آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-07-21, 03:17 PM
| #391 | ||||
|  عيدكم مبارك وكل عام وانتم بخير اعاده الله علينا وعليكم بالصحة والعافية 💕💕، عيدك مبارك كاتبتنا ، ونحن بالانتظار ونتمنى لو ينزل قبل يوم الاحد نتمنى يعني ، بس معليش خدي راحتك نحن بالانتظار بفارغ الصبر وبكل شوق وحماس . دمتي سالمة 😘😘😘😘 | ||||
|
|
25-07-21, 02:02 AM
| #393 | ||||||||||
| اقتباس:
وعليكم السلام ورحمه الله وبركاته هلا بـ موضي عساج من عايده ، وانتي بالف خير حبيبتي والله اقتباس:
وانتي بألف خير وصحه وسلامـه حبيبتي امان ^^ اقتباس:
عساج من عايده حبيبتي ملكه سعيده جداً بانضمامج لنـا لا تحرميني من طلتج علينا ^^ اقتباس:
وانتي بالف خير ^^ حبيبتي والله همتي .. اسعدتيني بانضمامج لنا ورايج بالرواية ع راسي والله .. فرحتيني بردج لا خلا ولا عدم البارت .. دقايق وينزل كونوا بالقرب ^^ | ||||||||||
|
|
|
25-07-21, 02:16 AM
| #394 | ||||||
| . . . السـلام عليكـم ورحمـه الله وبركاتـه البـارت وصل واخيـرا .. اعذروني ع هالغيبه وع هالتأخيــر .. ادري طولت عليكم حيل : ( بس شي غصبٍ عني والله البارت طوله متوسط .. ادري الاغلب كان يبي بارت طويل يعوض عن هالغيبه لكن .. إن شاءالله القادم احسن واحسن : ) مااطول عليكم قراءة ممتعه ^^ . . . الجـزء السابـع والعشـرون "فَلَو كانَتِ الدُنيا تُنالُ بِفِطنَةٍ وَفَضلٍ وَعَقَلٍ نِلتُ أَعلى المَراتِبِ وَلَكِنَّما الأَرزاقُ حَظٌّ وَقِسمَةٌ بَفَضلِ مَليكٍ لا بِحيلَةِ طالِبِ" - علي بن أبي طالب - صبـاح جميـل ركنـت سيارتهـا في المواقف الهادئـة .. كانـت الساعـة تقترب من التاسعـة صبـاحـاً ترجلـت من سيارتهـا وع كتفهـا حقيبتهـا وبيدهـا اليمنى كوب قهوة واليسرى ملـف ابتسـمت للحارس وهي تدخـل من باب المدرسـة وعينيهـا تغطيهـا نظارة شمسيـة دخلت لممر الإدارة .. لتدخل لأول غرفـة ع اليميـن منى : صبـاح الخير .. صباح الاستئذان الرسمي الجميل تهاني تعمل ع جهاز الكمبيوتر : يا صباح النور ع الناس اللي مروقين نوال بابتسامة : والله خوش استئذان منى .. جان طولتي بعد ليش جيتي مبجر؟ منى تضع حقيبتها وكوب القهوة ع مكتبها : والله لو مادقت علي ابلة رقية جان تأخرت بعد تهاني رفعت رأسها : ليش شنو هالملف المستعجل ؟؟؟ منى نزعت نظارتها لتضعها بقرب الكوب : الميزانية .. تبي وحدة تتطوع وتروح وشكله محد عطاها وجه ودزت لي اليوم الصبح ومريت المنطقة تهاني : أي تعودت عليج .. محد يقولها حاضر وان شاءالله إلا انتي منى : انتوا من صجكم ؟؟ وشفيها يعني .. المرة مضغوطة ولا في إلا اهي الوكيلة .. اكيد بساعدها نوال : بميزان حسناتج .. انا لو اسوق وعندي سيارة والله اساعدها منى : المهم ماعلينا .. بودي لها الملف وارد نكمل سوالفنا طرقت بـاب مكتـب المديرة المساعـدة .. لتفتحـه وتستغرب من عـدم تواجدهـا سـارت بخطواتهـا لنهايـة الممـر .. لمكتـب المديـرة ربمـا تكون هنـاك ! مـا ان اقتربت من بـاب مكتب المديـرة .. ليصل لمسامعهـا صوت بكـاء قـادم من خلف الباب استغربت .. لترفع كفهـا وهي تطرق البـاب .. لتدفعـه ما ان سمعت الإذن بالدخول دخلـت بقدمهـا اليمنـى لترفع رأسها .. المديـرة تجلس بمقعدهـا خلف مكتبهـا وامامهـا الوكيلـة وبجانبهـا ع المقعـد طفلـة جميلــة بشعر قصيـر "بـوي" وترتدي طوق باللـون الوردي كـ لـون مريولهـا الرسمـي الوكيلة رقية : هلا منى منى رفعت الملف : هذا الملف اللي تبينه ابله رقية الوكيلة رقية : زين حبيبتي يعطيج العافية .. عطيني إياه تقدمت بخطواتها لتقف امام رقية والطفلة ، لتقول المديرة خديجة : ملف شنو ؟ رقية موضحة : الميزانية .. مالقيت احد يمر المنطقة الصبح إلا الفزعة منى ابتسمت بمجاملة لترفع رأسها المديرة وهي تبتسم : يعطيج العافية يا منى منى : الله يعافيج ابلة خديجة .. تامرون ع شي ! خديجة : سلامتج حبيبتي دارت بجسدها لتكمل سيرها للباب .. لتقف والباب يبعد عنها خطوتين رقية : لحظة منى دارت بجسدها : آمري وقفت لتمسك بكف الطفلة وتسير بها ناحية منى : خليها عندج بالمكتب لين يجي ابوها منى باستغراب تراقب الطفلة الصامتة بدموعها : ليش شفيها ؟ اقتربت لتهمس لها : هذي حور تذكرينها ؟ اللي كل سنة مثل المووضوع الطالبات يقطون كلام عليها وان وين امج ليش ماعندج ام ؟ منى بحزن وهي تتذكر مواقف العام وقبل العام : ااي ياعمري تذكرتها رقية : خليها عندج .. كلمنا ابوها ويقول طالع من الدوام وجايكم مسافة الطريج بس مسكت بكف الطفلة لتبتسم : ها حور شرايج تروحين معاي ؟ رفعت عينيها لمنى وهي تقول : انتي منوو ؟ رقية وهي تمسح ع كتف منى : هذي ابله منى .. طيبه وحبوبة .. روحي اقعدي عندها لين يجي ابوج .. اوك حور الشاطرة ؟ حور بهدوء : اوك سارت هي والطفلة لتدير برأسها ورقية تحرك شفتيها بـ " انقذتيني والله وراي شغغغل " ابتسمت وهي تكمل سيرها إلى غرفتهـم .. غرفـة " شـؤون الطلبـة " اجلست حـور بالكنبـة الجلـد السـوداء التـي ع يميـن البـاب وخلفهـا مكتبهـا ومن خلـف مكتبهـا مكاتب باقي المعلمـات .. كانـت الغرفة صغيـرة ومستطيلـة جلست ع ركبتهـا امام حور لتقول بابتسامة واناملها تمسح بقايا دموع هذه الطفلة منى : حبيبتي حور تبين شي ؟ عصير ولا كاكاو ؟ حور تناظرها بنظرات غريبة .. نظرات لا تليق ع طفلة : ماابي شي تهاني ونوال يعرفون من هذه الفتاة ، التزموا بالصمت وآذانهم تستمع للحوار منى : مايصير حبيبتي .. ها شرايج اجيب لج ماي ؟؟ حور تحرك رأسها بالرفض : مابي قلت لج ماابي شي منى وقفت وبنفس ابتسامتها : خلاص ع راحتج .. شوفي مكتبي قريب منج .. اذا غيرتي رايج قوولي تركتهـا لتسحب كرسي مكتبها وتجلس عليه .. لا تعلـم ماذا حدث بالضبـط لهذه الطفلـة ! لكـن .. الواضـح انهـا حزينـة وجـداً .. وكأن ما بداخلهـا منكســر كيـف بطفلـة لـم يتجاوز عمرهـا الثامنـة .. تظهـر كل هذه المشاعـر بعينيهـا غاضبـة وحزينـة وكارهـه .. نعـم عينيهـا تشُـع كرهـا ً ! مـرت المزيـد مـن الدقائـق .. لنرفـع جميعنـا رأسنـا لمـن يقف عند الباب وهـو يرتدي اللبـاس الرسمـي لموظفين شركـة النفـط .. الأوفرول الطويل بلونـه الأزرق قـال بصوتـه المتعب ..: حـــور يبــــه وقفت وهي تدير جسدهـا لليسار وتركض بأقدامهـا الصغيرة لتقفز ع ابيها : بــابــــا حملهـا ليحضنهـا بقوة : هـا بابا .. كاني اهني أبعدت وجهها عن كتف والدها لتقول ودموعها تعود للتحرر : و والله انا ما ماق قلت شي .. كله البنات يقولون ليش ماعندج ام مثلنا .. انا قلت لهم ماما عند الله بس اهم ما يعرفووون ابتسم بهدوء ليمسح بكفه ع رأسها : ماعليه حبيبتي اهم صغار وانتي كبيرة تفهمين اكثر منهم ابعد نظراته عن طفلته ليراقب الثلاث أزواج من العيون التي تراقبه هو وطفلته ، ليقول بصوته العملي والحاد ابوحور : نقدر نطلع الحين ؟ وقفت لتقول بهدوء ، منى : الحين اكتب ورقة لخروج حور .. بس حور وين جنطتج(حقيبتكِ) ؟ حور تناظر منى ولازالت بين أحضان والدها : بالصف منى تشير للمقعد التي كانت تجلس عليه حور : استريح ع مااقول للفراشة(العاملة) تجيب جنطة حور من الصف جلس ليضع طفلته فوق فخذيه ووجهها يقابله ، ليبتسم لها حور ببراءة وعادت منى للداخل لتجلس ع مكتبها ، وكانوا قريبين منهـا جـداً حور : بابا أبوحور : عيون بابا حور اشارت ع خده بسبابتها اليمنى : انا ليش شعري جذي .. ليش كل ما صار طويل وديتني اقصه ؟ منى ولا تعرف لماذا تنجذب لهذا الحديث وشعرت بفضول لتستمع لإجابة الأب ابوحور وهو يمسح ع رأسها : لان انتي شعرج حلوووو ولما يصير طويل بيحترون منج البنات وبيغارووون حور ولم تقتنع : كل البنات شعرهم طوويل .. يقدرون يرقصون انا مااقدر احرك شعري مثلهم ابوحور وضع جبينه ع جبينها : خلاص ولا يهمج نطول شعرج .. وامري لله اتعلم ع تساريح الشعر الطويل ضحكت بقوة لتكتم ضحكتها بكفها ، شعرت بخجل وهي تشعر برأسه الذي تحرك ليناظرها رفعت رأسها لتهاني ونوال بملامحهم المصدومة ، لتقول وهي تحاول التحرر من الموقف المخجل سحبت ورقة خروج وقلم ، لتقول بهدوء وهي تتجاهل النظـر له منى : حــور شنو ؟ ابي اسمها الثلاثي ابوحور بصوته الحـاد : حــور مشعــــل آل...... غـادر مـع طفلتـه .. حملهـا بيـده اليمنـى وحقيبتهـا ع كتفـه الأيسـر وقفـت وهي تحرك ورقـة امـام وجههـا ليندفع الهـواء ع خديهـا المحمريـن من الخجـل لتقـول تهاني بصدمة تهاني : والله بغيتي تجيبين العيد إلا جبتي العيـــد .. فضيييحه مناووووي منى : اوف اسكتي والله مادري شلون ضحكت .. تفشلت نوال بضحكة : هههههههههههههههه والله شكلج كان مصصصخرة منى جلست ع الكرسي وهي تقول : ماتسوى علي والله فشلة .. الرجال يهدي بنته وانا اضحك مالت علي .. ع قولت امي مايهمج إلا الضحك واللعب نوال : لا شدعوه .. مو لهدرجة .. ردت فعلج طبيعية .. انا ضحكت بس داخلي تهاني : مسكين والله لا مره ولا احد يساعده بهالبنت نوال : جان تزوج .. اللي اعرفه زوجته متوفية من عمر حور 3 سنين تهاني بتفكير : اممممم يعني صارلها 5 سنين .. والله انه وفي لزوجته .. مو مثل بعض الرياجيل يدفنها اليوم ويملج اليوم اللي بعده نوال : ااي ماشاءالله .. بس يعني مبين انه مقتدر مادياً دام يشتغل بالنفط منى : يمكن مايبي .. ويمكن خايف ع بنته نوال : صح .. يخاف يجيب لها زوجة أبو شريرة وتأذيها منى : بس البنت مسكينه .. يعني ماعنده خوات .. او خالات البنت .. تحتاج تختلط مع احد يفهمها نوال :ومبين حور ذكية وتفهم منى : اااااي شفتيها شلون عصبت علي وانا اقولها شنو تبين ؟! تهاني : الله يكون بعونهم .. البنت تحتاج لام وحتى الأبو بيجي يوم بيحتاج لمره توقف معاه وترد له الصوت بهالدنيا منى : الله يعينهم .. المهم وأخيرا تحدد عرس مرام اختي نوال : ماشاءالله مبرووكين .. متى ان شاءالله ؟ منى : تكفين عمتي ماخذه راحتها .. تبي تأثث وتحجز باحسن القاعات والولد مستعجل تهاني بضحكة : هههههههههه لا يكون رحتي كلمتيها !! منى : والله قلت لها الصج .. يا عمه الملجة الطويله مو زينه .. تبون بنتنا ولا شلووون ؟ تهاني : ههههههههههههههه عجووز والله مو بنت منى : والله بنستانس نبي نرقص ونكشخ نوال : انزين متى حطووه .. نسيتينا الموضوع الأساسي منى : امممممم قبل رمضان بشهر نوال : ووووووي ليش جذي بعيد منى : كانت تبيه بعد سنه ابشرج .. بس قدرت عليها الحمدلله تهاني : هههههههههههههههه والله انتي فضيعه .. ومرام شلون وضعها ؟ منى : مرام عادي عندها .. تقول دام بتخرج وأخيرا .. مافرقت معاها تهاني : الله يوفقها ويهنيها .. وعقبالج انتي ومنال منى ترفع كفوفها للاعلى بدراما : آمييييين .. من بؤك لباب السسسما نوال : هههههههههههههههه منى عرووس .. مولايق بتجنن الرجال بهبالها منى تناظرها بطرف عينها : لا والله .. حاصل له الملكـــة منـى توافـق عليــه . . . " يـا أنــا .. يـا أنــت أيهـا الغريـب " كانـت تحدث نفسهـا بهذه الطريقـة .. منـذ ان استيقظـت في الصبـاح البـاكر وهي تستعجـل والدتهـا لتوصلهـا بوقـت ابكـر بكثيـر من وقـت المحاضـرة ترجلـت من سيـارة والدتهـا أمـام بوابـة الكليـة .. وهي تستمـع لكـلام والدتهـا " ردي مع نور وسايق جدتج موتنسسين " آآه .. الآن عرفـت وشعـرت بشعـور عـدم الحريـة اشتقـت لكِ سيـارتــي .. لا احـب ان اعتمـد ع الغيـر .. احـب ان افعـل كل شي لوحـدي سـ اكتشـف من هـو المسبب بحـادث الأمـس .. هـو أم هـي ؟! تشتـاق لمشاعرهـا السابقـة .. وهي تدخـل من باب الكليـة بنشـاط وإيجابيـة لكـن الآن اختلفـت الأمـور .. لا يتوقـف عقلـي عن التفكيـر بالقـادم مـاذا سيحـدث بيـوم الزواج ؟ .. مـاذا سيحدث عندمـا نبقـى لوحدنـا ؟ والأهـم .. مـاذا سأفعـل انــا ؟! بالأمـس اخبرنـي والدتـي ان "اكشخ" .. لأن اهل المعرس سيحضـرون "الـدزة" غـداً لأرفض واعارض بشدة .. لـن انـزل واجلس معهـم كنـت تعبـة جداً .. مرهقـة مـن المحاضـرات والتفكير المتعـب أريـد أن اهـرب منهـم .. حتـى موعـد الزفـاف ! غبيــة .. لكـن أريـد ان ارتـاح ولو لأيـام قليلـة نور تراقب من دخلت وذهنها مشغول ، واختها ع يمينها : يااهووو غلا ترى وصلتي غلا وقفت مكانها امامهم لتقول بتعب : صباح الخير ...: صباح النور نور : تعالي اقعدي شفيج شوي وتدعمين الطوفة(الحائط) ؟ جلست ع يسار نور وهي تقول : باجر بيجيبون الدزة نوران : وشنو يعني ؟؟ اكيد بيجيبون الدزة إذا مو باجر يوم ثاني غلا تسند خدها ع كفها : بس رفضت انزل واستقبلهم .. مالي خلق اجامل واقعد معاهم نور بهدوء : غلا حبيبتي .. خلاص ترى صاروا اهل زوجج .. حمولتج غلا بملل : انزززين .. خلاص صكروا الموضوع .. اهم شي ابوي وقف معاي وقال مولازم تنزل نوران وجبينها يغطيه لصقة طبية باللون الأبيض : أقول خلينا من عرسج انتي وراعي الحلال .. بنات شكلي احسه غلط .. السستر حطت لي اكبر بلاستر عندهم نور بابتسامة : بصراحه شكلج بريء .. خليج جذي نوران : لا والله تتطنزين علي حضرتج ؟؟ نور : ههههههههههههههههه تكفين انا من شفتج رايحه بنفسج للمخفر وانا كاسر خاطري اللي دعمج غلا : لا والله يستاهل .. انتي ماشفتي سيارتها انعدمت من ورى نوران : وأخيرا احد حس فيني .. كافي اني حاسه بكتمه وانا بدون سيارة نور : قولي لامي تاخذين سيارتها نوران : رفضت .. تقول أخاف عليج وتقول انتي متهورة نور : انتي عقدتي الأمور وخليتيهم يحاتون .. ليش تقولين لهم انه حادث متعمد ومقصود ! نوران بصوت اعلى : لانه متعمد الحقييير .. شكله كان يخطط لشي اكبر بس عرفت له ووقفته عند حده غلا باستغراب : بصراحه ماني عارفه ولا اقدر افكر بشخص .. انتي ببالج احد ؟؟ نوران : أي .. بس مادري شلون اتاكد ؟؟ نور وغلا بفضول : منــــو ؟؟ نوران : مالكم شغل .. والله مااخليه يفلت مني .. يدعمني ويبي يسلم بحياته كـان يقـف امـام البـاب وطالبـة تحدثـه جـذب انتباهه حديثهـا .. وسـؤال غـلا "انتي ببالج احد ؟" لتغـادر الطالبـة وتدخـل الفصـل .. ليتعبهـا وهو يستمـع لباقـي الحديـث وضـع حقيبتـه ع الطاولـة .. ليرفـع رأسـه وهو يناظـر الطالبـات لتسقط عينـه عليهـا والضمـاد الأبيض ع جبينهـا .. مـاذا حـدث ؟ تجاهـل مـا يـدور بذهنـه .. وهـو يناظـر نظراتهـا الحـادة ليبـدأ بشـرح المحاضـرة .. ونظارتـه السـوداء لا تغـادر عينيـه يختلـس النظـر لهـا .. وكفهـا المرفـوع لتجيب ع الأسئلـة .. وكنـت اتجاهلهـا عمـداً لاختـار اختهـا أو صديقتهـا للإجابــة .! وصلنـا لنهايـة المحاضـرة .. وتبقـى آخر خمـس دقائـق وضعـت كفوفـي ع المكتـب وانا اقـول بصـوت عالـي وجـدي سعود : البرزنتيشن بنبدا فيه من الأسبوع الجاي .. فكل القروبات استعدوا ممكن بأي يوم انادي القروب يقدم موضوعه مضاوي ترفع كفها ، ليسمح لها بالتحدث : دكتور .. الاحسن ترتبنا بالدور سعود : لا .. هذي طريقتي .. وحتى يكون كل الكلاس مستعد يا مضاوي نوران بصوت واضح : دكتور انا أقول رتبنا بجدول مثل كلام مضاوي دار برأسه لها ليقول ببرود : وانا قلت بنمشي ع طريقتي قالت باسبانية ونبرة غضب وحقد : سخيــف .. يريد فقط ان يكون مسيطر نور بصدمة ضربتها بخفه ع كتفها ولازال رأس الدكتور باتجاه نوران ، ليقول بصوته الغليـــظ والغاضب سعود : ثاني انــذار لج يا نوران .. وبالثالث بتطلعين من الباب نوران بهدوء : ما قلت شي سعود : تنكرين ؟ مو قلت ماابي اسمع أي لغه ثانية ؟ نوران باستهبال : هذي مو لغه دكتور .. بس جذي تحلطم سعود رفع نبرة صوته : تحلطمي بررره كلاسي مو عننندي .. وحطي ببالج انتي وقروبج بتكونون اول ناس يقدمون الأسبوع الجاي غلا بصدمة ونور لا تختلف عنها ، داروا بنظراتهم لنوران الهادئة وتبتسم بهدوء : عادي دكتور .. احنا مستعدين رفع حقيبته يستعد للمغادرة : نشوف الأسبوع الجاي استعدادكم خرج من باب القاعـة .. والطالبات يناظرون نوران بصدمة وخوف تحدثت غلا بغضب وصوت عالي : انتي مجنونه ؟؟؟ شلون تقولين له جذي ؟؟ واحنا ماسوينا شي للبرزنتيشن نوران : خليه علي انا اسويه نور تضع كفها ع رأسها : والله إذا نزل مستوانا بهالمادة كله منج نوران بحده : انا شكوووو الحين ؟؟ ماتشوفينه شلون يعاملني وقفت مضاوي امامها ومعها بعض الطالبات : نوران ترى الدكتور سعود مومثل باقي الدكاترة نوران بغضب تراقبها : ليش ان شاءالله .. ملاك هالسعود وانا ماادري ؟؟؟؟ مضاوي : لا موقصدي .. بس ألاحظج حيل تتعمدين تقطين حجي(كلام) وقفت لتتقدم خطوة لمضاوي : اقضبي (امسكي) لسانج احسن لج .. وانا ما قطيت حجي مضاوي بتوتر : ليش تتعمدين تتكلمين اسباني واهو قال ممنوع ؟ ربعت ذراعيها تحت صدرها لتقول بحده : كيفي .. أتكلم باللغة اللي ابيها .. آآخر همي هالسعووود وقفت وهي تسحب اختها ، نور : مضاوي أتوقع انتي ماضرج شي .. ولا لج حق تتكلمين مضاوي : هذي جزاتي فازعه لكم .. ادري محد بيضيعج ويضيع غلا إلا نوران غلا تقدمت لتقف بين نوران ومضاوي : احنا نتفاهم بينا .. اطلعي منها يا مضاوي عادت بخطواتها للخلف وهي تقول : والله محد بيخرب علينا الدكتور ويخليه يحقد ع شعبتنا إلا نوران .. وقووولوا مضاوي ماقالت يا بنات .. كلكم اشهدوووا ع كلامي تقدمت خطوه لتوقفها غلا بجسدها ، نوران : والله يا مضاوي لقص لسانج .. اتحداج تتكلمين قدامه جذي .. انا ابيه يسمع هالكلاممم مضاوي بغباء وهي تقف عند الباب : منوووو اللي تبينه يسمع كلامي ؟ نوران بغضب وصوت عالي : منووو بعد .. اللي اسمه سعوووووووووود ارتعبت من صرختها لتعود خطوة للخلف ، مضاوي : بسم الله .. خلاص انزين بسكت تخرعيييين اشارت لجبينها : ترى هذا ولا شي .. امس دخلت واحد المخفر .. وماعندي مانع اليوم ادخلج مضاوي خرجت تجري للخارج ، ليلحقوا بها الفتيات جلست بتعب وهي تلهث من الغضب ، نوران : الحقييييرة .. تتكلم ع كيفها مسحت ع كتف اختها : انتي بعد مادري شفيج صايرة حاااره وتعصبين بسرعه غلا جلست ع يمين نوران : صاير شي نوران ؟؟ نوران مسحت ع وجهها بكفها : موصاير شي .. بس رفعت ضغطي الحقيرة مضاوي نور : احقريها مالج شغل فيها .. واذا حقد الدكتور مثل ماتقول .. في إدارة ونقدر نشتكي وناخذ حقنا غلا : ااي والله .. واحنا شطار وناخذ درجاتنا بمجهودنا .. صح ولالا ؟ ابتسمت لهم بحب ، نوران : صـــح . . . | ||||||
|
|
|
25-07-21, 02:18 AM
| #395 | ||||||
| . . . ناظـرت ساعتهـا التـي تشيـر للعاشـرة صباحـاً بعـد عشـر دقائـق سيكـون دورهـا للدخـول للفصـل حضنـت كفوفهـا لتبتسـم وهي تتذكـر محادثتهـا بالأمـس مـع ليـال [ جلسـت امامهـا في صالـة شقتهـا تتأملهـا بصمـت ابعـدت عيني عنهـا بتوتـر .. لا اعرف لمـاذا شعـرت بالخـوف وكـأن أمـي تقف امامـي وتعاقبنـي .. أمـي التـي لا املـك لهـا ذكريـات في ذاكرتـي ابتسمت بهدوء لتقـول بعد مرور خمس دقائـق مها : ليال شفيج تشوفيني من اليوم ؟؟؟ ليال استرخت بجلستها لتربع ذراعيها تحت صدرها وهي تقول بصوت هادئ ليال : مها مها : هـلا ليال : كل اللي قلتيه لي صار معاج ومنيرة مسويه فيج كل هذا .. وانتي ماسويتي شي !!!! مها : شنو تبيني اسوي ! كانت صديقتي .. وصديقتي الوحيييده بعد ليال بحده : كانت .. قلتيها بلسانج .. اهي تدري انج مراح تسوين شي .. تعرفج عدل وزادت من اللي تسويه مها بصوت متقطع : ش شسوي ليال .. والله مااعرف .. شقولها شنو المفروض اسويه ليال : اول شي تسويه تطلعين من هالسواد اللي عايشه فيه .. محد مسكين بهالدنيا يا مها .. كل انسان بإيده يعيش الحياة اللي يبيها .. وانتي اللي ظلمتي نفسج مو منيرة مها : ش شقصدج ؟ ليال : قلت لج منيرة خابزتج عدل .. عارفه بالضبط ردات فعلج واستغلج واهي تطلع الحرة اللي فيها من زوجها ومرته فيج انتي .. وانتي فاتحه ايدينج لها وجنج تقولين تعالي لحضني صديقتي السابقه وزيدي بالكلام والتجريح مها بصدمة : ا انــــا ! ليال حررت ذراعيها لتشير لمها وهي تشرح : أي انتي .. ليش مستغربه .. هذي شخصيتج يا مها هذي حقيقتج التزمت الصمت وهي تحاول ان تفهم ماتريد ان تقوله ليال .. لتكمل ليال وهي تقول ليال : تدرين ان منيرة ماقالت لي اسمها لما شفتها بالجمعية .. كانت ذكية وفطينة مها باستغراب : شلون عرفتيه !! ليال تكمل : حتى براك لما سألته قالي مااعرف اسمها .. عرفت اسمها منج مها بصدمة : متى ؟؟؟ ليال : من كثر ماتتصل فيج .. شفت اسمها .. وبعدين شفتج تمسحين اسمها بس ماحذفتي رقمها مها بصمت لتقول بتردد : كنتي عارفه اسمها من زمان ؟ ليال : أي من زمان .. بس ماكنت ادري منو هالمنيرة .. لين شفتها بالجمعية وتأكدت انها اهي منيرة مها بابتسامة هادئة : ذكية يا ليال .. واذكى مني انا الغبية .. ع بالي تصرفاتي مو مكشوفة وطلعت مكشوفة للكل ليال : مو للكل .. لي انا بس .. تبيني اساعدج يا مها !!! مها رفعت عينيها بدموع تشكلت : اااي .. ابي اطلع من حياتي هذي ليال .. ابي أعيش مثل الباقي ليال رفعت سبابتها : اول شي تسوينه .. تودعين السلبية .. فكري بإيجابية .. والاهم لا تسكتين عن حقج .. لو تقوم الحرب العالمية الثالثة بس حقج ماتسكتين عنه مها : وبعــد ؟؟ بس شسوي مع منيرة باجر ..؟ شسوي بالدوام اذا قطت علي كلام ؟ ليال : قطت عليج كلام تقطين كللام .. والحين في شي لازم تسوينه مها بتساؤل : شنووو ؟ ليال : تكلمين عزيز ينقلج من الروضه .. وتروحين لروضه ثانية مها بصدمة : ب بس ماابي انقل ليال : مو قلتي تبين مساعدتي .. وهذا اول شي تسوينه .. تحذفين الماضي وراج وتكملين حياتج مها : ب بس النقل وقف الحين .. ماكو نقل ليال : كل شي فيه وممكن .. إذا عندج فيتامين واو (الواسطة) مها بتفكير : والناظرة شنو بتقول لي ؟؟ مراح توافق ع نقلي ليال : مالها شغل .. لما يطلع قرار رسمي بنقلج مالها حق تتكلم .. مها بسج سلبية مها : خلاص .. والله بسوي اللي قلتي لي عليه .. بس باجر شلون بتعامل معاهم ليال تسند ظهرها ع ظهر الكنبة وهي تقول : تعاملينهم عادي .. ولا تقولين لاحد انج مفكرة تنقلين .. خليهم ينصدمون لما يتم موضوعج ] قاطع سرحانها دخول منى وهي تقول : مهاوي شتسوين اهني ؟؟ مو عندج حصة ؟؟؟ وقفت بصدمة وساعتها تشير للعاشرة و12 دقيقة : اووف تأخرت .. أي الحين برووووح اقتربـت من الفصـل وهي تـرى منيـرة تقف بالخارج بملامـح غاضبـة اقتربـت بهـدوء وخطـوات بطيئـة .. لتدير رأسها منيرة وهي تقول بنبرة غضب منيرة : ساعة ع ماتجين حضرتج ؟؟؟؟ مها ببرود : ممكن تبعدين عن الباب .. الأطفال ناطريني منيرة : قاعده اكلمج انا .. ليش متأخرة ؟ مها رفعت عينيها لها لتقول ببرود : والله كنت اشرب قهوتي وماشفت الساعه منيرة بغضب : لاوالله تتقهوين حضرتج وانا من الصبح ماسكتهم !! .. باجر كله انتي اللي تمسكينهممم .. انا مسكتهم امس بروحي مها تمثل الصدمة : صج وواي مسكينه .. خلاص حبايبي والله انا امسكهم باجر منيرة وهي ترى مها تسير لتدخل ، سحبت كتفها بقوة لتواجهها : انتي ليش تكلميني جذي ؟؟ مها باستغراب : جذي ؟ شلون قاعده اكلمج ياابله منيرة ؟ منيرة : ببرود .. مااشوفج متضايقه لاني معاج بالصف مها بضحكة قوية ، لتضع كفها ع شفتها وهي تقول : اووه اندمجت بالضحك .. ليش اتضايق منج .. منو تكونين حتى اتضايق ؟؟ ها ياابله منيـــرة ؟؟؟ منيرة بغضب : تمثلين اللامبالاة صح ؟؟ ولا انتي بداخلج محترة ومتضايقة مها وجهت ظهرها للأطفال لتقابل منيرة بجدية : افهمي شي واحد يا منـ اقصد ابلة منيرة .. احنا اهني زملاء عمل بس .. والماضي اللي انتي عايشه فيه انا نسيته ومسحته من ذاكرتي منيرة بحرة وقهر : مو بكيفج تنسسسين وانا مانسيت مها : وانا شكوو فيج .. حياتج مومرتبطة بحياتي .. تذكري هالشششي عـادت بخطوتهـا للخلـف لتغلـق البـاب بوجـه منيـرة هـذه البدايــة فقـط .. ربمـا كنـت احتـاج لأن امـر بهذه الصعـاب والأهـم كنـت احتـاج لـ ليــال .. لأن ترشدنـي للطريـق الآمـن بهذه الدنيـا وربمـا بيـوم مـا .. سأكـون قـادرة ع الثقـة بنفسـي أصبـح انسـانـة أخـرى .. مهـا أخـرى وليست تلكَ التي تربـت ع يدي جدهـا جدهـا .. الشيـخ الكبيـر والطيـب والحنـون مـن كـان يتجاهـل كل من يؤذيـه أو يسبب لـه المشاكـل .. كلمتـه التـي تربيـت عليهـا " خليهم لربج ياابوج .. ربج الوحيد القادر ع انه يأخذ حقنا منهم .. واحنا علينا الدعـاء " اعلمتـم الآن كيـف كنت اعيـش حياتـي ..! اعيشهـا بسـلام مـع جـدي .. الذي غرس فيني مبادئـه بهذه الحيـاة ولـم يكـن يعلــم ان الدنيـا اختلـفت عن ما هـي عليـه عندمـا كـان شـابـاً ولكننـي لـن استسلـم جـدي .. سأفعـل المستحيـل لأعيـش بسعـادة ! . . . دخـل إلـى مكتبـه بلباسـه الرسمـي بلونـه الكحلـي جلـس ع الكرسـي ابتسـم وهـو يـرى من يجلـس ع يمينـه وكـانـت اشعـة الشمـس الخافتـة تتسلـسل مـن بيـن الستـارة بخطوطهـا الأفقيـة والتي تعلـن عـن لحظـة الغـروب التي اقتربـت وضـع كفوفـه فـوق المكتب ليقـول منصور : اشوف زياراتك لنا كثرانه هالأيام ؟ ماعندك بيت ولا دوام ؟؟ سعود بابتسامة : عندي دوام .. بس بيت ماابي ادخله إلا حزت النوم منصور : ليه يا حافظ ؟؟ سعود : مالي خلق اسمعهم يتكلمون عن الانتخابات وليش انا مو عضو فعال معاهم منصور يرفع حاجبه : وليش ماتصير عضو فعال ؟؟ ناظره بحده : صاير مااتحمل شي منهم .. ابي اهج(اهرب) من البيت .. ماابي اشوف ولا واحد فيهم منصور تنهد : هانت يابوك ماعليك .. تدري ان اللواء ويليام زار القصر قبل جم يوم سعود بابتسامة : صج ؟؟ والله اشتقت له ليش مايجي الكويت ؟؟ منصور : راح يشوف أوضاع القصر .. ويتطمن ع الكل .. وصعب يهد مكانه وشغله ويجي للكويت بكل وقت سعود : واخبار الرائد صقر ؟ ماله رده قريبه للديرة ؟ منصور : لا صقر مطول هناك .. وموعد الرجعه مازال مجهول سعود ويتذكر زواج ضاري : تصدق توقعت انه يعرف صوتي بعرس ضاري بس انصدمت انه مالاحظ منصور ضحك بقوة : ههههههههههههههههههه الرجال مو فاضي لك يسولف مع العم سعود : باستغراب : العم ؟؟ أي اذكر كان قاعد معاه شايب كبير منصور مسح ع ذقنه : هذا طال عمرك أبو المدام سعود بصدمة : المدام ؟؟؟؟ الرائد صقر متزوج ؟؟؟؟ منصور : توه متزوج .. قبل ضاري بايام سعود بحيره : وليش محد يدري ؟؟؟ ماني فاهم منصور رفع جسده من فوق المكتب ليقترب من سعود : تعال اقولك .. لانه سر كبييير ولو طلع من هالغرفه انا وياك بنروح فيها وقف وهو يقترب برأسه من منصور الذي اكمل حديثه : تذكر الدكتورة سندس اللي قلت لك عنها .. وانها تشتغل بمقرنا اللي بقرطبة الحين ؟؟ سعود بهمس : ااي اذكرها .. اللي قلت لي انها عالجت ضاري اهني بالكويت منصور : بالضبط .. هذي تكون المدام مالت صقر سعود بصدمة : هــــا !! شلوووووون ؟؟ منصور ضربه ع كتفه : اووووش لا تفضحنا .. ولا تبين لصقر انك تدري جلس ع الكرسي ليعود سعود ويجلس ع الكرسي بحيرة : بصراحه ماني قادر افهم صقر وشنو يفكر فيه ؟؟ منصور : لا تتعب نفسك سعود : انزين والنقيب ضاري متى يرد من السفر ماقال لك ؟ منصور : أي كلمنا قال ع الأسبوع الجاي بيرجع ان شاءالله سعود : وبيسافر لقرطبة ع طووول ؟ منصور : لا بيقعد جم يوم يتطمن ع وضع زوجته وبعدها يسافر قاطعهم الطرقات التي ع الباب .. ليدخل الضابط وبيده ملف الضابط : سيدي .. هذا الملف فيه اللي تبيه عن الولد اللي شفته بالمخفر مد كفه وهو يقول : شكراً يا نايف .. تقدر تروح وضع الملف ع مكتبه وهو يخرج الأوراق .. بدأ بقراءة كشف هاتفه من شركة الاتصالات نفسها استغرب وهو يقرأ أيضاً بعض الرسائل المطبوعة .. امر بعض الرجال بتفتيش هاتفه قبل ان يسلموه له سعود ولاحظ انقلاب وجه منصور : عسى ماشر ؟ منصور رفع رأسه وهو يقول : هذا واحد حققت معاه بالمخفر وحلف انه مايعرف اللي مرسله يسوي اللي سواه .. وصج من الرسايل مبين ماكان يدري .. وهذا كشف بمكالماته من شركة الاتصالات نفسها .. ماكان بينهم أي اتصال بس رسايل سعود : مافهمت شي منصور : نوران سعود بصدمة : منووووو؟ منصور : يوه اقصد اخت صقر .. امس كلمني ابوها وقالي انها بالمخفر ويبيني اروح معاه سعود وقف بصدمة : شنوووووو ؟؟ شتسوي بالمخفر ؟ منصور : بسم الله انت شفيك انفعلت !! سعود جلس ليتنفس بهدوء وهو يقول : شكانت تسوي بالمخفر ؟ منصور : واحد داعمها واهي طالعه من الكلية .. وكانت بين البيوت .. ومارفضت تتنازل لين يعترف ليش دعمها .. واهي متأكده انه متعمد .. وانا قدرت اسحب الكلام منه وقالي ان في رساله وصلت له تقوله اطلب منك طلب ولك المبلغ اللي تبيه .. يقول ع بالي مقلب .. يوم قلت ابي 10 آلاف دينار .. قالي تم .. وطلب مني ادعم هالسيارة بس .. اللي اهي سيارة نوران سعود : اوووف كل هذا يصييير .. لو البنت ما كانت شاكه انه متعمد جان مادريت عن شي منصور : صح كلامك .. البنت فطينه .. صج ذكرتني بصقر اخوها سعود يضغط ع كفه بقوة يكتم غضبه : وشنو الرقم اللي كان يتواصل مع الولد ؟؟ فتح الورقه وهو يقرأ له الرقم : ************ ضغط بكفه ع فخذه بقووووة ، متأكد انه رقمهـا .. ليس الرقم الذي تتواصل به معه لكن رقمها الآخر .. يذكرها عندما تواصلت معه مره واحده منـه ولازال يحفظ الرقم وقف ليقول بصوت غاضب : انا استئذن منصور باستغراب : وووين اقعد ورد معاي البيت عازمك ع العشى سعود يسير للباب وهو يقول : كثرك خيرك ياعمي .. انا لازم امشي منصور : لحظة سعوووود .. هالولــــد شفيــــه !!!! ضربـت بقـوة زجـاج سيـارتـه .. ليفتـح البـاب ويجلس بتعب معقولــة كلامهـا مع صديقتها واختهـا اليـوم عن هالموضوع كانـت غاضبـة وتتوعـد بشخص مــا ..! " انتي ببالج احد ؟" هـل الذي ببالهـا انـــا ؟؟ لذلك كانـت تحـاول تخريـب محاضـرة اليــوم بالتأكيـد سأكـون أول شخـص تفكــر بـه لكـن ليس انا حقـاً .. لسـت انــا ..! فتـح هاتفـه ليرسل رسـالة وهـو يكتبهـا بسرعـة " كلميني ضروري الحيـــن " " آسفـــة .. مشغــولة " " سعــــاد .. ردي احسن لــــج " " احسن لك انت تروح وتساعـد اخوك .. انت ماتدري ان الانتخابات باقي عليهــا شهر ونص ؟ " " يعنـي مراح تكلميني ؟؟ " " لا .. قلت لك مشغولة .. وعندي نــاس " " قابليني بمكانا المعتــاد " " آسفــة .. مااقدر اطلـع من البيت .. نتقابـل بعــد الانتخابــات " رمـى هاتفـه بقوة للمقعـد الخلفــي تتعمـد ان تتجاهلـه .. نعـم هي تتعمـد ان تغضبنـي ايضـاً أصبحـتِ مختلفـة يا زوجـة اختـي .. كنتِ ضعيفـة وفقيـرة بالسابق الآن .. أصبحتِ قويـة ولكِ رجـال سيفعلـون كـل ما تريدينـه فأنتِ لا تختلفيـن عن اخــــي .. أصبحتِ نسخــة أخـرى منـه سنـرى مـن سيخضـع للآخـر بالنهايـــة .. يا زوجــة أخــي ..! . . . الـيـوم الـتـالـي صـبـاحـاً يتـرأس طاولـة الاجتماعـات التـي بداخـل مكتبـة العديـد والعديـد من الملفـات والأوراق المتراكمـة فـوق بعضهـا البعـض ويجلـس ع يمينـه سكرتيـره وساعـده الأيمـن مسـح بكفـه ع رأسـه و"شمـاغـه" مرمـي فـوق مكتبـه ماجد : شنو يبون بعد ؟؟ فيصل : يبون لهم بيت ملك .. مايبون فلوس .. ويضمنون لك ان صوتهم لك ماجد بتفكير وسبابته اليمنى تطبطب ع شفتيه : شوف .. قولهم موافقين .. بنوقع معاكم عقد .. وبعد الانتخابات إذا فزت بياخذون اللي يبونه فيصل باستغراب : ومن وين بتجيب لهم بيت ؟؟ لا يكون بتعطيهم واحد من بيوتك ؟ ماجد يحرك رأسه بالرفض : طبعاً لا .. بس كلام .. وبعد الانتخابات بقدر اغريهم بالفلووس .. بس هالعايلة احتاجها واحتاج لأصواتهم فيصل : امممممم اوك إذا جذي خلصنا منهم الحين .. يعني هالملفات كلها ضامنين أصواتهم ان شاءالله ماجد : شصار ع فيديو الحملة اللي قلت لك تضبطه ؟ فيصل يفتح لابتوبه : قصدك الاعمال التطوعية اللي سويتها .. كاهو الفيديو جاهز .. بس طال عمرك ما حطيت فيديو اسبانيا ماجد باستغراب وهو يناظر شاشه اللابتوب : ليش ؟ مالقيت التقرير بوحده من قنواتهم ؟ فيصل : لقيت .. ومن اكثر من قناة .. بس شكلك طال عمرك ماتعرف هالمكان اللي كنتوا فيه ماجد يضم كفوفه من فوق الطاولة : هالمكان ؟ ليش شفيه المكان اللي رحنا له ؟ فيصل بتوضيح : انا طلبت من مقرنا اللي اهني يساعدني حتى يطلعون لي الفيديووات لانهم اسرع مني ويعرفون اخبار اسبانيا اكثر مني .. يوم رحت لهم قبل أسبوع قالوا لي هالفيديو ماينعرض .. هذا واحد من أماكن مصانعنا اللي بالغابة ماجد بصدمة : شنووووو ؟؟ انا كنت قريب من مصنع من مصانعنا ولا كنت ادري ؟؟؟ بس شلوون ؟ فيصل : لان هالمكان قديييم ع أيام ابوك الله يطول بعمره .. ولي الحين يشتغلون فيه .. بس لان فتحوا مصانع اكبر منه فصار مهمل هالمكان ماجد بتفكير : معقولة !! هذي صدفة يعني ولا شنوو ؟ فيصل : تصير طال عمرك .. خاصه ان المنطقة قديمة وفيها محتاجين وفقراء وواجد ماجد : زين انهم نبهونا .. باجر يمسكون علي هالفيديو فيصل : أي .. وباجر من الصبح بروح لمقرنا مره ثانية حتى يراجعون باقي الأوراق من حملتنا ماجد : زين تسوي .. يعني مراح تكون موجود بالغدا باجر بديواني ؟ فيصل : لا والله مااتوقع يمديني اخلص منهم واجيك .. بس لا تحاتي بوصيهم ع الضيافة .. والنواب اللي بيحضرون بيكونون بصفك اكيد ماجد : ما بقى شي يا فيصل .. شهر ونص بس فيصل : راح الكثير ومابقى إلا القليل ماجد : إلا ع طاري الفيديو .. الدكتورة سندس مادخلت للديرة ؟؟ فيصل يحرك رأسه بالرفض : لا .. اللي يشتغل بالجمارك ووصيته يعلمني اول ماتدخل للديرة .. كلمني قبل يومين ويقول اسمها مادخل للديرة ماجد : غريبة .. معقولة بتطول اكثر من جذي .. واللي معاها عبدالله عرفت عنه شي ؟ فيصل : لا .. ولااا شي .. ماقدرت اعرف عنه شي للأسف .. بس شكله اللي اعرفه وكل ماوريت احد صورته بالمستشفيات قالوا مانعرفه ماجد بهمس وتفكير عميق : مادري ليش عقلي صار يربط المواضيع ببعض .. اول شي مقرنا والحين هاللي اسمه عبدالله ولا قدرنا نعرف عنه شي .. معقولة متعمدين يقربون مني يافيصل ؟؟ فيصل : مااستبعد هالشي .. بس اهم دكاترة شنو يبون منك بالضبط ؟؟ ماجد بحيرة وكفه تضرب الطاولة : مادري .. لازم اعرف سندس متى ترد للديرة .. وحتى لو نطرتها وردت لازم اشوفها ع طووووول فيصل بابتسامة : شكلها ماخذه عقلك طول هالوقت هالدكتورة ماجد ابتسم لتتحول ابتسامته لضحكه قوية : هههههههههههههههههه حيل .. الحمدلله المدام ما لاحظت ولا بتخرب علينا الانتخابات فيصل : عاد ماشاءالله الدكتورة سعاد مومقصرة بحمله الحريم قايمه بالواجب واكثر ماجد بغرور : اكيــــد .. ع بالك انا آخذ أي وحده .. لما فكر ماجد يتزوج يا فيصل اختار وحده تنفعه أكثـر من انهــا تسعــده فيصل بخبث : والدكتورة الثانية ؟ ماجد : سندس .. لا هذي بيكون القلب والروح كلهم لهــا تعالـت ضحكاتهـم الخبيثـة والشريـرة فهمـا ليسـا وجهيـن لعملـة واحـد .. بـل همـا الوجـه نفســـه ! سينهـي هذه الانتخابـات أولاً .. ويجلـس ع كرســي " رئيـس الوزراء " وبعدهـا سيبـدأ بالجولــة الثانيـــة والأقــوى سـ يستولـي ع الجميـع .. سـ تكـون الكلمـة الأولـى لـه هــو فقـط وع الجميــع التنفيـــذ فقــط ..! . . . | ||||||
|
|
|
25-07-21, 02:20 AM
| #396 | ||||||
| . . . وما زلتُ لا أدري أيُّهما يؤلمني أكثر؟ الأشياءُ التي أفعلها رغمًا عن قلبي، أم الأشياء التي يفعلها قلبي رغمًا عني؟ - جبران خليل جبران - خرجـت مـن قسـم الطوارئ .. متجـه للسلـم تريـد ان تتحـدث .. تشعـر بشوق كبيـر يغمرهـا ربمـا لأنهـا عـادت للاستمـاع لأصواتهـم .. لذلك تريـد المزيـد ..! لـم تـرى العمـلاق .. منـذ ان غـادر القصـر اللـواء ويليـام غـادر بنفـس اليـوم .. حتـى يستطيـع العـودة لمدريـد بأسرع وقـت توقفـت قدمهـا قبـل أن تصعـد العتبـة الأولـى بيـلا : دكتورة توقفي ارجوكِ سندس تدير ظهرها حتى واجهتها : ما الامر ؟ بيلا تفرك كفوفها ببعضهم البعض لتقول بهمس وتردد : اريد ان ... سندس : ماذا ؟؟ بيلا رفعت عينيها لتناظرها بابتسامة : اريد ان تسامحيني .. اعدكِ انني لن افعل ذلك مجدداً سندس صمتت لثواني لتقول : لن تخفي عني أي امر بالمستقبل ؟؟ بيلا تحرك رأسها بسرعة : نعم .. لن اخفي أي شي .. اعدكِ بذلك اقتربت بخطواتها لتمسح ع كتف بيلا : تعلمين ان المرة الثانية ستؤلم اكثر بيلا تناظر الأرض لتقول باستسلام : اعلم ذلك .. سأخبرك بكل شي اعرفه اعدكِ ابتسمت بهدوء لتقول : حسناً .. قبلت اعتذاركِ بيلا ناظرتها بفرحه : حقـــاً ...! حركت رأسها بنعم .. لتحضنها بيلا بقوة وهي تهمس لها بيلا : احبكِ سندس .. اعدكِ انني لن افعل ما يحزنكِ .. وسأقف معكِ دائماً شدت ع ذراعيها حول خصر بيلا لتقول : ستقفين معي ضد سيدكِ ؟ بيلا : اجل سأفعل ذلك إذا احتجت لفعله ابعدتها لتقول بابتسامة : حسناً .. سأصدقكِ بيلا بيلا مسحت دموعها التي سقطت ، دموع الفرح : إلى اين ستذهبين ؟ سندس تشير لاعلى السلم : للسيد .. اريد التحدث بالهاتف بيلا : عائلتكِ ؟ سندس : نعم .. اشتاق لاصواتهم بيلا ابتسمت : حسناً .. سأذهب للعمل الآن .. سأنتظركِ بالطوارئ اكملـت صعودهـا .. لتـرى لوكـا يخرج باستعجـال وسرعـة استغربـت .. هل حـدث شيُ مـا ؟ اقتـربت من بـاب المكتب لتطرقـه .. دفعـت البـاب للخلـف وهي تسمـع اذنـه بالدخـول كـان لوحـده يجلـس خلـف مكتبـه .. ويتصفـح الملفـات التـي امامـه ودخـان سيجارتـه كعادتـه .. يتصاعـد مـن الطبـق الزجاجـي رفـع رأسـه وملامـح الصدمـة تظهـر ع عينيـه وهو يقول صقر : دكتورة ؟؟ هلا والله عاش من شافج اقتربت وهي تتجاهل كلماته : ابي التلفووون صقر : التلفوون ؟؟ سندس : ااي التلفوون .. ماتعرف التلفون ؟؟! صقر بابتسامة : اعرفه افا عليج .. ها هذا التلفون بس منو بتكلمين سندس مدت كفها لتأخذ الهاتف : منو بكلم يعني سحبه للخلف قبل ان تأخذه : ها بشرط سندس رفعت حاجبها بغضب : شرط بععععد ؟؟ صقر : هدي هدي .. ابيج تكلمينهم داخل المكتب .. لا تطلعين سندس : انزين انزين .. عطني الحين فتح هاتفه وهو يقول : منو تبين .. ابوج ولا امج ؟ ولا فوز ؟ ربعت ذراعيها تحت صدرها : فــوز .. ممكن تخلصني وتعطيني التلفوون ضغط اتصال ع رقم فوز وهو يمد لها الهاتف ، لتسحبه وهي تسير امامـه حتى دخلت بين الارفف لتجلس ع الأرض وخلفهـا أرفف الكتب العالية .. وامامها الحائط المزين بلوحـات فنيـة اجابت بشوق : سنـــدس !!!! ابتسمت لتقول : روح وعيون سندس فوز بفرحه واضحه : ماتوقعت ارد اكلمج .. واخيييرا سندس : بكلمكم بكل وقت .. صرت مااستغني عن صوتكم فوز فوز : ياعمري .. ماتدرين شكثر عيوني مشتاقه لشوفتج سندس تشد ع ركبتها المثنية امامها : انا اكثر فوز .. مشتاقه .. اول مره احس بكمية الشوق لديرتي ولكم فوز : غربتج 12 سنة ماتتقارن بهالغربة ياسندس سندس بصوت مبحوح : والله غير .. غربتي لدراستي وشغفي اني اتعلم .. غير عن هالمغامرة الغريبة فوز فوز : صبري نفسج .. تدرين اني ضد كل اللي صار لج .. بس مابيدي شي اسويه والله سندس : ادري .. محد يقدر يسوي شي .. وانا خلاص صرت معاهم واسمي اقترن باسمهم فوز .. الخطر صار يحاوطنا بكل مكان فوز : اسم الله عليج .. الله يحفظج ان شاءالله سندس مسحت خدها بقوة لتقول : ماعلينا من النكد .. عطيني اخباركم ؟؟ فوز : احنا بخير .. تدرين لي الحين باجازة ماداومت سندس بضحكة : غريبة فوز ماتداوم ؟ عاد تحبين الدوام فوز : تعبت نفسيتي طول فترة حملي بسندس .. ذبحني التفكير سندس سندس : عمري وقلبي روح عمتها .. منو تشبه فوز ؟ فوز بابتسامة : تبين الصج .. نسسسختج سندس بفرحه : والله .. تشبهني ؟! فوز : والله حتى خالتي تشوفها تقول نسخه سندس واهي صغيرة .. بس بنتي خشمها غير سندس : يابختي والله سميتي وتشبهني فوز بجديه : سندس سندس : عيونها فوز : اللزقة عندج ؟؟ ابتسمت بقوة : ههههههههههه .. للأسف اي .. بس بعيد عني شوي فوز بنفس نبرة الجدية التي تتميز بها عندما تريد التحقيق بموضوع ما : شمعنى اهو ؟ ليش اهو الوحيد اللي يطلعج عن طورج ؟ ليش اهو الوحيد اللي ماتمسكين اعصابج جدامه ! سندس بتوتر وصدمة : منو اهووو ؟ فوز : انتي عارفه منوو .. صقر سندس شدت ع ثيابها لتقول بتردد : ماكو فرق فوز .. انتي تتخيلين فوز : لا .. ياما وياما صارت معاج مشاكل وكنتي بقمة البرود واللامبالاة .. ياما استفزوج ناس ولا كنتي تاخذين حقج منهم سندس : فوز .. هالتجربة غير .. شلون تقارنينها باللي صار معاي قبل فوز : لاني احس انج تغيرتي .. اهو غيرج سندس احتقن وجهها باللون الأحمر لتقول بنبرة مكتومة : لا تقولين جذي .. يخسي .. ماتدرين شكثر اكرهه واكره كل شي سواه بحياتي .. باشهر بس يافوز غير حياتي ووظيفتي .. شباقي بعد ماسواه ؟ فوز بتساؤل : وزياد .. تذكرينه ؟؟ سوا لج بلاوي كانت ممكن تدخلج السجن .. بس ماكنتي متضايقه وكنتي تطنشينه وتعاملينه بلامبالاة سندس : زياد غير فوز .. انتي تدرين انا ليش كنت متساهله معاه .. تدرين بهالشي اكثر مني فوز : بس مو عذر .. قلت لج الف مره مايستاهل تتعاطفين معاه .. وليش ماتتعاطفين مع صقر ؟ سندس بنبرة غضب : انتي شايفه صقر يستاهل اني اتعاطف معاه ؟؟ فوز : لا .. بس صقر الوحيد الحين اللي يقدر يحميج سندس تعلم ان فوز لمست ماتخبأه بداخل اعماقها : لا .. ربي بيحميني وانا باحمي نفسي فوز : ونعم بالله ماقلنا شي .. بس سندس سندس وصوتها هدأ قليلاً : شنو بعد بتقوله يا أستاذة فوز ابتسمت لتقول بضحكة : ههههههههههههه شفتي محد يفهمج إلا انا .. وهذا انا موقاعده اشوف ملامحج اللي اكيد تتغير سندس : قولي شتبين ؟؟؟؟ فوز : يلا تستاهلين اللي يونسج .. انا بنزل تحت وبرد اتصل عليج حتى تكلمين خالتي سندس بفرحة : صج ؟؟؟ أي والله مشتاقه لصووتها ححححيل فوز : دقايق لا تبعدين عن التلفون .. ماابي اسمع صوت اللزقة سندس بضحكة : ههههههههههههه اوكك أغلقت الهاتف وهي تحتضنه بين كفوفها ، ابتسمت .. دائما فوز الوحيدة القادرة ع تقليب مزاجهـا كنت غاضبة .. اشعر بنار تشتعل بداخلي .. وما ان ذكرت "امـي" لاعـود للهدوء رفعـت رأسها وتشعر بوجود شي مـا ع يسارهـا .. شهقت بقوة صقر يستند ع أرفف الكتب وذراعيه تحت صدره وقفت لتقول بغضب وكفها فوق صدرها : انت من متى اهني ؟؟؟ صقر : اممممم من يوم بديتوا تتكلمون عني وتقولين اني بعيد .. قربت لاني عارف سوالف رفيجتج ربعت ذراعيها مثله : لا والله .. ماتستحي ع وجهك تتجسس ع سوالف الحريم صقر : الحين لما تتكلمون عني صارت سوالف حريم ؟! سندس : واثق حيل انا كنا نتكلم عنك ..؟؟؟ صقر رفع حاجه وهو يقول : منو زيــاد ؟ سندس : نعـــم ؟ صقر : زياد اللي تقولين لفوز انه غير ؟؟ منو هذا ؟؟ سندس بخبث : اااي زياد .. واحد الله يذكره بالخير صقر : ماشاءالله تذكرينه بالخير بعد .. شيطلع بعد ؟؟ سندس : دكتور كان يشتغل معاي بمستشفى الكويت .. خوش رجال والنعم فيه صقر : اااي والنعم فيه بعد .. يعني مراح تقولين منو اهو بالضبط ؟ سندس : وانت شكوو ؟ صج يوم سمتك فوز .. لزقــه صقر يحرر ذراعيه ليضعها بجانب جسده : لا لقب جديد بعد .. خلصنا من العملاق والحين لزقـه !! رفعت كفوفها : انا لي خص بالعملاق بس .. اللزقـه كلم فوز فيها صقر : شكلها عاجبتج اللزقة ؟؟ ابتسمت لتضحك بقوة وهي تشير بسبابتها عليه : حيل شووف نفسك شلون لازق فيني ولا تخليني أتكلم ع راحتي صقر : كيفي .. تلفوني ومكتبي سندس : مالت .. بس يوصل ضاري ولا بحتاج لتلفونك صقر بصوت غاضب : لا ناويه ع اخوي بعد .. يعني مضبطه نفسج ؟؟ سندس : أي .. ادري ضاري مورافض لي طلب صقر كان سيتكلم ولكن اوقفه صوت الهاتف واسم فوز يسطع بالشاشة لتجيب سندس بلهفة : عمري يمـــــه ..: سندس !! هذي انتي صج ؟؟ سندس باستغراب تحاول ان تعرف صاحبة الصوت : منو ؟؟ ل ل ليـــــــــــــــــال ؟؟؟؟ ليال بصوت متلهف ونبرة بكاء : اختي !! ماني مصدقه اسمع صوتج بعد هالشهووور .. سندس حبيبتي سندس شهقت لتكتم شهقتها بكفها : اسفه ليال .. اسفه ليالي لاني اختفيت عنكم ليال تكتم صوت بكائها : انتي مالج ذنب .. بس الشوق مانقدر نتحكم فيه .. مشتاقه لج حييييييل سندس : انتي بخير ؟ وشلون عزيز وعيالج ؟ ليال : كلنا بخير .. انتي اللي اكيد بخير ؟ المكان اللي انتي فيه ابوي يقول زين سندس : الحمدلله المكان حيل زين .. والناس اللي فيه طيبه ليال : سندس .. مرتاحه ؟ سندس تمسح دموعها : بدعواتكم أكون مرتاحه .. لما اسمع صوتكم اصير زينه ليال : تدرين اني افتخر فيج بكل مكان .. اختي الدكتورة الجراحه .. شوفي اللي صار لج بنظرة إيجابية .. ربج كاتب لج الاجر بإذن الله بهالتجربة .. تفرحين قلوب هالفقارى سندس : ان شاءالله .. الله يكتب لي الاجر ليال بابتسامة : صوتج متغير .. تغيرتي سندس ! سندس رفعت رأسها لتناظر صقر الصامت بملامح خالية من أي تعبير : ماتغيرت .. بس اللي حولي غيروني .. صرت أخاف ليال .. أخاف من باجر وشنو بيصير .. أخاف ربي يأخذ امانته وانا ماشفتكم ليال : اسم الله عليج .. بعد عمر طوويل .. لا تهملين صلاتج وقرآنج .. تدرين محد بينفعج بهالدنيا غير ربج وعملج لآخرتج سندس : لا تحاتيني موناسيه صلاتي ولا وردي .. يمكن اللي خلاني اصبر لي هاليوم .. ربي اللي يخليني كل يوم أوقف ع رجولي واشتغل ليال : الحمدلله .. طول عمرج انسانة مثابرة وانتي تعرفين هالشي سندس ابتسمت ، تحب صوت اختها ونصائحها ، تحب هدوئها ونضجها سندس : انتي اللي علميني عن اخباركم ؟ شلون حبيبي سالم ؟ ليال : سالم بخير .. والحين يدرس بكلية الهندسة سندس بفرحة : حبيبي والله .. الحمدلله حقق اللي يبيه ليال : أي الحمدلله .. وابشرج انا توظفت سندس بفرحة اكبر : صج ؟؟؟ صج ولا تتغشمرين ! ليال بضحكة : والله صج .. مليت من حياتي الفاضية .. بس قاعده بالبيت .. وتوني ماصارلي يوم من داومت سندس : زين سويتي .. انتي شاطره وتحبين الشغل .. انتي قدها ياام سلووم ليال تهمس : امي عندي تبيج .. عندي اخبار ثانية بس لازم تكون بيني وبينج سندس باستغراب : ليش فيج شي ؟ صاير شي ؟ ليال : موصاير إلا كل خير .. بس دقي علي ع يوم واسولف معاج بروحنا سندس : ان شاءالله بكلمج ع يوم .. اوعدج تركهـا تكمـل حديثهـا مـع والدتهـا يشعـر بقلبـه ينقبـض وهـو يـرى ملامحهـا التـي تغيـرت لانفعالات مختلفـة في نفس الوقـت حـزن .. ألـم .. شـوق .. تعـب واخيـراً .. عتـاب .. وجهتـه لـي بنظراتهـا الاخيـرة ..! سنـدس ستتغيـر .. لكـن تحتـاج لمـن يملـئ قلبهـا بالسعـادة والفـرح وإن كـانـت مكالمـة عائلتهـا فقـط .. تجعلهـا تعـود للتحـدث معـي والضحـك ..! فـ لتحدثهـم باليـوم ألـف مـرة .. وسـ استمتـع بابتساماتهـا السعيـدة دار بجسـده ع صوتهـا وهـو يقف امـام مكتبـه ويراقـب النافـذة وأشعـة الشمـس لازالت تنيـر المكـان سندس : تلفونك مد كفه ليأخذه وهي تبعد اناملهـا لنهاية الهاتف ، ابتسم ع حركتها ليقول : عسى غيرتي جو بعد ماكلمتيهم ؟ سندس : الحمدلله .. صوتهم الوحيد اللي يفرحني ناظرها بنفس ابتسامته : دوم يارب حضنت كفوفها بقوة ، نبرته غريبة ونظراته اغرب .. دارت بجسدها تستعد للمغـادرة قاطعهـا صوتـه الذي قال لها : وإذا قلت لج عندي خبر ثاني بيفرحج !! دارت بجسدها لتقول بتساؤل : خبر ؟ عن منو ؟؟ صقر : ليوناردو تقدمت بلهفة خطوتين للامام : ليوو .. شفيه ؟؟؟ صقر : لقيناه .. وراح لوكا يجيبه ابتسمت ابتسامه واسعه وعينيها اتسعت من الفرح : صج .. يعني ليو بيرد للقصر ؟؟ ليو بخخخخير ؟؟؟ صقر : كان نايم ع قبر زوجته .. سكران .. ولما شافوه بهالحاله دقوا ع اخر رقم دق عليه .. والحمدلله انه كان رقم لوكا سندس تضع كفها ع رأسها : الحمدلله .. الحمدلله صقر رفع معصمه وهو يناظر الساعة : شكلهم ع وصول .. او قربوا سندس دارت بجسدها وهي تقول بصوت سعيد : برووح استقبلهم .. لازم اتطمن ع صحته ابتسـم لفرحتهـا الطفوليـة .. سـار خلفهـا وهـو يغلـق بـاب مكتبـه وتناسـى الأوراق المتراكمـة ع مكتبـه .. تنتظـره ان ينتهـي من قراءتهـا سـار خلفهـا بخطـوات كبيـرة ع السلـم .. ليتبعهـا لغرفـة الطوارئ وهـي تنادي بصوتهـا العالـي بيــلا .. لتخبرهـا بالخبـر السعيـدة ليحيطـوا بهـا الممرضـات بفرحتهـم التـي غمرتهـم الجميــع هنـا يحـب ليــو .. وأصبحـت الدكتـورة الداعـم الأول لـه وأنــا .. هـل يوجـد مـن يحبنـي أو يصبـح الداعـم الأول لـي ؟ هـل سيأتـي يـوم مــا .. أصبـح فيـه شخـص عزيـز ع قلبـكِ يـا سنفورتــي ..! . . . مـاذا فعلـتِ بحياتـكِ لتصبـح بهـذه الصـورة البشعـة ! هـل مـا أريـده كثيـر .. أم هـو شي ممنـوع ! الجميـع توقـف عن مساعدتـي .. إلا تلكَ الصديقـة لا اصـدق ان امـي تغيـرت كثيـراً .. وأصبحـت تنصحنـي ان اتـرك ما اريـده ولكنهـا تعلـم أكثـر من غيرهـا .. أنني اريـد صقـر فقـط ..! لا بـأس امـي .. افعلـي ما يحلـوا لكِ .. وسـأفعـل ما اريـد مـع سعــاد ..! وقفـت بسيارتهـا امام منـزل الجـدة .. رفعـت حاجبهـا باستغراب المنـزل مظلـم وسيـارة السائـق ليسـت موجودة ..! أين ذهبـت والساعـة تقترب من العاشـرة مسـاءاً ..! رفعـت هاتفهـا لتتصـل ع جدتهـا التي اجابتهـا بلهفـة الجدة : هلا والله يمه منـــال .. عاش من سمع هالصوت منال بهدوء : هلا فيج يمه .. انتي مو بالبيت ؟ الجدة : لا والله يمه ببيت عمج احمد .. ليش تبين شي ؟ منال : انا عند بيتج ولا شفت سيارة السايق الجدة بلهفة : صج يمه انتي عند بيتي ؟؟ لا تروحين انطريني الحين راده منال : ناطرتج .. لان لازم اكلمج يمه اغلقـت الهاتـف لترفـع عينيهـا لحفيدتهـا التي تناظرهـا باستغراب الجدة : يلا نور يمه بنمشي ام صقر : وين ياخاله تو الناس ! الجدة : منال تنطرني بالبيت .. قاعده بروحها بره وقفت نور : منال ؟ شعندها ؟؟؟ الجدة : تبيني بعد شعندها ولا حرام ماتزورني !! نور بهدوء : ما قلت شي يمه نوران وقفت لتقول بهدوء : ومنال ماتعرف تزور إلا بالليل ؟؟؟ الجدة : كيفها بيت جدتها تسير متى مابغت نور : كلمت السايق يشغل السيارة الجدة : نادي لاتا ولحقيني غـادرت الجدة ، لتقول نور باستغراب : مادري شناويه عليه بعد هالمنال ام صقر : شفيها ؟؟ شصاير ؟؟ نوران : موصاير شي يمه .. بس اهي كانت زعلانه ع جدتي هذا اللي اعرفه ام صقر باستغراب : وليش تزعل من جدتها ؟؟ صاير شي يا بنات ؟؟ نور تناظر اختها ، هل يجب ان نخبرهم اننا نعلم بالسر الذي يخفونه ؟؟ قالت نوران بهدوء : لانها عرفت بزواج صقر ام صقر بصدمة : عرفت ؟؟؟؟ وانتوا شلوون عرفتوووا ؟؟ انتوا تدرووون ؟؟ نوران : أي ندري يمه .. ومنال اللي قالت لنا .. واهي زعلانه ع جدتي لانها ماوقفت صقر واجبرته ياخذها ام صقر تضع كفها ع رأسها : انتوا شتقولون ؟؟؟ واشوف خالتي الأيام اللي طافت ضايقه واقولها شفيج تقول مافيني شي ؟؟ نور : يمه صقر ماله شغل .. جدتي مكبره الموضوع اهي ومنال .. وانتي تدرين صقر عمره ماقال انه يبي منال ام صقر : ادري يايمه .. بس البنت مسكينه عايشه باحلام وانصدمت نوران بحده : مومسكينه هذي إلا خراب بيوت يجي من وراها ام صقر بغضب : نوران عيب هذي بنت عمج .. واي خراب بيوته اللي بيجي من ورى منال ؟ نور باستعجال : ولا شي يمه ماعليج من نوران .. انا تأخرت ع جدتي غادرت نور لتكمل نوران بهدوء : يمه .. انتي راضيه عن اللي سواه ولدج ؟ ام صقر تراقب الحائط امامها : راضية ؟ انتي تدرين اني مااتدخل بقرارات اخوانج ولا حتى قراراتكم .. شلون تبيني أقول اني موراضيه .. بس صقر الله يهديه بدال لا يهدي الموضوع زاده مع عمج نوران : يمكن لانه صج كان يبي البنت ام صقر : يبيها .. ماقلنا شي .. بس نوران : بس شنو يمه ؟؟ ام صقر تناظر ابنتها : مايصير يايمه ولدي متزوج ولا ادري منو زوجته ولا منو أهلها ؟؟ اخوج هذا بيجيب اجلي نوران : اسم الله عليج يمه .. صقر مارده بيقول انتوا عطوه وقت بس ام صقر : نشوف اخرتها معاه .. مو مطمن قلبي إلا حبيبي ضاري .. الله يردهم بالسلامة تجاهلـت نظرات منـال لهـا .. وترحيـب الجدة المبالـغ لهـا تركتهـم في الصالـة الداخليـة لتدخل غرفتهـا .. لا تريـد الاستمـاع أو التدخـل جلست الجـدة بفرحـه بعـد ان نزعـت عباءتهـا لتسلمهـا لـ لاتـا الجدة : اقعدي يمه منال .. لاتا جيبي عصير منال جلست امام الجدة لتقول بهدوء : شلونج يمه ؟ الجدة : والله الحمدلله بخير وعافيه .. انتي اللي شخبارج وشلونج ؟ منال : الحمدلله بخير الجدة اشارت ليمينها للمكان الفارغ : تعالي قربي مني يمه وقفت لتجلس بالمكان الذي اشارت له الجدة ، لتكمل الجدة : منال يمه انتي تدرين ان مابيدي شي .. لا تتضايقين وتزعلين .. صقر موآخر رجال بالدنيا منال : ادري يمه .. وانتي تدرين اني احبه ومن زمان .. من يوم كنت بالثانوية الجدة تمسح ع فخذها : ادري يمه .. لعلها خيره لج اللي ماكتب لكم نصيب منال رفعت عينيها والدموع بداخلها : شلون بفهم قلبي هالكلام يمه ؟؟ والله موقادره انسى واصدق ان صقر صار لوحده غيري الجدة حضنتها بذراعها اليمنى : اسم الله عليج يمه .. تعوذي من الشيطان .. لا تخلين صقر هدفج الوحيد .. الدنيا ماشيه ولا بتوقف .. اذكري ربج يايمه منال ابتعدت عن أحضان الجدة وهي تمسح دموعها : انزين قوليلي .. انتي شفتيها ؟ قالج عنها شي ؟ الجدة : منو ؟؟ منال بصوت اعلى ونبرة غيره : منو بعد اللي اخذها صقر الجدة : اااي .. لا والله يمه لا شفتها ولا اعرف عنها شي .. ولا قالي صقر شي منال : ش شلون عمي وافق ؟ شلون يتزوج بالسر ولا تدرون عن اهل البنت شي ؟ الجدة : عمج يدري ويعرفها انا متاكدة .. احمد مستحيل يمشي ورى ولده إلا واهو عارف كل شي منال بصوت متقطع : ي يعني ماخ ماخذها واهو يبيها ؟؟ صقر اللي اختارها ؟ الجدة : يا يمه ليه تعورين قلبج زياده .. خلاص انسي وقفت لتقول : يمه جاوبيني .. صقر ماخذها واهو اللي اختارها بنفسه ؟؟ الجدة تناظر الأرض لتقول باستسلام : أي .. اهو اللي اختارها .. واللي عرفته انها طبيبه بس منال : ماشي .. ماردنا بنتلاقى الجدة رفعت عينيها : منال خلاص يمه عورتي قلبي والله منال قبلت رأس جدتها لتحضنها بقوة : ماعليج مني يمه .. انا بخير بس مراح اسكت عن حقي .. وعمري مازعلت عليج تذكري هالشي مسحت ع ظهرها لتقول بحب وبابتسامة : وانا قلبي وروحي معاج يمه .. والله يرزقج باللي تبينه واكثر عـادت من المطبـخ بعـد شربهـا للمـاء .. ناظـرت منـال تغـادر اكملـت خطواتهـا لغرفتهـا .. لكـن اوقفهـا صوت جدتها الواقفـة ع باب الصالـة دارت بجسدهـا لتقابل الجدة وهي تقول نور : هلا يمه الجدة اقتربت بخطواتها لتقف امام نور : ماتدرين ضاري اخوج متى بيرد ؟ نور : يقول الأسبوع الجاي الجدة : ااي يردون بالسلامة نور : ليش يمه تبين منه شي ؟؟ الجدة : أي لازم أسئلة .. ادري ان الاخبار كلها عنده نور باستغراب : تسألينه عن شنو ؟؟ الجدة بحدة : عن سوايا اخوج اللي تسود الوجه .. نبي نعرف المره وأهلها ماندري منو مناسبين .. الله يفشله نور : يممه ليش تحرجين ضاري تدرين مراح يقولج .. انطري صقر وبيقولج كل شي الجدة : انطر مسود الوجه .. يخسي نور : انتي تتكلمين عن صقر يمه ؟ صقر حبيبج وشبيه جدي المرحوم ؟ الجدة : أي .. صقر ماعاد يحشم يا نور .. وكل شي يسويه من ورانا .. وين قاعدين ؟؟ نور : يمه .. كل شي بنعرفه بوقته المناسب .. انتي ارتاحي ولا تفكرين لا بصقر ولا بمنال الجدة : منال المسكينه شذنبها الحين ؟ نور : نصيب يمه .. الله يخليج نصيب خلاص انا بروح انام الجدة : رووحي .. اكيد اخوج ماترضين عليه اغلقـت باب غرفتهـا .. تشعر بصـداع كـل مـره تأتـي بهـا منـال .. تتغيـر الجدة وتصبـح أقسـى ! ولا اريـد ان اعـود لاقناعهـا ان لا تتدخـل وتترك كل شي تعبـت ومللـت من إعـادة الكـلام .. ومحاولـة إرضاء الجـدة اخـي الكبيـر .. عند عودتـك ستكـون مهمتكَ صعبـة فـ نـويـّر غيرتهـا منــال .. هـل ستعيدهـا لمـا كانـت عليـه ..! وزوجتـكَ المجهـولة .. يبدوا انهـا اصبحـت هـدف للكثيريـن ستعانـي كثيـراً وسـط عائلتنـا الغريبـــة ..! . . . بـدأت السحـب المتراكمـة وسـط السمـاء تتشكـل ووسـط ظـلام الليـل الدامـس .. وبعـد منتصـف الليـل هطـل المطــر .. يغطـي الأرض الخاليــة مـن البشــر وصـوت الرعـد العالـي .. وإضـاءة البـرق الساطعـة يبقـى وحيـداً لأول مرة منـذ رحيلهـا .. لا حراس ولا أصدقـاء ولا جـاك !! امرهـم بمغـادرة المنـزل .. لانـه يريـد البقـاء بغرناطـة لوحـدة ليغـادر جـاك باستسـلام لزيارة عائلـتـه وهو يخبـره انه سيعـود قريبـاً جالـس خلـف مكتبـة بالـدور الأرض اعقـاب السجائـر متناثـرة ع سطـح المكتـب .. واكـواب عديدة من قهوتـه السـوداء عينيـه ذابلـه ويحيـط بهـا السـواد .. خصـلاتـه بلونهـا الاشقـر تحيـط بوجهه ثيابـه الرثـة وصـدره المشتعـل من الشــوق .. لـ عينيهـا دفـن آخـر سيجـارة وسـط الطبـق الزجاجـي وابتسامـة ترتسـم ع شفتيـه من الأصـوات القادمـة دفـع البـاب بقـوة بقدمـه .. والسـلاح بيـن يديـه ليشيـر لسيـده للدخـول .. فالوضـع آمــن ..! وقـف بمنتصف الغرفـة .. وهـو ينـاظر الجالـس ع الكرسي بهـدوء ولـم يقف ابتسـم بخبث ورجالـه يحيطـون بـه دييغو : آوووه كارلوس الصغير .. لماذا انت وحدكَ بهذا المكان الكبير ؟؟ رفع رأسه ليقول بصوت ثابت : لانني اعلم بقدومك دييغو ضحك بقوة ليضحك معه رجاله : حقــاً .. تعلم بقدومي ولم تهرب ...؟ اقترب بخطواته للامام وهو يكمل حديثه : أم انكَ تريد حقاً الموت بين يديَ ؟ كارلوس : لا يهمني .. اريد انا اغادر هذا العالم .. لماذا ابقى هنا وهي ليست معي .. لماذا اتنفس كل هذا الاكسجين وعينيَ لا ترى عينيها كالسابق دييغو بنبرة حزن متصنعة : اوووه كارلوس المسكين .. يا إلاهي ماذا فعل بك الحب ؟ .. لكن اتعلم انني سأصبح بمكانك ؟! كارلوس : لا يهمني من سيكون بمكاني دييغو ابتسم بقوة : لم أتوقع ان تجعل الأمور اسهل علي .. يبدوا انك تعلمت درسك أخيرا وان المكان كان لي منذ وقت طويل كارلوس وقف بهدوء : نعم .. يبدوا ان هذا المكان لك دييغو .. فهو ليس لي ولا لوالدي دييغو ابتسم بفرحه لهذا الاطراء ، ليقول بعد صمت : تعلم انني لن اتنازل عن قتلك ؟ كارلوس يحرك رأسه بالرفض : وانا أيضا لا اريـدك ان تتنازل .. لكنني اريد منك طلب أخير دييغو : ما هو ؟ كارلوس ناظر المكتب بعينيه ليعود للنظر لدييغو : لا اريد الموت بالمنزل .. لنغادر للخارج .. اريد ان اسير وسط الطبيعة وانا افكر بجيزيل فقط دييغو ناظر رجاله ليقول بفرحه : هيـــا بنـــا همس لسيده وكارلوس يسير امامهم والرجال يحيطون به دانيال : سينيور .. ألا تشعر بوجود شي غريب ؟ لماذا يفعل كل هذا ؟ دييغو : لا يوجد شي غريب .. ولقد تأكدت ان المكان خالي لا يوجد احد سـار بخطـواتـه البطيئـة .. وسـط الأرض العشبيـة والأشجـار العاليـة يبتسـم وسط دموعـه والمطـر الذي يهطـل بقـوة جسـده يرتعـش ولكـن ليس من البـرد .. لانـه سعيـد وهـو يراهـا امامـه تبتسـم بابتسامتهـا الجميلـة التي اشتـاق لهـا وتفتح ذراعيهـا له هـو فقـط .. تخبـره ان يقتـرب بسرعـة وعينيهـا الجميلـة والخائفـة تناظـر خلفـي .. تراقـب مـن يوجهـوا أسلحتهـم لي ..! ابتسـمت لأقول بصـوت يصـل لخيالهـا الذي امامـي كارلوس : جيزيل .. لا تقلقي عزيزتي .. انا قادم لكِ .. انظري إليَ انا فقط .. لا تنظري لمن خلفي ابتسـمت بسعـادة وهي تحـرك رأسهـا بنعـم .. ليفتـح ذراعيـه لهـا خطـوة .. خطوتيـن ليسقـط بقـوة ع الأرض امامهـا وطلقـات النـار استقـرت ع ظهـره وساقـــه بـرودة الأرض الطينيـة يستشعـر بهـا بخـده الأيسـر دموعـه التي تحررت أخيـــراً .. تساقطـت لتختلـط مع قطـرات المطـر رؤيتـه أصبحـت ضبابيـة .. لكنـه رآهـا تلـوح لــه بيدهـــا وهـي تبتسـم ليغلـق عينيَ بابتسـامـة ارتسمـت ع شفتيـه .. وهمـس يخـرج من أعمـاق قلبـه كارلـوس : هيــا بنــا عزيزتـي .. لنغـادر لمكـان آخـر . . . انتهـى لنـا لقـاء قـادم بإذن الله | ||||||
|
|
|
25-07-21, 02:52 AM
| #397 | ||||||||
| اهلا بالذوق آسرة الخيال جمييييل البارت جدا جدا في بعض المواقف لامست الوجدان بي عودة في الرد على هذا الكم الهائل بالجمال والخيال الأسر دمتِ بحب ودامت اعيادكم أعواما عديده واعماراً مديده 💕❤️💕 | ||||||||
|
|
|
25-07-21, 08:50 AM
| #398 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته منال اللي ماتستحي وماعندها عقل سبب حالتها واضح من دلع الأم والأب والجده لها وكل طلباتها أوامر تعودة اللي تبغاه تحصل عليه الخبله تحسب صقر لعبه تحصل عليها لأنها أعجبتها واللي يقهر الجده للآن تمش ورى كلامها والا الأم والأب تغيروا وماعاد يسمعون كلامها نور ياحبي لها يعجبني إنها عاقله ومتزنه وماتطلع منها العيبه نوران ثقتها بنفسها كبيره لدرجة التهور ماتعمل حساب لأي شيء ولا تعرف تغض الطرف أو تتجاهل ولا تحترم لا كبير ولا غيره صحيح القوه حلوه لكن ماهو كل شيء ينحل بالقوه عكس مها اللي ملطشه للجميع وإن شاء الله إن كلام ليال أثر فيها وتتغير ليال الحمد لله تصالحت مع مها وتعاملها مثل أختها وهذا راجع لمعدنها الطيب وخوفها من الله اللي يمنعها تضر مها خاصه بعد ماعرفت مها ومعدنها الطيب صقر مشوارك طويل حتى تكسب سندس وبتخلله عواصف منتظره خاصه لما تعرف سندس بموضوع الزواج أتوقع ردت فعلها بتكون قويه وخاصه لو عرفت من غير صقر الله يستر وغضبها بيشمل حتى أبوها وكل من عرف وماخبرها منيره موتي بغيضك مها بتروح وتترك الجمل بماحمل وتضاربي مع روحك منى أتوقع بتجمعها علاقه بأبو البنت اليتيمه وأتوقع تتزوجه وأكيد حلقة الوصل بنته منى أتوقع بتحن على البنت وتتقرب منها وبتكسب حبها والبنت هي اللي بمدحها وحبها لمنى عند أبوها بدخلها في راسه وبيخطبها سعود زعلت على عمايل منال طيب واللي إنت تعمله في نوران وش تسميه كارلوس إنت تبغى تموت كان أخذت معك ديغو وإنت عارف بإنه جاي لك كان نصبت له فخ وفجرت المكان وعلي وعلى أعدائي لكن الظاهر مثل ماقال ديغو ماتنفع لمنصبك ماعجبني استسلامه بكل سهوله لديغو ماجد ومنال قدر ولقى غطاه وش لم تنتون على تنتن واحد نتن والثاني أنتن على رأي عادل أمام ههههههه يمهل ولا يهمل جايهم يوم ياخذون جزاهم ونشمت فيهم تسلم يمينك أسيره منتظرين باقي الأحداث لا خلا ولا عدم منك يارب | ||||||||
|
|
|
25-07-21, 03:38 PM
| #399 | |||||||||||
| نجم روايتي  
| الذين يشاهدون محتوى الموضوع الآن : 34 ( الأعضاء 7 والزوار 27) موضى و راكان, حليمة سباغ, Mahalotaibi, ام فارس 19, lucyman, وردة الاحبة فصل خيال يا اسيرهـ الخيال تسلمى يا جميلة | |||||||||||
|
|
|
25-07-21, 08:34 PM
| #400 | ||||
 
| اخيرا سندس كلمت اهلها باريحيه سامحت بيلا والقلب مازال فاتح ابوابه لحب صقر منال مسكينه جالسه تورط نفسها بلعبه اهيه مقدها سعاد الشريره ايش بتستفيد لو نوران ماتت الحين سعود بينتقم منها ويفضحها سعود ونوران ومناجرتهم حلوين غلا الله يساعدها صعب ان تنغصبين على زواج يصبح كل شي حولك باهت واضح ابوها يحاول يراضيها بعد مغصبها نور الطيبه متملكتها هالجده الا لازم تجلس معها على الاقل تسوي شفت بينها وبين بنات ولدها الثاني وجود ليال حول مها كان ايجابي جدا ليال انسانه واقعيه سندت مها رغم تكتم مها وعدم رغبتها الافصاح عن مخاوفها الا ان ليال مسمحت لها بالابتعاد عملت باصلها وساعدتها العمل كان تاثيره ايجابي على ليال وواضح ان عزيز بدا يرتاح وعايش ملك زسط زوجاته باين دعا من قلب ان الله يالف بين قلوب زوجاته كارلوس معقوله استسلم بهالسرعه او انه استغل رغبته بالموت للامساك بدييغو يعني بلغ الامن وراح تصير مواجهه بين الامن ورجال دييغو | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
10Likes
.png)
.png)
العرض العادي
