26-10-20, 01:35 AM | #2701 | ||||
| جميل البارت دسم بـوجود بتال وجوزاء الثنائي الأحب لقلبي أخر موقف لجوزاء ذكرني بشخصية برواية معروفة ماني ذاكرتها "وانا ما اقول انك شبهتيها حاشى" لكني تذكرت الموقف على طول انها هي تحب زوجها ومعذبها وماتقدر على فراقه بدون ما تكون مستوعبة هذا الشعور نفس الشيء الجوزاء تحب بتال وتفقده لكن ماهي دارية ولا هي عارفة والدليل انها استغربت واستنكرت البرد والخواء اللي بالسرير بعد ما جربت الدفى بوجود بتال، اشتاقت للدفى اللي كان بمكة واللي كان بالسرير معها بتال وماليه بالدفىء شكرًا لكِ والله يسعدكِ ما تدرين وش كثر شعوري حلو وانا اقرأ روايتك احس اني ألقى نفسي وعالمي الحلو النادر أتمنى من كل قلبي اننا نختمها مع بعض بكل خير وبدون انقطاع 💗 | ||||
26-10-20, 01:50 AM | #2702 | ||||
| ايششش الابداع ياعشقق رائعه قليله في حقك🥺🥺💕 خزامه انا من فانزاتها تهبببل كوبل خطير هي وفياض بس لو يكسر قلبها يويله جوزاء ياقلبي يالجوزاء😩 تكسر خاطريي بتاللل الله يرضى عليه لو يكسر عنجهيته شوي بيصيرون سمن على عسل مادري ليش تعجبني شخصية غاده ياحياتي مظلووومه💔💔 وانجمعت مع الشخص الخطاء لو حبها سلطان لاتفهم عصبيتها السريعه ودمح كل زلاتها يقهر سلطان كل الي يصير فيه حوبة غاده💔😩 وبسس ياقلبي تسلم يدك وياليت توضحين لنا من اوقات البارت واول تعليق لي مو الاخر ان شاءالله تسسلم يدك يارب💕💕 بنات ابغى شيلات تضبط جوي على الرواية😂😂💕 | ||||
26-10-20, 03:10 AM | #2704 | |||||
| اقتباس:
ياربيه مادري ليش احب غاده مع السب الي عليها احسها هي الي بتسعد سلطان بس والله حسنا ما قصرت لكن شكل قلب ذا السلطان حجر او غاده خلته حجر والله وطحتي ياجوزا في الحب ومحد سما عليك اثقلي يابنت بتال يبي له تربيه عشان يعرف قدرك ليلى وش قصة ذا البنت بتبتل على هالحال او بتتنيل وتتزوج ننتظرك بشوق واذا تبينا عشوقه نسب احد نمدح احد ابشري تحت امرك بس ولمي معه فصل ياجميله😎 | |||||
26-10-20, 05:37 AM | #2705 | ||||||||||||||
| .. صباح الخير ،، خلاص رسمياً حبيت بيت سعد وفاطمه بطابقيه الأثنين هو وبناته وغادهـ الشريره كما يحلو لسلطان وفياض أن تلقب به مشكله السمعه خربانه مايطهرها ماء زمزم هذي ماهو مرجعها إلا الشديد القوي لغديه تعتمي عينه بهوشه كايده مع حسنا واختها ويغيب ذهنياً ويحلف يطقها على راسها ما ينفع إلا كذا معها الرجال حصن منيع من جهتها أبد ولا حتى داعبة غروره الذكوري بتلميحات يارا لازم تجتهدين وتعطينها من وقتك وقلمك ياعشوقه مايصير كذا عشقها نخر قلبي وبصراحه سلطان بدا يلمع بعيني والله كنه غطا على بتال وفياض هالشايب يستاهل نجازيه بحب يرجع صباه وزهرة شبابه لمعيها بعينه شوي نحتاج جهودك عشان ينضرب على قلبه ويرجعها ولا كوده يدري أنها تحث ياسمين على هجرس عشان هه يقال أنها سليمة النوايا ويبدا يفتح لها شوي وبعدين يشوفها صدفه بملكة هجرس وياسمين وتنتهض مشاعره المشيبه شرايك بالافكار تستحق التطبيق صح اقتباس:
رجفته لبطنها حسيت وراها مصيبه لايكون حامل وعورها وهذا سبب إنقطاع حملها من زواجها الثاني .. كسار ياسلطان ماش ماضيك أسود معها بالتحديد يامعنف النساء موقف هجرس مع المطاردين قمه في الدهاء والذكاء أجبرته سود الايام يصبح حصني اسم ومسمى اقتباس:
أه آلم قلبي إذاً هو يتيم الأم ماتنلام فزه وهي تلاحقهم وتنشد عنه هو حيلتها من الدنيا ومايلام هو ايضاً حينما فكر أن يضمها داخل محيطهم يحتاج احتضان ورأفه يعوض النقص في حياته وياربي حتى ياسمين ناشفه حبتين لعل قلبها حينها يعرف كيف يعوضه أتوقع هالزواجه ستصبح أجمل زواجات الروايه الكثير يراها فاشله والسبب هجرس وأنا أراه سيتفوق به على أعمامه وابيه لأنه محروم وباغي البنت بعينها وهو ذكي يحسن اقتناص الفرص اقتباس:
لها وجه تزعل وأنا احتريها من الله بتال مازال يكذب ويغطي على نفسه لسانه متبري منه وهو سبب عناه لو يسكت ولا يعلق بنقيض مايشعر كان مشت أموره تمام من حظه أن اللي قباله داجه وماعندها خبره ولا كان اكشفت خوافيه وميلانه لها وعرفت تستغلها لصالحها وينك يافزه نغرف شوي من عوابتك لها اقتباس:
روحي له ماحد ماسكك المفرش ماله دخل والشوكلاته خليها لسناقل أتوقع لافي عازمهم للخرج يمكن عندهم مناسبه اقتباس:
من حظها خزام أن عرفت مداخلك سهلت عليها واااجد👏🏼👏🏼 تسلم ايدينك ياعشوقه🤍 بالإنتظــــار .. | ||||||||||||||
26-10-20, 05:56 AM | #2706 | ||||||||||
| اقتباس:
بعمق الحبهه فشيله وش هالمطب هذا اقوى كسرة نفس مثل كذا مافيه احس اهتمامها فنفسها الزائد شئ نفسي تدفع به جزء من تحطيمه لشكلها وتعييبه لها بس والله زعلتي الثلاثينيات على لسان ياسمين المطفوقه ياعشوقه و صدقتي بتبريرك أم طعش حتى العشرينيه تحسها جده وتقيس مابينهم من سنوات بعمر ضوئي | ||||||||||
26-10-20, 08:17 AM | #2709 | ||||
| فياض ماتحمل بكا يارا ع الله بكرا مايزعق ع خزومة🤣🤣🤣🤣 يقولون خزام شاد حيلها تتعلم جريش ومرقوق لعيونك f🤣 ناطرة ع نار فياض وخزام عاشت الطارة جوزاء🤣🤣 لو الله فاكك من ساهر بس عاد الله يهداك انتي وهواجيس البرد ماشفتي اعلانات كرز لنن طقيلك مفرش شتوي🤣واحد والثاني بنص السعر لبتال😜مع انه مايستاهل يالله الهجرس يبيله وحده تطبطب عليه ،وياسمينا ماهي مقصرة ان شاء الله#أيجابية _تفاؤل غادة وسلطان يعني ماادري الحق مع مين صراحة اقرأ واقىل ياعوابتك ياغادة اجل كابة عا الرجال يافضحي ،قلبي يقولي ان اكيد سلطان استفزع ب فهدة😜خبرة في تدبير العشا ماتعوق معاها ام بتال🤣🤣 ،رفسها ع بطنها واضح ان سلطان بشبابه يده تتحرك قبل عقله 😤 بارت رائع كالعادة | ||||
26-10-20, 09:05 AM | #2710 | ||||
| يسعد صباحك..عاشقة رواية جذابة...قمة بالفخامة....مواصلة قراءة من 3ايام...<ماتقولي إلا علي اختبار فاينل😆> تطور لافت جداا عن روايتك- حبك خطيئة- رغم تميزها الكبير💖 اسلوب ممتع ومشوق خاصة التنقل بين الماضي والحاضر بسلاسة وجمال. فهدة عقاب شعاع مثال واقعي عن تكيف السابقين مع التعدد...فالعدل اساس الملك..وعندما عدل الرجل بين زوجاته حدثت الالفة والاحترام... رغم طبيعة المشاعر الانسانية وميل القلوب يبقى الاحترام هي السمة الطاغية على التعامل بين فهدة وشعاع وعقاب..رغم الغيرة والتصرفات الصبيانية الا انه لا يتجاوز احد على الاخر لدرجة التجريح !! عبير بتال جوزاء بتال عاش في بيت كانت امه المسيطرة بقوة شخصيتها وتملكها الا محدود له ولاخوته وعندما تزوج كان صغير السن مبهور بزوجة من اختيار والدته وللاسف كانت تحاول مجارتها بحب السيطرة او لنقول تحاول ان تستغله بسبب فشل خطبتها من اخيه..والذي حقا لا اعلم سبب تعلقها بفياض..فعلى مانعرف لم يكن هناك اي لقاء او علاقة قبل الخطبة ومن بعد الزواج ارى ان فياض ليس بالشخصية التي تندم الواحدة على عدم الارتباط بها...رجل فض وقح مزواج...لا يحترم احد ..!! لذلك عندما تزوج بتال للمرة الثانية وبضغط كبير من والدته اراد ان يعوض النقص في علاقاته السابقة مع جوزاء..الفتاة الاديبة الحساسة من ترى انها ينقصها كثير من الجمال وكرامتها مجروحه لانها اعطيت عطيه ولم تخطب لذاتها او اصلها الذي ايضا يسبب لها نقص تجاه اصل بتال وعائلته...فمن الطبيعي ان تحدث بينهم هذه المشاكل وردات الفعل القوية من جوزاء على تصرفات البتال المهينة..!! تعجبني جداا شخصية جوزاء واعتدادها بنفسها واتمنى ان لا تكسريها بخضوعها لبتال ببساطة دون ان يعرف قيمتها وانها تفرق بسنوات ضوئية عن امه ووالدته...وانها فعلا تستحق العنوة..!! استغرب فعلا تكفير بتال عن حلفه...هل حقا مازال هناك عبيد يمكن عتق رقابهم تطبيقا للشرع..؟! غادة سلطان حسناء غادة كانت صغيرة عند زواجها وتغير الهرمونات وحب الشباب كان منفر لسلطان منها مع احتداد طبعها والمواقف الغبية التي وضعت فيها جعلت الطلاق نهاية محتومة خاصة مع تجربة سلطان لزوجه مشابهه بقوة الشخصية ولكنها كانت جميلة -ام هجرس- ومع ذلك لم يصبر عليها.. سلطان شخص حليم ولكن عندما يطفح الكيل لا شيى يوقفه... موقفه من عبير حازم لاتراجع فيه..واعتقد ان حسناء ستؤخذ بذنب اختها وسوف يراجع سلطان غادة.. فياض وخزام.. حب نما دون اي رعاية او دراية من الطرفين ولكن هل يكفي ليذلل جميع الفروقات الشخصية والاجتماعية...؟!!! هجرس وفزة شخصيات واقعية لنتاج اليتم وعدم وجود القدوة او الموجهه..ومن رحمة الله بهجرس تعرفه على مشتاق...والا لانعرف اين كانت ستذهب به الحياة مع وسامته المفرطة والفراغ العاطفي الذي عاشه... ياسمين شخصيتها قوية وربما غير قادرة على العطاء...ربما لو كانت يارا..لكان لحياته لون اخر اسماء وحامد فتاة عاشت مع اخوان اقوياء وام متسلطة...صعب عليها تقبل رجل بشخصية حامد خاصة مع البداية المؤلمة للزواج...!! حامد متهور ومهزوز ليس له رأي شخصي تسيره اراء الاخرين ومشاعره..كسر في اسماء كبريائها وعنفوانها...صراحة لاافضل ان ترجع له .. لايستحق خاصة بعد زواجه بالخادمة فقط من اجل اذلالها وكسر شوكتها... لقد صبرت عليه وتحملت سوء معاملته ولم تدخل اخوتها بشؤونها..ولكن اعتقد بكفي حتى هنا...شخصياتهم لاتتوافق والانفصال اصلح للطرفين فزة والحكم هل تسوق الهبل عالشيطنة؟!!تبدو شخصية غامضة ومن شرطها على زوجها الاول اتوقع مازالت بكر...ترى من يكون؟! فقد جنح خيالي لفياض. اذكر انه طلب قلب الذئب واحشائهه من بتال... هل كان زواج مسيار ؟!! ثم انها اتصلت به بكل بساطة تسال عن هجرس حين طال غيابه..؟! فزاع ومريم.. مازالت شخصية فزاع غامضة..هل حقا هو يساير مريم عشقا لها ام انه طيب جداا ليحاول ان يعوضها عن حياتها السابقة التي تستغلها كما تقول لتفعل مايحلو لها...ولماذا تتجنب صيته النايف..؟ ليلى.. شخصية باردة جداا..لاهدف لها في الحياة..تستمتع بالنميمة والغيبة ليس لديها حس بالمسؤولية...ماهو مسار شخصيتها وكيف ستتطور؟ الرواية مذهلة..والشخصيات جداا واقعية والمواضيع فعلا هادفه... من التعدد، الطلاق ، الشذوذ ،حقوق المرأة..العائلة المتددة .. خلفة البنات.. لقد ابدعتي واعطيتي كل موضوع حقه...والرواية تسير بخط تصاعدي والحبكة مشوقة جداا...اتمنى ان لاتنقطعي او تتوقفي.. لاادري لما تشعرني الرواية الخليجة المميزة دائما بالخوف من عدم الاكتمال😨 !!! متابعة معك بكل شوق....كوني بخير♡♡♡ | ||||
أدوات الموضوع | |
انواع عرض الموضوع | |
|
|