آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-09-20, 12:33 AM
| #101 | ||||
| كاتبة في منتدى الروايات والقصص المنقولة 
|  السلام عليكم ورحمة الله وبركاته ماشاء الله على قلمك طعون قلم راقي ومبدع بحق خلينا ندخل على الجماعه طوالي اكثر شي قهرني شمعه ليه ترفض ناصر هو ماسوا شي غلط تعاقبه عليه اوك بصباص على قولتها يحق لها تقول عنه كذا لو رمى عليها كلمه بطاله كذا والا كذا بس دامه جاء من الباب وخطب معناته بصبصته مبرره الواحد يوم يفكر يرتبط باحد اكيد بيسئل عنه ويحاول يتاكد انه يناسبه وبالنسبه لكونهم زملا عمل طبيعي الي سواه بما ماتجوازه لأكثر منه يعني كان المفروض بمجرد ماخطبها تفهم انه كان يحاول يتعرف عليها عن قرب رفضها له مره غبي عموما السلقه فهد بالي سواه قطع عليها الطريق خاصه بعد تصريح عمتها قدام الكل ان ناصر خطيبها ونقول مبروك عليك ياناصر شمعه واخذتها طرق على خشمها وتستاهل ماجاها لوهي موافقه بالطيب ماوصلت لهالمواصيل نجد السلقه الثانيه حرمه علمتك بمصايب زوجها من طقطق ل السلام عليكم تروحين تاخذينه ليه علميني بس ليه يازعم بتضحين علشان خواتك كذابه كذابه هذي حركات الي يعجبها الرجال الشرس الي تشوفه مسود حياة زوجته هم بعض الحريم كذا لاشافت هالنوع تنسعر على بالها هي الي بتروضه وتخليه يمشي على السراط المستقيم ولو كان يوسف عطاها وجه كان شفتي نشوة الانتصار وكيف تحس نفسها ملكه لان رجال بهالمواصفات الخشنه والشرسه انقاد لها وسلمها راياته سيهام اخت شمعه مدري لو مغلطه باسمها هذي مخفه تطرد ورا الزين ماتدري ان الزين عما عين من بقى دارين ورصاص ذولا حلوين وماعليهم كلام التعديل الأخير تم بواسطة فيتامين سي ; 27-09-20 الساعة 02:30 AM | ||||
|  |
|
27-09-20, 02:16 AM
| #102 | ||||||||
| مراقبة عامة ومشرفة منتدى الروايات المنقولة  
| الذين يشاهدون محتوى الموضوع الآن : 49 ( الأعضاء 9 والزوار 40) فيتامين سي*, الزهراألزهراء, ghdzo, ساسابراون, طُعُوْن*, MeEm.M, Amgad55, أميرةالدموع, الجوري محمد | ||||||||
|
| |
|
27-09-20, 09:26 AM
| #103 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته صباح الخير على طعون ومتابعاتها الغاليات ماشاء الله كل رقصه أحلى من الثانيه وكل وحده تقول الزود عندي أبدعتي شهوده تسلم يمينك فهد ويوسف وسهام في القائمه السوداء فهد نفسي أعرف على أي أساس رفض شمعه وخطب سهام بما إنه مايعرف شكلها ولا يعرفها إذا كان مجرد عناد وإن ما أحد يفرض رأيه علي فهو ماعنده عقل وغبي لأن لو عنده عقل ماخطب أختها ولو فيها خير ماكان وافقت عليه اللي ما اهتمت لأختها بتهتم له والا بيكون فيها خير له وبعدين حركه حقيره اللي سواها ذهابه للمستشفى حتى يشوف شمعه والمشكله اللي عملها هالحين حليت شمعه بعينك يانذل ومحاولته معرفة مايدور بين شمعه وأختها جعل سهام تغرز سهومها فيه لما تمزق جسمه وروحه وإن شاء الله إنها تعرف بذهابه للمستشفى أولا حتى تنقهر مثل ماقهرت شمعه وثانيا حتى تسود عيشة فهد يوسف نذل مع مرتبة الشرف لا أنت اللي تركت ابتهال تكمل دراستها ولا سلمت من اهانتك لها تعيرها انها ماكملت دراستها وإن نجد مكمله من السبب في تركها دراستها وأكبر دليل على نذالتك زواجك من صديقتها حتى تغيضها مادريت إن ابتهال باعتك بتراب ولاعاد بترجع لك حتى تذلها اشترت كرامتها سهام أعوذ بالله منك ومن أنانيتك لا خيرك ولا كفاية شرك اخذتي اللي تبين اتركي شمعه في حالها نجد اعترف بأنني قد فشلت بمقاومتك .. فأنت تدخل بين الجلد و العظم دون أي مجهود منك .. لقد سئمتك يوسف .. و اشتقت إليك جدًا جدًا .. حتى أنني قد نسيت متى كانت آخر مرة ابتسمت فيها بحق .. ظالم أنت .. مجحف جدًا .. متعب جدًا .. بائس جدًا .. ما أقول غير يداكا أوكتا وفوك نفخ وما أعرف حبيتي يوسف على أي شيء وش فيه ينحب هو مايستاهل الحب ومثل ما تسبب في أذية ابتهال راح يأذيك الله يعينك ناصر الله يعينك شمعه ماحست بحبك وفسرت اهتمامك خطأ مع نفسيتها التعبانه اساءت لك وجاء موقفك مع فهد زاد الطين بله ما أقول غيرمثل ماقيل سألت أحبتي ما كان ذنبي أجابوني وأحشائي تذوب إذا كان المحبُّ قليلٓ حظٍ فما حسناته إلا ذنوبُ إن شاء الله إن عمتها بعد الموقف اللي حصل تلزم عليها توافق على ناصر عمتها حكيمه وعارفه ناصر وأمه ومتأكده إن شمعه بتلاقي عندهم كل تقدير واحترام شمعه أعتقد راح توافق مرغمه لكن أكيد بتحب ناصر لما تعاشره وتعرف أخلاقه وطيبته هو وأمه رصاص الحادث مازال مؤثر عليه ومتعبه نفسيا لكن إن شاء الله دارين تقدر تساعده ويتعافى من كوابيسه ابتهال صعب الإنسان يضحي ويتحمل إلى ما لانهاية وابتهال وصلة لنقطة الإنفجار وماعاد تقدر تتحمل أكثر فوق كل اللي جاها منه يخونها الى هنا وخلاص يعطيك العافيه شهوده ومنتظرين الرقصه السادسه | ||||||||
|
| |
|
27-09-20, 04:01 PM
| #104 | ||||||||||
| كاتبة بمنتدى الروايات المنقولة 
| اقتباس:
عساها اخبار سرّتش 😁😂 اقتباس:
اقتباس:
احب اقتباساتش لأنها فعلًا توصف مشاعر الابطال 💜💜 | ||||||||||
|
| |
|
27-09-20, 04:07 PM
| #105 | |||||||||
| كاتبة بمنتدى الروايات المنقولة
| اقتباس:
حبيت تعليقش و ضحكني صراحة 🤣🤣 نظرتش و تحليلش للأحداث جميل 🥺💜💜 والله بدون مبالغة و بدون مجاملة ولا اعتقد انش تحتاجين مجاملة اصلًا .. حبيت الخاطرة .. حبيت الأمل و القوة فيها .. و بعتبرها لنفسي مع ابتهال 😂 و لكل وحدة قرأتها بقولها تمعني بالكلمات و تمعني بالتفاصيل .. لأن كل حرف ما انكتب عبث 💜🍃 سلمت يمينش يا اللول 🍃 اقتباس:
الله يسلمش .. آمين يارب و يسعدش و يعطيش اضعاف هالدعوات الجميلة 🥺💜 | |||||||||
|
| |
|
27-09-20, 04:20 PM
| #106 | ||||||||||
| كاتبة بمنتدى الروايات المنقولة
| اقتباس:
وعليكم السلام ورحمة الله و بركاته .. تسلمين 😊 ووصلني سلامش .. الله يسلمش و يبقيش .. افااا اشوفش متشفية بشمعة 😂😂😂😂 حليّلة .. صح انها غلطت لما فضحته بس البنيّة ما تنلام .. ما تدري تلقاها من وين والا وين 🤭 نجد لها اسبابها ورح تنذكر يا الفصل الجاي او اللي بعده .. ممكن ما تكون مقنعة لكم بس مقنعة لها 🐥 سِهام بدون ياء .. و انشهد ان الزين عمى عين 🤓 الحمدلله دارين و رصاص نالوا الرضا 😂😂😂😂😂 اسعدتيني بمرورش .. دمتِ بود 💜 اقتباس:
😊😊😊😊 اقتباس:
وعليكم السلام ورحمة الله و بركاته .. اخيرًا وصلتي 🌚😂 تسلمين يارب .. من ذوقش 🥺💜 فهد فعلًا مافي سبب لرفضه لشمعة الا انه ما يبغى فرض بالموضوع و يبغى يختارها بنفسه .. بس ماطاح .. الا وقع 🤓 يوسف .. يا كثر عيّناته بالواقع 🙂 فيه مثل يقول ان لو مافي شخص يرضى لنفسه بالظلم .. مارح يكون فيه ظالم .. و كل وحدة بمثل وضع ابتهال .. لو ما هي رضت بالظلم لنفسها ماكان احد ظلمها .. ابتهال تاخذ جزء من خطأ علاقتهم بالماضي .. صح يوسف ياخذ الجزء الاكبر .. بس هي بعد لها نسبة .. ناصر خطبته جات بوقت خطا .. لذلك يتحمل 🤪 سلمتِ عالتعليق فيتو .. اسعدتيني 💜 دمتِ بود 🍃 | ||||||||||
|
| |
|
27-09-20, 07:39 PM
| #107 | ||||
| الله يا طعووووون شهلابدااااااااااااع ختمت الخمس باريتات بيوم واحد من جد ابدعتي جميلتي وشديتيني ودخلتيني جو مع أبطالي بدون ما احس باي ملل😍 بس ما أنسى انو انقهرت موت من المعتوهين فهد و يوسف من جد يقهرون و سهااام يعجز الكلام عن الكلام انااااانيه بمعنى الكلمه يعني تقهرين أختك بسبب حركتك الرخيصه و تخسرينها عشان مجرد مشاعر زائفه اختبرتيها بلحظه كان بمقدورها تسال اختها تستشيرها تقولها خطبني انتي تبينه ولا أوافق عليه بدل ومتأكدة ان شمعه مو بأنانيه سهام لو شافت خاطرها فيه بتتركه لها لكن ما ادري شأقول 🤦🏻♀ ناااصر أتمنى تناظر له شمسه من منظور اخر وتوافق عليه احسها تستاهله رصاص عمررري أتمنى يتجاوز الحاله النفسه الي يمر فيها والأحلام الي جالسه تراوده نتيجه عقله الباطن الي مو راضي يتحاوزها أتمنى يتخلص منها بأقرب وقت دارين تفتح النفس أتمنى ربي يعينها وتكون عون لرصاص ويتجاوزون ما يمر بهم بأقرب وقت نجد ما اقدر احكم عليها حاليا يوسف اكرررررررره تصرفه واحتقاره مع زوجته الأولى {نسيت اسمها>>🤭 المهم اجمل قرار اتخذته انو كملت دراستها حبيت وقفت اخوها معها و اختها أتمنى ربي يعوضها ويكتب لها حياه جميله بالانتظار للفصل القادم جميلتي دمتم بخير💜💜 التعديل الأخير تم بواسطة فيتامين سي ; 28-09-20 الساعة 09:12 AM | ||||
|
| |
|
28-09-20, 05:02 AM
| #108 | ||||||||
| نجم روايتي وفراشةالروايات المنقولةوبطل اتقابلنافين؟وأميرةخباياجنون المطروكنزسراديب الحكايات ونجمةكلاكيت نجمةمسابقةشخصيةفي رواية 
| صباح النووور والسروررر صباح بالورد منثورر 💐🌹🌷.. الله الله ياشوووش وش اقول وش احكي ويكون قد مقام كتاباتش وابداعش 🥺🥺🥺🥺 جماااال حرووفش يعجز الكلام عن التعبير عنه وربي وصفش وسردش يدخل قلببببي من اووووسع ابوااابه 🤤🤤😭😭😭❤️ اااخ ياشمعة ماتدرين من وين تلقينها من اخت خايسة انانية ولا من ابن عم حقيرر سافل ونذل ولا من حبيب نص خمدة 🥺😭 حراااام والله الشمعة ماتستااااهل انسانة كافية خيرها شرررها وراهم تسذا عليهاا مالت عليهم الا نويصر " مسوية له استثناء لأن مايستاهل" والمقصودين سهام والدب زوجها "والله مالت عليهم كررررهتهم وحدة انانية حبت زوج اختها من لقاء وقعدت تفكر فيه وتعيش مراهقتها بدون مراعاة لاختها او كونه خطيبها ولو اسما واول ماخطبها قالت تم يختي روحي جعلش تتحرقصين واشوف فيش يووووم يا انانية ياكرييهه تفلاتب علييييش وعلى زوجش وربي طنجرة ولقت غطاها مرررة لابقين لبعض 🌚💔 اما انته يانويصر احبك ايه بس الصدق انك خربتها ياصاحب العزووة ماهو تسذا يالثقيل العاقل قدام خلق الله تتضاربون على البنية وعلى شي تافه يعني معليش ياحبيبي صح فهد يستاهل وينرفز بس مايحق لك تسوي تسذااا خربتوا سمعة البنية وكسرتوا خاطرها المكسور مسبقا 😭 اما فهد ما يوصفه ويوصف افكاره الا انه مريض ربي يعافينا واياكم ولا يبتلينا 🙃.. ابتهااال والي صار لها وزواج يوسف كسرها جداا بالوقت الي منتظره منه تطييب خاطر وسند وطبطبة على وضع بنتهم والتعب الي تعبته بالوقت الي تبي تقدير حصلت صفعة غير متوقعة صدق صدق اقول ليوسف كلمتها وان اعذاره الي قالها عشان يبرر فعلته كان مفروض هي الي تمنعه يسوي سواته ااااخ بس يايوسف روح عساك الساحق والماحق والرصاص المتلاحق كسرتها كسرووك كسرتتتتها وفوق ذا تروح تخطب صديقتها وتقول اايه جامعية وانتي لا مالت عليك وعلى أفكارك وانانيتك وكل شي فيك 🌚.. نجد ياخي مدري وش اقولش بس صدق احس ماكان له داعي ذا التضحية الي خسرتش كثيرر لأن المضحين هم الخاسرون دائما 🚶♀️🥺💔 اما حبش ليوسف عاد مدري كيف دخل بين عظامش وجلدش قده من الخباله ياوخيتي 🌚💔 المفروض انش داخله وانتي تعرفين البير وغطاه وبانية حصن حصين لكن وش نسوي بالقلوب الرهيفة.. دارررين ورصااااص هم طبطبة الرواية هم سكرها هم عسلها هم حلوياتها الاثنين ياخذون من قلبي حتة دارين بشخصيتها وقوتها وحبها الي ماسمحت له يهينها ويمشيها يمين شمال بل اثبتت شخصيتها وحقوقها ورصاص بلطافته بامعرفته لنفسه واوجاعه وبثقته بدارين واختيارها الشخص الي يسنده لأن يعرف انها المعطاءة بكل حب والي بترويه بعد الضمأ والي بتداوي جراحه بعد السنين القاسية 🥺❤️ واخيرااا اتمنى مانسيت احد وادري لو اكتب بأبطالش من اليوم لين بكرة ماوقفت من كثر الاحاسيس والمشاعر الي يزرعونها بقلبي هم وقصصهم الواقعية 🤤💚 التعديل الأخير تم بواسطة فيتامين سي ; 28-09-20 الساعة 09:14 AM | ||||||||
|
| |
|
28-09-20, 01:33 PM
| #109 | ||||||
| تجم روايتي 
| مساء السعادة والجمال عليكم جميعاً.. الله وش هالابداع في كل بارت يزيد قلمك جمال وتميز.. لكن ماهو غريب عليك انت اهل الابداع والجمال♥♥ ويارب نشوفك من نجاح الى نجاح.. ' رصاص ودارين. (يوم كنت ناوي انهي اللي بيننا ..) احياناً نتخذ بعض قراراتنا بسرعة ومن عىغير تفكير.. يعني تكون بناءً على الحدث اللي صاير لنا في ذا الحظه.. وننسى المستقبل.. بس لما نفكر فيها بعدين نندم على تسرعنا.. ونتمنى لو احد اخذ بيدنا او نصحنا.. ولو صار واحد ساعدنا نكون ممتنين لهذا الشخص.. وهذا اللي شايفينه في رصاص ودارين.. احياناً لابد من احد الطرفين يقدم تنازلات ويضحى عشان تبقى العلاقة قايمه بينهم.. ولو هو مابادرت واتخذت ذا الخطوة كان اللي بينهم انتهى في لحظة ضعف وتعب ويأس منه.. ، (مخلفًا وراءه فراغًا كبيرًا بروحها لم يملؤه أي احد حتى الآن) قيل فقد الاب غير قابل للتجاوز ، مهما مرّ عليه من العمر سيتّسع.. وقيل هو أن تنظر لأعلى ولا ترى سقفٌ يأويك، ولا عصاةٍ تسندك ولا يد لتمسح على رأسك. ' (أنا آسف دارين .. على كل شيء خليتش تعيشينه بسببي) اعتذارك هذا كبرك في عينها اضعاف.. لانك اعترفت بخطأك وقدرت وقوفها وانتظارها لك في الماضي.. ولو الاعتذار جاء متأخر بس حسسها انه يقدر العلاقة اللي بينهم ويحترمها وناوي بداية حياة جديدة.. ' (ثم عند التقرب منهم و اكتشافهم على حقيقتهم ندرك كم أننا مجحفون بالحكم عليهم ..) اتفق مرات كثيرة نكون قاسين في حكمنا على تصرفات الاخرين.. واحياناً نتسرع في الحكم علينا.. واحياناً نحكم عليهم من مبدأ قالوا وسمعنا عنكم.. فالمفروض اولاً نفكر قبل لا نصدر اي حكم.. وثانياً نحط نفسنا مكان هالاشخاص.. هل نرضى احد يحكم علينا بهالسرعه!! ' (يطمئن نفسه بأن حبل النجاة قد اقترب .. و أن الأمل ها هو يشع بين يديه) الامل في الله عز وجل ثم في عزيمتك وإرادتك.. وياليت تتمسك في هالحبل ولا تفرط فيه.. ياكم شخص غيرك يتمنى يكون في حياتة مثل هالانسانه.. ' (و كأن الوجع بقلبها هي .. بل هو فيه ، و إلا لماذا يؤلمها بهذا القدر .. يطلب منها المساعدة ؟؟) هذا اصعب شعور لما نشوف احبابنا يتوجعون ولا نقدر نساعدهم.. وإذا طلبوا مننا المساعده نخاف مانكون قد هالحمل ونخيب امالهم فينا.. ' (لا تريده أن يعلم بأنها مستيقظه و قد شهدت على ما حدث ..) معاها حق مو لازم كل موقف يحتاج اثبات وقفتنا اوتعليقنا عليه.. فيه مواقف ماينفع لها الا الصمت.. ' ؛ شمعة وناصر. (و لكن أن يصل إلى خطبتها فذلك كثير .. كثير جدًا عليها ) ليش كثير عليك! معقوله صدمتك من اختك وفهد خلتكِ تشوفين نفسك ماتستاهلين هالفرصه!! لا يهمونك وخليك واثقه من نفسك وتراكِ تستاهلين الافضل.. ' (هل تفهم من ذلك بأنه يكن لها شعور ما ؟؟) ايوه افهميها كذا.. وانه الموضوع مو تسلايه والا لقافه.. وشوفيه جاي مع الباب.. ' (لقد عاد خال الوفاض إلا من قِربة قد امتلأت بالخيبات ) بعدك ترى مايحتمل والصبر في ناره لظى ياللأسف ياخيبتي مانيب انا قد الهجر ؛ قدرك وحبك ماجفل ياسعد منهو به حظى تكفين حلي ضيقتي وانا مدين لك بالشكر في وصف بليغ للخيبة: "لا أعرف شعورًا أكبر من خيبتي فيك، الأمر يشبه أن تظن بأنك سماء.. ثم تكتشف أنك لون أزرق على طرف لوحة". ' (وهو يبحث بنظراته عن شمعة .. لم يرها بينهم .. يا الله ..ماذا فعل !!) ابداً ماسويت شي.. بس انضافت لك صفات جديده غير البصباص .. وهي المتهور المتسرع وصاحب المشاكل.. ' (أليس لوجعها من نهاية ؟؟) شمعتنا الجميلة مهما كان المك قاسياً سوف يمضي هذا الوجع.. ولن تبقى منه الا الذكريات.. ' (ألن يشعر بها احدهم يومًا فيجيء عن طيب خاطر و يقول لها انا سندكِ فاتكئي ؟) راح يجي اليوم اللي يقال لكِ فيه: أنا سندك إن ملتِ أو أنهككِ الوقوف.. أما تدري يا حبيب الروح ؟ أني لا أميل .. وأنت جدارُ الروح والرّوح أنت. ؛ ؛ فهد وسهام. (حتى إذا جن الليل لم تستطع النوم من سيطرته على ذاتها) اللهم لا تعلق قلوبنا الا بك.. وصلت الى اعلى مراتب الانانية والا فيه اخت عاقلة تفكر في خطيب اختها او تحط عينها عليه! ' (وقد كانت جوارحها تتصيد أي خبر عنه ) صحيح انه البعض مايقدر يتحكم في قلبه.. وهذا شي منطقي هي بنت مراهقه شافت شخص اعجبها راح تحبه.. لكن المفروض دام هي وقعت خلاص تحاول تبتعد عن التفكير فيه ولا تتبع اخباره.. لانه كل ماتبعتها كل ماتعلقت زيادة.. ' (هل كان لديها علاقة معه في حين أنها بإسمه هو ؟) ربي راح ياخذ حقها منك ياقليل المروءة على ها الافتراء والظلم.. في البداية تركتها لكلام الناس والان تنبش وراها.. ' (أما اختها فهي تعلم بأنها قوية .. و ستتجاوز .. لن يكون ذلك عقبة أمامها) فيه احداث مهما بلغت قوة الشخص الا انها راح تبقى كسره في خاطرة.. عقبه في حياته كل ماتذكرها تجدد جروحه من اول وجديد.. مع الاسف الشديد ماعرفتي قيمة اختك وكسرتها كسر يبطي جبرة.. ' (في حين أنه كان يعتقد بأنه يخلص نفسه من ارتباط لا يرغبه) طيب خلك رجال وقد قرارك واترك بنت الناس في حالها.. صفحه وطويتها من حياتك وانتهى.. ' (مدري يعني يمكن يبغاها من أول بس عشان ) هذا سؤال وتبغى له جواب! والا استفزاز! والا مسوي اللي فاهم وعارف! حتى في اسئلته نذل وماكر وخبيث.. لكن يجي لك يوم.. ' (مثل ما انت دقيت الباب خاطب ..) رد يكوي القلب ويرد العاقل لعقله والهبل يزيده خبال.. يعني انتبه انا فاهمه حركاتك كلها.. ؛ ؛ نجد: (يكفيها يوسف وما يحدث بينهما .. يكفيها بروده و اهماله) طيب تحركي اخذي خطوة قدام.. عشان إذا جاء اليوم اللي كلاً يروح في طريقه ماتندمين.. وتقولين ليتني عطيت نفسي فرصه.. ' (و أنا لا زلت احب الحياة .. احب ألوانها التي بدأت رماديتك تسيطر عليها) ايه حبي نفسك واسرفي في حبها كمان.. بس لا تبنين حياتك على تجارب غيرك.. والا تيأسين وتقولين ماعد فيه امل.. لا باقي موجود الامل.. بس يبغى عزيمة ويتحقق بإذن الله كل شي نتمناه.. وإذا ماتحقق نقول الحمدلله.. قدرنا نسوي اللي علينا بس ماكتب الله لنا نصيب.. ' هذا وصل الله على نبينا محمد وعلى اله وصحبه اجمعين.. التعديل الأخير تم بواسطة فيتامين سي ; 28-09-20 الساعة 01:50 PM | ||||||
|
| |
|
28-09-20, 10:41 PM
| #110 | ||||||||
| كاتبة بمنتدى الروايات المنقولة
| اقتباس:
يا هلا والله .. شرفتيني .. و الحمدلله البارتات نالت عالرضا 🍃 لازم من رفعة الضغط 😂✌🏻 نورتيني يا وجدان .. سلمتِ عالمرور و عالإنفعال الحلو اللي وصلني من مجرد كلمات 💜🍃 | ||||||||
|
| |
|
| أدوات الموضوع | |
| انواع عرض الموضوع | |
|
|
623Likes
.png)
العرض العادي
