07-10-20, 10:06 PM
| #1541 | ||||||||
 
|  اقتباس:
حماااس اكيد مستعدين والله يستر🏃🏻♀🤣💗💗 | ||||||||
|  |
|
07-10-20, 10:09 PM
| #1543 | |||||||
| نجم روايتي 
| الذين يشاهدون محتوى الموضوع الآن : 259 ( الأعضاء 79 والزوار 180) آمال العيد*, Electron, الآمال, راسيلو, Om noor2, ام خلاد1440, فيحااا, سلام لعيونك, مريم1396, سميّة, أم نووور, أزعجهم هدوئي, Ramroma3, الاوركيدا., عاشقةديرتها+, sahab_, رندالقرشي, My.sai889, خزاميه, ward77, Elafksh, سما وقمر, لطيفة**, امواج الخريف, حمامة النور, تجي نلعب, ريما حرب, ميسم1846, ..هناك أمل .., زهرةام يحي, nojaa, كلي جنون, ام تنسيم, سرى النجود, almoucha, فتاة طيبة, ورد 2020, اولا توتي, kh noor, غسققق, وفاء123, الحرف العتيد, Marwa11, ميمي777, أبها+, سماره2, Amola77, أم أحلام, عهود حربي, الجووهره, جدَا, هايدي صحراء, ميج 1417, Meera Alromaithi, اميرة بنت سالمم, روحي أنا, البندري 1, نور سلطانه, Esraa Galal, لينا الصالح, umnasser15, اريج البنفسج, halaabz, Lool_a, Arw2, صابرة عابرة, النايفه22, عذق الروح, مرمر1, shf2000, deegoo+, •.نســــــناس الليـــل, زهرة الاركيد, وريفة, منتهى الرضى, اسم المرور, طلع القمر, منيتي رضاك, عجماء .. مسسسسسسسسستعديييين🤗🍅🍅🍅🍅🍅🍅🍳🍳🍳🍳🍳🍳 | |||||||
| |
|
07-10-20, 10:12 PM
| #1545 | |||||||
| كاتبة في قصص من وحي الاعضاء و قسم الروايات المنقولة 
| { 17 } *الماضي* جائت من البعيد تركض سعيدة بثيابها الجديدة وقفت قرب أبنه عمها التي تكبرها بعامين ... وضحى ببهجة لاتستطيع كبحها :فهدة شوفي أبوي وش شرى لي ... فهدة التي تأملت الفستان بحقد فهي يتيمة وليس لديها إلا ثيابها البالية :ايه ماشاءالله يمشي الحال ماهو لهنااك ..الله يهنيتس فيه .. وبعد أن كسرت فرحتها بالثوب الجديد ..طلبت منها :أمشي بنروح نحطب ... الليلة برد وماعندنا اللي دفيناا... وضحى المدللة فوالدتها وأختها الكبرى تقومان بكل شيء في خيمتهم .. سارت خلف فهدة لتساعدها فهي قد رثت لحالها تبدون حزينة جداً وكسر اليتم يبدو على محياها ..فقد حذرتها والدتها من الذهاب والتباهي أمام فهدة فهي لاتملك ثياب جديدة ...وأخيها لم يعد بعد من سفره للعراق مع القافلة التي تجلب الأرزاق ... بعد أن أحضروا الحطب ...وأوقدت فهدة النار وأخبرتها أنها ستعد لهما الشاي ...فهو المفضل لدى الفتيات والنساء ..والقهوة تكون قليلة ونادرة ولايشربها إلا الرجال ... فهدة من جهتها لم تستطيع التغلب على غيرتها وحسدها لثياب وضحى الجديدة وبلون الأحمر وهو المفضل لديها .. أستغلت أنشغال وضحى بسكب الشاي لهما وأخذت عود دقيق قد أشتعل طرفة ... فأطفئته بالتراب ولكن مازال ساخن ...لتبدأ بغرسه بطرف ثوب وضحى السفلي حتى أفسدته بثقوب كل هذا ووضحــى غير منتبهة .. وبعد أن شربتا الشاي وتوجهت وضحى لبيتها لتصرخ أختها التي جائت لتنجب طفلها بالقرب من والدتها بأستنكار :وش فيه ثوبتس أنهدم بيتس من اللي سوى فيتس هاللون ... ولم تتعبا بالتفكير فقد توصلتا لنفس النتيجة فهدة الغيـــور .. *الحاضر* كانت تبكي ألمها النفسي أكثر من الجسدى تحت ذعر فاطمة التي تعتقد أن حالها قد ساء ... وحين دخل عليها أحمد لاحقاً أنفجرت باكية حتى أحتضنها يطمأنها فأخبرته :ماأبي أرجع له أكرهه... تكفى أحمد قل لأخواني ماأبيه بتطلق خلاص أكرهه أكرهه ...حتى وهو يشوفني مريضة راح وخلاني .. تحت أسماع فاطمة التي تجلس على الطرف الآخر من الستارة وأنزعجت من الموضوع لم تكن تعلم أن جوزاء تعاني من بتال حتى تخبر قريبهاا كم تكرهه ... أحمد يهدأها :ياعمة هدي اللحين خليتس من هالموضوع .. خايفة من العملية ... جوزاء بأنفجار باكي : ماأبي عمليه ولاشي خذني معك .. أحمد بتملل :الجوز وش فيك مانتي على خبري ..وين الجوز العاقله اللي نقول عن مية رجال ... جوزاء :ماأبي أكون عاقله ولا أبي تلعب علي بهالكلام ... أحمد بحدة :العملية بتسوينها غصب عليتس تبغين تنفجر الزائدة ببطنتس.. جوزاء بنحيب:خلها تنفجر وأموت أحسن لي من هالعيشة ... أحمد يحوقل بصوت عالي :ترى بدق على أبوي وعمي خالد ووقتهااا هم اللي بيتفاهمون معتس ... توقفت عن الحديث ولايسمع سوى نشيجهااا ... وفاطمة غادرت لتنزل لسائق أرادت الحديث معها ولكن جوزاء تبدو مريضة وحانقة جداً فمن الأفضل تأجيل الحديث .... وتحت أصرار أحمد أجرت العملية ... وهي خائقة قبل أن تدخلها :أحمد قول لهيفاء تفتح الأيميل اللي أرسلته لها لمت وأذا مامت تمسحه ... أحمد يكبت ضحكته :طيب طيب أبشري ...بقولها وبنجتمع ونقرأ وصيتس عسى ورثتني كل أملاكتس ... وجلس ينتظرها بالممر وهو قلق فعلاً من موقفها الأول ... هل تعاني بحياتها حقاً أم مجرد دلال فتيات .. هل لأنه تجاهلها غضبت ..حسناً لنكون واقعياً هو أنسان قد يكون أخطأ في تقدير جحم مرضها ... ولكن ماذا لو تجاهلها حقاً ... عندها ستتغير الكثير من الأمور ... عاود الأتصال فيه ومازال جهازه مغلق ... أتصل بفهد الذي يعمل معه بنفس الدائرة ليخبره أنه بتدريب خارج المقر وهواتف الجميع مغلقه ... ××ما يحس بحزنك الا من يحس بجرحك ..والسنين الدايره ما قدرتْ من يشكي حتى شكل الصوره اللي كنت فيها تضحك عقب فتره .. يمكن تخلي عيونك تبكي×× **** من جهته غاضب وغاضب جداً من المبتدأيين الذين يعمل معهم ... بتال بعصبية :ياجندي ركز الذخيرة حية ... الكثير من الغيابات من المراتب الكبيرة ... والفوضى تعم المكان ... سيرفع تقرير شديد اللهجة لقائده ... هو لن يتحمل وحدة مايحدث من فوضى في ساحة التدريب ... عاد يحدث الجندي المعين حديثاً والمرتبك من السلاح بيده :مع ثلاثه تطلق ....وأحد أثنين ثلاثه ...ولكن الجندي لم يقم بالمهمة المعطاة له ...ليصيح به :اطلق ياجندي ... تحت صيحات الأستهجان من باقي العسكر ... سأل نفسه ماذا أفعل هنااا ...عاد يصيح بالمسئول :يارقيب تعامل مع الجندي ... وتوجه حيث علب الماء ليلتقط واحد يسقي فيها ظمأ جوفة ... قبل أن ينتبه لجندي آخر يشعل سيجارته على أستخفاء ليصيح به بأستنكار : ياجنـــدي ... ليتوقف ذاك عن مايفعله حين شاهده يقترب منه وبلحضة كان قد نزع شارة أسمه وحملها معه ... قبل أن يعود للجندي الذي لم يستطيع أطلاق النار ويلتقط شارة أسمه هو الآخر ويطلب من البقية الأصطفاف ... والجميع يلبـــي على مضض ... بتال بصوت عالي :من أصغر مرتبة متواجدة اليوم لأكبر مرتبة الجميع مجـــــازى (معاقب).. وأشار بيده للشارة الأسم بيده :وأصحاب الأسماء هذي بينرفع فيكم للقيادات الأعلى ... **** اليوم الأول لعودته للعمل ..وصل بعد الثامنه بقليل .. حيا الموظفين المقربين منه الذي ألتفوا حوله .. يهنئونه بالسلامة ولم يصدق حين أستطاع أخيراً التملص منهم ... بهذا الوقت المبكر من النهار ليس مستعد على أبداء أي مجاملة ... دخل لمكتبه ليجد مجموعة من الورود التي عليها بطاقات مختلفه .. ضغط زر الأتصال الداخلي :عبدالله تعال ... دخل عبدالله سكرتيرة وهو كان أحد المستقبلين له قبل قليل .. فياض وهو يهز رأسه متسائل :وش هذا ... عبدالله يكبح تكشيرة تكاد تخرج منه لقد كنت مرتاح بالفترة السابقة :وصلت لك وماعرفت كيف أتصرف فيها ..ماكنت ترد على أتصالاتي .. فياض ببساطة وهو يخرج مفكرة أعمالة التي كانت بدرج مكتبه :شلت عنك الحظر اليوم ... عبدالله كبح حنقه وأكتفى بالصمت .. فياض الذي يعلم جيداً أن عبدالله لايستسيغ العمل معه وقد أعتقد أنه أستغل الفرصة وطلب نقله للقسم آخر:ليه ماطلبت نقلك !!! عبدالله بحذر:مع الترقيات القادمة بغادر القسم .. فياض بفظاظة:ماشاءالله ضامن الوضع ولامضبطه ... عبد الله الذي فهم أني لن أقيمك جيداً صمت .. سحب عدة كروت من الباقات القريبة له ..بعض معارفة التي تربطهم فيهم مصالح شخصية ..ولم يدخلهم لحياته خارج أطار العمل :هات لي الكروت وأرم الورد ... عبدالله الذي بدأ بتنفيذ الأمر بجمع البطاقات .. قبل أن يسأله فياض :والأخبار ... رد عليه وهو مستمر بعمله :يشتكون منك يقولون أستغل حسابهم الرسمي على التواصل الأجتماعي بقضية شخصية .. فياض يتفحص الأوراق بيده:ووش بعد .. عبدالله بتشفي:وصلوها الوزير .. فياض ببرود:والقرار .. عبدالله وهو يعتقد أنها الظربة القاضية ومن صالحة ...:ِشيك على بريدك .. فياض الذي فتح بريده ليجد أنذار من مكتب الوزير بعدم أستخدام حسابه الشخصي التابع للوزارة بقضايا شخصية ... فياض رفع عينه لعبدالله :وأنت وش دراك أنه جايني بريد .. عبدالله :اللي بمكتب الوزير يقولونه كان قرارة أعطائك أنذار أولي ... فياض يهز رأسه بتفهم لقد توقع الموضوع من البداية لحسن الحظ توقفت عند هذا الحد ... بعد أن أنجز عبدالله عمله ..عاد بمفكرة وضعها أمامه مليئة بالأرقام والأسماء :اللي أتصلوا بالفترة السابقة يبغون يتواصلون معك .. فياض يضع المفكرة على جنب ويطلب منه :عطني الأعمال اللي المفروض تنجز وخل ذولي على جنب ... قدم مصالح الناس قبل شغل الوسايط لاحقين عليهم .. " ××لا الناسُ تَعْرفُ ما خَطْبي فتعذُرني.. ولا سـبـيـلَ لـديـهـم في مـواسـاتي ×× التعديل الأخير تم بواسطة عاشقةديرتها ; 07-10-20 الساعة 11:01 PM | |||||||
|
| |
|
07-10-20, 10:16 PM
| #1546 | |||||||
| كاتبة في قصص من وحي الاعضاء و قسم الروايات المنقولة
| عاد مساءً توجه لجناح عبير التي كانت في منزل عائلتها مع بناتها ...ونام طويلاً ولم يستيقظ إلا منتصف الليل ... ليفتح هاتفه الذي كان مغلق وقد فرغ شحنه ... كان قد فرغ من أرتداء ملابسه حين بدأ بفتح الرسائل التي وردت إليه .. عبير بأعلى القائمة اتصلت العديد من المرات والدته ولكنه قابلها أثناء دخوله وعلمت أنه قد عاد ... وجوزاء وأرقام غير مسجلة وفاطمة ... أتصل أولاً فيها ولكن هاتفها مغلق ... حمل حاجياته وغادر ليذهب للقسم الآخر عبر الباب الفاصل... دخل لجناحة عابراً الصالة التي كان يعمها الهدوء .. فتح الجناح وكان يغرق بالظلام ... مرتب وروائح مستحضرات التنظيف تعج بالمكان ... وكل مكان مرتب ... وكأن لاأحد فيه ..فتح باب غرفتها بقلق الأضواء مغلقة والتكيف مغلق أيضاً وباب الحمام المفتوح قليلاً يخبره أنها ليست موجودة بالجناح ... لايعلم لما التوتر يتصاعد بداخله ...أرسل لفاطمة أن كانت مستيقظة ..فردت بعد قليل تعال أنا بصالة ... بتال :السلام عليكم .. فاطمة :وعليكم السلام صح النوم ... رحت زرت مرتك .. بتال بتوجس :من هي وش فيها أنا جاي أسأل عنهااا ... فاطمة :كان معها زايدة ...وسوت عملية ..تراها شايلة عليك واجد .. بتال بتأفف :وانا وش دراني أنها مريضة ولامعها زايدة أعلم الغيب ...شفتها ماسكه جنبها وماهي قادرة تمشي من ظهرها وأحسبه شي ثاني .. فاطمة بأندهاش :ووش هو الشي الثاني بجميع الأحوال أعراضها كانت خطيرة .. يعني لازم تأخذها المستشفى .. بتال بضيق:مليت من حركات الحريم ماعاد أعرف الصادقة من الكذابة ..أمس عبير ماخلت تهويلة ماقالتها عن حملها ويوم رحنا وتعذرت من الرياجيل طلع مافيها شي ...والفجر ألقى هذي تشكى وش دارني صدقهن من تسذبهن أحسبها تدلع وكل اللي فيها خرابيط حريم ... فاطمة بشفقة على وضع زوجاته أذا لم تكن قادر على أثنتين لما تجمع بينهما :وأذا اللي فيهااا هالخرابيط اللي تقول عنهااا ماتستحق تطمن عليهاا مسكينة تأخذها بذنب ماهو ذنبها ...بتال أنت رجال عاقل ..وعندك عقل تقيس فيها الصح من الخطأ ...وجوزاء ماهي عبير ... كل وحدة تقدر تفهم شخصيتهااا وتفرق الصادقة من الكذابة ... بتال بملل :يافاطمة أنتي ماتدرين عن شي خلينا ساكتين .. ماهو ذنبي لو مرضت ولاتعبت ..الله اللي كتبه عليهاا ... فاطمة بأنزعاج أشد منه ...لحسن حظي فررت قبل أن أجد نفسي بموقف جوزاء حتى لو أختلف ترتيبنا :ايه ماهو ذنبك انا بس حبيت أعلمك باللي صار وأنت رجال وعندك عقل ماحنا بمعلمينك وش تسوي ... وأستأذنت منه ودخلت للنوم.. جلس بمكانه غير مرتاح ..عاد ليتصل برقمها ومازال مغلق ... ××أتعزّز وأحسب أني على باسي شديد وأثر ما بيني وبين المطيح إلا شعره ×× *** في مواقف المستشفى أحمد ولافي يجلسان متقابلان على الرصيف وأمام كل منهما كوب قهوة ... لافي بتوجس وعدة كلمات خرجت من لسانها تشغله :والله ماني متطمن لهلوسة عمتي بالبنج تهقى ولد عقاب ضاربهاا احمد وهو يشرب القهوة التي لاتستطيع أبعاد النعاس عنه فهو أستيقظ فجراً ومن وقتها لم يغادر المستشفى:لا.. ماأدري ؟؟..ليه هي وش قالت ..!! لافي يهز رأسه بأستنكار :أنت وش بلاك ماعاد تجمع إذا فيك نوم رح لجدتي وضحى وأرقد في مجلسهااا ..فضحتنا اللي يشوفك يقول مكثر .. وعاد مستطرداً للموضوع الأول :تقول الله يكسر يدك وش معنااها .. أحمد يفرك عينية :والله ماأدري مير الله يسهلها ..جدتي وضحى قالت الموضوع لايطلع.. وأنا أتفاهم معها هي وزوجهاا ..يعني لو رحنا وعلمناا أبوي ولاعمي وش بيصير بيتقاشرون مع وضحى وماهم قاوينها وأخر شي هي بتمشي كلمتها خلنا نأخذ من قاصرها ..ونهدي النفوس .. لافي بعد صمت حاول فيه موازنة الأمور والفوضى التي حدثت بين أرملة جدة وأبية بآخر مقابله بينهم تعود لذهنه:أنا بعد أقول نفس الراي أهم شي نعرف وش ورى هالسالفة ..بخلي فاتن تسحبها بالهرج .. أحمد الذي أستحسن الفكرة :زين ممتاز ويالله وصلني بيت جدتي وضحى ماني قادر أشوف قدامي .. ××ما الله خلقنا لاجل لحظات ونغيب ومن حدته سود الليـالي وجدنا !×× **** كان تحدق بفاتن التي تمشط شعرها وتعيد ترتيبه قبل أن تخلد للنوم ..حسناً لو كنت شقراء مثلها وبجمالها ..هل أستطاع تجاهلي بهذة البساطة .. أجل بهذة اللحضة أنا العمة الشريرة الحســودة .. فاتن بياض الثلج ..وأنا زوجة الأب الساحرة .. فاتن التي توقفت عن ماتفعل حين لاحظت نظراتها الحانقة :ياعمة وش بلاك تونا نقول هجدنا ... جوزاء تغض وجهها وتلف للجهة الأخرى .. فاتن :تعفسين وجهك ولاماتعفسينه والله ماأصب لك لو ربع فنجال .. جوزاء :كنت عارفة أنك ماتحبيني .. فاتن بضحكة دهشة :والله عيب هالحركات بعدين هالكلام قوليه لبتال ماهو لي .. جوزاء :مالت عليك أنتي وياااه ...مو قايلة ماأبغى أسمع أسمه .. فاتن التي تذكرت شيء :والله يالافي سمع كل خرابيطك الله يستر مايروح يصبها فأذاني حميدانوه اللي ركض على عمي عبدالله يعلمه ... جوزاء بأنزعاج :اللحين أنتي وأخوك اللي بتحفظون سري وأحمد بيفضحه سبحان الله ... فاتن :ايه أكيد هذي أسرار مريض ههههههه مو حنا المرافقين معك عندنا أحترام لمهنتنا ... جوزاء التي رن هاتفها بأسمه أخذت تحدق فيه حتى أنتهى الأتصال دون أن ترد عليه ... فاتن بصدق فهي تعتقد أن تصرفات جوزاء من باب الدلال :الله كل هذا تغلي ردي على الرجال عاشر أتصال .. قالوا لك مرتبط بالدوام وجواله مقفل ... ماتعذرين أنتي .. ترى لازم الواحد يدور العذر للطرف الثاني عشان تمشي الحياة .. جوزاء :أخر شخص ممكن أسمع نصايحة أنتي فاتن :ليه وش ناقصني جوزاء بحدة :شبعت من النصايح من اللي حولي فلو سمحتي يافاتن خلينا نلعب أدوارنا صح أنا العمة وأنتي بنت الأخوي يعني أنا انصحك .. فاتن بتبرم :رجعنا لسالفة لعب الأدوار والمسرحياات ..ياعمة تكفين بطلي هالسواليف وعيشي الواقع شوي ... جوزاء :واقع أكثر من كذا أنا أعيش الواقع الأكثر تجرد وبجودة فور كي .. وأنتهى الحديث عند هذه النقطة ... فاتن قررت أن تعفي عمتها المريضة من مناقشة عقيمة .. وجوزاء بقت تعبث بهاتفها بأنزعاج ... لاأحد يصدقها الجميع يعتقد أنها تبالغ ووالدتها التي حضرت عصراً لزيارتها وهي التي أفاقت من البنج للتو كادت تفتك فيها حين فتحت موضوع الطلاق أمامها ... لقد تجاهلت أسلوبه السمج معهااا ..والليلة الكارثية .. ضربه لها .. تهديداته وكل مساوئة .. ولكن أن تصل فيه تجاهلها بحالة حاجة ومرض ... هذا التصرف الأقسى في حياتها التي تتعرض له .. وأصبحت لا تأمن على نفسها معه بكل بساطة .. ××الله عطاني صبر وعطاني شعور لكن من الاحباب مالله عطاني×× *** نامت فاطمة ولم تخبره لأي مستشفى نقلت ... حين أستطاع التواصل مع أحد من عائلتها لاحقاً ... والذي كان لافي حذره ساخراً من محاولة الذهاب لها فهي قد قلبت لوحش لأنها لم تشرب قهوتها العربية ... وأضاف متهكماً أنت وش مسوي لعمتي والله ياهي سبتك سب وهي بالبنج ... استغفرالله ..الله لايفضحنا ... حاول معرفة ماقالت عنه ولكنه مماطل ويستمتع بأزعاجه وهو غير متقبل له لذا لم يحاول أكثر ... حين حاول زيارتها اليوم الآخر صباحاً كانت قد خرجت فهو تأخر لذهاب لمدرسة حاكم ... لأجتماع مع مدرسية ولم يخرج إلا بعد ساعتين .... وبعد ذالك أنشغل بعدة أمور .... وهي مستمرة بتجاهل أتصالاته ... هل تريدين الخلاص إذاً أذهبي للأبد أنا متأكد أني لن أذرف الدموع عليك ... ××ليه غايب والسوالف تحترِيك .؟ قهوتي ، والشّوق ، وأشعَاري ، وأنا !... ننتظر ياعلّ طارينا يجِيك .، أو نكمل باقي السّهره عناء ××× **** .. في جلسة ماقبل الظهيرة في منزل شعاع .. وبوجود عقاب ... الذي كان يسألهم عن زوجة بتال الذي سمع بمرضها .. عقاب :ماسمعتوا عن البنيه من طلعت من بيتنا محد كلمها تطمن عليها .. شعاع :والله دقيت على وضحى وسألت عنها تقول طيبة ماعليها من سوت العملية وحامينها عن بعض الأكل ... فاطمة وهي التي لم تريد التدخل من قبل :أبوي ترى البنت وضعها مع بتال ماهو زين ... أنا سامعتها بأذني تشكي لقريبها اللي جاها بالمستشفى وتقول فكوني منه .. عقاب بذهول :أنا ولد نايف أنتي تقولينها صادزة ... فاطمة: والله هذا اللي سمعته .. مازدت عليه .. سمعتها تطري الطلاق .. شعاع بأنزعاج :وش طلاقة ..هذا ماغير خرابيطتسن يابنات اليوم الوحدة ماتقوى على الجواز والرجال .. ولكن عقاب لم يأخذ الموضوع بهذة الأريحية وبقاء الموضوع في بالها حتى وجد بتال أخيراً باليوم الثاني من ماأخبرته فيه فاطمة فنفجر فيه ... **** لاتعلم مالذي تفعله هناا ... لم يكن عليها العودة أبداً .. فهو لايبدو عليه النية للعودة ..وهي تنتظر كجارية بغرفة ضيقة بمنزل عائلته ..حسمت أمرها ستمهله يومين إذا لم يتواصل معهاا .. فلن تبقى أكثر .. محكمة هجرس التي تقيدها وتبعدها أقتربت بعد الحكم إذا لم يحضر ستذهب لمنزل أبيها وستخبره بكل شيء .. فهي ليست شيء قابل للتخزين ... يتركها خلفه ومتى أحتاجها بحث عنها .. وكأنه أستدعته بأفكارها هاهو رقمه ينير شاشتهااا ... أسماء ببرود :وعليكم السلام .. أيوه نايمة الساعه 12 وليلة دوامات ...وليه ماأدرس ... ولدي عنده مربيته وطيب ... ممكن تتفضل علي وتعلمني وينك ...أحلف أنك مو مع وحدة .. وليه ماتحلف أكيد خايف من شــيء ... أيه تخاف وتنجن بعد المفروض والله لو مسكت عليك شيء ياحامد لاتموت ماسامحتك .. ايه أهدد ... على ايش أحبك ... أنتي شايف نفسك كيف تعاملني أخر مرة .. اكيد ماتشوف ولاتحس بس عينك لي أنا وش قلت وش سويت .. بس تصرفاتك ماعليها رقيب ... وصمتت بعد جملته تلك ... تباً عباراتك هذه هي من تجعلني أصمت كثيراً عنك .. أجل أنا أستحق هذه العبارات بل هي خلقت من أجلــي ... (( وأنتي اللي يشوفك يقدر يوعى على نفسه وش قال وش سوى ..أنا بحظرتس أحسبيني من المجانين والمرفوع عنهم القلم )) ××ياما حلفت إنّي بنساك وأرحل وتردني الأشواق وأستغفر الله×× **** مضى عليها أسبوع بعد العملية ... مازالت حانقة جداً وكل تصرف منه يزيد حنقها أتصالاته تغضبها محاولاتة الطفيفة لتواصل معها تخنقهااا هل تذكرتني ... بعد أن أنهيت كل متطلبات الأخرى تذكرت زوجة مريضة مسكينة مركونة على الرف ... والشياطين قد تلبستهااا ...ووسوست لها بأبشع الأفكار عن تخليه عنهاا ..وعن موقفها وهي مريضة ترتجي أي شخص يرأف بحالها وينقلها للمستشفى ... مشاعرها كانت ككرة لهب خامدة داخلها ولكنها أنفجرت مع زائدتها التي كادت تنفجر هي الأخرى ... وضحى بحنق على جوزاء التي تغافلتها وصبت لنفسها فنجان قهوة :انتي وش فيتس ماتفهمين قايله لاتشربين من اللي فيها هيل ... جوزاء تنزل فنجانها بأنكسار :حتى قهوتي بتحرموني منها وش هالعيشة ... وضحى بعدم أهتمام تعبث بهاتفها وتستمع لرسالة صوتيه من أختها تطمئن على أحوالها كعادتها كل يوم ثم تختمها بسؤال عن جوزاء وهل عادت لزوجهاا .. جوزاء تأفف :اللحين ليه الناس فضوليين طفيلين وش دخلها فيني .. وضحى بصدمة من ألفاظها :هالكلام عن خالتس أنتي يابنت وش فيتس أنقلبتي لسانتس طالع وش طوله .. جوزاء وهي تهز رجلها بقهر :من الضيم اللي كنت أشوفه ... جنني بس يغايضني ويعلق على كل شي أزعجني جنني خلاص فكوني منه .. وضحى بضحكة على جوزاء الجديدة سريعة الأشتعال :انتي وش فيتس شالوا الزايدة ماهو المرارة عشان نقول مسكينة ماعاد تحمل شالوا مرارتهااا ... بعدين هذا طبعهم ماتعرفين رياجيل الصوارم كلهم تسذا الواحد منهم نقاد ومافيه شي يملء عينه ... عامليه مثل ماتعاملين الورع .. جوزاء بأحتقان من مواقفها السابقة معه :بس هو مو ورع وماني مضطرة أضغط على نفسي عشان رجال بشوارب وأبو عيال وأعامله مثل الورعان وش الله حادني حياتي حلوة من غيره .. وأحب على نفسي الهدوء والسكينة اللي كنت عايشتها وأنا عزابية مافيه شيء واحد يخيلني أتمسك فيه ... وضحى بمهادنة :لاأن شاءالله بتلقين أشياء ماهو شي واحد بس ... جوزاء التي لم تستطيع الجلوس أكثر..أستأذنت من والدتها بآخر ذرة هدوء تستطيع أظهارها وصعدت لغرفتها وفتحت جاهز محمول سابق لها وبدأت الكتابة عليه لكن الألهام عصي عليها جداً ..ونفسيتها ليست بسليمة ... تشعر أنها تريد أخراج كل عقدها النفسية بالشخصيات تريد قتل البطل .. أصابة البطلة بمرض مميت .. والكثير من الكوارث التي تخبأها للشخصيات الرواية ... رواية تتحدث عن الحب أي خيار صفيق لنوعية روايتهاا لما لم تكتب درامااا كارثية .. تنقل الواقع الذي تعيشه النساء في مجتمعي .. كمأساة فاطمة التي عاشت مع زوجها لعشرين سنة وخدمت عائلته وأشعلت له أصابعها العشر شموع لأنارة ليالية الرومانسية .. وبالنهاية بحث عن أخرى يجدد فيها شبابه تحت ذريعة الحصول على ابن ذكر ... وهل أبنك الذكر سيحرر الأقصى هو ذكر عاهة جديدة على المجتمع .. نفضت رأسها لتبعد أفكارها ..وماشأنك أنتي وفاطمة وزوجها المسكين الذي لاتعلمين عنه شيء أكتبي كارثتك أنتي ... مع النذل الذي تعرفينه جيداً ... ××ياااحبيبي ترى اللي مايطولك يسبك وأنت من يقدر يْطولك ويوصل صفاتك ؟ خلّهم يكرهونك ... كااافي أني أحبك . حب يَكفيك من : ( مَولدكْ حتى مماتك)×× التعديل الأخير تم بواسطة um soso ; 25-10-20 الساعة 09:56 PM | |||||||
|
| |
|
07-10-20, 10:20 PM
| #1547 | |||||||
| كاتبة في قصص من وحي الاعضاء و قسم الروايات المنقولة
| لم ينام بعد عودته من عمله على غير العادة ... كان يدخل ويخرج كثيراً ويطلب منهم التأكيد على العاملات تنظيف المجالس الخارجية جيداً ...قبل أن يدخل لاحقاً قبل صلاة العصر بدقائق .. موجهاً حديثه للفتيات التي جلسن يلعبن أحد الألعاب الورقية :ليلى قومي سوي قهوة للرياجيل لاتلمسها يد الشغالات أضبطي الهيل والزعفران والعويدي ...لايطلع طعم شي على شي ... ليلى بلا أهتمام لياسيمن :ياسمين قومي سوي القهوة ... فياض بغلظه :قومي أنتي سويهااا ..ياسمين ياويلتس لو لمستيهاا ... وبعد أن خرج .. ليلى بشك :هذا وش فيه عسى ماأحد جاي يخطبني ... شعاع التي كانت مسترخية وأعقتدوها نايمة :وليه عسى إلا يارب أنهم خطابين وأقول خذوها بعباتهااا ... مروى وهي تتخيل الموقف:جده كيف بعبايتها يعني تأخذ عباية وحدة والباقي تخليهم والملابس اللي مليء الغرفة تخليهم لمين ..خليها تأخذهم معهااا .. ليلى بأنزعاج:مروى صكي فمك ..وأنتي ..تقصد ياسمين :امشي نسوي القهــوة .. ياسمين تعبث بهاتفها :خالي قال لاتلمسينهااا ... ليلى بصرامة:أمشي أجلس فوق راسي سولفي معي ...لاتخليني لحالي ... ياسمين تهز راسها بأستنكار متى تستيقظ يارا وتقابلها .. لاحقاً بالمطبخ ..يدخل عليهم بأندفاع .. ليسأل ياسمين بشك :مالمستيهااا .. ياسمين بثقة :ولا حتى لمست الترامس اللي أنصبت فيها ... فياض بوقاحة :زين عشان هذا اللي بخطب لبناخي منهم ... ماأبغاهم يتسممون من تحت يدتس ويهجــون .. ليلى بحمية لياسمين :وبناخيك طلع عشان تخطب له ولا بتقضيها البنت زيارة أسبوعية ... وقهقهت تحت نظرات ياسمين التي لم تفهم مقصدهاا .. فياض بغضب :هين خلي الرياجيل يروحون وأرجع أقص لسانتس ... ليلى التي ندمت تضع يدها على فمها ...تباً كيف تناست نفسها وقالت عبارة وقحة بوجود فياض .. ماذا لو أخبر والدهااا ..تباً للجارة التي ذكرت هذه العبارة أمامها بقضية قريب لها وعلقت بذهنها ... يارب أجعل أمر جلل يحدث ينسي فياض ماقلته ... ياسمين التي لم تفهم الطرفة:وش مافهمت ..ليش خالي عصب عليك .. ليلى بإزدارء :باقي بزر لاكبرتي علمتس ...أدخلي العشرين وأشرحلتس ... ××والله .. لو تمر وجيه ، وأبيات ، وسنين إنت آخر درب لي وإنت .. أوّله ×× ***** بالمجالس الخارجية .. جلسة مع محامــي هجرس ... المحامي لثلاثة أمامه :الضحية أعترف بالتهمة هذا أنجاز كبير بالنســبة لنا ... هجرس يصك فمه قدام القاضي ...وبينتهي الموضوع لصالحناااا ...لو أطلق لسانه وثرثر مثل ثرثرته اللي دايم ماأضمن مايطلع بعدة أحكام أخرى ... فياض :هجــرس ماعليه أنا أضمنه بالنهاية الحكم كم ... المحامي وهو يلعب بقلمه :مع الدية (الضحية فقد أحد كليتيه بسبب الحادثة)..ماعندكم مشكلة عليهااا !! سلطان بثقة:ولاشيء .. المحامي :أعتبر الموضوع منتهي يأخذ حكم سنتين ويطلع بنصف المدة أو أقل على حسب حسن سلوكه .. الحكم يطوح برأسه للخلف :ماراح تضبط .. فياض بعصبية :أنت وش فيك تفاول خير .. الحكم يمسج عنقه من الخلف :بتعلمني فيه ماراح يتحمل بيجيب أضعاف الحكم بالقضايا اللي بيسويها داخل ... سلطان يفكر بصمت والحكم يحبطه ولكنه محق ... فياض وفكره برزت لذهنه من ثرثرت ليلى السابقة :عندي اللي بيخليه يجلس مثل الطالب المؤدب ... المحامي الذي لاحظ أنتقال الموضوع لأمور شخصية يستأذن ليخرج ... سلطان والحكم يراقبان فياض بأنتظار مايخطط له ... فياض وهو يعود للسيرة الأولى:الجواز ... الحكم بشك:وش جوازة ... فياض :نجوزه وش بعد .. الحكم بتأفف :أخر همه .. فياض وعقله يفكر كيف نعود فنقنعها هي بوجه عقاب:ذاك زمااان لو ماشفت بعينه كيف ذابح عمره عليهااا ... سلطان بأنزعاج :لاتقول اللي أفكر فيه ..البنت داخله بوجه أبوي عن ذا الخطبة ... الحكم يفكر هل فاته شيء:أنتم وش تهرجون فيه ... فياض بأنزعاج وهو الذي لايحب تكرار الكلام :سالفة مبطية قبل ماينسجن خطبت له من فاطمة وعيت على بناتها ...وطويل العمر يبي ياسمين ...والبنت دخلت بوجه أبوي من هالخطبة ... الحكم الذي بقى يشاهد نقاشهم وعقله يعود للوراء ... حين كانوا بعمر 16 و15 .. هجرس بهمس مفاجيء للحكم الجالس جواره :اششش ... قبل أن يقترب من الفتيات الجالست بهدوء على طرف النافورة ويدفع ياسمين للداخل ... تحت ذهول الحكم وباقي الفتيات ... الحكم بصدمة :يا*** ليه تسوي كذا بالبنت ... هجرس بوقاحة يفضي له :شوف ... وقهقه ضاحك على مظهر ياسمين التي أصبحت ملابسها شفافه وتظهر جسدها بالأسفل .. الحكم كان حانق عليه وهو يبتعد للاخبار سلطان على ماأرتكبه ولده وموضوع الجسد هذا أمر آخر .. قبل أن يوقفه هجـــرس بألحاح :ياعم أنا طالبك تكفى لاتخربها بينا كالعاادة والله ماقصدي الشيطان وزني قسم ماعاد أتعرض لهاااا ...قسم ... الحكم يلتفت عليه بتحذير :والله ياهجرس لو عاد شفتك تقرب من البنات لأغرقك بالنافورة لأخلي آخر منظر تشوفه بحياتك وجيه البنات وهن يودعنك .... وهذا أحد أسباب خوف الحكم على الفتيــات بالمجمل منه ... لكن يبدو أن عقل هجرس عاد لرأسه حتى يفكر بالزواج... لكن ياسمين لايعتقد أبداً أنها متوفرة له ... وعند هذه الفكرة خرج من المجلس قبل أن يجلس على النافورة نفسها التي كانت بذكرياته ... وأتصل على أحد الأرقام رن قليلاً قبل أن يرد صوت يسمعه لأول مرة ...أخبره بأسمه قبل أن يطلب منه أن يصله بالحصنـــي ... العسكري يبعد هاتفه بصدمه من المتصل ...عن أي حصني يتحدث قبل أن يغلق عينية بأدراك ...ومن غيره ..(ياجماعة تسيف مافيكم حميا) ... وعرف أن الشخص على الطرف الآخر يدرك جيداً من هو وأين ولايريد أن يتورط معه ... نادى من خلف القضبان :هجرس الصوارم ... الحصني ... أقترب هجرس وبشرته التي أصبحت أفتح وأفتح تزعج الناظر إليها ..مد له الهاتف مع القضبان .. ليأخذه وهويبتعد :ارررحب ... وحين وصله الصوت المتهكم على الطرف الآخر كشر :المهلي مايولي ... هجرس بتوجس أتصال بعد سنوات :أرحب العم وش عنده متصل ... الحكم بجدية:يقولون تخطب !! هجرس بمماطلة ولسان حاله يقول أرجوك لاتتدخل:تسيف اييية ...خلاص راحت علينااا .. الحكم بصرامة:ليه هي !! هجرس بتهكم :الحب قطع قلوب البعاريين وحتى الحمير السود ي** جدفهاا .. الحكم بشك فهجرس أكذب من صدق:علينا !! هجرس المنزعج من الأتصال الذي فقط من أجل هذا الموضوع ..عمي رفيقي أنا خلف القضبان ليس من المرؤة أن تحاربنــي :خطبنا وردوناا بس متأكد جدي راضي عنــي وبيعطيني اللي أشر عليه .. الحكم بأنزعاج من أريحيته هل يعتقد أنه وصل لأعلى الجبل:ليه ماتحلم على قدك .. هجرس يقلب الموجة ليس من مصلحته أثارة أحقاد الحكم الدفينة:افا يالعم بننقص دون عرضك وهذي فزعتك لي ... الحكم بثقة عالية :ماطلبت فزعتك ... أنا أقدر أنهي اللي يمس شعرة من أختي وأبيد قبيلته بكبرها ومحد درى عني ... هجرس وعينيه على السقف ويتجاهل تباهية المزعج له:كل دين لابد له سداد ..وأنت عليك دين الحكم بصدق:أطلب شيء ثاني ... هجرس بأستغلال للفرصة أستطيع أن أخذها من دون مساعدتك ولكن أحتاجك بأمر آخر :قدها !! الحكم بأرتياح أن ذاك الموضوع أنتهى:رقبتي سدادة .. هجرس بسعادة لأيقاعة بالفخ وكم أنتظر هذه اللحضة طويلاً لقد تمنيتها منذ زمن:ماأبي أرقبتك ... أبي كرت عايلتك ...تسجل فيه أختي !!! الحكم بقشعريرة من طلبة :كيييف ؟؟ هجرس لقد رسمت مصيركم بعقلي منذ سنين ولكن طرقنا قد أختلفت لفترة طويلة :تجوز أختي ...سديت عن عرضك ..جاء دورك ..سد عني ... أختي بالديرة لحالها مع جدتي ...تجوزها لين أطلع وبعدها في أمان الله ... الحكم بصوت غليظ :ماعندك إلا أخت وحدة .. هجرس بتشدق:أنت أدرى .. ماأنت متجوز من محارمك ...؟؟!! وهذا كان آخر مادار بينهما لأن هجرس قطع المكالمة ... وبقى هو ينظر للأنعكاسة بالنافورة ..أخت هجرس ... أغمض عينية ...لقد سددتلي طعنة غائرة في لحضة غفلة .. أستغليت الفرصة بأسوأ طريقة .. ××خطاك الضيق ، والأوجاع ، وفراقي كثر ما أخطيت في حقي وسامحتك ..×× التعديل الأخير تم بواسطة عاشقةديرتها ; 07-10-20 الساعة 10:49 PM | |||||||
|
| |
|
07-10-20, 10:30 PM
| #1548 | |||||||
| كاتبة في قصص من وحي الاعضاء و قسم الروايات المنقولة
| عقاب الذي يتأمل فهدة التي تضبط المنبه سألها وهو يعرف جيداً ماذا تنوي :وش تسوين ياأم بتال ... فهدة :اضبط الساعة عشان تصحيني قبل الفجر بكرة صيام .. عقاب :وش هو صيامه .. فهدة بصدمة :ياعقاب أنت صادز ولاتبي تضحك علي .. عقاب :لاأسألتس صادز .. فهدة بشفقة وهي التي أعتقدت أنها بدأ ينسى :الأيام البيض ياأبو سلطان لاتخاف أنا أوعيك تسحر ... عقاب بلهجة عتاب :ايه تعرفين الصلاة والصيام ..والحلال والحرام زين أجل وينتس عن ولدتس يوم أنه طاش مرته المريضة المسكينة ولايسأل عنها ... فهدة التي تفاجئت بهجومة ردت بكل بساطة:هذا حكمك أنت دايم تقولي لاتدخلين بين الرياجيل وحريمهم .. عقاب بحدة :فهدة والله لو أدري أن ولدتس ضايم بنت وضحى من تحت راستس لأردتس من وين ماأخذتس ... فهدة بصدمة :هالكلام لي أنا ياأبو سلطااان .. وعشان بنت وضحى .. عقاب :ايه عشان بنت وضحى ... تبغين البنت المعطاه لنا تنضام وسط بيتــي ..ليه وأنا ولد نايف ... ماعاد لي حشمة ..ماعاد تشوفون عندكم شي ... فهدة التي خشيت من غضبه :ياابن الحلال هدي نفسك ماأحد ضامها هذا ماغير هواجيس ..هي تعبانه عند أمها لاطابت جابها جوزهااا ... عقاب :ايه بيجيبها ومن ورى خشمه وخليني أشوفه مقصر عليهاا .. بشيء .. فهدة :كل هذي حمية لهااا ..ماشفتها لوحدة من حريم عيالك الثانيات .. عقاب :بكيفي أنا أحامي للي أبي وأعز اللي أبي ولا حتى بهذي بتدخلين .. فهدة بتكشيرة وأنزعاج :لاوالله ومن أنا عشان أتدخل مسكينةً كل مازعلت علي قلت أردتس بيت أخوتس ... عارفة أن ماوراي أحد من يوم أخذتني وأنا يتيمة .. ولا لي سند ... لم يعلق فهو يعرف الموجة التي قلبت عليها جيداً حين لايجدي العناد ..تتحول للأنكسار والضعف وكهن النساء الذي لم يعرفه إلا منها .. ××زعلتني وأقفيت و الوضع عادي ما كن لي خاطر و لا كن لي قلب×× **** هيفاء التي تتأمل جوزاء المتبرمة لأن والدتها منعتها من الأكثار من القهوة وهي التي لم يمضي على أزالة زائدتها الدودية سوى أسبوع :وش فيك حمقانه ترى مو بزر لازم نداري عنك كل شيء ... جوزاء تقلب بهاتفهاا :أذا بغيتوا خليتوني بزر ماأعرف مصلحتي وأذا شتهيتوا صرت الكبيرة اللي المفروض أداري نفسي بنفسي .. هيفاء بخبث :اللحين هذا كله من شوق لولد عقاب .. جوزاء بنظرة فاترة ألقتها عليها :يبطي !! هيفاء وهي تنظر لأبنتها الصغيرة التي تشاركهم الجلسة لتتأكد هل هي منصته إليهم وحين وجدتها مشغولة بألعابها :قولي الصدق ماأشتقتي له .. جوزاء بملل من هذا السؤال الذي يضجرها كلما طرح:أشتاق لأيش ياحسرة لمناقرة ... هيفاء ردت بضحكة:عادي أنا وبزراني نتناقر وأشتاق لهم .. جوزاء بأنفعال :شفتي يعني مايناقر إلا البزارين ..بعدين عيالك أطفال معهم عذرهم المشكلة لو كان رجال ويناقرك الوضع مصخرة ... هيفاء وقد سمعت عدة أطرائت عليه منذ دخل حياتهم:أحسك تبالغين كل الناس اللي تعرفه تمدحه .. جوزاء بأنزعاج هل يعتقدون أنها تبالغ لم يجربوا نصف ماجربت :هذا هي مشكلة الناس مالهم إلا الظاهر ... هيفاء بأمل :طيب ماتحسين صار يميل لك .. جوزاء أريد الفراق دعوني من أمالكم الحمقاء وتخيلاتكم العاطفية :أذا مالت السماء على الأرض ..هيفاء إذا بتحاولين تغيرين رايي لتعبين عمرك ..أسبوع لي هناا مافكر يجينــي ... عشان أيش مارديت عليه ..أكرهه وأكره شوفت نفسه ... هيفاء :طيب وش فيك حمقانه يعني تبغينه يجي .. جوزاء لتتخلص من الموضوع :ايه أبغاه يجي ..بموت لو ماجاء .. هذا الرد اللي تبغينه خذيه ... ماجربتي ياهيفاء اللي جربته ولاذقتي اللي ذقته ولاماحاولتي تقنعيني بعكس رايي .. هيفاء :كل شكاويك على الأسلوب ياجوزاء ..وهذا وش يدل عليه أنك مدلعة وعشان ماأحتكيتي بالرياجيل كثير ولاترى كلهم نفس الطينة ..إذا روق مافيه أحس منه وإذا عصب وخري عن طريقة ... أوما شغل الرومانسية اللي يسولفون فيه هذا ماراح تلقينه بالواقع .. هذي خرابيط حريم فاضية ... جوزاء :أجل ماأبي الزواج نهائي ..وش حارقة عمري عليه ...صح ولا لاا ..خصوصاً لو واحد مثل بتالووه اللي لامن خيره ولاكفاية شره ... هيفاء بفقدان أمل :تعبتيني ياجوزاء بعنادك ... جوزاء :قلت لك من البداية لاتتعبين معي ماعندي نية أغير رايي ...وأنتي محرقة عمرك ليه ..هو ماراح يجي وأنا ماني رايحة له ..يوم يومين أسبوع شهر وهو بيطلق من نفسه وأنا بعيش حياتي ...أحسن من قبل .. بقت صامته تحدق فيها هل تعرفين حتى ماهي الحياة بعد الطلاق حتى تتحدثين فيها .. حاولي أصلاح حياتك قبل أن تقعين بجحيم أقسى من قبل .. أم نسيتي قصة هذا الزواج من البداية ... ××شيفيد الكلام لا إنكسر فيك الشعور شيفيد الملام لا إمتلى قلبك برود ..×× **** كان ينزل لذهاب لعمله حين ظهر بوجه والده وبحنق سأله :وين مرتك ... بتال المندهش من سؤاله:بغرفتها راقدة .. عقاب الغاضب :أنت فاهم زين عن من أتكلم جوزاء وين هي ... وحين لم يجد رد عليه ... صاح والده بوجهه :يومك ماأنت قد الثنتين تورطنااا مع بنات الناس ليه ...والله يابنت وضحى ماتنضام في بيتـــــي .. اسمعني زين ياولد أمك .. معاملتك لجوزاء هي معاملتي لأمك أن كانك تبي بيت أمك اللي أخذت بنت الناس فزعةً لها يبقى عامر ... حافظ على بيتك مع جوزاء ولا والله لأرجعها لبيت أخوها مثل ماأخذتها منـــــــه (المقصودة هنا فهدة أي يطلقها ويعيدها لبيت أخيها ) بتال يحاول مداهنة والده :ياأبوي أذكر الله اللحين وش جاك من أمي عشان تدخلها بسالفتي ... عقاب بحنق وهو الذي وصلت له الفكرة بوقت متأخر جداً وشعر كم كبر بالسن لتستغبيه فهدة بهذة الطريقة :كل بلاويك من راس أمك وعنادهااا لاتحسبن الماء يمر من تحتي وأنا نايم ... أنا لابغيت أمشيها مشيتهااا ... جوزاء بوجهي أنا ..وكل ماقصرت معهااا يعني مالي وجه عندك ... وغادر تاركه خلفه ... ليزفر بحنق ... كيف سيعيد تلك العاصية .. أبي تدخلك لم يكن تصرف جيد أنت تجعلني أحقد عليها أكثر .. فهي قد لطخت صورتي الحسنة في نظرك .. ×× لاصرت تثقل وتحسب أني بناديك أثقل مكانك لين أرضك تبلعك ..×× *** نزلت صباحاً وهي متأكدة أن والدتها تنتظرها بالصالة وقد أعدت القهوة المشتاقة إليها جداً ... ولكن الصالة خالية وسمعت صوتها من المجلس .. هل جائت أحد الجارات لزيارة بهذا الوقت المبكر أنها التاسعة فقط ... نادت بأستفهام وكأنها تبحث عنها ..حتى تحذرها والدتها لو كان لديها أحد بتعالي عندي فلانة ..فتذهب هي للأعداد نفسها قبل الدخــول ... جوزاء بصوت مهذب :يمه !!! ليأتيها صوت وضحى بهدوء كعادتها بوجود الضيوف :تعالــي عندنا ضيف .. وهي لاتقول هذه العبارة إلا بوجود أحمد أو بالمرات النادرة التي قد يأتي أحد أبناء اخوتها الآخرين مرسلين بمبلغ مالي أو منتجات من مزارعهم أو أي حاجيات أخرى ... فلم تهتم وهي تدخل بمظهرها المرتاح جداً وهي تقول :صباح الخيــر .. لتقع عينيها بعيني الجالس أمام والدتها يشاركها القهوة ... هل هذه الصورة سليمة لعينيهااا .. هل حصل أنقلاب للكواكب .. أو هزة بالكون .. والدتها وبتال على قهوة واحدة متقابلين ... قبل أن يقف بكل أريحية ويقترب منها وهو يقول بصوت عالي :صباح الجوز واللوز !! وينحني مقبل خديها الأثنين وهي مازالت مذهولة من وجوده حتى تتشنج من سلامه والأقتراب منها حد الألتصاق والأحتكاك والأندماج ... سحبت نفسها منه وهي تسمع يقول ممازحاً قاصداً أحراجها :وش فيكم ياعمة ماتعشون جوزاء ... بناخيتس يهاوشنا قبل أسبوعين يقول ماتعشونها وطلع أنتم اللي ماتعشوني مرتي ... وضحى بلهجة مستاهلة :يووه هذا أكيد لافي ياحليلة مير لو الله يفكه من بعض نغزاته ... كان يقف جوارها يمسك بذراعها التي سحبتها منه ... ووالدتها لم تكن تنظر إليهم ... فليس من المعتاد له التلصص على سلامات الأزواج ... وهذا المعتوه لاتعلم لما يتصرف بهذة الوقاحة ... لتهمس عند كتفه وهو حيث يصل فمها :ترى أمي تدري عن كل شــــيء .. بتال الذي يغرق بالرائحة التي وضعتها خلف أذنها غير قادر على التركيز بما تقوله :صح ياسلام عليتس ... لتحدق فيه بأندهاش ماهو الصح الذي يطري عليه .. لتسمعه يخبر أمها وهو الذي عاد ليمسك بذراعهااا:ياعمة عن أذنتس بنروح أنا وجوزاء بنفطر قريب منها ونتكلم لنا بموضوع وراجعين على غداتس مانعافه ... وقبل أن تجادل أو حتى تفتح فمها بكلمة .. كان يخرج وهو يخبرها أنه سينتظرها بالسيارة ... جوزاء وهي تضرب الأرض بعد خروجه :ماااني رايحة معه مكان وليه ماقلتيلي من اللي عندتس قبل أدخل .. وضحى بتوبيخ حاد اللهجة :اللحين هذا اللي ماهو عاجبتس .. آآه بس وش أقول مالت علي اللي ماعرفت أسنعتس ..يالخبلة رجااال رجاال يوم ماعاد فيه رياجــــيل ... قلتهااا كيد بمجلس صيته النايف ...والله وفقتس فيهااا ... والله أنه أحسن حتى من أبوة ... جوزاء بحنق :يمه يكذب يمثل وش أقوى من كذا .. رجال ويلعب علينااا ..يطلع لك بوجه ويتكلم من وراك بوجه وضحى بقهر من سلاطة لسانها وهي لم تربيها على هذا :أقطعي في مرة عاقله تقول عن زوجها كذاب... بس ولاا كلمة ..الظاهر أني ماعرفت أربيتس ...جوزاء ترى توني صغيرة وحيل قوي لو تبين أعادة تربية رجعت وربيتس ... جوزاء تكاد تبكي من الغبن :رجعتيها علي يعني ...أشق هدومي عشان تقتنعين ..الله يأخذ عمرك يابتال الكذاب أبو وجهين ... لتخرج له بعد خمسة عشر دقيقة رغماً عنها ... ليقابلها بأبتسامة من فهم الأمر :قوية عمتي تمشي حتى اللي ماقدرت أمشيها على كيفي ... تتجاهله وتنظر مع النافذة ... ليزفر بأنزعاج وهو يحرك السـيارة :لهدرجة ماأنتي طايقتني ..!! جــوزاء صمت تام لارد ..ولاحتى بتعابير جسدها ... بتال:وشلونتس اللحين .. جوزاء ببرود هذا السؤال يستحق الأجابة :كل يوم أكل حبة مسكن وأقرى الرقية على بطني والحمدلله جالس يتحسن ... بتال الذي أحتاج عدة ثواني ليفهم جملتها أبتسم بشراسة وهو يقول :حتى الدكتور يخطأ بالتشخيص ماهو أنا المسكين ... جوزاء وجدت نفسها ترى عليه بداخلها :وسكين !! توقف عند المقهـى الفخم التي حلم عبير كان الحضور إليه ...وهاهو يحضر الأخرى إليه ..لقد عدل لايستطيع أحد نعته بالظالم ... بتال بعد أن جلسوا بطاولتهم المطلة على منظر رائع للخارج :هاه كيف جت على ذوقتس ...!! جوزاء ببرود :بتبطي تعرف ذوقي .. بتال بحاجب مرفوع هذه المرة هي من بدت المبارزة :عادي حنا نحب البطى أهم شي بالأخير نصل للي نبية ... جوزاء تتأفف هل لديه دورة كيف ترد بطريقة سليطة ... بتال وهو يطلب عبر الجهاز اللوحي :بان كيك هاه ..ولكنها لم تتجاوب معه .. طيب وافل .. ليغلق الجهاز ويسألها :غبي صح .. الحلا كيف يأكل حلا !! ليجدها تنظر له بعينيها وتحاول الحصول على نظرة حادة ...ولكن لايصدر من تلك العينان سوى الجمال البريء ..لايمتلك أي حده ... لم ترتدي نظارتها التي كانت ترتديها صباحاً وببعض المرت القليلة رآها فيه ...وكم يحبها لم لا ترتديها بالخارج فهي تخفي جمال عينيها الآســر ... جوزاء :وش تبغى مني !! بتال يعود للجهاز ليطلب :بطلب على ذوقـي .. جوزاء بصراحة تخرج مافي قلبها لم يعد لديها ماتخبأه تنفجر بالحقائق :ماهميتك حية أو ميته ومن البداية وضحت لي دوري في حياتك ..وش جاي ترجى مني .. بتال يحاول تهدأت الوضع :ماهو وقت هالكلام خلينا متصافين وزينين مع بعض .. جوزاء بأختناق :بس أنا ماأحس بأي صفاء ...ولاطايقة وجودي معاك ...أنا خلاص ماأبغاك ... بتال بحدة وهو يربت على الطاولة بحزم لايحتاج معه للقوة :ماهو علي كيفتـــس ...اللحين أسمتس زوجتي قدام الناس ...ومعطاه لي عطية ... لاتكشرين بوهجتس أنا ماأعايرتس أنا أقول الواقع واللي تشوفه الناس ..لورديتس يعني أنا الردي ..اللي ماهو قد الحمول اللي أنعطت له .... وأنا رجال ألزم ماعلي سمعتي ... جوزاء تتكتف:أيه أنا عطية وكخة وأنت الرجال الكفو ..أتركني بحالي خلاص كفاية أختنقت منك .. بتال أرجوكي هذا ليس الوقت المناسب لأبراز مخالبك :جوزاء أنا رجال لاقلت بس وخلاص يعني خلاص وأنتي خابرتني لاوصلت معي وش أسوي ... جوزاء فكرت مد يدك حتى أشتكي عليك بالشرطة.. ولكنها ردت :أيوة يدك طويلة خابرتها مايمديني أنسى ولوفكرت أنسى ...سني التركيب يذكرني ... بتال يفرك ذقنه بأنزعاج ...حسناً لقد تماديت كثيراً وحان وقت الحساب ... ولكنه سيتقبله بوقت لاحق وليس مستعد لهذة اللحضة:يعني ماراح نخلص ... جوزاء وكأنها جائتها على طبق من ذهب:إلا رجعني بيت أمي وتوكل على الله وبنسى ..طلقني وبسامحك على كل اللي راح ...وبقول الله يذكره بالخير ... بتال بعد صمت كافي جعلها تعتقد أنه يفكر ويوازن الموضوع بعقله : ليه ودتس بالطلاق !!! ببالتس واحد بتأخذينه من بعدي ... جوزاء بزفرة حاقدة :طلقني وكتبني أوراق وشيكات وعقود عشان ماتزوج من وراك ياطويل العمــر .. بتال بتلاعب وهو يتأمل عينيها التي ترجو منه مالايطيقه:الطلاق يعني النهاية ...وأنا ماأبي أنهي اللي بينا .. جوزاء أغلقت عينيها بقهر قبل أن تفتحها وتقول بحدة:مافيه شي بينا عشان ينتهي ..وصمتت تشجعه على الأنفصال عنهاا :غمض عيونك وأرجع كم شهر للورى ...شهور ماكنت فيها ولاتعرفني .. وبتعيش حياتك بدون تنغيص ... بتال يضحك ضحكة لم تصل لقلبة :وتقولين لي هالكلام وتبين أنساتس(أنساك) ... جوزاء أنتي اللي تصعبين أنفصالناا .. لو أنتي مو تسذا كان مالقيت هالصعوبة ... جوزاء بحنق :الله يأخذ عمري يوم أني مو مثل باقي الأوادم ... بتال بحدة :صوتس لايطلع .. جوزاء ترفع صوتهاا حتى أصبح حاد مزعج فهي طبقتها لاتخرج جيدة بصوت المرتفع :وش رايك زين كذا ... هيا أنظر كم أنا مشاكسة مأذية أعتقنــــــي ... وحين لم يجد تصرفها أي تعقيب من قبله ... قالت تحذرة :بتال والله بتندم لو رجعتني معك ... والله لتهجم على مرتك وأسبب لها عاهة مستديمة ...بطول لساني على أمك ...بسفه خواتك ...بفضحك بكل الناس .. يراقب أستماتهاا بتنفيره منهاا ولكن لايستطيع مجارتها ... جوزاء المسكينة هدأي من أنفعاالك ..أنا أسف هذا ليس كله تمسك فيك ...ولكن محاضرة شديدة اللهجة هي من جلبتني فقط لو تقابلنااا قبل تلك المحاضرة وأخبرتيني بهذا ...لما تركتك على ذمتي لحضــه ...ولكن ربط لبقائك بذمتي وبقاء والدتي بذمته هو مايجعلني متمسك فيك ... كوني سعيدة جوزاء فأنتي بوجه عقاب ولن يطالك سوء حتى لايطال أمــــــي حلوة اللبن .... بتال ينهي الحوار وهو يحمل هاتفه وسبحته :لا أفطرنا ولاتقهوينا ولاحتى توصلنا لأي تفاهم ... نروح نتغدى عند عمتى عشان ماتزعل ... لم تجبه بأي حرف فقد أعتكفت الصمت حين لم يجدي كل هديرها صدى عنده فلامعنى لأي حديث سيخرج منها لاحقاً .... ××تعاتبني وتِلحقني ملام وشرهه ومنقود فديت معاتبك، واللي وراك من الزعل هاته ×× **** كان الجميع يجلس حول القهوة في الطلعة البرية عند أبل عقاب ... حين فتح الحكم الموضوع بكل بساطة منادياً والده :أبو سلطان .. عقــاب المستمتع بالجو :يالبية ... الحكم :لبية في منى ... وأصوات مختلفة تأمن ... الحكم :أبيك تخطب لي .. عقاب السعيد جداً بالخبر :على هالخشم .. الحكم وهو يقوم ليقبل خشمه :عليه الشحم ... سلطان الذي عنده خبر مسبق :بس ياطويل العمر ماأنت ساأله أن كان براسة وحدة ... قبل أن يقول فياض المتكأ ومعه خيزرانة يحرث الأرض فيها بلا غاية :ولابقلبه ... عقاب بتوجس :من وين تبي نخطب لك ... سلطان يلتقط دفة الحوار حين رأى التردد على وجه الحكم :يبي أخت هجـــرس .. عقاب يتغضن وجه لفترة قبل أن يقول :بس ماهي من قبيلتنااا ...وأنا كان ماني غلطان .. ماهي بكر ..مطلقة وش لك غاية فيهاا ..ياولدي أفضل لك تأخذ بنت أنت أول حظها ... سلطان وهي يراقب تحول ملامح الحكم وأنغلاقها:الرجال مايبي غيرها والرسول صلى الله عليه وسلم أخذ خديجة وهي ثيب ماحنا مبتدعينهااا ... فياض يضرب أطراف قدمة بالخيزرانه :درر يابو هجرس ..وفزه بنتن أجودية ... عقاب بحدة :وأنت وش دراك عنها ؟؟ فياض ببساطة :يوم ترد علينا لكلمنا ندور هجرس ولا وش بيعرفني فيها... عقاب بعدم أستحسان :وأمك ... الحكم بعزم :ماني معلمها لين أملك عليها .. عقاب يحوقل :أنت ناوي تذبح أمك ... فياض بتهكم :محد يموت قبل يومه ... عقاب بأنفعال:أنت أقطع محد هرجك ... فياض ببال رائق:مقبولة ياأبو سلطان تأمر على رقبتي .. عقاب بتعجيز :جدتها قشرى وكلن يشكي منها ولا ياسلطان .. سلطان نعم أشتكيت منها ولكن الحكم له شخصية يستطيع كسبهم من خلالها :ماهو متجوز الجدة بيتجوز البنت ...وش قلت .. عقاب بتفكير : نقول الله يكتب اللي فيه خير يومين بقلب الموضوع براسي وأعطيكم الكلمة الأخيرة ... جاء الحسن على عجل :أبوي خزامى متى بتلد ... لينتفض ذاك في جلسته :الله لايوفق بليسكم آدم يالبليد ماني قايل خزامى لايقربها الفحل ... سلطان بحدة وهو الذي لايحب أن يتدخل أحد بأعماله:أنت وش دخلك بالحلال .. أنا اللي قايل له ...وهو عارف شغله أنتم بالله لاتتفلسفون وتدخلون بصنعة ماهي لكم ... وبالله أرحمونا من تسمياتكم ... اللحين البكرة الوضحى من مسميها تاالااا ... عقاب بأنزعاج شديد إلا يكفي أبنائهم أصبحوا يتميعون بتسمياتهم هل وصلوا لأبله :اقطع وش هالأسم لاعاد أشوف أحد مسمي على كيفه فضحتونا بالأجناب ... لحد يقرب من نياقي ... اللي يبي يسمي يشري ويسمي على هواه ... الحسن يجاري غضبهم:خيزران لاتقربونها ولابيعوني معهااا .. فياض وهو يربت على كفه بالخيزرانه :وكم السوم ..!! سلطان بعدم تصديق :أنت صادز ترى ماأنت طايلهاا ماصدق بسوم إلا واحد وللحين يجمع له قطيع وبيشوف كم يبقى له عشان يشري الخيزران ...ولاغيره محد جاب قيمتهااا ... فياض وهو يتأمل المقصودة تقترب منهم:مالي حاجة بالخيزران بعني خزامى ... سلطان بطمع يرمي سعر كبير حتى حين يساوم يحصل على نصف الرقم وهو الرقم المطلوب:نص مليون ... عقاب يكسر السعر :ماصدقت ... 150 وهي لك ... فياض بأرتياح لتصرف والده:أجل تراني شريتهااا .. عقاب لأنه لم يتردد بالشراء أخبره بكل محبة يحملها له :أجل هي لك ومالي شي عندك ... فياض بأمتنان :لاعدمناك ياأبو سلطان ..وتراني بسميها الكحيلة ماأعجبني الخزامى .. عقاب بعدم أستحسان :ماعندك سالفة فيه أحد غير عن الخزامى ...مير محد سمى صح إلا اللي عطاها هالأسم ... الحسن بأنزعاج :طيب بعني أنا الخيزران بعد ... سلطان الذي لم يعجبه أن والده باع خزامى ولم يأخذ حقها من فياض :الحسن ألحق فزاع شف وين غدى ماصار أتصال هذا ... يذهب الحسن بأنزعاج بحثاً عن فزاع المسئول عن الطبخ الليلة ... ليجده ينزل من أعلى المرتفع حيث كان يجري أتصال ... فزاع وهو يراقب وجه الحسن المتكدر:وش فيك .. الحسن بضيق :أبوي باع فياض خزامى ..وعيى يبيعني الخيزران .. فزاع يحاول أقناعه بصحة تصرف والده:أنت خبل الخيزران راس مالنااا كل هالنياق ماتجي شي جنبهااا أذا بعناها فتح الله علينا فيهاا ... وش تبي تسوي تصور معها وتشربها حمضيات ...بلاخبال ..وفياض وش عنده مع النياق .. الحسن بضجر:ماأدري وغير أسمها للكحيلة ... فزاع يهز راسه بأستحسان :الله الله الكحيلة ... لاحقاً حول النار ... بعد أن طلب منه فزاع قصيدة بألحاح فياض وهو يشرب فنجانه : نويت مرباع الغضي سيد الاحبـاب قصدي يزول الجـرح زاد التهابـه جيت وبقايا نارهم حـول الاطنـاب بيت الشعر مطوي وباقـي زهابـه اقفت ركايبهم ومنـي الهـدب ذاب الدمـع يسـري والذهـل بالاجابـه على غزير الدمع ضميت الاهـداب صديت لين لين الدمع يقفي سحابـه بعض الوجع يمكن تداويه الاعشـاب وبعض الوجع يا ويل من هو سطا به عشق بدوي لا حب ما هـو بكـذاب يوفي ولو جرحـه تجـدد صوابـه واليوم وصلت بيننا مثـل الاجنـاب ذاك الغلا يـا ضيعتـه يـا سفابـه باكر اذا جينا لهـم مثـل الاغـراب من عقب ما كنـا الاهـل والقرابـه الامـر لله كـل شـي لـه اسبـاب ولا الهوى وش لي على ما اهتدى به لأحد يستطيع أن يلقي القصيد ويبدو وكأنه يقصد كل حرف منه مثله ....يجيد أستطعام الكلمات والأندماج بالحروف ... ولو رأى نظرت والده لذهل منها في هذه اللحضة ...فهو كان يستمع وقلبه وسط جوفه يكاد ينحرق ...هل يعني هذه الكلمات هل أختارها لأن هذا مايشعر فيه ... هل مازال يحمل كل هذا الألم بسبب ذاك الجرح ... الجرح الذي تسببت له فيه حين أجبرته على تطليق زوجته التي تعلق فيهااا ..ولكن مالحيلة التي كنت أمتلكها بعد أن أدخلوا الوسايط والواجهات فقط من أجل أن ينقذوا أبنتهم من ابني لم تهن علي كرامته ... وأعتقدت أن زوجة سيعوضها بزوجة أخرى.. ولكن طال الأمد ومضت السنين ولم يعقد أسمه مع غيرها ..حتى أصبح زواجه حلم بعيد المنال ... ووسط الحماس كان فزاع يطلب منه قصيدة أخرى ... قبل أن يغمزة سلطان أن يتوقف ويكتب له على التراب ...أبوي .. حتى فهم ذاك أن والده منزعج من أمرما وليس بالغبي حتى لايفهم أنه حزن فياض هو ماأحزنه ... ليتدخل الحسن بكل حماس المراهقة أنا بقول قصيدة وسمح الجميع معتقدين أنه سيقول شيء سيغير الأجواء للأفضل ولم يعلموا أنه سيزيدها تــوتر : أجبروا محبوبي بقوة ..وفرقوا مابيني وبينه ..بيننا حب نشأ توه ..دوم عيني تبكي حزينة .. فرقوا مابين المخوة ..الحسود نفوسهم شينة .. ضاع قلبي في هوانا ويوم قفى طالع بعينه ...نار قلبي تشتعل ضوه .. من عقبهم نفسي رهينه ...بطلب الله يعطي النقوة ..وبالحياة أتمتع بزينة ... فزاع يقاطعه بأنزعاج:روح يالحسن عساك تعرس على بنت ثرمى كل ماندتك قالت يالحثن .... فقهقه فياض على طرفة فزاع ...ليبتسم عــقاب ... وتعود الأجواء السعيدة مرة أخرى ... اضحك مع العالم و روحي عليله واكتم بقلبي شي ماودي اطريـه. | |||||||
|
| |
|
07-10-20, 10:40 PM
| #1549 | |||||||
| كاتبة في قصص من وحي الاعضاء و قسم الروايات المنقولة
| بحياتها لم تشعر بالأحراج وقلة الحيلة كما تشعر فيها الآن تتصل فيه ليعيدها ... كم كابرت هربت وفرت والآن مجبرة حتى لاتكون علكة في فم الناس ...وبطنها المنتفخ يفضحهااا ... فاطمة الحمقاء ... وتصرفاتك المثيرة للشفقة ... لقد أهديتيه ليلة أخيرة أعتقدتي فيها أنك ستعيدينة ... وماذا حدث ...قاسيتي على ألم جرحك حين كان أخيك مصاباً ينازع الموت ...وأعطيتي من لايستحق حنانك وماذا حدث لاشيء غير أضطرارك للعودة قبل أن يكتشف أمرك ويعلم الكل أنكي عاشرتيه تلك الليلة وإلا من أين لكي هذا ... والآن تتصل فيه ولايرد لأنه يعتقد أنها تقاطع شهر عسله ... أرسلت له : (( لاخلصت من شهر عسلك تعال خذني أنا وبناتي )) ××حين تظن أن كل شيء ينتهي .. يخلق الله لك مخرجاً لتبدأ من جديد ..×× **** في قسم شعاع ..خرجت للحديقة الخاصة بها والتي لاتصلها أعين العاملين الذكور وتستطيع الفتيات التسلي فيها بلا حجاب .... وجهزوا جلسة أرضية للشعاع وجلست بعض الفتيات على المقاعد ... شعاع التي وضعت وجار وقد أوقدت فيه جمرها وأعدت قهوته عليها تحدث الفتيات :بسنين مضت وماتوا أهلها كان فيه شيخ قوم وألف نعم بأصله وفصله وعنده هكى البنت اللي زينهاا ماله مثيل .. الفتيات المتحمسات :ايه وش صار تزوجها الفارس .. شعاع بأنزعاج :بس أقطعن(أصمتن) اسمع ولاتهرجن ...وقال الشيخ لغز اللي يحله بيعطية بنته حليلة ً له .. ياسمين بحماس وهي تعتقد نفسها أذكى الموجوديين :وش اللغز .. شعاع :يصب لكلً من بغى بنته فنجال قهوة ويقول لاتكبة ولاتشربه ورد (أعد) الفنجال فاضي .. ليلى بأحباط:اوووف تعقيد !! يارا بحالمية:دايم الحب لازم له عقبات .. ياسمين بأمل :يشفط القهوة .. شعاع تغطي وجهها بصدمة :أنهدم بيتس يشفطونه بوش ... ياسمين بتلكع :مادري انسي ياجدة حاولوا يابنات .. مروى :يرفعه فوق ويصبه بفمه ... شعاع بأستنكار:والله أني عارفة أن عليتس قل صح يابنيتي قلنا لايشربه ... مروى بلامبالاة فلم تعجبها الفكرة من البداية لما لم يجعل الشيخ مبارزة سيوف ويكون الجائزة أبنته أليس أفضل من اللغز الأحمق :اوه مانتهبت على اللغز ... فهدة التي جائت من بعيد :يغطس شماغة بالفنجال حتى يفضى الفنجال ويرده له ... شعاع بأستنكار :يامرة أهجدي أنا لاعب البنيات .. فهدة وهي تجلس :أنا مثل البنيات أول مرة أسمعه .. ليلى تهمس ليارا :الكذب يجري بدمها ... لتأتي أسماء التي تحمل فياض الصغير وبعد أن سلمت على شعاع :لاتقولون فيه حشرات ... ليلى :لا فيه خنافس طيارة بس ...وحين لاحظت الصدمة عليها :أكذب ... فهدة :دقي على مربيته تجيب الناموسية وفكينا ياويلي من بنات هالجيل ورع ماهن قادرات يسنعنه كنا نسافر وخطوط وديار والورع على نومه وحدة ونبات بالخليان والورعان ماعليهم شر .. شعاع :ايه كل جيل فيه عيوبة ... فهدة تنادي من بعيد :يارضا وين غديتي ... رضا التي جائت تحمل معها حافظة كبيرة مليئة بأسياخ الشواء المرتب عليها اللحم بأشكال مختلفة ... وتوجهت للشواية التي قد جهزتها الخادمة وبدأت الشوي عليها وهي تتبادل الحديث معهن ... لتسألها ليلى بخبث :وين البنات ؟؟! رضا وهي تقلب الأسياخ :بلقيس الخايبة لعبت بشعرها وصبغته أخضر ..وخزام عندها أختبار بكرة واللحين مشغول بشعر أختها تضبطه لها ...ماخلت صبغة ماجابتها وحطته عليه وماهو راضي يطلع طبيعي ...ورفعت كفوفها :الله يجوزك يابلقيس ويريحني منك ... ليلى بترقب :وليه بلقيس كان دعيتي على خزام ... رضا بأبتسامة:لا خزام بنتي اللي تسمع كلامي زي النسمة ...الخايبة بلقيس الله يجيب لها نصيبها وأجوزها لو عامل البقالة .. تحت ضحكات الفتيات المستمتعة بداعوات رضا ... شعاع بأنزعاج : يارضا الله يهديتس بس وش فيتس على البنية تراها ورع لاتحطين عقلتس بعقلها .. فاطمة القادمة من الداخل :السلام عليكم ..لتلقي نظرة سريعة على الموجوديين ... وين جوزاء ..والتفتت على بناتها مو قلت أتصلوا فيها أو نادوهااا .. يارا بأحراج وهي خائفة أن تتحدث أمام فهدة :يمة قلت لك طقينا الباب وفتح خالي وصرفناا .. ويقول بيطلعون ... ليسمعون تنهيدة أنزعاج من فهدة ولاتعليق ..فهي لاتجازف بفتح فمها بحرف قد يصل لعقاب وينفذ تهديده ..والله لو علم أحد فقط بالتهديد لفضحت على آخر عمرها ... ×× الردي ما ينجرح .. والنذل ما ينجرح أغلب اللي يشتكون الجروح .. الطيّبين ×× **** كانت تصبغ شعر بلقيس المزعجة ... التي أختارت أسوأ لون صبغة ووضعته لنفسها بعد أن سحبت اللون من شعرهاا بجريمة شنعاء بحق الشعر المسكين ... بلقيس بتأوه :والله راسي بينفجر من ريحة الصبغات ..وأكيد شعري بينحرق ... خزام تزفر بحنق :ليه تلعبي من وراي من البداية .. بلقيس متكتفة بمقعدها :كنت عارفة ردة فعلكم ماراح تسيبوني أعمل اللي براسي ... خزام :غبيه هبلا خلي عبطك ينفعك ... بلقيس :يارب يطلع لون مقبول .. خزام بفقدان للأمل :أيوة واضح بيكسر الدنياا .. بلقيس تتظاهر بأنها تشم رائحة :آآه يالذاذة الشوي ... ريحته خشة لدماغي خزام تهز رأسها بأستنكار :بلا بكش .. أحنا قادرين نشم حاجة من ريحة الصبغة ... بلقيس :الله جمعة وسواليف ليتنا وافقنا أمي ورحنا معهم .. خزام :بتروحي تخدمي عليهم ..انتي عارفة ماراح تخليك جالسة ومتكية ... بلقيس :معاك حق .. لا كذا أحسن والله أحد يتخدمه فيه .. لتفكر هي في نفسها أجل من الأفضل أنا لم نلبي تلك الدعوة بذريعة البقاء معي أبي .. ماذا لو رأتني ليلى وعادت تسألني عن تخصصي وهل غيرته وتوصل الخبر لأخيها ويتسلط علي من جديد ويفسد مستقبلي أجل هذا كل ماأفكر فيه مستقبلي ودراستي ... وأنتظر بشوق خطبته وحفلة الملكة ...لأبصق .. لا لقد نضجت لن أتصرف بطفولية كما فعلت سابقاً .. لأنه صرخ علي ذالك العصر ...بصقة على كعكة ملكتة هذه المرة .. ربما أسكب مادة لاصقة على كرسي الكوشة حتى تعلق العروسة المغرورة بالكرسي وتبدو سخرية للجميع ... وبذالك أنتقم من الأثنين .. الفتاة التي تنظر إلي بتكبر كل مارأتني ... والمزعج المتسلط الذي حظرني من حسابه .. وأحضر الخطاب ليتخلص مني ..ويبعدني عن محيط عائلته ... ×× أغفى علي صورك ' ولازلت هايم الشوق آكبر من قساوتك لا لِنت . لازم تعرف : إنك علي البال دايم وأخر دقايق قبل لا انام لك ' أنت ×× **** كانت تعتقد أن أيام النكد قد مضت وأنه أذاقها كل مايستطيعه ولكن هاهو يستمر بتعليمها أصناف جديدة منه ... فمنذ عودتها وهو يطبق على أنفاسها بوجودة ليل نهار وكأنه يريد أحراجها بتصرفاته هذه أمام الآخريين ... عقاب لأنها عبرت عن مشاعرها وسمعتها أخته ... حتى بعد خروج جميع أخوته مع والدهم في رحلة برية لم يخرج معهم ... يريدها تجلس امامه طوال الوقت ولو دخلت لغرفتها لحضة لطرق عليها الباب حتى تخرج له ...ولأنها لاتريد الجدال معه أو أحداث أي مناقشة معه فهي تبقى كثيراً بالصالة ... فقط ليعفيها من ضغطه .. وأحاديثه .. والآن يبدو بعالم آخر وهو يتحدث مع بناته عبر الهاتف بأتصال مرئي ... سمعت صوت زوجته للحضة ولكنه حول الصوت مباشرة للسماعة البلوتوث ... آآه وكأني أهتم بسماع أحاديثها ... فلتسقطا في بئر عميق بمزرعة مهجورة أو تتهوان في غابة أمازونية ... أو لتركبا طائرة وتختفي فوق مثلث برومودا .. أو في صحاري الربع الخالي حيث لاتعمل حتى البوصلة ... فتحت علبة طلاء الأظافر وبدأت بطلائها ... عقلها فارغ .. وقلبها يكاد ينفجر من الضغط ...ومابينهما أعصابها تقع على أعتاب هوة عميقة تخشى السقوط فيها .. لم تعلم أنه أنهى مكالمته حتى أخبرها :البسي عباتس يالله بنطلع .. ولأنها لاتريد المجادلة أرتدتها على مضض حملت هاتفها ولم تأخذ حتى حقيبة يدها .. صعدوا لسيارة المشاوير الداخلية ...الفخمة التي لم تتعود على دروب الصحراء ...لحسن الحظ لن تكون مجبرة على البقاء معه بمكان بعيد تخشى فيه أن تفقد أعصابها فيقتلها ويدفنها ولايستطيع أحد الوصول لموقع قبرها ليس لأنه شرير جداً ولكن لأن بداخلها كلمات حانقة عليها لو أخرجتها لأستحقت عليها القتل بعرفهم ... ليحدثها فجأة بعد أن أبتلعتها دوامة أفكارها :أجل تعرفين تسوقين ... جوزاء التي ألفتت عليه بذهول من أخبره :أيوة زمان ... بتال وهو يقرأ السؤال بعينيها :لافي علمني ... وقال كل فضايحتس ... نعلم تعلمت القيادة من لافي لأنها أرادت تطبيقها في روايتهااا ... وقد أنتهى الموضوع لكن لافي كان مزعج بأمر تدريبها فكان يأتيها لشهور ويخرجها قصراً لتدريب رغم أنها فقدت رغبتهااا بالأمر ... وأزعجها حتى حصلت على الرخصة .. يصف سيارته على جنب بمكان خالي من المارة وتتواجد القليل من السيارت :يالله ورينا شطارتس ... ولأنه كان قد فتح الباب ويقف عند مقعدها ..أصبحت مجبرة على أطاعة أمرة ..التفت حول السيارة .. وركبت مكان السائق ..ماهذا الآن كم تختلف عن السيارة التي تدربت عليها ..أين المفتاح لما يضعون زر مكان المفتاح ماهذة التكنلوجيا الحمقاء ... وأين البريك ... لما اصبح زر هو الآخر ...هذة السيارة لاتعجبها أبداً ... فعلت كل ماتدربت عليه ولكن السيارة لاتعمل .. التفت عليه :ماتتحرك ... بتال وهو ينظر حيث قدمها تحط :طيب شيلي رجلتس عن الفرامل ... رفعت قدمها فتحركت قليلاً بتال مركز على تعليمها لاأكثر:أدعسى بنزين ... جوزاء وهي تربط حزامها على عجل ..وفكرت أنت من طلبت هذا .... لتتحرك السيارة بسرعة متزايدة ...وبتال الذي تورط بالأمر :جوزاء هدي ماحنا مستعجلين ... ومن جهتها كانت سعيدة بأخافته ..سأنتقم منك شر أنتقام ...ماذا لو توجهت لأحد أعمدة الأنارة وأصطدمت فيها وتحطمنا جميعاً برفقة السيارة ..لتبكيك فهدة وعبير كثيراً كانت تخفف ضغط قدمها على البنزين وهي تتذكر أصوات الفتيات الصغيرات وندائتهن المتكررة له ..بابا ..بابا ..وماذنبهن حتى تيتمهن ... لفت عليه لتقول بصراحة مؤلمة :كنت بصطدم بالأنوار ونرتاح كلنااا ...بس تدري وش اللي شفعلك بناتك المساكين ... بتال الذي يستمع لجملتها بذهول ... هل هي حانقة حتى تقتل نفسها في سبيل القضاء عليه .. تباً يابتال أي زر خاطيء قد ضغطته لتعبث بأعصاب الفتاة لهذة الدرجة ... مد يده ليدير المقود الذي أرتجف بيدها غير قادرة على السيطرة عليه من بين دموعها الحانقة ... لم تعد تستطيع السيطرة على أعصابها تريد حقاً لو تفتح الباب وترمي نفسها وترتاح طويلااً .. سيطر على السيارة بالتدريج وهي لم تعد تضغط على البنزين فركنها بسهولة على حافة الطريق ... قبل أن ينزل ويستلم المقود ... وتعود هي لتجلس بالخلف فهي حتى لاتريد البقاء قربه ... أبتعد قليلاً قبل أن يركن السيارة بمكان هاديء ... نزل من السيارة لدقائق يهدأ نفسه ...لايريد الأنفعال عليها فيكفيها ماتشعر فيه وهو غير قادر على التصرف معها لتهدأتها ... أنها أحجية بالنسبة لهااا غير قادر على حلها ...كانت هادئة سلسلة مرنه ..لم يشعر فيها حتى ... حتى أخطأ وعبث معها لم يكن عليه أزعاجها لتلك الدرجة لقد أثر فيها كثيراً لترتب عليه كل هذه الأنهيارات .... وجد نفسه يفتح بابها ويعطيها من الماء الذي أحضره لها ولكن ترفض أن تأخذ منه أي شيء ... الشعور بالذنب يتعاظم داخله ... لقد حطمت فوائد الفتاة حتى أصبحت لاتستطيع السيطرة على نفسها ...سألها :تنزلين عشان نتكلم ولا أجي وأجلس جنبتس ... ولم ترد عليه ليجد نفسه يفتح الباب من الجهة الأخرى ... كانت مستمرة بالبكاء وغير مهتمة بوجودة .. وضع يده من خلف أكتافها وقربها إليه :لاتجزعين أنا بقرأ عليتس بس ... أرادت الصراخ به أبتعد عني أنت الشيطان ذاته من ماذا ستحصني ... ولكنه حينها كان قد بدأ بقراءة القراءن وهي تسترخي وتسترخي بفعل الطمأنينة التي تبعثها الآيات بروحها .. ولم تعلم أنها نامت على ذالك الوضع ... بتال الذي شعر بثقل رأسها على كتفه ...تنهد براحة ... كم هي متعبة حتى تنام قبل أن يقطع نصف القراءة التي بدأها عليها .. نزل وأبتاع له شاي من مكان قريب لم يريد تحريك السيارة حتى لايوقظها .. حين شعر بها بعد أقل من عشرين دقيقة تنزل من السيارة وتقف قريبة منه .. ليغلق هاتفه ويضعه بجيبة وهو يقول :صح النوم ... جوزاء المرتبكة من الأنهيار الذي مرت فيه وكل مالحق ذاك وتشعر أنها تمادت بتصرفاتها :أنا آسفة ... أنه الأعتذار الأجمل الذي وصله من قبل أعترف لنفسه بذالك ... ولم يشعر بنفسه وهو يتلقط أناملها التي كانت تشبكها بأرتباك ويطبع قبله طويلة عليهاا ... وحين حاولت الأبتعاد سحبها ليجلسها على المقعد جواره ومازالت أناملها حبيسة كفة ... بتال بجدية:خلينا نتفق من قبل مانرجع البيت ... انسي كل اللي صدر مني من قبل ...وأنا بنسى كل اللي حصل اليوم ولاكأنه صار شـي .. تهز رأسها بأطمئنان من عرضه فهي تشعر أن تصرفها لايصدر إلا من مجنونة وخافت أن يمسكه عليها طويلاً ولاتستطيع الخلاص منه ... سألها :أتفقنا .. هزت رأسها بموافقة سريعة ... وحين حاولت الوقوف أجلسها :باقي وش مستعجلة عليه ... هذي الفقرة الأولى من القانون الجديد باقي عشرة .. جوزاء تشهق بذهول :وش هي .. بتال وهو يستخدم أصابعها للعد:بقولتس الثاني وبعدين كل يوم نضيف واحد جديد...يعني نغير ونبدل على كيفنا أحد له شي عندناا .. جوزاء التي لاتهتم بشيء إلا أنه لن يعاملها بطريقته السابقة ولن يذكرها بموقف اليوم :طيب زين .. بتال هذا أكثر شرط أريده .. لنكون صديقين أنا غير مكتفي بما ترمينه إلي من دقائق صامته .. أريد معرفتك أكثر صمتك يزعجني وهدوئك يجذبني :رقم اثنين ..نصير أصدقاء ..سولفي معي وأسولف معتس ..تسكير البيبان وتخبي بالغرف ماأبيه وأنا موجود .. أرادت القول وماذا تستفيد ولكن لاتريد أن تعود لتزمت من جديد ... بتال بأمل:وأنتي ماعندتس شرط بتقولينه .. جوزاء بتردد أرادت قول شي ولكنها عادت لصمت ليعاود الألحاح عليها :قولي ماني بأكلتس .. جوزاء دفعت نفسها قصراً لتقول:هذا الأسلوب ماأبيه .. بتال الذي لم يفهم إلا ماذا ترمي :وش أسلوبه .. جوزاء أكملت فقد بدأت قد ينصفها لو عرف خطأه :هذي الطقطقة والسخرية مني ماأحبها أمي تقول هذا طبع رياجيل الصوارم بس أنا مالي خص فيهم ... بتال بتشدق:مامنصفنا بهالحياة غير عمتي وضحى الله يطول بعمرها هي نصيرة الرياجيل ... جوزاء تتجاهل سخريته وتأكد:أنا أنسانة مو متطلبة ..أبغى أحترم وماأحب السخرية ... لايخفي أنه تأثر ببساطة طلبها الأحترام .. هل كنت بلا أخلاق حتى تطلبني الأحترام.. كم سقطت خلف هوة عميقة من تدمير الذات يابتال :حاضر ماطلبتي شي حقتس وبيجيتس ... لم يتحدثا طوال وقت الرجعة وكأنه نفوسهم غير قادرة على البوح أكثر ...فأكتفوا بكل الضجيج التي أحدثته صراحتهم لمرة واحدة والمواجهة التي سبقتهااا ... ××ماهوب لازم نتواصل بالكلام أهم شي قلوبنا ,, متواصله لا صرت تنظر لي بعين الإحترام كل الأمور الي تبيها ,, حاصله ..×× إنتهــى .. | |||||||
|
| |
|
07-10-20, 10:55 PM
| #1550 | |||||||
| كاتبة في قصص من وحي الاعضاء و قسم الروايات المنقولة
| الذين يشاهدون محتوى الموضوع الآن : 400 ( الأعضاء 123 والزوار 277) عاشقةديرتها, •.نســــــناس الليـــل, سومااا..., Soy yo, الياسمين14, ام علي اياد, Julya, ميسم1846, سلام لعيونك, halimayhalima, أم نسيم, احب القراءه, ام سليم المراعبه, حمامة النور, سرى النجود, ام احمد ورؤى, سما وقمر, ميج 1417, جنون امراه, مدلالة, Ramroma3, أمل و ترقب, ..هناك أمل .., أزعجهم هدوئي, Asoomy, سماره2, yasser20, صباح مشرق, الحرف العتيد, simsemah, رونق المطر, اماني راكان, شارلك, ميمي777, كلي جنون, Electron, ورد 2020, الكتمان, Amola77, لما., مريم البراهيم, Maymo, همس البدر, منـال مختار, دموع عذراء, ساسابراون, ههوا الفجر, Light dream, Rima08, صابرة عابرة, اسم المرور, لطيفة**, Meera Alromaithi, Wafaa elmasry, bayan safa, أم نووور, بيرو بيرو, Om noor2, ons_ons, الآمال, ريما الشريف, nojaa, braa, asaraaa, Elafksh, سميّة, راسيلو, As.S, HEND 2, Esraa Galal, My.sai889, sahab_, امواج الخريف, فتاة طيبة, فيحااا, اولا توتي, اخر رد, لاار, زهرة الاركيد+, أميرةالدموع, خزاميه, رسوو1435, coco55, ward77, شوقا, nibal79, نجمة مساء, ام تنسيم, أم نوّآر, Marwa11, ريما حرب, أم الريان, الزهراألزهراء, الجووهره, زهرةام يحي, samira bouanane, عجماء, Suzi arar, النايفه22, البندري 1, ام خلاد1440, رندالقرشي, kozmo, sarmar, •Abeer•, مكية, ميمي بيوتي, بسمه سعد, هايدي صحراء, الاوركيدا., تجي نلعب, almoucha, kh noor, وفاء123, أبها, أم أحلام, عهود حربي, جدَا, اميرة بنت سالمم, روحي أنا, نور سلطانه, لينا الصالح قراءة ممتعة ..سهرة جميلة أتمناها لكم ... | |||||||
|
| |
 |
| أدوات الموضوع | |
| انواع عرض الموضوع | |
|
|
7197Likes
العرض العادي
