آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-11-20, 03:20 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل التاسع ليتنا يابسمة مثل الهدب والرمش نكون لو تفارقنا ثواني نبتـدي لحظـه عنـاق ليتنا مثـل الطفولـه بالبراءه مانخـون ماندل الطريق الصدق مانعـرف نفـاق ليتنا مثل الامومه قلبـي وقلبـك حنـون لا انت ترضى في فراقي ولا انا بعدك يطاق ليت حبك لي جنوني مثل ماحبك جنـون وليت شوقك لي مثل مانا على حر اشتياق لكن ياحبيبة طفولتي قلبي كله شجون وكلمة ليت تعذبني بالحلم والالم والشوق √√ بسمة طلعت من عندهم وقفت تتنفس وتمسح دموعها وتفكر في كلام إم الوليد " من جدها وش هالفشلة ..ودي اشوف اللي إسمه بدر ..ياريبة وش قاعده اقول " نفضت راسها ورجعت للبنات وإنحط الغداء وقعدوا يتغدون ويسولفون العيال والشياب مع بعض والبنات والحريم مع بعض وبسمة خجلانة من إم الوليد فواز قاعد جنب مشاري وفي راسه يسولف معه عن رواياته واشعاره ويبي يقول له بس ماقدر مشاري فهم عليه وماعلق وسكت وتركه حمد تذكر شي : عيال ماسمعتوا اخر الاخبار العيال تحمسوا : وش خبره حمد بفرح : عمي مشاري بيهدي لي رواية العيال إنقهروا خالد : من زينك حتي يهدي لك حمد رفع حاجب : بتشوف يوم تقرا إسم حمد بن رائد فاول صفحة العيال تسدحوا ضحك علي غروره حمد عصب : عمي قل لهم مشاري إبتسم : ايوه إهداء لك وبطلها بكون بشخصيتك إنت ويشبهك ويمكن اسميه حمد حمد فرح : تسلم ..موتوا قهر سلمان بقهر : عمي وليش بس حمد مشاري ابتسم : ليكون تبي اهدي لك سلمان هز راسه بإيه وبحماس الكل ضحك عليه مشاري : ابشر اكتب اجمل شعر بإسم سلمان الرجل الشهم وانشره بالجزء القادم من المجلة سلمان نفث ريشه ورز حاله والكل ضحك ماجد : هههه المهم ياعم تكون في القمة مثل كل مرة مشاري بغمز : ايوه عشان نقهر ناقد لي الكل لف علي فواز فواز ماسك ضحكته : اقراها وادور خطأ صغير وادفعك الثمن الكل ضحك وابو عبد الله ( أسامه ) عصب : فواز ثمن كلامك فواز تفشل : السموحة فكرته واحد بسني الكل ضحك علي خوفه فواز مفشتل : استاذ مشاري والله احسك خوي مشاري إبتسم : أولا بسك من إستاذ الكل ضحك مشاري كمل : وثانيا حتي تاخذ راحتك وتقول اللي في بالك فواز ضحك : هههه كشفتني مشاري : ايوه سمي وش عندك فواز بصوت هادي : الران للقلب او العقل مشاري لف له وسكت فواز لف له والشياب والعيال سكتوا ويسمعون فواز بهدوء : اللي اعرفه إن غشاء القلب يسمونه الران والمشغوف بمشاعره وحبه يوصل لدرجة الران بس إنت كتبت في الورقة اللي عطاها لي حمد قبل شوي اقراها عقلك إنشغف رانا فيها مشاري ساكت ويسمع له هالولد مو سهل والشياب ينتظرون جوابه أبو حمد إبتسم : مشاري منت ملاحظ انو فواز يخليك تسكت وتدور عن الجواب مشاري إبتسم : عشانه قلت يعرف يسأل وياخذ اللي يبيه ويهابه الكل فواز فرح اكثر : زين عطني جوابك مشاري بصوت هادي وغمض عيونه : مو قلت بنفسك انا أميل لقمة المشاعر أدور علي الشغف في الحب فواز يناظره وهز راسه بإيه : ايوه مشاري فتح عيونه : الجواب عندك فواز عقد حواجبه : شلون الجواب عندي مشاري : الجواب بكلامك يالناقد الكل يناظر مشاري وفواز يناظر مشاري وساكت مشاري إبتسم : مافهمت القصد خالد جاوب : ايوه مشاري بصوت هادي ونزل عيونه : فواز ياوليدي إنت قلت انو ابي الشغف في الحب وكلامك صحيح المشاعر اللي اكتبها جياشة مثل العاصفة القوية والبركان الهايج ....الران للقلب صح بس عندي الران لكل الكيان والوجدان وابي بطلي يكون مشغوف لأخر خلية فيه وشغفه في حبه في صداقته في إخلاصه في شهامته في كل خصاله الزينه الحميده ... فواز يسمع له والكل بعد وابو سلمان توقف عند مشاعر واحاسيس مشاري وقف غصب عنه هالانسان مشغوف حد الثمالة فواز بهدوء : إكتب هالكلام في وحدة من رواياتك مشاري لف له بغرابة وفواز حب راسه : مستحيل اهزمك يأستاذي الكل ضحك ومشاري تم يطالع فواز ابو بدر بهدوء : مشاري ياوليدي تكلم مشاري طالعه : عن شنو ابو بدر مبتسم : عن كلش احب اسمع لك مشاري ابتسم له ابو سلمان ( محمد ) بصوت هادي : وانا بعد احب تتكلم وانا اسمع مشاري لف له وماعلق ابو سلمان : كلام ولا اروع قمة العطاء والاخلاص والوفاء مشاري إبتسم بالم : إنت قلت وحده اللي تألم يقدر يوصل الاحساس وحده اللي تبسم من قلب يقدر يفرح الناس ابو سلمان يناظره مشاري منزل عيونه : اطلب إذنك هالكلام بكتبه باخر سطر من اخر رواية لي ابو سلمان إبتسم : مو قد المقام مشاري : افهم إنك موافق ابو سلمان هز راسه بإيه سلمان بهدوء : صح يبه يوم اقرا رواياته احب ماتخلص كلماته واحاديثه العيال : كلنا مشاري إبتسم : لهالدرجة كلامي حلو ماجد : واكبر بعد انا ادرس طب ومإهتم بالادب بس يوم قريت لك صرت إنتظر كل جديد لك عشان اقراه مشاري فرح : تسلمون فواز بجد : بس وعد ياستاذ مشاري إلا مأهزمك بيوم الكل ضحك مشاري بتحدي عشان يحمسه : ننتظر خبر هزيمتك قدامي فواز ماسك ضحكته : في حلمك الوردي الكل ضحك ابو عبد الله بحزم : فواز وبعدين معك مشاري بسرعة : خله هو صديق فواز رجع حب راسه مشاري إستغرب : وش عندك كل شوي تحب راسي فواز من قلب : الولد يحب راس ابوه يوم يزعله ويبي يراضيه مشاري يناظره وقلبه نبض فواز بجد : ابي اناديك يبه توافق مشاري فرح قلبه وأبو عبد الله إبتسم ويطالعه والكل مشاري هز راسه بفرح : ايوه عشان ماتفكر تهزم ابوك وتقول عنك العرب ولد عاق الكل ضحك فواز يمثل : ياريبة بطلت بطلت الكل ضحك عليه فواز يكمل : جد غبي وش هالطلب والحين وش اسوي هذا الكاتب مشاري عبد الرحمان مو حيا الله مشاري ضحك غصب عنه والكل ضحك معه مشاري : هههه إنت ولد صغير وتجاربك صغيرة فكر مليون مرة قدامي فهمت فواز ضحك ومن قلب : هههه ايوه يبه بس توعدني تساعدني وتخلني احقق طموحي مشاري فرح ناداه يبه ويدرس ويتشتغل اللي يبيه وهز راسه بإيه : وعد امسك إيدك واخاذك علي حدود وقمة الاحلام والطموح وتشوفها واقع معاش مو خيال مسطر إنت بس غمض عيونك وتوكل علي الله واحلم وفتحهم وعيش الحلم الكل يسمع له وفواز رجع حب راسه : الله وش حلو وعدك وكلامك الكل ضحك مشاري ضحك : هههههه هذا وعد ابو فواز مشاري عبد الرحمان فواز بغرور : عيال سامعين من اليوم سموه ابو فواز لابق عليه الكل ضحك مشاري : هههه انا ياللي لابق عليك فواز رجع حب راسه والكل ضحك عليه أبو مشاري بفرح : ياوليدي راسك مايعورك طول اليوم وهم يبسون فيه الكل ضحك وفواز إنتبه مشاري يحك راسه : الصراحة يبه ايوه الكل تسدح ضحك واولهم فواز ورجع حب راسه اخر شي والكل يضحك ضاري تذكر شي : عمي قلت للبنات بتوقع لهم مشاري هز راسه بإيه ضاري : عشانه بعثوا ورقة فيها أسماءهم يقولون لك لاتنساهم الكل : هههههههه مشاري : لا عندي كروت عطني الاسماء واوقع لهم ضاري : ههههه زين ابو الوليد ( فارس) : صرنا نعرف المشاهير منهو قدنا الكل ضحك مشاري من قلب : انا ياللي منهو قدي تعرفت علي احلي قراء وعيال بالمملكة العيال فرحوا : تسلم أبو الوليد : بس لعيال ونحن مشاري بمزح : لكم الله الكل ضحك ابو سطام ( طلال ) : من زينك ومن زين معرفتنا فيك لك الشرف تتعرف علينا العيال داخلين نوبة ضحك مشاري بسرعة : تشرفت تشرفت فيكم وبمعرفتكم وبطيب عودكم واصلكم ابو سلمان بمزح : بس بس كفيت ووفيت وضحكوا كلهم وقاموا عن الغداء بعد ماكملوا وقعدوا بالمجلس يشربون شاهي ويتحلون ومشاري جاب كروت كانت عنده من اخر معرض لروايته واخذ الورقة من ضاري وقعد يكتب تواقيع للبنات والشياب والعيال يسولفون وفواز قاعد جنبه ويقزه ومشاري إنتبه عليه مشاري كان اول توقيع كتبه لريماس وبعدها اسيل وبعدها دنا ووصل لملاك وبصوت هادي : عندكم بنت إسمها ملاك فواز فز : هاه مشاري ترك الكتابة وطالعه : فيه بنت عندكم إسمها ملاك فواز هز راسه بإيه مشاري رجع يطالع الكرت : إحترت قدام إسمها وش اكتب فواز إبتسم : ليش إكتب اي شي مشاري ببراءة: الحين هي ملاك صح او لا فواز بعفوية : إسم علي مسمي مشاري ناظره من اسفل عينه : جد فواز توتر : اتوقع مشاري إبتسم : زين زين ....وصار يكتب وباخر توقيع وقع أبو فواز فواز يطالعه فكل الكروت وقع مشاري شمعني هذا الكرت مشاري مبتسم وحط الكرت مع الباقي وشاف إسم ثاني وكانت شجون مشاري : أشوف بطلة روايتي موجودة هنا فواز إبتسم : تقصد شجون مشاري هز راسه بإيه فواز : يبه بطلة روايتك تختلف عن هالبنت 180 درجة مشاري ضحك غصب وفواز معه حمد بلقافة : خير ضحكونا مشاري بصوت هادي : عنوان روايتي شجون المشاعر وقلت لفواز أثاري بطلة روايتي بنتكم الكل ضحك ابو حمد : هههه ايوه بنتي مشاري فرح : بنتك !؟ ابو حمد هز راسه بإيه مشاري : دام كذا توقيع خاص لها ....وصار يكتب الكل تحمس ابو حمد : وش تكتب لها مشاري إبتسم : اقول لها ماتسمع لك كلمة الكل ضحك ابو حمد : لا تخرب البنت مشاري بوعيد : هين اقلبها عليك 180 درجة الكل ضحك وفواز فهم قصده وفقع ضحك ابو حمد ضحك : هههه لو ترد جواب ابعثها علي القطبي الكل يضحك مشاري بتحدي : بتشوف بتشوف حمد قام غصب وراح له مشاري إستغرب : وش عندك حمد يضحك : هههه متحمس للنصيحة الكل ضحك مشاري : هههه تعال اقرا وقل ازيد العيار او لأ حمد قعد جنبه وابو حمد : الله يحفظ بنتي وعقلها الصغير الكل تسدح سطام بحماس : حمود وش كتب لها حمد يقرا ويضحك : هههه ابوي اقرا عادي ابو حمد : إقرا اخر سواد وجهي من ابو الفعايل الشينه الكل يضحك مشاري كمل كتابة وحمد اخذ الكرت وبدي يقرا وهو ماسك ضحكته : يابنتي ابوك كان وجه بلاوي وللحين وجه بلاوي مشكلجي وطول الوقت يفشل ابوه لاتسمعين له ولاتهابينه يوم يسوي فيها ابو حازم ...نصيحة واحد يعرف ابوك مثل راحة إيده نسيت شي تراه مجنون بحال مرضاه ...توقيع مشاري عبد الرحمان الكل فطس ضحك واولهم الشياب ابو حمد عصب : مشاري وش هالكلام مشاري اخذ كرت ثاني ويكتب للين : ليش كذب ياوجه البلاوي والنكب ويالمجنون الكل موب قادر يسكت ابو حمد ماسك ضحكته : فشلتني قدام لعيال ابو سلمان : ههههه تستاهل وهو صادق فكل كلمة حمد يضحك : يبه ههه من جد إنت وجه بلاوي ابو حمد بحزم : حمد إلزم حدك حمد تسدح ضحك اكثر والكل يضحك معاه ابو حمد مسك راسه : هاذي بدايته شوف ولدي قلت له إسكت ماسمع الكل : ههههههههههههههاي ههههاي مشاري إبتسم : منهو اللي بنته لين ابو ماجد ( سامر) بسرعة : هي من غير شي طلعت الشيب فني الكل فطس مشاري ضحك : هههه بنتك ...هين ...وصار يكتب ابو ماجد بمزح : ماجد ماوصيك من الحين إفزع معي ماجد فقع ضحك مع الكل وكمل كتابة والكل يضحك وحمد اخذ وبدي يقرا لهم : بنتي لين الله يوفقك في حياتك وتطلعين الشيب اكثر في راس ابوك اللي مسوي فيها امهر دكتور وهو صم بكم عمي لايفقهون ...توقيع مشاري الكل فطس ضحك ابو ماجد تفشل : الحين انا مافقه شي في الطب مشاري اخذ كرت ثاني : وعندك شك الكل يضحك ابو ماجد يمثل : وافشلتاه الباقي مفقع ضحك مشاري يقرا الاسم : ومنهو رهف بنت منهو ابو سلمان بهدوء : بنتي وترا تسوي خير لو تنصحها تعقل شوي الكل فطس ضحك مشاري يكابر علي مشاعره وهز راسه بإيه : ابشر نصيحة مقلوبة ...وصار يكتب وكل مفقع ضحك ابو سلمان ضحك غصب : هههه صدقني اتكلم من جد مشاري يكتب : وانا بعد سلمان : ههههه يبه جهز نفسك لوجع الراس الكل يضحك لين كمل مشاري وقراها حمد : بنتي رهف تدرين معني الاسم هو الاحساس الرهيف والمرهف بس ابوك يباله الكشرة ورفع الحاجب ..ابوك مفكر نفسه تحصل علي جائزة نوبل في الطب خليه يحلم عسي يحقق حلمه في المنام وماوصيك إسمعي كلامه بالمقلوب زين يابنتي وخليه يصير عنده مرض بقلبه مأوصيك...توقيع مشاري ابو سلمان مسك راسه والكل ضحك سلمان : ههههه يبه وين وصلت ابو سلمان بمزح : راسي يعورني من الحين مشاري ضحك مع الكل واخذ كرت ثاني وكان باسم رغد : منهو رغد ضاري ضحك : هههه إختي الوحيدة مشاري طالعه شوي وهز راسه : رحمتك ...وبدي يكتب والكل ضحك ضاري يطنز : هههه مشكور ماتقصر مشاري كمل كتابة وحمد قراها بعد ماقال له ضاري يقرا وكان المكتوب : الرغد هو العطاء في الحنان الرغد هو العطاء في الامان الرغد هو حب الاخو دون المقابل حطي أخوك بعيونك ...توقيع مشاري ضاري من قلب : مشكور هي بالاصل تبدني علي العالم مشاري إبتسم له واخذ اخر كرت : الله يدوم المودة بينكم الكل : امين مشاري قرا الاسم وبهدوء غريب ويدري الجواب : منهو شوق ابو سلمان ناظره : بنتي بعد وعاد مارح تسمع لك ابد مهما كتبت العيال والشياب ضحكوا وابو حمد ( رائد) يناظر مشاري وابو سلمان ( محمد ) بعد مشاري بهدوء قاتل : عندي نصيحة لها اقدر اكتبها ابو سلمان هز راسه بإيه : إعتبرها بنتك مشاري صار يكتب بهدوء والكل سكت فجاة ويناظره شمعني صار هادي شمعني إختفت إبتسامته اللي صنعها غصب شمعني إختفي فرحه لثواني كان موجود والحين تبخر ابو سلمان يناظر ويفكر وش ممكن يكتب لها ويمكن يقصد زوجته ووجه لها ولو حرف من الحروف ابو حمد يناظره وينتظر يسمع وش يكتب لها مشاري كمل كتابة ابو حمد : نقدر نعرف وش كتبت لها مشاري هز راسه بإيه ومد الكرت لحمد حمد مسكه وبصوت هادي : شوق بنتي الطريق صعب حاولي تمشين بالطريق السهل ...توقيع الزمن الكل إستغرب اربع خمس كلمات والتوقيع مو مفهوم ابو سلمان يناظره وماقدر يقول اي شي ليش ابو بدر يقول طريقها صعب والحين مشاري يقول طريقها صعب الكل تم ساكت لين كسر الصمت ابو بدر بهدوء : شايف طريقها صعب ابو سلمان كان اول واحد يلف له ومستغرب حده مشاري بهدوء وإبتسامة خفيفة : مثل مو شافيك الكل عقد حواجبه وابو حمد فهم عليه أبو مشاري بحزم : مشاري مشاري فز : سم أبو مشاري : إرجع للواقع واكتب توقيع ثاني للبنت مشاري نزل عيونه : ماقدر يبه اول كلام طلع معي هذا هو . أبو مشاري سكت وابو سلمان بخوف ساكنه : شمعني طريقها صعب مشاري بهدوء قاتل : مجرد توقيع وكلام في الخيال مو في الواقع ابو سلمان قطب حواجبه ويبي يفهم شقصده ابو حمد يناظر مشاري مشاري مبتسم وقام : يبه وقت دواك ..اجيبه لك ....مشي طالع وفنفسه "حلمي فيها بيتحقق وبسمة رح تتألم .. أنا اهتم لها ولبنتها اللي يحب يهتم بحبيبه وبأحباب حبيبه " الكل يطالعه وهو تحرك طالع عنهم وأبو سلمان يلحقه بنظراته ...توقعه بيكتب شي يلمح لشي بس ماتوقع هالكلام المختصر المبهم حمد حط الكرت مع الباقي ابو بدر إبتسم علي ملامح مشاري الواثقة وعرف بسوي شي هم كلهم مايقدرون عليه حتي ابو سلمان ولف علي عبد الرحمان : نسيت أسال أبو مشاري طالعه والكل عشان مشاري خلي السكون يعم المكان : تفضل ابو بدر : إيش هو إسم ولدك الثاني الكل إستغرب منه غير السالفة كلها أبو مشاري إستغرب بدروه : إسمه سعود ابو بدر : عاشت الاسامي يوم يرجع ابي اشوفه أبو مشاري : أن شاء الله ...وصاروا يسولفون وابو سلمان عايش بافكاره وحمد وخالد لين رجع لهم مشاري غير عن مشاري الهادئ اللي طلع وقعد معهم ويسولفون لين سمعوا صوت عزف أبو سلمان حس بشوية عصبية ليش لتعزف أبو خالد ( بدر ) إبتسم : هالعزف حلو مشاري إبتسم : بنتي عازفة مبدعة ابو سلمان ناظره فكرها إم سلمان ابو حمد بهدوء : منهو علمها العزف مشاري نزل عيونه " الذكري الحلوة بينا يوم علمتني العزف يادميتي ": انا علمتها ...تعرف أنا اعزف هرمونيكا ابو بدر يسمع لها : عزفها طاهر وصافي ونقي الشياب لفوا له والعيال بعد أبو مشاري : عجبك !؟ ابو بدر عيونه بعيون مشاري : إيه تعزف مثل إم سلمان مشاري ناظره وقلبه نبض بقوة تمني تشبهها لو بشي وطلعت تشبهها باحب صفة فيها عنده وهي العزف وشاف ابو بدر ياشر له بمعني اضحك وإبتسم ومشاري فهم عليه أبو سلمان بهدوء وبعصبية يخفيها شفيه ابو بدر يسولف لمشاري عن إم سلمان : عزف بنتي ماعجبك مثل ماعجبك عزف هالبنت الكل لف له وحس بالغيرة في كلامه أبو بدر إبتسم بعطف وحنيه : بنتك ماعرفت شي إسمه الالم عكس هالبنت ابو سلمان حس بالكل يناظره واولهم مشاري وبمزح : احسن حتي اقهر بنتي واقول لها تعلمي اكثر وتعالي يومها افتح لك القسم الكل ضحك إلا مشاري وابو بدر ابو سلمان لف علي مشاري : خلي بنتك تعلم بنتي العزف مشاري بس هز راسه بإيه له وماعلق ابو أسامة : بنتك تبي قسم للعزف والرسم ابو سلمان : ايوه أبو أسامة ضحك : سبحان الله كانت امنية امها افتح لها القسم وإنتقلت الامنية لبنتها الكل ضحك ومشاري منزل عيونه ويطالع قدامه ويفكر فحركة ابو بدر له ""إبتسم وإضحك "" ابو سلمان إبتسم : ايوه بنت أمها ابو بدر بهدوء : لو اقول لك انا أفتح لها واحد توافق أبو سلمان عقد حواجبه : عمي السالفة مابيها تشتغل ابو بدر إبتسم : بنتك ماتطلب الكثير تطلب بس القليل واتوقع طلبها الوحيد هذا هو ابو سلمان يطالعه وهز راسه بإيه شوق ماتقول ابي اي شي كل اللي تبيه قسم للعزف أبو بدر: زين لاتكسر ب خاطرها بطلبها الوحيد. ابو سلمان بهدوء والكل يطالعه : تبي افتح لها القسم أبو بدر : ولا تتردد ...ولو تبي تتأكد قل لها تطلب ورح تقول تبي انو بس هالشي أبو سلمان سكت ويفكر في كلامه وخالد وحمد يطالعونه ويتمنون يوافق دامها أمنيتها الوحيدة مشاري ماعلق حاله حال الكل يوم سمعوا صوت عزف ثاني يوم وقف العازف الاول سلمان إبتسم : منهو يعزف الحين جواب مشاري بدال الكل وبإبتسامة : عازفة صغيرة عاقلة حنونة هادية طيبة الكل لف له ابو بدر إبتسم : عجبك عزفها مشاري هز راسه بإيه : إيه عزف حلو والدكتور يقول مايفتح لها قسم حرام عليه ابو سلمان إبتسم غصب مشاري لف له وبجد : بنتك كبيرة بعقلها حقق أمنيتها الوحيدة أبو سلمان بهدوء وبمزح : بفتح لها واحد ولو تفشلني تحمل إنت وعمي الكل ضحك ومشاري ماعلق ابو بدر: ابشر ...وماهوب إلا شوي وسمعوا عزف ثاني غير عن الكل الكل إستغرب منهو العازف هذا اللي يلعب مو يعزف مشاري ضحك غصب : ههههه هالبنت فوضوية الكل طالعه وضحكوا لكلامه ابو عبد الله ( أسامة ): ههههه منهو مشاري بثقة : مادري بس هالعازفة تعرف ثلاث اشياء بس الضحك واللعب والفوضي الكل تسدح ضحك أبو سلمان : ههههه عشان قلت لك إنصحها تعقل شوي وماسمعت الكل فطس ضحك ومشاري بعفوية : هههه بنتك الله يعينك الكل يضحك وضاري مفقع ضحك وخق علي هبال رهف أبو سطام ( طلال ) : هههه بس الصراحة لله عزفها حلو يفرح القلب ويخليك ترقص غصب الكل : هههههههههه ايوه . وهم يضحكون رن موبايل مشاري مشاري فرح وقام يرد أبو مشاري بسرعة وفهم من ملامحه : ياوليدي مو سعود مشاري : ايوه يبه اروح ارد عليه وأرجع أبو مشاري : عطني أسولف معه مشتاق له مشاري توهق : اكمل معه واعطيه لك أبو مشاري بنص عين وهز راسه موافق ومشاري رد وطلع عنهم أبو مشاري : شفت ياعبد العزيز ابو بدر إبتسم : وش اشوف يأخوي أبو مشاري بثقة : عيالي فيه طبخة يطبخونها ورا ظهري بس إلا ماتحترق وتطلع ريحتها الكل فطس ضحك أبو أسامة : ههههه وش طبخته أبو مشاري ضحك : ههههه العلم لله بس هين انا لهم الكل ضحك ابو بدر : اخوي لاتفكر بشي ترا انا نفس حالتك أبو مشاري : وشلون ابو بدر بمزح : عيالي كلش يخبونه علي ويكنون يسولفون ويوم ادخل عليهم يغيرون السالفة تقول ملك الموت إيجاهم الكل : هههههههههه سطام مسك بطنه ومفقع ضحك ابو خالد ( بدر ) : ههههه افا يبه ابو بدر تذكر شي : ليش كذب علمني يوم ابو عبد الله خطب بنتك لولده مو إتصلت وقلت لي تراك معزوم علي ملكة حفيدتك الكل موب قادر يسكت ابو خالد تفشل وطالعه ابو عبد الله ( أسامة ): يبه قلت ماعندك مانع ابو بدر : ولو خذ شوري حتي ابو عبد الله مإتصل علي ابوه واخذ مشورته ابو عبد الله طالع ابوه بفشلة أبو أسامة : هههه اقول اخوي ابو مشاري كلنا في نفس التيار الكل فطس ضحك وابو خالد وابو عبد الله ضحكوا غصب أبو مشاري : هههه دام كذا الحمد لله قلت بس انا الكل يضحكون ابو بدر بفرح : يعني ماتزعل من عيالك أبو مشاري : ايوه وإنت الصادق مرت خمس دقايق ورجع لهم مشاري بعد مارح حق غرفته جاب اوراق معه أبو مشاري : لا تقول سكر مشاري بخوف : يبه كان مشغول وما.. أبو مشاري قاطعه : و ماعنده وقت حفظت الموال مشاري ضحك غصب والكل معه مشاري مشي عنده وحب راسه : قلت له ابوي يبي يسولف معك وقال يكمل شغل والمساء يتصل عليك وتسولف معه أبو مشاري بزعل : قص علي بالكلام مفكرني بزر عندك الكل يضحك عليهم مشاري : افا يالغالي والله اتكلم جد وبعدين عنده خبر بكنوز الكون أبو مشاري فرح : وش خبره ليكون بيرجع نهائي مشاري إبتسم : مادري بس يقول خبر بفرحك أبو مشاري بقهر : مافيه شي بفرحني اكثر من خبر رجوعه وزواجه مشاري غمز لأبو بدر : يمكن يبه منهو العالم أبو مشاري بثقة : انا العالم ياوليدي اخوك تزوج بكندا وزوجته هي الطب الكل تسدح ضحك ابو بدر : هههههه اشوفك تكره شغله ودراسته أبو مشاري من قلب : ترا كل يوم أدعي الله ياخذ الطب ويريحنا منه الكل مفقع ضحك أبو سلمان وابو ماجد : ههههه افا ياعم أبو مشاري بحزم : إسكت إنت وهو لأدعي عليكم مع طبكم الاثنين بلعوا ضحكتهم والكل يضحك عليهم ابو بدر : بإذن الله يرجع ويستقر بوطنه ويتزوج بعد أبو مشاري من قلب : امين يارب صار بعمر 35 وللحين مافكر يتزوج ويوم أقل له تزوج يقول الله يهداك يبه وش هالكلام الكل ضحك ابو اسامة : ههههه وش الله يهداك أبو مشاري بمزح : بهالزمن ياخوي يوم تطلب من ولدك يتزوج يدعي لك بالهداية عشانك خرجت عن شرع الله الكل : هههههههههههههاي هههههاي مشاري : خلاص يبه إتركه علي راحته أبو مشاري : ترا إنت اكثر واحد ماثر علي عقله مشاري إبتسم : ليش وانا وش علي أبو مشاري : تقول له إدرس وحقق طموحك ولا مرة قلت له تزوج مشاري : تبي اقل له يتزوج أبو مشاري : ايوه حتي اقول لك الكل ضحك ومشاري : ههههه ابشر هين يرجع أبو مشاري بثقة : بالكلام شاطر وبالافعال العلم لله الكل ضحك ومشاري تفشل أبو مشاري : بس هالمرة انا له ابي اشوف عياله علي حياة عيني الكل : امين مشاري حب يغير السالفة : اقول ياعيال العيال : سم مشاري : تعرفون فندق حلو يقدم خدمات حلوة أبو مشاري : وش فندقه !؟ مشاري : نحجز فيه يبه ننزل علي المدينه عشان علاجك بالمستشفي أبو مشاري : تسوي خير ياوليدي تفكنا من روحة المستشفي مشاري : لا يبه إنت مريض ومارح ارتاح غير يوم نروح ونتطمن علي صحتك أبو مشاري سكت يعرف بيأخذه غصب عنه أبو بدر بزعل : مشاري ياوليدي وش قاعد تتكلم مشاري لف له : شلون ياعم ابو بدر : وتفكر تنزل علي المدينه وتحجز فندق وبيتي موجود مشاري توهق : تسلم ياعم مانبي نثقل عليكم ماندري كم رح نقعد عشان العلاج ابو بدر عصب : ابو مشاري وين العكاز العيال ضحكوا مشاري خاف : عمي السالفة ... أبو مشاري قاطعه : عبد العزيز شوفه هناك عكازي الكل يضحك مشاري بخوف وإبتسم : يبه تبي تقعد ببيت عمي ابو بدر ابو مشاري : لا مو كذا بس دامه طلب العكاز حبيت يأدبك شوي الكل ضحك ابو بدر : ههههه ترا وعلي قولت ابو سلمان اخبرك قعدتكم ببيتي مفهوم أبو مشاري : تسلم والله اخوي بس بغير مرة ونزورك لبيتك ابو بدر بزعل : ترا ازعل عليك ياعبد الرحمان أبو مشاري : لا لا تزعل مايهون علي بس إنت تدري عندي حفيدة وهي رح تقعد معنا بعد ابو خالد ( بدر ) خش : حفيدتك تقعد مع بنتي ...طلبناكم لا تردونا ابو مشاري : ماعاش منهم يردكم بس .... ابو بدر : اخر كلمة قعدتك ببيتي ويوم تكمل علاج بروح لجدة معك واقعد شوي ببيتك ابو مشاري فرح : والله واتشرف وكنت بقول لك تروح معي ونزور الحرم الشريف ونعتمر مع بعض ابو بدر بفرح : ابشر بإذن الله مشاري : زين دام كذا يقعد بس ابوي وانا بنتي نقعد بالفندق ابو بدر : وبعدين معك ياوليدي مشاري : صدقني ياعم تسلم علي كرمك بس بنتي مكانها جنبي ابو خالد بزعل : افا عليك ترا زعلتنا منك مشاري بسرعة : لا اخوي ماعاش منهو يزعلك بس السموحة ولو تبي اجيبها تزور بنتك وتقعد معها بالنهار ابو مشاري : ياوليدي لاتحاول معه اطلب منه كلش إلا هالشي مشاري طالع ابوه ابو بدر فهم عليه ...مشاري مايبي يقعد بروحه : ياوليدي علمني يوم يخطبون بنتك مارح توافق او شنو الكل ناظر مشاري مشاري عقد حواجبه : يخطبون بنتي ليش الكل ضحك عليه ابو مشاري : خليها عندك لاتزوجها مشاري إنتبه : ماعندي بنات ازوجهم ابو مشاري ينهي السالفة : يوم يكون الشور شورك الكل : ههههه مشاري بزعل : يبه من جدك ازوجها ابو مشاري : ايوه ومن جدتي ومن خالتي ومن عمتي بعد الكل تسدح عبد الرحمان كل كلامه مزح يشبه ابو بدر مشاري ضحك : هههههههه يبه وحيدتي ترا ابو مشاري إبتسم : ادري يايبه هي بنتك الوحيدة وانا حفيدتي الوحيدة بس هاذي هي سنه الحياة مشاري بكل جد : مستحيل اوافق لو يدفعون مليار ريال ابو بدر بمزح : قال لك ابوك يوم يكون الشور شورك الكل ضحك مشاري : إتركونا إتركونا من هالسالفة مابي افكر حتي فيها بنتي بتقعد معي الكل ناظره وشافه جاد بكلامه وابو سلمان والكل حس انو روحه هي بنته ومايقدر يتخلي عنها بسهولة مشاري بهدوء : دكتور رائد ابو حمد : سم اخوي مشاري : احتاجك شوي نقدر نطلع برا ابو حمد إستغرب وقام : ايوه تفضل مشاري قام واخذ إذن من الكل وطلع مع ابو حمد وابو سلمان يفكر في شي واحد بس ويدري لو يطلب مارح ينرد والباقي كملوا سوالف مشاري عطي الاوراق حق ابو حمد ابو حمد إستغرب ومسكها : وش هذا مشاري بإمتنان : قلت لك حق العلاج وهي اوراق مليكة بأسم حمد ابو حمد عقد حواجبه : وش علاجه وملكيته مشاري حط إيده علي كتف أبو حمد : حمد وليدي وانا كتبت له شوي من املاكي وصارت بأسمه ابو حمد عصب : مشاري وش هالشي وبعدين قلت لك حق العلاج وصلني من سنين ومابينا هالاشياء ...خذ ولاتزعلني منك مشاري مبتسم وبهدوء : ولو قلت إني ورثت ولدي تردها بعد ابو حمد ماعرف وش يقول : مو كذا بس إنت اخوي وانا سويت واجب الاخو بس مشاري قاطعه : وحمد وليدي هو وبسمة وكلش لي لهم بس إثنينهم ابو حمد إستسلم يدري مارح يرضي إلا بالهشي وبهدوء : إنت قلت حمد ولدك ...إبتسامته مهمتك مشاري طالعه مستغرب : شلون أبو حمد : حلمت حلم مو زين ومابي يتحقق حمد أمانة عندك مشاري حب راسه وماعلق أبو حمد حس بالراحة وبمزح : عسي بس كسب ورثة زينه مشاري ضحك غصب : قطعة أرض صغيرة بور بجبل طويق أبو حمد : ههههه دام كذا تفضل أوراقك مشاري ضحك : هههه هالمزرعة له وبإسمه ويوم يبي يزورها يحصلها وكلش تدخله يدخل حساب سويته له وبأسمه أبو حمد طالعه بصدمة هالمزرعة تسوي ثروة وفتح الاوراق وحصل ملكية نصف الشركة اللي يملكها مشاري مشاري بهدوء : خلينا نرجع أبو حمد : مشاري هذا كثير وبعدين حمد عنده والحمد لله مشاري : ولدي الوحيد هو وبسمة أبو حمد إبتسم بحب له : وش الطبخة اللي تطبخها إنت وأخوك مشاري ضحك وقال له وأبو حمد ضحك وقال له مزاح بس مشاري حكي له ...ورجعوا للكل وابو بدر راح مع عبد الرحمان حق قبر ابو مشاري يزورونه ومعهم ابو أسامة ومشاري وابو حمد ورجعوا ورحوا للخيم اخذوا اغراضهم ورجعوا للمزرعة تجهزوا ورجعوا لبيتهم بعد ماصلوا العصر في المزرعة ومشاري سبقهم مع بنته وابوه ومعهم ابو بدر اللي ابو مشاري مايبي يفراقه وهو بعد والباقي رجعوا كلهم مع بعض مثل م إجوا وإم سلمان جابت معها الكمان إم سلمان رجعت بالسيارة مع ابو سلمان بروحهم مثل م إجوا بروحهم وطول الطريق إثنينهم ساكتين وإم سلمان تبي تتكلم بس موب قادرة ماتدري وش تقول أبو سلمان ماحب يشغل عقله بشي مو موجود مشاري وبرهن له إنه مارح يقرب من زوجته وإنه مو خاين حتي يفكر بحرمة رجال غيره وإم سلمان ويعرف حبها له وإخلاصها له وكان يسوق ويطالع الطريق ويفكر في بنته شوق ليش الكل يقول لها طريقك صعب إم سلمان تطالع الطريق ومرة متوترة ابو سلمان مايسولف مثل عادته لفت له وشافته يسوق بإيد وحدة والثانية حطها علي الشباك ويفكر بعمق وكانه قاعد يفكر وماهمه الطريق إم سلمان بصوت خفيف : ابو سلمان ابو سلمان علي حاله إم سلمان شافته سارح وفكرت بالشي اللي تخافه ومدت إيدها وحطتها علي كتفه : محمد ابو سلمان إنتبه ولف لها وإبتسم : سمي يالغالية إم سلمان بحب : شفيك سارح يانور عيني أبو سلمان :تطمني ولا شي إم سلمان نزلت عيونها وبتردد : إنت زعلان مني ابو سلمان لف لها : ليش ازعل منك إم سلمان برجا : مادري أحسك زعلان وابي رضاك ابو سلمان فرح من قلب : يابعد قلبي ويابعد هلي وناسي مازعلت منك وانا شعري اسود حتي ازعل منك وشعري ابيض . إم سلمان ضحكت من قلب : ههههههه يالعجوز ابو سلمان فرح لضحكتها : يالبي هالضحكة مشتاق لها إم سلمان إستحت وغيرت السالفة وتطمنت دامه مو زعلان : زين بشنو سارح ابو سلمان إبتسم : غيرتي السالفة ماعليه ...كنت افكر فشوق . إم سلمان بإهتمام : شوق !!..شفيها شوق ..!! ابو سلمان يطالع الطريق وبهدوء : عمي ابو بدر ليش يقول طريقها صعب إم سلمان تناظر زوجها وبهدوء : حتي انا كنت ابي أساله ابو سلمان : بس إنت قلت له قدرها ولزوم تواجهه إم سلمان : وش تبي مني اقول لو كان طريقها صعب لزوم تواجهه ابو سلمان بهدوء وبتردد : حتي مشاري قال نفس الكلام إم سلمان نبض قلبها ولفت له بإهتمام تعرف مشاري تعرفه عدل معظم كلامه تحقق تخافه وتخاف كلامه ابو سلمان تم ساكت ينتظرها تتكلم وبصوت هادي وعيونه علي الطريق : ليش ساكته إم سلمان تناظر الطريق : القدر بإيد الله وحده العالم بالغيب أبو سلمان تنهد بعمق : والنعم بالله واللي كاتبه بصير إم سلمان حبت تطمنه ابو سلمان يعز شوق مرة : لا تشغل بالك ولاتفكر بشي أبو سلمان إبتسم بحنان لها : ايوه وبعدين لو أطلب منه مارح يردني إم سلمان إستغربت : تطلب من منهو !؟ أبو سلمان يناظر الطريق ومارد عليها إم سلمان عرفت إنه قاصد مشاري بس وش طلبه ماتدري وش رجع مشاري علي حياتها ماتدري ..وش جابه لطريقها بعد هالسنين ماتدري | ||||
|  |
|
25-11-20, 03:22 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل العاشر ياغموض القدر ياوضوح الفجر يالون الزهر ياصمت الحجر يامحطة العمر ياقطار السفر إسألي الغيم هل نسي ذكري المطر ..! إسألي الندي هل تجاهل اوراق الشجر ..! إسألي العاشق هل تخاذل بقول الشعر ..! إسألي العابد هل ترك صلاة الفجر ..! إسألي الموج هل فارق ربوع البحر ..! إسألي الساعة هل غفت لحظة من الدهر ..! إسألي قلبي هل تجاوز سن العاشرة من العمر ..! ولكن لا تسألني كم أحبك ..؟ فحبك لايقاس ولا تسألني لماذا أحبك ..؟ لأني فضلتك علي الاجناس ولا تسألني الي متي سأحبك ..؟ لاني لا اعرف متي تغادرني الانفاس √√ بسيارة سلمان رهف ماتته ضحك هي وشجون وولين علي توقيع مشاري لهم وقرروا يهبلون ف الأبوان وشوق ماسكة الكرت قرته وقرته وقرته ....تفكر وتفكر وتفكر ...وش فيه وش فيه وش فيه ....عجز عقلها عن كلش عن التفكير عن الفرح عن الحزن ماعرفت شمالها من جنوبها وطول الطريق ساكته رهف كانت تسولف مع سلمان : سلوم حبيبي تكفي إتصل عليه إعزمها سلمان مل من ركبوا وهو يكرر الكلام : رهف ماتسمعين قال له عمي ابو خالد ورفض يقول بنته تقعد جنبببببه إفهمي رهف تحلطمت : اوووف دق عليه اكلمه انا سلمان طير عيونه : إحلفي بس ياشيخة رهف برجا : تكفي الله يخليك والله مرة مرررة حبيت البنت سلمان مسك راسه : تبين اخطبها لك او شنو رهف عصبت وعبد العزيز ضحك رهف : سلوووم سلمان بحزم : شب طلع الشيب فني هبلتني قلت قال ممنوووووووع إفهمي رهف بوعيد : هين أقول لأبوي يعزيمها سلمان تنفس : اللي تبيه المهم ريحني منك و من همك رهف سفهته ولفت علي شوق : وش عندك مقفلة شوق تناظر علي الشباك وبصوت هادي : رهف مالي خلقك رهف بوزمت : مارح تساعدني نعزم بسمة شوق : لا بساعدك تطمني انا أبيها تقعد معنا رهف حست فيها : شويق قلبي شفيك شوق غرقت عيونها دموع غصب : ولا شي رهف قربت منها وبهمس : حمد وخالد قالوا شي لك زعلك شوق خنقتها العبرة : لا رهف بحب : زين شفيك ليكون مريضة شوق حبت تطمنها : لا ياقلبي تطمني انا زينه تعبانه بس رهف حست شوي بالراحة : زين ولو مزعجك شي قولي لي زين شوق هزت راسها بإيه ولو ماقالت لها تقول لمنهو ورجعت تناظر الطريق ورهف سكتت شوق تناظر الطريق ومروا علي سيارته وفنفسها " فرحت ايوه فرحت تمنيت نطلع مع بعض وأشوفك وأسولف معك بس ماتوقعت هالشي وش مخبي لي يازمن " نزلت عيونها وتناظر قدمها تحبه تعشقه تغليه تعزه ومن هي بنت صغيرة لها دفتر كلها رسومات له سر خاص فيها يوم صارت بعمر 14 حبته ويمكن حبته قبل هالسن تكتب كلش يصير معها معه وكل صدفة تجمعهم والحين وش جاب الثاني علي حياتها ...تمت ساكته وتناظر الطريق وتناظره لو مر جنبهم خالد كان يسوق في السيارة وجنبه ابوه وراه اسيل وامه ومحمد ويفكر في شوق ويتمني إن شكه بحمد يطلع شك وبس ويكون حمد مايحبها يتحمل كلش إلا حمد وشلون عاد يحب نفس البنت اللي يحبها وفنفسه " يلحق عمره شوق لي انا وهو يحلم فيها " تم يسوق ويتمني يجمعهم القدر مرة ثانية ويعبر عن مشاعره الوليدة في يومين لشوق حمد نفس حالته ويفكر في شوق ويتمني يقول إنه يحبها بس ماعرف شلون يخاف تزعل منه وهو كلش ولازعلها وصار يسوق جنب سيارة سلمان عسي يقزها شوي شجون طلعت الشيب في راس ابوها يعزم بسمة لبيتهم باي ثمن وهو وعدها يعزمها وتقعد معها وشجون فرحانة هي طول الوقت وهي بروحها بالبيت وتتمني تقعد معها بنت ثانية بالبيت تسولف معها فواز يسوق ويفكر في إثنين ملاك والصحافة وقرر يغير دراسته ويدخل معهد يدرس صحافة وادب وفنون وملاك يتركها لزمن ويعرف وش طبيعة مشاعره لها جذبته بصوتها بدلعها برقتها وبانوثتها بكل شي فيها سحرته سطام وليد عجبتهم الطلعة وحبوا يعدونها بغير مرة ويعزمون الكل واولهم ابو حمد وضاري عشان شجون ورغد ريماس زعلانه هي والكل راجعين علي ابها بكرة ويبون يقعدون اكثر بس وراهم دراسة وإختبارات بعد اسبوعين ولزوم يتجهز الكل لها وصارت تتمني ماينسها سلمان ويفكر فيها مثل ماتفكر فيه وماعرفت إنه مكشر بس دامهم راجعين لأبها وطول الوقت يقول لماجد إرجعوا عيشوا بالرياض ازين عشان يكون قريب لو شوي منها عيونها ماترحم وهو غاص في إعجابه لها من ساسه لراسه مر الوقت وصلوا كلهم بعد صلاة المغرب صلي كل واحد ببيته وغرفته وتجمعوا علي العشاء بعد صلاة العشاء وقعدوا يتعشون أسيل ترجت ابوها يعزم بسمة علي بيتهم وهو وافق وقال لمشاري اللي كان معزوم عندهم للعشاء هو وابوه وبسمة بس مشاري رفض وسهروا بس عندهم واسيل إنقهرت ببيت ابو سلمان كان كلهم يتعشون وشوق ساكته رهف بدلع : ابوي إعزم بنت عمي مشاري إم سلمان ( إبتسام ) ناظرت رهف ابو سلمان ( محمد ) إبتسم : ليش ليكون حبيت البنت رهف فرحت : ايوه يبه وبعدين هم يقعدون بالاوتيل وهي تقعد عندنا احسن ابو سلمان : عمك ابو خالد ( بدر ) عزمها بس ابوها رفض رهف كشرت : ماعليه داد إرجع إعزمها ابو سلمان ضحك : ههههه إن شاء الله بكرة اعزمها رهف بوناسة : مشكور يبه ابو سلمان : فكرتك بتقولين ثانكس داد الكل ضحك إلا شوق إم سلمان إنتبهت عليها : شوق شوق لا رد ابو سلمان ناظرها والكل إم سلمان بصوت عالي شوي : شووق شوق فزت : ها هلا يمه سم أم سلمان بحنية : وينك فيه ياقلب أمك شوق : معكم يمه تبين شي ابو سلمان بحنان : شفيك يبه !؟ شوق توترت : ولا شي إم سلمان بحب : ليكون تعبانه وانا امك شوق توهقت والكل يناظرها : لا يمه تطمني مرة زينه إم سلمان بعطف: زين وين سارحة رهف خشت وبثقة : بدراسة يمه ..تقول يومين غايبة وشلون تدراك اللي ضيعته إم سلمان تطمنت : ماعليه يمه شوفي مع البنات شوق تنفست رهف انقذتها : اخاف يكون درسوا شي م أفهمه ابو سلمان إبتسم : انا افهم دلوعتي شوق شوق فرحت وضحكت غصب : هههه اخاف مافهم وتضربني أبو سلمان : هههه لو تستاهلين الضرب اضربك الكل ضحك شوق : ههههه من الحين فاهمة ابو سلمان ( محمد ) تذكر شي : زين شدي الحيل ومثل ماقلت لك قبل جبي نسبه حلوة وعندي هدية لك شوق إبتسمت له : مشكور يبه ماتقصر مابي إلا رضاك ابو سلمان : راضي عليك يبه ..بس علمني فيه شي تبينه اهديه لك سلمان ناظر ابوه وإبتسم شوق بحيا : لا يبه سلامتك رهف طيرت عيونها : غبية قولي اي شي الكل : هههههههههه شوق : هههههه ماعندي اي شي ابيه رهف كشرت : لو انا مكانك كان شفتي الطلبات الكل يضحك ابو سلمان : ههههه اللي يعني علي تخرجك الكل فطس ضحك إم سلمان ( إبتسام ) : هاه شوق قولي له عن القسم عسي يرضي هالمرة شوق بثقة : مارح يرضي وانا مابي أثقل عليه بطلباتي ابو سلمان يناظرها وإبتسم " صادق ياعمي "وبحنان : زين عندي لك هدية مرة حلوة رهف فزت : وش هي !! ابو سلمان : مفاجأة لشوق شوق قامت عنده وحبت راسه : مشكور يالغالي مو ناقصني شي إلا دعاويك ورضاك أبو سلمان حب راسها :بدعي ربي يحقق لك كل امنية وطلب واتمني كل التوفيق لك يبه شوق فرحت فرح مو طبيعي لدعوته هذا اللي كانت تحتاجه ف لحظات شتاتها وخوفها وهو دعاوي ابوها وامها واللي تحميها من كل شر إم سلمان بغيره مصطنعه : والله الابو عنده مال ينحب راسه وانا ماعندي شي مايحبون راسي ابو سلمان بمزح : راسك مر العيال يضحكون شوق مشت عندها وحبت راسها : عندك قلب مايملكه مخلوق إم سلمان ضحكت : ههههه امزح يابنتي ...وابوك قولي له راسي مر وهو راسه علقم العيال : ههههههههه ابو سلمان مسوي فيها معصب : شوق قولي لأمك راسي علقم وهي سم الافعي إم سلمان عصبت من جد : شوق قولي لأبوك انا سم الافعي وهو الكبرى بكبرها العيال مفقعين وشوق واقفة بينهم مو عطوها فرصة تتكلم ابو سلمان ( محمد ) حط إيده علي الطاولة وبحزم وعيونه بعيون إم سلمان : شوق قولي لأمك تعرف وش قاعده تتكلم إم سلمان كتفت إيدينها : شوق قولي لأبوك يثمن كلامه وهو البادي رهف خشت ومفقعة ضحك مع سلمان وعبد العزيز وشوق : هههه انا اقول له ابو سلمان بحزم : بسكم ضحك امكم تشتم فني وإنتوا تضحكون العيال بلعوا ضحكتهم إم سلمان وصلت معها : منهو شتم الثاني انا ولا إنت ابو سلمان : إم سلمان أشوف تبين نتهاوش إم سلمان قامت : لا عاد تكلمني فهمت انا حرمتك وإنت تقول عني افعي ابو سلمان قام والعيال فهوا اثاري بدت الحرب بينهم : والله يالحرمة الصالحة وش قلت إنت مو قلتي عني كبري إم سلمان عصبت : ايوه كبرى ولونها اسود بعد ...ومشت حق التلفزيون عبد العزيز ضحك والباقي ضحك غصب وراه ابو سلمان لف لهم : إضحكوا إضحكوا هين بتشفون وش بسوي فيها ...ولحقها العيال لفوا ويطالعهم سلمان مفقع : ههههه وش تتوقعون منهو يفوز عبد العزيز ميت ضحك : هههههه امي اكيد شوق : ههههه خلونا نتفرج رهف تبلع ضحكتها غصب : إسكتوا إسكتوا نشوف الحرب الاهلية بغوا يفقعوا ضحك وتموا قاعدين ويطالعون أمهم وابوهم إم سلمان قعدت قدام التلفزيون وشغلته وحطت مسلسل تشوفه وهي معصبة ابو سلمان قعد جنبها واخذ الريموت وغير القناة للأخبار إم سلمان لفت له بغضب ابو سلمان إبتسم بنصر وحط الريموت ويشوف الاخبار إم سلمان اول ماحط الريموت اخذته ورجعت المسلسل ابو سلمان ناظرها والعيال يطالعهم وماسكين ضحكتهم غصب إم سلمان مسكت الريموت عندها وتطالع التلفزيون وكانه مو فيه ابو سلمان مد إيده وسحب منها الريموت ورجع لأخبار إم سلمان عصبت : رجع المسلسل ابو سلمان يطالع الاخبار : وقتي مع الاخبار هذا هو وإنت تدرين زين هالشي إم سلمان سحبت منه الريموت ورجعت المسلسل : المسلسل اخر حلقة واخبارك مستحيل تنتهي بعدين وشوفها ابو سلمان سحب منها الريموت ورجع لأخبار : كل يوم مسلسل جديد وكل يوم اخر حلقة خلني اشوف شي مفيد علي الاقل إم سلمان ( إبتسام) : تقصد انا اشوف اشياء مو مفيدة ابو سلمان ( محمد) مسك الريموت عنده : ايوه إم سلمان قامت وبوعيد : تهني فيهم ....وراحت وهي تتكلم بروحها : هين يابو كبري انا لك العيال سمعوها وفطسوا ضحك ابو سلمان ضحك ولف وطالعها : اعرفك افعي مادري وش ناوية عليه بس انا لك العيال يضحكون ابو سلمان لف لهم وبحزم : ياللي بصفي يجي عندي وإلا ..... مامداه يكمل إلا العيال يطيرون بسرعة عنده عبد العزيز : بصفك بصفك ابو سلمان : أحسن إقعدوا ولو يسولف معها واحد اذبحه شوق : ليش ...مامدها تكمل ابو سلمان ناظرها بحزم وشوق قعدت جنبه بسرعة : ابشر ابشر ضحكوا وقعدوا كلهم إم سلمان ( إبتسام ) راحت للمبطخ وقاعده تلف حولها وتفكر وش تسوي وشلون تردها له وإيجتها فكرة طلعت موبايلها وبعثت رسالة لرهف رهف وصلتها وفتحتها " تعالي للمبطخ ولو تقولين لأبوك اشويك " رهف بلعت ريقها بين ابوها وامها وقامت ابو سلمان شك : وين !؟ رهف تصرف : شجون بعثت مسج اكلمها وارجع ابو سلمان بنص عين : جد او ليكون تكذبين رهف بسرعة : حشا يالغالي اكذب عليك ابو سلمان : زين خمس دقايق ترجعين ولو اشوفك مع امك يصير علوم رهف " ياويلي " : لا يبه تطمن وراحت بسرعة حق امها : سم يمه إم سلمان : وش قاعدة تسوي الكبري رهف ضحكت غصب : ههههه يشوف الاخبار إم سلمان بحزم : بسك ضحك وفكري بشي اقلبها له ابوك ظلمني رهف بخوف وتستهبل: يمه تبين مني اساعدك تنتقمين من ابوي إم سلمان عصبت: رهففف رهف خافت وبسرعة : حطي ملح بالقهوة او الشاهي إم سلمان فرحت : مشكورة يام الافكار إطلعي لأبوك يله رهف برجا : يمه حبيبتي لا تقولين له انا معك زين إم سلمان : يعني خايفة منه او شنو رهف بسرعة وتصرف : لا لا قصدي اجيب لك اخباره وش ناوي عليه إم سلمان صدقت : هاه زين ..وش ناوي عليه الحين رهف تنفست : ولا شي ولو ناوي علي شي اعلمك إم سلمان فرحت : زين إرجعي بسرعة يله رهف طلعت من عندها : رحت فيها ابوي من جهة وامي من جهة بس وش فيهم من صدقهم رجعت لأبوها وقعدت معهم وشوي إيجتهم الخدامة حاملة الشاهي في فناجين أبو سلمان : وين المدام الخدامة : ماما غرفه ابو سلمان بشك : منهو سوي الشاهي الخدامة : انا ابو سلمان : زين روحي لشغلك الخدامة راحت ورهف لفت وشافت امها تطل عليهم شوق عطت كوب الشاهي لأبوها ابو سلمان بشك : هذا اللي يسمونه هدوء ماقبل العاصفة العيال : هههههههههه ابو سلمان بحزم : هس العيال سكتوا ابو سلمان اخذ الكوب : امكم واعرفها بس اوريها إم سلمان سمعته : تحش فيني هين انا لك شوق عطت لسلمان ورهف وعبد العزيز رهف تناظر ابوها وبلعت ريقها ابو سلمان اخذ الفنجان واول ماشرب صرخ : بسممممممة إم سلمان فقعت ضحك وراه والعيال فطسوا ضحك غصب ابو سلمان رمي الشاهي من فاه : حاطة ملح إم سلمان إجته وتتشمت فيه: تستاهل يالعقرب أبو سلمان عصب من جد : هاذي اخر فعايل ام لعيال ام سلمان : وفعايل ابو لعيال ابو سلمان : انا زوجك لاتنسين العيال يضحكون من قلب إم سلمان قعدت : دامك زوجي قل عني افعي ابو سلمان قعد وبوعيد : مفكره مارح اقلبها هين إنت والخدامة إم سلمان : وش عليها الخدامة ابو سلمان : تكذب وتقول إنك بغرفتك إم سلمان : الخدامة مالك شغل فيها ولاتكلمها ابو سلمان بحزم : إم سلمان لاتكلمني بهاذي اللهجة إم سلمان بغيرة : ترا والله لو تكلمها اطردها ابو سلمان إبتسم غصب : وليش تقطعين برزق الحرمة إم سلمان عصبت : ترا اطردها جد بسك سوالف عليها ابو سلمان فقع ضحك والعيال فهموا السالفة وضحكوا وراه إم سلمان بحزم : إضحكوا إضحكوا من اليوم مافيه خدامة رهف طيرت عيونها : شلون يعني إم سلمان تقلدها : يعني قومي سته الصبح جهزي فطور ونظفي واطبخي وإنفخي شوق كشرت : جد إم سلمان : ايوه ابو سلمان ضحك : هههه تطمني تطمني مارح اكلمها يالغيورة إم سلمان عصبت : من زينك عاد الكل : ههههههههههههههه إم سلمان : بسكم يله ابو سلمان : خلاص خلاص ياعيال العيال سكتوا غصب ابو سلمان : إم سلمان نسيت اقول لك تجهزي زين إم سلمان إستغربت : حق شنو ابو سلمان : يعني حاطة ملح لي واسكت لك إم سلمان ضحكت : ههههه بعد قلبي تستاهل والله العيال : احم احم إم سلمان إستحت ابو سلمان ضحك : هههههه ياعيال شفوا إستحت ام لعيال الكل قعد يضحك علي حيا امهم وكملوا سوالفهم وللحين الحرب الاهلية علي قولت رهف موجودة لين تأخر وقت وراح كل واحد ينام ويرتاح ويروح بكرة حق دوامه بعد يومين غياب ببيت ابو الوليد بغرفته هو وزوجته ( فارس & أسماء ) أبو الوليد منسدح وهي تسرح شعرها وتذكرت شي وقامت عنده ام الوليد : فارس ابو الوليد كان يحاول ينام : سم يالغالية إم الوليد قعدت جنبه :سم الله عدوينك ... عندي سالفة ابي اقولها لك ابو الوليد قعد وبإهتمام :تفضلي وش هي إم الوليد :افكر اخطب لواحد من عيالك ابو الوليد فرح وبمزح : ماشاء الله ومنهو تخطبين لي إم الوليد عصبت : قلت لعيالك مو لك يالشياب أبو الوليد يمثل : افا لسه شاب وابي تخطبين لي إم الوليد بغيرة : ليكون من جدك ابو الوليد ماسك ضحكته وهز راسه بإيه إم الوليد عصبت : زين طلقني يله ابو الوليد ضحك : هههه اعوذ بالله وش هالكلام إم الوليد بزعل : إنت تقول بتتزوج علي ابو الوليد بفرح : مزاح يام عيالي لاتزعلين إم الوليد إبتسمت : لو ترجع تقول هالكلام يصير علوم ابو الوليد يضحك : هههه ابشري ...علمني منهو تخطبين إم الوليد بفرح : حفيدة عمي ابو مشاري ابو الوليد فرح : بنت مشاري إم الوليد : ايوه من شفتها حبيتها قلت اخطبها لولدك ابو الوليد فرح لو يصير هالشي يفرح ابوه :والله زينة العقل نخطبها لوليد إم الوليد : لا نخطبها لبدر شرايك ابو الوليد عقد حواجبه : بدر صغير ليش مانخطبها لوليد ازين إم الوليد إبتسمت : وليد مارح يرضي بس بدر مارح يعارض أعرفه مايرد لي طلب وبعدين نخطبها بس والزواج بعد سنين إذا الله راد وانا حبيتها لبدر واحسها من نصيبه هو أبو الوليد بفرح : المهم نخطبها لواحد منهم ..قلتي لبدر إم الوليد فرحت : لا بغيت اخذ شورك ابو الوليد : قولي له بكرة ولو وافق اقول لأبوي يخطبها له ام الوليد بوناسة : ابشر اقنعه ابو الوليد تذكر شي : بس اظن ابوها مارح يوافق أم الوليد إستغربت : ليش !؟ ابو الوليد قال لها وش قال الظهر إنه مارح يزوجها إم الوليد إبتسمت : شي طبيعي بنته الوحيدة وبكون هذا تفكيره نحن نتوكل علي الله ونخطبها ويمكن يوافق ابو الوليد إقتنع : زين وقولي حق بدر حتي ابوك يبي يخطبها لك إم الوليد بفرح : ابشر بدر علي بوافق لا تفكر بشي ابو الوليد ضحك : هههه بإذن الله بس اخاف وليد يزعل ويقول ليش تزوجون بدر قبلي إم الوليد ضحكت : هههه لا وليد بهبل فيه مارح يزعل ابو الوليد ضحك مع حرمته وكملوا سوالف لين ناموا اليوم اللي بعد العيال والبنات كل واحد راح لدراسته وبسمة راحت مع ابوها للمستشفي اخذوا ابو مشاري اللي فحصه ابو سلمان وينتظر النتايج و90 ٪ عملية علي القلب وللحين ماقال لهم بسمة قاعدة مع ابوها وابو بدر ينتظرون أبو سلمان وأبو مشاري ابو بدر : مشاري ياوليدي بنتك عندها دراسة او لا مشاري : ايوه ياعم تدرس ابو بدر : وشلون وهم يقولون عندهم إختبارات مشاري : ادري ياعم وهي جابت دفاترها تذاكر منهم ورح نرجع عشان إختباراتها ابو بدر إبتسم : ايوه ياوليدي ولو كان ابوك قاعد عشان العلاج تطمن انا فيه ولا تشغل بالك ابد مشاري إبتسم وبهمس : لا فيه مين يجي عنده يقعد معه ابو بدر إستغرب : منهو مشاري مبتسم : مابقي له ويجي ابو بدر يناظره بسمة قاعدة جنب ابوها وتسمع سوالفهم وماسمعت أخر كلامهم وشافت شخص جاي صوبهم بسمة بشك وفرح : ابوي ذاك مو عمي مشاري ناظره وشافه جاي لهم ويلوح بإيده : ايوه هو بسمة ماصدقت خبر وقامت له ركض : عمووووو أبو بدر إبتسم وعرفه : هذا هو سعود مشاري بفرح وللحين قاعد : ايوه اخوي الوحيد ولد ابوي وأمي الله يرحمهم ابو بدر ناظره ومشاري قام عنده بسمة ركضت له مدللها ومدلعها وصل : عمي سعوووود سعود وصل لها وهو رجال بعمر 35 واضح عليه الكشخه والرزه والذكاء والحنان سعود فرحه اكثر منهم وصل لها وحملها ويلف فيها : وشلون أميرتي بسمة تضحك وتفشلت : نزلني نزلني سعود يلف فيها : ههههه مابي شخبارك بسمة مفتشلة وتضحك والكل يطالعها : زينه زينه نزلني سعود يضحك ونزلها وحب راسها : شخبارك شعلومك بسمة بدلع وتسلم عليه وضمته : مشتاقة بكبر السماء لك سعود بوناسة : وانا أقول بكبر الفضاء مشاري يناظرهم : وانا او مالي سلام وحضن سعود ناظره : بسمة منهو هذا بسمة : هههههه متطفل علينا مشاري ضحك : ههههههه قلبتي علي سعود فرح اكثر وضمه : ماشاء الله اثاريك تعرف تضحك مشاري إبتسم وبصوت هامس : سعود مو وقتك سعود بعد عنه : وش اخباركم وش علومكم وش اخبار ابوي وينه بسمة تضحك عليه مسك خط مشاري إبتسم : بالف خير الحمد لله وإنت وش أخبارك سعود بقهر : اخباري ابد مو زينه مشاري ضحك غصب فهم قصده بسمة حزنت : افا ليش سعود قرص خدها : نسيت اشتري لك لعبة فلة بسمة عصبت : عمووو سعووود سعود ضمها له : يمه شكثر مشتاق لك يانبض قلب عمووو سعود بسمة تضمه : وانا بعد ياعمي ليش كل هالغبية سعود بعد عنها : خلاص رجوع نهائي مشاري فرح : من صدقك سعود يغمز له : اتوقع بسمة كشرت : قص علينا سعود : وين وين ابوي اسلم عليه وش قال الدكتور مشاري : للحين مع الفحوصات تعال فيه شخص اعرفك عليه سعود إستغرب ومش معه حق ابو بدر سلم عليه واخذ علومه سعود يناظره ابو بدر بفرح : يقول ابوك ماتحب تعيش بالمملكة سعود إبتسم : شكي لك ابو بدر إبتسم : ايوه لاتعب ابوك وهو رجال كبير سعود: ابشر ياعمي حبيت بس احقق شي بحياتي ابو بدر : انا مو فاهم شي ..الحين مايدرسون طب بالمملكة او شنو بسمة ضحكت غصب ومشاري إبتسم سعود ضحك : ههههه اتوقع ياعمي ابو بدر : الله يهداك إنت وبنتي كل همكم دراستكم سعود عقد حواجبه : عندك بنت تدرس طب مشاري طالعه بمعني خير ياعم وش هالسؤال ابو بدر إبتسم : ايوه وبكندا بعد سعود يناظره " كاني شايفك قبل" : ماشاء الله ..الله يوفقها ابو بدر : امين ويهديها الله وترجع لوطنها سعود ضحك غصب نفس حالة ابوه مشاري : امين ياعم سعود بتردد : عمي زرت كندا قبل كأنو شايفك قبل ابو بدر : ايوه بحفل تخرج بنتي يمكن شفتني سعود كانه متأكد : شفتك هناك ابو بدر : الدنيا صغيرة ياوليدي سعود : صادق ياعم مشاري حب يشوف ردت فعله : سعود هذا هو ابو بدر عبد العزيز بن صالح ال ( .........) سعود طير عيونه وماصدق خبر : إحلف ابو بدر ضحك : ههههه والله ياوليدي ...تعرفني سعود توهق وناظر مشاري بغضب : ايوه ياعم سمعت عنك مشاري ماسك ضحكته ابو بدر : عسي كل خير ياوليدي سعود بفرح مايسواه شي يدور عليه بكل مكان وحصله قدامه : كل خير ياعم كل خير وشافوا ابو سلمان جاي لهم مشاري قام : سعود هذا هو الدكتور وصل ابو سلمان ( محمد ): السلام وعليكم الكل: وعليكم السلام ابو بدر بلهفة : بشر ياوليدي ابو سلمان بفرح : لزوم عملية وتتحسن حالته بإذن الله الكل فرح سعود : وش عمليته !؟ ابو سلمان ناظره مشاري تدخل : اخوي سعود ابو سلمان إبتسم له ومد إيده : أظن الدكتور سعود سعود صافحه :توني كملت تدريب يادكتور ابو سلمان : هلا شرفت المملكة شخبارك سعود : بخير الحمد لله وإنت شخبارك ابو سلمان : بالف خير ابو بدر : هاه ياوليدي ماقلت وش عمليته ابو سلمان : عملية سهلة ياعم ونسبة النجاح عالية الكل فرح : بإذن الله سعود : ومتي العملية ابو سلمان : اجهز لها من الحين اليوم او بكرة كاقصي حد مشاري بخوف : ابوي مارح يوافق سعود : مو قراره ابو بدر ناظره : قرار منهو سعود لف لها : أميرة البيت تبين جدك يسوي عملية ويصير زين بسمة إبتسمت وهزت راسها بإيه سعود : زين ماوصيك لا عاد نكلمه إلا بعد العملية مشاري وابو بدر وابو سلمان ضحكوا بسمة ضحكت بحيا : ابشر سعود لف لأبو سلمان : عسي بس مثل ماسمعت عنك ابو سلمان إستغرب : وش سمعت سعود : مشاري يمدح فيك ويقول دكتور شاطر ابو سلمان ناظر مشاري وغمز له: جد سعود : ايوه ابوي امانة عندك يادكتور ابو سلمان لمشاري ومبتسم : اخوك مايعرفني مشاري هز راسه وبإبتسامه : مثل م اتفقنا سعود إستغرب ابو سلمان إبتسم لمشاري ولف لسعود : تعال معي قلت توك كملت تدريب مو سعود إبتسم: ايوه ابو سلمان بحزم : وراي يله اشوف وش يطلع منك ...ومش عنهم سعود إستغرب : مشاري منهو هذا مشاري مشي : دكتورك اللي رح تتدرب عنده مادري وش تقول عنه مشرف او وش كلمته سعود طير عيونه : من قلت ! مشاري إبتسم : دكتورك سعود يلحقه : من قاله !؟ أبو سلمان سمعه : انا اقوله تعال وإنت ساكت بسمة ضحكت غصب وابو بدر ومشاري ضحكوا معها سعود ضحك : ههههه كنت بواحد وصلت عند واحد ابو سلمان لف عنده : شقلت سعود سوي نفسه دكتور : قلت خلينا نشوف حالة ابوي ابو سلمان بحزم : وينه أبوك قل المريض سعود يرمش بعيونه : ياويلي الكل تسدح ضحك وابو سلمان ماسك ضحكته : الحين من جدك إنت دكتور سعود خاف منه ومسوي فيها ثقه: إيوه ابو سلمان لف وكمل طريقه : انا اقرر سعود خاف من جدك : دعاويك يامي الكل : ههههههههههههه ابو سلمان لف له وبحزم : إنت سعود قاطعه : تفضل تفضل يادكتور خلنا نشوف حالة المريض الكل ضحك ابو سلمان إبتسم : واري يله ...وكمل مشي سعود بهمس لمشاري : شغلك بعدين جايبني عند هذا الغول ابو بدر فقع ضحك هو وبسمة ومشاري وسعود لحق ابو سلمان ركض ابو سلمان سمعه وماعلق : وين تدربت سعود : بكندا ابو سلمان : ادري بكندا ليش انا قلت استراليا قصدي مستشفي جامعي او مستشفي خاص سعود طير عيونه والكل ماسك ضحكته سعود بفشلة : مستشفي خاص أبو سلمان لف له : يعني رح نبدي من الصفر سعود إستغرب : ليش !؟ ابو سلمان : اول نصيحة لك المستشفي الجامعي افضل مستشفي تجيه كل الحالات وتتعلم اكثر فيه سعود إبتسم وعجبه: إنت تدربت فيه أبو سلمان كمل طريقه : بالاثنين بالجامعي والخاص سعود هز راسه بمعني كملت : الله يعين الباقي يضحك ابو سلمان إبتسم : اتوقع كل تدريبك كان مزاح ولعب ولهو سعود قلبها جد ومشي جنبه : لا تدربت زين ..واعجبك ابو سلمان وصل لغرفة ابو مشاري : انا اقرر يالممرض سعود يناظره ومشاري ضحك ابو سلمان : وش تخصصك سعود بصوت هادي : جراحة القلب ابو سلمان هز راسه : يعني بقسمي تعال تعال ...ودخل سعود وقف و أخذ نفس طويل ولف لمشاري وبجد : هين هين . ....ولحقه أبو بدر يضحك وهو وبسمة ومشاري عليه أبو مشاري كان منسدح ومن شاف سعود قعد سعود مشي بسرعة عنده ضمه وحب راسه ويسلم بحرارة وشوق عليه : ابوي الغالي ابو مشاري فرحان : ياوليدي الف الحمد لله علي السلامة سعود يبوس إيده : الله يسلمك شخبارك يبه أبو مشاري : بألف خير بشوفتك ليش كل هالغيبة سعود : خلاص إفرح رجوع نهائي ابو مشاري فرح : جد ياوليدي سعود : ايوه يبه جد أبو مشاري فرح اكثر : يعني أزوجك سعود كشر : بدينا الكل تسدح ضحك أبو مشاري عصب : إطلع يله سعود حب راسه : امزح قم قوي نفسك وتخطب لي ابو مشاري فرح : من جدك ياوليدي سعود ضحك: ايوه يبه بس من الحين اقوله دكتورة البنت الكل تسدح ضحك أبو مشاري بثقة : مغسول منك الأيد الكل يضحك سعود رجع حب راسه : اتكلم جد يبه إنت بس قوي نفسك أبو مشاري ماصدقه : تكذب ياوليدي لو تتزوج إنت يدخل إبليس الجنة الكل : هههههههههههههههههاي سعود يضحك : هههههههه أبوي ابو مشاري عصب : طلعوه طلعوه لأذبحه سعود ضمه له أبو مشاري ضحك : ههههه وخر وخر وهين أقوم أزوجك غصب سعود بعد عنه ويضحك : هههههه ابشر أبو سلمان بحزم : اقول يالممرض سعود لف له بغرابة أبو سلمان مد له تابلت شغلهم : اتوقع خلص السلام إشتغل الكل يناظره سعود أخذها وماعلق ابو مشاري إستغرب : ابو سلمان سعود دكتور مو ممرض ابو سلمان غمز له : يكذب عليك يقول دكتور سعود ناظره وطير عيونه : انا دكتور ابو سلمان حط عينه بعين سعود : برهن إنك دكتور سعود يناظره ابو مشاري إبتسم : مسوي فيها علينا دكتور الكل ضحك وسعود عصب ومابين وصاير يشرح لهم عن العملية والكل يناظره وابو سلمان يناظره بحزم سعود سكت بعد ماكمل أبو سلمان بحزمه : قلت تتوقع عملية علي الصمام سعود هز راسه بإيه ابو سلمان بصوت حازم : وتسوي عملية لمريض وإنت تتوقع بس سعود ماقدر يرد والكل يناظر ابو سلمان ابو سلمان علي حاله : المريض مو معادلة وإحتمال هذا اول درس تذكره عدل سعود هز راسه بإيه وماعلق يحب هالنوع الحازم من الدكاترة أبو سلمان : انا عندي شغل وإنت إقنع المريض واهله بالعملية فهمت سعود رجع هز راسه بإيه وبهدوء : اقدر اشتغل عندك ابو سلمان: وش تشتغل سعود بصوت هادي : ممرض عندك يتعلم اكثر ابو سلمان لف عنه وإبتسم وعجبه سعود : زين لو إقتنع المريض اول سعود بهدوء : إن شاء الله ابو سلمان طلع وتركهم سعود لف لمشاري : هذا هو اللي تمدح فيه مشاري ضحك وهز راسه بإيه سعود بتحدي : اوريه منهو الدكتور سعود عبد الرحمان أجل انا قاعد يقول عني ممرض ابو بدر إبتسم : وليش ماقلت هالكلام في وجهه سعود ضحك : ههههه الخوف وفعايله ابو مشاري : لو تفشلني عنده تشوف نجوم الظهر الكل ضحك سعود يتمليح : افا يبه انا افشلك علمني بتسوي عملية مو ابو مشاري عارض : مستحيل اسويها سعود كشر وبسمة ومشاري : يبه ابو مشاري بعناد ولد صغير يكره المستشفي مرة : رجعوني للبيت بسمة خشت : جدي واللي يعافيك الدكتور يقول عملية سهلة وتصير طيب بعدها ابو مشاري : لا ياجدي مابي اموت بعملية ومستشفي رجعوني لبيتي اموت فيه مشاري : يبه مو وقته هالكلام طولت العمر بإذن الله ابو مشاري علي حاله : مابي تعرفوني اكره المستشفي وشلون عاد عملية وابر وغيرها ابو بدر إبتسم : يالخواف ابو مشاري : إسكت إنت طالعوني سعود مكشر : مارح تطلع تقعد وتسوي عملية واكون فيها واثبت لذاك الدكتور منهو انا الكل ضحك ابو مشاري : علي حساب حياتي ياوليدي سعود إنتبه وضحك : ههههههه ايوه يبه تطمن هالدكتور شاطر والعملية سهلة وانا فيه مشاري بمزح : وهذا اللي مخوفني دام الممرض سعود فيها سعود لف له بغضب : مشاري ترا واصل حدي منك إسكت ارحم لك الكل : ههههه سعود لابوه وبرجا : يبه تكفي والله العملية سهلة وبإذن الله تصير طيب ابو مشاري بتردد : زين ودني لجدة وسولي لي العملية هناك سعود فرح : يبه هالمستشفي احسن واحد بالمملكة واحسن لك من جدة ابو مشاري طالع ابو بدر : تسهر علي ابو بدر إبتسم وحب راسه :اتم ساهر لصلاة العشاء الكل ضحك ابو مشاري إبتسم : إطلع من عندي قاعد تمزح وانا مريض ابو بدر بفرح جمعهم القدر من بعد سنين امس ناموا مع بعض صلوا وافطروا مع بعض وللحين مع بعض : وش تتوقع بترك ابو مشاري فرحه مو اقل من فرح ابو بدر : زين إمسك إيدي وقت الابر ابو بدر: هههه إن شاء الله بسمة فرحت : جدي قوي نفسك زين ابو مشاري لف لها : عشانك بس أبوك مارح يعتني فيك زين بسمة غرقت عيونها دموع وضمته : زين خلك معي الكل يناظرها ابو مشاري بحب وحط إيده علي راسها : زين وإنت بعد قوي نفسك وساعدني نزوج عمك بسمة بعدت وتكابر دموعها وضحكت : هههههه إن شاء الله سعود يشوف ردت فعل ابوه : الله يهداكم مو وقت الزواج ووجع الراس ابو مشاري : عبد العزيز ماقلت لك يدعي لي بالهداية الكل تسدح ضحك ابو بدر: هههه ايوه سعود قرب من ابوه وحب راسه : صدقني يبه والله اتكلم جد قوي نفسك واخطب لي ابو مشاري فرح : ياوليدي تراك قسمت سعود: ايوه يبه إنت بس خلك طيب ابو مشاري بفرح مايسواه شي : عبد العزيز سمعت ابو بدر إبتسم : ايوه الف مبروك ياخوي سعود ضحك غصب ابو مشاري إنتبه : سعود لا تقول شفت لك بنت من كندا سعود إستحي غصب : لا يبه وش بنته إنت بعد الكل ضحك عليه وبسمة إستحت ابو مشاري : زين ومنهو اخطب لك سعود توهق ومشاري ماسك ضحكته غصب سعود بحيا : بعدين وأعلمك يبه أبو مشاري إبتسم : قلته فيه طبخة تطبخها إنت واخوك وإلا ماتحترق الكل : هههههه سعود يصرف : اطلع اقول حق ذاك الدكتور إنك موافق علي العملية ابو مشاري : وين هارب علمني منهو بنته سعود بفشلة : يبه مافيه اي بنت ابو بدر مبتسم : اتركه ياخوي إلا ماتحترق هالطبخة بعد سعود ناظره والكل ضحك عليه سعود يغير السالفة : مشاري ذاك الدكتور الغول وش كان إسمه اطلع ادور عليه بدل مشاري جاوب ابو بدر : ذاك الدكتور الغول وليدي انا سعود تفشل : وشلوووون !!؟ الكل ضحك عليه ابو بدر : هههه ايوه ولاتحش فيه وانا موجود سعود مش عنده وحب راسه : عمي السموحة والله ماقصدي شي ابو بدر ضحك : ههههه امزح ياوليدي إسمه محمد سلمان وكنيته ابو سلمان سعود إبتسم ورجع حب راسه وإعتذر منه وطلع عنهم ومعه مشاري سعود بغضب : ليش ماقلت ولده مشاري بهدوء : ماعلينا علمني عن العملية سهلة سعود إبتسم : ايوه وتطمن بإذن الله يتعالج مشاري بدعاء : يارب سعود بفرح : مشاري هالرجال هو نفسه اللي ادور عليه مشاري إبتسم وهز راسه بإيه سعود فرح أكثر : وليش ماقلت إنك تعرفه وتاركني ادور عليه سنتين بحالهم مشاري : شدراني انا إنها بنته إنت ماقلت إسم أبوها سعود بوناسة: عرفته بس من وقت وتعرفت علي واحد من اهلها بعد مشاري : منهو سعود : زوج إختها وقلت له إني ابي أخطبها وعطاني العنوان وقال رح يقول حق اهلها مشاري فرح : إنت ماتعرف وش مكانة ذاك الرجال عند ابوك وماتتصور شكثر رح يفرح ابوي يوم تخطب بنت ابو بدر سعود فرح أكثر : جد مشاري : ايوه إنت بس إخطبها وتشوف سعود بقهر : يأخي خايف من جوابها أعند بنت عرفتها البشرية مشاري مسك ضحكته بدي سعود يشكي : ليش سعود بزعل : شلون ليش سنتين وانا اقول لها منهو اهلها وين تسكن وإني صدق ابي اخطبها وهي ماتعطني وجه ابد بس هالمرة اصدمها يوم اروح لمجلسهم واخطبها من ابوها مشاري ضحك : ههههه تستاهل سعود بقهر : كافني سهي وعنادها تعال إنت وكمل علي مشاري إبتسم : إسمها سهي سعود بحزم : ايوه ولاعاد تقول إسمها حرمة اخوك ترا مشاري يهبل فيه :هذا لو صارت حرمتك سعود من قلب : تدري وش افكر اخطبها ولو ردتني أخطفها مشاري ضحك سعود ناظره بغضب : اضحك اضحك إنت ماشفتني اقول لها خمس دقايق بس وهي تقول مو فاضية بس هالمرة تفضي غصب عنها مشاري يضحك سعود يضحكه غصب :هههه ليش ماقلت لها إنك تبيها جد وماتمزح سعود كشر : إنت ماتسمع او شنو اقول البنت عنيدة ماتحب تسولف مع احد وماعندها ثقة ف أحد ولو بغيت اكلمها خارج الدراسة ماترد علي وبعدين لو مو صديقة لها قالت لي عن زوج إختها كان ماتعرفت عليه . مشاري بصوت هادي ومبتسم : بنت عالم وناس ياسعود سعود إبتسم بحب : وهذا اللي خلاني احبها إحترامها لنفسها ولأهلها جذبوني لها مشاري: احم احم سعود سفه : خير اعبر عن مشاعري عندك مانع مشاري ضحك : هههه أخوك الكبير لاتنسي سعود ضحك مشاري : خلنا بابوك الحين ازين سعود ناظره : ايوه وش سر هالضحك سنين ماشفتك تضحك مشاري بهدوء : تعرفت علي شخص ألمه اكبر مني وطول الوقت وهو يضحك وقال لي إضحك الدنيا فانية ومو كلش نحبه نحصله سعود ناظره بغرابة : منهو هذا مشاري : ابو حرمك سعود يناظره ومشاري كمل طريقه بهدوء ...ماقال لأبو بدر يحب إم سلمان بس تشبيهه لبنته خلاه يعرف إنو ابو بدر عرف إنه يحب إم سلمان و فهم عليه سبب وجعه سعود بهدوء مشاري رجع لطبعيته : مشاري وش الم ابو بدر مشاري إبتسم بالم : حصل إنسان يحبه وفقد كل احبابه واصحابه بسبه سعود إستغرب : شلون مشاري إبتسم له : ماعلينا يله خلني اشوف مهارتك الطبية سعود إبتسم وغير السالفة مشاري شخص ثاني صار يبتسم ويضحك وهذا اهم شي عنده ولو كان ابو بدر السبب فله الشكر : بتشوف اكسر غرور ذاك الغول مشاري إبتسم ومشي معه عند ابو سلمان اللي قالوا إنه بمكتبه ودخلوا عليه وقعدوا معه ابو سلمان إبتسم : مشاري سويت لنا مشاكل اليوم مشاري إستغرب : افا وش مشاكله ابو سلمان : فيه صحفين برا يسألون عنك وعن صحتك مشاري إبتسم : من قال لهم ابو سلمان : كل المستشفي تعرفك ماشفت الكل يناظرك مشاري هز راسه بلا سعود إستغرب : وش يبون الصحفين أبو سلمان : وصلهم خبر الكاتب مشاري عبد الرحمان مريض سعود إبتسم : نسيت إنك مشهور بالمملكة مشاري بهدوء : وش قلت لهم ابو سلمان : قلت ابوك المريض مو إنت مشاري : للحين فيه أبو سلمان : لا قلت هذا مستشفي ولزوم هدوء وفيه مرضي وطلبت منهم يرحون مشاري إبتسم له : مشكور ابو سلمان بمزح : حياك وثاني مرة تنكر وتعال مشاري ضحك : هههه إن شاء الله سعود : لو خلتني اتكشخ فيه شوي ابو سلمان بحزم : تكشخ بالمعلومات اللي براسك ازين لك مشاري مسك ضحكته غصب سعود بشوية عصبية : دكتور محمد أبو سلمان بصوت حازم وقاطعه: أتوقع قلت لك أقنع المريض وأهله سعود ماسك نفسه : أقتنع ومتي ماتبي سوي العملية أبو سلمان طالع جدول قدامه : زين بكرة الظهر اسويها مشاري يناظره سعود بهدوء :ابي اكون معك فيها أبو سلمان سمعه ويطالع الاوراق : مو من حقك سعود : ممرض بس ابو سلمان ناظره سعود كشر : مراقب بس مشاري ضحك غصب . أبو سلمان بهدوء : متي وصلت من سفرك سعود إستغرب : أمس وصلت لجدة وعلي طول إجيت لرياض أبو سلمان هز راسه : تعبان او لا سعود فرح : لا ابو سلمان : كم بتقعد بالرياض سعود : فترة علاج ابوي أبو سلمان : زين تخلني اشوفك دكتور او ممرض او مراقب سعود إبتسم : كنت بطلب نفس الطلب منك أبو سلمان مد له جدول : زين بدي شغلك سعود يناظره ويناظر الجدول : وش هذا ابو سلمان طنشه : مشاري قم تفضل معي حق ابوك مشاري قام : زين تفضل ابو سلمان قام وسعود يناظره : وانا ابو سلمان طالعه : اشتغل ....وتحرك طالع سعود كشر : لا حول ولا قوة إلا بالله ...اخذ قلم وصار يكتب مشاري إبتسم غصب وطلع مع ابو سلمان ابو سلمان ضحك : ههههه شعره الاسود يصير ابيض مشاري ضحك : ههههه تقصد سعود ابو سلمان : ايوه قال عني غول انا له مشاري تفشل : سمعته ابو سلمان : ايوه خليه يعرف إني غول صدق مشاري ضحك ابو سلمان مو زعلان ومعصب منه ابو سلمان تذكر شي : مشاري بناتي عازمين بنتك علي البيت ويقولون لك خلها تقعد معهم هالايام مشاري بهدوء : دكتور السموحة وصل عمها تقعد تسولف معه ونرجع لجدة ابو سلمان تفهم : زين بس تعال إنت وهي واخوك تراكم معزومين بكرة عندي مشاري بهدوء وتردد : إن شاء الله ورجعوا لأبو مشاري وسعود قاعد يشتغل وقام حق اللاتوب يشوف طريقة شغلهم ابو سلمان خلاه سكرتير له مو ممرض حتي ..وبعد ساعتين رجع ابو سلمان وحصله قاعد ورا مكتبه سعود فز من مكانه ابو سلمان قعد ومإهتم له : كملت شغل ؟ سعود توتر : تم ملفين ابو سلمان : زين إقعد كملهم سعود بفشلة : ماقصدت اقعد بمكانك ابو سلمان بحزم : ترا ماحب اعيد كلامي سعود " اووف " ورجع قعد ورا المكتب وصار يشتغل ابو سلمان بهدوء ويرتاح : بكرة ستة الصبح اشوفك فيه سعود ناظره : انا ابو سلمان : الحيط اللي وراك سعود وصل حده : إن شاء الله ...ورجع يكتب وفنفسه " اذبحه هالغول ...وانا وش فني ليش قاعد اشتغل كل هالشغل له " ابو سلمان يناظره وإبتسم " موهوب انا لك " ابو سلمان : تغديت !؟ سعود يشتغل : لا ابو سلمان : زين اطلب غداء لنا سعود كشر " اول يوم المفروض يعزمني " اخذ التلفون وطلب غداء لهم ورجع يشتغل ورن موبايل ابو سلمان وكانت إم سلمان وقال إنه بيرجع المسا وصلهم غداهم وقعدوا يتغدون وسعود ساكت يبي يروح حق ابوه وماعرف شلون سعود بتردد : ابوي تغدي او لا ابو سلمان طالعه : ابوك عنده عملية ياحضرة الدكتور سعود تفشل : ياريبة نسيت ابو سلمان بحزم : ماشاء الله ثاني مرة ماوصيك انسي المشرط بقلب المريض اتفقنا سعود رجع ياكل وهو مايبي وده ينفجر فيه ابو سلمان إبتسم : كم سنة تدريب سعود منزل عيونه وياكل : اربع سنين ابو سلمان : وماقالوا لكم ممنوع اكل للمريض اربع وعشرين ساعة قبل العملية سعود مكشر : قالوا لنا ابو سلمان : يعني تبي تقول مسموح بس لأبوك او شنو سعود معصب : لا انا نسيت ابو سلمان : زين إنتبه ابوك واهلك اقرب الناس لك وإنت دكتور فكر فكل مريض علي انه ابوك واخوك وإختك وبنتك سعود يسمع له : زين ابو سلمان : عندي قوانين فشغلي سعود ناظره : وش هي ابو سلمان : كل فرصة تعرف واحد منهم سعود " كملت " : إن شاء الله رن موبايل ابو سلمان وشافه ورد بإبتسامة : هلا والله دكتورة سهي سعود طالعه وطير عيونه وكان بيشرق بالاكل لولا شوي سهي : اهلين دكتور شخبارك ابو سلمان : الحمد لله شخبار كندا وناسها وش أخبار ابو وائل ( أحمد ) سعود يناظره وقلبه ينبض " هي والله هي " سهي بحيا : بالف خير يادكتور وش اخبار إم سلمان والعيال ابو سلمان : بخير الحمد لله سهي بفشلة : دكتور محمد احتاجك شوي ابو سلمان : سمي يإختي سهي : عندي إستفسار عن عملية علي البطين ابو سلمان إبتسم : وش درستي عليها سهي تفشلت : ماعندي وقت والدكتور المشرف عطاني بحث وابي مساعدتك ابو سلمان : : إن شاء الله وش تبين مساعدة سهي : جهزت دراسة وبعثتها لك علي الايميل ياليت تعطني رايك فيها وتصحح لي اخطائي ابو سلمان ناظر سعود اللي ناظره : إن شاء الله بعد ساعة اكلمك سهي فرحت : مشكور ابو سلمان : حياك ياختي الصغيرة سهي ضحكت بحيا : هههه ماطول عليك فامان الله اخوي ابو سلمان: فأمان الكريم ....وسكر منها سعود نزل عيونه وبفرح " إخته ...بس إسمه مختلف " ابو سلمان بهدوء وقام : وصل لي شغل كمل غداك وتعال تشوفه معي سعود قام : الحمد لله ابو سلمان: كمل اكل سعود: شبعت ابو سلمان لف عنه : براحتك مافيه اكل لتسعة المسا سعود طير عيونه " شقصدك لمتي وانا هنا " ابو سلمان قعد ورا مكتبه وفتح اللاتوب : دوامك لعشرة بالليل سعود وقف مكانه بصدمة ابو سلمان : تعبان سعود : لا ابو سلمان : زين جيب كرسي وتعال اخذ له كرسي وقعد جنبه ابو سلمان فتح اللاتوب وحمل البريد : بنت عمي ابو بدر تدرس بكندا طب يمكن تعرفها سعود بصوت هادي " حياتي " : وش إسمها الكامل ابو سلمان ناظره : وش الجامعة اللي درست إنت فيها سعود توتر : بجامعة مكيغل ابو سلمان بهدوء نفس الجامعة : إسمها سهي عبد العزيز ال ----- سعود فرح أكثر وصل نهائي لها : ايوه تدرس سنتين اصغر مني وهي متدربة بنفس المستشفي معي ابو سلمان ناظره : تعرفها وتكلمها سعود بصدق : لا بنتكم ماتسولف مع احد ابو سلمان إبتسم : وشلون تعرف إنها متدربة سعود بهدوء : نحن جروب سعودين مع بعض ونساعد بعض وهي معنا ومو معنا وبعدين الكل يعرفها الثانية بدفعتها ماشاء الله عليها ابو سلمان فهم وفرح سهي ترفع راسهم بكل مكان سعود خاف " وش عنده فتح تحقيق معي ليكون شك انو احبها " أبو سلمان بهدوء : كم سنة وتقدر تطلع من الجامعة ميكغل يعني شلون قوانينها سعود فهم عليه : من سنتين لثلاث لأربع سنين أبو سلمان فرح : سهي صار لها سنتين تدريب تقدر تطلع سعود هز راسه بإيه : ايوه تقدر لو كملت السنتين تمام أبو سلمان فرح : أقول لها ترجع نهائي دام كذا سعود ناظره بفرح " تسوي خير " ابو سلمان يغير السالفة : درست عن العمليات اللي علي البطين سعود : ايوه ابو سلمان قام : اقعد مكاني سعود إستغرب وقام وقعد مكانه ابو سلمان قعد جنبه : شوف الشغل وقل رايك سعود يناظر الكتابة " الحين مايعرف او يختبرني " وصار يشتغل معه وابو سلمان ينبه لأخطاء واشياء هو ماعرفها ويشرح له وكانه بغرفة العمليات ابو سلمان تذكر شي : فيه دكتورين احب اعرفك عليهم سعود إستغرب : منهو ابو سلمان : واحد بالمانيا والثاني رجع اليوم لأبها بس رح اعرفك عليه سعود فرح المانيا بكبرها : تعرف دكاترة ألمان ابو سلمان لاهي يصحح اخطاء لسهي : دراستي كانت بالمانيا سعود فرح أكثر " لزوم اتليزق فيك " : ماشاء الله ومنهو هذا الدكتور ابو سلمان ناظره : تبي تتعلم اكثر او لا سعود فرح : ايوه ابو سلمان رجع يكتب علي اللاتوب : زين جهز نفسك إنت وبنت عمي باجازة الصيف تروحون علي المانيا سعود يطالعه بغرابة " مع سهي ..! " : ليش ..!! ابو سلمان : رح تعرف يومها سعود إبتسم : منهو الدكتور الثاني ابو سلمان : اخو حرمتي دكتور شاطر بعمليات البطين سعود فرح أكثر وفهم عليه : مشكور ابو سلمان إبتسم : كمل كمل شغل يالممرض سعود رجع يشتغل وبهدوء : وإنت الصادق اليوم عرفت انو انا ممرض ابو سلمان إبتسم وكمل شغل معه سعود فنفسه " اثاريك حازم علي الجد مو مهم توبيخك المهم وش اتعلم منك وبعدين مديت لي إيد العون وانا ماطلبت مشكور يادكتوري " مر عليهم وقت وهم يشتغلون وابو سلمان خلاه يشوف كل المستشفي وكلش فيها وسعود فرحان وماتوقع من مستشفي لمستشفي اغرب شغل حصله ماعرف تدريب ، تعليم ، عنده راتب علي شغله ..اللي يعرفه يشتغل ويتعلم وهو ساكت بالليل الكل رجع علي بيته بعد دوام هد حيلهم سعود شاف ابوه بس شوي ورجع لأوتيل ابو سلمان طلع ريحته وشاف اخوه طلب عشا هو وبنته مشاري يضحك : هههه حياك الله الف مبروك الشغل الجديد سعود رمي نفسه علي الكنب : هين ارتاح واقوم لك مشاري يضحك عليه بسمة قامت له : عمي ليش تاخرت عشرة ونص بالليل سعود بتعب : إسالي الدكتور الغول اللي مايتعب وضحكوا ثلاثتهم مشاري : هههههه اعلمه عليك سعود فز : لا تكفي واللي يعافيك اليوم عطاني عقوبتين و100 إنذار بسمة : ههههه تستاهل سعود طالعها : إقعدي إقعدي مشتاق لك بسمة رجعت تكمل اكل : مابي ...لو مشتاق لي كان رجعت واخذتني الف الرياض سعود بقهر : ليش انا لفيتها حتي تلفينها انت لو دريت فيه غول ينتظرني كان م إجيت لكم وصاروا يضحكون بسمة : ابوي قال رجعت بس امس ؟ سعود : ايوه كملت من كندا وافكر اسافر علي المانيا مشاري كشر هو وبسمة : سعود سعود منسدح ويناظر السقف : الدكتور محمد سلمان موسوعة وانا ولا شي قدامه صدق يوم قال ممرض مشاري إبتسم : عنده خبرة ياسعود إقعد وإشتغل وتعلم منه سعود بتفكير : لا بسافر علي المانيا مع حرمتي واتعلم اكثر بسمة طيرت عيونها ومشاري ضحك بسمة : منهو سعود قعد وإنتبه علي نفسه : مع حرمتي بسمة فرحت : منهو هاذي سعود اشر جنبه : تعال إقعدي جنبي اعلمك عليها بسمة ماصدقت خبر وقامت ركض وقعدت جنبه ومشاري ياكل ويضحك عليهم سعود قال لها عن سهي وإنه بيخطبها بس ماقال إنها بنت ابو بدر وبسمة مو عاطية فرحتها لأحد واخيرا تجي حرمة علي بيتهم تقعد معها وتسولف معها ولو حرمة عمها تتليزق فيها ابو بدر نام مع ابو مشاري بالمستشفي بعد ماجهز له ابو سلمان سرير له منعه ينام بس هو مايسمع إم وليد ماحصلت فرصة تقول لبدر عن بسمة وابو الوليد قال لها أجلي السالفة لين يفشي ابو مشاري وهي إنقهرت بسمة حبتها وتتمناها لعيالها بس شي واحد بين عيونها تحبب بدر فيها وتخليه يخطبها ****************** | ||||
|
| |
|
25-11-20, 03:27 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الحادي عشر سأخبرك سرا ياوطن لا مهد للرضيع إلا حضنك لا بصر للعليل إلا شمسك لا نور لظلام إلا نجومك لا بيت للغريب إلا ترابك لا أهل للوحيد إلا شعبك لا دليل للضائع إلا شمالك لا ماء للعطشان إلا نهرك لا أكل للجائع إلا لبنك وتمرك لا لحد للميت إلا قبرك لا زوجة لسعود إلا سهاك فمهما إبتعدت عنك عودتي إليك فأجمعي روحي بها علي ارضك وإمنحي قلبي لها وخذي نبضي وأتركي حبي لكما سرا ياوطن √√√√ اليوم اللي بعده ابو بدر وابو اسامة ومشاري وابو خالد وابو حمد كلهم بالمستشفي ومعهم بسمة وإم خالد ( ريتاج ) وإم أسامة ينتظرون نتيجة العملية وخوفهم كبير وخاصة مشاري وبنته وابو بدر وصاروا يدعون له بغرفة العمليات ابو سلمان ( محمد ) ومعه الطاقم الطبي ومعهم سعود اللي طلع من أمهر الدكاتره وابو سلمان عجبه اكثر وقرر يخليه جنبه وف مستشفاه والدكاتره الثانين يتعلمون منه هذا هو العلم معرفة وحب تعلم وتبادل خبرات مو حسد وغيرة كملوا العملية ونجحت وسعود سجد لله شكر وحب راس ابو سلمان وشكره بس ابو سلمان قال له يبي شكره بطريقة مختلفة وطلعوا يبشرون الكل وقالوا لهم والكل فرح ومشاري اكثرهم ابو سلمان ( محمد ) : عمي ابو بدر خويك زين أبو بدر بفرح : مشكور ياوليدي فرحت قلبي الحمد لله ابو سلمان : وش دعوة واجب ...وإعذروني عندي شغل ابو اسامة : ايوه ياوليدي رح إرتاح وكمل شغلك مشاري بسرعة : متي نقدر نشوفه أبو سلمان : بكرة يامشاري لزوم يصحي من البنج اول روحوا للبيت إرتاحوا وتعالوا بكرة وانا والممرض سعود فيه سعود يناظره بغضب أبو حمد ( رائد ) إستغرب : سعود ممرض ابو سلمان بسرعة : ايوه ممرض دلخ سعود عض علي شفايفه بغضب والكل ماسك ضحكته ابو سلمان إبتسم : مثل ماقلت إرجعوا للبيت إرتاحوا ونحن فيه مشاري : ماعليه نقعد شوي بعد ابو سلمان ( محمد) : زين بس انا إعذروني عندي شغل ابو بدر : تفضل ياوليدي ابو سلمان مشي وسعود تم واقف مشاري فهم عليه : هاه سعود شلون كانت العملية سعود مكشر : زينه بس الدكتور الغول مايقدر المجهودات الكل ضحك ابو سلمان لف له بحزم : خير تعرف الناس عندك سوالف معهم سعود مشي بقهر : لا اخبرهم بس عن حالة المريض الكل يضحك ابو سلمان كمل طريقه وسعود يقرا له عن حالة مريض رايحين له ابو خالد ( بدر ) يضحك : ههههه منهو الدكتور الغول ليكون ابو سلمان مشاري يضحك : ههههه ايوه هو الدكتور الغول وسعود الممرض الدلخ الكل تسدح ضحك وتموا قاعدين والحريم اخذوا بسمة ورجعوا للبيت وابو سلمان عزمهم كلهم عنده للبيت وفيه اللي قبل واللي رفض مشاري تعذر منه بس ابو سلمان قال شكر لي علي العملية ومشاري رضخ ويروح لبيتهم اللي توقع يدخل كل بيوت المملكة إلا بيت ابو سلمان ابو سلمان بعد الفكرة من راسه مايفكر فيها ابد الحب ثقة وإخلاص هذا هو مفهومه بنظره يشك في الكل إلا حرمته وحتي مشاري اللي مستحيل يخدع ويطعن وصل وقت العشا وتجمعوا كلهم ببيت ابو سلمان وابو بدر قاعد بالمستشفي مع ابو مشاري رحب فيهم ابو سلمان هو ولده وبسمة رحبت فيها رهف وشوق وإم سلمان وقعدت تسولف معهم الشياب قاعدين يسولفون ومعهم سلمان وخالد وفواز وحمد وضاري اللي عزمهم سلمان ابو سلمان جاب ثلاث كتب مرة سميكة وعطاها لسعود سعود إستغرب ومسكها والكل يطالع الكتب الضخمة سعود : وش هذا يادكتور أبو سلمان : ثلاث كتب احتاج تلخيصها في ثلاثين صحفة خلال ثلاث ايام سعود طير عيونه وبلع ريقه : كم قلت !!! ابو سلمان لف وإبتسم ورجع يقعد بمكانه ابو خالد ( بدر ) ضحك علي سعود اللي للحين مطير عيونه والكل ضحك وراه سعود إستوعب : ثلاث ايام !!! أبو سلمان ( محمد ) بحزم : ايوه وكل كتاب بعشر صفحات سعود إنصدم : دكتور هالشي مستحيل ابو سلمان : اليوم الثلاثاء يوم الخميس احتاجها سعود تنهد وقام : اقدر اطلع للحوش ابو سلمان أشر له : تفضل سعود لف بقهر والكتب بإيده الكل يضحك عليه ابو سطام ( طلال) : ههههه حرام عليك الرجال ضيفك ابو سلمان وإبتسم وبصوت عالي: يالدلخ سعود لف له وده يذبحه الكل : ههههههه أبو سلمان بحزم : الشغل باللاتوب فهمت سعود كشر : إن شاء الله لو تميت عايش لف وطلع عنهم والكل تسدح ضحك ابو الوليد ( فارس) : هههههه وش هذا يابو سلمان أبو سلمان ضحك : ههههه احتاجها ضروري وهو الوحيد اللي يقدر يسويها مشاري : بس كبيرة الكتب متي يكمل قراءة ابو سلمان بثقة : موهوب وفطن رح يكملها الكل : ههههه الله يعينه ابو سلمان ضحك : ههههههه امين ...سلمان سلمان يضحك : ههههه سم يبه أبو سلمان : رح عطيه الباس ورد حقت الواي فاي رح يحتاج الانترنت سلمان قام : إن شاء الله ...وطلع لسعود وهم كملوا سوالف سعود قعد عند طاولة كانت فيه وهو مكشر ويكلم نفسه : الغول مفكرني الة كهرومنزلية اوريه اوريه فتح اول كتاب وصار يقرا : فرنسية كملت معي سلمان وصل له : عمي سعود سعود لاهي : ليكون ابوك نزلت الرحمة بقلبه سلمان ضحك غصب: ههههه لا يقول رح تحتاج الانترنت سعود كشر : ايوه فرنسية وانا ماعرفها زين سلمان عطاه الباس ورد : تفضل ادخل الشبكة سعود : مشكور وقل حق الغول هين شغلك سلمان ناظره : تقصد ابوي سعود يقرا: ايوه ولاتعصب ترا واصل للمليون منه سلمان ضحك : ههههه مالي شغل بينكم سعود إبتسم: رح رح جيب لي اللاتوب ازين الموبايل يتعبني سلمان : ابشر راح جاب له اللاتوب وسعود قعد يشتغل لين حطوا العشاء وسلمان رجع له : عمي تفضل ادخل معي عشان العشاء سعود ناظره : الحمد لله شبعت من الاوراق سلمان إبتسم : عمي السموحة سعود قام وبوعيد : ابوك انا له هين تشوف وش اسوي فيه سلمان ضحك : ههههه الله يوفقك ومشوا داخل سعود إبتسم : ابوك عنده مكتبة بالبيت سلمان : ايوه سعود : لو اقول له يسمح لي اختار كتب منها اقراها سلمان إبتسم : إساله اتوقع مارح يعارض سعود كشر : كتبه زينه وهو يخوف شلون اطلب من غول سلمان يضحك يحش بابوه قدامه بس قاعد يضحك دخلوا داخل وحصلوا الكل قاعد عند العشاء الكل يناظر سعود وماسك ضحكته ابو خالد ( بدر ) : هاه سعود كملت شغل سعود يقعد ويستهبل : الثمن منه 100 صفحة من 10000 صفحة الكل ماسك ضحكته ابو سلمان بحزم ويرفع ضغط سعود : اشوفك غبي بالحساب سعود ناظره ابو سلمان ( محمد ): العشر مو الثمن الكل تسدح ضحك سعود وده ينفيه : ابو حمد عطني مويه أشرب عطشان حدي الكل فطس ضحك إلا ابو سلمان وابو حمد عطاه مويه وهو شرب من جد وسموا بسم الله وبدوا أكل ابو سلمان تذكر شي : سعود سعود وهو معصب : سم الكل يناظرهم ابو سلمان ياكل : اول أسبوع من الأجازة وش عندك سعود إستغرب : ولا شي أبو سلمان : جهز نفسك نسافر علي الاردن سعود عقد حواجبه : ليش !؟ ابو سلمان : فيه مؤتمر طبي سعود فرح وبعفوية : تأخذني معك أحضره ابو سلمان ناظره : اثاري جد دلخ وش كنت اقول الكل مسك ضحكته غصب سعود " ياربي صبرك " : وش رح يتكلمون في المؤتمر ابو سلمان إبتسم : الشغل اللي كنت تسوي فيه قبل شوي سعود كانه فهم ...رح يساعد يسوي بحث ويمكن يعرضه معه : تقصد .... ابو سلمان ياكل : اقصد جهز نفسك زين ولاتفشلني هناك الكل فهم وإبتسم سعود فرح اكثر : دام كذا ارجع اقرا الاوراق زين الكل ضحك ابو سلمان عصب : شقصدك سعود تفشل : ولا شي يادكتور ابو سلمان بحزم : زين إسمع عدل مابي اتفشل لو ابي اختار غيرك كان إخترته سعود بسرعة : لا لا تطمن ابو سلمان إبتسم : زين ولو فيه مساعدة تحتاجها علمني سعود فرح: بإذن الله ابو سلمان : يوم تكمل اكل فيه مكتبة عندي ادخل لها وإختار اي كتاب تبيه سعود ماصدق خبر : كنت بطلب منك أبو سلمان يأكل : ادري كمل اكل ورح لها سعود فرح وبهمس : اثاري الغول زين العيال سمعوه ومسكوا ضحكتهم غصب ابو سلمان ( محمد ) ناوي عليه : سمعتك سعود شرق بالاكل : كح كح الكل تسدح ضحك مشاري عطاه المويه بسرعة : بشويش بشويش سعود يشرب المويه : ياربي اثاري اجلي قريب الكل يضحك ابو سلمان بحزم : اتوقع انت وانا مارح نتفاهم سعود كان يشرب وخر الكاس عنه بسرعة : نتفاهم نتفاهم الكل يضحك ابو سلمان : بسك مزاح ماحبه سعود بجد : إن شاء الله ياطويل العمر ابو سلمان ضحك مع الكل ابو عبد الله ( أسامه ) : ابو سلمان بشويش علي الدكتور ابو سلمان : ماشفته يحشني فني ببتي سعود : متي حشيت فيك ابو سلمان إبتسم : توك سعود يتمسكن : ترا بعض الشك إثم يادكتور الكل : هههههههه ابو سلمان ردها له : وترا النميمة حرام ياممرض الكل يضحك سعود عصب : السموحة ماقصدنا ابو سلمان : فكر بشغلك وبس الكل يضحك مشاري يهبل في سعود: دكتور محمد شرايك باخوي سعود ناظره بغضب ابو سلمان بصوت هادي : بنت عمي ابو بدر احسن منه الكل ناظره سعود عصب أكثر ابو خالد إبتسم : إختي أبو سلمان : ايوه إختك دكتورة وهذا ممرض الكل لف علي سعود يشوف ردت فعله سعود يأكل : ماشاء الله الله يوفقها الكل مسك ضحكته غصب واولهم مشاري ابو وليد ( فارس ) ضحك : ههههه سعود إختي تدرس بكندا يمكن تعرفها سعود كشر اول مرة يجبون سيرتها ومايفرح : ايوه علمني عنها الدكتور محمد ابو خالد فرح : تعرفها ؟ سعود إبتسم غصب : ايوه كل الكلية تعرفها وصادق الدكتور بنتكم احسن مني ابو سلمان إبتسم : ليش عسي كانت نتايجها احسن منك سعود طلع منه الدخان وخربها : ايوه الكل ضحك ابو خالد ( بدر ) : ههههه علمنا شلون حياتها بكندا سعود إستغرب السؤال : شلون ابو خالد : تعاملها معكم سعود ماسك ضحكته : تبون الصدق ابو الوليد ( فارس ) : ايوه سعود ناظر ابو سلمان : كل الدكاترة بعيلتكم غيلان الكل فطس ضحك ابو سلمان عصب : شقصدك سعود ماسك ضحكته غصب وبخوف : السموحة بس طالعة لك ممنوع يكملها شخص الكل يضحك ابو خالد فرح وعلي راسه ريش يعرف اخلاق إخته : يعني صعبة سعود بصوت هادي ومشاري يناظره وماسك ضحكته : نعم البنات ونعم الاخلاق الله يحفظها لكم ابو الوليد فرح اكثر وابو خالد الكل : امين ابو سلمان يزيد عليه : ونعم العقل والمعلومات سعود حك انفه و راسه من العصبية ابو سلمان ضحك غصب مع الكل ابو خالد : خبرنا عن دراستها وحياتها اكثر سعود يناظره ابو حمد ( رائد) : وش عندك يابو خالد ابو خالد إبتسم : إختي وابي اتطمن عليها تفضل ياسعود سعود إبتسم وبصدق وفهم عليه : انا ماعرفها زين كل اللي اعرفه بنت ناجحة بدراستها وهي الاولي والثانية بدفعتها والكل يقول عنها شاطرة وصعبة وبالعادة اشوفها مع بنت وحدة صديقة لها تسولف بس معها هي ولو يبي احد يسالها عن الدراسة يفكر مليون مرة قبل ليسألها وبنتكم ماينخاف عليها بالعكس ينرفع الراس فيها الكل فرح اكثر ابو الوليد : الصراحة نحن مانبي تكمل دراسة برا ابوي هو اللي عطاها الضوء الاخضر سعود بفخر : عشانه عرف يخلف ويربي ولاتخاف عليها بالعكس ينخاف منها الكل ضحك ابو سلمان : رح ترجع قريب واسوي لك إختبار إنت وهي واشوف منهو الشاطر سعود إبتسم : من الحين ادرس له مشاري ضحك : ههههه اياك تنهزم قدام حرمة الكل ضحك سعود ضحك : ههههه هي برفيسورة ياخوي كل الدكاترة بالكلية يعرفونها ويمدحون فيها رفعت راس السعودية وعطت نموذج زين عنها وعن حريمها ابو خالد رز حاله هو وابو الوليد سعود لف علي ابو سلمان : كانت تلميذة لك ابو سلمان : تقدر تقوله سعود هز راسه: مثلك نفس الشخصية ابو سلمان إبتسم : شقصدك سعود بصدق : قصدي كان يكون زين لو تعرفت عليك من سنين الكل يناظر سعود ابو سلمان : وكان زين دام عرفتك بس هاليومين وطلعت الشيب فني الكل ضحك سعود ياكل : قاعد غصب عنك ابو سلمان : احم احم سعود بسرعة : ابو سطام عطني سلطة بعد الكل فطس ضحك وابو سطام عطاه سلطة وكملوا سوالف لين قام سعود حق مكتبة ابو سلمان وإختار كل اللي يبيه مشاري بهدوء : دكتور محمد سعود مو شاطر بشغله ابو سلمان إبتسم : لا بعكس من افضل الدكاترة مشاري فرح : جد ابو سلمان : ايوه وترا يكون زين علي قولته لو يقعد ويشتغل بالمستشفي حقتي ابو حمد ( رائد) : وليش تهزأ فيه ابو سلمان ( محمد ) : مادري حبيته الكل ضحك ابو سطام ( طلال ) : إقنعه يشتغل عندك ابو سلمان : ايوه هو وسهي لو يوافقون يصير المستشفي اشهر واحد بالسعودية ويصير عندي طاقم طبي مايعرف المستحيل وكل العمليات يسونها ابو خالد ( بدر ): اثاريك تحلم ابو سلمان : كنت احلم بس مع سعود وسهي بيتحقق الحلم الكل يناظره ابو عبد الله ( أسامة ) : من جدك ابو سلمان : ايوه رح تسمع عن ثانئي جراحة القلب بالمملكة والمشرف عليهم الكل ضحك عليه ابو الوليد ( فارس ) : محمد قاعد يحلم ابو سلمان بتحدي : بتشوف سعود طموح وسهي مثله ولو يوافق ابو ماجد ويرجع ويشتغل معي يكون حلمي تحقق الكل : إن شاء الله مشاري تذكر شي : سعود ماتوقع بيقعد بالمملكة ابو سلمان ناظره : جد ليش !؟ مشاري : يقول بسافر علي المانيا ابو سلمان فرح : ايوه انا ببعثه هناك الكل إستغرب ابو عبد الله : مو تقول يشتغل معك ابو سلمان : ايوه بعد سنه تدريب بالمانيا ابو حمد : تخطط لمستقبل الرجال ابو سلمان : هههه إيوه من شفته امس وانا اخطط له الكل ضحك مشاري : زين هو اخوك هزأه مثل ماتبي ابو سلمان بمزح : لا تفكر بشي مارح قصر معه الكل ضحك ورجع لهم سعود و بإيده كتابين ابو سلمان : من كل المكتبة جبت إثنين سعود يقعد : هذولا عن موضوع المؤتمر قلت اقراهم الحين وبعدين ارجع واخذ غيرهم ابو سلمان يناظره سعود إنتبه : بعد إذنك اكيد الكل ضحك عليه أبو سلمان : المكتبة لك سوي فيها وش تبي سعود فرح : مشكور ابو سلمان : مادري بس احسك بتفشلني بالاردن اتوقع اشوف غيرك ازين لي الكل ناظر سعود سعود عصب " بدينا ياربي إلهمني صبر ايوب ": مشاري انا عندي شغل خلنا نرجع للفندق الكل مسك ضحكته غصب ابو سلمان بحزم : إدرس وبسك ولو نتفشل ارميك بالبحر الميت وارجع بروحي علي السعودية الكل ضحك سعود برجا : دكتور تكفي الكلام يوم المؤتمر ابو سلمان : وإنت الصادق بكرة اروح للمول اشتري عكاز الكل ضحك سعود يغير السالفة : فيه مريض بالمستشفي حالته نقدر نتكلم عنها بالمؤتمر ابو سلمان إبتسم " قلته " : منهو سعود : نسيت اسمه المهم بعد بكرة عمليته وابي اكون فيها ابو سلمان : ترا شغلك مو قانوني عندي سعود كشر : دكتور احتاج العملية عشان المؤتمر ابو سلمان يناظره بنص عين سعود إنقهر : ممرض بس ابو سلمان علي حاله سعود مكشر : مراقب بس يادكتور مشيها الكل ضحك ابو سلمان ضحك غصب : هههه أدرس حالته زين وساعدني بالعملية سعود فرح : ابشر درستها واعرفها شلون ابو سلمان هز راسه : زين بكرة قطب * خيط * ثلاثين جناح دجاجة وجيبه لي سعود طير عيونه : كم !!!! أبو سلمان : ثلاثين ماتسمع الكل يسمع لهم سعود كشر : دكتور ماقدر ماعندي مختبر أشتغل فيه و ثلاثين مو شي هين وتحتاج يومين واكثر وإنت تدري زين هالشي ابو سلمان : هذا اللي عندي وعن المختبر رح للمستشفي الحين وإشتغل فيه سعود إنقهر : والكتب والمؤتمر ابو سلمان : مو شغلي سعود بين اسنانه : هذا الدكتور عنده مشكل مع رقم ثلاثين الكل تسدح ضحك أبو سلمان عصب: سعود سعود منقهر : إتصل علي المستشفي وعلمهم ابو سلمان بحزم : من جدك تدريب اربع سنين سعود منقهر : انا اعرف أقطب زين ابو سلمان بصوت حازم : برهن ...شلون تسوي عملية وانا ماشفتك تقطب ...ولو يصير شي مو زين اتحمل انا المسؤولية مو إنت سعود هز راسه : وفر بس لي الاغراض ابو سلمان : المستشفي فيه كلش ومارح يمنعون عنك شي سعود قام : زين عن إذنك الكل يناظرهم وحس بالجو مكهرب ابو سلمان : لا تزعل ولا تعصب هاذي... سعود قاطعه وإبتسم : حياة إنسان وانا مو زعلان ابو سلمان إبتسم وقام : زين خلك شوي وراجع لك سعود رجع قعد وابو سلمان طلع عنهم مشاري بحزم : سعود الرجال يبي يعلمك لاترد له جواب سعود بقهر : بس طريقة تعليمه صعبة سلمان تفشل : ليكون زعلان من ابوي سعود إبتسم : أبوك عرفته بس أمس وصار قدوة لي وماتدري وش معني اللي قاعد يسويه الحين عشاني هو مايعرفني بس مد إيده لي وفتح المستشفي و المكتبة لي وكلش له خلاه ملكي الكل يناظره سلمان فرح : يعني مو زعلان سعود : لا بس واحد فينا يذبح الثاني انا او هو وبعدين افكر اسويله عملية شفط المخ والقلب والمعدة والكبد والرئه عسي يخف شوي عصبية الكل ضحك مليون عمليه ابو حمد : ههههه ترا نعلمه عليك سعود فز : واللي يعافيك يجني الحين ويقول 300 بدل ثلاثين الكل فطس ضحك سعود ضحك : ههههه اتوقع بنسي شي إسمه نوم مع محمد بن سلمان الكل رحمه : ههههه الله يعينك سعود : ههههه امين وقعدوا شوي ورجع لهم ابو سلمان وعطاه جهاز يشتغلون فيه وكانت نظرات طبيه وعدسات تكبر الصورة سعود مسكه : مافيه بالمستشفي ابو سلمان : لا فيه بس انا احب اشتغل بس فيه وهو بس جهاز وغالي عندي والحين هو لك و إشتغل فيه سعود تبسم مع الكل : مشكور ابو سلمان : اجلها لبكرة نشوف الدجاج سعود كشر " من شنو مخلوق " : نشويها لو ماصلحت ابو سلمان : ونقطب عيونك ونخليك تأكلها الكل مسك ضحكته سعود نط عرق : عن إذنك دكتور تاخرت أبو سلمان: تفضل إذنك معك سعود اخذ إذن من الكل وطلع عنهم والكل ضحك ابو عبد الله( أسامه ) : هههه ابو سلمان بشويش عليه ابو سلمان ( محمد ) : ههههه والله هالرجال دخل قلبي ياليت يطلع شغله زين الكل يضحك سلمان : هههه يبه اثاريك تخوف ابو سلمان : إحمد ربك إنك مادرست طب سلمان من قلب : الحمد لله والكل ضحك وكملوا سوالف وابو سلمان دق علي المستشفي وصاهم علي سعود يوفرون له كل اللي يحتاجه وسعود وصل تطمن علي ابوه وراح للمختبر وبدي شغله ابو سلمان حازم ويهزأه بروحهم وقدام الكل بس يدور شي فيه مصلحة له وصدق شافه بس امس بس حبه وصار له قدوة وكان فيه طبيبين بعد وصار يشتغل معهم ويعلمهم ويعلمونه اليوم اللي بعد صحي ابو مشاري ( عبد الرحمان ) وحصل الكل حوله عياله وعيال ابو بدر فرح من قلب وابو سلمان يهتم فيه وهو وسعود اللي شغله إنبهر فيه ابو سلمان بس مامدحه وقال له إرجع أشتغله وسعود إنقهر ورجع يقطب من جديد وابو سلمان عطاه بحث ثاني يجهزه للمؤتمر وسعود واصل حده من التعب والعصبية ...وحط ملفه بالمستشفي وصار يشتغل رسمي مرت أيام هادية طبيعية علي ابطالنا شوق نست توقيع مشاري لها وصارت تقرا لإختبارات بجد وكل لعيال وبنات بعد وبسمة رجعت لجدة عشان إختباراتها هي وابوها واول ماتخلص ترجع لرياض لجدها إم سلمان ( إبتسام ) فتحت صندوق الكمان وطلعت الكمان وتفكر ترميه لكنها شافت شي تحته وكان ظرف رساله ..اخذت الظرف وقرت المكتوب ، وكان مكتوب عليه إلي بسمة مدت إيدها وبغت تفتح الظرف وتقراها بس ماقدرت وحست بفعلتها تخون زوجها تدري زين منهو صاحب الرسالة رجعتها وسكرت الصندوق وخبته فكرت ترميه بس تراجعت مر اسبوع والكل يجهز لإختبارات من العيال والبنات وسهي رجعت هي وابو وائل وإم وائل ( أحمد & مني ) يقعدون اسبوعين مع الاهل واحد دوام للكل واحد اسبوع من الاجازة والكل إستقبلهم وسعود سمع ومو عاطي فرحته لأحد وينتظر يشفي ابوه ويخطبها علي طول ، يحبها حب جنون ومايقدر يتخيل حرمة تشاركه مستقبله غيرها سهي طلبت إذن من ابوها يسمح لها تشتغل وتتدرب هالاسبوعين مع ابو سلمان وابوها قال لها ترتاح وتريح نفسها بس هي راحتها بالمستشفي وابو سلمان وافق لها و قال لها تشتغل معه عشرة ايام بس وهي طارت من الفرح وجهزت نفسها تروح مع ابوها اللي رجع للبيت يرتاح شوي ويرجع لأبو مشاري اللي موب قادر يفارقه وراح معهم ابو خالد يتطمن عليه كل يوم يزوره حسه ابوه الثاني سهي فرحانة متحمسة وماعرفت منهو ينتظرها اللي بدوره مايدري إنها بتجي عنده برجولها وصلوا ونزلوا من السيارة وشافوا سيارة الاسعاف وقفت بسرعة ونزلوا منها مريض يصارع الموت سهي تناظرهم وابوها واخوها وشافت حالته بالويل لاإرادي منها ركضت له وابوها وابو خالد لحقوها سهي وصلت للمريض وبسرعة : شصاير له الممرض ناظرها وإستغرب : مريض سهي عصبت : اقول شصاير له واضح إن رصاصة دخلت قلبه الممرض مستغرب منها دكتور الاسعاف : إختي خلنا نشوف شغلنا سهي ماسمعت له وصارت تجر في السرير بسرعة معهم لين دخلوا داخل لغرفة الاسعافات وشقت قميصه وصارت تتفحصه الدكتور اللي معهم عصب : شقاعدة تسوين وخري سهي لاهية وميته خوف : ماتشوفه ينزف مشرط يله الدكتور طير عيونه : إنت !! سهي لفت له وصرخت : مشرط ماتسمع دكتور الاسعاف علي طول اخذ مشرط وعطاه لها سهي علي طول بدت شغل يوم خدرت المريض و صارت تشتغل وكانها دكتورة قديمة بالمستشفي وفيه دكتور الاسعاف يساعدها وممرضه ابو خالد وابو بدر يناظرونها ورا شباك و وصل سعود ركض يوم وصله انذار الاسعاف ابو سلمان حطه يشتغل بالاسعاف سعود دخل ركض : علومني عن حالة المريض سهي مارفعت عيونها : مصاب برصاصة بقلبه سعود ناظرها " سهي !!!! " : وش حالته الحين سهي ناظرته وإنصدمت بس هي في عالم ثاني : لزوم نطلع الرصاصة وعملية بسرعة سعود بسرعة : قفاز يله جهزوا له الاغراض وبدي يشتغل مع سهي والكل يطالعهم وابو بدر وابو خالد نسوا ابو مشاري ويناظرون سهي وسعود سهي صارت كلها دم وتساعد سعود سعود إنتبه لها وهو يشتغل وبحزم : منهو درسك تشتغلين بدون قفاز سهي إنتبهت : نسيت من العجلة سعود ناظرها بغضب وسهي حطتهم بسرعة وصاروا وكانهم في عملية حقيقية وطلعوا الرصاصة وخيطوا الجرح بس وقف قلب المريض وسعود وسهي توتروا سهي بخوف : دكتور مؤشراته الحيوية وقفت سعود بخوف : ليش وش صاير سهي بربكه : ليكون نسينا شي سعود ناظرها : وشو سهي : مادري مادري سعود يضغط علي قلبه : لا لا سهي تساعده بس الجهاز مو راضي يرجع ينبض ابو سلمان كان قريب وشاف ابو بدر وابو خالد خاف وإيجاهم بسرعة : عمي شصاير ابو بدر لف له وبخوف غصب عنه : مادري ياوليدي شف المريض ابو سلمان ناظر داخل الغرفة وركض لاإرادي داخل : علموني عن حالة المريض سهي تشرح بسرعة له وابو سلمان وخر سعود وصار يشتغل بداله لين كملت سهي وقالت كلش شي عطوه له وش سوا له ابو سلمان ناظرها : هذا بس اللي عطيتوه له سعود تدخل وقال عن دوا ثاني بعد عطوه له سهي بسرعة وتذكرت : نسيته سعود إنصدم : شلون !؟ سهي غرقت عيونها دموع : نسيته سعود صرخ : مو قلت لك إحقنيه سهي ماعرفت تجاوب وسعود ركض لجهاز الكهرباء ابو سلمان صرخ ف سهي : إطلعي سهي تكابر دموعها : انا انا ابو سلمان بحزم ويجهز الكهرباء للمريض : شغلك بعدين إطلعي سهي مشت لورا وتناظرهم وتطيح باي وقت سعود جهز الكهرباء وحطوها للمريض مرة مرتين ثلاث ورجع قلبه ينبض والكل تنفس سهي تغسلت من الدم وطلعت برا مع ابوها واخوها ابو خالد خاف علي المريض وكانه من اهله : شلون حالته سهي بعتاب وتانيب ضمير وخوف ودموع ب عيونها : غلطت ابو بدر ناظرها : بشنو سهي نزلت دموعها : نسيت دوا ضروري ابو بدر فه هو وابو خالد ( بدر ) ابو سلمان وسعود تنفسوا بعد مارجع قلب المريض ينبض وإستقرت حالته سعود : دكتور محمد ابو سلمان لف علي ممرضة كانت فيه : المريض مستقرة حالته إنقليه لغرفه ثانية بعد ربع ساعة اشوفه الممرضة وافقت وابو سلمان شال القفاز من إيده ولف علي سعود : تعال معي سعود مشي وراه ويدري عدل وش ينتظره هو اللي يتحمل المسؤولية ...تغسلو وطلعو ابو خالد بلهفة : شلون المريض ابو سلمان عيونه علي سهي : زين والحمد لله ابو بدر وابو خالد : الحمد لله سهي بصوت هادي : السموحة ابو سلمان : ماسمعت سهي بلعت ريقها وبصوت مرتفع وابوها واخوها وسعود يناظرونها : السموحة أبو سلمان بحزم :مافيه شغل عندي إنت وسعود سهي رفعت عيونها له والكل ناظره سعود نزل عيونه : غلطتي انا سهي لفت عليه ابو سلمان لف له وبغضب : ماشاء الله المريض كان بموت وتقول غلط سهي بسرعة : مادخله انا ... سعود قاطعها : نسيت اقول لها تحقنه فيه سهي تناظره وابو بدر وابو خالد ابو سلمان بغضب : لو مات المريض تقول لأهله نسيت بعد نسيان منك كلفه حياته هو سعود منزل راسه : السموحة ابو سلمان عصب : وش فايدته الاسف لو مات المريض سهي تكابر دموعها سعود يتحمل ذنبها هي : انا السبب مو هو ابو بدر وابو خالد يسمعون لهم فهموا السالفة بس سكتو ابو سلمان بحزم : مو مهم عندي منهو السبب المهم المستشفي مالكم مكان فيه سعود تم ساكت سهي ببحة : دكتور محمد ... ابو سلمان قاطعها واشر عليها وعلي سعود : تدربوا مليون سنة وتعالوا ومافيه شغل عندي ...المكان يتعذركم ومشي عنهم سهي بصوت عالي مع سعود بنفس الوقت : نبي نشتغل عندك ابو سلمان وقف : مافيه دكاترة عندي يغلطون ..ومشي سعود وسهي : علمنا مانغلط ابو سلمان يمشي وابو خالد وابو بدر واقفوا ويطالعوهم : فيه مليون مستشفي ومليار دكتور يعلم سعود صرخ مع سهي : إنت دكتورنا ابو سلمان كمل طريقه ومالف لهم وفنفسه " جد سويتو عملية صعبة بس تكونون قد المسؤولية او مافيه " سعود وسهي تموا واقفين ويطالعون قفاه ابو بدر تم ساكت مع ابو خالد سهي حزنت وسعود صار يعرف ابو سلمان ومشي لاحقه ابو سلمان يقصد كلامه وسعود لزوم يبرهن له إنه قد المسؤولية سهي بسرعة : دكتور ليش قلت غلطتك وهي غلطتي انا إنت قلت لي احقن المريض سعود وقف ومالف لها وابو بدر وابو خالد يناظرونهم : إنت متدربة وانا كنت المسؤول وهي غلطتي صح كان لزوم اراقب شغلك واراقب المريض فنفس الوقت ...وخطي خطوة سهي إبتسمت ..سعود دكتور شاطر : والحين مافيه شغل سعود إبتسم غصب : اخوكي غول برهني له إنك دكتورة ...وكمل مشي ابو خالد إبتسم غصب وسهي لفت لأبوها ابو بدر إبتسم لها بحنان : سوي بنصيحة سعود برهني إنك دكتورة سهي نزلت عيونها : انا ماقصدت أنسي الدوا ابو بدر بحنية : قولي هالشي للدكتور الغول ابو خالد ضحك وسهي إبتسمت غصب : منهو الدكتور الغول ابو بدر مشي وجنبه سهي وابو خالد لاحقين سعود : ابو سلمان سهي: منهو سماه كذا ابو خالد : سعود سهي هزت راسها بإيه ومبتسمة تعرف سعود زين وتعرف مزحه وشلون يضحك علي الدكاترة ابو بدر بهدوء : تعرفين سعود يبه !؟ سهي توترت : كنا ندرس مع بعض ابو بدر إبتسم : درس معك ؟؟ سهي نزلت عيونها : لا يبه هو يدرس اكبر مني إشتغلت معه بنفس المستشفي ابو بدر هز راسه بإيه ومشو لأبو مشاري وسهي تفكر وش جاب سعود علي الرياض وشلون يعرف اهلها وتفكر شلون تطلب السموحة من ابو سلمان سعود كان بيلحق ابو سلمان بس غير قراره وراح حق المختبر وجاب شغل كان يسويه وإيجي حق مكتب ابو سلمان وماحصله وتم قاعد ينتظره سهي راحت حق ابو مشاري تطمنت عليه وفهمت كلش وعرفت إنه ابو سعود وطلعت من عندهم وراحت حق مكتب ابو سلمان يوم سألت عنه وحصلت سعود قاعد يقرا بملف بين إيدينه وتمت واقفة وتناظره " يعني قلت بتحصل اهلي وحصلتهم والحين فنفس المكان والمستشفي وأخيرا جمعتنا ارض الوطن الحبيب " إبتسمت ونزلت عيونها سعود إنتبه عليها وبفرح " ياقلبي وأخيرا شفتك ماتوقعت اشوفك بغرفة العمليات اثاري قدري انا وإنت هو المستشفي " : إقعدي رح تتعبين وهو بطول سهي سمعت كلامه : كذا مرتاحة سعود لاهي يقرا : بدينا عناد ومكابرة سهي مسكت ضحكتها غصب ولفت عنه وتكتفت سعود طالعها وإبتسم : ياحبي لك ولعنادك سهي عصبت ولفت له بغضب : دكتور سعود سعود ضحك عليها سهي بغضب : إنت ماتستحي سعود مبتسم : إجتي والله جابك تساعدني بالبحث والاسعاف سهي رجعت لفت عنه : ف احلامك سعود رجع يقرا وضحك : هذا لو وافق وإشتغلنا عنده سهي ضحكت غصب سعود فرح لضحكتها وماعلق وسهي إنتبهت علي نفسها وبلعت ضحكتها وسكتت ابو سلمان ( محمد ) راح حق المريض تطمن عليه وفحص العملية اللي سواها سعود وسهي وتطمن اكثر وراح لمكتبه يرتاح شوي سته ساعات وهو واقف ويركض ويشتغل وحصل سعود وسهي فيه سعود من شافه وقف وقفة جندي وسهي بعد ابو سلمان طالعهم ومشي ورا مكتبه وبهدوء : مكتبي مو دار الاستقبال إطلعوا سهي توترت : دكتور محمد ابو سلمان قعد وقاطعها : مابي اي عذر إطلعي سهي بلعت ريقها سعود مشي عنده وحط الاوراق قدامه : شوفه كملت جزء منه ابو سلمان يطالعه بحزم : إنت ماتسمع سعود نزل عيونه : كلنا نغلط ابو سلمان عصب : نغلط يوم مانعرف يوم مايكون فيه مريض بين إيدينا نغلط غلط صغير مو نقتل إنسان ونقول خطأ وغلط سعود سكت معه حق بكل كلمة سهي مشت شوي عنده : دكتور محمد من العجلة نسيت الدوا ابو سلمان لف عليها بغضب : ونسيت القفاز بعد سهي إنصدمت من قاله ابو سلمان : وثاني مرة ماوصيك إنسي تخيطن الجرح زين يادكتورة سهي نزلت عيونها وسكتت وماعرفت ترد غلطها لا يغتفر ابو سلمان ناظرهم إثنينهم وشغل الحاسوب وصار يكتب فيه هو المدير والدكتور بنفس الوقت سهي وسعود واقفين ومنزلين عيونهم ماعرفو وش يسون ابو سلمان تم يكتب ومرت عشر دقايق وهم ساكتين سعود وسهي بنفس الوقت : دكتور محمد أبو سلمان م لف لهم وبهدوء : اخر فرصة وعندي وفقاموسي مافيه شي إسمه خطأ طبي مفهوم سهي وسعود فرحوا : ابشر ابو سلمان لف لهم وبحزم : خمسين جناح دجاجة ف ثلاثين ساعة سهي إنصدمت وسعود بعد سعود كشر " قلته فيه مشكل مع رقم ثلاثين ....ياربي " : دكتور محمد ابو سلمان لف ورجع يشتغل : باقي 29 ساعة و59 دقيقة سعود طالع سهي وهي بعد سهي بفشلة : دكتور صعب علي انا متدربة ابو سلمان مارد عليها وسهي كشرت سعود بقهر : عندي إسعافات وبحث وشغل مرة في المختبر ابو سلمان بهدوء وحزم : شغلك ..ودي هذيك الغبية معك تشتغل ب الاسعافات سعود مسك ضحكته غصب سهي تفشلت : ماقلت لأبوي ابو سلمان لف لها : زين إختاري واحد من إثنين الشغل او ارجعي للبيت سهي فهمت قصده ونزلت عيونها : انا متدربة بس وماعرف أقطب زين ابو سلمان : خلي الممرض الدلخ يساعدك سعود نط عرق فيه سهي إستغربت : من هذا !؟ ابو سلمان رجع يطالع الحاسوب : خبر الغبية منهو الدلخ سعود عصب واخذ الملف ولف وطلع وسهي فهت وتمت واقفة ابو سلمان إبتسم وبحزم : إلحقيه وإشتغلي إسعافات بعد سهي تنهدت ولحقت سعود برا ابو سلمان طالع الباب يوم تسكر : تستاهلون توها البداية بس ...ورجع يشتغل وهو فرحان حصل امهر إثنين سهي وسعود سعود يمشي ويتحلطم ويكلم نفسه : انا الغبي ليش ابي اشتغل عنده لو دفعت الحساب وطلعت ابوي واخذته علي مستشفي ثاني كان ازين لي سهي وراه وسمعت كلامه وبهدوء : دكتور سعود سعود لف عليها : اخوكي انا من رح يذبحه سهي إبتسمت : يومها اساعدك بس الحين ساعدني سعود إبتسم غصب : تعالي حق المختبر سهي بكشرة : يقول إشتغلي إسعافات بعد سعود فرح : احسن حتي ماركض بروحي سهي عصبت : تتشمت فني سعود كشر ولف عنها : إنت السبب لو مانستي الدوا كان نحن بخير سهي مشت وراه : حلو والله كملت معي فرعون وهامن سعود ضحك غصب سهي عصبت : اقول اول لأبوي سعود يمشي : روحي قولي له سهي: وينه المختبر ؟ سعود إبتسم وفهم عليها : تعالي حق ابوك ونروح للمختبر سهي مشت وراه وبهدوء : نسيت أقول الف الحمد لله علي سلامة ابوك سعود إبتسم : اتوقع اليوم هو اليوم العالمي للنسيان ...( يطنز ) الله يسلمك سهي تفشلت وعصبت : دكتور إلزم حدك سعود ضحك : ههههههه سوري سوري سهي سفهته سعود بهدوء وفرح : حصلتك وحصلت اهلك يابنت عمي ابو بدر سهي طيرت عيونها وقلبها ينبض سعود مبتسم : والحين وين تهربين مني . سهي ماتته حيا من كلامه وبحزم : ترا اعلم عليك اهلي سعود وقف ولف لها وعيونه وبعيونها : حرمتي وزوجتي وحلالي بإذن الله سهي صار وجهها طماطمة منه سعود جرئ ومهما هربت منه تحصله قدامها نزلت عيونها وبهدوء : صدقني أعلم عليك سعود بفرح " اموت علي المستحية احبك ياسهي احبك " : علمي الكل إلا الغول زين سهي إبتسمت غصب وسعود لف وكمل طريقه وهي لحقته ودخلوا علي ابو بدر وابو مشاري وابو خالد راح يقنع ابو سلمان يسامح سهي ابو مشاري بفرح وتحسنت حالته شوي وبصوت صعب : وش جاب الدكاترة سهي بحيا : يبه الدكتور محمد وافق وعطاني عقوبة سعود ماسك ضحكته عليها كانها بنوتة صغيرة ابو بدر إبتسم : افا يبه وش عقوبته سهي بفشلة : اقعد اشتغل يوم كامل بالمستشفي سعود يزيد عليها : أقول يادكتوره ..نسيت مو يوم كامل ثلاثين ساعة سهي عصبت منه تدري يتمسخر عليها ابو بدر ضحك : هههههه وش المطلوب مني سهي معصبة : مارح اقدر ارجع للبيت ..توافق ابو بدر: تبين تشتغلين سهي هزت راسها بإيه : ابي اتعلم الدكتور محمد معلمي ابو بدر بهدوء : حتي بالليل !؟ سهي هزت راسها بإيه ابو بدر لف علي سعود : حتي إنت ؟ سعود : ايوه ياعم ابو بدر : وبالليل بعد ؟ سعود : ايوه ابو بدر بصوت هادي : زين بنتي امانة عندك ماوصيك سهي ناظرت ابوها سعود فرح " بعيوني وبقلبي ": تطمن ياعم نفس العقوبة ابو بدر إرتاح شوي : زين وانا بعد بنام بالمستشفي ابو مشاري بفرح : سعود البنت إختك سعود لف له وإبتسم : ايوه يايبه تطمن سهي حبت راس ابوها : مشكور يبه ابو بدر : كم سهي عندي سهي ضحكت : ههههه وحدة بس ابو بدر : زين وماوصيك كوني قد المسؤولية وإسمعي كلام سعود سهي كشرت " هذا اللي ناقص " : زين يبه سعود يطالعها : ترا العد التنازلي بدا سهي لفت عليه : علمني وين المختبر سعود : تعالي معي سلموا علي ابو بدر وابو مشاري وطلعوا ابو مشاري بفرح : لا تفكر ببنتك ابو بدر إبتسم : مع ابو سلمان وسعود إخوانها ترا ابو مشاري : ايوه اخوي سعود بهدوء : سهي عندي مرة شغل تساعدني سهي إبتسمت : والخمسين دجاجة مو شغل سعود مكشر : عندي مؤتمر بعد اسبوع وللحين ماجهزت له والغول مو عاطني وقت سهي مسوية فيها معصبة : لا تسميه غول سعود ماسك ضحكته : شقلتي تساعدني سهي : شغلك سويه سعود كشر : زين إشتغلي بالاسعافات وقطبي الدجاج بروحك سهي طيرت عيونها : لا تستهبل انا ماعرف سعود بحزم : عاد انا ياللي اعرف تساعدني اساعدك هذا اللي عندي سهي كشرت ومشت قدامه مسكها من إيدها اللي توجعها : زين سعود فرح : أتوقع نسيتي بعد إنك ماتعرفين طريق المختبر سهي وقفت ولفت له بغضب : سعوووود سعود فطس ضحك ومشي بممر ثاني : هههههههه تعالي تعالي سهي عصبت وقفت سعود لف لها وهو يضحك : ههههههه مراح تجين سهي بحزم : بسك غشمرة ومزاح ترا انا ماحبهم سعود يضحك : هههههه قلته كل الدكاترة بعيلتكم غيلان سهي مسكت صرختها غصب وسعود ضحك وكمل طريقه وهي مشت وراه ومن زين حظهم مافيه إسعافات وتموا يشتغلون بالمختبر لين إيجاهم أبو سلمان وشاف سعود يعلم سهي وماحسوا فيه يوم دخل ابو سلمان يناظرهم وبفرح " الله اكرمني " ابو سلمان ( محمد ) : السلام وعليكم الاثنين فزوا سهي وقفت : وعليكم السلام ابو سلمان يطالع الدجاج : وينه شغلك إنت سهي تفشلت : الدكتور سعود يساعدني ابو سلمان : وإنت وينه شغلك سعود بخوف : للحين مابديت فيه ابو سلمان : زين إترك من إيدك وتعال معي إنت وهي الاثنين إستغربوا سعود : وين !؟ ابو سلمان : انا ماتغديت وماحب اتغد بروحي... تغديتو؟ سعود : لا مرة نسيانه ابو سلمان : ماشاء الله اليوم الكل ينسي ...ليكون يوم نسيان وانا اخر من يعلم سهي إبتسمت غصب هي وسعود ابو سلمان لف : تعالوا اكلوا عسي تتذكرون طالعوا بعض ومسكوا ضحكتهم غصب ولحقوه ابو سلمان ( محمد ) : سهي سهي توترت : سم ابو سلمان : ابي شغل إيدك مو شغل سعود سهي : زين بس رح أتاخر فيه ابو سلمان : إسهري وإشتغلي سهي سكتت ابو سلمان : سعود سعود كشر : سم ابو سلمان لف له : منهو سوا العملية للمريض الصبح سعود خاف : انا والدكتورة سهي ابو سلمان هز راسه بإيه وسكت سعود طالع سهي بمعني ياويلي : ليش صاير شي ابو سلمان بهدوء :ثاني مرة إنتبه للمريض وقلبه ومؤشراته والدكاترة والممرضين اللي معك والاجهزة وكلش حولك سعود إبتسم : زين ابو سلمان : ماتقول زين وماتسوي اللي قلت عليه وإنت بعد يالغبية سهي كشرت وسعود إبتسم سعود وسهي : إن شاء الله تطمن ابو سلمان : اتوقع رح يصير كل يوم خطأ سهي تفشلت : وعد اخر مرة سعود : وانا بعد اوعدك ابو سلمان بهدوء : خليكي قد وعدك إنت والدلخ سعود كشر وسهي إبتسمت إنقلبت الاية : إن شاء الله ابشر ابو سلمان تطمن ومشوا حق غرفة ابو مشاري وقعدوا معهم ويتغدون مع ابو بدر ويسولفون مع ابو مشاري ابو سلمان : سعود وش سويت بشغل المؤتمر سعود : كملت جزء منه ابو سلمان : ابيه بوقته فهمت سعود كشر " ليش عطيتني وقت " : ابشر إن شاء الله ابو سلمان لف علي سهي : ساعديه زين سهي بهدوء : وش موضوع المؤتمر !؟ ابو سلمان : بعلمك سعود سهي هزت راسها بإيه وكملوا غداء وهي اكلت بس شوي إستحت من الكل ابو بدر إبتسم : ابو سلمان ماوصيك بنتي إختك الصغيرة هزأها مثل ماتبي سهي تفشلت وكشرت ابو سلمان : لا تفكر بشي ياعم توقعتها دكتورة طلعت بنت غبية سعود ماسك ضحكته وسهي تفشلت وعصبت فشلها قدام ابوها وسعود فيه ابو مشاري منسدح وبصعوبة وصوت متقطع : وعاد وليدي اللي تبيه سويه فيه سعود كشر يعرف الجواب ابو سلمان يناظر سعود : ولدك قرش البحر الميت هو اللي ياكله ابو بدر ضحك وابو مشاري ضحك بشويش وسهي شقت الخشة سعود مكشر : البحر الميت سموه كذا عشان مافيه حياة ومافيه اسماك وقروش ابو سلمان إبتسم غصب : بس فيه سعود الدلخ الكل ضحك غصب سعود قام : انا عندي مرة شغل ابو سلمان : رح رح إشتغل اخاف نتفشل سعود لف عنه ومن قلب ورفع إيدينه : يارب صبر ايوب ألهمني الكل مسك ضحكته غصب واولهم سهي ابو سلمان لف عليها : وإنت يالغبية حتي اقول لك قومي إلحقيه سهي تفشلت وقامت وسعود ضحك غصب وسهي عصبت اكثر وطلعوا عنهم ابو بدر : ابو سلمان شرايك فيهم ابو سلمان بفخر : ماشاء الله ياعم امهر الدكاترة يبون بس العين الحمرا حتي يصيرون عين الله عليهم اليوم سوا عملية امهر الدكاترة بالمستشفي عندي مايسوها ابو مشاري فرح وبصوت هادي وبصعوبة : يعني دكاترة شاطرين ابو سلمان : ايوه وسعود من وصل ريحني كل شغلي يشتغله هو ابو بدر : يالظالم ابو سلمان : ههههه هو شاب ويقدر يركض ويتحمل ابو مشاري : جزاك الله كل خير ابو سلمان : وش دعوة ياعم ابيهم يتعلمون ويقعدون ويشتغلون بوطنهم ويعالجون اهلهم وناسهم ابو بدر : الله يوفقهم ويقويك ابو سلمان : إن شاء الله سولف شوي معهم وطلع عنهم سهي اول ماطلعت : ليش تضحك سعود : هههه لابق عليك لقب الغبية سهي طلع منها الدخان : إحلف وأصدق يالدلخ سعود عصب : دكتورة ثمني كلامك سهي بنصر : يوم تثمن إنت كلامك سعود كشر : سهي كافني اخوك الغول سهي كشرت : اثاريه صدق غول سعود ضحك من قلب : هههههههههههه شفت عاد سهي مسكت ضحكتها غصب وشافوا دكتور بطريقهم سلم عليه سعود واخذ علومه وكان إسمه فيصل وسهي مشت وبعدت شوي عنهم فيصل يناظرها : هاذي دكتورة جديدة سعود عصب : ايوه ليش السؤال فيصل إبتسم : حبيت بس إعرف سعود عصب ولاحظ نظراته : زين لاتعرف البنت زوجتي فيصل طير عيونه وتفشل ويصرف : متزوج ماكنت ادري الف مبروك سعود مكشر : الله يبارك فيك سهي سمعت كلامهم فيصل ماعرف وش يقول : ماشاء الله متي تزوجت سعود تكتف : قبل سنه فيصل توتر دامه ماذبحه الحين فحظه زين : ثاني مرة الف مبروك سعود بدون نفس : الله يبارك فيك والسموحة عندي شغل فيصل تنفس : وانا بعد اشوفك بعدين سعود مشي عنها : النذل يحمد الله يوم ماذبحته سهي خافت واضح إنه معصب حده ومشت بهدوء معه سعود معصب : لو اشوفك تسولفين معه يصير علوم سهي طيرت عيونها : منهو !!!؟ سعود لف لها : ذيك الطنجرة سهي فرحت لغيرته : منهو هاذي الطنجرة بعد سعود بحزم : ترا مامزح سهي عصبت : وانا بعد وترا ماسولف وماكلم حيا الله ...ومشت عنه سعود لحقها وبغضب : ترا والله اذبحه لو اشوفك واقفة معه سهي بغضب : سعود إلزم حدك من متي اسولف مع رجال ماعرفه سعود فرح : وانا سهي توهقت وتصرف : إنت مجبورة عليك سعود فرح اكثر وبامر : زين سولفي معه وتشوفين سهي لفت له بغضب : لاتتامر علي سعود ناظرها : حرمتي كيفي سهي إستحت ومشت عنه وسفهته سعود مبتسم : هين أخلي كل المستشفي مايسولفون معك سهي فرحت وقلبها يرفرف " ومن قاله بسولف معهم " تمت ساكتة وماردت عليه وسعود فرحان اليوم اجمل يوم بحياته تراب السعودية الغالي جمعه مع حبيبة قلبه رجعوا يشتغلون وسهي تحاول تقطب بنفسها وسعود راح لأسعاف بروحه وسهي قعدت تشتغل ******* | ||||
|
| |
|
25-11-20, 03:30 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني عشر في المرة الأولي التي إلتقيتك فيها رأيت إتحاد الشمس والقمر في المرة الأولي التي تقابلنا فيها شهدت علي تلاطم الموج والبحر في المرة الأولي التي رأيتك فيها شعرت ب ولادة المحيطات والنهر في المرة الأولي التي صادفتك فيها حضرت تكوين الفراشات والزهر في المرة الأولي التي أجتمعنا فيها نبض قلبي وكتبت دواوين النثر والشعر في المرة الاخيرة التي إفترقنا فيها قررتك أهلي وناسي وشعبي والوطن √√√√√√√√ رجعوا يشتغلون وسهي تحاول تقطب بروحها وسعود راح للاسعاف بروحه وتركها تتعلم زين إم سلمان إتصلت علي ابو سلمان وقال بيقعد ينام بالمستشفي وهي طبخت له اكل وبعثت له ولسهي وسعود وابو بدر وابو مشاري زعل ويقول يبي اكل بس ابو سلمان كانه ماسمعه وابو مشاري من قهره قال له صدق سعود يوم سماك غول وابو سلمان ناظر سعود بغضب وسهي مسكت ضحكتها وسعود لف بالكرسي 180 درجة وابو بدر ضحك من قلب وابو سلمان ماسك ضحكته وقال له يشتغل اربع ساعات زيادة وسعود بغي يبكي وقال لابوه الله يسامحك والكل ضحك عليه ابو سلمان ( محمد ) : سهي كم جناح إشتغلتي سهي بفشلة : اربع ابو سلمان : يوم بطوله اربع سهي منزلة عيونها : انا ماعرف زين ابو سلمان : سنتين تدريب وماتعرفين سهي سكتت سعود بهدوء : دكتور شغلها متقن وزين ابو سلمان بحزم : بس كذا رح يصحي المريض من البنج وهي ماخيطت الجرح ابو بدر وابو مشاري يسمعون لهم سهي منزلة عيونها : عشانه ابي أشتغل عندك ابو سلمان : زين نقوم ونروح ونشتغل وعشرة ايام وإنت تقطبين فهمت سهي فرحت : زين سعود كشر : والاسعافات منهو يساعدني ابو سلمان إبتسم غصب وسهي لفت عليه بغضب ابو سلمان : ليكون كنت معول عليها سعود تفشل : دكتور خليها تساعدني شوي سهي تطالعه ودها تفجر فيه قنبلة ابو بدر وابو مشاري إبتسموا شغل الدكاترة يتعب ابو سلمان : ايوه بالاسعافات وبالمؤتمر بعد سعود فرح سهي عصبت وبهدوء : دكتور محمد ابو سلمان بحزم : الشغل مقسوم علي إثنين ولو احصله مو تمام يومها يصير شي مايرضيكم سعود بفرح : من جهتي تطمن سهي كشرت : إن شاء الله ابو سلمان بهدوء : وفيه مناوبة بالليل بعد الاثنين إنصدموا : إيش !!!؟ ابو بدر ضحك وابو مشاري ابو سلمان : خير تبون تشتغلون عندي إشتغلو وإنتو ساكتين سعود معصب منقهر كاره نفسه : دكتور محمد عندي تقطيب ومؤتمر وإسعافات وشغل ملفات ومناوبة بعد واجد وبعدين يومين مو نايم ابو سلمان يناظره : تحمل سعود تحلطم سهي بصوت هادي ومعصبة : انا مارح ناوب ابوي مايرضي ابو بدر ناظرها : من قاله سعود فقع ضحك غصب سهي عصبت : يبه ابو بدر : تبين تدرسين طب وتشتغلين دكتورة إشتغلي سهي لفت علي سعود : إنت السبب الكل طالعها وإنصدم منها شلون تكلمه بهالطريقة سعود مسك ضحكته غصب : إختي هذا هو القدر والنصيب الكل ضحك غصب سهي عصبت وبعفوية : عشرة أجنحة عليك إنت سعود طير عيونه : إحلمي ابو سلمان بحزم : احم احم الاثنين سكتو ابو سلمان : اول يوم تشفون بعض وتتهاوشون سهي تفشلت : السموحة بس شغله هو ابو بدر خش : شغلكم مع بعض وخلي سعود يعلمك ياسهي سهي تفشلت شلون تكلمه بهالطريقة قدام ابوها : يبه هو مايقصر بس يشتغل شغله هو ابو بدر إبتسم : وليش هو يساعدك ويعلمك سهي كشرت : زين أساعده سعود يزيد عليها : واهم شي الاسعافات سهي طالعت فيه بغضب والكل مسك ضحكته غصب ابو سلمان : اشوفك تتامر عليها سعود توهق : افا إختي ترا سهي معصبة منه " هين اوريك " ابو سلمان : زين نروح للمختبر والليل بطوله تقطيب مفهوم سهي فرحت : إن شاء الله سعود كشر : انا انام ارتاح شوي ابو سلمان : ثلاث ساعات بس سعود حط إيده علي جبينه وتنهد من قلب : وينك ياكندا وين نومك الكل فقع ضحك ابو سلمان عصب : سعود سعود قام : اروح للمختبر أقطب ثلاثين جناح ازين من نومة ثلاث ساعات ابو سلمان ماسك ضحكته وفهم قصده صار يقول ثلاث وثلاثين يهبل فيها سعود سهي قامت معه وطلعوا ابو سلمان ضحك : ههههههه مساكين . ابو مشاري : حرام ...عليك ياوليدي ...خليه ينام ابو سلمان: ايوه ياعم تطمن خليه يشتغل ل11 بالليل وينام يرتاح ابو بدر : الله يقويهم ابو سلمان قام : امين وطلع لحق سهي وسعود سهي صار هو يعلم فيها وسعود يقطب بروحه وقال يروح ينام شوي وابو سلمان سمح له وهو ماصدق خبر وركض لمكتب ابو سلمان فيه سرير يتسدح ابو سلمان يرتاح عليه يوم يكون يشتغل ويتعب غمض عيونه ونام وماحس بالدنيا حوله سهي إشتغلت لين تعبت واخذها ابو سلمان علي سكن للدكتورات فيه وقال لها تنام وترتاح وهو رجع للمختبر قطب خمس اجنحة زيادة وحطها بصحن سعود وراح ينام ويرتاح حصل سعود بمكتبه غطاه وطلع وراح لبيته القريب من المستشفي وكانت الساعة ثنتين الصبح مر الوقت وطلعت شمس جديدة وإم سلمان ( إبتسام) يوم صحت شافت ابو سلمان قامت بشويش وطلعت جهزت فطور له ولعيالها قام الكل افطر وطلعوا لإختباراتهم عشانه اسبوع الاختبارات وابو سلمان اخذ فطور لسهي وسعود ويوم دخل حصلهم عند باب الاسعافات صبح عليهم ابو سلمان ( محمد ): وش عندكم هنا سعود : ننتظر لو فيه إسعافات ابو سلمان : ليش مافيه عندكم شغل حتي تنتظرون سعود : سوينا جولة علي المرضي كلهم ابو سلمان فرح : وش بعد سعود كشر : بس ابو سلمان : زين للمختبر يوم تجي سيارة الاسعافات وتعالوا سعود كشر وسهي بعد سعود : بعيد المختبر عن هنا ابو سلمان تم واقف ويطالعهم سعود وقف وسهي لفت ومشت قدامه وسعود لحقها ابو سلمان مبتسم ويمشي وراهم : جبت لكم فطور سعود مكشر " الشي الوحيد الزين فيك ": تسلم ابو سلمان : زين بروح حق المكتب وكل واحد يجيب لي شغله حقت امس الاثنين: أبشر طال عمرك هم راحو للمختبر وهو راح للمكتب سعود أخذ صحنه وسهي بعد سعود طير عيونه : سهي قطبتي دجاج لي سهي مكشرة : إحلم حقتي انا وموب قادرة اكملهم سعود يحسب : تدرين امس إشتغلت خمس بس والحين فيه عشرة سهي إستغربت : جد سعود مفهي : والله من وين إيجت خمس سهي فرحت : حقتي عطيهم لي يله سعود ناظرها : إحلفي بس ياشيخه من وين لوين لك سهي كشرت : بعلم الدكتور سعود طير عيونه : اذبحك سهي : زين من وين لك ليكون إشتغلتهم ونسيت سعود يستهبل: لا اكيد اتوقع شبح إشتغلهم لي سهي طيرت عيونها : وش شبحه !؟ سعود إنتبه عليها : ليش ماسمعتي عن شبح المختبر سهي خافت : تكذب سعود عاجبه الوضع : صدقني فيه شبح بالمختبر سهي بخوف : وش هالتفكير وش شبحه سعود مبتسم : براحتك لاتصدقني انا أقول فيه شبح وبعدين من وين لي عشرة أجنحة وانا أشتغلت بس خمسة سهي خايفة : وليش إشتغل بس لك سعود يطنز : عشانه يحبني سهي عصبت : حبك حب سعود : اعوذ بالله جعل ماقاله سهي: زين بسك كذب وتقول فيه شبح سعود ضحك : ههههه سهي الخوافة سهي عصبت : هين اعلم الدكتور محمد عليك سعود طير عيونه : لا تكفين مو ناقص شغل سهي ضحكت : ههههه رحمتك سعود فرح " يالبي هالضحكة ": مشكورة يالغالية سهي عصبت وسفهته سعود ضحك : ههههه بدينا سهي : ترا جد أعلم الدكتور محمد واقول إشتغل بس خمس سعود كشر ويستهبل : زين زين يأختي لاتعصبي علينا سهي إبتسمت غصب ودخلت للمكتب مع سعود وحصلوه قاعد ويشتغل ابو سلمان بفرح : سعود منهو إشتغل الملفات سعود مكشر من سهي : انا سويتهم الصبح أبو سلمان فرح قال له يشتغل ملفات امس بس توقعه مارح يشتغلها : شغلك ناقص سعود كشر وبين أسنانه: ليش متي كان شغلي كامل سهي إبتسمت غصب أبو سلمان سوا نفسه ماسمع : خلوني اشوف شغلكم ...عطوه شغلهم سهي قطبت 12 وسعود 10 ابو سلمان لسهي : زين شغلك زين سهي فرحت سعود مكشر " ماشاء الله يمدح فكرته يعرف كلمة ذم بس " ابو سلمان بحزم : شغلك زين يصلح بس لتجارب علي الدجاج والفئران سهي كشرت وسعود " ايوه لاتخلط حسابتي فيك " أبو سلمان( محمد ) : تدربي زين بهالشغل عشر سنين تدريب ومارح تسوين عملية حقيقية سهي كشرت : إن شاء الله أبو سلمان حط شغلها واخذ شغل سعود واخذ اللي إشتغله هو وناظر سعود : منهو اللي إشتغله سعود توهق : انا ابو سلمان اخذ جناح إشتغله سعود : هذا إنت ...بس هذا مو إنت سعود بلع ريقه : صدقني يادكتور انا أبو سلمان : دام إنت تسوي عملية وماخاف عليك سعود ناظر سهي : أيوه أعجبك أبو سلمان إبتسم : زين عجبني شغلك بعد الغداء أجيك للمختبر وأشوفك شلون تقطب سعود طير عيونه وسهي بعد سعود حك ذقنه : ابشر ابو سلمان : زين إفطروا ..ورحوا إشتغلوا هو كمل ملفات عنده وسعود فطر مع سهي وطلعوا سعود وده يطيح : سهي اليوم يومي سهي فرحانة وتتشمت : ليش كذبت ليش ماقلت ماتدري من وين لك سعود مكشر : ومفكره الغول بصدق سهي : زين تحمل النتايج سعود عصب : مشكورة علي الدعم المعنوي سهي ضحكت غصب : ههههههههه سعود فرح : إضحكي إضحكي براسي مو راسك سهي رحمته : خلاص خلاص إنت روح للمختبر وانا اروح لأسعافات سعود فرح : جد سهي : ايوه جد رح قطب وحدة ويكون شغلها تمام سعود طار من الفرح : مشكورة مشكورة سهي إبتسمت عليه ومدت له صحنها : زين ..انا اروح ..ومشت سعود فز : بس بس شوي سهي لفت له : هلا سعود بحزم : وين بروحك تعالي يله بطلت سهي كشرت : وش فيك ماتبي اساعدك سعود مش لها ومد لها صحنها : نشتغل مع بعض ندخل ونطلع مع بعض سهي كشرت ومسكت الصحن : تطنز حضرتك سعود لف عنها وبحزم : لا والله مافيه روحة وجية بروحك سهي إبتسمت غصب ولحقته : براحتك ماتبي مساعدة إرتاح سعود علي رايه : المهم عندي تقعدين جنبي سهي سكتت وماردت عليه امس طول اليوم مع بعض والحين بعد سعود إبتسم وكمل طريقه عشر ايام بس معه ومايبي يبتعد عنها دقيقة وامس واليوم حب المستشفي والشغل إجاهم إنذار إسعاف وركضوا له وصاروا يشتغلون مع بعض ويرحون ويجون مع بعض مرت عليهم ايام حلوة وابو سلمان طلع الشيب فيهم إثنينهم بس علم سهي اكثر وجهزوا شغل تمام حق المؤتمر ...سهي طلبت تروح معهم بس ابو سلمان رفض وقال لها تقعد تهتم بابو مشاري وبكل المرضي وهي وافقت وكشرت وتدري مارح يرضي ابوها تم بس لها أيام بالمملكة وترجع لكندا وهاذي اول مرة ماتبي ترجع تبي تقعد وتشتغل مع سعود وتتعلم اكثر منه ومن ابو سلمان وصارت تحب تضحك علي سعود وهو بعد يضحك عليها وصار كل المستشفي يعرفهم ومفكرينهم زوج وزوجته والكلام وصل لأبو سلمان بس ماعلق وينتظر الوقت المناسب ويتكلم مع سعود يشرح له سعود رجع كلم ابو وائل ( أحمد ) وقال له مايقول لأهل سهي لين يتعافي ابوه وابو وائل وافق له وقال له إخطب لنفسك وهو فرح ابو وائل صار خويه بعد ماتعرف عليه بدت الاجازة ورهف كشرت وهي وشجون يبون يسافرون بس الاهل رفضوا وأم سلمان قالت اخوها ابو وائل بالرياض تبي تقعد معه ومع حرمه وعياله ورهف وعبد العزيز واصلين للمليون منهم شوق كملت إختبارات وتنتظر النتايج وتبي تجيب نسبة حلوة ترفع معنوياتها لإمتحان الشهادة وأسيل عايشة أيام خطوبة حلوة مع عبد الله اللي يبي يحددون زواجهم وهي رافضه بعد الشهادة وهو مكشر ريماس نفس حالة شوق تنتظر النسبة وتبي تشوف سلمان وهو نفس الشي ويفكر يقول لأهله يزورون خالهم بالاسبوع الثاني من الاجازة رغد مو همها نسبة ولا غيره المهم الهبل والهبل والهبل حمد وخالد علي حالتهم مشتاقين لشوق ويبون يشوفونها ويبون يعترفون بمشاعرهم فواز سوي طلب تحويل للكلية بس رفضوا له عشانه بنصف السنة كشر وأخذ إجازة لنفسه ويبي ياخذ شور مشاري ويروح معه لجدة ويتعلم لين تبدي السنة الجديدة ويغير دراسته وملاكه صارت داخل قلبه سحرته وطيرت عقله وقرر يخلي القدر يأخذ دوره وليد وسطام هبل بلاوي ضحك ولعب بالاردن سعود عرفه ابو سلمان علي دكاترة مشاهير وهو إنبهر اكثر فيه ابو سلمان معروف بين الدكاترة وقدموا بحث وتجارب إشتغلها أبو سلمان وكملها سعود والكل إنبهر فيهم والدكتور جيمس طلب من ابو سلمان يبعث له سعود وابو سلمان فرح وقال له بالاجازة وسعود فرحان ومبسوط مع ابو سلمان بحقق كل أحلامه في الطب ابو سلمان مو مقصر بشي هو بس يسأل ويلاقي الجواب والتهزأه اكيد بس المهم عنده يوم ينذكر إسمه الكل يهز راسه بمعني عرفنا صاحبه ويوم يدخل غرفة العمليات يطلع منها بنسبة ناجح كملوا شغلهم وسعود فرحان ومكشر أبو سلمان مامدح فيه ولا مرة ومارح يمدح فيه أبد بالليل صلوا وتعشوا وحبوا يلفون الاردن من وصلوا مع الشغل والمؤتمر وابو سلمان حب يفتح السالفة مع سعود شي داخله مو معصب منه سهي إخته وهو سمع إن سعود قال لدكاترة إنها زوجته بس ماعصب منه يبي سعود يشرح له عرفه من اسبوعين بس حبه شاف فيه الرجال الخلوق والمسؤول سعود يمشي معه وساكت وجود ابو سلمان يوتره ابو سلمان بهدوء : قلت لك قبل ابعثك لألمانيا تتذكر سعود بهدوء : ايوه وانا نفسي ابي اروح ابو سلمان لف له : لو تروح ترجع او تقعد هناك سعود : مادري المانيا وطن الطب والاطباء ابو سلمان إبتسم : واهلك وناسك يبون منهو يعالجهم سعود إنصدم ولف له قاعد يمدح فيه او شنو ابو سلمان وقف وبهدوء : تتذكر إني قلت لك ابعثك مع سهي سعود هز راسه بإيه ابو سلمان ينتظر الجواب : وصلني كلام يتكلمونه بالمستشفي سعود توتر: وش كلامه ابو سلمان يطالع عيون سعود وبصوت هادي : تقول لهم سهي زوجتك سعود إنصدم اكبر صدمة ماتوقع الكلام يوصل له ..بلع ريقه توتر خاف ماعرف يرد ابو سلمان يناظره ولاحظ وجه اللي تغير لونه : فهمني شمعني هالكلام سعود نزل عيونه والعرق تصبب منه : دكتور السالفة ... ابو سلمان تكتف وقاطعه : من الاخير سعود نزل راسه ويبي يغمي عليه وبصوت خايف سهي إخته يذبحه عادي : قلته عشان مايتكلمون عنها ابو سلمان عقد حواجبه : شلون فهمني سعود علي حاله موب قادر يرفع راسه له : فيه طويلين اللسان والبنت تبي تتعلم وكل همها المعرفة وانا قلت هالكلام حتي اسكت كل شخص يجيب سيرتها بالعاطل ابو سلمان فرح فيه وتأكد انه صادق صار يعرف سعود عدل : ومنهو إنت حتي تعطي لنفسك حق الدافع عنها سعود غمض عيونه سؤاله صعب الجواب " زوجها وحبيبها " : ولد عمها ابو سلمان بصوت هادي وفهم قصده : ترا بأيدك تسكت الناس جد سعود رفع عيونه منصدم وابو سلمان لف عنه وكمل طريقه سعود لمح له وهو فهم قصده زين سعود مسح عرقه : ياريبة يذبحني اكيد ...وانا ليش ماقلت اخوها ..مابي اكون اخوها ..اووف فيصل النذل اذبحه وراه وراه لين اطرده من المستشفي لحق ابو سلمان ورجوله بتتكسر وبهدوء وخوف : دكتور إفهمني ابو سلمان بشويه حزم : إختي تذكر زين ومابي يوصل لي كلام ثاني فهمت سعود منزل راسه : صدقني مو قصدي شي عمي ابو بدر أمني عليها ابو سلمان فرح فيه : زين كن قد المسؤولية سعود ميت خوف وغمض عيونه بقوة : زين منهو علمك اقطع لسانه ابو سلمان لف له بغضب : قلت مابي يوصل لي كلام ثاني وبعدين يوم اوصل اقول لها تترك المستشفي سعود كشر : انا اتركه خلي البنت تتعلم ابو سلمان : خلك بشغلك ازين سعود : السموحة ابو سلمان : وش قلت لك خلك بشغلك وبس سعود بصدق : مابي تفكر بشي غلط عني بنتكم امانة عندي ابو سلمان إبتسم : فهمني وش المهم عندك وش تبي بالضبط سعود توتر اكثر : م تأخذ عني فكرة غلط واكون قد الامانة ابو سلمان بنصف إبتسامه : برهن ...ومشي سعود وقف وكشر : برهن برهن برهن ....هين رح برهن إنت بس لاتعصب علينا لحقه وتم ساكت وابو سلمان ( محمد ) بعد ورجعوا للاوتيل وناموا وتجهزوا يرجعون للوطن بالوطن الغالي الكل تجمع ببيت ابو اسامة واللي هو بيت ابو عبد الله يستقبلون الجندي امين صار له شهور بالعسكرية والكل فرحان بشوفته واولهم ابوه وامه وعبد العزيز ومحمد يشفونه البطل أمين فرحان بينهم ومشتاق كبر السما لهم سال عن الكل واخذ علوم الكل وحب يشوف ابو سلمان وقالوا له بالاردن ويوم يرجع يشوفه وسمع إن سهي بالمملكة وحب يشوفها سنتين ماشافها يوم تكون سهي بالمملكة يكون هو بالعسكرية وسهي م إجت له تشوفه عشانها مشغولة وقرر يروح لها ويشوفها وهي بعد تبي تشوفه وتسلم وتاخذ علومه وصل ابو سلمان وسعود للمملكة بالليل وراحوا يرتاحون سعود للفندق وابو سلمان لبيته وسمع إن امين فيه فرح وقرر اول شي يسويه يوم يقوم من النوم يزوره صباح يوم جديد سعود راح للمستشفي تطمن علي ابوه وفرح سهي كانت له البنت حطته بعيونها وماشافها عشان كانت ببيتها وراح لشغله سهي قامت وتجهزت وطلعت للمستشفي اخر يوم لها وتبي تشوف سعود وتسال عن المؤتمر ابو سلمان راح لبيت ابو أسامة يشوف امين وقالوا له طلع له للمستشفي مع ابو أسامة يتطمن علي ابو مشاري فرح ولحقهم سهي شافت سعود صدفة فرحت وراحت له وسعود من شافها بغي يركض لها مشتاق حيل لها سهي إستحت منه اشر لها واضح فرحه بشوفتها سعود شق الخشة ويهلل : هلا هلا هلا والله وغلا سهي بحيا : اهلين الف الحمد لله علي السلامة. سعود بفرح : الله يسلمك شخبارك سهي بصوت هادي : بخير.. وإنت سعود ب عذوبه: توني صرت بخير ياقلبي مشتاق لك سهي رفرف قلبها وذابت قال قلبي وبعدت شوي وبحزم : دكتور سعود ضحك ووخر : ههههه زين زين سهي مستحية وتغير السالفة : شلون كان المؤتمر سعود بفرح : بخير احلي تجربة شفت اطباء من كل الدول سهي تحمست : شلون كان شغلكم سعود : الدكتور محمد رهيب ابهر الكل وانا معه سهي فرحت وتهبل فيه : واضح عليك اكيد فشلته سعود بفرح : بعينك بيضت وجهه سهي إبتسمت : الله يوفقك سعود : امين وإنت بعد ..علمني شلون الشغل سهي بهدوء : تعبني والحمد لله اليوم اخر يوم سعود كشر وبقهر : اخر يوم لك سهي منزلة عيونها وبحزن ماتبي تسافر : إيه واخيرا ترتاح مني ومن هم تعلمي سعود حس بقلبه ينعصر : بس انا مابي ارتاح ابي اعلمك سهي فرحت ورفعت عيونها له سعود برجا وعيون حزينه : خلك لاتسافرين سهي نبض قلبها ونزلت عيونها : دكتور بسك مزاح سعود : سهي تكفين اتكلم من جد سهي بصوت هادي حزين : كلها شهور وارجع سعود خنقته العبرة : ومتي تخلص هالشهور سهي تبي تروح تحس عيونها غرقت دموع وببحة : اربع شهور بس ..خلنا نشوف شغلنا سعود كشر يدري بتسافر تكمل السنة :كل يوم رح انتظرك ترجعين سهي خنقتها العبرة وماردت عليه سعود يغير السالفة يحس إنه يبي يبكي : خلنا نشوف شغلنا سهي إرتاحت شوي وتكابر دموعها : زين لفت ومشت معه وشافت شخص تعرفه زين إبتسمت ومشت بسرعة له تخاف يختفي وسعود مستغرب منها ولحقها سهي بفرح وتبي تنسي إنها بتسافر وتبتعد علي سعود : أمين أمين سمع الصوت ولف له وشاف حرمة بعبايتها وحجابها ونقابها وإبتسم ومشي لها : سهي سهي فرحت اكثر خافت لتكون غلطت فيه :اشوف الجندي امين هنا امين ضحك : هههههه واشوف الدكتورة سهي هنا سهي ضحكت : هههه شخبارك شعلومك سعود إنصدم منهو هذا اللي تسولف معه وتضحك معه امين : تمام الحمد لله شخبارك شعلومك وش احوالك سهي ضحكت وتقلده : تمام الحمد لله زينه وإنت شخبارك شعلومك شحوالك أمين ضحك : ههههه تمام سمعت إنك بالمملكة حبيت اشوفك سهي بفرح وسعود وقف معهم ومنصدم اكثر وأكثر منهو هذا وش هالميانة سهي : وانا بعد كنت بزورك امس بس مشغولة وقلت اشوفك اليوم امين : اشوفك صرت دكتورة وتشتغلين وماعندك وقت سهي تخصرت وبغرور : وش علابالك امين فقع ضحك : ههههههه بسك غرور سهي ضحكت : هههههه تراك تكلم الدكتورة سهي عبد العزيز بن صالح بكبرها سعود وصلت معها من حركتها مع الرجال وماسك نفسه بغضب سهي نست وجوده أمين يقلدها وبغرور : وإنت بعد إعرفي إنك تكلمين الرائد أمين عبد الله بن صالح بكبره سعود إنصدم " ولد عمها !!!" سهي : هههه يالمغرور أمين ناظر الرجال اللي معهم بغرابة سهي إنتبهت له : امين اعرفك ولد عمي ابو مشاري وهو دكتور وإسمه سعود أمين إبتسم ومد إيده له : تشرفت سمعت عنك انا ولد أبو أسامة سعود صافحه بدون نفس : هلا الشرف لي أمين وخر إيده : الحمد لله علي سلامة ابوك توني كنت عنده اتطمن سعود إبتسم مجاملة : الله يسلمك تسلم أمين لف علي سهي : هاه سهي وين ابو سلمان اشوفه سهي : بيبته مابقي له ويجي أمين : زين سهي بوناسة : امين علمني عنك سنتين مو شافين بعض سعود عصب " تسال وتاخذ لعلوم هين انا لك جد ولدك عمك بس مايصير كذا " أمين : تمام ولو عرفت إنك بالمملكة كان جبت لك بدلة هدية سعود ناظره بغضب سهي فرحت : تسلم والله ماعلي منك جيب لي وحدة البسها أمين ضحك : ههههه بغير مرة سهي كشرت : ومتي هالمرة وبعدين الكل شافك فيها إلا أنا أمين: هههه جبت معي حقتي تبين تلبسينها سهي ماصدقت خبر : ايوه واتصور فيها وأحطها بالسوشيل ميديا سعود طير عيونه وده ينفجر أمين عصب : إحلفي بس ياشيخة سعود ناظره غضب أمين يخوف جد عسكري سهي ضحكت : هههه مزاح مزاح لاتعصب ياجندي أمين بهدوء : زين إختي ترا وانا مارضي سعود ناظره بنص عين " ايوه إختك ولو تفكر بشي ثاني اذبحك ولو جنرال بكبره " سهي إبتسمت : مزاح اخوي امين ناظر سعود : اشوف هالدكتور مو عاجبينه سهي لفت له سعود إبتسم " صح ": من قاله أمين إبتسم : انا جندي واعرف المجرم من ملامحه سهي تناظرهم سعود كشر : قصدك انا مجرم أمين: قصدي تبسم وخلنا أصدقاء سعود ب إبتسامه صفرة : والحين أمين ضحك وضربه علي ظهره : ههههههه ولد عمي أبو مشاري مو سعود تالم : كسرتني سهي ضحكت غصب أمين ضحك : ههههه السموحة يله خلوني أشوف هالمستشفي سعود بدون نفس : مو فاضين أمين طنشه : سهي لاتقولين مو فاضية بعد سعود ناظرها بغضب لو تروح معه تشوف سهي توترت وبصوت هادي : لا فاضية تفضل سعود إشتعلت النار بقلبه أمين : تفضلي دكتور سعود أشوفك بعدين ..ومشي سهي ناظرت سعود سعود بغضب : شمعني هالحركة سهي بهدوء : اشوفك بعدين ..ولحقت أمين سعود والغيرة ماكلة قلبه وبغضب : مشكورة ياقلبي مشكورة ...لف وراح وده يجيب بنزين يشعل النار بأمين وسهي سهي مشت بهدوء مع أمين وتفكر في سعود أمين ناظرها ويبي يسال عن شي : سهي سهي إبتسمت وأشرت له يوم شافته : كاهو أبو سلمان أمين ناظره : هاه اروح أسلم عليه سهي بهدوء : ايوه وأعذرني عندي شغل أمين إبتسم لها : الله يقويك وإعتني بنفسك زين يأختي سهي إبتسمت له أمين ولا مرة فكر فيها علي إنها بنت عم طول حياته يقول إختي وبعدين قلبه مجروح : فأمان الله أمين بهدوء غريب : شلون أهلها سهي خنقتها العبرة : تمام الحمد لله أمين نزل عيونه : ابي أزورهم بس موب قادر سهي تناظره وتناظر عيونه الحزينه : أمين هذا قدر أمين بألم رهيب : وانا السبب فيه فقدت الامل ..ومشي وبقلبه جرح مارح يندمل ولو بعد مليون سنه سهي نزلت دموع من عيونها فقدت اعز الصديقات والخويات لفت ومشت القدر جمعها مع أمين يشتاقون لنفس الشخص مشت ولحقت سعود ولأول مرة تبي تشرح موقفها وتفهمه منهو أمين أمين كابر دموعه وحبه وشوقه قضاء وقدر ولزوم يرضي فيه وصل لأبو سلمان سلم بحفاوة عليه وأخذ علومه وأخبار وأبو سلمان فرحان فيه ولف المستشفي معه وعزمه علي بيته سهي لحقت سعود للمختبر وشافته بروح ومعصب أخذ جهاز وحطه بغضب علي الطاولة سعود حس فيها يوم دخلت ومالف لها هانته بفعلتها وسواتها وقعد عند الجهاز ( مجهر ) وصار يعدل فيه بغضب سهي مشت وقفت جنبه وبصوت هادي : دكتور سعود سعود سمعها ومالف لها سهي بلعت ريقها وبصوت عالي شوي : سعود سعود بغضب ومالف لها : خير وش وعندك سهي توترت وش تقول قربت شوي منه وبصوت هادي : ليش معصب سعود عصب اكثر تدري وتسأل : من قاله سهي بلعت ريقها ماتبيه يعصب ويزعل منها وبتردد : أمين أخوي سعود يطالع بعدسات الجهاز : شدخلني انا سهي ماعرفت تجاوب شلون شدخله وهو حبيبها تبي تشرح موقفها وماعرفت شلون تبيه يعرف إن زعله غالي وتدور رضاه بس ماعرفت تقولها شلون نزلت عيونها وبهدوء : أمين فقد عزيز له سعود واصل حده ولف لها : أمين امين امين وش علي منه ..أطلعي مو فاضي لك سهي طيرت عيونها من طريقه كلامه ونزلت دمعة من عيونها بسبه وبسب ذكرياتها وبصوت مخنوق وراجي : أتمني ماتزعل وماتفكر بشي غلط عني أمين كان أخوي وبتم أخوي سعود يناظرها وشاف دمعتها وبقهر " ليش تكلمينه وتروحين معه " سهي لفت عنه ودموعها نزلت تمنت يصدقها تمنت م يشك بيوم فيها أمين متألم ومجروح وماهمه فحريم الكون وبعدين تربوا وكبروا مع بعض ..مشت وبغت تطلع وتطلع كل دموعها علي موت نادين وشك سعود وماحست إلا بصوت سعود يجيها موجوع وغيران ومقهور : ليش تروحين معه سهي بوجع ودموعها تنزل : سأل عن ابو وام نادين سعود حس بسكين بقلبه وسهي من نطقت إسمها صارت تبكي وتشاهق سعود علي طول مشي ووقف قدامها وبحزن : سهي ليش تبكين سهي صارت تبكي بقوة من موتها مابكت قدام إنسان فقدتها فقدت الصداقة فقدت الاخوة فقدت حلم الدكتواره درست بجد عشان تحقق حلمها وحلم نادين بعد سعود لمعت عيونه اول مرة يشوف سهي تبكي كانت القوية والمغرورة والعنيدة فنظره دموعها ضعفه والمه ووجعه وبرجا : تكفين ليش تبكين سهي رفعت إيدها وصارت تمسح دموعها سعود مد إيده لها بس رجع نزلها وشد علي قبضته ماله حق يلسمها ودموعه شوي وتنزل وبحب : خلاص ياقلبي مو زعلان منك سهي بين دموعها وتحاول ترضي بقضاءها وقدرها ...موت نادين خلاها تفقد الكثير ..بس لزوم تكون صبوره وراضيه سهي بالم فضيع : مشتاقة لها ابي اشوفها سعود وجعه قلبه : منهو منهو أخذك لها سهي بكت أكثر لو تقدر كان راحت لها : نادين الله يرحمها سعود إنصدم هو مايعرف منهو نادين ..! بس واضح لها معزة ومكانة بقلب سهي ويتوقع أمين بعد وبحب : إدعي لها بالرحمة وحرام اللي تسوينه سهي سكتت وصارت تبكي بصمت وسعود يحاول يقويها : سهي قلبي الله يرحمها بس دموع تكفين سهي رفعت إيدها وصارت تمسح دموعها سعود يحاول يهديها وبمزح : الغولة تبكي مأصدق سهي ماردت عليه نادين كانت الصديقة والاخت والحبيبة كانت اقرب لها من ام سطام ( أماني ) وام وائل ( مني ) وكل البنات الثانين دعت لها بقلبها بالرحمة ودعت بالجنة لها وتشوفها فيها سعود يسمع صوت بكاها الصامت وبرجا عنده ذكريات قاسيه مع الموت والفقدان واليتم : تكفين بس دموع سهي مسحت دموعها : انا زينة سعود برجا : إمسحي دموعك مابي اشوفهم سهي صارت تمسح دموعها وتحاول تتغلب عن أحزانها سعود برجا وبتردد : سهي ماعرف منهو البنت.. بس إنت إدعي لها بالرحمة كلنا فقدنا أحباب سهي غرقت عيونها دموع سعود يتيم وهي تدري زين هالشي وماحبت تفتح جروحه وبحب : أبي اشوف غلاي سعود إبتسم ويكابر دموعه : مو غالية لو تصرين بزر وتبكين سهي تبي تٌنِسِيَ سعود وجعه وفراقه لأمه : فيه الدلخ يمسحهم سعود فرح بين ذكريات ماضيه واوجاعه وسواده يبتسم ....عبد الرحمان رباه هو واخوه يوم ماتت الام و اب وتركوهم بزر بين الحياة ووحوشها تكفل فيهم عبد الرحمان ورباهم وماتبناهم عشان كان إسم ابوهم عبد الرحمان بعد والحين يرجع يتبسم سهي أمله بالحياة هي ومشاري وبسمه وابوه سعود إبتسم بحب : يالبزر إمسحي دموعك بروحك سهي ضحكت بشويش : بزر بعينك سعود بفرح : ايوه أضحكي ياقلبي ومابي أسمعك تبكين أبد سهي ناظرته بشويه غضب سعود ضحك وبصوت هادي وعذب : انتظر رجوعك عشان تصرين لي حل اوكي سهي إنصدمت من شيئين ..يخطب فيها !!! ...وشهالطريقه الرومنسيه اللي يخطب فيها !! سعود يطالعها وبهدوء : انتظر ردك لي وطلع وهو فرحان خاف لتنفجر فيه يحبها يعشقها ولو بأيده كانت ام عياله من سنتين من اول يوم شافها سكنت قلبه ووجدانه بهذول الايام حسها زوجته وقريبة منه تطلع معه وتدخل معه وتشتغل معه وبعدين كل اللي حولهم مفكرينهم زوج وزوجته سهي رمشت بعيونها يوم سكر الباب وراه إبتسمت بخجل من الفكره وانو سعود يخطب فيها ...لفت وطلعت تروح لأبو سلمان وترجع للبيت بسرعة بعد اللي صار ماتقدر تحط عينها بعين سعود بتموت من الحيا والخجل تطمنت علي حالة مريض قالت لها ممرضة عنه وراحت لمكتب ابو سلمان سعود من طلع من المختبر شق الخشة ....سهي تدور رضاه وماتبيه يفكر فيها بشي غلط ..وهالشي كفيل يبرهن له انو له مكان بقلبها وقرر اول مايتحسن ابوه يخطبها ويوم ترجع بالسلامه من كندا يتزوجها ....وراح يسوي شغله وسمع صوت حازم كشر ولف له..... الفصل الثالث عشر إخترتك من بين كل النساء يا إمرأة خلقت لتمنح الحب بلا عناء إخترتك من بين ألوف النساء يا أميرة للعزة والكبرياء إخترتك من بين ارق واروع النساء يا ملكة العطف والحب والحنان والعطاء سأضمك بين حنايا أحضاني لأصل بحبك لسماء سأعانق روحك قبل جسدك في كل صباح ومساء سألحن قصيدة حبنا ليتغني بها الشعراء وأتمني أن نحيا ونسمعها من حناجر كل الابناء وسأنتظرك رجوعك لأمنحك إسمي بكل حب وسخاء √√√ سعود ضحك وبصوت هادي وعذب : انتظر رجوعك عشان تصرين لي حل اوكي سهي إنصدمت من شيئين ..يخطب فيها !!! ...وشهالطريقه الرومنسيه اللي يخطب فيها !! سعود يطالعها وبهدوء : انتظر ردك لي وطلع وهو فرحان خاف لتنفجر فيه يحبها يعشقها ولو بأيده كانت ام عياله من سنتين من اول يوم شافها سكنت قلبه ووجدانه بهذول الايام حسها زوجته وقريبة منه تطلع معه وتدخل معه وتشتغل معه وبعدين كل اللي حولهم مفكرينهم زوج وزوجته سهي رمشت بعيونها يوم سكر الباب وراه إبتسمت بخجل من الفكره وانو سعود يخطب فيها ...لفت وطلعت تروح لأبو سلمان وترجع للبيت بسرعة بعد اللي صار ماتقدر تحط عينها بعين سعود بتموت من الحيا والخجل تطمنت علي حالة مريض قالت لها ممرضة عنه وراحت لمكتب ابو سلمان سعود من طلع من المختبر شق الخشة ....سهي تدور رضاه وماتبيه يفكر فيها بشي غلط ..وهالشي كفيل يبرهن له انو له مكان بقلبها وقرر اول مايتحسن ابوه يخطبها ويوم ترجع بالسلامه من كندا يتزوجها ....وراح يسوي شغله وسمع صوت حازم كشر ولف له..... سعود سمع صوت حازم كشر ولف له : دكتور محمد ابو سلمان : ساعة ادورك وينك فيه ؟ سعود بلع ريقه " ياريبة ": كنت بالمختبر أبو سلمان بهدوء : وين سهي سعود نزل عيونه وبكذبة : مادري أمين كان معهم : عمي يدور عليها يقول ترجع للبيت سعود زعل اخر مرة يشوف سهي : يمكن مع المرضي ابو سلمان بهدوء : ماعلينا تعال لمكتبي فيه شي سعود إستغرب : وش فيه!؟ ابو سلمان إبتسم : عقوبة لك سعود كشر " ياحبيبي كملت ..خلني افرح شوي وعاقبني " مش عنده وبهدوء : تفضل أمين إبتسم : ابو سلمان انا بغرفة عمي ابو مشاري وقل لسهي عمي يحتاجها سعود يناظره بدون نفس ابو سلمان إنتبه علي سعود وإبتسم : زين شوي وتجيه أمين رجع لأبوه يرجعون للبيت وسعود مشي جنب ابو سلمان ابو سلمان بهدوء : ليكون امين من الغيلان بعد سعود إبتسم غصب وفهم قصده : كبيرهم ابو سلمان مسك ضحكته غصب وبحزم : اخو حرمتي تذكر زين سعود إبتسم : امزح يادكتور واضح عليه جندي بطل ابو سلمان بهدوء غريب : بس كلفه ثمن غالي سعود يناظره وحس السالفة لها علاقة بالبنت اللي إسمها نادين : وش ثمنه!؟ ابو سلمان لف له : إم سلمان تقول لو حبيت إنسان بيوم حافظ عليه سعود طالعه بصدمة ابو سلمان يطالع قدام :عشان يوم تفقد الحبيب تفقد كل غالي لك سعود إبتسم بهدوء ابو سلمان معلمه بكل شي : منهو إم سلمان ابو سلمان : إم العيال يالدلخ سعود إنتبه : ههههههه الله يحفظها نسيت أبو سلمان غمض عيونه ومن قلب وسعود يناظره : أمين وكملوا طريقهم للمكتب سعود يدري وش يبي منه ابو سلمان شغل ملفات وغيرها : تفضل دكتور ابو سلمان بهدوء : إيجاك عرض شغل سعود طير عيونه : وش شغله...!؟ أبو سلمان اخذ ملف ويناظره : فيه دكتور من سندي شفناه قبل امس بعث لك عرض شغل يقول تسافر تشتغل بسندي عندهم سعود بهدوء : مو موافق ابو سلمان ناظره : ليش ماتبي تتعلم اكثر سعود نزل عيونه : رح اقعد واعالج اهل وطني وبالصيف اروح اتعلم بألمانيا ابو سلمان إبتسم كلامه هو : سعود هذا مستقبلك فكر عدل سعود ناظره : دكتور محمد مستقبلي جنبك وابي إنت تخطط له وانا أعيشه أبو سلمان رمش بعيونه : فكر زين الشغل بسندي أحسن لك ورح تتعلم اكثر ولو تبي مكانك موجود بالمستشفي سعود نزل عيونه : دكتور إنت عظيم بعيوني ومافيه شي رح اتعلمه بسندي وغيرها وإنت مارح تعلمه لي أبو سلمان إبتسم وبهدوء : زين فيه ابحاث جهز نفسك لها سعود فرح : ابشر ابو سلمان بحزم : والملفات والمناوبة والاسعافات وغيرها سعود هز راسه بإيه ابو سلمان اخذ قلم وقع الملف : اثاري خلفت ولد وانا امه سعود مسك ضحكته غصب " صح يالغول ليش احب اشتغل عندك وتهزأني " وسمعوا صوت دق علي الباب ابو سلمان بفرح : تفضل إنفتح الباب ودخلت سهي سعود من شافها نزل عيونه سهي توترت وتوردت خدودها وحمدت الله بلثمتها : السلام وعليكم ابو سلمان بهدوء : وعليكم السلام تفضلي سهي بحيا : يمكن مشغول بعدين وارجع ابو سلمان : لا تفضلي سمي سهي مشت شوي وسعود وقف : عن إذنك دكتور ابو سلمان ناظره : اقعد للحين ماكملت كلامي سعود رجع قعد وهو متوتر ابو سلمان يعرف إنه يحب سهي ماقدر يرفع عيونه ويناظره ويناظرها سهي قعدت بحيا : الحمد لله علي السلامة ابو سلمان : الله يسلمك سهي بتوتر : دكتور محمد حبيت اتشكرك علي كل شي سعود ناظرها غصب البنت جد بتسافر وحس بحزن عميق بقلبه ** ياطير ياللي في قفص صدري سجين، مااظن باقي بعد هالفرقا إجتماع، قم نطوي الليله وجوه الراحلين، وننسى الوداع اللي قبل دمع الوداع” ** ابو سلمان يناظر سهي : متي بتسافرين ؟؟ سهي بهدوء : بعد بكرة ابو سلمان إبتسم : طريق السلامة وماله داعي الشكر إنت إختي الغبية سعود إبتسم غصب سهي إبتسمت غصب : اتشرف وعندي طلب ثاني اخوي ابو سلمان ( محمد ) : تفضلي سهي بتوتر : ابي ارجع واشتغل واتعلم عندك سعود ناظرها بفرح ابو سلمان إبتسم : ليش! سهي بهدوء : إنت دكتوري ومعلمي ابو سلمان بهدوء : الدكتور الحقيقي وهو اللي يتعلم من ولا شي ومن كل شي سهي ناظرته وسعود بعد أبو سلمان : اتوقع تم لك شهور بس سهي هزت راسها بإيه : اربع شهور ابو سلمان : قلت لسعود بالصيف تسافرون علي المانيا تتعلمون اكثر عند الدكتور جيمس وغيره سهي ناظرت سعود وهو بعد ابو سلمان يناظرهم : شقلتي سهي فرحت وهزت راسها بإيه : إيه اخذ شور ابوي سعود فرح وفنفسه " ان شاءالله تكونين زوجتي يومها" ابو سلمان إبتسم : هو الدلخ مغسول منه الايد بفشلني بس إنت بيطلع منك شي سعود عصب وسهي إبتسمت وتهبل فيه : ابشر ابيض وجهك سعود بعفوية : رح نشوف ابو سلمان ماسك ضحكته غصب : مابي هواش ابي شغل وابحاث سعود وبثقة : انا ولا مرة فشلت الناس سهي ناظرت ابو سلمان : واضح... دكتور إنت بس امرني وبتشوف ابو سلمان مسك ضحكته هذا اللي يبيه التحدي بينهم سعود طنشها : دكتور محمد فيه بحث شفته بالمؤتمر وكان ناقص شرايك نكمل عنه سهي عصبت ابو سلمان : وش بحثه سعود بنصر : اشتغلت شوي عنه باللاتوب يوم نفضي اخليك تشوفه ابو سلمان بفرح : زين سهي كشرت : زين إذ تبون مساعدة انا فيه سعود رفع حاجب :مشكورة ماتقصرين ابو سلمان ناظره سهي معصبة : وش دعوة الايميل عند الدكتور محمد سعود إنتبه عليه : زين سهي لفت لأبو سلمان : ثاني مرة مشكور ابو سلمان إبتسم : وش دعوة لاعاد تتشكرني وبعدين كم تبين راتبك سهي ضحكت غصب وسعود بعد سهي : هههه مليون ريال ابو سلمان ضحك : هههه دام كذا إنسيه للأبد سهي بجد : انا إجيت اتعلم بس ومشكور حق كل شي ابو سلمان : بسك شكر وبعدين فيه شي ثاني سهي : سم ابو سلمان : إم سلمان زعلانة منك وتقول ليش ماتزورينها سهي إبتسمت : عاد زعلاها غالي هذا طريقي لها للبيت ابو سلمان بمزح : زين دامك تعرفين غلاها وغلي زعلها راضيها او عقوبة سعود مسك ضحكته غصب سهي إبتسمت وأستحت : ابشر وسمعوا دق علي الباب ابو سلمان مبتسم : تفضل إنفتح الباب ودخلت عليه حرمة الحرمة : سمعت احد جاب سيرتي سهي ضحكت وابو سلمان وسعود يناظرها سهي قامت : هلا بام سلمان ام سلمان ( إبتسام ) ضحكت : هلا بالدكتورة الغبية ابو سلمان ضحك وسعود بعد وسهي تفشلت وسلمت عليها واخذت علومها ابو سلمان ( محمد ) : نور المستشفي ام سلمان بمزح : منور بالكل إلا مديره سعود مسك ضحكته " تستاهل " وسهي بعد تتشمت ابو سلمان قام : افا عليك تفضلي وبعدين وش جابك ام سلمان إنتبهت لسعود وإستحت : السموحة اشوفك مشغول ابو سلمان لف عليه : لا عادي تفضلي هذا ولد عمي ابو مشاري إم سلمان تناظره " تشبه مشاري ليكون اخوه الحقيقي " سعود عرف وجوده غلط وقام : السموحة عن إذنكم إم سلمان إبتسمت : ابو سلمان هذا هو اللي يسميك الغول سعود طير عيونه ابو سلمان بحزم : من قاله !؟ إم سلمان مسكت ضحكتها وسهي حطت إيدها علي فمها : سلمان يقوله سعود مسك راسه " وداع جميعا " ابو سلمان لف له بغضب : جد هالكلام سعود طالعها برجا وأم سلمان ودها تفقع ضحك سعود ماعرف وش يقول : لا ابو سلمان : نتفاهم بعدين إم سلمان ماسكة ضحكتها : اثاري جد غول سعود ضحك هو وسهي ابو سلمان عصب : إم سلمان إم سلمان قعدت : بسك حزم يالكبري ابو سلمان تفشل وسعود وسهي بيضحكون باي وقت ابو سلمان رجع قعد : ترا حرمتي ماتعرف وش قاعده تتكلم ماعليكم منها ام سلمان : شقصدك ابو سلمان يغمز لسعود : قصدي تامري وش تشربين يالغالية سعود وسهي ماسكين ضحكتهم إم سلمان إبتسمت: قص علي ...جبت لك غداء واليوم فحوصاتي يالدكتور المهتم ابو سلمان تذكر وسعود ناظرها بغرابة : صح سويتها إم سلمان ( إبتسام) : لا قلت لو فاضي تسويها لي ابو سلمان إنتبه : سعود إقعد ...سهي إقعدي سهي قعدت وسعود : ماعليه دكتور اتركم براحتكم ابو سلمان ( محمد ): لا تفضل اقعد تغدى معنا سعود رجع قعد وهو متوتر أم سلمان : مشغول ابو سلمان إبتسم : خلي الغبية تسوي لك فحوصات سهي تفشلت إم سلمان : سهي ليش ماجتي عندي وشكيته كان عدلته لك سعود إبتسم سهي توترت : لا عادي ابو سلمان : وش بتسوين إم سلمان بثقة : افصلك من الشغل الكل ضحك ابو سلمان : هههههه اثرت عليك الحرارة إم سلمان : ماسمعت شقلت ابو سلمان يمثل : وش دعوة سهي دكتورة ماشاء الله عليها الكل مسك ضحكته إم سلمان : وولد عمي ابو مشاري سعود ناظرها "اليوم يوم حظي " ابو سلمان بصدق : دكتور شاطر اسمح فالكل إلا هو سعود ناظره إم سلمان إبتسمت : ايوه خلك علي الخط الكل : هههههه ابو سلمان : ههههه وش طابخة إم سلمان : كبسة وكريش وشوربه ..وطابخة هريس لعمي ابو مشاري ابو سلمان إبتسم وبمزح : احلي يالشاف.... قومي اتطمن عليك وناخذه له سعود فنفسه " ههه اثاريه يحب بطنه..بس الشهاده لله طبخها لذيذ وطيب " إم سلمان ( إبتسام) : مابي ابو سلمان ( محمد) إستغرب : وش ماتبين إم سلمان تمثل : نسيت فحوصاتي ومسوي فيها مهتم ارتاح سهي تسويهم لي سعود وسهي فرحانين أيجي منهم يجيب حقهم ابو سلمان تفشل : ام سلمان مشغول تدرين كان عندي مؤتمر ام سلمان: إنت تنسي كل شي إلا أثنين طبك وخرابيطه سعود وسهي فقعوا ابو سلمان عصب : هس الاثنين سكتوا غصب أبو سلمان : بسك مزاح قومي نتطمن ام سلمان علي رايها : قلت مابي وبعدين لاتعصب علي الدكاترة اللي عندك ابو سلمان مسك راسه : لا حول ولا قوة إلا بالله ...إم سلمان سعود وسهي يناظرون بعض وبيضحكون أم سلمان إبتسمت : لاتعصب علي ابو سلمان يناظرها ام سلمان طنشته : سهي تغدي واخذني حقت الفحوصات ابو سلمان ناظر سهي بحزم سهي خافت : إم سلمان الدكتور محمد ازين حتي نتطمن انا ماعرف أم سلمان إبتسمت : ادري تخافين منه ...لاتخافين انا فيه ابو سلمان وصلت معاه : إم سلمان إم سلمان ضحكت : ههههه تغدي تغدي وودني حق الفحوصات ابو سلمان إنتبه : منهو جابك أم سلمان : تطمن سلمان جابني ابو سلمان إرتاح : ايوه احسب فكرته السواق سعود تبسم " يالغيور " إم سلمان لفت له وبهدوء : ابو سلمان قلت هذا ولد عمي ابو مشاري سعود ناظرها ابو سلمان إبتسم : ايوه وانا اسميه الدلخ إم سلمان ( إبتسام) إبتسمت ولفت له : تتذكر قبل عشرين سنه ابو سلمان إستغرب وسعود بعد : وش ذكرياته أم سلمان تناظر عيون سعود : نظرات عيونه نفس نظرات عيونك سعود طالعها زين وسهي طالعت سعود ابو سلمان إبتسم : ليش وش شفتي بعيونه ؟ إم سلمان إبتسمت بحب : فيه حزن بعيونه ببعد عن شخص يحبه سعود إنصدم طير عيونه وسهي نزلت عيونها بسرعة وابو سلمان طالع سعود : منهو هالشخص إم سلمان لفت علي سعود اللي يناظرها : اقرب شخص لقلبه سعود نزل عيونه عنها وسهي ماقدرت ترفع راسها ابو سلمان إبتسم : إم سلمان خلي الناس بروحها بسك تطفل إم سلمان إبتسمت : بعيونه اصرار رح يشتهر ويصير افضل دكتور ويحقق نجاح باهر والشخص اللي يبيه بحصله سعود منصدم مشاري قاعد قدامه ويتكلم مشاري طول حياته يقول هالكلام ابو سلمان بفرح : إن شاء الله سعود بهدوء ونزل راسه : إن شاء الله ....سهي منزلة راسها " يارب " إم سلمان قامت : خلي راسك مرفوع سعود ناظرها وعقد حواجبه إم سلمان لفت لسهي : سهي ودني غرفة عمي ابو مشاري سهي قامت وتبي تطلع بسرعة : زين تفضلي ابو سلمان قام : نروح كلنا له ونتغدي معه أم سلمان : زين سعود قام وبهدوء : دكتور محمد سلامة حرمك وش فحوصاتها ابو سلمان بهدوء : مريضة قلب وسوت زراعة قلب من سنين سعود إنصدم : الله يشفيك اختي إم سلمان إبتسمت : امين فيه الكبري بتسوي كل شي حتي اشفي ابو سلمان عصب : إم سلمان وبعدين معك أم سلمان ضحكت وسعود ضحك معها هو وسهي ابو سلمان مش لها : ترا ممنوع واخر مرة تجين للمستشفي أم سلمان : من عرفتك وإنت تقول نفس الكلمة ممنوع ممنوع يارجال غير شوي ابو سلمان ( محمد) سفها وطلع ام سلمان (إبتسام) لهم : اوريكم فيه اليوم سعود وسهي ضحكوا سهي : هههه لاتقصرين زين ام سلمان لحقته : ابشري ههه سعود بهمس : رهيبة سهي ضحكت بشويش : هههه مرة إم سلمان : احم احم سهي مشت بسرعة لها وتمشي جنبها وسعود لحق ابو سلمان ويمشي جنبه إم سلمان إبتسمت : الحين هذا هو اللي أشوف صورته بعيونك سهي إنصدمت تعرف إم سلمان عدل : هاه إم سلمان لفت لها وغمزت : مزيون ماشاء الله عرفتي تختارين سهي إستحت ونزلت عيونها : إم سلمان إم سلمان ضحكت : هههههه ودكتور بعد يالدكتورة سهي ضحكت غصب ابو سلمان لف لهم : خير ضحكونا ام سلمان تهبل فيه : اشوف الكل يهابك يالغول ابو سلمان وصلت معاه : إم سلمان سعود وسهي فقعوا ضحك غصب إم سلمان ضحكت : ههههه امزح امزح أبو سلمان بحزم : اخر مرة اسمع هالكلمة وسعود شغله بعدين سعود من قلب : معونتك يارب سهي ضحكت وابو سلمان بعد إم سلمان إبتسمت : قلنا مزاح ولو أسمع سويت شي لولد عمي ابو مشاري يصير علوم ابو سلمان طالع سعود ويتحلف فيه : وش دعوة يام العيال سعود اخوي الصغير الكل ضحك واولهم سعود إم سلمان ضحكت وحبت تغير السالفة : ابو سلمان ابو سلمان : هلا ام سلمان بتردد : بأخر يومين يجني الم حاد أحسه اسفل قلبي وأصير ارتجف وماقدر اتنفس أبو سلمان خاف وسعود وسهي طالعوها ابو سلمان وقف ولف لها : وش ألمه إم سلمان لاحظت لونه تغير : الم خفيف اسفل قلبي ابو سلمان بخوف : توك تقولين الم حاد وترتجفين إم سلمان تصرف : اتدلع بس ابو سلمان فهم عليها : زين نسوي فحوصات ونتطمن إم سلمان: زين سعود بهدوء : دكتور متي سوت عملية الزرع أبو سلمان : قبل عشرين سنه سوتها بالمانيا سعود إستغرب هالنوع من العمليات خطرة ودام عاشت كل هالوقت عمرها طويل: طولت العمر ان شاءالله... واضح الدكتور شاطر ابو سلمان : ايوه كان يومها دكتور كوري والدكتور جيمس اللي عرفتك عليه سعود هز راسه بإيه ابو سلمان : سهي بعد الغدا جهزي غرفة الفحوصات سهي بهدوء : زين إم سلمان سكتت ترددت تقول له وتدري مهما خبت يكشفها دكتورها ترا ابو سلمان سكت وصار يفكر فيها سعود حس فيه وبصوت هادي : تطمن الم طبيعي بحالتها ابو سلمان لف له وإبتسم وكملوا طريقهم لغرفة ابو مشاري ابو مشاري ( عبد الرحمان) من شاف إم سلمان فرح... سلمت عليه ((لما اقول سلمت وسلم اقصد كلام بس)) وأخذت علومه أبو مشاري وتطمنت عليه وهو بعد تطمن عليها وسعود لاحظ ابوه وفرحه بشوفتها وحصلوا ابو بدر فيه وأمين وابوه رجعوا للبيت وحطت لهم غدا وصاروا ياكلون ابو مشاري تحسنت حالته وكان شبه منسدح : ليش ماتزورني يابنتي إم سلمان بمزح : السموحة ياعمي بس ممنوع أطلع من البيت ابو سلمان ناظرها ابو مشاري إستغرب : منهو منعك أم سلمان(ابتسام) : ابو سلمان ياعم وترا إيجت اليوم أشكي لك حالي منه الكل إبتسم أبو سلمان ( محمد) : افا ابو مشاري بحزم : جد هالكلام ابو سلمان : لا ياعم تكذب عليك ام سلمان : شفته ياعم ويكذبني بعد ابو مشاري إبتسم : سمي يابنتي وش تبين اسوي فيه ابو سلمان خاف وطالعها بتهديد أم سلمان ماسكة ضحكتها : شوفه ياعم يهدد فني الكل : ههههههههه ابو مشاري بحزم : ابو سلمان ابو سلمان خاف : عمي لاتصدقها ابو بدر يزيدها عليه : ابو مشاري بنتي عاقلة ودامها قالت هالكلام فهو صدق ابو سلمان طالعه : حرام عليك ياعم الكل فقع ضحك ابو مشاري ضحك بشويش : ههههه سمي يبه وش اسوي فيه أم سلمان لسهي : هين اربيه لك سهي ضحكت أم سلمان ماسكة ضحكتها : شد أذنه ياعم وقل له لاعاد يمنعني أطلع من البيت ابو سلمان إنصدم : وشلون يالحرمه الكل يضحك عليه سعود متحمس ابو مشاري بحزم : تعال عندي يله ابو سلمان بعفوية : إم سلمان وش هالكذب هين شغلك أم سلمان : سمعته ياعم الكل : هههههه ايوه ابو سلمان تحسف : امزح امزح الكل يضحك ابو مشاري : تعال قبل لأقوم عندك ابو سلمان مشي عنده بشويش : ياعم هالحرمة ماتسمع كلام زوجها أبد أبو مشاري : بسك كذب أم سلمان حرمة عاقلة ابو سلمان لف عليها ويهدد فيها وسعود وسهي مفقعين ضحك ابو مشاري : تجي او اقوم ابو سلمان مشي عنده وإنحي براسه ابو مشاري شد إذنه : توبة ابو سلمان تفشل : ايوه توبة توبة الكل مفقع ضحك سعود يتشمت وبعفوية : هههههه تستاهل يادكتور ابو سلمان عصب واشر له : هين الكل ضحك وسعود خاف : مزاح مزاح ابو مشاري فكه : ام سلمان من اليوم لو سوي شي تعالي عندي اعدله لك ام سلمان بحماس : ابشر ياعم لاتوصي حريص الكل ضحك واولهم ابو سلمان ابو بدر : ههه وش هذا يام سلمان ليش ماقلتي لي قبل ام سلمان : حبيت اقول لعمي ابو مشاري عشانه بجيب حقي عدل ابو سلمان بتوعد: نتفاهم بالبيت ابو مشاري : احم احم ابو سلمان بسرعة : سعود مافيه اسعافات الكل ضحك سعود : هههه لا ابو مشاري بخبث : اقول ياينتي ام سلمان : سمي يبه ابو مشاري بفرح هي وابو خالد يحبهم يقولون يبه : سم الله عدوينك ...مافيه حريم تعرفينهم الكل إستغرب وابو بدر فهم عليه ام سلمان فهمت : ايوه يبه فيه ابو مشاري بفرح : قلت اقول لك تدورين علي حرمة لسعود سعود طير عيونه وسهي نزلت راسها وتبي الارض تنشق وتبلعها أبو سلمان يناظر سعود وابو بدر مبتسم أم سلمان إبتسمت : ابشر ياعم فيه حريم أعرفهم بس اقول اسال الدكتور يمكن فيه منهو يبي يخطبها الكل لف علي سعود وسهي وجهها ازرق من الحيا وغمضت عيونها وتأكل ومو مهتمة ابو مشاري : هاه ياوليدي وش قلت سعود توتر ابو سلمان فيه وقام : السموحة عندي شغل الكل ماسك ضحكته ابو بدر : ليكون إستحت ياوليدي ام سلمان وابو سلمان ضحكوا غصب سعود ماسك ضحكته غصب : لا ياعم ابوي مايفهم وانا اقول ندور له علي حرمة الكل فقع ضحك ابو مشاري عصب : اطلع قبل لأرجمك سعود برجا : يبه مو وقته هالكلام ابو مشاري بزعل : متي وقته ياوليدي سعود مايبي يطالع ابو سلمان وبصوت هادي : عندي أحلام واماني ابي احققها ابو بدر عصب بدال ابو مشاري : اكل اكل عسي ينفجر راسك وتروح الاحلام منه الكل ضحك وسهي مسكت ضحكتها غصب ابو مشاري : هههه شفيك ياعبد العزيز ابو بدر : ولدك طلعني عن طوري سعود ضحك ومشي عنده وحب راسه : هههه خلاص ياعم تكفي ابو سلمان يناظره ابو بدر إبتسم : اقعد اقعد كمل اكل واحلم سعود يبي يطلع ابو سلمان يناظره : الحمد لله ياعم طالع عندي شغل ابو بدر: زين ياوليدي سعود حب راس أبوه ك إعتذار وتعذر منهم وطلع ابو مشاري : ابو سلمان إنت اقنعه ابو سلمان إبتسم : لا تشغل بالك انا وام سلمان نخطب له ام سلمان ناظرت زوجها سهي ماتته حيا ماقدرت ترفع راسها ابو مشاري ضحك: ههههه ماوصيكم ام سلمان وابو سلمان : ابشر ابو بدر : سهي يبه لو كملتي شغل نرجع للبيت سهي تذكرت شي : ايوه يبه نسوي فحوصات لأم سلمان ونرجع ابو بدر إستغرب : للحين تسوين فحوصات ام سلمان إبتسمت : كل شهر ياعم أبو بدر : الله يشفيك ويعافيك الكل : امين ابو مشاري بهدوء : لسه مريضة قلب وأنا أبوك أم سلمان هزت راسها بإيه ابو مشاري بإبتسامة هادية : الم القلب مو طبيعي شلون تتحملينه أبو سلمان ناظر إم سلمان إم سلمان بهدوء : اشرب الدوا يروح الالم ابو مشاري : الله يقويك أم سلمان : امين ابو سلمان : الحين يجيكي الم قوي وتقولين ألم خفيف ام سلمان توترت : ثواني بس ويوم أشرب الدوا يختفي الالم ابو سلمان سكت يعرفها تكابر علي وجعها عشان ماتخوفه سهي قامت : دكتور اجهز غرفة الفحوصات ابو سلمان : زين سهي إستأذنت وطلعت عنهم ابو مشاري : ليش ماسويت لها عملية ياوليدي أبو بدر بهدوء : عايشة بقلب مو قلبها أبو مشاري ناظرها وإبتسم بحنان : الحياة الالم واوجاع يبه أم سلمان إبتسمت بحب : معتادة عليه يبه وابو سلمان مايقصر ابو مشاري سكت وابو سلمان حس إنه مقصر مهما اللي يسويه تم تتألم وتتوجع أم سلمان حست فيه وفنفسها " صدقني إبتسامتك قويه بحبك لها وألامها تختفي بنظرة حنية من عيونك " إجاها شعور غريب شعور تعرفه زين... كأنها متوتره وخايفه ..! هالشعور يجيها يوم يكون قريب منها لفت وصارت تطالع الباب وعيونها ثابته عليه ابو بدر لاحظها : ام سلمان ام سلمان تناظر الباب ولارد ابو مشاري استغرب وابو سلمان ابو بدر نادها : إم سلمان إم سلمان لارد أبو بدر ناظر ابو سلمان ابو سلمان خاف عليها ومشي لها وحط إيده علي كتفها كانت قاعده : ام سلمان ام سلمان فزت ولفت له : هاه هلا ابو سلمان : علامك مفهية وسارحة ام سلمان توهقت : لا مافني شي تطمن أبو سلمان عقد حواجبه وهي نزلت راسها وخايفه ليدخل عليهم وش بيكون موقفها وتصرفها إنفتح الباب وغمضت عيونها بقوة ولفت تناظر من... ودخل .......... ********** | ||||
|
| |
|
25-11-20, 03:33 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث عشر إخترتك من بين كل النساء يا إمرأة خلقت لتمنح الحب بلا عناء إخترتك من بين ألوف النساء يا أميرة للعزة والكبرياء إخترتك من بين ارق واروع النساء يا ملكة العطف والحب والحنان والعطاء سأضمك بين حنايا أحضاني لأصل بحبك لسماء سأعانق روحك قبل جسدك في كل صباح ومساء سألحن قصيدة حبنا ليتغني بها الشعراء وأتمني أن نحيا ونسمعها من حناجر كل الابناء وسأنتظرك رجوعك لأمنحك إسمي بكل حب وسخاء √√√ سعود ضحك وبصوت هادي وعذب : انتظر رجوعك عشان تصرين لي حل اوكي سهي إنصدمت من شيئين ..يخطب فيها !!! ...وشهالطريقه الرومنسيه اللي يخطب فيها !! سعود يطالعها وبهدوء : انتظر ردك لي وطلع وهو فرحان خاف لتنفجر فيه يحبها يعشقها ولو بأيده كانت ام عياله من سنتين من اول يوم شافها سكنت قلبه ووجدانه بهذول الايام حسها زوجته وقريبة منه تطلع معه وتدخل معه وتشتغل معه وبعدين كل اللي حولهم مفكرينهم زوج وزوجته سهي رمشت بعيونها يوم سكر الباب وراه إبتسمت بخجل من الفكره وانو سعود يخطب فيها ...لفت وطلعت تروح لأبو سلمان وترجع للبيت بسرعة بعد اللي صار ماتقدر تحط عينها بعين سعود بتموت من الحيا والخجل تطمنت علي حالة مريض قالت لها ممرضة عنه وراحت لمكتب ابو سلمان سعود من طلع من المختبر شق الخشة ....سهي تدور رضاه وماتبيه يفكر فيها بشي غلط ..وهالشي كفيل يبرهن له انو له مكان بقلبها وقرر اول مايتحسن ابوه يخطبها ويوم ترجع بالسلامه من كندا يتزوجها ....وراح يسوي شغله وسمع صوت حازم كشر ولف له..... سعود سمع صوت حازم كشر ولف له : دكتور محمد ابو سلمان : ساعة ادورك وينك فيه ؟ سعود بلع ريقه " ياريبة ": كنت بالمختبر أبو سلمان بهدوء : وين سهي سعود نزل عيونه وبكذبة : مادري أمين كان معهم : عمي يدور عليها يقول ترجع للبيت سعود زعل اخر مرة يشوف سهي : يمكن مع المرضي ابو سلمان بهدوء : ماعلينا تعال لمكتبي فيه شي سعود إستغرب : وش فيه!؟ ابو سلمان إبتسم : عقوبة لك سعود كشر " ياحبيبي كملت ..خلني افرح شوي وعاقبني " مش عنده وبهدوء : تفضل أمين إبتسم : ابو سلمان انا بغرفة عمي ابو مشاري وقل لسهي عمي يحتاجها سعود يناظره بدون نفس ابو سلمان إنتبه علي سعود وإبتسم : زين شوي وتجيه أمين رجع لأبوه يرجعون للبيت وسعود مشي جنب ابو سلمان ابو سلمان بهدوء : ليكون امين من الغيلان بعد سعود إبتسم غصب وفهم قصده : كبيرهم ابو سلمان مسك ضحكته غصب وبحزم : اخو حرمتي تذكر زين سعود إبتسم : امزح يادكتور واضح عليه جندي بطل ابو سلمان بهدوء غريب : بس كلفه ثمن غالي سعود يناظره وحس السالفة لها علاقة بالبنت اللي إسمها نادين : وش ثمنه!؟ ابو سلمان لف له : إم سلمان تقول لو حبيت إنسان بيوم حافظ عليه سعود طالعه بصدمة ابو سلمان يطالع قدام :عشان يوم تفقد الحبيب تفقد كل غالي لك سعود إبتسم بهدوء ابو سلمان معلمه بكل شي : منهو إم سلمان ابو سلمان : إم العيال يالدلخ سعود إنتبه : ههههههه الله يحفظها نسيت أبو سلمان غمض عيونه ومن قلب وسعود يناظره : أمين وكملوا طريقهم للمكتب سعود يدري وش يبي منه ابو سلمان شغل ملفات وغيرها : تفضل دكتور ابو سلمان بهدوء : إيجاك عرض شغل سعود طير عيونه : وش شغله...!؟ أبو سلمان اخذ ملف ويناظره : فيه دكتور من سندي شفناه قبل امس بعث لك عرض شغل يقول تسافر تشتغل بسندي عندهم سعود بهدوء : مو موافق ابو سلمان ناظره : ليش ماتبي تتعلم اكثر سعود نزل عيونه : رح اقعد واعالج اهل وطني وبالصيف اروح اتعلم بألمانيا ابو سلمان إبتسم كلامه هو : سعود هذا مستقبلك فكر عدل سعود ناظره : دكتور محمد مستقبلي جنبك وابي إنت تخطط له وانا أعيشه أبو سلمان رمش بعيونه : فكر زين الشغل بسندي أحسن لك ورح تتعلم اكثر ولو تبي مكانك موجود بالمستشفي سعود نزل عيونه : دكتور إنت عظيم بعيوني ومافيه شي رح اتعلمه بسندي وغيرها وإنت مارح تعلمه لي أبو سلمان إبتسم وبهدوء : زين فيه ابحاث جهز نفسك لها سعود فرح : ابشر ابو سلمان بحزم : والملفات والمناوبة والاسعافات وغيرها سعود هز راسه بإيه ابو سلمان اخذ قلم وقع الملف : اثاري خلفت ولد وانا امه سعود مسك ضحكته غصب " صح يالغول ليش احب اشتغل عندك وتهزأني " وسمعوا صوت دق علي الباب ابو سلمان بفرح : تفضل إنفتح الباب ودخلت سهي سعود من شافها نزل عيونه سهي توترت وتوردت خدودها وحمدت الله بلثمتها : السلام وعليكم ابو سلمان بهدوء : وعليكم السلام تفضلي سهي بحيا : يمكن مشغول بعدين وارجع ابو سلمان : لا تفضلي سمي سهي مشت شوي وسعود وقف : عن إذنك دكتور ابو سلمان ناظره : اقعد للحين ماكملت كلامي سعود رجع قعد وهو متوتر ابو سلمان يعرف إنه يحب سهي ماقدر يرفع عيونه ويناظره ويناظرها سهي قعدت بحيا : الحمد لله علي السلامة ابو سلمان : الله يسلمك سهي بتوتر : دكتور محمد حبيت اتشكرك علي كل شي سعود ناظرها غصب البنت جد بتسافر وحس بحزن عميق بقلبه ** ياطير ياللي في قفص صدري سجين، مااظن باقي بعد هالفرقا إجتماع، قم نطوي الليله وجوه الراحلين، وننسى الوداع اللي قبل دمع الوداع” ** ابو سلمان يناظر سهي : متي بتسافرين ؟؟ سهي بهدوء : بعد بكرة ابو سلمان إبتسم : طريق السلامة وماله داعي الشكر إنت إختي الغبية سعود إبتسم غصب سهي إبتسمت غصب : اتشرف وعندي طلب ثاني اخوي ابو سلمان ( محمد ) : تفضلي سهي بتوتر : ابي ارجع واشتغل واتعلم عندك سعود ناظرها بفرح ابو سلمان إبتسم : ليش! سهي بهدوء : إنت دكتوري ومعلمي ابو سلمان بهدوء : الدكتور الحقيقي وهو اللي يتعلم من ولا شي ومن كل شي سهي ناظرته وسعود بعد أبو سلمان : اتوقع تم لك شهور بس سهي هزت راسها بإيه : اربع شهور ابو سلمان : قلت لسعود بالصيف تسافرون علي المانيا تتعلمون اكثر عند الدكتور جيمس وغيره سهي ناظرت سعود وهو بعد ابو سلمان يناظرهم : شقلتي سهي فرحت وهزت راسها بإيه : إيه اخذ شور ابوي سعود فرح وفنفسه " ان شاءالله تكونين زوجتي يومها" ابو سلمان إبتسم : هو الدلخ مغسول منه الايد بفشلني بس إنت بيطلع منك شي سعود عصب وسهي إبتسمت وتهبل فيه : ابشر ابيض وجهك سعود بعفوية : رح نشوف ابو سلمان ماسك ضحكته غصب : مابي هواش ابي شغل وابحاث سعود وبثقة : انا ولا مرة فشلت الناس سهي ناظرت ابو سلمان : واضح... دكتور إنت بس امرني وبتشوف ابو سلمان مسك ضحكته هذا اللي يبيه التحدي بينهم سعود طنشها : دكتور محمد فيه بحث شفته بالمؤتمر وكان ناقص شرايك نكمل عنه سهي عصبت ابو سلمان : وش بحثه سعود بنصر : اشتغلت شوي عنه باللاتوب يوم نفضي اخليك تشوفه ابو سلمان بفرح : زين سهي كشرت : زين إذ تبون مساعدة انا فيه سعود رفع حاجب :مشكورة ماتقصرين ابو سلمان ناظره سهي معصبة : وش دعوة الايميل عند الدكتور محمد سعود إنتبه عليه : زين سهي لفت لأبو سلمان : ثاني مرة مشكور ابو سلمان إبتسم : وش دعوة لاعاد تتشكرني وبعدين كم تبين راتبك سهي ضحكت غصب وسعود بعد سهي : هههه مليون ريال ابو سلمان ضحك : هههه دام كذا إنسيه للأبد سهي بجد : انا إجيت اتعلم بس ومشكور حق كل شي ابو سلمان : بسك شكر وبعدين فيه شي ثاني سهي : سم ابو سلمان : إم سلمان زعلانة منك وتقول ليش ماتزورينها سهي إبتسمت : عاد زعلاها غالي هذا طريقي لها للبيت ابو سلمان بمزح : زين دامك تعرفين غلاها وغلي زعلها راضيها او عقوبة سعود مسك ضحكته غصب سهي إبتسمت وأستحت : ابشر وسمعوا دق علي الباب ابو سلمان مبتسم : تفضل إنفتح الباب ودخلت عليه حرمة الحرمة : سمعت احد جاب سيرتي سهي ضحكت وابو سلمان وسعود يناظرها سهي قامت : هلا بام سلمان ام سلمان ( إبتسام ) ضحكت : هلا بالدكتورة الغبية ابو سلمان ضحك وسعود بعد وسهي تفشلت وسلمت عليها واخذت علومها ابو سلمان ( محمد ) : نور المستشفي ام سلمان بمزح : منور بالكل إلا مديره سعود مسك ضحكته " تستاهل " وسهي بعد تتشمت ابو سلمان قام : افا عليك تفضلي وبعدين وش جابك ام سلمان إنتبهت لسعود وإستحت : السموحة اشوفك مشغول ابو سلمان لف عليه : لا عادي تفضلي هذا ولد عمي ابو مشاري إم سلمان تناظره " تشبه مشاري ليكون اخوه الحقيقي " سعود عرف وجوده غلط وقام : السموحة عن إذنكم إم سلمان إبتسمت : ابو سلمان هذا هو اللي يسميك الغول سعود طير عيونه ابو سلمان بحزم : من قاله !؟ إم سلمان مسكت ضحكتها وسهي حطت إيدها علي فمها : سلمان يقوله سعود مسك راسه " وداع جميعا " ابو سلمان لف له بغضب : جد هالكلام سعود طالعها برجا وأم سلمان ودها تفقع ضحك سعود ماعرف وش يقول : لا ابو سلمان : نتفاهم بعدين إم سلمان ماسكة ضحكتها : اثاري جد غول سعود ضحك هو وسهي ابو سلمان عصب : إم سلمان إم سلمان قعدت : بسك حزم يالكبري ابو سلمان تفشل وسعود وسهي بيضحكون باي وقت ابو سلمان رجع قعد : ترا حرمتي ماتعرف وش قاعده تتكلم ماعليكم منها ام سلمان : شقصدك ابو سلمان يغمز لسعود : قصدي تامري وش تشربين يالغالية سعود وسهي ماسكين ضحكتهم إم سلمان إبتسمت: قص علي ...جبت لك غداء واليوم فحوصاتي يالدكتور المهتم ابو سلمان تذكر وسعود ناظرها بغرابة : صح سويتها إم سلمان ( إبتسام) : لا قلت لو فاضي تسويها لي ابو سلمان إنتبه : سعود إقعد ...سهي إقعدي سهي قعدت وسعود : ماعليه دكتور اتركم براحتكم ابو سلمان ( محمد ): لا تفضل اقعد تغدى معنا سعود رجع قعد وهو متوتر أم سلمان : مشغول ابو سلمان إبتسم : خلي الغبية تسوي لك فحوصات سهي تفشلت إم سلمان : سهي ليش ماجتي عندي وشكيته كان عدلته لك سعود إبتسم سهي توترت : لا عادي ابو سلمان : وش بتسوين إم سلمان بثقة : افصلك من الشغل الكل ضحك ابو سلمان : هههههه اثرت عليك الحرارة إم سلمان : ماسمعت شقلت ابو سلمان يمثل : وش دعوة سهي دكتورة ماشاء الله عليها الكل مسك ضحكته إم سلمان : وولد عمي ابو مشاري سعود ناظرها "اليوم يوم حظي " ابو سلمان بصدق : دكتور شاطر اسمح فالكل إلا هو سعود ناظره إم سلمان إبتسمت : ايوه خلك علي الخط الكل : هههههه ابو سلمان : ههههه وش طابخة إم سلمان : كبسة وكريش وشوربه ..وطابخة هريس لعمي ابو مشاري ابو سلمان إبتسم وبمزح : احلي يالشاف.... قومي اتطمن عليك وناخذه له سعود فنفسه " ههه اثاريه يحب بطنه..بس الشهاده لله طبخها لذيذ وطيب " إم سلمان ( إبتسام) : مابي ابو سلمان ( محمد) إستغرب : وش ماتبين إم سلمان تمثل : نسيت فحوصاتي ومسوي فيها مهتم ارتاح سهي تسويهم لي سعود وسهي فرحانين أيجي منهم يجيب حقهم ابو سلمان تفشل : ام سلمان مشغول تدرين كان عندي مؤتمر ام سلمان: إنت تنسي كل شي إلا أثنين طبك وخرابيطه سعود وسهي فقعوا ابو سلمان عصب : هس الاثنين سكتوا غصب أبو سلمان : بسك مزاح قومي نتطمن ام سلمان علي رايها : قلت مابي وبعدين لاتعصب علي الدكاترة اللي عندك ابو سلمان مسك راسه : لا حول ولا قوة إلا بالله ...إم سلمان سعود وسهي يناظرون بعض وبيضحكون أم سلمان إبتسمت : لاتعصب علي ابو سلمان يناظرها ام سلمان طنشته : سهي تغدي واخذني حقت الفحوصات ابو سلمان ناظر سهي بحزم سهي خافت : إم سلمان الدكتور محمد ازين حتي نتطمن انا ماعرف أم سلمان إبتسمت : ادري تخافين منه ...لاتخافين انا فيه ابو سلمان وصلت معاه : إم سلمان إم سلمان ضحكت : ههههه تغدي تغدي وودني حق الفحوصات ابو سلمان إنتبه : منهو جابك أم سلمان : تطمن سلمان جابني ابو سلمان إرتاح : ايوه احسب فكرته السواق سعود تبسم " يالغيور " إم سلمان لفت له وبهدوء : ابو سلمان قلت هذا ولد عمي ابو مشاري سعود ناظرها ابو سلمان إبتسم : ايوه وانا اسميه الدلخ إم سلمان ( إبتسام) إبتسمت ولفت له : تتذكر قبل عشرين سنه ابو سلمان إستغرب وسعود بعد : وش ذكرياته أم سلمان تناظر عيون سعود : نظرات عيونه نفس نظرات عيونك سعود طالعها زين وسهي طالعت سعود ابو سلمان إبتسم : ليش وش شفتي بعيونه ؟ إم سلمان إبتسمت بحب : فيه حزن بعيونه ببعد عن شخص يحبه سعود إنصدم طير عيونه وسهي نزلت عيونها بسرعة وابو سلمان طالع سعود : منهو هالشخص إم سلمان لفت علي سعود اللي يناظرها : اقرب شخص لقلبه سعود نزل عيونه عنها وسهي ماقدرت ترفع راسها ابو سلمان إبتسم : إم سلمان خلي الناس بروحها بسك تطفل إم سلمان إبتسمت : بعيونه اصرار رح يشتهر ويصير افضل دكتور ويحقق نجاح باهر والشخص اللي يبيه بحصله سعود منصدم مشاري قاعد قدامه ويتكلم مشاري طول حياته يقول هالكلام ابو سلمان بفرح : إن شاء الله سعود بهدوء ونزل راسه : إن شاء الله ....سهي منزلة راسها " يارب " إم سلمان قامت : خلي راسك مرفوع سعود ناظرها وعقد حواجبه إم سلمان لفت لسهي : سهي ودني غرفة عمي ابو مشاري سهي قامت وتبي تطلع بسرعة : زين تفضلي ابو سلمان قام : نروح كلنا له ونتغدي معه أم سلمان : زين سعود قام وبهدوء : دكتور محمد سلامة حرمك وش فحوصاتها ابو سلمان بهدوء : مريضة قلب وسوت زراعة قلب من سنين سعود إنصدم : الله يشفيك اختي إم سلمان إبتسمت : امين فيه الكبري بتسوي كل شي حتي اشفي ابو سلمان عصب : إم سلمان وبعدين معك أم سلمان ضحكت وسعود ضحك معها هو وسهي ابو سلمان مش لها : ترا ممنوع واخر مرة تجين للمستشفي أم سلمان : من عرفتك وإنت تقول نفس الكلمة ممنوع ممنوع يارجال غير شوي ابو سلمان ( محمد) سفها وطلع ام سلمان (إبتسام) لهم : اوريكم فيه اليوم سعود وسهي ضحكوا سهي : هههه لاتقصرين زين ام سلمان لحقته : ابشري ههه سعود بهمس : رهيبة سهي ضحكت بشويش : هههه مرة إم سلمان : احم احم سهي مشت بسرعة لها وتمشي جنبها وسعود لحق ابو سلمان ويمشي جنبه إم سلمان إبتسمت : الحين هذا هو اللي أشوف صورته بعيونك سهي إنصدمت تعرف إم سلمان عدل : هاه إم سلمان لفت لها وغمزت : مزيون ماشاء الله عرفتي تختارين سهي إستحت ونزلت عيونها : إم سلمان إم سلمان ضحكت : هههههه ودكتور بعد يالدكتورة سهي ضحكت غصب ابو سلمان لف لهم : خير ضحكونا ام سلمان تهبل فيه : اشوف الكل يهابك يالغول ابو سلمان وصلت معاه : إم سلمان سعود وسهي فقعوا ضحك غصب إم سلمان ضحكت : ههههه امزح امزح أبو سلمان بحزم : اخر مرة اسمع هالكلمة وسعود شغله بعدين سعود من قلب : معونتك يارب سهي ضحكت وابو سلمان بعد إم سلمان إبتسمت : قلنا مزاح ولو أسمع سويت شي لولد عمي ابو مشاري يصير علوم ابو سلمان طالع سعود ويتحلف فيه : وش دعوة يام العيال سعود اخوي الصغير الكل ضحك واولهم سعود إم سلمان ضحكت وحبت تغير السالفة : ابو سلمان ابو سلمان : هلا ام سلمان بتردد : بأخر يومين يجني الم حاد أحسه اسفل قلبي وأصير ارتجف وماقدر اتنفس أبو سلمان خاف وسعود وسهي طالعوها ابو سلمان وقف ولف لها : وش ألمه إم سلمان لاحظت لونه تغير : الم خفيف اسفل قلبي ابو سلمان بخوف : توك تقولين الم حاد وترتجفين إم سلمان تصرف : اتدلع بس ابو سلمان فهم عليها : زين نسوي فحوصات ونتطمن إم سلمان: زين سعود بهدوء : دكتور متي سوت عملية الزرع أبو سلمان : قبل عشرين سنه سوتها بالمانيا سعود إستغرب هالنوع من العمليات خطرة ودام عاشت كل هالوقت عمرها طويل: طولت العمر ان شاءالله... واضح الدكتور شاطر ابو سلمان : ايوه كان يومها دكتور كوري والدكتور جيمس اللي عرفتك عليه سعود هز راسه بإيه ابو سلمان : سهي بعد الغدا جهزي غرفة الفحوصات سهي بهدوء : زين إم سلمان سكتت ترددت تقول له وتدري مهما خبت يكشفها دكتورها ترا ابو سلمان سكت وصار يفكر فيها سعود حس فيه وبصوت هادي : تطمن الم طبيعي بحالتها ابو سلمان لف له وإبتسم وكملوا طريقهم لغرفة ابو مشاري ابو مشاري ( عبد الرحمان) من شاف إم سلمان فرح... سلمت عليه ((لما اقول سلمت وسلم اقصد كلام بس)) وأخذت علومه أبو مشاري وتطمنت عليه وهو بعد تطمن عليها وسعود لاحظ ابوه وفرحه بشوفتها وحصلوا ابو بدر فيه وأمين وابوه رجعوا للبيت وحطت لهم غدا وصاروا ياكلون ابو مشاري تحسنت حالته وكان شبه منسدح : ليش ماتزورني يابنتي إم سلمان بمزح : السموحة ياعمي بس ممنوع أطلع من البيت ابو سلمان ناظرها ابو مشاري إستغرب : منهو منعك أم سلمان(ابتسام) : ابو سلمان ياعم وترا إيجت اليوم أشكي لك حالي منه الكل إبتسم أبو سلمان ( محمد) : افا ابو مشاري بحزم : جد هالكلام ابو سلمان : لا ياعم تكذب عليك ام سلمان : شفته ياعم ويكذبني بعد ابو مشاري إبتسم : سمي يابنتي وش تبين اسوي فيه ابو سلمان خاف وطالعها بتهديد أم سلمان ماسكة ضحكتها : شوفه ياعم يهدد فني الكل : ههههههههه ابو مشاري بحزم : ابو سلمان ابو سلمان خاف : عمي لاتصدقها ابو بدر يزيدها عليه : ابو مشاري بنتي عاقلة ودامها قالت هالكلام فهو صدق ابو سلمان طالعه : حرام عليك ياعم الكل فقع ضحك ابو مشاري ضحك بشويش : ههههه سمي يبه وش اسوي فيه أم سلمان لسهي : هين اربيه لك سهي ضحكت أم سلمان ماسكة ضحكتها : شد أذنه ياعم وقل له لاعاد يمنعني أطلع من البيت ابو سلمان إنصدم : وشلون يالحرمه الكل يضحك عليه سعود متحمس ابو مشاري بحزم : تعال عندي يله ابو سلمان بعفوية : إم سلمان وش هالكذب هين شغلك أم سلمان : سمعته ياعم الكل : هههههه ايوه ابو سلمان تحسف : امزح امزح الكل يضحك ابو مشاري : تعال قبل لأقوم عندك ابو سلمان مشي عنده بشويش : ياعم هالحرمة ماتسمع كلام زوجها أبد أبو مشاري : بسك كذب أم سلمان حرمة عاقلة ابو سلمان لف عليها ويهدد فيها وسعود وسهي مفقعين ضحك ابو مشاري : تجي او اقوم ابو سلمان مشي عنده وإنحي براسه ابو مشاري شد إذنه : توبة ابو سلمان تفشل : ايوه توبة توبة الكل مفقع ضحك سعود يتشمت وبعفوية : هههههه تستاهل يادكتور ابو سلمان عصب واشر له : هين الكل ضحك وسعود خاف : مزاح مزاح ابو مشاري فكه : ام سلمان من اليوم لو سوي شي تعالي عندي اعدله لك ام سلمان بحماس : ابشر ياعم لاتوصي حريص الكل ضحك واولهم ابو سلمان ابو بدر : ههه وش هذا يام سلمان ليش ماقلتي لي قبل ام سلمان : حبيت اقول لعمي ابو مشاري عشانه بجيب حقي عدل ابو سلمان بتوعد: نتفاهم بالبيت ابو مشاري : احم احم ابو سلمان بسرعة : سعود مافيه اسعافات الكل ضحك سعود : هههه لا ابو مشاري بخبث : اقول ياينتي ام سلمان : سمي يبه ابو مشاري بفرح هي وابو خالد يحبهم يقولون يبه : سم الله عدوينك ...مافيه حريم تعرفينهم الكل إستغرب وابو بدر فهم عليه ام سلمان فهمت : ايوه يبه فيه ابو مشاري بفرح : قلت اقول لك تدورين علي حرمة لسعود سعود طير عيونه وسهي نزلت راسها وتبي الارض تنشق وتبلعها أبو سلمان يناظر سعود وابو بدر مبتسم أم سلمان إبتسمت : ابشر ياعم فيه حريم أعرفهم بس اقول اسال الدكتور يمكن فيه منهو يبي يخطبها الكل لف علي سعود وسهي وجهها ازرق من الحيا وغمضت عيونها وتأكل ومو مهتمة ابو مشاري : هاه ياوليدي وش قلت سعود توتر ابو سلمان فيه وقام : السموحة عندي شغل الكل ماسك ضحكته ابو بدر : ليكون إستحت ياوليدي ام سلمان وابو سلمان ضحكوا غصب سعود ماسك ضحكته غصب : لا ياعم ابوي مايفهم وانا اقول ندور له علي حرمة الكل فقع ضحك ابو مشاري عصب : اطلع قبل لأرجمك سعود برجا : يبه مو وقته هالكلام ابو مشاري بزعل : متي وقته ياوليدي سعود مايبي يطالع ابو سلمان وبصوت هادي : عندي أحلام واماني ابي احققها ابو بدر عصب بدال ابو مشاري : اكل اكل عسي ينفجر راسك وتروح الاحلام منه الكل ضحك وسهي مسكت ضحكتها غصب ابو مشاري : هههه شفيك ياعبد العزيز ابو بدر : ولدك طلعني عن طوري سعود ضحك ومشي عنده وحب راسه : هههه خلاص ياعم تكفي ابو سلمان يناظره ابو بدر إبتسم : اقعد اقعد كمل اكل واحلم سعود يبي يطلع ابو سلمان يناظره : الحمد لله ياعم طالع عندي شغل ابو بدر: زين ياوليدي سعود حب راس أبوه ك إعتذار وتعذر منهم وطلع ابو مشاري : ابو سلمان إنت اقنعه ابو سلمان إبتسم : لا تشغل بالك انا وام سلمان نخطب له ام سلمان ناظرت زوجها سهي ماتته حيا ماقدرت ترفع راسها ابو مشاري ضحك: ههههه ماوصيكم ام سلمان وابو سلمان : ابشر ابو بدر : سهي يبه لو كملتي شغل نرجع للبيت سهي تذكرت شي : ايوه يبه نسوي فحوصات لأم سلمان ونرجع ابو بدر إستغرب : للحين تسوين فحوصات ام سلمان إبتسمت : كل شهر ياعم أبو بدر : الله يشفيك ويعافيك الكل : امين ابو مشاري بهدوء : لسه مريضة قلب وأنا أبوك أم سلمان هزت راسها بإيه ابو مشاري بإبتسامة هادية : الم القلب مو طبيعي شلون تتحملينه أبو سلمان ناظر إم سلمان إم سلمان بهدوء : اشرب الدوا يروح الالم ابو مشاري : الله يقويك أم سلمان : امين ابو سلمان : الحين يجيكي الم قوي وتقولين ألم خفيف ام سلمان توترت : ثواني بس ويوم أشرب الدوا يختفي الالم ابو سلمان سكت يعرفها تكابر علي وجعها عشان ماتخوفه سهي قامت : دكتور اجهز غرفة الفحوصات ابو سلمان : زين سهي إستأذنت وطلعت عنهم ابو مشاري : ليش ماسويت لها عملية ياوليدي أبو بدر بهدوء : عايشة بقلب مو قلبها أبو مشاري ناظرها وإبتسم بحنان : الحياة الالم واوجاع يبه أم سلمان إبتسمت بحب : معتادة عليه يبه وابو سلمان مايقصر ابو مشاري سكت وابو سلمان حس إنه مقصر مهما اللي يسويه تم تتألم وتتوجع أم سلمان حست فيه وفنفسها " صدقني إبتسامتك قويه بحبك لها وألامها تختفي بنظرة حنية من عيونك " إجاها شعور غريب شعور تعرفه زين... كأنها متوتره وخايفه ..! هالشعور يجيها يوم يكون قريب منها لفت وصارت تطالع الباب وعيونها ثابته عليه ابو بدر لاحظها : ام سلمان ام سلمان تناظر الباب ولارد ابو مشاري استغرب وابو سلمان ابو بدر نادها : إم سلمان إم سلمان لارد أبو بدر ناظر ابو سلمان ابو سلمان خاف عليها ومشي لها وحط إيده علي كتفها كانت قاعده : ام سلمان ام سلمان فزت ولفت له : هاه هلا ابو سلمان : علامك مفهية وسارحة ام سلمان توهقت : لا مافني شي تطمن أبو سلمان عقد حواجبه وهي نزلت راسها وخايفه ليدخل عليهم وش بيكون موقفها وتصرفها إنفتح الباب وغمضت عيونها بقوة ولفت تناظر من... ودخل .......... ****** | ||||
|
| |
|
25-11-20, 03:34 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع عشر بلغ بي العشق مداه والغرام وصل بي حد الصباه والشوق غرس بي رمح هواه فقد طال بي البعد وحان وقت وصاله فقررت أن أسري دجي الليل عسي أن أراه وأقتفيت بقلبي أثار عطره وقفاه ووصلت لقصره وتلفت حولي بغية رؤياه وتسللت خفية لمخدعيه وأنا أتمني لقياه وكان مظلما لكن نور وجهه كالبدر في سماه ومضيت أتأمل ملامحه وسمعت صوت آه خفت ومددت يدي أمسح عرقه وسمعته يهمس محمداه وإمتلئت عيني دمع وتسللت خارج حياته وقررت أن أنساه √√√√ بسمة دخلت : السلام وعليكم الكل : وعليكم السلام أم سلمان تناظر وراها ابو مشاري بفرح : هلا جدي تعالي حياك بسمة مشت بهدوء وسكرت الباب وراها : شلونك شخبارك ابو مشاري : زين الحمد لله بسمة لفت علي إم سلمان : هلا ياخالتي شلونك أم سلمان إبتسمت : زينة الحمد لله وإنت شخبارك بسمة مشت لها وحبت راسها : بالف خير ابو سلمان ساكت أبو مشاري بهدوء : وين أبوك ليش تأخرتوا أم سلمان نزلت عيونها وابو سلمان يطالع بسمة بسمة بهدوء " كنه عرف إنها فيه " : إجاه تلفون ضروري الحين يجي أم سلمان تنفست براحه وتبي تطلع بسرعة وأبو بدر ناظرها أبو سلمان يبي يقول لها خلنا نطلع وماعرف شلون أبو مشاري : زين رجع أنفتح الباب والكل ناظره وأولهم أبو سلمان أبو سلمان تنهد : سعود سعود دخل : دكتور جهزنا غرفة الفحوصات ابو سلمان فرح : زين إم سلمان قامت بسرعة بسمة مشت عنده : عموو سعود إبتسم وحب راسها : وشلونها الاميرة بسمة تتدلع : مو زينه ياعمووو مشتاقة لك سعود كشر ويقلدها : عموو سعود مشغول الكل إبتسم بسمة كشرت : واضح اللي يسمعك يقول مدير المستشفي سعود بمزح : ايوه ومن هو ابو سلمان تبسم : احم احم سعود يغير السالفة : بسمة ابوكي يقول مشغول وش عنده الكل طالعه بسمة بهدوء : مادري سعود إستغرب : رجع طلع ويقول ساعة زمان ويجي فيه شي بسمة بصوت هادي : مادري كنا جاين ويوم وصل للباب رن الموبايل وقال أدخلي ورح يلحقني سعود هز راسه بإيه : زين إم سلمان تطمنت وابو سلمان ماعلق أبو مشاري بهدوء : وين راح سعود: طلع لسيارته يقول ساعة زمان ويرجع أبو سلمان خش : ام سلمان خلينا نسوي فحوصات ام سلمان منزلة عيونها : زين أبو مشاري يكلمها : رح ترجعين عندي أو بتروحين للبيت الكل لف له أم سلمان ماعرفت وش تقول : برجع أسلم عليك وأروح للبيت أبو مشاري إبتسم : ايوه احتاجك إنت وبدر أبو بدر إستغرب : أبو خالد !! أبو مشاري : ايوه ابو بدر : تبي أدق عليه يجيك !؟ أبو مشاري هز راسه بإيه ابو بدر طلع الموبايل : زين أم سلمان إستأذنت هي وأبو سلمان وطلعوا ومعهم سعود أبو سلمان ماحب يفكر بشي : سعود وش يحتاج أبوك سعود عقد حواجبه حتي هو مايعرف : العلم لله أم سلمان غمضت عيونها ألم قوي إيجها وشعورها بقرب مشاري رجع لها لفت وفتحت عيونها وشافت طيف واقف بعيد بأخر الممر يناظرها بحب بهيام بغرام بعشق بالم بوجع بحزن بدموع رجفت بمكانها رجفت من الالم ونظرات الحزن بعيون اللي يناظرها رفعت إيدها وحطتها علي قلبها بقوة وهي ترتجف وتتنفس بسرعة ابو سلمان إنتبه عليها وهو وسعود أبو سلمان بخوف : إم سلمان إم سلمان رفعت إيدها الثانيه وأشرت عليه لا إرادي وكأنها تقول شوفوه او ساعدوه والعرق تصبب منها والدموع غزت عيونها من الالم وطاحت علي الارض أبو سلمان بسرعة سندها و مسكها له وبخوف : إنت بخير سعود طالع إيدها وناظر وين تأشر وشاف شي إختفي عقد حواجبه ورجع طالعها أم سلمان صارت ترتجف وتتنفس بسرعة وماسكها قلبها بقوة ابو سلمان ميت خوف : دواك دواك وينه أم سلمان غمضت عيونها ودموعها نزلت وبصعوبة : ب..شن..طه أبو سلمان اخذها بسرعة وفتحها وسعود دخل أول غرفة وجاب لها مويه وشربت الدوا أبو سلمان بخوف : بسمة شلونك سعود إنصدم من الاسم أم سلمان بصعوبة : كويسه تطمن ابو سلمان خايف : من متي هالالم وماقلتي لي إم سلمان تعبانة : ودني أنام ...وغمضت عيونها أبو سلمان تفهم ولسعود : جيب سرير نأخذها حق الفحوصات سعود ب ضياع وهفاوه: زين ...لف وركض بسرعة ويحاول يستوعب : إسمها بسمة وهي مريضة قلب وش هالصدفة معقول هي..!! منهو اللي كان واقف ومن ناظرته إختفي ...!! جاب سرير ورجع ركض لها ابو سلمان رفعها وحطها عليه وجرها لغرفة الفحوصات وسعود يجر معه ويحاول يحصل اجوبة لأسئلته سهي جهزتها للفحوصات هي ونرس فيه وابو سلمان سوا لها الضروري وقعد يطالع نتائج الفحوصات مع سعود وسهي معهم وإم سلمان عطوها دوا ونامت بغرفتها أبو سلمان تنهد بعمق وكان بغرفة الفحوصات سهي بتردد : طمنا دكتور أبو سلمان بألم : مو كل شي يدوم علي حاله سعود ناظره وسهي بعد ابو سلمان عطاهم الاوراق ومخططات القلب وقام وعيونه إمتلت دموع وراح لها سهي ببحة وخوف : وش فيه! سعود بهدوء : فحوصاتها مو زينه اتوقع بيخلها في المستشفي سهي خافت : ليكون بصير لها شي مو زين سعود إبتسم بحب : الحرمة قالت الكبري فيه وبسوي كل شي عشان تشفي سهي تناظره : شقصدك !؟ سعود مبتسم : قصدي نسهر مع حرم دكتورنا سهي أخذت منه الاوراق وتناظرهم سعود بتردد : سهي تعرفون اخوي مشاري من سنين سهي إستغربت مو وقته هالسؤال : مادري اتوقع سعود بهدوء : بس مشاري يعرفكم ويعرف ابو حمد اكثر شي سهي ماتتذكر : ابوي يعرف ابوك عدل بس اخوك مشاري مادري سعود تفهم سهي ماتتذكر سهي بهدوء : سعود تتوقع عملية؟ سعود بهدوء : لا تحتاج راحة ليلة ليلتين وتصير تمام سهي حست بالراحة شوي : دام كذا اسهر معها سعود فرح : ايوه لازم سهي إستحت ولفت عنه ومشت سعود لحقها : حرم اخوك خليك معها سهي عصبت : سعود مو وقتك . سعود بجد : وقت رد الجميل لدكتورنا سهي لفت له : ايوه هو ضايع وعقله مو معه سعود فرح سهي فهمت وقرت المخططات عدل وعرفت ابو سلمان خوفه اكبر من معلوماته في الطب : ايوه نروح له ونطمنه يله وراحوا له بسرعة وقالوا له ابو سلمان كان مع إم سلمان وهي نايمة وبفرح : تقول لازم لها راحة بس سعود إبتسم : ايوه دكتور ماقريت المخططات ابو سلمان مد إيده لسهي : خلنى اشوف سهي عطته المخططات وهو ناظرها وبهدوء : سعود لزوم عملية سهي خشت : مايحتاج الاهتمام يكفي ابو سلمان عقد حواجبه : بس قلبها ضعيف سعود بثقة ويحاول يطمنه : وهذا اللي تحتاجه نغير لها الدوا ونريحها ايام بالمستشفي ابو سلمان بتوتر : من قالك طالع زين سعود فهمان عليه : دكتور محمد وش فيك ابو سلمان ما عرف شرقه من غربه : ليش! سعود يفهمه: إقرا المخططات عدل إنت قلت الراحة تكفي وتغير الدوا ضروري بهالوقت للمريض عشان نقوي قلبه أبو سلمان غمض عيونه وفرك بينهم: موب قادر افكر بشي سعود وسهي بنفس الوقت : نحن نفكر ابو سلمان ناظرهم وإبتسم : هذي ام سلمان الغالية والعزيزة سهي إبتسمت : ندري... اروح ابعث المخططات حق ابو ماجد ( سامر) واشوف رايه ابو سلمان فرح : ايوه لزوم يشوفها سهي بسرعة : إن شاء الله ابشر ...طلعت بسرعة تبعثها بالفاكس ابو سلمان طالع سعود : إنت اكيد سعود بإبتسامة ثقة : ايوه ياللي مادرس بيوم طب أبو سلمان ضحك غصب : ههههه مريضتك ترا سعود بمزح : كانت الوحيدة ياللي دافعت عني وذلحين وقت رد الجميل أبو سلمان إبتسم : أدري وهين تصحي ماكمل كلامه فتحت إم سلمان عيونها أبو سلمان فرح : إم سلمان إم سلمان بتعب وإبتسامة : محمد وين انا أبو سلمان ( محمد) : بالمستشفي أم سلمان( إبتسام) تذكرت : هاه سعود بفرح : شلونك الحين إم سلمان : زينه ابو سلمان فرح أكثر : فيه ألم أم سلمان بغت تقعد : لا أبو سلمان بسرعة : تسدحي أم سلمان قعدت : تطمن انا مرة زينه وبعدين طلعني من المستشفي أبو سلمان إرتاح ولف علي سعود : سعود جهز ملف المريضة بتقعد يومين بالمستشفي أم سلمان طيرت عيونها : منهو انا ابو سلمان لف لها : إرجعي نامي رح تقعدين بالمستشفي أم سلمان كشرت : ابو سلمان لاتمزح ابو سلمان (محمد) إبتسم : منهو ابو سلمان هذا سعود إبتسم ولف طالع إم سلمان(إبتسام) عصبت : واحد ماثر عليه طبه وخوف الزايد انا طالعه ابو سلمان بحزم : ممنوع ام سلمان مسكت راسها : رجعنا للبداية ابو سلمان طنشها ولف علي سعود اللي فتح الباب : سعود خبر سهي تقعد الليلة بعد وتكون الدكتورة حق هالمريضة سعود فرح إلا طار من الفرح : زين... وطلع ام سلمان عصبت : ابو سلمان لاتمزح ابو سلمان طالعها : تطمني بنعلم اهلك إنك بالمستشفي ام سلمان إبتسمت : زين وعلم الدكتور محمد سلمان المستشفي حقته مو زين ومارح اقعد فيه ابو سلمان لف عنها : الشور شور الدكتور ام سلمان بصياح : محمد تكفي ابو سلمان إبتسم :تبين ادق علي شوق تجيك تنام معك او امك أم سلمان كشرت وعرفت إنها بتام جد : لا هاذي ولا ذيك دق علي أم حمد وجيب لي شكلاطة أبو سلمان ضحك : ههههه ممنوع لين تطلعين من المستشفي أم سلمان من قلب : يارب قال عشرة مرات ممنوع كرهت هالكلمة أبو سلمان بحزم : نامي شوي وتجيك الدكتورة سهي إم سلمان غمضت عيونها وتكتفت وهي قاعده : ابشر بعزك ودلالك ابو سلمان ضحك وقرب لها : ياحياتي إنت تعبانة إفهمني ام سلمان علي حالها : دكتور مايستحي إطلع هين يجي زوجي اعلمه عليك ابو سلمان مسك ضحكته وحب راسها : خوفتني ومارح تطلعين غير يوم اتطمن نهائي عليك إم سلمان فتحت عيونها وتتمليح : صدقني حبيبي انا مرة زينه وبعدين رجعني للبيت انام عشرة ايام بالسرير ابو سلمان فهم عليها : ماعليه حبيبي خليكي بالمستشفي ترتاحين عدل وانا اتطمن عليك وبعدين مشتاق لأيام المستشفي وإنت فيه ام سلمان تنهدت : يارب عونك ابو سلمان مبتسم : حبيبة قلبي رح تقعد يومين معي بالمستشفي وانا رح نام معها بعد بالمستشفي ام سلمان إستحت : والعيال والبيت ابو سلمان( محمد) : العيال كبروا والبيت مب هارب بمكانه ترا ام سلمان كشرت : يله عاد رجعني للبيت ابو سلمان بحزم : عندي شغل نامي وإرتاحي ام سلمان (إبتسام) بقهر : هين نرجع للبيت وتشوف ابو سلمان : الزوجة الصالحة تسمع كلمة زوجها وماتهدده وماترد له جواب ام سلمان تسدحت : والزوج الصالح يسمع كلمة زوجته ويسوي لها اللي تبيه ابو سلمان إبتسم : بسوي لها كل اللي تبيه بس بشرط ترتاح هاليومين عشان يرتاح قلبه ويتطمن اكثر علي ام عياله ام سلمان إبتسمت له : زين يله إطلع بنام وإرتاح عشان يرتاح زوجي حبيبي ابو سلمان حس بالراحة : زين نامي والحين تجيك سهي تقعد معك ام سلمان : زين ابو سلمان باس جبينها وطلع عنها وهو خايف ويبي يتطمن اكثر عليها أم سلمان فتحت عيونها وتنهدت بعمق وفنفسها " مابي اقعد بالمستشفي ومشاري فيه اعرف مارح يقرب صوبي بس مابيه بنفس المكان معي " غمضت عيونها وحاولت تنام أبو سلمان خوفه واضح ويبيها جنبه حتي يرتاح سهي بعثت الفحوصات حق ابو ماجد ( سامر) ودقت عليه تعلمه وقال لها ساعة زمان يكلمها وقعدت تحتري إتصاله سعود راح حق غرفة أبوه وحصل بس بسمة وعلمهم عن حالة أم سلمان وابو بدر قام وراح لها يتطمن ومعه بسمة وسعود طلع وإتصل علي مشاري وهو رد عليه سعود بخوف علي اخوه وفيه وسواس براسه وأنو الحرمة هي نفسها أم سلمان بسمة : مشاري وينك فيه مشاري بهدوء : قلت لك عندي شغل رح أرجع المسا خلي بسمة معك سعود تنهد وشبه متأكد : وش شغله وإنت بالرياض مشاري غمض عيونه : سعود مشغول ماتفهم سعود سكت يبي يسأل يتأكد بس ماعرف شلون مشاري فهم عليه شافه وهو واقف ويطالع أم سلمان هو خايف ويبي يسأل عنها بس مو من حقه : سعود سعود بهدوء : بسمة معي تطمن مشاري بحزن حتي السؤال عنها مو من حقه : زين قل حق ابوي المسا أزوره وأتطمن سعود : إن شاء الله إنتبه لنفسك مشاري إبتسم بألم : ليش عيل ...يله فأمان الله سعود تنهد بقوة : فأمان الكريم سكر منه ومشي برواق المستشفي ويفكر فأخوه وفأم سلمان " هي انا أكيد حرم الدكتور محمد إسمها بسمة تتكلم مثل مشاري تشبه مشاري وش هالحالة " كمل مشي وهو ساكت ومنزل راسه ويفكر فأخوه اللي عاف حريم الكون عشان حرمة متزوجة ولها عيالها واضح تعشق زوجها وهو بعد يحبها مشاري سكر منه وركب سيارته وأنطلق بطريق طويلة يتمني مايرجع منها يحس فيها يحس بوجودها ينبض قلبه يوم تكون قريبه منه واليوم شافها طايحة بين إيدين غيره صرخ بأعلي صوت فيه وش سوي بحياته حتي يبتلي بالعشق والهيام لو كانت تحس فيه كان كافيه هالشي بس عشقه ماله معني حب ماله حدود وماله مقابل كمل طريقه لين وصل للبر طلع دفتر مذكراته وكتب عليه مشاعره الاليمة بفارق اعز الناس علي قلبه وقررها نهاية راويته _شوق الحب _ مستحيل يفرح ولو بين اسطر كلماته هالمرة ذبح بطلته عشان يتألم بطله ويتالم كل اللي حوله كافيه الم بروحه لازم الكل يتالم ويتوجع مثله هو . رجع لسيارته وركبها ورجع جامد لأبوه اللي حضنه بين إيدينه يوم تخلي العم والخال عنه وعن اخوه رجع لعبد الرحمان ويبي يشاركه ألمه وجعه إثنينهم حبوا حريم وماحصلوهم بس سعود لازم يحصل حبيبته حتي سعود حب من عيلة ابو بدر بس هالمرة رح يدعي يتغير القدر وتكون بنت ابو بدر زوجة اخوه ** طمـنوني شـلونـهـا كيـف حـال عـيـونـهـا ؟؟ الله يـسـامح هـالـزمـن خـلانـي أحـيا بـدونها مـدري كـيـف أوضـاعـهـا ؟ عـصاها الزمن أو طاعـها ؟ تسعـدها ذكراهـا معي أو تـزيـد أوجـاعـهـا الحـب بعـدي شـافـته والا مـثـلي عـافـتـه ؟ تضحك حياتي وتبتسم والا حـزينه وساكته ؟ ** سعود كمل طريقه وهو علي حاله وإنتبهت له سهي ومشت له وقفت قدامه : سعود سعود فز وطالعها : لبيه سهي إستحت : علامك ..!! سعود إبتسم وبرجا : سهي لاتتركني تكفين سهي إستغربت منه ونزلت عيونها : شصاير معك سعود قرب لها ومايبي يكون قدره بحال قدر أخوه : سهي وربي أحبك لاتتركني بليز سهي رفعت عيونها وشافت دموع بعيونه غرقت عيونها دموع وبغصة : من قالك بترك سعود فرح وإبتسم : من صدقك عاد سهي نزلت دمعة من عيونها وهزت راسها بإيه سعود نبض قلبه : اوعدني سهي ماتته حيا ومسحت دموعها وبعدت عنه : سعود عندنا شغل سعود كشر : يله عاد حبيبي سهي عصبت: سعود سعود ضحك ويبي ينسي اخوه : هههه زين زين سهي لفت عنه ومشت وسعود مش جنبها سعود يحاول يتناسي اخوه : هذا اللي اسمه ابو ماجد وش قال سهي بصوت هادي : اتوقع دق علي الدكتور محمد سعود : زين نروح نشوف سهي : زين ...ومشوا لأبو سلمان شافوه بعيد سهي بهدوء : سعود سعود ناظرها : هلا سهي نزلت عيونها وبصوت هادي : وعد لك سعود فرح ويستهبل : وش وعده سهي إستحت وتصرف : اطلع لك الشيب سعود بحب : موافق المهم خليك جنبي سهي بين خجلها وفرحها وخوفها وتوترها هزت راسها بإيه سعود طار من الفرح ويطنز : أحبتس ياسهي سهي ماتته حيا ومشت بسرعة حق ابو سلمان سعود يطالعها بحب : ههه وربي أحبك ....ولحقها بسرعة وحصلوا ابو سلمان فرحان ابو ماجد قال له لازم لها راحة وعناية وهو إرتاح وقال لسهي تقعد معها وهي وافقت بعد م أخذت شور ابوها أبو مشاري قام بصعوبة وسنده سعود وراح لها تطمن عليها وهي من حياها قعدت علي السرير والكل قال لها تتسدح بس هي رفضت وقعدت تسولف معهم وابو مشاري أجل وش كان ناوي عليه لوقت ثاني مرت ساعة والكل وصله الخبر وزارها حريم عيال بنات حتي الشياب زاروها وزاروا ابو مشاري والكل سلم عليها وتحمد لها ولأبو سلمان بسلامتها حتي ضاري جاب امه ورغد خالد وحمد ميتين فرح بشوفت شوق من رجعوا من المزرعة ماشافوها شوق توترت لوجودهم وسوت نفسها ولا كأنهم فيه وقاعدة علي الكنب مع رغد وأسيل ورهف وشجون وبسمة وملاك ودنا علي كنب ثاني ...والعيال والشياب طلعوا لغرفة ابو مشاري ام سطام ( أماني) شافت شي وأشرت لأم الوليد وام خالد وقاموا وراحوا لها كانت وافقة بالباب المفتوح ام خالد( ريتاج) بهمس : وش فيه ام سطام بفرح : منهو ذاك المزيون مع سهي الثنتين تحمسوا ام الوليد( أسماء) : ليكون هذا هو اللي إسمه سعود ولد عمي ابو مشاري ام خالد طيرت عيونها : ماشاء الله مزيون لو هو أم سطام تتوعد : وانا اقول ليش البنت رافضة تتزوج اثاريها طبقت دكتور يذبح وفقعوا ضحك والكل طالعوهم أم وائل( مني) بشك : خير ضحكونا الثلاثي لاهي يطالعوهم ام خالد لاهية : ولا شي ولا شي العرابجة تحمسوا رهف بهمس : وش فيه شجون : شي كبير خلنا نشوف وقاموا بسرعة ام سلمان ( إبتسام) تضحك مع ام حمد( نوف) والباقي رهف تتمليح : خالتي حبيبتي وش فيه الثلاثي فزوا وام وليد (أسماء) سكرت الباب ام سطام( أماني) : قلنا ولا شي شجون إنقهرت ورهف بعد شجون مدت البوز عشر أشبار: تكفون وش فيه أم سطام بحزم : ولا شي يله إقعدوا هناك الثنتين إنقهروا رهف بقهر : بليزززززززز الثلاثي بنفس الوقت : يله البنتين لفوا وقاعدوا بأماكنهم والكل تسدح ضحك أم وائل( مني): ههههههه رجعت حليمة لعادتها القديمة الحريم تسدحوا ضحك ام سطام : هههههه للحين مانولد اللي يتليقف علينا الكل ضحك رهف بسخرية : في الحلم ام خالد بشك : قلتي شي ام حمد( نوف) خشت : شجون ورهف طالعوا لك إنت واماني وأسماء وانا اقول مافيه ملاقيف بكبركم الكل ضحك . ام سلمان (إبتسام) : اشوف المستشفي عجبكم ام خالد( ريتاج) تطنز : تسوين خير لو تمرضين طول الوقت ونزورك ونجتمع ونتليقف علي الدكاترة الكل : هههههههههه ام سلمان : هههههه ابشري ياختي الغالية وإندق الباب ودخل سعود ومعه سهي بعد وإيدينها بجيوبها الحريم والبنات يطالعوهم سهي ناظرت إختها وإم سطام اشرت لها بمعني بارفو وسهي لفت 180 درجة وام وليد وام خالد ماسكين ضحكتهم سعود مثل سهي توتر الكل يناظره و مسوي فيها شي : وش عندكم كلكم عند المريضة أم سطام خشت : نتطمن علي إختنا يادكتور سعود سعود بمزح ولأم سلمان : هذول كلهم اهلك ام سلمان بمزح : ايوه الصين الشعبية كلها أهلي الكل : هههههههههههههاي هههههههاي سعود مات ضحك : هههههه دكتورة سهي إهتمي فيها انا طالع سهي : هههه زين أم سلمان بسرعة : دكتور متي اطلع سعود بمزح : لين يسمح لك الدكتور الغول الكل ضحك رهف خشت : دكتور تراه ابوي الغالي سعود ناظرها : إحلفي يابنت الغول الغالي الكل فطس ضحك رهف : هههههه هين اعلمه عليك سعود فز وبخوف : لا تكفين وربي ليذبحني الكل : ههههه سهي : ههههه سعود اليوم يومك سعود ضحك ولف طالع : سهي لاتنسين تحقنين الفئران بالxxxx سهي تهبل فيه : إحلم سعود لف لها : شقصدك سهي لاهية تشوف اللوح حقت ام سلمان وتكتب عليه : تذكر شغلتي الوحيدة اليوم هي هذي المريضة الكل يناظرهم سعود كشر : سهي خدمة صغيرة مشيها سهي علي رايها : مابي سعود إنقهر : مالت عليك بجيبك الزمن عندي وتشوفين لف عنهم وبيطلع والكل ضحك عليه سهي : ههههه امزح رح روح لهم احقنهم وأعطيهم أكل بعد سعود بخبث : مشكورة يابنت العم الكل ماسك ضحكته سهي ودها تفجر فيه قنبلة وسعود طلع وهو ماسك ضحكته والكل فقع ضحك سهي مشحونه سالب وتصرف : يله إطلعوا عشان ترتاح ام سلمان ام خالد بعباطه: منهو بنت العم ! الكل يناظر سهي سهي عصبت اكثر بسمة تناظرها وتضحك : مادري ام سطام : لتكون سهي عبد العزيز بن صالح الكل فقع ضحك سهي طنشتهم : ام سلمان نامي إرتاحي او ادق علي الدكتور محمد ام سلمان رحمتها : ابشري هين انام سهي تنفست : زين نصف ساعة ارجع لك واتطمن ام الوليد بسرعة : سهي منهو بنت العم علمينا يله سهي من الاخير : زملاء في الشغل مفهوم شجون ورهف فقعوا والكل ضحك وراهم الحريم : هههههههه مفهوم سهي سفهتهم وطلعت عنهم ام سطام : وارها وراها ام وليد وام خالد : اكيد البنات يناظرونهم ام وائل : الله يستر إجتمعت وجوه البلاوي الحريم فقعوا ومعهم البنات سعود طلع وهو يضحك هبل سهي وشاف العيال جنب غرفة ابوه مشي عندهم يقول لهم رجعوا البنات والحريم عشان يرتاح ابو مشاري وام سلمان وإيجي بطريقه فيصل سعود من شافه كشر فيصل إبتسامة : شخبارك دكتور شخبار المؤتمر سعود بدون نفس : زين الحمد لله نشكر الله فيصل : الحمد لله كنت حابب اروح معكم سعود " من زينك عاد ": موضوعه عن جراحة القلب وإنت بقسم السرطان فيصل : اه بغير مرة إن شاء الله سعود يبي يمشي : إن شاء الله عن إذنك عندي شغل ...ومش عنه فيصل لف له : عرفت إنك مو متزوج سعود طير عيونه ولف له بغضب : نعم فيصل إبتسم : الدكتورة سهي مو حرمك سعود مش عنده والشرر يطلع من عيونه : وإنت شعليك شدخلك فيصل بعيون واثقة : ولا شي بس لاتقطع بنصيب البنت سعود ماسك نفسه غصب : وشلون ..وش قصدك فيصل بهدوء وإبتسامة : قصدي عرفت منهو اهلها وببعث اهلي يخطبونها سعود عصب اكثر : اتوقع فهمت قصدي يوم قلت لك البنت زوجتي فيصل إبتسم بسخرية : لا مافهمت وترا اعطيك خبر المسا يرحون يخطبونها سعود وصلت معاه وصرخ فيه : إلزم حدك العيال لفوا لهم فيصل عصب : دكتور تكلم بهدوء وادب سعود ضغط علي إيده بقوة : وقسم بالله تشيل البنت من راسك او اشيل راسك فيصل بغضب : اعلي مابخيلك اركبه البنت حرمي بإذن الله سعود زفر الهوا بقوة ومابقي له ويضربه : صبر جميل والله المستعان ...اشوف تفهم بلغة القوة فيصل وصلت معاه : ايوه خلنا نشوف قوتك سعود مد إيده ومسكه من ياقة اللاب كوت وفيصل بعد العيال إنصدموا سلمان: كنهم بيتهاوشون حمد : ايوه ضاري بسرعة : خلنا نفكهم يله ...وراحوا بسرعة لهم سعود بغي يضربه بوكس سهي شافتهم وركضت بسرعة لهم و بغضب : سعود سعود لف لها وبغضب : النذل اليوم اذبحه فيصل عصب اكثر وعطاه بوكس قوي علي وجهه :نذل بعينك يالحيوان سعود تألم من البوكس ولف له وعطاه واحد دبله بكل قوته : انا اربيك يالوسخ العيال وصلوا ومسكوا كل واحد وبعدوهم عن بعض سعود صرخ فيهم : فكوني عليه فيصل بغضب : إنت قدها يوم ترفع إيدك سعود : قدها وقدود ...فكوني عنه فكوني سلمان يهديهم : عمي تعوذوا من ابليس فيصل بغضب: عمك هو ابليس بعينه سهي ميته خوف وبعصبية :اروح حق الدكتور محمد يجي يشوف حله معكم سعود عصب اكثر : سهي تدافعين عنه سهي لفت له وبغضب : لا عنه ولا عنك هين يسمع كل شي الدكتور محمد ....ومشت له خالد مسك إيدها وبسرعة : عمتي رح يطردهم سهي بغضب : احسن هذولا بزر موب دكاتره فيصل بغضب وخاف يعرف ابو سلمان : دكتورة الدكتور سعود هو البادي سهي لفت له بغضب : إنت البادي وادري زين وش اقول حق الدكتور محمد سعود فرح سهي بصفه : ايوه علميه هو اللي تبلاني سهي لفت له : وإنت بعد يا دكتور ليش ترفع إيدك سعود عصب : إنت بصف منهو علمني بس سطام و وليد تبسموا سهي تكتفت : بصف الحق إعتذروا حق بعض او اعلم الدكتور سعود فك نفسه من حمد وضاري : مستحيل اعتذر وهو يسوي وش يبي فيصل للعيال : فكوني ...وإنت ياسعود نشوف بعض برا المستشفي الكل طير عيونه وسطام وليد فكوه سعود بتحدي : ابشر إختر المكان والزمان سهي عصبت اكثر : وبعدين ابو سلمان ( محمد) شافهم وإيجى هم مع ابو حمد (رائد) وبحزم : خير وش هالتجمهر الكل وقف بالصف فيصل توتر : سلامتك يادكتور ابو سلمان تكتف : سلمان وش صاير الكل لف عليه وسعود طالعه بغضب سلمان يصرف : سلامتك يبه ولا شي ابو سلمان عصب : دكتورة سهي إشرحي شصاير سعود وفيصل خافوا سهي بلعت ريقها وبهدوء وترقع : الدكتور فيصل قال عن مريض عنده يشك إنه مريض قلب ويبي يسال الدكتور سعود سعود وفيصل تنفسوا ابو سلمان مو مقتنع : وش عليهم لعيال سهي توترت : كانوا معي يبون يشوفون المستشفي ويوم شافو الدكتور سعود وقفوا سلموا عليه ابو سلمان هز راسه بمعني ماعليه : ليش المستشفي منتجع الكل تنفس سطام يصرف : ماعليه ياعم المستشفي حلو ونبي نشوفه وبس ابو سلمان : زين شوفوه بس بهدوء العيال تنفسوا : أبشر طال عمرك ابو سلمان : دكتور فيصل منهو هذا المريض اللي عنده مرض بقلبه بقسمك سهي تكسرت رجولها خافت ليكون ماسمع فيه والكل مات رعب فيصل بهدوء : دخل مريض اليوم علي قسمنا وسوينا له فحوصات وطلع مريض سرطان المخ ونشك إنه مريض قلب بعد الكل إنصدم كذبت سهي طلعت صح ابو سلمان تنهد : زين شوي وأجيك اشوفه فيصل : زين ...دكتور سعود تفضل معي سعود معصب : زين عندي شغلة بسيطة خمس دقايق وألحقك فيصل : اوكي ...وتعذر ومشي عنهم ابو سلمان لسعود وهو شبه متيقن انو تهاوشوا : احس فيه شي صاير هنا سعود نزل عيونه : ولا شي يادكتور تطمن ابو سلمان: زين إلحقه شف المريض سعود: إن شاء الله ..ابشر ياطويل العمر ابو سلمان : سهي لفي بالعيال بهدوء زين ترا فيه مرضي سهي تنفست : تطمن ابو سلمان مشي عنهم وهو وابو حمد سعود تذكر شي وبسرعة : ابو حمد ابو حمد (رائد) لف له : سم سعود : سم الله عدوينك ..لو مو مشغول اشوفك بعد ساعة بالكافيتريا ابو حمد إستغرب : إن شاء الله انا فيه يوم تكمل تعال عندي سعود إبتسم له : زين كملوا حق غرفة ابو مشاري سعود لسهي : مشكورة ماقصرتي سهي بهدوء : وش سبب الهواش سعود بغضب : ولا شي بس رح اربيه سهي عصبت : دكتور سعود مو كل شي بالقوة سعود معصب : بس ذيك الطنجرة م تفهم إلا بالقوة الكل إبتسم غصب سهي خايفة عليه بس هي بين العيال ألحين سعود تذكر شي : إلا إنتى منو قالك فيه مريض قلب بقسم السرطان سهي بمزح : انا اشتغل واعرف كل المرضي وحالتهم ومو مثلك هواش ومشاكل وبلاوي العيال ضحكوا غصب سعود إبتسم : الله يقويك اروح الحقه احلق شعره سهي ناظرت فيه بغضب وبمعني بسك مشاكل وسعود رفع لها حاجب حمد : اقول عمي طنشه ماعليك منه سعود مبتسم وهو يغلي داخل : خلنى أربيه سهي: ترا رح يطردك الدكتور محمد سعود بثقة : لا الدكتور محمد يحبني رح ينطرد فيصل وتشوفين الكل ضحك سهي ضحكت غصب : ههههه وش هالثقة الزايدة سعود مش عنهم : بشتوفين هين انا له العيال يناظرونه سهي تنهدت " لو مابين لعيال كان شديت اذنك " : ماعليكم منه خلنا نلف المستشفي العيال تحمسوا سلمان : عمتي شرايك نروح حق غرفة العمليات نشوفها شلون داخل سهي: لا ممنوع يدخلها بس الدكتور الغرفة معقمة الكل كشر سطام : ليش فيه جراثيم سهي ضحكت: ههههههه وميكروبات وفيروسات بعد ...تفضلوا معي ل المختبر تشوفون الفئران الكل بقرف : جد سهي تحمسهم : يهبلون يله معي تشوفهم وليد : اثاري عمتي مريضة نفسية تقول عن الفئران يهبلون الكل ضحك سهي عصبت : إنت المريض النفسي يله معي اليوم تحقنهم إنت وليد يستهبل و يقلد البنات: واااع الكل فطس ضحك سهي مسكت إيده وجرته معها والعيال يضحكون ومرا علي غرفة إم سلمان سلمان : عمتي شرايك أجيب رهف تشوفهم بعد ونهبل فيها سهي ضحكت : هههه اوكي جيبها والكل بعد لو يبون سلمان فتح الباب وقال لرهف وشجون قامت ركض ولحقتها رهف ورغد وباقي البنات والحريم يضحكون عليهم وسهي بعد شجون بحماس : عمتي انا أعطيهم أكل واحقنهم بعد الكل ناظرها سهي : ماتخفين منهم شجون مسوية فيها شي : لا ابد رهف بسخرية : هه هه هه ضحكتني ياسوبر شجون الكل ضحك شجون عصبت : مالت عليك يالدوبة الحين بتشوفين سهي : هههه خلوا التحدي بالمختبر سطام بهمس : خالتي خوفات هين تشوفين سهي ضحكت بشويش : ههه ايوه ادري بتشوف وش اسوي فيهم سطام تحمس مع العيال ودخلوا جوا المختبر وإنبهروا فيه مرة اجهزة ومرة معدات ومرة حيوانات صغيرة داخل علب فيها شي مثل الموية بس لونها اخضر احمر أصفر ... شوق بقرف : عمتي هذا ضفدع سهي : ايوه هو أسيل بترجع : منهو مسكه وحطه هنا سهي تهبل فيها : انا ليش أسيل بس تخليت حطت إيدها علي فمها وطلعت ركض برا بتستفرغ ( الله يكرمكم) والكل تسدح ضحك عليها عبد الله يضحك عليها ولحقها برا رهف منبهرة وتأشر علي علبة ثانية : عمتي هذا ثعبان مو سهي تناظره : ايوه مسكناه وحطناه هنا ضاري : وش تسون فيهم ليش هنا سهي إبتسمت : نسوي منهم دوا الكل إنصدم : أيش سهي ضحكت : هههه البنادول من الضفادع الكل بقرف : إحلفي سهي فقعت ضحك وماردت عليهم ملاك بقرف : خالة جد البنادول من الضفادع سهي تزيد عليهم : أيوه وحتي المغذيات والمقويات الكل : اخر مرة سهي ضحكت: هههه وش اخر مرة هاذي الكل : نشربهم سهي تضحك : ههههه لا يالاغبياء الدوا من النبات وهذول حق التجارب والامصال الكل تنفس : الحمد لله سهي : هههه تعالوا تشفون فئران التجارب مشوا لهم وكانوا داخل صندوق كبير شفاف وداخله شي يشبه نجارة الخشب وفئران بيضا تتحرك فيه سهي اخذته وحطته بالوسط والكل لف عليه بدر عاشق الطب بحماس: الحين كل فئران التجارب لونها أبيض سهي : ايوه تقريبا ....وصارت تجهز في ابرة شوق تناظرهم : عمتي ليش تسون تجارب علي الفئران ليش مو حيوانات ثانية رهف خشت : تبينهم علي القطط الكل تسدح ضحك شوق عصبت : لا ابيهم علي رهف الكل : هههههه رهف عصبت : شويق يالدوبة شوق طنشتها : ها ياعمة ليش سهي إبتسمت وعطت الابرة حق خالد وهو مسكها عنها : الفئران لهم تركيبة تشبه تركيبة البشر الكل فه : شلون سهي بصوت هادي : فيه أجهزة عند الفئران تشبه أجهزة عند الانسان فواز : مثل إيش سهي فتحت الصندوق ومسكت واحد منهم ومدت إيدها لخالد يعطيها الابرة البنات صرخوا والعيال ضحكوا سهي مسكت راس الفأر وتحقن الابرة فيه : مثل الجهاز التنفسي عند الفئران هو نفسه تقريبا عند الانسان وبردو الجهاز التناسلي الكل فهم وليد منقرف : الحين ياعمة منتي منقرفه منه سهي ضحكت وهزت راسها بلا وليد حط إيده علي فاه : احس إني برجع الكل ضحك عليه سهي مدته لشجون : تفضلي اكليه شجون بقرف : وااع يموت من الجوع ازين له الكل يضحك . رهف مسوية فيها شي : مو كنتي تقولين بتطعميه ياسوبر ومن شجون بغضب : إمسكيه يابات ومن الكل تسدح ضحك رهف عصبت ومدت إيدها لسهي : عمتي عطيه لي سهي ضحكت : هههه لأ اخاف ترميه وانا توني عطيته xxxx غالي ثمنه رهف إنقهرت : لا صدقني سهي عارضت : لا يارهف هذا شغل مب لعب بدر ميت فرح : عمتي تبين اساعدك سهي ضحكت : هههه بشنو بدر : احقن عنك فأر ثاني سهي إبتسمت : تفضل يله خلني اشوف شطارتك بدر تحمس اكثر وطلع فأر ثاني قالت عليه سهي وعلمته وين يحقن وهو حقنه وعطاهم اكل مع الكل وسهي كتبت علي دفتر هناك معلومات يحتاجونها وحطت الفئران تحت المجهر تسوي شغلها والعيال والبنات تحمسوا وطلبوا منها وهي خلتهم يشفون وصاروا كأنهم بحصة علوم وقالت لهم عن كل شي موجود وحق شنو موجود سعود لحق فيصل وحصله فيصل معصب منه : حياك ليش تاخرت او ليكون خايف سعود وده يقطعه شوي شوي ومن الاخير : إسمع زين البنت بنت عمي وانا اولي فيها من الغريب فيصل قاطعه : شورها وشور ابوها سعود عض علي شفايفه وبسخرية : زين إبعث اهلك يخطبونها وبكرة اتشمت فيك دامها ردتك فيصل يشوف الجن قدامه : مب شغلك سعود إبتسم بنصر : البنت قلت لها إني احبها واخذت شورها بعد وهي وافقت وإنت جرب حظك وتشوف شلون تردك فيصل ماعرف يرد عليه سهي اربع وعشرين ساعة وهي مع سعود : تكذب سعود بنصر : رح لها وإسالها الحين لو تبي فيصل إنقهر : خلنا نشوف المريض ازين سعود فرح ورفع حاجب : تفضل ..وترا عنوان بيت عمي عندي لو تبيه أعطيه لك فيصل لف له بغضب : دكتور سعود بحزم : خلنا زمالة ازين وماله داعي مشاكل ونحن دكاترة واعين ومثقفين فيصل حب يقصر شر ويحس سعود صادق سهي ماتفارقه ابد : أحسن لك ولي ولشغلنا سعود تنفس " ريحتني من وجع الراس " : زين وينه المريض دله وراحوا له وسوى سعود شغله وفيصل بعد وطلع إنه مريض قلب ولزوم يتعالج علي سرطان المخ والقلب بنفس الوقت وإثنينهم رحموه ودعوا له بالشفاء وحمدوا الله علي نعمه علي عباده وأولها الصحة والعافيه ...وألف الحمد لله علي نعمه سعود رجع لشغله وراح حق ابو حمد يحط النقط علي الحروف وفيصل بين نارين يخطب سهي او لا تعلق فيها من يوم شفها وقال فنفسه يمكن سعود يكذب خلني اجرب حظي ولو ردتني نصيب ..ويسكت اهله دووم يقولون له متي تتزوج نرجع للكل شوق رن موبايلها برقم خالتها ام خالد ( ريتاج) وردت عليها وقالت تروح لهم أمها تحتاجها تركت الكل وطلعت راجعة لأمها اللي طلبت كوفي لها ولأم ضاري وام وائل وشوق ضحكت عليهم وطلعت حق الكوفي تجيب لهم وشافت شخص قاعد ويطالع فنجان الكوفي قدامه أخذت نفس طويل ومشت له وهي متردده ومستحية وخجلانة وش تقول له وشلون تبدي الكلام شوق وصلت عنده وقفت وراه وشافته بعالم غير عن هالعالم فكرت تتراجع بس شجعت نفسها وبصوت تبيه يكون واثق : السلام وعليكم *********** | ||||
|
| |
|
25-11-20, 03:37 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس عشر أين قلبي....؟؟ هل ضاع بين الزحام.. أم أغرقته قطرات الريهام. سانحني .. سأبحث عنه تحت أقدام البشر... هكذا أنا.. ضعيف بين الانام تهزمني العواطف..ويبكيني الغرام سأناديك ياقلبي. في الدمعه الحزينه. في الطائر المهاجر.. لأرض الاحلام.. أعذرني..ياسيدتي لاتلُمي اوتاري وألحاني ان عزفت بعدك الانغام فأنا كما ترين وحيد..غريب والرحيل يطاردني... وشبح الخوف يلازمني... ونفسي تقاوم الايام. ماذا فعلت.. كي تجرحني إبتسام. وتكويني الالام... وأنا في ذكرياتي.. غارق... لا أنام وطفل يبحث عن لعبة تدعي إبتسام √√√√√√√√√√√√ شوق رن موبايلها برقم خالتها ام خالد ( ريتاج) وردت عليها وقالت تروح لهم أمها تحتاجها تركت الكل وطلعت راجعة لأمها اللي طلبت كوفي لها ولأم ضاري وام وائل وشوق ضحكت عليهم مفكرين أنفسهم ب لمة حريم وسوالف طلعت حق الكوفي تجيب لهم وشافت شخص قاعد ويطالع فنجان الكوفي قدامه أخذت نفس طويل ومشت له وهي متردده ومستحية وخجلانة وش تقول له وشلون تبدي الكلام شوق وصلت عنده وقفت وراه وشافته بعالم غير عن هـ العالم فكرت تتراجع بس شجعت نفسها وبصوت تبيه يكون واثق : السلام وعليكم الشخص فز بمكانه ولف لصوت وشاف حرمة واقفة وراه بعباية سوده وحجابها وملتثمة بس عيونها الواضحة وقف يوم شاف عيونها نفس العيون نفس اللون الرمادي الحزين ولو ضحك يتم حزين وقف منصدم ولو هي كان حس بقربها عقد حواجبه نسخة ثانية عنها ماشاف ملامحها بس جازم بشبها لها شوق توترت وقلبها ينبض ماتوقعت ردت فعله غمضت عيونها بقوة وبربكة : عمي ...مش... مشاري قاطعها : شوق ...! شوق إنصدمت شلون عرفها ومن وين يعرفها رفعت عيونها له وشافت إبتسامة حنية تشوفها بس علي شفايف امها الطبية إبتسمت غصب له حسسها بالامان بسب إبتسامته مشاري إبتسم وبحب بنته اللي تمنها : سم ياعمي شوق بصوت هادي وتوتر : شخبارك ...؟ مشاري مبتسم وبحنية الابو : زين ياعمي ...شلون شوق الاميرة !؟ شوق توترت وإبتسمت : بالف خير ياعم مشاري : الحمد لله تفضلي إقعدي معي شوق بربكه : لا ياعم إجيت عندك أحتاجك شوي مشاري بهدوء : أمر شوق غرقت عيونها دموع وماتدري ليش صوته حزين : مايمر عليك عدو ...بغيت اسال عن التوقيع لو تتذكره مشاري يناظر عيونها وبصوت هادي : شفيه ..! شوق بغصة ورفعت عيونها له : شمعنى طريقي صعب ..!؟ مشاري إبتسم بحنية لها دخل إيدينه بجيوب الثوب واخذ شي وطلعهم وسكرهم ومد إيدينه لها وبمرح : إطلبي شوق فهت وتناظر إيدينه : هاه مشاري يناظرها : قولي الايد اليمين او الشمال شوق مستغربة حدها وشافت له وهو هز راسه بمعني إختاري شوق بغرابة وبصوت هادي : اليمين مشاري فتح إيده اليمين وماحصلت شوق شي مشاري بحب : تبمسي الحياة قصيرة شوق تناظره ومستغربة الحين إيده الشمال فيها شي : عمي ...شلون ..؟ مافهمت شي ..!! مشاري مد إيده الشمال وفتحها لها وشافت ورقة مرسومة عليها وجه مبتسم : شرايك برسمتي يالرسامة شوق إبتسمت له : حلوة مشاري مبتسم وبحب : أوعدني مهما كان الطريق صعب تبتسمين بهاللحظة وقف شخص وراه وسمع كلامه شوق تبي تبكي وماتدري ليش ...وماشافت الشخص عشان كان مشاري طويل :وأنا أقدر أبتسم يبه رغم صعوبة المشوار...!!! مشاري نبض قلبه وهو يسمع يبه تخيل بسمة زوجته تخيل شوق بنته غزت الدموع عيونه وبغصة بحلقه حق هالامنيات المستحيلة حبه مستحيل مثل هالبنت حبها مستحيل يوم طلبت إيد فاضية : وعد أصنع الابتسامة علي وجهك يبه الشخص اللي وراه إبتسم وتأكد إنه عند وعده شوق نزلت دمعة من عيونها وبصوت هادي : مارح تعلمني شمعنى طريقي صعب مشاري بهدوء وإبتسامة : لا يبه عشيه وبس و ب إبتسامة شوق تناظره وسكتت مشاري حس بوجود شخص وراه ولف بهدوء : دكتور محمد !! أبو سلمان يناظره شوق طيرت عيونها أبوها فيه خايفة من ردت فعله وش وقفها مع رجال غريب وتسولف معه أبو سلمان مش حق شوق وبهدوء : بنتي تحتاج منك شي ! مشاري بهدوء : لا أبو سلمان إبتسم له : قلت لو طلبت منك شي تحققه لها عشانها بنتك بعد مشاري يناظره شوق تناظر أبوها بصدمة أبو سلمان بحنية الابو وحط إيده علي ظهر شوق : شوق تدرين منهو سماك شوق مشاري إنصدم شوق إستغربت : أمي !؟ أبو سلمان بهدوء وهز راسه بلا : عمك مشاري هو اللي سماك شوق شوق لفت عليه منصدمة يعرفها من سنين وسماها بعد مشاري سكت من صدمته ماتوقع إم سلمان تقول له ...!؟ أبو سلمان إبتسم وبهدوء : مشاري مارح تحقق لها طلباتها عشانها ماتطلب مني أبد مشاري إبتسم وبصوت هادي : تتأمر أحقق لها شوق إبتسمت : أقدر أطلب طلبين أبو سلمان ناظرها مشاري إبتسم : سم شوق بصوت مبحوح :سم الله عدوينك ... أناديك يبه وتحقق وعدك لي من شوي أبو سلمان إبتسم مشاري غمض عيونه " طلبك الاول ألمني وطلبك الثاني ذبحني يابنت بسمة " : بإذن الله يبه شوق فرحت ليش ماتدري ..! منهو مشاري بحياتها ماتدري ..! ليش تبي تناديه يبه ماتدري ..! ابو سلمان بس ساكت وماعلق شوق تذكرت شي ثاني بعد : وعندي طلبين بعد مشاري ضحك غصب وغصة بحلقه ؛ شلون وعدها مايدري ...! والحين شلون بحقق وعده لها مايدري بعد ...! : ههه سمي أبو سلمان يناظرها فجأة شاف فيها إم سلمان واقفة وتسولف مع مشاري حس بالغيرة فجأة بس ماسوا اي ردت فعل شوق نزلت عيونها وتكابر دموعها وببحة : سم الله عدوينك يبه ...طلبي الاول تترك بسمة تقعد ببيتنا هالايام مشاري ناظر ابو سلمان أبو سلمان يكابر مشاعره ومبتسم : حقق لها مشاري إبتسم ولف لشوق : حاضر وطلبك الثاني شوق فرحت وبصوت هادي : تعزف لي علي الهرمونيكا مشاري نبض قلبه توقع اي شي إلا هذا عزفه الوحيد لأم سلمان لبسمته لدميته : ماتعرفين تعزفين ؟ أبو سلمان يناظرها شوق بصوت هادي حزين وش السبب العلم لله : اعرف بس ابي اسمع عزفك الهادي مشاري ماعرف يجاوب يوم يعزف تنزل دموعه تمني إم سلمان تطلب وهو يحقق بس الحين بنتها تطلب وهو موب قادر يحقق ابو سلمان لف له وبهدوء غريب : مارح تعزف لها مشاري بهدوء : وش مقطوعته شوق إبتسمت بألم له : أمي عازفة كمان وعندها مقطوعة خاصة فيها أبو سلمان إنصدم وناظر مشاري بعيون غيورة مشاري غمض عيونه بالم ودنق ، ماكفاه الوجع اللي تسببت فيه الام إجت البنت تخليه ينطعن وينجرح وينزف شوق خنقتها العبرة : أسم المقطوعة بسمة أمل اعزفها لي علي الهرمونيكا ابو سلمان يناظر مشاري ويبي يأخذ شوق ويروح عنه ؛ شفيها بنته ! وش هالطلب ومن مشاري ب التحديد ! مشاري بلع ريقه ويحاول يتحكم بمشاعره بأحاسيسه بغيرته بحزنه بالمه وبصوت يبيه يكون طبيعي : ماعرف المقطوعة شوق فرحت : اعطيها لك مشاري إبتسم لها : فيه مقطوعة ثانية حلوة اعزفها لك ابو سلمان نزل عيونه مشاري يحاول قد مايقدر يبتعد عن كل شي له علاقة بأم سلمان يحس يظلمه بشكه فيه شوق هزت راسها بلا : هالمقطوعة هادية ورقيقة وابي اسمعك تعزفها مشاري سكت ابو سلمان إبتسم ويحاول يكون طبيعي : ليش هالمقطوعة بذات مشاري يناظر شوق ويبي يعرف الجواب يدري ابو سلمان غيور وحقه عشان هو بعد يغار منه بس مو بإيده شي شوق بصوت هادي وتطالع عيون مشاري العسلية الحزينه : امي تقول هالمقطوعة مثل الحلم وتمسح الالم وتجدد الأمل مشاري رفع راسه ويناظر سقف المستشفي بوجع ...وابو سلمان طالعه شوق " ابيها عشانك مو عشاني " : مارح تعزفها لي يبه مشاري إبتسم بوجع لها ولف عيونه ب تخونه عيونه بتدمع قدام بنت بسمة نسي وجود ابو سلمان وجود شوق ذكره بوجود بسمة معه بالمصح يوم علمته العزف علي الهرمونيكا يومها علمته يعزف بسمة أمل : أجيب الهرمونيكا وارجع شوق إبتسمت " بدعي لربي تفرح بحياتك مادري ليش إنت حزين بس المهم تبتسم عشان الحياة قصيرة " ابو سلمان يناظر قفا مشاري : ليش طلبتِ منه يعزف لك شوق لفت له وبدلعها الرباني : إنت زعلان مني أبو سلمان إبتسم غصب إم سلمان قدامه نفس طريقة الاعتذار : وانا أقدر ازعل من دلوعتي شوق شوق فرحت وحبت إيده : حبيت عزفه يوم عزف بالبر أبو سلمان هز راسه بايه : زين تبين تنادينه يبه ! شوق دنقت وهزت راسها بإيه ابو سلمان حط إيده علي راسها : حق الوالد علي بنته الطاعة والاهتمام شوق فرحت وحبت إيده : صار و زعلتك ...!! ابو سلمان ضحك ...فعلا شوق بنت باره فيه ومستحيل ترد له كلام او ترفع صوت بحضوره او ترفض له طلب او أمر او تعانده : هههه وش عندك بالكوفي شوق تذكرت : امي تقول أخذ لها كوفي ولخالاتي ابو سلمان إبتسم : إقعدي إنتظري ابوك مشاري وانا اخذ لها وللكل بعد شوق إستغربت طلب ابوها ابو سلمان : إقعدي ...تبين اطلب لك شي شوق مفهية : لا ابو سلمان مش وبمزح ممزوج بغيرة يريدها تختفي ...شوق كانت بريئه ف تصرفاتها مع مشاري : لو مشاري كان طلبت منه شوق ضحكت وقعدت : جبي لي كبتشينو ابو سلمان ضحك وكمل طريقه بنته ماتدري عن الماضي تتصرف بعفوية وبراءة جاب لها كبتشينو واخذ كوفي لكل الحريم شوق قعدت تنتظر مشاري ودخل العيال للكوفي ومعهم البنات بعد وشافوا مشاري دخل وبإيده هرمونيكا لونها ابيض ومش حق حرمة قاعده وقعد وقابلها رهف طيرت عيونها : هذيك كنّها شوق !! بسمة إنصدمت : ايوه ...متي إيجي ابوي !! خالد وحمد عصبوا وسلمان وصلت معاه ومشوا لهم سلمان وصل لهم وهو معصب ومشاري شافهم وحط الهرمونيكا علي شفايفه : السلام وعليكم شوق فزت ولفت لهم ومشاري هز راسه بمعني سلام وبدي عزف شوق طاحت عيونها علي عيونه وشافت فيهم غضب ولوم وعتاب حست بتأنيب الضمير ولفت علي الثاني وشافته معصب منها طنشت نظراته ورجعت لفت لمشاري تسمع له ومنصدمة قال مايعرف النوتة والحين قاعد يعزف فيها وتبي تشرح موقفها بس تكابر مشاعرها ولوم ضميرها زعلته بقعدتها مع مشاري صدق بمكانة أبوها بس مايصير تختلي فيه العيال والبنات فهوا وقعدوا معهم سلمان ورهف وبسمة وفواز قعدوا مع شوق ومشاري والباقي قعد بطاولات قريبة منهم بسمة فرحت عزف ابوها هادي ورقيق وسعيد شوق تناظر مشاري ومبتسمة غصب عزفه مثل عزف أمها نفس الاحساس نفس طريقة العزف نفس مخرج النوتات العيال والبنات إنسحروا بالعزف وكل اللي فيه بعد سلمان راح عنه غضبه وحس بالسكينة بسب عزف مشاري ...ولشوق : وش تبين من عمي مشاري ! شوق بهمس : كنت اسولف معه ومع ابوي وطلبت منه تقعد بسمة ببيتنا وطلبت يعزف لي لانو عزفه عذااب وشوفت عينك ...وافق سلمان حس بالراحة وهز راسه بتفهم مرت خمس دقايق ونزل مشاري الهرمونيكا والكل صفق له كل اللي بالكوفي مشاري يناظر شوق : شرايك شوق بفرح عيونه فيهم لمعة فرح : مشكور يبه تهبل رهف لفت عليها وبقبقت " يبه !!!!! " بسمة تناظر أبوها : عزفك حلو يبه مشاري لف لها وإبتسم : تدرين صار لك إخت اليوم بسمة فهمت ولفت لشوق : وخري عن ابوي هو ابوي بروحي شوق ضحكت : ههههه ماعندك شي عندي الكل ضحك معها شوق لمشاري وبعقدة حواجب : تعرف النوتة ..!!! مشاري بس هز راسه بإيه وماعلق و شوق سكتت وتفكر من وين يعرف النوته وشلون حتي يكون هو الشخص اللي سماها ، وبسمة نزلت عيونها قدامها تحس ب أبوها حزين تحس روحه مجروحة وموجوعة مشاري لف لفواز : شلون وليدي فواز فواز ضحك : هههه زين يبه وإنت شخبارك مشاري إبتسم : الحمد لله وزين انو شفتك احتاجك بسالفة فواز ركز معه : امر ياطويل العمر مشاري : مايمر عليك ظالم ....ماتبي تطلع علي التلفزيون وأنا أبوك الكل لف لفواز وبسمة منزلة عيونها فواز إستغرب ويتحري باقي الهرج : ايوه مشاري بعطف الابو : زين جهز نفسك تروح لجدة معي فواز مستغرب : لجدة ..! متي ...!؟ مشاري : فيه برنامج مواهب ومسابقات وندور علي صحفي لها ...وشرايك تكون إنت !؟ الكل إنصدم فواز ضحك غصب : ههههه انا شدراني بالتقديم والتنشيط مشاري إبتسم: اعلمك شي سهل فواز سكت ويحاول يستوعب سلمان : عمي من جدك !! مشاري : ايوه ..فواز فكر عدل وخذ شور اهلك وعلمني بنهاية الاجازة زين فواز هز راسه بإيه وللحين مفهي علي طول يقدم برامج وهو للحين مادرس شي بالصحافة مشاري إنتبه لبنته السارحة : بسمة الكل لف لها وهي علي حالها : سمي يبه مشاري إستغرب منها : شفيها بنتي العزيزة بسمة إبتسمت ورفعت عيونها هزت راسها بلا مشاري عقد حواجبه : ليكون فيك شي وانا ابوك بسمة ماحبت تشغل باله تعرفه يخاف عليها من نسمة الهوا : لا يبه تطمن انا زينه مشاري فرح : الحمد لله وترا شوق عازمتك وتقول تقعدين بيبتهم هالايام رهف فرحت وبعفوية : موافق ياعمي مشاري ضحك مع الكل وهز راسه بإيه رهف تفشلت : بسمة حياك والله فلة بسمة بهدوء : تسلمين إنت وشوق بس السموحة مأقدر مشاري ناظرها وإبتسم وشوق إنقهرت : ليش تكفين بسمة إبتسمت وناظرت ابوها : ابوي ولد صغير ينسي يطلب اكل وينسي يطلب شاهي وينسي يطلب كوفي يعني ينسي كل شي ولو ماكون معه ماياكل ومايشرب مشاري يناظرها بنته الغالية والباقي يناظر مشاري بسمة لفت لشوق : مشكورة علي العزيمة بس مارح اقدر أجيكم شوق بمزح : خليه يموت من الجوع والعطش الكل ضحك حتي مشاري بسمة غرقت عيونها دموع وضحكت : هههه واموت انا من الحزن الكل ناظرها ورحمها مشاري حس فيها هي وحيدة بحاله هو ...وحط إيده علي إيدها : ادفنك إنت اول بسمة ضحكت وحطت راسها علي كتفه : ياليت يبه ياليت الكل تأثر وبسمة نزلت دمعة من عيونها وشوق بعد مشاري : اثاري خلفت بنت هشة مرة الكل ضحك ...ووقف قدامه رجال غريب الرجال : السلام وعليكم الكل : وعليكم السلام ورحمة الله الرجال : أستاذ مشاري عبد الرحمان مشاري إبتسم : ايوه سم اخوي الرجال فرح : سم الله عدوينك ...انا صحفي وإن ماعليك امر ابي اسوي معك مقابلة مشاري بهدوء : إنت الصحفي هاشم سالم حقت برنامج مشاهير هاشم : ايوه انا هو مشاري قام ومد إيده يصافحه والكل يناظرهم هاشم يصافحه : تشرفت بمعرفتك مشاري إبتسم : الشرف لي بس مافيه مقابلة هاشم إبتسم : إن ماعليك امر نطلع حق مكان ثاني ونسولف شرايك مشاري بهدوء : اتوقع مافيه شي مهم تعرفه عني هاشم مبتسم : انا اقرر لو سمحت استاذ مشاري إبتسم : وش تبي تعرف عني هاشم : الشي اللي مايعرفه غيري مشاري ناظر حوله واشر: تفضل هناك طاولة فارغة خلنا نروح لها هاشم ناظره : السموحة ماقدر خلنا نطلع لمكان ثاني أحسن مشاري ناظره هاشم توتر : السالفة هذا مستشفي وجودي فيه الحين مو قانوني لو يسمع الامن يطردني مشاري إبتسم : زين بس انا الحين مشغول ومو فاضي هاشم تفهم : زين استاذ شرايك نشوف بعض يوم تفضي المسا مثلا مشاري : طيب هاشم فرح : ستار بوكس يناسبك مشاري : مثل ماتبي بس إعرف شي قبل ترا ماعندي شي اخفيه هاشم ضحك ورجع مد إيده يصافحه : ههه ماعليه استاذ نسولف بس مشاري صافحه : زين تسع المسا بستار بوكس هاشم : إن شاء الله مشاري بهدوء : فيه ضيف معي هاشم : حياه اتشرف فيك وبضيوفك مشاري إبتسم له وهاشم سلم عليه وراح عنهم مشاري رجع قعد بسمة بفرح : اشوف ابوي مشهور جد مشاري إبتسم بس وماعلق سلمان : ماشاء الله هذاك شفته بالتلفزيون يستضيف بس المشاهير مشاري : ايوه اسميه الصحفي المتطفل الكل ضحك فواز : هههه حش أو مدح مشاري : لا مدح .. صحفي ماشاء الله عليه وترا باخذك معي شرايك فواز إبتسم : ضيفك هو انا مشاري هز راسه بإيه فواز فرح : اوكي وش ورانا مشاري بصوت هادي : زين فتح اذانيك وعيونك عدل شهر علي الاكثر تطلع بالتلفزيون فواز للحين مإستوعب : من صدقك أستاذ مشاري بمزح : رجعنا لأستاذ الكل ضحك فواز : ههههه إن شاء الله من إيدك اليمين لأيدك الشامل مشاري فرح : بس شغلك وسكنك بجدة فواز إبتسم وبحب : جنب ابوي بسمة ناظرت فواز مشاري إبتسم له : اكيد بسمة بمزح وبدلع : يبه انا بنتك الوحيدة مو الكل ماسك ضحكته مشاري قرص خدها : لا إنت بنتي الصغيرة وعندك إثنين اكبر منك بسمة كشرت : هين يجي عموو سعوود اعلمه انا البنت الوحيدة والحفيدة الوحيدة شوق : ههههه يالغيورة موتي قهر الكل ضحك بسمة : هههه اتشرف فيك وبالصحفي الجديد فواز ضحك مع الكل وشافوا سعود دخل مع أبو حمد مشاري نغزه قلبه وسوا نفسه مايدري عن شي : ليش كلكم بالمستشفي تزورون ابوي بسمة ناظرت ابوها سلمان ببراءة : امي تعبت فجاة وإيجنا كلنا لها نتطمن مشاري نبض قلبه : عسها بخير بسمة نزلت عيونها قدامها ...وشوق حست بلهفة بصوته يوم سأل سلمان إبتسم : الحمد لله مشاري حمد الله بقلبه ويغير السالفة لانو إنتبه علي نظرات شوق له وماحب تشك بشي مب موجود : وش جاب سعود مع الدكتور رائد الكل طالعهم فواز : قال إنه يحتاجه مشاري عقد حواجبه : بشنو فواز : ماندري كل اللي قاله قبل ساعة إنه يحتاجه مشاري يناظرهم وهم جاين لهم " وش رح تنبش ياسعود " شوق نزلت عيونها قدامها " كان فيه لهفة بصوته ،اعتقد اتخيل بس ، بس وشلون هو من سماني شوق !! " تمت تطالع إيدينها وافكارها تاخذها وتجيبها سعود وصل وعيونه علي اخوه : السلام وعليكم الكل : وعليكم السلام سعود : شرف اخوي الغالي مشاري إبتسم : رح عني مو فاضي لك سعود إبتسم وبهدوء : وينك فيه ساعتين بحالهم مشاري : عندي شغل ضروري سعود كشر : شغل بالرياض !؟ مشاري هز راسه بإيه ابو حمد ( رائد) بهدوء : سعود اخوك لغز لاتحاول تحله مشاري إبتسم : بحالك إنت يالغامض ماتوقع الكل ضحك سعود : ههههه هين احل شفرة كل واحد ابو حمد : وخر عني سعود إبتسم : مشاري ابوي يحتاجك ضروري رحت له ؟ مشاري : هين أروح ...أبو خالد فيه ؟ سعود إستغرب : ايوه ليش وش يحتاج ابوي منه !؟ مشاري قام : مادري سعود إنقهر مشاري بهدوء غريب : دكتور رائد الاطباء النفسين يقسمون قسم الطب سعود ناظر مشاري ابو حمد فهم : ايوه... ليش ! مشاري مش والكل إستغرب : زين خلك عند قسمك سعود فهم وإنقهر : مشــــاري مشاري رفع إيده بمعني سلام وابو حمد ضحك غصب عنه سعود بغضب : ابو حمد شي ضروري ابو حمد ضحك : ههههه تفضل تفضل سعود فرح وراح وقعد علي طاولة معه والبنات والعيال قرروا يرجعون للبيوت مع الحريم ابو حمد : وش تحتاج ! سعود بهدوء : ماضي مشاري أبي أعرف كل شي عنه أبو حمد إسترخي وشرب الكوفي : أخوك وماتعرف ماضيه سعود : مشاري سجين الماضي وابيه يعيش الحاضر والمستقبل أبو حمد طالعه وماعلق سعود برجا : مشاري يعيش وحيد شي صار بماضيه يعيشه وحيد ابي اعرفه عشان يرتاح اخوي الوحيد ولد ابوي وامي ابو حمد إنصدم " مشاري اخوك الحقيقي ليكون ولد عبد الرحمان جد !! " : ليش إجيت عندي انا سعود نزل عيونه : إنت دكتوره النفسي واكيد تعرف كل شي عنه ابو حمد إبتسم : مشاري ماكان مريض نفسي سعود ناظره : بس تعالج عندك ابو حمد قام : مو انا ياللي عالجته سعود قام معه : ابو حمد تكفي ابو حمد لف عنه وحبه يعطيه طرف خيط عسي يساعده ويطلعون مشاري من ماضيه : مشاري عنده هوس سعود بسرعة إجي قدامه : وش هوسه ابو حمد تنهد وماعرف شلون يقولها له : مادري عن إذنك سعود مسك إيده : دكتور رائد من فضلك ابو حمد ناظره وبهدوء : قسمت قسم طبي يادكتور سعود إنقهر : بس هالشي إستثناء ابو حمد : خلنا نروح لأبوك سعود برجا : دكتور بليز ابو حمد بجد : سعود خليه ...الماضي يتم ماضي سعود بحزن : بس اخوي مايبي يطلع منه ابو حمد يحطه بالامر الواقع ويحط النقط علي الحروف لسعود عسي يوصل لحل : اخوك يموت عشان هوسه وإذا لازم يذبح نفسه سعود : وش هو بشنو مهوس ابو حمد مش وسكت ومارد عليه سعود تنهد ولحقه : منهو ياللي عالج مشاري ابو حمد : شخص ماتعرفه سعود بتصميم : عرفني عليه أبو حمد ناظره ويبي شي حافز يخليه يسولف ، يبي يختبر سعود ، هل رح يكون قد المسؤولية : وش تبي فهمني سعود وقف وبعزم : ابي اخوي ابيه يعيش طبيعي يضحك يسولف يتزوج يخلف يعيش حاضره ومستقبله وبس هذا اللي ابيه ابو حمد تنهد هـ الشي اللي يبي سعود يوصل له سعي له هو بنفسه من سنين ماقدر وإستسلم للقدر : مستحيل مشاري سجين ماضيه مثل ماقلت ومارح يطلع منه سعود بإصرار : بس الشخص اللي عالجه قبل يقدر يطلعه من ماضيه ابو حمد يناظر عيون سعود : وهذا هو المستحيل سعود : ليش !؟ ابو حمد بهدوء ولف يكمل طريقه : عشانه نفس الشخص ياللي اخوك مهوس فيه ونفس الشخص اللي خلى مشاري سجين ماضيه سعود مثل واحد كب عليه مويه ثلج وطلعه من سباته الشتوي أبو حمد كمل طريقه ساكت حتي هو يبي يعرف من وين مشاري يعرف إم سلمان حتي يحبها اللي يعرفه شافها مرة وحدة بحياته سعود تنهد بقوة : حرم دكتور محمد ..اسألها وش علاقتها باخوي ...والحين هي دكتورة نفسية او شنو لحق ابو حمد وراحوا حق غرفة ابو مشاري وحصلوا كل الشياب والعيال فيه مشاري طالع سعود وشافه منقهر وإبتسم له سعود اشر له بمعني هين ومشاري طنشه ابو سلمان ( محمد) : اشوفك تارك الشغل وتسرح وتمرح سعود كشر : كملت شغلي ابو سلمان إستغرب : والتجارب ! سعود : الدكتورة سهي سوتهم عني ابو سلمان تكتف وطالعه بغضب سعود خاف وبسرعة : دكتور هي اللي طلبت قالت كشكر يوم علمتها تقطب الكل فطس ضحك علي خوفه ابو سلمان إبتسم : وقالت لك وش إشتغلت عشان نكمل عليهم سعود تنفس : ايوه تطمن ابو سلمان : زين ابو وليد ( فارس) : ابو سلمان شرايك تقنعها تقعد وتشتغل معكم ازين لها سعود فرح ابو سلمان إبتسم : ماتبي عندها عقد شغل مع المستشفي وتقول تكمله وترجع علي المملكة سعود إنقهر ابو بدر : ماعليه يبه خليها تحقق طموحها ابو خالد ( بدر ) : وهذا اللي ذبحنا طموحها اللي ماينتهي الكل ضحك ابو خالد لسعود : تشبهك إنت وابو سلمان الدكاترة عندهم هرمونات زيادة احلام وطموحات الكل يضحك سعود : هههههه إيه الدنيا فانية خلنا نحقق طموحتنا ابو مشاري عصب : ودامك تعرف إنها فانية ليش ماتتزوج وتخلف عيال تحمل إسمك بعد ماتفنى إنت سعود مسك راسه والكل تسدح ضحك ابو مشاري بوعيد : هين اقوم علي حيلي سعود برجا ومن قلب : يبه واللي يعافيك راسي يصدع مشاري عصب : الحين راسك يصدع من ابوك يالعاق سعود كشر ومشي عند أبوه وحب راسه : مشاري قلت لكم يوم ابي اتزوج يومها اتزوج بسكم بليييز الكل يضحك ابو مشاري بحزم : ابو سلمان مسوي فيها حازم وتتامر عليه خله يتزوج الكل ماسك ضحكته سعود طالع ابو سلمان ابو سلمان ( محمد ) مسوي فيها حازم : يالدلخ ... سعود قاطعه وبسرعة : ابشر الليلة اخطب إنت بس لاتعصب علينا وتعطني عقوبة الكل فقع ضحك ابو سلمان : ههههه جد سعود : هههه إيه ابو سلمان : هاه ياعم سمعته الليلة يخطب ابو مشاري ضحك : هههههه الف مبروك لي ول وليدي الكل فطس ضحك سعود بهدوء : اقول ياعيال العيال : سم سعود بصوت هادي: حرم الدكتور محمد تعبانه اخذوا الحريم والبنات حق البيوت عشان ترتاح زين ابو سلمان ناظر مشاري ومشاري نزل عيونه سلمان خاف : ليكون مريضة سعود طالع أخوه : ايوه ولزوم لها راحة واو ترا امنع الزيارة الكل ناظره ابو بدر بهدوء : ابو سلمان جد هالكلام ابو سلمان بصوت هادي : سعود هو دكتورها ياعم ماهوب انا الكل إستغرب حرمته ويحط عليها دكتور ثاني غيره سلمان إنقهر : زين ومتي رح تطلع سعود تنهد ولف لسلمان يوم شاف اخوه منزل راسه ومفهي بالفراغ : بعد بكرة تطلع لو حصلت العناية والراحة سلمان : زين دام كذا نريحها ابو خالد ( بدر ) : خالد قل حق امك تقعد تنام معها سعود : لا ممنوع فيه الدكتورة سهي تسهر معها ابو خالد : سهي عندها سفر ترجع للبيت تريح نفسها سعود كشر : مثل ماتبي بس مافيه مرافق للمريض بالمستشفي ابو سلمان إبتسم غصب : من قاله سعود إبتسم : انا اقوله فيه ممرضين شغلتهم يعتنون بالمرضي وترا لو ابوي مريض عندي كان منعت عمي ابو بدر يقعد معه الكل ناظره ابو بدر تكتف : جد ياوليدي سعود : جد ياعمي الكل ضحك ابو بدر : ابو سلمان شف دكتورك مايصير تنام بروحها بالمستشفي ابو سلمان : مريضته ياعم هو المسؤول اي قرار يرجع له سعود رز حاله ابو بدر : لو كنت وليدي ياسعود كان فيه حديث ثاني الكل تسدح ضحك وسمعوا دق علي الباب ابو خالد : تفضل سهي فتحت الباب ودخلت : السلام وعليكم الكل : وعليكم السلام ابو بدر : حياك يبه إدخلي سهي :مشغولة يبه ابو سلمان : وش فيه سهي بامر : يله الكل علي البيت نترك المريضين يرتاحون الكل ضحك وسهي إستغربت ابو خالد : هههه قلته طالعه لك إنت وابو سلمان الكل يضحك سهي تكتفت : ترا عمي ابو مشاري تعبان وحتي إم سلمان ...لزوم لهم راحة ابو وليد : سعود طرد بس العيال واما إختي طردتنا كلنا الكل فقع ضحك سهي ضحكت وإستحت : السموحة ماقصد ابو سلمان : تطمني الحين بيرحون كلهم سهي : زين ابو خالد : سهي جهزي نفسك ترجعين معنا للبيت سهي كشرت : بدر لزوم اقعد مع إم سلمان اسهر عليها أبو خالد : وإنت بعد إرتاحي وراك سفر سهي ناظرت سعود اللي يناظرها ونزلت عيونها : بعد بكرة فيه وقت ابو خالد إستسلم : براحتك سهي فرحت : زين عن إذنكم عندي شغل ابو سلمان : وش تسوين الحين سهي : فيه مرة اسعافات اليوم وتوه دقوا فيه إسعاف بالطريق سعود لف وخطي خطوة ابو سلمان بحزم : وقف الكل ناظرهم سعود لف له وبسرعة : دكتور موب يومي للاسعافات ابو سلمان : وتقول ماعندك شغل الكل ماسك ضحكته سعود خاف : دكتورة سهي ماعلمتني إنه فيه إسعافات سهي عصبت منه ابو سلمان : والله حلو تشتغل شغلك إنت وتلومها هي سهي معصبة : دكتور اليوم بطوله م اشتغل شي سعود طير عيونه : حرام عليك مرة إشتغلت اليوم الكل ضحك ابو سلمان بحزم : يله للإسعافات سعود مش ويتوعد بسهي وهي ماسكة ضحكتها أبو سلمان : سهي روحي إرتاحي وخلي الدلخ يشتغل عنك سعود لف له بغضب سهي تزيد عليه : مشكور دكتور محمد ...دكتور سعود إفحص المريضة غرفة 12 والمريض غرفة 23 سعود : إحلمي إنت أخر يوم لك إشتغلي الكل ماسك ضحكته ابو سلمان عصب : سعود تعارضني ورن موبايل الاسعاف بجيب سهي وإستعد لنحشة وصرخ : الحمد لله نفذت ...دكتورة إلحقني علمني عن حالة المريض ...وطلع 360 الكل فطس ضحك ابو سلمان : هههههه روحي ساعديه سهي ضحكت وإستحت من الكل ولحقته ابو وائل ( أحمد ) ضحك : ههههه والله ثنائي الكل لف له ابو وليد ( فارس ) : شقصدك !؟ ابو وائل يصرف : اتوقع شاطرين بشغلهم ويكون شي زين لك يأبو سلمان لو تقنعهم يقعدون بالمستشفي أبو سلمان إبتسم : وهذا اللي ناوي عليه ابو خالد يهبل فيه : يوم ترجع من كندا نمنعها تشتغل ابو سلمان تكتف : يوم يكون الشور شورك أبو حمد ( رائد ) : ههههههه فشلته الكل ضحك ابو خالد عصب : هين بتشوف مافيه عندنا بنات يشتغلون ابو سلمان : سهي إستثناء ببنات العيلة ابو خالد : ابوي قل شي ابو بدر : طالعوني برا السالفة كافني نق سهي الكل ضحك مشاري يغير السالفة : ابوي جهزت اللي قلت عليه ابو مشاري : زين ياوليدي خلي الاوراق عندك يوم اطلع من المستشفي مشاري : غيرت رايك أبو مشاري هز راسه بإيه مشاري قام : زين أنا بروح بنتي طول اليوم بالمستشفي اكيد تعبانة بكرة ارجع لك اتطمن ابو مشاري : ايوه مشاري بهدوء : حمد قل لها تجي عشان نطلع الكل ناظره حمد إستغرب ليش مايروح هو وليش طلب منه هو : زين ...ولف طالع ابو حمد ( رائد ) : حتي نحن بنطلع الكل : ايوه مشاري مش حق ابو حمد : مشكور ماقصرت الكل يناظرهم ابو حمد بهدوء : فيه سالفة طويلة بينا ابي اشوفك ابو سلمان ناظره مشاري إستغرب : وش هي أبو حمد : بعدين ونتكلم مشاري : زين وطلعوا كلهم وحصلوا الحريم والبنات طردتهم سهي برا الغرفة ومشوا كلهم طالعين مشاري يحاول يتناسي وجود إم سلمان وبهدوء : ابو عبد الله ابو عبد الله ( أسامة ) لف له : سم أخوي مشاري يمشي جنبه : سم الله عدوينك ...كلمت فواز عن شغله معي وأتمني توافق له ابو عبد الله إبتسم : قلت لك قبل هو ولدك مشاري : زين ترا إذا وافق بأخذه لجدة معي ابو عبد الله بمزح : مارح توافق أمه مشاري إبتسم : مو شورها ابو عبد الله : ههههه لا شورها وشلون مو شورها مشاري بمزح : دام كذا الله يخلف علي فواز ابو عبد الله : ههه امزح شف معه حياته وهو اللي يقرر فيها مشاري : زين بقنعه أبو سطام ( طلال ) : وش تتهامسون مشاري : نذبحك أبو سطام : أعوذ بالله حياتي طويله ضحكوا حتي مشاري أبو وليد ( فارس ) سمعه : ههههه من ههههه يظمن ابو سطام : ههههه انا اظمن بسمة مشت عند ابوها وبحيا : ابوي مشاري عرف صوتها وقف ولف لها : سمي يبه بسمة : وين عمي سعود مشاري: عنده شغل بسمة كشرت : ودني عنده أحتاجه مشاري إبتسم : بطريقنا يله بسمة فرحت ومشاري صار يمشي جنبها : وش تبين منه بسمة : اهبل فيه مشاري ضحك : هههههه عمك يابنت بسمة : ههه إحلف يايبه الكل سمعهم وضحك مشاري قرص خدها : هههه فشلتني بسمة مسكت خدها : اي هين عند عموو سعود وجدي مشاري مسوي فيها معصب : تهددين ابوك بسمة : ايوه الكل : هههههههه ابو حمد خش : مشاري وش هالشخصية الضعيفة عندك مشاري ضحك : هههه دكتور اجيك واخذ جلسات تقوية الشخصية شرايك الكل ضحك ابو حمد : هههههه حياك يالضعيف بسمة إستحت : يبه امزح بس لاتزعل مشاري إبتسم : لايبه قولي حق عمك ابو حمد إني قوي الشخصية بسمة بحيا : عمي ابوي مرة قوي الشخصية لدرجة إنه يخاف ينام بروحه الكل تسدح ضحك مشاري شد إذنها : يابنت بسمة تضحك وتتألم مشاري فكها : هين انا لك بسمة حبت إيده : فديت ابوي الغالي مشاري إبتسم ومسك إيدها شوق تناظرهم ومبتسمة لو ابوها يفقد أمها ماتدري وش رح تسوي بسمة صغيرة بسنها بس إحتوت أبوها وصلوا لإستعجالات وهي غرفة عند المدخل الرئيسي وشافوا سعود طالع ويشيل الطاقيه عن راسه وسهي تنزل الكمامة عن انفها وتنزل اللثمة سعود تنهد : اوووف الحمد لله سهي بإعجاب : ممتاز دكتور سعود رز حاله وسهي إبتسمت عليه وشافوا الكل قدامه سهي مشت لهم وسعود وقف يكلم أهل المريض ويطمنهم ابو وائل ( أحمد ) : شلون قدمتوا سهي ضحكت بحيا وحطت إيدينها بجيوب البالطو : ههه نعجبك العيال والبنات : بارفواا سهي ضحكت مع الشياب وسعود إيجي لهم : وش إحتفاله وانا موب بموجود ابو وليد ( فارس ) : كان إحتفال بس يوم وصلت إنقلب عزا سعود : مالت عليك بسمة بدلع : عموو سعود سعود لف لها : هالنبرة اعرفها زين تأمري يالاميرة بسمة ضحكت واشرت له : تعال اعلمك عن شي في إذنك سعود ضحك ومش لها مشاري ينصح : سعود نصيحة لاتقرب منها سعود وقف وبحزم : ليكون بتسوينها وتصرخين في إذني الكل تسدح بسمة تفشلت قدام الكل : لا والله فيه شي سعود مسكها من إيدها : زين خلينا نبعد وعلمني بس مو بإذني بسمة : اوكي تعال ومشوا شوي بعيد مشاري يناظرهم : هين يصرخ سعود الكل تحمس ويناظرهم سعود وقف : قولي شتبين بسمة رفعت حاجب : عرفت منهو حرمك سعود طير عيونه : بسمة بسمة إستعدت للنحشة : اعلم عليك جدي واقول يبي يخطب الدكتورة سهي سعود صرخ : بسمممممممممممممه بسمة ركضت حق ابوها والكل يضحك بسمة تخبت وراه : يبه خبني خبني عموو بيذبحني سعود وصل : إطلعي يالسوسة مشاري عصب ويخبها : سعود كل المستشفي عرفوا إسم بنتي سعود معصب :من زينه طلعها... هاذي شيطانة مو بنت الكل يضحك بسمة تهدد : تدفع لي اسكت او اروح الحين اعلمه مشاري ضحك :ههههههه بسمة عمك سعود خاف يعرفها تسويها : بسمة ترا أذبحك مشاري يضحك بسمة تخصرت : كم تدفع ياعمي سعود مسك راسه وبقهر : لا حول ولا قوة إلا بالله ..انا الظالم يوم تكلمت معك الكل فقع ضحك بسمة ماسكة ضحكتها وبحزم : عموو سعود كم تدفع سعود تكتف : تأمري كم تبين الكل : هههههههه بسمة فرحت : يس يس.... فيه سنيما خذني لها اشوف فلم اكشن وفلم رعب ودني حق مدينه الالعاب ودني اشوف مباراة كرة سله بين الهلال والاهلي ودني .... سعود قاطعها : بس بس مسكت خط الكل يضحك مشاري : ههههه حقق حقق سعود ضحك : هههه ابشري بعد بكرة عندي اجازة يوم كامل الف الرياض فيك بسمة فرحت : جد سعود قرب منها : ايوه جد حبي راس عموو سعود عشان ياخذك للسنيما بسمة طارت من الفرح وحبت راسه وسعود شد إذنها بقوة بسمة : اي يالخيان سعود ضحك : هههه طالعه لي يالخاينه الكل تسدح ضحك وسعود باس خدها وكانه يكلم بزر : ابشري ياعموو نلف كل الديرة مع بعض بسمة حبت إيده : تسلم ياعموو سعود : مشاري وش هالبلوة اللي خلفتها مشاري ضحك : هههه إسال نفسك مدلعها زيادة عن اللزوم الكل ضحك رهف لفت لسلمان وبدلع : سلمان اخوي العزيز كنت اقول دام فيه ... سلمان قاطعها وبسرعة : ابشري بنروح لاتبدين بالبربرة حقتك ترا مالي خلق لها الكل فطس ضحك شجون إنقهرت رهف بتروح : يبه ابو حمد ضحك : ههههه موافق روحي معهم الكل ضحك عبد الله : هههه عيال شرايكم نروح كلنا العيال : ايوه رغد عصبت: وانا والبنات ضاري : تطمني بتروحين وبروحون الشياب والحريم يضحكون عليهم ودعوا سعود وسهي وطلعوا وكل واحد يروح حق بيته سعود وسهي راحوا يكملون شغلهم التعديل الأخير تم بواسطة لامارا ; 25-11-20 الساعة 04:32 PM | ||||
|
| |
|
25-11-20, 04:36 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس عشر ياليل الشقاء أريد منك الحياة ياظلمة العناء أريد منك الحياة لاحت عيناك ضوءا تهادي مع الليل خلف الفضاء وجئت إليك كغصن عجوز تئن علي وجنتيه الدماء عشقتك صبحا ندي الرحيق ، رعيتك فجرا تقي الضياء ويوما صحت من النوم طفلا رأيتك مثل جميع النساء تردين سجنا وقيدا ثقيلا وقد عشت عمري سجين الشقاء أخاف القيود و ليل السجون وهل بالقيود يكون العطاء أريد الحياة ربيعا وفجرا وحلما اعانق فيه السماء فماذا تفيد قيود السنين نكبل فيها المنى والرجاء ترا هل تردين سجنا كبيرا وفي راحتيه يموت الوفاء أريد الحياة كطير طليق يحلق فوق الارجاء اريد الحياة كطفل بريء يلعب وسط الأشلاء ياليل الشقاء أريد منك الحياة √√√ بالليل مشاري راح ل موعده مع فواز وسولفوا مع صحفي واقّنعه يستضيفه بحصة بالتلفزيون ومشاري وافق له بشرط يروح لهم فواز ويشوف شلون يشتغلون خلف الكواليس والصحفي وافق وفواز بعد وقال له لو يبي يتعلم القناة ترحب فيه وفواز ماصدق خبر وقال له إيه والصحفي عزمه يتعلم هالايام معهم وحددوا موعد المقابلة بأخر يوم من الاسبوع واللي هو اخر يوم من الاجازة أبو سلمان ( محمد ) تعشي مع إم سلمان ( إبتسام ) وسهي وتطمن عليها وراح يشتغل دامه بالمستشفي يسوي ابحاثه ويعالج مرضاه وسهي قعدت تسولف مع إم سلمان لين غفت ونامت وطلعت حق المختبر وتركتها ترتاح سعود دخل غرفتها فكر فيه سهي بس ماحصل أحد وراح يتطمن عليها دامه دخل ويرجع يطلع إم سلمان حست بحركة بالغرفة وفتحت عيونها : سهي سعود سمعها ولاهي يشوف المغذي : انا يأختي سهي مو فيه تحتاجين شي إم سلمان عرفته وسحبت نفسها وقعدت وبصوت هادي : فيه مويه عطشانة سعود ناظر حوله وشاف مويه ومش يجيب لها : فيك الم إم سلمان إبتسمت : انا زينه مادري ليش قاعدة بالمستشفي سعود صبّ بالكأس : لا يأختي إنت تعبانة إم سلمان ( إبتسام ) بهدوء : فيه شي مو زين ؟! سعود لف لها ومنزل عيونه ومش لها : مو شي خطير بس حافظي علي صحتك إم سلمان مدت إيدها تأخذ الكأس : سويت عملية من عشرين سنة وهذا موب بوقت هين سعود بس هز راسه بإيه إم سلمان إبتسمت وشربت المويه سعود بهدوء وتردد : انا شفتك من قبل إم سلمان كملت شرب وعطته الكأس وناظرت عيونه : تحس إنك شايفني من قبل سعود مسك الكاس : ايوه إم سلمان ضمت إيدينها ونزلت عيونها : شفتني وعمرك شهور كنت تحبي يوم شفتني سعود عقد حواجبه : شلون !؟ إم سلمان علي حالها : قل وش عندك ولاتكذب سعود إبتسم " هذي مشاري ثاني " : تعرفين ابوي واخوي مشاري إم سلمان نبض قلبها ورفعت عيونها له : ليش السؤال سعود حط الكأس علي طاولة فيه وحط إيدينه بجيوب اللاب كوت : فضول ولقافة إم سلمان بهدوء : إيه اعرفهم سعود : من متي !؟ إم سلمان نزلت عيونها : عطني من الاخير وش تبي تعرف سعود توتر وبهدوء : مشاري ...وش علاقتك بمشاري …!؟ إم سلمان إنصدمت الحين هي ومشاري بينهم شي حتي يقول علاقة رفعت عيونها وطالعت فيه بغضب سعود نزل عيونه من نظراتها الحادة : بسمة إسمك بسمة وإنت مريضة قلب وبنت عبد العزيز كل هذا صدفة بس إم سلمان منصدمة : فيه 100 بسمة بالمملكة …؟ سعود إبتسم بحزن : بس فيه بسمة وحدة تعزف علي الكمان وتعرف الدكتور رائد حمد إم سلمان سكتت من وين يعرف إنها تعزف وش ممكن يكون قال له مشاري سعود ناظرها : إنت هي !!؟ إم سلمان ببحة : وش رح تستفيد لو قلت لك إيه انا هي سعود تنهد : ترجعين اخوي للواقع للحاضر إم سلمان حطت عينها بعيونه وشافت فيهم لمعة حزن غريب : وانا وش علي سعود ناظرها وحسها بتبكي من صوتها : من متي تعرفينه إم سلمان نزلت عيونها ونزلت دمعة غصب عنها ترحم مشاري ترحمه من جد : كنت صغيرة اعيش بمزرعة قريبة من بيت ابوك طحت علي الدرج وصرت أشوف اشباح واشياء غريبة بالبيت كرهت البيت وعمي ابو بدر اخذني حق دكتور نفسي يعالجني حبيت الدكتور واهله وصرت انام ببيتهم عشان يوم ادخل لبيتنا اصرخ وابكي ويغمي علي سعود يسمع لها علي طول قامت تتكلم إم سلمان بغصة : وانا ببيت عمي ابو مشاري إيجى رجال ثاني ومعه ولد صغير اكبر مني ( سكتت شوي واخذت نفس طويل ) : حبيت الولد تعلقت فيه صرت العب معه طول اليوم والوقت وانا العب واكل وانام معه ابوه رجع لبيتهم وهو قعد معي يلعب معي سعود إنصدم " تقصد مشاري !!!! " إم سلمان نزلت دمعة ثانية حارة من عيونها : كنت اقول له فيه اشباح بتاكلني يقول بيحمني اقول له فيه وجع بقلبي يقول يشيل قلبه ويعطيه لي كنت اقول خايفه يخبني و يقول إنت بسمة إبتسمي بس إبتسمي للألم إبتسمي للوجع ( غمضت عيونها بقوة ) : إبتسمي للموت عشانك بسمة القوية وكل يوم شوفي شروق الشمس عشان تحين الامل داخلك سعود منصدم : الولد هو مشاري !؟ إم سلمان مسحت دمعتها وخنقتها العبرة : قعد أسبوعين وبعدها بيرجع لبيتهم بكيت وقلت له ياخذني معه وافق واخذني لبيته هو وابوه ومعنا الدكتور وكان فيه ولد صغير يحبي يومها قعدنا ولعبنا معه ونمنا مع بعض كلنا وبثاني يوم فتحت عيوني وماحصلت الولد بكيت بحرقة بكيت بشدة وكرهت الولد ليش تركني وهو بيحمني قلت لدكتور قال رجع لبيتهم مع ابوه واخوه الصغير سعود سكت تقصد مشاري وش قصدها حبيت الولد وتعلقت فيه إم سلمان مسحت دموع من عيونها وبغصة : مرت الايام ورجعت شفت ذاك الولد صار رجال كبير شفته بالمصح يومها شفت عيون ذاك الولد الصغير بس يومها كان قلبي يكره تركني بروحي وعدني بس خلف بوعده لي سعود بغصة : ذاك الولد مشاري ! إم سلمان ناظرت له وهزت راسها بإيه : إيه هو بس تاخر يوم شفته سعود سكت ماعرف يعلق إم سلمان غمضت عيونها : شفت محمد وعدني يعالجني وحقق وعده وعدني يشيل كل الم عني وحقق وعده لي سعود إنصدم ... كلامها يعني انها انتظرت مشاري لين اخر نفس ..! كلامها يعني انها لو ماصدفت محمد يمكن تكون لسه تحب مشاري ومتعلقه فيه : إنت تح .. إم سلمان تقاطعه وعرفت وين أخذته افكاره ، عرفت أنه كشف كل اوراقها ، فعلا لو ماعرفت محمد بحياتها ومادخل حياتها كان يمكن لسه تكن مشاعر للولد بطفولتها لسه تكون متعلقة بمشاري ، لكن محمد الغي كل ذرة مشاعر بقلبها صوب احد محمد ملكها من ساسها لراسها محمد غير قدرها ونصيبها ، او كان هذا هو قدرها .. محمد قدرها وقلبها وكل خلاياها : بسمة عبدالله حرم الدكتور محمد سلمان سعود نزل عيونه وتنهد وفهم كل شي وفسره من خلال كلامه : إنت تجاوزتي الماضي بس هو ظل سجين فيه إم سلمان نزلت عيونها : لو بإيدي شي كان سويته سعود ناظرها ..صادقه !! إم سلمان :أخوك وعدني ورح يحقق وعده لي مهوس بحال محمد أبتسم انا وينذبح هو سعود مافهم : شلون !!! شعليه الدكتور ..؟ إم سلمان تنفست : حتي محمد يعيش في الماضي لو أبتعد يموت أخوك كل اللي يبيه اكون سعيدة هذا هو هوسه بسوي المستحيل عشان اكون سعيدة بس محمد غير ...محمد يبي أكون جنبه ولو فقد الكل المهم لعبته جنبه وملكه سعود سكت مشاري ومحمد إثنينهم يعشقونها وهي تحب محمد وترحم مشاري إم سلمان تنهدت " الماضي ماضي والحاضر محمد والمستقبل محمد " : مشاري أخوك الحقيقي ؟ سعود إنصدم من سؤالها ولارد إم سلمان ناظرت له : إنت وهو اولاد عبد الرحمان جد او شنو سعود بهدوء : لا تكفل فينا أم سلمان : شلون الكنية عبد الرحمان سعود بغصة : ابوي الله يرحمه إسمه عبد الرحمان بعد إم سلمان فهمت : الله يرحمه ويجعل مثواه الجنه سعود : امين ...شلون تعرفين إنه مو أبونا إم سلمان بصوت هادي : اللي أعرفه عمي عبد الرحمان ماتزوج سعود هز راسه بإيه وبهدوء : اتمني يقعد سر ولو سأل عمي ابو بدر قولي عياله إم سلمان إبتسمت : تطمن سعود إبتسم لها ولف طالع إم سلمان بهدوء : سهي وينها فيه سعود وقف : يمكن بالمختبر تحتاجينها إم سلمان : لا قلت يمكن رجعت للبيت سعود : لا بالمستشفي ابعثها ! إم سلمان تسدحت : لا سألت أتطمن عنها سعود بهدوء : زين .....وفتح الباب وطلع وتأكد إنه مافيه علاج لأخوه قدره يعشق حرمة محرمة عليه وصار يفكر شمعني مهوس وش معني يسوي كل شي عشان تبتسم هي... كلام ابو حمد قالته إم سلمان إم سلمان تنهدت : مشاري وعدني ورح يحقق وعده أدري انانية بس هو اللي تركني .... وغمضت عيونها وحاولت تنام سعود طلع وحصل ابو سلمان ابو سلمان ( محمد ) بهدوء : كنت عند إم سلمان سعود بهدوء : ايوه تطمنت عليها نايمة أبو سلمان إبتسم : مشكور ماتقصر رح ترتاح سعود بمزح: أول مرة يتشكرني الدكتور محمد ويطلب ارتاح أبو سلمان مبتسم : سعود سعود بجد : مريضتي وهذا واجبي يادكتور ابو سلمان هز راسه بإيه : ماتقصر تصبح علي خير سعود مش حق المختبر يبي يسأل عن سهي بس ماعرف شلون : وإنت من أهل الخير أبو سلمان مش عند غرفتها وفتح الباب ودخل وحصلها نايمة وراح لها وغطاها زين وبصوت هامس : خلك دوووم بخير علشان اكون انا بخير ومشي للكنب تسدح وغمض عيونه ونام علي طول من تعبه إم سلمان فتحت عيونها وتطالعه وفنفسها " أوقات أحسك وليدي الرضيع مو زوجي ...خوفك ان ابتعد عنك كبير " غمضت عيونها ودعت الله يقوي أبو سلمان وعيالها يوم تفارق الدنيا وتشهدت ونامت سعود راح حق المختبر وحصل سهي تناظر بالمجهر سعود إبتسم ومش بشويش وصفق : بوووووووووووه سهي نقزت وفزت وإرتعبت : يممممه سعود فطس : ههههههههههههههه سهي عصبت : يالدوب سعود يضحك : ههههههههه يالخوافة سهي وصلت معها : رح عني يالقليل الاحساس سعود ميت ضحك عليها : هههههه وقليل المشاعر بعد سهي بغضب وضربت رجل بالارض : هس بس ضحك سعود بلع ضحكته : زين ياقلبي سهي سفهته ورجعت قعدت علي الكرسي وتناظر بالمجهر وتكتب علي دفتر سعود إبتسم " هين انا لك " جاب كرسي وقعد جنبها ويحاول يقز سهي عصبت ولاهية : دكتور أشتغل بعد عني سعود بخبث : حبيبي وش قاعده تشتغلين سهي توردت خدودها وتكابر : دكتور سعود يزيد عليها : زين حياتي إنت تعبانة انا اكمل عنك سهي عصبت اكثر " شفيه إنهبل " لفت له وتكتفت وتناظره بغضب سعود ماسك ضحكته " تهبل صار لي وقت مو شايف ملامحها " واشر بعيونه وش فيه سهي إستحت بس مابينت وأشرت بعيونها قم سعود عاجبه الوضع وتكتف ويأشر بعيونه وش فيه ..! شصاير ..؟ سهي ماسكة ضحكتها غصب ومسوية فيها معصبة : قم خلني إشتغل سعود بخبث ويستعبط : ليش خدودك حمر سهي طيرت عيونها وحطت إيدها علي خدها وبعفوية : ياريبة اللثمة ....ونزلتها بسرعه وسعود مات ضحك عليها سهي قامت واصله حدها منه : أنت ماتستحي سعود ماسك ضحكته غصب : خلاص خلاص توبه ...كملي شغلك سهي خجلانه منه ومعصبة ولفت طالعه سعود طير عيونه : وين وين سهي بغضب : اروح أنام ...قلت أساعدك بس إنت مب كفوو سعود مسك ضحكته وايجي بطريقها : تووووبة أخت سهي ...ساعدني بليززز الشغل وااجد سهي إبتسمت ومسوية فيها معصبه : أساعدك بس بشرط سعود كشر وفهم عليها : توبة صدقني توبة مارح أقول اي كلمة ..إنت بتسافرين وانا رح أشتاق لك وأبي نشتغل ونقعد هالليله مع بعض سهي صرخت فيه ..حتي هي ماتبي تسافر بس مارح تسمح له يتجاوز حده : سعووود سعود ضحك : هههه ياريبه ياريبه موب قصدي صدقني سهي طنشته ورجعت قعدت تكمل شغلها وسعود ضحك ومشي يشوف شغله بالمختبر ..وصاروا يشتغلون ويسولفون في الشغل ...وبعد ساعتين سعود من تعبه حط راسه علي طاولة كانت فيه وغفي سهي يوم تعبت بدورها قامت بتطلع أنتبهت لسعود وقفت تطالعه و بغصة : وعد رح إرجع بإذن الله يابو عبد الرحمان سعود سمعها وإبتسم ونزلت دمعة من عيونه سهي لفت عنه ونزلت دموعها وطلعت بشويش وتركته ينام . سعود فتح عيونه : وانا بعد أوعدك رح أنتظرك وتكفين حققي وعدك لي ....رجع غمض عيونه ونام يوم جديد وشمس جديدة فتحت إم سلمان ( إبتسام) عيونها وشافت سهي تحط الفطور علي الطاولة افطرت معها ومع ابو سلمان ( محمد ) وراحت تشتغل وتساعد سعود والمساء ترجع للبيت تجهز نفسها لسفر ابو مشاري قام وطلع حق إم سلمان يسولف معها ومعه ابو بدر وابو أسامة اللي زارهم بكير ابو سلمان يشتغل وكل نصف ساعة يتطمن علي إم سلمان مر الوقت وصل الظهر صلوه وإيجاهم مشاري وبسمة وشوق ورهف وسلمان وعبد العزيز تغدوا مع إمهم وابوهم وسهي بالمستشفي ومشاري وبسمة مع ابو مشاري ومعهم سعود وابو بدر كانوا يتغدون وسهي طلعت عنهم يوم وصلها إنذار إسعاف وسعود بعد ترك الغداء وركض لإسعاف شوق بتردد : ابوي ابو سلمان : هلا شوق توترت : اقدر اكلم أبوي مشاري إم سلمان إنصدمت " ابوي مشاري ؟؟؟!!!!!! " وناظرت بنتها تستوعب ابو سلمان بهدوء ويتمني مشاري مايسمع بطاري إم سلمان وهي بعد ماتسمع بسيرته : شتبين منه شوق بربكه وطردت الافكار من راسها اللي اجتها أمس وفكرت ان مشاري كان ملهوف يسمع اخبار أمها ،قالت يمكن تهوجس بس ومشاري كان سؤاله طبيعي : عندي شي ابي اعطيه له إم سلمان نزلت عيونها يوم حست بنظرات زوجها " شاخذك له ..شتبين منه...ومن وين صار ابوك " أبو سلمان لف لبنته : شي وش هو شوق توترت أكثر ابوها كانه مايبي : رسمة رسمتها له إم سلمان منصدمة وغمضت عيونها " من متي ترسمين الناس " ابو سلمان سكت رهف خشت : شوق شعندك مع عمي مشاري شوق تناظر أبوها وحست بحزن بقلبها : ابي اتشكره بس ...ابوي لو ماتبي اعطيها لك عطيها له ابو سلمان يكابر مشاعره يغار من مشاري يوم يسمع بسيرة إم سلمان ويغار بعد يوم يسولف مع شوق وبهدوء : ماعليه يبه هو بغرفة جدك ابو مشاري لو تبين روحي له شوق فرحت : مشكور يبه ابو سلمان إبتسم لفرحها إم سلمان ساكته وتأكل تبي مشاري يسولف مع كل عيالها إلا شوق شوق بوناسة وقامت : اروح له الكل لاحظ فرحها واولهم إم سلمان ابو سلمان إبتسم : إقعدي كملي غداء ونروح مع بعض شوق قعدت : زين إم سلمان حبت تغير السالفة وبعدين تفهمها شلون شوق تقول ابوي مشاري : ماوصل شي لي للبيت الكل ناظرها رهف : لا إم سلمان هزت راسها بإيه وسكتت ابو سلمان مستغرب : وش تنتظرين يوصلك للبيت إم سلمان بصوت هادي : دعوة من صديقة رهف فرحت : وش دعوته إم سلمان إبتسمت : معرض فني تروحين معي رهف كشرت فكرت زواج ملكة اللي هو : لا شوق فزت : انا اروح إم سلمان ضحكت : هههه انت اكيد باخذك معي ابو سلمان : منهو عطاك الحق تروحين إم سلمان لفت له : ترا عمي عبد الرحمان قريب من هنا ابو سلمان بخوف : روحي روحي الكل فطس ضحك إم سلمان : هههه امزح كنت باخذ شورك ابو سلمان إبتسم : وش دعوة وبعدين أخذك إنت وشوق اغير جو معكم رهف بدون نفس : وانا بعد اروح اغير جو ابو سلمان ضحك : ههههه ابشري ضحكوا كلهم عليها سلمان تذكر شي وبتردد : أقول يالاهل الكل : سمي سلمان ضحك : ههههه سم الله عدوينكم كلكم ....ههههه شرايكم نروح حق أبها شوق تناظره بنص عين رهف ناوية عليه : والله ليش سلمان عصب : بغيت أغير جو كرهت من الرياض إم سلمان فرحت : نزور أخوي ابو ماجد ابو سلمان : ممنوع إم سلمان كشرت : وش ممنوعه ...انو ازور اخوي ابو سلمان : إنت مريضة مافيه سفر طويل إم سلمان عصبت : ابو سلمان تكفي ابو سلمان طنشها : سلمان لو تبي خذ البنات وعبد العزيز غيروا جو وإقعدوا يومين وإرجعوا سلمان فرح : إن شاء الله أبشر رهف فرحانة وتناظر أمها اللي بتبكي عبد العزيز ضحك: هههههه يمه شكلك حلو الكل لف لها وشافها مدت البوز عشر أشبار وتطالع ابو سلمان ودها تدفنه أبو سلمان ماسك ضحكته : شوق قومي تروحين إم سلمان عصبت : بروح حق ابها ابو سلمان قام وشوق بعد : نامي وإرتاحي وإحلمي إنك رايحة وراجعه العيال تسدحوا إم سلمان بغضب : ابو سلمان أبو سلمان بحزم : انا مو راضي وإنت روحي بغير شوري وراضي إم سلمان تنهدت وحطت خدها علي إيدها وتفكر بعمق <<< اهم شي بعمق أبو سلمان ضحك : هههه إن كيدكن لعظيم العيال فطسوا : هههههههههه إم سلمان رفعت عيونها له وأشرت بإيدها هين والكل يضحك أبو سلمان ضحك : ههههه ام عيالي بتقعدين بالرياض غصب عنك إم سلمان لفت لسلمان : مافيه روحة لأبها سلمان طير عيونه مع رهف وشوق وعبد العزيز : ليش إم سلمان تقلد ابو سلمان : مو راضية الرباعي : يممممه إم سلمان رجعت تأكل : خلص الكلام الرباعي لفوا : يببببه ابو سلمان مبتسم : قلت لكم روحوا انا الرجال بالبيت إم سلمان تقلده : وانا قلت مافيه انا الحرمة بالبيت الكل ضحك غصب سلمان : ههههههه تكفون نحن لعيال بالبيت الكل ضحك إم سلمان رحمتهم : زين الكلام بوقته أحسن أبو سلمان بهدوء : إم سلمان إفهمني إنت مريضة والطريق بتعبك العيال خافوا إم سلمان حست بالكل وإبتسمت : امزح حبيت أغير جو بس أبو سلمان حس بالراحة : زين وصدقني بغير مرة ونروح لهم ام سلمان هزت راسها بإيه والعيال سكتوا ويدعون لأمهم وشوق طلعت مع ابوها وسلمان حق ابو مشاري وحصلوا الكل توهم كملوا غداء شوق سلمت علي بسمة وحبت راس جدها ابو أسامة مشاري يناظرها ومبتسم وسلمان سلم عليه وعلي الكل وقعدوا معهم شوق قعدت جنب بسمة وبسمة كانت قاعده جنب أبوها أبو مشاري : منهو بنته أبو سلمان بهدوء : بنتي الكبيرة وإسمها شوق ابو مشاري : الله يحفظك ويحرصك شوق إستحت : امين بسمة همست : زين إنك فيه شوق تهمس : ليش ماإجتي عندنا بسمة : توني كنت بقوم وبجيكم رهف فيه شوق : إيه ابو سلمان يناظرهم وإبتسم : مشاري مشاري : امر ابو سلمان : مايمر عليك ظالم... بس بنتي تحتاجك شوي الكل ناظر شوق وهي توترت مشاري ناظرها : سمي يبه شوق مستحية من الكل وبصوت هادي : رسمت لك رسمة مشاري إبتسم : عسي حلوة الكل إبتسم شوق إبتسمت وطلعتها من شنطتها ومدتها له : تفضل مشاري اخذها كانت ورقة كبيرة شوي وعليها رسمة وهو قاعد عند طاولة وماسك قلم ويكتب بكتاب ولابس ثوب أبيض وبشت ذهبي مطرز بين ألاسود والابيض وحاط شماغ بين الابيض والاسود وعقال ومكتوب عليها " مشكور يبه " مشاري بإعجاب : ماشاء الله فنانة بالرسم شوق فرحت : تسلم بسمة تحمست : خلني اشوفها يبه مشاري إبتسم وطلع قلم وكتب " حياك يبه " والكل يناظره وعطي الرسمة حق بسمة تناظرها مشاري لف بجسمه حق شوق : ماشاء الله تعرفين ترسمين زين شوق فرحت اكثر : تسلم عجبتك مشاري : إيه تهبل ...اقول شوق ناظرته والكل يناظرهم : سم مشاري بعطف الابو : سم الله عدوينك يبه ....تعرفين انو أنا كاتب شوق هزت راسها بإيه مشاري بحنية : وتعرفين انو افتح معرض عشان انزل راوية لي شوق رجعت هزت راسها بإيه مشاري إبتسم : شرايك ترسمين لوحات ويوم افتح معرض عشان الجزء الثاني من راويتي شجون تحطين رسوماتك بالمعرض يشوفها الناس شوق طيرت عيونها وبعفوية : جد مشاري هز راسه بإيه ابو سلمان خش ويكابر مشاعره : لا تخرب البنت الكل تبسم مشاري لف له وبهدوء : البنت موهوبة خليها تخلي العالم يشوف موهبتها شوق مإستوعبت معقولة تفتح معرض مثل الفنانين والرسامين أبو سلمان بصوت هادي : هي تحب ترسم بس مشاري بإصرار : ادري وانا اقول خلنا نمد لها الايد تطور موهبتها وتصير رسامة مشهورة شوق فرحت إلا بتطير من الفرح ابو سلمان سكت مشاري بحقق احلام بنته هو ابو بدر يسمع له مع الكل بسمة خشت : شوق ابوي صادق رسمك يهبل شوق بفرح : بس مو حقت المعارض انا احب ارسم بس مشاري إبتسم بحنية لها : ادري يبه كلنا نسوي الشغلات اللي نحن نحبها ..بس الحياة فرص خلنا نستغلها ونحقق احلامنا شوق تسمع له كلام امها مشاري إسترسل : انا يوم بديت كتابة مافكرت انشر كتاباتي بس الدكتور رائد عطاني إيده وقال حقق طموحاتك الكل يسمع له وابو سلمان ساكت شوق نزلت عيونها وبصوت هادي : بس إنت رواياتك حلوة وخيالية وانا رسوماتي هواية بس مشاري مبتسم : ومنهو قال إن الكتابة مو هواية عندي شوق رفعت عيونها له وبصوت هادي : بس رسوماتي موب قد المقام عشان احطها ف معارض مشاري بعطف : الناس تحدد وتقرر شوق سكتت " معقول اعرض رسوماتي بس موب حلوة لذيك الدرجة " مشاري بحنية : بعد شهور بإذن الله بفتح معرض عشان أنشر الجزء الثاني وإتمني يكون معرض مشترك إنت برسوماتك ولوحاتك وانا بروايتي شوق ناظرت ابوها بمعني شرايك مشاري عطها حلم جديد مشاري إبتسم : لا تطالعينه الشور شورك ابو سلمان إبتسم غصب مع الكل شوق إستحت وضاعت : والله مادري وش اقول أبو سلمان ( محمد ) : تبين هالشي يبه شوق بصدق : الرسم شغفي بس افتح معرض ويشوف الكل رسوماتي ولا مرة فكرت فيها أبو سلمان بحنية : زين فكري وقولي حق عمك مشاري شوق فرحت يعني الشور شورها : سلمان شرايك سلمان إبتسم ابوه راضي : الشور شورك الكل ضحك مشاري : تعرفين او سمعتي عن الرسامة رهف مساعد شوق فرحت : ايوه اعرفها زين مشاري إبتسم : بتفتح معرض بيوم الاثنين وبعثت لي دعوة وقالت أخذ اللي ابيه معي شرايك تروحين وتشوفين شلون يسون معارض الرسم وتقررين يومها شوق إبتسمت : ايوه بروح له عزمت أمي مشاري نبض قلبه وابو سلمان ناظر بنته مشاري بهدوء مفاجئ: زين أبو سلمان بهدوء : منهو رهف مساعد شوق : بنت أستاذة امي بالعزف والرسم ابو سلمان هز راسه بإيه أبو بدر بغي يغير السالفة : تاخذني ياوليدي ...انا بعد احب الرسم الكل لف له مشاري يبي ينسي : ابشر معنا ابو بدر : زين شوق تحس إنها بسحابة وهي تتخيل نفسها فاتحة معرض ورسوماتها حلوة والكل منعجب فيها بسمة بلقافة: شوق شقلتي تفتحين معرض شوق بصوت هادي : افكر واخذ شور امي واشوف وش تقول مشاري نزل عيونه " هالشي بفرحك ودامه فرح لك فهو فرح لها " سلمان بثقة : رح تفرح وتوافق لك وبتساعدك هي تبيك تكونين رسامة وعازفة ابو سلمان ناظر ولده وحس بوخز بقلبه يدري عن عشق إم سلمان للعزف والرسم ومنع عليها تسوي الشي اللي تحبه ومرت السنين وصل مشاري يحقق احلامها يوم يحقق احلام بنتها شوق فرحت " صح " ولفت لمشاري وبحيا : يبه اقدر اطلب طلب ابو سلمان ناظرها تطلب من مشاري طول الوقت مشاري نبض قلبه وغمض عيونه وفتحتهم : سمي يبه ابو بدر يناظرها " تنده يبه !!؟؟" شوق بصوت هادي : طلبت من ابوي يفتح لي قسم للعزف والرسم وهو موب راضي شرايك تقنعه يوافق مشاري إبتسم ولف لأبو سلمان ( محمد) ابو سلمان مايدري وش يحس فيه غيره او شنو شوق تطلب من إثنين امها ومشاري ، بين كل البشر إختارت مشاري تقول له يقنعه يفتح لها قسم مشاري وكانه حس فيه : دكتور محمد ابو سلمان يحاول يخلي عقله معهم : سم اخوي مشاري إبتسم بالم " جد اخوك ...تكفي حرمتني منها لاتحرمني من بنتها " : بنت ...( ماقدر يقولها ) : شوق تقول اقنعك تفتح لها قسم شوق تناظر أبوها وحست بخوف من ردت فعله شخلاها تطلب من مشاري ماتدري ابو سلمان يكابر مشاعره وشكوكه اللي إنولدت بعقله : قل لها نسبة 100 افتح لها إثنين شوق فرحت : جد مشاري فرح : ايوه جد بس يقول بشرط نسبة كاملة شوق طارت من الفرح اليوم يوم حظها : ابشر يبه نسبة كاملة ابو سلمان ناظرها وهي قامت له وحبت راسه وبفرح وعيونها غرقت دموع : وعد 100 كاملة بإذن الله ابو سلمان فرح غصب ماتوقع ردت فعلها اثاريها تعشق العزف والرسم : حياكي يبه شدي حيلك شوق تهز راسها بإيه وتكابر دموعها مشاري والكل فرح لفرحها ابو بدر حس بالفرح : بنتي لو ماجبتي نسبه كاملة ومافتح لك ابوك القسم انا بفتحه لك شوق لفت له ودمعة نزلت ابو سلمان مبتسم وغمز له : لا شرطي واضح ابو بدر فهم عليه : زين هي بنتك شوق بعزيمة ورجعت قعدت جنب بسمة وببحة: لا بجيبها يبه وعد لك ابو سلمان بمزح : لو تجبين نسبة كاملة تدرسين طب شوق طيرت عيونها : جد ابو سلمان : ايوه وبوقت فراغك تعلمين بالقسم شوق إنقهرت سلمان ضحك : ههههه نصيحة لاتدرسين طب وتصير حالتك مثل عمتي سهي وعمي سعود الكل ضحك ابو سلمان مسوي فيها معصب : شقصدك سلمان خاف وبسرعه حب راسه : سلامتك سلامتك يبه ماقصد شي الكل ضحك عليه شوق ضحكت ومنقهرة : إن شاء الله يبه ابو سلمان إبتسم " امزح يابنتي الغالية لو مشاري بمد إيده لك انا أمد لك قلبي وبوافق علي كلش تبينه " مشاري ناظره وشافه يناظر شوق ونزل عيونه " هي بنتي انا وانا من رح يحقق لها طموحاتها " ورن موبايله وكان من المجلة مشاري قام : عن إذنكم تلفون ضروري ابو أسامة : تفضل ياوليدي مشاري مش طالع عنهم شوق قامت : بسمة قومي تروحين معي بسمة قامت : يله أبو سلمان قام بعد : حتي انا عندي شغل وطلعوا لاحقين مشاري مشاري مش شوي يكلم تلفون والثلاثي طلعوا وراه وسمعوا كلهم صوت حرمي عذب ----------- : الكاتب والشاعر مشاري عبد الرحمان الثلاثي لف له وأولهم أبو سلمان مشاري عقد حواجبه ولف وللحين يكلم تلفون وشاف حرمة طويلة بمنتصف العشرينات لابسة عباية اسود عليها حرير أحمر من الجوانب والكفوف وحاطة حجاب علي راسها وشوي من شعرها طالع وموب حاطة لثمة بسمة تطالعها شوق عرفتها وإبتسمت مشاري إبتسم وسكر الموبايل : الرسامة والعازفة رهف مساعد رهف إبتسمت ومشت عنده : صدفة حلوة أستاذ مشاري إبتسم رجع عندها : الحياة صدف وفرص الثلاثي يطالعوهم وابو سلمان نسي شغله رهف : شخبارك أستاذ وش سبب زيارتك لرياض مشاري بمزح : اخباري زينة وسبب الزيارة معرضك رهف ضحكت بحيا : هههه حياك فيها شوق بغت تكلمها بس تراجعت مشاري : وإنت شخبارك شخبار أمك وأبوك شخبار معرضك رهف بفرح :بألف خير والحمد لله والمعرض زين أجهز له وترا إجيت أعزم إنسانة عزيزة علي قلبي الثلاثي ناظروها مشاري عرفها : بالمستشفي ! رهف إنتبهت : ايوه إتصلت عليها إمس وقالت إنها بالمستشفي ...وإنت شعندك بالمستشفي عسي خير مشاري بهدوء : ابوي مريض ومسوي عملية رهف : اه الحمد لله علي سلامته والله يشفيه ...أجل اقول لامي مشاري :الله يسلمك ... أمين رهف إنتبهت اللي واقفين معهم : هذولا ناسك مشاري إبتسم : أعرفك علي بنتي بسمة مشت شوي لها : هلا خالة رهف ضحكت : هههه الحين انا كبيرة عشان تقولين خالة بسمة إستحت : لا موب قصدي رهف : هه امزح إنت هي بسمة بسمة هزت راسها بإيه رهف ناظرت مشاري : ابوك يقول عنده بنت مايملكها مخلوق بسمة لفت لأبوها مشاري إبتسم : ايوه احن بنيه رهف إبتسمت : الله يحفظها لك مشاري وأشر علي شوق : أمين ...وهذي بحسبة بنتي وإسمها شوق وهي رسامة بعد رهف ناظرتها وعقدت حواجبها : مو بنت خالة إبتسام مشاري ناظرها وابو سلمان شوق بفرح : ايوه رهف فرحت وسلمت عليها : انا بالمستشفي أعزم أمك شوق تسلم عليها : حياك قالت أمي لنا رهف بفرح : شلونها شخبارها شوق : زينه الحمد لله وتفضلي معي لها تشوفينها رهف : أيوه سألت عن غرفتها وهذا طريقي لها شوق : حياك تفضلي رهف لفت لمشاري : زين ...أقول أستاذ مشاري مشاري بهدوء : هلا رهف بتمني : ياليت تجي حق المعرض وتعطني رايك باللوحات مشاري بجمود : إن شاء الله رهف إبتسمت : أنتظرك وأنتظر خالة إبتسام إثنينكم ضيوف الشرف لي ويهمني رايك ورايها عشان إنت وهي نفس الشغف والميول والرأي والكلام مشاري نبض قلبه وأبو سلمان ناظرها بغضب ولف تحرك عنهم ولو قعد كان خنقها مشاري ناظر ابو سلمان : زين يبه رهف فرحت : زين يوم الاثنين بإذن الله مشاري هز راسه بإيه ورهف إستأذنت منه ومشت حق غرفة إم سلمان مع شوق وبسمة مشاري مش حق غرفة أبوه وتنهد " كلامي كلامها وكلامها كلامي " فتح الباب ودخل جوا جامد وحصل ابوه واعمامه يسولفون عن شي ابو مشاري : تقول فيه ناس خطبوا بنتك مشاري إنصدم وناظر ابو بدر ابو بدر : ايوه امس زاروني ناس يخطبون بنتي سهي مشاري كشر ابو أسامة : منهو هذولي ابو بدر : يقول ابو فيصل ولده دكتور ويشتغل هنا مشاري " هين اقول لسعود " ابو مشاري زعل : وافقت !؟ ابو بدر : شورها هي وانا كنت بسأل ابو سلمان عنه بس كان فيه البنات معنا ابو مشاري عصب " وليدي غبي " : ليكون سعود يعرفه مشاري ناظر ابوه وإبتسم غصب فهم عليه ابو بدر : اتوقع دامه دكتور معهم ابو أسامة : بس بنتك بتسافر علي كندا ابو بدر : ايوه قلت لهم وهم قالوا ماعليه نسالها ولو وافقت يكون الزواج بالصيف برجوعها ابو مشاري معصب وسلمان ساكت بس ويسمع لهم مشاري ماسك ضحكته وهو يتخيل سعود يسمع بالخبر ابو أسامة : خذ شور بنتك ابو بدر شبه متأكد : بنتي بترده ابو مشاري فرح : ليش !؟ ابو بدر : خطبوها ناس قبل بس هي تبي تدرس وتحقق طموحها ابو مشاري فرح واول مرة : ايوه لاتوقف بطريقها مشاري إبتسم ابو بدر إبتسم : شعندك ياخوي ابو مشاري إبتسم : هي مثل سعود وليدي اخر همهم العيلة وكل همهم الدراسة والطب خلنا نتركهم علي راحتهم ابو أسامة ضحك : هههه مو كنت تقول له يتزوج ابو مشاري : أصدع راسه عسي يرضي ويتزوج الكل ضحك ابو بدر : ههههه إن شاء الله ...وانا رح اقول لها واتركها تقرر براحتها الكل : بإذن الله مشاري طلع موبايله ومبتسم ودز مسج لسعود " خبر حصري بمليون ريال تعال تسمعه ههههه " مشاري فنفسه " هين يدخل ركض لو فاضي ههههه " رهف دخلت علي إم سلمان وسلمت عليها وعزمتها وعزمت الكل بعد وتطمنت عليها وطلعت محتاسة مرة يمدها تكمل تجهيز رهف تسولف مع امها وشوق وبسمة : هالرسامة تهبل إم سلمان إبتسمت : سميتك لها تمنيت تطلعين مثلها رهف بغرور : انا احلي منها شوق وبسمة : واضح ههههههه إم سلمان ضحكت رهف رزت حالها : واثقة من جمالي ومو مهم عندي راي احد الكل ضحك عليها إم سلمان : خالتك إم خالد هههههه ( ريتاج ) رهف ضحكت بسمة بلقافة : خالتي متزوجة !؟ إم سلمان : مخطوبة بسمة : ماشاء الله تهبل الله يسعدها رهف بمزح : اشوفك منقهرة بسمة بمزح : ايوه قلت أخطبها الثنتين فزوا وإم سلمان ناظرتها رهف بلقافة : والله حق مين بسمة إبتسمت : حق عمي الغبي الكل ضحك شوق : هههه يستاهل بسمة : يبوس إيده لو ذاك الزين زوجة له رهف تستهبل : عمك عاشق الطب ..إخطبها لأبوك ازين إم سلمان إبتسمت : قلت البنت مخطوبة الثلاثي إنتبهوا وضحكوا شوق بتردد : إلا بسمة ليش ابوك مارجع تزوج إم سلمان تناظر بسمة تنتظر الجواب بسمة إبتسمت بألم : يقول مافيه حرمة تاخذ مكان أمك البنتين حزنوا وإم سلمان نزلت عيونها رهف حبت تغير جو : اثاري ابوك كان يحبها بسمة رفعت عيونها لأم سلمان : ابوي يقول الحب اكبر من نحسه فيه ويقول الاحترام هو اساس علاقاتنا إم سلمان رفعت عيونها لبسمة وشافتها تناظرها وإبتسمت بحنية لها وبصوت هادي : يقولون الاحترام يسبق الحب بسمة إبتسمت لها وتكابر دموعها شوق قربت من بسمة وبحب :صادقة أمي الاحترام أساس العلاقات ..وأكيد أبوك وأمك جمعهم الاحترام أم سلمان ناظرت بنتها وإبتسمت بسمة تكابر حزنها وشعورها انو يتميه ..جد أبوها تزوج غصب عنه وابوه من خطب له وزوجه ...لكن حرمته عاملها بالحسني ولو لسه عايشة كانت سلطانة بيته ..وهو مارجع تزوج مو حبا في إم سلمان لا إحترام لذكري الحرمة اللي أحتوته بطيبتها وأحاسيسها ومشاعرها النبيله وبسمة أخذت منها صفاتها وخصالها : ايوه ابوي يقدر امي واجد الله يرحمها شوق وأم سلمان ورهف : الله يرحمها رهف حبت تغير السالفة : شوق من وين عمي مشاري ابوك كل شوي ابوي ابوي إم سلمان ناظرت بنتها بسرعة ملهوفة تسمع الجواب شوق سفهتها : يممه إم سلمان بلهفة : سم شوق : أبوي مشاري يوم شاف الرسمة عجبته ويقول ارسم لوحات واحطها فمعرض يشوفها الناس وابوي موافق ويقول فكري وعطيه الجواب رهف فزت وبفرح : جد شوق بفرح : ايوه جد هايمة شرايك إم سلمان ماعرفت ترد : تبين هالشي شوق قامت لها وتقعد علي السرير وحطت إيدها علي رجل امها : شرايك إنت إنصحيني يالغالية إم سلمان إبتسمت لها واضح الفرح عليها " شتبي بالضبط يامشاري " : إنت تحبين الرسم مو شوق تهز راسها : مررررة بس اعرض رسوماتي هالشي ماقدر عليه رهف كشرت : ليش يالغبية رسمك حلو شوق فرحت ولفت لها : جد او تمزحين رهف تقنعها : والله فنانة يابكاسو شوق ضحكت : ههههه تسلمين إم سلمان تبعد كل فكرة عن راسها " كل شي بوقته زين " : إسمعني يوم تحبين شي وتسوينه يومها تقدمين الافضل شوق بفرح : يعني ارسم لوحات إم سلمان حطت إيدها علي إيد شوق وبحب وحنية وعطف : بس بشرط ترسمين بكل حب بكل إلهام بكل شغف غمضي عيونك وخلي الفرشاة يحركها قلبك شوق علي طول رمت نفسها فحضن امها : ابشري يالحبيبة إم سلمان ضحكت وتمسح علي راسها رهف بفرح : وانا مالي حضن إم سلمان ناظرتها هي وبسمة : تعالوا يله رهف قامت بسرعة وبسمة عيونها غرقت دموع إم سلمان تطالعها : تعالي ياقلبي يله يابسمة بسمة قامت لها وضمتها وتكابر دموعها إم سلمان تضمهم ثلاثتهم وبحب : تدرون صار عندي ثلاث بنات بسمة بفرح : تسلمين ياخالة إم سلمان ضمتها بإيدها : اي خالة هذي قولي يمه بسمة نزلت دموعها وضمتها بقوة ومن كل قلب : يممممه إم سلمان حستها نطقتها من صميم القلب وشوق ورهف الثنتين بعدوا وبسمة تمت حضنتها رهف تغير جو : يمه تخلتي عنا إم سلمان تكابر دموعها : ايوه هالبنت قطعة من روحي اكثر وحدة تشبهني الثنتين عصبوا بسمة تمسح دموعها وببحة: اتشرف شوق ورهف يبعدونها : وخري سرقتي امنا الكل ضحك بسمة قعدت جنب إم سلمان وحطت راسها علي صدرها : مابي وخروا علي الثنتين بزعل : يممه إم سلمان حطت راسها علي راس بسمة وتضمها : خير ياطير ليكون خلفتكم ونسيت بسمة فقعت ضحك رهف بصراخ : يممممه شوق تضحك وطلعت الموبايل واخذت لهم صورة بسمة : وش تسوين شوق بحب : اول لوحة ارسمها عنوانها ***حنان بسمة*** الثلاثي تأثر إم سلمان بمزح : إرسمي ملامحنا ويرفسنا ابوك علي القطبي وحتي بسمة يرفسها معنا الكل : هههههههههه رهف ميتة ضحك : هههههه شوق تسوين خير شوق تضحك : هههه ابشري إم سلمان تضحك وبسمة بعد وكملوا سوالف وشوق مافيه أسعد منها ****** | ||||
|
| |
|
25-11-20, 04:41 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السابع عشر أسافر عنكِ وقلبي معكِ فقد علمتني العشق قبل الاوان واليوم غدت كهلا غدر فيه الزمان ولم أري من حبك سوي معني الهوان أسافر عنك فأغدو طليقا حرا بين الجدران وارجع لك فأعود سجينا مقيدا برمش الاجفان تري من أعاتب بحق السماء …!! هل اعاتب حلم طفل كنتِ له الدليل …! أم أعاتب أماني طفل صرتِ له السبيل …! أخبرني من أعاتب بحق السماء …! فهلَ تصفحين عني بحق السماء …! √√√√ سعود وصله المسج بس مشغول وإشتغلت اللقافة وقرر يوم يكمل ويروح يسأل سعود مع سهي بالاستعجالات والخوف مالي قلوبهم سهي بخوف : دكتور عملية زرع قلب سعود يشوف حالة المريض إستقرت بعد الصدمة الكهربائية : إيه قلبه ضعيف ولزوم عملية باسرع وقت سهي خايفة ومتوترة : فيه متبرع سعود ناظرها : اي متبرع سهي : مات مريض قبل ساعة بقسم السرطان موتة دماغية وللحين موصل بالاجهزة اهله للحين ماعطوهم اذن يفصلون الاجهزة سعود فهم : عنده سرطان مخ سهي هزت راسها بإيه سعود توتر : منهو يسوي العملية …! هذي عملية زرع مو حيا الله سهي : الدكتور محمد سعود بقبق : دكتورة هالشي مستحيل هالعمليات مو موجودة بالمملكة سهي : ادري خلنا نشوف الدكتور محمد الوقت مو لصالحنا بنفقد المريض سعود تنهد : خلنا نعطيه خبر ونتصل علي قسم السرطان مايفصلون الاجهزة عن الميت سهي : زين ونشوف نسبه التوافق بينهم سعود : وناخذ شور اهله بوافقون او لا سهي هزت راسها بإيه سعود إبتسم : بسم الله بدينا إنت دقي علي الدكتور محمد وانا اسوي كل الفحوصات الضرورية سهي بسرعة وطلعت الموبايل : زين ....وطلعت تدق عليه سعود عطا تعلميات حق الممرضة وطلع يبدي بالتحاليل والفحوصات حقت نسبة التوافق سهي تتصل وترجع تتصل علي أبو سلمان وتدور عليه بكل المستشفي سهي بتعب وخوف : اوووف وينه ..وين راح ..يمكن بغرفة عمي ابو مشاري او إم سلمان ركضت بسرعة تشوفه ابو سلمان ( محمد ) خلص شغله سعود وسهي مريحينه كل شغله يسونه هم راح حق غرفة إم سلمان تطمن عليها وطلع حق غرفة ابو مشاري دام بسمة فيه ماحب يزعجهم بوجوده وقعد يسولف مع ابو بدر والكل ابو بدر تذكر شي : اقول ياوليدي ابو سلمان : امر ابو بدر : مايمر عليك ظالم ..كنت بسال تعرف دكتور عندك إسمه فيصل ابو سلمان إستغرب : ايوه دكتور عندي ..ليش السؤال ابو بدر : امس ...قطع عليهم فتح الباب والكل لف عليه ابو سلمان وقف علي طول من حالة سهي واضح فيه شي : خير وش فيه سهي تأخذ نفس : ساعة أدور عليك واتصل ومافيه رد ابو سلمان : موبايلي فصل وتركته بالمكتب يشحن فيه شي سهي دخلت داخل وتحاول تهدي : دخل مريض قبل ساعة ولزوم عملية زرع قلب وبأسرع وقت أبو سلمان فهم : وش سويتوا له سهي بأسف : الممكن بس مافيه فايدة والحين موصل بالاجهزة أبو سلمان تفهم : زين اروح اشوفه ..ومش سهي بهدوء : دكتور محمد فيه متبرع أبو سلمان وقف ولف لها : وش متبرعه سهي بهدوء : مات مريض بقسم السرطان موتة دماغية واتصلوا علي اهله والحين موصل بالاجهزة ينتظرون إذن من الاهل عشان يفصلون الاجهزة مشاري وابو بدر وابو مشاري وابو اسامة وسلمان ساكتين ويسمعون أبو سلمان بهدوء : فيه توافق بينهم سهي نزلت عيونها : الدكتور سعود يسوي الفحوصات لهم ويشوف نسبة التوافق ابو سلمان تنهد : وش تفكرين فيه إنت وسعود سهي حطت عينها بعينه : تسوي له عملية زرع وانا والدكتور سعود نساعدك أبو سلمان وقف شعر راسه وجسمه وماعلق سهي بهدوء : دكتور لزوم له العملية أبو سلمان بلع ريقه : تدرين وش قاعده تتكلمين سهي هزت راسها بإيه : ادري عملية زرع قلب لمريض ابو سلمان يناظرها : اصعب عملية بجراحة القلب سهي إبتسمت : إنت قدها دكتور ابو سلمان إبتسم وهز راسه بلا : حياة إنسان ياسهي ماقدر اخاطر الكل يسمع لهم سهي ببحة : إنت امله ابو سلمان بتردد : حضرت اربع عمليات زراعة قلب بكل حياتي المهنية سهي فرحت : يعني تعرف شلون يسونها ابو سلمان : ايوه بس نظريا سهي فرحت : خلنا نطبقها بارض الواقع ابو سلمان سكت وسهي بعد وتنتظره يتكلم أبو بدر خش وبإبتسامة : ياوليدي خايف ابو سلمان إبتسم ولف له : لا ياعم ولا مرة خفت من العملية بس هذي خطرة تشيل قلب شخص وتحطه عند شخص ثاني أبو بدر بحنية : ادري سوها ورح تنجح أبو سلمان تردد مو خوف لا صعب تسوي شي أول مرة ويكون الثمن حياة شخص : بس ياعم ... مشاري قاطعه وقام عنده وبإبتسامة اول مرة يشوفها ابو سلمان علي ثغره : كنّي أشوفك طالع من غرفة العمليات وكل الدكاترة يسون لك تحية عسكرية بسبب نجاح اول عملية زراعة قلب بارض المملكة ابو سلمان لمعة عيونه من كلامه وناظره مشاري مبتسم له وهز راسه بمعني إيه وحب كبير بوجهه حب الاخو لأخيه حب نجاح الاخ ابو سلمان حس بفرح بثقة كبيرة فنفسه وبحب : زين اقدر اطلب طلب مشاري بحب : سم اخوي الكل يناظرهم .....ابو بدر فرح ابو سلمان اخذ نفس واخذ قراره : سم الله عدوينك ..تتصل علي ابو حمد تقول له يروح حق ابها بالهيلكوبتر يجيب ابو ماجد ( سامر ) نصف ساعة يكون عندي بالمستشفي مشاري هز راسه بإيه وبسرعة : ابشر هين اتصل ...اخذ موبايله اللي ماسكه ودخل صفحة الاسماء ابو سلمان لف علي سهي واتخذ شخصيته المعتادة : شوفي مع سعود لو كانت نسبة التوافق إقنعي اهل المتبرع إنت وهو سهي بفرح : إن شاء الله ابو سلمان : زين وانا اجهز مخطط العملية ...وإنفتح الباب والكل ناظره سهي بسرعة : بشر سعود بسرعة ويأخذ نفس : نسبة التوافق 80 ٪ ابو سلمان تنهد وسعود وسهي ناظروه سهي خافت : دكتور نسبة التوافق مب شي زين ابو سلمان إبتسم : اكبر من خمسين يله بدا الشغل سعود طير عيونه : دكتور عملية زرع بكبرها ابو سلمان بحزم : مو تقول إنك بتصير امهر دكتور بجراحة القلب سعود تنهد : وامهر منك بعد ...اروح اجهز كل شي حق العملية ...ولف طالع ابو سلمان إبتسم " ريحت قلبي " : سهي كلمي ابو ماجد اشرحي له كل شي حتي يجي بسرعة سهي : اوكي ...شغلت موبايلها ودخلت سجل الاسماء وطلعت لاحقة سعود مشاري سكر من ابو حمد : دكتور رائد يقول هذا طريقه لأبها ابو سلمان فرح : مشكور ماقصرت مشاري: وش دعوة ابو سلمان بغي يطلع ولف لهم : إدعوا تنجح الكل من قلب : يــــااااااااارب ابو سلمان إبتسم لهم ولف واخذ نفس " بسم الله ... عونك يارب " وطلع يجهز مخطط شلون يسون العملية وإتصل علي الدكتور جيمس يساعده وجيمس قال له وقت العملية حطها سكايب صوت وصورة ورح اعلمك شلون تسويها وابو سلمان إرتاح اكثر وقام طالع لسهي وسعود سهي وسعود وصل اهل المريض واقنعوهم وهم قالوا يتبرعون بكل اعضاءه نحن فقدناه علي الاقل يعيشون ناس بسبه ابو سلمان يحاول يخلي نفسه تمام ويكون مركز حضر عمليات زراعة بس مب هو اللي يزرع القلب كان طول الوقت الدكتور جيمس يسويها وهو مراقب ومساعد بس له وصل ابو ماجد ومعه ولده ماجد عشان كان معه بالمستشفي يتعلم وإستقلبه ابو سلمان وسعود وسهي سلموا واخذوا العلوم بسرعة ابو ماجد ( سامر) بهدوء : محمد عملية زرع قلب ابو سلمان هز راسه بإيه : إيه إنت المتلقي تشيل منه القلب وانا اشيله من المتبرع ابو ماجد هز راسه بإيه : إن شاء الله جهزت مخطط الشغل ابو سلمان عطاه اوراق يدرس العملية : ايوه إنت وسهي والدكتور نايف وانا وسعود ووقت الزرع إنت وانا والدكتور نايف ابو ماجد أخذها ويطالعها : ان شاء الله بدينا ماجد بسرعة : دكتور محمد ادخل معكم ابو سلمان ناظره ماجد برجا : تكفي اراقب بس ابو سلمان بهدوء : لا للحين ماقسمت قسم الطب ماجد وقف وقفة جندي وحط إيده علي قلبه : اقسم بالله إن اللي صاير داخل مايطلع برا غرفة العمليات سعود ضحك ومعه سهي وابو ماجد وابو حمد اللي معهم والدكتور نايف وهو بكبر ابو سلمان من المستشفي الحرس الوطني دق عليه ابو سلمان يجي يساعدهم ابو سلمان ضحك غصب : ههههه إن شاء الله تفضل معنا ماجد فرح وبسرعة حب راسه ابو سلمان مبتسم : خلك ممرض لأبوك زين ماجد فرح اكثر : زين ومشوا كلهم ابو سلمان : المريضين جاهزين سعود وسهي : ايوه ابو سلمان : الاجهزة الممرضين الادوية سهي وسعود : كلش ابو سلمان اخذ نفس : بسم الله الكل : بسم الله لبسوا لبسهم وحطوا الادوات اللي يحتاجونها وشغلوا الضوا وإشتعل الضوا الاحمر برا غرفة العمليات مؤشر بداية العملية وكانت الساعة ثلاثة العصر نرس موجودة حطت كاميرا ولاب توب بمكان مناسب وإتصلت علي الدكتور جيمس وبدا الاتصال وصار يوجه ابو سلمان سعود يساعد ابو سلمان ومنبهر فيه مررة هالشي إنجاز له للوطن لاهل الوطن $$$$ ودام عزك ياوطن ودام عزك ياعرب $$$$ سهي تساعد ابو ماجد والدكتور نايف وبين عيونها حلم واحد تسوي العملية وتكون ناجحة وتكون بمهارة ابو سلمان بخبرة ابو ماجد بفطنة نايف بيقظة سعود ماجد يمسح العرق لأبوه ولدكتور نايف وطموحه يصير مثلهم او يوقف دراسة الطب برا غرفة العمليات اهل المريض ومعهم سلمان و ابو حمد ( رائد ) و مشاري و كل ممرضين ودكاترة المستشفي ومشاري يوثق الحدث بصور فيديو في الموبايل ابو حمد إنتبه عليه : وش قاعد تسوي مشاري مبتسم : انا صحفي لاتنسي ابو حمد إبتسم : ليكون بتنشر الخبر مشاري برقت عيونه : اروع تقرير علي الدكتور محمد وطقمه الطبي تشوفه بالاخبار لو تنجح العملية ابو حمد : تسمونه سبق صحفي مشاري هز راسه بإيه ويأخذ صور هالخبر صادف صدور مجلته بكرة يكتمل الشهر وموعد صدورها شوق وصلت مع رهف وبسمة : السلام وعليكم الاثنين : وعليكم السلام شوق بلهفة : شلون العملية سلمان : العلم لله إقعدوا وإدعوا لهم البنات قعدوا وصاروا يدعون من كل قلب كأن المريض ولدهم اخوهم ابوهم عمهم خالهم جدهم وطبعا نحن مسلمين ونقول لا إله إلا الله محمد رسول الله يعني " لا يؤمن أحدكم حتي يحب لأخيه مايحبه لنفسه " مرت ثلاث ساعات والكل صلي العصر ورجعوا ينتظرون شالوا القلبين وبدوا يحطون القلب السليم أبو سلمان مركز : دكتور سامر ..دكتور نايف الاثنين اكثر تركيز : سم ابو سلمان رفع عيونه : ركزوا عشان تكملوا عني الاثنين : ابشر وكملوا شغل تحت تعليمات وتدخلات الدكتور جيمس وكانت عملية طويله بنبض هادئ بطيء عشان يكون الشغل تمام وكامل مرت سبع ساعات من بداية العملية أبو مشاري قام من غرفته وطلع لهم ومعه ابو بدر وابو أسامة بعد ماصلوا المغرب مشاري قام له : يبه وش جابك .! ابو بدر سانده : شلون العملية ؟ ابو حمد ( رائد) : ننتظر تفضلوا إقعدوا العجايز قعدوا مكان سلمان ومشاري وابو حمد اهل المريض يدعون من كل قلب وامه تبكي وتحاول تكون قوية وابوه يحاول يتماسك ويكون جبل صامد وزوجته تدعي والدموع بعيونها شوق ورهف وبسمة يسولفون عنها بسمة : مسكينه شوفيها رهف رحمتها : تقطع القلب يارب إشفيه الثنتين : امين شوق بحزن : واضح المريض صغير بسنه رهف : إيه شوفي زوجته واضح عليها صغيرة بسمة تبي تغير جو : نحن خلينها زوجته يمكن إخته الثنتين إنتبهوا شوق : اللي هو المهم يشفي ويرجع لأهله بغرفة العمليات الفرح بالقمة الدكتور نايف : ممتاز دكتور محمد ابو سلمان دموع بعيونه : اخر وريد ...ابو ماجد قطب ابو ماجد فرحان واخذ عنه : إن شاء الله ابو سلمان مبسوط ويكابر دموعه مو عشان نفسه هو ...لا عشان شي إسمه يوم يجيه مريض يعالجه ومايقول له سافر علي المانيا علي كندا علي امريكا ؛ يوم يجيه مريض يقول له علاجك بالوطن ؛ يوم يجيه مريض يقول له خلي إيمانك قوي والشفاء بإيد رب العالمين "" وطبعا هـ النوع من العمليات موجود بالمملكة والحمد لله "" برا غرفة العمليات اذن العشاء صلوا كلهم ورجعوا ينتظرون ماملوا من الانتظار هذي حياة إنسان وهذا إنجاز للوطن من ادمغة عياله إنجاز للوطن ، الدكاترة حقته يعالجون ناسهم واهلهم بوطنهم إنجاز لمحمد لسامر لنايف لسعود لسهي لماجد للطب السعودي للمستشفي السعودي للشعب السعودي مرت ثامن ساعات وخمس واربعين دقيقة وإنطفي الضوا الاحمر مؤشر نهاية العملية والكل داخل غرفة العمليات سجد لله شكر والكل خارج غرفة العمليات وقف ويتنظر يسمع النتيجه اهله ، زوجة المريض ...وسمعوا صوت إنسمع صداه بالمستشفي صوت سعود صوت سهي وكان صوت عالي من مكبر صوت جابه سعود لهالشي : نجحت العملييبيييييييييييية الكل فرح دمعت عيونهم وامه سجدت لله علي طول هي وابوه وزوجته وحتي الكل ابو سلمان عصب : وش هالتصرف سعود يضمه ويحب راسه : امهر دكتور بكل المملكة السعودية ابو سلمان إبتسم وبحزم : شغلكم بعدين سهي بفرح ودموعها نزلت : إن شاء الله الف مبروك ابو سلمان بفرح وناظر الكل : الف مبروك لنا كلنا الدكتور نايف ضمه وبارك له ابو ماجد ، ماجد، سعود ، الممرضين والممرضات ضموا سهي وباركوا لها ابو سلمان طلب من الممرضين ينقلون المريض حق الانعاش وياخذون الثاني حق حفظ الجثث يسلمونه لأهله وطلعوا يبشرون اهل المريض وإنصدموا من الوجود الجمهوري الدكاترة كلهم وقفوا بصف واحد الرجال بصف والحريم وراهم ومعهم الممرضين وكل واحد يشتغل بالمستشفي وسوا تحية عسكرية وبصوت واحد : الف مبروك يادكتور محمد إنت وكل الطاقم الطبي الكل تاثر شوق غرقت عيونها دموع ورهف نزلت دموعها هي وبسمة ابو مشاري وابو بدر وابو اسامة فرحانين سلمان ابو حمد مبسوطين ومشاري يصور ابو سلمان فرحان : الله يبارك فيكم بس منهو قاعد يشتغل تقدم واحد فيهم : بنروح نشتغل بس بشرط عزيمه عشاء في بيتك ابو سلمان ضحك : هههههه ابشر الكل معزوم يوم الجمعة عندي في البيت الكل : إن شاء الله ابو سلمان بحزم : علي شغلكم يله الكل خاف وركض : أبشر طال عمرك والكل يضحك عليهم ابو المريض مش عنده : الف شكر ياوليدي ابو سلمان مبتسم : وش دعوة ياعم واجب ابو المريض حب راسه ودموعه نزلت : والله مادري وشلون أجازيك ابو سلمان إستحي وحب راسه بكبر ابوه : عمي خجلتني وبعدين هذا شغلي واجبي لاتشكرني ام المريض تبكي : الله يرزقك من عالي سماه الكل : امين أبو سلمان : امين ..ولدكم مستقره حالته وهو بالانعاش ورح يصحي من البنج بعد عشر ساعات إرجعوا للبيت إرتاحوا وبكرة بعد الظهر وتعالوا تشوفه بإذن الله ألاب : بإذن الله مكثور الخير ياوليدي ابو سلمان : واجب ياعم .. ابو ماجد ( سامر ) مش حق ابوه وسلم عليه : شلونك يبه ابو أسامة بفرح : بيضت وجهي ياوليدي ابو ماجد فرح : وجهك أبيض دوم يبه أبو بدر مش حق سهي اللي كانت تطالع ابو سلمان وهو يكلم اهل المريض : شلون قدمت بنتي سهي بفرح مايسواه شي وحبت راس أبوها : أقدم أحسن شي عندي يوم يكون عبد العزيز يدعي لي أبو بدر فرح ومسكها من كتوفها وحب راسها : رفعتي راسي سهي غرقت عيونها دموع : راسك مرفوع يبه مشاري تم يصورهم هالمشهد يبرهن منهى الحرمة السعودية ويبرهن إنها قدم بقدم مع رجال وأوقات تكون أمهر منه وان كل الحقوق لها ومو نقول للحرمه السعوديةوالمسلمة شيلي عنك العباية والحجاب ونقول نطالب بحقوقها لا غلط الحرمه تثبت وجودها باللي تقدمه سواء دكتورة او ممرضة او مدرسه او حتي شغاله وطباخه وربة منزل المهم بعزة وكرامه ..ودوووووووم الحجاااااب والعبااااااااااااية عفة وعزة وكرااااااامه المسلمة ولا مرة قلل من مكانها بالعكس رفعها دين ودنيا وأخره ... وكل وحدة تطالب بنزع الحجاب وتقول هذا تحضر وتقدم ومطالبة بحقوق المراة المسلمة عامة والحرمة السعودية خاصة ..فانا اقول لها انو تمثل نفسها وبس ...وتفكنا منها ومن تفكيرها المتحضر خخ <<< هجوم مبطّن هههه سعود مش حق أبوه وبغرور : يبه إنت ماشفتني ف غرفة العمليات البنات وسلمان وابو حمد ماسكين ضحكتهم وماجد ونايف معهم أبو مشاري بفرح وابو حمد سانده: وش سوا وليدي الدكتور سعود بمزح وفرحان : انا اللي سويت العملية ترا الدكتور الغول يستعرض عضلاته بس الكل تسدح ضحك والباقي لف لهم أبو مشاري ضمه : ادري يالغالي رفعتي راسي سعود بفرح وضمه : راسك في العالي يالغالي أبو سلمان بثقة وماسمع الكلام : سعود قاعد يحش فني الكل ضحك سعود خاف ولف له : لا من قالك أبو سلمان بحزم : إنت والدكتورة سهي بعد ساعة احصلكم بمكتبي سهي ناظرت سعود وهو بعد وبنفس الوقت : عقوبة جديدة ...جهزي /جهز نفسك الكل تسدح ضحك أبو سلمان مبتسم وناظر باخر الممر وشاف حرمة واقفة وتطالعه ورفعت إيدها بمعني ممتاز أبو سلمان زاده فرحه علي فرح ورفع إيده لها بمعني تعالي وهي اشرت له بلا ولفت ترجع لغرفتها الكل إنتبه عليه وناظر وين هو يناظر وشافوا حرمة مقفية أبو سلمان يناظرها " مشكورة يام عيالي " مشاري غمض عيونه هو الوحيد اللي م لف نبض قلبه يوم وقفت قريب منه وتم معطيها ظهره أبو سلمان تذكره ولف عليه وشافه يصور أهل المريض أبو سلمان ( محمد ) بهدوء : وش تسوي يامشاري مشاري لف عليه ورسم إبتسامة علي وجهه : أنشر الخبر ابو سلمان عقد حواجبه : وش خبره مشاري رجع يصور : بكرة تشوفه بالاخبار سعود نط وبفرح : أمدح فينا ولاتنسي تذكر إسمي الكل ضحك وابو سلمان إبتسم مشاري كشر : هذا اللي ناقص بعد سعود عصب : هاي لاتنسي اسمي سعود عبد الرحمان يعني اخوك يالغبي ورح تشتهر اكثر مشاري : سمعني سمعني مو فاضي لك وبعدين مشهور من غير إسمك يالغبي سعود عصب والكل يضحك : مشااااري مشاري ضحك ابو بدر بمزح : مشاري ياوليدي قل إسمي بعد زين الكل : هههههههههههههه مشاري ضحك : هههههه ابشر بالخط العريض ابو مشاري بسرعة : وانا لاتنسوني الكل يضحك مشاري بمزح : تطمنوا اذكر الكل إلا الدكتور محمد والدكتور نايف والدكتور سامر الكل فهم وعصب : مشااااااري مشاري غمز لأبو سلمان : ههههه تطمنوا أبو سلمان مبتسم ومش عنده وحط إيده علي كتفه : لو اقول لك إنك سبب ب نجاح العملية تصدقني الكل يناظرهم مشاري إبتسم له : جد دام كذا اذكر بس إسمي أبو سلمان مبتسم وبجد ومن كل قلب : مشكور عطتني ثقة وإيمان ب نجاح العملية مشاري يناظره أبو سلمان غمض عيونه : قلت رح تسوي لي الدكاترة التحية العسكرية وتحقق مشكور أبو حمد يناظروهم وسعود وابو بدر مشاري إبتسم : عيونك فيهم شيئين الاصرار والعزيمة وهم يعطونك ثقة تحقق كل طموحاتك وأحلامك ...وبعدين النجاح يباله حافز قوي وانا حاولت اعطيك حافز يشجعك ويعطيك ثقة انو تنجح وبس أبو سلمان تنهد " غصب عني تشبه بسمة " : الف شكر أخوي مشاري : حياك يالغالي بس عندي طلب أبو سلمان بلهفة: امر مشاري مبتسم : مايمر عليك ظالم ...بس سعود طلع ريحته زين سعود مسك راسه : ياحبيبي وش هالطلب الكل تسدح ضحك ابو سلمان ضحك : هههه أبشر أشد إذنه هو وسهي سهي طيرت عيونها : وانا وش علي ابو سلمان بحزم : ماهوب شغلك سعود بفرح : الحمد لله يقولون إذا عمت خفت الكل ضحك وسهي عصبت : تتشمت فني سعود كشر : ايوه وتبين بس أنا ياللي تجني عقوبات سهي بغضب : دكتور سعود أبو سلمان : احم أحم الاثنين وقفوا وقفة جندي ولفوا له : أمر أبو سلمان : علي شغلكم يله سعود كشر : قلت لك نترك الشغل عنده ماتسمعين سهي نفس حالته ولفت : وإنت الصادق هذا طريقي لكندا ولاعاد ارجع ابدن عنده الكل فقع ضحك أبو ماجد ( سامر ) يضحك : هههه وش بلاها سهي... شصاير لها مرة تغيرت أبو سلمان يضحك : ههههه خربها سعود الكل فقع ضحك وأولهم ابو بدر وسهي وسعود اللي سمعوا الدكتور نايف : هههههه ينرحمون الدكاترة حقتك ابو سلمان إبتسم : شقصدك الدكتور نايف : سمعت الدكتور سعود يقول عنك غول اثاريه صادق الكل فطس وابو سلمان صرخ : سعووووووووووود سعود ركض بكل قوته هج ولمحوا بس الغبار وراه ابو سلمان يصرخ : الليلة اشويك اشتهرت بالمملكة بإسم الغول وإنت السبب هيييييييييين الكل مسك بطنه ومفقع ضحك ابو سلمان معصب : إضحكوا إضحكوا انا تعبان اروح انوم لي شوي وسعود بكرة إعدامه حضوركم ضروري الكل يضحك :ههههه ابشر طال عمرك ابو سلمان إبتسم: دكتور نايف تفضل معي الدكتور نايف تعذر : السموحة تأخر الوقت لزوم ارجع للبيت ارتاح شوي ابو سلمان : نتعشي مع بعض وترجع للبيت الدكتور نايف : مشكور و ماتقصر عشاي يوم الجمعة عندك ابو سلمان ضحك : ايوه من الحين معزوم الدكتور نايف : بإذن الله عن إذنك ابو سلمان مش معه : تفضل اوصلك راحوا عنهم والكل رجع لغرفة ابو مشاري وكانت الساعة 11 بالليل وسلمان طلب اكل لهم وللبنات وإم سلمان وابو ماجد سلم وتطمن علي إخته وهو ولده أبو سلمان ( محمد ) دخل عليهم وحصلهم حطوا عشا وقعد معهم : اشوف المستشفي صار فندق ابو ماجد ( سامر ) : سمعنا خلنا نقعد نسولف شوي مع بعض ابو سلمان : عمي ابو مشاري مريض ابو مشاري عصب : إنت المريض بكرة ابي اطلع كرهت هـ المستشفي الكل ضحك أبو سلمان إبتسم : هانت أسبوع تطلع أبو مشاري فرح : جد ياوليدي ابو سلمان : ايوه ياعم وترتاح من المستشفي وهمه ابو مشاري فرح : الحمد لله ابو سلمان إبتسم : وين الدلخ مشاري : الله اعلم ابو سلمان : أن ماعليك أمر ..دق عليه يجي نتعشي مع بعض مشاري إبتسم : إن شاء الله بس خايف لاتذبح اخوي الوحيد الكل ضحك ابو سلمان : هههه ليلته الليلة مشاري إتصل عليه وسعود رد : الووو مشاري : وينك تعال تاكل سعود بخوف : الدكتور محمد معكم مشاري ناظره : لا الدكتور محمد رجع لبيته الكل تبسم سعود فرح : وش اكله وش عشاه مشاري يحمسه : سمك مشوي سعود: إحلف مشاري : تعال وبسك يله ...وسكر منه ابو سلمان : يسال عني !؟ مشاري ضحك وهز راسه بإيه ابو سلمان : هين اوريه الكل ضحك وقعدوا شوي وإنفتح الباب بشويش سعود دخل راسه ويطل والكل تسدح ضحك ابو سلمان عصب : تعال سعود تكسرت رجوله ودخل ومنقهر : مشاري يالخاين الكل ماسك خط ضحك ابو سلمان معصب : ماشاء الله عليك الدكتور نايف سمعك تقول عني غول سعود بثقة ورز حاله : كذاب لاتصدقه الكل يضحك ابو سلمان وقف وبغضب : تكذب الرجال سعود غمض عيونه : دكتور محمد قسم بالله ميت جوع شرايك بعد العشا نسولف ابو سلمان رحمه : إقعد وإبلع اكل واوريك هالمرة العقوبات الحقيقية سعود خاف : شقصدك ابو سلمان يهبل فيه : تتسلق جبل طويڨ ف ثلاثين ثانية الكل : ههههههههه سعود مسك راسه : قايله عنده مشكل مع رقم ثلاثين الكل اللي يعرف بالسالفة فطس ضحك ابو سلمان عصب : دكتور سعود قعد واخذ كاس مويه يشربه: ابشر اتسلقه في الجزء الثلاثين من الثانية ابو سلمان إبتسم وقعد ابو ماجد رحمه وبالاصل عجبه : دكتور سعود شرايك تروح معي ل أبها تشتغل هناك سعود ضم إيدينه بمعني بليز خذني معك الكل ضحك وابو سلمان لف عليه وسعود بسرعة صار ياكل ابو ماجد فطس : ابشر ههههه اخذك معي هههه ابو سلمان ياكل : عليه عقد إحتكار ابو حمد ( رائد ) : قصدك ههههه مليكة خاصة هههه ابو سلمان : ايوه سعود مسك راسه ابو سلمان : إكل سعود بهدوء وبقهر وخده علي إيده : ابشر ارتاح بس شوي واكل الكل ماسك ضحكته ابو مشاري : يعذبون وليدي الصغير سعود يتمسكن : شفت عاد يبه ابو سلمان : ابو ماجد شرايك فيه ألحين هذا المهرج دكتور عبد العزيز كان معهم وياكل ويلعب بالموبايل وفقع ضحك وعيونه علي اللعبة سعود ناظره بغضب : عزوز عبد العزيز يضحك ابو سلمان يهدد : اياك ووليدي سعود اشر لعبد العزيز بمعني بعدين ابو ماجد إبتسم : اتوقع مخه صار له مسح ذاكرة سعود ناظره : مع الدكتور محمد يتوقف القلب عن النبض ابو سلمان : اكل اكل بسك مزاح سعود تبسم وصار ياكل ابو بدر : ابو سلمان سهي بترجع علي البيت الليلة سعود كشر ابو سلمان : ايوه ياعم بكرة فيه سفر لها ولزوم تجهز نفسها ابو بدر : زين مشاري ناظر اخوه ابو مشاري تذكر شي وعصب : ابو سلمان تعرف دكتور معكم إسمه فيصل ابو سلمان تذكر : ايوه ياعم دكتور عندي ليش تسألون عنه سعود إيده علي قلبه " ليكون خبص بشي " ابو بدر تذكر : ايوه ياوليدي امس إجي ابوه يخطب سهي لولده ويقول دكتور عندك وإسمه فيصل سعود يشوف ظلام " اذبحك الليلة ليلتك " مشاري يناظر سعود وخايف من ردت فعله ابو مشاري يناظره " حقق طموحك الغبي " ابو سلمان بهدوء : يخطب سهي ..! ابو بدر : ايوه ياوليدي ...هو شخص زين .؟! ابو سلمان ناظر سعود بطرف عينه وشافه منزل راسه وناظر ابو بدر : مادري ياعم فالشغل عين الله عليه بس في البيت العلم لله ابو بدر : شرايك اسال سهي او لا ابو سلمان بهدوء ورحم سعود مب غبي حتي مايشوف بعيونه حب سعود لسهي : سهي بترده سعود ناظره ابو بدر إبتسم : بس حقها نسالها ابو سلمان : خذ شورها وتشوف علي طول تقول لا ابو بدر بفرح : إن شاء الله يارب الكل ناظره ابو اسامة : اشوفك ماتبي تعطيها له ابو بدر : هو غريب عنها واحسه م يناسبها سعود فرح " اكل تبن يالغبي " ابو مشاري فرح : زين رده ابو بدر : اسالها اول ابو سلمان : بترده بترده تطمن سعود صار ياكل وبهدوء ويفكر يقوم عند فيصل يزرع بعقله ورم مشاري إبتسم " هي لك تطمن إنحرم ابوي وإنحرمت انا بس إنت غير فرحي تعيشه إنت " حس بألم قوي إيجاه غمض عيونه بقوة ومسك بالطاولة بقوة نسي دواه من ساعة الكل إنتبه عليه سعود بخوف : مشاري مشاري يجمع قوته ويكابر الدوخة وقام ماسك نفسه : انا زين سعود قام معه ومسك إيده : شفيك …! شصاير …؟ مشاري يحس بالروح يرجع له يوم فقده لثواني معدودة : انا زين شوي وارجع ابو حمد خاف عليه وقام : وين ..! وبعدين إقعد وجهك أصفر مشاري إبتسم بصعوبة : بس خمس دقايق وارجع سعود ميت خوف : اخوي شفيك مشاري رجعت له قوته : انا بخير تذكرت تلفون ضروري شوي وارجع ابو مشاري مثلهم : ياوليدي إرتاح واضح إنك مريض مشاري هز راسه بلا ولف طالع عنهم ودخل إيده بجيبه وطلع حبت دوا وحطها بفمه الكل يناظره سعود مش وراه : مشاري مشاري لف له وبلع الحبة : خمس دقايق اكلم تلفون سعود برجا : كلم هنا قدامنا وخلني افحصك مشاري طلع موبايله : زين ...اكلم تلفون وأفصحني إيجتني دوخة بسيطة بس ...ورجع قعد علي سرير ابوه بسرعة او كان طاح عليهم سعود ناظر ابو سلمان بمعني شفيه ....وابو سلمان اشر له بمعني مادري ابو حمد ( رائد ) حس بسعود وبالكل بعد وبصوت هادي : شي طبيعي بحالته سعود ما فهم والكل عقد حواجبه ابو حمد يناظر مشاري : دوخة عادية والام الراس شي طبيعي سعود هز راسه بتفهم وابو سلمان فهم دامه ياخذ دوا نفسي بس غلط مب هذا هو السبب وسعود كمان فكر مثل ابو سلمان وانو الدوخة اعراض لدواء نفسي يأخذه مشاري ، لكن اخطئوا وشوي سمعوه يتكلم عن فواز وعن برنامج وتقديم وصحفي جديد وعن ابو سلمان وتقرير يبعثه لهم وينشرونه بالمجلة بكره سلمان بفرح : ابوي صرت مشهور ابو سلمان رز حاله ويعدل عنق القميص : احم احم الكل ضحك ومشاري يتكلم وإبتسم يوم راح عنه صداع الرأس ابو سلمان إنتبه علي شي : عبد العزيز عبد العزيز لاهي يلعب وترك الاكل ابو سلمان بحزم : عزوز عبد العزيز فز : سم ابو سلمان بحزم : حط الاي باد واكل وبس لعب تاخر الوقت عبد العزيز إنقهر : يبببببه بس هـ البارت ابو سلمان بحزم : ما إعد الكلام مرتين عبد العزيز سكر الاي باد وناظر سعود : علابالك إنت الوحيد اللي تعاني من ابوي الكل تسدح ضحك واولهم سعود وابو بدر وابو مشاري ابو سلمان ماسك ضحكته غصب : عزوز عبد العزيز اخذ الشوكة ودنق لصحن : بسم الله الكل يضحك وسعود وده يقوم يبوسه طفل مرة بريء سعود :تهبل ياعزوز ..... هه وقايله إذا عمت ههههههه خفت الكل مفقع ضحك وعبد العزيز قالب الموجة ويناظر الاي باد بقهر ابو سلمان حب يقهره اكثر : اثاري مرة غفلت عنك عطني الاي باد عبد العزيز إنصدم : يبه والله مارح إلعب إتركه بس عندي تكفي تكفي صدقني صدقني مارح العب الكل ضحك مسك خط ابو سلمان ضحك غصب : ههه حشا كم كلمة قايل ...سكتنا سكتنا عبد العزيز فرح شوي " الحمد لله " : مشكور يبه ابو سلمان : مو لله مشاري كمل تلفون وقام ورجع قعد معهم سعود بفرح : وشو ياحضرة المشهور مشاري مبتسم : بكرة تسمع كل المملكة عن الدكتور محمد والطاقم الطبي ابو سلمان ( محمد) : اشوف ماله داعي هالشي ابو حمد ( رائد ): لا له داعي لزوم يسمع الكل إنهم يقدرون يسون عملية من هالنوع بالمملكة ابو سلمان إقتنع هذا المهم عنده : صادق فهالشي مشاري : وبعدين يشتهر المستشفي ويصير عندك زبائن مرة الكل تبسم سعود بقهر ومزح : وإنت مافكرت في الاسعافات اللي تزيد علي راس اخوك الكل فطس ضحك غصب ابو سلمان عصب : قصدك ماتبي تعالج المرضي او شنو سعود خاف : لا مب هذا هو السبب بس المستشفي من غير شي عنده مرضاه وفيه كل يوم مرة اسعافات كنّه مستشفي حكومي جامعي ابو سلمان : خليهم يزدون علي راسك الكل : ههههه سعود ضحك : ههههههه كملت معي أبو ماجد ( سامر ) بمزح : اتوقع ارجع ازين لي لرياض عشان كل المرضي بيتركون كل المستشفيات ويجون عندك ابو سلمان : هههه حياك ماجد بفرح : يبه والله تسوي خير خلنا نرجع علي الرياض ابو ماجد تنهد : بدا النق ...غيروا السالفة يله ماجد إنقهر والكل يضحك عليه ابو سلمان : ها مشاري راح عنك الالم مشاري توتر بين ابو سلمان وابو ماجد وسعود مو حيا الله : لا زين تجني دوخة وعندي شقيقة ( الالام القوية لوجع نصف الراس ) سعود إنصدم : عندك شقيقه من متي مشاري حب يطمنه : من شهور وترا لاتخاف اتعالج عليها ابو سلمان : عندك دوا خلنا نشوفه مشاري توتر : تعرف ل أدوية الشقيقه ابو سلمان : ايوه وليش لا درست طب عام قبل التخصص مشاري بهدوء : مب معي الحين بكرة اجيبه تشوفه سعود : بكرة نسوي صور اشعة علي راسك ونشوف مشاري إنصدم وابو حمد ناظره : وش تشوف سعود بخوف : يمكن مو شقيقه يمكن شي ثاني ابو مشاري خاف : شي ثاني مثل شنو مشاري ناظر سعود بغضب خوف ابوه بدون سبب : لا تفكر بشي يبه رحت حق إختصاصي وسوا لي اشعة علي الراس وقال شقيقه سعود تطمن : دام كذا ازين منهو هذا الدكتور مشاري بهدوء : الدكتور موسي عبد الجليل سعود ماعرفه : هو دكتور زين ماعرفه ابو ماجد عرفه : إختصاص جراحة الاعصاب والغدد الدماغية وهو ماهر بشغله ودامه قال شقيقه وعطاه دوا باذن الله يتعالج منها الكل : امين مشاري تنفس وناظر ابو سلمان وشافه يناظره بعين فاحصة من دكتور نزل عيونه وبعدهم أبو أسامة : الشقيقه صعبة ودواها خلطات الاعشاب بس مشاري إبتسم : دورت علي عجايز تعرف لها بس ماحصلت تعرف ياعم الكل إبتسم ابو أسامة ضحك : هههه إن شاء الله اسال إم أسامة يمكن تعرف واخبرك مشاري : إن شاء الله أبو ماجد : يعني تارك العلم والطب وتتكلم عن الاعشاب والعجايز ابو حمد : نطق متعصب الطب ابو ماجد : ماحد كلمك ابو حمد : إنت طول حياتك مؤمن بشي طب طب ياخي العجايز أحسن من طبك إنت وهذولي اللي معك ابو سلمان وابو ماجد : وإنت بعد الباقي يناظروهم بدت الحرب ابو حمد : وش انا بعد قصدكم الطب النفسي ابو سلمان : ايوه لو انا مريض نفسي اروح حق راقي وشيخ ازين لي ابو حمد عصب : وش دخل الراقي والشيخ في علم النفس سعود بسرعة ورد عليه : نفس الشي اللي دخل العجايز والاعشاب في الطب العام والخاص الكل : ههههههههه ابو حمد : ههههه صح صادق ابو بدر : غيروا السالفة اشوف الكل بيزعل حق تخصصه ودراسته الكل ضحك ماجد تذكر شي : ههه إلا ياعم مشاري سمعناك تتكلم عن فواز مشاري إبتسم : ايوه الصحفي الجديد حق قناة فجر السعودية الكل يناظره أبو ماجد : شلون صحفي وهو مب دارس بالصحافة شي مشاري مبتسم : تشوف بعد شهر بإذن الله وتعطني رايك دارس صحافة او لا عبد العزيز تحمس معهم : فواز ولد خالي بيطلع بالتلفزيون مشاري إبتسم له : ايوه بيطلع وفيه برنامج اطفال بعد علمني تبي تطلع بالتلفزيون الكل يناظروهم عبد العزيز تحمس اكثر وحط الشوكة بسرعةولف بكل جسمه حق مشاري : احلف ياعمي ...ياريبة السموحة أقصد من جدك الكل فطس ضحك واولهم ابو سلمان مشاري ضحك من قلب براءة حقيقية : ههههه ايوه ياعمي شرايك عبد العزيز بحماس : موافق موافق ابو سلمان يضحك : ههههه ماخذ شوري حتي التلفزيون وفعايله الكل يضحك عبد العزيز تفشل : يبه شقلت ابو سلمان يقلده : موافق موافق الكل يضحك مشاري بجد : دكتور محمد اتكلم من جد ابو سلمان ناظره وفكره يمزح : جد مشاري يناظر عبد العزيز : ايوه من جد... ب رمضان المبارك اسوي له حصة مع الاطفال وتكون عن تعلم خلق النبي محمد صلي الله عليه وسلم الكل : صلي الله عليه وسلم عبد العزيز فرحان : انا اعرف كل السيرة النبوية الكل مبتسم علي حماسه مشاري مبتسم بحنية له : ابشر واعلمك اكثر واجمعك مع عيال بسنك وتعلمهم عن الحبيب محمد صلي الله عليه وسلم الكل : عليه الصلاة والسلام مشاري يتوعد فيه : هاه بس بشرط تطلع تشبه ابوك وتكون شاطر وماهر بشغلك عبد العزيز مبسوط : لا تفكر بشي اطلع احسن منه ابو سلمان ضحك : هههه بإذن الله ياوليدي الكل ضحك عبد العزيز قام : اروح اعلم رهف واقهرها الكل يضحك عليه سلمان يضحك : هههه لاتصدق نفسك يالاخ عبد العزيز بغرور : لاتسولف معي انا مشهور وطلع ركض والكل يضحك ابو حمد : ههههه خربت الولد مشاري مبتسم : خلنا نشوف يمكن عنده موهبة في التقديم منهو العالم ابو سلمان : اخاف بس بكرة يجني ويقول ابي ادرس صحافة واصير صحفي الكل ضحك سلمان : هههه احسن يايبه هو بالاصل يقول بوقف دراسة ومارح يكمل ابو سلمان مسوي نفسه فز : جد ...دام كذا خليه خليه يدرس صحافة ازين الكل ضحك عليه مشاري بهدوء : ليكون مو موافق ابو سلمان إبتسم : وش دعوة شف معه يمكن تنسيه الاي باد والالعاب ماشفته اخذ الاي باد وطلع ركض الكل إنتبه وفقع ضحك ابو بدر : ههههه المهم عنده مشاري : هههه ابشر انسيه اللعب سعود يناظر اخوه " الحين عادي عندك او تكابر مشاعرك او شنو تشوف زوجها وعيالها وتسولف معهم ومو مهم عندك ..وش هالوجع اللي إنت فيه " نزل عيونه وسكت وصار يأكل ويفكر في فيصل لو توافق عليه سهي يذبحه هو اكيد سهي بترده وعدته انو بترجع له وهو سمعها بس خايف أبو ماجد ( سامر ) : فواز بروح معك ل جدة ؟ مشاري هز راسه بإيه : ايوه اخذت شور اخوك وقال خذه معك وبعدين رح يقعد ببيتي ويشتغل معي لا تفكر ولاتشغل بالك فيه ابو ماجد : لا مب قصدي كذا سألت بس وبعدين الله يوفقه ادري بتكون له ابو مشاري : تسلم ابو مشاري تذكر شي وبفرح : سعود ترا بعد اسبوع اطلع سعود ناظره وهز راسه بإيه ابو مشاري : لا تقول إنك بتقعد بالرياض ابو سلمان ناظره والكل سعود إبتسم : شغلي صار هنا مشاري إنقهر : فيه مستشفيات بجدة ارجع إشتغل فيها سعود : عندي ابحاث مع الدكتور محمد والاجهزة والمعدات بس هنا ابو مشاري زعل : قصدك نحن نرجع وإنت تقعد بالرياض سعود ناظر اخوه : قصدي تجون ونقعد كلنا بالرياض مشاري رفع سبابته واشر بلا سعود إنقهر : مشاري يله عاد مشاري بهدوء : حياتي حياة ابوك حياة بنت اخوك بجدة واتوقع حياتك إنت بعد سعود بقهر : حياتي خارج المملكة لاتخلني اهون وارجع لكندا او دولة غيرها مشاري عصب : حياتك وقراراتك سعود : مشاري وبعدين ابو مشاري خش : لا بعدين ولاقبلين انا مخنوق بالرياض ابي ارجع لجدة ابو بدر ناظره مشاري فرح : سمعت سعود منقهر : زين انا قاعد وكل فرصة ازوركم ابو بدر بهدوء : عبد الرحمان مخنوق بالرياض وهي ديرتك ابو مشاري إبتسم بالم : تركتها من خمس واربعين سنه وبعدين وصيت عيالي يدفنوني بجدة ابو بدر بلع ريقه اهل عبد الرحمان تبروا منه مثل ماتبروا اهل حصة منها إلا اخ واحد ماقدر مايشوف إخته وهي عايشة وتتنفس ويقطع صلة الرحم فيها : كلها ارض الله وكلها وطن واحد ابو مشاري هز راسه بإيه : بس بتروح معي قلت بتروح معي ابو بدر : بإذن الله واقعد شهر معك ابو مشاري فرح : ونصوم رمضان مع بعض ابو بدر ضحك : هههه بإذن الله ابو سلمان : اي رمضان ابو مشاري ناظره ابو سلمان : خلاص ممنوع عليك الصوم ابو مشاري إنصدم : وش هذا سعود تدخل : مافيه صوم يبه جسمك مايتحمل ابو مشاري : لا حول ولا قوة إلا بالله ...شلون يعني ماصوم ...بصوم غصب ابو سلمان هز راسه بلا ابو مشاري : عبد العزيز شف ولدك ابو بدر إبتسم : اخوي هو دكتورك ويدري وش يقول وش المفيد لك ابو مشاري إنقهر : بوقت رمضان بإذن الله ونسولف عن هالشي سعود : خلصت السالفة يبه ممنوع تصوم ابو مشاري بحزم : سعووود مشاري خش : خلاص ياسعود اللي تقول عليه يصير ابو مشاري لف له بغضب سلمان يغير السالفة : عمي مشاري وش حصة فواز مشاري إبتسم وفهم عليه : حصة مواهب ومسابقات ومنافسات اتمني تعجبكم ماجد تحمس : وش عنوان الحصة مشاري مبتسم : اسود صحاري نجد الكل ناظره ابو حمد : من عنوانها شي يحمس مشاري : ايوه كلها حماس وإثارة ومنافسة ماجد تحمس : متي تعرضونها مشاري بتفكر : هو كلش جاهز حق التصوير اتوقع شهر واسبوعين تنعرض اول عرض سلمان : وين بيكون التصوير مشاري ناظر ابو سلمان : بجبل طويق الكل ضحك ابو سلمان : هههههه خذ سعود معك يتسلقه مشاري ضحك : مهههه من فقرات الحصة تسلق جبل طويق سلمان وماجد تحمسوا ماجد : عمي فيه متنافسين مشاري هز راسه بإيه ماجد : سلمان شقلت سلمان : بتكون تجربة حلوة خلنا نعيشها الكل إستغرب ابو ماجد : وش تعشون مشاري فهم : تبون تشاركون بالمنافسات الاثنين : ايوه مشاري ضحك : هههه ابشروا شوفوا اول عرض ولو عجبتكم الحصة سجلوا عشان تشاركون الاثنين بحماس : إن شاء الله ابشر ابو سلمان إبتسم : مشاري خرب كل عيالنا الكل ضحك وكملوا سوالف وسلمان وماجد سالوا اكثر عن الحصة وهو قال له بس وصاهم مايسولفون عنها وينشروا الخبر إلا يوم يبدون بالاشهار والترويج وهم قالوا اكيد وطلعوا كلهم يرجعون لبيتهم وسهي ودعت ابو سلمان وسعود ورجعت للبيت منقهرة تبي تقعد وتشتغل معهم سعود راح يشوف المريض اللي سوا له عملية الزرع ويحاول يتناسي إنه لاعاد يشوف سهي إلا بعد شهور ابو ماجد راح حق بيت ابوه وماجد اخذه سلمان معه لبيتهم ابو سلمان تطمن علي ابو مشاري وراح حق إم سلمان وحصلها نايمة إبتسم ومش يغطيها وحصل ورقة علي الطاولة اخذها وقرأ " واخيرا تحقق الحلم ...واخيرا تحقق الطموح ...واخيرا تحقق الوعد ...زوجي حبيبي الف مبروك ووعد عزيمة لاصارت ولا إستوت حق حبيبي اول دكتور قلب بالمملكة ....احبك يادكتور محمد الف الف الف الف الف مليوووون مبروك والمزيد المزيد من النجاح والتفوق والعمليات الخطرة المعقدة الناجحة " ابو سلمان لمعت عيونه تبريكاتها غير عن الكل وبصوت هامس : وانا بعد احبك واول مرة انام مرتاح لو يصير لك شي مو زين اكون قده وقد مسؤوليته إم سلمان سمعته وعيونها غرقت دموع " ادري حبيبي كل همك مرضي الله يوفقك " ابو سلمان إنحني براسه وباس راسها ودعي فقلبه تشفي من كل علة وتدوووم الحياة بينهم وغطها وراح تسدح علي الكنب ورجع قرا الورقة وفنفسه " احطها ف صندوق الذكريات منك ياقلبي " حط الورقة وغمض عيونه ونام تعبان حده إم سلمان نزلت دمعة منها وهي مغمضة عيونها وتمت تدعي له لين غفت ونامت | ||||
|
| |
|
25-11-20, 04:43 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثامن عشر لمن يتساءلون عن حبيبتي الحسناء أقول لكم إنها أنثي خلقت من النقاء إمرأة ليست كـ باقي النساء منذ ولادتها تربت علي الكبرياء وترعرت بين أنهار الصفاء ولم تتعلم لغير الله الانحناء نور وجهها كـ البدر في ليلة ظلماء تعشق الصدق والحب والوفاء وتكره الجبن والغدر والرياء وأحب فيها العفة والرقة والحياء وأنافس علي حبها الامراء والنبلاء ومن أجلها أسفك وتراق الدماء ولو أكسب قلبها سأكون من السعداء هذه حبيبتي من جنس حور عين وحواء فهل عرفتم من تكون الحسناء التي نزلت من السماء √√√√ صباح يوم جديد يوم الخميس سعود إتفق مع الكل يطلعون بعد صلاة العصر وهم وافقوا وكلهم ناوين يفلونها مستشفي الدكتور محمد صحي علي يوم مو طبيعي صحفين بمدخل الباب الرئيسي كلهم يبون يشفون ابو سلمان ابو سلمان وصله الخبر وجابوا له مجلة مشاري وكانت باول صفحة بالعنوان العريض " المستحيل اصبح ممكنا والامل واقعا بفضل عقول عيال ودكاترة الوطن الحبيب " وكان مكتوب علي صورة لأبو سلمان بلباس الجراح وفيه صورة لأبو بدر يبوس راس سهي وصورة لأبو ماجد يحب إيد ابوه وصورة لسعود يضم ابوه وصورة لدكتور نايف واهل المريض وشرح مفصل عن العملية وكلام في القمة اكثر مدح يمكن يحصلونه ابو سلمان قرا الكلام وعجبه : اخوك سوا لنا مشاكل سعود معه وفرحان : رح كلم الصحفين ابو سلمان : وش اقول لهم سعود يحمسه : اي شي يله سوي فيها ابو الفهامة ابو سلمان ضحك وقام : ههه تعال معي اتكشخ فيك سعود ماصدق خبر وقام بسرعة ويعدل نفسه والبالطو وشعره وابو سلمان يضحك عليه وحط نظرات يشوف فيها زين علي عيونه وطلع لهم الصحفين يوم شافوه ركضوا له ابو سلمان خاف من الهجوم ويسيطر علي نفسه : ممكن هدوء فيه مرضي بليز الصحفين سكتوا واحد منهم : دكتور محمد نبي نسالك شوي ابو سلمان رز حاله : تفضلوا وكل واحد ياخذ وش يبي المهم ابي هدوء عشان المرضي الصحفين : السموحة دكتور ابو سلمان إبتسم : تفضلوا وش تبون صحفي : قرينا بمجلة فجر السعودية اليوم إنك مسوي عملية زرع قلب امس ابو سلمان : ايوه جد صحفي ثاني : ماشاء الله هالعملية الاولي من نوعها في المملكة ابو سلمان : ايوه ادري وبعدين كنت مجبور عليها كنا بنفقد المريض ولحسن الحظ فيه متبرع موجود بالمستشفي بعد وفكرنا نزرع القلب له صحفية معهم : تعرف شلون يسونها ..وهل كنت واثق من نجاح العملية ابو سلمان : ايوه اعرف شلون يسونها دارس جراحة القلب وحضرت عمليات مشابهة قبل وعن نسبة التوافق بين المريضين كانت 80 ٪ وهالنسبة مب زينه بس توكلنا علي الله وسوينا العملية والحمد لله نجحت بنبسة جيد جدا صحفية ثانية : ماشاء الله تبارك الله هالانجاز تظمه للوطن ...بالصورة كان معك دكاترة ثانين ممكن تعلمنا عنهم ابو سلمان إبتسم وناظر سعود : هذا اول واحد وكان مساعد لي وإسمه الدكتور سعود عبد الرحمان وكان الدكتور نايف فارس وهو معروف بمستشفي الحرس الوطني وكان الدكتور سامر عبد الله وهو يشتغل بالمستشفي الجامعي بابها والدكتورة سهي عبد العزيز متدربة تكمل دراسة بكندا صحفي رابع : ماشاء الله كلهم عيال الوطن ابو سلمان : تسلم ..ايوه كلهم من شعب السعودية صحفية الاولي : ماشاء الله فيه معكم دكتورة قلت إسمها سهي ابو سلمان هز راسه بإيه : ايوه الدكتورة سهي عبد العزيز متفوقة بالدراسة وناجحة وشاطرة بشغلها الكل فرح وفخور فيها سعود رز حاله مع ابو سلمان " اليوم يوم مدحي ياسهي انا وإنت تعالي تسمعين ياقلبي " صحفي ثاني : نفهم من كلامك ان هالعمليات صارت ممكنة بارض الوطن ابو سلمان : ايوه ممكن بس تعرف نادر وصعب نحصل متبرع واهل مثقف واعي مثل اهل المتبرع امس الله يرحمه الكل : الله يرحمه ابو سلمان كمل : ادعي لولدهم بالرحمة واتمني كل شخص يفكر مثلهم قالوا لنا نحن فقدناه ونتمني يعيش الناس بسب اعضاءه ..وانا اتمني تصير ثقافة التبرع بالاعضاء موجودة بالمملكة عشانها خدمة للطب وللعلم وللحياة البشرية الكل : إن شاء الله ابو سلمان تنفس : زين والحين عن إذنكم بنروح الصحفين هجوا سعود خاف : هدوء بليز صحفي واحد : دكتور محمد فيه مرة اسئلة بعد نتمني تعطينا الجواب عليها كلها ابو سلمان تعذر : بودي أراضيكم بس عندي أشغال وأتوقع إنتوا بعد نفس الصحفي : مقابلة علي المباشر شرايك أبو سلمان إبتسم : لا لا مو فاضي السموحة نفس الصحفي : بنترك براحتك ونرجع لك بعدين لازم تجاوب علي الاسئلة عشان يعرف الشعب السعودي إنه ول زمن السفر علي برا ويجون عندك ويسون عمليات علي القلب ابو سلمان إقتنع : بإذن الله بس الحين مشغول الصحفين : تفضل دكتور محمد ابو سلمان ماصدق خبر ومش بسرعة هو وسعود ابو سلمان : يارب وش هذا سعود يستهبل : تسونامي الصحفين ابو سلمان ضحك : ههه كله بسبب اخوك سعود ضحك : ههه ماعليه خلنا نطلع شوي علي التلفزيون ابو سلمان ضحك وتذكر شي مهم وانقلب وجهه للجد : سعود سعود : هلا أبو سلمان محمد ناظره : لا تنسي شف دواء أخوك سعود هز راسه موافق ..وبجد : لا توصي حريص ..انا سالفة الشقيقه مادخلت مخي أبو سلمان تبسم وناظر قدامه : زين وانا رح اسال عن هذا الدكتور اللي قال عليه سعود حس بشويه راحة حالة مشاري أمس مو حالة شخص يعاني من آلالام الشقيقه ...ودام ابو سلمان تدخل بالسالفه وبساعده مارح يقصر ورح يشوف حالة مشاري ويتطمنون إثنينهم ورجعوا جوا المستشفي يشتغلون ..والصحفين ركضوا علي قنواتهم وجرايدهم يكتبون كلام ابو سلمان ويتسابقون منهو يستضيفه بالقناة حقته ببيت ابو سلمان ( محمد ) شوق تصارخ بكل صوتها : رهف ررررهف وجع تعالي رهف نازلة الدرج ومعصبة : يالنذلة وش هذا علي صباح الله وبعدين ماجد فيه لاتنسين شوق فرحانة : تعالي تعالي شوفي أبوك علي الجرايد والمجلات رهف ركضت لها : إحلفي شوق مبسوطة : شوفيه شوفيه رهف تناظر وتقرا : واااي وش هالمديح يستاهل ابوي بعد قلبي والله شوق فرحانة : لزوم نسوي له مفاجاة وحفلة شرايك رهف لمعت عيونها : ايوه اركض اعلم شجون ولين والكل شوق ضحكت ورن التلفون وركضوا ثنتينهم له شوق ترد بسرعة سبقت رهف له : الوووووو شجوووووووونه حمد فرح : يهلا صباح الخير شوق طيرت عيونها : حمد رهف فرحت حمد بفرح : ايوه حمد شخبارك شعلومك شوق إستحت كانت مرجوجة : صباح النور زينه وإنت حمد " بالف الف خير مشتاق لصوتك ياقلبي " : الحمد لله شفتي المجلة شوق تناظر رهف بغضب والثانية لزقت إذنها : ايوه توني كنت اشوفها حمد بمرح : الللللللللللللف مبروووووووووووووووووك شوق ضحكت غصب ورهف ماسكة ضحكتها وتقلده : الله يباااااااااارك فيييييك حمد طاير من الفرح " يالبي هالضحكة والصوت والدلع " : مافيه عزيمة بالمناسبة السعيدة شوق بصوت مرح: إلا فيه ومن الحين معزوم تساعد سلمان يجهز لها حمد ضحك : هههه ابشري لعيونك رهف ترقص وبهمس : عيونك هاه هين شوق عصبت : ماتقصر نسيت اسال تحتاج شي متصل حمد كشر " ليكون زعلت اوووف طول حياتي غبي " : كنت ابي أبارك لكم ومحتاج سلمان أتصل ومايرد شوق إبتسمت : سلمان نايم بالملحق مع ماجد هين ابعث له عزوز وماتقصر الله يبارك فيك وتعال تساعدنا نفاجئ ابوي إنت وشجون حمد فرح كانها تراضيه : ابشري هذا طريقنا وعلمينا وش نسوي رهف تناظر شوق شوق مبتسمة : تعالوا واعلمكم حمد بطير لها : ابشري مسافة الطريق شوق بصوت هادي : فامان الله حمد يرقص : فامان الكريم ...وسكر : ياقلبي احبك احبك شجون وراه : منهي !؟ حمد فز ولف ويصرف : خوي عازمني علي الشرقية شجون بثقة : كذاب خويتك يالخلبوص <<< زير نساء حمد عصب : بعينك أسوي حرام روحي عني شجون إنقهرت : اعرفها اعرفها تطمن ..وبعدين وخر ابارك لرهف حمد توهق : رهف داقة تعزمنا نروح نساعدهم يفاجؤون عمي ابو سلمان شجون نطت : كشفتك يعني كنت تسولف مع رهف حمد مسوي فيها معصب عشان يصرف : إحترمي نفسك رهف إختي قلت لك خوي ي قليلة الادب شجون تكتفت وترفع وتنزل حاجب : اقصد شوق مو رهف حمد ناظرها بغضب ومش عنها : جهزي نفسك نروح لهم شجون ضحكت : هههه قل شوق إختي او مب قادر تقولها <<< شجون شاكه انو حمد يحب شوق ، لانو حمد دوم يمدح شوق قدامهم وام حمد تقول لـحمد اخطب لك شوق حمد معطيها ظهره وتبسم وصرخ : امي مرتاحة شجون فطست ضحك وركضت سيدة حق غرفتها وبغت تطير حمد بطريقها حمد صرخ : الله يرجك... إن شاء الله تطحين وتتكسرين شجون باعلي الدرج وتطل عليه وتصارخ : رح تكشخ يالغبي ...ولفت عنه حمد طير عيونه : صادقة ...وركض لحقها يتكشخ عشان بشوف شوق قلبه شوق سكرت التلفون رهف تصفق : عيشتوا عيونك ماعيونك شوق عصبت : رهوف هو قالها عادي شتبين يقول رهف تغمز : يقول ياقلبي ياحبي ياحياتي شوق معصبة : مليون مرة اقول حمد اخوي ماتفهمين رهف بثقة : علينا يالولهانة بحمد رائد شوق تصارخ : حمد اخوي إفهمي رهف فطست ضحك : هههههههههه طلعت ريحتها شوق بغضب : بسك ضحك وابعثي عبد العزيز يصحي سلمان ونشوف وش نطلب حق حفلة صغيرة عشان ابوي رهف ماصدقت خبر : هيه هيه اطيب كيك لأبوي الغالي من إيديني شوق طيرت عيونها : من إيدين منهو رهف عصبت : غبية من المحل بس انا اقول له من إيديني وركضت حق عبد العزيز تصحيه شوق ضحكت وبثقة : اشهد ان ابوي مارح يذوقها لو تقول له من صنع إيدها فقعت ضحك وراحت تجهز قائمة بالاشياء اللي يحتاجونها ببيت ابو خالد أسيل ماسكة المجلة وطلعت ركض لغرفة عمتها : عمتي عمتي عمتي كل اللي البيت سمعوها سهي صحت من الصوت وقامت بسرعة حق الباب أسيل وصلت وتدق الباب : إفتحي إفتحي سهي فتحت الباب وبسرعة : خير خير وش فيه اسيل تمد لها المجلة : شوفي شوفي سهي إرتاحت : الحمد لله فكرت فيه شي ...واخذت المجلة خالد لحقها هو وامه : خير وش فيكم اسيل ميتة فرح : عمتي طالعه بالمجلة هي وجدي وعمي ابو سلمان والكل الاثنين تحمسوا وراحوا بسرعة يشفون سهي عجبها الكلام : ماشاء الله كل هذا المديح فينا ام خالد ( ريتاج ) فرحانة وتبوسها من خدها : تستاهلين ياقلبي يادكتورة العيلة ..تهبلين إنتي وعمي شوفيه شلون حب راسك سهي غرقت عيونها دموع : إيه صورنا الاخ مشاري خالد فرحان وباسها وضمها : الللف مبروك ياحلي عمة رفعتي راسنا سهي ضحكت والكل بارك لها وسمعت موبايلها يرن وشافتها ام وائل ( مني ) تبارك هي وإم عبد الله ( هديل ) وإم سطام ( أماني ) دقت تبارك وشوي سمعوا صوت ابو الوليد ( فارس ) ونزلت له وحصلته إيجي هو وكل اهله يباركون ويفطرون معهم نرجع لشوق ورهف رهف دقت علي محل كيك وطلبت واحد...وشوق راحت للخيمة تجهزها وأم سلمان ( إبتسام ) دقت عليها وقالت لها شو تسوي وتحضر....وصلت شجون وصارت تساعدهم وحمد طلع لسوبر ماركت يشتري أغراض مع سلمان وماجد ورهف دقت علي الكل تعزمهم علي الغداء واولهم بيت ضاري طبعا ...وسلمان طلب أكل جاهز دام أمه مريضه...وأم خالد أجتهم وتساعد شوق تجهز للعزيمة وجابت أسيل معها وجابهم خالد خالد من وصل وشاف حمد فيه كشر وسلم علي الشباب وقعدوا بالمجلس ينتظرون متي يوصل الباقي أم سلمان جهز لها أبو سلمان اوراق الخروج وتجهزت تطلع من المستشفي وراحت تشوف أبو مشاري قبل لاتطلع وتعزمه لبيتها وكان معه أبو بدر أبو بدر : بتطلعين اليوم !؟ إم سلمان قاعده معهم : أيوه ياعم أبو سلمان قال بطلع أبو مشاري : أحسن يايبه المستشفي يزيد المرض إم سلمان إبتسمت : صادق يبه ...وأنت متي تطلع أبو مشاري : يقول الدكتور يوم الخميس أم سلمان : بإذن الله يايبه ..بترجع لجده !؟ أبو مشاري مبتسم لها : أيوه يبه ..وانتظر زيارتك لي أم سلمان بهدوء : ان شاء الله ...بس قبله تعال لبيتي أبو مشاري بمزح : ايوه ..وابي غداء وعشا طيب ابو بدر ابتسم وام سلمان ضحكت : أن شاء الله من عيوني أبو مشاري بحنيه يشوف فيها بنته اللي أنحرم منها : تسلم عيونك يبه ...وعندي شي هو ملك لك يبه أبو بدر ناظره وأم إم سلمان استغربت : خير يبه ...وش هالشي أبو مشاري بعطف : مالي وحلالي هو لك إنت وابو خالد ( بدر ) أبو بدر يناظره أم سلمان ( إبتسام ) إبتسمت وفهمت عليه : عندي من الحلال الكثير والحمد لله وانت عندك عيال أكتبه لهم أبو مشاري هز راسه بلا وبصوت هادي : عيالي إنت وأبو خالد ..ومشاري وسعود عطيتهم حقهم ونصيبهم إم سلمان سكتت وتطالعه أبو بدر حزن قلبه لو عبد الرحمان تزوج كان عنده احفاد وعرايس واهل وعزوه ..وبهدوء : لهم من المال الكثير عطيه لمشاري وسعود أبو مشاري يناظر أم سلمان وبصوت هادي : ليكون ماتبين اكون لك ابو واورث بنتي الوحيدة حصة أبو بدر نزل راسه وحس هو السبب فكل هذا لو زار خويه لسجن ولو تم له صديق واخ كان يمكن الواقع موب هذا بس القدر تقدر .... وأم سلمان قامت له وبمزح وتحاول تكون البنت لهم أثنينهم : أفا يبه أنا بنتك الطماعه اللي تبي كل املاكك لانو املاك ابوي أبو بدر قليله وماتكفيني ابو مشاري إبتسم وبفرح وناظر خويه : من زمان وابو بدر بخيل وأكيد ورثك بس القليل أبو بدر يحاول يغادر الماضي الأليم ويعيش الحاضر ويخليه سعيد : واضح يابو الكرم وتبسموا كلهم أبو مشاري بوناسة : انزين أتفقت مع محامي وبهالاسبوع توقعون الاوراق أنت وابو خالد أم سلمان بهدوء : أن شاء الله أبو بدر بتردد : ومشاري وسعود أبو مشاري إبتسم له : عطيتهم جزء من أملاكي من زمان ...وقلت لمشاري لو متت يكتب الجزء الثاني لعيالك أم سلمان وابو خالد أبو بدر وام سلمان : طولت العمر بإذن الله وكفوا سوالف لين إيجاهم أبو سلمان وأخذ معه أم سلمان وأبو بدر لبيته وأبو بدر وصي أم سلمان تسأل سهي عن رايها بخصوص خطبة فيصل لها خالد يسولف مع ماجد : ماجد نمت عند سلمان !؟ ماجد : ايوه خالد : يالخيان ليش مأجيت تنام ببيتنا ماجد ضحك : ههه الليله باذن الله يالوفي حمد ببراءه : اثاريك منت بكفوو عزايم ..احد يعزم بهالطريقه خالد من وصل وهو معصب منه : مأحد كلمك ...ضف خشتك بعيد عني ...ولاتسولف معي حمد عصب : احترم نفسك ...انا امزح لاتسوي فيها سالفة خالد معصب منه : هذا اللي ناقص بس مزاح معك أنت حمد وصلت معاه : خير يالاخو وش فيك...ليكون ما كل حلالك او ذابح اهلك قبل لايرد خالد رد سلمان : خير انت وهو اشوف بتتهاوشون سمعونا عاد خالد سفههم وسكت ...وحمد سكت ماله ابد خلق هواش مع خالد ماجد أستغرب منهم بتهاوشون علي ولا شي ويغير السالفه : لو مارجعنا اليوم لأبها انا وابوي اجيك ياخالد خالد يتحكم باعصابه : ايوه حياك وصار سلمان يسولف مع ماجد وخالد يسولف شوي ويفكر في حمد " يمكن حمد مو مهتم لشوق وانا اعصب من ولا شي ...بس حمد كله علي بعضه م اتحمله ...بس ما يصير اقلل ادب معه واتهاوش معه وهو ماسوي شي ..بهالطريقه اظلمه ..بنهبل منه ومن فكرة انو يحب شوق " حمد يسولف معهم ويفكر ليش خالد يعصب ويحب يتهاوش معه وفنفسه " مادري عنه شفيه علي ..بس اوريه لو يقرب مني واخليه يتعلم حدوده " وصل ضاري وأهله ورهف أستقبلت أم ضاري ورغد أحسن إستقبال هي وشوق وأم خالد ...لين لحقت أم سلمان ووصل وراها الكل وحتي سهي زارتهم رحلتهم عشرة بالليل وأم وائل ( مني ) ومعها عيالها الاثنين وائل بعمر 13 ولمي بعمر 9 وراحوا يلعبون مع عبد العزيز ومحمد بغرفة عبد العزيز عند البلاستيشن عبد العزيز من شاف لمي كشر يكره البنات الدلوعات ولمي دلووعة بس بنت كيوووت وتجنن وهي تسولف سعودي زين لانو ام وائل( مني ) ماتبي عيالها يتربون مثل الغرب ويعيشون بطريقتهم وبالبيت تسولف معهم باللهجة السعودية هي وسهي وابو وائل ( أحمد ) اللي يشتغل دكتور محاضر في الفيزياء بنفس جامعه سهي عبد العزيز مكشر : روحي انت عند البنات حنا عيال لمي بنت صغيرة بس سيدة مجتمع علي قولت سهي ومشت لمحمد وطنشت عبد العزيز تطنيشه محترمه عبد العزيز عصب منها : هيه انت اسولف معك لمي قعدت جنب محمد : انا بلعب مع محمد ووائل ومابي العب معك انت عبد العزيز وصلت معاه :مافيه نحن بنلعب بروحنا محمد تدخل : عزوز لمي وحيدة مافيه بنات تلعب معهم عبد العزيز انقهر : انزين تتفرج بس مارح تلعب لمي عصبت منه : بعينك بلعب انا اعرف زين وائل خش : اوكي لمي رح تلعبين ..انا وانت فريق وعبد العزيز ومحمد فريق شرايكم الثلاثي تحمس : اوكي وصاروا يلعبون وعبد العزيز رحم لمي لانو من جد مافيه بنات تلعب معهم ..لكن عبد العزيز ولمي مثل القط والفار مثل توم وجيري هههخ وصل الغداء واجتمعوا كلهم يتغدون الرجال بالمجلس والحريم بالصالة والبنات يسولفون والبزارين لسه يلعبون ويتهاوشون ...وبعد الغداء اكلوا الكيك وتحلوا بالحلي أم سلمان قالت لسهي عن فيصل وسهي وقف قلبها وتدري زين انو سعود معصب ورح يتهاوش معه وقالت انو مو موافقه وتفكر في سعود وفي ردت فعله سعود ايجي لبيت ابو سلمان مع بسمة وكان ناوي يذبح فيصل بس من حظه اليوم يوم اجازة لفيصل وله ...بس بكرة قريب وماهو بعيد هالشي اللي قاله فنفسه وتمني لو يشوف سهي اخر مرة قبل لاتسافر مشاري مع أبوه بالمستشفي وصلهم غداء من بيت ابو سلمان وتغدوا وقال له ابو مشاري يرجع يجيب الاوراق توقعهم أم سلمان وابو خالد وهو وافق ...وأم رهف الاستاذه سارة يوم سمعت انو ابو مشاري بالمستشفي زارته هي وزوجها لانو بمكانه عمها وتعرفه من هي صغيرة وتعرف مشاري زين وابو رهف مساعد زوجها عزمهم علي المعرض وبيته وهم وعدوه بالزياره مر الوقت بسرعه وسهي رجعت لبيتهم تجهز نفسها لسفر وأبو وائل واهله كمان والعيال والبنات قرروا يطلعون لسينما يوم صلوا الظهر وبعد العصر يوم تخف الحرارة يرحون يشوفون مباراة كرة قدم او سلة ويقعدون بالاماكن المخصصه للعوائل << يعني ترفيه في حدود المعقول ماجد وأبوه قرروا يرجعون لبيتهم وماجد مقهور ورجعهم أبو حمد طلعوا البنات والعيال ..كلن بسيارته ومع اخواته وصلوا لسنيما وكان فيه ناس قليلة وقت ظهيرة والكل ببيته وقصوا تذاكر ودخلوا وكان فلم رعب مصاصين دماء بسمة ورهف ميتين فرح والباقي من البنات ميت خوف عبد الله اول ماوصلوا لسنيما قال لأسيل تقعد معه وقعدوا مع بعض ورى وعبد الله مستحي من سعود اللي م انتبه لهم وأسيل خجلانه من الكل بس خشوا جو ونسوا الدنيا واللي فيها وصاروا يسولفون أسيل بخجل : عبد الله ترا أنا يمكن اروح لجدة عبد الله كان ماسك إيدها واستغرب : شعندك بجدة !؟ أسيل مستحيه منه : اشتري اغراض عبد الله طالعها وبغباء : وش اغراضه وبعدين اشتري من هنا أسيل منزله عيونها : أقصد اتجهز وجدة فيها اغراض حلوة وشوق تقول تجهزي من هناك عبد الله إبتسم وفهم عليها : اوكي حياتي براحتك شعلي انا بسوالف الحريم أسيل فرحت : رضيت ؟ عبد الله قرص خدها : ايوه ..وبعدين تتوقعين بقول لك لا أسيل بصوت هادي وخجول وتحك خدها : أمي تقول صار زوجك الحين وأخذي شوره بكل شي عبد الله رفع حواجبه ورز حاله وشق الخشة " الله اكرمني حرمتي بنت عاقلة وحماتي مره رزينه " : احم احم ..ايوه ياقلبي أمك صادقة بس انا بإذن الله مارح ارفض شي تبينه أسيل زاد فرحها عبد الله رجال بظهر رجال وحنون : تسلم والله ..وان شاء الله اكون لك سند وعون عبد الله نبض قلبه من كلامها وحوطها بإيده وبصوت عذب : بعد قلبي بعد هلي وناسي أحبك أسيل ضاعت بصوت وحب عبد الله وخبت وجهها منه وعبد الله ضحك بشويش عليها عند العيال سعود يسولف معهم: تصدقون عاد نسيت أخر مرة شفت فيها فلم او برنامج تلفزيون سلمان ضحك : هههه افا وشلون تملي فراغك سعود مقهور : اي فراغ الله يهداك والطب اخذ مني كل وقتي ضاري : اي والله ياعمي الله يعينك ويقويك سعود بمزح : امين يارب العالمين ..وكل يوم اجازة أحضر أفلام ومباريات سلمان وضاري : ههههه أمين خالد معهم وبتردد : اقول عمي عندي سؤال سعود : سم خالد مبتسم : سم الله عدوينك ...ماتبي تصير ابو سعود ماسك ضحكته ومسوي فيها طفشان : اسكت اسكت هذا اللي ناقصني بس الحريم وسوالفهم البايخه والممله العيال ضحكوا وسعود معهم خالد : ههههه من جد ياعمي سعود بجد وتذكر شي وأبتسم بحبور : العلم لله اتوقع قريب وتقول ابو عبد الرحمان العيال : ههه ان شاء الله وكفوا سوالف وسعود صار لهم صديق وقال لاتقولون عمي بس هم عارضوا ..الاحترام إحترام جد بينهم مزاح بس في حدود الاحترام والتقدير عند البنات كانوا يتفرجون ويخبون عيونهم من اللقطات المخيفة ورهف وبسمة وشجون عيونهم مبقبقه وياكلون البوب الكرون ..لين خلص وقالت لهم ملاك هي بتجيب وتهرب شوي من هالوحوش والصور المرعبة ...وقامت وطلعت تشتري لهم وتشرب مويه حلقها نشف من الخوف فواز كان يتفرج مع العيال وانتبه لبنت قامت طالعه وشك انها ملاك لانو شافها يوم إجت مع سطام وقام يشوف ليش طلعت عنهم ولحقها وشافها راحت تشتري وإبتسم ولحقها ..يمكن فرصته الوحيدة أنو يسولف لو كلمتين معها ملاك تكلم العامل : ممكن خمس علب بوب كرون وقارورة مويه العامل : ان شاء الله اختي ...ولف بيعطها طلبها فواز وقف وراها وبتردد : ملاك ملاك وقف قلبها وفزت ولفت وهي ميته خوف ..منهو ياللي يعرفها : يمممه !!! فواز خاف من ردت فعلها الخايفه : بسم الله شفيك ملاك تنفست يوم شافت فواز ورجعت شوي لورى ونزلت راسها وتفكر وش يبي وسكتت فواز يناظرها و ابتسم بحنيه ملاك هادية مرررررة : بتشترين شي !؟ ملاك مستغربه منه وش يبي وهزت راسها بإيه وخايفه من سطام لو يشوفها ومن فواز وش يفكر فيها حتي يسولف معها فواز عرف انو رخبطها وبهدوء : اه اوكي شفتك بالصدفة قلت تبين شي ..لو قلتي لنا نحن العيال كان أشترينا لكم ملاك توترت وبهدوء وغمضت عيونها : سوري ماحبيت ازعجكم فواز فرح واخيرا قالت كلمتين علي بعض : وش دعوة نحن بالخدمه ملاك تبي تروح بسرعه : تسلم فواز وقف ويناظر دلعها الرباني ...وملاك متوهقه وتنتظر طلبها العامل جهز لها طلبها وحطه في كيس ومده لها : تفضلي أختي فواز بسرعه مسكه عنه وبسؤال : كم الحساب !؟ ملاك منصدمه منه العامل قاله له وفواز حاسبه ومد الكيس لملاك وبصوت هادي : تفضلي ملاك مدت إيدها بتوتر وأخذت الكيس من فواز وبهدوء : تعبتك معي فواز فرحان ويبي يفهم طبيعه مشاعره اللي تجتاحه يوم يشوف هالبنت قدامه او يسمع بسيرتها ويفكر فيها : وش دعوة تعبك راح ملاك مسكت الكيس ومدت له حق الاغراض فواز يطالع المال وبهدوء وماعرف وش يقول او بشنو تفكر ملاك وانو ممكن رجال مو زين ويدفع عنها وعن بنات ثانين وفكرها مثلهم : وش دعوة ...مو شي مهم ملاك هزت راسها بلا و إيدها ممدوده له فواز ماعرف يتصرف ونزل راسه : مابي تفكرين بشي غلط ملاك رفعت عيونها له تفهم المغزي من كلش قاعد يسويه فواز بلع ريقه ورفع عيونه يناظرها وبتردد : انا م اقصد شي خبيث صدقني ...انت من هلي وناسي ملاك توترت أكثر من نظراته ونزلت راسها بسرعه وبعفوية : انا بس حبيت اعطيك حقك فواز حس بشويه راحه : وصل أعتبريها من ولد عمتك ملاك نبض قلبها وتفكر في كلامه " أنت من هلي وناسي " وبصوت شبه مسموع : ماقصرت ...عن أذنك فواز فرح شوي وارتاح انو ماقلت شي : اذنك معك ملاك مشت بسرعه ترجع للبنات وتفكر بفواز وتصرفاته الغريبه ولاول مرة فواز وقف ويناظر قفاها وفنفسه " وش فني معك يابنت خالي ...صدقني ماعرف " إبتسم وهز راسه بضياع واشتري بوب كرون وعصير زيادة ولحق ملاك جوا ملاك رجعت للقاعه ومستغربه من فواز " شفيه وش سالفته " هزت راسها بعدم فهم وراحت عطت للبنات وقعدت تطالع الفلم وبالها مشغول بفواز وتصرفاته المبهمه فواز دخل وهو فرحان شوي وقرر يفهم بالاول طبيعة مشاعره صوبها وبعدين لكل حادث حديث خالد يناظره وهو مفهي : هالووو يالاخو وينك فيه فواز طنشه ومد له علبة بوب كرون : تفضل خالد عقد حواجبه منه وبمزح : خير من متي الكرم فواز عصب شوي : من عام حاتم الطائي يأشعث العيال سمعوهم وضحكوا خالد : هههه امزح يالحبيب فواز إبتسم بس وسفه ويطالع الفلم المخيف وباله مو معه ولا مع الفلم عند البنات يتفرجون وخايفين وشوق ملت وكرهت من هالمناظر الشنيعه وللبنات : بنات بليززز خلونا نطلع انا كبدي حامت علي رغد مركزه مع الفلم علي الاخير : ليش والله شي يفتح النفس ويغير جو خليك شوق بقرف : اعوذ بالله ....الحين هالجرايم والدماء شي يفتح النفس ...سبحان الله الناس اذواق رهف من الاخير : زين اطلعي ماحد قالك أقعدي وتفرجي شوق عصبت : أصلا أنت غسلت منك إيديني أنا اقصد باقي البنات شجون : بالحلم اقوم وأطلع بنصف الفلم شوق أنقهرت وشافت بسمة وكأنو مو معهم تبلع الذرة وتطالع بس الفلم إبتسمت ولفت لدنا : دنون تطلعين معي دنا خايفه بس تبي تعرف النهاية : لا حبيبتي سوري شوق أنقهرت أكثر : لو أسيل فيه كان طلعت معي ..أروح أخذها من عبد الله ملاك ضحكت عليها : قومي نطلع مع بعض ...وخلي أسيل مع عبد الله او يرميك لزومبي وتصرين من مصاصين الدماء البنات ضحكوا وشوق قامت : عاشت ملووك تفضلي معي وقامت معها ملاك وطلعوا وأنتبه لهم الكل فواز يطالع ملاك وبعفوية : وين رايحه !! خالد سمعه ويناظر شوق : علمي علمك فواز طالع خالد وشافه يطالع البنات ونغزه قلبه وبصوت هادي : خالد قصر نظرك خالد إنتبه عليه ولف له : خير شفيك فواز حس بشويه غضب وفكره يناظر ملاك : ليش تطالع البنات ..قصر نظرك خالد عصب وفكر أنو يقصد شوق وفنفسه " كملت والله " : والله ليش فواز رجع يناظر الفلم ومايبي يتهاوش مع اعز ناسه عشان شك : ولا شي بس مايصير تناظر بنات الناس خالد إبتسم غصب وبصوت هامس : ليش أحس فيه غيره بالمكان فواز طالعه مفهي : شقصدك خالد من الاخير وبجد : أنا تهمني أخت سلمان ومابي أي أحد يشاركني بهالشي فواز طير عيونه من كلامه وخالد ناظره فواز عصب : نسيت منهو أخت سلمان بالنسبة لي خالد بهدوء : بنت خالتي وبنت عمتك وبنت عم حمد فواز عقد حواجبه وفهم انو خالد يحب شوق ..وبس شو دخل حمد بالسالفه فواز بهدوء : شفيك يالخوي ...وش عليه حمد خالد بهدوء ويتمني من قلبه حمد مايفكر بشوق ..وفهم انو فواز يعتبرها قريبه وبس : ضايع بين شكي ويقيني فواز إبتسم بحنيه : اتوقع فيه كلام بينا وافهم سبب هالحزن بعيونك خالد هز راسه بإيه ويناظر الفلم ويبي يقول لفواز عن شكه عسي يريحه وعسي مايظلم هو حمد معه ...حمد مو خويه ومايحبه ..بس يتمني له كل خير فواز يناظره وحط إيده علي كتف خالد : قم قم نطلع وأسمع وش فيك خالد إبتسم غصب : والفلم فواز يغمز له : بالنت موجود خالد قام : اوكي يله ..تفضل قام فواز معه وحمد بسرعه ونغزه قلبه : وين خالد كشر : شعليك أنت حمد طنشه : فواز مارح تشوف باقي الفلم فواز يطالع بينهم وحس فيه كهرباء وشرر بينهم : مليت منه سعود إبتسم : انا نفسي تعبت من هالمناظر ...مستغرب من بنت اخوي الرقيقه شلون تتحمل تشوفها العيال ضحكوا سلمان : ههههه رقة البنات كانت زمان الكل فقع ضحك وفواز وخالد طلعوا وحمد يبي يطلع معهم بس ماعرف شلون ...شاف شوق طالعه وحس انو خالد لحقها ...بس شوق له ..هالشي اللي قاله فنفسه وناظر الفلم ومصمم عليه خالد وفواز طلعوا وشافوا شوق وملاك قاعدين بكوفي صغيرة ملحق لسنيما وفيها يمكن اربع او خمس طاولات ملاك من شافت فواز استحت غصب عنها ...وشوق سوت نفسها ولا كأنو شافتهم خالد يناظرها ولفواز : خلنا نسلم عليهم فواز إبتسم وشاف مصلحته : اوكي سلم بس علي شوق اوكيه خالد ناظره : والله ...ليش !! فواز بتردد : مالك شغل خالد تبسم ومشي : لبيه ابشر وفواز لحقه ...البنتين من شافهم توتروا وملاك نزلت راسها بحيا الولدين وصلوا : السلام وعليكم شوق ساكته وتطالع فنجان الكوفي قدامها وملاك ناظرت شوق الساكته وبهدوء : وعليكم السلام ورحمة الله خالد كشر ..شوق طنشته وبهدوء : شخباركم ان شاء الله تمام ملاك متوتره : بالف خير الحمد لله وانتوا فواز يناظرها : بخير ...وخالد سكت ويناظر شوق الساكته فواز لاحظ شوق وخالد وبهدوء : شخبارك شوق شوق منزله راسها : بخير خالد مقهور حتي سؤال م سألت عن اخباره ...او حطت عينها بعينه : الحمد لله فواز بهدوء : نحن هناك لو تبون اي شي قولوا لنا زين ملاك خجلانه : تسلم ماتقصر فواز طالعها وبحب : شدعوة عن إذنكم ملاك رفعت عيونها له وإبتسمت تحت لثمتها : تفضلوا خالد علي طول مشي وهو معصب من اسلوب شوق الناشف وفواز لحقه وفيه شوي فرح مع غرابه وبسؤال : شفيها شوق مطنشتنا خالد منقهر : مادري شفيها ..وهالشي قهرني فواز رحمه ويحاول يهديه : عادي ماتكبر السالفه خالد قعد علي طاولة وقابل شوق : بس م شافتها حتي كلمة شخباركم م قالتها فواز قعد : ماعليه شتبيها تقول يعني ...شوق من يومها هادية وماتسولف مع أحد خالد ساكت ويناظرها فواز يطالعه وبهدوء : ماقلت شسالفة خالد تنهد وقال له انو يشك انو حمد يحب شوق وصار يسولف معه عند شوق كانت منزلة راسها ويوم رفعت عيونها شافت خالد مقابلها تنهدت ونزلت راسها وتسولف مع ملاك ومسوية نفسها مو شايفته ....وملاك تفكر بفواز وإهتمامه وخالد يسولف مع فواز ومنقهر منها أكثر وأكثر ...وفواز قال له شك وبس وماظن حمد يحب شوق وخالد تمني يكون كلامه صح خلص الفلم وطلعوا كلهم سعود يسولف مع بسمة : شبعتي قسوة ومناظر مخيفه بسمة ضحكت : هههه لا لسه سعود ضحك : هههه اعوذ بالله ...من وين طالعه الكل ضحك بسمة تضحك : هههه هاذي البداية بس يللله نشوف كرة سله سعود كشر : كرة قدم أحسن بسمة انقهرت : بليززز عمووو بليززز سعود إبتسم : يلله شباب تصويت منهو يبي كرة قدم يرفع إيده الكل رفع إيده إلا بسمة ....وبسمة إنقهرت : اوكيه هزمتني يللله ضحكوا كلهم عليها وسعود : ههه امزح نسأل لو فيه سله نشوفها ولو فيه كرة قدم نشوفها بسمة فرحت : تسلم يالغالي تسلم سعود : ايوه مو لله ...وراحوا لمصلي ملحق لسنيما صلوا فيه العصر شباب بروحهم والبنات بروحهم وتجهزوا يطلعون عبد الله راح لخالد : خالد خالد مكشر : سم عبد الله بتردد : سم الله عدوينك ....انا بأخذ اختك معي خالد رفع حاجب وتكتف : إحلف بقوة وأصدق عبد الله مشي : ترا اعطيك خبر بس ...ومشي فواز ضحك وخالد إبتسم غصب : ماوصيك عليها عبد الله فرح : حرمتي لاتخاف ...وراح لأسيل خالد بمزح : أحسن ريحتني منها فواز يضحك : هههه إمشي إمشي طلعوا كلهم وركبوا سيارتهم وسعود شاف عبد الله مع أسيل وم إهتم فكرها إخته ...عشانه لسه م يعرف البنات اخوان من هو عبد الله وأسيل قرروا يلفون الرياض والشباب راحوا علي حديقة الالعاب عشانهم سالوا لو فيه مباريات وقالوا مافيه وانقهروا وراحوا للملاهي . بسيارة سلمان رهف تسولف مع شوق رهف بخبث : سولفتي مع خالد شوق ناظرتها بصدمه : متي !! رهف إنقهرت : يوم طلعتي وطلع وراك شوق طيرت عيونها : بسم الله مو كنتي تشوفين الفلم رهف ضحكت : ههه حبيبتي انا انتبه لكل شي حولي ...قولي يله شوق إبتسمت ..تعرف رهف اللقافة اللي فيها مالها حدود وعيونها بكل مكان حولها : لا رهف كشرت : إحلفي شوق عصبت : وش احلف شافني هو وفواز انا ملاك سلموا وراحوا رهف بوزمت : قهر ...فكرته قال لك شي شوق بغضب : خير إنت شتبين يقول يعني رهف مقهوره : ولا شي ...انا احس خالد يحبك وقلت يمكن قال لك شوق طيرت عيونها : إحلف بس هذا اللي ناقص رهف عصبت منها : خير إنت شفيك ...حمد مو مالي عينك وخالد كمان ...قلتي ماتحبين حمد وقلنا ماعليه حتي خالد شوق عصبت عليها : يالدوبة قصري صوتك سلمان سمع ..وبعدين من قاله انو ابي منهم يحبوني او احب واحد فيهم رهف تناظرها وبهدوء وتبي تتأكد من شي : من جد ماتحبين واحد فيهم شوق تنهدت وناظرت برا الشباك : أيوه من جد ماتصدقين إنت رهف سكتت ولفت تطالع الجهة الثانية " أنزين شمعني الدفتر واللي فيه " شوق ضاعت بينها وبين نفسها تعرف زين منهو ياللي تميل له وتكن مشاعر له بس ماتبي تكسر بواحد وترضي واحد ..وبصوت هادي مرة : رهف رهف حست فيها ولفت لها وإبتسمت بحنية : أنا فيه يأختي واللي بقلبك قوليه يوم ماتبين شوق فرحت شوي ولفت لها : بس إنت بتهبلين فني رهف بمزح : ضروري انا ماقدر اعيش بدون الهبل والعربجة شوق ضحكت : ههههه عونك يااااارب رهف ضحكت معها سلمان بشك : خير وش تتهامسون وتضحكون شوق ورهف : عليك يالاخو سلمان : وخروا عني وبسكم نميمه ...ضحكوا وكملوا سوالفهم وشوق تبي تحكي وتقول عن اللي بقلبها وتتمني يطلع شكها غلط ومايحبها غير اللي تبيه هي . وصلوا للملاهي وتفرقوا واختروا العاب وبدوا يلعبون وسعود راح قعد مع بدر ويسولف معه ...بدر لزق فيه ويسأله عن الطب وسعود فرحان فيه ويجاوبه وقال له رح يساعده بكل شي يحتاجه حتي يحقق طموحه وبدر مو عاطي فرحته لأحد سطام ووليد من لعبة لعبه وكأنهم بزر ...ورغد وشجون ورهف مثلهم وشوق معهم ومكشره لو فيه أسيل او ريماس كان زين وملاك ودنا وبسمة يدورون علي العاب ويلعبونها شجون ورغد ورهف شافوا لعبة خطره وعليها تحدي وتحمسوا رهف بحماس : وش رايكم شجون مثلها : موافقه رغد : وانا بعد ...عليها يلله وركضت شجون ورغد رهف : شويق يلله معنا شوق خافت منها : لا واللي يعافيك خطره مرة رهف كشرت : زين خلك فيه اربح 1000 ريال ونصرفها شوق ضحكت ومشت معها : ههه اوكي يلله رح انتظركم هناك ...واشرت علي كراسي فيه رهف : اوكي ...ولحقت البنات ركض سطام ووليد شافوا نفس اللعبة وراحوا لها وحصلوا البنات الولدين بفرح : سلااام البنات فرحانين : سلامين سطام يناظر شجون : هلا ومسهلا شخباركم شجون خقت عليه : بخير وانتوا وليد عيونه علي رغد : بخير الحمد لله ...ليكون رفعتوا التحدي البنات ضحكوا بحيا : ههههه ايوه سطام تحمس : بنشوف منهو يربح تحمسوا وقفوا ينتظرون الدور وليد قص لهم تكت ...لين نزل الناس اللي قبلهم وركبوا هم سطام ووليد علي قدام وشجون ورغد وراهم ورهف ورى البنتين وقعدوا ينتظرون يجون الناس ضاري وسلمان حتي هم شافوا اللعبة وراحوا لها سلمان شافهم : خير يالمجانين بتلعبون هاللعبة الكل تحمس اكثر : ايوه تعال سلمان تحمس مع ضاري : يللله سلمان قعد مع رهف : مو خايفه يالوحش رهف عصبت : بعينك انا من رح يربح 1000 ريال ضاري قعد ورى : هههههه سلوم استعد للهزيمة سلمان ضحك ورهف لفت وشافت ضاري شق لها الخشة وعلي طول رجعت لفت قدام وقلبها ينبض فرح ضاري من ورى وفرحان : رغووود إستعدي للغثيان رغد تضحك : هههه اخاف يغمي عليك واساعدك الكل : هوه تفشل ضحكوا وبدت اللعبة وانطلقت وصاروا يصارخون باعلي صوت فيهم وشوق تطالعهم وتحس بترجع مكانهم وكأنو هي اللي تلعب مكانهم ...لين سمعت صوت يندها بحب وحنان وقامت ولفت عليه وإبتسمت ..... ****** | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
