آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-12-20, 04:38 AM
| #23 | |||||||
 
|  اقتباس:
وعليكم السلام ورحمه الله وبركاته يا صباح النوور .. آهـلا آهـلآ تحليل ناااري والله للشخصيات وفقتي بوصف حال ضاري وفنر عججيب ^.^ وهم الطفله صح عليج وحال الباقي بنعرفهم بالبارتات الجايه وغلا ومحمد شنو بيصير معاهم ؟؟؟ تسسلمين لي ع هالمرور الجميل كـ عادتج :& منورتني ياعممري فيتامين سي .gif "Eh S(7)") | |||||||
|
|
11-12-20, 04:46 AM
| #24 | ||||||||
| اقتباس:
أهلا بـ غدا يوم آخر تو مانور المكان ^^ تدرين قعدت اقرا ردج فوق ربع ساعه .. احاول افهم شنو تقصدددين  اللي فهمته منج حبيبتي أول شي اسرار اهي سندس المضيف المسكين ماله ذنب كلش اهو مجرد موظف مع طاقم الطياره .. وبينه وبينهم سريه تامه بس انتهى دوره وانتي لو تلاحظين لما اخذوا سندس وفنر .. الحكومة كلها واقفه معاهم قدروا يغطوون ع اختفائهم بالعلاقات اللي عندكم .. ومثل ماوضحت ان "منصور" قائدهم الكبير كان له الدور الكبير في اخفاء الموضوع اقتباس:
هم اسرار يعني سندس لالا كلش لااا جود اللي قالت بلسانها "يمكن بدر يبي سندس وعلشان جذي ماتزوج " واصلا سندس اكبر من بدر بـ 4 سنين تقريبا وبنعرف مع الاحداث بدر ليش ماتزوج ونطر لي هالوقت .. وسندس سفرها طول للسنين اللي طافت كانت للدراسه وهذي السفره للاغاثه من تأليف اللي خطفوها ولا اهي ماتطوعت للخدمه ولا شي .. شكرا حبيبتي ع تعليقج واسعدتيني والله بمرورج لاتقاطعينا ومرينا دووم  منورتني | ||||||||
|
|
|
14-12-20, 03:01 AM
| #25 | ||||||
| . . . السلام عليكم ورحمه الله وبركاته صباح الخير عدنـا مع البارت الخامس شخصيات وضحت آكثر وأكثر شخصية متأكدة بتكسر خاطرهم ، بعكس الشخصية الثانية اللي اكيد بتكرهونها وتحقدون عليها قراءة ممتعة ولا تحرموني من تعليقاتكم ^.^ . . . الجزء الخامس كانت حوارات الفتيات مستفزه .. اكره جهلهم بالحياة وحبهم للفتيان الوسيمين ، وصلت الحافلة لمحطتي .. ارتديت سماعات هاتفي وبدأت بتشغيل موسيقى الراب التي احبها .. ترجلت من الحافلة وانا اسير بهدووء واستمع للموسيقى واتحرك مع النغمات الموسيقية .. كان الطريق من محطة الحافلة إلى القصر طويل يأخذ مني سيراً ع الاقدام 15 دقيقة .. ولكن كنت احب هذا المشوار ، فـ منه استطيع التأمل والتفكير بيني وبين نفسي ، استمع للموسيقى من غير تدخل والدتي واخباري بحل واجباتي المدرسية .. ولا ازعاج مارك وطلبه ان العب معه بالعابه الطفوليه .. واحياناً أقوم بقراءة كتاب ما وعادة مايكون كتاب من والدي لوكا .. فـ حبه بقلبي لايقدر بثمن .. توقفت قليلا وانا انحني لربط خيط حذائي الرياضي بلونه الأبيض .. توقفت اناملي عن العمل لدقائق وانا الاحظ الظل المعكوس ع يميني .. أكملت عملي وانا اقف لاكمل سيري .. أغلقت الموسيقى من غير ان انزع السماعات .. وضعت كف يدي الأيمن بجيب جاكيتي الشتوي .. اسرعت بالمشي وهو يسسرع بخطواته .. وقفت فجاه وانا استمع لصوته وهو يقول .. ..: توقفي يا فتاة .. انتي بينيلوبي صحيح ؟؟؟ لن اصدق خدعته ، واجهته وانا ارجع بخطواتي للخلف : ماذا تريد مني ياهذا ؟؟؟ ..: انا فقط اريد التحدث معك .. فمعي هدية ما من شخص عزيز عليك يريدك ان تأخذيها .. بيني : وانا لا آخذ هدايا من اشخاص غربااء .. اقترب بضع خطوات : انه ليس بغريب .. اتذكرين والدك دييغو ؟؟ لقد طلب مني ان ازورك واطمئن ع اخبارك .. بيني بحده : والدي اسمه لوكاس ولا اعرف والد غيره ... صوت يهمس له من خلف السماعة البلوتوث التي يرتديها : انها تربية والدتها ، لقد زرعت بقلبها كرهها لي .. احضضرها لي الآآآآآآن اسرع بخطواته مقترباً منها ووضع يديه ع اكتافها .. ولكككن شي ما اخترق احشائه ، وكان يندفع اكثر واكثر للداخل .. صصصرخ بأألم ويديه تبتعد عن اكتافها ويضغط بها ع جرحه .. تحدث بصرخات متألمه ...: ماذا فعلتي يا ***** ؟؟؟؟ لاتعلم هل مافعلته صحيح أم خاطئ ؟؟ .. فهذا ما دربها عليه والدها لوكاس في كلاسات الدفاع عن النفس .. (صغيرتي اتعلمين ظروف عملي الخطيره .. فمن سيحمي والدتك واخيك الصغير ممن بعدي!! .. فانت فتاتي القوية ويجب ان تعرفي أساسيات الدفاع عن النفس .. واريدك ان تحملي هذه السكين الصغيرة معك دائما) .. أهذا ماكنت تقصده !! فـ لا استطيع التفكير فعلا ولكن هذا الرجل كان يريد اخذي لمكان ما .. أنا متأكدة .. صرخت بصوتها الخائف ولكن الواثق بيني : اخبر من ارسلك انك مصاب ، ومن فتاة صغيره بعمر الـ 16 .. وان تعرضت لي مرة أخرى فلن ادعك تسير ع اقدامك .. بيني وهي بين أحضان والدها : هذا ماحدث .. لااعرف من كان يتحدث معه من السماعه ولكن كان يأمره بشي ما .. بيلا وهي تجلس عند اقدام ابنت اختها المراهقة وتزيل بقايا الدم من يديها بالمسحة الكحولية .. لا تعرف ماذا تقول فـ بيني كانت شجاعة جداً اليوم .. رفعت نظراتها لسندس وفنر الواقفات ع طرف غرفة الطعام التي ادخلنا بها بيني لكي تسترخي .. وصقر الذي يتحدث بالهاتف ويأمر رجاله بالانتشار والبحث عن شخص مصاب طويل القامة بالاربعينات وذا شعر أسود وعيناه بلونها الفاتح كما وصفته لهم بيني .. وضاري بحنانه وهو يتحدث بكلمات محاولاً التخفيف من حاله الرعب التي مرت بها بيني .. همست لها ونظراتها تنتقل بين بيني والذين يحتوونها باهتمامهم وبينه هو من يتحدث بالهاتف بعد ان اصر ع إجبار بيني بالتحدث واخبارهم بكل ماتعرفه .. يالا قساوة قلبه هذا العملاق البني .. سندس بهمس : عاجبج شكلنا واقفين وصايرين احنا والطوفه وواحد ولا فاهمين ولا كلمه من اللي قاعدين يقولونه !!!! فنر ببرود : ياخبر اليوم بفلوس باجر ببلاش .. ليش لاحقه ع رزقج الحين نسال بيلا وتقولنا ككل شي سندس : مااحب أوقف واتفرج ، لازم اعرف شنو يصير حوولي .. والكل مايتكلم انجليزي الا معاي ومعاج .. وكل سوالفهم بينهم وبين بعض بالاسباني فنر : عادي تعوودت .. ومايهمني شنو يقولون بالاسباني بينهم وبين بعض حتى لو نتفوني من الحش سندس وهي تقرص ذراع فنر : انتي غبيه !!! شكو الحش الحين وشنو فيج علشان يضيعون وقتهم ويحشون فيجج !!! فنر تمسح ع ذراعها : آآآي يا الفاره عورتيني .. انزين فهميني ليش تبين تفهمين شيقولون بالاسباني ؟؟ سندس بتفكير عميق : علشان مااكون مثل الهبله بينهم .. واغفل عن الأشياء اللي تصير حوولي .. ابي أكون عارفه وفاهمه لكل شي ولا ابي اسمح لاحد انه يخدعني بهاللغه .. فنر : كبرتي الموضوع حححيل .. ريحي راسج ولاتفكرين بهالتفكير وانتي بترتاحين سندس : انا بفهم انتي قلبج ع طول جذي ميت ؟؟ مستحيل اسكت وانتي المفروض اول خطوه تسوينها من دخلتي لعرين الأسسد تتعلمين طريقه التخاطب مع هالاسد فنر بغشمره : ومنو الأسد الحين صقر ولا ضاري ؟؟ ههههههههههههههه سندس بغضب : انا الغبيه اللي آآخذ واعطي معاج .. بس والله مااخليج وبتتعلمين معاي بعد اسباني .. تبعت سندس الخارجة من غرفة الطعام وهي تصعد الدرج لغرفتها : انزين تعالي ومنو بيعلمنا ان شاءالله ..؟؟؟؟ سندس تددفع باب غرفتها للدخول وهي تقول : بتعرفين بوقتها . . . الــكــويـــت العائلة وصلها خبر زواج عبدالعزيز ، اللي زعل وعاتبه واللي تعاطف معاه بعد ماعرف الأسباب والظروف اللي خلته يتزوجها ، ولانت قلوبهم ع البنت اليتيمه .. ام محمـد كانت بين نارين .. نار ولدها ونار مرت ولدها اللي تحبها وتقدرها .. رفضت تسوي حفلة او عشى لزوجته الثانيه ، وقالت له بس تجهز الشقه جيبها اهي واغراضها ولاتشوفها عيني نازله وقاعده عندي .. ليال ماتدخلت بكلام خالتها ولا طلبت منها تغير رايها .. رهف بعد حنت اخوها وافقت تروح معاه وتختار غرفة النوم والصاله بس .. بعد ماجيكت ع شقة محمد القديمة ، شافت انها تحتاج صبغ جديد وارضية والحمامات تتكسر وتتجدد .. والمطبخ جديد مايحتاج تعديل .. راحت معاه يومين ورى بعض اختاروا الارضيات وغرفه النوم والصاله .. ومروا الغانم للالكترونيات واختار له تلفزيون وغساله وميكرويف والاشياء الباقي يشتريها بعد ماتسكن .. قالوا له شغل الشقه يخلص بعد اسبوع .. نزل اخته بالبيت وراح لها يبلغها بالمستجدات فتح الباب بالمفتاح اللي معاه .. وبدا يناديها طلعت من المطبخ : هلا عزيز قعد بالقعده العربية الآرضية : شخبارج ؟؟ قعدت عنده واهي تقول : الحمدلله بخير ونعمه عبدالعزيز : الحمدلله ، زهبي نفسج بعد اسبوع بالكثيير بتروحين معاي البيت ماسكه طرف بلوزه بيجامتها وتلفها باصابعها : وووو زوجتك ماقالت شي ؟ سكت عزيز اللي مايقدر يجذب عليها ويقولها لا ماقالت شي عرفت قصده بسكوته رفعت عيونها اللي تغورقت بدموعها : ماابي اخرب عليكم ... لاتجبر نفسك انت ماقصرت بجدي ووفيت بوعدك ، طلقني وروح لزوجتك وانا الحمدلله اشتغل وعندي معاش والبيت موجود عبدالعزيز بتوضيح : يا مها الموضوع مومثل ماانتي متخيله .. انا حلفت لجدج اني بصون امانته ومراح اخليج .. ووين اخليج بهالبيت بروحج وعيال الحرامم واجد مها ودموعها ماوقفت : ماابي ادخل بيت واهله كلهم رافضيني ومايبوني عبدالعزيز : هذي قسمت ربج لج بهالدنييا ، وصدقيني ليال طيبه ححححيل بس عطيها وقت وصدقيني بتتقبلج مها بكسره : ان شاءالله .. تبي اسويلك شي ؟؟؟ عبدالعززيز : لا ماكل بالبيت .. بس بقولج شنو سويت بالشقه واشوف شنو تحتاجين علشان اروح اشتريه ابتسمت بحزن واهي تسمع عبدالعزيز يشرح لها الشقه وشنو سوى فيها ، جاوبته ع قد السؤال وشنو ممكن تحتاج .. بعد نص ساعه استاذن وطلع .. صكرت الباب وقفلته وردت قعدت بمكانها .. رفعت رجولها وسندت ايدينها ع ركبها وفوقها فكها ... آآه يا مهــا الهم اللي عشتيه بهالبيت ما يساوي الهم اللي بتعيشينه بالبيت اللي بتدخلينه بعد اسبوع ... والله مو بايدي اقرر عن جدي اللي اول مره بحياتي يكلمني بهالجديه واهو يقول لي (امام المسجد بيتزوجج وباجر نروح تسوين التحاليل ولا تناقشيني لان انا عطيت الرجال كلمة) .. اهي تعرف امام المسجد ابوسالم اللي كان جدها يسولف عنه .. وتدري انه اكككبر منها وعنده بيت وعيال ومستقر بحياته ... آآآه ياجدي الله يسامحك ع اللي سويته فيني ... يااااارب انت تدري مالي بهالدنيا احد ... يارب لاتخليني ولين قلوبهم علي .. يارب عممري ماكرهت احد ولا شفت الكره من احد ... يارب الهمني الصببر حتى اقدر اوقف ع حيلي واواجهم . . . الــجــامــعــة دخل المكتبه وصعد للدور الثاني مثل ماتعود خلال الايام اللي طافت .. تعود ع طريقتها بالشرح .. ولما صار يسمع شرح الدكتورة من بعدها صار مايفهم ... ويدري انه ضايقها بطلباته ... الميدتيرم امتحنوا امس والحمدلله حس ان قدم عددل .. وباقي الفاينل لازم يركز ع الكميه اكثر .. واللاب شد حيله وسلم الريبورتات اللي طافته والحين ماشي مع الكلاس صح .. قرب من الطاولة اللي قاعدين فيها غـلا والتوأم ... ياربي شكثر يضحكونه هالبنتين ، حركاتهم ونقاشهم مع بعض اللي ينقلب بالنهايه لهوشه قعد ع الكرسي اللي قدام غـلا والبنات واقفين يسولفون ع غـلا اللي قاعده محمـد : السسـلام عليكم البنات : وعليكم السلام نور وتكلم غلا : اي كملي شصار عاد غلا اشرت لها ع محمـد ... محمـد اللي تعود عليهم كان يشوفهم من غير ماينزل راسه ضحك : كملي السالفه ياغلا لاتموت عليج من الفضول نور : الحمدلله انك عرفتنا نوران سحبت كرسي من الطاوله الثانيه وقعدت يم غلا ، واختها قعدت ع يسار غلا بنفس الطاوله غلا : بسم الله انتوا مو تقولون بتروحون الكافتيريا نوران : لالا حبيبتي نسمع السالفه بعدين نرووح نور : يلا غلاوي كملي ، ويوم قال لج ابوج انه ولد عمج تزوج الثانيه شصار ؟؟؟ غلا رفعت عيونها لمحمـد اللي عيونه تتنقل عليهم وع الاوراق اللي بايده غـلا كملت : ماكو كلمت جود رهوف وقالت بعرف السالفه منها ... وقالت لهم كل السالفه وعن الشايب اللي بالمسجد اللي طلب يتزوج حفيدته وتوفى قبل جم يوم نوران بتعاطف : تبين الصج تعاطفت معاها .. يعني صدمه انها وحيدة بهالدنيا والصدمه الثانية بتسكن مع حمولة مايبونها وزوج اكبر منها بووواجد نور بتساؤل : اكبر منها بجم ولد عمج ؟ غـلا : ع كلام رهف اكبر منها ب17 سنه ... نور : فرررق كبيييييير بصراحه ، اهو جججيل واهي جججيل غير .. نوران تلف ع اختها : حتى اكبر من جيل اخوواني غـلا : لا ولد عممي كبير اخوانج اصغر منه نور : المهم الحين انتوا شلون بتكلمون البنت عادي وعلاقتهم عاديه ولا شنو ؟؟ غلا بحيره : مادري ماودنا نسوي شي يضايق بنت عمي .. وهم ماودنا نظلم البنت واحنا مانعرفها تكلم محمـد اللي شده المووضوع : البنت بتكون خايفه من الحياة معاكم اكثر من خوفكم انتوا انها بتدخل حياتكم التفتوا البنات له اللي شبه نسوا انه موجود ... نوران : شلوون .؟؟؟ محمـد موضح : زوجته الاولى عندها اهل وعزوه وعيال والكل واقف بصفها ، بس اهي بروحها بدون لا اهل ولا عزوه ولا سند تستند عليهم ... فيا غلا لاتظلمون البنت اليتيمه وتاخذون اثمها غلا بحزن ع كلمة يتيمه لان اهو هم يتيم : وانــت ؟ محمـد باستغراب والبنات مثل وضعه : انـا شنو ؟ غلا بمثل النبره الحزينه : ماعندك اهل وعزوه مثلها ؟؟ ابتسم ع قلبها الرهيف : عندي .. جد وجده وخوال وعمام غـلا بصوت هامس : الحمدلله التوأم يشوفون بعض ع الموقف الغريب اللي صار .. وقفت نور واهي تقول ...: يلا مانعطلكم احنا ماششين بعد ماراحوا التوأم .. فتحت الكتاب وحاولت تركز بعد الكلمتين اللي طلعت منها .. ليش كل ماقعدت معاك قلبي ينعصصر عليك ... ودي اطبطب عليك واحتوييك ... تذكرت كلام ابوها بعد ماقالت له قصه محمـد واللي صار لاهله ( فاما اليتيم فلاتقهر .. لاتقصرين فيه وانا ابوج والله يكتبلج الاجر باللي تسوينه فيه) .. تفرح لما تشوفه يضحك وهالشي يصير لما يفصلون التوأم عنده ... وابتساماته البسيطة وقت الشرح ، يقولي بعد شرحج صرت ماافهم للدكتورة ، حتى انا موافقه قعدتنا هذي تصير كل يووم ... ابي اعرف شنو اللي بقلبك ، شنو بتسوي بحياتك ... حتى خواتي عرفتهم من سوالفنا اللي بين الشرح ، لما تقولي شكلج مونايمه عدل واقولك (جود امس صدعت راسي بالسوالف مانمت عدل منها) .. محمـد لاحظ سرحانها : غــلا فيج شي ؟ رفعت راسها بسرعه واهي تشوفه : ها لاا مافيني شي محمـد : تعبانه تبين ندرس باجر بدال اليوم غـلا : لاا مافيني شي .. بس شرايك نطلع بره بالحديقه ؟ محمـد استغرب اقتراحها : عادي اللي يريحج غـلا وقفت : اليوم بنغير جو بالحديقه احسن ونشرب قهوه يمكن نصحصح شووي طلعوا من المكتبه وقعدوا بالكراسي القريبه من باب المكتبه .. حطت الاوراق والكتاب ع الطاوله وقبل تتكلم قال محمـد اهو اللي بيروح يشتري القهوه .. غاب عنها دقايق واهي ترتب الاوراق .. ووصل وحط القهوه جدامها .. محمـد : تفضلي قهوتج ياابله غـلا غلا بابتسامه : شكراً ، يلا نبلش لان ضيعنا وقت محمـد قعد قدامها : يــلا .. اندمجوا بالشرح واهي تقرا له المعلومات وتكتب ع اوراق الايفور وترسم له .. ابتسم بينه وبين نفسه واهو يقول (يابخت البنات اللي بتكونين ابلتهم) .. فجأه هدت القلم واهي توقف بعد ماصرخت صرخه شبه مسموعه انصدم واهو يقولها : شفيـــــج ؟؟؟ غـلا بخووف : القطوووه اللي عند رجوولك نزل عيونه ورد رفعها واهو يضحك : من صجج تخافين ؟ غلا : ااااي والله بعدها ولا ترى مراح ارد اقعد كيفك ضحك واهو يوقف ويبعد القطوه بععيد ، ورد قعد واشر لها تقعد .. ضحك عليها واهي تشوف الطاوله من تحت تتاكد ان مافي شي وتلفتت حوالينها ، وبعدها قعدت محمـد : ها تطمنتي ؟ غـلا : تووبه مره ثانيه مانطلع من المكتبه محمـد : ههههههههههههههههههههههه يا الخووافه ضحكت ع ضحكته القوويه ، شكثر حلوه ضحكته بعد ما اختفت ملامح الحزن من وجهه ، ياااارب ادمها عليه هالفرحه ولا تكسر قلبه بغااالي ... | ||||||
|
|
|
14-12-20, 03:04 AM
| #26 | ||||||
| . . . صـبـاح يــوم جـديـد ع قـرطـبـة الجـمـيـلـة كان صباح مختلف عن جميع الصباحات السابقه .. اختفت ملامح الفرح من غابي ، فـ كان صباح غيومه تبشر بالحزن ، تناولنا الطعام ع مائدة الإفطار من غير ابتسامتها الجميلة وعينيها بلونها السمائي ذابله .. ولوكا الرجل الحنون والأب الأحن فهذه أول مره اراه يتجاهل النظر في عينيَ صقر ... أيعقل أن يشعر بمشاعر الأبوه هذه لطفله ليست من صلبه ؟؟ كيف بصاحب هذا القلب الحنون أن يتحمل العيش بهذه المنطقة الخطره ؟؟ لفتني الطفل مارك وهو يخرج مودعاً والدته ليذهب للمدرسه وغابي الغائبة عن الواقع .. صرخ باسمه : ماركوووس توقف عن السير من صوته الحاد ، التفت له وهو يقول : سي سينيور (نعم سيدي) صقر بصوت اهدى وهو يقف امامه بعد خروجه من غرفة الطعام : الم اخبرك انك لن تذهب إلى المدرسة اليوم ؟؟ مارك بحزن : ولكن لقد وعدت أصدقائي بلعب الكره اليوم معهم في حصة النشاط صقر وضع يده اليمنى ع رأسه : فلتعتذر منهم لليوم فقط .. واعدك ستذهب بالغد .. وسيرافقك حارس من الحراس .. أتريد ترك أختك اليوم بمفردها ؟؟ انحنى رأسه بحزن مغادراً المكان للذهاب لمسكنه الخاص .. اقتربت من بعد مغادره ماركوس وهي تقول سندس : ليش ماخليت الولد يداوم .. حرام كسرت بخاطره ؟ صقر ونظراته بنظراتها فها هي تحادثه ولاتهرب منه : انا ادرى بمصلحته .. سندس باصرار فما رأته من انكسار بنظرات مارك آلمتها : لو تدري بمصلحته جان عرفت ان الولد ضايق ومايبي يقعد بالبيت ، يبي يبعد عن جو الحزن اللي عايشين فيه اهله سار مغادراً المكان وهو يخرج من الباب الرئيسي للسكن : لا تحشرين خشمج بأمور ماتعنيج يا دكتووووورة .. أتعرفون مايحدث للقنبلة الموقوتة عندها ينتهي الوقت !! تــنــفـــجر .. هذا ماحدث بداخلي الآآآآن .. آآآه لما هو شخص بغيض وكريه .. أوووف أريد أن اتنفس المزيد من الاكسجين فقطط .. لقد أفسد الاكسجين بهذه الغرفة بكلماته البغيضــه ذلك العملاق البني الكريـه . إلـى متى تستمر منحنيات حياتي بالتوجه لطريقه .. إلى متى سأبقى انتظر اليوم الذي سيأخذ فيه طفلتي من بين يديَ .. إلى متى سانتظر اليوم الذي سيكون يوم مماتي ...!! لما العيش معك والعيش بعيداً عنك يسبب هذا العذاااب لي ولمن حووولي ..! احتضنها بقوة بين يديه من غير أن يتكلم ، فهو يعرف ما يجول في رأس حبيبته ، بكت وبكت ولم تتوقف عن البكي وهي تدفن رأسها وسط صدري .. وآآه من دموعك يا حبيبتي كم يؤلمني رؤيتك متألمه .. ابعدها قليلا وهو يمسح دموعها بأطراف أصابعه : لما هذا البكي ؟ أتريدين ان يقلقوا الأطفال ؟ غابرييلا برفض : لاا .. ولكن لا اعرف ، منذ الامس وانا اتخيل ماذا كان سيحدث لو لم تسستطع بيني الهرب .. ماذا لو قبض عليها واخذها للمدعوو دييغووو .. احتضن كفوف يديها بين كفوفه : اتعتقدين انني ساسمح له بفعل ذلك لطفلتي ؟؟ غابرييلا : اعلم ذلك عزيزي .. ولكنك تعرف انه لن يتوقف وها هو ظهر مجدداً من بعد سنوات من اختفاءه .. لوكاس : اعلم ذلك والسيد أيضا يعرف ذلك .. وهو اخفق بكشف نفسه لنا .. فهذا سيساعدنا ع وضع المزيد من الرجال في المزيد من المناطق في الدولة ، ولقد بدأ السيد بذلك وهم الآن يبحثون أولاً عن الرجل الذي قامت بطعنه بيني وضعت كفها الأيمن ع خده وبرقتها : ولما انت غاضب من السيد هكذا ؟ رفع يده ليدها خاضناً لها : تعرفين انني احب السيد واحترمه جداً .. ولكن لا احب طريقته في التعامل معك ومع بيني .. لا يحق له ان يغضب بهذه الطريقه فبيني طفله ولاتفقه بما يحدث حولها ابتسمت : لا تفعل ذلك مره أخرى .. فتعرف ان السيد هو من احتوانا بدلاً من العيش في الشارع ، وهو أكثر شخص سيحمينا ويعرف مصلحتنا .. لوكا : اعرف ذلك .. ولكن سأرتاح بعدما اقبض ع ذلك الرجل المصاب .. . . . واقفه بشموخها وسط الصاله وعباءة الرأس المثبته ع رأسها وxxxxب الساعة المشيره لـ 9 مساءاً ، وهيبتها رغم التجاعيد التي تحيط بعينيها من تحت (البرقع) .. وكفوف يدها المزينه بالحناء وخواتم الذهب تزين أصابعها المجعده .. أيعقل ان يستغفلوها بهذه الطريقه ؟؟ لا يضعون اعتباراً لها في قرارات حياتهم !! .. أبعد موت الراعي تتمرد الرعيّه .. ..: يا أحـــمـــد ياوووولد صقــر .. وووينكم لا عادت عليكم وع الساعه اللي جبتك فيها .. دخلوا مسرعين ع صراخها قادمين من الصاله الداخليه .. استغرب تواجد والدته بهذه الساعه المتأخره وكلماتها التي لا تعيَ مدى تأثيرها وقوتها ابوصقر مقترباً للسلام ع رأسها : شفيج يمه خرعتيني عسى ماشر شفيج ؟؟ أبعدته بكف يدها تدفعه من صدره : لا تحبني ولا احبك بعد عني ياولد بططني .. ابوصقر سحبها لتجلس ع الكرسي من خلفها : الحين قوليلي شفيج شايشه علينا ؟؟ وشفيج تدعين علي يا الغاليه ، هذا وانا ولدج البجر (البكر) .. ام احمد : هذا بلا ابوك يا عقاب .. يوم انك البجر ولاتاخذ بشوري .. تزوجت باللي ماني بقايله اسمها وانا رافضه .. والحين ولدك يسوي مثل ماسويت وبيعصيني بععد ام صقر المعتاده ع كلمات خالتها وقفت بهدوء ولم تتدخل فيما بين الأم وابنها ، التوأم الصامتات والمترقبات بفضول لما تريد قوله جدتهم ابوصقر : وشفيه صقر الحين شمسوي ؟؟؟ ام احمد : علامه معلق بنت عمه ولا راضي يرسيها ع بر ، المسكينه صارلها معلقه سنييين ابوصقر بطولة باال : يايمه ياحبيبتي .. اخوي يدري وبنته تدري ، صقر صارله 10 سنين واهو يقول انه مرخصها وخلوها تشوف نصيبها ام احمد : يعني تقول ان ولدي وبنته اهم اللي لازقين فيكم ؟؟؟ ابوصقر : لاوالله مااقولها .. بس اذا انتي تقدرين تجبرين الصقر ع ايدج .. ولو انج تعرفين الصقر الصغير مثل الصقر الكبير الله يبيحه محد يجبرهم ع شي ام احمد بعصبيه وهي تستذكر زوجها المرحوم ورأسه اليابس : يخسي الورع صقر يعصي لي شوور .. خله علي انا اللي بكلمه ، اهو متى قالك بيرد الديره ابوصقر بهدوء : يقول بعد رمضان ان شاءالله ام احمد : الحين تدق لي عليييه والله اني مكلمته اليوم يعني مكلمته ، ماني راده بيتي الا بعد مااكلمه هالعاصي .. نوران باسبانيه لامها : ماما لماذا ستغادرين؟ ام صقر : ولم اجلس واشاهدهم يتحكمون بمستقبل ابني !! نور تحتضن ذراع والدتها : اتعتقدين ان ابنك سيخضع لهم ؟ ام صقر : الم تسمعي كلمات جدتك القاتله فهي لن تخرج الا باتفاق مع صقر .. ...: ااي لابغيتوا تحشون هرجتوا بلغة امكم .. العرق دساس اقتربت من خالتها مقبلتها ع رأسها وبهدوئها : لاحشى محشومه ياخاله .. بس البنات تعرفينهم ماعندهم سالفه ام احمد بطرف عينها : ولايكون انتي معارضه زواج صقر من منــال ام صقر : صقر ماعاده صغير وشوره بايده ولا لي دخل باختياره ام احمد : بس تقدرين تمنعينه اذا انتي رافضه منال ، ولانسيتي ايامج مع أمها وهوشاتكم ؟؟ ام صقر : اياام قلتيها ، واللي بيقعد يحاسب الناس ع الماضي بيتعب ، وانا من زمان وعلاقتي بام منال رسميه ولا لي دخل فيها ياخاله ام احمد : ماعلينا دق اخلص علي ع ولدك ...: هلا والله بالطش والرش .. هلا بشيخه الحريم هلا بالشيخه نويّر ام احمد : قص علي بكلامك يا الجذووب .. صقر بضحكه : افا هذا وانا من زمان مومكلمج تقولين لي هالكلام افا والله يمه افا ام احمد : ماعلي منك الحين اسمع العلم اللي بقوله لك يا صقيران .. والله ثم والله ان عصيتني لتبرى منك ليوم الدين صقر باستغراب : افا يمه شهالكلام .. شفيكم عسى ماشر ؟ ام احمد : بنت عمك منال .. تملج عليها اليوم قبل باجر .. تسمعني ؟؟ صقر فهم المووضوع : وقالج عمي اني مرخصها من زمان ؟؟ قالج اني عطيتها حريتها اللي ماكان لي دخل بالأساس بهالموضوع كله .. وانتي تدرين يايمه قلب صقر ملكه بروحه الحين ام احمد : وتبيني انطر لين تجي البنت اللي تملك قلبك .. وينها فيه ؟؟ صرت شايب ابو 36 سنه ولي الحين ماجبت الضنى صقر بهدوء : يمه الله يخليج لي الحين شنو تبين مني ؟ ام احمد باصرار : بعد رمضان ، بتكون ملجتك ع بنت عمك بعيد الفطر .. صقر : واذا رفضت ؟؟ ام احمد بصراخ : العلم وصلك وان عصيتني ياصقر والله لانسى ان عندي حفيد اسمه صقر صقر الكاره لهذا الموضوع جداً ، محاولاً تهدئه الأمور : ابشري من الحين لي رمضان ان كنا من الحييّن .. ابشري باللي تبينه ام احمد بفرح : أي هذاا صقر ولدي اللي مااسمع منه الا حاضر ومن عيووني .. خرجت الجده بفرحه بعد وعد صقر لها ، صمت احتوى المكان بعد خروج الجده السعيده .. أبوصقر لم يصدق ان ابنه استسلم لتهديد جدته .. ام صقر الرافضه زواج صقر من منال وتدعي ان لا يتم هذا الزواج .. فلا منال ولا والدتها من النوع الذي يمكن معاشرته .. وصقر لن يستطيع العيش بسلام مع المدعوه منال .. ام صقر : سمعت اللي صار .. ولدك وافق ابوصقر باستسلام : وشنو تبيني اسوي .. لاولدج ولا امي بقدر عليهم .. نوران : صقر بياخذ منالوو ؟؟؟ ووويعووووو نور : لااا منال تصير زوجه اخووي لاا يااااربي صعدت السياره مع سائقها وهي تدخل كفها بجيب دراعتها(ثوبها) القطنية السوداء لتخرج هاتفها .. ضغطت ع الرقم 3 للاتصال السريع .. واتاها صوتها المتلهف .. ..: ها يمه بششري ؟؟ ام احمد بمبالغه : يابعد عيني ياصقر ماقال الا من عيوني وحاضرين للغالين .. بيرد بعد رمضان وبالعيد ان شاءالله ملجتكم منال بصرخه اطلقتها من فرحتها بسماع هذا الخبر الذي انتظرته من سنين طويله : والله الله يبشرج بالخخير يمه والله ماتدرين شكثر انا فرحانه الحين ام احمد الفرحه لحفيدتها التي أتت إليها باكيتاُ وتشتكي من جور ابن ابني الذي ظلمها وأوقف نصيبها وهي لم تعد بالعشرين من عمرها فهي الآن ناضجة وذات الثلاثين ربيعاً .. آآه لو تشوفهم يا ابواحمد شلون ماقاموا يعبروني ولا اشوفهم يزوروني .. نسووا امهم وبيت امهم من بعد غيبتك .. الله يرحمك ويغفرلك ياحبيبي .. . . . لا يوجد مسألة يصعب على الإنسان حلها أكثر من [ الصمت ] الذي يُصاب به تحت تأثير الفائض من الشعور اليوم ياسندس انهي الموضوع ، لقد ازداد الوضع سوءاً .. في كل مره يدخل احد المرضى للمراجعه يجب تواجد بيلا او أي شخص يتكلم الاسبانية .. فأغلب المرضى لايتحدثون الإنجليزية وخاصة الكبار بالسن .. ..: ليش ماصعدتي تنامين ؟؟ غريبه قاعده تحت بالصاله لي هالوقت ؟؟ سندس : توني الحين طالعه من العيادة وقاعده انطر ضاري جلست بالقرب منها وبصوت حاد : نعمم ؟ وشعندج مع ضاري؟ سندس : عندي ان اهو اللي ابيه يعلمنا اسباني .. فنر : وشمعنى ضاري .. نقول لبيلا تعلمنا ، او أي احد ثاني سندس : وليش ماتبين ضاري ؟؟ بالعكس انا اشوفه الشخص الأنسب ، وبيلا طول الوقت مشغوله المسكينه وين بتلقى وقت لنا وتعلمنا ..: حاضرين للدكتوره ، تامرين اممر ابتسمت بخجل وهي تقف لتواجهه : صج والله تقدر تعلمنا اسباني !!! ضاري مربعاً يديه لصدره : ماعندي مانع ، ومثل ماتشوفين عندي وقت فرااغ كبيير .. واختاروا الساعه اللي تناسبكم فنر بصوت هادئ : العصر او المغرب .. لان الصبح بنكون مشغولين بالعياده سندس : صح عندنا مواعيد الصبح مع المرضى ضاري ونظراته لسندس وتجاهل الأخرى كلياً : تم من باجر نبدأ ..: دكتورا انتي هنا انني ابحث عنك في غرفتك .. رفعت عيونها للوكا الواقف في منتصف السلم وهو يكمل العتبات حتى وصل لهم ضاري باستغراب : لوكا ماذا تفعل بالطابق العلوي ؟؟ ولما انت هنا بهذه الساعه المتأخره ؟؟ لوكا بتوتر : ارجوك سينيور احتاج للدكتورة الآآآآن .. فانا لااعلم ماذا حدث للسيد لقد اغمى عليه فجأه سندس باستغراب من نظرات الخوف ع ملامح لوكا : شفيه لوكاس ؟؟ شنو قال لك ؟؟ ضاري سار للسلم ولوكا خلفه وهو يقول : دكتوره الله يخليج الحقيني .. صقر مغمى علييييه انصدمت من الكلمات التي نطق بها .. العملاق اغمى عليه !! ولكن كيف .. سحبتها فنر للسلم وهي تقول لها فنر : اصعدي لهمم .. وانا بروح للعياده اجيب عدة الإسعافات صعدت عتبات السلم بسرعه ، توجهت لليسار لغرفة صقر .. اقتربت من الغرفة ذات الباب المفتوح .. دخلت بهدوء حتى تعمقت لداخل الغرفه وكان السرير امامها ، كيف يكون هذا الشخص المستلقي ع السرير صقر !!! .. كان صدره مكشووف وقطرات من الماء تغطي جسمه وشعره .. ضاري محتضن وجه أخيه بكفوفه وهو ينادي باسمه "صقر تسمعني صقققر" .. لوكا الواقف ع يسار صقر ويناظرهم بتوتر .. هل سيمووت !! هل سأعود لوطني !! .. ولكن ، ما الذي حدث لك ؟ كيف من الممكن ان تكون مستلقي وكأنك مريض !! .. أيعقل ان يمرض هذا العملاق !! .. اقتربت منه بطلب من ضاري ، جلست ع يمينه وفنر التي وصلت سارعت بأخذ درجة حرارته وهي تريني النتيجه "درجة حرارته 40 ونص دكتوره" تلمست جبينه الحاااااار جداً .. ضربت خده عدت ضربات وهي تنادي باسمه " صقــر .. صقــر افتح عيونك اذا تسمعني " .. بعد ثواني معدوده فتح عينيه وتعلقت بعينيّ .. واستمر لثواني أخرى ينظر إلي بعممق .. نعم كانت نظراته عميقه لم افهم مايريد قوله لي !! .. رفع سبابته اليسرى بخفه لعيني اليمنى وهو يتلمسها .. ماذا يفعل هذا الغريـــب ........!!!! عيناه المتعبة والذابله من الحراره ، نظراته الغريبه لي جعلت جسمي يرتجف .. تكلم بكلمات لا افهم معناها اللغوي ، ولكن انا متأكدة ان معناها وصل لي .. صقر بصوت متعب ومازال يتلمس عينيها ، باسبانية : عيناكِ جميلتان جداً ... . . . انتهى < آسفــه جداً ع القفله ههههههه لنا لقاء قادم بالويك إند بإذن الله | ||||||
|
|
|
15-12-20, 06:52 AM
| #28 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته صباح الخير على الجميع .... اتضح إن بيني ليست أبنة لوكا ولا بيلا هي أبنة اختها كنت أظن إنها أصغر من ال 16 بكثير لكن هل هي تعرف إن لوكا ليس والدها وبيلا ليست والدتها أم أنها مصدقه إنهما والداها مها الظاهر انها طيبه وضعيفه والزواج ماكان بإرادتها لكن هل راح تظل على حالها بعد ماتعيش مع عبد العزيز أو راح تتغير حياتها وشخصيتها بسبب الغيره فنر مستسلمه للأمر الواقع أو نقول يأست من إنها ترجع لأهلها أما سندس مازالت لم تفقد الأمل ورغبتها في تعلم لغتهم حتى تعرف مخطاتهم وتكتفي شرهم الجده مسكينه إذا ظنت أنها بتغصب صقر وهالجده بدل ماتعقل منال اللي ماتستحي تمشي ورى كلامها المفروض تقول لها تترك صقر وتشوف نصيبها الرجال مايبغاها وهي ناشبه فيه كرهة منال من اللي سمعته عنها ومن تصرفها وستنجادها بجدتها لأن لا تستحي ولا عندها كرامها والا من باعك بيعه منال لو قدرت الجده تجبر صقر على الزواج منها بتندم إنها تزوجت صقر لأن راح ينكد عليها حياتها غير سفراته صقر اغمائه بسبب الحمى هل هو مريض وماهو مرضه الحمى خلته يظهر اللي في قلبه واللي في القلب يظهره اللسان واضح تأثير سندس عليه ولو للآن ما أعترف به حتى لنفسه تسلم يمينك أسيرة الخيال منتظرين باقي الأحداث | ||||||||
|
|
|
15-12-20, 09:34 PM
| #29 | |||||||
| اقتباس:
الجده مسكينه والله ضايقه فيها الدنيا محد معبرها بعد ماتوفى الشايب  حبيبتي موضي فرحتيني بمرورج منورتني والله لا خلا ولا عدم   | |||||||
|
|
|
15-12-20, 09:40 PM
| #30 | |||||||
| اقتباس:
وعليكم السلام ورحمه الله وبركاته هلا والله وغلا بـ فيتامين سي بيني بنت غابرييلا(غابي) .. اللي اهي اخت بيلا وصح مو بنت لوكا .. وهي تدري ان لوكا مووابوها بس اهو اللي رباها من يوكم انت صغيره وبتبين قصتهم أكثر واكثر مع الاحداث الجده مسكينه لعبت عليها منال عدل وخاصة ان الجدة حاسه بوحده بعد ماتوفى الشايب وعيالها مومعبرينها ولا يزورونها وبنعرف مع الاحداث شنو بيصير بين منال وصقر صقر والحال اللي كان فيها بنهاية البارت بتبين بالبارت القادم .. ترقبوا ههههههههه شكراً بعد عمري ع مرورج منورتني كالعادهه لا خلا ولا عدم ^^ | |||||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
10Likes
.png)
.png)
العرض العادي
