي حفلة وجايب لي كم قرش وقطعتين مجوهرات تحسب بتزوغ عيني وأوافق ليش من كنت مفكرني ...وصاحت بقهر :أنا تأخذ علي مرة أنا يابتال وش هي اللي بتأخذها أحسن مني فيه ... ردي علي أجمل مني لاوالله تخسى ولاتوصل لأظافر رجولي ...أكثر أصل ولافصل مني لاوالله جدها صلبي مايسوى التالية من الغنم ... رد علي بوش أحسن مني على وش تأخذها وش عندها ماهو عندي ...وأنا اللي فرحت وطرت بالسماء قلت حبيبي حس بتقصيره علي بمشاعره وجاي يراضيني طلع الشيخ بيحط على راسي مرة وبيدهن سيري يحسبني بسكت وأرضى بس غلان ماهو أنا وأنا بنت أبوي اللي ينوخذ علي صلبية لا أصل ولافصل والله لو أنها بنت شيخ مارضيت تنوخذ علي ثانية ... بتال يقف بوجهها ويحذرها :عبير أنتبهي لألفاظك ولاتنسين من اللي قدامك أزعلي طلعي اللي بقلبك وأعترضي مثل ماتحبين بس بدون غلط ... عبير بقهر وهي ترمي كل الهدايا التي حضرها من أجلها :وهي باقي فيها خطأ يعني عشان الشيخة فهدة ماينوخذ عليها مرة أنا ينداس علي وأنهاااان العطية لعقاب أنت وش دخلك ..ولافهدة ماراح ترتاح لين تخرب بيتي بتموت حقد لو شافت أحد أكثر سعادة منها حتى لو كان ولدها وزوجته ... بتال بنظرة حادة :عبير أحفظي لسانك ترى عيالتس جوى ويسمعون كل شيء لاتنسين نفستس وتفقديني أعصابي ... عبير بقهر فعقلها لايتحمل حجم الكارثه الزواج من أخرى كان خارج حساباتها ولأكثر أثارة للحنق أنه ليس رغبته ولكن فقط حتى لاتأتي زوجة لأبية على أمة التي أوشكت على الستين فتلك لاترضى بالضرة وهي المطلوب منها أن تخنع وترضى وهي بعز شبابها ومازالت تنتظر منه الكثير :أفقد أعصابك وأعلى مابخيل أبوك أركبه ماني بنت محمد لو بقيت على ذمتك بعد هالأهانة ولو رجال لاتطلقني وأنت عارف من بيواجهك ... اللي يخلونك تطلق وأنت ماتشوف الدرب ... بتال بصيحة أستهجان :الكلام هذا لي ياأم حاكم طيب ماراح أخذ على كلااام غضب بس تذكري أنك حتى بعز غلطتس علي حشمتس وماطلقت ونزلت عقلي لهروج الحريم ...وألتقط مفاتيحه وخرج من جناحه ولم يعود حتى هذه اللحضة ولم ينسى غلطها الذي طال أبيه وأمه ... *** ياسمين بعد خروج الرجال :ياربي ياخالي فياض يقهر يقهر غبني والله بغيت أرد عليه بس عشان ماما ماتزعل .. فاطمة بأستنكار :لاحبيبتي غلطانه ماكنت بزعل بصفق لك لو رديتي عليه ...بس بعدين بقص لسانك ... ياسمين تضع يدها على فمهااا :شفتي قلبي كان حاس عشان كذا مارديت ... حسناء بتكشيرة :ماهو بس خالك فياض اللي يقهر كل خوالك ... مريم وهي تسكب لنفسها فنجان آخر :والله أنتي بعد ياأم نايف تطلبين المستحيل صاحية تبغينه يحط لك قدر ومايروح مع أبوة عشان أختك ..يعني هم لو بيحشمون أحد مازوجوه على مرته من الأساس ... ليلى وهي تهز قدمها بتوتر :وش عندك مريم متحمسة شكلك نسيتي أن اللي تكلمين عنهم أبوي وأخواني ...والصراحة أخواني رياجيل ويستاهلون ثنتين وثلاث وأربع دامه باالحلال .. يارا تنغزها بكوعها :وش عندك تحمستي ... ليلى تهمس لها :اسكتي اللحين قهرتني ذي بتحش أخوي وسطناااا خير خصوصاً مريموه والله لو يبي فزاع ثانية لأخطب له .. يارا بشخرة سخرية :أي ثانية هذا هو ظرب مشوار وهمي للقصيم عشان يرضيها ومايروح معهم ... فاطمة لتهدأ الأوضاع المتوترة :بنات أنزلوا سوو لنا حاجة خفيفة حلوة مثلكم تعرفون ماتغدينا زين والبركة بفياض ... ترافقت يارا وياسمين وليلى للمطبخ للاعداد وجبات خفيفة .. وهن مندمجات بعملهن دخل حاكم ونايف الذي خرجا للعب بسكوتراتهم الكهربائية بالساحة الخارجية تحت تنبيه لهم بعد الأقتراب من كراج السيارات ... حاكم بحماس وقلق :ياعماتي ألحقوا ياجدة شعاع.. حامد زوج عمتي أسماء يتهاوش مع جدتي فهدة ... شعاع تتعكز على عصائها بجزع :أنا أخت فزاع ... السربوت ..الخسيس كيف يتهاوش مع عمته تعال وأنا جدتك عنز لي (ساعدني لأتكأ عليك ) بفزع لجدتك ... ليلى ويارا يمسكنها من الجهتين :يمه أنا طالبتك مالك شغل فيهم هي وولد أخوها يتفاهمون لاتدخلين نفسك وسطهم بكرة تقلب الموضوع عليك ... ياسمين بدورها كان قد أغلقت الباب حتى لايخرج أحد :يالله هش أنتم فوق فرحانين بالهوشات حشى قناة الجزيرة ياحبكم لتفتين ...جدة ماتعرفين جدتي فهدة كيف تقلب المواضيع على حسب ميزاجهااا ... حاكم بحماس:يووووه وردة وخري بنحظر التصفق ... نايف بقهر من المنظر الذي شاهدة :قسم لأصفق وجهه كيف يدخل البيت بالغصب وجده فهدة تقول لاااا وهو يدفهااا ..قسم لأفقع وجهه .. شعاع بعدم راحة :لا أنا قلبي ماهو مرتاح والبنية نفاس وتعيبينة لايقوم يضربها ولايعورهااا سمعت أنه ماهو صاحي وتسد ظربها وهي حامل ... ليلى وهي تعيد والدتها لتجلسها :يايمة تسذب تلقينه دفها وهي دلوعة تقول ضربني ... ولا خالها بيخليها تنضرب في بيته ... *** | |||||||
|
| |
|
30-08-20, 11:12 AM
| #125 | |||||||
| كاتبة في قصص من وحي الاعضاء و قسم الروايات المنقولة
| كانت على جلستها مع رضا التي أنهت المساج وربطت نايلون على شعرها قبل أن تعد لها قهوة تركية وتجلسان تحتساينها مع بعض القصص التي ترويهاا رضا من هنا وهناك ... سمعت رنين على جرس الباب قبل أن يدخل حامد أبن أخيهااا حتى أن رضا فزعت ولحسن الحظ عبائتها كانت قربها فوضعتها بعجل على رأسهااا ..وغادرت مسرعة للمطبخ لتخرج منه لمنزلهااا ... فهدة بزعل :وش هالدخله ياولد أخوي ماتعرف تستأذن قبل ماتدرعم علينا هاللون ... حامد وهو يصد للجهة الأخرى :وش دراني ياعمة ماأخبر عندك أحد ماهو محرمن لي .... فهدة بأنزعاج فهي قد كرهته بعد خيانته لأبنتها ولاتستطيع حتى النظر لووجهه منذ سمعت بفعلته :وبنات زوجي خوات بنتي وبناتهن مايجن عندي ماهو بيت أبوهن ولا مايهمك ولاعندك أحترام لمحارم البيت ...والله ياولد أخوي أنه يبغى لك تربية من أول وجديد..والله لو عقاب فيه وشايف دخلتك هذي علينااا ماخلى بنته تطب بيتك بعدهااا ... حامد بعصبية :وبنتك خلت فيني عقل يرضيك ياعمة تمنعني عن شوفة ولدي وتقول أنها تبي الطلاق ... فهدة بعصبية :اقطع حسك مايعلى علي ولارقبتك أدوس عليها وش أنت شايفن حالك عليه وليه كل رفعت هالصوت من زين علومك اللي مزعلة بنتي ومهججتها منك يالنجس ... حامد بقهر حتى لو كان أنجس الخلق لايرضا بأن يعيره أحد :أصلاً بنتك ماجابت عوابتها إلا منك أنتي اللي تشجعينها ماكأنك انتي اللي بليتيني فيهااا ... ودفعها عن طريقة وهو يصعد راكض السلالم للأعلى ...دخل مباشرة لغرفتها التي يعرفها جيداً كانت خالية منها ..ووجد أبنه بمهدة حمله ونزل مسرعاً غير عابيء بالطفل وسلامته ... فهدة التي رأت منظره وفزعت من فعلته كانت تخاف أن تعترض طريقة ويفعل شيء بالطفل :ياحامد بشويش ماراح أمنعك عنه بس تكفى أمسكه زين تراه ضعيف وطقه لو خفيفة على راسه ياتذبحه ولاتخليه مريض مامعه عقل ... خرج مندفع غير عابيء بكلامهاااا وضع الطفل بالمرتبة الخلفيه وأنطلق بسيارته ... هل تعتقد أنه قادرة على حرمانة من أبنه لترى ماذا سيفعل بهااا ... الأنثى الشرسة التي تزوجها سيروضها بطريقته من تعتقد حتى ترى نفسها أفضل منه هو رجل لايعيبة شـــيء ...حتى لو خااان أو بحث عن أخرى فهي السبب .. جفائها وتمنعهااا وغرورها سبب خراب بيتهااا ... أما هو سيتزوج من أخرى وسيصاحب ثالثة ولن ينقصه شيء ...ولكن هي من أنجبت طفل ولم تعد كما كانت بنت لاشبية لها بين مثيلاتهااا ...سيذلها فيه وسيمرغ أنفها بتراب وستأتيه ترتجيه أن يأخذها له ولن يحقق مرادها بسهولة ... من جهتها فهدة المفزوعة دارت حولها وهي تصطدم بالأثاث من حولها من شدة فزعها ,,المجنون أختطف الرضيع المريض فهو لم يخرج من المستشفى إلا أمس ...حصلت أخيراً على هاتفهااا وأحتاجت عدة دقائق من البحث دون تركيز حتى وجدت أخيراً ضالتها أتصلت على رقمه وبادرته حين رد :بهلااا أم بتال حياتس ... فهدة الغاضبة :لاهلا ولامرحبا فيكم ياعيال أخوي ألحق أخوك لقط الورع وهج فيه والله ياعواد لو مارديت لي ولد أبنتي لعلومكم كلها الليلة عند محسن وأذا هو عاجزاً عنكم عقاب وعياله يربونكم ... ولم تنتظر حتى تسمع رده على تهديدها كان ترتجف من شدة غضبهااا ..وحين ألتفت بنية الصعود لأبنتهااا وجدتها خلفهااا بروب النفاس وشعرها متشعث حولهاااا ... أسماء بغضب :ومن جديد فزعتيه يرقع ورى أخوه ...يعني متى برتاح من عيال أخوك .... والله لو مارجع ولدي خلال ساعة ..لأوريك من أفزع ... لتسحبها فهدة بعصبية فقد تعدت هذه الفتاة حدودها :من بتفزعين يابنت بطني ... أسماء بحاجب مرفوع :بفزع سميه ولااا ليش مسميته عليه ... فهد تفلتها مع دفعة خفيفة :والله لو ماأنتي نفاس كان عرفت أرد عليتس تهددين بأخوتس الهبيلة ... أسماء بغبن :أنا مأهددتس ياأمي أهدد اللي خطف ولدي وش يعني بالغصب هي أرجع له وأقبل أشوفه ماني مشتهيته مابي أشوف رقعت وجهه وش له عندي لاتخليني أبيعها للأخير وأرمي حتى ولده بوجهه ... فهد تصفق كف بكف :بترمين ولدتس اللي تعبتي فيه تسع شهور وطلقتي فيه كل طلقة مثل الموت ... أسماء بجنون :أيه أرميه ولو هم عشرة رميتهم عشان كرامتي .... فهدة بحنق تشير للأعلى :أطلعي غرفتس ونامي لين يجي ولدتس ماني ناقصة زيادة لغي ... صعدت السلم ومع كل خطوة القهر يتصاعد بداخلهااا ...ضربها وصمتت من أجل أمها ...خانت صمتت لأجل خالهاااا وسمعته...لم تنصف أبداً معه كان هو من يخطأ وهي تتجرع الألم من أجل الآخرين ...ولاأحد يقدر صمتهااا وهو مستمر بردائته بتعنته وفسوقة ... حين وصلت غرفتهااا كان قد حسمت أمرهااا والغضب أخذ النصيب الكثير من ردة فعلهااا ...التقطت هاتفهااا وأتصلت عليهاااا ورد بتشدق :خير وش بعد يقولون أمس رجعتي من المستشفى ..لحقتي تمرضين ...!! أسماء تغمض عينيها ودمعة تسيل على جانبهااا :المرة ذي ماأبي فزعة مستشفيااات أبي فزعة صدق ...فزعة أخو لأخته تحملت واجد من نذل مايسوى مواطيهااا ...ياخوي يامحزمي لأعتزيت وسطهم قلت وأنا أخت فياض .. جيب لي ولدي من أبوه ...ترى صبري عليه فاق الحدود ومانخيتك إلا بعد ماشفت الضيم منه والله ماهو زيادة ردى فيني ولاعنجهية بس واللي رفع هالسبع سماوات شفت منه الضيم وبلعت سكاكين عشانكم ...عشان مايقولون أختهم سوت وأختهم فعلت وبنت عقاب تطلقت ... وأغلقت دون أن تسمع رد الطرف الأخر كان تصيح بعباراتهاااا وكل لحضة حزن وقهر وكسر عاشتها في السنتين الماضية تمر أمام عينيهااااا ... من جهته كان يجلس بجوار سلطان بطريقهم للخرج خلف سيارة بتال مباشرة قبل أن يتلقى مكالمتهاااا ...لم يكن بينها وبينه الكثير من الأتصالات فقبل زواجها كانت موجودة معه بنفس البيت وبعد زواجهااا ابتعدت قليلاً وربما كان ماتحتاجة من أمور يلبونه أخوتها الأشقاء فهم لن يعجزوا عنهاااا .. رد وهو يتشدق لسلطان :يوووه هذي أستحلت التخدم فيني ... وحين رأى التساؤل على وجه سلطان مد له الشاشة ليرى الأسم الذي وضعه لهااا (ودني المستشفى ) سلطان وهو يظرب على المقود بضحكة :والله أني أشك فيك أنت وش تستعمل ..رد على أختك رد .. فياض بشخرة سخرية :من المضروب ,,ورد عليها :خير وش عندك بعد يقولون أمس طلعتي من المستشفى لحقتي تمرضين ...!!! مع كل حرف يخرج منها كان غضبه يشتد وأظهره بضغط على قبضته حتى مع آخر عبارة خرجت منها كان يزيح شماغة وعقاله ويرميها عند قدمية :العقال هذا ماهو على رجال أنا ماكسرت خشمه هالخسيس واللي رفع هالسموات ياأرد الورع منه ياأذبحهم أثنينهم ولايأخذه .. سلطان الذي هدأ سرعة السيارة من أسلوب فياض المنفعل :وش فيه ...ياولد وش تقول لك ... فياض يشير بيده ليقف على جانب الطريق :وووقف وقف ..أنزل أنا بسوق ... سلطان يسحب مفتاح السيارة مع نزوله :أنت وش فيك وش قالت لك قلب حالك .... فياض يشير له بيده :هات المفتاح موضوع بيني وبينها دق على بتال يتحراك روح معهم ... سلطان يبعد المفتاح عن متناول يده:أقول الخلا ...مالك مفاتيح عندي وش يضمن لي وين أنت رايح ..ورد على هاتفه :هلا أبو حاكم ..وقفنا فياض جاه أتصال وقلب حاله بيرجع الرياض .. مرت دقائق وهم على نفس الوضع فياض يحاول فيه أن يعطية السيارة ليعود فيها وسلطان يرفض قبل أن يأتي والده ... فياض وهو يمسكه مع لحيته :طلبتك ياأبو هجرس عطني الموتر خلني أردها قبل يجي أبوي ويردني عن اللي رايح له ... سلطان يبعد يده بلطف:ولا لك لوى أطلب شي ثاني إلا هذا أنا ماني مجنون ماأبخص الشر اللي بعيونك ماني بايعك عشان هالبسوس ماأدري وش قالت لك وقلبت راسك .... توقفت السيارة على الطرف الأخر من الطريق لأنهم عادوا من منتصف مشوارهم قطع الشارع ليقبلوا عليه .. عقاب بنبرة أنزعاج :أنت وش فيك مأنت عاقل وفاكنا من شرك .. بتال ينزل عصاء والده التي رفعها لظرب فياض من شدة غضبة :يايبة أسمع الرجال لاتهجم عليه وأنتي ماعرفت اللي وراه ... فياض يزفر بتعب من الجدال مع سلطان وألآن مع والدهااا :أسماء ولدها أخذه أبوه بدون شورها خطفه وروح فيه ... عقاب بنظرة حادة :أنا أخو صيته وش يبي فيه يومه أخذه ...ماهو الورع اللي قبل أسبوع طايح لحمةً حمراء وش بيسوي فيه .. فياض وهو يتراجع للوراء حتى لايشير بوجهه والده مع حركة ذراعية العنيفة حين يتحدث وهو غاضب:هذا اللي وصلني من بنتك تستفزع فيني ولدها أنوخذ غصب عنها قلي يبه وش تبغاني أسوي ... عقاب بصمت ثواني وهو اللي شعر أن أمور أسماء ليست على مايرام ولكن فهدة طمأنته على أبنتهااا ولم يفكر للحضة أنها قد تغطي على أبن أخيهاااا وتضحي بأبنتهااا :روح لهم بس معك سلطااان ماتروح لحالك ... فياض بصيحة أستهجان وقد نسي أن من أمامه والده :ليه خايف علي ... عقاب وهو يرفع عصائة للمرة الثانية بوجهه :أقطع خايف منك ماهو عليك لاتجيب لي المصايب روح ياأبو نايف معهم ...وحنا بنكمل مشوارنا ...ولف عائد للسيارة ... بتال أمسك بفياض قبل أن يلحق بأبيه :انا طالبك ياأبو عقاب لاتفضحني في خالي سوه في اللي تــــبي بس لاتنسى الشايب ماله ذنب لاتسود وجيهنا فيه ... فياض يهز راسه فقط لينهي هذا الموضوع ولكن برأسه ألف شر وشر ...فأستجداء أسماء له مازال يرن بعقله ....وهو إذا كان له نقطة ضعف فهو نصرة المظلوم فكيف لو كان ذي قربى .... صعد لسيارة بعد أن التقط المفتاح من سلطان الذي مده له وجلس بالمقعد المجاور وهو يعود ليذكر أذكارة مرة أخرى ويده متعلقة بمسكة الباب فوقه :يارب سلم سلم ... قبل أن يصيح فياض فيه بشكل مفاجيء فيه :عطني رقمه هالخسيس ... **** حامد الذي كان يدور بسيارته وأبنه بالمرتبة الخلفية صامت حتى أنه كاد ينساااه ..هاتفه لم يتوقف عن الرنين بأرقام مختلفة ..أخيه الأكبر ..عمته ...والدته ... أستشك أن حتى أبيه سيتصل ولكن هي لم تكلف نفسها وتتصل ... ورنين بأسم جديد جعله يشخر بسخرية هذا الرقم بالذات لن يكون أتصاله صدفة رد بتشدق :أرحب أبو عقاب ...يالله حيه ... تهجم عليه من الجهة الأخرى :لاهلا ولامرحبا ولاسهلا ولد أختي سميي ترجع هاللحضة بهالثانية لأمه ولا بتشوف اللي ماشفته بحياااتك ...والله لخلي أمك تصيحك هالليلة ... حامد وهو يرفع حاجبة يعجبة تهديدات الطرف الثاني التي لحسن حظه لن يواجهها :أفاااا ياولد العم ..تهددني وأنا اللي صار ينقالي أبو فياض ...ماهقيتها منك ياولد عمي (من نفس الجماعة ) .. ولكن رنين أنقاطع الأتصال هو من رد عليه ... عند هذه المرحلة قرر أشتراء سلامته فهو من النوع المستفز ..المستقوي فقط على النساء ولكن مواجهة الرجال ليش من شيمة قرر الأنسحاب باللحضة المناسبة ... أتصل على عواد الذي أنهال عليه بالسباب والشتائم وأخبره أن يقابلهم بأحد المواقع حتى يعطيه الطفل ليعيده لأمه ... حسناً يعتقد أنها فهمت الدرس الذي أراد أيصاله لهااا ..صوت صياح الطفل المفاجيء أفزعه ... لحسن الحظ أن عواد قادم خلال دقائق وإلا كان سيجن نزل من السيارة وأغلق الباب خلفه حتى لايصله صوت بكائة ... *** تواجه الأثنان في ساحة المنزل عواد الذي أحضرالرضيع وفياض الذي وصل للتو ليتأكد من عودة أبن أسماء أو سيأخذ سلاحة ويتوجه لمنزل خال أخوته وعندها لن يلومه أحد فقط تعدى مرحلة اللوم بتهديده وتحذيره من قبل ... فياض وهو ينزل بدون شماغه وثيابة التي فتح أزرتها الأمامية ...التقط الرضيع من بين يدين عواد :زين اللي سمعتم النصيحة ولاكان أخوك بايت هالليلة بثلاجة الموتى ..بس نذر علي خشمة لأكسره لو بعد سنين .... عواد الذي كز على أسنانة وتحمل أستفزازة تجاهله وتوجه لسلطان ليسلم عليه ويخبره :أستروا ماوجهتوا ياأبو نايف .. وطيش الشباب لاتأخذون عليه ...دمهم حامي والشيطان دخل بينهم .... فياض وهو يعطي ظهره ويتوجه لمنزل فهدة :مافيه شيطان غير أخوك بس زين اللي يهج لأن بيقابل طواغيت ... دخل بأندفاع للمنزل وبين يديه الطفل الباكي تجاهل فهدة التي وقفت بحماس ولكن مظهره أخافها وكأنه تفكر بدواخيلها هل سلم أبن أخيهااا أم فعل به شر ...تجاهلها وصعد لتلك مباشرة وجدها تجلس على هاتفها وتقرأ القراءن بصوت عالي ... لم تقطعها قرائتها حتى بعد ملاحظتها دخوله توجه للسرير الطفل ووضعه فيه وخرج وهو يتمنى أن يكون هذا آخر عهده بأبنه فهدة ومشاكلهاااا ...لكن ماأستفزعته فيه وماأفضت له به سينتقم من أجله ولو بعد سنين وإلا هذه الشوارب لايحملها رجال ... سلطان الذي كان ينتظره بالخارج بعد أن حاول بعواد أن يقبل ضيافته على القهوة والعشاء ولكن ذاك كان محرج جداً من تصرفات أخيه حتى يبقى معهم أكثر من ذالك حتى أنه غير قادر على السلام على عمته ..يريدأ أن تهدأ النفوس المشحونة قليلاً وسيحاول أصلاح الأمور .. ناداه بتوجس :هاه عسى ماتقاشرت مع أم بتال ... فياض وهو يشير بيدة علامات على ضيقة :تكفى أنا طالبك تفكني من زود الهرج ترى والله أنها واصلة حدها وطافحة ... وأخرج سيجارة وضعها بفمة وأبتعد يشعلهااا ...قبل أن ينفث دخانهاا مرفقها بكحة وجع :اللحين وش السواة مع هاللي تقول ظربني وظلمني وسكت عشانكم مايقولون اختكم تطلقت ... سلطان بهدوؤ هو لايعرف تفاصيل الموضوع ورغم أنه الأكبر من بن أخوته الذكور ولكنه متأكد من أمر واحد أبيه لم يسمح لهم بالتدخل بشئون بنااته وأمرهن بيده هو لاغـــــير :ولاكنك سمعت شي منها لأبوي لزوجها حنا وش دخلنااا بكرة لو تطلقت بتقول أمها عيال شعاع خربوا بيت بنتي ,,فهدة وأنت أدرى فيها ماجوزت بنتها ولد أخوها إلا ماتبي لنا راي عليهااا ..وأنت أخبر مني باللي صار بعرسهااا يوم رديناااه وهو تاركهم وراه وأختنا على الكوشة قالت لأبوي عيالك خربوا عرس بنتي وقلبت الموضوع علي أنا وفزاع ولاكأن سوينا اللي سويناه عشان بنتهــــــــا ... يقاطعهم أقتراب فتاة بعبائتها بضائلتها لن تعطيها أكثر من أثنتا عشر عامً .. وبرفقتها طفلين ... بلقيس بجرأة :السلام عليكم ... سلطان يعطيها جانبه ويسبح بمسبحته :وعليكم السلام هلا حياتس الله ... بلقيس وهي تسلم نظرها على سلطان وتتجاهل الآخر الذي أتهمها ظلماً :عمي سلطان أنا حطلع البزورة الحديقة اللي بالحي ..العم عقاب خبرني أستأذنك أذا مو فيه ... سلطان يلقي نظرة سريعة على ساعته لم يعجبة التوقيب ولكن الأطفال بدأ متشوقين جداً :روحي وأنا أبوتس الله يستر عليكم ... فياض الذي لم يكن يزيح نظره عنها هي والطفلين ولايعلم لما اصبح يواجه أهل الملحق كثيراً بالأونة الأخيرة :هييي خير وين بتروحين هالحزة الشمس غابت أرجعي بيتكم وبكرة أطلعوا من بدري يعني مالقيتي تسعسعين إلأا هالحزة ..بعدين وين أخوتس خليه هو يأخذهم الحديقة ولاأنتي وأختس أخذت رجولتسن على الطلعات والدخلااات ...ياللله بيتكم ... قال كلمته الأخيرة بحدة أخافتهم ليتراجعوا بسرعة من حيث جاؤو .. سلطان بصدمة :أنت ماتخاف الله ماعندك قلب ماشفت هالأيتام الضعوف كيف تنزر عليهم كذا طيرت قلبي وأنا رجال ماهو هالصغار .. فياض بعدم أهتمام وهو يشعل سيجارته الثانية ويغطيها بيديه حتى لاتطفأه الهواء التي أشتدت فجأه :وأنا متسلط عليهم من الباب لطااقة أنت قلتها أيتام وبناتهم بنااات ماينخلى لهن الحبل مفلوت ذولي بوجيهنااا تبغى بكره ننفضح والناس تأخذ بسيرتناااا ...أنت ترضى وحدة من بنااات فاطمة ولاعيال أخوانك يطلعون هالحزه بدون أحد ... سلطان يهز رأسه بأقتناع :معك حق والله أنك صادق بس مابغيت أكسر هالضعوف .. فياض :ماتبغى تكسرهم رح هات لهم سياكل مثل عيالكم من الصبح يتفرجون عليهم وهم يفحطون قدامهم بالهسكوترات ماهو تطلقهم بالشوارع هالحزة ... قالها وهو يبتعد ليطلب من الحارس مفتاح سيارة فهدة المرسيدس مايباخ اس 600 ...وذاك بعد تردد مد له المفتاح ...ليصعد إليها تحت أنظار السائق الذي خرج من غرفته ويديه فوق رأسه علامة حجم الكارثه التي ستسقط على رأسه من عمته فهدة إذا سمح لأحد بإستخدام سيارتها ... سلطان يهز رأسه بأستنكار من تصرف فياض وهو يسمع صرير عجلات السيارة وهو يخرج بها كصاروخ من بوابة الساحة ..إشار للسائق ليدخل لسكنه :ماعليك بيردها بيردهااا .. ففياض يعتقد أنه بهذة الطريقة يعوض أتعابة عن مافعل هذا النهار من أجل فهدة وأبنتهااا ... *** في مجلس خالد بن لافي ...بقي صامتاً لعدة لحظات والشيخ يعقد قرانه رفع نظره لوالده المبتسم لأنتهاء المهمة والعطية التي وقع ثقلها على كاهلة وجد نفسه يردد خلف الشيخ بثقة أكبر ...وقد ألقى كل أمر خلف ظهره فقط رضى والده هذه اللحضة وأبتسامة الرضا التي على وجهه ...كل شيء سيمضى ستمر هذه اللحضات وتنقضي ولن يبقى إلا أجر أرضاء والده في أمر مباح .. وزع نظراته على المباركين له بعد عقد القران ...كان الحضور أخوتها وأبنائهم وبعض الأقارب المفضلين عندهم من أزواج أخواتهم وبناتهم ..هو وأبيه جاء لوحدهم بعد تراجع فياض وسلطاان باللحضة الأخيرة ولكن هذا لايهم فوجود أبيه فقط يسوى جميع من بالمجلـــــس وكلً سعيد فيه وخالد صاحب المجلس لم يصدق رؤويته على الطبيعة في منزله وكان أكثر من سعيد بقدومهم إليه ... أما بالنسبة لمشاعرة الخاصة فهو يتمنى لو تخلص من هذا الأمر كله وعاد الزمان فيه أسبوعيين للوراء ... هو يحب زوجته ومكتفي بهااا .. متصالحين جداً متفاهمين ..ولايجد داعي لدخول أمرأه أخرى على الخط ...فهو متأكد لن يستفيد إلا وجع الرأس .. *** تجلس بالمجلس الذي يحتوي أخواتها لأبيها وبناتهن وزوجات أخوتها وبناتهن ....كل المتواجدات يجمعهن شيء واحد الجمال المبهر كهيفاء شقيقتها البياض الشعر الأشقر والبني الفاتح بل أن أبنائهن قبل بناتهم تميزوا بالجمال الصارخ المخيف ...بينما هي بينهن سمراء باهته لاطعم لهااا ...كبلحة بين الفواكة اللذيذة .. ضحكت على تشبيهاا هاهو حسها الروائي يباغتها على حين غرة وبالوقت غير المناسب ...نادتها أحد الفتيات وللأسف لم تميزهااا لأنها لم ترتدي نظارتها الطبية ولم تجد أي رغبة بأرتداء عدسات لاصقة :عمة جوزاء ..أحمد يناااديك ... خرجت لأحمد الذي حمل لها دفتر طلب منها التوقيع فيه ... جوزاء بتردد :وش هذا ... لافي الذي رافق أحمد بتسلية :أفا ياعمة قلنا بدوية أسم وشكل بس ماهو لدرجة ماتعرفين تقرأين ... جوزاء بأبتسامة باهته :طيب وش أسوي .. أحمد بتوبيخ :لافي ترى من جدها مرتبكة لاتخوفهااا .. لافي وهو يربت على كتفها النحيل بيده الثقيلة :أفا ياعمتي الصغيرة وش يخوفك خليك سبعه مثل جدك ولاماسموكم الصوارم من فراغ ... أحمد بتأفف وهو يرفع رأسه لسماء بضيق:ياليل أنتي ورى ماتفارق خل البنت توقع وننتهي من هالموضوع .. جوزاء توزع نظراتها بينهم :يعني لو وقعت أتزوج ... لافي الذي كبح ضحكته باللحضة الأخيرة :ياعمة أنتي وش تبين ... مو جيتي هنا عشان الملكة لو تراجعتي معليش ترى يعني هي كذا ولاكذا محد مقدرنا عادي ننسحب باللحضة الأخيرة ونقول ماعندنا بنات للعرس ...خلينا نصير مسخرة وأبوي يذبحنا أنا وأحمد بس فدى لراسك ... أحمد بضيق هو يعرف تردد جوزاء وهذا الأحمق يثير مخاوفها أكثر :ياشيخ روح الله يسلط عليك من لايخاف الله فيك .. جوزاء تلتقط القلم وتمد يدها للمكان الذي آشار لها فيه بالمرة الأولى :أحمد خلاص بس لاتدعي عليه مايسوى علينااا ...طيب هات أوقع وأفتك يعني وين بروح وأمي وراي ...على الأقل أرتاح من لقب عانس ...وبعد توقيعهااا ... لافي وهو يضع يده على فمه :كلوووووووش ... أحمد يظربه بالدفتر على رأسه :أنقلع ياويلك تدخل علينا المجلس اللحين تلقى الرياجيل كلهم سمعوك .... يقبلها أحمد على رأسها مباركاً .... ولافي يقترب منها :خشمك ...جوزاء تدفعه وجهه الذي قربه من وجهها :أقول الخلى ماأحب هالحركات سلم زي الناس ولافارق ... لافي يطبع قبله على خدها وهو يقهقه على خجلها الأحمق :ألله نسينا ماكلينا ماكنا نسلم على بعض إلا كذا يالله لنا الله ... وأبتعد الأثنان وبقت هي مكانها مترددة من الدخول قبل أن تخرج لها أحد الفتيات كانت فاتن البنت الصغرى لخالد وهي فعلاً أسم على مسمى لتسحبها لداخل المجلس وتطلق زغرووووطه ليشاركها المتواجدت الزغاريد وتدور بين أيديهن مقبلات ومباركااات .... كانت تريد الخروج من هذا المكان بأسرع مايمكن فلم تعتاد على هذا النوع من الأجتماعات فقط في صغرهااا حين كان والدها على قيد الحيـاة أم بعدها فقد أنعزلت أمها بهم بعيد عن مثل هذه التجمعـــات .. ولكن ماكل مايتمنى المرء يدركة فهي قد جائت مع أحمد وستنتظر حتى يفرغ من عشاء الرجااال ليوصلها لمنزلهااا ... أبتسمت حين أدارت فاتن وباقي الفتيات أغنية وبدأن الرقص ... يظهرن لها الفرح والأحتفال فيها ولكن لاتعلم هل هن مهتمات أو حتى سعيدات فيها ...أم فقط يعشن الفرح وبهجة الأحتفال من أجل أنفسهن ... تأملت رقص فاتن الفاتنة بكل شيء حتى بألتواءت جسدها تحت تأثير الموسيقى ... لاتعلم كيف تحول الموقف وتجمعن حولها بعد أن أدارن أغنية يتعمدنها على سبيل المداعبة أم المدح لاتعلم ... سحبتها الفتيات المطوقات بها وهن يحركنها بين أيديهن ليعبدن الخجل عنها وتجاريهن بالرقص ... والنساء الأكبر أطلقن الزغاريد ... عشقتي ياعشقتي ....يابنت وافين الخصايل عشقتي مهرة أصيلة ...عشقتي بنت بدوية .. عشقتي لاطبت الميدان ..عزي للأصايل ولعن غيرة جميع البيض من حلو البنية العبي يابنت أبوك وبنت ماضين الفعايل ... صفقوله صفقوله وأذكروا رب البرية وأفخري يابنت قوم يقفون لكل عاير أفخري بربوعك اللي حاضرين بكل هيه عشقتي في زينها ماهي محتاجة دلايل كاملة والكامل الله وحسنها مافيه زيه وعينها ياعين حر مايطوله كل طايل كلها حلوة ولكن بالعيون الجاذبية عنقها عنق الغزال وخصرها لمن تمايل أذكر الله وياصلاة الله على محمد نبية كانت تتهادى معهن على أنغام الأغنية ...وبداخلها كل حرف يقال يطعنها أكثر وأكثر هي تعلم أن المقصد بأختيار الأغنية الأشادة فيها ولكنهم تفننوا برسم الوجع لهااا .. فهي ليس أبنة وافي الخصايل أبداً ولا له قوم تفخر فيهم ... ربما هذا الفرع من عائلة أبيها لايواجهون الألم التي تواجهه هي وهيفاء في حياتهم ...فهم طبيعين جداً هذا أصلهم وماالعيب فيه ...ولكن هي من أحتكت بفئة أخرى عرضتها للأستنقاص من أصلهااا وأسمهااا ... دائماً ماذكرتها عائلة أبيها أنها البدوية على سبيل المداعبة بسبب لونها ولأصل أمهااا ..ولكن بداوتها تتوقف هنااا .. لأنها بالطرف الآخر هي لاتتعدى كونها بنت لافي بن صنهات حفيدة راعي جدهم الذي نسبه إليه ليأخذ أسمه ... ولم يكن الراعي الوحيد الذي أخذ أسم قبيلة عمه ...ولكنه أخذ لقبهم وهذا مايثير جنونهم ... وبالمقابل هناك رواية أخرى ولايريد أحد التصديق فيهااا وينكرها الجميع ... حتى أبيها لايحبذ روايتهااا .. وهي الرواية التي تعطيهم الأحقية بأسم محمد الصوارم ... حينما خلف أعطى الأسم لصنهات لم يكن على سبيل التكرم ولكن لأنه أخيه النصف شقيق من الجارية الغجرية ... خلف بن محمد الصوارم ..هو الأخ الغير شقيق لجدها صنهات الراعي ...كما هجــرس جد عقاب .. هجـرس وخلف شقيقين ... حل الخلاف بينهما بعد ماأعطى خلف اللأكبر أسم أبيهم لصنهات راعيهم.. ولذالك أمها وضحى وأبيها يجتمعون بالقرابة فوالد أمها مطر بن خلف بن محمد ...وأبيها لافي بن صنهات بن محمد والدها أبن عم جدها لأمها أذا صدقت الرواية .... فاتن التي أختارت الأغنية لعمتها البدوية وهي ترى أنها تصفها بكل حرف ..فعمتها البدوية السمراء كما يطلق عليها فبشرتها خمرية كم ظربت الأمثال بجمالهااا ..عنقها حقاً كعنق الغزال بين أكتافها البارزة بغرور وكبرياء ...خصرها النحيل والذي يمتلك بحياتهااا فهو يعطيها قامة رائعة ويجعلهااا كخيل أصيل حقاً ... هي وصفت الجسد فدارت الرؤوس كيف لو وصفت الوجه .... تملك أجمل عينين سوداء واسعة بصف رموش كثيفة يغطي أسفل عينيها من شدة طولها .. أنفها البدوي وكما أفتخروا به قديماً وحديثاً كسلة السيف .. . شفتيها البارزة ممتلئة ومتساوية بالحجم ... ذقنها تقسمه غمازة تجعله أجمل ...ووجنتيها كتفاحة ... وتملك غمازة على كل خد ... هل تركت من علامة الحسن شيء أم أمتلكتها جميعها هذا ماتفكر فيه كل مارأتها .... هي ليست جميلة على الطريقة العادية بل أجتماع الملامح فيها معجزة بحد ذاتهاااا ..... يتبع | |||||||
|
| |
|
30-08-20, 11:20 AM
| #126 | |||||||
| كاتبة في قصص من وحي الاعضاء و قسم الروايات المنقولة
| تقف في الشرفة تنشر المــلابس كعادتها ولكن هذه المرة بعد أن أشتد الظلام ..الليلة هناك ملكة بتــال الأبن البكر للفهدة ...وعلمت من والدتها أن فهدة التي أمرت أبنها أن يتزوج هذه الفتاة هاهي اليوم غاضبة غير متقبله لزواجه منهااا ... كم هي مسكينة تلك الفتاة أي حظ عاثر أو قعها بين يدي فهدة وأبنهااا ..لحسن الحظ أن الأفكار لاصوت لها ..وإلا لأنقظت عليها والدتها توبخها فهي ترى العمة فهدة محقة بجميع ماتفعله وكأنها أجرت لها غسيل للدماغ ... لم تستسيغ روحها فكرة الزواج من أخرى وترى الجمع بين زوجتين غير واقعي أين العاطفة هل سيستطع حب اثنتين بنفس الوقت ...هذا غير ممكن بالتأكيد سيفضل واحدة على أخرى ...ولأنها رأت عبير من قبل في عرسهااا فهي تعرف جيداً أنها الرابحة بكل تأكيد فهي لم ترى في جمالها بعد ...حتى تلك المتزينة المتباهية زوجة فزاع لاتقارن فيها عبير كانت الأجمل من بين زوجات الأبناء جميعهن ... أما ذالك الدون جوان فلايبدو راغب بالزواج من بعد تلك الفتــــــاة ... الذي أنفصل عنها قبل سنــوات .. لقد سمعت أنه عقد قرانه عليها وأنفصلا قبل العرس .. هل عشقها لهذة الدرجة سمعت أنها من طلبت الأنفصال وكان رافض وحصلت العديد من المشاكل بسبيل ذالك فأجبره والده على الطلاق ومن بعدها لم يتزوج أبداً ... عصرت مخها لتتذكر تلك الفترة .. هل هي السنة التي وقع فيها والدها من النخلة وأنعطب ظهره ..غير واثقة ولكن بتلك الفترة بالتأكيد ...حينها كانت بالثالثة عشر لذالك لاتذكر الكثير عن تلك الفترة ...أرخت رأسها على السياج تستحضر بعض المواقف والصور عن تلك الفترة ... كيف كان يبدو ...أكثر أمتلاء لم يكن سمين بالتأكيد ولكن له جسد أكثر عرض من الآن وأكثر شباب وشعره المزعج الطويل وتوبيخه لها المستمر حين تخرج لتلعب هي ووسام بساحة القصر ووالدها يطلب منه بمزاح أن يدعهااا فهي لن تتربي تربية البدو فهي بنت الحجاز ... أجل تتذكر هذا الموقف يجلس العم عقاب ووالدها يحتسون الشاي بالجلسة التي بمنتصف حديقة القصر يجلس معهم بتال وفزاع وهو ...ولكنه ليس معهم بنفس الجلسة بل على بعد قريب منه على الأرض الخضراء يحاول أصلاح دراجة معطوبة .... وكانت تتذكر هذا الموقف جيداً بسبب لباسه فقد كان يرتدي تي شيرت بلاأكمام وبنطال قصير يغطي نصف ركبته وهذا ليس معتاد على أبناء القصر فهم دائماً ماكانوا يرتدون الزي الرسمي وحتى أبنائهم الآن فكثير مارأت الصغيران نايف وحاكم بثيابهم البيضاء ... كانت حينها خلفهم على بعد مترين أقرب لأبيها بشعرها الفوضوي تحفر الأرض مع وسام .... رغم أن والدها حذرها أن لاتفسد الثيل ولكن العم عقاب طلب منه أن يتركها تعبث كم تشاء ... بتال همس بصوت قصير ولكنه وصلها :ياعم أمين ليه ماتغطي بنتك تراها كبرت !!! لم تسمع رد والدها ولكن سمعت رد عقاب :ايه كبرت وكان تبيها زوجناك إياها بس ماتغطى إلا بشورهاااا ... لتسمع رد فياض متشدقاً :وهي وش تبي بولدك البدوي اللي بيغطيها ... البنت تبي حجازي حضري تقول فيه هاللون ...وفر أصبعة بالهواء ... كانت قد توقفت عن اللعب وتزيل شعرها الذي سقط على عينيها ولم تفتها عبارته ... التي لم تفهم منها شيء ولكن تذكرتها دوماً حين تفكر بالزواج هل حقاً ستعود للحجاز وتتزوج من هناااك ... حينها ضحك والدها والعم عقاب حتى كاد يسقطا على ظهورهما فطريقته فالحديث كانت متخمة بالتلاعب والسخرية ... وأحاديثهم تلك وضحهكم لم يتعدى تلك الحدود ولكنها أنزرعت في مخها كمصير أبدي ... وعودة كل هذه الأفكار لعقلها نتيجة لحادثة العصر.. حين خرجت من الحمام على صوت صراخ بلقيس تاركة ماتعمل عليه حتى أن يديها مازالت ممتلئة بالصابون حيث كان تغسل الملابس بيديها بعد تعطل الغسالة الكهربائية ... خزامى التي وصلت من بعد أمها لترى وسام يمسك بلقيس مع شعرهااا ويصيح بهاااا :ليييه أنا أيش قايل ساحة القصر ماتدخليها أيش تعملي هناك ... رضا وهي تفكك بلقيس من أخيهااا :ياواد سيبهااا ايش مافيه أحترام ليه أنا اللي رسلتهااا تستأذن منهم قبل ماتطلع ... وسام وهو يكاد يمزق ثيابه :ياأمي كيف كيف تستأذن منهم وهم أيش علاقتهم فيناااا ...العم عقاب وقلنااا راعي نعمتناااا بس عياله لااا ... رضا بعصبية :ولد اوووش صوتك مايعلى على صوتي ... وايش فيهااا يعني ندخل ونخروج على كيفنااا لازم نديهم خبررر بعدين مافيهاا حاجة اللي راحت تستأذن منه رجال كبير بمقام أبوهااا ... خاطر الذي تأثر بحديث محمد عن فياض :وفياض بعد بمقام أبوهااا ..أصلاً هو واحد مو مضبوط وبصاته لناس غريبة وأنا ماأبغى أخواتي يحتكوا فيه ... وصمت على صوت صفعة والدتهااا :الكلام هذا عن عيال العم عقاب الرجال اللي فتح لنا بيته بعد مابقينااا بشارع اللحين عيال الأصل والنسب حيبصوا على خواتك ليه أيه ناقصهم ... والله والله لوسمعت أحد يجيب سيرة حد من عيال الشيخ بكلمة خايبة لكون مربيتكم من أول وجديد .... خزامى بتأثر من حال وسام الذي غادر بغضب :ياأمي خلاص خفي علينا شوية مايصير هذا الوضع فتح لنا بيته ماقلنااا شي والله يجزاه الف خير بس برضوا لاتهيني أخوي عشانهم كفاية هدر بكرامتنااا ... رضا بقهر :كرامة أيش ياصاحبة الكرامة وبأيش أهناااها مين جاء على كرامتكم أصلاً عمر أحد غلط فيكم عمر أحد أهانكم أو سبكم بربع كلمة ... خزامى تهز رأسها بنعم :والله سواه ولدهم المجنون ببلقيس ولما أتهمها كذب ايش هذا ... رضا بحوقلة :يابنتي هذا فياض فيه أحد عاقل يااخذ على فياااض أذا أهل نفسهم مايأخذوا بكلااامه هذا يأمي ملبوس ماهو طبيعي والعم فهدة تقول معه خويي من الجن ... وأردفت وهي تهدي نفسهاا : الغلط أصلاً غلطي عشان أحتجتكم الأيام اللي راحت تساعدوني شوية خلاص ولاأحد له علاقة بالقصر وأهله خليكم في شغلكم في البيت وراعوا أبوكم والصغار ... أنهت الموضوع عند هذذة النقطة ولكن لايوجد من هو مقتنع بالنتيجة سواها... ويبدو أن أفكارها هذه اللحضة كانت نتيجة جدال العصر ...مازالت الجميع تحت تأثيرة والأوضاع لن تبقى مستتبه طويلاً ...فالصغار قد كبروا والبقاء في هذا الملحق بنظرها ونظر وسام لم يعد مجدياً ولكن أين المفر ... فنعم الشيخ عقاب هو ولي نعمته فإذا كان أبيها وهو في صحته قد دخل تحت جناح الشيخ هل سيستطيعون هم الخروج من تحت جناحه وأبيهم طريح الفراش ولايصرف عليهم إلا الشيخ ... *** الأحد صباحاً .. وقف محبطاً أمام غرفة والدته يطرق الباب حتى خرجت إليه أخيراً :وش فيك ياأبو حاكم ... بتال بأنزعاج :يمة بالله كلمي هالخدامات شوفي بدلي وين تأخرت على دوامي ... فهدة وهي تضع غطاء رأسها فهي غير مستعدة بعد للخروج من غرفتها ...توجهت لغرفة الغسيل وصاحت من بداخلهااا :ياشاهي عسى ماشاهي وين بدل بتااال ... خرجت شاهيندا على عجل وهي تحمل البدلة التي كوتها للتوا ...سحبها منها بتال بأنزعاج هي لاذنب لها الذنب كله يقع على عاتقه وعللى النساء تباً لهن جميعاً .... فواحدة أبتلي فيها والأخرى فرت منه ونست كل جميل كان بينهم ... ولن يلوم سوى نفسه ... فهدة التي شاهدت التجهم على ملامح بتال دعت على عبير بقلبهااا وعلى غبائها وهروبهااا بالوقت الخاطيء ...الحمقاء لم تحسن التصرف وهي من وضعت الخطط من أجلها لو تنتظر فقط سترى كيف سترجح كفتهااا ولن يكون هناك غيرها في حياة بتال ... عادت فهدة لصالة جناحها حيث يشرب بن نايف قهوته فهو يشعر بالتوعك اليوم وطلب منها أن تصعد بقهوته للغرفة ... عقاب بأستنكار:وش فيه بتااال ... فهدة :يدور بدلة ... عقاب بتعجب :وهذا للحين ماداوم وش هالتسيب نظر لساعته وكشر بأنزعاااج ...فأبنائه لم يسلك منهم السلك العسكري سوى بتاال والحكم .. وهو يريده أن يصل به لمواصيل عالية كم فعل هو من قبله ...أراد لفياض أيضاً ذالك ولكنه تسبب له بالعديد من الأحراجات فهو شخص لايعرف أحترام الرتب العسكرية ...ويعتقد أنه أفضل من الجميع ولايمكن لأحد أن يأمر عليه ... **** وهو يخرج على عجل قابل فياض العائد للتو من سهرته الليلية ... فياض بلباسه الكاجول وكاب مقلوب أعلى رأسه :يالله تصبح كل الأجواد بالخير ... بتال بأبتسامة :هلاا صباح النور والسرور...توها.. تخلص السربته ... فياض وهو يحرك عنقها لليمين واليسار :والله عشان الدوام ولاكان مارجعت نمت مكاااني .. بتال الذي تذكر شي للتو وهو يريد المغادرة فقط تأخر جداً :أقول الليلة زهب سلاحك ... فياض يقهقه بحماس :الله الله والقوم اللي بنذبحهم يشهدون إن لاإله إلا الله ... بتال وهو يبتعد عنه بأتجاه الكراج :يشهدون بس الله جاز لنا ذبحهم ... *** بعد المغرب كان الأجتماع في صالة غرفتها لقد جاءت خالتها شعاع وأختيها ليلى وفاطمة وبنتي فاطمة يارا وياسمين ..يباركن لها ومحملات بالهدايااا .. وأمها كانت قد علمت وحضرت ضيافة فاخرة ... هي لاتستطيع أن تجبر أخواتها أيضاً على تحديد الزيارة بالمستشفى رغم أنها أرسلت رسالة ولكن لم يلتزم إلا زوجاتهم وقريباتها من جهة والدتهااا وصديقاتها ... ووالدها الذي حضر اليوم بهديته .. هدية لها طقم من الذهب الثقيل وهدية لفياض الصغير عشرة آلاف .. ولكن الذي صدمها حقاً حين أخبرهاا أن سماوته ستصلها بتحويلة وكانت مئة ألف ريال .. لقد كانت تسمع من أمها أن أبيها يغلي فياض أكثر من بقيت أشقائها ولكن لم تصدق حتى وصلتهاا سماوته الجزيلة وهي التي تعلم جيداً أن أبيهااا لايرى التباهي بالمال حتى ولو ملك أموال قارون ورباهم على الزهد ... كان قد ألتصقت فيها يارا وياسمين بعد مغادرة أبيها يريدن رؤية السماواة .. ياسمين وهي تلتصق فيها :خالة تكفين بشوف والله أمسك فياض الصغير عنك متى مابغيتي ... يارا التي أبتعدت قليلاً بعد ماحدجتها والدتها بنظرة موبخة ...ولكن ياسمين لم تعبأ ... أسماء تبتعد عنها بجسدها :اللحين تشوفينها بحطها حالة ... ياسمين بتصفيرة :كفو خالتي أيوة خلي كل الناس تشوف سماوة جدي عقـــــاب لفياض الصغير ... ليلى المنزعجة من حركات ياسمين فمتى أصبحت تمون على أسماء حتى تلتصق فيها كعلقة وتلك تنظر لها بكبرياء سافر :وانتي وش عندك متحمسة ماراح ينولك منها شـــي ... ياسمين بتكشيرة :كذا ميزاج الخبر بيوصل لناس أبغضهم ويحرون كبدي ... يارا تهز رأسها بتفاعل :ايوة صادقة ... وكانت المقصودة قريبه لها من جهة أبيها رفضت فياض من قبل ... فاطمة وهي ترى ملامح أسماء المتشنجة : بنت خلاص قومي عن خالتك تراها نافس ماهي فاضية لثقالة دمك .. فهدة التي دخلت للتو بعد أن رافقة عقاب للأسفل :أنت وش فيك على البنت خليها على راحتهااا ..إلا يا يارا وش لونتس مع الجامعة ..جازت لتس جامعتنااا .. يارا بحاجب مرفوع كم هذا الأنسانة متباهية كيف أصبحت الجامعة لهم فقط لأنها بالرياض :عادي ياجدة كل الجامعات مثل بعض أهم شيء المحاضريين وكلهم زفت أبشرك .. فاطمة توبخها :انتم شكلكم فيوزاتكم بدت تظرب يالله روحوا عند باقي خواتكم شوفوا لموسة ... خرجت يارا ومن خلفها ياسمين التي تحدث الحالات بهاتفها حتى ترى حالة أسماء وأضافة هي مباركة في حالتها مع صور الضيافة وصوره لطفل وقد غطته وجهه بملصق ... فهدة :أنتي وش فيتس على البنيات خليهن ينبسطن قامن حتى ماتقهون ولاذاقن الشكلاطة متكلفين فيها عشان تأكلونها ماهو للتصوير ... ليلى كبحت عبارة أن الضيافة من حساب والدها وليس من جيبك .. وعلقت فاطمة :ياعمة جلسن وأنبسطن وباركن لخالتهن أبيهن يروحون عند أختهن الصغيرة مروى ماهي ثقة .. شعاع تسأل أسماء الصامته :وش فيتس وأنا خالتس تونسين شي ودتس نقوم عشان ترتاحين .. أسماء التي أنتبهت على نفسها وأنها أرسلت رسالة خاطئة للمتواجديين وخصوصاً للشعاع التي لاتستحق هذه المعاملة :لاياخالة بالعكس مبسوطة فيكم بس أنا من بعد الولادة أسرح كثير يقولون الحمل والولادة تأثر شوي على الذاكرة ...والصغير مايخليني أنام كل شوي مصحيني ... شعاع بنية حسنة :اذا صحاتس هاتيه عند خالاته وأنتي نامي ... فهدة تقاطع بحدة فهي ترى أن بنات شعاع مهملات وغير واعيات:لاا أنا عندها أمسكه أذا تعبت ... بعد ذالك بقليل في قسم شعاع ..ليلى :يمه بليز لاعاد تعرضين أي عرض بأسمنااا .. شعاع وهي تتناول طعام عشائها بركنها الشعبي :ووش فيها لو عاونتن أختسن أحسن مايمسك ورعها الشغالات ... ليلى تهز رأسها بتعب :يمه أنتي والله مو فاهمة شي ..ترى فهدة وبنتها كلهن مايبغنا نمسكه يشوفن أنا مو قد المسئولية ومهملات .. شعاع تمسح يدها بعد الطعام :وأنتي وين سمعتيهن يقولن هالكلام ... ليلى ألم تعاشرهن عمرها بأكمله :واضحة وأنا أعرفهن زين ... شعاع :والله أنا بكيفي وأقول اللي أقول ... وأنتي الشي اللي ماأوحيتيه بأذنتس ماهو صحيح ... *** مساءً بسيارة بتال .. كان يراقب فياض بميزاجة الأسود فقد أيقضة من منتصف نومته كما أوضح له وتلقي ميزاجه الأحمق حتى الآن بكل رحابة صدر ... بتال بلحن الهجيني:أما تهيجن لمن هيجنت.. ولاأنت عن فاطري حول عشيري دافي الحشا ماهو أنت ..ولاأنت كذاب ومهول .. فياض بشخرة سخرية :الفاطر جيب رانجلر .. بتال بميزاج عالي :ياذيب ليش تجاذب الصوت ياذيب ...وأنته على راس الرجوم متعلي ... أنته تعوي وتدور الصيد وتجيب ...صيدك تجيبه من حلالً مفلي ...اللي طواك الجوع ماعند صعيب ماعيبك يوم اللسان متدلي ...تجر صوتك فوق روس المراقيب ..كنت على كل الجبال متولي ... فياض الذي فهم الفكرة كاملة ومن هم القوم فهو حتى هذه اللحضة أعتقد أن بتااال صادق معه وأراد فزعته رد عليه بقهر :ياجعله يتعشاااك ... بتال بقهقة :ترضاها على أخوك يقولون أكلته الذايبة وأنا جدي مذبح السباع ... فياض بميزاج أسود يضع قدمة على مقدمة السيارة :أنتم مانفش ريشكم إلا هالجد لو أعتق السباع وتركها فحالهااا ماكن بهذلتونا كل هالسنين .. كل ماتفرغتوا رحتوا دورتوا حيوان مسكين وطلعتوا أجرامكم فيه ... بتال بسخرية أشد :ياحياتي أنت ماتتحمل الهجمية والقسوة اللي نرتكبها ضد الحيون ...يالله حول حول وصلنا اللحين أضبط لك هاك الشاذلية اللي تعدل راسك وتكيفه ... نزل الأثنين ...فياض توجه لأعلى التل أمامهم يجرب أشارة الجوال ...أما بتال فبدأ بأنزال عزبته وسجادة ليجلس عليها الأثنان وباقي أستعدادات الرحلة ...لم تكن هذه الرحلة في باله من الأساس قبل الصباح حين أستيقظ بميزاج سيء بسبب عبير التي لم تعد ترد على هاتفها حتى ..أخذت الفتيات وتركت حااكم الذي بدأ يسأل عن عدم عودة والدته رغم أنه يوم دراسي له ... حينها تذكر الذيب الذي أخبرهم آدم أنه قدأ أكل حواريين من حلالهم ...فقرر التحري له هذه الليلة مع أحد أخوته وكان المناسب فياض فهو أعزب وتعود سهر الليل بعكس البقية الذي لديهم أرتباطات بأعمالهم ونسائهم ...فهم العازبيين الوحيديين حالياً .... عاد فياض ليجد بتال قد أوقد النار وأعد القهوة ... فياض وهو يرمي جسدة المنهك من النومة الغير صحية :اخخ أنشهد أن ريحتها بالرااااس ...دار راسي وأنا للحين ماشربتهااا ... بتال يضع صحن من التمر والرطب أمامهم قبل أن يصب له الفنجان الأول ... فياض وهو يشم رائحته قبل أن يشربه :الدلة اللي ماتبهر بالهيل مثل الهزيل اللي قليلً دسمهااا ..ريحة زفرها في بطون الفناجيل ..مثل العجوز اللي خبيثاً نسمهااا ... بتال يرد البيت المهشور :حنا نحط الهيل ونفطح الحيل وأحياناً نتكل موجبة من عدمها ..وعجوزك اللي ضوت فأطراف ليل ...وش قربك ياضيف من ريح فمهااا ... فياض وهو يمد فنجانه الفارغ لبتال :الله الله ...إلا خويك وينه .. بتال وهو يتكأ على ظهره :خويي مطول خلنا اللحين بقهوتنا وقصيدنا وبعدها يجي دوره ... فياض بفكرة مفاجئة أبتسم بخبث :لك وللذيب ياأبو حاكم ... بتال وهو يعدل جلسته :ياخسى الذيب ... فياض بحماس وهو يتخيل منظر معين :أجل لذبحناه فتحنا بطنه وأخذنا حشائها ... بتال بتعجب :أنا بوجه الله ..وش تبي فيهااا ؟؟!!! فياض يلعق شفته بحماس:لي غرضً منهااا ... بتال بتعجب أشد :بتأكل السبع يالخبل حرااام ... فياض يميل وجه بعدم استحسان:أنتو ماتعرفون من الحلال والحرام إلا بالأكل .. فيه محرمات تحلل بوقت الحاجة ... بتال وهو يدرس وجهه ولكن لم يستطيع أستنتاج :طيب نشوف خلنااا نذبحة وأنت سو فيه اللي تبي ... فياض ببال رائق وهو يعيد شعره الذي طال قليلاً وسقط على جبينه للخلف :ياذيب أنا والله ماكنت ناويك ...مير السبب واضح بليا جدالي ...ياما بعيني شفت زولك وأهنيك بروس الطوال وفوق ذيك الجبالي ...مايوم أنا فكرت بسلاحي أرميك ..ماعني لمرماك زينه لخبالي .. واليوم أنا وياك حرب ومشابيك ...لأنك وطيت مراحي ولاتبالي ..ياما ذبحت وقلت رزقك ويأتيك ...واليوم مال الرزق عندي مجالي .. بتال بضحكة رائقة :وبتعشاااه هاه ... وأكمل وهو يضع متكئة على جانبه الأيمن وبيده سبحته يتلاعب فيها :ماذكر به حي بكى حي ياذيب ... وأنا ببكيك لو كنت حي ...ياذيب يبكونك هل الفطر الشيب ...من لايعتهم مثل خيل المحيا ...تبكيك قطعانً عليها الكواليب ...شيال حمل اللي يبون الكفيا ..وتبكيك وضحً علقوها دباديب انرددت من يمت الخوف عيى .. ويبكيك من صكت عليه المغاليب ..أن صاح بعالي الصوت ياأهل المحيـــــااا ... فياض يهز فنجاله :أنت وش فيك قلبت الآيه حنا بالذياب البهايم ماحنا بالذياب الأوادم ... بتال وهو يعود لدلته :والله هذا اللي جاء بالخاطر ... فياض وهو يشد شعره للخلف بتفكير قبل أن يعتدل بجلسته ويتلقى الفنجان من بتال :ياذيب لاتجزع لوأنك مغلوب ...هذي هي الدنيا وفيها عذابك ...الوقت يتغير والعمر محسوب ..وأنت الذي مقهور من ماجرالك ..أفلست من ماصدت ياذيب مغصوب ..كد كادت الصدمة تضيع صوابك ..ياذيب لاتعوي ولاتبدي عتوب ..الرزق متقسم ووفر عتابك ... بتال بطرب :الله الله شكلك بتهون عن ذبحته بعد كل هالمدح .. فياض يقف :لا والله هالليلة ياأنا ياهو ...صمت قليلاً ليقول : أنا بروح قريب بلبي نداء الطبيعة؟؟؟ بتال بضحكة ساخرة :اخص يالمتطور نداء الطبيعة ... اذكرك قبل سنتين تقولها على طبيعتك وش اللي أدبك ... أبتعد فياض دون أن يرد عليه .. كانت ليلة عتماء شديدة السواد .. أبتعد ليقضي حاجته ..وكان يكشف بهاتفه .. طال به المسير .. وهو عائد شعر بحركة مريبة خلفه .. وأقشعر جلد عنقه ...بتال أيه الأحمق لما لم تذكرني أن أحمل سلاحي .. الذي بقى بالسيارة ويرافقة رشاشك الذي أحضرته لقتل ذئب كم أنت متباهي ... هيا ياصائد السباع أي أنت تعال لأنقاذ أخيك الذي أصبح فريسة ...لم يغير رتم خطواته ..فهو يعلم جيداً أن السباع تشتم رائحة الخـــــوف .. حسناً وماذا لو أفترسه الذئب ...لن يحدث شيء ...سو أن تاريخ أهله سيسقط بالوحل بعد أن كانوا صائديها أصبحوا الفرائس ...ألم يقولوا لايضير الشاة الصلخ بعد المـــــوت .. حسناً تعال إلي .... ألتف على السبع الذي قفز عليه بنفس اللحضة ... وأصبح ملقى على ظهره وذالك الكائن المشعر ذوا الرائحة النتنة والأسنان البارز يعتلية ... مابك ياذئب ألم تسمعنا نمدحك قبل القليل ألم نذكر كل الأساطير التي رواها الشعر عنك ....ولكنك كم أنت حقير بالحقيقة وخائن وغدار لقد قفزت على فريستك من الخلف ... لايعلم على مايجري بينهما عراك أو ماذا يسمى ... لقد أمسكه من عنقه ليبعده عنه وذاك الحيون المفترس يغرز مخالبه في بطنة وأعلى صدره ...ويئن آنين الجوع ... مع مرور الدقائق يضعف فهذا الكائن قوي ويحاربه من خمس جهات ... أقدام تنغرز بأفخاذه ..ويديه تخترق بطنه وأعلى صدره ... وهو يحكم القبضه على عنقه حتى لايفتك بها بأنيابه الحاده ...كان ثقيل جداً قوي كما يمكن أن تكون السباع ...وطال الأنين والوجع ,,عندها تذكر أنه يستطيع أستخدام صوته .. وجد نفسه يصرخ بأعلى مايستطيع :بتاااااااااااااااااااااا? ?اااااااااااااااااااااااا? ?ااااااااال .... أنتهى عاشقة ديرتها.. نسب أبطالنا : عقاب بن نايف بن هجــرس بن محمد الصوارم وضحى بنت مطر بن خلف بن محمد الصوارم .. فهدة بنت محماس بن خلف بن محمد الصوارم ... لافــي بن صنهات بن محمد الصــوارم .. *اليوم نتوصل لنتيجة كانت مخفيــة لفترة وهي صلة القرابة بين وضحى وفهدة وأنهما أبنتا عم .. * هجــرس جد عقاب هو صائد السباع سنذكر قصته في الفصل القادم .. *من المخطأ بهذا الفصل فياض أم الذئب وإيهما قلل من شأن الآخـــــــر ...>> دعابة .. موعدنا الأربعــاء القادم .. | |||||||
|
| |
|
30-08-20, 07:50 PM
| #128 | ||||
| ماشاء الله بداية فخمة وموفقة ان شاء الله تنزيل البارتات الاولى بشكل متقارب ساعد انه ننصهر في داخل الشخصيات ونبدأ نعرف نوجه تحليلاتنا اعتقد أن فياض نيته ياخذ احشاء الذئب يرميها لحامد كتحذير بانه التالي لو تجاوز حدوده ومصيره مصير الذئب لكن بعد أن غدر به الذئب هل بينجو بنفسه وبيتمكن من مخططاته اعجبني استنجاد اسماء باخوها بقد ماكسرت خاطري شلون هي ضحية تبعية امها ومحاولات التستر اللي مامنها فايدة ولا صلاح ونفس الامر في مايتعلق ب بتال لكن ربما بتال يشكر امه بعدين على وضع العطية في دربه وهو الذي اعتقد انه مكتفي بعبير اذا فتحت له الابواب الاخرى واختبر المشاعر الاخرى هل سيظل مكتفياً ؟ لا اعتقد جوزاء وعلى مايبدو أنها ستدخل حرب من كل الجهات ولا اعتقد ان لها نصير في ذاك البيت غير عقاب وخزام هل تكون هي تأديب فياض وصلاح لقلبه قبل حاله ؟ تسلم ايدك عاشقة وان شاء الله من المتابعين المستمرين معاك | ||||
|
| |
|
30-08-20, 09:58 PM
| #129 | ||||
| عشوقةةةةةةةةةةةةة حرااااااااااااااااااااااا ااام عليكي مجرمة شريرة يعني ماحازلك الا فياض طيب خذي حامد مكانه 😒😒😒 خذي فهدة 🙁🙁🙁🙁 حتى لو تاخذي وضحى عادي بس فياض حبيب القلب لا لا لا حرام عليك فياض في هذا الفصل اكتشفنا اشياء عنه اجمل عجبتي لما قال لسلطان اشتري سياكل لهم حسيته معطاااء حتى خوفه على بلقيس والطفلين وانه حطهم مع خواته واولاد اخوانه بخانه وحدة جميل يدل على تواضعه بالرغم من حبه للماركات واسرافه فيها بس ان ماعنده للقرش قيمة وكمان نصرته للمظلوم حتى لو كان في حزازيات بينهم مثل اسماء وفهدة النسرة اشوفها انبسطت لما تدخل فياض ااما خزااام اليوم بدأت مشوااار الذكريييات والله شكلك يافياض بتوقع على راسك وتصير الحجازي يلي تمشيه خزام على كيفها بتااااال ياحظك يابتتتال بالجميلة جوزا يعني مادري ليش جاني احساس انه عادية الجمااال خارقة الذكاء طلعت خلرقة الجمااال بس ما ادري ليش عندها انعدام الثقة بنفسها ومستسلمة وماعندها روح القتال. ولا الدفاع عن نفسها وعن حقوقها ولقب العانس ليش لصق فيها يعني كل يلي حولها شايفينها فاتنة وهي ترو نفسها اقل منهم لانهم علبة الوان على قولتك وخزام العكس شايفة نفسها علبة الون ويلي حولها اجمل ولا شكل بطلاتك ياعشوق ماكووووووووو ثقة مافي غير فهدة الشيفة ولا قاعدة تحضرا مخططات عجوز النااااااار جعلها بضرة تطالع عينها ننتظر بتاااال وجوزا وكيف رح تدخل جوزا لعرين الاسد ننتظر القوة الكامنة ان تظهر بعد الكبت احسها عندها حكمة ومحبوبة ببيت اهلها فأحس انها رح تكسب قلوب بيت شعاع سريع عشوقة الخلع يلي جاتنا بقفلتك مانعديها بالساهل ترا نفسيتنا تعبت وجتنا الفجعه ولازم ولابد تعويض للنفسية المنخرشة ببارت طوييييييييييييييل من تحت ديااااتك يااااااااكميييييل غير بارت الاربعاء وانت وذمتك يهون عليك قلوبنا الصغيرة 🥺🥺🥺🥺🥺🥺🥺🥺🥺🥺🥺 | ||||
|
| |
 |
| أدوات الموضوع | |
| انواع عرض الموضوع | |
|
|
7197Likes
العرض العادي
