رجل استثنائي، للكاتبة/ سمو العراق " عراقية" ( مكتملة)

[فيتامين سي]

#ﺍﻟﺒﺎﺭﺕ21 ..
ﻗﺼﻪ ‏« ﺭﺟﻞ ﺍﺳﺘﺜﻨﺎﺋﻲ ‏» ﺑﻘﻠﻢ . ﺳﻤﻮ ﺍﻟﻌﺮﺍﻕ . ﺭﺟﻊ ﺍﻳﺎﺩ ﻟﺒﻴﺘﻬﻢ ﺩﺧﻞ ﻟﻠﺒﻴﺖ ﻛﺎﻥ ﻟﺠﻮﻭ ﻛﺌﻴﺐ ﻭﻟﺒﻴﺖ ﻫﺪﻭﻭﺀ ﺻﺢ ﻟﻮ ﻛﺎﻟﻮﻭ ﺟﻨﻪ ﺑﺪﻭﻥ ﻧﺎﺱ ﻣﺎﺗﻨﺪﺍﺱ ﻟﺒﻴﺖ ﺑﺪﻭﻥ ﺍﻫﻠﻪ ﻣﺮﻋﺐ ﻫﻮ ﻣﻘﻬﻮﺭ ﻋﻠﺊ ﺷﻬﺪ ﻭﻋﻠﺊ ﺍﺧﻮﻭ ﺭﺍﺡ ﺻﻌﺪ ﺍﻟﻐﺮﻓﺘﻪ ﻧﺰﻉ ﻣﻼﺑﺴﻪ ﺳﺒﺢ ﻭﻟﺒﺲ ﺗﺮﺍﻙ ﺗﻤﺪﺩ ﻋﻠﻰ ﺍﻟﺴﺮﻳﺮ ﻓﺘﺢ ﻣﻮﺑﺎﻳﻠﻪ ﺍﺟﺖ ﻋﻠﻰ ﺑﺎﻟﻪ ﺳﻴﺮﻳﻦ ﺍﺑﺘﺴﻢ .. ﻳﺨﺎﺑﺮ ﺳﻴﺮﻳﻦ ﻟﻮﻭ ﻣﻴﺲ؟؟
ﻓﺘﺢ ﺭﻗﻢ ﻣﻴﺲ ﻟﻤﺤﻔﻮﺽ ﺑﺎﻟﻔﺎﻳﺒﺮ ﻃﺒﻌﺎ ﺍﻫﻠﻬﺎ ﻛﺴﺮﻭﺍ ﺑﺲ ﺿﻞ ﻣﺤﻔﻮﻅ ﻋﻨﺪﻩ .. ﺷﺎﻑ ﻟﺼﻮﺭﺓ ﻟﺤﺎﻃﺘﻬﺎ ﺧﻠﻔﻴﻪ . ﻟﻠﻔﺎﻳﺒﺮ . ﺿﺤﻚ ﺑﻘﻮﻭﺓ ﺍﺗﺬﻛﺮ ﻣﻦ ﺯﻋﻞ ﻣﻨﻬﺎﺍ ﻭﻫﻲ ﺛﺎﻧﻲ ﻳﻮﻡ ﺧﻠﺖ ﻫﺎﻱ ﻟﺼﻮﺭﺓ ﺧﻠﻔﻴﻪ .. ﻟﺼﻮﺭﺓ ﻛﺎﻧﺖ ﻋﺒﺎﺭﺓ ‏« ﻋﻦ ﺑﻨﻴﻪ ﺑﺸﻜﻞ ﺍﻟﺮﺳﻢ ﻻﺯﻣﻪ ﻗﻠﻢ ﻭﻣﻜﺘﻮﺏ ﺗﺮﺑﻴﻪ ﻭﻛﺸﺨﻪ ﻗﺴﻤﻲ ‏» ﺿﺤﻚ ﻋﻠﻰ ﻣﻴﺲ ﺣﺎﻛﻤﻪ ﺧﻄﺘﻬﺎ ﺑﻘﻮﺓ ﻣﺴﻮﻳﻪ ﺭﻭﺣﻬﺎ ﺑﺎﻟﻜﻠﻴﻪ ﻭﻫﻲ ﺣﺘﻪ ﻣﺎﻣﺨﻠﺼﻪ ﺳﺎﺩﺱ .. ﺍﺗﺼﻞ ﺑﺎﺍﺧﺘﻪ ﻭﻃﻠﺐ ﻣﻨﻬﺎ ﺗﻨﻄﻲ ﻣﻴﺲ .
ﻣﻴﺲ ﺑﻔﺮﺡ // ﻫﻼﻭﻭ ﺍﻳﺎﺩ ﺷﻠﻮﻭﻧﻚ .
ﺍﻳﺎﺩ ﺑﺘﻨﻬﻴﺪﻩ // ﺍﻟﺤﻤﺪﻟﻠﻪ ﺍﻧﺘﻲ ﺷﻠﻮﻭﻧﺞ .
ﻣﻴﺲ ﺑﺘﺴﺎﺅﻝ // ﺷﻠﻮﻥ ﺻﺎﺭﺕ ﺷﻬﺪ .
ﺍﻳﺎﺩ // ﻭﺍﻟﻠﻪ ﻣﺎﺍﻋﺮﻑ ﺍﻟﻠﻪ ﻳﺸﺎﻓﻴﻬﺎﺍﺍ
ﻣﻴﺲ // ﺍﻟﻠﻪ ﻳﺸﺎﻓﻴﻬﺎ ﻭﺗﺮﺟﻊ ﺑﺴﻼﻣﻪ
ﺍﻳﺎﺩ ﺑﺴﺨﺮﻳﻪ // ﺑﺎﺟﺮ ﺗﺮﺣﻴﻦ ﻟﻠﻜﻠﻴﻪ
ﻣﻴﺲ ﻋﺮﻓﺘﻪ ﻳﺴﺘﻬﺰﺀ ﺑﻴﻬﺎ // ﺍﻱ ﻋﻨﺪﻱ ﺣﻔﻠﻪ ﺗﺨﺮﺝ .
ﺍﻳﺎﺩ ﺑﺎﺳﺘﻬﺰﺍﺀ // ﻭﻳﻦ ﺑﺎﻟﻤﻄﺒﺦ . ؟؟
ﻣﻴﺲ ﺗﺠﺎﺭﻳﻪ // ﺍﻱ ﻋﻮﺩ ﻣﻌﺰﻭﻡ
ﺍﻳﺎﺩ ﺑﺘﺴﺎﺅﻝ // ﺷﻨﻮﻭ ﺗﺨﺼﺼﺞ؟؟
ﻣﻴﺲ ﺑﺘﻨﻬﻴﺪﻩ // ﻏﺴﻞ ﻣﻮﺍﻋﻴﻦ
ﺍﻳﺎﺩ // ﻫﻬﻬﻬﻪ ﻳﻠﻮﻛﻠﺞ ﺑﺼﺮﺍﺣﻪ .
ﻣﻴﺲ ﺑﺰﻋﻞ // ﺗﺼﺒﺢ ﻋﻠﻰ ﺧﻴﺮ ﻧﻌﺴﺖ .
ﺍﻳﺎﺩ // ﻋﻮﺩ ﺍﻧﺘﻲ ﻣﺜﻞ ﺳﻴﺮﻳﻦ ﺗﻀﻞ ﻭﻳﺎﻱ ﻟﻠﺼﺒﺢ
ﻣﻴﺲ ﺑﻘﻬﺮ // ﻭﺣﺪﻩ ﻃﺎﻳﺢ ﺣﻀﻬﺎ ﻭﺿﺎﻟﻪ ﻭﻳﺎﻙ ﻟﻠﺼﺒﺢ ﺍﻳﺎﺩ // ﺯﻋﻠﺘﻲ ؟؟ ﻛﺮﻭﺏ ﻗﺼﺺ ﻏﺰﻭﺍﻥ ﻋﻠﻲ
ﻣﻴﺲ ﺑﺴﺨﺮﻳﻪ // ﻻ ﺑﺎﻟﻌﻜﺲ ﻛﻼﻣﻚ ﻛﻮﻭﻟﺶ ﺣﻠﻮﻭ ﻛﻮﻟﻪ ﻏﺰﻝ ﻭﺭﻣﺎﻧﺴﻴﻪ ﻟﻴﺶ ﺍﺯﻋﻞ؟؟ ﺍﻛﻮﻥ ﻏﺒﻴﻪ ﺍﺫﺍ ﺯﻋﻠﺖ .
ﺍﻳﺎﺩ // ﻫﻬﻬﻬﻬﻬﻬﻪ ﺗﺮﺩﻳﻦ ﺭﻭﻣﺎﻧﺴﻴﻪ
ﻣﻴﺲ // ﻻ ﻣﺎﺍﺭﻳﺪ ﺑﺲ ﻋﻠﻰ ﺍﻻﻗﻞ ﻻﺗﺴﻤﻤﻨﻲ ﺑﻜﻼﻣﻚ ﺗﺮﺓ ﻭﺍﻟﻠﻪ ﺍﺣﺲ ﺍﺣﺲ ﻋﻨﺪﻱ ﻣﺸﺎﻋﺮ ﻭﺍﻟﻠﻪ .
ﺍﻳﺎﺩ ﺑﻤﺤﺒﻪ // ﻟﻌﻔﻮﻭ ﺑﺲ ﺣﺒﻴﺖ ﺍﺷﺎﻗﻪ ﻭﻳﺎﺍﺝ
ﻣﻴﺲ // ﻻ ﻋﺎﺍﺍﺩﻱ
ﺍﻳﺎﺩ ﺑﺘﺮﺩﺩ // ﻣﻴﺲ ﺍﻧﻄﻴﻨﻲ ﺑﻮﻭﺳﻪ .
ﻣﻴﺲ ﺑﺨﺠﻞ // ﻋﻮﺩ ﻣﻦ ﺗﺠﻲ .
ﺍﻳﺎﺩ ﺑﻤﺮﺡ // ﻫﻬﻬﻪ ﺑﺎﺟﺮ ﺍﺟﻲ .
ﻣﻴﺲ ﺑﺤﺐ // ﻫﻬﻬﻬﻪ ﺍﻫﻼﺀ ﻭﺳﻬﻼ ﺑﻴﻚ
ﻋﻨﺪ ﺑﻄﻠﺘﻨﺎ ﺍﻟﻤﻮﺟﻮﻋﻪ ......
ﻭﺻﻠﻮﺍ ﺍﻻﺭﺍﺿﻲ ﺗﺮﻛﻴﺎﺍ ﺍﺳﺘﻘﺒﻠﻮﻫﻢ ﺑﺎﻟﻤﻄﺎﺭ ﻭﺑﻌﺪ ﻣﻌﺎﻧﺎﻩ ﻃﻮﻭﻭﻳﻠﻪ ﻭﺻﻠﻮﻭﺍ ﻟﻠﻤﺴﺘﺸﻔﺊ ﻗﺒﻞ ﻣﺎﻳﺴﺘﻠﻤﻮﻥ ﺷﻬﺪ ﺍﺳﺘﻠﻤﻮﺍ ﺍﻟﻤﺎﻝ ‏« ﺗﺄﻣﻴﻨﺎﺕ ﺍﻟﻤﺴﺘﺸﻔﻰ ‏» ﻭﺍﺩﺧﻠﻮﻫﺎ ﻏﺮﻓﻪ ﺧﺎﺻﻪ ﺑﺎﺑﻬﺎ ﻣﻦ ﺯﺟﺎﺝ ﻭﻧﻀﻴﻔﻪ ﻻﺑﻌﺪ ﺣﺪﻭﺩ ﻧﻮﻣﻮﻫﺎ ﻋﻠﻰ ﺍﻟﺴﺮﻳﺮ ﺍﻧﻄﻮﻫﺎ ﺑﻌﺾ ﺍﻟﻤﻬﺪﺋﺎﺕ ﻭﺍﻟﻤﺴﻜﻨﺎﺕ ﻭﻣﻨﻮﻡ ﺧﻔﻴﻒ ﺭﺍﺣﺖ ﺑﻄﻠﺘﻨﺎ ﺑﻐﻴﺮ ﻋﺎﻟﻢ ﺻﻼﺡ ﻃﻠﻊ ﻳﺎﺍﺟﺮ ﻓﻨﺪﻕ ﻗﺮﻳﺐ ﻣﻦ ﺍﻟﻤﺴﺘﺸﻔﺊ .
ﻭﺍﻡ ﺻﻼﺡ ﺿﻠﺖ ﻳﻢ ﺷﻬﺪ .. ﻛﻌﺪﺕ ﻳﻤﻬﺎﺍ ﻭﻫﻲ ﺗﺸﻮﻓﻬﺎ ﻧﺎﻳﻤﻪ ﺑﺴﻼﻡ ﺍﻧﻘﻬﺮﺕ ﻋﻠﻴﻬﺎ ﺣﻴﻴﻞ ﺫﺑﻼﻧﻪ ﻭﻭﺟﻬﺎ ﺍﺻﻔﺮ ﺍﺗﺬﻛﺮﺗﻬﺎ ﺍﻡ ﺻﻼﺡ ﺑﻴﻮﻡ ﻣﻦ ﺍﻻﻳﺎﻡ ﺷﻠﻮﻥ ﺗﺤﺠﻲ . ﻧﺴﺘﺮﺟﻊ ﺍﻟﻤﻮﻗﻒ .... ﺷﻬﺪ ﺗﺜﺮﻡ ﺑﺼﻞ ﻭﻋﻴﻮﻧﻬﺎ ﺭﺍﻳﺤﻪ ﻣﻦ ﺭﻳﺤﻪ ﺍﻟﺒﺼﻞ .
ﺍﻡ ﺻﻼﺡ // ﻭﻟﺞ ﻛﺎﻓﻲ ﻻﺛﺮﻣﻴﻦ ﻋﻤﻴﺘﻴﻨﻪ ﻋﻤﻲ . ﻟﻮ ﺗﺮﺣﻴﻦ ﺗﺜﺮﻣﻴﻦ ﺑﺎﻟﻤﻄﺒﺦ .
ﺷﻬﺪ ﻭﻫﻲ ﺗﻤﺴﺢ ﺩﻣﻮﻋﻬﺎ // ﻻ ﺑﻴﺒﻲ ﺍﻧﻲ ﻣﺘﺎﺑﻌﻪ ﻣﺴﻠﺴﻞ ﻭﻫﺴﻪ ﺗﺒﺪﻱ ﻭﻻﺯﻡ ﺍﺷﻮﻓﻬﺎﺍﺍ .
ﺍﻡ ﺻﻼﺡ // ﻛﻤﻠﻲ ﺍﻟﻤﺴﻠﺴﻞ ﻭﺑﻌﺪﻳﻦ ﺍﺛﺮﻣﻲ .
ﺷﻬﺪ // ﺷﻜﻤﻞ ﻭﻟﺪﺝ ﻫﺴﻪ ﻳﺠﻮﻥ ﺟﻮﻋﺎﻧﻴﻦ . ﻭﺑﺘﺴﺎﺅﻝ ... ﺑﻴﺒﻲ ﻟﻴﺶ ﺍﺑﻨﺞ ﻣﺎﻋﻨﺪﻩ ﺗﺮﺑﻴﻪ .
ﺍﻡ ﺻﻼﺡ ﺑﺼﺪﻣﻪ // ﻳﺎﺍﺍﺍ .
ﺷﻬﺪ // ﻻ ﻭﺍﻟﻠﻪ ﻣﻮ ﻣﺜﻞ ﺑﺎﻗﻲ ﻟﻨﺎﺱ ﻳﻌﻨﻲ ﺍﺣﺴﻪ ﻣﻮ ﻣﺜﻞ ﺑﺎﻗﻲ ﻟﺸﺒﺎﺏ ﻫﺴﻪ ﺍﻳﺎﺩ ﺍﺣﺴﻦ ﻣﻨﻪ ﻫﻮ ﻣﺪﺭﻱ ﺷﺒﻲ ﻳﻌﺎﺭﻙ ﺫﺑﺎﻥ ﺧﺸﻤﻪ
ﺍﻡ ﺻﻼﺡ ﺑﺒﺘﺴﺎﻣﻪ // ﻃﺎﻟﻊ ﻋﻠﻰ ﺍﺑﻮﻭﻭ .
ﺷﻬﺪ ﺑﺎﺍﻳﻤﺎﻥ // ﺍﻟﻠﻪ ﻳﺮﺣﻤﻪ .
ﺍﻡ ﺻﻼﺡ ﺍﺳﺘﻔﺎﻗﺖ ﻣﻦ ﺫﺍﻛﺮﺗﻬﺎﺍ ﺗﻨﻬﺪﺕ ﺑﺤﺰﻥ ﺗﻤﻨﺖ ﺷﻬﺪ ﻣﺎﺍﺟﺘﻬﻢ ﺑﻬﻴﻴﺞ ﺿﺮﻭﻑ ﺑﺲ ﻟﻘﺪﺭ ﺍﻟﻪ ﻛﻠﻤﺘﻪ .
ﺣﺴﻴﻦ ﺑﻀﻴﻖ // ﺍﺳﺮﺍﺭ ﺍﻟﺊ ﻣﺘﺊ ﺗﺮﺓ ﻭﺍﻟﻠﻪ ﻣﺤﺪ ﻗﺒﻠﻲ ﻣﺴﻮﻳﻬﺎ ﻭﻣﻨﺘﻀﺮ ﻫﻠﻜﺪ ﻳﻌﻨﻲ ﺗﺨﻠﻴﻦ ﻟﻮﺍﺣﺪ ﻳﺸﻚ ﺑﺮﻭﺣﻪ ﻻﺗﺤﺴﻴﻦ ﻻﺗﺼﺨﻤﻴﻦ ﺍﻟﺊ ﻣﺘﺊ ﺗﺮﺓ ﻣﻴﺼﺮ ﻫﻴﺞ ﻭﺍﻟﻠﻪ ﻟﻮ ﺍﺳﻮﻟﻒ ﺳﺎﻟﻔﺘﻲ ﻋﻠﻰ ﻣﺴﻮﺩﻥ ﻣﺤﺪ ﻳﺼﺪﻙ . ﺍﺳﺮﺍﺭ ﺑﺨﺠﻞ // ﻳﻌﻨﻲ ﻫﺴﻪ ﺍﻧﻲ ﻣﻘﻬﻮﺭﺓ ﻋﻠﻰ ﺷﻬﺪ ﻣﺎﺍﻛﺪﺭ ﻭﺍﻟﻠﻪ ﻭﺑﺎﻟﻲ ﻣﺸﻐﻮﻝ ﺑﺎﺍﻣﻲ ﻭﺍﺧﻮﻳﻪ . ﺣﺴﻴﻦ ﺑﺘﻨﻬﻴﺪﻩ // ﻻ ﺍﺳﺮﺍﺭ ﻣﻮ ﻛﻠﻴﻮﻡ ﻣﻄﻠﻌﺘﻠﻲ ﺳﺎﻟﻔﻪ ﺗﺮﺓ ﻭﺍﻟﻠﻪ ﺻﺒﺮﺕ ﻫﻮﻭﺍﻱ ﻫﺴﻪ ﺍﻧﺘﻲ ﻳﻨﻄﺒﻖ ﻋﻠﻴﺞ ﻛﻠﻤﻪ ﻧﺎﺷﺰ ﻻﻥ ﻣﺎﻧﻌﺘﻨﻲ ﻣﻦ ﺣﻘﻲ .
ﺍﺳﺮﺍﺭ ﺑﺘﺴﺎﺅﻝ // ﻧﺎﺷﺰ؟؟؟
ﺣﺴﻴﻦ ﻭﻫﻮ ﻳﺤﺮﻙ ﺍﺻﺒﻌﻪ ﻋﻠﺊ ﺧﺪﻫﺎ ﺑﻬﻴﺎﻡ // ﻟﻨﺎﺷﺰ ﻳﺎﺭﻭﺣﻲ ﻫﻲ ﺍﻟﺰﻭﺟﻪ ﻟﺘﻤﻨﻊ ﺯﻭﺟﻬﺎ ﻣﻦ ﺣﻘﻪ ﺗﺮﺓ ﻭﻳﺤﻖ ﻟﻠﺰﻭﺝ ﺿﺮﺑﻬﺎ .. ﻳﻌﻨﻲ ﻳﺤﻖ ﺍﻟﻲ ﺍﺿﺮﺑﺞ ﻟﺨﺎﻃﺮ ﻫﺬﺍ ﺍﻟﺸﺊ ﺑﺲ ﻣﻮ ﺍﺧﺒﺰﺝ ﺧﺒﺰ ﻳﻌﻨﻲ ﺷﺊ ﺧﻔﻴﻒ
ﺍﺳﺮﺍﺭ ﺑﺒﺘﺴﺎﻣﻪ ﺧﺠﻮﻟﻪ // ﻻ ﻋﻔﻴﻪ ﺍﻳﺪﻙ ﺛﻜﻴﻠﻪ ﺗﻮﻭﺟﻊ ﻣﺎﺍﻧﺴﻪ ﻣﻦ ﺿﺮﺑﺘﻨﻲ ﻣﻦ ﻋﺮﻓﺘﻮﺍ ﺑﻤﻴﺲ . ﺣﺴﻴﻦ ﺑﺤﺐ ﻭﻫﻮ ﻳﺤﻀﻦ ﺍﺳﺮﺍﺭ // ﺍﺳﻒ ﻳﺎﺭﻭﺣﻲ ﺳﺎﻋﺖ ﻋﺼﺒﻴﻪ ﻭﻫﺴﻪ ﻣﻜﻠﺘﻴﻠﻲ ﻣﻮﺍﻓﻘﻪ ﻋﻠﻰ ﻣﻮﺿﻮﻋﻨﻪ
ﺍﺳﺮﺍﺭ ﺑﺨﺠﻞ // ﺑﻜﻴﻔﻚ .
ﺣﺴﻴﻦ ﺑﻤﺤﺒﻪ // ﻻ ﺑﻜﻴﻔﺞ ﺣﺒﻴﺒﺘﻲ ﺍﻧﺘﻲ ﺻﺎﺣﺒﻪ ﺍﻟﺮﺋﻲ ﺍﻻﻫﻢ ﺍﻧﻲ ﻣﺎﺍﺭﻳﺪ ﺍﺟﺒﺮﺝ ﻟﻮ ﺍﺭﻳﺪ ﺟﺎﻥ ﺟﺒﺮﺗﺞ ﻣﻦ ﺯﻣﺎﻥ ﺍﺳﺮﺍﺭ ﺑﺮﺍﺣﻪ ﻣﻦ ﻛﻼﻣﻪ // ﺣﺴﻴﻦ ﺍﻧﺘﻲ ﺯﻭﺟﻲ ﺷﺘﺮﻳﺪ ﺗﺴﻮﻱ ﺳﻮﻱ ﺍﻧﻲ ﻛﻠﻲ ﻣﻠﻜﻚ .
ﺣﺴﻴﻦ ﺳﺤﺒﻬﺎ ﺑﺤﺐ ﻭﻫﻮ ﻳﺤﻀﻨﻬﺎ ﺍﺧﺬﻫﺎ ﺑﻬﻴﺎﻡ ﻭﻋﺸﻖ ﻭﺻﺎﺭﺕ ﺯﻭﺟﻪ ﻓﻌﻠﻴﻪ ﻟﺤﺴﻴﻦ .
ﺑﺪﻭﻭﺍ ﻭﻳﺎﻫﺎ ﺍﻟﻌﻼﺝ ﻛﺎﻥ ﻣﺆﺫﻱ ﺟﺪﺍ ﻋﺎﺍﻧﺖ ﺑﻘﻮﻭﺓ ﻣﻦ ﺣﺮﺍﺭﺓ ﺍﻟﻌﻼﺝ ﻟﻜﻦ ﻣﺎﺑﻠﻴﺪ ﺣﻴﻠﻪ ﻫﺬﺍ ﻋﻼﺟﻬﺎﺍ ﻭﻻﺯﻡ ﺗﺘﺤﻤﻞ ﺣﺘﻪ ﺗﺮﺟﻊ ﻣﺜﻞ ﻗﺒﻞ ﺍﻫﻠﻬﺎ ﻛﻞ ﻳﻮﻡ ﻳﺘﺼﻠﻮﻥ ﺑﺼﻼﺡ ﻭﻫﻮ ﻳﻄﻤﻨﻬﻢ ﻋﻠﻴﻬﺎﺍ ﺭﺍﺩﺕ ﺍﻣﻬﺎ ﺗﺘﺼﻞ ﺑﻴﻬﺎ ﻟﻜﻦ ﺍﻟﺪﻛﺘﻮﺭ ﺭﻓﺾ ﺧﻮﻓﺎ ﻣﻦ ﺫﺑﺬﺑﺎﺕ ﺍﻟﻬﺎﺗﻒ ﻣﺪﻗﻘﻴﻦ ﺑﻌﻼﺟﻬﺎﺍ ﻛﻮﻭﻭﻟﺶ ﺻﺎﺭ ﺍﻟﻬﺎﺍ ﺍﺳﺒﻮﻉ ﺑﺎﻟﻤﺴﺘﺸﻔﺊ . ﺩﺧﻞ ﻋﻠﻴﻬﺎﺍ ﻭﻫﻮ ﻻﺑﺲ ﺍﻟﻤﻼﺑﺲ ﺍﻟﻄﺒﻴﻪ .. ﺍﻭﻝ ﻣﺎﺷﺎﻓﺘﻪ ﺍﺷﺎﺣﺖ ﺑﻮﺟﻬﻬﺎ ﻋﻨﻪ . ﺗﻨﻬﺪ ﺑﺤﺰﻥ . ﺟﻠﺲ ﺑﻘﺮﺑﻬﺎ ﻭﻫﻮ ﻳﻤﺴﺢ ﻋﻠﻰ ﺷﻌﺮﻫﺎ // ﺷﻠﻮﻥ ﺻﺮﺗﻲ ﻳﺎﺍﻭﺟﺎﻋﻲ ﺍﻟﺤﻠﻮﺓ ﻭﻏﻠﻄﺘﻲ ﺍﻟﺼﺢ .
ﺷﻬﺪ ﺗﻨﻬﺪﺕ ﺑﺤﺴﺮﺓ ﻭﻣﺎﺟﺎﻭﺑﺘﻪ .
ﺻﻼﺡ ﺑﻤﺤﺒﻪ // ﺣﻘﺞ ﻭﻣﺎﺍﻟﻮﻣﺞ ﻟﻮ ﺿﻠﻴﻦ ﺯﻋﻼﻧﻪ ﺩﻫﺮ ﻣﺎﺍﻟﻮﻣﺞ ﺍﻧﻲ ﺍﺧﺬﺗﺞ ﺑﺬﻧﺐ ﻏﻴﺮﺝ .
ﺍﺗﺼﻞ ﻣﻮﺑﺎﻳﻠﻪ ﻣﻊ ﺍﻟﻌﻠﻢ ﻫﻤﻪ ﻣﻨﻌﻮﺍ ﺍﻻﺗﺼﺎﻝ ﻟﻜﻦ ﻫﻮ ﻧﺴﺊ ﻳﺨﻠﻲ ﻣﻮﺑﺎﻳﻠﻪ ﺑﺎﻻﻣﺎﻧﺎﺕ .. ﺷﺎﻑ ﺍﻟﺮﻗﻢ ﻫﺬﺍ ﺍﺑﻮﻫﺎ . ﻓﺘﺢ ﺧﻂ ﻭﺍﺟﺎﻩ ﺻﻮﺕ ﺍﻣﺮﺍﺀﺓ ﻣﺜﻜﻮﻟﻪ ﺑﻔﻘﺪﺍﻥ ﺑﻨﺘﻬﺎ ﺻﻼﺡ // ﺗﻔﻀﻠﻲ ﺍﻡ ﻋﻤﺎﺭ .
ﺷﻬﺪ ﻣﻦ ﺳﻤﻌﺖ ﺍﺳﻢ ﺍﻡ ﻋﻤﺎﺭ ﺩﺍﺭﺕ ﻭﺟﻬﻬﺎ ﻋﻠﻰ ﺻﻼﺡ ﻭﻫﻲ ﺗﺘﻨﻔﺲ ﺑﻘﻮﻭﺓ .. ﻫﺬﺍ ﺻﻮﺕ ﺍﻣﻬﺎ ﺍﻟﻐﺎﻟﻴﻪ . ﺻﻼﺡ ﺣﻂ ﺍﻟﻤﻮﺑﺎﻳﻞ ﺑﺄﺫﻥ ﺷﻬﺪ ﺳﻤﻌﺖ ﺻﻮﺕ ﺍﻣﻬﺎ ﻭﻧﻬﺎﺭﺕ ﺑﺎﻟﺒﻜﺎﺀ ﻃﻠﻊ ﺻﻮﺗﻬﺎﺍﺍ . ﺍﻣﻬﺎ ﺑﻨﺤﻴﺐ // ﻳﻤﻤﻤﻪ ﺷﻬﺪ ﻳﺎﺭﻭﺣﻲ ﺣﺒﻴﺒﺖ ﻛﻠﺒﻲ ﻳﻤﻤﻪ ﻳﺼﻐﻴﺮﻭﻧﻪ ﻳﻤﻤﻪ ﺍﻣﺞ ﺻﻠﻔﻪ .. ﻣﺎ ﻣﺎﺗﺖ ﺿﺎﻟﻪ ﻋﺎﻳﺸﻪ ﻟﻬﺴﻪ .. ﻳﻤﻤﻪ ﺷﻬﺪ ﺭﺩﻱ ﻋﻠﻴﻪ ﻳﺎﺭﻭﺡ ﺍﻣﺞ ﺫﺍﺏ ﻛﻠﺒﻲ ﻋﻠﻴﺞ ﻗﻠﺒﻲ ﺻﺎﺭ ﺭﻣﺎﺍﺩ .. ﻳﻤﻤﻪ ﺧﻠﻲ ﺍﺳﻤﻊ ﺻﻮﺕ
ﻣﺎﺭﺩﺕ ﻋﻠﺊ ﺍﻣﻬﺎ ﻏﻴﺮ ﺑﺸﻬﻘﺎﺕ ﻣﺤﺒﻮﺳﻪ ﻭﺻﺮﺧﺎﺕ ﻣﻜﺘﻮﻣﻪ .. ﺻﻼﺡ ﻗﻔﻞ ﻟﺨﻂ ﺑﺴﺮﻋﻪ ﺣﺲ ﺭﺍﺡ ﻳﻔﻘﺪﻫﺎ ﺻﻼﺡ ﺑﺤﻨﺎﻥ ﻭﻫﻮ ﻳﻤﺴﺢ ﺩﻣﻮﻋﻬﺎ // ﺍﺱ ﺍﺱ ﻻ ﺗﺒﺠﻴﻦ ﻻﺗﺨﻠﻴﻨﻲ ﺍﺗﺤﺴﻒ ﺧﻠﻴﺘﺞ ﺳﻤﻌﺘﻲ ﺻﻮﺕ ﺍﻣﺞ . ﻟﺪﻛﺘﻮﺭ ﻟﻮ ﻋﺮﻑ ﺭﺍﺡ ﻳﻌﺎﺭﻛﻨﻲ ﺍﻫﻢ ﺷﺊ ﺭﺍﺣﺘﺞ ﺍﻟﻨﻔﺴﻴﻪ . ﺷﻬﺪ ﺑﺒﻜﺎﺀ // ﻳﺎﺭﻳﺖ ﻳﻀﺮﺑﻚ ﻭﻳﺎﺧﺬ ﺣﻘﻲ ﻣﻨﻚ
ﺻﻼﺡ ﺍﺑﺘﺴﻢ ﻋﻠﻴﻬﺎ .. ﺳﺒﺘﻪ ﺑﺲ ﻣﻮ ﻣﻬﻢ ﻟﻤﻬﻢ ﺣﺠﺖ ﺣﺘﺊ ﻭﺍﻥ ﻛﺎﻥ ﻛﻼﻣﻬﺎ ﻣﺴﺒﻪ ﺭﺍﺿﻲ ﺑﻜﻞ ﺷﺊ ﻣﻨﻬﺎﺍ . ﺑﻌﺪ ﻣﺎﻫﺪﺋﺖ ﺗﺮﻛﻬﺎﺍ ﻭﻃﻠﻊ ﺷﺎﻓﻪ ﺍﻣﻪ ﻛﺎﻋﺪﻩ ﻋﻠﻰ ﺍﺣﺪ ﺍﻟﻜﺮﺍﺳﻲ ﺍﻟﻘﺮﻳﺒﻪ ﻣﻦ ﻏﺮﻓﺘﻬﺎﺍﺍ
ﺍﻡ ﺻﻼﺡ ﺑﻌﺼﺒﻴﻪ // ﻟﻴﺶ ﺗﺒﺠﻲ ؟ ﺷﺴﻮﻳﺖ ﻟﻠﺒﻨﻴﻪ ﺗﺮﺓ ﻭﺍﻟﻠﻪ ﺍﺗﺒﺮﺀ ﻣﻨﻚ ﻣﻮﺗﺘﻨﻲ ﺍﻧﺘﻪ ﻭﻣﺼﺎﻳﺒﻚ .
ﺻﻼﺡ ﺑﺒﺘﺴﺎﻣﻪ // ﺍﻑ . ﺍﻡ ﺻﻼﺡ ﺗﺘﺒﺮﻳﻦ ﻣﻦ ﺍﺑﻨﺞ ﻣﺎﺍﺻﺪﻙ؟؟ ﺑﺲ ﻭﺍﻟﻠﻪ ﻣﻮ ﺍﻧﻲ ﺍﻟﺴﺒﺐ . ﺳﻤﻌﺖ ﺻﻮﺕ ﺍﻣﻬﺎﺍ ﻭﻧﻬﺎﺭﺕ ﺍﻡ ﺻﻼﺡ ﺑﺤﺰﻥ // ﺧﻄﻴﻪ ﺍﻣﻬﺎ ﻣﺎﻭﺍﺟﻬﺘﻬﺎ ﺗﺨﺎﻑ ﺗﻮﺍﺟﻬﻬﺎ ﺣﻘﻬﺎ ﻭﺍﻟﻠﻪ ﺣﻘﻪ ﺍﻧﻲ ﻣﻦ ﺍﺷﻮﻓﻬﺎ ﺍﻣﻮﺕ ﺍﻟﻒ ﻣﻮﺗﻪ . ﻭﺍﻟﻠﻪ ﻟﻀﻨﻪ ﻏﺎﻟﻲ ﻏﺎﺍﺍﺍﻟﻲ .
ﺻﻼﺡ // ﻫﻨﺎﻙ ﺑﺎﻟﻌﺮﺍﻕ ﻭﻳﻪ ﺷﻬﺪ ﺑﺎﻟﻤﺴﺘﺸﻔﺊ ﺑﻨﻴﻪ ﻣﻨﺘﺤﺮﺓ ﺣﺎﺭﻛﻪ ﺭﻭﺣﻬﺎﺍ ﻭﻟﻼﺳﻒ ﻣﺎﺗﺖ ﻭﺍﻣﻬﺎ ﻫﻢ ﻣﺎﻭﺍﺟﻬﺘﻬﺎ ﻣﻘﺒﻠﺖ ﺗﻮﺍﺟﻬﺎ ﻣﺎﺍﻋﺮﻑ ﻟﻴﺶ
ﺍﻡ ﺻﻼﺡ // ﻳﻤﻤﻤﻪ ﻟﺸﻐﻠﻪ ﻣﻮ ﻫﻴﻨﻪ ﺧﺎﺻﻪ ﺍﻟﺤﺮﻙ ﻫﻲ ﻛﻠﺐ ﻭﺍﻟﺪﻩ ﻣﺎﺗﻜﺪﺭ ﺗﺸﻮﻑ ﺑﻨﺘﻬﺎ ﺑﻬﺎﻱ ﻟﺤﺎﻟﻪ
ﺻﻼﺡ // ﺑﺲ ﻳﻤﻤﻪ ﺍﻣﻬﺎ ﻟﻮ ﺩﺍﺧﻠﻪ ﺍﺣﺴﻦ . ﻻﻥ ﺿﻠﻮﺍ ﺑﺸﻚ ﺍﻫﻠﻬﺎ ﻳﻜﻮﻟﻮﻥ ﻋﻴﺎﻟﻬﺎ ﺣﺮﻛﻮﻫﺎ ﻭﺍﻟﺸﺮﻃﻪ ﺗﻜﻮﻝ ﻫﻲ ﺣﺮﻛﺖ ﺭﻭﺣﻬﺎﺍ ﻭﺿﺎﻋﺖ ﺍﻟﺤﻘﻴﻘﻪ .
ﺍﻡ ﺻﻼﺡ // ﻣﺪﺍﻡ ﻟﺸﺮﻃﻪ ﻛﺎﻟﺖ ﻫﻲ ﺣﺮﻛﺖ ﺭﻭﺣﻬﺎ ﻫﺎﻱ ﻫﻴﻪ ﻫﻲ ﺣﺮﻛﺖ ﺭﻭﺣﻬﺎ .. ﻭﺧﻄﻴﻪ ﻟﺒﻨﻴﻪ ﺣﺎﻣﻞ ﻭﻋﺪﻫﺎ ﻃﻔﻞ ﺑﺲ ﺍﻣﻬﺎ ﺗﻜﻮﻝ ﺯﻭﺟﻬﺎ ﺳﻜﻴﺮ ﻭﻋﻴﺎﻟﻬﺎ ﻣﻌﺬﺑﻴﻬﺎ
ﺻﻼﺡ // ﻳﻤﻤﻪ ﺍﺑﻮﻫﺎ ﻳﻜﻮﻝ ﻋﻴﺎﻟﻬﺎ ﺍﻧﻄﻮﻭ ﺭﺷﻮﺓ ﻭﻏﻴﺮ ﺍﻗﻮﺍﻝ ﻟﻤﺮﺣﻮﻣﻪ . ﺭﻏﻢ ﺍﻧﻲ ﻣﺎﺍﻋﺘﻘﺪ ﻋﻴﺎﻟﻬﺎ ﻳﺤﺮﻛﻮﻫﺎ ﻗﺎﺑﻞ ﺷﻨﻮﻭ ﻫﻤﻪ ﻭﺣﻮﺵ .. ﻻ ﻣﺎﻳﺘﺠﺮﺋﻮﻥ .
ﺍﻡ ﺻﻼﺡ // ﺍﻟﻠﻪ ﻳﺮﺣﻤﻬﺎ ﻭﻳﻐﻔﺮ ﺫﻧﺒﻬﺎﺍﺍ ﻫﺎﻱ ﺟﺮﻳﻤﻪ ﺑﺤﻖ ﻧﻔﺴﻬﺎ . ﺗﻌﺒﺎﻧﻪ ﻭﻣﻌﺬﺑﻴﻨﺞ ﺍﻃﻠﻜﻲ ﻻ ﺗﻨﺘﺤﺮﻳﻦ
ﺻﻼﺡ ﺑﺘﻨﻬﻴﺪﻩ // ﺍﻣﻴﻴﻦ .. ﺑﺎﺟﺮ ﻳﺠﻮﻥ ﺍﻫﻞ ﺷﻬﺪ ﻭﺍﻧﻲ ﺍﺭﺟﻊ ﻟﻠﻌﺮﺍﻕ ﺑﻌﺪ ﻣﺎﻳﻨﻄﻮﻧﻲ ﺍﺟﺎﺯﺓ .. ﻭﻟﻮ ﺷﻮﻓﻴﻦ ﺍﻻﺗﺼﺎﻻﺕ .. ﻋﺒﺎﻟﻚ ﺑﺲ ﺍﻧﻲ ﺿﺎﺑﻂ . ﺑﻴﺞ ﻗﺼﺺ ﻏﺰﻭﺍﻥ ﻋﻠﻲ
ﺍﻡ ﺻﻼﺡ ﺑﺒﺘﺴﺎﻣﻪ // ﺧﻠﻲ ﺍﺭﻭﺡ ﺍﺷﻮﻑ ﺷﻬﺪ ﻭﺍﺷﺒﻊ ﻣﻨﻬﺎ ﺷﻮﻭﻑ ﺧﺎﻑ ﺑﺎﺟﺮ ﺍﻧﺴﺎﻓﺮ .
ﺻﻼﺡ ﺑﺒﺘﺴﺎﻣﻪ // ﺭﻭﺣﻲ ﻭﺍﻧﻲ ﺭﺍﻳﺢ ﻟﻠﺪﻛﺘﻮﺭ
ﺗﺮﻛﺘﻪ ﺍﻣﻪ ﻭﺗﻮﺟﻬﺖ ﻟﻐﺮﻓﺖ ﺷﻬﺪ ﺩﺧﻠﺖ ﻟﻜﺘﻬﺎ ﻧﺎﻳﻤﻪ ﺑﺎﺳﺘﻬﺎ ﺑﺠﺒﻴﻨﻬﺎ ﻭﻛﻌﺪ ﺗﻘﺮﺓ ﺍﻳﺎﺕ ﻭﺗﺪﻋﻴﻠﻬﺎ ﺑﻠﻜﻲ ﺍﻟﻠﻪ ﻳﺸﺎﻓﻴﻬﺎﺍ . ‏« ﺑﻨﺎﺕ ﺍﻟﺤﺪﻳﺚ ﻟﺪﺍﺭ ﺑﻴﻦ ﺻﻼﺡ ﻭﺍﻣﻪ ﻋﻠﻰ ﻟﺒﻨﻴﻪ ﺍﻟﻤﻨﺘﺤﺮﺓ ﺣﻘﻴﻘﻲ ﻭﻟﺤﺪ ﺍﻻﻥ ﻣﻴﻌﺮﻓﻮﻥ ﺍﻟﺤﻘﻴﻘﻪ ﻭﻣﻊ ﺍﻟﻌﻠﻢ ﻫﻲ ﻣﺰﻭﺟﻪ ﺍﺑﻦ ﻋﻤﻬﺎﺍ .. ﻋﺎﺩﻱ ﻧﻜﻮﻝ ﻣﻨﺘﺤﺮﺓ . ﺑﺲ ﻟﻴﻌﺮﻑ ﺍﺧﻼﻕ ﻭﺍﺩﺍﺏ ﻟﺒﻨﻴﻪ ﻣﻴﺼﺪﻙ ﺗﻨﺘﺤﺮ ﻭﻫﻢ ﻣﺎﻣﻌﻘﻮﻟﻪ ﺑﻴﺖ ﻋﻤﻬﺎ ﻳﺤﺮﻛﻮﻫﺎﺍ .. ﺍﻟﻮﻗﺖ ﻛﻔﻴﻞ ﺑﻴﺎﻥ ﺍﻟﺤﻘﻴﻘﻪ ... ﻭﻣﺤﺪ ﻣﻦ ﺍﻫﻠﻬﺎ ﺩﺧﻞ ﻋﻠﻴﻬﺎ ﻣﻊ ﻟﻌﻠﻢ ﺿﻠﺖ ﺳﺎﻋﺎﺕ ﻋﺎﻳﺸﻪ ﻭﺗﺤﺠﻲ ﺑﺲ ﻣﺎﺩﺧﻠﻮﺍ ‏» ﻋﻨﺪ ﺷﻬﻼﺀ ﺑﺎﻟﺠﺎﻣﻌﻪ .
ﻛﺎﻋﺪﻩ ﻭﻳﻪ ﺻﺪﻳﻘﺎﺗﻬﺎﺍ ﻭﻫﻲ ﺗﺒﻜﻲ ﻭﺗﺴﻮﻟﻒ ﻋﻠﻰ ﺍﺧﺘﻬﺎ ﺍﻧﻘﻬﺮﻥ ﻋﻠﻴﻬﺎﺍ ﺣﻴﻴﻞ ﻭﻛﻌﺪﻥ ﻳﻬﺪﺋﻦ ﺑﻴﻬﺎﺍ . ﻃﻠﻌﺖ ﺷﻬﻼﺀ ﺷﺎﻓﺖ ﻛﺮﻳﻢ ﻃﻠﻊ ﻣﻦ ﻣﻜﺘﺐ ﺍﺳﺘﺎﺫ ﻣﻨﻴﺮ .
ﺷﻬﻼﺀ ﺑﻌﺼﺒﻴﻪ // ﺷﻌﻨﺪﻙ ﺑﻤﻜﺘﺐ ﺍﺳﺘﺎﺫ ﻣﻨﻴﺮ ﺷﺨﻄﻄﺖ ﻣﻦ ﺧﻄﻪ ﺑﻴﺎ ﻏﺪﺭ ﻭﺧﺪﻳﻌﻪ ﺣﻜﻤﺖ ﺍﻟﺨﻄﻪ ﻫﻞ ﻣﺮﺓ . ﻛﺮﻳﻢ ﺑﻬﺪﻭﺀ // ﻛﺘﻠﻬﺎ ﺷﻬﻼﺀ ﻃﻠﺒﺖ ﻣﻨﻲ ﺍﻛﻮﻟﻚ ﻫﻲ ﻣﺎﻣﻮﺍﻓﻘﻪ ﺑﻴﻴﻚ ﻭﻫﻲ ﺗﺴﺘﺤﻲ ﺩﻛﻮﻟﻚ ﻻﻥ ﺍﻧﺘﻪ ﺍﺳﺘﺎﺫ ﻭﺍﻟﻚ ﻣﺮﻛﺰﻙ ﻟﻬﻠﺴﺒﺐ ﻛﻔﻠﺘﻨﻲ .
ﺷﻬﻼﺀ ﺑﺤﻘﺪ // ﺇﻧﺸﺎﺀ ﺍﻟﻠﻪ ﻳﺘﻜﻔﻞ ﺑﻴﻴﻴﻚ ﻣﻠﻚ ﺍﻟﻤﻮﺕ . ﺍﻧﺘﻪ ﺷﻌﻠﻴﻚ ﺷﻜﻮﻭ ﺗﺪﺧﻞ ﻭﺗﺎﺧﺬ ﻗﺮﺍﺭﺍﺕ ﺑﻜﻴﻔﻚ ﻛﺮﻳﻢ ﺑﺤﻨﻴﻪ // ﺷﻬﻼﺀ ﺍﺗﺰﻭﺟﻲ ﺍﻱ ﺷﺨﺺ ﺑﺲ ﻫﺬﺍ ﺍﻟﻤﻌﻘﺪ ﻻﺗﺰﻭﺟﻴﻨﻪ ﺍﻧﻲ ﺭﺟﺎﻝ ﻭﻣﺎﻣﺘﻘﺒﻠﻪ ﺷﻠﻮﻥ ﺍﻧﺘﻲ؟؟ ﺷﻬﻼﺀ ﺑﻐﻀﺐ // ﺍﺳﺘﻐﻔﺮ ﺍﻟﻠﻪ .. ﻋﻠﺊ ﺍﻻﻗﻞ ﺍﺧﻼﻗﻪ ﻋﺎﻟﻴﻪ ﻣﻮ ﻣﺜﻠﻚ ﻭﻋﻠﺊ ﺍﻻﻗﻞ ﻣﺎﻳﻌﺮﻑ ﺍﻟﻐﺪﺭ ﻭﺍﻟﺨﻴﺎﻧﻪ ﻭﺟﺎﻱ ﻣﻦ ﺍﻟﺒﺎﺏ ﻣﻮ ﻣﺜﻞ ﺑﻌﺾ ﻟﻨﺎﺱ ﺗﻀﺤﻚ ﻋﻠﻰ ﺑﻨﺎﺕ ﻟﻌﺎﻟﻢ ﻛﺮﻳﻢ // ﻭﺍﻟﻠﻪ ﺍﻧﻲ ﻣﺎﻗﺒﻠﺖ ﻣﻦ ﺍﻟﺒﺪﺍﻳﻪ ﺍﺳﻮﻭﻱ ﻟﺴﻮﻳﺘﻪ ﻭﺗﻮﻗﻔﺖ ﺑﻨﺺ ﻟﺴﻮﻳﺘﻪ ﻻﻥ ﺣﺒﻴﺘﺞ ﻣﺎﺭﺩﺕ ﺍﺀﺋﺬﻳﺞ . ﺷﻬﻼﺀ ﺩﻓﻌﺘﻪ ﻭﻫﻲ ﺗﺘﻮﺟﻪ ﻟﻐﺮﻓﻪ ﺍﺳﺘﺎﺫ ﻣﻨﻴﺮ ﻟﻜﻦ ﻛﺮﻳﻢ ﺳﺤﺒﻬﺎﺍﺍ ﻣﻦ ﺟﻨﻄﺘﻬﺎﺍﺍ .
ﻛﺮﻳﻢ ﺑﺘﻬﺪﻳﺪ // ﻭﺍﻟﻠﻪ ﻭﺍﻟﻠﻪ ﺍﺫﺍ ﻗﺒﻠﺘﻲ ﺑﻲ ﺍﻓﻀﺤﺞ ﺑﺎﻟﻜﻠﻴﻪ ﻭﺍﻛﻠﻬﻢ ﺟﺎﻧﺖ ﺣﺒﻴﺒﺘﻲ .. ﺍﻛﻌﺪﻱ ﺍﺣﺴﻠﺞ .
ﺷﻬﻼﺀ ﺑﻜﺮﺓ // ﺣﻘﻴﺮ ﻛﻮﻝ ﺷﺊ ﺍﺗﻮﻗﻊ ﻣﻨﻚ
ﺗﺮﻛﺘﻪ ﻭﻫﻲ ﺗﻄﻠﻊ ﻣﻦ ﺍﻟﺠﺎﻣﻌﻪ ﻭﺗﺤﺲ ﺑﺮﺍﻛﻴﻦ ﺑﺪﺍﺧﻠﻬﺎ ﺭﻏﻢ ﺣﺒﻬﺎ ﺍﻟﻜﺮﻳﻢ ﻟﻜﻦ ﻟﺴﻮﺍﻩ ﻭﻣﻮ ﻗﻠﻴﻞ .. ﻭﺍﻻﺩﻫﺊ ﻣﻦ ﻫﺬﺍ ﻛﻮﻭﻟﻪ ﻃﻠﻊ ﺍﺑﻦ ﻋﻢ ﺻﻼﺡ ﻭﻫﺬﻱ ﻣﺼﻴﺒﻪ ﻛﺒﻴﺮﺓ .
ﻋﻨﺪ ﺍﻳﺎﺩ ﻭﻣﻴﺲ .....
ﺍﺟﻪ ﺍﻳﺎﺩ ﺍﺗﻐﺪﻩ ﻋﻨﺪ ﺑﻴﺖ ﻋﻤﻪ ﻭﺷﺮﺏ ﺟﺎﻱ ﻛﻌﺪ ﺷﻮﻳﻪ ﻭﻳﻪ ﻭﻟﺪ ﻋﻤﻪ ﻭﻋﻤﻪ ﻭﺑﻌﺪﻳﻦ ﻛﻌﺪﻭﺍ ﻟﻮﺣﺪﻫﻢ ﻫﻮ ﻭﻣﻴﺲ
ﺍﻳﺎﺩ ﺑﻤﺮﺡ // ﻭﻟﺞ ﻟﻴﻮﻡ ﻃﺎﻟﻌﻪ ﺣﻠﻮﺓ ﻣﻮ ﻣﺜﻞ ﺫﺍﻙ ﺍﻟﻴﻮﻡ ﺟﻨﺞ ﻣﻬﺮﺝ ﻣﻨﻮﻭ ﻣﻜﻴﺠﺞ ﻟﻴﻮﻡ؟؟
ﻣﻴﺲ ﺑﺒﺘﺴﺎﻣﻪ // ﺍﺳﺮﺍﺭ
ﺍﻳﺎﺩ ﻭﻫﻮ ﻳﺘﻘﺮﺏ ﺍﻛﺜﺮ // ﻣﺒﺪﻋﻪ ﻟﻴﻮﻡ ﺍﺳﺮﺍﺭ .
ﻣﻴﺲ ﺑﺒﺘﺴﺎﻣﻪ ﺣﻠﻮﺓ // ﺷﻜﺮﺍ .
ﺍﻳﺎﺩ ﺑﺘﺴﺎﺅﻝ // ﻳﺎﺻﻒ ﻭﺗﺮﻛﺘﻲ ﺍﻟﻤﺪﺭﺳﻪ .
ﻣﻴﺲ ﺑﺼﺪﻕ // ﺛﺎﻟﺚ ﻣﺘﻮﺳﻂ ﺭﺳﺒﺖ ﺑﻲ 3 ﻣﺮﺍﺕ ﻭﻃﻠﻌﻮﻧﻲ ﺗﻘﺎﺍﻋﺪ . ﺷﺎﻓﻮ ﻣﺎﻣﻨﻲ ﺟﺎﺭﺓ ﻭﺑﻄﻠﻮﻧﻲ .
ﺍﻳﺎﺩ ﺑﺰﻋﻞ // ﻫﻬﻬﻬﻬﻬﻪ
ﻣﻴﺲ ﺗﺤﺠﻲ ﺑﺪﻭﻥ ﺍﻧﺘﺒﺎﻩ ﻟﻜﻼﻣﻬﺎ // ﺟﻨﺖ ﺻﻒ ﺍﻭﻝ ﺍﺑﺘﺪﺍﺋﻲ ﺍﻟﻤﻌﻠﻤﻪ ﻛﻠﺘﻠﻲ ﺍﻛﺘﺒﻲ ﺩﺍﺀ . ﻛﺘﺒﺘﻠﻬﺎ ﺛﻨﻴﻦ ﻟﻄﻼﺏ ﻛﻮﻟﻬﺎ ﺿﻠﺖ ﺗﻀﺤﻚ .. ﺑﺴﺮﻋﻪ ﻣﺴﺤﺘﻪ ﻭﻛﺘﺒﺖ ﺩﺍﺀ ﻟﻴﺶ ﻣﺎﺍﻟﻤﺪﺭﺳﻪ ﺿﺤﻜﺖ ﺭﺟﻌﺖ ﻣﺴﺤﺘﻬﺎ ﻭﻛﺘﺒﺖ ﺛﻨﻴﻦ .. ﻣﺎﺍﻓﺮﻕ ﺑﻴﻦ ﺍﻟﺜﻨﻴﻦ ﻭﺍﻟﺪﺍﺀ . ﺍﻳﺎﺩ ﺑﻀﺤﻜﻪ ﻗﻮﻭﻳﻪ // ﻫﻬﻬﻬﻪ ﻛﺴﻮﻟﻪ .
ﻣﻴﺲ // ﻟﻄﻼﺏ ﻛﻮﻟﻬﺎ ﺩﻛﻮﻝ ﺑﻨﺖ ﺍﻟﻤﺪﻳﺮﺓ ﻛﺴﻮﻭﻟﻪ .
ﺍﻳﺎﺩ // ﺧﻄﻴﻪ ﻣﻀﻴﻌﻪ ﻫﻴﺒﻪ ﻣﺮﺕ ﻋﻤﻲ ﺑﺎﻟﻤﺪﺭﺳﻪ . ﻣﻴﺲ // ﻟﺸﻲ ﺍﻟﻮﺣﻴﺪ ﻟﺠﻨﺖ ﺍﻗﻬﺮ ﺍﻣﻲ ﺑﻲ ﻭﻃﻠﻊ ﺿﻴﻢ ﺍﻟﻜﺘﻞ ﻭﺗﻨﻀﻴﻒ ﻭﻫﻮ ﺍﻟﻜﺴﻞ .
ﺍﻳﺎﺩ // ﻫﻬﻬﻬﻪ ﻭﻟﺞ ﺍﻧﺘﻲ ﺗﻮﻧﺴﻴﻦ .. ﺗﻌﺎﻟﻲ ﻋﻮﻓﻴﻨﻪ ﻣﻦ ﺍﻟﻜﺴﻞ .. ﻋﺪﻧﻪ ﺩﺭﺱ ﻛﻮﻭﻟﺶ ﻣﻬﻢ .
ﻣﻴﺲ ﺑﺨﺠﻞ // ﻋﻴﻴﻴﺐ .
ﺍﻳﺎﺩ ﺑﻨﺺ ﻋﻴﻦ // ﺷﻮﻭ ﺑﺎﻟﻤﻮﺑﺎﻳﻞ ﺗﻐﺮﺩﻳﻦ ﺗﻐﺮﺩ ﻭﻣﻦ ﺍﻛﻌﺪ ﻳﻤﺞ ﺗﺤﺠﻴﻠﻲ ﻋﻠﻰ ﻣﻐﺎﻣﺮﺍﺗﺞ ﺑﺎﻟﻤﺪﺭﺳﻪ .
ﻣﻴﺲ // ﻫﻬﻬﻬﻪ ﺍﻏﻴﺮ ﺍﻟﻤﻮﺿﻮﻉ ﻭﺍﻧﺴﻴﻚ .
ﺍﻳﺎﺩ // ﻫﻬﻬﻬﻪ ﻣﺎﺍﻧﺴﺊ ﺍﻧﻲ ﺷﺎﻃﺮ ﺑﻬﺎﻱ ﺍﻟﺴﻮﺍﻟﻒ .
ﺿﻠﻮﺍ ﻛﺎﻋﺪﻳﻦ ﻳﺴﻮﻟﻔﻮﻥ ﻭﻳﻀﺤﻜﻮﻥ ﻭﺍﻳﺎﺩ ﻛﻞ ﺷﻮﻳﻪ ﻳﺘﺠﺮﺀ ﺍﻛﺜﺮ ﻭﻣﻴﺲ ﺧﺠﻼﻧﻪ ﻣﻨﻪ ﻟﺤﺪ ﻣﺎﺍﺟﻪ ﻋﻤﻪ ﻭﻟﺰﻙ ﻳﻤﻬﻢ ﻭﺍﻳﺎﺩ ﺗﺤﻠﻄﻢ ﻣﻦ ﻭﺟﻮﺩ ﻋﻤﻪ ﺧﻠﻪ ﻭﺭﺍﺡ ﻟﺒﻴﺘﻪ ﺍﺗﺼﻞ ﻋﻠﺊ ﺍﺧﻮﻩ ﻭﺗﻄﻤﻦ ﻋﻠﻰ ﺷﻬﺪ
ﺗﺮﻛﻴﺎ ﺗﻌﻠﻦ ﻋﻠﺊ ﻭﺻﻮﻝ ﻋﺎﺋﻠﻪ ﺷﻬﺪ للا ﺮﺍﺿﻲ ﺍﻟﺘﺮﻛﻴﻪ ﻧﺰﻟﻮﺍ ﻣﻦ ﺍﻟﻄﻴﺎﺭﻩ ﻭﻫﻤﻪ ﻳﺮﺟﻔﻮﻥ ﺍﻡ ﻋﻤﺎﺭ ﺧﺎﻓﺖ ﻳﺼﻴﺮ ﺑﻴﻬﺎ ﻣﺜﻞ ﻣﺼﺎﺭ ﺑﻐﺪﺍﺩ ﻭﺧﺒﺮﻭﻫﺎ ﺑﺎﺍﺣﺘﺮﺍﻕ ﺷﻬﺪ ﺧﺎﻓﺖ ﻳﺨﺒﺮﻭﻫﺎﺍ ﺑﻤﻮﺕ ﺷﻬﺪ ﻋﻠﻰ ﺍﻻﺭﺍﺿﻲ ﺍﻟﺘﺮﻛﻴﻪ .
ﺍﺳﺘﻘﺒﻠﻬﻢ ﺻﻼﺡ ﻭﻫﻮ ﻳﻄﻤﻨﻬﻢ ﻋﻠﻴﻬﺎﺍ ﺍﺳﺘﺄﺟﺮﻭﺍ ﺗﻜﺴﻲ ﻭﺍﻧﻄﻠﻘﻮﺍ ﺍﻟﺊ ﻣﺴﺘﺸﻔﺊ ﺍﻟﺤﺮﻭﻕ ﺍﻟﺘﺨﺼﺼﻲ ﺑﺎﺍﺳﻄﻨﺒﻮﻝ .. ﻭﺻﻠﻮﺍ ﻟﻠﻤﺴﺘﺸﻔﺊ . ﺍﻡ ﻋﻤﺎﺭ ﺍﻭﻝ ﻣﺪﺧﻠﺖ ﺑﺎﺏ ﺍﻟﻤﺴﺘﺸﻔﺊ ﺍﺻﺎﺑﺘﻬﺎ ﺭﻋﺸﻪ ﻗﻮﻭﻳﻪ ﻭﺭﺟﻠﻴﻬﺎ ﻣﺎﺗﻦ ﻣﺎﻋﺎﻧﻨﻬﺎ ﻋﻠﻰ ﺍﻟﻤﺸﻲ ﻭﻻ ﺧﻄﻮﻭﺓ ﻟﺰﻣﺖ ﺑﺪﺍﻳﻪ ﺭﺟﻠﻴﻬﺎ ﺑﻮﻭﺟﻊ ﺑﻜﺖ ﺑﺤﺴﺮﺓ ﻭﺍﺑﻮﻫﺎ ﻛﺬﺍﻟﻚ ﻧﻔﺲ ﺍﻟﺤﺎﻝ ﺍﺳﺘﻘﺒﻠﺘﻬﻢ ﺍﻡ ﺻﻼﺡ ﺳﻠﻤﺖ ﻋﻠﻴﻬﻢ ﻭﻃﻤﻨﺘﻬﻢ ﻋﻠﻴﻬﺎﺍﺍ . ﺍﻡ ﻋﻤﺎﺭ ﺑﺒﻜﺎﺀ // ﻓﺪﻭﻭﻭﻭﺓ ﻭﺍﻟﻠﻪ ﻣﺎﺍﻛﺪﺭ ﺍﻭﺍﺟﻬﺎﺍ ﻣﺎﺍﻛﺪﺭ ﺍﻓﻬﻤﻮﻧﻲ ﻳﻤﻜﻦ ﺍﺫﺍ ﺍﺷﻮﻓﻬﺎ ﺍﻛﻠﺐ ﺍﻟﺪﻧﻴﺎ ﻳﻤﻜﻦ ﺍﻣﻮﻭﺕ ﻭﺍﻧﻮﺏ ﺗﺸﻮﻓﻨﻲ ﻣﻴﺘﻪ ﻭﺗﻤﻮﺕ ﻭﺭﺍﻱ .. ﻻ ﻳﻤﻪ ﺇﺳﻢ ﺍﻟﻠﻪ ﺇﺳﻢ ﺍﻟﻠﻪ . ﻋﻤﺮﺝ ﻃﻮﻭﻳﻞ ﻳﺎﻟﻐﺎﻟﻴﻪ .
ﺍﻡ ﺻﻼﺡ ﺑﺼﺒﺮ // ﺍﺩﺧﻠﻴﻠﻬﺎ ﺣﺎﺯ ﺑﺨﺎﻃﺮﻫﺎ ﻋﻠﻴﺞ ﺗﺮﻳﺪﺝ ﻣﺤﺘﺎﺟﻪ ﺍﻟﺞ ﺷﻮﻭﻓﻴﻬﺎ ﺧﻄﻴﻴﻪ ﻳﻤﻜﻦ ﺗﻔﺮﺡ ﻭﺗﺮﺗﺎﺡ ﻧﻔﺴﻴﺘﻬﺎﺍﺍ .. ﺍﺑﺠﻲ ﺑﺲ ﻻ ﺗﺮﻋﺒﻴﻨﻬﺎﺍﺍ .
ﺍﻡ ﻋﻤﺎﺭ ﺷﺎﺣﺖ ﺑﻨﻀﺮﻫﺎ ﺍﻟﺊ ﺑﺎﺏ ﻏﺮﻓﺖ ﺷﻬﺪ ﺗﻘﺪﻣﺖ ﺑﺨﻄﻮﺍﺕ ﻣﺮﻋﻮﻭﻭﺑﻪ ﻭﻣﻬﺰﻭﺯﻩ ﻓﺘﺤﺖ ﺑﺎﺏ ﺍﻟﻐﺮﻓﻪ ﺷﺎﻓﺘﻬﺎﺍ ﻧﺎﻳﻤﻪ ... ﺷﻬﺪ ﻓﺘﺤﺖ ﻋﻴﻨﻬﺎﺍ ﺷﺎﻓﺖ ﺿﻞ ﺍﻣﻬﺎﺍ ﺍﻟﻐﺎﻟﻴﻪ ﺭﻓﻌﺖ ﺿﻬﺮﻫﺎﺍ ﻣﻦ ﺍﻓﺮﺍﺷﻬﺎﺍﺍ ﻭﻓﺘﺤﺖ ﺍﺩﻳﻬﺎﺍ ﺑﺒﻜﺎﺀ .. ﺍﻡ ﻋﻤﺎﺭ ﺭﻛﻀﺖ ﻋﻠﻴﻬﺎﺍ ﻣﺎﻛﺪﺭﺕ ﺗﺤﻀﻨﻬﺎﺍ ﺧﺎﻑ ﺗﻠﻜﻢ ﺍﺟﺮﻭﺣﻬﺎ ﺑﺎﺳﺘﻬﺎ ﺑﺠﻤﻴﻊ ﺍﻧﺤﺎﺀ ﻭﺟﺠﻬﺎ ﺑﺎﺳﺘﻬﺎ ﺑﺮﺍﺳﻬﺎ ﻭﺷﻌﺮﻫﺎﺍﺍ ﺑﺎﺳﺘﻬﺎ ﺑﺸﻔﺎﻳﻔﻬﺎ ﻭﻫﻲ ﺗﺤﻀﻨﻬﺎ ﻣﻦ ﺭﺍﺳﻬﺎﺍﺍ ﻭﺗﺒﻜﻲ ﺑﺎﻟﻢ .. ﺗﻘﺪﻡ ﺍﺑﻮﻫﺎﺍﺍ ﻣﻨﻬﺎﺍ ﻭﻫﻲ ﻳﺤﺘﻀﻨﻬﺎ ﻣﻦ ﺭﺍﺳﻬﺎ ﻭﻳﺒﺠﻲ ﻋﻠﻴﻬﺎﺍ ﻫﺎﻱ ﺑﻨﺘﻪ ﻟﻨﻀﻠﻤﺖ ﺑﺪﻭﻥ ﺳﺒﺐ ﻧﺰﻝ ﻋﻠﻰ ﺭﺟﻠﻴﻬﺎﺍ ﻭﻫﻮ ﻳﻘﺒﻠﻬﻦ ... ﺷﻬﺪ ﺍﻧﺼﺪﻣﺖ ﺑﻘﻮﻭﻭﺓ ﻭﺯﻋﻠﺖ ﻣﻦ ﺣﺎﻟﻬﺎﺍﺍ ﺣﺰ ﺑﺨﺎﻃﺮﻫﺎﺍ ﺗﻘﺒﻴﻞ ﺍﺑﻮﻫﺎ ﻻﻗﺪﺍﻣﻬﺎﺍ ... ﻣﺪﺕ ﺍﻳﺪﻫﺎ ﺍﻟﻤﻠﻔﻮﻓﻪ ﺑﺎﻟﺸﺎﺵ،ﻣﻦ ﺑﻌﻴﺪ ﻻﺑﻮﻫﺎ ﻭﺗﺤﺎﻭﻝ ﺍﺗﻤﻨﻌﻪ ﻣﻦ ﺗﻘﺒﻴﻞ ﺍﻗﺪﺍﻣﻬﺎﺍﺍ ... ﺻﻼﺡ ﺗﻘﺮﺏ ﻣﻦ ﺍﺑﻮﻫﺎﺍ ﻣﺴﻜﻪ ﻣﻦ ﺍﻛﺘﺎﻓﻪ ﻭﺑﻌﺪﻩ ﻋﻨﻬﺎﺍﺍ .. ﺍﺑﺘﻌﺪ ﻋﻨﻬﺎﺍﺍ ﻭﻫﻮ ﻳﺒﻜﻲ ﺑﺤﺴﺮﺓ ﻭﺍﻟﻢ . ﺍﻡ ﺻﻼﺡ ﻏﻄﺖ ﺷﻬﺪ ﻻﻥ ﺧﻄﻴﻪ ﺑﺪﻭﻥ ﻣﻼﺑﺲ ﻓﻘﻂ ﺍﻟﺸﺎﺵ ﺍﻟﻤﻠﻔﻮﻑ ﻋﻠﻰ ﺟﺴﻤﻬﺎﺍ ... ﺿﻠﻮﺍ ﻛﺎﻋﺪﻳﻴﻴﻦ ﻳﻤﻬﺎ ﻟﻠﻌﻠﻢ ﺍﻟﺪﻛﺘﻮﺭ ﺭﻓﺾ ﻭﺟﻮﺩﻫﻢ ﻟﻜﻦ ﻫﻲ ﺭﺍﺩﺗﻬﻢ ﻳﻤﻬﺎﺍﺍ ﺍﺭﺗﺎﺣﺖ ﺑﻮﺟﻮﺩ ﺍﻫﻠﻬﺎ .
ﺍﻟﺪﻛﺘﻮﺭ ﻳﺸﺮﺡ ﺣﺎﻟﺘﻬﺎ ﻟﺼﻼﺡ ﻟﻜﻦ ﺻﻼﺡ ﻣﺎﻳﻔﺘﻬﻢ ﻟﻠﻐﻪ ﺟﺎﺑﻮﺍ ﻣﺘﺮﺟﻢ ﻛﻌﺪ ﻳﺘﺮﺟﻢ ﻟﺼﻼﺡ .
ﺍﻟﻤﺘﺮﺟﻢ // ﻳﻜﻮﻭﻝ ﺍﻟﺪﻛﺘﻮﺭ ﺍﻟﺤﺮﻭﻕ ﻟﺒﺠﺴﻤﻬﺎ ﺑﻠﻴﻐﻪ ﻭﻣﺴﺒﺒﻪ ﺍﻟﻬﺎ ﺗﺸﻮﺓ ﻟﺬﺍﻟﻚ ﻋﻼﺟﻬﺎ ﺣﻴﻄﻮﻭﻝ ﺷﻬﻮﻭﺭ . ﺻﻼﺡ ﺑﺤﻴﺮﺓ // ﺗﺸﻮﺓ؟؟ﺯﻳﻦ ﺗﻜﺴﺮ ﺗﺴﻮﻳﻠﻬﺎ ﻋﻤﻠﻴﻪ ﺗﺠﻤﻴﻠﻴﻪ ﺍﻧﻲ ﻣﻮ ﻟﺴﺒﺐ ﺑﺲ ﺍﻧﻲ ﺍﻟﻬﺎ ﻫﻲ ﻣﺎﺍﺭﻳﺪﻫﺎ ﺗﺤﺲ ﺑﻨﻘﺺ ﺍﻭ ﺑﺰﻋﻞ ﻋﻠﻰ ﺣﺎﻟﺘﻬﺎ . ﺍﻟﻤﺘﺮﺟﻢ ﺧﺒﺮ ﺍﻟﺪﻛﺘﻮﺭ ﺑﻜﻼﻡ ﺻﻼﺡ .
ﺍﻟﻤﺘﺮﺟﻢ // ﺍﻟﺪﻛﺘﻮﺭ ﻳﻜﻮﻝ ﺣﺎﻟﻴﺎ ﻣﺎﻧﻜﺪﺭ ﻻﻥ ﺣﺎﻟﺘﻬﺎﺍ ﻣﺎﺗﺴﻮﻱ ﺑﺎﺍﺟﺮﺍﺀ ﻋﻤﻠﻴﻪ ﺍﻭ ﺑﻤﻌﺎﻟﺠﻪ ﻟﻴﺰﺭ ﺣﺎﻟﺘﻬﺎﺍﺍ ﻣﺎﻣﺴﺘﻘﺮﺓ ﻭﺟﺮﻭﺣﻬﺎ ﻟﺤﺪ ﺍﻻﻥ ﻃﺮﻳﻪ .
ﺻﻼﺡ // ﺷﻜﺮﺍ ﺃﻧﺸﺎﺀ ﺍﻟﻠﻪ ﻧﺴﻮﻳﻠﻬﺎ ﺑﺲ ﺗﻄﻴﺐ ﻭﺗﺴﺘﻘﺮ ﺣﺎﻟﺘﻬﺎﺍﺍ ﺑﺲ ﻛﻮﻭﻥ ﺗﻄﻴﺐ ﻣﺎﺍﺭﻳﺪ ﺵﺀ ﺛﺎﻧﻲ . ﻃﻠﻊ ﺻﻼﺡ ﻣﻦ ﺍﻟﺪﻛﺘﻮﺭ ﻭﺷﺎﻑ ﺍﺑﻮﻫﺎ ﺑﻮﺟﻪ .
ﺍﺑﻮﻫﺎﺍ ﺑﻌﺼﺒﻴﻪ // ﺍﻧﺘﻪ ﺳﺒﺐ ﺑﻜﻞ ﻣﻌﺎﻧﺎﺕ ﺷﻬﺪ .
ﺻﻼﺡ ﺑﺴﺨﺮﻳﻪ // ﻭﺍﻧﺘﻪ ﻣﻮ ﺳﺒﺐ ؟؟
ﺍﺑﻮ ﻋﻤﺎﺭ ﺑﺤﻘﺪ // ﺍﺛﻨﻴﻨﻪ ﻣﺠﺮﻣﻴﻦ ﻣﺎﻛﻮ ﻭﺍﺣﺪ ﺍﺣﺴﻦ ﻣﻦ ﻭﺍﺣﺪ ﺍﺛﻨﻴﻨﻪ ﻣﺠﺮﻣﻴﻦ .
ﺻﻼﺡ ﺗﻨﻬﺪ // ﺑﻬﺎﺍﺍﻱ ﺣﻘﻚ .
ﺍﺑﻮ ﻋﻤﺎﺭ ﺑﻐﻀﺐ // ﻃﻠﻜﻬﺎﺍ ﻭﺧﻠﺼﻨﻪ ﻣﻦ ﺷﺮﺭﺭﻙ .
ﺻﻼﺡ ﺑﺜﻘﻪ // ﺗﺤﻠﻢ
ﺗﺮﻛﻪ ﻭﻫﻮ ﻳﺘﻮﺟﻪ ﻟﻐﺮﻓﺘﻬﺎﺍ ﺍﻣﺎ ﺍﺑﻮﻫﺎ ﺿﻞ ﻳﺴﺐ ﻭﻳﻠﻌﻦ ﺑﻲ ﻟﻜﻦ ﺻﻼﺡ ﻣﺎﺍﻫﺘﻢ ﻟﻜﻼﻣﻪ .. ﺑﺎﺟﺮ ﻳﺴﺎﻓﺮ ﻭﻻﺯﻡ ﻳﺘﺮﻙ ﺍﻟﻬﺎﺍ ﺑﺼﻤﻪ ﺗﺬﻛﺮﺓ ﺑﻴﻬﺎﺍ . ﻛﺮﻭﺏ ﻗﺼﺺ ﻏﺰﻭﺍﻥ ﻋﻠﻲ
ﻛﺎﻧﺖ ﺍﻣﻬﺎ ﺟﺎﻟﺴﻪ ﻋﻠﻰ ﺍﻟﻜﺮﺳﻲ ﻭﻫﻲ ﺗﻤﺴﺢ ﻋﻠﻰ ﺷﻌﺮﻫﺎ ﻭﺗﺤﺎﺟﻴﻬﺎﺍ ﺑﺤﻨﻴﻪ ﻭﺗﺒﻮﺱ،ﺑﻴﻬﺎﺍﺍﺍ .
ﺍﻡ ﻋﻤﺎﺭ ﺑﺤﻨﻴﻪ ﻭﻫﻮ ﺗﻄﻠﻊ ﻋﻠﺒﻪ ﺻﻐﻴﺮﺓ ﻣﻦ ﺟﻨﻄﺘﻬﺎ // ﺷﻬﺪ ﺣﺒﻴﺒﺘﻲ ﺗﺬﻛﺮﻳﻦ ﻟﺘﺮﺍﺟﻲ ﻟﻌﺠﺒﻨﺞ ﻣﻦ ﺭﺣﻨﻪ ﺍﻧﻲ ﻭﻳﺎﺍﺝ ﻟﻠﺴﻮﻙ ﻧﺸﺘﺮﻱ ﻣﻼﺑﺲ ﻟﺸﻬﻼﺀ ﺗﺬﻛﺮﻳﻬﻦ ؟؟
ﺷﻬﺪ ﺑﺼﻮﺕ ﻣﺘﻌﻮﺏ // ﺍﻱ ﺍﺫﻛﺮ ﺣﺘﻪ ﻛﺘﻠﺞ ﺍﺷﺘﺮﻳﻬﻦ ﺍﻟﻲ ﻭﺍﻧﺘﻲ ﻛﻠﺘﻲ ﻣﺎﻋﻨﺪﻱ ﻓﻠﻮﻭﺱ ﺍﺷﺘﺮﻳﻬﻦ .
ﺍﻡ ﻋﻤﺎﺭ ﺑﺘﺤﺴﻒ // ﺍﻱ ﺣﺒﻴﺒﺘﻲ . ﻣﻦ ﺯﻭﺟﺘﻲ ﻗﺒﻞ ﻻ ﻧﺸﻴﻞ ﻣﻦ ﺑﻴﺘﻨﻪ ﺭﺣﺘﻦ ﺍﺷﺘﺮﻳﺘﻬﻦ ﺍﻟﺞ ﻭﻭﻋﺪﺕ ﻧﻔﺴﻲ ﺑﺲ ﺗﺮﺟﻌﻴﻦ ﺍﻟﺒﺴﻬﻦ ﺍﻟﺞ .
ﺷﻬﻼﺀ ﺑﻔﺮﺣﻪ ﺑﺴﻴﻄﻪ // ﻣﺎﻣﺎ ﻟﻴﺶ ﻛﻠﻔﺘﻲ ﻧﻔﺴﺞ .
ﺍﻡ ﻋﻤﺎﺭ ﻭﻫﻲ ﺗﺤﺎﻭﻝ ﺗﻠﺒﺴﻬﻦ ﺍﺑﺎﺫﺍﻧﻬﺎ // ﺳﻮﻭﺩﻩ ﻋﻠﻴﻪ ﻟﻮ ﺍﻋﺮﻑ ﺍﻧﻄﻴﻴﺞ ﺭﻭﻭﺣﻲ ﻣﺎﺍﻗﺼﺮ ﻭﺍﻟﻠﻪ .
ﺳﻤﻌﻦ ﻃﺮﻗﺎﺕ ﻋﻠﻰ ﺍﻟﺒﺎﺏ ﻭﺍﻡ ﻋﻤﺎﺭ ﺍﻣﺮﺗﻪ ﺑﺪﺧﻮﻝ ﺳﻠﻢ ﻋﻠﻰ ﺍﻡ ﻋﻤﺎﺭ ﻭﺗﻘﺮﺏ ﻣﻦ ﺷﻬﺪ
ﺻﻼﺡ // ﻳﺎﻏﻠﻄﺘﻲ ﺍﻟﺼﺢ ﺍﻧﻲ ﺑﺎﺟﺮ ﻣﺴﺎﻓﺮ ﺍﺭﻳﺪﺝ ﺗﻜﻮﻧﻴﻦ ﺑﺨﻴﻴﻴﺮ ﻻﺯﻡ ﺗﺴﺎﻋﺪﻳﻦ ﻧﻔﺴﺞ ﻭﺗﻄﻴﺒﻴﻦ ﺍﻭﻋﺪﻳﻨﻲ ﺗﻜﻮﻭﻭﻧﻴﻦ ﺑﺨﻴﻴﻴﻴﺮ .
ﻣﺎﺭﺩﺕ ﻋﻠﻴﻪ ﻭﻻ ﺑﺎﻭﻋﺖ ﺑﻮﺟﻪ .. ﻃﻠﻊ ﻭﺭﻗﻪ ﻣﻦ ﺟﻴﺒﻪ ‏« ﻓﻠﻮﺱ ‏» ﺣﻄﻬﺎ ﺑﻴﺪﻫﺎ ﺍﻟﻤﺠﺮﻭﺣﻪ ﻭﺍﻟﻤﻠﻔﻮﻓﻪ .
ﺻﻼﺡ ﺑﺤﻨﺎﻥ // ﻻ ﺗﺼﺮﻓﻴﻬﺎ ﺑﻴﻪ ﺍﻋﺘﺮﺍﻑ ﺭﺟﻞ ﺍﺳﺘﺜﻨﺎﺋﻲ . ﻃﻠﻊ ﺻﻼﺡ ﻣﻦ ﺍﻟﻐﺮﻓﻪ .. ﻭﺷﻬﺪ ﺭﻓﻌﺖ ﺍﻟﻮﺭﻗﻪ ﻭﻗﺮﺕ ﺍﻟﻤﻜﺘﻮﻭﺏ .. ‏« ﺍﺣﺒﻜﻲ ﻻﻧﻜﻲ ﻗﺮﺭﺗﻲ ﺍﻥ ﺗﻠﻌﺒﻲ ﺩﻭﺭ ﺍﻟﻀﺤﻴﻪ ﺍﻟﻘﺎﺗﻠﻪ .. ﻓﻲ ﺍﺣﺪ ﺍﻓﻼﻡ ﺍﻟﺠﻨﻮﻥ ﺻﻼﺡ ‏» ﺷﻬﺪ ﺑﺤﻘﺪ ﺣﺎﺍﺍﻭﻟﺖ ﺗﻤﺰﻕ ﺍﻟﻮﺭﻗﻪ ﻟﻜﻦ ﺍﺩﻳﻬﺎﺍ ﻣﺎﻋﺎﻧﻨﻬﺎ ﻭﺣﺴﺖ ﺑﻮﻭﺟﻊ ﺑﺎﺍﻳﺪﻫﺎ ﺗﺮﻛﺘﻬﺎﺍ ﺗﺤﺖ ﻭﺳﺎﺩﺗﻬﺎ ﻭﺗﺮﻛﺖ ﺍﻋﺘﺮﺍﻓﻪ ﻟﻐﻴﺮ ﻣﻘﺒﻮﻝ ﺑﺎﻟﻨﺴﺒﻪ ﺍﻟﻬﺎﺍﺍ . ﻳﺘﺒﻊ
#بارت٢٢
....بقلم «سموو العراق» 😘
البار سرعت الاحداث شووويه...... رجعت الارض الوطن لكن لم تودع همومهاا داخل تركيه التشوهات ماخذه حييز من جسمهااا نزلت من الطيارة صار 6اشهر مبتعده عن وطنهاا للعلاج استقبلهم صلاح واهله لكن هي كالعاده لم ترحب بوجودة زعلهااا قووي وكل اثر تشوفه بجسمها تحمله وتحمل اهلها المسؤؤليه. سلمت على ام صلاح وهي تبوس ايدها ماتعرف تحس بحب لهذي الانسانه الراقيه ..ركبوا تكسي وصلت لبيتهم شافتهم خوالها وخالاتها وعمامها لكل موجود لخاطرها سلمووا عليهاا وبوسها تحمدوا الها بالسلامه شافهااا اخوهاا ونهار يمكن اكثر واحد تأثر مااكدر اوصف المشهد ضل يصررخ بجزع هز لبيت هز حته هيه خاافت منه وسد اذاناتها من صراخه خواله وعمامه وابوو هدووا وكعدوا يواسون بي وينسونه لصار .اما شهد انقهرت عليه كووولش ضلت تبجي عليه حست من ضحت بروحها لاخوها جازاها لان موقفه يبين محنته عليهاا. ********************************** اسرار كانت تغسل مواعين على السنك وهي شاده ثوبهاا..تقرب منهاا حسين وهو يحضنها من ورة ابسمت بحب عرفته هذا حسين ودلال حسين. حسين بحب//سرورة لحلوة منو سمحلج تغسلين مواعين ميس موجوده وتغسل انتي هنا اميرة. اسرار بزعل//لا حسين لادكول هييج شنوو ميس خدامتنه خطييه هي هم تعبانه.. حبيبي ميصير هيج لازم تحن لاختك.. اني من انته تسووي هيج اخاف اطفالي بالمستقبل يكونون مثلك وما يحنون لاخواتهم. حسين بمرح//علئ كيفج اكلتيني بكشووري. اسرار بحنيه// مااكلتك بس ياحسين لاتدخل بهيج امور لان والله بهيج تصرفات تشعل نار لغيرة وتكرة اختك بييك
حسين بحب//غير احبج واسووي هييج. اسرار بتفهم// واني هم احبك بس رجاءا حسين لاتدخل بهيج امور لان هاي الامور تسوي مشاكل واني مااحب تصير مشاكل وبعدين ميس وحيده واني معتبرتها مثل اختي
حسين بفرح من كلامهاا//اسرار صدوك الدراسه تجيب نتيجه وثقف لشخص شوفي انتي لان دارسه عقلج كبير وفاهمه..ويلوموني لان احببج ..احبج. اسرار ابتسم بحب//هههه مو بس الدراسه تعتمد على التربيه امي واخوي ربوني على هيج شئ حسين برومانسيه//فديتج انتي وااامج وخوانج. اسرار//ههههه لا اسم الله عليك...بس حسين زوجت اخويه اجتي من السفر .ونريد نروح اني وميس تاخذنه؟؟
حسين حس بنقباض بقلبه// الله يشافيهاا ميخالف حضرن نفسج اسرار باست حسين بقووة وهي تتشكر منه راحت تحضر نفسها وكلت لميس تحضر نفسهاا حته يرحن يشوفن شهد. ********************************** دخل لغرفتهاا البارده والمتروكه منذ 6اشهر تذكر بهاي لغرفه ياما بكت وياما استنجدت بااهلها ولا يذكر بيوم من الايام شاف ضحكتها..فرحت فقط برجوعها لاهلها وفرحتها ماكملت احترقت بالهيب النار..فتح كنتورهاا شاف ملابسهاا شلون مصفطه بترتيب رغم صغر سنها وطفولتها اله هي مرتبه ونازكه ..سحب نفنوف الها دائما اتلبسه حطه على وجهه وهو يستنشق عطرهاا ..ضميرة حيييل مئنبه عليه ندمان حد الجنون اتمنئ ينعاد لزمن ويداريها لكن لفات مات...تذكر موقف وياهاا نسترجعه. كانت تصفط بملابسه بالكنتور وهو اجه دخل شافها مخليه باب لغرفه مفتووح...دخل وقفل لباب وكعد على السرير وهو ينزع الساعه والخاتم..هي راحت وفتحت لباب وهي تباوعله وترفع حاجبه بعتب. صلاح بسخريه//خاااايفه اسويلج شئ. شهد بغرور//والله انته كوولشي اتوقع منك انته ضابط واكيد مرافك المجرمين بالسجون اكييد تصير مجرم ياااامجرم. صلاح ببتسامه وهو يتكئ على السرير//لو شوفين السجوون وشوفين الاجرام لصاير اله يوكف شعر راسج شهد بدون نفس//لا عيني عندي مجرم واحد واكف شعر راسي منه ..وانته ضل اطبع بطباعهم يامجرم. صلاح بخبث//اكوووم اشوفج اجرااامي. شهد بحقد شمرت القميص بوجه وشردت تخاف منه بس دائما تجادله ومايكدر على السانهاا
استفاق من ذاكرته اتذكرها من سولفتله حلمها وهي تبجي من الحلم للاسف حلمها تحقق وماكانت اله هي البرده المحروقه بعض اجزاءها ..حس بنهيار بروحه
حس بمدئ عجزة وهي تطلب منه يشتريها وينقذهاا تطلب من المجرم الدمرها وئذاها يشتريها وينقذ روحهااا..عض اصبعه بندم وهو يحس بطعم الدم تنهد بحسرة سقطت دمعه وحيده يتيمه على حالها بكئ وهو يحس برجولته الاستثنائيه كبرت بهذي الدمعه..محد يلومه على حزنه لجبار فيتيمته حترقت امام انضارة.... اتمنئ تسامحه لكن هي حتئ ماتنضر لوجهه...يحبها اي يحبها حته لو طفله يحبها هي لوحيده لثارت عليه وجادلته وعاندته «الرجل لايبكي سيدنا محمد بكئ ..الرجل لايحب سيدنا محمد حب.. الرجل لايطلب السماح سيدنا محمد طلب السمااح..هذه هي الرجووله» **********************************
بعد ماراحت اكثر لعالم من عندهم هي كانت متمدده على سريرها واختها توكل بيهاا وتمسح شفايفها وامها وابوها كاعدين يمهاا واخوها كذالك فرحانين بوجودها بيناتهم حتئ وأن كانت مشوها لكن ماماتت شهد بمحبه//شهلاء حبيبتي اني اكدر اكل. شهلاء بحنيه//لا حبيبتي اني اضل اخدمج لحد مااصير حجيه وسنوني واكعه 😊. شهد بضحكه حزينه// هههه يالله لعد يابيبي وكليني سمعوا عده طرقات على الباب فتح اخوها لباب شاف حسين وام حسين وياها ثنين بنات استقبلهم حسين دخل للاستقبال واسرار وميس وام حسين راحن لشهد ..اول مادخلت اسرار تذكرت لحادث وتذكرت شلون شافت شهد شابه بيه لنار..ركضت لها وهي تحضنها بحنان وتبكي على حال بنت عاشت عندهم سنه كامله وماشافوا منها اله كل خير... تقدمت منها ميس وايضا حضنتها بحنان وبكت عليها اما هي حست بمدئ حبهن الها وحست بفرحه وبصيص امل صغير ينمو داخل قلبها المسكيين حضنتهن بحب ولحد الان جروحها وروحها متعوبه ضلن كاعدات يمهاا وميس موتتهن من ضحك وهي تسولفلهن على اياد..«صدك لمه لبنات حلوة» ميس بقهر//ولجن اني ماكوو مني اني صاحبته واني خطبته واني كتلها ازوجني.واني لخابرته ورة لخطبه يعني المبادرة كانت مني... ولبارحه خابرته وكتله يابه شووكت نزوج مو والله مليت صارلنه 8اشهر البنات//هههههههه ميس بقهر//اضحكن اضحكن... ولجن لو ماهييج سويت جان ضليت معنسه لو اخذ دبوس ابن خالتي شهلاء //ههههه لا دبوس خلي اليه.بس ليش اسمه دبووس ؟؟؟ ميس//اسمه دبوس لان جنه شيشه دبس 😂 شهد بضحكه خفيفه//هههه اختي لحلوة تاخذ دبوس؟؟ لا مستحيل اذا اخذته اطلع عليها مضاهرات اسرار//خههه واني هم اطلع وياااج
ميس //ضلت عليه اني هم اطلع وياجن. شهد بتعب//ميس شوكت تزوجين ؟؟؟ ميس بتنهيده//والله مو كتلج خابرته وكتله كال إنشاء الله هذا الشهر لو لبعده. شهد بهدوء//مبروك مقدما.
ميس بمزح//فدووة شهد ماجبتيلي وياج واحد تركي كون حلوو مثل مهند ازوجه..حبابه حته الزم اياد من ياخه قميصه واشمرة بشارع شهد//ههه جبتلج اردوغان ترديينه. ميس //يييع هذا لشايب اكلها مهند دكولي اردوغان. شهد والبنات//ههههه. ميس//بنات من هسه معزومات بعرسي ولمتجي اخبزها خبز بصونده وقد اعذر من انذر. اسرار//هههه علئ يساعد اياد على سوادينج. ميس بدون نفس//مو علئ اساس اخوج عاقل هو هم بنص عقل
شهلاء //هههه لا والله انتي بنص عقل. اكو واحد هيج يعزم؟؟ لناس دكول وبحضوركم يتم لفرح والسرور ..مو اخبزكم بصونده وقد اعذر من انذر😁 البنات//ههههه ضلن يسولفن ويضحكن وحسن طلعن شهد من جو الكابه العايشته لكن بنص كلامهن وضحكن نامت شهد بدون ماتحس بيهن وهنه خلنها على راحتها وطلعن حزنن عليها رغم ضحكهن بس هنه مقهورات عليها حييل صعب لشخص يتشوة جزء منه. *********************************
عند العاشق المتيم #كريم....
كان يقرء بالمحادثات لبينه وبين شهلاء عاش وياها احلئ لحضات حياته هي اول حب بحياته رغم علاقاته السابقه لكن كلهن كانن علاقات سطحيه وعابرة..لكن شهلاء حاقده عليه بقووة مستحييل ترجع اله هووو غدر بيهاا وخدعهاا..بس شلون بي هو يحبهاا ويعشقهاا..قرر يتصل بيهاا اتصل اكثر من مرة لكن مافتحت خط رجع اتصل اكثر من مرة واجاه صوتهاا ليعشقه ويهيم بي شهلاء بكراهيه//كريم شتريد؟؟ مو كتلك علاقتي انتهت بيك افتهم يااخي والله موتتني مستحيييل ارجعلك بعد ماعرفت انته ابن عم صلاح. كريم بتنهيده// انتي زعلانه لان نهيت علاقتي بيج لو لان طلعت ابن عم صلاح؟؟
شهلاء بحقد//اثنينهن كريم اثنينهن. كريم بتفهم//شهلاء مو بس اني غلطان انتي هم غلطانه
شهلاء بصدمه//اني غلطانه؟؟ اي صح غلطانه لان ائمنت بيك ونطيتك كلبي. كريم//اي غلطانه لان ائمنتي بيه وانتي متعرفين عن اي شئ.. للاسف انتن لبنات بسرعه تتأثرن بالكلام المعسوول حته لو متعرفن لشخص..ياشهلاء بسبب تهورجن وانجذابجن للكلام الرومانسي هوايه اكوو بنات صارن ضحاايه وبتزوهن بصورهن..مااعرف شلون تائمنن بشخص ماتعرفن عنه اي شئ بس اسمه انتي متعرفين عني بس اسمي وماتعرفين اني انتمي المن..شهلاء لو ماحبيتج جان ادمرتي. شهلاء بندم وبكاء//كلامك صحيح مااعرف شلون ائمنت بيك واني مو مثل غيري اني طالبه جامعيه لازم اكوون اكثر انفتاح واستطلاع على هيج امور جنت دائما انتقد البنات لعدهن علاقات علئ الفيس هو هنه ميعرفن لاشخاص يمكن تعرف بس اسمه واحتمال يطلع غلط كريم بتنهيده// لا واكثرهم مزوجيين بالبدايه يتمسكن لحد مايتمكن ويوهمها ان هو مامزوج وهي اول وحده بحياته وبعدين تطلع الدواهي يطلع مزوج وعنده اطفال وهي المسكينه توكع بيها وصير بيها حاله نفسيه للاسف ياشهلاء هذا واقع حال شهلاء بكت بحسرة//صحيح غلطت لان علاقتي بدت وياك واني مااعرفك ولا اعرف شرورك صح مااعرف شلون ائمنت بواحد مااعرفه
تكمله
كريم بحب// شهلاء اني رغم لصار بس اني حبيتج ومن عرفت انتي اخت شهد تعلقت بيج اكثر وبصراحه موقف صار بااختي خليتج بمكانها ودعوتج ماطولت كما تدين تدان ..شهلاء اني قررت اخطبج. شهلاء بصدمه// شنوو لا كريم مستحييل بعد لصار بااختي مستحييل اهلي ينطوني الك وانته ابن عم صلاح ..كريم الغي الموضوع. كريم بحيرة//بس شلوون اني حبيتج خلي نحسن علاقتنه بيكم واجي اخطبج ..شهلاء لاتوافقين بأي شخص اني اريدج. شهلاء ببكاء//كريم رووح احنه غلطنه من البدايه رووح مالك نصيب روووح اهلي مستحيل ينطوني
قفلت الخط وهي تندب حضهاا لمشاكل لصايرة مستحيل تخلي كريم يصير من نصيبهاا متعرف شلون ائمنت بيه وهو جايهاا من باب لغدر والخيانه وقفه..«للاسف هوايه من البنات كانوا ضحايا لبعض الشباب بحيث يتأثرن بالكلام المعسول في بادئ الامر لكن للاسف بالنهايه يكونن ضحايه سهله الافتراس والابتزاز من قبل بعض الشباب وهذا بسبب جهل منهن..مااعرف شلون شخص متعرفه وتئمن بي؟؟»» **********************************
بيت ابو حسين...... اجاهم اياد وهو يتفق وياهم على الايجار «البدلات وصالون» اياد //هسه شكد تردن ايجار؟؟
اسرار//انطينه مليوون. اياد بصدمه//عااااا خير شكووو شدعوة مليون؟؟ اسرار//اي بدلات 500 وصالون500. اياد بتفاجئ//شنوو اسرار قابل هي جاي شتخليلهاا هي كلها حمرة وكحله ورة ساعه وتغسل وجهها. ميس//غير هاي اسرار اكلها شدعوة هذا الصالون غالي دكول لا هذا ارقه صالون بغداد مكانه بالكراده. اياد//يمعوده اسرار اني اخوج مو عدوج شدعوة.. شوفيلنه غير صالون ..والله لفلوس معطتهن من كلبي معط..يعني اشتغل واتعب وتاليها اذبهن على وجه ميس حته الله مايرضه. ميس بزعل//وشبي وجه ميس ماعاجبك😡. اياد بمرح//لا والله يخبل بس هواااي. اسرار//غير راح تطلعهاا ملكه تطلعها تجنن. اياد //يابه هسه اني مااريدها تجنن اريد كوولشي جان ..لو تمكيجينها انتي مااحجي. اسرار//لا اياد شنوو هلحجي راح يجن خالاتي وعماتي وصديقات عمتي مدرسات لازم تطلع فدشئ. اياد//والله هاي750غيرهن ماانطي اجرن لبدلات بسعر اقل ..شنو هاي انوب ليعرس يزينون راسه. ميس// زين انطينا بعد خمسين حته اسرار يمكيجوها ويايه لان هي راح تكون لمرافقه اليه. اياد بجزع//والله ولا انطي ربع بعد شنوو معرس واحد مجنون الف ..عليمن خلي هي تمكيج روحها. اسرار وهي تضربه على كتفه//مااريد حسين ينطيني ..اووف ميس الله يساعدج على هذا الجحف ميس//هههه شفتي حضي طلع رجلي جحف. اياد بعصبيه //جحف بعينج ولج انهبت انهيبه ..غرفه جديده وذهب ونيشان وصالون وبعد العرس والعشاء هو اني لو ماانتي لزكتيلي اززوج ..لا والله ماازوج. ميس بدون نفس//يعني يوميه معيرني ترة ميصير موتتني ادري بروحي غلطت بس كاافي. اياد بحب//اسف يااحلئ مافي الكوون يااجمل امراء اسرار//اووي فدوة انكلب كاضم لساهر. ميس //تخلي ينكلب اي شئ بس المهم يصير رومانسي اياد وهو يطرد اسرار//يالله اسرار يالله. جاملناج هواي اريد اخذ راحتي ويه خطيبتي يالله برة برة رجاءا ولا تجين بعد. اسرار بزعل//خرب حضي عود هو هم عنده خطيبه جنه جدر محترك. ميس بقهر//احلئ منج ام كفشه. اياد //حبيبتي عوفيهاا مقهورة تغاار. ضل كاعد هو وميس يسولفون ويضحكون وهو يقلد عليهاا وهي تزعل وترجع ترضه لوحدها اخذله كم بوسه وراح تعلق بميس رغم مو هلكد حلوة بس روحها حلووة وطيبه ومرحه وقلبها طيب. ********************************** كان جالس هو وامه على التخم بعد مااجت من شهد صلاح بتساؤل//يممه شلونها شهد؟؟؟ ام صلاح بحزن//والله مااعرف يمه شوو بس اصفن
جنها بيها حاله نفسيه وجهها اصفر وتعبان.
صلاح بألم//يمممه اني راح اجيبها هنا اني اداريها واعوضها على لصار اهلها ميسولها شئ اخاف مايهتمون بيها ويسمعونها حجايه تغث.
ام صلاح بتفهم//لا يمه عوفها عند اهلها. اهلها متخبلين عليهاا وامها واختها مدارياتها بس هي احسهاا مقهوورة وكاتمه بصدرهاا. صلاح بتفهم//يممه حقها ومحد يلومهاا يعني قليله تحترك وتتشوة ؟؟يممه هي طلعت من الموت بأعجوبة..اني نذرتلها فداء بس تصير زيينه اذبح الها فده لوجه لله. ام صلاح تنهدت// والله تستاهل الفده خطيه فقيرة
بس ابوهاا مرجعها للمدرسه كايليله ميصير تدرس ثالث لان عمرها حيصير 17سنه وهاي لسنه انتهت يعني على السنه الجديده يالله لان المدارس كولها راح تمتحن اخيير السنه. صلاح //اي خليهاا تدرس احس خلي تلتهي بشئ،يفيدهاا وتصير عندها شهاده يمكن تفيدها بالمستقبل هذا لشئ حلوو اشجعها عليه. ام صلاح ببتسامه ونص عين//دائما شهد تكولي بيبي ابنج قليل ادب ومامتربي... انته شمسويلهاا. صلاح بضحكه//ههههه صدوك قليل ادب بس مامسويلها شئ يخل بالادب بي هي ماخذه عليه نضرة مو زينه ..احب كلمتها من دكول قليل ادب. ام صلاح //هههه...بس يمه صلاح لطفله لجانت عندك انقتلت وكبرت صارت حاقده حته على نفسهاا. صلاح ترك امه وهو يتوجه لغرفته ..صح طفلته كبرت كبرها القهر والضيم وحروق جسمها غيرت من حياتها هواااي البرائه لبداخلها ماتت ..تذكر من جان يبوسهاا غصب عنهاا..وهي تضل تسب وتغلط وحتئ مرات تضرب وهو يستمتع بمعاناتهاا..تنهد بحزن وروح هايمه بمحبوبته المضلووومه. **********************************
عند بطلتي العسووله.... قامت من افراشهااا وهي تسند نفسهاا على الجدار وصلت للحمام وقفلت لباب وراهاا ووقفت امام المراءة الطويله المعلقه بجدار الحمام..نضرت الئ شكلها المعكووس بالمرايه تنهدت بحزن وهي تغمض عيونهاا..قررت تفتح سحاب التراك وتشوف لحروق لبجسمهاا لان هي طوال هذييج الفترة امهاا تسبحها وممرضات يساعدنها بتبديل الملابس وحته من يضمدوهاا تغمض عيونهاا متريد تشوف الحقيقه المفجعه...مسكت طرف السحاب بااطراف اصابعه لترجف نزلت لسحاب وفتحت التراك كوله شافت الشاش مغطي جسمها من ناحيه بطنها واكتافهااا رفعت الشاش من جسمهااا شافت البعض من حروقها وشافت شلون لجلد صاير مقزز ..رجعت الشاش بخووف كعدت علئ ارضيه الحمام السيراميك لمت رجليهاا علئ بطنها وخلت راسهاا بين رجليهاا وبكت بووجع والم وشهقات مكتوومه ..خلت اديهاا اثنين على شفايفها وماسمحت لصوتها يطلع ويفزز اهلها. لكن امها قلب والده احتمال حست بيهاا... سمعت طرقات على باب الحمام. ام عمار بحنيه//شهد. شهد بعبرة وبكاء//هااا ماما. ام عمار حست بسهام تضرب صدرها وخاصه كلمه ماما من شهد. ام عمار بنحيب//ياروووح ماما وعذاب ماما افتحي لباب حبيبتي
شهد ببكاء //مفتوووح. ام عمار دخلت شافت بنتها بحاله يرثئ الهاا تقدمت منهاا وهي تبكي كومتها وهي تمسح دموعهاا وتربت شعرهاا باستها اكثر من مرة وسحبت سحاب التراك طلعتهاا خارج لحمام جلستهاا علئ السرير،شافت شهلاء نايمه ..ام عمار عتبت علئ شهلاء شلون مافزت واختها دخلت للحمام بس لنايم مثل لميت. ام عمار وهي تحضنها بحنان وتبوسها// حبيبتي ليش تبجيين احجيلي اني امج شهد ودموع تلمع بعيونها//ماادري احس مخنوكه ومضايقه احس نفسي ارييد اهج.
ام عمار بغصه// حبيبتي نروح باجر اني ويااج للزيارة
او لبيت خالتج وين متردين اخذج تردين نروح للسوك هم نروح وابوج انطاني فلوس كال اشتري لشهد موبايل خلي تتسلي بي شوويه. شهد بضحكه ودموع//شسوي بالموبايل ام عمار بحنيه//ميخالف اتسلي بي شوويه هسه ماكلتيلي ويين نروح باجر اني وياااج
شهد بحسرة//خلي نرووح للسوك اريد اشتري ملابس لعرس ميس بنت ابوحسين. ام عمار بصدمه//ترحين لعرس اخوو صلاح. شهد //مااروح لاخوو صلاح اروح لبيت ميس. ام عمار بحيرة//حبيبتي لا ترحين ابوج ميقبل وبعدين احنه نريد ننهي علاقتنا بيهم منريد اي شئ يربطنه بيهم..شلون ترحين لعرسهم؟؟؟ شهد بعناد//بس اني اريييد ارووح وبعدين ميس،صاحبتي واني احبها وهي مالها شغل باابن عمها وهي اصلا عزمتني عيب مااروح بعرسهاا. ام عمار برجاء //حبيبتي روحي بس بالحنه لحنه مال بنات وبالعرس لاترحين زين ماما شهد بتنهيده//اكييد بالعرس مااروح بس اروح بالحنه لخاطر ميس مو لخاطر واحد ثاني. ام عمار نامت بصفها//مثل ماتردين باجر اشتريلج ملابس واشتري هديه تاخذينهاا لمييس. شهد ببتسامه هادئه//شكرا ماما ام عمار بحنيه//ياحبيبه ماما انتي. ضلت نايمه يمها وهي تلعب بخصل شعرها وتتحسر على حال بنتها الصغيرة لحد ماشافتها نامت بكت عليهاا بحزن انضلمت بدون سبب نامن اثنينهن وهنه اتمنن ان يكون غدا اجمل.
يتبع

[فيتامين سي]

#بارت٢٣
«البعد ياحبيبتي..💔 لايمحووا ماضي عشناه» بيت ام صلاح مخبوص خبص لبنات كووله اجت وكرايبهم كولهاا اجت..توسلوا بااياد يسووي لعرس بالقاعه لكن اياد رفض بحجه هوايه صرف صلاح راد يحجز قاعه بس مقبل هو من طبيعته مايهتم لهاي الامور لذالك صار العرس بيتهم ..اياد راح للحلاق يزين واسرار وميس بصالوون ..اسراء هي لازمه لعرس..ام صلاح خابرت شهد واهل شهد وعزمتهم لكنهم كلهم تعذروا ومقبلووا يجون حتئ شهد.
اما هوو كان نايم بغرفته لحد الان مطلع هو طلب اجازة للعرس يسمع خبصه البيت من فووك لكن مانزل رووحه مهزوزة حاس بضعف من احترقت لحد الان وهو مو هو كل مايذكر روحها الطايرة بالنار وكلمه اشتريني منهااا يحس بنهيار تام داخل روحه. قام من سريرة وهو يتنهد ..وقف امام مرئاته وهو ينضر لوجه شاف كأبه مسيطره على ملامح وجه كلم نفسه بغضب وجزع..مو انته مو انته صلاح القوووي الي لكل تهابك وتخاف منك ارجع ارجع مثل قبل اذا تحبهاا ارجع اعترف الها بحبك. طلع ملابسه من الكنتور ودخل للحمام سبح وبدل وقرر يروح للحلاق من احترقت لحد الان وهو مامهتم برروحه نزل من الدرج واقاربه سلموو عليه وسمع تهامسهن...خطييه متغير على زوجته والله الله يساعده شافها احترقت كدام عيونه... تنهد بحزن وطلع ركب سيارته..اتذكرها بيوم من الايام صار موقف وياهاا. كاعده على القنفه تباوع على مسلسل خليجي. صلاح بجمود //كوومي سويلي جاي. شهد مغلسه. صلاح يعرف بيها تسمعه بس مغلسه//شهيده كومي سوي جااي احسلج. شهد على نفس لحاله مغلسه.
صلاح لزمها بعصبيه من شعرها وهو يجرها للمطبخ. شهد وهي تضرب بي//ااااخ شعري يامجرم ياخريج سجوون شعري اريده صلاح بسخريه//حلوة هاي كل ماحجت وكالت خريج سجون...ليش تغلسين ؟؟
شهد بكذب//ماسمعتك.
صلاح بسخريه//ليش طرشه؟؟ شهد بحقد//انشاءالله لاعدائي لطرش يااارب. صلاح وهو يحفر اصابعه بخصرهاا// لسانج شلون بي كل ليوم يطول عشر مترات ولا يفيد ضرب ولا كتل. شهد وهي تحط ايدها على ايده//اااه يييمه كطعت نفسي وووخر ..دكول مو اصابع سجاجين. 😡. صلاح ببتسامه جانبه//وتوبين ؟؟؟ شهد بحقد//رووح تابعلك مسلسل فلم برنامج بلكي تصير رومانسي ياااحقوووود. صلاح بهيام//ويامن اصير رومانسي؟؟
شهد باارتباك// دوووخر ااوووف. دفعته وهو ضل ينضرالها بنضراته الحارقه شافها تمسح دموعها وهي تشغل الطبااخ وترست لقوري وخلته على الطباخ ..سمعهاا همست بكلمات ماتأثر بيهن بوكتهاا لكن الان مثل انصهار لحديد ينزل على صدرة...
صلاح بتنهيده//دعائج مامستجاب انشاءالله. تدعين على روحج دكولين ..شوكت اموت حته اخلص منه. عمرج طوويل يالغاليه ..والله حاركه كلبي
********************************
الحلوات بصالون...
من اكبر المراكز التجميليه في بغداد «.....» الكراده وكله على الاتكيت ولعروس يصيحون بااسمها وغرفه للشسوار وغرفه للمكياج غرفه للتسريحه وغرفه للتبديل وغرفه للمناكير ليشوفه يحووفه. ميس بملل//اسرار شنوو صارلي شكد محد صاح بااسمي معقوله مامسجليني.؟؟ اسرار //شنوو مامسجلينج؟؟مو سلمتهم كارت لحجز. ميس بجزع//كووله من وراج لو رايحين لمركز اريدو احسن والله شوو لعرايس كلهن طلعتهن نفس الشكول وكلهم مكياجهم بنفسجي.
اسرار بدون نفس//وج غير لموده ياثوله دباعي التسريحات تجنن ميس //هسه غير يصحون بسمي صارت 12لضهر. اسرار//اي والله اذن خلي اروح اصلي. ميس//واني هم خلي اصلي وادعي بالكي يوصلي لسرة
كامن اثنينهن صلن ورة ساعه صاحت باسم ميس ام الصالوون وبعد معاناه كبيرة وكل غرفه تنتضر بيه نص ساعه صارت لساعه بالاربعه واخيرا خلصت ميس طلعت حلوووة بس مو تخبل خلي اوصف ميس«ميس لبست بدله لونهاا بنفسجي فاتح بس كووولش حلوة وتسريحتها كوولش حلوة راقيه لكن المكياج محلوو عبالك مترب والكونتور مبين بس ماشي لحال كاسر على المكياج التسريحه والبدله» اسرار...لبست فستان عنابي طوويل وردانه تور وتصير لفتحه بيه من وره لحد الساق وسوت تسريحه بسيطه بس حلووة ومن شافت مكياج ميس مقبلت ام صالون تمكيجها هي مكيجت روحها وطلعت تجنن كوووولش حلووة. خابرت حسين يجي ياخذهن وحسين رزلهن رزاله ناشفه بسيارة لان تاخرن. بالسيارة ... حسين بعصبيه //جانت نمتن موو احسن؟؟ اسرار بتنهيده//حسين الئ متئ تضل هييج يعني احنه بدينه غير حجز ورقمه 13هسه يالله وصل لسرة لميس وسوهه يعني قابل جنه نلعب. حسين بغضب//يمعووده لبيت مخبوص خبص هسه نريد نرتاح نريد انام والله اجيت من الدوام من هوسه لجهال ولا كدرت احط راسي وانام..وانتن اشدعوه عازمات الامه كلهاا؟؟ اسرار كرصت ايد حسين بعتب//يالله هنه يومين وتخلص قابل لعمر كووله راح انضل هيج. حسين حس على نفسه// يالله تستاهل ميوسه شكم ميس عدنه هي بس وحده ههه. ميس بمرح//هههههه تسلم ابو علي. حسين بتنهيده//ااااه اشوكت يجي علي..اسرار ليوم لازم انشد حيلنه حتئ يجي علي. اسرار نضرتله بطرف عينها وخزرته ..اما حسين سكت وهو يبتسم يعرف بنفسه احرجهاا كدام اخته بس شيسوي يحبهاا ويتمنئ يصير عنده طفل منهاا ******************************* عند بطلتنا العسووله....
راحت من الصبح هي وامهاا للسوك اشترت ملابس للحنه اشترت فستان طوويل راقي وبسيط لونه ذهبي شوويه عريض مو ضيق وشترت وياها حذاء بيضه وجنطه بيضه وشال اوفايت وشترت موبايل لبست فستانهاا طلع كوولش حلوو عليهاا وشهلاء جابت المكياج تخليلها. شهد وهي تباوع بالمرايه//شهلاء حفي حواجبي. ام عمار بصدمه//شنوو؟؟يااا ليش تحفين.
شهد بزعل//شنوو ترة مابيها شئ ..وبااستهزاء..بعدين اني متزوجه والمتزوجات كلهن حافات لو عليهن حلال وعليه حرام شهلاء وهي تعض الشفه لامها//اي ماما خلي احفلها تطلع احلئ وارتب حواجبها تطلع اجنن
ام عمار بحيرة//بكيفجن شسون سون.
شهلاء كعدت تحف بشهد وشهد تتوجع وترجع ليورة وشهلاء ترجع وياها تعبت شهلاء حييل يالله حفتهاا شهد بعد ماخلصت //اااخ بعد لااموت مااحف متت كرصتي وجهي تكرص.
شهلاءبضحكه//هههه لعد شعبالج ادغدغج.ويالله خلي اخليلج مي وشكر حته ميطكك وجهج وبعدين امكيجج شهد بمرح//شنوو هاي وصفات جدتي. شهلاء بمحبه//ههههه اي وصفات جدتج. اخذتها حطتلها مي وشكر ورة نص ساعه غسلته وحطتلهاا مرطب وبرايمر وفاونديشن وبلشر وحمرة وردي فاتح وسحبت عيونها بايلاينر بس من فوك وحطتلها من جوة كحل ابيض وحددت اطراف عيونها من جوة بشدوو بني قاتم «اموت على المكياج عشق😍» شهلاء لبستها كب جوزي ولفت شالها الاوفايت وطلعتها كووولش حلوووة جابتها امام المرايه. شهد وهي تشوف روحها بالمرايه تنهدت بحزن//حلوة بس من الدااخل مشووهها. شهلاء بحزن//انتي مو مشوهه انتي تجننين.
شهد بتنهيده حزن//امشي وياي اضوج اروح لوحدي شهلاء باارتباك//لا حبيبتي مااكدر باجر عندي امتحان روحي انتي وستمتعي ولاتقهرين نفسج ..شهلاء لزمت شيشه لعطر وهي تريد ترش الهاا لكن سمعت صرخه من امهااا خلت لعطر وكع من ايدهااا. ام عمار بعصبيه//انتي شبييج من كل عقلج اختج جروحه بعدها ماطايبه شلون ترشين لعطر عليهااا تردين الحروق تلتهب. شهلاء بخووف//ماما والله مو قصدي والله ماادري. شهد بحسرة //ماما هي متدري وحتئ اني ماادري لعطر موزين عليه ههه طلعت محرومه حتئ من لعطر ام عمار بحنيه//حبيبتي اصبري حته تطيبين واشتريلج احلئ لعطور ويالله حضري نفسج اني اوصلج وارجع ابوج واخوج ميكدرون خاف ترجع سالفه لثار ويكتلون عمار. شهد بهدوء//بعدهم يدورون ثار ورانه يعني بتلينه بلوئ الله خلقنه بنفس كوكبهم. احنه قتلنه منهم واحد وهمه قتلوني تعادلنا بعد ماالهم شئ عدنه. ام عمار بتساؤل//صدقيني القول هوو حركج.؟ شهد ببتسامه//مو مجرم لهل درجه ام عمار وهي تنتبه لجمال بنتها//والله مااتمنئ ترحين اخاف يحسدونج. شهد بسخريه//علئ شنووو علئ لتشوهات لبجسمي ترة محد يحسدني بس لكل ياانبه ضميرة عليه وترة ضميرهم يموتني مايحييني. ام عمار تنهدت بحزن وعرفت ان بنتهاا مو بخير من طريقه كلامها ونترتها بالحجي وماعرفت سبب روحتها لعرس بنت عم صلاح. طلعن سوة وام عمار اجرت تكسي وراحت لبيت ابوحسين وهي تضم بنتها من عيون لشباب. ******************************
في بيت ابو حسين....
تكمله
البيت مخبوص بااجواء حنت ميس مشغلين لديجيه والبنات يركصن وكولهن لابسات فساتين قصار ومشسورات لشعر والمكيااج واكثريتهن مكابلات المرايه ويحطن مكياج وميس كاعده على القنفه والنسوان تجي تبارك الهم هواي عازمات ناس امه عازمه المدرسه كولها حته الطالبات مامصدكه ميس،ازوجت واسرار خطيه تركض هيج وهيج وحسين كل شويه صايح عليهاا. وصلت بطلتنا العسووله لبيت ابو حسين واستقبلتهم ام حسين واسرار ورحبن بيهن وقدمت الهن الكيك والعصير...ام عمار طلبت من بنتها يرحن ام عمار//هااا ماما نرووح؟؟؟
شهد بحمود//بكيفج
اسرار بسرعه//لا لاوالله ماترحين تتعشين وترحين. ام عمار بهدوء//لا حبيبتي مشكوورة بس ابوها ميقبل تتاخر وهم نخاف على صحتها لازم نروح. اسرار بزعل//بس هي مصار الهاا نص ساعه من اجت والحنه بعدها ماباديه تبدي باليل عفيه خاله خليها. شهد بهدوء//رووحي ماما من تخلص الحنه اجي. ام عمار بصدمه //لا حبيبتي امشي احسن.بعد محد يجيبج
اسرار بمحبه//لا نجيبها اني وحسين..قصدي اني وكريم ..تعرف بسهد تكرة حسين... شهد بهدوء//اوك ماما روحي واجي اني واسرار ام عمار ضاجت من عناد بنتهاا متغيرة هوواي كانت حييل تحترم امهاا وتسمع كلامهاا وتخاف منها لكن الان لا وتتصرف بكيفهاا وامها خايفه عليهااا. ام عمار بتنهيده وحيرة//براحتج بس حبيبتي لا تتاخرين
شهد بتنهيده //انشاءالله. طلعت ام عمار وهي ضايجه ومقهورة راحت لبيته وضلت تحجي على شهد وشهلاء هدئت امهاا واكدت الهاا ان شهد انضلمت وهمه حدووا مصيرهاا..خلي هل مرة هي تحدد مصيرها وتسوي ليريحهاا. ******************************* بيت ام صلاح....
صلاح بعصبيه//يالله تاخرنه يمعوودين باجر وراي دوام ولازم اطلب اجازة اياد بمرح//هوو انته دوومك مستعجل. صلاح // يا مستعجل..وبعدين اياد مو تروح تنام يم ميس لبسها لحلقه واكلوا لكيكه وطلع بسرعه لاتنام وضلك ساعتين ترة والله اعوفك وارووح. اياد// هااا غير اشوفها اشوف شكلهاا خوويه دافع
750الف ومااشوفها لا هذا ضلم. صلاح/ الك ربع ساعه وتطلع اوك. اياد بكذب//اوك.
سمع صلاح موبايله يرن شاف لرقم هذا رقم اسرار فتح عليهاا خط وهو يرد عليها بدون نفس. صلاح//الوووو. اسرار بمرح//الووو احزر منوو عدنه. صلاح //شمدريني اذا يكولون مرت عمي عازمه حته وزير التربيه..شمدريني منوو عدكم. اسرار بضحكه//هههه لا عدنه شههههد. صلاح بلهفه//هاااا صدووك لو تكذبين؟؟ اسرار//اي والله اجت هي وامها بس امهاا راحت وهي فدشويه تروح اخذها اني وكريم. صلاح بهيام//اووك..بس شووفي خلي الموبايل بيدج اول مااتصل عليج تردين اووكي. اسرار بااستغراب//ليش.؟؟ شتريد تسوي؟؟ صلاح بخبق//مالج شغل بس سوي الاكلج عليه. اسرار //اووك حقفل لخط اني هسه يالله بااي. صلاح //باااي
صلاح وهو يحاجي اياد//اياد اذا تريد ضل ساعتين يم ميس مامستعجلين وهي هم خطيه من الصبح للعصر بصالون وماتشوفك اله ربع ساعه. اياد صار هيج😲 //شبي اخويه تخبل صارله ساعه يعاركني مااضل هوايه يم ميس وهسه يريد اضل ساعتين خيير بس لا تسودن. راحت الزفه لاهل ميس ومسافه الطريق وصلوو. *******************************
عند عمار وهو نايم على السرير حضر جنطته باجر يلتحق
لساحات القتل..فكر بكلام اخته وياه قبل يوم لما شافهاا كاعده لوحدها بحديقه المنزل لصبح كانت شهلاء بالكليه وابوهاا بالدوام وامهاا تنضف وهي كاعده لوحدهاا وصافنه بولا شئ. عمار وهي يكعد يمها بحنيه//شلونها عسوله لحلوة. شهد ببتسامه حزينه//الحمدلله. عمار بحزن//لصارلج كوله بسببي اني لمذنب. شهد بعبرة//ليش قتلته ليش صرت مجرم. عمار ودموع تلمع بعينه//والله موقصدي اكتله والله.
شهد بغصه//بس قتلته..ولا تنسه انته هددته. عمار بحسرة//هددته بس ماقتلته شهد //احجيلي شلون قتلته عمار وهو يذكر الحادث... اكوولك وخررررر مني لا احط لسجينه بطنك. مهند //دكوول يالله يااخي لاتورط نفسك. عمار بعصبيه//شووفه شسووة بسيارتي شوف شلون فلش الجاام وكل هذا ويغلط ويسب. مهند وهو لازمه بقوة// اهدئ وهسه هوو يتكفل بكافه المخاسير وغصبا عليه.
الطرف المعتدي//هههه عووفه يمعوود ترة جبان ميسووي شئ بس يتهدد لو بي خير جان ستر اخته ام تنورة تنورتها لاطشه لطش عليها يقصد«شهلاء» عمااار بعصبيه وعفاريت لجن تتراقص امامه// ووخررر والله ليووم اذبحه انته الساقط ابو الطيور تجيب اسم اختي علئ لسانك الووصخ. الطرف المعتدي//رووح طم راسك ياعار اختك كوله تركض وراها هي وتنورتهاا. وبساعه عصبيه من عماار وهو يوجه السكين للطرف المعتدي ومن بين الهووسه والخبصه وعدم سيطرة على الاعصاب اجت لسكين بمهند.
البارت. صلاح// حيا الله الشيوووخ. شهد التفتت عليه بصدمه وغضب ماردت عليه وتوجهت لباب لغرفه وهي تحاول تطلع لكن هو اعترض طريقهاا
صلاح ببتسامه هادئه//وين مشتاقين الج. شهد بزعل//رجاءا خليني اطلع ترة والله روحي مامتحملتهااا
صلاح بااعتراض//لا خلينه نتفاهم وبعدين روحي. شهد بحقد//انته اخر واحد اتفاهم ويااك نسيت شسويت بيه نسيت شلون اخذتني من اهلي ..والله كاعده بحنه بنت عمك وتحسر على نفسي ..اي اتحسر على نفسي مو مثل لبنات مو مثلهن. صلاح بحنيه//شتردين؟؟ شهد بعبرة//اريد بس اخلص منك ياريت تحررني من قيووودك صلاح بثقه //مااطلك ..حلم ابليس بالجنه. شهد ببكاء// الله لا يوفقك ياابليس إنشاء الله الله يحرك كلبك وماتلكه الفرررج يااارب. صلاح وهو يحط ايده على شفايفها//اااااش خففي من دعاويج كل ماتدعيين الله يفجعني بيج ويكبر همي اكثر. شهد ولكحل سال// ااااه حسرتي على نفسي اكبر من حسرتك علئ اخوووك ..يوميه امووت الف موته واني اشوف مئساتكم بجسمي. صلاح بحنيه وهو يمسح دموعها// مااريد اشوف دموعج يزيدن من عذاابي اسكتي ولتردينه يصير وطلبي كوول شئ اله الطلاق شيلي من ذاكرتج. شهد بنهيار//ماتريد تشوف دموعي مو انته لجنت تتلذذ بدموعي والله اكرهك اكرهك. صلاح وهو يحضنهاا ويدفن راسها بصدرة ويكتم باقي كلامهااا.اتمنئ تفقد الذاكرة ولاتذكر الماضي. شهد وهي تدفعه//ااااه عووفني جسمي كوله يوجعني ائذيتني ووخر مني. صلاح بمحبه//اني اسف بعدج موجوعه ياروحي.
شهد بصدمه//انته ليش جذاب انته ليش تسوي نفسك تحبني اني اعرفك اكثر من نفسي حقود ميهمك اله نفسك ليش توهمني بحبك.
صلاح وهو يقبلها على شفايفهاا// انتي ذنبي الطاهر وغلطتي الصح. شهد دفعته بغضب وهي تمسح دموعها وشفايفهاا.// خليني اطلع لا والله اضل اصرررخ والم عليك الامه كلهااا وافضحك فضيحه. صلاح وهو يتقرب منها وبخبث وبتسامه// عااادي
وشنو يعني اصرخي رجال ومرته محد يدخل.
شهد ببكاء//ليش تكرهني ليييش والله ماسويتلك شئ..اخويه قتل اخووك؟؟ ومامتقصد مامتقصد. واخذتني فصليه وحركت كلبي وكلب اهلي والله عاقبني ونحرك جسمي هذا ماكفاك؟ ما نتقمت؟: ماالك حق مالك حق ..وبعدك ورة عمار حرام عليك لشرع مايسمحلك تقتل عمار تريد ديه ننطيك راح ندفعلك دييه وتتهنئ بيها بس كاافي لا تصير فرعون. صلاح بحنان// اسكتي لا تبجين دموعج يزيدن عذابي اني مااريد ديه ولا اريد عمار اني اريدج انتي شهد بصدمه وهي تحط ايدها على صدرها// تريدني اني؟؟... بعدك مامكتفي بعد شتريد تسووي تموتني؟؟ ترة والله الميت ارحم مني يجوز ربك يغفر له بس اني محد غفرلي.
صلاح بحنيه//ان..
انفتح الباب بقووة انتقلوا بنضرهم لباب ماكان اله حسين ابن عم صلاح جاي لغرفته. حسين باارتباك//اءءءء اسف ماادري بيكم هنا.
صلاح باارتباك//هااا لا عادي حيااك.
اما شهد دفعت صلاح وهي تتوجه الاسرار بعصبيه شافت بوجهها ام حسين
شهد بسرعه//خاله ويين اسرار؟؟ ام حسين بااستغراب//بالمطبخ بس ليش؟؟ شهد توجهت للمطبخ بدون ماترد على ام حسين شافت اسرار تحضر بالكيك وهي تركص. شهد بعصبيه وهي دير اسرار من كتفها// انتي ماتستحيين الئ متئ تضلون هييج يعني انتم شنوو من مله الئ متئ ضلون تخدعون بيه وتغدروني اني شمسويتلكم ليش تكرهووني اسرار بصدمه//ليييييش؟؟ شهد بحقد//حاجزتني بغرفتج حتئ تجيبيلي اخووج ليش هييج سويتي اني اريد انساه وانسه عذابه ليش خربتي فرحتي اخوج من اشووفه اذكر معانات والالم سدت عليه ليش خليتيني اتحسف اجيت للحنه ..لا ويجذب عليه مسوي روحه حنين ويحبني اسرار بندم// بس والله يحبج شهد تنفست بغضب//اسرار صيحي لكريم يوديني لاهلي واخوج مااريده يعرف اني حروح اخاف يلزك ويصر اله هو يوديني لاهلي اسرار بهدوء//هسه احضر نفسي واخابر كريم. شهد بزعل//عفيه بسرعه. راحت اسرار وشهد ضلت بالمطبخ ماهي اله خمس دقائق واجت اسرار اخذت شهد وطلعت ركبن بسيارة كريم ..وكريم طول الطريق يفكر بشهلاء اتمنئ تتحسن علاقت شهد بصلاح حته يكدر يخطب شهلاء لكن الامور لحد الان غير ايجابيه من الطرفين. ********************************
عند ميس.....
ميس سبحت وغسلت شعرها بمكيف كعدت اسرار مشطت الهاا واقاربهم اكثريتهم راحووا. كان حسين وكريم وابوهم كاعدين على التخم واسرار وميس بالارض اسرار تمشط بميس وام حسين كاعده تصلح بااوراق ..والله بطرانه😕 ..
ام حسين//كريم والله لكيتلك مرة تخبببل. كريم بهدوء//منييه ؟؟ ام حسين//بنت خالتك تخبل وعمرها 18سنه وشنوو الجمال والجسم ليوم كلها نسوان فكن حلكهن عليهاا.
كريم بجمود//مااريدهااا
ام حسين بصدمه// يااا ليش؟؟ وانوب اني خطبتها الك وحاجيت خالتك وخالتك وافقت وانوب تفشلني ياكريم والله فشلت من اختي يوميه رافضين واحد منهم رفضنه ابنها احمد وهسه بنتها هم نرفضها؟؟ كريم بعصبيه//والله يمممه محد طلب منج تخطبيلي وشنو تردين تمشين عائلت اختج علينه...وبعدين اني مااريدها اني احب وحده ويايه بالجامعه. ام حسين بزعل//اذا تحب ماحجيت ماكلت شتدري بيه اني ارفض ؟؟ من حسين راد اسرار مو كيفت بقرارة بس اني ماادري بيك تحب بالكليه لو ادري مااخطبلك ولا اورط نفسي.
كريم بهدوء//مصار شئ كولي لاختج ماكوو نصيب والله يجعللها القسمه الاحسن مني. ام حسين //اووووف. اسرار بتساؤل//اكلج منيه من عدهن؟؟ ميس//خاب شبيج هاي لانعجبت بصلاح اخووج. اسرار//هههههه حلووة.
قام كريم من مكانه وهوو يتوجه لغرفته ..دخل للغرفه ونام على فراشه تذكر شهلاء بيوم من الايام هدتله دبدوب صغير وهو محتفظ بي لحد الان كام للكنتور طلع الدب وباسه اكثر من مرة هذي اول هديه منهااا رغم بساطتها لكن تعني اله الكثير. تنهد كريم بحزن وهو محتار بعلاقته المعقده ويه شهلاء حاس ماكووا حل الا اذا رجعت شهد لصلاح وحتئ لو رجعت شلون بعمار وهو قتل ابنهم ..بس عمار مامتقصد يقتله يعني مامتعمد بس جيب لناس لتفهم لعن صلاح ولعن لساعه لتعرف بيها على شهلاء قرر يحاجي ابوو بموضوع شهلاء لان ابوه رجال متفهم وصاحب اعصاب بارده اكييد راح يتفهمه. ********************************* كانت نايمه على السرير وهي تفكر بكلامه وحبه لغير مقبوول كل شوويه تطرد افكارها لكن ترجع الها نفس الفكرة وهي تتذكر موقفهم ليووم.اجت شهلاء وهي تنام بصفهااا
شهلاء بمرح//سولفيلي شلونها لحنه
شهد بابتسامه//ههه حلوة بس دووخه لبنات لايملن من الركص ولا يملن من المكيااج. شهلاء بضحكه//ههههههه احنه لبنات فلك خاصه بالاعراس دكولين مشايفين مكياااج. شهد //هههه اي والله
شهلاء بتردد//منووو جابج. شهد بترقب// اسرار وكريم ابن عم صلاح. شهلاء باارتباك// الله لايوفقه كريم هم يمكن جان شاد وياج ومضوجج. شهد بضحكه//ههههه اصلا حته ماعندي موقف وياه ..وبعدين علئ بالج صلاح يقبل واحد يحاجيني مايسمح لاي شخص يدخل بيه بس هوو يدخل. شهلاء بتردد//تحبي؟؟؟
شهد بعصبيه// انجبي شنوو هذا الحجي طبعا مااحبه شهلاء بحزن//لان يضربج وحقير وياااج. شهد بحزن//لا.. لان حرمني منكم. شهلاء بحب//الله لايحرمنا منج. شهد بمحبه//ولا منكم يااروحي شهلاء بتساؤل// يعني كريم مامئذيج ؟؟ شهد وهي ترفع حاجب//شعندج تسألين على كريم.؟؟ وبعدين كتلج صلاح موجود محد من ولد عمه يتجرء يسويلي شئ شهلاء بترقب//يعني كريم مامئذيج. شهد ببتسامه//لا ارتاحي وطمئني مامئذيني..شنو حسستيني كريم حبيبج وتخافين يائذيني؟ شهلاء بخووف//حبيبيش لا حبيبي.ولا شئ بس اني اريد أسأل عليج اعرف منو مئذيج منو مريحج.؟؟ شهد بتنهيده//لا تخافين كريم مو وياهم. شهلاء بفرح//الحمدلله يااارب. شهد ابتسمت تعرف بشهلاء تحب كريم بس مادكل لااختهاا قررت شهد تساعدها لان كريم حباب وكلها تحبه ومثقف ومؤدب عكس حسين تماما بس شهد تعرف كل زين اهلها لايمكن ينطوهاا لكريم لان ابن عم صلاح ..ابتسمت بحقد من كانت الاجواء حاميه والثار بعده حامي انطوها ومحد فكر بيهاا وهمه يعرفون صلاح كولش زين من طريقه كلامه مايتفاهم شلون بطفله صغيرة مثلها كدرت تتفاهم مع انسان متوحش مثل صلاح....
**********************************
يووم عرس اياد وميس...العرسان💑. اجت ميس من الصالوون خطيييه جانت حيل خايفه ومرتبكه ومتوترة خطيه من كثر الارتباك خربت تسريحتهاا من جاي تنزل انضربت لتسريحه بقمريه السيارة
ميس بخووف//اسرار فدووة خايفه.
اسرار بدون اهتمام//يطبج مرض منوو كلج تزوجين. ميس وهي ترجف//مررض يمرضج غير هاي سنت لحياه ولازم اكمل نص ديني. اسرار//ههههه الله يساعدني اني بعرسي عاد انتي تحبين اياد وتموتين عليه الا اني كنت اتعقد من حسين وجبت لخطبه كلهاا ابجي وبالعرس تمنيت اموت ولا ازوج حسين بس هسه الحمدلله. ميس برفعه حاجب//وهسه؟؟؟
اسرار بهياام//اموووت عليه هذا ابو علاوي لغالي. ميس بخووف//وخري مني انتي وابو علاوي سمعت النسوان تصيح..«اجت الزفه اجت الزفه» وميس انهبطت اكثر دخلن النسوان ودخل اياد طالع كوولش حلوو حتئ احلئ من ميس لابس قاط ازرك وقميص ابيض ورباط ازرك وبي وردي ومزين ومحدد لحييته وهو بطبيعته ابيض واحمراني كلها صفنت عليه ولبنات ضلن يتنادسن عليه. البنت//خااب شكد حلوو لعريس مدري ياصالون رايح احلئ من ميس من صبح لهسه بصالون وهو احلئ منهاا يخببببل.
صديقتها//هههه اي والله بس ميس تستاهل حبابه الله يسعدهم يااارب طلعت الزفه...واياد محتار ببدلت ميس لان ميس ماتكدر تمشي من طوول البدله ساعدتهم اسرار وصعدوا بالسيارة المزينه بالورود والشرايط. ومسافه الطريق مابين الهلاهل والصفكات وبالطريق
وصلوا لبيت ام صلاح دخلوا ميس واياد للاستقبال وبعد فترة قليله طلع اياد لاستقبال المعزومين بالشارع طبعا كانوا مسويين وليمه كبيرة بثواب وجه الله وتعالئ وبعد ماكفووا العرس زفوا ميس لغرفتها وراها بخمس دقايق زفوا اياد لغرفته ولزوجته
اياد دخل لغرفته كانت حلوة وهادئه غرفه عرسان شاف ميس كاعده على السرير وهي تلعب بالورد مالت الماسكه تذكر من طلعها من بيت ابوهاا وابوها انطاه محاضرة شكبرهاا
ابو حسين بثقافه بالحجي// بابا اياد هذي ميس بنتي حتكون امانه برقبتك هذي عزيزة عندي وبنتي وحيدتي اطلب منك اتحافظ عليهاا وماتضرها ولانك ابن عمهاا واني اعرف اخلاقك انطيتك ميس واريدك تخليهاا تاج على راسك حته هي تحطك تاج على راسها واتمنالك حياه زوجيه سعيده. اياد وهو كاتم الضحكه وبقلبه هسه غير يخلص محاضرته //اي عموو تدلل ميس بعيووني.
رجع اياد للواقع تقرب من ميس وهو يكعد يمهااا
اياد ببتسامه// هااا ولج ميس دكيتي عليه دكيتي منا لما اخذتيني..وبمزح..واني كنت الئ احلامي وامنياتي كنت اريد احققهن لكن انتي ربطتيني زواج ضالم ورطتيني ياميس ليش هيييج. ميس بزعل// اياد شنوو سالفه حجيلك حجايه بيهاا خير حته بيوم عرسك ماعندك جديات. اياد بخبث ومرح//اصلا ليوم هذا كوله جديات وحبي لاتزعلين مني ترة والله حبيت الطف الجوو. ميس بحب//ايااد من وراك انكتلت كتله جسمي لهسه مزورك ونمت مستشفئ.. حسين كطعني تكطع
اياد بحب//الله يكسر اديه حسين ايده ماتنحمل مرة يشاقه وياي ضربني على كتفي ضليت يومين مخلووع جتفي من وراهاا. ميس ببتسامه//لا اسم الله على حسين لاتحجي عليه اياد برومانسيه//هسه شنوو موضوع الحلقه حسين عوفينه من حسين عندي موضوع اهم من حسين.
ميس بخجل //مو ليووم. اياد بحب وهو يبوس ميس//والله مااصبر اياد اخذ ميس اباحضانه وهو يلمسهاا هي تحبه وتعشقه رغم دائما يدقها بكلامه لكن عندها كلامه مثل لعسل ودائما تزعل خمس دقايق وترجع واياد ايضا بالبدايه مايحبها وبااعتبارها بنت عمه المليقه لمحد يحترمها لكن هي بحبها واهتمامها كدرت تجذب قلبه والله كاتب الها يصير من نصيبهاا
**********************************
ام صلاح كانت كاعده هي وصلاح على التخم. صلاح بمحبه//يمه ليش مانزعتي الاسود؟؟
ام صلاح بحزن//يممه صلاح ثوبي الاسود محد ينزعه غير المغسله من اموت هي تنزعه مني وتلبسي الكفن اااه الله يرحمك يايمه. صلاح //الله يرحمه. ام صلاح بتساؤل//شبيهاا لبارحه شهد من طلعت من غرفه اسرار وجهها كله دمووع
صلاح بضيق// ييمه شهد زعلانه عليه هوواي وزعلت لان اقتحمت عليها الغرفه ام صلاح بحزن// يممه من البدايه انته غلطان جبتها وهي مالها ذنب وصغيرة حرمتها من كل شئ من امها واهلها ودراستها واحلامهاا والقدر حرمها من انوثتها وجمالهااا لبارحه من شفتها اجت للحنه مو شهد لنعرفها البرائه والطفوله لبداخلها انقتلت. صلاح بحيرة//اني اريد اعوضهاا بس هي متقبل ودائما يوكف بنصنه عمااار. ام صلاح بحزع//ثارك ويه عمار اتركه اني امك واكلك اتركه يايمه ياصلاح مالك حق بقتل عمار ..انته مو دكول الطرف المعتدي اعترف بعمار موجه السكين اله لكن اجت غير مقصوده بمهند. صلاح بحيرة//يممه بس عمار بركبته ديه حته لوو مامتقصد لازم يااما يصوم شهرين يااما يعتق مسكين ام صلاح بسخريه//والديه لانطوها الك..وشهد مو اعتبروها ديه وفصل للثار. وهذا مو حق. صلاح بحسرة//يممه اني مامتقبل عماار اكره اتعقد منه ردت اقتله حتئ لو مامتقصد بس يمه القران اله كلمته وماردت ذنبه يصير برقبتي. ام صلاح برجاء//يممه صلاح لاتزيد ذنوبك لاتنسئ ذنب هااي المضلوومه برقبتك صلاح بحيرة//الله كريم.
ام صلاح بنص عين//تحبهااا؟؟ صلاح بتشرد وخجل//مو بكد محبتي الج يممه. ام صلاح ببتسامه//يعني تحبهاا. صلاح//هههه ليوم ناويه عليه يممه يعني اله اعترف. ام صلاح بحنان// الله يقدم لبي خييير
صلاح باايمان//اميييين.
************************************بعد مرور اشهر على الاحداث وبدايه سنه جديده علئ ابطااااالنه......
بطلتنا العسوله صار الها شهرين تداوم مدرسه صف ثالث متوسط ونفسيتها صايرة زفت صار عمرها 17ونص والطالبات لبصفها اصغر منها. وماعدها اي صديقه تاخذ طريقها وتجيب طريقهااا. بدلت ملابسهاا لبست سدريتها ولفت حجابها وحضرت جدولهاا وماتريكت دائما تروح بدون ريوك سمعت موبايلها رن برساله فتحت الموبايل وشافت الرساله ..عقدت حواجبهاا واستغربت من الرقم الغريب المرسل الرساله قرت المكتوب..«احبك لانك شمعه تحترق حتئ يستضئ بنورها الكثيرون مما لايعرفون الحب...» مسحت الرساله بخوف وقفلت موبايلهاا بسرعه طلعت من البيت وركبت بالخط واتجهت المدرستهاا دخلت للصف وانتهت الحصه الاولئ والثانيه
طلعت من الصف وسمعت البنات يتهامسن عليهاا. البنت الاولئ//باعي هاي الطالبه والله مغرورة. وتتعيقل وصار لها شهرين ويانه ولا مصادقه اي وحده.
شهد ابتسمت وهي ماتحسسهن بوجودهاا. البنت الثانيه//لا ولج والله خطيه هاي..هاي لطالبه جانت مزوجه وهي عند عيالها احتركت ويكولون زوجهاا ضابط بعد من شوهت مارادهاا وطايح بيها وطاردها عند اهلهاا البنت الاولئ//يااا خطيه لان اشوهت زوجهاا طردها ويريد يطلكهاا؟؟
البنت الثانيه//اي امي سولفت النه لان همه جيرانه بس احنه بالبدايه مالت الشارع وهمه بنهايه وامها مسولفه لامي
اما بطلتنا العسووله اتهدمت كل امالهاا كان كلامهن مثل السهام ذات الثلاث رؤؤس تضرب قلبها الصغير طلعت من المدرسه بعد انتهاء الدووام وقررت تمشي دون ان تركب باص المدرسه بكت بشارع بقلب محروق مقبوض مجروح وهي تتذكر كلامهن «طردهاا لان احترقت وتشوهت» **********************************
كانت ام عمار تفتر بالبيت رايحه جايه بقلق واعصاب متوترة لحد الان بنتها مااجت من المدرسه
ام عمار بعصبيه//ياااربي وين راحت؟؟؟
ابو عمار بقلق//رايح ادوور عليهاا. سمعووا الباب انفتح شافوهاا اجت. ام عمار بغضب//وين جنتي لطالب كوولها حلت وانتي هسه شرفتي شلون بيج تصرفاتج صايرة تغث شهد بسخريه//جنت وييه صاحبي. ام عمار بعصبيه وعدم سيطرة على اعصابهاا ضربتها بقووة على وجههاا...شهد وكعت على الارض. ام عمار بحنيه //شهد حبيب... شهد بنهيار وبكاء حااد// مو حبيبتج ولا حبيبت احد اكرهكم كلكم اكرهكم ياامجرمين ضربت التحفيه بقووة على الارض وتناثر القزاز على الارض ولكل انصدم من تصرفهااا. ابو عمار بحنيه//بابا شهد... شهد بعصبيه والدموع تارسه وجهها//انته مو ابووي لو انت ابووي ماضحيت بيه..صلاح هوو ابووي انتم حتئ من احترقت ماعالجتوني ..لو اني بنت صلاح صلاح يعارك المووت وماينطيني لواحد يطالب بثار اخوو اكرهكم والله اكرهكم ابوهااا جلس على الارض وهو يبكي مثل الطفل وابوهاا تخبلت عليها وتندمت لان ضربتهاا اما شهلاء اختنكت من البكاء...مشت علئ القزاز المتناثر على الارض وجرحت رجليهاا لكن ماحست قلبها المجروح احساسه اقوئ من احساس اي الم بداخلهااا.
دخلت لغرفتهاا وفلشت الغرفه تفلش وكسرت جام المرايه دخلووا عليها امها وابوها واختها وهمه يهدوها ضلت كاعده على الارض ورفضت تكوم من مكانهااا خلوهاا علئ راحتهااا تندب حضهاا. ********************************* في بيت ام صلاح....
كانت ام صلاح كاعده على التخم وميس تنضف صلاح مموجود بالدوام واياد نايم فوك سمعت الموبايل اتصل وكان الرقم غريب فتحت ام صلاح الخط واجاها الصوت الباكي المجروح. ام صلاح //الوووو. ام عمار ببكاء//الووو اريد بنتي. ام صلاح بااستغراب//منووو انتي؟؟ ام عمار بنحيب//اني ام فصليتكم. ام صلاح بخوف//شبيها شهد؟؟ ام عمار بعبرة//بنتي مو بنتي هاي مو شهد المرحه لتحب لكل هاي وحده ثانيه.ليوم انهارت فلشت علينه لبيت تفلش ام صلاح بحزن//مسافه الطريق وجايتكم. قفلت الخط منهاا ولبست عبايتهاا.واخذت تكسي وراحت لبيت ابو عمار. وصلت الهم واستقبلوها بيت ابو عمار وهي رائسا راحت على غرفه شهد...دخلت شافتها جالسه بحزن وبيدهاا قراصه على شكل فراشه بس القراصه مكسورة....تقربت منها ام صلاح وهي تحضنهاا بحنان انكسر كلبهاا عليهاا شكلها مايبشر بالخير. شهد وهي تشوف لقراصه لام صلاح وبعبرة//شوفي
شلون انكسرت ..هاي لقراصه مثلي مكسورة. ام صلاح بحنان//اذا نهتم بيها ونصلحهاا تصير زينه صحيح تبين مكسورة بس تصير احسن من قبل. شهد ببكاء//مخنووووكه ام صلاح بحنيه//تمشين وياي باجر للنجف اريد اروح ازور مهند ونروح اني وياج انزور الامام علي عليه السلام
شهد بقبول//اي ارووح اخذيني ويااج. ام صلاح بمحبه//يالله حضري ملابسج وباجر نروح من الفجر اني وياااج انزور ونبات بالامام وثاني يوم نرجع
شهد كامت حضرت ملابسهاا واخذت موبايلهاا وشويه فلووس وطلعت ويه ام صلاح اول شئ،اهلها مقبلوا تروح لكن هي اصرت ترووح وطلعت ويه ام صلاح مقررات باجر يرحن للنجف. نهايه البارت..بقلم«سمو العراق»
البارت..25..قصه«رجل استثنائي» بقلم سمو العراق وصلن لبيت ام صلاح لكن بطلتنا رفضت الدخول للبيت اتذكرت اول يوم جابهاا لهذا البيت وشلون ضربهاا وكانت مهمشه من الكل والادهئ من ذالك. بهذي البيت احترقت تنهدت بحزن وقفت بباب لبيت ام صلاح بحنيه//يالله يممه ادخلي. شهد بتساؤل//ابنج المجرم موجوود.؟؟؟ ام صلاح //هههه لا مموجود بالدوام. شهد بخوف//وروح مهند مموجود؟؟؟ ام صلاح //وروح مهند ماموجود. دخلت بخوف وهي تسمي بإسم الله حست بنهيار بروحهاا وحست هانت نفسها وهدرت كرامتها وهي تدخل لبيتهم من جديد استقبلتهاا ميس وهي تحضنها بحب وحنان وشهد كذالك هنه وحده تحب الثانيه.
ام صلاح بأمر//ميس بعد عمتج صبي لشهد غده ترة مامتغديه وهسه اجت من المدرسه. شهد بخجل//لا بيبي والله مااشتهي. ميس بمزح// ولج اكلي ترة صلاح يحب المدبدبات. شهد خزرتها بغضب وميس فشلت وسكتت. ام صلاح //وللج روحي شكد تحجيين. ميس ركضت للمطبخ وحضرت لشهد الغده وجابته يمهاا كعدن اكلن تلاثتهن وشهد مااكلت بس شوويه. شهد بنعاس//اني منعسه ليوم كاعده بالخمسه صبح.
ام صلاح بحنيه// لعد ليووم ماتنامين اله بحضن ام صلاح ميس بمزح وخبال//خااف بحضن صلاح. شهد وهي تفتح حلكها بصدمه وخجل//هاي شبيها؟؟
ام صلاح بعتب// تعالي امشي هاي فد وحده مسودنه واهلها بلوو ابني المسكين بيهااا. شهد//ههههه صدوك مسودنه. ميس بمزح//خلف الله عليجن انوب سويتني مسودنه
تركنهاا وراحن وهنه يضحكن عليهاا ام صلاح دخلتها لغرفتهاا وغيرت ملابسهاا وغسلت ونامت ..اما ام صلاح طلبت من اياد ومرته مايحجون لصلاح عن وجود عسووله هنا..لان تعرف ابنها يعوف دوامه ويجي لخاطرها..وام صلاح تخاف منه يضايقها ويضغط عليها وهي تريد تريح نفسيتهاا مو تقهرها. ************************************في بيت ابو عمار.... ام عمار بحزن//ابو عمار وين جنت؟؟ ابو عمار بتنهيده//ولد صديقي وصفلي كشاف روحاني معروف ورحنه اله اخذ لشهد خييرة وكال هاي لبنيه صاير عندها مس وجيبلي منهاا ملابس داخليه وجيبلي صورة الهاا وبعدين جيبهاا اليه واني اقرة عليهاا واعالجهاا. ام عمار //اني مااثق بهييج شغلات بس شنسوي امرنه لله بس المهم تصير زينه. ابوعمار//والله طلب300 الف كووة سواهن 250الف ام عمار//ميخالف بس المهم تطيب وترجع طبيعيه. ابو عمار //انشاءالله بس كوومي انطيني صورتهاا وملابس الهااا. ام عمار //اي رايحه هسه اجيبلك
قامت ام عمار وهي تنطي الاغراض لطلبهن اخذهن وهي يرجع مرة ثانيه للرجل الروحاني وهو كله امل بشفاء بنته وخروجها من حالتها لنفسيه لكن هل راح يفيدهن هذا الشبح الروحاني؟؟؟ ******************************** كان جالس بمكتبه وهو يفكر بيهاا دائما تفكيرة مشغول بيهااا يحبهاا ويريدهاا لكن زعلهاا متعبه يعرفهاا عنوديه وعزة نفسها كبيرة مستحيل ترضه بصلح مرة ثانيه ..وهو ضال عايش علئ ذاكرته.
فتح موبايله وهو يرسل رساله...
كتب«ليتكي امرأة عاديه كي انساكي ..وليتني رجل خائن كي اخوونك وانسئ..#احبج » ابتسم وهو يتخيل ردت فعلهاا لو عرفت هو المرسل هي دائما ماترد عليه شمر الموبايل على المكتب وهو يلتهي بااوراق ومستندات سمع صوت الموبايل يعلن عن وصوول رساله...فتح الموبايل وابتسم بحب من شاف المسج منهااا. شهد كتبت//انته منوو يوميه راسلي رساله ماتستحي اعرفك تعرفني حته ترسلي هيج شئ. صلاح كتب ببتسامه// لصراحه معجب. شهد كتبت// إنشاء الله تنعجب بيك الشياطين والصراصير ..شنوو معجب؟؟ بابا اني مزوجه وزوجي ضابط وفد واحد متعجرف والله لو انطي رقمك اله يوديك ورة لشمس. صلاح كتب//تحبي؟؟
تكمله
شهد كتبت بقهر//وانته شعليك احبه اكرها مالك شغل صدوك ناس ماتستحي صلاح كتب بخبث//هنياله لضابط عنده وحده مثلج يوميه نايمه بحضنه. شهد كتبت بعصبيه//ومرض حته مرض ياقليل الادب ياماتستحي مو صوجك صوجي اني لنزلت من قيمتي وحجيت ويه واحد همجي مثلك..هوو اني عليمن اتعب نفسي دخلي اسويلك حضر وتأمين واشوفك شلون بعد ترسل ياااخبل.
صلاح مات من ضحك يموت عليهاا من تصير عصبيه تحرك الاخضر وليابس وتضل داهر وماتمل ..رجع رسل الهاا رساله لكن ماوصلت...ابتسم بحب عرف سوتله تأمين ولوبيدها تكسر حتئ الموبايل بس المهم محد يغثهاا..فرح اكثر من عرف هي حتئ وبعيده عنه لكن هي حافضه شرفهاا وماتنجرف لهيج اشياء هو يعرفهاا كولش زين ويعرف اخلاقهاا ومو بنيته يدور وراهاا لكن من كثر مايشتاقلهاا ضل يرسللها رسائل وهي ماقصرت رزلته رزاله ناشفه.
*********************************
عند عمار بجبهات القتال كاعد بضيق بعد مااتصلت بي امه وخبرته عن شهد زعل عليهاا حيل ونقهر وزعل من امه لان ضربتهاا هي ماتستاهل حته لو غلطت هي من قهرها حجت هيج وامه ضلت تبجي بالموبايل وهي متندمه عليهاا...اجه صديقه كعد يمه صديق عمار//هلا بالبطل شبييك؟؟؟
عمار بحزن// عدنه مشاكل عائليه ماتنحل. صديق عمار//كولشئ واله حل ماكوو شئ مينحل. عمار بتنهيده//اله مشكلتي. ماالها حل صديق عمار//الوقت كيفل بحل جميع المشاكل
عمار //اني قررت اسافر للخارج واطلب لجوء وبعد مااجي اني سببت مشاكل كبيرة الاهلي واختي المسكينه طاحت بيهاا اني لازم اروح حته لعالم ترتاح وجودي مضايق لكل
صديق عمار//هذا مو حل تبتعد عن اهلك وناسك فكر بحل يفيدك اكثر لهروب مو طريقه صحيحه. عمار بضيق//اني هارب من الواقع هارب من مشاكلي واختي رغم رجعت النه بس رجعت مشوهه.وحالتها تعبانه وهي طالبه الطلاك وصايرة طكه وطيح. صديق عمار// خليها تطلك وتزوج واحد غيرة عمار//هي فصليته يمعود مايطلكهاا وهو معاند صارله اكثر من سنه وهو ميقبل يطلك
صديق عمار//يمعود ادفعوا الديه وحرروا اختك خطيه شنوو ذنبهاا تعيش،لاهي مطلكه ولا هي مزوجه ترة العمر يركض وهي مامحصله شئ. عمار//ههههه حقك ماتعرفه ولك هذا واحد متعجرف وهو مصر عليهاا مايقبل يطلك. صديق عمار//ارفعوا عليه دعوة
عمار//الله كريم..بس صدك راح ادفع الديه احسن مااريد دم برقبتي لازم اخلص من ثارهم.ادفع الديه واسافر واطلب لجوء بالخارج..بعيد وسعيد احسن. صديق عمار //براحتك. ************************************طلعن من الفجر حضرن نفسهن واغراضهن وتريكن وراحن للكراج ركبن للنجف لزيارة امير المؤمنين عليه السلام وزيارة قبر الفقيد المرحووم مسافه الطريق الطوويله وصلن للنجف قررن يزورن الامام علي«عليه السلام» وبعدين يتجهن لقبر مهند االله يرحمه ..بعد الزيارة وصلاه الزيارة وقررن يرحن لزيارت مهند..ركبن تكسي وصلتهن يم القبر نزلت ام صلاح وشهد..وام صلاح ركضت على قبر ابنهاا بروح مفجوعه وعبالك هسه مات كعدت وهي تعاتبه وتنعي وترثي ابنهاا برثاء حزززين ..اما شهد بكت بقووووة وعبالك مهند اخوها من امهاا وابوهاا ..ام صلاح حضنتهاا بحنان وهي تسكتهاا وتمسح دموعهاااا. ام صلاح بحنيه//حبيبتي كاافي لايوكف كلبج شهد ببكاء حااد وصوت متقطع//هئ هئ اهه موجوعه هئ حيييل رااح امووت
ام صلاح بمحبه//اسم الله عليج حبيبتي كاافي لاتخليني اتحسف جبتج وياي. شهد بالم// زوجوني صغيره انطوني لواحد مايرحم اني مامتعلمه على شغل ومسؤؤليه وهمه يعرفون كلش زين اني من دراستي للنوم مافكروا بيه وكالوا هاي شلون تتصرف ويه ناس مطالبين بثار اخوهم. ام صلاح بحنيه// الله كريم ربج يحلهاا وهمه خطيه هم ماكان عندهم خيار غير هذا الشئ. شهد بووجع//ليش بس اني من دون البنات يصير بيه هيج تفلشت كول احلامي وماحققت شئ
ام صلاح بحنان وهي تمسح دموعها// ليشوف مصيبه غيرة تهوون عليه مصيبته خلي اسولفلج سالفه وهاي لسالفه حقيقيه ومامبالغه بيهاا. شهد بتساؤل//شنووو؟؟؟: ام صلاح //اعرف بنيه من كرابتنه زوجوهاا اهلها عمرهاا يمكن 14سنه زوجوهاا لواحد من كرابتهم وهمه يعرفوونه واحد مستهتر وصايع لبنيه مابقت يمه 4اشهر وطلكت شهد بترقب//اي بيبي كملي. ام صلاح //ليش مااجه صديق ابوهاا هو رجال معروف وعنده معرض مال سيارات مزوج وعنده سته ومزوج بنته هوو عمرة 42سنه وجابوهاا سوالف منا ومنا سولفله على بنته لطلكت شوو هذا الرجال طمع بنت الادمي وطلبهاا للزواج. شهد بصدمه//صدييق ابوهااا؟؟؟
ام صلاح //اي صديق ابوهااا.. وكله بيت لوحدها وادللها ومن هذا الحجي ..وابوها شالها وطاها اله. شهد بقهر وحقد//مرض حته مرض شلون ينطيها لواحد اكبر منهااا بفوك العشرين سنه شنو ماعنده لكمت خبز والله ناس. وهذا لزوجها صدك مايستحي شلون يكعد وياها ينام وياها وهي اصغر من بناته. ام صلاح بتنهيده//دخليني اكمل ...تزوجهاا وخلاها بيت لوحدهاا ومرته الثانيه بيت لوحدها ليش مامرته الاولئ حبلت بتووم ..وضلت هاي لبنيه صغيرة تخدم بيت مرت رجلها الاولئ وترجع تخدم بيتهاا والادهئ من هذا كله هو ماكاطع عليها كطع محكمه وكل يوم يهددها بطلاك ومن تطلك مالها حقوق اله تصدق العقد... والله مرة من المرات رحنه للملايه وشفناها خطييه تبجي بجي يكطع لكلب يايمه هاي مصيبه كبيرة عمرها 15لو 14يحملوها مسؤليه اكبر من طاقتهاا وبنات هلوكت معلمات على الدلال شهد بتساؤل//زين بيبي هذا الشايب الماخذته حلو لا. ام صلاح// والله يابيبي هو كبير وشكله كبير وهي اصلا ضايعه بصفه وهي نااااعمه وضعيييفه يعني انتي ياشهد من اجيتينه اكبر واضخم منهااا. شهد بحزن//والله خطيه انقهرت عليهاا يمكن اني صدوك احسن منهااا
ام صلاح بسخريه//لا ويراجع بيهاا يريدهاا تحبل وتربيله اطفال وهي اصلا طفله والله حته لدكتورة طاردته كايلتله هاي بعدها طفله وينها وين لحمل. شهد بحزن//والله خطيه..اني مرات صلاح يبوسني بخدي ويتحارش بيه واني اكش ويكزبر جلدي. وعود صلاح حلووو وشاب لعد شلون هاي خطيه.
ام صلاح ببتسامه//هي جنها مجبورة عليه بس والله مااعرف ليش ضاله وياها وهسه حته لو كبير بس هو قاسي وياهاا ويكتلها وهي تخاف منه وتخدم بيتهم. شهد بقهر//بيبي اسكتي وغيري الموضوع والله انقهرت ولعبت نفسي بصراحه كاافي. «زواج القاصرات..للاسف العالم منقسم قسمين مابين معارض ومؤيد لهذي الحاله..لكن اني برئيي بفترة مراهقه الفتاه تكون تصرفاتهاا غير مسؤؤله ودائما تكون محط انضار لاهل فكيف تتصرف مع عائله جديده وهي غير ناضجه فكريا..وطبعا لزمان يختلف عن زمان الرسول ..بهذاك الزمان تكون لبنت فصيحه ومتعلمه علئ مسؤؤليه عكس بنات زمانا حالياا..فااذا الاهل يعرفون بنتهم غير قادرة على المسؤليه ومجاراه اموور الحياه..فليش،يزوجوهاا بهذا العمر يااما تعلموهاا يااما ماازوجهاا وادمرها بزواج ضالم لذالك القصه لتطرقت الهاا ام صلاح قصه حقيقيه ومن واقع مرير..وهوايه دنشوف خيانات زوجيه صحيح هذا الموضوع يعتمد على التربيه..لكن ايضا عدم اقتناع الزوجين بالزواج يائدي لهذي المشكله
وأيضا هوايه من الامهات يزوجن بناتهن بعمر صغير لان تخاف ان بنتهاا تعنس وهي غير مهتمه لهواي امور يمكن تتعرض الها بنتها وقد تسبب حاله نفسيه.وايضا دائما يكون الاختيار غير صحيح بسبب. الاستعجال »
هذي مناقشه..لمتابعات لمنتدئ..«جهادالراقي..وشغلت فكري اهواك ياحسين......😘😘. ************************************عند اسرار وحسين بالمستوصف اسرار برجفه//خاااف مااطلع حااامل
حسين بتوتر//لا انشاءالله يااارب تطلعين حامل.
اسرار بتوتر//انشاءالله ياااارب
حسين بحب//تحبيني اسرار؟؟ اسرار بحنيه//امووت عليك 😍 صدوك بالبدايه كرهتك وردت افسخ الخطبه بس انته بتصرفاتك واهتمامك بيه حبيتك.
حسين بحب//واني اموووت عليج.
صاحت الدكتور باسم اسرار واسرار راحتلهاا وهي تسمي وتتمنى تبشرهاا بالخير وفعلا اسرار طلعت حاامل وخبرهم يبشر بوصول مولود جديد يملئ عليهم حياتهم ويعلن عن استقرارهم اكثر. حسين بفرررح//مبرررروك حبيبتي. اسرار بفرررررح//اووووف حسين فرحااااانه حسين بحنيه//علئ كيفج انزلي لدرج لا يصيرلج شئ انتي والطفل.. والله اقتل روحي اذا صار الكم شئ. اسرار بضحكه//عههههه على كيفك يمعوود شنو سالفه هيج حتئ مايثبت. حسين بحب//لا انشاءالله يثبت بس انتي لاتتحركين ولاتعبين نفسج مفهوووم اسرار بمزح//مفهووم عمووو هههههه. حسين بحب//اموووت عليج. قررت اسرار تروح لبيت اهلها وتخبر امهاا بخبر حملهاا وحسين ما عارض اخذهاا وراح لبيت عمه ابو صلاح دخلوا للبيت لكووا بس ميس واياد وصلاح وامه ماموجودين وخبرهم بالخبر وطبعا فرحووا الهم وباركووا الهم.ضلت اسرار عند اهلها وحسين راح لاهله وخبر امه بالخبر وفرحت راح تصير بيبي """""""""""""""""""""""""""""""""""""""""" بعد ما زارن قبر مهند راحن يزورن قبر ابو صلاح الله يرحمه وكذالك اخذلهن جووله مال بجي علئ،قبر رفيق حياه ام صلاح..ابو صلاح رجال ينشد بي لضهر صاحب كلمه وصاحب هيبه ولناس كولها تحسب اله الف احساب ..ام صلاح بجت علي بجي ماصاير ..خطيه شهد كعدت تهدي بأم صلاح. شهد بحنيه//بيبي كافي لاتتخربطين .والله البجي ميفيد ولا يرجع لرااح
ام صلاح بحسرة//ابو صلاح ماكوو منه انسان ورجال ولكل تشهد اله اني عشت وياه سنين مايوم واحد فك حلكه وياي وحجه كان سند اليه ويحبني وحته لولده كان سند ورافع راسهم
شهد بحزن//الله يرحمه بس حرامات ابنه ماطالع عليه..من خلال كلامج افتهمت بي حنيه وحب لعائلته عكس صلاح لي اصلا مشاعر ماعنده. ام صلاح ببتسامه//بالعكس صلاح نسخت ابووو ولاحسبالج ابو صلاح ماكان يضربني ويحاسبني لا كان يضرب واذا غلطت يحاسبني..بس كان حنين من ازعل ماينام ليل اله يراضيني وطيب خاطري جانت مجموعه بي حنيه وعصبيه
شهد بحقد//بس ابنج مجموعه بي بس لعصبيه اما الحنيه منقرضه عنده
ام صلاح ببتسامه//لا ياشهووده صلاح يحن عليييج انتي ماتدرين بي بس اني قلب والده واحس احس باابني شلون يتعذب عليج ويريد قربج. شهد بخجل//بيبي عوفينه منه هذا واحد حيال
ام صلاح وهي تريد تلينها من ناحيه صلاح//كان ابو صلاح حييل يتباها بصلاح ويعتبرة ايده اليمين ومن دخل كليه ضباط جان عمرة19سنه وهوو حلوو ابو صلاح فرحان بي وين ميروح يحجي بي.. ويكول اني عندي ابني ضابط وحلوو ولبنات كلهن يتمننه كان يتمنئ يشوف صلاح عريس وكان يتمنئ يشوف لبنيه لتاخذ كلب صلاح وعقله لان يعرف ابنه متعجرف ومايعجبه لعجب ..ليوم جبتج لابو صلاح حته يشوف مرت ابنه لسلبت عقله وطيرت لنوم من عينه ......مدت ايدهاا على القبر وكلمت القبر بحنيه وهي تحضن شهد...هااي لسلبت عقل وروح ابنك الاستثنائي هاي ابو صلاح لجننت لضابط المتعجرف
شهد بخجل وهي تبتسم//بيبي شنو هل حجي صايرة ليوم رومانسيه
سمعن صوت الموبايل اتصل ام صلاح فتحت خط وطلبت من شهد تفتح لسماعه لان ماتسمع وشهد سوت نفس ماطلبت منهااا
ام صلاح بهدوء//الوووو
صلاح بلهفه//الووو يمه صحيح انتي وشهد بالنجف. ام صلاح بمحبه//اي صحيح وهسه يم قبر ابوك. صلاح بعصبيه//يمممه شلون تاخذينهاا وترحين لوحدجن كان كلتيلي واني اخذجن ييمه المقبرة تخوف لاحد يخطفهاا او يتعرض الهاا ديري بالج من الدفانين لاتئمنين بااحد. ام صلاح بمحبه//انته لو تشوفهاا هسه من البجي وطكتهاا الشمس صاار الوجه احممر يجنن والله اخاف صدك يخطفوهاا.
صلاح بخوف وغضب//يممه رجاءا اطلعي اذا شهد صار بيهاا شئ ازعل علييج والله
ام صلاح بعتب//صدك ماتستحي ودكول احبج اكثر من شهد ثاري طلعت تحبهاا اكثر مني. صلاح بزعل//يمممه عفيه اطلعي بسرعه لا والله هسه اجي للنجف وتعرفيني اسويهااا. ام صلاح بحنيه//ولك طلعت بس خلي اعدل عباتي. قفلت لخط وهي تنضر لملامح شهد الخجلانه وصارت طماطه من كلامهم حست بيها ارتاحت نفسيتهاا وتغيرت شوويه وهذا الشئ فرح ام صلاح. بخبرة كبيرة من امراءه عاشت معاني الحياه وافتهمت اساليب العيش قدرت تسعد بنت مضلومه ومهمومه وتغير من نفسيتها وتطلعها من جو الكابه. ************************************في بيت ام صلاح....
لكل كانوا قاعدين بصاله..حسين..واسرار..وميس،..و صلاح ..واياد ميس بمرح//اني هماتين يمكن حااامل. اسرار بدون نفس// هااا لزكتي عرستي.ويه عرسي. ميس وهي تضربها//ثوول لعد شلون اكله ماما لاتجي عمتك حامل وماتريد نحمل وياهااا. اياد بفرح //صدووك حااامل..والله اذا صدك حامل هسه اجيب جيس جكليت واطشرة. صلاح بضحكه//هههاي عبالي تعزمنه علئ عشاء تذبح طلي..امداك ماصيرلك جارة جحف. اياد بصدمه//اجييب طلي؟؟ وشنو ذنب لطلي يتحمل غلطت مطي مثلي صلاح وحسين//ههههههه صدك مصير الك جارة. كام صلاح وهو يتنهد على حضه اتمنئ يعيش،مرتاح مثل ابن عمه واخوو وتمنئ،شهد عنده وحامل لكن للاسف مشوارهم طوويل ولسواه بيهاا موقليل وهي لازم ترد جزء من كرامتهااا **********************************
نهايه .
البارت»

[فيتامين سي]

رجل استثنائي

25 ـــــــــــــــــ 26

وصلن للبيت بالليل ورأسا نامن بدون مايقابلن اي، شخص شهد اهلها خابروها وتطمنوا عليهاا ورادو يجون ياخذوهاا بااسرع وقت من بيت ام صلاح لكن ام صلاح رفضت بحجه تعبانه وخلتها نامت يمهااا وطلبت من صلاح مايضايقها ويحسسها بوجوده وهو سوة مثل ماطلبت امه
كعدت الصبح وتريكت بغرفه ام صلاح وهي غير مدركه بوجوده غسلت وبدلت ملابسهاا وقررت تروح لبيت اهلها وجودهاا بيته مامريحهاا نزلت جووة وشافت بنت اسراء الصغيرة تبكي على الارض شالتهاا بحنان وهي تسكتهااا. شهد بحنيه//حبيبتي ياروحي اسكتي هسه تجي ماما وترضعج يالله حياتي اسكتي. نزل صلاح من الدرج وهو يدخن بجكارة من شافته انقبض قلبهاا بتوتر دائما تخاف منه رغم صراخها الدائم بوجهه ورغم دائما تستفزة لكن تخاف منه. صلاح وهو يحاجي الطفله//حبيبتي ياروحي ااحبج مشتاقلج يااخالووو صارلي شكد مشايفج احببج.
كان يوجه كلامه لبنت اخته الصغيرة لكن تضل هي الوحيده المقصوده بكلامه
شهد وهي تبتعد عنه //يالله بيبي وديني لاهلي. ام صلاح //اي بيبي بس البس جواريبي.
صلاح وهو يوجه كلامه لشهد//لزيارة مقبوله ياغلطتي لصح
شهد بدون اهتمام وهدووء//قبل الله اعمالك ولوو ماعندك اعمال بيهاا خير بس ميخالف. صلاح بحب وابتسامه// بعده لسانج طووويل. شهد وهي تبتعد عنه// يالله بيبي تااخرت. ام صلاح كامت وهي تلبس عبايتهاا وطلع وياهن صلاح تفاجئت من خروجه وياهن . كربت ام صلاح بسيارة صلاح وهو وقف بصف شهد وياامرها تصعد وياهاا. شافتهم سارة ضلت تصيح على بنت اخوهااا من باب بيتهم
سارة بخبث//تعالي رقااوي انشاءالله ربي يحركج فوك حركج مامتي والله خلصنه منج تعالي ادخلي.
شهد عضت شفايفهاا بحسرة تعرفها تقصدهاا بالكلام وتتمناها ميته محرووقه لمعن عيونهاا بدمووع لكن رفعت راسهاا لفوق وهي تمنع دموعهاا من النزوول لكن قصه حرقهاا تحرجهاا وتجرحها بقووة بلعت غصتها وعبرتهاا وهي تنزل نفسهاا وتريد تصعد بسيارة..لكن صلاح انقهر من كلام سارة المستفززز .. مسك ايد شهد بحب وهو يقبلهاا بحنان انصدمت من تصرفه بالشارع وخجلت تحت انضار سارة الحاقده ركعت الباب بقوووة وهي تقفله ودخلت جووة.
ركب بالصدر وهو يسووق شاف ملامحه لتعبر عن بكائهاا من خلال جام السيارة تعصب بقووة موو من حقهاا سارة الكلبه تقهرها وتضايقهاا هي ماتستاهل احد يضايقهاا ويقهرهاا ..يالله لبشر تجرح بدون ماتهتم لمشاعر الاخرين. مسافه الطريق ووصلوا نزلت من السيارة بزعل وهو نزل وياهاا مسكهاا من اكتافهاا وهو يديرها عليه. صلاح بحنيه وهو يمسح دموعهاا// لا تبجين محد يستاهل امسحي دمووعج واصبري. شهد بحسرة//محد يستاهل؟؟ واني مااستاهل اني ابجي علئ روحي ههه تغلط علئ بنت اخوها وهي تقصدني تقصدني لو بيدها تعيرني بحروقي. صلاح بحنان// اذا انتي محترقه وتعتبرين نفسج مشووهه اني مااشوفج هييج اشوفج روحي وحبي
شهد بعدم راحه//لا انته مشايف شئ رووح صلاح اتزوج وعيش حياتك طريقي وياك مسدود. صلاح بنفي// حياتي ماتكتمل اله ويااج وطريقي مايكمل اله وانتي وياي
شهد ابتسمت بحزن وهي تبتعد عنه دخلت لبيتهم وهي تمسح دموعهااا اما هوو تنهد بحزن كل مايريد يعدل حياته وياها تطلعله سالفه صفح. ************************************
عند شهلاء وكريم بالجامعه.....
كريم بلهفه//حاجيت ابووي لبارحه عن موضوعنه وماعارض بالعكس تفهمني وكال نخطبها مدام لبنيه اختيارك وزميلتك بالجاامعه
شهلاء بحييرة//انته من كل عقلك كريم يمعوود اني مستحييل اصير الك كريم اختي لو تشوفها لبارحه شسوت بينه ..تكول مستحيل اني وياك نرتبط برابط الزواج...لبارحه نهارت وكسرت غرفتهاا اجت ام صلاح واخذتها وياها يالله هدت كريم بحزن//اني حيييل انقهر على شهد مسكينه ماانسئ اول يوم اخذناها منكم شلوون كانت تبكي
وصلاح ماقصر وياها
شهلاء بعبرة على اختهاا//كان يضربها؟؟ كريم بحزن//مراات بس هي حاولت لهروب منه وصلاح ضربهاا هاي بالنجف كدامنه وخطيه خلصتها عمتي ام صلاح منه. شهلاء بحزن//الله لا يوفقه ولا يريحه ضلم اختي وهي بعمر الورد وماكسرت خاطرة
كريم //لا والله هو هم تائذه عليهاا لو شايفته من احتركت شلوون كان شايلهاا مثل لطفله وهوو يبوس بيهاا ويتوسل بيهاا ومامهتم لوجودنه والله صدوك انقهرت عليه اكثر مانقهرت على اختج. شهلاء ببكاء//بس هوو ماتئذه اختي لتائذت. كريم //صلاح مستعد يعوضهاا عن كوولشي اختج كان موتها حتمي لكن الله لطف بيهاا وصلاح نقلها لافضل مستشفئ حروق بتركيا والحمدلله طابت. شهلاء//بس تعاني من تشوهات؟؟
كريم بحنيه//صلاح مستعد يسويلهاا عمليه لو تكلفه املاك الدنيا.بس كوون اختج تقبل ترجع اله. شهلاء//كريم شدكول شهد لايمكن ترجع لصلاح وحته لوو اهلي ميقبلون وسالفه عمار منا يعني صايرة عووويصه كريم بحب//الله كريم قادر على كل شئ انما يقول للشئ كن فيكون...ربج يحلهااا. شهلاء //اميييين. ********************************** عند بيت ام عمار.....
ام عمار وهي تبوس بنتها//ماما شهووده حبيبتي لبارحه رحت للسوك اشتريتلج حذاء وجنطه انشاءالله تطلع على قياسج شهد بحنيه//شكرا ماما واني اسفه لان ضليت ابجي واصييح والله جنت مقهوورة وهيج سويت. ام عمار بحنان//لايممه اني لاعتذر لان ضربتج انشاءالله تنكسر ايدي لان مديتهاا عليج اخاف افقدج وتحسف على كوولشي. شهد وهي تحضن امهاا وتبكي// كنت مااعرف اله انام بحضنج ومن تطلعين اله اطلع وياج لكن هسه مااكدر حس نفسي تعلمت عليه اريده يحس بعذابي اريده يحس بيه اريده يشووف كميه الحزن لبعيوني ام عمار باسئ//تحبين رجلج الاستثنائي ؟؟ شهد ببكاء//انتي امي ولازم اشكيلج بس للاسف ماشكيت بس اله هوو الوحييد لازم يحس بمعاناتي ام عمار وتعيد نفس السؤال//تحبينه رغم حقدج عليه جاوبي ياعذاب امج ولاتشرديين. شهد بحزن// اااااه ييمه تعذبت منه ومن غيره ومن قدري المكتوب عليه اريد ارتاااح. ام عمار بغموض //وراحتج وين يابعد امج:؟؟ شهد بحزن//اعرفهاا بس انكرهاا.
ام عمار بحزن//الله يصفي بالج يايمممه. قامت من امهااا وهي تحس بروحها راح تتحرر من جسدهاا
"""""""""""""""""""""""""""""""""""""""""""
بمركز الشرطه.....
ابوعمار راح لمركز الشرطه حتئ،يقابل صلاح وطلب من الشرطي يدخله على مكتب صلاح الشرطي//سيدي اكوو رجال يريد يقابلك يكول هو ابوعمار نسيبك. صلاح بلهفه//خلي يدخل بسرعه. الشرطي بطاعه// تأمر سيدي دخل ابو عمار بعد ماواحد سلم على الثاني وطبعا كان موجود برود من الطرفين من ناحيه الترحيب. صلاح وهو يتكئ على الكرسي المتحرك//تفضل ابوعمار بشنوو نخدمك؟؟؟ ابو عمار بحقد// اني جاي ادفعلك الديه وخلص بنتي منك تاخذ فصلكم وتحرر بنتي من قيودك. صلاح ببتسامه وثقه//ومنوو كال اني اريد فصل؟؟
ابوعمار//وحتئ لو ماتاخذ احنه قررنه نفصلكم ومانريد دم برقبت عمار..وانته تعرف بعمار مامتقصد اني جاي اخسر عائلتي واحد ورة لثاني خسرت بنتي وابني راح يسافر وبعد مايرجع اخذ الديه وخلصنه من شرك ومانريد نشووفك بعد تطلك المهضوومه وتتركهاا بحالهااا. صلاح بثقه// مااطلكهاا لو تنطبك السماء على الارض ولو تتحالف العالم كولها عليه محطلكهاا شهد مرتي وملكي وماتصير اله الئ..وبسخريه .ههه عبالك اني مثلكم من اول موقف ابيعهاا..لا مستحييل اعارك الامه عليهااا مادام الهاا معزة بكلبي راح احارب لكل عليهااا وراح انتصر وعيونك تشووف. ابوعمار//بس بنتي ماتريدك ..ولا تضل تعيرني بنتي لان انطيتهاا لواحد مثلك لاتنسه رووحك شلوووون خيرتني بحقارة وانته تطلب بنتي خدامه.
صلاح بخبث//وحاليا موقفي مثل موقفك بس ماراح انطيهاا الكم وترحون تضحون بيهاا مرة ثاانيه. ابو عمار بعصبيه//احترم نفسك اني ماكل قهري على بنتي لوحدي ولا عبالك مامقهور ولا مهتم بس، شسوي ماكدرتلك..وهسه احنه نريد ندفع لفصل حتئ لو مامتقصد عمار بقتل مهند بس نريد ندفع لديه
صلاح بهدوء//روح للنجف ادفع الفصل لاي مرجع ديني واعتبرة ردود مضالم وصوم وصلاه لمهند او اعتبرة صدقه جاريه.لان اني مو بحاجه فصل ولا راح اجيب عشيرتي واناقشك على فصل اني لاريده اخذته ولحد الان اطالب بي لذلك لاتناقشني على فصل..وسوي مثل ماكتلك. طلع ابو عمار بعد مااعرف ان الطريق مسدود مع هذا الرجل الاستثنائي فتح الباب لكن استوقفه صووته.
صلاح بخبث// اريدك تطلب من عسوووله ترجع لبيت زوجهااا ..ترة اني اطالب بحق الزوجييه
ابو عمار بضحكه//ههه تحلم.
صلاح بثقه وهو يرفع حاجبه بااستهزاء//نشوف منوو ليحلم اني لووو انته يالنسيب
ابو عمار طلع بقهر وهو يصفق لباب وراهاا شاف لكلام ويه هذا الضابط لثاق من نفسه ضايع
************************************
عند بيت ام صلاح.... اياد وميس صايرتلهم طكه وطيييح ميس تريد تروح لاهلها واياد ميقبل ياخذهاا..اجت ام صلاح وهي تحجي عليهم ام صلاح //ولكم شبيكم صووتكم واصل لسابع جار اسكتوو استحووا شوويه. ميس بزعل//عممه شوفي من الصبح لهسه اتوسل، بي ياخذني لاهلي ومايقبل كال اروح صديقي واجي واخذج..حلفته كال والله شاربي مو عليه اذا مااخذتج
اياد بتبرير//اي صحيح كتلج شاربي مو عليه وصحيح رحت للحلاق وزينت شواربي ولحيتي فما اخذج لا بعد ماكووو شوارب
ميس بقهر//شوووفي عمممه.
ام صلاح //ولك ودي لبنيه لاهلها وعوف سوالفك التعبانه موتتني.
اياد بزعل//شنوو صاير شوفير يامودي ميس ياجايب، ميس ترة مايصير لمرة لزينه تكعد بيتهاا.
ميس،راحت بزعل وصعدت لغرفتها بدون ماتناقشه اما ام صلاح ضلت تحجي على اياد
ام صلاح بعتب//ليش ولك والله ميس ماكوو منهاا شكد تجرحها وتزعلهاا وترجعلك راضيه لان تحبك يايمه لمرة لما تلكه اهتمام من رجلهاا ماتعتبرة رجال وتعتمد عليه رووح لمرتك راضيها ولاتكسر خاطرهاا
اياد وهو يبوس ايد امه// تأمرين أمر يالغاليه.
صعد اياد لغرفته شاف ميس كاعده تصفط بملابسها وتريد تضمهن بالكنتور...كعد يمها اياد بحنيه.
اياد بحنيه//ميوسه حبيبتي زعلتي ؟؟
ميس بزعل//لا مازعلت. اياد بمحبه//حياتي والله اخاف عليج يعني انتي بدايه حملج واخاف هناك تشيليلج شئ،ثكييل وتطيحين لطفل
ميس //لا تخاف هو هم طفلي واكيد اخاف عليه.
اياد بمرح//ههه ميوسه ام كفشه راح تصير ام
ميس بدلع// وشبيها ميس ماتصير ام.
اياد بحب//ميس روحي وحبي وكوولشي.
ميس بحب//اياد تحبني ؟؟؟
اياد برومانسيه//اموووت عليج وروح ابووي.
ميس وهي تحضنه//اروح لك فدووة
اياد طلب منها تحضر نفسهاا وياخذها لاهلها وهي فعلا مااتاخرت عليه بسرعه حضرت نفسهاا وطلعت وهي تسلم على ام صلاح وتاخذ اذنهاا وام صلاح سمحت الهاا ترووح بوستهاا وراحت الها. **********************************
عند شهد لكانت ميته من الضحك على ابوهاااا.
شهلاء بمرح//ضحكينا وياج عسووله.
شهد بضحك// عليج الله.روحي شوفي بابا شمسوي
شهلاء بضحكه//هههههه خلي اروح اشووف. دخلت شهلاء لارض الصاله وهي تشوف صور شهد بالابيض والاسود معلقه بجدار لبيت. شهلاء//هههههه منووو هاي المجرمه.
ابو عمار بعصبيه//اسكتي وولج لاتستهزئين بالشيخ كال بس علكوهن كم يوم وراها جيبوها الي وهي تصير زييينه شهد بضحك//ههههه شنوو بيه جنيه حتئ اصير زينه بابا شنووو هلخرافات ابو عمار بعصبية//اسكتن لا تستهزئن بالشيخ.
شهد وشهلاء ميتات من ضحك علئ ابوهن ..خزرهن ابوهن وهنه كتمن ضحكتهن وبعدين ماصبرن ضحكن بقوووة وشردن لغرفتهن
ضلت امهن تضحك عليهن وخزرها رجلهاا وسكتت وهي تكتم ضحكتهاا وراحت وراهن.... ************************************عند اسرار وميس
ميس بمرح//ليووم لازم ارووح اشوف شهد.. اسرار تمشين وياي والله مشتاقتلهاا. اسرار//اكل لحسين اذا وافق ارووح شكوو بيهاا اني هم مشتاقتلهاا واريد اغير جوو. ميس//ومنو ياخذنه؟؟
اسرار//حسين او كريم اي واحد
ميس//اوك شلوونج ويه الحمل. اسرار//والله شويه تلعب نفسي واختنك من غرفتي. ميس//والله اني الحمدلله نساوتي زينه مسيطرة على نفسي
اجه حسين كعد يمهن وكلها العائله التمت وضلوا يسلولفون ويضحكوون واسرار طلبت من حسين ياخذهاا لشهد وهو ماعارض وقرر ياخذهن باليل. *********************************
عند الرجل الاستثنائي...
تذكرهاا بيوم من الايام..... صلاح بعصبيه//ليش ما كاويه ملابسي ؟؟؟ شهد بصدق//كويتهن والله صلاح وهو يحط لقميص بوجهها//هذا كووي ؟؟ ياغبيه بس لضاهر اهلج ماعلمووج. شهد بحقد//اي ماعلموني وشتريد هسه؟؟ صلاح وهو يمسكهاا من فكهاا//اسلوبج لزفت عدلي احسن ما هذا وجهج الناعم ادمرة الج. شهد وهي تبعد ايده عنها//ياا اخي شبي لكووي والله كويته زين بس انته مايعجب العجب صلاح وهو يبتعد عنها//زيين وين جواريبي تاخرت على دوامي من ورااااج. شهد وهي ترفع اديها بالدعاء وبصوت خافت//انشاءالله يااارب يفصلوك يطردوك ويقطعون راتبك دعووة بنيه مضلومه ميتمها من اهلها. صلاح بعصبيه//ههييي وييين رحتي لجواريب ويين. شهد بسخريه//انطيتهن لكرستيانو رونالدوو عنده لعبه وطلبهن مني
صلاح بغضب وهو يتقدم منهااا اما هي رجعت بخووف ليورة وهي تحاول تهدي. شهد بخوف//لا والله لعفووو لعفوو بس ماادري وين خليتهن؟؟ نسيت والله. صلاح بتنهيده// شلوون بيج شنوو عاشكه حته تنسين بس لعاشكه تنسئ. شهد بزعل//وين ياحسرة منين عاشكه شوو بس المخابيل والمجرمين الله ذابهم عليه. صلاح تقدم منهاا بخبث وهو يحفر اصابعه بخصرهاا وينضر لعيونهاا ويشووف كميه لوجع لسببه الهااا ضلت تبكي بالم ووجع وهي تحط ايدها على ايده وتريد تخفف من قبضه اصابعه علئ خصرهاا..تركها بعد ماحس انقطعت انفاسهاا ..جلست على الارض، وهي تمسك خصرهاا من الالم اما هوو كعد بصفه ركبه ونص وهمس الهاا بفحيح ساخر صلاح بسخريه//شفتي كميييه اجرامي؟؟؟ دفعته عنهاا بزعل وغضب وهي تبكي طلعت من غرفتهاا وهي منحنيه ولازمه خصرهاا بووجع همست بكلمات وصلن لمسامعه. شهد بنحيب// الله ياخذني واخلص منك. رجع لواقعه وهو يعض اصبعه بندم متحسف ومتندم على كوولشي هو سبب بي اكثر ذكرياته وياهاا تنتهي بمئسااات تنهد بحييرة وهو مصر يرجعهاا اله مهما كان لثمن هوو يحبهاا ولازم يرجعهاا. ************************************عند البنات كوولهن ملتمات ويضحكن
شهلاء بمزح//شفتي صورة شهد لجديده
ميس //لا وينهاا؟؟- شهد بزعل//انجي شهلاءء؟؟؟؟ ميس//علييييج الله وينهاااا شهلاء اشرت الهن على الحايط
ميس بضحكه//هههههههههه يمممه شنو هاااي خلي
اصورهاا وارسلها لصلاح..ضال بس يقلد عليه. شهد وهي تمسكهاا//لا لا عليييج الله لاتصوريهاا موحلووة لا لولد يختلس. ميس وهي ترفع الموبااايل ليفووك وقفلته ومخليه رمز وشهد ماكدرت الهاا
شهد بزعل //عليج الله لا ترسليهاا ازعل عليج ميس. اسرار بضحكه//هههه ميس راح يطيح لطفل. شهد بصدمه//مييس حامل. ميس بمزح//اني وابني زعلان عليج يكول ليش مزعله عمووو😡
شهد وهي تحط ايدها على بطن ميس//حبيبي عمك لو يجيني برنامج المسامح كريم مااسامحه. البنات //ههههههه ليش خطية شهد بغرور//مالجن شغل ميس خلتهن انشغلن بسوالفهن ورسلت لصورة لصلاح وكتبت« صلاح هاي مرتك لكوهاا علئ قاطع بيجي تريد تفجر روحهاا😂😂»
ميس بخبث ومزح// رسلتهااا. شهد بزعل وصدمه//لااااااا ليش هيييج. وصلت رساله من صلاح وميس قرتها وماتت من ضحك ومانطتهن الموبايل يشوفنهاا. اسرار بفضول//شكاتب؟؟؟
ميس بكذب//كاتب يممه اسم الله شنو هاي لجنيه. شهد نقهرت من سخريته عليهاا وهنه حسن بيهاا شهلاء ضحكت بفشله ومجامله للموقف. اسرار سحبت الموبايل من ميس وهي تقرة الرساله//مرتي تخبل وبالابيض والاسود طالعه تشبه سعاد حسني مثلج لجلحه ام الخبطااات. شهد وشهلاء//ههههههههههههه. ميس بقهر//عابتله واني مخليه ابني يصير اله واسطه بس صدوك ناس مو مال احترامات. ضلن يسولفن ويضحكن وتونسن بجيت لبنات ضلن لليل وبعدين راحن طلبن من شهد ماتقهر نفسهاا وتزعل روحهاا وهي وعدتهن تسوي مثل مايردن. ********************************
في الصباح....
ابو عمار //يالله يابنيتي اني وعدت الشيخ اجيبج اله ليوووم يالله لاتاخرينه. شهد بعناد //مااروح بابا من كل عقلك ارووح لهييج ناس لا مستحيييل مااروووح. ابو عمار بصبر//لج بابا ليش تعاندين هوو جاي شيسوي مجرد يقرة عليج وراح ترتاحيين. شهد //مااروح. ام عمار //لج يا ماما روحي ليش تزعلين ابوج منج هوو يريد مصلحتج يالله حبابه رووحي. شهد بضيق//استغفر الله ياربي..يالله امشينا. ابو عمار بفرح //يالله حبيبتي. بدلت ملابسهااا ولبست صاايه طوويله ولبست جواه بنطرون وبدي ولبست شالهااا واخذت جنطتها وموبايلهاا وطلعت هي ابوها للشيخ. ********************************** عند صلاح المشتاق الهاا بقووووة قرر يروح لبيتهاا ويشوفهاا ويتفاهم وياها لكن هي يعرفهاا ماترضه فتح موبايله وهو يشوف صورتها بالابيض والاسود تأمل ملامحها بهيااام وعشق باس صورتهاا وهو يحرك اصبعه على ملامحهاا قرر ليوم يرووح يااما هوو يااما هي منو ينتصر بينهم وهو دائما واثق من نفسه هو المنتصر يكدر يجذبهاا بكلامه وتبريراته طلع من المركز وهو ياخذ اجازة وتوجه بسيارته بزيه العسكري لبيت محبوبته ومعشووقته #شهد. ************************************دخلووا لبيت الشيخ وطقوس السحرة موجوده وعلاماتها ضاهرة بخوور ورايات وناس ملتمه لكن لشيخ غرفته لوحده وحده وحده تدخل طلبووا منها تدخل لوحدها لكن هي رفضت برفض قاطع وطلبت من ابوها يدخل وياهاا دخل ابوهاا وياها لشيخ غطه ابوهاا بجرجف ابيض وخله باذاناته سماعات لديجي وعلئ لصووت الئ اعلئ درجه وهي كعدت بصف ابوهاا الشيخ حط ايده على راسهاا وهو يقرة عليهااا ويبسبس بكلمات مافتهمتهن ولاسمعتهن اما ابوهاا لايسمع ولا يشوف ..ورة فترة قصيرة. الشيخ وهو يمسك شهد من فكهاا//انتي مزوجه شهد بخوف ورجفه//اي.
تكمله 26
الشيخ//هل تمارسين مع زوجك النكاح بصورة صحيحه. وضل يحجي حجي غير لائق وهوو يسالهاا اما هي ضلت ترتعد من كلامه وتصرفاته لغير منطقيه رجع الشيخ وهو يلمس شفايفهاا ويقرء عليهاااا شهد بعصبيه ضربت ايده وهي تقووم من مكانهااا. شهد بعصبيه//انته ماتستحي شنوو هاي تصرفاتك عود انته شيخ وشكدك شكبرك هييج تسووي مو عيب عليك عااد احترم شيباتك الشيخ بصدمه//واني شمسوووي؟؟؟؟ شهد بحقد وكرة//لا سلامتك كوولشي مامسووي. ندهت علئ ابوهاا وهي تستعجله يمشي ابوها تفاجئ منهاا لكن هي رفضت تحجي الموضوع لابوهااا طلعت من بيت الشييييخ وهي تبكيي بقلب محروق حست انهانت كرامتهااا ونغدرت اكثر من شخص،حقير حب يستغلهاا ويستغل مرضهاا وهو يتحرش بيهاا ويحاول يسيطر عليهاا للاسف هواي بنات تعرضن لهيج مواقف من اشباه الرجال الدجالين والسحرة والمشعوذين بااسم الدين. ************************************نزل من سيارته امام باب بيتهم وهو يتمنئ تطلع وتحضنه يطيب جراحه بيها وتطيب جروحها بي. شاف سيارة اجت من بعييد وصلت لحد سيارته نزلت شهد منهاا بعصبيه وهي تضربه بالجنطه بغضب، وزعل وروح محروقه. شهد ببكاء حاد//اكرهك اكرهك كووله من وراك انته السبب انته السبب راح امووت منكم صلاح وهو يمسك اديهاا//اش اش شبيييج اهدي منو وياااج منو مئذيييج منو قاهرج عافتهم وهي تجلس بباب بيتهم وتحط راسهاا بين رجليهاا وتبكي كعد يمها صلاح وابوها وامها وهمه يهدوها يطلبون منهاا تدخل جووة. صلاح بحنيه//كوومي ادخلي جوووة. شهد بنحيب//ماادخل. صلاح بمحبه//زين تمشين وياي ؟؟: شهد بعصبيه//مااروح وياااك. ابوها بحنان//لعد شلون تضلين كاعده بشارع. شهد بعناد //اي احسن صلاح بتهور منه شالهاا وهو يتوجه لسيارته وهي تضرب بي وتسب،بي وخرمشته برقبته. ابو عمار راد يجيبهاا منه لكن ام عمار رفضت. ام عمار بهدووء//عوفهاا ابو عمار صلاح هو علتهاا وهو دواها خلي يداويها ويطيب جروحها. ابو عمار بعصبيه//متشوفيها راح تموت من البجي. ام عمار //عوفهاا هوو يحبهاا مايضرهاا. انطلقت السيارة وهي بعدهاا تسب وتغلط. شهد بعصبيه//نزلني ياامجرم رجعني لاهلي. صلاح بعصبيه//ااااااش كااااافي. اختلست وجمدت من شافت هذا الطريق غير مؤدي لبيت اهله ولا لبيت عمه ضلت ترجف بخووف وتوتر وهي ماتعرف وين موديهااا ضلت تتنفس بصعوبه وهي تشووف ملامحه لغاضبه وماتعرف الئ اي مكان مجهوول راح ياخذهااا. نهااايه البارت...بقلم«سمو العراق» ************************************

[فيتامين سي]

#البارت..27
قصه«رجل استثنائي»
..بقلم سمو العراق

كانت صاعده ويه بسيارته وهي تبكي بهدووء.وكل شوويه تعاركه وتسب بي تريد تعرف وين ماخذهااا اما هوو كان بااارد ومايرد على كلامهاا مما زاد من توترهاا وخوفهاا وجنونها ضربته بعصبيه علئ،ايده وهي تباوع عليه وتحاجي بعصبيه. شهد بعصبيه//يااامتخلف يامتعجرف وين ماخذني رجعني لاهلي ..انته وين موديني.
صلاح بهدوء وهو يمسكها من فكهاا ويدير وجهها للامام اشر الهاا لامام...سكنت من ثورتهاا وجنونهاا وهدئت وبردت اعصابهاا بعد ماشافت قبه اسد بغداد قبه ولي من اولياء الله..موسئ بن جعفر.. عليه السلام
شهد براحه//السلام عليك ياسيدي ومولاي نزلت هي وصلاح بعد ما حجز سيارته بالكراج. مسكهاا من ايدها وهو يحس برعشه ايدهاا ضغط عليهاا بحنان وحب مشووا بطريق المؤدي لامام الكاضم عليه السلام..توقف بقرب بائع لعبايه الصلاه الملوونه اشترة وحده لشهد لبستهاا وسلموا موبايلاتهم واجوو يدخلون لكن شهد استوقفت صلاح وهي تمسك ايده بخووف. شهد بخووف//لا تعوفني وتروح ترة اخااف..اخاف اضييع ترة كوولشي مااندل
صلاح بحنان//اعووفج؟؟ من كل عقلج اعووفج اني ماصدكت لكيتج مستحيييل اعوووفج شهد بخجل//لعد انتضرك هنا اوك.
صلاح ببتسامه//تدللين ضلي ساعتين واطلعي واني انتضرج هناا اوك يااعذابي؟؟ شهد بغصه//اي
دخلت للامام واصابتهاا حاله من الراحه والسكينه
دخلت لضريح الامام وبكت مفجووعه من هواي امور صارت وياهاا دعت ربهاا وهي تترجاه يخلصها من مشاكلهااا كعدت صلت صلاه الزيارة وصلت صلاتهاا رفعت اديهاا بالدعاء//يااارب بحق كل مضلوم ياارب فرج همي ويسر امري..ياربي والله تعبت اريد ارتاح.
اااااه يارب اقضي حاجتي وحاجه كل محتاج يارب. ضلت كاعده وتدعي وشويه تبجي حست نفسهاااا ارتاحت وطمئن قلبهاا وقررت تطلع بعد مارجعت زارت الامام
***********************************اما عند بطلنا المتيم..... كعد يصلي وهو يتوجه للامام ويدعي ربه يرجع محبوبته مثل ماكانت ويهدي بالهاا ويطيب جراحهاا انتبه لنفسه جاي للزيارة بزيه العسكري ابتسم بمررح من وراهاا حتئ مابدل ملابسه دائما يذكر عصبيتهاا يضحك عليهااا من تصير عصبيه وتضل تغلط وبس يجيهاا تشرد خايفه منه
موقف قديم...تذكرهاا..دخل لغرفته شافهااا تنضف بيهااا وهي تدردم وتسب صايره عصبيه. صلاح بسخريه//شبيييج تتعاركين ويه المكناسه. شهد بعصبيه//كنالك مانريد نضف جهنم مالتك وانته اله تنضفينهاا
صلاح ببرود مستفز//ليش ماتردين تنضفيهاا وبعدين هااي غرفت زوجج لازم اول غرفه تنضفيهااا. شهد بصدمه كاذبه//منووو زوجي؟؟ صلاح بثقه//اني. شهد باستهتار//قصدك طليقي صلاح بهدوء//انجبي...ضل يدقق بملامحهاا شاف شعرايه من رموشهاا وساقطه اسفل عينهااا. صلاح بمرح//اتمني. شهد بااستغراب//ليش؟؟ صلاح //اتمني وبعدين اكووولج. شهد وهي تدور بعيونهاا داخل لغرفه شافت صورته معلقه على الجدار ابتسمت بخبث وعرفت شلون دقه. شهد بخباثه// اتمنئ اخذ صورتك واحط عليهاا شريط اسوود واكتب«انتقل الئ رحمه الله الشهيد البطل..صلاح حسن جده مااعرف شسمه..دفاعا عن الجرابيع والصراصير » صلاح بهدووء//سويهااا وشوفي. شهد بااستفزار//والله اسويهااا. صلاح //حته والله اشنقج. شهد بخبث//انته تشتغل جلاد لو تشنق عالم احجي بصراحه وسرك بير محكول لاحد. صلاح بلعانه//جلاد واشنق عالم ثنينهن اختصاصي. شهد وهي تجاريه//اي عرفتك والله مبين من جلافتك وتعجرفك طلعت من الغرفه وقفت بباب لغرفه كلمته بخبث //والله اله اسووويهااا واخرب صوورتك. ركض وراهاا وهي ركضت شافت امه واقفه صارت وراهاا وهي تحتمي باامه. شهد بخوف//بيبي بيبي وخري مني لا والله اكتله ولا دكولين ماكالت ؟؟ ام صلاح بعصبيه//ولك صلاح شبيك عوف لبنيه بحالهااا موتتنه. صلاح بغضب//يمممه جيبيهاا لا احرك لبيت والله. ام صلاح //شنوو تايهتلك بنت لعالم وشمسويه حتئ تعاقبهااا عوف لبنيه احسلك. صلاح بغضب//اي ماتدرين شتريد تسووي. شهد بكذب//بيبي جذاب لا تصدكينه يتبله عليه. ام صلاح //شمسوويه؟؟؟ صلاح كل لامه علئ شهد شتريد تسووي بصورته. ام صلاح بصدمه//صدووك وللج. ؟؟؟ شهد بخوف//لا بيبي جذاب..اني لعاقله اسوي هيج شغلات معقوووله؟؟؟ صلاح بصدق//جذابه لاتصدكينهاا ..ام صلاح اني تربيتج وانتي تعرفين منو لجذاب. ام صلاح //ولللج شهيده احجي لصدك. شهد بتبرير//والله هوو قهرني واني جنت اتشاقه وياه يعني قابل صدك هييج اسووي. ام صلاح وهي تضربهاا//وولج تفاوليين علئ ابني تردين اتموتينه دهر صاابج انووب صلاح جاا غير انجلط واموووت. شهد وهي تمسك ايد ام صلاح//لا بيبي اسم الله عليج بس اني اتشاقه وياها. ام صلاح عافتهم وراحت وهي تحجي علئ شهد. اما هي كعدت علئ التخم وهي تفرك بكتفهاا بعد ماضربتهاا ام صلاح صلاح بسخريه//حل تستاهلييين. شهد قلدت عليه بصوت خافت صلاح بعصبيه//علييييمن؟؟؟ شهد بغضب//موو عليييك. رجع الذاكرته وقام من مكانه وهو يتوجه للامام زار الضرييح ودعا لمحبوبته بصدق نيه ودعاء طالع من اعماق قلبه يحبهاا بجنون ويريدهاا حد النخاع طلع من الصحن الكاضمي وتوجه الهااا. ********************************* عند اسرار
وحسين....
حسين كاعد يرتب بالغرفه واسرار تاكل ليموون. اسرار بضحكه//ههههه حسين ترك لبيدك وتعال اني هسه انضف.
حسين بحب//لا حبيبتي انتي بس ارتاحي واني اسووي كل شئ..وبعد لاتاكلين ليمون طحلتي لولد طحل اسرار//ههههه لا هوو يحب ليموون هو يريد ليمون. حسين وهو يحط ايده على بطنها//علاوي حبيبي لاتعب ماما زين ولا اذا اشتكت منك امك ماتلوم اله نفسك يصير كتلك عمل شعبي اوكي. اسرار وهي تضرب ايد حسين//شنوو تايهلك ماعنده ام تطلع وراهاا انته حاول تضربه وشوف لنسوان شتجيب💪
حسين بحب//هههههه احبج
اسرار بمحبه//حسين جنت اكرهك اتعقد منك تذكر مرة من المرات جنت رايحه للكليه وانته وقفتني بسيارتك؟؟ حسين بحب//اي اذكر ضليت اصييح عليج ورجعتج لبيتكم وبيومها ماداومتي وانتي عندج امتحان.
اسرار بمرح//بيومهااا كرهتك كره موطبيعي ضليت احجي وابجي وامي تسكت بيه وكالت هذا ابن عمج عيب تحجين عليج وهو يريد مصلحتج. حسين بحنان//اني من رجعتج ملابسج جانت كولش ضيقه وبارزه مفاتنج واني رجل شرقي غيور اكيد اغار على بنت عمي وزوجتي المستقبليه. اسرار باست حسين بخده//هسه اني الغار عليك واتخبل من وحده تنعجب ههههه
حسين برومانسيه//واني يااسرار مسوودن عشك صبرت سنه لخاطر عيووونج اني باجر اروح ازور جدي واتشكر منه لان ربطج بااسمي. اسرار بضحكه//عوود سلملي عليه هههههه. نامت علئ،صدر حسين وهي تسولفله عن حياتها قبل وحياتهاا هسه وشلوون حبت حسين رغم مرات تصرفاته تغث بس حالياا حته سلبياته تحبهااا وحسين اصلا من زمان يحبهااا. ********************************
ام عمار تتصل بشهد لكن شهد مترد خاافت عليهاا حيل ونهرت نفسهاا بغضب شلون خلته ياخذهااا احتمال ترخبطت او صار بيهاا شئ رجعت اتصلت بأم صلاح..انتضرت ثواني واجاها لرد. ام صلاح بمحبه//الووووو
ام عمار بحيرة//الووو السلام عليكم. ام صلاح //وعليكم السلام تفضلي ام عمار. ام عمار بغصه//بنتي اخذهاا ابنج ومااعرف وين وداهاا ياريت لو تتصلين بي وتعرفين وييين.
ام صلاح بصدمه//يممممه خطفهااا. ام عمار بهدوء//لا ماخطفهاا بس هو اخذها لان جانت تبجي وزعلت وهو اخذاهاا وراح. ام صلاح //لا تخافين بنتج باايادي أمينه وابني مستحييل يضرهاا هو يحبهااا ام عمار //بس ضل بالي عليهااا. ام صلاح//لاتخافين اتصل بي وارد الج خبر. ام عمار//تسلمين ياام صلاح ماتقصرين. ام صلاح بمحبه//مامسويه شئ وتدللين. رجعت ام صلاح اتصلت باابنهاا لكن هوو مارد عليهاا قلقت رغم تفائلها بابنها رجعت اتصلت كان يتصل لكن ماكووو رد استغفرت ربهااا وضلت محتارة شتسوي خافت من ابنهاا يضايقها او يسويلهاا شئ،او يجبرهاا على شئ تنهدت بحيرة ******************************
«كقلب امك احبك..اخاف عليكي من الطرق وقله اكلك..واقلق عندما اسمع نبرة الحزن في صوتكي. وفي دعائي،اسمك يسبق اسمي..كقلب امك احبك» كان جالس،على طاوله الطعام في احد فنادق الكاضميه الفاخرة..حجز ليله بالفندق رغم رفضهاا الكبير وعدم استجابهاا له لكن هوو اصر يقضوون هذه ليله بالفندق وجبرهااا تصعد للغرفه المحجوزة. اما هي كانت واقفه علئ النافذه الطوويله المطله على الشارع كانت تنضر لشارع الكاضميه بشرود وعدم اهتمام وهي متضايقه من وجودهاا بغرفه واحده تجمعهاا مع ذالك الرجل الاستثنائي ...وقف وراهااا وهو يحضنهااا من خصرهاا ويهمس باذانها برومانسيه. وحب عسئ ولعل يذوب الجليد لحبيته مغلفه بي
صلاح بهمس حنين// تعالي اكلي انتي ليوم كوولشي ماماكله ..يالله ياعذابي وصل العشاء. شهد بجمود//روووح اكل بالعافيه علييك...
صلاح بحنان//وانتي؟؟ شهد بتنهيده//مااريد شبعانه قهرر. صلاح بحزن//كنت شاب ببدايه حياته او يمكن مراهق دخلت كليه الضباط تفاجئت بالتدريبات والضغط للنتعرضله بكليه الضباط بحيث ايجبرونه حته على الاكل لموزة يردونه ناكلها كلهاا بثواني جنت بالبدايه اختنك واغص بيهاا لكن بعدهاا تعلمت وجانواا باليل او الفجر يقتحمون غرفنه وهمه يعلمونه شلوون نقاابل لعدووا تحولت من شااب مسالم لشااب متعجرف ياكل لاخضر وليابس وهذا الشئ طبعا حلوو لان بااعتباري شخص مكلف بحمايه البلاد من بعدهاا تخرجت وتعينت بااحد مراكز الشرطه تفاجئت اكثر بكميييه الاجرام لدا يصير بالعراق جرائم قتل واختلاسات واشياء كثيرة. شهد بحقد//واني شلي شغل بهذا لحجي كووله. صلاح بمحبه//حجي بي رباط وهسه تفتهميين
شهد سكتت صلاح //قبل لا ينقتل مهند يمكن 4اشهرر صارت عدنه حاله بمركز الشرطه جابووا شباب وانسجنوا بعد مادققت بقضيتهم طلعوا ذلوله قاتلين 3 اخوان بيوم واحد ولسبب تافه اتفه منه ماااكووو وطبعا لقتل عمد ومع سبق الاصرار وترصد. شهد بفضوول//ليش قتلوهم ؟؟ صلاح //لشباب لنقتلوا يبيعون طحين يعني دوارة والقاتلين هماتين نفس شغلهم..ولان ذووله اجوو وباعوا بمنطقتهم القاتلين ثاروا عليهم ورادوهم يطلعوون من المنطقه لكن ذولاك رفضووا صارت بينهم عرركه وكلمن خابر اخووانه لاانقتلوا اجوو بدون اسلاح وذولاك اجوو بسلاح وقتلوهم تلاثتهم وطبعاا شردوا لكن العشيرة ثارت وطالبت بقتلهم شهد بحزن//وقتلوهم؟؟ صلاح//لا همه حاليا بسجن بس عشيرتهم فصلت مبلغ كووولش كبير ومع هذا همه انحكموا اعدام بااعتار هذي جريمه ولحق لعام ميضيع وحق الدوله مطلووب. شهد //اي كمل. صلاح بتنهيده//كنت اتخبل من اشووف هييج حاله وتضل عايشه وياي شهوور ..سافرت ورجعت وهنه جانت لصدمه لكبيرة بالنسبه الي انصدمت بمقتل اخووي علئ ايد شاب طايش.
شهد ببكاء وعبرة//وطالبت بيه؟؟ صلاح //ضليت اكل بروحي اكل جنت كل ضني عمار شاب مستهتر قتل اخووي ومارفله جفن ماردت الدوله تاخذ حقي لان هواي اشووف مجرمين متنعمين بالسجوون يأكلون ويشربون وتبريد يدك عليهم والمقتول راح واندفن ونسوو. شهد بنحيب//بس عمار مامتقصده وهو متندم. صلاح وهو يمسح دموعهاا// ماعرفت مكان عمار وين وماردت فصل فلوس ردت احرك كلبهم مثل مانحرك كلبنه ومع كل هذاا ردتهم يسلموون عماار فكرت اخذ منهم فصليه ومن راح اطلب هذا لطلب اتوقعت راح يسلمون عمار لكن انصدمت بموافقه ابووج وعشيرتج علئ طلبي..كلت ميخالف خلي اخذهاا وبعدين يسلمون عماار اخذتج وتفاجئت بتصرفاتج الطفوليه وعنادج الدائم وبطبيعتي رجل قيادي محد معاندي شهد بغصه//ليش مااختاريت شهلاء؟؟ صلاح بكذب//لان انتي عجبتيني؟؟ شهد بسرعه//جذاب اصلا انته ماشفتني يمكن شفت بس طووولي ة. صلاح بضحكه//هههههه لا مو لان عجبتيني لغايه جانت بداخلي كلت من اختار لصغيرة احتمال يسلموني عماار لكن للاسف سلموج انتي. شهد وهي تمسح دموعها// خبيث. صلاح ببتسامه//عشتي عندي سنه وشهوور كل يوم اشوفح كدامي مااعرف حبيتج بهاي لسنه وبالحضه مو عاديه ومامخطط لاي شئ حبيتج لان متشبهين احد حبيتج بصدفه جمييله مسكهاا من اطراف حنكهاا وهو يقبل شفايفهاا برومانسيه ماا هي تجاوبت وياها عده ثواني لكن سرعاان ماابتعدت عنه وهي خجلانه مشت خطوات مبتعده عنه بس هوو مسكهاا من كتفهاا. صلاح بحنيه//بعدني ما مخلص كلامي.
شهد بخجل//خلي نروح للبيت احسن
صلاح بغموض//لااا..ليلتنه بيهاا اعتراف ومانرجع للبيت اله وانتي راضييه. شهد بخجل ومزح//اعتراف رجل استثنائي. ؟؟ صلاح بمحبه//اي.
صلاح طلب منهاا يكعدون ويتعشوون لان ماتموا من الجووع وكعدوا اكلووا هي مااكلت بس قليل من خجلهاا تغص بالقمه اما هوو كان ينضر الهاا بهيام وهي تأكل وهو مقدر خجلهاا ويعرفهاا كولش،زين هي حيييل خجوووله ابعد نضرة عنها وخلاها تاكل براحتهااا..سمع اتصال من امه راح وهو يبتعد عنهاا اتصل باامه وطمنها وطلب منها تتصل بااهل شهد وتطمنهم لان خطيه ضالين على نار. ******************************** ام صلاح اتصلت باام عمار وطمنتهاا عن بنتهااا وام عمار تشكرت منهااا
عمار بخووف//هااا يمممه وين ماخذ شهد
ام عمار بهدوء//رايحين للزيارة لاتخافون مابيها شئ. شهلاء //لعد ليش شهوده ماتفتح خط. ام عمار//لضاهر موبايلهاا بالامانات. شهلاء// هااا اني حتصل عليهاا
ام عمار//براحتج
عمار بحسرة//يممه لشهر لجاي اسافر. ام عمار بحزن//ليش ييمه اخوو لمرحوم عفا عنك ليش تريد تهاجر وتترك امك. عمار ببتسامه//يممه اني تعبت اريد ارتااح وزوج شهد يكرهني مايحبني من يشوفني يشوف اخوو بوجهي ام عمار //بس شلون بيه يصعب عليه فركاك.
عمار بحنيه//لا يممه اني يوميه اتصل بيكم واخابركم ويعني عبالك كاعد وياك مدام وسائل الاتصال تطورت ميصعب عليكم فراكي قابل اني ميت. ام عمار بحنيه// إسم الله عليك عمرك طوويل يممه والله مااعرف شكلك بس ليريحك سووي ولوو مااكدر علئ فراكك بس انته هم تعذبت. عمار بتنهيده//الله كريم يممه للمهم عسوله ترتاح هذا ليهمني ويريحني
ام عمار//عسووله ماترتاح اله وياه. عمار بتساؤل//يممه هي تحبه؟؟ ام عمار//اول شئ خلي تجاوبني واني اجاوبك. عمار بتنهيده//بس هوو يحبهااا. ام عمار//كوولهم يحبونهاا بس هي مجروحه منه يمكن جان يضربها ويئذيهاا بس هي متحجي. عمار بحزن//اكييييد معذبهااا ام عمار بحزن//وكل هذا سالفه حركها اخذت نص حيلهاا ودمرتهااا. عمار//الله كريم الله يشافيهاا ويرجعها مثل قبل. ام عمار//اميييين. ******************************** عند العسووله والرجل الاستثنائي.... شالهاا وهو يمددهاا علئ السرير ضربته بخووف ورعب وهي تتمنئ يتركهاا خافت منه حيييل. شهد بخووف //عووفني عووفني لاتجبرني علئ شئ ووخر مني ااااه يمممه. صلاح بحنان//شبيج والله مااسويلج شئ ومستحيل المسج مادامج ماراضيه بس اني اريدج تنامين ولو اريد اجبرج جبرتج من زمان من يوم لكنتي عندي فصليه واني المتحكم بييييج. شهد ابتعد عنه برعب وهي تعدل ملابسها//جذاب ولكنت تريد تسوووي. ؟؟؟ صلاح ببتسامه//والله مجاي اسووي شئ وبعدين لاعرفه انتي ماتعرفين للزواج. شهد بخجل//جنت مااعرف بس هسه كبرت وعرفت اسرار وميس علمني كوولشي واعرف نيتك لخبيثه. صلاح ببتسامه سخريه//اسرار وميس بعد تكطعين علاقتج بيهن مااريد اصدقاء سوء يخربون اخلاقج. شهد بحقد//ميس واسرار اختك وبنت عمك ومن عشيرتك وانتم المسؤلين عليهن واذا تعتبرهن اصدقاء سووء فاانته اكبر صديق سوء. صلاح بمحبه//احبببج. شهد بتساؤل//ليش عفيت عن عمار؟؟
صلاح بصدق//لان الشرع مايحلل قتله بما ان مامتعمد عليه بس يصوم شهرين يااما يعتق مسكين. شهد بحقد//يعني مو لخاطري. صلاح //اكييد وكفن عيوونج لو ماانتي مافتحت القضيه من جديد واني اعيييد دراستهاا
شهد ببكاء//بس ضلمتني ؟:
صلاح بمحبه//ادري..بس اني مو معصوم عن الخطا وجنت ببدايه ثاري بس من حبيتج عرفت ان انتقامي كذبه لان لينبني علئ،باطل فهو باطل..بس يضل الحدث الاعضم هوو حبي الج وعشقي هو لطفئ،نار انتقااامي...احبج ياشهد. خجلت وهي تنزل عيونها الكسيرة منه لكن هوو رفع راسهاا وهو يقبلهاا للمرة الثانيه ليوم ويحس بردت فعلهاا ورعشه جسمهاا من قبلاته...رن موبايلهاا وهي فزت مرعووبه ابتعدت عنه وهي تاخذ موبايلهاا واحت للصاله... اما هوو لعن لمتصل لان خرب عليه لحضه رومانسيه من اجمل لحضات حياته مع معشوقته المضلوومه. كعدت بالصاله وهي ترجف من لمساته.
شهد //الووو هااا شهلاء؟؟ شهلاء،بغضب//وعلا صارلي ساعتين اتصل وين جنتي لوو بعد شفتي صليح ماتقلدينه. شهد باارتباك//شبيج اكلتيني بكشوري جنت اتعشه ونسيته صامت وهسه فتحته.
شهلاء بسخريه//جنتي تتعشين لو جنتي نايمه بحضنه
شهد انهبطت//لا والله ثول حته ثوول تعرفين اني مااحب هيييج سووالف. شهلاء //يعني واحد وحده بغرفه شتتوقعين يسوون واذا مكان ثالثهم الشيطان. شهد بخجل وعصبيه//انشاءالله لشيطان يتلبسج ياجنيه وووولي. شهلاء بمزح//ههههه عليج الله جنتو تتباوسون. شهد بعصبيه//هاااي شبيهااا لكفت مرض حته مرض صدوك ماتستحيين ويالله ولي بعدج صغيرة على هيج سوااالف. شهلاء بمزح//باااي بس بوسيلي صلوووحي. شهد بغضب//ولي ولي قليله ادب محد منطيج تربيه امي خطيه كاضيتهاا تنضف وتشتغل.وابووي بالشغل هو وعمار..وانتي ضاله تلعبين بكيفج. شهلاء بحب//هههههه احبببج روحي لصلووحي بااي. شهد بعصبيه//وعلاي روحه بلا رده. قفلت الموبايل وهي تلمس شفايفهاا خجلت لما تذكرت تقبيله الهااا وقررت تنام بصاله خجلا منه.وخوفا منه..... «سيدي اريد قربك حد الانتماء... ومع ذالك اهابك...احلم بك كحلم الحريه للسجناء واخافك...اخشئ غرام الاسياد ومع هذا اتمناك ويرهقني البعاااد» نامت علئ القنفه لاباارض الصاله وبعد نص ساعه راحت بعالم بعيد عن عالمهااا...اما هوو من حس،بيهاا اتاخرت راح يشووفهاا شافهاا نايمه بطفووله وهي متغطيه بجاكيته ابتسم عليهاا بحب وتقدم منهاا شالهاا بين ادييه ومددها علئ السرير ونام وهو حاضنهااا وضل طول ليل يدقق بملامحهاا وايده تمسح على شعرهااا. ******************************** عند ميس واياد.......
ميس كاعده تنضف بالبيت واياد كاعد على القنفه. اياد بمرح//ميس بس تجيبين وتكومين بسلامه انشاءالله اريدج تحبلين وتجيبين تووم اوكي ورة متجيبين لتوم هم خلفي بسرعه اريدج تسوينهم 12 ميس بصدمه//خيير ؟؟شنوو اني اله تفرييخ؟: اياد بمزح//لا حبي اريد اسووي منتخب واني المدرب مو تعرفين فريقنه هاي الايام تعبان. ميس بسخريه//والله يااياد اذا انته المدرب وولدك الاعبين اقرة على المنتخب السلام اكييد لهند تفوز علينه 6~0.
اياد بزعل مصطنع//لييييش؟ ميس //اذا انته عجوزي وكاضيهاا نوم واكيد ولدك يطلعون عليك لذالك اترك فكرة المنتخب وخليني اخلفلي اثنين تلاثه احسن مااجيبلي درزن مابيهم فايده اياد بزعل//زعلت. ميس وتعامله مثل لطفل//لا يييمه حبيبي لصعينون لاتزعل والله هسه هاي ميس ام كفشه اخبزها خبز. اياد بضحكه//ههههاي تعرفين نفسج عندج كفشه. ميس بزعل وهي تضربه بدلع//عابتلك مو صوجك صوجي اني لاحجي ويه واحد مثلك. اياد بحب//ههههه وروح ابووي احبج. ميس ببتسامه//الله يرحمه. ************************************يا عطر الشّوق، يا شهد وذوق، يا نور الشّمس، يا صوت الهمس، يسعد صباحك...احبج»»❤
كانت نايمه بهدوء وسلام اما هو اكثر وقته مانام فرحان بيهاا وبوجودهاا جنبه فتحت عيونهااا وهي تفرك عيونهاا بنعااس وطفووله.
صلاح بحب//صباااح الطفوله ياطفلتي. شهد بخجل// صص صبااح الخير. صلاح بهيام//يالله روحي غسلي حته نتريك ونروح لو تردين نبقه هناااا. شهد باارتباك//لا نرووح احسن. صلاح //اوك براحتج. غسلت وجهها واكلت بخجل وهي حاسه بااضطرابات بمشاعرهاا الرقيقه خجلت من مد الهاا كوب الحليب وهوو يشربهاا خجلت منه اخذت كوب لحليب من ايده شربت منه شووويه ورجعته على الطاوله. صلاح بحنيه//بعدج زعلانه. شهد بحسرة//اخذتني من حضن امي ويتمتني عيشتني حاله يتمن خليتني اشتاق لصوت الغاليه وهي على قيد الحياه وهسه تدور رضاي ياصلاح اني مجروحه منك ومن غيرك حتئ برجوعي لاهلي مامرتاحه عايشه غريبه روح مو غريبه وطن بس دائما اكوول الحمدلله وربك يفرجهااا. صلاح بتنهيده واسئ//من احتركتي زادت محبتي الج انهارت كل حصووني. وبالمستشفئ تخبلت واني اشووف لجنايز تطلع من المستشفئ خفت وراحت روحي خفت اشووفج جناازة ويمكن انجن صارت عندي علاقه بيني.وبين ربي جنت الح بالدعااء واتوسل لربي بهذييج الحضه ايقنت وتاكدت انتي اغلئ من نفسي ولوو عندي ذريه وطفل وصاير بي مثل لصارلج مستحييل اتئذه عليه مثل ماتئذيت عليج وسنه كااامله واني خاايف افقدج لبيني وبينج مو حب لبيني وبينج شئ مقدس واني حييل احترمه اني حبيتج بتملك وجنون واتمنئ تبادليني المشاعر... شهد ابتسمت بأمل وفرحه بسيطه من اعترافه المقبول حست انو هي تهمه ومو بس هي لتعذبت هوو هم تعذب بفقدانهاا ومعاناتهاا. شهد بمرح//يالله خلي نرووح لطردونه اهل لفندق. صلاح بمحبه//شحدهم وراج ذيب محد يكدر يطردنه شهد //ههههه لا عفيه منريد مشااااكل. طلعووا من الفندق ومسافه الطريق وصلهاا لبيت اهلهاا قبل اصاابع ايدهاا بحنيه وهوو يطلب منهاا ترجعله اما هي سكتت ونزلت من السيارة باوعت عليه وهو بعده مامحرك سيارته دخلت وهي تقفل لباب وكفت ورة لباب وبكت بقلب موجووع ليوم تناقشووا بهوواي اموور لكن ضل امر واحد بعدهم مامتناقشين عليه ولازم يحلوونه. ام عمار وهي تحضنهاا//لزيارة مقبوووله.
شهد بمحبه//قبل اعمالج ماما تسلمين. ام عمار بحنيه//هااا ارتاحيتي حبيبتي؟؟
شهد بمرح//الحمدلله شوويه احسن. دخلت لغرفتهاا سبحت وغيرت ملابسهااا مرت ساعتين بكت بكت لحد ماخلصن دموعهاا قررت تتصل بي وتطلب منه طلبهااا. اتصلت بي وجاهاا صوته الجامد. صلاح بحب//هااا حبيبتي. شهد بنحيب//صلاح تكدر تجي لبيتنه ؟؟ صلاح بااستغراب//اكييييد بس انشاءالله خيير؟؟. شهد ببكاء//انشاء الله خيييير. قفلت الخط وهي مهبوطه من الشئ لتريد تسووي حست دقات قلبهااا زادن وراح يوقف بااي لحضه. طلعت لاهلهاا شافتهم مجتمعين بصاله. شهد بهدوء//صلاح راح يجي من يجي دخلووا لغرفتي اوكي؟؟: لكل انصدم من كلامهاا وخاصه ابوهااا لكن مارفضلولهاا طلب ام عمار بحنيه//اي حبيبتي تدللين. دخلت لغرفتهااا وهي منهاارة خاايفه بقوووة بس،اذا يحبهاا يرضه بالامر الواقع.... نهايه البارت...
بقلم«سمو العراق»
#البارت28 قصه«رجل استثنائي» بقلم.سمو العراق..
«سر السعاده ان تشعر ان الله راضي عنكم..فلا تنسوا ذكر الله الا اله الا انت سبحانك اني كنت من الظالمين..مسائكم سعاده ورضئ..🌹» تعالووا نبحر بالقصه... ************************************اجت اسرار لبيت اهلهاا كانت كاعده وهي تسووي زلاطه وميس بالمطبخ اما امهاا كانت تصلي اسرار تذكرت شهد وضحكت نسترجع الموقف.... اسرار وهي كاعده بغرفه شهد//صدوك راح ترجعين لاهلج
شهد بفرحه//اي حرجع هوو كال بعد مايريدني. اسرار بمحبه// راح انطيج رقمي وتواصل وياج بس كون محد يدري بهذا الشئ
شهد //لا ليش متردين احد يعرف اصلا اني قررت من ارجع لاهلي ويعرس اياد اجي لميس واركص ركص ماصاير.
اسرار بمرح//تعرفين تركصيين؟؟ شهد بمرح//اي اعرف مرات من امي تروح للسوك وبابا بدوام ومحد بالبيت ههه شهلاء تطلع اغاني ونضل نركص اني وياهاا واعرف كم حركه.
اسرار وهي تشغل اغنيه بموبايلهاا//يالله اركصي خلي انشوف ابداعاتج بالركص
شهد برفض//ياااا والله استحي. اسرار بدون صبر//كومي كومي لا تتعيقلين يالله اركصي عليج الله
شهد ضلت تركص بحركات بسيطه علئ انغام اغنيه هزي هزي هزي خصرج ههههه «حلوة هاي لغنيه بيها حمااس😁» وهي متحمسه ..دخل للغرفه وشافهاا تركص ضل ينضر الهاا بنضرات مصدوووومه.
صلاح بعصبيه//ههييي شنوووو هذا ماتستحيين بيت لو لملهئ مال الخلفوووج؟؟ شهد بخجل وخووف//اءءءءءء صلاح بغضب//وعلااا بمكان هذا الاستهتار وركص لما منه فايده رووحي شوفيلج شغله جنج كاووليه. شهد بزعل// شبيك علئ كيفك صرت عليه شريف روما
صلاح بغضب//انجبي عرس ابوووج. وضاله تركصين شهد بغضب//لا عرس ابووو....اااااااااه.
قطع كلمتهااا بعد ماقطع شعرهااا بااديه مسكت ايده بوووجع وهي تحاااول تخلص شعرهاا من قبضته اجت اسرار تركض وهي تهدي
اسرار بحنيه//صلاح خطييه عوووفهااا صلاح بعصبيه//هاااي وحده لسانهاا طويل ماتعرفين شتريد ترد والله اله اربيهاا قبل ماارجعهاا لاهلهاا. اسرار بتوسل//عووفهااا لخاااطري. صلاح تركهااا وبعصبيه//يالله روحي سويلي،غده. شهد بصووت خافت ماسمعه//تاكل سم انشالله. راحت وتركتهم وهي تبكي من وجع شعرهااا. صلاح وهو يبعد شعرهاا من ايده بعد ماكطعه بااديه صلاح//شكالت؟؟؟ - اسرار. بكذب//كالت ااخ يمه شعري
صلاح وهو يرفع حاجبه// لا والله. اسرار بحنيه//صلاح ليش هييج تعاملهاا انت مو راح ترجعهاا لاهلها خلي الك موقف حلوو وياها تذكرك بي لا تصير حقوود لبنيه مالهاا ذنب حرام عليك. صلاح بزعل//اني مااريد الي موقف حلوو وياهاا مدام راح ارجعهاا لاهلهاا يعني كولشي لبينه انتهئ. اسرار//يعني تقنعني انته ماتحبهاا؟؟ صلاح بعصبيه//اسرار شنوو هذا الحجي والله لعضيم اذا مرة ثانيه سمعتج عايده هيج كلام ماتلومين اله نفسج
اسرار بهدووء// ههه وقعت صلاح وماتريد تعترف. صلاح بغضب//اسرار وخري من وجهي لا يجيج راشدي يخرب معاني وجهج. اسرار بمرح وهي تطلع من الباب//يمممه صدوك لو كالت شهد مجرم خريييج سجووون. صلاح شمر عليهاا باكيت لكنلكس واسرار طلعت تركض وهي تضحك. رجعت لواقعهاا وهي تبتسم. ام صلاح //خيير ضحكينه وياااج؟؟ اسرار ببتسامه// اضحك علئ شهد وصلاح مرة شافهاا تركص وكتلهااا. ام صلاح//ههههه اتذكر خطيييه. اسرار// لا يممه بعدين صلاح شكال..بس والله ركصهاا حلووو تعرف تكسر
ام صلاح//هههههه هي صدك تعرف تركص؟؟
اسرار بمرح//اي موو كوولش بس تعرف كم حركه بس هي حركاتهاا ناعمه بركص يعني مو هووسه. ام صلاح بمحبه// هي كلهاا ناعمه والله اني احبهاا رغم اخوها قتل ابني بس هي مالها ذنب خطييه وتعذبت انوب سالفه حركهاا زادت لطين بله. اسرار بحب//انشاء ترجع لصلاح وتعيش بينه. ام صلاح بصدق//انشاءالله. ********************************** وصل لبيتهم نزل من السيارة بقلب مقبووض تنهد بحزن خايف من طلبهاا لكن هوو مستعد يواجه اي طلب تطلبه منه والا الطلاق يدفنها ومايطلقهااا. رن جرس لبيت وهو متوتر ..ماهي اله عده ثوااني وانفتح الباب.. صلاح بتوتر//السلام عليكم. ام عمار بهدوء//وعليكم السلام تفضل صلاح//تسلمين زاد فضلج.
تكمله 28
دخل للبيت شاف ابوها واختهاا كاعدين لكن اخووها مامتواجد لضاهر طلع خوفا من المشاااكل. صلاح بهدوء//السلام عليكم. ابو عمار بدون نفس//وعليكم السلام. شهلاء بهدوء//اهلا وسهلا. صلاح بدون مايكعد//وين شهد؟؟؟ ام عمار//تفضل خلي اخذك لغرفتهااا. صلاح بحيره//اوووكي. اخذته امهاا لغرفتهااا ...دخل للغرفه شافهاا واقفه بحزن وهي لابسه تراك وردي فاااتح البدي مالته قصير وبالوسط سحااب وشعرهاا ضافرته ضفيرة وطوويله ومبين من وجهها كانت تبكي ووجهها احمر من البكاء بااصابعه ضل يحدق بوجهها . صلاح بحنين// لا تفجعيني يا اوجاعي الحلوة شنوو طلبج ؟؟ شهد بحسرة وهي تغمض عيونهاا//صلاح طلقني. صلاح بعصبيه وهو يمسكها من رقبتهاا ويخنقهاا بقوووة وشرار يطاير منه عيووونه. صلاح بعصبيه// تحلميين اطلكج والله اموتج ومااطلكج قبر يلمج ولا غيري يحضنج تردين تطلكين حته ترحين تزوجين غيري مستحيييل اطلك. شهد حست روحها راح تحرر من جسدهاا//ااااه عووفني كح كح ااااه عوووفني
صلاح وهو يشوف وجهها انقلب للون لازرق ابعد ايده عنهااا وهو يمسكهاا من اكتافهااا شافهاا تتنفس بصعوبه وتكح
صلاح بحنيه// هااا حبيبتي اني اسف مجان قصدي بس انتي عصبتيني بطلبج لغير مقبول. شهد وهي تسعل//ااه كح كح. اهئ اهئ. اا..اني لخاطرك اسووي هذا الشئ مااريدك تتعذب وياي،اني ماافيدك اااه اني موو صالحه للزواج.
صلاح بحنيه//لييش ياحبيبتي؟؟؟ شهد قامت من مكانهاا وهو وقف وياهاا ابتعدت عنه. ضلت تنضر اله بنضرات حزينه ونضرات ترقب مسكت طرف سحااب البدي من الاعلئ وهي تنزله الئ الاسفل فتحت البدي بكامله ضل معلق فقط علئ اكتافهااا ضلت فقط بالملابس الداخلية من الاعلئ. اماا صلاح تنهد بحزن وهوو يغمض عيوونه رفع راسه للاعلئ مسح وجهه بتوتر..اما هي كل حركه يسويهاا تاخذ نص حيلهاا تندمت لان فتحت سحاب البدي وكشفتله عن جسمهاا المشوه...جلست علئ الارض وهي تدفن راسهاا بين ركبهاا. شهد ببكاء//ماردتك تشوف جسمي بس انته ماتطلكني اله تشووف لتشووه لبجسمي عرفت وعرفت حنيتك لغير مقبوله وحبك المزيف راح ينمحي بس تشوف اثار جسمي اكرهك وكره خبثك بعدك مامنتقم بعدك تريد تنتقم مني.؟؟
صلاح شالهااا بحنيه وهو يمددها علئ السرير ضربته ودفعته رادت تخلص نفسهاا منه لكن ماكدرت.
صلاح بحنيه//يعني اني مشايف جسمج؟؟ يعني اني ماادري بيج احتركتي؟؟انتي احتركتي بيتي واني طفيتج بااديه يعني اعرف كووولشي متفاجئ منج شلوون تخلين هذا لشئ يأثر علينه تطلبين لطلاك حتئ مترديني اعرف بالتشوة لبجسمج؟؟ اني احببج وماهمني تشووة وهذا الشئ مو جديد عليه اني دارس حالتج والدكتور شرح حالتج واني حتئ من سمعت هذا الشئ ماتركتج بس مدام انتي مخليه هذا الشئ بيناتنه راح اسحبج لبيت لطاعه غصبا عنج. شهد وهي تبعد وجهها عن صدرة//بس اني مقهورة حاسه نفسي مثل الفاقده شرفهاا..خايفه من العالم ونضراتهم عبالك مسوويه جريمه لقهر ياكل بكلبي حااسه بنقص..اني ماشكيت لاحد لان محد يستاهل ينقهر عليه ..اني اريدك بس انته تنقهر اذا تحبني حن عليه حسسني بوجودك. صلاح مسك طرف لسحاب وهو يصعده للاعلئ مسكهاا من اكتافهاا وهو يقبلهاا بحرارة غمضمت عيونهااا بخجل وخوف وهي تاركته يسوي ليريده. ابتعد عنها وهو ينضر لملامحها الخجلانه. صلاح بحب//احبج ولا راح اتركج. شهد بحزن//اعرف ضميرك مانبك عليه ..خايفه تكون حنيتك عليه يوم يومين وتنتهي
صلاح بعصبيه// شنوو اني زعطوط بابا عمري 31سنه عابر مرحله المراهقه ومن اكلج احبج اعني الشئ لاكووله اني حبي مو حب يوم ويومين احبج واني اعرف هاي لكلمه لكن للاسف انتي ماتحبيني لو تحبيني جان عرفتي معني لحب ماطلبتي لطلاك. شهد ببكاء//مجروحه مكسوورة تعبانه اريد ارتاح لتشوة لبجسمي معذبني مدمر حياتي
صلاح بحنيه//زين اسويلج عمليه تجمييل؟؟ شهد بتساؤل//ويروووح لتشوة؟؟:
صلاح بصدق//اي يعني مو يروح يروح بس احسن لدكتور كال اسويلهاا عمليه...
********************************** عند شهلاء وكريم بالجامعه..... شهلاء بفررح//شهد حترجع لصلاح بس تسوي لعمليه التجميليه ..هي كالت والله. كريم بحب//يعني اجي اخطبج:؟؟؟ شهلاء بسرعه//لا لا خلي تنجح عمليه شهد يالله وبعدين نخلي شهد هي الواسطه. كريم بدون صبر//ولج والله مليت راح اصير شايب واختج بعدهاا مشكلتها مامنحله. شهلاء بحب//مابقه شئ ونجتمع اني وياااك. كريم بمرح//اااااه شوكت يجي هذا ليووم. شهلاء//يجي ومستحيل اتزوج غيرك. كريم بعصبيه//شمحلاج وتزوجين غيري حته اله اذبحج والله. شهلاء بضحكه//هههههه يممه حبيبي مجرم. كريم بمررح//مجررم ؟؟اصير مجرم لخاطرج. شهلاء//هههههههه. ************************************بعد مرور شهر....... شهد وصلاح وامهاا سافروا على تركياا بعد ضرف كبير من ابوهااا مارادهاا ترجع لصلاح لكن هي هذي ارادتهاا وهمه احترموا اردتهاا....وصلوو لتركياا واستقبلتهم المستشفئ دفعوا تامينات المستشفئ وحددوا موعد عمليتهااا..لبسوهاا ملابس العمليه وهي ترجف وترتعد من الخووف دخلوو عليها الاطباء والممرضات شكلوا الكانونه بيدهااا ودخلت امهاا وصلاح عليهاا
شهد بخووف//خاااف اموووت
صلاح بحنيه//لا يعمري لاتخافين عمليتج مو خطرة. شهد برعب//انشاءالله. ام عمار بحزن//اريدج سباعيه حبيبتي لاتفجعيني. شهد ببكاء//انشاءالله. طلعووا من غرفه العمليات بعد ماودعوهااا وهمه يدعولهاا تقوم بسلامه ...اما عندهاا ضربوهاا مخدر وراحت بغير عالم وهمه يبلشون بعمليتهااا.
نهايه البارت..بقلم«سمو العراق»😘.

[فيتامين سي]

٢٩_________٣٠
الأخيررررررااااات

#البارت..29.قصه«رجل استثنائي» بقلم سمو العراق.
«شيئا ما يؤلمني ..لست متاكد ان كان في جسدي ام جسدكي انت» كانوا جالسين بتوتر وهمه ينتضرون الدكتور يبشرهم بنجاح عمليه عسووله. ام عمار كانت جالسه على احد مقاعد المستشفئ اما هو كان واقف امام الباب وهو يتكئ بيده على جدار الغرفه. ام عمار بحزن//كنت ام محافضه علئ بناتي بحيث احاسب علئ كوولشي كانت شهد حييل متعلقه بيه بحيث اذا رحت لمكان وضلت يوم كامل اجي الكاها عيونهاا مورمه من البجي كنت اخاف من المووت لخاطرهاا ولخاطر اختهاا وكنت مستحيل انطي او ازوج بناتي بعمر صغير جنت احلم اشوفهن مخلصات دراسه ويزوجن لشخص ليقتنعن بي لكن ماجنت حاسبه حساب لليوم لمشؤؤم لبي عمار قتل اخووك تفاجئت من طلبت منه فصليه وانصدمت من طالبت بحريه الاختيار حسيت بنهيار عضيم بداخل قلب ام ضحت بااحد بناته خوفا على ابنهاا رفضت يسلمونك عسووله لكن لكل وقف ضدي ابوهاا وعشيرتهاا وحتئ هي رادت تجيك خدامه خوفا على اخوهاا. اخذتهاا مني وضليت مفجووعه بفراكهاا سنه كامله دائما اريد اجي واريد احررهاا من سجنك لكن لكل يوقف بوجهي من حان موعد لقائنا صرت مثل لطيرة لمفرفحه ماخليت شئ ماجبته الهاا لكن الفاجعه الكبيرة الانصدمت بيهاا بنتي احترقت وهي بين لحياه والمووت وسالفه حركهاا اخذت نص،حيلي الحمدلله تعالجت وطابت لكن لحزن ياكل بروحهااا وهنااا سؤالي موجهته الك ياصلاح بنتي شافت وياك بشنووو عاقبتهاا؟؟: هي ماحجت شئ بس اريد اسمع منك انته صلاح بجمود //مدام هي ماحجت فااني احترمهاا وماراح احجي. ام عمار بنحيب//لا صلاح احجيلي بنتي شافت منك ؟؟ومنوو اكثر شخص زعلهاا؟؟ اعرف بنتي حساسه واي شئ،يزعلهاا. صلاح بتنهيده//ياا ام عمار مااريد افتح دفاتر قديمه بس لحاب اكووله الج بنتج يمكن تحملت اكثر منج وانتي رغم خبرتج بالحياه لكن هي صارت عدهاا خبرة اكثر منج وانتي امهااا ام عمار ببكاء//برووح اخووك احجي لصدك شهد شافت منك؟؟ صلاح ببتسامه حزينه//ام عمار شتردين تعرفين شعر بنتج بعده بااديه..واصابعي مطبووعه بخدهااا وكلامي بعده تارك بصمات مجروحه بصدرهااا ... ام عمار بقلب مجروح//يعني معذبهاا وجارحهاااا ترة والله مالهااا ذنب مضلووومه. صلاح بتنهيده//بس رغم كوولشي هي تاخذ حقهاا مني ودائما تثور عليه رغم هي خوافه وتشرد بنص انهيارهاا لكن تعجبني ثقتهاا بنفسهاا واعتمادها علئ نفسهااا
ام عمار بحسرة// دائما احس بيهاا تناديني وحتئ بااحلامي تجيني اكلهم شهد بحاجتي وتريدني. صلاح بهدوء//دائماا تكوولي اريد امي وتصرررخ بوجهي وهي تطلبكم الهاا وماتريد احرمهاا منكم لكن للاسف سنه كامله واني حارمهاا من كووولشي ام عمار//ليش حرمتهاا منا وشلون شفتهاا احتركت كدام عيوونك شنوو جان شعورك وانته تشوف طفله مشتعله بيهاا لنار كدامك. صلاح بجمود//قبل ايام من حرقهاا تحلمت حلم وسولفته الي ضل حلمهاا ياكل ويشرب ويااي وصيت امي متخليهاا تدخل للمطبخ وامي ماقصرت منعتهاا من دخول المطبخ ..اجتنه اختي اسرار وطبخت النه وخلتهاا ترجع تحمي لاكل وهي مجانت تعرف بعين من عيون الطباخ مفتووحه ومسربه غاز انفجر عليهاا الطبااخ وحركهااا وتحقق حلمهاا هي نص البرده المحروقه
ام عمار بحسرة وبكاء//انضلمت واحنه لضلمناهاا مرات اضل للصبح افكر بيهاا شلون راح تعيش ويه رجال يطالب بحقوقه الزووجيه وهي كلشي ماكووو متعرف بهييج اموور واني اصلا ماعلمتهاا بامور لزواج اخجل منهاا واحسهاا طفله مو مال هيج سوالف صلاح بهدوء//ماطالبتهاا بحق الزوجيه ولحد الان اني مامطالب ولا لمستهاا لان ادركت من خلال تصرفاتهاا هي بعدها بطفولتها اني ماادور وياها شهوة لكن هي من شوفتني جسمها المشوة عبالهاا اني اكش منهاا او مااتقبل جسمهاا ماتعرف اني حبيت روحهاا وشخصيتهاا.
طلع الدكتور من غرفتهاا وصلاح وامهاا توجهوله بلهفه. صلاح بلهفه//بشر دكتور:؟
الدكتور //لا اطمئنوا الحمدلله المريضه عمليتها ناجحه حاولنه نزيل اثار الحروق وحاولنه نغطي الحروق بزرع جلد جديد من جسم المريضه والحمدلله هي ماتعاني من امراض مزمنه وعمرة صغير لذالك عمليتهاا ناجحه والحمدلله علئ سلامتهاا رغم وجود بعض الندب والحروق الخفيفه لكن احسن من قبل. صلاح بفرحه//الحمدلله دكتور هو هذا المطلووب. ام عمار بفرحه مخلوطه ببكاء// يكول زينه مووو؟؟
صلاح ببتسامه//اي المترجم بشرني بالخير ولعمليه ناجحه الحمدلله
ام عمار بفرحه//الحمدلله ***********************************عند ام صلاح واسراء.... اسراء بضيق//صدوك صلاح مسافر يسوي لشهد عمليه تجمييل. ام صلاح بحنيه//اي خطييه انشاءالله يوصلون بسلامه وترجع سالمه غانمه. اسراء بحقد// مااعرف شبيكم كاتلين روحكم على هاي لزعطوطه اخت قاتل اخووونه. ام صلاح بعصبيه//شنوو هلحجي انتي صدك ماتستحين لبنيه احتركت بيتنه وهي تخدمنه ذنبها بركبتنه وبعدين هي مرت اخووج لاتحجين عليهااا هيج ولا اسووين مشاكل. اسراء بحقد//تستاهل وهذا جزات افعال اهلها بااخويه الله عاقبهم وحرك بنتهم. ام صلاح بعصبيه//انجبي وسدي حلكج ولا صيرين طاغيه لاتشمتين بالعالم لا الله يسمعج وينكبج بواحد من اطفالج. اسراء بدون اهتمام// عليمن قابل اني شمسويه يعني لان حجيت لحق.ومقهورة علئ اخويه المرحووم اشوف لناس تعيش وتضحك وتفرح واخوي مدفون جووة لتراب محروم من نسمه الهواء. ام صلاح بغضب// حتئ لو حجيج صدك بس شهد شنوو ذنبهاا تاخذ ذنب اخوهاا وتنحرم من هواي شغلات ترضين انتي واحد ياخذ وحده من بناتج ويحرمهاا منج ومن دلالج ومن دراستهاا وحتئ انوثتهاا والسبب ابنج قتل اخوه بالغلط ترضين. اسراء...سكتت. ام صلاح //لا تصيرين حقووده وحطي الله بين عيونج وبعدين لموت حق وكلنه نمووت والموت واحد والاسباب تعددت ومكتوب على مهند ينقتل علئ ايد عمار ويموت بعز شبابه ..اني ام واكثر وحده محترك كلبي على ابني يمكن انتم تنسون وتعيشون حياتكم لكن اني لا اني لربيته وطلكت بي وعاش بطني تسع شهور بس يااسراء دائما احط الله بين عيوني وماارضه بالضلم احط الله بين عيوني لان يجيني يوم ..لاينفع بي مال ولا بنون الا من اتئ الله بقلب سليم...يمه صفي نيتج لاتضلمين لعالم. اسراء ببكاء//والله يممه مو حقووده بس اخووي غالي عندي ونحرمنه منه صعبه اشووف اخوي مقتول ومحروم من شبابه. ام صلاح بحنيه//ولج يممه شهد هم غاليه عند اهلهاا واخوج ماقصر وياهاا اجتنه طفله وتخدم وتنضف واهانتج الهاا وضرب اخوج وقساوته وياهاا والله اذكر مرة من المرات ضربهاا راشدي ضلت يومين وجهها مورم وعينها متشوف بيهااا يايمه اني ماارضه عليجن تنهانن وتنضربن ..شلون تهون عليه بنت لناس وهي طفله؟؟ اسراء بتنهيده//الله كريم يممه الله يشافيهااا. ام صلاح بصدق//امييين.
***********************************
«جميله انتي بتفاصيلك..ببتسامتك ..ببراتكي.
تختصر جمال الكون كله ...حفضك الرحمن من كل شر ..»» كانت ممدوده علئ سرير المستشفئ وامهاا تمسح وجهها المتعووب اما هوو واقف وهو ينضر لملامحها الجميله بحب ورضئ فرحان لان كدر يفرحهاا ويزيل اثار حروقهاا لخاطرهاا مو لخاطرة
ام عمار بحنيه//هااا ماما شلونج هسه؟؟ شهد بوجع//اااه زينه الحمدالله. ام عمار بتنهيده// سووده عليه ولا شفتي راحه. شهد بغصه//ا..اري.اريد ميي
ام عمار بسرعه//اي حبيبتي رايحه اجيبلج. طلعت ام عمار وهي تقفل لباب وراهاا ...اما هوو كعد على طرف السرير وهو يمسح على شعرها الحريري. صلاح بحنين// هااا ياغلطتي الصح شلوون صرتي؟
شهد بخجل//الحمدالله زيينه ..شكرا اني تعبتك وياي بس شسووي ماكوو غيرك يوكف ويايه
صلاح بهدوء//هذا واجبي ومو لازم تنبهيني عليه اني من اول ما تعرضتي للحادث حددت عمليه التجميل بس حالتج كانت ماتسمح..وبعدهاا انتي شايله خشمج عليه ومااعرف شنو لتردينه بس الحمدلله حالتنه احسن من قبل وانشاءالله اعوضج عن كل شئ صار
شهد بخجل ومزح// بس اكمل دراسه واصير مديرة مدرسه اول راتب راح اسلمه الك بعد شتريد. صلاح بهيام//ومنو كال اني ادور فلووس؟؟ اني اريد حضن اريد كلمه حلووة مثل احبك امووت عليك. شهد باارتباك وخجل//هههه لا تجي امي وتشوفك صلاح بقهر//امج فد لزكه هسه روحي نامي ارتاحي لازكه بيه لزك يكول عبالك جاي اخطف بنتهاا. شهد بسخريه//ههه اي امي تخاف منك لا تنسئ الك سوابق ياحضرة لضابط بخطف الاطفال الابرياء
صلاح وهو يرفع حاجبه//ومنوو يكول انتي طفله:؟ اصلا انتي لسانج لسان محامي ولاتخافين وتخطرين تسووين لبراسج تسوينه نسيتي شلون حركتي ملابسي بالقاصر
شهد بشماته//ههههه تستاهل وانته ماقصرت غركتني بالمي وخنكتني صلاح بحب//حتئ توبين ولو انتي ماتوبين. شهد بمرح//اي والله مااتوب. دخلت امهاا وهو ابتعد عنهاا شربتهاا مي وبعدين اتصل بيهاا ابوهاا حاجته وحاجت اختهاا واخوهاا تعبت من كثر ما حجو وياهاا ونامت ..اما صلاح قرر ينتضرهاا يومين ويرجعون للوطن لان شغله هناك وهي عندهاا امتحانات اخير لسنه وصايرة عويصه. ********************************* عند عائله ابو حسين..... لكل كان مجتمع بااستقبال لبيت.... كريم بتردد//اني اريد اخطب اخت شهد زوجت صلاح .... ام حسين//انته مو تكول احب بنيه بالكليه وماقبلت اخطبلك بنت خالتك هسه شغيرك وتريد اخت شهد. كريم بكذب//يممه ذيج ازوجت واني عجبتني اخت شهد وهي هم زميلتي بالجامعه. ابو حسين ببتسامه//ولا يهمك باجر اني اروح واطلبهاا الك ..انشاءالله اروح لابوهاا.
اسرار//لا عموو لازم احنه لنسوان نخطبها اله وبعدين تروح لزلم ..هم هسه يكولون منين عرفتهااا. ابو حسين //لا بنتي اني راح اكووله لنسوان شايفاتها واحنه نريد نقوي علاقتنه بيكم. ام حسين بعدم رضا//براحتك. كريم بتنهيده//ياارب صير من نصيبي. حسين بسخريه// والله واكع بالحب ومحد يدري بي. كريم ببتسامه//ما دكل لنفسك لزكت بااسرار لزكه منا لما اخذتهاا حسين ابتسم وهو يباوع على اسرار لتحاول تقوم وهي تحط ايدها علئ الارض وقامت وبطنهاا منفووخه ابتسم بفرح اسرار لجانت تتعقد منه حامل بذريته..وراح يكونون عائله صغيرة... **********************************
بعد مارجعت لارض الوطن كانت جالسه بغرفتهاا لكن روحهاا وفضولهاا قاتلهاا اله تريد تشووف نتائج العمليه دخلت للحمام وهي تفتح ازرار قميصهاا خافت لاتنصدم بالنتيجه غمضت عيونهاا وفتحتهن ببطئ شديد شافت العمليه تعلن عن بشرئ الخير ابتسمت بفرح بعد ماشافت حروقهااا احسن بكثير من قبل لكن توجد بعض الندب القليله غلقت قميصها وطلعت من الحمام لكن انصدمت بقووة وهي تشوف شهلاء تبكي بالم وهي تكتم شهقاتهاا شهد بحزن//شهووله حبيبتي شبييج؟؟
شهلاء وهي تدفن وجهها بالمخده//مابيه شئ.
شهد بعصبيه//شهييله احجي شبيج لا والله اجيبج براشدي اعدل جهرتج البشعه. شهلاء بتردد//اني احب كريم ابن عم صلاح وهو يحبني شهد بقهر//طيح الله حضج ادري بييج اسرار كلتلي وانتي اختي الحقيرة ماكلتيلي. شهلاء ببتسامه//والله استحي اكولج وبعدين علاقتكم جانت متوترة اصلا اني بذيج لفترة نهيت علاقتي بكريم بس هسه رجعنه. شهد //زين ليش تبجين؟؟ شهلاء بنحيب//كريم خطبني وابويه مقبل رفض شهد بصدمه//شوكت صار هذا لحجي؟؟ شهلاء وهي تمسح دموعها//من جنتوا بتركيا اجه ابو حسين وطلبني من بابا وبابا مقبل كله محجوزة لابن عمهااا. شهد بضحكه//ههههههه وانتي منيلج ابن عم. شهلاء بغصه //اندري. شهد بتنهيده//اني راح احجي ويه بابا واخلي يوافق شهلاء بحزن//لا مستحيل يوافق. شهد بحقد//شبي كريم ومايوافق عليه شوو من اجه صلاح وهو رايدني خدامه وافق بسرعه ..وكريم طالبج اميرة ..احسه يخاف عليج ومايخاف عليه. شهلاء بحزن// لا تحجين خلي انساه احزن. شهد تركتهاا وهي تتوجه لغرفه ابوهاا شهلاء رفضت شهد تروح لكن شهد عاندت وراحت لابوها طرفت لباب وابوها سمح الها بدخول. شهد بتردد وخجل//بابا ممكن افاتح بموضوع ابوعمار بحنيه//تعالي بابا تعالي كعدت يم ابوهاا وامهاا وترددت بالكلام لكن تشجعت. شهد بتردد//بابا خابرني صلاح وحاجاني بموضوع. ابوعمار بضيق//شنوو موضوعه؟؟ شهد//يردون يخطبون شهلاء لكريم ابن عمهم. ابوعمار بغضب//مستحيل انطيهم شهلاء انطيتهم وحده وحركوها وشوهوها مستحيل انطي لثانيه. شهد بحقد//ليش ماتعرفون بصلاح جان مطالب بالثار وهمه ماحركوني اني احتركت انفجر عليه لطباخ. ابو عمار//بس همه سبب بحركج؟؟ شهد بقهر//وانتم مو سبب؟؟ بس لاريد اكوله الكم هذووله من يحبون يحبون من صدك يحبون من الصميم صلاح لان يحبني سووه المستحيل حتئ يرضيني عكسكم انتم اهلي لتشوفوني اعاني ومحد مهتم ابوعمار بصدمه//مامهتمين؟؟
شهد بحسرة//انتم اهلي واني احبكم واعتب عليكم لاتهتمون لحجيي واصلا لفات مات.
ابوعمار//انتي مقتنعه ترجعيله لو مجبورة؟؟ شهد ببتسامه//لا والله مو مجبورة واذا اني مامقتنعه مستحيل ارجع اله
ابوعمار باسئ//صدقيني القوول تحبينه؟؟؟
شهد بخجل شديد//بابا شنوو هلحجي معقوله انته. ابوعمار بحزن//اريد اطمن عليج ومااريدج مجبورة شهد بمحبه//هوو اني مرات من اسمع راح يزوج عليه اضووج وحته اكسر المواعين وشمرهن بزباله بدون محد يعرف واضل يوم كامل متوترة. ابو عمار وام عمار//ههههههههههه لعد تحبينه. قامت خجلانه من اهلهاا وهي تخفي ملامحها عن انضارهم لكن استوقفهاا صوت ابوهااا. ابو عمار بحنان//بالعافيه يابابا. شهد بمحبه//الله يعافيك وراح اخابرة وابشرة بقبولك بكريم..يعني يابابا مكتوب عليك تناسبهم وتنطي بناتك الهم. ابو عمار //هههههه ولج اخاف منهم ذوووله. شهد بمرح//لا تخاف صارت عندي خبرة بيهم وكريم اني اضمنه الك ابوعمار ببتسامه//مبروووك عليجن راحت فرحانه لاختهااا خبرتهاا بقبول ابوهاا بكريم وشهلاء من فرحتهاا سوت روحهاا تخربطت وشهد بخبث ذبت عليهاا مي بارد وسودنتهااا. ************************************
عند عائله ام صلاح...... صلاح بحب//يممه هذا لاسبوع عرسي. ام صلاح بمحنه//مبررروك يمممه شايف كل لخير. صلاح وهو يقبل ايدهاا//الله يخليج النه يممه وربي يبارك بيج ويطوول بعمرج.
ام صلاح وهي تبوسه// الله لايحرمني من طوولك لحلوو ياروح امك ...حجزت لمرتك بدلات صالون؟؟ صلاح بحب//بعد يومين نروح نحجز واني حجزت بالقاعه اريد لعرس بالقاااعه احسن. ام صلاح بفرح//براحتك يممه شسوي سووي والله اني فرحاانه الك ولمرتك والله خطيه كاسرة خاطري والله ومرتك بمعزة بناتي خطيه تعذبت ومالها ذنب.
صلاح بحنين//الله كريم انشاءالله اعوضهااا . . اتصل موبايله وشااف هذا رقمهاا فتح خط سمع صوتهاا لباكي
صلاح بخووف//شهد شبيييج؟؟؟ شهد ببكاء//عمار سافر ..عمار يخاف منك وسافر اذا تحبني خابرة ولا تخلي يسافر. صلاح بجمود//اوك خليج علئ الخط راح اسوي مكالمه جماعيه واسمعي. سووة مكالمه جماعيه واجاه صوت عمار الحزين. عمار بحزن//الووو صلاح بجمود//الووو عمار اني صلاح زوج اختك. عمار بحزن//اهلا وسهلا بيك اني سافرت حتئ اخلصكم من شري واريدكم ترتاحون مدام اني متواجد علئ وطنكم ماراح تشوفون رااحه. صلاح بهدوء//اني عفيت عنك اذا تريد ارجع لان لشرع حرم قتلك.
عمار بحزن//لا لازم اسافر بس اريد اطلب منك طلب واحد لاتعتبر اختي فصليه وتضلمهاا اعتبرها زوجتك واحترمهاا كوون الهاا سند وزوج واخ واب تره انضلمت وهي عايشه بمسمئ،فصليه ..واصلا مالهاا ذنب تتحمل ذنب مو ذنبهااا غير اسمهاا من فصليه الئ زوجه حقيقيه...ياريت لو اكدر امحي كل احزانها وياريت تفقد ذاكرتها ولاتذكر لماضي مااضي مؤؤلم من اهلها ومن زوجهااا ..المضلومه قررت تعيش بكهفك ولاتعيش بكهف اهلهاا...يمكن تخاف يبيعونهاا مرة ثاانيه. ويضحون بيهاا بغير ذنب. شهد ببكاء حااد//لا عمار لا تحجي هييج اني ضحيت لخاطر عيوونك ماردت يسفكوون دمك انته اخووي الوحيد والغالي لاتروح ياعماار
عمار بنحيب//شسووي حتئ اجازيج:؟ مااكدرت اسوي غير انو اطلع من حياتكم واخليكم تعيشون خلي تبرد اعاصبكم وتطفئ نار غضبكم وانشاءالله ارجع...واذا صار عندج اطفال كليلهم خالكم قتل عمكم شهد بنحيب مفجع//عمااار لاتحجي هييج انت مو قاتل انته اخووي انت مامتعمد عماار لاتقهرني. عمار ببكاء//احبببج ومقهور عليج اختي الغاليه راح تضل صفه خالكم قتل عمكم ملازمتج ولعالم ماترحم لاتنقهرين وضوجين من كلامهم وعبري وكولشي هي هيج لناس ماترحم لمهم تعيشين بسعاده مدام انتي راضيه ربج. صلاح بتنهيده//عماار احنه مانهتم لحجي لعالم لو انهتم لحجي لعالم ماخلينه زواجنا يستمر مدام بدايه لقصه انبنت علئ الباطل فكلام لناس باطل روح الله ويااك ومااوصيك خابر اختك ولاتحرمها من صوتك. عمار ببتسامه حزينه//تسلم الله يجعلها بميزان حسناتك ومااوصيك علئ فصليتك تراها مضلومه. صلاح بعصبيه//زوجتي مليكتي حبيبتي ماكوو مكان للفصليه بقانوني شهد مرتي مو فصليتي شهد ببكاء//راح اشتاقلك عمااار. عمار بحب//ياروح عمار من تلبسين الابيض افتحيلي كاميرا اريد اشووفج فرحانه حتئ افررح. شهد بخجل وابتسامه// انشاءالله حبيبي دير بالك على نفسك ولاتصاحب لاجانب ترة ذووله اصدقاء سووء ونام من وكت واكل زين اوك عماار؟؟ عمار ببتسامه//اوك ياحنيه امي والله احبج. شهد حبت تلطف لجوء//لدكول احبج ترة اكو ناس تغاار.
صلاح ابتسم يعرفهاا تقصده
عمار//هههههه احبج واموت عليج وهذا الاستثنائي خلي يسمع...احببببببببج. شهد بمرح//ههههه هو مايحبك لاتكره بيك اكثر. صلاح ببتسامه//اني راح اقفل لخط وانتي ضلي ويه اخوج من تخلصين خابريني اوك؟؟: شهد بضيق//شبيييك؟؟ صلاح بمرح//والله مابيه شئ لا تخافين بس عندي شغل لازم احجز قااعه وارتب امووري بس انتي خابريني حتئ اروح وياج نحجز صالون وبدلات. شهد بهدوء//سلم عليه اخوويه؟؟؟ صلاح ببتسامه//الله وياك عمار انشاءالله توصل بالسلامه ودير بالك على نفسك ومن تشوف نفسيتك ارتاحت ارجع لاهلك وناسك ترة لغربه مو حلوة. عمار بمحبه//تسلم وماتقصر الله يحفضك. شهد بمرح//اي هذا الحجي لحلوو صلاح //ههههه يالله مع سلامه وانتي ياحلوة خابريني من تخلصين اوك؟: شهد بمرح//اوووك «انا رجل استثنائي..لا اشبه احد مطلقا بكبريائي وقناعتي وتمردي وعنادي...جنوني خارج عن كل قوانين البشر.. فحريتي الشخصيه هي قانوني وهذا يكفيني..❤»» *********************************
بعد مرور ثلاث ايام.....
شهد وهي صايرة عصبيه على امهاا واختهاا وكل شويه تحجي عليهن اندك الباب وفتحته شهلاء اجن ميس واسرار جابهن كريم وليوم شهد تروح تاجر بدلات وتحجز بمركز اريدوو سلمن عليهم وكعدن. ميس //خيير شبيج كالبه خلقتج من صبح
شهد بزعل //شوفي لملابس لجايباتهن اليه كلهن مشلتحات ويخزن والله ولا البسهن. ميس//ضلي ضلي بخجلج حتئ اله يطلكج ويرجعج لاحضان نبع لحنان. اسرار//ههههههه علئ كيفج ميس حقهاا بعدها صغيرة وتستحي والله كلامهاا صح اني سنه كامله واستحي من حسين شهلاء بصدمه //شتستحي صار عمرها18سنه وينها وين لخجل بس تتعاير هاي. شهد بزعل// انجبي والله استحي. اتصل موبايلهااا فتحت خط وكان صلاح استعجلهاا تطلع حته يرحون ياجرون وهي مبدله اصلا منتضرته طلعن كلهن وهوو انصدم من وجود اسرار وميس. صلاح بعصبيه//هذن السعالوو منو جابهن كل وحده كرشهاا واصل لخشمهااا صعدن بالسيارة كلهن ميس واسرار وشهلاء وشهد ميس //اسكت اسكت عريس وشايف روحه اني،شايفه لعريس يكون خجول حباب شوو انته كولشي ماكووو زايحهااا صلاح بدون نفس// شهد ليش ماجبتي جيرانكم بعد ادري جاي احجز لو عازمجن؟؟ شهد //ههههه خليهن يتونسن وشبيك تعارك ذبان خشمك ترة اذا اتضل هيج اطلكك. صلاح وهو يرفع حاجبه//ابغض الحلال عند الله الطلاق واني مستحييل اغضب ربي. شهد بمرح//احم احم
اسرار بمزح//صلاح دائما نفسيته زفت من صبح شووفي عيونه بيهن نعاااس اتحملي فديتج شايب مكسر والشياب من يكبرون نفسيتهم لصبح تتعب. صلاح بعصبيه مصطنعه//انجي اسرار بعدني شباب مثل زوجج لشايب عمرة ستين سنه.
شهد //ههههههه شكد اكرة حسين. اسرار وهي تضربها//خاب انجبي هذا ابو علاوي ترحيله فدووة. صلاح كعد بجكارة واسرار تغني عليه «هاي شنوو بعدك صغير كتكوت من عائله وابن بيوت ملعون ياهو لعلمك تشربب جكاير بسكوت» صلاح //خااب هي صوتج لم لذبان اسكتي راح اكلب السيارة. شهد سحبت الجكارة من شفايفه وهي تشمرهاا خارج السيارة اماا هوو انصدم من تصرفهاا ابتسم عليهاا بحب وبدون مايحسن لبنات ايده تسللت لخصرهاا وهو يقرصهاا بقوووة. شهد بووجع /اااااه. ميس//وعلا شبيج؟؟: شهد ابتسمت بخجل//احتركت بالجكارة. هو ابتسم على كذبهااا نزلوا من السيارة اجروا بدلات وحجزوا صالون ورجعووا للبيت وهمه يجهزون للعرس عرس العسوله والرجل الاستثنائي.... نهايه البارت...بقلم «سمو العراق»😘.
..#البارت_٣٠والاخيييير
....❤. كانت بالصالون وهي متوترة ولحد الان ماوصل دورهاا تضايقت هي عندها جلسه تصوير بااحد المناضر الطبيعيه...راحت لام الصالون هي تستعجلهاا. شهد بضيق//عفييه حبابه اني تاخرت وزواجي بالقاعه ورايه جلست تصوير بلكي تسويني بسرعه. ام صالون//حبيبتي رقمج بعده ماواصل. شهد بحيرة//زين شلووون.؟؟؟ ام صالون //انتضري شوويه واصيح بااسمج. انتضرت تقريبا ساعه طبعا هي اجت وياهاا شهلاء وخالتهاا عمرها بالتلاثين ..صاحت بااسمهاا ام صالون مكيجتهاا وبعدين لبسوها لبدله وسوتلهاا تسريحه طلعت كوولش حلوة هي ميشت شعرهاا بعد رفض كبير من صلاح لان شعرهاا اسود وحلوو مراد يخرب بالميش بس هي عنوديه وتكول التسريحة بالميش احلئ
وطبعا ماعارض بعد رئيهاا...
طلعت لشهلاء وخالتهااا.... شهد باارتباك//هاااا خاله حلووووة ؟؟؟ خالتهاا بحب// اللهم صلي على محمد وآل محمد تجننين تخبلين فدووة لله. شهد بفرح//صدووك خاله؟؟؟ شهلاء بمحبه//والله طالعه ملكه بعد شغل مركز اريدو شهد وهي تضرب شهلاء//انجبي اريدوو شنو غير اني حلوووة «بغرور» اتصلت ام عمار بخالتهااا..... ام عمار//هااا بشري شهد خلصت؟؟ اختهاا//اي خلصت وطالعه تجنن تمنيت حمودي ابني كبير اله اخطبهاا اله هههههه. ام عمار بفرح//هههههه فاتت حمودي يالله من تخلف انزوج بنتها لحمودي....يالله ابسرعه اطلعووا عيالهاا خبصوني خبص كل شوويه يتصلون. خالتهاا//خلصنه وراح نطلع هسه ااجر تكسي ونجي. ام عمار//فدووة ديري بالج علئ لبنات. خالت لبنات//لاتوصين حريص اكييد اهتم الهن. قفلت الموبايل واخذت البنات وطلعن ولزدحام كتلهن كتل وصلاح حرك الموبايل حرك على شهد كل دقيقتين يتصل وهو يستعجلهن وشهد طلبت من شهلاء تحاجي لسائق يستعجل وشهلاء ماجذبت خبر شهلاء//عموو ممكن تستعجل اجت لزفه. السائق //يعني شسوي اطير فوك السيارات صارلجن عشر ساعات بصالون ماتحجن هسه علئ لنص ساعه ضليتن تحجن صدك ناس ماعدها لاذمه ولاضمير. شهد بصدمه//يااااا فلك والله رزلنه رزالنه واه عيباه اترزل بيوم عرسي لا مستحيل شهلاء بضحكه//هههههه والله نستاهل قابل صدك يطير لرجال ؟؟
***********************************اما عند بيت ام صلاح كان لبيت مخبوص خبص رغم اكثر العوائل راحت للقاعه اما هوو كان واقف بتوتر كل مايتصل بيهاا تكله بعدني
صلاح وهو يحط ايده على خصرة//يالله ماطلع صالون من سوت عمليه مو هلكد تااخرت
ام صلاح بمحبه//يممه لعد ستسوي غير ازدحام على الصالوون اصبر هسه تجي وتشبع منهااا. صلاح بخجل// لايمه مو قصدي بس لان حاجز قاعه وجلسه تصوير وهذا كووله وقت يمممه. دخلت ام حسين واسرار وهنه يهلهلن. اسرار وهي تحضن صلاح//يمممه فدوة لعريسنه لحلووة شطالع خووويه لايصكوك بعين
تكمله
صلاح بضحكه ومزح//اخاف من حسين يصكني بعين
اسرار بزعل//لا حسين عينه باردة وهو يحبك اكيد مايضرك.
اتصلت بيه شهد وهي تعلن عن وصولهاا لبيت اهلها. بسرعه حضروا نفسهم وكلمن ركب سيارته وراح وهو راكب بسيارته الفخمه والمزينه بزينه العروس وصلو لبيتهاا وماطولوا اخذوهاا بسرعه وهوو راح اخذو صور بااماكن طبيعيه هوو فرحان بيهاا حييل. ********************************
«اتوق..لرؤيتهاا بفستانهاا الابيض وطلتهاا المنتضرة اقترب موعد زفافهاا الهي اسعدهاا واجعل التوفيق نصيبهاا...#شهد#وصلاح..» لكل كان متواجد بالقاعه رغم همه مارادوا احد غريب يدخل بالقاعه وفعلا حسين وكريم كضوا لقاعه ومحد دخل غريب فقط عوائلهم ...لبنات يركصن والعوائل كاعده علئ الكراسي لكن لحد الان لعرسان ماوصلو
ماهي الا عده دقائق ووصلوا للقاعه تقدمت المصورة وهي تصورهم وتعلمهم شلون يمشون يتصرفون على الستيج كان لاف ايده على ايدهااا دخل بهيبته وهو لابس قااط نيلي وقميص ابيض ورباط ازرق والحلاق سواله تسريحه حلوة ورتب لحيته وحددها ومن الزيان صاير خدوده حمر😂 وهو طوييل حييل شهد لابسه حذاء عاليه وماواصله لطوله رغم هي موقصيرة طولهاا حلوو ...وقفوا على المسرح وصاحبه الديجي شغلت اغنيه «طلي بالابيض طلي» وشهد كانت تحرك روحها ويه الاغنيه بطلب من المصورة....اجت ام صلاح وهي تهلهل
ام صلاح بفرح// وصلوحي ماكعد راحه اخذله خووش تفاااحه ....ولبنات يركصن ويااهاا... وصلوحي ماخذ رادته وعايف بنات ولايته. صلاح ابتسم برضا على كلمات امه وفرحتهااا اما شهد حست الموقف راح يبكيهاا..تقدمت من ام صلاح وهي تقبل ايدهاا بحنيه...تحس هذي الانسانه العضيمه اله فضل كبير عليهاا هواي ساعدتهاا وعلمتها وحنت عليهاا....ام صلاح باستهاا بحنيه بجبينهاا ..وهي تنهر ابنهاا بغضب
ام صلاح بتهديد//والله اذا سويت مشاكل ويه بنت لعالم لاني امك ولا انته ابني لاتهينهاا بإسم الفصليه. صلاح وهو يحط ايده على كتف شهد وابتسم//لايمه مو فصليتي ..شهد مرتي ومايلوكلهاا اسم فصليه. شهد ابتسمت بخجل من كلامهم وهي تنزل راسهااا سحبنهااا لبنات منه وصعدنهاا على المسرح وضلن يركصن شكلن دائرة وهي تركص بحركات بسيطه جدا او بالاغلب بس تحرك بااديهاا وهي تبتسم بفرح....اما هوو كان ينضر الهاا من بعيد ومر عليه شريط معاناتهاا تذكرهاا بثاني يوم من عقد عليهاا واخذها من اهلهاا وشلوون ضربهاا بالسيارة وخلاها تنزف من انفهاا وشفايفهااا وتذكر شلون كان يحفر اصابعه بكتفهاا او خصرهاا ويخليهاا توكع على الارض من شده الالم واكيد مانسئ موقف النجف وهروبه منه لو كانت مرتاحه وياه ماهربت وهو ماقصر هانهاا كدام ولد عمه وضربهاا وبعد كل هذا وقع بحب يتيمته المضحيه ومن قرر يرجعهااا القدر وحضها الاغبر حرقهاا تنهد بحزن وعد نفسه يداريهاا انتبه لجمالهاا الجبار...وهي لابسه بدله بيضه اردانهاا تور شفاف ومن تحت منفوووشه ومن فوك مبرومه على الخصر ومن ورة طوويله حيييل وتسريحتهاا كووولهاا مرفوعه لفوك ونازله بعض الخصل ومن الامام بف وتااج مرصع بالالماس ومكياجها جنان العيون كانوا مكياجهن سمووكي ومدموج بالذهبي والحمرة بمبي وبلشر وطالعه تلمع جنه كرستاله. تنهد لمن ذكر صووت صراخها لهز المستشفئ،هز بعد كل رحله معالجه وتداوي لحرووقها.. ابتسم كدر يعوضهاا راح الهاا وهو يمسكهاا من خصرهاا... وصاحبه الديجي غيرت الاغنيه..خلت اغنيه. «كل دقيقه وانتي روحي » ضل يركص وياها بهدوء وهو حاضنهاا من خصرهاا وهي حاطه اديهاا على كتفه...ضل يتأملها بنضراته وهو بوده ياكلهاا ..اما هي من خجلهاا مارفعت عينهاا بوجه ابد.
صلاح بمزح//شنوو عاجبج لرباط
شهد بضحكه وخجل//ههههه لا بس اممم ههه صلاح وهو يحرجها//شبيج ياعذابي خجلج زايد عن حده ليوووم ..واني ماريد خجل ليووم
شهد بخجل وارتباك//اسكت والله جاي توترني. صلاح بحب//والله بودي انهي لحفله بس حرامات دافعين فلووس هوااي. شهد//هههه همزين اني عاجبتني لحفله. صلاح بحب//تستاهلين ياغرامي. شهد نزلت راسهاا وهي تحس بقلبها راح يوكف من خفقانه ماتعرف ليش هي تستحي منه حيييل رغم مواقفهم الدائمه لكن ادنئ رومانسيه منه تذوب وتغوص بملابسهاا ***********************************
ام صلاح كانت جالسه وهي تنضر الاجواء حفله العرس فرحانه لابنهاا ومرته لكن مايهوون مهند الله يرحمه ..ابتسمت بحزن بعد مااذكرته عضت شفتهاا وهي تحبس دموعهاا ..كلمت المرحوم لغائب عن الانضاار...ااااه يمممه مهند حسرتك تاكل بكلبي انشاءالله عريس بالجنه يااروح امك لكل كالوا انزعي الاسود ..بس،يمه اذا نزعته معناها خنتك وخنت امومتي وياااك ...يممه ليوم اخوك صلاح عريس ادعيله عند ربك يوفقه ويرزقه بذريه لصالحه ااه ادعيله يمممه سقطن ادموعهاا وهي غير مدركه بسقوطهن...مسحت دموعها وهي تكمل حنينها لابنهاا المرحووم..يممه مهند لاتصير مثل هاي العالم وتكول امي رضت بااخت القتلني تصير الهاا كنه...ييمه شهد مثلك مضلوومه ويمكن انته رحت عند رب رحيم بس يممه ضحيتكم محد رحمهاا ولا احد تعاطف وياهاا خايفه يامهند يكون ذنب هاي البنيه بركبتك .......... تذكرت موقف قديم جمع كوول العائله.
شهد كاعده وهي تخلي توزع التمر بالصحون وترش عليه راشي ..وحضرت زجاجات لبن ..حطتهن بصينيه كبيرة واجت لام صلاح. شهد //بيبي يالله روحي وزعي ثواب مهند حضرته؟: ام صلاح بحزن//اي هسه اكووم اوزعه. اسراء بحقد//صدوك لو كالوو يقتلون القتيل ويمشون بجنازته ..هسه اني اسووي من جديد لان ثوابج ماواصل واكيد اخووي مياكل من اديج المثل السم.
شهد وهي تتحكم بااعصابها//اسراء هو ثواب وبعدين مو اني الجبته انتم جبتو اني بس حضرته واذا انتي هيج معدله ماكمتي سويتي؟؟ اسراء بعصبيه وهي تضربهاا//ياا بنت الكلب شنوو انتي وتجاوزين وتعلين صوتج عليه والله عمي زين فصليه وشايفه روحهااا. شهد وهي تخلص نفسها منه//بالله اخوج يرضالج والله المرحوم مايرضه لعالم لميته بيه رحم اكثر من العالم العااايشه حرام عليج لا فصليتج ولا فصليه اخووج ترة والله مليت منج ومن اخووج. صلاح بعصبيه//شبيييج صوتج واصل لسابع جار؟؟
شهد بحقد//هااانوا فصليتك ..وفصليتك معانده اله ترد وتطلع حقهاا. صلاح بغضب//اسراء روحي. اسراء راحت وهو تقدم منهاا بغضب وهو يحفر اصابعه بكتفهاا
صلاح بعصبيه//زين اذا تعرفين نفسج فصليه شكوو تفكين حلكج وتعاندين لو تعلمتي على الكتل.
شهد بقهر وحقد// انتم ناس مجرمين بمكان مكاعد تنتقم مني وتعذبني روح صليله وصومله انطي بثوابه اني لو اخووي ميت هيج اسووي مو مثلك ومثل اختك تنتقمون مني بغير حق ..وبعدين لافصليتك ولا فصليه لخلفووك فااااهم؟؟ صلاح بعصبيها ضربهاا بقوة// منا وهييج اني اربيج.
شهد وهي تحبس دموعهاا// ربي رووحك بااول يالله تربيني ومتربيه مو بحاجه واحد يربيني. هجم عليهاا وهو يمسكهاا من شعرهاا بقووة لكن ام صلاح بعدته عنهاا وهي تحميهاا منه.
ام صلاح بعصبيه//لا تمد ايدك على لبنيه عووفهاا شمسويتلك ؟؟ تعاي يمه تعاي هذا ماعنده رحم. رجعت لواقعهاا وهي تتنهد بحزن هاي تلبنيه تعذبت عندهم واخذت حقهاا بكلمه فصليه بالمعنئ الصحيح ماكانت فصليه مدلله لا بالعكس فصليه مهانه مذلوله منبوذه من الكل حتئ من زوجهاا. ***********************************
كعدت على الكووشه واختهاا وامهاا كعدن يمهاا اما هوو طلع خارج لقاعه اجووا اصدقائه وراح يسلم عليهم...فتحت موبايلهاا وطلبت من شهلاء تكنك الها على الرصيد وتتصل بعمار...وشهلاء سوت مثل ماطلبت منهااا ...اتصلت بيه وفتحتله كااااميرا.
عمار بمحبه وفرح//الللللف مبروووك يااختي الغاليه انشاءالله بالرفاه والبنين شهد ببتسامه//تسلم حبيبي انشاء الله يوم الك ونفرح بيك يااارب. عمار بمحبه// طالعه تخبلين ودعي احزانج ياعسوله وعيشي حياتج ...ولاتذكرين عمار لجان سبب بمعاناتج خووويه اني اسف عذبتج.وياي وانتي ماتستاهلين..... شهد بحنيه وعيونها تلمع بدموع// لا حبيبي انته اخووي وسندي ولسويته لخاطرك اي اخت تسوي ادعيلي عمار ادعيلي. عمار بمرح//لا تبجين وتخربين مكياجج وانوب يجيني رجلج الاستثنائي ويقتلني وياخذ ثارة مني ههههه. شهد بمرح//ههههه شحده غير مارايد روحه💪.
عمار //ههههه الف مبروووك حبيبتي. ضل يسولف وياهاا ويضحك بعدين راحت لشبكه ودخل صلاح وولد عمه واخوو وهمه يركصون وكريم ذب لحم بالركص علئ اغنيه«وداعا للعزوبيه» شهلاء بحب//يمممه فدوووة يجنن شوف الركص احبه احبببببببه. شهد بغباء//منووو صلاح؟؟ شهلاء//دوولي انتي وصلاح ..لج كريم حبيبي امووت عليه ...خلي اروح اصورة. شهد وهي تنطيها لموبايل//تعالي تعالي هااج صوري صلاح واحفضي. ضلت اجواء الحفله مستمرة ورة ساعتين انتهت وبعد ماتعشووا وكصوا لكيكه و بدلوا الحلقاات. لكل راااح علئ بيته ام عمار جانت كووولش فرحانه لبنتهاا لان شافتها ليوم سعاده بعد سنوات من الحزن والالم والجراااح. **********************************
كانت كاعده على السرير وهي ترتعد من الخوف الماسكه تبع الورد بحضنهاا وماسكه ا كتاب الله الكريم وهي تقرة باحد سور القرآن الكريم ..حست بوجوده دخل عليهااا ..ضلت ترجف برعب منه... كعد قريب منهاا انتضرها تختم قرائتهاا لكن هي بطئت
صلاح وهو يحرك انفه على رقبتهاا//شنوو ليوم ناويه تختمين القران؟؟؟
شهد برجفه ضلت تقرة وماردت عليه.
صلاح سحب القران من ايدها وهو يتصدق على كلمات الله //صدق الله العضيم. شهد ضلت كاعده بتوتر وهي تفرك بااديها بخوف.
صلاح بحب//حبيبتي خلي انكووم انبدل ونصلي ركعتين شكر لله
شهد براحه//اي احسن حتئ ماما وصتني. كام هو وياهاا فتح سحاب بدلتهاا وهي راحت بدلت وسبحت بسرعه لبست ثوب قصير برموده لونه سمائي فااتح توضت بسرعه وهي هم لكته مغير ملابسه وفارش سجادته وفارش اله سجاده وراه بمسافه مو بعيده لان الرجال قوامون على النساء
اجت هي لبست عبايه الصلاه وصلت وراه مباشرة خلصووا صلاه اما هوو رجع عليها وهو يحط ايده على راسها وهو يدعي بدعاء الزواج بعد ماخلصوا صلاه طالبهاا بحقوقه الزوجيه وهي سكتت بخوف لكن هو طمنهااا ...قامت نزعت عبايه الصلاه وهو وقف باسهاا بحنان وحب شالهاا وهو ياخذهاا للسرير لمسهاا بنعووومه وعشق..«وطردوني من الغرفه😁»
صارت زوجه فعليه لصلاح **********************************
ميس بعد مااخذت البدله من شهد لبستهاا واسرار ساعدتها تلبسهاا لكن السحاب ماانسحب بسبب بطن ميس الكبيرة ..وميس بدون اهتمام خلتهاا مفتوحه كانت جالسه بخجل من اياد ومسويه روحها عروس دخل اياد شافهاا كاعده ابتسم على خبالهاا.
اياد بمرح//نورتي عروستي الحلوة.
ميس بخجل //بنورك حبيبي. اياد بصدمه ومزح// قشمرووني انطوني وحده حااامل لااااا والله ليوم عمي مايمسي اله وهو بكبرة وين المسدس ليووم اغسل عااري عروستي طلعت حااامل وين اطم روووحي الحكولي. ميس بصدمه//اياااااد شبيك دخل بيك جني شتغسل عاارك لعد هذا لطفل مو ابنك اياد بصدمه ومزح//اني شوكت لمستج حتئ حبلتي باابني ولج ام كفشه لا تتبلين عليه.
ميس وهي تضربه//مو بدله طلعتهاا من عيني خلي انزعهااا لا انووب تسويني اشتغل بملهئ هو انته مال رومانسيه ابو السواديين اياد بضحكه//هههههه اشاقه وياااج شبيج ميس بعتب//ياا تشاقه وياي شوو سويتني بدون شرف وتبريت من الطفل وهديت على ابووي وتكول اشاقه ويااااج. اياد وهو يحضنها//ههههههه والله احبج. ميس بحب//ههههه اموت عليك يامسودن. ضلت تسولف هيه واياد وهمه يخططون للمستقبل وكيف يربون طفلهم ********************************** «صباح الشهد والعسل..صباح الحب والغزل.. صباح مصحوب بالامل...صباح الورد يااعسل❤❤» عند بطلتنا العسووله كعدت من الصبح وهي ترتب بالغرفه بعد ماسبحت كانت لابسه تراك برموده وفاتحه شعرها ومشسورته ...اما هوو طلع من الحمام وهو يشوفهاا بجمالهاا الرباني حضنها من ورة وهو يقبل خدهاا بحنان. صلاح بحب //صباااح الخير يااعسل. شهد باارتباك//صباااح النور. صلاح وهو يديرها عليه وهو يبوسهاا بعمق. شهد بخجل//امممم خلي ننزل لبيبي تاخرنه عليهاا. صلاح وهو يسحبها// نلحك علئ بيبي عندي موضوع مهم وياااج يالله تعاالي
شهد بزعل//لاااا شنوو ماااا
صلاح بهدوء// لا ميصير تردين الملائكه تسبج ؟؟
شهد //خليهااا تسبني. صلاح بمزح//لا اني مااقبل واحد يسبج لان احبج.
شهد راحت وياه وهي متحلطمه وتضرب رجلها على الارض بطفووله لكن هوو عنيد ايريدها ويريد قربها. *******************************
عند ام صلاح خابروهااا بيت ابو حسين خطيه اسرار تطلك وماخذيهااا للمستشفى وام صلاح تريد تروح نزلت شهد هي وصلاح بخجل سلمت على ام صلاح وباست ايدهاا وصلاح كذالك باس ايد امه بااحترام ام صلاح بحنيه//مبروووك الله يرزقكم بذريه الصالحه يااارب
صلاح ببتسامه//الله يخليج النه يممه ولايحرمنه منج
شهد بشكر//تسلمين بيبي الله يطول بعمرج.
ام صلاح وهي تحضنهم // يابعد عمري يايمه.
ام صلاح //انه اعتذر منكم ريد ارووح لبيت عمك اسرار راح تجيب تطلك
صلاح //اوكفي يممه اروح ويااج.
ام صلاح//لايمه ضل يم مرتك بعدك عريس.
شهد ببتسامه وخجل//لا بيبي عاادي روحوا طلعت ميس من غرفتها وهي تطلك وتصرخ ركضوا عليهااا وشهد سندتهاا وكعدتها على التخم وانطتهاا مي وطلبت من صلاح يحضر سيارته لان عندهاا حاله ولاده خابروا على اياد وطلب اجازة من دوامه واجه. راحووا للمستشفئ وصلاح مقبل شهد تضل بالبيت لوحدهاا وام صلاح ماقبلت شهد تروح للمستشفى تكول مايصلح وضلت محتارة ..بعدين خابرت امهاا واختهاا ضلن يمهااا....ورة ساعتين اتصل بيهاا صلاح وطمنهااا ميس جابت بنيه...واسرار جابت ولد.... ********************************
بعد مرور ثلاث اشهر.....
عرس شهلاء وكريم ...ايضا بالقااعه عجبتهم القاعه لسوو بيها عرس صلاح وشهد ....شهلاء طالعه كوولش حلووووة....اما عسووله ..كانت لابسه فستان اسود طوويل ورداناته وصدرة تور ومسويه شعرها برم وهو ميش وحلوو وحاطه مكياااج برونزي ولابسه عدسات وطالعه تجنن وتفتر بالقاعه بفرح ترووح هييج وتجي هييج بفستانهاا...سمعت اثنين نسوان يسولفن وياشرن عليهاا انتبهت لكلامهن واستغربت منه. الاولئ//هااي فصليت صلاح الضابط. الثانيه//حلووة بس هي خطيه من الضيم والقهر انتحرت وحركت روحهاا بس ربج رحمها وما ماتت
لان محد يحترمها وصلاح جان قاسي وياها بس انقهر عليهاا ورجعهاا. شهد عضت شفتهاا بقهر وبقلبهاا...اني ماانتحرت ومستحيل احرق روحي على ضلم وجور لبعض لان هاي لروح مو ملكي ملك ربي وباجر يحاسبني عليهاا واني صابرة ومتأمله بربي خير ..مدام ربي كال ..ان مع العسر يسر...فأكيد تتيسر بعد ماجانت متعسرة والحمدلله ربي عوضني...قررت ماتهتم لحجي العالم صعدت على الستيج وهي تركص بخطوات بسيطه.
ام عمار بخوف// ماما حبيبتي لاتركصين لايصيرلج شئ الاشهر الاولئ من الحمل خطرة وموزين عليج الحركه حبيبتي اكعدي
شهد وهي تركص بخفيف//لا ماما اصلن بس احرك بااديه مجاي اركص والله. صاحتهاا اسرار وهي تخبرها بصلاح يريدها
شهد وهي تفوت من اسرار//كلتيله شهد تركص موو؟ اسرار وهي شايله ابنها//ههههه اي شهد وهو ترفع حاجبها//ههههه خبيثه هسه يرزلني. راحتله وهي تشوفه واقف بهيبته المعتاده وجمال الشرقي شهد بمرح//حياالله حضرة الضابط.
صلاح بزعل//ليش تركصين متخافين على روحج.
شهد //هههههه والله ماركصت بس شوويه.
صلاح بحب//يالله مشينه عندي موضوع ويااج. شهد//ههههه اعرف مواضيعك وليوم اريد الملائكه تسبني..وبعدين حته لو اني قبلت لنونو ميقبل. صلاح بمرح//موو هو بكيف لنونو.
شهد بحب//لعد بكيفك؟؟؟ صلاح بعتب//اي بكيفي..وبعدين انتي ولا فديوم كلتيلي احبك امووت عليك اريدك شو كلشي ماكووو شهد حطت أصابعها على شفايفه// احبك من كل قلبي...لفت اديهاا على رقبته وهي تزيح من خجلهاا شوويه وتقبله على شفايفه بحب ورمانسيه ابتعدت عنه بخجل وهو همس الهااا ....احبج يااختياري الحلو ..وذنبي الطاهر..احبج يااوجاعي الحلوة وغلطتي الصح.....
«مابدئت الحديث لاعاتبهاا..بااني لم اسمع منهاا كلمه احبك..حتئ قاطعتني بوضع ايدهاا التي بملمس الحرير على ..لتقول احبك من كل قلبي.....رجل استثنائي❤🌹»
نهااايه القصه...

[Topaz.]

[goldeness]

شكررررررررررررررررررررررر رررررررررا

[توتووووووووووووت]

موفق بإذن الله ... لك مني أجمل تحية .

[*ماسه*]

وين التكمله

[ندى تدى]

تسلم ايدك حبيبتي ووفقك الله


رواية جميله جدا