مُبعثر فيك ِ مالا الحـزن لايُشفى ، للكاتبة/ ايمان يوسف "مميزة " ( مكتملة )

[ايمان يوسف.]

البارت الخامس والعشرين

سافر سيف..!
بين ألم الجميع.. وصلابة مهره.. اللي.. تلبستها من يوم امس..!

تقابلت مع وليد ومشاري.. ووصتهم.. عليه.. خذت وعود غليضه من مشاري.. ان الولد في امانته.. وانه ينصفها.. لو اللتوت سما في وعدها..
ابتسم مشاري.. :
مهره.. ارقدي وآمني..لو اللتوينا.. احنا ابوي بيرجعه لك.. هذا وعدي لك..!

مهره.. وماكانت مستوعبه حجم العلاقة اللي تكلموا فيها عن راجح وابوها.. بس قالت بعصبية:
مشاري..انا مو مستوعبه شي لامن الماضي اللي بين ابوي وابوك.. ولاشي.. انا علي من الحين.. .. لو سما خبصت نفسيتها.. سيف في ذمتك..
مشاري :
بعيوني..
التفتت لوليد:خالي امانه.. لازم تزوره. انت وماريا.. تشوفونه وتطمنوني عليه..
وليد:بدون ماتوصين.. انتي بس انتبهي لحالك.. يابنت تطمني لايجيك شي..
مهره بعصبية وصوتها طلع مرتجف:
انا مافيني شي.. بالعكس متفهمه..وذا شي اذا ماصار اليوم بيصير بكره..
سيف.. حسها مع الساعات تشحب زيادة.. وتظاهرها يضغط عليها اكثر.. مسك يدها.. واسند ذراعها..:
مهره.. ايش رايك نروح المستشفى..تشوفك دكتورتك..
التفتت بحده.. :
ليش مستشفى.. ترى مافيني شي..!.
سيف واحتار..
كيف..
كيف يتعامل مع مهره.. ونفسيتها الغريبه..؟!..

غادر سيف.. بعد عناقات مطولة وحبس دموع جامد من الجميع..
عشان مايبكونه..
ولايحسونه بصعوبة الوضع..!
واللي قلل من حدة الرحيل.. عند سيف.. ان نواف هو اللي حمله.. وراح معه المطار معهم هو وفارس..!..

مهره.. كانت واقفه.. متجزله.. من يومين.. بدون بكي.. ولااكل.. واعصاب على المحك..!
بس اسمعت صوت السيارة غادرت..
وكانت واقفه على الدرج الخارجي.. معهم..
اختل اتزانها..
وبسرعة مسكها سيف..
مع اصوات موضي وزينه الملهوفة..
مهره وعيونها شبه مفتوحه.. توقف مره ثانيه:
مافيني شي.. والله مافيني شي..
سيف بعصبية:
مهره.. اكلي لك حاجه.. ولاخلينا نروح المستشفى..
موضي:يايمه مب زين عليك.. تراك شايله روح.. انتي مسئولة عنها..
مهره.. بخفوت.. وكانها تسمع اصواتهم من بعيد:
بنام اشوي واصير زينه..بس تعبت مارتحت من امس..
زينه امسكت ذراعها الثاني :
عشاني مهره.. قبل تنامين اكلي اي حاجه..
هزت راسها نفي. :لمن اصحى..
وخذت يدها من زينه ومسكت ذراع سيف بكفوفها :
تكفى سيف.. خذني فوق.. احسني بنام وانا واقفه..

*كيف سأغفر لنفسي.. عودة ألمك هذا.. وشدته.. من مثلي يعرف هروبك من حزنك بالنوم.. من مثلي كان ينتظرك ساعات وساعات.. وانتي تعبري عن رفضك للحياة والعيش بالنوم الطويل.. *
خذها.. وساعدها.. دخل معها وصعدوا فوق..!

بلقيس انهارت بكي :
ياعمري يامهره.. والله ماتستاهل كل هاللي يصير فيها..
زينه تطالع حيث اختفت اختها:
الله يجبرك ياخيتي..
وتحشرج صوتها وهي تقول :آاااه عليك يامهير..آااه..
موضي وهي تبكي بعد:
الله يرضا عليكم يابنات.. تماسكوا.. عشانها...
جلست زينه على العتب.. وشردت في الارض.. بصمت..
*حلقي مر كالعلقم.. ذهاب سيف.. حزن مهره.. فقدي لصغيرنا الشقي.. اطفئ في قلبي.. حلاوة الحياة..
فجأه.. احسست.. ان الدنيا.. باهته.. وان كسورها بليغه.. وان الجبر مستحيل..
وان الحياة تضربنا مع كل التفاته.. وان الامل كذبة..
احتار الدمع ليس في عيني.. بل في حلقي..
وجه مهره الشاحب كالموتى.. لايفارق عيني.. ذهبت مهره لتنام..!
خفت.. خفت فعلا ً.. لو نامت مهره بهذا الكم من الألم..
هل ستصحو..!
ام سكتون كاجارتنا.. اللتي مات ابنها ونامت.. وماتت كمدا ً عليه*

موضي بحنية:
زينه امي.. قومي ندخل.. قومي بنتي.. لاتغتلقين هنا مب زين..
زينه تمسح عيونها:
ماعليش خالتي لاتحاتين.. روحوا انتوا ارتاحوا.. انا اروح الملحق..لمن....
قاطعتها موضي وهي تمسك يدها وتقومها:
اي ملحق لحالك.. البارح نامت معك مهره.. تعالي امي.. والله ماخليك لحالك..!

وخذتها معها ..
داخل كان سعود جالس بصمت.. بلقيس تمد له ادويته.. خذها.. ويقول:
اتركي علاجي.. واطمني على مرت اخوك.. مهره مب شلية ابد..
بلقيس:طيب بروح.. بس خذ علاجك يبه.. ضغطك مرتفع الله يحفظك لنا..روق..
زينه.. جلست..
تراقب الابو كيف تعبان ويحاتي مهره.. وبلقيس صعدت..
وموضي راحت تسوي له كركديه بارد عله ينزل ضغطه..!

بتردد ربتت على كفه:ماشتدت وتعسرت واستحالت..
ردد معها سعود بصوت رخيم:الا واستهلت وتيسرت واستهانت..
زينه:اذكر الله ياعمي.. شدة وتزول..
ابتسم وهو يحط كفه على راسها:
الله يرضى عليك يالزينه.. الظروف عاكست.. ولا.. دخلتك في هالبيت.. ياكبر قيمتها عندي.. تراك مرت الغالي..نواف شعرت جوفي.. سامحيني يبه..

زينه ماكان ناقصها الا هالصوت المتحشرج الحنين.. وهو يستسمح منها في اشد اوقاته صعوبة..
امتلت عيونها دموع:
الله يحفظك.. وياجعلك ذخر.. واصلني شعورك والله..لاتحط في بالك عمي..!.
سعود بتنهيده:
مهره ماتروح عن وجهي.. ولاهالصغير اللي راح.. يابنتي.. مادري انا ظالم احد بحياتي.. والله يعاقبني هاللحين.. على فعايل عيالي..!

زينه ابلعت ريقها.. وبغصه.. :
ولاتزر وازرة وزا اخرى.. مايجي منك الا كل خير ياعم سعود..

نزلت بلقيس وقالت لهم ان سيف يقول ان مهره نامت..
زينه جلست معهم..!
ربما وقوف زينه ووجودها معهم في هذا المصاب.. قربها منهم ..
وهم تعرفوا عليها اكثر..!
كانت مثل مهره.. مبينه متماسكه.. وكاتمه.. وتحاول انها ماتوضح دواخلها عندهم..!
لأن الوضع كان متوتر.. وموضي وبلقيس كل شوي يقيسون الضغط لسعود.. اللي ارتفع ومايبي ينزل..!.
........
رجعوا نواف وفارس قريب الفجر..
اشكالهم مرهقه وتعبانه..
البيت كلن في غرفته وغالبا ً نايمين..!
نواف.. راح الملحق.. دور زينه مالقاها.. اتصل عليها وماترد..
تسائل لايكون مشت..!
صعد.. ولقى فارس جالس بالصاله الفوقية.. ومسرح..!.
بخفوت:
وراه قاعد هنا.. قم نام..
فارس بضيق.. ابعد راسه على ورى:
مدقور نواف.. احس بدخل الغرفه واشوف فراش سيف.. صوته يرن في اذني وهو يبكي..!

نواف ربت على كتفه بقوه :
الله يعين ياعمك.. الله يعين..!
نزلت جنب عين فارس دمعه وهو يهمس :
الله يرحمك ياعساف..!. وش اللي سويته فينا..
..............


بعد شوي.. دخل نواف غرفته.. وهو يدق على زينه.. تفاجئ بجوالها يهتز وهو صامت ع التسريحة..
والغرفه ظلمه الا من ابجورة جنب السرير.. تلفت ولاشافها..
شغل النور..
وهو ينادي :زينه..!
انتبه لها جالسه ع الارض من الجهه الثانيه لسرير.. قرب لقاها تخفي وجهها بركبها وواضح تبكي..!
كانت عباتها على كتوفها.. ماشالتها..
همس :
زينه حبيبي..!
رفعت راسها وهي تمسح عيونها...ولارفعت راسها عليه.. وهي تحاول تخفي بكاها..
جلس عندها.. حط كفه على ركبتها:
زينه.. ناظريني..
رفعت عيون مجمرين له.. :خلاص راح سيف يعني..
هز راسه ايجاب :
ايه.. الله يحفظه.. ماجيت الا بعد ماطارت طيارتهم..
انهارت.. بكى بصوت :حبيب خالته النتفه.. ياربي كيف بنتحمل غيابه..!
نواف خذها حضنها وبحنيه وهلع:
زينه.. صلي ع النبي..
زينه تتكلم وهي تبكي :
حبيبي اهو.. ياربي بفقده.. كيف يصير كل ذا.. خايفه على مهره.. وخايفه عليه..
مسح على راسها :
الله معه.. ومهره قويه.. بتشوفين كيف بتستوعب الوضع وتعتاد..
زينه تتكلم وتفضفض.. عن سيف.. ومهره.. ومواقف..
ونواف محتفظ فيها عنده..
بعدت عنه.. بعد ماهدت.. بعد طبطبته واسلوبه الهادي..
قالت :
اعذرني نواف.. بس خالتي موضي.. وعم سعود مارضو اطلع الملحق.. قالت لي الوالده انتظرك هنا لمن تجي وتتفاهم معي..
ابتسم.. وداعب انفها:
زين سوت.. عاد انا بعد هالغباين محتاج.. حضن مزه انام فيه..!
زينه بتهكم توقف: ياشيخ..!.
نواف قام بسرعه.. وضمها من ظهرها.. وبشطانة:
ترى من جدي.. مامزح..
زينه ابلعت ريقها:
وش اللي ماتمزح.. نواف لايصير الوضع عيب عاد.. ترى يكفي اني كاسرة بروتكلات الخطوبة وقاعده بيتكم..
نواف يتكلم جنب اذنها:
انتي تقولين ماتبين عرس..؟!
زينه وقلبها يرجف لهالقرب: طيب..؟!
نواف:واشهار.. الكل يدري.. جوالي يستفرغ من رسايل التهنئه..
زينه:نواف لاتقعد تخربها.. ترى وضعنا غير مناسب.. للإيحاءات اللي انت قاعد تقولها..
نواف بهمس.. وانفه على رقبتها:
اي ايحاءات..؟!
زينه.. داخت خلاص.. بخفوت:
نواف..!.. خلاص بعد عيب..
همس لها: انتي زوجتي.. وانا واحد عاصم حالي.. خليني اجرب..
زينه.. حسته بيخرب الدنيا.. فقالت:
يعني لو اني مب مطلقه.. كان حطيت حدود.. بس يعني عادي.. ماتفرق.. صح.. هذا اللي تقوله جواتك..
بعد عنها نواف :
يلعن شيطانك كانك خربتي جوي..
تكتفت وارفعت حاجب :
يعني هذا نيتك.. يلا نخبص سوا.. واذا ماكملنا.. هي اصلا مطلقه.. ماضريتها..
نواف تركها وراح غرفة التبديل :
والله ولاجا في بالي.. انتي من وين تفكرين..
زينه.. وهي تحاول تلملم رجفتها.. :
يعني نواف.. احنا في هالسالفة.. وكذا.. معقول.. بندخل في مود ثاني..
طلع من غرفة التبديل.. وهو مدخل راسه بتيشرت وقاعد ينزله على صدره وبطنه.. ويقول:
سيف بصحه وسلامه وكل اموره طيبه.. لاتتحججين.. مو عندنا واحد متوفي.. واحنا بنكيف مع بعض..!
لمحته.. ونزلت عيونها بسرعه.. اففففف.. ايش هذا.. جسم نواف يوجع القلب رياضي ومفصل..!

جا عند التسريحة.. راقبته زينه وهو يتعطر.. بعدت عينها عنه:
الحين انا مافهمت اصرار خالتي موضي اني انتظرك هنا..
رفع حاجب ومر من عندها جلس ع السرير :
انا موصيها..وبعدين زينه.. خلينا واقعين.. اذا احنا ماراح نسوي حفل.. ليش مانختصر الوقت..

جلست على كرسي مقابله:نختصر ايش.. نواف ترى احنا ماخذنا حتى اسبوعين من ملكتنا الغريبه..
نواف وكان حيل خاطره فيه.. ومزاجه محتاجها.. ووجودها في غرفته فوق طاقته.. بس حاول يسيطر على نفسه.. وهو يشوفها قاعده قدامه.. ع الكرسي وحاطه رجل على رجل.. وتتلفت في كل شي.. ولاطالعه..!

سحب سيجار واشعلها.. نفخ دخانها.. اللتفتت باستغراب.. :
تدخن..؟!
نواف وهو ياخذ المنفضه على فراشه:
كنت اشيش.. ومع سفراتي الاخيره ماتحصل الشيشه.. وطحت في الدخان..
زينه بامتعاض :الله يهديك..
ضحك:زينه.. مب اشرب.. دخان.. لاتكبرينها..
زينه بنص عيون: طيب الله يهديك..!
قال:اللحين وراه بهالعباة.. بتمشين..؟!

زينه:والله ليت امشي.. بس احاتي مهره.. ود اطمن عليها بالاول..جد نواف احس وضعي ماله داعي.. ومتوهقه بعمري.. مب عارفه وين اقعد وين ارقد.. ايش رايك.. تشوف سيف واطمني عليها.. ثم توصلني لجديده..
طفى السيجار:
والله يازينه انك ماتستحين..!
توسعت عيونها:اناا..؟!!!!
نواف:ايه انتي.. اللحين.. انتي في بيتك.. وغرفتك.. وهذا حكيك.. قومي شيلي هالعباية.. وعيني خير.. وتعالي نامي هنا..
وطق الفراش جنبه.. :
زينه بهلع :من جدك..؟!.
قال:جربيني.. لو وضعي معك عابر وبس بستقل وضعنا.. بخربها.. ولو انا رجل تحطيني على يمناك يصبح عليك الصبح وانتي على حالك..
زينه انربشت :
وانا اذا نمت فيذا.. ماعلي منقود.. قم نواف دبرني بمكان ثاني..
نواف استرخى:
اي منقود.. انا زوجك.. واهلي يدرون عن وجودك..
قامت :طيب تمام.. نام انت انا ادبر نفسي..
راحت.. للباب.. لقته قافل.. اللتفتت بحده.. وبغيض وخفوت:
نواف.. متى قفلت.. قم افتح لاتستهبل وتوترني..
نواف:
الباب يقفل.. لحاله.. السستم عندي.. يعلق . مايفتح الا الصبح..
زينه في بالها:يالله.. احر ماعندي ابرد ماعنده.. وانا كل الامور معاكستني وضدي..
قالت تحاول تستجدي عطفه:
والله بروح اجيب فرشتي.. في الملحق.. وحتى شنطتي تحت....وببدل.. يعني مستحيل بنام.. وانا مافرشت..
قام.. وفتح درج.. طلع فرشاة جديده:
يلا اخذيها.. ولاتتحججين..
تنحت مكانها.. مدها:طيعيني زينه.. خلينا نقرب من بعض..كيف بنحب بعض كذا.. وانتي تهجين مني.. ولاتثقين بنيتي..
خذتها.. وهي تطالع عيونه..
فعليا ً هي تنجذب لنواف.. تحاول تبعد.. وماتبي تنغش في البدايات..!
بس الواقع.. ان قلبها اسفنجه جافه.. ونواف بحر هائل من المغريات..
زينه كأي بنت كانت عندها احلام وخيالات.. الا ان عبدالاله حرق الاحلام وشوه الامنيات.. وغيب من عينها كل معنى للحب..باتت خائفة من فكرة ان يتملكها رجل.. ويعشقها..!

فسخت عبايتها.. كانت لابسه لقنز اسودوبلوزه واسعه كات ورديه..
ابتسم :يعني هذا انتي بدلتي.. ليش الكذب..
راحت ناحية دورة المياه:
كنت اكذب.. عشان انزل..
لحقها.. اللتفتت واهتفت:
نواف..؟!..
فتح دولاب الحمام :بطلع لك معجون الاسنان..
خذته:عشت..
قرص خدها:يالبى اللي تتكلم نفس الشيبان.. عشت اجل..
اكتمت ضحكتها.. ودفته بره: خلاص نواف برررره..!
.........
بعد شوي..
كان نواف منسدح على جنب.. ويطالعها.
وهي في الكرسي المريح ثانيه رجولها.. وجالسه ومتلحفه ببطنيه صغيره طلعها لها من الدولاب..
كانوا يسولفون.. عن عدة امور..!

لما ابتسمت واشردت:
تصدق نواف عبدالاله كان يشك فيني في كل شي.. مايثق..بس قد مره شك حتى فيك.. يعني مادري هو جنيه كان متنبئ.. للي احنا فيه الحين..
نواف.. ضم مخدته.. وهو على بطنه:
مافهمت..
قالت :تذكر يوم اطلع.. من بيت جديده.. وقت انت جاي تاخذ سيف.. كنت انت بسيارتك بره.. تدري.. ان علق وقام يشرشحني.. يقول اخو زوج مهره.. ماوقف هالوقفه الا يبي يشوفك..
طالع عيونها مده طويله.. بعدها همس:
اتوقع انه المره الوحيده.. اللي صدق شكه.. وخوفه..
عقدت حواجبها :وش قصدك..؟!
قال بغموض:ولاشي..
زينه:ياليل.. ماحب هالحركات..
ابتسم:تعالي نامي.. وعد مالمسك..
زينه:مرتاحه انا بهالكرسي.. وبعدين بطقطق بجوالي.. مافيني النوم..
نواف بصوته الناعس:عنيده..!.
راقبته وعينه تروغ وينعس زياده وينام..
ظلت كذا تطالع ملامحه الهادية.. النايمه..
ابتسمت بحنية..
بعدها افتحت جوالها.. وراحت تفرفر فيه وهي مسترخيه كذا..!


*****



*شعرت به يتشبث بظهري .. اقدامه يعقدها في بطني .. واظافره تكاد تدمي صدري .. ويصيح بانهيار : ماااابي الوووح ماما .. ابيك مااااماااا.. ابيك مااااما ..
واحدهم يشده عن ظهري .. فينغرس سيف بقووه فيّ.. فاشعر به كالطعنات في كامل جسدي .. ظهري وبطني .. صدري .. وانا ابكي معه .. *

واحاول افتح يدينه عشان مايتعور من شدهم له واقول بانهيار :
لايوجعونك يمه.. باخذك منهم .. لاتتعور يمه ..
وهو ينغرس في جوفي .. حتى شعرت باقدامه .. فعلاً فتحت شروح هائله في بطني وادمتها ..
بكيت بخوف وهلع : فكني سيف .. اوجعتني .. اوجعتني ..
صاح متشبث فيني : ابييييييك انتي ماما .. مابيهم .. ابيكككك ...
صحت : فك سيف .. فتحت بطني ..

اتسعت عيناي وانا ارى دمائي .. تتخذ طريقها ..لتسري على فخذي وساقي وتقع في الأرض ..
لم اعد اسمع سيف .. لمست ظهري ابحث عنه .. وصدري .. وعنقي .. .. وكان اختفى ..
صحتتتتتت بصوت مزززق حنجرتي :
سيييييف ...يوووووووومه ... !

صوتي لم يتعدى الكابوس الهائل .. ولا حتى شفتاي الجافتان .. فقط فتحت عيني برجفه بسيطه .. وكأني اسقط من مرتفع ..
كنت غارقه في عرق بارد ..
كنت سأتحرك .. لكن منعتني ذراعي سيف اللذي كان يضمني .. وجهي كان مغروس في عنقه ..
لم تكن لدي طاقه .. لابتعد عنه .. آلام في كل جسمي .. مغص رهيب يقطع معدتي .. همست بوجع:سيف ..اصحى ..
تحرك شوي ..
بس صوتها كان خافت مره وماسمعه..

ابتعدت عنه..
وقامت.. وراحت لدورة المياه..

شوي تحرك سيف.. وتوعى..
واستعدل بسرعه وقت مااشافها..
وسمع صوت الماي بالحمام..!
تنهد..
وهو يطول على الابجوره.. ويقوم..
طق باب الحمام :
مهره..
بخفوت:هلا..
اطلق تنهيده..وهو يرجع الغرفه ويشغل النور يبي يشوف لها شي تاكله.. بسكوت او عصير.. بعد مانامت كل هالساعات..

مع النور انتبه للنقط ع السراميك.. من السرير لمن الحمام..

توسعت عيونه..برعب.. ترك اللي عنده وراح فتح باب الحمام بسرعه وبخوف :مهرررره..!

******


كان الصبح بدا يطلع.. وفارس في الصاله الفوقيه يتابع فلم.. ومو جايه النوم بعد التوترات اللي صارت..
لما انفتح باب غرفة ابوه وطلع سيف..
رفع راسه يطل من الكنب :يبه..!
سيف بعصبية:زين انك صاحي.. (رمى عليه المفتاح) .. شغل السياره سريع..وقربها..
توسعت عيونه وهو يشوف الدم.. في بلوزته ورقبته:
وش ذا يبه.. شصاير..!
سيف:مهره.. خشمها ينزف.. ومغيبه.. بسرعه يبه.. ولا احد يحس بشي..
قال كذا ورجع .. الغرفه..
فارس.. نزل بسرعه..
في ظرف دقايق..
كانو في السياره.. سيف يسوق.. ومهره ورى مع فارس.. كان ماسك فوطه تحت خشمها.. وراسها عنده.. وكانت واعيه.. بعدت الفوطه:
خلاص فارس وقف.. شيلها.. خلونا نرجع..
فارس بعصبيه.. شال الفوطه.. وشاف انه وقف:
وش ترجعين.. مهره وش فيك تبين تموتين..
ودت راسها على ورا ..ومسكت انفها من فوق :
تكفون خلوني ارجع.. والله دايخه.. مافيني حق قلق مستشفيات..
سيف يطالعها من مراية السياره.. صفراء ومالها لون.. ولاتكلم..
اعصابه فلتت.. من شافها.. جالسه بدورة المياه.. وخشمها يرعف..
هو اول مااشاف الدم.. نشف.. فكر ان البيبي صار له شي..
كيف كانت بلوزته ورقبته كلها دم. كيف رعفت وهي جنبه.. بحضنه ولاحس فيها..!
خذها.. وبالغصب شربها عصير.. كانت بحالة اغماء..
مهره بالحاح: سيف انا كويسه خلاص نرجع..
سيف :ماراح ارجع الا لمن اطمن عليك.. ودامك ماهو ماكله.. يحطون لك مغذي.. وشوفي مهره.. اذا انتي.. بتعاندين.. كل شوي بشيلك ويركبون عليك مغذيه..
مهره بتوسل وخفوت:باكل بس رجعني..
ومالت براسها على كتف فارس وغمضت..
فارس بخوف:.. وش فيك..؟!
حركت راسها:فيني النوم وربي الكعبه..
طبطب على راسها:تمام.. نامي.. بسم الله عليك..
سيف وقلبه يحترق..
ايش مدا الاكتئاب فيها الحين..تصحى وتنام.. تتكلم وتغفي.. ياربي الصبر..!

******


فتح نواف عيونه في الصباح..
واول مالمح..
وجه زينه.. وهي نايمه على الكرسي..
*تأملت عنقها الطويله.. نحرها.. وكل زينه يفقدني صوابي..
لكنها تستحق الصبر.. اذا كنت عاشق.. ونضجت واحترقت.. هي تبقى جديده في العلاقه.. خائفة.. وحذره.. ولا تلام*

قام.. وراح بعد الجوال من على بطنها..
ماهانت عليه كيف منثنيه كذا.. شالها.. ونزلها ع السرير.. ولحفها..
ظل يتأملها..
الحديث معها.. وتأملها.. وجودها.. يريق في قلبه انهار من عشق وجنون..

‏فاطمٍ قلبي عن الغير يا نشوة رجايّ
‏لا سمعت اسمك غدى فالمعاليق حركه

*******

في بيت راجح..
وصلوا..
سما كانت تراقب السيارة من النافذه الفوقيه وهي تدخل سور البيت..
كانت ماسكه الستاره برجفه وترغب.. ماهي مصدقه..
كانت خايفه ان مشاري يكذب عليها.. وانه صدق خذه..
شافت بيبان السياره.. يفتحون..
وينزلون مشاري ووليد..
ووليد ينحني داخل السياره.. ويطلع منها واهو حامله..
وسيف يتلفت حوالينه.. بدون تعبير..
حست الدموع تنزل من عيونها تباعا ً..
وهي تطلع من غرفتها وتنزل الدرج بسرعه.. وليان وابوها تحت.. وبالهفه وبكى :
بابا وصلوا.. اقسم بالله وصلوا..
راجح.. بتنهيده.. يشيل نظارته.. ويترك المكان ويدخل مكتبه..
سما عارفه ابوها زعلان.. رغم انه سوا كلشي عشانها الا انه زعلان..
مانتظرت تفكر او تتعمق في ردة فعل ابوها.. بسرعه افتحت الباب..
ومشاري يبتسم :وصل ورعنا ياسما..
سما.. تناظره بين يدين وليد..
وهم يدخلون..
ملامحها فيها تعبير فرح.. وبكى.. وتردد وحذر..
وسيف يناظرها.. بدون اي ابتسامه..
همست ملهوفه:سيف.. كمان ماي بيبي..
سيف تمسك في رقبة وليد..
مشاري غمز:سما.. ترى سيف مايعرف انجلش ابد.. ركزي.. لاتخلطين..
تداركت وهي متلخبطه:سيف حبيبي.. تعال..
التفت عليها.. ورجع ضم رقبة وليد..
ليان توترت من الموقف..
حست الصغير.. بيدقر سما المتحمسه..
وليد يداعبه:
هذا وصلنا لسما.. ماتبي تلعب معها.. مثل هاك اليوم..
سيف.. دخل وجهه في رقبة وليد:
آلي..ابي ماما.. ابي فالس..
وليد انوجع قلبه:بنرجع لهم يابابا.. كم يوم ونرجع..
سما قربت بتحاول تاخذه.. بس هو تعلق في وليد..
سما خلاص بتنهار بكى.. وليد.. راح جلس ع الكنب وسيف في حضنه.. :واللهي فللنا نوم.. بالطياره.. وسيف عاد ماخلا لاحد نوم..
سيف يدافع عن نفسه:نمت بس اسوي.. والله..

مشاري خذ سما وجلسوا..
بعد مااشر لهم وليد.. يعطونه فرصه ياخذ شوي ع المكان..!

في الطرف الثاني..
سيف يدخل غرفة في المستشفى.. ومهره حاطين عليها مغذي.. :
كيفك الحين..؟!
مهره :تمام.. والله سيف تبالغ.. ترى خشمي هذا سلمه مافي شي خطر..
ابتسم وهو يحط يده على جبينها:
نطمن.. وثانيا ً باقي ماخلصت المغذيه..
مهره بملل:خلصت وحده كامله ذي الثانيه.. وبعدين حرام.. فارس نايم على هالاريكه.. خطيه مو مريحه .. (مفهيه.. وتقط عراقي بعد.) .

جلس جنبها:شفتيه كيف تحمس وهو يسمع نبض الجنين..
مهره ابتسمت اخيرا ً.. :والله ماغير نفسيتي اليوم.. الا ضحكة فارس وهو مصدوم بالنبض..
باس يدها:
يعني حطي في بالك صاحب هالنبض مهم علينا كلنا.. انتبهي له يامهره..
طالعت وجه سيف بملامحها الشاحبه.. وعضت شفتها.. وبتردد:
سيف وصل..؟!. ولالسى..
طالع ساعته: اكيد وصل..
مهره:طيب كلم خالي وليد.. خليني احاكيه..
سيف:ابشري..

عند بيت راجح.. رن جوال وليد.. رد:
ارحب يا كحيلان.. اعذرني مادقيت.. تو واصلين بيت راجح..
سيف :ها بشر.. وش وضع سيف..؟!.
وليد يطالع سيف بحضنه:والله ناشب بحضني.. مابيضها..
مهره كانت تسمع وليد من سبيكر..
قالت:خالي خلني اكلمه..
وليد :من عيوني خالي..
عطاه الجوال.. :هاك كلم..
سيف حط الجوال بذنه وبس سمع صوتها شهق:ماماا..
مهره عضت شفتها.. :امي..!.
سيف تزحلق من حضن وليد وراح يمشي بالجوال بعيد.. كن مايبي يسمع.. احد وش بيقولون..
قدام نظرات سما المكسوره..!
وليد:ماعليه سما.. كل هالامور بتعدي.. الولد مستغرب.. ومانلومه..
ابتسمت.. وهي تحاول ماتبكي:شور وليد.. انا اصلا ً حاطه في بالي كل ذا ومهيئه نفسي..
ليان ابتسمت وهي تداعب خدها:
سما ولدك كيوت يهبل.. صدقيني نطلع به الملاهي.. ونهبل فيه ينسى مهره وسيف والسعوديه بكبرها..
وليد عقد حواجبه.. ومشاري نهرها:ليااان..!
ليان بلامبالاه:طيب انا شقلت.. ضروري.. بنحبب الولد فينا.. والا كيف بيظل..
وليد:ضروري سما ماتفرضين عليه الامومه.. او تغصبينه يناديك بها.. لمن يكون عنده تقبل..
هزت راسها ايجاب وهي مخنوقه.. وتشوفه بعيد منسجم بمكالمته مع مهره:
اصلا ً واضح ماعندي فرصه..
قفل سيف الجوال.. وجا عطاه وليد.. وفاجئهم لما راح لسما اللي كانت منزله راسها بعد جملتها المجروحه.. وباس خدها..
توسعت عيونها بعدم استيعاب.. وهي تطالعه.. والدموع تملي عيونها..
وصدمهم لما صعد على الكنب.. وضمها من رقبتها: ماما قولي.. ابوسك.. واعطيك حنان..
سما انهارت في دموع صامته.. وهي تضمه :
رووحي.. وش كثر حاجتي لهالحنان.. ياقلبي..

ابتسموا بتأثر.. وهم يشوفون سما تحتضنه بهالطريقه.. واصابعها النحيله في شعره الغزير.. وسيف واللي اقنعته مهره بطريقتها..
هاجد في حضنها.. ويطبطب بيدينه الصغيرات عليها..!
*********



مهره قاومت.. قاومت مابكت وهي تكلم سيف..
تكلمت معه بعقلانيه..!

والحين بعصبية تحاول تشيل الابره الفاضيه باليد الثانيه صاحت:
نادهم سيف خل يفكونها.. اختنقت.. ابي اطلع اتنفس..
سيف مسك كفها وبانفعال:اصبري.. لاتعورين.. خلاااص بناديهم..
فارس صحى على صوتها.. وابوه يحاول يمسك كفوفها.. وهي مو قادره تبكي.. وتصيح انها تبي تطلع وانها اختنقت..
طلع فارس.. نادا النيرس..
و جات وبانفعال من الدم اللي طلع من كف مهره.. وسيف ماسكها:ليش كدا هبيبي.. ليش..!!
سيف :خلاص سستر شيل..
الممرضه تفك اللزقات وباستياء:لاإلوها الا لله.. انتي بيبي.. سوي كدا..
مهره بعجله تفتح لاصق المغذي وبعصبيه:
اخلصي افتحي هذي ماني ناقصتك..
الممرضه انلبخت :بابا.. هذا تحليل.. حق مخزون سكر مافي يطلع..
سيف ياخذ اللزقه يحطها لمهره:انا اجي بعدين اخذه..
مهره برجفه:فارس ابوي.. عطني نقابي..
جابه لها.. وتحجبت ولبسته.. ومسكت يد سيف ووقفت..
ساعدها.. وطلعوو..!

مهره في السياره.. شردت من النافذه وسيف يسوق..
*اختنق.. اختنق.. والدنيا تكتم انفاسي.. ابني بعيد عني.. تفصلنا قارات... وقلبي ورب الكعبه واهن.. *

سيف يسوق ويتلفت عليها.. مسك كفها وضغط عليها..
*احسست ان يده تضغط ببروده على قلبي..! *

******


زينه وكان وقت الظهر ولانها صحت مالقت نواف.. كانت داخله الحمام توضت عشان تصلي.. طلعت وهي تمسح وجهها بمنشفه..
نواف دخل والجوال بذنه:
لابالعكس.. احسن.. يمكن تتغير نفسيتها عن البيت.. خلاص اشوف زينه ونجيكم..
وسكر.. وهي تناظره بتسائل..
بس هو ابتسم وقال:
يعني انتي من جدك بتروحين.. وتخليني..
زينه:لازم.. هو الجيه عشان مهره ولانسيت..
بنص عيون :جاملي.!
زينه تطلع قلم حواجب من شنطتها.. وتحدد حواجبها وترتبهم وهي تطالع المرايه وتقول:
حتى لو ماقلت.. الواقع.. ان حنا قضينا الوقت اصلا مع بعض.. اكثر من مع خيتي..
نواف مستمتع.. وهو يطالعها.. وهي ترتب شعرها بمشطه.. وتضبه.. جا وراها وضمها.. وانفتح شعرها من يدها.. هتفت:نواف..!
طالعها في المرايا.. :
مهره تعبت.. وخذها سيف المستشفى...
بهلع وشهقه.. :خيتي..!
لفها جهته.. :لاتشوهقين. . ويجيك شي. . هي زينه الحين بس كان ضغطها نازل مره.. ونزل مع انفها دم كثير.. هي طيبه الحين.. وخذوها سيف وفارس للمزرعه. علها تغير جوها.. ويبوونا نروح لهم..!
زينه قلبها انخرط ويرقع يرقع :بسم الله وربي انرعبت..
حط يده مكان قلبها.. وحسه كيف ينبض..عقد حواجبه.. بخفوت:
زينه قوي قلبك مايصير كذا..!
******



اصرت مهره ان تعتلي الخيل وتركبه.. بعد ان ذهبت بها الى الاسطبلات..
كنت رضيت على ذلك.. بشروطي.. مع اني خائف عليها والله..
لكن..
كان الشرط ان تآكل حتى الشبع.. وقد فعلت..
احسست انها بحاجه مُلحه لذلك..
علا ركوب الخيل.. من طرق مهره في التنفيس.. كما تفعل مع النعاس والنوم..
كنت ارقبها وهي تتهادى.. على الحصان.. تركض به بخفه.. وتتعامل معه.. وكأنها انعزلت عن العالم..
ماتنفك الدنيا.. الا وهي تطعن في مهره.. مخلفه ندوب في معالمها الجميله..!
وجروح غائرة لاتندمل..
ذابله مثل ياسمينة شاميه.. متروكه بعد حرب..
ربيع مهره احترق.. وبات خريف..
جفت عروق الصبر.. ومات الحوار.. مهره صامته.. تمارس وحدتها دوني..!
رافضه ان يشاركها احد.. وحيده في المضمار..
نرقبها انا وفارس..
بقل حيله..!
ماذا نفعل بأنثى ثكلت ابنها..بمشاركة اخرى.. حقها فيه..!
مهره ضحية عشق عساف وسما.. الملعون..!

جا له اتصال.. وابتعد وهو يرد :
ارحب.. ياطليق الحجاج..
طلال: البقا يابعدي..
سيف:ها بشر..
طلال:مثل ماتوقعنا.. علاقة منصور براجح.. انه يستخدم قطع من راجح.. في غسيل الاموال.. ونسبة راجح.. تكون حلوه بالاضافه للقطعه نفسها.. يعني راجح يصير كأنه يأجر القطعه ويطلع منها ارباح.. ونفس الشي عنده دعم له كامعارف في المجال.. مثل اللي حصل في لوحة ادوارد بفرنسا..
سيف:يعني الحين راجح.. ممكن يطلع من هالقضيه.. لو اقدمنا في شغلنا ضد منصور..

طلال:الى الآن ممكن..ع الاقل لو تعاون معنا.. خاصه ان راجح مرت عليه فتره.. في تهريب الاثار.. بس بعد بحثنا والتحقيقات.. توقف عن هالشي.او على الأقل مافيه شي ضده قانونيا ً. من مده.. راجح بالفعل يشتري القطع والاثريات ويدفع فيها مبالغ جامده.. ومنصور.. هو اللي يشتغل فيها.. في تنظيف عفن فلوسه..!

سيف بعصبيه:كيف يطلع منها ياطلال.. شف الشي الوحيد اني مابي اكون سبب في اذية راجح او اني اغدر فيه..
طلال: راجح ذكي.. تعامله مع منصور نظيف.. والنسب اللي ياخذها.. تحول لحسابه.. عن طريق بيع بضايع من ماركته.. لمحلات منصور اللي عندنا بالسعوديه.. يعني مثلا يبيعه بضاعه تقدر بـ١٠٠ الف.. ومنصور يشتريها بمليون.. فيه عقود واصول..
سيف: اذا كذا ممكن.
طلال ضحك: مااشاء الله مهتم.. بهالحيلي.. ماهو صار جد ولدكم..
سيف بزفره:والله ياطلال.. اني باأحلام العصر.. شي مايدخل العقل..
طلال: واختك مافيه خبر عنها..
سيف : مافيه الا رسايلها لابوي.. كل بين فتره وفتره.. شاهين.. احسه لو يمسكها فرمها..
طلال:الله يلوم اللي يلومه.. والله لو ام عقاب تسويها فيني.. لاارديها برشاش افضيه فيها..
سيف :لله درها اللي متحملتك يالمتصحر..!

طلال:ايه ترى اللي اختك سوته ماهو شوي..
سيف :لاجيت للجد.. عايلتنا فارطه سبيكتها..والله يعين..
طلال:تنحل الامور..وموضوع ولد عساف.. لوتعقد احله لك بمعرفتي..لو عقدها راجح.. ولاشي.. اقدر اطلع زوجتك قانونيا ً.. من القضيه كلها.. لاتنسى ان وحده من الدكتورات بالسجن حاليا ً.. وممكن ناخذ منها شهاده.. بالوضع اللي صار كله..
سيف:والله في بالي هالشي.. بس الحين دام الأمور سلميه.. ننتظر.. ولانظلم بنت راجح.. الورع ولدها.. ولها حق فيه..
طلال: اصيل يابوفارس..
سيف :ماعليك زود..
طلال:المهم بجمع لك نسخ من عقود راجح مع منصور.. وبعض التقارير عن الاثار المستخدمه.. في موضوعهم.. ابيك تشوفها لي وتشيكها وتتأكد اذا راجح يمتلكها او لا..!
سيف:ابشر يابوعقاب..
طلال:بشروك بالجنه.. سلم لي على الوالد والشباب..
سيف:يوصل..

******
يتبع ........

[ايمان يوسف.]

مرت الأيام .. وسما تلازم سيف.. طلعت به مع ليان.. ابهروه بأمكان الألعاب..
اشترت له كلشي يعجبه..!
سيف كان بطفولته.. طايره عيونه.. مو مستوعب وش يصير..
الا نقطة ان كل شي يطلبه ياخذه.. وهالأمر ماهو موجود عند مهره..
كانت تشتري له بس بحدود..
تتخذ معه اسلوب العقاب.. والحرمان والمكافئة..
بس سما.. كأنها تبيه يطلب بس..!.
سما بأنانيتها.. قامت تحاول تلهيه عن مكالمة مهره..
بس مشاري.. يجي ضدها وياخذه يكلم.. حتى فديو..
فكان احيان يبكي بعد المكالمه ويطالب انه يرجع.. واحيان يكون هو مستاء ومعصب.. وتتغير نفسيته لمن يكلمها ويصير ألطف..
راجح..
كان يراقب الطفل من بعيد..
ولايتقرب منه..!
اما سما فكان مايكلمها الاقليل.. وعتبه عليها واضح..

مشاري بس كان ملاحظ ابوه كيف يبتسم بحنيه..
ويشرد في سيف.. اذا كان يلعب.. او يحاول يداعب الكلب الكبير.. يلمسه لمسات خفيفه ويهج..!.
سما حبت الحياه مع سيف.. راحت تطمح.. وتسوي اهداف.. ارجعت للصحافه..!
الكترونيا ً من غير دوام رسمي..!!..
تستغرب من سيف احيان ينزوي.. بعيد.. تحت الدرج.. او بغرفة الملابس.. واحيان وسط دولاب التعليق.. يقعد فيه تحت..
والسماعات بذنه.. ويلعب بالايباد..
اصلا ً هو عنده.. ايبود صغير.. يشبك السماعات فيه.. وينام وهو يسمع..
وكانت دوم تحاول يخليه يشاركها.. ومايرضى يقول( بس حقي) ..!
فكانت معطته جوه.. وانو اكيد يسمع اغاني طفوليه.. متعود عليها..!

كان نايم بفراشها.. وكانت تشتغل ع الاب لمن وقت متأخر من الليل..
لمن قفلته.. وابتسمت بحنيه.. وهي تبوسه.. تعلقت فيه.. بشكل مو طبيعي..
حتى لو هو بعيد.. حتى لو هو يناديها سما وماهو ماما.. حتى لو ماحبها نفس مهره..
حتى لو ماشاف العوض فيها..!
سحبت الايبود الصغير..
كانت مبتسمه.. لما حطت السماعه بذنها.. وتوسعت عيونها.. وهي تشغل الصوتيات.. وتطالع سيف..
كان صوت مهره.. وهي تغني.. وهي تدندن.. وهي تغني له تهويده.. صوتها وهي تقرى له قرآن.. انصدمت..
ان طفل بعمر سيف.. جالس يسلك لها.. كل هالتسليك الجامد..!
ينام بحضنها.. ومافي اذنه وقلبه الا مهره وصوتها..
خذت الايبود وعيونها تجمر وتحترق بدموع قهر..
وتطلع من الغرفه.. حاولت تتمالك اعصابها.. وهي تنزل الدرج.. والبيت ساكن.. ولقت ايباده.. افتحته ع الصور..
صور عشوائيه.. وفديوهات.. سيف ملتقطها لمهره.. وفارس.. وعايلتهم..
وبعض الصور مهره تعطيه وضعيات.. وهو يصورها..
قفلت الايباد برجفه.. وتركته على الطاوله.. اما الايبود اخفته..
راحت عند ركن في البيت.. سحبت زجاجه برجفه.. ورجعتها..
قبضت على راسها بقوه:لااا سما.. لاااا.. لاتضعفين..

قاومت وقاومت...
وتركت المكان وطلعت الحديقه بره..!

****


مهره قررت الاعتياد..
ساندها الجميع.. تقوت بالصبر.. تكلمه.. ويسولف لها.. ويتكلم ان راح وجاء.. واشترى..
نوعا ً ما مطمنه..!

تقنع نفسها.. بالهدوء.. وراحة البال.. عشان البيبي.. اللي قام يبين ببروز بسيط في بطنها..
سندس..
مع انها تعصب على اي شي..
الا انها بهالسالفه اسندت مهره.. وجاتها.. وكانت لها قوة.. تكلمت معها..
عطتها الواقع.. خلتها تتفكر.. ان سيف بخير.. وانها بتجيب بيبي.. حرام.. تخاطر فيه.. باسلوبها وزعلها..
الكل كان خير داعم..!
وسيف مايتركها..
اليوم فاجئها.. لمن جاب تذاكر.. وقال :
وش رايك..
انصدمت:من جدك..؟!
سيف ببتسامه:فارس اجازه حرام تروح كلها وماطلع..
مهره بتردد :بس سيفي لو..
قاطعها:سيف ماراح يرجع الحين.. عارفه اتفاقنا معهم بمحرم.. والتواصل.. هذا الجوالات معنا..!
ابتسمت ودموعها تغورق. :
سيف والله لو ماانت معي مادري وش بيصير فيني..
فتح ذراعينه وهو واقف..:
قومي عطيني هاق.. وعطيني جو.. اللي انهوستي بالمفاجئه..عادي متقبل حتى لو كذب..

مهره قامت وهي تضحك وطوقته بذرعانها.. ضمها وباس راسها وهي تقول:
يعني لو تبي الجد المفاجئه تسطل..
وارفعت وجهها له.. باس شفايفها.. وحط انفه على انفها:
اتمنى انه ماهو تسليك..
مهره :والله من جد.. يمكن تغير المكان يفيدنا وكذا.. وفارس والله مسكين انضغط هالفتره.. ياعمري.. يعني حتى نادر يطلع لذياب وربعه..

سيف:اجل خلينا نجهز امورنا.. قدامنا اسبوع..
مهره تاخذ التذاكر.. وسيف ضامها من ظهرها:
بس وين..؟!
قال :المالديف..
مهره..بمحاولات فرح :وااوو عاد اسمع فيها وماشفتها.. ليت زينه ونواف يجون..
سيف :عن نفسي ماعندي مشاكل.. بس زينه هاللي موقفه اي تقدم مع نواف وقاعده بيت جدتك.. بتوافق..؟!
*****


باليوم الثاني - لندن ..!
كان راجح.. جالس تحت.. ومستغرب من بكى سيف المنهار.. وهو يهاوش..
مشاري.. كان جنبه.. وقدامهم بعض الاوراق.. يشتغلون عليها..
سمعوا سيف وهو يصرخ:
اطيني أقي اقي.. ماما شرته لي..
سما بنفي:
ماهو عندي سيف.. اسكت.. كل ذا عشان ايبود.. اشتري لك عشره..
سيف بنهيار:تجيبين عشر ارميهم باله.. ابي هذا.. اطيني اياه.. والله اكسر جوالش..
والنقاش محتد وسما معانده.. وسيف انفلت مره وحده..
راجح بخفوت:
شف اختك وش مسويه بالورع..!
وقف مشاري ع الدرج:
سماااا وش فيك .؟!..
جاء سيف ع الدرج ينزل بسرعه وهو يبكي بقوه وصوته يرن في البيت كله..
وصل لمشاري.. اللي جثى عنده:
وش فيك حبيبي.. وش مزعلك..!
سيف يأشر بيدينه بنفعال:
ايبودي.. اقي.. من ماما.. وانه (حيوانه) سما خذته..
مشاري :افففف.. يمكن انت حطيته بغرفة ليان.. ولا بره.. ندوره الحين..
جات سما.. وهو يضرب برجله الارض.. :
شاااااالي...! انا نمت.. ابود عندي.. قمت.. اشفته.. سما خذته..
رفع مشاري.. راسه لها بتسائل..!!!
و صدت بعصبيه..
عقد حواجبه:تستهبلييين..!!!
سما بعصبيه:عنده الايباد.. يلعب فيه.. ليش جهازين..
مشاري يحاول يمسك اعصابه وهو يوقف :
وانتي وش دخلك.. وش يستخدم وش يتعامل فيه.. سيف متعود على نمطيه.. لاتقعدين تعفسينها من راسك..
راجح يراقب بصمت..
لانه باعد نفسه.. عن اي شي يخص سما بولدها.. من جا..
سما بانجليزيه.. عشان مايفهم عليها سيف وبانفعال:
مشاري.. الا تلاحظ السماعه في اذنه.. طوال الوقت.. وينام بها.. البارحه بالصدفه.. عرفت انه يستمع لصوت مهره.. كيف بالله سأعلق هذا الطفل بي.. كيف سيفهم اني امه.. وهو يستمع لها طوال اليوم.
مشاري رد عليها بانفعال:
علييك اللعنه.. انتي تتعاملين مع طفل وليس قطه.. مهره امه.. لو وضعتي قدما ً في السماء واخرى في الارض.. لن تتغير هذه الحقيقه..

سما بزفره وضيق.. راحت لمجموعة الألعاب.. وتنادي سيف.. وتبيه يلعب فيها.. : الله ايش هالسياره الحمراء.. تعال سيف.. شوف الشاحنه..
جا سيف بانفعال.. قام ياخذ الالعاب ويرميها.. وباين يبي يكسرها:
مابيها.. يع.. يع.. ماحبك.. ماحبك سما.. ابي ماما.. ابيها..
سما مسكته وتحاول تهديه:ايش رايك نروح نشري كات صغيره.. في محل حيوانات جميييل..

دفها بقووه..
وراح توجه لراجح.. مع ان مافيه علاقه معه.. مسح وجهه ودموعه وبنظره قويه :
أمي(عمي).. انت.. الا.. ديب..
سما مافهمت.. ولامشاري..
مشاري بتسائل :وش اديبه..؟!

بس راجح ابتسم.. ابتسامه حلوه وفهم عليه.. قال:يخسى الذيب.. وش بغيت ياسيف..
سيف باسلوب يهبل :
قل لسما تطيني بودي.. ولاببكي لمن العيد..
راجح بحنيه مد يده:
تعال.. ياجدي.. وابشر..
جاء سيف وجلس جنبه.. ويطالع سما بتحدي..
وراجح حط يده عليه.. وبهدوء وأمر:
روحي جيبي هاللي يبيه.. ولاوالله.. واللي رفع سبع.. مايصبح الصبح.. الا الورع في حضن مهره..
سما توسعت عيونها :
بابااااا...!!!

راجح:لاتكثرين الهرج.. (وبأمر حاد).. هالحين..!
سما راحت وهي تتحلطم..
ومشاري :وش قالك هالبرغي وخذك بصفه..
ضحك راجح.. وهو يطالع سيف :
انتخى فيني.. يقولي لك ولا للذيب..
ضحك مشاري :
امااا قال كذا.. والله مب سهل.. اكيد تعاليم عمامه..
راجح بحنيه.. يداعب شعر سيف :
والله كفوو من رباه..
سيف كان شارد.. بالسجاده.. ورموشه فيها دموع عالقه.. وينتع ويشوهق من كثر الصياح اللي صاحه..!
******



باليل.. وفي بيت فهد بوشاهين..
سلمى تحوس في الصاله وماسكه جوالها.. يبس ريقها وهي تدعي وتطلب.. وتدق ع جوال شاهين وذاك مايرد..

فهد : اقعدي خيلتني.. لو انك خايفه عليهم مارحتي تطامرين بعرس ولد اخوك.. ومخليتهم مع الشغاله..

سلمى بانفعال:فهد.. الله يخليك قل خير ولا اسكت.. معهم شغالتين.. وش يدريني بتصير هالسالفه..
(اللي صار ان شاهين كان راجع من العمل.. وبناته كالعاده بعهدة امه.. دخل البيت فوق الثنعش... ولقى الشغاله تبع بناته.. بره.. وبحضنها ديم.. طايحه من الدرج ومتعوره.. شالها مع الخادمه ومعهم بيان.. للمستشفى.. ولما جات سلمى درت من الشغاله الثانيه عن اللي صار.. وعجزت تكلم شاهين ولايرد..)..!

بعد اشوي انفتح الباب..
ودخل شاهين.. شايل ديم وذراعها بجبس.. ووجها.. ماله لون من البكى.. وخدها في ضربه زرقاء..
سلمى باانفعال وخوف:
وش صار عليها.. وراك ماترد علي الله يهديك..
شاهين بملامح جامده نزل.. ديم ع الكنب.. وبيان جلست جنبها..
وقال للشغاله تجهز اغراضهم..
سلمى بعصبيه:
وين بتروح فيهم بهالليل..
شاهين بجمود.. وهو يعدل ذراع ديم المعلقه.. :
بروح بيتي خلاص انا انتبه عليهم ونونا معهم..
سلمى بشهقه:
الله وكبر عليك.. ترى البزر معرض يطيح.. يعني انتوا ماكبرتوا الا بطيحات وفلقات وشكثرها..
فهد:يجري يايبه.. وهذا البزارين.. الله يحفظهم..
شاهين بحده:
مأمنك عليهم يمه.. يومك ماتقدرين.. تمسكين نفسك عن مناسبات وعروس كان قلتي لي وخليتهم عند خالتي موضي..
سلمى بانفعال:
الله ياشاهين.. هذا مردك لي بعد هالشهور.. ترى لعلمك.. انا عن الربى وملاحق البزارين لي فوق الثلاثين سنه.. الا اني قابلتهم.. وسويت كل شي عشانك وعشانهم.. عاد اليوم عرس ولد خالك.. وجابوا بطاقات لهم.. وبناتك ابد مهب راضين يروحون.. الحين لاحضرت عرس ولد اخوي اطلع غلطانه..

شاهين بانفعال:
يمه.. ديم انكسرت يدها.. وضرب راسها بالأرض..سوو لها تصوير عله يكون تعور راسها.. وضلت فوق الساعه.. تتألم بيدين الخادمه.. ماحد تصرف.. لو صاير فيها شي..
سلمى وهي تجلس عند ديم.. وتضمها :
اووويه عليها نتفتنا.. بسم الله عليها.. لاتفاول..
فهد :
مقدر ومكتوب.. والحمدلله.. جات كذا.. اقعد وعين خير.. وانت اذا رحت ابهم بيتك.. وش بتغير.. خلهم حولي وحول امك.. انت في العمل وتغيب بالايام.. اعقل يابوك.. واطرد ابليس..

شاهين مخنوق.. قلبه ينعصر.. سب جمان داخله ولعنها.. وشتمها...
على الحاله اللي وصل لها هو وبناته..!

******



باليوم الثاني.. سيف مزاجه متعكر على سما وزعلان وحتى مانام معها..
باليل شال مخدته وراح غرفة مشاري.. ابتسم :هاا.. سيف.. وش؟! .
سيف يسكر الباب.. وباين مبتئس:
انام معك.. مابي سما..
مشاري رفع مفرشه له:ياهلا ومرحبا..
جا وحط مخدته.. وانسدح ومعطي ظهره له..
مشاري يداعبه:
طيب زعلان من سما.. بعد زعلان من مشاري..
التفت عليه:
لا.. مازعلت على شالي.. بس سما شليله(شريره)...

مشاري خذه بذراعه.. ويسولف معه ويقنعه ان سما تحبه.. وان مب قصدها..
بس قلب البعير داخل سيف مايبي يسامحها..

اليوم من الصبح.. لمن جا المسا.. وسيف مايكلمها ولايجي عندها..
والغريب انه يتقرب.. من راجح.. وحاسه هو اللي بينصفه لو سما كررت الحركه..

ظل كذا قاعد وساكت ويحرك رجوله بملل.. وراجح نزل نظارته على خشمه :
الى الحين زعلان منها..؟!
هز راسه ايجاب..
راجح: طيب سامحها.. تتوب..
سيف مايطالعه يحرك رجوله على وتيره وحده.. قال بغصه: انا ابي الوح بيتنا.. ماما واحستني..

راجح اندقر عليه..
وهو يحاول مايبكي.. ويمسح بكفه الصغيره عيونه.. ويرفع شعره عن جبينه..
قاله:ماتصلت عليها اليوم..
هز راسه نفي :شالي لاح.. مع جواله.. وسما انا زعلت عليها..
راجح خذ جواله : تعال جنبي.. الحين نكلم..
جا سيف ببتسامه حلوه: انت عندك لقم ماما أمي(عمي)..؟!
جلسه راجح جنبه:قل جدي ماهو عمي.. ونكلم..
سيف بتكنيشه وابتسامه بينت صفة اسنانه :جدي..!
حب راسه.. :عندي رقم عمك.. نكلمه ونكلم امك..

واتصل.. وسيف يطالع الجوال بترقب.. وحاطه سبيكر..
رد سيف:ارحب يابومشاري..
راجح :البقا..يبــ...
وقبل يكمل.. سيف بحماس :اووبه.. حبيبي..
سيف :ابووي..!
سيف الصغير :وحستوني ابيكم..
سيف:واحنا نبيك.. اخبارك.. واخبار سما ومشاري ..
سيف ياخذ الجوال من يد راجح:نمت مع شالي امس.. قال لي قصه.. قالي اميرة دفدع.. (الأميره والضفدع)..
ضحك سيف:اووه.. خليه يحفظك اياها.. عشان لما ترجع تحكيها لي ولامك..
سيف:وينها ماما.. ابيها..
جاه صوت مهره:سيفي..!
سيف وكالعاده من جا من يسمع صوتها يعطي شهقة شوق :ماما..حبيبي..
مهره :بعد عمري وقلبي..
سيف يحط الجوال على خده:يلا بوسيني..
مهره ترسله بوسات..
وسيف اخر شي حط الجوال على عيونه وقال :بعد بوسي عيوني..
ومهره تضحك ومعطته جوه وتقول:واحلى بوسات عيون لسيفي..
راجح يراقبه.. ببتسامه.. واستمتاع..

حاول يقاوم سيف.. ويكون حاجز من الصد بسبب سالفة سما وعساف..
بس ماقاوم.. سيف يدخل القلب وبقوه..!

******


في الصباح وبيت سعود.. موضي في مكالمه مع سلمى..
موضي:يالله رحمتك دويم عاد مافيها عمر عظم على جلده وانكسرت..
سلمى:ياختي.. الكسر يجبر.. والمريض يطيب.. والبزر معرض.. بس شاهين البارح غسل شراعي.. والله كنه ابوي وانا بنته.. مايستحي كلش..

ضحكت موضي :تستاهلين.. يومك بتروحين العرس.. كان جبتيهم عندي..
سلمى:والله استحيت على وجهي.. شايفه وضعك وهمك.. الا وش العلم عن ولد عساف..
تنهدت موضي:اموره ان شاء الله طيبه.. نكلمه ويسولف.. مطير قلوبنا ياسلوم.. ومهره عاد اللي زين مايطير عقلها.. ماغير شارده.. تحاكيه وتضحك.. ومن تسكر.. يتبدل حاله.. الله يربط بعقلها.. ويعقل على اللي في بطنها.. مضيقه صدورنا والله..
سلمى متأثره:سبحان.. اللي سخرها له.. صدق الأم مب اللي تولد.. الله يصبر قليبها..
موضي بتنهيده :اللهم امين..
لحظة صمت قالت موضي بعدها : مالهم حس البنات.. نايمات...؟!
سلمى:لاا.. احنا يالله اقنعنا.. التسلب ابوهم.. ماطلع ابهم بذيك الليول.. والحين من الصبح.. رايح بيته بهم.. مع نونا.. يبيها تنظف في البيت يقول لاينهجر..
موضي :هييييييه ياسلوم.. الله يرد راعية البيت له.. يا ان حال شاهين والبنات غابني..
سلمى:الله يسمع منك ياخيتي.. الله يسمعك منك..!

شوي الا غيرت سلمى الموجه:اسكتي.. البارح.. الهرشه عاليه.. مسويه تكميم..
موضي:احلفي.. وعساها ضعفت..
سلمى :والله راح نصها.. وصابغه الاشقر والثلجي وحاشه شوشتها.. مثل الصبيان.. صايره بعمر العشرين..
موضي:اجل محميد بيخق..
سلمى:ويه مالت عليها وعلى حظها.. هي ماحورفت الا يوم اعرس عليها.. عشان تقهره.. وهو ماغير خامر مع هالمصريه..
موضي تضحك:يحن يحن.. وبعد لاشافها.. تزهزت.. عاد مسكينه عاليه قلبها طيب وفضيخ..
سلمى :والله اتمنى ذلك.. هي ماخرب عليها الا قلبها.. اجل امس بس طقوو.. حبك ذبحني محمد.. رقت على المسرح ترمح.. مااش.. ماجازت لي..
ضحكت موضي :تحبه.. شدراك انتي..
سلمى: حبتها القراده.. وش فمحميد ينحب.. لازين اخلاق ولا شكل. ولاماده.. مايذكرني الا با****..
موضي تضحك وزين ماشرقت بالشاي:
حسبي عليك ياسلوم.. بسك قرض بالاوادم..
وراحت سلمى.. تعطيها احداثيات الزواج بالتفصيل..!

*****



في بيت شاهين..
البنات يراكضون ومبسوطين في البيت.. بعد غيابهم عنه..
والخادمه تشتغل وتنظف الغبار..
وشاهين.. جالس في الصاله ومشغل مسلسل اجنبي.. يتابع..!
كان شارد ولامركز.. بعد حادثة ديم.. حس ان شعور بداخله.. ضد جمان..
حس وده يطحنها.. يذبحها.. لاامه ولاموضي مسئولين..
جمان اللي رمت كلشي ورى ظهرها واهملت الكل.. اسلوبها اناني.. وحقير..!

وبين سرحانه والغضب بداخله..
جاو بيان وديم ويتلاحقون.. والشغاله تصيح وراهم..
اللتفت عليهم.. وانصدم لما شاف ملابسهم كلها الوان... وجبيرة ديم كلها ملطخه وهم يضحكون..
صاح فيهم.. بغضب هايل من فكرة انهم خربو شي من لوحات امهم.. :بيان.. ديم.. وش ذااا..
وقفوا ثنتينهم.. وهم يكتمون ضحكاتهم..
نونا :بابا.. هذا بيان وديم.. سوي خراب غرفة مدام جمان..
تركهم وركض لمرسمها بسرعه..
ودخل.. لقاهم كابين الالوان.. وماسكين لوحه فاضيه عاجينها.. ولاعبين في لوحة ملاحظات.. شايلين الدبابيس من نوتات وصور..
شاهين.. بربكه وعصبيه يرفع الالوان.. ويلملم الفرش.. ويشيك ع اللوحات اللي ع الارض لو صادهم شي..

ونونا جات.. بنب وفوط تنظف :سوري بابا.. انا فوق مافي شوف بيبي..
شاهين يرفع الورق والصور ويرجعها بلوحة الملاحظات..
وبيان وديم..
جاوو وهم يتأسفون.. :اسفه بابا.. احنا نلعب..
بيان :نبي نرسم زي ماما.. اسفين بابا..
وراحت تشيل صورة من الارض.. وتتملغ على ابوها اللي مو راد عليهم.. :شف بابا صورة ماما معها صديقتها الحلوه..
شاهين.. سحب الصوره.. وبزمره:بيان اطلعي مع اختك.. لاشوف وجهك..

وتوه بيعلق الصوره.. انتبه ان في شي مكتوب وراها..
كان مكتوب..
*اورتساي - ايطاليا..
مع اخت لم تلدها امي.. عندما تختلف الجنسيه والديانه.. ويظل يجمعنا الوفاء..
في ضيافة صديقة عمري.. راشيل كرو.. وحاطه تاريخ..
والواضح ان التاريخ.. بايام دراستها بايطاليه..*

فهى شاهين وهو يكرر قراءة المكتوب..
وكأن بين الزحام.. وبين الضيق يخرج الله فرج..!
اتصل على واحد.. رد:
قصي.. قرية اورتساي بالشمال الايطالي.. في عليها طيران داخلي ولاكيف..؟!
قاله قصي خط السير وان اغلبه بيكون سياره.. في ريف الشمال..
شاهين :طيب تمام.. احجز لي اقرب شي..
قصي:ايشبك.. البارح جيت من روما.. حُط لك خيمه بايطاليا وخليك فيها..
شاهين :اقصر الهرج ياقصي ابا اروح راكب.. مابي اروح بدوام..
قصي :افففف..
شاهين.. :وضبط اجازتي حق السنه.. لاني مادري متى بخلص من شغلتي..
قصي :من عيوني التنين..
شاهين :تسلم لي ياغالي...
قفل.. وهو يطالع صورة جمان.. اللي تجمعها براشيل.. بمكان ريفي..!
..........
زينه كانت في غرفتها..
وترتب بعض المشتروات.. اللي خذتها حق جهازها..
ابتسمت وهي تناظر قميص نوم واحمرت.. : ياحليلك يانواف..
كانوا يسولفون مع بعض بالجوال..
وزينه تختار شغلات من موقع تسوق..
وراسله جزمة توريها نواف اذا حلوه..
شوي الا رسل لها رابط.. وكتب ذا حلوو..
كان راسل..
القميص هذا..
يومها كانت بتموت ضحك من الاحراج.. بس تماسكت :
شكلك دخت مع هالعارضه..
نواف :عليك بيطلع احلى.. اطلبيه..
زينه ضحكت :لا مابيه..
نواف:هين..اكسري بخاطري..

طلبته وهو مايدري..!

جاها اتصال:هلا جديده..؟!
صبحا:ها تعشتي..
زينه وهي ترتب الشغلات:ايه الحمدلله..
صبحا: اقفلي البيبان عدل ولاتفتحين لاحد..
زينه:جديده ماهنا الا الخير.. انتي انتبهي لخالتي رحمه.. وعظمي لها الاجر..
صبحا :ليتك جايه كان ابرد لي قلب.. بقعد احاتيك..
زينه:يوووووه.. ياجديده.. ترى عيوش هنا..
صبحا:عويش مندعسه مع رجلها.. بدويرتهم اخر المزرعه.. والله لو يصير لك شي ماسمعتك..
زينه بطفش:ياربي جديده.. شهالفال.. خلاص روحي.. وسلمي عليهم..
وقفلت منها..

وهي تتحلطم..
ياخي وش فيهم.. كانت مكلمه مهره من شوي.. وقالت لها ذيك.. (ياخبله.. انتي تدرين.. ان مضاوي بنت خالي فلاح.. مقطوع سرها مع هاله اخت عبد الاله.. والله تقول يمه انك ماجيتي العزا.. وانك لحالك ويجيك.. الكلب.. ماهو مهدد ينتقم منك..وترى هاله شايله عليك بقلبها)
زينه قالت لها يوووه انتي خيالك واسع.. خلاص قضينا منه الله لايرده..)..

شردت وهي تتفطن بكلام مهره.. وتتعوذ من الشيطان..!..
ناظرت الساعه وحده بالليل..
فجأه اسمعت صوت يخرش عند نافذتها..
ارتجفت برعب..
وهي تقوم تتأكد من النافذه.. كانت مقفله.. طلعت من الغرفه.. وتأكدت من باب الصاله.. ماكان مقفل.. بسرعه قفلته.. كم قفله.. وراحت تتأكد من النوافذ..
وهي تتحلطم برجفه.. :حسبي الله على شرك يامهير كانك جبتي لي الوهم..
وتوها بتتحرك بترجع لغرفتها.. الا حست شخص يسحبها.. ويسكر فمها بكفه.. ويمنعها.. انها. تصرخ..
توسعت عيونها.. برعب.. وحست انها النهايه..
........
بلندن..
مشاري مع عزيز وحسين وياسمين..
كان يقول :
كذا فجأه تبي تكوش عليه.. هي لو بودها.. مايتصل على مهره..
حسين:شوف صاحبي.. الطبيعي هيج.. سما كانت تضن ابنها مات دون تشوفه.. فجأه يطلع عايش.. يعني هي زين ماتحوطه بقرشه وتناظر فيه..
ياسمين :بس سما.. من وجهة نظري.. ماهي عارفه كيف تتعامل معه.. سيف باين ذكي.. وترى تصرفاته ماهو عشوائية.. يعني اهنيه.. على اخفاءة لصوتيات مهره.. لان في شي بداخله كان مقتنع.. ان ممكن احد يحرمه منهم..

مشاري :والله ياان هالسيف ياخذ القلب.. يعني احنا تعلقنا فيه.. كيف هي..
حسين بدفاع:هذا الولد مال مهره.. مو مالكم.. لاتتعلقون بزياده فيه.. بكره تسوها قضيه ان احنا احق فيه..
عزيز:انا اصلا ً اشوف الوضع اللي صار ماله داعي.. سما المفروض تصرفت بعقل.. وخلت الوضع مثل ماهو.. واذا اللتقت بسيف.. تخلي هالامومه ذي بداخلها.. اهم شي هي مطمنه عليه.. وذا شي ابوه يبيه.. عساف كان عنده بعد نظر..
مشاري بنص عيون :قصدك ان اختي فاشله..
ياسمين :انا فهمت وش يقصد عزيز.. سما نفسيتها مو مستقره.. واذا دخلت في مجال العمل تشوفها ماتشوف الا العمل.. يعني انت تقول انها راجعه للصحافه.. لو تعمقت مثل اول.. نقوول لسيف *وبتلحين* (سلم ع الشهده اللي معاك) ..
وقامت تضحك..
مشاري يتصنع الغضب.. يمسك رقبتها.. :
ياسمين ماسمح لك ياتبن.. الا سما عاد..
تبادل معها..
نظره..
ولتبتلعه غابه ياسمين الغريبه.. وهي تبتسم..
ارتبك.. وترك رقبتها..
وضرب الطاوله:ماصارت عشى.. بطني يغرد..!
........
بيت راجح..
سما بعد محاولات فاشله لاسترضاء سيف.. جلست بلابتوبها فوق تشتغل..
وسيف ظل بالصاله تحت يتابع افلام كرتون بالتلفزيون..
راجح جاء وشافه بالصاله..
جلس.. يتصفح كتاب وهو يمه..
خلص الكرتون.. وانقلب سيف لان منسدح على الارض..
والكلب الكبير قريب..
ظل يناظره..
وكالعاده قام يحاول يلمسه ويبعد يخاف..
وراجح ملاحظه الى الان مو جارع لان الكلب ضخم..
ترك الكتاب..
وقام له.. :تعال جدي.. المسه.. مايعض..
سيف يضم يده :حووف شكبره..
راجح نادا الكلب.. وقف قريب.. منه.. ولمس راسه.. :شفت مايسوي شي..
سيف حاول يجرب.. بس يبعد
ويمد يده..
ويوخرها..
الا فجأه نبح الكلب في وجهه..
سيف برعب وهلع.. يدخل في صدر راجح :
الله لعنه.. حوفني (الله يلعنه خوفني)..
راجح بضحكه.. صافيه.. شاله.. :
ماااش ياولد.. طلعت خواف..
سيف :
انا مااحاف.. اركب صان.. والعب مع الدجاجه.. وحلوف.. وعندنا قطاوة.. وسلحفاه.. بس كلب شالي حوف..! (بس كلب مشاري يخوف)
راجح.. وقلبه.. يعصيه.. ويندفع لهذا الطفل..
جلس وخلاه بحضنه..
وظل يسولف معه وراجح..يسمع له ويسولف..
سما طلت من الدرابزين فوق تبي تطمن عليه..
شافته كيف قاعد مع ابوها كذا.. وابتسمت..
كانت الصوره جداً شيقه وجميله..!


.................


اتمنى البارت نال على اعجابكم ورضاكم ..
بنتظار تعليقاتكم ..
قراءة ممتعه....

[فيتامين سي]

الذين يشاهدون محتوى الموضوع الآن : 65 ( الأعضاء 12 والزوار 53)
‏فيتامين سي*, ‏mansou, ‏ايمان يوسف., ‏ghdzo, ‏Sheraz, ‏Rickytoka, ‏جو_الحربي, ‏شاكرة, ‏طوطه, ‏صمت الهجير, ‏الياسمين14, ‏عزة عبد الحليم


قراءه ممتعة لكم ........ وردود ممتعة لنا ....... وللغاليه ايمان .........

[mansou]

يا ربي وش هالحزن الموجود في هذا الفصل مهرة ماتستاهل ابدا

[mansou]

اعتذر تعليقي كان على الفصل السابق ماكنت اعرف انو الفصل الجديد نزل

[هند .ربا]

ايمان وش هالبارت اللي يحرق القلب
ياخوفي عبدالإله هو اللي جاء لزينه حسبي الله عليه😭😭😭😭وربي خرشه جعله الموت
مهره تقطع مره بس هذا الواقع
ننتظرك على خير

[قلب لايصدأ]

مساء الخميس الونيس
هذا بارت الاحزان مع ابتسامات خجوله
♥♥ايمي جربتي الفقد من قبل؟
ياختي ايش هذا الابداع وصفتي حالة مهره وسيف وجمان وشاهين وزينة وحالها اذا انتِ جربتيه فانت وصفتي من عمق المعاناة وان كان ماجربتيه اهنيك على هذا الوصف المبدع.
🥺مهره وحزنها على سيف حيل موجع مااقدر اعيد وازيد فيه 😢
🤔سما وسيف ماادري يتاقلم معها اولا مبدئيا متقبلها لكن ماادري اتوقع بيرجع لمهره وتكون بينهم زيارات بس لان سما متذبذبة.
😉😉حلو حلو شاهين لقى اول خيط عجزت وانا اقولك خليه يوصل لها حزنت على جمان واللي جاها من شاهين لكن مصختها والله .
😱😱زينة وياخوفي انه عبد الاله مراقبهاوهو اللي ماسكها يبي ينتقم منها ويغتصبها عشان ماينفضح خاصه انه تعالج 😭😭
تكفين الا الزينة لاتحرقين قلوبنا عليها يكفي مهره😭
دمتي برد☘

[قلب لايصدأ]

المشاركة الأصلية كتبت بواسطة قلب لايصدأ

مساء الخميس الونيس
هذا بارت الاحزان مع ابتسامات خجوله
♥♥ايمي جربتي الفقد من قبل؟
ياختي ايش هذا الابداع وصفتي حالة مهره وسيف وجمان وشاهين وزينة وحالها اذا انتِ جربتيه فانت وصفتي من عمق المعاناة وان كان ماجربتيه اهنيك على هذا الوصف المبدع.
🥺مهره وحزنها على سيف حيل موجع مااقدر اعيد وازيد فيه 😢
🤔سما وسيف ماادري يتاقلم معها اولا مبدئيا متقبلها لكن ماادري اتوقع بيرجع لمهره وتكون بينهم زيارات بس لان سما متذبذبة.
😉😉حلو حلو شاهين لقى اول خيط عجزت وانا اقولك خليه يوصل لها حزنت على جمان واللي جاها من شاهين لكن مصختها والله .
😱😱زينة وياخوفي انه عبد الاله مراقبهاوهو اللي ماسكها يبي ينتقم منها ويغتصبها عشان ماينفضح خاصه انه تعالج 😭😭
تكفين الا الزينة لاتحرقين قلوبنا عليها يكفي مهره😭

دمتي برد☘

دمتي بود (خطأ غير مقصود)

[Maha bint saad]

ايمان وش ذا البارت 😭 قطعتي قلوبنا على سيوفي …

ياعمري يامهره تكتم لين ارتفع عندها الضغط وارعفت دم من خشمها 💔

القفله اليمه … يارب مايكون عبدالاله 😭

ان شاء الله يكون نواف ومسوي فيها مقلب …

[زهرة اللافندر العطره]

ابدعتي رائعه سلمت اناملك