آخر 10 مشاركات
Kay Thorpe A MAN OF MEANS (الكاتـب : رومنسيات - )           »          Anna DePalo - His Black Sheep Bride (الكاتـب : soul-of-life - )           »          بين الماضي والحب *مميزة و مكتملة* (الكاتـب : lossil - )           »          دين العذراء (158) للكاتبة : Abby Green .. كاملة مع الروابط (الكاتـب : nagwa_ahmed5 - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          541 - ربيع صقلية - سالي وينتورث - ق.ع.د.ن ( تصوير جديد ) (الكاتـب : Gege86 - )           »          في غُمرة الوَجد و الجوى «ج١ سلسلة صولة في أتون الجوى»بقلم فاتن نبيه (الكاتـب : فاتن نبيه - )           »          أسيرة الثلاثمائة يوم *مكتملة * (الكاتـب : ملك علي - )           »          Married to a Greek tycoon by Lucy Monroe (الكاتـب : SHELL - )           »          الزواج الملكي (109) للكاتبة: فيونا هود_ستيوارت.... كاملة (الكاتـب : فراشه وردى - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 07-04-21, 09:38 AM   #71

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




صباح الورد احبتـي ❤️
//// البارت اربع وخمسـون /////
#بيوت_بلا_جدران
#شمس_السعدي

----------------------------------------------
‏‏ردنا نحلم .. گالـوا انتم عاشگــين !!
شعاشگيــن ؟
احنـة اصلا تايهيـن وضايعيـن ..
وركـد فوگ عيونا تراب السنين ..
-----------------------------------------------
مرت فترة على وفاة الشيخة واحنه بعد مارحنا ولا وصلنا ..
اجه فيصل من السلف بعد نهاية الاسبوع لان باجر دوامه ..
گاعدين وهمسلنا اني وامي ..
" اضن الشيخة مسجله شي بسم رضوان والدنيا انگلبت
هناك وبيبتي رضية فرحت عبن حسبالها البيت صار بسمها بعد مارضوان مختفي "
رديت ..
" هو بكيفها رضوان عايش مالها حق بأملاكه لين يرجع "
ردت امي ..
" خلهم ياخذون كلشي ويرجع ابني مااريد شي غيره بهالدنيا "
رد فيصل ..
" اني مااضن الحوش الجبير بأسم رضوان لان هالحوش بأسم جدي مرداس مو بأسم الشيخة حتى تسجله بأسم رضوان يعني ورثه بي "
ردت امي ..
" الحوش غيره مانريد شي منهم الله يجفينا شرهم بس كون يرد ابني سالم "
ضحكت ..
" شوفي مسخرة الدنيا بينا .. اني جبروني اتنازل عن كلشي علمود مااطالبهم .. تالي طلعت الشيخة مسجلة املاك بأسم رضوان وهو مختفي وهم خليهم يحيرون شلون يرجعون رضوان والاملاك بأسمه "
رد فيصل ..
" لاتخافين يسوون كلشي وياخذون وخاصه جدي منهل مو بعيده يزور شهادة وفاة وياخذ الاملاك "
رديت ..
" عمي منهل مو غبي .. اذا سوه هيج معناتها الاملاك تروح الرضية لان رضوان مسجل بأسمها "
صاحت امي بينا ..
" كافي سدوا السالفه گلبي انقبض "
سكتنا اني وفيصل حتى ماتضوج امي ..
جنت بهاي الفترة جاي احضر العيد زواجنا بقاله كم يوم
واحد بشهر الواحد من سنة 1993 ..
درع هاي جانت اخر سنة اله بالجامعة ..
وعزمنا نروح يمه ..
بس علي ماقبل گال اريد هاليوم خاص بينا احنة ..
اريد اجدد زواجنا لان ماشفنا شي بي ..
امي ماقبلت تروح ويانا گالت روحوا وحدكم وتونسوا
همزين فيصل يمهن هي وماسة حتى مايضل بالنا ..
اخذ اجازة يومين ..
وطلعنا من الصبح .. اجرنا غرفة بالفندق مثل عادتنا ورحنا زرنا .. رجعنا ارتاحينا وللعصر طلعنا ..
افترينا وتونسنا وتعشينا لليل يله رجعنا .. جان متفق وي ابو الفندق ومسويلي مفاجأة ..
دخلت للغرفة لگيت بيها طاولة مزينة وعليها كيكة حلوة ..
دخلت سبحت ولبست سيت نوم ابيض مثل ليلة عرسنا
طلعت لزمني من ايدي وقربني على الكيكة شغل الشمعه وطلب نتمنى سوة وطفيناها ..
اكلنا وسولفنا وحجينا وتمنينا اخ او اخت الماسة ..
وبعدها عشنا ليلة زواج حقيقية .. يمكن كانت احلى من ليلة زواجي الي بشقة درع ..
نمت بحضن حبيبي بعمق .. حتى الوقت ماحسيت بي
فزيت ساعة عشرة ..
گعدته ..
" علي ساعة عشرة هسا "
فز ..
" صدگ "
ابتسمت .. " صباح الخير حبيبي "
ابتسم .. " صباح الخير ياعروستي الحلوة صاحبة اجمل عينين بالدنيا كلها "
رديت ..
" امممممم يعني بس عيوني حلوة "
رمقني بنظرة من راسي لحد اخمص قدمي ..
" كلك على بعضك حلو ياحلو "
ضحكت ..
" يله گوم اسبح بين ماارتب الغرفة علمود نرجع "
رد ..
" رتبيها بس مانرجع هسا "
رديت ..
" مو ع اساس نرجع "
رد ..
" بعد الظهر نرجع لان معزومين "
رتبت الغرفة وسبحت وبدلت ..
لمينا غراضنا وطلعنا ..
رادنا نتريگ مااشتهي ..
بس اشتهيت جرك اخذنا من الطريق اكلت وحدة واخذت الباقي ويانا الامي وماسة يحبوه ..
اجرنا سيارة ومشينا ..
وصلنا المكان شايفته من قبل .. بعدين تذكرت ..
عاينت على علي وابتسمت ..
" معزومين عند درع مووو".
ضحك ..
" شنو نسيتي هالمكان .. المفروض ماتنسيه بي ليلة عرسنا "
اتنهدت ..
" سنة كاملة مرت ولا حسينا بيها "
صعدنا للشقة ..
دگينا الباب فتحها ..
جان جايب غدا من برة وملفوف بجرايد ..
شافنا ابتسم ..
" ولو اني زعلان عجل ماتجوني من البارحة لليوم انتو هين وماتذكروني "
ضحك علي ..
" البارحة ليلتنا ياب تريدنا نگابل وجهك "
متت خجل وهم يحجون بالالغاز ..
دخلت غسلنا وگعدنا ناكل .. جايب تمن وقوزي ومرق نوعين وحلويات ..
اكلنا وضحكنا وهو يحلم باليوم اليكمل بي امتحانات ويتزوج براء ..
" يول من هسا اگلكم انتو اول المعزومين بعد راس السنة الوفاة الشيخة عجل كنت مقرر اخذ لبوتي بشهر الثامن لو ماالوضع تعرفوه عجل ماتگولون مانجي "
رد علي ..
" لا ان شاء الله جايين ونوگفلك مثل ماوگفتلنا "
رد درع ..
" اريدكم ترگصون هذا واجبكم الي "
ابتسمت وتذكرت رگصهم وشلون رگصنا بعرس عمه
كملنا غدا رتبت الاكل ونظفت وسسويتلهم جاي ..
فتحوا موضوع الشيخة ووفاتها وعلي ماسكت حجاله كل سوالفها وسوالفهم ..
بقى صافن ..
" تدرون اني كنت احبها واحب قوتها ماصادفتني حرمة مثلها قوية والها كلمتها .. بس بعد ماعاشرتكم وشفت الشفتو وظلمها الام رحمة ورضوان نزلت من عيني وحتى الامي حجيت هالكلام ومارضت وزعلت مني "
رد علي ..
" هالهذا السبب جانت امك باعدتك عن السلف لان تعرف اهلها شنو ومارداتك تعرفهم .. "
سأل درع ..
" اني سؤال محيرني .. رضوان اختفائو خالي منهل وراه لو لا .. لانو عمي سمعتو يگول اسروه .. شلون اسروه وهو مارايح للجيش حسب كلامكم "
رد علي ..
" والله يخيوي هي طلعته وغيبته كلها غامضه وعلمها عند الله .. وحدة اليعرف مصيره وين "
رد درع ..
" كم مرة سألتو العمي وحاولت اعرف منو مكان رضوان بس هو دحك بيه بغضب ونبهني ماادور بهذا الموضوع وابعد نفسي ومااسألو بعد "
ضحك علي ..
" معناتها منهل وراها والا ليش هيج يحذرك .. ويمكن عمك يعرف مكانه وساكت "
من سمعت الحجي عن رضوان جبت الجاي واجيت يمهم ..
سألتهم ..
" يعني شنو ؟"
رد علي ..
" يعني مثل شكوكي اني ودرع .. رضوان مامتأسر والا جان طلع اسمه وي الاسرى .. رضوان اما عند الدولة او وهالاحتمال مانريد نذكره اصلا "
لزمت گلبي ..
" شنو قصدك كتلوه "
رد درع ..
" لا لاتفكرو هيج .. مايوصل تفكيرو الهذا الحد صح عندو ظلم بس مايقتلو وليش يقتلو اصلا شنو مصلحتو اذا رضوان مات "
راد يحجي علي اشرتله يسكت ..
مااريد درع يعرف اكثر .. اذا وصل الحجي العمي منهل خفت يأذينا .. رغم اعرف درع مايحجي بس خاف فد يوم يحجي وي امه وعمتي اصلا ماتحبنا وتروح تحجي العمي منهل "
حاولت اغلق الموضوع بسرعه غيرنا الموضوع وحجينا وضحكنا وشربنا جاي للمرة الثانية وبعدها طلعنا .. اصر علينا نبات ماقبلنا لان علي عنده دوام وهم اشتاقيت الماسه وامي يومين ماشايفتهن ..
وصلنا للكراج ومناك رحنا البيتنا ..
اول ماوصلنا تلگتنا ماسه حضنتنا وتعاتبنا لان مااخذناها ..
بس علي قنعها بالالعاب الجايبها الها ..
رحت الامي بستها وحضنتها گد مامشتاقة الها ..
فيصل جان نايم گعد على صوتنا ..
" انتو ماتعرفون واحد جاي من الدوام وتعبان خلونا ننام "
ضحك علي ..
" حقك تتعبت يابة جامعه وونسه ليش لا "
رد فيصل ..
" اي مو اني رايح شهر عسل البغداد ومتونس هي جامعه ونفس الشكول كل يوم وين الونسة بيها "
ضحكنا عليه وهو يعاير بينا لان رحنا البغداد ..
گعدنا حجينا الامي ووصلنالها سلام درع خطية گامت تلمع عيونها وسألتنا ..
" مايجي لهنا اشتاقيت لسوالفه من زمان ماشايفته "
رديت ..
" هو عنده دوام هالسنة اخر سنه بس گال من يكمل الامتحانات يتزوج على شهر الثامن "
فرحت ..
" يا صلوات يستاهل خوش ولد وطيب "
ابتسمت ..
" لان رضع حليبج .. كل الراضع حليبج يصير طيب گلب "
ضحك فيصل ..
" اي بهاي صدگ عبن اني ماكو مثل گلبي طيب .. من طيبته هيج بودكم تغمسوه بخبزه "
ضحكنا عليه ..
وامي تبتسم على سوالفه .. رغم حب فيصل ودرع واني بس تبقى حسرتها جبيرة بغيبة رضوان وجفا اركان الها ..
بعد فترة صار اربعين الشيخة وعماتي دازين خبر بيد فيصل .. بس علي ماقبل اروح ..
وبيها عمتي حورية جانت مريضه .. گال نمشي نشوفها بس ماتمرين للبيت الجبير وماترحين ..
فيصل بقى يم امي ورحنا بعد الظهر لمن رجع علي من الدوام ..
نزلنا من السيارة جان توگف سيارة عمي منهل وينزل السايق يفتح السيارة ينزل اركان منها ..
ضحك علي ..
" شفتي غروره وين وصله .. يمكن حسباله هو عدي لو قصي وعايش الدور "
عاينت عليه وهمست ..
" علي شبيك لايسمعك احد "
شافني اركان اجه .. علي عافنا وراح دخل البيت اهله رغم كلشي مايمنعني من اركان ..
سلم عليه وعينه على علي ..
" شلونج رحمة شبي الاخ لازم مااعجبه "
رديت ..
" اركان زودتها انت ناسي علي رجلي ومن تحجي عليه جن حجيت عليه "
رد ..
" اني ماناسي بس خل هو ماينسى اني ابن منو وهو ابن منو "
رديت ..
" هذا حجي ابوك مو حجيك "
رد ..
" وابوج هم اتعجب عليج شلون عايفه العز والدلال وراضية تعيشين وي هيج ناس "
رديت بعصبية ..
" عمي مو ابوي اني ابوي موحان مات وسجلوني بأسم عمي افهم شغل عقلك ولو انت ماتفكر لان ماتريد تنصدم بالعيشة العايشها "
رد ..
" مثل ماگالت امي انت عقلج مغسول من الفصلية ربيتي عندها وخلتج تكرهينا ودور علي كملها عليج "
اتنهدت ..
" تدري اني مقهورة عليك وخايفه .. لان يجي يوم راح تنصدم ومااضن تگدر تتحمل الجذبة العايشها "
شفت عمي منهل اجه من المضيف عفته ورحت للبيت
دخلت تلگتني دمعه سلمت عليها ..
سألتها على عمتي گالت بالغرفة ..
رحت لگيت يمها علي وهي تگله مرضي كله منك .. ماكفاك عاندت وتزوجتها وهسا نحرمت من شوفتي الجهالك لمن اموت يله اشوفهم ..
حس بوجودي ضحك ..
" شني هاي يمه ترى هي سخونة وكحة ماتموتين عمرج طويل ان شاء الله.. الا نترسلج البيت جهال لمن تملين وتصيحين اخذوا بزركم وروحوا "
شافتني سكتت ..
تقربت سلمت عليها وتحمدت السلامتها ..
بقيت گاعدة يمهم گامت تحجيلنا عن مشاكل الورث وكلها تريد حصصها..
وعمي منهل ماراضي يتقسم الورث ويبقى مثل ماجان بحياة الشيخة حتى ماتستضعفهم الناس ..
عفتهم وگمت يم دمعة .. جانت تعجن ..
گعدت يمها ..
" شبيج شو ضايجة "
ردت ..
" امي تريد تطلگ "
رديت ..
" ليش ؟"
ردت ..
" هي كل فترة تگله نفس السالفه ويتعاركون وبعدين ينسون السالفه بس هسا لا امي طرشت العلي علمود تمشي وياه وتبيع البيت .."
سألتها ..
" يعني شنو ؟"
ردت ..
" يعني تبيع البيت وتاخذنا يمكم .. ابوي من يوم الماتت الشيخة وهو ضايج خلگه لان جان يحبها كلش يگول هي الربتني .. وطلعت تطيه فلوس وهو ضامهن من امي گالتله ابيع البيت .. گالها اني اشتريه بفلوسي ..
ومن سمعت امي تسودنت .. وتعاركوا ..
گالتله ليش تطيك هالگد فلوس.. ياثمن دفعته الك ..
مال علي لو جوري لو رمله .. يعني شتقصد ؟؟"
بقيت مصدومة من حجيها ..
رجعت سألت ..
" علي شعليه وذكرته ابوي هو ابوه بعد ليش هيج تگول؟؟"
رديت ..
" انتي ماتعرفين عمتي اذا حجت ماتدري بروحها وماتفكر تطلع الحجي هيج "
ردت ..
" ابوي سنين يشتغل عندهم .. وهو گالي مايشتغل ببلاش يطوه راتب وهو مجمع فلوسه شبيها اذا اشترى البيت مو احسن مما تعيره كل شوية .. اني صح احب امي وعلي بس مااگدر اعوفه وامشي وياها مااعوف ابوي وحده هنا "
ماعرفت شحجي وياها وشگلها هي كاسر خاطرها ابوها وماتدري اي نوع من الناس هو .. ولان عمتي ماانطتها الحنان ولاقربتها الها من صغرها لهذا التجأت الابوها ..
اجه علي سدينا الموضوع ..
صاح ..
" رحمتي جاي وياج دمعه ملتهية "
گمت سويت جاي ..
اندگت الباب ..
اجه موسى گال ..
" تگول حبوبتي يله الملة راح تقرا خل يجن "
رد عليه علي ..
" امي مريضه ماتگدر تجي "
ردت دمعه ..
" خالتي مهجة يگلك مشيتهن على الصراط وماخذة مكان الشيخة "
استغربت ..
" جا شني بعدها لسا هنا ماراحت "
ردت ..
" لا مامشت گالت اطلع اربعين امي يله امشي هي تسويلها ثوابات ماتخلي وحدة تجيس "
رديت ..
" اي زين عقلها وحدة توفيلها وتطبخلها "
اخذت الجاي العلي سمعته يحجي وي امه ..
" منيله هالفلوس معقوله يطوه هالگد "
ردت عمتي ..
" هو ماتشوفني تسودنت وتخربطت من وراه .. يريدني ابيعله البيت واخذ فلوسه مال حرام "
سألها ..
" وانت شمدريج مال حرام الشيخة يمكن تطيه نسيتي جان ايديها اليمنى ومايفارگها "
اتنهدت وسكتت ماحجت بعد ..
بقى علي يهديها بس هي ماتقبل وناوية تعوفه ..
اجت دمعه ..
" يمه هاي گدام علي .. اذا بعتي البيت ومشيتي اني اضل وي ابوي وين مايضل عبن منهو اله غيرنا "
ردت عمتي ..
" وهم حاسبته ابو "
التفت علي ..
" يممممه مو هيج "
ردت عليه ..
" اسكت انت هاي موتتني ابوي وابوي حسبالها ابوها شيخ هو كله جان ذيل للشيخة وعمايلها السودة "
ردت دمعه ..
" اي صح جان ذيل وخدام مثل ماتگولون وعبد عدهم .. بس الي جان ابو .. بوكت الجنتي عايفتني وحاضنه علي ونايمة جان هو يجي يغطيني .. بوكت الابجي جان هو يجي يگلي شبيج ..وانتي تگليلي ولي مالي خلگج لو اخوج نايم كافي .. من يومج وانتي تفرقين بينا .. لاتضوج مني علي اني ماقصدي عليك بس امي مااعرف ليش تفرق بينا .. جيف اني مو مثلك حلوة لو جيف اني بنية وانت الولد "
رد علي ..
" شني هالحجي امي ماعدها هيج .. عبن تدريها بگلبها"
ردت عمتي ..
" عوفها خلها تحجي تلگيه هو يخلي هالسوالف براسها"
ضحكت دمعه ..
" شفتوا مايفيد الحجي ابد اسكت احسن الي "
عافتنا ورجعت للمطبخ ..
علي ضاج ..
" يمه مو كافي ليش هيج تحجين .. حقها من تدافع الابوي لان انتو من صغرنا تفرقون بينا .. ابوي جان يحبها اكثر مني .. وانتي مقربتني اكثر منها .. زرعتوا حواجز بينا وتفرقة "
صاحت بي ..
" كافي راسي موتني اسكت .."
بقى ساكت ويعاين عليه ..
رحت الدمعة لگيتها ضايجة .. گعدت يمها ..
" كافي لاتضوجين .. عمتي ماقصدها… ."
قاطعتني ..
" اعرف شتقصد .. وادري بأبوي يشرب ومايصلي وعنده سوالف عوجة .. بس يكسر خاطري ماكو واحد يهتم بي
البارحة لگيته يبجي وحيده بالغرفة مالته ..
يگلي اني يتيم ماعدي احد لا ابو ولا ام ولا اهل .. ماعندي بس انتي لاتعوفيني .. امج من يوم الاخذتها وهي تعيرني عبن اني خدام وعبد عدهم وهي بت شيوخ "
تدرين الصدگ رحمة .. احس امي وابوي مامتفقين لابالشكل ولابالفكر ولا بالنسب والمكانة شلون اخذته ماادري وليش اخذته ووافقت عليه ..
رديت ..
" هاي قسمتهم لابيدج ولابيد احد "
بقينا يمهم بيومها .. خبزت وي دمعه وسمعنا صوت صياح ..
سألت دمعه ..
" يمه اسم الله شون هاي "
طلع علي ..
" شكو شني هالصراخ "
رديت ..
" مااعرف من بره اجه يمكن من البيت الجبير "
طلع بسرعه واحنه واگفين بقلق ..
اخذله نص ساعة واجه ..
سألناه ..
" هااا شكو ؟"
رد ..
" بلبل يگولون طايح بالنهر ويدورون عليه "
صفنت ..
" يابلبل ؟"
رد ..
" شبيج بلبل اخو بثينة "
رديت ..
" يااااا بلبل اوووف والله نسيته من زمان ضايع حسه "
رد ..
" هو منو بحاله المسكين ضال عقله يجيب ويودي وبالشوارع يفتر وحده "
اتنهدت ..
" واخته مخلصتها ونسات وطلعات ولبس وتعديل واخوها ماتدري بي "
رد ..
" هو مايطيح بيها الا الفقير .. شگد احبه جنا نلعب وياه بصغرنا يخلينا على ظهره يركبنا ويمشي بينا عود هو حصان واحنه مكيفين .. "
ضاجت عمتي من سمعت ..
" شطيحه ؟"
رد علي ..
" الجهال تركض وراه ويصيحوله مخبل مخبل ويشامرون عليه طابوگ وهو يركض منهم طايح بالنهر وجارفه "
سألته ..
" يعني مالگوه ؟"
رد ..
" وين يلگوه اگلج النهر جرفه والجو بارد محد يدخل راح يجيبون غواصين "
راح علي يشوف اذا طلعوه يو لا ..
بيوم اربعين الشيخة مات بلبل .. اطيب انسان بالحوش فقير وهادي .. ربته الشيخة وخلته تحت ايديها بس ماصار مثلها .. بالفترة الاخيرة محد اهتم بي وحتى نسوه ..
من جنا بالبيت احنه جان من يجوع لو يريد شي يجينا اني وامي .. يصيحلها مرة مرة ..
نسمع صوت عمتي بثينة وهي تبجي وتصيح ..
گامت عمتي حورية ..
" اروح الهم اشوفهن وانتن ابقن هنا لاتطلعن "
راحت عمتي الهم واني ودمعة بقينا .. امي هسا اذا سمعت تضوج خطية جانت تعزه لان زين وياها ..
اجو الغواصين ودورا مالگوا .. الى ان صار الليل طلعوا العراقيين من المي ..
رجع علي ..
سألته ..
" ها بشر ؟"
رد ..
" مالگوه .. الجو بارد وظلمة مايشوفون بعد .. گالوا باجر يكملون بحث "
اجت عمتي حورية ..
" بثينة كتلت روحها دور گالولها مالگيناها زادت بالبجي والصياح "
الكل تأثر على بلبل اكثر من الشيخة نفسها ..
ثاني يوم هم محد لگاه ..
گمنا نصلي وندعي يلگوه ويدفنوه خطية شصار بحاله بالماي هسا ..
علي مايگدر يضل بعد رجعنا ثالث يوم من الصبح عنده دوام ..
تلگتنا امي ..
" وين صرتوا يمه بالي يمكم غير تحجون تگولون نتأخر "
رديت " يمه مو بيدنا صارت شغلة اخرتنا "
انخطف لونها .. " اخوج صارله شي ؟"
رديت .. " لا مو اخوي بلبل "
سألت .. " يا بلبل شبي "
مااتحملت نزلت دموعي ..
" يمه بلبل غرگ ومحد لگاها لسا اليوم اله الثالث "
وگعت من طولها من الصدمة ..
اشرلي علي ..
" جيبي ماي بساع "
جبت ماي شربتها وغسلتلها ..
" يمه شبيج "
ردت ..
" ولج يمه فقير هذا ماشاف من الدنيا شي .. حتى من زوجته الشيخة ماارتاح .. "
رد علي ..
" يمكن هيج احسن اله من الشوارع ومحد مهتم اله "
گامت امي تصلي وتدعي يلگوه .. طول النهار وهي مااكلت ولاشربت بس تبجي وتدعي اله ..
علي راح للدوام واني بقيت كل شوية اروح وارد عليها وهي على گعدتها ..
واني هم بالي يمهم بلكي يجينا خبر .. وصدگ للظهر اجه علي من الدوام ..
اول مادخل صاح ..
" رحمة لگوه لگوا بلبل "
شهگت من الفرحة وحمدت الله وشكرته وامي بساع من سمعت سجدت على السجادة وشكرت الله ..
سألته ..
" جا وين يومين مالاگيه "
رد ..
" لگوه جارفته الماي بعيد عن السلف .. وحاشر بين حدايد قديمة وباقي جواهن .. يمكن لو مالازمته هالحدايد جان مالگوه اصلا "
مارحنا لهناك بس بقينا بالبيت قرينا قران اله وصلينا الوحشة بالليل ..
امي جانت تحجيلي سوالفه وتبجي عليه وعلى جوري هم اثنينهم نفس الطيبة والگلب وتالي موتتهم واحد اصعب من الثاني هي مشنوقة وهو غرگان ..
كل يوم امي تقراله قران .. وعلي كل ليلة جمعة يجيب مسواگ ونسوي ثواب اله .. هم جان يحبه لان ماله اذيه على احد ..
مرت الايام والاشهر ..
وخلصت السنة الدراسية.. فيصل مرحلة ثانية ..
واركان بالسادس صار .. ودرع تخرج وبدأ بتجهيز الزواجه جان فرحان ..
وكلما يخابر علي يحجيله عن التجهيزات .. وعلي يحجيلنا اني وامي ..
علي قرر نروح كلنا قبل كم يوم علمود يوگف وياه ويساعده بس امي ماقبلت تروح خاف احد يشوفها ..
" لا يمه روحوا هناك كلها وخاف يشوفوني "
رد علي ..
" واذا شافوج انتي بحمايتي هالمرة .. ومحد اله عندج شي "
ردت ..
" ميخالف يمه .. الباب التجيك منها ريح سدها واستريح .. لا تضيگون خلگم وانتم رايحين تتونسون ..
اشرت العلي يعوفها على راحتها واني هم خايفه عليها "
علي ضاج ويعاند .. يريد يتحدى عمي منهل بس مايعرف عمي لو خلاه براسه مايرحمه ولايرحمنا ..
رحت وراه للغرفة ..
" علي لاتضغط على امي انت ماتخاف عليها ؟"
التفتت ..
" تحجين صدگ رحمة امج هي امي شلون مااخاف بس الى متى تضل خاتله وخايفه شيريد يسويلها .. "
رديت ..
" ماادري اني خايفه عمي منهل مو هين لاتشوفه صابر عليك يمكن عنده حسابات ثانية "
رد علي ..
" ماعنده حسابات بس يخاف على مكانه لان لو صارت فضيحة مايگدر يلمها .. وشفتيه بموتت امه .. طمطم الموضوع علمود ماتصير هوسة وسالفه "
سكتت بس بعدني خايفة ومااريدها تروح ..
ولان هالشي راح يفتح علينا بيبان احنة في غنى عنها ..
عرس درع اتأجل الرأس السنة .. لان عمتي ماقبلت تسويه الا لمن تطلع سنة الشيخة .. وهيج راح يصادف بنفس يوم زواجنا .. صدفة حلوة انه نحتفل وياهم بعيد زواجنا ..
رغم متعودين كل راس سنه نحتفله ببغداد بس هالمرة راح يكون بالغربية ..
قبل الزواج بأسبوعين .. اجه درع عزمنا ..
امي فرحتله وباركتله ..
" تتهنى يمه .. منك المال ومنها العيال ان شاء الله "
رد ..
" عجل شنو هالحجي دحكي هين ناوية ماتحضرين عرسي "
ابتسمت ..
" لايمة وين اجي خليني هيج مرتاحة مالي خلگ مشاكل "
اتقرب منها ..
" يامشاكل واني موجود منو الي يوصل حدك الا اطرو طر وحق الخلقو "
ردت ..
" وعليمن هالسوالف انت افرح بعرسك ولاتشيل همي "
رد وهو يعاين عليها بعتب ..
" انتي مو تگولين اني امك .. عجل اكو ام ماتحضر زواج ولدها وتفرحلو "
دمعت عينها ..
" الله شاهد انت بحسبة رضوان عندي ومن اشوفك اشوفه "
رد ..
" عجل اذا اني هيج تعاي الزواجي وفرحيني "
عاينت عليه ..
هزيت راسي ..
ابتسمت ..
" ان شاء الله يمه "
حضنها وباس راسها .. اخذ علي وضلوا يتهامسون ..
وعلي وعده يجيبها ..
طلع درع راح الخواله وانه بقيت حايرة شنو البس ..
بعد اسبوعين ..
علي اقترح عليه امه تخيطلي ثوب ..
بس استحيت اگلها قررت البس من العندي ..
فاجأني علي قبل كم يوم من روحتنا .. بثوب مخيطته الي عمتي اني وماسه من نفس القماش ..
الام وبنتها .. جان مشتري القماش وماخذه العمتي ..
لبسته عبالك تعرف قياسي حلو عليه كلش .. وماسه فرحانه بثوبها لان يفر ..
عمتي ماقبلت تروح بس دمعه اجت وعلي ..
وبقينا سهرانين ونحضر ونفكر ..
علي قرر نروح قبل يوم الحنة يعني يوم 30 بالشهر ..
اجرنا سيارة وطلعنا من الصبح ..
وصلنا الهم جان درع منتظرنا وفرحان بينا تلگانا سلم علينا وباس راس امي ..
دخلنا لجوة وبيبي دنانير تلگتنا .. بس عمتي من شافت امي تغيرت ملامحها وضاجت سلمت ببرود واشرت الدرع وراحت للغرفة ..
امي حست عليها وضاجت بس بيبي دنانير رادت تغير الوضع گامت تصفگ وتهوس ..
شوية طلع درع ملامحة متغيرة وضايج بس گام يتصنع الضحكة حتى مايحسسنا ..
بس عمتي ماطلعت بعد بقت حابسة نفسها بالغرفة ولاعبالك ابنها الراح يتزوج حتى فرحته ضيعتها ..
صعد هو وعلي الغرفته بدل ونزل بلبس عربي ..
وبيبي دنانير تهوس اله وتصلي على النبي ..
امي من شافته نزلت دموعها وجن شايفه رضوان بي
بقت تتنهد ..
" سودة عليه يمه هم اصدگ افرح بعرسك يوم واشوفك هيج نازل عريس "
حس بيها اتقرب باس راسها ..
اشرتله بيبي دنانير..
" روح الامك لاتعوفها "
دخل راضاها وطلعها لبرة .. واخواته گاعدات ولاعبالك اخوات العريس باردات مثل عمتي همزين درع مثل بيبي دنانير يضحك ويجامل ..
اشرلي ..
" بعد الغدا اخذج البيت عمي براء تريدج "
كملنا غدا بدلت واخذني البيت عمه قريب عليهم ..
شافتني فرحت والتهينا بالتجهيزات .. جانت عيونها مليانه فرح ..
لليل رجعنا ..
جنت مشتاقة العلي .. التفتت صار گبالي ابتسملي وغمز ضحكت ودخلت لان زلم اكو ..
ودرع يأشرله ..
" يول باجر الا ازفكم وياي "
وعلي يضحك عليه ..
دخلت شفت عمتي تخابر وعصبية ..
وامي بالغرفة حابسة روحها ..
سألتها ..
" شبيج يمه ؟"
ردت ..
" مابيه بس عمتج موتتني بس تخنزر وتنفخ لو بيدها جان طردتني "
رديت ..
" شعليج بيها اذا هي على ابنها مغندبة ماتغندب علينا "
تعشينا وبدأ رگصهم ودبكاتهم .. النص الليل ..
جانت اول ليلة ماانام بيها يم علي ..
بقيت احوس بلكي اشوفه .. گمت طلعت برة ..
شفت درع يخابر وياها ويضحك ..
جان يگلها ..
" يول صيرلي لبوة واصيرلج اسد وياويلو اليمسج "
ابتسمت ومشيت بسرعه طلعت برة ..
الجو بارد وشتا ..
شفته طالع من الصحيات الخارجيه لمحته من بعيد ..
اشرتله ماانتبه عباله وحده من اهل البيت ..
دنگ ..
همست ..
" علي علي .. "
التفت ..
" رحمتي هاي انت "
هزيت راسي..
اتقرب للباب شافني ابتسم ..
" گلبج حس بيه مووو .. اول ليلة انتي مو بحضني مااعرف انام "
رديت ..
" واني هم بقيت بس اتگلب اشتاقيتلك "
سمعت صوت درع ورانا ..
" يول اليدحك عليكم يگول متفارگين من سنين عجل هي ليلة ماتتحملوها حسو بمعانات العزابية مثلنا "
ضحك علي ..
" انت شنو مشكل رادار ورانا "
رد ..
" الله يسلطني عليكم مو بيدي "
رجعت بسرعه للغرفة مستحيه .. حضنت ماسه ونمت
ثاني يوم الصبح گعدنا ..
اتفاجأت بجية عمي منهل وعمتي بثينة واركان من الصبح قبل مايجون البقية ..
دخل عمي منهل بحجة يسلم على بيبي دنانير وعيونه تريد تاكلنـي ..
سلم عليها وعيونه تدور بالبيت وجن يدور على شي
بسرعة تذكرت عمتي من جانت تخابر وعصبية معناتها وصلتلة خبر وجود امـي هنا ..
#يتبع
(شمس السعدي )





فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 08-04-21, 01:12 AM   #72

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



اسعد الله اوقاتكم بكل خير احبتي ❤
بارت هدية 2 مليون ..
//// البارت الخامس والخمسـون /////
#بيوت_بلا_جدران

#شمس_السعدي
----------------------------------------------
غريبه أمر تلك القلوب ...
قلب ينادي قلب.. وقلب يتجاهل ذاك القلب ...
وقلب تعود على الجفاء ... وقلب أحب بصدق ووفاء ...
وقلب أماته الخداع ... وقلب هوى وعشق وفي الحياة ضاع ...
وقلب عاش ومات على الوفاء ...
أه من قسوه ها القلوب ... وأه من الاشواق عندما نعشق وفي الحب نذوب ...
والف أه وأه عندما تمر بنا ايام العمر وتموت منا القلووووووب .. !!
-------------------------------------------------
‏‏دخل عمي منهل بحجة يسلم على بيبي دنانير وعيونه تريد تاكلنـي ..
سلم عليها وعيونه تدور بالبيت وجن يدور على شي
بسرعة تذكرت عمتي من جانت تخابر وعصبية معناتها وصلتلة خبر وجود امـي هنا ..
بقيت واكفه واعاين عليه هالمرة مستحيل اخليه يمسها كافي جابتها خوف بخوف عمرها كله ..
لو اعرف افضحهم بالغربية كلها بس مااخليه يلمسها لو على موتي ..
بقى يعاين بعيوني بنظرات حادة ..
تالي طلع لان كلها نسوان ماگدر يبقى اكثر ..
رجعت للغرفة يم امي ..
سألتني بتوتر ..
" سمعت صوت منهل هنا شنهي اجو "
رديت ..
" اي اجو "
سألت ..
" واركان وياهم "
هزيت راسي ..
شوية ودخلت ورانا عمتي بثينة .
" هاي شني الفصلية هم هنا .. حسبالنا متي "
رديت ..
" الموت العدوينها "
ضاجت ..
" بقيتي تحوسين لمن لگيتيها "
ضحكت ..
" حشا الله يضيع عبده سخرلها الناس التحميها "
سألت ..
" معناتها من زمان تعرفين مكانها موش رجعتي الديرتج شرجعج بعد "
ردت امي ..
" انتو ليش ماتعوفوني وحدي .. مو طردتوني من الحوش واخذتو جهالي مني بعد شتردون "
ردت عمتي بثينة ..
" منيلج جهال هي هاي بتج يمج .. شني نسيتي لو تردين تفتحين ابواب جهنم عليج "
ردت اردها لزمتني امي ..
" عوفيها لاتحجين .. ماكو شي يضل على حاله كل واحد يرد لاهله بعدين "
سألتها ..
" شتقصدين ؟"
ردت ..
" ماقصدي شي .. احنه لايمج ولاحذاج فكي روحج منا مانريد شي منكم بس اعيش وي بتي بسلام "
ردت عليها ..
" هاي بيدجن بقت اذا تردن تعيشن بسلام يو لا "
عافتنا وطلعت ..
امي بقت تلوم بروحها ..
" اني صوجي اجيت لو مادرع فلا اجي "
رديت ..
" يمه شبيج خايفه ماتعرفين بثينة وتهديداتها "
ردت ..
" حسبالج خايفه على روحي اني مايهمني شيسون خل يسون الهامني انتي وعلي خاف منهل يخليكم براسه "
رديت ..
" لاتخافين يمه كافي خلينا نتونس مانضيع فرحة درع بهاليوم "
اجه درع دگ الباب ودخل ..
" هاي شنو گاعدات هين مثل الخطار .. حدروا هين يم جدتي وحتى اخذج البراء هناك "
گمنا ..
همسلي ..
" صاير شي ؟"
رديت ..
" لا ماكو شي "
طلعنا برة گعدنا .. وعماتي عيونهن علينا ويتهامسن ..
فهمت كره عمتي بثينة وضوجتها من عندنا.. بس الي مافاهمته عمتي مهجة ليش هيج ضاجت من شافتنا وخابرت العمي وخلته يجي رغم هو سمعت مايجي عنده شغل ببغداد على اساس يلتحق ..
للظهر راد درع ياخذني البراء بس ماگدرت اعوف امي تعذرت منه بس اصر عليه ..
اخذتها وياي ورحنا ..
جانن مسويات حفله وبراء ناعمة وحلوة وكل شوية تلبس لبس حتى زي هندي لبست .. الابتسامة ماراحت من وجهها ..
هيج شعور كل وحدة تتزوج الي تحبه وتنتظره .. نفس شعوري من تزوجت علي .. رغم جان عندي خوف وقلق ساعتها انه يخرب كلشي بلحظة .. ورغم ماسويت هيج حفلة وعرس .. بس جان اسعد يوم بحياتي ..
باجر راح يصيرلنا سنتين .. سنتين من احلى سنين حياتي ..
للمغرب گالوا حظروها ناخذها للبيت الجبير .. قصدهم على بيت الشيخ جدهم الساكن بي درع واهله ..
لان هم ولد عم وماكو غريب .. فراح يحنوهم سوة ..
من العصر ترسوا الحديقه كراسي .. وخلوا طاولة عليها كل ماتشتهي الانفس والكيكة كانت ثلاث طوابق وحلوة ..
دخلنا قبل لاتصير هوسة للبيت تلگتنا بيبي دنانير بالهلاهل والهوسات..
تقربت براء باست ايديها وراسها ..
صح بيبي دنانير ماعندها ولد بس رماح .. بس اولاد ضرتها واحفادها كلهم يحبوها ..
ضرتها مااجت عند بيت ابنها الجبير مريضه وبعدوها عن الهوسة ..
گعدنا بالصالة جانت جبيرة .. وقنفات وكراسي داير مدايرها .. بالي يم علي مشتاقتله حيل وماشفته اليوم ..
گمت من مكاني بلكي اشوفه ..
لمحت درع واگف بلبسه العربي .. طالع حلو كلش .. ووياه واحد واگف لابس مثله ..
بس ماشفت علي ..
بقيت ادور بالوجوه من بعيد بلكي المحه .. شفت اركان گاعد يم عمي منهل ابتسمت رغم عناده وتصرفاته بس مااگدر اضوج منه .. وشلون اضوج منه وهذا اخوي ابن امي ومن نفس البطن طالعين ..
التفت درع شافني ابتسم واشر للولد البصفة عليه ..
استغربت ..
التفت الولد..
شهگت .. جان علي .. اوووف يدرع وسوالفه ملبسه مثل لبسه .. طالع يخبل حبيبي بيهن ..
يأشرلي .. " ها شلوني ؟"
ابتسمت .. " تخبل "
صاح درع .. " اليوم اشبعو رگص .. عجل باجر عرسو وياي لازم يرگص العرسو "
ابتسمت الهم ..
احس روحي ردتلي من شفته ..
دخلت والابتسامة تارسة وجهي .. بس صارت عيني بعين عمتي بثينة اختفت الابتسامة بسرعة ..
امي احسها مامرتاحة من وراهن ..
جابوا الطاولات فتحوهن بوسط الهول وخلوا عليهن العشا ..
صاحت بيبي دنانير ..
" يله يمه مدن ايدجن علمود يجي درع ونحنيهم "
تعشينا وكملنا .. راحت امي تصلي ..
دخل درع بدأت الهوسات والاغاني شغلوهن ..
جان فرحان دخلوا وياه جده الشيخ وابوه وعمامه وولد عمامه بالوسط يدبكون ..
صاح واخيرا صرتي الي برو بعد ماابوج وريتي گلبي ور .. ضحك جده وضربه على جتفه ..
جابو الحنة حنوهم ولبسها الذهب كله ..
جابلها حزام ذهب بحياتي ماشفت مثله .. لفاه على خصرها ..
دور سحبها للوسط وبدوا يرگصون اثنينهم سوة ..
الكل يضحك وفرحان الفرحهم ..
التفتت شفت امي واگفه يم الباب وتعاين عليهم ودموعها تنزل ..
تقربت ..
" يمه شبيج "
ردت ..
" تذكرت رضيوي .. تخيلته هو اليرگص بعرسه هسا "
كملوا طلعوا يحتفلون برة ..
اشرن البنات لفوگ نصعد حتى براء ويانا ..
صعدنا للهول الفوگ شباك يطل على الحديقة ..
بدت حفلة الولد ودبكاتهم ..
جان درع متوسط الدبكة ويرگص بفرح وبقوة ..
دور سحب علي العنده وعلي مو كلش يعرف بس يخبل رگصه ..
احس عيون البنات عليه ويتسائلن .. هذا الولد الحلو وي درع منو دحكن ع شخصيتو ورگصو ..
احس نار الغيرة صعدت عندي اول مرة هيج اغار ..
ودمعه تضحك عليه ..
التفتت براء الي وگالتلهن ..
" ترى هاي مرتو وهاي بنتو "
عاينن عليه وابتسمن ..
" اووووه عجل تستاهلينو .. ماشاء الله عائلة وكلها حلوه "
ردت براء ..
" اااه لو تعرفن قصتهم .. بعد عذاب يله التقو وانجمعوا"
عافن الحنة وكتلهن الفضول يعرفن شنو قصتنا وشلون انجمعنا ..
حجتلهن براء مقتطفات عنها بس ماگالتلهن ماسه مو بنته ..
الحفلة بقت النص الليل .. هم برة واحنه جوة ..
هم سون البنات دبكات ورقصات شرقية وغربية .. ماخلن شي ماسونه ..
بعدها صاحتها امها ونزلت .. راح يرحون البيتهم ..
براء هي البنت الوحيدة لأربع اخوان ..
يعني المدللة عندهم لهذا ابوها جان يتشرط وماانطاها بسهولة الدرع الا يكمل دراسته ..
بعد ماطلعوا كلها بدلت وفرشوا بالغرف للخطار حتى ينامون ..
عمتي بثينة ماقبلت تنام يمنا بالغرفة وهمزين لان مااريدها تسمع امي حجي ..
بقيت گاعدة ماسة نامت وي امي ..
ودمعه هم غفت .. استغليت الفرصة كلها نامت وگمت
بالي يم علي خاف عمي منهل يحجي وياه ..
گمت طلعت شفت اركان جاي من الصحيات ..
شافني اجه ..
" ها رحمة شلونج "
رديت ..
" زينة انت شلونك "
رد ..
" زين سألتي عليه من الصبح احنه ماگلتي اخوي شلونه "
رديت ..
" ماتشوف زلم وهوسة وين اطلع "
هز راسه ..
" بعدج زعلانة مووو"
رديت ..
" على شنو "
رد ..
" لا تلاغينا من ورى علي "
رديت ..
" علي ماله علاقه انت صاير تسمع حجي "
رد ..
" رجعنا مووو"
رديت ..
" عليمن رجعنا اني اصلا مافتحت الموضوع انت الفتحته "
صفن بوجهي وتنهد ..
" اني مااريد اخسرج .. ماعندي اخت غيرج "
رديت ..
" ومنو گلك راح تخسرني بس انت لاتجيب طاري احد وتذب لوم بعدك عني عليهم "
رد ..
" اني بس هالسنة هنا .. دور امشي البغداد ادرس هناك مقرر يعني منو يگول نتشاوف هواي "
رديت ..
" بيتي مفتوح الك بأي وكت بس تعال "
ضحك ..
" قصدج بيت علي .. "
رديت ..
" بيت علي بيتي شبيك "
رد ..
" كافي مفتوح الفيصل "
ابتسمت ..
" معناتها تغار "
ضاج وتعصب ..
" اني اغار من هذا هو شنو هذا واغار منه لوگي وشايف نفسه "
رديت ..
" تعرف انت شنو مشكلتك .. شايف الناس كلها بعين صغيرة ترى ماكو شي يدوم بهالدنيا وانت شفت الشيخة وين جانت ووين صارت .. وانت اخوي ومااريدك هيج تصير اخذ بنصيحتي الك لان تدري بيه شلون احبك واخاف عليك "
رد ..
" ليش ماتگولين انتو كلكم تغارون مني محد بيكم يحبني لان تشوفوني احسن منكم .. بس راح تشوفوني شنو راح اصير "
عافني وراح ..
بقيت مصدومة بتفكيره ..
رجعت للغرفة نمت واني ضايجه من كلامه .. بودي اروح البثينة افرغ قهري بيها .. بس لعنت الشيطان وسكتت ..
ثاني يوم گعدت على صوت ماسة وامي يسولفن من الصبح ..
بقيت بين نايمة وصاحية اسمعهن يسولفن ..
ماسة تسألها عن الصلاة وليش تصلي؟؟
وامي تجاوبها وتفهمها انه الصلاة واجب واذا نريد نتقرب الرب العالمين فصلاتنا هي الوصل بينا وبينه يعني انتي من تردين حاجه من امج مو ترحيلها وتطلبين منها ..
ردت ماسة ..
" اي "
ردت امي ..
" الصلاة هيج .. احنة نصلي علمود نطلب من ربي النريده وهم حسنات النا تتسجل .. مثل ماانتي بالمدرسة يخلولج علامات بالنتيجة وتنجحين هاي هم يخلولج علامات زينة علمود تدخلين الجنة "
جنت اسمعهن وابتسم ..
تذكرت طفولتي شلون جانت امي هيج تخليني وتحجيلي حياتها وكلشي يصير وياها وجن تحجي وي نفسها ..
سمعت بيبي دنانير اجت .
گمت ..
" يله امي الريوگ جاهز گومن "
گمنا غسلنا وبدلنا .. اجت دمعه همستلي ..
" كل عام وانتو بخير "
ابتسمت ..
" وانتي بالف خير "
اليوم عيد زواجي واني لسا مامعايدة علي ولاشفته من البارحة ..
طلعت شفت طفل صغير وصيته يصيح علي ..
شوية وطلع من الديوانية ملهوف يدور ..
شافني ابتسم ..
" الف مبروك حبيبتي عسا ايامنا كلها افراح وسعادة "
ابتسمت ..
" سبقتني واني عود جايه اعايدك "
رد ..
" ماكو فرق حبيبتي .. ميوسة شلونها وامج خو ماسمعنها حجي "
رديت ..
" زينات .. لا مالنا علاقة بيهن بس خايفه من عمي منهل لايسوي شي لو ياخذها انت نسيت هي على ذمته"
رد ..
" هو يخوزر بيه من البارحة بس مايگدر يحجي شي لان يعرف هنا مو مثل هناك "
رديت ..
" هو خايفه من نروح لهناك ياخذها ويجبرها ترجع "
رد ..
" مايرجعها هو يريد يبعدها عن اركان ومادامها بعيد عن السلف ماتهمه "
اطمأنيت شوية من حجيت وي علي ..
دخلت جوة وهو راح يم الزلم ..
تريگنا وكملنا كلها جانت تشتغل وترگص .. وبيبي دنانير ياهي التشوفها ساكته وگاعدة تضل تحجي وتگومهن يرگصن ..
عمتي مهجة ماجانت عازمة بس عمي منهل ومرته بعدها غضبانه على الباقيين بسبب موت الشيخة ..
للعصر جابوا براء لهنا وجابو ام الصالون للبيت زينتها ورتبتها لبست بدلة بيها ذيل طويل طوله اربع امتار ..
جان شي بوكته ولا بالاحلام ماشايفه هيج بدله ابد ..
سمعت هاي بدلة امها بس سوو عليها تعديلات ولبستها
عجبتني حيل ..
ماسة تخبلت تريد مثل بدلتها .. تگلي حلوة ..
اخذن صور ولقطات ..
ماخلو درع يدخل الا البعد العشا وهو يتگله يريد يشوفها ..
دخلوه الها انصدم من شافها ..
اخذوا صور وحدهم ووي العائلة ووي جدهم ..
بعدين اشر الامي ..
استغربت امي ..
" اني ؟"
هز راسه ..
" اي امي تعاي "
گامت امي فرحانه وعمتي مهجة تخبلت وزعلت عافت الصورة ومشت ..
خلة امي بالوسط بينه وبين براء واخذوا صورة .. ودور صاحني اني وماسه اخذنا وياهم ..
جان يوم حلو وحسيت جن واحد من اخواني المعرس مو ابن عمتي .. وهو فعلا اخوي بالرضاعه ..
عمتي ضاجت بيومها وصاحتني الغرفتها ..
رحت وراها دخلت ..
جانت غرفة جبيرة حيل وبيها قنفات وتلفزيون ماشفت هيج .. يمكن كبرها بكبر بيتنا العايشين بي ..
حجت وياي بعصبية ..
" اسمعي ولج من باجر تاخذين امج ورجلج وتولين منا وبعد ماتعتبين لهنا افتهمتي ؟"
سألتها ..
" انت ليش ماتحبينا شمسويلج ؟"
ردت ..
" وانت مايخصج بكيفي احب ومااحب "
اتنهدت ..
" هاهي عمه باجر رايحين اصلا بس لو مادرع مانجي "
ردت ..
" هو شعام عليه غير درع وتصرفاته الطايشة بكيفه يعزم ويقرر "
عفتها وطلعت ضايجه ..
سألتني امي " شبيج ؟"
رديت .. " مابيه بس دخت من الهوسة "
ردت .. " بس يزفوه روحي نامي "
زفوهم الغرفتهم رحنا بساع للغرفة نمنا احس راسي موتني من الهوسة والتعب وقلة النوم ..
گعدنا الصبح على صوت الهلالهل .
گمت شفت درع نازل من الغرفه ويباركولة ..
لمينا غراضنا علمود نرجع ..
دزلي علي واحد ..
رحت شفته متعصب خفت ..
" شكو شبيك "
رد ..
" بسرعة همي ايديج بدلوا خلونا نمشي "
سألته ..
" شسوالك عمي "
رد..
" مو وكتها بساع يله "
دخلت حجيت وي امي ..
خافت ..
" خاف تعاركوا "
رديت ..
" مامعقوله يتعاركون بس الله عالم شمسمعيه حجي "
اجت بيبي دنانير ..
" يايمة وين تردن متوازيات گومن تريگن "
اجه درع سلم ..
" سلمنا عليه وباركناله "
سألنا ..
" اشو علي يگول راح ترحون هساع .. ليش ؟"
رديت .. " بعد شنسوي غير خلص العرس "
رد .. " صاير شي ؟ احجي "
رديت .. " مااعرف بس علي عصبي وكالي نروح بسرعه"
سأل " شنو خالي مسمعه حجي "
رديت .. " مااعرف بس همة من شافوا امي لسا ضاجوا"
رد " عليمن ضاجو عجل هم شيردوها تسجن نفسها طول العمر "
رديت .. " اي حسبالهم ماترجع بعد .. ولاتنسى هي بعدهي على ذمة عمي "
رد .. " اني احجي وي الشيخ يحاجي خالي يعوفها بحالها "
لمينا غراضنا وباركنالهم .. صعدت البراء شفتها وسلمت عليها .. وطلبنا يجون يمنا هناك "
رجعنا البيتنا بأمان وارتاحيت من نظرات عماتي ونظرة عمي الي اول مااجه ..
لگينا فيصل منتظرنا خطية " ها وين صرتوا "
سأله علي .. " انت مو دوام شجابك "
رد " ماعندي محاضرات واجيت "
دخلنا للبيت بين ماطبخت ورتبت البيت ..
وعلي راح نام ..
رحت وراه ..
"شنو گالك عمي منهل "
شگال .. " يهدد بمنصبه.. ويگلي الا اخليك تندم لان دورتها ورجعتها للسلف .. واني رديت عليه وكلته هي اصلا ماطلعت من السلف .. ضاج اكثر وصار يحجي ويرزل "
رديت ..
" اوووف منك علي .. ليش هيج ؟"
رد ..
" شيسوي اكثر من السواه بعد "
بيومها احتفلنا بعيد زواجنا لان مااحتفلنا وصارلنا كم يوم مانايمة بحضنه اشتاقيتله ..
حتى غدا ماتغدينا امي عايفتنا نايمين ..
وكت عصر گعدنا ..
مرت الايام مثل عادتها .. وجان الوضع هادئ وطبيعي بس داخلي مامرتاح من سكوت عمي منهل ..
الى ان صار الخايفه منه ..
اجاني علي من الدوام متأخر ..
" شبيك " سألته
رد ..
" رحمة اجتني بلوه لا ع الباب ولا على الخاطر .. تهموني بتزوير وحولوني تحقيق "
شهگت ..
" شلون وليش ؟"
رد وهو يفرك بوجهة وضايج " ماادري ماادري احسها لعبة وگعوني بيها اوراق مهمة وتكسر الظهر تهموني بيها"
بسرعه اجه عمي منهل ببالي ..
سألته .. " تظن عمي ورى السالفة "
رد .. " كلشي توقعي بس اذا طلع هو ورى السالفه مااسكت "
رديت .. " وشتسوي من البداية غلط تخلي راسك براسه وانت تعرفه شنو بس مااگدر احجي "
رد .. " يعني طلعت اني الغلطان لان مااريد اضعف وادافع عن حگنا وحياتنا "
رديت .. " طبعا لا بس احنة زمنا اغبر والدنيا هسا اله والامثاله .. الدولة والقانون وكلشي الهم .. شتريد تسوي هسا لو فصلوك المن تروح تشتكي "
رد .. " مااسكت والله لو اعرف اموت "
رديت بعصبيه ..
" تحجي صدگ وانت مافكرت بينا منو النا بعدك تدري شراح يصير بيه عبالك اعيش اموت والله .. اذا تحملت غياب رضوان فانت اموت وراك مااتحمل "
حضني وسكت بس جان نار يطلع منه ..
بقينا منتظرين نتيجة التحقيق شنو .. ماگلت الامي خفت تنقهر وتحمل روحها المسؤولية لان راحت ..
جنت ادعي ليل ونهار علمود تعدي على خير ..
امي حست عليه وصارت تسألني .. شكو وليش هيج حالج بيش تفكرين..
جنت اطلع اعذار واسكت ..
الى ان اندگت الباب بيوم ..
فتحتها امي وحجت من ورى الباب ..
" منو "
رد .. " اني وي علي بالدوام صديقه"
سالته .. " جا علي شبي ليش تسأل عليه "
رد .. " علي بالمستشفى تخربط واخذناه بس لازم واحد من اهله وياه "
اني سمعت مااعرف شصار بيه ..
" دخلت ابجي الامي ومااعرف شلبس وشبدل .. ماعندي احد ولا انذل واعرف "
وامي تگلي انتظري فيصل خل يجي لاتمشين وحدج شمدليج ؟
رديت ..
" تحجين صدگ يمه .. هذا علي علي رجلي وابو بيتي اموت اذا صارله شي "
حسيت ساعتها الشغله جبيرة والا علي مستحيل يتخربط ويوگع بدون سبب ..
امي ماعافتني اصرت تروح وياي .. مشينا سوة ..
بقينا ندور ونسأل يله وصلنا وبالمستشفى هم مانندل
فترينا كل الردهات والغرف يله لگيناه نايم ..
يمه ولد شافنا ابتعد ..
سألته امي .. شبي خاله شلون تخربط ..
رد الولد .
" هو من سمع خبر فصله مااتحمل انهار ووگع .."
شهگت امي واني گعدت على حيلي من الصدمة ..
اعاين عليه وابجي ..
"شلون بيك يعلي ماتتحمل المن اروح والمن اشكي "
بقيت للظهر طلعونا گالوا ضغطه مرتفع ومشكل وياه "
اول ماوصلنا امي سوتله شوربة بس ماشرب ماحجه ولا عاين بوجهي اتخذ من النوم وسيلة للهروب ..
مااتحملت اول مااجه فيصل اخذته ..
وهو يسألني وين تردين وعلي شبي ..
رديت .. " للسلف اريد احجي وي عمي منهل "
تعصب ..
" شتحجي وياه "
رديت ..
" معليك امشينا بساع "
راح وياي وهو طول الطريق يريد يعرف ..
وصلنا للسلف .. امشي ويمشي وراي ..
شافتني عمتي حورية استغربت ..
" شتسوين هنا ووين علي "
عفتها ودخلت شايطه ..
" عمي منهل وينك "
طلعن كلهن شافني استغربن ..
طلعت عمتي بثينة شافتني حجت ..
" شعدج هنا وشتردين من عمج "
رديت ..
" هو هنا لو لا "
ردت ..
" لا بالمضيف "
اشرت الفيصل ..
" امشي صيحه اريد احجي وياه وان مااجه اروحله للمضيف بنفسي "
راح فيصل وهن متعجبات ويتهامسن على جرئتي .. ساعتها مافكرت بس بعلي وحالنا .. علي مايتحمل هيج يصير بي ..
عمتي حورية وراي تحجي ..
" احجي ولج شكو "
دخل عمي منهل متعصب ..
" خير ولج شجابج "
رديت ..
" تعرف شجابني .. انت سويت هيج بعلي مو "
لطمت عمتي حورية ..
" شسوة العلي احجي "
رديت ..
" عمي فصله من شغله بالجذب وهو كلشي مامسوي "
رد.
" لاتشمرين تهايمج عليه شني بحال علي اني وشستفاد اذا انفصل "
رديت .. " تعرف شني تستفاد "
اشرلهن يرحن الغرفهن كلهن دخلن ..
التفتت الي ..
" رجلج شال راسه زايد لمن وگع .. حتى يعرف شني منهل "
صاحت عمتي ..
" اذا ابني صارله شي ماارحمكم "
صاح بيها.
" ابنج ابن الحرام هو الجابها الروحه "
صاحت بي ..
" ابني مو ابن حرام افتهمت كلكم تعرفون هو ابن حلال بس انتو تكرهره "
شفته ما يلين تنازلت .
" عمي التريده يصير .. مو تريدنا نبعد وماتشوفنا بعد . راضين ماتشوفنا عمرك كله "
ضحك .. " بعديش وين السانج .. انتو الردتوها النفسكم"
عمتي حوريه تعصبت ..
" اذا وصلت الابني ماارحمكم كل الاسرار والفضايح اححيها "
رد ..
" عود لاتنسين تگليله هو ابن منو "
عاين عليه .
وانتي اذا ماتجرين علي وتبعدين امج وانتي عن السلف كله اول مااخذ بتج منج ..
رديت بعصبية ..
" ماتگدر "
رد ببرود .. " شني انتي ناسية مسويتلنا تنازل عنها وبأي وقت نگدر ناخذها "
صفنت عليه مصدومة واني اتذكر الاوراق الوقعني عليهن .. من الصدمة ماحسيت على روحي وگعت ولزمتني عمتي حورية ..
#يتبع ..
( شمس السعدي )



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 09-04-21, 11:39 PM   #73

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



اسعد الله اوقاتكم بكل خير احبتي ❤
//// البارت السادس وخمسـون /////
#بيوت_بلا_جدران
#شمس_السعدي

----------------------------------------------
يلتمن عليه مشتتات البال
وانفضهن نفض وانهض ولاجني
وليت وعف ضميري وماكسرت العود
ولسن شبه الزلم ...بالعلن سبني
كفاني امرح ورع والتذ بحب الناس
وعملات الكبح مايوم خاوني
لازحت الحيا ،،،، لاضيعت معروف
ولاخنت الوفا وربعي اجفلوا مني
اضحك بالوجوه بغير راحة بال
واصبر لو ليالي العسر ضكني ..
------------------------------------- عريان السيد خلف
صحيت واعاين عليه مصدومة .. اني شسويت بروحي وببنتي ..
" انت شنهي مو بشر ماعندك رحمة .. انه مو بنت اخوك ليش هيج تسوي وياي .. ماكفاكم السويتوه بأمي واخوي وعلي وهسا اجه الدور البنتي "
رد ببرود ..
" امشي عدل ومحد يوصلج انت ورجلج .. السويته اله فركة اذن وان عادها مايلوم الا روحه وانت عقليه اي شي يسويه تنظرين انتي وياه "
ردت عمتي بعصبية ..
" لاتختبر صبري يمنهل .. روحكم كلها بيدي سوالفكم ومصايبكم كلها اعرفها .. ان جانت الشيخة ماتت وراحت الاسرار وراها فأكو من يشهد على سوالفكم وخو سالفه مهجة مايحتاجلها دليل "
تغيرت ملامحه وتعصب ..
" شني قصدج يحورية ؟"
ردت ..
" تعرف قصدي كلش زين .. من زمان وانه اگلك ابني خط احمر لاتوصلوله .. وان مسيت شعره منه اگلبها عاليها واطيها "
رد ..
" تعرفين كلش زين يحورية موش انه الاتهدد .. واليخلي راسه براسي اگطمه اله .. وهسا امشن اطلعن وانتي هم وياهم مالج گعده بالسلف ان عتبت رجليكم السلف امحيكم من ارض الله كلها "
بقت عمتي تفرفح ..
" الك يوم يا ظالم.. نهايتك مثل امك ان شاء الله .. انت واختك روحكم بديه لاتنسى هالشي يمنهل "
صاح ..
" ماتگدرين تحجين شي لان روحج وروح ابنج تطلع قبل لاتنطقين بحرف "
اخذت عمتي وطلعنا اجر بيها بالگوة وهي تفرفح صوتها راح .. طلع البيت كله على صوتها…
اجه فيصل بوجهنا ..
" شكو شصاير . "
اشرتله .
" تعال اسند عمتي وياي للبيت تخربطت "
اخذناها للبيت تلگتنا دمعه ..
" امي شبيها "
جابت ماي غسلنالها وارتاحت ..
اشرتلهم يطلعون ..
سألت دمعه ..
" غير تفهمونا شكو شني اني اخر من يعلم "
رديت ..
" مو وكت الحجي روحوا منا هسا بعدين افهمج "
طلعت هي وفيصل ..
عاينت العمتي ..
" عمة احجي شنهي التعرفيه ومخليج ساكته علمود سر علي مايطلع "
صفنت بوجهي ..
" امج ماضمتها وگالتلج مووو"
رديت ..
" اني الحيت عليها من اجيتينا ببداية زواجنا امي تدرين بيها ماتطلع سر "
ردت ..
" ديري بالج تحجين العلي يموت مايتحمل "
رديت ..
" بالعكس يمكن هيج يرتاح ليش متعذب وهو يشوف ابوه مو مثل الاباء "
تعصبت ..
" مالج دخل انت لاتتدخلين ولاتحشرين روحج بينا .. ابني يتعذب اكثر لو عرف .. عبن لايگدر يغير اسمه ولا يغير نسبه وراح تنفتح علينا ابواب مانگدر على سدها "
رديت ..
" اني مااحجي بس خليت السالفه يمج .. الاحسن تگليله انتي ولا يسمع من غيرج هالسر مايضل مضموم الاخر العمر "
ردت ..
" بس انت لاتحجين وهو مايطلع محد يگدر يطلعه عبن يخافون لاتنفضح اسرارهم "
سألتها ..
" وشني هالاسرار هاي "
سكتت ..
" يخص رضوان لو منو "
ردت ..
" مايخص احد جنج ماسمعتي "
سألتها ..
" عمتي مهجة شلها غرض وتفضحيها شسوت ؟"
تعصبت ..
" كافي ارحميني كافي .. البيه مكفيني اني حايرة بأبني وضيمه هو راتب ومامكفيه هسا شلون ياكل وشيشرب ودور ايجار ومصرف "
اتنهدت ..
" علي مامتعود يگعد بلا شغل يموت .. هو هسا وضغطه مرتفع وخايفه عليه .. منو الي بعده "
ردت ..
" امشي ارجعي الرجلج ومالج شغل ..اني ادبرها مااخليه بعازة احد ومنهل الله يجازيه على عملته .. مااخلي ابني ينزل راسه اله علمود يرجعه هسا من حور الراتب اليطوهيا .. "
گمت طلعت تأخرت ولازم ارجع وعلي مايدري بجيتي ..
سالت دمعة ..
" شبي علي .. "
رديت ..
" ظلموه مثل ماظلومنا اني وامي "
عفت البيت وطلعت صار بوجهي جعمقة ..
" شكو "
عاينت وبحرگة گلب ..
" الله ينتقم منكم "
عفته وطلعت ..
فيصل يركض وراي ..
" شبيج طايرة جدي شسوالج "
رديت ..
" فصلوا علي من الدوام "
شهگ ..
" وهسا شتسوين ؟"
رديت ..
" لاتكول العلي اجينا لهنا "
سأل ..
" واذا سأل وين جنتو "
سكتت ماحجيت..
طول الطريق دمي فاير مااعرف منين اجتني هالقوة الواجهت بيها عمي بس گدر يلوي ذراعي بماسة…
راح يخليني اسكت واسكت علي علمودها ..
مانشفت دمعتي طول الطريق ..
رجعنا وي المغرب..
دخلنا للبيت ام گاعدة على نار ..
" وين رحتي گلبي نار عليكم ومااعرف وين اروح والمن اسأل "
سالتها ..
" علي گعد ؟"
ردت ..
" ماگعد بس للحمام ورجع "
" وماسأل عليه "
ردت ..
" سأل وكلتله راحت وي فيصل تجيبلك دوة وكام يحجي يكول ليش راحت وياه "
اتنهدت ..
سألتني ..
" شسويتي ؟"
رديت..
" شسويت .. هو الظالم يرحم ؟؟ اخذوا تعبه ودراسته بلحظة .. وفوگ كل هاي بغبائي سلمتهم بنتي "
استغربت ..
" شني بتج "
رديت ..
" سالفة طويله خلي اشوف علي وبعدين احجيلج "
نزعت عباتي بالهول ودخلت للغرفة ..
جان نايم ..
اتقربت بسته ..
بقيت امسد على راسه ..
همست ..
" حبيبي لاتخوفني عليك مالي غيرك بهالدنيا حاجيني طمني عليك "
همس بصوت تعبان ..
" مابيه شي لاتخافين بس اذا گعدت وافكر اتدمر خليني نايم بلكي اكدر استوعب الصارلي "
رديت ..
" علي الاعرفه مايسكت مايضعف يواجه "
التفتت ..
" شترديني اروح اكتله وادخل سجن واخليجن وراي بلا سند .. لو ماانتن بعيني تلكيني كاتله هسا .. منهل مانخلص منه ومن سوالفه الا اذا مات "
رديت ..
" عوفه خلي يولي يجي يوم يوگع بشر اعماله .. جان دامت للشيخة حتى تدوم اله .. الله موجود مابحاله "
ضحك ..
" تحجين صدگ .. وتعبي ودراستي وشغلي هيج بسهوله انساهن .. والله الا اندمه "
رديت ..
" كافي علي كم مرة اكلك بطل عناد لاتخلي راسك براسه ماعنده مخافة الله .. هالمرة فصلك من شغلك المرة الثانية شيسوي ؟"
رد ..
" مايگدر يسوي شي شياخذ بعد من عندنا ؟"
رديت ..
" ياخذ بنتي مني "
هز ايديه ..
" مايگدر البنية بحضانتج وهو مايكدر ياخذها "
اتنهدت ..
" كلشي يكدر يسوي الدولة والسلطة بيدهم كلش يحرض عمي حطاب وعمتي وياخذوها "
رد ..
" مايگدرون شبيج شيسوون بيها هم جانت يمهم مايراعوها دور هسا ياخذوها "
رديت ..
" ياخذوها علمود يحرگون روحي وبنتي تضل ضحية وخدامة الهم مثل ماجنا احنه "
رد ..
" لو على رگبتي مااخليهم "
بجيت مااتحملت بعد واتهسترت ..
" اني غبية غبية وسلمتهم بنتي بيدي ردت اخلص منهم بأي طريقه واخذ حريتي بس طلعت حريتي مقابل بنتي "
استغرب ..
" شسويتي شكو فهميني "
مسحت دموعي ..
" ماكو شي انت مريض مو وكتها "
رد ..
" لا وكتها احجي "
رديت ..
" قبل لانتزوج عمي صاحني وبصموني على اوراق علمود مااطالب بورث بيوم من الايام واني بصمت مااعرف شني بيهن .. بس طلعت بيهن تنازل عن ماسه وعمي مخليها ورقه بيده خاف اوكف بوجهة بيوم لو اگول الاركان حقيقته "
فرك وجهة وتعصب ..
شمر البطانية وگام ..
" شلون ماتگليلي بساعيتها ليش توقعين شبيج انت شبيج "
رديت ..
" شمدريني اني وانت وين واكلك ردت بس اخلص منهم واشتري حريتي اني شعرفني هيج يسوي "
رد وهو يلبس بهدومه ..
" لان نذل وسافل وظالم وكلشي عنده سهل بس الا ادفنه يم امه اليوم "
صحت بي ولزمت الباب ..
" مااخليك تطلع .. اذا طلعت ورحتله ماترجع ادري لاتعذبني علي مااسامحك عمري كله لو صارلك شي "
صاح ..
" لاتسامحيني بس المهم اخلصجن منه .. مادامه عايش ماترتاحين لا انت ولا امج ولا بنتج .."
صحت بصوت ..
" واني شلي بحياتي وراحتي من دونك .. اني وامي وبنتي منو النا غيرك .. راضية اعيش على خبزة وماي المهم انت يمي واشوفك . الخاطري علي اهدا لاتخليني مااحجيلك شي بعد "
رد ..
" اصلا لو ماحاجيتلي احاسبج .. كلشي ولاتضمين عليه"
سحبته من ايديه وگعدنا على الجرباية ..
وامي تصيح مناك ..
" شكو يمه شبيكم .. صلوا على النبي "
رد عليها ..
" ماكو شي يمه "
عاين بوجهي ..
" شسوي فهميني ؟"
رديت ..
" فوض امرك الرب العالمين .. صدگ يجي يوم وينتهي جبروته هذا .. ودوامك الله يعوضك عنه "
رد ..
" شيعوضني صح الراتب ماجان يكفي بس جان عندي كيان ودوام واسم .. هسا شنو البقالي فهميني "
رديت..
" سوي اعتراض شو شنو بلكي يلكون حل "
رد…
" وشلون نعيش وايجار ومصرف "
رديت ..
" كلشي ينحل ماكو شي يضل على حاله "
بالگوة قنعته وهو اصلا مامقتنع بس يسايرني ..
گمت اسويله عشا ..
سألتني امي ..
" شبيكم بس لاگلتيله رحت "
رديت ..
" لا ماگلتله هو بلا كلشي تعصب وخفت يوكع خاف اكله ويضوج وينقهر بالزايد "
ردت امي ..
" لازم تگليله لاتتعلمين تضمين .. "
رديت ..
" من خوفي عليه .. ولو ادري مارايحة وسامعه هالخبر يمه لو اخذوا بنتي مني اموت مااتحمل "
سألت ..
" فهميني شني هالسالفه هاي "
سويت عشا العلي واخذته وگلتلها بالليل احجيلج ..
بالگوة اكل شوية واخذ العلاج ..
خليته يرتاح وطلعت يم امي جانت تتعشا هي وماسة وفيصل ..
" تعشا ؟" سألتني
رديت ..
" اكل شوية وبالگوة "
ردت ..
" هالولد هم تعذب بحياته دور اجته هاي صفح "
رد فيصل ..
" منو يكول جدي منهل ليش متأكدين هيج "
رديت ..
" عساس انت ماتعرف جدك منهل .. هو نكر بالبداية بعدين بالحجي اعترف "
سأل ..
" گالي لاتجي ابقى يم جدك بالمضيف ردت اجي وياه عود "
رديت ..
" لان يعرف لويش اجيت الهيج ماخلاك بس همزين عمتي حورية وياي وماسكتتله .. "
رد ..
" اي سمعت صياحها بس شعجب سكتلها "
رديت ..
" لان عمتي مو هينة عدها اسرار تفضحهم "
ردت امي ..
" كافي سدي هالسالفه لايسمع علي "
كملنا عشا اجت امي وراي للمطبخ..
" شلون تحجين هيج گدام فيصل "
رديت ..
" شني قابل يروح يحجي ؟"
ردت ..
" لا ادري بي مايحجي علينا بس خاف يفلتها يم علي وعلي يضل يدور ومايسكت "
سالتها ..
" انتي تعرفين هالاسرار شني لو لا "
ردت ..
" شعرفني اني ؟"
اتنهدت ..
" ادري بيهم ظلام ومجرمين ويمكن على هاي تحجي بس الماعرفته من گالتله انت واختك روحكم بيدي تقصد عمتي مهجة… عمتي مهجة شسوت وهيج حجت عمتي حورية "
استغربت امي ..
" مااعرف حتى مهجة جانت ماتختلط بيهن هواي اسمها بغرفتها لحد ماتزوجت وراحت وماتجي الا بالسنة حسنة لو بالمناسبات "
رديت ..
" وهذا الحيرني مو مرة وحدة .. كم مرة حجتها ومن سالتها صاحت بيه ومارضت تحجي "
ردت امي ..
" مالج دخل لاتتدخلين ماعايزين مصايب فوگ مصايبنا اصلا روحتج لهناك كلها غلط ومارضيت شلون تمشين وحدج وتحجين وي منهل بله سوالج شي شريد احصل اني "
سمعت صوته من ورانا ..
" شوكت رحتي المنهل ؟"
التفتت بسرعه وگلبي يدگ حيل..
رجع سأل ..
" شو ماگلتيلي من رحتي ؟"
رديت ..
" مااتحملت واني اشوفك هيج تعبت من ظلمهم النا اخذت فيصل ورحت مامشيت وحيدي "
رد…
" من يمتى تطلعين من غير ماتكليلي وشلون ترحين الهذا النذل شني شيكول خايف منه وادزله مرتي "
رديت ..
" شني خايف منه .. بس من شفتك بهيج وضع ماتحملت… "
عافني وراح للغرفه ..
امي ضاجت ..
" روحي احجي وياه شفتي عنادج شلون "
رحت وراه ..
" علي اسمعني ادري غلطت بس مااتحملت "
رد من غير مايعاين بوجهي ..
" رحمة كافي لاتحجين "
رديت ..
" اني رحمتك علي لاتعاملني هيج "
رد ..
" مو وكتها مالي خلگ "
دار وجهة ونام ..
اوووف اعرفه اذا ضاج يتخذ من النوم وسيلة للهروب
خليته على راحته بس گلبي ماينطيني اعوفه ..
حضنته ونمت يمه وهو ماحرك ساكن ..
اثنينا گاعدين بس مانگدر نحجي ..
بقيت افكر واكل بروحي .. احس لعنة وصابتنا بهالسنة ماارتاحينا من بدايتها ..
الثاني يوم گعدت من الصبح ..
سويت ريوگ وخليت الجاي على النار علمود يتريگ وياخذ علاجه ..
شفته يبدل ..
اتقربت منه ..
" صباح الخير حبيبي " وبسته
رد ببرود " صباح النور "
سألته ..
" وين رايح من الصبح "
رد ..
" اروح اقدم اعتراض اشوفلي حل خو مااضل هيج "
اتنهدت ..
" شنو زعلان ؟"
رد من غير مايعاين عليه ..
" اني تدرين بيه ماازعل عليج بس ماخذ على خاطري "
رديت ..
" مبين مازعلان حتى الوجهي ماتعاين .. هيج تهون عليك رحمتك "
التفت ..
" رحمتي مو هيج .. ماتطلع عن شوري ولاتتصرف بكيفها رحمتي ماتستضعفني وتخليني وراها "
رديت ..
" ليش تفكر هيج والله مااتحملت اشوفك بهيج حاله تسودنت ماشفت بعيوني رحت شايطة اسأل عمتي جانت واگفه وتسودنت هي هم وماسكتناله "
ضحك ..
" وشيگول هسا .. داز مرته وامه يدافعله .. هيج تكبر اكثر وحسباله خايف منه "
رديت ..
" شيفكر خل يفكر شتسواله الرزالة الاخذها من عمتي حسباله يلوي ذراعنا .. بس لازم نثبتله احنه نگدر نوگف على رجلنا والله ويانا وهو اليرزقنا "
باقي يعاين عليه ..
فتحلي ذرعانه ..
ماصدكت ابتسمت وحضنته ..
باس راسي ..
" بعد لا تسويها .. لاتصيرين انت والدنيا عليه "
رديت ..
" انت هواي وانفاسي وكل الاسويه من قهري عليك ابد لاتفكر هيج اموت ولااصير وي الدنيا عليك اني رحمتك علي اكتلني ولاتفكر بيه هيج "
رد ..
" انت الحضن الارتاح بي وكت ضيجي .. انتي اهلي وناسي وكلشي الي .. الهيج اي شغلة منج تأذيني لان بحساب ذوله كلهم اذوني .. "
رديت ..
" بس انت لا تقهر روحك من اشوفك هيج انقهر ومااتحمل "
رد ..
" لو شيصير بيه ماتوصلين اله وترحيله مااريدج تذلين روحج علمودي لو علمود اي احد "
تريگ شوية وطلع ..
سديت الباب وراه وادعي الله يسهله ..
طلعت امي ..
" ها يمه شلونه علي اليوم "
رديت ..
" زين الحمد لله "
سألت ..
" جا وين راح ؟"
رديت ..
" راح يشوفله حل بلكي اكو شي يساعده "
بقت تدعيله ..
طلع فيصل مستعجل حتى مااتريگ ..
صاحت امي وراه ..
" ولك يمه اكلك لگمة دومك مستعجل "
رد ..
" مااشتهي يمه مستعجل "
للظهر رجع علي وضايج ..
قدم اعتراض وعسا وان يحققون من جديد ..
راح للمحامي الجان يشتغل وياه ..
گاله شغلتك مدسوسة يعني مايفيد اعتراض لان محسومة .. ضاج من سمع هيج .. والضوجه اكثر لمن يگله .. اذا تريد ابقى اشتغل وياي ..
سأله علي ..
" شلون اشتغل وياك واني مفصول وهويتي سحبوها مني .. "
رد عليه ..
" لا مو محامي ابقى يمي نستفاد منك .. تكتبلنا عرايض او كاتب . "
ابتسمت بخيبة امل ..
گمت ..
" استاذ الناس كلها عرفتني بالمكتب محامي غير هيج ما اشتغل هنا .. "
اتنهدت ..
" يله حبيبي لاتنقهر الله يحلها .. گوم بدل حتى نتغدا "
رد ..
" شوية واطلع اشوفلي شغلة خو مااضل هيج گاعد وساكت وراس الشهر يريد الايجار ابو البيت "
رديت..
" علي اخذ ذهبي… "
قاطعني ..
" لاتكملين سدي السالفه "
ماخلاني اكمل .. تغدينا وكملنا ..
وطلع يدور شغل ..
للعصر اندگت الباب اتفاجأت بعمتي ودمعة ..
سلمت عليهن ودخلتهن ..
سألتني ..
" وين علي شلون صار ؟"
رديت ..
" احسن ان شاء الله "
سألت ..
" هو هنا ؟"
رديت..
" لا طلع يدور على شغل "
ضاجت ..
" شلون تخليه يطلع مو مريض "
رديت ..
" تدرين بعلي عمه مايعرف يگعد وبباله سالفة "
بقت تلوم بيه وتحجي على الصارله ..
" كلشي يصير بابني من وراج .. عبن منهل مايوصله لو ماصاير شي .. وانه فكرت بيها ولمن سألت دمعه وگالتلي امج رايحة وياكم للغربية عرفت ليش منهل هيج سوة .. شوداها امج وياكم لو الا تعاندين "
رديت ..
" اني وامي شعلينا .. درع اجه وتوسل بأمي تجي للعرس وهي مارضت بس هو لح "
استغربت ..
" ودرع شعرفه بأمج هنا ؟"
رديت ..
" من زمان يعرف مو توه من گبل لانتزوج وهو يعرف مكانها "
ردت .. " وشني التغير ماخليتوها مضمومة وهسا شحصلت من طلعت وراحت هاي راح بيها ابني "
طلعت امي ..
" الصار صار لا بيدي ولا بيد واحد .. وانه لو عليه مااطلع منا ابد بس درع خطية رادني اجي "
هزت ايديها ..
" وانت انقهرتي على درع وماانقهرتي على ابني المجرجراته وراجن ومبتلي بيجن "
رديت ..
" عمة علي رجلي واليصبه يصيبني "
سكتت ودارت وجهة ..
گمت سويت عشا ودمعة اجت يمي ..
" امي عرضت البيت للبيع "
التفتت مستغربه..
" وابوج شگال ؟"
ردت ..
" شيگول تعاركوا .. وعاف البيت وطلع .. دور امي داعت بحصتها يم خوالي ناوية تاخذ كلشي وتجي هنا يم علي ماتعوفه بعد "
رديت ..
" مااعرف شگلج بس بعد الصار حتى السلف كرهته وما
اريد اطبه بعد وزين تسوي عمتي من تعوفه "
اجه علي عفت كلشي بيده ورحتله ..
شاف امه استغرب ..
" يمه شوكت اجيتي ؟"
ردت ..
" من العصر هنا وانت موش مريض شعدك طالع "
رد ..
" رحمة گالتلج الصارلي "
ردت ..
" اي البارحة عرفت وتسودنت من سمعت .. ومنهل ماسكتتله بس ياهو اليگول منهل خاف موش هو ؟"
ضحك ..
" شني السالفة يمه. ..اليسمعج يگول ماتعرفيه وتعرفين سوالفه "
ردت .. " اي يمه بس انت خلي يولي لاتخلي راسك براسه ماينحزر شيسوي واني يمه مني عندي غيرك ""
رد ..
" شيسوي بعد ومحمد اخلي طلقه براسه واخلص كافي شايف روحه وعبالك ريس السحلو عيد ماعرفو يسحلوه بس هو لعبها صح وشرد الجبان البغداد "
سألته ..
" وهسا شناوي ؟"
رد ..
" ماادري طلعت اليوم شغل ماكو والناس يادوب مدبره روحها "
طلعت عمتي ذهب .. هاك ذني ضامتهن للوكت ولأختك اذا عرست ..
بس منا الذاك الوكت الله كريم…
اخذهن وشوفلك شغله بيهن ..
واذا نباع البيت نشوفلنا بيت على كدنا ونگعد بي ..
رد ..
" يمه قبلج رحمة ومارضيت .. ذهبات دمعه ماامد عليهن "
ردت ..
" رحمة شني اني امك كلشي عدي الك وملكك والبيت هم راح ابيعه ونشتري هنا "
مارضا ياخذهن الا بالكوة لان عمتي گامت تلح ..
سويت عشا وتعشينا وبيومها باتت عمتي ودمعة يمنا
دمعه جانت ضايجه ماتريد تعوف ابوها تريد تبقى يمه ..
لليل سألته شراح يسوي ؟؟
رد…
" والله بعدني مامفكر اشوف شني اسوي "
مرت الايام وعمتي عندنا ماراحت وعلي حاير شيشتغل اخر شي گام يروح البغداد يجيب هدوم ويبيعهن بالسوگ ببسطية فتحها ..
يطلع الصبح ويرجع بالليل والظهرية بس وكت الغدا يجي ..
وكلما اشوفه بهيج حاله ادعي على عمي منهل .. عبن هو السبب بعيشتنا هاي ..
امي تگلي لاتدعين لان ثلثين الدعاوي على الداعي تحسبي وبس ..
بس من اشوف علي هيج مااتحمل ..
بيوم من الايام ..
الصبح جاي انظف .. عمتي اخذت فيصل وراحت للسلف تشوف البيت .. بس المشكلة البيت ماينباع محد يشتريه لان بوسط املاكهم ..
ولاهي تقبل تبيعه الجعمقة لان فلوسه تگول حرام ..
راحت تساوم عمي حطاب بلكي يشتريه ..
اندگت الباب دمعه نايمة تتأخر بالنوم ..
فتحتها شفت درع استغربت ..
سلمت عليه ودخلته ..
سألني ..
" يول علي وين اتصلت عليه طلعلي واحد بمكانه كتولو وين علي گالي فصلوه صدگ لو جذب "
اتنهدت ..
" اي والله خوية صدگ .. ذبو عليه تهمة ولد الحرام وحرموه من شهادته ووظيفته "
" ومنو هم " سأل
" شكو غيرهم مايعوفونا بحالنا "
رد ..
" معقولة هيج مااصدگ احمد الله اني مو ابنهم صح خوالي بس احسن ممايكونو عمامي واحمل دمهم امي ماتقبل من احجي هيك .. بس جدتي تأيد كلامي "
رجع سأل ..
" هسا هو وين ؟"
رديت ..
" مااعرف يشتغل بالسوگ عنده بسطية يبيع ملابس بيهن "
طلعت امي شافته فرحت وهو هم ..
بقى يمنا لين اجه علي الظهر .. اتفاجأ من شافه سلم عليه وگعدوا يحجون واقترح عليه يمشي وياه للغربية وهناك يشتغل وي عمامه ..
بس عزة نفس علي ماتتقبل ورفض ..
ووعده درع يشوف عمه بلكي يساعده بشغلته ويرجع الدوامه .. رغم علي گالي عمه يصير صديق عمي ومااضن يرجع علي بس جنا نتأمل يصير شي ..
بس ماصار ..
ومرت الايام والاسابيع والاشهر .. وحال علي مثل ماهو .. شكد ركض واعترض وقدم شكاوي ومافاد ..
والمسؤولية كثرت ست افراد برگبته ومصاريف ..
عمتي جانت تتأمل البيت ينباع مانباع .. گامت تخيط علمود تعينه شوية .. واني گمت اخبز ووياي دمعه .. عقلها نطلع مصرف البيت ونشيل عنه ..
علي بعد ماشاف الوضع ما يساعد .. اتنازل عن مبادئه وقرر يشتغل عرضجي بباب المحكمة ..
المحكمة الي جان يداوم بيها ومن يمر عليها يصيحوله استاذ .. هسا گاعد ببابها .. بس الناس جانت تجي اله بالذات علمود هو عنده معارف بداخل المحكمة وهو اصدقاء اله يحبوه ويقدروه ..
يجي كل يوم متأذي وهو يوصفلي حاله من يداومون اصدقائه وهو گاعد بباب المحكمة يملي عرايض ..
كم مرة گلتله بطل بس مايقبل يگلي منين نعيش والبسطية يادوب تجيب ربحها ومصرفنا وايجارنا منين ؟ ..
حتى سالفة الحمل شلتها من بالي وماراجعت ولاگلتله بعد .. هاي راح تمر علينا ثلاث سنوات على زواجنا بس كل سنة جانت اصعب من سنة .. مرات اگول نقلت سوء حظي وحظ امي اله .. من دخلنا حياته انقلبت رأسا على عقب ..
سمعنا بدرع مرته حامل .. وفرحنا اله ..
جان يخابره علي .. يگله .. " علاوي راح يجي وطن واصير ابو وطن "
جنت اتمنى هالفرحة تجي العلي مثلها عقلها بفرحة الطفل يرتاح شوية من هموم الدنيا .. بس خاف يجيه حمل فوك حمله ..
عمتي جانت دوم تسألني ليش وليش ماحبلتي .. وصارت تاخذني السادة تگطعلي وتسويلي حروزة
وعلي يضوج ومايقبل ويتعارك وياها ..
وجان يگلي لو ماانت راضية ومكيفه ماتاخذج هي ..
صدگ قهرني وهو يطلع قهر الدنيا بيه ..
حسيت علي تغير او يمكن الوكت خلاه يتغير ..
بس رغم كلشي بالليل مايفارگ حظني ولا يعوفني نايمة الوحدي ..
كل يوم بالليل واني اشوفه شلون نايم وذاب نفسه ابجي عليه وعلى حظي الماخلاه يرتاح ..
اركان بعد مانجح من السادس ابوه راده يدخل كلية عسكرية رغم هو جان طموحه غير شي ..
بس عمي منهل قنعه انه السياسة هي الاهم والها السيادة والهيبة بالدولة واذا صار ضابط كلها تهابه ..
وهالشي زاد اركان غرور ..
من سمعت من فيصل هالخبر فرحت اله ..
جنت مجمعه فلوس اخذت منهن واشتريتله ساعه صح مو غاليه مثل اليلبسهن واليجيبهن ابوه اله بس عقلها مانسيته وذكرته حتى لو مايلبسهن ..
عمي اشتراله شقة خاصه ببغداد هدية نجاحه من السادس .. رغم كلشي بس ماقبل انهم يستقرون ببغداد بس جانوا يرحون ويرجعون عليه او هو يجيهم ..
لكن اركان اتبع اسلوب ابوه واستغل الرفاهية والدلال الي هو بي بطرق ثانية .. كان همة انه يكون مثل ابوه ويقلده حتى بشغله النسوان والشرب والحياة العايشها عمي ببغداد ..
سنة 1995 ..
شرف وطن للدنيا .. ودرع عزمنا على فرحة ولادته وطهره .. جان الوضع المادي مايسمح العلي .. بس ماگدر يرفض طلب درع وهو خابر للگهوة كم مرة علمود يعزمنا وحلف اذا مااجينا .. راح يجي بنفسه ياخذنا ..
امي ماقبلت تروح خاف يصير مثل الصار بزواجه .. اشترت هديته ووصتنا ننطيها اله ..
رحنا اني وعلي بس وعمتي هم ماقبلت تروح ..
جان صيف والجو حار ..
حسيت بدوخة ونحول وبالگوة گمت اجر النفس ..
فتحت الجامه واتنفس حيل ..
انتبه علي ..
" ها حبيبتي بيج شي .. "
اشرتله ..
" علي وگف السيارة راح اموت اختنگت .. "
وگف السيارة السايق ونزلت اركض استفرغت .. مدري شصار بيه .. انطوني ماي غسلت وجهي وارتاحيت شوية ورجعت للسيارة.. بالگوة يله وصلنا الهم ..
دخلت باركتلهم وسلمت على براء جانت فرحانه بي ..
الطفل يخبل واحمر ابيض ..
ابتسمت ..
" علي يشبه ماسه بصغرها تدري "
ضحكت براء ..
" لا عيني ماسه تخبل شجابها على ابننا وعليمن يطلع لا ابوه ولا امه حمران شگران "
ابتسمت…
" انتو تخبلون ماناقصكم شي "
للظهر معدتي تأذت مدري شبيه ..
حجيت وي علي يشوفلي علاج .. بس درع ماقبل الا ياخذنا للطبيب ..
احذوني للمستشفى.. حجيت حالتي للدكتورة سألتني .. " انت حامل ؟"
رديت .. " لا صارلي ثلاث سنين من تزوجت ومايصير عندي "
استغربت اطتني ورقة اسوي تحاليل ..
سويتها وبقينا منتظرين الى ان طلعن .. رجعنا للدكتورة
ابتسمت .. " مثل مااتوقعت انت حامل "
#يتبع…
( شمس السعدي )


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-04-21, 03:25 PM   #74

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


اسعد الله اوقاتكم بكل خير احبتي ❤
/// البارت السابع وخمسـون /////
#بيوت_بلا_جدران
#شمس_السعدي

----------------------------------------------
تبقى النفوس الخبيثة خبيثة .. ولو أعطيتهم من الود أطناناً ..
ويبقى الطيب طيب .. ولو واجه من الخبث أصنافاً وأشكالاً .. !!
---------------------------------------------
رجعنا للدكتورة
ابتسمت .. " مثل مااتوقعت انت حامل "
صفنت بوجهها .. حامل شنو شوكت ؟؟
ضحكت .. " اي حال لاتستغربون كلشي بأرادة الله "
نزلن دموعي مااتحملت ..
فرك وجهة علي ويبجي.. " ربي رحمتك .. معقولة تنزل الفرحة علينا بعد كل هاي الفترة "
جان درع يعاين علينا ويضحك .
" يول شبيكم يول دحكو عليه ولاتكلبوها نكد .. افرحو هساع صارت عدنا فرحة ثانية نفرح بيها.. احسبو احسابكم اذا طلعت بنت احجزوها الوطن ماتصير الغيرو"
ضحك علي .. " ولد بنية كلشي الجان المهم تمام الخلقة.. ولك درع مامصدگ راح اصير ابو ابو "
حضني گدام الناس كلها ونسى احنه وين ..
رجعنا وطول الطريق مانشفت دمعتي ..
وصلنا بشرهم علي بالبشارة الحلوة .. كلها فرحتلنا وباركت بس عمتي مهجة ماشفتها ..
جانت بيبي دنانير مخليه وطن وتسويله هوسات وهو يضحك الها ..
تذكرت من حبلت بماسه شلون ضجت وانقهرت وبعدين صارتلي الدنيا كلها..
جان البيت كله طاير من الفرح بوجود وطن بيناتهم .. سووله حفلة حنة كبيرة .. وعزموا الكل ..
مااعرف شكد تمنيت يكونون عندي اهل يحتفلون بأبني مثل براء هسا ..
دخول اخوتها الاربعه للبيت يدبكون وي درع .. ودرع شايل وطن ويهوس بي ..
وصار يتنقل من ايد الايد وخواله فرحانين بي ..
شعور حلو وماينوصف .. تمنيت اولادي عدهم خوال هيج هو واحد حنين وراح ..
من بين هالحفلة والهوسة .. التفتت واشوف عيونه عليه يعاين عليه بحب وفرح ..
للحظة اتلمست بطني ..
" حبيبي انت صرت فرحتنا بوقت احنه محتاجيك بي اجيت بالوقت الصحيح .. "
جنت اتخيل وجه امي وعمتي من يسمعن الخبر ..
كملت حفلة الحنة وتعشينا ..
هم ماعازمين غرب .. فكلها گعدت سوه ..
اشرلي اجي يمه استحيت بين الناس كلها وگرايبهم
اجه درع " تعاي لاتخجلين يول كلنا اهل حدري هين فرحتي بيكم وحق الله مثل فرحتي بولدي وطن "
اجيت گعدت يم علي ..
صاح درع ..
" شيخ علي راح يصيرلو ولد "
باركلنا الشيخ بعدها صفن عليه ..
" انت هساع شتشتغل "
رد علي ..
" والله الموجود اشتغله وماشيه الحمد لله "
رد عليه ..
" والله اني افكر من زمان اسوي فرع بالجنوب بس مااگدر اثق بأحد مااعرفو .. وانت صرت مثل درع عندنا وواحد منا .. اذا تقبل نفتحلك فرع وتديرو انت هناك .. كتولو الدرع من مدة وهو اقترح عليه اسمك والصراحة انت ولد ازلمه معدل وتعجبني ورغم الصارلك جثير بس بقيت واگف على رجولك وتكافح .. اتمنيت تجي انت وحرمتك واهلك وتعيش يمنا بس اعرف لا ولد الجنوب يعوفون ارضهم ولا ولد الغربية يگدرون احنه مثل السمجة ان طلعت من مكانها ماتت "
جان جده يحجي واني مامصدگة .. لزمت بطني ونزلن دموعي .. " يبعد امك يوجه الخير بعدني توني عرفت بي واجاني هالخبر "
رد علي ..
" شيخ طلبك وثقتك على راسي بس انت تعرف هالشي مسؤولية واني مااريد اخيب ضنك بيه وتعرف انت الوضع وحصار وخاف مايمشي الشغل واتفاشل وياك "
رد درع ..
" يول شنو تتفاشل عجل نحنا مانعرف الوضع وبعدين اني مااعوفك راح اروح وارجع الك ونمشي الشغل سوة بين ماتتعود "
علي راد يسحب نفسه من الشغل بأي طريقه بس اصرار درع خلاه يسكت ويوافق ..
اتفقوا على الشغل ..
ووقعوا شراكة علمود كل واحد يضمن حقوقه .. عمتي جانت تروح وترجع علينا تريد تعرف شنحجي ..
شفت البنات دخلن لجوة كلهن .. رحت وياهن ..
كاعدة براء وبحضنها وطن اخذته منها الاعبة ..
ابتسمت ..
" تدرين براء احس وطن يشبه ماسه بصغرها بس الفرق ماسه شعرها احمر على امي مو مثل درع "
ردت ..
" طبعا كل واحد يطلع على اهلو .. بس وطن احسو بي شبه منكم يعني وراثتو ورثها منكم مو منا "
ضاجت عمتي مهجة ..
" شني هالحجي منين وارث منا .. اصلا وطن يشبه عمات درع .. مو عمه ؟"
ردت بيبي دنانير..
" اي يشبه عماتو بس هو بعده طفل اربعين شكل الو لاتتكاونن على الشبه "
سكتت بعد ماحجيت ..
اخذت براء ابنها وصعدت تنيمه .. وبيبي دنانير راحت الغرفتها.. بقيت بس اني بالهول والبنات گاموا ردت اكوم للغرفه حسيت بدوخة مااعرف شبيه يمكن من الحمل .. صارت بوجهي عمتي ..
" سوالفج هاي اعرفها شني تردين تخربين بيتي "
استغربت ..
" شسويت ؟"
ردت ..
" خطية ماتعرف شمسوية .. حسبالج مااعرف شلون قشمرتو ابني واخذتوه الصفكم علمود تطمعون بي ودور اجيتي تلمحين على ابنه وتكولين يشبه بتي شني قصدج هاا ؟"
رديت ..
" شني قصدي ماعندي قصد .. بس صدگ هو يشبه بتي
عمه ليش دوم هيج تحجين وجن اكو اني مو بنت اخوج "
ردت بنتر ..
" انت بنت الفصلية مو بنت اخوي .. الساعه السودة الجبت بيها درع ليكم وخليته يتگرب ويعرفجن .. فريتن عقل ابني وان صار بيوم واخذتنه مني لأخلي حياتجن جحيم عبن اليهدد حياتي ماارحمه "
استغربت ..
" عمه شبيج ليش هيج تحجين ان جان على درع مالنا شغل بي وهو مو جاهل وناخذه ووين ناخذه "
عافتني وراحت ..
حسيت روحي مخنوكة .. هي حتى بناتها ماتخليهن يتقربن مني ويعاينن عليه بعين الصغيرة .. اثنينهن مخطوبات الولد عمهن بس يكملن دراستهن ياخذوهن بس مو مثل براء شايفات حالهن .. مريم مالها دخل وهي طبعها هادي بس ميسم مثل عمتي مهجة واطباعها ..
من سمعت امها تحجي وياي هزت ايديها وراحت ورى امها ..
دخل عمو رماح ..
" ها يابة شبيج محتاجه شي ؟"
رديت ..
" ها ردت علي هو هنا ؟"
رد ..
" اي بالحديقة هو ودرع وحدهم "
رحت للحديقة شفتهم يسولفون ويضحكون ..
شافني درع ضحك ..
" دحك عليها اشتاقتلك عجل ماتنام الا تشوفك "
ابتسمت وتقربت منهم ..
گام درع ..
" اروح انام باجر نگعد من الصبح نطهرو الوطن مو تاخذكم النومة "
راح درع سحب علي ايدي باسها ..
" حبيبتي ماشفتج ولا باركتلج زين "
ابتسمت ..
" فرحان ؟"
رد ..
" شني فرحان اسعد انسان بالدنيا هسا .. هالجاهل متاكد راح يجيبلنا الخير وياه .. تدرين هسا اني ودرع جاي نحجي .. يومين ويجي لهناك نفتر نشوف مكان زين نسوي بي الفرع مالتهم .. وراح الزمه اني تعرفين شني معناها .. معناها راح نرتاح حبيبتي واولادنا يرتاحون "
اتنهد ..
" حشا الله يگطع يعمري .. ضحكتك هاي تسوة عندي الدنيا كلها .. من زمان ماشفت وجهك هيج يضحك "
لزم ايدي عصرهن بين راحة ايديه ..
" ااااخ لو مااني هسا عد العالم جان كضيتج هيج وعصرتج بحضني ياسعادتي كلها "
دمعت عيوني ..
" علي مامصدكة لسا تدري .. يعني راح يصير عدنا طفل وانت راح ترتاح بشغلك ونرتاح .. جنت اضن انه من اجيت ماجبت الخير الك وجنت دوم اكل بروحي "
خله اصبعه على شفافي ..
" اششششش لاتگولين هيج انت انطيتيني السعاده كلها والصار اختبار النا اثنينا والحمد لله عديناه .. جان منهل النذل يريد يذلنا بس حشا الله يگطع "
رديت ..
" الحمد لله .. بس خلينا نروح باجر من وكت بس يطهروه نمشي "
رد ..
" فشله حبيبتي تدرين مايخلونا نطلع "
رديت ..
" اعرف بس طلع الحجه بيه كلهم تعبانه .. اريد اروح افرح امي وعمتي اريد افرح اني هنا اختنگت "
ابتسم ..
" شني الحمل اثر عليج شو احسج ضايجة "
رديت ..
" لا والله مو الحمل بس عمتي مهجة مدري شبيها من تشوفني تتسودن "
رد ..
" خالتي هذا طبعها من زمان هي يايوم ضحكت بوجهنا حتى هسا تضحك جنها مستعره من عدنا "
رديت ..
" وبناتها هم عليها همزين درع طلع على بيبيته دنانير مو عليهن "
رد ..
" درع عمله نادرة وين اكو منه "
گمت نمت ..
احس ظهري اذاني .. بديت احسب شوكت اجيب معناتها بالشتا يصير يجيابي على السنة الجديدة ..
ثاني يوم من الصبح كلها گعدت .. سمعت الدمام وابو الطبل يدگون ..
فزيت ..
ماحسيت على روحي من التعب ..
گعدت غسلت ..
شفت براء تبجي وحاضنه امها ..
وتصيح ..
" درع جيبو مااريد لاتطهرو ابني راح يموت جيبو كافي"
وبيبي دنانير تحجي عليها ..
" كافي تتماوعين لا تدحجين عليه تعاي هين "
وامها ترد ..
" غير ابنها ياعمة عجل تشوفو يبجي وتسكت "
ردت ..
" ذكرتيني بطهر درع الدنيا مخبوصة وامه ولاعبالك امه گاعدة تسولف "
ردت عمتي ..
" ياعمة وين اسولف غير الهي نفسي مااريد اسمع حسه بس شمدريج يكَلبي شني "
ردت عليها ..
" والله مااضن عندج گلب ربيتي بناتج اكثر ماربتيه لو ماعماتو هنا قبل لايتزوجن جان حالو حال "
جنت صافنة على كلام بيبي دنانير .. صدك عمتي مااحسها تهتم الدرع عندها برود مثل برود الشيخة ولاعبالك ولدهن ماحسيت بالشيخة عندها حنية الا على رضوان وبس ..
كملو الطهر ماخلونا نطلع الا نتغدا يله ..
براء مگابله ابنها تبجي وتعاركت وي درع لان طهروه وهو يضحك عليها ..
" عجل غير يصير زلمه شلون ترديه يبقى عمرو كلو بلا طهر "
ردت ..
" وهو مايصير زلمة الا اذا گصيتو عجل ترضون يأذوه مثل ماتأذيتو "
صاح بيها ..
" يول فضحتينا كافي .. ذكرتيني بعصبيتج بليلة عرسنا"
من گالها هيج ضحكت وتغيرت ملامحها ..
" درررع اشنو هاي .. بطل حجواتك لاتفضحنا "
رد عليها ..
" غير وريتي گلبي ور وشعلتي النار بيه وخليتيني اتعصب وازكح بيج .. وحلفتي ماتحجين وياي ولاتدحكين بيه لو اتقربتلج وهسا صار عندنا وطن ونسيتي .. هاي مثل ذيج هم تنسين يلبوتي الشرسة"
خزرته وتأشر على الكاعدين ..
ضحك ..
" عجل شراستج بس يمي يول وين ذاك الهجوم "
صاحت بي بيبي دنانير ..
" دكافي حجيكم الماسخ توكم ذكرتوا ليلة عرسكم عود اذكروها بحجرتكم يله امشي للازلام فشله "
سألنها البنات ..
" برو ماحاجيتلنا عن ليلة عرسكم "
ضحكت وهي تعاين الابنها النايم بحضنها ..
" عبالي العرس بدلة وزفه ودبكة .. دخلنا الغرفة اجه درع دخل .. باس راسي ..
" واخيرا لبوتي صارت الي وبحضني .. اتقرب مني وراد يفتح السحاب .. وانه زحكت بي ..
" اشنو تسوي ماعيب "
ضحك ..
" برو اكيد تتشاقين ؟"
رديت بتوتر واني اعدل بروحي ..
" لا احجي الصدك عجل احنه مااتفقنا هيج هساع اصيح امي وابوي ياخذوني لو تقربت "
صفن عليه مامصدگ ..
" برو العني الشيطان ولا تضيعي فرحتي ولهفتي طول هالسنين "
رديت بعصبية ..
" عجل انت رايدني كل هالسنين علمود هالسالفه هاي "
اتقرب وهي يبتسم ويحاول يهديني ..
" طبعا لا حبيبتي ولبوتي الحلوة .. انه احبج يول بس ليلة الزواج لازم نتممها عجل شلون تصيرن حرمتي "
كتولو " انسى هساع انت تطلع وانه اسبح وابدل واصيحك تجي تنام وهاهي "
صفن عليه ..
" وانه ماخذج اناطر طولج وانتي نايمة .."
هزيت راسي..
عاد هو انجن عليه وسحبني بقوة وشمرني على الجرباية ..
" يول ردت اجيج بالحسنى وانت عاندتي .. راح اراويج الاسد شلون يروض لبوتو لو تمردت عليه "
واخذني بالقوة وانه ماخليت مكان ماعضيتو وخرمشتو بي .. خليتو يصب دم .. وهو ماحاس بالدنيا ..
ومن كمل گتولو .. مااريدك بعد طلعت اسد متوحش ..
ضحك وكالي .. وانتي لبوة شرسة ..
ضحكنا على سوالفهم ..
واتذكرت ليلة زواجنا شلون جانت هادية وحلوة وهم مخلصيها مصارعات بليلتهم ..
للظهر تغدينا وكملنا ..
اجه درع ..
" يله خيتي ابو حسين يريدج .. كتولو يبقى اليوم وماقبل عجل راسو يابس اذا قرر انتهى الامر .."
رديت ..
" تتهنى بي وان شاء الله تشوف عرسه .. بس تعرف محد يدري بحملي ونريد نروح نبشرهم واني هم تعبت"
هز راسه ..
" اعرف وانه اجرت سيارة توصلكم الحد البيت حتى ماتعبين "
رديت ..
" ليش زحمت نفسك احنه نروح للگراج "
رد ..
" اختي حامل واخليها تروح للكراج ؟ يوم النفرح بابنكم وطهرو "
ابتسمت ..
" وشمدريك ولد جايز بنيه "
رد ..
" عجل افرح لو بنية احجزها الوطن وماتصير الغيرو "
سلمت على براء وبيبي دنانير ووجبت وطن وطلعت..
لگيت علي منتظرني ..
سلم على الزلم وطلعنا ..
طول الطريق وهو يسالني ..
" بيج شي تحسين بشي ؟"
واني اضحك .. جانت بيبي دنانير مطيتني فواكه وحلويات وماي للطريق ..
بس مااشتهي اكل .. احس الطريق صار شطوله مشوقه اشوف ردة فعل امي وعمتي ..
وصلنا للبيت تعبانه حيل ..
نزلت وعلي نزل الغراض وراي ..
صاحني ..
" اوكفي لاتفوتين نفوت سوة اني اريد ابشرهن "
ابتسمت علئ سوالفه ..
دخلنا لكيناهن فارشات الحصير مثل عادتهن بالطارمة ويشربن جاي ..
شافنا حجت عمتي .. " هايمه شو جيتو مو گلتوا يومين نضل لو مهجة العوبه نكدت عليكم واجيتو "
ضحك علي ..
" محد ينكد علينا فرحتنا .. يمه راح تصيرين بيبية "
صفنت مستغربة ..
امي بسرعه نزلن دموعها ..
" حلمت بيج البارحة بس ماصدكت ودعيت الله يترس حضنج معناتها البشارة اجتني بالحلم وانه ماادري "
ضحكت عمتي ..
" بس لا حامل ولج "
هزيت راسي ..
" اي حامل البارحة من رحنا تخربطت بالطريق وماادري بروحي وتالي طلعت حامل "
فتحت عمتي ايديها العلي راح حضنها وصاروا يبجون سوة ..
" اوووف يبعد امك جنت خايفه تضل عمرك كله وحيد بس راح يجيك السند وينترس حوشك فروخ "
حضنت امي وابجي وهي تبجي ..
ودمعه تكمز من الفرح ..
" راح اصير عمه راح اصير عمه "
رحت حضنت عمتي وهاي اول مرة احس بحنانها ..
عاينت عليه ..
" مو تزعلين مني لو ضغطت عليج بس انتي والدة وتعرفين الام شلون "
رديت ..
" الام ماتزعل من بنتها "
بجت .. " الله حابني ورزقني بيج طلع ابني احسن مني وعرف يختار "
باس علي راس امي وكال ..
" كافي عتب وبجي ولوم منا وجاي خلونا نعيش حياتنا انتو عائلتي الوحيدة .. ماعلينا شيصير بعد برة بيتنا نارهم تاكل حطبهم .. منا وجاي كله فرح ان شاء الله "
ابتسمت عمتي ..
" الله يفرح دوم ومايغيب هالفرحة عن وجهك يوم الترجع الوضيفتك وترتاح "
باوعلي وضحك ..
" الله ماياخذ شي اذا ماينطي .. الخبر الحلو الثاني .. دخلت شريك وي جد درع وراح يفتحون فرع ثاني الشركتهم هنا واني اديرها "
ضحكت عمتي ..
" يعني شني ؟"
ردت ..
" يعني صار عدي شغل وحياتنا راح تتغير "
ضحكن امي وعمتي وضلن يدعن ويحمدن الله ويشكرنه ..
بيومها علي جابلنا اكل من المطعم جان ناذر لو صار عنده طفل .. وجاب دجاجتين ذبحهن واطاهن الفقير
لو عنده جان سوة اكثر .. بس نذر لو جبت بسلامه يجيب خروف ويذبحه ..
هالسنة جانت حلوة علينا ..
بعد كم يوم اجه درع هو وعمه ودوروا على مكان مناسب اجروه وتعاقدوا . بقوا كم يوم يمنا .
راح عمه وبقى درع منتظر توصل البضاعه ويصفوها هو وعلي ..
امي جانت فرحانه بوجود درع يمنا .. وعتبت عليه ليش ماجاب براء ووطن تشوفهم .. وعدها بالجية الثانية يجيبهم ..
فيصل جان يغار من درع ويتكاونون لان امي تهتم بي ..
عرفنا من فيصل .. زهرة جاييها خطابة واهلها موافقين
ناس من غير سلف وعمتي سمرة ماجايبتلهم طاري رضوان ولا حاجية بي ..
امي بقت تبجي من سمعت ..
ردتها عمتي حورية ..
" عليمن تبجين .. هسا من حور زهرة وتضوجين لان عافت ابنج "
ردت امي ..
" مامقهورة على زهرة لان ماتستاهل ابني .. بس مقهورة على ابني وشبابه الراح ومااعرفنه وين ماوين "
ردت عمتي ..
" خاف احجي وتضوجين .. هو لو عايش شمانعه مايرجع .. اني اگول رضوان ميت ومحد يگللنا عبن تتذكرين الشيخة ووكعتها يمكنها عرفت خبر عنه هالطاحت .. صح مااحبنها بس الحگ ينگال مايهدها الا مهجة ورضوان "
ردت امي ..
" اني گلبي يگلي عايش .. والشيخة يمكنها عرفت مكانها هالطاحت وراحت وراح سر ابني وياها "
اتنهدت عمتي ..
" ماماتت اسرارها عبن سوالفها الشينة يجي يوم تطلع وان فلتت من الحساب بالدنيا هسا تلكيها تتحاسب بگبرها وبالاخرة "
راح فيصل بالعطلة لهناك ..
لان عرس زهرة وعمي حطاب مامخلي احد ماعازمه حتى عمتي مهجة وبناتها جايات ..
جانت دمعه فرحانه ومشغله الراديو وتركص بليلتها ..
كملت شغل وشفتها ..
" شني فرحانه بعرس بنت خالج "
ردت ..
" اي والله لو امي مخليتني رايحة وي فيصل جان دبجت تدبج عبن هاليوم ناطرته من زمان تعرس واخلص منها .. وهي خطية تلكيها ميته من الفرح "
ضحكت ..
" طبعا تفرحين صفالج الجو "
اتنهدت ..
" اووووف هو غير يجي حتى الانتظار تعب مني "
استغربت ..
" هيج تحبيه ؟"
ابتسمت ..
" تدرين اني من صغري تعلقت بي جنت اشوف كلشي حلو من اشوفه .. الوحيد هو جان يطيب خاطري من الجهال تضحك عليه لو بنات منيرة يقلدن على سماري جان يصيح عليهن ويكلهن .. جمالها هندي وحلوة صيرن مثلها ومثل اخلاقها يله تحجن .. جان مايطي بيه .. بيوم وليلة وكبرت واني ماببالي بس هو . ومرة منهن حلمت لن اجه رجال اطاني ورقة مكتوب بيها اسمه .. وتوقعت يصير من نصيبي بس خطبت الشيخة اله زهرة وخابت امالي .. وهسا تجدد الامل بيه من جديد معناتها رضوان من نصيبي راح يصير "
اتنهدت ..
" الهيج جنتي ترفضين كل اليجيج "
هزت راسها ..
" يمكن الهيج ويمكن لان مو من قسمتي .. لان امي تگول القسمة تسد الحلوگ .. وانه كل اليخطبني ومااقبل امي تصف وياي وتعرفين انتي امي لو رادت شي ماتاخذ راي وتزوجني غصب عني "
ابتسمت ..
" هنيال رضوان عليج لو يرجع ويحس بيج ويحبج "
ردت ..
" يرجع يرجع ان شاء الله لو اصير عجوز هم اضل انتظره "
استغربت تحجي وكأنه بينهم قصة حب جبيرة .. مستعدة تنتظره وهم مابينهم اي رابط وعهد .. جا شني من حب هذا .. فرحانه وادعي الها وبنفس الوكت خايفه تنخذل بيوم وتبقى هيج لاهي شايفه حياتها ولاهي محصله الامل التتمناه ..
مرت ايام حملي وبطني بدت تكبر .. وعلي فرحان بيه وبالطفل وعمتي وامي يتسابقن ياهي التجهزله اول ..
من غير مايعرفن ولد لو بنية ..
علي جان مايريد يعرف جنسه .. وماسه ساعه فرحانه وتنتظره وساعه تغار وتكل العلي .. خاف بعد ماتحبني اذا اجه الطفل ..
وهو يقنعها ويراضيها ..
" لو يجون عشر اطفال .. انتي راح تبقين بنيتي الجبيرة وحبيبتي ومدللتي .. "
وهي تضحك وفرحانة.. لان تعلقت بي كلش وماتصيحله الا بابا .. ماتقبل احد يدرسها غيره وهو يوصلها ويجيبها للمدرسة يخاف عليها ..
شغله زين وحالتنا تحسنت ..
واجرنا بيت قريب على مكان شغله .. وبيت جبير ..
جان حلمه يشتري عرصه ويبنيها ..
ويحلم يسوي طابقين وغرف هواي علمود يكفي اولادنا ورضوان اذا رجع وفيصل من يجينا .. كلها جان يفكر بيها .
حتى اركان جان عندي حلم انه بيوم يوعى ويعرف الحقيقة ويرجعلنا ..
اركان عاش حياته ببغداد وحسب ماسمعت من فيصل مايجي الا يوم بالاسبوع يشوف امه ويروح ..
جانت عمتي بثينة تريد تروح وياهم البغداد بس عمي منهل مايقبل ..
وحسب اعتقاد علي .. انه مايروح ويستقر ببغداد ويعوف كلشي من ورث وگيعان والشيخة الحطاب وابنه
اركان ..
هي هاي الحياة الجنت اتمناها .. بعمري ماحبيت السلف ولا عيشته ..
من ابوي جان ياخذني البغداد جنت افرح .. حياة ثانية بالنسبة الي ..
درست وتعبت علمود اوصل الحلمي وهي الدراسة ببغداد والعيشة بيها ..
من جنت صغير واشوف ابوي شلون عايش حياته .. نسوان وخدم وحشم وانه اريد اكبر واصير مثله .. وبعد مادخلت الكلية العسكرية حلمي بدا يتحقق ..
اجرلي شقه بأرقى مكان ببغداد ..
جماعتي بالكلية كلهم ولد وزراء وامن ووجهاء بالدولة ..
اول يوم الي ببغداد ..
بعد ماجاب ابوي مرة نظفت الشقه ورتبتها ..
عدلت ملابسي ..
اجاني ..
" ها بوية مستعد للمرحلة الجديدة بحياتك ؟"
ابتسمت ..
" وسفه انه ابن منهل "
ضحك ..
" تتذكر من نجحت ووعدتك اخذك وياي بمكان ما تحلم بي "
رديت ..
" اي صح "
رد ..
" هالمكان النروحلة ماتروحله الا بعد ماتتخرج وتصير ضابط وتفرحني بيك .. بس هااا بيني وبينك امك ماتدري ابد "
ضحكت ..
" سرك ببير يابة "
اخذني للحلاق رتبت شعري ووجهي .. رجعت للبيت سبحت ولبست ملابسي الجديدة.. وجن يوم عرسي ..
ابوي اذا وعدني يوفي ولليوم ماگالي شي ماسواه الهيج جنت افتخر بي واريد اصير مثله ومثل قوته وهيبته بين الناس ..
صعدنا بالسيارة والسايق اخذنا المكان..
جانت السيارات مصفوفة كلها سيارات غريبه ..
والشخصيات التنزل منها هيبة وتطگ بالكاع .. عالم غير عالمي الجنت عايش بي ..
احس روحي جنت بجحر لو كهف وطلعت منه للدنيا
اول مامشيت عثرت واني اعاين الهم ..
صاح بيه ابوي..
" مااريدك تعثر گدام احد .. هالمرة عثرت المرة الثانية انتبه .. هنا لازم تكون حذر بخطواتك لان الضعيف ينوكل .. "
ماانكر جنت خايف من حجي ابوي وتحذيراته المستمرة بس جنت راغب اجرب واجازف واوصل ..
دخلنا بقيت صافن .. مجاميع صايرة ..
وكل مجموعه بوسطهن نسوان كاعدات وياهم .. نسوان مو مثل نسوانه النشوفهن والعدنا بالسلف.. نسوان وجنهن حورية وتمشي .. الشعر للركب والجسم خيزران
اتقربت وحدة جبيرة بالعمر بس حلوة حيل ..
" شلونك سيدي مشتاقين طولت غيبتك "
جانت تحجي وتعاين عليه وتبتسم ..
ضحك ابوي ..
" هلا جمارة عندي شغل هالفترة مااكدر اجي "
ابتسمت وعينها عليه ..
" منو هالحليو الوياك "
رد ..
" هذا ابني ان شاء الله راح يصير ضابط قريبا "
ردت ..
" اااممم معناها الشبل والاسد منورينا الليلة .. تحب نشوفله على ذوقي لو…. "
قاطعها ..
" لا حاليا .. هو بس يتفرج بعد وكت يدخل بوسطنا لما يكمل ويتخرج يله "
ضجت من ابوي استصغرني ..
رحنا گعدنا .. اني بنية جسمي ضخم وطويل اليشوفني يكول اكبر من عمري .. جنت امن اشوف وحدة تعاين عليه افرح واحس بثقه بنفسي .
المكان جان لاهو مطعم ولا هو فندق ماينعرف ..
بس مايدخله الا الي بالدولة والكبارية ..
جابو مطرب جان يغني وامهات الشعر الطويل يتماوعن
التفتت شفت وحدة گاعدة بصف ابوي وتضحك وجنها متعودة عليها ..
اخذها وكام .. اشرلي ..
" هسا اجي لاتگوم من مكانك "
مشى وعافني..
بقيت صافن واعاين عليهم ناس بعالم ثاني .. هيبتهم المعروفه امام النساء ضايعه وحدتهم تجيبهم منا وتوديهم منا وكلهم يطوطحون وجنهم بغير عالم ..
اجت جمارة ..
" يحلو ليش صافن تحب اجيبلك اليسعدك "
رديت ..
" لا شكرا مااريد "
ضحكت ..
" انت ماتشبه ابوك .. ابوك اسد ماتوگف بنيه بوجهة بس تدري انت حلو وعيونك دمار معقوله امك هيج حلوة .. العنده هيج مرة حلوة يفكر يجي لهنا يتونس "
ضجت من حجيها وگمت ..
بقيت افتر احس روحي اختنگت .. مامتعود على هيج مكان..
عفتهم وطلعت ..
بقيت افتر برة واشوف الناس الطابة والطاعه ..
بقيت اضرب برجلي شكو حجار بالكاع مااعرف شسوي ..
سمعت صوت وراي فزيت ..
التفتت شفت وحدة واكفه ..
" انت مبين اول مرة تجي شجابك الهيج مكان "
رديت ..
" وانتي منو وشعليج "
اتنهدت..
" ساعه صارلي اراقبك لاشكلك ولاتصرفاتك تنتمي الهيج ناس وهيج مكان مبين ابن ناس "
ضحكت ..
" يعني الموجودين هنا مو ولد ناس ؟"
ردت ..
" الموجودين هنا حيوانات غايتهم يجون ينهوشون بلحمنا بفلوسهم وسلطتهم .. واحدهم تحسه ذيب بالنهار وبالليل يجي لهنا يصير تحت رجلينا جرو .. "
ضحكت بأستهزاء ..
" وشجابرج تخلين الحيوانات تنهش بيج اذا ماانتي راغبه وعلمود الفلوس .. هم يدفعون فلوس وانتن تقومن بواجبجن واحد فايد الثاني "
ابتسمت ..
" مو كل الموجودة هنا معناتها راضية وقانعة .. مرات الظروف هي التجيبها "
سألتها ..
" وشني هالظروف التحجين عليها بله "
ردت ..
" مثلا الجوع والفقر .. لو الجمال "
صفنت بوجهة ..
ردت ..
" ليش مستغرب الجمال لعنه لهواي بنات .. لان واحدهم لو شافها وعجبته مايمنعه شي منها ياخذها غصب ويحطم حياتها ومستقبلها واهلها ويضيعها لمجرد حلوة وعجبته .. "
ضحكت ..
" هاي حجج تقنعن نفسجن بيها "
ردت ..
" مااعرف ليش احجيلك اصلا .. بعد يومين انت تصير حالك من حالهم "
عافتني ومشت ..
التفتت اعاين عليها .. مشيت وراها..
حيرتني بأمرها ..
بقيت گاعد اراقبها لين اجه ابوي .. جان يطوطح حاله حال الموجودين ..
كمت سندته واخذته وياي ..
صحت السايق والحماية ساندوه وياي .. حاسبوا وطلعنا
وجنهم متمرسين ويعرفون السالفة شني ..
وكتها عرفت ليش ابوي مايقبل يجيب امي هنا ويستقرون ..
رحنا للشقة نيمته بالغرفة ونمت اني بالصاله وافكر بالحياة الدخلتلها جنت احسها سهلة بس اليوم دخت والدوخني اكثر البنية الشفتها ..
مااعرف ليش شغلت تفكيري .. او يمكن لان ماحاجي ولاشايف بنية گبل ..
رحمة ..
قربت ولادتي .. وجنت منتظرة يوم يوم اجيب وارتاح ..
علي ماقبل حبوبه تجيبني يخاف عليه .. يكلي الزمن تغير لاهو زمن امج ولازمن امي ..
بيوم اني نايمة جنت توني طابة بشهري..
حسيت شي جواي ..
فزيت لگيت ماي ..
تخبلت .. گمت گعدت علي من الشغل والتعب مايدري بروحه ..
رحت الامي وعمتي خايفه گعدتهن فزن ..
من شافني ضل يصلن على النبي ..
راحت دمعه گعدت علي اجه يركض ..
" ها رحمتي شبيج مو كلتي بعد وكت شبسرعه "
ردت عمتي ..
" اكو نسوان اول شهرها تجيب شبيك خايف "
ردت امي ..
" شو ماتحس بوجع خاف ماعدها ولادة "
رديت ..
" اي مااحس بشي "
بدل علي واجه ..
" بدللها بين مااشوف سيارة واجي ناخذها .."
بدلت وحضرن الجنط امي وعمتي .. واثنينهن يردن يرحن ..
گعدنا فيصل وصيناه على دمعة وماسة ..
وطلعنا للمستشفى..
من فحصتني الطبيبة گالت ماعندج طلوگ ولا ولادة حولوني سونار جان نبض الطفل ضعيف ..
الدكتورة صاحت عليه ..
كمت ابجي من الخوف وعمتي وامي يدعن ..
خفت لااخسره واني منتظرته يوم يوم ..
اعاين على علي وجهة انگلب وشحاله صار وقع على عمليتي وصار يهدي بيه وهو اصلا يرجف كله ..
دخلت العمليات واني اوصي علي وامي بماسة ..
خفت يصيرلي شي وتبقى بلا ام ..
ماخليت ايه ماقريتها ..
فتحت عيوني اسمع علي يحجي وياي ويبوس براسي
" ام حسون حبيبتي حمد لله على سلامتج "
رديت ..
" اني عايشة لو ميته "
ضحك ..
" اسم عليج يعمري انتي هنا يمي وهذا حسون كلشي مابي "
حجت امي ..
" ولج يمه شوفي حسون شحلاته "
سألتها ..
" يشبه منو "
ردت عمتي ..
" يشبه علي مامخلي شي منه "
ابتسمت ..
" جا حلو معناتها "
ضحك علي ..
" اليسمعج يگول مو حلوة انتي بس عيونه اضن عليج بيهن لون "
صاحت امي ..
" يمه گولوا يله حلو مو حلو اهم شي تمام الخلقة "
بقيت انام واكعد للصبح وعيت ..
شفت امي وعمتي يمي ..
وعلي راح جاب ريوگ الهن وجايبلي شربت وبسكت ..
گومني وكلني ..
دور گالي گومي تمشي الدكتورة تكول ..
سندني ويمشيني بالممر .. والممرضات يعاينن علينا واني اغار عليه وهو يضحك ..
" خرب يومج حتى وانتي مريضه تغارين "
بقينا الثاني يوم بالمستشفى اخذت حسوني الحضني شميته ورضعته يخبل بس ناعم صغيروني طلع ..
افكر بماسه لو شافته شتسوي ..
طلعنا للبيت ..
جانت ماسه بالباب منتظرتنا ..
شافتنا صاحت ..
" دمعه اجو اجو "
جانت مارايحة للمدرسة لان علي ماهو ياخذها .
وتكول دمعه ماقبلت تروح الا نجي وتشوف الطفل ..
دخلنا وهي مكابلته وكاعده وتضحك ..
ماعافته ولا دقيقه .
مشتري علي العاب الها واطاهيا گالها من حسوني ذني فرحت بيهن ..
وصار كلما يطلع يجيبلها شغلة ويگلها هاي من حسوني لدرجة تعلقت بي كلش وحبته وماتنام الا يمه ..
اني جنت بس ارضعه وعمتي وامي متكفلات بي لدرجة صارن يتسابقن ياهي التگعدله اول ..
واني وعلي نضحك عليهن شلون نسن الدنيا وهمومها كلها والتهن بحسوني ..
جان شتا علي ماقبل يطهره گال خليها للصيف ونطهره علمود يكبر شوية ونعزم درع واهله يجون فشله لان عزمونا بطهر وطن ..
بعد شهرين من ولادتي ..
اجانا خبر وفاة ضرة بيبي دنانير يعني مرت الشيخ الجبيرة . خطية من زمان جانت مريضه وحايرين بيها الى ان توفت ..
علي گال نروحلهم نعزيهم لان هم اصحاب فضل علينا وتعتبر بيبية درع ..
گال الامـي وعمتي يرحن بس ماقبلن .. امي خافت تتواجه وي بثينة وعمتي مهجة هناك لو عمي منهل ..
وعمتي هم ماتريد تشوفهن ..
بس علي اصر على امه تروح ويانا .. جان حسوني عمرة شهرين وشوية .. جان نهاية الرابع من سنة 1996 ..
رحنا اني وعمتي وعلي ..
مقررين بنفس اليوم نرجع لان شغله وحسوني عفناه يم امي ..
دخلنا للبيت عزيناهم جانت بيبي دنانير بس تبجي عليها وتنوح لان تحبها وتكول مااذتني بيوم رغم انفرضت عليها وهدوني للشيخ وخذاني غصب .. بس ماحسسوني اني هدية وجن وحدة منهن حتى ابني وبناتي مافرقتهم عن ولدها وبناتها..
طول ماگاعدين وعمتي تعاين الوطن ابن درع .. صافنه عليه وهو بحضن براء ..
بس گامت عمتي مهجة گامت عمتي حورية وراها ..
ما اعرف شنو الخلاني اگوم .. وراهن بحياتي ماجنت فضولية بس هالمرة ماادري يمكن خفت تصير مشكلة لان عمتي جانت جايه مجبورة لهنا مارادت تجي ..
عمتي بثينة وعمتي سمرة وكلهن گاعدات ..
جانت عمتي حورية تحجي وياها وتكلها .. شگد حفرتوا الي والابني بس ماراح تتهنون والله راح يوكعج انتي واخوج .. ذاك يشبه مرمر وشما رادوا يضمون السالفه الولد كبر وافتهم ويمكن يعرف ومغلس ..
وانتي ابن درع شوفيه كلما يكبر يصير يشبه مرمر وبت رحمة اعاين عليه صار ساعه وجن هن گاعدات كبالي
بس اتعجب على عمتي شلون مافطنت عليه وشلون ماسالوا هالولد يشبهمن ..
ردت عمتي مهجة بعصبية ..
جنت موجودة يمهن ومامنتبهات الي ملتهيات يتكاونن
" حورية سدي حلگج .. لاتنسين سري مقابل سرج "
ردت عمتي حورية ..
" اني مابگت طفل من امه مثلج .. اني وابني انظلمنا لاتهددوني بهالسالفه ابني كبر ويفهم بس انتي شتگلين لعيالج والدرع لو عرف هو مو ابنج وابن مرمر الفصلية الاتفقتن انتي وامج واخذتي الولد من امه "
احس روحي طلعت من سمعت وعيوني غوشت ..
اتكيت على الباب صار بي صوت ..
دارت وجهة عمتي صوفر وجهة من شافتني ..
عمتي حورية اجتني تركض..
" رحمة شبيج "
لطمت عمتي مهجة..
" سودة بوجهج حورية ولج بس لاسمعتنا "
احس طنين بأذني مااسمع شي .. وعيوني مااشوف بيهن صرت كلي ارجف ..
اجت عمتي مهجة رادت تحجي وياي دفعتها وطلعت
اريد احجي اريد اعيط صوتي اختفى ..
افترت الگاع بيه ووكعت بوسط الحوش ..
#يتبع ..
( شمس السعدي )


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-04-21, 03:27 PM   #75

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



مساء الورد احبتي ❤️
/// البارت الثامن وخمسـون /////
#بيوت_بلا_جدران
#شمس_السعدي

----------------------------------------------
الليل يسأل من أنـا …
أنا سرة القلق العميق الاسـودُ …
أنـا صمتـهُ المتمرد ُ…
قنعت كنهـي بالسكون…
ولففت قلبي بالظنون ...
وبقيت ساهم هنا .. ارنو وتسألنـي القرون ..
أنـا من أكون ؟؟
والريح تسأل من أنـا…
أنـا روحها الحيران انكرنـي الزمان ..
انـا مثلها في لامكـان ..
نبقى نسير ولا انتهاء ..
نبقى نمر ولا بقاء ..
فأذا بلغنا المنحنى .. خلناه خاتمـة الشقاء ..
-------------------------------------------------
اجت عمتي مهجة رادت تحجي وياي دفعتها وطلعت
اريد احجي اريد اعيط صوتي اختفى ..
افترت الگاع بيه ووكعت بوسط الحوش ..
التمن عليـه كلهن ..
صاحت بيبي دنانير .. " وخرن عنها خلها تشم الهوى "
عيوني تدور ماتعرف شتريد ..
احس نفسي بوسط ذياب .. لو حجيت يموتوني ولو سكتت اموت ومااتحمل ..
تحجي وياي بيبي دنانير ..
" شبيج جدة احجي شتحسين ؟"
نزلن دموعي وبالگوة الحجي يطلع مني ..
" درع .. درع "
اجت عمتي حورية گومتني وهمست ..
" گومي لاتفضحينا بعدين افهمج "
سألتني بيبي دنانير ..
" شبي درع يمه احجي "
رديت بصوت مخنوگ ..
" درع اخوي طلع درع اخوي وتوأمي "
صفنن بوجهي كلهن ..
" شنو اخوج ؟؟"
عمتي مهجة ردت ..
" هاي تقصد لان امها رضعت درع واني هناك مريضه خبصتنا اخوي واخوي "
صحت بيها ..
" كافي حرام عليكم كافي .. شسوت امي وهيج تظلموها .. ماكفاكم اخذتوا ولدها كلهم ودور طلع ولد ثاني وماتعرف عنه "
عاينت عليها ..
" شلون فهميني شلون اخذتنه ومن غير محد يحس وشلون اطاجن گلبجن "
صاحت بيه عمتي مهجة ..
" كافي ولج شتمخرطين انتي تسودنتي .. هسا اصيحن منهل عليج وتعرفين منهل شيسوي "
ملخت نفسي بلا وعي واني اصلا جنت بلاوعي ساعتها..
" صيحيه خل شيسوي يسوي هي روح وحدة وخل ياخذها بس بعد مااسكت على ظلمكم النا .. انتي واخوج وامج حطموا حياتنا دمرتونا "
سحبتني عمتي حورية گومتني وخلت ايدها على حلگي ..
" گومي وياي كافي فضحتينا "
اخذتني للغرفة واجت عمتي مهجة ورانا والعيون كلها علينا صافنه ومستغربه مثلي واكثر ..
دخلتني ولطمتني على وجهي ..
" اصحي كافي اصحي واوعي راح تودين روحج ورجلج وبيتج للموت شمالج ماتفتهمين "
اجت عمتي مهجة لزمتني من شعري ..
" كلمة وحدة بعد وتندمين تخسرين بنتج ورجلج وامج وياهم "
بجيت ..
" مو حرام عليج شلون اخذتوه وشلون گلتن الامي مات ودفنتوه "
ردت ..
" انتي تسودنتي درع ابني جنا نحجي لان امج مرضعته "
عاينت العمتي حورية ..
" اني سمعتجن سمعت كلشي احجي الصدگ عمة "
ردت ..
" مثل ماحجت عمتج انتي افتهمتي غلط درع مو اخوج شبيج تسودنتي "
بقيت ابجي ومامصدگه بكل كلمة يحجنها مستحيل اجذب روحي واصدگهن ..
دخلت بيبي دنانير ..
" فهمني شني السالفه عجل ماحجيت ولميت الموضوع حتى العالم ماتحس واحنه بوسط الفاتحة .. فهمني شتحجي هالبت "
ردت عمتي مهجة ..
" عمه هاي سمعتنا اني وحورية نحجي على امها من رضعت درع وجبناها سوالف وهي تسودنت وتكول درع اخوي "
سألت ..
" ياهي امها والمن رضعت ؟"
ردت عمتي ..
" ياعمة بالعجل نسيتي مو اول ماجبت تمرضت وانگطع حليبي وامها جانت جايبتها ورضعت درع وياها "
عاينت على عمتي حوريه ايدتها بالكلام ..
رديت ..
" امي جابت توم وبوكتها گاللها ابنج مات وبس البت عايشة وعمتي جابت وياها بنفس اليوم "
صاحت عمتي مهجة ..
" شني هاي السالفه دور منين طلعتيها .. امشي صيحي بثينة وشهدي البيت كله اذا طلعت امها حامل بتوم شني تتبلين عليه انتي "
صاحن عمتي بثينة وشهدنها وشهدت امي ماحبلت بتوم وعمتي سمرة نفس الحجي وبقيت اني صافنه مااعرف شلون اثبت كلامي ..
اتنهدت بيبي دنانير ..
" سدن هالموضوع كافي منا عالم مااسمع حجايه بي .. وانتي ظلي هنا نامي وارتاحي لاتطلعين "
طلعتهن كلهن وبقيت وحدي .. متت قهر .. دگيت ولطمت وبجيت ..
بقيت اتذكر كلشي واربط الاحداث .. جنت حاسه اكو شي يربطنا اني ودرع الشامه وولادتنا بنفس اليوم والاكثر الشبه القوي بينه وبين رضوان ..
ووطن .. اي وطن يشبه امي .. معناتها درع اخوي بس شلون اثبت هالشي شلون ..
دخلت براء ..
" هالحجي الحجيتي شتقصدين بي "
سكتت مارديت عليها ..
" ادري الكل يصير ضدي ويمكن هسا السالفه وصلت العمي وعمي راح يهددني بماسة .. "
شافت حالتي طلعت ..
شوية ورجعت .. " علي ودرع يردوج بره "
بقيت صافنه بوجهها ..
" شيردون ؟"
ردت .. " حجيتلهم عن حالتج "
مسحت دموعي وبقيت متوترة .. شحجي وشني اگله ..
دخلت بيبي دنانير ..
" شعدج هنا ام وطن امشي الابنج يبجي "
عافتنا وطلعت ..
اتقربت مني بيبي دنانير ..
" هالحجي الحجيتي صح لو لا .. انتي سمعتيه ؟"
حسيت بيها مصدگتني بس ماتگدر تحجي ..
" حجيتلها كلشي سمعته وراويته العلامه الشامه العدي"
ردت ..
" مااريد احد يعرف افتهمتي .. وان سألوج اسكتي لو گولي مافهمت شي .. سمعت بالغلط .."
ضجت وانقهرت حسبالي تساعدني طلعت مثل عمتي واني شني اتوقع منها وهي تحمل نفس دمهم ..
احس روحي اختنگت ..
لبست عباتي وطلعت ..
شافتني عمتي حورية گامت ..
" وين مولية "
سحبت ايدي منها ونترت ..
" اريد اروح راح احجي وي علي مااضل يمجن دقيقه "
همست ..
" لاتمخرطين بالحجي فكري باولادج وبرجلج "
رديت ..
" انتي ماتفرقين عنهم طلعتي .. حوبة امي ماتخطي ان شاء الله عبن حرمتوها من ولدها "
طلعت لگيت علي منتظرني ..
شافني تسودن ..
" شبيج رحمتي ليش هيج حالج ياهو وياج .. بس لاخالاتي سولج شي وحگ الله اهد الحوش على راسهن "
شمرت روحي على حظنه وابجي ..
جنت ابجي واشهگ وهو يريد يعرف شبيه .. فاتحة وعالم وهوسة ومااگدر احجي ..
بودي اصرخ وافضحهن .. هددني ببنتي وبرجلي علمود اسكت .. شلون اسكت وامي من تشوف يرف كلبها وجن تدري هذا ابنها .
بس خايفه احجي ويصير حاله مثل حال رضوان واخسره ..
اجه درع ..
" يول شبيكم فضحتونا متحاضنين ومنا ناس وفاتحة"
سمعت صوته غمضت ودرت وجهي ومسحت عيوني خفت اعاين عليه وانفضح ..
سألني ..
" شبيج ام حسون منو النكد عليج .. دحكي عليه لأطرو طر واشعل شيب اهلو "
التفت عاينت عليه ..
صفنت بوجهة وجن اول مرة اشوفه ..
عيونه .. خشمه .. حلگه .. وجهة .. شعره .. كلشي بي يشبه رضوان شلون ماجنت اشوفك گبل هيج ..
بداخلي اكله تعال يبعد اختك خليني احضنك واشمك .. شما نكرن وحجن گلبي گبل لااسمع يعرف بيك اخوي ..
استغرب من نظراتي وحتى علي ..
كح علي .. رحمة شبيج تردين نطلع…
رد درع .. " يول بس لاتطلع حامل مثل اخر مرة اجيتو"
ضحك علي .." الله يسمع منك "
حاولوا يضحكوني رادوا ماضحكت ولاحجيت…
اخر شي ..
گلتله " علي خلي نرجع بالي يم حسون "
احجي وعيني على درع نسيت نفسي .. حسيته توتر من نظراتي ..
رد ..
" ماكو اليوم طلعه انسو .. "
رديت ..
" اعذرني خوية بس اني مخنوكة مااگدر اضل هنا "
علي حس عليه… سحبني ورى البيت ودرع واكف يعاين علينا ..
" رحمة شبيج مو على بعضج .. ودور تعاينين على درع وجن تردين تحضنيه شبيج انتي واعيه الروحج ادري اخوج بالرضاعه بس مو هيج "
رديت ..
" اخوي الحقيقي .. درع اخوي الحقيقي طلع .. توأمي الاخذته الشيخة من امي وگالت ميت وانطته العمتي مهجة لان ماتجيب ولد كل ولد تحبل بي يموت "
جان يسمع ومصدوم ..
" منيلج هالحجي "
رديت ..
" حتى انت ماتصدگني مووو"
رد..
" كلشي اتوقع من الشيخة مااستغرب بس انتي شمدريج "
رديت ..
" سمعت امك وعمتي مهجة يحجن "
استغرب ..
" يعني امي تدري ؟"
رديت ..
" اي تدري وساكته وفوكاها نكرت من واجهتن "
سأل ..
" مستحيل اني ماتنكر لو صدك تدرين بيها تكرهن "
سكتت ماگدرت اكله ليش نكرت ..
رد ..
" حبيبتي اهدي ادري صعبه واني مثلج مصدوم بس هسا فاتحة مو وكت هالحجي خلي نرجع واني افهم من امي "
رديت ..
" شتفهم شلون ارجع الامي واحط عيني بعينها شكلها مااگدر اجذب .. "
بقى يهدي بيه ..
تالي گالي روحي ادخلي جوة ولاتحجين وي احد لمن نطلع ونشوف شنسوي .. بس هسا حتى الدرع لاتحجين خطية الولد يتشتت ..
گومني رجعت للبيت .. شفت درع وبراء يحجون وهو مستغرب وضايج ..
دخلت بقى يعاين عليه وساكت ..
طلع بسرعه ..
وبراء هم تعاين عليه ..
دخلت للصاله .. كلهن كاعدات يعاينن .. وجنهن يردن ياكلني ..
بيبي دنانير جانت صافنه .. شوية وتخربطت عمتي مهجة .. ركضن بناتها التمن عليها ..
اخذنها الغرفتها ..
جانت بيبي دنانير بس تعاين وماحجت اي كلمة…
براء گعدت يم امها يتاهمسن ..
احس خليت نفسي بموقف صعب ..
جنت لازم افكر يله احجي… هسا شسوي مااعرف ..
صاحتني عمتي بثينة ..
رحت وراها للغرفه ..
" عمج منهل يكول اذا فكت حلكها بحجاية ماتلوم الا روحها "
ابتسمت ..
" حقكم مو انتو مثلهم ابن مرمر عدكم .. تقاسمتو الخبزة مالتها بينكم وبين عمتي مهجة .. بس ماكو شي يضل على حاله .. كلشي ينكشف بيوم حتى لو سكتت باجر عگبه راح يجي وينكشف "
عفتها وطلعت ..
" ماينفع الحجي والتراجع .. ماقهرني بس عمتي حورية من صفت وياهن عليه .."
بقيت بحيرة ساعه اتذكر الصار ري رضوان واندم ..
وساعة اگول امي لازم تعرف حقها تعرف ..
اجو صاحو عمتي حورية گامت ..
حجت وي علي ورجعت .. اشرتلي ..
" اسمعي .. علي حاجاني وكلتله ماكو هيج شي مرتك فهمت غلط وخبصت الدنيا انتي هم گليله توهمت ماادري شتحجين احجي بس لمي الموضوع "
سكتت مارديت عليها ..
حتى لو سكتت اكو ناس دخل الشك بگلبها وماتسكت بعد .
اعاين على بيبي دنانير وصفنتها على وطن .. وجنها تقارن بداخلها…
بس مااعرف اذا راح تسكت وتتستر على السالفه علمود بنت اخوها .. لو تحجي وتفضحها ..
خلص اليوم وعلى اساس نرجع ماخلونا .. فضت النسوان والناس ..
دخلت بيبي دنانير العمتي مهجة وهي تبجي واسمعها تحلف وتكلها ..
" والله ابني شبيج عمة .. ابني جبته من بطني اني شفته من طلعته الحبوبه صح تخربطت بس واعية جنت "
معناتها بيبي دنانير ماراح تسكت .. وهدوئها هذا ماقبل العاصفة ..
اجت براء .. ادري بدرع اخوج بالرضاعة .. يعني مايحتاج تعملي هالخبصة وتصرخي بوسط البيت وتفضحيه .. حتى هو من حجيتلو ضاج وماقبل على تصرفج "
سكتت مارديت ..
ومن كثر ماحجوا وجذبوني صدكت اني توهمت وبقيت اراجع افكاري والسمعته .. معقوله اني سمعت غلط .. معقوله يتهيألي ..
ماعرفت وين اروح بهالليل .. ردت انام ماكدرت انام ولاعرفت النوم شنو الاذان الفجر…
صليت ودعيت الله يريح بالي ويرشدني للطريق الصحيح .
شلون راح ارجع الامـي وشنو اكلها ..
حتى ريوك ماتريكت رحت گبل العلي اريد نمشي ..
طلع درع شافني بقى صافن عليه وماسلم مثل عادته ..
دخل صاح علي ورجع ..
اجه علي ..
" شني غباشة حبيبتي شبيج "
رديت ..
" خلينا نمشي اختنگت الليل مانمته حرام عليك "
رد ..
" هسا شويه خل يكعدون ونمشي "
رديت بعصبيه ..
" حسو بيه .. اريد اموت مخنوكه مااعرف الحقيقه وين وانت تگلي هسا كلها تعاين عليه تريد تاكلني واني مااعرف وين اروح مااطب راح ابقى برة هنا "
رد..
" لاتفضحينا شبيج ادخلي مو كتلج لاتتسرعين "
رديت بعتب ..
" يعني طلعت اني الغلطانه هسا "
رد ..
" لا حبيبتي بس يمكن افتهمتي غلط هيج شغلة مامعقولة وهمة مو غشمه ومايعرفون ابنهم لو مو ابنهم"
ضحكت ..
" هاهي علي يمكن اني مسودنه واتخيل .. انسى السالفه باجر عگبه يبين الحگ ان شاء الله "
عفته ودخلت لميت غراضي ..
بيبي دنانير موجودة وبقوتها ولاعبالك صاير شي ابد .. مستمرة تستقبل الناس وتاخذ عزا ضرتها ..
كملوا الريوگ دز علينا علي اني وعمتي ..
طلعت قبل عمتي صعدت بالسيارة . شفت عمي منهل يخوزر بيه من بعيد ..
درت وجهي عنه .. صعدت عمتي وطلع علي ودرع سلم عليه وماسلم عليه ابد ..
استغربت من ردة فعله ..
صعد علي ورجعنا . طول الطريق ساكته .. منا لمن وصلت ..
افكر شلون راح اخلي عيني بعين امي وشحجيلها ..
اول ماوصلت سلمت من غير مااعاين بعينها واخذت حسون ودخلت للغرفة ..
حضنته ونمت .. خلصتها نوم ..
گعدت لكيت علي ماخذ حسين وطالع عن الغرفه وماادري ..
شوية وجابته ماسه ..
" جوعان ترضعيه؟"
اخذته منها من غير مااحجي ..
سألتني ..
" شبيج ؟"
رديت ..
" مابيه بس مالي خلگ "
عافتني وطلعت ..
علي شكد حاول يحجي وياي ماحجيت وياه .
وامي هم كلما تدخل اتصنع النوم لدرجه اتخبلت وگالت العلي ناخذها الطبيب نشوف شبيها ..
لاعلي ولاامي اتجرأوا يحجون ..
وضل يحجي عليه ..
" من وراج امج تسالني اكلها مااعرف شبيها . وتدرين بيه مااحب الجذب .. لو تكومين تگليلها شكوكج لو تنسين وتسكتين "
عاينت بوجهة ..
" ليش هي سهلة ؟"
رد ..
" انتي مصعبتها .. سبق وحجيت وياج ماكو شي يثبت يمكن صدگ سمعتي خطأ "
مارديت عليه عفته ..
بعد كم يوم .. نايمين واندگت الباب حيل ..
طفر علي من مكانه ..
فتحه ..
جان درع شحاله ..
دخل ..
" وينها ؟"
شفته شحاله ..
رد علي ..
" شبيك درع مني هي صاير شي ؟"
رد ..
" صيحها اريد اسالها راح اتخبل .. الحجي السمعتو صدگ لو جذب .. هي امي لو منو امي .. ادري بيها تهلوس عجل تتخيل رضوان بيه بس ليش تحطمون حياتي ومستقبلي ليش "
طلعت امي مستغربة واني ابجي ..
مااتحملت المنظر ..
عاينت عليه ابجي . سألتني ..
" شكو شكو ..؟"
رد عليها وهو يبجي ..
" كم يوم واني ليلي ماانامو من التفكير ريحوني الحجي السمعتو صح لو لا .. حتى جدتي سألتها سكتت ومانكرتو .. خايفه على جدي يسمع وهو مريض بس محد يخاف على درع يصيرلو شي او يموت من التفكير"
اتقربت منه ..
" انت شتحس "
صاح بيه ..
" اشششششش مااريد اسمع لا تدحكين بيه هيج . عيونج هاي تخوفني "
سألت امي ..
" فهميني شكو ؟"
طلعت عمتي حورية من الغرفة ..
" درع ابنج مرمر "
من حجتها شگد جنت متأكدة هو اخوي .. بس من حجتها عمتي انصدمت وشهگت ماصدگت ..
كلنا صافنين عليها ..
امي بقت تمتمت ..
" منين ابني هاا منين اني ماعدي بس رضوان واركان شتحجين حورية "
علي رد ..
" يمه شتحجين مو گلتي جذب يعني جذبتي عليه تعرفين وساكته واني صار كم يوم اكول رحمة تهلوس وتسودنت وجذبتها لان ثقيت بحجيج "
دمعت عينها ..
" انجبرت خفت عليك "
صاح درع ..
" جذب تجذبون كلكم تجذبون عجل اني صوجي اجيت هين .. شلون اجذب امي واصدگكم "
طلع وهو يصيح .. جذب جذب كلكم تجذبون ..
اشرت العلي ..
" روح وراه هديه "
امي طاحت بالكاع ..
" فهمني ولجن حيلي باد احس رجلي ماتشيلني شني ابني اي اني رضعته بس مو ابني .."
رديت ..
" تتذكرين التوم الولد الكالولج مات وياي .. هو درع .. عمتي مهجة ابنها المات والشيخة اخذت ابنج وطتهيا "
گامت تبجي وكلها ترجف ..
" سودة بوجهج يمرمر ماحظيتي بولا واحد منهم كلهم راحوا من ايديج "
حضنتها وابجي ..
عاينت العمتي .. " من يمتى تدرين وساكته "
ردت .. " مو من زمان مرة اجه جعمقة سكران وكتاهن الي كلهن وانصدمت مثلجن بس الخاطر ابني سكتت "
سالتها دمعه ..
" وابوي شعرفه ؟"
ردت عمتي عليها ..
" وساخة الشيخة كلها يعرفها ابوج لان هو الينفذ الها "
بقت تبجي ..
" مامعقولة ابوي هيج يسوي .. "
اتنهدت امي ..
" اي اتذكر مهجة ماجان يثبت ولد الها .. ومن حبلت وياي الشيخة ماقبلت اكول بيه توم وسكتت حسبالي تخاف على الجهال البطني لارضية تكتلهم طلعت محسبة الكلشي… وجانت بشهرها الخامس مدري السادس اخذها جعمقة والشيخة وطلعوا وردوا وجه الفجر دور ماطلعت من حجرتها بعد لين جبت .. وكالت جابت مهجة بنفس اليوم الجبت بي وكالتلي ابنج مات بس البت عاشت "
جانت امي صافنه وجامدة وتحجي ..
بقيت احرك بيها وابجي .. " يمه لاتسوين هيج ابجي صيحي بس لاتصفنين هيج "
عاينت عليه ..
" ولج هو بقى عدي حيل واحجي .. مو بادت روحي من المصايب التكومن عليه .. ولج حتى ماعاين بوجهي عافني وراح .. جنت احس بلهفة روحي عليه من يجي بس ماجنت اضن هو ابني ومن بطني .. ومن عرفت راح مني مثل رضوان .. جن مقسوملي ماانجمع بيهم ابد "
بجيت ..
" لا يمه لاتكولين هيج يرجع بس بعدة مصدوم هو يحبج تدرين بي بس حقه بساع تنگلب حياته ويعرف هو مو ابنهم شيصير بي "
گامت دمعه تحجي وتبجي ..
" شنو من بشر انتو .. حرام انتو اهلي .. ابوي يعرف وساكت وهو المنفذ وانت من عرفتي هم سكتي ماتفرقين عنه .. وهسا حجيتي لمن انكشف السر موووو لو وجعج ضميرج "
ردت عليها ..
" لاتدخلين روحج ماتعرفين شي .. حسبالجن هين اعيش وبالي مامرتاح انام واگعد والخوف كاتلني بيوم اموت واگابل رب العالمين ويحاسبني على سكوتي اعذريني مرمر مو بيدي خوفي على ابني سكتني "
عاينت عليها امي ..
" شيفيد بعد .. عمر وعده وهو بعيد عن حظني .. ماالومج ولااحجي لان تعبت وشيفيد لو حجيت ليش هو اكو واحد بيكم رحمني حتى ترحميني انتي "
شلت امي للغرفه ومناك حسون يبجي اسمعه ..
التفتت على عمتي .
" بعد عندج سر لازم تكشفيه لان اذا سمع من غيرج مايسامحج "
دخلت للغرفه ..
دمعه راحت الحسون واني بقيت يم امي بس تون وتهلوس مااعرف شبيها .
سمعت الباب تندگ بس ماگدرت اكوم ..
اجت دمعه ..
" اجه علي بدل وراح .."
استغربت ..
" وين راح "
ردت ..
" ماادري گال رايح وي درع لان حالته فد مرة "
بقى بالي يمهم ويم درع الله يساعده شلون راح يستوعب هالصدمة اذا اني لسا مامصدگه سوايتهن وشلون فكرن بهيج سالفه .
حرت بأمـي الفاقدة مدري احير بروحي وبأخوي الضايع ومايعرف شيسوي ..
درع ..
" من سمعت براء وهي تگلي على الصار بين رحمة وامي بالفاتحة واني الشك دخل گلبي ..
حسيت هالبنية مريضه وصارت تتخيل اخوها بيه .. او لان رضعت وياها هيج تحجي .. شعلتو الشك بيه ..
انتظرت الفاتحة تكمل ورحتو كلتولو الجدتي وسألتها ..
سكتت وماحجت ومادحكت بيه او مااهتمت وكان ردها بارد .. امي مريضه وماتحجي وي احد .. ساعتها زادت شكوكي ..
وصل الخبر العمي ابو براء وصار يدور ويحقق وهو شغلو بالمخابرات هيك كلو شك وتحقيق ..
والى ان اجه الابوي وجدتي وطلب منهم نسوي تحليل ونتأكد ان كنت ابنو او لا .. هنا شبت النار بظلوعي واحس گلبي طلع من مكانو . طلعت من البيت مثل التايه وماحسيت الا واني بالجنوب وادگ باب بيت علي من الصبح وياليتني مارحت ولاشفتو ولاسمعت السمعتو "
علي ..
اول مرة اشوف درع بهيج وضع .. عصبي .. ويصرخ بالشارع .. وشكو شي كدامه شمره حسيته اتهستر ..
صعدت سيارته صعدت وياه ..
" درع اهدا مو هيج اني مثلك مصدوم بس لاتسوي هيج بروحك "
صاح بيه ..
" انت ماتحس بيه ماتحس لان انت مو مثلي ربيت وكبرت وي ناس هم اهلك وعزوتك وسندك وفجاة تلكي نفسك مو ابنهم ولا من صلبهم .. شيكون حالك اشنو تسوي "
رديت ..
" حقك والله حقك بس هاي الشيخة وعمايلها خلطت الانساب ودمرتكم انتو وامكم "
صاح ..
" لاتگلي امك لاتكول .. اني ماعندي ام اني الاعرفو امي مهجة ورماح ابوي ماعندي غيرهم "
رديت ..
" اهدا خلي نفكر .."
رد ..
" شنو نفكر .. ابني اذا كبر شنو اگلو .. ابوك مالو نسب مايعرف ابو وامو .. "
حرك السيارة ..
" وين رايح ؟" سالته
رد :
" راجع للغربية الديرتي واهلي هنا مالي مكان .. هناك مكاني بيت اهلي وابني وحرمتي .. "
جنت بملابس البيت كلتله ..
" اوكف مااخليك تروح وحدك امشي وياك "
رجعت للبيت ..
" بدلت وطلعت بسرعه حتى ماشفت رحمة وحجيت وياها "
مشينا وطول الطريق بس يبجي ويصرخ .. احسه راح يكلبنا كلساع اصيح بي
لين وصلنا للغربية ..
جانت الدنيا مگلوبة ..
وابو درع متعارك وي اخوه لان طالب تحاليل..
والشيخ من سامع متخربط وماخذيه للمستشفى..
دخلت وياه للبيت ..
جانت بيبي دنانير كاعدة وشادة راسها..
شافته شهكت ..
" ولك جدة وين رحت ابوك گلب الدنيا يدور عليك "
سألها ..
" وين وطن اريد احضنو وانام "
استغربت ولاعبالك هذا الگلب الدنيا بصياحه احد ماوصلنا ..
اتنهدت بيبي دنانير ..
" ابوها اخذها وياه "
استغرب ..
" اخذها شنو وليش ؟"
ردت ..
" گال الابوك من نعرف اصل وفصل ابنك يله ترجع بنتي "
تعصب ..
" مو بكيفو ابني شلون تاخذو .. عجل هي شلون تروح وياه من غير علمي "
ردت ..
" ولك جدة البيت بعدكم گب نار انت تعرف عمك شلون شكاك ومرته حجتله كلشي صار بالفاتحة وهو بقى يحقق ووصل الخبر الجدك .. وهسا جدك اخذوه للمستشفى "
طلعت خالتي مهجة من الغرفه ..
سألها ..
" جواب كلشي عندج دحكي عليه وگليلي الحقيقة وريحينا انتي امي مووو وهذول اهلي .. ارحميني وريحيني عجل راح اموت من تفكيري اهاجس نار بيه تسعر "
شافتني تعصبت ..
" شعندك جاي ماكفاكم السويتوه خربتوا بيتي الله يخرب بيتكم "
رديت ..
" شعلينا احنه احنه مصدومين مثلكم "
ردت ..
" روح اسأل امك واعرف اصلك بالاول يله تجون تشمرون علينا تهايم وتخربون بيتي "
استغربت ..
" اصلي شبي ؟"
ردت ..
" ماادري روح اسأل امك ابوك منو "
ضحك درع ..
" بعد بعد طلعينو الاسرار .. هسا عرفت انتي بنت الشيخة من صدگ "
صاحت بي ..
" انجب شلون تحجي وياي "
رد ..
" لان انكشفت الحقيقه وطلعت اني ابن مرمر الفصلية عجل مووو هيج تسمونها "
دخل ابو سمعه ..
" درع اشنو هالحجي ؟"
شهگت بيبي دنانير وبجت ..
عاينت على خالتي مهجة… " الساعه السودة الاخذت من ترثت ربحة .. سودتي وجهي گدام العشيرة كلها "
جانو يحجون ويتعاركون وهي تبجي وتحلف ابنها واذا اكو هيج شي ماتعرف هي وماتدري ويمكن الشيخة مسويته من غير علمها…
كل هذا مامهمني بس بقت جملة لاطخة بعقلي وماكو الها جواب ..
" روح اسأل امك ابوك منو ؟"
تتألم ولكن لاتستطيع ان تتكلم وان تكلمت لن تستطيع ان تشرح واذا شرحت لن يفهموا فقط من يعاني مثلك
#يتبع…
( شمس السعدي )



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 14-04-21, 06:05 AM   #76

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



اسعد الله اوقاتكم بكل خير احبتي ❤
/// البارت التاسع وخمسـون /////
#بيوت_بلا_جدران
#شمس_السعدي

----------------------------------------------
رجعنة منين ما جابتنة الايام
المطر من ينزل من الغيم مرغم
كسرنة الحجي البعيونة بماي
حتى اليقرة يلكة المعنى مبهم
جمعنا همومنا بنصين الفراك
ولكينة بذاكرة عشرتنة منجم
اصعب موقف بلحظات الاوداع
من اشوف الجنت تبني تهدم
من تقوي كلبك وانته مجروح
ما مهتم تبين وانته مهتم
من تبتسم بس بداخلك نوح
الدموع اباب عينك سكتة تلتم
تضطر تمشي لكن وانته مكسور
عزت نفسك تبررلك الهم
وراها تعيش لكن گلبك يموت
وحساسك الطيب يبدي يفهم
ماتحلم بعد بل عنك يروح
وما مسموحلك يومية تندم
كل جروحنة وكل المعانات
من ما من وره الناس البيها نحلم
-------------------------------------------------------
صدمة تليها صدمـــــــة حينما يلف حديثك الصمت ولن تستطيع التعايش معه ولا تصل معه لصبراً والخطـــىء يتجول بكل حرية ولا تستطيع أن تحرك ساكناً لتصير به مبصراً وتتشكل بالاحتدامات لتكون تمثال بشكل صامت شكلته معالم القهر !!
" روح اسأل امك ابوك منو ؟"
هالجملة بقت تدور بدماغي وعقلي حسيته ينشل ..
شني من ابوي وليش هيج گالتلي ؟؟
اعاين الييتهم هوسة ناس تاكل بناس وكلها تصيح ودرع شرايينه نطن وعيونه حمر من العصبية وهو يگلها اني منو وابن منو ..
ساعة يتوسل بيها يگلها گولي اني ابنج ولاتدمريني !!
وساعة يصيح ويگلها ليش سويتي بيه هيج ؟؟
حاولت اتملك اعصابي واتغاضى ..
اجيت اوگف وي درع مااگدر احجي ولااگدر اعوفه وامشي ..
جان درع واگف ودموعه تصب ..
وابوه يحاسب امه ..
" مهجة احجي ولج اهاجس نار بيه درع ابني لو لا ؟"
رد درع ..
" يابة انت عندك شك اني ابنك "
عاين عليه ابوه وصار يبجي ..
" يول انت روحي قطعة منها .. عجل يوم الشفتك ودحكت بيك اهاجس الدنيا ضحكتلي وفتحتلي بوبها .. اشنو عبالك هالحجي سهل عليه .. وابني وصديقي والربيتو على ايدي يطلع مو ابني .. انت كلشي بحياتي وفجأة اجه كابوس دمر هالحياة "
بجه درع ..
" انت ابوي ورفيق عمري وصديقي .. الحضن الدافي وحنيتو الانام بيها بالليل . والظهر الاسند نفسي عليه .. انت اخوي لان ماعندي اخو .. ماكنت بس اب بالنسبة الي .. كنت احسد نفسي على النعمة الاني بيها عجل دوم اگول اني محظوظ بأبوي وجدتي الكانت امي الربتني وجدي وشيخي الكان يتنومس بيه جثير گدام ربعو وولد عمومتو وعشيرتو .. كل هذا فجأة ينتهي ويطلع سراب شلون اعيش بعد شلون اگدر اتحمل هالحقيقة احجي دحگي بيه واحجي گولي الحقيقه.. گولي السمعتو من رحمة و خالتي حورية كذب والفصلية مو امي ولا اهلج اهلي لان اموت يول اموت اهون من هاي الحقيقة المرة "
جنت اعاين عليه وابجي وياه .. اتخيل نفسي بمكانه لو طلع حجي خالتي مهجة صح .. شسوي شيصير بيه ؟؟
لا بس امي مو مثل خالتي .. امي مو تربات الشيخة وظلمها .. امي مختلفه امي مستحيل تغلط مستحيل ..
حجي جنت اقنع روحي بي .. او جنت متمني مايصير بيه الصار بدرع ..
جان درع وابوه اثنينهم يبجون وبيبي دنانير تعاتب مهجة ..
" من يوم السمعت حجي رحمة واني بديت افكر واجمع الخيوط كلها .. جنت مااريد اصدگ .. بس ربحة امج وكلشي اتوقع منها ..
كم ولد راح منج وماثبت ببطنج .. ليش بس هالولد صار وجبتي عند اهلج .. وشني هالصدفة جبتي بيها انت والفصلية سوة .. لو من گلتي رضعته الفصلية .. وانتي ماشفتج يوم خلتيه على صدرج بحجة ماكو حليب ..
لو الشبه البينه وبين رضوان وجنتي تگولين ابن خاله ..
شلون جنت ثولة وماحسيت وماشكيت ماادري.. بس يمكن حنية درع وطيبة گلبو هي هاي الخلتني مااشك عجل انتو ماعندكم حنية ولد ربحة .. بس لو طلع صدگ هالحجي اول الناس مااسامحج اني ولو صار شي للشيخ مالج كعدة هنا .. منين ماجبتج اردج "
بجت خالتي وراحت تتوسل ببيبي دنانير ..
" والله مو اني هاي كله تخطيط امي هي السوت اني جبت وماادري بروحي وصلت الموت .. گعدت لگيت ابني بحظني شمدريني اني .. "
صاح رجلها ..
" يعني تعترفين .. درع ماابني احجي "
ردت وهي متوترة ..
" ماادري ماادري جنت شاكة ماتشوفوني مالي لهفة عليه .. وماعرفت الا گبل وفاة الشيخة .. بس ماگدرت احجي .. ربيته وي بناتي وصار ابني واخي الهن شلون احرمه واحرمهن "
صاحت بيبي دنانير ..
" حرمج الله الجنه ان شاء الله.. من اول يوم واني اشوفج ماطايقته .. شنو تضحكين علينا منو رباه غيري بس امج وانت عماجن الطمع خفتن ازوج رماح گلتي اربطه بهالولد .. ودور جبتي وراه اثنين بنات وقشمرتينا"
راح درع گعد على الدرج وخله ايديه علب راسه ..
اما ابوه ..
گعد على حيله مصدوم بأعترافها .. المسكين الاخر لحظة متأمل يكون درع ابنه…
بناتها واگفات يم باب الغرفة ويبجن .. صدمتهن قوية مثل كل الموجودين .. اخوهن وانكشفهن عليهن وكعدن وسولفن وحضنن بي .. وبعدين يطلع غريب عليهن ومحرم ..
احس وساخة الشيخة وظلمها بكل مكان ووين مانروح .. بيت كامل انهد .. وحلم شاب ومستقبله راح بلحظة ..
كل الناس حاسدته على اهله وناسه وحياته .. حتى ولد عمومته وعشيرته .. حاسديه على مكانته وحب الشيخ اله .. جان يگلهم درع من بعدي ..
گام درع مااتحمل طلع .. طلعت وراه ..
" درع اوگف وين رايح ؟"
ماسمعني وجان يمشي سريع وينفخ من العصبية ودموعه ينزلن ..
ركضت سحبته ..
" اوگف شبيك ؟"
صاح ..
" وين وين اوگف علي وين ؟ انت تسمع تسمع الي تگولو .. اني منو منو .. ابوي اهلي عشيرتي كلها كذب طلعت .. شلون بحرمتي وابني اشنو مستقبلنا ؟"
صحت بي ..
" وانت شنو ذنبك ؟"
گام يضرب على صدره بقبضة ايديه..
" صرت شخص بلا نسب ولااسم ولا اهل .. ابوي من عرف اني مو ابنو ماخله عينو بعيني .. وجان مايفارگ عينو عني .. دوم يطالعني بحب وفخر وابتسامه .. حتى جدتي .. تموت ولا تشوفني ضايج او ابجي .. وهساع ماخلت عينها بعيني .. اني شلون اعيش بعد شلون .. اذا اهلي الربوني مااعترفوا بيه شلون عمي وولد عمي راح يعترفون وراح يتقبلوني وسطهم واني شلون راح اعيش بهذا العار شلون "
تعصب وصار يضرب بوكسات بجام السيارة ..
" ليش ياربي ليش ؟ ليش تخليني بهيج حاله ليش ؟"
كل قوتي ومااگدر امنعه .. ولا اگدر اسحبه .. ايديه تجرحت ويمكن انكسرت وهو مايحس بالالم فاقد وبغير عالم او جان بلا وعي .. اتهستر ..
گعد بالگاع يبجي ..
لگيت روحي لااراديا حاضنه وابجي وياه .. اواسيه مااعرف اواسي روحي وكلمات خالتي ترن بأذني ..
" روح اسأل امك ابوك منو ؟"
بين ماهدأ ايده بسرعة ورمت وتنزف ..
همست..
" گوم اخذك للمستشفى "
عاين على ايديه ورد ..
" ماحاس بي .. گلبي يوجعني اكثر منو "
رديت ..
" لا تكابر گوم فوض امرك لله "
بالگوة قنعته نروح للمستشفى اخذته ومشينا ..
وصلنا لهناك اخذو اشعه .. صاير بيها فطر وتمزق ..
ضمدوها وماگدروا يجبروها علمود الجرح بس لفوها وگاله اسبوع وترجع ..
ردنا نطلع بقى يتلفت ..
" اريد اشوف جدي "
رحنا للانعاش جانو واگفين عمامه وولد عمه كلهم ..
راد يحجي عمه ..
لزمه همام اخو مرت درع ..
" يابه لاتتهور "
بقى ينافخ ودار وجهة عنا ..
اتقرب درع .. " همام شلونه جدي "
رد " تحت المراقبة عجل الصدمة قوية عليه "
اتنهد درع " شلون تاخذون براء ووطن من دون علمي "
رد ليث اخوه الثاني .. " ابوي الاخذها وبعد كلمة ابوي ماكو كلمة .. عجل شتريد نخليها عندك واحنه مخدوعين بيك وبأمك .. ويمكن اخواتك هم مو بنات عمي وتسموا النا من صغرهم "
رد درع ..
" لا تخاف اخواتي بنات عمك من لحمكم ودمكم واذا عندي خاطر عندكم او خاطر العشرتنا قبل .. ماتحملوهن خطأ مالهن ومالي ذنب بي .. اخواتي بريئات "
تعصب عمه من سمع ..
" اشنو قصدك يول انت ماابن رماح .. الحجوات الحجوهن عنكم طلعت صح ؟"
دار وجهة درع ..
" عمي اريد اشوف وطن .. مامن حقكم تاخذون ابني مني "
اتعصب عمه ..
" لا تگول عمي اني ماعمك .. تربعت بگلب ابوي واخذت مكانة ولدي عنده .. صرت الكل بالكل وتالي تطلع مامن دمنا ولا من لحمنا .. وابن فصلية اخوها مجرم "
تعصب درع ..
" مااسمحلك تحجي هيج وياي .. اني تربات جدي وابوي رماح .. ماربيت عند احد ولا اعرف اهل غيركم "
رد عمه ..
" بس تبقى غريب وربيت بوسط بناتنا وانكشفن عليك حريمنا وهالشي مانسكت عليه ابد .. "
ضحك درع بأستهزاء ..
" هساع بين الحقد البداخلك علي .. عجل انت ماكاتلك انكشفت على حريمكم جثر ماكاتلك مكانتي عند جدي ووصيتو من بعدو المن ؟"
تعصب عمه وطرده ..
" اطلع مالك مكان بينا بعد وابنك وبراء تنساهم مااخلي بنتي تبقى على ذمة واحد لقيط مثلك "
تعصب درع وراد يهجم عليه واني لزمته ..
" اني مو لقيط .. وان كنت مو ابن رماح ومهجة فأصلي راح يبقى ابن شيوخ .. وابني وحرمتي اخذهم غصب عن الكل "
سحبته وطلعنا من المستشفى بالگوة وعمه يهدده وهو مايسكت وعصبي اول مرة اشوفة بهيج حالة ..
صحت بي ..
" اهدأ درع هيج انت راح تخسرهم مهما يكونون اهلك وربوك "
رد بعصبية ..
" يول دحك عليهم وعلى حجواتهم .. ذولي اهل ذولي .. نكروني من قبل مايعرفون الحقيقة .. عمي من زمان يضوج من يشوف اهتمام جدي بيه .. غايتو مو النسب وهالخرابيط بجثر ماهمو ورث جدي مااطولوا ولا مكان جدي .. دوم يگول اني ابنو الجبير مو رماح ليش يفضل رماح وابنو علي وعلى ولدي "
رديت ..
" استعجلت من گلت الحقيقة گدامهم "
رد ..
" اني مااعرف اكذب .. ولااخذ شي مو حقي بس وطن ابني وحقي واخذو غصب عنو وعنهم كلهم "
طلعنا من المستشفى اجرنا تكسي ..
رجع البيتهم بس مافات عليه .. راح البيت عمه ..
گال للحماية ..
" امشي عني خليني افوت "
رد ..
" سيدي گال مااحد يدخل على البيت بغيابو "
رد درع ..
" انت ناسي هذا ابن عمي يول اني درع درع شبيك ؟"
رد ..
" وخاصة انت گال مايدخل ولا يقرب على بنتو وابنها "
التفت عليه ..
" شفت علي شفتو شلون حكم عليه واخذ قرارو من قبل مايعرف الحقيقة اشنو "
اتنهدت ..
" مثل ماگلت .. احس جاي اشوف منهل الثاني بي "
صاح درع ..
" برو برو اطلعي برو جيبي وطن وتعاي "
بعده الحماية ..
مااتحمل ضربه ..
" لا تحاول تبعدني اكضب على خوانيگ واموتك بيدي .. لاتختبر صبري .. افتح الباب وصيحها الي لاتخاف ماادخل "
دخل الحماية وسد الباب بوجهنا ..
مسح وجهه واستغفر ربه ..
التفتت وحجة بعصبية " هذا البيت ياما لعبتو بي ياما دخلتلو .. اني وبرو وهمام وليث وكرم وامير لعبنا بساحتو وركضنا .. اولاد عمومتي وبناتهم كلنا نلعب بي وهساع مثل الغريب واگف ببابو "
انفتحت الباب دار وجهة بلهفة ..
اشر الحماية اله ..
" عمتي تنتظرك بالحديقة تگول "
اشرتله ..
" روح اتفاهم وياها واني هنا منتظرك "
هز راسه ودخل ..
درع ..
دخلت واحس نفسي غريب لاول مرة .. ادحك على حديقتو والاماكن العبنا بيها والذكريات العشناها .. حسيت بتعب وخوف من المستقبل .. عشت طفولة حلوة خلقت مني شخص قوي وعندو ارادة وثقه من صغرو .. فجاأة تحول كلشي لكابوس .. فجأة انسحبت القوة والثقة مني مثل ماسحبو حياتي واسمي وهويتي ..
طلعت لابسة گلبيه وشعرها منسدل على جتوفها ..
مثل ماكبرت جدامي وبوسط گلبي ..
نسيت زعلي وعتبي على طلعتها دون علمي وتلگيتها بأبتسامه ترست وجهي ..
شگد جنت تعبان ومخنوگ وگلبي ياذيني بس شوفتها نستني كلشي ..
جانت تگلي انت اهلي وعزوتي وسندي .. واني اكلها انتي قوتي وضعفي بنفس الوقت ..
اتقربت حضنتها .. واهاجس ضلوعها رادن يتكسرن من حضنتي الها ..
همست .. " اسدج مشتاق الج يالبوتي .. لبوة درع انتي"
ردت .. " درع ليش اجيت ابوي مايقبل وخاف يجي ويشوفك وتصير مشكلة "
اختفت الابتسامه مني بسرعه .. ابتسامتي الرسمتها على وجهي الخاطرها رغمي اني مذبوح وانزف وماردت اعبس بوجهها ..
رديت ..
" انت شتحجين واعية الروحج ؟؟ انت حرمتي وام ابني وبكيفي شوكت مااجي .. وينو وطن جيبه حتى نروح "
سألت ..
" وين نروح ؟"
رديت ..
" مكانكم يمي "
ردت ..
" درع ابوي مايقبل "
دحكت عليها ..
" برو لاتكونين انت والزمن عليه .. تتذكرين من گتولج انت قوتي وانت ضعفي .. لا تسحبين قوتي مني وتضعفيني .. اني بعد ماعرفت الحقيقة المرة مااهتميت الاي احد لان انتي بحياتي انتي وابني عائلتي واهلي مااحتاج لااهل مااعرفهم ولااهل يعطفون عليه .. انت ووطن اهلي وعشيرتي "
اتنهدت ..
" يعني حجوات رحمة طلعت صدگ .. انت اخوها وابن الفصلية ؟"
كضبت روحي بالگوة ..
" اشنو هالحجي اوعي براء .. اني حبيت برائتج وطيبتج لاتصدميني "
ردت ..
" اذا طلع الحجي صدگ .. فكرت بوطن ونسبو ومستقبلوا "
زحكت بيها ..
" اوعي شبيج اني درع درع حبيبج وزلمتج وابو ابنج "
بجت ..
" درع اني ضايعه .. اني حبيت ابن عمي وتزوجتو وفجاة يطلع ماابن عمي ولااعرفو ومن عشيرتي .. وابني نسبو مامعروف اشنو .. شلون تريدني اوعى "
فركت وجهي واخذت نفس حتى اهدأ ..
" انت عشيرتي افهمي .. امشي وياي وابنا ويانا ونصير احلى عائلة "
ردت ..
" عجل ابوي لو عرف راح يخليك تحمل اسمنا وعشيرتنا لو تورث منا .. انت ماتعرف ابوي درع .. مايقبل حتى يخليني على ذمتك "
رديت ..
" يولي مو بكيفو .. انت حرمتي ووطن ابني .. وانت التختاري ماراح يجبرج لو وگفتي بوجهو "
ردت ..
" ابوي ماعندو اختيار تعرفو "
صفنت بوجهها وسألتها ..
" يعني لو خيرج بيني وبينو اشنو تختاري "
دنجت راسها ..
زحكت بيها…
" ردي "
ردت ..
" ابوي مااگدر اطلع عن طوعو "
رديت ..
" ومنعول الصفحة الواگف جدامج ماتحسبين حسابو .. اشنو راح يصير بيه لو خذلتيني "
ردت ..
" ليش مستعجل خلي يهدأ الوضع وجدي يصير زين ويطلع ونتطمن على سلامتو وبعدها هو يحلها "
اتنهدت ..
" مامتوقع هيج ردج .. جلمة وحدة منج تغير جثير من وضعي وحياتي .. وجلمة تهدني وتسحب قوتي مني هالمرة راح اروح .. بس المرة الجاية راح ارجع علمود اخذ ابني بس وان ردتي تعاي مع ابني وياي وصلحي الي هدمتيه بينا "
درت وجهي ومشيت ..
تمنيت تصيح وراي وتحييني بكم جلمة منها .. تمنيت تگلي ..
" درع اني جاية وياك انتظر اجيب وطن واجي " ..
بس خابت ظنوني لحد ماطلعت من الباب .. ماالتفتت ولاهي صاحت وراي .. .
دورتك آنه بشدتي ... شفتك وطن حنيت الك ...
لكن لگيتك غربتي ...
احتاريت منهن ياهي أصح .. ما بين ذلي و عزّتي !!
صار بوجهي علي ..
" ها بشر خوية "
اتنهدت ..
" الظاهر راح اصفى وحدي بهالدنيا "
بقى يواسيني ..
" لا تخاف يخوي كلشي ينحل وباجر مرتك وابنك يرجعون الحضنك .. هم عائلتك وهم سندك انت من صغر قوي وذكي وماكو شي يهدك "
مااتحملت كلامو ..
دمعت عيني وحضنتو ..
" علي تعبان راسي احسو ينفجر جثر التفكير اريد ارتاح اريد انام ومااگعد "
رد ..
" روح البيتك ارتاح ونام ولاتفكر "
دحكت بي بحيرة ..
" ليش اني عندي بيت ؟؟ وينو "
علي ..
" من گال هالحجاية ..كسر گلبي عليه .. صعبة تحس روحك غريب ووحداني بهالدنيا.. جنت بعز ودلال وهسا بقيت بذلة "
سألته ..
" ترجع وياي الديرتي "
رد ..
" صعب مااگدر .. روحي هنا وانتمائي .. صعبة انتمي بعد الغير مكان .. انت روح تعبتك وياي ومناك اهلك "
رديت ..
" شلون اعوفك واروح لمن تنحل شغلتك يله "
رد ..
" شغلتي مالها حل حلها بس اخذ وطن وامشي منا "
رديت ..
" وين تروح "
رد ..
" المكان مابي بس اني وابني وحرمتي .. مكان اسويلهم بي مسكن واهل وعشيرة .. ابنيلهم حياة جديدة بعيد عن كل هاي الهوسة "
رديت ..
" بيتي مفتوح الك .. وامك مالها ذنب "
فرك وجهة ..
" علي علي كافي لا تكمل .. الخاطري اسكت "
سكتت ..
اخذ نفس ..
" روح انت اذا صار شي اني اخابرك "
سألته ..
" وين تروح هسا ؟"
رد ..
" اروح الواحد صديقي "
رديت ..
" اي شي تريده خابر تلگاني يمك "
رد ..
" ماتقصر يمكن الله خلاك بطريقي الهيج يوم "
حضني وماخلاني احجي اي كلمة .. عافني وراح البيتهم ..
ماگدرت اعوفه وامشي خفت يسوي بروحه شي رغم اعرفه مايسويها وعقله اكبر من عمره ..
درع ..
دخلت للبيت مثل الغريب..
بقيت ادحك بي .. هالگاع والحيطان كلها شاهدة على طفولتي..
انولدت ومثل مايگولون بحلگي ملعقة من ذهب ..
اكثر طفل تدلل وعاش طفولة مرفهة هو اني ..
جدي جان يفضلني على الكل ودللني .. بنفس الوقت صقل شخصيتي ورباني تربات دلة وفنجان ..
حجواتي جانت موزونة من صغري .. اقل خطا اتحاسب عليه لان من الصغر خلالي نقطة بداية وخط مستقيم امشي عليه ..
گالي ..
" اذا انحرفت عن هذا الخط بيوم راح يبقى هالانحراف مشوه خط حياتك ومستقبله طول العمر "
جدتي اخذت منها الطيبة والحنان .. ام وجدة صارت الي ..
اما ابوي فجان صديقي واخوي وسندي ..
يگلي ..
" ماعندي اخو وانت ماعندك اخو اثنينا اخوة البعض "
دخلت للبيت واني افكر شلون راح يكون موقفي واني مثل الغريب داخللهم ..
شفت مريم بالمطبخ ..
شافتني دمعت ..
" حتى لو انت مو اخوي وطلعت ابن خالي .. بس عندي انت تبقى اخوي .. وتبقى سندنا ومحد النا غيرك بعد ابوي .. "
ابتسمت الها ابتسامه خفيفة ..
اتقربت ردت احضنها .. ووعيت على حالي ..
تراجعت ..
شهگت وبجت ..
" يعني خلص هذا الحضن بعد مايؤينا .. مايواسينا لو ضجنا .. مايحضنا بأفراحنا واعيادنا .. مايشاقينا "
غمضت عيني..
" كافي لاتشلعينو الگلبي .. تعبان تعبان والله "
ردت ..
" واحنه اشنو ذنبنا "
اتنهدت ..
" ذنبنا انه الشيخة ربحة جدتنا حطمتنا مثل ماحطمت هواي ناس مثلنا .. الله يجازيها على السوته .. وهسا يم ربها .. تمنيت عايشة واحاسبها واطلع كل البداخلي عليها بس هسا مطمأن انه تحاسبت وانسألت على كلشي سوته بينا وبغيرنا "
دخلت شفت امي تدحك علينا ويمكن سمعتنا ..
درت وجهي عنها بسرعه وصعدت الغرفتي ..
بقيت ادحك بيها وابجي ..
اتقربت من سرير وطن اخذت مخدتو وحضنتها واشمها
التفتت على مكاننا اني وبرو .. ضحكنا وشقانا وكلو هنا ..
فتحت الكنتور .. لميت ملابسي وغراضي ..
فتحت الصندوگ البي فلوس .. اخذتهن وطلعت ..
للحظة تراجعت ردت ارجعهن لان مو الي ولا من حقي بعد ماطلعت مو ابنهم ..
بس ماعندي فلوس منين اصرف ..
اضطريت اخذهم وهو بالاخير حق تعبي بشغلي وياهم وراتبي ..
اخذت صورة وطن مال طهرو وملابسو خليتهم وي ملابسي وطلعت ..
لگيت ابوي گبالي مبدل ونازل ..
شافني وگف متردد مايعرف شيحجي وشيگول ..
حجيت وياه ..
" اني راح اروح يم برهم صديقي .. تعرفو انت .. "
هز راسو ..
" واني رايح اشوف جدك اقصد الشيخ شلون صارت صحتو "
هزيت راسي وسألتو ..
" وجدتي وين ؟"
رد بسرعة ..
" جدتك مريضه وضغطها ارتفع وبالگوة نامت لاتگعدها خاف تتخربط .. "
هزيت راسي واحس عيوني مغرغرات بالدموع ومخنوگ جثير .. احس نفس غريب عنو وغريب عني مو ابوي الاعرفو ..
نزلت بسرعه وطلعت من البيت كلو ..
مخنوگ اريد اشم هوى بس مااحسو يدخل بريتي ..
بقيت امشي سريع وابجي..
الشارع فارغ مابينو ناس .. استغليت هالوضع وكمت اصرخ وابجي .. دموعي ماينزلو على خدودي من عيوني للارض مباشرة ..
علي ..
بقيت اراقبه اريده يطلع .. اتاخر .. فرحت .. گلت بلكي ماخلوه يطلع وماكسروا بي ..
جنت بداخلي تمنيت مايطلع ويحتووه .. لان خطية مااعتقد يگدر يعيش غير الحياة العايشها جان ..
لكن يافرحة ماتمت ..
طلع من الباب .. بس شفته ختلت ..
طلع مخنوگ وشحاله من القهر .. گام يبجي ويصرخ بلا وعي .. خليته على راحته .. بلكي يرتاح اذا بجه لو طلعت الطاقة السلبية ..
رحت وراه .. راح البيت مسافة عن بيتهم .
دگ الباب وطلع ولد سلم ودخله للبيت وياه ..
بعد مااگدر ابقى اكثر واذا بقيت يوازيني الليل .. احس روحي خارت من الجوع ..
بس مااگدر اكل بعد هالوضع هذا .. وخاصه بعد السمعته من خالتي ..
اجه الدور بعد اتأكد من حجيها وليش حجت وشني تقصد ..؟؟
رحت للكراج صعدت المحافظتنا ..
انام واصحى وماواصلين احس الطريق شطوله صار ..
وصلت وكلما اتقرب من البيت يزيد توتري وخوفي
شحجي وشلون اسأل امي هيج سؤال ❔
دگيت الباب فتحتها ماسه حضنتني وهي تحجيلي عن حسون شلون يناغيلها ويضحك ..
دخلت اجت رحمة حضنتني ..
" بشر شلونه اتأخرتو وبالي يمكم "
رديت ..
" درع مشتت وحالته حاله . وجدة تخربط اذا صارله شي معناها مايخلوه بيناتهم وخاصة عمه ابو مرته "
سألت ..
" وبراء ؟"
رديت ..
" تخاف من ابوها .. راحت وياه البيتهم وماقبلت ترجع وي درع "
ردت ..
" مستحيل تعوفه هم واحد يحب الثاني بس گول الوضع جديد وكلهم مامتوقعيه اذا اني نفسي مامصدگة لسا شحال هو "
بقيت افكر بحجي خالتي ..
رجعت حجت وياي .. " علي شبيك "
رديت ..
" ها امج شلونها "
اتنهدت ..
" امي مااعرف شبيها مصدومة .. بس صافنة ومامصدگة .. عيونها راحن من البجي بعد ماتگدر .. جانت تنعى اثنين من ولدها هسا صاروا ثلاثة "
بهاللحظة طلعت امي ..
بسرعة عاينت عليها وافكر شلون افاتحها بالموضوع .
سألت ..
" هايمة شلونه درع وين راح ؟"
رديت ..
" مو زين "
ردت ..
" خطية حقه "
رديت ..
" صدگ خطية.. صعبة الواحد وخاصة الرجال ينخدع .. بعد سنين طويل يكتشف العايش وياهم والربوه مو اهله .. والابو مو ابوه.. لو اني بمكانه مااتحمل .. مو صح يمه "
انخطف لونها وتوترت ..
اتقربت منها ..
وهمست ..
" خالتي مهجة گالت اسأل امك منو ابوك ؟؟ شتقصد منو ابوي اني "
اني حجيت هالحجاية وهي مااتحملت طاحت ..
ركضت عليها رحمة تگعد بيها .
واني صافن مصدوم . طيحتها مو طبيعية اكيد اكو شي ضامته عليه ..
شمرت رحمة ماي ..
عليها گعدت تون…
سالتها .. " يمه ريحني شنو السالفه راح اتسودن "
ردت رحمة…
" مو وكتها علي خليها تصحى وتفهمك مو مثل ماانت تفكر ؟"
استغربت اكثر ..
" وانتي شعرفج شفكر .. شني تعرفين شني السالفة ؟"
ردت بتوتر ..
" هااا اي بس…… "
صحت بيها ..
" اششششش گومن فهمني شنو من اهل ابتلينا بيهم . وانتي يمه شني فرقج عن مهجة ماانتن اخوات ونفس الدم .. والسوته بدرع انتي سوتيه بيه .. جعمقة ابوي لو لا احجي "
ردت رحمة ..
" كافي علي شبيك عمتي ماسوت السوته عمتي مهجة شلون تفكر هيج.. "
صحت بيها ..
" انت لاتتدخلين .. حسابج بعدين .. تدرين بيه اتخبل واحد يضم عليه وكم مرة گلتلج وماسمعتي كلامي .. وهسا يمه احجي لو اروح اسأل خالي منهل وحطاب لو جعمقة العشت سنين واني حسبالي ابوي ومتعذب ومتحمل سوالفه الشينة "
ردت امي وهي تبجي..
" مجبورة اسكت لان هددوني بيك .. وخفت يكتلوك مثل ماكتلوا ابوك "
هنا انصدمت ..
" منو كتلو ومنو ابوي "
بقت امي تحجيلي حجي مااعرف ان جان صدك او جذب واني مصدوم ..
قاطعتها وسألتها ..
" بس گليلي .. اني ابن حلال لو حرام "
تفت عليه وتعصبت ..
" حسافة انت ابني وهيج تفكر بيه .. تتوقع امك تسوي الحرام "
خنگتني العبرة وحبست دموعي بالگوة ..
درت وجهي وطلعت ..
لحگتني رحمة تصيح وراي .. دفعتها وطلعت ..
مامصدگ كلشي حجته .. مصدوم ومقهور واني عمري كله احترم واحد اعوج وحسبالي ابوي .. جنت اضوج من اشوفه مايهتم بيه وانقهر .. حسبالي ابوي من صدگ
دخلت المكان شغلي .. والغرفتي بسرعه مااتحملت گعدت ومخنوگ بس ماگدرت اعبر مثل درع ابجي واصرخ احس صوتي مكتوم والتفكير موتني .. ماگدرت افهم واواجه امي بهاي الحالة ..
وبنفس الوكت رحمة صدمتني لمن عرفت تدري وضامه عليه ..
بقيت گاعد لليل مااريد ارجع للبيت ..
دگ التلفون .. شلته ..
جان درع يحجي ويبجي ..
" الو علي .. دگيت وجنت متأمل الگيك هين .. "
رديت بصوت مخنوگ ..
" شبيك درع صاير شي "
رد ..
" جدي مات .. مات بسببي "
"لم تعد قلوبنا تحتمل كل هذا الالم"
#يتبع ...
( شمس السعدي )



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 15-04-21, 12:58 PM   #77

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


صباح الورد احبتي ❤
/// البارت ستـون /////
#بيوت_بلا_جدران
#شمس_السعدي

----------------------------------------------
اوكف يادمع لاتجرح الخدين
ولا تكسر خواطر هي ..مكسورة ..
اوكف وانتضر ارد احجي انه وياك
واسمعك قصتي عالناس مشهورة ..
انه اول بشر مايعطش بصيف
انه ارتوي بس احضن الصورة ..
اوكف يادمع لمن اكلك طيح
وارسملي بنزولك صوره مقهورة ..
صورة طير جان يطير بين الغيم
شلون يطير هسه وجنحه مكسورة ..
-------------------------------------------------
بقيت گاعد لليل مااريد ارجع للبيت ..
دگ التلفون .. شلته ..
جان درع يحجي ويبجي ..
" الو علي .. دگيت وجنت متأمل الگيك هين .. "
رديت بصوت مخنوگ ..
" شبيك درع صاير شي "
رد ..
" جدي مات .. مات بسببي "
غمضت عيني وتنهدت ..
" انا لله وانا اليه راجعون "
الى رحمة الله .. شوكت ؟؟
" المغرب وي الاذان اجاني الخبر مثل الصاعقة.. اكثر انسان حنين عليه راح .. عجل منو الي بعدو "
رديت ..
" وكل امرك لله .. ماعندنا غيره .. اني جايك من الصبح ان شاء الله "
رغم الوجع البداخلي والالم والصدمة والاحساس بالغدر بس مااگدر اعوفه واحده ..
احس همه اكبر من همي .. اذا اني انخدعت بأمي وطلع ابوي مو ابوي الحقيقي .. فهو فجأة صفا بلا احد ..
لا اهل .. لا عشيرة ..
زادت امانات رضوان الي .. لازم اكون اله اخو جبير وكأنه رضوان موجود ..
عاينت الملابسي .. لازم اسبح وابدل ..
دست على جرحي وگمت ..
أين نضع كل هذا الحزن ؟
تخلعت أكتافنا ..
رجعت للبيت .. دگيت الباب طلعت رحمة ..
يمكنها مانايمة منتظرتني ..
" وين رحت بالي يمك "
فتت من غير مااحجي ولا كلمة .. دخلت الغرفة جان حسوني گاعد ويعاين ..
اتقربت منه .. دنگت بسته وشميته ..
حسيت بنقاء روحه ..
" يمكن انت اكثر شخص نقي بهالدنيا "
دخلت وراي ..
" زعلان مني ؟؟ "
گمت طلعت ملابس من الكنتور ..
اجت صارت بوجهي ..
" لاتسوي هيج وياي اموت والله .. صيح .. احجي .. اتعصب .. بس لاتسكت .. عبالك بيدي بس ماگدرت .. وعمتي هم خطية…. "
قاطعتها ..
" اششششش ولا كلمة .. اكثر وحدة انتي تعرفين مااحب الجذب ولااحب احد يضم عليه .. ولج حياتي وسرها كلها بيدج جانت وماتگليلي .. شلون جنتي تگدرين تنامين بالليل وياي على نفس المخدة وانت ضامه عليه هيج سر "
رادت تحجي سكتتها ..
" مو وكتها .. هسا اني مو بوعي واذيج بالحجي لو بقينا نحجي .. هسا اني رايحة للغربية "
سألت ..
" توك اجيت درع بي شي ؟"
اخذت هدومي وردت اطلع ..
" جده توفى "
شهگت ..
سبحت وبدلت بسرعه .. شفتها لابسه اسود ..
" اروح وياك اشوفه هسا وحده "
رديت ..
" ماترحين ابقي يم امج ماعجبتني هسا شفتها بس صافنه "
اتنهدت ..
" من يوم العرفت لسا هيج مااعرف شسويلها "
هزيت راسي ..
" ارجع وهينه ان شاء الله "
ردت اطلع اجت وراي ..
" ماتودعني ؟"
درت وجهي ومشيت ..
ماردت اكسرها بس صعب اسامحها .. گلبي مجروح .. احس روحي مطعون ومااگدر احجي ..
امي الجنت احسها هي كلشي الي .. طلعت ضامه عليه حقيقتي .. مسجلتني بأسم اسوء شخص شفته .. .
ومااعرف اني ابن منو .. لو ابن حلال او لا . صعبة بس كل هاي الافكار اجت ببالي ودمرتني ..
واگف بالگوة وساند روحي ..
امشي بالشارع..
بنص الليل.. ومااعرف وين اريد حتى نسيت وين رايح ..
مشيت للگراج جان فارغ مابي ولا طير ..
بس ابو الگهوة مفتح جاي ينظف بيها ويغسلها ..
شافني استغرب ..
" هاي بوية شعدك هنا بعده الكراج مو هسا يفتح وي الاذان .. "
اتنهدت ..
" ماعندي مكان اروحله عادي انتظر يمك بين ماتجي عبرية ويفتح الكراج "
هز راسه وكمل شغله يمسح بالطبلات ويشيل الكراسي
رجال جبير جان ..
ردت اشتت تفكيري گمت وياه..
صاح ..
" لا بوية اگعد انت مبدل وكاشخ لاتروح كشختك "
رديت..
" شني فايدة الكشخة والگلب مجروح .. فكري مدوهن خليني اعاونك احسن ماگاعد افكر "
اتنهد ..
" هو هذا الشعب العراقي يمشي كله وباله مشدوه محد عقله براسه .. زين من عندنا نتحرك ونمشي واحنه الف وجعه ووجعه بگلوبنا "
جريت حسرة قوية ..
عاين عليه ..
" شوف اني عمك هالتشوفني .. مابيه شي وامشي اعله طولي واشتغل بالكراج بس اني ظهري مكسوم نصين .. نص راح بحرب ايران ونص بحرب الخليج "
صفنت عليه ..
" شتقصد ؟"
رد ..
" اثنين ولد مثل الورود بعدهم ماشافو شي من الدنيا ردتهم الكبرتي عون ويشيلون جنازتي .. واحدهم راح مني من غير ماافرح بي وازوجنه .. والاخر عاف اثنين ولد مثل صغار وراح .. وهم انتظر يكبرون وافرح بيهم وخايف الدنيا تاخذهم مني "
اتنهدت ..
" اسم الله عليهم الله يطيك الصحة والعافيه وتشوفهم باحسن حال "
ابتسم ..
" يمكن شايفه لو تجي لهنا .. ابن ابني الجبير عمره ثمان سنين يعاوني دوم هنا بعد الدوام بس بالليل مااخليه كلشي يصير عليه اخافن "
رديت ..
" دوم اجي بس مامنتبه لان ماادخل للكهوة اركب السيارة وامشي "
ماخلاني اغسل وياه يخاف على هدومي .. مرات تهون علينا مصايبنا من نشوف مصايب العالم ..
استغفرت ربي .. اذن الاذان .. فرشلي سجادة يمه ..
صلينا سوة ..
بدت العالم تجي ..
نزل الكراسي عدلهن .. واصر يشربني جاي يله اطلع ..
شربت استكان الجاي وطلعت بسرعه ماردت اتأخر..
يمكنهم دفنو هسا ..
ركبت ووصلت الصبح ..
جان الشارع مگلوب من راسه الساسه .. منتظرين يجيبوه للبيت علمود يسوله عراضة .. استغربت من شفتهم مادافنين لسا ..
جنت ادور بالوجوه على درع ماهو ..
اتوقعت وياهم بالمستشفى..
سلمت وبقيت واگف حالي حال الواگفين ..
جابو الجنازة ..
وشفت درع نزل من السيارة ولاف راسه بجراوية والسواد مغطيه كله ..
حالته حاله جانت ..
ياهم اليشيله وياهم .. جان متعلق بجده كلش وهو جان سانده ويحبه اكثر منهم كلهم ..
شافني مااتحمل .. حضني ويبجي .. جنت محتاج اطلع الحسرة البداخلي واترجمها على شكل دموع بلكي ارتاح
هو يبجي واني ابجي واحد فرغ همه بحضن الثاني ..
الناس صارت كلها تعاين عليه وتبجي ويانا ..
حسبالهم ابجي على الشيخ .. صح هو جان رجال ادمي بس الدموع جانت على سنين عمري المرن وكلهن عبارة عن جذبة جبيرة ..
اما درع فجان يبجي على الاثنين جده وواقعه المر ..
سوو العراضة وكملوا..
رادوا يصعدون .. صاح عمه ..
" درع انت ابقى هين لاتروح ويانا "
رد درع ..
" ليش مااروح .. اذا مااودعو وادفنو ماارتاح "
رد ..
" لاتفضحنا يول .. لا تشوفني صابر على وجودك بوسطنا وانت مو منا "
رد درع ..
" مااتوقعت هيج تحجي بيوم .. اني ربيت عندكم وبوسطكم ووي ولدكم .. ابنكم اني شبسرعة نسيتوا وكرهتوني "
رد ..
" هالحجي مو وكتو نرجع وتخلص الفاتحة ونحجي .. وهااا امك هم مالها مكان بينا خلها تروح احسن مما نطردها بنفسنا "
رد عمي رماح :
" هالشي اني اقررو مو انت .. لان هي ببيتي لو ناسي "
رد عليه ..
" وانت ناوي تخليها على ذمتك بعد ماغدرت بيك .. الاوجب تروح تتأكد من بناتك لايطلعو مو بناتك بالاخير"
تعصب عليه عمي رماح بس اخوانه لزموه ..
ودرع هم تعصب وعاند الا يروح ..
وعمه ماگدر يحجي شي لان ناس وشيوخ كلها واكفه
سكت بس ماارتاحيت النظراته وخفت يسويله شي الدرع..
رحنا دفنا وكملنا ودرع مااهتم وادى واجبه للاخير نزل بيده حده للقبر .. ودفنه بيده ودموعه مابطلن ولانشفن
من رجعنا اتفاجأنا بمنهل موجود..
سمعانين وجايين ..
من شافوه تسودنوا… بس سكتوا بسبب الناس ..
درع جان واگف وعينه على البيت ..
البيت الي جان يدخل بي بحرية ويطلع هسا يعاين عليه مثل الغريب ..
همس الهمام ..
" اريد اشوف جدتي واسلم عليها "
رد همام ..
" لاتصعب الامر درع ابوي مايقبل "
رد ..
" حتى لو مو ابنهم بس لاتنسى لسا شايله اسمهم وربيت عندهم ماعندي اهل غيرهم .. شبسرعه نسيتوا اني منو "
راح همام دخل ورجع صاحه ..
درع ..
يعز عليه ادحك على بيتي ومااگدر ادخلو .. دخلت لجوة جانت نسوان گاعدات ..
شفت اخواتي من بعيد يعاينن عليه ويبجن بودي احضنهن ..
صاحولي جدتي للمطبخ ماگدرت ادخل ..
شافتني صارت تبجي ..
" اوووف جدة راح راح الجان مايريد غيرك .. مااتحمل صدمتو بيك وراح .. الله ليطيها الاخذتو واخذتك مني .. خسرت اعز اثنين بحياتي .. ابو بيتي وابني "
اتقربت منها سحبت راسها بستو .. ورت گلبي ور بكلامها اهاجس روحي تطلع ومااتحمل بعد ..
احس روحي غريب ومامتعود .. اريد احضنها مثل قبل
بس هي سبقتني وحضنتني .. گامت تبجي بصوت عالي طول هاليومين جانت مصدومة وساكته وهسا وعت على الصار ..
اجن عماتي اخذنها ..
اشرتلي ..
" اطلع درع كافي ابوي خسرناه مو انوب امي "
بقيت صافن عليهن ..
" واني شنو ذنبي .. ترى اني الضحية مو الجلاد .. ليش كلها تحملني المسؤولية واني مالي ذنب .. "
مااتحملت ردت اطلع ..
صاحت وراي مريم وميسم ..
" درع امي وين ؟"
استغربت ..
" غير بالبيت وين ؟"
ردت ..
" لا من اجه خبر وفاة جدي .. طردتها جدتي وعماتي سحلنها وطلعنها من البيت .. وشمرن ملابسها وراها .. وابوي شمر عليها الطلاگ وماندري وين راحت "
رديت ..
" شفت خالي منهل هنا معقولة مايدري بيها ؟"
ردت مريم ..
" ماادري بس مااعتقد يدري لو يدري مااجه .. امي صح غلطت بس تبقى امنا مالنا غيرها وابوي ماشفناه من البارحة حتى نكلو "
اتنهدت ..
" لاتخافن هساع اشوف وينها "
شالت راسها مريم تغيرت ملامحها ..
التفتت جان ليث يدحك عليها ويخزرها ..
سألتو ..
" ليش هيج تدحك عليها "
رد ..
" انت ناسي مريم خطيبتي ووكفتها وياك ماتعجبني وانت مو اخوهن ابن خالهن "
اتعصبت وفار الدم بيه ..
" يول انت واعي عالتگولو .. ذني اخواتي تفهم شنو اخواتي .. ما يهمني ابن منو .. اني ربيت وياهن وكبرت معاهن .. انا الي حق بيهن اكثر منك تفهم لو لا "
تعصب ليث ..
" كافي مو وكتو هالحجوات اطلع .. "
رديت ..
" مو انت التگلي شوكت اطلع هذا بيتي تفهم "
التفتت على ميسم ..
" روحي جيبيلي وطن اشوفو "
راحت تجيب وطن ..
سحبني حيل مااتحملت ضربتو .. رجع الضربة الي وبقينا نتعارك بالحديقة.. وصل الخبر للازلم برة ..
دخلو ابوي وعمي فكونا ..
صاح عمي ..
" زعاطيط انتو منا فاتحة والعالم موجودة وانتو تتناكرو "
رد ليث .. " احجي وياه مو وياي .. شدخلو جوة وهو غريب على حريمنا "
صاح ابوي.. " ليث انت لاتتدخل "
رد عمي ..
" رماح .. شنو فرحان لان مرتك استغفلتك وجابتلك ابن اخوها تربي بس لاناوي تحن عليه وتخليه بوسط بناتنا ويشيل اسمنا ويورث ورثنا "
" اني حرمتي وخطيبتي مادامها هنا مااقبل يدخل على البيت "
ضحكت..
" هو انتو الورث كاتلكم ماكاتلكم نسبي واسمي .. لاتخاف مااخذ فلس منكم واخواتي ماراح انساهن حتى لو طلعت مو اخوهن .. ربن وكبرن وياي "
رد ابوي ..
" اطلع درع هسا العالم حست . خل تكمل الفاتحة ونحجي "
رديت ..
" توقعت تدافع عليه وتكلهم ابني ومايهمني ابن منو المهم اني الربيته وتعبت عليه .. بس حسافة "
عفتهم وطلعت .. اعرف ابوي شخصيته ضعيفة گدام عمي .. جدتي علمته دايما يحترمهم ويطيعهم بحجة اخوته الكبار .. بس ابوي لانه اصغرهم تايستغلوه ..
تلگاني علي ..
" ها شصار "
اتنهدت ماصار شي .. امشينا منا مااتحمل ..
صارت عيني على منهل ..
اتقربت عليه ..
" اختك وين ؟"
استغرب ..
" يااختي شبيك .؟قصدك امك شبيها ؟"
رديت ..
" عرفت الحقيقة ياعمي منهل لو خالي منهل ؟؟.. هاااا وامي طلعت عمتي مو امي وسبب موت جدي هي "
اتعصب ..
" شنو هالحجي هذا منو ضحك عليكم "
رديت ..
" ماكو داعي تغشم روحك سواء ان ضميتوا الحقيقة او لا بالاخير تطلع .. ذنبي برگبتكم كلكم وحياتي التدمرت ومستقبلي كله بسببكم "
ضاج ..
" اني ماادري بهالحجي شتمخرط انت ؟!"
رديت ..
" مو وكت الحساب والعتاب .. بس اختك اليوم انطردت من البيت شوفوها وين راحت ووصلت الكم لو لا "
عفته ومشيت ..
سألني علي ..
" شنو هذا الحجي صدك طارديها ؟"
هزيت راسي ..
" اي .. بس القاهرني ليث .. يمنع اختي توصل يمي يكلي انت غريب عليهن .. وعمي يحجي عليه وابوي ساكت مايكدر يحجي .. بول لو جدي هنا محد تجرأ حجة .. وابوي صارتلو كلمة .. بس بعد ماراح جدي راح يتغير كلشي عمي رغم مكانتو ومركزو بحياتو ماواجه جدي وكسرلو كلمة "
رد علي ..
" خلينا نمشي منا اذا بقيت تتأذى "
رديت ..
" ابني وحرمتي هنا محد الو حق يمنعني "
عاندت ..
مااريد اضعف .. الي حق عندهم ولازم اخذو .. مااتحرك بلا حرمتي وابني .. اعرف عمي ماراح يسلمهم بسهولة الي بس لازم اوگف بوجهه ..
حتى ماخلوني احزن على جدي مثل الناس ..
گاعدين اني وعلي ..
دحكت على منهل .. يحجي وي ابوي وعصبي .. وابوي متعصب دور دخل عمي على الخط .. وضلوا يتحاجون وهو مسوي نفسه فقير ومايعرف شي ..
رد علي ..
" اگطع ايدي اذا طلع مايعرف منهل ماتفوته سالفه ؟"
رديت ..
" احس عمي ومنهل نفس الشاكلة .. مايفرقون عن بعض "
رد ..
" معناتها صير حذر .. ولا توگف بوجهك .. رضوان اختفى وكت ماوگف بوجه منهل "
ضحكت ..
" يول شيسوي مثلا ؟؟ "
رد ..
" لاتستهين بهيج نماذج عاميهم الجشع والطمع والغيرة من معاملة جدك الك .. ما تشوف ماصدكوا هيج صارلك وخاصه اذا همك اخذ الشيخة "
رديت ..
" هي روح وحدة ياكاتل يامكتول "
دحك عليه ..
" وامك مافكرت بيها .. لسا بعدها بصدمة رضوان ماصحت منها .. "
سكتت ..
سألني ..
" انت مو جنت تحبها وتصيحلها يمه شغيرك "
گمت ..
" كافي علي مو وكتها هسا "
مايدري اني بداخلي اهاجس نار مشتعلة .. الحرمة الي بيوم كنت اشفق عليها وكاسرة خاطري تطلع امي الحقيقية .. يالسخرية الزمن ..
بعد ماكنت ابن شيوخ والكل يتحاجة باسمي ونسبي .. فجأة اطلع اني من نسل ربحة ومنهل .. الي كنت احمد الله اني مو منهم .. اذا تقبلتها واعترفت بيها ام الي معناتها اعترفت منهل عمي وصرت من نسلهم واني مستحيل اتقبل هالشي ..
مر كم يوم وخلصت الفاتحة واجه الوكت الازم اخذ حقي منهم .. رحت البيت عمي ..
اختاريت الوكت الكلهم موجودين..
دخلني الحارس للربعة وسووني غريب عنهم ..
دخل عمي وولده ..
سلمت وگعدنا ..
جان هادي مو مثل عادتو ..
بدأ بالكلام ..
" اسمع درع .. اني مخلي خاطر الترباتك بوسطنا وجن انت واحد من ولدنا .. بس بعد الصار مانگدر نتقبل وجودك بوسطنا ولا كانه صاير شي .. "
قاطعته ..
" عمي اني مارايد شي منكم .. ان كان عندكم حق عندي وهو اسمي فأخذو مني مايهمني .. بس انطوني حقي بالاول "
ضحك ..
" وشنو حقك ؟"
رديت ..
" حرمتي وابني "
رد ..
" حقنا مو بس اسمك يدرع .. حقنا اسمك وبنتي والاملاك الكاتبها ابوي الك "
استغربت ..
" اي املاك ؟"
رد ..
" كاتبلك البيت بأسمك ولازم نسترجعوا لان مامن حقك تاخذو وانت مو حفيده ولا من صلبه ودمه "
اتنهدت ..
" وتعرفني اني مو طمع واذا شي مو من حقي مااخذو .. بس بنتك وابني حقي ومااتنازل عنهم "
اتعصب ..
" مو بكيفك تتنازل والا… ."
گمت وگفت ..
" والا شنو .. لاتهددني عمي ماعندي شي اخسرو بعد .. بنتك وابني مااتنازل عنهم "
رد همام ..
" براء ماتريدك اصلا ليش انت مصر "
فتحت عيني مامصدگ كلامو ..
" مستحيل براء تتركني "
رد ..
" اذا تريد اسمع منها "
صاحها واجه ..
جانت مدنجة وتمشي ..
سألها ابوها..
" احجي طلبج منو ؟"
ردت ..
" اريد اتطلگ درع "
حسيت گلبي وكف بساعتها .. ردت اوگع وسندت روحي بالگوة ..
سألتها ..
" انتي واعية على حجواتج .. شنو اطلگج ؟"
ردت ..
" لاتصعبها درع "
ضحكت ..
" شسوولج احجي بشنو هددوج "
صاح ابوها ..
" شنو هددوها شو ماتعرف شتحجي .. انت ماعندك كرامة "
رديت ..
" متأكد مو حجواتها هاي .. لو هي تريد جان خلت عينها بعيني وحجت مو مدنجة… وابني مااتنازل عنه فهمتوا "
ردت امشي ..
صاح عمي . " لاتخلي راسك براسي درع .. عندي اربع ولد لو اريد ماخليتك تطلع منا الا وانت مطلگ بس راح اطيك مهلة كم يوم.. "
عفته وطلعت ..
اجت براء من باب المطبخ تركض ..
" درع درع "
التفتت ..
" شرايدة انتي شنو عربانه شيكلولج تسوين .. هان عليج درع.. هان عليج حبنا وحجواتنا وغرامنا .. يول اني درع درع .. عجل هيج نسيتيني "
بقت تبجي وماتحجي..
همست ..
" اريد اشوف وطن جيبيه "
ردت ..
" مو هسا تعال العصر محد موجود من اخواني مااگدر هسا "
ضحكت ..
" شنو هالجرم السويتو حتى هيج اتعاقب "
عفتها وطلعت ..
علي ماهو رد المحافظته .. مااعرف وين اروح .. اتهسرت امشي ومااعرف وين اروح..
احس نفسي تايه ..
تذكرت جدي وحياتي قبل .. حتى بحياتو ومانساني .. بيت اقل من 1000 دونم مسجلو بأسمي .. يمكن لو عايش هو الوحيد الماتخلى عني ..
التفتت انتبهت السيارة ابوي واگفه بعيد تراقبني ..
سويت نفسي ماشفتو ..
حتى لو يدحك بيه من بعيد ومشتاق الي .. مايشفع التخليه عني وخوفو من عمي ..
هساع حسيت نفس وحيد ومالي احد ..
خابرت العلي وحجيتلو ..
گالي تعالي يمي اني اشوفلك مكان تگعد بي لاتشيل هم مااخلي احد يدري بيك يمي..
بس قررت اروح البغداد فترة بين ما يهدأ الوضع ..
بس قبلها كتبت رسالة البراء وطلبت اشوفو الوطن..
[ في رسالتي الاخيرة والحاسمة لحياتنا وزواجنا ..
لن اعتابك او اشكي مـڼكِ ولن استجدي الحب و العشق مـڼكِ
ولن اطلب مـڼـكِ تخفيف الالم عني او اترجى عطفك
في رسالتي هذه اقول ..
سوف امنع عيني ان تسقط الدموع .... سوف اودعك بصمت و هدوء وابتعد لفترة ..
في رسالتي هذه ..
اعلن لك اني احببتك و عشقتك فوق طاقتي ولم تكلف نفسكِ حتى مسح دموعي والتهوين عليه لما اصابني ..
احببتك لدرجة انني صدقت انك حين اغيب .. تغيب سعادتك وانك حين اغيب .. سوف تغيبين ..
احببتك لدرجة انني ظننتك الانسانة الوحيد التي نسكن الارض وانك المراة الوحيدة التي تسكنني ..
فلأجل ذلك الحب والايام التي جمعتنا لاتخذليني !!
سأرحل لبغداد واتمنى ان تتركي كل شي وتأتي معي ..
ان تمسكي بيدي وتصلحي مااوشك على الانتهاء .. تمسكي بي قبل ان اضيع وتضيع حياتي .. ]
رحت الها بوقت ماهو ابوها واخوتها ..
بس گالها الحارس طلعت هي ووطن ..
شفتو ردتلي روحي ..
اخذتو حضنتو واشمو .. ايام وانا ماشايفو وهو يتلمس وجهي هم ..
ادحك بيها تبجي وتدحك علينا ..
همست .. " هاي الج اقريها ورجعي الجواب .. بس مو برسالة لا .. تجيني للعنوان الكاتبه ووياج وطن "
ردت ..
" درع اعذرني تعرف مو بيدي… ."
قاطعتها ..
" اعرف بس اريدج تصيرين قوية واني ماراح اعوفج ولا اخلي واحد يمس شعره منج اني درعج وسندج "
اخذت الرساله وتبجي واني كاتب العنوان التجيني بي .. حضنت وطن وشميتو ورجعتو الها وطلعت ..
اتمنيت احضنها واشمها لان مشتاق الها جثير بس ردت تاخذ قرارها بدون ضغط مني ومن ابوها .. ردت گلبها اليجيبها العندي ومايسيطر عليها خوفها وكلام ابوها ..
طلعت وكلي امل انه اخذهم واكون عائلة ونبدي حياة جديدة ..
لسا بهول الصدمة بعدني بس وجودها يمي هي ووطن راح يخفف عني ..
خابرت على البيت طلعتلي مريم وكالتلي امي مهجة مارجعت المحافظتها جانت بالغربية عند معارف النا ..
ومنهل ماخله مكان مادورها بي لحد مالگاها ..
راجعة البيتنا وابوي طاردها ومطلگها مرة ثانية ..
ومنهل متعصب ومتعارك وياه وضاربو وساحلها وماخذها جبر ..
وجدتي طاردتهم اثنينهم ..
تذكرت حياتنا شلون كانت وشلون صارت .. طلبت احجي وي جدتي ..
خفت ماترد عليه .. بس ردت ..
طلبت اشوفها ومااعترضت وافقت بسرعة ..
" تعال يمه البيت بيتك وبيت جدك "
رحت الهم بوكت ابوي ماهو ..
اول ماشافتني بجت وحضنتني ..
" وين عايش وشلون ؟"
رديت ..
" عايش بهالدنيا.. صح داخلي متحطم بس اگدر اوكف على رجلي عجل اني ترباتج .. "
اتنهدت ..
" الله لاينطيها .. الصوج بيه . اني الاعرف امها شني وجبتها . ربيت حية بحوشي التفت التفت وخنگتنا .
ماجنت رايدتها وهي دخلتها بعيني .. جنت رايده حورية ومارضت تطيها الي من البداية لين قشمرتني مهجة بهدوئها وسوالفها وگلت ماتشبهها هاي فقيرة .. جان گلبي حاس بيك شي مختلف بس حبي الك منعني من التفكير ماصدگت صار عندي حفيد وحتى جدك تعلق بيك من حبي الك وضمن مستقبلك لگدام "
هزيت راسي ..
" اعرف واني اجيت الهذا السبب .. اريد ارجع كلشي سجله جدي بأسمج انت احق بيهم بورثه "
ردت ..
" جدك كتبتهن هذا حقك "
رديت ..
" لا مو حقي هو كتبهن لان عباله اني ابن ابنو وحفيدو هساع الوضع اختلف مااگدر "
سكتنا الوهلة ..
بقيت ادحك بالبيت واتذكر طفولتي وحياتي شلون جانت
اتنهدت..
" جنت اسعد ولد بالدنيا .. وحياتي ماكو مثلها .. جد وجده وابو واخوات واهل وكلها تحبني .. ماعدا امي الماجنت احس بحنانها .. وهساع عرفت ليش ؟؟"
ردت ..
" الله يجازيها .. هساع عرفت ليش جانت تفرق بينك وبين بناتها .. كسرت بختهن وولد عمهن منو يگول ياخذوهن بعد هالعملة "
رديت ..
" اذا اني ويريد يطلگ براء مني .. هن شيسوي بيهن "
ردت ..
" شني يطلگها بكيفه غير عدكم ولد "
رديت ..
" والمشكله مااعرف شلون جابرها وهي الطلبته بلسانها"
ردت ..
" من جان جدك موجود مايگدر يتنفس بس هساع حلالو الجو "
اتفقت وي جدتي اخذها بسكته واتنازللها وهي ماقبلت گالتلي سجلو بأسم وطن .. بس ماردت بأسم ووطن لان ابني وراح يتوقعون طمعت بيهم وسجلتو باسم ابني حتى بعدين اخذو ..
علي ..
من بعد الاحداث التراكمت علينا بسنة 1996 ..
صرت شامر نفسي على الشغل وبس ..
اخلص حياتي كلها بالشغل .. ماارجع الا بنص الليل اسبح وانام ..
مرات فيصل يجي يمي ويحاول يعرف شبيه وليش مااجي للبيت واني اعرف رحمة دازته بس اسكت وماانطيه جواب او اكله عندي شغل ومااگدر ..
باقيله سنه ويتخرج ..
بيبيته وجده منعوه يجي النا او يگعد
عندنا بعد الصار .. بس هو ماينمع اكيد ..
رجعت للبيت بنص الليل مثل عادتي .. وافكر بالشغل لو سحبوه منا بحجة ورثه وين اروح اني .. جان العقد بيني وبين جد درع .. وبي مدة يخلص بيها ..
دخلت البيت ماكو احد ..
تلگتني دمعه ..
" ها خوية اجيت متعشي ؟؟"
هزيت راسي..
" اي متعشي .. وين رحمة نايمة ؟"
ردت ..
" وين تنام خطية حايره بهمها وبأمها .."
نزعت وردت ادخل همست..
" علي امي مريضه فد مرة هم لااكل ولا شرب تعاند وماتطلع من غرفتها ابد.. اطيها فرصه تحجي واسمع منها .. صح جانت صدمة الي هم .. وخاصة لمن عرفت شنو سبب كرهها الابوي وحبها الك وليش فرقوا بينا "
سألت ..
" شنو حجتلج ؟"
هزت راسها ..
" اي حجتلي مقتطفات .. امي مظلومة .. شگد جنت شايله بگلبي عليها بس مالها ذنب طلعت .. وسكتت لان خافت عليك لان هالسر لو طلع كلها تتظرر واولهم انت .. "
اتنهدت ..
" مااگدر اخلي عيني بعينها.. فقدت الثقة بيها .. وخاصة بعد سالفه درع .. احس هالملة كلهم نفس الشي"
ضاجت ..
" لاتقارن بينهم وبين امي "
عفتها ودخلت بدلت…
حسوني نايم .. بقيت اعاين بي واشم بي ..
رحمة مااجت ابد وماشفتها مثل عادتها رغم مااحاجيها بس تجي وتأدي واجباتي على اكمل وجه .. خفت لايكون امها بيها شي .. المرة من يوم العرفت واني مارحت ولا شفتها شبيها ..
دخلت شفت رحمه يمها ..
سألتها ..
" شلونها ؟"
ردت ..
" مو زينة تهلوس بس .. "
تلمستها حرارتها مرتفعة ..
سالتها .. " من شوكت هيج "
ردت ..
" صار يومين من عرفت لليوم مصدومة ولااكل ولاشرب "
رديت..
" جا گوميها خل ناخذها للمستشفى "
رحت بدلت بسرعه لگيتها مكملة .. جابت عباتها سندت امها وطلعنا ..
صارت اديه على اديها .
بقت تعاين عليه .. مشتاقلها كلش بس مو بيدي الثقه تزعزعت بينا .. اول مرة هالگد نبقى مانحجي سوة ..
خلينا ماسة وحسون يم دمعة وطلعنا ..
دخلوها للطوارئ صاير بيها سكر بسبب الهبطة والصدمة واحنه ماندري.. وايضا فقدانها عن الوعي وصفنتها بسببها الصدمة ..
بقينا كم ساعه ..
جانت مگابله امها وتبجي ..
" يمه منين اجاج هالمرض بيه ولا بيج .. منو الي بعدج يمه .. لااخو اعترف بينا ولا احد الي غيرج "
عاينت عليها بعصبية ..
" شلج بهالحجي "
ردت ..
" مجذبة قابل ؟؟ انت على شغلة ضميتها ومامتعدة درت وجهك عني صارلك ايام واسابيع.. معناتها تگدر على بعدي وغيابي بعد لاتگول مااگدر على بعدج "
رديت..
" تعبان حيل .. مااعرف افكر الهيج اهرب من البيت ومنج . لان بعدني مصدوم مامتوقع هالشي يطلع منج انت صافية وورقة بيضة بالنسبة الي ماردتج تخليني بهيج موقف من سمعت من الغربة حسيت خنجر وثبتوه بگلبي "
دارت وجهها وماحجت بقت تعاين على امها وتبجي ..
طلعت المنديل من جيبي ومسحت عيونها لااراديا ..
عاينت عليه مااتحملت دمعت عيني ..
جان محد بالردهة .. بسرعه اخذتها الحضني… شما ازعل واضوج وانقهر مردي الها .. مااگدر على فراگها ..
جانت تحضني وتشم بيه مثل الام المفارگة طفلها ..
واني حضنتي الها سحبت كل هم بيه ووجع ..
عاينت عليه ..
" علي اسمع الحقيقة من عمتي علمود ترتاح .. لان متأكدة اذا سمعتها راح تغير نظرتك وتعرف شغلات مامتوقعها .."
خلص العلاج وطلعنا امها ورجعنا للبيت ..
جنت مقرر اخابر درع باجر يجي يشوفها بلكي تتحسن وتصحى من صدمتها ..
دخلنا البيت ..
همست رحمة..
" راح ادخل امي انومها وانت شوف حسون بين مااجي .. "
دخلت جان ضوة غرفه امي مفتوح ..
اخذتني رجلي الها ..
فتحت الباب جانت تقرأ قرآن .. حست بوجودي ..
شالت راسها ودمعت عينها..
اتقربت منها لااراديا ..
تمددت بحضنها وغمضت عيني .. ماردت اسمع منها الحقيقة .. بگد ما ردت احس بطفولتي الحلوة وياها ..
بقت تمسد على راسي..
واول حجاية حجتها ..
"سميتك علي على اسم ابوك الحقيقي جان اسمه علي"
#يتبع ..
( شمس السعدي )
اعذروني حبايب على التأخير .. صار عندي هبوط حاد بالضغط بين مااستقر يله گدرت اكتبلكم ..
رمضان كريم عليكم جميعا احبتي ❤️



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 17-04-21, 03:09 AM   #78

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


صباح الفل والياسمين عليكم حبتي ❤
/// البارت احدى وستـون /////
#بيوت_بلا_جدران
#شمس_السعدي

----------------------------------------------
هل ستشفى أرواحنا يوماً ما ؟؟
أم ستفارقنا هذه الأرواح وهي متعبة .. !!
-----------------------------------------------
دخلت جان ضوة غرفه امي مفتوح ..
اخذتني رجلي الها ..
فتحت الباب جانت تقرأ قرآن .. حست بوجودي ..
شالت راسها ودمعت عينها..
اتقربت منها لااراديا ..
تمددت بحضنها وغمضت عيني .. ماردت اسمع منها الحقيقة .. بگد ما ردت احس بطفولتي الحلوة وياها ..
بقت تمسد على راسي..
واول حجاية حجتها ..
"سميتك علي على اسم ابوك الحقيقي جان اسمه علي"
اقشعر بدني من سمعتها ..
شلت راسي .. احجيلي عنه .. احجيلي كلش لاتضمين عليه بعد ..
اتنهدت ..
" من صغري واني ماحبيت غيره .. جان خالك ياخذنا اني وجوري ونروح البيت خالتي .. نتذكر بيها ريحة امنا ..
خالتي عندها ثلاث ولد وثلاث بنات .. وعلي جان اصغرهم ..
لان خالتي الجبيرة جانت ومتزوجة گبل امي ..
نكيف نروحلهم علمود العب وي البنات ..
الشيخة جانت ماتحبهم وتمنعنا عنهم .. بس حطاب ياخذنا من وراها بحجة نلعب .. مو بعيدين علينا همة ..
جان گصيبتي الحد رجلي واني حلوة وبيضة .. يجي علي من المدرسة يضوج يشوفني العب بالشارع ..
يزمخ بيه ويگلي فوتي ..
اضوج وانقهر واشكيه الخالتي ..
وخالتي تضحك وتگلي .. " يغار عليج جيف اريدج اله "
صفنت عليها ..
" شني اريدج اله "
ضحكت ..
" بعدج صغيرة .. بس من يوم الاجيتي للدنيا واني گلت الامج حورية العلي .. وعلي الحورية جيف جنتي بدر منور وشحلاتج .. وهو جان هم حلو وابيضاني عليه طالع "
جنت ماافهم شتحجي وشتقصد .. بس يوم عن يوم وشهور وسنين بديت افهم شنهي قصدها ..
صرت من اشوفه ويزمخ عليه مااضوجن ولاانقهر عبن ادري بي يغار عليه اعله گولت خالتي ..
نجح ودخل دار المعلمين .. ورحنا نباركله…
واول ماشافني ابتسم ..
" حورية راح اصير معلم واجي اخطبج من الشيخة ترضين ؟"
خجلت وصارن خدودي حمر ..
رحت يم خالتي گعدت وعيني مافرگت عينه ..
بقت جلمته بأذاني.. وصرت اتخيل روحي عروس ومزفوفه العلي ..
وكلما اشوفن عرس اتخيل روحي اني وعلي ..
جنت اگول شعاجبه بيه اني .. هو متعلم ودارس ومثقف وراح يصير معلم ..
لين بيوم سألته ..
وجان جوابه ..
" الگلوب ماتعرف هالسوالف .. اذا دگ الگلب معناتها توقف العقل عن التفكير .. وانه من يوم الشفتج دخلتي هالگلب وعشعشتي بي "
جان حجيه حلو ومن يتغزل محد يلحگه .. عبن يگول اني اذا احب مااشوف بس الاحبه .. وحبيتج اني حورية .. هنيالج على حبي المايفارگج للموت ..
دمعت عيونها عليه ..
واخذت نفس وكملت ..
" وصدگ حبه مافارگني للموت "
حسيتها وهي تحجي عليه وجن جاي توصفني بكل حرف ..
جنت دوم اسأل روحي اني اشبه منو بأطباعي .. طلعت اشبه ابوي وماادري ..
خنگتها العبرة بس جانت تاخذ نفس وترجع تكمل ..
كبرت وكمل دار معلمين .. وتوظف بساع واجه يخطبني ..
بس الشيخة مارضت .. وبقت تدور سوالف وتريد مهر يليگ ببنت الشيخ مرداس وغايتها تخليه يعجز ..
بس هو ماعجز .. وجان يداوم ويشتغل علمود يجمع النا .. واني جنت وياه خطوة بخطوة عودن الشيخة منعتني بعد امشيلهم .. بس جنا نلتقي بورة الحوش ويحجيلي ..
جان عندي ذهب وفلوس شلتهن واطيتهن اله ..
ماقبل ياخذهن .. گلتله اخذهن وعود رجعهن من نعرس .. وبالگوة قنعته ..
وللعصر دز امه واخواته وبيدهن المهر والفلوس..
والشيخة هنا بذكائها ومكرها فهمت السالفه وعرفت علي واهله مستحيل يجيبون هيج مبلغ وهيج فلوس..
صاحتني للحجرة وسألتني ..
" ذهبج وين حورية ؟"
بقيت صافنه بوجهها ..
" ها بالصندقجة "
اشرت ..
" طلعها وافتحيها خن اشوفها "
ارتبكت وردت بأي طريقه اخلص ماخلصت..
فتحته وشافته فارغ ..
ضربتني بيومها وگالتلي ..
" مو بنت الشيخ مرداس ترخص روحها وتطي فلوس الواحد فگر علمود تاخذه "
بجيت وواجهتها لأول مرة ..
" ابن خالتي واريده .. انت مالج شغل انتي مو امي وتتحكمين بينا "
ضربتني وقفلت الباب عليه ..
وراحت طردتهن واخذت ذهبي منهن وگالتلهن بعد ماتجن ماعندنا مرة الكم "
صاحت حطاب وكالتله ..
" علي قشمر اختك وباگ ذهبها علمود يجي يخطبها ويستولي على ورثها "
بقت تزن براسه لين راح الهم وتعارك وياهم وقطع علاقته بيهم ..
بقيت بالغرفة محبوسة ماطلعوني وجوري تبجي تريدني الا لمن اجاني حطاب ..
جان مقهور وزعلان مني ..
" السويتيه مو صح "
رديت ..
" ابن خالتي واريده وين العيب .. علي ماكو منه "
رد ..
" اكو احسن منه يستاهلوج انت مقامج شيخ مو علي "
ضحكت ..
" هاي سوالف الشيخة مو سوالفك هي ربتك على هالحجي وغسلت عقلك "
اتعصب ..
" ضبي السانج شني غاسلة عقلي جاهل اني "
رديت ..
" جا مااخذت بنت شيوخ انت .. ليش خطبتلك فلاحة وماعلت مقامك ببنت شيوخ "
اتعصب اكثر ..
" وشبيها سمرة .. بعدين لو اني اريد جان خطبتلي مو كل بت شيوخ بيها خير .. ومقامي عالي مايحتاج اعليه .. انتي ماتلام بيج الشيخة .. ابقي محبوسة لين مايرد عقلج الراسج "
من يومها وحطاب اتخله عنا وصار مايسمع الا حجاية الشيخة وسمرة .. وحده تاخذه ووحده تجيبه ..
مرت الايام واني بالي يم علي وشسوة .. يذكرني لو نساني .. بعده ينتظرني بمكانه لو ايس ومايجي ..
فتحتلي الشيخة الباب وهددتني لو سويت شي غلط تحبسني مرة ثانية ..
وافقت بس كون ماتحبسني .. لليل رحت ولگيته منتظرني ماتعب ولا مل .
شافني وجن شاف الدنيا كلها بعيني .. عيونه يصبن ووجهة يضحك ..
جان خايف سوولي شي .. ورايح الحطاب محاجيه وحطاب طارده رايد يعرف بس خبر عني ..
تعاهدنا بيومها مانتفارگ للموت ..
مرت الايام .. وقبل موتت راضي ابن موحان ..
طلب علي نتزوج ..
خفت وماقبلت ..
بس گالي لو وافقتي الشيخة تنجبر تزوجنا عبن صرتي مرتي ..
بقيت افكر ومالگيت الا هل حل حتى ننجمع .. جانت الابواب كلها مزقفله بوجوهنا وبساعة ضعف قررنا وانتهى ..
رفعت راسي الها ..
" يعني تزوجتوا ؟"
ضربتني على راسي ..
" جا شنهي قصدك امك تسوي العيبة ؟"
اتنهدت وسكتت ..
رجعت كملت ..
جان متفق وي اخته ورجلها يرتبولنا السالفه ..
ورحت الهم بالليل والشيخ موجود .. وعقدولنا .. وجماعة علي اثنين وياه جانو ..
لان اخوته معارضين السالفه وماقبلوا بعد المشاكل الصارت .. ماگاللهم ..
عقدنا وكملنا .. رجعني للبيت بساع ..
جنت فرحانه واخيرا صرت مرت علي وهو صار رجلي
بقينا نخطط الزواجنا وگال راح احجي وي حطاب ان ماقبل اگله واخذج غصب عنهم ..
اجانا خبر وفاة راضي والشيخة تسودنت وهو عزيزها .. گلبت السلف ودخلتنا بأنذار ..
حارت بالثار والفصل لين جابوا مرمر فصلية النا .
تغير الوضع..
بس بقينا نلتقي .. جنت اطلع بالليل واروح البيت اخته اشوفه ..
وانت ابني وصعبه احجيها .. بس ماگدرنا نسيطر على ارواحتنا وتممنا زواجنا ..
وعدني نعقد محكمة واصير مرته رسمي وياخذني ونهج من السلف كله وبعيد عنهم ..
جنا ناوين نستقر بغير سلف وحضرنا الكلشي ..
بس المحاسبنا حسابه انه تتسمر لقائتنا ونماشي رغباتنا وماناخذ حذرنا لين ماانكشفنا ..
ومن انكشفنا حبسوني ..
وعلي اختفى ومحد يدري بي وين فجأة .. حتى اخوانه ماخطر ببالهم انه الشيخة وراها ..
تصور حطاب وكلهم يدور عليه كم يوم لين لگوه مطوف بالماي غرگان .. ومايعرفوه مكتول لو قضاء وقدر ..
اني جنت متأكدة انكتل لان الشيخة ماتريد احد يلوي ذراعها ومن عرفت متزوجين .. جان الخلاص الوحيد هو تنهي حياته ..
طفرت من مكاني مصدوم ..
" وليش سكتي ليش ؟"
اتنهدت ..
" لان انت ببطني .. خفت على ثمرة حبنا تنتهي .. ماردت ريحة علي تروح مني .. واصلا مابيدي شي .. يعني لو احجي واصرخ مايتحاسبون .. الشيخة بنت اقطاعيين وايديهم ملطخة بالاجرام . ومن يوم الخلت رجلها بعشيرتنا دمرتها .. بعدت ابوي عن عمامه واهله وصاروا ال عباس وال عناد متفرقين .. عباس ابو ابوي مرداس وعمي نعاس وعمتي دنانير .. وعمي عناد ابو عمامي الباقيين من العشيرة .. يعني جان محد يگدر يحجي وياها وهي بظهرها اهلها .. "
تعصبت وضجت ..
" برأيج منو النفذ للشيخة .. منو ايديها اليمين .. قابل هي الكتلته لو جعمقة . وانتي بكل سهولة تزوجتيه وخليتيني اشيل اسم الكاتل ابوي .. هاي شلون اسامحج عليها فهميني شلون .. "
تعصبت وماشفت بعيني وقررت اواجههة واخبر اهل ابوي ونشتكي عليه ..
لزمتني امي تتوسل ..
" يمة فدوة اروح الطولك لاتروح .. حسبالك يخلوك عايش يكتلوك "
رديت ..
" هو اني اريد اسويها ياكاتل يامكتول .. جان فكرتي قبل لاتتزوجين واحد مجرم "
گامت تلطم ..
" ولك جا هو بيدي .. انجبرت واخذته .. جنت عاجزة لا اكو شي يثبت زواجي ولا احد يعرف غير اخته ورجلها والشيخة مخوفتهم وساكتين وناكرين هم .. اخذت جعمقة وادري بي هو الكتل علي علمود احميك .. ماتشوفني كارهته وماخليته يوصلني حتى دمعه اجت غصب ماردتها بس اتعدى عليه واخذني وكسرني بيها "
انفتحت الباب دخلت دمعه ودموعها على خدها ..
" هسا عرفت ليش ماحبيبتني لان اجيت غصب عنج وانتي گلتي كسرني بيها معناها ماجنتي رايدتني .. وفرقتي بيني وبين اخوي .. حاضنته ونايمة واني طفله اعاين عليكم مكسورة .. ليش جبتيني اصلا ماعرفتي تذبيني جبتيني ليش وانتو محد يريدني.. وعلي الجان يحبني بعد ماعرف الحقيقه راح يضل يكرهني "
اتقربت منها ..
" انت مالج دخل بأفعاله انتي اختي "
صاحت ..
" وشعرفكم هو كاتل شمدريج شفتيه ؟"
ردت امي ..
" ابوج وهو سكران كت جرائمه كلهن جان يجي يبجي بحضني ويحجيلي من غير مايدري وجنت متحملته ومتحمله ريحته علمود اعرف شمصخم هو وشيخته ..
حتى جوري اختي همة الكاتليها .. جوري طلعت شايفه الشيخة من حرگوا اهلي .. والهيج انصدمت وانخرست .. ومن حرگوا رملة ام فيصل رجعت تحجي وتذكرت .. شنقوها حتى ماتفضحهم .. "
اتهسترت دمعه ..
" كافي كافي حرام عليج .. لو مخليتني مااعرف احسن ليش جبتيني من واحد هيج .. ليش كسرتي حنان الابو بداخلي .. مو كافي حرمتيني من حنانج دور حنان ابوي اخذتيه "
گعدت امي ودمعتها بعينها ..
" جا اني شصار بيه من عرفت .. كل هالسوالف نقطة ببحر السمعته .. بس هم سكتوني بيكم .. لو حجيت انت واختك ترحون مني .. الهيج اخذتكم وهجيت البغداد .. كلها صارت ضدي حتى اخوي ابن امي وابوي ومااضل احد الي غيركم .. ومستحيل اخسركم "
رديت ..
" وشني يعني .. هيج يضلون بلا حساب وذوله الماتو يروحون هيج شلون تنامين مرتاحة بالليل وانتي تعرفين كل هاي الجرائم "
گامت تلطم وتبجي ..
" ومنو گالك مرتاحة بس مابيدي شي ولاعندي دليل .. ومنهل ماراح يسكت وتدري الدولة بيدهم .. تقرير واحد يودينا ورى الشمس لايرحمني ولايحرمكم .. "
رديت ..
" مااخاف بس من الخلقني "
ردت ..
" لاتخاف بس خاف على بيتك واهلك واولادك .. منهل ماراح يضيعك بس الك .. النا كلنا .. اذا تريدنا نضيع روح احجي وخلينا نموت كلنا ونرتاح .. الزمن مو النا يمه وان جان على الحساب .. فلا تنسى الشيخة والصارلها ويجي يوم منهل وجعمقة وكل واحد اذى العالم .. ماتدوم لأحد "
سمعنا صوت .. التفتت جانت دمعة بالكاع واگعة ..
ركضت الها ..
صحت ..
" رحمة… رحمة "
اجت تركض ..
شافتها واگعه ركضت جابت ماي واجت ..
غسلتلها وبقيت افرك بخشمها ورحمة رفعت رجلها ..
شوية بقت وصحت ..
عاينت علينا .. ودارت وجهها ..
حجت وياها امي ماسمعتها ..
اتقربت رادت تبوس راسها ..
همست ..
" مااسامحج ابد يمه "
اشرت الامي تعوفها .. حقها العرفته مو شوية انصدمت بأكثر شخص تحبه واهتم بيها..
صعب الشخص ينصدم بأقرب الناس اله ..
صدمتها بأبوها مو اكثر من صدمتي بنسبي المخفي ..
كلنا تعبنا بليلتها ..
اشرتلي رحمة وطلعنا..
رحت للغرفة راحت شافت امها واجت ..
اخذتني رجلي الحسوني ..
اخذته شميته وبسته ..
دخلت رحمة ..
خليته بفراشه ورحت گعدت على الجرباية مصدوم بحالي وواقعي ..
سألتني هسا شناوي شتسوي ..
رديت ..
" ما اعرف بس احس رجلي وايدي مربطات .. المن اروح والمن اشتكي ومنو اليسمعني .. احنه ببلد تقرير واحد يضيعني على گولت امي .. واذا الحق وياي يصير ضدي واطلع اني المذنب وانسجن .. "
ردت ..
" عوفها يم رب العالمين هو يحلها .."
رديت ..
" بس اسمي مستحيل يبقى على اسمه مااريد انربط بهالمجرم العمر كله "
سألت ..
" وتعتقد راح يغيرون اسمك بسهولة "
رديت ..
" هي هاي المشكلة كتابنا وكتابكم والاكثر امي مامتزوجة ابوي رسمي يعني ماكو شي يثبت هو ابوي "
اتنهدت..
" الله لايطي الكان السبب .. گوم ياعيني نام وارتاح والله كريم "
جان يوم متعب كلش .. بس رغم هالشي ماگدرت انام .. افكر بطريقة قانونية تخلصني من جعمقة ونسبة الاسود .. بس قبل كلشي لازم اعرف اهلي واروح اشوفهم ..
كلها ساعة واذن اذان الفجر .. استغفرت ربي العالمين وگمت ..
رحمة جانت غاطة بالنوم ..
گعدتها ماگعدت .. وحسوني يبجي ..
شلته من فراشه وخليته بحضنها بس شمها سكت ورجع غفى ..
طلعت من الغرفة صارت بوجهي عمتي ام رضوان ..
سألتها ..
" شلون صرتي ؟؟.."
هزت راسها ..
" شلوني واني صرت مثل الفاگدة ولد ومضيعة ولد .. شلوني واني حبلت وجبت وتعبت وصفيت بلا ولد .. تمنيتهم صاروا بنات ومحد خذاهم مني .. واحد فگدته ومااعرف مكانه وين .. وواحد موش الي صفى للغير ..
وواحد جنت من اشوفه اتلهف عليه ويگلي يمه واني ماادري بي ابني وتالي من يعرفني امه ينكرني وتختفي حنيته كلها "
رديت ..
" لاعمة درع مو هيج .. بس لو تعرفين شصاير بي .. مشدوه الحال واخذوا ابنه ومرته منه وجده من عرف مااتحمل وتوفى والتمن عليه كلهن "
هزت راسها ..
" اي جا ياهي امه غير مرمر .. شي طبيعي يصير بي هيج .. مو اني ماورثتلهم بس الحظ الاغبر "
بقت تحجي وي روحها وتبجي وتتجى على الحايط ..
مااعرف هالمصايب الاجتنا وحدة ورى الثانية منين ..
قررت اخابره واخليه يجي يشوفها ويطيب خاطرها كل ظنها مايريدها لو يستنكف منها ..
صليت ورجعت نمت ساعة وطلعت للشغل ..
خابرت درع ماحصلته ..
بقيت اصفي بالحسابات خاف يردون يعرفون شني المصاريف والارباح بعد موتت الشيخ يمكن يفسخون العقد ويمكن ياخذون كلشي واصفى من جديد بلا شغل ..
درع ..
حجيت وي جدتي وكلتلها من الصبح امر اخذج گالت مااگدر اطلع الناس شتگول عليه ولازم احد دور ..
گلتلها عجل اشوفلي محامي نجي تسويلو توكيل وهو يشتغل بيها دور ..
رحت شفت المحامي مال جدي رجال ادمي .. حاجيتو گام يحجي ..
" جدك انطاك هالورث شلون تتنازل عنو .."
رديت ..
" اريد اتنازل الجدتي مو الاحد "
قنعته ورحنا الجدتي للبيت ..
دخلت تفاجأت بعمامي وابوي كلهم موجودين ..
شافوني استغربو والرجال برة ..
حاجيت مريم گاتلها تگولو يروح وبعدين اخابرو صارت شغلة ..
سأل عمي ابوي ..
" هذا لسا مخليه ببيتك .. عجل فرحان بحرمتك ضحكت عليك بي "
صاح ابوي ..
" ابو همام .. مااقبل صح انت اخوي الكبير واحترمك بس مو ببيتي وتقلل احترامي "
ضحك عمي ..
" عجل هو بيتك لو بيتو الابن منهل لو موحان صدك ماسألتك .. عجل اذا ابن منهل معناتها هم مو غريب علينا منهل صديقي وماكو فرق بين صديقي واخوي "
ضجت حيل من كلامه ..
حجت جدتي ..
" اسمعوا كلكم .. درع ربى بهالبيت وكبر والرباه ابوكم .. وجعت ابوكم خلتني اسكت واتحمل .. بس الهين وكافي .. هذا بيتو وراح يبقى بي ومحد الو شي عندو .. وانت يمقداد رجع مرتو وكافي فضايح لو امكم عايشة وابوكم ماقبل على تصرفاتكم .. "
ضحك عمي ..
" طبعا تدافعيلو لان البيت بأسمو "
صاحت بي ..
" لا البيت ولا فلوس الدنيا تهمني .. شنو توكم عرفتوني من يوم الاجيت لهنا واني ربيتكم قبل مااربي ابني وكبرتكم والحجية مريضه تعرفوني مو هذا طبعي"
رد ..
" لو ماانتي ماصار الصار بينا ولا عرفنا هالشكيلات "
صاحو بي اخوتو وماقبلو عليه واني بالگوة كاضب روحي عنو .. بودي اكضبو من خوانيگو وانسى هو عمي على كلامو وي جدتي ..
ردت عليه جدتي ..
" اي صح غلطت يوم جبت بنت ربحة البيتي .. بس انت مالك شغل بهذا البيت .. هذا بيت الشيخ يوم تزوجني واني بي . وانتو كل واحد الو بيتو وگاعو والشيخ ماقصر وياكم ..
وان سجل البيت بأسم درع فهو بكيفو "
رد عمي مقداد ..
" هالبيت بيت عيلتنا ربينا وكبرنا بي .. ولومسجلو بأسمج او باسم رماح ماحجينا بس ليش سجلو بأسم هالنكرة "
ردت احجي اشرلي ابوي اسكت ..
" هالنكرة الو اسم كافي مقداد اني تخليت عنو الخاطركم لاتجثر حجي بعد "
رد عمي ..
" خلي يروح الاهلو مااريدو بالغربية كلها.. وبنتي غصب عنو يطلكها ويرجع كلشي النا مالو شي عندنا "
رديت ..
" التريدو يصير البيت راح ارجعو بأسم جدتي من باجر تروح وياي واتنازللها عنو .. واعوف الغربية كلها واستقر ببغداد لايمكم ولا يمهم .. بس بشرط تنطيني حرمتي وابني "
اتعصب ..
" وانت منو وتتشرط علي .. اتطلگها من باجر والا اخليها ترفع عليك دعوة وافضحك وافضح نسبك وغصب عنك تطلكها "
مااتحملت كلامو صرت اتعارك وياه .. بعدين ابوي طلب مني اروح واكسر الشر ..
طلعت من البيت غضبان ..
اعرف كل الهامو الورث .. ماكنت اعرف يكرهني الهلدرجة ومتحملني الخاطر جدي .. حتى زواجنا اني وبراء كان معارضوا لولا جدي ..
خابرت علي حجيتلو ..
گالي لاتخلي راسك براسو هذا نسخة منهل ..
بس مااهتميت لازم اوكف بوجهو ومايعتبرني ضعيف
فتح وياي موضوع ..
" انت شوكت تجي تشوف امك .. مريضه وصار بيها سكر "
اتنهدت ..
" مااگدر اوجهها او اخلي عيني بعينها .. كرهت السلف كلو وذيج المحافظة .. علي اريد وكت ارتاح وارتب اموري واقرر "
سديتو منو ..
بعد الصار خايف عمي يفسخ العقد وي علي .. ويبقى علي بلا شغل كنت حاسب حساب هاليوم ونبهتو وهو گال عندي عقد جاري الاخر السنة بعدو مو بكيفو يفسخو الا اذا دفع الشرط الجزائي ..
ريحني شوية .. مااريد احس بذنب مو ذنبي ..
جدتي واخواتي وابوي من ادحك عليهم احس بالذنب رغم اني مالي ذنب ..
جنت منتظر اروح منا بأسرع وكت ..
سويت مكاتبة الجدتي وتنازلت عن البيت .. وكلتلها بأي وقت تردين اني اداور بين ماتكملين الحد .. لان بالفترة الاخيرة طلبو اتنازل البيت الوطن.. ما اعرف شنو غايتهم بس لازم اكو غاية ورى طلبهم ..
حضرت غراضي وجنطي .. السيارة جانت هدية جدي من نجحت من السادس يعني حقي ..
صار الفجر رحت بالمكان الگلتلها عليه .. وبقيت منتظر براء تطلع ..
گلت نطلع من الفجر والكل نايم .. بقيت منتظر الى ان كشفت الدنيا وهي ماكو ..
جنت متوقع تجيني .. بعد ماتقرا الرسالة ماتنسى حبنا وتجي ..
بس طلع النهار وطلعت الشمس وهي مااجت .. خذلتني
ومايأست الحد ماقرب الظهر ..
حركت السيارة ودموعي نزلن مااتحملت خذلانها الي ..
ما اعرف شلون سقت وشلون رحت ..
احس الدنيا ظلمة بعيني رغم نهار ..
اتعصبت وصرت اشتم واغلط عليها وعلى ابوها والعشيرة كلها ..
لعنت حظي والدنيا الخلتني بلا احد هيج ..
اهاجس نار تسعر بيه ..
اول ماوصلت حدود بغداد ..
انتبهت اكو سيارة تراقبني.. بالاول مااهتميت بعيدين
عرفت متقصديني .. اروح يمنى وراي يسرى وراي ..
بقيت حاير وين اروح ووين امشي الى ان فقدت السيطرة عليها ..
سفطت عليه ضربوا سيارتي رموها وانهزمو .. اني دنجت بساع جوة الكشن ..
هدا الوضع گمت ..
ماكو احد رايحين .. اول مرة احس بخوف هيج ..
منو يريد يخلص مني ..
التمت الناس عليه واجت النجدة وسحبوا السيارة للمركز ..
اخذوا اقوالي ان جان عندي عداوة او لا ..
گلتلهم لا ..
وصدگ ماعندي عداوة وي احد ..
كملت الاجرائات .. وكالولي روح بس انطينا مكان ثابت او رقم تلفون نخابرك عليه ..
ماعندي مكان ثابت بس رقم علي .. انطيتو الهم ..
احس روحي وحيد ..
گعدت بالگاع ابجي اول مرة احس بالضعف .. لاحرمه الي ولا ولد ولا نسب صفيت هيج بلحظة ..
خابرت علي ..
حجيتلو تخبل .. " انت شاك باحد "
رديت ..
" ماادري علي ماادري راح اتخبل "
رد علي ..
" اسمع غايتهم مو يكتلوك يخوفوك بس .. لو يردون جان كتلوك ومحد يعرف .. "
سألته بتوتر ..
" معقولة عمي ؟"
اتنهد ..
" مااعرف كلشي توقع .. ع الحجيته عنه مااستغرب وگلتلك قبل بساع .. عمك نسخة منهل لاتوگف بوجهة "
اتهسترت ..
" ليش ليش يول انا شسويتلو .. ردت بس حرمتي وابني ماردت شي منو .. وهي اصلا خذلتني واختارتو بعد ليش يريد يكتلني "
رد علي ..
" وين انت اني جايك .. ونروح للمركز باجر ونفهم .. "
حسيت الناس كلها تدحك بيه واني كوة كاضب روحي انطيتو العنوان وبقيت منتظرو "
گالي كم ساعة يمك ..
اهاجس بطني توجعني من الجوع بس مااگدر اكل البيه منسيني حتى الجوع "
بقيت منتظر ماطلعت لمن اجه ..
شافني استغرب ..
" هاي شصاير بيك "
رديت ..
" مو زين مني واگف على رجلي من الفجر لسا لا راحة ولا اكل ودور اجت هاي .. عجل شوية الصارلي "
اخذني ورحنا الفندق يعرفو هو ..
اجرنا غرفة سبحت وارتاحيت ..
اشرلي ..
" يله گوم اعشيك .. "
رديت ..
" مااريد بس خليني انام والصبح نروح للمركز .. "
عاند الا نروح نتعشا ..
رحنا تعشينا .. بالرجعة لمحنا اركان ابنو المنهل .
اني مااعرفو علي نبهني ..
" هذا اخوك "
صفنت بوجهو ..
" علي اشنو هالحجي "
رد ..
" شبيك ضجت هاي الحقيقة .. شوف شلون عايش حياته عبن ابو منهل .. والسيارة الراكبها شلونها فوگاها مگعد وحدة بالصدر الله اليعلم منو .. عود يدرس ببغداد .. "
بقيت صافن عليه ..
" معقولة هذا اخوي .. من حجولي علي ورحمة قبل عن حياتهم وشلون اخوتها تسجلو بغير اسم امهم وهي تسجلت بأسم عمها مو باسم ابوها .. صح ضجت بس مو مثل هساع .. الواقع مر .. صرت واحد منهم وانضفت للقائمة .. يمكن اركان ورضوان اهون لان مسجلين بأسم ابوهم الحقيقي .. اني ورحمة توأم وكل واحد بأسم ابو شكل .. اي دين او ملة تقبل هالشي .. كلما تريد اتقبل الوضع مااگدر .. جنت احسد نفسي على اهلي وعشيرتي وهساع صرت اندب حظي "
اركان ..
" ابوي صار عندة شغل بالسلف والتهى .. عمتي مهجة عنده مشكله وراح .. استغليت الوضع .. وعزمت جماعتي للشقة .. كل يوم سهر وونسة .. بس جان ناقصنا كم وحدة تحلي گعدتنا .. "
خابرت جمارة اخذت رقمها من دفتر التلفونات مال ابوي ..
طلعلي واحد ..
سألته ..
" جمارة موجودة ؟"
رد ..
" وانت منو وشاريد منها "
رديت ..
" گلها ابن …….. منهل "
رد ..
" انتظر لحظة "
راح واجت هي ..
" شبل الاسد رايدني آمر "
رديت ..
" اريد منج طلب بس مايوصل الابوي كون "
ردت ..
" امممممم معناتها تريد تلعب بذيلك من ورى ابوك "
رديت ..
" لا بس عازم جماعتي بالجامعة واريد نسوي حفله يعني كم وحدة هي بس رگص مو غير شي "
ضحكت بصوت عالي ..
" واذا غير شي يعني شنو مستحي هو انت دافع دافع .. مادام طلاب جامعة راح ادزلك فرافير صغار يونسوكم .. بس اسمع تحافظ عليهن وراح ادز واحد وياهن يبقى بالسيارة ينتظرهن الى ان يكملن كم وحدة تريد "
رديت ..
" هااا بكيفج وحدة اثنين "
ضحكت ..
" ثلاثة لعيونك تدلل "
سديته واحس وجهي ينگط عرگ .. وجماعتي يضحكون عليه .. فرحوا من سمعوا بسرعة رتبوا الشقة وعدلوها ..
اشرلي احمد ..
" ورق ابن الدولة .. "
سألته ..
" شورق ؟"
رد ..
" العصافير التجي ماتريد اكل .. مزة .. لو يجن على الناشف "
انطيته فلوس راح بسرعة جاب عشا وشرب واجه ..
حاجيتهم ..
" اسمعوا مو تسوولنا سالفه .. بس يركصن ويونسنا وهاهي غير شي ماكو "
جانو يضحكون ومكيفين ..
نص ساعة واندگت الباب .. فتحته لگيت الولد الدازته وياهن ..
اشرلي ..
" انطيني الفلوس مقدما "
اطيته الفلوس اخذهن وكال ..
" اني جوة بالسيارة "
نزل وهن صعدن .. فاتن اثنين يتبسمن .. " هااي "
ووراهن نفسها البنية الشفتها قبل ..
استغربت .. بقينا واحد صافن على الثاني..
سالتها ..
" شجابج لهنا "
ردت ..
" لعد انت وين شفتني بمسجد مثلا ؟؟"
دخلت .. دخلت وراها وسديت الباب ..
صاحباتها بسرعه اتآلفن للوضع .. جابوا كلاصات صبولهن ويشربن ..
بقينا اني وياها واحد مگابل الثاني ..
شغل احمد الكاسيت گام يرگصن ..
صاحن .. نورا ..
يله گومي .. انتو لو شايفين ركصها تطلعنا كسر اصلا ..
سألتها اسمج " نورا "
ماردت .. گامت ..
اشرتلها " لاتگومين "
ضحكت ..
" لعد جايبني تباوع الطولي .. مادامك دافع لازم تحصل الثمن "
گامت بوسطهن تتمايل بخصرها حافية .. وكانها تتراقص على اوتار قلبي بخفة ..
اعاين الجماعتي .. جذبتهم وعيونهم مافارگتها ..
ماادري ليش ضجت ..
صحت ..
كافي سدو المسجل ..
گمت طفيته ..
صاح عمر ..
" لاتذلنا عاد بفلوسك مو لان جايبهن تمنعنا "
رديت ..
" مو هيج بس راسي مأذيني "
گامن كل وحدة يم واحد ياكلن ويضحكن ..
اجت تقربت يمي ..
" ليش طفيته .. "
رديت بنتر ..
" مو گلت راسي مأذيني "
ردت ..
" لا عيونك متگول هيج .. معقولة غرت "
ضحكت بأستهزاء ..
" واني وين اعرفج واغار عليج .. "
اتنهدت ..
" لعد اگوم يمهم اسولف واضحك شعندي يمك گاعدة كلك نكد "
سحبتها من ايديها لا اراديا..
اول مرة الزم مرة بيها… بقت تباوع الايدي وتباوعلي ..
گعدت .. سحبت ايدي بسرعة..
" اني مو نكدي .. بس من يوم الشفتج هناك ومارحتي من بالي وماتوقعت راح اشوفج بعد هنا "
ابتسمت ..
" معناتها الدنيا صغيرة والتقينا مرة ثانية .. صرت مااستبعد اي شي "
گام احمد هو وياها للغرفة ..
وعمر والثانية راحوا للمطبخ ..
بقيت صافن عليهم ..
سألت ..
" ليش صافن شي طبيعي النهاية تكون هيج .. بالاول ضحكة وسالفة واخرها للغرفة "
اخذت نفس وسألتها ..
" انتي شنو قصتج شعندج بهيج جو وهيج بيئة "
ردت ..
" هالجو الماعاجبك وكت كيفكم تجون اله وتلجأون .. انتو ولد المسؤولين عندكم كلشي سهل واي بنية تجيبوها لو تطلع بنت شيخ جامع.. المهم نزواتكم الحيوانية الحقيرة "
انفعلت وهي تحجي ..
" انتي شبيج .. شو تحجين وجنج تقصديني ؟"
ردت ..
" مااقصدك بس كلكم نفس الشي .. مو هسا جبتونا بفلوسكم شنو الجديد قابل هاي حياتكم "
استغفرت ربي ..
" شلون بلوة هاي .. لو ادري فلا مخابر جمارة ولا حاجي "
گامت وگفت گبالي ..
" اسفه بس انت السألت .. حجيك صدگ انت جبتني علمود ترتاح وهاي اني گدامك سوي التريده "
صفنت عليها ..
گمت وگفت گبالها ..
اتقربت منها حسيت بيها شمئزت وغمضت عينها ..
همست الها ..
" مستحيل اتقرب من وحدة مشمئزة مني .. "
رجعت گعدت ..
فتحت عينها مستغربة ..
" ماقصدي بس… ."
قاطعتها ..
" انت وي كل واحد هيج يصير بيج لو بس اني "
ردت ..
" اني مااطلع دائما شغلي داخل القاعة .. اتعجبت اليوم طلعتني جمارة "
سألتها ..
" يعني شنو ؟"
ردت ..
" جمارة ماتطلعني بس هالمرة من گالتلي استغربت "
بقيت مستغرب من حجيها ..
اشرتلها تگعد ..
صبيت كاس الي والها وبقينا نسولف ..
بقيت احجيلها عن حياتي واهلي ونفوذنا .. اوصلفها الولد المدلل وكلمتي المسموعة .. مااعرف ليش بس بقيت احجيلها حتى عن رحمة ..
ضحكت وجنت سكران ..
" رحمة اعرفها اختي بس ابوي مو ابوها ولا امي امها بس هي اختي .. حسبالهم مااعرف .. اني كلشي اعرف بس اغلس .. لان بالمختصر حياتي هاي عاجبتني .. امي تحبني ومدللتني وابوي هم .. بعد شلي بدوخت الراس ومنو امي ومنو فلانة .. اني مااريد ام غير امي .. ولا اريد اخو مثل رضوان .. اصلا كلهم معدان مااعرف ابوي ليش باقي هناك وعايف بغداد شعاجبه مناك ولازگ بيهم هو يوم اروح مااتحمل صرت .. اصلا اني مقرر ماارجع ابد استقر هنا .. بس اكمل جامعة احجي وي ابوي "
ضحكت ..
" انت سكرت وصرت تخبط اخوك واختك انت مو گلت ماعندك اخ وبس انت "
صفنت وبعدين ضحكت ..
" معليج بيه اسمعي واسكتي "
بقينا نضحك اثنينا .. بعدين گلبت الضحك الى بجي ..
" اني عندي اثنين اخوة واخت .. جنا اسعد عائلة صح على گد حالنا بس سعيدين .. جنت بأول جامعة قبل سنتين .. يعني اني اكبر منك .. سافرة وشعري هذا طويل ..
بالحلة مال الجامعه توگف سيارات .. ولد المسؤولين دوم يجون للجامعه .. عندهم صديقاتهم او يجون للونسة . او اكو يدرسون بالجامعة نفسها ..
طيحني الله بعين واحد منهم .. مايخاف الله ..
لزگلي فد لزگة .. صديته وطردته ورزلته گدام الكل ..
سواها عناد وصار يطلبني بثار ..
قشمرني واتفق وي صديقتي وبحجة نروح وي اخوها يوصلنا ..
طلع واحد من زلمة او جماعته ما اعرف..
واخذوني الشقة جبر .. وطلع هو بيها ..
حطموا حياتي بذاك اليوم وگالي .. ذليتج وكسرت خشمج الرافعته .. تدورين شرف وياي ..
صار يسب ويغلط .. وطلب اجيه وكت مايريد هو ..
عشت ليالي وايام واني بلا روح .. ابجي ليل ونهار ومحد يعرف السبب حتى الجامعه عفتها .. كرهتها ..
وماخلو سيد ماجابوه الي عبالهم بية مس او محسودة او مسحورة ومن هالسوالف ..
بس لسوء حظي طلعت حامل .. واهلي عرفوا واخوتي موتني كتل وحبسوني وقرروا يكتلوني ..
وبليلة ظلمة هربتني اختي منهم قبل لايكتلوني ..
بوسط الطريق واني مهزومة اجهظت بالشارع بعز الليل
وتخربطت..
واخذتني العالم للمستشفى .. وصار سين وجيم وسويت نفسي فاقدة ومااعرف منو اهلي .. ومنو اني وشنو اسمي .. الضابط اليحقق وياي نفسه .. اخذني وسلمني الجمارة .. وگالها هاي تفيدج .. ماتعرف لااهلها وتوه ذابه طفل معناتها من ذني العندج ..
جنت مااعرف شيقصد الا لمن عشت وياهم .. بمرور الوكت عرفت جمارة قصتي وتفهمت وضعي لمن حجيتلها وماخلتني احد يتقربلي جنت بس ارگص مرات بحفلات بس غير هيج لا .. وكل اليطلبني تطلعله عذر رغم هي همها الفلوس بس مااعرف ليش تعاطفت وياي او يمكن ربي رحمني وخلاها تعطف عليه .. هسا استغربت لمن دزتني الك "
جانت تحجي واني اسمع ومصدوم معقولة اكو هيج شي .. شني هي تايهة .. گمت اضحك عليها وبداخلي اگول هاي سكرت وگامت تمخرط بالحجي ..
غفيت بدون مااحس ..
گعدت الصبح على صوت التلفون ..
راسي موتني بالگوة كمت ..
جاوبت ..
" صباح الخير ياشبل .. شلونها المفاجاة عجبتك .. طبعا هاي عملة نادرة وماادزها الاي احد .. بس ذيج المرة شفت عينك عليها وين متروح وتوقعت عجبتك .. "
افتح بعيوني اريد اصحصح ..
" شتقصدين "
ردت ..
" اقصد نورا .. "
تذكرت ..
" هااااا اي هسا فهمت شني جنتي مراقبتني "
ضحكت ..
" اي زبون يدخل الي .. اقرأ ملامحة وعيونه حتى اضمن يطلع مني مرتاح .. وشفتك انت وياها بالحديقة ومن دخلتوا وعينك منها .. گلت ادزها الك بلكي تنفك عگدتها ونستفاد منها "
ردت ..
" جمارة نورا ماتطلعيها الاي احد بس الي "
ضحكت بصوت ..
" كلشي بثمنو حبيبي "
رديت ..
" واني جاهز "
سديته منها واني افكر بحجي نورا .. سويت جاي واشرب وبالي يمها .. دخلت سبحت ردت انسى بس صوتها وحجيها ببالي مايفارگني ..
گعدت جماعتي بدلوا وطلعوا للقسم جان يوم جمعة
عدلت الشقة ..
خابرتني امي تسأل عليه وضايجة من عمتي مهجة لين اخذت دور الشيخة وغرفتها وصارت تتسلط عليهن ..
وصارت تدعي على عمتي حورية ورحمة عبن فضحن سرها وخلنها ترجع للبيت ..
جنت اسمع واگلها اي من غير مااحجي مالي خلگ تعبان
دخلت للغرفة نمت ماگعدت للعصر ..
علي ..
طلعنا من الصبح للمركز لان حاجزين السيارة.. وسألنا اذا اكو مستجدات..
للاسف ماعرفوا شي .. والضربوه جانو ملثمين وسيارتهم بدون رقم .. وين راحوا ووين اختفوا بسرعه محد يعرف ..
بقينا كم يوم نروح ونرجع الى ان تسجلت ضد مجهول ..
درع من شاف هيج گالي ..
عطلتك وياي ارجع اكيد اهلك بحاجتك اكثر مني وشغلك . "
والفلوس العنده خلصن وصار لازم يدور شغل ..
طلعت فلوس من جيبي .. ماقبل ياخذ بس لحيت عليه وزعلت يله اخذ .. وهو اصلا كله من خيره وخير جده ..
طلبت منه يجي وياي ماقبل گال مو وكتها ..
رجعنا للفندق ياخذ غراضه ..
گال اشوفلي مكان ارخص ..
وصلنا كالي الموظف .. اتصلوا عليك هواي من محافظتك .. جنت اخابر الشغلي ومنطيهم الرقم اذا صار شي الاهلي او بالشغل يخابروني ..
خابرت ..
گالولي مرتك اجت .. جانت تبجي وطلبت نخابرك بس ماعرفنا شبيها .
سديت التلفون بسرعه سألني درع ..
" شنو صار ؟"
رديت ..
" رحمة جايتهم تبجي .. معناتها اكو شي قوي رحمة ماتجيني الشغلي او ماتخابرني الا اذا اكو شي يستوجب "
صعدت بساع اخذت غراضي .. هو لم غراضه هم وياي ..
سلمت عليه ردت انزل ..
صاحني .. " اوگف رايح وياك مااعوفك وحدك "
حاسبت الفندق وطلعنا بسرعه لاهلي والف حسبة وحسبة ببالي ..
#يتبع ..
( شمس السعدي )
حبايب تعرفون رمضان وراح يجي دوام .. وهالشهر يحتاج نتفرغ للعبادة .. لهذا راح يكون يوم الكم ويوم الي .. وان شاء الله مااقصر عنكم .. يعني نظام النشر راح يكون بين يوم ويوم .. تحياتي ومحبتي لكم ❤️



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 19-04-21, 03:51 PM   #79

انت وكفي

? العضوٌ??? » 423303
?  التسِجيلٌ » May 2018
? مشَارَ?اتْي » 61
?  نُقآطِيْ » انت وكفي is on a distinguished road
افتراضي

روايه مذهله، 🤩 🤩 🤩 🤩 🤩... لو اتعملت فيلم حتكون روعه... لانها تحتوي علي كل شئ الرومانسيه الدراما ترجيدي كلو كلو موفقه وقلم مميز بحق

انت وكفي غير متواجد حالياً   رد مع اقتباس
قديم 20-04-21, 04:50 AM   #80

em esoos

نجم روايتي وفراشة الروايات المنقولة

 
الصورة الرمزية em esoos

? العضوٌ??? » 167417
?  التسِجيلٌ » Mar 2011
? مشَارَ?اتْي » 752
?  نُقآطِيْ » em esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond repute
افتراضي

السلام عليكم ورحمة الله وبركاته رووووعه بكل ما للكلمه من معنى والسرد مذهل والطريقه بالسرد وتسلسل الاحداث رهيبه ماشاء الله عاشت ايدج لا بد يجي يوم لظالم ونهايه ربحه جدا تستحقها لان الله يمهل ولا يهمل
تخيلو كم من العائلات اختلط النسل عندها بسبب التفرقه والجهل والجبروت والظلم
ننتظر على احر من الجمر لنعرف رضوان وين دروبه
تقبلي مروره يا غاليه
عاشت ايد الناقله الورده فيتامين سي وكل الناقلات


em esoos غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 02:04 PM



Powered by vBulletin®
Copyright ©2000 - 2024, vBulletin Solutions, Inc.