بنت شيوخ،الكاتب / عمرعباس "عراقية" (مكتملة)

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية ((بنت شيوخ)) الكاتب / عمرعباس قراءة ممتعة للجميع ...

[فيتامين سي]

رابط لتحميل الرواية

https://www.rewity.com/forum/t424792.html#post13631272



قصة (بنت شيوخ) الكاتب : عمرعباس (الجزء الأول )


أني سارة من الأنبار عمري 19 سنه
طولي وسط عيوني زرك بيضه وزني هم وسط.
لا سمينه ولا ضعيفه.
أني من عائله عشائريه حيل.
يعني تهتم بسوالف الشيوخ والمجالس .
أني بابا ما خلاني أكمل الدراسه .
للسادس أبتدائي وطلعني من المدرسه.
نقهرت حيل لأن جنت شاطره .
بس شسوي مابيدي شيء.
بابا شيخ .
وعنده مضيف جبير والناس يوميه تجيه .
يعني جنا حيل نتعب شغل.
وطبخ ويوميه يجينا .
أني تعبت من هالحاله.
لأن جنت الوحيده لأهلي وجان عندي 3أخوان.
بابا جان عنده صديقه هم شيخ وهو 24ساعه.
كاعدين هو وبابا بالمضيف يعني .
جان شغلهم كله سوه.
وأني جان عندي عمام .
وأبن عم واحد أسمه حاتم عمره 31 سنه.
أني جنت أتعب حيل لأن جنا بس اني وامي.
بالكوه نلحك بس جنه نشطات 😂.
أني الحمدلله أني أنطاني من الجمال ما يكفي.
يعني جنت حيل حلوه ومثل مكتلكم عيوني زرك.
وبيضه .
بيوم من الأيام أني كعدت الصبح بس شويه.
متأخره بابا أجه كعدني كال كومي نضفي.
المضيف راح تصير عنده كعده .
وهسه يجي شيخ أبو ستار الي هو صديق بابا.
الي كعدتاهم وشغلهم وفصولهم كل سوه.
أني غسلت وجهي وبدلت ورحت للمضيف.
نظفته ورتبته.
من طلعت منه لاكاني الشيخ ابو ستار.
وياه شاب الشاب يمكن أبنه ستار.
باوع عليه نظره وحده ونزل راسه.
بس جان حلو حيل.
أسمر وطويل وجسمه عدل وأهم من كل .
هذا من شافني دنك رأسه يعني يبين خلوق.
اني مشيت عالسريع.
الظهر أجاني بابا ها ليش طلعتي كبالهم.
ساره : بابا والله ما ادري أجو وما شفتهم.
الا طبو البيت..
ساره : بابا دائما يحجيلنا عن ابو ستار.
جانت حيل علاقته قويه ويه أبويه.
بابا جان يحبه ومن يجي للبيت يفرح حيل.
أما أخواني أثنين صغار واحد أسمه عمر عمره 10سنوات.
والأخر زيد عمره 14سنه بس زيد جان نار .
والجبير عمره 25سنه أسمه وائل.
وجان يدرس طب بجامعة بغداد.
مرحله أخيره.
يعني بابا ما جان عنده أحد يساعده.
فجان أبو ستار يجيب أبنه وياه حتى ..
يجيب جاي وكهوه ومن هاي السوالف.
فبيوم من الأيام جان أكو كعده بالمضيف مالتنا.
يمكن جان أكو فصل عشائري.
عمر وزيد جانو بالمدرسه.
و وائل ابغداد.
دك باب بيتنا جان ماكو أحد لبست الشال وطلعت.
طلعت لكيته نفس الولد ستار .
كالي أريد شكر خليلي بهاي السطله.
اني رحت وهو وكف بالباب ينتظر.
أني اخلي شكر وافكر بيه.
شلون أخلاق شلون تربيه حتى بوجهي.
يستحي يباوع أني الصراحه.
أخلاقه عجبتني حيل.
وشكله هم 😁.
رحت أنطيته الشكر أخذ السطله .
بس لمس أيدي 😂.
اني رحت للبيت و رجعت أفكر بيه.
أني ستار من الأنبار عمري 23سنه.
أحنه ولد شيوخ وابوي شيخ.
أبوي جان عنده صديقه علاقته حيل قويه وياه.
فجان يأخذني وياه للمضيف مالتهم.
لأن ما جان عدهم ولد يشتغلون.
واني هم جنت أحب هاي الشغلات.
فبيوم رحنا أني وابوي للمضيف وصدفه.
من طبينا شفت بنيه طلعت من الباب.
يارب شلون جمال شلون عيون.
وره فتره هم صار فصل بالمضيف.
ورحت جبت شكر دكيت الباب هي طلعتلي.
ما باوعت عليه أهوايه لأن جنت أستحي.
وخاصة من عمي أبو وأئل لان هو .
جان مأمن بيه عيب أسوي.
سوالف مو زينه وأباوع على أعراض.
من جابتلي الشكر واخذته صدفه أيدي لمست أيدها.
ياربي شهالنوعه شهالرقه .
ساره : مرت أيام وأسابيع.
وأني ما شفت ستار .
الصراحه جنت متشوقه أريد أشوفه.
طبعا جان بالمضيف كامل أكو جاي وكهوه.
وهم هناك يسوون جاي وكهوه وغراضهم كامله.
بابا كلي كومي نضفي المضيف من هسه.
لأن يمكن باجر يجينا خطار من مكان بعيد.
أني رحت نظفت وباوعت على مكان.
الجاي والكهوه كلت يجوز.
هنا يكعد ستار.
بيني وبين نفسي كلت شلون أشوفه.
صار تقريبا اسبوع ما شايفته.
كلت أحسن شيء أفرغ سطلة الجاي حتى باجر.
هو يجي يأخذ.
وصار الصبح واجه الخطار وجنت أنتظر الباب.
يدك أحساس غريب ينتظرني 😠.
انتظرونا غدا بجزء جديد

[فيتامين سي]

قصة (بنت شيوخ ) الكاتب : عمرعباس (الجزء الثاني )


صار تقريبا اسبوع ما شايفته.
كلت أحسن شيء أفرغ سطلة الجاي حتى باجر.
هو يجي يأخذ.
وصار الصبح وجنت نتظر واباوع عالباب.
واجه الخطار وجنت أنتظر الباب.
يدك وره نص ساعه دك الباب .
رحت أمي منو كتلها يمكن بنت جيرانه.
طلعت لكيته .
كال السلام عليكم بس خليلي جاي هنا.
ساره : ماشي دقايق وارجع.
ستار : باوعت على عيونها يمه يكتلن كتل.
أني شويه صار عندي جرأه وسلمت عليها.
وهي هم ردت السلام .
ساره : جان طالع يخبل 😍.
شلون لابس دشداشه طالع كشخه وهيبه 😎.
اني أخذتله الجاي وانطيتياه.
ساره : صار كل يومين او اتلاثه.
يجي يأحذ غرض.
أني نعجبت بيه حيل.
لأن جان أخلاق وجماال وشخصيه .
كل الصفات الرجوليه بيه.
ستار : أني صرت أتعمد كل ما تصير كعده.
الكه نقص واروح أجيبه من البيت.
بيوم من الأيام رحت وتجرأت شويه .
كتلها شلونج هي كالت زينه وسكتت.
ساره : بيوم من الأيام اجه وسألني شلونج.
أني خجلت كلش كتله زينه وسكتت..
ستار : أني صرت أحب أشوفها كل ما أروح لبيتهم.
ما أعرف ليش هيج صرت.
ساره : صار اليوم الي ما تصير كعده بمضيف بابا.
أضوج حيل لأن جان دائما يصير نقص عدهم.
ويدزون ستار.
لأن ماعدنا ولد كبار و ولد عمي وعمامي.
جانو حيل يغارون من عدنا.
لأن بابا أنسان معروف والناس تحبه.
فماجانو يجون على بابا .
بس من يحتاجون يجون علينه.
فجنت أكرهم حيل لأن ما بيوم حسسونا أنهم.
عمامنا .
من نوكع بمشكله او من تصير حاجه عدنا جانو يتشفون بينه.
بس بابا جان طيب ويحبهم يكول شلون ما يسوون.
يبقون أخواني ومن دمي ولحمي.
بابا جان أنسان طيب وخلوق وترباة عشاير ومن أهل عز.
وكرم .
بابا جان بس يريد أخوي الجبير وائل يكمل دراسه.
علمود يجي يساعده لأن يتعب وحده .
وماعنده أحد يساعده.
فجان دائما يمدح ويحمد أبن صديقه.
يكول شلون أخلاق بابا جان يسميه الشيخ.
يكول تصرفاته وكلامه بالمجالس الي تصير.
عدنا كلام واحد واعي ومثقف..
سألت بابا كتله هو دارس.
كال مكمل كلية قانون وكاعد ما متعين.
بابا كال اكدر أعينه عندي واسطه.
بس خل يخلص وائل كليه.
واسوي لستار واسطه واعينه..
ساره : أني ما أعرف أصلا ليش مهتمه بيه.
حتى بابا لاحظ كال شكد تسألين.
ساره : بديت أفكر بيه طوله مشيته عجبني.
الصراحه صح أني ما أطلع من البيت أهوايه وما شايفه.
ناس هوايه.
بس أول مره أشوف شباب يعجبني ويجذبني.
لهاي الدرجه.
صح ما صار كلام بينا يعني قليل حيل فقط نظرات .
ستار : أني أنعجبت بيها حيل.
بنيه جمال وأخلاق وثكيله كلهن بيها.
هو أني هاي البنيه الي تعجبني.
خابرني الشيخ (أبو وائل ) كال تعال محتاجك .
أني ما صدكت فرحت.
رحت بسرعه.
ساره : بابا كال اليوم عندي شغل أهوايه.
وباجر عدنا كعده لازم نرتب وضعنا وخابرت.
ولد يجي يساعدني.
كتله منو كال شعليج أنتي.
فشلني والله.
بس كلت بداخلي أكيد ستار.
بابا طب للحمام يسبح .
وره شويه دك الباب طلع أخوي الصغير عمر.
اشو سمعت ولد يحجي لعمر ها حبيبي شلونك.
حسيت بيه صوت ستار.
المهم طبو للمضيف واني حايره شلونه أشوفه.
رحت للغرفه بدلت ملابسي ورتبت نفسي.
بابا طلع وراح على ستار.
أني طلعت أغسل بالحوش 😂.
كلت بلكت نظره وحده 😂.
اشو أجاني أخوي أحمد .
ساره طبي جوه .كتله ولك ليش شكو.
كال بابا جايب غراض وذبايح عنده عزيمه باجر.
حتى يطببهن ستار.
اني بسرعه رحت للشباك وخرت البرده.
واباوع طب جان شكله جذاب حيل .
ستار : رحت لبيت ابو وائل.
جبتله غراض وذبايح وطببتهن للبيت.
لأن كال باجر عنده عزيمه كلش جبيره.
وكال يمكن راح يعزم العشيره كلها.
اني طبيت للبيت حسيت أكو وحده عالشباك.
عرفتها هي نفسها بس أني لحد ما عرفت أسمها لحد .
الأن .
ساره : بابا أجه علينا وكال راح أعزم عزيمه.
جبيره باجر .
وراح أعزم عمامكم يعني أخوانه.
ساره : أني ماحبيت يعزمهم بس بابا.
ما يحب أحد يناقشه وجان من يأخذ قرار.
بعد ما يتراجع عنه.
المهم مر اليوم وأجه يوم العزيمه.
ماما عزمت خالاتي حتى يساعدنها بالطبخ.
وأجن زوجات عمي وبنات عمي وزوجة أبنهم.
بس مجانن يمدن أيدهن جايات بس يشوفن..
أوف شكد جنت أضوج منهم ما أطيقهم.
المهم فرعنا صار هوسه وناس طابه وناس طالعه..
وأني كاعده يم خالتي جاي تسوي تطبخ تمن.
ما أدري الا واحد بالباب صافن عليه.
باوعت عليه هذا أبن عمي حاتم.
أني أنطيته ظهري هاي مرت حاتم من شافته يباوع .
عليه تخبلت عالساس تغار عليه .
ولج هو أني أموت منه.
خلص الطبخ وصار الغده.
أجو يأخذون الغده ومن بينهم شفت ستار.
يمه يخبل شلون طالع.
ستار : من كالو الغده جهز والناس كلها أجت الشيخ.
كال يلا صبو الغده.
أني كمت بس جنت حيل مرتب دشداشه جوزيه.
وساعه واشمق سويته خليجي يعني طلعت توب.
طبيت حتى نجيب الصياني .
لكيت ساره هناك صفنت عليها ..ما ادري الا ولد(حاتم)..
كال هاي شبيك هو جان يضوج مني حيل..
لأن جنت أطب وأطلع وانوب شافني أباوع على ..
على ساره تخبل ما يعرف شيسوي.
أني تقدمت أشيل صياني .
باوعت ساره تباوع عليه .
أني أبتسمت الها.
هي نزلت راسها يمه فدوه شلون أخلاق.
ساره : من طب أبتسملي اني ما عرفت شسوي..
نزلت راسي وما رفعته لأن خجلت حيل .
المهم خلصت العزيمه وفضت الناس.
أجت بنت عمي سماح .
أجتني بحلكها سالفه تريد تكولها .
لأن هي مو من عوايدها تجي عليه.
كالت ساره أريد أكلج كلام .
كتلها كولي .
كالت حاتم يكول أني شفت الابتسامه.
كتلها شنو يا أبتسامه كالت ما أعرف هو هيج كالي.
ساره : اني خفت حيل.
لأن هم يكرهونا .
واحنه عشاير وكلشي ولا هالسوالف والعلاقاات.
أخاف يكبرون السالفه ويفضحونا.
وأبوي اذا عرف والله يشبعني كتل.
اجه حاتم يريد يأخذ أهله طب للبيت ..
شفته باوع عليه من فوك ليجوه عوذه شلون نظره.
المهم أخذ أهله وراحو .
كلت بكلبي روحه بلا رجعه 😠.
بقيت أفكر بالكلمه الي كالتها بنت عمي سماح.
كلت بس لا يكول لبابا ويفضحني هذا حقير .
وره أشويه أجاني بابا يصيح ساره ساره.
رحت عليه ........أنتظرونا غدا بجزء جديد

اضغط أعجبني للقصه أذا شفت تفاعل اهوايه أنزل ثالث.

[فيتامين سي]

قصة (بنت شيوخ ) الكاتب :عمر عباس(الجزء الثالث)


بقيت أفكر بالكلمه الي كالتها بنت عمي سماح.
كلت بس لا يكول لبابا ويفضحني هذا حقير .
وره أشويه أجاني بابا يصيح ساره ساره.
رحت عليه لكيته واكف هو وماما بس شكله يخوف.
أول مره أشوفه هيج.
صاح عليه ساره تعاي عالغرفه وسدي الباب وراج.
يمه أني متت خوف.
رحت وجت ماما وياي.
طبينا وسديت الباب.
كال سمعت شغله صدك .
والله بابا ما مسويه شيء.
جان معصب حيل أجه ضربني الا موتني بجي.
كالي صايره توزعين أبتسامات .
أني وجهي أزرك من الكتل .
أني شكيت بأبن عمي حاتم هو كايله .
لأن هو دائما يسوي فتنه ويحب المشاكل.
تصير بينا.
بس يمكن ما كايله ع ستار لأن بابا مجاب طاريه.
المهم أني بقيت أبجي.
لأن بابا ما بقى ذاك بابا القديم.
الي جان يدلعني ومدللني.
حتى بأسمي ما يصيحلي هسه.
تعالي روحي .
حتى بالباب ما خلاني أطلع بعد.
حياتي صارت صعبه.
أشتاقيت لستار أريد أشوفه.
ستار : من يوم العزيمه بعد ما شفت ساره.
حتى أذا جنت ادك بابهم من أحتاج غراض.
أم وائل تطلع او ولدهم الصغار.
أني نشغل بالي عليها .
كلت معقوله بيها شيء.
أنوب كلت بداخلي شعليك ستار.
عوف البنيه شيخصك بيها.
ساره : اوف ياربي مخنوكه من البيت حتى للباب.
ما أطلع لأن اذا شافني بابا.
كال أكسر رجلج.
رحت صحت لأخوي عمر كتله روح شوف.
منو كاعد بالمضيف.
راح كال بابا وعمو ستار وناس ما أعرفهم.
كتله روح صيح ستار .
عمر جان صغير ما يفتهم راح صاحله و وكف.
بالباب أني جنت خايفه حيل لا أحد يشوفني.
ستار : جنت كاعد بالمضيف.
وأجه أبن الشيخ أشرلي بيده اني.
كمت ورحت ما أعرف شيريد.
من طلعت من المضيف صرت أشوف.
بنت الشيخ كبالي طبعا لأن لحد الان ما عرفت أسمها.
من شفتها أحس نفسي تخربطت ما أعرف شسوي.
بس أباوع عليها.
ساره : شفته أجه يخبل.
شلون مشيه حلوه وشخصيه يمه فؤديته.
أني طبيت جوه.
ستار : باوعت عليها وطبت بس جانت تموت.
حتى نسيت نفسي.
ورجعت للمضيف.
من كعدت تذكرت من صاحني أبن الشيخ احمد.
شيريد مني.
أني كلت عيب اروح عليه هسه.
هسه الناس شتكول عليه طاب طالع .
ساره : طبيت لغرفتي الحمدلله ماكو أحد.
شافني .
بقيت أفكر كلت بداخلي ساره شدعوه.
هلكد مهتمه بيه معقوله حبيتيه.
😕😕😕.
ستار : من طلعو الناس لكيت أحمد .
كتله تعال حبيبي أشتريلك جبس.
أخذته وياي.
رحت أخذتلك جبس وعصير .
كتله حبيبي ليش صحتني قبل شويه.
كال ساره كالت .
كتله منو ساره كال أختي.
أني عرفت الشغله.
خرب حضي أسمها ساره.
يخبل لايكلها واخيرا عرفت أسمها.
ساره : وره شويه أجه عمر طب بيده جبس وعصير.
أني كتله شو تعال أنطيني جبس 😂😂.
كتله هذا منيلك ولك.
كال من عمو ستار كتله شنو كال من عمو ستار.
اني دخت 😴.
كال وسألني كال من صاحلك كتله ساره.
ساره : ضربته راشدي شكد ماتعصبت .
بذيج اللحظه ولك شلون تكله هيج.
ساره : ستحيت حيل كلت شكد عيب .
هسه يكول تريد تشوفني.
ياربي شكد فشله.
ستار : من اخوها كالي هيج.
عرفت كلت يجوز هي هم معجبه بيه .
أحسن اروح على أبوي .
اخليه يحاجي الشيخ ويكله أريد ساره لأبني.
أني رحت حجيت لأمي ولأبوي.
ما عارضو لأن جنت الحمدلله متخرج وانتظر التعيين.
أبوي كال باجر نروحلهم .
أني فرحت حيل .
لأن حبيتها حيل صح مجان بينا كلشي.
بس نظرات بس حبي الها صار جبير.
ساره : جنت ضايجه حيل لأن عمر هيج كال لستار.
المهم وره ما راحو الزلم من المضيف .
أجه خطار علينا .
ابوي طلع سمعته يكول هلا بيكم تعالو أكعد جوه.
كلت بداخلي منو ذوله الي أبوي يريد.
يفوتهم عالبيت .
راحو كعدو بالمضيف.
بعد ما عرفت شصار لأن الاستخبارات مالتي عمر.
جان نايم 😂.
المهم ما أهتميت رحت أشتغل وارتب البيت.
صرت أفكر بستار كل دقيقه.
كل ما أكعد كل ما أشتغل افكر بيه.
ما أعرف شنو هالأحساس.
أول مره أهتم بشخص بهالدرجه.
ستار : جنت طاير الفرحه لأن بالليل راح أبوي.
يروح عالشيخ ما تتصورون الفرحه الي جنت.
عايشها .
كلت معقوله حلمي يتحقق واخذ ساره.
اوف من أذكر عيونها.
يطير عقلي من راسي.
صرت مجنون بعيونها الزرك 😍.
ساره : وره ساعه تقريبا .
أجه بابا بس طول.
أجه صاح لماما وطبو لغرفتهم.
سمعت شويه صوتهم علا.
ما أعرف ليش وخصوصا ماما.
أني صار بكلبي حوصه 😂.
أريد أعرف شنو لأن خفت كلت ياربي.
شنو هالاجتماعات السريه 😂.
أول مره هيج يسوون.
أني صرت أفكر ليش بابا هيج يعاملني.
جان ما يضم اي شيء عليه.
بس من كالوله على سالفتي ويه ستار.
بعد صار يعاملني معامله مدري شلونها.
بس أني مسويت شيء.
هو أبتسم اني شعليه.
بس شسوي لأبن عمي هو الحركني.
المهم وره نص ساعه طلعت ماما وتباوع عليه.
وجهها صار الوان الوان .
راحت للمطبخ رحت وراها.
كتلها ماما شكو.
كالت معليج أنتي.
لحيت عليها كالت أبوج أيريد يزوجج.
كتلها شنو كالت.
اليوم أجت مشايه عليج .
يريدونج لأبنهم كتلها ومن ذوله.
كالت عمامج كتلها عمامي ماعدهم ولد بعمري.
كالت لأبنهم حاتم كتله ماما لا تخبليني.
حاتم مزوج شلون تريدون تنطوني.
تره ما مسويه شيء .
حتى هيج تعذبوني .
كالت أني ما عليه روحي على أبوج.
رحت أبجي طبيت على بابا أبجي باوع.
كال شبيج .
ساره : كتله شبيه بابا ليش هيج.
مو اني بنتك الوحيده والغاليه عندك.
اني بنت الشيوخ ازوج واحد مزوج.
ليش هيج تريد تسوي بيه ....انتظرونا غدا بجزء جديد.

لاتنسون لايك وتعليق للمنشور.
اذا شفت تفاعل قوي أغير جدول أسويه.
جزئين باليوم.

[فيتامين سي]

قصة (بنت شيوخ ) الكاتب : عمرعباس (الجزء الرابع ).


ساره : كتله شبيه بابا ليش هيج.
تريد تسوي بيه مو بنتك (بنت شيوخ ).
كالي أني قررت وأنتهت ولأبن عمج أحسن من الغريب.
وهو كال اني أدللها واعيشها أحسن عيشه.
وبنتي أنتي جنيتي على نفسج.
ساره : بابا والله العظيم ماسويت شيء.
بابا : بنتي بعد كتلهم وباجر تكطعون المهر.
ونزوجكم بأقرب وكت.
ساره : بابا أني ما أريده .
بابا:مو بكيفج .
بابا : بنتي هو ما يصيرله أطفال .
لان مرته مريضه .
انتي روحي وكال أدللج .
ساره : بابا أني ما أطيقه ما أكدر أعيش وياه.
كالي مو بكيفج.
ساره : بابا جان قافل حيل ومأخذ قراره.
شكد ترجيته ما فاد أنوب دزيت ماما تقنعه.
كايللها اذا نبقيها تسوي سوالف.
ما تشوفين شلون سوت بالعزيمه.
ساره : من سمعتهم هيج يحجون روحي طلعت.
ضجت نفسي.
ستار : أني فرحان واخيرا صار الليل.
حتى نروح لبيت الشيخ.
حتى نطلب بنته ساره اليه.
ما تتوقعون الفرحه الي بكلبي .
بدلت ملابسي وترتبت ورحنا اني وأبوي.
رحنا كعدنا يمهم .
ابوي فتح الموضوع كال شيخ فايق.
أني اليوم جاي علمود بنتك لأبني ستار.
واحنه مانلكه أحسن منكم شرف ونسب.
ستار : أني كلبي جان يدك سريع.
مابين فرحه ومابين خوف الشيخ يرفض .
من الشيخ كام يحجي غمضت عيوني 😂.
الشيخ : والله يا أبو ستار.
أني منطي كلمه لأبن عمها حاتم.
واحنه ما نلكه أحسن منكم والنعم من أصلكم.
بس البارحه جان يمي أبن عمها وابوه.
وأني قبلت بيهم .
ابو ستار : هاذهو العمام أحق.
ستار : من كال هيج أحس عيوني وصلن بكصتي.
أختنكت حيل .
كتله شيخ حاتم مو مزوج ؟؟.
الشيخ : هذا شيء يخصنا.
أني كتلهم من رخصتكم راسي يؤجعني وكمت.
ما عرفت شسوي بهاي اللحظه .
كلت كله صوجي أني تأخرت .
المفروض من أول يوم اروح أخطبها.
تمنيت بس الوكت يرجع أسبوع حتى أخطبها .
بس هاي صارت أماني والوكت مر .
رحت للبيت طالعه روحي.
للصبح ما نمت مخنوك عبالك شخص عاصر كلبي عصر.
ساره : ما أعرف شسوي عارضت عالزواج ما فاد.
أجت ماما عليه نصحتني وصارت تقنع بيه.
أجت باجر .
واجو عمامي عليه وجابو شيخ وياهم.
المهم صاحلولي سألوني موافقه لو لا.
بابا باوع عليه وخزرني..
أني كلت ايي بس من كلت هيج.
أحس واحد مرد كلبي.
بس شسوي .
باوعت على حاتم فرحان .
كلت نيالي على هيج رجل .
شلون جهره وشلون نظرات.
المهم كطعنا مهر واتفقو خطوبه ماكو.
وأنطو المهر لبابا.
وكالو جهزو بأسرع وكت .
ساره : ماما أخذتني جانت تشتريلي.
كلشي واني اصلا ما أباوع بس.
تأخذ قياسي وتخلي بالعلاكه.
المهم مرت أيام وخلصنا جهاز.
أنطو الخبر كالو عكب باجر العرس.
سوينا حنه وشلون حنه ياعيني مأساة مو عبالك عرس.
جنت ضايجه حيل..
أجت بنات خالاتي وبنات خوالي وجيرانه.
كالو شبيج عبالك فاتحه مو باجر عرسج.
جنت مخنوكه حيل.
المهم الصبح أخذوني للصالون.
رحت للصالون عبالك رايحه لجهنم.
أترتبت وكملت ورجعوني للبيت.
ستار : جانت حالتي تبجي الصخر حتى من البيت
ما طلعت عرفت اليوم هو يوم العرس.
تذكرت نضراتها عيونها الزرك .
ما جنت اتخبل أحد يباوع بعيونها.
اليوم راح تنام ويه شخص غيري.
راح أطب لذاك البيت .
تدمرت نفسيا بس أفكر بيها.
ساره : جنت ضايجه ومتوتره حيل.
شلون أعيش ويه شخص اكرها وما احبه.
اجه العصر وأخذوني.
كعدت بصفه بسياره كاعد يمي.
شكد جنت ضايجه منه .
ما جنت هيج أتخيل عرسي.
أني عمري 19سنه ازوج من واحد أكبر مني ب11سنه.
شنو ذنبي وفوك مره ازوج .
جنت مصدومه من بابا.
حتى كرهته لأن هيج سوه بيه.
رحنا كعدنا أبيتهم الناس كلها تركص وتهلهل.
وجانت مرته تباوع عليه من الباب واكفه بس بنظرات .
حقد أني كلت بعد البدايه هيج.
المهم رحنا لغرفتنا.
أخذني لزمني عبالك مشايف.
اجه لزمني و...........وخلص حاجته وعافني.
عبالك حيوان حتى كلمه حلوه مكالي.
حتى من هيج سوه أنوب ضجت حيل .
رحت للحمام شغلت الدوش وبقيت أبجي .
ساعه كامله على حضي وعلى هذا الرجل.
طلعت من الحمام رجعت للغرفه مددت عالجربايه .
بده يتلمس بيه.
من جان هيج يسوي نفسي تلعب منه.
الصراحه تمنيت أموت .
نمت وكعدت الصبح .
حاتم لكيته كاعد كال من اليوم كومين تشتغلين
وتساعديهم بشغل البيت .
كتله بعدني أول يوم واني عروس.
كال عاروس ما عاروس ماكو.
كومي أشتغلي هذا الحجي ما يمشي يمي.
أني سمعت كلامه كلت عادي اشتغل.
رحت للمطبخ لكيت عمتي ام حاتم وزوجته.
عمتي ساره اغسلي البيت.
ومرت حاتم تباوع عليه وتخزر بيه.
عمتي طلعت وبقيت أني وياهه.
مرت حاتم : تره حاتم يحبني ويموت عليه.
ولا تتوقعين يحبج وهو تزوجج علمود يريد.
منج ولد ويذبج عالمزبله.
ازوجج علمود الولد مو علمود اي شيء.
أني كملت غسل البيت ورحت لغرفتي.
أبجي على حضي ..........انتظرونا غدا بجزء جديد

[فيتامين سي]

قصة (بنت شيوخ ) الكاتب: عمر عباس(الجزء الخامس)


مرت حاتم : تره حاتم يحبني ويموت عليه.
ولا تتوقعين يحبج وهو تزوجج علمود يريد.
منج ولد ويذبج عالمزبله.
ازوجج علمود الولد مو علمود اي شيء.
أني كملت غسل البيت ورحت لغرفتي.
أبجي على حضي ..مدري ما أبجي على قسمتي.
السوده الي تورطت بيها.
كلت خل أصبر وأتحمل.
أني جنت كاعده بغرفتي على تلفزيون.
أباوع على جويل للتجميل.
فجأه طب حاتم عليه.
كال أيي باوعي أفلام وأهلي يشتغلون.
سارة : والله كملت شغلي وهي أمك كالتلي.
كملي غسل البيت وروحي.
حاتم : ايي وليش تصيحين.
ساره : ساره ما مصيحه هو أني هيج كلامي .
حتى ويه أهلي.
حاتم : لازم أهلج ما مربينج .
تره مو أبوج خليها أبالج.
ساره : وشبيه بابا أفتر الأنبار كلها ماتلكه أحسن منه.
حاتم : لا تلاسنيني تره مالي خلك.
ساره : كالي هيج وطلع.
أني أنوب روحي طلعت يعني معقوله عروس.
اول يوم شغل ورزايل أختنكت حيل .
ستار : كاعد بالبيت أفكر بحبي.
الي ضيعته من بين أيدي .
جنت ضايج حيل حتى بيت الشيخ.
ما بقى واهس اروحله.
وين جنت قبل يوميه هناك حتى أشوف ساره.
بس أذا اروح أشوف منوو .
بس مرات أروح على بيتهم.
لأن الشيخ جان يخابرني.
ويكلي تعال ساعدني وجنت اروحله.
ساره : صار الظهر وصاحلولي حتى أتغده.
رحت أتغده لكيت حاتم كاعد بصف زوجته.
عمتي تعالي عيوني هنا أكعدي بيني وبين حاتم.
😒😒.
رحت كعدت وهي صارت تشاور بحاتم وتضحك.
أني أخذت على نفسي.
عمتي رزلتها كالتلها عيب شنو هالحركات هي.
فشلت حيل ما تعرف وين تضم نفسها.
لأن جان عمي كاعد وبنات عمي.
حاتم : يمه هاي مرتي واذا تتشقى.
ساره : أني كمت من السفره ورحت لغرفتي.
عمتي صاحتلي ومشيت وخليتهم.
ساره : رحت للغرفه أفكر عابتله هم كاشخ هو مرته.
خلقه أخلاق أنتو.
رحت أصلي وادعي ربي يجمعني ب ستار.
ويخلصني من حاتم.
بس كلت بكلبي منو يكول ستار يريدني بعد.
كلت لنفسي ولج شدتحجين أنتي بعد ازوجتي.
ساره : فتحت شعري ومددت عالجربايه .
ما أدري الا واحد كافشني من شعري.
ولج شلون تكومين من السفره وأمي تصيحج.
وما تجين امي فوك الكل واذا سويتي بعد هيج .
أكسر رجلج وانعل أبوج لأبو تربيتج.
ساره : عوفني هاي أخلاقك خل أكول لبابا عليك.
هو يتصرف وياك.
حاتم : المن تكولين كولي .
ساره : أني من شفته هيج يحجي .
أئيست من الحياة .
لأن تورطت ورطه بس الله يكدر يخلصني منها.
ألمهم أني طلعت من الغرفه بدلت ملابسي.
وخليت شوي مكياج خفيف.
ورحت كلت خل أساعدهم رحت عالمواعين .
غسلتهن ورتبت المطبخ.
أجت عمتي كالتلي عفيه بنيتي سباعيه (💪).
ساره : عمتي جانت تبين طيبه .
وأحسها جانت تحبني مدري عاد بس فوك ليفوك.
لو صدك هي زينه.
وجانت بيداء مرت حاتم هم كاعده.
من شافت عمتي هيج تمدح هي وجهها نكلب ألوان..
صارت بيها حوسه.
أني كعدت اصفط مواعين وبيداء وعمتي طلعن.
واني بقيت ارتب لأن جنت أحب أشتغل بالمطبخ.
وره خمس دقايق أجتني بيداء.
ها يا لوكيه .
كتلها أحترمي نفسج شنو لوكيه..
كالت تتلوكين لعمتي وتتقربين الها.
لا أتلوك ولا أتقرب هي عمتي خوش أنسانه .
وطيبه وما حاجه أتلوك الها.
بيداء : ايي أمبين تانشوف أيمت تجيبين الولد.
ونخلص منج.
ساره : أني من كالت هيج فورتني.
أني ما نقهرت عادي أريد أخلص منهم ..
بس أنقهرت من كلامه جاي تهيني بيه.
عالساس أني لعبه يضحكون عليه ويعوفوني.
ساره : تعصبت حيل وكتلها أنتي لو بيج خير.
جان صارلج ولد مو صارلج 5سنوات وماكو كلشي .
اشو هاي صارت تبجي وتركض وراحت..
أني كملت شغلي ورحت لغرفتي حتى أرتاح..
صح جنت أشتغل أهوايه بس جنت هيج.
أكضي وكتي .
رحت لغرفتي وكعدت مقابيل المرايه .
واباوع على نفسي وأفكر لو أني هسه .
يم ستار شيصير يعني لو متحقق حلمي.
صفنت وبديت أفكر واحلم.
لو اني يم ستار وستار زوجي و احلام ما تحقق.
بس هيج أجذب على نفسي حتى.
أعيش لحظات الفرح ولو بالاحلام.
ما ادري الا الباب نضرب بقوه.
باوعت لكيت حاتم.
صااااح ساره أجه لزمني موتني كتل .
كتله شبيك كال ليش تعيرين بيداء.
وتكوليلها ما يصيرلج أطفال .
وبقى يضرب بيه الا دخت وفقدت الوعي.
لأن عبالك يكتل مجرم مو زوجته.
أني فقدت الوعي وبعد ما حسيت بشيء.
ما ادري الا كعدت دايخه باوعت الساعه 5العصر.
رحت عالمرايه باوعت وجهي مزرك ومؤرم.
وجسمي مزرك.
كلت بعد ما أبقى هنا لو لحظه خليت ملابسي.
بالعلاكه وطلعت وحدي لان جنت اندل بيتنا.
لأن مره جيت على بيت عمامي وجنت أندل الطريق
طلعت من الغرفه .
عمتي لاكتني هاي وين تريدين خل يجي حاتم .
وهو يوصلج .
ساره : على أهلي واني ما أتحمل بعد أبقى هنا.
عمتي :ساره انتي عايله شلون تكولين هيج لبيداء.
ساره : عمه والله كالتلي بس تجبين ولد ونذبج.
واني ما أتحملت وجاوبتها .
عمتي : هسه رجعي ملابسج واكعدي.
ساره : عمه ما أكعد لو أموت بعد ما أتحمل.
أعيش ويه هيج أنسان أهاني.
وطلعت أتمشى للبيت لأن جان قريب شوي.
رحت طلعت عالباب لاكاني حاتم.
حاتم ويه تريدين كتله على أهلي لزمني من ايدي.
وطببني جوه كال تطلعين بدون ما تكوليلي.
كتله أي أطلع . وبده يصيح عليه بالبيت.
والتمو كلهم عمتي وبيداء وسماح بنتهم.
كال أذا بعد تعبرين باب الغرفه أكسر رجلج.
كتله أطلع وبعد ما أبقى هنا .
ضربني راشدي وكال مو بكيفج.
من سوه هيج لو ميته أحسن ضربني كدام الكل ..
وبيداء تباوع ومبتسمه.
رحت لغرفتي والله شكد ما نقهرت وضجت.
صرت أدعي على بابا لأن هو أنطاني اله .
واني ما أريده.
أباوع على نفسي وجهي مزرك جسمي مكسر.
بقيت أبجي أني بنيه أبدايه عمري تورطت.
بهذا الشايب أكبر ب 11سنه.
كمت بس أريد أطلع من البيت.
لأن صرت أضوج منه واكرها.
لأن ما شفت منه كلشي.
فقط كتل وغلط .
وره شويه دك باب غرفتي.
كلت اتفضل طلعت عمتي.
أجت كعدت يمي مسحت وجهي ودموعي.
كالت بنتي تره حاتم طيب وخوش انسان.
ساره : عمه يا خوش أنسان دمرني.
عمه أني بعد ما أتحمل أعيش.
عمتي : بنتي أنتي بعد تزوجتي ولازم تتحملين.
ورتبي نفسج لا تخلين بيداء تسيطر عليه..
ساره : عمه أني لا أريده ولا أريد اسيطر عليه.
عمتي : أني حبيت انصحج بس .
أنتي ميفيد بيج.. أبقي على هاي الحاله.
ويوميه يكتل بيج.
ساره : اجه الليل ما رحت تعشيت.
كعدت نمت ما أجه حاتم عليه.
أني نمت وبالليل كعدت ميته جوع.
رحت للمطبخ فتت من يم غرفة بيداء.
سمعت الضحك هو وياها والكلام.
يكللها أحبج ومدري شنو اني مشيت.
للمطبخ فتحت الثلاجه .
لكيت بتيته وكبه أكلت شويه.
اجه حاتم سويلي أكل جوعان.
كتله شسويلك ما تسوي مرتك.
كال سوي أنتي وبدون كلام زايد .
وجيبيه للغرفه.
لكيت بالثلاجه تمن ومرك.
طلعتهن من الثلاجه وحميتهن وشلتهن.
دكيت الباب وخليتهن بالباب ومشيت.
رحت لغرفتي كعدت جنت كل ما أضوج أفكر.
بستار أكول لو هو زوجي شكد جان رجولي.
من شكله وتصرفاته.
هذا حاتم مرته تتحكم بيه.
المهم رحت لغرفتي نمت .
كعدت الصبح بدلت ملابسي ورحت .
لكيت عمتي كاعده .
أني وياها رتبنا البيت.
بال 9ونص أجت بيداء.
عمتي : همزين كعدتي يالخاتون.
بيداء : عمه والله البارحه حاتم مخلاني أنام لل 3 بالليل.
موتني أنوب جوعان انوب ضايج..
ساره : 😒 عالساس جاي تقهر بيه.
فؤديتج وفؤديت رجلج.
ما أدري ليش جنت لا أحبه ولا أغار عليه .
ولا كأن زوجي وخاصة بعد ما ضربني.
أجه حاتم عالمطبخ ساره تعاي على عالغرفه..
ساره : متت خوف كلت هذا شبيه..
بس لا هاي بيداء وزته عليه.
طبيت لغرفتي.
باوعت عليه جان يخوف كتله ها .
كال ليش ..........انتظرونا غدا بجزء جديد.
ما توقعاتكم شيكول حاتم ؟؟

شباب بنات (أني ولد مو بنيه )..
سوي لايك للمنشور دعما للأستمرار.

[فيتامين سي]

قصة (بنت شيوخ ) الكاتب : عمر عباس(الجزء السادس)


أجه حاتم عالمطبخ ساره تعاي على عالغرفه..
ساره : متت خوف كلت هذا شبيه..
بس لا هاي بيداء وزته عليه.
طبيت لغرفتي.
باوعت عليه جان يخوف كتله ها .
كال ليش هيج كلامج ويه بيداء.
من اليوم وجاي بعد ما تكوليلها الا الكلمه حلوه زين.
ساره : هي تحجي عليها وأطلع مني حجي.
حاتم : اتحمليها أكبر منج.
ساره : ليش هي ما تتحملني.
حاتم : أني أكوللها .
ساره : أشو حاتم تقرب مني وباسني وبده يتقرب.
أني رفضت كتله مو أني ماتريدني وتضرب.
بيه وتهيني كدام أهلك ومرتك وخر مني.
لا تلمسني.
حاتم : أنتي مرتي أنتي ملكي بكيفي أني مو بكيفج.
و............خلص حاجته وعافني .
حتى بعدها ما حجه وياي وكبل طلع.
أني انقهر حيل .حيل على حالي لأن عبالك جاي يتعامل ويه حيوانه مو أنسانه بس يكمل حاجته ويخليني.
وره شويه أجاني حاتم هاي أمج تريد تحجي وياج.
أخذت المبايل وحجيت وياها وهو بقى .
ايخاف لا أحجي شيء لأهلي.
سألتها شلونها واخواني شلونهم.
حجينا وسديت المبايل.
حاتم :دير بالج أسمع حاجيه كلام او شيء لأهلج.
الي يصير بالبيت ما يطلع..واذا طلع أكص لسانج.
والله أني هزيت براسي يعني اي.
وطلع بقيت أفكر بحالي بالضيم الي عايشته.
عبالك عايشين بسجن لا طلعه ولا شيء.
رحت سبحت وغيرت ملابسي وطلعت.
لكيت حاتم وبيداء مبدلين ويريدون يطلعون.
عمتي : حاتم وين تريدون.
حاتم : يمه رايحين للسوك وللمنتزه شوي بيداء.
ضايجه من البيت.
ساره : كلت بكلبي واني شنو 😔😔.
عمتي : أخذ ساره وياكم .
حاتم : لا لا خليها وياج تحتاجينها.
وراحو وطلعو.
عمتي : ساره لتضوجين باجر الصبح نروح للسوك.
واشتريلج شتردين أني فرحت شويه .
لأن جنت حيل مخنوكه بالبيت لا طلعه لا أصخام براسي.
أني جنت أنظف بالبيت وأساعد عمتي.
وره ساعه تقريبا أجو .
وشايله علاكات كومه. وفرحانه وتضحك.
أجت تفتح العلاكات يمنا بالمطبخ .
متروسه أصباغ شعر ومكياج وملابس وكلشي مشتريه.
أني بس أباوع واتحسر 😒.
أني سويت نفسي ما شفت شيء عادي.
أني رحت لغرفتي مددت عالجربايه .
ما أدري بنفسي الا غفيت.
حلمت أنو أني وستار جاي نزوج واليوم عرسنا.
وجنت فرحانه حيل وستار جان يتشقى ويايه.
ويضحكني جان يخبل بالحلم 😍.
ما ادري الا واحد يهز بيه أكعدي أكعدي.
كعدت وهذا حاتم ها شتريد .
حاتم : معزومين يم أهلج اليوم عالعشه .
سارة : فرحت حيل لأن راح أشوف أهلي.
حاتم : بعد ديري بالج تحجين كلمه وحده .
او تطلعين اي شيء تره تشوفين مني شيء.
ما شافيته بحياتج .
ساره : ماشي.
ستار : عالعاده جنت ضايج ومخنوك بس شوي.
وضعي تحسن لأن بديت أتقبل الوضع(الواقع).
صرت مثل قبل يوميه يم الشيخ واساعدهم واعاونهم.
وعلاقتي كلش قوت وياهم لأن خصوصا بعد.
مابقى عدهم بنيه بالبيت فصرت أطب واتعشه وياهم.
صرت مثل أبنهم وهمه هم مثل أهلي تعودت عليهم.
حيل بس جنت كل ما أروح أذكر ساره نظراتها عيونها.
جانت ما تروح من بالي بس مثل مكتلك صرت أقتنع شويه مو هوايه 😂. لأن كلت هي صارت مرت شخص .
ثاني . اليوم الظهر الشيخ خابرني كال اليوم العصر تعال عليه عدنا شغل كتله ماشي .
ساره : جنت طايره فرح لأن أخيرا راح أطلع من البيت.
من الظهر رحت سبحت وترتبت وخليت مكياج خفيف.
ولبست ملابس الطلعه .
بيداء : لازم العروس تريد تطلع اليوم.
ساره : 😒😒 انتي شعليج أطلع ما أطلع.
بيداء : عليه واني كلشي يصير بهذا البيت بيدي.
ساره : بالعافيه.
بيداء : شنو هالمكياج طالعه تخرعين.
صدك أكلج عيونج عدسات مووو ؟؟.
ساره : 😂 لا عيني طبيعي لازم عجبنج.
بيداء : ههه لا بس عبالي حوول 🙈.
ساره : عيني عيوني يخبلن ياهو الي يشوفني.
يتخبل عليهن وخل عيوني حوول أحسن من ال .....
بيداء : احسن من شنوو ولج.
ساره : لا تكولين ولج تره لحد الان متحملتج .
بيداء : أني متحملتج زين ما كتلتج..
ساره : شنوو يالعجور انتي تكتليني.
بيداء : لج حقيره أنجبي.
ساره : بيداء كامت تصيح ولمتها كلها.
بيداء : حاتم تعال أدب مرتك لا أني أدبها زين
حاتم : شببج ولج ساره ؟؟؟.
بيداء : تغلط عليه وما تحترمني.
ساره : هي غلطت عليه.
حاتم : ساره أصعدي فوك وهسه ألحكج.
ساره : صعدت لغرفتي ومتت خوف أباوع عالباب.
أكول هسه يجي يموتني كتل.
وره شويه أجه حاتم.
حاتم : أني شكتلج مو كتلج ما عليج بيداء.
ساره :والله ما كتلها شيء هي تعدت عليه.
حاتم : ولج ساقطه بيداء ما تتعده على أحد.
والله العضيم أكسر رأسج زين.
ساره : عدل الفاظك أني مو ساقطه.
حاتم : ساقطه ونص.
ساره : لا والله مرتك الساقطه..
حاتم : لا والله ساقطه لو مو ساقطه.
مو أنتي والشباب بالعزيمه واحد يبتسم للثاني.
وابوج أصلا ما صدك مشيت عليكم.
جان بس يريد يخلص منج لأن يعرفج شنو.
ساره : أحترم نفسك .
حاتم : ولج شنو أحترم نفسك أني محترم غصبا.
على أبوج وعلى أهلج..
ساره : أبوي يشرفك .
حاتم : ولج على منووو.
ساره : أجه ضربني موتني كتل وجهي أزرك..
صرت ما أحس بجسمي من الكتل.
وتفل عليه وطلع.
ساره : صرت أدعي يارب خلصني من هذا الظالم.
يارب خلصني ومن مرته يارب طلعني من هالبيت.
وبقيت أبجي الا وره ساعه أجاني يلا كومي بدلي.
كتله ما أروح وياك . حاتم : تره مالي خلكج
كومي بدلي واجفيني شرج.
خل نروح للعزيمه ولو مالي خلك ابوج .
المهم خلي مكياج او شيء واخفي هذا الزراك .
ومثل مكتلج لا تحجين كلشي.
ساره : كمت حاولت أخفيه الزراك الي بوجهي.
بالمكياج بس الا بقه منه ..
المهم بدلت ورحت عليه وطلعنا.
رحنا مشي.
حاتم : لا تمشين قريبه مني شوي أرجعي ليوره.
هسه الناس يكولون مأخذ هاي الي تعاكس الشباب.
ساره : جان يريد يستفزني أني ما ردت .
أجاوبه لأن عرفت طبعه.
يجي عليه يحجي عليه وعلى أهلي ويستفزني.
ومن أجاوبه يضربني.
المهم رحنا أني ما مشيت بصفه مشيت بعد عنه..
وافكر بيه هذا شكد همجي ياربي.
شنو هالورطه وياه يارب خلصني.
ستار : أني بدلت ملابسي ولبست دشداشه..
الجوزيه وساعه واشمغ لفيته خليجي ورحت.
لأن كلت أخاف يجينا أحد عالمضيف.
واني دائما كل ما أطلع لمكان أرتب نفسي يلا أطلع.
ساره : وصلنا للبيت رحت سلمت على أمي واخواني.
بس بابا جان كاعد بالمضيف يم الخطار .
وحاتم هم راح عليه بالمضيف.
ساره : ماما سألتني شبيه وجهج كتلها هيج.
وكعت من الجربايه .
المهم تسألني شلونهم وياج..كلت بكلبي يا يمه.
شلونهم يعاملوني معاملة الجلب .
ساره : زينين ماما زينين.
ماما : بنتي اشو وضعج مو تمام أخاف مو زينين وياج.
اذا أكو شيء خل نكول لأبوج هو يتصرف.
ساره : لا ماما لا ماكو شيء.
ساره : لكيت أخوي عمر سألته..كتله عمك ستار.
هم يجي هنا.
كالي يوميه يتعشه يمنا ويبقى للليل يلا يروح.
ويكعد ويانا هنا .
ساره : تعجبت 😒😒😒.
ماما : ساره أني راح أروح للأسواق .
أجيب غراص وأجي.
ساره : ماما أجي وياج طاك كلبي من البيت أريد أطلع.
المهم رحت ويه ماما..
اول ما طلعت من الباب لاكانا ستار .
يمه شلون طالع يخبل.
باوعت على عيونه .
عيونه بيها حسره حسيت بلهفته بفرحته من شافني.
ستار : رحت لبيت الشيخ ومن وصلت.
شفت أم ساره وساره طلعو من الباب.
من شفتها كلبي كام يدك .
حسيت كلبي أرتعش كلش أرتاحيت من شفتها.
ستار : أني أموت على عيونها.
أول ما شفتها باوعت على عيونها يمه يخبلن.
ساره : رحنا للأسواق تسوكنا اني وماما ورجعنا للبيت.
ماما بدأت تسوي العشه واني كاعده..
بالي بقه يم ستار .
كلت نظراته نفسها ما تغيرت مثل ما قبل لا أتزوج.
معقوله لحد الان يحبني ما أدري.
المهم صبينا العشه وتعشينا.
وره ساعه تقريبا كامو الناس .
واجه بابا سلم عليه وشلونج ومن هاي السوالف..
كتله بابا وين حاتم .
بابا : أني كتله بقي ساره اليوم يمنا.
ساره : فرحت حيل من بقيت يم أهلي.
بابا كالي ساره بنتي روحي نظفي المضيف.
تره أمج تعبانه حيل ..
ساره : ايي بابا رايحه.
رحت للمضيف جاي أنظف بيه.
لكيت مبايل بالمضيف.
شغلت الشاشه شفت ستار بالخلفيه.
يمكن ناسي مبايله وما يدري.
بقيت أتمعن بالصورة بملامحه بشكله أول مره.
أكدر أشوفه هيج واتمعن بيه وبشكله.
دك بابنا وطلع أخوي سمعت ستار يكول نسيت المبايل.
أخوي كاله روح أخذه من المضيف.
ساره : أني ما عرفت وين أضم نفسي.
ذبيت المبايل بمكانه.
هو طب وسلم عليه.
ستار : نسيت مبايلي بالمضيف ورحت أجيبه.
طبيت للمضيف لكيت ساره هناك ياربي.
أشكرك على هاي الصدفه.
سلمت عليها ردت عليه كالت عليكم السلام.
ستار : يمه شلون صوت يكتل كتل.
فتت من يمها عطرها يخبل.
فكرت كلت خل أكوللها أني أحبج وأبرد كلبي.
ما أخلي هالكلمه مضموم بكلبي.
كلت لا لا ما يصير هي بعد تزوجت.
ساره : فات من يمي جنت أتمنى أكله أحبك .
بس أني ما جان عندي الجرأه اكله.
وكلت أخاف يطلع الحجي ويدري حاتم ويموتني.
ستار : أريد أكولج شغله.......انتظرونا غدا بجزء جديد.

الكل يضغط لايك وتعليق اذا شفت 150لايك بساعه.
انزل جزء سابع هسه.
رأيكم بالقصه أكتبوه بالتعليقات

[فيتامين سي]

قصة (بنت شيوخ ) الكاتب : عمرعباس (الجزء السابع)


ساره : فات من يمي جنت أتمنى أكله أحبك .
بس أني ما جان عندي الجرأه اكله.
وكلت أخاف يطلع الحجي ويدري حاتم ويموتني.
ستار : أريد أكولج شغله.
باوعت على عيونه متلهفه .
كالي ساره أني أحبج .
كتله شنو وليش مجيت تزوجني.
ستار : جيت بس أبوج كال أنطيتها لأبن عمها.
ساره : هاا .
ستار : ساره انتي تحبيني.
ساره : ما جاوبته.
ستار : ساره جاوبي .
ساره : ستار حتى لو أحبك أني بعد ازوجت.
ستار : ساره أبقى أنتظرج طول حياتي.
ساره : تنتظرني ؟؟.
ستار : ايي انتظرج واضحي بكلشي لاجلج.
ساره : بس أني تزوجت.
ومشيت وعفته.
رحت للبيت طبيت أفكر بيه كلت معقوله لحد الان.
يفكر بيه نظراته جانت تكول أحبج ما أتخلى ما عنج.
دخت بالموضوع حيل.
ستار : أوف كلامها نظراتها كلهن يخبل.
معقوله يجي يوم ونكون سوه.
كلت لنفسي أسكت ستار عيب هالحجي.
انت أبن عشاير شلون تفكر تأخذ زوجة.
أنسان ثاني مايصير وشلون تكوللها أحبج .
مدرييي دخت حيل وتشوشت من شفتها تخربطت.
صرت بس أريد احجي مشاعري الها.
والباقي ع الله.
ساره : كعدت بالغرفه أفكر بستار.
كلت ستار هلكد يحبني وما أخذته.
وتورطت بهذا الهجمي حاتم ياربي خلصني منه.
ساره : نمت وكعدت الصبح.
بال 9:30 أجه حاتم أخذني ورحت.
رحنا طبينا للبيت.
سلمت على عمتي وعمي وسماح أخت حاتم.
ورحت لغرفتي.
خليت غراضي ورجعت .
يم عمتي كعدت شفت البيت مو نضيف.
كمت غسلته ورتبته لأن هاي بيداء.
ما تمد أيدها يمكن ما نظفته من قبل يومين.
نظفته .
عمتي: عفيه بنيتي سباعيه.
ساره : ميحتاج عمه هذا بيتنا قابل تشكريني على واجبي.
وبيداء تباوع عليه وتخزر بيه.
تبين ضاجت مني حيل.
اني ما درتتلها بال .
اليوم جان الي واهس حيل خاصة بعد ما كالي ستار أحبج.
أنوب رحت على عمتي كتلها شسوي غده.
بيداء : لا لا أني أسوي غده. احنه نحب الأكل النضيف.
عمتي ؛ ساره نضيفه واكلها يخبل.
بيداء : أني اليوم جبت دجاجه واني أطبخها.
ساره : عادي.
ساره : أني كلت بعد أحسن رحت لغرفتي أرتاح.
رحت كعدت مقابيل المرايه.
وافكر بستار فجأه خطر على بالي.
كلت بس لا أطلع حامل ..
أذا صرت حامل وجبت أدمر بعد حتى ستار ميريدني.
الصراحه اني بديت أفكر بستار.
واخلص من حاتم وادعي ألله يخلصني ويجمعني بستار
بس بالحلال ان شاءالله.
ساره : رحت جوه للمطبخ لكيت بس بيداء.
رحت فتحت الثلاجه وشربت مي.
بيداء : ها عيني تبينين فرحانه.
ساره : اييي كلش.
بيداء : خير شكو .
ساره : فرحانه بشوفت جنت مشتاقتلهم وكلش.
فرحت من شفتهم.
بيداء : أكلج أشو حاتم ما يرغبج ما يجي عليج.
ساره : اهوو بدت تستفزني ما تكدر اذا تستفز.
كتلها بالعكس حاتم يموت عليه .
بيداء : واضح .
ساره : 😒😒😒😒😒😒.
بيداء : ساره شخبارج ما حملتي حتى نخلص منج.
ساره : شنو أني سلعه تخلصون مني
بيداء : أيي أكثر من مره كتلج حاتم زوجج علمود.
يصير عنده أبن (ولد) ومن يصير عنده يديحج.
ساره : بيداء كافي أسكتي أحسن.
بيداء : لا ما أسكت أحنه اتفقنا اني وياه.
بس الولد ونطلكج.
ساره : المفروض أنتي يطلكج الي مابيج فايده.
بيداء : شنو.
ساره : اشو كامت وجلبت بشعري فأجتني ما دريت بيها.
أني عضيتها من أيدها الا زوركت وضربتها على وجهها
خليتها تبجي ومشيت وخليتها .
ساره : الحمدلله حاتم ما جان موجود.
جان موتني والله.
أني رحت لغرفتي خايفه أكول هسه يجي حاتم.
وتوزه عليه ويجي.
جنت عايشة بحالة رعب ما تتخيلونها .
لأن جان كتله كلش وقاسي وبدون رحمه.
سمعت صوته بالبيت.
فتحت الباب باوعت عليه طب على بيداء.
اشو وره دقيقتين أجه يصيح سااااااره.
ولج شمسويه اليوم الا أدميج.
ساره : ماسويت شوف هي كالتلي أنتي سلعه.
تزوجج حتى يصير عنده ولد ويطلكج.
حاتم : والله اليوم الا أنعل أبوج لابو الرباج.
أي تزوجتج أريد ولد واخلص منج افتهمتي .
انتي سلعه بيدي من أخلص منج ارجعجج لأهلج.
ساره : أني فرحت مو علمود شيء بس علمود ما ضربني.
شفته كام ينزع بالبنطرون.
اشو طلع الحزام من البنطرون وموتني كتل .
عبالك مسويه جريمه جسمي ما أحس بيه.
كتله يارب تنكسر أيدك .
كال أن شاءالله تموتين ونخلص منج.
ساره : أمين واخلص منك ومن مرتك.
حاتم : تخلصين الا أموتج يلة تخلصين مني.
عباالج تخلصين مني بسهوله وطلع.
ساره : باوعت على نفسي تزوركت كامل.
صحتله كتله هسه تؤديني على أهلي.
ما أبقى هنا لحظه وحده .
حاتم : يلا كومي أوديج لأهلج واخلص منج.
ساره : ماصدكت كلت معقوله هيج بهالسهوله.
كمت أجمع ملابسي.
حاتم : هههه أنتي كل عقلج بهاي السهوله.
عبالج أطبين وأطلعين بكيفج.
بعد هاي هي البيت ما تطلعين منه.
ومنا جاي أعيشج بجحيم لأن أنتي مو مال رحمه.
ساره : ما أعرف شسوي ويه هذا المجرم.
ياربي ياربي ساعدني.
أني كعدت ابجي على حالي.
على هاي الظلمه الي عايشتها.
ما أعرف شلون راح تمشي حياتي..
اذا أبقى ويه هذا والله يموتني بعد ما يرحمني.
كلت أحسن بعد ما أحجي بالبيت.
بس ويه عمتي و بيداء بعد ما أتقرب منها ولا أحجي.
وياها لأن دائما تورطني.
وتوكعني بمشاكل وتحرش حاتم عليه.
وره ساعه تقريبا أشو أجاني حاتم.
ساره كومي حضري.
ملابسج أني وياج بعد ما نبقى ......
انتظرونا غدا بجزء جديد.

(أعتذر لقصر البارت لأن مريض بس باجر أعوضكم )

[فيتامين سي]

قصة (بنت شيوخ) الكاتب : عمر عباس(الجزء الثامن)

وره ساعه تقريبا أشو أجاني حاتم.
ساره كومي حضري.
ملابسج أني وياج بعد ما نبقى هيج.
انتي ما ترهمين ويانا.
ساره : حاتم أني بعد ما أكدر وياكم ولا أكدر .
أعيش بالمستقبل أني ما ارهم ويه بيداء.
حاتم : ساره شنو لعب جهال ترهمين لو ماترهمين.
اني بعد أزوجتج ساره انتي مرتي.
غصبا عليج ترهمين أسمعي أكلج هاي أخر.
فرصه الج أذا سويتي مشاكل أدزج لأهلج.
وابوج ينفضح بين الناس والعشاير..
ساره : لا عفيه كلشي ولا بابا شتريد اسوي.
حاتم : ما أريد كلشي بس تتحملين بيداء.
وأريد ولد .
ساره : 😠😠😠.
ساره : ياربي شلون راح أكضي حياتي ويه ذوله.
دايخه حيل ما أعرف شسوي..
هاي بيداء ما تكعد راحه الا تكولي كلام وما أتحمل.
ما أجاوبها .
ستار : حياتي ممله كالعاده من البيت للمضيف ..
وعلى هالحال جنت أفكر بساره .
بس كلت هاي هي بعد ستار لا تفكر بساره.
ساره تزوجت وبعد شكم شهر أيجوز يصير عدها.
هم تبقى تريد تزوجها وعدها ولد.
وهذا أبن عمها ما يعوفها لو تموت.
المهم أبوي كالي أبني ستار أنت كبرت ولازم تتزوج .
ما معقوله راح تشيب وما تزوج.
أمك اليوم كالتلي لاكيتلك خوش بنيه بنت أخوها.
بنت خالك أبتسام وأمك كالت خوش بنيه..
وتناسبك وانت لازم تجيب وحده تعين أمك بالبيت.
ستار : يابا ما أكدر أزوج أني هسه .
منا لسنه يلا أزوج .
ابوي: أبني ليش مو العمر جاي يركض.
حتى جهالك يلحكونك باجر تشيب وجهالك صغار.
ستار : الله كريم خل أفكر ..
ساره : أني هسه عايشه بين نارين .
نار حاتم ومرته ويريد ولد ونار حبي لستار..
واذا حملت وصار عندي طفل بعد ستار أنتهي بالنسبه.
لأن ما معقوله يريدني اذا صار عندي طفل.
فجنت حايره شسوي .
ساره : نزلت جوه كلت خل أروح أشتغل.
من أكعد بغرفتي أضوج رحت أغسل وانظف..
بالبيت ورتبت البيت و بيداء كاعده وتباوع عليه..
بس تباوع عليه أني ضجت من نظراتها. نظراتها خبيثه.
كلت خل أروح من يمها لا تكولي كلمه ومالي خلك..توني مشيت أشو كالتلي ساره أكولج.
ساره : كولي.
بيداء : اشو ماكو كلشي .
ساره : شنو ماكو كلشي.
حسيتها فرحانه لأن مصار عندي شيء
بيداء : لا حمل لا شيء . ساره: شنو قابل أني بكيفي.
بيداء : ايي انت ماتريدين ولد ويجوز أنتي تخلين مانع..
ساره : شنو لا تسوين هيج سوالف أني ما أسوي هيج.
بيداء : والله مدري أني أكول لحاتم دير بالك على مرتك..أخاف تخلي مانع تره ما مرتاحه الها.
ساره : مشيت وخليتها ورحت لغرفتي أفكر .
خفت لا تكول هيج لحاتم وهذا حاتم شتكوله بيداء يصدك.
حاسبها عبالك ملاك .
المهم مرت أيام واسابيع واني بالكوه عايشه ومتحمله.
حاتم يجيني عبالك ما شايف مره يجيني عبالك حيوان.
أني تعبت ومليت منهم كلت بين نفسي بعد ما أكدر .
أتحمل وأعيش لأن هاي بيداء دائما تعير بيه وتكول.
زوجتج لحاتم علمود الولد ومدري شنو .
أني ما أكدر أتحمل بعد.
ضجت حيل رحت لغرفتي .
رحت للجربايه مددت وغمضت حسيت أكو .
شويه وجع أبطني وصار عندي دوخه كلت يجوز حملت.
من حسيت بهيج ضجت حيل جنت ما أحب أيصير عندي طفل..
أجاني حاتم ها ساره شلونج .
ساره : حاتم اليوم حسيت شويه وجع أبطني ودوخه.
حاتم : خيرج شكو تره مالي خلك دكتاره.
ساره : هاي شبيك يمكن حامل .
من كتله طار من الفرحه كال لعد تحضري .
حتى نروح نراجع دكتوره العصر .
ونزل كال أروح أبشر أهلي نزل جوه.
راح يحجيلهم .
ساره : أني هم نزلت لكيت بيداء وجهها ينطي.
الوان الوان كلش تبين ضايجه.
كالتلي ساره شنو أنتي حسيتي.
ساره : بوجع ودوخه.
بيداء : هذا أخاف ضغطج نازل.
ساره : مدري حاتم كال اليوم نروح للدكتوره.
ونشوف شكو.
بيداء : والله مدري . ساره : بيداء شبيج شو مو على بعضج.
بيداء : مابيه شيء عيني .
ساره : المهم اجه العصر ورحنا للدكتوره.
جان السره حيل طويل للليل يلا طبينا.
جان حاتم حيل فرحان ومتحمس و أول مره أشوف.
حاتم هيج تعامله حلو وزين وياي.
طبينا للدكتوره .
أني الصراحه ما جنت أريد وجنت حيل خايفه..لأن كلت.
اذا طلعت حامل بعد هاي هي ادمر بعد حاتم يجلب.
بيه وما يعوفني.
المهم فحصتني الدكتوره .
اشو صفنت الدكتوره .
كتلها ها شكو كالت أنتي حامل بس حالة الطفل.
مو طبيعيه بعد 15يوم راجعوني.
حاتم : شنو مو طبيعيه شنو بعد 15 يوم.
دكتوره : الجنين حالته مو طبيعيه يعني.
مو مثل كل جنين أحتمال لازم تسقطونه.
مو ميه بالميه بس أحتمال صغير.
حاتم : دكتوره شنسوي .
دكتوره : لازم يكون عدها نظام غذائي وتدير بالها.
على نفسهاوتأكل اشياء بيها فيتامينات وغذائها يكون زين.
ساره : المهم طلعنا من الدكتوره.
حاتم جان حيل خايف ومتوتر لأن جان بس يريد طفل.
كالي ساره أني أريد طفل أترجاج ديري بالج على نفسج
واني أبد ما أقصر وياج.
ساره : رحنا افترينا بالسوك أول مره أطلع وياه للسوك.
أشو تغير كامل ما خله محل ما طببني بيه.
واشترينا سمج وشغلا وصتهن الدكتوره كالت هاي.
يفيدها. واخذلي ملابس .
ساره : رجعنا للبيت أني الصراحه من تزوجته لحد الان.
أول مره هيج أتونس وافرح وياه.
تلكتنا بيداء بس جانت تريد خبر مو زين.
حاتم : ولج بيداء . ساره حامل .
بيداء : هااااااا.
ساره : حتى مبروك ما كالت ضاجت حيل..
عمتي أجت باركتلي وفرحتلي حيل.
وسماح أخت حاتم هم أجت باركتلي ..
خطيه فرحو حيل . بس جنت مقهوره شويه.
علمود ستار. لان ما جاي أكدر أنساه.
بس من هسه من حملت كلت بعد لازم انساه.
ساره : رحت لغرفتي صارت ليل .
نعست فدنوب.
أشو دك الباب كلت تفضل ..طب حاتم .
ها ساره شلونج وشايل علاكه بيده.
كال هاي عصاير ومكسرات بيها أكلي منها تفيدج.
زينه عليج. وأجه كعد يمي.
كام يحجيلي عالطفل وفرحان بيه وشلون صار .
يحجي وياي تغير كامل.
أني بقيت صافنه عليه معقوله هذا نفسه حاتم.
قبل يومين ما أصدك نفسي.
أجه صار يتقرب مني بده يحضن بيه. .... و...... .
المهم بقه وياي ما راح من يمي أني نمت وخليته..
كعدت الصبح لكيته نايم بصفي.
كمت على كيفي من يمه وطلعت رحت للحمام.
سبحت وطلعت من طلعت شافتني بيداء.
وضربت باب غرفتها قوي وسدته من شافتني.
من طلعت رجعت لغرفتي لكيت حاتم.
أني رحت للمطبخ اسوي ريوك.
سويت ريوك وصحت لعمتي وبيداء هم أجت.
كعدنا جاي نتريك وبيداء تباوع وتخزر بيه..
وره شويه أجه حاتم جايب علاكه كال هذا الج أكلي منه..
يفيدج فتحت العلاكه لكيت بيه كيمر .
كالي أكلي منه كلش زين .
أني أكلت منه وبيداء طكت حسيتها راح تنفجر.
كتلها أخذي أكلي كالت مااريد .
بس كالت هيج بصيحه كتلها هاي شبيج.
كالت مابيه شيء.
ساره : المهم مرت أيام.
وحاتم يوميه صار يجي ينام يمي.
صار حيل يخاف عليه ويداريني .
أول مره أشوفه هيح زين..
المهم مر أسبوع وحاتم يوميه يمي.يداريني .
يكلي هيج أكلي وهيج سوي.
ويطلع بالموبايل شلون تنام الحوامل ويعلمني.
اشلون امدد عالجربايه.
وبيداء ضايجه حيل كل أطلع تريد تأكلني.
بعيونها .
بيوم من الأيام أني جنت كاعده بالمطبخ.
أجتني بيداء ها ساره أكلج أخاف ساحره حاتم.
كتلها أعوذ بالله أسحره شنو.
هو أني أيمت طالعه حتى أسحرها واني ما تقرب.
من هيج سوالف.
بيداء : لا والله أنتي كلشي تسوين.
ساره : أحترمي نفسج أحسن.
بيداء : انجبي .
ساره : انتي أنجبي انتي ليش مو محترمه.
بيداء : تره لا عبالج صرتي حامل .
وصرتس تنهين وكلشي تسوين. تره هذا البيت.
كله بيدي .
كتلها الج والكلبج البيت.
ساره : أني تعصبت بقت تضغط عليه بالكلام.
وجان بيدي جلافه مال مواعين كتلها كافي وضربتها.
بوجهها هي كامت وأجت عليه ضربتني .
وجلبت بشعري الا وكعت وكعت عالكاع ودخت..
احس الكاع تفتر بيه.
اشو ما أدري الا حاتم يمي.
ما أحس بالكوه يشوفه.
حاتم : ولج بيداء شسويتلها اذا صار عالولد شيء.
الا أموتج والله وماتبقين بعد يمي تره مليت.
منج ومن مشاكلج ما أستفاديت منج شيء.
بس مشاكل .
ساره : دخت ما أدري بنفسي الا بغرفه وحده فوكاي أنتبهت عليها اشو هاي الدكتوره فوكاي .
اشو ضربتني أبره وبعد ما حسيت بشيء..
كعدت بنفسي أشو حسيت بوجع قوي.
أبطني وماكو أحد يمي بس.
حاتم كاعد بصفي كتله حاتم شكو شصار .......

انتظرونا غدا بجزء جديد

[فيتامين سي]

قصة (بنت شيوخ) الكاتب : عمرعباس (الجزء التاسع )

ساره : دخت ما أدري بنفسي الا بغرفه وحده فوكاي أنتبهت عليها اشو هاي الدكتوره فوكاي .
اشو ضربتني أبره وبعد ما حسيت بشيء..
كعدت بنفسي أشو حسيت بوجع قوي.
أبطني وماكو أحد يمي بس.
حاتم كاعد بصفي كتله حاتم شكو شصار .
حاتم ميجاوب و وجه مكلوب كلب.
يريد يبجي شكد ما مقهور.
كال ساره الولد سقطته الدكتوره وسكت .
بس العبره خانكته.
ساره : ما عرفت شسوي بذيج اللحظه.
المهم أجتنا الدكتوره كالت مابيج شيء.
بس الولد سقطته أني نقهرت عليه.
لأن صح أني ماجنت أحب ايصير عندي ولد من حاتم.
بس شمايصير هو أبني .
المهم طلعنا من المستشفى ورحنا للبيت اني.
بعدني جنت تعبانه أخذوني لغرفتي ومددت.
سمعت حاتم يصيح هو وبيداء.
وسمعت ضرب وصياح وكاللها بعد ماتبقين لحظه وحده.
أني بكلبي بس خل أتحسن أني ما أبقه.
واروح لحبيبي ستار جنت أحلم بستار.
اجه حاتم وطب عليه .
حاتم : ها ساره شلون صرتي.
ساره : والله شويه وجع . حاتم : سلامتج عمري..
وبيداء طردتها من البيت.
ساره : لا لا حاتم لا تطردها أني بعد ما أبقه هنا.
ولا أكدر أعيش بالبيت صار عندي كابوس.
حاتم : نطلع لغير بيت.
ساره : حاتم ما أتحمل بعد أعيش أنت عيش ويه بيداء.
واني عوفني وخلصني.
حاتم : شدتحجين شدخبصين.
ساره : حاتم أترجاك طلكني عوفني.
حاتم : ساره لأن مريضه مراح أحجي .
وأعرفج هسه أنتي مو بوعيج.
ساره : لا حاتم أني بعد ما أكدر أعيش.
حتى أتحملت من البدايه وتحملت الضيم.
أني ما أكدر بعد هالمره الله نجاني .
بس المره الجايه يجوز تخليلي شيء تسويلي سحر.
هاي كلشي تسوي.
حاتم : شحدها بعد أتقرب منج.
ساره : حاتم رجاء اني راح أحجي السالفه.
لأبوي وانت وياه تفاهمو أني بعد ما أكدر .
حاتم تعصب وعافني وطلع.
ساره : وره شوي أهلي طبو عليه .
أمي متخبله خطيه تبجي يمه شبيج شكو شصاير.
وحاتم يباوع عليه .
كتلها ماما بعدين نحجي هسه مو وكتها.
ماما : هسه شلونج . ساره : الحمدلله.
بابا هم أجه وسألني أيبين مقهور على حاالي .
ساره : كلت حاتم نريد نحجي اني واهلي ..
بشغله حاتم خزرني وباوع عليه بقهره.
بابا : ساره حاتم زوجج وابن أخونا.
أكعد أبني أكعد .
ساره : اسمعوني أني من جيت ما حجيتلكم.
بس هسه وصلت لدرجه لازم أحجيلكم.
أني من أول ما جيت هنا يعاملوني معامله.
مو زينه .
شوفو جسمي طلعت رجليه أثار ضرب حزام.
شوفت أمي جسمي مزرك .
وشبعوني سبايب وغلط وكتل .
ما شفت منهم شيء زين.
بابا : كافي ساره خل أحجي.
حاتم صدك هالحجي .
ساره : حاتم سكت.
كتله بابا مو بس هيج دمروني حتى طلعه.
مايطلعوني أنوب هاي مرته تضربني.
وتغلط عليه وحاتم يكول أتحمليها شنو أني حيوانه.
حتى أتحملها المهم تحملت أنوب من صرت ضربتني.
ورادت تموتني وهاي حالتي كدامكم هسه بالفراش.
بابا : حاتم اليوم تطلك ساره ومانريد منك كلشي.
لا مؤخر ولا شيء .
حاتم : أني ما أطلك.
بابا : أسمع أكلك حاتم تطلك تطلك ما أطلك .
صدك أسويها كعدت عشاير وأفصلك .
شلون تحجي عليه على شيخكم..
والله بالمنطقه ما خليكم هنا..
ساره : حاتم من شاف هيج بابا متعصب شكله.
خاف وكلامه لان .
حاتم : بس عمي اني شلون أبقى بدون مره.
مرتي بيداء يم أهلها دزيتها من وره ساره.
بابا : مرتك نروح أني وياك ونجيبها بعد شتريد..
حاتم : هاذهو.
بابا : كال لأمي لمي ملابسها وغراضها حتى نأخذها.
ويانه بس لحظه وحده ماتبقى هنا.
يلا حاتم طلكها .
حاتم : عمي أجل السالفه بعدين.
بابا : حاتم صدكني اذا ما طلكت تخسر كلشي.
حاتم : شنو جاي تهددني .
بابا : أبني انت أبن أخوي ومثل أبني بس هاي هي.
أحنه مانتراهم بعد لازم تطلك .
وأني بعد ما أقبل بنتي تطب بيتك.
واليوم ما تطلك باجر تعال عليه عالمضيف نتفاهم.
حاتم : ماشي عمي.
ساره : جنت فرحانه على هذا الحجي وأول مره أفرح.
هيج فرحه صح راح أطلك بس راح أخلص من ظلمهم..
ومن كلامهم ومن كلشي منهم.مليت منهم.
ساره : بابا وماما أخذوني للبيت.
وبالطريق بابا كالي بنتي أني غلطت بحقج وزوجتج..
شخص ما يناسبج واني حيل متندم على هذا التصرف.
ساره : لا بابا هذا قدري هيج انت ما عليك.
الله كاتبلي هيج.
ساره : خطيه بابا حيل ضايج عليه ومقهور لأن أنطاني .
لأبن أخوه وكالي راح أعوضج وراح أطلكج منه وغصبا.
عليه مو بكيفه .
ساره : بابا بس طلكني ماريد منك كلشي.
بابا : بنتي أنتي بعد أخذي كلمه مني .
من هسه بعد أنتي اعتبري نفسج خلصانه منه.
وباجر يجي واخليه يطلكج مثل خوش أدمي.
ساره : فرحت حيل بكلامه من كالي هيج.
وصرت أفكر بستار من كالي أنتظرج طول حياتي.
كلت واخيرا راح نصير سوه أني وستار.
ستار : أهلي حيل لحو عليه ونكطع أملي بساره.
لأن ما سمعت عنها شيء .
وانوب أخو ساره عمر كالي راح أصير خال.
كتله شنو ولك كال راح أصير خال.
أني فتهمت أنو ساره حامل أنوب أملي أنكطع كامل.
وامي تعبت وصارت مريضه.
أبوي لح عليه حيل وجان معجب بأبنت خالي.
كال أخذلكياها أني بديت أقتنع لأن اني.
تمرضت ومنو يداريها بالبيت.
فقنعوني ورحنا على خوالي.
أني مو بس هم قنعوني أني هم أقتنعت لأن.
من كلت ساره حامل بعد هاي هي من يصير.
عدها طفل بعد ما معقوله .
فرحنا عليهم وأبوي جان مستعجل علمود أمي.
مريضه فأستعجل بالموضوع وكطعنا مهر .
وانطيناهم المهر ابوي كاللهم .
لازم تستعجلون لازم الجمعه العرس.
وعرس جبير مانسوي نسوي على كد حالنا.
لأن ماعدنا أحد وام ستار مريضه.
اتفقو كامل واني ماحجيت ابد .
جنت بس أفكر بساره هذا الصح الي جاي أسويه.
كلت هاذهو ستار أمك مريضه الى متى تبقى.
تنتظر بساره الي تزوجت وراح يصير عدها ولد.
وباقي يومين عالعرس.
ساره : أني طايره من الفرح كمت بس أريد يجي.
الصبح حتى يجي ستار ع بابا واشوفه واكله.
بطني جانت تؤجعني بس مو حيل تحسنت شويه .
المهم أني عيني واكفه عالشباك واباوع ع باب المضيف.
اشوف منو اليطب انتظر وانتظر صار الظهر وماكو.
تعبت رحت مددت لأن بطني وجعتني.
وره شويه أجاني أخويه كال ساره ساره كتله شكو.
كال عمو حاتم أجه وطب يم بابا.
كلت يارب تفض ع خير .
وره شويه أجه بابا وحاتم وطلكني وراح.
حسيت نفسي طرت من الفرحه.
معقوله أني بحلم لو شنو.
الحمدلله ربي خلصني منه ومن مرته بس بقه تفكيري.
يم ستار شعجب ماكو ومايجي صار الليل وماكو ماجيه.
سألت أمي كتله منو يجي على بابا كاالت ابو ستار.
وستار يوميه يمنا كتلها شعجب اليوم ماكو.
كالت أم ستار مريضه وحايرين وماعدهم أحد بالبيت ..
يمكن جاي يريدون يزوجون ستار لأن أمهم حيل تعبانه.
وماعدهم أحد يعينهم .
ساره : يأخذون منو.
ماما : والله ما ادري بس سمعت ابوه يريد يأخذله .
بنت خاله. ساره : هااا 😰😰.
ساره : رحت لغرفتي حيل ضايجه معقوله ستار.
يسويها ويتزوج غيري.
لا لا ستار يحبني أبد مايزوج غيري ما أصدك.
ستار : أني عايش بحاله مأسويه منا أمي مريضه ومنا راح ازوج غير حبيبتي الي أريدها ياربي أفتحها بوجهي .
ستار : اليوم جان عرسي بس مجنت فرحان ولا شيء .
تزوجت علمود وأبوي لأن أمي مرضت حيل.
والطبخ اصلا كله جاي نشتريه جاهز ملابسي اني أغسلهن حالتنا أدهورت حيل .
المهم أجو الناس سوينا عزيمه بس مو حيل جبيره.
ساره : كعدت الصبح أشو لكيت بابا كاعد من وكت وجاي.
يترتب كتله بابا شعندك كاعد من هسه.
كال اليوم عرس أبن ابو ستار ولازم اروح أكعد وياهم.
لأن هم دائما يوكفون ويايه.
ساره : حسيت نفسي دخت ومابقى عقل براسي.
رحت سريع لغرفتي أبجي على حظي.
ياربي ليش هيج حظي شمسويه أني.
ياربي أني مو عبدتك شمسويه.
حتى أتعذب هيج بدنياي .
بقيت أبجي على حالي....................

..مو كتلكم أعوضكم اليوم عوضتكم بهذا الجزء...
.....................عمر عباس ....................

ستار : أجو عمامي والشيخ أني بحاله ما أنحسد.
عليها الناس تفتر وأحس الدنيا تفتر بيه.
دخت حيل رحت شربت مي وكعدت لأن جنت كلش.
مقهور على أمي وعلى حبي البائس..
المهم صبينا الغده والناس تغدت كلها وكامت.
الخيمه فرغت بقه بس الشيخ ابو ساره.
الشيخ : أجاني وكالي الف مبرؤك أبني.
انت تستاهل كل خير وهذا مبلغ تساعد نفسك بيه.
وشتريد اني حاضر مثل أحسبني مثل اخوك الجبير
ستار : بهاي اللحظه مافكرت بس بشيء واحد.
هو كلت بداخلي ليش عمي أنطيتها وخليتني مكسور .
هيج عبالك طير مكسور جنحه .
بقيت صافن عليه.
الشيخ : ستار ستار هاي شبيك.
ستار : مابيه شيء شيخ بس دايخ.
الشيخ : روح جوه أرتاح وهسه أجيب شباب يرتبون.
الخيمه ويشلونها.
ستار : تشكرت منه ورحت لغرفتي باوعت.
كلت لو هسه أني اليوم ازوج ساره شيصير.
يعني ياربي لو أني ماخذها.
شيصير يعني لو متزوجين وراح يصيرلنا ولد..
بدل مايصير لذاك النكس حاتم ولد .
جنت ضايج حيل أساس الزواج كله علمود أمي.
اني جنت ما أحب اتزوج.
المهم مرت ساعات أني بدلت ملابسي.
ورحنا جبنا أبتسام طبعا بنت خاالي أسمها أبتسام.
رحنا جبناها هي جانت تبين فرحانه .
جبناها وكعدنا بالبيت .
أمي كلش فرحانه من شفتها أني هم فرحت.
علمودها مو علمود غير شيء.
ساره : جنت عبالك عايشه بوهم أني متت يلا خلصت
من حاتم وهسه هيج يجي ستار بكل سهوله.
يزوج ويخليني ليش هيج.
اني منحوسه بهل دنيا.
ليش ماعندي حظ بيها.
ستار : المهم رحنا لغرفتي كعدت هي عالجربايه.
اني رحت عليها سويت العليه كعريس.
فقط لا غير مجان الي نفس بيها هي جانت حيل حلوه.
وتخبل بس ما جان الي نفس بيها .
أني سويت الي عليه ........ .
ونمت كعدت الصبح رحت سبحت.
وكعدت رحت على أمي فرحانه حيل.
أمي : ها يمه شلونها عاروستك.
ستار : يمه زينه ومشيت وخليتها.
رحت لغرفتي كعدت عالجربايه .
هي هم جانت موجوده جانت طالعه كلش حلوه.
بس أني تجاهلتها ومددت ونمت.
المهم مرت ايام...... على عرسي .
واني على هالحاله بس جانت أبتسام كلش طيبه.
وشاغوله شالت البيت كله على ظهرها.
وأمي جانت كلش فرحانه.
المهم صار أسبوع على عرسنا.
أمي كالتلي اليوم صارت السبعه مالتكم.
خطيه ودي أبتسام على أهلها .
خطيه بعدها صغيره مامتعوده.
خل تشوف أهلها أني رحت وديتها .
ومن رجعت بالطريق الشيخ خابرني.
الشيخ : ها شلون العريس .
ستار : الحمدلله على راسي انت شيخ شلونك..
الشيخ : بخير بس اليوم ما تمرني عالبيت.
اليوم عدنا جماعه يجونا من مكان بعيد وأريدك.
تكعد ويايه بالمجلس انت وابوك .
ستار : ماشي شيخ.
ستار : رحت أخذت أبوي ورحنا.
من طبيت شفت ساره بالحوش جاي تغسل باوعت .
تخبل هي هم باوعت والتفت بس التفتها تقهر.
أنطتني ظهرها.
بس شون عيونها أموت على عيونها من أباوع عليهن.
انتهي كامل.
كلت لنفسي كافي ستار انت تزوجت وهي مزوجه.
كافي عيب هالسوالف وعاهدت نفسي بعد ما أباوع عليه.
ومن شفتها هيج سوت كلت هاذهو هي هم ناسيتني.
أجه الخطار عالشيخ وجايبين وياهم نسوان..
اني رحت عالبيت دكيت جرس طلعت ساره.
من طلعت باوعت على أيدي على الحلقه.
ساره : ها خير .
ستار : شبيج ساره .
ساره : مابيه شيء سلامتك.
ستار : طببت النسوان جوه وهي بقت .
ساره : ستار ليش هيج سويت.
ستار : شسويت . ساره : ازوجت وعفتني.
ستار : انتي ازوجتي وراح يصير عندج طفل.
ساره : شنو شدتحجي أني أطلكت وما صار عندي طفل ولا شيء.
ستار : كتلها أيمت كالت صار 10أيام.
ساره : ما جنت متخيله تزوج وتعوفني واني تخيلت.
عن كلشي علمودك.
ستار : ساره اني ما ازوجت بس علمود أمي.
ساره : علمود امك علمود اي شيء اني شنو.
ذنبي تخليت عن كلشي علمودك وسويت.
كلشي حتى أصير وياك بس انت شسويت.
رحت تزوجت وعفتني.
ستار : عفتها ورحت للبيت .
ياربي اني شسويت أني صوجي أملت البنيه وكتلها.
انتظرج طول حياتي .
انت مو كد كلمتك يا ستار ليش تأمل البنيه.
طلعت البنيه اوفه بحبها منك .
لازم أ..............انتظرونا غدا بجزء جديد.