شبكة روايتي الثقافية

شبكة روايتي الثقافية (https://www.rewity.com/forum/index.php)
-   الروايات الطويلة المكتملة المنفردة ( وحي الأعضاء ) (https://www.rewity.com/forum/f118/)
-   -   انا وحيرتي مع امراتان بين من طعنتني ومن طعنتها *مكتملة* (https://www.rewity.com/forum/t474149.html)

مهضومه 26-09-20 06:39 AM

انا وحيرتي مع امراتان بين من طعنتني ومن طعنتها *مكتملة*
 
روايه جديده اتمنى تعجبكم واسفه على الاخطاء الاملائيه لاني اكتب وانزل بالتلفون فعذروني بهالشي ........
القصه فيها من الخيال شوي وعلى كل حال هي من افكاري اخليكم مع البارت الاول .......



البارت الاول :


قاعد على السرير ويطالع صورته معاها ومبتسم لانه يذكر تفاصيل اليوم الي اخذو فيها هالصورة ... كانت صغيره وتبجي محد راضي يلعب معاها لان كلهم خايفين ملابسهم تتوسخ لكن اهو الي قبل وراح معاها ولانه يحبها لعب معاها واهو عارف ان ملابسه بتتدمر وبيتعاقب من امه برغم تحذيراتها له ... كان يكبرها بخمس سنين ولمى خلصولعب مسكها من يدها راجعين لبيت المزرعه وكان بنتظارهم العقاب لقو امه وخالته ينتظروهم ومن شافتهم واقفين ينتظروهم انخشت وراه تحتمي فيه وبرغم خوفه لكن تقوى عشانها محتميه فيه وما حب يكون قبالها الضعيف فكان يرد على امه وخالته بادب لكن بعدهاةعن العقاب وترك المسؤليه عليه وقتها ضحكة لمى سمعت امها تقول لها تدخل عشان تتروش فابتسم لضحكتها برغم العقاب الي ينتظره ومن هاللحظه يات خالتهم وصورتهم مع بعض فسحبها وحط راسه جنب راسها واهم ياشرو باصبعهم اوكي للكميرا وملابسهم كلها طين ووصخ ... باس الصورة ورجعها مكانه وتنهد ... الحين كبرت وما يقدر يلعب معها ... لزم يسافر عشان دراسته وخايف احد يخطبها بسفره وتطير منه فقرر يكلم امه وابوه يطلبوها له برغم انهم طلبوها وياهم القبول لكن بدون ملجه يخاف يغير رايه ابوها ويزوجها لغيره ... نزل تحت ولقى امه وابوه واخته الكبيره معاهم وولدها بحظنها تلعبه .....



تركي واهو يبوس راس امه وابوه : مساكم الله بالخير ....
ام تركي : هلا حبيبي ... فكرتك للحين نايم ....
تركي واهو ياخذ ولد اخته منها ويقعده بحضنه : لا يمه من ساعتين قاعد بس كنت اجهز اوراقي المطلوبه ... وين ريلج انتي ...
سمر اخته الكبيره : عنده مناوبه الليله قلت ابات عندكم ...
تركي واهو يلاعب ولدها الصغير : ووين عفاريتج ... ليش بس هذا معاج ....
ابو تركي : هههههه لا تخاف مع اختك الهبله تلعبهم بالحديقه ... كانها ياهل معاهم تلعب ....
ام تركي : اي والله ما تتعلم من اروى رزينه وعاقله ...
سمر واهي تغمز لتركي : اي يمه تركت الهبل لصغرها ما كان تركي شبع عقابات منها ومن شطانتها قبل .....
ام تركي واهي تضحك : ههههههه اي والله لكن شوفيها الحين عاقله ومافي مثلها ... الله يهنيك فيها يمه .....
تركي : والله الي ياني منها عسل على قلبي واخلا ذكريات بطفولتنا .... يبه بغيت منك طلب ...
ابو تركي : يه ... الف طلب انت تامر يبه من اغلا منك ....
سمر واهي تمثل العصبيه : لا يبه يعني الغلا بس لتركي ... ما كاني بجرك هاااه ...
ابو تركي : هههههه لا يبه كل واحد له غلا بس تركي اول ولد ولاةتنسي عمره ما ضايقني ولا عصاني ... قول يبه شتبي
تركي : يبه انتو طلبتو لي اروى صح ...
ام تركي : اي يمه خالصين وردو موافقين بس من ترجع تتزوجو ....
تركي : لا يمه ما ينفع جذيه ... انا ابي املج قبل اسافر ...
ام تركي بشهقه : هااااه ... يمه استخفيت الملجه يبي لها وقت للتجهيز وانت بعد شهرين مسافر متى تجهز ...
تركي : يمه اهي ملجه مو زواج عشان يبيلها تجهيز هالشي مو لزم حفله كبيره وهذي الامور ... تعوضها بالزواج ...
سمر : زين انت ليش مستعيل خل لمى ترجع تتزوجو مره وحده وتكون جهزت بكل شي حتى السكن يكون متوفر ...
ابو تركي : لحظه انتو كليتوه ليش قول يبه كل الي بخاطرك عارف ببالك شي ...
تركي بجديه : يبه انت تعرف زوج خالتي اذا تاخرت بيزوجها غيري ... حتى لو اهي رفضت بس عشان ما يبيني زوج لبنته ولا تنسو انه رفض اول لكن لان اروى قالت موافقه قبل بس عشان يسكتنا ومن اسافر سنه وبيقول ما بخلي بنتي تعنس وتنتظر ولدكم ... ابي اضمن انها لي وما يقدر يلف ويدور علي......
ابو تركي واهو يفكر : كلامك صحيح لكن لو فرضنا وقال بيزوجها غيرك اكيد ما بنسكت وانت بترجع اها ....
سمر : ولو يبه وقت اختباراتها شلون بيرجع وقتها ... كلام تركي صحيح زوج خالتي ما يطيقنا ولا يبي قربنا لكن لان اروى دلوعته قبل واهو مجبور ... كلام تركي عين العقل ... دقو الحديد واهو حامي وانا بكلم اروى وافهمها بوجهة نضر تركي عشان لا تضن انه متبيخل عليها بحفله كبيره او شي بس عشان تكون له .....وامي تقنع خالتي ... هاااه يا عريس متى تبي الملجه ...
تركي : لو علي الحين ... انتي كلمي اروى وشوفي متى يكفيها لكن تترك لي وقت اقضيه معاهاةقبل اسافر لا تقولىقبل سفري بكم يوم او شي ...
ام تركي : زين انا بكلم اختي ونشوف شنو يقولو .... بس انت وابوك وعمامك روحو تقدمو رسمي ... وانا الحين بكلم خالتك واحدد معاها وقت نزورهم وبفهمها على كل شي ...
ابتسم تركي لان الكل وقف معاه وامه كلمة خالته واولها رفضت وقالت ما يمدي وهذي الامور لكن لمى فهمتها ام تركي بكلام تركي قالت بتقنع زوجها قبل يزوروهم عشان ما يعصلق وياهم اما اروى فكلمتها سمر وفهمتها بكل شي وكانت مرتاحه لهالشي عكس توقعاتهم لانها هم كانت تبي تكون لتركي قبل يسافر عشان اهي عارفه ابوها شلون ما يتقبل اهل امها ... وباليوم الثاني راح تركي مع ابوه واعمامه وتقدمو رسمي وتحدد موعد الملجه بعد شهر وبيكون بحديقة بيت ابو اروى لان اروى رفضت تسويها بقاعه وخصوصا الجو حلو ويساعد على حفله خارجيه وتم التجهيز للملجه وبلحضت الملجه فاجاء ابو اروى بشرطه لتركي ....
ابو اروي : لحظه يا شيخ اول لزم يقبل بشرطي ونتمم هالعقد ...
ابو تركي : اتفقنا على كل شي يا ابو عادل ... شنو هم ...
ابو عادل : شرطي مافي زواج الا لمى يوفر لها بيت ... بيت لها بروحها تسكن فيه ... يعني لا شقه ولا سكن ببيت اهلك ... بيت ملك وتسكنها فيه شقلت ....
تركي واهو بينفجر منه وكاتم عصبيته : تم يابو عادل الغالي يرخص للغالي ... تم واناةقبلت بشرطك ... لكن ما تمنعني عن زوجتي وقت ما ازورها واو اخذها وقت ما ابي ....
ابو عادل : شلون يعني انا قلت مافي زواج تقول تاخذها ...
عادل : يبه تركي يفصد قبل الزواج يعني لو زارها باي وقت لا تعترض او اخذها معاه لبيتهم او اي مكان ما تقول لا مثل ابهات يعترضو بهالشي ...
الشيخ : هذا حقك يبه وما له حق يمنعك عن زوجتك لكن شرطه يعني اذا بتاخذها لبيتك تعيش معاك للابد تسكنها ببيت ... موافق ...
تركي : موافق ...
الشيخ : وانت يا بو عادل موافق ما تمنعه عن زوجته ...
ابو عادل وبغصه : موافق ....
الشيخ : على خيرة الله ... وقع هني يابوك ....
وقع تركي واهو فرحان واخذ عادل الدفتر وطلع فيه لاروى وكانت بالصالون الثاني وسمعت كل شي مع امها وخالتها وبنات خالتها فوقعت لمى سلمها عادل الدفتر وباس راسها وبارك لها ورجع للمجلس ...
عادل واهو يحط الدفتر مكانه : الف مبروك يا ولد الخاله .... منك المال ومنها العيال ...
تركي واهو يصافحه ويضمه : يبارك فيك والفال لعيالك ... بس بعدنا على العيال اجلها للزواج ....
ضحكو كلهم وباركو له لكن مبارك ابو عادل جاف وايد فما تضايق تركي لانه عارف هالشي بيسويه ولمى خلصو مبارك له جاه عادل وخبره يطلع للصالون الثاني عشان يشوف عروسته ويطلع معاها للحديقه ....
دخل تركي وبدخلته سمع اليباب وعينه مافارقت اروى الي واقفه ومنزله راسها وبكامل زينتها وكانت تبهر الي يشوفها فتحركو امه وخواته يباركو له واهو فرحان وباس راس امه وخالته ولمى وصل لاروى مسك يدها وباسها وقرب لخدها وباسه وكانت اروى ترجف بين يدينه فهمس لها ...
تركي : كنت احلم بهاللحظه من سنين ... والحين تحقق حلمي ... مبروك يا روحي .....
اروى واهي ترجف : يبارك فيك ....
تركي : مالي مبروك ....
اروى وراسها بالارض وترجف : بلا .... مبروك ...
عادل واهو واقف جنب الباب ويضحك : ههههههه اول مره اشوفج خجلانه جذيه اروى كم بلاطه بالارض هههههههههه
تركي : اقول فارقنا ... لا تحرج زوجتي فاهم ... انت قد خجلها ... فارق ....
عادل : اي رقع رقع اهي حتى ما طلت بويهك ... اروى تركي قبالج مو بالارض ....
تركي واهو يترك يد اروى ويرح لعادل ويدفه برى : انت ما تيي بالطيب ... برى .... اطلع الكل راح وحس الا انت ....
ضحك عادل وسكر تركي الباب بعد ما طلع عادل ولف لاروى وابتسم وكانت اروى كاتمه ضحكتها على حركاتهم مع بعض فقرب منها واهو يبتسم لان انتبه لبسمتها ....
تركي واهو يمسك يدينها ويقربها له ويرفع راسها له : يا الله ... تذبحي اروى والله بتهور الحين ... احممم ... حبيبتي مو عارف شقول ... من فرحتي نسيت كل الكلام الي مجهزه لج ....
اروى واهي خجلانه : تركي لزم نطلع الحين ....
تركي واهو يقرب ويهه من ويها : عيديها وقوليها ... قولي تركي ...
اروى واهي تنزل راسها : تركي ...
تركي بهيام : يا روح وقلب ودنية تركي وطوايفه ... انا ما بسافر ببقى يمج واتزوجج والعن السفر والدراسه ....
اروى بخوف : تركي شتقول هذا مستقبلك ... انت لزم تسافر عشان تكمل دراستك وتوصل للي تتمناه ... مو انت تحلم بان يكون عندك الدكتوراه ...
تركي واهو يقرب خدها : شلون عرفتي هاااه ... تسالي عني هااااه ...
خجلت اروى وانحرجت فباسها تركي وضمها : انا هم اسال عن كل الي تفكري فيه وتحلمي فيه الي يحب يسال عن كل شي عن محبوبه صح ... اروى انا احبج من كنا صغار ... تذكري شكنتي تسوي واخرها انا الي اشيل العقاب عنج ...
ضحكة اروى واهي بحضنه فضحك معاها وضمها اكثر وهمس لها باذنها : احبج يا روح تركي .....
وقفت اروى ضحك وبعدت بشويش عنه وطالعته فابتسم لها وقالت بخجل : عمري ما حسيت بمشاعر لاحد مثل ما احس فيه لك ... انت ملكت كل شي فيني من صغري ... تعلمت على يدك وانت بعيد ... فانت الدم الي يجري بعروقي ...
فرح تركي لكلامهاةفقرب ومسك ذقنها وقرب وباس شفاتها بشغف ووله وطول بوسته لها وما بعدهم الا صوت الطق على الباب فبعد عنها وكانت اروى بقمت خجلها ووجهى احمر لكنها انتبهت للروج بشفاته فاشرت له بسرعه على شفاته وسحبت منديل ومدته له ففهمها ومسح الروج قبل ينفتح الباب وكانت امه وخالته يبونهم يستعدو للحفله ويدخلو مع بعض....
ام تركي واهي ترتب بدلة تركي : يمه ليش بدلتك جذيه ... شنو هذا الي على بدلتك ...
تركي واهو يبتسم ويهمس لامه : يمه شفيج فضحتينا مو عارفه شنو يعني ... اثار مكياج اروى ... اتركيه انا بتصرف وابعده ... بس يمه لا تطوليها اروى منحرجه ...
ام تركي واهي تضربه على صدره : ما تيوز عن سوالفك خف على البنت توكم ...
تركي : ما اتحمل يمه بنت اختج ذابحتني ....
ام عادل واهي تضبط مكياج اروى : من اولها تركي لخبط مكياجها جذيه .... يمه انادي كرستين للحين ما اطلعت ...
اروى بخجل : يمه لهالدرجه متلخبط ....
ام عادل : هههههه يمه شفيج مو وايد بس اهي اخبر مني وتضبطه لج افضل ... تركي بروح اييب المرى لا تقرب منها ... اوخيتي بعدي ولدج وخل تمر الحفله وبعدها هبل فيها ....
تركي : خالتي انتي الي قلتي ... لا تلوميني بعدين بلي بسويه ببنتج ....
ام تركي : اركد يمه .... يله يا اوخيتي ناديها وخليها تخلص عشان المصورة تصورهم ويطلعو ...
ضبطو اروى وبدى التصور لهم مع بعض وكان تركي جريء وايد واروى غاصت بملابسها من الخجل وتمت الحفله والكل فرحان وكانت حفله حلوه وايد برغم انها صارت سريعه بتجهيزاتها لكن كل المعازيم مدحو فيها ومر اسبوع على الملجه وتركي كل يوم يزور اروى كل عشان تتعود عليه وتبعد الخجل لكن ابوها متضايق لشوفته كل يوم واهو من الاساس ما كان يبي اروى تتزوج تركي لانه يبي يزوجها لولد تاجر كبير بينهم اشغال لكن حبه لاروى اكبر من اي مصالح وقبل بتركي لان اروى بجت لمى رفض وسمعها تقول لامها انها تبي تركي ومستحيل تتزوجوغيره فبلغ زوجته انه موافق وردو على اهل تركي بالموافقه ....
تركي واهو شابك يده بيد اروى واهي جنبه ويعد اصابعها : حبيبتي ... اذا سافرت بوحشج ...
اروى : تركي شفيك .... اكيد بتوحشني ...
تركي واهو يقرب ويعض اذنها على خفيف : عيل تعالي معاي عشان ما اوحشج واكون قبالج على طول ...
اروى : اي ... تركي يالم ... شلون اسافر معاك وشرط البابا ... ثم شلون ما امدانا اسبوع من ملجنا ... تبيني بدون زواج يعني ...
تركي : هههههه لا طبعا بس سافري معاي ولمى نرجع نسوي حفله شرايج ...
اروى واهي تحط يدها على جبينه : شكلك مصخن اليوم تركي ...
تركي واهو يبوس خدها : لا .... متحلم فيج ... كنت امزح حبي بس جد ودي اخذج معاي .... اروى ....
اروى واهي تطالعه : لبيه ...
تركي واهو يقرب ويهه من ويها : انتي ليش محلوه جذيه ... كل يوم تزيدي حلا اكثر واكثر ....
خجلت اروى لكن تركي ما عطاهاةفرصه وباس شفاتها واهو يبوسها انفتح الباب بقوة ونقزو اثنينهم متخرعين وطالعو من الي دخل لقوه ابو عادل ومعصب ...
ابو عادل واهو يدخل المجلس : انت بس هذي مهنتك من ملجت وكل يوم مرتز هني لي ...
اروى بخوف وربكه : يبه شهالكلام ...
ابو عادل بصرخه : انتي اسكتي ... انت اضن ما منعتك تشوفها وتزورها لكن تبقى هني طول يومك هذي لا البيت له حرمته فاهم لزم تقدر ومو كل يوم ياينه ومبرطع بالبيت ....
تركي بضيق وبهدوء عكس داخله : اعتذر اذا كنت تعديت حدودي بقعدتي ببيتك لكن قبل ايي اعطي اروى خبر وهم مافي احد يحرم علي هني ... مافي بالبيت غير خالتي واروى ... اوكي انا اذا دخلت بيتك ما اخذ منه شي كل الي اسويه اقعد مع زوجتي ودام قعدتي تضايقك ابشر من هاللحظه اطلع ولا ادخل بيتك مره ثانيه ... جذيه يريحك ...
ابو عادل : يكون افضل ...
تركي واهو يطالع اروى : بينا اتصال ... تصبحي على خير ....
باس تركي جبينها وطلع وترك اروى ودموعها تنزل فطالعت ابوها بقهر وما تكلمت وطلعت من المجلس لغرفتها واهي تبجي وما وقفت لمى نادوها اخوانها وامها يسالو سبب بجيها لان المجلس بعيد عن مكانهم فتو عادل بيوقف يلحقها ودخل ابوهم من نفس مكان دخول اروى ....
عادل : يبه كنت مع اروى ... ليش تبجي تركي سوى لها شي ....
ابو عادل : اهو يجرء عشان اخليه يطلقها ... انا كلمته على طول الوقت الي يكونةفيه هني وطلع واهي زعلت وراحت من قدامي ...
ام عادل واهي توقف : ليش يا بو عادل انت بيتك بيت الكرم تطرد ولد اختي وزوج بنتك ليش تسوي جذيه فيهم ...
سامر واهو يوقف : يبه تصرفك غلط ريال ويزور زوجته ليش تطردهةثم بشنو مثقل عليك فيه ... انا بطلع لاروى اشوفها
وليد واهو يلحق اخوه : هذي دلوعتك وتسوي جذيه كل هذا عشان ما يعجبك تطرده .... لو رافضه ومانع هالزواج ارحم لهم من هلي تسويه ....
عادل : يبه ليش جذيه ...
ابو عادل واهو يقعد : ما ابلعه ومن ادخل البيت القى سيارته مرتزه وضحكه واصل للشارع ... الواحد يزور زوجته بس مو كل يوم يرتز بالبيت طول يومه ....
عادل : وين يبه كل الي يقعدها معاها ساعه او ساعتين وحتى ما يشرب او ياكل شي بالبيت ... ثم سفره قريب يعني اكيد يبي يكون معاها قبل يسافر ...
ام عادل واهي توقف وتروح للدري : حسبنا الله ونعم الوكيل شنو بتقول اختي الحين شقول لها زوجي طرد ولدج ... بنتك ما بتهدى ابد فشيلتها كبيره معاه .. اروح اشوفها ابرك لي واهديها ....
طلعت ام عادل ولقت عيالها واقفين جنب الباب ويكلمو اروى من وراه وصوت بجيها واصل لبرى فقربت وطقت الباب ...
ام عادل : يمه اروى افتحي الباب ... يمه خليني اتطمن عليج ...
اروى واهي تبجي : مابي يمه خلوني بروحي ...
ام عادل : اهون عليج اوقف وايد قبال باباج ... يمه ريلي المتني افتحي ... ما بتحرك الا لمى تفتحي لي ...
فتحت اروى الباب ودخلت امها ووراها اخوانها فقربت لها امها وقعدت يمها على طرف السرير واروى تبجي بحرقه ...
ام عادل واهي تمسح على شعر اروى : يمه اهدي الموضوع بيتصلح ...
اروى واهي تبجي : شيتصلح فيه يمه ابوي طرده وتركي قال ما بيدخل البيت خلاص ... يمه بابا ليش يسوي جذيه ليش يكره تركي جذيه ....
سامر : اروى ابوي ما يكرهه بس ابوي يغتاض منه لان ابوي كان يبيج تتزوجي عاصم ولد صاحبه تعرفيه وتركي تقدم لج وانتي وافقتي فخربت مشاريعه ...
اروى : يعني باب كان يبي يبيعني ...
وليد : انتي هبله شنو يبيعج ..... ابوي فضل سعادتج على مصالحه والدليل قبل بتركي واهو ما يبيه بس لانج تبينه قبل ...
ام عادل : تركي طلع زعلان كلميه يمه واعتذري منه ...
عادل واهو يدخل : الاصول احنا نعتذر يمه انا كلمته واعتذرت وقال حصل خير لكن رفض يدخل البيت مره ثانيه ... قال لو بيشوف اروى بيكلمها وتطلع له قبال البيت ... انا خبرت ابوي ...
ام عادل : وشنو قال ابوك ...
عادل : شنو بيقول سكت وطلع غرفته ... اروى اهدي حبيبتي وكلمي تركي وراضيه بكم كلمه ... كلنا عارفين ابوي ليش ما يتقبل تركي ...
اروى : بس انا مو عارفه ...
عادل : لان تركي وصل للي ابوي يبينا نوصل له وكان تركي دايما المتفوق علينا والناس تمدحه وتلتم حوله وتستشيره بكل شي ويكون له حضور يطغي على الكل وانتي عارفه ابوي هذي الاشياء يبيها له او لنا ...
وليد : اي بس هم معادي عمي ابو تركي على شغلات تافهه من صغرهم ... اروى لا تخلي هذي الامور تاثر على حياتج مع تركي ... تركي يعرف ابوي زين ولوما يعرفه ما شرط عليه هالشرط عشان ما يضايقه بشوفتج لكن هم سواها ابوي
سامر : يعني لا تلومو تركي اذا ما نفذ شرط ابوي واخذ اروى لبيت خالتي او شقه اجار ... جذيه ابوي يمنعه عن زوجته
ام عادل : بس انت وياه صدعتو راسي بكلامكم يمه كلمي تركي وراضيه وسوي الي يقول عليه ولا تعارضيه زين يمه ..
اروى واهي تشوف امها واخوانها يبوسونها ويطلعو : انشاء الله يمه .....
طلعو امها وخوانها وقامت للحمام وغسلت ويها ورجعت قعدت بوسط سريرها واتصلت لتركي فرد عليها بعد كم رنه ....
تركي : هلا حبيبتي ....
اروى بلهفه وخوف : انت بخير تركي ...
تركي : ههههه حبيبتي عبالج معصب او متضايق ... لا حبيبتي انا بخير ومافيني شي ... كنت انتظر منه هالتصرف من اول يوم ... عيل ليش شرط عليه ما يمنعني عنج لاني عارف بطبعه .... حبي لا تتضايقي او تهتمي ...
اروى ودموعها تنزل : شلون ما اتضايق او اهتم ... الي سواه فيك البابا ما يلوق ولا عدل ...
تركي : شلي ضايقج بالضبط ... ان ابوج يتصرف جذبه ....
اروى : هالشي بعدين الي مضايقني انه اهانك تركي انت زوجي واي شي يهينك يجرحني ... كنت احس وكان سكاكين تطعن فيني وانا اشوف بابا يكلمك جذيه .... تركي جد انا اسفه ....
تركي : اوكي حبيبتي وضحت الفكره عندي ولا تعتذري بشي انتي مالج ذنب فيه وانسي .... هاااه قولي لي بكره وين تبين نروح ....
اروى : تركي لا تاخذ الموضوع ببرود ... خالتي وعمي شنو ردت فعلهم اكيد زعلو ...
تركي : اروى اياج فاهمه لحد يعرف انا ما خبرت احد بشي ... مو خوف من ردت فعلهم لكن هالشي بياثر على علاقتهم مع بعض ومابي امي وخالتي يتناجرو بسبب هالشي ابوج واعرف اطباعه ومتحمل لكن يفترقو الخوات او اضايق امي وابوي بتصرف ابوج لا ... نبهي على خالتي واخوانج الموضوع ما يطلع من بينكم اوكي .....
اروى واهي تبجي : تتحمل كل هذا وماتبيهم يعرفو وخايف على علاقاتهم ببعض ...
.تركي : اكيد حبيبتي شذنبهم اهم يصير بينهم خلافات على شي ما يسوى .... انسي حبيبتي وتصرفي طبيعي وبسج بجي والله مو متحمل اسمع بجيج جذيه برجع واخذج فاهمه ....
اروى واهي تمسح دموعها : حاظر حبيبي خلاص وقفت ما ببجي ...
تركي بفرح : شقلتي عيدي الي قلتيه ....
اروى : قلت شنو ...
تركي بهيام : قلتي حبيبي اول مره تنطقيها ... عيديها يله ابي اسمعها عارف عفويه لكن من القلب ....
اروى واهي تضحك : هههههه وانت تدقق بكل كلامي ... خلها تييك عفويه افضل ....
تركي بصرار : لا جذيه وجذيه اروي عطشي يا اروى .... قولي ...
اروى بخجل : حبيبي .... وروحي .... وعمري وحياتي ودنيتي انت ... تركي انت حلم الطفوله والمراهقه ... انا تعلمت منك كل شي ومشاعري ما اقدر اوصفها لك بكلمه او عشر ... مشاعري لك اكبر من انها تتعبر .....
تركي واهو ذايب : والله انج خطيره ذوبتيني يا بنت ... اروى خلينا نتزوج واحملج معاي والله سحت خلاص ....
اروى : ههههه تركي اعقل .....
تركي : واحد يسمع هالكلام ويعقل ... ما اقول الا الله يسامح هالتلفون لو اقدر امد يدي واسحبج مو احسن .....
ضحكة اروى وتمو يسولفو مع بعض لوقت متاخر ولمى خلصت وسكرت طارت لامها وخبرتها كلام تركي بان ما يتكلمو لحد وهالشي كبر تركي بعينهم اكثر ولمى اروى شافت ابوها نازل مشت ورجعت غرفتها زعلانه .....
ابو عادل ما تحمل زعل دلوعته وطلع وراها لغرفتها يراضيها فطق الباب وسمعها تاذن بالدخول وفتح الباب ودخل فمن شافته اروى صدت بويها عنه فقرب وقعد جنبها وبس مد يده بيمسح على شعرها بعدت راسها عنه ...
ابو عادل بضيق : دلوعت ابوها زعلانه منه ... يبه لا تلوميني بلي سويته اعرف انه غلط لكن ...
اروى واهي تطالعه وبضيق : لكن شنو يبه انت عمرك ما غلط بحق احد واهو ببيتك تسويها مع تركي .... خلك من انه زوجي مع انها كبيره وفكر بصلته فينا ... ولد خالتي .... اهو ما غلط يبه بحقك بشي ولا طول بقعدته مثل ما تقول ولنفرض هم طول هالشي من حقه انا زوجته وسفره بعد ثلاث اسابيع يعني لزم بيكون حولي يعودني عليه ... يبه تقبل احد يغلط على امي ببيته ....
ابو عادل : لا يبه كلامج صحيح بس لي عذري يمكن يكون سخيف مع الي سويته بس يبه عندي كبير ...
اروى : وشنو عذرك يبه ...
ابو عادل : اغار على دلوعتي ... يبه انا من شفته من الشباك واهو يمج ولصق فيج جذيه وقرب يبوسج ما تحملت ودخلت وصار الي صار ماكان عندي كلام غير الي قلته وقطيته لان سبب هيجاني غيرتي على بنيتي ... من حبي لج يبه ....
اروى : يبه متى تبطل من هالشي قبل هربت صديقتي لمى طقيت اخوها لانك ضنيته يتحرش فيني واهو المسكبن كان يساعدني بلم كتبي ... الحين تبي تركي يتركني يبه ... يبه تركي زوجي ... اقتنع بهالشي وبغض النضر عن اسبابك لعدم تقبله اقبله عشاني ... يبه صعبه بنت تقول هالشي لابوها وحتى لو اقوله عن زوجي لكن يبه انا احب تركي ... تركي كل حياتي وكياني ولا تضن انه اخذ مكانه لا كل واحد مكانه محفوظ ....
ابو عادل : والحين يبه شلي يرضيج عن ابوج ....ما اتحمل تنامي وانتي زعلانه مني ...
اروى : يبه انت شنو تشوف لزم يصير ...
ابو عادل : تبيني اعتذر منه ...
اروى : يبه انت وراحتك ماراح اقول لك اعتذر وتاسف انت والي تشوفه بس لعلمك تركي اكد علي محد بعرف بلي صار تعرف ليش لانه مايبي تصير حساسيات بين العايلتين وخصوصا الخوات اهو ما خبر احد بلي صار ...
ابو عادل : على كثر ما انا اغتاض منه على كثر ما يعجبني بحكمته وفهمه ... زين يبه انا برضيه بطريقتي بس دلوعتي تكون راضيه ومو زعلانه مني .....
اروى واهي تبوس راسه : لا يبه الله لا اييب الزعل ... بس يبه ارجوك لا تغلط بحق تركي اهو كان متوقع منك هالشي لهالسبب شرط شرطه وانت اخلفت فيه لكن يبه تركي مصر يشوفني بس برى البيت يعني مابيدخل هني مره ثانيه ....
ابو عادل واهو يبوس راسها وخدها : لا يبه بيدخل وبتشوفي انا بعرف اشلون ادخل ... يله يبه تصبحي على خير يا عين ابوج ....
اروى واهي تبتسم : وانت بخير بابا ...بابا ...
ابو عادل واهو يلف يطالعه واهو ماسك الباب : يا عيون ابوج قولي ...
اروى : احبك بابا ...
ابو عادل : وانا اموت ببنيتي الحلوه والعاقله ...
طلع ابو عادل من غرفة اروى وارسلة اروى رساله لتركي تعبر له عن حبها وتمسي عليه وما امداها تحط راسها الا وصلتها رساله منه يرد عليها بان تخف عليه لا ينط بيتهم ويتهور عليها ومسا عليها فضحكة لجنونه ونامت ......





روابط الفصول

الفصل الأول .... اعلاه

الفصول 2 ، 3 ، 4 ، 5 ، 6 ، 7
الفصول 8، 9، 10، 11، 12، 13، 14 نفس الصفحة
الفصول 15, 16, 17, 18, 19, 20, 21, 22 نفس الصفحة
الفصول 23, 24, 25, 26, 27 نفس الصفحة
الفصول 28, 29, 30, 31, 32, 33, 34, 35 نفس الصفحة
الفصل 36, 37 نفس الصفحة
الفصل 38, 39 نفس الصفحة
الفصول 40, 41, 42 نفس الصفحة
الفصل 43, 44 نفس الصفحة
الفصل 45, 46 نفس الصفحة
الفصل 47, 48 نفس الصفحة
الفصل 49
الفصل 50 الأخير



مهضومه 28-09-20 04:35 AM

السلام عليكم .....
للحين مافي تفاعل ابدا....
عموما انا راح انزل كل يوم سبت بارت جديد ويمكن يتغير الموعد على حسب ظروفي وراح اخبركم قبل بوقت عشان ما يتم غلق الروايه .....

مع محبتي للجميع.....

um soso 28-09-20 10:50 AM

صباح الخيرات

اهلا بك من جديد

عادي جبيبتي قلة التفاعل بالبدايه

المهم استمري

خلي نعرف من هي اللي طعنت ومن اللي هو طعنها

الله يستر على تركي واروى

مهضومه 29-09-20 04:31 AM

اهلا um soso ....💋

شرفتيني بتعليقك .....

وعادي حبيبتي تعودت على قلة التفاعل ومثل ما قلتي من قبل في من يقراء ولا يعلق بشي .....🥺
اتمنى الروايه تنال اعجابكم وانتظري عشان تعرفي من طعنها ومن طعنت ...

مع محبتي ....😘

ام حاتم الطائي 03-10-20 06:27 PM

السلام عليكم ورحمة الله وبركاته موفق بإذن الله ... لك مني أجمل تحية .

مهضومه 04-10-20 08:44 PM

اشكركي اخت ام حاتم الطائي واتمنى تنال اعجابج الروايه ......

بيرو بيرو 07-10-20 10:11 PM

السلام عليكم ورحمه الله وبركاته بداية موفقة بإذن الله في انتظار معرفة من طعنها ومن طعنتة. . ملحوظة لقد دخلت اول مرة علي الرواية منذ ٣ ايام وكان يوجد الفصل الثاني واليوم لم اجده فما هو السبب في انتظار التكملة شكرا لك

مهضومه 09-10-20 04:52 AM

اهلا بيرو بيرو وشكرا على المرور ......

سبق وتركت ملاحظه ان البارتات بتنزل كل سبت لكن اليوم دخلت عشان انزل بارت جديد لظروف خاصه واتمنى ينال اعجابكم .....

بنتظار التعليقات ولو كانت قاسيه لانها تفيدني وما تضايقني ابد ....

مع محبتي ....

um soso 09-10-20 09:35 AM

السلام عليكم ورحمة الله وبركاته

يرجى اعادة تنزيل الفصل الثاني بعد اجراء التعديلات المطلوبه عليه

انزلتي الفصل الثالث ولا يوجد فصل ثاني

تحياتي

مهضومه 11-10-20 04:30 AM

العفو منكم واعتذر لكني نزلته من قبل .....

الظاهر كان في خلل وما تحمل مضبوط برجع انزله ....

اعتذر على الي صار

مهضومه 11-10-20 04:33 AM

البارت الثاني :


اليوم الثاني كلم تركي اروى وخبرها انه بيمرها ويتغدو برى مع بعض وتجهز قبل وصوله وفعلا اول ما وصل قبال بيتهم كلمها انه ينتظرها برى وتو تنزل اروى وتبي تطلع لتركي لقت ابوها واقف مع تركي ويكلمه وباين ان تركي متضايق فقربت لهم عشان لو بيتخانقو تبعدهم مع انها تستبعدها عن تركي ...

ابو عادل : هاااه يبه رضيت لو للحين زعلان ....

تركي : لا يعمي خلاص طاح الحطب بس اعذرني ماراح ادخل بيتك ...

ابو عادل : يعني للحين ما رضيت ... يا تركي تعوذ من ابليس وادخل انا اعتذرت منك وانت سامحت ليش هم ما تدخل ..

تركي : معلي عمي للحين بقلبي خلها براحتي ... الحين نستاذنك ابي اتغدى مع اروى برى ويصير خير لدخلتي بيتك .... اروى جاهزه ...

اروى واهي تقرب لتركي : اي جاهزه كنت انتظر تخلصو كلامكم ...

ابو عادل :اعتبر كلامك وعد لانك ترجع مثل قبل ....

تركي : يا بو عادل اذا احد طردك من بيته بتقبل ترجع بسرعه ... ما اوعدك واعتقد احترامي لك اهو ما تغير ... فلا تطلب مني اكثر من طاقتي .... بالاذن ... يله اروى مشينا ...

اروى واهي تبوس راس ابوها :يبه لا تستعيل تركي قلبه ابيض وبيرجع مثل قبل بس براحته ... لكن مو قبل يسافر ... معلي يبه كرامته فوق كل شي ... بعد اذنك يبه بروح مع تركي ...

ابو عادل واهو يبوس جبينها : مرخوصه يبه بس حاولي ما تتاخري وانتبهي نفسج اهو زوجج لكن للحين ما سوينا عرسكم فاهمه يبه ...

اروى بخجل : فاهمه يبه ولا توصي انا تربيتك ...

مشت اروى لسيارت تركي وكان ينتظرها جنب باب سيارته لجهة الراكب قدام فاول ما وصلت جنبه فتح لها الباب وقبل تركب مسكها من ذراعها وباس خدها وابتسم لها لمى طالعته منصدمه انه يبوسها بالشارع فركبت وسكر الباب ولف لجهته وقبل يسوق لف لورى وسحب باقه بالكرسي الخلفي وقدمها لها ...

تركي واهو يعطيها الباقه : نورتي سيارتي يا قلبي ....

اروى واهي تاخذ الباقه ومبتسمه وفرحانه فيها : شكرا حبيبي كلك ذوق ... شلون عرفة اني احب الجوري ...

تركي واهو ياشر على خده : اول مالي شكر على الباقه بطريقه حلوه ...
اروى بخجل واهي تنزل راسها : تركي .....

تركي : روحه وقلبه وكيانه كله امري تدللي انتي ....

اروى بخجل : ما تكفيك شكرا وحبيبي ....

تركي واهو يقرب لها : لا ... ابي بوستي ... يله يا بخيله انا اهريج بوس وانتي تبخلي علي ببوسه ...

اروى واهي تتلفت : تركي احد يشوفنا ...

تركي : مو مهم انا زوجج والكل يعرف والي نسويه لا عيب ولا حرام ... بنبقى وايد قبال بيتكم ...

قربت اروى وباسته بسرعه على خده فضحك تركي ورجع مكانه ...

تركي واهو يضحك ويطالعه واهي خجلانه : هههههههه بكتفي الحين بهالشي اليتيم ... براعي خجلج وحرجج بالشارع لكن مره ثانيه ما بقبل فيها فاهمه ....

هزت اروى راسها وساق تركي السياره وظل طول الطريق يسولف معاها واهو ماسك يدها لحد ما وصلو للمطعم وتغدو وبعدها تمشو واخذها تركي لبيت اهله فلمى نزلو كانو امه وابوه واخته ملاك الي كبر اروى وصديقتها معاهم واخوه طلال الي اصغر منه بثلاث سنين يسولفو ويشربو الشاي فبعد السلام قعدو معاهم وسحبت ملاك اروى يمها ....

تركي : هاتي زوجتي ...

ملاك واهي تلصق باروى : ابعد ما تشبع منها انت خلها شوي لي من ملجة وانت محتكرها لنفسك ....

طلال : مسلسل اهي محتكرها ....

تركي : والله كيفي حلالي وكيفي ...اروى تعالي ...

ملاك واهي تضمها وتتمسك فيها : لا ماكو ما تقوم ...

ابو تركي : وانتي شلي حارج ريال وزوجته خليهم مع بعض ...

طلال : محتره يبه زوجوها وفكونا منها ...

ملاك : لا والله مينونه اتزوج بهالعمر والله ما اقبل ....

اروى واهي تطقها على راسها : يعني انا مينونه ...

ملاك واهي تغمز لها : لا بس هذا يننج ....يضرب الحب شو بيذل ...

مسك تركي ملاك من يدها وسحبها ووقفها ولفها وراه وقعد اهو مكانها جنب اروى والكل ضحك عليها لانه خلاها تلف حول نفسها وانصدمة من حركته فقربت لها واهو يلصق باروى ويلف يده حول خصر اروى ويلعب حواجبه لها يغايضها .......

ملاك واهي تتخصر : معلي مردوده لك ... ما بقرب لاني عارف دب ما بقدر احركك ....

اروى : دب بعينج لا تغلطي ....

تركي واهو يبوس خد اروى : فديت الي يدافعون عني ....

طلال واهو يضحك : حرام عليك تركي اروى صارت اشارة مرور ....

الكل ضحك وظلو يسولفو مع بعض وفرحاني بان تركي ملج على اروى وصارت زوجته مثل ما تمنى وكان يحلم فيها من كان صغير ... بعد ما قعدو مده معاهم مسك تركي يد اروى ووقف ووقفها معاه واستاذن بيطلع غرفته معاها وهني اروى تجمدت وماةقدرت تعترض او تقول شي فمشت معاه وباين انعا ترجف خوف اكن تركي لف يده حول خصرها وقربها له وهمس واهو يمشي معاها ويطلع الدري لفوق ...

تركي بهمس : حبيبتي ليش خايفه ... مابيصير شي ما تبينه اوكي ....

اروى بهمس واهي ترجف : تركي ... مو عدم ثقه لكن خل ننزل تحت ...

تركي واهو يكمل لغرفته معاها : حبي ابي اخذ راحتي معاج وصدقيني بتتعودي وترتاحي بالغرفة اكثر ... تفضلي وصلنا ...

فتح لها الباب لكن اروى ما تحركت فطالعته فابتسم لها ودخل فيها وسكر الباب ومشى فيها للكنبه بغرفته وماكانت اول مره اروى تدخل غرفته لانها يامه دخلت قبل مع ملاك اذا تركي مو موجود ...

تركي واهو يبوس خدها : حبيبتي استرخي لا تخافي قسم ما بسوي شي ما تبينه ... بس اهدي ...

اروى واهي تتلفت بغرفته وبدون وعي : تركي في شي متغير بغرفتك ... شي ناقص ....

تركي واهو يغمز لها : كم مره دخلتي غرفتي بغيابي ... ليش ما دخلتي وانا هني هااااه ...

.اروى وتوها تستوعب الي قالته : اووووبس .. .. هههه كشفتني ... كنت ادخل مع ملاك وارتب لك غرفتك لمى تطلع وبعدها ايي هني وملاك تخبرني انك طالع وبتتاخر فايي معاها وارتبها لك ....



تركي : وانا اقول المكان مرتب وريحته حلوه ... معقوله ملاك ترتبها وتسوي فيني خير اخرها حبيبتي ......ههههههههه كنت اعرف بس ابيج تعترفي بنفسج .... حبيبتي كنتي كذا مره تنسي شي هني وانا اخشه عندي بمكاني السري ... لحظه ......

وقف تركي وراح لخزانته وطلع مفتاح من جيبه وفتح خزانه واشر لها تروح له فقربت منه وانصدمت من الي شافته فلقت على باب الخزانه صور لها من كانت صغيره لحد عمرها الحين وهم كم شغله لها على رف وكانت تضن انها ضيعتهم لكن كانت تطيح منها هني وتركي يحتفظ فيها... ...

اروى : ليش محتفظ فيهم ... كان المفروض تخبر ملاك وترجعهم لي ....

تركي واهو يسكر الخزانه : لا حبيبتي لهم ذكرى خاصه عندي ومستحيل احد باخذهم .... تعالي نقعد ...

اروى : تركي ابيهم ...

تركي : نو وي قلبي ... هذول لي وانسيهم انا وريتهم لج عشان تعرفي شكثر انا احبج وانا محظوظ لمى كنتي مو زوجتي ... هذي الاشياء الي شفتيها كانت تهون علي بعدج ... حتى بسفري اخذ كم صوره لج وكم شغله عشان تكوني معاي ....

اروى واهي تبتسم بخجل : هالكثر تحبني .... بس انت اناني يعني انت عندك وانا لا ...

تركي واهو يقرص خدها : علينا ... من الي اخذ التيشير تبعي والحين عنده عبالج ما فقدته ... وهم كان في عطر باقي فيه شوي اخذتيه ... انا على الاقل اخذت اشياء بغرفتي لكن انتي سرقتي ... .

اروى : تركي انا ما سرقتهم ملاك قالت بتقطهم وانا خذيتهم ... اهي قالت انك قلت لها ترميهم ...

تركي واهو يبوس رقبتها : انتي سراقه لانج سرقتي قلبي وروحي ....


ما تمالك تركي نفسه مع سكوت اروى واستسلامها لبوساته وقاربها مع مراعات عدم فقدها لعذريتها .....
مرة الايام وحال تركي واروى من احسن لاحسن وتركي ما دخل مره ثانيه بيت ابوها لكن علاقته مع ابوها احسن من قبل واروى تعودت على لمسات تركي لها وصارت تتفاعل معاه وتعرف شلي يعجبه ويريحه منها وقبل سفر تركي بيوم استاذنت اروى من ابوها عشان تبات مع تركي قبل سفره لانه بيسافر الفجر فقبل واهو متضايق وطبعا بعد توصيات ...

تركي واهو ضام اروى على السرير : تعرفي ما توقعت عمي يقبل تباتي معاي ...

اروى واهي تمسح على صدره : حبيبي انت عارف بابا ما يرفض لي طلب ... بس قبل بعد توصيات الف ....

تركي واهو يرفع راسها له ويبوس شفاتها : ههههههه عاد لو يعرف شنو يصير بينا كان علق مشنقتي ....

اروى : ههههه دامك عارف ليش سويتها ...

تركي واهو يبوسها برقبتها : وانتي احد يقاومج .... اروى .. احس بهون عن السفر ...

اروى واهي تمسك خده : تركي ليش تقول جذيه ....

تركي : ما بقدر اتحمل بعدج ... انتي وانتي بحظني اشتاق لج شلون اذا سافرت ....

اروى : مو اصعب مني تركي ... بس الي يهونها انك رايح لهدف .... دراستك مستقبلك ... الانسان لزم يضحي عشان يوصل للي يبيه ....

تركي واهو يضمها ويشد عليها : هذا الي ذابحني ... انا بين نارين ... مابي ابعد عنج وهم مابي اترك دراستي ... باقي بس هالثلاث سنين واصير دكتور بمجالي ... اروى ابي اخذج معاي والله ......

بجت اروى واهي بحضنه فما تحمل ورفع راسها وكتم صوتها بشفاته على شفاتها وغاص معاها بعالمهم الخاص وتدارك نفسه لا يفقدها عذريتها واهو عارف حرصها على هالشي ..... بقى تركي واروى مع بعض طول الليل وقبل وقت سفره بساعتين اتصل تركي بعادل عشان يلحقهم المطار ويرجع اروى بيتهم وبعد ما سلم على اهله راح مع طلال واروى للمطار وظل تركي ماسك يد اروى طول ما اهم قاعدين وطلال حس على نفسه وانسحب للكافي اييب لهم كوفي ولمى رجع لقى تركي ضام اروى واروى تبجي بحضنه فقرب لهم واهو يتلفت اذا في احد يعرفهم ...

طلال واهو يحط الاكواب على الطاوله ومرتبك : تركي ... تركي اصحى شوي انتو بمكان عام ....

تركي واهو يمسح دموع اروى بعد ما بعدت : اهدى لو احد شافنا عادي الكل يعرف انها زوجتي ...

طلال : وليش اهي باين منها شي عشان يعرفو انها اروى ... اقول اشرب انت وياها وهدو شوي ... كلها سنه وترجع وتاخذها بحضنك ....

تركي واهو يرمي عليه الكلينكس : جب زين جب احرجت قلبي ....

طلال : ههههه زين لا نحرج قلبك ... اقول اذا رجعت بتتزوجو وتاخذها معاك ...

تركي : ااااه ... والله ودي بس ما اضن عمي يقبل ... ودي الحين اخذها مو السنه اليايه ...

طلال : وانتي اروى شرايج تروحي معاه ....

اروى بربكه : هاااه ... ما اعرف من الحين لليايه الله يفرجها ....

تركي : ههه سكر طلال تراها ما تقدر تقرر بدون اذن عمي ... ناسي شرطه ....

طلال : مو صعبه تركي اشتر البيت واسكنو فيه باول زواجكم وبعدها سافرو وكمل دراستك ولمى تخلص ترجعو ومعاكم نونو اسمه طلال .....

تركي : ههههههه لا واثق بسمي باسمك هااااه ..... ثم شلون اشتري بيت كل الي معاي للدراسه وانا هناك بشتغل واحاول الم لي مبلغ يساعدني بعدين ... انت عارف مابي اخذ من ابوي شي....

طلال : انا مو عارف انت شلون تاخذ اجازه بدون راتب .....

تركي : يعني تبيني اضيع الفرصه عشان تفاهات الشركه ... لا مستقبلي اولا انا ما صدقت قبلو ادرس عندهم افوتها ... حبي شفيج ساكته ...

اروى بضيق : سلامتك مافي شي ... بس ما عندي كلام اقوله مع موضوعكم ....

طلال : اقول تركي البيت لا تحاتيه انا بدور لك بيت بمبلغ مناسب وكاهي اروى تشوفه واذا ما عجبها ما نشتريه وتاثثه اروى وملاك وسمر معاها واذا رجعت اليايه تلقى كل شي جاهز وبس تسوو حفله وتقضو شهر العسل وتروح تكمل دراستك واهي معاك ... فكر تركي لا تضيع سنين من عمركم جذيه وانا عارف انك ما تقدر على فراقها .....

تركي واهو يشد على يد اروى : يصير خير اتفاهم مع اروى وارد لك خبر عرضك ما يتفوت ... بس اول اضبط اموري مع قلبي وبعدها اخبرك


لحظات ووصل عادل وانضم لهم وظلو سوالف لحد ما سمعو النداء الاخير للطياره فودع تركي طلال وعادل ولمى قرب لاروى بجت وما تحملت فضمها بقوة وشد عليها وقبل يتركها باسها بقوة بشفاتها وما بعده عنها الا لمى دفه عادل عنها ...

عادل : هههه تركي ينيت ... انتو بالمطار مو بغرفتكم ... ما باقي شي وتكمل ...

تركي واهو يمسح دموع اروى : اذلف انت وياه .... حبي بكلمج كل يوم واول ما اوصل بكلمج لا تخافي .... ادعيلي اوكي ...

اروى : انتبه لنفسك ... ولا تنسى نفسك بالدراسه وتنسى تهتم لنفسك اوكي

تركي واهو يبوس جبينها : اوكي حبيبتي ... مع السلامه ....

ودعها تركي بعد ما ضمها ومشى لمدخل الطياره وكل شوي يلف يطالعها ويلوح لها ولمى دخل تركي بعد ما ارسل لها بوسه بالهوى بجت اروى وسحبها عادل وضمها وبجت بحضنه .....

طلال : اروى تركي مسافر يدرس يعني الي مسافر له ولج ... لمستقبلكم صدقيني ...

عادل : اهدي حبيبتي .... يله خل نروح وتريحي على ما يوصل يبيله سبع ساعات يله شكلج مو نايمه صح ....

طلال واهو يمشي معاهم لبرى المطار : والله مافي صوت بغرفتهم طول الليل حتى عشى ما تعشو ... لاصقين ببعض ...

عادل واهو يضحك لان اروى انخشت فيه من جنبه : هههههه طلال اهدى اروى خجوله وايد ... وانت تتسمع عليهم يعني ...

طلال : هههههه لا طبعا بس اذا امر اروح غرفتي اسمع ضحكهم وصراخهم تقول يلعبو سباق بهالغرفه .... الا انت متى زواجك ....

عادل : اااخ خلها على الله ....عندي عم عسر .... بس تصدق صرت امل من هالتاجيل ... شكلي اخرها بهون واطلق ....

اروى : حرام عليك عادل شذنب هدى بلي يسويه ابوها ....

عادل : مو اخر مره تكلمنا فيها قابله بلي يسويه وعاجبها التاخير ...

طلال : عادل تمهل ولا تتعجل لا تظلم البنت .....

عادل : لا تخاف ... انا ما بتعجل لكن اذا تمادو اكثر بكلمعا بصراحه ولها الخيار ... يله نستاذن وانتبه للطريق ...

طلال : اوكي وانت هم انتبه ... اروى ما اوصيج اذا حتجتي اي شي كلميني ولا تستحي تركي موصيني عليج ...

اروى : ما تقصر .... مشكور ...

ودعهم طلال وراح سيارته واروى وعادل ركبو سيارت عادل وبالطريق كانو ساكتين لكن بعد مده كسر الصمت عادل ...

عادل : اروى ...

اروى : نعم ...

عادل واهو يطالع الطريق : تعرفي لمى افكر بلي يصيبني من عمي اتذكر ان ابوي يسوي نفس الشي مع تركي ... تعرفي ان تركي صبره كبير على ابوي ... حتى قبل زواجه منج ...

اروى : لا عادل الامور بينهم تمام ...

عادل : قدامج ومؤقت انا اعرف ابوي وتفكيره ... اروى خلج مع تركي ولا تخسريه تراه بداج على كل شي لان خاف احد يتقدم لج ويخسرج بعدها ...

اروى : شقصدك ببداني ...

عادل : مهرج وتكاليف الحفله لملجتج هذي الفلوس كان بيحطها بمشروع عشان يستثمرها واهو يدرس عشان لمى يرجع يكون عنده مبلغ يقدر يتزوجج فيها ويشتري بيت لكم لكن لمى قبلوه انتي وصلتي لسن الزواج وكثرو خطابج فدفع مهرج وكل التكاليف بالفلوس الي موزيها للمشروع ... اهو وصاني اسكت لكن لمى فكرة وقارنت بين حياتي وحياته قلت لزم اوضح لج بس لا تخبريه اوكي ....

اروى واهي متفاجاه : انت قصدك ان تركي الحين ما يملك شي ... عيل شلون بيشتري بيت ... طلال كان يلح عليه يشتري بيت بهالسنه ويتجهز لزواجنا لمى يرجع ...

عادل : واهو شقال ...

اروى : عجبته الفكره لكن قال بيتفق معاي ونتفاهم وبعدها يرد عليه ... لكن على كلامك ما اضن يفكر بهالشي ...

عادل : اكيد وخصوصا انه مستحيل ياخذ من ابوه او يقبل مساعدته ...

اروى : الله كريم ربك يسهلها ...

عادل : ونعم بالله لكن مثل ما وصيتج انتبهي لحياتج معاه اوكي ...

اروى : لا توصي تركي قبل كل شي ...

عادل واهو يركن سيارته : عيني يا عيني ... انزلي ونامي عشان تصحي وتكلميه اذا وصل هناك يله ...




البارت الثالث :
نزلت اروى وكل تفكيرها بتركي وما ردت على عادل غير بابتسامه وطلعت غرفتها لان الكل نايم بهالوقت فدخلت وخذت شور ومسكت تلفونها واتصلت بتركي لقته مغلق فارسلت له تاكد عليه اول ما يوصل يكلمها فحطت التلفون على التنبيه يصحيها قبل وقت وصوله ايطاليا وحطة راسها على الوساده وغمضت ترتجي النوم لكن فرت الدمعه من عينها واهي تفكر شلون بتتحمل فراقه سنه كامله وما مر نص ساعه الا ونامت وقبل يرن المنبه صحت وعلى طول مسكت التلفون تشوف الوقت واتصلت لقته مغلق فقامت وغسلت وظلت تنتظر يفتح تلفونه ومر ة ساعه وكانت كل شوي تتصل لحد ما فتح واول ما رن رد على طول تركي ....

تركي بشوق ولهفه : هلا بروحي وقلبي وكلي وعمري كله وحشتيني وحشتيني موت .... اروى شفيج ساكته ....

اروى ودموعها تنزل فرح وضيق : انت شلونك ... كليت ... نمت حبيبي

تركي : هههههه تبجين يا روحي ... حبيبتي معلي لزم نصبر ونتحمل ... مده وانشاء الله بتعدي ومابنحس فيها .... بكلمج كل يوم وايد ....

اروى :تركي صعب ... انا باولها مو متحمله ....ما رديت علي نمت وكليت ...

تركي : نوم اي نمت لكن اكل شلون وانا نايم طول الرحله انا الحين بالطريق للشقه قبل اوصل بامر اخذ لي كم شغله واكل وبعدها بجهز اوراقي واروح الجامعه ...

اروى : ماراح تريح ....

تركي : احس بنشاط وصاحبي قال لي اذا وصلت والوقت مناسب اروح واسلمعهم اوراقي عشان بكره اداوم .... ما تبيني ارجع بسرعه ....

اروى : اكيد حبيبي ابيك ترجع بسرعه لكن انتبه لصحتك قبل كل شي ..

تركي : اوكي حبيبتي انا الحين بنزل للسوبر ماركت واخذ كم غرض ... حبي فكري بقتراح طلال وردي علي اذا كلمتج اوكي ......

اروى : اوكي بفكر بس لا تتعجل ....

تركي : اوكي حبيبتي بكلمج لمى اخلص واريح بالشقه اوكي ... وبهالوقت انتي ريحي ونام ….

اروى : لا تخاف ريحت وانت بالطياره وانتظرك اوكي ... تركي اهم شي صحتك ....

تركي : تامري امر يا روح تركي ... يله باي ....

سكرت منه اروى بعد ما ودعته وارتاحت شوي وتطمنت عليه ومر الوقت عليهم وكانت الاتصالات ما توقف بينهم اما اهو يتصل او اهي وكانهم مع بعض حتى ان اروى ما تطلع او تسوي شي الا لمى تستاذن من تركي وتشاوره وكانه معاها واغلب اتصالاتهم بالفيديو ويشوفو بعض ... اما عن فكرة طلال فاروى ما عارضت وصارت تروح تشوف البيوت الي يلقاها طلال لكن اروى ترفضها اما لان مكانها مو مناسب او انها صغيره وايد ومو مثل ما تبي وهالشي مضايق تركي لكن اروى تصور له البيوت من برى وداخل وتخبره ليش ما عجبها البيت وقربت رجعت تركي عشان يقضي معاهم اجازته واهو بباله يتمم زواجه باروى وياخذها معاه وهالشي حب يتكلم معاها فيه واهو معاها لان قدامه ثلاث شهور ويرجع ايطاليه ويبيها تكون معاه وخصوصا بعد الي صار له ...

بنعرف شنو الي صار وخباه عن اروى بغربته ......

اروى واهي تطالع بوابة القادمين : ما كانه تاخر وايد ....

عادل واهو يطالع ساعته : لا اروى للحين باقي وقت طيارته توها نازله يعني لزم وقت لطلعته ....

طلال : اروى اهدي الي يشوفج يقول عندج حالة ولاده بالمستشفى اصبري وبيطلع الحين ...

اروى : طلال مو وقت مزحك .... ثم شنو ولادته احنا بالمطار مو مستشفى ....

طلال واهو ياشر لعادل ويضحكو ثنينهم عليها : هههههه شوف اختك انمسح مخها تماما .... قلن تشبيه مو صج .... طالع طالع شوي وتنط داخل ....

عادل : هههههه انا موتي واشوفها واهي تستقبله انت شوف الباقه الي يايبتها له ....

طلال : هههه اي والله لكن شلون تركي بيحملها ....

عادل : بيحملها مع صاحبتها .... هههههه لا تخزي ....

كانو يتمسخرو عليها لكن وقفو عن الضحك لمى صرخت اروى ...

اروى واهي تنط : تركي .... تركي طلع .... تركي تركي ....

ابتسم تركي اول ما شافها وترك العربه وركض ونط الحاجز وضم اروى بسرعه وحملها ودار فيها واهو فرحان بشوفتها قباله ولمى خلص لف فيها نزلها وباسها بكل مكان بويها وما بعده عنها الا عادل وطلال واهم يضحكو عليهم ......

طلال : انا ما قلت لك بيسوو لنا فلم هندي .... حمدلله على السلامه ابو الشباب ....

تركي واهو يضم اخوه ويسلم عليه : الله يسلمك ... وعن المسخره زين

عادل واهو يضم تركي ويسلم عليه : حمدلله على السلامه ... لكن فضحتونا الكل طالع ....

تركي واهو يلف ذراعه حول خصر اروى ويقربها له ويبوس خدها : كيفي انا وحلالي ... انتو شنو حاشركم وقاهركم ......

طلال واهو ينط الحاجز : اييب عربتك ابرك لي لا تروح علي الهديه هذول ما يخلصو غزل وتلصق ....

تركي واهو يلف ويه اروى له : نحفانه حبيبتي ... ليش جذيه ما تاكلي

عادل واهو يمشي معاهم لبرى : انا بخبرك شنو نظامها تلفونات معاك جامع واكل ونوم خفيف حتى امي وابوي كل يوم يخانقوها واذا كلت معانا لقمتين وقامت .....

تركي بعتب : يعني انا التزم بكلامج وانتي لا ... جذيه ازعل منج ...

اروى : ماعليك منه اكل بس ...

تركي واهو يصعد معاها السياره ورى : بس شنو ...

اروى بهمس : من بعدك وتفكيري فيك والله مالي نفس زين وانا مو عارف انت تاكل زين او لا وخصوصا اذا اكله تحبها ... اتنغصها لك ....

ضمها تركي وباس راسها وساق طلال السياره بعد ما حط اهو وعادل الشنط ووصلو بيت ابو تركي والكل استقبله وفرحانين برجعته وكان ابوه مسوي عشى بمناسبة رجعته فبعد اللويه والازعاج من كثرة الناس والي زاروه حس راسه بينفجر فلمى طلع من الحمام بعد ما اخذ شور عشان يخف راسه لقى اروى ترتب ملابسه واغراضه بالخزانه ومجهز له بندول وكاسة عصير فلمى شافته ابتسمت وقربت له فضمها وباس شفاتها ...

اروى واهي تبعد شوي عنه : حبيبي صدعت صح ...

تركي : هههه تحسي فيني ... احس اهون لمى خذيت شور ...

اروى : اوكي عيل خذ البندول واشرب العصير ونام عشان تقعد مصحصح ...

تركي واهو يبوس رقبتها : مابي .... ابي ابقى معاج ....

اروى : بكون معاك تركي ما برجع البيت معهم ... اخذت اذن من بابا ابات هني معاك ....

تركي بفرح : يا روحي الي تدور راحت حبيبها ... بلبس واييج ...

هزت اروى راسها ورجعت تكمل ترتيب اغراضه ولمى خلص تركي لبس راح لها وضمها من ورى وباس رقبتها وحملها وتوجه فيها للسرير ...

اروى وتركي ينزلها ويقرب لها : تركي .... احممم تركي خذ اول البندول

تركي واهو يمسك ذراعها ويقرب لها : بعدين ابي اشبع منج الحين ...

اروى وتركي يبوس رقبتها : حبيبي انت تعبان ... تركي ...

بعد تركي وطالعها فابتسمت له وباسته بوسه سريعه بشفاته ونزلت ورجعت له وبيدها كاست العصير والبندول فاخذ تركي العصير وشرب شوي وبعدها اخذ البندول وكمل العصير واخذتهم اروى وبعدتهم عنه ورجعت له ...

اروى واهي تقرب لتركي : شفت ما بعدت وكاني رجعت لك ...

تركي : احس ودي النوم ... بندول نايت صح ....

اروى واهي تحط راسها على صدره : اي حبيبي ابيك تريح باين عليك التعب ...

تركي واهو يضمها ويتمدد معاها : وتنامي معاي ... لا تبعدي اذا نمت قبلج اوكي ...

هزت اروى راسها وباسها تركي برقبتها وبعدها نام بسرعه وظلت اروى بحضنه وتشم بريحته وتبوس صدره كل شوي واهي تحمد ربها انه رجع بالسلامه لحد ما نامت بحضنه .....

مر اسبوع على ردت تركي وطبعا اروى دايما معاه الا اذا زاروه ربعه لكن وقت النوم ترجع بيت ابوها وقرر تركي يفاتحها بموضوع زواجهم عشان يجهزو قبل الزواج وخصوصا ان عادل بيتزوج بنفس الوقت فلقاها فرصه يفاتحها بالموضوع ويكون زواجهم مع بعض ....

تركي واهو يقعد جنب اروى واهي ترتب مكتبه بالغرفة : حبي ليش تتعبي نفسج الشغاله تنظف المكان ...

اروى واهي ترجع اخر شي على مكتبه : لا حبيبي دامني هني انا ارتب لك ... ثم لا تخلي الشغاله تسوي شي لك انا موجوده ....

تركي واهو يضحك ويقعد على طرف السرير : ههههههه تغاري من الشغاله ...هههههه تعالي تعالي ابي اكلمج بموضوع ....

اروى واهي تقعد جنبه وتضربه على جتفه : اغار من شغاله ... لا بس ما احب يتخطرفو بالغرف ما لهم امان ...

تركي واهو يبعد شعرها ورى اذنها : اوكي حبيبتي اعرف طبعج بهالشي ... خلينا من هالشي ... اروى في موضوع مهم ابي اكلمج فيه واجلته لمى ارجع هني ....

اروى : اسمعك حبيبي قول .....

تركي : اروى لمى كنت بايطاليا صار لي مواقف كثيره وما خبرتج عنها عشان ما توسوسي او تتضايقي لاني محصن نفسي ضدها ومستحيل تاثر علي وانجرف وراها ...

اروى : شنو هالمواقف .... اتمنى مو الي ببالي .....

تركي : هههه لا شكله الي ببالج لكن خلي ثقتج فيني كبيره ....

اروى : واثقه فيك واكثر مما تتصور ... لكن تركي كان المفروض تخبرني حتى لو هالشي بيضايقني دامني واثقه فيك..... قول الحين شنو هالمواقف بالتفصيل ...

تركي واهو يحك شعره : احممم اروى لازم يعني ...

اروى واهي تخزه : اي لزم دامك تكلمت ....

تركي : اوكي اوكي بقول .... شوفي لي جاره نقول عنها عاهره ... لا تطالعي جذيه قبل ما كانت جارتي بس لمى رجعت لقيت الجيران القبليه عزلو وطبيعي لمى اطلع وارجع التقي فيها فاحييها كمجامله ....

اروى : اهااااه وبعدين .... كمل ...

تركي واهو يكتم ضحكته : اروى اهدي كل الي صار انها كانت تعرض علي تدخل شقتي ونقضي وقت بس كنت ارفض واقول لها اسف ما استقبل حريم وزوجتي مو موجوده فضلت كلما تشوفني راجع تتعمد تطلع وتكلمني بالدخله والطلعه لحد ما يوم تجرات ولصقت فيني ووووو وحاولت معاي يعني كانت تحسس جسمي واهي لاصقه ودفيتها وصرخت فيها بشكيها للشرطه لكن هالشي ما ردعها وبيوم لمى كنت بدخل الشقه دخلت وراي قبل اسكر الباب وكانت سكرانه وقبل اقرب اطلعها تعرت تبي تغريني ... ما اخفي عليج كنت بتهور لكن اولا تعوذت من ابليس وذكرت ربي وبعدها يات صورتج ببالي فاخذت ملابسها وقطيتها عليه ودفيتها برىةالشقه ونزلت بسرعه للحارس وطلبت منه يطلب الشرطه وجاو لكن لقوها سكرانه ومحد بالطابق معانا بس الحارس شهد معاي ووقعوها على تعهد عدم التعرض لي بس ظلت توقف لي قبال باب شقتها وتعرض نفسها لي ...

اروى بعصبيه : وليش ما نقلت من هالشقه لزم تبقى فيها يعني ...

تركي : اروى شلون انقل الشقه ملك يعني شاريها الوالد من سنين لاننا نسافر وليد ايطاليه وهم الوالد له اشغال هناك فاذا راح يسكن فيها ....

اروى : والعمل معاها يعني ...

تركي : حبيبتي في شي واحد يريحني منها ...

اروى : وشنو اهو ....

تركي : تكوني معاي ... اروى نتمم زواجنا ... خلينا نتزوج مع عادل وتسافري معاي ....

اروى بفزع : شنو ... تركي هذا حلك يعني ...

تركي : كلامي هذا مو بس احصن نفسي فيه بس لا زواجنا عشان تكوني معاي ... اروى انا ببقى سنتين ثنتين.... اروى يعني بهالمده نكون تزوجنا وصار عندنا نونو صغير ... ابيج يمي ...

اروى : بس ما يمدي تركي زواج عادل بعد شهرين من الحين ... وانا ما بيكفيني هالوقت اجهز ثم القاعه ما تعجبني ولا تكفي لزواجنا كلنا ... تركي اجل للسنه اليايه ... ثم جامعتي ....

تركي : اروى اقول لج محتاجج معاي افهمي انا ريال ولي احتياجاتي تبيني اروح للحرام يعني ...

اروى : وليش تروح للحرام تقدر تحصن نفسك وتمنعها من هالشي ...

تركي : اي لين متى وانا عندي زوجه ورافضه تكون معاي عشان شغلات تافها ...

اروى : تجهيز الزواج اشياء تافها ....

تركي : اروى اسبابج ماله معنى ... يعني بذمتج تعجزي تجهزي نفسج بشهرين ... اوكي جهزي المهم وكملي بعد الزواج ثم القاعه شفيها انا عرفة من عادل انها كبيره وايد ومعازيمكم اهم اهم شنو بيتغير يعني ...

اروى : تركي ومعازيمكم وين يروحو هاااه قول لي القاعه ما تكفي ... ثم هذي ما تعجبني ابي القصر الي البابا وعدني فبه ... لمى ملجنا انت قلت لي بتسوي لي زواج مثل ما ابي ....

تركي واهو منصدم منها والتعالي الي طلع فيها : اروى اول مره اسوفج تتكلمي بهالطريقه المتعاليه ... ليش ... وعدت وانا قد وعدي تبين قصر وهذا للي يهمج قصر تتفاخري فيه قدام معارفكم ...

اروى : تركي انت عارف مركز البابا ما يسمح اسوي زواج بقاعه عاديه صح عادل بيسوي فيها لان زوجته تبي هناك ومستواها جذيه انا لا وبابا منبه علي زواجي يكون كبير لاني وحيدته ....

تركي : انا بتزوجج او اتزوج ابوج ... اروى انتي اول مره تكلمي جذيه وانتي عارفه قدراتي ولا تستغلي حبي لج وتقعدي تتطلبي جذيه ... اروى شوفي اختاري اما زواجنا مع عادل او انسي السالفه كلها ...

اروى : شقصدك انسى السالفه ...

تركي : ولا شي ... قومي خليني اوصلج بيتكم مليت الكلام معاج ... قومي وفكري بكلامي زين وقلبيها براسج انا بتزوجج انتي مو وضع ابوج ومستواه الاجتماعي ....

اروى واهي منصدمه : تركي شفيك ... خل نتفاهم بهدوء ...

تركي واهو يوقف : قومي اعصابي فلتت ... لحظه اذا تبين تبقي ابقي انا طالع ...

اروى واهي تحمل شنطتها : لا ماشيه ...

نزل تركي واهو معصب حده واروى وراه والي يشوفهم يعرف انهم متزاعلين فطلع حتى بدون ما يسلم عليهم وطلعت اروى وراه بعد ما سلمت عليهم وودعتهم والكل مستغرب تصرف تركي لكن يعرفو انه اذا عصب ما يحب يتكلم وطول ما يسوق صاد عنها وما يتكلم وباين عليه كاتم عصبيته فوقف قبال بيتهم واهو ساكت واروى ما تحركت فطالعها ..

تركي واهو ياشر لها على البيت : احنا قبال بيتكم تفضلي ....

اروى : تركي خل نتفاهم وبلا عصبيتك هذي ولا تعاملني بهذا الاسلوب .

تركي : اروى انا للحين ماسك اعصابي ومابي اطلع عصبيتي فيج ... انزلي ومافي كلام اكثر اقوله والي تبينه وصل لي انزلي مابي اغلط عليج

اروى : تركي بفكر بالموضوع ولزم نتفاهم مره ثانيه بليز ....

تركي : اوكي انزلي وفكري وانا هم بفكر واقلب الكلام براسي وبالنهايه بنشوف شنو يصير ...

اروى : اوكي ... تركي ...

تركي : اروى والله واصل حدي نزلي مالي مزاج لشي ....

نزلت اروى واهي ضايقه حدها فقبل ما تفتح باب البيت حرك تركي السياره ولا انتظر تدخل مثل كل مره وكان مسرع بسياقته فخافت عليه واتصلت عليه ولا رد وخافت اكثر وانتظرت مده ورجعت تتصل ولقته مغلق فخافت يكون صابه حادث او شي واتصلت لملاك تسالها اذا وصل .

ملاك : اروى ماعرفتي طبعه يعني اذا معصب ومتضايق يقفل تلفونه .... الا شنو صار وعصب جذيه ....

اروى : ملاك مابي اتكلم بشي واذا وصل بلغيني ارجوج طمنيني عليه ...باي ...

سكرت اروى وظلت تتصل عليه ودايما يطلع لها مغلق وما وقفت تحاول تتصل عليه عله يفتحه ويرد عليها.... اما تركي فكان قاعد قبال البحر على سيارته ينتظر صاحبه ركان يوصل لانه كلمه قبل يقفل تلفونه ووصل ركان وقعد جنب تركي ينتظره يتكلم لكنه ساكت ويطالع البحر ويعرف ان ركان ينتظره يتكلم فتكلم ركان ...

ركان : شلي وصلك لهالعصبيه ... مع من متخانق ...

تركي وعينه على البحر وبهدوء: اروى ....

ركان مستغرب : من قلت اروى ... مو معقوله توك اسبوع من وصلت وخبري متفاهمين شلي صار ...

تركي واهو يطالعه : ماتبي نسوي زواجنا مع اخوها عادل تعرفه لان زواجه بقاعه اقل من مستواهم واهي تبي قصر للحفلات وهم لزم تجهز نفسها بمده اطول ...

ركان : شرحت لها وضعك هناك وليش تبي تزوجو وتاخذها ....

تركي : اي وهم نفس الشي ماتبي تتزوج وبعدنا هم مانفذنا شرط ابوها ماتبي تكسره على قولتها واهي واعدته بزواج على مستواهم ... ما تراعي حتى وضعي او حالتي اهي تعرف اني حطيت كل فلوسي بالدراسه واشتغل وانا ادرس بس عشان زواجنا والبيت واهي تبي هم بيت ارقى من الي شفته انت وطلال ...

ركان : بصراحه في بيوت مناسبه لكن اهي ترفضها بحجت المكان او حجمه ... تركي انت متاكد انها مو احد وازها عليك لانها متغيره صج ... حتى في اختي تقول بالجامعه تتكلم بتعالي عليهم وصايره تتباهى بلي عندها مو مثل قبل ...

تركي : لاحظة هالشي بس ما اضن مغتره لزم فيها شي ابوها مدللها بكل شي تبيه وهم زواجها مني رفضه لكن لانها تبيني قبل .... تعرف انا خلاص برجع واكمل دراستي الي وقفتها عشان اكون معاهم هني وغرضي ارجع معاها واهي زوجتي لكن ما اقدر اوقف دراستي واخرها ما تفهمني ... وهم بادبها ...

ركان : هههههه شناوي عليه ... لا تقول بتطلقها ...

تركي : مينون انت شنو اطلقها لا عقاب ثاني يادبها ويادب ابوها هم ... بسافر ولا باخبرها ومابرد عليها ابد وبتزوج هناك واعيش حياتي واكمل دراستي وارجع ومعاي زوجتي ... شرايك ...

ركان بصدمه : لا تمزح ... تركي انت متاكد ان هذا انت انت جذبه بتذبحها مو تادبها ....

تركي : بس ابيك تسكت .. محد يعرف بشي فاهم حتى طلال ...

ركان : ناوي على شي اكثر صح ...

ابتسم تركي وخبر ركان بكل الي بباله وبعدها قام معاه وحجز على الليله بيسافر ويرجع واول ما وصل بيتهم ودخل كان الكل ينتظره وخايفين عليه ...

تركي واهو يقرب لهم : مساء الخير ...شفيكم ...

ام تركي : انت وينك ليش مقفل تلفونك خوفتنا عليك واروى بتموت من كثر خوفها عليك ...

تركي بلا مبالات واهو يتعذب بداخله : وليش انشاء الله اهي مسوي شي لي وخايفه ...

ابو تركي : شفيك يبه على البنت ... ليش متزاعلين ...

تركي : ابد ماتبي نتزوج مع عادل المكان مو من مقامها ولا يكفيها الوقت ولا تبي تتزوج وشرط ابوها ما تنفذ ...

ام تركي : يمه حقها هذا الي اتفقتو عليه ولزم تشتري بيت اول ...

طلال : يمه انتي عارفه ان اروى رفضت بيوت وايد وما شريناها بس لاسباب بايخه واهي الي تاخر هالشي وزواج عادل شفيه القاعه فخمه وكبيره فليش هالتاجيل ...

ابو تركي : انت لا تحشر نفسك بينهم اهم احرار ... يبه تركي اذا لازمك فلوس للبيت الي يعجبها انا حاضر وسبق وقلت لك هالشي ...

تركي بضيق : يبه انت عارفني مابي اخذ منك او من احد شي البيت ملزوم فيه لانه شرط لكن من حقي اشتري الي يناسبني مو يتحججو على هذا وهذا شرطو بيت مو مستوى وانا الليله برجع ايطاليه وبكمل دراستي واهي الي اختارت ما تروح معاي وبحججها البايخه الي ما تدخل مخي رجعت عشان اشوفكم واتمم زواجي منها واخذها معاي بس دامها جذيه برجع واكمل دراستي بدل ما اعطل نفسي على الفاضي ورجعه ماراح ارجع الا لمى اكمل والي يبيني اييني هناك .... انا طالع اجهز شنطتي ...

ام تركي بصدمه : شنو تسافر الليله ... ليش يمه خلك على الاقل لزواج عادل ...

تركي : وشنو استفيد دراستي اولا ومابي اخسر شغلي هناك ارجع واكمل حياتي ولا اعطلها على شي ما يسوى ... بالاذن ......

طلع تركي فوق وكان الكل منصدم الا طلال لانه يفهمه لكن ملاك اتصلت لاروى وخبرتها وجنت اروى واتصلت وتركي ما يرد عليها وحتى يقطع بوجها فظلت تبجي وخايفه فعلا يسافر فراحت لعادل غرفته ...

عادل : تعالي شفيج ...

اروى ودموعها تنزل : عادل ارجوك وصلني بيت خالتي بسرعه تركي بيسافر زعلان مني ...

عادل واهو مستغرب حالتها وكلامها : يسافر ... وزعلان منج ... شنو صاير مو على اساس بيقعد ثلاث شهور ...

بجت اروى وضمها عادل وخبرته اروى بكل الي صار فبعدها عنه وهزها

عادل بعصبيه : انتي غبيه تقولي له هالكلام وتبينه يرضى انا لو مكانه صفقتج كلامج كله غلط بغلط ومن حقه هالشي وزوجج يطلبج وانتي ترفضي عشان اشياء تافها ... اروى ابوي التزم بشرط تركي عشان تطلبي يلتزم بشرط ابوي واي مستوى تتكلمي عنه اذا انا ما اهتميت وسويت زواجي بالي يناسبني وزوجتي مقتنعه انتي شفيج تركي توه ببدايته وحط كل الي عنده بدراسته وناسيه ملجتج كم كلفت واهو الي تكفل فيها .. لا تنتظري من تركي ياخذ فلس من احد لا اهو من تخرج من الثانويه واهو يشتغل ويدرس ويصرف على نفسها وهالشي يرفع الراس وانتي تقولي ما يكفيني ومستوى ... اقول تستاهلي الي يجيج منه

اروى واهي تبجي : عادل ابوي كسر خاطري يطلب مني اسوي ززواجي بمستوى عالي لاني وحيدته والبيوت كلها يقول لي مو مناسبه تبيني اكسره ...

عادل بصراخ : لانج غبيه ابوي يبي يفرقكم انتي وتركي ويزوجج من ولد صاحبه ... هالشي ما شاله من باله ويعرف ان تركي ما لمسج لهالشي يبي اي طريقه يفرقكم وانتي غبيه مشيتي وراه ... الا تعالي لي فتره ملاحظ عليج التعالي على شنو هاااه ...

اروى : انا ...

عادل : لا انا خوله تقول اختها الي كبرج تقول انج تتكلمي بتعالي وتتفاخري بالي عندج هالشي ليش ...

اروى بخجل : مو من طبعي بس ...

عادل واهو يقاطعها : ابوي صح ... صار يمدح وينفخ فيج وانتي مشيتي وراه وهم قال لج انتي الاحين والكل حولج اقل ومشيتي وراه .. انا مو عارف متى بتعقلي ... اروى يا زينج بشخصيتج تحبي ابوي بس لا تتاثري فيه ... والله لولا ان يدتي خذتج عندها كنتي خربتي على يد ابوي اعقلي واصحي على نفسج ... امشي اوديج بيت خالتي ونشوف تركي واعتذري منه ونفذي كلامه وارضيه فاهمه محد بينفعج الا اهو واذا خسرتيه ما بتقدري تعوضيه ابد ......

بجت اروى ومشت معاه لبيت خالتها لكن طلع ان تركي راح المطار مع طلال بعد ما ودع اهله وطار عادل للمطار فيها وكان متضايق حده للي وصلو له اروى وتركي والسبب ابوه ولمى وصلو كان طلال توه بيطلع من البوابه فركض عادل له واروى وراه ...

عادل واهو يركض : طلال تركي وين ...

طلال واهو يطالع اروى : سافر خلاص توى ركب الطياره واضنها طارت لانه دخل على اخر نداء ... ليش ...

بجت اروى ونزلت بالارض منهاره فهز عادل راسه بضيق وراح لها ووقفها ...

عادل : ابجي ابجي انتي غلطي واجني الي زرعتيه بيدج ... غلطي لمى تعاليتي وسمعتي كلام ابوي اشربي الحين ... ارتحتي ...

اروى واهي تبجي : ليش ليش سافر على الاقل يكلمني يعاتبني لا يتركني بدون حتى كلام ...

طلال : اروى انا ما اعرف الي صار بالضبط الا تناتيش بس تركي معقوله ما سمعج ما ناقشج انتي الوحيده الي يعطيها الفرص ويتحاور معاها فهالشي فعلا ما سواه تركي ...

اروى : قال بيفكر وانا هم افكرلكنه فكر بروحه وتركني وراح ...

عادل : تبينه ...

اروى : اكيد ...مابي اخسره عادل ...

عادل : الحقيه عيل ...

اروى : شنو ... عادل شلون الحقه ...

عادل : شنو الي شلون سافري له ....

اروى : ابوي ما بيقبل اسافر ... مستحيل يقبل ...

طلال : انتي بذمت تركي يعني بتروحي لزوجح مو لاحقه غريب ...

اروى : يعني اقط نفسي عليه الحقه وياخذني جذيه ...

طلال : تركي ما بيرضاها لج واكيد بيرجع معاج وتممو زواجكم هني ...

اروى : بكلمه اول ما يوصل ويرجع ...

عادل : عندج عقلج وتعرفي تتصرفي وبراحتج انا مابدخل نفسي بشي ... بس نصيحتي وقلتها لج وانتي وكيفج ...امشي الحين البيت ....

رجعت اروى مع عادل البيت وطارت غرفتها واهي تبجي ولا وقفت لمى ناداها ابوها .....

ابو عادل : شفيها اختك تبجي ... من مضايقها .... اكيد تركي صح ....

عادل واهو يتنهد ويقعد جنب امه : ااااه .... يبه اسال بنتك افضل ...

ام عادل : متزاعلين ... مع اني مو مصدقه ....

خبرهم عادل بكل شي وثار ابوه وصرخ: يحمد ربه زوجناه بنتنا ايي ويبيها تتزوج باقل من مستواها مو كفايه انت مع هالقاعه وهالحفله بتفشلني ... يبيها تتزوج معاك ... لا يحلم وزين سوت ....

ام عادل بعصبيه : محد بيخسر الا بنتك وتحمل الي بييها .....

طلعت ام عادل فوق ودخلت على اروى وعاتبتها على تصرفها وفهمتها ان تصرفها غلط وكان لزم تراعي ظروف تركي وانهارت اروى اكثر وظلت تنتظر الوقت لحد ما توقعت ان تركي وصل واتصلت وما رد عليها وظلت لليوم الثاني تتصل وما يرد لحد ما تسكر التلفون وبعدها كلمتها ملاك وخبرتها ان تركي وصل وما بيرد عليها فظلت على بجيها وتحسرها على تصرفها .....

مهضومه 17-10-20 03:46 AM

البارت الرابع :
اما تركي فكان يتعذب لانه يعرف انه قسى على اروى لكن متاكد ان الي يسويه الصح ولمى وصل شقته لاحظ ان مافي صوت لجارته ومر عليه اسبوعين ولا لها حس وسال الحارس فخبره ان صاحب البنايه طردها ومحد بالشقه ساكن ومر شهرين وتركي على حاله ما يرد على اروى ومكمل حياته بدراسته وشغله لحد ما يوم رجع من شغله وانتبه ان الشقه الي يمه بابها مفتوح وفي اصوات لناس عرب فقبل يفتح باب شقته ياه صوت بنت وصوتها ناعم بالمره فلف يشوفها شتبي وتجمد مكانه ....

البنت : لو سمحت يا جار ممكن طلب .....

تركي بعد ما صحى على نفسه من الملاك الي قباله : هاااه ... اي امري اختي ....

البنت بحرج : اسفه اذا ازعجتك او عطلتك ..... عرفت انك عربي ووو....

تركي واهو يبتسم على حرجها : ووو وشنو ... امري انا بالخدمه اذا اقدر ....

البنت : اخوي بيتاخر لحد ما يرجع وللحين ما شرى ارقام لهني ... احممم ممكن اذا سمحت تطلب لنا اوردر عشى من اي مطعم تثق فيه لان اكيد انت تعرف المطاعم الي هني اكثر منا ... ممكن ....

تركي : ههههه وليش خجلانه جذيه ... عادي انا بالخدمه والف طلب من هالطلب ولا يردج الا لسانج .... معاج تركي ... وانتي ....

البنت : تشرفنا اخ تركي ..... انا ميار ........ من البحرين ....

تركي : اووووه اسمج حلو ... ومن ديرتي هم ... لكم شخص تبين ... وشنو الاصناف ...

ميار : لخمسه... وما تفرق بالي تطلبه ... احسب حسابك انك محسوب معانا فلا تطلب لك ....

تركي : ههههه شكرا انا متعشي ... لحظه بييب لج منيو تشوفي وتختاري لحظه ....

دخل تركي شقته ورجع بسرعه ومد لها المنيو واهي اخذته واشرت له على الي يبونه وشكرته ورجعت الشقه ولاحظ تركي انها ما سكرت الباب ورجع شقته وطلب لهم ودخل الحمام ياخذ شور وبعدها سوى له نسكفيه وقبل يشرب اندق الجرس وعرف انه المطعم فطلع وتفاجا بميار تحاسب ومعاها ولد صغير فابتسم لها لمى طالعته...

تركي : ليش حاسبتي كنت طالع له ... ثم شلون عرفتي انه وصل ....

ميار : تاركه الباب مفتوح وعندي هالحارس لمى شافه خبرني واسفه لانه دق جرسك قبل اوصل له ... تفضل اخوي وصل ...

تركي : عوافي خبرتج سبقتكم ....

ميار : يعني ما تحب تتعرف على جيرانك اليدد ....

تركي : هههه مو القصد لكن توكم واصلين يعني تبون تاخذو راحتكم ... فرصه ثانيه ...

الولد الصغير : ماما ما بيي لا تطولي ابي اكل يوعان ....

ميار واهي تنزل له وتبوس خده : ولودي عيب حبيبي لزم نعزم ونلزم على جارنا .... وانت اخ تركي ما بتتعشى تفضل حل معانا ... ولا تقول لا الوالده بتفلق راسي اذا ما تفضلت ... ماكده علي لو تبي اذيتي ...

تركي : لا اوكي ... بسكر وايي ...

ميار : اوكي تفضل ولا تخجل بترك الباب مفتوح بجهز السفره ....

هز تركي راسه ويحس براحه منهم ولمى سكر باب شقته توجه لباب شقة جيرانه وفعلا تركت ميار الباب فتو بيطقه عشان يدخل لقى شاب تقريبا بعمره واقف بنص الصاله وابتسم له وقرب منه واهو يمد يده عشان يصافحه فصافحه تركي ...

الشاب : حي الله جارنا تفضل اخ تركي لا تخجل احنا اهل ... تفضل ...
تركي واهو يدخل : زاد فضلك ...

الشاب واهو يسكر الباب ويمشي مع تركي للكنب : لا تخجل تفضل احنا عيال ديره وحده ... مشكور لانك ساعدت ميار ... تورطت ما وصتني قبل اطلع و ارقام توني شاريها ....

تركي : شهالكلام احنا جيران حتى لو محنا من نفس البلد فما بالك بعيال ديرتي ... ثم الي سويته شي بسيط ما يستدعي كل هذا .... ما تعرفت عليك ....

الشاب : ههههههه اسف نسيت نفسي ولا عرفتك بنفسي .... انا مهران ... اشتغل بالتجاره .... وانت ...

تركي : لا انا ييت ادرس ... لكن اشتغل بشركه بالمحاسبه مؤقت عشان اقدر اوقف على ريلي صح .... انت بشنو تتاجر ...

مهران : بكل شي ... استيراد وتصدير ... شركتي هني نقلتها من سنين لكن توني ايي اديرها بنفسي ...

تركي مستغرب : وليش توك تييها هني ....

مهران : كان ولد عمي يديرها لي وانا كنت بالبلاد ادير الرئيسيه لكن صارت خلافات بينا وكنسلت الشركه هناك ونقلت لهني لكن مازال ولد عمي معاي عشان اعرف اصول الشغل هني وبعدها يرجع للاهل هناك .... كنا كلنا شراكه انا وعيال عمي وعمي ... بعضهم طمع فكنسلت هناك وفضلت ايي هني ...

تركي : وليش تتغرب وتغرب اهلك هني كنت كملت هناك بعد ما انفصلت منهم ....

مهران : هههههه لا اختياري مو بس لي هم ميار تدرس هني وكانت بسكن خاص للطالبات وفرحت لمى قررت ايي هني والوالده قالت مالها قعده بدونا كلنا ....

وليد واهو يقرب لهم : بابا العشى جاهز ....

مهران واهو يطالع وليد وبعدها تركي : اوكي بابا ... يله تركي تفضل ... مو من واجبك لكن نعوضك لمى يتقضو الاهل للبيت وتاكل اكل سنع ....

تركي : ههههه لا عوافي قلت لميار اني متعشي وسابقكم بنتظرك ونشرب القهوه مع بعض واذا مو موجود عندكم اغراضها اييبها من شقتي واشربها من يدينكم ...

مهران واهو يسحب تركي من الكرسي : يا ريال قوم ... حتى لو متعشي ... عشى ثاني ما يضر ... يله ترى الوالده تعصب عليك بعدين وزعلها شديد ما تتحمله ....

ضحك تركي مع مهران وتوجه معاه على طاولة الطعام وكانت ميار تحط الصحن الكبير بالوسط واول ما شافت تركي ابتسمت له وبادلها الابتسامه ولحظه ودخلت حرمه ما يبان عليها امهم وضنها تركي انها زوجة مهران ...

ام مهران : اهلا وسهلا بتركي نورتنا يمه ... تفضل ليش واقف ...
مهران واهو يطالع تركي المصدوم : هههههه تركي هذي الوالده ... انصدمت صح ...

تركي واهو يحاول يمسك نفسه ما يضحك على نفسه : اهلا خالتي ... كلامك صحيح ... صراحه ضنيتها زوجتك ... ما يبان انها امكم ....

ميار واهي تقعد بين امها ووليد : من قدج يا ام مهران الي يشوفج ما يصدق انج امنا ... حتى هالنتفه ما يصدقو انه حفيدج ....

ام مهران واهي تحط بصحن تركي : هههه لا تبالغو الريال اول مره يعرفنا ومعذور ... كل يمه شكلك تعبان من شغلك ..

مهران : اي تحمل تركي ترى من ورى امي بتصير برميل من تشوف احد تعبان من شغل او دراسه حشت بفمه وسوته برميل .... كل يمه هذا يقويك ويسندك ... لا يمه هذا مو زين لك ما يقويك .....

ضحك تركي : تسلمي خالتي والله حنيتج تذكرني بالوالده اذا خبرتها عنكم يمكن توقف نصايح ومحتات ....

ام مهران : لزم اتعرف عليها .... الا ليش بروحك يمه ....

تركي : ييت للدراسه خالتي ....من بيكون معاي يعني ....

ميار : زوجتك ...

تركي واهو مستغرب من ردها : زوجتي ... احمم ... انتي تعرفي زوجتي ....

ميار واهي تاشر على يده : لا بس الدبله تقول انك خاطب وبديرتنا الخطبه يعني ملجه .... يعني متزوج ....

تركي واهو يطالع دبلته : اي صحيح ... بس للحين ما تزوجنا اعني الزفاف ... انشاء الله تحضروه معانا ....

ام مهران : انشاء الله يمه والله يتمم لكم على خير ويجمعكم ونشوف ذريتك منها ...

تركي : انشاء الله .... احممم عفوا من سؤالي ...وليد يقول للانسه ميار ماما وهم مهران قال له بابا ... صراحه حيرني ......

مهران : هههههههه لا تحتار ولا شي وليد ولدي وامه توفة بولادته وميار ربته من انولد ومن جذيه يقول لها ماما ...

تركي واهو يطالع وليد : وكم عمرك وليد ....

وليد : سبعه ... وانت ....

مهران واهو يضحك : هههههه بابا وين الادب وين كلمة عمي ....

وليد : اسف عمو ...

تركي : لا حبيبي ما عليك قول الي تبيه ... وانا عمري ٢٨ سنه ... تعرف ان اسمك مثل اسم ولد خالتي اخو زوجتي....

مهران : ههههه يعني يذكرك بالحبايب ....

ضحك تركي ورن تلفونه وطلعه لقاه من اروى فرفع راسه لمى كلمته ام مهران ...

ام مهران : روح يمه رد بالبلكونه محد بيسمعك اكيد اهلك يبون يتطمنو عليك ...

تركي واهو يصمت التلفون ويرجعه بجيبه : لا خالتي مو لزم ارد مو ضروري ...

مهران : الا ما قلت لي تركي باي شركه تشتغل هني ....

تركي : تصدق بشركه مثل اسمك ... ال مهران ....

ميار : هههههه يعني تشتغل مع مهران بشركته ....

تركي واهو يطالع مهران منصدم : جد شركتك ....

مهران : ههههههه اي ... من رئيسك .... بدر او جلال ....

تركي : الاستاذ جلال رئيسي ... يعني انت صاحب الشركه .....
ام مهران : ماعليك منه يمه اذا سوا لك شي خبرني وانا اقرص لك اذنه ....
تركي : ههههه تسلمي خالتي ... يعني انتو من عايلة المهران ...
مهران : اي ... ابوي الله يرحمه جاسم مهران ... تعرفه ...
تركي : الله يرحمه ... شخصيا لا ما تعرفة عليه لكن الوالد ويدي الله يرحمه يعرفوه وتعاملو معاه وايد ...
ام مهران : من اي عايله انت يمه ....
تركي : المجدي .... تعرفيهم خالتي ...
ام مهران : اي يمه ... انت ولد من فيهم ... فهد او احمد او بدر ...
تركي : انا ولد بدر خالتي... عمي فهد عطاج عمره من سبع سنين ...
ام مهران : اي يمه الله يرحمه كان صاحب المرحوم ابو مهران لكن ضنيتك ولده لاني ما تعرفة على زوجته وعياله ما كان اييبهم اذا عزمناه ....
تركي : اي خالتي ... زوجة عمي ما تختلط باحد ولا تقبل عياله يختلطو باحد حتى احنا اهلهم ترفض يختلطو فينا ... عازلتهم عن الكل ...
ميار مستغربه : عفوا لفضولي لكن ليش يعني ...
تركي واهو يرفع جتوفه : ولله علمي علمج ... بس اذكر مره سمعة الوالد والوالده يقولو انها متعقده من الناس وما تبي المشاكل ... من شنو الله اعلم ....
ام مهران : انت ولد مها صح ... الحين تاكدت كنت افكر من تشبه ...
تركي : ههههههه اي خالتي تعرفي الوالده ....
ام مهران : اي التقيت فيها وايد اول ما تزوجة ابوك كنا نجتمع بالعزومات وبعد زواجها بسنتين سافرة مع ابوك يكمل دراسته ... اذكر كان عندها بنت ...
تركي : اي صحيح وقتها كان عندها سمر اختي وانا يابتني ببريطانيا ....
مهران : اوووه يعني عندك الجنسيه البريطانيه .... وانا اقول ليش شكلك اجنبي اتاريك متاثر بالجو عندهم .....
تركي : هههههههه الله يرجك ... عندي الجنسيه لكن اشباهي من امي ويدتي ام امي ....
ام مهران : الله يا الدنيا ... شوف من كم سنه كنت افكر بعايلتكم لان من توفى زوجي ما تواصلنا بعدها والحين التقي فيك ...
تركي : الدنيا صغيره يا خالتي ... راح اخبر الوالده واشوف تذكرج لو لا ....
ميار واهي توقف : شلون قهوتك اخ تركي .....
تركي واهو يطالعها : وسط .... بس موجود عندكم القهوه اذا مو موجود اييب من الشقه ....
ميار واهي تضحك وتاشر على امها : ههههههههه لا كلشي مو مهم عندام مهران الا القهوه لزم تتواجد ... ما تمشي شبر بدونها بشنطتها .....
ضحك تركي مع مهران على ام مهران لانها رمة الملعقه على ميار وميار هربت للمطبخ واهي تضحك ....
ام مهران : وين تحب تشرب قهوتك يمه بالبلكونه او الصالون ....
تركي واهو يوقف معاهم : الي يرحج خالتي ما تفرق معاي ابد ....
توجهو للصالون لان الجو برد شوي فقعدو ولحظات ودخلت ميار و بيدها صينيه عليها فناجين القهوه ...
ميار واهي تاشر لتركي : تفضل هذي قهوتك ...
تركي واهو يبتسم وياخذ الفنجان : مشكوره ... تسلم يدج ....
ميار واهي تبعد وتتوجه لامها : عوافي ... ماما ...
مهرام واهو ياخذ فنجانه من الصينيه ويلف لتركي : شكرا حبيبتي .... اقول تركي ... انت كنت ماخذ اجازه وقطعتها من مده ....
تركي واهو متعجب : اي ... بس شلون عرفة ...
مهران : سلامتك بس لمى كنت اكلم خالد ولد عمي من مده بالشغل خبرني ان محاسب اسمه تركي ماخذ اجازه وكان يمدح فيك وايد وبعدها باسبوع او اكثر بكم يوم خبرني انه رجع وقطع الاجازه ... واليوم لمى كنت بالشركه اطلعت على ملفات الموظفين ولفت انتباهي سبب طلبك للاجازه وانت من شوي قلت انك للحين ما تممت زواجك ... مو هذا سبب سفرك ...

مهضومه 17-10-20 03:51 AM

يتبع .......


تركي : اي ... بس خطيبتي رفضت يتم بسرعه ...
ام مهران : ليش يمه مو متفق معاها من قبل ترجع ...
تركي : لا خالتي ... كنا متفقين يتم زواجنا بعد ما القى بيت لانه شرط ابوها ما يتم زواجنا الا بالبيت ويكون ملك ... لكن اهي ما عجبها اي بيت من الي عرضوه عليها وانا هني محتاجها فضنيتها بتتفهم وتقبل نتزوج مع اخوها واخذها معاي هني والبيت يشتريه اخوي لان ببقى هني سنتين غير السنه الي راحت ...
ميار لمى حست ان تركي تضايق وتغير مزاجه : اقول شرايكم تتركو عنكم هالسوالف و يخبرنا تركي عن ايطاليا والاماكن الي ينصحنا فيها ....
مهران : اي ما كانج هني من سنه ....
ميار : وتسميها سنه هلي بقيتها هني ... عايشه بسكن الطالبات وكل حركه محسوبه علي حتى حاجياتي من سوبر ماركت السكن ولا لو نبي مجمع نشتري ملابس قالو لنا لا عندكم النت واطلبو واييكم لريلكم ... قال عايشه سنه قال ..
تركي : هههههههه شايله لهالدرجه على السكن ...
ميار : انت جرب تسكن بسكن جذيه ....
تركي : ومن قال لج ما جربته ... لمى كنت ادرس قبل جربت سكن الطلاب لكن احنا الشباب مو مثلكم لنا وقت نرجع فيه واذا تاخرنا تقفل الباب وننسى ندخل لليوم الثاني ....
مهران : ليش انت مو مواصل بدراستك ...
تركي : لا لمى خلصت رجعت واشتغلة و انا الحين ادرس الماجستير عشان بعدها الدكتوراه ....
ميار : الله طريجي طويل عشان اوصل مثلك ....
تركي : مافي شي صعب اذا حطيتي هدف براسج ... انتي شنو تخصصج ...
ميار : طب .. ...
مهران : احلفي انتي بس .... ما عليك منها تبي تتوهك ... تخصصها ادارة اعمال ....
ميار : يا حشري كنت بشوفه يصدق لو لا ....
تركي : تعرفي يلوق عليج اكثر من ادارة الاعمال .... لكن طب اطفال .....
ام مهران : ماشاء الله عليك يمه ... تعرف انه حلمها ... اهي قالت لك طب لانه كانت تبي تدرس طب اطفال ....
تركي : حسيته يلوقها اكثر ...
رن تلفون تركي لانه لمى خلص عشى خلاه عادي لان كان يهز بجيبه دليل اتصالات اروى وخاف امه تتصل وما يرد عليها فتزعل او تخاف عليه ولمى طلعه من جيبه لقاه من اروى فرجعه جيبه ....
مهران : تركي اذا منحرج ترد هني ادخل المكتب او البلكونه ....
تركي : لا لا اتصال مو مهم .... قولي لي خالتي عن علاقتكم مع اهلي شلون كانت ومن متواصلين معاج لهالوقت ...
ابتسمت ام مهران وظلت تخبره عن حياتهم قبل وشلون علاقتها مع اهله وانقطعت بعد وفاة زوجها بفتره لان عمه توفى بعد مده واهي ظلت على تربيت عيالها ....
تركي : خالتي عمر طويل ... يعني من توفى المرحوم ليش ما تزوجتي ريال يعينج بتربيتهم ...
ام مهران : لا والله مافي ريال يملى عيني بعد ابو مهران ... ثم يمه من بيشيل عيال غيره والي بيطلبني اكيد متزوج وعنده عيال شلي بوجع الراس وهذي السوالف ... يكفيني عيالي والحمد لله ان ميار ياتني سليمه على نفسيتي بوفاة ابوها ...
تركي : ليش خالتي كنتي حامل فيها يعني وقت وفاة عمي ....
ام مهران : اي يمه ما كنت اعرف اني حامل ... كان عندي مهران وسناء وماهر وبالعده تبين اني حامل والحمدلله الله رزقني بميار ومهران الي سماها ... وانتو يمه كم عددكم ....
تركي : احنا هم اربعه اختي سمر الكبيره وبعدها انا وبعدي طلال واخر العنقود ملاك ....
ميار : وزوجتك قلت انها بنت خالتك ... شنو اسمها ...
تركي : اروى .... وانتي مو مخطوبه ....
اختفة ابتسامت ميار وتعجب تركي من ردت فعلها ولف راسه لامها لمى تكلمة ....
ام مهران : لا يمه توها فاكه خطبتها من ولد عمها ....
تركي : يعني تطلقة ....
مهران : هههههه لا لا كانت خطبه بالكلام مافي ملجه ... يعني خاطبها ورادين عليه والكل يعرف انها خطيبته لكن فكة الخطبه قبل انيي هني ....
تركي : الله يرزقج بلي احسن منه ....
ام مهران : امين ... الله يسمع منك ... عاد هذا ما اتمنى ترتبط بمثله الحمدلله الله كشفه لنا قبل نملج ....
تركي : هههههه شكلج خالتي شايله عليه وابد ... شنو طلع لعاب او شنو ....
مهران : هذي وهم طلع متزوج زواج عرفي ... ...
تركي : لا حول شفيهم الشباب على هالزواج والله ان ما وراه الا الخراب ...
ام مهران : والله اني شاكه انه زواج يمه اهو قال زواج عرفي لكن ما ورى احد هالورقه ومن عرفنا قال طلقها لكن ميار رفضت تكمل وتملج ....
تركي : افضل لها الي يبدي بالخش والدس ما وراه راحه او استقرار .... لكن باين ان انسه ميار متضايقه للكلام بالموضوع ... لا تقولي تحبيه لانها صعبه تفترقي بعد حب ....
ميار : حب ....هههههههه من احب ... لا والله الحمدلله انا قبلة فيه عشان عمي ويدتي لكن خلاص محد يمسكني من شي ....
ام مهران : الله يهدي اختج واخوج ويحسو ...
تاه تركي بعد كلام ام مهران وحس ان في شي ورى فسخ هالخطبه وانها سبب ييتهم هني فالتزم الصمت لكن لف لمهران لمى تكلم ...
مهران : شكلك مستغرب ومتحير من كلام الوالده ليش قالت الله يهدي اخواني .... الله يسلمك اختي ماخذه ولد عمي واخوي هم ماخذ بنت عمي واعترضو على فسخ الخطبه واصرو تتم لكن انا والوالده وقفنا لهم ومنعنا يجبرو ميار لان كل واحد ورى مصلحته وفك الخطبه سبب رئيسي لفصل الشركات وفض الشراكه بيني وبينهم ويينا هني دام ميار تدرس هني وانا عندي شركة هني والوالده تتعالج ....
تركي : عسى ما شر خالتي تتعالجي من شنو ....
ام مهران : الله يكفاك الشر يمه معاي الخبيث بالدم ....
تركي وباين عليه الضيق والتاثر : ما تشوفي شر خالتي وانشاء الله تتخلصي منه ... الطب تطور وايد ونسبة التحسن صارت كبيره عن قبل ... اي مهران لو ماخذها تايلند يكون افضل لها هناك نسبة النجاح اكبر ....
ام مهران : لا يمه مابي ابعد عن عيالي اخر عمري ابي اكون يمه وانا من سنتين اتعالج والحمدلله الحين احسن ...
ميار : عجزنا معاها تروح تايلند لكن رفضت ... شنو ببقى يم عيالي واحفادي ... كاننا بنطير يمه صحتج اهم عندنا ...
ام مهران : انتي سكتي انا صحتي وانا حولكم ... مناي بس اشوفج عروس قبل اموت ....
ميار واهي تنط وتضم امها : يمه بس كم مره اقول لج لا تطري الموت ... يومي قبل يومج ....
مهران : شفيكم قلبتوها فلم هندي ...
تركي : الله يبلغج فيها خالتي وتفرحي بعيالها ... جذيه يقولوها صح .... اسمع يدتي دايما تدعيها .....
ضحكو كلهم لان تركي قال كلامه بطريقه كوميديه ولانه يبي يطلعهم من جو الحزن ... وظل معاهم بالسوالف لحد ما لاحظ ان الوقت تاخر واستاذن منهم وشكرهم على العشى وكانت اروى كل شوي تتصل فيه لحد ما حست الوقت تاخر عند تركي ووقفت اتصال وارسلت له رساله مثل كل يوم تعاتبه لانه ما يرد عليها وتطلب يسمعها لكنه ما يرد على رسايلها حتى ......
ابتسم تركي واهو مدد على سريره ويقرء رسالة اروى وقبل يغمض عينه يات صورة ميار براسه ففز بسرعه وكانه مقروص ويتعوذ من بليس ....
تركي : استغفر الله .... اعوذ بالله من الشيطان الرجيم ... ليش يات صورتها ببالي ... كنت اقرء رسايل اروى ليش اهي ببالي ...... يمكن من جمالها ... اعترف اروى تصير صفر يمها ... سبحان الله عليها جمال عمري ما شفت او تخيلة مثله ... كانها ملاك ولا حوريه من الجنه ... ااااخ عليج يا اروى لو طعتي وييتي معاي شنو صار ....
رن تلفون تركي وابتسم لانه اخوه فرد عليه بسرعه : هلا طلول ... شلونك ....
طلال : ههههههه انا تمام انت شلونك مع تسفيه التلفون ... تراها هني وشابه ضو ...
تركي واهو يبتسم : خلها تحس شوي بناري وتخيل الف خيال وخيال ... تعرف انها مرسله لي تسال اذا خنتها لو للحين ....
طلال : تركي جد ما حنيت عليها انا كسرة خاطري ...
تركي : خلها تتادب بعد ... شخبار معرسنا ...
طلال : ما صدق تزوج طار بزوجته ... بس قال بيمرك ....
تركي : اتصلت فيه وباركت له وخبرني .... اي تعرف صار عندي جيران يدد ومن الديره ....ولا يعرفونا هم ...
طلال : حلو احسن لك من هالسكيره ... الحين اروى بترتاح ....
تركي : عنها ما ارتاحت .... تعرف عندهم بنت ... اخييييييييه .....
طلال : هاااه شنو ناوي ...
تركي : لا ناوي ولا شي الناس محترمين والبنت محترمه ... بس جد عمري ما شفت ولا بشوف بجمالها ....
طلال : خلاص بييك واخطفها منهم .... قلت يعرفونا ....
تركي : اي يعرفو عمي فهد الله يرحمه وام مهران زوجة صاحب عمي تعرف امي وكل العايله لان كانو متواصلين مع بعض ايام حياة زوجها لكن بعد وفاته انقطعو بعد مده ومن توفى عمي انقطعو تماما ... تعرف زوجة عمي ما تجتمع مع احد ....
طلال : اي حاله خاصه مرة عمك ... زين واروى شنو بتسوي معاها ....
تركي : برد عليها لكن بحرقها بكلامي ... بادبها وادب ابوها على تدخله بكل شي ... زين شنو اخبار امي وابوي والباقي ...
طلال : كلهم تمام لكن عتبانين عليك لانك ما ترد على اروى وصرة ما ترد على ملاك هم .....
تركي : لاني اعرف انها معاها ... بس انا كلمة امي وفهمتها واهي رضت .... المهم لقيت بيت مناسب ....
طلال : اي برسل لك صورة لمى اصوره ... عادل شافه وجن عليه وقال اذا ما تبيه يبيه اهو ....
تركي : دام عجب عادل يعني ذوق ... اوكي ارسل لي ويله سكر ابي انام وراي جامعه بكره انت نهار عندك عكسي ....
طلال : اوكي بس متى تعبر اروى ...
تركي : طلال اعرفك تبي تخبر ملاك واهي تخبرها ماكو يله اذلف وسلم على الكل الا اروى ... باي ...
سكر تركي التلفون وفتح على صور اروى وتنهد : ليتج تفهمي غلطتج ... عارف قسيت عليج لكن انشاء الله تعتبري وما تغلطي مره ثانيه ... كنت فعلا بتزوج غيرج لكن تراجعت لاني ما اتخيل غيرج زوجة لي ولا اقدر اقهرج بهالشي ... احبج لكن لزم اضغط على نفسي واقسى ... احبج واعرف بتفهمي الدرس ... تصبحي على خير يا روحي ..

بيرو بيرو 20-10-20 12:17 AM

السلام عليكم اختي مهضومة متاسفة جدا علي التأخير بارتين في غلية الروعة لم اكن انتظر من تركي هذا التصرف اين حب السنيين اين تفهم العشاق اعترف ان اروي اخطأت ولكن كان يجب ان تتحدث معها وتلفت نظرها الي الخطأ التي قامت به ولكن سفرك وعقابك لها كثير جدا خصوصا وانت تعرف ان وراء هذه التصرفات والدها وانت تعرف انه يريد ان يخرب ما بينكم وايضا يخوفي من هذة ال ميار وتعبير وجهها عند سماعها اسم اروي لا اعرف لماذا لم ارتاح لها في انتظار القادم علي احر من الجمر شكرا لمجهودك

مهضومه 21-10-20 01:41 AM

اهلا بيرو بيرو شرفيتي الروايه باي وقت حبيبتي........

بالنسبه لتصرف تركي صح كان قاسي لكن حب السنين ما طار بالعكس لانه عارف اطباع اروى وتفكيرها حب يادبها بهذا الاسلوب لان دامه راجع يتمم زواجه منها وياخذها معاه المفروض تراعي ظروفه وتكون جنبه وتصرفها يهز هذا الحب لان مهم كان حب الرجل للمراه يهتز مع اول تخاذل من المراه وخصوصا لمى يكون باحتياج الرجل لمراته .....

بالنسبه لميار ما بينت تصدر منها نضرات لتركي بالعكس يينت انها طبيعيه وان تركي الي منجذب لجمالها واخلاقها المبدئيه الي لقاه منها وصورتها بباله دليل بداية اعجاب .....

انتظري البقيه لان فيها اول الطعنات لكن لا تنصدمي بلي بيصير وانتظر رايج بكل محبه ......

مهضومه 23-10-20 02:23 AM

البارت الخامس :



نام تركي بعد ما سكر تلفونه .... وهذا حاله كل ليله يكلم صورها وكانها قباله لانه يشتاق لها ولصوتها لكنه يمسك نفسه عشان لا يضعف ويكلمها لانه يبيها تبقى بحيره وخوف من انها تخسره وتتعلم ان تصرفها غلط بحقه وحق نفسها ولزم ما تترك احد ياثر عليها بحياتهم مع بعض .....
نزل تركي من البنايه واول ما طلع للشارع لقى ميار واقفه وباين انها تنتظر احد فقرب لها ورفع نضارته الشمسيه يشوفها ...
تركي : صباح الخير ميار ....
ميار واهي تلف وتطالعه : اهلا صباح النور ....
تركي : تنتظري احد ...
ميار : اي انتظر مهران وماما ...
تركي واهو ياشر على الكتب بيدها : رايحه الجامعه ...
ميار : اي ... وانت ... شكلك هم رايح الجامعه ...
تركي : ههههه اي ... تعالي معاي بدل ما يوصلج مهران انا رايح نفس الجامعه ....
ميار : هههههه لا شكر مهران بيوصلني وبعدها يروح مع ماما المستشفى ... ثم شدراك مو يمكن جامعتي غير جامعتك ....
تركي : هههههه يا فهيمه هني جامعه وحده قريبه لادارة الاعمال قولي قسمج غير عني اي لكن نفس المبنه .....
مهران وامه : صباح الخير ....
تركي : صباح النور ... شلونج خالتي ... شلونك مهران ....
ام مهران : الحمد لله انت شلونك يمه ... افطرت ....
مهران : ههههههه ما قلت لك بتسمنك ....
تركي : ههههه شغل امهات عاد ... اي خالتي افطرت ... ميار تقول رايحين المستشفى ... خير ...
مهران : خير انشاء الله لكن لزم الوالده تروح يسوو لها فحوصات عشان متابعة علاجها .... رايح الجامعه ...
تركي : اي ... قلت لميار اخذها معاي دام طريجنا واحد وانت خذ الوالده للمستشفى عشان ما تتاخر ... اهم مواعيدهم مضبوطه فاذا تاخرت دقيقه دخلو غيرك لزم تروح قبل بوقت هناك ....
مهران : ليش لا بس ما تعطلك ...
تركي : يا ريال نفس الجامعه بس اهي قسم غير ولا تخاف بتاكد انها بخير وبعدها اروح قسمي ...
ام مهران : لا يمه خذها لكن روح قسمك واهي تدل مهران امس قطها ومشى عنها اهي تعرف ...
تركي : ههههه لا تخافي خالتي مابتعطلني لاني اروح قبل عشان اقعد مع ربعي نتناقش بمحاضرات قبل ... يله ميار مالج عذر ....
ميار : اوكي .... مهران كلمني وطمني باي خبر ....
مهران : اوكي ... كلميني اذا خلصتي عشان امرج ...
تركي : شتمرها اهي معاي ....انا ارجعها .... الا وليد من معاه ...
مهران : مع زوجة ولد عمي ... تركي رقمك امس نسيت اخذه منك ... ممكن ....
تركي واهو ياخذ تلفون مهران : هات تلفونك اتصل عشان يتسيف رقمك عندي ... اي ممكن اخذ رقم ميار عشان اتواصل معاها اذا خلصت ...
ام مهران : اكيد يمه انت صرت واحد منا وفينا ....
تركي : مشكوره خالتي لثقتج فيني ... يله ميار ...
توجه تركي لسيارته وفتح الباب لميار وابتسمت له كشكر واهو بادلها الابتسامه ولمى ركبت لف وركب مكانه وحرك بعد ما اشر لمهران وامه بالسلام واهم يركبو سيارة مهران ....
تركي : تحبي تسمعي شي ...
ميار : اذا نصبح بقران او دعاء يكون احسن .....
تركي واهو يسحب سيدي من يمها : ما طلبتي شي ... وخير ما اخترتي ... تعرفي لو سائل اختي ملاك او اروى بيقولو اغنيه لمطرب او مطربه ... قليل الي يبدو يومهم بالقران او الدعاء بعمرج ....
ميار : الله الهادي ... البركه تحل بالقران والدعاء اول يومك ... ثم لو تسمع الاغاني وانت تسوق او حتى وانت ببيتك او اي مكان ولا سمح الله ياتك منيتك شلون تقابل ربك وقتها ... اخر شي تسمع اغاني ....
تركي واهو معجب بكلامها : كلامج حلو وشكلي باترك سمع الاغاني ... لكن هالشي وحده الي ممكن يحملني المعاصي ......
ميار : ما فهمت قصدك ... شنو تعني مثلا ....
تركي : اعني اللبس والتبرج وغيرها ...
ميار : لو بتعد ما تخلص ...
تركي : اوكي نكون صريحين ميار ... انتي تكلمتي عن لقاء العبد لربه بعد الموت لو كان يسمع اغاني ... اوكي ولو متبرج مثلج ومتزين ما بيتحاسب ...
ميار : من قال اني متبرجه او متزينه ... انا ولله الحمد ما احط مكياج وساتره نفسي ... ثم انا متحجبه صح ما البس عباة لكن لبسي ساتر وما يلصق بجسمي ....
تركي منصدم : بذمتج ما تحطي مكياج والي بويهج شنو ....
ميار : هههه اقسم بالله مو حاطه شي ... اوكي معاك مناديل معطره ...
تركي : لا ليش تبين ...
ميار : بمسح لك ويهي فيها وشوف بنفسك ... انا معاي واخاف تقول اضحك عليك فيها تبي اوريك ...
تركي واهو فعلا يبي يتاكد : اوكي وريني .....
طلعت ميار علبة المناديل من شنطتها وورتها لتركي وسحبت منديل ومدته لتركي ....
ميار : المس وتاكد انه مبلول عشان امسح فيه ....
تركي واهو يلمس المنديل : اوكي تاكدت انه مبلول ... يله امسحي ووريني ....
مسحت ميار ويها كله وفردت المنديل لتركي وقلبته له من الجهتين واهو انصدم انه نظيف ومافيه اي شي واهو يعرف ان هذي المناديل يستخدموها البنات لازالة المكياج فشلون مافيه شي ... لسبب واحد ان ويها مافيه مكياج وكل هذا طبيعي ...
ميار : هاااه صدقت الحين ...
تركي : هههههههه اي صدقت ... الله يحفظج من كل عين ... الي يشوفج يقول كل هذا مكياج ....
ميار : مشكور ... لكن اعرف اني لازم اغطي ويهي ... لكن ما اقدر ....
تركي : مو اجبار تغطيه حقج وانتي فعلا ساتره نفسج بكل شي ما يات على ويهج ....
ميار : لا واجب علي لان قالو لي ان ويهي فتنه ...وواجب اغطيه لكن ما اتحمل الغطى لاني اختنق ...
تركي : معاج ربو ....
ميار : اي ... وللاسف هالمرض منعني من دراسة الطب ... قالو ما بتحمل فغيرت ....
تركي : لا تضايقي الله بتلاج بهالمرض خيره لج ... ما تعرفي يمكن لو درستي الطب يصير لج مشكله فيها او غطيتي ويهج يسبب لج شي بويهج الله اراد لج هالمرض يمنعج من اشياء وايد واحمدي ربج يات على جذيه غيرج يتمنو بس هالمرض ارحم من اي عله ثانيه ...
ميار : ونعم بالله ....انا مو معترض لكن كنت اتمنى اغطي ويهي صج بعد ما قالو لي ان ويهي فتنه ....
تركي : الله حسبها لج بميزان حسناتج ولا تهتمي لكلام احد واذا تحسنت حالتج غطي ويهج براحتج .... يله وصلنا ....
ميار واهي تنزل : مشكور ... تصدق ولا حسيت بطول المسافه ....
تركي واهو يمشي قريب لها : هههههه مع السوالف ما حسيتي ... اي ميار ممكن تلفونج عشان رقمج ...
هزت ميار راسها ومدت له التلفون واتصل على نفسه ومده لها ...
تركي واهو يمشي معاها : تلفوني صار عندج اول ما تخلصي خبرني بمكانج وايبج ....
ميار : لا تتعب نفسك يمكن محاضراتي وقتها غير عنك ... بكلم مهران واييني ...
تركي : ازعل منج يا بنت ديرتي ... انتي متى تخلصي اخر محاضره ....
ميار : على ١٢ تقريبا ... وانت ...
تركي : لا انا قبلج بساعه عيل من تخلصي نلتقي بالكفيه تعرفيه ....
ميار : لا تنتظرني ارجع وريح ...
تركي : قسمج كاهو ... اول ما تخلصي تعالي الكفيه وانتي ساكته لان اذا ما ييتي بيي واسحبج فهمتي وبطلي هالكلام ولا تنسي احنا اهل اوكي ....
ابتسمت ميار واهي تهز راسها وابتسم تركي لها ومشى واهو يلوح لها بيده ....
دخلت ميار القسم بدون ما تلف لورى اما تركي فلف يطالعها ويحس يبي يرجع ويسحبها لا تدخل احساس داخله يطلب منه ياخذها معاها ....
تركي واهو يلف يمشي بعد ما دخلت ميار : انا شفيني مع هالبنت ... انا احب اروى ومتزوجها فليش احس هالبنت تجذبني جذيه ..... يمكن عشان حشمتها وكلامها معاي ..... اااخ احس راسي يلف .... يله لزم اخليها براسي اخت واهلها وثقو فيني بحكم عشرتهم مع اهلي عيب علي افكر فيها جذيه .... اي صح عيب علي ....
فهد صاحبه من وراه واهو ينغزه بخصره : اي عيب عليك يا اهبل تكلم نفسك ... يا اخي كلمها وفك نفسك من هالماطله ....
تركي بعد ما نقز ولف يشوف من واهو يضرب فهد على جتفه : وجع ... خرعتني ... من وين طلعت انت ....
فهد واهو يضحك ويمشي مع تركي لقسمهم : ههههههههه من تركت الغزال الي موصله وانا وراك .... من تكون وخلتك تهلوس جذيه ...
تركي : بنت ييراني اليدد ... معانا ادارة اعمال لكن سنه ثانيه ....
فهد : اووووف ... البنت صاروخ ... على قولت اهل السعوديه جرح .... شنو بتشبك معاها وتترك زوجتك ....
تركي : استح على ويهك .... بنت جيراني واخذتها معاي اوصلها بدل ما يوصلها اخوها ويتعطل مع امه بالمستشفى وانا جذيه جذيه ياي هني ....
فهد : لكن كلامك مع نفسك يدل على انها عاجبتك ... وتبي الجد البنت ما تتفوت ....
تركي : لا شنو لقيني انط من وحده للثانيه ... واروى وين اروح فيها ... للحين بقلبي ما طلعت عشان الف على غيرها وميار فعلا ما تفوت لكن اعتبرها مثل ملاك و هم طلعو يعرفو اهلي يعني في معرفه وحبيت تكبر هالعلاقه وترجع مثل قبل ....
فهد واهو ياشر على باقي ربعهم : اوكي بصدقك لكن بيي يوم وتقول احب هالميار ونسيت اروى ...
تركي واهو يوقف ويلف يطالع فهد : ليش تقول جذيه .... اروى حب طفولتي ....
فهد : انت قلتها حب طفوله ونادرا حب الطفوله يستمر ... تعرف ليش ...
تركي : ليش ...
فهد : لانك وقتها حبيت طفله وما كنت تعرف معنى الحب وهذي الامور ومع الوقت اقنعت نفسك انها حبك الخالد وتقبلتها لكل شي فيها بحسناتها وعيوبها لكن حب النضج والرشد يختلف ... يكون راسخ ومستحيل يهتز بشي وحب المراهقه حب عابر ... طيش يعني ... فهمت الحين ...
تركي : مو شرط ... وانت قلته نادر يفشل ...
فهد : صح نادر يفشل لكن انت ملت لغيرها لو بالشكل فممكن يهتز او يفشل وتدور على غيره ... يكون حب حقيقي وناضج .... وانا لاحظة نضراتك وكلامك مع نفسك يدل على اعجابك في البنت وميلك لها ... ويمكن يكون بسبب فراغ اروى .... كلمها وتفاهم معاها ....
تركي : هذا الي بيصير ... يله الشباب ياشرو لنا ....
مشى تركي مع فهد لباقي شلتهم واهو يفكر بكلام فهد وهز راسه يبعده عن مخه لانه ما يبي يتخيل نفسه يترك اروى ويروح لغيرها .....
طلعت ميار من المحاضره الاخيره واتصلت على مهران ورد عليها بعد مده ...
مهران : هلا ميار ....
ميار : هلا حبيبي ... طمني شنو اخبار ماما ....
مهران : تمام ... اهي للحين يسوو لها فحوصات وتحاليل ... انتي وين الحين ...
ميار : توني مخلصه محاضرات ... مهران ما تقدر تييني ... والله فشله تركي ما قصر لكن مو حلوه يرجعني هم ...
تركي واهو يسحب تلفونها ويرد على مهران : ما عليك منها مهران ... الحين اسحبها السياره وارجعها الشقه ... شخبار خالتي ....
مهران واهو ميت ضحك : ههههههههههه انت معاها يعني ...
تركي واهو يطالع ميار : ههههه لا كنت وراها من طلعت ولا انتبهت لي قريب وسمعتها تكلمك ... كنت عارف بتحاول تخليك تييها ...يا اخي اختك ما تفهم للجيره ...
مهران : ههههه لا تعرف لكن تعرف تونا امس تعرفنا وميار جذيه ما تحب تثقل على احد ... ومن خذت الليسن واهي مو مستفيده منه بشي ....
تركي : ليش ...
مهران : ابد خذته مني وسافرت للدراسه مني ومثل ما تعرف مو سهله يقبلو هني اي احد يسوق ... ولمى رجعت ما شريت لها سياره لان قررنا نيي هني والحين بحاول اطلع لها تصريح واخذ لها سياره ... فهمت الحين ...
تركي : فهمت لكن لزم تعرف الطرقات هني مو مثل عندنا ... المهم شخبار خالتي ...
مهران : تمام لكن للحين يسوو لها فحوصات وتحاليل ... ما يبون يعتمدو على الي معاها ...
تركي : هذا افضل لها اوكي بترجعو متاخر ...
مهران : اي ...
تركي : اوكي عيل باخذ ميار لمطعم ونتغدى مع بعض ... شنو عن وليد ..
مهران : هههههه وليد انساه كلمني يقول لي بيبقى ببيت ولد عمي مستانس مع عيالهم .... احممم تركي ابي منك طلب
تركي : امر لك عيوني ...
مهران : عينك سالمه ... بس اذا امكن تاخذ ميار سوبر ماركت مضمون تقضى للشقه انا بتاخر مع ماما وبيبقى البيت بدون اغراض واهي ما تدل وهم اخاف عليها لو تروح بروحها ... اتمنى ما اورطك او اعطلك او احرجك .....
تركي : افا عليك لا اسمع منك هالكلام واي شي تحتاجه خبرني عيل جيران وعيال ديره وحده على شنو وميار بعيوني لا تخاف عليها مثلها مثل خواتي ....اوكي بقفل طولنا بتلفونها ... اذا لزمك شي كلمني اي وقت واذا تبي بنييك بالمستشفى ..
مهران : ما تقصر حبيبي ... اعرف ثقلت عليك وايد وتونا نعرف بعض .....
تركي : لا وين تونا نعرف بعض ... لا تنسى اهلنا يعرفو بعض من قبل ننولد ... ولا اسمع منك هالكلام احنا اخوان ...
مهران : تسلم تركي شلت عني هم كبير ... انتبه لها لا تين عليك ... باي ....
ضحك تركي وسكر مع مهران ومد التلفون لميار : مره ثانيه اسمعي الكلام من اول مره لا اعلمج الشغل على اصوله .... ليش مكلمه مهران وانا منبه عليج ...
ميار واهي تمشي معاه لجهة الباركات : ما تعودت الجا لاحد غير اخواني .... اسفه ما اقلل من قدرك لكن هذا طبعي .
تركي واهو يشغل السياره وميار تصعد : بعد الغدى بنروح السوبر ماركت مهران قال اوكي ...
ميار بحرج : مابي غدى يكفي السوبر ماركت ...
تركي واهو متعجب ويسوق : ليش مو يوعانه انا عني يوعان حدي ....
ميار : معلي تحمل شوي اخذ اغراض وتاخذ لك غدى وتغدى بشقتك ....
تركي وفهم ليش : لا يا حلوه ... عارف خجلانه مني ... ناسيه امس انا متعشي عندكم ... من الي سحبني ولزم علي مو انتي ... او لانا بروحنا خايفه احد من معارفكم يشوفنا ....
ميار : شي من هذا .... اخاف احد من عيال عمي يشوفني واهم متهورين واخاف يسون لي فضايح وانت هم ....
تركي واهو يبركن يم المطعم : ميار مهران يعرف وقابل ما اعترض ولو احد تعرض لج انا ويني يعني تعتقدي بتركهم يغلطو عليج او علي ... قومي لا اشيلج والي فيها فيها حلال حرام .... يله ...
ميار واهي تنزل ويلبس شنطتها بنص كروس : اوكي بس لا تلومني بعدين اذا ياك شي من جهة معارفك ....
تركي واهو يضحك ويفتح لها الباب : هههههههه دخلي دخلي وايد متاثره بالافلام ...
ميار واهي تقعد مكان ما اشر تركي على الطاوله بزاويه : حلو المكان ... مضمون ....
تركي واهو ياشر للجرسون : اكيد مكان عرب .... شنو تشتهيى....
ميار : باي لغه منيوهم ....
تركي واهو يمده لها : كل لغه عربي ايطالي وانجليزي ... اكبد تعرفي انجليزي ... وعربي ...
ابتسمت ميار وفتحت المنيو واختارت ييتزا مارجريت وعصير ليمون بالنعناع .... وتركي باستا خضار ومياه غازيه...
ميار بعد ما راح الجرسون : المياه الغازيه مضره ....
تركي : تعودت .... ميار ...
ميار واهي تنزل تلفونها على الطاوله : هلا ....
تركي : بسالج سؤال شخصي ممكن ...
ميار : تفضل ....
تركي واهو يحط تلفونه على الطاوله بعد ما صمته : كنتي مخطوبه لولد عمج ... امانه كنتي تحبيه ...
ميار : هههههههه لا ... بس ليش تضن اني احبه ....
تركي : لاحظتج تضايقتي بسيرته امس ... لمى قال مهران عن زواجه العرفي ....
ميار : انا قبلت فيه لانه ولد عمي اولا والاحق فيني لكن مشاعر ناحيته اقنعت نفسي انها بتيي بعدين ... متعجب ... لا تستغرب للحين موجود عند عايلتنا ان بنت العم لولد العم ... اهو صح كان يتودد لي قبل يخطبني وفهمته لكن ما اثر بقلبي بشي ... كنت شاكه فيه من تصرفاته لهالشي اجلت الملجه وانا الي خليت احد يراقبه ومنها عرفت بزواجه وعلاقاته ....
تركي : يعني قبولج كان مؤقت عشان تتاكدي منه اول ...
ميار : اكيد صح قبلت فيه لكن مو معناه اني بادفن نفسي مع واحد بدون ما اتطمن من اخلاقه قبل ... انا ما يغرني كلام الاهل ومدحهم فيه لان لي نضره بالناس واهو لمى ياني يطلبني لاحظته يطالع فيني بنضرات تخجل الواحد ... وهم كان يطالع البنات الي موجودين نضرات مريبه فشكيت فيه وطلبت تاجيل الملجه ....
تركي : والله انج شاطره ... وضيقج ليش كان عيل ...
ميار : للخلاف الي صار من ورى هالشي ... وانت عرفت حتى اخوي واختي قاطعونا بس عشان ازواجهم ... اختي ما الومها لكن اخوي ضايقني لمى ياني وكان هايج ويبيني املج غصب بس عشان يرضي زوجته واخوها وانا مو مهم ولولا مهران وماما كنت رحت ميته بين يديه ....
تركي منصدم : مد يده عليج ...
ميار : ما امداه جرني الا طحت ولحق علي مهران ودفه عني ...هههههه ....
تركي واهو يبتسم على ضحكها ومتعجب : ليش تضحكي ...
ميار واهي تمسح دموعها من الضحك : تذكرت كلام ماما بعد ما طلع ماهر من البيت بعد خناقه مع مهران وماما ....
تركي واهو متشوق : شنو قالت ...
ميار : تقول لي واهي تكش علي ...يا حظي كانج خرجه ومهران يرفعج مافيج قوه بس لسان مع ماهر بس مسكج طحتي وكانج خرجه يهفو فيها .....
مات تركي ضحك وتخيل شكل ميار بوصفها وضحكت معاه ميار ولاحظت ان تلفون تركي يضوي فوقفت ضحك ....
ميار : تركي تلفونك وايد يرن ولا ترد ...ليش مصمته ...
تركي واهو يرفع تلفونه يشوفه ويرجع ينزله : اتصالات مو مهمه ....لا تشغلي بالج ... انتي فلته ... تعرفي احس خالتي من نوع المزوح والي يحب يضحك وايد ...
ميار : اي ... لولا هالشي ما قوت نفسها وواصلت بتربيتنا بعد وفاة بابا ... صح اني ما اعرفه الا من كلامها وكلام الناس وصوره لكن احس لو اني عشت معاه كنت بتعلق فيه ....
تركي : الله يرحمه ... الله عوضج بمهران احسج تتعاملي معاه مثل الاب ...
ميار واهي تاشر على تلفونه : اكيد ... تركي تلفونك بليز رد والله كسرت خاطري رد عليها ... انا من امس لليوم اشوف شاشتك تضوي وانت مسفه ...
تركي : شدراج انها وحده مو يمكن واحد ...
ميار : لا وحده لاحظت الاسم وتبي اقول لك من ...
تركي : قولي يا ذكيه ...
ميار : زوجتك اروى .... انت متزاعل معاها ... مهم كان الزعل عطها فرصه تكلمك وتشرح رايها وسبب خلافكم ...
تركي : تجسسي علي ...
ميار : لا طبعا شبكة كلامك باتصالاتها وامس لمى كنت قريبه منك وانا الم الصحون لاحظت اسمها بالتلفون وفهمت انك ما ترد عليها والدليل مواصلتها بالاتصال كل شوي .... مابدخل نفسي بينكم بس انصحك ....
تركي : برد عليها لكن مو الحين ابيها تادب اكثر ...
ميار : قصدك تعذب ... تركي انت تحبها صج ...
تركي واهو يتنهد : اكيد ولا اني احبها ما قسيت عليها وعلى نفسي ... مابي تغلط مره ثانيه والسبب كبير بالنسبه لي واذا ما سيطرت عليها الحين وقرصتها بتتمادى ولا بتحس بغلطها ....
ميار : كم صار لك تعاقبها .....
تركي : شهرين ... وزود ...
ميار واهي تقطع البتزا : انت ظالم صج ... يكفيها ....
تركي واهو يذوق الباستا : انتو حريم لزم تتعاطفو مع بعض .... عجبتج ...
ميار : امممم ... اي بس الي اسويها الذ ... الريحان زايد شوي وهم الاوريجانو .....
تركي : وشنو هذا بعد ....
ميار : هههههه زعتر بري ... انت مالك بالطبخ ...
تركي : لا مالي فيه .... انتي تحبي الطبخ ...
ميار : احب الطبخ وكل شغلات الحريم ...
تركي : والاهم السوق ...
ميار : لا السوق عادي بس اذا دخلته ما اطلع بسرعه ... بس اقصد شغلات الحريم الي اهي الاشغال اليديوبه والخياطه ... ويعني امور ثانيه ....
تركي : جد تخيطي ... عيل تشتغلي بالصوف ...
ميار : عشقي ... تعرف قبل الشتا بجهز لك شي يدفيك وانت احكم ....
تركي : ههههههه نشوف اخاف كلام بس ...
ميار : انت قول شنو الالوان الي تحبها وما عليك ولك مني اشتغل قدامك عشان تاكد لكن شنو لي اذا سويته وعجبك ...
تركي : الي تبينه ....
ميار : انت شنو تعرف تسوي بيدك ...
تركي : انا احب الرسم ... بس لي مده طويله تركته ...
ميار : عيل انتظر منك رسمه لاي شي يعجبك بس بدون يشغلك عن دراستك وشغلك ...
تركي : وانتي هم مابي يشغلج ....
ميار : لا تخاف انا اشتغل بوقت فراغي ... دراستي واهلي قبل كل شي .... الحمدلله ... اكرمك الله ...
تركي واهو يطالع صحنها : ما كملتي اكلج ...
ميار : لا الحمدلله اكلت كفايتي ما احب اثقل ... شلون باستتك ....
تركي : ذوقيها ...
ميار : عوافي بس اسالك اذا عجبتك عشان اذا ذقت الي اسويه تقارن ...
تركي : اهي حلوه لكن في مطعم بالبلاد احلا منها ... المفروض اهل ابطاليا يسوو احسن شي ....
ميار : ههههه اهم يعتمدو على الاعشاب العطريه باكلهم والثوم واحنا نحب البهارات ... اهالشي يفرق .... وعموما الناس اذواق ... ولولا اختلاف الاذواق لبارت السلع ....
تركي : هههههه حلوه ... اوكي نمشي او تبين تحلي ...
ميار واهي تشيل تلفونها : لا شكرا ... نمشي ...
هز تركي راسه وحاسب المطعم وطلع مع ميار وتوجهو للسوبر ماركت ....

مهضومه 23-10-20 02:27 AM

المفروض يكون يوم السبت تنزيل البارت لكن حبيت اسبق البارت لظروف خاصه عندي واحتمال اتاخر بالبارت الجاي عليكم واتمنى ما تغلق الرواية للتاخير لانه لظروف خارجه عن ارادتي بالتاخير .....

اكرر احتمال ومو اكيد اتاخر بالتنزيل ......

اتمنى ينال اعجابكم هذا البارت وبنتظار التعليقات .....

مع محبتي

مهضومه 31-10-20 04:53 AM

البارت السادس :



تركي واهو يجر العربه : لا تقلبي بشي امان المكان لعربي وكل شي حلال هني ....

ميار : اكيد ...

تركي : اكيدين .... تطمني ... خذي وانتي مرتاحه ....

ظلت ميار تحط بالاغراض وتركي متعجب لانه يلاحظ ان امه تخلي الخدم يأخذون كل شي وحتى اذا سافرو ما تاخذ اشياء كثيره عكس ميار ما خلت شي ما خذته ...

تركي : الحين كل هذا تستخدموه ...

ميار : اكيد ... ليش وايد انا توني ...

تركي : شنو توج يعني في اكثر هم ...

ميار : ههههههه اكيد احنا مافي بشقتنا الا القهوه يعني يلزمنا كل شي للمطبخ وللتنظيف .... مو متعود على اهلك يتقضو جذيه ....

تركي : لا ماما ترسل الخدم ... بس اذا نسافر تاخذ اشياء بسيطه ...
ميار : لانها تسافر للسياحه يعني مده وترجع اما احنا اقامه يعني مثل البيت ....

تركي واهو يطالع تلفونه الي رجعه يرن : يا ليل ... ما بتمل ....

ميار واهي تحط الي بيدها بالعربه : تركي تحبك ولولا انها تحبك ما ظلت تتصل عليك للحين وانت سافها .... تقدر تروح مكان هناك وتكلمها وانا بكمل ونتقابل قبال الكشير ....

تركي : رايج جذيه ... ارد الحين او اذا رجعت الشقه ...

ميار : اذا تشوف ان الشقه اريح لك اجل للشقه ... لا تخاف ما باقي وايد شوي واخلص ...

تركي : لا تهتمي خذي راحتج قلتي باقي وايد ....

ميار : اي بس في اشياء تخص مهران باخذ الي اعرفه واهو يكمل لنفسه بعدين .... وانت ما تبي تتقضى لك ....

تركي : لا ناقصني شوية اغراض هناك مو هني انا ما اخذ لوازم طبخ .... والتنظيف في شغاله تيي وتييب معاها كل شي تحتاجه ....

ميار : بس تحتاج كوفي وشاي وهذي الامور واغراض سريعة التحضير او انت معتمد على المطاعم دايما ...

تركي : هههههههه اي هذا انا ... بس بآخذ كوفي وهذي اللوازم وكم شغله تبع التسالي ....

سكتت ميار وهزت راسها له وكملت تاخذ اغراضها ولمى وصلو للتسالي ما ترك تركي شي ما اخذه وهم المشروبات الغازيه ملا العربه منها لكن تفاجا بميار ترجع المشروبات الغازيه مكانها ...

تركي : ليش ليش ابيهم ....

ميار : لا بخلي لك عصاير بدلها وفواكه وخضار هذي تضر جسمك .... لا تعارض ...

ضحك تركي ولمى وصلو للخضار والفواكه لاحظ تركي ان ميار تاخذ من النوع بكيس واحد فتعجب لانها قالت بتاخذ له يعني لزم كيسين ....

تركي : وين كيسي لكل شي ....

ميار : مالك بروحك ... بغسل لك بالشفه عندنا سله وارسلها لك .... عشان تاكل منها كلما حبيت تقرب للتسالي والغازات ....

تركي : بس انا بدفع اغراضي ...

ميار : وليه عليك ومن قال لك ادفع ... هذي ما تاثر بشي ... مو صرنا عايله وحده ...

تركي واهو يبتسم ويستند على العربه : اكيد ويسعدني هالشي ... تعرفي احس كاني اعرفكم من كنت صغير ... ميار ليش تطورت علاقتي معاكم بهالسرعه ....

ميار واهي تلف عليه : القلوب الطيبه تتوالف بسرعه ... ما امدح فينا لكن احنا بطبعنا اجتماعيين وماما تعرف اهلك وانت من النوع الاجتماعي والحبوب فطبيعي تتطور علاقتنا بسرعه ... على فكره ماما حطة قرار بس يمكن نست تخبرك فيه ...

تركي واهو يعدل وقفته : الي اهو ...

ميار : اكلك وشربك معانا ... الا اذا تبيه بشقتك ....

تركي : لا لا ثقيله كل يوم ....

ميار : يعني تعدنا غرب .... وين الي يقول تطورت علاقتنا بسرعه ... كلام اهو ....

تركي : ما تعودت جذيه ... يعني حتى بيت خالتي الي اهو بيت اروى ما اسويها ....

ميار : في فرق ....

تركي : قصدج الغربه ....

ميار : طبعا ... تخلي الغرب عن بعض يصيرو اهل وعايله وحده .... شنو غيرت رايك فينا ....

تركي : لا والله الا يسعدني لكن انتي هم اليوم رفضتي تيين معاي ... هاااه هذا الي صرنا عايله وحده ....

ميار : هناك فرق يا سيدي ....

تركي واهو ميت ضحك عليها : هههههههههه وما الفرق يا انستي ....

ميار : انا بنت مو عدله اروح مع واحد مو اخوي او ابوي ... انا حتى عيال عمي ما رحت معاهم مكان بروحنا قبل ... شلون انت يعني ولولا مهران ما قبلت اروح معاك واتغدى هم معاك بروحنا ....

تركي : زين يعني صرت مثل مهران الحين ....

ميار واهي تدف العربه للكشير : لا محد يوصل لمهران ... بقول انك احسن من ماهر لاني للحين شايله عليه ... بس انت مثلك مثلهم اخ .... يله تاخرنا ....

ابتسم تركي لها وسحب العربه منها و دفها للكشير وقام يطلع الاغراض يصفهم على الحزام المتحرك وميار تساعده وتعلمه يحط الاشياء المتماثله جنب بعض ....

تركي : ليش يعني هم بهذي تنسقو ...

ميار : مو القصد لكن عشان اذا يحطوهم بالكيس يكون كل شي مع بعض عشان وقت الترتيب ما اقعد اطلع كل شي برى وبعدين ارتب جذيه اسهل لهم ولنا وهم اامن عشان ما يخلطو المنظفات مع الاكل ...

تركي واهو يكمل صف : والله انج مدرسه اتعلم منج للمستقبل بعدين ... لان شكل اروى بترمي علي هذي المهمه .....

ميار : عادي وايد حريم يتركو هذي المهم للريال لكن ما اييبو كل شي يبونه ويرجع مره ثانيه يكمل الناقص عكس المره تاخذ كل الي تحتاجه لانها تعرف شنو تحتاج واذا ناسيه شي تذكره بمجرد ما تشوفه وتاخذه ....

تركي : ههههههههههه كانج تعطيني اعذار لبعدين مع اروى ....

ميار : لعانه صح ....

تركي : هههههه لا الا عسل ... يله خلصت العربه تعالي هني او روحي على الكراسي ريحي لحد ما يخلصو واحاسب .....

ميار : اقول احلم لهني وتوقف ... مهران معطيني كرت الفيزا تبعه والاغراض وايد فاهم ما بسمح لو كم غرض اوكي .... .. بعد ....

تركي : لي اغراض من ضمنهم بحاسب عليهم اول ...

ميار : الحين هذي اغراض بتعايرنا فيهم اتركهم كم شامبو على موس ومزيل عرق ... اقول بعد او .... لا لا مالك امان بتلعب علي بعد احسن ....

ضحك تركي لانها تراجعت لمى كانت ناويه تعطيه الفيزا وخافت لا يلعب عليها ويدفع اهو ما يحاسب بالفيزا فسحبته من التيشيرت تبعه وبعدته لانه كان يضحك ومن كثر الضحك قدرت تبعده وحاسبت اهي وخذو الاغراض وصفوها بالصندوق تبع سيارت تركي وتوجهو للبنايه ولمى وصلو ساعدهم الحارس بنقل الاغراض لشقة ميار .....

تركي بعد ما طلع الحارس من الشقه : محتاجه مساعده ميار ....

ميار : لا شكرا ... اي هذا كيسك ... بس الخضار والفواكه بجهزها لك بسله واييبها او ارسلها مع مهران ....

تركي واهو يحمل كيسه : اوكي ... سكري الباب عدل واذا لزمج شي خبريني ... تلفوني معاج اوكي ... طمنيني على خالتي لمى يوصلو ....

ميار : اوكي برتب هذول واجهز العشا يكونو وصلو وانادي عليك للعشى ... لا تنسى اروى تكلمها حن عليها حرام عليك ....

تركي واهو يطلع : عشانج بس بكلمها لاني كنت باجل اكثر ... اشوفج بعدين ...

ابتسمت ميار وسكرت الباب لمى اشر لها تركي تسكر ودخل شقته وحط الكيس بالمطبخ وتوجه لغرفته واخذ شور يصحصح فيه وقرر يتصل لاروى وما ينتظرها اهي تتصل .... واتصل ومن اول رنه ردت عليه واهي تبجي ...

اروى : الو ... تركي ... تركي انت متصل رد علي ارجوك ... والله اسفه ما اكررها بس رد علي طمني عليك تركي تركي ....

تركي : اسمعج ....

اروى واهي تبجي ومنهاره : هنت عليك تركي شهرين وخمس ايام حرام عليك ... ليش تقسى علي جذيه والله عرفت غلطي وكنت بقول لك قبلت لكنك ما ترد علي ...

تركي : لاني تزوجة اروى ... كنتي تضني بنتظر عطفج علي وتكرمج وما اروح للحرام ....

اروى واهي تصرخ وتبجي بقهر : لا تركي ارجوك لا والله اذبح نفسي لو كلاك صج ... تركي قول انك تمزح ما تزوجة صح قول تركي ارجوك تركي قول ....

تركي : ليش مو من حقيى...

اروى : وانا تركي انا شنو بتتركني خلاص ...

تركي : لا بتمم زواجي منج اذا ما تبين انتي ننفصل ...

اروى : خلاص صرت شي عادي بحياتك وهلي تزوجتها خذت مكاني ... مابي تركي طلقها وانا بييك لو تبي الحين بحجز واييك ....

تركي : بعد شنو اروى ... خلاص زوجتي مكفيه وموفيه معاي مو تاركه شي ما تسويه لي واذا اقول شي لها تقول تم ولا تعترض او ترادد ... زوجه كامله والكامل الله ... مريحتني ليش اتركها ... ثم شكلي بصير اب ... بس اتاكد اول ...

صرخت اروى بقوة وصارت ترمي كل شي قبالها وتركي حس انه زودها معاها وقرر انه يعترف لها ويكفيها الي ياها فكان يصرخ عليها باسمها عشان ترد عليه وبعد مده ردت عليه ومن صوتها باين انها تعبت حتى من البجي والصراخ ومافيها طاقه لشي ...

اروى واهي تنفس بصعوبه : ذبحتني يا تركي ..... ااااااه خلاص مالي بالدنيا حاجه ... انت ذبحتني ...

تركي بسرعه : بسم الله عليج يا روحي فيني ولا فيج ... اروى انا ما تزوجة غيرج ... اروى تسمعيني ...

اروى واهي شبه مغيبه : تجذب تركي تبيني اسكت ...ماني ياهل ...

تركي : لا يا روحي كنت بضوقج الي ذقته لمى رفضتي ... كنت فعلا محتاجج اروى وانتي تركتيني وكان ممكن اسوي الي قلته لج واتزوج لكن ما اتخيل غيرج زوجه لي ... اروى ما تزوجة قسم بالله ... اروى يا روحي تسمعيني ...

اروى واهي تاخذ نفس : هااااااااااه ... اي ... اسمعك ... تركي انت ما تجذب علي قول الصدق ...

تركي : ما تزوجة غيرج حبيبتي ... تبين تاكدي بفتح الكاميره وشوفي الشقه وكل شي هني ... افتحي انتي هم ابي اشوفج ...

فتحت اروى وتركي هم فتح وانصدم تركي بشكلها شلون صايره نحفت وايد لدرجة عظام ويها برزت وويها منفخ من البجي وتحت عينها هالات سوده ووراها الغرفه دمار ...

تركي بحنيه : كل هذا مني ... اروى انا اسف لكن هم كنت احترق من كلامج ... سامحيني ...

اروى : مو مهم شي فات تركي المهم الحين ترجع لي وقسم بالله بقبل بكل الي تبيه ....

تركي : ههههه يا روحي ما بقدر ارجع الحين ... اروى جارتي خلاص طلعت وسكنو ناس من بلادنا هني وطلعو يعرفونا ....

اروى : مو مهم المهم انت شلونك وشنو مسوي ....

ابتسم لها تركي وتمنى تكون قباله عشان يضمها لصدره ويريحها فظل يكلمها لمدت ساعتين ويخبرها بكل شي صار معاه ولانه يعرف غيرتها عليه ما كلمها عن ميار ابد لكن كلمها عن ام مهران ومهران ووليد ولمى حس انها ارتاحت طلب منها تنام وتاكل عدل ووعدته اروى تنفذ طلبه بس لا يحقرها ويرد عليها وخبرها بمواعيد جامعته عشان ما تكلمه واهو بالجامعه وهذا اتفاقهم من قبل وسكر منها وانصدم بالوقت ففز وراح لكتبه يجهز للبحث ومن كثر ما كان مندمج ما حس بالوقت الا لمى رن جرس الباب وقام واهو بيده كتابه يفتح ...

تركي اول ما فتح ولقى ميار واقفه وبيدها سله كبيره كلها خضار ما يحتاج طبخ يعني يناكل بروحه وفواكه منوعه وشكلها يشهي بتنسيقها تنح ...

ميار واهي تمد السله : ببقى وايد مادتها خذ سلتك ....

تركي واهو متوهق وين بحط الكتاب : هاااه ... اي .. بس .. الكتاب ...

ميار واهي تطالع داخل : وين مطبخك ...

تركي : مني مثلكم مفتوح على الصاله ...

ميار : عيل بعد بحطه على الرف هني ...

بعد تركي ودخلت ميار ونزلت السله على رف المطبخ وبسرعه طلعت وتركي ماسك ضحكته على شكلها واهي تركض ....

تركي بعد ما طلعت : جبانه ... شلون خالتي ...

ميار : الحمدلله تمام بس يات تعبانه حدها ونامت على طول ... بس بعد شوي بصحيها عشان الصلاه والعشى ... وانت هم ما بعيد لك الكلام صل وتعال ...

تركي : مو كفايه السله ...

ميار : ما بعيد الكلام ... كلمة اروى .. ...

تركي واهو يهز راسه ويبتسم : اي كلمتها وهبلت فيها ...

ميار واهي تضحك وتمشي لباب شقتهم : ههههههه مجرم ... المهم تصافيتو ... سلام ننتظرك ...باي ...

ابتسم تركي واهو يشوفها تدخل وتلوح له بيدها باي وتسكر الباب فسكر الباب ودخل ولف للسله فاخذ حبة كرز واكلها وتوجه للحمام يتوضى وبعدها يصلي واهو يحس براحه كبيره مو لانه كلم اروى وتصالح معاها لا لان ميار بباله فتنهد وتعوذ من الشيطان وقام يجهز عشان يروح شقة مهران واهله وقبلها كان موصي على قالب كيك ولمى وصل اخذه وراح لشقة مهران ولمى فتح له مهران رحب فيه وعاتبه على الكيك وسكته تركي بان ميار ما رضت يدفع لاغراضه ولا بيزعل لو عاتبه على شي مره ثانيه وما يقبل ياكل معاهم وتطمن على ام مهران و تعشى معاهم ......

مهضومه 08-11-20 03:35 AM

البارت السابع :


استمر حال تركي على وضعه اكله وشربه مع اهل مهران ويحس كل مره انه ينجذب لميار اكثر واكثر لكنه يحاول يبعد عنها ويغوص مع اروى بالمكالمات بعد ما يخلص من دراسته وشغله ومر عليه الفصل الاول وتركي متعود ياخذ ميار معاه بالروحه والرده لكن للحين ما خبر اروى عن ميار ابدا ولمى تكون ميار معاه ياشر لها تسكت اذا اروى تتصل فيه وميار على نياتها عبالها تركي ما يحب الازعاج لكن تلاحظ انه ينهي بسرعه المكالمه ويخبر اروى انه يسوق فتسكر بسرعه ولا مره فكرة تساله اذا يوصل سلامها لاروى لو لا ولاحظة انه يوصل سلام اروى لهم ويخصص ام مهران ومهران بس وخجلت تساله عن السبب بانها ما تخصها بالسلام ولا مره .....

تركي واهو يقعد جنب ميار بالكفيه في الجامعه : كم محاضره وراج ....

ميار وعينها بكتابها : ماباقي محاضرات ... اختبر بس واخلص .... اذا عندك شغل روح ومهران يمرني ...
تركي واهو يلف الكتاب الي بيدها ويرجع يتركه : ماده صعبه عليج ...
ميار : لا مو صعبه لكن ابي اييب درجه عاليه ... مشغوله ...
تركي واهو يطالعها باعجاب : لا بنتظرج لا تهتمي ... اتطمن بس ... ميار ...
ميار ولا رفعت نضرها من الكتاب : هلا ...
تركي : ميار طالعيني كم صار لي يمج ولا شلتي نضرج عن الكتاب ... خليني اشوفج ...
ميار واهي مستغربه وتطالعه : تركي شفيك ... ليش يعني لزم اطالعك ... ابي احفظ زود ... فيك شي ... صار شي بينك وبين اروى ...
تركي : ليش دايما لزم تكلمي عن اروى وتذكريني فيها ... ابي مره وحده ما تذكريني باني متزوج ...
ميار واهي مصدومه : شنو ... تركي ليش يعني ماتبي تذكر هالشي ... شنو متردد بزواجك .... اروى تحبك وايد لا تقهرها ولا تنسى حبكم لبعض شلون ....
تركي واهو يتنهد : ااااه .... ما بتفهميني ابد ... اوكي لا تشغلي بالج وارجعي لكتابج ... انا بنتظرج هني اذا خلصتي كلميني اوكي ....
ميار واهي تطالع ساعتها وتلم اغراضها وتوقف : اوكي ... برغم اني تايها بكلامك واحس فيك شي لكن بحاول اركز بامتحاني واشوفك بعدين مابي اشغل تفكيري بشي غير هذي الماده ... سلام ...
تركي واهو يشوفها تمشي : الله معاج ... بالتوفيق .....
ظل تركي يفكر بكلامه شلون كان بيعترف لميار ولنفسه قبلها انه يحبها وهالشي كبير عنده ومتحير فيه شلون يحب ثنتين بنفس الوقت لكن وحده من طفولته والثانيه بنضجه لكن في فرق بينهم وكل وحده تتميز بشي عن الثانيه لكن لمى يقارن بينهم كفة ميار تعلى اكثر من اروى لان ميار برغم صغرها الا انها اقوى واذكى واصلب من اروى واروى كلها دلع ودلال وتحب الاهتمام فيها ... يمكن الي خلاه يحب اروى التعود وانها اجمل بنات عايلتهم لكن ميار فاقتها بالجمال وحتى الجسم فميار جسمها مثل عارضات الازياء برغم انها تغطي كل جسمها بملابس واسعه ما تفصل جسمها ابد لكنها تفتن وهم ماهي طويله يعني راسها يوصل لصدر تركي اما اروى جسمها مليان شوي و اقصر من تركي بشوي مو وايد واروى ما تحجب وتلبس قصير لكن لتحت الركبه وهالشي مخلي تركي يتضايق من شاف ستر ميار وحاول مع اروى ما تلبس قصير لكنها رفضت هالشي .....
فهد واهو يقعد قبال تركي بعد ما مشت ميار بشوي : يا هوووووووو ... وين وصلت ... البنت راحت من زمان ...
تركي واهو يتنهد : عارف ... فهد بسالك سؤال ...
فهد : اسال ...
تركي : يصير القلب يحب ثنتين ... يعني حب حب ...
فهد واهو يبتسم : ممكن ... تحبها ...
تركي واهو يتهرب : من تعني ... ما اسال عني بس في واحد يقول يحب ثنتين لكن ما صدقتها ...
فهد : تركي انا مو غبي وملاحظك ... انت تحب ميار وتحب اروى وتايه بينهم ومحتار اذا فعلا تحب ميار او انه اعجاب بس بشخصيتها وحياتها ...
تركي : اووووف ... لهالدرجه مفضوح ...
فهد : بنظري انا اي لاني اعرفك ... تركي تكلم عن ميار شنو الي يعجبك فيها وخلاك تحس انك تحبها ...
تركي : تبي الصدق ... كل شي فيها ... اخلاقها محافضها على سترها وفكرها ... اعتمادها على نفسها بكل شي ... وهم شايله امها واخوها وولده وانا فوقهم .... وجمالها ... والله عمري ما شفت ولا بشوف بجمالها ... وفوق هذا هم ربة بيت من الطراز القديم ... زوجه وام واخت وصديقه تصلح لكل شي ...
فهد : اوكي هذي ميار واروى ... شنو تحب فيها ... او شنو الي جذبك لها وخلاك تقرر زواجك منها ...
تركي : هههههههه تعرف ... امممم يمكن لاني تعودت عليها لكن ما يمنع ان اروى جميله ... دلوعه وتحب الدلال .... هم ... اممم والله مو عارف شقول لكن اروى فيها اتكاليه على الي حولها ... قبل ما كان فيها غرور مثل الحين احس غرورها يزيد اكثر مع الوقت ... اهي تحبني وهم فيها ذكاء لكن ميار ماشاء الله عليها اذكى ولماحه .... اوووه رجعت اتكلم عن ميار وانا اتكلم عن اروى ....
فهد : تركي لاحظ الي قلته ... ميار وصفت كل شي فيها اما اروى عجزت تحدد شي حلو فيها غير الشكل وفوق هذا بينت انها دلوعه وتحب الدلال وهم غرور تعتقد هذي اشياء تخليك تميل لها اكثر او لميار ... شوف انت تحاول تقنع نفسك ان اختيارك صح لاروى من بعد ما شفت ميار ... تركي انت لزم تحدد من تبي واذا اخترت اروى ابعد عن ميار نهائيا لان كل ماكانت حولك بتقارن بينها وبين اروى ... اذا قلبك لاروى ابعد عن ميار ولا تعذبها معاك وشيل من بالك انك نجمع بينهم لان اما ميار او اروى بتخسر وتنظلم ...
تركي : اروى مستحيل اتركها ... صار لي سنه ونص متزوجها بتركها يعني ... وميار احس ما اقدر استغني عنها ... صعب يا فهد اترك اي وحده وفوق هذا اروى بنت خالتي ولو اخترت ميار مستحيل اقدر ابعد عن اروى ...
فهد : لكن تقدر تبعد عن ميار لو اخترت اروى وانا اشوفك مختار وخالص فلا تعذب نفسك وتعذب بنت الناس ... تركي البنت بعدها صغيره وظلم لها لو تفكر تتقدم لها وتزوجها على زوجه ثانيه ثم اروى مستحيل تقبل انك تزوج عليها ... تذكر شنو سوت لمى قلت لها انك تزوجة وزوجتك حامل ... انسى وبعد عن ميار نصيحه مني ....
تركي : ما اضن بقدر ... بفكر بكلامك واقرر ... تعرف كنت بعترف لها ... وعلى ما قلت مستحيل اهي او امها واخوها يقبلو وهم اروى مستحيل تقبل فلازم فعلا احاول ابعد ... لكن ما اقدر بالوقت الحالي ...
فهد : تركي اعرف هم جيرانك وشايلينك وانت شايلهم لكن خل قلبك يبعد وفكرك لحد ما تخلص دراستك ووقتها ارجع وتزوج ....
تركي : تعتقد اقدر ... ميار ببالي ليل نهار ... تعرف اذا ما اشوفها يوم واكلمها احس قلبي بيوقف .... شلون بتركها شلون ....
فهد : تركي لا تعذب نفسك ... ثم تضن ان ميار واهلها ممكن يقبلو تزوج واحد متزوج ... شلي يجبرها ....
تركي : احس انها تبادلني المشاعر ... ممكن تقبل لو انها تحبني ... انا ما اقدر اترك اروى ولا اقدر ابعد عن ميار ... كنت احاول اتهرب من هذي الاعترافات لكنك طلعت كل الي فيني ....
فهد : يمكن اذا ميار ارتبطة بغيرك تبعد .... احممم ... تركي سمعت ان جسار بيتقد لها ...
تركي بعصبيه : اي جسار تقصد ... الي من شلتنا او الاماراتي ....
فهد : لا جسار الي من شلتنا ... حتى كان بيكلمك تكلم اخوها لكن انا منعته لاني حسيتك تحبها ... تركي اتركها تروح لنصيبها حرام تظلمها معاك ...
تركي بعصبيه : اظلمها معاي ليش شايفني وحش ... انا احبها فهد صدقني ...
فهد : لكنك متزوج والبنت من حقها تزوج واحد لها بروحها ... مو مجبوره تقبل بواحد متزوج ... قلت لك البنت صغيره ... فكر تركي ولا تحاول تمنع جسار اذا كلمك ... قول ما اقدر اكلم اخوها واي سبب عطه او قول مابي ادخل نفسي بهذي الامور وخلاص واهو يدل بنايتكم واهله معاه ...
تركي : وتروح مني .... فهد مستحيل اتركها له او لغيره ميار لي انا.....
فهد : تعوذ من بليس يا تركي واترك البنت تروح لنصيبها ... انت متزوج وحرام تظلمها معاك ... صدقني ما بتعدل بينهم لان اروى بنت خالتك فبتميل لها اكثر ثم اهلك مستحيل يقبلو بهالشي ... لا تهدم حياتك وابعد .....
سكت تركي يفكر بكلام فهد ولمى وصلت ميار طالعها وميار استغربت نضراته فطالعت فهد وابتسم لها بتوتر ...
ميار : في شي .... اذا تبون تكملو كلامكم بانتظر هناك ....
فهد : ههههههه لا يا بنت الحلال ... بس تركي وحشينه اهله وكنت اهون عليه ....
ميار : الله يعين ... جربتها السنه الماضيه واحمد ربي اهلي معاي الحين لكن تركي احنا حولها ... تركي روح الاجازه اليايه لا تواصل .... اهم هم مشتاقين لك ... صح فهد لو اني غلطانه ...
فهد : اي صحيح ... رايج مناسب وايد وحل لكل شي ... صح تركي ... اي وتمم زواجك وييب معاك اروى ....
ميار : اي صح جذيه تكمل دراستك وانت مرتاح واهلك بيزوروك ....
تركي واهو يوقف ويلم اغراضه : افكر بكلامكم ... يله ميار خل نمشي ...
ميار واهي تلوح لفهد : مع السلام فهد ... سلامي لزوجتك ...
فهد واهو يبتسم لها : لا يا اختي ما اقدر اوصل سلامج لا ابات الليله بالصاله ...
تركي واهو يلف لفهد : ليش يعني اذا قلت لها ميار تسلم عليها تبات بالصاله ...
فهد : هههههههه ما تعرف غيرتها ولا لمى شافت ميار ينت زود ...
ميار واهي متعجبه : ليش يعني ... تغار مني بشنو كل الي بينا سلام ...
فهد : احممم ... ميار ليلى غيوره ولمى شافتج اعذريني مثل جمالج ما شافت فخايفه اميل لج واهي تروح عليها ...
ميار : عيل لا اعرفك ولا تعرفني ... ولا تسلم عليها هم ....
مشت ميار قبل تركي وطالع تركي فهد : ليش قلت لها جذيه ....
فهد : قلت الصج ... وانت هم لو اروى تعرف سوت لك بلوه ... ميار طيبه واهي بنفسها ابتعدت لانها واعيه لا تخاف ما زعلت ... الحق قربت لسيارتك وانت واقف ....
تنهد تركي وطلع لقى ميار تمشي ببطى للسياره فركض لحد ما وصل لها وطالعته ....
ميار واهي تمشي وتطالع قدام : تركي معلي من بكره تيي الجامعه بروحك ... ولا تزعل جذيه اريح لي ولك ...
تركي : ميار لا تخلي راي واحد ياثر عليج ... شنو دخلني انا الحين بغيرة زوجة فهد عليه ....
ميار : لان اكيد هم اروى تغار عليك ... مابي اكون سبب مشكله بينكم ... انا بخير ومهران يقدر يوصلني ... لحد ما يطلع لي تصريح وسياره ... دامنا بنعيش هني على طول لزم بحتاج ......
تركي واهو يفتح لها الباب : لحد ما يطلع تصريحج وسيارتج انا اوصلج واقطعي لا اييج شي ما يعجبج ... اصعدي ...
ركبت ميار السياره وتمت ساكته حتى لمى وصلو نزلت وشكرت تركي وما عطته فرصه يكلمها وطلعت على طول لشقتهم وتركت الباب مفتوح عشان تركي يدخل لان كل يوم لمى يرجعو يتغدى معاهم وبعدها يروح شقته يريح فدخل تركي وكانت ام مهران تجهز طاولة الطعام فراح تركي وباس راسها وقعد معاها يشوف اخبارها لحد ما دخلت ميار وبيدها الشوربه ودخل وراها مهران ووليد فالتمو كلهم على الطاوله وكان الكل يسولف حتى وليد يتكلم عن مدرسته الجديده لتركي وتركي متفاعل معاه بسوالفهوطالع ميار لقاها هاديه عكس كل يوم وتلعب بالملعقه باكلها وشارده ....
تركي واهو ياخذ من صحن ميار لانها قباله : الي ماخذ عقلج عنا اليوم ....
ميار بعد ما رفعت عينها له : سلامتك محد ماخذ عقلي ....
ام مهران بخوف : يمه شفيج من ييتي وانتي ساكته ... صار شي بالجامعه ...
ميار : لا ماما لا تخافي مافي شي صار بس تعبانه شوي من الامتحانات ....
مهران : كم باقي عليج وتخلصي ....
ميار : ثلاث واخلص .... لكن وين باخذ بالاجازه ماده عشان اخلص بسرعه ....
ام مهران : ليش يمه ريحي شوي مثل السنه الماضيه ....
ميار : لا ماما السنه الماضيه ما خذيت لاني بعيده عنكم لكن الحين انتو حولي ....
تركي : كلامها صحيح جذيه تخلص بسرعه انا هم ما اخذ اجازات عشان اخلص وارجع بسرعه ....
ميار : يبيلك ما تاخذ بهذي الاجازه ارجع لاهله افضل لك ولهم ....
مهران بعصبيه : وانتي من عشان تفرضي عليه كلامج هاااه ....
تركي بسرعه واهو يمسك يد مهران : هد يا ريال ما قالت شي غلط .... ميار قالت جذيه لان لمى خلصت امتحانها وياتني وشافتني متضايق سالت السبب وقال لها فهد اني مشتاق لاهلي ... كلامها نصيحه لحالتي بس ....
مهران : اسف بس طريقتج مستفزه .... بالنهايه هذا قرار تركي بروحه ... وانتي ريحي عشان ما تهلكي نفسج بالدراسه ....
ميار واهي منزله راسها بعد ما هب فيها مهران وماسكه عبرتها : مالي حاجه بالاجازه ... بمل دراستي اولا .... بالاذن انا شبعت وابي اريح قبل اذاكر لبكره .... ماما لا تصحيني للعشى اذا كنت نايمه ....
قامت ميار بسرعه ولا تركت مجال لاحد يكلمها او يوقفها فلف تركي على مهران بعد ما دخلت ميار داخل ....
تركي : مهران انت ضايقتها لمى هبيت فيها جذيه وخصوصا انك سويتها قدامي ... ما لاحظة انها ما كلت شي ... ميار فيها شي مضايقها ... خالتي ارجوج شوفيها بعد ما اطلع وطمنوني عليها ....
مهران واهو يشوف تركي يوقف ومسك يده : تركي اقعد كمل اكلك ... ولا تخاف ميار اعرف اراضيها لكن انا معودها ما تكلم احد بهذي الطريقه غلط ... اقعد وكمل اكلك ...
ام مهران : اقعد يمه كلام مهران صحيح ... اقعد وانا بشوفها المغرب لانها اكيد بتنام الحين وبطلع منها شفيها ... اقعد
تركي : معلي خالتي شبعت ولزم اروح الشقه وراي انا هم مذاكره وبعد ساعتين بروح الشركه ... بالاذن وطمنوني عليها بليز ....
مهران : دام بكره معاك امتحان لا تداوم اليوم وانا بخبرهم وبكره تعوض ...
تركي : مشكور لكن ابي اداوم ... امتحاني سهل وبسيط ... بالاذن ....
طلع تركي وقام مهران لميار وطق باب غرفتها ودخل بعد ما اذنت له ولقاها قاعده على سريرها فقامت اول ما شافته وقرب لها وضمها وقعد معاها على طرف السرير ...
مهران واهو يضمها على جنب وراسها على صدره : قسيت عليج ....
ميار وماسكه عبرتها : لا ... كلامك صحيح كنت مستفزه بكلامي معاه .... تضايق مني ...
مهران واهو يمسح على شعرها ويبوس راسها : لا حبيبتي تركي كان خايف عليج وقال فيج شي غير الي قلتيه ... وانا هم ملاحظ هالشي .... شنو فيها حبيبت اخوها ....
ميار ودموعها تنزل غصب عنها : الكل يتجنبني لان زوجاتهم او حبيباتهم يغارو عليهم مني وكاني ابي اصيد احد منهم .... ليش يضنو فيني جذيه انا واطيه يعني اصيد رياييل ....
مهران بضيق وعصبيه كاتمها : ومن هذول الي يقولو عنج جذيه ....
خبرته ميار عن الي قاله لها فهد وعن اروى بعدم توصيلها سلام لها يعني تركي يخبي انها تسبب له مشاكل مع اروى فتضايق مهران ولانه فعلا ملاحظ هالشي من تركي بانه ما يوصل سلام اروى لميار لكنه يقول تسلم عليكم وبالاخص امهم واهو لكن ميار ولا مره قالها لكن حب يهدي اخته ويحسسه انها ما غلطة بشي لانه الواقع فاهي مالها ذنب بقلت عقل زوجاتهم وحبيباتهم ....
مهران واهو يشد عليها بضمها : هذول ناس ما عندهم ثقه بانفسهم وتركي يمكن ما بوصل سلام اروى لج بدون قصد منه ... والدليل انه اصر عليج يوصلج معاه ولو هالشي بيسبب له مشاكل كان خبرني انه ما يقدر وانا كل فتره والثانيه اقول له بوصلج لكنه يرفض وحتى يحاول يمنعني اطلع لج الرخصه للسياقه والسياره ... موقف فهد عادي واضن انه لبق معاج وكل ما في الموضوع ينبهج لقلت عقل زوجته وما يبي يخلي بذمته سلام ما يوصله ...
ميار : مو بس اهو مهران .... في بنات ايوني يخانقوني وكاني الحق ازواجهم ... ولا في من تخانقني وتهددني لا اقرب لحبيبها الي حاطه عينها عليه تخيل ....
مهران : هههههههههه يبيلج حراسه عيل ... يغارو من جمالج يا روحي ....
ميار : ليتني اقدر اغطي ويهي ...
مهران : وتختنقي لنا ... تذكري لمى سويتيها شنو صار لج ... اسبوعين وانتي بالمستشفى بالملاحظه ... ميار احنا نبيج ولا احد مستغني عنج وهذول سفهيهم ولا تهتمي لهم .... خلج بروحج وتحملي ما بقول لج محد يبيج لكن دام وراه مشاكل سكريه ...
ميار : مهران انا مالي ربع ... دايما بروحي ... حتى صديقاتي بايام المدرسه انقطعت علاقتي فيهم ...
مهران : وانا وماما وين رحنا .... اعرف تحتاجي لصديقات مثل عمرج وتسوي معاهم اشياء مشتركه لكن شنو تقدري تسوي تجبري احد يصادقج ... لا تستعيلي بييج يوم ويكون لج صديقات حتى لو بعد زمن .... خلج قويه مثل ما عرفتج
ميار واهي تمسح دموعها : كلامك صحيح محد يستاهل اتعب نفسيتي عشانه ....شكرا مهران ريحتني وايد ...
مهران واهو يبوس خدينها : وانا من لي غيرج انتي وماما ووليد ... انتي بنتي الكبيره وبكون حولج دايما ....

مهضومه 08-11-20 03:38 AM

كنت اتمنى القى تعليق لو واحد يشجعني على تكملة الروايه .....

اذا استمر هذا الحال جذيه الاسبوع الجاي اعتذر بتكميل الروايه وبفضل احتفظ فيها لنفسي واوقف عن تنزيل اي روايه ثانيه .....

انا ما اطلب المدح ابي تعليق يشجع واشكر كل من علق بالروايه.....

بيرو بيرو 09-11-20 11:20 PM

السلام عليكم ورحمه الله وبركاتة اختي مهضومة عاملة اية يارب تكوني بخير اسفة جدا علي تأخيري في الرد ولكن مرض والدتي وانشغالي معها منعني من الرد واية الانا قراته انكي سوف تتوقفي عن التكملة لان ليس فيه تفاعل مع روايتك انا بكل اسف لاحظت هذا الشئ ومستغربة هذا التصرف من القراء لان روايتك فعلا جميلة فلا تحزني وبأذن الله بيكون في تفاعل وانا عن نفسي ادخل كل شوية ابحث عن فصل جديد وتأخري عن الرد شرحتة لك فأنا بين والدتي وبيتي وزوجي واولادي وفي الايام القادمة ستجديني دائما بالتوفيق

مهضومه 13-11-20 06:49 AM

اهلا بيرو بيرو ........

سلامتها الوالده ما تشوف شر والله يشفيها وان شاء الله تقوم بالسلامه ....
الله يقويكي ويسعدك بحياتك الاسريه وانشغالك ببيتج وزوجج وعيالج اهم من اي شي ثاني .... ديري بالج لحياتج اهم وعساج على القوة واجرج عند الله ........

مهضومه 15-11-20 05:41 AM

البارت الثامن


رمت نفسها ميار بحضنه واهو شد عليها وقعد معاها مده يسولفو وبعدها تركها تريح عشان تقدر تذاكر واتفق معاها يعجل بالتصريح لها للسياقه والسياره وطلع لامه يطمنها على ميار وبعد ما ريح اخذ شور وتوجه للشركه وبعد ساعتين خبره السكرتير ان تركي طالب يقابله فاذن له يدخل ....
مهران : اهلا تركي تفضل ... في شي بالشغل ....
تركي واهو يقعد قبال مهران : لا الشغل تمام .... مهران شلون ميار ... كلمتها ....
ابتسم مهران وطالع تركي : اي كلمتها ... ييت عشان تسال عنها ...
تركي : اكيد ... شنو فيها ليش كانت متضايقه ... لا تقول لي تعب ... باين انها متضايقه ...
مهران : ومن شنو بعتقادك ....
تركي واهو مرتبك : ما اعرف ... انت قول ....
مهران واهو يسند ظهره على الكرسي : لا تعرف لكن تبي تاكد ... قول شنو صار لها قبل ترجعها البيت من الجامعه ...
خبره تركي بالي صار مع فهد وكلامها معاه بالسياره بانه ما يوصلها ....
مهران : وكا انت عارف سبب ضيقها ... تضن شي بسيط عندها ... لكن مو هذا بس اهي تراكمات لنفس السبب ...
تركي : تراكمات ... من شنو ... قول لي احد متعرض لها وانا ما اعرف خبرني ....
خبره مهران بكلام ميار عن كل المضايقات من البنات لها وكلامهم وتهديداتهم فلقى ويه تركي يحمر من العصبيه واهو كاتم داخله ...
مهران : تركي اهدى ... اهدى شي عادي وميار قويه وانا قلت لها تسفهم ولا تهتم لاحد ...
تركي بعصبيه واهو يوقف : لا لزم يوقفو عند حدهم شنو لقينها تركض ورى زبالتهم ... انا بعرف منها من واوقفهم عند حدهم ...
مهران واهو يوقف ويروح لتركي ويمسكه من جتوفه : تركي اهدىشي ما يستاهل كل هالعصبيه وميار قويه وتعرف شلون تتصرف ....
تركي : لا مهران لا تضن هني مثل جامعة البلاد لا هني يوصلو للاذيه وتصور اي شي بنات الي يهددو جذيه واهم مو ازواجهم يعني قذرين وانا بتصرف واعرف منها بكره من ... اعذرني ما بترك ميار تروح وترد بروحها لاي مكان اهي بخطر جذيه... لكن لا تخبر خالتي عشان ما تتعب ....
مهران : تركي لا تخوفني عليها ...
تركي : ما اخوفك مهران لكن ميار مابيها تتاذى وانا بكلمها واهديها .... لكن انا شنو دخلي بكل هذا ترفض اوصلها معاي اامن لها وافضل ...
مهران واهو يتحاشى عيون تركي : حالك من حالهم ...
تركي : شنو ... انا هم ... انا ولا مره ضايقتها بكلمه او تصرف ... فهمني مهران انا شنو مسوي ...
مهران : انت يا تركي تتجنب ميار من جهة اروى اروى توصل سلام لي ولماما لكن لميار لا ليش لان اروى ما ترسل سلام لها لان اكيد تغار منها فميار تبي تجنبك المشاكل ...
تركي : مهران افهمني ولا تتسرع بالحكم ... انا ما خبرت اروى عن ميار ابدا ... لاني لو خبرتها اكيد بتغار وتكون على نار وتبقى تسال وتتصل دايما وممكن حتى تيي هني ... مو لشي بميار لكن لي اسبابيى....
مهران : وشنو اسبابك ...
تركي : الشقه الي انتو فيها تعرف من كان فيها قبلكم ...
مهران : قالو وحده ايطاليه ومشيتها بطاليه ...
تركي : عليك نور وانا كنت اتعرض لمضايقات واغرائات منها وكنت كاتم هالشي عن اروى لكن لمى رجعت شرحت لها كل الي كانت تسويه هالجاره لدرجة التعري وتعرض نفسها علي وتهجمت مره علي بالشقه وطلبت من اروى نتمم زواجنا وتي معاي هني لكن رفضت وتحججت باعذار تافها وانا كنت فعلا محتاجها معاي فعصبت ورجعت وكنت ناوي اتزوج عليها واحصن نفسي من الحرام لكن لمى ييت لقيت هالجاره طلعت وبقت الشقه شهرين بدون سكان لحد ما ييتو انتو وسكنتو فيها ... وقبلها بعدت فكرة اتزوج عليها لاني ما قدرت اسويها واحرق قلبها بهالشي وعدم كلامي لها عن ميار لاني ما ابيها تحط ميار بنفس كفة هالجاره ...
مهران : فهمتك ... وهذي حياتك وانت حر فيها وانا بوضح لميار هالشي لانها ربطت هذا بهذا و تبي الحق معاها حق تفكر جذيه ....
تركي : مهران اقسم بالله ان ميار غاليه علي ومابي شي يضايقها او يضرها ....
مهران : تسلم ولا تخاف ميار عاقله وتفهم الامور واذا رجعت بكلمها واوضح لها لكن رخصتها لزم اتحرك عليها لان بعدين بتحتاجها ولزم تتعود من الحين ... انت بتبقى هني لحد ما تخلص دراستك وترجع لكن احنا مقيمين هني ... فبتحتاجها ....
تركي : لا تخاف قبل اسافر بعودها على كل الطرق والاماكن بس انت اتركها الحين ولا تتعجل ....
مهران : اوكي براحتك وانا واثق ان ميار بامان معاك ....
تركي : تسلم ... تبي شي برجع مكتبي اخلص شغلي ...
مهران : سلامتك ...
طلع تركي من مكتب مهران وتوجه لمكتبه واهو يفكر بميار وحساسيتها بلي صار وحياتها بدون صديقات اهو كان يضن انها ما لقت للحين لكن ما توقع انهم معادينها لغيرتهم من جمالها فتنهد واهو يفكر حتى اهو جرحها بدون ما يحس لكن كان ما يقصد انه ما يوصل سلام من اروى لها لانه ما كان يحب يجذب عليها ويوهمها بسلامات من اروى لانه مستحيل يخبر اروى عن ميار وخصوصا بعد ما تاكد انه فعلا يحب ميار لكن من يحب اكثر اروى او ميار ... هز راسه يبعد كل هذي الافكار من راسه عشان يركز بشغله .....

رجع مهران قبل تركي متعمد عشان يكلم ميار ويخبرها بكلام تركي وما تتحسس اكثر ....
مهران بعد ما خبر ميار : هاااه ارتحتي الحين البنت ما تدري عنج ....
ميار : لاحظة ليش ما خبرها ... مو بس لسبب جارته لانه يعرف انها بتغار وتسوي له مشاكل ... مو مهم هذي حياته واهو حر فيها ومن حقه وحق اي واحد يبعد المشاكل عن حياته ... مهران ...
مهران : امري يا روح اخوج ....
ميار : واصل بتسريع الرخصه ... مابي ابقى اروح وارد معاه....
مهران : معاج حق .... انا قلت له هالشي لكنه اصر يبقى يوصلج وانه بيعلمج على الطرق وكل مكان قبل يرجع الديره ... ميار لا تكسري بخاطره وخليه يوصلج ....
ميار : مهران ليش اهو متمسك بتوصيلي جذيه ....
مهران : خايف عليج خصوصا بعد الي قلته له من كلامج ....
ميار : وهذا يخوفني ... مهران تركي يتصرف معاي وكانيمن ممتلكاته ... عجل عشان اروح وارد بروحي وبطلع لي حجه اني احتاج اروح اماكن بروحي.....
مهران : اوكي انا بحاول اعجل لج وانتي تصرفي معاه وواثق فيج تعرفي تتصرف ... يله قومي ساعدي ماما بالعشى ما خلصتي مذاكره ....
ميار : خبرك عتيج سويت العشى من زمان وماما تريح .... مهران صج ملاحظه ماما تتعب وايد هالفتره ... ما قاعد يفيدها العلاج ....
مهران : الدكتور يقول ان حالتها مافيها تطور والادويه لزم تخليها تنام فتره اطول ... وماما تقول ان الادويه تسبب لها خمول حتى بعد ما تصحى من نومها ...
ميار : اي شكت من هالشي ...وعليه تتضايق من كثرت نومها وتعبها الدايم ... غير الدكتور يمكن هذا مو تمام ....
مهران : ينيتي هذا اكبر دكتور لهالمرض لكن اهو بنفسه قال لو تروح تايلند افضل لها بالعلاجات العشبيه والطبيعيه لكن اهي رافضه ....
ميار : انا بقنعها اهي رافضه عشان دراستي باجل سنه ونروح اهم شي صحتها ....
مهران : مو لزم تتركي تقدري تكملي دراستج وانا اروح معاها وانتي ووليد تبقو هني بس اهي تقتنع ...
ميار : وتضن ماما تقبل ... ما بتقبل لان محد معاي هني ....
مهران : بتقبل اذا اول ضمنت احد معاج ...
ميار : من يعني ... خالد مستحيل اروح عندهم زوجته صح طيبه لكن مابتقبل احد يكون معاهم ...انسى ...
مهران : لا مو خالد اول بشوف وبعدها بخبرج ... الجرس ... تركي وصل يله قومي تغطي وجهزي العشى وماما بصحيها تاكل معانا ... يله ...
قامت ميار مع مهران و تعشو كلهم مع بعض ومهران خبر تركي انه تفاهم مع ميار عشان ما يفتح الموضوع معاها ... وكان تركي يطالع ميار اغلب وقته ويبي يضمها ويعترف لها بحبه لكن مستحيل يسويها واهو عارف نتيجة اعترافه فصحى من تفكيره على صوت ام مهران واهي تكلمه ....
تركي : اسف خالتي ما سمعتج شتقولي كنت شارد ...
ام مهران واهي تضحك : هههههههه كل هذا شوق لاروى ... الله يجمعك معاها ونفرح فيكم .... كنت اسالك شلونك مع الشغل .....
تركي : ههههه شغلي تمام اسالي مهران عني اذا عاجبه شغلي لو لا .... وما كنت شارد باروى بشي ثاني ....
ام مهران : الله يريح بالك يمه ... شلون الوالده ما بتيي كل مره تقول بتي ولا تيي ....
تركي : قالت بتيي بالاجازه لان ملاك كل مره تقعدها اذا بتي لان ملاك عندها جامعه وتبي تيي معاها عاد بتي بالاجازه تقضيها هي واتوقع الوالد وطلال هم ايون بدل ما انا اروح وجذيه ما اضطر اكنسل الماده الي ماخذها ....
ميار : واروى ما بتيي ....
تركي : ما اضن تيي ... ابوها ما اضن يسمح لها تيي بدون احد من اخوانها او خالتي .... وهم اهو يسافر فيهم كل اجازه لمكان يتفقو عليه ....

ميار واهي توقف : بييب الحلو والقهوه ......

تركي بعد ما طلعت ميار : خالتي ابي اكلمج انتي ومهران بموضوع ومابي ميار تسمعه .....

ام مهران واهي تطالع مهران وترجع تطالعه ومتعجبه : شنو صاير .... ميار مسويه شي غلط او احد مكلمك عنها بشي ....

تركي : ابد خالتي ميار مافي منها ولا تنسي انها تربيتج .... احممم انا ابي اكلمكم بشي يخصني ومابيها تسمعه بس .....

مهران : اوكي تفضل بالصالون الثاني .... اسبقوني بخبرها تدخل تذاكر او تنام واننا مشغولين بشي عشان ما تقاطعنا ....

هز تركي راسه وساعد ام مهران توقف واخذها للصالون الثاني ومهران خبر ميار انهم مشغولين بموضوع يخص تركي و اخذ معاه القهوه والحلى .... استغربت ميار لكن ما اهتمت لان الموضوع يخص تركي ودام مهران طلب منها تشغل وقتها فمعناه تنام افضل وفعلا خذت وليد معاها و ونامت معاه .... اما تركي مع مهران وامه فكان النقاش بينهم طويل وتركي يحاول يقنعهم بموضوعه وبالنهايه اقتنعو وقبلو بكلامه وحطو ثقتهم فيه .....
يا ترى شنو موضوع تركي وليش ما اقتنعو مهران وامه بسهوله نترك هالشي للاحداث اليايه .....

مهضومه 21-11-20 08:05 AM

البارت التاسع

مر يوم وكان عادي مثل كل يوم وباليوم الي بعده كان تركي يتعشى مع مهران وامه وميار ووليد مثل كل يوم لكن كان في نضرات بين مهران وتركي وام مهران وميار ملاحظه ان في شي بينهم لكن من تربيتها تمنعها تسال بحضور تركي فالتزمت الصمت لكن قطع هالصمت مهران .....

مهران : ميار شرايج تروحي عند خالد .... كلمني من شوي يقول عياله يبون وليد بالاجازه يقضيها معاهم وزوجته قالت تبيج تروحي تغيري جو معاهم بيروحو الشاليهات .... معاهم اختها صديقتج ...
ميار بفرح : جد مروه بتيي ... ما خبرتني القاطعه ....

ام مهران : هههههههه ما كانت تبيج تعرفي تبي تسوبها مفاجاه لكن مهران يغار احد يفاجاج غيره فخبرج ....

ميار : يعني جذيه ما باخذ ماده بتفرغ معاها ... ليت بسمه و صفاء ايون هم مشتاقه لهم ولجمعتنا ....

مهران : هههههههه عشان ترجعو لهبلكم ... نسيتي ان صفاء تزوجة وبسمه مخطوبه ... يعني بدون ازواجهم ما يقدرو ايون عندج مروه خطيبها معاها ....

ميار : جد والله علاء معاها ... ههههههه بهبل فيه .... تركي بتكون مشغول مع اهلك ... خساره كان ودي تكون معانا علاء بيعجبك وايد .....

تركي : اعتبرها دعوه لو ما يو اهلي ....

ام مهران : ولو يو روحو هناك الشاليهات هناك تحفه شي خيال اذكر قبل رحتها مع اهلي ما تنسى ابد ....

ميار : انا اول مره بروحها ... رحتها تركي ....

تركي : هههههه اي مافي مكان ما رحته .... انا بشوف اذا الاهل بيون بحجز لنا هناك واكون قريب منج ... مهران بتحجز لخالتي صح ....

ميار متعجبه : بتروحي ماما معانا ....

مهران : لا تركي اقنع ماما بتايلند وبروح انا معاها اول الاجازه وانتي بتكوني مع خالد واهله وتركي حولكم وانشاء الله نرجع بسرعه ....

قامت ميار وضمت امها من وراها وبايت خدها وراسها : الله يردج لي بالسلامه ....

ام مهران واهي تبوس خد ميار : الله لا يحرمني منج يمه ... كنت عارفه تبيني اروح لكن ماكنت ابي اتركج بروحج لكن تركي اكد لي انه بيكون حولج دايما ....

ميار : ولا يحرمني منج ... كنت ابي اكون معاج ... مهران بسلم بس على مروه واروح معاكم ....

خاف تركي ان مهران يقبل لكن ارتاح برد مهران : لا حبيبتي احنا بنروح بعد يومين وانتي تروحي بعد ما تخلصي امتحاناتج وتركي يمكم .... اعرف ما في امان بروحج هني انتي ووليد بس لكن تركي يمكم وهالشي مطمني عليكم ...

تركي : افا لا تخاف لو توصل انام يم باب شقتكم بسويها بس عشان تكون ميار مطمنها بسويها ...

ميار واهي تقعد مكانها : هههههه لا مو لهالدرجه خوفي ... بس متى اقنعت ماما ....

ام مهران : امس ..... يمه انا عارفه الي بقوله ما يجوز لكن دامنا هني ببلد اجانب بقول لكم شور وانتو وكيفكم فيه وانا اشوفه الانسب للكل منه انا اتطمن عليكم ومنه ميار تكون مطمنه وهالشي ياكد ثقتي بتركي ...
مهران : شنو ماما قولي ...

ام مهران واهي تطالع تركي ومهران : تركي ينام هني بغرفتك مع وليد او وليد ينام مع ميار اذا تركي متعود ينام بروحه بسرير ... شقلتو ...

مهران : ماما شنو هالكلام ما يجوز شرعا ... حتى لو وليد معاهم ما يجوز ....

ميار : ماما اثرو عليج الايطاليين ... ماما واذا كنا بلاد اجانب خلاص نسوي مثلهم ... لو احد عرف شنو نقول لهم عادي احنا بلاد اجانب ومحد بيتكلم علي... لا ماما ما ينفع ...

تركي : في حل ثاني لان الاجازه بتكون قصيره وميار بترجع الشقه وانتو للحين بتايلند ... الا اذا ميار ناويه تسكن ببيت خالد لحد ما ترجعو ....

ام مهران : اي صحيح الاجازه شهر والعلاج يمكن يطول اكثر بوايد من ثلاث شهور مو هذا كلام الاخصائيين ....

مهران : اي لكن ميار بدراسه وهم وليد ... والحين الحل شنو ....

ام مهران : شنو الحل الي عندك تركي ....

تركي واهو يطالع ميار : وجودي بشقتكم يكون شرعي وحلال ..... املج على ميار ...

ميار واهي توقف وكانها مقروصه : لا ... مستحيل ...

تركي واهو يوقف قبالها : وليش لا ومستحيل ... فكري عدل وقرري بعدها ....

مهران : قصدك مؤقت .... يعني عقد زواج على الورق ....

ام مهران : هذاةقصدك تركي ....

تركي واهو يطالع ميار وبعدها ام مهران : يعني ... خالتي اهو حل للوضع ... ميار تبي تعيش ببيت خالد ما بتضطر لاقتراحي لكن اذا تبي تبقى هني اهو واحد من الثنين اما اكون هني بصفه شرعيه او بدون صفه ... ميار شنو تختاري ... ما تبين خالتي تروح وتتعالج وعلاجها ما بيكون بشهر او ثنين ممكن يطول والمهم ترجع متعالجه وسليمه ... شقلتي ...

ميار : لا تبيني اتزوجك عشان وجودك يكون شرعي .... وبعدها احمل لقب مطلقه .... فكرة فيها ... مهران رد تشوفها حلوه بحقي وحقكم ....

ام مهران : لا يمه ما يرضي احد ... عيل خلاص اروح بالاجازه الكبيره الحين ما ينفع ....

مهران بعصبيه : لا ماما كلما تاخرتي بالعلاج تراجعتي لورى ... ميار الخيار لج لكن مستحيل اسمح لماما تتراجع انا ماصدقت تقتنع من تركي تيين الحين وتخليها تتراجع فكري بحالة ماما مو تبينها تشفى وترجع مثل قبل ... لج الخيار اما تسكني عند خالد او تقبلي بحل تركي لاني ما بقبل تبقي هني مع وليد بروحكم ولا تركي يكون معاكم بدون صفه ... لج الخيار اما بيت خالد او زواجج المؤقت من تركي ... شتقولي ....

تركي : مهران اتركها تفكر ولا تضغط عليها بقرارها ... ميار فكري عدل واي شي تبينه بيصير ... انا استاذن ... مهران ...

مهران : فاهم تركي فاهم لا تخاف .....

طلع تركي وركضت ميار لغرفتها وتضايقت امها لحالتها وكانت بتروح لها تكلمها لكن مهران منعها وطلب منها تتركها تفكر بروحها بدون تدخل احد لانها عاقله وواعيه .....

كانت ميار متحيره بقرارها اهي اذا بتروح بيت خالد بس عشان مروه اخت زوجة خالد ولد عمها واهي ما تبي تحتك فيهم لان علاقتها معاهم حساسه من فكت الخطبه من اخوه الياس وكل العايله ماخذين منها موقف فشلون تروح تسكن عندهم مده طويله واهي بتسكن بشاليه مع مروه ووليد اذا راحت لهالشي بتروح لكن سكنها ببيت خالد صعبه وشبه مستحيله وزواجها المؤقت من تركي مصيبه كبيره لكن من بيعرف فيها غير الي بيسال ليش اهو معاهم بنفس الشقه ... واذا رجع مهران مع امها بيطلقها ولو قررت تتزوج طبيعي بتخبر الي بتتزوجه بكل شي فزواجها من تركي ارحم من سكنها ببيت خالد ... نامت بعد ما اخذت قرارها الي بتخبرهم فيه الصبح .....

اما تركي فكان مطنش اروى باتصالاتها ويفكر بقرار ميار ويدعي من قلبه انها توافق وارسل لاروى رساله انه مشغول باجتماع للشغل وبيرجع تعبان وينام عشان ما تزعجه باتصالاتها فيه وبعد الرساله وقفت اتصالات وارتاح وظل يفكر بميار لحد ما تعب ونام ...

باليوم الثاني الكل على طاولة الطعام يفطرو والكل ملتزم السكوت والي ناقص بينهم وليد لانه سبقهم وراح مع باص المدرسه ...

تركي : الحمد لله ... انعم الله عليكم ... ميار اذا خلصتي نمشي ... صار لج ساعه تلعبي باكلج ولا كليتي شي ...

ميار واهي تنزل الشوكه بالصحن وتوقف : الحمد لله ... شربت العصير وكفاني مو يوعانه ... دقايق اييب شنطتي وكتبي وايي ....

تركي بعد ما راحت ميار : بشرو ردت عليكم ...

مهران واهو مبتسم : لا ... انت جس نبضها بالسياره من طلعت من غرفتها واهي ساكته انت الحين نطقتها ......

تركي واهو يطالع ام مهران : تطمني خالتي بتكون بخير ... ميار مستحيل تسكن ببيت خالد ... بتقبل ...

ام مهران واهي تبتسم له : انشاء الله ... سكتو يات ....

ميار واهي واقفه : انا جاهزه ...

تركي واهو يوقف : اوكي يله ... مع السلامه ....

ميار واهي تبوس خد امها ومهران : مع السلامه ... ادعو لي ...

ام مهران واهي تشوف ميار وتركي يطلعو : الله يوفقج ويحفظج من كل شي ويسخر لج تركي يا رب ..... مهران تضنها تقبل ...

مهران : اتوقع ... ماما تضني اذا عرفة الحقيقه بتزعل منا ...

ام مهران : اتمنى ما تزعل وتتفهم ... تركي ريال كفو وقد المسؤليه ومثل ماةقال لنا ... يحبها وشاريها وخايف يعترف لها وما تصدقه ويبي يتقرب لها واهي حلاله فاذا ما نفع بيطلقها و يا دار ما دخلج شر ... انا حاسه انهة معجبه فيه لكن تمنع نفسها لانه متزوج ...

مهران : ما كنت اتمنى لها واحد متزوج ...ليته مو متزوج كان بيقدر يتقدم لها بدون هاللف والدوران ....

ام مهران : كل شي بكتبت ربك ... وما تعرف يمكن سعادتها معاه مو مع واحد مو متزوج ... ابي اتطمن عليها وعليك ... ليتك تقنع وتتزوج ...
مهران واهو يوقف ويبوس راسها : ماما قلبي للحين مع المرحومه ... اذا لقيت الي تشغل مكانها لو جزء منه بي واقول لج ابي اتزوج لكن الحين كل الي يهمني صحتج وميار وحياتها ووليد وبس ... بالاذن بروح عشان اضبط الشغل قبل السفر وتركي يستلمه ....

ام مهران واهي تشوف مهران يطلع : الله معاك وحافظك ويعطيك على قد نيتك ...

اما تركي وميار من طلعو وركبو السياره والصمت سيد الموقف ... وكسر هالصمت تركي ....

تركي وعينه على الطريج : قررتي ...

ميار واهي تطالع من الشباك : اي .... لا تساليني بتعرفه من مهران ....

تركي واهو مبتسم : وليش ما تقوليه لي انا ....

ميار : لا ابي اقوله لمهران ... ولا تشغل بالي بشي الحين ابي اتذكر المعلوملت للامتحان ... كنت اذاكر لنفسي وانت دخلت وسط التسميع .....

مات تركي من الضحك عليها فابتسمت لضحكته وتمت ساكته وبعدها فتحت كتابها تذاكر وتركي احترم قرارها لانه حس انهة متوتره وفعلا تبي تركز بالامتحان ......

بعد ما خلصت ميار امتحانها قعدت بالكفتيريا تنتظر تركي لان اليوم عليها بس الامتحان وتركي للحين يكمل محاضرات لباقي المواد فحبت تفكر اكثر بموضوعها مع تركي ولحظات من شرودها بتفكيره والكوفي قدامها حست احد واقف قبالها فرفعت راسها ولقت فهد واقف ويطالعها ....

ميار : اهلا فهد ....

فهد : اهلين فيج .... اقدر اقعد معاج ....
ميار واهي مستغربه وتاشر له على الكرسي قبالها : تفضل ....

فهد بعد ما قعد : ما عندج محاضرات اليوم ....

ميار : لا كان امتحان واحد وخلصته اليوم مافي محاضرات لي .... وانت ...

فهد : لا انا خلصت محاضره وبعد ساعتين عندي غيرها ... محاضراتي غير عن تركي ... احممم ميار ابي اكلمج بخصوص كلامي من يومين معاج .... انا اسف ...

ميار : ماله داعي اسفك كلامك مافيه شي غلط او يجرح ....

فهد واهو يتنهد : هااااااه لا ميار كلامي كان غلط .... حتى زوجتي لمى عرفة لامتني عليه .... انتي مالج ذنب بغيره اي حرمه على زوجها او حبيبها انتي ما بدر منج اي غلط بشي .... تعرفي لمى رحتي مع تركي ورجعت البيت كنت افكر بلي قلته لقيت اني غلط ولمى لاحظة زوجتي شرودي سالتني وخبرتها تعرفي شنو قالت .....

ميار : شنو ....

فهد : قالت لي انها فعلا تغار منج لكن غيره غبيه لان ما لقت منج اي سبب لغيرتها منج يعني انتي محترمه بتعاملج مع الكل ولان اهي وغيرها يغارو منج لجمالج وغيرتهم تدل على نقص فيهم ويعترفون فيه وعدم الثقه بالنصف الثاني ولانها واثقه مني فكرت مع نفسها ليش تغار المفروض تبعد وساوس الشيطان وتكسبج مو تغار واكدت علي لو ارسلتي سلام لها اوصله وانا مطمان ... ميار انا فعلا اسف وبعد كلام زوجتي حسسني شكثر انا صغير بنضر نفسي واكيد صغرت بعينج ....

ميار : لا ابدا اخ فهد انت اخ عزيز وغالي علي وارسالي السلام لزوجتك لاني بجد حبيتها وهم من اللباقه ارسل سلام لها بعد ما عرفتها ولا تضن اني زعلت ابدا يمكن اثر فيني او نقول نبهني لكل الي اواجهه من الباقي واتاكد اني سبب مشاكل لكن مو بيدي ولا بكيفي انا الله وهبني شكلي وحاولت استره بحكم ربي لكن مرضي يمنعني وحاولت لكن يات ضدي وتعبت مده ومو حابه اكررها الا لمى اتشافى واقدر اغطي ويهي .....
فهد : الاعمال بالنيات ميار الله غفور رحيم وانتي مالج ذنب ابد باي مشاكل بحيات احد كل واحد لازم يحط عقله براسه ويقابل حياته ولا يحط فشله بشي على غيره ....
ميار : ههههه اكيد كلامك صحيح لكن نسيت انك كنت مثلهم ولو للحظه ....
فهد : هههههههه معاج حق ... انتي عاد لا تدققي فوتي ..... قهوتج بردت .....
ميار واهي تطالع تركي واهو ياي جهتهم : عادي كنت طالبتها بس ادفي نفسي فيها ... تركي وصل ....
فهد واهو يلف يطالعه ويلوح بيده : هلا ابو التروك ... خلصت ...
تركي واهو يقعد بكرسي جنب فهد : اي خلصت .... من متى مخلصه ميار ... المفروض عندج محاضره الحين ...
ميار : لا اليوم بس امتحان مافي محاضرات ....
تركي : وليش ما خبرتيني عشان اوصلج وارجع ....
ميار : انت قلتها توصلني وترجع وانا ما حبيت اسوي هالشي واتصلت لمهران قال لي ما بيقدر اييني فقلت اقعد انتظرك هني ولمى تخلص نمشي ....
فهد : بكره معاج امتحان ....
ميار : لا بكره ما معاي شي راحه ... بعد بكره ....
تركي واهو يوقف : اوكي قومي نمشي عشان تريحي .... فهد بكلمك بشي اذا وصلت الشقه اوكي ... عندك محاضرات
فهد : اي بعد ساعه ونص ...
تركي : اوكي بكلمك بعد المحاضره ....
فهد : اقول نلتقي افضل ... تغدى معاي المدام هاجه اليوم مع صديقتها ....
تركي واهو يمشي مع ميار : بينا تلفون ....
فهد واهو يلوح لهم : باي ميار ....
ميار واهي تبتسم وتلوح له : باي ....
تركي بعد ما طلعو من الكفتيريا : فهد كلمج بشي ...
ميار واهي تمشي معاه : اعتذر وقال ان زوجته عاتبته على كلامه ... اضنه مكلمك ....
تركي واهو يفتح لها باب السياره : ههههههه ليش تقوليها بثقه ...
ميار واهي تبتسم وتصعد : لاني اعرف ان صداقتكم قويه وفهد ما كلمني الا مكلمك صح ....
تركي واهو يسوق : صح .... احممم ... ميار ...
ميار واهي تعبث بشنطتها : هلا ...
تركي واهو يركن جنب البحر ويلف يطالعها : ما بتقولي لي ردج ... ميار... ابي اعرف منج مو من مهران ....
ميار بحرج واهي منزله راسها : تركي .... ما اقدر مهران بيخبرك ....
تركي : وليش ما اسمعه منج ... ميار ..... اوكي اسمعيني يمكن بعد كلامي تقرري عدل ...
رفعت راسها وطالعته وابتسم تركي لها فنزلت راسها منحرجه ....
تركي واهو ياخذ نفس : هاااه .... اوكي ميار فكري معاي لو رفضتي زواجج مني تتوقعي مهران وخالتي بيكونو مرتاحين ومتطمنين عليج ... اكيد لا لان بيكون بالهم مشغول عليج ممكن يعرف اخوج ماهر وايي ويسحبج معاه وخالد ما بيقدر يمنعه لانه ولي امرج صح ....
ميار بصدمه : لا ... هالشي ما فكرة فيه ابد .... كلامك صح ... لكن ...
تركي واهو فرحان من داخله لكن ما بين : لكن شنو ....
ميار : مممن يطعن بهالزواج ....
تركي متعجب : ليش يطعن .... زواج بولي امرج وموافقتج وكل شي بيكون رسمي يعني مو زواج عرفي لاسمح الله
ميار : لانه صوري ....
تركي : وشلون بيعرف يعني .... ميار انا وانتي ومهران وخالتي بس الي نعرف هالشي الباقي لا قبالهم كامل .... حتى الشهود ما بيعرفو ومستحيل احد يعرف فهمتي هالشي بينا .... ميار شقلتي الحين ... انا او مع خالد ...
ميار واهي تلف تطالع وترجع تلف تطالع شباكها : مهران يخبرك ....
تركي واهو بعتدل ويشغل السياره : هههههههههه خجلانه ... اوكي عرفت ردج .... احممم ... مبروك مقدما ....
ميار واهي تطالع برى من شباكها : لا تنسى انه صوري ماله داعي تبارك ....
تركي : يصير خير ميار .... نملج وبعدها نتفاهم ....
ميار واهي تلف تطالع بصدمه : شنو قصدك بتخل بهالشي ...
تركي : لا لكن هذا بكتبت الله يعني ما تعرفي نتفق ونكمل مع بعض .... احمم ... مهران قال ان ماهر كان يبي الوصايه عليج عشان ورثج ....
ميار : اي وعشان يزوجني هم غصب ....
تركي : لكن بزواجنا ما يقدر يسوي شي لانج تحت مسؤليتي .... مهران بيترك ادارة الشركه لي لمى يسافر واتراسل معاه ... تبين تعرفي كل شي اول باول ....
ميار : لا .... دام مهران واثق فيك وسلمك الشركه مالي كلام بعده لو غيرك بقول اي لكن انت لا ....
تركي واهو يركن قبال البنايه : اشكر ثقتج فيني ..... يله ننزل عشان المسى الملجه .....
لفت عليه ميار بسرعه مصدومه فضحك تركي وقرب لها لمى نزلت ....
تركي : اعتبر بكلامنا قبلتي ... ميار ما تثقي فيني ....
ميار : تركي انت تبي هالشي عشان تساعدني او براسك شي .... انا مو للتسليه حطها ببالك ....
تركي وبجديه : قدرج عالي ميار .... مستحيل انضر لج للتسليه او رغبه ... كلمتي وحده زواجنا صوري الا اذا تغيرت امور مو بيدنا اوكي .....
هزت ميار راسها ودخلت للبنايه وتركي يمشي جنبها لحد ما وصلت لشقتهم فودعها ودخل شقته بعد ما تاكد انها دخلت شقتها فتنهد اول ما قعد على الكنبه ورن تلفونه ولقاها اروى فابتسم واهو يقول لنفسه كانها حاسه انه بيتزوج عليها لان اليوم كثرة اتصالاتهافرد عليها وبباله يجس النبض اذا فعلا حاسه بشي ....
تركي : هلا اروى .....
اروى : هلا حبيبي ... خلصت جامعتك صح ....
تركي : اي توني داخل الشقه ... في شي حبيبتي اليوم اتصاللتج وايد ....
اروى : لا حبيبي لكن اعرف بعد مده بتنشغل بالمذاكره وما بترد علي ابد قلت اشبع من صوتك .... حبيبي ...
تركي واهو يقلع قميصه : هلا ....
اروى : ما تلاحظ انك ما تكلمني فيديو مثل قبل وهم انا الي دايما اتصل اتصالاتك قليله لي .... قول لي .. صرت ما تحبني ....
تركي واهو يطلع له ملابس : اروى انتي شنو تقولي من تصرفاتي شنو تدل ....
اروى : لو اني عارفه ما سالتك ....
تركي : يعني ما تعرفي تفكيري وطبعي المفروض انج اكثر وحده تفهمني ....
اروى : شنو قصدك اني ما افهمك يعني ...
تركي : كلامج وسؤالج يدل على هالشي .... وكانج مو مسويه شي يعني ومنها تعرفي ان الي بداخلي تغير بسببه ...
اروى : يعني ماعدت تحبني مثل قبل ....
تركي : لا طبعا الحب ما ينزل الا بشي كبير لكن انا عرفة قدري عندج من تصرفج ومنها ماشي عليه ... اروى انا احبج لكن الي سويتيه خليتي اعرف لاي درجه هذا الحب يستحق ... شوفي انا الحين ما بقدر اطول واناقش اتركي هالشي للزمن يغيره واضن اكبر مثال لج تصرف ابوج هل خلاني اعتذاره ادخل بيته مره ثانيه ... فكري بينج وبين نفسج وبتفهمي معنى كلامي ....
اروى : افهم انك مابتسامحني وحبي يكبر ... يعني حبك لي ما يكبر لي ....
تركي : اعتقد طبعي معروف واذا ما فهمتي عندج امي او ملاك اقرب لج اساليها وتوضح لج اكثر ... اروى مضطر اقفل عندي موعد ومابي اتاخر ....
اروى : موعد شنو .... انت شغلك مو الحين وين بتروح ....
تركي : ممنوع اطلع مع احد يعني ... عازم صاحبي فهد نتغدى مع بعض فيها شي ....
اروى : لا عوافي .... تركي بنتظر انت تكلمني ما بتصل انا ....
تركي : معلي اروى اليوم مشغول وايد وعندي شغل مهم مع صاحب الشركه .... اكلمج بكره اوكي ....
اروى : اوكي ... تركي متى تبدى امتحاناتك .....
تركي : اروى انا امتحن وللحين محاضرات لباقي المواد ... هذا دليل انج عارفه كل شي ومنتبهى معاي ....
اروى : اسفه بس ما انتبهت ضنيت مثل السنه الي فاتت ... اوكي عيل قبل تنام كلمني عشان اتطمن عليك وما اشغلك عن دراستك ... اضن بعد اسبوع تخلص صح ...
تركي : اي بعد اسبوع ... يله مابي اتاخر على الريال ... باي ....

مهضومه 30-11-20 12:19 AM

كنت مقرره اوقف الروايه لكن فكرة مع نفسي وقررت اكملها بدون انتظار لاي تعليق بس لاني اتضايق من الروايات الغير مكتمله وما ابي اكون مثل الي يوقف التكمله لروايته ويكون في قراء ينتظرو التكمله ....

انا عارفه في قراء ما يحبو يعلقو ويحبو يقرو وبس لهالشي بكمل الروايه وبعدها اوقف تنزيل اي روايه ثانيه واذا قررت انزل روايه بنزلها مره وحده افضل من اجزاء ....

اتمنى ما اكون ازعجت احد بكلامي ومحبتي للجميع

مهضومه 01-12-20 05:41 AM

البارت العاشر


سكر تركي ودخل الحمام ياخذ شور بعد ما ارسل لفهد عن مكان لقائهم وضل يفكر باروى وتغيرها يحس فيها شي وصحى من تفكيره على هزة فهد له لانه كان ينتظره بالمطعم وفهد تاخر عليه فطالعه واهو يقعد قباله ...

تركي : تاخرت ليش .....

فهد : ابد كان في حادث بالطريج واخرني ... بشنو كنت سرحان ....

تركي واهو يلعب بالكوب قباله : باروى ...

فهد : عسى ما شر ... صاير شي ....

تركي واهو يسند ظهره : لا بس احسها متغيره وفيها شي ... في شي يصير هناك وما اعرفه .... لكن مردي اعرف ... المهم انا ابيك بموضوع ثاني الليله ... فاضي ...

فهد واهو ياشر للجرسون : افضى لك لو مو فاضي ... شنو في ....
تركي : اطلب اول وبعدين اقول لك ....

طلبو ثنينهم وبعد ما راح الجرسون لف فهد على تركي ينتظره يتكلم ...

تركي : الليله بملج على ميار ....

فهد بصدمه كبيره : شنو .... تركي تمزح لو شنو ...

تركي : لا ما امزح ابدا ... بملج الليله عليها ...

فهد : افهم اول ... تركي خبرني شلون ... ميار موافقه واهلك يعرفو واروى ....

تركي : اولا السبب الرئيسي لزواجي منها اني احبها فعلا ولا اقدر اتخيل تكون لغيري .... اسمع امس كلمت خالتي ام مهران وطلبت منها ميار لمى اقنعتها تسافر لعلاجه بتايلند ... المهم اولا رفضت لاني متزوج ومستحيل تقبل لبنتها بواحد متزوج لكن اقنعتها بحبي لميار واني بخبر اهلي واروى لكن ميار مستحيل تقبل وهالشي اعرفه طبعا لنفس الاسباب ومهران قال لي لو اني مو متزوج ما عارض ولان ما يبي اخته تبني سعادتها على تعاست غيرها ومستحيل يقبلها لها واهي صغيره لكن حلفت له اني ما اتحمل اعيش بدونها فخلوني قدام الامر الواقع وقالو لي مستحيل ميار تقبل لو شنو يكون ووقتها ياتي فكره اني اتزوجها بحجة اني احل لها بغيابهم واهي ووليد ما ينفع يبقو بروحهم بالشقه ومهران مع امه وممكن يغيبو مده طويله ومحد حولهم ولانها مستحيل تعيش ببيت ولد عمها بتقبل فخيروها واهي اول ما قلت امس على العشى اقتراح اني املج عليها رفضت لكن بعد ما طلعت مهران كلمها ووضح لها انه زواج صوري ولو رفضت زواجها مني بتعيش ببيت ولد عمها غصب و اليوم سالتها فرفضت تعطيني الرد لكن لمى رجعت معاها استغليت الفرصه ووضحت لها لو رفضتني بيي اخوها ماهر وياخذها واهو ولي امرها واهي تذكرت انه بيجبرها على ولد عمها فجذيه قبلت .....

فهد : تركي تستغل وضعها ....

تركي : فهد افهمني انا ما استغل الوضع امها واخوها يعرفو واهي اكدت علي ان الزواج صوري وانا نبهتها ان محد لزم يعرف او اخوها بيطعن فيه ويطلقها مني غصب ... فهد انا ابيك تشهد على زواجي منها الليله ومع الوقت بخليها تتعلق فيني لاني ما اتحمل تكون لغيري ....

فهد : واهلك وزوجتك شنو موقعهم وشلون بتخبرهم ....

تركي : بعد ما املج بخبر ابوي وطلال بس ولمى ارجع باخذها معاي وهناك الكل بيعرف وقبل ارجع ابوي يخبرهم وجذيه الكل بيعرف واروى مخيره بين تعيش معاي بزوجه ثانيه او بكيفها ما بجبرها ابد ....

فهد : بهذي السهوله تركي وين حبك لها ...

تركي : موجود لكن تبين لي حجمه ... ميار تاخذ اكبر بوايد من اروى ... تذكر لمى كلمتني عن حب الطفوله وحب النضج وقتها قلت كلام عابر لكن لمى لاحظة شلون اتلهف لميار واتعب اذا ما اشوفها او اكلمها عرفت لاي درجه حبي لها ... بتقول فتره وتعدي ... لا تذكر لمى طلعت مع الشباب الجبل وغبت عنها يومين حست روحي بتطلع مني وكاني ميت ... حتى اسال الشباب ... ما تذكر كلامهم ...

فهد : بلا اذكر ... بس هالشي ما صار لك لمى سافرة عن اروى اول ما ييت هني ...

تركي : ابدا ... كنت احس بشوق لها وللحظاتنا لكن مو مثل النار الي تشب فيني لميار ... ميار احسها روحي صج ومن غيرها اموت ....

فهد : اخاف تكون نزوه وبعدها تصحى منها ... تركي فكر عدل بالسالفه ...

تركي : فكرة لا مره ولا ثنين وايد فكرة..... تعرف انا شايل هم المدة الي بتكون فيها بالشاليهات مع صديقتها وانا امتحن .... افكر امنعها وتنتظرني واروح معاها ....

فهد : ههههههه لهالدرجه تركي ... لا انت حالتك صعبه ... زين واروى شنو تحس جهتها الحين ...

تركي واهو ياكل : تصدق احس عادي مجرد واجب وبس ... احس حبي لها يقل بالتدريج من موقفها معاي ومع الوقت احس صار بينا فجوه وهم حاس وراها شي مخليها تتكلم معاي بطريقه غير طبعها يعني حب تملك وبس ....

فهد : اسال طلال يمكن يعرف اذا في شي صاير حولها .... الا شخبار بيتك الي شريته ....

تركي : تاجر وبمبلغ حلو ولحد ما اخلص بيتجمع معاي مبلغ حلو وطلال بيطلعهم قبل رجعتي بشهر عشان يتجهز لي وميار ....

فهد : يعني طلال يعرفى....

تركي : هههههه فهد شفيك قلت لك بخبره اهو وابوي لمى املج ...

فهد : اتمنى ما تندم بعدين .... تركي ميار تستاهل كل خير فحاسب لها ولا تعاملها مثل اروى .... في فرق بينهم ووايد ...

تركي : بدون ما تقول اصلا ما اتخيل نفسي اقدر اقسى على ميار ابدا في فرق برغم ان ميار اصغر من اروى لكنها اعقل واقرب لي ... اروى دلوعه وتبي دايما الي يهتم فيها ويدللها وميار انسانه تتحمل المسؤليها واخر همها الدلال ... برغم انها اخر العنقود لكنها مو دلوعه ....

فهد : التربيه لها دور كبير .... زين الساعه كم الملجه ....

تركي واهو يطالع ساعته : بعد اربع ساعات من الحين .... بكره المسى مهران وخالتي بيسافرو تايلند وانا اكون مع ميار .... احممم تعرف مرتاح لان وليد بكره بيروح عند خالد ...

فهد واهو يغمز له : عشان تستفرد بميار هااااه ... ملعون ....

ضحك تركي : ههههههههه لا يا حسره تبيها تخاف وتهج ... يكفيني اكون معاها بروحنا بمكان ومحد يقطع بينا اي شي ... قلت لك بالتدريج بعلقها فيني ....

فهد : الله يوفقك معاها ... انت وميار تستاهلو كل خير .....

تركي : تسلم حبيبي ....

فهد : الا للحين اروى ما تدري بالبيت الي شريته .....

تركي : لا ولا بتعرف حتى عادل قال الافضل ما عرف لان بتطلع فيه الف عيب ...

فهد : انت عجبك البيت بس بالصور ....

تركي : اي عجبني وهم طلال وراني اياه فيديو كول ووايد حلو .... اذا على اروى تبي فلا كبيره كبر فلة ابوها وانا ما اقدر ....

فهد : وميار تضن يعجبها .... خبري اهم ساكنين هناك اساسا بقصر مو فيلا هم ....

تركي : عيل ما عرفة لا ميار ولا اخوها وامها .... هذي الامور ما تهمهم وانا قلت لمهران وخالتي عن البيت لمى قبلو تعرف شقالو ....

فهد : شنو قالو ...

تركي : قالو مو مهم حتى لو بسكنها بكوخ او غرفة ببيت اهلي المهم اسعدها معاي وما اظلمها .... شفت الفرق ....

فهد : ناس شبعانه وما تغرها المظاهر .... الله يسعدك معاها ويهدي اروى ... مع اني اضن لو تعرف بتطلب طلاقها ... مو خايف زواجك هذا يفرق امك وخالتك ....

تركي : اذا صار وقتها بعرف ان خالتي مثل زوجها ... خالتي مرتبطه بامي وايد وما يخرب بينهم شي وطبعا انا بوضح لها ... ثم تعرف انها تلوم اروى دايما على تصرفاتها معاي ... اروى بنفسها تقول .... وخالتي بتعجبها ميار وايد ... صدقني ....

فهد : اتمنى ما تنصدم بعدين تركي حط كل الاحتمالات ببالك وحتى اهلك لزم تخلي ببالك ردات الفعل ....

تركي : يصير خير ... انا الي يهمني الحين ميار وشلون بخليها تتقبل حياتها معاي ....

فهد : يبيلها طولة بال ولا تهور معاها عشان تقبل فيك وتقتنع انك تبيها لنفسها وحبا فيها ..... وانا بالخدمه باي شي تحتاجه ....

تركي : هذا العشم فيك ... تعرف ركان لمى خبرته قال لي اني جذيه بنتحر ....

فهد : ههههههه عاد ركان الا زواج الثنتين .... ابوه عقده بعيشته بتعدد الزوجات ... كل يوم والثاني يايب لهم زوجه يديده ولا اخر وحده يقول اصغر منه وتحرش فيه ....

تركي : هههههه .... خبرني تعرف انها تنتظر بس ابوه يطلع وتنط له بالغرفه وتلبس ملابس مغريه ... المسكين صار ينام ببيت خالته اكثر من بيتهم ...

فهد : الله يعينه ... لو طايع ومتزوج كان ردعها عدل ...

تركي : الريال تعقد من الزواج تبيه يتزوج .... خلها على الله متى تروح هالعقده منه ووقتها يتزوج ....

ضحك فهد مع تركي وظلو يسولفو بسوالف متفرقى لحد ما خلصو وطلعو و توجه كل واحد لطريقه تركي لشغله وفهد لبيته وبعدها يلتقو عشان الملجه .....


مهران واهو يمسك يدينها : مقتنعه خلاص ... ما بتغيري رايج ... الشيخ برى وينتظرو ردج ...

ميار : اي خلاص ... هذا قراري ....

مهران واهو يوقف ويبوس راسها : على بركة الله ... يله بخبر الشيخ والبسي عشان يسالج وتردي عليه ....

طلع مهران وضمت ام مهران ميار وكانت ترجف ولحظات ورجع مهران وطلب منها توقف ورى الباب ونفذت وسالها الشيخ اذا تقبل بتركي او لا وردت بصوت يرجف ورجع سالها اذا مجبوره فنفت هالشي واكدت انها قابله بارادتها ومحد غصبها بشي ووقعت بعدها وتمت الملجه وصارت ميار زوجه لتركي ....

فهد واهو يضم تركي ويبارك له : مبروك ... منك المال ومنها العيال ...

تركي والدنيا مو واسعته: يبارك فيك الفال لك ...

فهد : اي عشان موتي وموت الي اتزوجها ... ينيت انت مع هالدعوه ... انا مافيني قوتك ....

ضحكو كلهم عليه وقال مهران واهو يحط يده على جتف فهد : ليش الي عندك تاكل ....

فهد بمزح : لا تنهش وتبلع ... هذي ضبعه محد يقدر عليها لو امزح بهالشي طينت عيشتي ....

مهران واهو يطالع بتركي : تركي مابي اندم اني طعتك ... ميار حطها بعيونك هذي اغلا من ولدي حتى .....

تركي : لا تخاف مهران .... ميار بعيوني وقلبي .... اختك روحي شفت احد يضر روحه ... انت بس ادعى لي معاها تتقبل ....

مهران : الله كريم ويعطيك على قد نيتك .... يله العشى جاهز تفضلو ...

فهد : لا انا استاذن بالعافيه عليكم ...

مهران واهو يدفه قدامه : يا اخي محد يطلع من بيتنا الا شبعان ... امش ...

فهد : ههههه والله بتذبحني الي عندي ...

مهران : كلمها وخبرها ... يله اتصل ...

ضحك تركي على فهد واتصل فهد لزوجته وبعد محايل وكلام تركي معاها تاكدت انه فعلا مع تركي ومعزوم وقبلت يبقى وطبعا مستحيل تعرف سبب هالعزومه لانها لو عرفة بتخبر اروى لانها تعرفها وبينهم اتصالات .....

تركي بهمس لمهران بعد العشى : مهران ابي اشوف زوجتي ....

مهران واهو يضحك : هههههههه كانك اول مره بتشوفها يعني ... من كم ساعه معاك ...

فهد : اي ما يشبع صاحبي طماع ....

تركي : بس انت وياه قبل ما تحل لي الحين زوجتي ابي اقعد معاها براحتي ....

فهد واهو يغمز لمهران : اي مهران انصحك خش اختك تراه بيتهور الليلة وبعد تسع شهور بي بيبي يديد ههههههههه .......

تركي واهو يرمي علبة متديل على فهد : جب زين لا تحرضه علي الحين يصدقك ....

ضحك مهران مع فهد على تركي وبعدها مهران قال : ههههههه اما فهد انت تحفه صج .... اوكي تركي بخبرها تييك قوم الصالون اناديها تييك ....

قام مهران وتوجه لغرفة ميار وكانت معاها امها ووليد نايم وراسه بحضن ميار ....

ام مهران لمى دخل مهران : هااا يمه تعشو الشباب ....

مهران واهو يقعد جنب ميار ويلعب بشعر وليد : اي يمه يعطيكم العافيه واهم يشربو قهوتهم ويحلو بحلى العروس ....

ام مهران واهي تضحك : هههه عليهم بالعافيه ... انترك اختك لا تحارشها ....

مهران واهو يطالع ميار الي منزله راسها وتمسح على شعر وليد : ليش يمه غلط بشي ... ميار عروس لو لا ...

ام مهران واهي تطالع عيالها : الا عروس وزينتهم بعد ... وراك شي صح ...

مهران واهو يرفع راس ميار من ذقنها : اي ... ميار حبيبتي تركي يبي يشوفج ....

ميار بصدمه : لا ليش ...

مهران : ههههه شفيج انفجعتي ... اكيد يبي يبارك لج ويكلمج في شي مهم ...

ميار : لا شنو شي مهم ماله داعي ولو في شي ياجله لبكره ....

ام مهران : ليش يمه عيب الحين اهو زوجج ... قومي غيري وروحي شوفيه شيبي .....

ميار : ماما ماله داعي زواجنا واضح ....... شيبي ...

مهران واهو يوقف : ميار بغض النضر عن معنى زواجكم اهو زوجج شرعا ويحق له يكلمج اي وقت ويشوفج ... قومي وبلا دلع الحين اهو بالصالون مابي اترك صاحبه مده بروحه قومي ...

طلع مهران وطالعت ميار امها : ماما مابي ...

ام مهران : لا يمه كلام اخوج عدل قومي عيب عليج ... يله قومي شوفيه شيبي ....

تنهدت ميار ورفعت راس وليد وحطت له وساده تحت راسه وقامت غيرت ملابسها ولبست حجابها وقبل تلفه وقفها كلام امها ...

ام مهران : يمه ليش الحجاب وملابسج الساتره الحين اهو زوجج ... شيلي الجاكيت والحجاب وروحي له ...

ميار : لا ماما مستحيل ....
0
طلعت ميار قبل تصر عليها امها واهي تلف حجابها وتوجهت للصالون وكان تركي يلعب بتلفونه ولمى حس فيها رفع راسه وتنهد لانه توقع يشوفها بدون حجاب لكن عرف ان طريقه طويل معاها عشان تفهمه وتعود عليه فوقف ومد يده يصافحها فلقاها تطالع يده ومتردده ...

تركي واهو للحين ماد يده : حلال ميار انا زوجج ... ببقى وايد انتظر ...

مدت ميار يدها واهي متردده ولمى لامست يدها يده انسحبت وصارت كلها بين يديه فما وعت لحركته وكان تركي لاف يده حول خصرها ومقربها له وماسك يدها بيده ....

تركي بهمس واهو يشوفها ترجف : شفيج ... هذى عشان مره ثانيه ما تترددي ... مبروك ...

ميار واهي تحاول ترجع على ورى : يبارك فيك ... تركي ... اتركني ...

تركي : اول مالي مبروك انا هم ...

ميار واهي تنفض وشوي وتبجي : مبروك ... اتركني ...دخيلك ...

تركها تركي واهو يبتسم على رجفتها وخوفها لكن مازال ماسك يدها فسحبها معاه وقعد وقعدها جنبه واهو ماسك يدها ......

تركي : ميار ...

ميار واهي تطالعه : هلا ...

تركي : انا الحين زوجج فماله داعي الخجل والخوف مني ... ابسطها قعدتنا هذي .... وهم حجابج ...

ميار : شفيه حجابي ....

تركي : ماله داعي ... عمرج سمعتي او شفتي زوجه تغطى عن زوجها ... شيليه ....

ميار واهي منزله راسها : معلي ... اعذرني بس اتعود اول ....

تركي : اوكي باسكت الحين لكن بكره لا ... بكره ما وراج جامعه صح ...

ميار واهي ترفع راسها : لا ... فرصه يات من الله عشان اكون مع ماما ومهران قبل سفرهم .... انت عندك محاضرات او امتحان ....

تركي واهو مبتسم : اي عندي محاضره وحده ... اوكي ميار ... بعد اخر امتحان لج بنتكلم بامور مهمه وايد ... ابيج تركزي بامتحاناتج اليايه ولا تفكري بشي ثاني ....

ميار : بشنو تقصد ... كل شي واضح ...

تركي واهو يقرص انفها : لا في امور بكلمج فيها بعدين ... الي تكلمي عنه منتهين منه ... اوكي قولي لي متى توصل صديقتج ...

ميار : تقريبا بعد خمس ايام من بكره ...

تركي : وليد بكره بيروح بيت خالد قبل سفر مهران صح ...

ميار واهي ترجف : اي ... لشنو ترمي ...


تركي : ههههههه ولا شي بس اتاكد منج واشوف ... ميار تبين تروحي معاه هناك ...

ميار : لا طبعا مابي ...

تركي : عيل بكره نومي هني صح ...

ميار بعد ما بلعت ريجها : هاااه ... اي ... بجهز لك غرفة مهران ...

تركي واهو يقرب لها ويهمس : وليش مو معاج بغرفتج ...

طالعته ميار بصدمه واهي مفتحه عينها على كبرها من الصدمه فضحك تركي على شكلها من صدمتها ...

تركي واهو يضحك : هههههههههه لا تطالعي جذيه ... امزح ... اوكي ... تامريني بشي ...

ميار واهي تنزل راسها : لا شكرا ... سلامتك ...

تركي : الله يسلمج ... اوكي مافي شي قبل امشي ...

ميار متحيره : شي ... شي مثل شنو ...

تركي واهو ياشر على خده : بوسه وداع ...

سكتت ميار وكانت ترجف وخايفه وتركي للحين ماسك يدها فقرب وباس جبينها ورفع راسها طالعته وكان قريب منها وايد فتشابكة نضراتهم لبعض وتركي ما تحمل لمعت عينها فقرب اكثر وباس شفاتها وماكان ماسك الا يدها وما حس الا بميار تطيح على الكنبه لورى فبسرعه لف يده حول خصرها ورفعها له وكانت ميار شبه مغمى عليها فضرب على خدها على خفيف واهو متروع عليها ...

تركي واهو يضرب على خدها : ميار ... ميار اصحي شفيج ... ميار تسمعيني فتحي عينج ....

فتحت ميار عينها ببطئ ويات عينها على تركي فارتعشت وعدلها تركي وسند ظهرها للكنبه ...

تركي بخوف : شفيج دختي مره وحده .... مو ماكله ...

ميار بخجل وويها صار تحمر ومنزله راسها : بلا ماكله ...

تركي واهو يبتسم لانه فهم السبب ولمس خدها : اي ... امم لانها اول مره ... بتعودي ...

ميار واهي للحين منزله راسها : لا بليز لا تكررها ...

تركي : ميار .... شوفي ما بطول بالكلام الحين بهالشي لحقين وبتركج الحين تريحي ... عارف انتي مرتبكه الحين ومتوتره ... لحقين للكلام ... اخليج ... تصبحي على خير ....

وقف تركي بعد ما باس راسها وطلع راجع لمهران وفهد بالغرفه المخصصه للتلفزيون وظل معاهم يسولفو وبعدها كل واحد راح لشقته اما ميار فبعد ما تركها تركي ظلت مده تسترجع الي صار لها مع تركي وحست وكان جسمها حار من خجلها وصدمتها للي صار ولمست شفاتها تتذكر الي صار واهي للحين ترجف .....

ميار بهمس ويدها على شفاتها : احساس غريب .... ليش احس جسمي ساخن جذيه وبنفس الوقت قلبي يرقص ... ههه مينونه شنو قلبي يرقص .... اااخ شنو ناوي عليه يا تركي ...

قامت ميار ولمى رفعت راسها لقت امها واقفه وتطالعها ومبتسمه ففتحت لها ذراعاتها تطلبها تضمها فركضت ميار لامها وارتمت بحضنها ....

ام مهران واهي تمسح على ظهر وراس ميار : شي يديد عليج ... شنو تحسي الحين ....

ميار واهي بحضن امها : مو عارفه ماما ... احس بلخبطه ...

ام مهران : براحه او ضيق ...

ميار : لا ماما مو ضايقه ... لكن متحيره بالي احس فيه ... ماما طبيعي الي احسه او انا مو طبيعيه ....

ام مهران واهي تبعد ميار وتحط يدها مكان قلب ميار : هذا شنو يقول لج ...

ميار واهي تبتسم : ماما من لحظه كنت اقول انه يرقص .... احساس غريب علي ومو فاهمه معناه ...

ام مهران واهي تبوس خد ميار : يعني تركي ملك قلبج ... عطيه وقته ولا تعجلي ... وانتي هم املكي قلبه ...

ميار : لا ماما شنو تقولي تركي تزوجني عشان وجودنا مع بعض بكون صحيح ... تركي يحب زوجته اروى ...

ام مهران واهي تمسح على ويه ميار : تذكري كلامي يمه .... تركي ممكن يكون لج بيوم فلا تصديه لو حاول يقرب ... يمه ما كنت اتمنى لج زواج بهذي الطريقه لكن تركي قد الثقه وانا ابي اسافر وانا مطمنه عليج .... تصبحي على خير ... مره ثانيه لا تطلعي له بحجابج وهذا اللبس ...

باستها على خدها ومشت عنها تاركتها تفكر بكلامها وبعد مده وعت ميار لنفسها انها واقفه صار لها مده طويله بعد ما تركتها امها فراحت لغرفتها وغيرت ملابسها وتمددت جنب وليد فباسته على راسه وغمضت عينها ترتجي النوم وتحاول تبعد كل الافكار من راسها .....

تركي لمى رجع شقته وغير وتمدد على سريره تذكر رجفت واغماء ميار فابتسم واهو يمسح على شفاته ....

تركي : انسانه نادر وجودها بهالزمن ... بوسه وخلتها تدوخ ويغمى عليها بشكل جزئي ....هههههه عيل لو بقاربها شنو بيصير فيها ... ااااخ بنت خجوله وتجذبني اكثر بهالشي ... احس نفسي انسان ثاني معاها .... اااخ اروى غير ... اي صح قالت ما بتتصل ... خلها وانا هم ما بتصل وتبقى ميار ببالي قبل انام ... بكره بتركها لا تستخف لي اذا صرنا بروحنا ...

ضحك تركي على حالته مع ميار ويحس كانه مراهق اول مره يجرب البوس فغمض عينه ينام بعد ما حط بباله افكار لزم ينفذها مع ميار عشان تتقبله وتكون زوجه له .....

مهضومه 07-12-20 01:22 AM

البارت احدى عشر

الصبح ميار كانت مع امها ووليد وتركي ما ياهم يفطر وخبرهم مهران انه بيفطر مع ربعه بالجامعه ووقت الغدى بيكون معاهم ... ظلت ميار مع امها ووليد لحد وقت الغدى وقبل يوصل تركي وكانت ميار ترتب السفره مسكتها امها ودخلتها الحمام تروش ونبهت عليها تلبس الي اهي بتختاره لها ولزم تعدل وتمكيج وتطلع بدون حجاب قبال تركي لكن ميار لمى تحممت انصدمت بلي مجهزته امها لانه كان قصير للركبه وبدون اكمام فغيرته وطلعت لها ملابس ثانيه استر والمكياج لغته وفضلت تطلع بدونه وشعرها رفعته ذيل حصان لانها كان لابسها بنطلون جنز وتيشيرت بثلاثة ارباع الكم واول ما طلعت وامها شافتها كانت بترجعها لكن الباب انطق يعني تركي وصل ففتح مهران الباب واهو يضحك ....

تركي واهو يدخل ومتعجب من ضحك مهران : شفيك تضحك ... فيني شي غلط ...

مهران واهو ياشر على امه : ههههههه لا بس الوالده ضحكتني مع ميار ... ادخل حياك منت غريب ...

تركي واهو يمشي لام مهران ومتعجب لحركتها كل شوي : شلونج خالتي ... خالتي شفيج تعبانه اشوفج كل شوي تلفي ...

ام مهران : لا يمه مافيني شي ... ميار بعدي ...

مهران واهو يسحب ميار من ورى امه : المساله ان ميار خجلانه تطلع قبالك جذيه ومنخشه ورى الماما ...

تصنم تركي من شكلها برغم بساطتها لكنها غير بشعرها فابتسم وقرب لها ومد يده ...

تركي : شلونج ميار ...

ميار واهي تطالع يده وتذكرت لمى سحبها البارحه : هاااه ... تمام ...

مهران : ههههه ميار شفيج تركي ماد يده سلمي ....

مدت ميار يدها واهي ترجف فضغط عليها تركي لمى صارت يدها بيده فرفعت راسها وطالعته والتقت عينهم ببعض لكن ميار نزلتها بسرعه وسحبت يدها واهي ترجف فضحك عليها مهران وابتسم تركي وام مهران ...

ام مهران : يله يمه الغدى لا يبرد ..... تعرف تركي اشتقنى لك على الفطور اليوم ...

تركي واهو يقعد قبال ميار : ما يوحشج غالي خالتي انا هم اشتقت لكم ... حتى الصبح لمى رحت بروحي الجامعه حسيته غير بدون ميار ...

مهران : ههههه عيني يا عيني ... يله الا يام اليايه كل يوم بويهك عوض الي فات ...

تركي واهو يبتسم ويطالع ميار المرتبكه : اكيد وبدون شك .... الا الساعه كم الطياره ...

مهران : على السبع ... بنسلم عليكم وخالد بياخذ معاه وليد ...

تركي : لا بنروح معاكم المطار وانا بوصل وليد لخالد وبعدها نيي هني ... تروحي وترجعي لنا بالسلامه خالتي ...

ام مهران : الله يسلمك يمه .... لولا غلاتك وثقتي فيك ما رحت هالسفره ... ما كنت ابي ابعد عن ميار وخصوصا اهي بمتحانات ....

ميار واهي تمسك يد امها : لا تخافي علي ماما المهم صحتج ... وانا برفع راسج بدراستي ....

ام مهران واهي تطبطب على يد ميار : هذا عشمي فيج يمه ... وغير دراستج ديري بالج على زوجج وولد اخوج ...

ميار واهي منزله راسها : حاضر ماما بعيوني ...

ام مهران : تسلم عيونج ... وانت تركي ميار ووليد امانه برقبتك ... ما اوصيك عليهم ...

تركي : بدون ما توصي خالتي لا تخافي عليهم بايدي امينه .... مهران متى بتروح الشركه ...

مهران : بعد الغدى ليش ...

تركي : بيي معاك عشان اوريك شغلات مهمه قبل سفرك ...

مهران : اوكي نروح مع بعض...

ام مهران : يمه لا تعبو روحكم وايد ولا تنسى مهران وراك سفر يعني تعب عليك ....

مهران : لا تخافي ماما علي ... لكن في امور لزم اضبطها قبل سفري ولا تركي ما قصر مجهز كل شي بالشغل من حملته المسؤليه واهو مو مقصر لكن في امور لزم نخلصها ....

ام مهران : الله يقويكم ....

طالع تركي ميار لقاها شارده وتلعب بالملعقه بصحنها فعرف انها مرتبكه ومتوتره وخجلانه لانها قاعه قباله بدون حجاب وتعجب من هالخجل الزايد لانه زوجها الحين لكن رجع وقال بنفسه اي زوجها لاكن صوري بنضرها واهي ما تعودت تكشف قبال احد مو محرم لها فما لازم الومها او اتضايق بالعكس لزم افرح لشدت حشمتها لانها متضايقه من كشفها ويها فشلون والحين بدون حجاب ما يلومها لانها متمسكه بحجابها وهالشي يريحه ويفرحه فيها ....

مهران واهو يحط يده على جتف تركي : وين رحت ....

تركي واهو يبتسم ويطالعه : مو بعيد هني .... احممم خلصت ...

مهران واهو يضحك لانه ملاحظه يطالع ميار : هههههههه اي ... وانت خلصت من المراقب ...

تركي : هههههه كيفي حلالي ... يله خل نمشي ....

ام مهران : وين يمه اول اشربو قهوتكم وحلو .... ميار اليوم مسويه حلى يديد ... يله يمه ميار جهزي القهوه والحلى .....

ميار واهي توقف : انشاء الله ماما الحين اجهزها ....

دخلت ميار المطبخ فطالع تركي امها : خالتي ... ميار لهالدرجه خجوله ... غيرها ما يصدق يلقى احد يحل له ويقلع حجابه واهي احسها متضايقه لهالشي ....

ام مهران : ههههه اي يمه ميار من صغرها واهي متحجبه من عرفة انها لازم تحجب ووجوبه واهي متمسكه فيه حتى تحجبت قبل وقتها و بجت وايد لمى قالت لها بنت ان ويها فتنه ولزم تغطيه ولمرضها منعها فلهذا يومك واهي ضايقه ....

تركي : عارف لهالشي لان جمالها مسبب لها مشاكل ... خالتي من متى معاها ربو من ولادتها او بسبب حادث ...

مهران : لا حادث من كانت صغيره .... بالبيت في مسبح كبير وما في حواجز عليه واهي توها تمشي فغفلو عنها وطاحت فيه وبلعت ماي وايد دخلت غيبوبه والحمد لله نجت لكن اثر فيها بالربو .... الحمد لله يات على جذيه وما تاثر مخها ....

تركي : الحمدلله .... عرضتوها على اطبه لمى كبرت ...

ام مهران : لها طبيب يتابع حالتها ومن سافرة السنه الماضيه واهي تتابع هني وعن بعد مع طبيبها ترسل له تقاريرها واهو يرد عليها ... الحمدلله حالتها الحين احسن بوايد ... لمى كانت صغيره كانت حتى واهي قاعده بينا تختنق بس اذا زعلت فكنا نحاسب لها باقل شي واقل خبر يزعلها يسبب لها الاختناق لكن الحين نادرا تصيبها حالة اختناق ... يصيبها كتمه وكثرت سعله وتاخذ بخاف اذا تعبت ....

تركي : يعني تمشي وبخاخها بشنطتها دايما ... ما تاخذ ادويه ...

مهران : لا نادر اذا تعبت وايد وصار لها سنين ما تعبت بقوة ... الحمدلله الضيق ما ياثر عليها بالاختناق ... ولا لو ياثر كانت دايما تختنق على الي تشوفه من الناس ...

تركي : لا تخاف عليها ميار قويه شخصيه وتغلب على كل شي ... بحرص على علاجها وتتخلص من هذا المرض انشاء الله لكن ابي تقارير عن حالتها ابي ارسلها لدكتور اعرفه متخصص بالربو ....

ام مهران : كل تقاريرها معاها تفاهم معاها بنفسك يمه ....

مهران : لا تضن انا قصرنا بهالشي ... انا ارسلت تقاريرها لدكتور الماني وقال تحتاج وقت ويتابعها وانشاء الله تتخلص منه لكن ...

تركي : لكن شنو ...

مهران : زين انك ذكرتني بهالشي لاني سكت عنه وقلت اذا قريب تزوج بتكلم وغفلت امس اخبرك فيه ... احممم الدكتور نبه بمسالة التقارب اذا تزوجة يعني يكون بهدوء ... فاهم علي صح ...

تركي واهو يبتسم : اوكي فهمت مع اني خبرتي قليله وبسيطه بهللشي لكن بحاسب لهذي الامور ....

ام مهران : انت يمه ما دخلت على اروى ...

تركي : لا خالتي ... يعني تقدري تقولي ملاطفات عميقه اما دخلت عليها بشكل كامل لا ما تممت زواجي منها للحين ...

مهران واهو يغمز لتركي : ههههه اي ماما هذا ما يتحمل جنس ناعم تبينه يصبر ما يريح نفسه لو شوي ...

ام مهران : ههههه لا من يتكلم ما كان وليد تكون بفترة الخطوبه ....

ضحك تركي على شكل مهران الي انحرج وضحك ورى تركي واهو يفرك شعره على حرجه ...

مهران : خلاص ماما ترى صار بالحلال مو حرام ..... احمد ربي ان الله وهبني وليد على الاقل شي من ريحتها ....

تركي واهو يحط يده على جتف مهران : ما حان الوقت الي لازم تزوج فيه ... وليد محتاج لام ... خالتي وميار مو مقصرين لكن ميار بيكون لها بيتها وصح لو وليد يعيش معانا هالشي مرحب فيه لكن تضن ما بيلومك اذا كبر ويقارن حياته بلي بعمره ...

ام مهران : كلامك يمه ما راح بعيد وليد ما يوقف ويطلب حياة مثل باقي الاطفال ... لكن لمن تكلم ...

ميار واهي تقدم لهم القهوه والحلى : لا تضغطو عليه بوليد ... لان اذا تزوج واهو براسه بس عشان وليد هالزواج محكوم عليه بالفشل ... لازم اهو يحس انه لقى الي تناسبه و يبي ياسس حياة يديده ....

تركي : كلامج صحيح لكن لازم يحط بباله وليد ووضعه ... وليد يكبر و محتاج لاخوه له ....

مهران : اخوه ... قويه تركي ... ما اتخيل نفسي مع مره غير ساره ... صعبه للحين انا مو متقبل موتها تبوني احط وحده مكانه ....

تركي : مكانه محد بياخذه ابد بقلبك لكن حياتك محتاجه لزوجه .... مهران في حولك بنات وايد ولا وحده حسيتها مناسبه لك تكون شريكه لحياتك .... اخاف الي ببالي اهو الي مانعك ....

مهران واهو يطالع تركي : وشنو الي ببالك ....

تركي : انك تحب بعد المرحومه وهاجس الفراق يتكرر بحياتك ... طالع خالتي صح ما تزوجة بعد عمي لكن لها اسباب قويه واهمها انتو .... لكن انت ريال وتحتاج لزوجه ... وهم بعدك بشبابك ....

مهران : انت لو مكاني بتزوج ....

تركي واهو يطالع ميار : وضعي يختلف عن وضعك فلا تخليني بمكانك....

ام مهران : كلام تركي صحيح ... فترة سفرنا يقدر يفكر فيها بكل شي واذا على الزوجه فقباله وايد وممكن يختار واهو يعرف انا مستحيل ارفض الا لو كانت اخلاقها فاسده ....

مهران : خلونا من هالكلام الحين ... يله تركي ما شبعت من الحلى لو لانه من يد زوجتك لزم تكمله ....

تركي : هههههه انت عارف اني احب الحلى الي تسويه ميار فلا تنغز الحين ... يله حاسدني على حلى ....

ام مهران : هههههه بكره يمه تشبع كل يوم حلى غير شكل وما نرجع الا صاير برميل ...

تركي : لا خالتي الي باكله مني بحرقه مني بالركض وبنتج معاي ....يله تامروني على شي قبل نروح ....

ام مهران : سلامتك يمه ....

تركي واهو يطالع ميار : وزوجتي الساكته ما تبي شي اييبه معاي ...

ميار واهي ترفع راسها وتطالعه وترجع تنزله : هااه ... لا ... سلامتك ....

تركي : هههههه اوكي لكن بييب معاي شي غير لج ... يله سلام ....

طلع تركي مع مهران للشركه وبقت ميار مع امها تقضي اخر ساعات معاها ورجع تركي ومهران قبل موعد السفر بساعتين ونجهزو كلهم وتوجهو للمطار وودعوهم وطبعا ما خلا من البجي والتوصيات ولمى تاكدو ان الطياره طارة اخذهم تركي لمطعم يتعشو وبعدها يوصل وليد لبيت خالد ....

تركي واهو يقرء المنيو : شنو اخترتو ....

وليد : انا ابي بيتزا جبنه ....

تركي : اي نوع فيهم في باربع اجبان وفي المارجريت ....

وليد : لا ما احب الريحان ابي اربع اجبان ...

تركي واهو يطالع ميار : وانتي ميور ....

ميار واهي تلفت : من ميور ....

تركي : ههههههه انتي من غيرج ... شنو بتاكلي ...

ميار : مو عارفه جد متحيره ... اصلا مالي نفس ....

تركي واهو يمسك يدها : بيوصلو بالسلامه وبيكلمونا ... لا تخافي ....

ميار واهي منحرجه وتسحب يدها بهدوء : انا مو عارفه شلون بقضي اجازتي مع مروه وماما بعلاج ....

تركي : بتكلميهم كل يوم وكل شوي يعني بتتطمني عليها لحظه بلحظه وصديقتج شنو ذنبها ووقت علاج خالتي بالاجازه عشان لا تحاتين وياثر على مستواج ... ذاكرتي لبكره ...

ميار : اي من زمان مخلصته وقبل انام بعيد عليه للتاكيد وبكره هم قبل الامتحان ....

تركي : اوكي الحين شنو تاكلي ... او اختار لج ...

ميار : اوكي انت اختار لاني جد مو عارفه ...

ابتسم لها تركي وردت له الابتسامه لكنها خفيفه وتركي عارف ان بالها مع امها وعلاجها لهالشي ما يلومها وطلب العشى و كان اكلها خفيف وايد وكل شوي تشرد وبعدها وصلو وليد ومن صعدت السياره وصارت بروحه مع تركي وبوقت مشى حست بخوف وبنفس الوقت بالامان ومتحيره مع نفسها بتقلب احساسها وظلت طول الطريج ساكته وتركي نفس الشي لانه فاهمها وعارف بخوفها ولمى وصلو نبهى لوصولهم ونزلو للبنايه ولمى وصلو لشقتها وقفها تركي قبل تفتح الباب ....

تركي : لحظه ميار اول بييب شنطتي وبعدها ندخل ...

ميار واهي متوتره : هاااه ... اوكي بنتظرك هني ...

ابتسم تركي وتوجه لباب شقته وفتحه ودخل ولحظات وطلع وقفل الباب وتوجه لها واشر لها تفتح وفتحت وبدها ترجف ودخلت وتركي وراها وسكر الباب واول ما تسكر لفت تطالع وكانها توها تستوعب انها بتكون معاه بروحهم وينام معاها بنفس الشقه فقرب لها تركي واهي ترجع لورى وسرع خطواته ومسك يدها قبل تهرب لان خوفها واضح فترك شنطته بالارض وسحبها ولف يده حول خصرها وهمس ....

تركي : وجودنا مع بعض بروحنا حلال .... حلال يا ميار انتي زوجتي ولا تخافي جذيه ....

ميار واهي ترجف وتحاول تبعده عنها : اوكي فاهمه لكن ابعد ... لا تنسى زواجنا صوري ....

تركي : اول اهدي ونتكلم وبعدها بتركج اذا هديتي طول ما انتي تنفري ببقى ماسكج ... اهدي ....

ارتخت ميار عشان يتركها وفعلا تركها تركي لكن مسك يدها ومشى معاها للكنبه وقعد وقعدها معاه ...

تركي واهو يترك يدها : شفتي لمى هديتي تركتج ... والحين انزعي حجابج محد غريب ....

ميار واهي منزله راسها : ما له داعي لمى ادخل غرفتي انزله ....

تركي واهو يفتح حجابها : ميار ما احب العناد ... ولا تنسي انا زوجج ... ما في شي بيصير بينا غصب لهالشي اطماني وارتاحي فلا تصعبي الامور بينا اوكي ....

هزت ميار راسها فرفع تركي راسها من ذقتها واهو يتاملها فمد يدها لربطه شعرها وسحبها وتناثر شعرها على جتفها وظهرها وهذي اول مره يشوف شعرها مفتوح وبطوله بخصرها ....

تركي : سبحان الله ... انتي ملاك فعلا .... ميار ماباخرج على مذاكرتج لكن لي رجاء قبل تروحي غرفتج ....

ميار واهي منحرجه وخجلانه : امر ...

تركي : خلج على طبيعتج ... يعني ابي اشوفج لمى نكون بروحنا بهذا الشكل وهم ما يمنع تحطي مكياج ... ممكن ....

ميار : لكن انا ما احب المكياج .... احسه يضر البشره ....

تركي واهو يمسح باصبعه على خدها : هههههه صح انتي بدون مكياج وويهج جذيه ... لكن مابي مكياج كامل يعني روج كحل هذي الامور البسيطه اوكي ....

هزت ميار راسها فقرب لها تركي وباس خدها وجبينها ....

تركي : وين بنام ....

ميار واهي تاشر على غرفة مهران وراسها للارض وويها احمر : هناك ..... غرفة مهران ....

تركي واهو يوقف ويسحبها من يدينها يوقفها : اوكي انا باخذ شور .... ممكن تجهزي لي كوفي ابي انا هم اذاكر ....

ميار : اوكي لكن بعد ما اخذ انا هم شور سريع لاني هم ابي كوفي عشان اذاكر ...

هز تركي راسه لها واهو مبتسم لانه حس انها ارتاحت ولو بشكل جزئي فاخذ شنطته ودخل غرفة مهران عشان ياخذ شور وميار توجهة لغرفتها ....

طلع تركي للصاله وبيده كتبه وما لقى ميار فضنها للحين بغرفتهأ وقعد على الكنبه يبدي مذاكره لانه ما يبي يدخل لها غرفتها وتخاف منه واهو يبيها تتعود عليه وتقبل فيه وما هي الا دقايق وشاف الكوب ينزل على الطاوله قباله ورفع راسه لقى ميار قباله وكانت لابسه بجامه عباره عن تيشيرت كم قصير وايد وبنتكور لتحت الركبه ومغير شكلها ومخليها اصغر من عمرها بوايد ورافعه شعرها ذيل حصان فابتسم ومسك يدها وباسها ....

تركي واهو يقعدها جنبه وملاحظ رجفتها : تسلم يدينج ... فكرتج للحين بالغرفه ...

ميار واهي منزله راسها : اسفه اذا تاخرت عليك بالكوفي ...

تركي واهو يرفع راسها عشان تطالعه : لا تعتذري ما تاخرتي وانتي قلتي بتاخذي شور قبل ... شكلج مثل البيبيهات ...

ميار واهي معصبه : نعم ... انا بيبي ....

تركي واهو يضحك وعاجبه عصبيتها : ههههههه اي بيبي شوفي شكلج ... في بنت بعمرج تلبس جذيه ...

ميار واهي مستغربه : ليش الي بعمري شنو تلبس بالبيت ...

تركي واهو يهمس باذنها : قميص نوم مغري ....

حمر وجها وسكتت فضحك تركي وباس خدها وحس لو طول معاها بيتهور فقرر يهديها ويطمنها ...

تركي : هههههههه امزح معاج ... هذا اذا تزوجنا بيكون ولا ملابسج بالعكس لسنج وطالع عليج شي بس حبيت امزح معاج ... اقول ميور ...

ميار واهي للحين خجلانه ومرتبكه : هلا ....

تركي : ما ودج تذاكري ...

ميار : بلا ... بروح الحين تبي شي قبل ادخل الغرفه ...

تركي : سلامت قلبج لكن ليش ما تذاكري هني معاي ... بشرح لج لو تبين ...
ميار : اخاف ازعجك لاني اذا اذاكر انشر كتبي واوراقي ... والشرح ماله داعي لاني اساس مخلصه لكن اعيد ...

تركي واهو يقرص انفها : اوكي يا الشاطره روحي وييبي كتبج وذاكري هني ابي حس معاي صح متعود على الهدوء لكن المكان متغير علي ....

هزت ميار راسها وقامت بسرعه ورجعت وبيدها كتبها وحطتها على الطاوله و بعدها توجهة للمطبخ وتعجب تركي ليش رايحه وطلعت وبيدها صينيه فيها الكوفي تبعها وصحن كوكيز فحطته قبال تركي وقعدت على الارض وفتحت كتابها على الطاوله ...

تركي واهو ياكل من الكوكيز : انتي جذيه تذاكري على الارض ....

ميار واهي تفتح كتابها وتكتب بالاوراق : اي ... مهران يقول اني حاله شاذه لكن انا جذيه احب اقعد بالارض اذا اذاكر او اكتب واجباتي لمى كنت بالمدرسه ....

تركي واهو ينزل على الارض ويصير قبالها : شوقتيني بجرب ... اممم لذيذ هذا الكوكيز ... انتي مسويته ...

ميار واهي تاخذ حبه وتاكل منها : اي واكل وذاكر وانت ساكت ابي اذاكر ....

ضحك تركي وظل يطالعها واهي تاركه الكوكيز بفمها وتكتب وتقلب بالصفحات بالكتاب فما تحمل ورفع نفسه وقرب لها وقضم الكوكيز الي بشفاتها الظاهر وانصدمت ميار ورجعت لورى ...

تركي : ههههههه شكلج مغري وانتي تاركتها جذيه حبيت اذوق الي بفمج ... لا تسوي حركات مغريه لا اتهور عليج ..... ذاكري ....
ظلت ميار متنحه تطالع تبي تستوعب الي سواه وترمش بعينها فهزها تركي من جتفها وطالعته ...
تركي : ميور ... اصحي وكملي مذاكرتج لا اخربها .... ركزي ابي درجات عاليه ... تمام ...
رمشت ميار وهزت راسها وعدلت قعدتها وسحبت كتابها الي طاح منها لمى فاجاها تركي وابتسم تركي على ربكتها وخوفها منه ولحظات ورن تلفونه وطالعه يشوف من ورفع راسه يشوف ميار لان اروى الي متصله ...
تركي واهو يرد : هلا اروى ...
اروى : هلا حبيبي شلونك ...
تركي واهو ياشر لميار تقعد لانها كانت تلم كتبها بتقوم : تمام انتي شلونج ... وشلون كل الي حولج ...
اروى : كلهم تمام ... حبيبي متى تيي ...
تركي : هههههههه شكلج نسيتي اني قلت ما بنزل الا لمى اخلص والي يبيني اييني او نسيتي السبب .....
اروى : لا ما نسيت لكن قلت يمكن غيرت رايك ... ما اشتقت لي حبيبي انا اشتقت لك ...
تركي : تشتاق لج العافيه ... اروى انا بهذي الفتره امتحانات وانا بهذي اللحظه اذاكر ...
اروى : وليش ما ذاكرت قبل ...
تركي : ناسيه اني اشتغل ...
اروى : مو قلت بيعطيك اجازه لمذاكرتك ...
تركي : انا رفضتها ... اروى ابي اسكر وراي امتحان بكره ممكن ....
اروى : اوكي ... باي وطمني عليك اذا قدرت تكلمني ...
تركي : على خير ... باي ...
سكر تركي وطالع ميار واهي تذاكر ولاحظ انها مرتبكه من حركتها بالقلم فسحبه من يدها وطالعته ....
تركي : اذا ياني اتصالا لا تقومي لاني لو مابيج تسمعي بقوم من نفسي ... تضايقتي ....
ميار : من شنو اتضايق ....
تركي : من اتصال اروى ....
ميار : لا ... انا توترت لان لو عرفة بيصير لك مشاكل معاها وانا مابي هالشي ...
تركي : وليش ما تبين ... غيرج بيفرح لو صار مشاكل ... اعني لو وحده غيرج بمكانج ....
ميار : وليش افرح على الاذيه لك انت تسوي لي جميل وانا افرح لمصيبتك ... بكون مو انا ... مو تربيتي ....
تركي واهو يتنهد ويمد لها القلم : ما بناقشج لان بعطلج عن المذاكره وانا هم ... الكلام بيتاجل بعد الامتحانات ... ذاكري .....
اخذت ميار القلم وشكرته وكملت مذاكرتها بصمت لانه ما تبي تعطل نفسها وتعطله ..... ومر عليهم الوقت وانتبهت ميار للساعه ...
ميار : تاخر الوقت ... بكره ما بنصحى بدري ...
تركي واهو يتمطى ويمدد رجليه تحت الطاوله : ااااااه .... اي انا تعبت ... خلصتي ...
ميار واهي تلم كتبها واوراقها : تقريبا باقي شي بسيط قبل الامتحان اذاكره وانت ...
تركي واهو يلم كتبه : لا خلصت .... ميار اضبط المنبه او انتي تقعديني ....
ميار واهي توقف وتضحك على شكل شعره المبهدل: هههههه بقعدك ... قوم نام ....
تركي واهو يوقف ويبتسم على ضحكتها : ليش تضحكي ....
ميار : شعرك تحفه ... طالع نفسك بالمنضره ....
ضحك تركي على شكله لمى لف لمنضرت الصاله فقرب لها وسحب ربطة شعرها ونكش شعرها ...
تركي : تعادلنه جذيه ... صح ...
ميار واهي تمشي لغرفتها : لا لانك سويت لي معروف بدل ما اتعب بفتحه تصبح على خير ...
ابتسم تركي وتماسك لا يلحقها ويتهور معاها ويخرب كل مخططاته فحمل كتبه وتوجه لغرفة مهران ورمى نفسه على السرير ونام بسرعه من تعبه ... اما ميار فكانت متوتر لوجود تركي معاها بنفس المكان فنطت من سريرها وقفلت الباب عشان تقدر تنام براحه بدون التوتر الي اهي فيه ....

مهضومه 12-12-20 02:36 PM

البارت الثاني عشر

ترددت تدخل الغرفه تصحيه لكن لزم تصحيه عشان يفطر ويروح الجامعه فشجعة نفسها وطقت الباب ونادته واهي تطق الباب وما سمعت صوت فتشجعت وفتحت الباب وطلت لقته للحين بسريره ونايم فقربت وهزته من جتفه واهي تناديه يصحى فما حست الا واهي مسحوبها ومرميه على صدره ولمى استوعبت طالعت ويهه لقته يضحك ...

تركي واهو يلف يدينه حول خصرها ويلف فيها ويصير فوقها:هههههههه قاعد يا جبانه ...

ميار واهي ترجف : تركي قوم من فوقي ...

تركي واهو ينزل راسها لويها ويهمس لها : اول صبحي على زوجج ...

ميار : صباح الخير ... قوم ...

تركي : جذيه تصبحي على زوجج ... . اعلمج ...

ميار : لا ... تركي قوم ...

تركي : مو قبل ما اعلمج شلون .....

ما ترك لها فرصه تتكلم فباس شفاتها وتعمق ببوسته لها وما بعد الا لمى حس ان انفاسها بتنقطع فرفع راسه وطالع ويها وكانت ميار تتنفس بصعوبها فقام من فوقها بسرعه لانه نسى مرضها ولفها على جنب ....

تركي واهو يمسح على ظهرها : اسف ... والله نسيت مرضج ... استرخي وحاولي تتنفسي بنتظام ....

ميار بصوت مقطع وتعبان : اااه ... عع... عطني ... عطني ... الب.. بخا.....

فهم تركي وتو بيقوم لغرفتها وقفته مسكتها ليده لان يده يم يدها ...

تركي : بييب لج البخاخ .....

ميار : بجيب ... جاكيتي ....

دخل تركي يدها بجيوبها ولقى البخاخ وحطه بفمها وبخ لها ولحظات وانتظم تنفسها فتنهد تركي ومسح على ويها وباس جبينها ...

تركي : جد اسف حبيبتي ... ما كان قصدي ... شتحسي فيه الحين ....

ميار : احسن ...

تركي : الحمد لله ....

ميار واهي تقعد وساعدها تركي : تاخرنا لزم نروح الجامعه .... الفطور جاهز ...

تركي واهو يضمها من ورى ويحط ذقنه على جتفها : لولا عندج وعندي امتحان كنت خليتج تقعدي ....

ميار واهي ترجف بين يديه : تركي ماله داعي ... ممكن نقوم دامك جاهز ...

تركي واهو يبوس رقبتها بسرعها ويقوم واهي بين يدينه : توصيله مجانيه للفطور وتكفير عن ذنبي لضيقة نفسج من اولها .....

سكتت ميار وطلع فيها تركي واهو ملاحظ رجفتها بين يديه فنزلها على الكرسي قبال طاولة الطعام وقعد جنبها ...

تركي : متى وقت امتحانج ....

ميار واهي تصب له الشاي : على العشره .... وانت ...

تركي واهو ياكل : مثلج ... يا محاسن الصدف ... اوكي ميار عادي تبقي هني بروحج لحد ما اخلص الشغل وارجع ...

ميار واهي تشرب الشاي : اي عادي مو مشكله ... مو اول مره ... اي مهران يسلم عليك وهم ماما ...

تركي : الله يسلمج ويسلمهم ... كلمني قبلج .... خبرج ان بكره بيبدو فحوصات وتحاليل خالتي ...

ميار : اي ... بكلم مها زوجة خالد اتطمن على وليد قبل نمشي .....

تركي : خايفه عليه ...

ميار : اكيد .... وهم خايفه يزعجهم ويتعبهم ...

تركي : وليد عاقل وخالد مبين يحبه وايد حتى انه بالشركه اصر على مهران يبقى معاهم بعد الاجازه بفترت علاج خالتي لكن مهران رفض لانج تبينه معاج ...

ميار : ما ابي شي يمسكو فيه ... مها طيبه وايد لكن اخاف من عمي وعياله يمسكو اي شي ويرجعو لطلبهم ....

تركي : لكنج الحين بذمتي يعني محد يقدر يتكلم بحرف .... عمج وعياله عرفو بزواجنا فماله داعي كل هالقلق ...

ميار : هالزواج مؤقت لحد ما يرجع مهران وبعدها ارجع لمواجهتي لهم وطلبهم الي ما بيملو منه ....

تركي : ميار ممكن تسكري على هالسيره ... يله انا بسبقج اجهز السياره الحقيني اذا خلصتي ...

ميار واهي توقف وتحمل الصحون : بلم السفره والحقك ...

هز تركي راسه وطلع ودقايق ولحقته ميار وتوجهو للجامعه وبالطريق كلمة ميار مها زوجة خالد تطمن على وليد وكلمته وبعدها سكرة منه لمى وصلو الجامعه نزلو وتركي لف ومسك يد ميار بتملك وميار طالعته لقته يطالعها ويبتسم ......

تركي واهو يمشي معاها لداخل : انتي زوجتي وحلال ولزم الكل يعرف هالشي .... عندج مانع ....

ميار : لكنه مؤقت الكل بيعرف اذا انفصلنا ....

تركي واهو يطالع قدام ويمشي : ما بناقش .... ميار على الاقل الي يضايقونج بكلامهم وتهديداتهم يبعدو لان صرتي متزوجه وجذيه يبعدو عنج ... صح ....

سكتت ميار واهي تفكر بكلامه ولمى وصلو لقسمها لف عليها تركي ونزل باس خدها ...

تركي : اذا خلصتي أمتحانج انتظريني بالكفيه الي يخلص يسبق اوكي ....

هزت ميار راسها وترك تركي يدها ومشى لقسمه واهو يلوح لها بيده وملاحظ نضرات الطلاب والطالبات له وميار واهو كان مبتسم لانه عارف ان بيسالو له او لميار وبينتشر الخبر لزواجهم وقابل شلته الي خبرهم فهد بزواج تركي وطبعا قبل يوصل استقبلوه بالهتافات وحركات الشباب واهو يضحك على هبلهم معاه لكن هالشي بيساعده بنشر الخبر.....

ميار دخلت القسم وقعدت بمكانه وكل الانضار عليها ويتهامسو فقربت لها بنت سبق وهددتها وكانت خليجية ....

البنت واهي واقفه قبال ميار : انتي تروحي وتيين مع تركي لكن ما مره لقيناه يتصرف معاج جذيه .... شنو قبلتي تعطيه نفسج ....

ميار واهي تطالع بكتابها : وليش لا دامني حلاله ....

البنت : حلاله ... شتقصدي ....

ميار واهي ترفع راسها وتطالع البنت : واضحه ... انا زوجته فطبيعي اتركه يسوي الي يبيه ... او تعتقدي بتركي يسوي الي يبيه بدون زواج ....

البنت بعصبيه لان ميار تلمح لها لانه كل فتره مع واحد وما تمنع اي لمس بينهم : شقصدج شتلمحي له انتي ... مصدقه نفسج يعني ... زين تزوجج ولا طحتي بجبد اهلج بدون زواج لان محد يطالعج ....

ميار : الحمد لله لاني ساتره نفسي فمو بحاجه لاحد يطالعني بنقص ... وكل من يطالعني اكون حلال عليه من محارمي ... ممكن تتركيني اذاكر قبل امتحاني مو فاضيه لسخافات .....

عصبت البنت ومشت بسرعه واهي تزفر بعصيه ونشرت خبر زواج ميار من تركي واهي مشتطه لانه حاولت بتركي واهو صدها بطريقه خلتها ما تفكر تقرب منه لكن تذكرة ان تركي قال لها لمى صدها انه متزوج يعني يمكن ميار تجذب او تزوجته كزوجة ثانيه وهالشي خلاها تفكر تنتقم من ميار وتركي بنفس الوقت وطبعا بمساعده من صاحبها الي متاكده انه يبي ميار باي طريقه لانه صرح بهالشي واهي هددت ميار لانها غارت منها وخصوصا لان تركي يكون حول ميار واهي تبي تركي .....


فهد واهو يقعد مع تركي في الكفيه: تعتقد محد ضايقها بعد ما تركتها ....

تركي واهو ياشر للجرسون : مو عارف اذا يات بسالها لكن اكيد بيسالو عن سبب تغير تعاملي معاها .... شنو تشرب .....

فهد : كبتشينو ....

تركي بعد ما راح الجرسون بعد ما اخذ الطلبات : تعرف احس معاها احساس ثاني ... وكاني اول مره اقرب لبنت ....

فهد : ههههههه ليش امس قاربتها ....

تركي : هههههههه مينون انت لا طبعا .... اعني لمى اضمها او ابوسها حتى لمى اقعد جنبها او بس مقابلها .... يا اخي صج احبها .....

فهد : واروى ما حسيت معاها بنفس الشي ....

تركي : تبي الحق ... لا مو مثل ميار احس قلبي طاير معاها اما اروى احس بسعاده لكن فترة مع الوقت ... حتى مكالماتي معاها صايره بارده ....

فهد واهو يشرب من كوبه : البعيد عن العين ....

تركي : لا مو بعيد عن قلبي لكن تاكدت ان حبي لها بس حب تعود وانا برمجت نفسي عليه ... تعرف لمى تركتها شهرين بدون ارد عليها او اعبرها ما حسيت بشوق كبير لها لكن كانت تكسر خاطري ... اما ميار لمى رحت معاكم الجبل من بعدت كم ساعه حسيت روحي بتطلع مني وابي ارجع وطول الرحله وانا كئيب وخصوصا اني حتى صوتها ما سمعته لكن اتطمن عليها من مهران .... تعرف لمى قلت لمهران وخالتي هالشي سكتو اول لكن بعدين الحمدلله رحموني وقبلو بزواجي منها ....

فهد : اكيد كان رفضهم لانك متزوج ….

تركي : اي ... لكن لانهم وثقو بكلامي اني صج احب ميار وخبرتهم بان حياتي مع اروى مو مستقره بسبب ابوها واروى بدت تتغير معاي من فتره وانتظر طلال يخبرني بشي واعرف سبب هالتغير ....

فهد : شنو تتوقع صار معاها ....

تركي : اتوقع ابوها لاعب بمخها بشي ....

فهد : تركي بجد تفكر تطلقها يعني ....

تركي : لا لكن اذا عرفة بزواجي من ميار وطلبت ما بتردد ابد القرار بيدها بيكون ....

فهد : خبرت ابوك وطلال ....

تركي : اي خبرتهم امس ....

فهد : وشنو ردت فعلهم ....

تركي : ابوي عصب اول لكن بعدين لمى خبرته بكل شي مع اروى وابوها وخبرته عن ميار واهلها تقبل ومدح بابو ميار الله يرحمه وامها هم .... لكن طلال تعجبت منه فرح وايد لي وقال دام قلبك مال لها يعني اروى خيالات ....

فهد : هههههههه احس ان طلال واقعي وايد .... الا متى بيتزوج ....

تركي : هههههه الخاين ما انتظر ارجع يقول لي لو بنتظرك بعنس ... ملجو وبنهاية السنه زواجه وبرجع عشان زواجه....

فهد : وبتاخذ معاك ميار ....

تركي : ببالي اي ومنها ينتشر خبر زواجي واعرف قرار اروى ...
فهد : قلبك وصل ....

لف تركي لباب الكفيه لانه كان معطيه ظهره وابتسم اول ما شاف ميار ووقف لها لمى قربت فمسك يدها وقربها له وباس خدها وطبعا ميار ساكته ووجها يعطي الوان من الخجل ...

فهد : هههههههه خف على البنت صارت اشارة مرور .... شلونج ميار ....

ميار بحرج وصوت واطي : الحمد لله ....

فهد : مبروك ما امداني ابارك لج ...

ميار : يبارك فيك ....

تركي : تشربي شي ...

ميار : لا ... شكرا ... اذا ممكن نمشي ...

تركي بخوف عليها : تعبانه ...

ميار واهي ماسكه غصتها وتتلفت : تقريبا ....

تركي واهو متخوف عليها : ميار شفيج احد سوى لج شي قولي ....

ميار هزة راسها بلا وغرورقت عينها ونزلت راسها فسحبها تركي وضمها له وسمع شهقتها يعني كانت ماسك بجيتها فقعدها واهو يمسح على ظهراها وتركها تبجي وفهد يطالع ومفجوع من حالتها وبعد فترة رفع تركي راسها من على صدره وقرب ويهه من ويها ....

تركي : قولي ليش تبجين ... احد قال لج شي او ضايقج ....... تكلمي لا اقلب الجامعه عاليها واطيها من .....

ميار واهي ترجف : انت السبب.....

تركي متعجب وفهد مثله : انا .... وضحي شنو صار ....

ميار واهي منفعله : الكل يضن اني بعلاقه غير شرعيه معاك ومحد مصدق انك زوجي ... فجاه يشوفوك تتصرف معاي جذيه ....

فهد : ميار وضحي شنو صار .... احد تعرض لج ...

ميار : قول بقى احد ما تحرش فيني ويطلب موعد ...

تركي واهو معصب : قومي ووريني من الكلب الي تعرض لج ....

ميار : مو اول تسمع شقالو .... انا وحده امثل العفه والطهاره و اني محترمه معاك ومابينا شي لكن خلاص بعتها وصرت اعلن اني سرقتك من زوجتك ولعبت عليك .... انا ينقال لي بكم الساعه انا ....

ثار تركي وسحبها معاه واهو يمشي بعصبيه لبرى الكفيه وفهد شال اغراض تركي وميار معاه ولحقهم بسرعه وكان تركي متوجه لقسم ميار ووقف لمى وصل ولف لميار ...

تركي بصراخ : اشري لي على كلب من هالكلاب واوريج فيه ....

اشرت ميار على شلة البنت الخليجية وتركها تركي وراح لهم مثل البرق و عرف ان حبيب البنت الخليجية اهو الي متحرش اول لانه سبق وتصادم معاه لان الخليجية حاولت معاه فمسكه من قميصه ونزل فيه ضرب كلما قرب واحد يدافع عن الشاب ضربه معاه وترك فهد الاغراض بيد ميار واهي مصدومه من تركي ودخل مع تركي يضرب فيهم وما تركوهم الا لمى وصل الامن وفاككهم عن بعض واخذوهم للاداره وميار كان ماسكها تركي وفهد معاهم .....


المشرف على القسم واهو يصرخ ويضرب على الطاوله بعصبيه : اين انتم ليحدث كل هذا بالجامعه هل انتم بالشارع .... تفضل سيد تركي اخبرني سبب تهجمك على السيد انطوان فالجميع اكد انك من بداء وهو دافع عن نفسه ....

تركي : لانه قذر تحرش بزوجتي هل تعي ذالك زوجتي ....

المشرف واهو يطالع ميار وتركي ماسكها : هل هذه زوجتك حقا تركي ... اعلم انك تركت زوجتك ببلادك وميار طالبه لدي هنا منذ سنه فاتت ...

انطوان بسخريه : ليست زوجته هي عشيقته ولا يريد احد ان يقترب منها ابدا ....

تركي بعصبيه وكان بيهجم عليه لولا ميار ماسك يدها : اخرس ايه القذر اياك ان تتلفض عليه بهذه الالفاض فهي قبل زواجها بي كانت تصون نفسها ومحتشمه ولا تعتقد انها ممكن ان ترخص بنفسها ابدا فهي تخشى الله بكل شي ايه القذر ......

المشرف : انطوان اصمت ..... ميار اخبريني انتي بالحقيقه فهذان الرجلان لن يتوقفا عن قذف الكلام لبعضهما ... هل تركي زوجكي فعلا ....

ميار واهي تطالع تركي وترجع تطالع المشرف : نعم هو زوجي ...

المشرف : منذ متى فانا اعرفكي من السنه الماضيه جيدا ......

ميار : منذ يومين كان عقد قراننا....

فهد : سيدي انا احد الشهود على زواجهما ... اسمح لي فالسيد انطوان على علاقه غير مشرفه وللاسف مع هذه الانسه او السيده وهي خليجيه واتوقع ان انطوان يعتقد ان السيده ميار مثلها وسهلة المنال ويوجد امور اخره تدفعه للتحرش بها ....

المشرف : الى ماذا تلمح فهد ...

فهد واهو ياشر على البنت الخليجية : هذه الفتاة من اعني بكلامي فهي حاولة التقرب لتركي ولكنه صدها و فحدث تصادم بين تركي وانطوان لاجلها ولكن لم يشتبكى بالكلام او بالايدي فضمر انطوان والانسه هذا لتركي وايضا ميار تعرضت للتهديد من هذه الفتاة لاجل انطوان لانه ابدا اعجابه ورغبته بميار لكنه لم يجد الا الصد فاعتقد انه ضن ان ما بين تركي وميار غير شرعي لهذا اصغى لهذه الفتاة ليتحرش بميار وما فعله تركي اقل من حقه وحق لميار ....

المشرف واهو مبتسم : اللهي انت لم تترك المجال لاحد ليبرر ابدا ... ستكون محامي ممتاز ... حسنا هل ما قاله فهد صحيح ... تركي وانتي ميار هل ما قاله فهد صحيح ...

تركي : نعم فتلك الفتاة هددت ميار سابقا وغيرها كثر ....

المشرف واهو يطالع ميار : ولمى يهددونكي ميار ما الذي بينكي وبينهم ...

ميار : لا اعلم فانا ليس لي احتكاك باحد ....

تركي : من الغيره ... اصحابهم او اي رجل لهم صلا به يعجب بها يخشون ان يتركهم لاجلها ولكن ميار تصد اي رجل ولا تسمح بان يقترب لها .....

البنت الخليجية : اذا كلامك صحيح ليش سمحت لك انت وتروح وترد وتضحك معاك ... شنو اسمه هذا ...

تركي : متى شفتيني مسكت يدها واذا روحتها وردتها معاي تشكك فاهي امانه من اخوها وامها معاي وجارتي فاكيد بخاف عليها واوصلها لقسمها وليش محترقه جذيه بكلامج ....

فهد بسخريه واهو يطالع البنت : لان ما لقت ويه منك ....

المشرف : حسنا برغم اني لم افهم ما قلتموه لبعض لكن فهمت ما حدث جيدا ... حسنا تركي هل معك ما يثبت ان ميار زوجتك الان .....

تركي واهو بطلع محفظته : نعم من حسن الحظ ان معي نسخه من عقد القران لاوثقه اليوم بالمحكمه ... تفضل ....

المشرف واهو يقرا الورقه : حسنا تفضل .... انت اخذت حقك بالضرب ولن اعاقبك لهذا لانك في دفاع عن زوجتك من التحرش لكن اذا تكرر الامر ستعاقب ومن المفروض ان تشتكي للاداره وسيصلك حقك جيدا وخارج الجامعه افعل به ما تريد ..... وانت انطوان وصديقتك ستوقعان على تعهد بعدم التعرض للسيد تركي وزوجته ميار وايضا تفصلان لمدة اسبوع من الغد ....

البنت الخليجية بصراخ : وماذا عن امتحاناتي هل اخسرها لاجل هذه القذره ...

المشرف : اولا لا تصرخي وثانيا تستحقين ذالك لتتعضي وتتوقفي عن مضايقة الاخرين و طبيعي ستخسرين الماده وتعيدين دراستها من جديد ...

ميار بسرعه : لا ارجوك سيدي لا تمنعهم من امتحاناتهم فهذا عقاب شديد ... انا اتنازل ويكفيني التعهد ....

المشرف واهو يطالع تركي : وما رايك انت بما تطلبه زوجتك ....

تركي واهو يطالع ميار : حسنا لاجلها فانا اعلم ان قلبها لن يتحمل مضرت احد حتى لو ضرها .... ساقبل لاجلها ....

ابتسم المشرف ومد العقد لتركي وصافحه تركي وفهد ومسك تركي يد ميار وطلعو وطول مشيهم ميار ساكته ومنزله راسها ....

تركي : ارفعي راسج ليش منزلته انتي ما غلطي باحد ....

ميار بهمس : اسفه ....

تركي واهو يطالعها : على شنو ....

ميار ومنزله راسها : على الكلام الي قلته لك بالكفيه ...

تركي واهو يبتسم : فاهمج ومقدر موقفج .... لكن بتراضيني بالبيت اوكي ....

رفعت ميار راسها بسرعه تطالعه فلقته مبتسم واسنانه باينه وغمز لها وحست انها تاهت فصحت على ضحكة فهد واهو يضرب جتف تركي ....

فهد : هههههههه تركي خف على البنت شوفه انخطف لونها .... الله يعينج ميار .... اقول انا ماشي عطيني ميار كتبي ....

مدت ميار الكتب لتركي وتركي مدها لفهد ولوح لهم فهد واهو يركض لسيارته و صعد تركي سيارته بعد ما تاكد ان ميار صعدت .....

تركي واهو يسوق : محتاجه شي قبل نروح الشقه .....

ميار واهي تطالع برى : لا سلامتك كل شي موجود ..... تبي شي معين على الغدى .....

تركي واهو يسحب يدها ويبوسها : لا كل الي تسويه هاليدين حلو .... على ذوقج ...

ميار واهي تسحب يدها وترجف : تركي لو سمحت ممكن ما تعاملني جذيه ...

تركي واهو يلف يطالعها ويرجع يطالع الطريج : ليش يضايقج هالشي ....

ميار : انا مو للتسليه وتقضية وقتك لحد ما ترجع لزوجتك .... هالشي يضايقني واسفه لكلامي .....

تركي واهو يوقف قبال البنايه : ميار تعتقدي تقربي لج لرغبه شهوانيه بس ....

ميار وراسها للارض : هذا الواضح ...

تركي واهو يرفع راسها ويخليها تطالعه : انا جذيه ميار شخص يمشي ورى شهوته .... كنت بتكلم بعد امتحاناتج لكن بقول لج شي بسيط الحين وحطيه ببالج ... انا ابيج لشخصج ولكل شي فيج .... لا تكلمي اوتسالي بشي الحين ... بعد امتحاناتج اخبرج بكل الي بداخلي ... يله نزلي وذاكري عدل لحد ما اخلص الشغل وارجع انا هم اذاكر بكره اخر امتحان لج .... لا تطبخي بييب معاي اكل تمام .....

ميار : ما يعطلني طبخ الاكل انا بجهزه وبعدها بذاكر ....

تركي : لا امتحان بكره يبيله تركيز وايد انتي ذاكري وانا بييب حتى العشا يله مابي اتاخر على الشركه وبعدها اتاخر عليج ....

هزت ميار راسها ونزلت وقبل تبعد عن السياره وقفها كلام تركي : ميار .... من تدخلي الشقه وتقفلي كلميني انا بنتظرج هني اوكي .....

ميار : اوكي ......

دخلت ميار البنايه وتركي عينه عليها وما تحرك من مكانه الا لمى اتصلت عليه فرد بسرعه عليها .....

تركي : وصلتي ....

ميار : اي وصلت .... يله لا تتاخر على شغلك ولا تخاف انا بخير ....

تركي : قفلتي الباب عليج عدل .....

ميار : ههههه اي قفلت ... تركي انا كبيره ومو اول مره ابقى بروحي بالبيت ... لا تخاف وركز بشغلك ولو صار شي بكامك ....

تركي : اوكي ديري بالج على نفسج وذاكري انا ما بتاخر بخلص شغل واييب اكل وايي ... ناقصج شي ....

ميار : سلامتك ....

تركي : يسلمج ربي ... باي ...

ميار : باي ....

مهضومه 21-12-20 04:05 PM

البارت الثالث عشر


وصل تركي الشركه وخلص شغل وبعدها اخذ اكل من المطعم ورجع الشقه لقى المكان مظلم فتعجب وترك الاكل على الطاوله وتوجه لغرفة ميار لان بابها مفتوح واضائته طالعه من الباب فوقف جنب الباب ولقى ميار فارشه الارض كتبها واوراق وكانت نايمه على بطنها وراسها على الكتاب الي قدامها والقلم بيدها فابتسم لشكلها ومنضرها كان يبهره وخصوصا ان شعرها منتشر حواليها فدخل وقرب لها وسحب القلم بهدوء ولفها وحملها وتو يرفعها فتحت عينها مفزوعه وبتصرخ فلقت تركي يطالعها ويبتسم ....

ميار : تركي .... فزعتني ... .. نزلني ....

تركي واهو ينزلها على السرير وقعد جنبها : تعبتي من المذاكره ونمتي ....

ميار : اي ... حسيت جسمي خمل فجاه وانا اذاكر ... حتى مو ذاكره لوين وصلت .....

تركي واهو يبعد شعرها ورى اذنها : اذا رجعتي بتذكري يصير معاي جذيه .... تبين تنامي او يوعانه ....

ميار : لا يوعانه .... تعبان ...

تركي واهو يرمي نفسه على سريرها : تعبااااااااان .... من قعدت ما ريحت .....

ميار واهي توقف : اوكي ريح لك شوي وانا بجهز الاكل وكم شغله وبعدها اقعدك ... ساعه تكفيك ....

تركي : هههههه مو توج يوعانه ...

ميار : عادي ... ريح وبعدها ناكل ....

تركي واهو يزحف لورى : والله سريرج مغري ... عادي انام عليه ...

ميار : يفداك ...

تركي واهو يغمض : تسلمي ...

تحركت ميار له لمى لاحظة انه نام بالشوز تبعه فسحبت الشوز بهدوء وتركي حاس فيها لكن ما تحرك ولا بين لها انه صاحي ورفعت ميار ريله لفوق السرير وغطته بالغطى وطفت الاضائه وشغلت الفواح وسكرت الباب وطلعت ... بعد ما طلعت ميار ابتسم تركي وفتح عينه يطالع غرفتها لقاها تختلف عن غرفة اروى واخته ملاك فميار غرفتها مرتبه و انيقه بتداخل عدت اشكال الي يشوفها يقول غرفة طفله ومثقفه و مصممه ديكور لان كل ركن مسويه له شكل سريرها معدني ونازل منه ستاير شيفون بشكل حلو وكانه لوحده كبيره وناضجه وركن كله العاب دباديب وكانه لطفله صغيره وركن كله كتب وكانه لوحده مثقفه وركن كله تحف وبراويز صور فياه فضول ونزل من السرير وراح يطالعهم فلقى صور لها مع امها ووليد ومهران وفي صوره لها مع الكل ولاحظ ان معاهم اخوها ماهر وسناء وكانت ضامه امها من ورى والكل مبتسم فحس ان الكل يبتسم بمحبه لكن شلون تغيرو عليهم عشان بس يزوجوها ولد عمها ومثل ما قال له مهران عشان ورثها من ابوها ما يطلع برى وهذا عذرهم فتنهد ورفع صوره لبنت صغيره بروحها بالصوره فتاملها ولاحظ الشبه بينها وبين ميار وتوقع انها اهي فرجعها مكانها ورجع تمدد على السرير وضم وسادتها ونام واهو يشم ريحة عطر ميار ومبتسم ....

كانت ميار بالمطبخ تجهز حلا لحد ما يقعد تركي ولمى خلصت نظفة المكان وتذكرة غرفة مهران انها ما رتبتها بعد تركي فراحت ونظفتها ورتبتها ونظفة الحمام تبعها ولمى انتبهت لملابس تركي الي بالسله حست بحرج انها تطلعها وتغسلها لكن تشجعت وطلعتهم واهي تفكر انهم ملابس مهران وعادي واهي تحط الملابس بالغساله حست باحد وراها فلفت ولقت تركي يطالعها وحاط يدينه بجيوب بنطلونه ومبتسم ....

تركي : ليش غسلتيهم ... انا متعود الشغاله الي تيي تغسلهم كنت بخذهم لشقتي ....

ميار واهي توقف : وليش ما اغسلهم .... ثم ليش شغاله من اليوم تكنسل اتفاقك معاهم ....

تركي : وليش اكنسل معاها ...

ميار : لاني بنظفها لك وماله داعي لشغاله ...

تركي : مابي اتعبج معاي ....

ميار واهي تعداه وتمشي للمطبخ : تركي ماما كانت من زمان تبي تكلمك بهالشي لكن تعبها نساها ... لا تخاف حتى بعد ما يرجعو بنظفها لك ... ولا تفكر انها بتعبني او تشغلني .... يله انا يوعانه وايد ....

تركي واهو يقعد على كرسي طاولة الطعام : اشم ريحة شي حلو ... مسويه شي ....

ميار واهي تحط الاكل على الطاوله : اي ... كيك بيعجبك ....

تركي واهو ياكل : من الريحه يبين .... كل حلوياتج حلوه ... واكلج هم .... ميار ....

ميار واهي تشرب ماي : هلا ....

تركي : من متى متعلمه الطبخ ....

ميار : ما اذكر لكن من زمان وايد ..... اذكر كنت بالابتدائي ... رابع او خامس ... مو متاكده .... بس ليش تسال .....

تركي : لان خواتي واروى ما يعرفو يطبخو مثلج .... سمر اختي الكبيره بعد سنتين من زواجها تعلمت وليومج ما توصل لربع طبخج ....

ميار : معقوله ... بس اهي كم عمرها الحين ....

تركي : ٣٣ سنه بس لو تسمعني ذبحتني .....

ميار : هههههه طبيعي كل وحده ما تحب تذكر عمرها ....

تركي : كل هذا عشان ما يقولو كبرتو وبتعجزو ....

ميار : عني ما تفرق عندي .... تعرف ماما تقول الوحده من توصل لعمر ٢٥ سنه تحس انها كبرة وايد وتحاول تخبي لكنه غباء المفروض يفتخرو انهم كبرو ونضجو ...

تركي : رايج او راي خالتي هذا ....

ميار : انا وماما .... بس هم انتو الرجال في بعضكم يكره ذكر عمره ....

تركي : ههههههههه اي في ما انكر لكنهم رخوم ....

ميار : هههههه لا مو الكل لا تظلم بختك .....

تركي : اتركج من هالموضوع ... قولي لي خلصتي مذاكرتج كامله ...

ميار : لا باقي ... شيكت وبين لي باقي شي بسيط ... انت ما عندك امتحان بكره ...

تركي : بلا في ... بذاكر بعدين ... كلمتي زوجة خالد تطمني على وليد ....

ميار : اي كلمته ... مستانس مع عيالهم ... احممم ... تركي متى بوصلو اهلك .....

تركي : ليش ما تعرفي انهم كنسلو ايون ....

ميار : ليش ...

تركي : لان اجازتهم ثلاث اسابيع .... فقالو اذا خلصت برجع لزواج طلال وماله داعي ايون على فتره بسيطه ... ملاك تبي تبلط هني ....

ميار : يعني اخوك بيتزوج قبلك ....

تركي : اي ... لقى له بنت عاقله مو مثل اروى لزم بيت بروحه وحفله مالها اول من تالي ...

ميار : كم شهر باقي على زواجه ....

تركي واهو يطالعها : خمس شهور ... ليش ... تبين تفصلي من الحين ....

ميار واهي تبتسم : لا ليش انا ما بحضر .... بس عندي لك اقتراح ...

تركي بهتمام : الا اهو ...

ميار : كلم اروى تخلي زواجكم مع اخوك بنفس الليله وعندها وقت تجهز نفسها من كل شي وتحجز القاعه الي تبيها وكل شي .....

تركي : احممم ... تعتقدي تقبل ....

ميار : انا ما اعرف شخصيتها لكن من كلامك فهمت انها تبي وقت طويل ... والحين عندها ... جذيه بتكون معاك باخر سنه لك وتكون مرتاح وترجعو ومعاكم بيبي صغنطوط .....

تركي واهو يتنهد لانه يحس بنار بصدره لكن متماسك : وانتي ....

ميار متعجبه : وانا شنو ...

تركي واهو يقوم ويسحبها ويوقفها قباله : انتي ما تبين نتمم زواجنا .... ما تبين حفله وفستان وكل هذي الامور ....

ميار واهي مصدومه : تركي شفيك لا تنسى سبب زواجنا ....

تركي بعصبيه واهو يهزها : انتي ما تحسي ما تفهمي كل مره اقول باجل لحد ما تخلصي امتحاناتج وانتي تجبريني اتكلم ...... خلاص خذيها على بلاطه .... انا ما تزوجتج للي ببالج انا ابيج احبج ابيج زوجه لي للابد فهمتي الحين ....

ميار واهي تبعده وترجع لورى : خذيت سفر ماما ومهران حجه .... تركي تكلم ... شلون تقول تبيني وانت متزوج حبيبتك .....

تركي : حبي لها حب تعود .... اوهمت نفسي انه حب حياتي ... من شفتج وانتي سالبه قلبي وعقلي مني .... عرفة معنى الحب الحقيقي منج ومعاج ... ميار انا تزوجتج لاني احبج وهالشي خالتي ومهران يعرفوه ... اخذنا حجة سفرهم عشان توافقي لانج ما بتقبلي تتزوجي واحد متزوج وانا ما اقدر اطلق اروى .... ميار افهميني انا ابيج ومو مستعد اخسرج ....

ميار واهي تقعد على الكنبه بنهيار : غلط ... غلط الي صار غلط .... اروى تعرف بهالشي ...

تركي : لا للحين لكن بتعرف لمى اخذج معاي ... ابوي وطلال يعرفو ....

ميار : حرام تركي انا مستحيل ابني بيتي على بيت غيري اروى تحبك وما تستاهل منك هالشي ....

تركي واهو يركع قبالها ويمسك يدينها : لا اذا تبين الحق اروى تستاهل اتزوج عليها وهم اطلقها بعد كل الي صار لكن انا ما ابي اسبب فجوه بين العايلتين و اظلمها ... انا بخيرها بين تكمل معاي وانتي معاي او تبعد ... ميار هذا الشي بيني وبينها بعدين الحين انتي ....

ميار : انا شنو ....

تركي واهو يبوس يدينها : ابيج تفكري وتقتنعي بحياتج معاي ... سواء اروى قبلت تكمل معاي او لا بكل الحالتين لا تربطي حياتنا مع بعض بحياتي معاها ... انا ابيج وشاريج فلا تبيعيني يا ميار انا احبج ....

ميار : عطني مجال افكر تركي ابي استوعب كل كلامك ....

تركي : اوكي .... مابي كلامنا هذا يشغلج عن مذاكرتج اليوم انسي وبكره بعد الامتحان فكري اوكي ....

ميار : اوكي ... احمممم ... تركي ممكن تبعد شوي ابي اقوم ....

تركي واهو يوقف ويوقفها معاه : ليش وين بتروحي ....

ميار : بلم السفره واجهز القهوه والكيك ...

تركي : اوكي بساعدج ... لا تقولي لا بساعدج يله ....

ابتسمت ميار له وبادلها الابتسامه ولمو مع بعض السفره وساعدها تركي بغسل الصحون وبعدها جهزة ميار القهوه وحملتها للصاله وتركي سبقها بصحن الكيك ....

ميار واهي تمد له القهوه وماسكه ضحكتها عليه واهو ياكل : تفضل .... تركي بشويش الكيكه كلها لك ....

تركي واهو يشرب من القهوه : فضيييييييييييعه ...... بسمن على يدج ....

ميار واهي تقعد : ههههههه عوافي على قلبك ....

تركي : وقلبج يا روح الروح ......

طالعته ميار بخجل وغمز لها فقام وقعد جنبها ولف يده حول خصرها وقربها له وباس رقبتها ....

تركي واهو يهمس باذنها : تعرفي اني امسك نفسي وايد عنج ... ترى خجلج يعذب .....

ارتبكت ميار فرفع راسها تركي تطالعه : ميار بليز ابيج تحسي فيني ... قسم اني احبج ....

ميار واهي ترجف بين يديه : تركي صعب اقتنع بكلامك .... احتاج وقت استوعبه ....

تركي : وشنو الي مو مستوعبته حبي لج .....

ميار : شلون استوعب وانا اعرف انك تحب زوجتك .... انت تكلمت عن حبك لها وشلون تزوجتها .... عشان رفضت تيي معاك تغيرت مشاعرك لها .... شلون ....

تركي واهو يبوس يدها : حبيبتي حبي لاروى كان حب تعود يعني انا اقنعت نفسي اني احبها الحب الحقيقي ... لكن لمى شفتج وعرفتج عرفة معنى الحب الحقيقي .... بتقولي العب عليج بقول لج لا ... شوفي اروى صح بعيده عني واحس بفجوه بيني وبينها وما اقدر اتركها لكن اذا اهي طلبت ما بتردد ... اروى ما تهون علي اتركها جذيه وانا من حقي اتزوج الي ابيها دامني اعرف ان اروى مو حب كامل واصلي ... بتضني اني ممكن اسويها معاج بقول لج مستحيل وبنفس الوقت ما عندي الي يثبت لج لكن انا متاكد انج الحب الحقيقي الي ممكن اموت بدونه ....

ميأر : تركي انت تفتقدها لهالشي تضن انك تحبني ... مو ممكن تحب غيرها وانت تحبها كل هالسنين ....

تركي : ميار شفيج ليش مو مصدقتني ... اعترف اني كنت واهم بحبها اني ما اقدر استغني عنها لكن بعترف لج ... لمى ييت هني اول مره استغربت من نفسي ان عادي عندي عدم قربها مني مع ان كان زواجي منها من شهر والمفروض اوله لها صح كنت اكلمها كل يوم وابقى معاها وقت طويل لكن كنت احسه واجب علي عشان ما تضن اني اهملتها او نسيتها ....

ميار : وشنو الي خلاك تتاكد ان الي تحسه ناحيتي الحب الحقيقي .... مو يمكن تطلع هم واهم من جهتي ....

تركي : هههههههه ميار انتي لايمه ... اوكي بقول ... انتي لج مشاعر ثانيه ما اقدر اوصفها لج لانها ما تنوصف .... لمى بعدت عنج كم يوم بالتخييم حسيت من بعدت بالسياره روحي بتطلع وكنت برجع لكن الشباب ما تركوني واصرو اروح حتى نزلوني من سيارتي وركبوني سياره ثانيه و واحد ثاني ساق سيارتي كنت مثل المينون لا اعرف انام ولا اسوي شي معاهم وحتى لمى اكلم مهران واساله عنج ما اهدى لحد ما رجعت وشفتج هذا شنو يسموه بنضرج .....

ميار : والله مو عارف شنو اقول لك لكن تركي هالزواج غلط .....

تركي بضيق : لاني متزوج ....

ميار : تركي افهم مسئلة زواجك هذي اتركها على جنب .... اهلك هل بيقبلو بزواجك من وحده ثانيه ولا غريبه عليك وفوق بنت خالتك تضن بيقبلو فيني حتى لو اروى رفضت تكمل معاك .....

تركي : اهلي ما يفرضو علي رايهم والكل يقتنع بقراراتي لان يعرفو ما اسوي شي الا دارسه ومفكر فيه عدل .... ما انكر ابوي لمى خبرته عصب وصارخ وكان بييني لكن لمى خبرته بلي بداخلي ومن انتي هدئ وقال لي الله يعينك على الياي اذا رجعت ....

ميار : ابوك بس الي يعرف ....

تركي : لا اخوي طلال هم .... كان ممكن اخبي على الكل لكن قلت ما احب الخش والدس وانا ما سويت شي غلط او حرام ومن حقج الكل يعرف لكن اجلت الباقي يعرفو اذا رجعت لان مابي شوشره وانا بعيد وخصوصا امي مابيها تعرف وانا بعيد عنها ..... باخذج معاي ويشوفوج ووقتها بيعرفو ليش تزوجتج .....

ميار : لا تركي بليز بعد هالفكره من راسك .... اذا استقرت امورك مع اهلك رحت اروح جذيه لا ....

تركي واهو يبوس خدها : اعتبر كلامج هذا معناه انج قبلتي فيني زوج لج ....

طالعته ميار وخجلت من نضراته لانها ما انتبهت لكلامها ومعناه قبولها فيه لانه من الاساس تحس مشاعرها معاه لكن تكبتها والحين اهي زوجته ويعترف لها بحبه فاندفعت بالكلام لكن بداخلها خوف من الي ياي ....

تركي : اعتبر سكوتج شنو معناه ....

ميار واهي تنزل راسها وبخجل: خايفه ....

تركي بهمس واهو يمسح على خدها باصبعه : من شنو يا قلبي خايفه وانا معاج ....

ميار واهي ترجف : من الي ياي .... منك من اهلك وزوجتك والناس ...
تركي : مني انا .... ليش ....

ميار : اخاف اكون وهم بحياتك تكتشفه بعدين ....

تركي : بعد كل الي قلته وتقولي وهم ... لا تخافي انتي واقع بحياتي ومدركه تماما ..... اوكي خايفه من اهلي ما يتقبلوج واروى تسبب مشاكل لنا ....

ميار : اكيد واتوقع ما تخلا عنك ابدا ....

تركي : وانتي تتمني تخلا عني ....

ميار : بعقلي لا ....

تركي واهو يبتسم ويهمس : وقلبج شنو يقول .....

سكتت ميار واحمرت ونزلت راسها فضحك تركي عليها وضمها بقوة .....

تركي : فاهمج وعارف انج تبادليني المشاعر لكن تكبتيها بداخلج وهالشي كبرج بعيني وايد .... اهلي صدقيني بيحبوج ... من ما يحبج انتي بس ... يكون مينون ..... اما اروى فما اتوقع تتقبلج حتى لو بداخلها تعترف بانج تنحبي ... وانتي فاهمه ليش ماله داعي اتكلم فيه ..... ميار ابيج تحطي ببالج ان حياتي معاج مالها اي دخل بحياتي مع اروى ... واذا رجعت وتبين بيت بروحج من حقج لكن تحمليني لان وضعي المادي شوي صعب يخليني افتح بيتين ... وانتي عارفه اروى شارطه بيت بروحها يعني ما اقدر اسكنها ببيت اهلي وانتي بالبدايه هم ما اقدر اسكنج ببيت اهلي فتحملي المشاركه ببيت مع اروى لحد ما يتعدل الوضع واخذ لج بيت بروحج ...اوكي جذيه ....

ميار : تركي لا تسبق الاحداث انت باقي عليك سنه وترجع ... وما تعرف شنو يصير بعدين ... ثم انا قابله باي شي تبيه و تقدر عليه ما بجبرك على شي مو بستطاعتك ...

ضمها تركي وباسها بكل مكان بوجها وهمس : وتقولي زواجنا غلط .... احبج يا بنت الناس هبلتي فيني .....

ابتسمت ميار واهي خجلانه وتركي ضامها واعتبر تركي كلام ميار قبول فيه وهالشي شجعه اكثر على مواجهة اهله واولهم اروى بخبر زواجه من ميار لكن قرر يكون الخبر لمى يرجع لزواج طلال وبعد الزواج يخبرهم وما ياخذ ميار معاه لانه ما يبي يحرجها او تتجرح بالكلام او النضرات من احد وبياخذها معاه لمى يخلص دراسته ويرتب كل اموره ..
ظلو تركي وميار مع بعض لمده واهو مستمتع بخجلها وقربها منه لحد ما نبهته ميار للوقت وان لزم يدرسو للامتحانات وطول فترة مذاكرتهم تركي لاصق بميار وكانه ما صدق تقبل فيه عشان ياخذ راحته معاها وكل شوي ميار تذكره ان بكره امتحان وراهم ولو عليه ما تركها لحظه وحده ....

ميار واهي تمطى : ااااااه تعبت .... اخيرا خلصت ...

تركي واهو يرمي الكتاب ويضمها على جنب : الحمدلله صار وقتي الحين صح ....

ميار واهي تدفه من صدره : تركي حرام عليك بكره امتحانك ....

تركي واهو يبوس رقبتها : مذاكر من زمان حبي خليني اخذ راحتي معاج الحين ....

ميار واهي ترجف وتحاول تفلت منه : تركي .... تركي ....

تركي واهو يشد عليها ويبوسها بخدها : حياة تركي ... امري ....

ميار : حاسه بيوع .... صار وقت العشا بعد بجهز شي ناكله ...

تركي واهو يطالع عينها واهي ترجف : قلت لج اليوم الاكل من برى ... بعدين انتي ليش كله ترجفي ... بردانه ....

ميار واهي تنزل راسها خجلانه : هاااه .... لا ... تركي بعد ....

تركي واهو يهمس باذنها : خجلانه مني .... ههههههههه اوكي خلاص عارف الي فيج ... حبيبتي لزم تعودي علي ....اقول نطلع او نطلب ....

ميار واهي توقف بعد ما بعد تركي : لا بجهز شي خفيف لحد ما تخلص مذاكرتك .....

ركضت ميار للمطبخ وما تركت مجال لتركي يعترض او يقول شي فضحك على ركضها بسرعه قبل يمسكها فتنهد واهو يمد ريله لقدام ويرجع راسه لورى واهو مغمض وتذكر اروى انها ما اتصلت فيه ابد اليوم ففتح واخذ تلفونه واتصل لاخوه ورد عليه بسرعه .....

تركي : مرحبا طلال .... شنو تنتظر اتصال من احد .....

طلال : هلا فيك .... انتظرك انت ....

تركي واهو متعجب : انا ... ليش متوقع اتصالي يعني ... في شي صاير وما اعرفه .....

طلال : تركي بسالك ....

تركي : اسمعك اسال ...

طلال : اولا مرتاح مع زوجتك الثانيه .....

تركي واهو يبتسم ويطالع جهة المطبخ : وايد فوق ما تتصور ... صح تونا بالبدايه وتوني من كم ساعه بس موضح له اني ابيه وقبلت لكن احس براحه عجيبه معاها ... بس ليش تسال ....

طلال : واروى ....

تركي : شنو فيها .....

طلال : مكانها الحين شنو بالنسبه لك ....

تركي : اااااه يا طلال ... خايف عليها احس اني ظلمتها ... تعرف احس ان حبي لها كله تبخر وانه وهم ... يعني احبها كزوجه عادي وبنت خالتي .... اما مثل حبي لميار لا ... في فرق كبير بينهم ... طلال اروى عرفة بزواجي .....

طلال : لا ..... تركي ... احممم ... مو عارف شنو اقول لك ...

تركي : طلال قول انت عارفني مافي شي يهزني ... قول شنو صاير ....

طلال : اسمع المفروض ما اخبرك الحين لانك فترة امتحانات لكن لزم تعرف مني قبل تعرف من غيري وتلومني .....

تركي بعصبيه : طلال الف مره قايل لك لا تعطيني مقدمات قول الي عندك بدون لف ودوران ....

طلال : اروى ....

تركي : شفيها ....

طلال : من فتره انت طلبت اعرف لك سبب تغيرها وعرفته ....

تركي : اوكي وشنو طلع معاك ....

طلال : اروى مشغوله عنك بطلعاتها مع ابوها لعشاء عمل مع رجال الاعمال ... احممم وعيالهم .... اروى تطلع مع اولاد اصحاب ابوها بروحها على عشا او سنما .... وساعات سوق ... حتى ملاك تركتها وما تكلمها من كثر ما اهي مشغوله معاهم ... اسف تركي لكن هذا الي صار ....

تركي : من متى ....

طلال : من ثلاث شهور ....

تركي : واخوانها شنو ردت فعلهم مع هالوضع ....

طلال واهو متخوف من هدوء تركي : والله عادل واخوانه مو عاجبهم لكن ما يقدرو يسوو شي وابوهم وقف بويهم لمى تكلمو لها .... تركي انت بخير ....

تركي : كنت متوقع سبب تغيرها ابوها لكن ما توقعتها منها تسوي جذيه ... اهي حتى ما سالتني ولا بينت ان ابوها يبيها معاه .... عموما لا تخاف من جهتي انا من عرفة مكانتها عندي وانا غاسل يدي منها مع تغيرها السنه الماضيه .... انا ببقى على كلمتي اول ما اوصل بخيرها بين تعيش معاي وميار بحياتي او ننفصل ....

طلال : ما بتكلمها بالموضوع ....

تركي : كل شي بوقتها ... انت لا تخاف علي انا بخير دام مرتاح مع ميار هذي حسابي معاه عسير لهدرها كرامتي ... اهي مستغله بعدي بانها تسوي الي تبيه لكن انا لها ولابوها قبلها ولو تبي الانفصال بوقت ما انا اقرر لا اهي ولا ابوها يقدرو يجبروني بشي ....

طلال : انت هد اعصابك وخذ الامور برويه انت عاقل وتعرف تدبر امورك ... تعرف حتى امي ويدتي متضايقين من تصرفاتها وملاك لمى سالتها تقول ان اروى ما ترد على اتصالاتها والحين ما تتصل لها ابد ...

تركي : قول لملاك تتركها ومالها دخل فيها ..... الا شنو قررت على ولد عمك .....

طلال : يعني ولد عمي بروحي ولد عمك هم .... قبلت فيه لكن بعد ما طلعت روحه بالرد .....

تركي : ومتى بيملجو ....

طلال : بعد اسبوع ... كانت تبيك تكون موجود لكن ابوي قال لها نادر مستعيل وبيكون زواجهم معاي .....

تركي : على البركه ... انا بكره بكلمها وابارك لها وبكلم نادر ابارك له .... طلال سلم لي على الوالد والوالده و لا تبين لهم اني اعرف عن اروى شي ....

طلال : لا توصي .... انت انتبه لنفسك وزوجتك .... الا شخبار امها ....

تركي : الحمدلله مهران يقول بكره يبدو لها الفحوصات والتحاليل عشان يحددو علاجها ومدته .... تعرف افكر اخلي ميار تبقى مع صديقتها اسبوع واخذها مع وليد لتايلند ويكشفو عليها وتعالج مره وحده دامها اجازه ....

طلال : والشغل ... مهران معتمد عليك ....

تركي واهو يضرب جبينه بيده : اي صج ذكرتني والله ناسي الشركه من كثر ما افكر بعلاجها ....

طلال : لهالدرجه حالتها صعبه .....

تركي : لا اهي احسن من قبل بعالاج الي تاخذه والمتابعه لكن ابيها تتخلص منه تماما .... يا اخي اليوم كنت بذبحها ببوسه ....

طلال : ههههههههه حشى بوسه تذبحها فيها عيل لو الفراش شنو بيصير ....

تركي : لا تضحك جد اتكلم ... نسيت مرضها و نسيت نفسي معاها وطولت بالبوسه وما تركتها الا لمى حسيتها خلاص وقف نفسها .....

طلال : وشنو سويت ....

تركي : اااااخ ..... قالت لي على بخاخها وبخيت لها بفمها ... ولا لمى صارت احسن تذكرني بالفطور والجامعه .....

طلال : مره سنعه على الي فيها قايمه بواجبك ..... ودي اشوفها .... تركي ارسل صورتها ....

تركي : تخسي ارسل لك صورتها ... هذا الي ناقص .... عندك زوجه شلك بزوجتي ...

طلال : ههههههههه لهالدرجه تغار عليها ... بالنهايه بشوفها ....

تركي : اي بتشوفها بحترام لكن صورة انسى ....

ميار وتوها تقرب ولا لاحظة انه يكلم تلفون : تركي العشا جاهز ....

تركي واهو يلف ويبتسم لها : اوكي حبيبتي اقفل مع طلال واييج ... طليل فارق حبي مجهزه لي عشى .....

طلال : تركي اهي الي تكلمت لك ....

تركي : اي ليش ....

طلال : يا اخي صوتها يدوخ.... ناعم وكان عصفور يغرد ....

تركي : اقول طلال ندى كم رقمها .....

طلال : ههههههههه لا تخاف ما بقول لك لا واهي ما بتصدقك ... واصلا شلون بتقول لها اني مدحت صوت زوجتك ....


تركي : لا ما بقول زوجتي بقول جارتي وما بجذب ......

طلال : ههههههههه يا غيور لهالدرجه تحبها ....

تركي : ااااخ يا طلال ذابحتني .....متى بس التقي فيها .... ااااخ

طلال : هههههههه كاهي عندك روح من ماسكك ....

تركي : لا ولله شايفني حيوان همجي ... ثم من حقها حفله الكل يفرح معاها فيها ....

طلال : ولو طول علاج امها بتصبر .....

تركي : بصبر لاني احبها وابيها تفرح واهم شي خالتي معانا بفرحتنا واخوها يدري انها قابله فيني ....

طلال : الله يهنيك يا خوي معاها ويعجل بقربك لها ....

تركي : امين .... يله فارج بروح اتعشى مع حبيبتي ....

طلال : تذكرني مع كل لقمه .... عوافي وسلم على زوجتك ... باي .....

تركي : باي .....

مشى تركي لطاولة الطعام وكانت ميار تنتظره ....

تركي : اسف اذا تاخرت عليج ... طلال ما يخلص هذرته ...

ميار : لا عادي ..... انا اسفه ما لاحظة انك تكلم بالتلفون .....


تركي واهو متعجب : ليش حبيبتي تعتذري عادي ...

ميار واهي تصب له عصير : لا المفروض اسكت عشان ما ازعجك بمكالمتك وهم مو حلوه يسمع الي يكلمك كلامي ....

تركي واهو معجب بكلامها : هههههه حبيبتي انا اساسا ما احط ببالي هذي الامور لكن كبرتي بعيني اكثر بعد كلامج هذا .... اي طلال يسلم عليج ....

ميار : الله يسلمك ويسلمه .... تركي ...

تركي واهو يذوق الاكل : امري ...

ميار : ما يامر عليك ظالم ... بس اسال بكره امتحانك متى ....

تركي : متاخر ... على الوحده ليش ... اي وانتي صج ....

ميار : لا انا بكير .... على التسع ....

تركي : عيل خلاص اوصلج واروح الشركه اخلص كم شغله وارجع لج وارجعج الشقه واروح بعدها امتحن ....

ميار : بس جذيه تعب عليك ...

تركي : عادي حبيبتي ما تفرق وبالعكس بخلص شغل الشركه عشان ما يصير وراي شي .....

ميار : يعطيك العافيه ....

ترمي واهو يبتسم : الله يعافيج .... تسلم يدج على العشى وايد لذيذ ....

ميار : عوافي على قلبك .....

ظلو يتعشو ويسولفو وبعدها ساعد تركي ميار بغسل الصحون .....

تركي واهو يجفف يده بالمنشفه : يله حبيبتي لزم ننام بكره ورانا امتحان ....

ميار واهي تمشي لغرفتها : اوكي .... تصبح على خير ....

تركي واهو يمسك يدها ويسحبها له : وين وين .... الليله تنامي بحضني ....

ميار واهي ترجف : لا تركي بليز .....

تركي واهو يلف يدينه حول خصرها : ليش حبي لا .... انتي قبلتي بزواجنا شنو يمنع .....

ميار واهي منزله راسها وترجف : تركي بليز ....

تركي واهو يرفع راسها له : خايفه اتهور ... حبييتي بنام بس وانتي بحضني ..... بضمج بس .... اقسم بالله مابسوي شي ......

سكتت ميار فحملها تركي وتوجه لغرفتها ونزلها على السرير وباس خدها وهمس ....

تركي بهمس : عارف انج خايفه وبالج بيبقى مشغول بخوفج فما ببقى هني .... الوعد بكره ... تصبحي على خير حبيبتي .....

باس شفاتها بشغف لكن تحذر هالمره ما طول عشان نفسها وتركها وطلع وسكر الباب وراه واول ما طلع وتسكر الباب استوعبت ميار الي سواه تركي فاخذت نفس طويل واهي تحط يدها على شفاتها .....

ميار مع نفسها : شكلك يا تركي بتهبل فيني ..... ااااخ احبه اعترف اي احبه دامه انه اعترف ما اقدر اخش اكثر من جذيه .... لكن لزم اتحذر ولا انسى انه متزوج وحده ثانيه بتشاركني فيه ...... ااااخ الشكوه لله تركي ما يتعوض ابد دامي قبلت بوضعه لزم اساعده ولا اكون عليه حمل ...... اقوم انام لا اين .....

اما تركي فكان واقف ورى الباب لانه سمع كلامها مع نفسها فحب يعرف الي ببالها وفرح وايد بكلامها لنفسها واعترافها انها تحبه لكن يتمنى تتشجع وتعترف له بويهه ... تنهد ومشى لغرفة مهران و اخذ شور سريع وتمدد يتمنى النوم على كلام ميار لكن من فرحته ظل مده طويله واهو يتخيل ميار نايمه بحضنه ......

مهضومه 27-12-20 02:06 AM

البارت الرابع عشر


باليوم الثاني حاول تركي يسيطر على نفسه وما يعترف لميار بانه سمع كلامها وخاف تنجرح لمى يقول لها بلي سمعه ونجح بسكوته وافطرو وتوجهو للجامعه ووصل تتركي ميار لقسمها وبعدها توجه للشركه يخلص شغله ورجع بعدها لميار ووصلها للشقه ونبه عليها ما تفتح لاحد وتقفل تمام على نفسها وقبل يطلع من الشقة وقفه كلام ميار .....

ميار : تركي ابي مفتاح شقتك ....

تركي واهو يلف يطالعها ومتعجب : ليش حبيبتي تبينه ....

ميار واهي تمد يدها له تطلب بالمفتاح : ابي ارتبها وانظفها ....

تركي واهو يمسك يدها ويبوسها : لا حبيبتي ماله داعي يكفي شغلج هني الحين ارتاحي لان امس تعبتي بالمذاكره فاستغلي الوقت بالراحه وانا ما بتاخر بخلص امتحاني وبرجع لج هني ....

ميار باصرار : تركي لا تعاند وانت وراك امتحان لا تتاخر هاته وماعليك انا ما اتعب بالتنظيف اعرف متى اريح هاته ....

تركي : مصره يعني ...

ميار : اي وكنسل مع الشغاله لا تييك ابدا يله هاته ....

ابتسم تركي وفك مفتاح شقته من الميداليه وحطه بيدها وباس يدها وجبينها ....

تركي : بس اوعديني ما تتعبي نفسج اوكي ...

ميار : اوكي ... يله تسهل ...

تركي واهو يبوس خدها : الله لا يحرمني منج ... انتي وعدتي اوكي ...

ميار : اوكي وعدتك يله لا تتاخر على امتحانك ....
رجع باسها على شفاتها بسرعه وطلع متوجه للجامعه يمتحن .... اما

ميار فدخلت المطبخ وطلعت كل ادوات التنظيف الي ممكن تحتاجها لشقة

تركي لانها ما تبي ترجع تاخذ اي شي اذا ناقص بشقة تركي وسكرت

شقتها ودخلت شقة تركي وكانت مرتبه نوعا ما لكن يبيلها تنظيف من

الغبرا والارضيه وانتو بكرامه الحمامات ... و لاحظة ميار ان الحمامات

متراكم فيها الوسخ ومبين ان الشغاله تنظف اي كلام وتركي ماعنده خبره

لهذي الامور فغيرت ملابسها لملابس مريحه للشغل من الي يابتهم معاها

وبدت تنظف المطبخ من السقف للارض ورتبت كل شي بالخزانات وبعدها

توجهة للصاله وشوي شوي الغرف واخرها الحمامات وطبعا كانت مشغله

الغساله على الملابس عشان تخلص مع خلاصها من تنظيف الشقه كلها

وماحست بالوقت ابدا واهي مندمجه بالتنظيف ودخل تركي وما حست فيه

لانها كانت بغرفة الغسيل فما سمعت فتح وتسكير الباب وعلى صوت

الغساله توجه تركي لغرفة الغسيل ولقى ميار لابسه شورت ما يغطي شي

من سيقانها حتى فخذها مبين وعليها تيشيرت علاق ورافعه شعرها كله

بشكل فوضوي لكن معطيها شكل خيال ففزعت ميار لمى سمعت كلام
تركي ولفت له وبيدها ملابسه ....
تركي واهو واقف جنب الباب : لو اعرف بتلبسي جذيه كنت من زمان معطيج المفتاح ....
فزعت ميار واهي تلف وبيدها ملابس تركي وحطة يدها على صدرها

فضحك تركي على حركتها وتقرب لها واهي رجعت لورى ولصقت

بالغساله لحد ما وصل لها تركي وكانت ترجف فلف يده حول خصرها

ولصق جسمه بجسمها وهني ميار خلاص ماتت من خجلها وخوفها

وكانت ترجف فطاح من يدها الملابس وتركي نزل راسه وباس رقبتها

واهي غمضت عينها وتركي مواصل ببوس رقبتها ويمرر يدينه على

جسمها فنتقل بشفاته من رقبتها لخدها واهو متشوق لها واهي تنفض بين

يديه وظل يبوسها بشغف لحد ما وصل لشفاتها وباسها بلهفه لكن تحذر

ما ينقطع نفسها وظل يتنقل بين شفاتها وخدها ورقبتها ويدينه يمررها

على كل جسمها لحد ما حس ان ميار ارتخت معاه وانفاسها متسارعه

فرفعها من فخذها ولف ساقينها حول خصره واهو يبوسها عشان ميار ما

تصحى على الي يسويه تركي فطلع فيها من غرفة الغسيل واهو يبوسها
ويمرر يدينه على جسمها ونزل فيها على الكنبه بالصاله وتو يدخل يده
تحت ملابسها فزت ميار ودفت تركي من صدره وتركي من صدمته ابتعد
من دفعتها له وميار بسرعه لمت نفسها وتراجعت لورى وانكمشت على نفسها ....

تركي واهو يقرب لها ويمد يده لها : تعالي ميار انا زوجج هالشي مو غلط .... انتي حلالي ...

ميار ودموعها تنزل : بعد ... تركي بعد ارجوك ....

تركي واهو متعجب : شفيج ميار .... ميار حبيبتي ما بيصير شي .... احممم حبيبتي ابيج ....

ميار واهي تشاهق وتبجي : لا ... شنو تضن فيني ....

تركي : ميار انا زوجج ... حلال ... انتي حلالي ....

ميار : عارفه اني حلالك لكن محد يعرف زواجنا ما اعلنته حتى لاهلك

ليش انا رخيصه لهالدرجه عندك ... الزواج عشان يكون صحيح لزم يكون في اشهار .....

تركي : عارف وانا ما منعت هالشي لكن اهلي بيعرفو اذا رجعنا .... اوكي

... ميار انا ريال وبحاجه لاني البي حاجتي وانا ابيه بالحلال .... انتي حلالي .....

ميار : عارفه لكن انت تبيني بس تكفي حاجتك .... انا مو لهالشي تركي ....

تركي : خايفه ما تبقي بنت ..... اوكي ريحيني ووعد ما تخسريها الحين لمى نسوي حفلة زواجنا نتمم كامل اوكي .....

ميار واهي تصرخ : لا تركي انا مو رخيصه وواطيه ... انا تربيت عدل ما
تربيت للعبه انا مو وحده صايعه ولا صاحبتك تلعب معاها تريحك وتخافظ
على عفتها ياخذها زوجها بعدين .... انا زوجتك مو صاحبتك ....

تعجب تركي من كلامها لانه سوى هالشي مع اروى ولا قالت هالشي غلط وقبلت لانه زوجها فشلون ميار تقول جذيه .....

تركي واهو يحاول يهديها : اوكي اهدي ميار ..... انتي زوجتي مو
صاحبتي .... وانا مستحيل اسوي هالشي مع وحده مو زوجتي وشيليه من
بالج ... انا ضنيتج خايفه يصير فراق او شي يبعدنا ويصير حمل او اي شي بعدها الناس تتكلم .....

ميار : تركي انت شلون تفكر .... انا متزوجتك ولو صار شي بيكون
بالحلال ولو تفرقنا او صارة مشكله محد بيي ويحاسبني لو سلمتك نفسي
لانك زوجي لكن لازم يكون علني الكل يعرف ... هذا قصدي ما قصدت الي ببالك ....

تركي : زين وانتي الحين متمنعه رافضه انا قلت لج ما باخذ عذريتج لاني مابي ....

ميار واهي تقاطعه : بس بس انت شلون تفكر جذيه فيني .... تركي افهم
الي تسلم نفسها لزوجها تعطيه كل شي ومن حقه ما تعطيه بطريقتك القذره هذي وانا اسفه لاني اقول هالكلام الي تسوي جذيه معناه مو معتبره ان الي معاها زوجها معتبرته صاحبها وممكن تسويها مع غيره .... انتو شوهتو صورة الزواج ... صارت كفى حاجات باي طريقه وشنو تقول حلال ... ودامه حلال ليش تتحذر فيه من انك تاخذ عفتها ... مو حلالك ليش قول ....

سكت تركي ونزل راسه واعتدل بقعدته وحط يدينه على وجهه وميار

قامت بسرعه من على الكنبه ودخلة الغرفه الي تركت فيها ملابسها

وغيرت ملابسها وطلعت ولقت تركي مثل ما اهو ولمى سمع فتح الباب

وخطواتها رفع راسها وطالعها فتنهد ومد يده لها ....

تركي واهو ماد يده : تعالي .... تعالي لا تخافي بكلمج ابي اعرف منج شغلات ....

ميار واهي تحط يدها بيده ويسحبها تركي ويقعدها جنبه : اسفه اذا غلط بكلامي بشي ....

تركي واهو يبوس يدها : كلامج مو غلط .... ميار من مفهمج الكلام الي قلتيه ....

ميار : التربيه الي تربيتها .... كنت اسمع ماما ويدتي وخالاتي .... اذكر سمعت خالتي تكلم بنتها وتنبها ما تسلم نفسها لزوجها بفترة الخطوبه وبنفس الوقت تريحه ... وقتها تعجبت من التناقض بكلامها لكن يدتي صرخت عليها وقالت لها كلامج غلط بغلط اذا تعطي زوجها تعطيه كل حقوقه ولا الله يغضب عليها دام الزواج معلن و الكل يعرف فليش هذا التصرف .... بعدها دار الكلام وصارت مشادات من خالتي وخالاتي وماما ويدتي والكل يفهمها ان كلامها غلط لبنتها وبعدها انا سالت ماما ووضحت لي ان الي يسوي جذيه يكون بينهم علاقه محرمه يعني العلاقات الي نسمع فيها ... انت فاهمني ...

تركي : فاهمج ... لكن ميار اعذريني انا عرفة من ربعي و شباب لهم تجارب قبل الزواج اعني تتميمه يسوو جذيه في منهم من يتمم بفترة الخطبه وفي لا يريحو بدون تتمته وانا سويت هالشي مع اروى ....

شهقت ميار وحطة يدها على فمها : اسفه تركي والله ماةقصدت اغلط بكلامي اهي تربيه كل واحد يتربى عليها واكيد اروى سوت هالشي من محبتها وثقتها فيه ويمكن هم مثلك سمعت من صاحباتها هالشي ... اسفه والله اسفه ....

تركي واهو يبوس يدها : لا تعتذري انتي ما قلتي شي غلط ومثل ما قلتي اهي تربيات تختلف من واحد للثاني .... ميار ....

ميار : نعم ....

تركي : ينعم بحالج ... بسالج ... لو طلبت نتمم زواجنا بهذي الفترة قبل نرجع ويعرفو اهلي بترفضي ....

ميار واهي تنزل راسها : لا ... من واجبي البي كل رغباتك وحاجاتك واهلك بعضهم يعرف لكن لزم مهران وماما يعرفو انك تبي تتمم زواجنا ....

تركي : والحفله ما تبينها واهلي والناس ....

ميار : اهلي كلهم يعرفو وبعض من اهلك واذا تبي تخبرهم بالتلفون شي راجع لك والناس حولنا تعرف اننا زوجين و حفله ما تهمني ولا تفرق معاي ... ولو سويت من بيحضر وانا هني ....

تركي واهو يلف ويها له : ما تبين على الاقل خالتي ومهران والي يقدر اي يكونو حولج ... ما تبين تلبسي الفستان الابيض ... حلم كل بنت ...

ميار : اكيد ... ابي هالشي لكن اذا ظروفنا ما تسمح مابلزم عليها ....

تركي واهو يبوس جبينها : وانا بدخل عليج وخالتي ومهران معنا وبيكون الكل عارف وبتلبسي الفستان وبسوي لج حفله وكل اهلي بيعرفو ... انتي منتي اقل من غيرج .... وعد مني ما ادخل عليج الا بكل هذا شقلتي ....

ابتسمت ميار فبادلها الابتسامه وباس خدها وضمها ولاول مره تمسك فيه ميار فشد عليها اكثر وباس رقبتها ...

تركي بهمس باذنها : بتحمل اخذ منج بس هالشي اليتيم لحد ما اتمم زواجنا ووقتها بوريج الهوايل .....

ارتعشت ميار وحس فيها تركي فضحك لانها كانت بتبعد من خجلها وخوفها لكنه ضمها اكثر وظل يبوسها واهي بحضنه .....

تركي واهو يرفع راسها له : لا تخافي مني ابدا انا امانج ... احميج وارعاج من كل شي بهالدنيا ....

ميار بخجل : تركي ... اعذرني انا مو متعوده الا على حضن مهران وماهر ....

تركي : لكن حضني اولى من اي حضن ....حضني الاهم ....

ميار واهي تضحك بخجل : ههههه انت واثق وايد بنفسك ...

تركي : في اهم مني ... من ادفى حضني او حضن اخوانج ....

ميار بخجل : كل واحد له معنى بحضنه واحساس يختلف عن الثاني ....

تركي : اوكي اقدر اعرف معنى حضن كل واحد ....

ميار واهي تهز راسها توافق : اي ... مهران احس حضنه مثل حضن الاب الحمايه ... وماهر محبه وموده اخويه ....

تركي بعد ما لقاها سكتت : اي وانا ...

ميار بخجل واهي تنزل راسها : انت .... انت ما اقدر اوصفه ....

تركي واهو فرحان من داخله : اي شلون يعني ... اوصفي شنو تحسي لمى اضمج ...

ميار واهي ترجف : مو عارفه ... بس ... احس جسمي كله يسخن وارجف... احساس بالخوف على راحه على توتر مو عارفه شلون اوصف ....

تركي واهو يهمس باذنها : على حب على وله ... ميار تشتاقي لي ... تفكري فيني ....

سكتت ميار ونزلت راسها خجلانه واحمر وجها فضحك تركي وضمها ونزل فيها بوس بكل مكان بوجها ....

تركي : بنتظر تعترفي لي فيها بيوم ... اعرف ان لي مكانه بقلبج لكنها مو اخوه ولا صداقه اهي مكانت حبيب قبل الزوج وبنتظر تقوليها لي بلسانج ..... والحين قومي خلينا نروح نتغدى بمكان .....

ميار : لا مابي برى بجهز لنا شي سريع ....

تركي : ابي اريحج ما يكفيج شغل الشقه ....

ميار : لا تخاف ما تعبت بالشغل بالشقه ... والغدى بتساعدني فيه ....

تركي : اي قولي جذيه اشتغل باكلي ....

ميار : اي ليش لا .... اي صحيح ... لغيت طلب الشغاله ....

تركي : ميار تعب عليج شغل شقتين ....

ميار : لا مافي تعب ولا شي انا بنظف شقتنا يوم ويوم ثاني شقتك ... ثم من زين تنظيفها هالشغاله لقيت تراكم وسخ بكل مكان ما تدقق بالتنظيف ابد تنظيفها زباله .....

ضحك تركي على طريقتها بالكلام فابتسمت ميار ونزلت راسها خجلانه فضمها تركي وباس شفاتها بشغف وبعدها بعد شفاته وحط جبينه على جبينها وهمس ....

تركي بهمس : قومي لا اتهور لاني ماسك نفسي غصب ....

ارتجفت ميار وقامت معاه ولبست شيلتها وطلعو لشقتها ودخلو المطبخ
مع بعض وجهزو الغدى مع بعض وبعد ما تغدو رجعت ميار لشقة تركي
تاخذ الملابس الي خلصت وخلصت باقي الشغل ورجعت شقتها ومعاها
ملابس تركي عشان تكويها ولقت تركي قاعد على الكنبه ومدد رجلينه
على الطاوله والكتاب على وجهه فابتسمت على شكله لان مبين انه نام
من تعبه واهو يذاكر فدخلت غرفتها واخذت له غطى ونزلت انتو بكرامه
الشوز من ريله وبتعب سحبت رجلينه ولفته على الكنبه وغطته بالغطى
وشالة الكتاب وطفت كل الاضائه وتركت اضائه خفيفه له ودخلت غرفة
الغسيل تكوي ملابس تركي وتكمل شغلها بترتيب الشقه .....

مهضومه 04-01-21 01:50 AM

البارت الخامس عشر
صحى تركي ولاحظ الغطى وتغير وضعيته بالنوم والاضائه فعرف ان
ميار سوت كل هذا فوقف وتلفت ولاحظ غرفة ميار طالع منها اضائه
فمشى لها وكان الباب مفتوح ولقى ميار لابسه بجامه وتكتب واهي
قاعده على سريرها و سماعات التلفون باذونها ومندمجه بالكتابه بدفتر
باين عليه مذكراتها فتنحنح يبيها تنتبه انه موجود لكن ما تسمع من
السماعات فقرب لها وسحب سماعها واهي فزت فضحك تركي عليها وقعد جنبها ....

تركي : شفيج ما لاحظتي اني هني ....
ميار واهي تحط المذكره جنبها : لا ما سمعتك السماعات باذني ... نوم العوافي ....
تركي واهو يحط السماعه باذنه : يعافيج شنو تسمعي ....
ميار : قران .... سورة الانسان .....
تركي واهو ينزل السماعه : شلون تسمعي قران وتكتبي بنفس الوقت ..
ميار : هههه تضن اكتب مذكرات لا اكتب الايات القرانيه ....
تركي واهو متعجب : ليش تكتبيها ... اقريها من القران ....
ميار : عشان احفظها بسرعه ..... يوعان ....
تركي : لا ... ممكن كوفي وكوكيز الي مثل امس ...
ميار واهي توقف : من عيوني ... بتذاكر ...
تركي واهو يلف يده حول خصرها : ودي بشي ثاني لكنه ممنوع عندج ... لكن بذاكر ....
طالعته ميار واهي توقف مشي فوقف تركي وطالعها وابتسم واهو ينزل راسه ....
تركي : لا تلوميني ميار ابيج ... كل شي فيج يطلب مني المسه وانا ماسك نفسي غصب ....

ميار : والمطلوب مني البي .... تركي انا عارفه ان هالشي من حقك لكن انا مستحيل اقبل بلي قلته من كم ساعه انا مو رخيصه ....

تركي واهو يمسك ويها بيدينه وبهمس : يعني لو اطلب الكمال تقبلي ... اببج زوجه كامله اتمم زواجي منج .....

ارتجفت ميار ونزلت راسها وهمست : كل الي تبيه حقك ما امنعك ابدا ..

تركي واهو يهمس باذنها : كنتي رافضه حتى هالشي شلي تغير ....

ميار بهمس واهي على وضعها :ما رفضت تركي قلت لك لازم تشهر ... اهلك ما يعرفو .....

تركي واهو يرفع راسها له : ابوي واخوي يعرفو ما يكفي .... او تبين الحفله عشان الكل يعرف ....

ميار واهي تبعد وتلف تعطيه ظهرها : ما همني لا حفله ولا غيرها تركي كل همي شرع الله يتم وبس ما تقرب لي بالخش والدس ...
تركي واهو يضمها من ورى : ما خشيت ميار ... ابوي يعرف يعني باي لحظه الكل بيعرف وانا ماجل لردتي هناك ... الحين شنو رايج زواجنا ناقص شي من الاشهار ...

نزلت ميار راسها فباس تركي رقبتها وهمس : اقسم الكل بيعرف لمى ارجع وحتى قبل ارجع لو تبين لكن ببالي امور لازم انهيها ... وبنفس الوقت متوله لج ميار ارحمي حالي عندي زوجتي وبين يديني وما اطولها .... قولي ما تبيني وهني ابعد ويكون بينا حدود لحد ما اسلمج لمهران وخالتي ... شقلتي تقبلي فيني زوج او لا ....

ميار بعد ما تنهدت وبرجفه : اقبل فيك تركي ....

تركي بفرح واهو يحملها : عيل الليله ليلتنا ... وانا كلمت مهران قبل انام وانا اذاكر وقال لي احنا كبار وماله داعي وجودهم معانا وهالشي خاص فينا ......انتي عروسي الليله ومابي كلام خلاص فاض فيني تبيني وانا ابيج ومحتاجج فبتلبي حاجتي او تخذليني ....

هزت ميار راسها علامة الرضى بخجل فصرخ تركي ولف فيها ودخل غرفتها ومددها على السرير واهو معاها وقبل تبعد ميار باس شفاتها ورقبتها واهو متشوق لقربها وبعد صراع بينهم بخجل وارتباك ميار وبعد كم عضه على رفسه وخربشات بجسم تركي تمم زواجه من ميار وقاربها بكل محبه وشوق لها ......

صحت ميار واهي تحس ان احد يبوس فيها بشفاتها ورقبتها وكل وجها ففتحت عينها ولقت تركي مبتسم لها ورجع يبوس شفاتها ....

تركي بهمس : صبحيه مباركه يا اروع عروس بالكون كله ....
خجلت ميار وسحبت الغطى تغطي ويها لكن تركي سحبه منها وباس شفاتها بشغف ....

تركي بعد ما ترك شفاتها وبهمس : اياج ثم اياج تخشي ويهج عني اذبحج فاهمه ....

ميار بخجل : تركي ....

تركي واهو يبوس رقبتها : روحه وحياته ودنيته كلها امري ....

ميار بصوت واطي : بعد ....

تركي : هاااه .... ميار تبيني جد ابعد ...

ميار بخجل : ابي التواليت ....

تركي : وانا هم ابي التواليت يا روحي ... ندخل سوى ...

ميار بفجعه : شنو ....

تركي : هههههههههه شفيج انفجعتي ... شوفي من اليوم ورايح مافي شور بدوني مفهوم ....

ما ترك تركي مجال لها تنطق وحملها بعد ما بعد الغطى عنها وعنه ونزل
فيها للارض ودخل الحمام واهي تصرخ تبيه ينزلها وجسمها كله يرجف
لكن لا حياة لمن تنادي مع تركي دخل فيها تحت الشور وما ترك لها
مجال تهرب منه لانه ضمها وهمس باذنها اعذب الكلام لحد ما هدت معاه وقاربها مره ثانيه .....

تركي واهو يفطر ومبتسم على خجل ميار منه للحين ومبين عليها الربكه : حبيبتي ...

ميار واهي منزله راسها وتحرك الشوك بالصحن : امر ...

تركي : ما يامر عليج ظالم ... ما كليتي شي للحين ... شنو انسدت نفسج مني ....

ميار واهي ترفع راسها بسرعه وتطالعه : ليش تقول جذيه ....

تركي ويمثل الزعل : لانج للحين ما كليتي شي شكلي مقرف وايد لج ... ندمانه على الي صار ...

ميار : لا تركي ما ندمت وهذا حقك ...

تركي : عيل ليش صحنج مثل ما اهو ....

ميار واهي تنزل راسها : تركي .... جد انا ... احممم ... انا يعني ...

تركي واهو يلف بده حول خصرها ويهمس باذنها : للحين خجلانه ... عارف ومرتبكه شي يديد عليج ... حبيبتي انا كنت امزح معاج وكنت ابيج تتفاعلي معاي شوي ... حبي بعدي الخجل عنج وخلينا نعيش احلى ايامنا مع بعض ... احنا بشهر عسل ...

سكتت ميار فتره من خجلها وبعدها طالعته : عندك امتحان لا تتاخر ...

تركي : اااااااخ ... هذي الي بذبحها صج ... ميار لا تتهربي ... اعرف عندي امتحان لا تخافي ما بفوته لكن برجع واوريج شلون تتهربي مني

ميار : ما اتهرب تركي لكنك تبيني اكون عادي معاك وانا توني معاك كزوجه .... بشويش علي ....

تركي واهو فرحان ويبوس خدها : اي جذيه تكلمي مو تبقي ساكته وانا العب فيج ... اوكي حبيبتي بعد ما ارجع من الجامعة ابيج جاهزه بنطلع ...

ميار : وين نطلع وبكره عليك امتحان لازم تذاكر ....

تركي واهو يمسك شفتها التحتيه : ما عليج مذاكر وامشي اموري ... اويلي باكل شفتج هذي ... احممم ... ميور ...

ميار : لبيه ....

تركي : احمم ابي نرجع الغرفه مشتاق ...
ميار واهي تبعد وتوقف : تركي بلا ينون امتحانك والي تبيه لاحق عليه ...

تركي واهو يوقف : بس توعديني لمى ارجع لي الي ابيه ....

ميار واهي ترجع على ورى : قلت بترجع ونطلع شنو غير ...

تركي واهو يركض وراها بعد ما هربت : ما تغير بنطلع لكن بعد ما اطفي شوقي ...

ميار واهي تركض بالشقه وتركي وراها وتصرخ : ااااه ... تركي بعد وقف لا تلحقني .... جامعتك ....

تركي واهو يضحك ويلحقها : بقريع ...ههههههههه اوقفي ... ميار اوقفي والله ما بتركج اذا مسكتج اوقفي ....

صرخة ميار واهي تضحك لمى قرب تركي يمسكها وحاصرها بزاويه ومسكها واهو ضامها ويتنفسو بسرعه ويضحكو ....

تركي واهو يبوس رقبتها : تعبتيني ... هذا ومعاج الربو وجذيه شلون لو ما فيج ....

ميار واهي تضربه بخفيف على صدره ومبتسمه : عينك لا تنضلني ... يله تركي لا تتاخر جد ...
تركي واهو يعض على شفته السفليه ويغمز لها : مو قبل ما اطفي شوقي .... في وقت وايد على الامتحان .....

حملها تركي واهي تصرخ وتضحك معاه تبيه ينزلها لكن تركي لازم ينفذ الي براسه فدخل فيها غرفتها ونزلها على السرير وووووووووو

فهد واهو يطالع تركي المبتسم : شفيك اليوم شاق الحلج جذيه .... فرحنا معاك .....

تركي واهو ينزل الكوب على الطاوله ومبتسم : البارحه دخلة عش الزوجيه صح ....

فهد واهو مو فاهم قصده : ليش تزوجة الثالثه ... من سنه ونص متزوج بنت خالتك ومن كم يوم او نقول اسبوع متزوج ميار ....

تركي : ههههههه انت اهبل تممت زواجي بميار قبلة فيني زوج بكل معنى للكلمه واقنعتها وتم ....

فهد واهو يغمز له : اييييي هههههههه مبروك عيل ننتظر اول ولي للعهد ....

تركي : هههه يبارك فيك ... لكن ميار بعدها صغيره على امومه وهم دراستها لا بعد يبيلنا وقت لهالشي ....

فهد : اهاااا انت ما تبي ميار تحمل لهذي الاسباب او تبي اول مولود لك من اروى ....

تركي : لا طبعا ما تفرق عندي من ميار او اروى ... تعرف اصلا اتمنى ميار تحمل ويكون يينا بيبي ومتشوق اصير اب لكن لا تنسى ميار تعاني من الربو وهم ابيها تحمل وما تتعب ... افكر اعالجها باقرب وقت وبعدها تحمل واكون مطمان عليها .....

فهد : لكن علاجها مو بيوم او اسبوع او شهر يحتاج وقت ... بتنتظر يعني عشان مرضها ثم وايد عندهم ربو ويحملو عادي ....

تركي : عارف لكن ما قلت مابي قلت ابيها تكون مرتاحها بحملها ... ثم لو حملت الحين تضن ما بفرح بالعكس موناي لكن خايف عليها مو اكثر

فهد : الله كريم ... هاااه عندك بكره امتحان ....

تركي : اي ليش تسال .....

فهد : اسال يعني ميار بتتركك وتروح الشاليهات وانت بتبقى لحد ما تخلص ....

تركي : ههههههههه لا طبعا ميار ما بتروح بدوني .... كلمة صديقتها اليوم قبل ايي وخبرتها انها بتروح لها الشاليهات بعد ما اخلص امتحاناتي وما باقي شي يومين واخلص ....

فهد : وطبعا انت الي قلت لها تسوي جذيه صح ....

تركي : لا انت ظالمني ..... ميار قالت لي قبل اطلع بتكلمها لان ما يطاوعها قلبها تتركني بروحي ... عندي زوجه ما تتعوض ابد .....

فهد : الله يهنيك معاها ويسعدكم .... اوكي واروى ما كلمتك ....

تركي : لا تخيل كم يوم ما اتصلت لكن انا عارف ليش ....

فهد : وشنو ناوي .....

تركي : ولا شي لكن تحلم ارد عليها وتعرف قدرها اذا رجعت وميار معاي بتكون ....

فهد : بس جذيه بتذبحها ..... تركي لا تستغل ميار بحرق اروى ... تفاهم معاها ولا تدخل ميار بينكم ....

تركي : ليش شنو تضن فيني استغل ميار بحرق اروى ... لا بس ابي ميار معاي واعلن زواجنا للكل وطبعا قبلها ابوي بيخبر امي وخواتي لكن اروى واهلها لا لمى ارجع .....

فهد : ومتى ناوي ترجع .....

تركي : بعد شهرين بكون خلصت وميار هم لان اتفقت معاها ناخذ اجازه بس اسبوعين عشان ترجع معاي وتحضر زواج طلال وبالمره اسوي لها زفه ....

فهد : زفه لمن ميار ....

تركي : اي ليش ما تستاهل اصل ودي بحفله كبيره لها ... وخبرت مهران قال بعد ما تخلص خالتي العلاج بينزلو البلاد دايركت وناخذ وليد معانا لان بتكون خالتي خلصت علاجها ....

فهد : لا والله تستاهل وزود لكنك تممت زواجك منها وخلاص ....

تركي : واذا تممته ولو عندي منها ولد هم بسوي لها حفله .... اقول بتركك مابي اتاخر عليها بروحها بالشقه .... باي ....

ترك تركي فهد وظل فهد يفكر بحال تركي هل فعلا اهو يحب ميار او بس يبي يتملكها لانها جميله والكل يتمناها وحاب تكون من ممتلكاته او يبي يبين لاروى واهلها انه يقدر يلقى الي احسن منها ... تنهد وقام عشان يرجع شقته ويحاول يتجاهل وضع تركي وحياته ويركز بحياته مع زوجته ودراسته افضل له وما يمنع انه يكون عون لتركي باي وقت يحتاجه فيه ......

مهضومه 10-01-21 12:48 AM

البارت السادس عشر



مر يومين وخلص تركي امتحاناته وتوجهو بنفس اليوم للشاليهات وكانت ميار فرحانه وايد بشوفة صديقتها مروه و هم وليد لانها اشتاقت له وايد وتعرف تركي على علاء خطيب مروه ومره واندمج وايد مع علاء .....

مروه بهمس لميار : تعرفي زوجج قطعه .....
ميار بنفس الهمس : هههههه لا يسمعج علاء يذبحج الحين ..... ثم تراه متزوج غيري مو بس انا ....
مروه بهمس : ندمانه ....
ميار بهمس وضيق : لشخصه لا لكن ماكنت حابه اتزوج واحد متزوج ... وهم للحين ما تمم زواجه منها .... احس اني دخلت نفسي بمشاكل مالها اول من تالي ...
مروه بهمس : شلون علاقته فيها ... وشلون تزوجها ...
ميار بهمس: خبرتج عنه من قبل ... حب طفوله لكنه يقول لي انه عود نفسه على هالحب واكتشف ان حبه الحقيقي انا ....
مروه بهمس : المفروض تفرحي لهالشي ما تتضايقي ...
ميار بهمس : ومن متى افرح لمصايب غيري ثم انا مو واثقه ان هذي مشاعره صدق ممكن يكون يتوهمني انا ويصحى على نفسه اذا التقى فيها ....
مروه بهمس : دام جذيه ليش سلمتيه نفسج ....
ميار بهمس : اولا مابي ربي يغضب علي وثانيا .... مابي امنعه من حقه لامور ممكن اكون غلطانه فيها ولا تنسي هذي حقوقه ....
مروه بهمس : اي حقوقه لكن لو تركج شنو وضعج عقب ....
ميار بهمس : الله اهو الي يتولاني ومابندم لاني عطيته حقوقه ...

تركي واهو يقرب منهم مع علاء : ماخلص همسك مع بعض .... حبيبتي ما مليتي منها .....
مروه واهي تشوف ميار تبتسم له : لا والله بعتيني اول ما قرب هاااه تبتسمي له وفرحانه ....
علاء : هههههههه حبيبتي تغاري عليها تراه زوجها لزم بتبتسم حتى لو سبج ....
مروه : وانت عاجبك هاااه حتى لو سبج .....
ضحكو عليها واشر تركي لميار تروح له وقامت ومسك يدها ولف يده حول جتفها وعلاء قعد جنب مره ...
تركي : يله نتركم اكيد تبي علاء تكون معاها بروحكم ....
علاء واهو يغمز لتركي : اي اكيد لكن مو مثلك بلقى الي بتلقاه ....
تركي واهو يضحك ويمشي مع ميار لشاليهم : هههههههه اقول محد ماسكك ... تصبحو على خير ومثل ما اتفقنا لبكره ...
مروه : على شنو متفقين هم ....
علاء : على كل خير حبيبتي بيعجبج ...
مشى تركي مع ميار للشاليه بعد ما ودعو مروه وعلاء واول ما دخلو وسكر تركي الباب حمل ميار ....
تركي واهو يمشي فيها لغرفتهم وبهمس : مشتاق لج موووووووت ...
ميار بخجل واهي تلف يدينها حول رقبته : وانا هم ....
تركي واهو يسكر الباب برجله : جد او تجامليني ....
ميار وتركي ينزلها على السرير : ليش متى جذبت عليك ...
تركي واهو يبوس رقبتها : اتاكد حبي ...
ميار واهي تبعد تركي وتطالعه : تركي ...
تركي : شنو حبيبتي في شي ...
ميار واهي تبتسم : اي بطل على وليد وارجع لك ... بتاكد انه نام ...
تركي : لازم يعني ...
ميار واهي تنزل من على السرير وتمشي للباب : اكيد تركي لا تنسى وليد امانه برقبتي ورقبتك وهم اهو ولدي ....
تركي واهو يوقف ويمشي معاها : اوكي معاج حق بروح معاج ....
وصلو وفتحت ميار الباب بشويش و تفاجاو بوليد على سريره وماسك مذكره وبكتب فيها فابتسم لهم اول ما شافهم وبادلوه الابتسامه وتوجهو له ....
ميار واهي تقعد جنب وليد وتبوس خده : شنو تكتب ...
وليد : كل الي صار اليوم ....
تركي واهو يقعد قباله : انت مثل عمتك يعني ما تنام الا كاتب كل الي صار اليوم ....
وليد : هههههه اي ... عمو هذا يفيدني ماما علمتني هالشي وانا مستفيد منه مثل ما قالت لي ....
تركي : علمني شنو قالت لك ماما .....
وليد : ان كل اسبوع اقرء الي كتبته واشوف شنو الشي الغلط الي سويته واتجنب اني اكرره وهم اذا غلط بحق احد اعتذر واصلح غلطتي معاه ....

تركي : حلو هالشي ... اوكي ما خلصت ....
وليد : بلا خلصت بس بقراء اذكاري قبل النوم وانام ....
ميار واهي تبوس خده : اوكي حبيبي تصبح على خير ...
وليد واهو يبوس خدها ويضمها : وانتي من اهله يا احلى ام بالدنيا كلها
تركي واهو يقوم ميار معاه : اقول شكلك ما تشبع تبوس بزوجتي ... وانتي شغاله هاااه يله نام واترك زوجتي لي ....
ضحك وليد وتمدد وسكرت ميار الاضاءه وتركت له الالجوره وطلعت مع تركي وسكرت الباب فحملها تركي وقبل تصرخ من فزعتها كتم صوتها بشفاته على شفاتها وطار فيها لغرفتهم ووووووووووووو

مر اسبوعين عليهم بالشاليهات وسافرو بعدها مروه وعلاء لان اجازتهم مو طويله وتركي استغل الفرصه واخذ ميار برحله لروما كشهر عسل وترك وليد مع خالد واسرته الي اتفق معاه قبل وكان احلى اسبوعين ثانين على تركي ميار وبطول الفترة ميار مستغربه ان تركي ولا مره كلم اروى ولا اروى اتصلت فيه لكنها ما تقدر تساله عن السبب فهالشي يعتبر تدخل منها بين تركي واروى واهي ما تبي تزعجه منها وطبعا كل يوم تكلم مهران وامها ووليد وتركي يكلم اهله كل فترة .....
تركي واهو يحمل الشنطه : متاكده حبيبتي ما نسيتي شي ....
ميار واهي تلف شالها على راسها : لا حبيبي كل شي تمام ....
تركي بهيام : اخ بس لو في وقت كنت وبرتج شغلج ...
ميار واهي تبتسم : انت ما تيوز عن حركاتك ابد يله لا نتاخر وتروح علينا الرحله ...
تركي : تروح اذا بقضي معاج احلى لحظاتي تروح بس قولي اوكي ....
ضحكة ميار ومسكته من ذراعه وهمست له باذنه : لنا بيت يسترنا احسن من الفنادق ....
تركي واهو يبوس خدها : انتي قلتي واذا تراجعتي وربي ما يفكج مني شي فاهمه ....
هزت ميار راسها واهي تبتسم وتوجهو للمطار و ظلو بقاعة الانتظار بعد ما خلص تركي الاجرائات واثناء ما كان ماسك يد ميار ويهمس باذنها وميار تمسك نفسها ما تضحك لانها وسط ناس وايد وبمكان عام رفع تركي راسه وطالع بعيد و تجمدت بسمته وتحولت لعبوس وصدمه فانتبهت ميار له وطالعت مكان ما بطالع ولقته يطالع بنت ماسكه ذراع شاب وتضحك معاه واهو واقفين جنب مكتب الاجرائات فطالعت تركي ...
ميار : تركي شفيك تطالعهم جذيه تعرفهم ...
وقف تركي ولا رد عليها وتوجه لهم وميار مشت وراه ببطئ ماتبي تقرب وايد لكن تسمع الكلام لو دار بينهم ....
تركي : من سمح لج بالسفر يا مدام ... ومن حضرته ....
لفت اروى وطالعته بصدمه : تركي .... ااااااا .... هذا ... اممم
تركي : ردي من هذا ومن سمح لج بالسفر انطقي ....
الشاب : عفوا من حضرتك تكلمها جذيه ....
تركي بصرخه : زوجها يا حيوان .... تلعبي بذيلج يا متربيه ....
اروى وشوي و تبكي : لا تغلط تركي انا مع بابا هني وهذا عصام ولد عمو عمر وكنا برحله عمل وانا ييت مع بابا ومو لزم استاذن منك ... بس انت شلون بروما ....
تركي واهو يطالع وراها بمسافه طويله ويشوف ابوها : حسابي معاج بعدبن لمى ارجع البلاد .... وليش انا هني لاني بشهر عسل مع زوجتي .
كلامه كان صدمه وصفعه كبيره لها ولف تركي وشاف ميار فلف يده حول خصرها ومشى فيها لمكانهم واهو ساكت واحترمت ميار سكوته ولمى وصلو تكلم بهدوء عكس داخله لها . .
تركي : شيلي اغراضج وامشي النداء الاخير لنا .....
هزت ميار راسها وشالت شنطتها ومشت معاه لمكان بوابتهم وقبل تدخل لفها احد بقوة وبعدها عن تركي ولفت تطالع لقتها اروى فمسك تركي ميار بسرعه قبل تطيع من قوة الدفه الي دفتها اروى ...
تركي بصرخه على اروى : ينيتي انتي ليش تدفيها ...
اروى ودموعها تنزل وتاشر على ميار وتصرخ : من هذي القذره انطق
تركي ببرود واهو يضم ميار من جنبها : زوجتي ....
اروى واهي على حالها : جذاب انت قلت ما تزوجة علي شلون زوجتك .
تركي : من شهر تزوجتها ... اي وكنا هني نقضي اسبوعين عسل ... بعدي ... يله حبيبتي لا نتاخر ....
اروى واهي تمسك يد تركي : تركي انا ما سويت شي غلط انا ييت معى بابا وعصام صديق مو اكثر ... قول انها مو زوجتك وبسامحك لو انها نزوه تتسلى فيها ....
تركي واهو يصفعها بقوة : تخسين يا حيوانه لا تغلطي عليها فاهمه ميار مو رخيصه تسوي الغلط اذا انا زوجها ما لمستها الا بقناعه وكمال مو مثلج قبلتي بالقذاره وفوق هذا رفضتي تكوني زوجه تعف زوجها عن الحرام ... امشي من قبالي لا ادفنج مكانج .... يله حبيبتي ....
مشى تركي مع ميار المحطمه بداخلها ومتضايقه للي صار قبالها ولكلام اروى عنها صح تركي دافع عنها لكن ما حبت تكون سبب خلاف بينهم واول ما قعدت على كرسيها بجت ولف تركي منصدم منها ولفها له وضمها خايف عليها ...
تركي واهو يشد عليها : شفيج حبيبتي ... ليش البجي اخذت حقج منها ... تببن ارجع اكوفنها لج ....
ميار واهي بحضنه : لا تركي للي سويته غلط ماكان له داعي تمد يدك عليها ..... اهي معذوره زوجها وقبالها مع زوجه ثانيه شنو تنتظر تاخذني بالاحضان ..... تركي ...
تركي واهو يرفع راسها ويمسح دموعها : روح تركي .... لا تبجبن حبيبتي دموعج تعذبني ....
ميار : اسمعها تركي اذا كلامها صحيح فمعاها عذرها يات مع ابوها ... لا تغلط وتحكم قبل تتاكد وتسمعها ولا تقهرها فيني ... ارجوك تركي ....
تركي : يصير خير ... شوفي سواتها ما تغتفر ما شفتيها شلون ماسكه فيه وكانه زوجها . . لي تصرف معاها ولا تتدخلي بيني وبينها اوكي
.... حياتي معاج بعيد عنها اوكي ....
هزت ميار راسها لان فعلا لازم ما تتدخل لكن ما تحملة تشوف اروى منهاره جذيه وتسكت لكن تركي معاه حق وتصرفه قليل بحق اروى لو غيره كان جرها قدامه ونزل فيها ضرب اولا مع ريال غريب وماسكته فعلا وكانه زوجها وتضحك معاه وثانيا مسافره بدون علم زوجها وحتى لو مع ابوها هم من حقه يعرف ويقرر يقبل او لا ..... تنهدت ميار وطالعت تركي الي ضامها للحين وما تركها فمسحت على صدره وطالعها وابتسمت له ورد لها الابتسامه فتجراة وباست خده واهي خجلانه فقرص انفها وهمس ....
تركي : على هالحركه احمدي ربج ان حولنا ناس ... جان علوم صارت الحين ....
ضحكة ميار بصوت واطي واهي تحط يدها على فمها فباس تركي بين عينها وشد عليها اكثر وكانه بيدخلها داخله واهو يفكر بتصرف اروى وكلامه معاها وتنهد لانه تذكر شكلها واهي ماسكه الريال ما ينكر شبت النار بصدره لكن مو غيره كثر ما اهي اهانه لرجولته وخصوصا ان ميار شافت الي شافه لكن وجود ميار خلاه يهدى شوي ويتحكم باعصابه وحب يتعامل مع الموضوع ببرود لكن كلام اروى عن ميار شعل النار بصدره لانها اهانتها وقذفتها وميار اطهر واشرف من ان وحده مثل اروى بستهتارها تتكلم عليها بكلمه غلط حتى لو من باب الغيره .....
المضيفه : اذا سمحت سيدي بغلق الحزام ستقلع الطائره بعد قليل ....
تركي : حسنا اشكركي ..... حبي يله سكري حزامج ....
هزت ميار راسها وسكرت حزامها بعد ما بعدت عن تركي ولمى خلصت لفت لتركي ولقته مرجع راسه لورى على الكرسي ومغمض عينه فتنهدت وخافت عليه وما تبيه يكتم بصدره ويفكر وايد لان صحته بتتعب ونفسيته قبل .... كانت حابه تساعده بالكلام لكن ما تبي تتدخل وبنفس الوقت خايفه عليه فمسكت يده وطالعها وابتسمت له ورد الابتسامه ....
ميار : بتنام حبيبي .....
تركي : مو عارف يمكن .... تبين اسولف معاج حبيبتي ....
ميار واهي تبعد خصل شعره عن عينه : لا حبيبي ريح انا بقرى لي كتاب بشنطتي ريح انت ....
تركي واهو يبوس يدها : ميار لا تفكري وايد بلي صار ....
ميار : تركي ابي اسالك ومتردده مابي تفهمني غلط ....
تركي واهو يبتسم لها : اسالي يا روحي مافي حدود بينا انتي شريكة حياتي والاقرب لي من اي احد تترددي ... قولي ولا تخافي ....
ميار : شنو ناوي على اروى .... عارفه الي صار مو سهل علبك وانا اصلا كنت مستغربه انك ما كنت تكلمها من خلصت امتحاناتك ولا اهي ... ما حبيت ادخل نفسي لكن بعد الي شفته تخوفت تتهور وتغلط بحقها وتندم بعدين .... تركي لا تظلمها ولا تظلم نفسك بنفس الوقت باين انها تحبك وايد ولها اسبابها للي سوته ....
تركي : تدافعي عنها واهي غالطه عليج وهم مدت يدها .... ميار ثقي اني ما بظلمها لكن اروى تمادت وايد بستهتارها فيني ... لازم اادبها ما ابيها تتماده اكثر واذا ما انصلح حالها الانفصال افضل لي ولها ... اروى تحب تتملك وتعتبر زواجها مني تملك وبنفس الوقت تبي حياة ابوها وهالشي ما يمشي معاي ....
ميار : مو يمكن ابوها ضغط عليها تسافر معاه وخافة تخبرك وتزعل عليها .....
تركي واهو يبوس خدها : ههههه قلبج ابيض وايد اروى من فتره واهي متغيره وتسوي الي تبيه وعندي خبر بكل الي تسويه وطلعاتها الي ما تخبرني عنها مثل قبل اروى تغيرت وايد وللاسف للاسوء .... حبيبتي لا تشغلي بالج ولا تخافي ما باذيها ولا اظلمها ... اوكي جذيه ....
ابتسمت ميار وهزت راسها موافقه على كلام تركي فضمها له لان راحته فعلا معاها وكلامها معاه بين له معدنها فعلا وانها ما تحب انه يظلم احد حتى لو على حسابها .....

وصلو تركي وميار وتوجهو لشقة تركي لان تركي اصر انها لازم تسكن بسكنه فرضخت ميار واهي تحس بقلق من هالشي وحاسه ان اروى بتيي لهم قريب وباليوم الثاني طلبت ميار من تركي يخبر خالد بوصولهم ويرسل وليد وفعلا وصل وليد لهم و سكن معاهم بشقة تركي وبعد يومين كان تركي بالشغل وميار تشتغل بالشقه بالتنظيف والطبخ ووليد يلعب بلاستيشن فرن جرس الباب وتغطة ميار وتوجهة للباب وطلة من العين السحريه وكانت متوقعه الزاير لانها تنتظر باي لحظه تزورهم ففتحت الباب و اندفت لداخل من يد اروى واهي تدخل بهيجانها ووراها ابوها ...
اروى بصراخ على ميار: وين تركي يا حيوانه ... وينه يا قذره ....

ميار بهدوء واهي تطالع وليد : ماما حبيبي ادخل داخل .....

ابو عادل بسخريه : وما تزوج عليج الا وحده عندها عيال ... وينه الكلب انطقي ....

ميار بهدوء : اولا ممكن تخفو صوتكم لو سمحتو وثانيا ممكن الالفاض البذيئه توقف ... في طفل هني ما احب يسمع هذي الالفاض وخصوصا على شخص مهم وله قدره عنده ....
اروى واهي تتهجم على ميار : انتي جب اخر من يتكلم عن الالفاض البذيئه يا زباله وين تركي ....

ميار واهي تبعد عن اروى : لو سمحتي الزمي حدودج ولا تمدي يدج .... تركي بالشغل ... تبينه بكلمه لكن تفضلي انتظريه بحترام ....

ابو عادل : ما بقى الا اشكلج تعلمنا الاحترام ....

تركي واهو يدخل ويسكر الباب الي كان مفتوح : تعلمك وتعلم الي اكبر منك ... ميار متربيه واعلى من انها تنزل نفسها لمستواكم ....

اروى واهي تركض لتركي تبي تضمه ودفها تركي : تركي ييتك نتفاهم طلقها ....

تركي بقرف : بعدي .... ونتفاهم على شنو .... واطلق من ... اذا احد بيتطلق فاهو انتي وميار مستحيل اطلقها ....

ابو عادل : احسن .... طلق وريحنا من فقرك وخلك مع الي مثل مستواك ...

اروى بصرخه : لا تركي لا ... انا احبك ومابي طلاقي منك انا ما خنتك ابدا كلمافي الموضوع بابا يحتاجني معاه وما خبرتك لاني اعرف بتتضايق ... اعرف حبيبي ما بتمنعني لهالشي رحت وما خبرتك ...

تركي واهو يمشي لميار وبسخريه : صحيح .... ههههههه تعرفي انج جذابه ... طالعي هلي يمي ... برغم انها اصغر منج لكنها اعقل وقايمه بواجبي بالكامل .... لمى طلبت منها الي طلبته منج رفضت تعرفي ليش لانها تشوف هالشي يقلل من قدرها وتصير مثلها مثل الي تكون علاقات محرمه وتشبع الشباب بدون ما تفقد عذريتها والي تسويه مع الف واحد ما تفرق دام لمى تتزوج بتوهب هالشي لزوجها واهو ياغافلين لكم الله عن بلاويها قبل ....

اروى : تشك فيني تركي .... لاني قبلت لك وانت زوجي تشك ....

ابو عادل بعصبيه : يعني لعبت عليها وبترميها يا كلب ....

تركي : بنتك قالتها لك انا زوجها ... شوفي انا ما اشك فيج قبل لكن لمى لقيتج تسوي الي تبينه بدون استاذان لازم بشك ....

تحركت ميار بتدخل الغرفه لكن تركي مسك يدها وسحبها جنبه : خلج ابيج تسمعي كل شي ....

اروى بعصبيه وصراخ : خلها تذلف تبيها تسمع كلامنا وتشمت فيني .... تركي وين حبنا نسيت كل شي بهذي اكيد ساحرتك ....

ميار بصدمه : اعوذ بالله شهالكلام ... انا مسلمه مو كافره امشي بالحرام

اروى بصراخ : انتي زباله... اي مسلمه لو عندج ذرت احترام للحجاب الي عليج ما اغويتيه وخليتيه يتزوجج ... ولا مستعمله هم ....
تركي بصرخه : جب الزمي حدج فاهمه ... قولي الي تبينه لكن تغلطي على ميار والله لادفنج مكانج فاهمه .... ثم من وين يبتيها مستعمله هاااه ميار خذيتها بنت بنوت واشرف من الشرف ....

ابو عادل واهو ياشر على غرفة وليد : والي تقول له ماما يابته منك متى

تركي واهو يبتسم بسخريه : هه ... مع اني مو مضطر ابرر لكن بتكلم عشان محد يغلط بحق محبوبتي بشي ... الي داخل يكون ولد اخوها ويناديها ماما لانها مربيته ... هاااه ارتحتو ... ثم لو بتييب ولد بتييبه واهي بنت ١٢ سنه .....

اروى : ما يهمني لا اهي ولا ولد اخوها .... تركي طلقها وببقى معاك هني واسوي الي تبيه بس طلقها .....
تركي واهو يقعد ويقعد ميار جنبه : مستحيل ... تفهمي يعني شنو مستحيل .... الي بيتطلق انتي اذا تيين واذا ما تبين تنفذي كلامي بالحرف ....
ابو عادل واهو يمسك يد اروى : امشي بابا هذا مو ويه حشيمه قلت لج لا تيين وخله يطلق ابركها من ساعه ....
اروى واهي تفلت يدها وتركض لتركي : لا ..... تركي انا احبك واقسم لك ما اغلط خلاص بسوي الي تبيه بس طلقها .....

تركي واهو يقرب ويهه لها : اسف ..... انتي طال.....
ميار واهي تحط يدها على فمه : لا تركي لا تنطقها قالت بتسوي الي تبيه حرام ....

اروى واهي تدف ميار عن تركي : وخري انتي كان بيطلقج ما يطلقني ..... يله حبيبي طلقها وقطها بالشارع مكان ما خذيتها .....

تركي واهو يبتسم : مشكلتج اروى للحين مو مصدقه ترى عافج الخاطر بعد سواياج .... والي بطلقها انتي ..... تضني اني غبي ... هااااه ... اروى ... انتي كنتي تطلعي كل يوم مع عصام وغيره من عيال اصحاب ابوج وللاسف تتركيهم يتلمسو جسمج .... انتي على ذمتي وتوهبي جسمج لغيري تضني ببقى عليج كنت برجع واطلقج بعد زواج طلال لكن ييتي وخلاص لمى شفتج بروما ما انصدمت لكن ما تخيلت اشوفج بعيني .... وصلني اخبارج وسمعتج وانتي باحضان كل واحد ..... تعرفي ان عصام يتصل وانتي معاه ويسمعني صوتج وكلامج ... وهم انتي تتكلمي وتقولي له يبوسج ... وشغل مكالمه فيديو عشان اشوفج ... كنت اضن مجرد طلعات بريئه لمى خبرني طلال لكن لمى كلمني عصام عرفة مكانتي عندج .... كنت برجع وافضحج لكن هلي قبالج لمى شافتج بروما حاولة تقنعني انج يمكن ظلمتج ما تدري بسواد ويهج ..... اروى .... انتي طالق ... اورقتج بتوصلج .....

انهارت اروى تبجي واهي مغطيه ويها ونزل لها ابوها ووقفها واهو يطالع تركي بحتقار ....

ابو عادل واهو ياشر على ميار : اشبع فيها بنت الفقر مثلك ولا تضن ان اروى كانت بتعيش بسعادة معاك كنت انتظر هذي اللحظه من زمان والحمد لله تحقق..... اذا تضن ان بلي عندك بتكبر وتعلي اكثر مني لا فانا كبرت وعلى مستواي اكثر منك واقدر ادوسك مع زبالتك الي يمك....

تركي واهو يبتسم : ههههه تعرف انك مسكين ... اولا انا ما يهمني املاكك ولا مستواك الاجتماعي وهم ما يهمني مستوى ميار واهلها لان الي جذبني لها اخلاقها وكل صفاتها .... وللعلم تراني عليت واملك كثر من الي انت تملكه مرتين .... ومعلومه ثانيه ميار من مستوى عالي وايد وايد والي تملكه اهي ما يجي الي انت تماكه نقطه ببحر املاكها ... وعشان تعرف من بنته تراها بنت عايلة المهران .... اخوها مهران صاحب الشركه الي اشتغل فيها .... هاااه ارتحت الحين .....

طلع ابو عادل باروى الي ما وقفت بجي ومنهاره تماما ولحقه تركي وسكر الباب ولف لميار لقاها واقفه مكانها ودموعها تنزل واهي ساكته فراح لها وضمها بقوة .....

تركي : ليش البجي يا روحي الحين ....

ميار واهي بحضنه : ليش تركي ليش تسرعة وطلقتها يمكن كان يفبرك

تركي واهو يبعدها ويرفع راسها له : شيفبرك ميار مكالمة فيديو ممكن تتفبرك لو صور ممكن لكن مكالمه لايف شلون وهم صوتها بيتفبرك هم ... ميار اروى انتهت من حياتي واهلي لازم يعرفو ... انا بكلم ابوي وامي عشان يكونو بالصوره ومحد يلومني اذا رجعت ....

ميار : من متى تعرف وساكت .....

تركي واهو يبوس خدودها ويمسح دموعها : بعد امتحاناتج .... حبيبتي لا تهتمي ... روحي لوليد وتكلمي معاه اكيد انه مرعوب الحين يله وانا بكلم ابوي وامي .....

ميار : وخالتك ما بتكلمها ..... لا تخليها تشيل عليك تركي ....

تركي : ابي اكلمها لكن متردد ... مابيها تسيئ الضن فيني وبنفس الوقت مابي افضح بنتها عندها وتكتشف انها ما ربتها عدل .....

ميار : شاور اهلك افضل ... بعد اذنك بروح لوليد ....

تركي واهو يسحبها ويلف يده حول خصرها : اول ابي بوستي لمى ارجع اليوم ما خذيتها ... يله ....

ابتسمت ميار وارتمت بحضنه وبعدها بعدت وباسته بخده وقبل تبعد مسكها تركي وباس شفاتها بشغف ......

تركي : احبج يا احلا شي بحياتي ....

ميار : وانا هم احبك تركي .....

تو بيحملها لكن هربت منه ميار واهي تضحك و اهي تفك شيلتها وتروح لغرفة وليد وتسمع توعد تركي لها ......

اتصل تركي لامه وابوه وخبرهم بكل شي وامه بالاول وقفت بصف اروى وما صدقت لكن لمى اتصل لها تركي بالفيديو ووراها الفيديوات انهارت وبجت و صدقته واصرت يرسل لها كل الفيديوات والصوت وانها اهي بتكلم خالته ويدته توضح لهم كل شي وطلبت منه يرجع باسرع وقت ومعاه ميار ......

اوديفالا 10-01-21 01:18 AM

لا تهتمي بقلة التفاعل ، المهم أنك إستمتعتي بوقتك في كتابة الرواية وأنك كملتِ بشغف حتى الفصل الأخير وماإستسلمتِ ، خلي عندك محفزات وإستمري دائما بالكتابة

Good luck dear

مهضومه 17-01-21 04:51 AM

شكرا اوديفالا على المرور وعلى النصيحه وهذا الي انا ماشيه عليه ما راح انتظر احد يعلق على الروايه وبكمل تنزيلها وببقى على قراري الي اتخذته ... اذا كتبت روايه جديده وكملت راح انزلها دفعه وحده وانهي المساله ....

انا نزلت الروايه على بارتات بسبب نصيحت بعض الاعضاء بتنزيل اي روايه اجزاء عشان يعطوني القراء الراي لكن هالشي ما صار ....

اشكرج مره ثانيه على مرورج والنصيحه واتمنى لج التوفيق ....

مهضومه 17-01-21 04:53 AM

البارت السابع عشر



مر شهرين وخلصوتركي وميار الدراسه للسنه وتقرر يرجعو للبلاد عشان يحضرو زواج طلال وطبعا ميار متوتره وخايفه من مقابلتها لاهل تركي وطول الفترة الماضيه كانت امها ومهران يهدونها ويشجعونها على مقابلتهم والتعرف عليهم وتقرر يسافر وليد لابوه ويدته مع خالد عشان ميار ترجع مع تركي بروحهم ولمى وصلو المطار كان بستقبالهم طلال وركان ......

طلال واهو يضم تركي يشوق ولهفه : وحشتنا موووووووت ..... اخر مره تخليها سنه كامله يا ظالم احنا شذنبنا ......

تركي واهو يبعد عنه : هههههههههه ما كاني كل يوم اكلمك يا المحتال قول اخرة زواجك .... بعد خل اسلم على رويكن .....

ركان واهو يضم تركي : رويكن بعينك ياي بعد سنه ورويكن ..... شلونك وشلون النفسيه للمعركه .....

تركي بعد ما بعد عنه : انا تمام ومافي لا معركه ولغيره .... حبيبتي تعالي اعرفج على هالمهبل .....

طلال واهو يمد يده لميار : اهلا وسهلا فيج مرة اخوي .... ههههههه حلوه مرة اخوي ....

تركي واهو ينزل يد طلال : ميار ما تصافح احد ما يحل لها .....

ميار بخجل وربكه : اهلا .... واسفه ....
طلال واهو مبهور بجمالها ونعومتها : هلا فيج .... ليش الاسف يبه اذا على المصافح فانا الي اعتذر .... هههههه انا قليل حيه عادي عندي ... هالشي يرفع مقامج ....

ركان واهو يطالع ميار ومصدوم من شدة جمالها : اهلا فيج اعتبريني اخ ثاني لتركي .... واذا اذاج لا يردج الا لسانج يا اختي .....
ميار واهي مرتبكه : مشكور يا خوي .... انت اخ ثاني لي من ربع تركي من بعد فهد .....

تركي : اي حبيبتي ركان وفهد اقرب ربعي و اضنج لاحظتي قربهم ....

هزة ميار راسها وشبك تركي يده بيدها : يله ما تبون توصلونا او عاجبتكم وقفتنا .....

طلال واهو يجر العربه ويمشي جنب تركي : اكيد ... يله الكل ينتظر ومتلهف لشوفتك وشوفة العروس .....

ارتجفة ميار وحس فيها تركي فطالعها وابتسم لها وضغط علي يدها وكانه يقول لها بتكوني بخير وبيحبوج ولمى لاحظ انها ترجف رفع يدها وباسها وقرب راسه لها وهمس ......

تركي بهمس : كل شي تمام مافي شي يخوف ....

ميار بهمس : خايفه تركي ما يتقبلوني ....

تركي بهمس : من يقدر ما يتقبل كل هالجماله وهالرقه .... لا تخافي اهلي طيبين .....

طلال واهو يحط الشنط بالسياره : تركي في شنط ناعمه بين شنطك ....ههههههههههه .....

ركان واهو يساعده : اي والله ما تعودنا شي ناعم مع تركي .....

تركي واهو يفتح الباب لميار : اقول تلايط انت وياه زين .... يله حبيبتي اصعدي هني ..... ركان يايب سيارتك .....

ركان واهو يقرب لتركي : اي خربت عليك وما بتجلس جنب زوجتك بالرده .......

تركي : هههههههه اي كنت ابي ابقى يمها لكن معلي نخلي طلال سايق لنا ......

طلال واهو يصعد مكانه : باحلامك ... اصعد لا ادفنك مكانك سايق عندك انا .... ولا شرايج مرة اخوي .....

ميار واهي مبتسمه : محشوم تكون سايق .... تركي يمزح معاك ....

تركي واهو يصعد جنب طلال : لا والله ابي معاج مابي معاه شلي فيه ....
طلال واهو يسوق سيارته ورى سيارة ركان : محد يلومك اذا لصقت بزوجتك ..... احمممم خلنا من هالشي الحين ..... تركي الدنيا مقلوبه عليك ... يدتي تنتظرك بكره عندها انت وزوجتك ....

تركي واهو يلف يطالع ميار : عارف طلال ... ثم بسك من كلمة مرة اخوي وزوجتك لها اسم .....

طلال : ههههههه السموحه بس ما تعودت للحين على اسمج .... ميار ... برغم انه حلو وايد لكن مو متعود عليه بين اسامي بناتنا ... بس شنو معنى اسمج ....

ميار : له عدت معاني .... معنى لاسم ميار باللغة العربية الفصحى وهو جالب الطعام والمؤونة أو جالب الغير.... باللغة التركية ويعني وردة الجنة....

تركي : عني اشوف المعنى التركي اهو الانسب لج ....

طلال : معاك حق ... والله انج فعلا وردة الجنة....

تركي واهو يضرب طلال على راسه : هااااااااي اعقل انت تتكلم عن زوجتي هااااه .......

ضحك طلال على غيرة تركي : ههههههههههه اعقل تغار من اخوك على زوجتك ..... هههههه تراها اختي فاهم ....

ظل طلال وتركي يتحركشو ببعض طول الطريج و ميار مبتسمه على مزحهم لبعض وحست انها ارتاحت شوي ولمى وصلو تسارعة دقات قلبها ونزل تركي وفتح لها الباب ومد يده لكن ميار تجمدت فقرب منها وحط يده على خدها وانتفضت ....

تركي : بسم الله عليج .... حبيبتي وصلنا ... شفيج للحين متوتره ....

ميار واهي تهز راسها وترجف : اي ... تركي خايفه ما يتقبلوني .....

تركي واهو يمسك يدها وينزلها معاه : تعوذي من ابليس ونزلي كلهم متقبلينج من قبل يشوفوج ما تذكري امي لمى كلمتج شلون كانت معاج ... يله انزلي يله الكل متشوق لج يله ....

نزلت ميار وكان طلال ينزل الشنط ولمى لقى ميار نزلت ابتسم لها يشجعها وهز لها راسه ....

طلال : تفضلي يا وردة اخوي ... الكل متشوق لمعرفتج ....

ابتسم تركي لطلال لانه هدى ميار شوي فدخل معاها لداخل واول ما دخل لقى امه وابوه وخواته وعيال سمر ينتظرونهم واول من شافهم ولد سمر الكبير الي على اسمه وصرخ باسم تركي والكل تهافت عليه واول من ضم تركي اهي ملاك ودموعها تسبقها ......

تركي واهو يشد على ملاك : ليش البجي كاني قبالج مافيني شي شفيج

ملاك واهي بحضنه : ذبحتها يا تركي ذبحتها ليش جذيه شنو الي وصلكم للفراق .....

تركي واهو يبعدها ويمسح دموعها : ملاك مو وقته هالكلام واضن انج عارفه بلي صار كله ....ما تبين تتعرفي على ميار ....

ملاك واهي تمد يدها لميار : اهلا ميار تشرفة بمعرفتج انا ملاك ....

ميار واهي تصافح ملاك وتبتسم برغم الرعب الي داخلها : اهلا ملاك الشرف لي بمعرفتج....

ضمة ام تركي تركي : لك وحشه هالمره ييتني بصحة احسن ... شكل ميار مهتمه فيك عدل .....

تركي واهو يضحك : ههههههه فديتها حبيبتي ما تترك لي مجال لاكل برى الا بالغصب ... اهي وخالتي قبل تسافر هم كانت تحشي فيني ....

ام تركي واهي تضم ميار : اهلا وسهلا فيج يمه بين اهلج وناسج ....

ميار واهي نبوس راس ام تركي : هلا فيج خالتي .....

ابو تركي بعد ما سلم على تركي واهو يضم ميار : ماشاء الله عليك يا تركي من وين لقط هالقمر ... متى سافرة بالفضاء .... اهلا فيج يبه بينا

ميار واهي خجلانه : هلا فيك عمي .....

تركي واهو يضم سمر : يبه ميار حياويه وايد فضمك لها بتبقى طول الوقت منكمشه على نفسها ....

سمر واهي تضم ميار بعد ما سلمت على تركي : والله ما تنلام شكلها صغيره وايد تركي ... شلونج حبيبتي .....

ميار : الحمد لله ....

ملاك واهي تقعد جنب طلال بعد ما الكل سلم وقعد : جد ميار صغيره كم عمرها .....

تركي واهو يحاوط جتف ميار : عمرها ٢٠ توها تامتها ....

طلال : بعني الفرق بينكم تسع سنين انت كملة ٢٩ سنه الحين ....

تركي : هههههههه اي ... ميار ما نست هاليوم اول مره احتفل فيه ولا له نكهة حلوه ....
خجلة ميار واحمر وجها فضحكو كلهم لان تركي نسى نفسه بالكلام ....

ام تركي : ههههههه يمه ميار صارة اشارة مرور .... يمه تعودي كلنا هني عادي بينا هالكلام .... يمه بلغك طلال بيدتك .....

تركي : قال لي انها تبيني بكره انا وميار .... يمه شنو انطباعهاعلى الي صار .....

ملاك : ما تكلم اروى و لمى راحت لها طردتها من بيتها .... تركي تاكد اول من كل هذا اروى منهاره تماما .....

الكل طالع ميار الي منزله راسها فتنهد تركي : ملاك تضني اني ممكن اظلم احد ولا اتبين قبل اقرر ....

طلال : ملاك انا خبرتج اني راقبتها وحتى عادل ووليد وسامر يعرفو بلي سوته لكن خجلو يخبرو تركي وعادل قال لي انه كان ناوي يخبر تركي اول ما يوصل لكن عاصم سبقه لان اساسا يبي هالزواجه تتفركش ويتزوجها اهو ....

ملاك : ولهالسبب مو يمكن يتبلا عليها عشان تركي يطلقها ويتزوجها اهو .....

ابو تركي واهو يطالع ميار : ملاك خلاص سكري على هالموضوع تركي وميار توهم واصلين وتعبانين ومحتاجين للراحه .....

سمر : اي ميار انتي البنت الوحيده لاهلج .....

ميار : لا لي اخت اكبر مني .... احنا مثلكم ولدين وبنتين .....

ام تركي : الله يا اني مشتاقه لامج .... ما صدقة تركي لمى خبرني انه التقى فيها .....

ابو تركي : تذكري يا ام تركي لمى كنتي حامل بسمر وانتي خايفه من قرب الولاده من هداج .....

ام تركي : اي والله الكل كان يخوفني بكلامه عن الولاده الا اهي كانت تهديني وتقول لي انها سهله وظلت يمي تقرء علي القران والحمدلله كانت الولاده سهله .....

سمر : ليش يمه كنتي خايفه لهالدرجه .....

ابو تركي : كان مقرر لها تولد بعمليه لان صحتها ما تسمح مع خوفها كان يرتفع لها الضغط كلما سمعت من وحده شلون ولدت وامج كانت صغيره وخالتج ام عادل خوفتها زود بتجربتها لكن ام مهران هدتها وظلة معاها واهي بالمستشفى والحمد لله نزل الضغط وولدة فيج طبيعي .... الا شنو اخبارها يا بنتي مع مرضها ...

ميار : الحمدلله تحسنت مع العلاج بتايلند ... والبركة بتركي اقنعها تروح

رن تلفون تركي فابتسم لمى شاف المتصل : هههه الطيب عند ذكره .... مهران .... هلا مهور ....هههههههه ...

مهران : مهور بعينك يا تريك ... طمني وصلتو ....

تركي واهو يطالع ميار : هههههه اي تريك هاااه لكن ما بخليك تكلمها ..

مهران : علشان اذبحك عطني بنتي ....

تركي : اذا انت ابوها يعني بنت ثمان سنين شلون اتزوجها .....

مهران : لا والله وكانك ما دخلت عليها ... تريك عطني اتطمن عليها بسرعه والله مو نايم بس انتظر متى توصلو واتطمن عليكم .....

تركي : رحمتك بس عشان ما نمت .... ميور مهران يبيج .....

ميار واهي متلهفه وترجف : هلا مهران شلونك وشلون ماما ووليد لا تكون قسيت عليه ... اكلته ينام بوقته او تاركه يسرح ومحد حوله ....

مهران : هههههههههههه بس بس خلاص تاكدت انج بخير الحين .... لا تخافي على ولدج تراه تمام وكاهو يمي نايم ... شلونج انتي وشلون استقبلوج .....

ميار واهي تتماسك لا تبجي : مثل ما قلت لي .... مهران وحشتني وايد .

مهران : بابا شقلنا بس تخلص ماما بنرجع لج .... تركي تمام معاج ....
ميار واهي تطالع تركي الي يبتسم لها : اي تمام .... مهران خل ماما تكلمني لمى تخلص جلست بكره مشتاقه لها من يومين كلمتها بسبب هالعلاج ....

مهران : معلي ميار فترة وتعدي تضني انا هم تكلمني وابد من تعبها دايركت تنام ادعي لها الدكتور قال قريب تتخلص بعد يومين بيعبدو لها التحاليل وانشاء الله تكون ايجابيه ونرجع بسرعه ....

ميار وفرت منها دموعها : انشاء الله ... كان المفروض اكون يمها .... مهران ماهر كلمك ....

مهران : ااااه .... اي كلمني ... روحي له اذا تبين تزوريهم تركي ما بيمنعج عنهم وهذول اخوانج لكن خلي تركي معاج ... تمام ....

ميار : تمام .... مهران انتبه لنفسك صوتك تعبان وايد وانتبه لوليد وماما .... لا تقسى على وليد اذا يننك ......

مهران : ههههههههههه حاضر ماما ... عطيني تركي يا بجايه وما اوصيج على اهل زوجج اوكي .....

ميار : ههه اوكي ماله داعي توصيني ... تركي مهران يبيك ....

تركي واهو ياخذ التلفون ويمسح دموعها : شتبي بجيت زوجتي هااااه ..

مهران : مرتك على طريف .... المهم تركي ميار يمكن تطلب تزور ماهر و سناء خلك معاها لا تتركها معاهم بروحها انا مو مطمن من مكالمة ماهر اخر مره .....

تركي واهو يوقف ويبعد : ليش شنو قال لك .....

مهران : قأل انه مشكك بصحة زواجك من ميار .... تركي زواجكم وثقته بالسفاره .....

تركي : اي وثقته وهم طلال وثقه هني لمى ارسلته له .... انت لا تخاف عليها دامني معاها ما يصيبها شي ابدا .....

مهران : اوكي تركي انا خلاص فصل مخي ابي النوم ... اااااوف لف هذا هم ......

تركي : ههههههههه محد قال لك تخليه معاك بنفس السرير ...

مهران : اي اضحك الي تنام جنبك نسمه ... يله بسكر وابعده ابي النوم وسلم على اهلك ... باي .....

تركي واهو ميت ضحك : هههههههههههه..... باي ...هههههههههه هههههههههههه اخوج يتحلطم على وليد .....

ميار : اكبد منيمه معاه بنفس السرير .....

تركي واهو يقعد جنبها : اي ولا يحسدني على نوم النسمه يمي .... الا انتي شلون تتحملي وليد قبل ....

ميار بهمس : مثل ما اتحمل تقلبك ....

تركي بهمس : لكنه تقلب حلو صح .....

ابتسمت ميار بخجل ونزلت راسها فضحك تركي .....

طلال : اقول يمه زوجوني بسرعه ولدج يحرق اعصابي .....

ابو تركي والكل يضحك على طلال : ومن ماسكك زواجك قريب .... يبه ميار اهلج ما بيحضرو معانا ....

ام تركي : يمه اعزميهم انتي وحده منا وفينا ... انتي زوجة الغالي وغلاتج من غلاته لا تفكري انج غير تراج مثل بناتي .....

ميار بخجل : تسلمي خالتي وانتو هم اهلي وناسي لكن من اعزم ماما ومهران مسافرين .... واخوي ماهر واختي سناء للحين مو عارفه اذا بيقبلو يقابلوني لو لا فمابالج اعزمهم .....

ملاك بلقافه : ليش شنو بينج وبينهم ما يقبلو يقابلوج هذول اخوانج .....

تركي واهو يمسك يد ميار قبل ترد : اخوها واختها معارضين فسخها لخطبة ولد عمها من قبل وهم يبون يديرو املاكها بدل مهران .....

سمر : كنتي مخطوبه قبل ... يعني ملجتي ....

ميار : لا كانت خطبة كلام وكنت رافضه تتم الملكه بسرعه لاني كنت شاكه فيه ومو مرتاحه .... والله كتب يدتي تتتوفى فكانت حجه ثانيه للتاجيل والحمدلله عرفته على حقيقته وفسخت الخطبه .....

طلال : عادي بعايلتكم خطبه ما تكون رسميه ... يعني تطلعي معاه قبل الملجه ....

ميار : لا طبعا احنا وين عايشين ... اهو ممكن يوصلني كولد عم مثله مثل تركي قبل يتزوجني لكن طلعات مطاعم او اماكن حتى لو عامه لا ...

ملاك : بس احنا عادي عندنا مو لازم اول الملجه ساعات هالطلعات تخلينا نغير راينا ... بس انتي شنو اكتشفتي فيه وخلاج ترفضيه ....

تركي : ما كانج وايد سالتي .... انسان عينه زايغه وكان متزوج عرفي بالسر وميار الي اكتشفته وطلبت فسخ الخطبه لكن ماهر وسناء عارضو لانهم ماخذين من اخوانه .... خلاص او في استفسارات ثانيه انسه ملاك .....

ملاك : لا ماكان قصدي اتليقف لكن شدتني السالفه مو اكثر .... اسفه ميار اذا تضايقتي باسالتي ......

ميار واهي تبتسم : لا عادي حبيبتي اسالتج عاديه لكن تركي ما يحب هالموضوع ينفتح .... انا توني ادخل بينكم فطبيعي تبون تعرفو كل شي عني وانا ما ارفض هالشي ... اسالي الي تبينه .....

......: كم واحد مر عليج قبل تركي ......

الكل طالع مكان الصوت وكانت اروى واهي واقفه بداية الصالون وتطالع ميار بتحدي .....

ابو تركي : شهالكلام اروى عيب عليج ....

طلال بعصبيه : ليش يبه كلا يرى الناس بعين طبعه ... تضني كل بنت مثلج تسلم نفسها لكل واحد .....

ام تركي بعصبيه : طلال الزم حدك بكلامك ... الي سوته اروى ما يوصل للي تقوله ..... وانتي اروى احترمي اهل البيت لمى تدخليه ....

اروى : اسفه خالتي انا محترمتكم لكن هذي مو من اهل البيت .....

ابو تركي بصراخ : الا من اهل البيت وانتي الطالعه واهي الداخله واهي لها البيت واحنا عتبته فالزمي حدج عندج شي فيه خير قوليه ما عندج الباب يتعذرج ......

اروى ودموعها تنزل : تطردني يا عمي .... الحين محد يبيني او يطيقني ..... بعتوني عشان وحده غريبه ... ليش عشان عندها فلوس اكثر مني .... تركي بعتني عشان هذي انا احبك وما خنتك .....

تركي : اروى شلون ما خنتيني ثم كلامج من شوي امحيه من بالج انا لا املاك ابوج ولا املاك ميار تهمني انا علي من الجوهر .... ميار و الحمد لله خارجها وداخلها الماس نظيف صافي .... اسف لكن انا فعلا انخدعت فيج واوهمت نفسي بانج الحب الحقيقي لكن اكتشفت انج حب تعود وسهل انساه .... اروى كلامج كبير وممكن ارد عليج باكثر منه لكن لانج بنت خالتي وكنتي بيوم زوجتي بتركج تمشي بدون تجريح ورجاء ابتعدي عني وعن ميار ... ممكن .....

اروى بصراخ واهي تبجي : لا انت لي انا مو لها وبتشوف انها ما تناسبك وانها زباله .....

ملاك واهي تمسك اروى وتطلع فيها للحديقه : بس ... بس ... بسج وانتي تغلطي وتهيني كلامج ما بيقدم ولا ياخر انتي ضيعتي تركي من بدج بعنادج وغرورج ياما حذرتج ونبهتج وانتي ترددي تركي مستحيل يتركني .... واثقه من حبه لكن حبج مزيف ... انتي تبين تركي لان كل البنات منهبلين عليه وصرتي تغتري لانه اخذج انتي وفضلج عليهم لكن كاهو فضل عليج وحده ثانيه واعذريني ميار مافيها عيب واحد لا بالشكل ولا الاخلاق .....

اروى : انتي هم ضدي ملاك خلاص نسيتي ايامنا .....
ملاك : لا مانسيت لكن انتي الي نسيتي والحين يايه تقولي ايامنا شوفي من الي بعد كنتي تكلميني بس اذا تركي مارد عليج وغيره ماكو فاي صداقه هذي .... روحي يا اروى انا دافعت عنج وايد لكن الحقيقه انتي ما تستاهلي السماح من تركي على الي سويتيه عطيتي اغراب الي عطيتيه تىركي وهالشي مايغتفر ابد ولا ينمحي ... روحي وتزوجي عاصم دامه يبيج ....

بجت اروى بنهيار وندم وطلعت تركض برى البيت وركبت سيارتها وامرة السايق يمشي فيها من قبال البيت ...... اما داخل فلمى طلعت ملاك باروى الكل اعتذر لميار عن الي صار واهي ردت بردود تبين فيها انها عاذره اروى وما زعلت منها لكن زعلت على حالها وبعد ما تعشو استاذن تركي منهم وطلع لغرفته مع ميار وضمها من ورى اول ما قفل الباب ....

تركي واهو يفك شيلتها ويبوس رقبتها : مشتاق لج وايد ... صار لج مده طويله وانتي متحجبه صرت اكرهه ....

ميار واهي تلف له وتحط يدينها على صدره : ليش حبيبي تكرهه هذا يسترني .....

تركي واهو يبوس شفاتها : لانه يحجب عني شعرج الي يدوخني .... ميور ...

ميار بخجل : لبيه .....

تركي بهمس : احبج .... الا اعشقج واموت فيج .....

ابتسمت ميار بخجل فباس تركي شفاتها بشغف وحملها للسرير وووووو

مهضومه 25-01-21 12:44 AM

البارت الثامن عشر


اليوم الثاني الكل على الفطور عدى سمر وعيالها لانها ببيتها .....

ميار واهي تصب لتركي عصير : ابدا فيه واترك الكوفي ....

تركي : ميار حبيبتي ابي الكوفي عشان اصحصح .....

ميار : اشرب لو شوي وبعدين اشرب الكوفي تركي كوفي على معده فاضيه ماينفع بليز ......

تركي واهو يشرب شوي : شربت يله قربي الكوفي .....

ميار واهي تطالع ام تركي : خالتي شلون يقتنع ولدج ....

طلال : ههههههه اقول تركي انتو كل يوم جذيه .....

تركي واهو يبتسم ويطالع ميار : الله وكيلك واكثر ... هناك ما تييب الكوفي من المطبخ الا لمى اخلص العصير .... حبيبتي خلاص والله مو متعود .....

ميار واهي تقرب له الكوفي : براحتك مابغصبك ...... ولا تقول ما تهتمي فيني اوكي ....

تركي واهو يقرب ويهه من ويها : اويل حالي على الزعلانين ... حبي ... حبيبي ... ميور اهون عليج ... اوكي بشرب العصير لكن لي مكافاة اوكي .....

ميار واهي تطالع وبخجل لكلامه قبل قبال اهله : و شنو تبي مكافاة .....

تركي واهو يغمز لها وياشر على شفاته : بوسه هني ....

ميار واهي منحرجه حدها والكل مبتسم عليهم : عيل لا تشرب زين .... انت ادرى بمصلحتك زين .....

الكل ضحك وباسها تركي بخدها : هههههه وهذي فيها مصلحتي هم ... احبج يا خجول ....

ملاك واهي تطالع فيهم ومرتاحه : والله انكم تشرحو القلب .... تركي تحمد ربك انها تهتم فيك جذيه ....

ام تركي : الله يهنيكم ويبعد عنكم كل سوء .... كملي اكلج يمه واتركيه تركي ما يخلص دلع .... نبيج تتقوي عشان تييبي لنا بيبي .....

تركي واهو يضحك على احمرار ويه ميار : ههههههههخ يمه بعدنا ريضين لاحقين ميار تخف شوي وبعدها نييب لج درزن يهال ....

ام تركي : ليش ميار شنو فيها .....

تركي : معاها ربو واهي تتعالج قبل لكن بنروح لدكتور متخصص ومعالج نفس حالة ميار وبعدها تحمل براحه وبدون خوف عليها ....

ابو تركي : ولو حملة الحين فيها خطوره عليها .....

تركي : لا يبه لكن انا مفكر بهالشي واعرف بتتعب بالحمل وانا مابي لها هالشي هذا كل ما بالموضوع .....

ام تركي : ماتشوفي شر يمه كلامك صحيح يمه فترة الحمل متعبه للي مافيها شي شلون ربو ... الله يسهل عليها وتحمل بعدين ....

طلال : تركي سيارتك موجوده هني تقدر تستخدمها .....

تركي : تسلم يا خوي ... يمه بتيين معاي ليدتي .....

ابو تركي : كلنا بنروح يبه يدتك طلبت الكل حتى بيت خالتك كلهم لازم يحضرو .....

ام تركي : لا تخافي يمه امي طيبه وبتحبج بس اهي تلمنا كلنا اذا صار شي عشان الكل يشهد ومحد يغلط على احد وتتوضح الامور للكل ....

ميار : حسيت من كلامج خالتي انها انسانه حكيمه ... الله يطول بعمرها

ملاك : اي والله يدتي ماشاء الله عليها تعرف كل شي وما تتسرع بحكمه وتعرف الانسان من اول نضره ....

تركي : اوكي .... ميار خلصتي ....

ابو تركي : شخلصت ماكلت شي بس قأعده وتحط بصحنك ....

تركي : ههههه يبه هذي اكلها اكل عصافير ... يله احد بيي معانا انا بسبقكم مع ميار ليدتي .....

ام تركي : لا يمه روح مع زوجتك وبنلحقكم خل يدتك تتعرف على ميار وميار تتعرف عليها قبل الكل بجتمع .....

قامت ميار وباست راس ام تركي و ابو تركي وطلعت مع تركي وبمجرد ما طلعو بجت ملاك ......

طلال واهو متعجب : ملاك شفيج ليش تبجين جذيه .....

ملاك واهي تبجي : اروى .... اروى ....

ام تركي : ملاك يمه شنو فيها اروى .....

ملاك : كان ودي اشوف اروى مع تركي .....

طلال بعصبيه : بذمتج من افضل اروى ولا ميار شوفي الفرق صح اروى كانت تهتم بتركي لكن مو مثل ميار كنت احس اروى تتصنع وتبي تثبت لتركي انها تستاهله لكن شنو صار بمجرد ما سافر وضمنت انه زوجها وتباها فيه مشت ورى ابوها ووصلت للي اهي فيه لو تحب تركي فعلا ما خانته وطعنته بالظهر للعلم تركي ما كان ناوي يطلقها ابد كان بيخيرها بانها تقبل بميار بينهم او الطلاق لكن الي شافه وسمع ما يخليه يتحمل ويخليها على ذمته برغم ان ميار نبهته لا يظلم اروى وخبرني انها عاتبته على طلاقه من اروى وتسرعه لكن لمى قال بلي صار ما قدرت تعترض .....

ابو تركي : محد منا تخيل ان اروى تسوي جذيه حتى خالتي تعجبت من الي صار وما لامت تركي لكن قالت لازم تجمعنا .....

ملاك : انا عارفه ان تركي يحب ميار اكثر وواضح انه مرتاح معاها والله اني حبيتها لكن مو هينه علي الي صار بصديقة طفولتي وبنت خالتي ....

ام تركي : شوفي يمه انا صح احب اروى وما عجبني الي صار لها وكنت اتمناها تكمل مع تركي وتكون اهي بروحها زوجته لكن بعد الي سوته لا مابي اظلم ولدي والحمدلله الله وفقه بزوجه صالحه ومتربيه .... ميار عجبتني برزانتها وتعقلها وتركي كلمني قبل ايون عن كل شي صار لهم مع بعض وخبرني شلون عاشت ميار وشنو وضعها بين اهلها بنت صغيره تحملت مسؤليه قبل اوانها وهم مافيها غرور ولا تكبر برغم غناهم .....

طلال : الانسان غني باخلاقه يمه وميار ماشاء الله عليها غنيه من الطرفين ......

ابو تركي : الله يهنيهم ويهدي اروى ويرزقها بولد الحلال الي يسعدها .... يله خلصو خلونا نروح لا نتاخر على خالتي .....

قامو كلهم يجهزو وتوجهو لبيت الجده .... اما تركي وميار فوصلو لبيت الجده وطول الطريق ميار ساكته وتركي احترم سكوتها ووقف جنب محل حلويات وورد مثل ما طلبت واخذت باقة ورد وسلة حلويات معاها ....

تركي قبل ينزلو واهو يمسك يد ميار الي ترجف : حبيبتي عارف بلي ببالج واطمنج لا تخافي يدتي طيبه وبتحبج .....

ميار واهي تطالعه : لكن اروى بالنسبه لها بنتها ... مو اهي الي مربيتها .... صعب تتقبل وحده ثانيه معاك غيرها ....

تركي واهو يبوس يدها : ههههههه لا حبيبتي يدتي ربتها كم سنه لمى كانت في خلافات بين خالتي وزوجها ويدتي ما تفكر جذيه واصلا خانقة اروى على الي صار .... حبيبتي اهدي وسمي بالرحمان ونزلي ... تذكري كلام خالتي لج اليوم ....

ميار : اااه ... تعرف كلام ماما اليوم ريحني شوي لمى تكلمت عن يدتك .... اوكي يله توكلنا على الله .....

تركي : ونعم الاتكال ..... حبي ابي بوستي قبل ننزل ....

ميار : تركي .... عيب احنا بالشارع .....

تركي باصرار : لا والله ما تنزلي الا لمى اخذ بوستي ... بشفاتي هم ...

ميار بربكه : تركييييييي ......

تركي واهو ماسك ضحكته عليها : روحه وقلبه وكيانه .... مافي نزله اول يله .... شوفي ببقى هني وبيون بيتنا واحنا للحين واذا سالو ليش ما نزلتو بقول ما تعطيني بوستي عاد اختاري اما الحين او قبال الكل ... شقلتي .....

ميار واهي تنهد وترجف : امري لله ... قرب وبخدك لحد يشوفنا ....

تركي : زوجتي انتي زين قربي وبشفاتي ....

قربت ميار وتوه بتبوسه بخده لف تركي ويهه وباسها بشفاتها بشغف وبعد لمى حس ان ممكن يوقف نفسها ....

تركي واهو مبتسم ويغمز لها : والله لولا اننا بالشارع كنت كملة الباقي ... نزلي لا اتهور اكثر ......

نزلت ميار بعد ما ضبطة نفسه وخذت نفس عميق وحملة باقة الورد و تركي حمل سلة الحلويات وشبك يده بيدها ودخل فيها لبيت يدته واول ما دخل لقى يدته كالعاده قاعده بمكانها وتسبح فابتسم لانه يحس براحه لمى يشوفها ومشى مع ميار لها ولمى حست فيهم رفعت راسها وترك تركي يد ميار والسله على الطاوله وقرب لها وباس راسها و يدها وضمها واهي ضمته ......

تركي واهو يقعد جنبها وماسك يدها ويبوسها : اشتقت لج وايد يدتي ...

اليده : وانا اكثر يا نضر عيني .... هذي زوجتك ....

تركي واهو يبتسم ويمد يده لميار : اي ... تعالي ميار سلمي ....
تقربت ميار ونزلت الباقه على الطاوله و باست راس اليده ....

ميار واهي ترجف : شلونج خالتي .....

اليده واهي تسمي وتتامل ميار : بسم الله ماشاء الله تبارك الرحمان فيما خلق .... يمه تركي متاكد انها من البشر ... تعالي يمه قربي ....

قربت ميار و ضمتها اليده فحست ميار براحه بقلبها وكان جبل انزاح من على صدرها فقعدتها اليده الجنب الثاني ....

اليده : قلعي يمه حجابج مافي احد هني .....

ميار بخجل : معلي خالتي بعد شوي بيي طلال مع عمي وخالتي والبنات .

اليده : لاحق على ما يوصل اقلعي ابي اشوفج كامل .....

تركي : ههههههه ميار نزلي حجابج يدتي تحب تفحص الشعر تبي تشوفه ناعم ولا كدش ....

اليده واهي تضرب تركي على جتفه : استح على ويهك احد يقول لمرته كدش .....

تركي : هههههههه يدتي لا تخافي انا ما اعنيها الحمدلله ميار شعرها ناعم وطويل يعجبج ... نزلي حبيبتي باقي وقت لحد ما يوصلو وطلال ما بيدخل مره وحده يعرف انج تتحجبي .....

نزلت ميار الشيله و سمت بالله اليده وقامت تقرى على ميار المعوذات ونط تركي يم ميار وفك شعرها ....

تركي واهو يقرب ويهه من ويه ميار : جذيه احلى يدتي صح ... تدوخ .

اليده واهي تضرب تركي بالعصا : بسك خليت البنت تستحي ... يمه بسم الله عليج .... انتي تشبهي لامج لكن اخذتي وايد من يدتج ... تركي قال ان امج تعبانه شلونها الحين .....

ميار : الحمدلله الحين احسن وتتحسن .... يدتي انتي تعرفي يدتي ام امي

اليده : اي اعرفها يمه .... عم تركي الله يرحمه قرب ابوج لاهله وامج كانت قريبه لخالتج ام تركي وكانت تيي يمعتنا ومنها تعرفة على يدتج وصرنا حبايب .... اااااه ... الله يرحمها .....

تركي : الله يرحمها .... يدتي شرايج بميار الحين مثل ما قلت لج لو لا ..

اليده : من غير ما اشوفها يمه اعرف امها وتربيتها ومتوقعه انها اكثر مما قلت لي ... هذي بنت ام مهران ... وام مهران ما تطلع منها العيبه ابد فبنتها اكيد مثلها .... الا يمه شلون اختج واخوج للحين مقاطعينج على مسود الويه .....

ابتسمت ميار لليده : ما كلمتهم ولا زرتهم ....

تركي : بنزورهم حبيبتي واكيد بيستقبلوج ...

اليده : انشاء الله تتصلح الامور خبري بتربيت امج عاليه واكيد اخوج واختج متاثرين بعيال عمج وبيصحو على حالهم ... يمه ابي اتكلم قدامج عن تركي واروى مابي يصير شي من وراج ... الجمعه اليوم عشان هالشي .....

ميار : لا تخافي يدتي انا مو عاجبني انهم ينفصلو ...

تركي : بعد الي صار تقولي جذيه وهذا بعينج شايفتها واهي بحصن عاصم .... يدتي تقبليها علي اخليها على ذمتي واهي سوت هلي سوته

اليده : انت ليش لمستها ....

تركي بضيق : يدتي تحاسبيني على حقوقي ... انا ريال وكنت محتاج لهالشي وحاسبت على مشاعرها مع ان من حقي اتمم زواجنا لكن احترمت شرط ابوها وانتي عارفه انه ما نفذ شرطي ولمى لمستها هذا يخليها تسمح لاي ريال يسوي معاها نفس الشي قولي يدتي يجوز ... انا ريال ولا طرطور .....

اليده : محشوم يمه ... اروى غلطانه من ساسها لراسها لكن يمه عطيتها فرصه تخبرك بكل شي انت شفت الفيديوات وسمعت صوتها هذا يكفيك يعني ... اهي بتيي وبخليها تتكلم قبالك ... انا قالت لي بكل شي وابيك تسمعها عجبك كلامها عجبك ما عجبك خلاص تبقو مطلقين واهي تشوف الي يسعدها وانت الله يرزقك الذريه الصالحه مع ميار ومابي تسرع منك بشي زين يمه .....

تركي : زين يدتي لكن سؤال واحد .....

اليده : شنو يمه قول ......

تركي : انتي اقتنعتي بكلامها اعني تبريراتها لسواتها ....

اليده : مو انا الي بعيش معاها عشان اشوفها مقنعه لو لا انت الي تحدد هالشي ورايي ما يغير .....

تركي : لا يمه يغير ووايد هم انا اعرفج اذا الشي قبلتيه يعني مقتنعه واذا لا ما اقتنعتي فابي رايج بتبريراتها لج ......

اليده واهي تطالع ميار وترجع تطالع تركي : بخبرك بعد ما تسمعها وتقرر ... وميار شاهده علي اني ما بسمع قرارك اول بخبرك برايي وبعدها تعطيني قرارك زين .....

تركي : زين ... لكن يدتي ابي ميار معانا تسمع .....

ميار قبل ترد اليده وبسرعه : لا لا ... غلطان تركي بطلبك هذا مستحيل .

تركي متعجب : وليش مستحيل بالله فهميني .....

ميار واهي منزله راسها : لاسباب وايد اولا مكاني بيكون غلط بينكم اهي تبي تتكلم لك بكل شي ووجودي يخليها تتضايق وهم تتمنع من توضيح امور عشان ما تبان ضعيفه قبالي .... تركي اهي لها كرامتها ومهم سوت لا تنسى انها بنت خالتك وكانت زوجتك وحب الطفوله ... وجودي يهينها .....

اليده باعجاب : زوجتك عاقله الله يكملها بعقلها .... شوف يمه انا كنت باصر عليك ترد اروى لاني مابي الغريبه تكون ام عيالك واولى من بنت خالتك لكن بعد هالكلام الي سمعته منها لا اقول لك مستحيل اجبرك او اصر عليك وهذي زوجتك ... سامحيني يمه لكن القريب اولا من الغريب وهذي بنيتي مهم سوت ما ارضى عليها .....

ميار بضيق تكتمه : لا يدتي فاهمه ولا تعذري لشي هذول عيالج ومن حقج تامريهم بلي تبينه .....

تركي واهو يضم ميار من جنب : لا حبيبتي يدتي ما تجبرني لكن عارفه لو امرتني بطيعها حتى لو اني رافض ... لكن السموحه يدتي بسالفت اروى ما بقول لج تم لاني مابي اظلم ميار وهم نفسي واروى لان اذا رديتها وانا مو مقتنع بتبريراتها ما بقدر اعيشها براحه ولا بعدل بينهم ابدا وبتكون كفة ميار اعلا وعيالي من ميار بس فاذا هالشي يرضيج قولي وبسويه ......

مهضومه 01-02-21 01:35 AM

البارت التاسع عشر

قبل ترد اليده سمعو صوت طلال ينادي عشان يدخل فلبست ميار شيلتها وابتسم تركي على عجلتها باللبس وخوفها من ان طلال يدخل واهي ما تغطة لان شعرها مفكوك وخذت وقت لحد ما لمته ولبست الشيله وبعد ما تاكد تركي انها تحجبت نادا على طلال ودخل ومعاه امه وابوه وملاك وبعد ما دخلو وسلمو على اليده وصلو بيت ابو عادل كلهم وكانت عيون اروى على تركي وميار وتخز بميار وودها تهجم عليها وتقطعها خصوصا لمى قربت من تركي تسلم عليه وتجاهل يدها يصافحها ورد السلام بس اما ميار فما سلمت عليها لكن ميار سلمت عليها ولمى لقتها ما ردت التزمت مكانها وسكتت وضنت ان ام عادل بتقابلها بالمثل لكن تفاجاة بانها قربت لها وظمتها وباستها ......

ام عادل واهي تضم ميار وتبوسها : مبروك يمه .. شلونج ....

ميار واهي منصدمه : مشكوره خالتي .... الحمدلله تمام ......

ام عادل واهي تضم تركي : مبروك حبيبي ....

تركي واهو يبوس راسها : يبارك فيج خالتي والفال لوليد وسامر .....

ام عادل واهي تقعد جنب سمر : الله يسمع منك ... كاهم اقنعهم .....

سامر : لا يمه بعد هلي اشوفه بعادل هونت مابي .....

خوله زوجة عادل واهي ماسكه بطنها : ليش يا بابا شنو قايل لك عادل مسويه فيه ....

عادل والكل يضحك عليها : اهدي اهدي حبيبتي ما يقصد شي يعني سوالف وحامج .....

تركي : هههههههه اقول خوله كم شغله توحمتي عليها .......

خوله واهي تتنهد : اااه ... وايد تصدق انا مليت ... ماباقي شي واولد وللحين اتوحم وتقلبات بالمزاج .... الله يعينك اذا حملت زوجتك .....

تركي واهو يلف ذراعه حول جتف ميار : لا شكل حبيبتي مسالمه صح ... ثم بعدها صغيره مابي اتعبها ......

عادل : قلناها قبلك لكن كاهي النتيجه قريب يشرف ولي العهد ....

خوله : الله يرزقكم ... الا ماسمعنا صوت العروس .....

اروى بتكبر واستهزاء : اي عروس تتكلمي عنها ... في عروس تقبل تتزوج بدون حفله وزفه وفستان وليلة زفاف الكل يدري عنها وتقولي عروس .... هذي اكيد خاطيه وتستر عليها تركي ......

تركي بصرخه : الزمي حدج اروى فاهمه سبق وقلت لج ميار اشرف من الشرف نفسه فاهم والي بيته من زجاج لا يحذف الناس بالحجاره ....

اليده بصرخه : بس ....... مافي احترام للموجودين ..... وانتي قضبي لسانج ولا تقذفي الناس وناسيه سواتج وجمعت اليوم عشان سواد ويهج وتكلمي هم .......

ابو عادل : وليش ما تتكلم من حقها عيل يطلقها عشان هذي ....

تركي بعصبيه : هلي تقول عنها هذي ومو عاجبتك تشتريك .... ثم انا ماطلقة بنتك عشان ميار ... لا طلقتها لسواد ويها .....

اروى واهي توقف وتصرخ : ما خنتك ليش ما تصدق ما خنتك .... غلط اي لكن ما خنتك افهم .....

عادل : اروى قعدي وسكري هالسيره ويدتي قالت لج بتتركج توضحي لتركي كل شي بروحكم ...... السموحه منج اخت ميار .....

ميار واهي منزله راسها : العفو .... ماله داعي تعذر ....

وليد : عفوا تركي زوجتك من عايلة المهران .... اخوها ماهر .....

تركي : اي ليش تسال ....

وليد : اتاكد بس ... ماهر صاحبي .... كنتي مخطوبه لالياس .....

تركي : تقصد ولد عمها ......

وليد : اي اهو ماهر يمدح فيه وايد .... اسف لكن ليش تم فسخ الخطبه عشانك ......

تركي بعصبيه : هذا الي قالوه لك ... لا ميار فسخت خطوبتها لانه واطي ومايستاهل التراب الي تدوس عليه متزوج عرفي وبالسر وهم لعاب وبلاوي الدنيه فيه و بعد ما سافرت هذي السنه بشهرين عرفتهم ... ارتحت الحين ......

وليد بحرج : انا اسف لكن هذا كلام الياس لمى قلت له انك ولد خالتي وتزوجة بنت عمه .....

تركي واهو يطالع ميار واهي تضغط على يدها : ما قال لك هالكلام الا من غيضه لانه مابيقدر يطولها ابد .....

اروى : ودامك ما تعرفها الا لمى سافرة هالسنه بعد شهرين ليش ما خبرتني عنها .... او انها سوت لك مثل جارتك القديمه .....

ميار واهي توقف وترجف: العفو منكم على هالكلمه .... تخسين انزل لهالمستوى .... انا لو موتي ما رميت نفسي على احد ... وتركي ما قربت منه بشي ابد وتعاملي معاه بكل احترام واهتمامنا فيه لانه ولد ديرتي وبغربه وبروحه محد له يساعده بفراغ عيشته وكنا له الاهل بغربته وكان لي ولاهلي العون والسند .... ما كنت بقبل فيه مو لانه مو من مستواي او ما يعجبني لا اعجبت بكل شي فيه من شفته وخليته ببالي اخ وعزوه لوقت الضيق والفرح ... رفضته عشانج لاني ما ابي اشارك احد بحقه وهم مابي اكون سبب لمشاكل لكن لاني بحاجته وابي ماما تعالج وتعيش معاي قبلت فيه ولان هم اقنعني ان زواجه مني مؤقت وعلى الورق لكن لمى خلصت امتحاناتي وضح لي ان كل الي قاله لي عشان اقبل فيه واسبابه مشاعره لي وانه بينصف بينا ومستحيل يتركني وخصوصا انه يعرف اني اكبت مشاعري ناحيته .... انا كنت ادفعه لج وانتي للي فرطي فيه ...... لمى شفتج مع الريال بجيت ... تعرفي ليش .... لانج ظلمتي تركي ونفسج وهدمتي كل الي يبنيه تركي لج.... كنت خايفه لمى ايي هني يكتشف اني نزوه بحياته واني مجرد ملي للفراغ ... وهم تصبرت وهيات تفسي لها ... انتي غلطي فلا ترمي اغلاطج على احد وتلومي تركي .... تركي كان وفي لج وترك حرية الاختيار لج لكنج كنتي لاهيه بصداقاتج الغلط .....

تركي واهو يضم ميار : خلاص حبيبتي هالكلام ما منه فود ... انتي كل حياتي وحبي الحقيقي واروى كانت حب طفوله اقنعت نفسي فيه وعيشت نفسي فيه لكنج حب الطهر وللنضج والتعقل ..... يدتي انا اسف مابسمع اروى بشي ابد وانا منسحب من المكان .... يله حبيبتي نيي وقت ثاني نزور بدتي امشي .....

ام تركي : وين يمه ... يمعتنا عشانكم تبي تمشي .... ميار يمه تعالي معاي واهدي وانت تركي اقعد واهدى مو اقل كلمه ثرت ووليد ما يقصد بغلط بحق ميار بس سال .....

وليد بخجل : اسف والله ما قصدت شي لكن ماهر اخوها وقلت اكيد ما بيغلط بحق اخته ويعرف كل شي لكن سكت لمى قال الياس ان ميار فسخت الخطبه عشان تركي ... انا ما تعرفت عليه الا من فتره بيسطه واسف وايد تركي ... وانتي اخت ميار سامحيني ......

ميار : مسموح وما الومك بشي .....

تركي : يدتي ممكن تنسي طلبج مني .....

اليده : وتردني يمه ....

تحير تركي ونزل راسه ورفعه لمى حطة ميار يدها على جتفه وطالعها لقاها تهز راسها له عشان يقبل بطلب يدته فتنهد وسحب ميار وضمها لصدره .....

تركي واهو ضام ميار : برغم الي ياج من كلام قاسي هم تبينب اسمعها .... ما تستاهل رحمتج فيها ولا اسمعها ......

ميار واهي تبعد عنه وتطالعه : ما بتخسر شي ولا تخلي الندم ياكلك بعدين .... اسمع لها وقرر بعدها ..... تركي ريح يدتك على الاقل لا تكسر كلمتها .....

تركي : عشانج وعشان يدتي ولا انا كاره هالشي ..... تفضلي مدام اروى الميلس الثاني اسمع تبريراتج ..... عادل ليتك تتفضل هم مابي نكون بروحنا ماعادت زوجتي .....

وقف عادل وطالع اروى الي تضايقت من كلام تركي لانه ما يبي يكون بروحه معاها فقامت لمى اشر لها عادل تقوم بعد ما دخل تركي الميلس الثاني ......

تركي واهو يقعد بكرسي منفرد وبسخريه : تفضلي مدام اروى قولي الي عندج .....

اروى واهي تقعد قريب منه : تركي انا اروى فلا تكلمني بهذي الطريقه .

تركي : وشلون سموج تبيني اكلمج بعد كل الي سويتيه ... قولي ....

اروى : تركي انت تسرعت وما عطيتني فرصه اشرح لك ... انت فهمت غلط انا فعلا غلط لكن مو مثل ما انت تضن ....

تركي واهو يطالع عادل وبعدها يطالعها : على الي شفته وسمعته تقولي فهمت غلط .... وضحي عشان ما اظلمج .....

اروى : اعترف غلط لمى قبلت لعاصم يضمني ويبوسني لكن مو اكثر والي شفته لاني كنت .... كنت ...

عادل بعصبيه : كنتي شنو نطقي ...

اروى : كنت سكرانه ......

انصدم تركي وعادل ووقف عادل بسرعه وفهم تركي انه بيضربها فقام ووقف بويهه يحميها .....

تركي واهو يمسك عادل من جتفه وصدره : استهد بالله يا ريال .... عادل اهدى ...

عادل بصراخ واهو هايج : اي اهدى هذي خلت فيها هداوه .... قولي شلون شربتي يا حيوانه ....

اروى واهي خايفه وواقفه ورى تركي : اول مره ماكنت اعرف وشربته بالغلط لكن بعدين شربت مع عاصم .... بس والله والله كنت واعيه لكل شي وحتى لمى يصور كنت اعرف واطلب منه التصويرات لكن ما كنت اعرف انه محتفظ بنسخ لها..... تركي الكلام الي سمعته كانت هلاوس من الخمره ....

تركي واهو يلف يطالعها : ابوج كان يعرف طبعا بكل هذا ... انتي من البدايه غلطي لانج سويتي اشياء بدون شوري فطبيعي توصلي لجذيه .... تضني ممكن اسامحج واردج لذمتي ... اسف عندي الطهر والعقل وايي لج ... حسافه يا اروى على حبي لج ....

اروى : لو كنت تحبني ما فكرة بغيري وتزوجتها ... انت تزوجتها وقبلها قلت لي مستحيل تتزوج علي والحين بتقول زواجك منها على الي سويته

تركي بصدق : لا ... انا اكتشفت ان حبي لج حب تعود حب مو صلب ولا قوي وسهل انساه ... لكن ميار لا ... ميار غير واسف لهالشي لكن هذا قلب وبكيفه يحب وتعرفي ليش لانها ابهرتني بكل شي فيها ... وطبعا قبل اعرفها من شفتها حسيت شي يطلع من داخلي وينجذب لها مو لجمالها لا في وصل بينا وللعلم حاولت اكابر وابعد لكن ما قدرت وهم للمعلومه ترى اهي الي كانت تقربني منج واهي الي طلبت مني احن عليج وارد عليج بعد شهرين قطيعه تعرفي شلون عرفة من اتصالاتج قالت لي حن عليها ومهم سوت لا تقسى عليها بهذي الطريقه لانه باين انها تحبك ... ما كانت تعرف ان حبج بس عشان تتفاخري قبال صاحباتج لانج تزوجتي تركي الي كل بنت هبله تبيه وتركض وراه ... اي لا تطالعيني جذيه كان ممكن تكون حياتنا احسن ما يكون ولا اتزوج ميار ولا اقرب لها واكتم حبي لو لقيت منج الحب صج كنتي تتكلمي وبس لكن فعل لا ماكو .... انتي تبين الدكتور تركي وتبين المنصب والفلوس والمستوى الاجتماعي العالي ... لكن اسف ما يجتمعو يا اروى ما يجتمعو معاي ... انتي بعتي وطعنتي ولو لقيت منج صج الحب والاخلاص ما فكرة للحظه اني ارتبط بميار برغم معرفتي لعذابي ببعدها ...

اروى : تركي طلقها وانا مستعده لكل الي تبيه ... مو مهم وين تسكني لكن طلقها ... انا بسعدك ... تعرف الناس تتكلم انها سرقتك مني وانت بعيد ...

تركي : ههههه وليش اطلقها ... ميار قايمه بكل واجباتها وزود ولا يهمها ماده او مستوى اجتماعي ... تعرفي برغم انها من عايله عريقه وغنيه ومستواهم فوق لكنها ما تهتم لهذي الامور ... لو انتي مكانها صدقيني كنتي دستي على الكل واولهم انا .... اروى اذا الناس تتكلم مابيغير شي من قناعتي وقناعة ميار ... وللعلم ميار قبلت بزواجنا على اساس انه مؤقت وعلى الورق عشان اقدر اكون معاها بغياب اخوها وامها ومحد يقرب لها لكن لمى اعترفة لها بلي بقلبي واني مستحيل اطلقها قبلت برغم خوفها اني اتركها بعد ما ايي هني والقى اني متوهم واني املي فراغ غيابج ... لكنها غلطانه واثبت لها مكانتها عندي واهي قبلي اثبتت مكانتي عندها ...

اروى : يعني زواجك منها هم للماده ....

تركي : ههههه لا ... ولا فكرة بفلوسها واملاكها وللعلم تراها اهي بس بروحها تملك اضعاف مضاعفه من املاك ابوج وكلها بيدي انا انا ادير املاكها واملاك امها واخوها ....

اروى بغرور : تبي تقنعني ان هذي تملك اكثر من بابا .... هذي ملابسها عاديه ولا متحجبه اكيد ان شعرها مو ذاك الزود لهالشي تخشه ... تركي انا قلت لك اني ما خنتك ... محد لمسني غيرك ....

تركي : عادل اختك اعترفة انها سمحت لعاصم يبوسها ويضمها لو لا ...

عادل واهو مشماز من اروى : اي اعترفة ....

تركي : اوكي تخيل خوله سوت هالشي تردها ....

عادل : لو روحي فيها ما رديتها تعطي غريب الي تعطيه لي الي تعطي شوي تعطي وايد .... تذكري ليش طلقة هدى وتزوجة خوله ... لانها تبعت ابوها وعصتني وحالج اردى منها فما الوم تركي ابد ....

تركي : اخوج رد عليج ماله داعي ارد انا ... امش عادل الكلام معاها ماله لزوم ولا فود .....

عادل : لا ابي اربيها اول هذي مو هامها شي شوفها شلون تتكلم بغرور ولا كانها مسويه شي .....

تركي واهو يمسك عادل من ذراعه : انت ريال شلون تمد يدك على مرى ولا مو اي مرى هذي اختك ... لا تشره عليها اشره على ابوك الي وصلها لجذيه لولا سعيه لمصالحه ما تركها تسوي جذيه واهي بنته قطعه منه ... امش .. امش لا تتنح ...

طلع تركي واهو يدف عادل قدامه ولمى وصلو للجماعه لقى ميار مع سمر وخوله وملاك بجهى يسولفو فابتسم لها اول ما رفعت راسها له وقرب لها فوقفت ومشت جهته وضمها اول ما وصلت له .....

تركي واهو يضمها بقوه : وحشتيني بهالوقت .... لا تخافي ما اساوي معاج احد ابد .....

ميار واهي تبعد وتطالعه : يعني شنو .... تركي ما بتردها ... ما اقنعك تبريرها ... ويدتك شنو بتقول لها رديتج بطلبج ....

تركي : اسبابها تدينها اكثر ميار مابيها خلاص ومستحيل اردها .... ميار قفلي خلاص حتى عادل كان بيمد يده عليها من الي قالته ...

ميار واهي تطالع يدته وترجع تطالعه : ويدتك شنو بتقول لها ... ما برد بنتج وببقى مع الغريبه .....

تركي بضيق : ميار ازعل منج لو قلتي غريبه ويدتي مستحيل تفكر جذيه ... شفيج ميار كل هذا عشان يدتي قالت تبيني اكمل مع اروى بدل الغريبه ... ما تقصد تهينج ....

ميار : عارفه وقلت لها من حقها تفكر جذيه .... زين والناس بيتكلمو ..

تركي : من متى يهمج كلام الناس ... حبي خلينا نقعد مع الاهل ونتغدى وبعدها نطلع مع بعض ابي اخذج لمكان مهم .....

ابتسمت ميار واهي تهز راسها له فباس خدها وهمس لها باذنها : اعرف لو يبتها مكانها الصح كنتي ذبتي من خجلج .... لكن رحمتج لانهم يطالعونا ......

اليده : تعال يمه وقول شنو قررت .....

تركي واهو يمشي ليدته وماسك يد ميار ويقعد جنب اليده : يدتي بعدين .... ما تبين تغدينا .....

طلال : يا مفجوع للحين ما يا وقت الغدى ... ما كان ميار حاشره فيه لين قال بس ......

تركي واهو يكش على طلال : خمسه وخميسه بعينك حاسدني على اللقمه عينك حاره .......

طلال والكل يضحك عليهم عدى اروى وابوها : ههههههه لا يا الحبيب على الي وكلتك .... الله يرزقنا بس .....

تركي واهو يضم ميار من جنب : مافي مثلها الا الي بتييبها ومستحيل طبعا تكون لك .....

وليد : لولده اذا مو له بس قول يصلح لبنتك بعدين .....

تركي : والله اذا مثل ابوه ما نعطيه صح حبي .....

سمر واهي ميته ضحك : ههههههههه تركي ميار غايصه بخجلها تسالها ولا هم عن عيال .... اقول مرة اخوي تعالي نقعد بروحنا بالحديقه سوالف حريم ......

تركي : لا تخربي زوجتي انتي .....

سمر واهي تسحب ميار من يدها وتوقفها : لا والله انا اختك الكبيره .... لمصلحتك بعطيها دروس خاصه .....

تركي : اوكي اذا فيها دروس خاصه قبول لكن مابي دروس تخريب ... خليها دروس وناسه .....

خوله واهي توقف معاهم : اما سمر بتعطيها خوش دروس وخصوصا باين على زوجتك خام للحين مافي جراه عندها ......

ضحكو عليهم وطلعو البنات للحديقه عدى اروى ظلت تطالع تركي تبيه يطالعها ويغير رايه لكن تركي مسفها ويسولف مع الكل عداها ولا عبرها بنضره .....

وقت الغدى كانت ميار جنب تركي وقبال تركي اروى وتعمدت تكون قباله وكانت تطالع ميار شلون كل شوي تزيد بصحن تركي و تركي ياكل اي شي تحطه له .....

اروى : على هالحاله بتصير بعد شهر برميل ... احس طالع لك كرش وعرفنا السبب .....

اليده واهي تطالع اروى وتركي وميار : خلج بصحنج اروى ... كنتي تحطي بصحنه قبل ليش الحين قلتي بيسمن ....

اروى : مو بهذي الطريقه يدتي ... طالعي شكثر بصحنه ... واهي صحنها شبه فاضي الظاهر اكلج يدتي ما عجبها وتنقله لتركي عشان تضني انها كلت من طبخج ......

ام تركي : ميار بالفطور هم كانت تاكل بتركي واكلها اهي خفيف ... صحه يمه على قلبك .....

طلال : في ناس تنفتح نفسها للاكل اذا لقى الاهتمام من ناس يحبهم ويحبونه ... صح يا خوي .....

تركي واهو مبتسم ويبوس يد ميار : صح وهم لمى يكون الاكل من يدين مثل يدين حبيبتي ..... تعرفي يدتي ان ميار طباخه درجه اوله ....

اليده : خساره ما بنذوق طبخها .....

ميار : ليش يدتي اجهز العشى الليله .....

اليده : انتي عروس يمه شلون تطبخي لا .... اليايات اكثر لمى ترجعو تاكليني من طبخج ......

اروى : لا تثقي يدتي اكيد تركي يمدح على الفاضي .....

تركي : وليش يعني امدح على الفاضي ... تبين تثبت لج ان اكلها الذ من المطاعم العالميه .....

سمر : لا تتعب نفسك تركي نحكم كلنا باكله بسيطه ... تكون بتحدي بين ميار واروى ..... شقلتي ميار ......

ميار : عادي ما تفرق عندي باي طبخه ومتى .....

سمر : وانتي اروى موافقه .....

اروى بربكه : هااااه ... انا .....

عادل : اي انتي من لحظات تشككي بكلام تركي تتحديها .....

اروى : مقابل شنو ......

تركي بتحدي واهو يطالعها : اردج ...... اذا فزتي على ميار رديتج واذا ميار فازت مالج رده ابد .....

ابو عادل : بنتي ماتبي ترد لك فاهم .....

اروى بسرعه : لا قبلت .... بس محد يساعدها .....

وليد : ولا احد يساعدج .... تركي تعرف طبخ زوجتك صح .....

تركي واهو متعجب ويطالعه : اي ليش تسال ....

وليد : ابد لكن .... تعال ابيك بقول لك .....

قام تركي مع وليد بعيد فهمس وليد : اولا اسف على كلامي قبل لكن لاحظة ان زوجتك تبيك ترد اروى وممكن تتهاون بالطبخه عشان اروى تفوز وتردها انا لاحظتها ما تضايقة من المكافاة .....

تركي : اعرف ميار تبيني ارد اروى لكن ما اتوقع تتهاون اصلا اهي تموت على الطبخ وتحب تبرع فيه ... لكن كلامك صحيح بكلمها وشكرا لانك نبهتني ....

وليد واهو يطبطب على جتف تركي : العفو .... تركي انا صح ابيك تكون زوج لاروى لكن قسم تضايقت من تصرفاتها وما الومك وهم صدقة كلام الياس ... اسف للي قلته ......

تركي : حصل خير ولا تنسى احنا عيال خاله وبينا ذكريات ومواقف ما تنسى ابد ..... خل نرجع لهم ونشوف شنو بيتحدو فيه .....

رجع تركي مع وليد لهم وكانت ميار واقفه مع سمر على جنب فراح لهم ولف يده حول خصر ميار وطالعته وابتسمت وبادلها الابتسامه ....

سمر : تعرف ان زوجتك تجبر الواحد يتعلق فيها ....

تركي واهو يطالع ميار ومبتسم : اعرف وتسلب القلب والعقل .... حبي في شي بنبهج له .....

ميار متعجبه : شنو هالشي .... انا غلط بشي ....

تركي : لا حبي حاشاج ... بس شكلج ناويه تخسري عشان ارد اروى صح .....

سمر واهي تشوف ميار تنزل راسها ولا ردت : حسيت فيها لهالشي خذيتها هني وكنت اكلمها بنفس الشي .....

تركي : ميار انا اعرف قدراتج بالطبخ واعرف قدرات اروى وقلت لها جذيه عشان تتحداج وتعرف انها ولا شي يمج بامور تدبير البيت اروى صح ترتب لكن ما تنزل نفسها مثلج لتنظيف بيت بالكامل وتدقق وهم تطبخ شغلات بسيطه لكن مو مثلج تبدع وتعمق بالطبخ من كل صنف .... ابيها تعرف ان ما بالغت بمدح طبخج ... ابيج تطبخي بدون تكاسل تمام .

ميار : تركي ما قصدت اخذلك لكن كنت ابي الخير مابي احد ينقد عليك بانك تركت بنت خالتك وبقيت على الغريبه او اني غويتك وسرقتك منها

تركي : لا يا روحي ما تركتها الا لافعالها واذا على السرقه فانتي فعلا سرقتي قلبي لكن ما غويتيني ... يات من الله لا بكيفج ولا بكيفي ....

سمر : ابعدي هذي الوساوس عنج وعيشي حياتج مع زوجج والي الله كاتبه لكم ولاروى بيصير ... يله خل نشوف على شنو استقرو ...

تركي واهو يمشي مع ميار وسمر جهة الجماعه : هاااه على شنو استقريتو يدتي ....

اليده : والله انا ما اعرف قدرات ميار عشان اختار لكم لان قالو انا اختار الطبخه ويطبخوها بالمطبخ وكلنا نشوفهم ونحكم عليهم ....

تركي : ميار تعرف كل شي يدتي اختاري انتي ....

اليده : عيل نختار كيكه وكل وحده وشطارتها فيها ....

ام عادل : لازم نحدد الوقت لهم .....

ام تركي : وبدون مساعده من احد حتى الكتب ... وهم ما نبي خليط جاهز اهم الي يخلطو كل شي بنفسهم .....

اروى : ليش خالتي تصعيب اهو انا متعوده على خليط جاهز وازينه .....

اليده : عيل شلون تتسمي طبختي وبرعتي فيه .... شنو غيرتي رايج ..

اروى واهي تطالع ميار بحقد : لا ما اترك حبيبي لهذي ... موافقه ... وكم الوقت لنا .....

عادل : كم تاخذ وقت تجهيز كيكه بتزيينها .... هاااه خولتي كم تقولي ...

خوله : انا للاسف مثل اروى استخدم الجاهز والتزيين بس ياخذ مني عشر دقايق لان هم استخدم الجاهز .... سمر تطبخ بنفسها يعني تعرف .

ابو تركي : هاااه يبه سمر كم تاخذي بتجهيز كيكه مع زينتها .....

سمر : انا اقلها ساعه ..... ميار انتي كم تاخذي وقت .....

ميار : من خمسة واربعين دقيقه لساعه مو اكثر ويعتمد على الزينه وتبريد الكيك .....

اليده : عيل خلاص لكم ساعه وتكفيكم زين ...

ام تركي بحماس : عيل يله امشو كلنا المطبخ نشوف شنو يسوو والمطبخ كبير وفيه ثلاث افران وكل شي يلزمكم يله .....

ضحكو كلهم على حماس ام تركي وتوجهو للمطبخ وتركي محاوط خصر ميار وقبل تبعد عنه وتتوجه للطبخ سحبها على جنب محد يشوفهم فيه وباس شفاتها ....

ميار واهي تدف تركي ومرتبكه : تركي ينيت ... احد يشوفنا ....

تركي : هههههه مو مهم زوجتي وحر فيها ثم هذي محفز لج وتذكير ... اذا تهاونتي والله الليله لج عقاب حلو على قلبي و متعب لج ....

ابتسمت ميار له واهي منحرجه وخجلانه لانها فهمت قصده فمات تركي ضحك عليها .....

تركي بهمس : والله اتهور الحين مع خجلج هذا ... خفي علي يا بنت ...

طلال واهو يقرب لهم : ما خلصت غزلك انت .... انت ما تشبع من زوجتك ننتظر ....

تركي واهو يمشي مع ميار للمطبخ : حلالي وحر فيه ... وشيل عينك عنا زين .....

طلال : اااااخ الله متى زواجي ابي انخش مثله .....

تركي : هههههههه اسبوع يا اهبل ... للحين ما تكلمك وما تشوفها ....

طلال : اي قال شنو عشان اشتاق قال ... والله اطلعها من عينها هالفتره

مهضومه 06-02-21 02:18 AM

البارت العشرون


ضحك تركي على طلال ودخلو المطبخ وتوجهة ميار لام تركي الي مدت لها مريلة الطبخ تلبسها وخبرتها باماكن كل شي ممكن تحتاجه وين وبعدها تركتهم وتوجهة للابقي و بداء ابو تركي العد عشان يبتدو طبخ وفعلا اول ما خلص عد توجهة ميار للفرن وشغلته وطلعت قوالب الكيك وتركتهم داخل الفرن وهالحركه الكل تعجب منها وبعدها خذت سله قش و صارت تحط كل المكونات فيها وتوجهة لطاولة الطبخ وصارت تحط المكونات وتخلط ... اما اروى فصارت تطلع المكونات وتخلط ولمى خلصت خلط صبت الخليط بالقالب و شغلة الفرن وتركت القالب بره لحد ما يسخن الفرن وتوجهة تجهز كريمه للزينه ... اما ميار خلصت الخليط وطلعت القوالب وصبت فيها الخليط ودخلتها الفرن مره ثانيه وهني ضحك تركي وكلهم طالعوه متعجبين وميار ابتسمت لضحكته لانه عرفة انه فهم ليش سوت جذيه وصارت تطلع مكونات ثانيه وتشتغل على كريمه وصوص شوكلاته .....

طلال : علمنا انت ليش تضحك .....

تركي : ابد بس ميار كل مره تفاجاني بشي يديد علي .... تعرف ليش شغلة الفرن قبل ودخلت القوالب فيه .....

سمر : عشان يسخن الفرن واهي تخلط وجذيه تكسب وقت الي ضيعته اروى تنتظر الفرن يسخن والخليط ينتظر بالقالب .... لكن حركتها بتدخيل القوالب الفرن اول مره اشوفها ليش تركي سوت جذيه ....

تركي : اذكر مره قالت لي لمى سالتها شلون كيكتها ما تفتت لان شفتج مره تفتت لج فقالت لان تسخن القوالب وهم ما تفتح على الكيكه قبل فوات عشرين دقيقه وتخلي الحراره معتدله ... عرفتو ليش ضحكة ... من الحين اقول لكم اروى بتخسر ....

ملاك : مو شرط تخسر لهذي الاسباب ... كاهي دخلتها بعد ما سخن الفرن .... لكن ميار شنو تسوي بالفرن تجهز شنو .....

تركي : صوص شوكلاته لذيذ انا تدوخني فيه ...

طلال : مثل الجاهز ....

تركي : لا غير .... لا تستعيلو وبتذوقو وهذا ويهي اذا ما طلبتو تسويه مره ثانيه .... شوفو كاهي شكلها جهزة اغراض الزينه كلها ....

ام عادل : شكل زوجتك يا تركي طباخه محترفه .... من معلمها .....

ام تركي : اذكر امها هم كانت جذيه تحب الطبخ والاشغال اليدويه .....

تركي : وميار وحتى اختها سناء مثلها لكن الفرق سناء تنشغل بعيالها وتركت الاشغال اليدويه لكن الطبخ بدمهم ما يتركوه .....

سامر : هنيه لك .... لكن ما تنشغل عنك بهذي الامور .....

تركي واهو يبتسم وعينه على ميار : ابدا .... بوقت غيابي تجهز كل شي ... مقسمه وقتها بيني وبين شغل البيت ووليد والدراسه وهذي الامور تتسلى فيها لمى نتفرج على التلفزيون .... هههههههه صارت تعلمني شغل الخرز .....

الكل ضحك وقال ابو تركي : ههههههه يا خوفي ايي يوم والقاك تخيط ههههههههههههه .....

ضحكو كلهم وظلو على تعليقاتهم على اروى وميار وقبل ينتهي الوقت بربع ساعه خلصو ثنتينهم لكن ميار دخلت الكيكه بالفريزر وكان شكلها يشهي مثل محلات الكيك وهم كيكة اروى كانت مزينه بطريقه حلوه لكن كانت بس بكريمه وفواكه مشكله اما ميار فكانت مغلفة بصوص شوكلاته ومزينه ببرش شوكلاته وبندق مجروش بالجوانب ومحشيه من الداخل بشغلات حلوه ......

تركي واهو يضم ميار : يعطيج العافيه يا روحي .... ما بسالج تعبتي لاني اعرف جوابج ......
ميار واهي تبعد عنه بحرج : تركي .....

تركي واهو يقعد ويقعدها جنبه : ههههههههه اوكي ما امسك نفسي اسف .....

ام عادل : كيكتج شكلها يشهي ... بس ليش تركتيها بالفريزر وما تركتيها بالثلاجه .....

ميار : عشان الصوص يمسك وهم الكريم موس .....

وليد بمزح : حاطه لنا موس بالكيك انا مابجيك ......

عادل : هههههههه اي حلوه لا تذوق ... اقول مرة ولد خالتي نصيبه لي انا اكل موس .....

وليد : لا والله انا امزح لا تقولي زعلتي .....

ميار واهي مبتسمه : لا اعرف انك تمزح .... وعناد فيك انت ثالث واحد يذوق منها .....

ملاك : ومن الاول والثاني .....

ميار : الاول يدتي والثاني تركي .....

سمر : تركي شبعان من كيكج انا الثانيه .....

تركي : لا والله ماكو ... حبيبتي خصصتها لي محد يقرب ابد .....

اليده : يله لمى تكمل الربع ساعه نذوق و كلنا ....

ابو عادل : انا بذوق كيكة بنتي بس ....

اروى واهي تبوس خد ابوها : فديتك حبيبي بس لزم تذوق هزيمة عدوتي .....

ابتسم تركي بسخريه وهمس باذن ميار وابتسمت ميار ونزلت راسها خجلانه وفجاة صرخ طلال بمتى يتزوج والكل ضحك عليه وبعد مده قطعة كل وحده كيكتها ورصتها بصحون بعدد الموجودين وقدمتها للكل وقعدت ميار جنب تركي لمى خلصت ....

اليده واهي تذوق كيكة اروى : يله نبدي باروى لانها الكبيره ..... الشكل كلنا عجبنا ثنتينكم بس الحق شكل كيكة ميار تشهي اكثر ... يمكن لان شوكلاته .... بسم الله ... الكل يذوق بنفس الوقت الكيكه حتى انتو ميار واروى ذوقو .....

الكل تذوق وفجاة الي سحب منديل وبصق والي ركض الحمام والي شرب ماي واروى ركضت الحمام تبصق الي بفمها ورجعت لقت الكل يطالعها

اروى : شنو .... بالغلط حطيت الملح بدل السكر ... هذي اكيد خذت السكر كله مني .....

ام عادل : لا والله انتي بديتي اول وخذيتي المكونات وميار كانت تجهز الفرن والقوالب بعدها جهزة مكوناتها ....

ابو عادل بعصبيه : وانتي مع الغريبه على بنتج ... انتي ام انتي ....

اليده : بس خلاص شدخل هذا بهذا زوجتك ردت على اتهام بنتك للبنت وكلنا شفنا شغلهم ومافي اي حجه لاروى ... انتي اخذتي كل حاجياتج ميار ما قربت منج ابد ولا خذت شي من عندج ولا انتي خذيتي شي من عندها فليش تقولي اهي السبب ....

سامر : الحين خلونا نذوق هالكيكه الي تشهي والله ريحة الشوكلاته تدوخ ....

وليد : اروى خلي روحج رياضيه انتي ابدعتي صراحه بدون كتاب او خليط جاهز ... لكن غلطه وانتبهي لها مره ثانيه ... وشكل كبكتج يغري وحلو ... الحمدلله صورتها قبل تقطعيها ....

اروى ودموعها متجمعه : لكن تركي مابيردني جذيه ....

عادل : ولا كان بيردج ... لو انه مو واثق من قدرات زوجته ما قال لج هالشي ...

ميار بضيق : انا اسفه للي صار لج اروى لكن لو بيدي خليت تركي يردج ولا كنت دخلت حياته ابد ...

اروى واهي تصرخ : لكنج لفيتي عليه وسرقتيه مني ...

تركي : اروى ... تعرفي ان ميار كانت تدفعني لج ... تذكري لمى رفضتي تسافري معاي ونتمم زواجنا ... ميار اهي الي لامتني برغم انها موعارفه المشكله كامله وكانت تدفعني ارحمج وارد عليج واسمعج ... كانت تبعد عني وتحاول ما تحتك فيني وانا الي ما اتحمل بعدها ... كانت رسميه معاي وايد وترفض توصيلي لها او اي احتكاك بينا ... ما انكر هم انا حاولت ابعد عنها لكن ما تحملت ابد يومين بس غابت عني بشوفتها وصوتها لكن اخبارها عندي ..... اروى انتي تخليتي عني بوقت كنت بحاجتج ولمى رديت لقيت اروى غير ومنها بديتي تتغيري برغم اني سامحتج ورجعت اكلمج لكن ظلت فجوه كبيره بينا والسبب تدخل ابوج بحياتنا واتباعج له ... انا ما غلط لمى تركت مشاعري تنجرف لميار وميار كانت مرغومه تقبل بزواجها مني وجاهله تماما الي براسي واتفاقي مع امها واخوها وهم امها واخوها قبلو واهم مو متقبلين فكرة بنتهم تتزوج واحد متزوج لكن الي شفع لي حبي لها واصراري عليها وهم لمعرفتهم اخلاقي وقبل هذا مهران عارف لاي حد وصلت علاقتي معاج من تدهور ... انا ما ظلمتج وهالشي من حقي اذا لقيت راحتي مع غيرج بروح له لكن انتي شلون تروحي لغيري وانتي على ذمتي ... ودامج تبين غيري كنتي قلتي وبطيب خاطر بتركج لكن طعنه بالظهر وتلعبي من تحت لين تحت مو مقبول ولو غيري كان فضحج لكن انا حتى لو منتي بنت خالتي بستر عليج غير هلج واهلي محد يعرف بسواتج ...

اروى ودموعها تنزل : لكن انا ما ابي غيرك وما خنتك تركي .....

تركي : يكفي يا اروى انج سمحتي لغيري يلمس شي منج ... صعبه علي اشوفج بهالوضع بحضن غيري ... ولا تطلعي وتروحي وتردي بكيفج وتسافري ... ويني انا .... قولي يدتي في ريال يقبل بهالشي ويترك بنتج على ذمته ......

عادل : لا محد يقبل ....

ابو عادل : عنه ما قبل ولا نبيه والحمدلله طلقها ابركها من ساعه وانت معاه على اختك ....

وليد : دام بنتك غلطانه لازم نكون معاه ضدها ....

تركي : مافي ريال يقبل على نفسه بهالشي واعتقد انت هم نفس الشي ما تقبلها على نفسك ......

اروى : تركي وين حبك لي ... انا حب طفولتك مو هذا كلامك .....

تركي : اروى حب الطفوله ممكن ينمحي مع الوقت صح الفترة بسيطه وما انكر ما نسيت حبي لج ولا طار لكن اهتز ... قل وقريب امحيه من الوجود .....

اروى واهي تاشر على ميار : عيل هذي ما تحبها تزوجتها ليش بس عشان تقهرني او لانها اغنى مني وتشتغل عند اخوها .....

تركي : ميار ..... ميار شي ثاني يا اروى كنت اضن ان حبي لج مستحيل يقل او يتاثر لكن فرق بين مشاعري لج ومشاعري لها وسبق وقلت ميار ما اتحمل بعدها واحس نفسي باين واهي بعيده عني لكن انتي حتى قبل اتزوجج كان عادي عندي بعدج لمى تسافري او انا هم اسافر بالشهور ما اشوفج ولا اسمع صوتج ولا حتى اعرف اخبارج .... كنت قبل اقول حب حياتي لكن الحين اقول حب طفوله وتعود بس .... اما ميار حب نضج ووعي ووله ... ما اتحمل فراقها ولا بعدها ......وشغلي مع اخوها ماله دخل بالي بيني وبين ميار وهم لمعلوميت الكل انا لي اسهم بشركة مهران ومن شغلي معاه قدرت اكون ثروه لا باس بها......

اليده : خلاص سكرو هالموضوع .... اروى انتي خسرتي تركي بطيشج وستهتارج وتركي بداء حياة يديده وانتي هم لازم تبدي حياة يديده بعيده عن تركي ....

اروى : لكن انا احبه ... حتى واهو ما يحبني انا احبه .....

عادل : ودليل حبج له الي سويتيه .... اروى ارضخي للامر الواقع انتي لقيتي نفسج خسرانه بفشخرتج قبال صديقاتج وان تركي يحبج وفضلج على كل البنات لكن انتي خسرتيه لان حبج مزيف مو صادق ....

الكل سكت مع سكوت اروى لان ما تقدر ترد على عادل بحرف واحد وفجاة الكل سمع تركي واهو يغني وكانت رساله لاروى ودمعة عين ميار للي قاله تركي لاروى بكلمات الاغنيه وكان وقتها ماسك يد ميار وكانه يقول لها لا تلوميني .....

تركي واهو يغني ..... غلطانة جئتني ندمانة
قولتلي ريحني
هالمرة سامحني
غلطانة
غلطانة جئتني ندمانة
قولتلي ريحني
هالمرة سامحني
غلطانة
أنا مانويت الغدر
ولا كنت نفكر
أنا مانويت الغدر
ولا كنت نفكر
حيرانة ماتنفعك ندامة
غلطانة جئتني ندمانة
قولتلي ريحني
هالمرة سامحني
غلطانة
غلطانة جئتني ندمانة
قولتلي ريحني
هالمرة سامحني
غلطااانة
تغريتي وعليا تخليتي
ماهمك اللي جرالي
سهرتيني ليالي
تغريتي
تغريتي وعليا تخليتي
ماهمك اللي جرالي
سهرتيني ليالي
تغريتي
أنا مانويت الغدر
ولا كنت نفكر
أنا مانويت الغدر
ولا كنت نفكر
حيرانة ماتنفعك ندامة
غلطانة جئتني ندمانة
قولتلي ريحني
هالمرة سامحني
غلطانة
غلطانة جئتني ندمانة
اجيتي.. اجيتي.. اجيتي.. اجيتي
قولتلي ريحني
هالمرة سامحني
غلطانة
طماعة جبتك ليا الساعة
كنتي فيا تبيعي
ضيعي وحدك ضيعي
طمااعة
طماعة جبتك ليا الساعة
كنتي فيا تبيعي
ضيعي وحدك ضيعي
طماعة
أنا مانويت الغدر
ولا كنت نفكر
أنا مانويت الغدر
ولا كنت نفكر
حيرانة ماتنفعك ندامة
غلطانة جئتني ندمانة
قولتلي ريحني
هالمرة سامحني
غلطانة
غلطانة جئتني ندمانة
اجيتي اجيتي
قولتلي ريحني
هالمرة سامحني
غلطااانة
غلطانة
غلطانة



بعد ما خلص تركي لف لميار ومسح دموعها وهمس لها : تلوميني الحين .... طعنه بالقلب ميار وانا ساكت .....

ميار : تركي بختنق طلعني من هني .....

تركي واهو يشد على يدها ويطالع يدته : يدتي انا وميار نستاذن نبي نمشي ....

ام تركي : ليش يمه ... خلكم معانا ما شبعنه من قعدتكم معانا وهم ميار تتعود علينا وتعرف علينا عدل .....

تركي واهو يوقف ويوقف ميار معاه : معلي يمه ميار تعبت شوي وابي اخذها مكان مهم تشوفه ... ثم بنرجع البيت نسيتي احنا معاكم .....

اليده : لا تقطع يمه طول ما انتو هني زورني وييب ميار معاك ....

تركي : من عيوني ...

سامر : اقول بتهربو قبل نعطيكم راينا بالكيكه .....

تركي : انت ذوقها واذا لقيت فيها عيب واحد لك الي تبي ... يله بالاذن

توجهة ميار لليده وباست راسها وسوت نفس الشي مع ام تركي وام عادل وابو تركي و استاذنتهم وطلعت مع تركي واول ما طلعو .....

ابو عادل : مشت عليكم تمثيليتها .....

ابو تركي : من تقصد واي تمثيليه .....

ابو عادل بسخريه : مرة ولدك واهي يعني تبجي متاثره برسالة تركي لاروى ... هاااه عباله بيهز شعره من اروى يذلف اهو وهلي يجرها وراه ومتفاخر فيها ...

طلال : وليش تضن انها تمثل عمي ...

ابو عادل : واضحه تبي تكسبكم لصفها وتوقفو معاها لو تركي قرر يرد اروى .....

ابو تركي : لكن تركي مو ناوي يرد اروى ابد ولعلمك ميار الوحيده الي تحاول تقنع تركي يرد اروى ....

ام عادل واهي تطالع بنتها المنهاره بجي : كل واحد ياخذ نصيبه واروى خسرت بيدينها وتبعيتها لابوها .... يله هد بنتك الحين مو انت الي خربتها صلح حياتها الحين اذا قدرت .....

ابو عادل واهو يوقف بعصبيه وصراخ : حياتها عدله بدون ولد اختج وانا ييت هني ماشي ورى كلامها ورغبتها وكاهي عرفت ان كلامي صحيح وتركي ما يناسبها ولا يستاهلها وفضل عليهاوحده غريبه ليش عشان تملك اكثر منها لكن اروى بتتزوج بعد شهرين من عاصم الي احسن من تركي وطوايفه ..... اروى قومي وامسحي دموعج هذا ما يستاهلج ابد ولا يناسبج يله .....

وقفت اروى ومسحت دموعها وكان كلام ابوها صحيح وحملة شنطتها ولا ودعت احد وطلعت مع ابوها ولا كان شي صار ......

طلال بسخريه واهو ياخذ صحن كيكة ميار : هههه ولا كان صار شي ومن لحظات تبجي ومنهاره ... اذوق كيكة مرة اخوي ابرك لي ....

سامر واهو يحمل صحنه : والله انك صادق ... ابوي سوى لها غسيل مخ ... تعرف من اول ما يات عيني على كيكة مرة اخوك وانا انتظر اذوقها وكل شوي ياجلو ... يا اخي سعابيلي نزلت عليها .....

الكل ضحك على سامر واهو ياكل بالكيكه والكل اخذ صحنه بعدها يذوقو كيكة ميار .....

سمر : تعرفو كيكتها مثل كيك محل حلويات مشهور ....

خوله : لو تفتح محل تنجح .... بس غريبه بنت عز وتطبخ ولا طبخ مبدعين ......

عادل : هههههه حلوه مبدعين .... البنت على حسب علمي من تركي تربت على الاعتماد على نفسها وما تربو على النفخه ابد برغم غناهم ... صح خالتي .....

ام تركي : اي يمه امها قبل ماكانت تتكبر على احد ابد ولا تتفاخر بشي عندها واذا عليها شي واحد عجبه تعطيه اياه على طول ولو كان غالي ..

اليده : يدتها هم كانت متواضعه تراهم من عمر واهم اغنيه يعني مثل ما يقولو مولودين وبفمهم ملعقه ذهب ... ناس شبعانه ومافيهم تكبر وخيرهم مغرق الكل لكن اهل زوجها اعني اعمام ميار في منهم الطماع واضن انه عمها الي يبي يزوجها لولده ....

ام عادل : اي يمه كلامج صحيح انا سالت عن ميار وخطبتها لولد عمها قالو انها خطبه بالكلام وان ميار رفضت تتم الملجه بسرعه وقبلة بس عشان يدتها قبل توفه والله اراد تتوفة وتتاجل هالملجه اكثر وقالو ان عمها جابر ولده يتزوجها عشان الحلال لا يطلع برى على قولته وزوج ولده الكبير اختها واخوها اخذ بنت عمها هم يعني يبي يكوش على حلالهم من كل صوب .....

طلال : بس خالتي ميار اجلة لانها شاكه بولد عمها وطلع شكها صحيح

وليد : اي وولد عمها الي اهو الياس مستخف يبيها ما جبره ابوه وقالها لي انه يبيها ولو تركي يطلقها تزوجها على طول .....

ابو تركي : عيل بيموت ولا بيطولها لان تركي مستحيل يطلقها .... السموحه ام عادل وانتو هم يا عيال لكن الحقيقه تركي يحبها موت ومتعلق فيها والبنت ما تنعاب ولا مقصره معاه فمستحيل يطلقها .....
ام عادل : لا تعذر يا ابو تركي حب تركي لها تستاهله واروى الي ضيعت حب تركي لها وما تلوم الا نفسها وابوها.....

ظلو يسولفو بامور ثانيه وبزواج طلال وملاك ...... اما تركي وميار فمن طلعو واهم ساكتين طول الطريج وتركي ملاحظ ميار تبجي بصمت فوقف على جنب ولف لها يطالعها واهي حتى ما حست انه وقف فمسك يدها ورفعت راسها تطالعه بعد ما مسحت دموعها بسرعه بيدها الثانيه .....

تركي واهو يمسح على خدها بيده الثانيه : ليش تتعبي عينج وتهلكي بشرتج بالدموع ..... علشان شنو ومن ......

ميار وصوتها رايح فيها من البجي : علشان الي وصلت له بسبببي من دخلت حياتك قلبتها لك فوق تحت .... تركي انا ....

تركي واهو يتنهد : هااااااه ميار شهالكلام انتي اكبر من جذيه بالتفكير ... لو منتي بحياتي يعني اروى ما بتسوي الي سوته ... قولي اهي سوت هالشي ولا تعرف ان غيرها سكن قلبي ... ثم انتي ما لحقتي وراي انا الي فرضت نفسي عليج ....

ميار: لو ما قبلت بزواجي منك كنت بتعدل الامور بينكم وما تطلقها .....

تركي : تضني .... شنو انا ديوث اقبل بزوجتي تكون من حضن لحضن حتى لو ما سلمت كل جسمها .... مجرد طلعتها معاهم وقبولها لبوساتهم وضمهم لها يخليني اطلقها ... ميار بنضرج بقبل اتركها على ذمتي جذيه


ميار : لا لا لا لكن راسي لف تركي انت تحبها .....

تركي : مابنكر لكن مو مثل حبي لج وحبي لها ينمحي بالتدريج اعترف مابنساه لكن بتجاهله ولا بهتم ومستحيل ياثر على حياتي معاج او احن له .... حبج منغرس غرس بظلوعي شلون يقرب له حب ثاني .... بتقولي اهي الحب الاول بقول لج حب طفوله وجهل لمعنى الحب الحقيقي لان الحب الحقيقي يبقى راسخ ما يهتز ابد ولا ينمحي او ينسى ... لكن حب الطفوله العابر حتى لو بالسنين ممكن ينمحي لكن ما ننساه يبقى ذكره لكن ما ياثر ... في ناس يكون حب الطفوله حب كامل وحقيقي لكن انا واروى كان تعود بس وتمسكها فيني مو حبا فيني لا ....

ميار : عيل ليش متمسكه فيك يعني .....

تركي : تتفاخر بانها تزوجتني ... ما بمدح واعظم من نفسي لا لكن اهي تشوف ان بنات وايد يبوني ويتمنى نضره وانها اهي الي فازت عليهم وان تملك الي الكل يتمناه .... اروى بطبعها تحب تتملك وهم تحب يكون عندها المرغوب فيه من الكل وتعتبرني جذيه ... ولو تحبني صج ما عصتني وقبلت بغيري يضمها ويبوسها وتسمح بلي سمحت فيه ولا شرايج .... انتي عارفه ان كلامي صحيح لكن خايفه من كلام الناس صح

نزلت راسها ميار وهزته بخجل فرفع تركي راسها ويات عينها بعينه ...

تركي : لا تنزلي راسج ... انتي ما غلطي ولا احد يلومج وكلام الناس لا يقدم ولا ياخر وخل الي يقول يقول احنا شنو علينا منهم .... احنا عايشير ومرتاحين ومتفاهمين لا تخربي حياتنا بكلام الناس اوكي حبيبتي

ميار : انا اسفه تركي لهالتفكير لان مابي احد يعيب عليك او علي بشي .

تركي واهو يبوس شفاتها : اقول ويهج يغري فلمي نفسج لا اتهور بالشارع اوكي ... وانسي كل شي ....

ضحكة ميار ودفته من صدره فضحك معاها وبعدها سحبها وضمها وشد عليها .....

تركي واهو ضامها ويبوس راسها : لا تبجي مره ثانيه ما احب دموعج تقطع قلبي ..... والحين قولي لي اتفقتي مع خواتي على السوق لزواج طلال وملاك ....

ميار واهي ترفع راسها وتطالعه : من خبرك ....

تركي واهو يبوس طرف انفها : ملاك ...متى بتروحو ....

ميار : انا قلت اول اقول لك واشوف .... لكن حبيبي انا عندي فستان للحفله لكن يبوني اشوف غيره .... وهم يبون اكون معاهم بباقي اغراض ملاك ودانه زوجة طلال .... اي اهي ليش ما يات اليوم ....

تركي : عشان طلال لا يشوفها .... حبيبتي روحي معاهم وخذي الي تبينه واذا فستانج مقتنعه فيه البسيه واذا عجبج غيره خذيه .....

ميار : تسلم حبيبي ما تقصر ... تركي بعد احنا بالشارع ... ثم ليش موقف هني ....

تركي واهو يقرص خدها : وقف لان حبيبتي تبجي وكابته كلام بقلبها فلازم اريحها ... ثم ما علي من احد انا ضام زوجتي ....

ميار واهي تبعد تركي : بس الناس ما تعرف اني زوجتك ... والحين وين بتوديني ....

تركي واهو يسوق : ههههه بوديج مكان اتمنى يعجبج ويرضيج .... احممم على فكره انا هم اول مره اروحه ....

ميار بحيره : وين .... تعني مطعم او مكان احد مرشحه لك يعني نغير جو فيه .....

تركي : هههههه لا حبيبتي تونا متغدين لكن ما حلينا بحلاج ... لحظة قربنا للمكان وبتشوفي قصدي ......

وقف تركي قبال بيت صغير لكن تصميمه من برى حلو ومثل الاكواخ الامريكيه فنزل تركي ونزلت ميار معاه واهي تطالع البيت فمد يده لها وحطت يدها بيده ومشى فيها على صخور مرتصه على الارض بشكل ممر لمدخل البيت .....

تركي : بيتنا .... انا وانتي وعيالنا بعدين ....

ميار واهي مبتسمه وتطالع البيت وترجع تطالع تركي : جد تركي او تمزح ....

تركي : لا جد بس ليش مو عاجبج ....

ميار : انت ينيت شلون ما يعجبني وانا احلم ببيت تصميمه جذيه ... تعرف كنت احاول اقنع مهران يبني شاليه جذيه من كثر ما يعجبني الاكواخ الامريكيه والله عطاني بيت مثل ما اتمنى ...

تركي بفرح : والله الحمدلله عيل القلوب شواهد انا هم من شفت صورة قبلت فيه وشريته ... لكن انشاء الله يعجبج داخل .... ندخل ...

ميار واهي تمشي معاه للباب : اكيد بيعجبني دامه عجبك بالصور ... لكن انت قلت انك ماجره لمهران ....

تركي واهو يفتح الباب : اي كان وبيسكنو فيه ناس بعد اسبوع ... تفضلي بريلج اليمين يا حلوه ...

سمت بالله ودخلت وكان فاضي من الاثاث لكن تصميمه للصاله والسلم يبهر اول ما يدخل الواحد وصارت ميار تلف بالبيت وعجبها وايد خصوصا ان المطبخ مفتوح على الصاله وكل شي فيه عجبها حتى الطابق الثاني ابهرها تصميمه ....

تركي واهو يقرب لميار : هاااه حلو ....

ميار بفرح : الا ينن ....والله حبيته ... تركي بليز لا تفكر ابد تبيعه مهم كان ....

تركي : اوكي مع اني كنت ناوي اشتري بيت اكبر اذا صار معاي سيوله من اجاره ...حبيبتي ما تبين بيت اكبر ....

ميار : لا ليش اكبر من شنو يشكي هذا ... والله حبيته مابي غيره تركي .... انتظر متى نسكن فيه ....

تركي واهو يضمها : من اخلص هالسنه نرجع ونسكن هني لكن حبيبتي بيصير باقي عليج سنه ... ما تبين تكمليها هناك ....

ميار : اكيد بكمله لكن هني او تبي تبعدني عنك ... انت هني وانا هناك ..

تركي : تبين موتي انا قلت اذا تبين تكملي هناك نبقى سنتين عادي ....

ميار : لا ليش انا ما بكمل ماجستير ودكتوراه مثلك ثم انت مخطط انك تقدم للجامعه وتصير دكتور فيها ... بكمل هني عادي اهي سنه ...

تركي : لكن مهران بيبقى مع خالتي ووليد هناك .... اذا تبين عادي بنبقى سنه زود ....

ميار : وشنو الفرق لو كملت هني ... ثم اهلك تعبو من غربتك كافي فترة دراستك ....

باس شفاتها واهو يشد من ضمها له وبعد شفاته وحط جبينه على جبينها

تركي : تعرفي كل يوم يزيد تعلقي فيج وحب لج .... كل مره تكبري بعيني اكثر من قبل ....

ميار : اتمنى تركي ما تندم ابد ولا يتغير حبك لي ....

تركي واهو يبعد ويمسك ويها بيدينه : تضني حبي لج وهم او مثل اروى .... ميار انا مو مزاجي عشان تخافي ....

ميار : انا ما اشك بحبك لي تركي لكن اخاف تتاثر بعدين باي شي .... خايفه تكتشف ان حبك لاروى حب حياتك مع الوقت و....

تركي : وشنو ... اردها واتركج .... ميار بسج خوف والله اروى حب طفوله وتعود وبس والله انج الي ساكنه بقلبي ومتربعه فيه صح يا بسرعه اكنه متعمق بظلوعي وراسخ ولا شي يزعزعه من داخلي ولا شي يفرق بينا الا الموت ......


دق بقلبي دق شبعني عشق يا اول بشر حبيته صدق
يالتسوى التعب و اغلى من الذهب اخذ قلبي الك و العب بي لعب
احبك كلش اهواي تعال و عيش جواي
فرحتي كملت وياك الله يديمك وياي
ترا انته الدنيا كلهه و بعد روحي و اهلهه
حياتي جنة صارت من حبك دخل
احبك يا ترف حب ما ينوصف بالمية العشق تقريبا 1000
دق بقلبي دق شبعني عشق يا اول بشر حبيته صدق
اشمك يا هوه و اريد نضل سوه يا روحي و القلب غيرك ما اهوا
ترا انت بقلبي مضموم نسيت وياك الهموم
احبك دوم مو يوم بعد لا تغيب مفهوم
ترا انته الدنيا كلهه و بعد روحي و اهلهه
حياتي جنة صارت من حبك دخلهه
مثلك وين اكو يابو وجه الحلو رزن ذوق و وفي و حنيتك يابووو
دق بقلبي دق شبعني عشق يا اول بشر حبيته صدق




اي يا وردة و اشم بيك اليا الله يخليك
عليا ما اوصيك ابداخل قلبي خليك
ترا انته الدنيا كلهه و بعد روحي و اهلهه
حياتي جنة صارت من حبك دخلهه
دق بقلبي دق شبعني عشق يا اول بشر حبيته صدق

ارتمت ميار بحضنه وشد عليها تركي واهو حاس بخوفها وفاهمها لكن مو قادر يريحها لكن الوقت كفيل يثبت لها صدق مشاعره لها .... بقى معاها وقت بالبيت وبعدها طلعو و قررو يلفلفو باي مكان يغيرو جو لكن واهم بالطريج رن تلفون ميار ولمى شافت من طالعت تركي ....

مهضومه 13-02-21 01:30 AM

البارت الواحد والعشرون

تركي : ليش ما تردي ... من .....

ميار : سناء .....

تركي : ردي حبيبتي اكيد تبي تشوفج ردي .....

ميار : خايفه يكون العكس .....

تركي : وانتي جبانه .... ردي ....

ميار واهي ترد : .... الو ... هلا سناء ....

سناء : هلا فيج ميور .... وينج وصلتي ولا عطيتي خبر .... مهم كان الخلاف بينا احنا خوات لو نساج تركي هالشي ....

ميار واهي تطالع تركي : لا ليش .... عمري ما انساكم انتو اهلي لكن قلت يمكن ما تبون قربي وانتي عارفه السبب ....

سناء : ليش ميار .... انا صح كنت ابيج تتزوجي الياس لكن تزوجتي وخلاص فحتى لو بقيتي للحين بدون زواج كنت بكلمج انا ما يهون علي اختي الصغيره لكن انتي تضني كنت ابي اضرج والله ان الياس طلقها ويبيج لهالشي قلت اهو اولا من غيره ببنت عمه .... المهم انتي مرتاحه مع تركي ....

ميار : اي الحمدلله مرتاحه معاه وايد .....

سناء : ابي اشوفج ميار وحشتيني واليهال يسالو عنج .... ...

ميار : وانتو هم وحشتوني ... بشوف مع تركي وبخبرج .....

سناء : اوكي حبيبتي انتظر ردج اوكي .....

ميار : اوكي .... باي ....

سكرت ميار ولفت تطالع تركي الي يطالعها ومبتسم ....

ميار : تسوي اعلان معجون اسنان .....

تركي واهو ميت ضحك عليها : ههههههههههه لا اتمقل بزوجتي .... شنو بتروحي ....

ميار واهي تطالع قدام : بعد اذنك طبعا .... الا متى وقفت قبال البحر ....

تركي : من مده وانتي مندمجه مع سناء ولا انتبهتي اني وقفت .... اوكي متى تبين تروحي .....

ميار : مو عارف لكن متشوقه لليهال وايد .....

تركي : عيل كلمي سناء وخبريها بتزوريها الحين يله ....

ميار واهي فرحانه وتتصل : جد ... لحظه ...... الو ...

سناء : هلا ميور شنو طمنيني ...

ميار : فتحي بابج انا يايه ... ومعاي تركي اوكي ....

سناء بفرح : قولي والله ... الحين اكلم ماهر ايي مع عياله واهلا وسهلا بتركي نفرش له الورد ... لا تتاخري ....

ميار : هههههه لا لا الحين بنييج ... باي ....

تركي واهو يسوق : اي يله الحين وين بيت اختج ....

ميار : اولا انت تدل بيتنا .....

تركي : اي اعرفه مهران وصف لي وعرفته بيتكم مميز ... اوكي وبيت اختج حوله ....

ميار : الي يمه ... احنا كلنا جنب بعض ...

تركي : وبيوت اعمامج هم ....

ميار : اي ... تقدر تقول صار فريج كامل ...

تركي : حلو عشان تتزاورو .... مهران قال لكم قاعه خاصه بتجمعكم ...

ميار : اي صحيح الكل يتجمع فيها بيوم الجمعه او الاعياد او اذا صارت مناسبه .... تركي بتنزل معاي صح ....

تركي : ما تبين اتعرف عليهم ....

ميار : اكيد ابي ... بس خايفه انك ما تبي وبتروح بس عشاني ....

تركي : لا يا روحي انا اكيد ابي اتعرف على اخوج واختج وعيالهم ... هم اهلج وناسج ابي علاقتي معاهم تكون حلوه مثل خالتي ومهران ....

فرحت ميار من كلام تركي ووصلو بيت اختها ونزلو واستقبلتهم سناء استقبال حار و معاها زوجها وماهر وزوجته وعيالهم كلهم والكل فرح لوجود ميار معاهم وكان تعاملهم مع تركي متحفظ شوي لانه تزوج ميار واهم مو موافقين ومتخوفين يكون طمعان بميار لكن حسو انه يتصرف على طبيعته وطبعا هالشي ما خفى على تركي لكنه تصرف على طبيعته الاجتماعيه .....

سناء واهي تضم ميار قبال سيارة تركي : لا تقطعي وكلميني مثل قبل ...

ميار : اكيد حبيبتي وانتي هم كلميني ....

ماهر : وانت تركي اتمنى علاقتنا تكون مثل علاقتك بمهران ....

تركي : انشاء الله .... اي زواج طلال اخوي واختي قريب وانتو اهل طبعا ماله داعي دعوه فانتو اهل واصحاب مكان بتكونو معانا ....

سناء : اكيد ميار خبرتني وبكون معاهم بكره بتسوقهم .... وحشني التسوق معاج ....

نهله زوجة ماهر : الله سوق ...ههههه الله والتسوق مع ميار انتي توريها واهي اي اي حلو ... تذكري ميار لمى جبرتج سناء على فستان .

ميار واهي محرجه : ههههه اي ... انتي مصيبه بسج تذكريني بهالسوالف ....

تركي : شكلها بلاوي ما انذكرتلي صح ....

سناء : هههههه ما اضن تخبرك ....

ماهر : اي بتخبره شكثر هبلتو فيها انتي وياها ... اقول تركي خلك من هبالهم تراه ما يخلص .... ما اوصيك على ميار دير بالك عليها ولا تنسى بكره في مبارات بتيي صح .....

تركي : لا توصي ميار بعيوني اكيد ما بفوت .... يله ميار الوقت تاخر ....

ماهر واهو يلف ميار له وبهمس : ميور .... بجد مرتاحه معاه ....

ميار واهي تبتسم وبنفس الهمس : مرتاحه ولا تخاف تركي مو طمعان فيني ويحبني بجد ....

ماهر واهو يمسح على خدها : سامحيني لاني غلط بحقج من قبل ... الله يسعدج معاه ....

ابتسمت ميار لماهر وضمها وباس جبينها وبعد عنها وصعدت السياره جنب تركي فلوحو لهم وتحرك تركي ....

تركي واهو يسوق : ماهر تقريبا مثل مهران لكنه شكاك ... يشك فيني ..

ميار : اتمنى ما تزعل او تتضايق من تصرفاته معاك ... ماهر يشك باي احد يديد بحياته ...

تركي : ما الومه في فرق بين مستوياتنا وهم ما تعرف علي قبل اتزوجج

ميار : لا تركي اهو ما يفكر جذيه لكن بعد الي صابه ما ينلام صاير حذر وايد بتعامله مع الناس مو بس انت اي احد ...

تركي متعجب : ما فهمت حبي شنو صار له ....

ميار : انغدر فيه من اغلا اصحابه مع زوجته الاولى .... من يومه واهو يتحذر مع الكل ... صح عدى الازمه وتزوج لكن للحين متعقد من الي صابه ....

تركي : خانه مع زوجته يعني ....

ميار : ليتها يات على هالشي بس ... كان قريب لصاحبه وايد ويثق فيه لدرجة يخليه يدخل بيته وبغيابه بالسفر يوصيه على زوجته وللاسف ماما حذرته وهم مهران لكنه ما طاع وبيوم كان مسافر ومن حظه الطيارة تعطلت وتاجلت السفره ورجع بيته بتاكسي لان صاحبه الي موصله وللعلم كان بالمانيا ساكن مع زوجته وصاحبه ولهالشي يامن عنده عليها ولان الوقت متاخر ما كلمة يروح له ورجع بيته واول ما دخل سمع اصوات فضن زوجته سهرانه على التلفزيون بغرفة نومهم لكن خاب ظنه ولقى زوجته مع صاحبه بفراشه وانت تخيل شنو صار بعدها .....

تركي : لو انا ذبحتهم .... شنو سوى لهم ....

ميار : الحمد لله انه اغمى عليه من صدمته لان لو تهور ومد يده او سوى لهم شي ممكن يخسر حياته واحنا هم نخسره لكن لمى صحى لقى المكان فاضي منهم ومن اي شي ثمين بالبيت ولمى دور عليهم تبين انهم الثنين هربو من المانيا و ما تعب نفسه يدورها فطلقها غيابي بالثلاث وارسل لبيت اهلها وخبر ابوها واخوانها بالي سوته وبعد مده تبين ان صاحبه وزوجته استغلو التوكيل بالاداره وحولو لانفسهم مبالغ كبيره وهم اسهم بالبورصه .....

تركي : ولمى رجع شنو صار له .....

ميار : ابد كان جاف مع الكل ومنها لاحظنه شكه بالكل لكن عمي كسبه جنبه وصار يثق بعمي وعياله وبعد مده عرض عليه عمي بنته يزوجها له واهو قبل وباله بنت عمه اضمن له لكن المسكينه عانت معاه بالبدايه من شكه وحرصه بكل شي لكن اهو الحين افضل وخصوصا ان ماما خانقته لمى وصل لمد يده على زوجته وقالت له بتاخذها منه بالبيت ويحلم يشوفها وفعلا سوتها ماما اسبوع وين علينا يصرخ يبي زوجته ومنها تسنع معاها والحمد لله عنده منها عيال يهبلو وتعامله مع الناس بحذر .....

تركي : ما ينلام ابد بلي صار له لكن اصابع يده مو سوى .... لكنه ناجح بشغله وايد واحسه يبي يتقرب للواحد لكن يتحذر مثل ما قلتي ....

ميار : المهم ما تزعل منه مع الوقت بتشوف شلون يتغير معاك لانه بيثق فيك ... وبدايته بالمبارة الي قال لك عليها تراه يحاول يتقرب لك جذيه انا اعرفه .....

تركي واهو يركن سيارته قبال بيت ابوه : هههههه لاحظة حبيبتي ولا تخافي انا هم ابي اكسبه هذا اخو الغوالي ... يله عشان نقعد مع الاهل وبعدها ننام ما تعبتي من صحينا ما ريحنه ....

ابتسمت ميار له ونزلو ولمى دخلو لقو الكل قاعد عدى سمر وعيالها ببيتهم وسهرو معاهم وبعدها توجهو لغرفة تركي وكملو سهرتهم بعالمهم الخاص .....

بالمجمع صار لهم اربع ساعات يلفو وميار تعبت من كثر اللف مو متعوده تلف وايد برغم حبها للسوق لكن حبة زوجة طلال وايد وتاقلمت معاها واهي اقرب وحده لها بالعمر وطيبه وايد ولاحظة ان سناء اختها تعرف سمر اخت تركي من ايام الدراسه فانفصلو عنهم بالتسوق مع نهله زوجة ماهر وملاك طلعت متفقة مع اروى تلحقهم ولمى وصلت استاذنت وتركتهم فكانت مع ندى برحهم وتقربو لبعض وايد .....
ندى واهي تحاسب : شكلج تعبتي .... شرايج نريح بكفي نشرب قهوة ..

ميار بمتنان : احسن راي ... يله انا هلكت ...
ضحكة ندى وطلعو من المحل واهم يمشو للكفي بالمجمع لمحت ميار اروى واقفه مع شخص معطيها ظهره فما عرفة من فتوقعته واحد من اخوانها لكن انتبهت لساعته وتذكرة انه ساعه خاصه لعايلتهم لان كل عيال عايلتهم يطلبو من مصنع خاص لهم اسهم فيه فلهم ديزاين خاص بعايلتهم كلهم فوقفت تدقق تبي تعرف من لكنه ما لف ويهه واروى تتكام معاه ولا انتبهت لميار تطالعهم ....
ندى واهي ترجع لان كملت مشي ولا انتبهت لميار وقفت : ميار شفيج ليش واقفه هني ... وين تطالعي ...

ميار واهي تاشر لندى : طالع هناك مو هاذي اروى مع واحد ....

ندى واهي تدقق : اييييي ..... ما ينلام تركي لمى طلقها كل يوم مع واحد ما تتوب ابد ....

ميار واهي تسحب ندى للكفيه : لا تظلمي بختج يمكن واحد من اخوانها او عيال عمها ... امشي ولا كانا شفنا شي ....

ندى واهي تقعد قبال ميار : انا بخبر طلال لازم يخبر اخوانها هذي بتفضحنا بوسط الناس جذيه .....

ميار : ندى لا تخليني اندم خبرتج ... ولا تحكمي بكيفج تمهلي وبي يوم نعرف الصج ووقتها اذا طلع انا غلطانين احنا الي بنندم ... ومن ستر على مسلم ستر الله عليه ...

ندى : معاج حق ... تعالي ملاك وين كانت معاها وين راحت وتاركتها بروحها ....

ميار واهي تاشر للجرسون : الله اعلم .... شنو تشربي ....

ندى بهبل : على حسابج يعني ....

ميار واهي تضحك بخفيف : هههه اوكي على حسابي اطلبي الي تبينه ..

طلبو الي يبونه وظلو يسولفو وكانت ميار مواجهى باب الكفيه فرفعت راسها بعد ما كانت تضحك مع ندى بسوالفهم لمحت الياس ولد عمها فتسمرت مكانها ووقفت تمشي للباب وتطالع الياس واهو ماشي متوجه لباب الخروج ولا انتبه لميار انها لمحته ولمى طلع رجعت لندى واهي تفكر وندى مصدومه ومتعجبه من تصرف ميار لمى وقفت جنب الباب بوسط سوالفهم ....

ندى : ميار شفيج ... ليش رحتي يم الباب ووقفت تطالعي ... شفتي احد تعرفيه ....

ميار واهي تطالع ندى وبصوت واطي : اي شفت نفس الشخص الي كان مع اروى ... لكن متعجبه شلي جمعهم مع بعض ومن وين تعرفه ....

ندى بفضول : من كان اكيد مو واحد من اخوانها او عيال عمها ... من ميار قولي ....

ميار بصدق : اول تحلفي ما تقولي لاحد ...

ندى متعجبه : ليش لهالدرجه وراه بلوه ....

ميار : والله احس وراهم مصيبه .... اوعديني محد يعرف حتى طلال واخبرج من .....

ندى : اوكي اوعدج ... تعرفي لج غلا كبير عندي برغم تونا متعرفين على بعض ... لكن القلوب شواهد ....

ميار بحب : والله اني مثلج حبيتج وحسيتج اخت لي ... اوكي ... الي كان مع اروى ولد عمي الياس .....

ندى مستغربه : ولد عمج .... اوكي ليش تقولي وراهم مصيبه ....

ميار : ندى شفيج اروى شلون عرفة ولد عمي مافي معرفة سابقة لعايلتنا وعايلتهم .... ثم الياس كان خاطبني واعتقد تعرفة عليه عشان شي ببالها تنفذه معاه علي وعلى تركي ....

ندى : بس الي اعرفه ان وليد اخوها صاحبة ... طلال خبرني بهالشي ... يمكن صدفه التقو ....

ميار : وصاحب اخوها ليش بتعرفه انتي تكلمي اصحاب اخوانج لو لقيتيهم صدفه ....

ندى : لا لكن لو وقفني يسالني عن اخوي او شي بوقف .... اوكي انا معاج اروى اكيد مابتسكت لج وبتحاول ترجع تركي لكن ولد عمج ممكن ياذيج ... وشلون تاكدتي انه اهو الي معاها مو غيره يمكن مار صدفه هني ومو اهو الي كان معاها واحد ثاني ....

ميار بستهبال: اي صح وبيلبس نفس اللبس وهم نفس الساعه ....

ندى واهي تضحك على اسلوب ميار : ههههه اللبس لا لكن الساعه ليش يعني ماكو الا ولد عمج عنده هالساعه ... لا تقولي انتي مهدتها له ....

ميار : لا طبعا ما هديته شي ولا قبلت منه بشي .... الله يسلمج كل العايله تلبس سوعها من مصنع واحد لان لنا اسهم فيه وتتصنع بديزاين واحد لنا لكن يختلف التصميم بالطلب طبعا وكل واحد اسمه وتاريخ تصنيعها عليها .... انا لمحت الساعه بيده واهو معطيني ظهره وتعجبت لان ممنوع نعطي اي احد هديه نفس الساعه ولمى كنا نتكلم لمحته يمر من الكفيه ورحت اتاكد اذا اهو لو لا وتاكدت لان نفس الملابس وهم لف لحظه قبل يطلع وانا بعدت لا يلمحني ورجعت لمى تاكدت انه طلع من المجمع ....

ندى بصدمه : قلتي ساعه خاصه بعايلتكم .... ميار عايلتج غنيه لهالدرجه .... محد يسويها الا المليارديريه .....

ميار : عادي ندى ... عايلتي املاكها كثيره ... اذأ انا ما اعرف لاي حد املاك الي باسمي فشلون العايله كلها .....

ندى : ميار .... عفوا يعني ما تخافي يكون تركي متزوجج طمع فيج ... عفوا يعني الي اعرف انه يحب اروى وايد ... شلون تركها وتزوجج ...

ميار واهي تكتم ضيقها : ندى ما انكر حب تركي لاروى لكني واثقه انه ما يطمع فيني ... اولا تركي ما تركها ولا قرر يتركها الا لمى اهي طعنته واضنج تعرفي شلون .... تركي كان مقرر يترك لها الخيار بحياتها معاه بعد ما تعرف بزواجنا .... اما زواجنا فكان ..... امممم مو عارفه شلون اوصف لج لكن تركي نقول تغافلني واوهمني انه زواج مؤقت وبعلم امي واخوي لكن طلع متفق معاهم عشان بعدها يعترف لي ويقنعني بانه يحبني .... مساله معقده صح ....

ندى : لا ... لا معقده ولا شي .... تركي عرف نوع حبه لاروى لمى تخلت عنه بوقت حاجته لها وظهرتي له بحياته وتاكد من حبه لاروى انه مزيف وهم حبها اهي له ... حبه لج ما اقدر احدد نوعه او مصداقيته لكن الي فهمته من كلام طلال انه يحبج بقناعة قلبه وعقله لانه قاومج وايد لكنه لمى حس انج ممكن تضيعي منه اعترف لنفسه وبعدها لاهلج عشان يقبلو يتزوجج وقبلو بعد اقناع طويل ... لثقتهم فيه قبلو وكا انتي هم قبلتي فيه والحين صرتي بروحج زوجته ..... ميار ....

ميار : هلا ....

ندى بتردد : بسالج واتمنى ما تزعلي او تفهميني غلط ....

ميار : اسالي الي تبينه ولا تخافي .....

ندى : فرحتي لان تركي طلق اروى لو لا .....

ميار واهي تبتسم بالم : تبين الحق .... لا ما فرحت ابد واحس بالذنب ناحيتها .... تركي يبي يقنعني بالعكس لكن انا فعلا مو مرتاحه واتمنى يردها وبنفس الوقت مابيه يربط نفسه فيها بعد الي سوته ...

ندى : عيل ليش تحسي بالذنب دام ما تمنى يردها لسواتها .....

ميار : لاني ظهرت بحياته و تغيرت مشاعره لها ... يمكن لو ما ظهرت و اهتمامه بس لها مثل قبل ما تركها ....

ندى : تعرفي ... طلال يقول ما كان مرتاح لاروى وتصرفاتها ... من ملج عليها تركي تغيرت وصارت تغتر بزياده .... لكن بنبهج لشي ....

ميار : شنو هالشي ....

ندى : ظهورج بحياة تركي ماله دخل بانفصالهم والدليل ان تركي ما كان مقرر يتركها قبل وبعد ما تزوجج لكن قرر لمى عرف بسواتها واي ريال ما بيسكت ويتحمل ... سواء بوجودج وعدمه ....

ميار : والناس وكلامها بان تركي تزوج غيرها وتركها .... مابي احد يذم فيه واهم ما يعرفو الحقيقه ... وهم صعب وغلط نشر سواتها ....

ندى : الله يستر عليها .... ميار انتبهي لحياتج مع تركي ولا تهتمي لكلام الناس او اي احد قريب ....

ميار : من تقصدي بالقريب .....

ندى : مثل ملاك ...اهي تعرف ان الغلط راكب اروى لكن هم تبي تركي يخليها زوجته وما يتزوج غيرها ....

ميار : عارفه ووضح لي تركي علاقتهم ببعض ... صعب تبعد عنها برغم ان اروى تجاهلت ملاك وايد وابتعدت عنها لكن ملاك باقيه على صداقتهم والعشره وما الومها ... وهم تعاملها معاي متحفظ لا تقرب مني ولا تغلط علي بشي .... علاقتنا شبه رسميه عكس سمر احسها فرحانه بزواج تركي مني وتركه لاروى ....

ندى : ههههه سمر اهي الي خبرت طلال بسواياها شكت فيها وخلت زوجها اييب لها اخبارها ويتتبعها واهو ما قصر ياب الاولي والتالي وسمر هاجت وكانت بتروح لها تخانقها وتشرشحها لولا طلال مسكها وقال لها ان لو تصرفة من كيفها تركي ما بيرحمها وفعلا سكتت وظلت كاتمه بقلبها لحد ما عرفت ان تركي طلق اروى فرحت وخبرت خالتي وعمي بكل شي واهم بعد كلامها وكلام تركي وطلال تقبلو طلاقهم وحمدو الله انه ما تمم زواجه منها .....

ميار : اللهم لا شماته والله يستر عليها ويرزقها بالي يصلح حالها .... احس انها مغلوبه على امرها ومسيره من ابوها ....

ندى : وااااي ابوها .... احسه كتلت خبث تمشي على الارض .... ما ابلعه ابد .....

ضحكة ميار على ندى وكملو سوالفهم بامور ثانيه واهم يشربو طلباتهم لحد ما يوهم سمر وسناء ونهله ....

سناء واهي تقعد : ااااه هلكت ... ريلي تالمني وايد ....

ميار : انتي اخر من يتذمر ما تتركي محل الا وتدخليه واخرها المتني ريلي ....

سناء : اااي اموت على التسوق ... الله فكج مني بسمر وله كنت ناويه عليج بتسوق سنع للزوجات .....

الكل ضحك على ويه ميار الي صبغ احمر و بلعت لسانها وما ردت على سناء لاحراجها .....

ندى : ههههه الي يشوفج ما يقول متزوجه ليش تخجلي جذيه ...

نهله : ميار حياويه بهذي السوالف واتوقع تركي تعب معاها باول مره ..

سمر : هههههه لا اتوقع تغافلها تركي سياسي ويعرف شلون يوصل للي يبيه ... ميار حياويه واكيد تركي حاب هالشي فيها ... اهو يهمس لها بكلام وتصبغ على طول والقى البسمه تشع بويه تركي ... تطمنو منسجمين ولله الحمد ...

سناء واهي تطالع ميار بحب : الله يطمن قلبج مثل ما طمنتي قلبي ... تعرفي كنا متخوفين عليها لكن لمى سهرنا معاه عرفنا معدنه وارتحنا منه .....

ندى : محد يلومكم زواجهم صار وما تعرفتو على تركي او اهله قبل يتزوجها .....

نهله : صحيح لكن الي زاد عليهم انهم ما عرفو الا بعد ما ملج عليها لكن ولد عمهم طمنهم شوي وكلمهم عن تركي واخلاقه ...

سمر : حالنا من حالكم لكن احنا واثقين بتركي وقراراته لانه يدرس كل شي قبل يسويه ويفكر فيه وايد ... وانا عني لمى قالو لي انه تزوج فرحت وايد وكنت واثقه من اختياره ....

سناء : لكن سمر تركي كان متزوج ما تضايقتو عشان بنت خالتج ....

سمر بضيق : عني لا لانها تستاهل انه يطلقها مو بس يتزوج عليها ...

ميار : اقول قفلو هالسيره وخلونا نرجع ....

سناء : ايي مشتاقه لتركي ....

ندى : هههههه لا يفوتكم كان كل شوي يكلمها ومن بدت مبارتهم ما اتصل عليها .....

نهله : لا انسي يتصل دامه مع ماهر واحمد زوج سناء بيهبلو فيه وخصوصا اخواني هم معاهم ....

ندى : ههههه طلال هم معاهم ... كان ودي اشوفه واهو يلعب ....

سناء : اتوقع يرجع مكسر ... عيال عمي لازم يكسرو خصمهم ....

ميار : اذكر مهران لمى رجع اخر مره ... حلف ما يلعب معاهم مره ثانيه ابد .....

نهله : هههههه اي حتى ماهر قال مثله لكن تحايلو عليه واقنعوه لمى قالو بيخلوه من فريقهم ....

سمر : حسرتي على اخواني لا يكسروهم ... طلال زواجه قريب ...

سناء : عيل ابشري ندى مافي زفه لانه بيتكسر ....

ندى : لا والله انا بنزف واهو بكيفه ....

ميار واهي تطالع تلفونها للي يرن : لحظه هذا تركي يتصل ...الو هلا ...

تركي : هلا حبي ... هاااه خلصتي ...

ميار : اي خلصت ... احممم ... تركي انت بخير ما صابك شي ....

تركي : ههههه خايفه علي من عيال عمج ...هههه لا تخافي محد لمسني ما قدرو علي ... اقول حبيبتي ...

ميار : هلا ...

تركي : ملاحظ ما تقولي حبيبي او لبيه او من كلامج الحلو ... وين راح او حولج ذيابه ....

ميار واهي تبتسم : هه اي حولي لكنهم مو ذيابه ... اختك معاهم ....

تركي : هههههه من فيهم ..

ميار : سمر ...

تركي : هذي اول ذيبه واكبرهم .... المهم حبي متى ترجعي .... مشتاق

ميار بخجل وبهمس : وانا هم ....

تركي واهو ماسك ضحكته : وانتي هم شنو ... قولي ...

ميار بخجل : تركي....

تركي واهو دايخ : يا روحه ..... اااااااخ ميار والله لو انج قبالي وعلى هالهمس والخجل ما تركت فيج مكان صاحي ... يا بنت تعالي واوريج ..

ميار : احممم ... تركي بشوف سمر متى ترجع واخبرك ....

تركي : لا حبيبتي انتي خلصتي ...

ميار : اي ليش ...

تركي : خلاص انا يايج الحين .. اصلا قربت للمجمع ... وين انتي ...

ميار : بالكفيه الي يم بوابه ٣ ...

تركي : اوكي بس اوصل برن لج واطلعي بتلقيني يم البوابه اوكي ...

ميار : اوكي ... باي ...

سمر بعد ما قفلت ميار : بيمرج صح ...

ميار بخجل واهي تهز راسها : اي ... اعذروني انتو مطولين وانا تعبت وخلصت اصلا ....

ندى : اي انتي ما وراج الي وراي .... سمر ملاك وينها ...

سمر : دامها مع اروى انسيها .... اروى تدقق بكل الي تشتريه ... اتركيهم وانسي ترجع معانا ومعاها اروى ....

ميار واهي توقف وتحمل اكياسها : انا استاذن تركي وصل ... سناء كلميني لمى توصلي بيتج ....

سناء: اوكي ... وصلي سلامي لتركي ....

ميار واهي تمشي وتلوح لهم : يوصل ... سلام ....

ندى بعد ما مشت : الله يهنيهم ويبعد عنهم كل سوء ....

سمر : صايره عيوز بدعوتج ....

ندى : ههههه لا والله خايفه عليها احد ياذيهم .... ميار وتركي حولهم من يبي ياذيهم وانتي فاهمه ....

نهله : الحافظ الله لا تخافي عليهم ... ميار طيبه وما تاذي احد فالله بيحفظها ....

ندى : ونعم بالله ....

طلعت ميار لتركي وصعدت جنبه واول ما سكرت الباب مسك تركي يدها وباسها .....

تركي واهو يسوق وماسك يدها : اخر مره تبعدي عني هالكثر ....

ميار : ههه حبيبي انا مخلصه من زمان لكن ظليت مع ندى نلف تبي تكمل النواقص عندها والمسكينه للحين ما خلصت ...

تركي : كان عندها مده طويله تجهز ليش ما جهزت قبل .... المهم مافي طلعه معاهم مره ثانيه هالكثر ... اذا تبين سوق معاي اوكي ....

ميار : تركي كلها كم يوم ونسافر عنهم خل اتعرف عليهم اكثر ... والله حبيتها ندى وابي نتقرب لبعض اكثر ....

تركي : اوكي لكن ما تبعدي عني ... الا ملاك مايبتي سيرتها .... بس سمر وندى ليش مو معاكم ....

ميار : بلا رحنا مع بعض لكن تركتنا وراحت لاروى لمى وصلت المجمع يتسوقو مع بعض .....

تركي بسخريه : هه والله حاله الحين رجعت لها وصارو صحبه ... بكره ترجع تقلب عليها مره ثانيه مثل قبل ... ضايقتج بشي .... ميار قولي سوت لج شي ....

ميار : لا تركي ما يات لنا .... ملاك راحت لها مكانها لمى وصلت كلمتها واستاذنت تروح لها ......

تركي : ملاك غبيه ... وحده تركتها وتقربت لها لمى طلقتها تعتقد بتكون لها وفيه ....

ميار : تركي لا تنسى انهم صديقات من كانو صغار وهم بنات خاله يعني لا تربط طلاقك منها بعلاقتهم مع بعض .... الله لا يفرق بينهم ويصلح امرهم .....

تركي واهو يطالعها ويرجع يطالع الطريج : من عقلج هالكلام .... اروى متقربه لملاك بس عشان تحاول ترجع لي .... مو مهم المهم اني فاهمها وانتي تحذري منها ولا تصدقي تمسكنها ...

ميار : تركي انا ما احتك فيها وكل وحده بحالها ولا تخاف علي منها ... تركي ....

تركي : امري يا روح تركي ....

ميار : بسالك سؤال ومابي تفهمني غلط .....

تركي بهتمام : اسمعج حبيبتي ولا تنسي احنا بينا الثقه والتفاهم ... اسالي ....

ميار بتردد : في امل انك ترجع اروى ....

تركي واهو يتنهد : لا ... لكن بسالج ... انتي فرحانه لاني مابردها ....

ميار : بصراحه انا بصراع بين قلبي وعقلي ...
تركي واهو يركن جنب البحر ويلف لها : اوكي انا فاهمج لكن خلينا نتصارح .... قولي الي بداخلج وانا اوضح لج الي بداخلي ومافي زعل بينا تمام ....

ميار : اوكي .... احممم ... اولا انا ما كنت اتمنى الفراق بينكم ولا الي صار ... لكن حسيت براحه لانك صرت لي انا بس وهم احس بتانيب الضمير لاني بحياتك واحساس يراودني اني سبب من الاسباب لفراقكم ... احس في امل ترجعها وخايفه من هالشي ... ما اتمنى لها المضره وبنفس الوقت ابيك لي انا بس ....

تركي : اوكي ولو قلت لج بردها طبيعي بتضايقي وتخافي على حياتي معاج ....

ميار واهي تنزل راسها وبصوت مهزوز : وخايفه هم توصل لتركي .... تركي انا من شفتك حسيت قلبي يروح لك وكنت اقاوم هذا الاحساس واذكر نفسي دايما انك متزوج وغلط الي احسه لكنه مو بيدي وكنت احاول ابعد قد ما اقدر ولمى قلت انك تتزوجني حسيت بفرح وخوف بنفس الوقت وكلمت الرفض على طول نطقتها لاني مستحيل اخذ شي مو لي لكن وضعي خلاني اقبل بهالزواج المؤقت وكنت انت تلمح لي انك بيكون زواج للابد لكن كنت انكر هالشي ومابي اصدقه واتصرف بغباء .... كنت تنقهر مني لاني اعيد لك انه زواج صوري وبصراحه كنت اذكر نفسي مو انت ...

تركي واهو يرفع راسها تطالعه : وشنو حسيتي لمى بستج اول مره ...

ميار واهي تبتسم بخجل : ما اقدر اوصف احساسي ... كنت ملخبطه ... صدمه على خوف على سعاده واحساس ملخبط ... شي يديد علي وكنت اخاف اصدك واقول لنفسي عيشي معاه احلى لحظاتج لانها ما بتتكرر ابد لان لمى تطلقني برجع مثل قبل واكون محرمه عليك ... كنت اقول مستحيل اقدر اعيش هاللحظه مع غيرك ....

تركي : برغم انه يسعدني كلامج لكن ليش قلتي مستحيل تعيشيه مع غيري ... يعني لنفرض اني طلقتج ممكن تعيشيه مع اي واحد تقتنعي فيه وتتزوجيه ....

ميار بخجل واهي تاشر على قلبها : مستحيل ... لان هذا انت ملكته فصعب اقدر اعيش مع واحد وقلبي لغيره بكون خاينه ....
تركي واهو يسحبها ويضمها : وانا مستحيل اتركج ميار .... انتي ملكتي قلبي جد ومشاعري معاج عمري ما حسيت فيها ابد لغيرج .... ومستحيل ارجع اروى لحياتي ... انا مرتاح معاج ومابي احد ثاني وهم كنت بترك الخيار لاروى قبل لكن بعد الي صار ما اقدر اتركها معاي وانا عارف انها بتهز حياتنا .....

ميار واهي تطالعه : اعتبر هذا وعد ان ما يفرق بينا شي ....

تركي : ما تثقي بكلامي ...ههههه اوكي اعتبريه وعد ... بس ابي منج شي ....

ميار : لك كل الي تبيه ...

تركي : ابي حياتنا تكون واضحه وما تخبي علي شي ابد مهم كان عشان محد يخترق ثقتنا ببعض اوكي ....

ميار : الي تطلبه علي وعليك صح ....

تركي : اكيد حبي ... عني اي شي يصير لي بخبرج فيه ....

ميار : وعني ثق هذا الي بيصير .... احممم تركي ....

تركي : امري حبيبتي في شي ....

ميار : اول لا تتضايق لاني كنت ناويه ما اتكلم لكن الحين بتكلم واخبرك ولا تتسرع لي اسبابي اني ما اخبرك ....

تركي : اتمنى مو شي كبير ولا عقابج اييج ....

ميار : لا اهو موب من جهتي بس شي شفته وقلت مو لازم تعرف لكن دامنا تعاهدنا نقول اي شي يحصل لنا بقول ....

تركي : اوكي اسمعج ....

خبرته ميار عن الي شافته بالمجمع وكلامها مع ندى عن اروى والياس....

تركي : شنو تتوقعي بينهم ... لان صداقة وليد بالياس من فتره مو طويله وخبري اروى ما تحتك بربع اخوانها ....

ميأر : صراحه وضع اروى معاه ما يطمن ابد .... وليش مجتمعين بذمتك غير عشان يخربو بينا ...

تركي : خايفه ....

ميار : لا شنو اخاف .... بس انا مو مطمنه لهم .... جمعتهم مع بعض تشكك .... اذا تقول انها ما تحتك بربع اخوانها ... لكن مو غريبه على الياس ابد ....

تركي بضيق : يعني شنو ... تتوقعي يقرب لها لشنو ....

ميار : ليش تضايقت ....

تركي يمثل البرود : لا ولا شي بس اسال ... اشوف لاي درجه تعرفي خطيبج السابق ....

ميار واهي تبتسم : تركي تغار .... تركي ...

تركي واهو يدزها من جتفها : ميار بلا هبل ... قال اغار قال ... انا اغار من واحد فاشل .... لا تبتسمي فاهمه ....

ميار واهي ميته ضحك : هههههه تركي خلاص ... اوكي انا قلت الي قلته لاني اعرف ان الياس عينه زايغه ويمكن يكون تودد لها بحجة يسال عن وليد او اي شي ...

تركي واهو يسحبها ويضمها من جنب : ويمكن مثل ما انتي وانا حاس انه يتفق معاها علينا ... مو مهم المهم اننا ناخذ حذرنا منهم ... اوكي حبي ...

ميار واهي تريح راسها على جتفه وتلعب بقميصه : اكيد ... تركي انا تعبت وابي اريح ندى هلكتني لف ....

تركي واهو يبوس جبينها : حبي لا تلعبي بالنار تراني على طريف ...

ميار واهي ترفع راسها وتطالعه متعجبه : ما فهمت اي نار تقصد ...

تركي واهو يمسك يدها الي على صدره : هذي فاهمه تشعلليني وبعدها تهربي تقولي تعبانها ما برحمج فاهمه ....

ميار واهي تبعد ومرتبكه : هااااه ... سوري تركي والله مو قصدي لكن حتى لو حاولت ما بتقدر ابد تنفذ تهديدك ....

تركي واهو يبوس يدينها : عارف اني ما بقدر انفذ تهديدي .... لاحظتج اليوم الصبح ما صليتي ....

ابتسمت ميار بخجل ونزلت راسها فابتسم تركي على خجلها فرفع راسها وقرب لها وباس شفاتها بشغف وطبعا يتحذر لا يكتم نفسها .....

طبعا في مفاجاة لميار من تركي واهو يجهز لها مع امها ومهران من لمى كانو بايطاليه او نقول من ملج عليها وهذي المفاجاة بنعرفها بعدين.

مهضومه 23-02-21 03:23 AM

البارت الثاني والعشرون


مرت ايام وصار يوم زفاف طلال وندى والكل مشغول ويجهز نفسه وميار تعجبت من رفض تركي انها تجهز مع خواته واصر تجهز بالبيت وبغرفته وفعلا وصلت الكوفيره والمكييره و شتغلو عليها ولمى رفضت يجهزوها بشكل مبالغ وورتهم الي تبيه واهو شي بسيط خبروها انها اوامر تركي والغريب ان منضرت الغرفه مغطيها تركي و طلب منها ما تشوف نفسها ابد لقوت معين بيخبرها فيه .....

جهزت ميار وحاسبت الكوفيره والمكييره وباقي بس تغير لكن تركي خبرها تغير بالفندق لانه حجز لها غرفة تغير فيها وفجاة واهي بغرفة التبديل تجهز اغراضها سمعت صوت الباب لغرفة تركي وضنته وصل فتكلمت له واهي بمكانها .....

ميار واهي تجهز : تركي ماكان له داعي الغرفه .... ثم ابي افهم ليش ما تبي اشوف نفسي للحين .....

تعجبت لانها ما سمعت رده فتحركة تشوفه شنو يسوي وخافة ان احد ثاني الي دخل فسحبت شيلتها احتياط ولفتها بحرص على شعرها وطلت بحذر تشوف من وصرخت لمى شافت من الي دخل وركضت تضمه ...

ميار واهي تضم الي دخل : اااااااااااه .... والله ما توقعت ابد ....

ام مهران واهي تبعد ميار وتطالعها وتتاملها : شلونج حبيبتي ... وحشتيني موت ....

ميار واهي تبوس يدين امها وجتفهاوقريب تبجي : والله انا الي كنت بموت واشوفج .... ماما نحفتي ....

مهران واهو يدخل ومعاه وليد ويفتح ذراعاته لها : بعيد الشر عنج يا روح اخوج ... تعالي وحشتيني .....

طارت ميار لمهران وضمته فبعدها مهران واهو فرحان بشوفتها ويتامل شكلها .....

مهران : لا لا لا لا .... حبيبتي لا تخربي مكياجج ... ماما شوفي بنتج بتخرب شكلها اللي يبهر ....

وليد : وانا ماما نسيتيني مالي سلام .....

ميار واهي تضمه وتحمله وتلف فيه : انت روحي شلون انساك ..... انسى روحي ولا انساك .....

ام مهران : يمه بشويش يمكن تكوني حامل ونزليه .....

ميار بخجل واهي تنزل وليد : لا ماما .... متاكده مو حامل .....

مهران واهو يضحك على خجل ميار : ههههههه يمه احرجتي ميار ... ناسيه تركي ماجل لحد ما تتعالج ميار .....

ام مهران : لا يعني بيتاخر حفيدي لحد ما يوصل ....

ميار : لا ماما تركي يبي يكون حملي مريح وخايف يصيبني ضيق نفس بسبب الحمل وطبعا هالشي ممكن ياثر على الجنين لكن قال بيتابع مع الطبيب الي بروح له واهو يحدد متى اقدر احمل بسهوله بدون تعب ....

مهران واهو يضم ميار من جنبها : اتركو هالسالفه الحين ... يله ميوره اجهزي وخلينا نروح للفندق .....

ميار : اي صح ليش ما قلتو لي انكم بتيون .... وتركي ما خبرني اكيد يعرف صح .....

ام مهران : اي تركي يعرف ومتابع وما خبرناج لان نبيها مفاجاة احد يقول المفاجاة ... ما تصير مفاجاة ....

ميار : ههههه اكيد ..... اوكي بكلم تركي عشان نروح كلنا ....

مهران : لا لا تركي سبقنا وقال ناخذج يله لا نتاخر عليهم يبيلنا وقت نجهز ... كلنا بالفندق الليله ....

ميار : اوكي بجهز اغراضي وفستاني ونمشي ....

ام مهران : لا يمه اتركي الي هني بالفندق كل شي وفستانج هذا اتركيه لمناسبه ثانيه ... يله امشي ....

تعجبت ميار لكن لانها واثقه من ذوق امها فلبست شيلتها وطلعت معاهم للفندق وكانت سناء ونهله بالغرفه ينتظروهم ومعاهم مكييره وكوفيره عشان تضبط الي خرب من بجي ميار بتفاجاها من وجود امها واخوها ووليد وبعد ما تضبطو وكانو الكل لابسين وجاهزين وباقي بس تلبس ميار فستانها ....

ميار : سناء ما تشوفي ان مكياجي وتسريحتي مبالغ فيها وكانها لعروس

ام مهران واهي تطلع من غرفة التبديل وبيدها فستان زفاف : لانج العروس يمه .... هذي مفاجاة ثانيه لج من تركي ...

انصدمت ميار و بنفس الوقت فرحت ودمعت عينها من الفرح والكل فرحان لها لانها ساكته وقابله بزواجها لكن تركي اصر تنزف مثلها مثل اي بنت حتى لو دخل عليها وخصوصا ان مر على زواجهم ثلاث شهور فاتفق مع امها ومهران وسناء وسمر يجهزو لها كل شي وندى ساعدتهم بان توهم ميار بمساعدتها بختيار فستان الزفاف لان الي جهزته ماضبط فاختارت ميار الي عجبها ولاحظت ندى ان ميار انبهرت فيه فخبرت سمر وسناء واهم شروه وطبعا تركي ماشافه لكن جهز ترتيبات الزفاف مع طلال بالاوقات الي ميار تكون فيها مع خواته او اختها وزوجة اخوها وام مهران جهزة كل شي ممكن تحتاجه اي عروس ....

انزفت ميار بزفه حلوه واهي تمشي بالزفه كان في عرض لصورها من واهي صغيره ليومها واخر صوره كانت لها مع تركي وطبعا هالصورة لهم واهم بشهر العسل وصورها لهم سايح وكان تركي حامل ميار وطبعا مبين صدمت ميار لانه فاجاها ....
لمى وصلت ميار للكوشه انتبهت لان كل صديقاتها موجودين فاشرو لها واهم فرحانين وكل عايلتها من بيوت اعمامها وخوالها موجودين وهالشي اسعدها ولحظات وصارت زفت تركي فدخل وهم كان في عرض لصورة من كان صغير واخر صورة له مع ميار بشهر العسل لكن غير عن الي يحملها فيها وكان معاه اخوان ميار ووليد ولمى وصل لميان وعينه ما شالها عنها ومبين من نضراته الوله لها والشوق لان تركها من الصبح وطبعا هذا بطلب من ام مهران لان تركي رفض يتركها كم يوم ببيت ماهر .... اول ما وصل تركي لميار حملها ودار فيها وباس شفاتها واهو يلف فيها والبنات يصفرو ويصفقو لهم ( طبعا بنات تعجبهم هذي الحركات ) لكن اروى كانت شابه ضو وخصوصا انها تفاجاة بان ميار بتنزف لان محد تكلم والكل يضن انها زفت ندى وطلال وملاك ونادر لكن الكل تفاجا عدى طلال وندى وام وابو تركي واهل ميار واليده لكن ملاك انصدمت مثلها مثل اروى .....

تركي واهو ينزل ميار واهي خجلانه : مبروك علي انتي يا روحي ... عجبتج المفاجاة ....

ميار بهمس وخجل وربكه : تركي ...

تركي واهو يهمس : لا تقولي ما عجبج اذبحج بطريقتي ....

ميار واهي تبتسم بخجل : لا عجبني وابهرني .... تسلم حبيبي ....

تركي واهو يهمس باذنها : تسلمي لي انتي ... طالعه خيال ... شكلج ناويه على بيبي الليله ....

خجلت ميار ونزلت راسها فضحك تركي على خجلها والكل بارك لهم وهناهم عدى اروى طبعا ولمى مل تركي طلب يزفوهم واخذ ميار لجناح جهزه وكان مبهر لعرسان فقضو ليلتهم وكانها اول ليله لهم مع بعض ...

بالصبح كان تركي يقرى رسايل اروى له الي ارسلتها طول الليل واهولمى دخل الجناح كتمه لانه يعرف انها بتزعجه بالاتصالات والمسجات بعد كلامها له قبل يخذ ميار لجناحهم لان لمى تركته ميار ودخلت لغرفة العروس عشان تلبس الرداء يغطيها بالكامل ياته اروى واهي تبجي .....

اروى واهي تمسك جاكيت تركي من الصدر : ذبحتني .... والله حرام عليك ليش تزفها ... خليتني مثل الي مالها قيمه بين الكل ....

تركي واهو يفك يدينها من جاكيته ويدفها على خفيف : بعدي اروى ولا ترخصي نفسج اكثر من جذيه ... انتي شتبين .. ... تبين ما اخليها تفرح مثلها مثل اي بنت ... لا ... انا قبل اتزوجها وانا ناوي لكل هذا والحين بعد كل تنازلاتها تبيني اتركها حسره بقلبها لا ....

اروى ودموعها تنزل : وانا .... ليش بخلت علي بحفلها وتركتني وخذيتها علي ....

تركي : اروى بلا هبل ... انا بخلت عليج ... انتي الي رفضتي زواجج مني واحمد ربي كشفج لي قبل اتمم زواجي منج .... اروى روحي من هني مابي ميار تشوفج وتتضايق ... روحي ..

اروى : تركي وين حبنا ... تركي في اشياء ماخبرتك فيها لان عادل كان معانا ابي اخبرك ارجوك ... تركي بروح لكن بكلمك ورد علي خلك معاي ولا تروح لها .... الكل يمدح فيها قبالي وانا احترق .... تركي انا احبك والله احبك ....

تنهد تركي ولف وعطاها ظهره : روحي اروى .... ولا تتصلي مابرد عليج ابد وهذي الليله وكل ليله زفافي بعروسي ميار وبس ... واذا تحبيني صج ابتعدي عني وعن حياتي ...

تحرك تركي لقدام عشان اروى تمشي قبل توصل ميار لانه مايبي حياته مع ميار تتاثر باي شي واهو عارف ان ميار تثق فيه وانها تكتم غيرتها بقلبها ولا تبين ضيقها له وكل الي قالته قبل لانه ضغط عليها واروى كسرت خاطره وخصوصا ان للحين في محبه لها بقلبه برغم حبه لميار واحتوائه له لكن تبقى اروى حب الطفوله وهم بنت خالته وزوجته بفترة من حياته ....

صحى تركي من تفكيره وتذكره للي صار على صوت باب الحمام لمى طلعت منه ميار فلف راسه يطالعها وابتسم لمى لقاها بالروب قصير يبين كل سيقانها لحد الفخذ واهي خجلانه فقام وقرب لها قبل توصل لغرفة التبديل ولف يدينه حول خصرها وباس رقبتها واهي ترجف يين يديه ....

تركي واهو محاوطها من ورى ويهمس باذنها : الله عليج تذبحي بكل حالاتج .... لين متى بتبقي تخجلي مني ....

ميار واهي ترجف وماسكه يدينه : تركي .... حبيبي ابي ابدل ....

تركي واهو يبوس رقبتها : فيها حبيبي وتبيني ابعد ... هزولت ....

ميار : هههه تركي والله بردت ابي البس ....

تركي واهو يبعد ويلفها له : اوكي لكن عجلي عشان الفطور ياي اوكي ....

هزت ميار راسها وباس شفاتها على السريع وتركها وراح يفتح الباب لان الفطور وصل ... اما ميار فتعجبت من الملابس الي لقتها لانها يديده وكلها قصيره ولا قطعه مافيها اغراء فتنهدت ولبست بسرعه وجهزة نفسها وطلعت لتركي وكان ينتظرها قبال طاولة الطعام فاشر لها تقعد جنبه على كنبه صغيره لشخصين قبال طاولة الطعام فقعدت جنبه وباس خدها ....

ميار : حبيبي من ياب هذي الملابس ....

تركي واهو يطالعها تصب له عصير : انا .... اعجبتج ....

ميار واهي تمد له العصير وتبتسم : اي ... اهي حلوه لكن جريئه وايد ..

تركي واهو يقرص خصرها ويبتسم : لزوم لاغراء ...

ميار واهي تنقز من قرصته وتضحك : هههههههه تركي .... بس جد كل الي سويته كان حلو .... اشكرك تركي على كل الي سويته ....

تركي واهو يبوس خدها : هذا اقل من حقج ... كان المفروض انتي ترتبي كل شي وتجهزيه لكن شلون بتكون مفاجاة ... كفايه الفستان قدرنا نخليج تختاريه ....

ميار واهي تبوس خده : شكرا ....

تركي واهو يغمز لها : شكلج ناويه نعيد الي صار البارحه ...

ميار بخجل واهي تضربه على صدره بخفيف : تركي ... انت ماتجوز عني ابد .... تركي....

تركي واهو ياكل التوست : روحه .... امري ...

ميار واهي تمسك يده وتشد عليها : انت بخير ....

تركي واهو يطالعها ومتعجب : اي ... ليش تسالي ... فيني شي وانا ما اعرف ....

ميار واهي تنزل راسها وترجع تطالعه : اي ... اتفقنا ما نخبي على بعض وانت تخبي علي كلامك مع اروى البارحه ....

تركي واهو يتنهد ويطالعها : مابي اضايقج واشغل بالج بشي تافه ....

ميار : لا مو تافه تركي .... انا سمعت كم الرسايل الي وصلت لك لانك فتحت تلفونك ووصلت اول مافتحتها ... ممكن تكون تبريكات لكن انا سمعت اروى بكلامها وكلامك لها بالنهايه قبل تمشي وانا اييك ....

تركي : شنو سمعتي ....
ميار واهي تنزل راسها وبضيق : انها ماوضحت لك كل شي لان اخوها كان معاكم ... وانها تحبك وبتكلمك وانت رفضت .... لهالشي قفلت تلفونك .....

تركي واهو يرفع راسها تطالعه : شنو تعتقدي تبي تقول ... ميار مهم كان الي خبته ما يعني ان ممكن اردها ومابي اعرفه وابي حياتي معاج تكون مستقره .... لا تخافي ....

ميار : لكن من حقها تعطيها فرصه توضح.....

تركي واهو ضايق : ميار .... شفيج متى توقفي اروى صفحة وانتهت من حياتي خلاص .... اعرف ما تبين اظلمها وهم اعرف انج تضغطي على نفسج ... ميار افهمي اروى خلاص ما لها اي حق علي او عليج اهي غلطة واختارت حياتها وانا مستحيل اربط نفسي بوحده من حضن ريال للثاني بس عشان تساعد ابوها او اهو قال لها .... تعرفي طلال شقال لي ....

ميار : شنو ...

تركي : قال لي ان الله يحبني وارسلج لي بالوقت المناسب لان اروى ما تصلح لي وكانت تخدعني ....

ميار مستغربه : تخدعك .... شلون تركي اروى بنت خالتك تربت قبالك وكل شي واضح بحياتها لك ....

تركي : لا ... الي تبي اشوفه فيها بس ... ميار صعب اتكلم عن بنت خالتي جذيه لج لكن اروى تبيني لان كل البنات كانو يتكلمو عني ومعجبات ويتلصقن بملاك عشان يوصلو لي فاهي عارفه بحبي لها واهتمامي فيها من صغرنا فحطت ببالها اني بكون لها اهي وتكسب عليهم .... ما انكر كانت تتصرف بالبدايه كزوجة ومحبه لكن لمى سافرت صرت اللحظ بكلامها وحتى تصرفاتها متغيره فقلت اتوهم ولاني اعرف عنها من كلام الي حولي فتعجبت منها وانا اكتشفها لكن قلت مع الوقت اتعود وهم تتغير بالامور الي ما تعجبني لكن رجعت ولقيتها انسانه غير وزايده بالتعالي وبنفس الوقت خايفه اتركها والسبب الاكبر لخوفها ان البنات يتمسخرو فيها وهذا سبب طلبها اني اردها ... فهمتي انا شنو بالنسبه لها الحين .....

ميار : فهمت لكن هذا يعتبر مرض الي فيها .... بس احس انها طيبه وعلى نياتها .... تعرف سمر تقول يتفاجاو فيها تنقلب فجاه واهي معاهم من وحده رزينه وعاقله الى وحده متعاليه ومغروره .... تضن معاها انفصام بالشخصيه .....

تركي واهو يضمها على جنب ويضحك : ههههههههه لا حبيبتي ما اضن ... اشتغل عندج الطب ... حبي للحين تتمني تدرسي طب ....

ميار واهي تدفن ويها بصدره : اي ..... اتمنى لكن ليس كل ما يتمناه المرء يدركه .... الله كاتب لي ما ادرسه والبزنز اصلح لي ....

تركي واهو يشد عليها ويبوس راسها : يمكن ... بس اذا حابه بحول لج وادرسيه ...

ميار : لا حبيبي ما ينفع وانا اشبع رغبتي هذي بدورات الإسعافات وهم الكتب الي اقراها ... تركي ....

تركي : همممم

ميار : شنو برنامجنا لباقي الايام واحنا هني .....

تركي : ماخبرتج خالتي او سناء ..... اهلج بيروحوالمزرعه وعزمو الكل فيها ... حتى طلال وملاك اجلو سفرهم لشهر العسل عشان يروحو .... نادر متحمس يتعرف على عايلتج .....

ميار واهي ترفع راسها وتطالعه متعجبه : قصدك زوج ملاك .... ليش ..

تركي : لان يا روحي عجبوه اخوانج وعيال عمومج وخالاتج ... يقول ما توقعهم فلته جذيه ... يعني متواضعين توقعهم متكبرين وشايفين نفسهم ... خصوصا لمى عرف بسالفتج مع الياس ....

ميار : الانسان ما تعرفه الا لمى تعاشره وكلام الناس مو اكيد .... لكن انت انتبه من عيال عمي لانهم وحوش باللعب ... حتى ماهر ماسلم منهم واهو ولد عمهم وزوج اختهم ......

تركي : ههههههه تخافي علي .... لا تخافي حذرني احمد زوج سناء منهم ووراني ماهر اخر جروحه منهم ... ههههههه اذكر لمى وراني الي بريله قبال ولد عمج سعد واهو يطالعه احتر سعد ونط يقول له بكمل عليها .هههههههه.....

ميار : ههههه .... اهم مايتعمدو ياذو لكنهم خشنين وماهر يتحركش فيهم دايما وبتشوف شنو يسوو بالمزرعه لانها للكل ...

تركي : ليش للكل ... كلكم متشاركين فيها ....

ميار : اي لكن هذي من وصايا يدي الله يرحمه ... اهو الي بناها وجهزها كبيره وايد اذا رحتها بتشوفها لكن اما تلفها بخيل او بسياره صغيره مثل سيارات الجولف من كبرها ....

تركي : اعتقد له هدف من هالشي ....

ميار : صحيح ... ماما تقول انه مايبي عياله واحفاده يتفرقو ويجتمعو مهم كانت المشاكل بينهم ولازم يتراضو .... تعرف لمى صارت سالفتي مع الياس هاج عمي ابو خالد لكن عمي ابو صقر وقف له وللكل وقال لهم ما تنجبر وراسي يشم الهوى واذا على املاكي حتى لو تزوجة الياس مابيطول فلس حمر مني لكن عمي ابو خالد قال له ان ما يبي بناتنا تتزوج من برى العايله .... تعرف ماما افحمته ....

تركي : خالتي تبهرني دايما شقالت .....

ميار : قالت له عيل ليش زوجة بنتك لواحد من برى العايله ولا مو اي واحد صاحب تعاطي لكل شي ...

تركي : جد بنت عمج متزوجة متعاطي ....

ميار : للاسف اي لكنها المسكينه ماكانت تعرف ولمى عرفة كانت حامل ومن اكتشفت واهي ببيت ابوها رافضه ترجع له وتبي طلاقها ... تعرف شكثر صار لها معلقه ....

تركي : كم ... سنه ...

ميار : لا .... ولدها عمره الحين عشر سنين يعني بتكمل ١١ سنه واهي معلقه لا يبي يطلقها ولا اهي تبي ترجع له ...

تركي : الله ... وليش ما تعالج او اهي خلعته ....

ميار : علشان يخلعو راسها من جسمها .... عمي حلف ما تسوي هالشي على قولته الناس بتاكل ويهه ....

تركي : عمج هذا غريب ... امس لمى بارك لي صافحني صح وبارك لكن احس بعينه شرار يعني يوجه لي سهام قاتله .....

ضحكة ميار على تعليقه وحركاته فضمها تركي وهمس باذنها : لا تضحكي جذيه لا اتهور الحين ....

ميار واهي تتجرئ وتمسح خده وعينها بعينه وبهمس : ومن ماسك ...

تركي واهو منصدم وفرحان واهو يحملها ويتوجه للسرير : انتي صرحتي وقبلتي فلا تطلبي اوقف ......

ضحكة ميار بخجل وربكه لانه لاول مره تتجرئ مع تركي لانها تبي علاقتها معاه تقوى اكثر وتبعد اي شي ممكن يعكر حياتهم عنهم وتعيش معاه بسعاده ......

تقرب تركي لعايلة ميار اكثر بالمزرعه والكل انبهر بالمزرعه و حب تركي حرصهم على راحت الحريم بعيد عن الريال وكل اهله مدحو عايلة ميار بتواضعهم وكرمهم معاهم .....
بعد مدة رجع تركي مع ميار وامها واخوها ووليد لايطاليا عشان يكمل دراسته ومهران يحاول يخلص شغله ويرجع مع تركي وميار لمى ينتهي تركي من دراسته .... مرالفصل الاول من دراسة تركي على خير وحياته مع ميار من احسن لاحسن وميار مو مقصره معاه بشي واهو بالمثل وطبعا اروى كل فترة تتصل وتركي يقطع الخط ويرفض يرد برغم ان ميار تطلب منه يعطيها فرصه تتكلم بلي تبيه وقبل امتحاناته خبرهم طلال بزواج اروى من عاصم وكان زواج بسيط جدا بحفله صغيره وطبيعي تركي تضايق شوي لكن حس انه مرتاح لانها بتتركه بحاله ....


الساعة الآن 03:04 AM

Powered by vBulletin®
Copyright ©2000 - 2024, vBulletin Solutions, Inc.