آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
04-02-21, 11:01 PM
| #71 | ||||||||
| مراقبة عامة ومشرفة منتدى الروايات المنقولة  
|  البارت 56 والأخير #ضحيه_لمن_لايرحم_ج٢ بقلم زهراء الحسناوي ،،،،،،،،،،،،،،،،،،،،،،،،، ، وافترقنا، .......وكان الوداع، ..... الوداع الغير متوقع للحب الذي أسرفناه ،..... وماتت الوعود التي اقسمنا على أن لاننكث بها،..... لا لقيا ،ولاتلاقي بيننا مجددا... وربما ولاحتى لقاء سيجمعنا صدفة كما جمعنا سابقا بين طرقات الحياة، ...... لكن حقا أحببت وقتي معك ،..وأحببت تلك المشاكل التي دارت بيننا ... أحببت الحياة بوجودك فيها ،....حقا أحببت ذلك ... الآن لارسائل متبادلة ،ولا المزيد من النظرات المليئة حبا ... المرتجفة عشقا...... أماكننا تلك ..أصبحت موحشة وباردة...،ومقهانا هادىء ...، وتلك المقاعد التي اعتدنا الجلوس عليها.. خاوية ،.. وكان الوداع ......وكانت النهاية .....النهاية المجازية ،إن صح الكلام ..... أقول ذلك ..،لأن مازرع في القلب بصدق لن ينتهي .. ومااستقر في الذاكرة لن يمحى .. وستبقى الذكريات ،..تذكرنا ..كلما حاولنا التناسي ... ونار تشتعل ..كلما حاولنا إخمادها ...لتحرقنا مجددا.. حتى آمنت أن لانهاية للحب الصادق وإن انتهى 💔 ،،،،،،،،،،، غصون،، وره كم يوم وره صلاة الضهر اجو زلم لبوي دخل مثنئ گال صوتكم لحد تحجي خطار بالمظيف حضرت صينيه ماي وحطيت القوري ع الطباخ مااعرف شكو ومنو ذوله ساعه يالله راحت الوادم دخل مثنئ يحجي بصوت عالي مثنئ،، يابه هذا صدگ يحجي؟؟ يعني فوگ مااحنه اهل الحگ هسه ولازم همه اليفصلونه داز وادم حتى يرجع غصون؟؟ ابو مثنئ،، ابني هي لعب؟ احنه عشيرتين بيناتنه دم موماي حتى اردله اختك بعد كل الصار تره لسه تاكل وتشرب وياي سالفته من جابها واجه يگلي بنتك تراسل ولد صح حگه بس المن الله انطانه عقل؟؟ غير حتى نفرزن بين الصدك والجذب وبين الحگ والباطل؟؟ سواها مره وصدگ بكلام اهله من طعنو بعرض اختك متاكد باجر اقل احجايه يسمعها من اهله راح يرجع يصدگ اني هاي جدامها تريد ترجع ماعندي مانع بس اشيل ايدي منها ولهمره نهائيا واعتبر روحي لسه بنتي فصليه عدهم باجر عگبه تنطگ تنهان يتهموها تطلگ ذني كلهن مالي شغل بيهن لان هلمره اختيارها الرجعه الهم وغير كلشي همه اخذو ثارهم وجتلو ابن اخوي اشلون اردلهم بنتي مره ثانيه؟؟ مثنئ،، مااردله غصون لو يرگع راسه بالحايط من وراهم عفنه گيعانه وبيوتنه وشردنه بطرگ ارواحنه وهسه يردون بتنه ترجعلهم ابو مثنئ،، بويه عليش ضايج موكلشي ينحل بالعرك خصمتها وياهم بعد محد يجي غصون،، واكفه بالباب مال المطبخ اسمع ومدنگه اسمع كلامهم وهلمره ابوي الماقبل يرجعني لان همه رجعو اخذو ثارهم وكتلو ابن اخو وغير كلشي تهجولنه من بيوتنه وگاعنه وانهزمنه منهم وره كم يوم اتصلت ساره ضلينه نحجي عنها وعن حملها بعدين حجتلي عن عذراء گالت اليوم امي اتصلت بيه تبجي تكول رجل عذراء طردها واخذ ابنها منها يريد يطلگها مثل ما ذياب طلگ بتهم عمتها اتگلها اشلون اخليج على ذمة ابني واخوج طلگ بنتي وصايره عركه ومشاكل بينهم وهسه عذراء زعلانه يم اهلي تبجي تريد ابنها حسيت بيها عدها سالفه لان صرت اعرف ساره كلش. زين سالتها شكو وشنو صاير ماحجت رجعت حلفتها گالت عذراء اليوم بايسه ايد ذياب ومدنكه على رجله تريد تبوسها تكله مااريد اطلك وياخذون ابني مني ذياب مايحجي وياها بس كايل ل امي الحضانه الها لان ابنها بعده طفل بس من كلام عذراء مبينه هي الماتريد تطلگ حتى محد تتشمت بيها من كلام ساره حسيت انو ذياب راح يرجع نور لان مره سواها انطه بيه حتى لاتنفضح اخته من طلب ابوي منه يردلي اعتباري كدام الوادم والشيوخ ويفضح عذراء حتى ابرء صحيفتي الخاطر اخته حتى لاتنفضح طلگني وفعلا وره فتره من اتصلت بساره عرفت منها ذياب رجع نور على ذمته قبل لاتنتهي العده هلمره اني الحلفت ماارجع لو يبجي دم لان ثاني مره يضحي بيه الخاطر عذراء تاكدت قراري صح ومتاكده لو راجعتله وجايه عذراء تبجي جان رجع نور فوگي بست ايدي وجه وگفه لان ابوي مارجعني حتى مااتعرض لهيج موقف مرتين من هذا اليوم فعلا اعتبرت ذياب وكل شي يخص ذياب صفحة وانطوت للابد ومن يومها لادخلت على حسابه ولا حاولت اعرف اخباره بيوم العرفت برجعته النور شكد بجيت واليسالني من اهلي شبيهن عيونج اكلهم كلشي مابيهن لو اتعذر بوضع زينب من اشوفها تعبانه ابجي عليها بعدين گلت على شنو ابجي وهو ابد مايستاهل ادري بي يحبني بس الحب موكافي شخص مرتين اتخلى عني بكل سهوله كل شويه احمد الله لان شكد دز ناس حتى يرجعني بس ابوي رفض مرات احس ابوي دارس شخصيه ذياب لان متاكد راح يرجع نور مره ثانيه ساره بعد كم شهر جابت واطفالها زين وضعهم بس اتصالاتي بيها قلت مومثل قبل صرنه كل شهر نتخابر مره لان التهت بالتوم بهاي الفتره انتقلنه لبيتنه الجديد تعرفنه على جيران جدد وره كم شهر اجت جارتنه خطبتني ل ابنها بس مثنئ رفض گال ابنها سكير كل المنطقه تحجي عنه مرتين متزوج ومطلگ امي گالتله بعدها غصون زغيره والف من يتمناها ولاهي اول الي اطلگن ولااخرهن بسنة 2018ابوي خطب لمثنئ بنت صديقه من ناس معروفين والهم صيتهم دائما ابوهم يجي يم ابوي قوت صداقتهم كلش من عرف ابوي بصديقة عنده بنية مامتزوجه حب يقوي العلاقه بيناتنه اكثر ف خطب بنته لمثنئ واخوي حتى ماشايفها ولايعرفها بس بينه طبع ابوي اذا اختار شي لو اتخذ قرار خلص بعد محد يجادله نهائيا لان نثق بي رحنه اني وامي وعمتي ام احمد زينب ماقبلت تروح ويانه رحنه الهم نخطب بتهم اخذنه ابوي الهم اول مادخلنه البيتهم اتلگنه الام وبناتها وجناينهم بذاك الملگه الحلو عبالك يعرفنه صار سنين دخلنه كعدنه بيتهم كلش حلو مرتب طابقين كعدونه بغرفه وهنه كعدن يمنه بعد السلام والكلام امي فتحت وياهن الموضوع مبين عدهم خبر ابوي حاجي ويه ابوهم ف من سمعن كلام امي عادي عدهن الام كالت البي خير الله يقدمه امي طلبت تشوف الابنيه شويه واجت مدنگه ضليت صافنه عليها عبالك لعابه ناعمه بيضه عيونها عسليات كبار كلشي بيها حلو مدنگه ابد ماحجت بكلبي اكول مثنئ لويشوفج يبوس راس ابوي كلساع اتفقن امي ويه امها يعني نهن السالفه واتفقو على مشية الزلم مرت اخوها الجبير مبينه انسانه كلش مثقفه من لبسها وترتيبها رغم احنه بس نسوان بس لابسه عبايه اسلاميه وحجاب لافته بطريقه كلش حلوه الابنيه حامل وبسرعه تاخذ ميانه بحيث تتشاقه ويه حماتها الخطبناها لمثنئ جدامنه حتى مبين يحبوها من تصرفاتها واسلوبها لان اني اول مره اشوفها ونگعت بخاطري اريد اكابلها واكعد على اسلوبها الحلو ولباقتها بعدها رجعنه للبيت اتلكانه مثنئ من الباب يريد يعرف الخطبناها حلوه لولا امي تتشاقه وياه كالتله زينه شايله روحها مثنئ،، يمه شنو شايله روحها يعني ادري ابوي اختارها بس اني الراح اتوسد يمها مو هو ليش تخلوني اخذ هدومي واشرد غصون،، اباوعله شلون يفرفح كتله جا ماحجيت ورفضت من البدايه مثنئ،، هو ابوج ينطي مجال مخلص السالفه ويه ابوها ومتفقين على كلشي وبالاخير يسالني ولكم وين صايره هاي؟؟ ام مثنئ،، جا اشلون يمه خطبناها وخلصنه فشله شنگول للوادم؟؟ غصون،، راد يحجي دخل ابوي ابو مثنئ،، شنو هذا صوتكم واصل للشارع ام مثنئ،، ابنك بطل مايريد البت ابو مثنئ،، ليش ام مثنئ،، لان كتله موحلوه ابو مثنئ،، هذا هو انبطل ولايهمه غصون،، ابوي وامي ناصبين على مثنئ واني كوه ساكته مااريد اضحك تالي كتله والله لوتشوفها هسه تاخذ مشيه مال زلم مثنئ،، عليج العباس؟؟ غصون،، والعباس هواي عليك الابنيه اتخبل اباوعله ركض كعد يم امي لزم ايدها يضحك كالها يمه صدك حلوه؟؟ ام مثنئ،، اتخبل بس هسه أبوك يروح عليهم يكلهم بطلنه لان انت ماقابل مثنئ،، عود ليش محد يتفاهم وياكم هسه عوفج مني صدك يعني شنو شكلها؟؟ غصون،، والله كلش حلوه اصلا اذا وكفت يمك تنظلم انت اسمر وهي گطن مثنئ،، الاسمر مرغوب لان الابيض يلم وصخ بسرعه وفاهي غصون،، ضلينه نضحك ونتشاقه صدك فرحانين ثاني يوم اخذنه مشيه اهلنه واقاربنه والسيد وياهم ورحنه لهلها احنه النسوان كلنه بسيارة مثنئ وابوي صعد ويه الوادم اني وامي وعمتي وبناتها حتى زينب راحت اباوع العمتي مبينه مهضومه بس ماتبين صدك انقهرت عليها لان هم حالها حال اي ام تريد تفرح بوليدها من تعرسه بس عمتي مبين الوكت حارمها من كلشي حتى سلب فرحتها باابنها منها دخلنه البيتهم اهواي نسوان عدهم شفنه خطيبه مثنئ اسمها حوراء كاعده مرتبيها بس لابسه فستان مرتب عليها لبسها بسيط وهادئ بعدها كالو راح يعقدلهم السيد حطو غشوه على راسها وقربوها يم الباب حلگها يرجف مرت اخوها لازمه متنها تهدي بيها تم العقد وكلهن لبسن عباياتهن لان مثنئ يريد يدخل يلبسها الحلقه شويه ودخل ولاجن هذا مثنئ الجان يضحك قبل لانجي شو دخل عرگان يمسح بگصته تنضح عرك خجلان صدك ضحكت علي اباوعلهم يخبلون غمضت عيوني لان انحرمت اعيش هيج اجواء لبسها الحلقه وباسها براسها وطلع لان اهواي نسوان الابنيه غدت صفره والنسوان تضحك عليها مبينه كلش فقيره امي اخذتلها جهاز بسيط نسمي لزم حجي وهديه يعتبر لان صارت جنتنه اتسوكتلها امي قبل يوم ملابس وانطتها فلوس حتى تجهز نفسها لان اتفقنه وياها شهر وناخذها اخذتلها كم صوره حلوات لان مثنئ خبصني يريد احذلها كم لقطه كملنه ورجعنه للبيت اول ماوصلنه مثنئ اخذ جهازي وصعد الغرفته نص ساعه وصعدتله كتله انطيني جهازي ماشبعت؟ اشرلي ع الميز شفت جهازي حاطه اخذته فتحته مابي صور فتحت عيوني ياااا وين صور حوراء؟؟ مثنئ،، نقلتهن وحذفتهن من جهازج شتسوين بيهن انتي؟؟ غصون،، موصوجك صوجي اني بالله ليش حذفتهن؟؟ مثنئ،، امشي اطلعي خل امتع عيوني بحلالي غصون،، طلعني يدفع بيه ادفع عايش اللحضه اخوي ابوي راد يسگم غرفة خشاب عند النجار بس النجار كاله ماتلحگ لان ع الاقل يرادلك ثلاث شهور يالله يكمل الخشاب بس عندي غرفه جديده سويتها وجاي اشتغل بيها حاليا وصاحبها بطل مايريدها شوفها اذا عجبتك حتى اكملها من وقت وفعلا ابوي اشتراها وصورها جابلنه الصور غرفه ضخمه كلش حلوه الرجال كال كم يوم وتعال اخذها وره اسبوع جابوها وصعدوها لغرفة مثنئ من نصبها الرجال اخوي خبصنه بالهلاهل امي تهوس وياه فرحانه بي بس فرحتنه ابد ماكامله بسبب عمتي ام احمد بس هي ابد مابينت هذا الشي محزمه وتشتغل ويه امي رغم مرضها وكل ماتشوف مثنئ كدامها تهوسله تبين روحها ماحزنانه كلنه بجينه عليها وهي تهوس لخوي ودمعتها بعينها تالي امي حضنتها واثنيهن يتباجن قبل الحنه مال مثنئ بكم يوم هو اخذنه للسوگ اشترينه ملابس ابوي دفع الفلوس كلهن مال ملابسي وملابس زينب ومريم وزينه وانطاني فلوس كال اشتري قطعة اقماش حلوه العمتج عمتي تلبس اسود بس قصد ابوي يعني قطعة قماش زينه موعاديه زينب كوه اخذتها وياي اني هم بالبدايه ردت مااروح اشتري هدوم بس ابوي حجه وياي لان يعرف شنو بداخلي كال كل الصار انسي واتركي وره ضهرج ماتدرين الله سبحانه وتعالى شنو ضاملج واكيد ضاملج مستقبل حلو لاتضوجين وتخلين اخوج ضايج من يشوفج روحي اشتري ملابس وافرحي وبينيله انتي فرحانه لان الاخوات المن تنراد غير الهيج يوم؟؟ رحنه كلنه للمول زينب هم لابسه اسود ماتقبل تذبه شكد امي حجت عليها بس رفضت زينب دافنه نفسها وهي عايشه لاتضحك لاتسولف الا نادرا وابد ابد ماتطلع شكد نتوسل بيها بس ترفض ابوي احتار وياها دائما يحاول يطلعنه نزور لو نروح المكان الخاطرها بس من يشوفها ترفض يبطل ماياخذنه اشترينه ملابس بسيطه مو صلوخ لا كلها اردان طويل ومستورات لان احنه من قناعتنه مانحب اللبس المكشوف لو الصلوخ نخاف من التصوير لاوحده تصور الحنه وتالي ننفضح بيوم الحنه رحنه اباوع الزينب شكلها مبين اكبر وحده بينه عمرها 21بس اليشوفها يكول اكبر من عمرها ب 20سنه شكد احاول وياها بس ترفض ماتنطي مجال النفسها ابد دشاديشها عراض واردانات طويله مثل دشاديش النسوان الكبار البيهن جيوب مرات حتى تلبس شيله عمتي تحسها عجوز من احجي وياها اتگلي هو گلبي مشيب انوب ضلت على شكلي؟؟ كل تغيرها بسبب بتها وخاصتا من اجت والطفله ماتريدها شارده منها حتى ملخت شعرها متنه خوف عليها لاتموت وهي گلبها تعبان كتلها شوفي اشلون تروح يم مريم وشارده منج لان طفله وتخاف بس باعي الروحج اشلون صايره عظام وجهج ينحسبن اكلي رتبي روحج اهتمي بصحتج حتى تعرفين اشلون نكسبين الطفله اني وياج اساعدج والله بس انطي النفسج مجال بس زينب ميته من الداخل مثل الضوه المحترگ روحها مطفيه نهائيا ال منهل موتها وهي عايشه اخذو صحتها وعافيتها وعمرها دمروها دمار حتى ابوي يكول انتي بالنسبه الزينب جنتي عايشه برحمة الله لان ماعشتي نفس معاناتها ودائما يكول لو ماماخذين ثارهم جان قبلت ترجعين بس همه ماخلو خط رجعه لان لو مرجعج جان الوادم اكلت وجوهنه على ابو رجعت بنتي للكتلو ابن اخوي والوادم ماترحم كملنه الحنه ماكمنه ولاركصنه بس اني كمت فشله هم يكولن اهل العريس جايين كلشي ماكو كاعدين نهضت لزمت ايد حوراء كومتها هي وبدلتها اني اصفگ وهي تركص بهدوء ومرت اخوها وياها طالعه اتخبل مرت اخوها لابسه لبس مال حوامل بطنها موجبيره مبينه بشهر 5لو 6 وعدها بنيه تقريبا عمرها 5سنوات تشبه امها وهي وبتها لابسات نفس التصميم يخلبن ساعه ورجعنه للبيت لان هم يالله نحضر باجر الزفه وابوي عازم الناس بليل كملنه كلشي نمنه من التعب من وكت ثاني يوم ماراحت نسوان للزفه بس الزلم راحو وامي وياهم حتى يطلعون العروس من بيت ابوها للعصر يالله رجعت الزفه احنه النسوان طبخنه العشه بجدور كبار خالاتي اجن كلهن ماخلن امي تمد ايدها للشغل ابد وحتى من راد ابوي يجيب رجال يطبخ ماقبلن كالن احنه النطبخ دخلو سيارة الزفه للبيت خالتي لازمه صينيه تمن والثانيه لازمه دجاجه وسجينه وزينب لازمه دولكه ماي كوه حطيتها بيدها اريدها شويه تحرك روحها وتنهض نزل مثنئ الضحكه شاكه الحلگ اندار لجهة العروس فتحلها الباب اول مانزلت عثرت ابدلتها امي لزمتها يكولون موزين العروس تتعثر لان فال موزين راح تصير حياتها بيها عثرات هاي تقاليد وادم قبل وامي منفذتهن كلهن حتى اخواتها يكللها انتي ازغر وحده بس بسوالفج اليسمعج عباله انتي امنه عقلج مال ايام قبل العروس اجت وياها امها ومرت اخوها بس تعشن شكد حبيت مرت الاخو سوالفها تخبل من شافت حوراء ترجف كالتلها بعد شوي يحطج بحضنه تنسين اهلج كلهم تسولف وتضحك على العروس الخلصتها ترعش تالي تعشن وراحن اجه عليهم ابنهم الجبير امي جلبت بيهن حتى يباتن لان هاي احدئ التقاليد المطبقتهن امي لازم ام العروس تبات يم بتها الام كالتلها بنتي صارت عند اهلها مو يم ناس غربه حتى ابات يمها هي صارت بتكم بعد وفعلا راحن مرت الايام والاشهر وحوراء مطيره عقل الكل ابوي يموت عليها دائما يكول صارن عندي اثنين بنات حتى عيد ميلاد سوالها هي من بداية زواجها حبلت خلت الكل يحسب الحملها مايصدكون شوكت يجي ابن مثنئ لان ماعدنه طفل صغير بالبيت فتشوفنه متلهفين على هذا الشي ماكو رجال ومرته مايتعركون بساعه شيطان مرات يتعارك مثنئ وياها وزعلهم قوي وخاصتا هو من يتعارك اكول دخيلك ربي مااعتقد بعد يتصالحون بس ابد ماتزعل لهلها واذا تتعارك ويه مثنئ تروح لغرفة امي تزعل من عنده تالي يخلص اليل يتوسل بيها ترجع للغرفه وامي اتكلها عوفي لا ترجعين حتى يتوب مايسوي مشاكل الابنيه كلش حبابه خلتنه كلنه نتعلق بيها من اخلاقها الحلوه كسبت الكل ماتاكل اذا ما تشوفنه كل واحد اكله كدامه امي اتكلها اكو جناين مالهن شغل بالعيال مايهمهن ياكلون لو لا تجاوبهم حوراء،، امي علمتني تكول كل التسوي لعمج وعمتج باجر تكبرين وتصيرين عجوز وشمهما تعامليهم الله راح يجازيج نفس معاملتج انجانت زين لوشين غصون،، اهلها كل كم يوم يمنه يجون لو ابوي وامي يرحون يمهم يعني كلش قوة العلاقه بين العائلتين عدهم ثلاث اولاد كلهم متزوجين الجبير رجل الابنيه الحامل حوراء گالت يشتغل حارس شخصي لواحد من المسؤؤلين بالدوله والباقين واحد مدرس والثاني معاون طبيب والبنات خمسه اخر وحده حوراء كلهن متزوجات فد يوم كاعدين واجو اهلها مرت اخوها تحب تجي يمنه بتها تضل يمي تخبل اكرص بخدودها طالعه حلوه على امها اجتنه تلهث كوه تمشي دخلت شهر التاسع احنه من يجون اهل حوراء اذا اجه بس ابوها افوت اكعد يمهم واذا اجه واحد من اخوتها لا استحي ماافوت لان فشله حتى لونسابتنه ف الخاطري حوراء وام اريج يجن يمي نكعد بغرفة امي نسولف ناخذ راحتنه حوراء،، شوكت يشيفون هاي الرگيه؟؟ غصون،، حوراء قصدها الرگيه بطن هاله هاله،، الاسبوع اليجي عمليتي اسكتن خايفه من هسه ب اريج ماخفت هيج غصون،، كولي يالله انشاءالله اطلعين سالمه انتي والطفل حوراء،، جهزتي؟؟ هاله،، لاوالله ماجهزت شسوي بي هي هم بنيه واريج ملابس نفاسها كلهن جدد بعد عليش اشتري جديد غصون،، بعدها ضلن يسولفن على رجلها حوراء اتكلها اشلون وضعه بالدوام هاله،، اسكتي منا لمن يرجع للبيت يالله يرتاح كلبي لان اخاف علي والدنيا مو امان حوراء،، اكلج هاله حبابه اخوي هم يضحك ويتشاقه وياج؟؟ هاله،، هههه عابتلج اصلا امجد مرح حوراء،، وين خاتل المرح بيا جها فهميني؟؟ شو ابد مااشوفه يضحك عود هو اخوي خاف بس يمج يضحك غصون،، هاله ضحكت كالتلها المهم يمي ضلن يحجن علي مبينه من سوالفها كلش تحبه وتحترمه وره اسبوع صادفت العمليه مال ام اريج الساعه ب 8الصبح عمليتها كاعدين نتريك وحوراء بغرفتها ماحسينه غير صوت صرخه كلنه طفرنه اول واحد مثنئ سوه الدرج شبختين صعدنه نتراكض اباوعلها لازمه الموبايل بقوه ترجف وفاتحه عيونها وتردد اسم هاله مثنئ بسرعه جر موبايله اتصل بعمة الافتهمنا هاله اثناء العمليه مصفر ضغطها توفت قبل ماتفرح بولادتها الخبر صدمه للكل كلنه تاثرنه عليها متت بجي بنيه مثل الگمر حبابه وانسانه خلوقه بس امر الله فوق كلشي رحيلها سبب دمار للكل طفلتها عايشه شكلها وسوالفها مايروحن من بالي وين مااروح احس شكلها كدام عيوني نروح للفاتحه تكسر الگلب بتها الجبيره تبجي تريد امها بيوم الثالث تاخرنه لليل عدهم والطفله جرتها من الصبح لليل على فرد بجيه لا تاكل ولاتشرب تصيح اريد ماما ودوني الماما اخذتها بيبيتها طلعتها بره بالطارمه شايلتها تريدها تسكت واني وحوراء واكفين اباب المطبخ نتباجه دخل رجال لابس دشداشه سوده ولابس شماغ اسود شامره على راسه بدون لف اخذ الطفله من ايد المره شالها اخذها وطلع حوراء تبجي اتكول عمت عيني عليك خويه مايكدر يمشي محني ضهره على مرته وره ساعه جابو الطفله لان خطار عدهم بس دخلت يمنه رجعت تبجي تتبرغث بالكاع تكسر الخاطر اتقربت منها كتلها تردين تشوفين ماما؟؟ سكتت ضلت صافنه بوجهي عيونها وارمه من البجي مديت ايدي شلتها بس تناشغ فتحت باب المطبخ وحوراء تمشي وراي وبيبيتها هم تبجي المره اكو سياره بالطارمه شلتها كعدتها ع الجنطه مال السياره رفعت ايدي للسما كتلها تشوفين ذيج النجمه؟؟ هزت راسها ب اي كتلها ذييج ماما اهناك صعدت اريج،، خل اصعد يمها غصون،، بجت البيبيه واني كوه ساكته لاابجي بوجها كتلها من نكبر اني وانتي وبيبي وكلنه نصعد يم ماما هسه اسكتي حتى لتخليها تبجي عليج تقبلين ماما تبجي؟؟ اريج،، لا غصون،، ماما خلت يمج داده انتي اختها الجبيره حتى اديرين بالج عليها هزت راسها الطفله تبلع بعبرتها مديت ايدي اريد اشيلها تجاوبت وياي شلتها حطت راسها على متني ومن البجي والتعب غفت حوراء فرشتلها بغرفة امها اخذتها حطيتها بالفراش وطلعت سالتها وين الطفله الصغيره؟؟ حوراء،، طفلة نفاس موزين عليها الصايح اخذتها بيبيتها يمهم كم يوم ونرجعها خطيه ذني البنات راح يوعن ع الدنيا يتيمات مايحسن بحنان امهن وهم بيبيتها خطيه المره كلساع توگع يصعد سكرها على بتها حاضنه الطفله الصغيره وتبجي غصون،، للساعه ب9بليل رجعنه للبيت بس حوراء ضلت يم اهلها ثاني يوم اتصلت بيها اريد اطمن ع الطفله حوراء گالت فزت نص الليل ادور بالبيت على امها اتصيح هسه ماما جانت يمي اهنا ادور عليها بالاغرف من مالكتها ماتت بجي گلنه راح يسكت كلبها من كثر البواجي غصون،، حوراء تحجي واني ابجي من اسمع صوت الابنيه بس تبجي حتى صوتها مبحوح على امها حوراء كالت متعلمة بليل اله تنام بحضن امها ابد ماتنام وحدها و الطفله ماشايفه امها وهاي اول مره هيج تبتعد عنها هلگد حتى ابوها محتار بيها ذيج الطفله الصغيره لسه ماراح ولاشافها وره الولاده لان محتار بااريج سابع يوم رجعت حوراء بس كلش تعبانه على موت مرت اخوها احنه ماعايشين وياها وهلگد اذتنه بموتها مو انوب حوراء واهلها كلنه نكول الله يساعدهم ويصبرهم على فراگها اسبوعين متعلعلين كلهم بسبب اريج ياخذوها يم بيبيتها ام امها يم ختها تسكتلها شويه وترجع تبجي يوميه يقنعوها باجر ناخذج الماما بس اسكتي واذا ماتاكل يكلولها بطلنه ماناخذج لان ماتاكلين يخلوها تنفذ لان تخاف ماتشوف امها العصر راحت حوراء لهلها مسوين جمعه بثوابها بليل من رجعت تفاجئت جايبه الطفله وياها ابتسمتلها ومديت ايدي اريد ابوسها ختلت وره عمتها ماتريدني غمزتلي حوراء بمعنى عوفيها هسه حوراء،، اليوم اروجه تبات يم عمتها حتى اعلمها ترسم غصون،، تباوعلي وخاتله وره حوراء تكسر الخاطر حوراء تتحرك هي بضهرها مشكله بثوبها ماتقبل تهد عمتها حوراء،، بس خل اذب عباتي ونكعد غصون،، كعدت والطفله كعدت وراها جريت موبايل طلعت افلام كارتون وجهت الشاشه الها كتلها تجين وياي نتفرج ع الفاره والبزون؟؟ هزت راسها بمعنى اي جريت مخده حطيتها بالكاع وانطيتها الجهاز كتلها تعاي حطي راسج ع المخده وتابعي اتمدددت واني بصفها كل ماتصير لقطه تضحك اضحك اريدها تندمج شويه شويه صارت تكلب بالمقاطع تركتها وعدلت كعدتي سالت حوراء ع الطفله الثانيه حوراء،، اني ذيج كاسره خاطري حتى مالحكت ترضع صدر امها لو تشمها ردنه نجيبها بيبيتها ماقبلت تكول اذا خذتوها اموت وراها خلوها يمي امجد كال اخليها كم يوم واجيبها الم بناتي اطشرنه من ماتت امهن كل واحد بمكان واخوي هم مرته يحبها متاذي كلش على فراكها اخذها عن حب تشوفي مايبجي كدام احد تالي طلع يروح الكبرها ينحب يمها صعب بيوم وليله تفقد انسان عزيز عليك عقلك يضل رافض الاستيعاب بسبب الصدمه غصون،، بيومها باتت الطفله يم عمتها مثنئ كل شويه وشالها يفتر بيها شغل الها بلي ويه مرتضه انطاها اليده كالها العبي ومرتضئ يسوي روحه فازت علي باللعبه خلوها شويه تضحك ابوي يباوعلها ميت قهر عليها كتله بابا عود تنسه امها؟؟ ابو مثنئ،، بعدها طفله بنيتي وراح تتعلم على افراگ الام مثل ما راح ابوها واهلها يتعلمون شويه شويه على فراگها راح انطيج مثل شايفه البشر من تنجرح ايده؟ شوكت يكون الالم قوي؟ اول يوم لو ثاني يوم؟؟ غصون،، اكيد اول يوم يكون الالم قوي ابو مثنئ،، ومن نفقد عزيز كذلك نفس الشي تشوفين اول يوم مامصدكين نبجي بحركه وثاني يوم شويه البجي اقل من اول يوم وكل يوم يمر يقل البجي مومثل اول يوم لان الله ينزل الصبر قبل البلاء يوميه ينطينه جرعه صبر حتى نستمر وبالاخير كلنه على هذا الطريق مادايم غير وجها الكريم غصون،، ونعم بالله بمرور الايام صارت الطفله ماتسكت غير يمنه وخاصتا يم حوراء يجيبها جدها من يروح ابوها للدوام بس من يرجع يجي ياخذها مايقبل يكول سالبه راحتكم اخذها يمي احسن هذا الكلام حوراء تحجي الي من تاخذ اريج لبوها بعدين من شافها تسكت يمنه صار مايحجي بليل يجي ياخذها من الباب مايفوت للبيت شويه شويه عرفت اكسبها يوم نرسم اني وياها ويوم نتفرج كارتون ويوم نخلصه نلعب كلساع لعبه الحمدالله كدرت اخليها تتجاوب وتضحك مومثل قبل جانت معاملتها كلش صعبه ماتريد احد بليل اجه ابوها اخذها طلعتله حوراء من الباب اخذ بنته ثاني يوم مااجت الطفله تفاجئت كتلها حوراء شعجب اليوم اريج مااجت؟؟ جرت الموبايل اتصلت باامها سالتها شعجب اليوم اريج محد جابها؟؟ اسمع امها تجاوبها اتكلها اخوج مايقبل يكول فشله سالبه راحت الناس خلوها تبجي كم يوم وتسكت وحدها صدك ضجت لان كلنه تعودنه عليها وخاصتا هي صارت تسولف وتضحك مو مثل البدايه جانت معاملتها صعبه كتلها ليش مايجيبها تره خطيه وقابل شاكين منها احنه؟؟ جاي نحجي دخل ابوي كال شكو حجيتله كتله ابو اريج مايقبل يجيبها يكول بنتي سلبت راحتكم ابوي اتصل بي وبينله انو زعلان بسبب تصرفه ساعه زمان وهو جابها بيده عيونها حمر تبجي على حوراء اول مادخلت شمرت روحها بحضن عمتها مرت 7 شهور واريج تعلقت بينه اني وحوراء بيوم الماتجي يمنه تضل تبجيزبس اكثر تعلقها بعمتها تنام بحضنها تاكل منها اني بس من العبها تتجاوب حوراء كل مايقترب موعد ولادتها تكول خاف اموت لان خافت من ماتت مرت اخوها مثنئ كالها لتخافين كل واحد يموت بيومه ومرت اخوج هذا حد يومها حوراء ماقبلت تسوي العمليه واصرت اله ولاده طبيعيه حتى امي كيفت اتكول تجيب طببيعي احسن الها كاعدين نتعشه بليل وحوراء تلوب لان عدها الالام خفيفه اخذناها العصر للمستشفى فحصنها كالت الدكتوره بعدها رجعوها للبيت لان سالفتها مطوله الساعه ب 3الفجر طلگت امي مجهزه للطفل بيها ولد كلنه ارتبكنه اخذتها امي ومثنئ اتصل بامها حتى يلحكوهم للمستشفى ابد مارجعت نمت ضليت اندعي وانذر كون مرت اخوي تطلع بسلامه هي وابنها للساعه ب 5اتصل ابوي كال جابت الحمدالله سالته اشلونها كال بالاستراحه ساعه زمان ونطلع للساعه ب 7رجعو امي مخليه الطفل جوه عباتها دخلو السياره للبيت نزلت حوراء تمشي على كيف كتلها الحمدالله على السلامه ام علاوي ابتسمت لان مثنئ مقرر يسمي ابنه علي حوراء صارت ماتلحك لان ابنها بس يبجي احتارو بي يوميه يودو لطبيب اطفال كالهم عنده مغص ولادي 6شهور يالله يروح منه كلش تعبت النهار كله شايلته وتفتر حتى من تكعد تاكل لازم واحد من عدنه يشيله بمكانها صرنه مالنه شغل بيها عليها ابنها وبس لان الابنيه جانت مامقصره بس بسبب ابنها كالتلها امي من ينام نامي على نومته ارتاحي ماعليج بالشغل واصلا كلشي ماعدنه احتاري باابنج بيوم كاعده بغرفتي اتصلت بيه ساره وعرفت منها ذياب طلك نور وهلمره هي الطالبه الطلاق لان مشاكل بينهم والنهار كله يتعاركون ابد مااهتميت للخبر وكان التحجي عنه انسان مااعرفه لان فعلا جنت حاسه بي مايسندني واقل شغله تصير راح يتخلى عني دائما اشكر الله لان مارجعتله لو راجعتله جان رجع نور واني عنده وساعتها يمكن اموت مااتحمل مر على وفاة هاله سنه كامله 2019 الطفله الزغيره كبرت سبحان الخالقها كلش تشبه امها نفس الملامح والعيون والبياض اريج صارت كل جمعه تجي يمنه من العصر لليل لان تسجلت بالمدرسه ونسوان عمامها قايمات بواجبها يقرنها يعني الطفله صار عادي عدها تجي يمنه لوماتجي بنهايه سنه /12. /2020 العصر كاعدين نشرب جاي اجت جارتنه هي وبتها استقبلتهن بكل احترام قدمت الضيافه امي كعدت يمهن من كلامهن عرفتهن جايات يخطبن تركتهن وكمت بس امي وحوراء كاعدات يمهن شويه وراحن النسوان العرفته الام جايه تخطبني لخوها واخوها اكبر مني بكم سنه مطلگ مرته وعنده بس طفل منها وعند امه قبل لانحجي لان مااقبل مااريد وشايله فكره الزواج من بالي توني اريد احجي سبقتني حوراء حوراء،، ماننطيهم باجر رجع مرته مثل ماسوه طليقها السابق اصلا غصون تستاهل الاحسن غصون،، سكتت ماحجيت واصلا بدون ماتحجي اني مااقبل ثاني يوم راحت حوراء لهلها من رجعت بليل كالت باجر اهلي يجون يسيرون يمنه ابوي كالها اهلا وسهلا بيهم وفعلا ثاني يوم اجو بس الاب والام وبتهم الجبيره متزوجه بالكوت لبست حجابي لفيته عدل ولبست عباتي ورحت كعدت بصف امي اختهم الجبيره تباوعلي حوراء بالباب وكفت صاحتلي نهضت من يمهم طلعت يمها حوراء،، فدوه غصونه سويلهم جاي غصون،، كلت يمكن تريد تكعد يم اهلها تركتهم ورحت للمطبخ اسوي جاي حطيت القوري ونزعت عباتي علگتها ع الباب جاي اتمشى يم باب الاستقبال سمعتهم يحجون والافتهمته جاي يخطبوني ال امجد ضليت صافنه مااعرف شنو احساسي بسررعه تذكرت هاله شويه واجت حوراء مبتسمه كتلها شنو هذا الحجي؟؟ حوراء،، غير جاي يخطبوج لخوي غصون،، ومنو كالج اقبل؟؟ ردت احجي اجت امي عضتلي شفتها بمعنى لايسمعوج ام مثنئ،، صوتج فشله حوراء،، اتركيها عمه بعدين نحجي غصون،، سويت جاي بس مارجعت يمهم لمن صاحلي ابوي كال تعاي اكعدي مبين ام امجد هي الطالبه منهم يصيحولي يمهم ماحجو شي بس يحجون بوضع بنات امجد لان رابيات بدون ام وهلشي صعب وره ساعه راحو امي وابوي فتحو الموضوع امي ايدت الفكره ومبينه مقتنعه بس ابوي كالها بكيفها مااجبرها امي كالتله من اطلكت لسه ياهو اليجي يخطبها مطلك وعنده اطفال وشباب هلوكت ذاك من ذاك واصلن نادرا اكو شاب مامتزوج ياخذ مطلگه حتى لو هو يقبل مستحيل اهله يوافقوم وامجد خوش رجال موضف وخريج وابن ناس وعمره مناسب لعمرها وغصون سباعيه واتخاف الله خل تحتوي وتحتوي بناته وبعدهن صغار يتعودن عليها صح محد ياخذ مكان الام بس هذا امر الله مااعرف شنو احجي ضليت ساكته وحوراء يومين تقنع بيه اتكول والله يمكن الف مره امي طلبت منه يتزوج الخاطر بناته بس رفض اهلي كلهم يحبوج من كلامي بيج ومن عرضنه علي الموضوع كال شتشوفون سوو والله لو مامقتنع مستحيل يوافق امجد واعرفه جدي بقراراته وصعب كلش كتلها انطيني مجال افكر كالت كل الوقت الج بس كون بالنهايه تفرحينه يومين اني مانايمه بسبب التفكير ذياب صفحه وطويتها بكل تفاصيلها بس فكرت بوضعي اذا قبلت خايفه من التجربه مره ثانيه وهلمره راح اتكون اصعب لان راح اتحمل مسؤؤليه اثنين بنات تالي نهضت توضيت ورجعت فتحت القران اخذت خيره ابوي علمني عليها ثلاث مرات انوي تطلع ايه مبشره بالخير تالي توكلت على الله وانطيتهم موافقتي حوراء فرحت بقراري رجعو الخبر لهلها وابوي مبين فرحان من عيونه لان كلهم يعرفون امجد واخلاقه حوراء صارلها ثلاث سنوات عدنه واهلي عرفو اهل امجد كلش زين وكل الناس تحمد بااخلاقه حددو موعد المشيه مال الزلم ويجيبون سيد وياهم حوراء كالت اخذج للصالون ارتبج وفعلا اخذنه مثنئ رتبتلي وجهي اتذكرت من اخذتني ام ذياب بلعت الغصه مااريد اذكره لان مايستاهل مرتين تخلئ عني صح حاول بس لو راجعتله جان ماانطئ بعذراء ورجع طعني من جديد كملت حفافه وترتيب بس سحبت شعري تسريحه بسيطه رجعنه للبيت قبل موعد المشيه بنص ساعه امي اشترتلي فستان قبل المشيه بيوم زينب وبنات عمي موجودات وياي ماتركني ابد بعدها اجو الزلم طلعت كعدت بالصاله جايات اخواته كلهن ومن ضمن الجايات ام هاله كسرت خاطري الحظه ردت ابطل بس. من اجت يمي كعدت بصفي لزمت ايدي كالتلي كلام خلت دموعي تنزل ام هاله،، بالعافيه عليج بنيتي وياريت بنيات بنتي تحطيهن بعيونج الله شاهد حبيتج من اول ماشفتج والي نضره وحده بالبشر لذلك اذا الله اخذ امانته اموت واني مرتاحه لان حفيداتي بايادي امينه غصون،، بجيت جرت راسي باسته دنگت بست ايدها كتلها بعيوني والله صار وقت العقد حطت مريم شال علئ راسي بهاي اللحظات القليله حسيت شريط حياتي كله انعاد عليه. من جديد اتذكرت من رحت فصليه وعقدولي واني خايفه خاتله بضهر زينب ابجي الحد هذا اليوم اتذكرتهن موقف موقف كانه اودع كل ذكرئ تخص ذياب وراح اطوي صفحته من كتاب الماضي وابدي صفحه جديده ادعو من الله يوفقني بيها تم العقد واتعالت اصوات الفرح وهلمره انربط اسمي ويه اسم امجد اني وهو اثنينه صفعتنه الحياة صفعه قويه حطمتنه كانه نحاول نرمم ارواحنه المهشمه باارتباطنه نلعق على جروحنه ونمضي لان الحياة لازم تستمر دخل امجد اني مدنگه اهله فرحتهم ممزوجه بالدموع لان مايهون عليهم ذكرئ هاله الانسانه الطيبه المحترمه الخلوقه شفتها كم مره وطبعت كل تفاصييل لقائي بيها بذاكرتي شحال امجد هو وياها عشرت عمر ام بناته وحبيبته كعد بصفي رفعت راسي باوعتله نضره خطف ودنگت لابس قاط اسود وقميص ابيض بدون ارباط على ملامح وجها ماكو كل اثر فرحه نهائيا حسيت بي اختارني لان حس بيه الاختيار الافظل لبناته ماضل دقايق وطلع بدون ولاحرف امه كالت كم شهر ويتم العرس لان امجد ماقبل يتزوج بغرفته القديمه گناله اخذ غير غرفه بالبيت ماقبل واشتره قطعة ارض يمنه وحاليا بده يبني بيها وانشاءالله غصون تطلع من بيت ابوها البيتها حاليا صارلي ثلاث شهور مخطوبه امجد كلامه وياي جدا قليل على كد السلام وابد مااطلب منه الاهتمام لان حاسه بوضعه ساره صار اتصالي بيها جدا قليل اخر مره اتصلت بيه قبل شهر وعرفت بيه مخطوبه كلش ضاجت لان عدها امل ارجع لذياب ماتدري كل ذكرى تخص اخوها تركتها بكتاب الماضي لان اني اليوم على ذمة رجال ثاني حرام افكر بغيره حتى لو مجرد فكره الله مايرضه لان تعتبر خيانه ل امجد وره عقد السيد ب اسبوعين عقدنه محكمه رحنه بس اني وياه وامي لان موقاصر حتى اخذ ابوي يمشي كدامي شخصيه كلش قويه كل شويه يجي شخص يسلم علي ويعرض خدماته بالمحكمه يمكن مره لو مرتين التقت نظراتنه كملنه عقد المحكمه وهلمره صرت بااسمه شرعا وقانونا حاليا منتظرين بس يكمل البيت يتم العرس حوراء گالت احتمال يكون عرسكم بشهر 5 قبل شهر جهزت ذهب دزلي امجد فلوس ابوي گال انتي وياه روحو اشترو وحدكم البنات. خلتهن حوراء يمها ردت اخذهم يغيرون جو بس ماقبل كال يتعبون من الفره طول الطريق بالسياره السكوت سيد الموقف واخيرا جلئ صوته سالني امجد،، شنو مكمله دراسه؟؟ غصون،، ثالث متوسط امجد،، عابرته لو لا؟؟ غصون،، اي نجحت وتركت امجد،، شعجب مافكرتي تكملين سادس خارجي؟؟ غصون،، كتله مااعرف اخاف اجرب وافشل لان ماعندي واهس امجد،، حاليا فاتحين التقديم اذا تحبين اقدملج واني اقريج غصون،، انشاءالله وصلنه للصايغ كال اختاري كتله مااعرف شنو اختار تالي هو اختار ذوقه كلش حلوه كملنه وطلعنه گال عازمج نتغده ونرجع للبيت وفعلا اخذني المطعم بس يمكن اكلت لگمتين وكل الموجودين سمعو صوتهن واني ابلعهن لان مااعرف اكل كدام احد وخاصتا هاي اول مره اكل كدامه كملنه وطلعنه وشائت الاقدار تجمعنه الصدف طلعنه من باب المطعم متوجهين للسياره وكفت سياره ثاني وره سياره امجد نزل منها ذياب واثنين زلم وياه احس رجليه ماعادت تشيلني مو حب ابد بس احساس غريب دافنته بمكان بعيد بااخر طيات روحي ضل جامد بمكانه وهو يشوفني امشي وره امجد ماصدگت اوصل للسياره بهاي اللحظه خفت لايشوفه امجد اهواي افكار اجتني اذا شافه وعرفه طليقي شنو راح يفكر واحنه بنفس المكان؟؟ دخلت للسياره واسمع صوت واحد من جماعته يحجي وياه صعد امجد واتحركت بينه السياره تركته هو وماضيه وراي اختاريت كرامتي ودست على گلبي سبحان الله مرات ربي يخليك تقابل الشخص الغلط وتغلط معاه ويكسر قلبك وخاطرك ويخليك تندم علي حبك اله وبعدها ربي يقابلك بالشخص الصح ياللي يعوضك ويصونك ويبني الشيء الي انكسر فيك فَ نحنا لازم نكون متاكدين ان الله دائما يعوضنه بعد الصبر والبلاء لاتزعل على شي حاولت يكون الك وماكان من نصيبك لان العوض دائما افضل وره كم يوم قدمت للسادس واستلمت كتب وحاليا اقره انشاءالله انجح بس محتاجه دعواتكم هاي نهاية قصتي بنهاية القصه ايقنت انو الله سبحانه وتعالئ دائما يختار الافظل العباده (وعسى ان تكرهوا شيئاً وهو خير لكم وعسى ان تحبوا شيئاً وهو شر لكم والله يعلم وانتم لا تعلمون) عندما تحرم من شيء ما تذكر أن الأنبياء حرموا من أمور ولكن عوضهم الله عنها بأحسن وعندما يذهب من يديك شيء غالي عليك تذكر أن الله سيرده لك أو يعوضك بالأحسن اشكرر. كل البنات التفاعلو ويه قصتنه اني وزينب وابد ماضنيت توصل لهذا العدد الهائل من المشاهدات الفظل لله والست زهراء الحسناوي الوصلتها باابداعها وسردها الراقي اول مره قريت بيها قصص كانت قصه المراهقه والاربعيني بعدها فكرت اكتب قصتنه بدون محد يعرفنه زينب بالبدايه رفضت الفكره لسه اذكر كلامها كالت وخري عني هو اني صايره قصه من طرحت القصه على ست زهراء بالبدايه رفضتها لان كالت قصتج مااحسها تشبه قصة الفصليات لان انتي بالنسبه لحياة الفصليه عايشه بنعمه بس موافقتها ع الروايه لخاطر زينب لان فعلا حستها مظلومه ولازم تنقل قصتها وصرختها بالنهايه حابه تندعولي ربي يريح بالي واكون عند حسن ضن هاله واخاف الله ابناتها لان حسيتهم بناتي صح اريج كبرت حاليا عمرها 8سنوات تغيرت معاملتها الي تحسها تخاف اخذ ابوها منها بس امجد كال بمرور الوقت تتعلم عليج اتمنى فعلا اكسبها من جديد قبل فتره كنت داتابع منشورات ع الانستا وشفت صوره لشاب يشبه امجد كلش بحيث ضليت صافنه كل ضني هو فعلا يخلق من الشبه اربعين اخذت لقطه شاشه لصوره الشاب بس استحيت اشوفها لامجد ردت اكله هذا يشبهك بس گلت عيب مااريد ياخذ عني نظره دزيتها الست زهراء وحذفتها من جهازي واخيرا دعواتكم الزنوبه رفيجه دربي اختي وتؤم روحي صعب اشوف حالتها هيج ومابيدي شي اسوي اكثر الوقت حاليا تقره تعليقاتكم وتصورهن يمها كل مااروح يمها نكعد نقره التعليقات وكلام الناس الي تحس بكلامهم وطيبتهم الدنيا بعدها بخير | ||||||||
|  |
|
04-02-21, 11:06 PM
| #72 | ||||||||
| مراقبة عامة ومشرفة منتدى الروايات المنقولة
| #ضحية_لمن_لايرحم زهراء الحسناوي #صرخة_زينب جابوها دفع للدار لا ديرم ولاحنه ولاصفگه ولادف النعر بالسلف لاهلهوله لاملگه سألت الناس عن قصة هالبنية شعجب جارو عليها بغير حنيه ورديت بگلب حزنان من گالولي فصليه لعنت ضلم التقاليد بألف حرگه عمرها الأخضر الهرفي بسعر اليابس تحرگه احديثة اتگول حوريه بربيع العمر مياله حرام دموعها الطيبات ع الخدين هماله وين العطف والرحمه يفصاله؟ لاسوت ذنب لاهي چتاله چا هيجي حكم ديوانك المهيوب ودلاله علي تحرم فناجينه وگهوته وگعدة ارجاله غصبتوها ضلمتوها حرمتوها هضمتوها وهبتوها الشخص ضالم حتى من العقل مايملك وشاله يحاچيها بدفرته وگال فصليه عساها ابخت من فصلو وانطو مهرة ألفارس الوادم ماهي خياله وحوبتها وراهم دوم تحرگهم بكل شهگة تتحسر تدير العين محد يرحم الشكوئ أسيرة اتگول جابوها بلارحمه ولاسلوئ ياديوان السلف بسك فحطنه من الفصل والثأر والنهوة ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،،، أجاد الشاعر بمعالجته لواقع امض مرارة من الحنضل (الفصليه) تلك الفتاة التي سلب حقها بأن تعيش بكرامه وان تعامل كأنسانه لها كيان ووجود وحقوق يقول بول ايلوار (لااجد وقاحة فكرية تفوق وقاحة الرجال بوضع التشريعات التي تخص المرأة) ويقول جودت التميمي في هذه القصيدة ولااعتقد يعرف أي منهم الأخر چا هيجي حكم ديوانك المهيوب ودلاله؟ علي تحرم فناجينه وگهوته وگعدة ارجاله ارئ أن مساواة الرجل بالمرأة ليس تحررآ للمرأه فقط بل انعتاق للرجل من عبوديته لذاته فعلئ الإنسان أن لايأبه ويهتم لمصلحة الشخصية علئ حساب مصلحة الآخرين حتئ وأن كلفه ذلك الأنفراد عن السرب والأنعزال والا سيكون عبدآ لذاته وجودة التميمي كاتب هذه القصيدة صاحب هذا المبدأ انفرد عن مجتمعه وابنأد جلدته وتحرر من ذاته الئ درجة (حرم) علئ نفسه مجالسة أصحاب الشأن الرفيع كما كان شائع أنذاك من الشيوخ ومسنني القوانين القبلية المجحفة ومشاطرتهم الحديث ولايخفئ مايترتب علئ صاحب مثل هكذا مبدأ من تحقير ونبذ مجتمعي ومع ذلك نرئ جودة لم يردع عن إبداء رأيه وشق طريقه وهذا برأيي منتهئ الحريه لأنه وكما قال نيلسون مانديلا (ليس حرآ من يهان أمامه شخص ولايشعر بالأهانه كان الكاتب جودة التميمي مريض حد التعب ويعاني بمعاناة أبناء جيله بل كان مثقلا حد الأعياء بسبب مايسود مجتمعه وهذا أوضح بقوله يديوان السلف بسك تعبنة من الفصل والثأر والنهوة وخصوصآ المرأة آنذاك فقد كانت حريتها مصادرة علئ جميع الأصعدة من قبل الرجل ليس لشيئ بل لمجرد هو رجل وهي امراة وهذا منتهئ الغرابه والتعجب فنزف جودة مشاعره المناصره والمشتركه مع كل امرأة مضطهده علئ شكل هذه القصيدة وصدح بها بلبل الجنوب عبادي العماري لتكون شعارآ علئ مر السنين ضد العادات السقيمه والتقاليد الرجعيه الذي من شأنها الحط من قيمة الإنسان ونفي دوره الإجتماعي نحن الآن في أوج عصور التقدم والتمدن والنضوج الديني لسنة 2021 ومع كل الأسف الئ يومنا هذا لازالت هذه التقاليد في بعض العشائر سارية المفعول ولحد هذه الأيام لازالت أحكام شيوخ العشائر بما لايرضى العقل والشرع والقانون لقد كتبت روايه تشرح معاناة نساء بلدي الذي ذهبن ضحية لعادات وتقاليد باليه انها ليست رواية فقـط إنما هي رسالة توعية وإصلاح لمجتمع متخلف وجاهل يبخس حق المرأة ويضلمها ويجب أن تكون روايتي وثيقة حقوق دوليه وايضآ تستحق هذه الرواية أن تكون رسالة حقوق للمرأة بكل معاني الكلمة بل أطروحة دكتوراه اتمنئ أن تحدث هذه الروايه هزة في المفاهيم والفكر في الجنوب العراقي من مهزلة الفصول العشائرية الباطله وانتهاك حقوق الانسان الديوان،، المجلس الذي يرتاد أبناء القبيله لسن القوانين والمناقشات بسك،، كفاك اويجب أن تنتهي فحطنا،، تعبنا لدرجة الأعياء وتسارع النفس النهوة،، هي منع زواج البنت لغير أبناء عمومتها ،،،،،. ،،،،،،. ،،،،،،،،، قريت بعض التعلقات اليكولون قصه فاشله تره من البدايه كتلكم قصه واقعيه هاي احداثها مااكدر اغير بيها ييمكن اكو بنات كل ضنهن بنهاية القصه الابطال يرجعون البعض ويعيشون عيشه سعيده تره البنات فصليات وربي خلصهن وعوض غصون بالاحسن ويارب زينب تنتبه لنفسها ولصحتها حتى تعيش حياتها وماتضل مگابله الماضي وكاعده عجبتني شجاعة غصون جدا لان اختارت كرامتها بنظري غصون ماعاشت حياة الفصليه مثل زينب لان زينب دمروها بكل ماللكلمه من معنى قبلت انقل الروايه الخاطر زينب بس ماكدرت اتجاهل قصه غصون لان هنه فصليتين مووحده فمايصير اكتب هنه فصليتين واذكر بس حياة زينب لذلك ذكرت قصصهن اثنيهن بس اكثر شي وكلكم منتبهين انو كنت مسلطه الضوء اكثر شي على حياة زينب ودائما تكتبون ست زهراء ليش بارتات غصون قليله؟؟ الجواب لان جنت انقل قصه زينب ومعاناتها متعاطفه وياها ويشهد الله بجيت عليها وادمرت نفسيتي كلش اتمنى ربي يريح بالها وبال امها ويارب كل التوفيق لغصون بحياتها الجديده بالمستقبل اذا وصلتني احداث عن البنات ماراح ابخل بيها عليكم وراح انزل الكم كل شي وبالنهايه الشكر والتقدير لكل متابعيني المحترمين 🌹🌹🌹 | ||||||||
|
| |
|
05-02-21, 08:45 AM
| #73 | ||||
| أولا أريد أن اشكر الكاتبة على أسلوبها الرائع الي يخليك تقرأ دون ملل. ثانيا اتمنى من الله ان يعوض كل من غصون و زينب و ريح قلوبهم ، لأن الشيء اللي عاشوه ليس بالسهل على أي بنت،لان الأحداث الاخيرة جعلت من قلوبنا تأن معهم ودموعنا تسسيل لاجلهم | ||||
|
| |
|
06-03-21, 09:56 PM
| #76 | |||||||||
 
|   السلام عليكم ورحمة الله وبركاته الله يوفقك يا غصون في حياتك  وزينب الله يحنن قلب بنتك عليك ويوفقك في حياتك.  شـكــ وبارك الله فيكي ـــرا لكي ، موفـــ بإذن الله ـــقة لكي مني أجمل تحية. | |||||||||
|
| |
|
09-11-21, 11:33 PM
| #80 | ||||
| الله يفرجها عليهم يا رب ويعوضهم العوض الجميل فعلا قصة تدمي القلب خاصتا زينب بنات هي عاشت سنتين دمار استغرب من البنات يلي يقولون قصة مو حلوة مين جاي يتكلم عن الحلاوة في هذه المأساة في بعض المواقف احنا نقرأها مجرد كم كلمة بس هي في الواقع دمار وتعذيب نفسي مثلا لما قالت انه لواء تغير وصارت تقوم بكتلة وتنام بكتلة وحتى حقوقه يا خذها بالغصب هاهي مجرد جملة بس في الحقيقة هي حياة كاملة عاشتها في الضرب الشديد والاغتصاب الحلال زي ما يسموه والتعذيب النفسي والجسدي فعلا تعاطفت معهم جدا وعودة زينب للواء في البداية تمنيت تعطيه فرصة خاصتا انه مو بايده كان مسحور بس بعدين شفت انه لا تكلف نفس الا وسعها وهي ماعادت قادرة تتقبله في حياتها خاصتا لما فرطت في بنتها في سبيل تحررها منه وهي ام وانا اعرف شو معنى ام لو تطلب عيونها لعطتها وما دامت سلمت فيها فهاذا اقصى احتمالها الله ياجرها ان شاء الله على صبرها على الابتلاء وزي الحديث النبوي يبتلى المؤمن قدر ايمانه انتي ايمانك قوي تمسكي بربك وان شاء الله يحنن قلب بنتك عيك ما زالت صغيرة وما تعرف رح تكبر وترجعلك اكيد خاصتا لما تعرف شو شفتي في حياتك عندهم ورح تحن لامها موفقة باذن الله غصون واتمنالك حياة هنيئة شكرا للكاتبة على نقل هذة القصة | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
