01-12-20, 12:23 AM
| #22 | |||||
| كاتبة في قسم وحي الاعضاء 
|  ((الجزء الساابع)) × في بيت ام منيف .. نجلا ترتب الغرفه الي صارت لها ولأمها .. قالتها امها أمنية مع عمر راضيه بس عندهم تسوي انها مظلومه والدليل انها قالت لساره عشان تفركش الزواج وهذا هي فركشته وبكره زواجها هي وعمر .. من ذاك اليوم طلعت هي وامها لبيت جدتها ماعاد لهم جلسه في بيتها الحيه .. هي وعمر قدر ولقى غطاه ماعاد يتدخلون فيهم حتى الزواج بكره مارح يحضروه عزيمه رجال بس فااستراحه .. فتون دخلت الغرفه بحماس : جووج تكفيين روحي الزواج بكره وانا اروح معك دام خالتي ماتبي نجلا ببرود : مافي زواج حريم فتون تجلس ع السرير : اييه بس عادي نكون موجودين احس بمووت لو ماشفت شكل أمنية ووش مسويه نجلا بحزن : لا ماابي بعدين تدري ساره اني حضرت وماتسامحني فتون : قلعتها ساره من قالها تتنازل عنه لأمنيوه شفتي خزامى بتروح مع امها وطول الايام الي فاتت عماتك مريفه وشيهانه يجهزون لأمنية يقالها يتيمه مسكينه والله انها سكينه نجلا ضحكت : ههههههههه انا اشهد فتون : هااه نروح نجلا : انا اذا رحت رح اخرب فرحتها مارح اخليها تاخذ اخوي وتحرق قلب ساره بارده مبرده فتون : الله اكشششن * لابس البشت الاسود ويسلم ع الي يباركون له .. جماعته واخوياه وزملاء العمل .. ناظر ابوه وسلم عليه وباس راسه : ماتوقعت تحضر سعود : للحين انا ماابيها لك بس من معزه اخوي الله يرحمه واجب احضر واسلمها لك بنفسي عمر ابتسم : فيك الخيرر سعود وقف جنبه ويباركون له بزواج ولده .. تركي جالس والحسره بوجهه لو صبر ع جنونها وعالجها .. اجل سحب ع سويره وتزوج بنت منصور اليينه محظوظ ويشاركه الشعور نايف الي جالس جنبه ولاهم داريين ان شعورهم واحد .. بس نايف كان طمعان فيها هي مو فلوسها مثل تركي شلون بتطلع بالفستان الابيض حوريه من بنات الحوور .. * في صاله البيت .. جالسه بفستانها الابيض كانت متوقعه محد يجي بس عماتها شيهانه ومريفه الي اخجلوها بكرمهم لهدرجه ابوها محبوب !! مريفه الي ماتحترمها ودوم تطول لسانها عليها وقفت معها بس عشانها بنت منصور انصدمت منها حييل طول الايام الي فاتت معها ويجهزونها كأنها بنتهم مو بنت اخوهم .. هي اليوم عروس كاامله بكشختها وجهازها مثلها مثل كل العرايس ماكانت متوقعه انها بتكون كذا ولاحتى فكرت تلبس فستان وتتجهز كانت ضايعه صح جهزت وكل شي .. بس للحين تحس انها ضايعه مو عارفه كيف بيكون وضعها وش مخطط عليه عمر وين تروح هالليله وين تسكن ماااتدري .. قلقانه وخاايفه مو قادره حتى تفرح انها الليله عروس لابسه الفستان الابيض لحبيبها وزوجها عمر اما الي حضرو !! .. طوقه حضرت بس مكشره وكأنها بعزا .. وامها وخواتها كلهم حضرو .. اما البنات بس نجلا وفتون وخزامى .. شيهانه ماعجبها الصمت : شغلو شي يابنات وارقصو الليله فرح خزامى بضحكه : فرح والعريس مسرورق ههههههههه فتون ضحكت معها وسكتت لما نجلا عطتهم نظره .. هي الي كانت ناويه تضايق أمنية بس ماتقوى تجرح أمنية بهاليوم دامها راضيه وعمرراضي خلها تفرح من توفت امها وهي من حزن في حزن مافرحت خلها تفرح .. مريفه عطت بنتها نظرة تهديد وراحت شبكت جوالها ع التلفزيون أمنية بهدوء : عمتي لاتشغلين شي مو حلوه بحق ابوي مريفه : ابوك لو عايش مايرضيه تتزوجين كذا ع السكيتي طوقه الي اقنعوها خواتها تحضر وماتفوت شوفه ولدها الوحيد عريس مايهم من العروس اهم شي تشاركه هاليوم .. وقفت : شغلي ياام تركي حتى انا مايرضيني يمر عرس ولدي وانا مارقصت فيه أمنية سكتت عنهم ولفت تناظر الساعه الي ع الجدار 10:30 الليل بااوله .. لفت تناظرهم الكل قام يرقص والاكيد انه طرب مو فرحه لزواجهم * حاطه راسها بحضن اختها ودموعها جفت : يطلقني ويتزوجها الحين باالله قولي لي من بيتزوجني بعد سواته ذي حسبي الله فيه سهام تمسح ع شعرها : لاتفكرين خلي كل شي بوقته نصيبك بيجيك وعمر مو كفو مايستاهلك ربي ان شاءالله يرزقك بالي يقدرك ويصونك ساره : مو زعلانه عليه كرهته خلاص بس حركته تقهر ماصبر ع طول تزوجها سهام : خلاص انسي تزوجها تطلقو كيف عاشو لاتهتمين لحياته وحلو قطعتي علاقتك بنجلا كذا ماتدرين اي شي عنهم ساره : نجلا مالها ذنب بس صدق صرت مو طايقتها من فعله اخوها سهام : قلعتهم قوومي خلينا نجهز عيشه ونشوف لنا فلم ولا مسرحيه ساره جلست ورتبت شعرها : روحي انا اجيك ابي اتروش واجدد النفسيه وجعل الرجاجيل للماحي سهام ضحكت وطلعت وهي مبسوطه بقوه ساره عقلانيتها تعجبها من زماان . * شيهانه دخلت : يله ياحريم تغطو ولا تفضلو للمجلس بيدخل عمر ام نايف جالسه : ولد اختي محرمنا شيهانه : بيدخل معاه عبدالرحيم و"ناظرت طوقه" وابو عمر طوقه بدون نفس : هذا وش جايبه شيهانه : يرحم والديك ياام عمر مانبي مشاكل وتضيقون بال المسكين عمر ام منيف وخاطرها ترجع بنتها لزوجها : ماعليه خلك انتِ للحين بالعده وتحلين له طوقه : يعقب والله مايشوفني أمنية ماكانت مركزه معهم متوتره وخايفه .. شافت الكل لبسو عباياتهم وجلسو بفضول دخل عمر وع يمينه ابوه ويساره عبدالرحيم .. فتون قرصت نجلا وهمست : هذا ولد شيهانه نجلا بنفس الهمس : اييه فتون : ياملحه احسه مؤدب أمنية وقفت وسلمت ع عمها الي تقدم لها قبل عمر .. وغصب باست راسه هو الثاني صدمها تحسه مبتسم لها من قلب ويناظرها بحنيه لاول مره ليش هم كذا اليوم يتعبوني والله بصيييح .. سعود وخر ع يمينها واشر لعمر : تفضل عروستك بنت منصور الغالي حطها بعيونك عمر سلم عليها وشد ع يدها : ان شاءالله وقرب منها باس جبينها ووخر : مبرووك أمنية و تشوفه يلف ويوقف ع يسارها وبتوتر ماتدري وش تقول قالت : الحمدلله عبدالرحيم الي تقدم بيسلم عليها سمعها وكتم ضحكته لان حتى عمر مرتبك ولاانتبه وش قالت سلم عليها وبارك لها وطلع ووراه خاله سعود .. وبنفسه يفكر بنجلا اكيد انها وحده من هالمتغطيات تشوفه وهو مايشوفها .. نفسه يعرف شعورها وانطباعها عنه .. هل تدخل حسابه وتقرأ نفس ماهو مايفوت شي تكتبه يعني هو اول شي جاها من باب الفضول حست بفضول تجاهه ولا .. * طوقه رمت عباتها وهي مستغربه تصرف سعود مع أمنية توه تذكر اخوه وين هالذكرى عن لما كان يضربهاا ماالت همم ماالت نجلا تصورهم بالكاميرا مع ان محد طلب منها بس هي تحب التصوير وجابت كاميرتها .. ماحبت تفوت هالمناسبه الجلسه كانت عباره عن تصوير مرره عمر وأمنية لحالهم وبعدها مع امها بس بعدين هي بس بعدين هي وامها وصوره مع العمات وصوره مع الخالات والجده حتى سومرا تصورت معهم ... * بالفندق .. نزلت عباتها وقلبها يدق يدق بخوف وتوتر .. حست فيه ينزل شنطتها ع الارض مو قادره تلف وتشوفه مع انها متعوده عليه ماكانت متوقعه هالتوتر بس الفستان الابيض والبشت لهم هييبه هي بالفستان مو نفسها ذيك الي بلبس عادي تهاوش وتصارخ تحس لسانها مربوط مو قادره تنطق حرف .. عمر واقف يناظر ظهرها وهو نفس حالها كان مخطط ومتوعد ومتحلف لها .. بس الحين مو قادر ينفذ شي من الي خططه أمنيته عروس بالفستان الابيض سلبت عقله وروحه .. طيب عادي يريح عقله هالليله ويستسلم لمشاعره ؟؟ أمنية لما حست انه طول بوقفته لفت تشوف .. حست قلبها بيوقف من نظراته ماكانت حاقده وشرانيه نفس ماكانت متوقعه لاا هذا مبهور بشكلهاا واذا نجي للصدق حتى هي معجبه في طلتها اليوم وماتلومه يناظرها بهالطريقه ابتسمت باارتباك واشرت ماتدري ع وين : امم شسمه ابي ابدل ذا "سكتت مو قادره تكمل وهو يناظرها كذا تبيه يطلع عشان تاخذ راحتها وتبدل الفستان .. لانه حاجز غرفه وحده ذي والحمام مايدخل فستانها مع الباب واضح " عمر : خليك فيه شوي "وصد عنها وجلس ع الكنبه" اجلسي نسولف أمنية جلست ع السرير من قدام والكنبه الي جالس عليها قبالها .. عمر ماعلق انها ليه ماجت تجلس جنبه : انبسطتي أمنية بسخريه : جداً وانت عمر يرتاح بجلسته : جداً جداً زواج بسيط ماتكلفت فيه وجتني فلوس حالياً بطران وش ابي بعد الحمدلله أمنية ساكته ماعلقت .. عمر : اصدميني وقولي انك مستحيه مني أمنية ناظرته باارتباك : لا عمر ابتسم ووقف بيروح يجلس جنبها شافها فزت وقفت : وش فيك وين رايحه أمنية ترفع فستانها : مو رايحه بس حسيت في شي عند رجولي عمر يدري انها نصابه خايفه ومستحيه ومرتبكه وعاجبه انها تكابر كذا يستفزها صح .. جلس ع السرير : اجلسي يتهيأ لك اكيد أمنية جلست وقلبها ماهدا .. حست فيه يمسك يدهاا عمر يضم يدها بين يدينه الثنتين : ايه اكيد ماتستحين مني دامك قدرتي تمثلين ذاك الفديو حركاتك وصراخك الي يصم الاذان أمنية وخوفها زاد هذا هو يذكرها بالفديوو ياويلي .. عمر يحك شاربه : عاد تصدقين افكر بصراخك يعني مو معقول قدره التمثيل نفس صراخك بذيك الفتره أمنية سحبت يدها منه : ماتدري يمكن حتى بذيك الفتره كان تمثيل عمر ناظرها حس الصدق بصوتها : صدق ؟؟! أمنية تنهدت : ابوي تركني وحيده بدون سند وظهر ومن له حيله فل يحتال عمر مو مستوعب : كييف !! أمنية ببرود ولا كأنها سوت شي : ماابي تركي ابي ارجع لابوي مثلت الجنون ونجحت عمر يناظرها بصدمه : مو لهالدرجه أمنية لمعت الدموع بعيونها : لو ماسويت كذا كان للحيني ع ذمه تركي وهف فلوسي وهذا الي كان مخطط عليه لانه شايف ان ابوي تعبان وانا بورثه قالك اتزوجها واكون متفضل عليها واهف فلوسها بس لااا انا جننته كل ماقرب مني خطوه اصارخ كذا ويهج لين عافني ورماني عند امه وجننتها لين رجعتني لاابوي وردت روحي انا حميت نفسي بنفسي عمر حضنها وهو يحس براحه .. دايم كان يتجاهل ذيك الفتره الي عاشتها ببيت تركي مع انه يدري والكل عارف انه مادخل ع المجنونه وماكانت لها عده .. بس شعور انها عاشت معه تحت سقف واحد يوجعه عشان كذا مقفل ع السيره .. : اخير حيله سلمتك لي أمنية رفعت راسها من حضنه وبعدم فهم : هااه !! عمر يرجع فيها ع ورا وهمس : هشش * شيهانه طلعت من البيت وقفلته بالمفتاح وسحبته معها ووقفت تناظره بحزن .. عبدالرحيم ركب سيارته وهو يحاول يضبط نفسه ويثقل .. امه ونجلا وخزامى جلسو اخر شي يرتبون البيت وياخذون اغراضهم قبل يقفلونه والحين هو يرجعهم .. نجلا من ورا عمتها : يله عمتي نروح وربي تعتب ابي انام شيهانه لفت : يله وراحو للسياره .. عبدالرحيم حرك بهدوء بعد ماركبو وهو مميز نجلا عن خزامى الطويله .. كان وده هي تجلس وراه بس احسن ورا امه تشوفه اوضح شيهانه : نام عندنا الليله وامشي بكره فالنهار عبدالرحيم : مايمديني والله عندي دوام ضريبه زواجات يوم السبت شيهانه : الله يحفظك اهم شي خليك ع مهلك لاتسرع نجلا سانده راسها ورا وتناظر نص وجهه الواضح لها .. الي اشوفه انه محترم ليه انا نيتي شينه اكيد انه ارسل لي من باب المساعده لماشاف حلطمتي مالت علي وانا كذا اسفهه .. فتحت جوالها ودخلت ع حسابه .. شافته منزل صوره له مع عمر ويبارك له طلعت بسرعه وقفلت جوالها ورجعته بشنطتها .. جعلني مانشرتها ولا ارسله عبدالرحيم : احمم نوصل البنات اول ؟ شيهانه : لا ياقلبي بينامون عندي ولما وصلو البيت .. نجلا تضرب ع كتف خزامى بشويش ؛ خزامى اصحي وصلناا شيهانه نزلت وصارت تنزل اغراضهم مع عبدالرحيم من ورا .. خزامى : خلاااص بنزل نجلا تناظرها تتأكد انها صاحيه .. خزامى فتحت بابها بقوه بنفس اللحظه الي كان عبدالرحيم معدي من عنده بيروح لبابه .. وضرب الباب فييه نجلا صرخت ع خزامى : انتبهييي عبدالرحيم يمسك كتفه وهو يحاول يكتم غيضه يعني مو كل مره يتصقع قدامها تحرك وفتح بابه وركب وقفله بقوه متنرفز .. خزامى : اسفه "ونزلت بسرعه " عبدالرحيم لف يشوف نجلا تفتح بابها وتنزل .. جات عينه بعينها قبل تقفل بابها بسرعه وتروح ولف يشوف امه رجعت بعد مادخلت اغراضها .. نزل يسلم عليها ويروح .. * جلست ع سجادتها بعد ماصلت الفجر .. تقرأ اذكارها بهدوء .. عمر رجع من الصلاه وقفل الباب وراه ناظرها : البسي عباتك بنمشي أمنية ناظرته بدون ماتتحرك : وين نروح عمر راح يلم اغراضه : بعدين تشوفين أمنية طوت سجادتها وراحت تلم اغراضها وهي تتصدد عنه وكل مايجي بطريقها تنزل عينها بااحراج وهو يتحرك ويقفل شنطته متجاهل وجودها .. أمنية لبست عبايتها وهو طلع الشنط ورجع لها .. طلعو من الفندوق وناظرت الجو والشمس ماطلعت .. تحس ان فيها نوم حق يوم كاامل ودها تنام ومحد يصحيهاا جلست بالسياره وقفلت بابها .. وهي تشوفه يجلس وتهتز معه السياره ويقفل بابه ويحرك السياره صدت تناظر برا وهي متبسمه .. اوف ليش احسه غريب ومستحيه منه ايش بتكلم ايش بقول يعني لما اتذكر البارح انحرج بزياده كان غير للحظه حسيته يحبني ويموت فيني مو بس اني صرت زوجته وعاجبته شكلاً .. وقف عند مجمع يعبي بنزين .. : قفلي السياره عليك ونزل .. قفلت السياره بعده وهي تشوفه رايح لكوفي ابتسمت : اوواللِه عمير من طقه الي يشربون قهوه ع الصبح شوي كذا جا و معه قهوتين ودونات .. أمنية : كان جبت لي شاهي عمر ناظرها مستنكر : ع الصبح ! أمنية تناظره بنفس نظرته : قهوه ع الصبح ! عمر رجع محفظته بجيبه وفتح الباب : طيب أمنية تحس انها رجعت ع طبيعتها : وساندوش فلافل باالله وخليه يكثر شطه عمر وقف ع الباب وهو منزل راسه يناظرها برفعه حاجب : تكفيك وحده ولا ثنتين أمنية تناظره ببرائه وتحرك يديها : وحده مكفيتني اصلا مااكلها كلها عمر قفل الباب بقوه ومشى وهي تضحك مروووقه .. * تناظر الطريق بملل .. وهو يتقهوى ع مهله وبدال مايشغلهم اغنيه شي رومانسي بما انهم بصباحيه عرسهم وكذا لاا مشغل بودكاست ثقافي .. ولا حتى فكرت تركز بالكلام شوي كذا بدا لها الطريق مألوف .. لفت ع عمر : وين رايحين عمر يعدل نظارته السودا والشمس بوجههم : لاتقولين ماعرفتي الطريق أمنية : اي هذا طريق الديره تذكرته بس وين رايحين عمر بهدوء : ايه رايحين لها أمنية تأففت : تبي تمر جدتي ماله داعي مارح تدري اننا مرينا من عندها ولا سلمنا عليها عمر ضحك وتعمد يضحك بصوت عالي ويطول : ههههههههههههههههههههههههه هههه أمنية تناظره بعدم فهم : اييش ؟! عمر يمسح عيونه من تحت النظاره : هههههه ااه مسكينه ي أمنية أمنية جمدت ملامحها وانشدت اعصابها بخووف .. عمر بجديه : بنروح الديره ولاانتِ طالعه منها تجلسين عند جدتي تربيك وتعلمك الادب أمنية ساكته تستوعب الصدق بصوته .. صرخت وصوتها يرجف : تستهببل انت موو ع كييفك رجعني بيييتي عمر بقووه : ولااا كلمه بيتك قفلته وانسييه أمنية تقاطعه بصراخ وهي ترمي كوب الشاهي الفاضي عليه : رجعنيي اقولك مو متربيه مو مأدبه موووشغلك محد جبرك تاخذني وووقف ياااتبن عمر بسرعه وقف ع جنب وهو معصب لف عليها يصارخ : اذييتي مييين مو انااا تبليتي ع مييين فركشتي زوواج مييين استغليتي مييييين هاااه ليي الحق اني اربييك من جديد وابلعي العافيه لاتخليني اتعامل معك تعامل مايسرك أمنية بكت : جدتي تكرهني واكرهاا مجنون انت عمر يشد ذراعها بقوه : اصص ماابي اسمع ولا كلمه قلت تحملي فعايلك الناقصه ودفها ع الباب وحرك السياره بسرعه وحواجبه معقوده .. أمنية حضنت نفسها وهي تكتم بكاها تحاول تستوعب الوضع الي هي فيه .. الكلام الحين مو فايد معه تحس قلبها يدق بخوف من سرعه السياره لها زمااان ماركبت مع احد يسرع تشوف كيف يتعدون السيارات الي قدامهم بسررعه .. صررخت بررعب وبكاا تحس شوي ويغمى عليها : لاتسرع لاتسرع امي ماتت من السرعه * نهايه الجزء السابع .. | |||||
|  |
|
05-12-20, 09:07 AM
| #25 | |||||
| كاتبة في قسم وحي الاعضاء
| ((الجزء الثاامن )) صباح الخييير بارت طويل تعويضاً عن البارتين القصيرات الي فاتو كانت عندي مناسبه وانشغلت عاد هاالله هالله بالتعليقات لاتحرموني * وقف السياره بحوش البيت شاف جدته جالسه بالدكه المظلله وجالسه عندها حرمه متغطيه .. لف ع أمنية النايمه بمكانها فجعته ببكاها وخوفها من السرعه شلون نسى الحادث الي صار لهم .. ماصدق تهجد وتنام نزل من السياره وراح لجدته الي شافها وقفت منيره تزغرت : كلوووش حي الله هالزوول جعلني ماابكييك عمر ابتسم واسرع بمشيه يحب جدته صح انه يشوف تفرقه تعاملها معه ومع البنات بس يحبها لانها تحبه ودوم بصفه .. بااس راسها وحضنها : كيف حالك بشريني عنك منيره بسعاده : ابد والله مرتاحه بين اهلي ومبسوطه بجيتك "ناظرت السياره" وينها ماجت معك ؟ عمر الي من اول مكلم جدته واتفق معها : الا بس نايمه ام سويلم الي جالسه بمكانها : كيف حالك ياولد سعود وكيف ابووك منيره : هذي جارتنا وبنت عمي ام سويلم عمر يرفع يده ويعلي صوته يسمعها : هلاا بخيير والله شلونك انتِ ياخاله ام سويلم : طيبيين الحمدلله عمر راح للسياره واخذ شنطتين كبار واتجه للبيت .. دخل و ناظر الصاله البسيطه .. بيت الطفوله لف يمين للسيب الي عباره عن اربع غرف وكل غرفتين متقابلات وبالوسط الحمام ومغسلته برا دخل اول غرفه ع يمينه هذي الغرفه الي كان ينام فيها هو ونجلا وأمنية ولما كبر طلعوه وخلوه ينام بمجلس الرجال .. جا قبل اسبوع واثثها نزل شنطها ع الارض جنب الدولاب وطلع يكمل باقي اغراضها العروس .. ام سويلم استأذنت وراحت تشوف غنمها .. منيره : لو تجلس تغدا ماهي زينه والله تروح كذا وانت ماتضيفت عمر بعد ماخلص تنزيل اغراضها والمقاضي الي جابها للبيت : ماني غريب ياجده انا راعي محل بس لازم امشي وقريب بنقل دوامي بالمحافظه القريبه واسكن معك منيره : اللي يريحك عمر ناظر السياره : ماني مصحيها اشيلها تكمل نومها "وباارتباك من نظره جدته الناقده" احسن امشي وهي نايمه منيره لفت بتدخل البيت وبسخريه : انتبه لاتصحى الشيخه بنت منصوور عمر راح لبابها فتحه بشويش .. اخذ شنطتها وحطها ع كتفه ودخل يدينه تحتها وشالها بشويش ومشى للبيت سمعها تتمتم بس واضح نايمه وتضايقت من الحركه .. دخل الغرفه شاف جدته تشغل المكيف ووقفت تناظر ومو عاجبها الشكل .. عمر تجاهل نظرتها .. ونزل أمنية بشويش ع السرير وفك عقدة نقابها وسحبه وهو يناظر وجهها ارخى حجابها عشان ترتاح بنومتها .. وسحب اللحاف وغطاها حس في جدته تطلع تحسب انه خلص وبيطلع وراها .. بسرعه قرب من أمنية وباس طرف شفاتها "ليتك دووم بهالبراءة" وقف وهو مقهور من شعوره ياربي وش احب فيها ليه احس قلبي من الحين يتقطع شوق لها .. صد عنها وطلع وهو عاقد حواجبه وش هالسخافه الي يفكر فيهاا .. مشى لجدته فالصاله : يله انا بروح وبنت ولدك بين يديك توليها وسنعيها سلمتها لك منيره ضحكت : ماعليك الله يسهل دربكك * فتحت عيونها وناظرت المكان بنعاااس .. المسافه الي بين السرير والدولاب شنطها ماليته .. لفت تشوف التسريحه .. غرفه صغيره والاثاث الابيض جاي فيها بشكل مرتب جميل .. دفت اللحاف عنها بعيد وهي تتذكر كانت فالسياره .. عمر قال يوديها عند جدتهم !! وقفت تناظر الغرفه واغراضها !! لاا انا نمت كيف جيت هنا ؟؟ بسرعه نطت شنطتها وراحت للباب فتحته وطلعت هذا بيتهم القديم وبصراخ وهي طالعه للصاله : عمرررر عمررر منيره طلعت من المطبخ وناظرتها : عمر رااح أمنية سفهتها وطلعت للحوش .. سيارته مو موجوده لفت طرحتها ع راسها وتلثمت وطلعت للشارع بعد سيارته مو موجوده .. رجعت للبيت بسرعه مرت من عند جدتها الي لفت عنها بتكمل شغلها بالمطبخ ولا كأنها موجوده أمنية دخلت الغرفه وهي ترجف من العصبيه مو مستوعبه صدق راح وخلاهاا كذا بسهوله ؟؟! فتحت شنطتها واخذت جوالها .. اتصلت عليه وصارت تدور بالغرفه تنتظره يرد .. صرخت بقهرر : رررد ياحيوووان عمر فتح الخط وسمعها وسكت .. أمنية رفعت الجوال تشوف الا هو فاتح الخط سمعت صوت نفس : ويين رحت هاااه بسرعه ارجع ورجعني بيتي الله يااخذكك عمر ببرود : صح النووم صليتي الظهر والعصر ؟! أمنية رفست صندوق لها ع الارض بقهرر : مااالك دخل وانا جلسه عند عجوز الناار مارح اجلس تدري انا اصلاً ليه اكلمك انت والله لااعلم عبدالرحيم اخوي يجي ياخذني ويطلقني منك يالنذل وقفلت بوجهه وجلست تحاول تهدي اعصابها .. ناظرت ساعه جوالها 4 العصر لازم تتوضى وتصلي وتكلم عبدالرحيم بهدوء .. * كان جالس يتقهوى وينتظر اتصالها بعد ماكلمه عمر .. وماتأخرت هذي هي تتصل رد بهدوء وهو مقهور منها : هلا أمنية : رحيييم تعال لي تكفى عمر الحيوان رماني عند جدتي بالديره وراح عبدالرحيم بنفس الهدوء : وش مسويه له انتِ ؟ أمنية سكتت شوي كانت متوقعه ينفعل ويفزع لها : لازم اكون انا الباديه يعني ؟! عبدالرحيم : وداك عند جدتي مو عند احد غريب وكلها كم يوم يتفاهم مع دوامه وينقل ويسكن عندكم أمنية بخذلان : سبقني واشتكى اجل انا اختك ترا مو هو عبدالرحيم يقاطعها : انا مع الحق وقالي عن فعولك الي ماتسر دامك ماتبينه الحين ليه تخربين زواجه وتبلين عليه وتستغلينه وحنا رجال نفهم بعض أمنية بعصبيه : تفوو عليك انت وياااه رفع الجوال يتأكد فعلاً قفلت بوجهه هذي الي صدق يبي لها دق راس .. الله يعينك ع ماابتلاك ياعمر ويقويييك * اخذ المفتاح منها ولف بيروح متجاهل اسئلتها .. شيهانه تمسك ذراعه : وقف وفهمني ليه أمنية عندي امي عمر تأفف من هالسالفه المو منتهيه : نبي نسكن عند جدتي فيها شي ؟! شيهانه : ع طوول كذا روحو سافرو انبسطو بااول ايامكم والله تندموون عمر : رجاءً ياعمتي خلااص لااحد يتدخل بيني وبين زوجتي خلونا نعيش مثل مانبي حنا شيهانه : انا مااتدخل بس انصح وأمنية بنتي مااتمنى الا انها تعيش بسعاده حافظ عليها ياعمر عمر : ان شاءالله وطلع من عندها وركب سيارته ومشى .. اتصل ع جدته منيره : ايييه اشوفك صرت واصل ماشاءالله توك الصبح عندي ماامدا عمر يمسد رقبته بااحراج وهو يناظر ساعه السياره 9 م : لا بس ودي اعرف شسوت معك أمنية كلمتني العصر وبعدها هجدت استغربت منيره : ايه من العصر دخلت غرفتها ولا طلعت دقيت عليها قبل شوي قامت جنونها وتصارخ وتسب قلت ماعادني جايتها هالمجنونه اخير لي عمر : الله يسعدك ياجدتي اذا طلعت من غرفتها خذي المفتاح اخاف تسوي بنفسها شي منيره : ابشر وطمن بالك مابها الا الدلع الي ذبحها من بكره ان شاءالله اتفاهم معهاا عمر : زين توصي ع شي منيره : سلامتك * صحت قبل اذان الفجر جوعااانه الجوع هو الي صحاها .. طلعت من الغرفه وسيده ع المطبخ فتحت الثلاجه وبقهرر : لااا وماشاءالله مالي الثلاجه قبل يروح عسى ارتاح ضميره بس جعل الجاثووم مايفارقه الليله حطت لها فواكه بصحن وغسلتهم وجلست ع الارض تاكل وهي تناظر المطبخ بحنيييين .. هالمطبخ امها كرفت فيه كرف كانت حتى الذبايح تطبخهم هي وعمتها طوقه .. تتذكر حلطمة امها وعمتها لما كانت تدخل بعد اللعب عطشانه وتشرب مويه وتسمعهم وتروح تكمل لعب بدون ماتدقق بكلامهم .. رجعت لهمها .. الحقير عمر كيف يقول لعبدالرحيم عن الفديو معقوله وصفه شصاار وربي قليل ادب قالك اييش حنا رجال نفهم ع بعض .. يعني وقتها كنت معصبه بس الحين اووف احراج احس مالي وجه اشوف عبدالرحيم .. اخاف اقوله اعلم عمتي شيهانه يروح يسبقني ويعلمها بالصدق زي رحيم حسبي الله فييه لوى ذراعي بس هيين انا اورييك تبي اجلس عند جدتي اجلس ليه لا حلوو اجننها لين تطردني واشيل عني العتب سمعت اذان الفجر وبنفس اللحظه ناظرت الباب جدتها واقفه والصاله وراها مظلمه تحس للحظه ان شكلها يخوف ذكرتها بسموره الي في بابا فرحان كانت تخاف منها حييل وهي صغيره جدتها قصرانه ولا ايش بجلابيتها البنيه الفضفاضه و ملفعها الاسود متحجبه ومغطيه ذقنها .. وواقفه تناظرها بدون اي ابتسامه او ملامح لينه تعوذت من ابليس وشالت صحنها ووقفت وبنبره مسالمه تبعد الخوف : صباح الخير منيره : سهرانه ولا صاحيه توك أمنية وللحين قلبها يدق بخوف هذي سموره : تو صحيت منيره : زيين ماعندي سهر انا امشي صلي وتعالي نسوي الفطور أمنية اخذت لها علبه مويه وطلعت من المطبخ وهي تتصدد عن جدتها ماتبي تشوفها .. هذا الباقي تتخدم فيني والله اصلي وارتب اغراضي وجايب غرفه جديده مالت عليييه * دخل غرفتها وهو خلاص يأس من النوم .. طول ليله بغرفته يحاول ينام بس ارق .. هدوء البيت موحش كان يبي يروح الاستراحه عند اخوياه ولا ببيت جدته عند امه بس وش يقولون امس معرس واليوم عندنا انجبر ينام ببيتها لين يخلص من دوامه وينقل .. وقف يناظر سريرها وخر اللحاف بهدوء وانسدح وتغطى وهو يحس بريحتها تغمره .. ابتسم بعشق ومشاهد البارح مو راضيه تروح عن باله جلس ووخر اللحاف عنه وناظر المرايه قباله : ياحبيبي !! المغروره حاطه المرايه قبال السرير عشان تصبح بوجهها ماتنلام عز الله ان امس كان احلا صباح نزل من السرير وهو يستوعب ان جيته هنا غلط تخليه يفكر بعاطفه مالها داعي * اووف ازعاج اصوات الباصات .. وبعده اذاعه مدرسه العيال خييررر وش هالمكرفون الي يوصل لبيتهم حتى تمارين الصباح واح تنين تلات اربع طلعت من غرفتها وهي تشم ريحه القرصان حست بطنها تتعصر من الجوع والرييحه راحت للمطبخ شافته فاضي بس ريحه الاكل تبين انه توه جاهز .. طلعت بسرعه لباب البيت وهي تسمع صوت وضح لها ان جدتها بالدكه .. وقفت ع باب البيت تشوف جدتها وعندها حرمتين جالسات يفطرون طلعت وهي حافيه ع التراب تحس الاحجار الصغيره تعور رجولها مو متعوده تمشي حافيه بس الجوع كافر .. أمنية تلم شعرها ورا اذنها وبلطافه : السلام عليكم منيره نزلت راسها متفشله من بجامتها القصيره .. ام سويلم وام نوره : وعليكم السلام أمنية بدون ماتسلم عليهم باليد وكذا جلست ع طول تحس عيونها تطلع قلوب لما شافت الفطور قرصان وسمن وزبده يوووه لها زمان عنهم مشتاقه لذاك الطعم اللذييد : الله اشتقت لهالفطوور ام نوره تناظرها بتنقد : من هذي ياام سعود منيره تحاول ماتبين قهرها : بنت وليدي منصور الله يرحمه ام سويلم تمسح ع شعر أمنية : ماشاءالله كبرت اذكرها وهي بزر أمنية تاكل وحاسه بقهر جدتها وتتبسم : جدتي ابي حلييب منيره تقرب الصينيه لها بدون ماتقول شي ام سويلم : زين والله جت تسليك ماتدرس هي ؟ أمنية بسرعه : خلصت دراسه ام نوره تناظر ركبها الي انكشفت لما جلست ولوت فمها : وماتزوجتي منيره : الا متزوجها عمر ولد سعود الله يحفظه ام سويلم تضحك : ههههه والله وكبرنا توي اذكر مهاوشاتهم سبحان الله واخرتها تزوجو منيره تنهدت وتقصد عمر : القط مايحب الا خناقه أمنية كارهه سيرته وبتضيع السالفه وهي تأشر ع السمن والزبده : جبتي لك غنم ياجدتي منيره : لا هذي ام سويلم كثر الله خيرها ويطرح البركه في غنمها ام سويلم تربت ع كتف منيره : والله ان ودي اعطيكم اكثر بس لما اسوي السمن يجن بناتي واوزع عليهن ام نوره : اول تقولين مالك شده ع الغنم هالحين عندك بنتاخ تساعدك جيبي لكم عنز بس أمنية تستوعب قصدهم عليها تساعد جدتها بالغنم !!! منيره : لو اتكلت ع بنتاخي عز الله ماتو غنمي ام نوره : هوو ليه ياكافي منيره : من وهي صغيره تخاف منهم ام نوره تناظر أمنية : ايه صغيره بس هالحين كبيره تخافين من عنز يابنت !!؟ أمنية بااحراج : ايه كنت صغيره بس الحين عادي ام سويلم تناظر ساعتها : يله انا استاذن بروح لغنمي منيره باابتسامه واسعه تأشر ع أمنية : خذيها معك خلها تشوف الغنم وتساعدك ام سويلم : هذي والله الساعه المباركه أمنية تناظر جدتها بورطه : لا انا مشغ منيره تقاطعها بنذاله : لا معفيه من الشغل روحي تونسي وشوفي الديره ام نوره تضحك : ههههه والله شكلها للحين تخاف أمنية وقفت بقهر وناظرت ام سويلم : اجهز واجي × ام نوره الي تبعت أمنية بعيونها لين دخلت البيت .. لفت ع منيره : والله ياام سعود طحتي من عيني شلون ترضين تطلع للناس بهاللبس ولاحتى سلمت علينا بسنع منيره : ماني راضيه والله بس هذاني احاول اسنعها رحمة الله عليه وليدي عشانها بنته الوحيده دلعها ام نوره : الله يعيينك ام سويلم : خلوها هذا جيلها لو تتابعون لبس بنات هالجيل تتعبون كلن وجيله يله انا بروح البيت اجيب سيارتي * سمعت جدتها تنادي .. بسرعه تلثمت ولبست نظارتها الشمسيه وطلعت شافت جدتها جالسه لحالها منيره تصارخ : سنننه تأخرتي ع الحرمه اطلعي يله أمنية تعدت من عندها وبغرور : الي يبيني ينتظرر منيره تمسك تراب بيدها وترميه عليها : اقوول اذلفي بس أمنية ضحكت تقهرها ايييه الحين طلعت ع حقيقتها ولا عند الحريم محترمه نفسها العجوز المنافقه .. طلعت عند البوابه الكبيره شافت ددسن قديمه وفيها ام سويلم فاتحه الشباك ومطلعه يدهاا : يله يابنيتي تأخرناا لفت للباب الثاني وهي تشوف حرمه راكبه .. شلون تركب هي جواهر فتحت الباب ونزلت واشرت لها : ادخلي اجلسي بالنص أمنية رفعت حاجب : ادخلي انتِ والله مااجلس بالنص ام سويلم : جواهر ووجع اركبي خلي البنت ع كيفها جواهر تأففت وركبت وبعدها أمنية .. وام سويلم حركت السياره وصوت الراديوو أمنية صرخت بشويش لما كتف جواهر ضرب فيها مع تحركات السياره والطريق حفريات جواهر متعمده كل شوي تميل عليها وتدفها بقوه .. مقهوره امها صحتها من النوم عشان تروح معهم تسلي بنتاخ منيره .. أمنية تلصق فالباب : ههفف خالتي مافي طريق ثاني اسفلت ام سويلم : ماعليك قريبه العزبه جواهر بملل من الراديو : يمه ابي الف عن هالقناه ام سويلم : لفي جواهر تلف بالقنوات والشمس قبالهم .. أمنية رفعت كوعها ع الشباك وحطت يدها ع خدهاا .. عروس ورايحه للغنم ي حياة الشقاا جواهر لفت ع أمنية وضحكت لما لقت اغنيه فيروز نسم علينا الهوا : ههههههه هذا وقتها وحنا محشورين بالددسن أمنية تضحك : هههههه ورايحيين الغنم ياالله شوو هييداا الجمال نسم عليناا الهواا من مفرق الواادي ياهوى دخل الهواا خدني ع بلادي * * ام سويلم راحت تفتح الباب للغنم عشان يطلعون .. جواهر تناظر أمنية بتحدي : يله روحي عند شبكهم أمنية استندت ع بركه المويه وتعدل نظارتها الشمسيه : عن حركات البزارين ترا مااخاف هذي هي حيوانات عاديه اليفه بس انا هالحين قرفانه من ريحتهم لااكثر جواهر تنزل طرحتها ع كتفها وشعرها مرفوع كله : اي والله صادقه ريحه المكان استغفرالله انا مااحب اروح للغنم بس اليوم عشانك امي صحتني من النوم اروح معكم أمنية طلعت عيونها لما شافت الغنم طلعو من الشبك وكلهم كذا يجرون بجهتهم .. صرررخت ونطت فوق البركه بخووف وجواهر وخررت شوي بعيد وهي ميييته ضحك ع شكل أمنية : هههههههههه اااخ ياابطني ياغبيه ههههههههه جايات للمويه هههههههه أمنية تناظر تجمع الغنم عند حوض المويه .. تربعت فوق البركه وتناظر من فوق مطنشه جواهر وتكلم الغنم : شوي شوي كلكم بتشربوون بدون زحمه جواهر طلعت جوالها تصورها .. أمنية : هااي انتِ ام قروون لاتدفين زميلاتك حسووده المويه كثيره تكفيكم "ولفت لجواهر شافتها تصور صرخت " وربي انك عنز من سمح لك تصوريني جواهر تضحك ببرود : هههههه انا اسوي الي براسي ماانتظر سماح أمنية تنرفزت : احذفي الي صورتيه بسررعه والله لااخليك تندمين جواهر قفلت جوالها ورجعته بجيبتها ولفت عنها رايحه سافهتها .. أمنية ناظرت الغنم مشغولات مو منتبهات لها .. نزلت بسرعه وراحت جري لجواهر وسحبتها من شعرها وهي تصارخ : انا اييش قلت جواهر تحاول تمسك شعر أمنية وترد لها الضربات .. وطاحو ع الارض وكل وحده شاده حيلها تضرب ام سويلم لما شافتهم جت بسرعه تفك بينهم واكثر شي تضرب بنتها عشان تفك : فكي بنت الناس فشلتينا وقدرت توخرهم عن بعض .. أمنية ترتب شعرها ووجهها احمرر : بنتك قليله الادب صورتني بدون ماادري خليها تمسح جواهر بسرعه تطلع جوالها من جيبتها وشعرها الي كان مرفوع طايح بتبعثر وتصارخ : انا الي بحذفها جوالي تلوث ام سويلم تضربها ع ظهرها : حسبي الله امسحيها بسرعه وهاتي الجوال والله ماتشوفينه أمنية ابتسمت بشماته : اييه خالتي خذيه منها الاطفال مايصير تعطونهم جوالات جواهر بعد ماحذفت الفديو وامها سحبت الجوال ناظرت أمنية بحقد : وجه النحس ورربي مااصبحت بخير من سمعت اسمك قطيييعه ام سويلم : اصص ولا كلمه امشي يله اطعمي الغنم .. امسحيها بوجهي يابنت منصور هالبنت الجوال بيدها طول الوقت وكل شي تصوره اتكلم ولا تسمع أمنية تناظر جواهر الي راحت عنهم زعلانه : ماعليه خالتي * في سياره نايف راجعين من الجامعه .. نجلا جالسه ورا عند الشباك تناظر الطريق .. العيشه ببيت جدتي ابد مو عاجبتني امس لما قلت لامي اني بعد الاختبارات بروح الديره عند جدتي وأمنية زعلت مني.. بس خلاص مليت ماني قادره اخذ راحتي خوالي 24 ساعه موجودين ماتعودت ع بيت فيه رجال كثير مااخذ راحتي لا بلبس ولا شي خاصةً اني مو متعوده عليهم واستحي منهم امي عاجبها الوضع رفضت لما عمر قال يأجر شقه ويسكنون معه امي من بعد ماعمر طلق ساره وتزوج أمنية وهي مو طايقته ماادري ليش يعني صح تحرشه فيها يضايق بس مو لهالدرجه بالنهايه هي زوجته .. بس احس ان في شي ماادري عنه فتون : باالله نايف ابي فطور بعد هالاختبار الزفت نايف : افطرو فالبيت مالي خلق امر شي نجلا طلعت جوالها من شنطتها متجاهلتهم وارسلت لعمر " متى تروح الديره " عمر رد عليها سريع "الثلاثاء ان شاءالله " نجلا " عادي تنتظر للخميس ؟ " عمر " ليش " نجلا " اخر اختبار عندي الخميس وابي اروح معك " عمر "وامي ؟ " نجلا " ماتبي تروح بس انا بروح مو مرتاحه ببيت جدتي " عمر " تمام انتظر للخميس ان شاءالله " * بعد المغرب .. أمنية فالمطبخ تسوي لها شاهي وتسمع صوت التلفزيون عاالي ع مسلسل خليجي : اييه منيرروه ماتبطل مسلسلات المغرب حطت لها مكسرات بصحن وهي تضحك : بو طبيع ماييوز عن طبعه ههههههه صبت لها في كوب وطلعت من المطبخ تتمخطر لين وصلت الصاله وجلست وهي تناظر التلفزيون : باالله هذي المره كم تتابعين الحياله انا معكم تابعتها مرتين مو من صجك عااد منيره تناظر كوب الشاهي : ولا طبع زيين اخذتيه من ابوك الكريم الحين مسويه شاهي من حلالي ولاتصبين لي وش براده الوجه هذي أمنية ببرود تشرب شوي : سويت ع قدي منيره تناظرها بصرامه : تقومين هالحين تسوين لي أمنية : انا ماني جايه هنا شغاله عندك اخدمي نفسك بنفسك حبيبتي منيره تهز راسها : ززين اجل اخدمي نفسك بنفسك وماعادني حاسبتك معي فطبخي هه أمنية ناظرت جدتها الي وقفت وراحت للمطبخ .. شلون يعني !! انا طبخي اسم الله ع النعمه وهي تعرف عشان كذا ماقالت لي اطبخي ولاطلبت مساعدتي .. تذلني باكلها منيروه بس هين انا ادبر نفسي * * بيت ام منيف .. تمشي بالحوش وبيدها كتابها تدرس و بصوت عالي وتكرر وتحرك يدينها داخله جوو مع الحفظ .. حست بجوالها يهتز بجيبتها .. طلعته بزهق بس اعتدلت بوقفتها لما شافت المتصل .. ردت : هلاا ابووي سعود : السلام عليكم كيف حالك نجلا : وعليكم السلام الحمدلله انت كيفك سعود : والله مضغوط وابيك تساعديني ولدي مرقد فالمستشفى وامه معه وانا محتاس مع اخوك الثاني خالته ماهي متحملته وانا مااعرف له لحالي ابي اجيك واخذك تساعديني نجلا : بس انا عندي اختبار بعد يومين سعود : ماعليه خذي كتبك معك وكل شي تحتاجينه يله بعد المغرب اجيك نجلا ناظرت جووالها .. يعني خلاص امر ولا في مجال تناقشه .. خييرر بعد ناقصه انا قروشه بزارين الحين شقول لامي * ام منيف : خلاص ياحرمه صرعتي روسنا بالحنه مثل ماانت امها وتخدمك هو ابوها وواجب تساعده نجلا لابسه عباتها وجالسه تنتظر وبيدها جوالها وبزهق : انا لو بيدي رفضت وانتِ اكثر من يعرفه مايحتاج اقول هفف طوقه بقهر : هذا لانك ضعيفه اخخ بس لو أمنية مكانك كان ورته الشغل نجلا رفعت حاجب : ياسلااام هالحين عجبتك أمنية وانتِ قاطعه ولدك من تزوجها طوقه : شاايفه يمه طوله لسانها بس علي اناا وعند ابوها ولاتسمعي حسها نجلا : ترباتك يمه من زمان محسستني ان ابوي وحش ولازم انطم ولااتكلم عنده ولااطلبه شي عودتيني ع الادب الزايد معه لين ضاع حقي وكبرت عرفت انه انسان عادي ليش مااتكلم معه طبيعي اضحك وامزح ليش هالرسميه بس خلاص تعودت مااقدر اغير تعاملي معه طوقه لمعت الدموع بعيونها : ابووك ما لان الا لما كبر ولا وانتم صغار كان قوي وماعنده الا ضرب والي اكلها عمر لانه شقي انتِ لانك تسمعين كلامي وساكته مؤدبه عشان كذا ماكان يضربك الحين صار اللووم علي الله يساامحك بسس نجلا بسرعه لحقت امها قبل تطلع وحضنتها بقووه : يمه مااقصد والله حقك علي ام منيف تناظر بصمت ولاتبي تتدخل بينهم .. طوقه نزل دمعتها وهي تحس ببوسات نجلا ع راسها : خلاص ياامي انا ماازعل منك نجلا : الله لايحرمني منك انا ماابي اروح الا وانتِ راضيه علي طوقه تحضنها : الله يرضى عليك ويفرحني فييك ياجعلني اشوفك عروسه قرييب نجلا ضحكت : يعني ماتفرحين الا تشوفيني عروس طيب قريب تشوفيني خريجه ام منيف : لاا باالله مافي مثل فرحه شوفه ضناك بيوم عرسه * لاا خلاااص مااقدر اتحمل اكثر من كذا .. من متى صارت جدتي طباخه وريحه اكلها تمووت جووع العووبا البخييله تخلص اكلها وتغسل مواعينها ولا تبقي لي شي .. انا ماقهرني الا الغدا اليوم اكلت وارسلت الباقي لام سويلم .. طيب والادميه الي عندك بالبيت احس كرهت الاندومي والسندويشات الي اسويهم خلااص ابي اكل ثقيل وحار هو الي يشبع صدق .. ابي ررررززز ياعاالم يلعن الجووع شو بيزل اااءءء احس ببكي خلاص لازم اتنازل واروح اتفاهم مع جدتي مو حاله هذي حسبي الله فيك ياعمير لا اتصال ولا حتى رساله وانا لو تمووت مابديت رحت انقلع والله ماادور وراك وبس تجي اعلمك ان الله حق اشوا ان اهل الديره مايدرون متى كان زواجي ولا فضيحه يدرون انه رماني هنا وراح بعد ليله زواجنا ناظرت المرايه : تمام قميص روز بيعجب جدتي اكيد وهذي البدايه اووف ياريحه عشاها تررد الروووح هههههه ااه يااربي احس انخبلت طلعت من غرفتها .. شافت جدتها جالسه بالصاله وكالعاده المغرب تتابع الحياله قربت منها وباست راسها وجلست جنبها .. منيره بدون ماتناظرها وبداخلها رضاا من هالخطوه .. أمنية تناظر جدتها بااستعباط : ليش ساكته طيب قولي شكراً ع البوسه منيره لفت تناظرها وهي تلوي فمها أمنية ابتسمت بتمصلح : امم منوور خلينا نبدا صفحه جديده دامنا يعني ساكنات مع بعض مايصير انتِ مو طايقتني ولا انا طايقتك لازم نتأقلم منيره : ساكنه عندي ببيتي هذا غير اني جدتك ام ابووك ولازم تحترميني منور ذي لااسمعها ولاقلت لك كلمه تسمعيها ولسانك لايطول علي أمنية تكتم غيضها وتتبسم متجاهله بعض الكلام : انا اقولك منور ادلعك جدتي مو حلوه تكبرك وانتِ صغيره ماشاءالله ولدتي عمي وانتِ بنت ال15 منيره تبتسم بخجل : ايييه الحمدلله بعدني بصحتي وعافيتي أمنية بتمصلح : كل الجدات ياالله السلامه دوبها تتحرك وانتِ ماشاءالله نشيطه تنظيف البيت وطبخ سنعه ماشاءالله الا ماقلتي لي ليش ماتزوجتي بعد جدي وانتِ صغيره وحلوه غريبه جلستي منيره تعتدل بجلستها وعجبتها السالفه وبفخر : مااخون العهد وانا بنت ابوي طويلع الله يرحمه حفى ليين اخذني كان الكل يبي نسب ابوي وبناته وانا كنت ازينهم وتهاوشو علي اثنين من عيال عمي وحلف ابوي مايزوجني ولا واحد من عيال عمي واكثر من فرح بهالخبر طويلع ولد خالي الي خطبني قبل ورفض ابوي ورجع خطبني مره ثانيه وابوي رفضه مره ثانيه بحجه انه مو من قبيلتنا وانا اتضايق ولد خالي ابيه من اول مره خطبني وانا تعلقت فيه وماابي غيره وهو بعد الرفض مرتين مرض ولااحد عارف وش بلاه لامستشفيات ولاشيوخ نافعين معه وجانا خالي في ليله وحب لحيه ابوي يقوله بنتك علاج ولدي والله ان نفسه فيها واليوم الي بعده جا هو وخالي وشيوخ قبيلته وخطبوني له ووافق ابوي"تنهدت" عز الله ان عشت معه بجنه رحمه الله عليه أمنية انسجمت بالسالفه الي لاول مره تدري عنها : ابوي طالع ع جدي حنوون ورومانسي منيره تضحك بحزن : اييه منصور طبق الاصل من ابوه بالشكل والاخلاق أمنية شمت ريحه حرق وهمست بخووف : العشا احترق !؟ منيره شهقت وفززت : يااويلي الاكل ع النااااررر أمنية بااحباااط : لاااااءءءء اااه جوووعااانه * أَراكَ طَروباً ذا شَجاً وَتَرَنُّمٍ تَطوفُ بِأَذيالِ السِجافِ المُخَيِّمِ أَصابَكَ عِشقٌ أَم بُليتَ بِنَظرَةٍ فَما هَذهِ إِلّا سَجِيَّةُ مُغرَمِ طلع من حسابه بعد ماكتب هذي الابيات ليزيد بن معاويه .. ودخل حسابها وهو يتذكر نظرتها له قبل تقفل باب سيارته وتنحاش .. عجبته انها في كل المرات الي تفشل قدامها ماضحكت ولابين عليها بالعكس كانت خايفه وكأنها حاسه بألمه .. سمعها لما قالت لخزامى انتبهي وماامداه ينتبه هو الا يضرب فيه الباب اووف لازم تحبني شلون اعجبها واخليها تتمناني قرأ كلامها " اكرره البزارين ياربي هالمخلوقات ازعااج من وين طلع لي هالاخو وربي مجنون قطع كتابي ع طول طيب يااورع انا للحين ماخلصت دراسه بعد الاختبار قطعه ع كيفك " " ماالوم خالته تنحاش وترميه ع ابوي الولد قرد بمعنى الكلمه مايجلس كل شي تكسير وفجأه كذا يجي يشد شعري وينحاش ومرات يعطيني كف ع الماشي " وفرق ساعتين .. " هممفف اكملت مدري من هالعملاق الي المقرود فتح له الباب وخلاه يدرعم ياربي يالاحراج بس شفته قعدت اصارخ وهج خلعني وخلعته " عبدالرحيم يشد ع اسنانه بقهر .. ويين هي ؟؟ ومن ذا الي شافهاا .. يحس بصدره يغلي خلاص هي صارت له شي يعنيه ويخصه وبدون تردد فتح الخاص وارسلها " انتِ ووييين ؟؟! " نجلا الي كاانت جالسه بالصاله تناظر حوسه اخوها بتبلد توها منظفه ياعاالم تعبت .. شافت الاشعار الي وصلها وشهقت لما قرأت الاسم !!! ضربت جبينهاا اووف كيف نست تحذف حلطمتها كله من هالمقرود فواز ماخلا فيها عقل .. راحت حذفت كلامها بسرعه وبدون ماترد عليه خيير شعنده هو وسؤاله المتطفل ليش يقرأ الي تكتبه لازم تخلي حسابها خاص عبدالرحيم لما شافها حذفت كلامها ارسل وهو متنرفز " جاااوبيني وييينك فيه ؟؟!! " نجلا تناظر بتردد وارسلت " !! " عبدالرحيم عدل جلسته : لاابوو الثقققل تكلمي وكتب " ويينك ؟ كيف شخص غريب يدخل ويشوفك ؟ " نجلا كتبت " في بيت ابوي والي دخل اخو زوجته وماكان يدري اني موجوده وانتهت السالفه ونقطه . " عبدالرحيم مقهوورر بس شي بنفسه ارتاح انها جاوبته وشرحت له ماعاندت وطولت لسانها عليه .. هذي نجلا الي يذكرها مرنه فالتعامل ماتلف وتدور " انتبهي ع نفسك واعتذر ع الازعاج " انتظر ترد عليه بس سفهته وانقهرر لما حولت حسابها خااص * طلع من دوامه وهو مروق هذا اخر دوام له هنا ومن الاحد الجاي رح يداوم بالمحافظه الي تبعد عن ديرتهم ربع ساعه .. جلس فالسياره وطلع جواله من جيبته وبدون تردد اتصل عليها قرب ع الاسبوعين وهو لا سمع صوتها ولاعرف اخبارها مايدري كيف وضعها.. الجوال ع اذنه ويناظر موقف السيارات الي فضى : هه ماترد طبيعي لو مااتصلت احسن حرك السياره وتنهد وحط يده ع قلبه وهو يغني : لما بتوحشيني بحط ايدي على قلبي كأني بضمك ليا واسمع صوتك قوا مني وانا مغمض عينيا وافتكر كل اللي بينا دا اللي بينا مش شوية اييه والله مو شويه اخخ لو ما نجلا كان دعست هالحين ع الديره * صباح الخميس .. جالسه مع جدتها فالدكه حبت نظامها هالفتره تصحى الفجر تصلي وتجلس مع جدتها وجاراتها يفطرون وبعدها كل وحده تروح لشغلها وهي ترجع تنام وتصحى ع الغدا حلوه الحياه بدون مشاكل ومشاحنات .. اتفقت مع جدتها هي عليها التنظيف وجدتها الطبخ توها تستوعب ان جدتها ماهي سيئه حيل عادي تقدر تتعايش معها وتاخذها بالكلام الحلوو وتلوي ذراعها بأنها يتيمه .. منيره : نامي عشان تساعديني الليله بخلي بناخي محمد يذبح لنا تيس بسوي عليه عشيوه لعمر ونجلا أمنية ناظرت جدتها بصمت .. منيره : علامك !؟ أمنية اخذت نفس : بصراحه ياجدتي راضيه عن سوات عمر فيني يتزوجني ومن ثاني يوم يرميني هنا ويروح هذا وهو مجبرني اتزوجه يعني تزوجني بس عشان يهينني ولا هو مايبيني منيره : اول قولي لي انتِ وش مسويه له عشان يبي يسنعك عيا يقولي وانا متأكده ان الحق معه بسواته ذي أمنية ناظرتها بقرف : دايماً بصف الرجال الكل تخلا عني انا من لي يدافع عن حقي من يوقف عمر عند حده وياخذ بكرامتي منيره وهي تشوفها توقف معصبه : قلت لك علميني أمنية تقاطعها بصراخ : مااابي اشووف رقعه وجهه وخليه يطلقني ولا ترا اروح لااخوك الشيخ جابر يخلصني منه منيره شهقت : والله ان عتبتي باب البيت لااحش رجولك هذا الناقص بعد تسودين وجهي بفعايلك عند اهلي أمنية اخذت مجموعه حصى من الارض وبقهر رمته ع البيت وهي ماشيه بسرعه معصبه لداخل البيت .. منيره تناظر اللمبه الي عند الباب انكسرت : وكسرر ان شاءالله * نهايه الجزء الثــــامن .. | |||||
|
| |
|
08-12-20, 12:43 PM
| #28 | |||||
| كاتبة في قسم وحي الاعضاء
| [align=center] ((الجزء التــاسع)) × فالسياره .. الساعه 1 الظهر : نجلا تأفف : كان انتظرنا للعصر لما يبرد الجو مو كذا نمشي بعز القايله عمر يناظرها من ورا نظارته الشمسيه : عادي السياره مكيفه انا مرتب اني امشي الصباح بس عاد طولتي بااختبارك نجلا : ايه كان صعب وختامها مو مسك عمر ابتسم : يله اهم شي خلصتي ومبرووك نجلا براحه : الله يبارك فيك ارتحت وتكمل راحتي بعد ماتطلع درجاتي والمعدل عمر بتردد : كيف ساره معك خلصت اليوم زيك نجلا : ايه شفتها وهي طالعه وكنت ببارك لها وطلعت بسرعه عني عمر سكت ماعرف وش يقول بسبته افترقت اخته عن اعز صديقاتها .. ظلم ساره بس الافضل انهم انفصلو وهم ع بر قبل مايزوجها ويكون بينهم عيال هنا يكون ظاالم صدق نجلا تناظره : لما تركت ساره توقعت تبي أمنية وتحبها بس يعني وضعكم الحين مو فاهمه ليش تركتها عمر : ماتركتها عادي قلت لكم بنعيش عند جدتي بس انا الدوام ربطني هنا شوي وهذاني راجع زواجنا كان بسرعه ولاقدرت اخذ اجازه نجلا لفت تناظر برا : ليت امي جت معنا عمر ابتسم براحه : ماعليه اهم شي انها مرتاحه عند جدتي انا مره مبسوط انها طلعت لي اليوم وسلمت عليها وودعتها نجلا : امي طيبه ماتطول زعل * صحت ع صوت منبه جوالها الي حاطته ع صلاه العصر .. قفلته وناظرت السقف بجمود بيشرف حضرته الليله .. قبل كل شي لازم اكوون ع سنقه عشره عشان اقهره فزت بسرعه لازم تلحق تتروش وتستشور شعرها وتتعدل طلعت من غرفتها ناظرت الغرفه الي قبالها الباب مردود ومظلمه وبروده المكيف واصلتها !!! مشت بشويش وطلت من الباب شافت شنط ونجلا نايمه ومتغطيه .. وخرت بسرعه عن الباب اووف هذول متى جو راحت تجري لغرفه جدتها وبسرعه مشت للشباك الي يطل ع الحوش من جهة البوابه الكبيره ومجلس الرجال .. شافت سيارته بالحوش موقفه ابد ماتوقعت يجو الظهر بسرعه راحت تتجهز قبل تصحى نجلا * في مجلس الرجال .. عمر : والله ان طبت مجلس ابو سطام لااكسر رجليها منيره : البنت يتيمه ولاارضى تظلمها وتهضم حقها سااامع من اليوم مايصير الا الي يرضيها عمر يكتم غيضه : بس انا لازم اشوفها عشان اتفاهم معها منيره : ماتبي تشوفك انت ماتفهم عمر جلس منهي النقاش : عاد انا طلاق ماني مطلق وصلي لها منيره تنهدت : بكره يصير خير هالحين روح اشتر لمبه وركبها العوبا كسرت لمبه الحوش * واقف ع السلم ويركب اللمبه الي فوق باب البيت وهو يتحلطم هذا الي ماحسبت حسابه تغسل راس جدتي وتلفها بصفها .. الا ويسمع صوتها من داخل البيت أمنية فالصاله تحرك شعرها بيدها ومبتسمه : مساالخيير حبيبه طويلع عمر ناظر تحت وهو ماسك اللمبه وابتسم اثااري الشغله فيها طويلع والله وجابت راسك بنت منصور يامنيره هههههه نزل درجتين وطل براسه من الباب .. ووقفت عيونه عليها شعرها الطويل تاركته براحته وفستان بيت قطني بلون القهوه منيره انتبهت لعمر : روحي بس صحي نجلا أمنية تلوي فمها بروقان وتلف : ننكد عليها شوي "وجات عينها بعين عمر الي بس باين راسه بنص الباب صرررخت بفجعه بدون ماتتحرك " عمر ارتبك من صرختها ورجع ع ورا ومايدري كيف زلت رجله ومال السلم وطاح ع الارض .. ومايسمع الا صوت ضحكها العالي .. وجدته طلعت تسمي علي أمنية وقفت تتمايل عند الباب وهي تضحك من قلب وتناظره وهو طايح ع التراب : ههههههههههه ااه ياابطني هههههههههههههههههه كيف طعم التراب "وتضرب كفوفها ببعض وتميل وتضحك" ههههههههههههههههه عمر جلس بمكانه بوجع ويناظرها مفتوون وضحك من ضحكها : ههههههههه أمنية لما شافته يضحك استوعبت وكتمت ضحكها وناظرته بااحتقار ولفت داخله البيت .. منيره : عسى مااوجعك شي عمر رجع انسدح ع الارض وناظر السما وتنهد : لا طيب * عشا بسيط حضرو الجيران واخوان ام سعود .. وهي الي طبخت الذبيحه والبنات يساعدونها وبعد العشا .. أمنية رافعه فستانها لركبتها ومثبتته بشال مربوط ع خصرها وبيدها المساحه وتشطف المطبخ نجلا طلعت من المطبخ بعد ماغسلت المواعين وبيدها البخور تلف بالبيت : جيت للكرف وربي مابغينا نخلص منيره تغسل يديها ع المغسله الي قبال الحمام : انا بنام الحين تعباانه ولاابي اسمع ازعاج نجلا : يعطيك العافيه والله تعبتي فالطبخ كان مرره لذيذ نوم الهنا منيره دخلت غرفتها وقفلت الباب .. نجلا رجعت البخور للمطبخ حطته ع الطاوله : باخذ القهوه برا ع القمرا تجي ؟ أمنية خلصت تشطيف : تمام اتروش واجيك * قفلت انوار الحوش عشان توضح القمرا .. وفرشت الفرشه بالنص ونزلت صينيه القهوه والحلا .. وجلست ناظرت عمر الي طلع من مجلس الرجال وقفل انواره والباب وراه .. عمر قفل الباب ولف بيروح للبيت بس راح لنجلا لما شافها : وينها ؟ نجلا : شوي تجي عمر جلس : كويس نجلا : تتقهوى ؟ عمر : لا من اليوم كثرت قهوه كفايه نجلا فتحت جوالها تطقطق فيه .. عمر : كان جبتي معك مركى ولا مخده نجلا : شايفني اخطبوط انا بالعافيه شلت الفرشه وصينيه القهوه عمر ضحك بخمول : طيب قومي جيبي لي والله ان ظهري يتطقطق تراي ع صحوتي الفجر مانمت من جيت هنا وجدتي كارفتني وبعدين عند الرجال صرت مقهوجي نجلا : والله حتى انا زيك بس ع الاقل نمت ومن اول ماقمت شغل شغل تو الي ارتحت عمر : عجوز نجلا ترفع حاجب : ورينا نشاطك يالشباب وقم جيب لنفسك أمنية طلعت من البيت وهي لافه عليها بطانيه خفيفه صغيره .. وبالظلام ماميزت وجود عمر الا لما قربت من الجلسه .. تباطئت بمشيها وهي تحاول تكون عادي وتتجاهله جلست وهي تشد البطانيه عليها بدون ماتقول شي .. نجلا صبت فنجال ومدته لأمنية اخذته منها وصبت لنفسها : ماشاءالله الجو هنا يرد الروح أمنية تشرب قهوتها وماعلقت وتناظر بعيد .. عمر يتأملها ع ضوء القمر .. احبها ياناس ومييت شوق لاابو العقل والمنطق الي يبعدني عنها نجلا حست ان جلستها غلط الكل ساكت .. اخذت جوالها : اوف جوالي يبي له شحن ومشت بسرعه وابتسمت وهي تفكر حتى ماقالو لها اجلسي او شي هههههه عمر بعد ماشاف نجلا دخلت البيت : جهزي اغراضك بنمشي الفجر أمنية تناظره بااستهزاء : ماشاءالله وين عمر : نروح نعتمر ونتمشى أمنية تحط فنجالها بالصينيه وتناظره : باالله بكامل قواك العقليه تتكلم اجبرتني اتزوجك وبعدها ترميني هنا وتفضحني عند اخوي من الاساس دام مو عاجبتك ليش تتزوجني يقالك بتربيني هه بس شكراً لاني حبيت الجلسه هنا وحبيت جدتي وكررهتك فعلاً مو طايقتك فياليت تحس ع دمك وننفصل بدون مشاكل عمر بجديه : قلتها لجدتي واقولها لك ماني مطلق أمنية : الشغله عناد يعني ؟ عمر ناظر حوله شوي ورجع ناظرها وبينهم صينيه القهوه : لا انا ابيك أمنية ضحكت بااستخفاف : هههههه احلف من متى ! ولا عشان ضيعت عليك ساره الي تتشرف فيها زوجه وام لعيالك تبيني تصبيره لين تلاقي غيرها تتشرف فيها عمر يهز راسه يأكد كلامه : ابيك زوجه عمر .. مو تصبيره أمنية وقفت وناظرته بجديه : وانا ماابيك مو طايقتك ياعمر حس ع دمك رجاءً عمر ظل جالس بمكانه يشوفها تروح عنه .. يحس كلامها اوجع قلبه .. حس الصدق بصوتها .. * نجلا منسدحه بفراشها وبيدها كتاب تقرأ .. عمر دق ع الباب المردود وفتح ناظر نجلا واشر ع شنطه : اغراضي هنا نجلا : ايوه اول ماجينا أمنية نايمه بالغرفه وبعده والله مافضيت اوديهم معليش عمر يفتح شنطته : لا عادي بكره انقلهم نجلا رجعت تكمل قراءة وهي حاسه ان فيه شي وجه عمر مايبشر بخير .. لمحته طلع من الغرفه وبيده بيجامه ولف لجهة الحمام .. ناظرت باب غرفه أمنية قبالها مقفل .. خيرر ايش فيهم هالاثنين يعني تركتهم ابيهم ياخذون راحتهم مو يتهاوشون .. * دخل الغرفه وقفل الباب وراه وقف شوي يناظر السرير .. فوق ماانه نفر ونص هي نايمه بوسطه ومغطيه راسها .. الغرفه صغيره ولا كان اختار سرير اكبر أمنية الي كانت تبكي استغربت مين الي دخل .. بس لما حست بالي جلس ع السرير وصلتها ريحه عطره .. فزت جالسه وعيونها حمرا وخشمهاا .. صرخت : نعممم !!؟ اطلع براا ماعندك احساس انت ؟! عقلك مااستوعب اي شي من الي قلته !؟ عمر ابتسم بتبلد متجاهل ملامحها الباكيه وهو يوخر اللحاف ويعدل المخده ورا ظهره : ازحفي ع الجدار هالمكان مايكفيني أمنية شدت ع اسنانها واخذت الخداديه وضربته ع وجهه تحس دمها يغلي وهو يتبسم ويسفه كلامها : اطلع بررا عمر يحاول يمسك الخداديه وهي تشدها وتضربه مره ثانيه ع وجهه .. سحب الخداديه بقوه ورماها ع الارض : طلعه مااني طالع والله والله هه حلفت أمنية تهز راسها : طيب ووقفت ع السرير ودعست ع رجله قبل تنزل وراحت للباب وقبل تفتحه وتطلع ناظرته وهي توخر شعرها عن وجهها بعصبيه : اشببع فييها عمر يرجع راسه ورا ع المخده ويلف ذراعه تحت رقبته ويناظرها بدون مايقول شي .. أمنية طلعت وقفلت الباب وراها بقوه .. نجلا جلست لما شافت أمنية داخله : وش فيه ! أمنية بكت : بنام عندك اخوك هذا ماابيه ثقيل دمم متخلف نجلا زحفت مسويه لها مكان ع فراشها : حياك أمنية انسدحت جنبها وعطتها ظهرها وهي تبكي بصمت .. نجلا تناظر كتابها وبالها معها .. كاسره خاطرها بس بتتركها ع راحتها مارح تتدخل . * الساعه 10 الصباح .. جالس في السياره ينتظرهم .. رافع ركبته ومطلع يده من الشباك وبفمه عود اسنان يلف فيه يمين يسار بدون مايمسكه .. ونظاره شمسيه زهقان ومانام زين وجدته مصبحتهم تبي يتغدون بمزرعه ابوه البعيده .. اصلاً مايدري وش اخبارها اهملوها من زماان .. شاف جدته جايه للسياره .. وركبت : ياالله بسم الله عمر يناظر ساعته : وين البنات يله عشان الحق صلاة الجمعه منيره تنهدت : من اليوم اعجل فيهن مدري وش يسون نجلا طلعت ووراها أمنية الي لفت قفلت باب البيت بالمفتاح .. نجلا ركبت ورا عمر : هاااي منيره : سنه انتِ وهيي أمنية ركبت ورا جدتها وبيدها صينيه خلتها بحجرها : كان مفروض من اول قايله لنا ع هالطلعه انقطع نفسنا وحنا نجهز نجلا : اي والله كل شي جري جري تعبت عمر حرك السياره ولف يناظر ورا وهو يريوس .. أمنية تناظره بطرف عينها .. ياربي هو ليه كذا حلوو بغض النظر عن فعايله لو اقعد اتأمله طول الوقت ماامل وجهه مرييح يمممه ابتسم لي انتبه لنظراتي اوووف عمر لف قدام وعدل جلسته وهو مبتسم برضا يحب فهاوتها .. * ع الغدا .. نجلا تاكل بتلذذ : فعلاً كبسه النار غيييير تجنن عمر : والله اشتقنا لطبخك ياجده حرام حارمتنا منه كل هالفتره منيره مبسوطه من المدح : بالعافيه مير طوقه ماتقصر مريحتني وهالحين مافي غيري بنات هالجيل طبخهم كله اندومي نجلا : لا عاد انا فنانه بالحلويات عمر وهو ياكل : وش تفيد الحلويات بكره لاتزوجتي وش تغدين زوجك وتعشينه حلاا أمنية تاكل بصمت ومتجاهله تناظره وهو قبالها .. منيره : اي باالله صدقت بس دامها خلصت دراسه انا اعلمها نجلا : بتعلم عشان نفسي انا حابه اتعلم الطبخ عمر يناظر أمنية وقفت اكل ورجعت شوي ورا : وعلمي أمنية بعد أمنية ناظرته بسخريه : وليه ماتعلمك انت عمر باابتسامه : انا اعرف اسوي كبسه تبين اذوقك اياها بيوم أمنية وقفت : لا شكراً ماابي اتسمم "وناظرت نجلا" يله نجيله سنه تاكلين نجلا وفاهمه قصدها وتكمل اكل : انتظري شوي عمر وقف : كثر الله خيرك ياجدتي وراح لجك المويه والصابون الي ع جنب يغسل .. منيره تناظر أمنية جلست ع المركى : علامكن نجلا : تنتظرني عشان اصب عليها وتصب علي عمر يناظرهم وهو يغسل ويصب ع نفسه باليسار : تعالي أمنية اصب عليك انا خلصت أمنية وقفت وراحت له وهي مصدومه من نفسها بس غصب عنها تلبي نداه .. جلست ومدت يديها قدامها .. عمر يصب ع يديها المويه وهو يناظر ذبلتها براحه انها مافصختها .. أمنية تخفي ارتباكها : اووف صب بقوه ايش هذا نجلا احسن منك عمر يبتسم بااستعباط : لا لا تسرف بالماء لو كنت ع نهر جااري أمنية طلعت منها ضحكه ماقدرت تمسكها ووقفت ورشت عليه المويه الي بيدها : سخيف نجلا جتهم : اماانه امانه صب علي حتى انا مااعرف اصب ع نفسي عمر جلس يصب ع نجلا وعيونه تتابع أمنية مايدري وش تسوي اخرتها فهم .. طبعاً شاهي هه حبيبها الشاهي * رجعو البيت المغرب .. منيره بعد ماصلت ع طول راحت للتلفزيون تلحق مسلسلها لايفوتهاا ونجلا جلست تتابع معها .. شوي يسمعو الاصوات العاليه أمنية تسحب شنطته وترميها فالسيب : غرفتي اناا جيت فيها قبلك عمر يسحب الشنطه الثانيه منها قبل ترميها : غرفتي انا معك وترتبين اغراضي بالدولاب من فوق خشمك نجلا جات بتقوم بس منيره مسكت طرف ثوبها : خليهم يطحنو بعضهم مالنا دخل نجلا رجعت جلست بتوتر .. أمنية واقفه عند الباب تخصرت : نعم نعم ناقصتك يد ولا رجل ماترتبهم بنفسك عمر شق الابتسامه : حلوو كذا استوعبي ان ذي غرفتي معك واغراضي بتترتب فيها "ويهز راسه وهو رايح للدولاب" وعاد مو مشكله عادي ارتبهم انا أمنية دخلت الغرفه بسرعه ومسكت باب الدولاب لايفتحه : انت ماتفهم انا مو طايقتك ماابيك بعقلك جاي تشاركني الغرفه ماابيك يااخي عمر يناظرها بجديه : وانتِ ماتفهمين قلت لك انا ابيك أمنية تلف نظراتها بالغرفه وتأفف : طيب وانا ماابيك احترم رغبتي عمر يلم يدينه لصدره : وليه مو انتِ تحترمين رغبتي أمنية ناظرته بااستنكار : عن الاستعباط عاد عمر يقرب منها ويحضن وجهها بين كفوفه ويهمس : لا مااستعبط انتِ ماتبيني بس انا ابيك ومارح اتنازل واتركك مثل ماتبين ليه مو انتِ تتنازلين وتبقين معي لاني ابيك أمنية تناظره وتحس عقلها توقف عن التفكير وكأن المعادله صعبه .. دفا يدينه .. نبره صوته .. دقات قلبها مو راضيه تهدا .. اخذت نفس بصعوبه : مارح اتناازل انت اذيتني عمر يرفع راسها يخليها تناظره : حتى انتِ اذيتيني وش بعد شوهتي سمعتي عند امي واختي وفوقه سكت عشان ماتطيحين من عينهم أمنية لمعت الدموع بعيونها : ورحت قلت لعبدالرحييم عمر : عبدالرحيم غير أمنية بكت : لا مو غير انا مرره منحرجه منه عمر تنهد وحاول يحضنها بس دفت يدينه : انتِ الي حديتيني والحين تبكين أمنية تمسح دموعها بقهر وتحاول توقف بكا : مارح اسامحك مارح اسامحك عمر يبي يستفزها : حقوده انا سامحتك وانتِ ماتسامحين !! أمنية ناظرته بقهر : تسامح ع وشوو انا مااذيتك قد مااذيتني عمر باابتسامه : الله اكبببر نسيناا كنت محدد زواجي وتفركش بسب أمنية هجمت عليه وتعلقت بذراعه وعضته بقووه بكتفه وتضرب .. وهو يحاول يدفها فاجأة هجومها منيره وقفت ع الباب وحطت يدها ع راسها : يافضحي فضحااه تضربين رجلك عمر استغل تفاجأها بوجود جدتها .. تحرك بسرعه لجدته : بنت ولدك هذي لازم تعلموها الانوثه مايصير والله مزوجيني واحد من الربع أمنية صرخت مستنكره ولفت حولها تدور شي ترميه عليه عمر ع طول سحب جدته وطلع وقفل الباب وراه وهو يسمع شي ضرب فالباب : قايمه عليها جنيتها خليها لحالها تهجد منيره تهز راسها : لاحول ولا قوه الا باالله * وقف السياره بالحوش .. وشمس الظهر الحااره توه راجع من الدوام نزل معاه صندوق الرطب وقفل سياره وراح للبيت .. فتح باب البيت وجاته بروده مكيف الصاله .. الفاضيه .. سمع صوت جدته فالمطبخ راح للمطبخ منيره قفلت النار عن القدر ولفت تشوفه واقف ع الباب : ماشاءالله ع الوقت توه جهز الغدا عمر نزل صندوق الرطب ع الطاوله : يعطيك العافيه ياارب منيره : الله يعافيك يله بس اشوف البنات صحو ولا لاء عمر : خليك ارتاحي انا اشوفهم وطلع من المطبخ .. شاف نجلا عند المغسله الي جنب الحمام تتوضى : زيين صحيتي نجلا ابتسمت : هلااا بالمداوميين عمر يفتح باب غرفته : اييه داومت وجييت والناس باقي نايمين أمنية الي كانت جالسه ع كرسي التسريحه وتمشط شعرها .. اخذت البكله تلم شعرها سريع وبتطلع عمر دخل ونزل شماغه وعلقه ع الشماعه .. شافها تقوم وتطلع من الغرفه متجاهلته : بزر خوافه أمنية وقفت وهي ماسكه الباب ولفت عليه : عفواً عمر : الي ع راسه بطحى أمنية بقهر : لاتدخل بنيتي من انت عشان اخاف منك انا طالعه اتغدا عمر يهز راسه يسلك : اييه ماتخافين قويه ماشاءالله أمنية : بزر "ودفت الباب وطلعت متنرفزه منه ثقيل الدم" * العصر .. نجلا طلعت للحوش وبيدها كيكه مسويتها ومبسوطه فيهاا .. راحت لجدتها وأمنية الي جالسات فالدكه وعندهم القهوه أمنية : هلااا هلاا كييكه شايله كييكه كيف تجي نجلا تضحك ؛ ايييه يالبطينيه مو لله المدح منيره : ع حبك للاكل مفروض تتعلمين وتستنعين طبخك لمتى ماتعرفين أمنية : والليييل بديناا نجلا جلست وحطت الكيكه ع السفره وبدت تقطع .. منيره : اييه ماعادك بزر بكره تصيرين ام ولازم تطبخين لعايلك أمنية ضحكت : ههههه باالله اسكتي ي حبيبه طويلع وخلينا نحلي بروقان ماابي شي يعلني منيره تنهدت : حلي وبعده روحي صحي رجلك اعوذ باالله وش هالنوم الناس من زمان صلو العصر نجلا مدت صحن لجدتها وبعده لأمنية .. أمنية وهي تاكل : جدتي بكره خلي نجيله تروح مع ام سويلم لغنمها نجلا : نعمم !! أمنية : ايييه رحت للغنم وبسيارتها الددسن هي تسوق وربي كان يوم ونيس لازم تجربين منيره : عوذ الله من كذبك ومن الي جت تتحلطم وتحلف ماتروح مره ثانيه نجلا تضحك : يعني صدق راحت والله ماصدقت منيره : الا راحت غصبن عن خشمها خليتها تروح أمنية خلصت صحنها ووقفت تناظر جدتها : ومفتخره ماشاءالله صفقي لها نجلا باالله لايطق فيها عرق منيره تلف تدور عصاتها .. وأمنية انحاشت البيت * أمنية طلعت من باب البيت تجري وهي تضحك وتصارخ : منووور منووور عمر طلع وراها يجري وع وجهه دقيق : انا اوريك يالبزر نجلا الي كانت تمشي بااتجاه البيت وقفت وأمنية لفت وراهاا وعمر صار قدامهاا !! : هاااي انت وخرر وش ذا بوجهك !!! أمنية تضحك وتمد له لسانها عمر ياخذ نفس ويناظر نجلا ويأشر ع وجهه : شوفي شسوت فيني تكب علي مويه وبعده دقيق والله لااادبها أمنية انحاشت لجدتها بعد ماقرب يمسكها من ورا نجلا منيره تمسك عصاتها بتضرب أمنية اللي دعست ع الصينيه وكسرت الفناجيل : ي الشيطانه وخرري عمر طيح ثلاجه القهوه برجله بدون ماينتبه وراح وراها جري لما لفت ورا البيت منيره تنهدت : المطفوقه في وحده تصحي زوجها بهالطريقه ياالله ان تعينك ياوليدي ع ماابتلاك نجلا تبتسم : هذا جزا اللي مايصحى بسرعه * أمنية انحشرت بالجهه الخلفيه للبيت مقفله مافي مهرب .. لفت ع عمر الي قرب منها وشكله يضحك بس مسكت ضحتها عشان مايعصب :اصبر اصبر انا الي وقفت غشش لاتمسكني ماهي رجوله روح يمين عشان اجري وعاد اذا مسكتني خلاص عمر وقف وتنح فيها وعلامات التعجب يحسها فوق راسه : العبب معك اناااا !!؟ أمنية تتوسع ابتسامتها من كثر ماهي ماسكه ضحكتها : لا مو لعب بس يعني حتى الهواش له قوانين عمر اخذ نفس بتعب من الجري وتوه صاحي : واللهِ ؟ أمنية تهز راسها : ايه يله روح يمين وماتتحرك الا اذا وصلت لزاويه البيت عشان غش اذا جريت وانا قريبه لانك اسرع طبعاً عمر تأملها شوي ..البزر النصابه ماتتغير .. تحرك يمين : اها طيب يله امشي أمنية : والله انك كفوو عمر ساكت ماتحرك وهو يشوفها تمشي بتردد وبس مرت من عنده .. مسك ذراعها بسرعه أمنية صرخت وتحاول تفلت منه وهو سكر فمها بيدده .. عمر يلف ذراعه حول رقبتها وهو مسكر فمها بيده ويمشيها معه : اووش تبين تنصبين علي امشي وانتِ ساكته أمنية تمشي معه وتحاول توخر يده عنها ويادوب تتكلم : ماارح اصرخ وخرر يدك عمر مارد عليها وهو يسحبها معه ودخلو باب البيت الخلفي .. ومشى لين المغسله ووخر يده عن فمها .. وناظرها فالمرايه قدامهم وهو لاف يده ع رقبتها .. حزن ع حال وجهه : يله غسلي وجهي أمنية بهدوء : طيب فكني كيف اغسله وانت وراي عمر وخر عنها ومسك يدها اليسار عشان ماتنحاش : يله غسلي أمنية واقفه جنبه .. فتحت المويه وهي تحس بتوتر : نزل راسك طيب عمر نزل راسه للمغسله وغمض .. أمنية دخلت يدها بالمويه الي صارت ترجف وتحاول تتحكم برجفتها .. غسلت وجهه .. والدقيق لاصق بلحيته تحاول تطلعه .. عمر مغمض وساكت .. يحس بيدها المرتجفه تمر ع ملامحه أمنية تغسل يدها : خلاص عمر فتح عيونه وناظرها كيف محمره .. وبهدوء اخذ يدها وباسها : مفروض مااقول شكراً بس شكراً أمنية سحبت يديها منه بقوه ورجعت ع ورا : غصبً عنك عمر شد ع اسنانه بقهر وهو يشوفها تروح تجري وشعرها يتحرك معها .. : هذي الي ماتمشي بالطيب × يوم الاثنين .. وقف عمر السياره عند الباب الي قالت له عليه جدته .. : متأكده ي جدتي هذا باب الحريم ام سعود تعدل عباتها : اييه شقالو لك مااتذكر نجلا : اييه ايه هذا بزر طلع منه عمر : تمام اذا تبون ترجعون البيت ارسلو لي نجلا : انا جوالي خليته بالبيت شغلت فيه سورة البقره أمنية فتحت بابها ونزلت .. تحس مرتبكه ونفس الشي نجلا كلهم يمشون ورا جدتهم .. انعزمو ع حنا والصدمه لما عرفو العروس هنادي صاحبتهم وهم صغار .. دخلو مع الباب وكان بااستقبالهم الحريم يهلون فيهم .. أمنية نزلت نقابها وهي تناظر الحوش المفروش بالسجاد الاحمر .. وكرسي العروس بالنص .. والسماعات الكبيره .. والحريم الكثار جالسين كذا عادي ع الارض واغلبهم بالعبايات والبزارين منتشرين فالمكان يلعبون ويجرون .. جلسو فالمكان الي قالو لهم عليه .. نجلا مسكت يد أمنية وهمست : نشيل عباياتنا ؟ أمنية تهمس : مدري اسألي جدتي انتِ اقرب لها نجلا لفت ع جدتها وهي تشوف البنات الي بااعمارهم عادي بدون عبايات .. ماامداها تسأل جدتها .. اخذت فنجان القهوه من البنت وابتسمت : تسلمين أمنية تعدل حجابها واخذت الفنجان ونزلته ع الارض رفعت راسها الا بنت ثانيه تمد لها صحن .. اخذت حبه معمول ورفضت تاخذ شوكولاته كفايه .. ام سعود الي سحبت ع البنات دقتها سوالف مع الحريم .. لفت ع نجلا بطفش : وش تبين انتِ قطعتي عباتي نجلا بشويش : نفصخ عباياتنا عادي ام سعود : عادي نجلا لفت ع أمنية الي سمعت جدتها : نشيلهم هنا ؟ احس شكلي غلط ماادري عن شعري كيف أمنية رفعت عيونها للبنت الي رجعت ومعها ثلاجه القهوه : بس ياقلبي تسلمين رحمه : فنجاان ؟ أمنية : لا والله بس الله يسعدك اا شسمه وين دورات المياه رحمه ابتسمت : تعالي انا اوصلك له نجلا اخذت شنطتها ووقفت : خلاص طيب جدتي حنا بنروح داخل ام سعود : ع كيفكن أمنية ونجلا مشو مع رحمه الي وصلتهم لدوراة المياه .. نزلو عباياتهم نجلا تعدل شعرها ع المرايه : كيف ؟ أمنية تتعطر : تهبليين رحمه واقفه تنتظرهم وتتبسم : ماشاءالله عليهم ترا للحين مااميز بينكم اعرف اسمائكم بس مااعرف اي وحده اسمها كذا نجلا ابتسمت : انا نجلا وهذي أمنية رحمه : تشرفنا انا رحمه اخت العروس نجلا وأمنية شهقو مع بعض بصدمه رحمه البزر .. الي كانت هنادي تنحاش عنها ماتبيها تلعب معهم لانها تعلم امها بكل شي .. نجلا تضحك : متى كبرتي ههههههه رحمه تبتسم بااحراج : توني بالثانويه المكياج يكبر ههههه أمنية : يااعمري رحمه : اذا خلصتو تعالو عند هنادي بالغرفه نفاجأها * أمنية وقفت عند الباب تشوف هنادي العروس بالغمره الخضرا .. وعندها بنتين يعدلون شعرها .. رحمه : هنوو شوفي من جبت لك هنادي لفت تناظر البنتين الي فيهم من بعض ومع انهم تغيرو عن زمان بس عرفتهم ع طول : نجلا وأمنية !!!!!؟؟؟ نجلا صاارخت بحمااس وراحت لها بسرعه وحضنو بعض بقووه .. وأمنية تناظرهم فعلاً هنادي ماتغيرت نفس الشكل بس ماتدري شخصيتها تغيرت ولا لاء كانت مصلحجيه وفتانه .. تقدمت بعد ماوخرت عنها نجلا وحضنتها بشويش : الفف مبرووك هنادي تناظرهم مو مصدقه : الله يباارك فيكم وربي احلا مفاجأه شوفتكم متى جيتوو نجلا : حبيبتي جدتي رجعت هنا وجينا عندها هالفتره هنادي تتأملهم : وش هالزييين ماشاءالله نوره جيبي القهوه للبنات نجلا : لا والله تقهوينا هنادي ناظرت أمنية : وش ي أمنية هااجده لاتقوليين عقلتي أمنية ضحكت : عاقله من يومي * جلست العروسه بالغمره الخضرا ع الكرسي بالنص .. والحريم يحنن يديها وحولها متجمعين ويصفقون .. وحرمه تدق الدربوكه وتغني .. والبنات معها الحنا الحنا يابنااات ع عروستنااا يابنااات وهييييصه هيييصه هيييصه ولمه والخاله والعمه هييصه عند العروسه هييصه عند العريس نفرح ونهيص هيييصه وادحرج واجري وتعالى ع حجري ي رماان دنا حجري حنين يارماان ياخذك ويميل نجلا و أمنية يرقصون فالنص مع البنات وهم مرره مبسوطاات ع الاجواء والدق يحمسس * بعد العشاا نجلا تلف بعيونها تدور أمنية ماتدري وين راحت .. شافتها جالسه عند حرمه ماتعرف منهي .. الحرمه كشيخه تمسح ع شعر أمنية : الله يرحمها كانت ونعم المعلمه مربيه الاجيال أمنية اللي ماتتذكر الحرمه بس راحت لها لما نادتنا وسلمت عليها قالت لها تعرف امها : امين نجلا سلمت ع الحرمه بذوق وبعدين لفت ع أمنية : جدتي تقول بنمشي أمنية تجاهد دموعها من طاري امها استاذنت الحرمه بعدين راحت تسلم ع هنادي قبل تروح الضيقه ماليه قلبها تبي بس تحط راسها ع المخده وتبكي اشتاقت لامها حييل الكل يذكرها بالخير حتى طالبات امها زمان سلمو عليها ويذكرون امها مخنوقه مخنوقه حيل ماصدقت لبست عباتها وطلعت مع جدتها ونجلا .. شافت سيارة عمر ينتظرهم .. ركبت بدون ماتقول شي او تناظره .. عمر يناظرها من المرايه صاده وتناظر الطريق .. يحس فيها شي × نهاية الجزء التــــاسع ..[/align] | |||||
|
| |
|
08-12-20, 04:09 PM
| #29 | |||||||||||
| نجم روايتي  
| الذين يشاهدون محتوى الموضوع الآن : 7 ( الأعضاء 4 والزوار 3) موضى و راكان, الذيذ ميمو, halloula, amana 98 فصل مبهج و أمنية مازالت شعنونة و مشاكسة مع عمر موفقة بإذن الله ... لك مني أجمل تحية . | |||||||||||
|
| |
|
10-12-20, 03:12 PM
| #30 | ||||||
| كاتبة في قسم وحي الاعضاء
| اقتباس:
شكراً لردك🤍🤍 الروايه باقي لها جزئين وتكتمل بإذن الله الي يقرأون بصمت ابي اشوفكم قبل النهايه 😁♥. | ||||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
11Likes
.png)
العرض العادي
