آخر 10 مشاركات
|
| |||||||||||||
| مشاهدة نتائج الإستطلاع: هل اكمل كتابتها ام لا ؟ | |||
| نعم |     | 40 | 100.00% |
| لا |    | 0 | 0% |
| المصوتون: 40. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
03-09-18, 09:11 PM
| #1 | ||||
|  روايتي نساء على الرف بسم الله الرحمن الرحيم السلام عليكم ورحمة الله وبركاته روايه كتبتها قبل كم سنه ولم انشرها ولم تكتمل بعد لكن احببت اخذ رايكم هل تستحق التكمله والقراءه🌹 ******* روابط الفصول الفصل الاول .. في المشاركة التالية الفصل الثاني ج1 الفصل الثاني ج2 ***************** التعديل الأخير تم بواسطة كاردينيا الغوازي ; 23-12-20 الساعة 09:41 PM | ||||
|
|
03-09-18, 09:14 PM
| #2 | ||||
| الفصل الاول بسم الله الرحمن الرحيم سلسله نساء على الرف صمتناx وكاد الصمت يقتلنا فبحنا ... وكاد البوح يردينا ..! اعلة في الناس هي ..؟؟ ام علة فينا ..!؟ / / يمه ياملكه انتي صحيتي لتطل عليها تلك بابتسامه رائعه مع باب المطبخ وهي تتوجه لها لتقبل راسها وتصبح عليها صبحك الله بالخير يمه بينما والدتها بحنانها المعهود تمسح على جديلتها بحب صباحك خير ورضى من الرحمن مازالت تتمعن في ملامح والدتها وكأن قلبها يتنبأ بكل ماهو مشؤوم سألتها يمه كيف ولد محمد يوم رحتي له البارح عساه طيب اكتسى وجه والدتها الحزن وتنهدت بضيق والله ماشفت فيه الا اللي شفته بابوي وامي رحمه الله عليهم يوم ماتوا ابوه وجهه غادي اسود وامه شافته مره وحده يوم نقلوه للعنايه بعدها ابوه واخوانها عيو يخلونها تشوفه اكملت بعد مابتلعت مراره الحزن ايش تشوف فيه ماهنا حياه الموت اقرب له من الحياه وهي تمسح دمعه بطرف جلالها آلمها قلبها وهي تستمع لامها و تبتلع عبرات وعبرات ابن اخيها محمد حاتم الصغير وبكره نعم اتذكره بعمر السنه والنصف والي الان وانا اتخيله بهذا العمر صغير جميل تتعالى ضحكاته وضحكاتنا رغم مرور السنه والسنوات على اخر مره شفته فيها والان صبي على اعتاب المراهقه انهكه المرض وانهك والديه اهي فعلا حوبتي تمثلت في وحش اكل جسد صغيرها بعد ايمانها وقسماتها على كتاب الله اشهدت زور وهي تعرف الحقيقه شهقت وهي تستغفر الله لتكون ظلمت ام مكلومه على ابنها وهي تدعي الله في سرها بان يشفيه شفاء لايغادر سقما لحقت والدتها للمطبخ وهي فاقده كل شهيتها للاكل في نفس البيت في الطابق العلوي لكن فصل قبل سنوات واصبح لاينتمي للمنزل بصله لا هو ولا افراده الدرج الموصل لداخل البيت اقفل قبل سنوات واضيف سلم خارجي امراه في الخامسه والثلاثين امتص المرض ابنها فمتصت معه عافيتها وزنها في الاربعين ممسكه بجوالها وتقضم باظافيرها وهي تهز قدمها وتسب وتشتم من تتصل عليه ولا يجيب بينما تتوعدها هين اكيد شايفه اتصالاتي ومطنشه زي العاده بس والله ما اسيبها ذحين لروح لبيتها واخيرا ردت لتهتف بها بانفعال وجنون تهربين مني يابنت امي وابوي بينما ردت الاخرى ببرود خير مقومتني من احلى نومه وليش ان شاء الله اتهرب ردت الاخرى وصوتها يتهدج للبكاء يالله قومي خلينا نروح لها نستسمح منها ومن امها ردت عليها بانفعال امل انتي مجنونه تبغين تخربين بيتنا كم مره اقول لك الله ستر علينا ليش تبغين تفضحينا وولدك اللي فيه ماهي حوبتها ولدك فيه ضمور بالمخ من الصغر ادعي الله يشفيه لك بدل الجنان اللي انتي بتسويينه امل ببكى وتأنيب ضمير لا والله انه منه بعد ماحلفت على المصحف وهو بحضني يرضع ماقعد الا كم شهر وهو طايح علينا والله انه منه انا مالي دخل بروح لها وبعلمها بينما الاخرى صرخت بها وهي تهددها خليك تروحين والله ثم والله ماينخرب الا بيتك وتطيح براسك تحسبين يوم انك بتعلمين ماراح تعلم هي وامها والله ان يجيبون القبيله من اولها لاقصاها عمي واخوانها لا تقارنينهم مع ابوي واخواني لو لا قدر الله انفضحت هاك السنين تعرفين ايش بيسوون بي ابوي واخواني ان يذبحوني باقرب صحراء ويرموني للكلاب وانتي تعرفين امي مسيكينه لاتقدر تدافع عنا ولا عن نفسها عاد ابوي تعرفين ماراح يخليها حتى هي بدون عقاب عشان ماعرفت تربي على قولته ان يمسها فالليل كف ويسطرها بالنهار كفوف ويحط فوق راسها مره تعرفين اللي عندنا عندهم مبدا داو المره بمره اللعينه تعرف كيف تسكتني ككل مره بامي المسكينه اكملت وهي تنفث سمومها واحقادها اما هي امها بنت شيوخ المجالس تقوم لها شفتيها كيف وقفت فوجه عمي وعيالها قالت بنتي والله ماتخرج من هالباب لو خرجتوها لاخرج معها يوم انهم بيودونها دار الحمايه وشوفيها كملت تعليمها وتخصص نادر ان احد من بناتنا يدخله وهذا هي قبل كم اسبوع اخذت الدكتوراه وشوفيها تدرس بالجامعه واحنا الضعوف اللي لاتعليم ولا شي ردت عليها امل حانقه عاد التعليم انتي ما بغيتي تكملين لاتظلمين اهلي يوم تزوجتي وتخرجتي من الثانوي وانتي تسيبينها رغم انك لا ولد ولا تلد ردت عليها مشاعل حانقه تعايريني يابنت امي وابوي اجل ماالوم الناس يوم يعايروني وهي تقفل الخط في وجهها كشرت امل وهي تتحسر على نفسها وعلى ولدها وعلى شخصيتها دايما تطلعني اني انا الغلطانه وهي الاغلاط راكبتها من ساسها لراسها بينما مشاعل خرجت من سريرها وهي تتوجه للحمام لاخذ دش ينعش صباحها وهي تردد في نفسها هذي صدق استخفت تبغى تجنني معها ماترتاح لين تشركني في جنانها مهبوله منصدقها تحسب لو اعترفت انهم نسوا السالفه ويسكتون لها لاوالله ان يذبحوني بس اكيد ان اللي بيذبحني مو ابوي ولا اخواني اكيد عياد بيحطني على القبله ويذبحني اتذكره زمان يوم يصارخ ويقول خرجوها لي والله ما يغسل عاري وعاركم الا انا واخوانه يقضبونه لا والله بتجيب لنا مصيبه وحتى هي الخبله بتروح فيها محمد ان يطلقها وياخذ عيالها ونروح للغبنه والمذله عند ابوي واخواني عندهم المره كلها عار ومايدانون الكلمه على عوانيهم ياالله ان تستر علينا زي ماسترت علينا قبل يالله انك تعلم اني تبت من يومها / / عياد من بعد صلاه الفجر وهو مازال في سيارته من امس ابوه واخوانه ازعجوه بأتصالاتهم عشان يجيهم عند حلالهم مشغل الاذاعه الصباحيه وتفكيره بعيد عن مايسمعه يحمد الله انها خرجه بدون عوائل ما له خلق يسألونه ليش ماجبتها معك زي دايم لا هو يقول لها عن خرجاتهم واصلا حتى لو قال لها ماراح تجي مدري ليش يحسها تجنب اهله وخاصه اخته تنهد وهو يتذكر مشاغله ومشاريعه وزاد عليها اتصال من صاحبه رئيس قسم في جامعه الناصر يبغاه يقدم دورات لطلاب السنه الاخيره في اداره الاعمال بالجامعة هو كل سنه يعطيهم دورات بما انه كان احد الطلاب الاوائل في الجامعه بعدها كان محاضر واخذ الماجستير والدكتوراه بعدها قدم استقالته وتفرغ لاعماله واصبحت شركته من الشركات الرائده في البناء والxxxxات وسلسله فنادق ضخمه حتى انه اصبح معروف اعلاميا كنموذج للشباب المشرف هو ماعنده مانع يقدم دورات للطلاب بس المشكله ان الدوره هذي المره للطالبات وهو مستحيل يقدمها ماهي عدم ثقه بنفسه بس مافحاله للمغثه وصدعت البنات فهو يعتبرهم عله على القلب مايجي من وراهم الا البلاوي غير امه واخته طبعا فهم مقدسات عنده بكره يفكر بحل يرضيه ويرضي صديقه وصل اراضي ابوه في مكان يقاله الودنه تبعد عن مدينتهم 150 كيلو و هو يشوف اخوانه عند سياره جيب ربع واقفين برا المزرعه ينزلون حطب واخوه ناصر شايل معه حبحب وشمام جايبها معه من المزرعه نزل هو يسلم عليهم وهو يقول له يااخي فاتك امس الجو جانا مطر بس ابوي الله يهديه خرب الجو علينا خلانا نطارد الحلال مع الرعيان عشان ندخله عن المطر وكل ما نجي نقرب من الباب بندخل بعصاته يردنا عياد وهو يناظر حوالينه لبرك الماء المنتشره في الارض والله ماشاء الله شكله جاي خير رغم احنا ماجانا شي البارح بس كان فيه غيم رد تركي وهو يمسح على بطنه يالله خلونا ندخل للفطور تراني ما امسيت البارح من الجوع من كثر المطارده وراء البهم تهضم العشاء وبت وانا اتقولب في فراشي عدني اكل ناصر ابو سنون بس خفت التقويم ينشب في ضروسي بينما ثلاثتهم بقاماتهم الفارعه يدخلون مع باب المزرعه وناصر يهتف حانقا عليه عاد اذا انا ابو سنون انت ابو بطين شوف كرشتك كيف مدليه الظاهر لوبلعتني البارح بتلحق بابوي والرعيان معي يحمد ربه عياد انه ماهو معنا والا كان لحقته بنا بينما الاخر يشد ثوبه على بطنه وهو يواجه عياد /عياد سألتك بالله لا دس علي انا لي كرش نظر له عياد نظره مقيم وهو يقول له ممازحا لكن بأسلوب عياد الجدي لا يعرف الشخص هي مزحه ام جد نويصر ربط اسنونه وانت بعد من زمان كنت بشور عليك تربط معدتك بس خفت عليك من توابع العمليه بينما لكزه ناصر وهو يشوف الرعب في وجه تركي فهو معروف باهتمامه المبالغ فيه بجسمه حتى انه مسوي في بيتهم جيم مصغر له واخوانه ابتسمع عياد وهو يدخل المجلس وينحني على راس ابيه ويقبله ويسأل عن حاله وناصر يدخل وراه معه الحبحب والشمام اخذهم من تركي اللي مازال على وضعه فالحوش ويناظر بكرشه بصدمه / / لتو استيقضت بعد سهره قضتها مع ابنتها ذات الاربع سنين وهاهي تنحني لتطبع عده قبلات على وجه صغيرتها وهي تحاول ان توقضها نوره بصوتها الهادي كطبعها /توتو حبيبت ماما يالله قومي خلينا نروح عند يمه مازالت توزع قبلاتها عليها وتحرك اصابعها على بطنها وخاصرتها لتفتح تلك الملاك عينينها وهي تبتسم لامها وتنحني عليها وهي تقول يالله عطي ماما بوسه قويه لتنقل ترف يديها الصغيرتين على جانبي وجه والدتها وهي تطبع قبله رقيقه كرقتها بينما تشدها والدتها بحنو بالغ وهي تقول لا انا قلت قويه مرره لتطبع قبله مع عضه ونوره تبعد وجهها لترفع يدها وتمسح مكان العضه و ليست القبله وهي تقول لها انا قلت بوسه مو تعضين بينما تتعالى ضحكات الصغيره لتنزلها من على السرير حتى تغسل لها وتلبسها استعدادا للنزول للاسفل بعد عشر دقائق نزلت بخطواتها الهاديه وابنتها تسبقها بفستان ابيض وورود صفراء بارده موزعه عليه وتبتسم وتدعي الله في سرها ان يحفظها لها تعلقت الصغيره بجدتها وهي تطبع قبلاتها عليها وتقول يالله ان تصبحكم بالخير وتنحني نوره تقبل والدتها وهي ترد بابتسامه زادتها جمالا الله يصبحك بالخير والسرور كيف امسيتي البارح وابي العزيز ماهو جنبك لترد ام عياد بابتسامه هو بس ابيك حتى اخوانك اخذهم معه هذا هو عياد بعد الفجر مر علي يسلم ويقول بيمشي لمهم ردت نوره بحنان ياعيني عليه الله يحفظه ويحفظهم طريق السلامه لتهتف والدتها بحنق تعرفين اني اول مره ادري ان ابوك حسود ايش فيها لو اخذنا معه احنا والعوول كأنا بنركب على ظهورهم يادافع البلاء والا بناكل عشاهم بينما نوره ردت عليها وهي تضحك وتقول تدرين بتصل بابوي الحين وبعلمه انك زعلانه عشان يرجع ياخذك لترد والدتها بغضب اصلا من قال اني بروح معه والله ماروح وهذاني حلفت يقول انه مواعد رجاجيل بيجون لمهم اتصلي على نويصر شوفي الرجاجيل اللي يقول عنهم جوهم والا لا لتكتم نوره ضحكتها وهي تنحني لتقبل راس والدتها وتقول يمه الله يهداك كاني اشم ريحه انك تكذبين ابوي لتهتف والدتها وهي تضع يدها على صدرها وهي تقول لا والله محشوم ابو عياد عن كل فعلا ردي والله ماشفت منه الا الفعول الزينه وربي يشهد علي رجال يوم قللت الرجاجيل بس انا تعرفيني طبعي اقشر اذا خلا البيت منهم لتمسك نوره طرف جلالها وهي تقول بحزن يعني انا وبنتي هالمزيونه مانكفيك خلاص بقوم اتصل عليهم واقولهم ترا امي مكسره الدنيا تقول مشتاقه لابو عياد جيبوه لها لا تخربونه لتبتعد عن امها يوم مسكت فنجان القهوه البارد الموضوع امامها حتى ترمي بما فيه عليها وهي تتحسس ملابسها و تقول لا يمه الله يهديك هالجلابيه توي لابستها لتنظر لها والدتها بحب وهي تقول لها روحي افطري وفطري بنتك تلقين القرصان بالحافظه والحليب بالثلاجه موطاه عندها لتاخذ ابنتها من حضن والدتها وهي تقول لها طيب اجيب الفطور تفطرين معنا لترد ام عياد وهي تقف وترتب جلالها لا الله يسلمك سبقتكم بالعافيه عليكم بروح اريح شوي ماباقي الا كم ساعه عن اذان الجمعه / / / تستمع لخطبه الجمعه من الحرم المكي في راديو والدتها وهي تتنقل في البيت بمبخرتها وروائح العود تذكرها بايام مضت بالمناسبات والحفلات والاعياد ووالد كان قبل صلاه الجمعه يغدق على نفسه بالبخور والعوده كل هذا تلاشي واصبح من الذكرى لا مناسبات ولا حفلات ولا اعياد ولا ولا ولا والد غصه تكومت في حنجرتها والد حي لكن حرم نفسه عليها وتبرأ منها واخوه كانوا في ما مضى سند وتخلو عنها واخوات ثلاث اميره وساره وفرح الصغرى تزوجن اميره وساره بعد الحادثه بسنه اشفق على اميره فهي كادت ان تطلق بذنب لا انا ارتكبته ولا هي لها يد فيه لكن يد الشيطان القذره هي من حاكت ودبرت واجزم انها هي لكن اين الدليل نعم اتذكرها وكانها اليوم وليست قبل 15 سنه تقريبا في سادس يوم من عيد الفطر رن التلفون وكان اخوي مشعل يوصيني اروح المجالس عشان ابخرها وارتبها بيجون رجال لمهم غسلت ولبست جلابيه بيت نزلت المطبخ واخذت البخور حطيت جلالي على راسي ورحت للباب اللي داخل البيت يوصل للمجالس بفتحه مانفتح دورت المفتاح مالقيته تحركت قلت خلاص بروح مع الباب اللي برا فتحت الباب الرئيسي وتلفت يمين ويسار ماشفت احد والبوابه الكبيره بابها كان مردود دخلت وانا اسمي الله رتبت وبخرت وانا طالعه ماسكه الباب بقفله واشوف مشاعل بنت عمي اصغر مني بسنه هي ثالث متوسط وانا اولى ثانوي لابسه عباتها وحاطه الطرحه على شعرها ومتزينه يوم شافتني والله اذكرها لذحين وجها غدا الوان ومبققه عيونها وانا بفتح فمي بقول لها ارجعي وين رايحه خلينا نفطر ونستانس وانا عارفه ان ماوراها وناسه وهي ترجع على طول داخل بعدها سمعت اصوات من برا وبس يادوبي لمحت قفى واحد خارج بتحرك بشرد وانا انتبه ان فيه كيس فيه قلوب وطالعه منه ورد قربت منه قلت اكيد حقها يوم بشيله عشان اخذه لها قلت اكيد انها سمعت صوت اخواني وخافت يشوفونها ماجاء على بالي ان الرجال اللي ماشفت غير قفاه جاي لها وهذي هداياه يادوب برفعها ماحسيت بنفسي الا وانا مرفوعه ومحمد اخوي كأن الشياطين تحوم حول راسه واسمع اصوات وصريخ ماحسيت بنفسي والا انا محذوفه بغرفه امي ماخلى في عظم صاحي مااكسره امي تحاول يفكني وهو مثل الكلبشه مسك فيني مافكني الا يوم شاف امي تبكي وتقول والله لااغضب عليك وكل شوي واحد من اخواني يدخل يتفل بوجهي ويروح حتى فارس البزر ابو 12 سنه تفل بوجهي بعدها سمعت صوت فالصاله يقول خرجوها لي والله ثم والله ما يغسل عاري وعاركم الا انا عرفت انه عياد ولد عمي كان مملك علي وقف صراخه بعد ماسمعت صوت ابوي وانا انتفض لين عد يغمى علي عارفه لوصل الامر لابوي ان يدخله علي ويذبحني بعد فتره دخل ابوي وطالع فيني قال والله حجت يمينكم كان ذبحتوها احسن ويتفل بوجهي ويرفعني بعد مااخذت المقسوم من ابوي وامي تدق الباب وتنادي وتقول والله لا اشرف القبايل فيكم بنتي ترفع عن هالسوايا والله والله انه ينصلى على طرف ثوبها واغيب عن الوعي وبعد مده افتح عيوني واشوفه زي ماهو ماتحرك من مكانه كأنه يتحرى ملك الموت ينزل علي احاول اتكلم بس كل شي فيني ينزف فمي كله ينزف مدري هو من اسناني والا لساني وحنكي احسه ماهو مكانه بحاول ارفع يدي اناديه يديني ماطاوعني كل شي فيني مكسر واتمتم ب يارب يارب فجاءه ابوي قام وقفل الباب معه وشوي اصواتهم ترتفع وتنخفض من صمم يجيني فجاءه ودوار يلف راسي بعدها ماحسيت بشي الا يوم صحيت وانا فالمستشفى وعند راسي امي الله يخليها لي وعرفت بعدها ان ابوي كان بيحطني في دار الحمايه وامي رفضت وقالت انت تبغى تفضح بنا عند القبايل والله ثم والله اني لروح معها وين ماراحت خيرها بيني وبين عيالها وبينه هو واختارتني انا مدري كيف اجازيها وابوي اخذ اخواني حتى فرح ام تسع سنين اخذها وحطهم عند حرمته الثانيه ام حسام معلمه يعلم الله ماجانا منها شي ماندري خيرها من شرها بعدها بسنه تزوجوا اخواتي كانن مكتوب كتابهن بس الشر المشتر عبدالله ولد عمي سعد كسر بخاطر اميره قال ماعاد لي عازه بها ايش يضمني انها ماهي مثل اختها الجربا ياليت اخواني وابوي ماعطوه اميره والله انها اميره على اسمها وانه مايستاهلها بس ابوي واخواني متفشلين ومنكسر ظهرهم حتى لو اسمعوه يقولها مالهم وجهه يتكلمون اما حمد رجال ساره اخذ حرمته وماتكلم البلاء والله البلاء من اللي مايتكلم ياالله ان توفقهم وتسعدهم وتسخر لهم رجاجيلهم تزوجوا وخلفوا وانا ماشفت ضنى وحده منهم لو اشوفه بالشارع معرفه اما ياعيني عليها وياحزني فرح عمرها 23 سنه ولين الحين مااحد خطبها رغم مااحد يعرف بالقصه الا اقاربنا يمكن عشان عارفين انا مانزوج الا من اقاربنا وشباب العائله مايبغون وحده يمكن اختها لوثتها بجيناتها مشعل كمان تزوج وتقول امي ان جاله ولد وفرحانه امي بتروح بعد العصر تبارك لهم سمعت امها تقول لها يابنت البخور انحرق جدديه والا خلاص وديه المطبخ وطفيه وانتبهي للاكل على النار انا بروح اصلي الجمعه راحت المطبخ وهي تشوف الشغاله تغسل المواعين الشغاله وهي تبتسم لها سنين وهي عندهم وهي تأشر على البخور في يد ملكه هذا مرره ريحه حلو احنا فالبلد مافيه عندنا انا اذا روح للبلد اخذ معي ردت عليها ملكه بابتسامه وهي توعدها وعد لو خلاص انتي يسافر للبلد انا اشتري لك هديه لك وللجماعه بس ترا بحزن لو سافرتي بينما امتلئت الدموع في عيون نور ستي وهي تقول مشكووور ماما انتي مررره كويس وماما كبير مره كويس انا يحبو توجهت للقدور على الفرن لتفتح عن احداهما وهو تقول الله ملوخيه ومن يد امي وهي تاخذ ملعقه وتذوقها وتطفي عليها النار وتفتح القدر الثاني وهي تشوفه رز سليق قفلت عليه الغطاء وقصرة على النار عشان تروح تصلي هي كمان / / / بيت اخر من البيوت الملاصقه بيت عبدالعزيز بن جابر مجلس العائله كهل يتوسط ابنائه بعد الغداء العائلي اللي جمع عياله كلهم وزوجاتهم ماعدا عجلان مابعد تزوج الله رزقه بخلفه كلها عيال فقد واحد منهم الوسطاني جابر وهو دايم يدعي الله ان يجبر قلبه بعياله وعيالهم وببنت جابر الله يرحمه لكز ثابت ذا الاربعه عشر سنه بعصاه وهو يقول له قم روح لبيت خالك جيب لنا بنيتنا قام من مقعده وهو يقول برجوله رغم صغر سنه يبه والله استحي ادق عليهم وما احدن من الرجال فيه بعدين امها دوم يوم باخذها اسمعها تقول قولوا له ينتبه لا يطرحها ليش شايفتني بزر والله لو لا حشمت ابو عياد كان اقول لها انتي البزر ردت عليه امه وهي تضحك وتقول ياعيني عليها والله ماتقصد هي فاكرتك يوم كانت عندنا كنت صغير وهي تحسبك لذحين صغير مادرت انك غديت رجال بسم الله عليك رد عليها وهو يمسد ثوبه من اثر الجلوس بعدين كمان هي مررره صكه بنتها ماشاء الله تمشي وتبغى احد يشيلها الظاهر لو تطيح ماتدرون الا الشرطه عند الباب جايبتهم لي لا اسمح لي يبه مااقدر اروح اجيبها خل عجلان رد عليه ابوه وهو حانق تحشم وانت تكلم عن ام ترف الله يرفع قدرها ماشفت مثلها ولا بشوف اسرع ليقبل راس ابيه وهو يقول اسف يبه والله مااقصد تراها مزحه قلت كود انك تعذر ترسلني اجيبها التفت له اخيه الكبير سالم وهو يقول له رح وانا بدق على واحد من العيال يكلمونهم يجهزونها بيما ردت امه تقول بنفي لا لا لا تدق عليهم انا ذحين اتصل عليها اقول لها اخذت جوالها من جيب قميصها الروز وهي تعديه على عجلان هاك طلع لي رقم ام ترف اشرق وجهها وهي تسمع صوتها بينما جلس ثابت على المركى وابوه ينهره ويقول له ليش جلست قم روح رد على ابوه بمرح وهو يقول يبه انا من اول واقف تقال دله فالمجلس على بال امي تسأل عن الحال والاحوال وكيف جيرانكم ومن يعز عليكم كيد ابو صالح مذن لصلاه العصر بعدين تذكر وتقول ترا بيجي ثويبت ابوه مرسله يجيب بنيتنا المزيونه من عندكم واكيد امها بتقول كالعاده خلوه سكت يوم شاف ابوه يخزه بعيونه وهو يقول خلوني اسكت لابوي يحذفني بالفنجال يخلي وجههي خريطه بينما رفع إخيه عايد راسه بعد ماادخل جواله في جيبه قم روح جيبها بسرعه قبل لا اروح عندي شغل التفت له والده وهو يقول له منين جالك الشغل واليوم اجازه رد بابتسامه يبه تدري اني توي عريس مشغول مع مرتي رد عليه ابوه حانق ايا قليل الادب يا الرخمه تحشم تقولها عندي وعند اخوانك بينما اخوانه كلن يكتم ضحكته فهم فهموا مقصد عايد ووالده فهم امر اخر تماما اعتلى الاحمرار وجهه وهو يقول يبه الله يهداك مااقصد اللي جاء فبالك اقصد اني واعدها امشيها على البر العصر هو يحب كتف ابيه رد ابو سالم بشي من الحده حتى انت الله يهديك هذا كلام مااحد يقوله تراه يابيك ينفهم كذا وكذا الواحد قبل لا يقول الكلام يوزنه بس انت الله يصلحك شكل الزواج خبل بك بينما سالم وعجلان كلا منهما كاتم على ضحكته وخايفين تنفجر وياخذون من ابوهم تهزيئه رد ابو سالم بحنان وهو يقول والله اني يوم اشد عليكم مابغى احد يمسك عليكم الزله ليقوم ثلاثتهم ويقبلون راسه وراس والدتهم اللتي مازالت تتحدث في الهاتف بينما عجلان وهو منحني على راس امه قال يمه قولي لها ثابت جاكم ياخذ البنت وكأنها تذكرت ايو الله يام ترف ترا نسيت جاكم ثويبت بياخذ بنيتنا المزيونه سكتت قليلا لتقول بعدها ايه ان شاء الله تراه غادي الحين رجال بسم الله عليه يعرف يشيلها بينما قهقه ثلاثتهم وعجلان يقول مصيبه ثويبت حافظ الحوار من كثر المراسيل الله يعينه بينما سالم يضحك ويقول استنى ذحين يدخل علينا حامش وهو يقول الطعلوني برا فالشموس صكتني الشمس لين قلت امين يمه تعالي اصبخي علي راسي حنا عشان ماتجيني ضربه شمس وهذي مرت ولدكم كم مره تقول انتبه لا تطيحها وفعلا بعد مده دخل عليهم ثابت حامش على قولته وقال هو يدخل ترف صكتني الشمس لين قلت امين يمه تعالي حطي علي صبوخ بس قبل لا يطلع التفت عليهم قال غريبه مرت ولدكم ماقالت انتبه لا تطيح البنت راح وهو يقول خلاص يمه ماابغى صبوخ اثر الحراره اللي قبل بتفقع راسي ماهي من الشمس من مرت ولدكم يوم انها تشوفني بزر بينما ترف هلكت بالقبلات كل واحد فيهم حاضنها يما يعطيها بوسات والا يقول لها حبيني فهي بنت الغالي اخيهم بينما جدتها اشفقت عليها يوم شافتها تململت وبتبكي وهي تنهرهم خلاص حرام عليكم كليتوا البنت بترسلونها لامها ماهنا خدود / / / يوم جديد للتو يدخل لبيته نظر للساعه باقي ساعه على اذان المغرب جلس يبحث عنها في الغرف وهو ينادي مشاعل يابنت سعد ولا مجيب غضب وهو كذا مره يقول لها لا تخرج من البيت الا بأذنه رفع جواله ليتصل عليها اتاه صوتها بعد عده رنات ليقول ببرود يخفي خلفه غضبه السلام عليكم يابنت سعد ردت وهي تجاهد ان يخرج صوتها غير مهزوز وعليكم السلام هلا رد بغضب انتي وين طاسه كم مره اقول لك لاتخرجين لين تعطيني خبر قالت بربكه وخوف والله اتصلت بس جوالك مقفل ورحت عند بيت اهلي اختي ام حاتم عندهم وتعرف مسيكينه ولدها تعبان ورحت بشوفها قال وهو يحاول ان يكتم غضبه وكذابه بعد الجوال كانت الابراج فل وماقفلته ابدا ردت وهي تكاد تبكي والله اني اتصلت مدري يمكن لخبطت الشبكه قال بشي من الحده خلاص بعدين نتفاهم واقفل الخط بينما اختها تخزها بعينها وتقول لها عاد من جد اتصلتي والا كذبه ردت عليها وهي تمثل اللامبالاه وليش ان شاء الله اتصل عليه وهو رايح يفلها وسايبني تقال كرسي بالبيت ماهو كل شي يمشي على كيفهم آل ناهر يبغون يمشون الناس على كيفهم ردت عليها امها ام عبدالله بعتب بعد ما سمعت حكيها والله اني ماعرفت اربي هذا قولك لرجالك تكذبين عليه وتطلعين من شوره وايش فيهم آل ناهر ماهم اهلك جدانك وعمانك وخوالك واخوانك سند لكم بعد الله ماشفنا منهم الا كل خير يعني اذا على الشده شديدين ودمهم حار بس مايظلمون ابد ويخافون على عوانيهم من النسمه الطايره شوفي ماشاء الله ام سالم وام عياد من احترامهم لرجاجيلهم اذا جلسن مالهن مقعاد الا جنبهن في صدر المجلس حتى ام محمد رغم اللي صار لذحين ابو محمد متشفق يبغى وصلها بس يكابر حتى قبل كم سنه يوم سوا العمليه قبل لا يخرج من المستشفى قال ودوني للمجالس بس المغضوبه لاتطل علي ولا شوف وجهها لين اشتد عوده وعود على بيته الثاني قالت مشاعل بشي من التهكم وابوي اي واحد فيهم ردت اختها فوز حانقه مشاعل عيب عليك بينما امها تابعت بحنكه عجوز وانتي ايش دراك عن ابوك طول عمري الحمدلله عايشه معه وانا راضيه به وهو راضي بي لايغرك الشده اللي تخرج منه بعض الرجال كذا طبعهم بس حد لا ينصك الباب عليه وعلى مرته يظهر شخص ثاني وهذا هو ابوكم وانا خلاص عرفت طبعه وتعودت عليه ردت مشاعل ومازالت تعاند اجل اذا كلهم كذا فيه واحد يكفي عنهم كلهم وهو اللي خرب سمعت آل ناهر بينما اختها فوز تعض على شفتها بانها تجاوزت الحدود لو طلع الكلام لزوجها مؤكد ان بيتها بيخرب على خرابه لتدخل اميره وهي تحمل ابنها بعمر السنه وخلفها فتاتين وحده بعمر الثمان سنوات والاخرى بعمر الخامسه وهي تقول عمه انا خلاص رايحه ابو سعد جاي بالطريق ترا كنت عند امل كل شوي تستفرغ ماجلس في معدتها شي شوفوها في غرفه فوز منسدحه الله يرفع عنها ويشفي وليدها ولا يرينا في احبابنا شر يالله مع السلامه رددن جميعا باصوات متفاوته مع السلامه لتقف ام عبدالله لتذهب لابنتها وهي تدعوا الله ان لايريهم مكروه ويرفع عنهم البلاء وتلتفت مشاعل لفوز المنشغله بهاتفها تراسل صديقاتها فالقروب ماشاء الله اخيك عبدالله ماعنده وقت هلك المره كل شوي حامل ببزر بينما نظرت لها فوز مستاءه اذكري الله لاتنظلينهم تراهم بطريق بعدين اللي يشوفك يقول شفقانه عليها وانتي ماتواطنينها لتقول الاخرى ببرود وليش ماواطنها لا تكذبين علي مرت اخي وبنت عمي بس فعلا انا اشوف لو تنظم نفسها احسن بينما الاخرى وقفت وهي تهتف بها يالله قومي خلينا نشوف امل و نعاون امي عليها لترد تلك والله مالي خلق اختك تجننت وبتجننا معها لتنفض فوز يدها وتكشر في وجهها وتخرج من المجلس بينما هي جلست تفكر بحيله كيف تقدر تجيب راس عياد وتجعله خاتم باصبعها وهي تفرك خاتم زواجها في اصبعها وعيونها تقدح بمكر / / / جالس امام جهازه وهو يتصفح بريده ليجد عده رسائل ومن ضمنها رساله من الجامعه يخبرونه بحاجتهم له لكي يلقى بعض الدورات على طلابها فقط تستمر لشهرين وانها عن طريق الشبكات التلفزيونيه لانها لطالبات التخرج بينما رفع شفته باستياء وهو يهم بالرد عليهم ليلفت انتباهه اسفل الرساله رابط لصفحه الجامعه قسم البنات دخل عليه ليقرا بعض العناوين والتبريكات ليتصاعد غضب اسود مر وهو يرا التهاني والتبريكات بأسم الجامعه للدكتوره ملكه بنت سعود ال ناهر لحصولها على الدكتوراه في نظم المعلومات الاداريه وكانها تتحداه وتضع راسها براسه وهي تدخل لقسم يندرج تحت قسمه بينما هو يهتف ويكاد ينفجر بغضبه اللي ماتستحي لها وجهه تقابل الناس المفروض اللي مثلها تدفن راسها بالحياء صدق اللي استحوا ماتوا مافوجهها حياء قليله الادب الكل**** ويشتم بالفاظ سوقيه من الغبنه لو سمعها احد لاستغرب انها تطلع من شخصيه كشخصيه عياد فهو جاد حازم عملي مايجامل ولا يقبل المجاملات لكنه لبق وحذر في تعاملاته يدور في غرفه المكتب وهو في حاله هيجان صدره يهبط ويرتفع وهو يشد شعره ليلكم جانب دولاب الكتب ويحطمه ثواني لتدخل مشاعل بخوف بعد ماسمعت الصوت لتتراجع على الفور وهي تقفل الباب وتلطم على وجهها يمه هذا ايش فيه ليكون بس حاط تسجيل في جوالي ويخليه يسمع ايش اقول عنه والا ليش يحط تسجيل هذا بس يطالع في عيون الواحد ويعرف على طول ايش اللي مخفيه يمه منه يمه الله يكفيني شره وهي تتوجه للمطبخ لتكمل عشائها / / / جالسه تشرب شاي مع والدتها لتقول والدتها ياسبحان الله وليد مشعل لو شفتيه نسخه من عيال اميره والله كأني اطالع في عيال اميره يوم انهم صغار وفيه حبه حمراء وحمه عند اذنه بينما امسكت ملكه كوبها وهي تسيطر على ارتعاشها فهذا حالها عندما تذكر امها صغار اخوتها ارتعاشه شوق لااكثر وهي تقول لامها بنبره حزن يمه انا ماقد شفت عيال اميره عشان اعرف هو يشبه لهم والا لا انا لو شفت احد منهم فالشارع ماعرفته الله يخليه له اردفت بعدها بتذكر وهي تقول يمه بحط له مبلغ في ظرف وحطيه له هذا حالها مع ابناء اخوتها ظرف يوضع به مبلغ كبير ولا يعرفون من وضعه وبه بعض الكلمات الحنونه والرقيقه كطبعها ردت امها بحزن فهي نسيت مشاعر ملكه في خضم فرحتها الله يرضى عليك يابنتي شده وتزول واسأل الله ان ينصرك على من ظلمك بينما تردد في نفسهااعلم يا ابنتي بأنك مظلومه لاظالمه واحمدالله انك مظلومه ولا ظالمه فالمظلوم تفتح له ابواب السماء اما الظالم له عقابين بالدنيا والاخره اتذكر بعد خروجها من المستشفى وتحسنت صحتها قلت لها قولي الصدق وانا ماعهدتك كذابه وترا قبل لاتحكين بجيب المصحف تحلفين عليه انك صادقه هزت راسها وهي تنشج من البكاء وبعد ماخلصت السالفه وانا احط المصحف مره ثانيه قدامها قلت احلفي انك تقولينه صادقه وحلفت بدل المره مرتين وانا يتصاعد الم في روحي عليها اعلم بانها صادقه لكن ليطمئن قلبي حتى لو اواجه امل ومشاعل اكون على حق طلعت لامل قبل لايفصلون الدرج وقلت لها اتصلي على اختك مشاعل قالت بربكه والدم ينسحب من وجهها ليش عمه هي سوت شي قلت بجس نبضها هي يوم المشكله كانت فيه قالت بشهقه وكأن روحها بتطلع معها لا ليش وعرفت انها تكذب قلت بس عشان هي قابلتني مع الباب وسلمت علي قالت بتطلع عندك وسألت حتى عن البنات قلت لها نايمات انا اقول هالكلام واستغفر لاني ماقابلتها بس بشوف تعترف قالت بربكه وحرج ايه صح جات نسيت من الخلعه نسيت والله بس جات شوي وراحت قلت وانا اخزها بعيوني ماعليه اجل اتصلي عليها يمكن شافت شي ردت بسرعه وهي تنفي لا مررره ماشفنا شي وكمان هي مانزلت حتى يوم سمعنا الاصوات نحسب العيال متمشكلين مع ولد جارنا المسطول رديت عليها بحده ماهي من طبعي معها وانكمشت وهي تقول خلاص ذحين اقول لها لتدخل الغرفه وبعد نص ساعه طلعت وهي تقول كاهي جايه بالطريق بعد ماجات مشاعل وانا اجلس اقول لها ماقالت ملكه وهي تدخل في عيني بكل وقاحه وتقول بنتك كذابه وانتي بتحطين الفضيحه علي تبغين تشوهين سمعتي عشان تنظفين وساخه بنتك انا ايش دخلني يوم بنتك تغلط تحطون الغلط علي وتجلس تبكي قلت لها انا لو ابغى افضح بك على قولتك ماكان ناديتك انتي واختك وسألتك كان رحت على طول ودخلت فيها مشايخ القبايل ويطلعون من الصادق ومن الكاذب بس انا ماابغى الفضيحه فضيحتين كلكم اعدكم بناتي قالت مقاطعه وهي تبكي يعني عشان امي ضعيفه مادافع عنا تبغين تحطينها في بناتها الله على الظالم قلت وانا اغلي من داخلي فانا اعرف الكاذب من عيونه وهي كانت تكذب بس ليست كاختها زوجه ولدي اختها مربتكه وخايفه لكن هي كانت محترفه قويه عين تدخل في عين الواحد وتكذبه رغم صغر سنها قلت عشان ابري ذمتي من بنتي اني حاولت اساعدها بس ماقدرت اجل تحلفون على كتاب الله زي ماحلفت ملكه تحلفون شهقت امل وهي تقول عمه يعني ماانتي مصدقتني تبغين تحلفينا على كتاب الله وانا ام ولد قلت لها وولدها يرضع في حضنها اذا انكم صادقين ماهنا خلاف والحلفه بتنرد لبنتي اذا انها كاذبه قالت ولو ياعمه قاطعتها اختها وهي تقول وليش مانحلف لا كذبنا ولا سوينا جريمه عشان ننفضح بها وحلفوا على المصحف وتركتهم وانا اتحسب واقول عسى من قهرني ببنتي الله يكافيه بأعز ماعنده نزلت وانا فيني سخونه من القهر تنفضني نفض التفتت لابنتها وجدتها تحادث بجوالها وتضحك لتسألها انتي تراسلين من يوم ان شدوقك شوي وتقطع لتهتف ملكه بغموض وفرح وهي تقول وحده من زميلاتي بالعمل تقولي بسالفه نهضت وهي تقول زين يمك انا بروح اصلي قيامي وارقد تصبحين علي خير بينما نهضت ملكه وهي تقبل خد والدتها وهي تقول تصبحين باحلام سعيده بابوي العزيز لتمسح الاخرى خدها وهي تقول لها حانقه على الكلام اللي قالته وليس على القبله كم مره قايله لك لاعاد تحبين خدي حبتك ماهي بحلوه بينما الاخرى عرفت قصدها لكن ردت بمراوغه وهي تقول وانا ايش اللي عرفني خدك دعاني وانا لبييت له الدعوه حتى شوفي خدك الثاني زعلان يبغى له بوسه وانحنت لتقبل والدتها بقوه ووالدتها تتجه الي غرفتها وهي تقول والله من الخبال اللي فيك كسرتي خدي لابارك الله في عدوينك بينما هي تضحك واخذت هاتفها لتكمل محادثتها مع صديقه عمرها رغم فرق السنوات بينهم فهي في 31 وصديقتها 29 / / / مستلقيه بجانب ابنتها و في يدها جوالها تصور ابنتها وهي نايمه وترسل للمتحدث معها الصور وبعدها تبتسم لما يكتبه لها دخلت عليها والدتها بعد ان طرقت الباب بخفوت وهي تخبئ جوالها تحت لحافها توجهه امها لها وهي تقول بنتك ماشاء الله راقده حطيها في سريرها لا تطيح بسم الله عليها وانحنت تقبل خدها بحنان قالت الاخرى بابتسامه اليوم امي سهرانه غريبه عسى ماشر لتجيبها ام عياد بحزن وضيق والله يوم جاء ناصر يقول شفت عياد خارج من بيته شكله ماهو طبيعي اكلمه ولا يرد علي عسى بس ماهو متمشكل مع حرمته ومن اليوم اروح اطل على الحوش بشوف هو جاء والا لا مااشوف سيارته ردت نوره باستياء يمه انتي تعرفينه ولدك يغضب على ادنات الدون تلقينها زعله بسيطه وبيهدى ويرجع لبيته لاحس ان غضبه راح بينما تردد في سرها بعوضك الله اخي بزوجه وذريه صالحه تحمد الله ان لاذريه له منها لانها لا تناسبه ابدا فاخيها طوال حياته وهو لايعرف مهاترات الشباب وحركات المراهقه كان يراى هذي الحركات رخيصه ولا تناسبه وماعمره حط نفسه في موضع شبه ولا خاوا الخمل ومن الظلم ان يرتبط بزوجه كانت في مامضى تفتخر عندنا بانها شبكت فلان وجابت راس فلتان واعلم بان ملكه صادقه بالقصه التي حكتها لي بعد الحادثه بأشهر فانا الاخرى انكويت منها بكذبه حاكتها لي وقالتها لامي يوم امي سمعتها تتحدث بالهاتف مع شخص وهي تسبه دخلت امي قالت يابنت هذا من اللي تسبينه امي مسيكينه تحسبه واحد من اخوانها لكن تلك الماكره قالت هذا واحد الله يلعنه متصل يقول عطيني نوره وانا هزئته لتصمتها امي وهي تقول لها اسكتي اسكتي بس لا احد يسمعك لتخرص تلك الثعلبه لكن الحمدلله الله ستر علي من فضيحه لا اعلم لما وجهتها لي لكن ملكه انكوت وانكوت لين احترقت روحها فاقت من افكارها لتجدها واقفه والغرفه خاليه من والدتها لاتعلم متى خرجت توجهت لهاتفها وهي ترى محدثها الذي رمزت له ب ام كي وامراه بتاج فوق راسها لتجدها راسله قلووب وبوسات وهي تطلب منها قبله تطبعها على خد صغيرتها وهي تودعها لان لديها عمل غدا صباحا لتنحي على صغيرتها وتحملها لتضعها في سريرها وتطبع عده قبلات على خدها / / / لتو عاد الي منزله بعد ماصلى في المسجد القريب صلاه الفجر توجه مباشره لي جهازه وهو يطبع رساله الي الجامعه ويضغط على زر الارسال ليقفله بعدها بشده توجه الي غرفه النوم ليجد مشاعل مستغرقه بالنوم ليستلقي بجانبها وهو يلكزها ويقول مشاعل قومي صلي الفجر ليروح عليك لتقوم وهي تمسد شعرها البني الحريري الذي يصل الي منتصف ظهرها لتقوم من سريرها وينحصر اللحاف ليكشف نصف فخذها ببشرتها البرونزيه الجميله ليغمض عياد عينيه ويعطيها ظهره دقائق فقط ليغط في نوم عميق ليصحى الساعه العاشره على لكز مشاعل له وهي تخبره بانه تاخر عن العمل وقف وهو يمسح وجهه ويستغفر الله اغتسل وتوضى ليصلي الضحى بينما مشاعل تحضر الفطور اخذ عده لقمات وحمل كوب الحليب معه وهو يحمدالله وهو مستغرق في التفكير بينما مشاعل تنظر له بحنق وهو تحرك شفتيها يمين ويسار وتقول الظاهر انه جايبني خدامه عنده على طول مااحنا ناكل ما التفت لي وقام من السفره حتى ماقال اكرمكم الله ولا شكرا كالعاده يقولها حافه جافه اصلا ماعلي منه من زينه هو وشكره بينما هو في الداخل جلس مره اخرى امام جهازه وفكره تدور في عقله فتح الجاهز وفتح على موقع جامعه الناصر وهو يبحث عن شي معين الي ان وجده ينظر اليه بحنق ووده لو امسك صاحبته وخنقها حتى الموت وبعدها تعالي غضبه وهو ينظر الي البريد الالكتروني لملكه صدق قليله ادب ماباقي الا ترقمهم لينظر الي الاسفل وهو يشاهد رقم هاتف وهو يهتف بغضب ناري هذي ناويه تجلطني ليفرغ غضبه ويلكم الطاوله عده لكمات حتى انه ماانتبه الي ان الرقم رقم ارضي وبتحويله وليس رقم جوال اخذ البريد وهو يرسل عليها رساله ناريه وقحه تدل على شده غضبه / / / بيت عبدالله بن سعد فهو يسكن في سكن تابع لعمله دخل لمنزله بلباس الضباط وهو يلقى السلام لترد اميره بهدوء بدون ان ترفع راسها وهي تطعم صغيرها و عليكم السلام لينظر لها عدة دقائق ويتوجه لغرفه النوم ليبدل لباسه اتجه لجهه من دولاب الملابس ليضغط عده ارقام على خزانه الكترونيه وينحني لفخذه وهو ينزع غمد سلاحه ويضعها فيه توجه لسريره ليأخذ من عليه ملابس مرتبه ومعطره بنطلون اسود وتي شرت رمادي ليدخل للحمام ليستحم بعد مده خرج وهو يمسد شعره وابناءه الخمسه حول طاوله الطعام حتى صغيره ذا السنه مشاركهم الطاوله بكرسي اطفال مخصص له بينما اميره تضع اطباق الغداء امامهم ليقف سعد وهو يقول يمه تبغين مساعده لترتسم على شفتيها تلك الابتسامه التي تاخذ لبه ليتصاعد غضب مع حزن في صدره لما انا الوحيد المحروم من تلك الابتسامات اراها دائما خلسه وهي توزع الابتسامات هنا وهناك وانا محروم منها لما انا تخصني دائما بنظره منكسره حزينه لاشفق على نفسي قبل ان اشفق عليها نعم قبل زواجي كنت كاره ارتباطها لكن هي فقط عده ايام بعد زواجنا ليحل علي عشقها كاللعنه لا لاكون صادق ليست عده ايام من اول يوم رايتها فيه وتلك النظره اللتي خصتني بها تصيبني في مقتل لاحاول بشتى الطرق استمالتها لي لافشل ككل مره لم اجد غير ان اربطها بالابناء ابن تلو ابن حتى قبل ماتفكر انها تتركني تفكر بابنائها نعم انا اناني واعترف خصوصا عندما ارى تعبها في حملها وولادتها لافاجأ قبل عده اسابيع بتمردها علي وهي تقول بانها ستاخذ موانع للحمل لانهرها بقسوه وغضب بياويلك وياسواد ليلك لو اعرف انك استخدمتيها لتنكمش وتتقوقع على نفسها ككل مره اخرجه من سرحانه وهي تنظر له بوجه بارد لا مشاعر فيه وهي تقول ابو سعد ايش فيك ماتاكل عسى مااحد من اهلنا فيه شي لينظر اليها وهو يشفق على عمره ويقول ساخر كان الاولى تقولين اشبك يابو سعد ماتاكل فيك شي وبعدين تخصين اهلنا واللي حوالينا ليش احس احيان اني عندك مااسوا شي واني في اخر القائمه عندك نهض من معقده وهي تنظر لاثره باستغراب وشعور غريب يسيطر عليها لاول مره ينتقدها وكأنه يقول اهتمي بي اكثر وحبيني اكثر نعم فهذا هو عبدالله عندما يريد شي يراوغ لتنهض هي الاخرى لتجمع الاطباق وهي تردد في نفسها لا اليوم ماهو طبيعي اكيد فيه شي / / / بعد العصر في مجلس ابو عياد الكل مجتمع على القهوه شيبان وشباب ماعدا عياد وعجلان فعياد مشغول بقهره ومايبغى يواجه احد وهو بهالحاله وكأن الجرح تجدد له بينما عجلان قبل ساعه ذهب لدوامه لديه شفت ليلي فهو ممرض في المستشفى الجامعي ناصر وفارس وتركي منهمكين للتخطيط في رحله قريبه للبر ويتفقون على الوقت والمكان وكم من الايام بيقضونها تعالى رنين هاتف ليرد عليه ابو محمد وهو يتحدث بجلافه اصبحت من طبعه في السنوات الاخيره اغلق الاتصال وهو يلتفت لابنه فارس لينادي عليه وقف الاخر باحترام وهو يقول سم يبه ليأمره الاخر بان يذهب لاخته فهي تحتاج من يوصلها للسوق لتشتري لها اغراض لتمايم ابن مشعل بينما رفرف قلب احد الجالسين وهو يعرف اي اخت يقصدها عمه توجه فارس للخروج وهو يودعهم ويلتفت لناصر المشغول بالنظر في هاتفه وتركي الذي يشيعه بنظراته ليقول ويؤكد لهم خلاص ترا بيننا اتصال عشان نرتب اغراضنا وخرج رفع ناصر راسه وهو يلكز تركي و يستفسر منه ايش يقول فارس ؟ رد الاخر بعدم تركيز هاه والله ماسمعته / / / خرج من استراحه الممرضين بعد ان صلى مع زملائه صلاه المغرب بلباسه الازرق وطوله الفارع شخصيه دايما تشد الانظار اليه مشى في رواق المشتسفى وهو يرا احدهم منحني واخرين متحلقين عليه يواسونه في مصابه تذكر حاله قبل ثلاث سنوات ونصف يوم يبكي فقد اخ كان غلاه يخالط الروح لتمر به الذكرى كان في يومها عمله ليلي وبعد صلاه الفجر خرج متوجه للبيت ليوقضه هاتفه بعد ساعتين من نومه لتتكرر رناته واصمته وتتعالى مره اخرى لانظر من المتصل كان احد زملائي في العمل ضغطت زر الرد ليهتف بصوت مبحوح وهو يقول عجلان محتاجينك ياخوك تجينا ضروري رديت عليه وانا اجاهد لفتح عيناي من النعاس قلت والله ياخوي على عيني اجيكم بس والله ان لي 24 ساعه مواصل جسمي كله ينتفض من الارهاق وهذي ارواح ناس مانقدر نفرط فيها شغله ماتتحمل اي غلط ليغيب صوته مع اصوات اللي حوالينه واقول له تسمعني قال بسرعه وبتأتأه عجلان ياخوك تعال بسرعه واحد من اقاربكم صار عليه حادث وماعلى لسانه غير اهلي الظاهر انه بيودع ومااعرف الا انت تعال شوفه لانتفض وانا ارتدي ملابسي واقول في نفسي اي واحد من اقاربي ناصر والا تركي فارس ام مشعل او احد ابناء خالي سعد من انانيتي استبعدت اخوتي خفت من مجرد التفكير ان يصيبهم مكروه وصلت ولا اعلم كيف وصلت لاجد زملائي جميعهم في الممر ووجوههم يكتسيها الحزن توجه زميلي صاحب الاتصال وهو ياخذني بحضنه ويطبطب علي و يقول عظم الله اجرك في اخوك جابر لاتهاوى على الارض وجميعهم متحلقين على يواسوني ويصبروني اللي يقول اذكر الله واللي يقول انما الصبر عند الصدمه الاولى بعد فتره استجمعت انفاسي لاسحب جوالي بيدين مرتعشه ثواني ليصل الي صوت عياد وهو يقول هلا بابو عبدالعزيز قلت له بانفاس مقطوعه عياد يااخوك محتاج تجيني في دوامي دقائق فقط لاجده فوق راسي وهو يشدني ليسندي عليه وكان نعم السند والخوي لتمتلئ ممرات المشفى بعد دقائق بآل ناهر ورجال من قبائل اخرى حتى طلابه وزملاء اخيه المعلمين اكتض المشفى بهم فبعضهم شهدوا حادث اخيه لانه بالقرب من مدرسته مرت ايام العزاء ثقيله ومرت بعدها السنوات والي الان ذكرى جابر لا تغيب ولن تغيب بأذن الله مادام انجب تلك الملاك صغيرتهم قادته خطواته للشاب النحيل المنحني على ارضيه المشفى وهو يرفعه ليسنده عليه وهو يقول له اذكر الله قول لا حول ولا قوه الا بالله وهو يدخله لاحدى الغرف لان الشاب يحتاج لابره مهدئه علها تهدئ ولو قليل من ارتعاشه جسده و روحه الجزعه / / / قبل ان تخلد الي النوم تذكرت بانها لم ترفق لطالباتها مذكره مهمه توجهت لجهازها وهي تفتح ملفها وبريدها الالكتروني لتجد عده رسائل قررت تتركها لين ترسل الصفحات من المذكره المهمه بعدها ضغطت على الرسائل لتجد بعض منها قرارات بشأن المنهج والاختبارات وبعضها تهنئه من بعض الزميلات واخرى بشأن دوره في دوله مجاوره رفضتها قبل اشهر شد نظرها رساله معنونه بشتيمه استغربت وفتحت الرساله لترتجف بقوه وهي تكتم صرخه كادت ان تسمعها امها وهي تقرا الرساله مره اخرى واخرى فرحانه بنفسك ياقليله الادب يومنك ترززين اسمك في كل مكان انتي لو فيك ذره حياء ماخرجتي من بيتكم المفروض تخلينه مقبره لك لين الله ياخذ روحك ياقح** شتمها ببذاءه مادريت ذيك السنين انك متشفقه على زول رجال والا كان اخذتك من بيت اهلك بدون عرس ولا تجيبين لنا رخمه من الشارع بس الحمدلله انك انكشفتي قبل لا تورط فيك والقى عيالي بعد مده كل واحد شكل فاالطيببون للطيبات والخبيثون للخبيثات بعدين ياقليله الادب حاطه ايميلك ورقمك بعد يعني ماتبتي لذحين على حركات الترقيم والغنج بس هين والله اذا ماادبتك ان يكون هالشنب على مره اذا ابوك واخوانك تبروا منك ونسوك انا بعدني مانسيت ليختمها بشتائم مهينه لروحها الطاهره لتبكي وتبكي الي ان تعالى بكاءها لتدخل والدتها وتفجع بمنظرها فهو ذكرها بالخمس سنوات الاولى بعد الحادث كانت تصحوا من نومها على صرخات هستيريه لابنتها لو لا تدخل الاخصائيه النفسيه انذاك لفقدت ابنتها عقلها لتاخذها بحضنها وهي تسمي الله عليها وتقرأ بعض الايات لتهدأتها بعد ساعه استكانت في حضنها ووالدتها تسألها مابك لتنكمش في حضنها كجنين يحلم للعوده لبطن امه وهي تقول بصوت لاحياه فيه كابوس يمه كابوس فهو فعلا كابوس مرعب من الماضي فتحت صفحاته الان بينما امها تمسح على شعرها وهي تسمي الله وتقول شكلك نمتي بدون وضوء قومي يامك توضي وصلي عسى الله يريح بالك لتشد خطواتها المترنحه فعظامها لا تقوى على حملها للحمام بينما والدتها تدعي الله بان يريح بالها ويسخر لها خلقه / / / في نفس الوقت في بيت حمد بن مانع بيته ملاصق لبيت والده تمشي هي وزجها وابنتيها التوأم بعمر 13 سنه لتصعد عده درجات لمنزلها دقائق ليدف الجميع المنزل لتسمي الله وتلتف لابنتيها وتأمرهما بالذهاب للنوم فهم اليوم تأخروا عن موعد نومهم ثواني لتختفي الفتاتين داخل احدى الغرف توجهت لغرفتها وهي تجد حمد يضع ما بجيب ثوبه على التسريحه ويهم بتعليق ثوبه نزعت شيلتها وعبائتها وهي تعلقها والاخر يتمعن في ملامحها وهو يقول بتوجس ام غلا اشبه وجهك مكتم احد زعلك لتلتف له بابتسامه مصطنعه وهي تقول لا الحمدلله الله لا يجيب الزعل بس اليوم مرهقه من العصر حتى كنت بتعذر لعمتي على العزومه بس خفت تاخذ على خاطرها ليحتضن كتفيها ويقبل طرف خدها وهو يقول بقولك شي بس لا تاخذين على خاطرك ولا تأولينه على كيفك احسك دايم يوم ترجعين من عند اهلي وجهك زي كذا واحيان اسوء وهو يمسك طرف وجهها لتنكمش بصدمه وهي تقول لا والله ياليت الناس كلهم زي عمتي لتضع يدها على عارضيه وهي تقول بابتسامه جميله هي اللي تجيب هالعسل اكيد انها عسل مثله ليضحك وهو يقول افا يعني قصدك امي نحله لتضحك وهي تقول عاد لا تقولني شي ما قلته ليجذبها مره اخرى الي صدره وهو يمنعن النظر في عينها ولا اخواتي لتبتسم ابتسامه حقيقيه وهي تقول عاد سلمى وندى والله انهم يعدني مثل اختهم وانا اعزهم مثل خواتي وازود اردفت وهي تمسد على صدره اشبك اليوم الا تبغى تطلعني زعلانه ترى اذا مشتهى اني ازعل بزعل عليك وعاد تحمل ليعتصرها بين ذراعيه وهو يقول خليني لين اتسبح واصلي قيامي واجي اوريك الزعل كيف ليتركها ويتوجه للحمام لتتبع اثره وتتنهد وهي تلكم صدرها عده لكمات اتريدني اشكو والدك اليك وانا ارى كم تحبه وتقدره لإمت بإهاناتي ولا ادنس حبك له لا علي من احد مادمت انت سندي وعزوتي / / / صباحا تنظر لنفسها في مراءتها بعد ان انتهت من وضع مكياجها الخفيف وانهته بروج لحمي لتطبق عليه بشفتيها المكتنزه اليوم تأنقت بشده اكثر من اللازم فهي دايما على طبيعتها اتريد ان تثبت لنفسها قبل والدتها بأنها طبيعيه نعم فهي طبيعيه جدا جدا لو كانت شخصيتها كالسابق مهزوزه وضعيفه لربما فعلت ماقال عليه ان تحبس نفسها في غرفتها حتى تموت ويمكن تعجل بموتها لكن هي الآن قويه واثقه وقادره على ان تقف في وجه أيا كان حتى لو كان عياد الاهبل ا ذا انت اعلنت الحروب فأنا لن استسلم حتى لو اضطررت لادفع نصف عمري حتى اتشممت به و بإخي محمد عندما تنكشف الحقيقه وبعدها اركلك لخارج الخريطه بعد ثواني خرجت من غرفتها وهي ترسم ابتسامه من يراها لفتن وآه ثم آه من فتنه النساء اذا كانت بحسنها عندما راءتها والدتها جلست تسمي الله عليها وتحمدلله ان كابوس ليله البارحه لم يؤثر فيها انحنت لتقبلها وهي تقول صبحك الله بالخير يمه لترد تلك بحنان صباح النور لتبتسم و تقول اليوم شمسين طالعه شمس فوسط بيتي وشمس برا ماشاء الله عليك تشعين لتضحك ملكه و تضع اصابعها الرقيقه الطويله على فمها و تقول الله على الغزل الصباحي لترفع ام محمد يديها وتدعي يالله مع هالصباح ان تجلعني اشوف رجلك يتغزل فيك ليل وصباح لتكشر الاخرى بأستياء وهي تقول يممممه الله يرضى عليك لا تجيبين سيرته عشان مااتكدر لتشد والدتها على كفها وتقول خلاص ماحنا جايبين سيرته الله يستر علينا وعليه اجلسي افطري بس انهت فطورها ووقفت وهي تلبس عباءتها ونقابها في يدها وتنادي على الخادمه كي توصلها مع السائق / / / بعد نصف ساعه دخلت مكتبها لتلقي السلام على من تشاركها فيه لترد كلا من الهام ونوف السلام وتهتف بعدها نوف بأعجاب وهي تضحك اليوم تعرفين انك تشعين بهالاصفر ياختي حرام عليك ارحمي المعجبات اللي برا لتقف الهام وهي تقول ممازحه بروح اقفل الباب زين لا يهجمن علينا تصدقين عندي نفس البلوزه خلاص عذرت ماني لابستها اخاف يقارنون بيننا وانصدم بحطها ضمن الملابس اللي قررت اذا نحفت البسها لترد عليهم وهي ترتب اوراقها تصدقون اليوم تصبحت بغزل مرتين مره من امي ومره منكم لتقول بعدها نوف بخبث عقبال ماتسمعينه من اللي بالي بالك ليظهر الاستياء على وجه ملكه وترد عليها الله يهداك نوف خلاص قفلي السيره انا عطيتك ردي من جدك انتي الى الان ماقلتي لامك ولاخواتك لتفاجأها نوف وهي تقول ولا راح اقول لهم لين اعرف اسبابك وتبدا ككل مره بسرد موصفات خالها اليتيم الوسيم فهم ككل من فالجامعه لايعلمون بزواجها فهي اللي الان مسجله في سجل والدها فالاحمق المدعو بزوجها لا يرضى ان يرتبط اسمه المقدس مع اسمها المدنس بالنسبه له تذكرت رسالته لتهم بفتح جهازها وتعاود اغلاقه بذات السرعه فلا الوقت ولا المكان مناسب للرد على جنونه ووقاحته / / / تطرق باصابعها الرقيقه على شاشه جوالها وفكره محظوره بالنسبه لها تتضخم في راسها من مده لتشد جوالها وهي تطلب رقما ثواني واتاها صوت والدتها المحبب بعد السلامات والسؤال عن الحال تنحنحت لتعطي صوتها الكثير من الجديه والاصرار يمه ماتكلمين ابوي تخلينه يوافق كل صبح اجي عندك انا طفشت من بعد التخرج وانا لا شغله ولا مشغله حتى قدمت على الوظايف ومابعد الله رزقني بوحده تشغلني من هالوحده حتى فكرت اقدم على الماجستير بس مافيني على الكتب والمغثه ماصدقت اخلص عشان ارتاح ولا ارتحت يمه لتجيبها والدتها بحزن تحسبين اني ماعمري قلت له والله اني كذا مره اكلمه واقوله تجيني بالمجالس وعهد على ماتشوف احد بس انتي تعرفين ابوك مافيه اعند منه لاقال لا يعني لا انتي كمان قولي له يمكن هو يعاندني انا ترا هو لو انه شديد معكم بس والله انكن تسون عيونه الثنتين لتقاطعها تلك بجزع وهي تضع يدها على صدرها ييه يمه تبغينه يذبحني الظاهر لو اقوله ان يخليني عضه وعبره لاخواني حتى مره قلت له بروح لزواج اخت خالتي ام حسام عد تجيني جلطه يوم صرخ علي وانا بروح مع مرته ماهو مع احد غريب لترد عليها والدتها بحزن وحزم ذحين انتي احد يضايقك يومنك كل يومين داقه على تشكين لتجيبها فرح نافيه لا والله لتكمل والدتها باستفسار طيب ايش اللي استجد ماطول عمرك عايشه عندهم ولا مره قلتي بجي لمكم لتجيبها بحزن ويأس اللي استجد اني كنت اصبر نفسي بالدراسه وشاغلتني عن التفكير بكم . وكنت كمان حاقده على ملكه لانها السبب في كل شي صح اني كنت صغيره عمري تسع سنين بس كنت فالبيت وشفت وسمعت كل شي ويوم كبرت ويزيد حقدي عليها بس مره حلمت فيها حلم وصحيت من النوم وانا كن احد ماسح على قلبي وكل يوم يزيد اصراري اني اشوفكم واشوفها هي بالذات لتسكتها والدتها بخوف وجزع اسكتي لا يسمعك ابوك والا احد من اخوانك تقولين انك تبين تشوفينها والله ان يسودون عيشتك لترد عليها بضيق كيد هي خلاص مسوده من زمان ايش فرقت اذا سودوها زياده اردفت بعدها ترا مره تكلمت مع فارس فهالموضوع لتسألها والدتها بتوجس اي موضوع لتجيبها ببساطه موضوع ملكه ومقاطعتنا لها قالت لها بصدمه من جدك انتي وايش قال لك لترد عليها قام تقال مقروص قال والله ثم والله هالمره بعديها لك لاني رايق المره الثانيه ان اشوف منه شي ماعمري شفته لتقول بعدها بتأكيد عاد فارس لو يقول هالكلام تراه من وراء قلبه هو خايف ابوي والا اخواني الثانين يسمعوني والا اجزم بيجي يوم وتلقونه يدق الباب عليكم وقولي فرح ماقالته لترد عليها والدتها بتوبيخ وتأكيد لا والله انتي اللي ماتعرفين جينات ال ناهر اخوانك كل واحد منهم يقول الزود عندي والله لو انه متشفق على الشوفه مايطق بابنا لتجيبها الاخرى بغموض لا والله هذا خبرك قديم فارس ماهو زي مشعل ومحمد فارس غير في كل شي اذا حط شي في راسه والله ان يسويه وانا مافتحت موضوع ملكه معه الا شفت منه شي لتقول بعدها بحزن تصدقين ابوي ومحمد ومشعل ماينادونها الا بالمغضوب عليها ويوم يقولونها عند فارس وجهه يقلب احمر من القهر ماعمري سمعته يسب والا يظهر كرهه لها حتى مره عصب قال انتم كيف تبغونا ننسى واللي حوالينا ينسون وانتم ماتسمونها الا بهالاسم ماكأن لها اسم بس ابوي قام عليه قاله وانت يارخمه عساك تبغى تنسى اللي سوته شي مايتنسى وانا غضبان عليها ليوم الدين لتجيبها الاخرى بحزن ومراره الله ماراح ينساها والحمدلله ماهي فحاجت احد ربي اكرمها بوظيفه وراضيه بحياتها الله يسخر لها خلقه ابو واخوان يومنها احتاجتهم في وقت الشده ماحدن سندها ماراح تحتاجهم وهي الحمدلله مغنيه نفسها بحقها والله ثم والله وهذاني حلفت انه بيجي يوم ياابوك واخوانك وكل من ظلمها ان يعضون اصابعهم ندم وقولي امي ماقالت لتقول فرح بفضول وحماس واستغراب يمه انتي تعرفين شي مانعرفه لتجيبها بحزم اعرف شي بس مالك دخل فيه ليزيد حماسها وفضولها لتهتف ب يمه قولي والله مااعلم يمكن اقدر اساعد لتنهرها والدتها ب خلاص فرح قفلي هالسالفه وياويلك تفتحينها واعرفي اني لو ماشفت بنتي مظلومه والله ماآقف معها كل هالسنين يمديني انا ذبحتها و ماتحريت ابوك واخوانك لاني ماعرفت اربيها لترد فرح بحزن الله ينصرها على من ظلمها لتغلق الهاتف من والدتها وهي تعدها بأنها ستراهم قريبا ووالدتها تنهرها وفضول بدا يكبر ويتضخم في راسها الا تعرف ماتخبئه والدتها / / / بيت خالد بن سعيد ابو عياد دخلت ام عياد تحمل صينيه الشاي سكبت له ومدته بفنحان اخذه وهو يقول تسلمين لتجيبه بهناء وعافيه ليسألها اليوم وينها بنتك ماجات تغداء معنا والا تهرب مني لترد عليه نافيه ومدافعه لا تهرب ولا شي بس اليوم غدت بنتها بدري واكلت معها وقالت لا احد يصحيني على الغداء قال وهو يعلم بانها تدافع عنها ايه ايه رقعي لبنتك اصلا انتي لو الود ودك ماتخرج مع هالباب لا هي ولا بنتها لتجيبه بزعل الله يهداك يابو عياد انا ذحين تشوفني ماابغى مصلحه بنتي والله اني اتمنى لها زوج صالح وعيال يكونون سند لها ولبنتها بس هي تعطي احد فرصه يتكلم معها يوم كلمتها عنه وهي زي كل مره جلست تبكي وتقول انتم متضايقين مني انا وبنتي وانا ابغى اربي بنتي ومن هالكلام عاد انا يوم شفت دمعتها كسرت خاطري قلت خلاص ماعاد مدخله انت اذا جالها خطيب من راسك لراسها لا عاد تدخلوني بينكم ليبتسم ويقول بعدها عاد انتي صدقتي التمثيليه اللي تسويها هي عارفه انا نبيها ونغليها قالت مالي الا ااثر فيهم كذا عساهم يعتقوني لتجيبه بجديه وخوف عاد تصدق ياابو عياد والله اني كمان قلت لو انها تزوجت ان ابو سالم ياخذ البنت منها والله ان تجنن هي وبنتها لينظر لساعته ويقف و يقول ماعليك ابو سالم وعياله خليهم علي بس هي توافق مابقى عن اذان العصر الا شوي انا بروح اتواضا وانتي صحي العيال لصلاه وخليها بعدين تجيني فالمجلس / / / تتمدد بجانب ابنتها بحجه النوم والنوم بعيد كل البعد عنها لكن هي فتره مؤقته حتى ينزاح هذا العريس عن طريقها بعدها تنطلق هي وابنتها بكل حريه في البيت لكن مادام والدها ينتظر ردها فالتعمل حظر تجول تمسك بجوالها وتلك تحدثها وهي تتهمها بانها افسدت قيلولتها فهي للتو اتت من عملها لتقول لها بغيه تحزينها عاد يهون عليك تنامين وانا في مصيبه كبيره لترد تلك ببساطه والله لا مصيبه كبيره ولا شي ترا انتي مره مكبره الموضوع مافيها شي لو فكرتي وانتي كمان بعدك صغيره و كمان انتي بنفسك تقولين عريس ماينرد اجل ليش تردينه لتجيبها بخوف وحزن خايفه الا بموت خوف يوم افكر ان يجي يوم ياخذونها مني اجل كيف لو اعرست مؤكد بياخذونها مستحيل يخلونها عند احد غريب لتكمل وهي تمسح وجهها والله لو تبعد عندي لاتجنن خلاص اختصرها مره وحده وارفض لترد عليها بحزن الله يعينك ويخليها لك استخيري والله يكتب لك اللي فيه الخيره لتهمس تلك و هي تأمن وتقول بعدها الله يهداهم اللي عندنا عندهم الحرمه ماتقدر تعيش بلا رجال مدري هم خايفين انا نخرج عن القانون والا ايش لتتنهد الاخرى بحزن وشجن والله بعض الاحيان يوم بعدل اوراق والا بروح لاماكن تحتاجين معك رجال فيها اني اتمنى نص رجال بس عشان اقدر اعدلها الحياه صعبه يانوره بلاهم خصوصا في مجتمعنا انا جربت وعانيت لين كبدي استوت لتقول بعدها مغيره الحديث الا ماقلتي بتروحين تمايم ولد مشعل لتجيبها نوره ايه ان شاء الله بروح فرح امس اتصلت تأكد علي اجي مرت مشعل قالت لها اعزمي بيت عمانك وخوالك واخذت مني رقم مشاعل بتعزمها لتهمس ملكه بحب ياحياتي عليها فرح كبرت وقامت تعزم وتوجب ماشاء الله عليها خبري فيها بزر دبدوبه وشعرها بني طويل وخدودها تنقط دم كانت تشبه لساره واميره فيها مني لتجيبها نوره بخليط حزن وحماس لا ذحين ماشاء الله عليها عليها جسم يصرع والخدود راحت وجات مكانها غمازات شعرها لذحين طويل بس نادر اشوفها مسيحته دايم مخليته زي مريام فارس واحسها بعد هي الجريئه فيكم اميره وساره في حالهم حتى احيان اشك انهم يعرفون شي عن حياه بعض لتهتف ملكه بجشن وحزن يالله فرح كذا والله ماتخيلتها كذا بس الشعر احسه مو راكب لتجيبها نوره بنفي لا والله انه يهبل عليها اصلا احس مايلبق عليها الا كذا يمكن عشان تعودنا عليها لتقول بعدها ملكه بألم واميره وساره كيف يعني متباعدات مايكلمن بعض يعني بينهن مشكله والا ايش لتجيبها نوره نافيه وتتدارك سوء الفهم لا الحمدلله مابينهن شي كل وحده تحترم الثانيه وتبديها على عمرها بس احس برسميه بينهن ماتقال اخوات لتزفر بعدها ملكه وتقول هم خرجوا من بيتنا في ظروف مايعلم بها الا الله اكيد اثرت عليهم وكسرت خواطرهم الله اعلم ايش مر عليهن كسرهن زياده رغم انهن اكبر مني كانن مثل النسمه مالهن صوت فالبيت على قول عمي سعد زمان ملكات ال ناهر لتقول بعدها نوره طلبتك لاتنسينهن شوفي ايش في خواطرهم حاولي تعرفين اذا احد يضايقهم اذا رجاجيلهم ياذونهن لتقاطعها تلك بتاكيد والله العظيم حاولت كذا مره ادخل فيهن بس كتومات اللي عرفته من ساره بنفسها دوم تتفدا بابو بناتها شكله زين معها اما اميره ماعمرها جابت سيره ابو سعد لا بخير ولا بشر ليقطع حديثها دخول والدتها لتغلق الهاتف بعد ان ودعت الاخرى / / / التعديل الأخير تم بواسطة كاردينيا الغوازي ; 23-12-20 الساعة 09:36 PM | ||||
|
|
|
05-09-18, 12:35 PM
| #6 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، ebti ) سيتم نقل روايتك للصفحة الرئيسية لمنتدى قصص من وحي الأعضاء لان هناك مكانها الصحيح، ايضاً انتبهت كأن هناك تكرار ل بداية الفصل ارجو منك الرد حتى يتم التعديل... اشراف وحي الاعضاء | ||||
|
|
|
05-09-18, 02:34 PM
| #10 | |||||
| مشرفة منتدى قصص من وحي الأعضاء 
| اقتباس:
مساء الفل والياسمين... فهمت تريدين اعادتها ل الشرفة لأنك نزلت الفصل ك دعاية لروايتك وتريدين رأي الأعضاء ولا تريدين عرضها على الصفحة الرئيسية الا بعد تكملتك كتابة كل الفصول عندك قبل بدء التنزيل... تمام راح اعيدها لشرفة وعندما تقررين تنزيلها راسلي واحدة منا فريق الإشراف وسيتم نقل هذه الصفحة ل الصفحة الرئيسية وقتها... موفقة بإذن الله تعالى... في حفظ الله ورعايته | |||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
