|
واخيرا اتضح سبب طلاق فهدة, أرى انه سبب وجيه جدًا خصوصا انه تصرف تكرر أكثر من مرة واذا كان رحمتها كأم ماهي رادع فممكن يكون الطلاق وخوفها من كلام الناس رادع لها. مازلت اشعر بالشفقة على منذر واشوفه ضحية ام قاسية وطفولة صعبة ☹ مع انه رافع ضغطي هذا البارت بسوالفه مع بتال 😑 احمد واسماء أكثر شخصيتين لايقين على بعض بس ياحياتي يا أسماء جات الحزينة تفرح مالئتلهاش مطرح :( الاثنين مستعدين يبدأون حياتهم وكل طرف يشعر بالإنجذاب والاعجاب للطرف الآخر لكن الظروف السيئة تقف بالمنصف 💔 اقتباس:
أتخيل ان عدم تقبل عيال عقاب لنسب الصنهات بيكون أحد المشاكل في علاقتهم, بدال مايحطون أسماء على راسهم ويوقفون معها لأنها انقذت كلمة ابوها وحفظت ماء وجهه أمام الرجال قاعدة تتجازى بالتجاهل والبرود فياض ياشيخ روح حسبي الله عليك, والله الى اليوم ماني عارفة ايش لاقية خزام فيك عشان تحبك! الاخلاق والاسلوب في الحضيض واسلوبه متعالي ومتكبر اللي يطلع من لسانه مو كلام هذا رصاص! فوق بذاءة اللسان والاسلوب الوقح في الكلام مع خزام يتهدد بالزواج من ثانية نعم؟ مابغوك ولا رضوا فيك وانت ماعندك زوجة عشان يبونك وانت متزوج خزام اول مرة تحسن التعامل وتبرد حرتي فيه الحقران يقطع المصران ودواء فياض سفهه, بغيت ادخل بنص المشهد واصفق لها يوم حقرته ودخلت مع امها لبيتهم تستاهل يافياض الزفت زي ماتسمي خزام ضحكتني خزام يوم سمت اميرة بسوس الصوارم يعني طالعة منها 😂 ماتعرف ان فياض اطلق عليها اللقب من قبل صحيح ان اميرة الفترة الاخيرة عقلت وتغيرت عن اسلوبها المستفز اول ماعرفناها بس داخله عليك ياشوشو تفكينا منها الممثلات والشخصيات ببلاش لو عندك نية تزوجين منذر زوجيه غيرها مابي بنات محمد 😭 ليلى اسلوبها مع خزام وقح كأنها موصية من فياض! فعلا الرجال اذا ما احترم زوجته ماحد يحترمها تتعامل معها كنها اصغر عيالها مو زوجة أخ! الله يشغلها بنفسها ويزوجها من تنشغل فيه عن زوجات اخوانها 😡 جوزاء وبتال بتال لطيف ومتفهم لجوزاء مافهمت ليش كان متحفظ معها لمن سألته عن حالته الصحية ومافهمت سبب العودة المفاجئ! جوزاء تتصرف كأنها روبوت تتعامل مع بتال بدون مشاعر قد ما إنها تحاول تنقذ اللحظة مافي اي شيء يبدر منها بتلقائية, خوفها هو اللي يسيرها. اتفق معها في ماقالت تحتاج الكثير عشان تتجاوز بشاعة البدايات والسبب الرئيسي لبداية قصتهم كونها عطية كل هذا يحتاج صبر والكثير من الدعم من قبل بتال حتى تتجاوز كونها مجرد عطية فرضت عليه. تعاطفت كثير معها لمن شالت هم رجعة القصر مالومك حتى انا شايلة هم رجعتك, اللي يطلعون من قصر عقاب تعمر حياتهم والله يستر من رجعتكم. الحكم وفزة موقفه مع فزة كان جميل ولطيف ومبشر بخير لكن ماقدرت اتجاوز فكرة ان ندم الحكم ماجا منه ومن مبدأ إنه تسرّع بالحكم عليها, راح لزوجها الشابق عشان يتثبت منه!! فاتن من الاشياء اللي تزعجني في المجتمع اعتقادهم ان المرأة للرجل هي مشروع إعادة تأهيل وان من واجبها اعادة تربيته واصلاح الفاسد منه بينما المرأة تقبل عندما على حياتها الجديدة تنتظر شريك حياة وليس كومة عقد تقوم بتفكيكها وهذا اللي تعاني منه فاتن مع حامد يمكن من حسن حظ حامد انه طاح على وحدة صبورة مثل فاتن لكني ولحد الآن أرى انه من سوء حظها انها طاحت على شخص مثله! مهما كانت نيته طيبه بالنهاية الإنسان له طاقة واللي سواه شيء بشع ومؤسف جدًا. وفوق كل هذا يرجع لها سكران؟ فاتن كانت تستاهل الأفضل 💔 يعطيك العافية عشوقة عالبارت الجميل واللطيف, زعلت كثير لأن متبقي بارت واحد قبل رمضان لكن ملحوقين خير ان شاء الله 💖 لي طلب بسيط ان نهاية البارت ماتكون عند حدث مهم وننشغل برمضان نفكر بالصوارم 😓 منتظرينك بشوق 🌹 |
اقتباس:
بالنسبة لبتال وحمل حوزاء شخصيا اعتقدت ان زيارته في رمضان تدل على تجاوزه لموضوع نسب جوزاء وتردده حاليًا فقط من أجل مشاعر أبنائه مثل ماوضّح, مش لأن فكرة الإنجاب بشكل تام مازالت غير مقبولة عنده ومتمسك برفضها! مادام كذا والله يستاهل ان جوزاء ماتصارحه بالموضوع وياليت لا انتفخ بطنها تتركه وتروح بيت امها لحد ماتولد وتفجعه بالولد, قليل أدب صدق 😡 |
اقتباس:
انا مثلاً قرأت الرواية مؤخرا ودفعة واحدة لذلك مااسعفني الوقت ان اقرأ التعليقات كلها خاصة انها ماشاءالله كثير الف ونص تعليق |
اقتباس:
وعليكم السلام ورحمة الله وبركاته .. مساك سعاده وراحه بال 💖 .. اممم بالنسبه لموضوع عدم فهم بعض المواقف .. انا عن نفسي اقرأ الفصل 3 مرات 🙈 اول مره وقت ماينزل ودائماً تكون سريعه فبدون ما احس تفوتني بعض الاشياء .. المره الثانيه لا اكون مركزه بكل حرف وكل كلمه .. المره الثالثه عاد وقت اكون بكتب ردي فأجلس احلل وافسر كل شي يسير 😂💔 .. ممكن من الاسباب اللي تشتتني شوي او احياناً تلخبطني الاخطاء الاملائيه في الضمائر ، يعني تكون "لها" بس مكتوب " له " .. بس في الفتره الاخيره خلاص سرت افهم وعقلي يعدلها 😬🤣 . موضوع بتال والحمل .. بما انه جاها برمضان بدون احتياطات فأعتقد انه اقتنع بفكره الاطفال منها حتى مع نسبها بس جا موت عبير وخربط الوضع لان حالياً مايبغى يظلم عياله .. ممكن لأنه خايف ينشغل عنهم في هالفتره الحساسه بعد وفاه امهم 😭😢 .. الله يعدل الاوضاع بينهم وتجي سمراء بتال الفاتنه 🤤 .. وتغطي على حفيدات عقاب كل ابوهم كفايه امها جوزاء 😌❤ . |
اقتباس:
بالعكس انتي واضحه وكثرة الشخصيات مو عيب بالروايه ولا حاجه تخلينا نحوس ابدا احساسي انها حاجه مميزه الروايه لكن بتال لما رجع من الحرب انتي وضحتي انو صار حمل كويس كذا وكان واضح من اول ان اصل الخلاف بينهم بسبب النسب والخلفه والحمل والعزل يعني لما رجع بعد الحرب وقرر ما يعزل توقعت خلاص بكذا اعطاها كرت اخضر لكل مشاكلهم انو خلاص انتهت المشكله بعدين المستشفى كان المقطع واضح جدا الي مو واضح بعد المستشفى الوقت الي عرفت انو الي. جا عندها برمضان وقالها سامحتيني وكذا بعدها وضحتي انه طبيعي ما رجعتي نوهتي انو رجع لحالته هنا الي حسيت مو فاهمه هو اتقبل انو يكملو زواجهم طبيعي واذا لا فموقف جوزاء بارد برود مستفز يعني سلامات انا زعلانه معاك وسامحتك لاي سبب من الاسباب حتى لو مكروها ع العفو ترجع تعيد الحركة من غير ما توضحلي اسبابك وامشيها عادي اتوقع هذا اللبس الي صار والا انتي فناااااااانه ماشاءالله تعيشيني الموقف لدرجة اننا ما نخرج منه نقعد نفكر بادق التفاصيل من كثر ماهو عاجبنا ماشاءالله الله يعطيك العافيه ويفتح عليكِ 🤍🤍🤍🤍🤍🤍🤍🤍🤍🤍🤍🙋🏼♀ |
وفي حاجة كمان موقف بتال من خطبة منذر كان موقف قوي ورفض بشكل مايقبل النقاش لدرجة انو اتجاهل زوجته واهانها قدام اهله ووضحلهم انو رافض نسبها ومايبغا ل اخوه نفس الشي طيب ايش موقفه من احمد واخته لما الزواج وما وضح رد فعله اذا كان عشان ابوهم وانهم موافقين بسبب الامور الي انفرضت عليهم او هو مقتنع وشال الافكار الي موكويسه عن اهل زوجته |
السلام عليكم ورحمة الله وبركاته موفقة بإذن الله لك مني أجمل تحية |
اااااااااااااااااااااااا |
يمه تجنن حرفياً الاجواء والحوارات والابطال كل شيء حلو عندي مشاكل كثير بحياتي وربي مايصبرني الا الروايات تاخذني من عالمي انتظر البارتات بفارغ الصبر تكفين لا تهنين الرواية بسرعه طولي خليها توصل لمليون بارت عادي احبك مره الله يسعدك على هالروابة الحلوة 😔💗💗💗💋 |
اقتباس:
|
الساعة الآن 10:05 AM | |
Powered by vBulletin®
Copyright ©2000 - 2024, vBulletin Solutions, Inc.