أسيرة الشيخ شاهين، للكاتبة/ رتاج الموسوي "عراقية" (مكتملة)

فيتامين سي · 09-04-20, 12:45 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( أسيرة الشيخ شاهين )) للكاتبة/ رتاج الموسوي قراءة ممتعة للجميع ...

فيتامين سي · 28-06-20, 04:00 AM

رابط لتحميل الرواية

هنـــــــــــــــــــــا

#أسيرة_الشيخ_شاهين

بقلم ريتاج الموسوي

ﻟﻴﺶ ﻭﻟﺞ ... ﺗﻐﺪﺭﻳﻨﻲ ﻭﺗﻨﻬﺰﻣﻴﻦ ﻣﻮ ﻫﺬﺍ ﺍﻟﺴﻮﻳﺘﻪ ﻛﻠﻪ ﻋﻠﻤﻮﺩﺝ ﺿﺤﻴﺖ ﺑﺤﺒﻲ .. ﺑﺲ ﺣﺘﻪ ﻣﺎﻳﻜﺘﻠﻮﻧﺞ ﻭﺗﻄﺒﻖ ﻋﻠﻴﺞ ﺍﺻﻮﻝ ﺍﻟﻌﺸﺎﻳﺮ ﺗﺎﻟﻲ ﺑﻜﻞ ﺳﻬﻮﻟﻪ ﺗﻨﻬﺰﻣﻴﻦ ﻭﻳﺎﻫﺎ ﻟﻴﺸﺸﺶ ﻳﺤﺠﻲ ﻭﺭﺍﺹ ﻋﻠﻰ ﺍﺳﻨﻮﻧﻪ
.. ﻣﻮ ﺑﻴﺪﻱ ﺷﺎﻫﻴﻦ ﻻﺗﻠﻮﻣﻨﻲ ﻭﺍﻟﻠﻪ ﺿﺤﻜﻮ ﻋﻠﻴﻪ ﻭﻗﺸﻤﺮﻭﻧﻲ
ﺳﺎﻣﺤﻨﻲ ﺍﺑﻮﺱ ﺍﻳﺪﻙ .. ﺗﺮﻛﻊ ﻳﻢ ﺭﺟﻠﻪ ﻭﺗﺒﻮﺱ ﺍﻳﺪﻩ
ﻳﺪﻓﻌﻬﺎ ﺷﺎﻫﻴﻦ ... ﻭﻳﻜﻮﻝ ...

#مشهد

ﺍﻟﻬﻮﺍ ﻋﺎﻟﻲ ﻭﺻﻮﺕ ﺍﻻﺷﺠﺎﺭ ﻗﻮﻱ
ﺍﻟﺪﻧﻴﺎ ﻣﻐﺮﺏ
ﻣﺨﺘﻠﻂ ﺍﻟﻀﻼﻡ ﺑﺲ ﺍﻛﻮ ﻧﻮﺭ ﺷﻮﻱ
ﺍﺭﻛﺾ ﻭﺍﺗﻠﻔﺖ ﺧﺎﻑ ﻭﺍﺣﺪ ﻻﺣﮕﻨﻲ ... ﺍﻟﻌﺒﺎﻳﻪ ﻃﻮﻳﻠﻪ ﻭﺍﻟﺸﺎﻝ ﻣﺎﻋﺮﻑ ﺍﻟﺒﺴﻪ ....
ﺍﻧﻮﺏ ﻣﺘﻠﺜﻤﻪ ﺑﻴﻪ ....
ﺻﺎﺭﺕ ﺍﻟﻌﺒﺎﻳﻪ ﺟﻮﻩ ﺭﺟﻠﻲ ﻭﻭﮔﻌﺖ
ﻭﻳﺎ ﻭﮔﻌﺘﻲ ﺍﺣﺲ ﻭﺍﺣﺪ ﺻﺎﺭ ﮔﺪﺍﻣﻲ ﺭﻓﻌﺖ ﺭﺍﺳﻲ ﻭﺍﺷﻮﻑ ﺭﺟﺎﻝ
ﺷﻜﻠﻪ ﻣﻮ ﻏﺮﻳﺐ ﻋﻠﻴﻪ ﺷﺎﻳﻔﺘﻪ ﺑﻘﺮﻳﻪ ﺷﻴﺦ ﺳﻠﻤﺎﻥ ... ﺍﻱ ﻫﺬﺍ ﺍﻛﻴﺪ ﻣﻦ ﺯﻟﻢ ﺷﺎﻫﻴﻦ
ﻣﺪ ﺍﻳﺪﻩ ﻋﻠﻰ ﻭﺟﻬﻲ ﻭﻭﺧﺮ ﻟﺜﺎﻣﻲ ﻭﻫﻮ ﻋﺎﻗﺪ ﺣﻮﺍﺟﺒﻪ ﮔﺎﻝ ﺑﺴﺆﺍﻝ
.. ﻣﺮﺕ ﺍﻟﺸﻴﺦ ﺷﺎﻫﻴﻦ ؟
ﻫﺰﻳﺖ ﺭﺍﺳﻲ ﺑﻤﻌﻨﻰ ﻻ
ﺭﻓﻊ ﺭﺍﺳﻲ ﺑﺄﻳﺪﻩ ﻭﮔﺎﻝ ... ﻻ ﻣﺮﺗﻪ
ﺗﺮﻳﺪ ﺗﻨﻬﺰﻣﻴﻦ ﻣﻮﻭ؟
ﺳﻜﺘﺖ ﻣﺎﺣﺠﻴﺖ ﺷﻲ .. ﮔﺎﻝ ... ﺍﻧﻪ ﺍﺳﺎﻋﺪﺝ ﻭﺍﺧﻠﻴﺞ ﺗﻨﻬﺰﻣﻴﻦ ﺑﺲ ﺧﻠﻴﺞ ﻭﺍﺛﻘﻪ ﺑﻴﻪ
...................................
ﻣﺸﻬﺪ 2
ﻣﺎﺍﺣﺲ ﺍﻻ ﺷﺎﻣﺮﻧﻲ ﮔﺪﺍﻡ ﺭﺟﻠﻴﻦ ﺍﻟﺸﻴﺦ ﺳﻠﻤﺎﻥ
... ﻫﺎﺍﺍﺍﻙ ﺷﻴﺦ ﻫﺎﻱ ﻣﺮﺕ ﺷﺎﻫﻴﻦ
ﺗﺮﻳﺪ ﺗﺸﺮﺩ ﻭﺗﻨﺰﻝ ﺭﻭﺳﻨﻪ ﺑﻴﻦ ﺍﻟﻌﺸﺎﻳﺮ
ﺭﻓﻌﺖ ﺭﺍﺳﻲ ﺍﺑﺎﻭﻉ ﻟﺸﺎﻫﻴﻦ ﺍﻟﻲ ﺟﺎﻥ ﻣﺜﻞ ﺍﻟﻤﺼﺪﻭﻡ ﻓﺘﺢ ﻋﻴﻮﻧﻪ ﺑﻌﺼﺒﻴﻪ
ﻭﻟﺰﻣﻨﻲ ﻣﻦ ﺍﻟﻌﺒﺎﻳﻪ ﺑﻘﻮﻩ ﻭﮔﺎﻝ ... ﻭﻳﻦ ﺟﻨﺘﻲ ﻭﻟﺞ؟

فيتامين سي · 28-06-20, 04:02 AM

#اسيرة_الشيخ_شاهين
بارت 1
للكاتبه ريتاج الموسوي
…………………………………………

سلوى...حازم انته لشوكت اضل گاعد لا شغله ولاعمله
مو كتلنه الجوع
حازم..شبيدي هو اكو شغل ومااشتغلت
جنت اشتغل فلاح بستان شيخ سلمان وانوب لگو غيري وطردوني بعد شسوي
سلوى..يمعود البيت فارغ لاطحين ولاتمن ولا مسواگ
جهالك راح يموتون
هسه فاضل يرضع من صدري بس مريم شلون بيها عمرها سنتين مفطومه وماعدها حليب تلوع من الصبح لهسه

حازم..عندج حل

سلوى..شدراني انه الزلمه لو انته

حازم..سكتي جهالج راسي راح يطگ فوگ صياحهم
انتي تزيدين قهري قهر

سلوى..يعني هسه انه من اگلك دور شغل متعافيه
غير من العوز ماعايشين مثل غيرنه

حازم..احنه بحصار يامره ولا تقارنين نفسج بالشيوخ والكباريه
شوفي المثلنه ترا كلها هيج ويجوز احنه احسن من حالهم

سلوى..ههه احسن من حالهم!
ليش شعدنه اگلك البيت فاااارغ كلشي مابيه تفهم عليه لو لا
حازم..اهووو انه اهج من المردوم احسنلي
طلعت من البيت والدنيا صايره عندي بوسع الأظفر
مادري ششتغل وشوكل عايلتي

افتر بالبساتين اريد احد يشغلني ماكو
صار بوجهي محمد صديق اعرفه من زمان
..هلا ابو مريم شلونك شلون صحتك

حازم..الحمدالله انته شلونك
محمد..شو هالايام ماكو ماتبين گبل جنت اشوف ابستان الشيخ هسه ما الك حس

حازم..والله يخويه شگلك
ضايگه الوسعات بيه

محمد ..افااا شبيك خويه معتاز شي بس گول انه اعين واعاون
حازم ...ماتقصر يخوي رحم الله والديك
انته تعرف جنت اشتغل فلاح عد شيخ سلمان بس اجه واحد كرايبهم وشغلو
وانه ماضلي مچان يمهم بعد بحسبة الطردوني
وضليت لا شغل ولا عمل جهالي ماعدهم الخبزه ياكلونها اداينت والناس تريد فلوسها
وهسه محتار لا عندي و اوفي العالم بيش مطلوبه
ولا عندي اعيش عايلتي وضال بس اصفگ ايد بأيد

محمد...ماتضيج الا تفرج يخوي لا تهم
بس گلي انته تكدر تشتغل بأي مكان

حازم..شلون يعني بأي مكان مافهمت قصدك

محمد..يعني مكان بعيد عن اهلك بغير محافظه

حازم ..اي شي اشتغل وين وماكان بس كون اوكل اهلي خبزه حلال

محمد...عندي واحد من گرايبي ابغداد يدورله على عامل يعينه بالشغل مالته
عنده مخازن ويريد واحد يلزمها اله شتگول

حازم ...هاهيه على بركة الله بس امر عليك باجر تنطيني العنوان وان شاءالله خير

محمد..ان شاءالله
يلا خويه اودعناكم

..الله وياك

رجعت للبيت شويه صار عندي امل الحمدالله والشكر
الله مايگطع بعبده
...هااا وين الجهال

سلوى..بحسره عمت عيني نامو

حازم..ومريم شسويتيلها

سلوى..عندي كسرة خبز نگعتها بماي ووكلتها الها
جا شسوي

حازم..انه لگيت شغل وان شاءالله الله يفتحهه بوجهي

سلوى..بفرحه والأبتسامه نرسمت على وجهه ..صدگ وين
حازم...ابغداد

سلوى..تلطم على صدرها ..صخام الصخمني
ابغداد يمك احذاك بعيده حيل وين رايح ومتيهنه

حازم...مو من الصبح تنگين على راسي متنه من الجوع
رايح اشتغل واجيبلكم عيشه

سلوى..تلزم ايده بتوسل..لا حازم فدوه مانريد
راضين بعيشتنه ميخالف
الله يدبرها منا للحصاد الناس تحصد وتتصدق علينه بحنطات نطحنهن وناكلهن

حازم..سلوى ياصدقات هاي
وشنو انه ماعندي كرامه اقبل بصدقات شبيه شعوزي ايد رجل
اشتغل واعيشكم وبعدين انه مطلوب والناس تريد حگها وهذا وكت عوز محد ينازل للثاني

سلوى...واحنه وين نروح طول هاي الفترة شناكل شنشرب

حازم...انه ادبركم اخلي يمج مصرف واشتريلكم شمعتازين
هيه شكم شهر اجمعلي فلوس واجي

لثاني يوم رحت لمحمد اداينت منه فلوس واخذت العنوان
قبل لا اروح اشتريت مسواگ للبيت
ورحت للكراج صعدت لبغداد انه اول مرة اروح لبغداد ماشايفهه
بس سامع بيها وعدنه بغداد مثل الرايح لأمريكا
لان ناس فلاليح عايشين باالبساتين كل همنه نشتغل ونعيش بالفلوس الي نطلعها من الفلاحه والزرع
مارايحين لأماكن بعيده

وصلت البغداد نزلت بالگراج بقيت واگف ماعرف وين اروح عندي العنوان
بس ماعرف وين بالظبط اتذكر كالي محمد بأسم المنطقه بس نسيتها مامره عليه قبل بقيت لازمها و
اتجهت لواحد من السواق
..السلام عليكم
..وعليكم السلام
..نطيته الورقه بيها العنوان ..عمي رحمه الوالديك ماتوصلني لهذا العنوان

..عمي اني اخذ نفرات للأعظميه
والعنوان عندك مكتوب للمنصور ..اشأرلي بأيده ..ذاك الولد ياخذ نفرات للمنصور وانطيه كروة زياده يوصلك للباب
لان انته مبين عليك مو منا

..اي والله عمي مااندل رحم الله والديك

رحت للولد الگال عليه وصعدت بالسيارة بقيت بالربع ساعه لحدما التمت العبريه
وحرك سيارته وانه بس اباوع من الجامه على منظر بغداد
بيوتها حلوه بعكس بيوتنه الجانت اغلبها طين
والسيارات تارسه الشوارع
مو ماشايفين هيج شي بس ماطالعين حدنه القريه حته المدينه مانوصلها
لان كلشي متوفر يمنه

بدو ينزلون العبريه وانه حاجيت السايق ونطيته العنوان
شويه ووگفت السياره باوعلي السايق بالمرايه

..عمو هذا البيت المسجل بالعنوان
انطيني الكروة واتوكل

اباوع للبيت قصر مو بيت ماشايفه بحياتي گتله ..عمي انته متوكد هذا العنوان
...والله ياعمو حسب الي مكتوب هو هذا وهسه انطيني اجرتي لان مو فارغ وراي شغل

انطيته الأجره ونزلت وگفت بالباب دفعته انفتح دخلت بحديقه چبيرره
وگفني باب داخلي دگيته ...طلعتلي وحده شعرها مفتوح وصغيره ..
..السلام عليكم

..وعليكم السلام تفضل لمنو رايد

..صفوان موجود

..اي موجود منو اگوله
...گليله من طرف محمد ابو اياد
...تمام لو سمحت ابقه هنا شويه وارجعلكبيج قصص عراقيه حقيقيه من واقعنا.روعه الطائي
ضليت واگف اباوع للبنيان ضخم كلش والحديقه خضرة ممليه باالأشجار والورد
فززني من صفنتي صوت البنيه

..اتفضل اهلا وسهلا
دخلتني للبيت گعدتني بغرفه كلها قنفات وتحفيات
وجان متوسط الغرفه علامه مثل الزائد
شنو والمن ترمز ماعرف
وصور مره واگفه مبينه تاريخيه قديمه
وصورة واحد معلگينه بنفس شكل علامة الزائد المعلگ

لشويه ودخل رجال طويل وضخم ماعليه لا لحيه ولا شوارب
وجهه ابيض على احمر
ودخلت وراه مره شعرها اصفر لابسه فستان قصير

من شفتها دنگت

صفوان ..مساء الخير
اهلا وسهلا
حازم ..مساء النور وبالمهلي

..استريح استريح لاتبقه واگف
گعدت وگعد هو ومرته مقابيلي جابتلنه لبنيه گهوه
يمكن خدامه ..اشرلها تروح عافتنه وطلعت

صفوان ..انته الي دزك ابو اياد علمود الشغل صح

حازم ..اي صح
صفوان..تمام اني عندي مخازن مواد غذائيه واحتاج الي يلزملي الشغل لمدة شهرين واگدر اعتمد عليه ووصيته يدبرلي واحد على عرفه اهم شي ثقه
ومدام دزك يعني ثقه

حازم ...ان شاءالله اكون عد حسن ضنك

هزلي براسه وگال...حفضك الرب

استغربت اول مرة احد يگلي هاي الجمله بعدها اخذني للحديقه ودخلني لغرفه
گال ..هاي غرفتك راح تتواجد بيها طول الفترة الي انته هنا ياخذك السايق الصبح للمخازن
واني اجي وراك افهمك بالشغل هزيتله راسي بالموافقه
عافني وطلع بعد ماگال
...هسه اخليك ترتاح اكيد تعبت من طول الطريق
البصره بعيده من هنا
وهسه اخلي الخادمه تجيبلك اكل والمي تلگيه بالثلاجه اليمك
لانو هاي جانت غرفه الزراع وهسه ماخذ اجازه

جانت الغرفه تخبل موجوده بس ببيوت الشيوخ عدنه
شفتهم بحياتهم رفاهيه ماشايفهه ابد

تعاملهم حلو
يعاملني چني واحد جبير عدهم بعكس العدنه يحتقرون العامل والفلاح
الثاني يوم ااصبح اجاني السايق واخذني نزلني يم مكان بنيانه قديم بس حلو
لگيت الحارس بالباب بس گتله انه العامل الجديد دزني استاذ صفوان وهسه يجي وراي
فتحلي المخازن بقيت افتر بيها واباوع داير مدايري
جانت گواني طحين هواي وتمن ومواد غذائيه كامله
الله يرزقهم من فضله
هذا كله عدهم رغم حصار والناس ادور ع اللگمه تاكلها ممحصلتها
.. الك الله يالفقير ...بينما امشي واباوع سمعت صوت سيارة بالباب
دخل استاذ صفوان ..هااا حازم شفته المكان ..شنو اقتنعت بالشغل
حازم ...بس غير اعرف اول مرة شنو المطلوب مني شسوي
صفوان...كلشي ماريد منك بس تراقب العمال وتگعد ورة الميز..تسجل الصادر والوارد ..والدين
وصدگني ترا هواي ناس ...يتمنون هالشغله بس اني ردتلي واحد ثقه
ءامنه على حلالي
حازم..ان شاءالله ثقه استاذ
بس ماگتلي ليش تريدني اشتغل بس شهرين ليش مو اكثر

صفوان يسحب الكرسي ويگعد..السبب ياحازم هو اريد ابيع المخازن ..واشتري شركه بتركيا ..
اقوي الشغل يعني
جمعت نص المبلغ وباقي نص علما افضي..المخازن واخذ الأرباح خلال شهرين ابيعها

حازم..هااا ...الله يفتحها بوجهك استاذ تستاهل
صفوان..تسلم
وهسه لازم افهمك ع السجلات ...گعد يعلم بيه شلون اسجل وشلون اصدر ...منا لمن فهمتها
اجا تليفون وطلع

لزمت الشغل خلال شهرين جانت معاملتهم الي كلش زينه يعاملوني احسن معامله ...اتعاقد استاذ صفوان ويا جماعه على بيع المخازن ...
انطو فلوس ووقعلهم على تنازل ...گالي تعال وراي للبيت حته تستلم حسابك

راح وانه اخذني السايق لبيته
بعد ماخذتلي الخادمه اذن دخلتني للصاله ونفس الشي هم يتوسطها علامه الزائد بس اكبر بعد ومخلين جوه العلامه ورد
لشويه واجاني استاذ صفوان وجهه مبتسم رحب بيه وگعد بصفي
...صراحة يا حازم اني اتعودت عليك وحبيتك فعلا جان محمد محق لمن اختارك انته رجل ثقه وخلال فترة شغلك عندي اثبتت هالشي
مد ايده بضرف...هاي فلوسك حق شغلك وعليهن كراميه ان شاءالله تكون راضي علينه ...

حازم..تسلم استاذ وانه هم دخلت بگلبي وماشفت غير الزين منك والنعم
اخذت الضرف من دون ماعرف شگد بيه

دنگت ورجعت باوعتله
..استاذ اريد اسألك سؤال شخصي بس مستحي منك

صفوان ..لا بالعكس ليش تستحي انته صرت منه وبينه
اتفضل لتخلي شي بقلبك

حازم...استاذ انته مو صغير شعجب مااشوف عندك اولاد

صفوان يدنگ ويسحب نفس ويرجع يباوع لحازم ...فعلا هالشي شخصي لكن لكوني اعرفك واعتبرك واحد منه راح اگولك
اني زوجتي عقيم ...ميصير عدها اطفال ماخلينه دكتور مرحناله
حته للخارج سافرنا علمود العلاج گالو گعدو وسكتو ميصير عدها
وهالتشوف حالتنه ماكو جهال

حازم..وليش مافكرت تتزوج؟

صفوان..لا ماريد اكسر قلبها اني وياها تزوجنه عن حب دام ٨سنوات واهلها ماقبلو يزوجها الي
بس اني مايئست ضليت اخطبها مره ومرتين وعشرة الى ان قبلو
والرب ماقسملنه تكون عدنه اطفال نحمده ونشكره
حاليا مفكرين نتبنى طفل
بس مانريد من الميتم نريد طفل متأكدين من اهله
ماتگدر تدبرلنه طفل على معرفتك
من يمكم وانطيهم الي يردونه وبلأخير هذا الحلال ليش يروح للي ماتعبو بيه
اقلها يصير اله

حازم..والله يااستاذ احنه ماعدنه هاي السوالف
محد يبيع جهاله
بس هم اشوفلك

...مشكور متقصر
وانت شگد عندك جهال

..انه عندي ولد وبنيه

..اهاا يحفظهم الرب

حازم ..استاذ اريد اسألك عن هاي العلامه شني
..يأشر عليها
صفوان ..ليش متعرف شنو؟

...لا بعمري ماشايفهه

..هاي علامة الصليب الي قتلو عليها سيدنا عيسى عليه السلام
احنه من الديانة المسيح

...هااا يعني انتم مسيحين

..نعم
..شگد بعد واتسافرون استاذ

صفوان..بعد شهر

اهاا توصلون بالسلامه
اخذت الفلوس وودعته طلعت رحت بوجهي ع الگراج حسبت الفلوس طلع مبلغ حلوو يكفينه مدة
رحت بسيارات البصرة
ومنها للقريه مالتنه وصلت لبيتنه دگيت الباب طلعت سلوى ...بفرحه..
ياهلا ومية هلا بيك
توه نور البيت شلونك شلون صحتك عساك بخير

حازم...هههه على كيفج
وحده وحده

سلوى..غير مشتاگتلك گلبي ميت على شوفتك
چنها سنه ماشايفتك

..حازم يگعد...الجهال شلونهم مريومه شلونها

سلوى..شگلك مريم حالتها تتأزم يوم بعد يوم بس تبجي وتصير زرگه
اخذتها للمستوصف يطونها مسكنات

حازم..وهسه وين هيه

...نايمه

...انته شلون شغلك هم بعد ترجع لو هاهيه

حازم ..لا بعد ماروح
سلوى..همزين
وشلونه الشغل هناك..الشتغلت عنده كلش خوش رجال
لو شايفه بيتهم چنه قصر بعمرج ماشايفه مثله لو الحديقه لو الآثاث شحجيلج

..ياا هجي عدهم فلوس هواي

..فوك ماتصورين
بس همه مسيح مو مسلمين مثلنه

سلوى ..تلطم على صدرها ..عزاا شنو كفار

حازم..ههه لا ولج مو كفار يعبدون الله مثلنه بس همه عدهم نبيهم عيسى هو اخر الانبياء
مو محمد
و

بعدها سبحت وبدلت

..رحت لمريم نايمه بشكلها البريء ..خطيه هاي البنيه من صارت للدنيا هيه مريضه

لثاني يوم اخذتها للعياده گال الدكتور عدها تناضر بالكلى وهيه طفله
نسبة شفائها قليلة جدا واحتمال نفقدها
دكتور شنو يعني مالها علاج

..هو اكو بس هيه طفله واحتمال ماتستجيب للعلاج
لان قوي ماتتحمله وخاصة هيه بنيتها ضعيفه
نگول خلي عينك بعين الله
والله كريم

سلوى من سمعت بحجي الدكتور بقت ادگ وتلطم
يوم من الأيام دخلت للبيت لگيتها حاضنتها وتبجي
مريم جانت ضعيفه حيل
تبين اصغر من عمرها وعدها فقر دم فوگ مرضها

ماعرف ليش اجه ابالي استاذ صفوان وانو يريد يتبنى طفل
گعدت يمها ..سلوى
سلوى بصوت تعبان ..همم
حازم ..تذكرين صفوان الي حجيتلج عليه

..لا منو هذا
..الشتغلت عنده ابغداد

..اهااا اي اتذكر شبي

حازم..ماعنده اطفال ويريد يتبنى طفل كلفني اشوفله طفل منا من يمنه

سلوى..وهسه وكتها حازم
خلي نحير بمريم وعلاجها وبعدين اندورله على واحد مخبل ينطي جهاله

حازم ...شنو رأيج؟

سلوى..بشنو

حازم ..ننطيهم مريم

سلوى تباوع على حازم بصدمه ...شنو
هاي شجاي تحجي حازم اكيد مصخن ومأثره عليك الصخونه گمت تهذي

حازم..يدنگ ويرفع رأسه بهدوء..لا سلوى مابيه شي وبكامل قواي العقليه
والي احجيه الج صدگ مو شقى

سلوى..تحضن مريم وتگوم بخوف ..وتريد تنطيهم بتي
هاي بعيده عنك مريم بنيتي محد يگدر ياخذها مني

حازم يگوم ويلزم سلوى من اكتافها ...اسمعيني سلوى انه جاي احجي لمصلحة مريم
شوفي حالتها وجهه اصفرر وزين اذا تگدر تنام من الألم
عاد ذوله ناس متمكنين يعالجونها

سلوى..بصوت عالي وبجي ..وانته شنو دورك مو ابوها
مو المفروض تعالجها وتطيبها
ليش تريد تبيعها للغربه
انه اعرف ليش؟ كل همك الفلوس مستعد تبيع ضناك علمود تاخذ شكم فلس بس لا ...هاي بعيده عن شاربك

حازم ..يضرب سلوى راشدي ..انجبي لاترفعين صوتج بوجهي لا والله اگوم عليج واكسرج تكسر
اول تالي تعلين صوتج وتغلطين عليه

سلوئ نزلت للأرض حاظنه مريم وتبجي على بجيها

..ماتردين تنطيها خليها باجر تموووت وتتندمين ساعتها وطلعت

لليل رجعت للبيت تلگتني سلوى ودموعها بخدها
..حازم مريم مادري شبيها وجها صار ازرگ
ومسبده نووم

حازم ..وشسويلها شبيدي عليها اكو حل عندي اگدرله ومقصر عنها

سلوى..فدوه اروحلك خلي ناخذها للمستشفى

حازم ..يامستشفى الوكت متأخر هسه عود الصبح الله كريم اريد انام انعس

سلوى..حااازم شنو من گلب عندك حجر اگلك بتك تريد تموووت تگلي انعس واريد انام
شلون ترتاح بنووووومك

حازم يمسح على وجهه بكف ايده ...اففف امري ل الله لبسيها وخلي نروح
بيج قصص عراقيه حقيقيه من واقعنا.روعه الطائي
اخذت مريم بحضنها وانه شلت فاضل لان محد عدنه بالبيت رحت لجيرانه وصلنه بسيارته للمستشفى بعيد عنه بمسافه
وصلنه للمستشفى گال الدكتور ...حالتكم الماديه شلونها

حازم ..والله يادكتور شگلك ناس فلاليح احنه يوم ناكل ويوم لا
وبيتنه ايجار بعد شلونها

الدكتور ..عبالي عدكم امكانيه
لانو الافضل انو تتسفر للخارج اهنا الوضع مو زين وخصوصا احنه على وجه حرب
يمكن بعد شكم يوم ماتلگه مستشفيات اصلا الكل يدخل انذار

حازم ...وهسه دكتور شلون شنو الحل يعني نيأس

الدكتور..لا لا ماتوصل لمرحلة اليأس
ثقو بالله وان شاءالله خير

سلوى من سمعت بحجي الدكتور عيونها ورمت من البجي لحدما وصلنه
...سلوى گولي يالله شبيج

سلوى..بنيتي راح تروح من ايدي شلون تريدني اسكت اخاف تموت

حازم..الأعمار بيد الله
يعني عبالج انه هينه عليه بس ماباليد حيلة

للصبح حالتها زادت اكثر واكثر حرارتها ارتفعت حته صوت بجيها بدا يقل
سمعنه انو بعد شكم يوم وتبدي الحرب
الناس حظرت اشترت مواد غذائيه خزنتها
وحته المستشفيات صارت قليله اغلبها ماداوم

بيوم من الأيام جنت گاعد بالغرفه مخلي ايديه على راسي ومدنگ اسمع صوت مريم تشهگ بالبجي
ومااگدر اسويلها شي
سمعت صوت سلوى تبجي يمي رفعت راسي
اشوفها

سلوى ...حازم ميخالف انه قابله تنطي مريم للناس الگلت عليهم

فيتامين سي · 28-06-20, 04:03 AM

#اسيرة_الشيخ_شاهين
بارت 2
ريتاج الوسوي

حازم گاعد بزواية الغرفه ومخلي ايديه على راسه
فجئه تدخل سلوى
تبجي وتشهگ ويا بجي مريم
...حازم هاك اخذ مريم لذوله الناس الي يردون يتبنون طفل بلكي يعالجونها

حازم..بصدمه واستغراب..صدگ تحجين
يعني موافقه انطيها الهم

سلوى تهز راسها بالموافقه ...وترجع تبجي

حازم ..يبتسم نص ابتسامه ..سلوى حبيبتي صدگيني لمصلحتها وهالشي راح ينطيها فرصه بالحياة
انو تعيش
عيشة ملوك ....وداعتج باجر عگبه تكبر واصير هيه الوريثه الوحيده
الهذوله المسيحين بس يموتون اروح اجيبها منهم

سلوى..تمسح ادموعها..صدك يعني راح اشوفها بعد
ماانحرم منها للأبد

حازم ..اوعدج يجي اليوم الي تشوفينها بيه
لا ويمكن تعيشين بقصرها بعد
بس خليها عدكم شكم سنه علما يسفرونها ويعالجونها النه

جهزتلها ملابس وخلتهن بجنطه ودموعها تنزل وحده وره الثانيه..بقهر ..
العوز كافر ممكن يخليك تتنازل عن اغلى شي تملكه في سبيل تمشي حياتك..
سكتتها وگدرت اقنعها بشكم كلمه
بقيت اليل كله گاعد ..من الفجر وقبل ماتگعد سلوى اخذت ملابسها واخذتها

اجرت جارنا ووداني للگراج صعدت البغداد
طول الطريق مريم تبجي تگول ماما وتتقيأ عندي ماعرف شسويلها

جانت مريه جبيرة بالعمر گاعده يمي
تباوع عليها وگالت ..يمه چا هاي البنيه امها وين

سكتت وماعرفت شجاوبها
..هاا يمه مو احجي وياك امها وين

حازم..حجيه امها متوفيه وماخذها للطبيب

..ياا عمت عيني
شو اطينياها فدوة اغديلها
بس شلون تگول ماما اذا امها ميته

..حجيه تبجي على عمتها هيه المربيتها

خلتها بحضنها شويه سكتت ..ونامت ..بقت عدها لحدما وصلنه لبغداد
اخذتها وتشكرت منها
انوب رحت للكراج اجرت سيارة والعنوان مخليه بجيبي هم نطيته اله ووصلني
لبيت صفوان ..همه من طبيعتهم باب الحديقه مايقفلونه بس مردود

فتحته وجان اشوف جنط كبار مطلعينها بره
وكراتين هم
دگيت الباب وانه حاضن مريم ..طلعلي صفوان
..اهلا وسهلا ب اخ حازم زارتنه البركه

تفضل
..وبالمهلي تسلم استاذ

دخلني للصاله اغراضهم هوسه والقنفات مغلفينها بنايلون
صفوان ...اعذرنه البيت مهوس
لان طيارتنه بكرا ان شاءالله رايحين على تركيا

حازم ..اهاا توصلون بالسلامه ان شاءالله
..يدنگ ويسحب نفس ..ويرجع يرفع راسه ..استاذ انته طلبت مني اجيبلك طفل تتبنا

..صفوان يباوع للطفله ويرجع يباوع لحازم ..اي صح

حازم..وانه جبتها
هاي بنتي انه راح انطيها الك لان مريضه وعلاجها بس بره
وتعرف بحالتي الماديه موزينه
واذا بقت عدنه تموت ..لان مانگدر نسافر ونعالجها ..

اول واحد خطر على بالي هو انته استاذ
شنو رأيك تاخذها وتتبناها احسن ماتموت وبهاي الطريقه هيه تعيش
وماينكسر گلب امها عليها

صفوان بتعجب ..معقوله؟ يعني امها هسه عادي عدها احد ياخذها منها

..والله يااستاذ شگلك
امها حالتها ماتسر عدو ولاصديج الصبح بگتها بوگه منها

الله وكيلك لو ماالحاجه ماجبناها بس خفنه تموت عاد عدله وبعيده احسن ماميته ومأيسين منها

صفوان ..تمام والمطلوب

حازم ..بس تعالجونها وتاخذونها

لشويه دخلت زوجته سلمت عليه وبعدها صفت وي زوجها وحجو بينهم بهمس ماعرفت شنو
وهيه الفرحه بينت على وجهه

رأسن اجت عليه واخذتها مني ..شنو اسمها

..اسمها مريم

..صدوگ
الحمدالله اسمها على ام يسوع
العذراء بوستها ...يحفضج الرب يابنتي

اخذت مريم وراحت لداخل البيت صفوان راح وراها بالربع ساعه انه مشتول الوحدي
لا من مرجعين بتي ولا من محاجيني

اجه صفوان واجت زوجته شايله مريم والضحكه على وجهه تلاعب مريم

..اني اشكرك اخ حازم انته فضلت عليه
وهذا جميلك مراح انساه الك صدگني لتخاف عليها هاي من اليوم طلعت من عهدتك وصارت بعهدتي
اني و نيرمين
راح نسافر لتركيا نقيم هناك ونعالجها

حازم ..بس ديرو بالكم عليها ترا هاي الغاليه

صفوان ..لاتوصي حريص
وبقه يبوسني ويتشكر مني ..ردت اگله ينطيني فلوس بس عزت عليه
شلون اگله انطيني فلوس بدال بنتي واعتبر بايعها بيع

سلمت عليهم وطلعت ..خاطري مكسور
رجعت بطريق رجعتي واني بالسيارة گعدت افكر
شلون عفت قطعه مني ببيت ناس ماعرفهم ولا اعرف عنهم شي
وفوك هذا كله مو مسلمين
مو على ديانتنه

انه ليش سويت هيج شنو هالتصرف الغبي المفروض اخليها عندي ببيتي تعيش وتموت عندي
واذا الله كاتبلها عمر راح تعيش
سواء عندي او عدهم
الطبيب مجرد سبب .قررت اروح ارجعها......بيج قصص عراقيه حقيقيه من واقعنا.روعه الطائي
حاجيت السايق ونزلني اخذت سيارة اجرة من الشارع وورجعت لبيت صفوان
نزلت بالباب دگيت بالجرس ماكو احد طلعلي الحارس
گال ..صار ربع ساعه من راحو
باوع ع الساعه وگال لازم هسه طيارتهم طارت لان صار موعدها

بقيت اصفگ بأيديه من الندم ليش سويت هيج
وليش تصرفت هذا التصرف
ليش ماخذت حجاية سلوى من گالت لا
هسه شگول للعالم لو نشدتني عنها

رجعت للبيت لگيت سلوى املخه روحها تبجي وتلطم
اول مادخلت ..لزمتني من ياخة الدشداشه ...وبصياح ..وين وديت بنيتي
وين اخذتها

حازم ..هاي شبيج سلوئ تخبلتي
غير انتي گتيلي وديها الهم

سلوى..وانته صدگت ترا جنت اتكشمر وياك مو صدگ
فدوة اغديلك روح جيبها ابوس ايدك
نزلت على رجلي تبوسها وتبجي

نزلت للگاع ..گومي مايصير تسوين هيج بروحج
گولي الحمدالله والشكر من لگينه ناس يعالجونها احسن ماتموت وتدفنينها جوا التراب

بقت تبجي وتصيح
الناس سمعو صياحها واجو گتلهم مريم ماتت
وسوينالها فاتحه ..حذرت سلوى ماتحجي الحقيقه لأي احد
لان الناس تاكل وجهي كلها تلومني ليش تنطي بنتك
ويعتبروني بعتها
لذالك ماحجيت ولا خليت سلوى تحجي مريك سوينالها شهادة وفاة بواسطه

بعد مرور سنه سلوى جابت ولد وسميناه فهد
لان بأثناء ما تبجي على مريم وگعت
اخذناها للمستشفى وعرفنه بيها حامل
فهد گدر ينسي سلوى فقدان مريم او بلأحرى يملي عليها البيت ويعوضها رغم انو عدها
غيره بس هذا كان الها مثل جبر الخاطر ....

مرت السنوااات كما هيه بدوون احداث
بعد مرور 15 سنه

…واگف ع السطح ..يباوع بنظرته الحاده للقفص الصغير
يبتسم علئ منظر الحمام
يجيه الصوت من خلفه ...عمي شاهين الحگ

يتفاجئ من الصوت الي اجاه ...يلتفت يشوفه
سالم يلهث من التعب
يعقد حواجبه ويرد عليه ...هاا سالم
خير ياستار الحگ عليمن

سالم ...بصوت متقطع ..ع عمي الشيخ سلمان يريدك
بسرعه

شاهين ..غير اعرف شيريد شصاير

سالم..مادري عمي هو وداني عليك گال ناديه بسرعه

شاهين ..يهز راسه ..ويجاوبه ..زين روح انته وانه لاحگك
..يحجي بينه وبين نفسه ..شيريد ابوي ليش مودي عليه اجيه بسرعه
مو من عوايده يدري بهذا الوكت انه اگضيه يم القفص

نزل لاگته بسعاد ( مرت شيخ سلمان )
..هاا يمه وين رايح بسرعه

شاهين ..لا ماكو شي بس ابوي مودي سالم عليه
يكول خلي يجيني بسرعه

بسعاد..خوش يمه الله وياك

شاهين يدخل للمضيف ويسلم على الموجودين ..الكل يرد عليه السلام يگعد بصف الشيخ
..ها بويه ءامرني

سلمان ..هذا رعد المختار
الي بعشيرة الشيخ ساهي تعرفه انته غير

..اي بويه اعرفه شبي

..عنده گاع يم گاعنه واليوم متعارك ويه الفلاليح ع الماي ..اريد تاخذ زلمك وتروحله
تشوف شعنده ليش جاي يتشاكون منه فلاليحنه

شاهين..صار بويه
ياخذ سلاحه ويگوم ..يلا ادهم(اخوه) و همام (ابن عمه)
امشونه نروح عليه
گامو الولد وياي ورحنه لعشيرة الشيخ ساهي
سألنه على رعد المختار ودلونه على بيته انه ماشايفه بس سامعه بيه ...

دگيت الباب طلعلي رجال متوسط بالعمر ..لحيته اغلبها شيب وقليل شعر اسود
سمين وگصير شويه .....السلام عليكم

..وعليكم السلام اتفضلو بويه

شاهين ...عمي انته رعد المختار صح؟

رعد..اي وصلتو خير عمي شرايدين

شاهين ...احنه زلم الشيخ سلمان وانه ابنه الجبير شاهين جايينك علمود طلابتك ويا الفلح
وعركتك وياهم
انه سمعت منهم واريد اسمع منك وافهم الموضوع منك

رعد..بصوت عالي..ماعندي شي اكوله
بس گول لفلاليحكم مايعترضون طريقي مرة ثانيه

شاهين باستغراب..يعترضون طريقك؟ هيج بدون سبب غير لازم اكو شي يخليهم يسون هيج

رعد ...لا بدون سبب

شاهين ..ابو محمد كلنه نعرف انته الحلال مالتك مؤذي
وعابر ع گاعنه ومخرب الزرع وهاي اكثر من مرة تتكرر
ولما جاينك الفلح
وطالبين منك تلزم حلالك متعارك وياهم ومسويلك مشكله

رعد..والمطلوب شنو

شاهين ..بنفاذ الصبر..ابو محمد مو انته رجال جبير ومااگدر اهينك
او اقلل من احترامي الك ...لا تحجي وياي بأسلوب يستفزني
انته تعرف شريد ..عرك وطلايب وي فلاليحنه ماريد ومشكلتك وي حلالك حلها عسى ماتبيعه مايهمني
بس لا يجي يوميه احد مشتكي منك

رعد ...اسوي اليعجبني دامني ماغلطان

شاهين ..همام رص على اسنونه وراد يضربه لزمته ورجعته
گتله ...ترا اذا اجه احد يشتكي منك مرة ثانيه
مااجي عليك
اروح لشيخ ساهي يشوفله صرفه وياك خووووش لان الضاهر انته ماتحترم احد
...يباوع ل ادهم وهمام
يلا امشونه

همام ...شاهين ليش ماخليتني اكسر اسنونه بحلگه هذا الشايب الخرفان

شاهين ..لا مو هيج تنحل المشاكل
اذا ضربنا راح يشتكي من عدنه وتصير طلايب لان احنه دخلنه لقريتهم بدون اذن الشيخ
وهاي الوحدها مشكله ..مانريد نكبر المواضيع بدل مانحلها

همام ...يعني عاجبك اهانته النه
وحته ماكلف على نفسه يگلنه ادخلو للبيت
لو نظراته علينه ..عبالك شايف جهال ويستحقرنه

شاهين ..انه ماغافل عنه
بس ردت هالروحه تحذير اله والمرة الثانيه اسويله جرة اذن

طلعنه من يم رعد ورجعنه للمضيف وانه احس النار تطلع من عيوني من الحرگه
رايح ومتعني اله تالي يباوعلنه بأحتقار ولا چن احد تارس عينه
متعود محد يردلي طلب ولا يوگف بوجهي احد

سلمان ...ها بويه شكو شو
جايني وجوهكم مغضبه
شگاللكم رعد

همام ..عمي هذا الي اسمه رعد رحناله لا احترمنه ولا عبرنه اصلا
انوب فوگ هذا يستهزء بينه عبالك جهال عنده

سلمان..يهز راسه ..خير ان شاءالله بويه
سهله انتم العليكم سويتو
بويه شاهين

شاهين..أءمرني بويه

سلمان..بس لا تعاركتو وي الزلمه

شاهين..لا بويه انه الحجيت ويا وانته تعرفني ماارضه بالغلط والعيله

سلمان..كفوو منك ابني اعرفك اصيل وماتطلع منك العيبه

يقطع حجيهم همام بتنرفز..شنو قصدك عمي انه متهور وتطلع مني العيله

سلمان..يبتسم ويرجع يباوع لهمام ..لا بويه همام
موش هيج گصدي
بس شاهين مو مثلك انته وادهم عصبين ووكت العصبيه ماتشوفون گدامكم
اهم شي عدكم تطفون نار گلوبكم ...شاهين يتصرف بحكمه وعقل

همام ..بغيظ..عمي تامرني على شي
رايح لبيتنه

سلمان..لا بويه كفيت ووفيت ماگصرت يالذيب

طلع همام واستأذن ادهم
شاهين ..يخلي السلاح ع الأرض ويگعد بصف الشيخ ..بويه شكم مرة گايلك لاتمدحني يم همام
انته تعرفه كلش زين يغار
ومايقبل احد يفضلني عليه بحكم هو اكبر مني

سلمان..انه اعرف شجاي اسوي
ماعليك اريد بلكي يصير ثگيل ومايتهور يتحكم بأعصابه
لشوكت يبقه هيج

شاهين..بس هيج جاي تخليه يكرهني ويشيل بگلبه عليه وهو ابن عمي ماريد ينغث بسببي

سلمان ..لا مايكرهك بس يحاول يصير احسن منك
انه اكبر منك شفت وعفت وعلمتني الدنيا هواي امور من الصغيرة للجبيرة
...يطبطب على كتف شاهين ..يلا بويه گوم ارتاح اكيد تعبان

شاهين..اي والله بويه
يلا من رخصتك

..مرخوص

..شاهين يوصل للباب ويوگف يلتفت للشيخ ..بويه نسيت اگلك ترا باجر اروح لبغداد

سلمان..ليش دوامك بعدله يومين

..اي بويه بس گلت اروح من وكت علمود الصيرفه محد يديرهه انه والولد التهينه
وهذا الأسبوع محد راحلها وشاف المشغلينه هناك شسوه بغيابنه

...اذا هيج توكل على الله
هذا حلالنه خو مانخلي الغريب يلعب بكيفه بيه

گمت من يم ابوي ورحت للبيت الي يبعد بمسافه عن المضيف
..دخلت للصاله واجتني امي
بسعاد..جوعان يمه اصبلك غدا

شاهين...اي يمه ميت من الجووع

..هسه اصبلك

شاهين..انتي تصبيلي چا طيبة وين؟

بسعاد..يووو يشاهين شلعت گلبي هاي البت
من ابوك گاللها بطلي من المدرسه
وهيه تبجي ماترضى تاكل ولا تشرب بس تبجي

شاهين ..يزفر بصوت عالي ..ووينها هسه
خلي اشوفلها حل

..فوگ بغرفتها

صعدت وگفت يم غرفتها اسمعها تشاهگ بالبجي دگيت الباب وبدون مااسمع منها رد فتحت الباب
لگيتها مجمعه كتبها حاضنتهن وتبجي

..افاااا طيوبه الحلوه تبجي ليش

بس شافتني شمرت نفسها بحضني تبجي وتشهگ بصوت متقطعبيج قصص عراقيه حقيقيه من واقعنا.روعه الطائي
...هسه غير افتهم عليمن هالنوح والبجي
طيبه..ابوي يگلي ماتروحين للمدرسه بعد

...مسدت على راسها وگعدتها ع الجربايه گعدت بصفها
وانداريت عليها .گالت
ابوس ايدك شاهين حاجي ابوي مايبطلني

شاهين ..طيوبه حبيبتي
انتي خيتي الوحيده وتعرفيني مااردلج طلب لو تردين عيوني المركبه هم ماابخل عليج بيهن
بس سالفة المدرسه هاي عوفيها انتي تعرفين عاداتنه وتقااليدنه خما غريبه علينه

البنيه من تصير بگدج عيب تطلع بعد
ونتي مو اي بنيه بت الشيخ سلمان ماانريد احد يمسج بحجايه
لو يجيب طاريج بالشينه

طيبة..بس انه مامسويه شي غلطبيج قصص عراقيه حقيقيه من واقعنا.روعه الطائي

شاهين..ادري والله ادري بس هذا الماشي عدنه بعشيرتنه وعيب نخالفه
ترضين الناس تحجي على عرض ابوج واخوج

سكتت ودنگت

لاتسكتين جاوبيني ترضين؟

طيبة..لا ماارضى مااعاش اليحجي عليكم

شاهين..تمام اذا هيج انسي هاي السالفه وشيليها من بالج صدگيني وداعت عيونج
اي شي تردينه يوصل العندج لو اغلى شي اخوج موجود بعد شتردين

طيبة ..تمسح دموعها بكف ايدها ..اريدك سالم

شاهين..يعني هاهيه هسه ماتبجين بعد

..لا ماابجي

..وعد

..اي وعد بس اريد منك شغله من تروح لبغداد

..اعيوني الج شكم طيوبه عندي

طيبة..من تروح لبغداد جيبلي تنورة
مثل هاي التلبسها المذيعه بلأخبار

شاهين...هههههه هسه نتي عفتي كل الشغلات الحلوة الي بغداد ورحتي ع التنورة
شنو تردين تصيرين بغداديه

طيبه..اي اريد البسها ليش بنات بغداد احسن مني

شاهين..هههههه يرحلج فدوة بنات بغداد
اعتبريها عندج بس اروح

طيبة...ههههه مشكور شاهين

...العفو ويلا مسحي دموعج وگومي صبيلي غدا امي مااتگدر

..صار تدلل

لثاني يوم حظرت الجنطه مالتي ورحت للگراج
صعدت لبغداد
ومنها رحت للشقه مالتي فتحتها ودخلت خليت جنطتي وسبحت گلت استراح اشويه
واروح للصيرفه
سمعت صوت جاي من المطبخ عقدت حواجبي بأستغراب ...منو الداخل للشقه والمفتاح عندي
گمت حته اشوف منو وتفاجئت

يتبع ...

فيتامين سي · 28-06-20, 04:04 AM

#اسيرة_الشيخ_شاهين
بقلم ريتاج الموسوي
٣______٤
#اسيرة_الشيخ_شاهين
بارت 3
للكاتبه ريتاج الموسوي
............................
حبي لاتقرين وتروحين تركي بصمتج الحلوة فديتج ❤️
طلعت من الحمام
واجيت اگعد ع القنفه سمعت صوت حركة احد بالمطبخ
گمت اشوف منو ..اتفاجئت شفت همام
فاتح الثلاجه ومتخوصر
...گلت بأستغراب ...همام
همام ..التفت عليه وسد باب الثلاجه ..هلا شاهين
شنو استغربت من جيتي
شاهين ..لا الشقه شقتك تگدر تجي بأي وقت
بس انه عفتك بالقريه شوكت اجيت
همام..يسحب الكرسي ويگعد ..اجيت من الصبح بس هسه وصلت سمعت صوت الماي بالحمام گلت اكيد تسبح
شاهين..اهاا
همام..اي
احسن ماتتعب وتدير الصيرفه الوحدك اجيت اساعدك لان باجر دوامك
خما تبقه بيها ..حلالنا يروووح للغرب مو صح
يحجي ورفع حاجبه
شاهين ..يهز راسه
فتحت الثلاجه لگيته جايب مسواگ
رجعت سديتها
..انه راح اروح هسه للصيرفه تروح وياي
..اي طبعا جا انه المن جاي
يلا بدل ونروح
شاهين ...اوك هسه
احنه صح عايشين بالبصرة بس حلالنه وعماراتنه كلها ابغداد
عدنه صيرفه متشاركين بيها ابوي وعمي ابو همام
متفقين ومقسمين الوقت
بوقت الدوام اروح الزم الصيرفه انه ومن انزل يروح لو همام لو ادهم
لذالك استغربت من شفت همام جاي المفروض هذا الوكت عليه
...مرات احس همام انسان طيب ومرات احسه مليان خبث
هو اكبر مني بس ابوي يفضلني عليهم كلهم هو واخوه واخوي هذا الشي يثير غيرته ويحقد عليه اكثر
بدلت وكملت طلعنه للصيرفه
اول مادخلت شفت همام تقدم قبلي وگعد ع الميز بقه يگلب بالسجلات ويحاجي الولد الجان گاعد
يسأله ..ويتفاهمون ع الشغل
ولا مهتم الوجودي اصلا وكانو مموجود
ماحجيت شي ...يبقه اكبر مني واله اولويه عليه
عفته وطلعت بقيت واگف برة ومنها رحت للمطعم تغديت وبعدين رحت للشقه
لنص الليل همام ماكو مااجه ردت اروح اشوف خاف صار عليه شي بس توقفت
ليش هو مهتم الي اصلا !
لثاني يوم الصبح گعدت بدلت اروح للكليه بطلعتي شفت همام جاي ونايم ع القنفه
ضحكت عليه ..شنو الموازيك كلها غيرة وياي
غير افهم تغار من شنو
مر الأسبوع وهمام رجع قبلي بيوم
نزلت وصلت لقريتنه سمعت صوت رمي وصوت بالبستان مالتنه
اكبر بستان بالقريه هو... هواي اشجار بيه بحيث اليدخله يضيع الا اليندله ويعرفه عدل
بقيت اتبع الصوت وصلت لنهاية البستان
مكان محد يوصله بينه وبين بستان الشيخ ساهي ......ختلت بصف الشجر واباوع
شفت بنات 3
ووحدة وياهن صايرة گدامهن ومنشينه ع الهدف بالسلاح مااكدر اسمع شنو تگللهن
لان تحجي على كيف وملثمه بشالها
يمكن تعلمهن ع الرمي ...
بقيت اراقبهن واتناوبن وحدة ورة الثانيه ع السلاح
لحدما خلصن سمعتها
گالت ..يوميه اجي لهنا واعلمجن
نزلت اللثام عن وجهه ..سبحان الله على هاي الخلقه
الجمال الشايلته موطبيعي ..العيون كبار والهدب كاسر لفوك
كل هذا بكووم والضحكه بكوم تعادل مدينة بحالها
ماخليتهن يشوفني لمن دخلن البستان الشيخ ساهي
عرفت ذني مو من قريتنه
رجعت للبيت تلگتني امي
بسعاد...هلا يمه ومية هلا بجيتك توه نور البيت يبعد امك... باست شاهين
شاهين..هلا بيج تاج راسي يمه مشتاقلج وربي
بسعاد ..دتعاال اگعد تعال عندي سويلفه وياك
شاهين..يگعد ..شنو يمه لازم سالفه مهمه هالمانتظرتي لمن ارتاح
بسعاد..شلون موش مهمه ..اليوم رحت ل ام خالد الخياطه وشفتلك عدها بنيه جايه تخيط
..سألت عليها طلعت بت واحد
بالقريه خوش رجال وسمعته طيبه
بس شنهي غير تگول للگمر گوم وانه بمچانك
شاهين..ههههه يمه لا گمر ولاشمس
انه هسه مو مال زواج
بسعاد ..تلطم على صدرها..وليش يمه شنو صغيرون
البكبرك ولدهم بطولهم
شاهين..لايمه مو صغيرون وادري بروحي
كبرت ..بس تعرفيني مو فارغ الكليه من جهه وابوي من جهه
بسعاد..عود نخطبها الك لمن تخلص من المدرسه
شاهين...هههه يامدرسه يمه دخيل بختج
انه هسه بالكليه تردين ترجعيني للمدرسه
بسعاد..شدراني ماعرف انه
المهم لاتسد السالفه انه راح احاجي ابوك واخليه يخطبها الك
شاهين..يمه فدوة اروحلج سدي هاي السالفه
بسعاد...ليش ولك گول هاويلك بنيه
شاهين..لا مو هاويلي ابنيه
بسعاد...شوف شويهين خاف عبالك تهواكلك وحده من المدرسه ترا ما ادششها لبيتي الا وانه ميته افتهمت
بعد عليه بس بنات بغداد
شاهين..يمه والله مارايدلي وحده من المدرسه على گولتج
وداعت عيونج شوكت مااريد اتزوج اجي واگولج تخطبيلي وانتي اول وحده تعرفين خوش
بسعاد..خاف تجذب عليه
يقاطعها شاهين ...يممممممه شحجينه
..خوش افتهمت دروح لغرفتك تعبتوني انته واخوك ماقابلين تتزوجون واشوفوني جهالكم گبل ماياخذ الله امانته
..عمرج طويل يمه
هسه عوفينه من هذا الحجي وگليلي طيبه وين
..بسعاد تحجي بزعل..طلعت للبستان وي رفيجاتها
..هاا
اذا اجت خلي تصبلي غدا
...لا اجت اليوم الخدامه هيه واخوها
تخليها تصبلك
..لا يمه ارتاح هسه عود من اگعد
رحت للغرفه وتمددت ع الجربايه اول ماغمضت اجت اعيونها ابالي
ووجها اليلمع على عين الشمس
هاي شنو شاهين معقوله انته شاهين تاخذ فكرك بنيه
اخذتني لأفكار لحدما غفيت من التعب
فزيت على صوت طيبة تگعدني وتهز بكتفي
شاهين شاهين شاهين
...وجعتين بگلبج اكو واحد هيج يگعد
طيبة ..ترمش بعيونها رمشتين خفاف..چا شلون تريد اگعدك مليت اصيح وماتجاوبني
شاهين..يفرك بعيونه..وهسه شتردين غير مطمور
طيبة..امي ودتني اگعدك للغدا
شاهين..وهيه هاي الجيتي بيها دولي نگلعي عن وجهي
طيبة..لا وبعد ابوي مودي عليك يريدك تجيه للمضيف عنده ناس ورايدك
شاهين..زين روحي وهسه جاي وراج
گعدت غسلت وجهي ولبست دشداشه وغترة
والعبايه
نزلت
بسعاد..ها شاهين وين رايح چاماتتغدا
الخدامه حطتلك غده
..لايمه راح اشوف ابوي عنده وادم متجمعه عيب اتأخر عليه
دخلت للمضيف هواي ناس عند ابوي ..سلمت عليهم
گامو بوجهي فريت الديوان بالسلام
وگعدت بصف ابوي
جان من ضمن الحاظرين همام وعمي ابو همام
سلمان..بصوت عالي مسموع للكل ..شوفو ياجماعة الخير ..انه كبرت ومشاكل العشيرة كثرت عليه
ومابيه حيل بعد
اصيح على هذا وارضي ذاك ..واحكم لذاك
انتم تعرفون ابني شاهين عدل وخابرين اخلاقه وشهامته
..اليوم جبتكم حته اخبركم ان انه راح اتنازل عن المشيخه ل ابني شاهين
...الكل گال ..والنعم
شاهين ..كلام ابوي الي جان مثل الصدمه
شنو استلم المشيخه انه وين والشيخه وين يرادلها واحد متفرغ وانه عندي دوام
والتزامات من غير الشغل البغداد دايرة انه
والفلح اشرف عليهم وعلى شغلهم
بقو يحجون ويا ابوي ويناقشون امور العشيرة
وانه حاير
شفت همام يباوعلي بغضب ..چن يريد ياكلني بعيونه
كل شويه يحجي من بين سنونه
ويا عمي ..ماگدرت افرزن الكلام شنو لان بيني وبينه رجال وهو يحجي بهمس
اخر شي گام بحرگه بدون مايسترخص من ابوي
خليت الناس لمن گامت وابوي تعب من الگعدة
رجعنه للبيت
مديناله فراش بالگاع علمود يرتاح ...وگعدت يمه
..بويه
سلمان ..ها
..بويه شلون تنطيني الشيخة بدون ماتگلي
سلمان..ومن ليمته انه اخذ شور احد گبل لا اسوي الأريدة
شاهين ...لا بويه مو هيج قصدي ...
بس انه مااگدر للمسؤليه والشيخة مسؤليه وحمل چبير
سلمان..وانته زلمه معدل وماناقصك شي
شاهين..ودراستي بويه
سلمان...بطل من دراستك شنهي تريد تحصل وضيفة وتاخذ راتب
شو الحمدالله خيرنه مغطي ربع البصرة
بعد شتريد بالدراسه والتعب
...بس انه مرحلة اخيرة بويه حرامات تروح ع الخالي بلاش
سلمان..لا اخيرة ولا اولى عوف الدراسه وسوي الأكولك عليه ترا لا انته ابني ولا اعرفك عود انته ذراعي اليمين ومعتمد عليك
ووين ماامشي رافع راسي بيك تالي تگلي دراستي شني هذا الحجي ولك
شاهين..يسحب نفس بقوة ويطرحه..خوش بويه
الي تريدة سويه مااخافك
بس عمي ابو همام ماسمعت حسه ولا انطانه رايه خاف ماراضي لان هو اولى بالشيخة مني
سلمان..ادري بيه محمد يزعل
لان مادرت الشيخه لهمام ..
..صدك بويه همام اكبر مني وافهم بهاي الامور وفوك هذا كله عندة عزيمه ويحب الكشخه
انطيها الها ولا نخلق مشاكل
سلمان..وهاي انته كلتها يحب الكشخه
وهذا مايعجبني لان بهالحاله اسلم رگاب العشيرة لهمام
انه اعرفه گلبه حجر مايرف اعلى واحد ابن اخوي وترباتي اعرفه عدل حته اكثر من ابوه
...واذا اجاك عمي وگالك شنو ترد عليه
..ساعتها اعرف شگله وشتصرف انته لاتشغل بالك
ومن باجر اريدك تتصدر الديوان بمچاني
..صار بويه التريده يصير
..امي سمعت وگامت تهلهل ...يمه صلوات على محمد لايگتلك يبعد امك
شيخ وابن شيخ
تقربت يم راس ابوي ..اتعاين عليه وترجع اتعاين على ابوي..اكووول شيخ
..ها شعندج
..مادام شاهين ترك المدرسة وصار شيخ شنو رايك لو نفرح بيه ونزوجة بنيت الحلال
...اي خوش راي هو هم كبر
وعيب يضل من دون زواج وجهال
دوريله مرة وانه اخذله مشيه ونروح نخطبها اله
بسعاد..مايحتاج عندي المرة
..منهي
شاهين..همه يحجون وانه صافن عليهم شنو جاهل وهيج يتصرفون من يمهم غير ياخذون رايي كلمتي
حجيت بنفاذ صبر...يممممه شحجينه
بسعاد..اسكت انته معليك
عمرك 25سنه شمنتظر بعد لمن يبيض الديج
شاهين يلتفت لأبوه..بويه رحمة الوالديك ماتگل لأمي تفكني من هاي السالفه ترا مو وكتهه
سلمان..وليش مو وكتهه شنهي انته بعدك بزر
شو شواربك ولحيتك ترس وجهك وعمرك راح يطب للثلاثين
وصرت انته الشيخ بعد لازم تتزوج
الا اذا جنت تريدلك وحده
شاهين...بويه عود ليش عدكم اليرفض الزواج لازم يريدله وحده
سلمان..عدكم؟ وشنهي انته موش منه وتگول عدكم
احجي عدل ووولك
لو الدراسة ابغداد علمتك اعلى غير عاداتنه وتقاليدنه لو نسيتهه
شاهين..لا بويه مو هيج گصدي
بس صدگني مامفكر بالزواج احسه مسؤليه خليني بعد سنه سنتين وعود الله يفرجها واجي اكلكم خطبولي
سلمان ..يدير وجهه ل بسعاد..بت من الشفتيهه
بسعاد بضحكه شاگه حلگها... بت ابو هشام الي بطراف القريه احمد يسمونه يمكن
سلمان..ها اي اي عرفته والنعم منه خوش رجال
باجر روحيلهم وجسي النبض
ولو محد يرفض شيخ شاهين بس هم شوفيها حته نتأكد
بسعاد..هم عوزهه بعد ترفض
اصلا تحب ايدهه عدل ومگلوب وين تلگه مثل شاهين جاه وجمال وفلوس بعد شتريد حته بأحلامهه ماتصحلهه هيج قسمة
شاهين..اترخصت من ابوي وگمت
كلش ضجت يتصرفون بكيفهم انه ماريد اتزوج على هواهم والي يشوفونها همه تناسبني انه اريد مرة
تعادل عشر زلم كون من اخليها بالبيت وحدها ماخاف عليها
اريدها ثگيله مو خفيفه تمشي ورة الجاه والفلوس
طلعت بره بالهوا افكر بحجيهم
لو امي اكدر اسكتهه بحجايه بس ابوي مريض اخاف عليه مااگدر ازعله لازم شيگول تگله حاظر ويجرالك
....................
تتلثم بشالها وتاخذ سلاحها
يجيها صوت امها المريضه ومدده بالفراش ...وين رايحه
علاهن
علاهن..يمه رايحه وي البنات للبستان
...گلتي لأبوج
...مايحتاج يمه ابوي يدري بيه ومايحاجيني تعرفينه مايردلي طلب
..ديري بالج على روحج يمه
..صار يمه لاتخافين عليه ترا انه علاهن
طلعت من البيت ومثل كل مرة تنتظر صاحباتها بالبستان ...تلتفت اشوف البنات
...هاي وين تأخرتن اليوم
زهرة..عبالنه ماتجين
علاهن..ليش
زهرة..چا ماتدرين
..شنو
..غير الشيخ سلمان تنازل عن الشيخة لأبنه شاهين
علاهن..صدگ
زهرة..اي صدگ
علاهن..بأبتسامه ....يجيها رد زهرة..ها ولج شو جنج فرحانه
علاهن..طبعا فرحانه ..تدرن بيه احب شاهين
زهرة..گبر اللفج اكو وحده تحب واحد ماشايفته
علاهن...هههه خايبه الحب مو بالشوف الحب بالگلب
زهرة..هذا الحجي عندج ..انه اذا مااشوفه واكحل عيني بشوفته هم يمشي عندي سالفة الگلب
علاهن..چا الله شلون حبينا واحنه ماشايفينه
ولج الحب بالفطرة
انه سمعت عن شاهين الكل تمدح بيه وبشهامته
وشخصيته ..وحبيته حته بدون مااشوفه
مو انوب صار شيخ والكل تحت امره وتسمع حجايته
اي صدگ
واذا صار شيخ يعني ماتجن شنو الفرق
زهرة...مو گلنه كلشي يصير بجوز خله قوانين للعشيرة تختلف يجوز يفتر بالبستان احنه ماندري
علاهن..منين لو يفتر بالبستان واشوف صاحب الصوت الرجولي
زهرة..ياصوت ولج ونتي ليمتهه سمعتي صوته
سمعتي نوير صايرة ماتحجيلنه عدها اسرار
مادري وين سامعه صوته
عاد تدرين اجت ابالي سالفه بس لاصدك
..شني
...خاف لبستي اهدوم وابوج ورحتي للديوان
علاهن..غسل اي والله
هيج مارايدة روحي لهالدرجه حته اضحي هاي التضحيه
زهرة..هههه
مو ادري بيج تسوينهه مو بعيده عليج
اول وتالي راح تحجيلنه بس موهسه ويلا گومي علمينه ع الرمي وعوفي هاي سوالفج الماتوكل خبز
.............
شاهين
للصبح لبست ورحت للديوان گعدت بصف ابوي
صح هسه انه الشيخ
بس مادام هو موجود انه ما الي كلمه من بعده
طول ماگاعد گلبي مامرتاح امي لازم راحت للوادم
تشوف البت
هيج يسويهه الحظ وترفض
للضهر رحت للبيت اگلهم يجيبون غدا لبوي
لگيت امي عاقجه وجهه وگاعده
..ها يمه ياهو المزعلج
بسعاد..محد مزعلني وخر عني
..لاااا اليوم بيج شي احجيلي منو مزعلج واروح ارفس ابطنه
بسعاد..كله من وراك
..افااا انه شمسوي
بسعاد..نيتك مو صافيه ماريد ازوج ماريد اتصيح
لمن رحت للبنيه لگيتهه محجوزة لأبن عمهه
شاهين ..بضحكة مكتومه..بيها صالح يمه
شفتي مو گتلج مو هسه
بسعاد..موش وجه نعمه راحت من ايدك جنهه طير ذهب
شاهين..قسمه يمه قسمه
..يگوم من يمها للخدامه ...صبو غدا لبوي وودوه للديوان منتظركم
..صار
سلوى..صافنه وگاعدة گبال الشباك
اتذكر شلون مريم راحت مني ..ماعرف عنها خبر مدري ماتت مدري عدله ..واذا عدله المفروض عمرها هسه 18
سنه
گلبي مفطور عليها اتمنى اشوفها ..الله يعلم شكلها هسه شلون صاير
اوووف يالعوز لو عدنه فلوس ماجان انطيت بتي للغرب
ياخذونهه
بس الحمدالله الله عوضني ب جنان عمرهه هسه 8سنوات
وفهد 15سنه واخو 16 كبرو وملو عليه البيت
يشتغلون وي ابوهم ابستان الشيخ سلمان مشين امورنه بيها
شاهين...للعصر رحت للگاع اتفقد شغل الفلاليح لان انه اشرف عليهم ادهم بالصيرفه ابغداد
مشيت من يمهم واعاين ع الزرع الاخضر الشمس غابت وضلت بس الحمره
اجت ابالي البت الشفتهه
اخذتني رجليه لذاك المكان بس مالحگت هالمرة شفتهه من عبرت الگاع لقريتهم
واگف بنفس وضعيتي مااحس الا سلاح بخاصرتي
ووصوت اجه من وراي
#اسيرة_الشيخ_شاهين
بارت 4
بقلمي ....ريتاج الموسوي
❤️❤️❤️❤️❤️❤️❤️❤️❤️❤️❤️
حبايبي لاتنسون التصويت حتى تصعد القصه
وشاركوهه وسوو تاكات لان تفاعلها قليل
والله جاي اكتب الخاطر شكم وحده يتفاعلن وتعليقاتهن ع الفقرات 😘
بقيت اعاين عليهن ..لمن طلعن
ماحسيت الا سلاح صار بخاصرتي التفتت واشوفه همام
..يفتح عيونه بأستغراب ..
همام!!
همام...اي همام شتسوي هنا يا شيييخ
شاهين ..نزل سلاحك همام
ترا عيب الجاي تسويه
همام...ههههه يضحك بأستهزاء
والله ضحكتني ...عيب ليش شمسوي
دنگ ورجع رفع راسه ووخر سلاحه
كتف ايديه ويحجي ...تعتقد شراح يسوي عمي
لو درى ابنه الشيخ
يركض وره النسوان وعايف ديوانه
شاهين ..يقبض كف ايدة بعصبيه ..شوف همام
انته اكبر مني وماريد اتجاوز عليك فلا تجبرني وتحدني على هذا الشي
همام...خوش يجوز انه فاهمك غلط تگدر تگلي شتسوي هنا
شاهين...ليش شسوي
هاي گاعي ومن حگي افتر بيها لو مايصير
ولاتنسى انه شيخ ومسؤليتي هاي
تقربت منه
وطبطبت على كتفه ...همام انته اخوي لاتخلي غيرتك تعمي عينك
سكت هو ...عفته وصعدت على حصاني ..رجعت للبيت
بدون مااحجي ويا احد
مرت الأيام وانه يوميه رجليه تاخذني لنفس المكان
بس حته المح شكلها واشوف اعيونها
صار عندي مثل الأدمان اذا مااشوفها احس مضيع شي بيومي
فمرة من المرات وكالعادة اتحجج بالبستان وگعدت اراقبها حفظت كل حركاتها وشخصيتها وعرفت اسمها
من ينادنها صديقاتها
شفتها الوحدها ..قررت اروح واعرف بنت منو ..الى متى ابقه بس اراقبها بعيوني
اريدها تصير ملكي وام بيتي
هيه هاي المرة الأريدها قويه ومايهزها ريح
وخرت الأشجار وسويتلي مكان ادخل منه للجهه الثانيه
سمعت الصوت ومدت سلاحها بوجهي
..اوگف بمكانك لاتتحرك ...ياهو انته؟ وشعندك هنا؟
شاهين ..نزلي سلاحج انتي الي ياهي وشعندج هنا بگاعي
حجت بتلعثم ..ا گا گاعك ليش ياهو انته
شاهين ..انه شيخ شاهين
نزلت سلاحها ووجهه اصفر ...انه انه اعتذر شيخنا
بس اجيت انه والبنات هنا حته
قاطعتها ..لاتكملين ادري تجين وتعلمينهن ع الرمي بگاعنه لان بگاع الشيخ ساهي ماكو مكان امان الكم وبعيد عن الناس
علاهن ...متعجبه ..شلون عرفت شيخنا
شاهين..هههه انه شاهين ماكو شي يخفى عني
علاهن..شيخ انه مو غبيه ويمر عليه هذا الحجي
اريد اعرف منين عرفت
شاهين ...صااار شهور وانه اراقبج هنا حفظت الوقت التجين بيه واليوم الماتجين بيه احس ناقصني شي مايكمل الا بشوفتج
علاهن..شيخ انته منتبه على روحك شجاي تحجي
شاهين..اي
علاهن اي منتبه انه احبج واريدج على سنة الله ورسوله
يجوز لقائي بيج غلط او المكان البيه احنه مو صح
بس صدگيني ماعرف وين الگاج
احس گلبي تعلگ بيج
علاهن ..بين فرحانه وبين مستغربه ..
اذا تحبني شيخ وگد حجايتك تجي تطلبني من ابوي
شاهين ..وهذا الأريدة
بس غير اعرف بت منو
علاهن..بت رعد المختار
شاهين ..رعد؟
علاهن..اي رعد ليش مستغرب
ادري لان تعاركت ويا انته وزلمك مو صح
من عرفت ابوها رعد قررت اصرف النظر عنها ومااخطبها
رجعت للبيت
لان رعد معروف عنه رجال يحب العرك والطلايب وخاصة اخر مرة شفته بيها والموقف الصار بينه
وعركته وي عشيرتنه كل هاي تمنعني من خطبتها
وحته لو خطبتها
ماراح ينطيهه الي
ردت ابتعد ماگدرت صار حبها يكبر بگلبي يزيد يوم عن يوم
بهاي الفترة صرت عصبي على اتفه الأسباب
احس شي غالي وفقدته
صرت ادورهه بكل مكان من البستان مالگاهه حته مكانها ماتتواجد بيه
گلت ما الهه غير احاجي ابوي يخطبها الي
بيوم جانت الدنيا ليل وابوي فارش فراشه بالسطح ...وكلنه متجمعين يمه
سلمان ..شبيك شاهين شو هالأيام مو عاجبني متغير حيل شبيك
شاهين ..بويه اريد اتزوج
بسعاد...الفرحه مبينه بوجهه ..يمه يوم السعد
صدگ جذب عيد عندي اليوم الأزفك بيه العروستك
سلمان ...اسكتي انتي خلينه نفهم من الولد
يلتفت لشاهين ...اي
انته تهوالك وحده ؟
شاهين ..اي بويه
رادت تحجي بسعاد ..سلمان رفع ايده گبالها منعها من الحجي وخلاها تطحن بگلبها السالفه
..منهي البت
شاهين ..البنيه بعشيرة الشيخ ساهي
بت رعد المختار
سلمان يگعد من الفراش ..شنهي ومالگيت غير بت هذا الهامل ابو المشاكل
عوووذه ياهو اليناسبه لازم بته مثله
شاهين ..بويه انته گلت شوكت مالگيت البنيه الي تناسبك تعال گلي وهذا انه گتلك
سلمان ...جدامك بنات العشيرة كلهن اختار التريدهه منهن
اجيبهه الك بس بت هذاا لااااا
شاهين ...بويه انه بعمري مارديتلك طلب
وشنو التريده اسويه الك وانه الممنون بس الا هاي البنيه ..هويتهه بويه مو بيدي
سلمان...وتضن ابوها راح يرضه يزوجهه الك
انته تعرف كلش زين كرهه النه
وياما مشاكل صارت بينه قديمه وجديدة وحگه الرجال من يرفض
شاهين ..نجرب بويه شخسرانين
انته روح لشيخ ساهي وخليه يحاجيه بلكي يستحي منه ومايرده
سلمان..يهز راسه ...هينه
الله كريم منا للصبح يحلها الف حلال
امي جانت مثل الگارصته حيه تتحرگن بمكانها ماتگدر تفك حلگها بوجود ابوي
ولاتگدر تسكت ...استغليتها فرصه ورحت لغرفتي
لان ادري اذا استفردت بيه تتولاني بالحجي والمحاضرات مثل كل مرة
للصبح بدلت ونزلت الباب جان على طريق المطبخ
وامي دوم بالمطبخ
اول ماشافتني اجت تركض
بسعاد...تعال تعال وين رايح
شاهين..صباح الخير يمه
بسعاد..منين يجي الخير ماتگلي
شاهين..ليش ياستار
...ها ليش تسوي روحك ماتعرف لو تضحك عليه
..افااا ماعاش اليضحك عليج ..بس غير اعرف شنو الغاثج من الصبح
...انته
..انه ليش يمه
.صارلي سنين احرمصلك خلي اخطبلك يشاهين
تكلي لا لا موش وكته ماافكر بالزواج هسه
خاف هاويلك وحده يشاهين
لا يمه لو هويت اول وحده راح اكللها انتي ....
شني زعطوطه عندك
وتضحك عليه بشچم حجايه وتريد بس تسكتني
شاهين ...ههههه كل هذا الحجي بگلبج اعليه
وداعتج يالغاليه ماصارلي هواي من عرفتهه وهويتها
بسعاد ...تدير وجهه بزعل
شاهين ..يمه فدوة كلشي ولا زعلج شعندي غيرج
يبوس راسه بسعاد
بسعاد..تتحول ملامحها من الزعل لل
لنظرة عتب ...جنت عتبانه عليك يبن بطني هيج يهون عليك تظم عليه لهاي الدرجه ذوق امك مو عاجبك
شاهين ..انه ذوق امي مايعجبني
اصلا انتي ام الذوووق
بسعاد...مو اگلك تضحك عليه وتاخذني على گد عقلي
شاهين...حشاج يمه ينگص الساني اذا اخذج بالكلام على گد عقلج
وداعة عيونج الماحلف بيهن جذب البنيه ردتها ورا ماخطبتيلي جنت ماعرفها
وانه ييمه اريد وحده على هواي حته افهمها وتفهمني
خما اجيبها ماتعرف اطباعي ولا اعرفها
ونصير يوميه گابه العيطه
بسعاد..تباوعله وتدير وجهه عنه
شاهين ..حگج اعلى هالشارب
بس لاتزعلين ارضي عني حته الله يرضه عليه ويوفقني
وهذا راسج ابوسه وايدج هم
بسعاد..روح الله يرضى عنك دنيا واخرة...
...بس ماگتلي وين شفتها... شلون عرفتها ..حلو لا
شاهين..هههه على كيفج يمه وحده وحده
شفتها ابستانه
..عزاا شجابها البستانه ولك
يرد عليها شاهين بضحكه ..جابها حضي
..بلا لا تتفلفس براسي وگلي شجابها
شاهين...ههههههه يمه شكم مرة اعلم بيه اسمها تتفلسف مو تتفلفس
وعلي انتي كارثه يمه
بسعاد...اي مو انته احسن مني وتعلمني
رحت للمدرسه جم يوم عبالك صرت انته ولا غيرك
شاهين..ههههه افااا عليج وين اكو مثلج انتي
بسعاد...اتركنه من هذا الحجي شابعين منه
وگلي شنهو الجابها
..تصيد
..شتصيد ولك
..اتعلم صاحباتها اعلى الرمي وتصيد ارانب عدنه
وصادتني
بسعاد..تلطم على صدرها..صخام الصخمك شويهين ولك هاي مو بس مسترجله هاي وكحه
شاهين..لا يمه لا مو وكحه
بس قويه
بسعاد..ضل بهاي سوالفك انته لمن اطيح حضي
د اخذها اذا ماشلعت گلبك وراوتك نجوم الضهر انه مااطلع بسعاد
ضحكت عليها وطلعت ..رحت لأبوي ..كال اول مرة نروح لشيخ ساهي يحاجيه
احسن ماناخذ مشية زلم ويردنه ونتفشل
مثل ماگال رحنه حاجينه الشيخ وراح صاح رعد
اجه سلم علينه بثگل وشايل خشمه
احنه سكتنه ماحجينه شي
الشيخ هو الي بدا وگاله ..الشيخ سلمان جاي يخطب بنتك لأبنه شاهين
رعد..يحجي رافع راسه وممهتم للموجودين ..واليخطب يجي هيج
هيه هاي الأصول يااااا ..يباوع لسلمان ...ياشيخ سلمان
سلمان ..وشنهي گصدك انه ماعرف الأصول
رعد...انه ماگلت ماتعرف الأصول
بس انته شيخ وتعرف سرا العشاير شلون تخطب وكلك فهم مايحتاج اگلك
شيخ ساهي...ياجماعة الخير استهدو بالرحمن واذكرو الله
وانته يا رعد مو هيج الحجي ..شيخ سلمان وابنه اجو يشوف رايك بلأول گبل لايجيبون مشية زلم وشيوخ
ونته تعرف المشاكل
وسوء الفهم الصار بينكم
رعد..ينتفض من مكانه ويگوم ..وانه ماعندي مرة للزواج اعذرونه ياا شيوووخ
من رخصتكم
طلع من الديوان وانه اعاين الوجه ابوي انطعن احمر من الحرگه
وشيخ ساهي اعتذر نيابة عنه
وگال ...مسحوها بوجهي صارت بديواني
اعذروني والله لو عندي بت جبيرة الا اطيها الكم ولا اردكم مني فارغين
سلمان..تسلم ياشيخ ماتقصر
لا كلشي قسمه ونصيب وهذا هامل مايعرف بالحجي والأصول
طلعنه من ديوان شيخ ساهي وگلبي يفور من القهر اخ لو ماعندي حاجة يمك
الا انسيك حليب امك يارعد على سوايتك هاي
ثاني مرة تهينه بيها
رجعنه للبيت وابوي فايرة روحه كلساع والتفت عليه يگلي كله من وراك
انه صوجي امشي وره حجيك انهانت شياباتي جدام الوادم
انه شيخ سلمان الكلها تهابني يجي واحد مثل رعد يرفضلي طلب ويهيني
مرت ع السالفه شهر وانه اتوسل بأبوي يروح مرة ثانيه وياخذ شيوخ ويا بلكي يستحي منهم ويقتنع
ماكو ابوي جان قافل كلشي ولايذل روحه
لواحد يگول اهم شي كرامتي مااذلها..تريد تروح
روح انته الوحدك
من غير حجي امي عليه
قررت اروح انه لبيته واتفاهم ويا بلكي اگدر اقنعه بأسلوب حلو واذا مااجه بلأسلوب الحلو
استعمل ويا القوة
تعودت وانه صغير الي اريدة يجيني لو شنو جان مدام شي صح ..مو انانيه
بس دام انه احب علاهن محد يگدر يوگف بطريقي حته ابوهه نفسه
اخذت عهد منها تصير من نصيبي وماتاخذ غيري
وفعلا لبست ورحت لبيت رعد وهالمرة مبيت النيه
دگيت الباب طلعلي رعد
..السلام عليكم
رعد..من ورة خشمه..وعليكم السلام
خير
شاهين ..يرفع حاجبه..هيج بالباب
هيه هاي الاصول التحجي عليها
بالگوة گال تفضل ..دخلني للديوانيه وجاب ماي
راد يوصي على جاي
..اكعد كلشي ماريد هنه حجايتين احجيهن واروح
رعد..اذا على الزواج انه گتلك ماعندي بنيه للزواج
شاهين..لا عندك ..علاهن
رعد..مستغرب ..يعدل گعدته ويباوعله بحذر..وانته منين تعرف علاهن
شاهين..عرف نسوان عمي
ذكروهه النه وجيناكم
رعد..علاهن ماانطيها
..ليش شنو اليمنع
..بكيفي ماعاجبني ازوجهه الك افتهمت
شاهين..احجي وياي عدل ترا انه شيخ شاهين مو حي الله واحد
رعد..هه شيخ على روحك مو عليه
شاهين..شوف رعد انه اجيتك مثل الناس وطلبت بتك على سنة الله ورسوله
بس والله وامان الله اذا مازوجت علاهن ماتاخذ غيري
اكتلها واكتل رجلها بيوم عرسها واخليكم فرجه للعالم
وتعرفني زين من احجي
انفذ
رعد..سوي التكدر تسويه والماتكدرله بيدك واصله برجلك
..............................
علاهن
سمعت كل الحجي الدار بين شاهين وابوي
قررت اوكف بوجهه واكله انه موافقه
ابوي هو العلمني ع الجراه واخذ حقي بيدي مااستحي من احد
يحبني وياخذ حجايتي ..دوم يكلي انتي عقلج اكبر من عمرج
وصاحبة كلمه بالبيت محد يكدر يرفضلي طلب
اول مادخل للغرفه امي جانت متمدده بالفراش وگفت بوجهه
.بويه شجان رايد شيخ شاهين
رعد..اضن سمعني الحجي الدار مايحتاج تعرفين
..بويه انته ليش رافض
..ماريدهم شايلين خشومهم للسما واجه الوكت الأكسر بيه خشومهم
..بويه عندك عداوه وياهم وانه شنو ذنبي
...ليش ..اقترب مني بترقب..علاهن انتي تعرفين شاهين وملتقيه بيه؟
علاهن..حجيت بكل جرأه ..اي اعرفه وملتقيه بيه واحبه ومازوج غيرة وشتريد تسوي سوي
بعدني ماخلصت كلامي مااحس الا اذني صفرت من الراشدي ..جان اول مرة ابوي يضربني بيها
احس نار اشتعلت بخدي
لزمت خدي بأيدي ورفعت راسي بوجهه .
جاوبني بصياح وعيونه دم من الحرگه..شنو هالوكاحه ولج
اكو بت تكول لابوها هيج
منين جايبه هالصلافه هااااااا
رديت عليه ودموعي تنزل..منك انته العلمتني وانه صغيرة مااسكت عن حگي والأريده اكول اريده
علمتني مااستحي من الشي الصح
علمتني اصير قويه وجريئه وهاي انه نتائج تربيتك الي
رعد..علمتج تصيرين قويه وتاخذين حكج
بس مو مني وتعلين صوتج بوجهي
وگلت تكبرين وتصيرلي سند لان ماعندي ولد جبير ونتي كبرتي
علاهن..كتلك الحجي العندي غير شاهين مااخذ
بويه ارضه بالواقع ولاتجبرني اسوي شي مايرضيك
حجت امي بصوت خافت وموجوع..كافي عناد يرعد كافي مو كتلك لاتعلمها اعلى الصلافه لاتكبر شوكتها گتلي ماعليج
اريدها مره بعشر زلم تاخذ حگها من حلگ السبع وهاي تاليها
خلي البت تروح بحال سبيلها لا تنزل راسك وتتندم
ماحسيت الا الراشدي الثاني اجاني
ومنها استلمني ضرب
وانه ابد مارفعت ايدي ولا كلت اخ تعلمت ع القوة مو بيدي
اخر شي گام بعدما تعب كلش
رفع اصبعه بوجهي بتوعد وانه صايره دمايه
هاهيه يا علاهن تاخذينه بس لابتي ولا اعرفج بعد من هاي وتنتهي
البت الترفع صوتها بوجهي وبصلافه ماريدها ولا اعرفها
وانه متبري منج من هذا اليوم
لذاك اليوم
روحي اخذيه وخليه يفيدج شاهين بس والله وامان الله يا علاهن اذا شفتج لو لمحتج
يكون موتج على ايدي وساعتها محد يلومني ولا يرف گلبي عليج
اعتبرج اصبع عايب وگصيته
ياحيف بس على تربيتي الربيتها الج وتعبت راحت هدر
تفل عليه وطلع
نزلت دموعي وانه مدده ع الگاع صرت ابجي بصياح ولأول مرة احس بروحي ضعيفه
ومحتارة بالسويته غلط لو صح ..
وامي تلوم بيه وتبجي..ليش هجي يمه شسويتي بروحج ليش علاهن
ابوج عنيد والبراسه يسويه ماخفتي يذبحج وين انطي وجهي
مافكرتي بيه وانه ماعندي احد غيرج اخوانج صغار
ياهو اليعينهم ويعيني
..............
شاهين جنت گاعد بالبستان الدنيا الغروب
وافكر برعد شسويله وشيقنعه الي
معند وراكب راسه وانه وعدته مااخذ غيرها
گلبي نار كبره چن بيه جمر
حبيتها والله حبيتها وماريد تصير لغيري ابوي تركني مايريد يمشي عليه
وانه مااگدرله الوحدي الا بالتهديد
سمعت واحد يصيح بأسمي
التفتت عليه ...جاوبته ياهووو
..انه وداني عليك رعد المختار يگول خل يجي هسه
يتبع....

فيتامين سي · 28-06-20, 04:05 AM

#ﺍﺳﻴﺮﺓ_ﺍﻟﺸﻴﺦ_ﺷﺎﻫﻴﻦ
ﺭﻳﺘﺎﺝ ﺍﻟﻤﻮﺳﻮﻱ
#بارت٥
... ﺷﻴﺦ ﻋﻤﻲ ﺭﻋﺪ ﻭﺩﺍﻧﻲ ﻳﺮﻳﺪﻙ
ﺷﺎﻫﻴﻦ .. ﺷﻴﺮﻳﺪ
.. ﻣﺎﺩﺭﻱ
.. ﺧﻮﺵ ﺭﻭﺡ ﻭﺍﻧﻪ ﺟﺎﻱ ﻭﺭﺍﻙ
ﺿﻠﻴﺖ ﺍﻓﻜﺮ ﺷﻴﺮﻳﺪ ﻣﻨﻲ ﺭﻋﺪ ﻣﻌﻘﻮﻟﻪ ﻏﻴﺮ ﺭﺃﻳﻪ ﻭﺭﺍﺡ ﻳﻮﺍﻓﻖ ﻳﺰﻭﺟﻨﻲ ﻋﻼﻫﻦ
ﻟﻮ ﻣﺪﺑﺮﻟﻲ ﻣﻜﻴﺪﺓ
ﺭﺩﺕ ﺍﺭﻭﺡ ﺍﺧﺒﺮ ﺍﺑﻮﻱ ﺑﺲ .. ﺍﺑﻮﻱ ﺍﻋﺮﻓﻪ ﻳﺨﺎﻑ ﻋﻠﻴﻪ ﻭﻣﺮﺍﺡ ﻳﺨﻠﻴﻨﻲ ﺍﻣﺸﻲ ﺍﺣﺴﻦ ﺷﻲ ﺍﺭﻭﺡ ﺑﺪﻭﻥ ﻣﺎﻳﺪﺭﻱ ﻭﺍﺫﺍ ﺳﺄﻟﻨﻲ ﺍﮔﻠﻪ ﺟﻨﺖ ﺑﺎﻟﺒﺴﺘﺎﻥ
ﺭﺣﺖ ﻟﺒﻴﺘﻪ ﺟﺎﻥ ﻭﺍﮔﻒ ﺑﺎﻟﺒﺎﺏ ﻭ ﻭﺟﻬﻪ ﻣﺎﻳﺘﻔﺴﺮ ﻋﺮﻓﺖ ﺍﻛﻮ ﺷﻲ
ﻣﺎﺣﺠﻪ ﻭﻳﺎﻱ ﻃﻮﻝ ﻣﺎﺍﺣﻨﻪ ﺑﺎﻟﺒﺎﺏ ﺑﺲ ﺭﺩ ﺍﻟﺴﻼﻡ ﺑﺜﮕﻞ ﻭﻣﻦ ﻭﺭﻩ ﺧﺸﻤﻪ ...
ﺩﺧﻠﺖ ﻟﻠﺪﻳﻮﺍﻧﻴﻪ ﻭﻫﻮ ﻋﻠﻰ ﻧﻔﺲ ﺍﻟﺠﻤﻮﺩ
ﺟﺮ ﻧﻔﺲ ﻭﮔﺎﻝ ... ﺍﻧﺘﻪ ﺗﺮﻳﺪ ﻋﻼﻫﻦ
.. ﺍﻱ ﺍﺭﻳﺪﻫﺎ ﺍﻟﻴﻮﻡ ﻭﺑﺎﺟﺮ ﻭﻋﮕﺒﺔ ﻭﻻﻳﻤﻜﻦ ﺍﺗﺨﻠﻰ ﻋﻨﻬﺎ
ﺭﻋﺪ ... ﺍﻧﻪ ﻣﺎﺭﺩﺕ ﺍﺯﻭﺟﻬﺎ ﺍﻟﻚ ﻻﻥ ﺍﻛﺮﻫﻜﻢ
ﻭﺍﮔﻮﻟﻬﻪ ﺑﻮﺟﻬﻚ ﻣﺎﺧﺎﻳﻒ ﻣﻨﻚ
ﺑﺲ ﻳﺎﺣﻴﻒ ﺑﺘﻲ ﻭﮔﻔﺖ ﺑﻮﺟﻬﻲ .. ﻭﺗﻬﺪﺩﻧﻲ ﻟﻮ ﺍﻭﺍﻓﻖ ﻟﻮ ﺗﺎﺧﺬﻙ ﻏﺼﺐ ﻋﻨﻲ
ﺻﺎﺡ ﺑﺼﻮﺕ ﻋﺎﻟﻲ ... ﺗﻌﺮﺭﺭﺭﺭﻑ ﻳﻌﻨﻲ ﺷﻨﻮﻭﻭﻭ ﺑﺘﻲ ﺗﻬﺪﺩﺩﺩﻧﻲ
ﻛﻠﻪ ﺑﺴﺒﺒﺒﺒﺒﻚ ﻭﺍﻧﻪ ﻣﻮ ﻋﺎﺍﺍﺟﺰ ﻻ
ﺍﮔﺪﺭ ﺍﺫﺑﺤﻬﺎ ﻭﺍﺫﺑﺤﻚ ﺑﺲ ﺍﻟﻮﺍﺩﻡ ﺗﻠﻮﻣﻨﻲ ﻭﻛﻠﻬﺎ ﺭﺍﺡ ﺗﺘﻬﻤﻬﺎ ﺑﺸﺮﻓﻬﺎ ... ﻳﻌﻨﻲ ﺑﻜﻞ ﺍﻟﺤﺎﻻﺕ ﺭﺍﺡ ﻳﻨﺤﺠﻪ ﻋﻠﻴﻪ
ﻟﺰﻣﺘﻨﻲ ﻣﻦ ﺍﻷﻳﺪ ﺍﻟﺘﻮﺟﻌﻨﻲ ... ﺑﺲ ﻋﻔﻴﻪ ﮔﺪﺭﺕ ﺷﻠﻮﻥ ﺗﻨﺘﻘﻢ ﻣﻨﻲ
ﺷﺎﻫﻴﻦ ... ﻋﻨﻲ ﺍﻧﺘﻪ ﺷﺠﺎﻱ ﺗﺤﺠﻲ
ﻭﺍﻟﻠﻪ ﻣﺎﺍﻧﺘﻘﻢ ﻣﻨﻚ ﻋﻼﻫﻦ ﺍﺣﺒﻬﺎ ﻭﻣﺎ ... ﺭﻓﻊ ﺍﻳﺪﻩ ﺑﻮﺟﻬﻲ
...
ﺍﻟﻌﻨﺪﻱ ﮔﻠﺘﻪ ﻻﺗﻜﻤﻞ
ﺍﻟﺨﻤﻴﺲ ﺍﻟﺠﺎﻱ ﺗﺠﻲ ﺗﻌﻘﺪ ﻋﻠﻴﻬﺎ ﻭﺗﺎﺧﺬﻫﺎ ﻏﻴﺮ ﺍﻟﺨﻤﻴﺲ ﻣﺎﻟﻜﻢ ﻣﺮﺓ ﻳﻤﻲ ﻓﻬﻤﺘﺘﺘﺖ
ﺑﺲ ﺷﻮﻭﻭﻑ ﻫﺬﺍ ﺍﻟﺤﺠﻲ ﺧﻠﻴﻪ ﺗﺮﺟﻴﻪ ﺑﺄﺫﻧﻚ ﻭﺍﻧﻪ ﻛﻠﺘﻠﻬﺎ ﻫﻢ
ﺍﺫﺍ ﺍﺷﻮﻑ ﻋﻼﻫﻦ ﺑﺎﻟﺸﺎﺭﻉ ﻟﻮ ﺑﺄﻱ ﻣﻜﺎﻥ
ﺻﺪﮔﻨﻲ ﺳﺎﻋﺘﻬﺎ ﻛﺘﻠﻬﺎ ﺣﻼﻟﻲ
ﺷﺎﻫﻴﻦ ... ﻋﻤﻲ ﻟﻴﺶ ﺗﻘﺴﻰ ﻫﻴﺞ ﻋﻠﻰ ﻋﻼﻫﻦ ﺗﺮﺍ ﻣﺎﺳﻮﺕ ﺷﻲ ﻏﻠﻂ
ﺭﻋﺪ ... ﻫﻬﻪ ﻣﺎﺳﻮﺕ ﺷﻲ ﻏﻠﻂ؟
ﻟﻴﺶ ﺷﻨﻮ ﺍﻟﻐﻠﻂ ﺑﻌﺪ ﻭﻳﻦ ﺻﺎﻳﺮﺓ ﺑﺖ ﺗﺘﻮﺍﻋﺪ ﻭﺗﻮﮔﻒ ﺑﻮﺟﻬﻪ ﺍﺑﻮﻫﺎ ﺗﺘﺤﺪﺍ
ﻭﺍﻟﺴﺒﺐ ﻳﺎﻫﻮ ﺍﻧﺘﻪ .. ﺍﺣﻠﻔﻚ ﺑﻜﻞ ﻋﺰﻳﺰ ﻋﻨﺪﻙ ﻟﻮ ﺻﺎﻳﺮﺓ ﺑﻌﺮﺿﻚ ﺗﺮﺿﺎﻫﻪ بيج قصص عراقيه حقيقيه من واقعنا.روعه الطائي
ﺩﻧﮕﺖ ﻣﺎﺣﺠﻴﺖ ﺷﻲ
... ﻫﺎﺍ ﺷﻮ ﺩﻧﮕﺖ ﺻﻌﺒﻪ ﻣﻮ
ﺷﻔﺖ ﺷﻠﻮﻥ ﺍﻧﻪ ﻧﻜﺴﺮ ﮔﻠﺒﻲ ﻭﺣﻴﻠﻲ ﻣﺎﺕ
... ﻭﺩﺍﻋﺔ ﺍﺑﻮﻱ ﻋﻤﻲ ﻣﺎﺟﺎﻥ ﺑﻴﻨﻪ ﺑﺲ ﻧﻈﺮﺍﺕ ﻭﻣﺮﺗﻴﻦ ﺍﻭ ﺗﺜﻼﺛﻪ ﺣﺠﻴﻨﻪ ﻭﻣﻦ ﺑﻌﻴﺪ
... ﻻ ﺗﺰﻳﺪﻧﻲ ﻫﻢ ﻭﻗﻬﺮ ﺗﺮﺍ ﻣﺎﻧﺎﻗﺺ ﺍﻟﻌﻨﺪﻱ ﮔﻠﺘﻪ
ﻭﻣﺎﮔﻮﻟﻚ ﺍﻻ ﻋﺴﺎﻙ ﺗﻤﺮ ﺑﻜﺴﺮﺓ ﮔﻠﺐ ﻣﺜﻞ ﻣﺎﻛﺴﺮﺕ ﮔﻠﺒﻲ
ﻭﺍﻥ ﺷﺎﺀﺍﻟﻠﻪ ﺍﺳﻤﻊ ﺑﻴﻪ ﻭﺍﺗﺸﻤﺖ ﺑﻴﻚ
ﻋﺎﻓﻨﻲ ﻭﻃﻠﻊ .. ﺻﺪﮒ ﺑﺴﺎﻋﺘﻬﺎ ﺣﺴﻴﺖ ﺑﻮﺟﻊ ﮔﻠﺒﻪ
ﻭﺍﻧﻪ ﺍﻟﺴﺒﺐ .. ﺑﺲ ﻣﺎﺳﻮﻳﺖ ﺷﻲ ﻃﻠﺒﺘﻬﺎ ﺑﺎﻟﺤﻼﻝ
ﻭﻫﻮ ﺭﻓﺾ ﺷﺴﻮﻳﻠﻪ
ﻃﻠﻌﺖ ﻭﺍﻧﻪ ﺳﺎﻋﻪ ﺍﺿﺤﻚ ﻻﻥ ﺣﺒﻴﺒﺔ ﮔﻠﺒﻲ ﺭﺍﺡ ﺗﺼﻴﺮ ﺍﻟﻲ ﻭﺳﺎﻋﻪ ﺍﻧﻘﻬﺮ ﻋﻠﻰ ﺣﺎﻟﺔ ﺭﻋﺪ
ﺭﺟﻌﺖ ﻟﻠﺒﻴﺖ ﻭﺧﺒﺮﺕ ﺍﺑﻮﻱ ﺑﺎﻟﺼﺎﺭ
ﺍﻭﻝ ﻣﺮﺓ ﻋﺼﺐ ﻋﻠﻴﻪ ﺷﻠﻮﻥ ﺍﺭﻭﺡ ﺑﺪﻭﻥ ﻣﺎﮔﻠﺔ .. ﻭﺍﻣﻲ ﮔﺎﻣﺖ ﺗﺒﺠﻲ ﺷﻠﻮﻥ ﺗﺮﻭﺣﻠﻪ ﻟﻮ ﻣﺴﻮﻱ ﺑﻴﻚ ﺷﻲ
.. ﺑﻮﻳﻪ ﻫﺴﻪ ﺑﻌﺪ ﺍﺳﺒﻮﻉ ﮔﺪﺍﻣﻨﻪ ﻻﺯﻡ ﺗﻜﻤﻞ ﻛﻠﺸﻲ
ﺗﻨﻄﻲ ﺧﺒﺮ ﻟﻠﻨﺎﺱ ﺑﺲ ﻣﺎﭼﻦ ﺻﺎﻳﺮ ﺷﻲ
ﻣﺎﻧﺮﻳﺪ ﺍﺣﺪ ﻳﻌﺮﻑ
ﺧﻠﻴﻬﺎ ﺑﻴﻨﻪ .. ﺗﺮﺍ ﻣﻮ ﺣﻠﻮﺓ ﻻﺑﺤﮕﻪ ﻭﻻ ﺑﺤﮕﻨﻪ
ﻣﺮ ﺍﻷﺳﺒﻮﻉ ﺣﻈﺮﻧﻪ ﺍﻟﺬﺑﺎﻳﺢ ﻭﻋﺰﻣﻨﻪ ﺍﻟﻌﺸﻴﺮﺓ
ﺍﺑﻮﻱ ﻗﺮﺭ ﻳﺴﻮﻳﻪ ﻋﺮﺱ ﭼﺒﻴﺮ ﺍﻟﻜﻞ ﻳﺴﻮﻟﻒ ﺑﻴﻪ
ﻳﮕﻮﻝ ﻋﺮﺱ ﺍﻟﺸﻴﺦ
ﻻﺯﻡ ﺗﺴﻮﻟﻒ ﺍﻟﺒﻴﻪ ﺍﻟﻮﺍﺩﻡ ﻟﻮﻟﺪ ﺍﻟﻮﻟﺪ ﻣﺎﻧﺮﻳﺪ ﺑﻴﻪ ﻧﻘﺺ
... ﺍﺟﻪ ﻳﻮﻡ ﺍﻟﻌﺮﺱ ﻟﺒﺴﺖ ﺩﺷﺪﺍﺷﻪ ﻭﺷﻤﺎﻍ ﻭﺍﻟﻌﺒﺎﻳﻪ
ﺭﺣﻨﻪ ﻟﺒﻴﺖ ﺭﻋﺪ
ﺟﺎﻧﺖ ﻣﻼﻣﺤﻪ ﻣﺎﻳﮕﺼﻬﺎ ﺍﻟﺴﻴﻒ ... ﻣﻦ ﻋﺎﺩﺍﺗﻨﻪ
ﻧﻌﻘﺪ ﺑﺲ ﻋﻘﺪ ﺳﻴﺪ ﺍﻭﻝ ﻣﺮﺓ ﻭﺑﻨﻔﺲ ﻳﻮﻡ ﺍﻟﻌﺮﺱ
ﺍﺧﺬﻧﻪ ﺍﻟﺴﻴﺪ ﻋﻘﺪﻟﻨﻪ
ﻭﻃﻠﻌﺖ ... ﺑﻌﺪ ﺍﺗﻀﻞ ﺍﻟﺴﺎﻟﻔﻪ ﻳﻢ ﺍﻟﻨﺴﻮﺍﻥ ﻫﻨﻪ ﻳﺮﻭﺣﻠﻬﺎ ﻭﻳﺠﻴﺒﻨﻬﺎ ﻟﻠﺒﻴﺖ
ﺭﻋﺪ ﻣﺎﺣﻈﺮ ﺍﻟﻌﺮﺱ ﻭﻫﺬﺍ ﺷﻲ ﻃﺒﻴﻌﻲ ﻻﻥ ﻋﻴﺐ ﺍﻷﺑﻮ ﻳﺤﻈﺮ ﺑﻌﺮﺱ ﺑﻨﺘﻪ ﻻﺯﻡ ﻳﺠﻲ ﺛﺎﻧﻲ ﻭﻳﺒﺎﺭﻛﻠﻬﺎ
***************................
ﻋﻼﻫﻦ
ﻣﺎﺍﻧﻜﺮ ﺍﻟﺴﻮﻳﺘﻪ ﻏﻠﻂ ﻭﻣﺤﺪ ﻣﺴﻮﻳﺘﻪ
ﺑﺲ ﻫﺬﺍ ﻃﺒﻌﻲ ﻭﻫﻮ ﺍﻟﻌﻠﻤﻨﻲ ﺍﻋﻠﻰ ﻫﺬﺍ ﺍﻟﺸﻲ
ﺍﺫﺍ ﺟﺎﻧﺖ ﺑﻴﻨﻪ ﻭﺑﻴﻦ ﺳﻠﻤﺎﻥ ﻋﺪﺍﻭﺓ
ﺍﻧﻪ ﻭﺷﺎﻫﻴﻦ ﻣﺎﻟﻨﻪ ﺫﻧﺐ ﻭﺍﺣﺪ ﺣﺐ ﺍﻟﺜﺎﻧﻲ ﻭﻫﻮ ﻃﻠﺒﻨﻲ ﺑﺎﻟﺤﻼﻝ
ﻣﻦ ﻳﻮﻡ ﺍﻟﻲ ﺿﺮﺑﻨﻲ ﺑﻴﻪ ﺍﺑﻮﻱ ﻭﻷﻭﻝ ﻣﺮﺓ ﺑﺤﻴﺎﺗﻲ ﺍﺣﺲ ﺑﻜﺴﺮﺓ ﮔﻠﺐ
ﺟﻨﺖ ﻟﻴﻠﻴﻪ ﺍﺑﻠﻞ ﻣﺨﺪﺗﻲ ﺑﺪﻣﻮﻋﻲ .. ﻣﻦ ﺍﺷﻮﻑ ﺍﺑﻮﻱ ﻣﺎﻳﻄﺐ ﻟﻠﺒﻴﺖ ﻣﻦ ﺍﺳﻤﻊ ﺍﻣﻲ ﺗﮕﻠﻪ ﻃﺐ ﻟﻠﻐﺮﻓﻪ
.. ﻳﮕﻠﻬﺎ ﻣﺎﺩﺍﻡ ﻫﺎﻱ ﺍﻟﻮﻛﺤﻪ ﺑﺎﻟﻐﺮﻓﻪ ﻣﺎﻃﺒﻠﻬﺎ
ﻭﺑﻌﺪ ﻣﺎﻋﻘﺪﺕ ﺩﻣﻮﻋﻲ ﺗﻨﺰﻝ ﺍﺣﺲ ﺧﺴﺮﺕ ﺍﻫﻠﻲ ﻭﺑﻌﺪ ﻣﺎﺷﻮﻓﻬﻢ ﺍﺟﻦ ﺍﻡ ﺷﺎﻫﻴﻦ ﻭﻋﻤﺘﻪ ﻳﺎﺧﺬﻧﻲ
ﺻﺮﺕ ﺍﻭﺩﻉ ﻛﻞ ﺭﻛﻦ ﺑﺎﻟﺒﻴﺖ ﻛﻞ ﻣﻜﺎﻥ ﺍﻟﻲ ﺑﻴﻪ ﺫﻛﺮﻯ
ﻭﻛﻞ ﻣﻜﺎﻥ ﻳﺸﻬﺪﻟﻲ ﺑﺤﺰﻧﻲ ﻭﺑﻔﺮﺣﻲبيج قصص عراقيه حقيقيه من واقعنا.روعه الطائي
ﺍﺑﺎﻭﻉ ﻷﻣﻲ ﺍﺩﻣﻮﻋﻬﺎ ﺗﻨﺰﻝ ﺣﻈﻨﺘﻬﺎ ﻭﺍﺑﺠﻲ .. ﺣﻈﻨﺘﻨﻲ ﺣﻴﻞ ﻭﺗﮕﻠﻲ
ﺑﻌﺪ ﻣﺎﺍﺷﻮﻓﺞ ﺧﻠﻴﻨﻲ ﺍﺷﺒﻊ ﻣﻨﺞ ﺷﻮﻑ ﻳﻤﻪ ﻻﺗﺮﻭﺣﻴﻦ
ﺷﺴﻮﻳﺘﻲ ﺑﺮﻭﺣﺞ ﻭﺷﺴﻮﻳﺘﻲ ﺑﻴﻨﻪ
ﺍﺑﺎﻭﻉ ﻟﺨﻮﺍﻧﻲ ﺍﺭﻛﺎﻥ ﻭﺿﺤﻰ ﺗﻮﻡ ﻋﻤﺮﻫﻢ 10 ﺳﻨﻮﺍﺕ ﻳﺒﺎﻭﻋﻮﻟﻲ ﻭﻳﺒﺠﻮﻥ ﻣﺎﻳﺪﺭﻭﻥ ﺷﻨﻮ ﺍﻟﺴﺎﻟﻔﻪ
ﻳﺒﺠﻮﻥ ﻋﻠﻰ ﺑﺠﻴﻨﻪ
ﺩﺧﻠﺖ ﻷﺑﻮﻱ ﻟﻠﺪﻳﻮﺍﻧﻴﻪ ﺟﺎﻥ ﮔﺎﻋﺪ ﻭﻣﻼﻣﺤﻬﺎ ﻣﺒﻴﻦ ﻋﻠﻴﻬﺎ ﺍﻟﻐﻀﺐ ﻭﺍﻟﺤﺰﻥ ﻭﮔﻔﺖ ﮔﺒﺎﻟﻪ ﻭﺩﻧﮕﺖ ﺟﻮﺓ ﺭﺟﻠﻴﻪ ﻭﺍﺑﺠﻲ .. ﺑﻮﻳﻪ ﺓﺓ
ﺩﻓﻌﻨﻲ ﻭﮔﺎﻝ .. ﻃﻠﻌﻲ ﺑﺮﺍ ﺑﻴﺘﻲ ﺍﻧﺘﻲ ﻣﻮ ﺑﺘﻲ ﻭﻻ ﺍﻋﺮﻓﺞ
ﺗﺒﺮﻳﺖ ﻣﻨﺞ ﻣﻦ ﺳﺎﻋﺔ ﺍﻟﺮﻓﻌﺘﻲ ﺻﻮﺗﺞ ﺑﻮﺟﻬﻲ
ﻣﻦ ﺳﺎﻋﺔ ﺍﻟﻤﺸﻴﺘﻲ ﻛﻠﻤﺘﺞ ﻋﻠﻴﻪ
ﻣﻦ ﺳﺎﻋﺔ ﺍﻟﺒﻌﺘﻴﻨﻲ ﻭﺷﺘﺮﻳﺘﻴﻬﻢ ... ﺭﻭﺣﻴﻠﻪ ﺧﻠﻲ ﻳﻔﻴﺪﺝ ﺍﻟﻤﻦ ﺟﺎﻳﺘﻨﻲ ﺑﻌﺪ
ﺍﻧﺴﻲ ﻋﻨﺪﺝ ﺍﺑﻮ ﺍﺳﻤﻪ ﺭﻋﺪ
ﺍﻓﺘﻬﻤﺘﻲ ﻭﻻﻳﻮﻡ ﺗﻔﻜﺮﻳﻦ ﺗﺠﻴﻨﻲ ﻭﺣﺘﻪ ﮔﺒﺮﻱ ﻣﺎﺭﻳﺪﺝ ﺗﻮﮔﻔﻴﻦ ﺍﻋﻠﻴﻪ
ﻣﺴﺤﺖ ﺍﺩﻣﻮﻋﻲ ﻭﻃﻠﻌﺖ ﺍﺧﺬﻧﻲ
ﻟﺒﻴﺘﻬﻢ ﺍﺣﺲ ﻋﻴﻮﻧﻲ ﻣﻐﻮﺷﻪ ﻣﻦ ﺍﻟﺪﻣﻮﻉ ﻣﺎﺷﻔﺖ ﻭﻻﺭﻛﺰﺕ ﺷﻨﻮ ﺑﻴﺘﻬﻢ
ﺟﺎﻥ ﺩﻧﻴﺎ ﺍﻟﻀﻬﺮ .. ﮔﻌﺪﻧﻲ ﺑﺎﻟﻐﺮﻓﻪ ﻭﻟﺒﺴﻨﻲ ﺍﻟﻔﺴﺘﺎﻥ ﺍﻷﺑﻴﺾ ﺍﺑﻮ ﺍﻟﺒﻠﻚ
ﻭﺟﺎﺑﻦ ﻭﺣﺪﻩ ﺗﺨﻠﻴﻠﻲ ﻣﻜﻴﺎﺝ ﺍﻭﻝ ﻣﺎﺳﻮﺗﻠﻲ ﺷﻌﺮﻱ
ﻭﺑﺪﺕ ﺗﻌﺪﻝ ﺑﻮﺟﻬﻲ
ﻭﺩﻣﻮﻋﻲ ﺗﻨﺰﻝ ﺳﻜﺘﻪ ﺣﺴﻴﺖ ﺑﻀﻌﻒ ﺍﺭﻳﺪ ﺑﺲ ﺍﺣﺪ ﻳﮕﻠﻲ ﺷﺒﻴﺞ ﻭﺍﺷﻜﻴﻠﻪ ﻫﻤﻲ ... ﻭﺍﻟﻠﻪ ﺗﻨﺪﻣﺖ ﺑﻮﻳﻪ ﻣﺎﺭﻳﺪ ﺍﺣﺪ ﺍﺭﻳﺪ ﺑﺲ ﺭﺿﺎﻙ
ﺑﺲ ﻣﺎﻳﻨﻔﻊ ﺍﻟﻨﺪﻡ ﻭﻋﻴﺖ ﻋﻠﻰ ﺻﻮﺕ ﺍﻟﻤﺮﻩ ... ﻛﺎﺍﺍﻓﻲ ﻳﻤﻪ ﻻﺗﺒﺠﻴﻦ ﺍﻟﻜﺤﻠﻪ ﺳﺎﺣﺖ ﻣﻦ ﻋﻴﻨﺞ
ﺍﺩﺭﻱ ﺍﻟﻴﻮﻡ ﻧﻀﻞ ﻟﻠﺼﺒﺢ
ﺑﻄﻠﻲ ﺩﻣﻮﻭﻉ ﺧﻠﻴﻨﻲ ﺍﺷﻮﻑ ﺷﻐﻠﻲ
ﺑﻌﺪﻫﺎ ﺩﺧﻠﻨﻲ ﻟﻠﺼﺎﻟﻪ ﺟﺎﻧﺖ ﺟﺒﻴﺮﺓ ﻛﻠﺶ ﺣﻄﻮﻟﻲ ﻛﺮﺳﻲ ﺑﺎﻟﻨﺺ ﻭﻣﺨﻠﻴﻦ ﻋﻠﻴﻪ ﻭﺻﻠﻪ ﺑﻴﻀﻪ
ﮔﻌﺪﺕ ﺍﺑﺎﻭﻋﻠﻬﻦ ﻛﻠﻬﻦ ﻏﺮﺏ ﻳﺪﮔﻦ ﻭﻳﺮﮔﺼﻦ
ﻭﺍﻧﻪ ﻓﺎﺻﻠﻪ ﺑﻐﻴﺮ ﻋﺎﻟﻢ ﻣﺮﺍﺡ ﺍﻧﺴﻪ ﻛﻠﻤﺎﺕ ﺍﻣﻲ ﺗﺮﻥ ﺑﺄﺫﻧﻲ ﻭﻫﻴﻪ ﺗﮕﻠﻲ ﻭﺩﻣﻮﻋﻬﺎ ﺗﺼﺐ
.. ﺟﻨﺖ ﺍﺗﻤﻨﻰ ﻋﺮﺳﺞ ﻣﻮ ﻫﺠﻲ
ﺍﻧﻪ ﺣﺎﺿﺮﺓ ﺑﻴﻪ ﻭﺍﻓﺮﺡ ﻣﺜﻞ ﻛﻞ ﺍﻡ ﺗﻔﺮﺡ ﺏ ﺑﺘﻬﺎ ﻭﺗﺨﺎﻑ ﻋﻠﻴﻬﺎ ﺑﻬﺬﺍ ﺍﻟﻴﻮﻡ
ﻭﻳﻨﺞ ﻳﻤﻪ ﻣﺤﺘﺎﺟﺘﺞ ﺗﻌﺎﻟﻲ
ﻟﻮ ﺍﺑﻮﻱ ﺍﻟﻌﻴﻮﻧﻪ ﻣﻠﻴﺎﻧﻪ ﺩﻣﻮﻉ ﺑﺲ ﻳﻜﺎﺑﺮ
ﻳﺎﺭﺑﻲ ﺳﺎﻣﺤﻨﻲ ﻋﻠﻰ ﺍﻟﺴﻮﻳﺘﻪ ﺑﺄﺑﻮﻱ ﻭﻻ ﺗﻌﺬﺑﻨﻲ
.. ﻣﺎﺣﺲ ﺍﻻ ﺍﻡ ﺷﺎﻫﻴﻦ ﻟﻜﺰﺗﻨﻲ ﻭﺷﺎﻭﺭﺗﻨﻲ .. ﻛﺎﻓﻲ ﺩﻣﻮﻉ ﻳﻤﻪ ﻓﺸﻠﺘﻴﻨﻪ ﺟﺪﺍﻡ ﺍﻟﻮﺍﺩﻡ ﺟﻨﺞ ﻣﻐﺼﻮﺑﻪ
ﺷﺒﻴﺞ
ﻣﺴﺤﺖ ﺍﺩﻣﻮﻋﻲ .. ﺍﻭﻭﻑ ﻳﺎﺭﻳﺖ ﻟﻮ ﻣﻐﺼﻮﺑﻪ ﺟﺎﻥ ﺍﻫﻮﻥ ﻭﻧﺎﺭ ﮔﻠﺒﻲ ﺍﺭﺣﻢ
ﻣﺎﻛﻮ ﺳﺎﻋﺎﺕ ﻭﮔﺎﻟﻮ ﺭﺍﺡ ﻳﺰﻓﻮﻥ ﺍﻟﺸﻴﺦ
ﺧﻠﻦ ﺍﻟﻄﺮﺣﻪ ﻋﻠﻰ ﻭﺟﻬﻲ ﻭﺻﻌﺪﻧﻲ ﻟﻠﻐﺮﻓﻪ ﻭﺳﺪﻥ ﺍﻟﺒﺎﺏ
ﺳﻤﻌﺖ ﻫﻼﻫﻞ ﻭﺻﻮﺕ ﺭﻣﻲ ﺑﺮﺭﻩ
ﺷﺎﻫﻴﻦ ..
ﺍﻟﻌﺮﺱ ﺟﺎﻥ ﺟﺒﻴﺮ ﻛﻠﺶ ﻭﺍﺑﻮﻱ ﻣﻌﺮﻭﻑ
ﺍﻟﻨﺎﺱ ﻧﮕﻠﺒﺖ ﻋﻠﻴﻨﻪ ﻛﻠﻬﺎ
ﻭﺭﺑﻌﻲ ﻳﻬﻮﺳﻮﻥ ﻭﻓﺮﺣﺎﻧﻴﻦ ﺍﻻ ﻫﻤﺎﻡ ﺍﻟﻲ ﺟﺎﻥ ﺿﺎﻳﺞ ﻭﻭﺍﻛﻒ ﻋﻠﻰ ﺻﻔﺤﻪ ﻭﻻ ﺷﺎﺭﻛﻨﻲ ﺑﺸﻲ .. ﻳﺤﺴﺴﻨﻲ ﺑﺎﻟﺨﻮﺓ
ﻟﻠﻤﻐﺮﺏ .. ﺍﺟﻪ ﺍﺑﻮﻱ ﻭﻟﺰﻡ ﺍﻳﺪﻱ ﺯﻓﻨﻲ ﻟﻐﺮﻓﺘﻲ ﻟﻠﺒﺎﺏ ﻭﺭﺟﻊ
ﺩﺧﻠﺖ ﺷﻔﺖ ﻋﻼﻫﻦ ﮔﺎﻋﺪﺓ
ﻭﻣﺘﻐﻄﻴﻪ ﺑﺎﻟﻄﺮﺣﻪ .. ﺭﻓﻌﺘﻬﺎ ﻋﻦ ﻭﺟﻬﺎ ﻭﺑﺴﺘﻬﺎ ﺑﮕﺼﺘﻬﺎ
ﮔﻌﺪﺕ ﻳﻤﻬﺎ .. ﺍﻟﻒ ﻣﺒﺮﻭﻭﻙ
.. ﺍﻟﻠﻪ ﻳﺒﺎﺭﻙ ﺑﻴﻚ .. ﺣﺠﺘﻬﺎ ﺑﺼﻮﺕ ﻣﺨﻨﻮﮒ
ﻋﺮﻓﺘﻬﺎ ﺿﺎﻳﺠﻪ .. ﺧﻠﻴﺖ ﺍﻳﺪﻱ ﻋﻠﻰ ﺣﻨﻜﻬﺎ ﻭﺭﻓﻌﺖ ﺭﺍﺳﻬﺎ
.. ﺭﻭﺣﻲ ﺷﺒﻴﺞ
ﺍﻧﻪ ﺣﺠﻴﺖ ﻫﻴﺞ ﻭﻫﻴﻪ ﺧﻠﻴﺖ ﺍﻳﺪﻳﻬﺎ ﻋﻠﻰ ﻭﺟﻬﻪ ﻭﺑﻘﺖ ﺗﺒﺠﻲ
ﺍﻧﻮﺏ ﺍﻫﺪﻱ ﺑﻴﻬﺎ ﻭﻣﺎﻛﻮ .. ﭼﻨﻬﺎ ﻣﻨﺘﻈﺮﺓ ﻭﺍﺣﺪ ﻳﺴﺄﻟﻬﺎ ﺷﺒﻴﺞ ﻣﺜﻞ ﺍﻟﻄﻔﻠﻪ
ﮔﺎﻟﺖ ﺑﺼﻮﺕ ﻣﺘﻘﻄﻊ ... ﺍﻫﻠﻲ ﺷﺎﻫﻴﻦ ﺗﺒﺮﻭ ﻣﻨﻲ
ﺧﺴﺮﺗﻬﻢ ﺑﻌﺪ
ﺑﻌﺪﺕ ﺍﻳﺪﻳﻬﺎ ﻋﻦ ﻭﺟﻬﺎ ﻭﺿﻤﻴﺘﻬﺎ ﻟﺼﺪﺭﻱ .. ﺍﺩﺭﻱ ﻫﺬﺍ ﻛﻠﻪ ﻣﻨﻲ
ﻭﻓﺎﻫﻢ ﺍﻟﺠﺎﻱ ﺗﺤﺴﻴﻦ ﺑﻴﻪ .. ﺷﻨﺴﻮﻱ ﻫﺬﺍ ﻗﺪﺭﻧﺎ
ﻻﺯﻡ ﻧﻨﺠﻤﻊ ﺑﻬﺎﻱ ﺍﻟﻄﺮﻳﻘﻪ
ﻭﺧﺮﺕ ﺭﺍﺳﻬﺎ ﻭﺻﺎﺭﺕ ﻋﻴﻮﻧﻬﺎ ﺑﻌﻴﻮﻧﻲ .. ﻋﻼﻫﻦ
ﺍﻧﺘﻲ ﻣﺘﻨﺪﻣﻪ ﻻﻥ ﺿﺤﻴﺘﻲ ﻋﻠﻤﻮﺩﻱ
ﻣﺘﻨﺪﻣﻪ ﻻﻥ ﺍﺯﻭﺟﺘﻴﻨﻲ
ﻋﻼﻫﻦ .. ﻣﺎﻣﺘﻨﺪﻣﻪ ﻻﻥ ﺍﺯﻭﺟﺘﻚ ﺑﺲ ﻣﺘﻨﺪﻣﻪ ﻻﻥ ﺧﺴﺮﺕ ﺍﺑﻮﻱ ﻟﻸﺑﺪ
ﻳﻤﻜﻦ ﺍﻟﻜﻞ ﺑﺎﻟﺒﻴﺖ ﺭﺍﺡ ﻳﻠﻮﻣﻮﻧﻲ
ﭼﻴﻒ ﻋﺎﺭﺿﺖ ﺍﻫﻠﻲ ﻭﻭﮔﻔﺖ ﺑﻮﺟﻪ ﺍﺑﻮﻱ ﻭﺍﺧﺬﺗﻚ
ﺑﺲ ﺍﻋﺮﻑ ﻧﻴﻪ ﺍﺑﻮﻱ ﻳﺮﻳﺪ ﻳﺰﻭﺟﻨﻲ ﻟﻮﺍﺣﺪ ﻳﻌﺮﻓﻪ ﺟﺒﻴﺮ ﺑﮕﺪﺓ
ﻭﺍﻧﻪ ﻣﺎﺍﺣﺐ ﺍﻧﺠﺒﺮ ﻋﻠﻰ ﺷﻲ ﻣﺎﺭﻳﺪﺓبيج قصص عراقيه حقيقيه من واقعنا.روعه الطائي
ﺭﺟﻌﺖ ﺣﻈﻨﺘﻬﺎ ... ﻻﺗﺒﺠﻴﻦ ﻳﺎﺭﻭﺡ ﺷﺎﻫﻴﻦ
ﺍﻧﻪ ﺭﺍﺡ ﺍﻛﻮﻧﻠﺞ ﺍﻟﺰﻭﺝ ﻭﺍﻷﺏ ﻭﺍﻻﺥ ﻭﻛﻞ ﺍﻫﻠﺞ ﻣﺎﺭﺍﺡ ﺍﺧﻠﻴﺞ ﺗﺤﺘﺎﺟﻴﻦ ﺍﺣﺪ ﻭﺍﻧﻪ ﻣﻮﺟﻮﺩ
ﺍﺧﻠﻴﺞ ﻣﻠﻜﻪ
ﺍﺑﺘﺴﻤﺖ .. ﺍﻳﻲ ﺧﻠﻴﻨﻲ ﺍﺷﻮﻑ ﻫﺎﻱ ﺍﻟﻀﺤﻜﻪ ﻣﻦ ﺍﺭﻭﺡ ﻓﺪﻭﺓ ﻟﻬﺎﻟﻀﺤﻜﻪ ﺍﻧﻪ ﻭﻋﺸﻴﺮﺗﻲ
ﻭﺑﻌﺪﻫﺎ ﺍﻧﺘﻘﻠﻨﻪ ﺍﻟﻌﺎﻟﻤﻨﻪ ﺍﻟﺨﺎﺹ ﺑﻴﻪ ﺍﻧﻪ ﻭﻫﻴﻪ ﻭﺣﺒﻨﻪ ﺑﺲ
ﻭﺷﻤﺮﻧﻪ ﻫﻤﻮﻣﻨﺎ ﻭﺭﻩ ﺿﻬﺮﻧﺎ
ﻣﺮﺕ ﺳﻨﺘﻴﻦ ﻋﻠﻰ ﺯﻭﺍﺟﻨﻪ ﻭﺑﻬﺎﻱ ﺍﻟﻔﺘﺮﺓ
ﺟﺎﻧﺖ ﻋﻼﻫﻦ ﻣﻠﻜﻪ ﻣﻮ ﭼﻨﻪ ﺍﻟﻜﻞ ﻳﺤﺘﺮﻣﻬﺎ ﻭﻳﻘﺪﺭﻫﺎ ﻭﺍﻟﺸﻲ ﺍﻟﺘﺮﻳﺪﺓ ﻳﻮﺻﻠﻬﺎ ﻟﻌﻨﺪﻫﺎ
ﺑﺲ ﺑﻬﺎﻱ ﺍﻟﻔﺘﺮﺓ
ﺍﺑﺪ ﻣﺎﻃﻠﻌﺖ ﻣﻦ ﺍﻟﺒﻴﺖ ﻭﻟﻮ ﻃﻠﻌﺖ ﺣﺪﻫﺎ ﻟﻠﺤﺪﻳﻘﻪ
ﻭﺟﻬﻪ ﺟﺎﻥ ﻣﺼﻮﻓﺮ ﺑﺪﺕ ﺷﻮﻳﻪ ﺷﻮﻳﻪ ﺗﺬﺑﻞ ﻭﺗﺘﻐﻴﺮ
ﻋﻴﻮﻧﻬﺎ ﺻﺎﺭﻥ ﻏﺎﻳﺮﺍﺕ ﻭﺷﺎﺣﺒﺎﺕ
ﺗﻐﻴﺮﺕ ﺣﻴﻞ ﺟﻨﺖ ﺍﻛﻮﻝ ﻳﺠﻮﺯ ﺑﺴﺒﺐ ﺍﻟﺼﺎﺭ ﺑﻴﻬﺎ ﻭﻓﺮﮔﺔ ﺍﻫﻠﻬﺎ
.......................................
ﻃﻴﺒﺔ
ﻣﻦ ﺟﻨﺖ ﺑﺎﻟﻤﺪﺭﺳﺔ ﺩﺍﺋﻤﺎ ﺍﺷﻮﻑ ﻓﺎﺿﻞ ﻭﺍﻛﻒ ﻳﻢ ﺍﻟﻤﺪﺭﺳﻪ
ﻭﻣﺮﺍﺕ ﺍﺷﻮﻓﻪ ﺑﺎﻟﺒﺴﺘﺎﻥ
ﻣﺮﺓ ﺍﺟﻪ ﻭﮔﺎﻟﻲ ﺍﻧﻪ ﺍﺣﺒﺞ
ﺍﻭﻝ ﻣﺮﺓ ﺧﻔﺖ ﻭﺑﻘﻴﺖ ﻣﺎﺍﻃﻠﻊ ﻣﻦ ﺍﻟﺒﻴﺖ
ﻭﻣﻦ ﺑﻄﻠﻨﻲ ﺍﺑﻮﻱ ﻣﻦ ﺍﻟﻤﺪﺭﺳﻪ ﺻﺢ ﺍﺣﺒﻬﺎ ﻭﺷﺎﻃﺮﺓ ﺍﻧﻪ ﺑﺲ ﻣﻦ ﺧﻮﻓﻲ ﻣﻦ ﺷﺎﻫﻴﻦ ﻋﻔﺖ ﺳﺎﻟﻔﺔ ﺍﻟﻤﺪﺭﺳﻪ
ﺍﻛﺜﺮ ﻣﻦ ﻣﺮﺓ ﺍﺷﻮﻓﻪ ﺑﺎﻟﺒﺴﺘﺎﻥ ﻭﺟﺎﻥ ﻳﺤﺎﺟﻴﻨﻲ
ﺗﻘﺮﻳﺒﺎ ﻫﻮ ﺍﻛﺒﺮ ﻣﻨﻲ ﺑﺴﻨﻪ
ﺗﺠﺮﺍﺕ ﺷﻮﻳﻪ ﻭﺑﺪﻳﺖ ﺍﺣﺠﻲ ﻭﻳﺎ ﺑﺲ ﻣﻦ ﺑﻌﻴﺪ
ﺣﺒﻨﻪ ﺟﺎﻥ ﺣﺐ ﻣﺮﺍﻫﻘﻪ ﺍﻧﻪ ﺻﻐﻴﺮﺓ ﻭﻫﻮ ﻫﻢ ﺻﻐﻴﺮ
ﻭﻳﻤﻜﻦ ﻻﻥ ﺍﻭﻝ ﺣﺐ ﺑﺤﻴﺎﺗﻲ
ﻣﺎﻋﺮﻑ ﺑﺲ ﻣﺸﺎﻋﺮﻱ ﺟﺎﻧﺖ ﻣﺨﺮﺑﻄﻪ ﺑﻴﻦ ﺍﻱ ﻭﺑﻴﻦ ﻻ
ﻣﺮﺕ ﺳﻨﺘﻴﻦ ﻋﻠﻰ ﺯﻭﺍﺝ ﺷﺎﻫﻴﻦ
ﺍﺳﺘﻐﻠﻴﺖ ﻓﺮﺻﺔ ﺍﻧﺸﻐﺎﻟﻪ ﺏ ﻋﻼﻫﻦ ﻭﺣﺰﻧﻬﺎ ﻋﻠﻰ ﺍﻫﻠﻬﺎ
ﺑﺪﻳﺖ ﺍﻃﻠﻊ ﻛﻞ ﻓﺘﺮﺓ ﻭﺍﻟﺘﻘﻲ ﺑﻴﻪ ﺑﺎﻟﺒﺴﺘﺎﻥ
ﻑ ﻣﺮﺓ ﺟﺎﻧﺖ ﻋﻼﻫﻦ ﻣﺮﻳﻀﻪ ﻭﺷﺎﻫﻴﻦ ﻋﺪﻫﺎ ﺑﺎﻟﻐﺮﻓﺔ
ﻟﺒﺴﺖ ﻋﺒﺎﺗﻲ ﻭﻃﻠﻌﺖ ﺑﺪﻭﻥ ﻣﺤﺪ ﻳﺤﺲ ﻋﻠﻴﻪ ... ﺍﺟﺎﻧﻲ ﺻﻮﺕ ﺍﻣﻲ
.. ﻭﻳﻦ ﺭﺍﻳﺤﻪ ﺓ ﻭﻟﺞ
ﻃﻴﺒﻪ .. ﺑﻠﻌﺖ ﺭﻳﮕﻲ ﻭﺍﻟﺘﻔﺘﺖ ﻋﻠﻴﻬﺎ .. ﻳﻤﻪ ﺭﺍﻳﺤﻪ ﻳﻢ ﺍﻟﺒﻨﺎﺕ ﺑﺎﻟﺒﺴﺘﺎﻥ
ﺑﺴﻌﺎﺩ .. ﻭﻟﺞ ﻃﻮﻳﺒﻪ ﺍﻧﻪ ﻣﺎﻣﺮﺗﺎﺣﺘﻠﺞ ﺷﻮ ﻃﻠﻌﺎﺗﺞ ﻟﻠﺒﺴﺘﺎﻥ ﻛﺜﺮﺍﻧﻪ ﺷﻌﻨﺪﺝ
ﻃﻴﺒﻪ ... ﺍﻫﻮﻭﻭ ﺑﺪﺕ ﺍﻣﻲ ﺗﺸﻚ ﻳﻤﻪ ﻣﺎﻋﻨﺪﻱ ﺷﻲ ﺿﺎﻳﺠﻪ ﻭﻃﺎﻟﻌﻪ ﺭﻭﺣﻲ
ﻭﺍﺭﻭﺡ ﻳﻢ ﺍﻟﺒﻨﺎﺕ ﺍﺗﻮﻧﺲ ﺷﻮﻳﻪ ﻭﺍﺭﺟﻊ ﺷﺼﺎﺭ
ﺷﻮ ﺍﻧﺘﻲ ﻣﻠﺘﻬﻴﻪ ﺑﺎﻟﺒﻴﺖ ﻭﺍﻟﻤﻄﺒﺦ ﻣﺎﻣﻜﻔﻴﺘﺞ ﺍﻟﺨﺪﺍﻣﻪ
ﻭﺷﺎﻫﻴﻦ ﺣﺎﻳﺮ ﺑﻤﺮﺗﻪ
ﻭﺍﺩﻫﻢ ﺏ ﺑﻐﺪﺍﺩ .. ﻭﺍﻧﻪ ﺗﺎﻳﻬﻪ ﺑﺎﻟﻨﺺ
ﺑﺴﻌﺎﺩ .. ﺩﻳﻼ ﺍﻛﻠﺘﻴﻨﻲ ﺑﻠﺴﺎﻧﺞ ﻣﺎﻳﻨﻠﺤﮓ ﻋﻠﻴﻪ ﻛﻮﻥ ﻧﺎﺩﺭﺓ ﻫﻴﺞ ﻣﺜﻞ ﺍﻟﺴﺎﻧﺞ ﺟﺎ ﺧﻮﺵ
ﺭﻭﺣﻲ ﻟﻐﺮﻓﺔ ﺷﺎﻫﻴﻦ ﻧﺎﺩﻱ ﺍﻟﻲ
.. ﻭﺍﻧﻪ ﺍﺭﻭﺡ ﻟﻮ ﻻ
.. ﻧﺎﺩﻱ ﺍﺧﻮﺝ ﻭﻧﺠﻠﻌﻲ ﺑﺲ ﻻ ﺗﺒﻄﻴﻦ
ﺻﻌﺪﺕ ﻟﻐﺮﻓﺔ ﺷﺎﻫﻴﻦ .. ﮔﺘﻠﻪ ﺍﻣﻲ ﺗﺼﻴﺤﻚ .. ﮔﺎﻝ ﺷﻮﻳﻪ ﻭﺍﺟﻲ ﻭﺭﺍﺝ
ﻧﺰﻟﺖ ﺑﺴﺮﻋﻪ ﺑﺲ ﺍﺭﻳﺪ ﺍﺭﻭﺡ ﺍﺗﺄﺧﺮﺕ ﻋﻠﻰ ﻓﺎﺿﻞ
ﺍﻣﺸﻲ ﻭﺍﺗﻠﻔﺖ ﺧﺎﻑ ﻭﺍﺣﺪ ﻳﺸﻮﻓﻨﻲ
ﺍﺣﻨﻪ ﻣﺘﻔﻘﻴﻦ ﻋﻠﻰ ﻣﻜﺎﻥ ﻣﺤﺪ ﻳﻨﺘﺒﻪ ﻋﻠﻴﻪ
.. ﻫﻼ ﻓﺎﺿﻞ ﺗﺄﺧﺮﺕ ﻋﻠﻴﻚ ﺍﺩﺭﻱ
ﻓﺎﺿﻞ .. ﻫﻼ ﺑﻄﻴﻮﺑﻪ ﻻ ﻋﺎﺩﻱ ﻣﺴﺘﻌﺪ ﺍﻧﺘﻈﺮﺝ ﺍﻟﻌﻤﺮ ﻛﻠﻪ
ﮔﻌﺪﺕ ﻳﻤﻪ .. ﻓﺎﺿﻞ ﺷﻠﻮﻥ ﺑﻮﺿﻌﻨﻪ
ﻓﺎﺿﻞ .. ﺷﻨﻮ ﺷﻠﻮﻥ
ﺍﺟﻲ ﻭﺍﺧﻄﺒﺞ ﺣﺎﻟﻲ ﺣﺎﻝ ﺍﻟﻌﺎﻟﻢ
ﻃﻴﺒﺔ .. ﺷﻨﻮ ﺗﺨﺒﻠﺖ
.. ﻟﻴﺶ ﺗﺨﺒﻠﺖ ﺣﺠﻴﺖ ﺷﻲ ﻣﻮﺯﻳﻦ
.. ﻻ
ﺑﺲ ﻛﻞ ﻭﻋﻘﻠﻚ ﺗﺮﻳﺪ ﺗﺨﻄﺒﻨﻲ
.. ﻟﻴﺶ
ﻃﻴﺒﻪ .. ﺍﺍ ﻻﻥ
ﻓﺎﺿﻞ .. ﻻﺗﻜﻤﻠﻴﻦ ﻗﺼﺪﺝ ﭼﻴﻒ ﺍﻧﻪ ﻓﻘﻴﺮ ﻭﺍﻧﺘﻲ ﺑﺖ ﺷﻴﻮﺥ
ﻭﺍﺫﺍ ﺍﺧﻄﺒﺞ ﻣﺎﻳﻨﻄﻮﻧﺞ
ﻃﻴﺒﺔ .. ﺗﺪﻧﮓ .. ﻭﺗﺎﺧﺬ ﻧﻔﺲ .. ﺍﻱ
ﻓﺎﺿﻞ .. ﺍﺟﻴﺐ ﺷﻴﻮﺥ ﻭﻧﺎﺱ ﺍﻟﻬﻪ ﻛﻠﻤﺔ ﻭﺍﻛﻴﺪ ﻣﺎﺭﺍﺡ ﻳﺮﺩﻧﻲ
.. ﺍﻧﺘﻲ ﺗﺪﺭﻱ ﻣﻦ ﺗﺨﻄﺒﻨﻲ ﺗﺼﻴﺮ ﻣﺸﻜﻠﻪ
ﺭﺍﺡ ﻳﻜﻠﻮﻟﻲ ﺷﻠﻮﻥ ﻳﻌﺮﻓﺞ ﻭﻳﻦ ﺷﺎﻳﻔﺞ
.. ﻋﺎﺩﻱ ﻣﺎﺻﺎﻳﺮﺓ ﺷﻨﻮ ﺍﻟﻌﻨﺪﻩ ﺑﺖ ﺗﻨﺨﻄﺐ
.. ﺍﻱ ﺻﺪﻙ ﺑﺲ ﻫﺬﺍ ﺍﻟﺤﺠﻲ ﻟﻠﻨﺎﺱ ﺍﻟﻌﺎﺩﻳﻦ
ﻣﻮ ﺷﻴﻮﺥ .. ﻭﺍﻟﻲ ﻳﺨﻄﺐ ﺍﺑﻦ ﺍﻟﻔﻼﺡ ﺍﻟﻌﺪﻧﻪ ﺻﻌﺒﻪ ﻓﺎﺿﻞ ﺻﻌﺒﻪ
.. ﻭﺍﻟﺤﻞ ﺷﻨﻮ ﺗﺮﺍ ﻣﻮ ﺫﻧﺒﻲ ﺻﺮﺕ ﺍﺑﻦ ﺍﻟﻔﻼﺡ .. ﻭﺍﺫﺍ ﺍﺑﻦ ﺍﻟﻔﻼﺡ ﻣﺎﻋﻨﺪﺓ ﮔﻠﺐ ﻣﻮ ﻣﻦ ﺣﮕﻪ ﻳﺤﺐ
.. ﻳﻠﺰﻡ ﺍﻳﺪﻳﻬﺎ ... ﻃﻴﺒﺔ ﺍﻧﻪ ﺍﺣﺒﺞ ﻭﺍﻧﺘﻲ ﺗﺤﺒﻴﻨﻲ ﺧﻠﻲ ﻧﺸﺮﺩ
ﻃﻴﺒﺔ .. ﺗﺴﺤﺐ ﺍﻳﺪﻳﻬﺎ ﺑﻘﻮﺓ .. ﺷﻨﻮ ﺗﺨﺒﻠﺖ
ﺍﺷﺮﺩ ﺷﻨﻮ ﻳﻜﺘﻠﻮﻧﻲ ﻭﺍﻟﻠﻪ ﻭﻳﻜﺘﻠﻮﻧﻚ
ﻣﺎﺍﻛﺪﺭ ﺍﻧﺰﻝ ﺭﺍﺱ ﺍﺑﻮﻱ ﺑﻴﻦ ﺍﻟﻌﺸﺎﻳﺮ ﻭﺍﻟﺸﻴﻮﺥ
... ﺟﺎ ﺷﻨﺴﻮﻱ ﻋﺪﺝ ﺣﻞ ﻻﺗﺮﺿﻴﻦ ﺍﺧﻄﺒﺞ ﻭﻻﺗﺮﺿﻴﻦ ﻧﺸﺮﺩ
... ﺍﺗﺪﻧﮓ ﺑﻴﺄﺱ ﻣﺎﺍﻛﺪﺭ
ﻭﻻﺗﻄﻠﺐ ﻣﻨﻲ ﻣﺮﺓ ﺛﺎﻧﻴﻪ ﻫﺠﻲ
ﺍﺗﺎﺧﺮﺕ ﻻﺯﻡ ﺍﺭﻭﺡ ... ﻋﺪﻟﺖ ﻋﺒﺎﺗﻲ
ﺭﺍﺡ ﻫﻮ ﺍﺗﺄﻛﺪ ﻣﺤﺪ ﻣﻮﺟﻮﺩ ﺑﻄﺮﻳﻘﻨﻪ ﻭﻃﻠﻌﺖ ﺭﺟﻌﺖ ﻟﻠﺒﻴﺖ
.................................................. ................
ﺷﺎﻫﻴﻦ .. ﻧﺰﻟﺖ ﻷﻣﻲ ﻟﻜﻴﺘﻬﺎ ﻛﺎﻋﺪﻩ ﻉ ﺍﻟﻜﺮﺳﻲ ﺑﺎﻟﻤﻄﺒﺦ
ﺳﺤﺒﺖ ﺍﻟﻜﺮﺳﻲ ﻭﮔﻌﺪﺕ ﮔﺪﺍﻣﻬﺎ
.. ﻫﺎﺍ ﻳﻤﻪ ﺻﺤﺘﻴﻨﻲ
ﺑﺴﻌﺎﺩ ... ﺍﻱ
ﺗﺤﺠﻲ ﻭﺗﻌﺎﻳﻦ ﻋﻠﻴﻪ ﻭﻋﺎﻗﺠﻪ ﻭﺟﻬﻪ .. ﻟﺸﻮﻛﺖ ﺍﻧﺘﻪ ﺗﻀﻞ ﺑﺪﻭﻥ ﺟﻬﺎﻝ ﻣﻮ ﻫﺬﺍ ﻫﻤﺎﻡ ﻫﺎﻟﻌﺮﺱ ﻭﺭﺍﻙ ﻭﻣﺮﺗﻪ ﺣﺎﻣﻞ ﺭﺍﺡ ﺗﺠﻴﺐ
ﺷﺎﻫﻴﻦ .. ﺷﺴﻮﻱ ﻳﻤﻪ ﻫﺬﺍ ﺍﻣﺮ ﺍﻟﻠﻪبيج قصص عراقيه حقيقيه من واقعنا.روعه الطائي
ﻳﺠﻮﺯ ﺑﻌﺪﻫﺎ ﻋﻄﻴﺔ ﺍﻟﻠﻪ ﺗﺘﺄﺧﺮ
ﺑﺴﻌﺎﺩ .. ﻫﺬﺍ ﺍﻟﺤﺠﻲ ﺍﺣﺠﻴﻪ ﻟﺮﻭﺣﻚ ﺍﻧﻪ ﻣﺎﻋﺮﻑ
ﺗﺮﻭﺡ ﺗﺎﺧﺬ ﻣﺮﺗﻚ ﻭﺗﺤﻠﻞ ﻳﺠﻮﺯ ﺍﻟﺼﻮﺝ ﻣﻨﻬﺎ
ﻋﺎﺩ ﻧﺸﻮﻓﻠﻚ ﭼﺎﺭﺓ ﻧﺰﻭﺟﻚ
.. ﻳﻤﻪ ﺷﻬﺎﻟﺤﺠﻲ
.. ﺍﻧﻪ ﻣﺎﺻﺪﻛﺖ ﻟﻴﻤﺘﻬﻪ ﺗﺘﺰﻭﺝ ﻭﺍﺷﻮﻑ ﺟﻬﺎﻟﻚ
ﺗﺎﻟﻲ ﺗﻄﻠﻊ ﻣﺮﺗﻚ ﻋﺎﺟﺮ
.. ﺍﺑﺎﻭﻉ ﻷﻣﻲ ﻣﺼﺪﻭﻡ ﺣﻜﻤﺖ ﻉ ﺍﻟﻤﺮﺓ ﺑﺪﻭﻥ ﻣﺎﺗﻌﺮﻑ ﻣﻦ ﺍﻟﻄﺒﻴﺐ
ﻫﺰﻳﺖ ﺭﺍﺳﻲ ﻭﮔﺘﻠﻬﺎ ﺍﻥ ﺷﺎﺀﺍﻟﻠﻪ
ﺍﻧﻪ ﻫﻢ ﺍﺭﻳﺪ ﺍﺧﺬ ﻋﻼﻫﻦ ﻟﻠﻄﺒﻴﺐ ﺣﺘﻪ ﺍﺗﺎﻛﺪ ﻣﻨﻬﺎ ﻻﻥ ﻣﻮﻋﺎﺟﺒﺘﻨﻲ ﺍﺣﺴﻬﺎ ﻣﺮﻳﻀﻪ ﺑﺲ ﻣﺎﺩﻛﻮﻝ .. ﻭﻣﻦ ﺍﺳﺎﻟﻬﺎ ﺗﻜﻮﻝ ﻣﻦ ﺍﻟﻀﻮﺟﻪ
ﺭﺣﺖ ﮔﻌﺪﺕ ﻳﻤﻬﺎ
. ﻋﻼﻫﻦ .. ﺷﺘﺮﻳﺪ ﻣﻨﻚ ﻋﻤﺘﻲ
.. ﻻ ﻫﻴﺞ ﻋﻠﻤﻮﺩ ﻃﻴﺒﺔ
ﻋﻼﻫﻦ .. ﺍﻫﺎﺍ
ﺷﺎﻫﻴﻦ .. ﻋﻼﻫﻦ ﻫﺎﻻﻳﺎﻡ ﻭﺿﻌﺞ ﻣﺎﻋﺎﺟﺒﻨﻲ
.. ﻟﻴﺶ
.. ﺍﺣﺴﺞ ﻣﺮﻳﻀﻪ ﻭﮔﻠﺒﻲ ﻣﺎﻣﺮﺗﺎﺡ ﺍﺭﻳﺪ ﺍﺧﺬﺝ ﻟﺒﻐﺪﺍﺩ
ﻋﻼﻫﻦ .. ﻫﻬﻬﻪ ﺷﺎﻫﻴﻦ
.. ﺭﻭﺡ ﺷﺎﻫﻴﻦ
.. ﺗﺮﻳﺪ ﺍﻃﻔﺎﻝ ﻣﻮ
ﺷﺎﻫﻴﻦ .. ﺍﻧﻪ ﺍﺭﻳﺪﺝ ﺍﻧﺘﻲ ﻭﺍﺭﻳﺪ ﺻﺤﺘﺞ
... ﻻ ﺻﺪﻙ ﻋﻤﺘﻲ ﺻﺎﺣﺘﻚ ﻋﻠﻤﻮﺩ ﺗﺎﺧﺬﻧﻲ ﻟﻠﻄﺒﻴﺐ
.. ﺷﻨﻮ ﻣﺤﺎﺟﻴﺘﺞ ﮔﺒﻞ
.. ﻣﻦ ﺣﻘﻬﺎ ﺍﺑﻨﻬﺎ ﻭﺗﺮﻳﺪ ﺗﺸﻮﻑ ﺟﻬﺎﻟﻪ
ﻭﺍﻧﻪ ﻭﻳﻦ ﻣﺎﺗﺮﻳﺪ ﺍﺭﻭﺡ ... ﺍﺭﻭﺡ
ﻣﺮ ﺍﺳﺒﻮﻉ ﺍﺗﺮﺧﺼﺖ ﻣﻦ ﺍﺑﻮﻱ ﻭﻏﺒﺸﺖ ﻣﻦ ﺍﻟﺼﺒﺢ
ﺻﻌﺪﻧﻪ ﻟﺒﻐﺪﺍﺩ ﻭﺭﺣﻨﻪ ﻟﻤﺪﻳﻨﺔ ﺍﻟﻄﺐ
ﺷﺎﻫﻴﻦ .. ﻧﺰﻟﺖ ﻷﻣﻲ ﻟﻜﻴﺘﻬﺎ ﻛﺎﻋﺪﻩ ﻉ ﺍﻟﻜﺮﺳﻲ ﺑﺎﻟﻤﻄﺒﺦ
ﺳﺤﺒﺖ ﺍﻟﻜﺮﺳﻲ ﻭﮔﻌﺪﺕ ﮔﺪﺍﻣﻬﺎ
.. ﻫﺎﺍ ﻳﻤﻪ ﺻﺤﺘﻴﻨﻲ
ﺑﺴﻌﺎﺩ ... ﺍﻱ
ﺗﺤﺠﻲ ﻭﺗﻌﺎﻳﻦ ﻋﻠﻴﻪ ﻭﻋﺎﻗﺠﻪ ﻭﺟﻬﻪ .. ﻟﺸﻮﻛﺖ ﺍﻧﺘﻪ ﺗﻀﻞ ﺑﺪﻭﻥ ﺟﻬﺎﻝ ﻣﻮ ﻫﺬﺍ ﻫﻤﺎﻡ ﻫﺎﻟﻌﺮﺱ ﻭﺭﺍﻙ ﻭﻣﺮﺗﻪ ﺣﺎﻣﻞ ﺭﺍﺡ ﺗﺠﻴﺐ
ﺷﺎﻫﻴﻦ .. ﺷﺴﻮﻱ ﻳﻤﻪ ﻫﺬﺍ ﺍﻣﺮ ﺍﻟﻠﻪ
ﻳﺠﻮﺯ ﺑﻌﺪﻫﺎ ﻋﻄﻴﺔ ﺍﻟﻠﻪ ﺗﺘﺄﺧﺮ
ﺑﺴﻌﺎﺩ .. ﻫﺬﺍ ﺍﻟﺤﺠﻲ ﺍﺣﺠﻴﻪ ﻟﺮﻭﺣﻚ ﺍﻧﻪ ﻣﺎﻋﺮﻑ
ﺗﺮﻭﺡ ﺗﺎﺧﺬ ﻣﺮﺗﻚ ﻭﺗﺤﻠﻞ ﻳﺠﻮﺯ ﺍﻟﺼﻮﺝ ﻣﻨﻬﺎ
ﻋﺎﺩ ﻧﺸﻮﻓﻠﻚ ﭼﺎﺭﺓ ﻧﺰﻭﺟﻚ
.. ﻳﻤﻪ ﺷﻬﺎﻟﺤﺠﻲ
.. ﺍﻧﻪ ﻣﺎﺻﺪﻛﺖ ﻟﻴﻤﺘﻬﻪ ﺗﺘﺰﻭﺝ ﻭﺍﺷﻮﻑ ﺟﻬﺎﻟﻚ
ﺗﺎﻟﻲ ﺗﻄﻠﻊ ﻣﺮﺗﻚ ﻋﺎﺟﺮ
.. ﺍﺑﺎﻭﻉ ﻷﻣﻲ ﻣﺼﺪﻭﻡ ﺣﻜﻤﺖ ﻉ ﺍﻟﻤﺮﺓ ﺑﺪﻭﻥ ﻣﺎﺗﻌﺮﻑ ﻣﻦ ﺍﻟﻄﺒﻴﺐ
ﻫﺰﻳﺖ ﺭﺍﺳﻲ ﻭﮔﺘﻠﻬﺎ ﺍﻥ ﺷﺎﺀﺍﻟﻠﻪ
ﺍﻧﻪ ﻫﻢ ﺍﺭﻳﺪ ﺍﺧﺬ ﻋﻼﻫﻦ ﻟﻠﻄﺒﻴﺐ ﺣﺘﻪ ﺍﺗﺎﻛﺪ ﻣﻨﻬﺎ ﻻﻥ ﻣﻮﻋﺎﺟﺒﺘﻨﻲ ﺍﺣﺴﻬﺎ ﻣﺮﻳﻀﻪ ﺑﺲ ﻣﺎﺩﻛﻮﻝ .. ﻭﻣﻦ ﺍﺳﺎﻟﻬﺎ ﺗﻜﻮﻝ ﻣﻦ ﺍﻟﻀﻮﺟﻪ
ﺭﺣﺖ ﮔﻌﺪﺕ ﻳﻤﻬﺎ
. ﻋﻼﻫﻦ .. ﺷﺘﺮﻳﺪ ﻣﻨﻚ ﻋﻤﺘﻲ
.. ﻻ ﻫﻴﺞ ﻋﻠﻤﻮﺩ ﻃﻴﺒﺔ
ﻋﻼﻫﻦ .. ﺍﻫﺎﺍ
ﺷﺎﻫﻴﻦ .. ﻋﻼﻫﻦ ﻫﺎﻻﻳﺎﻡ ﻭﺿﻌﺞ ﻣﺎﻋﺎﺟﺒﻨﻲ
.. ﻟﻴﺶ
.. ﺍﺣﺴﺞ ﻣﺮﻳﻀﻪ ﻭﮔﻠﺒﻲ ﻣﺎﻣﺮﺗﺎﺡ ﺍﺭﻳﺪ ﺍﺧﺬﺝ ﻟﺒﻐﺪﺍﺩ
ﻋﻼﻫﻦ .. ﻫﻬﻬﻪ ﺷﺎﻫﻴﻦ
.. ﺭﻭﺡ ﺷﺎﻫﻴﻦ
.. ﺗﺮﻳﺪ ﺍﻃﻔﺎﻝ ﻣﻮ
ﺷﺎﻫﻴﻦ .. ﺍﻧﻪ ﺍﺭﻳﺪﺝ ﺍﻧﺘﻲ ﻭﺍﺭﻳﺪ ﺻﺤﺘﺞ
... ﻻ ﺻﺪﻙ ﻋﻤﺘﻲ ﺻﺎﺣﺘﻚ ﻋﻠﻤﻮﺩ ﺗﺎﺧﺬﻧﻲ ﻟﻠﻄﺒﻴﺐ
.. ﺷﻨﻮ ﻣﺤﺎﺟﻴﺘﺞ ﮔﺒﻞ
.. ﻣﻦ ﺣﻘﻬﺎ ﺍﺑﻨﻬﺎ ﻭﺗﺮﻳﺪ ﺗﺸﻮﻑ ﺟﻬﺎﻟﻪبيج قصص عراقيه حقيقيه من واقعنا.روعه الطائي
ﻭﺍﻧﻪ ﻭﻳﻦ ﻣﺎﺗﺮﻳﺪ ﺍﺭﻭﺡ ... ﺍﺭﻭﺡ
ﻣﺮ ﺍﺳﺒﻮﻉ ﺍﺗﺮﺧﺼﺖ ﻣﻦ ﺍﺑﻮﻱ ﻭﻏﺒﺸﺖ ﻣﻦ ﺍﻟﺼﺒﺢ
ﺻﻌﺪﻧﻪ ﻟﺒﻐﺪﺍﺩ ﻭﺭﺣﻨﻪ ﻟﻤﺪﻳﻨﺔ ﺍﻟﻄﺐ
ﺩﺧﻠﻨﻪ ﺳﻮﻭﻟﻬﺎ ﺗﺤﺎﻟﻴﻞ ﻭﻃﻠﺒﻮ ﺳﻮﻧﺎﺭ
ﻧﺸﻮﻑ ﺍﻟﺪﻛﺎﺗﺮﺓ ﺗﺠﻤﻌﻮ
ﻭﺻﺎﺣﻮ ﺍﻟﻮﺍﺣﺪ ﺟﺒﻴﺮ ﻋﺪﻫﻢ ﻳﺒﺎﻭﻋﻮﻥ ﻟﻠﺴﻮﻧﺎﺭ ﻭﺍﻟﺘﺤﺎﻟﻴﻞ
ﺟﻨﻪ ﮔﺎﻋﺪﻳﻦ ﺑﻘﺎﻋﺔ ﺍﻻﻧﺘﻀﺎﺭ ﺻﺎﺣﻮﻧﻲ
ﮔﺘﻠﻬﺎ ﻋﻼﻫﻦ ﺍﺑﻘﻲ ﻫﻨﺎ ﻭﻫﺴﻪ ﺍﺟﻴﺞ ﻟﺰﻣﺖ ﺍﻳﺪﻱ ... ﺷﺎﻫﻴﻦ ﺧﺎﻑ ﺑﻴﻪ ﺷﻲ ﺷﻴﺮﺩﻭﻥ ﻣﻨﻚ
ﺿﺤﻜﺖ ﻣﺠﺎﻣﻠﻪ ﺑﺲ ﺍﻫﺪﻳﻬﺎ ... ﺧﻮﺍﻓﻪ ﺷﺒﻴﺞ ﻫﻤﻪ ﻫﻴﺞ ﻃﺮﻳﻘﺘﻬﻢ ﻣﺎﺗﻌﺮﻓﻴﻦ
ﺭﺣﺖ ﻟﻠﺪﻛﺘﻮﺭ .. ﻫﺎ ﺩﻛﺘﻮﺭ ﺑﺸﺮ
ﺗﺮﺍ ﺧﻮﻓﺘﻮﻧﻲ ﺧﻮ ﻣﺎﻛﻮ ﺷﻲ
.. ﺍﻟﺪﻛﺘﻮﺭ .. ﺷﻮﻑ ﺍﺑﻨﻲ ﺍﻧﺘﻪ ﻻﺯﻡ ﺗﺮﺿﻰ ﺑﻘﻀﺎﺀﺍﻟﻠﻪ ﻭﻗﺪﺭﺓ
ﻛﻠﺸﻲ ﺑﺎﻟﺪﻧﻴﺎ ﻫﻮ ﺍﻣﺘﺤﺎﻥ ﺍﻟﻨﻪ ﻭﺍﺧﺘﺒﺎﺭ ﻟﺼﺒﺮﻧﻪ
ﻫﻮ ﻳﺤﺠﻲ ﻭﺍﻧﻪ ﺭﻭﺣﻲ ﺭﺍﺣﺖ ﺍﺭﻳﺪﻩ ﻳﻄﻠﻊ ﺍﻟﻜﻠﻤﻪ ﻣﺎﻛﻮ
ﻟﻤﻦ ﮔﺎﻝ
ﺯﻭﺟﺘﻚ ﺑﻴﻬﺎ ﺍﻟﺨﺒﻴﺚ
ﻳﺘﺒﻊ

فيتامين سي · 28-06-20, 04:06 AM

#ﺍﺳﻴﺮﺓ_ﺍﻟﺸﻴﺦ_ﺷﺎﻫﻴﻦ
ريتاج الموسوي
#بارت٦
ﺻﺒﺎﺡ ﺍﻟﺨﻴﺮ ﻋﻠﻴﻜﻢ ﻏﻮﺍﻟﻲ ﺭﺟﻌﺘﻠﻜﻢ ﻣﻦ ﺟﺪﻳﺪ ️❤
ﺍﻟﺪﻛﺘﻮﺭ .. ﺧﻠﻲ ﺍﻳﻤﺎﻧﻜﻢ ﺑﺎﻟﻠﻪ ﻗﻮﻱ
ﺷﺎﻫﻴﻦ .. ﺩﻛﺘﻮﻭﺭ ﺷﻨﻮ ﺍﻟﺴﺎﻟﻔﻪ ﺷﺒﻴﻬﺎ ﺯﻭﺟﺘﻲ ﺗﺮﺍ ﻭﻛﻌﺖ ﮔﻠﺒﻲ
... ﺯﻭﺟﺘﻚ ﺑﻴﻬﺎ ﺍﻟﺨﺒﻴﺚ ﻭﻟﻸﺳﻒ ﺟﻴﺘﻮ ﺑﻮﻗﺖ ﻣﺘﺄﺧﺮ ﺟﺪﺍ
ﻣﻨﺘﺸﺮ ﺑﻜﻞ ﺟﺴﻤﻬﺎ
ﻭﻫﺴﻪ ﻫﻴﻪ ﺑﻤﺮﺍﺣﻞ ﺍﻟﻤﺮﺽ ﺍﻷﺧﻴﺮﻩ
ﺿﻠﻴﺖ ﻣﺼﺪﻭﻡ ﻣﺜﻞ ﺍﻟﻮﺍﺣﺪ ﻭﺿﺮﺑﻨﻲ ﻋﻠﻰ ﺭﺍﺳﻲ
ﺧﻠﻪ ﺍﻟﺪﻛﺘﻮﺭ ﺍﻳﺪﻩ ﻋﻠﻰ ﻣﺘﻨﻲ ﻭﮔﺎﻝ ... ﻫﺬﺍ ﺍﺧﺘﺒﺎﺭ ﺍﻟﻜﻢ ﻣﻦ ﺍﻟﻠﻪ
ﻟﺘﻴﺎﺳﻮﻥ ﻣﻦ ﺭﺣﻤﺔ ﺍﻟﻠﻪ
ﺑﻌﺪﻫﺎ ﻋﺎﻓﻨﻲ ﻭﺭﺍﺡ ... ﺳﻤﻌﺖ ﺷﻬﮕﺎﺕ ﻭﺭﺍﻱ ﺍﻟﺘﻔﺘﺖ ﻭﺍﺷﻮﻑ ﻋﻼﻫﻦ ﻣﺨﻠﻴﻪ ﻃﺮﻑ ﻋﺒﺎﻳﺘﻬﺎ ﻋﻠﻰ ﺣﻠﮕﻬﺎ ﻭﺗﺒﺠﻲ
ﺍﺟﻴﺖ ﻳﻤﻬﺎ ﺣﺼﺮﺗﻨﻲ ﺍﻟﺒﺠﻴﻪ
ﺷﺤﺠﻲ ﻭﺷﮕﻮﻝ ﻭﻫﻴﻪ ﻋﺮﻓﺖ ﻛﻠﺸﻲ ﻣﻮ ﻣﺎﻝ ﺍﺟﺬﺏ ﻋﻠﻴﻬﺎ .. ﺩﻧﮕﺖ ﺭﺍﺳﻲ ﻣﻐﻤﺾ ﻋﻴﻮﻧﻲ
ﺍﺭﻳﺪ ﺍﺗﻤﺎﻟﻚ ﺻﺒﺮﻱ ﻭﻣﺎﺍﺿﻌﻒ ﮔﺪﺍﻣﻬﺎ ... ﺧﻠﻴﺖ ﺍﻳﺪﻱ ﺑﺄﻳﺪﻫﺎ ﻭﻣﺸﻴﺖ
ﺍﺟﺮﺕ ﺳﻴﺎﺭﺓ ﻭﺭﺟﻌﺖ ﻟﻠﺒﺼﺮﺓ
ﺑﺪﻭﻥ ﺍﻱ ﻛﻼﻡ ﺩﺍﺭ ﺑﻴﻨﻪ .. ﻫﻴﻪ ﺟﺎﻧﺖ ﺩﺍﻳﺮﺓ ﻭﺟﻬﻪ ﻉ ﺍﻟﺠﺎﻣﻪ ﻭﺩﻣﻮﻋﻬﺎ ﺗﺤﺠﻲ ﺑﺪﻝ ﻋﻨﻬﺎ
ﻭﺻﻠﻨﻪ ﻟﻠﺒﻴﺖ ﻓﺘﺤﺘﻠﻬﺎ ﺍﻟﺒﺎﺏ ﻭﺩﺧﻠﻨﻪ ﺟﺎﻧﺖ ﺍﻣﻲ ﮔﺎﻋﺪﻩ
ﺑﺲ ﺷﺎﻓﺘﻨﻪ ﮔﺎﻣﺖ
... ﻫﺎﺍﺍ ﻳﻤﻪ ﺷﮕﺎﻟﻠﻜﻢ ﺍﻟﻄﺒﻴﺐ
ﻟﻴﺶ ﻣﺎﺗﺤﺒﻞ ﻣﺮﺗﻚ
ﺷﺎﻫﻴﻦ .. ﺑﺎﻭﻋﺖ ﻝ ﻋﻼﻫﻦ ﺑﺠﺖ ﻭﺭﻛﻀﺖ ﻟﻐﺮﻓﺘﻬﺎ ..
ﻳﻤﻪ ﻩ ﻣﻮ ﻭﻛﺘﻬﺎ
ﺑﺴﻌﺎﺩ ... ﻻ ﺷﻨﻬﻲ ﻣﻮﺵ ﻭﻛﺘﻬﺎ
ﺷﺒﻴﻬﺎ ﻋﻼﻫﻦ ﺗﺒﺠﻲ
ﺑﺲ ﻻ ﺍﻟﺼﻮﺝ ﻣﻨﻬﺎ .. ﺍﻱ ﺍﻧﻪ ﻋﺮﻓﺖ ﻫﻴﻪ ﺍﻟﻤﺎﺗﺠﻴﺐ ﻣﻨﻬﺎ ﺍﻟﺴﺒﺐ ﺑﺲ ﻻﺿﻮﺝ ﻳﻤﻪ ﺍﺯﻭﺟﻚ ﺍﻷﺣﺴﻦ ﻣﻨﻬﺎ
ﺻﺤﺖ ﺑﻴﻬﺎ ... ﻳﻤﻪ ﺍﻟﺨﺎﺍﺍﺍﺍﺍﻃﺮ ﺍﻟﻠﻪ ﻛﺎﺍﺍﺍﻓﻲ
ﮔﺘﻠﺞ ﻣﻮ ﻭﻛﺘﻬﺎ
ﺻﻌﺪﺕ ﻭﺭﺍ ﻋﻼﻫﻦ ﺟﺎﻧﺖ ﮔﺎﻋﺪﻩ ﻋﻠﻰ ﻃﺮﻑ ﺍﻟﺠﺮﺑﺎﻳﻪ ﻭﺗﺒﺠﻲ ﺑﺼﻮﺕ ﻋﺎﻟﻲ
ﮔﻌﺪﺕ ﻳﻤﻬﺎ ﻭﺿﻤﻴﺘﻬﺎ ﻟﺼﺪﺭﻱ .. ﻻ ﺗﺒﺠﻴﻦ
ﻭﺩﺍﻋﺘﺞ ﺍﺧﺬﺝ ﻟﻠﺨﺎﺭﺝ ﻭﺍﺳﻮﻳﻠﺞ ﺗﺤﺎﻟﻴﻞ ﻳﺎﻫﻮ ﺍﻟﻴﮕﻮﻝ ﺗﺤﺎﻟﻴﻠﻬﻢ ﻣﻀﺒﻮﻃﻪ
ﻋﻼﻫﻦ .. ﺑﺼﻮﺕ ﻣﺘﻘﻄﻊ .. ﺭﺍﺡ ﺍﻣﻮﻭﺕ ﺷﺎﻫﻴﻦ
... ﻻﺗﮕﻮﻟﻴﻦ ﻫﻴﺞ ﻳﺎﮔﻠﺐ ﺷﺎﻫﻴﻦ
ﺍﺫﺍ ﺭﺣﺘﻲ ﺭﻭﺣﻲ ﺗﺮﻭﺡ ﻭﺭﺍﺝ ﺷﻠﻲ ﺑﺪﻧﻴﺎ ﻣﺎﺑﻴﻬﺎ ﺍﻧﺘﻲ
ﻋﻼﻫﻦ .. ﻛﻠﻪ ﻣﻨﻲ
ﭼﻴﻒ ﻣﺎﺧﺬﺕ ﺣﭽﻲ ﺍﺑﻮﻱ ﻭﺗﺰﻭﺟﺖ ﻏﺼﺐ ﻋﻨﻪ
ﻛﻠﻪ ﻣﻨﻴﻴﻴﻴﻲ ﻫﺎﻱ ﺣﻮﺑﺘﻪ ﻃﻠﻌﺖ ﺑﻴﻪ
... ﻻﺗﺒﺠﻴﻴﻴﻴﻴﻦ ﻣﻮ ﺯﻳﻦ ﻋﻠﻴﻴﻴﻴﺞ ﻛﺎﺍﺍﻓﻲ
ﻋﻼﻫﻦ .. ﺑﺼﻴﺎﺡ . ﻭﺑﺠﻲ ... ﮔﺎﻟﻴﻴﻴﻲ ﻋﺴﺎﺝ ﻣﺎﺗﺘﻬﻨﻴﻴﻴﻴﻦ ﺩﻋﺎ ﻋﻠﻴﻪ ﺍﺑﻮﻱ
ﻭﺩﻋﺎﺋﻪ ﻣﺎﻃﺎﺡ ﻟﻠﻜﺎﻉ ﺻﺎﺑﻨﻲ
ﺷﺎﻫﻴﻦ ... ﻫﺬﺍ ﻗﺪﺭ ﻣﻜﺘﻮﺏ ﻋﻠﻴﺞ
ﺑﺲ ﺗﺘﻌﺎﻟﺠﻴﻦ ﻭﺍﻟﻠﻪ ﻣﺎﺧﻠﻴﭻ ﺑﺲ ﻻﺗﺒﺠﻴﻦ ﻣﻮ ﺟﺎﻱ ﺗﮕﻄﻌﻴﻦ ﮔﻠﺒﻲ ﻭﺗﻌﺬﺑﻴﻨﻲ
ﻣﺴﺤﺖ ﺍﺩﻣﻮﻋﻬﻪ ﺧﻠﻴﺘﻬﺎ ﻟﻤﻦ ﺗﻬﺪﺃ ﺷﻮﻳﻪ
ﻧﻄﻴﺘﻬﺎ ﺍﻟﻌﻼﺝ ﻭﺑﻴﻪ ﻣﺴﻜﻨﺎﺕ ﺣﺴﻴﺘﻬﺎ ﻧﺎﻣﺖ ﻏﻄﻴﺘﻬﺎ ﻭﻃﻔﻴﺖ ﺍﻟﻀﻮﻩ
ﻃﻠﻌﺖ ﻣﻦ ﺍﻟﻐﺮﻓﻪ .. ﺍﺭﻳﺪ ﺍﻃﻠﻊ ﺑﺮﺍﺍﺍ ﻣﺨﺘﻨﮓ ﻭﺍﺣﺲ ﺍﻟﺪﻣﻌﺔ ﺑﻄﺎﺭﻑ ﻋﻴﻨﻲ
ﺑﺴﻌﺎﺩ .. ﻳﻤﻪ ﺷﺎﻫﻴﻦ ﺷﺒﻴﻜﻢ ﺻﻮﺗﻜﻢ ﻃﺎﻟﻊ
ﺷﻌﺪﻛﻢ ﻣﺎﺗﻔﻬﻤﻮﻧﻲ
ﻫﺎﻱ ﻫﻢ ﻋﺎﺟﺮ ﻭﻫﻢ ﺗﺼﻴﺢ
ﺷﺎﻫﻴﻦ ... ﻳﻐﻤﺾ ﻋﻴﻮﻧﻪ ﻭﻳﺤﺠﻲ .. ﻳﻤﻪ ﻋﻼﻫﻦ ﺑﻴﻬﺎ ﺳﺮﻃﺎﻥ ﻭﺭﺍﺡ ﺗﻤﻮﻭﻭﺕ ﺍﺭﺗﺎﺣﻴﺘﻲ
ﺣﺠﻴﺖ ﻫﻴﺞ ﻭﺍﺣﺲ ﻧﺎﺭ ﻭﺟﺖ ﺑﺼﺪﺭﻱ ﻃﻠﻌﺖ ﻋﻨﻬﺎ
بيج قصص عراقيه حقيقيه من واقعنا.روعه الطائي
ﺑﺴﻌﺎﺩ .. ﻳﻤﻪ ﺑﺮﺩ ﺍﺳﻢ ﺍﻟﻠﻪ ﻟﻠﭽﻮﻝ ﺍﻟﻠﻪ ﻳﺤﻔﻈﻨﻪ
ﻭﻟﺞ ﻃﻮﻳﺒﻪ
.. ﻫﺎﺍ ﻳﻤﻪ
.. ﺩﻳﺮﻱ ﺑﺎﻟﺞ ﺗﻮﺻﻠﻴﻨﻬﻪ ﻻﺗﻨﻌﺪﻳﻦ ﻋﺎﻳﺰﻧﻪ ﺍﻣﺮﺍﺍﺽ
ﻃﻴﺒﻪ .. ﺷﺪﻋﻮﺓ ﻳﻤﻪ
ﺗﺮﺍ ﺍﻟﺴﺮﻃﺎﻥ ﻣﺎﻳﻌﺪﻱ ﻣﺮﺓ ﺷﺮﺣﺘﻠﻨﻪ ﺍﺍﻟﻤﺪﺭﺳﻪ ﻋﻠﻴﻪ
ﺑﺴﻌﺎﺩ .. ﭼﺎ ﻟﻴﺶ ﺷﻌﺮﻫﺎ ﻣﺎﻳﻄﻴﺢ
ﻏﻴﺮ ﻳﻜﻮﻟﻮﻥ ﺍﻟﺒﻴﻪ ﻫﺬﺍ ﺍﻟﻤﺎﻳﺘﺴﻤﻪ ﻳﺼﻴﺮ ﺍﮔﺮﻉ
ﻃﻴﺒﺔ .. ﻫﺬﺍ ﺑﺲ ﺍﻟﻴﺎﺧﺬ ﺟﺮﻋﺎﺕ ﻛﻴﻤﻴﺎﻭﻱ
ﺑﺴﻌﺎﺩ ... ﻫﺎﺍﺍ
ﺑﺲ ﻫﻢ ﻻﺗﺮﻭﺣﻴﻠﻬﺎ ﺍﺧﺬﻱ ﺣﺬﺭﺝ
ﻃﻴﺒﻪ .. ﺷﻠﻘﻀﻴﻪ ﻳﻤﻪ ﻭﺍﻟﻠﻪ ﻛﺴﺮﺕ ﮔﻠﺒﻲ ﻣﺎﻟﻬﻪ ﺍﺣﺪ
ﻏﻴﺮﻧﻪ ﻭﺍﻧﻮﺏ ﻧﺘﺮﻛﻬﻪ ﻭﺣﺪﻫﻪ
ﺑﺴﻌﺎﺩ .. ﺧﺎﺍﺏ ﺩﻧﺠﺒﻲ ﻳﺎﻫﻮ ﺍﻟﮕﺎﻟﻬﻪ ﺗﻌﻮﻑ ﺍﻫﻠﻬﺎ ﻭﺗﺎﺧﺬ ﻏﺼﺐ ﻋﻨﻬﻢ ﻫﻴﻪ ﻫﺎﻱ ﺍﻟﺼﻼﻓﻪ ﻭﻣﺎﺗﺴﻮﻱ
ﻃﻴﺒﻪ .. ﺍﻓﻔﻔﻒ ﻳﻤﻪ ﺷﻮﻛﺖ ﺿﻠﻴﻦ ﻫﻴﺞ ﺣﺮﺍﻡ ﻋﻠﻴﺞ
ﺑﺴﻌﺎﺩ ... ﻭﻟﺞ ﻃﻮﻳﺒﻪ ﻫﺎﻱ ﻣﻦ ﻟﻴﻤﺘﻬﻪ ﺗﮕﻠﻴﻠﻲ ﺍﻑ
ﺍﻧﻪ ﺍﻋﻠﻤﺞ ﺑﺲ ﺍﻭﮔﻔﻴﻠﻲ
ﻃﻴﺒﺔ .. ﺷﻔﺘﻬﺎ ﺍﺟﺖ ﻋﻠﻴﻬﺎ ﻭﺍﻧﻪ ﻃﮕﻴﺘﻬﺎ ﺭﻛﻀﻪ ﻟﻐﺮﻓﺘﻲ ﻳﻤﻜﻦ ﺳﻮﻳﺘﻬﺎ ﻣﺘﺮﻳﻦ
ﺿﻠﻴﺖ ﺑﺎﻟﺮﺑﻊ ﺳﺎﻋﻪ ﺑﺎﻟﻐﺮﻓﻪ ﺧﺎﻳﻔﻪ ﺍﻃﻠﻊ .. ﺍﻣﻲ ﻛﻠﺶ ﻣﻌﻘﺪﺓ ﻭﻣﻦ ﺍﻟﻨﻮﻉ ﺍﻟﻘﺪﻳﻢ ﺣﻴﻞ
ﺩﺍﺋﻤﺎ ﺗﺘﻔﺎﺧﺮ ﺑﻴﻦ ﺍﻟﻨﺴﻮﺍﻥ ﻫﻴﻪ ﻣﺮﺕ ﺍﻟﺸﻴﺦ ﺻﺢ ﺍﻣﻲ ﺑﺲ ﺍﻟﺤﮓ ﻳﻨﮕﺎﻝ
ﺍﻣﻲ ﻣﻐﺮﻭﺭﺓ ﺣﻴﻞ ﺑﺎﺍﻟﻤﺸﻴﺨﻪ ﻭﻫﻴﻪ ﺑﺖ ﺷﻴﻮﺥ
ﻭﺩﺍﺋﻤﺎ ﺗﮕﻮﻟﻲ ﻣﺎﺍﻧﻄﻴﺞ ﺍﻻ ﻟﻠﺸﻴﻮﺥ ﻣﺎﺗﺎﺧﺬﻳﻦ ﺍﻱ ﺍﺣﺪ
ﻭﻫﺬﺍ ﺍﻟﺸﻲ ﻳﺨﻮﻓﻨﻲ ... ﺷﻠﻮﻥ ﻓﺎﺿﻞ ﺍﺫﺍ ﺧﻄﺒﻨﻲ ﻣﻴﻪ ﺑﺎﻟﻤﻴﻪ ﻳﻄﺮﺩﻭﻧﻪ
ﻃﻠﻌﺖ ﺷﻮﻳﻪ ﺷﻮﻳﻪ ﺍﺑﺎﻭﻉ ﻣﻨﺎ ﻭﻣﻨﺎ ﻣﺎﻛﻮ ﺍﺣﺪ
ﺭﺣﺖ ﺍﺷﻮﻑ ﻋﻼﻫﻦ .. ﺩﻛﻴﺖ ﺍﻟﺒﺎﺏ ﻣﺮﺓ ﻭﻣﺮﺗﻴﻦ ﻣﺎﺳﻤﻌﺖ ﺻﻮﺕ
ﺧﻔﺖ ﻋﻠﻴﻬﺎ ﻓﺘﺤﺖ ﺍﻟﺒﺎﺏ ﻟﻜﻴﺖ ﺍﻟﻐﺮﻓﻪ ﺿﻠﻤﺔ ﺷﻌﻠﺖ ﻟﮕﻠﻮﺏ ﺑﺎﻭﻋﺘﻠﻬﺎ ﺟﺎﻧﺖ ﻧﺎﻳﻤﺔ ﻉ ﺍﻟﺠﺮﺑﺎﻳﻪ
ﻋﻔﺘﻬﺎ ﻭﻃﻠﻌﺖ
ﻛﺴﺮﺕ ﺧﺎﻃﺮﻱ ﻃﻮﻝ ﻫﺎﻟﺴﻨﺘﻴﻦ ﻋﻼﻗﺘﻲ ﺑﻴﻬﺎ ﺳﻄﺤﻴﺔ ﻣﺎﺗﻌﻤﻘﺖ ﻭﻳﺎﻫﺎ ... ﻟﻜﻮﻧﻬﺎ ﺍﻛﺒﺮ ﻣﻨﻲ ﺑﻬﻮﺍﻱ
ﻣﺎﺍﻛﺪﺭ ﺍﻋﺘﺒﺮﻫﺎ ﺻﺪﻳﻘﻪ ﺍﻟﻲ ﻋﻘﻠﻬﺎ ﺍﻛﺒﺮ ﻣﻨﻲ ﻭﺍﺣﺲ ﻛﻼﻣﻲ ﻭﻳﺎﻫﺎ ﻣﺎﺗﻔﻬﻤﻪ ﻻﻥ ﻋﻘﻠﻲ ﻋﻠﻰ ﮔﺪ ﻋﻤﺮﻱ
ﺻﺢ ﻭﻳﺎﻧﻪ ﺑﺎﻟﺒﻴﺖ ﺑﺲ ﻧﺘﺸﺎﻗﻪ ﻭﻧﻀﺤﻚ ﺑﺤﺪﻭﺩ ﻣﻮ ﺩﺍﺋﻤﺎ
ﻣﺎﺗﻬﻮﻥ ﻋﻠﻴﻪ ﺍﺷﻮﻓﻮﻫﺎ ﻣﻮﺟﻮﻋﻪ
ﻭﺑﺂﺧﺮ ﺍﻳﺎﻣﻬﺎ ... ﻃﻠﻌﺖ ﻭﻃﻔﻴﺖ ﻟﻀﻮﻩ ﺭﺩﻳﺖ ﺍﻟﺒﺎﺏ ﻭﺭﺍﻱ
ﺷﺎﻫﻴﻦ ..... ﻣﺮ ﺷﻬﺮ ﻋﻠﻰ ﺣﺎﻟﺔ ﻋﻼﻫﻦ ﻭﻫﻴﻪ ﺗﺰﻳﺪ ﺳﻮﺀ
ﺭﺩﺕ ﺍﺧﺬﻫﺎ ﻟﻠﻄﺒﻴﺐ ﻣﺎﻗﺒﻠﺖ ﺑﺲ ﺗﺒﺠﻲ
ﺗﻜﻮﻝ ﻣﺎﻳﻔﻴﺪ
.. ﺷﻠﻮﻥ ﻣﺎﻳﻔﻴﺪ ﻗﺎﺑﻞ ﺍﺑﻘﻪ ﻣﮕﺎﺑﻠﺞ ﻭﮔﺎﻋﺪ ﻭﺍﻧﻪ ﺍﺷﻮﻓﺞ ﺗﺬﺑﻠﻴﻦ ﮔﺪﺍﻡ ﻋﻴﻨﻲ ﻳﻮﻡ ﺑﻌﺪ ﻳﻮﻡ
... ﺣﺎﻟﺘﻲ ﻣﻴﺆﺱ ﻣﻨﻬﺎ ﺷﺎﻫﻴﻦ
ﻣﺎﻳﻔﻴﺪ ﺑﻴﻬﺎ ﻋﻼﺝ ﻭﺳﻤﻌﺖ ﺣﺠﻲ ﺍﻟﺪﻛﺘﻮﺭ ﺷﻜﺎﻟﻚ ﺍﻛﻞ ﺑﺄﻳﺎﻣﻲ ﺍﻷﺧﻴﺮﺓ
.. ﻣﻦ ﺗﻜﻮﻝ ﻫﻴﺞ ﮔﻠﺒﻲ ﻳﻨﻌﺼﺮ .. ﻣﺮﺍﺕ ﺍﻟﺤﻘﻴﻘﺔ ﺗﻜﻮﻥ ﻣﺮﺓ ﻭﺗﺘﻤﻨﻰ ﻟﻮ ﻋﺎﻳﺶ ﺑﻮﻫﻢ
ﺣﺒﻴﺒﺘﻲ ﻣﺎﻛﻮ ﻳﺄﺱ ﻣﻦ ﺭﺣﻤﺔ ﺍﻟﻠﻪ
.. ﻭﺍﻟﻨﻌﻢ ﺑﺎﻟﻠﻪ ﺑﺲ ﺍﻟﻤﺜﻠﻲ ﻳﻌﺮﻓﻮﻥ ﻣﺼﻴﺮﻫﻢ ﻛﻠﺶ ﺯﻳﻦ
.. ﻟﺰﻣﺖ ﺍﻳﺪﻳﻬﺎ .. ﻋﻼﻫﻦ ﺑﺲ ﻃﺎﻭﻋﻴﻨﻲ ﻧﺮﻭﺡ ﻟﻠﺨﺎﺭﺝ ﻭﺗﺘﻌﺎﻟﺠﻴﻦ ﻭﺗﺮﺟﻌﻴﻦ ﺍﺣﺴﻦ ﻣﻦ ﮔﺒﻞ
... ﺷﺎﻫﻴﻦ
.. ﻋﻴﻮﻥ ﻭﺭﻭﺡ ﺷﺎﻫﻴﻦ
.. ﺩﻣﻌﺖ ﻋﻴﻮﻧﻬﺎ .. ﺍﺭﻳﺪ ﺍﻃﻠﺐ ﻣﻨﻚ ﺷﻐﻠﺔ ﻭﻛﻮﻥ ﻣﺎﺗﺮﺩﻧﻲ
ﺑﺲ ﻓﺘﺤﻲ ﺣﻠﮕﺞ ﻭﻃﻠﺒﻲ ﻭﺷﻮﻓﻲ ﻳﺎﻫﻮ ﺍﻟﻴﺮﺩﺝ
... ﺍﺭﻳﺪ ﺍﺭﻭﺡ ﺍﺷﻮﻑ ﺍﻫﻠﻲ ﻭﺍﻃﻴﺢ ﻋﻠﻰ ﺭﺟﻠﻴﻦ ﺍﺑﻮﻱ ﺑﻠﻜﻲ ﻳﺴﺎﻣﺤﻨﻲ ﻣﻦ ﻳﺪﺭﻱ ﺑﻤﺮﺿﻲ
.. ﻭﻟﺞ ﻋﻼﻫﻦ ﺍﺑﻮﺝ ﺣﻠﻒ ﻳﻜﺘﻠﺞ ﺍﺫﺍ ﺷﺎﻓﺞ
.. ﻫﻪ ﻳﻜﺘﻠﻨﻲ؟ ﻣﻴﺨﺎﻟﻒ ﺭﺍﺿﻴﻪ ﺑﻜﻞ ﺍﻟﺤﺎﻟﺘﻴﻦ ﻣﻴﺘﻪ
.. ﻻ ﻋﻼﻫﻦ ﻻ ﻣﺎﺍﮔﺪﺭ ﺍﺿﺤﻲ ﺑﻴﺞ
. ﻋﻼﻫﻦ ﻭﺍﻟﺪﻣﻮﻉ ﻣﺘﺠﻤﻌﻪ ﺑﻌﻴﻨﻬﺎ ... ﺍﺭﻭﺣﻠﻚ ﻓﺪﻭﺓ ﺍﻋﺘﺒﺮ
ﻫﺬﺍ ﺍﺧﺮ ﻃﻠﺐ
ﻭﺍﻟﻠﻪ ﺟﺎﻱ ﺍﺣﺲ ﺍﻳﺎﻣﻲ ﮔﺮﺑﺖ
ﺳﺤﺒﺘﻬﺎ ﻟﺤﻀﻨﻲ ﻭﺍﻟﺪﻣﻌﻪ ﺑﻌﻴﻨﻲ .. ﻛﺎﻓﻲ ﻻﺗﮕﻮﻟﻴﻦ ﻫﻴﺞ
ﺗﺮﺍ ﮔﻠﺒﻲ ﺧﻠﺺ ﻣﺎﺍﺗﺤﻤﻞ
ﻭﺍﺫﺍ ﻋﻦ ﺍﻫﻠﺞ ﺍﻟﻌﺼﺮ ﺍﺧﺬﺝ ﻭﺍﻧﻪ ﻭﻳﺎﺝ ﻓﻦ ﻭﺍﺣﺪ ﻳﺘﮕﺮﺏ ﻳﻤﺞ ﻭﻳﺄﺫﻳﺞ
ﻭﻫﺴﻪ ﺣﺒﻴﺒﺘﻲ ﺍﺭﺗﺎﺣﻲ ﻭﻻﺗﻔﻜﺮﻳﻦ ﺭﺍﻳﺢ ﻟﺒﻮﻱ ﻟﻠﺪﻳﻮﺍﻥ
ﺑﺲ ﺍﺭﺟﻊ ﺍﺧﺬﺝ
ﻫﺰﺕ ﺭﺍﺳﻬﺎ ﺑﺎﻟﻤﻮﺍﻓﻘﻪ
ﻃﻠﻌﺖ ﻭﺍﺣﺲ ﺷﺎﻳﻞ ﺍﻟﺪﻧﻴﺎ ﻓﻮﮒ ﻣﺘﻮﻧﻲ .. ﻳﺎﺭﺑﻲ ﺩﺧﻴﻠﻚ ﺍﻣﺘﺤﺎﻧﻚ ﺻﻌﺐ ﻋﻠﻴﻪ
ﺭﺣﺖ ﻟﻠﻤﻀﻴﻒ ﮔﻌﺪﺕ ﻳﻢ ﺍﺑﻮﻱ
ﻟﮕﻴﺘﻪ ﻃﺎﻟﻊ ﻣﺎﻣﻮﺟﻮﺩ ﺿﻠﻴﺖ ﮔﺎﻋﺪ ﻟﺸﻮﻳﺔ ﺍﺟﻪ ﻫﻤﺎﻡ
ﺳﻠﻢ ﻋﻠﻴﻪ ﺑﻮﺟﻪ ﺛﮕﻴﻞ ﻣﻠﻴﺖ ﻣﻨﻪ ﺻﺎﺭﻟﻪ ﻫﻮﺍﻱ ﻣﺘﻐﻴﺮ ﻋﻠﻴﻪ
ﺑﺰﻋﺖ ﻣﻨﻪ
ﺩﺭﺕ ﻭﺟﻬﻲ ﻋﻠﻴﻪ ... ﻫﻤﺎﻡ
ﻫﻤﺎﻡ .. ﻫﺎ
.. ﺷﺒﻴﻚ ﻭﻳﺎﻱ ﺷﻮ ﻣﺘﻐﻴﺮ؟
.. ﻣﺘﻐﻴﺮ؟ ﻻ ﻣﺘﻮﻫﻢ ﻫﻮ ﻫﺬﺍ ﻃﺒﻌﻲ
ﺑﺲ ﻣﺎﮔﺘﻠﻲ ﻣﻦ ﻳﺎ ﻧﺎﺣﻴﺔ
ﺷﺎﻫﻴﻦ ... ﻛﻠﺸﻲ ﺑﻴﻚ ﻣﺘﻐﻴﺮ ﻃﺒﻌﻚ ﺳﻮﺍﻟﻔﻚ ﺛﮕﻴﻠﻪ
ﻭﺟﻬﻚ ﻣﻮﺵ ﺍﻷﻭﻟﻲ
ﻣﻦ ﻳﻮﻡ ﺍﻟﺴﺘﻠﻤﺖ ﺍﻟﺸﻴﺨﺔ
ﻫﻤﺎﻡ ... ﺩﻧﮓ ﻭﺑﻌﺪﻳﻦ ﮔﺎﻡ ... ﻛﻠﻪ ﻣﻨﻚ
ﮔﻤﺖ ﺑﻮﺟﻬﻪ .. ﺷﻠﻮﻥ ﻛﻠﻪ ﻣﻨﻲ
ﻫﻤﺎﻡ .. ﺍﺧﺬﺕ ﺍﻟﺸﻴﺨﻪ ﻣﻨﻲ ﺍﻧﻪ ﺍﻭﻟﻰ ﺑﻴﻬﺎ
ﺍﻛﺒﺮ ﻣﻨﻚ ﻭﻣﻦ ﺣﮕﻲ
ﺷﺎﻫﻴﻦ .. ﻋﺮﻓﺖ ﻫﺬﺍ ﺩﮔﻚ ﻭﻣﺪﮔﻮﮔﻚ ﻣﻦ ﺍﻷﻭﻝ
ﺍﻧﺘﻪ ﺗﻐﺎﺭ ﻣﻨﻲ ﭼﻴﻒ ﺍﺧﺬﺕ ﺍﻟﺸﻴﺨﻪ
ﻫﻤﺎﻡ .. ﻣﺎﺍﻏﺎﺭ ﻣﻦ ﺍﺣﺪ ﺍﻧﻪ ﻫﻤﺎﺍﺍﺍﺍﺍﺍﺍﻡ
ﺑﺲ ﺍﻟﺸﻴﺨﻪ ﺣﮕﻲ ﻣﺜﻞ ﻣﺎ ﺍﺑﻮﻙ ﺍﺧﺬﻫﺎ ﻣﻦ ﺍﺑﻮﻱ
ﺍﻧﺘﻪ ﺟﻴﺖ ﻭﻋﺪﺕ ﺍﻟﻤﺎﺿﻲ ﻭﺧﺬﻳﺘﻬﺎ
ﺑﺲ ﺍﺭﺟﻌﻬﺎ ﻏﺼﺒﻦ ﻋﻨﻚ ﻭﻋﻦ ﺧﺸﻤﻚبيج قصص عراقيه حقيقيه من واقعنا.روعه الطائي
ﺷﺎﻫﻴﻦ ... ﻫﻤﺎﻡ ﺗﺮﺍ ﻋﻴﺐ ﻫﺬﺍ ﺍﻟﺤﺠﻲ ﻣﺎ ﺍﻟﻪ ﺩﺍﻋﻲ ﺍﻧﻪ ﻣﺎﺭﻳﺪ ﺧﺮﺍﺏ ﺍﻟﮕﻠﻮﺏ ﻳﺼﻴﺮ ﺑﻴﻨﻪ ﺍﺣﻨﻪ ﻭﻟﺪ ﻋﻢ ﻭﺍﺧﻮﺍﻥ ﻭﺩﺍﻋﺘﻚ ﻣﺎﺗﻔﺮﻗﻨﻪ ﺍﻟﻤﺸﻴﺨﺔ
ﺍﺫﺍ ﺗﺮﻳﺪﻫﺎ ﺍﻟﺸﻴﺨﻪ ﺍﺧﺬﻫﺎ
ﻣﺘﻨﺎﺯﻟﻚ ﻋﻨﻬﺎ ﻣﻦ ﮔﻠﺐ ﻭﻟﺴﺎﻥ ﺍﻫﻢ ﺷﻲ ﻻﺗﺰﻋﻞ ﻣﻨﻲ ﻭﻧﺘﻜﺎﺭﻩ ﻋﻠﻰ ﺷﻲ ﻣﺎﻳﺴﻮﻩ
ﻫﻤﺎﻡ ... ﻳﻀﺮﺏ ﺑﺄﺻﺎﺑﻌﻪ ﺻﺪﺭﻱ .. ﺷﻮﻑ ﺷﺎﻫﻴﻦ ﺍﺫﺍ ﺍﺭﻳﺪﻫﺎ ﺍﺧﺬﻫﺎ ﺑﻄﺮﻳﻘﺘﻲ ﻣﻮﺵ ﺍﻧﺘﻪ ﺗﺮﺿﻴﻨﻲ ﺑﻴﻬﺎ ﻭﺑﺲ ﺗﺮﻳﺪ ﺗﺴﻜﺘﻨﻲ ﻓﻬﻤﺘﺘﺘﺘﺖ
ﻭﺑﻌﺪﻫﺎ ﻃﻠﻊ ﺑﻌﺼﺒﻴﻪ
ﺣﺮﺕ ﺷﺴﻮﻳﻠﻪ ﻫﺬﺍ ﺷﻠﻮﻥ ﺍﺭﺿﻴﻪ ﻣﺎﺩﺭﻱ
ﺍﺟﻴﺒﻪ ﻣﻨﺎ ﻳﻄﻠﻌﻠﻲ ﻣﻨﺎ
ﻏﺮﻳﺐ ﻃﺒﻌﻚ ﻳﺎﻫﻤﺎﻡ ﺷﮕﺪ ﺷﺎﻳﻞ ﺣﻘﺪ
ﻟﻴﺶ ﺷﺎﻳﻞ ﺑﮕﻠﺒﻚ ﻋﻠﻴﻪ ﻭﺍﻧﻪ ﺍﺑﻦ ﻋﻤﻚ ﻣﻮ ﻏﺮﻳﺐ
ﻳﺎﺧﻮﻓﻲ ﺗﺼﻴﺮ ﻭﻱ ﺍﻟﻐﺮﻳﺐ ﻋﻠﻴﻪ
ﻣﺎﺳﺘﺒﻌﺪﻫﺎ ﻣﻨﻚ ﺗﺴﻮﻳﻬﺎ
ﺍﺳﺘﻮﻧﻲ ﮔﻌﺪﺕ
ﺍﺟﺎﻧﻲ ﺳﺎﻟﻢ ﻳﺮﻛﺾ ﺣﺠﻪ ﺑﺼﻮﺕ ﻣﺘﻘﻄﻊ
ﻋﻤﻲ ﻋﻤﻲ
.. ﺣﺠﻴﺖ ﺑﻔﺰﻉ .. ﻫﺎﺍ ﻭﻟﻚ ﺷﺒﻴﻚ ﺗﺮﻛﺾ
... ﻋﻤﻲ
ﺣﺮﻣﺘﻚ ﻣﺎﺩﺭﻱ ﺷﺒﻴﻬﺎ ﻭﻋﻤﺘﻲ ﻭﺩﺗﻨﻲ ﺍﺭﻳﺪﻙ ﺑﺴﺎﺍﺍﻉ
ﻣﻦ ﮔﺎﻝ ﻫﻴﺞ ﺍﺣﺲ ﺭﻭﺣﻲ ﺭﺍﺣﺖ
ﻣﺎﺩﺭﻱ ﺷﻠﻮﻥ ﻭﺻﻠﺖ ﻟﻠﺒﻴﺖ ﺷﻔﺘﻬﺎ ﻣﻐﻄﻴﻨﻬﺎ ﻭﺍﻣﻲ ﻭﻃﻴﺒﺔ ﻭﮔﻔﺎﺕ ﺑﻌﻴﺪ ﻣﺤﺪ ﻣﺘﻘﺮﺑﻠﻬﺎ
ﺍﻧﻪ ﻫﻨﺎ ﺍﻟﺰﻣﻦ ﻭﮔﻒ ﺑﻴﻪ .. ﻟﻴﺶ ﻫﻴﺞ ﻋﻼﻫﻦ ﺗﻌﻮﻓﻴﻨﻲ ﻭﺗﺮﻭﺣﻴﻦ ﻣﻮ ﮔﻠﺘﻲ ﺗﺮﺩﻳﻦ ﺗﺮﺣﻴﻦ ﻷﻫﻠﺞ ﻟﻴﺶ ﺭﺣﺘﻲ ﻋﻨﻲ
ﺩﻣﻮﻋﻲ ﺗﻨﺰﻝ ﻧﺰﻟﺖ ﺍﻟﻬﺎ ﻛﺸﻔﺖ ﺍﻟﻐﻄﺎ ﺣﻈﻨﺘﻬﺎ ﻭﺍﺑﺠﻲ
ﺑﻬﺴﺘﻴﺮﻳﻪ
ﻣﺎﺍﺣﺲ ﺍﻻ ﺍﻳﺪ ﻟﺰﻣﺘﻨﻲ ﻣﻦ ﺫﺭﺍﻋﻲ
ﺍﻟﺘﻔﺘﺖ ﺍﺷﻮﻑ ﺍﺑﻮﻱ
.. ﮔﻮﻭﻡ ﮔﻮﻭﻡ ﻓﺸﻠﺘﻨﻪ ﺑﻴﻦ ﺍﻟﻮﺍﺩﻡ ﺗﺒﺠﻲ ﻋﻠﻰ ﻣﺮﺗﻚ ﻣﺜﻞ ﺍﻟﻨﺴﻮﺍﻥ
ﺷﺘﮕﻮﻝ ﻋﻠﻴﻨﻪ ﺍﻟﻌﺸﻴﺮﺓ ﺍﻟﺸﻴﺦ ﻳﻨﺘﺤﺐ ﺍﻋﻠﻰ ﻣﺮﺗﻪ
ﻭﺳﻔﻪ ﻋﻠﻴﻚ
.. ﺍﻧﻪ ﺑﻬﺎﻱ ﺍﻟﻠﺤﻀﺎﺕ ﻓﺎﺻﻞ ﻋﻦ ﺍﻟﻌﺎﻟﻢ ﺑﺲ ﺍﺫﻧﻲ ﺗﺴﻤﻊ
ﻣﺎﺍﮔﺪﺭ ﺍﺗﺠﺎﻭﺏ ﻭﻳﺎﻫﻢ
ﮔﻮﻣﻨﻲ ﺍﺩﻫﻢ ﻭﺷﺎﻟﻮ ﺍﻟﺠﻨﺎﺯﺓ ﻭﺩﻭﻫﺎ ﻳﻤﺮﺭﻭﻫﺎ ﻷﻫﻠﻬﺎ ﭼﻦ ﺷﺎﻟﻮ ﺭﻭﺣﻲ ﻭﻳﺎﻫﺎ
ﻋﻼﻫﻦ ﭼﺎﻧﺖ ﺍﻭﻝ ﺣﺐ ﺑﺤﻴﺎﺗﻲ ﻣﻮ ﺑﺲ ﺣﺒﻴﺒﺘﻲ
ﺍﺣﺴﻬﺎ ﺻﺪﻳﻘﺘﻲ ﻭﺍﻗﺮﺏ ﺍﻟﻨﺎﺱ ﺍﻟﻲ
ﺿﻠﺖ ﺣﺴﺮﺓ ﺑﮕﻠﺒﻲ ﻣﺎﮔﺪﺭﺕ ﺍﻋﺒﺮ ﻋﻦ ﺣﺰﻧﻲ ﻋﻠﻴﻬﺎ ﺑﺎﻟﺼﻴﺎﺡ ﻟﻴﺶ ﻻﻥ ﺷﻴﻴﻴﺦ ﻭﻋﻴﺐ ﻳﺒﺠﻲ
ﺍﻟﺘﻤﺖ ﺍﻟﻮﺍﺩﻡ ﻭﺍﻧﻪ ﻃﺎﻟﻊ ﺍﺳﻤﻊ ﺍﻟﻨﺴﻮﺍﻥ ﺑﻴﻨﻬﻦ ﻳﺤﭽﻦ
ﻳﮕﻮﻟﻦ ﻫﺎﻱ ﺣﻮﺑﺔ ﺍﺑﻮﻫﺎ ﻋﺎﻧﺪﺗﻪ ﻭﺍﺧﺬﺕ ﻏﺼﺒﺎ ﻋﻨﻪ ﻫﺴﻪ ﺷﺴﺘﻔﺎﺩﺕ
ﻋﺎﻗﺒﻬﺎ ﺭﺑﭻ ... ﻫﺬﺍ ﺍﻟﺤﭽﻲ ﭼﺎﻥ ﻣﺜﻞ ﺍﻟﺨﻨﺠﺮ ﻭﺍﻧﻐﺮﺯ ﺑﮕﻠﺒﻲ ﻭﺍﻧﻪ ﺍﺗﺬﻛﺮﻫﺎ ﻣﻦ ﺗﮕﻮﻝ ﺍﺑﻮﻱ ﺷﻮﺭ ﺑﻴﻪ
...................................
ﻃﻴﺒﺔ
ﻣﺮﺕ ﻋﻠﻰ ﻭﻓﺎﺓ ﻋﻼﻫﻦ 5 ﺍﺷﻬﺮ ﻭﺷﺎﻫﻴﻦ ﺣﺎﻟﺘﻪ ﻣﺎﺗﺴﺮ
ﺍﻧﻜﺴﺮ ﻛﺴﺮﺕ ﺍﻟﻌﻮﺩ ﻋﻠﻰ ﻋﻼﻫﻦ ﻣﺎﭼﻨﺖ ﺍﺗﺼﻮﺭﻩ ﻫﻠﮕﺪ ﻳﺤﺒﻬﺎ
ﺍﻧﻌﺰﻝ ﺑﻐﺮﻓﺘﻪ ﺍﻟﻮﺣﺪﻩ
ﺩﺍﺋﻤﺎ ﺑﻠﻴﻞ ﺍﻣﺮ ﻣﻦ ﻳﻤﻪ ﺍﺳﻤﻌﻪ ﻳﺤﭽﻲ ﻭﻳﺎ ﺭﻭﺣﻪ ﻭﻳﮕﻠﻬﺎ
ﻟﻴﺶ ﻋﻔﺘﻴﻨﻲ ﻣﻮ ﮔﺘﻠﺞ ﻣﺎﻧﺘﻔﺎﺭﮒ
ﮔﺘﻠﺞ ﺧﻠﻲ ﺍﺧﺬﺝ ﻟﻠﺨﺎﺭﺝ ﻣﺎﺭﺿﻴﺘﻲ ﻫﺎﻟﺮﺣﺘﻲ ﻣﻦ ﺍﻳﺪﻱ
ﺍﺳﻤﻌﻪ ﻭﺍﺑﺠﻲ ﮔﻠﺒﻲ ﻳﻨﻔﻄﺮ ﻋﻠﻴﻪ
ﺑﺲ ﻣﺎﺍﮔﺪﺭ ﺍﺩﺧﻞ ﻟﻐﺮﻓﺘﻪ ﻭﺍﻭﺍﺳﻴﻪ ﻫﻮ ﻣﺤﺬﺭﻧﻪ
ﻣﺮﺓ ﻣﻦ ﺍﻟﻤﺮﺍﺕ ﭼﺎﻥ ﺻﺎﻋﺪ ﻟﻠﻐﺮﻓﻪ ﻭﻟﮕﻪ ﺍﻟﺨﺪﺍﻣﻪ ‏( ﺣﻠﻴﻤﺔ ‏)
ﺗﺠﻤﻊ ﺑﻤﻼﺑﺴﻬﺎ ﻭﺗﺮﻳﺪ ﺗﺬﺑﻬﻦ ﻻﻥ ﺍﻣﻲ ﮔﺎﻟﺘﻠﻬﺎ ﻧﺘﺒﺮﻉ ﺑﻴﻬﻦ ﻟﻠﻔﻘﺮﻩ ﺑﺜﻮﺍﺑﻬﺎ ﺍﺣﺴﻦ ﻣﺎﺿﺎﻻﺕ ﻳﺸﻠﻌﻦ ﮔﻠﺐ ﺷﺎﻫﻴﻦ
ﻫﻮ ﺷﺎﻓﻬﺎ ﻟﻮ ﮔﻠﺐ ﺍﻟﺒﻴﺖ ﻋﻠﻴﻨﻪ ﺳﺄﻟﻬﺎ ﺑﺼﻴﺎﺡ ﻳﺎﻫﻮﻭﻭﻭ ﮔﺎﻟﺞ ﺗﻠﻤﻴﻨﻬﻦ ﮔﺎﻟﺘﻠﻪ .. ﻋﻤﺘﻲ ﺍﻟﺸﻴﺨﻪ ﮔﺎﻟﺖ
ﻧﺰﻝ ﻋﻠﻴﻨﻪ ﻣﺜﻞ ﺍﻷﻋﺼﺎﺭ
... ﻳﻤﻤﻤﻤﻤﻪ ﻳﻤﻤﻤﻪ
ﺑﺴﻌﺎﺩ .. ﻫﺎ ﻭﻟﻴﺪﻱ ﺍﺳﻢ ﺍﻟﻠﻪ ﻋﻠﻴﻚ ﻟﻴﺶ ﺗﺼﻴﺢ
... ﻟﻴﺶ ﮔﺎﻳﻠﻪ ﻟﻬﺎﻱ ﻭﻳﺄﺷﺮ ﻋﻠﻰ ﺣﻠﻴﻤﺔبيج قصص عراقيه حقيقيه من واقعنا.روعه الطائي
ﺗﻠﻢ ﻣﻼﺑﺲ ﻋﻼﻫﻦ
.. ﺍﻱ ﻳﻤﻪ ﺍﻧﻪ ﮔﺘﻠﻬﺎ ﺗﻠﻤﻬﻦ ﺍﺣﺴﻦ ﻣﺎﺿﺎﻻﺕ ﻋﺎﺩ ﺑﺜﻮﺍﺑﻬﺎ
.. ﺻﺎﺡ ﺑﻴﻬﺎ .. ﻣﺎﻟﺞ ﺷﻐﻠﻠﻠﻠﻞ ﻳﻤﻪ
... ﺍﻟﻤﻦ ﺿﺎﻻﺕ ﻳﻜﺴﺮﻥ ﮔﻠﺒﻚ ﺗﺮﺍ ﻣﻮﺗﺘﻨﻲ ﻭﺍﻧﻪ ﺍﺷﻮﻓﻚ ﻣﻤﺮﻭﺩ ﻋﻠﻴﻬﺎ
ﻳﻤﻪ ﻛﺎﻓﻲ ﺍﻧﺴﺎﻫﺎ ﻛﻠﻨﻪ ﻋﻠﻰ ﻫﺬﺍ ﺍﻟﻄﺮﻳﺞ
ﻫﺬﺍ ﺣﺎﻝ ﺍﺑﻦ ﺍﺩﻡ
.. ﺧﻠﻪ ﺍﻳﺪﻩ ﻋﻠﻰ ﮔﺼﺘﻪ ﻭﺑﻌﺪﻳﻦ ﺗﻨﻮﻉ ‏( ﻳﺒﺎﻭﻉ ‏) ﻋﻠﻰ ﺍﻣﻲ
ﺭﻓﻊ ﺻﺒﻌﻪ ﮔﺪﺍﻣﻨﻪ ﺑﺘﺤﺪﻱ .. ﺷﻮﻓﻮﻭ ﻛﻠﻜﻢ
ﻣﻤﻨﻮﻭﻭﻉ ﻭﺍﺣﺪ ﻳﻮﺻﻞ ﻟﻐﺮﻓﺔ ﻋﻼﻫﻦ ﻭﻻ ﺣﺘﻪ ﻳﻨﻈﻔﻬﺎ
ﺍﺭﻳﺪﻫﺎ ﺗﺒﻘﻪ ﺑﺮﻳﺤﺘﻬﺎ ﻭﺍﺫﺍ ﺷﻔﺖ ﺑﻴﻬﺎ ﺷﻲ ﻣﺘﻐﻴﺮ
ﻣﺎﺗﻠﻮﻣﻮﻭﻭﻥ ﺍﻻﻧﻔﺴﻜﻢ ﺧﻮﻭﻭﻭﻭﺵ
ﺳﻮﻳﻨﻪ ﻣﺜﻞ ﻣﺎﻳﺮﻳﺪ ﺍﺑﺪ ﻣﺤﺪ ﻳﻮﺻﻞ ﻟﻠﻐﺮﻓﻪ
ﻧﺨﺎﻑ ﻣﻨﻪ ﻻﻥ ﺷﺎﻫﻴﻦ ﺗﻐﻴﺮ ﺣﻴﻞ ﻣﻮ ﻣﺜﻞ ﮔﺒﻞ ﺍﻷﻧﺴﺎﻥ ﺍﻟﻄﻴﺐ ﺍﻟﻴﻔﻜﺮ ﺑﻌﻘﻠﻪ
ﺍﺣﺴﻪ ﺻﺎﺭ ﻣﺜﻞ ﺍﻟﻮﺣﺶ ﺣﺎﻗﺪ ﻋﻠﻰ ﻛﻞ ﺍﻟﻨﺎﺱ ﭼﻦ
ﺍﺣﻨﻪ ﺍﻟﺴﺒﺐ ﺑﻤﻮﺕ ﻋﻼﻫﻦ
ﺻﺎﺭ ﻳﺮﺩ ﺍﻟﺤﭽﻲ ﺑﻮﺟﻪ ﺍﻣﻲ ﻭﺍﺑﻮﻱ ﻣﺎﻟﻪ ﻛﻠﻤﺔ ﻋﻠﻴﻪ
ﻣﻘﺪﺭﻳﻦ ﺍﻟﻲ ﻣﺮ ﺑﻴﻪ ﻭﺑﻨﻔﺲ ﺍﻟﻮﻛﺖ ﻣﺎﻳﻀﺎﻳﻘﻮﻧﻪ
ﺣﭽﻪ ﻭﻳﺎ ﺍﺑﻮﻱ ﺭﺍﺩ ﻣﻨﻪ ﻣﺎﻛﻮ
ﺣﺘﻪ ﺍﻟﻤﻀﻴﻒ ﺻﺎﺭ ﻣﺎﻳﺪﺧﻠﻪ ﻭﺍﺫﺍ ﺩﺧﻠﻪ ﺷﻮﻳﻪ ﻭﻳﮕﻮﻭﻡ
ﻳﺒﻘﻪ ﺑﺎﻟﻐﺮﻓﻪ ﺍﻛﺜﺮ ﻭﻗﺘﻪ ﺑﻌﺪﻳﻦ ﻳﺘﻌﺐ ﻭﻳﻄﻠﻊ
ﻟﻠﺴﻄﺢ ﻳﻠﺘﻬﻲ ﺑﺎﺍﻟﻘﻔﺺ ﻣﺎﻟﺖ ﺍﻟﺤﻤﺎﻡ
ﻣﺮﺍﺕ ﺍﺳﻤﻌﻪ ﻳﺴﻮﻟﻒ ﺍﻟﻮﺣﺪﻩ
ﻳﮕﻮﻝ ﺗﺤﺒﻬﻦ ﻋﻼﻫﻦ .. ﺭﻭﺣﻬﺎ ﻃﺎﺭﺕ ﻣﺜﻞ ﺍﻟﺤﻤﺎﻣﺎﺕ
ﻟﻮ ﻳﻠﺒﺲ ﺍﻟﻐﺘﺮﺓ ﻭﻳﻠﻔﻬﺎ ﻋﻠﻰ ﺭﺍﺳﻪ
ﻳﺮﻭﺡ ﻳﻢ ﺍﻟﺨﻴﻞ ﺷﺎﻫﻴﻦ ﻳﺤﺐ ﺍﻟﺨﻴﻞ ﺑﺸﻜﻞ ﻣﻮﻃﺒﻴﻌﻲ ﻣﻦ ﺍﻟﻄﻔﻮﻟﻪ ﻭﺭﻏﻢ ﺍﻛﻮ ﺳﻴﺎﺭﺍﺕ ﻳﻤﻨﻪ ﺑﺲ ﻗﻠﻴﻞ
ﺍﻛﺜﺮ ﻃﻠﻌﺎﺗﻪ ﺑﺎﻟﺨﻴﻞ
…………………………………………� �…………
ﻻﺑﺴﻪ ﺗﻨﻮﺭﺓ ﻗﺼﻴﺮﺓ ﻟﻮﻥ ﺍﺳﻮﺩ ﻭﻗﻤﻴﺺ ﻧﺺ ﺭﺩﻥ ﺍﺣﻤﺮ
ﺗﻨﺰﻝ ﻣﻦ ﺍﻟﺪﺭﺝ ﻭﺻﻮﺕ ﻛﻌﺒﻬﺎ ﺍﻟﻌﺎﻟﻲ ﺍﻟﻤﺴﻤﻮﻉ
ﺭﺍﺩﺕ ﺗﻄﻠﻊ ﻭﺍﺟﺎﻫﺎ ﺻﻮﺕ ﺻﻔﻮﺍﻥ
... ﻣﺮﻳﻢ
ﻣﺮﻳﻢ .. ﻧﻌﻢ ﺑﺎﺑﺎ
ﺻﻔﻮﺍﻥ .. ﻭﻳﻦ ﺭﺍﻳﺤﻪ ﺑﻨﺘﻲ
ﻣﺮﻳﻢ .. ﺭﺍﻳﺤﺔ ﻷﺻﺪﻗﺎﺋﻲ ﺑﺎﺑﺎ ﻣﻌﺰﻭﻣﻴﻦ ﻉ ﺍﻟﻐﺪﺍ
ﺻﻔﻮﺍﻥ .. ﺗﻌﺎﻱ ﮔﻌﺪﻱ ﻭﻻﺣﮕﻪ ﻉ ﺍﻟﻐﺪﺍ
ﮔﻌﺪﺕ ﻳﻤﻪ ﻭﮔﺘﻠﻪ ﺑﻀﺤﻜﻪ ... ﻫﺎﺍ ﺑﺎﺑﺎ
ﻣﺎﺻﺤﺘﻠﻲ ﺍﻻ ﻋﻨﺪﻙ ﻣﻮﺿﻮﻉ ﻣﻬﻢ
ﺻﻔﻮﺍﻥ .. ﺣﺒﻴﺒﺘﻲ ﻣﺮﻳﻮﻣﻪ ﺍﻧﺘﻲ ﻫﺴﻪ ﺧﻠﺼﺘﻲ ﻣﻌﻬﺪ ﺍﺩﺍﺭﺓ
ﻭﺍﻧﻲ ﺗﻌﻤﺪﺕ ﺍﺩﺧﻠﺞ ﻫﺎﻟﻘﺴﻢ ﻭﺍﻟﺴﺒﺐ ﺍﺭﻳﺪﺝ ﺗﻠﺰﻣﻴﻦ ﺍﻟﺸﻐﻞ ﻭﻳﺎﻱ
ﻣﺮﻳﻢ .. ﺗﻤﺎﻡ ﻭﺍﺣﻨﻪ ﻣﺘﻔﻘﻴﻦ ﻋﻠﻰ ﻫﺬﺍ ﺍﻟﺸﻲ ﻣﻦ ﺯﻣﺎﻥ
ﺻﻔﻮﺍﻥ .. ﺍﻱ ﺑﺲ ﻣﻮ ﻫﻨﺎ ﺑﺘﺮﻛﻴﺎ
ﻣﺮﻳﻢ ﺑﺘﻌﺠﺐ .. ﻟﻴﺶ ﻭﻳﻦ؟
ﺻﻔﻮﺍﻥ .. ﺍﻟﺸﺮﻛﺔ ﺍﻟﻲ ﺑﺘﺮﻛﻴﺎ ﺭﺍﺡ ﺍﺳﻠﻤﻬﺎ ﻷﺑﻮ ﻣﺸﺘﺎﻕ
ﻭﺍﺣﻨﻪ ﻧﺮﺟﻊ ﻟﻠﻌﺮﺍﻕ
ﻣﺮﻳﻢ .. ﻻ ﺑﺎﺑﺎ ﻋﻔﻴﻪ ﺷﻠﻮﻥ ﻣﺎﺍﻛﺪﺭ ﺍﺗﺤﻤﻞ
ﺍﻧﻲ ﻋﺸﺖ ﻭﺗﺮﺑﻴﺖ ﻫﻨﺎﻳﻪ ﺑﺘﺮﻛﻴﺎ ﺷﻠﻮﻥ ﺍﻓﺎﺭﻕ ﺗﺮﻛﻴﺎ ﻣﺎﺍﻛﺪﺭ
ﺻﻔﻮﺍﻥ .. ﺍﻋﺮﻑ
ﺑﺲ ﺍﻟﻌﺮﺍﻕ ﺑﻠﺪﺝ ﻭﻣﻨﺸﺄﺝ ﻭﻣﺮﺟﻌﻨﻪ ﺍﻟﻪ
ﻭﻻﺗﻨﺴﻴﻦ ﻋﻤﺎﻣﺞ ﻫﻨﺎﻙ ﺑﺎﻟﻌﺮﺍﻕ
ﻣﺮﻳﻢ . ﺑﻀﺠﺮ ... ﺍﻭﻭﻑ
ﻳﻌﻨﻲ ﺭﺍﺡ ﻧﺴﺎﻓﺮ .. ﻋﻔﻴﻪ ﺑﺎﺑﺎ ﻏﻴﺮ ﺭﺃﻳﻚ
ﻭﺑﻌﺪﻳﻦ ﻋﻤﺎﻣﻲ ﺫﻭﻟﻲ ﻭﻳﻦ ﭼﺎﻧﻮ ﺍﺷﻮ ﺟﺒﺖ ﻋﻤﺮﻱ ﺍﺳﻤﻌﻚ ﺗﺤﺠﻲ ﺑﻴﻬﻢ ﻭﻣﺎﺷﻔﺘﻬﻢ
ﺻﻔﻮﺍﻥ .. ﻣﻮ ﮔﺘﻠﺞ ﺑﺎﻟﻌﺮﺍﻕ ﻭﭼﻨﺖ ﻣﺘﺰﺍﻋﻞ ﻭﻳﺎﻫﻢ ﻗﺒﻞ ﻻﻧﺴﺎﻓﺮ ﺏ 4 ﺳﻨﻮﺍﺕ
ﻭﻣﻦ ﺳﺎﻓﺮﺕ ﺑﺪﻭﻥ ﻣﺎﺍﺑﻠﻐﻬﻢ ﺧﺎﺑﺮﻭﻧﻲ ﻳﻌﺘﺬﺭﻭﻥ
ﻭﻣﺤﺎﺟﻴﻦ ﺍﺑﻮ ﻣﺸﺘﺎﻕ ﻋﻠﻤﻮﺩ ﻧﺘﺼﺎﻟﺢ ﻭﻳﺒﻘﻪ ﺍﻟﺪﻡ ﻣﻴﺼﻴﺮ ﻣﻲ ﻳﺎ ﺑﻨﺘﻲبيج قصص عراقيه حقيقيه من واقعنا.روعه الطائي
ﻣﺮﻳﻢ .. ﺍﻓﻬﻢ ﺑﺎﺑﺎ ﺑﺲ ﺻﻌﺐ ﻋﻠﻴﻪ ﺍﻋﻴﺶ ﻫﻨﺎﻙ ﺗﻌﻮﺩﺕ ﻫﻨﺎ ﻉ ﺍﻟﺠﻮﺍﺀ ﻋﻠﻰ ﻛﻮﻟﺸﻲ
ﺻﻔﻮﺍﻥ .. ﻫﻬﻬﻪ ﺍﻧﺘﻲ ﻣﺎﺷﺎﻳﻔﻪ ﺍﻟﻌﺮﺍﻕ ﺻﺪﮔﻴﻨﻲ ﺭﺍﺡ ﺗﺤﺒﻴﻨﻪ
ﻭﮔﻠﺒﻲ ﻃﺎﮒ ﻋﻠﻴﻪ ﺻﺎﺭﻟﻲ 17 ﺳﻨﻪ ﻣﻔﺎﺭﮔﻪ
ﻣﺸﺘﺎﻕ ﺍﻟﻪ
ﻣﺮﻳﻢ ... ﻭﻙ ﻭﻣﺎﻣﺎ ﺷﻨﻮ ﺭﺃﻳﻬﺎ
ﺻﻔﻮﺍﻥ .. ﺍﻟﺒﺎﺭﺣﺔ ﺣﭽﻴﺖ ﻭﻳﺎﻫﺎ ﻭﺍﺗﻔﻘﻨﻪ ﻫﻴﻪ ﻫﻢ ﺟﺎﺯﻋﻪ ﻣﻦ ﺍﻟﮕﻌﺪﺓ ﻫﻨﺎ
ﻣﺮﻳﻢ ... ﺷﻔﺘﻮ ﺷﻠﻮﻥ ﺗﺤﺒﻮﻥ ﺍﻟﺒﻠﺪ ﺍﻟﺘﺮﺑﻴﺘﻮ ﺑﻴﻪ
ﻭﺍﻧﻲ ﻫﻤﺎﺕ ﺍﺣﺐ ﺗﺮﻛﻴﺎ ﻭﻣﺎﺍﺗﺼﻮﺭ ﻧﻔﺴﻲ ﺍﻋﻴﺶ ﺑﻌﻴﺪﺓ ﻋﻨﻬﺎ
ﺻﻔﻮﺍﻥ ... ﻣﺮﻳﻤﻤﻢ ﺷﺤﭽﻴﻨﻪ
ﺗﺮﻛﻴﺎ ﻣﺠﺮﺩ ﻭﻃﻦ ﺩﮔﻴﻨﺔ ﺑﻴﻪ ﺍﻗﺎﻣﺔ ﻋﻠﻤﻮﺩ ﻋﻤﻞ ﻻ ﺍﻛﺜﺮ
ﻓﻴﺎ ﺑﻨﺘﻲ ﻻﺗﺸﻠﻌﻴﻦ ﮔﻠﺒﻲ
ﻣﺮﻳﻢ .. ﺍﻓﻔﻒ ﺗﻤﺎﻡ ﺳﻮﻭ ﺍﻟﻲ ﻳﺮﻳﺤﻜﻢ
ﺍﻣﺎ ﺍﻧﻲ ﻓﻀﺮﺑﻮﻧﻲ ﺑﻌﺮﺽ ﺍﻟﺤﺎﻳﻂ
ﻳﻼ ﺣﺮﻭﺡ ﻟﺼﺪﻗﺎﺋﻲ ﺍﻛﻮﻟﻠﻬﻢ ﻋﻠﻰ ﻫﺬﺍ ﺍﻟﺨﺒﺮ ﺍﻟﺘﻌﻴﺲ
ﻳﻌﻨﻲ ﺻﺪﻭﻭﻭﮒ ﺿﺠﺖ
... ﺷﻨﻬﻲ ﺻﻐﻴﺮﻭﻧﻪ ﺷﻮ ﺻﺎﻳﺮﺓ ﺍﻃﻮﻝ ﻣﻨﻲ
ﻋﻤﺮﺝ 18 ﺳﻨﻪ ﺑﻌﺪ ﺷﺘﺮﺩﻳﻦ
.. ﺍﺳﺘﻮﻧﻲ ﺣﺠﻴﺖ .. ﺑﻮﻳﻪ ﺓ ﻗﺎﻃﻌﻨﻲ
.. ﺍﺷﺸﺶ ﻭﻻ ﺣﺠﺎﻳﻪ ﺍﺭﻳﺪ ﺍﺳﻤﻊ ﺍﻧﻪ ﺍﻃﻴﺖ ﭼﻠﻤﺔ ﻟﻠﻮﺍﺩﻡ ﻏﻴﺮﻫﺎ ﻣﺎﻋﻨﺪﻱ
ﻭﻻ ﺣﺴﺒﺎﻟﺞ ﺍﻧﻪ ﺭﺍﻳﺪ ﺍﺧﺬ ﻣﻮﺍﻓﻘﺘﺞ
ﻻ .. ﮔﻠﺖ ﺍﻃﻴﺞ ﻋﻠﻢ ﻭﺍﺭﻳﺪ ﺍﺳﻤﻌﭻ ﺗﺘﻨﻔﺴﻴﻦ ﺍﻻ ﺍﻓﺼﻢ ﺭﮔﺒﺘﺞ ﻓﺼﻢ
ﺍﻟﺪﻣﻮﻉ ﺗﺠﻤﻌﺖ ﺑﻌﻴﻨﻲ ﻣﺎﺍﮔﺪﺭ ﺃﺭﺍﺩﺩ ﺍﺑﻮﻱ ﻭﻣﺎﺍﮔﺪﺭ ﺍﮔﻠﻪ ﺍﻧﻪ ﺍﺣﺐ ﻓﺎﺿﻞ
ﻳﺬﺑﺤﻨﻲ ﺍﻧﻪ ﻭﻳﺎﻩ ﺍﺫﺍ ﺍﮔﻠﻪ
ﺗﺮﺧﺼﺖ ﻣﻨﻪ ﻭﻃﻠﻌﺖ ﻣﻦ ﺍﻟﺪﻳﻮﺍﻧﻴﻪ
ﻃﺒﻴﺖ ﺍﻟﻐﺮﻓﺘﻲ ﺍﺑﭽﻲ ﻣﺎﺍﺣﺲ ﺍﻻ ﺍﻟﺒﺎﺏ ﺍﻧﻔﺘﺢ ﻭﺩﺧﻠﺖ ﺍﻣﻲ
.. ﺍﺳﻢ ﺍﻟﻠﻪ ﺷﺒﻴﺞ ﻭﻟﺞ ﻳﺎﻫﻮ ﺍﻟﻤﺤﺎﺟﻴﺞ
ﻃﻴﺒﺔ .. ﻳﻤﻪ ﺍﺑﻮﻱ ﺍﺑﻮﻱ ﺍﺣﺠﻲ ﻭﺍﺑﺠﻲ
ﺑﺴﻌﺎﺩ .. ﺷﺒﻲ ﻭﻟﺞ ﻃﻴﺤﺘﻲ ﮔﻠﺒﻲ
ﻃﻴﺒﺔ .. ﻳﺮﻳﺪ ﻳﺰﻭﺟﻨﻲ ﻟﻤﻨﺼﻮﺭ ﻭﺍﻧﻪ ﻣﺎﺭﻳﺪﻩ
ﺑﺴﻌﺎﺩ .. ﺍﻭ ﻏﺴﻞ ﺣﺘﻪ ﻏﺴﻞ ﻋﺒﺎﻟﻲ ﺷﻮ ﺷﺒﻴﺞ ﮔﺎﻟﺒﺘﻬﺎ ﻣﻨﺎﺣﻪ
ﻭﺑﻌﺪﻳﻦ ﺷﺒﻲ ﻣﻨﺼﻮﺭ ﻣﺎﺗﺮﺩﻳﻨﻪ ﻫﺎﺍﺍﺍ
ﻃﻴﺒﺔ .. ﻳﻤﻪ ﻣﻮ ﭼﻴﻒ ﻣﻨﺼﻮﺭ ﺍﻧﻪ ﻣﺎﺭﺍﺿﻴﻪ ﻻ
ﺍﻧﻪ ﺍﺻﻼ ﻣﺎﺭﻳﺪ ﺍﺧﺬ
ﺑﺴﻌﺎﺩ ... ﺑﺸﻚ .. ﻃﻮﻳﺒﺔ ﺍﻧﻪ ﺍﻣﺞ ﻭﻣﺮﺑﻴﺘﺞ ﻭﺍﻋﺮﻓﺞ ﻋﺪﻝ
ﺷﻌﻨﺪﺝ ﻟﻴﺶ ﻣﺎﺗﺮﺩﻳﻦ ﺗﺎﺧﺬﻳﻦ
ﻃﻴﺒﺔ .. ﺍﻫﻮﻭﻭ ﻳﻴﻤﻪ ﺣﺘﻰ ﻫﺎﻱ ﺗﺤﻄﻴﻦ ﺑﻴﻬﺎ ﺳﺎﻟﻔﻪ
ﻣﻨﺼﻮﺭ ﻣﺎﺭﻳﺪﻩ ﺭﻭﺣﻲ ﻣﺎﺍﻃﻴﻘﻪ
ﺑﺴﻌﺎﺩ .. ﺗﻘﺮﺑﺖ ﻳﻤﻬﺎ ﻭﻟﺰﻣﺘﻬﻪ ﻣﻦ ﺩﺷﺪﺍﺷﺘﻬﻪ .. ﺑﺲ ﻻ ﻋﺎﺷﺠﻪ ﻭﻟﺞ
ﻃﻴﺒﺔ .. ﺑﺘﻮﺗﺮ .. ﺷﻨﻲ ﻋﺎﺷﺠﻪ ﻳﻤﻪ
ﻳﻌﻨﻲ ﻋﺪﻛﻢ ﺍﻟﺒﺖ ﻣﺎﺗﺮﻓﺾ ﺍﻻ ﺗﺮﻳﺪﻟﻬﻪ ﻭﺍﺣﺪ
ﺑﺴﻌﺎﺩ ... ﭼﺎ ﺷﺒﻲ ﺍﺑﻦ ﺍﺧﻮﻱ ﻭﻣﺎﺗﺮﺩﻳﻨﻪ ﺷﻮ ﺍﺑﻦ ﺷﻴﻮﺥ ﻭﺍﻟﻒ ﺑﺖ ﺗﺘﻤﻨﺎﻩبيج قصص عراقيه حقيقيه من واقعنا.روعه الطائي
ﻃﻴﺒﺔ .. ﺧﻠﻲ ﻳﺮﻭﺡ ﻟﻸﻟﻒ ﻭﻳﺎﺧﺬ ﻣﻨﻬﻦ ﺍﻻ ﺍﻧﻪ
ﺑﺴﻌﺎﺩ .. ﺳﻠﻴﻤﺔ ﺗﺼﻜﺞ ﺻﺎﻳﺮﺓ ﻭﻛﺤﺔ ﻭﻟﺞ ﻣﻦ ﻟﻴﻤﺘﻬﻪ ﺍﻧﺘﻲ ﻫﺠﻲ ﺍﻟﺴﺎﻧﺞ ﻃﻮﻻﻥ
ﻃﻴﺒﺔ .. ﻓﺪﻭﺓ ﺭﺣﺘﻠﺞ ﻳﻤﻪ ﺍﺑﻮﻱ ﻳﺴﻤﻊ ﺣﺠﺎﻳﺘﺞ ﻗﻨﻌﻴﻪ
ﻣﺎﻳﻄﻴﻨﻲ ﺍﻟﻤﻨﺼﻮﺭ ﺍﺣﺐ ﺍﻳﺪﺝ
ﺑﺴﻌﺎﺩ .. ﺧﺎﻳﺒﺔ ﺩﮔﻮﻣﻴﻴﻲ ﺷﻨﻬﻲ ﻣﺎﺗﻌﺮﻓﻴﻦ ﺍﺑﻮﺝ ﺍﺫﺍ ﺭﺍﺩﻟﻪ ﺷﻐﻠﻪ ﻳﺴﻮﻳﻬﺎ ﻳﻌﻨﻲ ﻳﺴﻮﻳﻬﺎ ﻣﺎﺗﻮﮔﻒ ﺑﻮﺟﻬﻪ ﺟﻴﺶ
ﺗﺮﺩﻳﻦ ﺍﻧﻪ ﺍﮔﻠﻪ
ﻭﻳﺎﺧﺬ ﺣﭽﺎﻳﺘﻲ .. ﻭﺗﻌﺎﻱ ﺍﮔﻠﺞ ﺗﺮﺍ ﺍﻧﻪ ﺍﻟﮕﻠﺖ ﻟﺒﻮﺝ ﻭﻗﻨﻌﺘﻪ ﻳﺮﺿﻪ ﻋﺒﻦ ﺍﻧﺘﻲ ﺑﺘﻲ ﻭﺍﺭﻳﺪﻟﺞ ﺍﻟﺨﻴﺮ ﻭﺍﻟﻤﭽﺎﻥ ﺍﻟﺰﻳﻦ
ﻃﻴﺒﺔ .. ﺑﺼﻮﺕ ﻋﺎﻟﻲ .. ﻭﺍﻧﻪ ﻣﺎﺭﻳﺪ ﺷﻨﻲ ﮔﻮﺓ
ﺑﺴﻌﺎﺩ ... ﮔﺎﻣﺖ ﻭﺭﻓﻌﺖ ﺻﺒﻌﻬﻪ ﺑﺘﻮﻋﺪ ... ﺷﻮﻓﻲ ﻭﻟﺞ ﻃﻮﻳﺒﺔ ﺗﻨﻌﺪﻟﻴﻦ ﻭﺗﺼﻴﺮﻳﻦ ﺧﻮﺵ ﺍﺩﻣﻴﻪ
ﻻ ﺍﮔﻞ ﻷﺧﻮﺝ ﺷﺎﻫﻴﻦ ﻳﺘﺼﺮﻑ ﻭﻳﺎﺝ ﻭﻧﺘﻲ ﺗﻌﺮﻓﻴﻨﻪ ﻋﺪﻝ ﻣﺎﻳﺤﺘﺎﺝ ﺍﻛﻠﺞ
ﺧﺎﺻﻪ ﻣﻦ ﻣﺎﺗﺖ ﻣﺮﺗﻪ ﺻﺎﻳﺮ ﭼﺒﺮﻳﺖ ﻳﺪﻭﺱ ﺍﻋﻠﻰ ﺭﮔﺒﺘﺞ
ﺧﻠﻴﻨﻲ ﺯﻳﻨﻪ ﻭﻳﺎﺝ
ﻃﻠﻌﺖ ﻭﺳﺪﺕ ﺍﻟﺒﺎﺏ ﻭﺭﺍﻫﻪ ﺍﺣﺘﺎﺭﻳﺖ ﺷﺴﻮﻱ
ﺍﻣﻲ ﻭﺍﺑﻮﻱ ﻳﺪﻭﺭﻭﻥ ﺍﻟﺼﻴﺖ ﻭﻣﺎﻳﻨﻄﻮﻥ ﺍﻻ ﺷﻴﻮﺥ ﻭﻓﺎﺿﻞ ﺍﺑﻦ ﺍﻟﻔﻼﺡ
ﺍﻛﻴﺪ ﺍﺑﻮﻱ ﻣﺎﺭﺍﺡ ﻳﺘﻨﺎﺯﻝ ﻭﻳﺮﺿﻪ ﻻﻥ ﻳﻌﺘﺒﺮﻫﻪ ﺍﻫﺎﻧﻪ ﺍﻟﻪ
ﺿﻠﻴﺖ ﺍﻟﻠﻴﻞ ﻛﻠﻪ ﺍﻓﻜﺮ ﻣﺎﻧﻤﺖ ﺍﻻ ﻭﺟﻪ ﺍﻟﻔﺠﺮ
ﮔﻌﺪﺕ ﻋﻠﻰ ﺻﻮﺕ ﺍﻣﻲ ﺗﮕﻌﺪﻧﻲ
... ﮔﻮﻣﻴﻲ ﻳﺎﻟﻤﺴﻌﺪﻩ ﺍﻟﻴﻮﻡ ﻧﺎﻳﻤﺔ ﻟﻠﻀﻬﺎﺭﻱ ﺷﻌﻨﺪﺝ
ﻓﺘﺤﺖ ﺷﺒﺎﻙ ﺍﻟﻐﺮﻓﻪ .. ﻓﺘﺤﺖ ﺍﻋﻴﻮﻧﻲ ﻣﻐﻮﺷﻪ ﮔﻮﺓ ﺍﺷﻮﻑ ﺑﻴﻬﻦ
ﺭﺟﻌﺖ ﻏﻤﻀﺖ ﺳﻤﻌﺖ ﺣﭽﻲ ﺍﻣﻲ ﻭﻓﺰﻳﺖ ﺑﺪﻭﻥ ﻭﻋﻲ ﺣﺘﻰ ﺍﻟﻨﻮﻣﻪ ﻃﺎﺭﺕ ﻣﻦ ﻋﻴﻨﻲ
.. ﮔﻌﺪﻱ ﻭﻟﺞ ﺍﺑﻮﭺ ﺩﺯ ﺳﻮﻳﻠﻢ ﻷﻫﻠﻲ ﻭﮔﺎﻟﻠﻬﻢ ﺭﺍﺿﻴﻦ ﻭﻋﮕﺒﺔ ﺗﺠﻲ ﻣﺸﻴﺔ ﺍﻟﺸﻴﻮﺥ ﻭﻳﺘﻔﻘﻮﻥ ﺍﻋﻠﻰ ﻛﻠﺸﻲ
ﻃﻴﺒﺔ .. ﻳﻤﻪ ﺓ ﺻﺪﮒ ﺗﺤﭽﻴﻦ
ﺑﺴﻌﺎﺩ .. ﻭﻏﻤﺔ ﭼﺎ ﺍﭼﺬﺏ ﺍﻋﻠﻴﺞ
ﻃﻴﺒﺔ .. ﺑﺼﻮﺕ ﻣﺒﺤﻮﺡ .. ﺳﻮﻳﻠﭻ ﺯﻳﻨﻪ ﻭﺣﺪﻩ ﺑﺤﻴﺎﺗﺞ
ﻭﻓﺮﺣﻴﻨﻲ ﻟﻴﺶ ﺩﻭﻣﭻ ﺗﻤﺸﻴﻦ ﻭﺭﻩ ﺭﻏﺒﺎﺗﺞ ﻭﺍﻫﻢ ﺷﻲ ﻋﺪﭺ ﺍﻟﻔﻠﻮﺱ ﻭﺍﻟﺠﺎﻩ
ﺑﺴﻌﺎﺩ .. ﺍﻧﻄﻤﻲ ﻭﻟﺞ
ﻳﻌﻨﻲ ﻫﺴﻪ ﺍﻧﻪ ﺣﻴﺎﺗﻲ ﻛﻠﻬﻪ ﻣﺎﻣﺴﻮﻳﺘﻠﻜﻢ ﺯﻳﻦ
ﻭﻻ ﺗﻌﺒﺎﻧﻪ ﺍﻋﻠﻴﻜﻢ ﺍﻻ ﻫﺴﻪ ﺗﺮﺩﻳﻨﻲ ﺍﺳﻮﻱ ﺯﻳﻦ؟
ﻃﻴﺒﺔ .. ﺍﺧﺬﺕ ﺍﻳﺪﻫﻪ ﻭﺣﺒﻴﺘﻬﻪ .. ﻭﺍﺑﺠﻲ ﻳﻤﻪ ﻓﺪﻭﺓ ﺍﻏﺪﻳﻠﭻ ﻣﺎﺭﻳﺪ ﻣﻨﺼﻮﺭ
ﻋﻴﻨﻴﻨﻲ ﻭﺧﻠﻲ ﺍﺑﻮﻱ ﻳﺮﺩﻫﻢ ﻓﺪﻭﻭﻭﻭﻩ
ﺑﺴﻌﺎﺩ .. ﺣﭽﺖ ﺑﺮﻭﻭﺩ . ،،ﺍﺑﻮﭺ ﺍﻧﻄﻪ ﺍﺣﭽﺎﻳﻪ ﻟﺨﻮﺍﻟﺞ
ﻭﺷﻴﻮﺥ ﺭﺍﺡ ﺗﺠﻲ ﺷﻨﻬﻲ ﻟﻌﺒﻪ ﻭﺍﻧﻪ ﺍﻏﻴﺮﻫﺎ ﻟﻴﻤﺘﻬﻪ ﻣﺎﺭﺩﺕ
ﻫﺎﻟﻌﺮﺳﺖ ﺍﻧﻪ ﻭﺍﺧﺬﺕ ﺍﺑﻮﺝ ﻋﻤﺮﻱ 14 ﺳﻨﻪ ﻛﻠﺸﻲ ﻣﺎﻋﺮﻑ
ﻣﺎﮔﻠﺖ ﻣﺎﺭﻳﺪ ﻭﻻ ﻧﺼﺒﺘﻠﻲ ﻓﺎﺗﺤﻪ ﻣﺜﻠﺞ
ﺑﺲ ﺍﻧﺘﻦ ﺑﻨﺎﺕ ﻫﺬﺍ ﺍﻟﻮﻛﺖ ﺍﻟﻠﻪ ﻳﻌﻠﻢ ﺷﺘﺮﺩﻥ
ﻋﺎﻓﺘﻨﻲ ﻭﺭﺍﺣﺖ .. ﻣﺸﻜﻠﺔ ﺍﻣﻲ ﻣﺎﺗﺤﺐ ﺗﻮﺍﺟﻪ ﺍﺣﺪ ﺗﻌﺮﻑ ﺭﻭﺣﻬﻪ ﻏﻠﻄﺎﻧﻪبيج قصص عراقيه حقيقيه من واقعنا.روعه الطائي
ﺑﺲ ﻣﺎﺗﻌﺘﺮﻑ ﻛﻠﺸﻲ ﻭﻻ ﻭﺍﺣﺪ ﻳﮕﻠﻠﻬﻪ ﻻ
ﻧﺴﺨﺔ ﻣﻦ ﺍﺑﻮﻱ ﺍﺫﺍ ﺭﺍﺩ ﺷﻲ ﻭﺍﺣﺪ ﻣﻨﻌﻪ ﻳﻌﺎﻧﺪ ﺍﻻ ﻫﻮ ﺣﺘﻰ ﻟﻮ ﻣﺎﺑﻴﻪ ﻓﺎﻳﺪﻩ ﺍﻟﻪ
ﺍﻫﻢ ﺷﻲ ﻳﻨﺘﺼﺮ
ﻧﺰﻟﺖ ﺟﻮﺓ ﺳﻤﻌﺖ ﺍﺑﻮﻱ ﻳﺤﭽﻲ ﻭﻱ ﺍﻣﻲ ﻭﻳﮕﻠﻠﻬﻪ ﺣﻈﺮﻧﺔ ﺍﻟﺬﺑﺎﻳﺢ ﻟﻌﮕﺒﺔ ﻭﺭﺍﺡ ﻧﺴﻮﻱ ﺍﻟﻤﺸﻴﺔ ﺑﺎﻟﻤﻀﻴﻒ ﻣﺎﻧﻨﺼﺐ ﭼﺎﺩﺭ
ﺣﻄﻴﺖ ﺍﻳﺪﻱ ﺍﻋﻠﻰ ﺭﺍﺳﻲ ﺍﺭﻳﺪ ﺍﻓﺘﻬﻢ ﺍﻟﻤﻮﺿﻮﻉ ﻟﻴﺶ ﻫﻴﺞ ﺍﻧﻪ ﺣﻈﻲ ﻣﺼﺨﻢ ﻣﻦ ﺩﻭﻥ ﺍﻟﻌﺎﻟﻢ ﻣﺎﺭﺩﺕ ﺍﻻ ﺍﺑﻦ ﺍﻟﻔﻼﺡ
ﺍﻟﻲ ﺍﺩﺭﻱ ﺍﻫﻠﻲ ﻣﺎﻳﺮﺿﻮﻥ ﺑﻴﻪ ﻭﻃﺎﻏﻴﻦ ﻛﻠﺸﻲ ﻭﻻ ﻳﺘﻬﺰﻫﺰ ﺟﺎﻫﻬﻢ
ﺷﺎﻫﻴﻦ ﻣﺎﺍﻟﻪ ﺧﻠﮓ ﻳﻄﺐ ﻣﻐﻨﺪﺏ ﻭﻳﻄﻠﻊ ﻣﻐﻨﺪﺏ ﻭﻫﻢ ﻣﺎﺍﮔﺪﺭ ﺍﺣﺎﺟﻴﻪ
ﺍﺣﻨﻪ ﻋﺪﻧﻪ ﺍﺫﺍ ﺍﻟﺒﺖ ﺭﻓﻀﺖ ﻣﻌﻨﺎﺗﻬﻪ ﺗﺮﻳﺪﻟﻬﻪ ﻭﺍﺣﺪ
ﻭﺍﻻ ﻟﻴﺶ ﺗﺮﻓﺾ ﻭﻫﻴﻪ ﺑﺎﻟﺒﻴﺖ ﻻﻃﺎﻟﻌﻪ ﻭﻻﻣﺎﺷﻴﻪ
ﺷﺎﻫﻴﻦ ... ﻣﻦ ﺑﻌﺪ ﻭﻓﺎﺓ ﻋﻼﻫﻦ
ﺍﺳﻮﺩﺕ ﺍﻟﺪﻧﻴﺎ ﺑﻌﻴﻨﻲ ﭼﺎﻧﺘﻠﻲ ﻣﺜﻞ ﺍﻟﻀﻮﻩ ﻭﺭﺍﺡ ﮔﻤﺖ ﻣﺎﺍﺣﺲ ﺑﻄﻌﻢ ﺍﻟﺤﻴﺎﺓ
ﺩﺧﻠﺖ ﺑﻜﺂﺑﻪ ﺍﻋﺘﺰﻟﺖ ﺍﻫﻠﻲ ﻭﺍﻟﻤﻀﻴﻒ ﻣﺎﺭﻭﺣﻠﻪ ﻗﻠﻴﻞ ﻭﺍﺫﺍ ﺭﺣﺖ ﺍﺿﻞ ﺻﺎﻓﻦ ﻭﺑﻌﺪﻳﻦ ﺍﮔﻮﻡ ﺍﺣﺎﻭﻝ ﺍﺷﻐﻞ ﺭﻭﺣﻲ ﺑﺎﻟﺨﻴﻞ ﻭﺍﻟﺒﺴﺘﺎﻥ ﺑﻠﻜﻲ ﺍﻧﺴﻰ
ﺑﻴﻮﻡ ﭼﻨﺖ ﮔﺎﻋﺪ ﺑﺎﻟﻐﺮﻓﻪ ﻭﻣﮕﺎﺑﻞ ﺻﻮﺭﺓ ﻋﻼﻫﻦ ﻫﺎﻱ ﺍﻏﻼ ﺻﻮﺭﺓ ﻋﻨﺪﻱ ﻭﺍﺟﻤﻞ ﺫﻛﺮﻯ ﺑﻴﻨﻪ
ﻣﺎﺍﺣﺲ ﺍﻻ ﺍﻟﺒﺎﺏ ﺍﻧﺪﻓﺮ ﻋﻠﻴﻪ ﺍﻟﺘﻔﺖ ﻭﺍﺷﻮﻓﻬﻪ ﺍﻣﻲ
ﺑﺴﻌﺎﺩ ... ﺍﻟﺤﮕﻠﻲ ﻭﻟﻚ ﺷﺎﻫﻴﻦ ﺍﺧﺘﻚ ﻣﻮﺵ ﺑﺎﻟﺒﻴﺖ
ﻳﺘﺒﻊ

فيتامين سي · 28-06-20, 04:07 AM

#اسيرة_الشيخ_شاهين
ريتاج الموسوي
#بارت٧
بغداد الساعه 9صباحا
مريم
رجعنه من التركيا چنت كولش ضايجه من الوضعيه وخصوصا انو اني عفت اصدقائي
والدولة الي تربيت بيها صح مو دولتي بس اسمي عشت بيها صعب تعوف المكان الي بنيت بيه احلامك وعشت بيه طفولتك
وگفنه مقابيل بيت چانت بنايه كولش چبيرة ومبين استوة مخلصين من بنيانه او ترميمه
لانو اكو بقع صبغ وادوات عمل بالگاع باوعت لبابا
ابتسملي
صفوان...هذا بيتج الجديد
دخلت بدون مااحچي شي اباوع ع الأثاث تقريبا نفس الألوان مالت شقتنه بتركيا
مشكلتي بكولشي اگعد اقارن ويا تركيا وهالشي زاعجني
لحدما بابا گال اخذكم المطعم نتغدا
تغدينه وبعدها مررني على اماكن بغداد شفت تعامل الناس وبساطتهم
وطيبة گلبهم ..اضافة للمكانات صح بسيطة مو فخمه بس حلووة هالشي حبيته يوم بعد يوم بديت اتعود واتأقلم ويا الوضعيه
حبيت بغداد وبابا اخذني ع الشركة بدا يعلمني على طبيعة الشغل وشلون اتعامل ويا الموضفين
انشغالي بالعمل گدر ينسيني تواجدي هنا وبعدي عن تركيا
اجاني السايق ووصلت للبيت
نيرمين،، هاا ماما جيتي
مريم ..اي ماما استوني واصله
نيرمين..اصبلج غدا لو تنتظرين والدج
مريم..لا خلي بابا لمن يجي لان هسه مااشتهي
..اوك لعد اني هم مراح اكل انتظركم
رحت للغرفة غيرت ملابسي وسبحت
رجعت اتمددت ع الجربايه والعب بشعري اتذكرت واثق
ماعرف شلون گدرت اعوفه واروح
احبه حب مو طبيعي صح مااعترفلي بحبة بس نظراته واهتمامه ولهفته تأكد هالشي
بس اذا يحبني مراح يتركني لو شما تبعد بينه المسافات
…………………………………………� �……
طيبة
شفت ابوي وامي مصرين على زواجي من منصور
رغم انه گتلهم ماريد
صارت الدنيا الضهر امي نامت وابوي بالمضيف
شاهين ماعرف وينه وهو اصلا مايدري بينه ...
لبست عباتي
ورحت للبستان جنت متأمله الگه فاضل هناك لان يشتغل ويا ابوه
رحت مالگيته بالبستان واصلا محد موجودبيج قصص عراقيه حقيقيه من واقعنا.روعه الطائي
رجعت للبيت بنفس الطريق الأجيت بيه ..البيت على نفس الهدوء محد حس بيه من طلعت
بقيت احوس شلون اگول الفاضل
وباجر المشية تجي واذا اجت الشيوخ يعني كلشي انتهى......... وخسرت فاضل وحبي اله
ضليت رايحه جايه بالمطبخ اصفگ ايد بأيد
عاينت على حليمة اجت تعجن كملت ولفت العجينه بالبطانيه
رادت تروح لغرفتهه لزمتهه ..ااا حليمه
حليمة..هاا طيبه
طيبة..بهمس اريد منج شغله
حليمة..گولي بعد عمري تامرين امر عيوني الج
طيبة..سالمات عيونج
عاينت علئ سواري هذا السوار غالي كلش جابه الي ابوي من راح للعمرة احبه حيل بس اجه وكته شسوي بيه وانه حياتي راح تدمر واحلامي تنتهي
نزعته من ايدي وخليته گدام عيونها ...هذا الج حلومة
حليمة..بفرحة..ياا صدگ
بس شلون هذا سوارج
طيبة..هههه مايغلى عليج وادري انتي محتاجه وتحبين الذهب
اخذته مني لبسته وتضحك تعاين عليه ومبتسمه
گتلها ...بس اريد تسويلي شغله
نزلت ايدها وعاينتلي ...شتردين اسوي
طيبة..بهمس ...ترحين لبيت حازم وتحجين وي فاضل تگليله طيبة منتظرتك بالبستان تريد تحاجيك بشي مهم
حليمة...تلطم على صدرهه..صخااام
لا لا عمي الشيخ يذبحني ويذبحج والله
طيبة..ولج شبيج خوافة محد يدري وبعدين لاتخافين
بس اگوله على شي وبوجودج بعد شتردين
حليمة..شنو هذا الشي التردين تگليله
ومن ليمتهه انتي تحجين وياه عززززه امج تموتج هوا
طيبة..ونتي شعليج شي يخصني وبعدين لاتنسين انتي خدامه هنا يعني شگولج تسوين
بقيت اقنع بيها لحدما قبلت
لبست عبايتها وراحت الهم نبهت عليها ماتخلي احد يدري بالسالفه لا اهله ولا اهلي
نص ساعة واجتني سحلتني للحديقه البره
...تعاي يلا گتله وهسه منتظرج بالبستان بس بشرط ماتروحين الوحدج رجلي على رجلج
.. ميخالف
يلا تعاي ...لبست عباتي ورحت لگيته واگف يم الشجرة بس شافني اجه عليه
اشرت لحليمة وگتلهه توگف هنا حته ماتسمع شنحجي
حليمة...لزمت ايدها ..وين اضل
اروح وياج
طيبة..خايبة شمالج وين موليه غير جدامج
انتي اوگفي هنا ومعليج ..حجيت بنتر
فلتت ايدي منها ورحت
يم فاضل احجي ويا واعاين عليها واگفه بعيد عنه تفرك بأيديهه من الخوف وتتلفت
فاضل..هاا طيوب شعندج ليش موديه الخدامه عليه خير بيج شي
طيبة..بس لا هاي فضحتنه جدام اهلك بيج قصص عراقيه حقيقيه من واقعنا.روعه الطائي
فاضل..لا انه جنت برا واجت عليه كالتلي
هسه احجيلي شبيج شنو الخلاج اتودين عليه مو من عوايدج
تعودت كل احد لو سبت نتشاوف بالبستان هسه شغيرج
طيبة..احجي بتوتر ..فاضل ابوي يريد يزوجني لأبن خالي
فاضل..شلوووون
لا طيبة مااخلي احد ياخذج مني انتي تحجين صدك عود لو تتكشمرين وياي
طيبة ..والله صدك مااتكشمر. (اتشاقه) باجر تجي المشيه
..وليش انتي رضيتي؟
..مارضيت گمت ابجي وگلت ماريد بس غصبن عني ابوي اذا حط شي براسه محد يگدر يغيرة
وامي تگلي تاخذينه غصبن عنج
فاضل..مستحيل انه راح اگل لبوي انه اريدج
واخليه يخطبج
طيبة..شنو تسودنت حتى ابوي يكتلني
باجر تجي المشيه وانته تخطب
اكيد يگول عاشجه
فاضل..والحل شنو طيبة انه مااكدر اعيش بدونج
واذا واحد ياخذج مني اكتله ولاعبالج چيف ابن فلاح مااكدر اسوي شي
طيبة...شسوي ماكو حل ..تخلي ايديهه على عيونهه وتبجي
فاضل..طيبة حبيبتي طاوعيني
وخلي نشرد احسن ماتاخذين واحد ماتردينه وتدوسين اعلى گلبي
طيبة...هم رجع گال نشرد
اذا شردت ابوي ينزل راسه بين العشاير واذا لزمني يكتلني
لا فاضل انه ماكدر اسوي هچي
فاضل..چا خوش المن جايتني بعد
حتى تگليلي راح تتزوجين
طيبة..لا اريد تشوفلي حل ماريد اخذ ابن خالي ماريدة
فاضل..وشنو الحل گتلج اخطبج مارضيتي گتلج نشرذ هم ماترضين شسوي اكثر
شوفي طيبة فكري زين وعلي اذا اخذتي تتندمين
حرام عليج فكري بيه شويه
حطي ايدج بأيدي وخلي نروح لمكان بعيد ندخل على شيخ عشيرة من العشاير ونتزوج هناك وساعتهه اذا صرنه بحماية شيخ محد يگدر يوصللنه واذا على ابوچ
نفس الشيخ النروحله نخليه يجيبله مشيه ويرضى صدگيني
لاتصعبين الأمور طيوب
بقيت ساكته ماحچيت
فاضل..المهم هسه روحي وفكري واذا استقريتي على راي انه باجر وي صلاة الفجر هنا بنفس المكان
اذا اخذتي بحجايتي وردتي تجين وياي تلگيني هنا تعاي
بس ساعتهه اذا مااجيتي
بعد انسي واحد اسمه فاضل
رجعت لحليمة وبالي فاصل افكر بحچيه
لكزتني حليمة ...هاا ولج شعندج گليلي
طيبة..حليمة رحمة لأهلج اسكتي وماعليج
واذا گلتي لأحد عن الشفتيه اليوم
اسود عيشتج واهجج بليلة ضلمة وانتي بعد تعرفين حالج وين تولين
هزت راسها بدون ماتحجي شي
دخلنه للبيت بعدهم على نومتهم محد گاعد
حليمة استلمت المطبخ وانه رحت لغرفتي افكر ساعة اگول اي وساعة اگول لا
لليل طلعت من الغرفه للمطبخ صارت بوجهي امي
..خير شعندج نايمه لهسه يالمسعدة
طيبة..شنو حرام النوم حجيت ودرت وجهي عنها
فتحت الثلاجه وشربت ماي ردت اروح صاحتني يمها
..تعاي گعدي اريد اسولف وياج
گعدت ...ها يمه
..انه امج واعلمج واعرف مصلحتج وين
وهذا منصور ابن شيوخ وشاغوول وين تحصلين واحد مثله
وييمه البنيه مو دوم تجيها قسمه زينة
احسن ماتطيحين بواحد مو خوش ادمي
طيبة..يمه انه مو ماريد منصور
لا انه ماريد اتزوج بعدني صغيررة ماشابعه من بيت اهلي
بسعاد..بس هاي اذا هجي سهله عود تنخطبون وتضلون بعد سنه سنتين وتتزوجون
توني اريد اجاوبهه ودخل ادهم
..شنو السنه وسنتين يمه
بسعاد..هلا بيك يمه بعد اليدلني اعلى دربي
ادهم..الله يحفظج يالغاليه
ماگلتيلي شعدچن
بسعاد..اووف اختك هاي
غير جايهه ابن خالك منصور يخطبها
ادهم..هاا اي ادري گال ابوي
بسعاد..ماتريد تاخذه
ادهم يباوعلهه ..ليش طيبة ترا منصور خوش ولد مايتعوض
بسعاد...انه ادري وهالأگلهه اذا ماتردين السنه ينتظرج سنه سنتين
ادهم..لا يابه شنو ينتظرهه انه سمعت من ابوي بس تصير الخطبه وره اسبوع تتزوج
انه هنا انظربت اعلى راسي يعني لو ابجي واصيح منا الباجر محد يسمعني
ولا يهتمون الي گمت من يمهم والف فكرة براسي
حتى عشا ماتعشيت ساعة الأبجي وساعة الأفكر بحچي فاضل
شلون بيه مااتحمل اصير مرة لغير فاضل حبيته من كل گلبي حب طاهر
بس اليمنع الفارق البينه انه بت شيوخ وهو ابن الفلاح
اخر شي قررت اعوف الكل واشوف حياتي
الماهتم بيه ولا بسعادتي ليش اهتم اله
وابوي مامهتم السعادتي
ليش ماوگف بطريق شاهين من تحدا الكل واخذ علاهن
لو لان انه بنيه ومااكدر اوگف بوجه احد
وامي الي هيه امي مافكرت بيه ولا بمشاعري وشلون اخذ واحد ماشايفته بحياتي
ليش لان ابن شيووخ
سحبت نفس وغمضت اعيوني ..هاهيه لازم افكر بروحي
وبفاضل شنو ذنبه
رحت للكنتور طلعت جنطه صغيرة خليت بيها هدومي مو هواي قليلات الخليتهن
وبقيت اناطر الفجر حته اعوف البيت والبيه
قبل اذان الفجر تقريبا بنص ساعه وقبل لايطلع الضوه
طلعت من الغرفه
وبيدي جنطتي متلفلفه بالعبايه وخايفه احد يشوفني
امشي على اطراف اصابعي
گلبي احسه يريد يطلع من الدگ ...
وي كل خطوة اخطيها احس جنيت على روحي
گلبي ماينطيني اسوي هيج بأبوي ردت ارجع بس دست على گلبي وكملت طريقي ...
جان كل همي مااتزوج منصور لو ادري ادفع الثمن عمري
طلعت من البيت
سرعت بخطواتي صارت قريبة على الركض ..وگفت ورجعت عاينت على البيت
حسيت بالذنب ...
سامحني بويه سامحني شاهين سامحيني يمه
انتم ماخليتولي خيار ثاني
انه مضطرة اسوي هيج ...ركضت للبستان جانت الدنيا ضلمه
مااشوف دربي اگوم واطيح بالنهران
مااحس الا لايت دگ بوجهي سطرني سطر مااگدر اميز ياهو هذا
خليت ايدي على عيني ...ياهووو
فاضل...انه فاضل طيبة هااا واخيرا اجيتي
طيبة..ارجف من الخوف مااگدر اسيطر على رجليه ..حجيت بصوت يرجف ..يلا فاضل فدووه امشينه گبل لايگعدون ويشوفنه
فاضل ..يلا امشي
لزم ايدي وداگ الايت گدامنه ونركض لحدما وصلنه لنهاية البستان
البستان جان جبيررر كلش بحيث تعبت من المشي وماواصلين
نطلع من واحد ونطب ببستان ثاني هواااي جانن
طلع الصبح واحنه بعدنه نركض
وگفت حجيت بتعب ...فاضل كاافي بعد مااتحمل گلبي راح يطلع
رجليه ماتن رووووح انته انه راح ارجع
فاضل ..طييييبة شنو هذا الحجي
بعد كل هذا الدرب المشيناه تردين ترجعين
طيبة..مااگدر نفسي راح ينگطع
فاضل..ولج اتحركي تدرين لازم اهلج هسه درو بيج وگالبين الدنيا عليچ يعني اذا رجعتي يكتلونچ
فدوة عينيني وگوميي
گمت اركض مااحس الا سلاية داخله برجلي
شاغت روحي من الوجع
ردت اطلعها مااگدرت ...گرب فاضل گالي ديري وجهج
درته وطلعها من رجلي
من قوة الوجع خليت شالي بحلگي حتى من اصيح مااطلع صوت
لان دست عليها حيل وداخله هواي برجلي
گمت ردت اكمل مشي ماگدرت ادوس عليها ..گعدت بالگاع وابچي
خليييهم يكتلوني مااگدر امشييي بعد تعبت رجلي موتتني من الووووجع
فاضل...گوميي فدوووه مابينه نرجع بعد يكتلونه والله
طيبة ..ادموعي تنزل واحجي بوجع ..چا شنسوي تورطنه
فاضل..تعاااي اكو بيت هنا بنهاية هذا البستان خل نختل بيه لمن يأيسون منه وتگدرين تمشين على رجلج
مشيت باالگوة عليها وصلنه للبيت جان مهجور محد ساكن بيه من طين
والسگف مالته معگود بواري و نص منه طايح
گاعدة وارجف من الخوف مادري شسويت بروحي
.............
شاهين
گعدت صليت صلاة الصبح وطلعت صورة علاهن تعودت يوميه اصبح عليها
مااحس الا الباب اندفرت عاينت اشوفهه امي
بسعاد...ولك شاهين الحگني اختك موش بالبيت
عقدت حواجبي وجاوبتهه بأستغراب...ليش وين
بسعاد تحجي بخوف ....انه لو ادري وين چا مااجيت ليك
عود گعدت صليت واجيت اطمن عليها مثل يوميه شو فتحت غرفتهه مالگيتها دورت بالبيت ماالها اثر
شاهين ..يمه ترا مو فاهم شي
اذا ماالها اثر بالبيت يعني وين تروح
ركضت على غرفتها فتحت الباب مالگيتها
صحت على حليمة نشدتها گالت ماشفتها گتلهه روحي دوريها برا بالممر خاف طايحه ومحد يدري بيها
بالربع ساعه اندور مالگيناها
بسعاد...يمه صخااااام بوجهج يبسعاد بس لا شردت چيف ابوها يريدها تاخذ غصبن عنها
اتفاجئت من حجيها صرت گبال امي
..شنهي يمه هذا الحچي جديد شنو شردت شنو غصبن عنها
بسعاد..غير ابن خالك منصور يريد يخطبها واليوم مشيتها
..اي ادري بهذا الحجي بس شنو هيه ماراضيه؟
...ايييي موش راضيه بس لا سوتها صدگ وشردت تسود وجهيييي يمه ه
شاهين ...بصوت عالي..ليشششششش انه مادري ليششش محد گاليييي
بسعاد...وانته وين نلگاااااك ناصبلك فاااااتحه وتنوووح
تدري شيصير بينه مايصيررر
شاهين ..يقبض كف ايده بقوة..والله اذا هذا الحچي
صدگ يا طيبة محد يخلصج من ايدي الا ادفنچ ونتي عدله
راد يمشي ولزمته
يمه فدووه لاتگول لبوك رجال جبير ويمووت اذا درى لاتگله بلچن نلگاها
شاهين ...شلوون ماگله والوادم الراح تجينه اشوي شنگللها بتنه شردت ماراضيه
شلووون حچي هذا يمه
ادهم ...شاهين استهدي بالله ياهو اليگول شاردة
يجوز طالعه منا منا
شاهين...ولك نفشنه البيت نفش عليها ماكو
والدنيا الضهر هسه ماتگلي وييين
عفتهم ورحت للمضيف جان محد بيه بس ابوي وعمي ابو همام وهمام
اجيت وگفت گباله
سلمان..ها شاهين شعندج وجهك يگول حچي
شاهين ..دنگت وعاينت عليه ..بويه طيبة ماهي بالبيت
سلمان يعدل گعدته ..شنهي ولك ماهي
شاهين..من الصبح اندور عليها مالها اثر
سلمان يگوم بسرعه ...انا غلااااام ابوي وين ولت ولككك يلزم راسة ويگعد
ابو همام..اعلئ كيفك سلمان مزينه عليك الحرگه
هسه تلگيها وي البنات چا وين ترووح
سلمان..يا بنات حاچم
والمشية الراح تجيني هسه شگللهم بتي مادري وينها
صخمت وجهي هاي البت
يااااحيففف ياسلمان انته تالي عمرك ينزل عگالك بين الزلم
ياخوووفي شاردتلهه وي واحد
اووف اذا صدگ ضني مااخليها عايشه واتشم الهوا
يلتفت لشاهين وهمام ...روحووو دوروههه الچلبه ووين ماتلگونها كتلوهه اريددد اغسل عاااري منها بسرررعه
بس هذا الشي يضل بينه ماريد احد يعرف بيه افتهمتوو
وانته ادهم تروح لخوالك وتگله لخالك ابوي صارت عنده شغله ويطلب السموحه لحد يجي اليوم يلا بساااعك
ادهم ..صاار بويه
ونتم روحوو شمتانين
همام ...صااار عمي انه رايح الا اسحلها سحل واخليها عد رجليك الچلبه
شاهين..رحنه انه وهمام ركبت حصاني هو راح من جهه وانه من جهه ندور من دون مانحچي
روحي فايررة من الحرگة ليش هجي ولج طيبة تالي تنزلين روسنه بين العشاير ليش شقصرنه وياج
امشي واتلفت للحظه صار گدام عيني ابو علاهن
...صدگ طلعت حوبته بيه
وانه اتذكر يدعي عليه واحس بحرگة گلبه
صار الردته وهسه انه جاي اعاني مثلك
غمضت عيوني وحركت لجام الحصان حتى يسرع بالمشي وادعي مايلگيها همام گبلي
لان يريدله حجه ولوحة علينه
طيبة...فاضل شو گلبي مامرتاح خايفه يلگونه
فاضل...ماعليج هذا المچان بعيد وخاتل محد يندله
طيبة..خلينه نمشيي
فاضل..موهسه خلي لمن تصير الدنيا ضلمه حتى نتخفه ومحد يشوفنه منها نطلع للشارع ونبعد عن هاي القريه
طيبة..بعدني اسولف وي فاضل
مااسمع الا صوت عاااالي من ورااي وگع گلبي
....طيبه ه ه
يتبع...

فيتامين سي · 28-06-20, 04:08 AM

#اسيرة_الشيخ_شاهين
بارت8
مساؤؤ ورد 🌺🌺🌺🌺لاتنسون التصويت والتعليقات 😃
گاعده بركن الغرفه الي اشبه بالخرابه
من طين ومتهدم قسم منها
بصفي فاضل ..اشوفه يغمض عيونه ويخلي ايديه عليهن ويرجع يفتحهن
حسيته خاف ...اذا اشوفه هو هيج انه شيصير بيه انتهيت من الرعب
سمعت صوت من وراي ....طيييييبببه ه
انه سمعت صوته لو روحي راحت وگلبي مااحس بيه
رجليه ماتن ردت اگوم مااگدرت درت وجهي
شاهين ..بغضب وعيونه دم فاتحهن على كبرهن
شفته تقدم على فاضل الي من شافهه وجهه صوفر
لزمه من ياخت القميص ونزل عليه بوكسات نهاه نهيان
گام مايشيل ايديه من الألم
ضربه باالتفگه على حلگه بقى ينزف دم
..گووووم ولك كلبببب انته تخون عرضي
لزمه من قميصه گعده ويحجي ويا راص علئ سنونه
ليش سويت هجي
نسيت فضلنه عليكم اكو احد يعض الأيد التنمدله
فاضل بصوت تعبان گوة يطلع...انجبرت شيخ والله انجبرت
ضربه شاهين بوكس ورجع رفعه ..صاح بيه..شلووووون مجبووور
وانته ماخذ اختي وشارد بيها سااااااقط
فاضل...انه وطيبة واحد يحب الثاني
وعمي الشيخ يريد يزوجهه غصب عنها
شاهين...چااا ليشششش ماتجي تخطب مثل الزلم
لو ماحاسب روحك ع الزلم
فاضل..شيخنه ماتنطوني اطردوني انه فلاح وابن فلاح وانتم شيووخ
شاهين...ومن كوووون تعرررف احنه شيوخ تنزل روسنن باالطين جبااااان
لو جايني وخاطب مني الا ازوجهه الك بس انته واحد خنيثث
بقه يضرب بيه لحدما انتهئ كلشبيج قصص عراقيه حقيقيه من واقعنا.روعه الطائي
انوب التفت عليه انه من خوفي ردت اشرد بس مااگدر لان شاهين لزم فاضل بالباب
اباوع وابجي
لزمني من شالي وضربني راشدي وگعت للگاع من قوته
گومني من العبايه وجرني بيها
..مو هنااا
حسابي وياج بالبيت ..سحلني من عباتي
..فدووووه شاهين و قطع كلامي ...اشششششش
ولا نفس اسكتي لا ومحمد ادفنج هنا ومحد يدري بيج
لاتسمعيني صوتج
اخذني طول الطريق سحب بالبساتين
دموعي تصب متت خوف ابوي اذا شافني شيسوي بيه
هذا كله بكووم وشاهين بكووم ثاني
جان وجهه مايتفسر من العصبيه كل جزء بوجهه يحجي شي
وصلنه للبيت
انه اصيح واتوسل بيه وانتر ايدي منه ...شاهين فدوة اغديلك والله ابوي يذبحني لا ترجعني
سحبني حيل لمن وگعني بالگاع ..تعااااااي وسدي حلگج لاتسمعنه الوادم وتفضحينه
دخلنه للبيت شمرني گدام امي رأسا گامت
..لزمتني من ايدي ..وين چنتي هايته يامكسورة الرگبه
شسوينالج وتردين تنزلين روسنه
هاي اخر تربيتي بيج طايحة الحظ ...گامت ترفسني ببطني ووتفل عليه
...حسبي الله ونعم الوكيل بيج
ياريتني موتج من جبتج ولاصرتي للدنيا ..بقت تحجي تحجي
وشاهين واگف يمسح بگصته
اخر شي اخذني من يمها ودخلني لغرفتي سدهه عليه
شاهين ..يباوع لأمه وحليمة
شوفن الباب ماينفتح لمن اروح لأبوي وارد سمعتن
فرت من الحرگه احس راسي يريد ينفجر
معقوله طيبه اخيتي الدللتهه هجي تسوي وتنزل لهذا المستوى
تشرد وي فاضل ااااخ يابويه شگله
ركبت حصاني ورجعت للمكان لگيته بعده امدد لان ضربته ضرب ماشايفه بحياته
كسرته تكسر
شلته ورجعته وياي للمضيف وهو بحسبة الميت مايشيل ايد ولا رجل بس النفس يصعد وينزل
دخلت لأبوي جان گاعد ومخلي ايده على راسه
شمرت فاضل گدامه
باوعلي وعقد حواجبه مستغرب ..ياهووو هذا؟
شاهين ..بوويه هذا فاضل ابن الفلاح حازم
...اي وشسوي بيه المن جايبه
وليش هجي حاله
شاهين..لگيت طيبه
من گتله هيج فتح عيونه وگام ..وكانو افتهم الموضوع
باوع لفاضل ورجع باوعلي
قصدك هذا الجلب جان
قطعت كلامه ..اي بويه طيبه شارده ويا
بعدني مامكمل ..لزم فاضل وبدا يضرب بيه وهو مو يمه فاقد
خفت عليه لزمته ،،،بويه تهدا شويه موزين عليك
عوفه هذاا الكلب حسابه عندي
ماقصرت ويا
دفعني وركض ع التفگه ووجهه عليه
اخذتها منه ..شيخنه تريد تبلي روحك بيه خيولي الصوج مو صوجه صوج بتنه الماعرفنه النربيها
بعدنه نحجي ودخل همام وعمي
عمي..هاا بشرو مالگيتوها
سلمان..الحگني يخوي نزل راسي بين العربان
بت شيخ سلمان طلعت ناهبه وي هذا السگط
همام...شلووووون
اجه بكل قوته راد يضربه ..وگفت بوجهه
...اوگف همااام لاتموته
همام..وانته خايف عليه؟
شاهين..طبعا اخاف اعليه مانريد السالفه اطش بالعشاير وتنزل روسنه وعگلنه
همام..ابتسم ..يااخي والله اتضحكني انته،، ورجع عقد حواجبه ،،،چا شلووون نخليه يسرح ويمرح بكيفه
شااااااهين هاي اختك وعرضك
ولاتنسه هم عرضي واتعير بيها قسما بالله اذا ماغسلت عارك منها انه اذبحهه بيدي خوووش
سلمان...اي هاي الساقطه تنذبح والعار ينغسل حته من تسويها غيرها
ابو همام..انه هم اشوف هيج
شاهين..بس هذا مو حل هجي احنه راح نفضح ارواحنه
والكل يعرف باالسالفه وتالي ندور الستر..يلتفت على ابوه
بويه حته لو كتلناها راح يبقه العار ملاحگنه
همام بأستهزاء..هاا
وهسه شنسوي نروح نبوسها ونتشكر منها ع السوته حته محد يدري...بيج قصص عراقيه حقيقيه من واقعنا.روعه الطائي
شاهين..همام انته اكبر مني وماريد اتجاوز اعليك احجي عدل ولا تستهزء بيه ترا لحد هسه ماشايف شاهين اعلى حقيقته
همام... هاا
وتهدد بعد يعني فوك سكوتك وادافعلهه يعني مأيدهه وهيه صح شوف خاف انته راضي بهاي السالفه وعندك عادي
انه لا ماارضه وماتطفي نار گلبي الا بذبحها
وعلي لو انه الاكيها الا اذبحها بمجانها واخلي دمها يطفر اعلى منها
هذا عرضي وباجر اتعير بيه جدام كل الناس
شاهين..شنهي گصدك يهمام انه ماعندي غيرره على عرضي
لو حسبالك انه راضي بالجاي يصير
ترا دمي فاير وروحي طالعه من خشمي
شوف زين همام ومحمد انه ساكتلك احتراما لعمي واحترام لبوي لاتخليني افقد اعصابي وتاليها اتندم
لان تشوف شي مايعجبك
همام...بصوت عالي..تعال طگني تعاال شمتاني
لا ترفع صوتك بوجهي حته لو جنت شيخ
ترا ماعترف بأكبر واحد والغلط غلط
بعمرة مايصير صح
يلتفت لسلمان
من ليمتهه عمي احنه نسكت اعلى سالفة عرض
علمود چلبه تنزل عگلنه واحنه شيووخ
سلمان..بعصبيه ولك .شاهين ابن عمك اعلى حگ
هذا عرض ماينسكت عنه وهاي اختك
ماحشمت احد ولا فكرت بواحد منه اذا تركناهه هجي وسامحناهه راح
تتمادى چثير وغيرهه تصير االسالفه عدهن عاديه
كلمن تاخذ صاحبها وتشرد
اليوم تروح تودي هذا النذل لهله مكسر تجيبلي ابوه ادواه عندي وتغسل عارك من هاي الساقطه
شاهين..بويه فدوة اروحلك هذا مو حل
هسه محد يدري بينه وبسالفتنه خلي نطمطمها ونزوجها لأبن خالي
لا من شاف ولا من درئ عاد نحفظ ماي وجوهنه ولا نتبهذل جدام العالم ونصير علج بحلگ اليسوة والمايسوة
همام ...لا عمي
شاهين جاي يشوف روحه مثل ماسوه باالمختار صار وياه ماتشوفه صاف وياهه
لان مثل ماسوه بيه صار وياه
هو حجه هيج وانه اعيوني كمت مااشوف بيها
مثل الواحد وسطرني اعلى وجهي يمكن لو گايم وكاتلني ولاحاجي هيج
خنجر وغرزه بنص گلبي ..ركضت عليه لزمته من ياخته وضربته بوكس اعلى حلگه
رجعلي البوكس نفسه بقيت اتعارك وادافع وياه عمي ادخل بينه بس ماگدرلنه مااحس الا
وگع ابوي ولزم گلبه عفت همام يمسح بدمه وركضت عليه
هاا بويه شمالك
فتحت دگم دشداشته ...همام جيبلي ماي
جابلي طاسه ..رشيت منها اعلى وجهه وشربته
..بويه لاضوج روحك
كلنه نصير نعل جواك بس لا تتضايگ ولا تعب روحك
سلمان.،بتعب.اليوم تغسل عارك منها وتجيبلي دمها ولاتخليني اغضب اعليك
انه اعتمدت اعليك لكونك رجال لاتضحك العالم اعليه ابني
شاهين..يدنگ ويسحب نفس
يهز راسه ...صار بويه صار الي تريده اسويه اهم شي انته والباقي حگ فلسين
.........
بسعاد..تفتر وتصفگ بأيدهه
يمه صخام بوجهي
يافشلتي ابين النسوان بتي شاارده من بيتي
لا وشاردة وي واحد
عزا العزاني وموت الفاني ياريتني متت من جبتج ولا شفت هذا اليوم
ولج طويبه جدام عيني اشوفج ليمتهه عشگتي ليمتهه فكرتي بالعرس هاي ونتي ماطلعين چا لو طالعه شلون
لا وويامن وي ابن الفلاح
لامنا ولا منا
ولج حلييييمه حليييمه
حليمه بصوت خايف..هاا عمه
حليمة..من عمه كون يلطج اعلى عينج
جا انتي شنهي موش بالبيت ماشفتيهه من طلعت وين جنتي
حليمه..عمه والله مادري جنت نايمه
بسعاد..نامت اعليج طابوگه وفكتني منج يالفاهيه مو انه جايبتج تنامين
ولي عني ماريد اشوف وجهج انجلعيييي
..صار عمه
..لا تعاي تعاي
..ها عمه
..شو جربي يمي
تسحب ايدهه ..هذا السوار منيلج
..الي عمه عندي من زمان
بسعاد..اي عندج جبتي من بيت الخلفج
هاي وشاهين جابج من الشارع انتي واخوج
اتتوعيلي زين
هذا السوار ال طيبة منين اخذتيه
حليمه بتوتر..ها
تردين الصدگ عمه هيه طيبة اطتنياه
بسعاد..ليش؟
..شنو ليش عمه هيه اطتنياه
بسعاد..تضيگ عيونهه وتباوعلهه بحذر..طيبة ماتطي شغلاتهه التحبهه الا عدهه شي مهم
تلزمهه من متنهه ...رديييييي اعلييييييه
حليمه...احجيلج الصدگ بس اطيني الأمان
بسعاد..ليششش شمصخمه يملطومه
حليمه...هيه اطتنياه مقابل تروح تشوف فاضل ابن الفلاح بالبستان
وانه رحت وياهه بس الله شاهد عمه هاي اول مرة ادري بيها تعرفه وگتلهه غلط لاتسوين هيج مارضت
بسعاد....هاي وانه واثقه بيج
ومخليتج ام بيت تالي تعلمين البت للهياته
جا ماگتيلي
..عمه هيه گالتلي لاتگولين وانه اخاف
محد يسمعني هنا خداااامه شتوكولون اكول بلي
بسعاد..ولييي عني وحسابي وياج بعدين
هسه روحي طافرة اذا مااجه شاهين واخليه يردج من الزباله الخذاج منها مااطلع بت ابوي
......................................
صفوان ..مريومه بنتي تعاي گعدي يمي
مريم بدلع..هااا مدام گتلي مريومه يعني
اكو فد شي
صفوان..هههه كل خير بنتي
بس ابو واثق الي بتركيا باجر راح يجون لهنا اليوم واصلين من تركيا
مريم بفرحه..صدوگ
صفوان..هههه اي صدگ بس شبيج فرحانه
مريم ادنگ وتميل شعرهه عن عيونهه...لا هيج
صفوان..انتي تحبين واثق؟
مريم..ها
لا بابا شنو هالحجي
صفوان..لا تضمين عني اني ابوج واعرفج زين
وترا مابيها شي الحب لاعيب ولا حرام
وهو هم يحبج
مريم..تضحك
نيرمين..ماگتلهه بالخبر
مريم..شنو من خبر ماما
نيرمين..لا خلي ابوج يحجي
صفوان..لا امج تحجي
مريم..اووو بابا ماما شسالفه واحد منكم يحجي وگعتولي گلبي
صفوان..ابو واثق جاي يخطبج لواثق
مريم..صدووگ
صفوان..اي بابا
بس شو عادي عندج اضحكين ولاكانو شي
..ليش شسوي مثلا
..المفروض ادنگين تخجلين
مريم...ههههه ميفيد بابا
شون تريد اضاهر يعني اني مخجلانه منك عادي انته بابا مو غريب
صفوان..ياحبيبت بابا انتي يلا اخذي راحتج انه راح انام
خليته لمن يروح
ماما ماما
نيرمين..ها بنتي
مريم ..يعني جايين من تركيا بس علمودي
نيرمين..اي يگولون ابنهم متخبل عليج
من رحتي لحد هسه
وابوه جاي يخطبج ...طلعتي مو سهله مريوم ..تغمزلهه
مريم...هههه اووي ماما خجلتيني
نيرمين ..اي خجلتي كولش
دروحي صبي غدا خلي اتغدا وياج مماكله شي
مريم..صار ماماتي
................
بسعاد..تحجي من ورة الباب..هااا ولج يمعزايه شسويتي بروحج وبيه
هسه ارتاحيتي نزلتي روسنه يافشليتي جدام نسوان العشيرة وياشماتتهن بيه
طيبة بصراخ..يمممممه كافي البيه مكفيني فدوة اروحلج خليني لحااالي
بسعاد..ونهيمه التگطع مصارينج
بعد ماعاجبهه الحجي والهه السان اااخ بويه لو الباب مفتوح وعلي افوت واجنزج اتجنز
شردتي ليش وي ابن الفلاح هاا
شسوالج گولي چللللللبه سااااااقطه
طيبة..يمممه والله ماسوالي شي فاضل مااله ذنب
بسعاد...يعله بالسرطان اليكرفج انتي وياه
شنهي عبالج يخلونج عدله هسه يجي اخوج وابوج ويذبحونج
وحكهه الزلم ماترضه بالغلطه تستاهلين
طيبة...الله يخليج يمه تركيني انه غلطانه اعترف غلطااانه بس لاتخلينهم يذبخوني احب ايدج يمه
بسعاد..جا شسويلج شبيدي ياهو الياخذ حجيي انتي غلتطي وهذاالثمن
لو ماخذه منصور ولا مسويه هاي العمله
بس انتي ماتندرچين
مااحس الا صوت شاهين يزمخ بأمي وهاي اول مرة يصيح عليها هذا يدل على عصبيته
...شسويييين هناااااا موگلت محد يوصلههههها شگلتتتتت
بسعاد..ااا اا
يمه بعد امك وحدها لا تكتلها ترا اخيتك
شاهين..نزلللللي يمه نزلللليييي
بسعاد..احب ايدك يمه خليهه فدوة بحليبي عليك لا تأذيها
شاهين..يغمض عيوونه ..يمه اخر مرة اگلجججج نزليييي وخلينيييي وحدييي
طيبه ..شالي واگع مني وشعري مخلوط وي الدموع
وجهي مزلغ
سمعت الباب اندفع ركضت للزاويه ختلت
قفل الباب وبعدهه اجه عليه وجهه جان خليط من الغضب والبجي
بس حنيه ابد ماشفت مبينه اعلى وجهه وكانو شاهين ثاني ماعرفه مسيطر عليه الغضب واعلى كل جوارحه
اشوفه يتقدم وارجع ع الزاويه لحدما لزگت بالحايط
مد ايده ولزمني من شعري
.. انتي تنزلين راسي وتخلين همام يشمت بيه ليشششس شعايزج شقصرت وياااااج
طيبة..بصوت متقطع..والله شاهين رادو يزوجوني غصب لمنصور وانه ماريده
شاهين..يضربهه راشدي....ويصيح بصوت عالي.. وتروحين تشرديييين حقيررررررررة
ليش ماگتيلي وانه ماخليهم يزوجونج ليشششش
طيبة تبجي..انته وين هاا
من ماتت علاهن واحنه مانشوفك اعتكفت الوحدك ماتعرف واحد منه
صرنه مانشوفك بالبيت بعد ليمتهه تتفرغلي
رحت لابوي گالي غصب عنج تاخذينه
رحت لامي كالت غصب عنج تاخذينه ابن خااالج
ليش والله لان ابن شيووخ ..وانه محد يفكر بيه محد
شاهين ...يرجع يضربهه..نصيييي صوتج جلبه
تدرين من وراج انهانيت
ومن منو من همام يريد الزله عليه حته يلزمهه ولج من وراج عيرني ب علاهن جيف اخذتهه غصب عن ابوهه يكول ههذا جزااتك
حسيت بيه وصل لقمة الغضب بحيث يضرب بدون وعي ولاجن بشر جوة ايده
اسمع صوت امي ادك بالباب
..ولك يمه موش هيج موتهه فدوة اغديلك اتركهه وانه اادبهه
صررخ بيها ..روححححيي مناااا يمه
وين جنتي عنها وهسه تأدبينها بعد مايفيد الأدب راح اغسل عاري منها
انه امدده بالگاع وحلگي ينزف دم
اريد افتح اعيوني مااگدر مغوشه وكل جزء بجسمي يصيح اااخ
گام من مكانه وسحبني من ايدي
فتح الباب واخذني سحل جانت الدنيا ليل ضلمه
امي تركض وراه وتحاول تسحبني منه بس ماگدرت
طلعني للشارع سحل وبعدها
دخلني للمضيف شمرني گبال ابوووي
بويه هاي الجلبه جبتها عندك انته اذبحها
ابوي گام تفل عليه
وبعدها اخذ التفگه وخلاها براسي
يتبع......

فيتامين سي · 28-06-20, 04:09 AM

#اسيرة_الشيخ_شاهين
بارت 9
بقلمي#ريتاج_الموسوي
#اصبر واكول تهون..✋
واتغاضه عنهن..💔
#والبيه لو باايوب..
جا ما حملهن..😢
ماحس الا انشمرت بالمضيف گدام ابوي الشيخ
خله التفگه براسي
...گلبي مااگدر اوصف دگاته من الخوف
مااگدر اخلي عيني بعين ابوي السويته يكسر الرگبه
وانه ادري اذا لزموني هذا مصيري
سلمان...يرفسها برجله..هاي اخر تربيتي وتعبي بيج
هاي جزاتي
تكسرين وجهي جدام العشاير والشيوووخ ليشش شنهو التردينه
ابن الفلاح؟
انه شيخ سلمان الكل يهابني ويحسبلي الف حساب تكسر وجهي مره
ياااحيييف يااحيفف والله الا اخليج عبرة الغيرج واخلي الچلاب تنهش بلحمج
اريد ارفع راسي بوجهه مااكدر عيوني تصب
وكانو كل دمعه تطلب العذر متندمة
شاهين ..طيبه السوته غلط وتستاهل تتعاقب عليه بس،ماتوصل للذبح
حاولت وي ابوي مايقتنع مصر الا يغسل عاره منها
وداني لحازم
رحت جبته بدون مايشك بشي اول مادخلنه خليت السلاح براسه گعد
..هاا شيخ شمسوي دخيلك
سلمان..انته گد هالسالفه حازم
تخلي راسك براسي
حازم بخوف...افاا شيخنه ينگص راسي اذا اخليه براسك انه وين وانته وين
بس شنو السالفه فهموني ترا انه مثل الاطرش باالزفه
همام..السالفه يا نذل
ابنك الجبان داس عرضنه ونهب بتنه
بت الشيووخ
حازم..بهت لونه ..شنهي
داس عرضكم شنهي نهب بتكم انه لحد هسه مافاهم شي
همام..بعصبيه..لاتسويييي روحك غبيييي
انته تدري كلش زين ومو غريب انته مخطط اعلى هيجي
حازم..وروح ابوي ماعرف شي ولااااعلم
همام..ابنك فاضل الكلب لزمنا هو وبت عمي شاردين من البيت
تدري يعني شنو معناهه؟
معناهه روسكم راح اطير معناهه طحتو ومحد تلگاكم
ابو همام..خويه سلمان
ترا حجي شاهين صحيح احنه اذا كتلناهم شنستفاد يضل العار لاحگنه واسمنه بتنه نهبت حته لو كتلناهه
صدگني الوادم ماترحم ولا تسكت
وتضل تعيد وتزيد بالسالفه لولد الولد
سلمان...وشتريدني اسوي
انه هسه مثل المربط كل الي،ابالي اكتلهم ثنينهم واريح نار گلبي
ابو همام..لا خويه مايصير هذا موش حل
انه من رايي طيبه تزوجهه لفاضل وتطردهه من البيت بعد مااطبه
وتاخذ بت من حازم لواحد من ولدك گصه بگصه
همام..بويه شني هذا الحجي
تريدنه نترك عارنه ونطالب ب مرة
هذا عود انته الجبير الفاهم هجي تگووول والمن اناسب
ابن الفلاااح
هاي اخر عمرنه الفلاليح تحط روسهه بروس الشيووخ
ابو همام بصياح...انته اسسسسكت ولاتحجي
يلتفت لسلمان
ها خويه شگلت ترا هذا اصح حل غيرة ماكو الا بنزلت عگلنه يلا تنحل خلي انطمطم السالفه بينه ولا من شاف ولا من درى
حازم..شتردون اسوي انه حدر رجليكم
راد يحجي همام وسكته ابوي زعل وطلع من المضيف
حجو بينهم وبعدهه حجه ابوي
شاهين هاي الجلبه راح نزوجهه لفاضل
وانته تاخذ منهم فصليه جزاة فعلهم
شاهين..بوويه شني فصليه احنه وين عايشين
سلمان..تاخذهه وغصبا عنك الرضيت والما رضيت
شاهين..الا انه
هذا عندك ادهم وزوجه انه ماريد وانته تعرف ماكو داعي اشرحلك شيخنه..بيج قصص عراقيه حقيقيه من واقعنا.روعه الطائي
سلمان..ادهم مااعتمد اعليه
انته الشيخ وانته التتحمل المسؤليه وكلشي يطيح اعلى عاتقك وبعدين انته ماتريد تنكتل
وهذا الحل منك حتى محد يدري بسالفتنه ونصير سيرة اعلى كل السان
هسه لازم انته تكمل حلها
سكتت عن ابوي
سحلت طيبه الي كل شويه ينغمي اعليها رجعتهه للبيت
ولو ودي اگطعها تگطع
تسوي المصيبة وتطيح براسي ليش لان انه شيخ
هسه لو بيدي اعوف المشيخه وارتاح بس ابوي مجلب بيها
بسعاد...بلهفه وفرحه تشوف طيبه عدله ...يمه شاهين اخيتك كلشي مابيها صدك جذب
وتگلب بطيبه خاف متأذيه
شاهين..يمه اخذي بتج عني لا وعلي اكتلها واخلص منها
ترا روحي صاعده لخشمي
بسعاد..ولج حليييمه يمصخمه
من ساعة السودة الشفت وجهج بيها هاج اخذي المفلوكه للغرفه
تلتفت الشاهين، ،وين رايح اكعد اريد احجي وياك
شاهين..شتردين يمه والله ماالي خلگ
بسعاد..ها
هجي انه صرت ماالي قيمة عندك ولا تحترمني وين شاهين الجانت كلمتي ماتنزل عنده
شاهين..بنفاذ الصبر..يمه اعلئ عيني وراسي
ومااعاش الي يقلل من قيمتج عندي بس تدرين بحالتي
وخصوصا هاي الفتره
البيه مكفيني روحي طافرره
بسعاد..شتفقتو
شاهين..اعلى شنو
بسعاد..اهوو يعني اعله شنو غير اعله اختك ابوك شگال بس لايكتلهه يمه فدوة اغديلك ماعدنه غيرك
احميها اخيتك غلطت
بس احنه السبب ردنه نزوجهه غصب
شاهين..اتفقو تاخذ فاضل
بسعاد تلطم اعلى صدرها..عزااا
ابن الفلاح
..اي ماكو غير حل
لو تاخذة لو تموت وانه براس المدفع
بسعاد...يوم الأگشر يبسعاد
وانته شبيك
..ناخذ فصليه منهم
بسعاد...يافصليه ولك ماعدهم بس جنان عمرهه 11سنه
شاهين..11سنه؟
صدگ تحجين يمه وين اوديها هاي اربيها
بسعاد..شدراني انه شايفتهه صغيرونه چنهه لگمه
ماتناسبك
شاهين...مو شغلة تناسبني لو ماتناسبني
انه ماريد اخذ فصليه
وهاي طفله.
انه هسه اروح ارتاح بغرفتي لحد يگعدنيييي
بسعاد...يامصيبة المصيبة
انه تالي عمري اطي بتي جنه ل سليوة
وتحط راسهه براسي ..
لا واخذ بتها جنه الي صخام الصخمج يطيبه لهالعمله ولج شسويتي بيه شلون ارفع راسي بين النسوان بعد
*******************
سلوى...شني هذا الحجي السمعته حازم
شلوون بينه بس لايكتلون وليدي
حازم..لا مايكتلونه
همه هم يخافون بس خوش ادبوه تأديب يصيرله درس بحياته كلها
ولك احنه وين وبنات الشيوخ وين
سلوى تبجي..ولك يمة فاضل
توجعت گلت اخ
يمه وليدي ..حازم فدوة شسووله كتلوو
حازم..كسرو تكسر يستاهل وابو زايد
اعراض الناس لعبه عنده
تدرين شقررو اليوم بالمضيف اذا ماكتلوهم
..شنو
..ياخذون جنان فصليه بدل بتهم
سلوى..بفزع..شنوو
جنان صغيررره حازم وينهه وين الزواج
والله مانطيها لو اعرف اخلي روحي دونها
حازم..انه هم فكرت هيج
سلوى..جا شلون بينه
ذوله شيوخ واحنه فقره واليردونه يسونه غصب عنه بس يدوسون ااعله رگابنه..خلينه نحمل ونشيل
عنهم ونرتاح من المشاكل
حازم..بصفنه..تتذكرين مريم؟
..يا مريم؟
حازم..بتنه الي اطيناهه للمسيحين
سلوى..اي ليش
حازم..نرووح نجيبها ونطيها الهم
سلوى...الناس تدري هيه ميته شلون راح نگلهم عدله
حازم ..ماعليج انه ادبرهه وهيه اكبر من جنان
احسن مانضلم جنان
سلوى..بس مريم هسه صارت عيشتهه تختلف وماتدري احنه اهلها
حازم..اي عادي مو شرط تدري احنه اهلها
سلوى..ووين تلگاهه
حازم..انه اروح لبغداد اسأل عنها والگاهه
وساعتها راح تاخذ شاهين غصبن عنها وهو شيخ يحكمها وماتكدر تفتح حلگها ويا
تكدر تعيش حياتهه بس يلطمهه اعله حلگها لان مانكدر ننطي جنان
صغيرة وماتدبر الوادم بعدها صف خامس ابتدائي شتعرف
من هاي السوالف يروحون يضلمونهه
سلوى..جا ومريم هم خطيه
حازم...مريم جبيرة ادبر عايله وبيت وتلكيهه هسه مثغفه
وشاهين شيخ يروضها ويربطها ربط شاهين بعد
ساعتها اذا اخذته وصارت عنده ماتكدر تفك حلكها ويا بجلمه
وبهاي الحاله انكون خلصنه جنان من الزواج وهيه صغيرة
وبنفس الوكت احنه نصير نسابة الشيخ
والنه جلمة جدام الوادم
شفتي سلوى الله يريد يخلصنه من الذل سنين واحنه مالنه غير لقب الفلاليح راحو الفلاليح اجو
هسه همه طلبو نسبنه
سلوى ..خوش وشراح تسوي هسه
حازم ..رايح للشيخ اگله انطيني مهله اجيب بتي من بغداد واجيكم ..بيج قصص عراقيه حقيقيه من واقعنا.روعه الطائي
سلوى..بتوسل..فدوة اغديلك حاول شكد ماتكدر لاتخليهم ياخذون جنان
كللهم مريم احسن فدوة وهم طمني اعله فاضل وليدي
حازم...صار
رحت للمضيف وهم لگيتهم متجمعين كلهم
سلمت محد رد السلام بس شاهين وعمه وبثگل گعدت گبالهم
..شيووخ انه جاي اگلكم ترا بتي جنان صغيرة مو مالت فصل
همام..هاااا هسه صارت صغيررة بتك
الصبح كيفت
ابو همام ..يباوع لهمام بغضب..اسكتت خل نفتهم
يلتفت لحازم ..اي
وشنو غيرت رايك
سلمان...شحدده يغير رايه وعلي اطير راسه
شنهي نتوسل بيه
حازم...لا لا موش هيج افااا عليكم
انه گصدي جنان صغيرره بس عندي اكو بت ماتعرفونهه
ابغداد
همام..شلون؟
حازم...جانت عندي بت كلكم تعرفون بيها
وعندي صاحبي ابغداد صاحب فضل عليه ماعنده اطفال واطيته مريم
وهسه اكيد كبرت اروح اجيبهه منه
سلمان ..وتعتقد يطيك بته
اذا انته اطيت بزرك وتخليت عنه الوادم ماتتخله عن قطعه منها
حازم..ضروف جبرتني شيخنه
وهسه بتي واريدهه وماعتقد احد يوگف بوجهي ويكدر يمنعني
سلمان..انه ماعرف المهم تجيبلنه مرة منكم فصل
حازم..هسه رايح
شاهين...بس انه ماريد اتزوج بويه زوجوها لهمام
همام...انه اخذها واعرف شلون اربيها
سلمان..لااا بويه انته متزوج
وهذا الشيخ لازم يتحمل المسؤليه وهو يشيل راسه ويدگه مانذبحهه خلي يتحمل نتايج فعله
گام ووگف بنصهم ...بيووم التجي البت
اسمعوووني كلكم الحاضرين اي واحد يشرد منهم ينذبحون البقيه
خلوهه ترجيه بأذانكم ساعتها والله والله مايردني الا اسلاحي
لو عشاير توگف گبالي ماتردني عن الي اسويه
اذا شرد واحد يعم اعله غيرره
الكل هز راسه بالموافقه
كله بكوم وهمام الفايرة روحه اكثر مني
لو بس اعرف شعنده جا ارتاح گلبي هسه انه الراح اتزوج
بت ماعرفها ولا اعرف شتطلع
انوب بت بغداد شلون اتعايش وياهه
حازم
اخذت فهد ورحت لبغداد صعدت للكراج ومنها لبغداد
العنوان بعدني لهسه اتذكرة وين
واتذكر اخر مرة حسيت بالندم ورجعت لكيتهم مسافرين
وصلت للبيت
وگفت گباله متغير هواي وهواي تعديلات بيه الديكورات
متغيرة ع البنيان الحديث
سحبت نفس ودكيت الباب طلعتلي بنيه
راحت استأذنت ورجعت دخلتنه
گعدنه بالصاله
اول مادخل صفوان وجهه تغيرت ملامحه وصوفر چن خايف من شي
هواي متغير وطالع شيب بلحيته الخفيفه
..يا اهلا وسهلا نورتنه اخ حازم
حازم..هلا وكل الهلا بيك استاد صفوان
شلونك اخبارك
صفوان...الحمدالله ماشيه اموري
حازم..جابلي گهوة حطيتهه ع الميز وباوعتله..جان مثل المترقب الحجي شوكت يطلع مني
گتله...مريم شلونهه
صفوان..بخير يحميها الرب
ليش تسأل عنها؟
حازم..بنتي واسال عنها شنو مايصير
صفوان ... لا يصير بس شذكرك بيها
حازم..ليش ليمتهه نسيتهه حته اذكرهه
صفوان..اهااا
وهسه شتريد
حازم...خويه
زوجتي ام فاضل مريضه واعله فراش الموت
تعالج بأيامها الأخيرره وتريد تشوف بتها گبل لاتموت
صفوان..شهالحجي حازم
بعد كل هاي سنين دااطالب ب مريم
حازم..لا ياهو الگال اطالب بيها انه اطيتهه الك
بس گتلك تشوفهه امهه كبل لاتموت انته تدري انه شلتهه واطيتهه الك
ماعزيتهه عليك لان احبك وماغليت عليك بزري
صفوان..لا انته الجاي اطالب بيه هواي
ياهو اليگول ماتاخذهه
حازم..وداعتك مااخذهه ارجعها بس تشوفهه امها
ترا اذا ماخليتني اخذهه اتشوفهه تجبرني اكللهه انه ابوج
صفوان..تهددني يعنييي
حازم..مااهددك بس كتلك السبب ونته بكيفك بعد
تعرفني كلش زين مااجذب مثل ماجبتهه وهيه طفله ارجعها وهيه جبيرة
وبعدين هيه جبيرة خو مااكدر اجبرهه تعيش،ويانه
صفوان ..يگوم من مكانه
مستحيللل مستحيل
نيرمين الي تسمع الكلام باالمطبخ اشرتله واجه يمها
..شنو هذا الحجي السمعته
صفوان..مصيبه نيرمين مصيبه
نيرمين..صفوان لاتخليهم ياخذون بنتنه فدوه
..لا مو بكيفهم شنو ياهذوهه
بس اخاف يحجولهه الحقيقه ونخسرها
نيرمين..لا ماعتقد حته لو حجولهه مراح تعوفنه احنه الربيناهه وهمه شمروهه من تمرضت
بس كولي شراح تسوي
صفوان..ماكو الا اسمحلهه تروح وياهم
نيرمين..شلوون صفوان خاف ياخذوهه
صفوان..لا ماعليج مريم قويه ومراح تتأثر بيهم وبعدين كبيرة حتى لو حجولهه متصدگهم
خلي تروح وياهم يوم واحد وترجع يبقون اهلها احسن مايحجولها الحقيقه ونفقدها
نيرمين تبجي ..ومنو يكول مايحجولها
بنتي مااكدر اعيش بدونها صفوان
صفوان..يضمها لصدرة..لاتبجين حبيبتي
ماعليج اني اخليها تروح وثاني يوم الحگها واجيبها شنو السالفه تايهه
لاتنسين مريم مسجله بأسمنه ونروح نشتكي عليهم بتهمه خطف
نسيتي اخر مرة من بقينه بالبيت واجلنه السفرة علمود نسويلها جنسيه بأسمنه ومن اجه حازم جنه نباوعله من الشباك كلنه للحارس يكله سافرو
لان عرفت بيه يتندم ويرجع
نيرمين..اي اتذكر
بس هم اخاف عليها
..اجت هيه من الشركة لو بعدهه
..لا بعدها
سمعنه صوتها ورحنه عليها جانت واگفه وتباوع عليهم بصدمة مثل الشايف شي غريب
وخصوصا ملابسهم جنوبيه مو مثل لبس بغداد
صفوان بابتسامه مصطنعه..بابا مريم
هذا عمج حازم صديق عزيز علينه
مريم..هلو عمو
حازم..هلا بيج عمي
صفوان..بابا ذوله عدهم مزارع تخبل عبالك جنه
ونخل وفواكهه
مريم..الله يعني مثل المناطق السياحيه بتركيا
..اي واحلا بعد
هسه اريدج باجر ترحين وياهم تغيرين جو وتتتونسين
شويه ترفهين عن نفسج من ضغوطات العمل
مريم..بفرحه..صدووك بابا
يعني راح اروح لمنطقه سياحيه الله شكد مشتاقه لهيج اماكن بابا احس گلبي طاگ ع تركيا
ولصديقاتي
صفوان ..بحسرة..اي بابا راح تروحين
*****************************
طيبه
گعدت بغرفتي ابجي واكسر بالغراض انه السبب
كله مني خسرت اخوي
خسرت شاهين
شاهين كلشي عنده عادي الا يعيش ويا شي مجبور عليه مايگدر ..كله مني المفروض ادوس اعله گلبي علمود اهلي
المفروض ماافكر بأنانيه ليش هيج سويت ليش
اندفعت الباب دخلت امي
..هاا هسه ارتاحيتي من سويتي البراسج
انهجم بيتج زلم ماوگفت بوجهج التردينه اخذتيه
طيبه..يمه اتركيني والله تعبانه
بسعاد..اتركج شلون
مو رخيتلج الحبل گبل. گلت بتي الوحيدة اعيشها مدللة
مااجبرهه اعله شي وتالي تزين راسي وراس اهلي بعد شتردين
مو زين منهم ماكتلوج المفروض تدعين ليل ونهار لخوج
راح يبتلي بوحدة مدري منين مامنين بس اعلمودج وانتي تعرفين شاهين مخنوگ وضايج اعله مريته بعده لهسه
وراح ياخذ بت غيرهه مدري تتقبله مدري لا
ماجاوبتهه اكتفيت بالبجي
...اي ابجي
المفروض انه ابجي خليتيني علج بحلوك النسوان
والله اول تالي بتي تخطبها شيوخ اعوفهم واطيها ل ابن سليوة
ولج شيشتغل شيوكلج مافكرتي
نسيتي كلشي وركضتي ورا گلبج
شوفي طويبه باجر تجوعين وتعرين ماتجيني وادكين بابي. تترجيني
اساعدج ساعتها
بابي مسدود بوجهج مثل مافكرتي واخذتي التردينه وتحديتي الكل
تتحملين كل اليجيج
وديري بالج تتبجبجين من العوز
ونتي معلمه اعله الترافه واعلا الخير المطشر
هذا الختاريتي تعيشين ويا ع الحلوة والمرة
اسمعها وابجي
فجئه انفتح الباب ودخل شاهين
قفل الباب واجه عليه
يتبع....

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري