♡♡قالوا نسيته♡♡
 

قالوا نسيته ؟ //
قلت وشلون بنساه
يضحك مع عياله وانا مانسيته



لو يعرف الي داخلي كيف يهواه
الآ المصيبه كيف عمري عطيته



حتى القصايد مالها غير طرياه
ليته يشوف الحال من يوم جيته



ياهاجسي سقني علي غير ممشاه
صارت حياتي بين بيتي و بيته



والبارحه,, قلبي تقطع بذكراه
والبارحه ,, دمعي قليل وبكيته



قال الصراحه واعلن بيوم فرقاه
وشلون ابفرح وانا بيدي بنيته



تركت قلبٍ دايم الدوم تنخاه
وتركت همٍٍ داخلي ماكويته



الا المصيبه كيف حبي تباطاه ؟
بعت الحبايب كلهم واشتريته



من يوم ماقفا ،، وانا اقول وش جاه
وشلون ينسى شخص هذرى بصيته



الناس ماترحم وبانت سواياه
والناس تدري كيف بيدي خذيته



الحمد لله ،، صج بانت خفاياه
والحمد لله ،،، هم فيني خفيته



بيتٍ بقوله والعرب تعرف اخطاه ..
دامي نويته ثبته لا نويته



دامك تبي الفرقا ،، توكل علي الله
والله راسي ينقطع لا رجيته



وان طروا النسيان \ وشلون بنساه
اول حبيبٍ ياعرب مانسيته ..


خلني علي دنياي \ودنياه دنياه
والله راسي ينقطع لارجيته


للشاعر ..
عبدالله القريافي

بعت الحبايب واشتريته
💔💔
كلمات تلخص ألم القلب
لكى منى اجمل تحيه 👏👏👌