آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
31-05-21, 12:57 AM
| #62 | ||||
 
|  عفوا في شي غلط كتبته وحابه اصححه .... انا ذكرة ان اعمام ميار رفضو ان ماهر ياخذ ميار للمستشفى عشان محد يتكلم عن ميار بالشينه وعالجوها بقصرهم لان في دكتورة تتابعها قبل تزوج وتتواجد وقت الي يحتاجوها .... لكن لمى ميار كانت تخبر مهران عن الي حصل ذكرة انها صحت من اغمائها في المستشفى وهذي اهي الغلطه لانها صحت بقصرهم .... اعتذر على هذا الغلط واتمنى من الي يقرو ويعطوني اعجاب يعلقو اذا لقو شي غلط واكون لكم شاكره  | ||||
|  |
|
05-06-21, 12:53 AM
| #65 | |||||
| اقتباس:
ولكي مني اجمل باقة ورد  ......ماكو اي تاخير حبيبتي لكن لعيونج بنزل بات بعد دقايق لانه جاهز ..... تحياتي 😍 | |||||
|
| |
|
05-06-21, 01:40 AM
| #66 | ||||
| البارت السادس والثلاثون بعد مرور شهرين من طلاق ميار وتركي كانت بكندا مع خوانها بالرضاع وعمها الي يعتبر ابوها بمطعم وكانو شايلينها من الارض شيل وطبعا وليد معاها ..... ركان واهو ياخذ من صحن وليد قطعة دجاج : والله الي بصحنك شكله احلا ... صح ريان شوف ..... وليد واهو مكشر : ماما شوفي خوانج ياخذو اكلي لا تقولي اكلي ضعيف وما اتغذى اهم ياخذو اكلي ..... ميار واهي ماسكه ضحكتها عليهم : حبيبي اعمامك يستهبلو عليك ... خذ الي بصحنهم ثنينهم عقاب لهم ...... نط وليد وصار ياخذ من صحن ريان وركان واهم يضحكو معاه ويسحبو صحونهم منه وعم ميار يضحك عليهم وميار معاه ..... عم ميار واسمه قاسم : ههههههه والله وسويتو لي جو من ييتو ...بسكم اتركو الولد بتكرهو فيكم جذيه ..... ريان واهو يبوس خد وليد بقوة : لا يبه والله نحبه خل ننرفزه شوي .... ركان : عيل يرضيك يبه سارق ميار له بس والله اغار .... وليد بزلت لسان : صرتو عمو تركي من يشوفني قال ماخذ زوجتي واغار منك ... اوووبس ... اسف ماما ..... ميار واهي تبتسم برغم المها : عادي حبيبي ما الومك ...اذا انا ما انسى مثل هذي المواقف انت بتنسى ... عادي لا تهتم ..... قاسم واهو يمسح على ظهر ميار بعد ما الكل هدء متضايق من سيرت تركي : تنسي يبه لا تهتمي بتنسي و بييج الريال الي يستاهلج عن حق... ميار واهي تبتسم لعمها : لا عمي انا اكتفيت ... مابي اجرب مره ثانيه الي شفته كافي من هالدنيا مالي نصيب ثاني خلاص ..... ركان : ليش اهو بكيفج قررتي ... انتي تقولي هالكلام الحين لكن اذا مرة فترة ولقيتي واحد يلهف القلب له تنسي تركي والي خلفوه .... ريان : اكثر شي متحسف عليه اني ماشفته ولا علمته تنيجة مد يده عليج قاسم : الي سواه مهران اهم من مد اليد ... تبي تنزل لمستواه وتستخدم يدك .... عمر الحق ما رجع لاصحابه باليد ... لا بالعقل .... ميار : عمي مهران رفع توصيته عن تركي لان قبل انا الي طلبت يوصي عليهواهم ضنو انه يبي يرفع من رتبته لكن بعد سواته مهران كلم الجامعه وطلب منهم يعينو تركي على حسب شهاداته وخبرته واي واحد تو متخرج وماخذ الدكتوراه لازم يكون تحت اشراف من رئيس الفسم او المساعد ويرتفع بالتدريج يعني تركي ما خسر شي ... لا بس توضح له ان المركز الي كان بياخذه بدون تعب ...... ريان : احسن ما يستاهل ياخذ مركز اعلى منه .... اتركونا من سيرته ... قولي لي متى تبين نقدم اوراقج او منتي ناويه تكملي دراستج .... ميار : لا اكيد بكمل مافي شي يوقف قبال مستقبلي .. .... ابتسم عمها لها وريان وركان رجعو يشاكسو وليد وميار تدافع عنه وبعد فترة بسيطه خلصو اكلهم وكانو يستعدو يطلعو واهم ماشين بطريجهم بيطلعو داخت ميار وطاحت من طولها ولولا ركان جنبها ولا راسها ضرب بالطاوله القريبه فحملها ركان ومددها على كنبه بالمطعم والتمو الناس و العاملين ومن حظ ميار كان في دكتوره فاسعفتها بعد ما بعدت الناس وطمنتهم عليها ونصحة ميار تسوي تحاليل للدم لان مبين سوء تغذيه ...... مر اسبوع من هالحادث وتكررت الاغمائات وكانت ميار رافضه تروح المستشفى لكن ريان وركان خذوها غصب و خذو منها دم للتحاليل وكانت مع ريان وقت نتيجة التحاليل ودخلت للدكتور تشوف شنو فيها وكانت متوقعه يكون السبب قلت الاكل ..... الدكتور لريان : هل انت زوجها او حبيبها ...... ريان واهو مبتسم وماسك ضحكته : لا دكتور ... ليتني حبيبها لكن لا يصلح انها اختي ..... الدكتور : ههههه اعتذى لكما .... حسنا سيدتي هل انتي متزوجه ام لكي صديق ... اعني حبيب ... ميار : لا دكتور لست من النوع المتحرر ليكون لي حبيب ... اخلاقي وديني يمنع هذا ... لكني منفصله من زوجي ..... ريان : طمني دكتور ... ثم ما دخل سؤالك بتحاليلها ...... الدكتور واهو يمد اوراق التحاليل : لان اختك يا سيدي تحمل باحشائها جنين ....مبارك لكي سيدتي .... كلام الدكتور صدمه كبيره لميار فضلت متسمره مكانها ودموعها تنزل واهي ساكته فتدارك الوضع ريان وشكر الدكتور واخذ الاوراق ومسك ميار من ذراعها ووقفها وطلع معاها من المستشفى واهي ساكته بس دموعها تنزل بسكات .... ريان واهو يدخل فيها لحديقه جنب المستشفى ويقعدها جنبه : ميار ..... ميار ... ميار حبيبتي ... ميار ردي علي هذي دموع فرح او حزن .... ميار واهي تهز راسها بلا : مو عارفه .... ما اعرف افرح او احزن .... ريان انا حامل ... شايله بحشاي جنين .... ريان الي بحشاي بيربط بينا ... مابي اي شي يربطني فيه لا تركي لازم ينتهي من حياتي وجوده غلط واكبر غلط لمى قبلت اتزوجة .... ريان واهو يمسح دموعها ويلف ويها له : طالعيني ووقفي دموع ... ميار ليش زواجج منه كان غلط مو قلتي تحبيه ليش لانه تزوج عليج او لانه غدر فيج او لانه استغلج لمصالحه ..... ميار واهي تطالع ريان ومستغربه : اي مصالح ... ريان شنو تقصد .... تقصد ان تركي تزوجني بس عشان يرتفع بالمال .... لا لا ... لا تقول هالشي الا هالشي ما ابي اصدقه اذا فعلا كلامك يعني تركي ما يكن لي اي مشاعر بالمره ..... ريان : انا ما اعرفه الا من كلامج ومن الي سواه يخليني افكر جذيه عيل ليش لمى استقريتو بحياتكم واهو كسب له كم مليون من شغله مع مهران رد طليقته الي سبق وخانته او اهو خطط معاها يطلقها عشان محد يشك وتكوني انتي الغاليه .... ميار مو غريبه يترك حب طفولته و يتزوجج قبل يكتشف خيانتها فكرتي بكل هذا ..... ميار واهي تنزل راسها : صدقته وحتى ماما ومهران صدقوه قال اني الحب الحقيقي بحياته وانها حب تعود .... ريان خذني من هني احس بتعب وعقلي صار يشت ابي اريح ..... تنهد ريان ولف ذراعه حول خصرها وسندها فيه و مشى معاها لسيارته ورجع فيها للبيت و حملها الى غرفتها وسريرها ونزع حجابها والشوز وغطها وباس جبينها وسكر الباب وراه ونزل لابوه يخبره بلي اكتشفوه.. قاسم بحيره : يعني الحين ميار حامل ..... شنو العمل نخبره او لا .... ركان واهو يدخل ويبوس راس ابوه ويقعد جنب ريان بتعب : ااااه .... تعب .... شفيكم ... اي صج شنو طلع مع ميار تحاليلها تمام ..... قاسم واهو ياشر له على التحاليل : اختك حامل ..... ركان بصدمه واهو يعتدل بقعدته : شنو حامل ... يبه من جدكم تكلمو .. ريان : اي حامل .... ركان واهو بيوقف ووقفه ريان : وين ميار ... اتركني شفيك بتطمن عليها ..... ريان : حالها ما يسر الحين نايمه احسها متلخبطه بمشاعرها للجنين ... صارت دموعها تنزل بدون صوت وهم انا طينتها بكلامي لها عن طمع تركي فيها واستغلاله لها عشان الفلوس .... قاسم : انا قلت لكم قبل لو انه طمعان فيها ماكان قرب لها لانه يشتغل عند مهران ومهران بنفسه خبرني انه اهو الي عرض عليه يساهم باسهم معاه من قبل يتزوج ميار او حتى يلمح لهالشي .... اذا قعدت ميار نبيها تفرح بحملها وسوو لها هبالكم المتعودين عليه ..... اي وليد للحين ما وصل من مدرسته ..... ريان : لا يبه وصل الشغاله تقول رجع تعبان تعرف اول يوم والبارحه ما نام بسرعه من تفكيره باليوم فاكل ونام .... قاسم : زين ... والحين انا بخبر مهران واهو يخبر امه واخوه واخته وعمامكم واذا صحت ميار تقرر اذا تبي تركي يعرف لو لا .... كلم قاسم مهران وخبره بحمل ميار واصر مهران بان تركي من حقه يعرف واي تفكير غلط بابوته للجنين يرجع لنفسه وضميره ولمى صحت ميار كلمها مهران و هداها و تولا مهمت توصيل الخبر لتركي ولمى عرفة امها بحملها سافرة لها دايركت ولحقوها سناء وماهر اما مهران فكان يخلص امور اسهم تركي و يحولها على شركة لصاحبه لانه ما يبي اي تعامل بينهم ولمى خلص من كل الاجرائات ارسل لتركي ظرف فيه اوراق اسهمه للشركة الثانيه وتعويض عن النقل بشيك فيه مبلغ مليونين وورقه ثانيه فيها خبر حمل ميار وانها ماتبي منه اي شي والورقه لمجرد ترك خبر عنده وبس .....لمى وصل الظرف بيت ابو تركي للاسف محد كان موجود الا اروى لان الكل بالعمره لان تركي كانت حالته بالنازل من بعد سفر ميار وكثرة كبته تعبته فاخذه ابوه للعمره واصرت امه تكون معاه ومحد يزور البيت لغياب الوالدين فلمى استلمت اروى الظرف ولقته من شركة مهران خافة يكون فيه شي يخص ميار فاخذت الظرف للمطبخ وعرضته للبخار وفتحته ولقة الورقه الي زلزلة كيانها فخبتها عندها ورجعة الظرف مثل ما كان وسلمته لتركي لمى وصل و تضايق لان مهران حول اسهمه لشركه ثانيه وبعد مده باعها لصاحب الشركه والشيك تركه بالظرف لانه ناوي يرجعه لمهران اذا التقى فيه وخبر حمل ميار ما يعرف عنه شي والفضل لاروى طبعا ...... مرة الاشهر وميار نفسيتها تعبانه لانها تضن ان تركي يشكك بابوته للجنين فتعبت نفسيتها وايد لدرجة منعها عن الحركه لان الجنين تعبان ووقت ولادتها كان الكل حولها لكن صورة تركي قبالها وقت الولاده وصرخة باسمه وقت الطلق وولدة بنوته حلوه .... اما تركي فبوقت ولادة ميار كان متمدد على السرير واروى جنبه رايحه بالنوم واهو يحس بكبته بصدره و جاهل سببها والنوم مجافيه لكن كان مغمض عينه ويفكر بميار ولحظة ولادتها وصرختها باسمه فز وكان قلبه ينعصر وصرخ باسمها ففزت اروى على صرخته .... اروى بفزع بعد ما صرخ تركي : بسم الله .... شفيك ليش تصرخ وتناديها .... تركي واهو ينزل من السرير ويطلع من الغرفه : سكتي صوتج لا اسمعه ..... ثم كم مره قلت لج لا تنامي جنبي ..... اروى واهي تلحق وراه لصالة الجناح : والله مو حاله معاك كل فترة والثانيه تقلب علي .... قول شفيك هالمره بعد .... تركي واهو يدفها : ذلفي من قدامي وروحي الغرفه الثانيه مابيج يمي ... اروى واهي تمشي للغرفه : اي وقت حاجتك تيي وتشبع غرايزك لكن بعدها اصير غير مرغوبه .... خزها تركي وكشر من كلامها و تذكر حالته معتها لانه فعلا مايقرب منها الا عشان يكفي حاجته ولا يروح للحرام لانه مايبي يتزوج غيرها ويبلش نفسه فتاركها لحد ما تغلط ووقتها محد يلومه لكن له مده ميار ما تفارق باله ولمى صرخ باسمها حس ان فيها شي او انها تالم وتردد يتصل لمهران لو لا لكن بالنهايه اتصل لفهد لانه عارف ان ليلى متواصله مع ميار ويمكن يسمع خبر عنها منه لان ندى ترفض تكلمه او تكلم حتى طلال عن ميار ومتعجب من تصرفها ..... فهد بعد ما رد على تركي واهو يتثاوب : اااااااه .... يا اخي اذا سببك تافه بذبحك صحيتني من عز نومي ..... تركي : اسف لكن محد لي غيرك افضفض له ..... فهد : عسى ماشر .... قول تركي شفيك ... احد فيه شي اهلك بخير .... تركي : لا الحمدلله الكل بخير .... فهد النوم مجافيني ... حاس ان فيها شي ... ياتني قبضه بقلبي عليها احسها تالم او فيها شي .... فهد واهو يتنهد : هااااه تركي ... ميار بكندا ومكالماتها مع ليلى قليله وقلت لك حتى ليلى صايره مثل زوجة طلال اوقات احسها تخبي شي عني يخص ميار .... بس سمعت من ليلى انها موقفه دراستها من كم شهر .... و .... احمممم تركي في شي انا خبيته عنك يخص ميار انت تسببت لها فيه ...... تركي بخوف على ميار : شنو ... قول فهد شنو فيها ..... فهد : للاسف تركي بسبب الضرب وتكميمك لها ميار رجع لها الربو واتوقع ترجع تعالج مره ثانيه لكن المده بتطول ..... تركي ودموعه تنزل : لا فهد ارجوك لا تقول ... اهي كانت تتعب وايد ... يعني يمكن تكون تالم الحين من الربو ... لا اناالسبب .... فهد ارجوك قول لليلى تكلمها وانا اعوضك عن تكلفة المكالمه انا اعرف مكالمة تكلف من ايطاليا لكندا لكن عشاني فهد اقنعها تكلمها وتطمني عليها.. فهد : بلا سخافه شنو تعوضني ما تعوضني ... انا بقول لليلى تكلمها لمى تصحى من نومها واذا خبرتني عنها بشي بخبرك اوكي .... تركي : لا تتاخر علي ارجوك والله احس فيها شي .... فهد بعتب : دامك تحس فيها جذيه ليش اتهمتها ومصدق ألي شفته ... انت حتى ما عطيتها فرصه تتفاهم معاك .... تركي : على شنو نتفاهم .... بعد الي شفته بعيني فيها تفاهم هم .... فهد : ما بعيد كلامي لك تركي لكن فكر بينك وبين نفسك ليش حتى اهلك برؤها ... ليش محد مصدق واهم يحلفو لو شافو بعينهم ما يصدقو .... ليش ولد عمها هرب لمى الكل عرف ... لو انه صاحي كان قال برئتها وليش وشلون دخل بيتك .... فكر وانت بتعرف كل شي ... اقول تركي لك شي ولا تزعل مني ..... تركي : قول مابينا زعل انا من بعد الي حصل بيني وبين ركان تبت اتسرع قول ..... فهد : ههههههه ادبك زعل ركان ... ههههه لكن رحمتك معاه جد ... المهم ... انا شاك باروى تكون متامره مع الياس او الشغاله ... لا تزعل لكن اروى لها سوابق وهم كانت مع الياس قبل لو ناسي .... تركي : ماعاد شي يهمني الحين ... فهد اترك عنك التحليلات وخل الزمن يظهر الحق ووقتها لو طلعت غلط ذره بحق ميار او غيرها انا بسوي اي شي بس تسامحني .. المهم لا تتاخر علي بالرد والاخبار ... اخليك تكمل نومك واعتذر مره ثانيه .... فهد : مابينا هالكلام ... يله اخليك وريح بالك باي ..... سكر فهد من تركي وتنهد ولف يطالع ليلى جنبه لقاها رافعه راسها عن الوساده ومتكيه على ذراعها وسانده راسها بيدها وتطالعه فابتسم لها ... فهد : اسف قعدتج بهذرتي مع تركي نسيت نفسي وظليت مكاني .... ليلى واهي تعتدل بقعدتها وتسند ظهراها لخلفية السرير : لا عادي تعودت هالحركات من تركي .... يفكر فيها ..... فهد : اي .... ليلى ليش احسج خاشه شي عن يخص ميار ما تبين تقوليه لي وخايفه يوصل لتركي ..... ليلى : مافي شي نخاف يعرفه هذي اولا وثاني ميار مانعتني اقول شي لك لان ما تبيك تكلمه فيه .... فهد : ليش يعني شنو هالشي .... ليلى من متى تخبي علي انا فهد .... ليلى : اي اعرف انك فهد وصاحبك تركي .... شوف ميار واثقه ان لو قلت لك وحرصت عليك ما تقول لتركي بتنفذه لكن انا اشوف انك ما تعرف احسن يمكن يزل لسانك معاه ..... فهد واهو يشد شعرها بمزح : يعني ميار تثق فيني وانتي لا اوريج ... ليلى : اي اي اترك شعري يا مجرم الحين ولدك يصحى ووقتها انت تنومه ..... فهد : اوكي بس اول قولي ... ليلى وفهد يترك شعرها وترتبه : لا فهد مابي .... بس قول شيبي تركي.. فهد : يقول يحس ان ميار فيها شي ... تالم او فيها شي ... وتضايق لم خبرته ان الربو رجع لها بسببه ..... ليلى واهي تتصل : تعرف خوفني كلامك عليها بكلمها واشوفة..... فهد : اي يله كلميها الوقت مناسب الحين عندهم عصر .... ليلى واهي تاشر له يسكت : الو .... شلونج خالتي ......والله صج ...هههههههه الحمدلله .... الف مبروك ........... متى تصحى ابي اكلمها ....لا لا والله فرحانه .... اوكي انتظر خالتي ... سلامي لها ....الله يسلمج ... مع السلامه ..... فهد : شفيج .... ليش فرحانه جذيه ... ليش موب ميار الي ردت ليش امها ..... ليلى واهي فرحانه : شوف بقول لك الي خبيته عليك ويخص ميار لان وقته خلاص لكن هالشي تركي ما تقوله له لانه ما يستاهل بعد الي سواه فهد : اوكي اذا لقيته يستاهل ما يعرف مابخبره لكن قولي احس انه شي كبير ..... ليلى : اي كبير .... ميار كانت حامل لمى سافرة .... لا تقاطعني اسمع للنهايه اي كانت حامل من لمى كانت هني يعني حملها تم قبل يرجع تركي البلاد .... ميار ما عرفة الا بكندا تعبت وايد وداخت عليهم وسوو لها تحاليل لان ضنوه سوء تغذيه وميار ما حست بحملها لان قبل كان معاها مشاكل نسائيه وتركي يعرفها المهم مهران ارسل لتركي في ظرف تحويل اسهمه لشركه ثانيه وشيك تعويض عن النقل وهم ورقه كاتب فيها بخط يده ان ميار حامه وماتبي منه شي مجرد يتركو عنده خبر بابوته للجنين فهد واهو مصدوم : معقوله ... تركي ما ياب لي سيرة هالشي .... ليلى : وهذا الي اكد لنا تفكيره ... تركي يشكك بابوته للجنين ولا ليش لا كلم مهران او ماهر وللعلم ميار قالت ان ماهر تصادف معاه اكثر من مره بشركه لكن يادوب يسلم ويبعد ولا يابسيره عن حملها ... ميار تعبت نفسيتها طول فترة الحمل بسبب هالشي ... شك تركي يعني اتهامها لكن يقدر يسوي تحليل الدي ان اي ووقتها بيعرف ان ميار شريفه والبنت بنته ...... فهد : جد ميار يابت بنت .... يعني تركي عنده بنت الحين ... شنو سموها ..... ليلى واهي فرحانه : تاله .... ميار كانت عارفه انه حامل ببنت وقالت تاله ... مع انه ما يستاهل لكن تقول انه اختيار تركي .... فهد لا تكلمه بهالشي ابد لا تييب سيرة حملها ولا انها ولدة ميار تقول دامه شاك ماله داعي الكلام معاه لان هالشي يدينها ما يبرئها ..... فهد : لكن البنت لازم تنكتب باسمه .... هالشي من حقها .... انا بكلمه هالشي ما ينسكت عنه ابد ..... ليلى : فهد لا ... شوف انا خبرتك لكن ميار ما تبي احد يكلمه يعاتبه او شي اهو من نفسه لازم يفهم هالشي ... فهد تركي اكيد شاك بابوته للبنت لكن ميار تقدر تثبت وبرغم هالشي ما تبي ... الي يعيفك عيفه ميار ما تبي تقرب له بشيوبنتها بتربيها بدونه والبنت مو بحاجته ... لا تخليني اندم اني خبرتك انت ما امداك دقايق من عرفة وقلت بخبره وين ثقة ميار فيك ..... فهد : حبيبتي حطي تركي ولدنا مكان هالبنت ... من حقها ابوها يعرف ويعطيها ابسط حقوقها وهم لازم يقرب للبنت تعيش مثلها مثل اي طفل .. ليلى : ولو اهو يبي هالشي ما سكت ... بسالك خبرك عن الاسهم والشيك لو لا .... فهد : اي خبرني .... ليلى : بنفس الظرف ورقة فيها خبر حمل ميار ليش ما خبرك ... شنو معناه ... ميار سالتني اذا خبرك ولمى قلت لها لا انعارت حتى وضع البنت كان صعب حالة ميار كانت صعبه على طول بالمستشفى متمدده والاجهزه موصله فيها والمغذي مغروس على طول بيدها بذمتك وحده هذا حالها وين هلي تقول عنه ابو ومن حقه تكلمه لو يبي يتكلم كان كلمك وخبرك انه بيصير اب لكنه يضن حملها من الياس فاهم الحين ... مقتنع ان ميار خانته .... فهد واهو يحط يدينه على راسه وبحيره : والله كلامج صحيح ... تركي ليش خبى علي ليش ما قال لاحد ... انا لمى كلمة طلال حتى طلال ماقال لي ...زين ندى تعرف ..... ليلى : اي تعرف ومثل وضعي حلفة لميار ما تكلم لطلال ولا تنسى طلال عصبي ولو عرف بيخانق تركي وهم امه وابوه بيتعبو من سوايا ولدعم ... ميار واهلها الي عليهم سوووه وخبروه خلاص ماله شي عندهم ... فهد حلفتك بالله لا تنقل له اي شي عن ميار اذا سالك قول له ما تبيك تعرف شي عنها واهي هم ما تسال عنه ولا تبي تعرف شي ... تعرف ولا مره سالتني عن اخباره بس تسال اهو بخير لو لا وبس ولا شي تبي تعرف عن حياته وحتى ندى لو يات تخبرها شي تمنعها وتقول له لو قلتي شي عنه بقفل ولا اكلمج ... ميار تعبت وتبي تعيش مرتاحه يكفيها الي ياها ..... فهد : والى متى هالشي ... هالبنت بتكبر وتسال عن ابوها وبتبي تشوفه ... تعرف عنه ... هالشي ما فكرة فيه ولو اهي بالبلاد كان هانت بيعرف ويشوفها ووقتها بيحن ويعرف انها بنته ..... ليلى : فهد اتركها للزمن اهو كفيل انه يصلح الامور وهذي حياتهم واحنا ما يحق لنا نغيرها ... بس تعرف خالتي ام مهران تقول البنت يات تعبانه ... يا خوفي تروح وقتها ميار جد تين ..... فهد : شنو فيها بالضبط .... ليلى : ان شاء الله شي بسيط ... بكره يبان كل شي بيفحصوها ويعرفو ... المهم شنو بتقول لتركي الحين ..... فهد : شنو بقول بقول له كلام ميار اهو افضل شي وبقول له انها بخير ولا يسال عنها ويعيش حياته .... ليلى : احسن شي ... يله بعد بروح اجهز لك فطورك وراك شغل .... نزلت ليلى بعد ما طبع فهد بوسه على خدها وتنهد واخذ تلفونه لانه لازم يكلم تركي وينهي الموضوع ومثل ما تبي ميار بيسوي برغم انه مو مقتنع لكن هذي حياتها واهي حره فيها فاتصل ومن ثاني رنه رد تركي . تركي بلهفه : هاااه فهد طمني ..... فهد : تطمن اهي بخير مافيهاالا كل خير ... تركي بقول لك شي لكن لا تزعل اهو لصالحك ..... تركي : شنو ميار فيها شي .... فهد : فيها انها ما تبي تسال عنها مثل ما اهي ما تسال عنك ... تركي ميار ما تسال عن اخبارك لكن اذا انت بخير لو لا تسال وانت هم لا تسال عن اخبارها البنت ما تبيك تعرف اخباره ..... تركي بالم واهو يبتسم بضيق : خلاص نستني ما تبيني بحياتها ... فهد : تركي ما له داعي هالكلام ونعيد ونزيد فيه انت اخترت وغلط ولازم تحمل لا تقول لي خانت ومن هالكلام خلاص ما منه فود ولا بيتغير من الواقع شي انتو منفصلين وكل واحد ببلد فعيش حياتك واهي هم عايشه حياتها .... تركي : الحساس يا قلبي الحسّاس لو تنجرح لا باس في حُب يمحي حُب وفي ناس تمحي ناس أرجوك لا تحزن إرتاح واتطمن بعض اللقى مؤلم وبعض الفراق أحسن يا قلبي الحسّاس لو تنجرح لا باس في حُب يمحي حُب وفي ناس تمحي ناس أرجوك لا تحزن إرتاح واتطمن بعض اللقى مؤلم وبعض الفراق أحسن كل شي لِك خيرة ها الفرح وتأخيره ولو شخص ما به خير لازم يجي غيره كل شي لِك خيرة) ها الفرح وتأخيره) ولو شخص ما به خير لازم يجي غيره يا قلبي الحسّاس لو تنجرح لا باس في حُب يمحي حُب وفي ناس تمحي ناس أرجوك لا تحزن إرتاح واتطمن بعض اللقى مؤلم وبعض الفراق أحسن من صَد عنّك صِد ولو رد لك لا تْرِد من يستغل طيبك ما يستحق الوِد ما أنكر العشرة وقليبي ما يكرَه من طوّل غيابه وش فايدة عذره من صَد عنّك صِد ولو رد لك لا تْرِد من يستغل طيبك ما يستحق الوِد ما أنكر العشرة وقليبي ما يكرَه من طوّل غيابه وش فايدة عذره كل شي لِك خيرة ها الفرح وتأخيره ولو شخص ما به خير لازم يجي غيره (كل شي لِك خيرة (ها الفرح وتأخيره ولو شخص ما به خير لازم يجي غيره يا قلبي الحسّاس لو تنجرح لا باس في حُب يمحي حُب وفي ناس تمحي ناس أرجوك لا تحزن إرتاح واتطمن بعض اللقى مؤلم وبعض الفراق أحسن يا قلبي الحسّاس فهد واهو يتنهد : تركي خلاص لا توجع قلبي عليك ... انت من تقصد بالحب الي انمحى ميار او اروى .... تركي : فهد تضن اقدر امحيها من حياتي والله لو ينشلع قلبي جسمي يهتف باسمها ميار ما تنمحي اهي محت كل شي لكن محد محاها ابد .... ابي انام اصحى الق كل هذا حلم وانها نايمه بحضني والله ابي هالشي .... فهد : الله العالم تركي يمكن امنيتك تتحقق وتصحى بيوم تلقاها بحضنك ... تركي خل تفكيرك بشغلك واذا اروى بقت محترمى قدسية الزواج وتسنعت عيش معاها و ييب لك ولد ولا بنت يحمل اسمك .... تركي : من صدقك فهد اييب عيال من اروى ... لا تبيهم يطلعون فاسدين خلني جذيه احسن ولو حصل وتمنيت طفل بتزوج وحده نظيفه تييبه لي ... اروى بتركها على ذمتي طول ما اهي ماشيه سيده لكن تعوج ورقة طلاقها بيدها وتمشي .... فهد : اوكي تركي بسكر معاك لازم اروح شغلي الحين .... تركي : وانت متى ناوي تخلص امور شغلك وترجع اشتغل هني انا ناوي افتح شركه ابيك انت وركان معاي .... فهد : قريب يا صاحبي اخلص اموري اورجع وحط ببالك انا المدير وانت وركان برى ..... ضحك تركي وقال له تمون الحلال حلالك وسكر بعدها معاه وبرغم انه ختمها بضحكه لكن قلبه موجوع لانه ما قدر يعرف اخبار ميار ولا عرف سبب الالم الي صابه واحساسه ان فيها شي لكن دعى من قلبه انها تكون فعلا بخير واذا فيها شي تتشافه وتكون سليمه وبصحه وعافيه ومافي شي يضايقها ..... اما ميار فبعد ولادتها غابت عن الوعي من تعبها واول ما صحت طلبت تشوف بنتها واول ما عرفة انها بالحاضنه خافة عليها واصرت ياخذوها لها ولمى شافتها بجت لانها كانت صغيره وايد واسلاك موصله بجسمها الصغير وخبرها الدكتور انها انولدت تعاني من الكلى واهو بسبب نفسية ميار بالحمل وقلت التغذيه والسوائل لكن مع العلاج ممكن تتحسن ... الله نجا تاله وعاشة بكلى تعبانه والكل تحاوطها وخصوصا مهران اعتبرها بنته وكان حريص عليها بكل شي بحياتها ...... | ||||
|
| |
|
08-06-21, 09:16 PM
| #69 | ||||
| البارت السابع والثلاثون مرة خمس سنين من ولادة ميار وصار عمر تاله خمس سنبن .... نتكلم عن كل واحد شنو حصل بحياته كل هالسنين ... اولا فهد وليلى ... غير تركي صار عندهم ولد ثاني سموه فيصل وليلى حامل بالسابع ورجعو البلاد بعد ولادة تاله بثلاث شهور واشتغل فهد مع تركي بشركته وحياته ماشيه من احسن ما يكون .... ركان شارك تركي بالشركه ويديرها معاه اهو وفهد ورافض يتزوج لانه تعقد من زوجات ابوه .... طلال وندى عايشين حياتهم عادي وعندهم غير ولدهم بدر بنوته عمرها اربع سنين وطلال للحين ما يعرف بوجود تاله .... سمر حياتها مثل ما اهي لكن تسال ندى دايما عن ميار ومثلها مثل الباقي ما تعرف بوجود تاله .... ملاك تادبت وتركت اروى وعايشه حياتها مع زوجها وعيالها وغير ولدها صار عندها بنتين توم ..... عايلة ميار مثل ما اهم وماهر يسافر اهو وسناء وعيالهم وزوج سناء كل فتره والثانيه لميار ويقضون الاجازه مع بعض حتى لو يسافرو بلد ثاني لانهم يتفقو يلتقو فيها وحتى ريان وركان يروحو معاهم ... مهران وامه عايشين حياتهم مع ميار وتاله وتاله تنادي مهران بابا وتعرف اسم ابوها الحقيقي وميار فهمتها انهم منفصلين و ان تركي بالبلاد واهو مسافرين .... ميار كملة دراستها لحد الدكتوراه وعايشه لبنتها ووليد منتبها لهم وتعتمد على وليد برعاية تاله وقت غيابها ووليد يعامل تاله على انها اخته الصغيره وبرغم تلميحات ريان وركان لان وليد يحب تاله حب غير الاخوه لكنه مصر انها اخته لان ميار فهمته لاول تعليق من ريان بهالشي ان الزمن كفيل بتغيير مشاعره وما تبيه يتعامل مع تاله غير كاخت واذا له نصيب فيها بياخذها واذا كبر بيتوضح له مشاعره لمن .... تركي واروى حياتهم روتينيه تركي مشغول دايما بالتدريس بالصبح بالجامع وبالعصر بالشركه وعايشين بجناح ببيت اهله ورافض يطلع حتى برغم زن اروى لكنه خيرها بين عيشتها ببيت اهله او الطلاق لكنها اختارة عيشتها معاه و علاقتها معاه مجرد لقاء كل وين ووين لمى تركي غريزته تتحرك لكن قلبه للحين مع ميار وكل يوم اول ما يصحى يصبح عليها وكانها قباله لانه ينام بغرفة خاصه فيه واروى بغرفه ولهالشي اروى ماشيه على خيانتها لتركي لكنها حذره و محد كشفها للحين ..... اخيرا الياس على حالته ما تغير شي وابوه واخونه رافضين يشيلو عنه الاجهزه وعندهم امل انه يصحى مره ثانيه .... تاله واهي متخصره : بابا شوف ماما ما تبي تييب لي هذي اللعبه .... مهران واهو يحملها ويقعدها بحضنه ويبوس خدها : يا روح البابا انتي ... ليش يا ست ميار ما تبين تاخذي هذي اللعبه لاميرتي ..... ميار : مهران بسك تدليل فيها والله تخرب جذيه ثم من يومين ريان ماخذ لها لعبه خلاص غرفتها بتنفجر العاب ..... ام مهران : لو بتخرب كنتي خربتي انتي من دلال مهران .... تعالي تاله انا اخذج بكره نشتريها ... ميار واهي تقعد جنب عمها : شفت يبه شلون يخربوها علي ... قاسم واهو يضحك : ههههههه يبه كل مره هذي حالتكم واخرها تشتري لها الي تبيه .... زين اللعبه يديده وتو نازله اكيد تبيها .... ميار : اااته خلاص سوو الي تبونه .... الا وين ريان .... ركان : راح يحجز عشان رجعتنا .... اقول مهران ليش ما ناخذ طياره خاصه افضل لنا .... ميار بحماس : اي جد مهران خل نرجع بطياره خاصه افضل لنا ... ثم العاب هالاميره وين نخليخا لازم مكان لها ..... مهران : عشان اميرتي ناخذ ... كلم ريان وقول له يخبرهم مره وحده ... ام مهران : متى قررتو نرجع .... ميار بحماس : اخر هذا الاسبوع ... ابي اول ما ننزل البلاد اقدم اوراقي للجامعه متحمسه اشتغل .... ركان : اي شعليج معاج لقب دكتوره من يوقف بويهج الحين محد قدج ... ميار : اي وانت ندور لك زوجه وريان هم لازم ازوجكم واخلص منكم . تاله : واااو ماما ونسوي حفله والبس فستان اميرات ..... ركان : وانتي هذا الي يهمج ... بنتج على من طالع تحب الحفلات .... مهران : على سناء ... اي عمي خلاص قدمت استقالتك للسفاره ... قاسم : خلاص شلي بالغربه اكثر من جذبه عمري راح وعيالي معاي خلاص ابي ازوجهم على قولة ميار وافرح بعيالهم .... ريان واهو يدخل : بشرط زوجونا توم عشان نكون مع بعض على طول. ام مهران : لا يمه توم لا بسنا تبينا نتلخبط بينهم مثلكم انتو لولا ملابسكم مختلفه ولا ما ميزتكم ..... ضحك كلهم وميار عينها على تاله وتفكر اذا رجعو ممكن تشوف تركي ويعرف ان تاله بنته خصوصا ان تاله اخذت عين تركي برسمعا ولونها ولون شعر تركي فلو شاف تاله بيعرف انها بنته ... انتبهت ميار لوليد واهو يقعد جنبها ويبتسم لها وابتسمت له وتاملته لقته مهران صغير لكن له ملامح من امه الله يرحمها و كبر وتحسه متحمل المسؤليه ويحاول يرضيها باي طريقه وتغير حاله بسبب الي صابها ومو بس اهي الي تاثرت لفراق تركي حتى وليد لانه كان يحب تركي وايد وانصدم فيه صدمه كبيره .... رجعو البلاد وقدمة ميار اوراقها للجامعه وتم تعيينها وباول يوم دوام لها لازم تحضر اول اجتماع ويتم تعريفها للدكاتره ويتحدد تحت اشراف من بتكون لان لازم احد الرئساء يلاحظها ويقدم تقرير عنها وبعدها تترفع بالمركز ورفضت اي توصيه من مهران ...... رئيس الجامعه : دكتور تركي .... تركي : نعم برفسور ..... الرئيس : في دكتورة يديده تعينت عندنا واهي دكتورة ادارة اعمال و خريجة افضل جامعات كندا ومثل ما انت عارف دكتور سعد باجازه فلازم تكون تحت اشرافك ..... تركي : مو مشكله انا مستعد فلو سمحت عطني ملفها ..... الرئيس : ملفها معاها تسلمه لك لمى توصل ..... جاسر : ليش اهي موب مداومه ... المفروض اول الحضور عشان تتعرف على الكل و رئيسها ..... الرئيس : فعلا لكنها اعتذرة ومضطره تتاخر شوي وانا مراعي ظروفها فسمحت لها ... ثم ليش العجله شوي وتوصل وتتعرفو عليها وتحضر اول اجتماع ..... السكرتيره بعد ما طقة الباب : عفوا برفسور ... الدكتورة اليديده وصلت .. الرئيس : خليها تتفضل .... كاهي وصلت وبالوقت هم .... ميار اول ما دخلت ونضرها بالملف ترتبه : السلام عليك .... اعتذر لتاخري .. . الكل رد السلام الا تركي وجاسر لانهم انصدمو بلي قبالهم لكن جاسر رحب فيها واهي ابتسمت له ولمى لفت للرئيس انتبهت لتركي وحست ان ريلها ما تتحمل تشيلها لان تركي يطالعها وحست كانه بيهجم عليها يذبحها من نضراته لكن تركي كان مصدوم ويضن انه يتخيل ويحاول يتاكد من انها فعلا ميار ونضراته كانت تبين انه متضايق لوجودها لكنه تحت تاثير الصدمه وعدم التصديق ووقف لمى قربت له وكانت تمد الملف لرئيس الجامعه الي اهو قاعد جنبه ..... رئيس الجامعه واهو ياشر لميار على كرسيها : تفضلي دكتورة ميار هني ... احنا للحين ما بدينا الاجتماع كنا ننتظرج وخبرتهم بتعيينج واخترت لج الدكتور الي بتكوني تحت اشرافه ..... ميار واهي تقعد مكانها ومنزله راسها : اشكرك برفسور .... بس ممكن اعرف بكون تحت اشراف من ..... الرئيس واهو ياشر لتركي ويتصفح ملفها : دكتور تركي .... كنتي بجامعة تورنتو .... ميار : اي نعم برفسور ... لاني كنت اسكن في تورنتو فدخلة جامعتها ..... الرئيس : لكنج درستي بمده اقل من اللازم .... اي اول اخذتي البكالوريوس بجامعه بولونيا بايطاليا وبعدها اخذتي الماجستير والدكتوراه بكندا ... شلون بخمس سنين المفروض سبع .... ميار : فعلا برفسور لكن قدرت اخذ الماجستير بسنه ... البرفسور مايكل ساعدني و قبل اقدمها بسنه لظروف كنت فيها والدكتوراة خذيتها بثلاث سنين وهم ماكنت اخذ اجازه كنت مواصله لهالشي خلصتها بخمس بدل سبع …. جاسر واهو يطالع ميار براحه : برفسور انا اضمنها لك دكتورة ميار كانت زميله لي ودكتور تركي بوقت دراستنا بايطاليا وكانت مجتهده ولا شرايك دكتور تركي .... تركي واهو يطالع قدامه ويحاول يتماسك : اي نعم ... كلام دكتور جاسر صحيح .... اذا سمحت لي برفسور انا استاذن ويا ريت الدكتورة تييني مكتبي اتفاهم معاها على امور مهمه ... بالاذن ... طلع تركي وكان جاسر عينه عليه ولمى طلع لف على ميار لقاها منزله راسها وتحاول تتماسك وحس انها فرصته دام تركي طلقها فحب يبعد ميار عن تركي فلف لرئيس الجامعه يقدم اقتراحه ... جاسر : برفسور اذا امكن تحول دكتورة ميار علي لان دكتور تركي ينشغل وايد بالجامعه وبعدها شركته فاتوقع ما معاه وقت يتابع تعيين دكتورة ميار لكثرة الضغوطات عليه ..... الرئيس : معلي دكتور جاسر لكن مركز دكتور تركي اهو الي يخوله لهذي المهمه وهم اهي من ضمن مسؤلياته وشركته ما تعيقه ابد وسبق ووضح لي هالشي ورفض عدم تخويله المسؤليات ثم شركته مالها دخل بشغله هني واشكرك لحسن تعاونك مع زميلك ... ودامك حاب تساعد وصل دكتورة ميار لمكتب الدكتور تركي لان اتوقع دكتورة ميار ما تدل شي بجامعتنا وخذت وقت عشان توصل لمكتبي لو اني غلطان دكتورة ميار ..... ميار واهي تطالعه : اكون لك شاكره برفسور لاني فعلا اخذت وقت عشان اوصل لمكتبك لولا اللافتات ...واشكر دكتور جاسر لاقتراحه وحسن نيته .... جاسر واهو يبتسم لها : المشكله انج تعرفي نواياي ... تفضلي دكتوره معاي اوريج الجامعه وبعدها اوصلج لمكتب دكتور تركي .... برفسور بيكون مكتبها مكتب دكتور ضاحي صح .... الرئيس : اي نعم واشكرك لتكرمك بارشادها ... تفضلي دكتوره ملفج سلميه لدكتور تركي ..... اخذت ميار الملف وشكرة الرئيس وطلعت مع جاسر وكان جاسر يمشي جنبها واهو فرحان .... ميار : شكرا دكتور لانك تساعدني ... واشكرك هم لانك حاولت تجنبني دكتور تركي ..... جاسر : اولا مابينا شكر ... ثانيا اسمي جاسر واتركي الالقاب احنا معرفة سابقه .... ثالثا كان ودي فعلا اجنبج تركي لاني عارف الي بينكم ....تبين احاول مره ثانيه ممكن اكلم تركي نفسه يعتذر ... اهو قبل من قبل لا يعرف انه انتي ... ميار : اذا اهو ما يبي اكون تحت اشرافه بيقول بنفسه .... لا تخاف علي والي الله كاتبه بيصير ..... جاسر : اوكي عيل خليني اوريج مكتبج ومكتب تركي وبعد ما تخلصي معاه اوريج الجامعه بالكامل واقسامها .... ميار : اوكي تفضل .... اخذ جاسر ميار ووراها مكتبها وكان مكتبه جنب مكتبها وبعده مكتب تركي فطق جاسر الباب وسمع تركي ياذن بالدخول فدخل جاسر ووراه ميار وما خفى على تركي نظرات جاسر و سعادته الواضحه فحس بالدم يغلي بعروقه لكنه تماسك وطالع جاسر واهو يتكلم له .... جاسر : يبت لك دكتورتنا اليديده ... اي فرش طازجه من الجامعه ... الا صح ميار شلون قدرتي تخلصي بسرعه جذيه او الواسطات لها دور ..... تركي واهو يسبق ميار : جاسر اذا تبي الدكتورة اليديده بسوالفك الي ما تخلص خذها وخلها ترجع لما تخلص هذرة الحريم الي عندك ..... جاسر واهو يطالع تركي وبعصبيه : الحين انا كلامي هذرة حريم يعني انا حرمه بنظرك ..... تركي واهو يطالع جاسر : محشوم لكن الي اسمعه منك من لحظات هذرة حريم واضنها تافها فلا تنزل نفسك لهذي السخافات شلون خلصت وواسطات انت عارف شلون ممكن تخلص كل امورها ... لو اني غلطان يا مدام ..... ميار بطولة بال وتحس ان تركي شن عليها حرب بارده : عفوا دكتور .... من لحظات كنت تقول لدكتور جاسر انها هذرة حريم لكن الي اسمعه انك مشيت معاه فيها بسؤالك هذا ..... عموما انا موب محتاجه لواسطات عشان اخذ شهاداتي .... الحمدلله اعرف ادبر اموري واشغل مخي واستغل وقتي بدل هذرة الحريم الي تقول عنها .... اعتذر دكتور جاسر عن كلامي لكن كلامك من لحظات ماكان هذرة حريم واي سؤال تبي تعرف جوابه مني بيكون بينا اذا حاب ..... جاسر واهو يبتسم لها : اكيد بكون متشوق اعرف كل شي من بعد ما سافرتي ... حاب ندردش مع بعض واذا امكن غداج معاي اليوم ..... ميار واهي تبتسم بهدوء : شكرا دكتور لكن اعذرني اهلي ينتظروني وما امداني من وصلت وتعرف تجمعات العايله لي اسبوعين بس من وصلت ... اتركها بعد ما اتعود على الجامعه الايام كثيره ..... جاسر : بانتظر ... اوكي انتظرج بمكتبج بعد ما تخلصي مع دكتور تركي ... اعتذر تركي اذا عطلتك ... باي .... هز تركي راسه واهو يطالع جاسر واهو يسكر الباب وراه بعد ما طلع وميار واقفه مكانها واهو قاعد ورى مكتبه فتنهد وطالعها .... تركي واهو يمد يده : ممكن الملف لو سمحتي .... وتفضلي اقعدي قبال المكتب ... مدت له ميار الملف وقعدت مكان ما اشر لها ونزلت راسها وتضن ان تركي يشوف ملفها لكن تركي كان يطالعها ويتامل شلون تغيرت مو للاسوء لا للافضل وبوايد كبرة و صارت اكثر انوثه وجمالها طغى ولاحظ انها ما تغطي ويها مثل ما سبق وقالت لو انها تحسنت وصارت طبيعيه بتغطي ويها بنقاب وتذكر كلام فهد قبل خمس سنين لمى قال له ان الربو رجع لها وبسببه فتنهد ورفعت راسها ميار والتقت عينه بعينها وحس ان وده يسحبها ويضمها لصدره ومشتاق لها وميار ارتبكت من نظراته وخافة تغوص بداخله لانها ما تبي تنجرف ورى مشاعرها وتتعذب فنزلت عينها وصارت تطالع مكان ثاني بعيد عنه .... تركي بالم وصوت هادي قريب للهمس : ليش رجعتي .... ميار واهي تطالعه : ما فهمت المغزى من السؤال ...انا اول مره ادخل الجامعه .... تركي واهو يبتسم بسخريه : تستهبلي حضرتج ... ليش ييتي هالجامعه بالذات ... ليش ما رحتي غيرها ... اي حنيتي ورجعتي بعد ما شبعتي من الاجانب برى ..... ميار واهي ماسكه اعصابها : لو سمحت دكتور تركي الزم حدودك معاي انا هني دكتوره مثلي مثلك لكن الفرق اني تحت اشرافك لحد ما اتثبت ...اذا شايف انك مو قد هذا الاشراف بطلب من البروفسور ينقلني لاي دكتور ثاني غيرك ..... تركيواهو يلف القلم بيده : اي قصدج جاسر .... شنو لقيتي صيده يديده .... ميار واهي توقف وتمد يدها له : لو سمحت الملف اانا غلطانه بقعدتي هني ..... تركي واهو ياشر لها بالقلم : قعدي قعدي .... استفزج كلامي ...انا قلت الصج ... مو انتي خنتي قبل ولعبتي بذيلج و هذا الحجاب ستار يغطي افعالج ...... ميار واهي واقفه : مو كل من لدغك تضن باقي الناس ممكن يلدغ واصابع يدك مو سوى .... لو سمحت الملف ..... تركي : قعدي .... بكلمج عن القواعد والتعليمات ... قعدي ولا تحمقي جذيه بينا لقائات كثيره طول السنه ونشوف اذا مثل ما قلت ولا شنو ...... ميار : ممكن اكلم تركي مو الدكتور تركي .... تركي واهو يطالعها ويتمعن في شكلها : ثنينهم واحد ..... ميار : صح بالجسد لكن هني في فرق لو برى الجامعه بكلم تركي لكن هني بضيف عليها دكتور وطلبي لاني ابي اقول لتركي موب الدكتور ..... تركي واهو يرمي القلم على المكتب ويوقف وياشر للكنبه : اوكي تفضلي نقعد هني عشان اصير تركي موب دكتور تركي .... طالعت ميار مكان ما اشر فلقت كنبه وجنبها بالجهة الثانيه كرسي لشخصين فتوجهة للكرسي وابتسم تركي ومشى لجهتها وتو بيقعد جنبها وقفت فطالعها مستغرب ..... تركي واهو قريب لها : ليش وقفتي ارجعي قعدي .... ميار واهي تاشر للكنبه : انت تقعد هني وانا مكاني مالك مكان جنبي ما تحل لي فاهم ..... تركي واهو يرفع حاجب واحد : يا سلام يعني ولد عمج تكوني بحضنه عادي وانتي على ذمتي وانا حرام اقعد جنبج وانتي منتي على ذمتي ..... ميار واهي تبعد وبعصبيه : الزم حدك تركي تماديت وايد وانا الغلطانه الي باقيه هني معاك اسمع سخافاتك ..... تو بتمشي لكن يد تركي وقفتها لانه مسكها من ذراعها وسحبها ومن قوة السحبه ضربة بصدره فابتعدت بسرعه عنه وتعثرت بالكرسي وراها وطاحت على الكرسي بوضعيت الجلوس .... تركي : لا تسوي فيها الشريفه الي تعصب اذا احد غلط عليها انتي عارفه نفسج زين وانا كاشفج فماله داعي هالقناع معاي فاهمه .... ميار واهي بمكانها : مثل القناع الي لبسته على انك الانسان المحب الي ما يهمه اي شي ولا كنوز الدنيا واهو مقرب بس عشان يجمع قد ما يقدر لكن خربة خططه وانكشف ... تركي : الزمي حدج وانا الي جمعته من تعبي وحلالي فاهمه انتو ما تمنو علي بشي ..... ميار واهي توقف : ولا انت يحق لك تتهمني فاهم ... انا اشرف منك ومن كل طوايفك واذا كنت ريال صج وفيك شرف امسك الي على ذمتك ومرغه شرفك بالوحل .... اي وروح اسال ابوها اهي من وين يابها ... لا تسال خالتك اسال ابوها لان خالتك يا غافلين لكم الله ..... تركي واهو يمسكها من ذراعها ويرجعها تقعد ويقعد جنبها واهو ماسك ذراعها : شقصدج بكلامج ... ميار تكلمي انا عارف انج ما تقولي شي الا واثقه منه قولي شنو تعرفي عن اروى .... ميار : يعني تعترف انها مرغه شرفك بالوحل .... معقوله تعرف عنها وساكت وتاركها على ذمتك ...ثم اترك ذراعي قلت لك ما احل لك .... تركي واهو يترك ذراعها : زين بس تتكلمي بلي عندج .... ميار : بعد للكنبه ثم قلت لك اسال ابوها ليش تسالني انا .. اي صحيح قلت واثق بكلامي ... ليش واثق بكلامي هذا ومنت واثق ببرائتي من اتهامك هاااه ..... تركي واهو يبعد ويقعد على الكنبه : لاني شفت بعيني محد قال لي ميار : اذكر مره قلت لي ان الانسان يعتبر برئ من اي ادانه الا اذا اكتملت كل عناصر المعاينه للشي واهي انه يتاكد من الشوف والسمع لان مو كل شي نشوفه يكون حقيقه مثل ما نتصور ولا كل شي نسمعه يكون حقيقه الا بالاثنين يعني اسمع واشوف وبجذيه يكمل ... انت تتهمني بالخيانه وانا ابري نفسي اذا قدرت تثبت خيانتي اثبت ووقتها اهلي اهم الي يذبحوني ويحاسبوني لانهم صدقوني وجذبوك وحتى اهلك جذبوك ..... تركي : عيل ولد عمج شنو كان يسوي بغرفة نومي وبفراشي يمج ميار : وانت شنو شفت مني هل كنت اتفاعل معاه كنت اكلمه ... يا اخي خاف ربك انا صحيت من نومي ولقيتك تتخانق معاه ولا خجلت على نفسك و حشمت ستري كنت بقميص نوم ولولا لطف ربي وظهر الياس لي كان كشف جسمي لكن الحمد لله قدرت اتغطى وابعد عنكم ...... تركي : ميار كلامج يحير شلون عيل دخل وشلون لقيته يمج على السرير ..... ميار بعصبيه : تركي لا تينني انا قلت لك الي عندي وانت صدقت ما صدقت هالشي ما بيغير اي شي لا بحياتي ولا حياتك ولا يهمني تتاكد من برائتي لان الي يهموني واثقين فيني كافي عندي .... شوف يا ولد الناس انا ييت هني ادرس واقدم رساله ما ييت ادخل معاك بحرب فلو سمحت اذا ما تبي اكون تحت اشرافك اترك غيرك يتولا المهمه لاني ابي اتعين بالجامعه ممكن ترسي لك على بر ..... تركي : اوكي يا ميار .... باخذ ملفج واطلع عليه وبرسل لج على الايميل جدول محاضراتج و حطي ببالج بكون معاج بالمحاضرات بالبدايه لمده شهر وبعدها بتلقيني انط لج كل مره وبرفع تقرير عنج للرئيس وبعدها نشوف تتعيني لو لا ...ابذلي مجهود بانج تكسبيني لان مو اي شي يعجبني اوكي مدام ..... ميار واهي توقف : اوكي دكتور انا بنتظار رسالتك على الايميل وايميلي بالملف ... شكرا لك وبالاذن ..... تركي قبل تفتح ميار الباب : ميار ...جاسر بيحاول معاج وتراه يعرف اني طلقتج لانج خنتي ... يعني يمكن يبي يقضي معاج لحظات حلوه وبعدها يودعج ...... ميار : كل واحد يضن الناس مثل تفكيره وعموما علاقتي بجاسر علاقة زماله مو اكثر ومثله مثلك اذا انت تفكر جذيه غيرك لا .... طلعت ميار تعمدت تصفق الباب وراها وابتسمت لانها تعرف ان تركي يكره هالتصرف لكن تركي ابتسم من حركتها لانه ضن انه نرفزها وغاضها فتنهد واهو مبتسم ويفكر بكل الي حصل بينهم وتصرفه معاها فبقى يكلم نفسه ..... تركي : غبي انا شفيني الحين تفكر اني للحين احبها ولا ليش اعاتب والومها وهم كلامي عن جاسر يبين غيرتي .... اي اغار ما ابي احد يقرب لها ...... اااااااااخ يا ميار لو بس ما خنتي كنتي الحين بحضني انا لمست ذراعها وجسمي نفض ... ان شاء الله ما حست وانفضح ..... ااااااه يا ميار احبج للحين لكن قلبي مجروح منج .... ليش خنتي بس عشان تتخلصي مني .... لا ميار تحبني وكل تصرفاتها تدل على هالشي ... اذكر كلام فهد اول السالفه للحين براسي لو بتخون خانت واحنا بايطاليا ليش لمى رجعنا وعرفة بزواجي من اروى .... ااااخ راسي بينفجر اي لانها تبي تتخلص مني انا حمار ليش اقول لها تتخلص مني بخيانه او موتي .... شكلي بين لو ظليت على تفكيري هذا اقوم اروح البيت .... اي كلامها عن اروى وابوها شتقصد فيه هالنتفه ما تقول شي عبث وبيبين كل شي مع الوقت ولازم الاحظ اروى شكلها تلعب من وراي وانا يا غافلين لكم الله لكن اوريها لو فعلا تلعب وانا متحملها على ذمتي اوريج يا اروى ..... | ||||
|
| |
|
| أدوات الموضوع | |
| انواع عرض الموضوع | |
|
|
39Likes
العرض العادي
