آخر 10 مشاركات
جدران دافئة (2) .. سلسلة مشاعر صادقة (الكاتـب : كلبهار - )           »          263 - بيني وبينك - لوسي غوردون (الكاتـب : PEPOO - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          ندبات الشيطان- قلوب شرقية(102)-للكاتبة::سارة عاصم*مميزة*كاملة&الرابط (الكاتـب : *سارة عاصم* - )           »          17- غدا يعود الماضي - فيوليت وينسبير (الكاتـب : فرح - )           »          بين قلبين (24) للكاتبة المميزة: ضي الشمس *مميزة & مكتملة* (الكاتـب : قلوب أحلام - )           »          ألـمــــاســة الفــــؤاد *مميزة ومكتملة* (الكاتـب : نورهان عبدالحميد - )           »          309- من يحب.. يخسر! - كيم لورنس - (تصوير جديد) (الكاتـب : Gege86 - )           »          زهرة النار -قلوب أحلام زائرة- لدرة القلم: زهرة سوداء (سوسن رضوان) *كاملة* (الكاتـب : زهرة سوداء - )           »          سجل هنا حضورك اليومي (الكاتـب : فراس الاصيل - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 07-03-21, 01:33 AM   #51

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




اسعد الله اوقاتكم بكل خير احبتي ❤
//// البارت اثنا وأربعـــون /////
#بيوت_بلا_جدران
#شمس_السعدي

----------------------------------
المسافـات لاتقرب احدا .. ولا تبعد احدا ..
القلوب هي التـي تفعل ذلك ..
فأذا تقاربت القلوب لايضر تباعد الابدان ..
والطيبون كـ النجوم لاتراهم دائمـا ..
ولكنك تعلم انهم موجودون في سمـاء القلوب ..
____________________________________
فتحت الباب شفت فيصل گبالي ..
عيونه مغرغرات بالدموع ويبتسم ..
" من طولج وجسمج عرفتج انتي امي .. عبن اعرفج من ريحتج.. من صغري وانه اشم ريحتج من ترضعيني شلون مااعرفها .. بس شلون انطاج گلبج ماتگليلي هيج خايفه مني لا افتن عليج ؟؟"
دمعت عيوني ..
" يبعد امك انت من هيج ماگلتلك ادري بيك تلحگني وخفت يشوفوك لو يلحگوك .. مو خوف منك .. انت ترباتي واعرفك شلون اشك بيك "
شمر روحه عليه هو يبجي وانه ابجي ..
دخلته لجوة خاف يشوفنا احد وسديت الباب ..
مسح دموعه ويناشغ ..
دور رجع مرة ثانية حظني هم ويبجي ..
" يمه لاتعوفينا بعد .. احنه بلياج يتامه "
رديت ..
" يبعد امك انت .. جا هو بيدي .. طردوني بليلة ظلمة وهددوني وگالولي لو رجعتي موتج وموت بيتج بسببج .. صعدوني بسيارة بس الله راد ارجعلكم ورجعت "
مسح دموعه ..
" منهو السوة هيج "
اجت زينب شافته ..
" ياااع هذا الخفيف شيسوي هنا .. شنهي لحكتنا من فلك طرك "
رديت ..
" لاتخافين زنوبة .. فيصل وليدي اعرفه مايحجي "
ردت ..
" اي عبن مادام تكولين هيج هاهي .. بس انه ماارتاحيتله "
تعصب منها ..
" السانج ولج "
ردت عليه بعصبية..
" ولاجة التولجك شني هاز كاروكي وتكلي ولج "
عاين عليه ..
" يمه شني هاي احجي وياها "
رديت ..
" زينب يمه ادخلي البيبيتج كلها اجينا .. وانه وفيصل بالمطبخ خاف تردن شي "
هزت راسها وراحت وهي تهز بيديها ..
وهو صافن ومعصب يريد ياكلها بعيونه ..
همست ..
" يمه مو هيج فشله البنية طفله وماتعرفك "
رد ..
" شمالها طفلة السانها شطولة .. توديني للشط وتجيبني عطشان .. ماشفتها شلون تتمسكن الحبوبتي سمرة وتقشمرها "
رديت ..
" الدنيا وضيمها خلتهن هيج .. تعلمت من بيبيتها .. دلالة جانت وهي ربت عدها . ابوها اسير خطية وامها حايرة باخوها معوق "
سأل ..
" يعني الحجي الگالته حبوبتي سمرة عليها صدگ ..
وانه حسبالي تجذب "
رديت ..
" لا صدگ .. امها شفتها كم مرة بس مو هواي تجيهم تجيبلهم خبز جانت وتشوفهن وتروح لان عيالها هواي وهي شايلتهم مخلين ضيم الدنيا عليها لان رجلها اسير وهي علمود ابنها كاعدة ومتحملة "
اتنهد ..
" واني حسبالي بس امي مرمر هيج متعذبة "
سكتنا ودور سأل ..
" احجيلي يمه منهو الطردج وشلون اجيتي لهنا "
حجيتله كلشي صار .. وهو ياكل بروحه اكل .. ولا عبالك عمرة 17 سنه وجن كبر بهالشهرين سنين ..
ابتسمت وانه اشوفه يفرفح ..
" شوكت كبرت يمه وهيج صرت تحجي "
رد ..
" كبرت من يوم الفارگتيني وفارگت حضنج .. جنت طفل بوجودج .. طفل محتاج حضن امه وحنانه .. ومن مشت عنه حس بعازتها وكبرته الدنيا .. مو بس انه حتى رحمه .. احنه بدونج مانسوة يمه "
اتنهدت ..
" يبعد امك وليدي .. ماضاعت تربيتي بيك "
لزم اديه باسهن ..
" انه وعيت اعله الدنيا ماعندي ام ..انتي امي .. ربيتيني وي رحمة .. وماجنت اعرف رضوان ابنج .. بس من عرفت حسيت شلون جنتي تعاملينا نفس الشي ومافرقتينا .. من اختفيتي حسيت بعازتج .. وعرفت صرت يتيم بعدج "
رديت ..
" اسمعني يمه .. انت راح تصير 18 سنه واخيتك امانه عندك .. انه اجي اشوفكم بس مااگدر اضل يمكم لو احميكم اخيتك امانه بيدك هي وماسه لاتخلي واحد يأذيهن ودير بالك عليهن مالهن احد غيرك هسا "
رد ..
" يمه انه خايف اكو مو گد الامانه .. گبلج رضوان امنجن عندي وگالي بالحوش انت بمكاني تحميهن وشيصير تگلي .. ماجنت اضن يمشي ويعوفنا .. وتالي راح وخلاني بوحدي مااعرفن شسوي "
من سمعت اسم رضوان تغيرت ملامحي وگلبي يدگ حيل ..
" شوكت گالك ؟"
" من عرف بيجن وطلع .. من رجع سألني خاف الشيخة سوتلجن شي وراه .. وگلتله ..
لا بس حبستهن .. وما اعرف جنت السالفه شني ..
خله ايديه اعله جتفي ووصاني .
" رحمة وامها امانه عدك فيصل لو انه موش بالبيت ..
انت ادريك سبع وتحبهن .. شنهي يصير تگلي من ارجع وماتخلي واحد يوصلهن .. "
اتنهد ورجع كمل وانه ابجي ..
" هسا يو رجع شلون اخلي عيني بعينه وشنهي اكله .. عني منهل طردها وانه ماادري لو عيد اليطگ رحمة ومااگدر احميها "
سألته ..
" بعده يضربها ؟"
هز راسه ..
" اي يطگها ومن احاميلها يطگني وياها "
اتنهدت ..
" الله كريم يمه .. حشا الله يضيع عبده "
بقى يعاين على الحوش والمطبخ ..
" مرتاحة هنا ؟"
رديت ..
" الحمد لله .. ماناقصني الا شوفتكم ووجودكم يمي .. خاجية مرة خوش مرة .. انت ماتعرف قصتي كلها خل رحمة تحجيلك .. وراح تعرف شلون خاجية ضحت بييتها وحياتها وعيشتهم من وراي علمود تخلي اهلي يشوفوني "
رد..
" يمه انتي طيبة الهيج الله يخلي بطريقج الناس الطيبة .. بعد مااخليج تشتغلين وتطلعين .. انه اجيبلج فلوس ومسواگ وكلشي ترديه .. انه اشتغل واجيبلج فلوس "
رديت ..
" لا يمه لا . اول شي عندك دراسه اريد تخلص دراستك وثاني شي مااريد احد يشك بيك ويراقبك ويعرف مكاني "
اتنهد ..
" مااحب الدراسه شوكت تخلص هالاعدادية وارتاح صعبة "
رديت ..
" ماكو شي صعب بهاي الدنيا .. شوف علي اعتمد على روحه ودرس وهسا راح يتخرج ويصير محامي انه اريدك مثله . انت مالك احد يسندك غير شهادتك .. هسا منو اليطيك مصرف ؟"
رد ..
" حبوبتي وبس من امشي للمدرسه ومرات امشي وياهم للحقل واشتغل بمكان عمي عيد ويطيني فلوس"
رديت ..
" شفت ؟؟ لو شهادتك بيديك وتتوظف ماتعتاز احد "
هز راسه ..
" الله كريم يمه .."
ضل يدور بجيوبه وطلع فلوس مسفطات ومخليهن شي فوگ شي ..
" هاج يمه ذني خاف تحتاجيهن "
رديت ..
" ردهن الجيبك وليدي .. ضم مصروفك اني الحمد لله عدي مامحتاجة "
رد ..
" يمه ادري گليلات بس لاترديني "
رديت ..
" مااردك وليدي حجايتك تغنيني عن فلوس الدنيا كلها بس انت واخيتك بحاجة الفلس خليهن عندك وهاي هم بعد فوكهن مني علمود تشتري الماسه حلويات وتاخذها الها "
ماقبل ياخذ ..
بالگوة يله رضا .. لمن گلتله..
" رحمة تفرح لو گلتلها امي وصتني اشتريلجن اكعد انت واخيتك واسهروا مثل گبل وكرزوا حب وسولفوا ولاتعوفها ابد "
ابتسم وعيونه تدمع وحضني ..
" شوكت يمه شوكت نلتم مثل گبل "
اتنهدت ..
" ربك اعلم وليدي كلشي بيد الله .. يله هسا روح لا يدورن عليك ويشكون .. ولا تجي هواي خاف يراقبونك وخاصه جعمقة ماتفوته فايته .. "
رد ..
" لاتوصيني يمه عبن انه زيبگ ياهو اليلحگني "
ضحكت على سوالفه ..
ضحك وياي ..
" يمه انتي حلوة من تضحكين "
كلمته زاحت شوية من همومي .. فيصل جان عوضي من الله بولدي .. كلما يگلي يمه ترد روحي من اسمعها
گام يريد يطلع حضني بالباب ..
سلم عليه وراح ..
ماگدرت اطلع وراه لايشوفنا احد ..
سديت الباب واتنهد ..
خليت تركيبة التمن على النار .. ورحت يم خاجية ..
ضحكت من شافتني ..
" منهو من وليداتج هذا ؟"
رديت ..
" هو مو انه الجبته بس انه الربيته ورضعته .. ابني وبعز ولدي احسبنه .. فيصل ابن فرج "
سألت ..
" منين من منيرة لو من بت فهيمة الجانت تشتغل عدهم "
رديت ..
" اي من بت فهيمة رملة "
ردت ..
" خطية لسا اتذكر من سمعت بيها احتركت وماتت مدري شصار بيه . اگلج صدگ هي شلون احترگت ؟؟"
اتنهدت ..
" ماادري كلشي صار مثل الحلم لسا مامصدگة احتركت بساع وماتت .. وعافت هاليتيم "
تذكرت حجي جوري الله يرحمها لسا ببالي بس ماردت اطيح بخطية احد واحمل ذنب ..
الحجي وي خاجية يرجعني الذيج الايام ويذكرني بكل الجروح وفتحتها ..
اتنهدت وگالت ..
" الله يطيج عبن يتيم وماله احد .. انه عشت بسلفهم من صغري .. من جنت العب وي دنانير بفرد حوش .. وكلشي اعرف عنهم .. واعرف كل حوش واسراره .. وتريدين الصدگ مااضن موتتها قضاء وقدر .. "
رديت ..
" الله اليدري بس "
ردت ..
" مثل ماگلتي .. بس الله اليدري وجلبها جعمقة .. عبن هذا جعمقة عبد جابته من حوش اهلها ربته اعله ايديها لمن كبرته .. لا اهل عده ولا واحد يخاف عليه .. "
رديت ..
" بس عده ولد درر "
ردت ..
" هو هذا المسودني .. عبن حورية .. حورية الاسمها مثل رسمها .. بياض وجمال .. شلون خذته الهذا العبد ورضت بي "
گمت من مكاني ..
" اروحن اشوف الگدر .. تدرين بيه جنت محبوسة بالمخزن لا ادري ولا اعلم "
هزت راسها ..
" الله يعينج .. الشفتيه ماتتحمله وحدة .. بس گليلي اهلج مامش خبر منهم ؟"
رديت ..
" مو گلتلج من سفروهم ماعرفت بعد شي عنهم "
سكتت ماحجت ..
مشيت للمطبخ طبخت التمن ..
وتذكرت اهلي المانسيتهم ابد ولا راحوا من بالي .. بس هموم الدنيا وضيمي خلاني الهي عنهم ..
امي هسا شلون حالها هي وعمتي ؟؟
اخواتي كبرن .. تزوجن .. ؟؟
لو عدنان وين صفا بي الدهر ؟"
مشيت بيهم واحد واحد لين وصلت المهران ..
الجان عقلي رافض يفكر بي ..
بس من تذكره دگ گلبي وياه ..
بقيت مستغربة روحي ..
معقولة يمرمر بعد كل هالسنين وولدج كبروا وصاروا بطولج وگلبج يدگ اله ..
هدرت التمن واخذتني رجلي للغرفة ..
فتحت الصرة وطلعت غراض جلولاء وذكرياتي ..
الي اخذتني بدرابين الطفولة وعشگ ناي السنين ..
‏ياحب الطفولة والذكريات القديمة ..
ياحبي الي ملكني وانا صغيرة ..
طلعت المحبس الفضة الجابه الي ..
اتذكرت شلون انطاه الي وگالي هذا رمز عشقنا ..
سألته ببلاهة ..
" عو شنو العشق ليش ماگلت حبنا "
رد ..
" العشق هو الافراط بالحب .. يعني اكبر من الحب .. الحب والهوى والشغف كلها تدل على الحب .. بس العشق اكبرهن واسماهن .. فهو سيد اسماء الحب جميعها "
جنت ماافهم حجيه لان متعلم وحجيه حلو.
رديت عليه ..
" يعني من تگلي احبج هواي يعني تقصد العشق "
ضحك ..
" اي هيج شي "
رديت ..
" لا تضحك عليه لان انه ماعرفت شنو الحب الا لمن انت كلتلي احبج .. حسبالي تحبني مثل ابوي وامي دور تريدني اعرف العشق شنو "
رد عليه مثل عادته .. مثل اب يعلم بنته .. او معلم يعلم تلميذته ..
" العمر گدامنا طويل .. وراح اعلمج كلشي .. ونصعد الدرج سلمة سلمة .. لمن نوصل الاعلى سمات العشگ انه وياج .. وساعتها عدنا جهال هواي داير مدايرنا وانه ابقى اگلج اعشگج لحد ما الشيب يترس راسنا ونعجز سوة "
ضحكت ..
" حيييل يعني تضل وياي العمر كله.. ماتمل مني ابد "
رد ..
" اوووف مرمر اووووف انتي مرمرتي گلب مهران بعشگج وعيونج البريئة هاي .. وتالي تگليلي امل منج .. اكو واحد يمل من ضناه .. انتي ضنى گلبي .. شلون امل منج "
غمضت عيني ونزلت دمعتي على خدي ..
سنين العذاب العشتها بسجن الشيخة .. ماخلتني افكر بي لو اتذكره ..
شلت المحبس خليته بيدي .. ردت البسه وتذكرت انه بعدني على ذمة منهل .. رغم هو هاجرني سنين طويلة بس خاف الله يحاسبني لان فكرت بمهران ولبست محبسه ..
رجعت المحبس بداخل السترة الصوف ورجعته للصرة ..
ورجعت ذكرياتي الداخل گلبي وقفلت عليهن مثل قبل ..
--------------------------------------------
رحمة ..
جنت گاعدة اوكل بماسة ..
انفتحت الباب ودخل فيصل ..
سألته ..
" وين جنت .. عمتي سمرة رادتك وطرشت عليك وانت ماكو "
رد بخوف ..
" شني دوروا عليه ؟؟"
رديت ..
" لا بس طرشت موسى يدور عليك .. راح دور واجاها كالها مو هنا وهي ضاجت صارت تحجي ومتحلفه بيك"
رد ..
" شماله حظي مصخم مو كل يوم مگابلها ماتتذكرني هسا من غبت شوية تذكرتني "
سألته ..
" صدگ وين جنت .. وشني هاي العلاكة البيدك "
رد بهمس ..
بعد ماتربع وگعد گبالي ..
" لحگت امي وعرفت وين عايشة ؟"
صفنت ..
" امك منو ؟"
رد ..
" امي مرمر شبيج .. عود انتي ضامتها عني وعساس ماعرفنها .. انه من البداية شكيت هي بس ضجت لان ضميتن عليه حسبالجن افتن . بس انه لحكتها وعاتبتها وحضنتها وشميتها بعد "
نزلن دموعي ..
" تحجي صدگ فيصل .. شفتها ؟؟ شلونها زينة انه بس حسها اسمعه مااشوفنها "
رد ..
" لا زينة بس ضعفانه .. وهاي الحلويات والغراض منها هي اطتني فلوس وگالت اشتري الماسه والرحمة وخل ياكلن ويذكرني "
رديت ..
" سودة عليه وهي شعدها قابل ؟؟"
رد..
" اطيتها مصروفي ومارضت "
رديت ..
" تدري بيك ماعدك يادوب يكفنك "
سكتنا لوهلة ..
اشرتله ..
" تعال بحضني "
ضحك ..
" شني اشتاقيتيلي ؟؟"
رديت ..
" لا ياغبي اريد اشم ريحة امي بيك .. مو تگول حضنتني معناتها ريحته بيك ضالة "
ضحك واجه حضني ..
صرت اشم بي وادور على ريحتها بملابسه وهو يضحك عليه ويكلي ..
" شمالج جنج جلب تشمشمين "
ضربته ..
" اشم ريحة امي قابل ميته على ريحتك "
رد ..
" وشبيها ريحتي كل يوم اسبح وابوگ من المسك مالتج واخلي "
رديت ..
" هاي انت التخلصه وانه اگول وين راح معناتها البيك ريحة المسك مالت امي مو ريحتها "
رد ..
" اي جا انتي هم تعلمتي تخلين مسك مثل امي يمتى جنتي تخلين .. "
ضحكنا اثنينا ..
فتح العلاگة وماسه لمت الحلويات كلها بحضنها ..
عاين عليه وابتسم ..
" تدرين رحمة حضنج حنين مثل حضن امي "
ابتسمت ونزلت دموعي ..
فتحت ايدي اله..
" تحاضنا وبقينا نبجي سوة .. كل واحد شمر بحضن الثاني همومه وحسراته .. وماسه تضرب بي وتكله ..
" ميل عن لحمة ميل لا ابجي "
عود لاتخليها تبجي ..
صار يحجيلي عن امي وحياتها ووين گاعده وشلون لحكهن ..
سألته ..
" شلون تروح وراها .. بله شافك احد ولحگكم وراحلها"
رد ..
" لا شمالي.. هي من طلعت من يمنا .. راحت تبيع للبيوت .. وانه سويت روحي العب واراقبهن من بعيد
لمن كمل جعمقة من الحقل وراح .. واطمنيت .. مشيت وراهن اراقبهن .. دور صعدن بعربانه وراحن بعيد عن السلف .. شيجيبهن ويردهن كل يوم "
رديت ..
" خطية امي مكتوب عليها التعب دوم "
رد ..
" اي والله تتعب .. بس هاي الشيطانه من شافتني انگلب وجهها ولاعبالك كل يوم بخوشنا وتتمسكن الحبوبتي "
سألته ..
" ياهي قصدك ؟"
رد ..
" الشيطانه الصغيرة زينب ياهي غيرها "
ضحكت ..
" لا مااقبل تخبل زنوبة ودمها حلو يلعب "
رد ..
" اي بعد فضليها عليه .. وينها حلوة خدودها حسبالك خلفية جاهل "
ضحكت ..
" خرررب يومك شني هالوصف .. "
ضحك وياي ..
" والله السانها شطوله وانه اتخبل من مرة السانها طويل "
رديت ..
" اولا هي طفله .. وثانيا شوكت كبرت وصرت تتخبل "
رد ..
" اولا وين طفولتها شو مااشوفنها .. ؟؟
وثانيا .. ترى انتي اكبر مني بسنه لاتسوين روحج جبيرة براسي ..
هااا صدگ .. امي تكول انتن دور بحمايتي وامانتي ومسؤولات مني .. معناتها جبير لو مو جبير انه ..
ضحكت ..
" فديت اخوي الجبير "
گام ..
" يووووه امشي احسن عبنج تتمضحكين عليه .. اروح الحبوبتي سمرة اتحمل الرزاله واسكت جا شسوي "
عافني وطلع ..
واني ادعي الله يحفظه الي .. مابقالي احد بعد رضوان غيره .. اول يوم من بعد فراگ امي اضحك ..
وجود فيصل خفف عني غياب اعزازي ..
سمعت صوت عمتي سمرة وهي ترزل بي ..
عفت ماسه تاكل وگمت ..
شافني اشرلي مااتدخل ..
وهي تگله ..
" خل يجي جدك يحاسبك اني مالي دخل بيك "
رد ..
" حبوبه شني انه زعطوط .. جنت بالحقل ودور رحت وي جماعتي العب "
صاحت بي ..
" بمكان ماتدرس مخلصها لعب وغياب حسبالك ماادري لو ما العسكرية جان بطلتك وكعدتك حالك حال عمك الاغم كل ثلاث سنين بصف خلصها "
رد عليها ..
" وداعتج حبوبة مااصير مثل عمي الاغم .. والا اكمل وشوفي "
صفنت عليه ..
" تيدب عيب تحجي اعله عمك هيج .. ومن يمتى هيج حبيت الدراسه "
رد " ليش ماترديني اكمل واصير مثل عمي علي خريج وعندي وظيفة "
ردت ..
" الله يهديك شريد اكولن .. شوف اركان ابوه يريد وصله شلون ماجان.. اريدك تصير احسن منه وتغلبه مو هو راح يوصلك بنفس الصف "
رد..
" صار الا اغلبه بالبايسكل ومااخليه يوصلي "
شمرته بالطاسه جانت بيدها ..
دنگ وشرد للغرفه ويضحك .. ضحكني وياه ..
ا
گامت تحجي عليه ..
" هالولد كلش صاير فوگاها يتمهزء عليه حسباله صغيرة ويقنعني .. "
شافتني گامت تحجي ..
" كله منج الله اليعلم شتدرسيه ليل ونهار خاتل يمج "
رديت ..
" من صغره واحنه سوة مو شي جديد "
ردت ..
" شوكت نخلص منج مثل ماخلصنا من امج "
رديت ..
" مو الحد البارحة تگولن الفصلية جانت شايله البيت اعله راسها .. ومن راحت كتلنا الضيم خل نحجي وي بثينة تجيبلنا وحدة للبيت كبرنا بعد مو مال شغل "
ردت ..
" وانتي تتصنتين علينا مووو هي هاي ترباتج خل يجي عويد اليوم وانه اعلمنج "
رديت ..
" لا مااتصنت سمعتجن بالصدفه .. بس انتن ليش دوم ماتذكرن فضلها .. من يوم الاجت لهنا هي خادمتجن وخادمة الشيخة والحد هسا محد بين وصلتلها من تمرضت غير امي وانه من بعدها "
ردت ..
" وشني انتي منهي الخلاج محامي الها .. عودن من تطيب خلها تسجلج كم حاجه بسمج وهيج تطيج جزات تعبج انتي وامج "
عفتها ومشيت لان الحجي وياهن ضايع ..
بس هي ماسكتتلي ..
انتظرت عيد اجه وتلگته هي وهدوة بالباب ..
هدوة الجانت ماواگفة اصلا بغرفتها يم ولدها ..
گامت تحجيله صدگ جذب ..
بقيت بالغرفه گاعده اسمع ومستغربة..
خفت لايجي للغرفة ويخوف ماسه .. نومتها بالفراش وگمت طلعت ..
خله يحجي عليه ويضربني برة مو يمها مااريدها تشوف الشفته بأمي ..
طلعت عاين عليه ..
" اجيتي برجلج .. تعاي "
اتقدمت ..
" خير شني الحجي السطرنه عليه بعد "
اتقرب مني ضربني راجدي ..
مادنگت ولا انهزيت ..
بقيت عيني بعينه ..
ضربني مرة ثانية اتحملت ..
" اذا الضرب يريحك ويزيد رجولتك اضرب .. الرجولة انه تسمع من الطرفين مو من طرف واحد "
انه حجيت هيج تسودن ..
ضربني مرة ثالثة ..
طلع فيصل على صوته ..
شافه يضرب بيه تسودن ..
اجه يركض ..
" عوفها لا تضربها .. كافي ياهو اليجي يذب غضبه عليها شمسويتلكم "
رد عليه عيد ..
" هاي ويامن ولك .. تالي عمرك توگف بوجهي وتمنعني وتدافعلها "
ضربه لزم ايده فيصل ..
كمت بساع ..
" فيصل لا لاتتدخل امشي "
رد ..
" لا ماامشي .. كافي كل يوم يطكوج شيردون منج "
عيد مااتحمل ..
ضل يضرب بي ..
وعمتي سمرة تصيح ..
" الله لايطيج خليتي العم وابن اخوه يتكاتلون الله ياخذج عمرج ان شاء الله "
رديت عليها ..
" ان شاء الله ياخذني وارتاح من ظلمكم "
كمت اسحب فيصل من جوة عيد لان ضخم .. وعيد تسودن .. ساعه يضربه وساعه يضربني ..
البيت انخبص ..
فيصل اتهستر .. ردت الزمه ماگدرت ..
ركض للمطبخ يريد يجيب سجينة..
انه تسودنت من شفته ..
ركضت وراه لزمته ..
" فيصل لا .. بعد اختك لا .. عيد مسودن ويكتلك فكر بيه اني وماسه منو النا .. مو امي وصتك علينا مو احنه امانة عندك .. "
بالگوة اخذتها منه وشمرتها ..
اجه عيد ورانا ..
" ها شعدك اجيت لهنا .. شتريد تجيب تطگني بي يله تعال تعال طگني "
صحت بي ..
" عيد كافي امشي مو ضربتني وضربته .. واخذت حقك من عدنا امشي ولاتزود النار "
هز راسه ..
" بسيطة انه الكم اثنينكم .. خليتكم براسي .. الا اادبكم مسوين حزب عليه ولكم "
بالگوة سحبته عمتي سمرة من يمنا ..
كعدته بالمطبخ وغسلت وجهة وجبتله ماي ..
" هاك اشرب يبعد اختك "
شرب شوية وعافه..
" رحمة خلينا نهج منا وناخذ امي ويانا "
رديت ..
" وحسبالك يعوفونا .. قبلك جنت اگل الامي هيج بس الشفته منهم عرفت مايعوفونا "
رد ..
" شني تايهة نروح نشتكي اعليهم "
ضحكت ..
" وعمي منهل نسيته .. انت تشوف شيسوي بالسلف يو لا .. تعرف كم بيت وجع اصحابه يو لا مو انت نفسك تگلي صاحبك زاعلك لان عمي بلغ على ابوه وابوه تأسر بسببه ومايعرفون شي عنه "
اتنهد وهز راسه ..
" تدرين شمتأمل .. يرجع ابوي ويخلصنا .. امي تكول ابوك ادمي ومو مثلهم .. بلكي ارتاح اذا رجع .. "
رديت ..
" ان شاء الله يرجع "
رد ..
" تدرين رحمة من خلصت الحرب وانه گمت امشي لبيوت الاسرى واسأل بلكي رجع ابنهم لو بلكي يرجع ابوي وياه "
اتنهدت ." شوكت تروح شو ماتگلي "
رد .. " اي امشي من غير محد يدري "
ضجت على حاله .. اليشوف ضحكه وسوالفه يگول ماعنده هم .. بعمر الورد وهو هموم الدنيا على راسه ..
اجه عمي حطاب وسولفتله عمتي على فيصل وشمرت الصوج كله بي ..
وعمي ضل يحجي عليه ورزله ..
طاحت كلها براسه خطية وبسببي لو مامدافعلي ماصار الصار ..
حتى اكل مااكل وضاج ..
لليل سويت صينية عشا وصحته للغرفة ..
" گوم اتعشا "
رد " مااريد رحمة عوفيني "
رديت ..
" اليوم كله مااكلت والله ازعل يو ماكمت "
رد ..
" يله كايم بس مااكل مااشتهي "
رديت ..
" اي عود ميخالف يله گوم "
بالگوة كام وياي ..
سويت جاي وبتيتة يحبهن ..
گاعدين ناكل انفتحت الباب ..
دخل عيد يطوطح ..
استغربت من دخل ..
" عيد شتريد "
باوعلنا ..
" شني ماترديني اجيج لو هذا مكفيج "
صحت بي ..
" عيد اصحى انت شبيك شارب "
گام فيصل ..
" اروح اصيح جدي يشوفه لان اذا ضل يمخرط مااتحمل "
راد يطلع لزمه عيد ..
" هسا عرفت ليش هيج تدافعلها .. مغزرة بيك .. شتطيك بتوالي الليل ؟؟ "
من سمعت هيج تخبلت ..
فيصل بساع شال الدولكه رگعها براسه ..
لزمت فيصل بعدته عنه ..
عيد من الضربة بعد مايعرف شيسوي ..
لزمني من راسي وضربني بالباب فتح راسي فتح ..
ماحسيت الا الدم يجري على وجهي .. ووگعت احس عيوني غوشت ..
سمعت هوسة وصياح ..
بس احس روحي دايخة مدري شبيه ..
صاح عمي حطاب ..
" حظر السيارة رحيم بساع خل ناخذها للمستشفى وانت عيد حسابك بعدين "
شالوني للمستشفى.. الطريق شطوله وبالي يم ماسه منو الها هسا ..
التفتت ادور على فيصل ..
مامخليه يجي ..
صحت " رجعوني البتي اريد بتي "
صاح عمي " انلصمي واسكتي ام البلاوي اليسألج گولي طحت وتعورت افتهمتي"
رديت ..
" اي بس طلعوني البتي "
ماصدگت خيطوا راسي .. بس مارضوا يطلعوني گالوا لمن نشوف راسها الصبح خاف يصير شي لان مفتوح حيل ولا يصير بيها شي "
توسلت بيهم ماطلعوني للصبح ..
اتجه الدكتور وسولي اشعه وفحوصات ..
لمن كملوا روحي طالعه ..
طلعنا للبيت ..
وبالي يمها ..
شفت من بعيد ..
فيصل شايل ماسه وواگف بالباب وهي تفرفح من البجي ..
نزلت بالگوة وگصتي كلها ملفوفه ..
شلتها بساع وحضنتها ..
سحب فيصل راسي وباسه ..
" سلامتج خوية بيه ولا بيج "
سمعت صوت ورانا ..
" شلونك خالي خيركم صاير شي ؟؟"
من سمعت صوته احس گلبي وگف .. وماادري شصاير بيه. .
التفتت تريد اتأكد هو صوته ..
عاينت بوجه ..
صفن عليه وعيونه على گصتي ..
سألني بعيونه مستغرب ..
دمعت عيني مااتحملت ..
انتظرتك لحظة لحظة ومااجيت
وتعبن النظرات بعيوني
وغفن..
ورجعت لروحي الكآبه
وحلمي بطل من ضحكته
ورد صفن..
وفزن بكلبي الظنون
وشوكي نيرانه علن
وانه ما ادري شسوي
ساعه ارضع بالصبر
وساعه وي شوكي اهوس
مثل واحد جنه
جن..
وانت ماكوا......
والزمن لحضاته من غيرك
سنين
وكفن اكبالي
ولا خطوه مشن...
#يتبع……… .
( شمس السعدي )
حبايب ياليت تتفاعلون لان البيج ضعيف حيل ومايفتح عندي بالنشر ..





فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 07-03-21, 12:49 PM   #52

منيرة أحمد

? العضوٌ??? » 172536
?  التسِجيلٌ » Apr 2011
? مشَارَ?اتْي » 1,403
?  نُقآطِيْ » منيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond reputeمنيرة أحمد has a reputation beyond repute
افتراضي

شكرا على الرواية اكثر من رائعة ،احيانا الأحداث تدمي القلب ولا يمكنني ان اتخيل أن هناك بشر بهذا السوء،ولكني من متتبعيك يوميا ،ارجو الا تبخلي علينا وتكون البارات اطول

منيرة أحمد غير متواجد حالياً   رد مع اقتباس
قديم 08-03-21, 02:38 AM   #53

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



اسعد الله اوقاتكم بكل خير احبتي ❤
//// البارت الثلاث وأربعـــون /////
#بيوت_بلا_جدران
#شمس_السعدي

----------------------------------
عــــــــــــذراً ياعشگ ملينه العتاب
وخلهه الناس لـــــو سمعت حچينه
أنــــــت الأسست كل هاي الجروح
عليمن جاينه وشداوي بــــــــــــينه
مدري أحنه المشينه بدرب الأوهام
مـــــــدري أنت الخذتنه تمشي بينه
مــــدري القدر أعمه وفاگد الشوف
ولــــــــكون يشوف چا عاين علينه
يالتدري انته بينه شگد هويــــــناك
نحبــــــــــــــــك موت بيك أتعلگينه
مـــــــــن طبع اليحب يتعاتب أوياك
عليك الله يحُّب كــــــــــــون أنسينه
الوفاء اصلك يحبي وتبقى عنــوان
وأعرفنك ذهــــــــــــب تربات أدينه
أذا كلمن يغيب أيام ننـــــــــــــــساه
على هالحاله كــــــــل أحنه أنسينه
وأذا احنه بعتبنهَ الحُّب چويــــــــناه
ونـــــــــــــــــــــكر هك من صدگ...
مـــــــــــــــــــاعـــ ـــــــــــــــــاتبينه.
_____________________________
( غياب الاحبـة )
من كثرة شوقنا لمن نحب .. يتحول ذلك الاشتياق لعتاب ..
ومن كثرة ماحل بنا ببعد احبابنا .. تحول ذلك الالم لعتب وحساب ..
في غيابكم ...
لا أدري كيف أصف ذلك الغياب…
لا أدري كيف أصف ذلك الفراغ الحادث في غيابكم ...
فـلا شئ يداوي غصة القلب وتنهيدة الروح المتعبة بدونكم…
في غيابكم…
اصبحت كـ مواطن فقد أرضه وماله وأهله في الحرب ...
كـ طفلة تائهة وسط الزحام تبحث عن أمها ...
خائفة هلعة تبحث عن الأمان ...
وحيدة في بلد خاوٍ بعد نهاية حربٍ…
كـ طائر مذبوح يغني ولا يدري بجرحه أحد…
بعدكم ..
غابت الألوان من كل الصور في مخيلتي فباتت باهتة ..
و باتت جميع الأشياء التي تجمعنا سخيفة تافهة ...
حتى ضحكاتي اصبحت بلا صوت .. بلا روح ..
وعيني بلا نور فقد أطفأ الشوق الدموع…
واصبح العالم في عيني فارغا فيقتلني السكون ...
بات الليل طويلا والصباح بعيدا …
هكذا اصبحت بعدكم ..
فقد غربت شمس روحي ...
ولم تعد تدري متى الشروق…
****************************
جانت عيونه بعيوني يعاينن ويسألني ..
دمعت عيني مااتحملت ..
وصرت اعاتبه بيهن ..
اخر مرة گالي حتى لو ماصرتي الي .. ماراح اعوفج وحيدة .. تبقين بعهدتي وامانتي الى ان يرجع رضوان ..
عاتبته بعيوني ..
" هو هذا وعدك الي ؟؟"
شهور طويله لااجيت ولا سألت ..
شفت الحجي مامنه فايدة ..
درت وجهي اريد افوت لجوة ..
صاحني ..
" اوگفي رحمة شني الصاير منو مسوي بيج هيج ؟"
رد عمي حطاب ..
" علي لاتتدخل "
رد عليه ..
" ماادخل شني تايهة الكم كل يوم طاگيها "
رد عمي..
" ومنو گالك طاگيها هي وگعت وحدها "
رد علي ..
" ادري بيك تدافع العيد .. وعيد لو رجال يطلعلي وانه اعلمه .. رحمة وامها امانة عدي لين يرجع رضوان "
رد عمي حطاب ..
" رحمة عدها رجل لا انت ولا رضوان تتدخل "
رد علي ..
" اني جيتي هاي مخصوص الهن وجن الله جابني .. امشي صيحي امج وتعاي .. اذا بيت الشيوخ مايحملجن انه اشيلجن على راسي "
رد عمي بصياح..
" وانت منو تاخذهن .. هاي عدها رجل وذيج عدها رجل شتصير منهن وتريد تاخذهن .. حسبالي عقلت اثاري بغداد سودنتك بالزايد امشي رد لأمك واختك ودير بالك عليهن بمجان ماجاي النسوان غربه تريد تحميهن "
تعصب علي ..
رديت عليه ..
" علي روح لانك اجيت متأخر .. امي خلص طردوها مااعرف وين ودوها وانه بقيت وحيدة بهالسجن بعد ماكو فايدة من الحجي "
صاح ..
" امشي وياي نشتكي وغصب عنه يطلگوج وراسج اكبر دليل "
لزمه رحيم من ياخته وخنگه ..
" انت شني جاي تشجع مرة تشتكي اعله رجلها تريد تدخل اخوي السجن ؟؟ "
تعارك علي وياه ..
اشرلي فيصل ..
" فوتي بساع .. "
وراح هو وعمي يفاككهم ..
بقيت واكفه اعاين لا يسويله شي ..
اجن يتراكضن للباب من سمعن الهوسة..
شافنهم يتعاركون ..
ضربتني عمتي سمرة على جتفي ..
" خلتيهم يتكاونون ارتاحيتي .. فرثتي بيتنا مثل امج "
جان بالي مو يمهم كله يم علي .
وماسه خافت من شافتهم يتعاركون ..
فاككهم عمي حطاب وطرد علي ..
" امشي علي والعن الشيطان .. "
رد عليه ..
" خل يطلعلي ذاك المخنث وينه "
رد عمتي ..
" عيب عمه شمالك تسودنت .. مرة ورجلها انت شدخلك اسمع كلام خالك وامشي منا "
عاينت عليه وتعض بأصابعها..
" اوووف منج ارتاحيتي همزين عيد موش هنا جان تكاونوا من وراج وننفضح بالسلف "
عفتهن ودخلت لجوة ..
اخذت ماسه ورحت تمددت ..
احس راسي يريد ينفجر من الوجع ودور صارت هالهوسة اذاني اكثر .
انتظرت فيصل يجي وافهم منه علي وين راح..
بس مااجه ..
اسمع هوستهم وعمتي تحرض بعمي عليه ..
وهدوة تگلهم ..
" هو بعد لويش مخليها اعله ذمتها مايطلگها ونخلص "
رد عمي حطاب ..
" بت عمه قابل يشمرها بالشارع وعدهم بنية "
اتنهدت اليسمعه يگول هو مهتم لو صاين بنت عمة…
غفت ماسه بحضني ..
بستها من راسها وحضنتها ونمت .. اثنينا مانايمين لان بعيدات عن بعض ..
نمت وماحسيت بروحي الا وفيصل يگعد بيه ..
فزيت ..
" بيش الساعه هسا "
رد ..
" كلساع ادخل الكاجن نايمات .. راح يصير العصر گومي "
رديت ..
" اووووف ومامصليه لسا غير تگعدني ؟"
رد ..
" كسرتي خاطري من شفتج نايمة .. وهاي الملعونة الليل كله مانامت بس تبجي وهسا شلون نايمة ذابه روحها ."
رديت ..
" هي ماتعرف تنام الا بحضن امي وحضني "
اتنهد ..
" شلونج هسا زينه ؟؟"
رديت ..
" شلوني هالتشوفني "
رد ..
" كسر بيده ان شاء الله "
سألته ..
" خو ماسوالك شي "
رد ..
" شيسوي من السم اليشربه ذب روحه ونام للظهر يله گعد وطرشله عمي حطاب راحله حتى عركت علي وعمي رحيم مايدري بيها "
ذكرت علي ..
" علي وين راح ؟"
رد ..
" راح عد ولد من جماعته "
اتنهدت ..
" اوووووف بوسط اهله ويمشي الجماعته .. ماحجة شي وياك ؟"
من دخلتي ودخلوا عمامي وجدي طلعتله ..
مااتحملت اعوفه وحدة بالشارع ..
وجدي طرده گاله رد لأمك ..
سألته ..
" وشني رجع البغداد "
رد ..
" من طلعت لگيته راح الحوشهم .. رحت وراه جان ياخذ غراض وهدوم .. گعدنا سوة وحجينا "
سألته :
" شحجيتوا ؟"
رد ..
" هااا هواي سوالف سولفنا وعن امي وعنج من طرحوج وضاج من سمع "
سألته :
" فيصل بس لا گلتله على مكان امي "
رد ..
" هاااا تردين الصدگ اي گلتله "
اتنهدت..
" ليش هيج فيصل "
رد ..
" علي تعرفيه مايحجي ويخاف عليها شفتي شني سوه علمودج ؟"
رديت ..
" ماقصدي يسوي شي .. بس تعرف محد يحبه هنا ولو راح الامي وراقبه ابوه لو عيد ولكوها شيسون بأمي مافكرت "
رد ..
" ليش تخوفيني .. لا بس علي فطن مايخلي واحد يراقبه .. بعدين هو ماكال راح امشي الها بس سألني عن مكانها ووين عايشه .. شلون عايشه وانه حجيتله "
رديت ..
" يارب مايمشيلها "
طلع ورقة من جيبه ..
سألته ..
" شنو هاي ؟"
رد ..
" هاي رقم اطانيها بشقتهم مال بغداد .. يگول كلشي يصير تخابرني وتگلي "
سألته ..
" وانت منين تخابره "
رد ..
" معليج انه ادبرها .. كلش كلش امشي للگهوة اخابر بفلوس .. موش نخابر عمتي مهجة.. والله لو يخلونا تلفون جانت الشيخة ماترضا هسا الشيخة شمدريها "
رديت ..
" لاتخابر فيصل .. لا تدخله بالمشاكل .. عمامك مايرحموه ولا يضيعوه مثل ماضاع رضوان "
رد..
" كل مرة تگولين ضيعوه شمدريج همة "
رديت ..
" گلبي يكلي همة السبب.. المهم معليك بعلي گله اي واسكت "
اتنهد وسألني ..
" علي مبين يحبج ويخاف عليج ليش عفتيه "
استغربت من سؤاله ..
" شلون تحجي هيج فيصل لايسمعك احد منيلك هالسالفة دور "
رد ..
" انه مو جاهل رحمة عيونكم تفضحكم من تلتگون "
ردت اغير الحديث سألته ..
" امي مااجت اليوم "
رد ..
" لا مو تدرين اليوم مايجن هي والعرمة "
ضحكت ..
" خليتها ببالك بعد "
رد ..
" اي والله لمن اعدلها ام السان "
رديت ..
" وانت شلك شغل بيها تعدلها هي عدها اهل "
گمت اني وياه سوينا غدا ..
ورجعت كعدت ماسه ناكل ..
شافته عمتي ضاجت..
" فيصل شگلتلك مو هالحجرة ماتدخللها بعد "
رد ..
" رجعي حليب امي الرضعته الها ومادخل لهنا بعد .. مادام رحمة اختي محد يحرمني منها "
اشرتله ..
" روح فيصل لايسولك سالفه لو جدك يضربك "
رد ..
" معليج بيهم تعاي خلي ناكل كتلني الجوع من وراج انتي وبتج نايمات للعصر "
ابتسمت على سوالفه وعناده ..
*********
مرمر ..
اليوم مامشيت وشفت رحمة وفيصل ..
وگلبي ماكلني عليهم ..
احس شي صايرلهم ..
ولا اگدر امشي خاف يحسون عليه ..
طلعت بعت الروبة والكيمر بغير سلف ورجعنا اني وزينب ..
كعدت اركب الغدا ..
ودور رحت شوية يم خاجيه اسولفلها شصار بيومنا ..
زينب ردت نامت لان اگعدها من الصبح ..
اندكت الباب مشيت افتحها ..
حسبالي بنت خاجية اجت لان هي تجينا كل اسبوع ومرات اسبوعين تظل يله تجي من اجيتهم لليوم ..
فتحت الباب ..
شفت علي گبالي ..
شهگت وانخطف لوني ..
" علي منين تعرف مكاني .. وعيني منا ومنا خاف واحد جاي وياه "
رد ..
" لا تخافين ياام الغالي .. فيصل گالي وحجالي كلشي صارلج "
اتنهدت ..
" شفت تاليها شلون .. انشمرت بالشارع بعد مااخذوا كل جهالي مني "
رد ..
" عسا وان تكون هالطلعة من صالحجن .. العيشة يم اجدادي مامنها خير "
رديت ..
" وشنو فايده الخير وولدي بعيدين عني "
رد ..
" هسا جنت يمهم "
اشرتله ..
" تعال فوت لاتضل واگف "
فتنا للطارمة مارضا يدخل ..
سألته ..
" شني رجعتوا لهنا انتو ؟" "
رد ..
" اجيت عدي غراض اريد اخذهن من البيت .. وهم فلوس عد خالي حطاب الامي رادتهن .. بس… !
سألته..
" شني شبيك انگلب وجهك صاير شي "
اتنهد ..
" ضروري انطلع رحمة وبتها من ذاك الحوش .. "
رديت بتوتر ..
" شبيها رحمة شسوولها "
رد ..
" الكلب عيد ضاربها وفاتح راسها .. من اجيت توهم جايين من المستشفى "
تخبلت من سمعت .. كمت ادور عباتي وافرفح ..
" يمه بتي بتي راحت يمه "
رد ..
" اوگفي عمة مو هيج .. انتي شلون تمشين اذا لزموج مايرحموج "
رديت ..
" خل يكتلوني شيسوولي يسوولي .. بس اشوف بتي "
رد ..
" استهدي بالرحمن .. كلشي مابيها وزينة شفتها وتعاركت وياهم .. اني اجيت علمود اشوفج ونشوف حل الرحمة "
اسمع خاجية تحجي ..
" ولج مرمر شنهي السالفه شبيج ياهو يمج "
اشرتلها ..
" اروح اشوفها واجي "
رحتلها ..
" ماكو شي حجية هذا مثل وليدي اجه يشوفني وكالي بتج متعورة تخبلت "
شهگت ..
" خو مابيها شي ؟؟"
رديت ..
" لا يگول زينه .. امشي اشوفه واجي اسولفلج "
هزت راسها ورجعت تسبح بسبحتها ..
رجعت العلي جان واكف ..
جبت فراش ..
اگعد يمه هنا خل اجيبلك ماي "
رد ..
" ما اريد شي بس اكعدي .. شلون اجيتي لهنا ومنين تعرفيهم ثقة يعني ؟؟"
رديت ..
" من زمان محد وگف وياي وخلاني اشوف اهلي غيرها والشيخة من عرفت وگبل لايسفرون اهلي .. شردوهم من دارهم وقطعوا رزقهم بسببي "
هز راسه ..
" الحمد لله اكو ناس طيبة بهالدنيا .. لو خليت قلبت "
اتنهدت ..
" طول عيشتي وياهم حنت اظن الناس كلها ظلام سنين واني ماشفت رحمة منهم "
رد ..
" كلنا مقصرين بحقج وكلنا نتحمل ذنب ظلمهم الج "
رديت ..
" لايمة انت شلك غرض قابل انت تدري جنت صغير وشني بيدكم قابل "
رد ..
" والله دوم احجي على امي وحتى هي تدريها ماتحب افعالهم وهي هم انظلمت من زوجوها جبر الابوي وهي ماتريده "
بقيت اعاين عليه وكاسر خاطري ..
الاسرار الجانت بذاك البيت تكسر الظهر ..
بس لانگدر نحجي ولانسكت ..
وانت ياعلي هم انظلمت حالك حالنا .. ( احجي بداخلي)
اتنهد ورد ..
" اي هسا عوفينا من هاي السوالف كلها .. هاج ذني خليهن عندج "
طلع فلوس مارضيت اخذ ..
" خلهن بجيبك يمه الحمد لله عدي ومستورة "
رد ..
" الخاطري اخذيهن احسبيني رضوان وانطاج ماتاخذين منه ؟؟"
رديت ..
" الله اليدري بمعزتك عدي .. اعرفك شلون تحب رضوان مثل اخيك وازود .. ااااه سودة عليه لو يرجع الحضني مااريد بعد شي "
رد ..
" يرد ان شاء الله يرد .. بس هسا فكري برحمة "
رديت ..
" وشبيدي عليها ؟"
رد ..
" اقنعيها تتطلگ منه .. وخل تاخذ بتها وتطلع مناك "
رديت ..
" ومنهو يخليها نسيت شسوو بيه .. وتالي لمن اخذوا وليداتي شمروني "
رد ..
" لو بس رحمة تطاوعني جا ارتاحيت.. كلتلها اشتكي وخل يطلكج غصب عنه "
رديت ..
" بتي مثلي تخاف يحرموها من بتها "
رد ..
" مو بكيفها البت بحضانتها "
رديت ..
" ومنهل نسيته .. لو حجوا حجي صدگ عليها منو راح ينطيها بتها .. علي لاتحجي وجنك ماتعرفهم شني "
رد ..
" هينة هينة .. مابقالي بس سنه واتخرج .. وبس اتعين اعلمهم شلون "
رديت ..
" الله كريم يمه .. بس انت هم دير بالك على روحك ولاتخلي راسك براسهم "
رد ..
" اعرف شلون اتصرف لاتخافين .. اني اشتغل وي محامي ادرب .. وراح اسأله عن رحمة واشوف شني يگلي "
عاينت عليه ..
" الله يحفظك الشبابك يمه و يسعدك "
رد ..
" سعادتي بردة اخوي وخلص رحمة منهم "
گام ..
اني امشي ..
وهذا رقم الشقه مالتنا اي شي ترديه خابريني من اي مكان واوصلج بساع "
طلع دفتر صغير وقلم .. كتب رقم وانطاه الي ..
اخذته منه…
وانه اعرف حورية ماترضى تخاف على ابنها .. وحقها ماالومها .. الهيج ماكلتله اي لو لا ..
اخذته وتشكرته ودعيت اله ..
بقى گلبي يم رحمة وشيجيب باجر وامشي اشوفنها..
رحت يم خاجيه سولفتلها وبجيت وشكيت وماكو فايدة ..
احس نار بعدهي بگلبي .. شوكت بتي تخلص منهم ومن شرهم ..
جانت خاجية هم مابيدها شي بس تواسيني وتدعيلي ..
للظهر اجت بت خاجيه والتهينا وياها…
جانت تشكي حالها الامها وابنها يريد درة وماعدها ..
شلت الفلوس الاطاهن الي علي مااحتاجهن وشلي بيهن شو ماكله وشاربه ببلاش ..
مرات خاجية تشيلي ربحي بس مااخذ هواي منها لان بيت ومصرف ونشتري حليب ونفط مانلحگ على المصرف ..
الاحصلهن گمت اجمعهن للوكت كلشي يصير ..
مارضت المرة تاخذهن ..
" ماحجيت حتى تطيني بس شسوي ماعدي غير امي اشكيلها "
رديت ..
" وانه مااحتاجهن وهالتشوفيني لا ولد ولا بت عدي المن اريدهن "
بالگوة رضت تاخذهن ..
من طلعت التهيت سويت الروبة الباجر ..
احس النهار والليل شطولهن صارن عليه ..
اريد بس يطلع الصبح وامشي اشوفها ..
ثاني يوم ..
من الصبح اخذت الغراض ومشينا اني وزينب ..
نزلنا بالسلف ومثل كل مرة..
ننطر لين مايطلعون الزلم من الصبح .
يو جعمقة يمشي للحقل يله نمشي للبيت ..
اضل بالباب وزينب تفوت ..
وتضل تصيح مثل بيبتها من جانت تجينا گبل ..
" وينهن الشيخات بنات الشيوخ .. هالروبة والگيمر ماتلوگ الا الهن "
جانت رحمة وفيصل بس يسمعون صوتها يركضون يطلعون ..
طلعت رحمة تركض ..
اجت ..
للباب ..
" هايمة شلونج "
شهگت من شفت راسها ملفوف..
" الله يجازيه على عملته "
ضحكت ..
" عوفج مني يمه انتي شلونج .. زينة "
رديت ..
" شلوني واني اشوفج هيج ومااگدر اسوي شي "
اتنهدت ..
" الله موجود مو انتي هيج تگليلي "
رديت ..
" والنعم بالله .. علي وعدني يشوفلج بلكي الله "
اتنهدت ..
" هذا الثاني هم خايفه عليه منهم .. لايسووله شي .. ومنا فيصل هم مايسكت عنهم "
اجه بساع ..
" سمعت اسمي.. شبي فيصل "
رديت ..
" هلا يمه شلونك "
اتقرب الي اخذ ايدي باسها ..
سحبتها بساع لايشوفوه ..
" امشوا لايطلعن "
ردت رحمة ..
" مادام ست زينب موجودة لاتخافين ملهيتن بالمطبخ بسوالفها .. وتحجيلهن صدگ جذب وذني مصدگات .."
رد فيصل ..
"هو منو اليكدر للسانها "
ضحكنا عليه ..
اجت زينب ووياها سمرة ..
ابتعدت رحمة… راحت جابت ماسه واجت ..
ردت زينب..
" يمه يردن روبة اربع طوس وجبن بس گيمر مايردون"
اطيتهن ودخلت سمرة تجيبلي فلوس ..
اطتني رحمة ماسه بساع ..
شميتها وبستها وهي مستغربة البوشية ..
وخايفه لان توها گاعدة من النوم ..
رفعت البوشية شوية شافتني ضحكت ..
والتفتت الرحمة ..
" لحمة هاي امي "
ضحكت رحمة ..
" اي اشششش لاتحجين "
سدت حلكها بأثنين ايديها وتضحك مامصدكة شافتني ..
جابت زينب الفلوس..
ومشينا ..
احس روحي ما شبعت منهم ..
كل يومين والثالث اشوفهم مرة .. وشوية مو هواي ومرات زينب بسوالفها تأخرنا ينطيها العافية ..
الناس من واحد الواحد عرفني اخبز ..
واكو يعجبهم خبزي ووكت عدهم عزايم يدزولي اخبز ..
النساوين التجي گالتلهم خاجيه هاي گرابتي مالها احد غيري وخرسة لان مشت بالسلف كله انه خرسه ..
بطبعي مااحب احجي واختلط وي العالم ..
وهن صارن يجن كل عصرية يتجمعن يم الباب ..
الجو حلو ويفرشن ويگعدن ..
خاجيه تضوج وتجمعهن ..
مرات اگعد وياهن ومرات لا الهي روحي بالمطبخ واشتغل ..
اسويلهن جاي وخفيفي ويسولفن ..
من اسمع سوالفهن انقهر .. كل واحد بهاي الدنيا همه شكل ..
كل بيت عراقي بذاك الوكت جان مفجوع ورايحلة يو اسير يو شهيد ..
جنت اسمعهن واتذكر رضوان وليدي .. گلبي يطفطف عليه ..
يسمني ام غايب ..
لأن گالتلهن خاجية عدها وليد ومفقود ماتعرف وينه ..
سمني هالاسم ومشى عليه .. ودور لبستني شيله بين عمري جبير بيها ..
مااطلع يمهن ولا اختلط .. وخاجيه يوم الها خلگ تطلع ويوم المالها خلگ تكلهن زينب حبوبتي مريضة ونايمة
مرت الايام والاسابيع والاشهر ..
وحالي مثل ماهو ..
اتحسر على شوفت ولدي ..
علي جان كلما يجي للسلف يمر بيه ويطمأن على رحمة
وفيصل مافارگني .. كلما تصيرلة فرصة يجيني ..
بس رحمة وماسه مااشوفهن هواي ..
بيوم ومثل كل صباح طلعت ..
شهر سادس وحارة ..
بعت البيت الشيخة ..
جنت اسمع صوت الشيخة وهي تصيح ..
والبيت انخبص ..
ماعرفت شكو ..
عافتني رحمة وراحت تركض ..
اشرت الزينب نبتعد عن البيت لان مشى ابن رحيم يطرش للزلم ..
بقيت ابيع واعاين من بعيد ..
لمحت سيارة وگفت ..
ونزلت منها حورية وولدها ..
استغربت من شفتهم ..
شني الرجعهم ماادري ..
انه ادري گالوا بالعطلة ترجع من يكمل ابنها دوام بس ماضنيت حورية ترجع للسلف بعد..
جانت ضايجة كلش وجنها جايه جبر ..
عرفت ساعتها هاي سوالف علي ..
هو الرجعها .. وعرفت شنو الرجعه ..
بقى بالي يمهم مااعرف شكو ..
جابو السيارة واخذوها ومشوا ..
سألتني زينب..
" امشي اشوفلج شني الصار ؟"
رديت ..
" لا يمة لاترحين خاف يشكون "
شفت فيصل .. ردت اگل الزينب تأشرله ..
بس من شفت جعمقة واگف يمه ..
اخذت زينب ورجعنا بساع للبيت ..
************
رحمة ..
صح امي بعيدة .. بس من اشوفها تجيني واعرف مكانها اطمن .. رغم مشتاقه الحضنها وسوالفها ..
بيوم ومثل عادتها تجي..
زينب تاخذ الغراض للمطبخ وتشغلهن وانه اضل يمها بالباب نحجي ودورات فيصل يمنا ..
سمعنا صياح الشيخة ووگعة قوية ..
تراكضنا كلنا للغرفة ..
جانت طايحة على ايديها تريد تگوم للكرسي وايديها ملتوية ..
مافهمنا بس صياحها من الوجع ..
دزت عمتي سمرة موسى يطرش للزلم ..
اجو يتراكضون خذوها للمستشفى وراحوا .. راحت عمتي سمرة وياهم ..
شوية واجه فيصل ..
" رجعوا بيت حبوبتي حورية "
سألته ..
" يعني علي ودمعة رجعوا ؟؟"
رد ..
" اي رجعوا "
فرحت .. واخيرا بداوا يرجعولي احبابي ..
سمعتني هدوة ردت ..
" شني لازم فرحتي الردت حبيب الگلب "
رديت بنتر ..
" شني هالحجي ماتستحين "
ضحكت ..
" عيد حاجيلي كلشي من زمان گبل لايخطبج .. ويدري انتي وعلي شني جنتو .. وهو سواها عناد واخذج .. "
رديت ..
" جا مو صوجج .. صوج اليطي ببت عمة ومرته ولو شترجى من عيد ؟؟"
ردت ..
" كافي عاد لا تبيعين شرف براسنا .. ماشفتي وجهج شلون صار من گالج اجوا "
رديت ..
" قصدت دمعه وعلي اثنينهم لان احنة ربينا سوة وكبرنا سوة "
ضحكت ..
" اي عيني واضح من بتج الماتشبه عيد ابد .. "
سألتها ..
" شقصدج ؟؟"
ردت ..
" علي ابيض وانتي هم والعيون ملونة يعني عليمن تطلع .. لو ابوها عيد اخذت من سماره "
فيصل تخبل من سمع ..
" انلصمي لا انسى انتي مرت عمي "
لزمته ..
" عوفها فيصل .. حسبالها كل العالم تتختل ورى الحوش قبل العرس "
من حجيت هيج تخبلت ..
" اليوم اني اني وانتي انتي .. خل يجي عيد ويعلمكم اثنينكم .. تتهموني بشرفي .. روحي شوفي نفسج وبتج النغلة مدري منين جايبتها "
ابتسمت ..
" شبيج حارگة دمج ترى ماجبت اسمج .. "
رد فيصل ..
" مو البعبه طلي يمعمع "
تخبلت وضلت تدردم وراحت ..
جان بيومها جية عمي منهل ..
شفته درت وجهي ودخلت حتى ماسلمت عليه من يوم السواه بأمي وطردها ماحاجيته بعد ولا عاينت بوجهة ..
تلگته عمتي بثينة وگالتله على الشيخة ..
تسودن .. شمر غراضه وراح وراهم ..
للظهر جابوها مجبرين ايديها ..
جمعنا عمي منهل وضل يحجي ويغلط ..
ردت عليه عمتي بثينة ..
" شعلينا احنة هي غير من مسؤولية رحمة هي العافتها ومدري وين ولت "
رديت ..
" لا مو من مسؤوليتي انتن ماترحلها جانت امي تگوملها مايطيها گلبها تعوفها .. ومن بعدها اني كمت امشيلها لان محد بحالها "
صاح عمي منهل..
" دور منا وجاي تسون جدول .. كل وحدة يومها تسهر وياها من الصبح الثاني يوم تستلم مكانها الاخرى .
جوم نسوان بالبيت شمالجن "
ردت عمتي بثينة ..
" جيبلها وحدة تگوملها بس الها احنة شكو "
رد عليهن ..
" اجيبلجن وحدة للشغل مو الامي .. وانتن تفرغن الامي .. ماكو غريبة توصلها "
اول مرة اشوف عمي منهل هيج حتى كلام عمتي بثينة مااهتم اله ..
فات سبح وراح نام ..
رحت للشيخة عدلت فراشها وگومناها اني وفيصل لمن نامت طلعنا ..
لگيت عيد منتظرنا ..
" تعالوا وراي "
اشرت الفيصل مايحجي ابد ..
سألنا ..
" شعدكم وي هدوة ؟"
رديت ..
" ماعندنا شي شبيها ؟"
صاح هدوة تعاي ..
" اجت تناشغ وتبجي :
" ذوله الاثنين تكوموا عليه وطعنوني بشرفي ودگ فشار عليه "
بقيت صافنة ..
السالفه صارلها شگد ومن اجت الشيخة هي واگفه ويانا مابيها شي شبسرعة نزلت دموعها ..
رديت ..
" هي الطعنتني وتهمت بتنا عود نغله "
رد عليه ببرود ..
" اي تردين الصدگ انه هم شاك بيها مو بس هي "
صفنت عليه مااتحملت..
تفيت بوجهة ..
" لان انتو جبتوا ابنكم بالحرام حسبالكم الناس مثلكم "
ضربني ولزم شعري ..
وفيصل سحبني منه…
رجع ضرب فيصل ..
وهي تگله ..
" ها شفت كدامك حجتها خاف تكول هدوة تجذب "
اجت عمتي سمرة صارت بوسطهم ..
" كافي شلعتوا گلبي .. شمالك وي ابن اخوك تكفخ بي "
رد عيد ..
" لا يدافع الهاي…… ماله شغل بيها مرتي وانه حر بيها"
رد عليه ..
" لاتگول عليها هيج .. اشرف منكم هاي لا حسبالكم صغير ومااعرف شي "
راد يكتله گامت تصيح عمتي سمرة ووگعت ..
التهوا بيها ..
بس شافتهم التهوا بيها فتحت عينها ..
" عيد اخذ مرتك وامشي موتوني "
رد ..
" يمه ماتشوفين هالكلب شلون يدافعلها "
ردت ..
" وانت بعد اذا دافعتلها اطرشك لأهلي مااخليك بعد هنا شلك شغل بيها هي ورجلها "
رد ..
" اختي شلون مالي شغل بيها "
صاحت ..
" يبووووووو الساعه السودة الرضعتك بيها الفصلية ملكتك خو ماملكتك "
رد ..
" لاتگولين عليها فصلية "
رد عيد ..
" هااا شفتي شلون صاير هذا بعد ماله عيشه هنا لو اني لو هو "
ردت عمتي ..
" لا مايضل لم هدومك وعمك رحيم ياخذك لأهلي ماتجي بعد وانقلك هناك يمهم "
ضاج فيصل ويصيح ..
" ماامشي ماامشي "
قنعته يعوفهم ويروح للغرفه ..
بس عمي حطاب صف وياهم وعلمود ماتصير مشاكل بينه وبين عيد دزوه لاهل عمتي ..
قبل لايطلع ودعني وگالي ..
" بالعباس اشرد واجيج مااعوفنح انتي امانة امي عدي"
بجيت وراه مااتحملت ..
احس روحي صفيت وحدي بهالبيت ..
بس هدوة خلتني ببالها ..
كلما يصير شي شمرته براسي وتخبث عليه ..
اذا نظفت توسخ وراي تريدني احجي ..
لو تضرب ماسه وتخليها تبجي ..
مرات الگي اثار عض بيديها واسكت ..
حلفت گالت الا اشردج منا ..
جنت اخلي ماسه بالغرفة مااطلعها وياي بسببها ..
اروح اكمل شغلي واجي الگيها تلعب هي هادية ماتأذي ..
بس هدوة جانت تطلع سالفه من جوة الگاع حتى تسويلي مشكله ..
وخاصة بعد مارجع عيد يحاول يتقربلي واني اصده مااخليه ..
دمعه ماشفتها ولا اجتني ابد خلال الشهور الهمة بيها بالسلف..
عمتي حورية قطعت علاقتها نهائي بينا وماتجي ابد للحوش..
بس مرات من افتح الشباك بالليل ..
اشوف علي بنفس مكانه ..
ماانكر ترد الروح بيه بس استغفر ربي وارجع البردة وارد انام ..
من بدأ الدوام رجعوا البغداد ..
وهذا شرط عمتي حورية ماتضل بالسلف ماطول هو مو بيها .. وجنها خايفه من شي لو بيها شي ..
حتى رجلها ماخلته يفوت للبيت طول ماهمة بي يبات بالمضيف جان ..
جان وجود علي يمي مطمني ..
حتى لو مااشوفه بس المهم احس بأنفاسه محاوطتني
فيصل يجيني مرات يشوفني بالبوگات ..
وامي اشوفها كل يومين والثالث او بالاحرى اسمع صوتها وبس مااگدر اشوفها ..
اتمنيت اشوفها واحضنها بس مانگدر وخاصه هدوة بعد ماخلتني ببالها وين مااروح تمشي وراي صرت اخاف تشك ويعرفون امي بسببي ..
گامت بس تندگ الباب تركض تفتحها قبلي ..
حسبالها من اگعد من الصبح وافتح الباب ناطرة علي يجيني هيج جانت تفكر الهيج تركض تفتح الباب قبلي ..
مرات ايام مااگدر اطلع الامي بسببها لو مازينب بحجة تشوف ماسه وتطلعني ..
وماسه صارت هم تحبها كلما تشوفها تضحك ..
امي .. علي .. فيصل ..
كلهم غابوا عني بنفس اللحظة حسيت بفراغ كبير ..
بقيت منعزلة عنهن ..
اكمل شغلي وافوت للغرفة اني وبتي ..
بس بيوم نوبتي ع الشيخة اضل يمها ..
وبين نوبتهن اسمعهن حتى صياح يصيحن عليها ..
وهدوة مرة سمعتها تصيح عليها ..
رحتلها لگيت الشيخة تصيح وهدوة ماتعرف شتريد
ملت منها دمغتها على راسها ..
" كافي اسكتي صرعتي راسي شتردين "
وخرتها عنها .. وهددتها لو سوت هيج بيها بعد احجي العمي منهل وهي تخاف منه كلش ..
بيوم من الايام ..
جان الجو بارد وشتا بالليل ..
خليت ماسه بالغرفة تلعب ..
ورحت عدي هدوم اغسلها واكمل شغلي وارجعلها ..
سمعت صياح ..
عفت كلشي بيدي وطلعت ..
شفت هدوة تصيح ..
" تعالوا شوفوا الشريفه عبن الله يريد يفضحها .. بتها تدحوس بغراضها وطلعت هالرساله .. "
استغربت ركضت شفت ماسه تبجي والكومدي مگلوب
ماسه تلعب بي او هي ماادري ..
بس من شفت رسالة علي بيديها تسودنت ..
هي ماتعرف تقرأ وردت اخذها منها ماگدرت ..
" هاي رساله من رضوان جيبيها "
ضحكت .." اي خوش خل يجي عيد ويقراها النا "
رديت ..
" ماتستحين تدورين بغرفتي "
ردت ..
" انه شني بتج هي الطلعتها والله عبن يريد يكشفج خلاها بيدي .."
ردت عمتي سمرة ..
" يبوووو عليجت ماتهدن شمالجن يله كافي امشن الحجرتجن لا اصيح حطاب يگضيجن "
دخل عيد ..
غمضت عيني ..
سأل ..
" شكو ؟"
ردت ..
" اقرالنه هاي "
فتحها يقراها وانه بسرعه اخذت بتي ودخلتها لجوة وسديت الباب عليها ..
باوعلي ..
" هذا علي كاتبها الج موو "
رديت ..
" مو هسا گبل لانتزوج "
ماانتظر حتى تفسير مني ..
بس گالتله ..
" لاتصدگ بيها شمدرينا وين يلتقون ماتشوفه رجع للسلف بعد ماهجوا شعده رجع لو ماعندهم شي "
لزمني شبعني كتل ..
ودور گالي ..
" لمي غراضج واخذي بتج واطلعي ماتضلين دقيقة وحدة بالحوش بعد "
رديت ..
" عيد وين اروح بالليل وباردة شبيك والله قديمة هاي"
سحلني للغرفة دفرها واشرلي ..
" الج نص ساعه تلمين غراضج وتطلعين وان مالميتيها اشمرج بطرگ هدومجن "
كلهن التمن على الباب ..
ركضت الهن وحدة وحدة اتوسل ..
حتى عمتي بثينة توسلت بيها تگلي ..
" ليش ترديني ادافعلج وانتي بكل دقيقة تهدديني بأركان تردين انتي وامج تاخذنه مني .. شكد ردتج تكونين بتي بس انتي اختاريتي الام الغلط وهاي النتيجة ضليتي وحدج حتى هي مارف جفنها عليج ولارجعت من يوم المشت والله العالم وين راحت "
مسحت عيوني وكمت ..
" راضية هي تكون امي واتشرف لو اعرف اضل بالشوارع ماانزل روحي الجن .. "
سديت الباب بوجهن ولميت غراضي لبست ماسه هدوم هواي ..
واسمعه يصيح " يله بقالج عشر دقايق بساع "
#يتبع…….



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 09-03-21, 08:01 AM   #54

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



اسعد الله صباحكم بكل خير احبتي ❤
//// البارت الرابع والاربعـــون /////
#بيوت_بلا_جدران
#شمس_السعدي

----------------------------------
فارگنه الزمن بين المحطات ..
ولگينه الدمع وأكف ينتظرنه ..
بعدنه أصغار واكبر منه الهموم ..
حزن بحزن جبناهه وكبرنه ..
لا بينه صبر نتحمل هموم ..
وعلى العمر المضى شينفع صبرنه ..
لا يا زمن أرحم دموع العين ..
وشوفنه الفرح مره بعمرنه ..
___________________________
في عتمة الليل .. اشكي واصرخ الم ووجع لقلب يبكي
حرقة .. لأهل لايعرفون الرحمة ..
الشتاء قاسي لكنه احن عليه منهم ..
وكأنّي خلُقت من حنين الشتاء .. وشاعرية المطر .. ورحمات الجمعة ..
وكأن هذا القلب .. خُلق للغربة والالم ..
وباب ذاكرتي .. لايلقى سوى انسان مهجور على حافة القبر تهوي ..
اخذت بنتي وغراضي اسحل بيهن ..
بعز البرد ..
محد حجت بيهن الا عمتي رضية ..
" ولك عويد بت حديثة ووياها طفلة وين تولي بهالليل عودن للصبح خليها "
رد ..
" خلها تحير بروحها مو مگرن انه ببيتي وتتمعشگ وي غيري "
ردت هدوة ..
" جا ماتطلگها شناطر ؟؟"
رد ..
" لا مااطلگها .. الا اخليها معلگة لا هي متزوجة ولا هي مطلگة .. جا شني ترديني اطلگها واخليها تاخذه .. "
رديت ..
" بعمرك ماراح تصير رجال .. وحوبتي اني وبتي تطلع بيك يا عيد .. اريد الله مايشوفك الراحة .. دعاء يتيمة ومظلومة "
من دعيت عليه تخبل ..
رجع ضربني وسحلني للشارع ..
عمتي رضية وعمتي سمرة يحجن عليه ..
" ولك دخلها شتگول العالم علينا "
وهو يرد ..
" ما تگول وحدة...... وطردتها الا افضحها بالسلف واضيع ماي وجهها "
گعدت يم الباب ابجي وادعي عليه ..
حضنت ماسه لفيتها وخليتها جوة عباتي ..
وهي تبجي وتناشغ بحضني ..
اعاين على الشارع والگيعان ظلمة هندس والجو بارد..
ادگ الباب محد يفتحها ..
اسمعه يصيح عليهن..
" التفتحه اطلعها وياها بالشارع "
جنت ادعي يگعد عمي حطاب ويسمعني ..
بس عمي اذا نام مايگعد من التعب الا واحد يگعده وعمتي سمرة ماتگعده ادريها تخاف من عيد ..
بقيت بالباب گاعدة امن الي ..
شفت من بعيد اجه جعمقة يطوطح ..
وانه من صغري اخاف منه اصلا ..
شلت غراضي وبتي وگمت ..
مشيت خاف يشوفني وشو شيسويلي ..
ركضت ورى الحوش ..
شفت المخزن مال علف .. فتحته وطبيت بي ..
گعدت وحضنت ماسه خفت تبرد ..
جان المخزن رطب وبارد وريحته تكتل ..
تذكرت امي من تحجيلي عنه .. ماشايفته گبل ..
شلون تحملت تنام وتگعد بي ..
بس الظلمة مالته تخوف ..
لو الرطوبة والريحة تموت ..
سمعت اصوات رجلين ..
خنست ..
جان رايح راد يفتر ..
ارجف من البرد وادعي كون ما يدخل ويبعد عني ..
لمن ابتعد يله گدرت اخذ نفس ..
ماسه تگعد وترد تنام ..
دور گامت ترعش بيدي ..
تسودنت ..
" يمه بتي شبيها بس لابردت "
طلعت من ملابسي ولفلفتها .. اريدها تدفئ لا تتمرض
گمت ابجي ..
" شنو ذنبي يربي .. شنو السويناه وهيج يصير بينا .. هاي الطفله شنو ذنبها .. نايمين ودفيانين ببيوتهم واحنة بالبرد وبالشارع .. وينج يمه .. حسيتي بيه هسا ؟؟ گلبج وجعج ؟؟ فزيتي من نومتج ؟؟ ..
وينك خوية تعال شوف حال اختك شلونه ؟؟"
للصبح ماشفت النوم بس ابجي وخايفه على بتي ..
اذن اذان الفجر واني گاعدة ..
بقيت گاعدة لمن بدأت الدنيا تكشف عن ظلمتها ..
گمت بساع ..
طلعت من المخزن ومشيت ..
وي امشي مااعرف ..
جنت وين ماتاخذني رجلي امشي ..
بدأت الوادم تطلع الشغلها وكلها تعاين عليه ..
بيدي بتي والصرر بيدي الثانية ..
هسا اسأل من عن بيت خاجيه ..
ااااه لو فيصل موجود ماجان ضليت هيج ..
ابتعدت حيل عن السلف ..
تيهت طريقي ..
رديت رجعت بس مااعرف منين ارد وشلون ..
تعبن رجليه ..
گعدت بين نخلات اثنين ..
الرايح والراد يطيني المقسوم وكل ضنهم معتازة وماعدي وگاعدة هنا ..
اجه رجال جبير ..
سألني ..
" بوية انتي موش منا مووو "
هزيت راسي ..
" اي عمي اجيت الخالتي وتهيت الطريق مااعرفن وين اروح "
رد ..
" وهذا فرخ بحضنج ؟"
هزيت راسي ..
" اي بتي هاي "
رد ..
" حرام هاي الفرخة بالبرد مطلعتها گومي بوية اصعدنج بعربانه توديج وين تردين "
مشيت وراه وخايفه ..
خليت مسافة بيني وبينه .. ان راد يسوي شي اشرد ..
بعد ماعدي ثقه بأحد اهلي طردوني بالظلمة جا الغريب شيسوي بيه ..
صاح ابو العربانه ..
" بوية هاي البت متيهة گرابتها اخذها وين ماتريد وهاي كروتها "
طلع فلوس راد يطيه حاجيته ..
" لا عمي عدي فلوس "
رد ..
" ميخالف بوية جا شنهي العالم تگاطعت "
سألني ابو العربانه وين تردين ..
" گلتله على بيت خاجيه الدلالة "
اخذني الها ..
نزلني واشرلي على البيت ..
من نزلت صرت بس ابجي واشهگ ..
امشي واصيح ..
" يمه افتحيلي يمه .. اجيتج يمه .. طردوني بليلة ظلمة يمه .. ميتة من البرد يمه الحگيلي "
مرمر ..
" گعدت من الصبح مثل عادتي احضر غراضي واخبز اذا عدي خبز واسوي الريوگ الخاجية واهدر الجاي على اللبة "
اصيح الزينب والبس ببوشيتي وعباتي..
راسي يوجعني الليل مانمت مدري شبيه ..
بعدني مافتحت الباب واسمع شهگات وبواجي زرفن گلبي ..
شهگت روحي وياهن ..
فتحت الباب بساع ..
شفت رحمة گبالي ..
شحالها وعيونه مورمة..
" يمه بتي شبيج ومني الجابج ليش اجيتي شسوولج ؟"
شمرت روحها عليه وبس تبجي ..
" يمه طردني عيد من الليل لسا اني بالشوارع ماعدهم رحمة يمه طردوني "
دخلتها بساع لجوة..
فوتتهن للمطبخ لان دافي ..
واخذت الصوبة للغرفه ..
ابوس بيها وهي بحضني تناشغ مثل الطفل ..
اخذت منها ماسه ملفلفتها تلفلف ووجهها ثلج ..
مدري ابجي مدري حاضنتهن اريد ادفيهن بحضني ..
" ربي اختبارك صعب كلش .. اختبرني راضية بس جهالي مااتحمل اشوفهم يتعذبون "
اخذتهن للغرفة .. زينب تلاحگتني ببطانيات ..
نيمت ماسه وغطيتها مارضت تنزل من حضني تبجي..
ورحمة گعدت يم الصوبه ..
وزينب غطت جتافها بالبطانية ..
سألتها ..
" شني الصار احجيلي "
ردت ..
" شحجيلج يمه هو شنو الماصارلي بعدج .. اخرها يتهمني مو شريفه وماسه مو بته "
رديت ..
" ربج موجود هو ياخذلج حگج منهم "
اتهسترت ..
" يمه رحمة لأهلج لاتكليلي هيج .. ربج موجود.. جا ربي مايشوف حالنا .. شما يظلمون الله يطيهم واحنة لا .. معقولة ماكو واحد بگلبه رحمة علينا .. ابتلينا لان خالي كتل ابنهم .. احنة ليش نتعاقب .. ليش هيج يصير بينا .. خالي مرتاح واحنة النتعذب "
اسمعها تحجي وتفرفح واني ابجي ..
" كافي ولج يمه حرام لاتكفرين .. ربج يمهل ولا يهمل
الشافته امج مايتسولف ولا لمت واحد ولا حجيت.. وخالج شله غرض هو هم مظلوم حاله حالنا .. ماارضى تحجين هيج "
ردت ..
" يمه تعبت والله تعبت انه مو مثلج مااصبر ولا اعرف اسكت "
رديت .
" مادامج بحضني بعد هاهي "
ردت ..
" مااضن يخلونا نرتاح .. بس لا ياخذون ماسه منا "
رديت ..
" لاتگولين هيج وين يلگوج ؟"
ردت ..
" شني يمة ماتعرفيهم انت اذا خلوا واحد بباله خلوه "
رديت ..
" مو هالطردوني ونسوني "
ردت ..
" انت بالنسبة الهم مرة غريبه وخلصت شغلتهم منج بس انه بحجة بتهم ومن دمهم اني يو ماسه .. مو محبة بي بس علمود الناس عود لاتاكل وجههم "
رديت ..
" وهم من يمتى يديرون بال للعالم من يوم الوعيت عدهم وهم يسوون البراسهم وبس "
سويتلهن حليب حار ..
وطرشت زينب تمشي للدبية تاخذ الروبة وللجبن والگيمر تبيعهن هي ..
مااگدر اعوفهن واطلع ..
مارضت تاكل رحمة بس شربت حليب دافي ونامت سودة عليه الليل كله بالبرد ضالات ..
مدري الوم روحي لو الوم الزمن البعدني عنهن ..
اجت خاجيه تتجى ولازمتها زينب ..
جنت مخليه ماسة بحضني منومتها ..
ورحمة مخليه راسها على رجلي ونايمة ..
دموعي جانت تنزل عليهن ..
همست ..
" الله يگويج دية "
رديت ..
" شفتي حجية شفتي حال بناتي من بعدي "
هزت راسها ..
" سولفتلي زينب .. شبيدنا يمه هاي قسمتجن .. وهالحوش حوشجن والعيشة مستورة ومن يوم الخليتي رجلج بالحوش الخير زاد الحمد لله .. وبنياتج بنياتنا هم .. منا لمن الله يفرجها عليجن "
رديت وانه ابجي ..
" الله يطيج حجية ويوفقج .. محد وگفلي بشدتي كثرج .. لو بيدي اخذهن واهج بس مااگدر اعرف وليداتي يو رضوان اذا اجه ومالگاني وين يدورني "
اتنهدت ..
" وين تمشن وياهو عدجن بعد الله غيرنا .. خلجن هنا مونساتنا .. وزينب من يوم الاجيتي صايرة ماتفارگج وتحبج .. "
رديت ..
" والحجي خطية عاف الحوش علمودنا "
ردت ..
" الحجي يجينا وهو هم خطية جان يجي يمنا لين ماعدنا احد ووحيدنا .. ويتعب من الطريق بس بجيتج نقذتيه عبن مايروح ويرد كل يوم .. بالاسبوع يجينا يشوفنا ويمشي "
اتنهدت ومااعرف شحجي وشلون اوافيها لان ماعدي غير الدعاء الها والراعي بيتها ..
بقيت مگابلتهن واندب حظي عليهن ..
عفتهن نايمات وگمت ..
رحت للمطبخ شفت خاجية گاعدة وتوصي زينب تناوشها الغراض ..
سألتها :
" شتسوين ؟"
ردت ..
" مالج شغل امشي البناتج لاتعوفيهن وحيدهن "
رديت ..
" البنات نايمات وانه ماعدي شي گومي انتي ارجعي الغرفتج "
ردت ..
" لا خليني هنا يمج عبن مليت من گعدت الحجرة "
رديت ..
" جا گومي على السكملي اگعدي احسن الج "
راحت جابت زينب السكملي ..
گومتها ماتگدر تگوم وگعدتها عليه ..
بلشت بالغدا ..
زينب سحبت نفسها ..
صاحتها خاجية..
" وين مولية .."
ردت ..
" اروح يم ماسه "
ردت عليها :
" موش تگعديها ؟"
هزت راسها ..
" لا والله بس اعاين اعليها "
من يوم الشافتها زينب وهي متعلقة بيها وتحبها ..
مشت زينب يم ماسة ..
وانه وخاجية ضلينا بالمطبخ..
حجت الشيخة…
" حسبالهم من يطردوجن تنذلن .. بس مايدرون رب العالمين الكلشي بي ارادة .. ومرات الناس الغرب ارحم من الگربة "
اتنهدت ..
" حجيتي البگلبي حجية .. من طلعت منهم جنت خايفه وحايرة وين امشي .. بس رب العالمين الهداني وذكرني بيج .. "
ردت ..
" الكلشي حكمة وسبب .. من هجتتنا الشيخة من السلف .. راد الحجي ياخذنا ونمشي الغير محافظة.. من گالي هيج گلبي انقبض ومارضيت حسيت هالروحة موش خير اعلينا .. بعت حوشي واخذت هذا .. وبتي تزوجت بعيدة عني .. والحجي شغله هم بعيد عني وبس انه الاضل وحدي جنت .. وكل هاي وماگلتله خل نبيع بيتنا وامشي وياك .. وجن رب العالمين مخليني هنا علمودج "
نزلت دموعي ..
" الحمد والشكر لله "
بقيت اشتغل وافكر بعطايا الله .. حتى اهلي من بعدهم عني بيها خير يمكن لو باقين هنا جان كتلوهم .. ورضوان هم .. وين ماموجود خله موجود المهم بخير ويرجعلي سالم ..
اجت زينب تركض ..
" ماسه مدري شبيها "
گمت بساع للغرفة ..
" لگيتها تذب من راسها وتكح "
صحت ..
" يمه بتي .."
فزت رحمة ..
" شبيها يمه شبيها بتي "
رديت ..
" لا تخافين مابيها شي بس يمكن مستبردة وماتتحمل"
اجت خاجية ..
دفيلج وصله لو خاولي ولفي بطنها بي ..
يو طابوگة خليها تحمى وسفطي خاولي وگعديها عليها حتى مايصير اسهال عدها وتوجعها بطنها ..
ارتاحت شوية ..
بدلتلها ونيمتها وگمت اخذت هدومها اغسلهن ..
كملت حميت خاولي وجبته لفيت بطنها بي ..
گامت تبجي ماتريده تخاف ..
جانت متنوحسة بس تبجي ..
ردت رحمة ..
" ماتتحمل ادري بيها والبارحة باردة كلش .. الله لايطيك يعيد .. من جبتها لسا محافظين عليها خاف تتمرض وبذاك الحوش وبرده ..
وبليلة وحدة تمرضت من وراه "
رديت ..
"هي ماتتحمل برد .. خالاتج جانن هيج گلبهار وبهار .
اقل بردة يتمرضن . وبيهن طبع اثنين يتمرضن سوة واثنينهن يبجن سوة ووحدة تحس بالثانية "
سألت ..
" هسا وين صفا بيهن الدهر "
اتنهدت..
" تلگيهن متزوجات وعدهن جهال .. بالي يم عمتي وامي شلونهن هسا .. عدنان ارجوان كلهم اشتاقيتلهم .. حتى الصغير مااعرف شني سمته امي لان ماشفته ابد هم مشتاقة اشوفه .. وماادري الزمن يجمعني بيهم بعد لو لا "
ردت ..
" ان شاء الله يجمعكم ويجمعنا ويلتم شملنا "
اتنهدت ..
" احمد الله لان طلعتوا حنان مثل خوالكم .. بس اركان اووووف الله يهدي "
ردت ..
" اركان عمتي بثينة الربته على الحقد بس بلكي اذا كبر وعرفهم يعقل "
رديت :
"يعقل ان شاء الله "
ردت :
" عمي منهل دللة وشني اليحلم بي يجيبه .. الفلوس خلاهن بيده مثل الورق يلعب بيهن .. صعب اذا كبر يعوف كل ذني "
رديت ..
" انه متأكدة ولدي يطلعون مثلي .. واذا شاف اخيوته داير مادايرة راح يحس بقيمتهم "
ردت ..
" اليسمعج يمه يگول عده عشر اخوه "
رديت ..
" رضوان وفيصل وحتى علي اخوة والنعم منهم "
اتنهدت ..
" افكر بفيصل اذا درة شيسوي ؟"
رديت ..
" فيصل خايفه عليه بوسطهم .. لا يأذوه من كثر مايصير ضدهم "
ردت ..
" لا اسم الله .. اصلا احمد الله لين ماهو البارحة جان تخبل وكتل عيد "
رديت ..
" الله يحفظه الشبابه ان شاء الله "
رجعت نامت وانه نيمت ماسه وگمت ..
سويت شغلي بالالبان الباجر ..
وعجنت وخبزت ..
زينب ساعة وياي وساعة تروح يم ماسة ..
لليل ماسه كلش غدت .. تكح وصارت طماطة من السخونة ..
وصيت زينب جابتلي ماي اسويلها كمادات ..
خوفتني عليها ..
ورحمة متخبلة وتبجي عليها ..
" يمه خاف بتي يصير بيها شي "
رديت ..
" مابيها شي يمه شبيج كل جاهل هيج يتمرض "
اجت خاجيه شافتها ..
اشرتلي ..
" امشي سويلها حلبه فوريلها ويبرد وشربيها توخر سخونتها "
مشيت افورلها حلبة ..
خليتها على النار .. سمعت صوت رحمة تصيح ..
عفت كلشي وركضتلها ..
جانت ماسه تنكث مدري شبيها وترعش ..
اخذتها منها بساع ..
وهي تدگ وتلطم وملخت روحها تملخ ..
" بتي ماتت يمه بتي جاي تطلع روحها "
صاحت خاجيه..
" اگلبها صفح بساع وفتحي هدومها لاتختنگ "
گلبتها صفح لين ما هدت .. احس جسمي كله يرجف وياها وردت اوگع ..
زينب تبجي ورحمة تلطم ..
الله اطاني القوة ماوگعت من شفتها بذاك المنظر..
راحت جابت ماي وتغسللها رحمة ..
اشرتلي خاجية ..
" جيبي الحلبه نفخيها وشربيها "
جبتها واجيت ..
شربتها وبقيت وياها للصبح ..
نتناوب انه ورحمة عليها ماترضى تنام ..
اذن الفجر ..
راحت خاجيه الغرفتها تصلي وتنام ..
بعد ما ماسه صارت زينة ..
وزينب خطية وهي گاعدة يمنا غفت ..
اشرت الرحمة ..
" زينة صارت گومينا نتوضأ ونصلي وبعدين نامي "
ردت ..
" لا انتي نامي واگعدي الصبح واني انام لان ادري بيج ماتنامين الصبح انتي "
صليت ونمت ..
وهي ضلت گاعدة يم بتها ..
غفيت بس بالي يمها مااگدر انام زين ..
بعد اذا طلع الضوة ماتغمض عيني ..
گمت شفتها تغفي ..
همست ..
" رحمة يمه نامي انه گعدت .."
لفلفت روحها بالبطانية ونامت ..
خليت ايدي على گصتها الماسه وراسها اتلمستها حرارتها زينة بس تكح حيل ..
گمت اسوي ريوگ ..
خاجية متعودة من الصبح تتريگ خطية ..
دخلت المطبخ شفت زينب تشعل بالجولة تريد تسوي جاي ..
" گومي يمه اني اسوي "
ردت ..
" لا امشي نامي انتي مانمتي انه اسوي بمكانج "
رديت ..
" نمت ساعتين كافي وعود للظهر من تگعد رحمة انامن تعاي اخذي البيبيتج خطية ريوگ تلگيها جاعت .. "
جاي احضر بالريوگ وذكرت ..
" صدگ اجت الدبية اخذت الروبة "
هزت راسها..
" اي اني اطيتهيا "
رديت ..
" عفية ببتي "
اندگت الباب راحت تفتحها ..
سمعتها تحجي..
" شرايد جايينا من الصباحيات "
رد وصوته مخنوگ ..
" اختي اجت لهنا هي وبتها "
ردت ..
" يااختك ؟؟ لا محد اجه "
رد ..
" وين راحت جا .. وامي وين ؟"
ردت ..
" طلعت من الصبح وما ردت ماندري بيها "
صاح ..
" شني ماتدرين بيها انتي موش وياها تطلعين "
ردت ببرود ..
" اي بس اليوم ماخذتني ماگعدتني "
ضحكت على سوالفها شلون تحرگ بروحه ..
گمت من مكاني وبيدي صينية الريوگ مالتها اي وخاجية ..
طلعت من المطبخ شافني ..
" يمه هنا انتي "
التفتت الها وخزرها ..
" تتمضحكين عليه جاهل انه عدج "
ردت ..
" جا شني بس انت تتمضحك عليه كلما تشوفني "
عاين عليه والدمعه بعينه ..
" يمه راح اگلج شي .. بس لاتقهرين روحج والله نلگاها والله "
رديت عليه ..
" رحمة وماسه جوة لاتخاف "
اني گلتله هيج ..
حيله انهد وگعد بالگاع ..
وزينب تضحك عليه ..
رفع راسه وعاين عليها ..
" من اگوم هسا اخنگنج هم واحد يگلي ليش "
" حتى ماتضحك عليه بعد .. العين بالعين والسن بالسن والبادي اظلم "
قبض ايديه واستغفر ربه ..
اشرتلها ..
" هاج الصينية وعوفيه كافي "
اخذتها ومشت ..
اشرتله ..
سد الباب وتعال وراي ..
مشيت للمطبخ اجه وراي ..
" تدرين يمه من سمعت شصار بيه .. گلبت البيت وتعاركت وي عمي .. وطگاني .. ومثل المسودن طلعت ادور عليها .. گلت وين راحت بالليل وهي حتى بيت خاجية ماتعرفه .. "
اتنهدت ..
" گاعدات بالمخزن وبالبرد وماسه الليل كله مانامت تخربطت علينا "
رد ..
" امشينا ناخذها للمستشفى "
رديت ..
" هسا شوية زينة هي خلها للعصر اذا بعدهي ناخذها "
رد ..
" جدي منهل من اجه وسمع تسودن وگال العيد تكلب السلف وترجعها .. بس عمي گاله ..
" ماارجعها انه اعرف بيا حضن باتت الليل كله "
رديت ..
" معثر دومه مايجوز من سوالفه .. لاتحجي هيج الرحمة تنقهر . "
هز راسه ..
" اي مااحجي بس هن وينهن اريد اشوفنهن "
اشرتله على الغرفة ..
" ذيج الغرفة امشيلهن وانه اجيب الريوگ واجي "
راحلهن وانه اخذت الريوگ ورحت وراه ..
شفته مخلي ماسه ويبوس بيها ..
جبت الصينية خليتها بالكاع ..
صار يلعب براس رحمة…
" گومي مو نايمة واني گلبي نار عليج گومي يله "
وهي نايمة ردت عليه ..
" حسبالي اخلص منك تالي اجيتني لهنا لحگتني "
رد ..
" جا شحسبالج ليش اكو اخو يعوف اخيته "
گامت وهي تضحك ..
" تعال بحضني اشتاقيتلك "
تحاضنوا اثنينهم ..
اتنهدت وانه متأملة اليلتمون كلهم سوة هيج ونگعد على سفرة وحدة ..
گعدوا يتريگون ويتداهرون ..
سألته ..
" شمدريك انت "
رد ..
" ماادري بالصدفة اجيت للحوش رحت الغرفتجن لگيتها فارغة سألت حبوبتي .. گالت :
" عمك طردها جيف لزم رسالة عدها من علي دازه الها"
انه تسودنت ودافعتلج انتي وعمي علي وكلتلها ..
" لا رحمة ولا عمي علي يسووها جذب "
طلعت هدوة الوسخة گالت ..
" وعمامه التعمعمك ان شاء الله تجذبنا وتصدگهم منو اهلك همة لو احنة "
رديت عليها ..
" وانتي مو من اهلي شدخلج بوسطنا "
تسودنت من حجيت وراحت گعدت عمي ..
وطلع جدي منهل جاي اليوم ومحد گايله عليج لمن سمع مني تسودن ..
سألته رحمة ..
" وشگال عمي "
رد ..
" گال تدورها وترجعها "
انخطف لونها ..
" بس لا يدورني صدگ شلون ؟"
رد فيصل ..
" عمي عيد مايرضى .. "
ردت ..
" گلبي ماكلني عيد كلشي يطلع منه بس لا ياخذ بتي مني "
رديت عليها ..
" يمة لاتفكرين ربج يحلها وهو مادامه مايريدج محد يرجعج .. وانت فيصل لاتجي هواي لا يراقبونك يمه ودير بالك "
رد ..
" لا افتهم شمالي .. انه راح اكوم امشي والعصر اجيبلج دوة الماسه واجي "
طلعتله فلوس مارضا ياخذه بالگوة .. ادري ماعده بس يريد يحس انه هو رجالنا ..
سلم علينا وباس ماسه وطلع ..
ردت رحمة نامت ..
كملت الشغل كله ..
وللظهر رحت نمت ..
وزينب بقت يم ماسه لمن گعدت رحمة تغدن سوية ..
گعدت العصر دايخة وراسي يوجعني ..
گمت اسوي جاي ..
سألت رحمة ..
" شلونها ماسة "
ردت ..
" زينة گعدت وشربتها تشريب شوية علمود بلعومها "
عفتها بالغرفة وگمت ..
اندگت الباب فتحتها ..
صار فيصل وعلي گبالي ..
استغربت ..
" علي شجابك يمه ؟"
رد ..
" مو ملگاج هذا ياام رضوان "
رديت ..
" هلا بيك وليدي اعذرني بس استغربت تعالوا فوتوا لايشوفكم احد "
فوتتهم وسديت الباب ..
رد علي ..
" من گالي فيصل مااتحملت بساع من الگراج لهنا "
عاينت على فيصل ..
رد ..
" مالي شغل هو محلفني بأبوي .. گالي كلشي يخص رحمة وامها تگلي بي .. وانتي تعرفين اليحلفني بأبوي ماارده "
سأل علي ..
" ليش انه غريب وماترديني اعرف ؟"
رديت ..
" لايمة انت وليدي وتدري بمعزتك .. بس اخاف عليك والله هاي الناس ماترحم وانت الوحيد الامك ومحد الها هي واختك غيرك "
رد ..
" الروح وحدة والموت واحد .. ومحد يموت بغير يومه يعني شيسوولي قابل .. گلتلج قبل واعيدها هسا ..
انتي ورحمة امانه رضوان عندي "
ماعرفت شحجي ..
" تعالوا فوتوا جوة ونحجي "
رحمة ..
من سمعت صوته جمدت بمكاني مااعرف شسوي ..
بقيت ادور حجابي مدري وينه ..
لبسته ..
دخلت امي وفيصل ..
وهو وراهم ..
شال راسه خله عينه بعيني ..
عتب .. شكوى .. حزن .. كل هذي المشاعر مرت بنظراتنا..
اصعب شعور هو ان تشتاق لشخص ..
لا انت قادر على ان تملكه .. ولا تقدر الابتعاد عنه ..
سألني ..
" شلونج رحمة "
رديت ..
" برحمة الله "
اشرتله امي ..
" اكعد هنا .."
شاف ماسه دنگ باسها ..
اطاني علاگه ..
" هاي علاج جبته الها فيصل گال مريضة "
رديت ..
" شكرا الك "
حجت امي ..
" امشي اسويلكم جاي "
راحت امي .. فيصل بقى واگف ..
" انه امشي اعاون امي "
عافنا وحدنا ..
عاين الايدي بيها خدش من الضرب ..
استغفر ربه ..
" طلگج هو لو لا "
رديت ..
" لا "
ضحك ..
" جنت متوقع هالشي يريد يخليج متعلگة لا انتي هيج ولا انتي هيج "
رديت ..
" مايهمني المهم يعوفني بحالي اني وبتي "
رد ..
" شنو مايهمج .. لاتسكتين مثل كل مرة .. اخذج ونسوي تقرير الج وللضرب والاثار البحسمج اكو اثار موووو"؟"
هزيت راسي ..
تعصب ..
" كسر بيده ان شاء الله "
اتنهدت ..
" خايفه ياخذ بتي لو اشتكيت عليه "
رد ..
" عايني عليه "
عاينت عليه ..
سألني " انتي تثقين بيه "
هزيت راسي " اي "
بقى صافن بوجهي وعينه بعيني ..
" الله ياخذك يا عيد عبن حرمتني من هالعيون "
رديت ..
" علي كافي "
رد ..
" شنو علي علي . هو الباگج مني انتي مالتي والي .. "
رديت ..
" بحلمي انت الي .. وبحقيقتي انت حلمي "
رد ..
" لو اعرف انتظر عمري كله .. الا اسوي الحلم حقيقة وداعتج "
اجوا امي وفيصل سكت ..
شربنا الجاي ..
سألته امي ..
" شنسوي هسا يمه شتگول ؟"
رد ..
" باجر اخذها تشتكي ودور نسوي تقرير طبي نثبت بي اثار الضرب وغصب عنه يطلگها مثل الورد وبتها بحضانتها "
سألته امي ..
" ومنهل راح يعوفنا "
رد ..
" خالي ماله دخل اذا شكوى رسمية مايتدخل بعد وخلي احجيلج شغله ..
ولد الشيخة من يومهم مايحبون خالي وامي وخالتي يحسبوهم دخيلين عليهم واعله ورثهم بس گدام العالم يمثلون هم اخوة "
جانت امي فرحانه وهي تسمع العلي ..
بس اني گلبي جان ناغزني ومامرتاحة ابد ..
گام علي وفيصل مشوا وگال باجر اجي اني وفيصل ناخذج..
راحوا اجت امي ..
" الحمد لله راح تخلصين .. "
بقت تتلمس بماسه دور كعدتها وكلتها وشربتها دوة ..
الليل كله تكح وتختنگ ..
گالت امي ..
" اخذوها وياكم باجر للمستشفى يفحصها دكتور خاف تتخربط بالزايد "
الليل كله مانمت وافكر بكلام علي ..
عيونه ونظراته زرعن الامل بيه من جديد .. بعد ماقطعته نهائي وجنت محتفظة بي بداخلي كـ ذكرى حلوة ..
ثاني يوم گعدت من الصبح غسلت وبدلت وبدلت الماسة وبقيت منتظرتهم ..
خلت امي الريوگ ..
" تعاي تريگي يمه "
رديت :
" خلينا ننتظر يجون الولد خطية خاف ممتريگين "
انتبهت عليه ..
" يمه رحمة ادريج ترباتي وبتي وماتغلطين .. بس مااريدج تتاملين بعلي .. اذا خلصتي مو معناها اكو خط رجعه بينكم.. لاتنسين عيد ابن خاله وام علي عمته ومااضن حورية تقبل وتتخارب وي اخوها "
اتنهدت ..
" لاتخافين يمه .. علي حلم وبس بالنسبة الي .. ومثل ماگلتي المهم اخلص من عيد واربي بنتي هاهي "
اندگت الباب ..
مشيت افتحها ..
فتحتها ..
صار فيصل گبالي ..
" هلا بهالصباح امس بتت يم علي عد صديقهم وسهرنة وهسا راسي يريد ينفجر وجوعان .."
اشرتله..
" امي حضرت ريوگ بالغرفه ادخل بس صوتك نصي المرة نايمة فشله "
سد حلگه وعود خيطه ودخل ..
دخل علي وراه ." صباح الخير "
رديت ..
" صباح النور .. ادخل امي منتظرتكم على الريوگ "
همس ..
" شبيج شو جنج مافرحانة راح تخلصين من عيد "
سألته ..
" وشتگول انت راح اخلص منه ؟؟"
رد ..
" لو يبقى اخر يوم بعمري اخلصج منه بس مااريد هالعيون يضوجن ابد "
اتنهدت ..
" علي كافي "
سأل ..
" عود شني هالطبع البيج كلما احجي تسكتيني وتگولين كافي "
رديت ..
" لأن مايجوز حرام "
تعصب ..
" ومو حرام من اخذج غصب .. من فرقنا اثنينا وهو يدري اني اريدج وانتي ترديني "
اتنهدت ..
" هاي لسا بعدك تفكر بهالسالفه "
رد ..
" ومنو گالج نسيتها .. او نسيتج .. جا ماتعرفين علي شني . علي لو عشگ يعشگ مرة وحدة ويروح وياه هالعشگ للموت "
رديت ..
" اسم الله عليك .. يله كافي خلينا نفوت "
رد..
" ماتجوزين ابد .. لازم تسكتيني "
ضحك ودخل قبلي ..
تريكنا وطلعنا ..
شلت ماسه .. اخذها مني ..
ماراد ياخذها لان رايحين المركز وخاف نتأخر وباردة ..
بس امي اصرت ناخذها ويانا لان خافت عليها من كحتها قوية ..
طلعنا ..
هو شايل ماسه وملفلفها بالبطانية ..
وفيصل واني وراه طلعنا ..
مشينا للشارع يله لگينا سيارة اخذتنا ..
وصلنا المركز قدمنا شكوى واني كلي ارجف اول مرة افوت الهيج مكان..
حولونا للمستشفى علمود نسوي رابوط طبي ..
مشينا للمستشفى..
جان علي يعرف واحد هناك ساعدنا ..
دور اخذنا ماسة للطبيب اطفال فحصها التهاب عندها قوي ..
انطوها علاج وابر ..
جاي يشكلولها الكانونة وهي تبجي وتأشرلي تريدني اشيلها ..
درت وجهي مااتحملت بجهة الباب ..
صار گبالي عيد ورحيم ووياهم اثنين زلم ..
گلبي صار يدگ حيل .. ولزمت علي لا اراديا ..
انتبه عليه بساع ..
" شبيج هيج خايفه ترى الكانونة الماسة مو الج "
همستله ..
" هذا عيد اجه علينا "
رفع راسه بساع وعيونه تتلفت تدور عليه ..
شمر ماسه عليه وطلع بساع .. اشرت الفيصل يروح وراه ..
من الخوف صرت ابجي وي بجي ماسه .. جنت اعرف عيد ماراح يسكت .. بس شلون عرف احنة هنا شلون !!
#يتبع… .
( شمس السعدي )



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 09-03-21, 04:14 PM   #55

رنوووووشه

? العضوٌ??? » 483713
?  التسِجيلٌ » Jan 2021
? مشَارَ?اتْي » 57
?  نُقآطِيْ » رنوووووشه is on a distinguished road
افتراضي

شموس أشسويتي فيني دموعي تنزل مع رحمه وأمها 😭 كاتبه مبدعه ومتمكنة 🌺🌺

رنوووووشه غير متواجد حالياً   رد مع اقتباس
قديم 11-03-21, 02:21 AM   #56

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


مساء الورد احبتي ❤
//// البارت الخامس والأربعـــون /////
#بيوت_بلا_جدران
#شمس_السعدي

----------------------------------
‏تبلَّد إحساسي فما عدتُ أرتجي ..
حبيباً ولا أخشى الذي كان ضرني ..
وأغلقتُ بابي .. واعتزلتُ أحبتي ..
فلا الهجر أضناني .. ولا الوصل سرني ..
_______________________________
كـ النجوم محاطة بفراغ عظيم ..
هيج شعوري جان لمن شفت عيد جاي علينا ..
المضمد يسوي الماسة الكانونة ويضربها الابرة واني ابجي وياها من خوفي ..
اشوف علي يتطالب وي عيد ..
اشرل للزلم الوياه لزموا علي ..
صاح علي ..
" عيد اذا وصلتلها اذبحك بعلي "
ضحك عيد ..
" دخلص روحك عودن احجي "
التمت العالم كلها عليهم ..
وفيصل يتهدد ورحيم مجتف اديه اثنينهن ..
اجه بأتجاهي ..
خفت..
فتح الباب ..
شال ماسه لزمتها ..
" عيد عوف بتي "
عاين عليه ..
" شوفي ولج .. شايفه هاي الناس كلها الواگفه تعاين .. افضحج گدامها .. الرسالة بجيببي وعلي وياج بس افضحكم واخذ بتي واطلكج گدامهم بعد لو تموتين ماتشوفيها .. "
سألته ..
" مو عساس مو بتك ؟"
رد ..
" اعلمنج شلون تشتكين عليه "
رديت ..
" عيد انت الجبرتني .. من طردتني ليش ماطلگتني "
رد..
" ليش حتى تاخذين علي مووو .. شبساع طرشتيله البغداد وجبتيه معناتها تتحاجون من وراي "
رديت ..
" عيد عوف بتي .. مااشتكي بعد بس عوفها "
سحبها حيل مني وطلع ..
رحت وراه اركض ..
" عيد بتي مريضه عوفها "
اعاين عليها تفرفح ومادة اديها الي ..
علي يتماطل وياهم وسحب روحه ..
اجه لزم عيد ..
هدده ..
" اذا تخاف عليها تصير حباب وتسكت .. عبن بس احجي واتهمها وياك .. تصيرون علج بحلگ العالم ورسالتك العدي خير دليل "
التفت علي بساع الي ..
هزيت راسي وابجي ..
اخذ بتي وانه ابجي وفيصل وراي يمشي
اشر الرحيم ..
'" اذا گرب واحد منهم الزمه والله اشتكي عليكم وافضحكم لو لحگتوني "
لزمني علي ..
" عوفيه خل يطلع من المستشفى الناس تعاين وهذا كلب كلشي يسوي "
صحت بي ..
" شنو اعوفه .. اخذ بتي تعرف شنو بتي .. كله منك انت القشمرتني خليتني اشتكي تدري بيهم مايخاوفن الله دور يخافون من القانون شمدريه احنه اشتكينا لان جلابهم بكل مكان "
صم حلگي بساع ..
واشر الفيصل يشيلني من الگاع ..
كومني وخرت عنهم ..
" اخذوني وراهم .. اروح البتي اريد "
رد علي ..
" وين تردين شبيج "
رديت ..
" مالك دخل علي بعد لاتدخل روحك هو من يشوفك يتسودن خليني اني امشي بمصيري المهم بتي بحضني"
رد مستغرب..
" هيج صارت رحمة ؟؟ يعني طلعت انه السبب .. لان ردت احميج واحمي بتج ؟؟"
رديت بعصبية..
" لا مو انت اني السبب .. لو ماطاوعتك ومشيت وياك ماصار الصار .. انت واني والدنيا كلها تعرفهم شنو وشلون مايهابون احد .. بس عاندت وفتت للنار برجلي وهاي النتيجة اخذ بتي حتى يحرگ روحي "
اتنهد ..
" هسا عاذرج انه لان محروگ گلبج على بتج .. بس انه لليوم ماردت اذيج .. وكلشي اسوي علمود ماتضلين بالظلم "
همست .." انت تسويه علمود ترد حب مستحيل يرجع ويتحقق .. خلص البينا مات علي .. بعد لاتساعدني .. خليني اعيش مصير امي بس كون بتي يمي "
عفته ومشيت وفيصل وراي ..
اشرتله ..
" اجرلنا سيارة بساع علي خلي نمشيلهم "
اجه هو ورانا ..
اجرلنا سيارة ..
وصعد بالصدر ..
استغفرت ربي .. بعده يعاند ..
صعدت اني وفيصل لورة ..
الطريق كله ابجي واتخيلها شلون مادة اديها الي وتبجي
لو مخليتها يم امي ماجان اخذها ..
بقيت الوم بروحي ..
اعاين العلي وابجي ..
رغم قسيت عليه بس ماعافني وحدي ..
لازم اسوي هيج وابعده عني ..
لان مااريد احترگ بنارهم واحرگه وياي ..
وصلنا نزلوا قبلي ..
نزلت ..
" علي انت ضل هنا اني امشي الهم "
رد ..
" شني تردين تتوسلين ؟"
رديت ..
" الاخذها بتي ولو اعرف يموتوني مااعوفها "
رد..
" اوگفي اني احجي وي خالي "
التفتت ..
" عوفني علي بعد لا تتدخل الخاطري "
بقى واگف وعيونه تعاتبني .. بس مارديت ولا خليت عيني بعينه ..
مشيت للباب ادگ بيها ..
" عيد افتح عيد اريد بتي "
سمعت علي يحجي وي فيصل ..
" لاتعوفها خلك وياها "
فيصل وخرني وصار يدگ الباب حيل ..
" افتحوا شمالكم انطرشتوا .."
طلع عيد ..
" شعدج جايه مو طردتج .. ومو تردين تتطلگين "
رديت ..
" عيد انت ماتحب بتي ولاتريدها اطينياها "
ضحك ..
" بتي وبأسمي شلون مااريدها ..امشي انتي الحبيب الگلب خله يفيدج روحوا اشتكوا عليه وشتسوون سوو عدي شهود وشافوكم سوية ماخذه بتي وشاردة بيها وخل نشوف القاضي يصدگ منو "
طلع اركان وراه شافني ..
" رحمة شبيج ؟"
رد عيد ..
" انت لا تتدخل "
تعصب عليه ..
" شني مااتدخل رحمة اختي"
رد عيد ..
" ايباااااه وتوك دريت "
ضاج اركان ..
" عيد خلها تدخل لو ماخليتها اخابر ابوي وهو يتصرف وياك "
ضاج عيد ..
" شني دور زعطوط يهددني "
هز ايده ..
" اعلمك الزعطوط ياهو ؟"
رد فيصل ..
" عمي خلها تدخل انت الطردتها هي وبتها مالك حگ عليها بعد "
عاين عليه ..
" اطردي هذا الكلب الوراج وانه ادخلج "
درت وجهي ..
علي تسودن ..
" منو كلب ولك اني "
راد يضربه لزمته ..
" علي روح روح عفيه خليني ادخل البتي ماتسمع صوتها راح تموت حرام عليك "
تعصب ..
" ولج انه حرام عليه.. وهمة شنو ؟؟.. بس كله من وراج انتي الرضيتي بالذلة .. "
رديت ..
" وهسا انت تحاسبني .. شتريدني اسوي .. وانه مالي احد ولا سند .. كافي علي الخاطر الله روحي وعوفني وانساني اصلا بعد لاتجي "
احجي هيج وگلبي يتگطع بس مو بيدي .. علي عنيد ومايتنازل واذا ماطردته ماراح يمشي .. وعيد يعاند اكثر ..
اعاين الملامح عيد جانت بيهن علامة النصر وهو يعاين العلي ..
رد عليه ..
" شني مو طردتك ماعدك كرامة "
رد عليه علي ..
" مخلي الكرامة الك ياسكير .. راح امشي مو علمودك ولا علمودها .. بس علمود هالطفله الراح تموت من البجي "
عافنا ودار وجهه ..
وجن الدنيا كلها دارت وجهها عني وغربت ..
زدت بالبجي واشهگ ..
" يله مو مشى بعد شتريد افتحلي الباب خل اشوف بتي "
فتحها وهي يضحك ومتونس على عذابي ..
فتت ركض للحوش جانت شايلتها عمتي سمرة وتهز بيها وبتي تدفع بيها ماتريدها ..
شافتني شمرت روحها عليه ..
حضنتها واشم بيها من كل مكان ..
وجهها احمر وعيونها مورمات من البجي وبس تكح وهي اصلا مريضة ..
ردت عمتي سمرة ..
" اعقلي دور وحافظي اعله بتج وبيتج "
رديت ..
" ليش انه من الي بيت ؟؟"
اجت هدوة ..
" هاا حستي حستي لمن رجعتي "
رديت ..
" احس رجعت الگبري بس مجبورة علمود بتي كلكم ماتردوني هنا .. وجن انه مو من دمكم .. بعد ليش رجعتوني مو كلجن وگفتن تتفرجن عليه من طردني عيد بالليل وبذاك البرد .. ما گلتن وين راحت هي وبتها بهالبرد .. ماكسرت خاطرجن ؟؟ لو طلعت الغربة ارحم منكم عليه "
حجت عمتي رضية..
" وج مو انه دافعتلج لو ماتذكرين بس الشينات "
رديت ..
" لان ماشفت منكم الزينات حتى اذكرهن "
ردت عمتي بثينة ..
" عمج من سمع گال دوروها وجيبوها ؟"
ضحكت ..
" وانتي شحجيتي بذيج الليله .. مو صفيتي وياهم عليه .. "
دخل اركان ..
" صدگ يمه انتي واگفه من طردوها ؟"
اتلعثمت بالحجي مااعرف شني گايلتله ..
ضحكت ..
" مااعتب عليج.. هو اخوج من دمج ومريض وضال بالشوارع يخدمون عليه يجي بالليل ينام گبل من التعب وانتي ماتحنين عليه .. دور تحنين عليه ؟؟"
عفتهن ودخلت للغرفة ..
اجه وراي فيصل وبيده علاگة الدوة ..
" هاج هاي دواها .. وانه رايح اشوف علي خطية "
اتنهدت ..
" راح لو بعده "
رد ..
" لا گالي طمني عليها خاف يسوولها شي "
اتنهدت ..
" اوووووف مو بيده ولابيدي بس خله يبعد احسن اله والي "
رد فيصل ..
" قسيتي عليه بالحجي "
اتنهدت ..
" مايروح اذا مو هيج وعيد يعاند .. يأذيه وبتي تتأذه هم "
گام ..
امشي اشوفه.. واروح الامي تلگين گلبها عليج هسا ..
رديت ..
" دير بالك لايراقبوك .. وجيب غراضي وياك "
هز راسه وراح ..
ماسه نايمة بحضني..
سمعت صوت بالباب ..
خليته على الفراش وگمت ..
فتحتها ..
سحبها حيل وسدها ..
" شتسوي " سألته
رد ..
" احبسج هنا لمن تموتين مالج طلعه بعد "
رديت ..
" انت مو صاحي هو منو الطلعني وطردني غيرك ليش تقفل عليه هسا افتحها .. مافكرت ببتي وبيه شلون نطلع "
مااهتم الي ولا رد عليه..
فزت ماسة تبجي خافن حسبالها اعوفها ..
رجعت خليتها بحضني واسكت بيها ..
مرمر ..
طلعوا الصبح وانه گلبي ماكلني عليهم دور ماسه مريضه خفت لا شو شبيها وهيج اتأخروا..
روحي صارت يم الباب كل شوية امشي للباب وارجع
صار الظهر وهمة ماكو ..
ساعتها گلبي انقبض ..
طلعت خاجية تغسل شافتني ..
" خير شبيج ترحين وتردين هيج "
رديت ..
" خايفه بس لا صارلهم شي لو ماسه تخربطت صوجي مارحت وياهم "
ردت..
" وين ترحين بايعه روحج انتي "
رديت ..
" جا احسن ضالة هيج مااعرفهم وين ماوين "
ردت ..
" گومي اذكري ربج الاذان اذن "
استغفرت ربي وكمت توضيت .. كملت اندگت الباب
فتحتها زينب ..
دخل فيصل بساع وسد الباب وراه ..
ردت عليه زينب ..
" شني ماتستحي مااگول البيت بي نسوان شلون تخش هيج "
رد ..
" مو وكتج انتي "
من شفته وحدة وهيج حالته گلت بناتي بيهن شي ..
سألته ..
" البنات وين ؟"
اتنهد ..
" يمه مابيهن شي بخير .. بس عمامي لگونا واخذوا ماسه من عندنا .. ورحمة رجعت وياهم علمود ماسه "
شهگت ..
" يمه بتي وعلي وين شلون يعوفكم "
رد ..
" عمي علي ويانا جان بس مايگدر يسوي شي .. لان بوسط العالم گالهم افضحكم واكول شردت وي صاحبها واخليج فرجة للعالم "
مااتحملت الحجي بسرعة گعدت على حيلي احس رجلي ارتخت ودخت ..
اجه فيصل سندني ..
" يمه شبيج لاتخوفيني اعليج "
بجيت ..
" حسبالي بتي خلصت وردت الحضني جنها مقسوم عليها مثل امها تضل سنين مدولبة "
رد ..
" يمه لاتسوين بروحج هيج .. هذا حظها بعد "
رديت..
" ماجان لازم اخليها تمشي هيج مشينا ورى حجي علي"
رد " اول وتالي يلگوها لان جدي منهل مهدد عمي الا يرجعها للحوش "
بقيت مااعرف شسوي وين اروح مقسوملي اضل هيج اولادي كل واحد بجهة وبعيدين عليه ..
جابتلي زينب ماي شربت ..
ارتاحيت شوية ..
سألني فيصل ..
" اريد غراض رحمة وماسه اخذهن ماعدهن شي يلبسنه "
گمت وعاوني هو .. لمينا غراضها .. ضليت اشم بهدومهن وابجي .. خليت يمي كم ثوب الهن بلكي يردن الحضني ..
لزمت فيصل ووصيته عليهن ..
" لاتعوفهن يمه بناتي امانه عدك "
رد..
" والله مااعوفهن يمه .. وعمي علي هم وصاني شبيكم من غير ماتوصني غير اختي وبت اختي "
سألته ..
" وعلي وين هسا ؟"
رد ..
" منتظرني براس الشارع ضايج ومستحي يخلي عينه بعينج يگول مااگدر اردلها فارغ وانه الاخذتهن بيدي "
اتنهدت ..
" وهو شبيده قابل .. گله خل يرجع الامه واخته ولا يورط روحه وياهم "
اخذ غراضهن وراح وبقيت انه بحسرتي ولوعتي عليهن
رحمة ..
بقيت بالغرفة محبوسة لا اكل ولاشرب ..
وبتي مريضه وجوعانه ..
دور ذبت من راسها على هدومها وماعدي هدوم الها ابدللها .. وفيصل اتأخر عليه. .
بقت حسبة تاخذني وحسبة تجيبني ..
خفت لا راقبوه ولزموه يم امي وشو شني سوولها ..
بعدني افكر اندكت الباب ..
سمعت صوته يصيح ..
" منو مزقفل الباب افتحوها "
ردت عمتي سمرة عليه ..
" عمك زقفلها وراح لاتتدخل انت "
رد عليها ..
" وليش يحبسهن مافكرتوا شيكالن شيشربن .. والله لو ماانتو اهلي جان گلت شياطين مو بشر ."
ردت عليه ..
" اتيدب حسابك بعدين انت .. طلعت تعرف مكانها وتمشيلها وماتگللنا "
رد عليها ..
" وليش اكلكم موش انتو الطردتوها ؟؟"
سألته هدوة ..
" صدك هي وين راحت وعند منو گعدت ؟"
رد..
" عد ناس ارحم منكم "
صاحت بي ..
" خوش يفيصل خل يجي عيد واعلمنك "
راح فيصل مدري وين ودور اجه ..
ضرب الباب حيل فزيت ..
ركضت الماسه سديت اذنها لاتخترع ..
صاحت عليه ..
" ليش فتحته عمك زقفله اذا اجه يكتلك "
رد عليها ..
" اني وعمي شلج غرض "
سمعت عيد يحجي ..
" شتسوي ولك ؟"
رد ..
" افتح الباب الهن .. شني ذنبهن بلا اكل لسا وهاي هدومهن وغراضهن "
صاح بي ..
" شني ولك تكسر حجايتي انت "
رد عليه ..
" عمي حجايتك لو حگ اخليها على راسي "
صاح بي ..
" انت تمردت فد مرة وطاح حظك من رافگت علي .. حسبالك مااحاسبك شلون تمشي وياهم علمود تشتكي عليه .. اعله عمك تشتكي ولك… منا وجاي خليتك براسي يفيصل والله الا اذلك واخليك تتوسل "
رد فيصل ..
" شني تهددني عمي "
رد عيد ..
" واطيح حظك بعد "
.. تعاركوا اثنينهم لمن دخل عمي منهل صاح بيهم ..
صاح بيهم ..
" شمالكم تتعاركون فضحتوني بالسلف كله ونزلتوا مهابتي "
رد عيد ..
" انه النزلتها لو هذا ورحمة يفترون بالمراكز يشتكون عليه "
صاح بي عمي ..
" صوتك ولك لا تعليه .. وكت هيج صرتوا .. طلعت بس
الشيخة تعرفكم وتعرف شلون تعاملكم .. جنتوا حجاية ماتحجون بوجودها وهسا انه واگف وتتعاركون كل خشا ماعدكم "
رزلهم وصاح بعيد ..
" افتح الباب عليها خلها تطلع .. ودور اذا قللت من شأن اركان حسابك وياي "
فتح الباب طلعت ..
جان عمي منهل واگف ..
عاين عليه ..
" انتي گدام السلف كله بتي ومسجلة بأسمي ..
سوايتج هاي ماناسيها بس لان هو السبب.. طردج من غير مايشورنا ويسألنا ويخليلنا اعتبار ..
بس لو تكررت هالشغله انه الاحاسبج .. اسمي ماتوسخيه افتهمتي ..
رديت ..
" ماگلتلكم سموني .. انه اصلا بس بالاسم بتك .. هسا ماكتلك عاملني مثل ابوي بس انه بنت اخوك ولازم ماترضى اعله اليصير بيه "
رد ..
" ومنهو كالج رضيت لو راضي مااخليه يدورج ويجيبج وبعدين شغله ابن حوريه حسابها غير وكت .. راح تعمين على الولد بسوالفج "
ردت اروح سمعته يحجي وي فيصل ..
" وانت ياابن فرج .. ان مانعدلت اعدلنك انه .. وماضل شي واوديك للعسكرية علمود تصير ادمي "
من سمعت هيج تسودنت ..
رجعت ..اشرلي فيصل اسكت ..
اجه وراي ..
" سمعته شيگول يوديك للجيش ؟"
ضحك ..
" خله يوديني جا شني اخاف .. وهي الحرب خلصت بعد ليش خايفه "
اتنهدت ..
" فيصل انت هم من وراي تتأذى بعد لاتدافعلي اسكت الله ياخذلي حگي .. "
رد..
" تحجين صدگ انتي ؟"
رديت. ..
" اي صدگ .. وانه اصلا بعد مالي شغل اكمل شغلي واگعد انه وبتي هنا "
رد ..
" راح اروح اسوي غدا تاكلين ؟"
رديت ..
" اگعد يم ماسه انه امشي اسوي ولاتعبس بعد .."
ضحك ..
سويت غدا وگعدنا ناكل ..
ماسه مالها خلگ اكلت شوية ..
سألته على امي ..
اتنهد وحجالي حالها كلش ضجت عليها ..
وصيته مايمشيلها بعد .. او بالاسبوع مرة .. خاف يراقبوه وخاصه عيد گاله اخليك ببالي دور ..
جنت خايفه على فيصل منهم… او من عيد خاصة
وخايفه لا بيوم يكشفون مكان امي ..
الهيج گلتله بعد لاتجي هواي لهنا ولا يمشيلها هواي ..
دخل اركان شاف فيصل عدي ..
" ماتگوم اريد اشوف اختي "
رد فيصل ..
" ماتشوفها من لازمك توك ذكرت عدك اخت "
تعصب اوكان ..
" ماجاي اخذ رايك .. انت الدخلت بينا "
رد فيصل :
"شسويت دخلت بينكم هو انت ماتحبلك واحد "
حجيت عليهم اثنينهم ..
" كافي شبيكم تتكاونون "
رد اركان ..
" الصوج بيج گربتيه عليج وبعدتيني "
رديت ..
" انه بعدتك لو انت البعدت روحك عنه واكو من يقرأ براسك "
رد ..
" عرفتج راح تجيبين طاري امي .. ومحد يقرأ براسي اني مو جاهل .. بس اكو ناس مو من مستواي "
ضحك فيصل ..
" وشنو انت مستواك .. شهادة عندك ؟؟ لو الگرعة تتباهى بكفشة اختها .. عبنك تتباهى بأبوك مو بروحك"
رد اركان ..
" انه رايح مااريد ابقى يم هذا .. اذا احتاجيتي شي گليلي ولو ادري بيج ماتگليلي مگربة الغربة وباعدتني عنج "
گمتله ..
" اني اختك لاتگول هيج "
هز راسه وراح ..
بقى فيصل يحجيلي عن علي شلون ضل يراقب الطريق خاف واحد يعرف مكان امي ..
وشلون ضل عد صديقه للعصر كلش يله رجع ..
اتمنيت مايرجع بس گلبي ينزف علموده .. نهيت كلشي بينا وعاندت گلبي وعقلي ..
لان اعرف مادام عيد بوسطنا مانرتاح ..
هاي المرحلة الاخيرة عنده… ولازم يركز بدراسته حتى ينهيها ويرجع ..
وخايفة اذا رجع شلون ..
خليت راسي على المخدة وماسه بحضني ونمت لليل يله گعدت ..
كانت امي متخلينا ننام لليل قبل المغرب تگعدنا تخاف علينا ..
امي ماتجي الا مرات متفاوته مايخلوني اطلع للباب ..
بس من تعيرلهم گيمر اسوي روحي رايحة للمطبخ واخليها تشوفني .. جنت اضحك وابين مابيه شي علمود ماتضوج وتنقهر ..
عزلت روحي عنهم نهائي .. لو بغرفتي اضل لو يم الشيخة ..
جانت تعاين عليها وبعيونها الف سؤال ماادري شني بداخلها ..
ماسه جانت شتاكل تطيها ..
لو تطيها الرمان تفلسلها وتاكل وياها ..
حسيتها اتعلقت بماسه .. من تشوفني تأشرلي عليها..
عود وينها ؟؟
اكلها نايمة تسكت ..
واذا گاعدة تأشرلي اجيبها..
اروح اجيبها واجي ..
ماسه گدرت تلين گلب الشيخة وجبروتها مثل ماسوة رضوان .. يمكن هم اكثر اثنين هيج عاملتهم بحنية ..
مرت الاشهر ودخلنا بسنة ..1990 ..
وبهاي السنة صار تبديل اسرى .. ورجعوا الاسرة ..
وجنت متأملة يرجع رضوان ..
جنا من يجي اسير نسمع الهلاهل والدگ ..
واني يم الشيخة اسمعهن ابتسم ويدگ گلبي ..
تأشرلي ..
" شنو هاي ؟؟"
ارد ..
" ذوله اسرى رجعوا بلكي فرج ورضوان يرجعون "
من اذكر رضوان تضل تبجي وتون مااعرف شتريد تگول
يمكن مثلي تنتظر جيته وتفرح من تسمع الهلاهل والرگص ..
مو بس اني منتظرة ..
جان فيصل مثل حالتي واكثر ..
بحيث اول مايسمع جابوا اسير ..
يلبس ويركض يطلع يروحلهم ..
ومن يرجع يرجع خايب امله .. نتلگاه ونسأله
واولنا عمتي سمرة ..
يهز براسه ماكو ..
يگلي رحمة..
من اسمع اجه اسير اركض الحوشهم واسأله على ابوي .. بس المشكلة من يسألني يگلي شني شكله اسكت مااعرف اجاوبه .. ماعندي بس صوره وهو صغير"
اتنهدت ..
" ماشفت منيرة عدها صور اله وبعرسهم طاگين هم "
يرد ..
" ما ترضى تطيني تكلي ماعندي اله صور "
اضوج وانقهر عليه بس شبيدي عليه ..
ابوه عافة وهو صغير ببداية الثمانينات ..
وهسا عمرة صار 18 سنة ومتلهف الشوفته ..
صح ماشفت حنان ابوي ولا عرفته .. بس امي عوضتني عنه .. بس فيصل خطية جان يستجدي الحنان من الكل .. ولمن لگاه عد امي .. اتعلق بيها وبية
بقى هاجس رجوع ابوه محاوطه ..
يگعد من الصبح يفتر على البيوت .. ويدور الاسرى
وبكل مرة يرجع خايب لكن مايمل ولا يكل ..
حتى اهل البيت صاروا يعرفوه يطلع الصبح يجي بالليل وكم مرة جده تعارك وياه ومنعوه يطلع ..
جان يطفر الحايط ويشرد ..
ومن يرد من نفس المكان الشرد منه ..
حتى دراسته هملها ورسب بصف الخامس اعدادي وانه جنت متأملة يكملها ويمشي للسادس ..
اما علي ..
جانت هاي اخر سنه اله .. ماشفته من اخر مرة اجه وصار الي صار ..
جنت كل يوم اوگف يم الشباك انطر رجعته هو ودمعة وعمتي ..
بس مااجو ..
والسمعته من عماتي ع اساس مايردون بعد ..
وقرر هناك يتعين ويشتغل ببغداد ومايرجع ..
حسيت بغصة بداخلي.. وعتب .. جن مامصدگ گلتله روح ولاتجي بعد ..
جان كل شهر يجي ويلتقي بفيصل بالگهوة ويروح الامي يشوفها بس مايجيني ..
اسمع اخباره من فيصل جنت ..
جنت من اسمعهن يگولن هسا حورية تزوجه بغدادية يتگطع گلبي ..
واحس خلص خسرته للابد .. بعدين اتراجع وافكر ..
" اني ليش انانية هيج.. يعني قابل يضل بلا عرس علمودي وانه عيد حالف مايطلگني .. وحتى لو طلگني قابل عمتي ترضى تزوجه وحدة مثلي وعدها بت "
استسلمت للامر الواقع وقررت اطوي حياتي واحلامي وياه للابد افكر ببتي وتربيتها وبس ..
وخاصه بعد ماعيد ابتعد عني نهائي وهجرني وهالشي ريحني وخلاني ارتاح بحياتي شوية ..
هدوة حبلت للمرة الثالثة وجانت فرحانه .. وكل ضنها انه اضوج ..
عيد بالفترة الاخيرة تغير بعد ماصار ايد عمي منهل بالسلف ..
حتى الشرب بطله ..
وصار يداوم بمقر الحزب ويروح وياه ويرد باجتماعات المحافظة ..
وتحول لبسه من دشداشة الى بنطرون وقميص .. متأمل عني يخليه بمنصب جبير ويصير ببغداد ..
هالشي زاد غرور هدوة .. وجان فيصل من يشوفها يكول ..
" اليشوفها يگول رجلها صار عضو فرقة وهو كله مخبر مخليه جدي ينقله سوالف السلف كلها "
شغلت عيد خوفتني ..
بحيث يفترون ليل ونهار بالسلف ويشمشمون اخبار ..
خفت بيوم يلمح علي لو يراقبه ويوصل الامي ..
خليت فيصل يخابره ويحذره .. لان عيد طغى حيل والناس صارت تشوفه تتشارد ..
تخاف يشمر بلاه عليهم ..
لو واحد يعاين عليه يكله ليش تعاين عليه ويتعارك وياه ..
بس بشهر اب من سنة تسعين صار الغزو على الكويت ..
ودخل العراق بحرب ثاني ..
وهالشي زاد تذمر الناس وخوفها ..
ماصدگوا تنتهي الحرب ويستقر حالهم وترجع اسراهم
راح يرجعون للحرب وخوفهم من الاسر اكثر من الموت..
توقف تبديل الاسرى من صار الغزو .. وفيصل ضاج وصار يدعي ويصيح ..
بالگوة سكته لا يسمعه احد ..
وخاصه عيد يريدله حجة على فيصل ..
عيد من سمع خاف ياخذوه للجيش .. صار يختل ببيته ومايطلع .. ويتوسل بعمي منهل مايخليهم يطلبوه ..
ولان عمي منهل مستفاد منه .. وعده انه محد يطلبه ولاواحد يفكر بي ..
هالحرب استمرت (6 أشهر و3 أسابيع و 5 أيام)
كانت نتيجتها..
النتيجة انتصار تحالفي حاسم
انسحاب عراقي من الكويت ..
وفرض عقوبات على العراق ..
بالاضافة للخسائر فادحة وتدمير البنية التحتية العراقية والكويتية ..
بعد هذه الخسائر الفادحة وسقوط حوالي 100 الف قتيل عراقي ..
تذمر احد الجنود في جنوب العراق واشعل فتيل الانتفاضة الشعبانية ..
التي حدثت سنة 1991 بشهر اذار وبالهجري بشهر شعبان ..
هذي الانتفاضة كانت بمثابة انقاذ الي ولبنتي .. من عدو استحل جسدي وحريتي .. دمرني وحطم عمري وشبابي ..
فرقني عمدا عن احبتي ..
ماجنت اريد ان اذكره بهيج شكل احتراما لبنتي ..
لكن الالم الي تركه بداخلي والسنين الي اخذها من عمري خلتني مااحزن ولا انقهر عليه ..
لاتوزّع الأقدار وتترجم النوايا ..
حسبك نفسك ومن تعول ..
أنت اليوم صالحاً وغداً ربما يختم لك بخاتمة سيئة .. وقلوب العباد بين أصابع الرحمن تتقلب كتقلب الماء المغلي !!
#يتبع…
( شمس السعدي )



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-21, 02:24 AM   #57

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


صباح الفل والياسمين احبتي ❤
//// البارت السادس والأربعـــون /////
#بيوت_بلا_جدران
#شمس_السعدي

----------------------------------------------
( قدر مكتوب )
لكل منا قـدر مكتوب على جبينه .. الا ان بعض الاقدار تحطمنا ..
اخذها عنوة .. عنادا وتجبرا ..
قطفها كـ زهرة زرعها صاحبها واهتم بها لتكبر ويرى جمالها .. لم ينتبه أنه عند قطفها شوه جمالها ومعالمها .. ولم يشعر بأن ما فعله قد أفقدها قيمتها ورونقها ..
كل ما كان في مخيلته حينها فقط متعته في الحصول عليها ..
غريزة الانانية وحب التملك سيطرت عليه ..
لم يأبه ولم يهتم إلا بنفسه فقط...
هكذا هم بعض البشر يشوهون ما بداخلنا لمجرد إرضاء رغباتهم الداخلية فقط ..!!
*******************
بدأت الانتفاضة من مدن جنوب العراق .. وتحديداً مدينة البصرة .. بعد انسحاب الجيش العراقي من الكويت .. وتدمير آلياته من قبل القوات الأمريكية .. الامر الذي اضطر الجنود العراقيين للعودة سيراً على الاقدام إلى العراق .. وعلى إثر هذا قام أحد الجنود العراقيين في فجر الثاني من أذار من عام 1991 بإطلاق النار على تمثال للرئيس العراقي آنذاك صدام حسين .. وانهال عليه بالشتائم .. والسب ..
وكان هذا في ميدان يدعى ساحة سعد في البصرة لتنطلق شرارة الانتفاضة الشعبية ..
والتي اش
بذاك الوكت جنا گاعدين بالبيت كلنا ..
دخل عمي منهل لابس عگاله ..
صاح ..
" بثينة بثينة وينج ؟"
اجت عمتي بثينة تركض ..
" هااا منهل خير شبيك "
جان بي شي غريب ومتوتر مانعرف شني ..
رد عليها ..
" شني تحققين وياي ."
صفنت عليه مستغربة ..
" لا بس…… "
قاطعها ..
" بسرعه حضريلي هدوم مال بغداد اريد امشي .. وحضري هدوم اركان وياج "
ردت ..
" جا اركان شعدك ماخذه شكو منهل شبيك عده مدرسة "
رد بصياح ..
" معليج بساع امشي لاتدوهنيني "
صاح ..
" اركان اركان "
اجة اركان ..
" ها يابة "
رد ..
" بسرعه امشي وي امك بدل ولم هدومك ولاتاخذ هواي هدوم كم لبسه هيج "
فرح اركان من سمع عمي ياخذه البغداد ..
بس عمتي بثينة ضاجت ..
وضلت تسأل ليش وشكو ..
وهو مايرد عليها ..
بدل واخذ جنطته واركان وياه وراح ..
بقت عمتي بثينة بغرفتها ماطلعت خاف يضلن يسألنها ليش ووين راح ..
جانت هدوة جايبة بنية ثانية من بعد بتها ذيج .. كل ضنها يجيها ولد .. وعيد ضاج من جابتها وگالها بعد لاتحبلين مااريد جهال .
انه اريد افكر بمستقبلي مو اربي جهال .. عودن من اصير شي جبير بالدولة خلفي براحتج ..
بعد ساعات سمعنا صارت ضجة بالسلف كله وهوسة ..
تطافرنا من مكانا ..
سألت عمتي سمرة ..
" يمه شكو شني السالفه ولجن .. "
دخل فيصل يركض ..
" الدنيا مگلوبة وانتن ماتدرن "
سألناه ..
" شكو ؟"
رد ..
" جنت بالگهوة واسمع يكولون الناس مسوية انقلاب مدري شني اعله الريس وگالبين الدنيا "
لطمت عمتي سمرة على صدرها ..
" يمه دور شني هاي . تعال مالك شغل بيهن هو منهو اليگدرله هسا يحصلولهم المقسوم "
ردت عمتي رضية ..
" خشوا جوة ولا تطلعون مالنا شغل باجر تصفا وترحون بالرجلين "
رد فيصل ..
" اني امشي للگهوة اشوفن شيصير "
لزمته ..
" فيصل ماتمشي اگعد يمنا "
رد ..
" شبيج انتي خايفه زعطوط اني "
رديت ..
" ولك هاي بيها زعطوط .. هسا بس يلزموهم يلزموكم كلكم وياهم "
رد ..
" لاتخافين عليه راح امشي يم عمي عيد والزلم گاعدين هناك محد يوصلنا لاتخافين "
لزمت بي ..
" ماتطلع فيصل بداعتي لاتطلع اذا تحبني لاتطلع "
بعدني ماكملت ..
سمعنا ضرب على باب البيت ..
صاحت عمتي رضية ..
اخذن جهالجن وامشن الحجرجن وسدن البيبان الله اليستر بس لايخشون علينا ..
مانسمع بس الضرب بالطابوگ على الباب والشبابيك كسروهن ..
ويصيحون .. خلص وكتكم يابعثية .. حظروا جفنكم جتكم المنية ..
صاح فيصل ..
" اخذي بتج وطبي خل اقفل الباب زين "
لزمته ..
" لا تروح عوف الباب "
صاح ..
" ولج يفوتون علينا امشي الحجرتج واقفليها زين "
اخذت بتي وركضت للغرفة قفلتها ..
وبالي يم فيصل بس لايطلع ..
كلهن دخلن للغرف ومااعرف شيصير ..
دور غرفتنا على الشارع جانت ..
ضربوا الشباك كسروا الجام گمت اصيح ..
" يمه بتي فيصل الحگلي "
ركضت للباب فتحتها صار كبالي ..
" كسروا جام الغرفة وين نروح راح يموتونا "
اشرلي ..
" امشي الغرفة الشيخة بساع وزقفلي الباب "
سألته..
" وانت ؟"
رد ..
" معليج بيه انه هنا بالهول اضل "
جان محد من الزلم يمنا بس فيصل وموسى ابن رحيم
وكل وحدة فاتت هي وجهالها وبالي يم فيصل الضل وحده ..
دخلت الغرفة الشيخة ..
جانت تصيح ومااسمعها من الهوسة ..
تأشرلي ..
" بمعنى شكو "
رديت ..
" مااعرف السلف گلب علينا "
فتحت عيونها وتصفگ بديها وتصيح ..
اسمع حجيهم وهوساتهم ..
وبگلبي احجي ..
كم بيت وبيت وجعتوا گلبه وهيج جايين ثايرين عليكم
شنو السويتوا الهاي الناس الجانت تخاف منكم وهسا زاحت كل خوفها وثارت ..
جنت خايفه لايدخلون علينا ويسوولنا شي .. وخوفي الاكثر على فيصل وماسة ..
هدأ الوضع شوية ..
خليت الشيخة يم ماسه وطلعت ..
شفت فيصل واگف يم باب الحوش يتصنت ..
رحتله ..
" شسوي هنا واگف تعال "
رد ..
" اضن راحوا .. گالهم واحد الحوش بي بس نسوان عوفوه "
سألته ..
" يعني شني .. راحوا للمضيف "
رد ..
" الزلم محاوطه المضيف مااضن يوصلوله "
راح يعاين من الشبابيك ..
اجه يركض ..
حرگوا المضيف ..
گامن يلطمن ..
" خفنا على عمي حطاب والولد .."
وعمتي سمرة ملخت روحها ..
" يمه رجلي وويلادي راحوا .. الله لايطيك منهل .. شردت وطاحت بيهم "
طلعتلها عمتي بثينة ..
" شعليه منهل .. وابنج قاصر مووو .. لو شيختجن قاصرة "
ردت عليها..
" رجلج يدري كلشي وفلت وعافنه بوج المدفع اهم شي يحامي روحه وابن الفصلية "
صاحت عمتي بثينة ..
" اركان ابني موش ابنها ويو حجيتي هالحجاية بعد ماتلومين الا روحج "
جانن يتعاركن والدنيا مگلوبة برة ..
عاينت ادور على فيصل ماهو ..
تسودنت ..
گمت افتر وادور عليه ..
سألت موسى عليه گالي طلع بساع من شاف المضيف يحترگ ..
بلا وعي لبست عباتي وركضت للباب ..
لا يربي كلشي ولا فيصل بس هو الضل الي ..
بعد ماطشرنا الوكت ..
وخلانا كل واحد بكتر ..
مديت راسي ولافة وجهي بالعباية .. اعاين على المضيف ثاگبة النار بي ..
والناس محاوطته ..
فيصل ماهو بينهم ..
حتى الزلم وجعمقة ماهمة ..
وين راحوا وعافونا ماندري ..
كلشي جان مثل الحلم .. مو جنها گيعان اهلنا التارستها الزلم والحراسة .. كلها اختفت وضلت بس النيران تاكل ذاك المضيف ..
الجانت الشيخة تحارب علمودة ..
عمرها كلها ماخلت احد يدوسها غيرها .. وهسا كلشي انتهى بدقايق ..
القوة والجبروت والخوف والرتب .. كلها بلحظة راحت ..
الناس تتراكض ومانعرف شني السالفه ..
اجت الحماية ترمي لفوگ طشرتهم ..
سمعت صوت ولد تركض ..
وگفتهم ..
" ماشفتوا فيصل "
ردوا ..
" يافيصل .. سحلوا عيد المخبر بالسوگ والناس كلها ملتمة "
اني سمعت عيد تسودنت بس لا كتلوهم .. وفيصل راح دور ..
رجعت للبيت بسرعة وسديت الباب وكلي ارجف ..
جانن يتلاطمن ويدگن ..
صحت بيهن ..
" كافي كافي لطم .. شوفن الامه محترگة برة .. ناس تاكل بناس ومانعرف شراح يصير بينا "
ردت عمتي بثينة ..
" شلون تطلعين وتفتحين الباب بله دخلولنا "
رديت ..
" شيدخلون الناس كلها تطشرت الحماية تركض وراهم والمضيف احترك كله منهو بحالنا … "
بعدني ماكملت عمتي سمرة وهدوة خلصنها صياح ..
" ولجن بس لاكتلوهم وين نطي وجهنا وين .. "
ردت عمتي بثينة ..
" نكف ارواحتنا ونمشي البيت عمي عناد "
ردت عمتي رضية ..
" دگعدي واسكتي بيت عمج عناد .. هو منهو يريدنا بعد ماالشيخة عادتهم تلگيهم يشمتون بينا هسا وفرحانين "
اندگت الباب سكتنا كلنا من خوفنا ..
سمعنا صوت بلبل يصيح ..
" عيد عيد كتلوه عيد كتلوه "
ركضت فتحت الباب دخل مرعوب ويصيح ويرجف ..
" طلعوا دمه دمه .. ضربوه ضربوه .. سحلوه بالشارع بالشارع مات مات عيد مات "
جان يحجي كلمات متقطعه ..
تذكرت الولد من گالوا سحلوا عيد المخبر .. ماگدرت اكلهن خفت يصير بيهن شي ..
بس من اجه بلبل وگالهن تسودنن ..
عمتي سمرة وگعت .. وهدوة ملخت روحها تملخ..
جنت احس ذاك اليوم اخر الدنيا ..
على الهوسة الصارت والدخان والصياح..
وجن انتهى العالم ..
محد اتقربلنا لان بس نسوان ..
عمامي شاردين بالگيعان .. بس عيد شلون لزموه محد يدري ..
جان بالي يم فيصل ..
ومجرد الرهبة والخوف الحسينا بيها خلتني ابجي ..
اسمع الشيخة تصيح مناك وماسة تبجي تخاف من صياحها ..
ركضت الها شلتها والشيخة تأشرلي شكو ؟؟
سكتت ماعرفت شني اكلها..
طلعت ماسه بحضني حاضنتها وابجي ..
اجه فيصل فزت روحي عليه ..
طفرت من مكاني حضنته گام يبجي ..
اشر الهدوة ..
" اطني بطانية .. عمي عمي .. "
وگعد بالگاع يبجي ..
ساعتها عرفنا عيد راح هاهي .
صار الصياح بالبيت من جميع الجهات…
اصواتهن ترعب ويقشعر البدن الها..
صح اذاني هواي .. وحرم بنتي من الابوة ..
بس ماتمنيتله هيج موته…
ماردت بتي تكبر وهي تسأل شلون مات ابوي ..
ماردت اخليها تعرف الناس من اذيته الهم سحلوه بالشارع وضربوه الى ان مات جوه رجليهم ..
ماردت بنتي تصير يتيمة وهي ماتعرف ابوها منو ..
حضنت فيصل وابجي..
وهدوة ملخت روحها تملخ ..
فقدت حبيبها وزوجها وابو اولادها..
لو اعاين على عمتي سمرة .. وهي واگعه وبالكوة تتنفس ..
توها طابت من فراگ فرج ودور هسا عيد راح ..
سألته ..
" عيد وين هسا "
رد ..
" بوسط السوگ محد يتكربله اجت الشرطة تشيله "
اخذ البطانية وراح ..
رحت وراه ..
" عمي ورحيم وجعمقة وينهم "
رد ..
" شردوا للگيعان .. بس هو بقى بالمقر وتالي طاحت بي"
اخذها وراح واحنة بقينا وحدة مگابله الثانية ..
مانعرف شنسوي بس نبجي ..
لليل يلة اجه عمي حطاب ورحيم شحالهم ..
تلگتهم عمتي سمرة ..
" وين ابنك يحطاب .. شلون تعوفه وتروح وكتلوه اطاك گلبك تعوفه "
رد وهو حاضنها ويبجي ..
" ماادري هيج يصير .. احنة سدينا المضيف من صارت الهوسة ورحنا بس هو مو يمنا جان ماندري بي "
ردت ..
" جيبلي ابني اريد اشوفه وين وديتوا ابني اريده "
رد ..
" لا تشوفيه احسنلج تتعذبين اذا شفتيه"
كامت تلطم ..
" شمسوين بي احجي شمسوين "
مااتحمل يحجي بس يبجي ..
ورحيم هم حضنها ويبجون ..
اجه فيصل حضني ويبجي ..
" صح جنت اتعارك وياه ومااحب سوالفه وياج.. بس من شفته بهيج منظر گطعلي گلبي .. لو شما مسوي شون اطاهم گلبهم هيج يكتلوه .. "
رديت ..
" الناس ثارت لان كلها گلوبها انجلت .. بس مو هيج "
ماعرفت شحجي وشني اكول ..
جان يوم مرعب بمعنى الكلمة…
للفجر احنة گاعدين ..
السواد مغطي البيت ..
نظفت وفرشته كله صاحت عمتي سمرة ..
" المن فرشتيه .. ابني ماتصيرله فاتحة اذا ماينوخذ بثاره "
بقيت صافنه مااعرف شسوي انه ومنيرة ..
ردت هدوة ..
" تفرشين جنازته يرحمة مشمته بي "
رديت ..
" ليش اتشمت .. يبقى ابن عمي وابو بتي بعد ليش اتشمت "
ماكدرت احجي وياها لان گلبها محروگ ..
طلعنا الشيخة للهول گعدت ..
وجانت عمتي سمرة تلوم بيها وتحجي وهي بس تهز براسه ماحجت ..
نفس قوتها وجبروتها ذاك ..
من المستشفى واخذوه دفنوه .. ماجابوه للبيت خاف عمتي تشوفه ويصير بيها شي ..
وهم ماردوا يدخلوه للسلف بعد الصار ..
للصبح يله التمت عمامهم واجن نسوانهم ..
البارحة وكت ما الناس ثارت علينا وحرگوا المضيف ماشفنا واحد منهم ..
وگف عمي حطاب بوسطهم ..
" خلصت عمري خادمكم .. مايوم اذيتكم جنت اعاملكم بأسم الشيخ مرداس موش بأسم غيره ..
مايوم قصرت عنكم .. وتالي من اطيح ويولون ابني مامش نفر منكم فزعلي .. انه من اليوم ماعدي اهل وعمام ردوا منين مااجيتوا "
ماخله واحد يمشي وياه للدفن .. بس همة ضلوا يهوسون ويصيحون بسمه .. وسموه الشيخ حطاب
صعد بالسيارة الياخذون بيها الجنازة هو ورحيم وفيصل ..
والباقين راحوا وراه رغم ماخلاهم وطردهم ..
جانت الاوضاع بالبلد كلها مگلوبة .. وروحتهم جانت تخوف خاف يصير شي بالطريق لو يكتلوهم ..
بقى بس جعمقة وكم واحد يحرسون البيت ..
النسوان كلها گاعدة وتتهامس على الصار ..
وجنها الجاية تريد تفهم السالفة موش تعزي ..
عمتي مااستقبلت بس اهلها..
اشرتلي ..
" بس يطلعن النسوان زقفلي الباب زين .."
حسستهن انه هي ماتريدهن .. سلمن على الشيخة وطلعن ..
اشرتلي منيرة وگمنا نركب ..
خاف تجي الجنازة ..
بس بيا مضيف يگعدون ؟؟
وصينا جعمقة ذبحلنا ذبيحة وگطعها ..
رغم عمتي مارضت نسوي لان كالت محد يعزيني لمن ياخذون بثار ابني ..
شدينا حزمنا وگعدنا نطبخ .. وبالي يم امي اذا سمعت شيصير بيها هسا ..
مرمر ..
گعدت الصبح مثل كل مرة .. تريگنا انه وزينب وطلعنا على باب الله ..
شفنا الشوارع مسدد والناس مخبوصه..
مارحت السلف الشيخة ..
بعتهن شلون ماجان ورجعنا ..
خفت على زينب وياي بت العالم لايصير بيها شي ..
دور الوضع زاد والناس تتراكض وهوسه وصياح اسمع
خفت لا يصير شي وانه بعيد عن ولدي ..
شوية واندگت الباب طفرت..
حسبالي فيصل جاي يطمني عليهم ..
طلع الحجي رجل خاجية جايه ولونه مخطوف..
يصيح ..
" سدن البيبان زقفلنهن الدنيا مگلوبة "
دخل الخاجية واسمعه يصيح .. "حجية الناس سوت انتفاضه اعله الدولة والبلد مگلوب "
ردت خاجية ..
" يمه اسم الله شراح يصير هسا "
رد عليها ..
" حگها الناس تعبت .. كل يوم حروب وولدها راحت من غير ذولة الحبربش المسوين ارواحهم صدام حسين اعله اهلهم وناس ومحافظاتهم "
وهو يحجي اجه ببالي منهل وبيت الشيخة ..
بس لايسوولهم شي وجهالي هناك ..
گلبي اكلني عليهم ..
المن اسأل والمن اروح ..
بقيت بقلق وخايفه .. وادعي الله يحاميهم ..
بس لا يسوون شي الاركان ويوجعون گلب منهل بي ..
ماعرفت شون مر عليه النهار ..
نسمع الهوسة والاصوات بس مانعرف شكو ..
طلع الحجي العصر .
وخاجية بالگوة خلته يطلع تخاف عليه ..
گالها نشوف الدنيا شصار بيها ماامشي بعيد ..
طلع واخذله نص ساعه ورجع لونه مخطوف ..
حجية حجية ..
جنت گاعدة يمها انه ..
" يكولون كتلوا حزبي من بيت الشيخة مدري ابنه الكتلوه "
انه سمعت هيج وطحت من طولي ..
يمه وليدي بعده حتى ماعرفني امه ولاسمعت كلمة يمه منه ..
شني مقسوملي انحرم من ولدي گبل لايعرفوني واحضنهم واشبع منهم ..
ردت اروحلهم مارضت خاجية ..
" اگعدي خلينا نفهم بالاول منهو يكول ابنج الكتلوه .. "
رد الحجي ..
" بوية علمودج انه رايح اتعنى لهناك واجيبلج الخبر بس اكعدي وين تطلعين بهاي الهوسة "
راح الرجال يطيه العافية ..
ودور خفنا عليه واستحيت من خاجية يو صارله شي من وراي شلون اعاين بوجهها ..
ابجي وادعي كون مابي شي .. ماصدگت اندكت الباب ركضت الها ..
فتحتها زينب گبلي ..
دخل الرجال ..
" شيصيرلج عيد ؟"
رديت ..
" ابن حماي ورجل بتي "
رد ..
" جا هو الكتلوه موش منهل وابنه "
ساعتها ارتاحيت شوية ..
رغم ضجت من سمعت عيد الكتلوه .. وفكرت برحمة وماسه هسا شصارلهن وشلون بيها من بعد مامات عيد"
جان يحجي الخاجية شلون ضربوه وسحلوه بالسوگ وانه گلبي يدك حيل من الخوف ..
" يمه لو داخلين الهن وكاتليهن .. وفيصل واركان يمه اموت وراهم مااتحمل بعد افگد عزيز الي "
جنت اريدلي فرصة اطلع بيها ماكو ..
يوم عن يوم زادت الهوسة .. والحجي يگول الناس استولت على المقرات والدوائر .
وجنهم راح يوگعون الحكومة ..
خلال يومين انتشرت الانتفاضة بمناطق العراق منها ميسان .. والناصرية .. والنجف .. وكربلاء .. وواسط والمثنى .. والديوانية .. وبابل ..
لحد ماوصلت الشمال العراق دهوك ..سليمانية .. أربيل وكركوك ..
بس النظام بدا يستخدم اساليب قمع حتى يوقف الانتفاضة ..
واستخدم طائرات الهليكوبتر الي ارسلتها أمريكا للنظام بحجة نقل الجرحى والمصابين من الكويت إلى العراق إلا أن النظام استخدمها بقصف المدن وايقاف الانتفاضة ووصل الامر بالسلطة لاستعمال الأسلحة الكيمياوية ضد المواطنين ..
وزادت الامور اسوء من گبل ..
بعد ماقمعوا الانتفاضة .. بداوا يعتقلون شكو واحد اله ايد بالانتفاضة حتى الماعده شي اخذوه ..
واختلط الحابل بالنابل ..
رحمة ..
مر شهر على موتت عيد ..
وبعد ماخلصت الانتفاضه .. بدات حملة الاعتقالات والاعدامات الجماعية باكثر المحافظات..
رجع عمي منهل وحتى يبرر الصار بسببه.. وتركه الهم وبهيج وضع ..
دخل يبجي وحضن عمي حطاب ..
وگالة ..
" ياخوية ثارك هو ثاري .. وماارتاح اذا ماكل واحد ضربه يتعاقب حتى الواگفين يتفرجون عليهم هم يتعاقبون عبن ماساعدوه .. "
هز راسه عمي حطاب وسكت ماگدر يحجي وي عمي منهل ..
بس شكله جان بعده ماخذ من خاطره عليه ..
عاين عمي منهل على رحيم ..
" رحيم منا وجاي انت بمكان عيد .. واريدك تعاوني علمود ناخذ بثار اخوك "
عمي جان يريد يرجع هيبته بأي طريقه بالسلف ..
سوة حملة على كل واحد ضربه او واكف وماساعده ..
وكل واحد حرك المضيف وحتى لو ضارب طابوگة على البيت . كلها اعتقلوها ..
زلمة وحراسه والشرطة كلها تفتر ليل نهار .
بحيث السلف انگلب گلاب وصياح الامهات وبجيهن على ولدهن توصل الحد بيتنا ..
عمتي سمرة من سمعت صياحهن ..
صاحت ..
" گومن .. بعد كم يوم اربعين وليدي .. بيومها تصير فاتحته الماسويتها . اذبح الذبايح واقراله واعلگ قطعته بباب الحوش "
احنة بذيج الفترة جان عندنا عمال ..
بنوا المضيف طابوگ .. ورتبوه ..
والبيت خلوله سياج داير مدايرة .. وشكلوا شبابيك جدد"
گمنا نظفنا البيت كله وفرشناه ..
كامت عمتي سمرة .. سهت التمن المطحون وسوت حلاوة .. وسوينا خفيفي ..
وخلت بلبل وفيصل يوزعون للعالم .. والناس من خوفها تاخذ ..
عزمت الناس للاربعين ..
توقعت محد يجي بعد الصار ..
بس تفاجأت من شفت النسوان كلهن اجن من خوفهن على ولدهن .. وصارن يبجن ويواسن بعمتي ويمدحن بعيد واخلاقه . ويدعن على الكتله ..
وانه ملتهية اوزع جاي..
كل التشوفني تعزيني بي وانه مااعرف شحجي وهن يكللي .. الله يصبرج ..
دخلت مرة مبوشة بوسط هوسة النسوان گلبي رف الها ..
عفت كلشي بيدي ..
ورحتلها ..
همست ..
" ماگدرت مااجي گلبي عليكم نار "
اخذتها الغرفتنا ..
جانت ماسه نايمة . شالتها وتبوس بيها ..
حضنتها وابجي ..
" يمه شلون بيه هسا وشراح يصيرلي "
اتنهدت ..
'" گولي يله وخلي عينج بعين الله .. ربج يحلها "
ماخليتها تضل هواي خفت يشوفها واحد ..
خليتها تطلع ورجعت للمطبخ ..
شوية ودخلت دمعه عليه ..
شهگت من شفتها..
حضنتها وابجي وهي تبجي وياي ..
حسبالها ابجي على عيد ..
همست بأذاني ..
" مااتوقعتج تبجين عليه بعد كلشي سواه "
رديت ..
" جا شني گلبي حجر قابل بس انه بجيت لان مشتاقتلج ولد ليش هيج گطعتوا بينا "
اتنهدت ..
" امي الماترضى ترجع .. وخيرت علي . لو هي لو السلف "
سالتها..
" اجه وياكم هو "
ردت ..
" اي من خابرنا فيصل وگاللنا وهو متسودن يريد يجي خايف يصير عليجن شي "
اتنهدت ..
" گومي خل اسلم على عمتي .."
گمت سلمت على عمتي جانت عازلة روحها ..
گعدت يمها شوية…
عاينت عليه ..
" وهاي ارتاحيتي وخلصتي من عيد .. يوم الاخلص من هذا العبد الا اذبح ذبيحة الوجه الله لو خلصت منه "
ردت دمعه ..
" يمه شني هالحجي "
صاحت بيها ..
" انلصمي انتي لو عدج ابو مثل الابهات شسويتي "
سكتت دمعه وكتمت ضوجتها بداخلها..
مهما يكون ابوها .. عمتي جانت باعدة دمعه عنها هواي ودايما تحجي على ابوها كدامها .. وهي خطية تسكت وتضوج ..
اجت ماسه ببالي لو كبرت شحجيلها وشنو اگلها على ابوها ..
يمكن احجيلها عنه بس مااسوي مثل ماتسوي عمي ..
اخليها هي التفهم وحدها وبمرور الوكت ..
ثلاث ايام الفاتحة ماگعدنا ابد .. من التعب ..
فيصل يجيني يحجيلي عن المضيف شلون صار وشجابوله غراض وصار حلو ..
لو يحجيلي عن الفاتحة الى ان وصل العلي ..
گال ..
" صدگ ماگلتلج .. غير علي تصالح وي جدي حطاب "
رديت ..
" اي احسن الى متى يضل هيج "
بيوم العشا مال ثالث ..
صار الي ماكان بالحسبان..
عمي منهل تنازل عن الشيخة العمي حطاب ..
علمود مايخسره…
بحجة انه هو ترقى ومو فارغ للشيخة والمشاكل..
عمي حطاب فرح ونسى حتى حزنه ..
العشيرة كلها ساندته وفرحت اله .. وصاروا يهوسون ويرمون ..
ماتوقعت عمي منهل راح يتنازل بسهولة ..
وبنفس الوكت عمي حطاب مستحيل يغدر بعمي منهل لان يعرفه شنو يكدر يسوي ..
بعد مااتصافوا خلاه يوقع اوراق بأنه مايتصرف بكلشي الا بعد الرجوع اله ..
يعني خلاه واجهة امام السلف ..
وبنفس الوقت جان هذا طموح عمي حطاب من زمان انه يصير شيخ ..
من وصل الخبر للنسوان ..
فرحت عمتي سمرة وجان هذا انتصار بالنسبة الها ..
وعمتي بثينة ضاجت وانقهرت ..
وتعاركت وي عمي منهل ..
لان عافها وحدها هنا .. وراح هو واركان وخلوها شهر كامل ..
ولان تنازل عن الشيخة وريس سمرة عليه ..
جان عدها اهم شي مكانتها بالبيت وانه يصيحولها شيخة…
جانت عمتي سمرة مصرة الزم عده .. رغم عيد هاجرني ..
بس جبرتني ولزمت عدة العيد ..
رحيم بعد مايجي للحوش لان لازمين عده اني وهدوة
اكمل شغلي من وكت بالليل وامشي للغرفة ..
جان الشباك بالنسبة الي منفذ عن ضوجتي ووحدتي ..
بس بعد مابنوا السياج سدوا عليه كلشي ..
اخلص الوكت وي ماسة لو فيصل يجيني وفرحان صاير الگهوجي مال مضيف وكلها تحب گهوته ..
كلما يسوي يجيبلي جان ..
اندكت الباب حسبالي فيصل ..
استغربت ..
" تعال فوت مو عوايدك تدگ الباب "
دخل .. التفتت .. جان اركان ..
استغربت..
اركان تعال ..
دخل ..
" شلونج وماسه شلونها "
ابتسمت ..
" مو عوايدك تسأل عليه "
ضحك ..
اجيت اريد احجي وياج بشغله لان ماعدي احد احجيله بس اريدنج توعديني ماتحجين الاحد ..
اشرتله يگعد يمي ..
" وعد مااحجي شنو بيك احجيلي "
رد ..
" انه احب وحدة "
ابتسمت..
" مني هاي وبعدك صغير "
اتعصب ..
" شبيه صغير عمري 16 سنه بعد سنتين وادخل الجامعة "
رديت ..
" حبيبي ادخل الجامعة وساعتها شتسوي سوي بس هسا دراستك اهم "
سكت ماحجة ..
سألته ..
" وين شفتها ؟"
رد ..
" انتي وعدتيني ماتحجين وخاصه الامي "
رديت ..
" وعد مااحجي بس گول "
رد ..
" ابوي عده صاحبات يجيبهن للبيت مالته من انام اني واسمع صوتهم واگوم اراقبههم .. وعجبتني وحدة شعرها طويل حلو وترگص "
استغربت ..
" شيسون يجن ؟"
رد ..
" شمدريني يجن يونسن ابوي اضن عبنه ضايج على عيد "
ضحكت..
" اي وانت حجيت وياها ؟"
رد ..
" لا ماحجيت وياها بس كلما اشوفها افرح .. ومرة منهن گعدت من الصبح هي تريد تطلع . شافتني بالحديقة.
گرصتني من خدي وكالتي شلونك يحلو اذا كبرت احول عليك لان حلو "
ضحكت على سوالفه ..
" ترى هاي تضحك عليك حبيبي لاتصدگ بيها ومعليك بيهن ذني مايحبن .. اووووف شلون افهمك من تكبر تعرف بس لاتتگرب الهن "
رد ..
" انه ردت احجيلج مو تنصحيني .. ابوي وعدني بس اكمل اعدادية اداوم بالجامعة ببغداد واذا مشيت لهناك مااخليها تصادق ابوي بعد لمن اكمل واتزوجها "
عافني وگام ..
ضجت حيل وانقهرت .. اركان اذا هيج بقى يضيع والسبب عمي راح يخليه مثله وانه اكول شعده ساكن بغداد .. والله لو تدري بي عمتي بثينة جان لعبت جولة"
قررت لازم اقربه مني اكثر واصادقه .. اركان مايفهم بالنصيحة كلشي يريده يجيه .. لهذا عنده كلشي سهل وكلشي مباح "
مرت الايام واحنة بعدنا بسالفه العدة ..
اجت اخت عمتي سمرة ام هدوة الها وگعدن يسولفن ..
جبتلهن جاي واسمعها تكلها ..
" خية ام فرج بنتي صغيرة وعدها فروخ .. جا شني تضل هيج بلا رجل ولا ابو يلمهم .."
ردت عمتي سمرة ..
" انه مفكرة بهالسالفه بس ماردت احجيها فشلة من العالم وهي عدتها ماخلصت لسة .. "
سألتها ..
" شني السالفه فهميني "
ردت عمتي ..
" بيني وبينج انه راح ازوجها الرحيم لمن تخلص عدتها وهيج ولد عيد يربيهم عمهم ومايكبرون بلا ابو "
#يتبع… ..
( شمس السعدي )



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-03-21, 09:59 PM   #58

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



مساء الفل والياسمين احبتي ❤️
//// البارت السابع والأربعـــون /////
#بيوت_بلا_جدران
#شمس_السعدي

----------------------------------------------
شيعوضني الدمع وانة الخسرتة هواي ..
وعلى رملة امل كل عمري وشلتة ..
وانة الباكو نهاري ورحت ادورة بليل ..
والمسودن طبع ميعوف سالفتة ..
على نفس الدرب ذبولي بس الصوف ..
حتى ارجع وكول ذياب ماكلتة…
-----------------------------------------------
من بعد ماصار عمي حطاب جانت عمتي سمرة تحاول تاخذ مكان الشيخة بأي شكل ..
واول قرار اخذته .. هو تزوج هدوة الرحيم من غير ماتاخذ رأيهم وتشوفهم موافقين يو لا ..
من سمعتهن درت وجهي ومشيت وجن ماسامعه كلشي ..
بس جنت حاسه هالهدوء الي بالبيت مايدوم ..
وراح تشتغل الحرب بين عمتي سمرة وعمتي رضية بعد ماصارن حبايب بالفترة الاخيرة ..
اما حمدية وهدوة الله العالم شني راح يصير بيهن ..
اجت منيرة ..
" لاتطلعين من المطبخ اجه الرجال يسوي التلفون "
استغربت :
" ياتلفون ؟"
ردت ..
" موش عمتي سمرة گالت العمي حطاب تريد تلفون بالحوش .. وشكلوا خطوط بالسلف وراح يجرولنا "
سألته ..
" مو الشيخة مانعه التلفون بالحوش ؟"
ضحكت ..
" هي حتى الهوى لو بيدها تمنعه اعلينا لا تلفون لاتلفزيون ماخلت شي مامنعته عنا .. عبن منهي بحالها وياخذ رايها بعد "
سكتت وضليت بالمطبخ طبخت ..
اجت ماسة جوعانه گعدت اوكلها بين مايكملون ..
اتذكرت عيد ميلادها ..
صار عمرها اربع سنين .. حضنتها وابوس بيها ..
" اليوم عيد ميلاج " گلتلها
ضحكت :
" تسويلي حبيبة زيتويو "
اتنهدت وحضنتها ..
" عيدج مبارك يروح امج .. عسا ايامج كلها سعادة "
دخلت عمتي سمرة ..
" گطع الله السعادة عنج ولاشفتيها يوم .. عبن شني فرحانة جيف خلصتي من عيد وجاية تفرحين بعد بتج"
رديت ..
" ياعمة شني شفتيني مشغلة شموع ومحتفلة "
ردت ..
" هم عوزج تحتفلين وتفرحين وابني جوة التراب .. سودة عليه يمه ريت هالتراب الطمك طم شكو واحد فرحان الموتك "
ضلت تبجي وتحجي..
سمعت الشيخة تصيح ..
اخذت ماسه وركضت بس ردت اخلص من حجيها..
دخلت للشيخة اشرتلي جوعانة ..
خليت ماسه يمها ورجعت صبيت غدا الها ..
شافني عمي خطاب ضل يحجي..
" شمالج ثولة موش گلنا لحد يطلع ؟"
رديت ..
" حسبالي كملتوا "
صيح عليه..
اخذت الصينية ودخلت الغرفة الشيخة ..
شفت ماسه تحجي وياها..
" اني اليوم عيد ميلادي .. لحمة تسويلي حبيبة زيتويو بس ياااا امي ململ ماهي .. انتي تحبين امي ململ هي تحبني وراح تجي تسويلي حبيبة زيتويو "
ابتسمت وبنفس الوكت تنهدت ..
شگد مر على غياب امي بس مانستها دوم تذكرها ومن شافتها اخر مرة بساع عرفتها وضلت تبجي تريد تروح وياها ..
والخلاني استغرب اكثر وهي تحجي للشيخة كلشي والشيخة ساكته وتسمعلها .. وماادري ان جانت تحس بالذنب يو لا ..
ومن تذكر امي شتگول ..
لليوم ماسألتني عنها وگالت وينها لان تعرف وكلشي تسمع وماتگدر تحجي .. وهذا الخلاه تطحن بداخلها من الحرگة وتسكت ..
حتى بدأت تذبل يوم عن يوم وتتغير ..
غديتها وكملت..
بين ماكملوا طلعت ..
جانن يتطالبن على التلفون وجنهن مامصدگات ..
عمتي بثينة تگلها اريد خط الي بالحجرة اخابر بي منهل البغداد ..
وعمتي سمرة تگلها ماكو بالحجر هو بالهول والتخابر تخابر هنا ..
رغم جبروت الشيخة وتعصبها بس جان محد يگدر يتصرف بالبيت غيرها .. هسا كل وحدة بيهن نصبت روحها شيخة على الثانية ..
اما اني خان البيت عليه مثل ماجان على امي .. مرات منيرة تساعدني وحمدية بحجة مريضه ماتشتغل وهدوة من يوم الراح عيد ساكنه غرفتها ماطلعت بس للحمام وترجع لو تصب اكل ملتهية بجهالها وابنها كل فترة يتمرض وبتها صغيرة ومدولبتها ..
جنت مااهتم اهم شي عدي يفكن عني .. الهي روحي بالبيت وبماسة ومرات اسبح الشيخة وانظف غرفتها بحيث ما ارتاح لليل ..
عمتي حورية من بعد الصار بالانتفاضة وبعد موت عيد خافت على علي ..
وبأصرار من علي رجعوا للسلف بس جانت شارطة تطلگ ..
علي ماجان راضي تطلگ وراد يصالحهم بأي شكل وهي ماترضى ..
جان يفكر بحجي السلف وهو واخته بهيج عمر وتتطلگ امه ..
من بعد موت عيد مااجت لأن هي ماتدخل الحوش ..
وگاطعة علاقتها ببيت الشيخة .. وفيصل يگلي رجلها يبات بالمضيف مايبات يمهم ..
مرت الاشهر وكملنا العدة ..
جنت احس روحي بسجن اكثر من قبل .. لو بيدهن حتى فيصل يمنعنه يجيني ..
من غير صوتنا كون مايطلع ونهمس من نحجي .. حتى المسك منعتني اخليه خاف يشمه غريب وتخرب العدة ..
جانت عندها عقائد مدري منين وعادات ..
طول هالفترة واحنة مستغربين عمتي مهجة مااجت رغم راح يصير خمس اشهر على موتت عيد ..
واستغربنا اكثر من اجو بعد هالمدة .. وجان عمي حطاب وعمتي سمرة ماخذين على خاطرهم منهم ..
وماعرفنا ابد شني الماخلاهم يجون ويعزون ذيج الفترة ..
دخلت عمتي وبيبي دنانير وجان جاي الشيخ وعمو رماح ودرع ..
من دخل درع حسيت بشعور غريب .. وجانت فرحتي وجن شايفه واحد من اهلي ..
سلم وبنات منيرة مثل عادتهن من يشوفنه يتسودنن
صاير زين ويمشي على رجله من الحادث ماشفناه بعد
جنت عازلة نفسي ..
دخلت عمتي وبيبي دنانير .. سلمن وعزن عمتي سمرة وحجتهن بسبب الاوضاع بالبلد مايطلعون ..
وعمتي سمرة تشمرهلن حجي من فوگ الفوگ ..
وهن يسمعن ويغلسن مايعرفن شيردن عليها ..
لان مطياتها الحق ..
دور راحن يم الشيخة علمود يخلصن من حجيها..
ردت اروح للغرفة اودي ماسه وامشي اكمل طبخ ..
طلع درع من غرفة الشيخة ..
صرنا وجه بوجه ..
گال :
" يول شبينا وماتسلمين علينا .. عجل مانعجب لو نسيتونا "
رديت ..
" هلو خوية شلونك .. لا شلون انساك الله شاهد من اشوفنك جن شايفه رضوان "
اتنهد ..
" الله يذكرو بالخير ويرجعو بالسلامة .. وحش البيت دونو "
رديت ..
" اي والله وحش لسا مامصدگة غيابه عنا وامي مايوم نسته كل يوم تگول باجر يرجع "
هز راسه ..
" هي وينها اريد اسلم عليها "
بقيت صافنة بوجهة ماعرفت شني ارد ..
سأل ..
" شبيج تدحكين هيج بيها شي امج "
رديت ..
" لا امي ماهي "
سأل :
" عجل وين ؟"
رديت ..
" لاتسأل مااعرف شني اگلك "
سكت ماحرجني ..
اخذ ماسه مني بوسها ..
رجع عاين عليه ..
" مااعرف شلون اعزيج وشنو اگلج بس البقاء لله "
بقى شايلها ويبوسها ويشم بيها ..
" تشبه امج كلش "
هزيت راسي ..
" اي كلش "
سألني ..
" هي شسمها گلتيلي نسيت "
رديت ..
" ماسة "
ابتسم ..
" وصدگ ماسه "
طلعت عمتي سمرة شافتنا ضلت تخوزر ..
حس عليها گالي ..
" انه رايح اشوف علي ماشايفه من زمان وراح اخذ ماسة وياي "
عافنا وطلع لزمتني ..
" ولج انتي ماعندج خشا .. شني ماصدگتي خلصتي عدتج وگاعدة تسولفين وتضحكين وي ولد غريب شني ابني طامة التراب وانتي تسولفين وي الزلم بس لاترديلج رجل ولج ؟؟"
رديت ..
" شني هالحجي عمه .. درع مثل اخوي مو تدرين امي مرضعته "
ردت ..
" هجم بيتج انتي وامج هي يومين مهجة مريضه ورضعته امج شبساع صار اخوج لو ترديلج حجة تحجين بيها وياه "
رديت ..
" لا مو يومين اكثر امي گالتلي "
ردت ..
" هاي امج تسودنت لين اخذوا فروخها گامت شتشوف واحد وگالت هذا ابني انه رضعته مثل ماضحكت اعله فيصل وخلته يصيحلها يمه .. تالي عافتكم كلكم وهجت والله العالم هسا معرسة يو وين بس الله اليدري"
ضجت من حجيها :
" امي ماهجت تطردوها مثل ماطردوتني والله العالم شون هددتوها يو شو شسويتولها؟"
ردت :
" وج مالت الوجع موش احنة وياج رحنا البيت مهجة بعد شمدرينا بيها "
جانن كلهن واگفات يتفرجن عفتهن ومشيت ..
كملت الغدا وشغلي ورحت للغرفة ..
جبت الهدوم من الحبل اسفطهن ..
ندگت الباب ..
گمت افتحها ..
شفت درع شايل ماسه ..
وهي مكيفه ..
" توفي لحمة خالو جاب حلويات وهدية "
جان مشتريلها علاگة حلويات ولعابة ..
" ليش زحمت روحك هيج "
رد ..
" يول شنو زحمة مو تگولين اني مثل رضوان يعني اني خالها الماسه واشتريلها هدية "
ابتسمت ..
" شوفي خالو جابلج لعابه العيد ميلادج "
سأل :
" " ليش هو شوكت ؟"
رديت ..
" فات وراح بس هي تريد حاجه للعيد ميلاد"
اتنهد ..
" خطية اختبارج صعب صرتي ام واب الها هسا "
رديت ..
" من اول يوم اجت بي للدنيا اني ام وابو الها "
استغرب ..
" ليش مايشيلها "
رديت..
" الله يرحمه اصلا مامعترف بيها "
اتنهد ..
" حجالي علي كلشي بس ماگالي على امج من قبل انقهرت من سمعت هسا ليش مگلتيلي ؟"
ردت احجي قاطعني ..
" مو وكت هالحجي بعد الغدا اريد احجي وياج "
رديت ..
" مااگدر خاف عمتي ماتقبل هسا اذا شافتنا تضل تحجي "
رد ..
" ليش وين عايشين احنه .. وبعدين انتي بنت خالي وبمقام اختي ونحجي يمهم مامختلين سوة "
رديت ..
" بعد هيج عندنا مايقبلون
رد..
" معليج انه ارتبها "
دخلت ماسه للغرفة جانت فرحانه باللعابة خليتها تلعب وطلعت للمطبخ نصب الغدا..
شافتني منيرة گامت تعوج بحلگها ..
" من يمتى وجاي تحجين وي درع هيج وواگفه تثردين حجي "
رديت ..
" غير ابن عمتي واخوي شبيها ؟"
ردت زهرة ..
" شلون مااشوفن تردين تلوفين اعليه .. وتاخذيلج رجل بعد اخوي .. ماتشبعن رجولة .. بس خل اگلج تراه مايگلبج سمعت عمتي مهجة وهي تگول راح يخطبوله بت عمه ومن يكمل جامعه يتزوج "
هزيت ايدي ..
" ابقن بهذا عگلجن .. درع اخوي افهمن . حاله من حال فيصل وانتي زهرة لاتخافين مااعرس مرة ثانية "
ردت ..
" هم عوزج ناس مامعرسة وانتي تعرسين دورتين "
سكتت عنها ..
كملنا صب واخذوا الصواني للمضيف للزلم ودور فرشنا بالهول للنسوان ..
كملنا صب طلعت عمتي مهجة وبيبي دنانير والشيخة بعربانتها تدفعها عمتي مهجة..
جبت غداها خليته على رجلها وتوكلها عمتي مهجة ..
گعدن ياكلن كلهن سوة ..
صاحتني بيبي دنانير ..
" ماتجين تاكلين "
رديت :
" اريد اوكل بتي مااشتهي هسا "
ردت ..
" جيبيها وتعاي لاتستحين . امج وين ؟"
سكتت ..
ردت عمتي بثينة .. " امها هجت "
ردت بيبي دنانير.. " بيها خير عبن شوفتنها الضيم بس المگرودة وين راحت "
سكتن كلهن ..
وهي تعاتب الشيخة على ظلمها النا ..
" شفتي يربحة شگد ظلمتيها هي وبتها وبالتالي محد گاملج غيرها . شفتها شلون شتردين هي تجيج ماشفت وحدة اجتج غيرها ؟"
هن جانن ياكلن وساكتات ..
عمتي مهجة رادت تغير الحجي سألت ..
" حورية شني ردت للسلف ؟"
ردت عمتي بثينة ..
" اي هي جانت ببغداد ومارادت ترجع بس ابنها مايگدر يضل هناك متعود اعله السلف "
همست هدوة ..
" لا گولن رجعلنا الامل بعد ماعيد مات "
صفنن عليها ..
خزرتها عمتي سمرة .. سكتت
ماعرف شني صار بيه من سمعت هالحجي..
وماجنت مخليته ببالي ابد ..
معقولة علي رجع بعد وفاة عيد الهذا السبب ؟؟
ماعرفت اكل يمهن بس وكلت ماسه وگمت بساع سويت الجاي وصبيته ..
اخذت الجاي گامت عمتي مهجة..
" انه اشرب جايي عد حورية .. امشي اشوفنها "
رديت بيبي دنانير ..
" گليلها خل تجي اريدن اشوفنها ولو انه زعلانة عليها لين مااجتي تشوفني "
راحت عمتي مهجة العمتي حورية ..
والشيخة تعبت من الگعدة اشرتلي اخذها للغرفة ..
اخذتها نومتها بالغرفة ..
دور فرشت البيبي دنانير ترتاح ..
وصحتها ..
" تعاي بيبي ارتاحي فرشتلج بالغرفة "
ابتسمت..
" بيبي لو حبوبة ؟"
رديت ..
" ماكو فرق بس انه متعودة من امي اگول بيبي "
ردت ..
" بكلشي انتي معدلة طالعه عليها حبابه ووجهها كله نور يفتح الوجه "
اتنهدت ومااعرفت شحجي ..
اشتاقيتلها .. واشتاقيت الگعداتها ونصايحها وسوالفها ..
نزلت دمعتي شافتني..
" الله يجمعجن ان شاء الله .. تردين اخليهم يدوروها الج ؟؟"
رديت ..
" لا خليها مرتاحة وهي بعيدة عنا "
سألتني..
" هي امج كم جاهل جابت ؟"
اتلعثمت ماعرفت شحجي ..
رديت ..
" هاا هي اني ورضوان وواحد توم وياي بس مات "
استغربت ..
" شون مات "
رديت ..
" من جابوه مات "
وعيت على حالي انه شجاي احجي .. فلتت هالسالفه وامي گالتلي لاتحجين لأحد .. عود ماردت اگلها على اركان اخوي گمت افلت بالحجي "
استرخصت منها وردت اطلع بساع عنها خاف تسأل بعد ..
صار بوجهي درع ..
" وين امي وجدتي "
رديت ..
" امك راحت العمتي حورية .. وبيبيتك بالغرفة "
عفته ومشيت..
مااريد يشوفني ذني ويضلن يحجن لو يبسمرن ..
كملت شغلي ونظفت الهول ..
واخذت ماسة ننام ..
هيج وكت كلهن يكملن غدا والعدها شغله تگضيها ويرحن الغرفهن ..
توني غفيت اندگت الباب..
عاينت الماسة نايمة.. گمت على كيفي ..
فتحتها جان درع ..
استغربت ..
" ها خوية محتاج شي اجيبلك فراش تنام ؟"
رد ..
" لا شكرا مادام كلها نامت وماكو احد اريد احجي وياج .."
رديت بتوتر ..
" هاااا شتريد تحجي ؟"
احجي وياه وعيني على غرفة عمتي سمرة…
الولد اخوي واشوفه مثل رضوان وخلني اتشرد منه من ورى سوالفهن ..
مالي خلگ يذبن عليه حجاية ..
رد ..
" بخصوص علي "
اتوترت ..
" علي شبي "
رد ..
" شنو نحجي احنة وواگفين يول اني اخوج مو انت تگلين هيج تعاي حدري هين بالهول نحجي "
راح گدامي للهول گعد .. واجيت وراه .. دور گبال عينهن شيخلصني ..
جنت مرتبكة ..
حجة ..
" شبيج يول دحكي ترى گوة كاضب روحي من وراج "
رديت بأستغراب ..
" انه شمسوية ؟؟"
رد ..
" علي النار تسعر بروحو من لهفتو عليج وعلى حبج وانتي ولا هامج .. شنو يول مخليه حجر بگلبج انه لو برو هيج تضعف وتستسلم ازكح بيها واموتها بعد "
ضحكت ..
" شوية شوية تراني مو فاهمة شني تحجي .. ومنو گالك گلبي حجر .. بس انه امري مو بيدي وقدري مو قدره .. اخذت نصيبي من الحياة وهاهي .. خل هو ياخذ نصيبه ويشوف حياته .. اني حياتي البنتي وبس بعد "
صفن عليه وتعصب ..
" لاتخليني ازكح بيج .. شنو نصيبو يشوفو .. هو مايدحك الا بيج وانت تگولين يشوف نصيبو "
رديت ..
" درع اني ماعرفت ليش تفتح هيج موضوع هسا وعلي ليش حجالك .. انت ناسي ابو بنتي ماصارله الا خمس اشهر من مات شيگولون عليه لو سمعوك "
رد..
" دحكي عليه واسمعي .. اولا.. علي ماحجة انه السألتو وخليتو يحجي..
وثانيا .. ابو بنتج يعرف علي يريدج وانتي ترديه وهو الدخل بينكم من غير فواينو الجثيرة الحجالي عنها علي وياج .. انه وعلي مو هسا اصدقاء .. من ايام بغداد بعد مادرست هناك هو مرحلة اخيره واني داومت .. وشفتو والتقينا واكلنا وشربنا حتى نوم انام عندو يعني مو اليوم اول لقاء النا "
استغربت من سمعت كلامه ..
رفعت حجابي عدلته جان طالع شعري انتبه عليه ..
ضحك ..
توترت ..
" شبيك تضحك " سألته
" اني عند شامة مثل العندج برگبتج بس دحكي عليها "
زاح قمصيه راواها الي ..
استغربت ..
" سبحان الله .. بس انت شلون انتبهت "
ضحك ..
" اوووو عندي سرعة انتباه كبيرة .. تدرين من ادحك عليج احسجز تشبهيني .. وكأنه انت اختي مو مريم وميسم اخواتي .. ماكو شبه بينا لا بالاطباع ولا بالشكل"
احس براحة وانه احجي وياه .. وكأنه رضوان گبالي واحجي وياه .
بس خوفي منهن ماخلاني مرتاحة ..
گمت ..
عاين عليه ..
" وين گمتي يول شبيج تتهربين يابة مااكل بشر اني وشحيصير لو گعدتي يمي "
رديت ..
" درع الحجي التحجي بي مو وكته .. بعدين البيني اني وعلي مااضن يرجع .. ماضي وراح "
اتعصب ..
" يول لاتخليني اعصب واكضبج من خوانيگج تايرتاح گلبي من فهواتج .. وريتيني ور گوة كاضب روحي ومااتعصب .. اگلها الولد شاريج ويريدج لسا تگلي ماضي وراح "
رديت ...
" مادام انت حاسبني اختك من صدگ وخايف عليه .. روح اسأله .. عمتي ترضى ياخذني بعد .. وليش هدني وراح البغداد كم سنه من غير مايطالع وراه ..
يخوي انت ماعايش هنا وشايف .. حياتنا غير وعاداتنا غير عنكم انت حبيت بنت عمك من الصغر ومحد عارضك الهيج تحس كلشي سهل .. احنة مو هيج ..
لو فكرت اعرس مرة ثانية ياخذون بنتي مني واني اموت بلياها مااگدر "
جان صافن عليه ويسمع .. كملت رد :
" وين عايشة انتي وليش هالظلم ؟"
رديت ..
" روح اسأل عليه وهو يعرفك اني وين عايشة والصار الامي خير دليل "
ترخصت منه ورجعت يم بنتي ..
اول مرة احجي وي درع هيج .. بس حسيته مثل رضوان وفرغت البداخلي اله…
بقيت اكل بروحي دور شلون حجيت وياه خاف يحجي الامه وتصيرلي مشكلة ..
بين حسبة وحسبة غفيت وي ماسه ماگعدت للعصر ..
بدلتلها وطلعت ..
جانن گاعدات كلهن بالهول يشربن جاي ..
ودرع يمهن ..
شال راسه عاين عليه ..
دنگت ..
مااعرف شنو سبب اهتمامه بيه وليش هيج مهتم السالفتنا اني وعلي .. او يمكن لان صديق علي هيج يتصرف ..
ابتسمت للحظة من تذكرت اول مااجانا درع شلون
علي جان يضوج منه ويغار ..
وهسا شلون صار ..
وي ابتسامتي انتبهت العمتي مهجة تعاين عليه وضايحة..
اخذت ماسه ورحنا للمطبخ ..
عاينت عليه ..
" لحمة جوعانة "
صبيتلها وگعدت اوكلها ..
دخلت عمتي مهجة وبيدها استكان الجاي ..
اخذت الشكر خلت .. ودور اخذت القوري من الجولة صبت ..
تخوط بي وتعاين عليه وجن عدها سالفه ..
وجان شكي بمحله ..
اتنهدت ..
" انتي شعدج وي درع ؟"
رديت ..
" شعدي وياه ؟"
ردت ..
" شفتج شلون تتبسمين بوجهة .. انه مامرتاحتلج ابد واحس وراج فاينه "
رديت ..
" عمة هو اني من شفتج وشفتيني مامرتاحتلي مو شي جديد "
اتعصبت..
" شوف السان مال هسا اگصه .. تربات الفصلية "
رديت ..
" شرف الي انه ربتني فصلية وزرعت بگلبي الحب والطيبة والرحمة بوسط وكر الحقد والنفاق "
ردت ..
" شني قصدج حوش اهلي وكر حقد ونفاق .. الظاهر انتي محد مربيج بس لو شفتج تحجين وي درع دور اكضبج اموتج بيدي "
دارت وجهة وراحت..
خبصتني اكضبج واكضبج جنها درع .. اكضبوني وريحوني من هاي الدنيا ..
عاينت على رحمة ..
حضنتها .. لا يربي استغفر الله خليني عايشة علمود ماسه تتيه بلياي ..
رفعت راسها عليه ..
" هاي شبيها تسيح ابطها والله "
ضحكت ..
" عيب ميوسة شنو ابسطها منو علمج هيج "
هزت بديها ..
" موسى يگلي ابطج من اطلع اشوف فيصل "
كملت غسلتلها وخليتها تلعب ..
التهينا بالعشا ..
ولليل اخذت بتي ودخلت ماردت تصيرلي سالفه ودور عمتي مهجة عينها عليه وين ماامشي ..
وحسرة درع يطلب شي مني لو يلاعب ماسه وياخذها مني اذا ماخزرتني وماترضى يشيل ماسه ..
ليش هيج تكرهنا ماادري وشنو مسويتلها ماسه وهي طفلة ماتفتهم ..
المشكلة ماسه حبته وكلما يصيحلها تروحله وتلعب وياه مااگدر امنعها لو اگله ماانطيكياها ..
ثاني يوم جان جمعة عمتي رادت تروح من الصبح بس درع مارضا گالها خليها الباجر واعدت الولد نطلع للصيد
اول ماكملوا ريوگ طلعوا ..
طلعت اريد فيصل ماهو من اجه درع التهى وياه او بالاحرى من يوم الرجع علي وهو مايفارگه ..
اريد اسألنه راح الامي يو لا گلبي يطفطف عليها اريد اعرف اخبارها ..
صار الظهر وتغدينا وهمة ماكو ..
گامت تحجي عمتي مهجة ..
" اني ليش مااجيبه لهنا لان اعرف يلتهي وي ابن حورية ومدري وين ياخذه ماياخذه "
ردت بيبي دنانير ..
" شبيج بس تزحكين قابل هو جاهل ولد شكبره شني تحبسيه يمج تردين .. وشبي علي انه احبه عبن معدل وخوش ولد وماتطلع منه العيبة "
ردت عمتي مهجة ..
" وشعرفتي منه زين هاي عودن من رحنا البغداد شالنا بالصلوات .. غصب عنه يشيلنا عبن من خير اهلي ياكل ويشرب ومأجرله شقة .. "
ردت بيبي دنانير..
" خير اهلج خير اهلها هم نسيتي هي اخيتج يو ربحة علمتج اعله الگطع .. وانه كم مرة گلتلج بطلي الگطع ولاتفرقين مثل ما تفرقين بين ولدج بس ذيل الجلب عمره ماينعدل "
ردت عمتي مهجة ..
" مشكورة عمة هي هاي المرجية "
ضلن يتكاونن بيناتهن ..
ورحيم گام يدور عليهم ..
مالگاهم ..
للعصر كلش يله اجو درع وفيصل ..
صاحت بيهم عمتي..
" وين وليتو ليش من تجي تتسودن هنا "
استحى من حجيها وهو يعاين بالوجوه ..
رد عليها ..
" شبيج يمه ليش تزكحين هيج شصاير مو گلتلج رايحين للصيد "
ردت بيبي دنانير ..
" مال شغل يمه تعالي يمي هين اگعد امك ماتبطل عصبيتها "
ضاج وگعد يم بيبته بس ماحجة ولا كلمة بعد ..
واستحى من الگاعدين كلهم…
فيصل رزلته عمتي سمرة عافها واجة وراي للمطبخ ..
" رحمة جعت شو شعدكم اكل وزودتها اعليه حبوبتي تغلط "
سألته ..
" عود صدگ وين جنتو كلها تدور عليكم "
رد وهو مخلي راسه بالگدر وياكل ..
" يم امي "
شهَگِت :
" ياامك ؟"
رد :
" امي مرمر ياهي غيرها "
همست ..
" انتو شلون تاخذون درع لهناك وعلي شلون يجازف بيها مابطل من الصارلي لو لمن يعرفون مكانها ويكتلوها يله ترتاحون "
رد ..
" بس درع مايحجي .. وعلي يگول انه ضامنه "
رديت ..
" ماقصدي على درع بس واحد شافكم وانتو ماشين لهناك وعرفوا مكانكم شتريد تگول .. وامي شيصيرلها ؟ زين انتو رحتوا للصيد شوادكم الها "
رد ..
" وشمالي اخذه الحوش خاجيه "
سألته :
" جا وين اخذته ؟"
رد :
" ذيج المرة امي گالت تريد تروح الجمعة الامام بالحي يزورنه من الصبح للعصر يضلن .. ومن طلعت وي درع يم علي وجبناها سوالف گال اذا تعرفون مكانها خلوني اشوفها مشتاقلها ..
علي مارضا گاله خاف واحد يشوفنا واحنه رايحين بس ذكرت امي گالتلي ماموجودة بالحوش لو ردت تجي گلتلهم على مكانها ورحنا وامي محد يعرفها مبوشة "
سألته ..
" ووين هذا الامام ومنو "
رد ..
" ماتندليه بس بلكي يوم تصير فرصه وتشوفيه .. اني مارايحله هاي اول مرة امشيله بس يگولون كراماته جبيرة "
اتنهدت ..
" ربي يطيها مرادها ويريحها ويجمعها بالغالي "
مرمر ..
من زمان خاجية تگلي امشينا الامام بالحي هو صح بعيد علينا كلش بس رادت تطلع وتغير جو وهم گالتلي كراماته بالمكان شجعتني اروح وازور مازايرة من گبل ..
طلعنا الجمعة من الصبح وي حملة بالسلف ..
اخذنا متاعنا وخبزنا ..
طول الطريق ساكته لان الكل يعرفني خرسة مااحجي..
بس عيني على الشباك ..
اعاين على الطريق ودمعتي بطرف عيني ..
ماجنت مصدگة طالعه ومتحررة .. بس طلعتي بلاية جهالي ماتسوة ..
جنت اتمنى اخذهم كلهم واطلع واتباهة بيهم ..
ويانا مرة بالسيارة ولدها اثنين وياها .. شلون مداريها ومهتمين بيها ..
تخيلتهم رضوان واركان ..
هيج وانه اكبر ويشيلوني بكبرتي هم اصدگ بيوم انجمع بيهم واشبع منهم ..
وصلنا قريب الظهر زرنا وصلينا وفرشنا وگعدنا ..
حضرت الغدا نتغدا ..
جنت مسوية تمن تاجينة وجنت الله رازقني طرشت زينب جابتلنا دجاجة مذبوحة نظفتها وطبختها واخذتها وياي وخضرة وخبز ونعمة من الله ..
وخرت البوشية وجاي اصب ..
شلت راسي شفت ثلاث ولد رف گلبي عليهم ..
فيصل وعلي وياهم رضوان..
انه مااشوف من بعيد زين عيوني تعبن من البجي ..
شهگت وگمت ابجي ..
ربي رحمتك توني طلبت تجمعني بي وجمعتني…
سألتني خاجية ..
" ياع شمالج گمتي تبجين ؟"
رديت ..
" شوفي جابو وليدي واجو "
اشرت الزينب ..
" اركضي صيحيهم جنهم يدورون عليه .."
جانت عيونهم تدور بوجوه النسوان ..
لابسين هدوم الصيد ..
وشحلاتهم .. واحد مايتخير عن الاخر..
من راحتلهم اشرتلهم علينا ..
اجو لينا ..
" جانت عيوني ماتشوف غيره وهو عينه عليه ويبتسم .."
من اروح فدوة الهذا الطول يبعد امك .. تعال الحضن امك ..
اتگرب خاب املي .. بس گلبي بعده يدگ بلهفة ..
وصلوا يمي سلموا ..
اجة دنگ على راسي وباسها ..
" شلونج ام رضوان ماهان عليه اجي ومااشوفج "
جنت اعاين عليه وعيوني يبجن ليش ماادري ..
لا اراديا ..
ايدي انشالت وبقيت اتلمس بوجهة..
وهو يحاجيني فجأة سكت وغمض عيونه ..
همست ..
" اعذرني وليدي شفت بيك وجهة وريحته وردت تلمسك حتى اصدگ موش هو "
رد ..
" خليج ايديج تنگط محنة .. دفوها سرى بدمي ماحسيت هيج احساس من قبل "
رديت ..
" وانه من اشوفك جن شايفه واحد من ولدي "
رد فيصل ..
" يمة تدريني اغار وخريه عنج لا ابتلي بي بالعباس "
ضحكنا عليه ..
رد علي ..
" هي من شافته نستني حتى اني مو بس انت "
رديت ..
" انتو اثنينكم ولدي الله يشهد عليه ومعزتكم بكلبي بس انتو تجوني كل فترة واشوفنكم .. هو صارلي هواي ماشايفته "
استحيت اگله من اشوفك اشوف رضوان بيك ..
عرفته على خاجيه ..
مبين علي كلشي حاجيله ..
راحوا زاروا واجو جلبت بيهم يتغدون وياي ..
گعدوا گبالي ياكلون..
ناقصهم رحمة ورضوان واركان وتكتمل لمتي ..
جانوا ياكلون وبتداهرون بينهم واني صافنة عليه ..
سبحان الخلقك وخلاك تشبهه حتى يواسيني بغياب وليدي ..
كملوا غدا وسألني ..
" اذا تردين احاجي جدي واخذج يمي هناك وهيج محد يوصلج .. الله شاهد انه اعتبرج مثل امي وبعدين انتي المرضعتني يعني امي انتي واني مثل رضوان مو هيج تگلين عليه "
من گال انتي امي تخربطت احوالي ..
فيصل اعترض ..
" اگلك هي شرضعتك هن يومين شني تريد تاخذ مكاني بالگوة "
رديت ..
" لا يمة لاتحجي الأحد .. اني مااعوف مكاني وامشي اولادي هنا شلون تريدني اعوفهم ورضيوي اذا رجع ومالگاني شلون ؟؟ ..
والشغله الثانية سالفه مرضعتك لاتحجيها الاحد لان محد يدري بيها من اهلك وخاف تسوي مشكله الامك…
انه احسبك مثل ولدي ومعزتك مثل فيصل ورضوان وعلي هم حتى مايزعل "
ضحكوا كلهم ..
گام باس راسي مرة ثانية ..
دور فتح موضوع ..
" وبعد موضوع اريد احاجيج بي .. علي لسا شاري رحمة ورحمة……… "
قاطعه علي ..
" مو وكت هالحجي درع .. وانه مااجبر احد عليه "
فهمت وعرفت علي مانساها ولا راح ينساها ..
رديت ..
" صدگ مو وكته هالحجي .. بس يمة ياعلي رحمة موش بيدها شي .. تعرف كلشي انت "
اتنهد علي ..
" لكل حادث حديث .. يصير خير ان شاء الله "
سدوا السالفه ..
اشرلهم علي ..
" يله امشونا خاف اهلك يضل بالهم "
رد درع ..
" ماحسينا بالوكت هسا امي تلگيها مگابله الباب "
گاموا گمت وياهم ..
اخذني على صفحة وطلع فلوس "
همس .. " لا ترديني اخذيهن مني "
رديت .. " عساك سالم يمه الحمد لله عدي ومستورة وعلي مامقصر عني "
رد .. " انتي مو تگولين من ادحك بيك اشوف رضوان يابة اعتبريني علي واخذيهن مو تاخذين منو "
ماردت اكسر بخاطره واخذتهن ..
ضليت ادعيله باسني براسي وراح ..
اجو يمنا علي وفيصل ..
سألت فيصل على اخبار رحمة وماسه ..
گال زينات وهي گلبها يمج ..
سلموا وراحوا ..
حسيت روحي وياهم راحت ..
جان يوم حلو بالنسبة الي واني وياهم ..
من زمان مافرحت هيج ولا حسيت بهيج احساس من قبل ..
راحوا وعيني وراهم مشبوحة ..
حجت خاجية ..
" ريت يضل وجهج هيج دوم "
ابتسمت ..
" يعني مبين عليه ؟"
رديت ..
" من اجو الحد ماراحوا وانه عيني عليج وجن مجمعه ولدي داير مدايري .. "
ردت ..
" ان شاء الله تنجمعين وياهم وتجيبهم لهنا "
رديت ..
" ان شاء الله نذر عليه اسوي غدا الوجه الله وافرش سفرة شكبرها واوزع للناس كلها "
رجعنا للبيت واني احلم بهاليوم الانجمع بيهم سوية ..
رحمة ..
حجالي فيصل كلشي ودموعي تجري تمنيت بذيج اللحظة اني وياهم ..
حضنته بلا وعي وشكرته ..
" الله يطيك فيصل عبن فرحتوا امي "
ضربني بجتفي ..
" ولج غير امي هي جا غريبة وتشكريني "
دخلت عمتي سمرة ..
" ياهي امك .. شني تشوفها انت وين لگيتها ؟؟"
#يتبع…
( شمس السعدي )



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-03-21, 12:22 AM   #59

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


مساء الورد احبتي ❤️
//// البارت الثامن والأربعـــون /////
#بيوت_بلا_جدران
#شمس_السعدي

----------------------------------------------
"ثم قست قلوبكم من بعد ذلك فهي كالحجارة او أشد قوة .. "
-----------------------------------------------
حجالي فيصل عن روحتهم الامي ودموعي تجري تمنيت بذيج اللحظة اني وياهم ..
حضنته بلا وعي وشكرته ..
" الله يطيك فيصل عبن فرحتوا امي "
ضربني بجتفي ..
" ولج غير امي هي جا غريبة وتشكريني "
دخلت عمتي سمرة ..
" ياهي امك .. شني تشوفها انت وين لگيتها ؟؟"
بقيت صافنة بوجههة متوترة مااعرف سمعتنا يو لا ..
سبقني فيصل بالرد ..
" وين اشوفنها بس جاي نحجي عليها اشتاقينالها "
ردت ..
" من اشتاقلك البين ان شاء الله .. اذا سمعت هيج تحجي اخلي جدك يطيح حظك امشي الجدك يريدك يله مكان ماگاعد تثرد سوالف هنا .. "
غمزلي وطلع ..
اخذت نفس شوية ..
طلعت وراه وهي تدردم ..
" امه اليسمعه يگول جابته .. امدا حظج يسمرة عبن مامش فرخ اعله گلبج .. هو بس عيد وخذاه الموت سودة عليه "
خفت من سألتنا احس دمي نشف ..
گعدت بالگاع ارتاح ..
دخل درع گمت بساع ..
صار يتلفت ..
اتقرب يمي ..
" گالج فيصل ؟"
هزيت راسي .. يطيكم العافية عبن فرحتوها ..
ابتسم ..
" لاتشكريني يول هي مثل امي شبيج انتي .. اصلا من دحكت بيها اهاجس شعور حلو جثير .. بس شكلها ماعجبني .. ضعفانة "
اتنهدت ..
" حقها كلنا فارگناها وضلت وحدها "
رد ..
" ردت اخذها معاي وماقبلت "
رديت ..
" مستحيل تبعد عنا .. امي واعرفها .. "
خفت احد يسمعنا ردت اغير الموضوع ..
" اسويلك شي تاكله خاف جوعان "
رد :
" اكل امج شبعني مااشتهي بعد گوة كضبت روحي مااكل الكدر كلو من لذتو نفسها طيب بالاكل "
اتنهد :
" هنيالك لان اكلت اكلها من زمان واني مشتاقته اكل اكلها واحضنها واشمها "
ضاج وانقهر ..
" يجمعكم الله بس انتي ليش باقيه هين بعد مامات عيد اخذي بنتك وروحي يمها وعلي مستعد يتكفل بيكم وهو بعدو رايدك "
رديت ..
" درع ماتعرفهم شنو لو طلعت ياخذون بنتي مايخلوها عندي "
استغفر ربه ..
" تحبين اتدخل او اخلي جدي يتدخل "
هزيت راسي ..
" مااضن يفيد وياهم خاف يشدون بالزايد عليه "
دخلت عمتي مهجة ..
درت وجهي عنها سويت روحي اشتغل ..
سألته ..
" شعدك هنا امشي يم جدتك وباجر من الصبح گول الابوك نمشي كافي "
رد ..
" ليش هيج معصبة وتزكحين بيه اني مو صغير يمه "
ردت ..
" مو دخلت جامعه وراح تصير مهندس عود كبرت عليه"
رد ..
" استغفر الله يمه ما هيج الحجي بس… ."
قاطعته ..
" امشي هسا بعدين نحجي "
رد :
" ماامشي تا احجي وي رحمة "
ردت ..
" وشعدك وياها حجي اگلك امشي "
رد ..
" بت خالي ليش مااحجي وياها "
اشرتله يروح ..
اتنهد وطلع من غير مايحجي كلمة ..
اتقربت عليه ..
" انه اعلمج تتعمدين مووو"
سكتت عنها ..
بقيت بالمطبخ لو بغرفتي يم ماسة لين كملنا العشا وغسلت الماعين ونظفت وغسلت ملابس ضليت لليل وحدي ..
اجه فيصل ..
" رحوم نريد جاي حبابه "
سألته ..
" منو انتو ؟"
رد ..
" اني ودرع وعلي "
سويتلهم وبقيت ناطرة يجي ياخذه فيصل ..
صبيته واخذته الهم بالباب ..
دگيت الباب فتحها درع ..
وعلي صار گبالي توترت .. من زمان ماشايفته ..
بقت عيونه تحجي .. جنت اقنع روحي واگول نسيت بس گلبي صار مثل الناي يعزف وكت ماشافه ..
ابتسم درع ..
" ها يول ماتكولين نسيتو ونساني .. وريتو كلبي ور واني اقنع بيكم "
انطيته الصينية وردت امشي ..
همس علي ..
" رحمة اوگفي "
عاينت على البيت ورديت ..
" ها علي اريد ادخل لايشوفني احد "
رد ..
" انه مستعد احارب واخذج انتي مستعدة ؟؟ بعدج رايدتني ؟"
اتنهدت ودخلت ..
ماعرفت شني احجي يو ارد ..
خايفه اطيه وعد مثل گبل واخلفه .. گلتله مانتفارگ وتفارگنا ..
وخايفه هالحرب تخسرني بنتي .. وانه اهون عليه اخسره ومااخسر بنتي .
فتت للغرفة گبل ونمت ..
للصبح سمعت هوسة بقيت نايمة ماگمت .. اعرفهم راح يمشون وهم اصلا مايتريگون من الصبح بالطريق ياكلون ..
سمعتهم يودعون .
واخر شي درع گالهم ..
" سلمولي على رحمة وبوسولي ماسة "
عرفته يريد يسمعني..
ابتسمت وهمست .. " مودع بالله خوية توصلون بالسلامة "
بقيت كم يوم وانه افتر يو انظف واطبخ وحجي علي بأذاني ..
شوية واندگت الباب ..
سمعت اخت عمتي سمرة وامها جايات ..
رحبت بيهن عمتي سمرة ..
وصاحت " هدوة اجن امهاتج تعاي "
سويت جاي گبل لاتصيح عمتي سمرة ادري ماعندها غير رحمة بالبيت ..
سويت جاي ومشيت ..
سمعتهن يتطالبن ..
ردت عمتي سمرة ..
" يادية جا احنة شحجينا موش اتفاهمنا "
ردت ام هدوة ..
" خية انه بتي مكسورة خاطر وعدها ايتام شعدها ظاله هنا للخدمة "
ردت عمتي سمرة ..
" ومنهو گالج الخدمة.. الورد ماتجيسه هي بس لفروخها ماتحجين يهدوة "
ردت هدوة ..
" اي يمه صدگ ماعدي شي .. بعدين انه مااريد امشي واعوفن حجرتي بيها ريحة عيد .. وانه اريد فروخي يربون بوسط اهلهم "
ردت امها ..
" هذا موش حجي .. ابوج مايرضا وانتي صرتي غريبه بعد ماراح رجلج .. "
ردت هدوة ..
" شبيه غريبة خالتي يمي وعمي مامقصرين عني "
التفتت امها العمتي وحجت ..
" مالي شغل بحجي هدوة انتي تعرفين ابوها مايرضى ياتسوين الگلتي عليه ياناخذها يمنا "
سألت هدوة ..
" شني قصدج يمه "
ردت عليها ..
" مالج شغل انت .. الاسويه كله علمودج انتي وولدج مااريدكم تتشردون "
ردت ..
" وين مشردين شبيج يمه "
ردت عليها ..
" اليوم اعزاز باجر محد بحالج انتي وياهم .. محد يدوم للاخر بهالوكت .. "
كامت ام هدوة ومارضت تشرب حتى الجاي واخذت عمتي على جهة وتحجي وياها ..
ودور اخذت هدوة وطبت للغرفة ..
سمعت صوت هدوة تحجي وماراضية وامها تحجي عليها ..
طلعت منيرة وحمدية على اصواتهن ..
" شكو ذني شبيهن ؟"
ردت عمتي..
" هااا امها اجت تاخذها وهي ماترضى "
ردت حمدية ..
" ماتمشي وياها بعد شعدها ضالة هنا رجلها ومات شني ضلتها "
تعصبت عمتي سمرة ..
" وانتي شلج شغل گاعدة بحوشج .. فروخ عيد يتربون هنا حالهم من حال فروخج بجال جدهم وعمهم افتهمتي "
ردت حمدية ..
" بجال جدهم عمهم شله شغل .. كافي عليه ويلاده "
عفتهن يتطالبن ومشيت ..
لليل ..
اجه عمي حطاب ورحيم اخذتهم عمتي سمرة ودخلت للغرفة ..
بقوا فترة طويله بين ماكملنا العشا وتعشوا ..
طلعت تبتسم وصاحت ..
" يله وينكم تعالوا الاكل مصبر .. هدوة يله يمه جيبي فروخج وتعاي اكلي ويانا "
استغربنا ..
هدوة من يوم المات عيد ماطلعت من غرفتها "
ردت هدوة ..
" لا عمة انه هنا اكل "
صاحتها ..
" تعاي عمج يزعل يو مااجيتي "
طلعت هي وولدها..
گعدت على السفرة توكل بيهم ..
حجت عمتي سمرة ..
" رحيم يمه ناوش هدوة الماعون من يمك ماكو يمها بتيتة "
اخذ الماعون وصارت عينه بعين هدوة دنگت بساع واخذته ..
جنت حاسه انه عمتي سمرة بدت تنفذ مخططها الجانت تحجي بي هي وام هدوة گبل شهور ..
حمدية جانت تاكل وماتحس بشي ..
رحيم ماجانت بباله هدوة ابد .. ورغم كل المشاكل الصارت بينه وبين حمدية بس هو يحبها ومن النوع الماعندة سوالف نسوان وشرب مثل عيد ..
بس استغربت من شفت نظراته بين الحين والاخر اتجاه هدوة .. وهي كلما تصد عينها بعينه تتغير ملامحها ..
قهرتني حمدية حيل .. مااعرف لو عرفت شيصير بيها وهي مريضه وكل فترة تطيح ..
اصعب شعور انه يشاركك احد بحبيبك وشريك حياتك ..
ببداية الامر ماجان هالشي لا ببال هدوة ولا ببال رحيم
بس بعد ماامها وعمتي زرعن هالشي بداخلهم ..
صار بينهم توتر ..
يعني من يتقابلون وجه بوجه گبل عادي ماكو اي توتر او نظرات ..
هسا من يلتقون يتوترون وواحد يبتعد عن الثاني ..
حتى يثيرون الشك بتصرفاتهم ..
بدأت هدوة تطلع وتشتغل ويانا .. وطلعت من الغرفة الحابسة نفسها وطبعا كل هذا بسبب عمتي ..
تصيحها تنظف وتشتغل ..
الشتا على الابواب وبطبعهم الزوالي تنغسل قبل الفرش
طلعنا الزوالي ..
گالت عمتي ..
" هدوة امشي اغسليهن انت وبنات منيرة وعود رحيم يجي يشيلهن "
جنت بالمطبخ اشتغل وهن يغسلهن يمي ورى الحوش ..
شوية واجه رحيم ..
جانت هدوة شايله هدومها وتغسل ..
جان يعاين عليها بنظرات غريبة ..
سألته ..
" ها رحيم محتاج شي ؟"
رد ..
" هااا لا بس امي طرشتلي اشيل الزوالي وياهن "
رديت ..
" بعدهن مامكملات غير لمن يكملن وينشفن من الماي يله تشيلوهن "
رد ..
" هااا جا شمدريني غير امي گالت .. عافنا ومشى "
اتنهدت واتعجبت من تصرف عمتي.. ليش خلته يجي والبنية اصلا مو على ذمته ويشوفها بهيج منظر ..
وكأنه تريد تخليها تحلى بعينه ..
ويمكن نجحت انه تحرك مشاعره اتجاه هدوة بعد ماشفت نظراته ..
بس المخليني مستغربة شنو المسكت عمتي لسا ..
او يمكن تريد تقنع رحيم وهدوة يله ..
لان اعرف هدوة رافضة ..
مر شهر على السالفه ..
وقت حلول الشتا بدينا بفرش البيت كله ..
بهالفترة من كل سنة وقت بدأ المدارس .. اركان يروح وي عمي البغداد علمود يجهز للمدرسة ..
بوقت كان العراق في حصار اقتصادي وتعليمي وصحي ..
بهالفترة عانى العراق اسوء مرحلة بتاريخ العراق ..
بعد تقدم التعليم بفترة السبعينات والثمانينات ..
تدهور بصورة كبيرة مابعد التسعين . بسبب الحروب المتتالية وفرض الحصار على العراق ..
الناس صارت تفكر بعيشتها مو بالتعليم .. السلف كله بطلوا اولادهم من المدرسة ونزلوهم للشغل بالولاية ووين ماجان علمود العيشة ..
حتى عمي حطاب راد يبطل فيصل من المدرسه وجانت هالسنة سادس ..
بعد مارسب بسبب الصار والاحداث ..
جنت ارتب بالهدوم اجاني ..
" رحمة جدي يگلي بطل شتسوي بالدراسة يريدني اطلع للگاع .. "
رديت ..
" فيصل شهادتك سلاحك .. شوف علي شلون السلف كله يقدره ويحترمه لين محامي .. انت هم صير مثله وخله السلف يحبك .. بلا كلشي احنة محد يحبنا بسبب الصار العيد والعمي منهل سواه الهم .. بس علي يحبوه لان عرفوه وعاشروه وساعدهم هواي "
اتنهد ..
" جا اني زين اذا نجحت مو دور اجيب معدل "
رديت ..
" ميخالف روح معلم مدرس كلشي الجان .. "
اتنهد ..
" الله كريم بس خل اخلص من السادس وارتاح "
جنت اشجعه واريده يكمل مااريد يضل مثل اولاد السلف العافوا دراستهم علمود يشتغلون بالگيعان ويعاونون اهلهم .. لو مثل رضوان يتحسر على الدراسة
وجان يشوف علي وينقهر ..
اركان بسنة 1991 .. بالاعدادية ..
عمي منهل فرحان بي .. طموحه يريده يصير ضابط .
راحوا هو وعمتي بثينة وحاروا شني اشتروله ..
بالوكت الجان فيصل حسرته على الحذاء سودة عليه
رغم خيرات الله عدهم بس مايطوه .. والجان يجمعهن يصرفهن عليه اني وماسه لو ياخذهن الامي ..
ومايهون يشتري حذاء الروحه ..
قبل لايروح اركان البغداد ..
صحته يمي بالغرفة ..
اجاني بساع ..
" ها رحمة تردين شي اجيبه وياي الج انتي وماسة ؟"
رديت ..
" لا مو الي بس اريدك تجيبلي حذاء حلوة الفيصل "
طلعت فلوس مجمعتهن من جيبي ..
" وهاك ذني مااعرف يكفن يو لا هي بيش الحذاء ؟"
سأل ..
" وانتي ليش تشتريله ماعده اهل يشتروله "
رديت ..
" انت ناسي هو يتيم منيله اهل .. وعمي حطاب مايطيه فلوس والعده يصرفهن عليه اني وماسه يعني ذني فلوسه مو فلوسي "
اتنهد ..
" رجعي فلوسج انه اجيبله من عندي "
رديت ..
" لا ماياخذ لو عرف منك اعرفه ماياخذ من احد بس اني لا ياخذ مني عادي "
اتنهد وسألني ..
" رحمة انتي تعرفيني بكثر ماتعرفيه ؟"
عاينت عليه مستغربة..
" وليش مااعرفك انت روحي واخوي .. بس هو ماعده احد غيري كلهم باعديه عنهم .. ووين يروح يجي يحجيلي واحجيله .. اما انت . فماتجي الغرفتي الا صدف .. مايوم گعدت وياي هيج گعده .. لو وي ابوك ببغداد لو تجي بغرفتك على التلفزيون ماتطلع بعد "
اتنهد وگام ..
" انه رايح وعود اجيبله وگليله انتي الدفعتيهن لاتگليله مني .. "
هزيت راسي ..
سألني ..
" وانتي مامحتاجة شي ؟"
رديت ..
" لا حبيبي سلامتك "
سلم وطلع .. من رجع اول مااجه اجاني ..
جنت بالغرفة دگ الباب وفات ..
شافني ابتسم ..
" اجينا "
گمت ..
" هلا حبيبي تعال "
جانت بيده علاليگ ..
اطاني الاولى ..
" هاي حذاء فيصل .. امي مارضت اخذ بس اني غافلتها واشتريتله من الزينات والله "
طلعتها اعاين عليها حلوة كلش ..
ابتسمت .. " شكرا حبيبي ربي يوفقك "
مد ايديه بعلاگة ثانية ..
" هاي الج والماسه .. الجو بارد وماعدها هدوم جبتلها بلوزات وقبوط حلو عجبني وكالونات وحذاء . وانتي جبتلج دشداشة شتوية حلوة .."
طلعتهن اعاين عليهن كلش حلوات .
ماسه تخبلت عليهن وتهوس بيهن ..
اشرتلها ..
" روحي بوسي خالوا وگليله شكرا "
راحت باستها وگالتله شكرا حضنها ويبوس بيها ..
فرحت وانه اشوفه يتقرب النا .. جنت محتاجة احس بوجوده يمي ..
بس اعرف مستحيل عمتي بثينة تخليه ..
دخلت ..
" شتسوي هنا يمة صارلك ساعه .. تعال رتب هدومك الاشتريتهن . باجر تروح وي ابوك للاعدادية مالتك .. ومنا وغاد السايق ابوك خلاه الك ياخذك ويجيبك "
تحجي وتعاين عليه وكأنه تگلي شوفي العيشة الرفضتيها واختاريتي امج ..
يمكن صدگ لو مختارتها جان كلشي الاريده يصير مثل مااركان هسا .. بس الفرق حنان امي وحبها وطيبتها مايعوضها احد ..
راضية اتعذب واجوع وكلشي يصير بيه بس كون ارجع الحضنها من جديد ..
گام اركان وياها ..
بقيت اعاين على الهدوم الجابهن اركان .. وماسه خبلتني تريد تلبسهن ..
لبستهن الها وهي تضحك وفرحانة ..
دخل فيصل ..
" شنو هاي الحلوة شطالعه اليوم "
رديت ..
" تعال شوف هالحذاء تصير عليك يو لا ؟"
شافها ابتسم ..
" شنو هاي منيلج "
رديت..
" جبتها هدية الاخوية شني مايصير ؟"
رد ..
" لا يصير بس انتي منيلج وماتطلعين ولاتمشين منين جبتيها "
رديت ..
" وصيت اركان جابها من بغداد "
هز راسه ..
" يعني هو الجابها موش انتي .. مااريدها "
رديت ..
" شبيك مو منه مني اني وصيته يجيبلك لان ماعدي احد يجيبلي وردت اسويلك مفاجأة وانت راح تداوم ووراك جامعه السنة الجاية تفيدك هم "
رد ..
" احجي الصدگ منج لو منه ؟"
رديت ..
" مني شبيك "
رد ..
" انتي ماتجذبين وخاصة اذا گلتلج بداعتي "
رديت ..
" انت ليش هيج تتحسس اعرفك مو هيج.. والله انطيته ومارضا ياخذ لان اخته .. اركان حباب بس عمتي بثينة ماتخليه يختلط بينا الهيج مبتعد "
رد ..
" لا متكبر مو مثلنا ويستنكف ماشايفته شلون يعاين عليه تكول هو ابن وزير واحنه خدم عده "
اتنهدت ..
رد ..
" ادري بيج تضوجين جيف هو اخوج بس انه مااكرهة ابد والله بس اضوج من تصرفاته وياي "
رديت ..
" انت هم اخوي واعرف اركان عده اخطاء هواي بس مو صوجه صوج الربوه "
رد ..
" احجي وياه وفضيها خل يعرف هو ابن منو وامي هم ترتاح "
رديت ..
" مااريد اكرر نفس الغلط .. واصلا اركان يعرف عمتي بثينة مو امه . لان سمعنا مرة نحجي .. بس يكابر لان يستنكف من امي مايردون يصيحوله ابن الفصلية مثلي الهيج جان يكلي عوفيها وتعاي يمنا .. اركان طبعه غير طبعنا تعلم على الراحة والدلال ومستحيل يخسر هالشي "
رد :
" هسا عوفينا منه .. هالحذاء مااگدر اخذها "
سألته ..
" يعني ماتاخذ هديتي ؟"
رد ..
" لو جايبتلي نعال لاستيك اخذه بس هاي .. مو ماتعرفين باجر يعيرني بيها "
رديت ..
" لا مايعيرك راح اطيه الفلوس العدي واگله بمكان الحذاء .. بس اخذها الخاطري "
عاين عليه وحضني ..
" الله مايحرمني منج كون "
رديت ..
" يله كافي گوم البسها خل اشوفها عليك "
گام لبسها وفرحان بيها .. ويسأل ماسه ..
" ها خالو حلوة "
تهز راسها ..
" اي حلوة واني هم حلوة وتفر بهدومها اله "
اعاين عليهم وهم فرحانين واتنهد على القدر الجمعنا بنفس المصير ..
فيصل من بعد هاليوم كل اليحصله يطيني .. اعرف قصده يسدد فلوس الحذاء الاطيتهن الاركان بس بغير طريقه ..
اركان مارضا اصلا ياخذهن وزعل .. بس ماگدرت اگول الفيصل مااخذهن خفت مايلبسها ..
گمت اجمعله .. شكد مايطيني اضمهن اله ..
بالمدارس جان عمي يطيه ..
هو مايصرف يجيبهن يطيهن الي ..
ومرات يطلع يشتغل وياهم بورى الدوام والعطل وهم يطيه ..
ياخذ الامي اليگدرله لان يگول امي شغلها واگف وضاله على الخبز تخبز للعالم .. وهم ماتگدر من عيونها يحرگنها قهرني عليها وبجيت ..
امي جن مامقسوملها ترتاح بهالدنيا ..
رد فيصل ..
" لاتبجين كافي والله مااخليها لو اعرف ادرس واشتغل وعلي هم مايقصر عنها "
رديت ..
" لهذا الوضع منين الكم انت دراستك ودوامك وهم تريد وعلي هم امه واخته وكراويه للولاية يمشي "
جاي نحجي سمعنا هوسة ..
طفر فيصل من مكانه..
" علگت بعلي "
طلعنا جانت حمدية تفرفح وتتعارك وي هدوة ..
" ام الزلم رجلج مات لفتي اعله رجلي .. شلون قنعتيه وخلتيه يريد يعقد عليج بحجة ولد اخوه ايتام "
ردت هدوة ..
" اني شلي شغل .. بحال رجلج اني .. بعد عيد مايحلالي رجال "
ردت عليها ..
" جا ياهو الخله الفكرة بعگله "
ردت عمتي سمرة ..
" انه الخليتها بباله .. يعقد اعله مرت اخوه ويلم ولده جا شني ترديني اشمرهم بالشارع "
ردت حمدية ..
" شمالهم بالشارع موش انتي وجدهم يمهم "
ردت عمتي سمرة ..
" اليوم عايشين باجر منو الهم وخاصه انتي تطرديهم بليلة ظلمة "
عمتي رضية من سمعت تسودنت ..
" هيج يسمرة تردين تنفگين بت اختج وتكسرين بخت بتي لو بتج اختج متعلمة تخرب بيوت "
ردت هدوة ..
" شني قصدج ؟"
ردت حمدية ..
" مثل مااخذتي عيد من رحمة تردين تاخذين رجلي مني "
ردت هدوة ..
" هو جان رايدني وهي الخذته مني والجان اعله رجلج مااريده شلي بي "
ردت عمتي سمرة ..
" لا بكيفج ولا بكيفها .. هاهي بعد قررنا يجي سيد يملجلكم "
صاحت حمدية ..
" والقران احرگ روحي وابليكم لو ملجتوا الهم عودن لمن اموت خل تاخذه "
بقت تلطم وتبجي لمن تخربطت ووگعت .. التمينا عليها نگعدها وهي ماكو فاقدة ..
وعمتي رضية .. تحجي وتدعي على عمتي سمرة ..
ومنيرة تگلها .. " گومي خيه متعودات بنات موحان اعله الشرج .. گومي لاولادج ياهو اليفيدج "
اجو عمي حطاب ورحيم شافوها متخربطة ..
دنگ رحيم يفرك بخشمها ويكعدها ..
صحت شافته ضلت تبجي ..
وتعاتبه ..
وهو حاضنها ويهدي بيها..
" مااوصللها والله بس املج عليها .. ولدها امانه اخوي وابوي طلب مااگدر اكسر حجايته "
ردت عمتي رضية ..
" ابوك الطلب لو امك الحية طلبت "
عاين عليها ..
" شني هالحجي عمه "
ردت عليه ..
" وعمامه التعمعمك ان شاء الله.. اذا بتي صارلها شي ماتخلصون مني كلكم "
بالگوة قنع حمدية بس ملجة مايتقربلها ..
وحمدية مخلصتها بجي ونوح ..
وهدوة جانت باردة صح رافضه بس اقتنعت من عمي حطاب هددها بولدها ..
وگالها لو رفضتي انتي ترحين لأهلج وولدج يضلون عندنا..
للعصر جابو الشيخ يملجلهم ..
هدوة طلعت بعبايتها .. ورحيم بالدشداشة..
ملجلهم وكملوا.. حمدية تخبلت وبس تصيح وتبجي ..
وكالتله يو وصلتلها احرگ روحي وهو حاضنها ويهدي بيها ..
هدوة من كملوا ملجة راحت الغرفتها..
وماطلعت بعد ..
بس اشتغلت الحرب بين عمتي رضية وعمتي سمرة
وكل شوية متكاونات ووحدة تعير الثانية ..
نسن البيت وكلشي ..
والتهن بالمشاكل .. حتى اني نسني .. لو اضل نايمة للظهر مايدرن بيه ..
اما حمدية ومنيرة اشتغلن حارس الهدوة من يجي رحيم للبيت مايخلنها تطلع للباب ..
وفيصل جان ناصب عليهن ..
بعز گعدتهن ومرتاحات لو ياكلن ..
صاح ..
" عمي رحيم اجه "
يتطافرن من مكانهم .. ويلگنه ماكو يضلن يحجن ويغلطن عليه ..
هدوة مارضت تنزع الاسود وتفك حزنها على عيد ..
وهالشي طمن حمدية انه بعدهي بذكر عيد وماتريد رحيم ..
بس رحيم الظاهر تحركت مشاعره اتجاه هدوة .. وصار يشوفها غير شكل وخاصه هي اصغر من حمدية بهواي
مرة من المرات بالليل ..
گعدت ماسه تبجي تريد ماي ..
طلعت من الغرفة اجيبلها ..
شفت رحيم طلع من غرفته وراح بأتجاه المطبخ ..
رحت للحب اجيبلها ماي ..
سمعت مهامس ..
اتقربت للمطبخ ..
جانت هدوة بالمطبخ وهو يحاول يتقربلها وهي تدفعه
" احنة مو هيج اتفاقنا يعني اني اقفل حجرتي صرت من وراك خاف تخش عليه "
رد عليها ..
" بس انتي مرتي هسا وحرام تمنعيني "
ردت عليه ..
" موش اتفقنا بس ملجه ماتوصلي "
رد ..
" جنت اعمى مااشوفن زين يوم الوافقت ورضيت بس من ملجت اعليج صرت اشوفج غير شكل .. صرت ولهان بيج "
ردت ..
" وحمدية ماخفت تعرف . انه مالي خلگ مشاكل وافقت علمود جهالي "
رد ..
" انتي بس انطيني الضوة الاخضر ومعليج بغيرج .. اعيشج ملكه .. مااجبرج ومااخلي واحد يحس علينا هسا .. بس اذا راضية لاتقفلين الباب . اذا لگيته مفتوح معناها انتي راضية تصيرين مرتي "
دفعته ..
" وخر لايشوفنا احد "
رجعت بسرعه على اطراف اصابعي للغرفة ..
وسديت الباب ..
مااعرف شنو الخلاني اراقب كل ليلة .. ردت اشوف هدوة تتحمل تبقى على ذكرى عيد يو لا ..
وبكل ليلة رحيم جان يفتح الباب مال غرفتها ويلگيه مقفول يضل يتلفت على الغرف ويرجع الغرفته ..
هدوة بدات تعدل بروحها .. وجن عجبها رحيم يركض وراها وتعلگه بيها ..
حمدية من تشوفها كل شوية تسبح وبالشتا تتسودن وتحجي عليها ..
جانت تلف الخاولي على راسها وتطلع شايله ثوبها وهذا يعاين عليها مامصدگ وهي تتماوع گدامه ..
وبنفس الليله بعد ماشلعت گلبه وعلگته بيها ..
طلع رحيم مثل عادته يجرب حظه .. فتح الباب انفتحت هالمرة ..
فتحها وضحك مامصدگ ..
بقى يتلفت منا ومنا ودخل ..
وماطلع للفجر ..
راح الغرفته وهي طلعت سبحت ورجعت الغرفتها ..
واستمر هالوضع كل ليلة يخلي حمدية تنام ويروح الحمدية من غير محد يحس..
جانت بالنهار تلبس اسود حتى ماتبين الاحد .. وبالليل تبدل وتعدل الرحيم بحيث خبلته وصار اول مايدخل البيت تصد عينه على غرفته ..
واذا مرت بالصدفة وهو ملتهي يحجي لو وي ابوه يعوف كلشي ويصد عليها ..
وهي ترمقه بنظره وابتسامه وتدخل ..
جنت اشوف كلشي ومااعرف شوكت تگب العيطة ..
بس القاهرني جان حمدية وهي متأكدة وواثقه برجلها
ومن تحجي تحجي بثقة وهي تغيض هدوة وتگلها ..
لو تكتلين روحج مايعاين عليج رجلي واثق بي ..
بس المعجبني ..
رحيم بعد الحرب تغير وجانت حمدية تشكي منه حتى جهال ماصار عدهم ومن عيرته وضربها براسها ..
هسا شلون يروح ويرجع الهدوة وطبيعي معقولة تعالج او مابي شي ويجذب ..
والصدمة الاكبر من بعد شهرين ..
هدوة اشرت الرحيم الظهر واخذته للغرفة وهم مو عوايدهم الظهر يلتقون ..
دخل وطلع احواله متخربطة ..
راح الغرفة امه ..
دور طلعت عمتي سمرة وياه ومشوا الغرفة هدوة ..
طلعت فرحانة ..
اشرتله وراح رحيم طلع ..
جاب الحبوبة واجه ..
من طلعت الحبوبة شافتها عمتي رضية ..
سألت ..
" شكو شتسوي الحبوبة هنا "
ردت عليها عمتي سمرة ..
" هااا ماكو شي بس هدوة مريضه "
سالتها ..
" شبيها ؟"
ردت عمتي ..
" مستبردة اضن "
عافتها ودخلت الغرفة هدوة ..
عيد من شاف عمتي رضية طلع الشارع بساع ..
بس عمتي رضية ماسكتت ..
لبست عباتها وطلعت ورى الحبوبة بحجة عدها شغل وهي مو عوايدها تطلع استغربنا ..
للمغرب اجه رحيم جانت ملامح الفرح بوجهة مامصدگ بعد كل هاي السنين راح يصير عنده طفل بعد ..
فرحان لدرجة مااهتم الحمدية وخوفه على زعلها ..
دخل الغرفة هدوة وسد الباب بس جانت حمدية ومنيرة بالمطبخ ماشافنه ..
انفتحت الباب اجه فيصل يركض ..
" رحمة رحمة عدي بشارة الج "
ضحكت ..
" بس لا على هدوة "
رد ..
" هدوة شني ؟ علي جنت وياه ورحنا الامي راح ياخذ وادم ويمشي يخطبج من اجدادي"
حسيت هالخبر صدمني اكثر من صدمة رحيم وهدوة لا بل هداني ..
بحيث گعدت بالگاع مامصدگة ..
" انت شتحجي ؟؟ وعمتي حورية شلون رضت ومنو يگول يوافقون "
رد فيصل ..
" ماگال الحبوبتي حورية خاف تخرب اعليه .. بس اخذ راي امي وهي الشجعته وگالتلي گللها .. تخلي ايدها بيد علي وماتعوفها بعد لو الدنيا كلها وگفت بوجههم "
اشيلك من خَيالي وتِرد مثل الشيب
كلما تنشلع تِكثر .……
----------------------------------------------
#يتبع…
( شمس السعدي )


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-03-21, 01:26 AM   #60

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


صباح الفل والياسمين احبتي ❤️
//// البارت التاسع والأربعـــون /////
#بيوت_بلا_جدران
#شمس_السعدي

----------------------------------------------
‏عندما تعشق الروح... تعبر كل الحدود .. وتختفي المسافات ..
فتتلاقى القلوب .. فالأرواح دائماً على موعد حتى لو فرقتهم الاقدار ..
حب البعيدين أصدق شعور ..
لأنه بلا لقاء ولا نظرات ..
مايجمعهم هو القلب ..
فالقلوب خُلِقت لتكون أوطانا ..
لا محطات يستريح فيهاالعابرون !!
---------------------------------------------------
‏إن الله يجمعنا بالطيبين دون سعي منا .. فالقلوب على نقائها تقع ..
من سمعت الخبر من فيصل انصدمت ..
علي شلون يخطي هيج خطوة وهو متأكد ماراح يوافقون ..
عمي منهل مستحيل يرضى من سالفة الشكوى بالمركز
ضاج من علي وعمي حطاب هم مااضن يوافق ..
بين لهفتي وحيرتي ..
دخلت عمتي رضية ..
دفرت الباب حيل وهي تصيح ..
" سميرة ولج سميرة ارتاحيتي من حبلتيها .. الله لايطيجن انتي وبت اختج عبن هدمتن بيت بتي "
اجت حمدية ومنيرة من المطبخ يتراكضن على صياح امهن ومايعرفن السالفه شني ..
طلعت عمتي سمرة ..
" شمالج خايبة وكت الاذان تجوعرين بصوتج شني الصار "
ردت عليها ..
" وين بت اختج ام الزلم مااتحملت يمر سنه اعله رجلها بسرعة طبگت اعله اخوه وخذته جوه اباطها "
سألتها حمدية ..
" يمه شني السالفة فهميني "
راحت عمتي رضية الباب غرفة هدوة تدگ بي ..
" اطلعي ام الزلم وينج.. شوكت نمتي وياه وحبلج لو متعودة انتي اعله الختلات مثل ماحبلج عيد گبل العرس اطلعي ام الحرام اطلعي "
انفتحت الباب طلع رحيم ووراه هدوة واگفه ..
" شكو شبيج عمة هدوة مرتي لا هو عيب ولاهو حرام"
تسودنت حمدية من شافتهم ..
" شتسوي رحيم يمها وبحجرتها .. ومن شوكت تمشيلها وشلون حبلتها وانت ماتخلف .. انت حتى نومة مالك خلگ الها شلون فهمني شلون "
صاح بيها..
" شني قصدج انه موش رجال .. مادام هدوة حبلت معناتها الصوج بيج مو بيه وانتي عمر خلصتي تعيريني وتلوميني اعله الجهال "
ردت حمدية بعصبية ..
" لا موش بيه الصوج.. بيك .. عبن جبتلك ولد واثنين بنات لو بيه جان ماخلفت .. بس اسأل هاي الوراك منين
جابته عبن هي متعلمة تحبل بالحرام "
تسودنت هدوة وگامت تصيح ..
" اني اشرف منج يالمعيوبة .. رجلج لو ماليه عينه ماجان اجاني .. ومثل ماانتي مرته انه هم بعد مرته والي حگوگ اعليه والبطني ابنه .. جيف انتي نايمة وهو يخلص الليل بحضني واعله فراشي "
ردتها منيرة ..
" قصدج اعله فراش عيد .. موش هذا عيد المايحلالج غيره .. شو حلالج رحيم وسحلتيه الحجرتج عبنج ام دودة وماتستحين "
صارن يتعاركن بيناتهن ..
وهجمت حمدية ومنيرة على هدوة رادن يكتلنها لو ما رحيم يحاميلها ويدخلها للغرفة جان طيحن الجاهل ..
صاح بيهن ..
" كافي بسجن .. التوصللها ماتلوم الا روحها . وانتي حمدية انه مامقصر عنج وراح تبقين مرتي وبت عمي وام جهالي بس اعقلي ولا تخليني اخرب وياج "
ردت عليه ..
" شتخرب بعد .. ماانت خنتني وقشمرتني .. گلتلي مااريدها عبن هي مرت اخوي جانت ومايطيني گلبي اوصلها .. بس انه مااگدر ارفض طلب ابوي وهم علمود فروخ اخوي .. تالي تخليني انام وتمشيلها تخلص الليل يمها وبفراش اخوك .. جان استحيت وانت تتختل بنصاص الليالي وتمشيلها "
صاح بيها ..
" كافي ولج حسج مااهيسه .. والسانج اگصه لو حجيتي وعليتي صوتج اعليه .. عودن گلت مااكسر بخاطرج هالضميت اعليج تاليج ماتستاهلين "
گامت تلطم حمدية وتدعي عليه ..
" ريتك بحرگة گلبي يرحيم انت وياها .. ماردت تكسر خاطري عگبيش لمن حبلتها .. ويمي جنت تبجي ظهري ورجلي ومفاصلي هسا عد هدوة صار بيك كل الحيل .. روحلها خل تفيدك ام الرجولة هم باجر عگبة تموت وتاخذ غيرك وتنساك .. وعودن اشبع بيها "
تخربطت ووگعت والتهينا بيها ..
دخل عمي حطاب وعمي منهل سألوا..
" شني الصاير ؟"
ردت عمتي سمرة وهي فرحانه ..
" ماكو شي ابو فرج .. بس هدوة طلعت حبله وحمدية انقهرت "
استغرب عمي حطاب ..
" منين حبلة ؟"
ضحكت عمتي سمرة ..
" ياشمالك يارجال شني منين غير من رحيم رجلها "
هز راسه ..
" هااا اي بالخير بس مو گال مااوصلها شوكت وصللها "
ضلت تتلعثم وتضحك ..
" والله عدك سوالف يحطاب غير رجلها وحلاله ومريته شني شوكت وصللها .. وبعدين بالاول والتالي يوصلها شمدرينا شوكت ؟"
جان رحيم واگف ..
ماباركله .. راح الحمدية ..
" گومي بوية گومي الحجرتج ارتاحي .. لاتقهرين روحج راح تضلين ام موسى ومريته الاولى وبنت عمه .. مو هيج رحيم "
حجاها بصوت عالي ..
رد رحيم ..
" هااا اي يابة والله انه گلتلها بس هي ماتسمع مني "
اشر عمي حطاب المنيرة والي ..
" اخذنها الحجرتها خلها ترتاح "
رحت وي منيرة گومتها للغرفه ..
عمي منهل ضل يحجي ..
" كافي كلما ندخل للحوش نلگيجن متكاونات ماتعبن ماتتهدن .. الزلم تجي لحواشها ترتاح احنه نلگي بس المشاكل والصياح همزين حوشنا جبير وماينسمع بي الحس جان فضحتنا بالسلف كله .. عود مسمايات بنات شيوخ .. "
هز ايده وراح وي عمتي بثينة الغرفتهم ..
دخلنا حمدية الغرفتها وطلعت .
امها ومنيرة يمها…
شافتني عمتي اشرتلي..
" امشي انتي وزهرة ونهاية وكافي زهبن العشا بساع الزلم جاعت "
رحت للمطبخ لگيتهن يحجن على هدوة وشلون قشمرت رحيم واخذته من حمدية ..
جانت زهرة تتنهد ..
" حظ العواهر جواهر .. عبنها عايبة گاعد حظها كل يوم معرسه .. والزلم تعاين الحلگها "
ضحكت نهايه ..
" يااااع هاي بت خالتج وهيج تحجين اعليها شني بس لاغرتي جيف هي عرست مرتين وانتي ظاله لاهيج ولاهيج ؟"
ردت زهرة بعصبية..
" وشني هاي واغار منها .. انه بت الشيخ حطاب والف واحد يتمناني .. ورضوان بحكم الميت يعني يصير اعرس يو ردت "
ضجت من گالت هيج ..
" اسم الله فال الله ولا فالج .. بيش طالبته ميت تف من حلگج ان شاء الله .. اخوي مابي شي يرجع لو بعد سنين "
هزت ايديها ..
" لو عايش صدگ جان اجه شمتاني بعد .. جان رجع فرج گبله هو الراح شيرده بعد "
ضجت حيل من حجيها الماسخ ماردت اطول حجي وياها ..
عفتها ومشيت لان اعرفها كلما تشوف وحدة عرست تضوج .. مدري اضوج عليها لو اضوج منها من تحجي على رضوان ..
كملت شغلي ودخلت للغرفة جانوا فيصل وماسة يلعبون ..
تنسى نفسها وياه من تشوفه .. ولان اسمة صعب عليها تصيحله " فيفص " من صغرها ومشت عليه بهالاسم شگد حاول ينسيها ماتنسى ..
ويگلها صيحيلي خالو ماترضى .. مصرة تسميه فيفص
عود فيصل ..
دخلت عاين عليه ..
" تعاي البتج هلكتني تريدني احملها اعله ظهري وافتر بيها "
ابتسمت ..
" اي لازم تتحمل جا بس خالها بالاسم "
رد :
" هسا ياريت معتبرتني خالها .. تصيحلي فسيفس مدري شني "
ضحكت على سوالفه ..
گعدت يمهم ..
اتنهد فيصل ..
" شلون اذا رحتي عني ياهو يضل الي بعد "
اتنهدت ..
" وانت مصدگ اطلع من هذا البيت .. احس هالبيت سجني وگبري اثنينهن سوية .. هن يومين التحررت منهن من رحت الامي وتالي رجعت لهنا مكسورة "
رد ..
" علي هالمرة مو مثل قبل مستعد يسوي كلشي اعله مودج "
رديت ..
" شحال ماتعرف اهلك شنو وشيسون العلي لو عاندهم .. اني اهون عليه ابقى بعيدة عنه ولا يروحي مني مثل رضوان ومااشوفه بعد "
سألني ..
" سمعتي امي شگالتلج ؟؟"
رديت ..
" هو هذا المخبلني .. امي تعرفهم اكثر من عندنا واتحملت ظلمهم كل هاي السنين علمود ماتخسرنا شلون هيج اقتنعت وايدت علي "
رد ..
" يمكن ماتريد يصير بيج الصار بيها ؟"
رديت ..
" شگد حاولت اكون قوية واواجههم وشگد وگفت بوجههم بس مايفيد .. بالاخير هدوا قوتي وضعفوني واخذوا كلشي حلو مني "
سألني ..
" يعني شني هسا ؟"
رديت ..
" حاجيه وگله لا يتعب نفسه مايوافقون .. خل يشوف حياته ومستقبله لاينتظرني "
صفن بوجهي مستغرب ..
" انتي شمالج من كل عقلج .. علي لو يريد يتزوج جان تزوج بس تدرين بي المن يريد .. اني تعلمن الوفا منه عبن لو اجه يوم وعشگت مثله .. اضحي بروحي واخذه ومااعوفنها ابد "
ضحكت ..
" هاي شوكت كبرت وهيج تحجي "
عقج حاجبه ..
" جا شني انه صغير .. ترى انتي اكبر مني بسنه خاف حسبالج انتي جبيرة وعدج بت عود اكبر مني بهواي "
ابتسمت ..
" هيج واشوفك تحب وتتزوج ويصير عدك جهال .. بس الاول انجح وادخل الجامعه وحب هناك التريدها "
احمرن خدوده واستحى ..
" يله اني امشي انام باجر عدي دوام "
باسني وباس ماسه وراح ينام ..
جنت افكر بحجيه وحجي علي ..
" اووووف يعلي وين راح يودينا عنادك بعد .. "
هناك صراع مابين قلبي وعقلي قلبي يريد وعقلي يرفض ..
ولايفك عقدة هذا الصراع الا القدر ..
عقلي يريدني ابتعد عنه واحافظ عليه من الضياع والخسارة ..
وقلبي يريدني اتقرب وانسى كل الحواجز واتحدى كل الظروف ..
لكن يبقى القدر الوحيد الي راح ينهي هذا الصراع ويخلي نقطة النهاية الحياتنا اني وياه ..
والجنت خايفة منه صار ..
ثاني يوم راح علي العمامي وخطبني منهم ..
بس كان اول المعترضين عمي منهل ..
رافضه وگايله :
" ماعندي مرة الك بحوشي.. روح شوفلك مرة بغير حوش "
انقهر علي وجان متوقع يرضون وخاصه بعد ماعرف زوجوا رحيم المرت عيد الثانية ..
عمي حطاب مطلع نفسه من السالفه بحجة ..
" عمك هو الوصي عليها وبمكان ابوها اني مااگدر اتدخل والا انت ابني وبنت عيد انت اولى تربيها من الغريب "
هذا جان حجي عمي حطاب حتى يرضيه علمود ماتخرب علاقته بأخته بعد ماتصالحوا توهم بوفاة عيد
من اجه فيصل حجالي على الصار ..
رديت بيده جواب ..
"فيصل روح گله لايعاند خل ينساني ويشوف حياته وي غيري وحدة بنت بيت تستاهله وماتجيبله المشاكل مثلي "
صفن عليه :
" تحجين صدگ انتي ؟؟"
اتنهدت ..
" اي احجي صدگ .. عمي منهل اذا خلاه براسه مايرحمه وانت الگلتلي طارده وماراضي حتى يسمعه "
رد :
" بس علي مايستسلم گال اروح مرة واثنين وثلاثة لمن يمل ويطيني رحمة "
ابتسمت ..
" عمي منهل لو مل ينهي هالملل بطريقته يعني مايستسلم مثل ماعلي مفكر .. اني عايشه اكثر بهذا البيت واعرف كل واحد وطبعه وتفكيره "
گام فيصل طلع واني گلبي يتگطع احس كلمة تطلع تجرحلي گلبي يله تطلع .
جنت اگله خل ينساني وبداخلي ارفض واريد اصرخ واگلهم ..
" هذا عشگ طفولتي .. فتحت عيني على حبه ماجنت اعرف شني حب واهتمام ببيت كل حياتهم ظلم وحقد
ااااه ياعلي .. جن مقسوم تضل حلم حلو بحياتي ..
جنت اگله :
" في حلمي انت لي .. وفي واقعي انت حلمـي "
جان يضحك ويگلي ..
" وداعتج لأخلي كل هالاحلام حقيقة .. وراح تصيرين الي بحلمي وحقيقتي "
عاينت على الشباك والضباب البي..
گمت عليه تقربت ..
تذكرت ذيج الليلة ..
من تقرب بفانوسه .. جنت مااشوف شي بس ضوة الفانوس ..
اتقرب على الشباك ونفخ عليه بخار من حلگه ..
وكتبلي كلمتين .
مافهمتهن لمن عاينت عليهن زين .. جان كاتب
( انت الي ) ..
بقيت اتلمس الشباك واتذكر شلون ايدي لزمت اديه على الشباك وتعاهدنا ..
كل العهود والوعود انكسرت غصب عنا .. جبرونا نتفارگ وهسا يردون ينهون هالحب البداخلنا بأي طريقه ..
نفضت عقلي من ذكرياتي وطلعت من الغرفة ..
المعارك طاحنة ومستمرة بين هدوة وحمدية ..
وبين عمتي سمرة وعمتي رضية ..
هدوة جانت تخاف لايطيحن الجاهل منها ..
من رحيم بره البيت ماتطلع من غرفتها ومن يجي تضل تتماوع عليه لمن تاخذه يمها وتخلي حمدية تموت قهر وحرگه ..
خاصه بعد مانزعت الاسود وبدأت تگص وتلبس وتعدل بروحها ..
رحيم البخيل الماجان ينطي الحمدية فلس ..
وامها جانت تنطيها تشتري الها والجهالها .. يو تاخذ بالدين من الدلالة وتناوشها وبالمشاكل يله يطيها كل شهر ومايكفن ..
بس بعد مااتزوج هدوة تغير .. شتگله يطيها وشني تريد يجيبلها ..
هالشي ضوج حمدية وصارت تطالبه شيجيب الهدوة يجيبلها .. وشيجيب الجهال هدوة يجيب الجهالها ..
من اشوفهن يتعاركن ..
اسحب روحي وامشي للمطبخ اضل اشتغل يو ارجع للغرفة ومااطلع منها ..
لان مالي خلگ مشاكلهن وبالاخير تتخربط حمدية ونلتهي بيها ..
لليل اجه فيصل واني بالمطبخ ..
ومثل عادته يمر للغرفه مايلگاني يجيني للمطبخ دوم هيج مايفارگني..
دخل وضل يتلفت يمنى ويسرى ..
" رحمة رحمة "
ضحكت عليه ..
" شبيك ماتحجي بصوت عالي "
رد بهمس ..
" مااگدر خافن يسمعوني "
ضحكت واحجي بهمس نفسه ..
" شيسمعوك شني تريد تحجي ؟"
رد بهمس ..
" علي يرديج وره البيت يحاجيج بالليل '"
اختفت الابتسامة فجأة ..
" شيريد لايجيبلي بلوة انت گلتله على الحجي الگلتلك بي "
هز راسه ..
" اي گلتله ومن سمعني تعصب وگالي خلها تجي ورة الحوش بالليل وخلها تحجي هالحجي بوجهي وانه اريد عليها "
استغربت ..
" شيريد مني .. روح گله مااگدر اجي "
رد ..
" اگلج شوفيه شيريد وفضينا موش مخليني ساعي بريد بينكم .. ولا عبالك اخوج مامخليلي احترام . ماشايف واحد يگل الاخو اليحبها خل تجي اختك الورة الحوش احجي وياها "
ضحكت ..
" اني لو انت حاط روحك گلتلك گله ماتجي وفضها "
هز ايديه وراح ..
دخل بلبل..
" رحمة رحمة جوعان جوعان اريد اكل اكل "
عاينت عليه وجهة اصفر وشحاله يرجف خطية ..
محد يذكره خطية لو هو يذكر روحه ويجي ياكل الموجود لو محد يذكره ..
عمتي بثينة من اجه اركان نسته وماتدري بي اكل لو شرب .. بردان لو دفيان .. كم مرة الناس تلگيه واگع بالگاع ومتخربط بالشارع ومحد مهتم وياخذه الطبيب يشوف شني بي ..
صبيتله وانطيته خبز .. تربع وگعد ياكل ..
رفع راسه ..
" وين مرة مرة وينها ؟"
اتنهدت ..
" ماهي راحت "
رد ..
" وين راحت وين راحت خل تجي انه احبها احبها بس الشيخة مااطتني مرة اطتني جوري الخبله الخبله ..
جوري رادت تكتلني تكتلني اني اخاف منها اخاف منها
هي ماتت ماتت بس تبجي خطية تبجي "
سألته ..
" ليش تبجي "
هز جتفه ..
" ماادري ماادري .. تجيني بالحلم تبجي تبجي واني اخاف اخاف عبن تركض وراي تخوفني تريد تسودني تسودني مثلها "
حان كلامه مامترابط وماينفهم .. بس حالته زايده عن قبل .. من جنت صغيرة اتذكره يلعب ويانا زين يفهم وعقله براسه هسا احسه غريب .. مااعرف شبي "
اكل وكمل وگام ..
نظفت المطبخ وكملته ورحت للغرفه ..
نومت ماسه وبقيت اتگلب .. مااعرف انام .. التفكير طير النوم من عيني ..
وحايرة بين اگوم .. لا مااگوم .. اروح اشوفه شيريد ؟؟
لا خاف يشوفوه ويكتلوه "
حسبه ورى حسبه لين صار نص الليل مااتحملت گمت بعد ..
بقيت ماسه نايمة غطيتها وطلعت الجو جان باردة لافه روحي والخوف كاتلني ..
عيني على بيبان الغرفة كلها .. خاف واحد يطلع ويشوفني ..
رحت بجهة المطبخ عاينت ماكو احد ..
بقيت بالمطبخ گاعده ..
تالي يأست ..
وضجت من تصرفي .. من كل عقلي ناطرة هنا يجي علي يطفر مثل الحرامية واجيب سمعه البتي ..
جا اني اعيب اعله هدوة واصير مثلها ..
گمت سمعت صوت ضليت واگفه ..
شوية وطلعت لگيته واگف وناطر ..
همست ..
" علي شجابك روح لا يشوفك واحد وتصيرلي سالفه "
رد..
" اجيت احجي وياج "
رديت ..
" بس اني مااريد احجي روح يله بساع "
رد ..
" اذا ماتردين تحجين وياي شعدج جايه لهنا ماضليتي بحجرتج "
بقيت صافنه مااعرف شني ارد ..
اشرلي ..
" تعاي شوية مانتأخر "
اتقربت وخايفه لا يشوفنا احد ..
" شتريد علي احجي بساع "
رد : شتي هالحجي الموصلته بيد فيصل .. ردت ابتلي بي من حجة "
رديت ..
" وهو شله شغل خطية انه الگلتله امشي "
رد ..
" وانتي ليش هيج حجيتي "
رديت ..
" احسن الك والي .. كافي نتعذب لو انه من قسمتك جان صرتلك من زمان "
رد ..
" كل تأخيرة وبيها خيرة .. الله ماقسملنا قبل يقسملنا هسا شبيج انتِ ماادري بيج هيج ضعيفة "
رديت بعصبية ..
" مو ضعيفة بس خايفة "
سأل ..
" منين خايفه ؟"
رديت ..
" خايفه اخسرك مثل ماخسرت رضوان وامي قبلك .. راضية اتعذب ومااشوفك تضيع بسببي لو تروح وماترجع بعد "
همس بعصبية..
" وانتي شلج شغل .. حياتي وانه حر بيها اموت اعيش انتي شلج شغل .. ليش شلي بحياتي وانتي مابيها العمر مو بيد بني ادم .. كله بيد الله .. ولو الله كاتبلي اموت اموتن محد يمنع القدر ان جنت وياج او لا .."
شهگت ..
" اسم الله عليك لاتگول هيج .. عسا يومي گبل يومك"
ابتسم ..
" معناتها بعدج تحبيني .. جا ليش تكابرين "
رديت بيأس ..
" لان اعرف ماكو نتيجة وانت شفت خطبت ورفضك عمي منهل "
رد ..
" لو الف مرة اخطب ماامل .. واذا كلش اخذج واشرد منا ومن المحافظة كلها "
رديت..
" تحجي صدگ انت ؟"
رد ..
" اي احجي صدگ .. خلينا نمشي منا ونتزوج بعيد عنهم وغصب عنهم يرضون .. انتي ماكو شي يقيدج بعد وبلغتي محد اله عندج "
اتنهد ..
" ماتوقعت هيج تطلب مني جا انت ماتعرف انه مسجله بأسم عمي منهل ولو يريد يجيبني من سابع ارض .. وبنتي مااگدر اجازف بيها واخسرها .. ياخذوها مني لو سويتها ورحت وياك "
اتنهد وبقى يعاين عليه ساكت وانه ساكته ماكو حجي وحل النا.. خلينا عيونا هي التحجي بعد ماعجز اللسان
وتشعر أن شعورك يخرج من عينيك لأن داخلك لم يعد يتسع ..
تعبت من انفاسه واهاته الحاوطتني وسيطرت عليه ..
همست ..
" كافي علي روح .. روح لايشوفنا احد "
رد ..
" اوعديني ماتضعفين وتبقين وياي للاخير "
سألته ..
" ماتتعب ؟"
رد :
" ابد "
سألته :
" برغم زواجي من عيد وماسه بيناتنا وانت تريدني "
اتنهد :
" لان حبيتج بگلبي والخذاج مني الله يرحمه بس ماابريله الذمة عبن حرمني منج .. اما ماسه مااعتبرها بت عيد بكثر مااعتبرها قطعه منج وروح انولدت من روحج انتي.. وبتي بالمستقبل "
ابتسمت وانه اسمع كلامه ..
سمعت صوت فزيت واشرتله يروح بساع..
طفر من الحايط وراح .. رجعت للمطبخ سويت روحي اخذ گلاص وامشي اشرب ماي من الحب ..
صارت بوجهي عمتي بثينة فززتني ..
سألت ..
" شبيج خايفه ؟"
رديت ..
" مابيه بس ماشفتج وخفت حسبالي شو شنو "
هزت ايديها وراحت للمطبخ ..
رجعت للغرفة ركض وبيدي كلاص الماي ..
رغم باردة بس احس وجهي نار صار ..
اخذت من الماي البيدي وغسلت وجهي ..
حسيت روحي رجعت مراهقة بأول حبنا قبل ..
اخذت ماسه الحضني واتذكر كلامه ..
شميتها وابتسم .. تذكرت من يگول ماسه انخلقت من روحج وقطعه منج .. اوووووف لو انت ابوها .. يمكن صارت اسعد بنيه بالدنيا ..
بقيت افكر بحياتي وحياة ماسة ..
بنتي لو بقت هنا تنظلم مثل ماانظلمت اني وامي ..
شلون جنت غافله عنها والخوف مسيطر عليه ..
مااريد بنتي تعيش العشته اني .. بس شلون راح اخلص ومنو يگول عمي منهل يتنازل ويوافق بيوم ..
حرت بيمن افكر..
بروحي لو افكر بأمي الصار شهور ماشايفته وگلبي نار عليها ..
ثاني يوم مااتحملت وصيت فيصل يخليها تجيني بحجة الروبة حتى لو مارادوا خل تجي هي وزينب ..
لان زينب تگدر تلهيهن بسوالفها ..
رد ..
" من كل عقلج امي تفتر بالشوارع علمود تبيع وتتعب وهو منهو يشتري مثل گبل .. دور مخليتلها بنيه برصه وتفتر بيها بالشوارع والعيون عليها "
ضحكت ..
" شني تغار عليها "
سألني ..
" ياهي ؟"
رديت ..
" زينب قابل امي "
تعصب ..
" شني هالحجي .. شني اغار عليها وبعدين هي طفله بعدهي "
رديت ..
" شني طفله عمرها 13 مدري 14 منا لمن تكمل جامعة هي بالغه وكبرانه "
گام بساع ..
" انتي ترديلج سالفه تحجين بيها شمالي افكر بهاي ام السان لو تضل بس هي ماافكر بيها موش اعله مرامي .. فكري بروحج انتي حجيتي وي علي ؟"
اتنهدت ..
" اممممممم خو گول اريدن اغير الحجي.. اي رحتله وحجينا "
سأل ..
" وشگلتيله ؟"
رديت ..
" مارديت اجت عمتي بثينة وراح "
سألني ..
" وشني ردج اله "
اتنهدت ..
" اي اريده .. "
صفن بوجهي ..
" شگلتي ؟"
ضحكت ..
" اي اريده شبيك .. بس شلون وكلها رافضه .. امه وعمي والناس كلها ضدنا "
رد ..
" علي سبع معليج هو يدبرها گال لو اعرف اجيب شيوخ الدنيا كلها . اخذها يعني اخذها "
ابتسمت واني متوترة بعد مابدأ الامل يتخلخل بداخلي وانزرع الشوگ من جديد بيه ..
خايفه يخيب هالامل من جديد واخسر عمري بالامل والانتظار ..
انفتحت الباب بسرعه وبدون متندگ ..
فزيت من مكاني..
" عمة حورية هلا تعاي تفضلي "
صاحت ..
" لا هلا بيج مااريد اتفضل .. اسمعي ولج فكي عن ابني لااراويج حورية شني من صدگ .. الا ابني خط احمر اليوصله احرگ الاخضر واليابس .. واذا صار شي الابني بسببج اموتنج بيدي "
حجت وغلطت وصيحت واني ساكته ..
راد يرد فيصل .. اشرتله يسكت ..
التمن كلهن علينا ويسألن شكو ؟؟
التفتت عمتي حورية عليهن ..
" ابعدن رحمة عن ابني مااريد اخذ من ترثت الشيخة واولادها كافي السويتوه بيه لحد اليوم .. اخذت ابني وهجيت وماخلصت منكم بعد وين اخذه وامشي وين اروحن وخلص فهموني "
فرفحت وطلعت ..
عاينت عليه عمتي سمرة ..
" شني ولج صدگ علي رايدج من جديد "
رد فيصل ..
" اي وخطبها من جدي منهل البارحة "
ردت ..
" شو ماگالي حطاب .. هذا يحلم وحده انه انطيه مرت عيد وبنته بعد السواه بعيد "
رديت ..
" انه مو مرت عيد .. ولا يوم ردته .. مو كافي ضيعتو عمري وياه وهو لا اهتم بيه ولا ببنته "
صاحت بيه ..
" وانتي ماصدگتي مات وفلفلتي اعله العرس "
ضحكت ..
" والله مو وحد عن هدوة .. مو هالزوجتيها وحبلت وهي جان عيد مو بس رجلها لا وعن حب خذته "
ايدتني حمدية بهالحجي ..
" اي صدگ ماتخليها تعرس وتشوف حياتها لو بس حلال اعله بت اختج "
ردت منيرة ..
" شني يعمه اخذتي بنات موحان وليه .. وفوكاها تجيبين شرايج اعليهن .. عاد وحدة من عندنا ترتاح بحياتها . واذا ماترديها تعرس خل رحيم يطلگ هدوة وتذب الببطنها "
اول مرة اشوفهن يدافعلي .. صح علمود ياخذن حقهن منها بسبب السوته بيهن .. بس هالشي فرحني ..
عمتي سمرة بقت تصيح وتحجي وتالي مشت الغرفتها وزهرة مناك تفرفح ..
" الله يرضاها انخطبنا سوة وتالي هي تعرس مرتين وانه ضاله هيج "
ردت عليها امها ..
" انه اخلي ابوج يستشرع ويشوف .. واذا مو حرام الا ازوجج شيخ واكسر خشومهن "
همس فيصل ..
" هيج صيري لاتسكتين عن حگج "
جانت عمتي بثينة تعاين عليه من غرفتها دور دخلت يم اركان ..
رحت اشوف الشيخة ..
جانت تصيح وتسأل شكو .. گلتلها كلشي ماكو ..
ادور سألت عن ماسه ..
گلتلها بعدهي نايمة سكتت ..
عفتها وطلعت صارت بوجهي عمتي بثينة ..
اشرتلي امشي وياها للغرفة ..
رحت وراها ..
سألتني :
" انتي تردين علي يو لا "
استغربت ..
" ليش سألتي ؟"
ردت ..
" ترديه يو لا احجي "
هزيت راسي ..
ردت ..
" انه اخلي منهل يوافق عليه بس بشرط "
سألت ..
" شنو هالشرط "
ردت ..
" تاخذيه وتمشين من السلف كله ماتضلين هنا انتي وبنتج "
بقيت ساكته مااعرف شحجي ..
رديت ..
" واذا مارضا علي .. ولو فرضنا رضا .. وماسه خاف ياخذوها مني عمي وعمتي اذا طلعت "
ردت ..
" معليج بيهم كلشي بيد منهل .. محد ياخذها لو هو مارضا .. بس بقت تقنعيه وتتفقين وياه وتگليلي وانه اخلي منهل يوافق "
طلعت منها مصدومة .. مااعرف اوافق يو لا .. لو علي معقوله يعوف السلف ..
بعد شعدنا بالسلف .. اخذ امي ونمشي منا ..
بقيت افكر لان ماعندي ثقه بعمتي بثينة ومااعرف شني ورى شرطها هذا وليش قررت تساعدني ؟؟
مرت الايام وكلشي ماكو ..
لا شفت علي بعد ولا فيصل يدري وينه ..
كلما اسأله وين علي .. اريد احجي وياه بشغله ..
يگلي ..
" ماهو يمكن ببغداد تكول عمتي عنده شغل "
انقهرت واني اشوف تهاونه بعد مازرع الامل بداخلي وبعد حجي عمتي بثينة الزاد املي رغم مخاوفي ..
بس طلعت ظالمته لمن اجاني فيصل يركض ..
" رحمة رحمة "
طفرت ..
" شكو ؟"
رد ..
" علي "
شهگت ..
" شبي صارله شي ؟"
رد ..
" جاب شيوخ الغربية واجه .. جاب اهل درع وعمامه والشيخ علمود يخطبوج من جدي منهل "
ابتسمت واني فرحانه بحبه واصراره على الوفاء بوعده الي ..
اشتهيك وطنا كلما ضاقت بي الأرض ارحل إليك اشتهيك روحا لتكون معي دائما في ذلك الوطن اشتهيك قلبا ل نموت معا اشتهيك كل شيء لتكن معي في كل شيء ..
#يتبع…
( شمس السعدي )
حبايب تگولون البارت قصير .. فهو اكثر من 3000 كلمة ومرات 4000 كلمة .. لان التنزيل يومي .
الكاتبات ينزلون 5000 كلمة او 6000 كلمة لان تنزيلهم بين يوم ويوم او كل يومين والثالث . فلا تقارنون كاتبة مع اخرى .
كل كاتبة والها ظروفها الخاصه اذا تردوه 6000 كلمة اسوي التنزيل بين يوم ويوم .. والقرار يرجعلكم محبتي لكم ❤️


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:59 AM



Powered by vBulletin®
Copyright ©2000 - 2024, vBulletin Solutions, Inc.