21-12-20, 12:36 AM
| #6205 | ||||
|  البارت كالعادة غني ودسم وجميل أنتظر عزيمة الجمعة وش بيصير فيها متحمسة كثير فزة أتمنى تكلم أخوها أبي تعلمه وش يسوي فيها الحكم اسماء مافهمت وش اللي كانت منتصرة فيه أحمد شخصيته رزينة والان اصبح متسيّد عالكل 😍 عبير وحسناء متى الخلاص كريهات هن وأخوانهم خزام وفياض هي غبية وهو حقير ☺ عالعموم شكرا عالفصل 💓💓 | ||||
|  |
|
21-12-20, 12:51 AM
| #6206 | ||||
| فصل مشبع بالتفاصيل 🥺💕 خزام يا خزام الحلم جاب نتيجة و اصبتي الهدف مع فياض و طلعتي المستور👌 استمري بهذا الأسلوب و حتنجحي بالعلامة الكاملة جوزاء تمنيت انك واجهتيه بدل الهرب بس هربك برضو جاب نتيجة و تكفخ بتال 😂 اتوقع بتال حيضطر يروح الحد بدون تصير مواجهة بينهم .. و بعدين كيف قاعدة كذا من غير جوال ! انا ٥ دقايق من غير جوالي أضيع 🤦♀️ سلطان الحمد لله عدت سليمة و اهم شي لا تقرب السمن 😂 .. اتوقع معرفته باجهاض غادة حيزيد إصراره لارتباطه بها موقف عقاب و أحمد 🤔 ايش مقصد عقاب من استفزاز أحمد فاتن مواصفاتك كلها تتشكل في منذر أسمر و غني .. اتوقع اذا حيصير بينهم ارتباط ف لن يكون قبل حسم قضية النسب عبير و حسناء لا تعليق هجرس 😂 شاد حيله و تمثيل و حركات بس فيلمك طلع فاشل و انكشفت متحمسة لعزيمة الجمعة و يمكن عقاب يصرح بشهادته بالنسبة للقضية اثناء العزيمة بس خسارة محسن محا يقدر يحضر يعني شهادتين بدل وحدة حتكون أقوى و يعطيك العافية حبيبتنا شوشو يا رائعة جد اشكرك على جهودك و التزامك 💗 | ||||
|
| |
|
21-12-20, 03:08 AM
| #6210 | ||||
 
| الله الله الله عاشقه ايش هالفصل الخورافيي 🤩❤ من جماله تمنيته مايخلص ، ومن اللحين اقول الله يجيبك يالاحد بدري 🥺💔. فزه والحكم .. كفو على فزه اخت هجرس صح انها خربت على نفسها من الاول بس مايحق له يقذفها بدون يتأكد ، اما الحكم طلعت جينات عيال عقاب وانا اللي كنت اقول هو غير عن اخوانه اجل بيجهز الرشاش ماشاءالله عالشجاع 😂💔 ، بدأت اشك انه هو سبطر 🙄😆 . هجرس .. المسكين صاحب الحظ الشين مسوي خطط ومتعب نفسه وماطاح الا في يد بتال 😂😂💔 عاد بتال مضغوط من كل جهه وفرغ في هجرس اللي اضمن مليون بالميه بيتوب بعدها وبيمشي زي الألف 😂. فياض وخزام .. والله وطحت ياولد عقاب وماحد سمى عليك 😂 بس الصدق صدمتني خزام ماتوقعت توقف في وجهه الند بالند .. يقولها اعترفي حبيتيني ويوم قالتها ضيع الدرب مسكين ثم خربها 🤭😂😂 . عقاب واحمد .. الحمدلله نجح احمد بالاختبار ونقول مبروك عليك وحده من بنات العم عقاب وان شاءالله تكون اسماء 🤝، بالنسبه لأحمد صابت ظنوني بأنه هو الدكتور من قرايب جوجو ، متأكده ورا شخصيه احمد البارده قصص وخفايا ، انتظر ماضيه على نار واعتبره من اكثر الشخصيات اللي متحمسه له . فهده وبتال .. غيرتها من تأثر بتال بفراق جوجو مردها تجيب لها جلطه 😂😂😂😂💔 اجل وده انه مسروق مع السياره .. اللحين يابتال ودك تنسرق ما اقول الا " خبزٍ خبزتيه يالرفلا اكليه" وكلها اللحين يابتال الطحش على قوله امك 😂😂 . حسنا وسلطان .. الحمدلله اللذي عافانا مما ابتلاها يعني يالمهبوله زوجك طالع من جلطه بدل لاتشكرين الله انه قام بالسلامه تهاوشين على شوربه مسويتها اخته سبحان الله كُلٍ يرى الناس بعين طبعه يمكن راعيه الشوربه نيتها طيبه بس انتي نيتك شينه زي قلبك الاسود 🌚🖤 انتي اصبري على ابو هجرس يقوم بالسلامه ويوريك شغلك وياعسانا نسوي زواجه وخروج هجرس من السجن في ليله وحده وموتي قهر 😑 .. وانتي خليك تحلطمي على الشوربه وغيرك خايف عليه من السمن 😉🤭 وواضح ان الكفه بترجح لراعيه السمن 😂 . ياسمين .. المره هاذي تزورين خالك المره الجايه ولد خالك ان شاءالله 😉😂 ، اما غاده نكته توصي عالحبيب وشايله همه وسلطان ماقصر يعطيها قصيده وام العيال مرتزه قدامه لو دريت عنه خنقته بسلك المغذي 😂😂 . بتال .. 👏🏻👏🏻👏🏻 وهه بسم الله عليك مبرد خاطري هالفصل عسى ما اعطيه عين ويخربها الفصل الجاي .. لو يستمر كذا مبرد قلبي بروح بنفسي اتوسط له عند جوجو .. اجل بتال ينضرب من احمد ويبلعها صدق من قال " ضرب الحبيب مثل اكل الزبيب " واي شي من طرف جوجو على قلبه زي العسل 😉😌 . احمد ماعرف عن السن المكسور وصفق بتال لو يدري عن الباقي ايش بيسوي 😶💔 . اما طقطقه اخوانه عليه رهييبه 😂😂😂💔 . جوزاء .. اشوفها تعودت بتاخذ اي سياره وبتروح 😂😂💔 تحسب الكل زي بتال حليل واهم شي عنده انها طيبه ، المهم ان بتال شافها وكحل عيونه بشوفتها حتى لو بعبايتها . وبعدين شهالخوف هذا وانتي شجاعه سارقه سيارته وداقه بها مشوار من الرياض للخرج . فاتن .. والله وطلعت الحلوه تبغى اسمراني وسيم ومريش وبعيد كل البعد عن الصنهات وسبحان من خلق منذر وفصله على مواصفاتها تفصيل 😂😂💔 بس خليه يجي يخطب . مشكله الصنهات كبرت وسارت تاخذ منحنى عنيف وصل للحوادث والاصابات وسار لازم ينحط لها حد ، عقاب غلط يوم كتم العلم اللي عنده سنين وهو شايف الحال كذا ، شذنب المسكين عبدالله يروح ضحيه تعصب قبلي ما انزل الله به من سلطان والمشكله انه اصلاً لا من الصنهات ولا من الصوارم يعني لاناقه له ولا جمل اللهم جده لأمه يصير من الصنهات ... يلا ان شاءالله يقوم بالسلامه ولا يكبر الموضوع اكثر خصوصاً ان الصنهات واضح طفح الكيل عندهم ومابيرضون بالصلح هذا غير اهل عبدالله لانه مو من الصوارم ... اما الخسيس اخو عبير عساه في هالحال واردى فوق شين فعوله تدور واسطه تخرجه وخايفه على مستقبله اي مستقبل مشرف ينتظره اذا في بدايته عنصريه وادمان الحمدلله اللذي عافانا .. وبعدين ياعديمه الاحساس المسكين اللي بالمستشفى من ورا فعايل اخوك ماله اهل يبغونه ؟ ماوراه ام بتبكي عليه ؟ اب بينحرق قلبه ؟ ماوراه مستقبل هو كمان ولا مايهم عشانه مو من الصوارم في حريقه . بإنتظار عزيمه الجمعه بكل حماس عسى مايكون فيها عطايا بس 😂😂💔. مشكوره عاشقه ولا عدمنا هالابداع ♥♥🥺 .. وعسى ما اكون طولت في الرد 🤭💔 .. نتقابل على خير يوم الاحد بإذن الله . "سبحانك اللهم وبحمدك اشهد ان لا اله الا انت استغفرك واتوب اليك" | ||||
|
| |
 |
| أدوات الموضوع | |
| انواع عرض الموضوع | |
|
|
7032Likes
العرض العادي
