آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-06-21, 01:17 AM
| #74 | ||||
 
|  البارت الثامن والثلاثون طلع تركي من مكتبه متوجه لبرا واهو يمشي لاحظ ميار مع جاسر وجاسر ياشر لها على كل مكان ومبين انه يلف فيها الجامعه يعلمها بالاماكن واقسامها فكشر وحس بنار بقلبه لكن كمل طريقه لانه لو راح لهم بيكون موقفه سخيف ولاحظ نضرت ميار له طالعته ولفت راسها عنه وكانها تقول له ما تهمني ابد فغلا الدم بعروقه اكثر وتوجه للشركه ومر بالموظفين والكل يحيه ولا رد على احد لان فكره مشغول بميار وجاسر فدخل المكتب وكان فهد وركان فيه يناقشو بالشغل ودخل ولا سلم واهم انصدمو وطالعو بعض فاشر ركان لفهد يشوفه وكان تركي قاعد ورى مكتبه وماسك القلم وشارد ونضره لقدام فقعد فهد قبال المكتب بجهة وركان بالجهه الثانيه ويطالعوه .... فهد واهو يكلم ركان ويطللع تركي : اقول ركان ما كان احد دخل علينا ولا سلم تقول داخل على يهود ...... ركان واهو مبتسم وفاهم لفهد ويلعب بالعلبه قباله : اي والله صدق ليش ما سلم ... يمكن لقى له وحده وخذة مخه حتى ما سلم ..... فهد واهو يرمي القلم على تركي : هاااااي ... اقول وين وصلت يا ابو الشباب ..... تركي بعد ما فزع من القلم الي ياه بصدره : وجع حتى وجع ليش جذيه ترميه بصدري ... تراه يوجع هااااه .... شتبي انت وياه ... ركان : سلامتك الحين هالقلم وجعك ... اقول ليش داخل حتى السلام ناسيه ... من هذي الي خذة عقلك جذيه ..... فهد بنغزه : والله اذكر من كم سنه مره وحده شفته جذيه .... خساره ما كنت معاي ركان ولا عرفة انها نفس الحاله ... الاخ طاح بحب ثاني ... من هالمره ....نعرفها او يديده .... تركي واهو يبتسم : لا شكلكم فعلا تفهموني ... لكنه قديم .... رجعت ... اي اكيد انت تعرف ليش ما خبرتني انها رجعت ... ركان واهو يطالع فهد : من يقصد بكلامه ... انت تعرف شي وانا ما اعرفه ..... فهد واهو يرفع جتوفه : علمي علمك اذا عرفة عرفني ... تركي شتقصد ومن هذي الي رجعت ..... تركي واهو يطالع فهد : ميار ... قول ما تعرف ليلى اكيد خبرتك من قبل توصل صح لو لا .... فهد واهو يستند على الكرسي : ايييي ... ليش وين شفتها ..... تركي بعصبيه : وتقولها ولا هامك ليش ما خبرتني انها يايه ... فهد ببرود : اذا ناسي اذكرك ... من خمس سنين قلت لك لا تسال عنها ولا اهي تسال عنك بشي وانساها وعيش حياتك ... ثم شنو تغير بحياتك البنت رجعت بلادها تستقر بعد ما خذة الدكتوراه واستقرت لحياتها وتبي تعيش مرتاحه ... انت شنو دخلك فيها اتركها بحالها ..... تركي بعصبيه : اتركها بحالها ...لا انسى هالشي انا من شفتها تذكرة كل شي وليش ابعد ما اهي ياتني بحضني بنفسها فليش انسى وابعد خل اسلي نفسي فيها مثل ما تسلى غيري وبتسلي جاسر ... موب احسن ولا اولا مني ...... ركان بصدمه : تركي انهبلت شهالكلام ... لا تنسى هذي ميار الي كنت تحلف باسمها وتعليها لفوق بشرفها وعفتها الحين تكلم عنها جذيه .... شفيك للحين مصدق انها خانتك ..... تركي : وليش اغير رايي احد لقى برائتها الي ممكن يبريها للحين بغيبوبه .... فهد : لا تقول لي انك الي تشرف عليها بالجامعه ...... تركي واهو مبتسم بسخريه : ليش ليلى ما قالت لك يعني سبقتك بشي ... اي انا ... واوريك فيها .... فهد : لا انهبل الريال انا شلون بعرف اذا ميار نفسها ما تعرف لمى كلمتها ليلى البارحه وقالت اليوم بتعرف ....والله مسكينه يا ميار شكلها بتغير الجامعه والله نصحتها تشوف غيرها دامك فيها لكن ما طاعت الا هالجامعه يا ابو تركي هذي افضل جامعه بالبلاد وبثبت وجودي فيها ومابي توصيات مهران او عمامي اذا احد وصى علي بتركها واقعد بالبيت ولا ادرس بواسطات .... مسكينه يا ميار بتقعدي بالبيت بعد مواجهة تركي ..... ركان واهو ميت ضحك على طريقة تقليد فهد لميار : هههههههههه ذبحتني يا فهد والله قالت جذيه .... فهد واهو يطالع ركان ومتجاهل نضرات تركي له : اي والله من يومين زارتنا بالبيت من وصلت وليلى تحن عليها الا تعشى معانا وتصدق العيال انهبلو على الحلوه الي معاها ووليد ما قصر بحمايتها لكن كانت ليله حلوه خبرتني ميار عن امور كثيره بادارة الاعمال والاشياء اليديده بالسوق حتى اتصلت لمهران تستاذنه بشغله تخبرني فيها عشان ما تكون خانته بشغله...... ركان : لا تقول لي ان الاقتراح الي قلته امس اهو الي خبرتك ايه .... تعرف تركي ربحنا وايد من وراها ..... تركي : بنت سوق شتنتظر من وراها ثم مهران عبقري بشغله يطلع لك الميت من قبره لو يبي .... مهران مافي منه بالشغل ويدبر اموره بسرعه لهالشي عمامه تاثرو بانفصاله عنهم واسمه يعلى واهم لا ..... فهد : شرايك نعقد معاهم صفقه ..... تركي : انسى مهران مستحيل يعقد معانا اي صفقه حتى لو بيربح من وراها ملايين .... ركان : ليش اضن مهران ما يربط الامور الخاصه بالشغل ... تركي : لا يربط ولا ليش نقل اسهمي لشركة صاحبه وارسل لي تعويض عن النقل .... مهران مستحيل يقبل بشغل بينا بعد طلاقي لميار ..... فهد : لكن ميار قالت عكس كلامك قالت عادي لمى سالتها وهم ميار تشتغل مع مهران بالشركه لكن قالت لمى تضبط امورها بالجامعه تداوم العصر بالشركه لكن ماهر رافض شغلها معاه واهي تحاول تقنعه ..... تركي مستغرب : وليش تشتغل مع ماهر وعندها مهران .... فهد : خبرك عتيج ... مهران رجع مع اخوه وخواته بالشركه ما يبي كل واحد بروحه .... لكن عمامه وعيالهم بينهم تعاون بس لكن كل واحد بشركته ..... تركي : من متى رجعو ..... فهد : من سنتين لكن مهران يدير بكندا وماهر هني وهم زوج اختهم سناء اعتقد احمد يشتغل معاهم ..... ركان : اهو ولد عمهم صح .... يعني دخلو نسيبهم معاهم ... لو انك للحين نسيب كنت معاهم تركي صح .... تركي : لا .... هذاك ولد عمهم واهو خالد مرفوع عنهم القلم عند مهران ... غير عن عيال عماهم لكن علاقتهم تمام مع بعض ما تغير شي وبالعكس كلما ياتهم مصيبه تعمقو اكثر بعلاقتهم وتمسكو ببعض .... ركان : عيل ليش انفصلو عن بعض ... تركي : عشان موضوع ميار وولد عمها الي بالنهايه خانتني معاه خز فهد تركي لكن تكلم ركان : كلامك ما بدخل العقل تركي .... وحده رفضت واحد اكتشفت انه لعاب وتزوجتك وتبي تخونك معاه ... ما كانها معصلقه السالفه وما تدخل العقل .... انت لو قايل واحد ثاني اوكي بتتصدق مع انها محشومه من هالفعايل لكن الياس قويه تركي السالفه مفهومه اهو يبي هالشك عشان تطلقها واهلها هم يصدقو ويزوجوها له غصب ..... تركي : وانت شلون حللتها يا فهيم اذا اهلها كلهم ما صدقو من اول لحظه ..... ركان : ما يبيلها ذكاء خارق انت لاحظ معاي ليش كل اهلها راحو لها ركض والياس هرب لو انه لقى خطته نجحة كان راح بيتك وواجهك وقال اي خانتك لكن هرب لانه لقى الكل معاها ومجذب السالفه فهمت الحين ... انت لو تفكر وتدقق كنت عرفة انك ظلمتها وخسرتها هم ...... اخذ تركي نفس عميق وغمض عينه وكلام ركان يلف براسه ويحس ان مخه بينفجر من كثر الافكار براسه فوقف فجاة .... فهد بخوف على تركي واهو يروح له : تركي شفيك ... تركي خلاص اترك كل شي ولا تشغل بالك بشي انسى الحين وريح بالك تركي واهو يطالع فهد بتعب : شلون اريح بالي بعد كلامه ... امور كثيره غفلت عنها .... فهد انا خايف اكون فعلا ظلمتها وقتها بكون هم ظلمت نفسي وضيعت سنين من عمري وعمرها بوهم .. فهد : تركي خلاص انت متزوج وعايش حياتك سواء مرتاح معاها او لا اهو اختيارك وبيدك فخلاص اترك ميار بحالها وخلها تعيش حياتها ..... ركان : كلام فهد صح ... ثم مو يمكن انها تزوجة وعايشه حياتها وناسيه عيشتك انت هم انسى وعيش حياتك .... تركي واهو يطالع فهد ويهزه من جتفه بقوة : فهد قول تزوجة صج قول لي .... فهد واهو يطالع ركان ويفك يد تركي : عاجبك خلع جتفي ... اتركني انت والله زوجتي تبيني سليم ... ما اعرف اهي معاك شوفها بنفسك .... تركي بعصبيه : فهد اهي يايتكم وليلى صديقتها معقوله ما تعرف مستحيل ... شلي يمنعك تقول ..... فهد : تركي هذي حياتها الخاصه وانا ما يحق لي اتكلم فيها اسالها بنفسك ..... مو اهي عندك كل يوم اسالها واذا تبيك تعرف بتقول لك .... ركان : اقول اتركو عنكم هالسوالف وخل نطلع نتغدى برا ونقضي اليوم مع بعض ونعيد ايام زمان وانسو زوجاتكم شوي .. تركي : محتاج وايد لاقتراحك ... وانا زوجه بالاسم عندي ... وانت فهد بتيي ... فهد : ههههه حلوه زوجة بالاسم لكن انا لا بخبر ليلى لا تخرب طلعتنا و وقتها شيسكتها لي ... لحظه اكلمها بنروح بسياره وحده تركي : اوكي سيارتي واذا خلصنا ارجعكم لسياراتكم .... طلعو ثلاثهم بعد ما كلم فهد ليلى وقضو يوم عزوبي على قولتهم وحاولو ركان وفهد يغيرو مزاج تركي ويطلعو من ضيقه وقدرو فعلا يطلعو من ضيقه وتناسى الافكار براسه عن ظلمه لميار .... اما ميار فاول ما خلصت جولتها مع جاسر شكرته ورجعت القصر واستقبلتها تاله بالاحضان والعتب لغيابها الطويل عنها وعوضتها باللعب معاها باقي اليوم اهي ووليد وبجلستهم المسا خبرت امها وسناء بكل الي حصل بينها وبين تركي وجاسر ... سناء : احس جاسر يبي يتقرب لج وواضحه ..... ام مهران : اي اهو تزوج لو للحين .... ميار : لا للحين يقول ما يبي يتزوج قبل وشكله بيغير رايه الحين سناء : هههههههه واضحه مثل الشمس من اولها يلمح لج ..... ام مهران : مو اهو كان يبيها وياب اهله ايطاليا عشان يتقدم لها لكن تركي سبقه .... شكله ما نساج للحين ..... سناء : شكله هايم وما صدق يلقاج .... ميار شفيج سرحانه تفكري بجاسر ..... ميار واهي تنهد : هاااه لا كنت اتذكر كلام ماما عن تركي لمى سبق جاسر .... اذكر وقتها جاسر اعتكف ببيته وزعل وايد حتى ما كلم تركي الا بعد مده طويله وكان يطالعني بنضرات ما اعرف افسرها ..... ام مهران : طبيعي يمه واحد وحب واحده او نقول اعجب فيها واخذها غيره واهو معني اهله لها ...طبيعي يزعل ويتضايق ... ميار : خلاص مابي افكر بهالشي كافي علي حركاته ولمى تيي فرصه بوضح له انه زميل وبس ومافي بينا نصيب انا عايشه لبنتي اعالجها واربيها ..... ام مهران : تحذري يمه من تركي ... اعرفه بيحاول يضايقج لحد ما تطفشي ..... الا سناء شلون الياس الحين ..... سناء : مافي تغير ... بس الدكتور قال لازم نكلمه حتى لو اي احد مر بحياته عابر يروح ويقعد ويسولف معاه ويكلمه عن ذكرياتهم يمكن يتحرك وعمي وعياله كلهم يروحو له حتى اصحابه يوه و حتى الخدم يعرفوه عن نفسهم ... حتى عيالي راحو له .... ام مهران : عيل لازم ازوره في كلام وايد بقوله له عن طفولته يمكن يصحى .... ميار : وانا هم بشوف يوم واروح له .... سناء واهي مصدومه : اخر وحده اتوقعها تروح له انتي .... ميار بعتب : سناء شفيج هذا ولد عمي بالنهايه ومهم حصل الدم ما يصير ماي .... ابتسمت ام مهران على كلام ميار وحست براحه لان ميار ما تحقد على الياس برغم انعا عارفه انه سبب المشاكل بحياتها وخسارتها لتركي لكن ميار مقتنعه ان الي الله كاتبه بيصير مهم حاولة توقفه وحامده ربها وشاكرته عليه ...... وصل ايميل تركي لميار وفيه جدول المحاضرات وملاحظه منه انها تروح له مكتبه اول ما توصل ويكون قبل وقت المحاضره الاوله بنص ساعه فنفذت طلبه وطقت باب مكتبه ودخلت بعد ما اذن لها تدخل .. .. ميار واهي واقفه جنب الباب بعد ما دخلت : صباح الخير دكتور ...طلبت وجودي قبل المحاضرة بنص ساعه ... امر ... تركي واهو مشغول باوراق قباله وياشر لها على كرسي قبال مكتبه : تفضلي ارتاحي ..... اخلص واكلمج .... قعدت ميار بسكات وكانت منزله راسها وتعبث بشنطتها فطالعها تركي وكان ماسك نفسه لا يهجم عليها ويضمها ويبوس كل مكان فيها فغمض عينه ورجع فتحها وطالع اوراقه .... تركي : في ملاحظات لازم اخبرها لج قبل تحضري اول محاضره .... حطي ببالج ان الطلبه والطالبات في بينهم المشاكس وفي الخمول وفي العكس بالمختصر اهم انواع لكن محد منهم يقدر يتعدى حدوده معاي ليش لاني صارم وكلمتي وحده من اول محاضره افرضي شخصيتج ولا تبيني طيبتج لهم لانهم بيستهينو فيج ويتمادو ... بتتعاملي مع طلاب او طالبات بعضهم اكبر منج في منهم عندهم عيال كبرج يعني بعمر الوالده لكن العمر له احترامه بجهه وكونهم طلاب جهه ثانيه فاهمتني .... ميار : اوكي دكتور الي تبي تقوله وصل لي وانا كنت بفتره من عمري طالبه وشفت النماذج الي قصدتها ... يعني اعرف شلون اتعامل معاها وكل الطلبه والطالبات بيكونو طلبه ولا عمرهم او اي شي بيغير نضرتي لهم انا دكتورتهم واحاضر واهم ياخذو المعلومه بحترام ... تركي : برافو عليج فاهمخ الدرس صح .... اوكي ... ممكن بعد المحاضرات لليوم تييني هني توضحي لي ملاحظاتج لاول يوم... ميار : اوكي .... اقدر اروح او في شي ثاني .... تركي واهو يوقف ويمشي : لا ... يله تفضلي على اول محاضره ومثل ما قلت لج بكون معاج شهر تفضلي .... مشت ميار مع تركي وكانت تحس بربكه واهي تمشي جنبه اما تركي فكان فرحان وكابت مشاعره داخله ولابس قناع الجديه وبكل محاضره لازم اول اهو يكلم الطلبه ويوضح لهم من تكون ميار وبعدها تحييهم ميار وتشرح لهم المحاضره ولمى خلصت كل المحاضرات توجهة مع تركي لمكتبه واهي تمشي معاه للمكتب صادفة جاسر وسلم عليهم وذكر ميار بالغده واول ما دخلت المكتب تركي استلمها اساله وملاحظات و حست ميار ان تركي يبي باي طريقه ياخرها لكن قطع نقاشه معاها تلفونها فطالع تركي تلفةنها جنب شنطتها على الطاوله .... تركي واهو ياشر على تلفونها : ردي .... يمكن جاسر يستعجلج تاخرتي على الغدى .... ميار واهي ترفع التلفون وتشوف من : شكرا لانك سمحت ارد ...... الو ... هلا ...... لا لا لا تنتظروني .... لا ... اوكي بكلمكم بعدين باي ... لمى اخلص ماما بعدين ....... باي .... في شي ثاني دكتور ..... تركي واهو يبتسم بسخريه : شنو تاخرتي على موعدج مع جاسر افندي خايفه على زعله ..... ميار بطولة بال : دكتور ممكن تترك حياتي الخاصه ونتكلم بالشغل ..... تركي : لا للحين في ملاحظات مهمه لازم نناقشها ... ميار واهي تفتح النوت بضيق : اوكي تفضل كمل .... تركي : اوكي رحمتج ... سكري نوتج وتقدري تفضلي ... اوكي حطي ببالج ابي تقرير عن كل يوم لمدة شهر ... تقدري تتفضلي التقرير اييني بكره وكل يوم تمام .... ميار واهي تلم اغراضها من على الطاوله وتوقف : اوكي دكتور ... شكرا على الملاحظات ... بالاذن .... طلعت ميار بسرعه وكان تركي يضن انها مستعجله لانها تاخرت على جاسر ما يعرف انها ارسلت له تعتذر وقت الي كان اهو مشغول بمكالمه لكن ميار مستعجله لان تاله رافضه تاكل الا لمى توصل اهي فاول ما وصلت سمعت منها نفس اسطوانت العتب ففهمتها انها تشتغل ولازم تاكل مع الباقي ولا حالتها بتسوء لان تاخير الاكل يعني تاخير ادويتها وهالشي يضرها واهي حريصه على مواعيد اكلها وكل شي يخصها لانها ما تبيها تتعب وتوصل للغسيل لان اذا وصلت للغسيل بتحتاج لزرع كلى وجذيه تحتاج لمتبرع واهي سبق وفحصت وطلعت ما تناسبها وهالشي متعبها.. ميار واهي تاكل تاله : ماما حبيبتي لازم تفهمي تاخير اكلج يعني تعبج اوكي ... ماما مابي تتالمي .... تاله واهي تشرب العصير : ماما انا مابي اكل بدونج .... وليد بعتب : افا وانا اقول تاله تحبني وين حبج لي عيل .... تاله بطفوله : والله احبك ولودي لكن ماما احبها اكثر ... انت هم تحب ماما اكثر لا تجذب ..... ميار واهي تضحك عليهم : ههههههه اوكي حبايبي ... تاله انا احبكم انتو الاثنين اكثر شي لكن لازم تسمعو الكلام ولا شنو ... شوفي وليد يطيعني ومتفهم الوضع فليش انتي تعاندي وتتعبي لودي وديده وماما ..... مهران واهو يدخل عليهم : وبابا هم يتعب .... تاله واهي تنط وتركض له ويضمها واهو يحملها : بابا حبيبي .... مهران واهو يبوسها ويضمها : روح البابا انتي ...وين بوسة بابا .... ميار واهي تشوف تاله تبوس مهران : احلف لو انك يبت بنت مابتدلله جذيه ..... مهران واهو يقعد جنب ميار ويبوس خدها : هههههههه غيرانا من بنتج ... من كان يتدلله علي كثرج حتى المرحومه كانت تغار منج ..... وليد : اي انت دلع ببناتك وانا لي الله معاك .... مهران : هههههه ما يلوق يا اسد ... وين الي انا كبرة وصرت ريال .... وليد واهو يبوس راس ابوه ويضحك : هههههه والله غصب يخلو الواحد يغار ... يبه ابي اسجل بمعهد .... مهران : لشنو يبه .... وليد : يبه اسف للي بقوله لكن انتو حرصتو اتعلم كل اللغات الا لغتي الام ابي اتعلم اللغه العربيه على اصوله احس نفسي عدم بالعربي بمدرستي .... ميار : طبيعي انت زين تعرف تقرا وتكتب عربي .... انا بشوف لك معهد اوكي بسال ندى لك لا تنسى اخوها مدرس عربي اذا يقدر اييك باتفق معاها شقلت .... مهران : افضل هم وميار لا تنسي تعبه لازم ياخذه اوكي .... ميار واهي توقف : اوكي ... مهران بليز خل تاخذ ادويتها كاهي انا بكلم ندى .... هز مهران راسه وقعد يلعب تاله الي قاعده بحضنه واخذت ادويتها معاه بدون تعب اما ميار فراحت تتصل لندى وما تعرف ان تركي عندهم ويلعب عيال طلال .... ندى واهي تشوف تلفونها يرن واهو قريب لتركي : تركي اذا سمحت تعطيني تلفوني يمك ... تركي واهو يطالع شاشة التلفون ولاحظ الاسم ومده لها : تامري يا ام بدر ..... تفضلي .... ندى واهي توقف وتبعد : بالاذن ..... طلال واهو يشوف تركي يطالع ندى واهي تبعد : اوووه ... تركي وين وصلت ندى راحت ... شفيك .... تركي : اسف لكن ابي اسمع شتقول لهالشي طالعتها ... لا تستغرب اهي تكلم ميار انا قريت الاسم بالشاشه .... طلال : للحين تحبها تركي .... تركي واهو يتنهد : ما اقدر اكرها ابد احبك أنا كل ما نويت أنسى لك الذكرى ترجّعني ترى للحين أنا أحبك وأشوفك بين حين وحين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين أنا كل ما نويت أنسى لك الذكرى ترجّعني ترى للحين أنا أحبك وأشوفك بين حين وحين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين أنا كل ما نويت أنسى لك الذكرى ترجّعني ترى للحين أنا أحبك وأشوفك بين حين وحين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين حبيبي تدري شاللي في غيابك حيل تعّبني؟ أحسّك طرت من إيدي كذا فجأه بغمضة عين محد غيرك يبكّيني ومحد غيرك يفرّحني جميع الناس في قربي وناطر جيّتك للحين حبيبي تدري شاللي في غيابك حيل تعّبني؟ أحسّك طرت من إيدي كذا فجأه بغمضة عين محد غيرك يبكّيني ومحد غيرك يفرّحني جميع الناس في قربي وناطر جيّتك للحين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين أنا كل ما نويت أنسى لك الذكرى ترجّعني ترى للحين أنا أحبك وأشوفك بين حين وحين فراقك آه يا فراقك كسر قلبي وعذّبني وأنا نذرٍ علي أبقى أحبك لين يوم الدين طلال : الله الله وتقولها صريحه .... تركي ما تفكر تردها على كل هالحب لها ... تركي : طلال صعب الحين اقرر هالشي لكن كل شي فيني يبيها لكن ارجع وابعد هالفكره لمى اذكر شنو سوت .... هز طلال راسه مو عاجبه كلام تركي ودخلة ندى فسالها طلال ... طلال واهو يطالع تركي : هااه حبيبتي شتبي ميار ..... ندى مستغربه : وانت شلون عرفة ان ميار الي متصله فيني .... طلال واهو يبتسم ويطالع تركي : الاخ لقط الاسم .... هااه شتبي اكيد تشكي لج الي سواه تركي فيها اليوم ..... ندى واهي تطالع تركي : لا لكن شنو مسوي لها تركي .... تركي واهو يخز طلال : ولا شي شي روتيني بالشغل وطلال يبالغ ..... طلال واهو يضحك : هههههه جد انا ابالغ والله الي قلته انتقام .... زين حبي شتبي عيل .... ندى واهي تحمل بنتها : ابد تقول وليد عنده ضعف بالعربي ويبي معهد لكن اهي قالت تبي اشوف اسامه يقدر يدرسه لو لا لان المعهد بيتعب وليد عشان يتابع وانا مدحت لها اسامه بطريقة تدريسه .... تركي : هذي بس تلحق ورى كل ريال ... اكيد تعرف انه عزابي وتبي تشبك معاه ..... طلال بعصبيه : تركي شهالكلام وين كلامك من لحظات ... ثم ميار من هالنوع يعني تتصيد ريال والله لو اهو رئيس دوله ما سوتها تبي هالدور مدرس ...لا يا تركي انت وايد تغلط بحقها .... ندى : انا موب فاهمه انت ليش حاط دابك من دابها يا اخي اتركها بحالها ثم شنو فيها لو تعاملة مع ريال بحياتها بتكفر يعني ليش تفكيرك شمال بالنسبه لها واروى تفكيرك فيها سيده وكانها الطاهره المطهره ... يله ماما اغير لج ملابسج هلي عليج وسخين .... طلال بعد ما تركتهم ندى : والله ما الومها كلامك قوي بحق ميار .... تركي من شوي كنت تعبر عن حبك لها والحين تغلط ... اعتبر هذي غيره عليها ..... تركي واهو يوقف : اعتبره الي تعتبره ما عاد يهم شي ... انا ماشي .... تنهد طلال و دخل لندى غرفة بنتهم وكانت تغير لها بعصبيه .... طلال : شوي شوي على البنت ... تعالي بابا حلا ... روحي كملي لعب مع بدر يله .... ندى ... ندى واهي تطلع لغرفتهم : اخوك طلعني من طوري ... ليش يغلط عليها والله انها ما تذكره الا بالخير ... اهو لو يحس كان حس من زمان لكن اخوك بايعها بالمره .... طلال واهو يقعد جنبها على الكنبه : ندى كم مره بقول لج خليه بكيفه محد محترق بكل الي يسويه الا اهو .... ندى : لا وميار هم واهلها وامك وابوك لا تنسى اهم شكثر يحبوها ولهذا اليوم يسالو عنها ...تعرف شكثر خالتي وجعة قلبي لمى قالت لي اقول لميار انها عازمتها وتبي بس تشوفها ...ميار خافة وقالت لا المكان الي تركي و اروى فيه ما اروحه ابد .... طلال : والجامعه شلون متحمله .... ندى : لا هذي غير تقول غصب عليها تقابله لا تنسى انه مرشدها ورئيسها لسنه ...تعرف ودي اعزمها هني وخالتي وسمر وملاك ايون اهي مشتاقه لهم لكن خايفه اروى تعرف وتيي.... طلال : ليش لا ولا تخافي اروى ما بتيي تعرفيها عزومات ببيتنا ما تيي ... قولي عزومه لامي وخواتي بس واهي بتستحي على دمها ولا بتسالج ليش ما عزمنيني ... هااه شرايج .... ندى واهي تضم طلال : الله لا يحرمني من افكارك حبيبي .... طلال واهو يبوس رقبتها : ولا منج يا روحي ... شوفي انتي الي ييتي وتحملي عاد ..... ضحكة ندى وحملها طلال للسرير .... نتركهم براحتهم .... مر شهر على تعيين ميار وتركي مطفرها بالتقارير وكل مره يطلع لها اخطاء حتى شككت بنفسها انها مركزه بالشرح .... وعزومة ندى اجلتها ميار الى بعد ما تكمل شهر من تعيينها لان تركي هالكها بالتقارير وما تلقى وقت عشان زيارات لان باقي وقتها تقضيه مع تاله ووليد وباقي عايلتها ...... بيوم كان تركي بالسوبر ماركة يتقضى لنفسه حاجياته لانه ما يحب اروى تاخذ له شي فتعود من طلق ميار اعتمد على نفسه واهو يختار له تسالي لاحظ طفله صغيره واقفه قبال رف البسكويتات وتطالع لفوق فابتسم على وضعها وقرب لها ونزل لمستواها يكلمها لكن ترك مسافه بينهم عشان ما تخاف ..... تركي : الحلوه ليش بروحها وين بابا ..... لفت البنت وطالعته فتجمد من شكلها وكانت ايه من الجمال عيونها خضر زمرديه مثل لون عينه وملامحه كلها تنطق بالجمال انفها سلة سيف وصغير وخدودها مورده و شفايفها كرزيه ذكرته بشفايف ميار فهز راسه يبعد هالشي من راسه فابتسم للبنت .... تركي : حبيبتي وين بابا .... البنت واهي تاشر للجهه الثانيه : بابا وماما هني .... تركي واهو يبعد شعرها عن عينها ويتركه ورى اذنها : وليش بعدتي عنهم ... انتي صغيره ما تخافي احد ياذيج ..... البنت : لا انا كبيره وماما هني بالجهه الثانيه ثم لو احد بياذنيني اضغط زر النجده وتيي ماما وتطقه وبابا يذبحه ..... تركي : هههههه ووين هالزر ليش ما ضغطي لمى ييتج ما خفتي مني .. البنت واهي تهز راسها بلا : لا انت شكلك طيوب .... عمو ممكن تساعدني اذا سمحت .... تركي واهو مرتاح للكلام معاها ويحس بود لها : امري يا حبيبتي الي تبينه بسويه لج شنو تبين ..... البنت واهي تاشر على علبة بسكويت بالرف فوق : ابي هذا البسكويت ما اطوله ممكن تعطيه لي اذا سمحت .... تركي واهو يوقف وياشر لها على العلبه : تعني هذي .... البنت واهي تهز راسها وتنط فرحانه : اي اي هذي هذي ماما الحين تصدق اني كبيره .... تركي واهو ينزل لمستواها ويضحك ويمد لها العلبه : ههههههه تضحكي على ماما وتقولي انج يبتيها بنفسج ..... البنت واهي تكشر وتهز راسها لا وتاخذ العلبه : لا طبعا الي يجذب يروح النار ... انا بقول الصج لكن ماما قالت اني ما اقدر اعتمد على نفسي واييب الي اهي تبيه وانا اعرف ماما تحب هذا البسكويت ولمى ييت اييبه لها لقيته فوق ... تركي : اوكي انتي كم عمرج وشنو اسمج يا حلوه ..... قبل تنطق سمع صوت يعرفه عدل ولو يسمعه وسط مليون ميزه ولف للصوت ومثل ما توقع لقاها تنادي البنت واهي خايفه عليها وبيدها جهاز يطلع منه اضائه حمره.... ميار بلهفه : تاله ماما وينج خوفتيني عليج .... قطعت ميار كلامها لمى لقت تركي نازل جنب تاله وباين كان يكلمها فمدت يدها لتاله وبينهم مسافه طويله وكان اذا قربت بتموت .... تاله واهي تاشر على تركي : ماما عمو ساعدني ونزل لي العلبه .... ميار بربكه وخوف واهي تمد يدها : اوكي اشكريه وتعالي ..... تاله بلطف واهي تطالع تركي : شكرا عمو ... شفت انا ما اجذب قلت لماما الصج ... ياه صوت من ورى ميار فلفت ميار له ووقف تركي من الي يسمعه مصدوم ومو مستوعب .... ريان واهو يحط يده على جتف ميار : هاااه لقيتيها قلت لج الجهاز شغال لازم تلقيها وكاهي مابعدت مثل ما وعدتج .... من الاخ .... تاله واهي تنط وتاشر على تركي : عمو ساعدني وياب لي العلبه وانا قلت له شكرا ..... ريان واهو يفتح ذراعاته لها ويطالع تركي واهو مبتسم : شاطره ... شكرا لانك ساعدتها ... يله حبيبتي نكمل ونحاسب ... بالاذن ... يله ... تاله واهي تلوح لتركي واهي تركض لريان ويحملها : باي عمو وشكرا مره ثانيه .... مشى ريان بتاله وكانت ميار تطالع تركي واهو يطالعه وقبل يتكلم لها لفت بسرعه ولحقة ريان اهي خايفه يعرف تاله ويرجع يتهمها بالخيانه ويصرح بعدم ابوته لتاله وخصوصا انها بمكان عام اما تركي فضن ان ريان زوج ميار لانه ما شاف ريان وركان من قبل وكل الصور الي مع ميار واهم صغار والي خلاه يتاكد لان ريان حاط يده على جتف ميار ولون عيونه قريبه لتاله الي عرف اسمها من منادى ميار لها ونزل راسه وتذكر لمى كان معاها باول زواجهم واهم يتفقو على اسماء عيالهم واهو قال لها انه يحب اسم تاله ويتمنى يسميه اول بناته واهي الحين سمته بنتها من واحد ثاني ..... ترك العربه ومشى متوجه لباب الخروج ولاحظ واهو ماشي ميار وريان الي يضنه زوجها وتاله مقعدينها بالعربه وتضحك من ريان وميار واقفه جنبهم ومنزله راسها وشكلها سرحانه فتنهد وطلع واهو يلبس نظارته ويحس بضيق بصدره ووده يبجي فتوجه للشركه لفهد وركان ولمى دخل المكتب المشترك بينهم كان كل واحد يشتغل على مكتبه ووقف تركي واهو لابس النظاره ..... ركان بمزح واهو على مكتبه : فهد شوف شكل صاحبنا مو حاس بغياب الشمس هني عنه ..... فهد واهو يضحك : هههههه اي والله تعرف ذكرني بفيصل ولدي لمى شرينا له نظاره ما نزلها من عينه من فرحته فيها .... ركلن : ههههههه اي شكل تركي مثل فيصل فرحان بنظارته ........ شفيك تركي ... زعلت ... احنا نمزح..... فهد واهو يوقف لان تركي ما تحرك ولا رد فقرب له : تركي شفيك .... شنو حصل فيك شي ... تركي ..... ركان واهو يسرع لتركي ويمسكه من ذراعه : شفيك تركي كنا نمزح ... تركي شفيك خوفتنا احد فيه شي .... نزل فهد نظارة تركي وانصدم اهو وركان من الي شافه كانت دموع تركي تنزل واه و مغمض عيونه فهزه فهد وضن ان احد مات له ..... فهد واهو يهز تركي من جتوفه : تركي تكلم لا تخوفنا احد مات ... تكلم .. ركان واهو يبعد فهد عن تركي ويقعد تركي ويقعد قباله : تركي .... تركي اهدى واذكر الله ... قول لا اله الا الله ... تركي بصوت تعبان : لا اله الا الله .... ركان واهو يمسح دموع تركي بالمنديل : قول ليش تبجي ... شنو حصل احد مات عشان تبجي ..... تركي واهو يضرب على صدره مكان قلبه وبصوت مهزوز ودموعه تنزل : مات هذا .... هذا مات ... خلاص راحت لغيري ... كنت اضنها عايشه على ذكراي وللحين لي مكانه عندها لكن تركتني وتزوجة ..... فهد واهو يقعد جنبه : من تعني ... تركي انطق خوفتنا عليك من تقصد ... ميار ..... تركي بعصبيه واهو يمسح دموعه ويطالع فهد : كنت عارف وتركتني اعيش بوهم ... ليش ما قلت لي انها تزوجة وعندها بنت هم ..... ركان بصدمه : ميار متزوجة وعندها بنت فعلا ...... فهد انطق قول ميار فعلا تزوجة وعندها بنت ..... فهد واهو يوقف بعد ما تنهد : ما اعرف وسبق وقلت لك يا تركي انا مالي دخل بحياتها الخاصه واي سؤال عندك اساله لها مباشره ليش تسالني انا او ليلى ثم عندك زوجة اخوك اسالها ..... تركي بصراخ : انت صاحبي .... ليش تخبي علي .... فهد بصراخ واهو يطالع تركي بعصبيه : قلتها لك من خمس سنين مالي دخل بينكم ومالي حق اتكلم بحياتها واهي رافضه افهم البنت ماتبيك تعرف عنها شي ثم ليش زعلان واذا تزوجة كا انت متزوج ... ولا تزوجة قبل تطلقها زعلان لانها نستك وعاشت حياتها يا اخي انت طعنتها وتزوجة عليها غدر تبيها تعيش على ذكراك .... انت ما تستاهل تعيش على ذكراك وانت مسوي فيها كل هذا اي لا تطالعني جذيه ما تستاهلها ابد فهمت ..... قال فهد كلامه وطلع تركهم مصدومين من كلامه والي مصدوم اكثر ركان لان فهد مبين انه كان يكبت وماسك نفسه وكلام تركي فجر الي بداخله فطالع تركي وحط يده على جتفه وطالعه تركي .... ركان : هونها وتهون .... فهد اكيد متضايق عشانك ولا تنسى ميار كانت مثل اخته الصغيره وتضايق اكيد للي وصلتو له فلا تزعل منه اهو ما قال هالكلام الا عشان يصحيك من حالتك وتفكر عدل ... تركي خلك واقعي ميار من حقها تزوج وتعيش حياتها وانت متزوج وعايش حياتك تبيها توقف حياتها عشان شنو ... انت ممكن تردها لو اهي ما تزوجة اكيد لا فخلاص انسى ولا كانك عرفة شي .... تركي واهو منزل راسه : لكني كنت افكر اردها ... كنت ابي اتقرب لها واقنعها وارجع اتقدم لها .... طلعت متزوجه من سنين .... ركان : شلون عرفة انها تزوجة ..... خبره تركي بكل الي حصل مع تاله وكان يبتسم واهو يتكلم عنها ويوصفها لركان بسعاده ولاحظ ركان هالشي لكنه كتمه بداخله ..... ركان : عيل مو غريب جمالها ... ماخذه من امها وابوها ..... اقول تركي منت ناوي تييب لك ولد ولا بنت كم سنه وانت متزوج .... تركي واهو يتنهد : خلها على الله ... انا كنت ابي عيالي من ميار وبس وكنت ماجل لبعد علاجها واروى مستحيل اييب منها عيال ... انا ما اقرب لها الا لو تحركة غريزتي مو اكثر وهم اتحذر معاها مابي عيالي منها ابد ركان : الله يعينك ... تركي نصيحه مني لك طلقها وتزوج غيرها افضل لك واضن مر الحين سنين وعذرك ما توافقتو وخلاص ويدتك مابتلومك بشي .... تركي : يدتي متغيره من خبرتها برجوع ميار واني اشرف على تدريسها . ركان : شتقصد تركي ... يدتك خاشه شي عنك ..... تركي واهو يوقف : مو عارف اصلا صاير ما اركز باحد ... خل نطلع ابي اغير جو .... هز ركان راسه وطلع مع تركي يغير من نفسيته ومع انه يحاول معاه لكن تركي يسرح وايد ..... اما ميار فكانت ساكته من شافة تركي وتاله معاه وريان ملاحظ لكن ماجل الكلام معاها لمى يكونو بروحهم وكان يسولف مع تاله ويضحك طول الطريج ولمى وصلو القصر نزلت تاله تركض لوليد لانه بالحديقه ياخذ الدرس مع اسامه اخو ندى .... ريان واهو يمسك يد ميار قبل تنزل : لحظه ميار .... شفيج من لقينا تاله وانتي ساكته ... في شي ما اعرفه .... ميار واهي تطالعه وعينها تلمع دليل مسكها لدموعها : تعرف من الي ساعد تاله ..... ريان : لا ... انتي تعرفيه .... ميار : اي اعرفه عز المعرفه ... ما لاحظة عينه ولون شعره ..... ريان : شفيها عينه وشعره ... ميار وضحي ..... لحظه ... قصدج انه تركي ابو تاله ..... ميار ودموعها تنزل : اي اهو بعينه .... ريان : اوكي واذا انتي ليش تبجي الحين وليش تضايقتي جذيه تراه ما يعرفها بنته ..... ميار : كنت خايفه يعرفه ويقط كلام واهي تتاثر هذا كل خوفي ريان انا ممكن اموت لو سمعتها منه واهو ينكرها ... ريان واهو يمسح دموعها : ميار في الف طريقه تثبت ابوته لها ثم اهو ما عرفها .... تعتقدي عرف انها بنته لمى نادتج ماما .... ميار : خايفه ريان والله خايفه .... اهو كان بيتكلم لكني تركته ولا عطيته مجال ابد ..... ريان واهو ياشر على شنطتها : تلفونج يرن شوفي يمكن اهو .... ميار واهي تطلع تلفونها ويدها ترجف : لا يا ربي ما يكون اهو .... لا هذي ليلى .... الو هلا ليلى ......... شنو .... من جدج ... اي صحيح كنت بالسوبر ماركت مع ريان .... ....... لا مو معقول يعني ما يبان انه اخوي ..... اي اي خلاص لا اشكري لي فهد واعتذري له بالنيابه عني انا عارفه شكثر اهو ضغط على نفسه وقال هالكلام له .......اي اوكي نلتقي عند ندى بكره .... اوكي تمام ... باي ...... ريان : هاااه شكل ليلى يايبه لج اخبار عنه صح .... ميار : اي صح ... تقول قال لفهد ويضنك زوجي وتاله بنتك .... ريان واهو ميت ضحك : ههههههههه وانتي يا هبله تقولي لها ما يبان اني اخوج ... يعني من بيعرف اني اخوج بالرضاع يا هبله ..... زين كاهو فكر غير عن تفكيرج ... مرتاحه الحين ... ميار واهي تنزل : اكثر مما تتصور .. دخلت ميار لداخل وريان يطالعها ومتالم لحالها ويقول لنفسه بداخله ان ميار غافله عن ان تركي لازم بيعرف بيوم كل شي وخوفها لازم يزول وتحسب على الي كان السبب ولا خوف ميار من ان تركي ينكر تاله ماله داعي واهي تقدر تثبت ابوته لتاله لكن المها من اتهامه وانه مصدق خيانتها له وعدم اهتمامه لخبر حملها يدل على انه مو مصدق انه ابو الجنين وقتها وتعبها بفترة الحمل ما زال معاها وماثر عليها برغم محاولتها لانها تبين العكس بمرحها معاهم واهتمامها بتاله ووليد وكل الي حولها ..... | ||||
|  |
|
18-06-21, 03:04 AM
| #78 | ||||
| البارت التاسع والثلاثون ام مهران واهي تشوف تاله ماسك ميار ورافضه تتركها : يا حبيبتي ماما بتروح زياره وترجع لج اتركيها وتعالي عندي ..... تاله باصرار : لا انا ابي اروح معاها .....ماما انا سمعتج تقولي في اطفال ليش انا لا ..... ميار : معلي حبيبتي مره ثانيه هذي اول مره اروح لهم من رجعت من كندا وفشله اخذج معاي ..... تاله باصرار : لا ابي اروح في اطفال ومو فشله ابي اروح ...... ميار واهي تطالع امها : ماما شالعمل ... ما ينفع اخذها معاي .... مهران واهو يشرب قهوته ويقرء جريدته : لا ينفع ولازم تروح .... خليها تاقلم ... ميار انتي عارفه راي الي تسويه غلط وهم ندى وليلى يساعدونج بالغلط .... اخذيها معاج واذا حصل غلط من احد سدي اذانها واطلعي فيها وقتها محد يلومج لكن تصرفج اكبر غلط .... ميار : صعبه اقول لهم فجاه ... مهران الموضوع صعب عليي ..... مهران واهو يطالعها : اسمعي نصيحتي وخذيها .... محد بيسالج من ابوها كاول زياره وبديهي مابيسالوج تزوجتي لو لا واهي معاج ... ولو حصل قولي الصج ..... ميار واهي تطالع امها : ماما ... ام مهران : خلاص يمه خذيها معاج ... وخذي بنصيحة اخوج يله صيري انتي الاحسن من حقهم يشوفوها واهي هم ..... طالعت ميار بنتها وابتسمت لها تاله فابتسمت لها ميار ونزلت وحملتها ... ميار : باخذج معاي لكن بشرط .... تاله ببرائه : كل الي تبينه ماما بسويه .... ميار : اذا احد سالج عن اسمج لا تقولي اسمج بالكامل قولي بس تاله اوكي واذا سالوج عن اسم البابا او جدو لا تقولي تمام .... هزت تاله راسها وخذتها ميار لغرفتها وغيرت لها وخذتها معاها لبيت ندى واهي خايفه لكن مضطره مع اصرار تاله وكلام مهران فوقفت جنب بيت ندى ونزلت وبيدها هدايه لعيال ندى وليلى وسمر وملاك وباليد الثانيه ماسكه يد تال ولمى وصلت للباب تورطت شلون تدق الجرس ويدينها مشغولين وتخاف تترك يد تاله تفلت وخصوصا الشارع فيه حركة سيارات ولحظات ووقفت سياره جنب بيت طلال وشهقت لمى شافت الي نزل وقرب لها واهي تراجعت لورى كم خطوه .... تركي : مساء الخير .... ميار بصوت واطي : مساء النور .... تركي واهو ياشر على الاغراض بيدها : متورطه وتبين تدقي الجرس .... ميار واهي تطالع الاغراض ومتوتره من تاله وراها : هاااه اي ... ممكن تدقه اذا سمحت..... تركي واهو يمد يدينه لها : هاتيهم عنج احسهم ثقال عليج ... ليش ما يبتي شغاله معاج تساعدج ..... اضن خدمكم وايد ...... ميار : لا شكرا والخدم للبيت موب عشان اخذها واذلها معاي بشيل اغراض .... لفت ميار راجعه للسياره تبي تحط الاغراض عليها وتو بتطلع التلفون من الشنطه سمعت تاله تصرخ بفرح وتكلم تركي فرجفت وخافت فلفت تطالعهم ...... تاله بفرح واهي تشوف تركي بعد ما لفت ميار للسياره : هاااااه عمو هذا انت تبع السوبر ماركت .... هذا بيتك .... تركي واهو يبتسم لها ونزل لمستواها : اهلا بالحلوه ..... لا حبيبتي هذا بيت اخوي .... تاله : احنا يينا لخاله ندى عازمتنا تقولة في اطفال وايد هني بنلعب مع بعض تلعب معانا ...... تركي واهو يطالعها ويرفع راسه لميار ولاحظ خوفها : هههههه لا عمو انا كبير وما العب .... تاله واهي تكشر : بابا هم كبير ويلعب معاي وهم لودي وريون وركون ومهوري هم يلعب معانا انت مثلهم ليش تقول انت كبير .... اي انت ما تعرف تلعب مثل جون .... حتى جدو يلعب ..... تركي : اوكي ولا تزعلي لكن الي قصدته اني ما لعبت مع احد بعمرج .... لعبت مع الي بعمر ماما ...... فتح تركي الباب ومشى جهة ميار وعينه بعينها وتعداها وحمل الاغراض ومر من جنبها وتعداها بخطوتين ووقف وكلمها واهو معطيها ظهره بدون تسمع تاله ..... تركي : للاسف عمر بنتج ما يسمح اخبرها نوع الالعاب الي تلعبها امها .... تفضلي وانا موب خكري ما اساعد ضيوف اخوي ..... وصل تركي لتاله ومد لها يده الثانيه : تعالي ادخلج للاطفال تلعبي معاهم وبعدين تعلميني العابج ونلعب مع بعض ... تاله واهي تطالع ميار : ماما عادي اروح معاه ..... ميار بصوت مهزوز : عادي ماما انا لاحقتج ...تاله .... تاله واهي تحط يدها بيد تركي : نعم ماما ...... ميار : ماما شغلي جهازج عشان اعرف مكانج ..... تاله واهي تطلع سلسال من رقبتها وبنهايته جهاز بحجم الميموري كارد : ماما احنا ببيت خاله ندى .... ميار : معلي ماما اول مره تدخليه وعشان ما تتوهي وتدلي مكاني بسرعه لف تركي راسه وطالع ميار لقى نفس الجهاز بيدها لمى كانت بالسوبر ماركت وشغلته ورجعته بشنطتها وتاله دخلت السلسال تحت ملابسها ومسكت يده فابتسم لها ودخل فيها وبعد لحظات لحقتهم ميار .... تركي واهو يدخل بتاله للصاله : الحين تشوفي اطفال على قولتج وايد ....تاله ..... تاله واهي تطالعه : نعم عمو ..... تركي : كم عمرج تعرفي .... تاله : اي اعرف ... عمو انت اول قول لي اسمك انا ما اعرفه ..... تو تركي بيتكلم ولقى ندى تقرب لهم بسرعه ونزلت وحملت تاله واهي تبوس فيها وتاله كانت فرحانه وباست خد ندى ..... ندى واهي تشوف الاغراض بيده : مابسالك اذا انت الي يايبهم لو لا لاني اعرف اكياس ميار .... الا وينها .... ميار واهي جنب باب الصاله : انا هني .... هذي الي بنتظرج يم الباب ... ندى واهي تمشي لميار وتضمها وحامله تاله : ههههههه والله اسفه طلال لبخني بالمطبخ الا يذوق كل شي وما انتبهت للساعه ..... طلال واهو يقرب لتركي ويكلم ميار : اهلا ميار شلونج .... ميار ببتسامه هاديه : اهلا طلال انا الحمدلله انت شلونك ... وشلون طبخ ندى بناكل الليله او ارجع بيتنا يوعانه ...... طلال واهو يقرب لندى ويطالع تاله : ههههههههه لا بتاكلي .... تعلمت منج عن بعد .... شلونج يا حلوه .... تاله : انا تمام ... انت زوج خاله ندى .... طلال واهو يمد يده لها يبي يحملها : اي حبيبتي واسمي طلال وانتي شنو اسمج ..... تاله واهي تروح له : اسمي تاله ..... ماما اوكي جذيه ..... طلال واهو يطالع ميار واهي تهز راسها لها : ههههههه ليش لها اسم ثاني و تغشنا ..... ميار بربكه : لا ... بس منبهى عليها بتصرفاتها واهي تسال اذا للحين تمام لو لا .... ندى : يله يله خل ندخل داخل خالتي مشتاقه لج كل لحظه تسال متى توصلي ..... ميار بهمس لندى واهي تمشي معاها : ليش تركي هني .... ليش ما قلتي انه ياي ..... ندى بهمس : اطرده يعني خالتي خبرتني انه بيي لمى عرف بان في عزومه لهم هني ولا تخافي الحيه مابتيي لانها ببيت اهلها هذا كلام ملاك دخلو وكان استقبال ام تركي وسمر وملاك مؤثر لانهم بجو واهم يضمو ميار وحتى اهي بجت معاهم وهالشي اثر بتركي وايد لانه حس ان طلاقه من ميار ما اثر فيه اهو معاها بس الا اثر على الكل بغيابها وتعاملهم مع ميار عكس اروى تماما فتنهد واشر لطلال يتركوهم بروحهم ويروحو للمجلس وقبل يدخل المجلس لاحظ تاله تلعب مع عيال اخوه وخواته بالحديقه فابتسم على شكلها واندماجها بسرعه مع اليهال واهي اول مره تتعرف عليهم وحسها ميار الصغيره لكن تذكر انها بنت ريال ثاني غيره فتنهد ودخل مع طلال ..... طلال واهو يطل من الشباك على اليهال : تعرف تركي هالبنت فيها شي يجذب ..... تركي واهو يغير بالقنوات : برغم انها بنت ميار لكني مرتاح لها .... ومثل ما قلت فيها شي يجذب ..... طلال واهو يقعد جنب تركي : تعرف من يات عيني عليها واهي يمك تخيلتها بنتك ..... تركي : هاااه بنتي ... لا احمد ربي ما يبت عيال من ميار لان الي تخون مره تخون الف ومابي شي يربطني فيها ..... طلال : ما اضن كلامك من قلبك .... تركي انا اعرفك انت للحين تحبها ويمكن لانك تفاجاة ان عندها بنت ضنيتها بتعيش على ذكراك وهالشي صدمك وعايش توهم نفسك انه مو هامك ...... انا عارف بلي صابك امس لمى شفتها مع زوجها وبنتها ..... تركي الي خلقها خلق غيرها واروى طلقها وخل امي تشوف لك وحده سنعه دام ميار على ذمت ريال ولا تنكر وتقول ما احبها لان لو ما تحبها ماهجرت اروى بالشهور وما تقربها الا عشان ما تروح للحرام والحلال عندك ..... تركي واهو ياكل من المقرمشات قباله : مو محتاج لنصايحك ولو ابي اتزوج غير اروى كنت تزوجة من زمان وانا ما انتظر رجعت ميار وببالي انها تنتظرني .... بدر ولد طلال واهو خايف : بابا بابا الحق تاله طاحت من المرجيحه وريلها تنزف ..... فز تركي بسرعه وركض لها ولحقه طلال واهو متعجب من خوفه عليها وكانها بنته ولقاه نازل للارض ويحمل تاله الي ساكته وماسكه ركبتها ولا تبجي فتوجه فيها تركي للمجلس ونزلها على الكنبه ومد ريلها .... تركي : يالمج عمو ..... تاله : شوي مو وايد وعادي .... تركي لطلال : لازم نعقمه هات شنطة الاسعافات ولا تعرف امها لا تسوي لنا مناحه هني ..... تاله : اي عمو لا تعرف ماما لانها بتخاف وتبجي .... ابتسم لها تركي واهو مستغرب من هدؤها لان اليهال بالعاده يبجو واهي ريلها تنزف ولا نزلت دمعه وحده فدخل طلال وبيده شنطة الاسعاف ورفع تركي يدها وانصدم من الجرح لانه غزير لكن مو وايد لكن بالنسبه لطفله بتالم وتبجي فطلع المعقم وطالعها قبل يعقم .... تركي : عمو بيالم اوكي فتحملي ..... هزت تاله راسها وقعد طلال جنبها يمسح على شعرها يبي يلهيها وكان تركي يعقم ويطالعها كل فتره ولاحظ انها شاده على قبضتها تقاوم الالم فوجعه قلبه عليها بنفس الوقت كبرة بعينه لتحملها ..... تركي واهو يلف ريلها ويسكره : انتي شاطره وقويه ....لج هديه مني على تحملج وصبرج ... تاله : لا شكرا عمو ماله داعي بابا يقول الي يتحمل الالم بمصيبته الله يحط له حسنات ويبعده عن النار وانا هديتي من عند الله بالحسنات ..... تعجب تركي من كلامها واهي باين عليها بعمر ثلاث سنين فسالها .... تركي : تاله انتي كم عمرج على هالكلام ...... طلال : قالت لك ابوها قال يعني تحفظ كلامه وتعيده فلا تستغرب من فطنتها يهال وايد جذيه ....تاله عمو تقدري توقفي على ريلج .... تاله واهي تنزل من الكنبه : اي عمو اقدر حتى شوف .... تركي واهو يحملها ويرجعها مكانها : لا عمو ريحي شوي خلي ريلج تريح بعدين تالمج ..... طلال هات لها شي تاكله تعوض الدم الي نزل منها ..... طلال واهو يبتسم وملاحظ خوف تركي عليها : اوكي دقايق وياي ... اي تاله عمو صوته حلو وايد خليه يغني لج عشان ما تملي .... تاله واهي فرحانه : جد عمو صوتك حلو .... تركي واهو يبتسم لها ويتذكر لمى يغني لميار : اي ... حابه اغني لج عن البنت وابوها .... تاله بحماس لانها فاقده ابوها الحقيقي : اي عمو عفيه .... تركي واهو يطالعها : تخيل ... تَخَيَّل طِفْلِه صَغِيرَة . أَبُوهَا يَلْعَب معاها يُطَالِع هَل دُنْيَا فِيهَا وَمَالِه غالِي سواها وفجاه ع الْأَرْض طاحت . تَمَثَّل تَدْرِي بغلاها وِجَاهًا مُسْرِع وَخَائِف . شَفَت الابو وَبِنْتُه . كنهم أَنَا ونته . مَالِي سِوَى عينك . وحساسك ادمنته اتصنع الْمَوْقِف . لِأَنِّي أَبِي أَعْرِف . وشكثر تغليني مِنْ غَيْرِ ماتحلف. أُحِبُّك لأَكَلْتُهَا لي أَضْيَع يَمِينِي وشمالي أُحِبُّك لَآيَات منك . تَهْدِي رُوحِي وبالي. إذَا أَنَا قُمْرَةٌ بِعَيْنِك فَعَيْنِي انْتَه الليالي بدونك لَا مَالِي دَاعِي وقربك مَصْدَرٌ جمالي عَيْنَك تمثلني وبوسطها خَلِّنِي لاشفتني فِيهَا . محلاي ومجملني . يااغلا مايمكن . . بِالرُّوح تستوطن . ماشِك باحساسك. بِس قُلْت بتطمن . تركي واهو ملاحظ تاثرها ومنزله راسها : شفيج حبيبتي ما عجبج صوتي او الاغنيه ..... تاله واهي تطالعه وعينها تلمع دليل مسكتها لدموعها : لا عمو صوتك حلو وايد ... الي غنيته اثر فيني .... تعرف انا هم يقولو لي صوتي حلو ... ماما تقول ورثتها من بابا .... تركي بالم واهو يبتسم لها ويضنها تقصد الي شافه بالسوبرماركت : اي حبيبتي سمعيني صوتج ..... تاله : اجمل قلب مافي شخص بطيبته مافي افدي قلبه الصافي من يشبهك يا ابوي انا موجوده على شانه تكفي ضمة احضانه روحي وقلبي يا ابوي يداريني يفهمني ويحس فيني ياكبر قدره بعيني ياحبيبي يا ابوي غالي ورضاه اكبر امالي ياذخري وراس مالي ما انسى فضل ابوي حبه قلبي ممتلي بحبه حتى وانا مو قربه اشعر في حب ابوي معلمني على الذوق وعلى الحشمه وباحلاقي اكون اسمى يا فخري ببوي مافي شخص بطيبته مافي افدي قلبه الصافي من يشبهك يا ابوي انا موجوده على شانه تكفي ضمة احضانه روحي وقلبي يا ابوي تاثر تركي ونزلت دموعه فلف راسه عنها ما يبيها تشوف دموعه وحس كلماتها طالعه من قلبها ويضنها تقصد الي شافه بالسوبر ماركت فمسح دموعه ولف لها يبتسم وباس جبينها ..... تركي بصوت مهزوز : صوتج حلو وايد حبيبتي .... الله يهني بابا فيج ... عمو اعذريني مضطر امشي الحين اوكي ... عمو طلال بيي وياخذج لماما ولا تخوفيها عليج وقولي لها جرح بسيط اوكي ..... تاله : لا عمو غلط انا بقول الصج واصلا ماما لازم بتفكه وتشوف الجرح بالبيت ... شكرا عمو .... تركي واهو يوقف ويبتسم لها بالم ويبوس خدها وتو يلف لقى طلال واقف جنب الباب وبيده صحن وكاست عصير ومسح بكمه دموعه فمر من جنبه وطلع من البيت ويحس انه خسر كل شي بحياته وميار كملة حياتها مع غيره وكونت لها اسره وبنتها تتعامل معاه مثلها وحس ان ميار قباله واهي تغني لان بحت صوتها مثل ميار واهي تغني فما تحمل وخصوصا انها تغني لابوها يعني ابوها مهني ميار ومعوضها عن الي لقته منه توجه لبيت ابوه وصعد لجناحه وكانت اروى تكلم بالتلفون لمى دخل ولا سمع كلامها او حتى لبسها فتعداها ودخل غرفته و نزع التيشيرت وتو بيدخل الحمام انفتح باب غرفته فلف ولقاها اروى ولابسه قميص نوم عاري للاخر ويكشف اكثر مما يستر فكشر لها تركي بعصبيه : خير خير شتبين يايه جذيه ..... اروى بمياعه واغراء : ييت لك حبيبي ... حسيتك محتاجني وييتك ... ما تبي نقضي ليله حلوه ..... تركي : اروى احفظي كرامتج واطلعي مابي شي منج ..... اروى واهي تحط يدها على صدره العاري وتقرب : ليش حبيبي ... انا مشتاقه لك ما اشتقت لي .... تركي واهو يبعد يدها عنه : لا ... برى .... اروى بملل وعصبيه : ليش لانك شفتها يعني للحين تبيها بعد كل هذا ... تركي بصراخ : انتي هبله من تعني .... اروى : من يعني الي خانتك مع ولد عمها بفراشك ... عبالك ما اعرف انها معاك بالجامعه وانت مشرف عليها ... زين دامك تحن لها قرب لي وتخيل نفسك معاها ..... تركي واهو يسحبها من شعرها بقسوه : اذا عدتي هالكلام يا ويلج فاهمه ... بعدي .... اروى : ااااي اتركني تركي .... اااه ... انت لمى قاربتني اول مره قلت انك تخيلتها اهي فتخيلها الحين وانا المستفيده انت كل مره تقرب لي لازم تذكر اسمها يعني للحين تتخيلها مكاني ... انا موافقه لكن قاربني ..... نزل فيها ضرب تركي لان كلامها صحيح لانه يتخيل ميار مكانها واهو يقاربها في كل مره يقرب لها اذا حس انه محتاج يطفي غريزته ... لمى تعب من ضربها رماها برى غرفته وصفق الباب بقوه ودخل الحمام يطفي النار الشابه بصدره اول من تاله واغنيتها وكلامها عن ابوها واخرها كلام اروى حس انه ينطعن الف طعنه ... لمى خلص من الشور رمى نفسه على السرير ونام من تعبه لكن اخر كلمه قالها اهي ميار احبج ميار ..... اما ميار فارتاحت بقعدتها مع ام تركي وملاك وسمر وكانت حذره بكلامها عن حياتها و حمدت ربها لان ما سالوها عن زواجها الوهمي لانها مابتجذب وبالنهايه بيعرفو ان تاله بنت تركي واهي خايفه من ردت فعل تركي ولمى دخلت لها تاله مع طلال ولاحظة ريلها فزت لها بسرعه خايفه عليها لكن طلال طمنها انها بخير ولفو لها ريلها بالبيت .... ميار بخوف وتاله بحضنها : تالمج ماما تبين مسكن .... تاله : لا ماما لا تخافي عمو لفها لي وعقمها ..... ميار واهي تطالع طلال : شكرا ابو بدر لانك اسعفتها ..... تاله بسرعه قبل يرد طلال : لا ماما عمو الي ساعدني بالسوبر ماركت اهو الي اسعفني ..... ميار بربكه وتوتر : شكرتيه ماما .... تاله : اي ماما شكرته وهم غنى لي وغنيت لها ماما صوته حلو وايد وقال هم صوتي حلو ..... ام تركي واهي تمد يدها لتاله : تعالي حبيبتي سمعيني صوتج والله انج تدخلي القلب .... راحت تاله لام تركي وباستها وغنت لها تاله نفس الاغنيه الي غنتها لتركي وكان الكل فرحان فيها وقضو وقت حلو معاها وبعدها استاذنت ميار ورجعت للقصر مع تاله الي نامت لها بالطريج ..... اما طلال فكان متاثر بالي شافه من تركي مع تاله وخبر ندى شلون كان تركي خايف عليها وىكض لها وشلون اسعفها ولمى رجع سمعها تغني وتاثر وكان صوتها قريب لتركي وتخيلها تغني لتركي ودمعت عينه واهو يشوف اخوه يعتني ببنت طليقته الي لهالوقت يحبها لكنه ينكر وكانت ندى ساكته واهي تسمع كلام طلال وبعدها دعت ان الله يصبر قلب تركي | ||||
|
| |
|
19-06-21, 09:48 PM
| #79 | ||||
| 😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍 🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍 🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰 😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰 😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍😍🥰😍🥰😍🥰😍🥰😍 | ||||
|
| |
|
20-06-21, 02:24 AM
| #80 | |||||
| اقتباس:
نورتي يا نوارة البيت ومشكوره حبيبتي 😘😘😘😘😘😘😘😘 | |||||
|
| |
|
| أدوات الموضوع | |
| انواع عرض الموضوع | |
|
|
39Likes
العرض العادي
