آخر 10 مشاركات
زهر جبينها المكلل- قلوب أحلام غربية (118) [حصريا] للكاتبة Hya Ssin *مميزة ومكتملة* (الكاتـب : Hya ssin - )           »          المز الغامض بسلامته - قلوب أحلام زائرة - للكاتبة Nor BLack *كاملة&الروابط* (الكاتـب : Nor BLack - )           »          مابين الحب والعقاب (6)للرائعة: مورا أسامة *إعادة تنزيل من المقدمة إلى ف5* (الكاتـب : قلوب أحلام - )           »          واثق الخطى ملكاً فى قلبي *مميزة و مكتملة * (الكاتـب : حياتى هى خواتى - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          دموع زهرة الأوركيديا للكاتبة raja tortorici(( حصرية لروايتي فقط )) مميزة ... مكتملة (الكاتـب : أميرة الحب - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أسيـ الغرام ـاد -ج2 من سلسلة أسياد الغرام- لفاتنة الرومانسية: عبير قائــد *مكتملة* (الكاتـب : noor1984 - )           »          قطار الحنين لن يأتي *مميزة و مكتملة* (الكاتـب : رُقيّة - )


العودة   شبكة روايتي الثقافية > قسم الروايات > منتدى قصص من وحي الاعضاء > ارشيف الروايات الطويلة المغلقة غير المكتملة

Like Tree10Likes
موضوع مغلق
 
LinkBack أدوات الموضوع انواع عرض الموضوع
قديم 05-12-20, 11:36 PM   #11

اسيرهـ الخيال
 
الصورة الرمزية اسيرهـ الخيال

? العضوٌ??? » 481496
?  التسِجيلٌ » Dec 2020
? مشَارَ?اتْي » 261
? الًجنِس »
? دولتي » دولتي Kuwait
?  نُقآطِيْ » اسيرهـ الخيال is on a distinguished road
افتراضي


.
.
.




فيتامين سي



أهلييين وسسهلين
معذوره ياعممري ولو ..
وانا جداً سعيدة بمرورج ع الروايه وتعليقج عليها ..


تصميم جممميل ومعبر جداً عن البارت الأول حبييييته
وشكراً ع تعليقج الأجمل ..


وتنوريني دووم
بانتظارج مرورج ع البارت الجاي بإذن الله




اسيرهـ الخيال غير متواجد حالياً  
قديم 07-12-20, 01:23 AM   #12

اسيرهـ الخيال
 
الصورة الرمزية اسيرهـ الخيال

? العضوٌ??? » 481496
?  التسِجيلٌ » Dec 2020
? مشَارَ?اتْي » 261
? الًجنِس »
? دولتي » دولتي Kuwait
?  نُقآطِيْ » اسيرهـ الخيال is on a distinguished road
افتراضي

.
.
.



السلام عليكم ورحمه الله وبركاته


عدنا مع الجزء الثالث
وظهور المزيد من الشخصيات ع الساحهه ^^
بانتظار تعليقاتكم بككل شوقّ ..


قراءة ممتعةة


.
.
.


الجزء الثالث


أسبوع وانا عايشه برعب .. رعب ان ابقى بهذه البلاد للابد ، وخوف انهم نسوا امري ولن يعودوا ليأخذوني .. وقفت وانا ارتب غرفة التخزين .. فتحت صناديق المطهرات الجديده وانا اعيد ترتيبها ع الرف حتى لا اعود لدوامتي السوداء وتفكيري الذي ارهقني طوال هذا الأسبوع .. خرجت من المخزن واهي تسير بالممر الطويل ذاهبه لجناح الطوارئ حتى تبقى وسط المعمعه وستحاول التوقف عن التفكير .. جلست خلف الكاونتر وهي تتصفح الكمبيوتر وتقرأ حالات المرضى المتواجدين بالطوارئ الآن .. رفعت عينيها من صراخ ينادي باسمها

....: فاناااااااار
فنر : بسم الله الرحمن الرحيم انا ناقصه تخخرع .. ماذا بكِ يا غابي ؟
غابرييلا بابتسامه : انهم عائدووون اخبرتني بيلا الآن انهم بالطائرة التي أقلعت
وقفت بفرحه : حقااا .. ااااه الحمدلله ولكن لماذا تاخروا بالعوده .. كان الاتفاق يومان وسيعودون !!
غابرييلا بحيره : آآآآه لقد أصاب احد ما باصابه بليغه واضطروا للمكوث بمقرنا هناك حتى تلقى العلاج الكامل
فنر باستغراب : هل هو بخير ؟ من هو المصاااب ؟
غابرييلا : انه السينيوور داري
فنر بصدمه : ضاري ؟؟؟ هل هو بخير !!!
غابرييلا : نعم لا تقلقي انه بخير الآآآن .. لقد خضع لعملية جراحية
فنر : كيف ؟؟ فلا يوجد جراح بذلك المقر ؟؟؟ هل عينوا جراحاً جديداً

غابرييلا المضطره لاخبارها فهي بضع ساعات وستعرف كل ماحدث بمجرد وصولهم ، انصدمت من الكلمات التي تنطق بها غابي ... ماذا تقول هل أتوا بضحيه أخرى أيضا؟ الا اكفيهم انا ؟؟؟ .. ولكنها دكتورة يا فنر فهي مثل الماء الذي تحتاجه النباتات .. ومثل الهواء لنا لنعيش .. بالطبع فالدكتورة ستكون مفيده جداً جداً .. طوال الـ 365 يوم لي بهذا القصر شهدت حالات وفاة مستعصية ولم يستطع احد علاجها .. فـ ليكون الرب بعونك يا دكتورة ...!


.
.
.


بعَضيّ لديَّ .. وبعضيّ لديّكَ
وبعضيَّ يشتآقُ لـ بعضيّ
... فـَ هلا أتيتَ ؟!!

" محمود درويش"



ها قد أتى الحبيب .. معقولة انه يحس بمثل مااحس فيه !! .. خرجت والدتها بعد كلماتها العذبه لي ومن الصدمه لم استطع الاجابه !! احتضنت هاتفها بكفها بقوه بعد قراءتها لرساله بنت العم او اخت الحبيب التي اثبتت لي كلام امي [اسفه ، ماتدرين عن التهديدات طول مااحنا بالبر حتى مااقولج شي .. عسى بس مستانسه الحين ، الحبيب بنفسه اللي قال ماابي الا النمر الوردي لي عروسه هع هع ] .. إذن وأخيرا اتى اليوم الموعود .. وشعر بي الحبيب اخيراَ ..

استغربت سرحان اختها صرخت بصوتها : هاااي نحن هنا جوود
جود رفعت عينيها لاختها : شفيج ؟
غلا : انا اللي شفيني ولا انتي ؟؟ شقالت لج امي ؟
جود بهدوء : انخطبت
قفزت بفرح وهي تجلس معها ع السرير : صج والله مبروووووك .. ومنو اللي خطبج ؟
جود : بدر ولد عممي
غلا حاضنه اختها : مبروووك وأخيرا تحقق الحلم يا العاشقه
جود : يعني كنت مكشوفه !!
غلا : ههههههههههه تقريبا للكل .. المهم شفيج جذي خايفه
جود : مو خايفه بس انصدمت .. انتي تدرين من تخرجت من الكليه وانا ناطرته
غلا : لاتفكرين زياده .. صلي استخاره والله يكتب اللي فيه الخير
جود : آآميين .. شفيج صج تبين شي !!
غلا تضرب جبينها : يووه نسيت اللي جايه علشانه .. ابي حمره من حمرج الجديده بكشخ فيها جدام التوأم
جود : بتروحين لهم ولا بيجون ؟
غلا : لا بيجون يبون الفكه من بيتهم مساكين طول العطله محبوسين بالبيت

سعيده جدا .. فهي تعرف مايريد قلبها ، يريده هو فقط .. وكافي علي انه متذكر النمر الوردي ومانساني ، تحب سوالفه اللي توصلها لها رهف ، مواقفه مع اخوانه محـمد وعبدالعزيز اللي عكس شخصيته ، مواقف الدوام مع طلبته ، تتذكر شكثر كان يحب كره القدم ، وصار معلم بدنيه يحب يدرب ويحبب الطلبه بالرياضه .. تذكر يوم كان عمرها 8 سنين واهو عمره 12 سنه (بدر منو تحب اكثر انا ولا الكوره ؟ ) تتذكر ضحكته واهو يقول (يا الورديه الكوره جماد وانتي كائن حي مادرستي هالشي بالمدرسه؟) .. (ادري بس كل مااجي بيتكم اشوفك ماسك الكوره وتلعب بالحوش ليش ما تلعب معانا!!) .. (خلاص لاتزعلين احبج انتي اكثر من الكوره) .. كلمه وحده منه كانت تخليها تطير من الفرحه ، بعد تخرجها من الثانويه وايام دراستها بالجامعه وحتى توظفت تعبت واهي تنتظره يجي ويتقدم لها ، لدرجه شكت انه كان يجذب عليها واللي صار بالطفوله سوالف اطفال لااكثر ولا اقل ، كانت تشوفه لما يدخل واول مايشوف سندس يهلي ويرحب فيها ويسحب علي ولا كاني موجوده ، نار الغيره تشب فيني وقلت اكيد انه يبي سندس بس سندس رفضت ، وهذا اللي موقفه عن الزواج وماتزوج ... ياترى شنو السبب اللي نطرت علشانه طول هالسنين يا بدر ؟؟؟


.
.
.


الم اخبركم انني كالشاه .. مازال يدفعني بعنف ويسحبني من ذراعي بألم .. مررنا بكل سهوله بعد نزولنا من الطائرة .. وكأن جميع من في المطار يعرفه !! .. كان الجميع مرحبين به وبعودته لقرطبة !! .. الفرحة غمرت ملامح الجميع وحتى بيلا نفسها بعد ان كانت حزينه من توبيخ العملاق .. وكيف الومهم فهذا وطنهم عادوا له ، وانا غادرت وطني .. ملامحي الباهته ودموعي المتجمده من الساعات الطويلة التي لم تتوقف عن النزول وجسدي متعلق بين السماء والأرض .. شعور بالغثيان وانا أتذكر عنفه باجباري ع تناول الطعام بالطائرة

صقر بغضب : بتاكلين بالطيب ولا ؟؟
سندس بدموعها التي لم ولن تتوقف : مابي موجوعانه ممااابي خلني بروحي
صقر : شكلج ماتبين تشترين سلامتج ..
مد يده وهو يفتح الغطاء عن طبقي ، سحب قطعه من الدجاج بانامله ، صرخت بالم وكفه الأخرى ع فكي .. أغلقت شفاتي بقووه ورأسي يتحرك لليمين واليسار رافضه الخضوع له .. ولكن كيف ؟؟ بالتأكيد سينتصر بالاخير ودفع قطعة الدجاج بداخل فمي واطبق ع شفاتي بانامله وهو يتحدث بخبث بالتأكيد كان بخبث ورعب أيضا ..
صقر : ها تبيني اكمل ولا استسلمتي ؟؟
وأخيرا خضع رأسي لأمره مجيبا له بنعم وانا ارتجف ورأسي يتحرك للأعلى والأسفل .. تركني وابتعد وانا اندفع للطبق لالتهم ماتراه عيني ..

هل شعرتم بالغثيان مثلي !!! اذا لاتلوموني .. خرجنا من البوابه وقفنا فجأه أتوقع انهم بانتظار وسيلة نقلهم .. اقترب ضاري طالباً أخيه ان يتركني ولكن ..
صقر ببرود : أتوقع كلمتي واضحه لك ياضاري وللكل
ضاري محاولاً تغيير رأيه : خلاص وصلنا لبر الأمان .. اتركها انا مادري اهي شمسويه حتى تعاملها جذي
صقر : اهي عارفه شمسويه

ضاري ونظراته تنتقل بين أخيه وسندس التي تطلبه ان يحررها منه بعينيها .. ابتعد باستسلام كعادته وقف مع مجموعته التي سترافقه في سياره واحده .. لايوجد مايستطيع فعله لها تماماَ مثل سابقتها فـنــر .. فالأمر العسكري لرجل في السلك العسكري مثلي يمثل طوق النجاة ، ولكن النجاة من العقاب القاسي ، وليس النجاة من الخطــر ...

تحررت ربما لثواني أو لدقائق ، لا يهم ولكن العملاق ترك ذراعي وركب مع السائق بالمقعد الأمامي .. افضل أريد تنفس الحرية ولو لدقائق .. ادرت رأسي للنافذة ، خرجنا من المدينة وحاوطتنا الأراضي الخضراء الجميلة .. اقتربت مني بيلا بهمس حتى لا يسمعها العملاق
بيلا : انا اسفه لما حدث دكتورا
ابتسمت بألم : انا التي أسفه وضعتك بهذا الموقف ..
بيلا بتأكيد : لا تقلقي فأنا معتاده ع عصبيته .. ولكن أرجوك لاتحاولي فعل ذلك مره أخرى لاتحاولي الهرب
سندس : وكيف سأهرب الآن في مكان لا أعرفه
تمسكت بيد سندس بقوه : لا تقلقي لن اتركك سأجعلك تعتادين ع المكان بسرعه
سندس بابتسامه : لم انتي بهذه الطيبه معي ؟
بيلا : لاني ضد مايفعلون .. يأخذونكم من دياركم من غير موافقتكم ، انا لااقول ان عملنا خطأ .. ولكن الطريقة التي عاملوكم بها هي الخطأ
سندس باستفسار : هل تقصدين فنر أيضا ؟
بيلا بتأكيد : نعممم .. صحيح انها عانت جداً في البدايه ، ولكنها الآن شخص مختلف تماماً أصبحت أقوى وأكثر ثقه

كيف اخبرك بالألم الذي بقلبي ، وهو فراق أهلي .. لا اعرف كيف امحي هذا الشعور انه مؤلم جداً ... فانا خائفه مما تخبئه الأيام لي .. خائفه من المكان والأشخاص أيضاً .. فالعملاق لا يكف عن سحبي وضربي أيضا .. فأي دين تربية عليه يا هذا ؟؟ الا تخاف غضب ربك باقترابك مني ولمسك لذراعي و فكي وحتى شفاتي !!!! رفعت اناملها لشفاتها وكانها تذكرت ماتعرضت له من ألــم .. لا فانا لست بهذا الضعف لقد عشت وحدي وأصبحت بهذا المنصب العالي بجهدي واجتهادي .. تحملت الغربة الطوويله لأصل إلى ما انا عليه الآآآن .. سأعوود قريبا ولو استغرقني الوضع شهور وسنين من عمري ..


سور كبير وعالي مكون من الطابوق الأحمر .. انجذبت لجماله وكأنني أرى فلم من أفلام العصور الوسطى .. دخلت السيارات من البوابة الكبيرة والتي تقع في مقدمة السور .. حديقة كبييرة ع مد النظر وطريق واحد تسير فيه السيارات من الاسفلت .. أشجار عملاقة تحاصرنا ، أشجار تأثرت بهذا الجو القارس وفقدت اوراقها مثلي تماما فاقده لموطني .. وقفنا امام نافوره كبيرة بالمنتصف وامامها مدخل القصر الكبييير ، كان فعلا قصر من العصور الوسطى وليس مشهد من فلم .. حجمه الكبير جداً .. وكان يوجد فوق مدخل هذا القصر لافته كبيرة بالانجليزية وتوقعت اللغة الأخرى هي الاسبانية (The Palace Hospital) .. مستشفى القصر ، اسم يلائم هذا المكان بالفعععل ..


واقفه معهم بجسدي وتفكيري محصور به ، هل هو بخير ! الم تنسى غابي اخباري بشي آخر ؟ .. مضت الساعه وتليها ساعتان وحتى اصبحوا 7 ساعات أو ربما اكثر ، لقد فقدت احساسي بالوقت .. والآن ها انا اقف معهم باستقبال القادمين من هذه الرحلة الطويله .. غابي وابنائها فرحين باستقبال اختها وزوجها أيضا .. فيحق لها الفرح فلا احد بهذا القصر عاش حياة قاسيه مثل هذه الانثى ..


دخلت معهم للداخل وانا اتبع بيلا والعملاق واخيه من خلفي .. قفزت خوفاً من صوت الصراخ والترحيب والكلمات التي لم افهمها .. اندفع الجميع بالسلام وتبادل الاحضان .. وانثى ما تحتضن لوكا وهي تبكي ومعها طفل وفتاة مراهقة وبيلا معهم تحتضن الفتاة قليلا وبعدها تطبع قبلاتها ع خد الطفل وتحتضنه بقووه .. تقدم الاخوه وانا واقفه مكاني لم اتحرك .. ترك الطفل بيلا وهو يجري باتجاه ضاري ويحضنه بقوووه وضاري الذي انحنى بجسده ليصل لمستوى الطفل
ضاري بابتسامته التي تميزه : ماركوس كيف حالك ؟
ماركوس بفرح : انا بخير فانا سعيد برؤيتكم مع والدي .. ولكن والدتي تقول انك مصاب ؟
ابتسم لهذا الطفل الذي يحاول ان يبدو اكبر عمراً دائما : بالطبع انا بخير الا تراني امامك

ماركوس بنظرات تفحصيه ابتسم وادار انظاره لصقر الواقف خلف أخيه ويناظره بنظراته البارده .. اقترب بخجل وهدوء وهو يقول
ماركوس : مرحبا بعودتك سينيور
صقر ابتسم وهو يضع كفه ع رأس الصغير : كيف حالك أيها الصغير ؟

آآه انه بخير .. شكراً لك ماركوس لقد سألت عن مايدور برأسي .. اقتربت بهدوء من التجمع وهي تناظره فقط ، حاولت التحدث بلهجتها البارده معه ولاتعرف لما تفعل ذلك
فنر : الحمدلله ع سلامتك
ضاري بفرحه وهو يراها وأخيرا امامه : الله يسلمج .. شخبارج فنر؟
فنر بصوت لم تستطع التحكم برجفته : انا بخير .. طمني عن جرحك ؟ ليش محد عبرني ودق علي .. تدري شلون كنت عايشه طول هالاسبووع ؟؟
ضاري بتردد : انا اسف ماتوقعت بيصير اللي صار ..
...: لم انت بهذا الوضع دائما يااخي ؟ الم اخبرك انك لاتحتاج للتبرير لها
ضاري بغضب تجاهل كلامه : انا الحين بخير والجرح ألتأم لا تحاتين

فنر بنظرات كرهه له صرخت بصوت لم تستطع التحكم به ، فكيف يأتون بضحيه أخرى ومعاناتها لم تنتهي بعد .. كيف يسمح لاخيه بهذا الفعل للمره الثانيه الم يخبرني انه نادم لما فعله بي ؟؟ .. لا اصدقك ياضاري ولا اصدق اخيك الحقييير

فنر بصراخ : انت اخخر واحد يتكلم يا حقييير .. بفهم بس شي وواحد .. انت عندك قلب ؟ تحس باللي نحس فيه ؟؟ مو حراااام عليك بعد ساحب وحده من الديره وجايبها معااااك
صقر ببرود : ماشاءالله مداها بيلا نقلت الاخبار لكممم ..
فنر بعصبيه : لاتدخل بيلا بالموضوع .. انت ساس البلا ككله .. المصايب ماتجي الا منك انت ..
ضاري بصدمه ففنر ع الرغم من معاناتها فلم تتحدث لنا من قبل بهذا الأسلوب : فنر استهدي بالله وتعوذي من بليس .. شفيج الحين ع صقر ...؟؟؟
فنر : تبيني اطوف له الضحيه الثانية اللي جايبها ؟
ضاري بحده : جابها علشاااني .. علشان اخوه اللي كان بين الحياه والموت
فنر : وليش ماردها من مكان مااخذها .. ليييش فهمني !!
صقر : هالموضوع مايخصج يا سستر فنر هذا أولا .. وثانيا أتمنى ماتتدخلين بأي أمور اداريه مره ثانية ..
ضاري قاطعا كلام فنر قبل ان تتحدث : خلينا من صقر الحين ووروحي شوفي الدكتورة اللي صدمتيها بصراخج

وأخيرا أحد ما تذكر وجودي .. هذه هي فنر [الضحية الأولى] .. فرحت وانا اسمع صراخها ومعاتبتها لـ صقر .. يبدو اننا نتشارك نفس الأهداف وهي كرهنا لهذا الصقـر الـجـامــد .. اقتربت مني وانا ابتسم فـ بالتأكيد انها تعرف شعوري بهذه اللحظة .. تعرف مشاعر الخوف والغربة التي سكنت قلبي .. وكانها تستجيب لما في قلبي بحضنها الدافئ .. بادلتها الاحضان وكم انا شاكره لها بهذا الحضن الآآمن ..
فنر بابتسامه وهي مبتعده وتناظرها : الحمدلله ع سلامتج نورتينا دكتورة
سندس وهي تبتعد قليلا : الله يسسلمج
فنر : لا تفكيرين بأي شي انا معاج بكل خطووه .. وصدقيني بتحبين القصر مثل ماحبيته

سندس ابتسمت بمجامله .. تركتني وهي تخبرني ان اتبع غابي المرأة التي كانت تبكي بين أحضان لوكا .. وغادرت هي للاطمئنان ع ضاري كما تقول .. والعملاق اختفى من انظاري وأخيرا ..


اسيرهـ الخيال غير متواجد حالياً  
قديم 07-12-20, 01:26 AM   #13

اسيرهـ الخيال
 
الصورة الرمزية اسيرهـ الخيال

? العضوٌ??? » 481496
?  التسِجيلٌ » Dec 2020
? مشَارَ?اتْي » 261
? الًجنِس »
? دولتي » دولتي Kuwait
?  نُقآطِيْ » اسيرهـ الخيال is on a distinguished road
افتراضي

.
.
.


ما تتخيل شلون مر الكورس الثاني سريع ، والحين صارلهم اسبوع مداومين من بعد عطله الأعياد الوطنية .. قاعدين بحديقة الكلية ، اوراقهم متناثرة ع كل الطاولة ، وازعجها صوت التوأم واهم يتهاوشون .. وكل وحده تقول انا صح وانتي خطأ ويدخلوني بينهم واقولهم انا الصح وانتوا الخطأ .. كنا قاعدين نشرب قهوتنا ونكمل حل ريبورت اللاب اللي بعد ساعه .. اشغلها الموقف اللي صار لها اليوم الصبح قبل تدخل المحاضرة كانت تمشي بالممر متوجهه للقاعه وبايدها قهوتها .. انتبهت ع الصوت اللي يناديها .. استغربت الصووت ، التفتت مجيبه للصوت

..: غـــلا
كان واحـد من الشباب اللي معاها بالمحاضره ، انتبهت ان الممر خالي الا منها ومنه : تناديني انا ؟!
..: اي انتي مو غــلا اللي معاي بكلاس دكتورة هدى ؟؟
غلا : ااي انا ، بس خير
.. : خير ان شاءالله .. انا طلبت من الدكتورة اعادة الدروس اللي طافتني ، ورشحتج لي
غلا : مافهمت بشنو رشحتني ؟
...: تشرحين لي اللي طافني واصور النوت مالج
غلا : اسفه مااقدر ، واذا ع النوت مومشكله
.. : يابنت الناس والله اني محتاج ، الدكتورة لو بتشرحلي مراح تشرحلي الكمية بالتفصيل مالومها عندها كلاسات .. فانا طالبج
غلا استغرب صوته المليان حزن ، وتذكرت اسمه اللي مر عليها بكذا محاضرة وقت ماتاخذ الدكتورة الغياب .. تذكرت كلام الشباب واهم يقولون (الله يكون بعونه .. الله يصبره )
غلا : بس صعبه اقعد معاك واشرحلك اتوقع عارف سلومنا
.. : عارف لو ماني مضطر ماجيتج .. وطلبت الشباب قبلج .. بس انا ابي انجح واجيب قريد ، لو بعتمد ع شرح الشباب بروحه مع النوت مراح اشوف القريد الحلو
غـلا حست بيأسه مع انها ماتعرف سالفته : تقدر تخليني اشوف الوضع وافكر واقولك ..
.. : مو مشكله بس يمديج لي وقت اللاب الساعه 2
غلا : يمدي
..: ناطر ردج

قرب منها واهو يمشي متوجهه للقاعه .. حست بحزن من بعد ماشافت عيونه الحزينه لما قرب ، عمري مارفضت لأحد طلب لا صديق ولاغريب .. بس أول مره يطلب مني (شاب) هالطلب .. دخلت المحاضرة واهي تشوفه قاعده باخر طاولة وعيونه ع النوت وبايده القلم .. انطرت لين خلصت المحاضرة وطلبت من البنات يسبقونها للكافتيريا وقالت لهم بكلم ابوي

..: هلا وغلا بغلاووي
غلا : هلا فيك يبه حبيبي ، عسى مومشغول وعطلتك ؟
ابو نوره : لا يا حبيبتي آمريني
غلا اخفت ان اهو اللي كلمها : يبه عندي مادة طلبت مني الدكتورة طلب وقلت لها لازم اشاور ابوي ، تقدر تقول عمل انساني
ابونورة : افا وتردين العمل الانساني وانا ابوج
غلا : لان غريب شوي
ابونورة : وشنو اهوو ؟
غلا : في واحد من الشباب اللي معاي بالمحاضرة .. متغيب عن الكلاس من بداية الكوورس وتوه يداوم هالاسبوع ، الله العالم بظروفه اللي ماسالت عنها ، بس اللي اعرفه ان ظرفه قوي لدرجه تشوف الرجال حززين طوول الوقت
ابونورة : الله يكون بعونه بمصيبته ، وشنو طلب الدكتورة ؟
غلا اخذت نفس عميق وقالت : اشرح للططالب المنهج اللي طافه كله
ابونورة بتفكير : دام انه عمل انساني وانا ابوج ، ان شاءالله انج تساعدين هالولد والله يجزاج خير ، وتدرين اني واثق فيج
غلا براحه : وانا قد الثقــه


...: غلاووي شفيجج .. ؟؟؟
غلا : ها مافيني شي شفيكم
نوران : يلا حبيبتي ورانا لاب ولا عاجبتج القعده ؟
غلا وقفت واهي تلم اوراقها : يلا كاني ماشيه ..

دخلوا اللاب والطلبة متوزعين واصواتهم متفرقه بين ضحك وسوالف وتحلطم عن المادة وصعوبتها والدكتورة ومعيدة اللاب ..
نوران : تعالي نقعد اول طاولة احسن ..
طاولات المختبر كبيير ومرتفعه .. قعدوا بالطاوله الاولى المواجهه للسبورة ، غلا ع طرف وع يمينها نوران وبعدها نور .. انتبهت لـ (مـحـمـد) اللي دخل من الباب ، رفع نظراته لها ونزلت عيونها بسرعه .. بقوله اني موافقه بعد مايخلص اللاب موالحين جدام الكل
دخل مـحـمـد ، وقعد بالطاوله اللي ورى غلا بالضبط وع طرف ..

دخلت المعيدة (أروى) .. وبدت بشرح المادة بعد ماصكرت الاضاءه وشغلت الداتاشوو .. البنات اندمجوا مع الشرح وتسجيل الملاحظات .. مـحمد مثل وضعهم وبتركيز أكثر .. بيعوض اللي طافه مهما كككان .. هالكورس آخر كورس له ولااازم يتخرججج .. آآه يمه ويبه كسرتوووني .. هيا وشوق ونايف وعمر ووينكمم تشوفون اخوكم اللي خليتووه بروحه بهالدنيا .. اللهم لا اعـتـراض ع حـكـمـتـك ولـكـنـي اسـألكَ اللـطف فــيــه ..

نوران بهمس لغلا : غلاوي شفيج اليوم كله سرحانه ؟
غلا : مافيني شي
نوران : اككيد ؟؟؟
غلا : اكيد واذا فيني شي بقولج انتي واختج لاتخافين
نوران التفتت للسبوره : اي ع بالي بععد

انتهت المعيدة من شرح البارت النظري من الدرس ، وطلبت منهم يشوفون العينات وماينسون يسلمون الريبورت الأسبـوع الجاي .. وقفت مع البنات ومعاها ورقه وقلم واهي تمشي ورى نوران اللي جدامها نور
نور : ووويع ردينا للعينات والاسماء اللي اطول من اسمي واسم ابوي وجدي وجد جدي ووو
نوران تدز اختها لجدام : بس بس صكيتي راسي .. شوفي وانتي ساكته فشلتينا
نور : وجع آآي .. خليني اشوووووف
غلا ضحكت عليهم واهي توقف ع اول عينه .. قربت للمجهر واهي تصكر عينها اليسار وثبتت عينها اليمين ع العدسه .. انتبهت بصوت يناديها .. فزت واقفه واهي تشوفه واقف جدامها وقريب منها
مـحمد : آسف خرعتج .. بس مارديتي علي
غلا واهي تشوف اللاب الشبه فاضي بعد ماطلعوا اغلب الطلبه : موافقه بس بشرط
مـحمد : شنو ؟
غلا : ماابي احد يدري .. وغير جذي المكتبه مكان مناسب لان صعب اطلع بره الكليه
مـحمد : مومشكله ، متى تكونين فاضيه ؟
غلا : باجر .. عندي بريك ساعتين خلك بالمكتبه ع الساعه 10 الصبح ، عندك شي ؟
مـحمد : لا ماعندي بكون موجود ان شاءالله ، اخليج الحين

شافت نور ونوران اللي شبه كانوا يركضون .. قربوا منها وعيونهم مركزه عليها
نور : من ورانا تكلمييين ها شعندج اعترفي شفناج بعيوونا
نوران : اااي موتلفين وتدووورين يلا قوووولي
غلا اللي كانت تدري ماتقدر تهرب منهم ، وغير جذي تبيهم يكونون معاها باجر بالمكتبــه ! قالت لهم السالفه كلها من كلامه معاها اليوم الصبح بالممر لي اللي صار الحين
نوران : انتي ماتدرين شنو صاير فيه ؟
غلا بصراحه : لا والله مادري ولا سمعت
نور : لانج ما تنتبهين للكلام اللي حواليج
غلا : انتوا تدرون ؟
نور : الكلاس كله يدري
غلا : وشنو فيه ؟؟؟؟؟
نوران : بعطله الربيع اهله كانوا مسافرين بالسياره رايحين العممره
غلا بشهقه : لاتقووولين !!
نور : اي توفوا كلهم بحححادث الله يرحمهم واهو كان بالكويت ماسافر معاهم ، وهذا سبب غيبته عن الدراسه قريب الشهر .. ومو بس دكتورة هدى اللي مراعيته ، اهو مسجل ماده ثانية عند دكتور فؤاد وهم مراعيه
غلا بحححزن : الله يرحممهم يااااربي ومنو بقى له ؟؟
نوران : عاد هالشي ماندري عنه ، ولا تبجين انتي يا البجايه
غلا مسحت دموعها اللي نزلت من غير ماتحس : وانتوا عادي عندكم تسمعون مثل هالقصص وماينكسر قلبكم
نور : لان احنا سامعينها من زمان ، انتي اللي مادري وين اذونج وقتها
غلا : والله مااذكر اصلا متى تكلمتوا بهالموضوع
نور : كنا نتكلم فيه مع بنات بالكلاس قبل تدخل الدكتورة
غلا : وانا شدراني عنكم انتي واختج قرقتكم وواجد وتسولفون مع الكل
نوران : مالت بس احنا الخبلات اللي جايبين لج العلوووم
غلا مسكت نوران : لااا خلاص أأأسسفه ، بس ابي وحده منكم باجر الساعه 10
نوران : شتبين فينا
غلا : شفيج نسيتي باجر أول حصه له
نوران تضرب جبينها بكفها : اااااي صح .. انا اوك ماعندي شي
نور : لاوالله انا عندي محاضرة يا حبيباتي الساعه 11 ..
غلا : عادي اقعدي عندنا ساعه وروحي
نور : هم فكره ..


.
.
.



بعد تعب تدريس العيال وملاحقهم طول اليوووم ، كافأت نفسها بأحلى شاور وبعدها تعطرت بأغلى أنواع العوود .. رفعت العطر الفرنسي وعطرت شعرها وبجامتها .. اخذت الروب الستان واهي تبخره وتعطره .. نزلت المبخر ع التواليت ولبست الروب .. انتبهت لxxxxب الساعه المشيرة للساعه 11 ونص ، غريبه مومن عادته يتاخر من غير مايقول وباجر عنده دوام ويودي العيال للمدرسة .. قعدت ع طرف السرير ورفعت تلفونها من الكومدينه ، ودقت عليه .. رن رنتين ورد عليها
..: الووو
...: الووو وينك غريبه ماقلت بتتاخر ؟
بارتباك : مسافه الطريج وانا عندج ان شاءالله
ليال : عزيز فيك شي ؟
عزيز : لااا بس اجي واقولج لا تنامين انطريني
ليال بخووف : الله يستر ناطرتك

لفت الروب اكثر ع جسمها وربطته عددل ، فجاه حست ببروده بجسمها .. مشت لي نهايه الغرفة وقعدت بالقنفه اللي جدام التلفزيون واهي تنطره ..


عــنــد عبدالعـزيــز

...: بس تحملي هالأسبوع وانا اخلص امورج وآخذج معاي للبيت
...بصوت متقطع من البجي : بس اخاااااف اقعد برووحي بالبيت
عزيز وتوهق بالأحداث اللي صارت أسرع من البرق : لازم تساعديني انتي بعد ، والله هذا اللي اقدر عليه
مسحت دموعها وحاولت تبين نفسها أقوى : مومشكله انت روح الحين لبيتك وزوجتك ، ولا تحاتيني
عزيز واهو يطبطب ع كتفها اليسار : بارك الله فيج ، تعالي صكري الباب من بعدي


بعد 10 دقايق ، دخل غرفته اللي وصلت له ريحه العوود الفاخر ، دور بعيونه ع ليال ولمحها جدامه ع القنفه اللي ظهرها ع الباب
قرب منها واهو يبوس راسها : السسلام عليكم
تفرك ايدينها الثنتين ببعض من التوتر والخوف : وعليكم السسلام
قعد ع يمينها واهو يمسك ايدينها : شفيييج ليش كل هالهز والتوتر !!
رفعت عيونها لعيونه : منك ، انت شفيييك اليوم والله ان فيك بـــلا
مازال ماسك ايدها : مافيني شي ، انتي اهدي وبقولج كككل شي
ليال بسرعه : اهلي فيهم شي ؟؟؟؟؟؟
عبدالعزيز : لا يابنت والله مافيهم شي
ليال : اجــل اهلكك ؟؟!
عبدالعزيز : ولا اهلي ، الموضوع يخصني .. قلت لج عنه قبل فتره تذكرين
حست بالغباء : متى اي موضوع ؟؟
رفع قدمه اليسار ع القنفه ولف جسمه عليها واهو يقعد ع قدمه : ليالي يا حبيبتي ، قلت لج اني مفكر اتزوج ثانيه صح ؟
ليال فهمت شنو بيقول : ااي بس فتحت الموضوع وسكت .. وع بالك اني راضيه ؟؟
.. : ياقلبي والله ربج حطها بددربي ، وانتي تدرين مافي مره عندي توصل لغلاج ..
ليال بطوله بال : عزيز انا مشيت الموضوع مع اهلي واهلك وقلت لهم ان انا ماعندي مانع لاني ناطرتك انت تهوون من نفسك .. ووينها هذي اللي بتتزوجها ؟
تنفس بقوه واهو يقول لها : انزين ممكن تسمعين قصتي وانتي احكمي بعدها ؟
ليال وايدينها بين ايدينه لي الحين : قول اسمعك ..
عبدالعزيز : تذكرين الشايب اللي دايما اشوفه بالمسجد ويكون موجود قبل لا اقيم الصلاه ؟ (عبدالعزيز امام المسجد اللي عند بيتهم)
ليال : اي اذكره اللي قلت لي ولخالتي سالفته
عبدالعزيز : عليج نووور زين تذكرين .. الله يسلمج قبل نطلع للبر طلبني طلب وكسر قلبي واهو يمسك ايدي ويبوسها ويقول ياوليدي لاتردني .. مالنا انا وهاليتيمه الا الله ثم انت !!
ليال : وشنو كان طلبه ؟
عبدالعزيز ويدري الخبر بيعصبها : اني اتزوج حفيدته اليتيمه ..
ليال : ووتزوجتها ؟؟
عبدالعزيز وحذف القنبله : اااي ملجت عليها قبل نطلع للبر
وقفت بعصبيه : هذي نهايه العششرة يا عزيز ، 18 سنه ووقتي وحياتي كلها لك ولعيالك وتسوي فيني جذي
وقف واهو يقرب منها : والله يا ليال ماقدرت الرجال صكر علي كل باب ، حاولت فيه يمين يسار ماقدرت ، انتي تخيلي ابوي الله يطول بعمره تشوفينه جدامج ودموعه اربع اربع وعيونه حمممممره .. الرجال كسسرني مستحيل اشوف شايب بعمره منهار مثل الطفل ولا اسوي شي يا ليال
ليال غيرتها سيطرت عليها بلحظه ، بس دايما عقلها يغلب قلبها : كيفك سوو اللي تبيه بس ماابي اشوفها عندي
قرب ومسك كتوفها بايدينه : ليال الشايب توفى اليوووم
رفعت عيونها بصدمه : هااااا ؟
تنهد بألم : كل اللي سواه وزوجني بحفيدته لان يدري انه مريض وموته قريبه ، كان يبي يتطمن ع حفيدته اللي بقت له من عايلته
تغورقت عيونها بالدموع : والمطلوب من ليال ترضى فيها وتفتح لها بيتها !!!
عبدالعزيز : مااقدر اخليها ببيت بروحها ماعندها احد ياليال ، لا اهل ولا اخوان ولاعمان ولاخووال .. انتي شوري علي شنو اسسوي ؟؟؟ هذذي أمانه الشايب قبل لا يمووت
بدمعه نزلت من عينها اليسار : عزيز لي متى وانا اتنازل علشان ارضيك ؟
ضمها لصدره : والله وربي شاهــد علي ان نيتي استـر عليها بهالدنيا
مسحت دمعتها وبعدت عن حضنه : وين بتحطها ؟
بعد ايدينه عنها بعد مابعدت : بحطها بشقة محمـد فوق صارلها فاضيه فوق السنتين بعد ماطلع لبيته الجديد
ليال تنفست بقووه : انا بمشي معاك بهالموضوع ، واذا قصدك الأجر الله يرزقني وياك .. بس تتاكد انها مالها شغل فيني ولا في عيالي
عزيز بفرحه بعد ماحسها هدت من العصبيه : ابششري من عيوني الثنتين
قعدت ع القنفه ، بعد هدووء لثواني تكلمت : جم عمرها ؟
عزيز اللي قعد يمها التفت لها بعد ماتكلمت : هاا ؟
ليال التفتت له بجسمها : اسالك حفيدة الشايب جم عمرها ؟
عيونه بعيونها : 25 سنه
بصدمه وفتحت عيونها : 17 سنه بينك وبينها ، حرررام عليك
عزيز : هذا اللي صار ، والله لو اقدر اخليها تشوف نصيبها مع واحد قريب من عمرها صدقيني بخليها ، بس هذي أمانه يا ليالي أمانه

ليال رجعت لهدوئها وعيونها ع التلفزيون المصكر جدامها ، ادري ياعزيز وفاهمتك وادري ان قصدك شريف وكل اللي ببالك انك تستر عليها بهالدنيا ... بس مشكلتك ماتفهم ان في شي اسمه (غيره الانثى من انثى أخرى) ، وستكون انثى اصغر مني بالعمر .. لا اهتم لكلام الناس ، فانا واثقه بنفسي وواثقه بقلب عزيز .. يا غريبه كوني أديبه ، والأهم انها بتسكن بالدور اللي فوقي وبتاكد بنفسي ان دربي مايلتقي بدربها ولا اشوفها ولا تشوف عيالي ..


.
.
.


انتهى
لقائنا القادم يوم الاربعاء أو الخميس ^^


اسيرهـ الخيال غير متواجد حالياً  
قديم 07-12-20, 04:00 AM   #14

موضى و راكان

نجم روايتي

alkap ~
 
الصورة الرمزية موضى و راكان

? العضوٌ??? » 314098
?  التسِجيلٌ » Mar 2014
? مشَارَ?اتْي » 6,239
? الًجنِس »
? دولتي » دولتي Egypt
? مزاجي » مزاجي
?  نُقآطِيْ » موضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond reputeموضى و راكان has a reputation beyond repute
¬» مشروبك   cola
¬» قناتك max
?? ??? ~
سبحان الله وبحمده .. سبحان الله العظيم
?? ??? ~
My Mms ~
افتراضي

الذين يشاهدون محتوى الموضوع الآن : 9 ( الأعضاء 6 والزوار 3)
‏موضى و راكان, ‏احب القراءه, ‏اسيرهـ الخيال, ‏noura 203, ‏سرى النجود, ‏nmnooomh


رواية تشدك لمتابعتها من بدايتها

موفقة أسيره الخيال و فى أنتظارك لمتابعة مناوشات صقر و سندس


موضى و راكان غير متواجد حالياً  
قديم 08-12-20, 01:23 AM   #15

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



السلام عليكم ورحمة الله وبركاته
صباح الخير على أسيرة ومتابعاتها
في هالبارت ظهرت لنا شخصيات جديده صعب نتكلم عنها لأن بعد ماعرفنا عنها الكثير

عبد العزيز كيف يقول لزوجته إنه ماتزوج إلا لأن الشايب طلب منه وحطها أمانه عنده وهو يقول لليال أنه سبق وقال لها إنه بيتزوج يعني هو مبيت النيه من قبل وليه يتزوج على ليال وهوعنده عيال وواضح إن ليال ماهي مقصره معه في شيء
حسب ماظهر منها وطيبه أو أنه لما قال لها بيتزوج كان يمهد
لها موضوع زواجه من اللي تزوجها وفعلا زواجه سببه طلب
الشايب
ما أعتقد إن حياتهم بتستمر بدون زعل لما تسكن زوجته الثانيه
معهم في البيت وليال ما أحد يلومها

سندس لا جديد في موضوعها
ضاري وفنر إعتقد كل واحد منهم يكن للآخر بعض المشاعر
سواء حب أو اعجاب أو استلطاف

جود مبرووووك الخطوبه يامهنا جاك ماتتمنا

غلا حبيت هالبنت وأخلاقها وحرصها على سمعتها وأعجبتني
لما وضعت أبوها في الصوره وأخذت رأيه واختيارها للمكان
وإنها ماتكون لوحدها

محمد الله يكون في عونه مصابه كبير وواضح إنه خلوق ومهتم بمستقبله وربما يعجب بغلا ويحبها

اكتفي بالتعليق هذا لأن الباقين صعب التعليق عليهم
تسلم يمينك ومنتظرين باقي الأحداث



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 08-12-20, 01:28 AM   #16

اسيرهـ الخيال
 
الصورة الرمزية اسيرهـ الخيال

? العضوٌ??? » 481496
?  التسِجيلٌ » Dec 2020
? مشَارَ?اتْي » 261
? الًجنِس »
? دولتي » دولتي Kuwait
?  نُقآطِيْ » اسيرهـ الخيال is on a distinguished road
افتراضي

اقتباس:
المشاركة الأصلية كتبت بواسطة موضى و راكان مشاهدة المشاركة
الذين يشاهدون محتوى الموضوع الآن : 9 ( الأعضاء 6 والزوار 3)
‏موضى و راكان, ‏احب القراءه, ‏اسيرهـ الخيال, ‏noura 203, ‏سرى النجود, ‏nmnooomh


رواية تشدك لمتابعتها من بدايتها

موفقة أسيره الخيال و فى أنتظارك لمتابعة مناوشات صقر و سندس

شكراً لمرورج وتعليقج حبيبتي ..
اسعدني تواجدج ^^
وبتكون مناوشات حماسيه بينهم هههههه *.^


اسيرهـ الخيال غير متواجد حالياً  
قديم 08-12-20, 01:35 AM   #17

اسيرهـ الخيال
 
الصورة الرمزية اسيرهـ الخيال

? العضوٌ??? » 481496
?  التسِجيلٌ » Dec 2020
? مشَارَ?اتْي » 261
? الًجنِس »
? دولتي » دولتي Kuwait
?  نُقآطِيْ » اسيرهـ الخيال is on a distinguished road
افتراضي

اقتباس:
المشاركة الأصلية كتبت بواسطة فيتامين سي مشاهدة المشاركة


السلام عليكم ورحمة الله وبركاته
صباح الخير على أسيرة ومتابعاتها
في هالبارت ظهرت لنا شخصيات جديده صعب نتكلم عنها لأن بعد ماعرفنا عنها الكثير

عبد العزيز كيف يقول لزوجته إنه ماتزوج إلا لأن الشايب طلب منه وحطها أمانه عنده وهو يقول لليال أنه سبق وقال لها إنه بيتزوج يعني هو مبيت النيه من قبل وليه يتزوج على ليال وهوعنده عيال وواضح إن ليال ماهي مقصره معه في شيء
حسب ماظهر منها وطيبه أو أنه لما قال لها بيتزوج كان يمهد
لها موضوع زواجه من اللي تزوجها وفعلا زواجه سببه طلب
الشايب
ما أعتقد إن حياتهم بتستمر بدون زعل لما تسكن زوجته الثانيه
معهم في البيت وليال ما أحد يلومها

سندس لا جديد في موضوعها
ضاري وفنر إعتقد كل واحد منهم يكن للآخر بعض المشاعر
سواء حب أو اعجاب أو استلطاف

جود مبرووووك الخطوبه يامهنا جاك ماتتمنا

غلا حبيت هالبنت وأخلاقها وحرصها على سمعتها وأعجبتني
لما وضعت أبوها في الصوره وأخذت رأيه واختيارها للمكان
وإنها ماتكون لوحدها

محمد الله يكون في عونه مصابه كبير وواضح إنه خلوق ومهتم بمستقبله وربما يعجب بغلا ويحبها

اكتفي بالتعليق هذا لأن الباقين صعب التعليق عليهم
تسلم يمينك ومنتظرين باقي الأحداث


وعليكم السلام ورحمه الله وبركاته
يا صباح الأنوار ^^


فعلا عبدالعزيز كان يمهد لها طلب الشايب له ..
واللي خرب الموضوع موت الشايب فجأه واضطر يحطها امام الامر الواقع


حبايبي صقر وسندس جايينكم بالطريج هههههههههه
بس شوي شوي مانبي نستعجل بالاحداث ^.*


شكراً جززيلا حبيبة قلبي فيتامين سي
ع تعليقج اسعدتيني ..


دمتي بحب


اسيرهـ الخيال غير متواجد حالياً  
قديم 09-12-20, 11:28 AM   #18

اسيرهـ الخيال
 
الصورة الرمزية اسيرهـ الخيال

? العضوٌ??? » 481496
?  التسِجيلٌ » Dec 2020
? مشَارَ?اتْي » 261
? الًجنِس »
? دولتي » دولتي Kuwait
?  نُقآطِيْ » اسيرهـ الخيال is on a distinguished road
افتراضي

.
.
.



السلام عليكم ورحمة الله وبركاته
صباح / مساء الإنجازات ..
اليوم الحمدلله قدمت الشغل اللي كنت اشتغل عليه لاكثر من اسبوعين
بعد ماسمعت كلمات المـدح .. تحمست انزل لكم البارت الحين بدال اليوم بليل ^.^


قراء ممتعة
وأكيد ككلي شووق لتعليقاتكم ^^


.
.
.


الجزء الرابع


يــوم جــديــد
وصبـاحـاً مشرقـاً ع أرض الكـويــت


طلعت من الحصة واهي تعبانه مامداها تتريق اليوم وكان عندها حصه اولى .. انتبهت لبنت عمها تحط ريوقها ع مكتبي ومكتبها ، ابتسمت بفرحه وانا اشوف اختي وصديقتي وبنت عمي حبيبتي ، منو يصدق ان انا وياها الحين بحسبت عرايس ، وبدينا نجهز لان عرسنا بيكون بعد عيد الفطر ، ومن طبع عايلتنا الملجة تكون محفوفة وما نسوي حفلات ولا شي ، وبيوم الملجة صدمنا بدر بطلبه ان يبي عرسنا مع عرس رهف اخته ، وصار والكل وافقه الراي وانا اكثر وحده سعيده بهالخبر .. كافي بنكون انا ورهوفتي عروستين بنفس الليله مع فرسانا (بــدر – زيــد)
رفعت عيونها لبنت عمها اللي واقفه ع الباب : بسم الله انتي متى جيتي شفيج واقفه بمكانج صكرتي الدرب !!!
ابتسمت اهي تقرب وتقعد بمكتبها : ماشر بس صدعوا راسي ثالث وانا داخله عليهم مو ماكله ولا شاربه قهوه
رهف : جان قلتي لي اجيبلج قهوه للصف
جود : تبين تطيح علي الناظرة ولا ابله منى ويلعنون خيري
رهف قعدت بمكتبها بعد ماصبت لبنت عمها ولها شاي : مافيها شي كله فنجان واحد
جود سحبت كرسيها لمكتب رهف اللي ع يسارها وبينهم مساحه صغيره علشان يطلعون ويدخلون منها : رهفوووه خلينا من هالموضوع الحين ، ماقلتي لي كلمتي بدر عن السؤال اللي قلت لج عنه
رفعت صمونتها واهي تاكل منها شوي : قلت له وقالي اقوولج .. ردت تاكل من صمونتها
جود بعصبيه : يا السخيفه قوولي يلاااا
رهف ضحكت : والله جوود قلت له وقالي شفيها مستعجله ع الرد تنطر بعد العرس واجاوبها
جود : ووواي سخخخيف ..
رفعت كوب الجاي وشربت : اخوي صاج انطري العرس باقي له 3 شهور ووقتها اساليه ..
جود : مالت بس مالت لو انتي بمكاني والله ماتخلين سندس وحتى ليال الا واهم جايبين لج الرد
شرقت باكلها : شكوووو الحين تحطيني مكانج !!!
ردت لمكتبها وبدت تاكل : لاني اعرف الفضول عندج مليووووون
رهف : الحمدلله ماعندي شي اسال عنه ، ويمكن ها يمكن تطلع عندي اساله بعد العرس
جود : المهم ماعلينا .. كلمت اليوم كذا مصممه وقلت لها نبي نشوف البدل والدراريع ع الطبيعه وحطيتلنا موعد حق اليوم وباجر
رهف : زززين حلووو .. الساعه جم اليوم ؟
جود : نصلي العصر ونطلع موتنامممين والله اذبحج
رهف : يوووه جان اخرتي الموعد ع الاقل انام شوي
جود : نونونو هذا الموعد الوحيد عندها ، زين منها استقبلت والناس الحين ضغط رمضان والعيد ومايستقبلون عرايس
رهف : يلا ماعليه انام بعد مانرد .. صج تعالي مع سايقنا ولا سايقكم ؟
جود : سايقنا ، اسماء بتروح معانا ..
رهف : احسن تساعدنا نختار


.
.
.


يَا مَنْ يَعِزّ عَلَيْنَا أنْ نُفَارِقَهُمْ
وِجدانُنا كُلَّ شيءٍ بَعدَكمْ عَدَمُ!

-المتنبي




فراقك يؤلمني جداً ياصديقتي .. طوال الشهر المنصرف وانا اعاني من فراقك .. فـ الجميع يحاول النسيان وتصديق الكذبه التي كذبوها ع الجميع .. ولكني رفضت تصديقها بيني وبين نفسي .. تعبت نفسيتي كثيرا ومع الحمل كان التعب مضاعف .. فـ كيف بجسدنا يتألم بهذا العمق مع آلامنا النفسية .. تخبرني الدكتورة أن انسى ماافكر به ويسبب لي بهذه الآلآم .. فـ انا أحاول ولكن جسدي لايستجيب لمحاولتي ..

ام عبدالله : ها ياامي بدت إجازتج ؟
فوز بهدوء : أي خالتي من باجر يبدا مجلسي الطبي
ام عبدالله : الله يهون عليج .. ويقر عينا بالغاليين
فوز بعمق : آآآميين ..

فرحت بدخول زوجها وابنها .. ولكن بهتان ملامحهم منعها من التحدث والسؤال
أبو عبدالله وحسن : السلام عليكم
فوز : وعليكم السلام .. بشروا شصار عرفتوا شي ؟
أبو عبدالله يجلس بالقرب من زوجته : لا الدكتور ولا السسترات اللي كانوا معاها آخر مره راضين يكلمونا
حسن يأخذ فنجان القهوه من والدته الهادئه : حاولت اخذ أسمائهم ع الأقل وبنفسي ادورهم ولا قددرت ..
فوز : والله انهم متعمدددين يخشونهم عننا .. مايبونهم يقولون لنا شنو صار آخر مره بالطوارئ ..
أبو عبدالله : ياابوج يافوز .. احنا ماندري اذا صج اهي اختفت من غرفة الطوارئ .. احنا عرفنا بالصدفة من واحد من موظفين الاستعلامات ان اخر حالة مسكتها كانت بالطوارئ
فوز : مثل ما هالموظف زل لسانه بيزل لسان غغيره .. خلني انا اروح انا بقدر اسحب الكلام من الحريم
حسن بعصبيه : انتي ماتخافين ربج باللي ببطنج .. توج قبل يومين نايمه بالمستشفى من التعب
فوز بنفس عصبيته : تبيني اقعد واحط اييدي ع خددي مااقدر لاتجبرني ..
حسن : فووز اللي فيج رووح كامله ماعادها بنطفه .. خافي ربج ع اهمممالج
فوز ببكي : شلون تبيني ارتااح .. كل مامريت من غرفتها اذكرها واخاف ادخل لاني ادري ان سندس موداخل .. أخاف اصدق الحقيقة ان سندس مختفية .. أخاف من افكاري اللي تصورها لي جثه .. أخاف كل ما تأخرها عليها تروح منا ..
شهقات ام عبدالله التي لم تتوقف وفوز تصف احساسها المؤلم وافكارها السوداويه .. فـ كيف بقلبي يا فوز .. قلبي الذي لايزال لا يصدق اختفائها ولا اريد تصدقين أن مكروهاُ حدث لها ..
ابوعبدالله اكتأب من كلام فوز : لاحول ولا قوه الا بالله .. انا واقف ع حيلي وموناسي بنتي ياام يوسف .. وادعي لها ولاتفكرين بهالافكار اللي بتزيدج مررض .. ومثل ماقال حسن انتبهي لنفسج وكل شي بنعرفه بالنهايه

...: شنو بتعرفون بالنهايه ؟؟ اووو فوز تبجي شفيكمم ؟؟؟ يممه شفيييج ؟؟

ام عبدالله تمسح دموعها وبتغيير للجو : هلا والله بام سالم .. غريبه ماقلتي انج بتمرينا ؟
ليال تسلم ع أمها وابوها ومازالت مستغربه من دموع فوز ووالدتها : قلت امركم دام اني فاضيه .. شفيها فووز حسن ؟؟ يمه شفيج تمسحين دمووعج ؟؟ وشنو اللي بتعرفونه ؟؟
أبوعبدالله محاولاً إخفاء الموضوع : ماعليج منهم متزاعلين .. وامج تعرفينها قلبها رهيف ماتتحمل تشوف احد يبجي قدامها .. انتي بس تعالي اقعدي عندي بشريني عنج وعن عيالج وأبو سالم ؟
ليال بفطنه : يبه انتو خاشين عني شي ؟؟ في شي موقايلين لي عنه ؟
حسن بثقه : شنو نخش عنج .. مافينا شي بس فوز مادري شفيها مع هالحمل صايره حساسه كل ماقلت لها لا نزلت دموعها .. صح يافوز ؟؟
فوز ببحه وضحكه حاولت ترسمها ع شفاتها : صح .. والله ياا ليول اني تعبانه وأول مره اقدم ع مجلس طبي
ليال صدقتهم : الله يهوون عليج .. ااي كل حمل غير عن الثاني ، انتي اهم شي ارتاحي والدوام لاحقه عليه
ام عبدالله بعد ان عاد صوتها لطبيعته : تريقتي يابنتي ؟
ليال : أي يمه اكلت مع عيالي قبل لايروحون المدرسه
حسن واقفا : انا بمشي برد للدوام ..
ليال : لحظه ياابو يوسف انا جايتكم اليوم عندي شي بقوله
ابوعبدالله : عسى ماشر عيالج فيهم شي ؟؟
حسن عاد للجلوس مستمعا لاخته : لا يبه .. بس بقول لكم قبل لاتدرون من الناس

الجميع صامت ومركز معها منتظراً ما أتت لتقوله ، فـ التي امامهم ليست ليال التي اعتادوا عليها ، شي ما مختلف فيها .. فـ ليال لاتنسى وضع لمساتها الانثوية ع ملامحها حتى في حالات التعب .. ليال لا تنسى آداب الزياره حتى ولو كانت الزياره لبيت أهلها فهي تبلغ بقدومها قبل ان تأتي ..

ليال التي بدأت باخبارهم بقصه الشايب والطلب الذي طلبه من عزيز ، واخرها وفاته بالأمس .. صمتت بانتظار احد ما يرد عليها الصوت
أبوعبدالله : والله مادري شقولج اذا انتي راضيه ابشري باللي يطوف الموضوع .. بس اذا تبينا نتدخل بينكم
قاطعت والدها : لا الله يطول لنا بعمرك .. البنت الحين زوجته ومالها غيره بعد جدها الله يرحمه .. وانا شروطي عند عزيز
حسن وقف مغادراً : الله يكتبلكم كل خير .. واي شي تبينه امرينا ياام سلوم
ليال بابتسامتها الواثقه وشخصيتها القويه : ماتقصر يااخوي حبيبي ..
ام عبدالله : الله يكملج بعقلج يابنتي ويبعد عنكم كل شر

سندس لقد فوت ع نفسك حدث تاريخي .. اتذكرين امنتيك بزوج يشبه عزيز زوج ليال ، يحبها ورجل بمعنى الكلمة وعقله يزن بلد .. اين انتي لترين ما فعله عزيزا بـ ليلاه .. بالتأكيد كنتي ستحرضين ليال ع الوقوف بوجه هذا الزواج والمطالبه بحقوقها ورفضها لمشاركه الغير بزوجها .. ولكن هذه ليال وليست سندس .. ليال العاقل كما عرفتها منذ أيام صداقتي بسندس بالمرحلة الثانوية .. رزينه واسلوبها بالكلام يجذب كل الذين امامها ، وأخيرا جمالها الغير عاادي .. جمميله بمعنى الكلمة وحتى أجمل من سندس نفسها .. لـ يكن الله بعونك حماتي فـ اعرف ماتحاولين اخفاءه وتمثيلك للرضى التام عما فعله عزيز ..


.
.
.


جــامــعــة الـكـويـت
10 صـبـاحــا
مـكـتـبة الـجـامـعـة


اول مره يتأخر الدكتور جذي ويمسكهم بالكلاس وياله طلع منهم الا الساعه 9:55 .. سحبت التوأم وطيران للمكتبه .. قربنا ولمحنا محمـد ناطرنا عند مدخل المكتبه ويطقطق بتلفوونه
..: السلام عليكم
رفع عيونه للبنات الثلاث بلبسهم للعباية بلونها الأسود والحجاب ، غـلا ومعاها ثنتين نسخه بعض
محمـد : وعليكم السلام
غلا بتبرير : اعذرنا تاخرنا عليك بس الدكتور تاخر اليوم علينا ..
محمـد : مومشكله انا اللي جيت مبجر
غـلا تاشر ع التوأم : صديقاتي نور ونوران بيكونون معانا
محمـد بابتسامه : يشرفونا
نور برسميه : لنا الشرف

دخلوا المكتبه ومحمـد يتبعهم .. دخلوا المصعد للدور الثاني ، طلعوا من المصعد اشرت غلا ع الطاوله اللي عند الدريشه
..: هالمكان اللي احب ادرس فيه وحيل صااد عن باقي المكتبه
قعد محمـد ع الطاولة واهو يطل من الدريشه : حلو المكان
نوران : انا واختي بنقعد بالطاوله اللي وراكم مالنا خلق نسمع الشرح مره ثانيه
نور مشت للطاوله اللي تقصدها اختها : حــده انا الكلام اذا تكرر علي اتنرفز
غلا باحراج من موقف التوأم : تعالوا استفيدوا من جم كلمه وراكم ميدتيرم
نور : ماعليج ندبر نفسنا .. بنقعد نكمل ريبورتات اللاب
محمـد حس باحراج غـلا واستنتج انها ساحبه التوأم معاها من احراجها انها تقعد معاه بروحهم
محمـد وعيونه ع الكتاب : تبين نقعد معاهم ؟
غـلا تدري التوأم مستحيل يسكتون عن السوالف ومراح يقدرون يدرسون اذا قعدوا معاهم ، سحبت الكرسي اللي جدامه وقعدت ..
غـلا : لا مومشكله ، لو نقعد معاهم مستحيل تركز بالشرح من قرقتهم
ابتسم لها واهو يشوف حركة ايدها ، فتحت الكتاب وفرشت الأوراق المطبوع عليها سلايدات الدكتورة ..
.. : انا بشرح لك الأوراق هذي والكتاب بيساعدنا بالصور والمصطلحات بس .. هذي طريقة دكتورة هدى بالامتحانات تعتمد اعتماد كلي ع سلايداتها وشرحها بالمحاضرة
محمـد : تمــام .. بعدها اطبع السلايدات منج
غلا بابتسامه خفيفه : هالسلايدات لك انا طبعتهم
انحرج من حركتها : ماله داعلي تكلفين ع نفسج جان قلتي لي وانا امر التصوير اخذلي نسخه
غلا : لاا عاادي .. واذا رحت التصوير وع ماترد بيطير الوقت .. فامس قبل لا ارد البيت اخذت نسخه من التصوير
محمـد : يعطيج العافيهه ، بس مره ثانيه قوليلي انا ارووح
غلا بسرعه تكلمت : امس تذكرت بعد اللاب وانت رحت فماعرفت شلون اقولك
محمـد بعد ثواني سكووت : عادي اكلمج بالواتس اب
رفعت عيونها بصدمه
محمـد : انتي معانا بقروب المادة بالواتس اب صح ؟
هزت راسها بمعنى اي
محمـد : خلاص سجلي رقمي وكلميني ع الخاص اذا صار مثل هالموقف ، ولا عطيني رقمج ادوره بالقروب واكلمج خاص
فتح تلفونه بعد مادخل ع قروب الواتس اب : شنو بدايه رقمج ؟
رفعت عيونها واهي تشوف التوأم اللي بالطاوله ورى محمـد ، تنرفزت منهم جايبتهم معاها يشاركونها بالقعده والحين الخوات سوووالف ونزلت عليهم الشطاره واهم فارشين الأوراق ويكتبون
محمـد بعد مالاحظ سكوتها اللي طال ، صكر تلفونه وقال : اذا هالشي يضايقج انا اعتذر
غــلا : لاا موقصدي .. اذا كان تواصل بسيط مومشكله ، بس لان ابوي يدري ان انا اقعد معاك للدراسه بس وماودي يدري عن التلفون
استغرب صراحتها : ابوج يدري انج قاعده معاي الحين ؟؟؟
غـلا هزت راسها بمعنى اي : مستحييل اوافق الا بموافقه ابووي ، وبعد ماكلمتني امس الصبح دقيت عليه وشرحت له الوضع ووافق بعد مااكدلي انه يثق فيني
ابتسم ع علاقتها الجميله مع ابوها : الله يحفظه لكمم .. فعلا ونعم التربية
غلا تحسست من موضوع ذكر ابوها ونست انه فاقد الاب والام والاخوان والخوات : اعذرني المفروض مااتكلم بهالموضوع الحساس
محمـد رفع عيونه : لا ابـد ماصار شي .. عندج اخوان ؟
غـلا : لا .. خوات بس
محمـد : ماشاءالله وانتي شنو ترتيبج بينهم ؟
غلا اللي نست نفسها وارتاحت للسوالف معاه : الصغيره واكبر مني 4
محمـد : الله يخليكم لبعض
غـلا : آمين ، يلا نبلش
رفع القلم وقال : بسم الله


اسيرهـ الخيال غير متواجد حالياً  
قديم 09-12-20, 11:31 AM   #19

اسيرهـ الخيال
 
الصورة الرمزية اسيرهـ الخيال

? العضوٌ??? » 481496
?  التسِجيلٌ » Dec 2020
? مشَارَ?اتْي » 261
? الًجنِس »
? دولتي » دولتي Kuwait
?  نُقآطِيْ » اسيرهـ الخيال is on a distinguished road
افتراضي

.
.
.


لم يبقَ من قرطبه
سِوى دموعُ المئذناتِ الباكيه
سِوى عبيرُ الوردِ، والنارنجُ والأضاليه..
لم يبق من ولادة ومن حكايا حبها..
قافية. ولا بقايا قافيه..

" نَزار قبانيَ "




وآآه من جمال الأندلس العربية .. فانا مفتونه بهذا القصر والطبيعة الخلابة التي تحيط به ، لم اتخيل وجود مكان بهذا الجمال وبوسط قرطبة العربية سابقاً منذ آلآآف السنين .. كان القصر يتكون من جزئين جزء للمستشفى والجزء الآخر للطاقم الطبي والإداري .. فالجميع يسكن هذا القصر الكبيير .. عند دخولنا من الباب الرئيسي للمستشفى الذي يقع ع الزاوية الأمامية للقصر .. يتفرع من الجهتين اليمنى واليسرى ممران ، الممر الذي ع اليمين للعيادات والطوارئ وغرف العمليات ، والممر المقابل له من الجهه اليسرى غرف لإقامة المرضى .. وأمام باب الدخول الرئيسي مكتب كبير للاستعلامات وبالقرب منه درج يؤدي للمكتب الإداري ومكتب المدعو صقر .. اما خلف مكتب الاستعلامات ممر آخر كبير يؤدي إلى الجزء المخصص للسكن ، صالات معيشة كبيرة ومتصل معها غرفة الطعام الكبيييرة وخلف غرفة الطعام المطبخ بحجمه الكبيير .. وبالاعلى أيضا يوجد ممرين كبيرين جداً .. الممر الذي ع اليمين كان به غرفتي وغرفة فنر وغرفة بيلا .. اما الممر الآخر غرفة لصقر وغرفة لضاري .. غابي وزوجها لوكا وابنائهم ماركوس وبينيلوبي فلهم الملحق الخارجي للقصر والقريب من مدخل المطبخ .. والباقي من الطاقم الطبي والإداري ورجال صقر يسكنون الجهة الخلفية من القصر ولهم مدخل خاص بهم ..

أتصدقون !! لقد مر ع تواجدي هنا شهر وبضع أيام .. لا اعرف كيف تعايشت مع وضعي الجديد ، فـ بالتأكيد يعود الفضل كله بعد الله تعالي لـ فنر .. الصديقه الحنونه .. فـ كيف احزن وانا استمع لكلماتها ، تركت عائلتها ابيها الكبير بالسن والمتقاعد ، والدتها ربت المنزل العاطلة عن العمل ، اخوتها الصغار واختها الطالبة الجامعية .. فهي من تحتاج العوده للوطن ولست انا .. كانت تعيل عائلة كاملة ومسؤوله عنهم وهي الآن منهاره ولا ألومها فلا تعرف ما حدث لعائلتها ومن مسؤول عنهم وكيف تقبلوا خبر اختفائها .. فـ معاناتي لا شيء عند معاناتها ..

...: كل هذا سرحححانه ؟؟ ياهووو يا دكتوورة
سقط منها القلم : خرعتيني فنر الله يهداج .. انا من جيت هالمكان وانا صايره خوافه ع كل شي انقز واخاف
جلست بالكرسي الذي امام مكتبها : من اليوم اناديج يادكتوره ويا داك وماكو فايده
سندس : افكر بهالصغير شلون قاطينه اهله جذي ولا كلفوا ع عمرهم يجون ويسألون عنه
فنر رافعه ساقها اليسرى فوق ركبتها اليمنى : بتتعودين ع هالمناظر .. لان بكل بساطه يدرون ان بنعالجه باحسن الادوية والعلاجات اللي تكلف آلاف
سندس : مستغربة من سياسة هالصقر ليش مسوي المستشفى لجنة خيرية ؟؟
....: لان ببساطه هالمكان معزول عن باقي قرطبة ، والساكنين حوالين هالقصر قليلين ..
ابتسمت له لاتعرف لما لاتشعر بالحقد والكرهه اتجاهه : هلا ضاري ، تامر ع شي ؟
نظراته تنتقل بين الدكتورة وفنر التي تبعد نظراتها عنه منذ ااكثر من شهر : لا سلامتج ، بس بشوف ملفات المرضى للشهر اللي طاف ..
وقفت وهي تقول : عندي بعض الملفات .. اكيد بيلا عندها الباقي ، دقايق وراده لك

جلس امامها ولم تغادر مكانها ، وكانها تنتظرني ان ابدأ بالكلام واعتذر عن ماحدث وكان أمر ليس بيدي ، واعتذر لها أيضا لانها لاتحادثني !!!
ضاري : بتستمرين بعد شهر ثاني وثالث حاقرتني ولاتكلميني ؟
فنر ببرود : وليش اكلمك مافي بينا شي .. والسسترات يتواصلون مع الرئيسة اللي اهي بيلا اذا نبي شي من الاداره
ضاري : والسسترات لازم يردون ع الاداره مو يحقروون ..
فنر بملل : آمر شنو تبي تقول .. يلا اسمعك
ضاري : ذنبي إني ضاري وذنبج إنج فنـر ..

وخرج .. من غير أي تفسير ، لماذا يكون ذنبي انني فنر ؟؟ ماخطبك أيها الغريب ، اين ضاري القديم ؟؟ هل ابدلوا أمعائكَ وقت الجراحة ؟ .. ولكن ما شأن الأمعاء يا فنر .. فـ الذنب ذنبك وحده ولا ذنب لضاري .. فـ لتستمري بتجاهل مايخبرك به قلبك .. ربما أكون قاسيه ، ولكن فراق عائلتي طوال السنه الماضيه اذاب كل مشاعر التعاطف من قلبي ، فـ أصبحت فـنـر الجدّيه والغير مباليه لمشاعر الغير ..

الذنب كان ذنبي ، والعتب كان لي وحدي .. والآن فأنت تستحقين أكبر قدر من العتاب بحق نفسي التي تستمرين بتعنيفها .. الم يكفكِ اعتذاراتي الصادقة .. الا ترين قِلت حيلتي بهذا الموضوع !! .. استمري بتجاهلكِ لي وساستمر بعتابي لكِ يا مـنـارتــيّ ..~



.
.
.


اندمجت بالشرح ولاحظت شطارة محمـد وسرعه فهمه لبعض النقاط ، حست الموضوع تسهل عليها لان اللي جدامها فعلاً شخص نيته يتعلم مويلعب .. تذكر كلام التوأم لها قبل دقايق انهم ملوا من القعده ونور راحت محاضرتها ونوران راحت لباقي الشله بالكافتيريا ، غمزت بعينها لنوران الحقيره تبيها تقعد عندها وسحبت عليها وراحت ..
محمـد : هذي بتكون كميه الميدتيرم الأول ؟
غـلا موضحه : الاوراق الاولى للميدتيرم الأول بس لي جابتر 4 ..
محمـد : تمام .. والفاينل ؟
غـلا : ع كلام الدكتورة الفاينل بيكون بالفصول اللي ما امتحنا فيها وافضل هالشي .. يعني بيكون معانا جابتر 5 و 6 و 7 و8 بس ..
محمـد : احسن واخف علينا
غـلا : ااي بس الفصول الاخيهر اصعب من الفصول الاولى والكمية اكثر
محمـد : الحمدلله انا داومت ع الفصل 5 واموري تمام
غـلا : اي لان الفصول الاولى حيل قصيرة شرحتهم الدكتورة ب4 أسابيع تقريبا ..
محمـد : الحين انتي شرحتي لي جابتر 3 ؟
غـلا : اي وكافي عليك اليوم .. نكمل باجر اذا فاضي ؟
محمـد : ماعندي شي واي وقت انتي تفضلينه قوليلي
غـلا بجرأة غريبه منها : بدز لك بالواتس اب ، واتوقع ان بيكون الظهر احسن وقت
محمـد ابتسم : ان شاءالله
غـلا : ماعندك محاضرات ؟؟
محمـد : لاا ، انا مسجل مادتين بس مع لاباتهم ، هالكورس اتخرج
غـلا : ااي ماشاءالله علشان جذي اغلب الوقت تكون فاضي
محمـد : ااي محاضراتي الصبح مبجر واللاب ع وقته الساعه 2
جمعت الآوراق واهي تمدها له : انا بمشي الحين ، تامر ع شي ؟؟
محمـد بابتسامه : سلامتج ويعطيج العافيهه ابله غـلا
ضحكت : الله يعافيك ..

سألها بعد دقايق من الشرح (ماشاءالله شرحج احلى من شرح الدكتورة ، انتي طالبه علوم معانا؟؟) .. يوم عرف اني طالبة تربية وبعد التخرج اصير معلمه أحياء .. صار اذا بيسالني شي قال (ابله غـلا) ..

من بعـد شهر ونص أول مره احس بهالراحه ، الله يوسع عليج ياغــلا مثل ماوسعتي علي وشلتي عني هم هالمادة .. باقي المادة الثانية اتفرغ لها بالبيت .. يارب رحمتك يااارب الهمني بالصبر وفرحني بالتخرج .. آآآه يمه يبه وينكم تشوفوني قربت اتخرج وارفع راسكم .. الحمـدله ع كــل حـــال ..


.
.
.


تيك توك
تيك توك
إنــه وقت الغداء
الساعة 2 بـعـد الظهر


اجتمع الجميع ع مائدة الطعام الكبييره ، وبدأت غابي بنشاطها وضحكتها الجميلة مع خادمات القصر بترتيب المائدة ، كانت طقوس كريهة بأيامي الأولى ، لاني كنت أكره رؤيته امامي .. والاهم من ذلك انه يختفي عن انظاري طوال الساعات الباقيه من اليوم ..


الا يكف منصور عن طلب التقارير اليومية !! فلا جديد يحدث فاليوم مثل الأمس ومثل الغد .. فـ لا انسى تهديداته بعدم إيذاء الدكتورة .. فـ لازال يراها كـ الكنز أو قطعة أثرية وممنوع لمسها منعاً باتاً .. اعترف منذ انضمام الدكتورة واصبح حال المستشفى من الناحية الطبية أفضل بكثير .. ولا انسى توافد المواطنين بجميع أعمارهم عند معرفتهم بوجود دكتورة جديدة وجميله .. كانوا يلقبونها بـ "هيرموسا دكتورا" .. الدكتورة الجميلة ..


انقلبت الأدوار واصبح هو من لا يحادثني .. فـ لتخبرني أولا ما هو الذنب الذي تريدني أن أتوب عنه !!! .. يجلس ع يسار أخيه المترأس للطاوله ولوكا ع يمين أخيه وباقي رجالهم بالقرب منهم .. ورأس الطاولة الآخر تترأسه بيلا وع يمينها سندس وانا ع يسارها .. كنت استرق النظرات للذين ع يساري .. وكلي أمل أن يرفع عينيه وينظر لي من هذا البعد الكبيير ..


صرخـــات عاليــه قطعت عليهم انسجامهم بالأكل ، كان الجميع ينظر لبعضهم البعض إلا واحده فقط .. سقط منها ماكانت تحمله بين يديها وهي تصرخ باسمِ مــا . وتخرج من غرفة الطعام بخطواتها الغير متوازنه .. فـ الصرخات خرقت حاجز الهدوء الذي كان مسيطر ع الجميع ، وأصبح الجمميع بحاله قلق وخوف من معرفة سبب هذه الصرخات ..

غادرت غرفة الطعام ذاهبة لمصدر الصوت ، صرخاتها وكأنها تمزق قلبها .. اقتربت من الصالة الرئيسية ويوجد بها باب رئيسي يدخل ع مكان السكن .. انحنت لطفلتها حاضنة لها من غير أي صووت ولم تستطع التحدث بأي كلمه ، فرؤية السكين والدماء تغطيها وتغطي كفيّ طفلتها كانت كالرصاصة التي اخترقت قلبها وانشق لنصفين ..

بصوت يرتجف من الخوف وباسبانيتها : لـقـد طعنته كان ينزف بشده ولكن هررربت

تجمهر الجميع لمشاهدة المشهد الذي امامهم .. اقترب لوكا الأب الحنون وقلبه يؤلمه ع هذه الطفلة فمنذ نعومة اظافرها وهي تعاني ..
حضن وجهها بكفوف يده وتحدث بحنان : لاتقلقي ياصغيرتي انتي بأمان الله .. لاتقلقي
كانت بين أحضان والدتها ، ووالدها الحنون .. ولكن صووت تكرهه تحدث بكلمات صارمة
صقر : ما الذي حدث يا بيني ؟؟ هل هو أبيك ؟؟
وقف لوكا بغضب الاب الخائف ع طفلته : سينيور ارجوك .. هل تستطيع تأجيل حديثك ليوم آآخر ؟؟؟
صقر : لقد قالت انه ينزف بشده يا لوكا إذن هو قريب ولن يستطيع الهرب ..
وقفت بقوه استمدتها من دموع طفلتها : وكيف تريدها ان تتعرف ع أب لم تراه طوووال حياتها ؟؟؟؟ هيا بيني لنذهب للمنزل
صقر : انتظري .. اخبريني بمكانه سأذهب مع رجالي
صرخت ببكاء وصوت يتألم : انه ليس والدي لاتخبببرني انه وووالدي .. فوالدي واحد فقطط هو بابا لوووكا ..



.
.
.


انتهى
البارت القادم بإذن الله بيكون بمنتصف الاسبوع الجاي ^^


اسيرهـ الخيال غير متواجد حالياً  
قديم 10-12-20, 07:33 AM   #20

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



السلام عليكم ورحمة الله وبركاته

صباح الخير على كاتبتنا الغاليه ومتابعاتها العزيزات

أهل سندس وضعهم صعب قلبي يوجعني عليهم هم الآن عندهم أمل بسيط
أن ممكن كلام الدكتور لهم صح لكن مع طول المده وأختفاء سندس بدون ماتكلمهم أكيد بيشكون وبيزيد خوفهم عليها

سندس يقولون من شاف مصيبة غيره هانت عليه مصيبته معرفتها لفنر وقصتها جعلها تشعر بأنها أفضل من فنر

فنر الله يعينها تشيل هم نفسها والا هم أهلها

ضاري واضح حب فنر لكن فنر هل تبادله الحب ربما
ولكن وضعها يجعلها متأرجحه بين عقلها وقلبها
فمن ينتصر

محمد ماشاء الله مجتهد وحريص على مستقبله وفعلا
مؤدب مع غلا ولم يكن طلبه من غلا الشرح مجرد
تقرب منها
أتمنى أن محمد يحب غلا ويتقدم لها

الطفله أعتقد لوكا ليس والدها والدها شخص آخر
لكن تربة على يد لوكا وربما والدها شخص سيء
ويريد أخذها
لكن لماذا الطفله تكرهه لهذه الدرجه

تسلم يمينك بارت راااائع منتظرين باقي الأحداث



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 02:32 PM



Powered by vBulletin®
Copyright ©2000 - 2024, vBulletin Solutions, Inc.