خلطبيطة بالصلصة ( راتاتوى )

[MooNy87]

أكلة مفيدة وخفيفة على المعدة وسهلة خالص
الوصفة الشهيرة فى فيلم الكارتون ( راتاتوى )



المقادير:

- الصوص:
- بصلة كبيرة متقطعة مربعات
- ١ ملعقة سمنة
- فص ثوم متقطع شرايح
- كوباية صلصة طماطم
- ملعقة صغيرة زعتر
- نصف ملعقة ريحان
- قرن فلفل اخضر حامي حسب الرغبة

الخضار:
- نصف كيلو كوسة
- ربع كيلو بتنجان
- بصلة كبيرة شرايح
- طماطم شرايح


الطريقة:

الخطوة الأولى:
هنعمل صوص الخضار، هنسخن ملعقة سمنة في حلة وبعدين نضيف البصل والثوم ونضيف الطماطم مكعبات والفلفل الاخضر ونقلب كويس وبعدين هنضيف صلصة الطماطم والملح، الفلفل الاسود، الزعتر والريحان ونقلبها ونسيبها لمدة 5 دقائق ويبقى الصوص جاهز.

الخطوة الثانية:
هنجهز الخضار، هنقطع الكوسة والبتنجان والطماطم شرايح.
الخطوة الثالثة:

هنجهز صينية مدورة ونضيف الصوص فيها وبعدين نرتب الخضار الشرايح (الكوسا والبتنجان والبصل والطماطم) ونضيف على الخضار فلفل وزعتر ونغطيها ونسيبها في الفرن من ٣٠ الى ٤٥ دقيقة.


التقديم :
هنقدمها مع ارز بسمتي أو ارز ابيض سادة وبالهنا على قلبكم

[serenade]

شـكــ وبارك الله فيك ـــرا لك ... لك مني أجمل تحية .

[SHELL]

هههه نفس اكلة فيلم الفار الطباخ