آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-02-21, 05:53 PM
| #381 | ||||
 
|  البارت السادس والعشرين مهره بعد مكالمتها من زينه.. كانت ختمتها وهي على اخر درجه..وهي تقول(انا اكلمها واعزيها.. الله يصبرهم.. انتبهي لحالك واذا عيوش مانامت خليها تجي عندك..).. في الصاله كانوا سيف ونواف وفارس.. سيف:وش صاير من متوفي.. مهره:اخو زوجة خالي فلاح.. وجديده رايحه عندها.. وظلت هناك.. عشان تكون حولها بايام العزا.. نواف عقد حواجبه:زينه معها..؟! مهره:لاا.. هذه اشغلتني الله يهديها.. ماراحت.. ماتبي تصادف.. خوات عبدالاله وامه.. نواف بعصبيه :تستهبل.. طيب ليش ماقالت لي اتصرف.. ماتوب اختك.. الحين ابن الكلاب ذاك جرع وصل لها هنا ببيتنا.. نواف بانفعال وهو يوقف: من جدها.. وش قعدها الحالها.. سيف:يارجل.. وهو وش يدريه انها لحاله.. اقعد بس.. الدنيا مو فوضى.. مهره:والله الوضع وضع انو ممكن يدري.. لان عزا بالعايله.. ولو وحده من خواته بتقول زينه ماجات.. هوبا بيدري انها بالمزرعه.. نواف.. شال مفتاحه.. وجواله :الله يلعنه.. سيف بدهشه:وين..؟! نواف:بروح لها.. بس مهره لاتقولين لها شي ممكن.. مهره ابتسمت:ممكن..! فارس بضحك:يلعن ابوو الحب شيسوي بالواحد.. خلاهم نواف وطلع.. مهره:ياحليل نواف.. والله شكله صدق حب زوين.. سيف وفارس تطالعوا.. مهره:شهالنظرات.. وش فيكم.. فارس :نخاف نقولك وتفتنين..؟! مهره بتسائل:وش.. قل فارس.. سيف باسترخاء:ان درا عمك بيعلقك.. ويصلخ جلدك.. ضحك فارس:والله لساني ياكلني.. مهره بقولك.. بس امانه ماتقولين لزينه شي.. مهره :اييييييه..؟! وخر لها فارس.. كلشي يعرفه عن حب نواف لزينه.. بالزمان والمكان وكلشي.. ومهره مصدومه.. من هالحقيقه..! : طيب ورى مايقول لها.. سيف:على قوله لغايه في نفسه.!. ****** توسعت عيونها وتبي تصرخ.. وذراعه القويه تحوطها.. همس في اذنها : انا.. يافالحه.. انكتمي ولاتصرخين.. وشال كفه.. وهي بذهول :نـ.. نواف..! هدها.. والتفتت عليه وبصياح:خبل انت.. بغى قلبي يوقف.. ورب الكعبه..يبست.. نواف بانفعال:ودامك خوافه وماتعرفين تتصرفين.. وش مقعدك لحالك.. زينه بانفعال:عاد وانا وين قاعده فيه ترى بيتنا.. وترى مالك اي حق نواف تدخل بهالاسلوب وترعبني.. نواف واللي كان معصب اصلا منها: والله ترى بنفس الاسلوب اللي انا دخلته.. ممكن اي احد غيري يدخل.. ترى انتوا بمزرعه.. وعندكم عزا.. ومجتمعكم صغير.. لو الكلب عبدالاله سواها وش كنتي بتسوين.. زينه وهي تتحرك بانفعال :ماراح يسوي شي.. خلصنا منه.. وانتهينا.. ذا مب مبرر لك تجي بهالاسلوب.. اففف نواف.. اففف.. شافها كيف راحت جهة كرتون مويه محطوط على جنب.. وخذت علبه فرغتها بجوفها وهي ترتجف.. وافتحت ثانيه.. ارشحت وجهها ورقبتها.. وظلت كذا سانده كفها في جدار وكنها تبي تسيطر على نفسها.. ظل يطالعها كذا.. ورحمها.. كيف خافت راح لها حط يده على كتفها: طيب زينه نعتذر.. ومنكم السماح.. بعدت كتفها.. وهي ترمي العلبه على الارض.. وتركته بالصاله.. ودخلت غرفتها.. وسكرت الباب..! ..... بعد اشوي.. راح فتح عليها .. ولقاها.. قاعده ترتب.. وتحط باقي الاكياس في الشنطه بعصبيه وتقفلها.. ابتسم.. على مودها وشكلها وهي معصبه عليه.. سكر الباب.. وهو يتلفت في غرفتها.. مرتبه ترتيب.. اللي ولاغلطه مع بساطة الاثاث.. الا ان كلشي فيها يلفت الانتباه.. تركها.. وراح يتأمل في تفاصيل غرفتها وعالمها.. تأمل.. لوحات النسيج.. على الجدران.. وكلها تحمل توقيعها المطرز تحت اللوحات.. ارفف عليها شموع وكتب اغلبها انجليزيه.. وتخص الصوف والنسيج.. شال فريم من على الكومدينا.. فيه هم الثلاثه بعمر صغير.. ابتسم.. على جمال الصوره.. وكيف سندس في الوسط وتحاول تحاوطهم ثنتينهم.. شال فريم ثاني.. فيه صورة ابوهم.. الا سحبته منه: من سمح لك تلعب في اشيائي.. نواف رفع حاجب: انتي وماتمتلكين لي.. زينه بسخريه وهي تحط الفريم: ياشيخ..!! راح عند الرفوف.. : غرفتك.. تشهي للقافه.. سحب كتاب وتصفحه.. زينه بانفعال:نواف احر ماعندي ابرد ماعندك.. والله ولاكنك صفقت دمي.. جاي وتعثي بغرفتي.. بكل رواقه.. هو بنص عيون.. والكتاب بيده: ليش ماقلتي لي انك لحالك..؟!.. وليش اصلا تضلين لحالك.. زينه :ولييييش اقولك.. وبعدين ادري لاقلت بتجي.. وانت قايلي انك صاحي من خمس الفجر..ليش اشغلك واخليك تمسك درب انت في غنى عنه.. نواف بعصبيه:عنبوك قاعده بمزرعه وش كبرها لحالك.. انتي ماتخافين..؟! زينه بانفعال:وش يخوفني.. حد يخاف من بيته..! نواف انت شايف شكلك..باين عليك التعب.. لو صاير لك شي بالطريق.. جيتك كلها مافيها سنع.. نواف حط الكتاب.. وقرب منها:طيب ليه ترجفين... زينه بانفعال :ارعبتني..البيت على انو فاضي وتمسكني كذا.. شعر راسي وقف..ورب الكعبه الى الان احس الدم يغلي.. في عروقي.. كانت تتكلم بدون تطالعه.. حضنها.. وخذ راسها على صدره.. وحبه : آسف ياروحه.. آسف ياقليبي.. آسف ياعين جدي.. انا غلطت.. بس هي جات كذا يعني بفاجئك.. زينه بتنهيده.. :والله وفاجئتني.. وزفرت.. همس لها:بتسامحيني اللحين.. ولاكيف؟!.. حوطته هي بيديها.. واستكانت على صدره.. مما اثار دهشة نواف.. *اغلقت عيني.. كنت جفلت من افكار مهره.. وامكانية مجيء عبد الاله.. والانتقام مني بتفكيره المريض..! ازفر واتنهد الصعداء.. ونواف يتواجد معي كاملاك حارس يرسله ربي لي..! طوقته اكثر.. عله اكثر صدر آمن لي في الحياه.. نعم..! نواف يفرض نفسه فرضا ً على قلبي.. حبه فرض وعشقه واجب.. وكله مباح..! *. بعدت راسها.. عنه.. وراحت خذت زجاجة ماي فاضيه.. : بروح اجيب مويه.. تبي شي.. اجيب لك.. نواف :لا ياعينه ابيك انتي .. طلعت بسرعه من الغرفه.. وسكرت الباب.. نواف بعد تعب اليوم كله.. ماتردد.. انه يرمي نفسه على سريرها.. اخفى عيونه بذراعه.. *ولذة تسري في عروقي.. رائحتها.. عطرها حولي.. انتشيت لشعوري اني على وسادتها.. وألامس شرشفها.. كيف لو نمت في حضن زينه.. اففففف...! * دخلت..حطت الماي.. طالعها.. وهي احمرت وهي تشوفه متمدد مكانها.. رفع حاجب: لاطالعني كذا.. مثل ماخليتك تنامين في غرفتي.. لازم تستضيفيني بغرفتك.. زينه : يالله بدينا.. في حركات البزارين.. نواف:والله مانام في الليوان.. مانام الا على فراشك.. زينه : خلاص انا بروح غرفة مهره.. استعدل:عاد كذا بعتبرها طرده.. جلست ع طرف السرير..:خلاص نواف نام وريح شياطينك.. حط كفه تحت راسه:تصدقين طار عني النوم.. انتبه لصندوق خشب على كومدينتها.. مغط عمره واسحبه:الله شهالانتيكه.. وحطه قدامه.. يتفحص الزخارف.. ابتسمت:ابوي كان جايبه من تركيا..وتراه قديم.. النقوش اللي عليه عثمانية.. نواف فرك يدينه ببعض.. :اكيد فيه مقتنيات.. افتحه.. وهي تطالعه ورافعه حاجب.. لقى تجراف قديم.. ورسايل ورقيه.. وشعر.. ملفوف بطريقة انيقه ومربوط بشريط احمر.. شاله كان اسود.. ولقى تحته نفسه اشقر.. نواف: شعرك..؟! ابتسمت:ايه.. وذاك شعر مهره..مصيبتنا في متوسط..كنا نشوف قصات البوي في المجلات ودايخين عليها.. قصينا لبعض..وجبنا العيد.. خبينا شعرنا بالعشه..عن جديده.. وصرنا دوم لابسين قبعات.. ودرت جديده من تالي.. ياهي جلدتنا يانواف.. الله يرحم ابوي.. جا وهي تهوشناا.. ومارضاا وتهاوش معها.. تعرف وش سوا..؟!.. نواف :وش..؟! زينه شردت:حلق شعورنا.. ورتبها.. بالمكينه.. لان كان الوضع شي طويل شي قصير.. والله ياجديده كان بيوقف قلبها وهو يحف عند اذانا بالموس.. ضحك بصدمه:من جدك.. مدت يدها داخل الصندوق.. وطلعت مجموعة صور.. دورت بينهم.. وطلعت وحده.. رفعتها له.. هي ومهره.. بقصات ولاديه خفيفه وثقيله من فوق .. وحلق في اذانهم.. توسعت عيونه.. : اجراااااااام.... زينه:حلو صح..! خذ الصوره من يدها.. :شف وقفة الثقه.. ايش هالصياعه يابنت.. ضحكت:والله طول بسرعه.. بس كنا حبينا الوضع.. وقلنا لابوي يسويه لنا من جديد ومارضا.. نواف يطالع الصوره.. ويطالعها : زينه.. ورب الكعبه.. تاخذين العقل.. عضت شفتها ونزلت عينها..!! في تلك الليله.. تسامرنا.. لم امنعه من تقليب اشيائي واسراري.. وذكرياتي.. تصفحنا دفتر ذكرياتي القديم.. وكتابات صديقات المدرسه.. ضحكنا..حتى الهسترة.. على سذاجة العبارات.. وغزل الطفوله.. وعلى كلمة (اكتب لك بالمقلوب ليدوم الحب في القلوب).. (واكتب لك بالرصاص ليدوم الحب والاخلاص).. والكلمه اللتي تواجدت في اغلب الصفحات.. (الذكرى ناقوس يدق في عالم النسيان)..! رسائلي مع خواتي.. اغلبها رسائل اعتذار.. او مخططات شيطانيه..!.. او طلبات.. نسردها انا ومهره.. لسندس.. لتكون المتحدث الرسمي مع جدتي..!! اول رسالة حب تلقيتها.. كانت.. من احمد اخو صديقتي دانه.. قرءنا الرساله معاً.. كيف كان يعدني بالزواج.. وانه لن يتزوج احد غيري.. كيف يصفني بالاميره والجميله والسندريلا.. كان احمد حين ذاك في سادس.. وانا رابع..!. تزوج احمد.. ونسى وعده.. من طالبه سعوديه.. درست معه في كندا..! ضحكت:الكلب عشمني.. وراح لغيري.. ضحك :ياكلبه.. وتقولينها في وجهي.. زينه افرطت من الضحك.. :انت شايف القلوب اللي راسمها.. يحق لي.. اتعشم..! نواف طالع القلوب المسروده على السطور هز راسه:ماقول الا ليتهم ارقدوا.. زينه:حرام عليك.. الولد عويشق وحبيب..!! نواف بنص عيون.. يطالعها وهي تضحك.. دااااخ خلاص.. وقام يلعن الشيطان.. قام يلملم الاشياء .. :طفي النور.. خلاص وصلت من النوم.. شالت الصندوق رجعته مكانه:نومة العافيه.. قصرت النور وهو انسدح.. وانقلب من الجهه الثانيه.. وقلبه يخفق.. وزينه وقربها.. خطر.. ظل مغمض.. ويحصي تحركاتها.. ويخمن بتظل ولا بتطلع من الغرفه.. كانت تطقطق بجوالها.. ظلت كذا.. بعدين.. حس فيها وهي تغطي الشمعات العطريه وتطفيها.. وهي تشيل الشاحن.. زينه من صمته وسكونه فكرته نام.. النور خافت.. وشيطان نواف صاحي.. فتح عيونه بخفوت.. وهي تشيل بلوزتها .. *انفرط عقد نبضي.. ضجيج في كياني.. لايهدء.. ارقبها وهي تستبدل ثيابها.. وترتدي قميص ناعم ومريح.. توزع عطرها في معصميها.. وعنقها وعظمتي ترقوتها..!. ويرتفع ضجيجي اكثر..! هل سأعدي هذه الليله سلاماً.. ام سأضرم ناري واحرق غزالتي هذه..!! شعرت بها تجلس ع الطرف الاخر.. تسائلت.. هل ستثق.. وتنام بجانبي.. ام تخرج وتنزوي في مكان لا اصله.. لكنها فعلا ً استلقت.. وهاهي تسحب جزء من البطانيه.. لتدخل فيها.. وتلامس اقدامها اقدامي.. اثنين وثالثنا يجلدني.. انها زوجتي.. ولست ملام.. كنت سألتفت.. وآخذ منها كل شي اشتاقه.. كنت سأقتل البدايات اللتي تخافها..سأخطوو خطوة عنيفه في علاقتنا.. وقد امزق ثقتها.. .. لن احتمل.. في النهايه انا رجل.. ورجل قد عثى العشق فيه وارهقه..! لكن قبل ان افعل.. توقف فيّ الزمن.. وزينه تتسلل الى ظهري.. كاوزخزة ابرة.. تجلعني استفيق.. من وسوسة ماأنا كنت مقدم عليه.. تضنني نائم.. تتسلل الى كلي بحركات حذره.. تدس ذراعها تحت عنقي.. والاخرى تحت ذراعي.. وكفوفها على صدري... انفاسها تلهب عنقي.. ومافعلت كل هذا الا ضنها اني نائم ولااشعر.. ثقتها تربى وتكبر..! الجمت نفسي هواها.. يكفيني.. اننا نتقدم.. في غرفتي.. نامت على الكرسي.. واليوم بجانبي.. والقادم مع زينه اجمل..! تشبهين الطهر بايام الطفوله والصباح بوسط الاحياء القديمه ******* في الطياره.. وبادرجة رجال الاعمال.. شاهين يجلس.. ويرتب وضعه.. مضيفه تضحك:اووه كابتن.. هل يعجبك الذهاب كاراكب..غير لائق بك ابداً.. ضحك وهو يشيك.. على الخدمات حوله: لأقيم خدمتكم للركاب كاترين.. مر الكابتن خلدون:ياواد قوم ع الكبينه.. شكلك غلط هينا ياشيخ.. شاهين:اعتقني ياخلدون.. الرحله هذي محتاج اريح راسي.. اصلاً مافيني اركز في شي.. خلدون:انت ادرى بوس.. وتركه وراح.. كاترين:اي خدمه كابتن.. ابتسم:لنقلع.. اولا ً.. ثم امتنحنكم جيدا ً عزيزتي..(وغمز بعينه).. ضحكت وراحت.. شاهين.. كان متوتر.. واعصابه تتواكل.. وكان الطاقم كل شوي حد جا يداعبه.. ويمازحه.. وهو مب حوول شي..! فتح كتاب.. جايبه معه.. وبداخله صورة جمان وراشيل.. يحاول يرتب افكاره.. يرسم خطة.. بحث في القريه.. وده الساعات تطوي ويوصل بلمح البصر.. غاضب منها.. ومشتاق.. عنده كلام كثير..! عنده عتب.. وعنده توضيح.. وعنده زعل.. وكم هائل من الشتايم والسب.. تنهد بحرقه: اللهم هون علينا سفرنا هذا واطوي عنا بعده.. اللهم انت الصاحب في السفر.. والخليفة في الأهل ،اللهم اني أعوذبك من وعثاء السفر ،وكابة المنظر وسوء المنقلب في المال والاهل". ظل يردد دعاء السفر ويستودع بيان وديم.. ويستودع جمان..! ولاعلم له بقطعه من صلبه.. تنتظره.. لايدري عن فهد.. ولا حتى لديه اي تخمين..! عندي عشم مثل الكفوف الباردة ورا الهشيم عندي أمل مثل الندى فوق الغصون اليابسة ****** في الصباح بيت سعود.. بيان:لاخالي مالبس بدلة العمل.. سيف يتقهوى:غريبه على شاهين.. بالعاده لو بيسافر.. من غير عمل يقول.. فارس:شكله لقى له وحدتن شق ورايح يعرس عليها بدال جمان الجحود.. سيف:عمتك يا **.. ماتستحي.. فارس :وانا صادق.. انا لو حرمتي تسوي لي كذا اخلعها.. ضحك سيف:انت تطلق.. هي تخلعك.. مهره.. واللي مبسوطه ببنات جمان.. ضحكت: علمه على مصطلحاتك يابو ماضي معفن.. سيف يضحك: اشتقت لهالسوالف.. مهره بتهديد:هااا سيف هاااا... ضحك وهو يقرص انفها:فديت خشيمك.. اللي ختم علي كل شي.. ماعاد بعده احد.. ديم جات.. بعد بحث:وينه حبيبي سيف.. ابي العب معه.. انخطف لون مهره.. وحاولت تبتسم: رايح عند خالته.. كم يوم ويجي.. وفارس شال ديم في حضنه.. ويبي يغير الموضوع: وش هالالوان على جبيرتك.. ليش وسختيها من اول ليله.. ديم تتكلم بانفعال: لعبنا في الوان ماما.. وبابا.. هاوشنا انا وبينون.. والله فارس قام مايكلمنا وقال قلعوا بره.. ضحك:قال لكم انقلعوا.. قلعتكم.. ليش تلعبون باغراض امكم.. بيان اللي كانت شارده.. قالت:مسكين سيف صار ماعنده ام زينا.. اكيد قلبه يبكي.. زي انا وديمي..احنا كلنا مسكينين.. ! لحظة صمت تعلقت عيونهم في فم الصغيره.. وجملتها اللتي كانت ناعمه كالسكين.. قاتله كالسم..! ******* رن جوال نواف.. حاول يتجاهله.. وهو غارق في النوم.. فتح عيونه بخفوت.. وبينقلب ياخذ جواله.. وتنبه لثقل على يده ماهو معتاده.. ابتسم.. وزينه نايمه في حضنه.. مندسه في صدره.. كنها طفله صغيره.. :اففففف.. يالله الجنه.. اصر المتصل.. راح سحب ذراعه.. وانقلب للجهه الثانيه.. توعت زينه مع حركته وصوته: هلا مها.. مها:صباح الخير.. هو :صباح النور.. مها:يوووو نايم.. آسفه نواف ع الازعاج.. بس الساعه تسع.. فكرتك صاحي.. نواف:ازعجتيني وخلصتي.. وش بغيتي. مها:ملف الفواتير.. اللي سلمها المقاول امس.. انت خذته.. ابيه عشان اوديه المحاسبه نخلصه.. نواف:ماهو عندي..خذه هادي.. وترى شوفي في غلط في اسعار الحديد.. كلمو علاء يتأكد.. عنبوهم كل ذا ضريبه.. مها:ترى في ضريبه ١٥ بالمئه.. ممكن تكون هذا سبب الزياده.. نواف:لا.. مستلمين الحديد قبل تطبيق القرار.. لايقعد جمال يسوقها علينا.. تأكدوا.. قبل التحويل.. مها:ابشر.. انا اشوف الوضع.. نواف:عساك ع القوة.. وقبل يسكر:ايه مها.. لاخلصتوا موضوع الملف اخذيه لابوي يوقعه.. تراي ماوقعته.. لاني شككت فيه.. ضحكت:ياخي مافيه ثقه بالموظفين.. جمال سنين.. يشتغل مع العم بوسيف..مستحيل زايدها من راسه.. نواف:انا عاد كذا اشك حتى بثيابي.. تأكدي.. وارسلي لي ع الواتس العلم.. مها:ماراح تداوم..؟! نواف:لا... ابوي عنده خبر.. مها:تمام.. في امان الله.. هو:في امان الكريم.. قفل ورجع الجوال.. اللتفت على زينه.. اللي تطالعه نظره غريبه.. ارتفعت حواجبه:من متى صاحيه..؟! قامت من الفراش وهي تقول بتهكم :من الوو مهاا..؟! (قالتها بتقليد).. ضحك وباستغراب:وش فيك تقولينها كذا..؟!. تراها موظفه عندنا.. لملمت شعرها :والله حتى لو انها مديرتك في الدوام.. وش هالوقت الغلط اللي تتصل فيه.. وبعدين اتوقع.. ان ماحد له حق انه يسمع صوتك اللي توك قاعد فيه من النوم.. الا.. زوجتك..!!! توسعت عيونه وبضحكه.. وهو واقف قدامها: ليتك يامها داقه من زمان..؟! اسحبت منشفتها الصغيره.. ونفضتها بقوه.. وهي تعطيه نظره معصبه.. وتتركه وتروح دورة المياه.. نواف بخرفنه: يااااعمري.. وش هالوجه الجديد.. ***** بعد اشوي زينه معه بالسياره.. قالت: طيب انا مشتهيه تميس بالسكر.. كيف..؟!! نواف.. بنظاره شمسيه.. اللتفت طالعها: هالحين انا بفطرك بره.. عشان اراضيك.. تبين تميس.. زينه:عادي يعني.. مو لازم الفطور يكون كونينتال.. عشان نتراضى فيه.. ممكن يكون تقليدي.. وحسب مشتهى المعده.. وبعدين لازم نتشارك فطور بوريالين قبل نتشارك فطور بو مية ريال.. ولا..؟! نواف :ماااشي تميس.. تميس.. وتبين معه فول..عدس.. عريكه.. شي.. زينه:لااا ماحبه.. بس خبز.. وبدليك مطعم ثاني ناخذ منه معجنات.. وحمص.. نواف مستمتع حده.. وزينه تقول : روح يمين.. هناك ذيك البناية في خباز التميس اللذيذ.. *نزل نواف.. وانا ارقبه.. واغازل جاذبيته.. داخلي.. شكله الواضح.. وهو يزاحم الزبائن المتواضعين من عماله.. وبسطاء.. ويطلب لي مااريد.. ابتسمت..وقلبي يخفق سعاده في صباح اصحو فيه.. معه.. وعطره عالق في اوردتي.. وصوته يعثو بعقلي.. ظللت ارقبه.. واحصو تحركاته.. حتى خرج.. بكرتونه.. فوقها الخبز.. * جاء جهة بابها.. وافتحت له.. حط الخبز الحار في حضنها.. وبخفوت يداعبها وهو يقرب من وجهها: ماقول الا ليتني.. تميس.. وتشتهيني.. شهقت.. :نووواف..!!! ضحك.. وهو يطلع ويسكر بابها.. ويركب..! هناك.. قريب.. كان شافه وهو يدخل المخبز.. واعرفه.. ظل ينتظره بالسياره.. ونيته له قشره.. شافه وهو ينحني عليها ويضحك.. واشتعل.. احترق.. كان مريض بالغيره عليها وهي عنده.. كيف وهي مو في يده.. كيف وهو يملكها شخص ثاني.. كيف ونواف يهمس ويضحك.. ويقترب كذا.. منها..!!!! ***** في حدث غير متوقع.. نازل يجيب مشروبات للفطور.. من بقاله ... وهي بالسياره.. وكانت تحط اغاني وتختار.. ومبسوطه.. وتدندن..!! لما انفتح باب السياره.. وسيل من الشتايم اللي ماتنقال.. وهو يمسك معصمها ويحاول يسحبها..وكأن زوجها الى الان.. وشايفها تخونه مع خويها.. زينه برعب.. تحاول تتشبث بأي شي:هدني يالمريض.. اتركني.. وكانت تصرخ وتنادي (نواف).. عبدالاله:نستك النعمه انا.. ساكبه بسيارة هالـ****.. وتجولين بالديره.. يالـ*****. زينه:زوجي ياحيوان زوجي.. اتركني.. لاتفضحني.. الله ياخذك .. قدرت توصل للهرن ودعست عليه.. بهالحظه كان نواف طلع.. انصدم وهو يشوفه يسحبها كذا.. زي ماكان يسحبها عند بيتهم.. كانت مو في ذمته.. وبغى يذبحه.. كيف الحين.. خلال ثواني نواف كان يضربه بجنون.. يضربه بنية القتل.. كان مو مستوعب.. وهو بحالة هستيريا.. وهو راميه ع الارض.. ويركله..وينهال عليه بسيل من السب والقذف والشتايم..!! وعبدالاله اللي ببداية الهوشه كان طلع سكين.. وحاول يطعن نواف.. تحرك وانجرح ذراعه جرح شطوله.. وزينه تتمسك فيه وهي تشوف الدم في تشرته.. وحالة عبدالاله اللي اعجنه: لااايموووت خلاص تركه.. لاتبتلي فيه.. نواف.. خلاااص... فيه مجموعة رجال.. جاوا وحاولوا يفكونهم.. نواف بعد عنه.. بعد ماتقدم رجال كبير في السن : ياولدي.. انا في وجهك لاترد هالشيبات.. خله.. هو غلط واحنا شهدنا..والعذر منك ومن الشيخه.. زينه اعرفته.. :ياعم عبدالرحمن.. تكلم مع ابوه كانك تمون عليه.. يفكني من شره.. انا حاشمه الدم اللي بينا.. ومابي اقطع المواصيل بشكوى وسجون.. الشايب:على هالخشم..وامسحيها بوجهي.. والله يرحم من رباك.. وانت ياولدي.. تعوذ من الشيطان.. وبعض العقول ترفع وكبر عقلك عنها.. نواف.. كان من الغضب.. مو عارف يرد رد عدل.. مسك ذراع زينه.. وفتح باب السياره.. ركبها.. وركب جنبها.. وشخط بالسياره.. مخلف صوت مزعج.. زينه تجمع مناديل.. وتحطها على ذراعه.. اللي مايبي الدم يوقف منها.. كل عروقه وعضلاته بارزه.. وهو يصرخ فيها: زينه بعدي.. لايجيك شي بعد انتي.. زينه:وانا وش سويت.. نواف بانفعال:يومك قاعده بمزرعتكم لحالك.. وش كنتي بتسوين لو ولد الـ*****.. ذا متهجم عليك.. زينه سكتت.. وهو يكمل : والله لاانهي مستقبله.. يا في السجن.. يافي مصحه نفسيه.. ولد الحرام.. اللقطه.. من يضن نفسه.. وصاح :وين جوالي..؟!!! زينه نفخت.. وهي تبي تلملم اعصابها.. وعطته جواله من شاحن السياره.. خذه.. وسحب مناديل.. مسح جبينه ورقبته.. وهو يتصل برقم: ارحب يابوسلطان.. فواز :هلا بطليق الحجاج.. نواف يحاول يكون طبيعي: يارجل ماكنه عندك اقارب.. طلال نشوفه اكثر منكم.. فواز:توني جاي من امريكا.. ثمان شهور كامله وانا هناك.. نواف:بشر تخرجت المدام.. فواز:ايه ابشرك.. ولله الحمد.. نواف :مبروك يابعدي.. الفال لساره تلحق امها وتصير دكتوره.. فواز :بعمرك يابوسعود... وش فيك.. اتصالك وراه بلا.. صوتك مب شلي.. نواف :ادري ان المجال ماهو مجالك.. بس صايره معي سالفه.. (وقال له عن الوضع اللي صار).. فواز:دحدر المستشفى.. وخذ تقرير.. ارسله لي.. ولو فيه شهود عرفتهم ولازوجتك.. ارسل لي اسامي..بتواصل مع شرطة منطقتكم ومالك الا اللي يسرك.. نواف :كفوو بخوالي والله.. فواز :لاتشيل هم .. نواف:بيض الله وجهك.. بس اسمع فواز.. تراه مب المره الاولى.. يعني الرجال ماهو ناوي يرسيها على بر.. عطيته فلكه عدله.. الحين.. بس والله لو تكررت ببتلي فيه.. والله لاروح قصاص بسبابه.. فواز:اعقل.. ولاتقول هالحتسي.. مايسوى عمرك.. انا بتصرف.. بس ارسل لي معلوماته مضبوط.. نواف:عساك سالم يابوسلطان.. جعل عمرك طويل.. سلم لي على بوتركي والشباب.. فواز :يوصل.. ياسنايدي.. قفل منه.. راقبته كيف عاقد حجاجه.. كيف فكه مشدود.. وعروقه نافره.. وقف عند مستشفى.. ونزل.. زينه.. طفت السياره وقفلتها ولحقته.. كانت في حالة توتر وعصبيه من كل شي صار.. ووضع نواف.. والغضب والانفعال.. المخيف اللي هو فيه.. وعشان وضعه والنزف.. تعاملوا مع الحاله سريع.. الدكتور بدا ينظف الجرح.. وزينه واقفه.. على بعد بسيط.. وعينها عليه.. والدكتور: دي بلطقه..هوا شايف نفسوو فين.. سلاح ابيط..ليييه.. ليه.. ايه الهمقيه دي.. وهو ساكت.. ومتجهم.. وبدء الدكتور يسوي له غرز.. وبان الألم على وجهه.. قربت منه.. حطت كفها فوق كفه.. ومع شكة الغرزه الثانيه.. تمسك بكفها.. وضغط على اناملها.. ظلت جنبه.. لمن خلصوا وحط له الدكتور الضماد.. جابت تشرته خذه منها.. لبسه.. وهو يوصي الدكتور ع التقرير.. وكنه اهم شي عنده بجية المستشفى التقرير.. اكثر من علاج الجرح...! **** زينه تشوفه.. وهو يجمع اغراضها بعشوائية.. في شنطه فاضيه غير الشنطه اللي جامعه فيها اغراض زواجها.. بانفعال: نواف ايش هالتصرفات.. انت اشتكيته.. وخلاص.. وبكلم جديده ترجع اليوم.. نواف بغضب :لا اسمع صوتك زينه.. والله ماتقعدين بعيده عني يوم..اخلصي بدل ماانتي واقفه شيلي اغراضك.. ترى توني مسوي خياطه بذراعي.. قامت تاخذ الشغلات اللي تبيها.. بتردد.. لقته يتصل على جدتها وبعد السلام والسؤال.. وتعظيم الاجر.. قال لها انه بياخذها معه.. ويبدو ان الجده اعترضت على التوقيت.. وكذا.. بس نواف بصرامه: مالك لوا ياجده.. بس الزينه معي.. ولو بننتظر الظروف تزين.. كل شوي بيصير شي.. وانا والله ماعاد بي حيل على بعدها .. زينه كانت تستمع.. وهي تشيل بعض الشغلات اللي تخصها.. قفلت سحاب الشنطه يوم اسمعته يقول: في عيوني ياجده.. ابشري.. في امان الله.. قفل.. وسحب شنطتها الكبيره.. وطلع.. زينه منقهره منه.. ومن تصرفاته.. بس خفف عليها مسئلة انه ماقال للجده اللي صار عشان مايشغلها ويضيق صدرها.. البست نقابها.. وخذت الشنطه الثانيه واطلعت.. ووصت عايشه ع المكان.. ولحقته بره.. راحت له وهو فاتح شنطة السياره.. ويبدل تشترته اللي كله دم بواحد نظيف.. خذ اغراضها منها وركبهم .! شوي وكانوا في الطريق.. وبعد لحظة صمت وهدوء.. وقف عند كوشك قهوه.. وطلب لهم شاي.. كان ينتظر.. لما رفع حاجب.. وابعد راسه ورى وهو يطالعها بنظره جانبيه.. وهي صاده.. وباين زعلانه.. ابتسم.. بدون يتكلم.. وهو مايبعد عيونه عنها.. نبهه العامل... استعدل وهو ياخذ اكواب الشاي والماي.. تالي مغط عمره.. وخذ من السيت اللي ورى كرتونة التميس.. عطاه اياه.. : بوس ممكن تسخين مكرويف.. تردد الفلبيني.. غمز له :سوي حراره وشيل عشرين ريال.. زينه طلعت عن صمتها وهي تلتفت والعامل ياخذ الخبز منه : هالحين انت شاريه بريالين وبتسخنه بعشرين.. وش يصير لك جُحا.. ضحك : مشتهى الحب ذا.. والله لو اسخنه بألفين.. زينه بنص عيون:سكنهم مساكنهم.. اركدت شياطينك..؟! عض شفته.. وبنبره حلوه: والله ان كانك بجنبي ومخاويتني.. للدربٍ ماينقطع.. وبتظل شياطيني هايجه.. ادخل النار..!!. زينه غرقت في عيونه.. وردت داخلها "اللهم عمرا ً.. لايفنى.. مع عينيك يانواف..!" ـ الجفا ممنـوع ياسمح المحيّا والعذر مرفوق والشرهه قديمه . ***** يتبع .... | ||||
|  |
|
08-02-21, 05:56 PM
| #382 | ||||
| بعد كم يوم.. كنت امتر واشبر تلك القريه في الريف.. وعقلي لايستوعب.. لوكانت باورتساي فعلا ً.. اي تفكير شيطاني جرها لذلك.. تواجدها في قريه من هذه المنطقه.. من ممكن يخطر في باله..! اغلب البيوت مملوكه للاهالي.. السياح قليل.. ولمن يستهوي فعلا ً.. الريف هذا والمنطقه.. تعبت.. منذ ايام.. وانا اخرج لساعات.. وماحيلتي الا تلك الصوره.. ومعلومة انها هاوية رسم..! اضناني الحنين.. وشب في قلبي نار غضب لايرحم.. عزت عليا نفسي.. وانا ابحث عن زوجتي.. بين زحام بشر.. لايمتون لنا بصلة..! كنت ازداد عصبيه.. حين اسقط فريسة بين فكي اللغه.. فأنا لااعرف من الايطاليه.. الا بضع كلمات.. تساعدني في طلب من مطعم.. او حجز في فندق.. فالعاصمه روما وميلان فيها الكثير من يعرف الانجليزيه ولايجهلها.. اما هنا فالغالب يتعبني.. مثل العجوز اللتي اريتها الصوره.. وتكلمت وتكلمت.. بشكل موسع..! لكني لم اصل لنتيجة.. الواضح انها عرفت وجه الشقراء راشيل.. وايضا وجه جمان.. لكن هناك خطب في الموضوع ولبس لم تستطع ايضاحه لي..! حاولت ان اجد احد يترجم.. لكن السوق كان اغلبه.. لايعرفون غير الايطاليه.. اللعنه عليك جمان..!! وعلى وضعي هذا.. كأني فأره.. في مصيده..اتخبط.. في مأزق ولااستطيع الخروج.. دخلت اورتساي.. وقد اغرتني الجبنه..! ابتلعت الطعم ولااستطيع النجاه..!! انتي هنا.. الواضح ان وجهك مئلوف.. لكن لااحد يدلني اين..! تقدمت نحو محل قهوة.. اقبلت على زوجين.. شابين.. واضح انهم سياح.. سئلت.. وانا اريهم الصوره.. دققوا فيها... البنت باللغه ثانيه.. تتكلم مع اللي معها.. وهي تشير لصورة جمان.. وهو يأيدها.. طلعت من شنطة الظهر تبعها.. رسمة متقنه.. بالرصاص.. لها.. استأذنها وهو ياخذها.. دقق في التوقيع j.s.. قلبه قرب يطلع من مكانه.. وهو يسئلها.. : عن المكان.. اللي التقت فيها..؟!.. ردت بانجليزيه ثقيله: انها من يومين.. شافوها وهي ترسم عند نافورة حديقه... تتوسط القريه.. سئلها عن اي معلومات ثانيه.. : لاادري اين مكانها بالضبط.. لكن لفتت انتباهي وهي ترسم.. وجه رجل عجوز.. يعزف الناي.. سئلتها لو ترسمني.. لم ترفض..رسمتني بل ورفضت ان انقدها حق الرسمه.. لقد كانت امرأه جميله.. بعينان حزينه.. ابتسامتها.. تعلق في الذاكره.. اليس كذلك مارك..؟! ابتسم الشاب الهولندي: نعم.. انها لطيفه جدا ً.. شكرهم.. وتركهم..!! تمر الايام ومو عارف مكانها وين..! بس الأكيد انها موجوده في هالمكان.. راح عند مطعم قريب.. يطل على النافوره.. طلب له اكل.. والعصر قرب يخلص وهو ماتغدا الى الان.. كان يتلفت بيأس.. في وجيه الماره.. ويدقق في صورة راشيل.. ويدور في اشباهها من الشقروات..! هناك.. عند مجموعة طيور.. كانت تنثر مجموعه من الحب.. والحمام ينزل ويحل ويلتقطها.. حدق في ظهرها.. شي جذبه لها.. بشيال جينز.. وشوز الوانه ناعمه.. تعقد ايشارب باللوان صيفيه على راسها بشكل تروبان.. ويطل شعرها الاسود من خلاله.. اسواره ناعمه في معصمها.. تلمع مع ارتفاع يدها ونثر الحب.. وقف من الكرسي.. وقلبه يخفق بشده.. تفاصيل مايجهلها..! تحركات جسدية يعشقها.. مشى بضع خطوات.. وتوقف.. لما شافها تتوجه لعربية بيبي.. وتنحني تعدل مفارش الطفل.. وتروح.. احبااااط هاااائل.. زلزله..! ماهي جمان.. بيجن.. والله بيجن..! تهاوى على الكرسي بالطاوله الخارجيه.. واشعل سيجار نفثها بحرقه والم.. عن مجتمع حزن الشوارع و ناسه أخذت لي ، في طارف الليل منفى في خافقي طفلٍ كسى الشيب راسه وفي عبرتي ، شيخٍ على الناي يغفى ****** في المالديف.. وفي فيلا خاصه.. بشاطئها.. وخدماتها.. مهره بفستان ميد ابيض ناعم.. ونظاره شمسيه.. تبتسم.. وهي تشوف سيف وفارس.. بشورتات وواقفين بوسط الماي على قارب صغير قريب. .. ويصيدون سمك.. فارس بانفعال:ورب الكعبه صدت.. سيف : شكلها نشبت سنارتك في حصى.. فارس يشدها.. ويلف البكره: بوفارس..علي سقف الثقه.. عشاكم اليوم من صيدي.. مهره تضحك:ياخوفي.. نقضيها على تونه يا امك.. ماصدتوا الا سمك صغار كنها حراسين.. فارس:نذر.. اجدع لك سمكه كيلوين.. واقصها من النص واسويها دفتر.. سيف.. يسحب سنارته:لا والله ابوك اللي جاب العروسه.. مهره بترقب.. وفارس.. وهم يشوفون سنارة سيف تهتز.. وهو يسحبها.. وصرختهم اثنينهم بحماس.. لما خرج السناره وبنهايتها.. سمكه كبيره..!! مهره تجيب السطل سريع.. وهي تدخل في المويه.. :وواووو.. ماشااء الله وشكبرها.. سيف ينزلها بالسطل.. ومهره تضحك مع المويه اللي ترش بوجهها.. فارس :العن امها وش كبرها.. سيف وهو يمسك السمكه عن تنط.. قال:ها فارس وش صار على صيدك.. سحب السناره وباحباط.. : مااش.. طلع قبقب.. سيف علم مهره وش تسوي عشان ماتهج السمكه الحيه الى الان.. وقال وهو يشيل السطل الثاني وفيه سمكات: لف السنارات.. واطلع من الموية.. جسمك تحرق.. ياتبن.. مهره تطالع جسم فارس: اي والله وش فيك صرت خرايط.. رفع نظارته على شعره ويطالع ذرعانه: تان هذا تان. حالف.. مارجع السعوديه.. الا وانا برونزي.. مهره تحط منشفه على كتوفه: رح تروش وحط لك كريم اي برنزي.. يبي لك ميبوو.. احترقت حسبي على شرك.. شال مع ابوه الاغراض.. :والله نواف والزينه بتفوتهم هالانعام.. سيف :وقت عشانا توها تقلع طيارتهم.. مهره:يوصلون بالسلامه.. ان شاء الله.. فارس تقدم عليهم دخل الفيلا..وبيده شايل سطول الصيد.. وسيف طوق مهره.. :ها حبيبي.. مبسوطه..؟! مهره تبوس خده وببتسامه: ياجعلني مابكيك.. وش لون مانبسط وانت معي.. لعب بشعرها:عمري... مهره ضحكت مع الوخزات اللي تحس فيها ببطنها.. حركات توها تركز معها.. من سافرت.. وكانت تحس فيها قبل ومع الحزن مو متنبهه هذي وش.. سيف :وش فيك..!! خذت كفه على بطنها :بنتك.. تغااار مني.. قلت عمري وراحت طقتني.. سيف بضحكه:عمري بنتي.. ولاتزعلين.. ياعين ابوك..! وراح بايس مهره على بطنها.. ....... في بيت راجح وبعد مكالمة فيديو بين سيف ومهره.. انهار يوم عرف انهم في البحر.. يعني تخيلو طفل ويشوف امه وابوه واخوه في بحر ومسافرين وناكبينه.. انهضم وقام يبكي.. ويمشي في البيت.. وهو يسب ويشتم.. مع ان مهره.. مابينت له ولا اللي معها.. بس سما كان عندها خبر بسفرتهم.. بعد ماقفل قالت..: ماقالت لك ماما.. انهم مسافرين للبحر شوف فارس كيف مبسوط.. ماما خذت النونو الجديد.. وفارس وتركتك.. ليه كذا يامهره..!!!! كتم كتم.. وحاول يكذبها.. وهو يقول: سما انتي كدابه.. والله كدبين.. سما تفتح سناب.. فارس.. :ماكذب حتى شوف.. سيف تجنن من شاف الفله والفديوهات.. وسيف وفارس يسبحون وصوت مهره.. يمهم.. وهم يصيدون سمك.. وضحكهم.. تقوس فمه وتقوس.. وانهااار.. حتى ليان.. استنكرت فعل سما: انتي من جدك.. لاجد سما تستعبطين.. تراك تضرين نفسيته.. سما هزت كتفها.. :بالعكس.. لن اتوانى عن ابعاد.. مهره تلك من عقله.. انه ابني انا.. لي انا.. فتح سيف المكتب على راجح وبملامح باكيه: جدي.. راجح بحنيه:جدي..؟!. وش فيك من مزعلك.. سيف:سما تقول ماما راحت سافرت في البحر.. ورتني جوالها.. فارس واوبه يصيدون سمكه.. اناا مايحبوني.. مايودوني.. وانهار وهو يعرك عيونه.. راجح.. ثارت شياطينه.. واستوعب على طول اللي سوته سما.. وهو يجي ويشيله.. ويطلع فيه من مكتبه.. وراح الصاله.. وكان مشاري نازل من فوق.. وواقف بالصاله وبحده: ليش يبكي اجل.. انا فوق وسمعته.. وش مهببه هالمره.. ليان تقوله وش صار.. وقطعت كلامها.. مع صوت ابوها الحاد الغاضب.. باسم سما.. بارتباك.. تطالع سيف بحضنه.. وضام رقبته: وش فيه بابا.. لايكون ازعجك سيف.. نزله راجح على كرسي.. وبانفعال حاد.. :والله ياسما.. لو استمريتي.. تكيدين ضد مهره.. وماانتي حاطه مشاعر هالصغير.. في الحساب.. والله ماتشوفينه ولاتشمينه.. الا لاملى الشعر وجهه..!! حي ميت.. ماطولينه.. سما باستنكار :بابا.. وانا شسويت.. راجح بصوت زلزل البيت: عارفه وش سويتي.. والله واشتغل عقلك.. اللي نايم سنين.. وحطيتي شره باولد عساف.. سما بعصبيه:ولدي بابا ولدي.. لوح بسبابته:اوووص.. ولاتقولينها عنده.. الورع ولد عساف وامه مهره.. وبيض الله وجيهم ان كانهم عطوك اياه.. من باب.. الخوف من الظلم والظليمه.. ولاانتي.. يوم ابوه نفاك من الامومه.. كان عارف بلاك.. عارف انك ماتصلحين حتى تربين جرو صغير...يابنت الكلاب.. بس انا اللي ماعرفت اربيك.. مشاري :صل على النبي يبه وحصل خير.. راجح بغضب مب عارف يسيطر عليه: انا الغلطان يوم سعيت لك في رجعته.. ولا عقليتك.. هذي ماتقدر حتى تحب نفسها.. لاتمتحنيني ياسما.. وارجعه قبل حتى تقضي المده اللي اتفقنا عليها.. سما بانفعال وعصبيه: من ترجعه له.. لاهله وهم مابغوها الا من الله.. رايحين.. يتمشون بالمالديف.. والوضع عادي وطبيعي عندهم.. وكأن مهره.. كانت تبي الفكه.. وتحررت.. مشاري بعصبيه ودهشه:وانتي تبين البنت تقعد تبكي.. وتلطم.. البنت دخلوها المستشفى من فرقا ولدها.. سيف.. قاعد يحاول باللتي.. يحفظها واللي ببطنها.. وان طلع وسفرها.. وش يدخلك تقهرين الورع.. خبله انتي.. ليان تكلمت:تفكر انها لاسوت كذا.. بتاخذ سيف بصفها وتكرهه بمهره.. راجح باستياء واشمئزاز: ياعزي عليك يابومشاري على هالخلفه.. ويافري جيبي.. هذا اللي خذتوه من الغرب.. النجاسه والغدر.. ومسك يد سيف وهو يطالع كل شي يصير بدموع عالقه.. :قم جدي.. قم.. سما بتحذير.. وعصبيه:انتبه بابا.. تسوي شي.. والله تخسرني.. قلت والله.. وقلت لك اهله مو في السعوديه اصلا ً.. راجح بتهكم.. يتوجه للباب. : والله مايصعب علي اخذه لهم حتى لو انهم بالقمر.. سما ماتت خوف.. وهي تروح لمشاري:تكفى مشاري تصرف.. رح لايسوي.. شي.. الله يخليك.. والله ماعيدها.. بس لاياخذ سيف عني.. مشاري طالع شحوب وجهها وشفايفها: انتي لو تعقلين شوي.. كان احنا بخير.. وخلاها ومشى.. ........ كافي تعب ياضيقة الصدر تكفين صكي زراير هاجسي .. واعتقيني غصيت في العبره مثل حد .. سكين قومي عن ضلوع الصدر وارحميني مهره على كرسي على البحر.. منبطحه على جنب وشارده.. مع صوت الموج.. ولحظات الغروب.. مكالمتها لسيف.. عورت قلبها.. خلاص ماعاد تطيق بعده.. كان يسئل بفضول عن صوت البحر.. وعن فارس.. ليش مو لابس بلوزه..! ويسئل انتوا وين.. وش تسون.. ابتسمت بدمعه..! فعلياً ماناقصهم الا هو.. سمعت صوت خطوات تقترب منها.. لقته فارس.. جاي بكوكناتا.. فيها مزاز.. وباليد الثانيه كاسه كبيره شفافه مليانه فواكه استوائيه.. رفعت عينها له بدون تتحرك.. بخفوت: كيف جسمك الحين.. ابتسم :حطيت من الكريم اللي عطيتني.. وبرد.. قومي.. جايب لك تصبيرات.. قبل العشا.. استعدلت.. وهي تمسح دموعها.. وتشتت نظرها.. وتلفتت :وين ابوك..؟! فارس:راح لادارة المنتجع.. يبي يأكد حجز الفيلا اللي جنبنا.. ويجهزونها.. عشان نواف.. فارس لاحظ ملامحها.. وضيقها.. حط الشغلات اللي بيده.. على الطاوله وقعد جنبها.. : وش فيه.. ليش البوز.. ذا الحين.. ضحكت.. وهي تمسح دمعه: ولاشي.. هواجيس.. فارس مسك بطنها بلطافه:شكلها سدن ملعوزتك.. هااا.. هااا.. يالشينه.. وش مسويه.. ضحكت : خلاص سميتها سدن.. فارس:عاجبن الاسم.. ان ماسميتوها سدن.. انا بناديها فيه.. مهره:تم ياابوي..مايسميها الا اخوها.. فارس عطاها الكوكناتا.. :اشربي.. لذيذ.. يسرسح خذتها مهره: يسلموو ياحيي.. ****** على ظهر يخت.. فخم.. سيف يطالع بانبهار : السفينه تتحرك جدي.. الله.. راجح.. وحوله رجاله.. ومن ضمنهم هاشم.. الاقرب والأوفى.. : ايه ياجدي.. انبسط وتبي نصيد سمك نصيد..خلهم يجهزون السنارات ياهاشم.. هاشم ببتسامه:انتا تامور امور عمي..هسا نجهز كول شي.. وداعب شعر سيف:كون ابرك اللساعات.. نچوف فيها عمي سيف..ويطلب منا شي.. سيف عيونه تتلئ ع البحر.. وهاشم اللتفت لواحد: قاسم يابه.. جهز عدة اللصيد.. وجيب العدة مال الصغير اللطالبها منا عمي ابو مشاري..! قاسم نزل في غرفة.. شوي ورجع.. ومعه.. جاكت سيفتي حق الغرق.. عطاه هاشم.. جثى يلبس سيف..:ليش هذا..؟! هاشم يقفله ويرتبه: هذا.. حتى وانت تصيد يسلم لي عُمرك.. ماتطيح ويعورك اللبحر.. اللتفت على راجح يطالب بترجمه.. ضحك : يابابا.. اللي بيصيد سمك لازم يلبس كذا.. سيف:فالس.. فاسخ ثيابه وهو يصيد.. ليش انا اللبس هذا زي البلونه.. راجح:فارس.. عاد اكيد على الشاطي.. ولااحنا بنعمق.. يابوك.. عشان اطمن عليك.. سيف مافهم كل شي.. الا ان راح يتحرك في اليخت بانبهار.. هاشم:شلون على موعدنا مع منصور عمي تريد نلغيه.. لو نأجله.. لوگت ثاني.. راجح:لا ياهاشم.. خلنا على موعدنا.. هو بيجي باليل.. هاشم :هسا انت تقول تريد تظل باليخت مع اللصغير..لمن باجر.. راجح:ايه.. ماعليك.. سيف اموره طيبه.. اللحين يتعب من اللعب وينام.. ..... باليوم الثاني.. شاهين.. في رحلة بحثه.. انتبه لمحل.. لبيع عدة الرسم والا صباغ.. بواجهه زجاجيه.. دخل وسئل حرمه منهمكه في ترتيب بضاعه جديده.. جاته.. ومافهمت عليه.. طلع لها الصوره.. شافتها.. وبحماس تشير.. لصوره:راشيل.. راشيل كرو.. سئلها بالهفه.. وين تسكن.. فهمت من اشارات يده.. انه يسئلها عن السكن.. والحرمه تقوله ان راشيل مسافره.. وتشير بيدها.. زي الطياره وتقول انها ببرلين.. اصر انه يبي يعرف مكان بيتها.. نادت ولدها.. جا من سلم جداري وواضح ان يشتغل بالسقيفه تبع الكوخ.. قالت له.. وجا الولد ذو السابع عشر.. وقال بانجليزيه سليمه: راشيل سافرت.. لكن توجد صديقتها العربيه في المنزل.. نبضه.. عروقه.. مشاعره.. تفجرت.. تعرق جبينه.. من فرط..الشعور.. والوصول.. بخفوت: هل انت متأكد..؟! وعطاه الصوره:هذه..؟! الشاب :نعم.. نهاية الاسبوع الماضي.. اتت للمتجر.. واشترت.. مستلزمات للرسم.. انا اوصلتها لها.. بنفسي.. شاهين.. :اذا ً.. ارجوك.. اوصلني للعنوان.. الشاب طالع امه.. وسئلها.. الحرمه طالعت شاهين وكنها تبي تستشف خيره وشره. بعدين هزت راسها ايجاب.. وشوي كان شاهين يمشي مع الشاب.. اللي يتوجه فيه لبيتها.. *تضخمت المسافه.. المتر اصبح كيلو..والثانيه ساعه..هل حقا ً سأجد متمردتي.. اللتي اختفت شهور مخلفتنا ضحايا.. بعدها.. توقفنا.. بعد.. ان مرت ساعات افتراضيه بالنسبه لي.. لكن الحقيقه هي عشر دقائق تفصل المتجر عن المنزل. الحجري.. المحاط بحديقه مليئه بالورد.. واغصان مزهره تتعلق في النوافذ.. وعشب ينبت.. في كل مكان.. حتى فوق القرميد..! اشار الولد ان هذا البيت.. وتركني وذهب..!! تقدمت ببطئ.. لحاجز هش للحديقه.. مجرد باب صغير.. مفتوح.. وضعت كفي.. ليُفتح بمرونه.. ظللت اقف.. كأني لا اصدق.. اني سأطرق الباب وتفتح جمان..! وانا افكر كيف سأطرقه.. كيف سأمشي الخطوتين الفاصله بيني وبينها.. كيف.. لو رأيتها.. هل اضمها.. ام اهشم عظامها على فعلتها بي.. غاضب.. وبي شوق عاصف.. وكلي تناقضات..! * خرجت طفلتين شقروات.. وهم يتكلمون الايطاليه وباين يودعون جمان اللي ردت عليهم بنفس اللغه... مروا من خلالي.. كافراشات خرجتا من عنق الزجاجه.. الزجاجه اللتي تخبئ زهرتي السامه..! زهرتي الشائكه.. صوتها مزق بقايا روحي.. نبرتها.. ولو انها تكلمت باللغه اخرى.. تقدمت والباب تركته الطفلتان شبه مفتوح.. وبما ان راشيل مسافره والطفلتان.. اللتان كما يبدو تحشوان وقت فراغ جمان ووحدتها.. قد ذهبتا.. وضعت كفي على مقبض الباب.. لينقبض قلبي وجمان.. تخاطب احد.. ذكر.. بنداءات.. اخترقت عروق قلبي وادمتها: يلا حبيبي.. اصحى.. حياتي.. قلبي.. يعني ماصحيت من هذرة البنات.. وش فيك.. وش صاير اليوم.. وباين انها تركت الصاله.. وراحت مكان ثاني.. وهي تكرر كلمات مرحه.. *استبعد فكرة الخيانه.. واستبعد ان جمان تفعلها.. ومستحيل.. اصلا ً.. تحب غيري.. يمكن الجزاء من جنس العمل.. لاا.. لاا.. الا طهرك ياجمان مايتجنس..! فتح الباب بخفوت.. ودخل في الصاله الهاديه.. غير مصدق بالكارثه.. انها مع رجل.. غيره.. ولو ثبت.. سيقتلها.. ويقتله.. سيمشي في جنازتها.. ويعترف بفعلته.. سيطبع فقدها شامه في قلب عمه.. الذي ايدها..وآمن بها.. ودعم فعلتها..! قبل ان يقتلها..!.. سيعذبها.. ويلعنها.. سيقتلها ويمثل في جثتها.. سـ..... وقطع كل ذلك.. فهد وهو يناغي.. ويتحرك في فراش ارضي.. وسط الصاله.. سكر الباب بدون صوت.. واصابته رجفه.. وهو يشوف كفوف الصغير واصابعه تتحرك.. لفوق.. ورجوله تتمغط بعد نومه باين طويله.. حس انفاسه بتنقطع.. وهو يتقدم اكثر نحو الطفل الصغير.. عجز يستوعب اللي صاير.. عجز يجمع قطع البازل وتطلع الصوره.. وقف بالضبط عند فراش فهد.. بطوله الفارع.. والصغير مثل الارنب.. عند رجوله.. *وملامح فهد تترجم لي قصة انتقام جمان.. اتسعت عيني.. وانا اجثو بركبتي.. بجانبه.. لم اميز هو ذكر او انثى.. لكن ملامح فهد.. ولونه.. وعينه.. مازالت امي تحفظ لي مئات الصور وانا صغير.. فهد.. انا في طفولتي.. عليك اللعنه ياجمان.. عليك غضب من ربي لايرحمك..! كيف فعلتيها بي.. اي سواد في قلبك..! شاله بحذر.. حط كفه ورى راسه.. اغمض عيونه وشم رقبة الطفل.. لاتمتلئ عينه بحمم دمعية.. احرقت اجفانه..! جمان كانت في المطبخ.. جات.. شهقت بهلع.. وهي تشوف الشخص اللي معطيها ظهره..! وشايل فهد بهالطريقه..! ماعرفته.. في بادئ الامر.. شاهين كان اكثر نحافه.. شعره كان طاول وعاقده بمطاط.. هي ثواني.. بسيطه.. حتى ابتلعتها جاذبيته وكيانه..اللتي وان نكرتها عينها.. لاينكرها قلبها..!! وهو يلتفت ببطئ.. مع شهقتها.. كانت لحيته طاوله بشكل مرتب.. ناحف.. اهمل نفسه.. متغير كثير عليها.. عظمة وجنته بينت.. سواد جفونه..حالك كاظلمة ايامه بدونها.. مااستوعبت وجوده.. ولاوقوفه.. ولافهد بين يدينه.. يناظرها.. بكل عتب الدنيا.. وبكل عشق مرضي مر على قلوب البشر..! ****** سما تهاوش :لاا أوفر.. والله.. ياذا هالولد.. اللي تعلق في الكل الا فيني.. ضحكت ليان:عاد من كان بيتوقع انه بيسوي هالعلاقه مع بابا وبيكشت فيك.. مشاري مسترخي على الكنبه.. ويحرك جواله.. وتوه مقفل من ابوه وقاله انهم حتى الليله مب جاين : والله ياسما.. سيف.. شكل جوه عالي مع ابوي.. من ضحكه يالله سمعت ابوي وش يقول.. سما بانفعال: وانا يتبكبك عندي ويدور مهره.. مشاري:خلينا واقعين.. سيف يتأقلم معك وبدء يحبك.. بس انتي.. من تطلعين انانيتك في انك تكوشي عليه.. تبدا اخلاقه تشين.. سما بعصبيه:اف.. اف.. هو اهم شي مارجعه.. وش يحس فيه بابا.. بهالتصرفات.. في اليخت.. راجح شرد في سيف وهو يتعلق بذراع هاشم.. ويحاول يوصل للكوره بيده الثانيه.. وطرى عليه الوضع البارح.. هو ومنصور.. في طاولة بعشاء فاخر.. على ظهر اليخت.. راجح :فكني يامنصور.. تهريب.. تعرفني مهون.. ودخلتي معك في تهريب لوحة ادوارد.. والله عشان العشره.. مابغيتك تتوهق.. منصور رفع حاجب: العمليه فشلت.. لاتحطها برصيد خدماتك لي.. خسرت فيها مبلغ.. يبي له تعويض.. راجح بعصبيه:فشلت بس بأقل الخساير.. انت تدري لو طاحوا علينا وش كان بيصير.. والله مايفكنا من السجن.. الا عزراييل.. ضحك منصور: مااش ياراجح.. رق عظمك وصرت تخاف.. ضرب راجح الطاوله: خليني انظف ملفاتي وحياتي.. مابقى في العمر كثر مامضى.. وعملية فرنسا.. كنت حاسبها الاخيره.. معك.. لاتطولها يامنصور.. وكثير اللي يشتغلون معك.. منصور برواقه.. واسلوبه الفخم: تعرف ان الشغل النظيف.. والسنياروهات النظيفه.. عندك.. وعند ذيبان.. الله يرحمه.. ولاتسوي فيها اخر عمليه معي.. وتروح ماراح خويك... عقد راجح حواجبه : وش قصدك.. منصور.. يشرب من الكاسه قدامه: ماقصد شي.. لو انه عايش.. وماطلع من شغلنا.. كان الدنيا تتحرك على طقة اصابيعه.. راجح مارتاح.. وحس انه منصور هدده تهديد مبطن.. : منصور للمره المليون.. اسئلك.. انت لك يد بموتت غازي..! منصور بضحكه: مات موتة ربه.. حادث.. ياراجح.. بقى هذي اتهمني فيها.. لاتنسى انك اتهمتني اني حرضت زوجته واني تسببت في الانفصال عشان حبيتها.. راجح يستند ع الكرسي: والله انت بذرة شياطين.. وهي ارض خصبة.. اسئل الله ان عيالكم.. مايطلعون عليكم.. منصور بعدم اهتمام: اسامه متعلقن في عمه... قاطعني ولد الكلب.. وباسل.. لاحقه.. بس خل اروق وادخلهم الكار صح.. راجح هز كتفه:عمري ماشفت اخطائي صح.. وعمري ماتمنيت مشاري يمشي على خطاي.. منصور يشرب بقية الكاسه: قلبك ضعيف.. ليته زي عقلك.. كان عينا خير.. طلع في ذيك اللحظه سيف يعرك عيونه.. مشى لعند راجح:جدي..! طالعه منصور.. وهو يشيله بحضنه:عين جدك.. سيف :انا قمت مايمي احد.. اخاف.. ضمه راجح.. وسيف يرجع ينام من جديد.. منصور يحدق فيه.. : هالولد.. منهو عليه.. متى صار عندك حفيد ياراجح..! راجح ماتمنى.. سيف يطلع.. ولامنصور.. يدري عن وجوده.. نادا هاشم.. :خذ الورع لفراشه..وخلك عنده.. لايخاف لحاله.. منصور بضحكه: ليش ماتثق فيني.. راجح بخفوت:وين وصلنا بكلامنا.. قطعه من حبل خياله.. سيف وهو يضم رجله.. : قول هاسم نروح صان.. ضحك وهو يشيله:قضينا البارح في البحر.. والليله نروح المزرعه.. ابوي سيف وش يامر فيه بعد.. سيف يعانقه ويبوس خده: يابيبي ياجدي.. ****** لحظه قاتله.. صمت مطبق.. شاهين يحتضن فهد.. وهي واقفه.. صاحت بحده: وش جابك.. كيف وصلت لي.. لو ابيك كان رجعت.. شاهين بصدمه: انتي وش.. جدار.. ماتحنين.. مالينتك الايام.. راسك اليابس ماكسرته الوحده والغربه.. جمان بعصبيه : مابقيت فيني شي يحن.. ولابقيت شي يروف ويشفع..! قالت كذا وهي تصد وتتحاشى شوفه.. شاهين بانفعال.. : هذا وش.. هذا وش.. ياجمان.. ..! وكان يقصد فهد.. ناظرته ببرود وبنص عيون وبتشفي..تبي تشوف حجم فعلتها فيه: هذا فهد .. هذا فهد يابوفهد.. طالعها بصدمه وكفوفه ترتجف بالصغير.. عرف من اول ماشافه.. بس الحقيقه وهي تطلع من لسانها.. مره.. تبعاتها كثير.. كيف حملت فيه بوحده.. كيف ولدته.. من كان معها فاوجاعها.. من مسح على راسها.. وقال لها "هانت".... كيف عانت ماحولها احد.. !! فهد سمي ابوي.. حلمي.. وحلم جده..! فهد فرحه كبيره للعايله.. كيف اختصرتها.. واحتكرتها.. وش هالحقد ياجمان..!!!!! رفعت حاجب.. وبنبره شامته لكنها اخرجت مهتزه.. مُعذبه.. : ماكنت تستاهل تدري بحملي به.. لاني حملت به غصيبه.. بالضبط باليله القشرا بعد ماجينا من زواج سيف.. خبيت هالشي داخلي.. ..وبعيد زواجنا.. جيتك بظرف.. وبه نتيجة التحليل.. قلت.. هذا هدية عودتك الحميده لي.. وهذا صافي النيه.. من بين اسنانها: رحت لهاااا.. خليتني بعيدنا.. خليتني..ورحت.. شفتها غاده بحضنك تدور عزا امها فيه.. وبحده وغضب وانفعال.. : منهي غاده تحلل لها شي لي.. منهي غاده..اللي مانسيتك اياها.. منهي غاده عشان اصبر لانك متعلق فيها..حبك القديم..!!!!!!! خرا عليك وعليهاا.. كانت تتكلم.. وتوصف الوضع وشعورها.. بحده.. اعتاد شاهين منها التجاهل.. ماتواجهه... دوم تبين انها ارخصت فيه لغاده.. ودايم تعطيه شعور.. انك اشبع فيها.. سدح فهد على الكنب.. وراح قرب لها.. بعدت وهي تمد كفوفها بتحذير : لاتقرب مني.. خلك بعيد.. ماتحملك شاهين.. ماتحملك.. وقف شاهين ورمى كفوفه بيأس: ليش ماقلتي لي وقتها.. ليه ضميتني وانتي تطعنيني من ظهر.. ليش ماتواجهين..ليش تجمعين في قلبك.. لما اسود ضدي.. وماخليتي فيه ذرة رحمه علي. .. جمان بحده.. وزعل: ماذكرك فيني.. ولاانبهك ماتخوني.. انا بنت سعود..عندي كبر وعزة نفس.. والله يغطونك ياشاهين.. ويخبون عليك.. صاح فيها:بس انتي تدرين.. ان اللي صار عارض.. وانك انتي بقلبي..ويوم وعدتك من تالي.. كنت عند وعدي.. احبك جمان.. واللي رفع سبع مافي قلبي غيرك.. ضحكت بتهكم ومرار : قال كيف عرفت انها كذبه.. قال من كبرها..!!!! شاهين بغضب: وش تسمين صبري عليك.. حد يرضى.. مايدري مرته وين.. اي ارض تتوسد.. واي سما تلحفها.. عزت علي نفسي ياجمان.. لاسئلوني بناتك.. ولا ادري وش اقول.. رحت لابوي حمدان.. بالعيد.. اعايده.. مالقاك معي على العاده.. تدرين وش قال يوم كذبت انك تدرسين بره.. قال والله من الدياثه.. مخلي حرمتك لحالهااا..وغيره وغيره.. والله لولا كبرك بقلبي.. ان كان طلقتك غيابي.. ومارديت الشور لاحد.. جمان بضحكه.. مريره ودموع: لاااا تقصر.. انت منتهي بافعالك فقلبي من زمان.. وش تبي من حرمه تسمعك تهمس لغيرها.. تطلع في المقاهي مع غيرها.. غاده ياشاهين كانت تطالبك تطلقني.. عشان ترتبط فيك.. متخيل ان وحده ماتسوا.. تناطحني فيك.. وتقول يا أنا ياهي.. وصبرت.. وقلت بناتي.. وقلت يحبني.. وقلت.. بكره يصفى ذهنه ويرد لعقله.. بس انت تغرق زياده..!. .. لاانت سفيه وبنعقلك.. ولامسحور ونقرا عليك.. كنت عاصي على بصيره.. تدوس على قلبي وتمشييييي..! شاهين بصياح:وراس فهد اللي ماذنت في اذنه لين الحين.. اني يوم وعدتك كنت قد الوعد.. وكان مافي عقلي ولاقلبي الا انتي..والبنت دقت علي.. في ظرف اقشر.. امها توفت.. ان كانها طبت في حضني.. من حزنها.. ولا والله.. ماكنا نسويها.. علاقتنا فيها حدود.. ولا انا بايع عاد الدنيا والدين.. مشت بانفعال وامسكت راسها : لاتبرر لي.. قلبي محترق.. ولايبرد حرتي فيك شي.. حطت كفوفها على جدار.. ونزلت راسها تحاول تسيطر على نفسها.. نزلت دموعها.. تكلمت بانبره مهتزه: كنت صغيره.. وكانت نجود.. تجنني وتحضنك.. وتقول اخوي ولي بروحي.. كنت انقهر.. وادفها.. ماكنت افهم.. والله ماكنت استوعب.. بس كنت اغار.. احد يقرب منك غيري.. التفتت بحده: كنت بزر واغار من اختك.. كيف تبيني اتقاضى وانا زوجتك وغاده تضمك..! حضنك ماسخى فيه الا لبناتي.. اشرت على صدرها: كسرت شي في قلبي ماينجبر.. والله وكسرت كل شي ومابقيت شي.. شاهين.. حاول يحط يده على راسها.. بس بعدت.. قال لها بحده: تركت غاده وصفيت.. من وقت وعدتك.. انسي موقفها عند المستشفى.. سامحي عشان نعيش.. سامحي.. مابقى فيني حيل بدونك.. جمان بانفعال وصوت حاد: باقي..باقي في قلبي غل عليك.. باقي فيني حب ماطحن.. باقي فيني زعل يكفي لسنين قدام.. ياشاهين.. شاهين بضحكه ساخره ومرار: اكثر من انك تفجعيني.. بان جاني فهد.. اكثر من انك تجلديني.. في اني مااذنت في اذنه.. ولاتممت له.. اكثر من انك خذتي مني حق اني ابشر الدنيا بقدوم سمي ابوي.. جمان:شوهت علي.. ولادتي بديم.. وصمت بيان بعار اسم غاده يومك استغفلتني فيه.. حلفت.. ان ولادتي بفهد ماتجيسها.. ولاتعرف عنها ولاتفرح فيها.. اوجاعك.. اقترنت بعيالي ياشاهين.. حتى اعياد ميلاد.. مااسوي لهم.. كل ذكرى ولاده ذكرى شينه منك..! انوجع قلبه.. يبي يضمها.. يبي يلمسها.. يبي يعلمها انه غلط.. يبي يوصل لها وش قد ندم.. كيف عاش الوهم مع غاده.. وكيف كانت حقيقه مضببه في عمره..! لكنها رافضه.. انه يقرب.. كانت تبتعد.. مخلفه قدامها حاجز وهمي مايقدر يتجاوزه.. حس بمدا صعوبة.. كسر المسافه..! جمان مجروحه.. وتقيحت جروحها بالبعد.. والوحده والوجع..! كانت تقول كلشي بخاطرها ماكانت تقوله.. وكان يتكلم معها بكل شي بخاطره.. اصواتهم تحتد.. وترتفع.. احبالهم الصوتيه مُره ومالحه..!.. انهت الحوار.. بشكل عاصف : حتى فهد اشبع فيه مابيه.. مابي شي يذكرني فيك.. مابي شي يربطني فيك.. يالخاين..يالكذاب..! وراحت في غرفه.. وسكرت الباب وقفلت.. وانهارت في بكاء مرير..! بكت.. كما لم تبكي من قبل..!!!!! بكت بنحيب مرير.. انفجرت كابركان كامن.. من مكابره.. وضغوط.. وكبت وألم..!!! وجوده قدامها كان فوق طاقتها.. الشوق يذبح والعنا ماله حلول و الدمع يفضح والمكابر مصيبه ****** وبشاطئ المالديف.. مهره وزينه قاعدين.. والليله قمره.. وصوت الموج الهادئ يعثي في اجواء الليل وصمته.. والأختين يتبادلون السوالف.. زينه بضحكه:لا.. هو خذني من بيتنا.. بهالاسلوب الهمجي.. وانا مارضيت اعطيه على جوه.. فانمت بغرفة ثانيه وقلت له.. دام ماراح نسوي زواج.. اقل شي دام ناوين نسافر.. يكون زواجنا لاسافرنا.. مهره تضحك:حرام عليك.. والله نواف مايستاهل هالتغلي.. زينه بجديه.. اعتدلت في جلستها:مهره انتي فاهمه شعوري.. انا خايفه من هالتجربه الثانيه.. خايفه من انبهار نواف فيني.. يكون كله فقاعه.. وتختفي.. بعد ماياخذ اللي يبيه..مابي اكون حاجه سهله ووصل لها بكلمة في مجلس.. وانتهى فيهم الحال.. باليله.. يكتشف بعدها انه بس كان مبهور بشكل وحده فجأه صارت زوجته.. مهره واللي افهمت ان نواف لسى ماصرح بمشاعره الاوليه مابغت تحرق عليه هالكرت.. ولاتقوله.. بس قالت:لايروح عقلك.. لهالشي بس.. زينه انتي مو من اللي الواحد يعشق قشورها.. انتي روحك تنحب.. واصرار نواف وتعلقه فيك صدقيني.. اعمق من اللي ببالك.. تنهدت :وش تقولين عني انا اجل.. نواف دودهني.. ياختي.. وش هالمراجل.. وش هالحنان..انا مابي نواف شي يبتدي وينتهي.. انا ابيه عمر.. يامهره.. نواف العوض اللي نسمع فيه.. انه من رب العالمين.. شردت مهره: اجل لاتضيعين عمرك وايامك الحلوه.. على اي خوف.. ولاماضي.. ابعدت سيف.. ماخليته يقرب مني.. تمسكت بماضي.. ومخاوف.. كسرته.. وزعلته.. الرجل اللي يحب صدق.. لاتشحين بنفسك عليه.. لاتضيعين نفسك وتفاصيل مع زوجك.. عشان ماضي ولى وانتهى..! وابتسمت بحنيه: وانتي صبرتي يازينه.. عيشي الحلوه والمره مع نواف..لاتضيعين ايامكم بالبعد.. ومخاوف ماتودي ولاتجيب..! زينه شردت في البحر وتفكر بحكي مهره.. لما جاتها رسالة واتس.. افتحتها لقتها.. من نواف ابتسمت.. وهي تحط السماعه.. وتسمع الرساله الصوتيه.. بصوته.. : يقول بن قضعان قد طلبت الله وأنا بين زمزم والحطيم شوفتك ي اغلا ثنيه ليا صرتي ربـــــاع العيون تجوع لك جوع والله العظيم والعشاء ب عيونك السود وعيوني جياع إن عطيتي مايرد الكريم إلا اللئيم وإن بخلتي قلت تكفين والدنيا متــاع أقبلي مثل التباشير في وجه الكريم وارحلي مثل التعازي على موت الشجاع احمرت.. وضحكت:اففففف.. نواف..! مهره بشطانه:وش راسل.. هالمراهق..؟! زينه..وهي تحاول تزيح الخجل عن ملامحها :ابيات.. فيها شغلات مبطنه.. مهره بضحك:ياعمري اللي مستحي.. زوين.. والله يافجيعة نواف لادرا ان اللي تتهرب.. قامطه اصلا ً.. من ليلتها الاولى.. زينه خبت وجهها:خلاص مهره.. تكفين.. جاتهم نحنحة سيف.. عدلت زينه حجابها.. مهره ببتسامه ونظره حلوه: قلنا روحوا فلوها.. بس عاد مب ساعات.. ضحك وهو يبوس خدها.. : كسرنا بعض في البلياردو.. وقلنا نعطيكم مجال تحشون فينا.. مهره :اووووه قطعنا فيكم تقطيع.. سيف :محللين ياعينه.. ها زينه.. اعجبك المكان..! ببشاشه:مره.. حبيت..الاجواء خرافيه.. وبتسائل:وينه نواف..؟! سيف:في البار مع فارس.. توسعت عيونها:باار.. وش باره..؟! ضحك:لاتخافين.. رايح يشري دخان.. قفلت البقالات.. نواف ماعليه خوف.. تنهدت:اشوااا.. زينه قامت..:استأذنكم انا..تصبحون على خير.. سيف:تلاقين خير.. مهره:نوم العافيه ياقليبي..! ....... بعد شوي.. دخل نواف.. الفيلا الخاصه فيهم.. توجه للغرفه.. ولقى زينه متغطيه كلها وباين نايمه.. ظل كذا يناظرها.. ونادها ولاردت.. راح تروش.. لبس ترنغ.. وراح سوا له كوب شاي.. وخذ بكت الدخان.. و فتح بوابة الشرفه..طلع..واشعل سيجار..! كان متوقع يجي يلقاها تنتظره.. بس يمكن نامت بعد تعب السفره..! ظل شارد..! لو تعبانه.. لو مرضانه.. ماتخليني.. وش ذا يازينه..!! زينه كانت اصلا ً صاحيه.. وحاسه بكل حركه سواها.. وحست من خروجه في الشرفه بحجم الاحباط اللي جاله.. زاحت المفرش.. وراحت مشت لمن عنده.. حس بخطواتها ولا اللتفت.. تسللت تضمه من ظهره.. وتسند خدها عليه: ماكنت نايمه.. كنت انتظرك.. بس قبل تدخل استحيت من لبسي.. واندسيت تحت فراشي.. ابتسم وبنص عيون: ماتدرين انك دقرتيني..! باست كتفه:آسفه.. طالع القمره.. وبخفوت: زينه.. قلبي.. زينه ياللي جننتيني.. ومابقيتي فيني عقل.. انتي وش مفكره.. حبي لك وشفقاتي.. وليد لحظه.. تفكريني طاير بالعجه.. اسكتت.. تسمع له..وهي ضامته.. همس بنبرة الذكرى: شفتك على الفرس.. يوم جيت بسيف لزراعتكم.. وسرقتي عقلي صورتك عجزت امحيها من مخي.. توسعت عيونها.. وكمل بتنهيده:سبيت نفسي.. ولعنتها.. كيف احط عيني على وحده في ذمة ثاني.. تالي.. انتي جيتي.. عشان سلامة امي.. انبهرت فيك.. وانتي تشيلين الذبيحه وتدقيني بالحكي انا وسيف.. صوتك.. بحتك.. كانت تطلع من فمك.. وتغزي قلبي.. وتفكك صواميل جنوني.. تذكرين يومك تطلعين في المطر.. من ملحق الضيوف.. كنت واقف عند مكتب ابوي..ماهي عادتي استرق النظر.. ولااشوف وحده ماتحل علي.. بس لخمتيني.. ضيعتي مبادئي.. فيك شي شدني حد الجنون.. كنتي تتسربين من عيني لقلبي.. انتي كذا.. الاعجاب فيك ينزل على الروح.. ماتكفيه العين والله.. زينه تسمع.. وقلبها يخفق.. ويخفق.. من تصريحاته.. نفخ الدخان.. وبخفوت وضحكه قصيره: تعرفين وش شعوري يوم دريت صدفه انك تطلقتي.. حسيت اني عقدت عليك.. حسيت انك صرتي لي.. دامها حره.. والله ماتدخل في ذمة احد غيري.. كنتي تمشطين الجده.. وجيت صدفه.. مادريت انك معها.. وشفتك.. يوم طلعتي.. وناديتي مهره.. وشكيتي انها هي اللي تطل من فتحة الباب.. كنت انا.. وكنتي تشعبتي بخاطري اكثر.. طفى سيجاره.. بزفره: كنت اسمع اسمك.. والمدح فيك.. طاريك يهز عروق قلبي.. ماكنتي حاجه عابره.. ولااعجبت فيك اعجاب مراهق طايش.. سكنتيني ناضج.. وخذتي مكان ماسبقك فيه احد..!. زينه تخبي وجهها بظهره اكثر.. صدمها.. بكل هالحكي.. ابتسم وكمل ببحه: يوم حطك سيف بوجهي.. وخلاصك.. برتباطك فيني.. كنت مثل اللي مابغاها الا من الله.. اللي ابيها.. بقدرة قادر بتصير لي..وش كنتي تضنين..لو انها غيرك كملت.. لاوالله ماحد يجيبني على وجهي.. كنتي انتي.. وعشانها انتي انا تممت.. وكملت.. زينه تضمه اكثر.. وبصوت خافت.. : نواف شسوي فيك.. شسوي فيك..! ابتسم:حبيني مثل ماحبك.. زينه بهمس:منتهين منها.. رفع حاجب.. :تعالي قابليني.. وراه.. شوي وتدخلين بظهري.. كل ذا حياء.. زينه :طيب دامها ليلة تصاريح.. وبنكشف الاوراق.. انا معي...شي اخفيه.. سحبها.. وناظرها.. ولبسها.. اللي طير الباقي من عقله.. باس كتفها.. وبخفوت: وش.. كنتي مثلي.. حبيتيني قبل نتزوج.. زينه.. وقشعريره تسري بجلدها.. من بوساته.. كتفها.. رقبتها.. غمضت عيونها.. بقوه.. وبخفوت رمت القنبله عليه: نواف.. انا بنت.. توسعت عيونه.. وطالعها وهو يحفر كتوفها: وش.. وش.. والله ماسمعت.. فتحت عيونها بخفوت: وهذا سبب علم عبدالاله معي.. كان عليل.. ومايقدر على علوم الرجال مع زوجته.. انا بنت يانواف.. ضمها بقووه حتى حست ان ضلوعها بتدخل في بعض.. وهو يرفعها من الأرض.. ويهمس لها بكل عشقه وحبه..! اخذني من غبر الأيام و محال الفصول ولقني حضنك .. من الجايرات وضمّني ............ اتمنى البارت نال على رضاكم واعجابكم.. قراءة ممتعه .... | ||||
|
| |
|
08-02-21, 11:00 PM
| #384 | ||||
| مساء الامطار😍😍 البارت هذه المره مريح للاعصاب نوعا ما ولو ان فيه بعض التقلبات الخفيفة ☘مهره وسيف ثنائي رائع حبيت حب سيف لمهره ومحاولته اسعادها ☘سما ايش تحس فيه قسم بالله طفله لو انا بدل ابوها لاخليه معي يومين ماتشوفه عشان تعرف ان الله حق ☘كناري الحب نواف وزينة روعة مواقفهم وبان حب نواف لزينة من وقت ماراح لها وهي لحالها ☘عبد الاله يستاهل ماجاه ☘☘اووووف اوووف يالقهر اللي بقلب جمان يغطي شاهين ويزيد المشكلة من اول ساكته وحان وقت الانفجار كانها تقول انا ومن بعدي الطوفان حزني شاهين لما شاف ولده وهو كان يتمناه من زمان وهي خبت عنه حملها اعتقد البارت الجاي بتنشب حرب اذا عرفو ان هادي له علم بمكانها وماخبر عنها ☘☘عندي احساس ان البارت الجاي بتتفجر فيه قنابل خاصة بعد كلام راجح ومنصور الله يستر ☘☘☘تمسون على خير☘☘☘ | ||||
|
| |
|
08-02-21, 11:21 PM
| #385 | ||||||||
| مشكورة على الفصل الجميل ايمان على حسب ما فهمت انو منصور هو زوج والدة مهرة ويمكن انو هو السبب في موت غازي سما في كل فصل اكرهها اكثر مسكين سيف الصغير متى سيرجع لمهرة | ||||||||
|
| |
|
09-02-21, 12:00 AM
| #387 | |||||
| اقتباس:
يالله حي قلب لايصدأ …منوره عيني❤❤ ☘سما ايش تحس فيه قسم بالله طفله لو انا بدل ابوها لاخليه معي يومين ماتشوفه عشان تعرف ان الله حق هوا دا …ماهو خذه راجح وراح فيه 😂👏🏻 اووووف اوووف يالقهر اللي بقلب جمان يغطي شاهين ويزيد المشكلة من اول ساكته وحان وقت الانفجار كانها تقول انا ومن بعدي الطوفان حزني شاهين لما شاف ولده وهو كان يتمناه من زمان وهي خبت عنه حملها اعتقد البارت الجاي بتنشب حرب اذا عرفو ان هادي له علم بمكانها وماخبر عنها ومو شرط يعرفون عن هادي 😜❤ نورتي قلب …الله لايحرمنا تواجدك الجميل🕊❤ | |||||
|
| |
|
09-02-21, 12:02 AM
| #388 | |||||
| اقتباس:
ايه هوو منصور نفسه زوج ام مهره …👏🏻👏🏻 مسكين سيف الصغير متى سيرجع لمهرة نقول ان شاء الله 😜❤ | |||||
|
| |
|
09-02-21, 12:59 AM
| #389 | |||||||||
| عضو ذهبي 
| الذين يشاهدون محتوى الموضوع الآن : 48 ( الأعضاء 13 والزوار 35) هيدراانجياا, HEND 2, كريستنا, الكتمان, فوز الأمل, Rwabi bb, ام ضياء, Amola77, ايمان يوسف., الفند, أم الشيخ, ghdzo, أم روءة | |||||||||
|
| |
|
| أدوات الموضوع | |
| انواع عرض الموضوع | |
|
|
182Likes
العرض العادي
