آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-09-18, 10:08 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  زوجه ثانيه،للكاتبه / زهرة النرجس" عراقية " (مكتملة)
التعديل الأخير تم بواسطة فيتامين سي ; 22-09-18 الساعة 11:44 AM | |||||||||||||||||
|  |
|
22-09-18, 10:09 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية https://www.rewity.com/forum/t425084.html#post13638889 زوجه_ثانيه #البارت_الاول #زهره_النرجس رأيتُها و حالُها يشكو الهُزال غـريـرةُ العـيـنـيـن حـقّــــاً مُرهقه فسألتُها: مَن تعشقين ؟ مَن ذا الذي جـرح الفـؤاد و مَـزّقه ؟ مَن ذا الذي قطع الزيارة و الوصال وَ أذاب جفـنـك في الليالي و أرّقه ؟ مَن ذا الذي خان الوفاء بلا سؤال هجـر الحبـيب و دمع عينكِ أغدقه ؟ قالت: محالُ الله أظلمُهُ محال هو ليـس يـدري أنَّ قلـبي يعشقَه أهواهُ سراً منذ أيامٍ طِوال أمـات صـدري بـالـحـنـيـن و أغـرقَه اتقنّصُ الأعذار طمعاً في جدال و ارتـجـي مـنـهُ الحـديث و اسرقه ... نوران..ولج نورهان لحكيني والله كلبي يوجعني ماجاي اتحمل الي يصير بيه والله حرام شوفي شنو بيه شنو ناقصني اي يمكن وجهي شاحب صار بس لا والله بعدني بفتره نفاس لا يمكن طلع كلفن من جبت حسوني وروره وننو لالا يمكن صار عندي كرش من جبت هنادي وهيثم اتزوج عليه لالا بعدني ماصارلي ١٠ ايام من جبت مالحك ينزل كرشي اي اكيد لان عندي كرش لالا مااستاهل كل هذا ولج ماشفتيه انتي سمره وسمينه وقصيره نورهان .. حبيبتي استهدي بالرحمان على كيفج لايصير بيج شي موزين عليج انتي بعدج نفسه نوران .. الله لو موتني من جبت والله اشوف هيج شي بعيني ولج انه الي خسرت خسرت اخواني وامي وابوي وخسرت شهادتي ووضيفتي مهندسه انه الكل تحمل بشهادتي اوووف وين انطي وجهي مابيه خير ردت احركها بالمي الحار ماكدرت شمرت عليه ماي من الثلاجه الي قهرني هيثم مااهتم لكل الي بيه اجه يركض دخل للحمام خايف عليه نورهان .. تعاي كعدي وفهميني شنو صاير نوران .. ولج شفته من فتح باب الحمام جسمه اسود ولج صرته سوده حلمت صدرها سوده عده كرش شنو شاف بيه مااعرف شلون بقيت واتحملت يوم واحد ولج اول مااجه نام وياها رفعت ردن القميص شوفي ايدي شلون زوركت من كد العض الف فكره اجت ابالي من قفلو الباب ماردت يسمعون صوتي عضعضت ايديه من الصريخ والتعب طحت بالكاع ماحسيت بروحي اسمي نوران من عائله كلش غنيه ومعروفه عندي اخوان اربعه وخوات اثنين اني الصغيره اخواني وابوي مدلليني كلش لان امي اول ماجابتني توفت ابوي دائما ينقهر عليه ويخاف عليه من كلشي خواتي وحده اكبر من عندي ب١١ سنه وحده ١٣ سنه واخواني اكبر من ب٢٥ سنه امي تزوجت وهي زغيره بس تعبت من جابت اخواني والدكتور نصحها ماتحمل بعد وامي حبلت بيه وره فتره طويله وجانت مريضه وماقبلت تنزلني من جابت بعده ماشايفتني وماتت اخواني لان اكبر مني وخواتي هم ربوني وكلشي موفرين الي اليوم اول يوم الي بالكليه جنت فرحانه لان راح اشوف الكليه ومامصدكه ابوي مافرض عليه البس حجاب ولااخواني عدهم اني الزغيره كلش جان شعري طويل كلش احطله حنه كل اسبوع ودم الغزال خواتي مايقبلون يبقى بدون حنه لان الحنه تعالج الشعر وابوي جان دائما يسافر للهند يجيب وياه زيوت وشامبوات بشرتي كلش بيضه وصافيه وعيوني وساع ورموش وحواجب كثيفه طولي ١٦٧ وشعري جان ينزل على رجليه اول يوم الي قبل يوم رحت للصالون سويت حواجبي والصبح لبست قميص ابيض ضيك وتنوره جوه الركبه رصاصي وسويت شعري ذيل وطبكته بالنص لان خواتي ماقبل انزله كله كالن طبكي نصين علمود لايحسدونج لبست حذاء لف على الرجل جان توه جاي موديله انه منكد ماحلوه ومدلله شايله خشمي على الناس واستنكف من كلشي ماحبيت اختلط ويه البنات حسام .. ولج كوكا يمته تخلصين اليوم اول يوم الج وصارت بالتسعه ونص وانتي بعدج كدام المرايه نوران .. اذا ماعاجبك روح حسام ..شوفي مو لان انتي عمتي تظلين ادردمين عليه خلصينه لاطولين هسه يسدون باب كليه الهندسه وتبقين واخوج كلي توصلها بأيدك لباب القسم نوران ..يلا خلصت بس خلي اشد الحذاء واطلع حسام.. هلا هلا ولج شنو هذا الي لابسته وطالعه بي والله عمي اهلج مدللينج مومثل حضي سياره مايخلوني اشتري اله سياره الوالد نوران .. من اشتري سياره انطيه الك بس كافي خلصني واطلع شغلها حسام .. اكلج هاي حيه الي لافته على رجليج نوران.. شمرت عليه الجنطه وطلع يركض عندي احمد ومحمد وفرقان ورضا اخواني ونورهان ونوربان خوات خواتي متزوجات وعدهن اطفال بالمتوسطه عدهن وبالابتدائي واخواني هم متزوجين واخوي احمد الجبير عنده نور الهدى ازغر مني بسنه وحسام اكبر مني بسنه و ولد بعد بالمتوسطه والبقيه هم عدهم اطفال ومتزوجين ابوي تعب من السفر والشغل قرر يكعد واخواني يستلمون عنه التجاره ابوي اشتره كاع جبيره كلش وبنى لكل واحد بيت بحده بيت مثل القصر واشتره لخواتي قطع اراضي يمنه وبناهن وكل واحد كعد بحده بس انه وابوي بيت جبير يتجمعون بي الخميس على العشه والجمعه على الغده والعشه طبعا لان مدلليني ماجنت اسوي شي عدنه عامله هنديه تشتغل ويوم الجمعه تجي ام حيدر عامله تسوي الغده وتنضف ويا هانا الهنديه طبات طلعات ونسات سفر اعراس ماحارمه روحي من اي شي بس الحب ماجنت احبه ابد تلعب روحي من كل الرجال دخلت للكليه اول يوم طردت حسام ماخليته يدخل وياي كتله موجاهل . وهو يخاف من عندي من اكله روح يروح هو كليته بعيده عن كليتي تقريبا ماوياي احد بقيت اتمشى واتلفت بلكي اشوف القسم مالتي تعرفت على بنيه ودلتني القسم . احس العيون عليه بالكليه بس ماجنت اقلد احد امشي بغرور وثقه بروحي . بقت تروح وتجي الايام واني اداوم بالكليه جان عدنه معيد بالكليه ينطينه محاظرات الوحيده انه الي مايباوع بوجهي ولايوجهلي اي سؤال . اول مره بديت اضوج لان هجي يعاملني جنت من تخلص المحاظره اطلع اكعد بالحديقه بحدي واشكال يجون من الشباب يردون اكبل وياهم واكو يجون نيتهم الزواج . بس اني ابد ولا واحد دخل كلبي بسرعه ارفض. هواي اجو لبيتنه وخطبوني اكثر الي خطبوني حالتهم الماديه كلش زينه نفس مستوانه بس اني مايعجبني وبس ارفض ابوي يرفض وياي انتبهت من اطلع من المحاظره اشوف المعيد كاعد كبالي ويصفن عليه اكثر من مره يسويه مااهتميت لان هو ابد ماحاجي وياي عبالك اني صنم بالقسم خلصت السنه الاولى وانه اشوف المعيد يوميه نفس مكانه ويباوع بقيت اشك بروحي لو خاف يعرفني وهجي مراقب حركاتي صرت يوم بعد يوم احب اشوفه بنفس مكانه احس كلبي يدك حيل من اشوفه يباوع عليه اليوم اخر يوم بالسنه الثانيه حبيت اغير شوي كعدت الصبح شسورت شعري ولبست تنوره طويله وبيه جاكه من وره وقميص نص ردن قماشه شوي خفيف الملابس الي جواه تبين صبغت اظافري لون احمر وخليت حمره حمره كلت هو اخر يوم الي خلي اتونس شوي خليت شعري مفتوح ولونه جاي ويه الحمره وصبغ الاظافر نزلت قسم من شعري كدام وقسم على ضهري اول مره افتح شعري من داومت دائما طابكته بالنص اجه السايق عليه واخذني اول مادخلت للكليه احس مثل المشبوها كله تباوع عليه طبعا اغلب الي يعرفوني يعرفون اخلاقي تختلف عن لبسي ويدرون ماعندي صديقات وعلاقات مرات اكعد ويا الطلاب بنات ولد لو اكو عيد ميلاد لو عزيمه بالكافتريا مجرد كلام بحدود الدوام دخلت للامتحان واشوف المعيد استاذ هيثم هو الي واكف علينه اول مادخلت خزرني بس انه واثقه من روحي مااهتميت بس ردت اركز واعرف شنو اكتب طار كل الكلام من عقلي صافنه بالورقه ومااريد ارفع عيوني حسين اكو نفس يم ذاني يمته الله يهديج وتضمين شعرج وتغيرين لبسج . يتبع .... يلا اريد اشوف تعليقاتكم وتصويتكم للقصه التعديل الأخير تم بواسطة فيتامين سي ; 22-09-18 الساعة 11:37 AM | ||||||||
|
| |
|
22-09-18, 10:11 AM
| #3 | ||||||||
| مراقبة عامة ومشرفة منتدى الروايات المنقولة
| البارت_الثاني زوجه_ثانيه زهره_النرجس . "هل تستطيع بالكلام سلب قلب امرأة ابتلعت مئات الكتب الجميلة؟. هاي جانت اول مره هيثم يحجي وياي واستغربت من كال هجي نوران .. عفوا استاذ مافهمت قصدك شنو مامخالفه الزي عافني وراح ماحجه شي بعد خلصت السنه واني افكر بي ماادري ليش هجي افكر ابد مااعرف شي عن المعيد ادري بي يجي مرات ياخذنه محضاره بده السنه الثالثه اول يوم داومت عيوني تتفحص المكان انتظر اشوفه ماشفته مر شهر على دوامي وهو ماكو كمت اضوج من الكليه دراسه هواي وتعب تعرفت على وحده وياي بالقسم بنيه حبابه كلش وبسيطه اسمه مها جنت اكعد وياها هي وخطيبه دائما ناكل بالكافتريا سوه ومرات خطيبه يوصلني للبيت وبعدين يوصلها لان كمت اضوج ابحدي احس بالوحده بهذا الوكت نزلت التلفونات جابلي ابوي تلفون يجنن مامعرب بقيت فتره وبعدين اشتريت تلفون دب خلصت الكليه وتخرجت واخبار هيثم مكطوعه فديوم جنت طالعه ويه حسام ابن اخوي من البيت وشفت هيثم واكف بنهايه الشارع مالنه طبعا احنه دائما نطلع بالسياره من الكراج ومامنتبه ابد اله ولاابالي بس اليوم حسام طلع بالسياره واتأخرت عليه طلعت اركض وراه بره البيت وشفت هيثم ابتسمت ابتسامه خفيفه وهو ابد ماسوه شي بس صافن جنت اتوقعه بي خلل لو مريضه لان تصرفاته موطبيعيه طبعا بالسنه الرابعه شعري تعب كلش مثل العين صارت عليه وكمت ابجي من اشوفه يوكع اخذت مكص وكصيت نصه وصل لنهايه ضهري احمد.. نوران حضري روحج باجر نروح لبيت عمي كل احنه ومااريد اعتراض نوران .. ومن يمته احنه نروح الهم مو على اساس ابوي متعارك ويه اهله من قبل ولانعرفهم ولايعرفونه احمد.. ابوي يريد يصالح اهله خواته واخوه نوران ..انه مااروح وياكم روحو بحدكم دخل ابوي وشافني هجي احجي صار عصبي ابو نوران .. موبكيفج مودللناج معناها تمشين كلمتج عليه ترحين وياي انتي واخوانج وخواتج وجهالهم ماكدرت احجي شي لان ابوي اذا عصب مانكدر نحجي حضرت ملابسي باليل واجت نوربان ونورهان وازواجهن واطفالهن نورهان .. هذن الملابس الي اخذتيهن مايفيدن انه جنت اسمع من امي الله يرحمها اهل ابوي عرب ومايقبلون على هيج لبس ابوي الضهر كلي اجيبلج عبايه اسلاميه وشالات ودشاديش نوران .. هههههه انتي من كل عقلج انه اروح بهيج ملابس والله مااروح روحو بحدكم ابوي عمره مااعترض على شي البسه نوربان .. اي عيني لان انتي المدلله مالته يخاف على زعلج بس تره ابوي اذا الشغله بيه اهله مايهتم لزعلج لبسي هذن وسكتي احسن نوران .. كمت اخذت العبايه الاسلاميه والشال لبستهن مامقتنعه اطلع هيج انه المن اعتني بروحي وبشعري شنو علمود اضمهن لاعيني مايصرفلي هيج روحو انتم نورهان .. وانه اكول عنج العاقله الفاهمه هيج تعاندين هن يومين نخلصهن ونرجع عليمن بعد هذا العناد رضيت بسرعه من حجت وياي نورهان الصبح خليت مكياج خفيف ولبست بنطرون كابوي وقميص قصير وياهن العبايه وشلعت الدكم مال العبايه الجوه علمود من امشي يبينن رجليه وشديت شعري كله من وره وطلعت شوي من الشعر من كدام من الشال لبست نضاره ورشيت العطر كله وطلعنه المنطقه مالتهم بالاطراف تبعد عنه ٤ ساعات كلما نبتعد عن المدينه يصير المكان والجو احلى خضار وماي وحياه تختلف احس الهوى نضيف النسوان وقت الضهر يحشن الحشيش ويمهن اطفالهن يلعبون ملابسهم عاديه والنسوان شادات العبايه على خصرهن اكثر شغلهم بالارض يعمرون ويزرعون بيه جنت متخيله اهل ابوي هم هيج حياتهم بس كلت هي ونسه كم يوم ونرجع بيت جدي جان جبير كلش بس قديم مابي لاسيراميك ولاصبغ من هذا الحلو الارض كاشي قديم والحايط لونه سمائي فاتح الطارمه مالتهم كلش جبيره ومخلين بيه كرويته خشب وكراسي خشب وحبل ملابس الي عرفته عمي وولده ساكنين بهذا البيت عدهم الخطار النسوان تدخل من باب المطبخ والزلم من باب المضيف المضيف جان كلش جبير بابه على الطارمه والاستقبال مالتهم هم الولد يدخلون منه انتبهت للمنور الي بصف المطبخ قبل لاندخل مسوين سياج شبج وقافلينه توقعت بي خرفان دخلت سلمت على زوجه عمي وبناته وعماتي ابوي جان الجبير بيهم ومن حب امي تعارك ويا اهله وجدي طرده من البيت وابوي بده حياته من الصفر لحد ماجدي قبل لايموت انطاه الورث مالته بس ابوي جان ضايج من عمي لان الناس حبت تفرقهم وتوصل لاابوي حجي مو حلو على عمي كعدنه بالهول جانو مخلين منادر بالارض ومغطينهن بجراجف ومخاد لونهن وردي واكو سمائي مرسوم عليهن ورد ومكتوب عليهن صباح الخير وخالين حصيره بالارض وبوفيه متروسه كلاصات وسيتات كوابه ومزهريات الكلاصات مكتوب عليهن اهلا وسهلا كلشي بيتهم قديم احس الغراض نفسهن قبل لايتزوج جدي ويصير ابوي البرده داكينه بسامير لاسجه ولابوريه ومخلين عليه نشره ورد وصور الاأمه والساده مخلينهن على الحايط بالممر والهول حته بالطارمه اول ماكعدت نزعت شالي والعبايه حسيت بنات عمتي يردن ياكلني بنضراتهن واني اتموع وادلع اباوعلهن بتكبر نوران .. عفيه نورهان اريد اغسل واروح للحمام العمه .. خايبه نويره هاي اخيتج صايره تسودن ماتنطوناها لعزيز طفرت انه من الصدمه نوران .. عمه منو عزيز هذا وشنو عرفتي عني وخطبتيني بسرعه لاابنج نورهان .. ههههههه عمه معليج بكلامه نوران تحب تتشاقه دائما العمه .. هههههه يخايبه موش ابني عزيز هذا ابن عمج ابو عزيز هذا من ماتت مريته وهو مايقبل يتزوج يهي الي نريد نمشي عليه مايقبل نورهان .. اي كال بابا زوجته اتوفت خطيه نوران .. راح تضلين تسولفين يلا اريد اروح اغسل نوربان .. لج صبري شبيج ليكول طفله بناتي زغار وماسون مثلج صبري ياعيني بنت عمي .. كومي حبيبه ادلنج على المغاسل والمرافق نوران .. مرافق شنو اسمه wc لو تواليت ههههههه خايبه لاتغلدين على حجاياتنه شمالج انتي من المدينه حجيكم يسودن من الحلات حطي على راسج غطى لان عزيز مايقبل نمشي مفرعات وانه اسمي مياده بت عمج ابو عزيز بقيت ساعه اريد افتهم حجيه عرفت تريدني البس شال بس انه جنت ميته حر احس ركبتي تحكني من الشال حبيبتي اني ماالبس حجاب اجيت بي بس علمود الطريق لان بابا ماقبل مياده ..عليج العباس حلفي هيج تطلعين مفرعه كدام الزلم نوران .. اي والله ليش شبيج هجي اخترعتي مياده .. عمي وابو فاضل هنيالج مثل امهات التلفزيون تطلعين مفرعه واخوانج ماذبحوج ضحكت على طريقه كلامه مبينه كلش طيبه وعلى نياته حبيته كلش لان نفس عمري وتصير من اهلي دخلت للتواليت الصبغ مالته من الرطوبه طايح والارض صبابه بدون كاشي ومرافق شرقي والسكف مالته كلش جبير وبي شباك زغير ومفرغه خفت من عنده كلش خفت تطلعي حشرات شي بيتهم صح نضيف كلش بس انه جنت مامتعوده على هيج شي حبايه مياده ماعدكم حمام غربي مااكدر اكعد بهذا مياده .. خيه يانواره عدنه مالته ابوي الحجي بالمرافق البره كبال باب المطبخ بس شنهي شخيرج مريضه رجليج بيهن شي وماتكدرين بهذا المرافق نوران .. لاحبيبتي متعوده على التواليت الغربي طلعتني بره وهي صاحو عليه وراحت من طلعت ماشفته غسلت وتمشيت للمطبخ المضيف مالتهم مايبين من اطلع من المطبخ حديقه اكو والباب مال الاستقبال صاير مثل حرف L على المطبخ قبل لاادخل للمطبخ صار عندي فضول كلش ردت اعرف شنو مربين وره المطبخ خرفان لو ابقار فتحت الباب جان بي سرقي ولافين سنسله عليه المكان مابي ريحه خرفان لو ابقار بس اكو اكل بالارض جاي امشي وسمعت واحد يصيح عليه خايبه هوووو عرب جول وين موليه ودعمين نوران .. التفتت وشفت شاب اسمراني ضعيف وطويل عيونه وملامحه جنوبيه الشمس حاركه وجه بس حلو هاي عليه الحجي لو تقصد غيري تقدم عليه وهو عصبي عزيز .. شو تعاي بله انتي منو بت عمي لوبت ابنه اريد اشوف المكرن الي مطلعج هيج بليه حجاب لو لبس مستور نوران .. انت منو وتحاسبني مالك شغل بيه فاهم يلا عوفي وروح منا ناس همج صار عصبي كلش ولزمني من ايدي قوي ورفع جتفي يريد اصير بموستواه عزيز .. ولج ام لسان اذا مااخليج تتندمين على هذا حجيج امي ماجابتني نزل ايدي وبقى واكف بمكانه نوران ... عابت ناس همج يمته تتطورون مشيت جوه بالممر اول مادخلت للحديقه الوره البيت انصدمت جلاب اثنين وياهن جراوي زغار من شكلهن مبينات جلاب بوليسيه اسمع بس النباح مالتهن ويركضن وراي كمت اصرخ واركض شفت هذا الهمجي واكف ويبتسم بخباثه شردت وراه ولزمت ملابسه حيل واتوسل بي بس يوكفهن ....يتبع بنات اني اكثر شي انشر الصبح لو الضهر ماعندي موعد محدد بس يوميه انزل بارت والقصه بعده بالبدايه لاتحكمون عليه من هسه والي يكولون مبالغه بوصف نوران تره اكثر بنات العز شايلات خشمهن ومتكبرات بس ماكو شي يدوووم | ||||||||
|
| |
|
22-09-18, 10:13 AM
| #4 | ||||||||
| مراقبة عامة ومشرفة منتدى الروايات المنقولة
| #زهره_النرجس #زوجه_ثانيه #البارت_الثالث كُلُّهُمْ مَـرُّوا بجَانبي .. إلا أَنتَ .. عَبرت مِنْ خِلَالِي .. . . اشوف الجلاب تنبح وتركض وراي دخلت الممر ولزمت الدشداشه مالته حباب عفيه خليهن يبتعدن عني والله اخاف شفته اشر الهن كعدن بسرعه انتبهت لروحي شابكه ضهره وهو ساكت وخرت من عنده دار عليه ويضحك عزيز .. يلا تسامحي مني على حجايتج الي حجيتيه نوران .. لابله شنو حجيت مااعتذر اشر للجلاب كامن ينبحن بمكانهن رجعت لزمت دشداشته والله بعد مااعيده اسفه اسفه عزيز .. قبلت اعتذارج وهذا لبسج تبدلينه وماطلعين مكفشه شعرايه مااشوف طالعه خوش نوران .. عفته وماحجيت شي لزمني من ايدي يحجي وعيونه يلمعن عزيز .. ماكتيلي انتي بت محمد لو بت احمد نوران .. لاانه نوران اختهم عزيز .. انا اخوك هيج عندي بت عم وماادري نوران .. ودريت هسه شسويلك ممكن تترك ايدي اريد اروح ارتاح عزيز .. وشدعوه هذا الغرور خاف جي عشتي بالمدينه تكبرتو على الوادم تره اصلج منا ومردج لهنا نوران .. شنو قصدك شنو شفتني مخبله واجي اعيش هنا اصلا اجيت كوه عليه تعرف اني شنو شهادتي اني مهندسه عزيز .. وليش هيج تتعيقلين علينه وتتكلبين تره احنه كلنه عدنه شهادات عاف ايدي واخذ السنسله مال الجلاب واخذهن للحديقه الوره البيت رجعت للمغسله الي كبال المطبخ اغسل عبر ماادري منو طلع من المضيف للشارع اريد اسد الماي ورجع حسيت واحد لزمني من ايدي شفته هو نفسه ابو الجلاب عزيز .. انه موكتلج لاتبقين هنا وستري روحج نوران .. شنو شفتي مصلخه واستر روحي لزمني من فكي وعصره عزيز .. ولج شنهي هذا اللسان العندج دلاله شنو مصلخه موعيب هيج تكولين ماكو حيا عندج طلعت ميعاد هو عافني وراح ميعاد .. خايب عزيز شماله وياج روان .. خلي يروح هذا الهمجي بس يتعارك ميعاد .. خايبه صخام الصخمني ولطمني مالكيتي غير عزيز تتعاركين وياه روان .. وشنو واذا عزيز الحمد لله وين المريض الله يجيبه بطريقي عفته ودخلت كعدت يم خواتي اشوفهن منطلقات ويسولفن ويضحكن خليت شالي على على شعري وكعدت اسولف وياهن احس جو البيت يريح الكلب مااعرف ليش نعست نورهان .. شنو نعستي اشو بس تتثاوبين نوران .. اي والله مااعرف شبيه يمكن لان كعدت من وكت العمه .. يمه انطرحي هنا على المندر على مانصب الغده هاج يمه هاي مخده ريش نامي عليه نوران .. لالا مااحب الريش بي ريحه العمه .. لاريش كبل هذا تدرين المغده الريش كلش غاليه وماتتحصل منه قليل نوران .. لاعمه ماترتاح ركبتي على هيج مخده وبعدين شلون انام يمكم هنا بالهول مايصير ميعاد .. تعاي حبيبه وياي انيمج نومه ملكيه كمت وياها صعدت فوك للطابق الثاني جان بناء الفوك يختلف عن الجوه ديكوره والاثاث حلو ماعبالك عايشين بهيج مكان دخلت لغرفه بيه سبلت مومكيف لو مبرده وغرفه بيضه حلوه وفوك التاج مال الجربايه صوره عزيز هو وزوجته ماتوقعته متزوج ابد نوران .. شنو عزيز متزوج ميعاد .. اي معرس من زمان وعنده فروخ ٢ بس مرته الله يرحمه صار بيه مرض خبيث وماتت نوران .. خطيه الله يرحمها بعده زغيره ميعاد .. اي خطيه نامي هنا حبيبه على مانصب غده ونكعدج نوران .. لازحمه شنو انام بغرفه واحد متزوج شنو يكولون عليه ميعاد .. لاعادي عدنه محد يتحجه عليج وعزيز مايجي هسه عدنه ناس وذبح وطبخ لليل يلا يصعد انطتني غطى وشالت الفرشه الي مفروشه على الجربايه وطلعت جنت لابسه تشيرت كيمونيه جوه القميص نزعت القميص وفتحت شعري مااعرف انام اذا موشعري مفتوح اني نومي خفيف كلش احس بسرعه اذا اتحرك احد بقيت محافظه على نومتي ماتحركت حسيت واحد وكف قريب عليه بقيت متردده افتح عيوني لولا شوي وفتحت عيوني شفت عزيز يباوع عليه كلش ضجت ولعبت نفسي منه لان عيب عليه يتفرج عليه واني نايمه موعيب تدخل للغرفه واني نايمه ماتستحي واكف فوك راسي الله يعلم لو باقيه نايمه وماكاعده جاشنو سويت بعد عزيز .. هي هي لاترشكين علينه بالحجي يواش يواش شني بالعه راديون منو مكلبج وجاي حذاج هاي حجرتي وانتي نايمه بيه وعلى فراشي مالج حق تحجين نوران .. اي وانت ماصدكت اني نمت بالغرفه وانت اجيت تركض وتتفرج عليه ليكول ماشايف ناس همج عزيز .. انتي بيتنه وخطار عدنه ومره جاعرفت شلون اربيج واخو زينب اله اكومج بصواب واكعدج بصواب ام لسان اعلمج الهمج شنهو تسوي هو عصبي ويصيح لعبت نفسي من حجيه وطريقه كلامه شمرت الغطه وكمت لميت شعري شفته ملامحه تغيرت وبقى صافن على جسمي مانزل عينه يرفع عينه على شعري وينزله على جسمي عزيز .. استغفر الله انتي تبقين هيج عريانه وتفترين بالبيت ولج ستري روحج نوران.. وانت شدعوه هجي مركز بجسمي ليكول ماشايف نسوان بكل حياتك ماجنك جنت متزوج اني كلت هيج وهو صرخ بوجهي صوت صدك خفت منه عزيز .. امشييييي انكسحيييييييي برررررره اخذت قميصي وطلعت واني خايفه ميته من الخوف صعدت ميعاد تركض شافت وجهي هجي ميعاد .. خايبه مصخمه جعدي دقيقه بليه مشاكل شبي وياج عزيز نوران .. خيولي مايستحي صعد فوك للغرفه ليكول ماشايف ميعاد .. وحك جف العباس مايعرف بيج انتي فوك صعد ومالحكت اكله دشداشته متبدي عليه الدهن وصعد يغيرها لاتختاضين منه وروح جدي هو فقير بس من ماتت حرمته صار علينه ثور هايج تعاي نتغده جوه وانطيج دشداشه من عندي والله توها جابته الخياطه الي كلت ماتغلى على نويره بت عمي نوران ... حبيبتي انتي والله من اول ماشفتج حبيتج بس جايبه وياي كومه ملابس مياده .. هاي هديه مني الج والرسول عليه الصلاه والسلام قبل الهديه اخذته منه ولبسته كلش حلوه من لبسته ومرتبه صح اول مره البسه بس اندمجت وياهم وتونست عدهم بس ابد مااكدر اعيش هناك ولد عمي اجو وسلمو علينه عمي ولده موكبار كلش مياده وعزيز اكبر شي لان عماتي اكبر من عمي ماحبيت بنات عمتي ولاهن حبني بس ويا مياده كعدت وسولفت بقينه عدهم ٣ ايام ماشفت بيهن عزيز ابد شكد حاولت اشوفه بس هجي اتحرش بي بس ماشفت من ردنه نطلع العصر نرجع لبيتنه شفته واكف يم المضيف ويخزر بيه بعدين اشرلي على شالي اغطي شعري بس ردت اضوجه قبل لااروح كمت وطلعت كذلتي بالزايد وطلعت لساني اعيب بدون مايدرون وصعدت للسياره رجعت لبيتنه فرحانه بيتنه بي الاستقرار وغرفتي وفراشي ردت انام اجتني رساله (ليش كاصه شعرج انشاء الله ايديه تتكسر الي كصته الج ) ...يتبع بارت مفاجئ لاتطلبون اكثر لان ابد مو متفاعلين القصه بيه هواي احداث وعبره للبنات | ||||||||
|
| |
|
22-09-18, 10:17 AM
| #5 | ||||||||
| مراقبة عامة ومشرفة منتدى الروايات المنقولة
| #زهره_النرجس #زوجه_ثانيه #البارت_الرابع نوران .. (منو حضرتك ) ..معجب يصير لو مايصير نوران .. شكد فارغ روح بابا شوف غيري ... على كيفج ليش تعصبين يجوز انتي تعرفيني نوران .. خلصني كول منو انت لان تعبانه ومابيه احجي ... سلامتج من التعب عفته مارديت عليه غلقت التلفون ونمت كعدت الصبح صار عندي الفضول اعرف شنو داز الي فتحت التلفون وصلت منه ٣ رسائل ..نوران اني احبج ولاتكولين وين تعرفني وحبيتني اني مراقبج من اول سنه الج بالكليه ...صدكي نيتي كل خير وياج بس خايف تصديني .. الووو نمتي ماادري ليش فكرت ب هيثم اول ماقريت الرساله حبيت ادردش وياه لان احس روحي ماله من الحياه الي عايشته بقيت ارساله واسحب منه الحجي لحد ما خابرته وبقينه نسولف اني وياه الي عرفته هو معيد بكليتنه سنتين وبعدين راجع لمحافظته وحاليا يريد يدرس بكلوريوس هواي سولفنه اني وياه حبيته وحبيت سوالفه وياي صرت يوميه احجي وياه بقيت مااطلع من الغرفه وقتي كله وياه صارحني بحبه الي وانو هو يريد يخطبني بس خايف مااوافق لو اهلي مايوافقون نوران .. اني مااهتم للفلوس صح بنت عز بس مادام حبيتك اعيش وياك بالحلوه والمره هيثم .. واهلج شلون خاف مايقبلون وخاف اجيب اهلي ويتفشلون نوران .. لاليش يتفشلون اصلا بابا من اتزوج ماما الله يرحمها جان كلشي ماعنده شوي شوي وصار عنده هيثم .. اندعيلي ابوج يوافق نوران .. انشاء الله حبيبي جنت احجي ويا هيثم مثل الي منومينه مغناطيسي ماجنت مفكر اباجر مشيت ويا كلبي مو عقلي اجت ام هيثم وابوه وهو من محافظتهم محد اجه وياهم بعد وشافتني امه نورهان ماجان عاجبه الوضع وام هيثم مبين مو راضيه من طلعو اجه ابوي وكعد ويانه عادي مافتح الموضوع ولاحجه شي كاعده وانتظر واخواني هم غلسو يومين اسبوع عشر ايام وابوي م غلس وهيثم يوميه يسئلني اكله ابوي ملتهي عنده شغل رحت حاجيت نورهان تخابر ابوي وتعرف شنو جوابه نورهان .. بابا الناس يردون نرجعلهم خبر اي لولا ابو نوران .. منو ياناس تقصدين نورهان .. بابا هذول الي اجو طلبو ايد نوران ابو نوران ... ههههههه انتي من كل عقلج تسئليني موافق لولا شنو هذا المهتلف واقبل بي روحي بابا كليلهم ماعدنه بنات ولايجون مره ثانيه ويتفشلون اني سمعت كلام ابوي وعيوني كامت تصب ابد ماجنت متخليه ابوي راح يرفض واذا هم فقره مدام يحبني هاي هيه رديت خبر لهيثم وضاج من سمع ابوي رافض هيثم .. من الاول اني جنت خايف اتعرف عليج لان ادري اهلج مايقبلون بيه نوران .. والله لو يبقى اخر يوم بعمري مااتزوج اله انت وره شهر رجع اجه هيثم بحده وحجه ويه ابوي وكله اعرفها من اول سنه كليه بس ماحاجي وياها شي بنت اخلاقها وثكلها عجبني واني جايك من الباب ابو نوران .. بنتي متعلمه على الدلال وعلى الصرف وكلشي تريده متوفر اله مااتوقع انت تكدر توفر اله هذا الشي هيثم .. كل بنيه بيت اهله مدلله ومن تتزوج مااكلك ماادلله اخليه بعيوني والله بس اهم شي احبه ولاتستعجل بالرد اسئل بنتك ورجعلي الرد اجه ابوي عصبي ويصيح عليه منين جايبه هذا المهتلف الفكر الحذاء مالته مركع الف ركعه وقميصه من زمن جدي نوران .. على كيفك بابا لاتعصب يعني انت غني تريد العالم كله نفسنه كمت ابجي لان موطبعا هجي يصيح عليه ابو نوران .. انتي منين تعرفينه ومصره عليه بينكم علاقه مووو اي هاي اخر الثقه الي انطيته الج نوران .. لاتعصب بابا الولد بمرحله اول شفته يراقبني وابد مابينه شي ودز صديقته علمود تكلي يريد يخطبني وانه الولد مرتاحه اله وخوش ولد الكل تحمد بأخلاقه ابو نوران .. وافهم من كلامج انت رايدته نوران .. بابا انت علمتني على الصراحه وانه بنتك وماكو داعي اخجل منك الولد اني موافقه عليه ومااشوف الفقر شي عيب انت تزوجت امي وماعندك ليش من توصل يم غيرك ماتقبل جاي اسولف وماحسيت بس براشدي على خدي ابو نوران .. انه باجر اخابر عمج ابو عزيز واكله يجيب ابنه ويجي يعقد عليج نوران .. لو اموت مااتزوج عزيز الهمجي خيولون هذول الهمج المعدان اسلوب ماعنده والله اذبح روحي ومااقبل بعزيز حسيت ابوي مثل الي خاف من كلامي خله وطلع اجت نورهان ونوربان وحجن وياي وقنعني جنت رافضه الحجي وياهم وبس ابجي ومااكل اخواني هم حاولو يقنعوني كله كالت فقير وماتكدرين تعيشين وياه صعب بقيت يومين بدون اكل ابوي مل مني اخر شي تخربطت ونيومي مستشفى مغذي وعلاج وطلعوني شفت ابوي بالممر مال المستشفى يبجي عليه منكد التكبر مااهتميت احس عقلي مايشتغل افكر بهيثم وبس الحب مرات يسوي حاجز عن كلشي موحلو مايخلينه نفكر باليل دخل عليه ابوي وحجه وياي ابو نوران .. شوفي بابا اقبل تتزوجين هيثم بس بشرط فرحت من كال اقبل الشرط لاتعرفينه ولانعرفج انسي عندج اهله اريد اعرف شلون تكدرين تعيشين وياه نوران .. ليش بابا ليش كلبك اسود على هيثم يعني اذا ماعنده مايتزوج واني حبيته لان بسيط ابو نوران .. راح يجي يوم وتتذكرين حجايتي راح تتندمين على هذا قرارج وهذا التكبر مالتج وماراح تلكيني واكف وياج اخوانج كلهم رفضو واني بس قبلت علمود مايصير بيج شي انتي هديه من امج قبل لاتتوفى روحي الله يوفقج بس من اليوم اني ماعندي بنات روحي يم نورهان خلي يجون يطلبونج من عده ومناك تتزوجين زعلت على كلام ابوي وانقهرت بس فرحت من وافق اعرف مايكدر على زعلي وكلت يوم يومين ويصالحني رحت يم نورهان جان وجه ثكيل عليه وزعلانه بس ابوي موصيه تهتم بيه اخواني اجو وتعاركو وياي بس حسام ابن اخوي جان واكف وياي بيوم المهر مالتي مااجت نوربان زعلانه عليه ومحد اجه بس نورهان وبناته ماجان عنده امكانيه ياخذني لاارقى الصالونات انه سويت نفسي وعندي بدلات هواي هو مااعترض ولاكال منيلج اول ماشفته تعجب عليه وعيونه صفن على جسمي مانزل عينه بقى بيوم المهر يمي واني وياه احلا حبيبين رومانسيه وحبيات شفته هواي يركز بجسمي يتلمس اكثر من الحجي ماطولت الخطوبه انطوني مليونين بس وماقبل اخذ اي شي من غراضي القديمات ولااخذ مساعده من اهلي لو من نوران كال راح يأجر شقه لان يريد يدرس بكلوريوس وكله فتره ونرجع لمحافظه ويا اهله رحت للسوك اريد اجهز الفلوس ماتكفي شي اشتريت تراجي وكلاده ناعمات والباقي جهزت بي ملابس عاديه لان طلب اتحجب بدلت العرس امه اجرته واسمعها يمه تكله ليش مااهله يساعدونه نايمين على الفلوس مااهتميت لكلامه بيوم العرس امه اجرت البدله اني ماشفته وهي حجزت صالون الصالون بيت وبالطارمه غرفه وبيه كم قلم مكياج وشسوار والغرفه خنكه احس يوم عن يوم اترك العز واتغير ويروح دلال ابوي وين جنت بالمناسبات مالت قرايبنه من بعيد اروح لمركز تجميل عنايه كامله بجسمي وبرنامج غذائي قبل اسبوع واروح للجيم والبدله لومن الهند لومن الامارات يجيبه احمد لو ابوي والذهب احتار شنو البس نزلت اول دمعه يم الصالون على الدلال مالتي كعدت تشسور شعري وكل شويه تطفى الكهرباء نورهان زوجه ماقبل تروح وياي للصالون راحت وياي بنته الجبيره بعده بالعداديه خلتلي مكياج يخوف شكد اني حلوه من خلت المكياج خفت من روحي حاولت اتصل بأبوي واخواني واحجي وياهم بس محد رد عليه رجعت لبيت نورهان وجه ثكيل عليه نورهان .. شوفي لان ابوج واخوانج ماراضين عليج بعمرج ماراح تتوفقين الناس حجت اشكال الوان عليج الي يكول شردت ويه صاحبه والي يكول كضوها مصاحبه واشكال الحجي وبعد وبعد نسمع اشكال شوفي انتي بت حجي فالح باعي لبسج وباعي مكياجج من يمتى بنات حجي فالح بمناسبه يلبسن ذهب تقليد ليش لان جهازج مابي بس تراجي مايبينن وكلاده ناعمه وين المعازيم ليش محد اجه من اهله بس امه واخته وخالته ليش محد قدرنه واذا بيتهم بغير محافظه الله يعلم شنو بعد ظاملج الوكت ولهنا وعذريني يااختي ابوي مايقبل اروح وياج للزفه وهي وينه الزفه الناس لو حجت حقها بوستني واني بلحظته صدك حسيت روحي استعجلت ووافقت بس اني احبه وكتله وياك لااخر العمر اجو اهله وكم واحد من اصدقائه لاموسيقى لاهوسات كالو عمهم متوفي و ماطالعه السنه مالته جنت اشوف كرايبنه بزواجهن فرحانات بالتسريحه بالبدله يركصن طول الحفله والناس واهلن وياها فرحانين انه ماشفت كل هذا احس فاتحه مو زواج من دخل هيثم بقت العبره متكسره بصدري لااكدر ابجي ولااكدر اضحك اشوف نورهان تبجي عليه اجه باسني بكصتي وطلعنه غطيت بس شعري وجهي طالع اصلا اخوف الناس بمكياجي سلمني رجل نورهان لهيثم وكله هاي امانه حافظ عليه زفزني بسياره موكلش حديثه مالته اخو صديقه وبدون تبريد نوران .. لومأجر تكسي وبي تبريد مو احسن من هاي الجبسه هيثم .. الولد هو تبرع يزفني واليوم واكف التبريد مالته يلا مابقى شي ونوصل مشت السياره وانه صافنه على الشارع مااعرف افرح لان متزوجه لو اضوج بقينه نبتعد عن المناطق الراقيه وندخل بالحياء البسيطه شوي شوي دخلنه حي شعبي الشارع ضيك كوه دخلت السياره والجهال هوسه ويم الشقه طافحه المجاري كمت مااسيطر على دموعي خانني ونزلن هيثم حس عليه لزم ايدي بحنيه ودع اهله بالطارمه الطارمه مترين بمتر كوه وكفت بيه امه وخالته ودعهم وفتح الباب وشالني ماجنت منتبه للشقه من نزلني شفت الباب يدخل على المطبخ وبس غرفه بالشقه ومطبخ وصحيات وغرفتي عند اهلي اكبر من الشقه بمرتين الغرفه اخشاب عاديه وفرشه ستن رخيصه كلت اي استاهل انه الي ردته موانه اكله ارضى اعيش وياك على الحصير امداني حتى حصيرا ماكو صبابه الغرفه ....يتبع من البارت الجاي راح تنسى الدلال نوران | ||||||||
|
| |
|
22-09-18, 10:18 AM
| #6 | ||||||||
| مراقبة عامة ومشرفة منتدى الروايات المنقولة
| #زهره_النرجس #زوجه_ثانيه #البارت_الخامس أن تحب يعني أن تضع قلبك على الطاولة، ثم تقامر عليه ..💔 بقيت مصدومه من المكان شلون راح اعيش هنا اباوع للمطبخ سنك زغير كلش ومخطى برده والكاونتر قديم مااعرف منو جايبه اله والطباخ بيضه خمس عيون بدون فرن مكعده على خشبه عاليه ورف حديد عليه كدرين ودولكه ماي باوعت على هيثم الي جاي يقفل بالبيبان ويباوع عليه الشقه عباره عن مطبخ ومرر متر للغرفه والصحيات باوعت ثلاجه ماكو مكيف بالغرفه ومابي بروده تذكرت بيت اهلي ابوي مخلي تبريد مركزي وزع للبيت كله وماجنت حاسه بشي صح قبلت اتزوج فقير بس مو من سابع سمه للارض كبل جنت متوقعته مأجر شقه زغير بس مرتبه مثل الي اشوفهن بالمسلسلات المصريه هيثم .. شبيج حبيبتي عبالك ماعاجبتج الشقه نوران .. مادام اني وياك اكيد تعجبني صفنت على نفسي شلون احجي اني الي رفضت ورفضت شباب مافديوم فكر يتقدملي واحد فقير مثل حالت هيثم ردت ادخل للحمام ابدل استحي انزع يمه لان مامريت مثل البنات بفتره خطوبه فتحت الجنط ادور على شي البسه هن شكد ملابسي يادوب فستانين مال نوم ودشداشه وتراك ودشداشه نص ردن وكم شغله صفنت لو العامله مالتنه موجوده هي ترتب الغراض بدالي اني هسه وين اعرف وين اخلي الملابس طلعت فستان ستن مال نوم قصير وحلو عفيه حبيبي اطلع بالمطبخ شوي بس اغير ملابسي هيثم .. اي اني زوجج شكو بيه لو غيرتي كدامي نوران .. اسفه بس والله بعدني ماماخذه عليك واليوم اول يوم النه طلع هيثم كعد بالمطبخ بدلت ملابسي وطلعت غسلت وجهي لان صار خريطه المغسله بالممر هو شالني للغرفه هيثم .. امي داعيتلي واحصل هجي فراولايه مثلج كام يبوس ويتلمس بجسمي ويتغزل بيه بطريقه حلوه خلتني انسه المكان الي بي عايشه واروح وياه بغير عالم من خلصنه باركلي وطلع للحمام كمت لبست ملابسي سمعته يسبح صاح عليه يريد منشف دورت على المنشف مالته ولكيته اتوقعت راح يصيحلي اسبح وياه بس ماكو اخذ المنشف وسد الباب من طلع كمت دخلت للحمام انصدمت بي عبالك كوخ موحمام كلشي بي يخوف تذكرت حمام بيت جدي والله احلا من هذا بألف مره فتحت الحنفيه مايصب الماي انتضرت وهم ماكو ماي بس الابريك بي ماي والطاسه بيه شوي ماي كعدت على التخته مال الحمام كمت ابجي تورطت بعد مااكدر ارجع لااهلي تذكرت حمامي الي بالغرفه البانيو والاضاءه مسحت وجهي وطلعت نوران .. حبيبي شنو ماكو ماي بالدوش شوف شبي هيثم .. حبيبتي تعودي قبل لاتسبحين جيبيلج ماي من الطارمه لان بعدني ماشاد تانكي مال مي ناخذ من البوري الرئيسي اليوم انتي عروس اني اجيبلج ماي تسبحين وباجر انتي تجيبين الي ماي راح جابلي ماي كوه سبحت بي مااعرف شلون اسبح وبعدني ماشاطفه خلص الطشت رجع جابلي هيثم ماي سبحت وطلعت لبست دشداشه نص ردن توني اطلع من الغرفه وطفت الكهرباء واني اخاف من الضلمه بسرعه صرخت صوت على هيثم جاب الجداحه واجه حضني شغل لايت على الشحن هيثم .. المناطق الشعبيه هواي تطفى بيه الكهرباء لازم نتعود على الايت الشحن نوران .. هسه شوي ويشغل ابو المولد هيثم .. حبيبتي بعدني ماسحبت خط مولد ماعندي انطيه خلي شوي اشتغل والله كريم مابقى شي ٣ ساعات وتجي الكهرباء نوران .. لاحبيبي كول غيرها يعني ٣ ساعات شلون راح اتحمل اكعد بالحر والله مااتحمل الحر والضلمه ابتسم بوجهي ودخل للمطبخ جاب العشه كباب شوي واجنحه شوي ومقبلات انتبهت اله ياكل بسرعه بسرعه عبالك ماشايف حته ماانتبه اني اكلت لولا من بده يخلص كلي هيثم .. اكلي اكلي حبيبتي نوران .. لاحبيبي والله مااشتهي شبعانه هيثم .. يلا براحتج من تشتهين اكلي اني راح اخلي الاكل بالثلاجه يفيد عشه لباجر نوران .. يعني عادي عشه اليوم ناكله باجر معدتك مايصير بيه شي هيثم .. اي عادي قابل شنو نشمر نعمه الله بالزباله نوران .. لااحنه مانشمره بس اكو ناس فقيره ننطي الهم لان ماناكل اكل بايت هيثم .. حبيبتي كلشي اختلف ابوج عنده خير من الله ويكدر يوميه يتسوك اني تشوفيني بعدني بدايه المشوار لازم شوي نحرص بالصرف نوران .. اني هم مااعرف بهاي الامور انت شوي شوي علمني خلص الشحن مال اللايت مالته جان اكو شباك على الشارع يدخل ضوه للغرفه من بيت الجيران بقيت خايفه واتلفت بالغرفه واسمع صوت طكطكه هيثم شابكني ونايم ساعه اكول من الخوف هجي يتصوري لان ضلمه بس الصوت زاد وساعه قريب وساعه بعيد هيثم هيثم حباب اكعد اكو صوت بالغرفه والله خايفه هيثم .. شبيج حبيبتي نامي نامي يتراوالج اسكت شوي ولاتنام بس اسمع سكتنه اثنينه سمعت الصوت مال الطكطكه نامي حبي نامي هاي فاره جوه الجربايه نوران ..الله عليك لاتشاقه اتخبل من اشوف الفاره يمعوده باجر اصيدهن رجع شبكني حيل لصدره ونام منكد التعب كوه نمت وكل شوي افز على صوت شي لكيت الكهرباء جايه والغرفه كوه تجيه البروده من المكيف ساعات اتندم على القرار الي خذيته واكول لو قابله بالراشدي مالت ابوي ومامعنده وزعلانه عليه شهر اسبوع ولاماخذه هيج قرار اول ايام كوه عشتهن هيثم عاف الماستر وكعد يدور شغله وكلما اكله خلي نطلع نغير جو مايقبل لان ماعنده فلوس دائما نلكه علاكه بيه مسواك وفلوس بالطارمه وهيثم عزه نفسه تمنعه يقبل بيهن يضم الفلوس بقوطيه والمسواك نخلي بالثلاجه تعلمت اطبخ بالبيت بس كوه مااعرف يوم ناكل الاكل ويوم يحترك وهيثم دائما يكلي تعلم واقتصدي مايصير هيج هو يشتغل بسوبر ماركت عامل ينطونه يوميه ١٠ الاف نضم منهن للمولد وللاجار والباقي نتصرف بي ريوك وخبز ومسواك جنت الورقه اذا اخذه وياي للسوك اعتبرها ٥ الالف اصرفها بوجع كلب مااهتم اله هسه الربع احسب حسابه واكول يفيد نسيت الناس شنو تلبس وتشتري وشنو اكو ملابس جديده بالمحلات نسيت شنو سفر بالعطله اهلي محد سئل عليه بس نورهان تخابرني بس رجله مانعها تجيلي واني كلت احسن لاتجي ونوربان خابرتني مره وحده تبجي ومقهوره عليه كلشي تحملت لان احب هيثم ويوم بعد يوم احبه بالزايد صح هو مورومانسي بطل الغزل من زمان بس الحب يعمي ويثول هيثم .. شبيج هيج تغيرتي وين الكشخه مالت كبل واللبس والمكياج والشعر الماي هسه يمته مااجي الكاج شعرج لافته ولابسه دشداشه وشحالج ماعبالك صار شهرين من تزوجنه نوران.. لاحبيبي والله ماجاي اقصر وياك بس اتعب بالشغل ومااعرف شبيه جسمي يأذيني استحيت اكله ماعندي ملابس اكول خطيه هو هم منيله يركض على العيشه كلت اصبر بلكي الله يرزقه لو يتوضف ويجيبلي بس احس ملابسي صارن قديمات من الشغل مره سمعت مره اخوي تكول لااخته اول ماتزوجت من سئلته اخته كلت اله حليانه هي كلت اله الخير يخير ويغير يوميه باليل ادخل للحمام وابجي على دلال ابوي واخواني ليش كطعو بيه حته حسام هم كطع بيه تعرفت على مره جيرانه جانت تجي يمي يوميه الصبح من يطلع هيثم تعلمني على الطبخ والتنضيف وتصبر بيه واحسه مامصدكه من كتله اهلي هيج حالتهم وعلى العز الي بي انه جنت عايشه حقها ماتصدك يامخبل يعوف كل هذا العز ويجي هنا كامت خطيه اللبس الزايد عند بناته الي مايردنه تنطي الي اول مره عزت نفسي رفضت هذا الشي بس بعدين هيثم كال شكو بيه هم حالتهم زينه وانتي هل تشوفين حالتي مااكدر اوفرلج كلشي كامت تنطيني ملابس بيت وطلعه بس كلهن دشاديش وملابس مستوره جنت اتخيله مثل امي ومن اروح يم بناته اتونس لان بعمري وبسيطات كمت اتذكر شلون جان خشمي يابس وعايش بعز ودلال ابوي واخواني خلال ٥ اشهر تغيرت كلش المسواك والفلوس دائما اشوفهن بالطارمه شكد حاولنه نعرف منو يشمرهن بس ماعرفنه بس جنت متأكده ابوي لو اخواني هم الي يشمرون الغراض كمت اتعب واتقيئ يوميه مااعرف شنو بيه وماجان عند هيثم فلوس للدكتور ماداوم بالسوبر ماركت اخذي لمركز الصحي الدكتوره كالت حللي وتعاي دم وادرار اني جنت شاكه عندي فقر دم بالتحليل طلعت حامل ضجت كلش وانقهرت شلون راح اعيش طفل ويانه واحنه كوه عايشين من كلت لهيثم فرح كلش وماصدك دائما جنت احس اني غلطانه بأختياري لان قبلت بهيثم لان هو ابد ماحب روحي حب جسمي وكشختي وطريقه كلامي بس هو شنو جان متوقع مثلا من يتزوجني راح ابقى هجي لالبس بي خير لارياضه حته شسوار ماعندي جيرانه كامت كل فتره نساوتي دزلي اكل اشكال وهي جهزت للطفل مارحت للدكتوره ولاادري يمته اخلص شهري خليته على الله وره اشهر نايمه باليل وفزيت على الم عندي استغربت مااعتقد موعد ولادتي بس الدكتوره بالرعايه حسبتلي ويا موعد الشهريه اليوم صاري ١٥ يوم من دخلت بشهري زاد الالم عندي وكمت ابجي ماتحملت محتاجه احد من اهلي يمي بس منو يجي كله مقاطعتني كعدت هيثم خطيه جان فرحان لان راح اولد محتار باليل منين يلكه سياره دك الباب على جارتنه ام سيف الي هي دائما وياي وتعرف شكد عليه هي وبناته يحسبن الي طلع ابوهم واخذنه احنه وياها بالسياره مالته للمستشفى بعد الم وطلوك وتعب جبت حسن ناعم كلش وابيض وعيونه خضر مثل عيون ابوي يشبه ابوي كلش يمكن لان جنت فتره نساوتي كله ابجي على ابوي وصورته دائما ابالي ...يتبع | ||||||||
|
| |
|
22-09-18, 10:32 AM
| #7 | ||||||||
| مراقبة عامة ومشرفة منتدى الروايات المنقولة
| #البارت_السادس رجعت الفجر من المستشفى وحسن مابطل بجي اني كلشي مااعرف بالاطفال تمنيت اروح لااهلي واكعد يمهم هم يعتنون بيه مثل كل وحده جايبه تنام على فراش جديد هي وابنه يجيبوله الاكل ابني يغسلوله يجيبولي اكل وعصاير اول مادخلت بجيت بقهر اتندمت على الشي الي سويته اتمنى الزمن يرجع بيه ومااختار هيج اختيار حاول يهديني هيثم وخاله ام سيف وبناته يهدون بيه نوران .. اريد ابوي هسه اريد خواتي ماابقى بعد هنا تعبت والله تعبت هيثم .. شنو يعني قصدج ماتردين تعيشين وياي نوران .. اي مااريد تعبت منك ماتشوف حالتي شلون صارت تعبت تعبت من الدلال والفلوس للصفر انت حتى ماتحاول ادورلك شغله عايش بهذا المخزن من الصبح للعصر ماتكول راح يصير طفل سرير لاابنك ماعندي شم ريحه المجاري من الحمام تخنك طفل توه والد شلون يتحمل طلعت من الصاله مال الولاده ماكلفت نفسك تجيبلي عصير لو لفه واني ميته جوع شنو ماكله من امس طماطه كلي ونص خبزه مال مخبز لوما المقويات الي ينطونهن الي بالمركز مال الرعايه جا متت من زمان دشداشه جديده ماجبتلي ماكلت راح تجيب وملابسه قديمه طلعه ماتقبل نطلع مثل البشر كتلك بس نتمشه زين المشي الي كلما اكلك ترفض وين قبل اني الي رحت لبنان وسوريا ومصر والكويت ودبي حته اليونان رحتله ويه اخوي هم وينهم اخواني الي محد كلف نفسه وسئل عليه اكرهكم كلكم لحد بعد يحجي وياي لوميته ذاك اليوم لو ذابحني ابوي ولا متزوجه وهيج حالي كمت ابجي واصيح هو سكت ماحجه اجه يمي قشمرني بحجايتين من حجاياته الي اصدكهن بسرعه وراح يجيبلي اكل حاجته ام هيثم كلتله هي نفسه والنفسه حالته النفسيه تتخربط وتظل تبجي وحقها تريد اهله كل وحده من تجيب اهله يمه هيثم .. واني شبيدي عليه اسوي وماسويته هم اهله ذبوها وماسئلو عليه من حجه هجي حقدت عليه وعلى ابوي خابرت على نورهان وكت احجي وابجي نوران .. ليش هيج محد بيكم سئل عليه عايشه ميته محد كال عدنه اخت شنو الذنب الي سويته لان تزوجت ماجني عزيزه ابوي والمدلله مالته وبزر الكعده حته احمد الي معتبرته ابوي الثاني هم ماسئل عليه امس جبت ومن اطلك اصيح بويه الحكني وماشفت احد منكم وصلت للموت وانت محد يمي كمت ابجي بحركه وقهر تهسترت بالبجي واسمع نورهان تبجي وياي حجت وياها ام هيثم وانه عفتهم ونمت مااريد احد احس روحي مكتئبه وحزينه اريد اختي امي اي وحده منهن تجي تسبحني تبدلي جسمي احسه مكسر ومنكد البجي نمت بملابسي الي طلكت بيهن فزيت شفت نورهان بصفي تلعب بشعري وعيونهن يصبن دمع ابتسمت اله عبالي بعدني جاي احلم نورهان .. الحمد لله على سلامتج حبيبتي ام حسون كومي سبحي واكليلج لكمه حسون يبجي جوعان لازم ترضعينه كمت شبكته وكمت ابجي بحركه بجي ندم وقهر نوران.. حجي فالح دره صار عنده حفيد لولا نورهان .. اي دره وكال سلميلي عليه وراد يشوف ابنج نوران .. وليش مااجه وياج لازم بيتي موكد المقام مومن مستواه الي عايش بي نورهان .. تبقين ام لسان وماتبطلين ابوي تعرفينه لوعاند واحمد ومحمد بدبي وفرقان مايقبل يحجي وياج ورضا هم نفس الحاله تعاي كليلي شلون عايشه هيج عيشه امشي يمي ابقي نوران .. ماردت ينكسر خاطرهم عليه ويتعاطفون وياي لامااروح هنا بيتي ورجلي مااكدر اعوفه بحده نورهان .. يمعوده هو وينه بيتج هاي الغرفه الي هوسه الشارع كله يمه وريحه المجاري كابه شلون عايشه هنا مااعرف هي جاي تحجي ودخلو ولد اخو حسام ونورالهدى ونوربان اختي اسمع الهندي الي يشتغل بالحديقه والكراج مالتنه بالمطبخ يدخل بالغراض ويحجي ويا حسام اجت نوربان ونورالهدى باركلي وخطيه ضاجن من شافن حالي وشلون عايشه حسام .. عمه كومي وياي مستحيل اخليج هنا وانتي توج جايبه راد يكومني بس استحيت لان متغطيه ودشداشتي كله مدمره من الولاده نورهان .. كومي اسبحج ونوب نروح انه كلت لرجلج وهو قبل كال خلي تخلي المفتاح يم ام سيف نوربان.. اكو واحد زوجته توها جايبه يعوفها ويروح للشغل شنو من بشر هذا نوران .. لاخطيه اذا مايداوم يبطلونه من الشغل وهو كوه لكينه شغل نورهان .. هو موعنده شهاده ليش مايتوضف شنو متاني نوران .. ماجاي يلكه وضيفه نوربان .. اني احاجي زوجي عنده عرف ويوضفه نورالهدى.. عمه ماكو ماي بالحمام نوران .. ماكو هجي وكت ماي ينكطع وره صلاه الضهر يجي نورهان .. كومي كومي لبسي وخلي نطلع هناك اسبحج طلعت من الغرفه وشفت الغراض كومه بالمطبخ اشكال المسواك والفواكه وعلب الجكليت والحلويات والعصاير تذكرت مخزن المطبخ جان مايفرغ من هيج شغلات نوران .. اوكفي خلي اعزل المسواك لايخرب نورهان .. امشي امشي من يمته هيج صايره ام بيت وحريصه على المسواك حسام .. حقها دفتحي الثلاجه وشوفي المصفي بي بس طماطيتين وخضره مذبله وكسار خبز لالحم ولاسمجه ولادجاجه رجله الاغبر فرحان جايبله نص نفر كباب نوران .. حسام رجاءآ لاتحجي على هيثم مااسمحلك كل واحد يصرف على كده واني راضيه ومقتنعه بهاي العيشه رحت لبيت نورهان شكد حاولت تاخذني لبيت اهلي بس حلفت مااوصل الهم بعد مثل ماعافوني اعوفهم حضرتلي نورهان غرفه الي ولحسون رجعت عبالك مامتزوجه لبس من هذا الحلو واكل حلو وابني انترس ملابس وهدايه من خالاته ابوي دائما اسمع صوته جوه بيت نورهان بس لاهو اجه وشافني ولاانه نزلت شفته بس من يكعد بالهول اضل اتفرج عليه من الدرج بدون مايشوفني من عرف حسون يشبه وهو يوميه وره صلاه المغرب يجي يشوفه ويخلي بحضنه وكلما يجي يخلي بالحضينه مالته كومه فلوس بس انه مااخذهن مااعرف حقد لوعزه نفس نورهان .. ياحبيبتي ليش ماتنزلين وتبوسين راس ابوج وتنسين الحقد والزعل خطيه هو هم ضايج ومقهور عليج والله من عرف انتي جايبه انقهر وضاج كلش شكو بيه اذا نزلت استسمحتي منه نوران .. ماانزل هو شمرني هجي شمره هيثم لو شايف وراي ضهر واهل واخوان جان خاف وفكر شلون يدبر العيشه ويطلع الفلس نورهان .. ضلي انتي وابوج نفس الراس اليابس ماتتنازلون مر اربعين يوم وهيثم ماوصل لااهلي بس يخابر ومن اكله تعال مشتاقتلك يكلي مااريد اجي واسمع حجايه من اخوانج لو ابوج جنت مرتاحه بيت نورهان واتمنى ماارجع اني وابني لنفس الضيم بس شسوي هذا حظي وقسمتي لازم ارضى بي اخواني مااجو ولاسئلو ابد بس دزولي ذهبي القديم واشترولي ولابني ذهب بمناسبه سلامتي صار عندي كومه ذهب ملابسي كلهن منطينهن بس نورهان جهزتني من كلشي خطيه حته تلفون جديد جابتلي وعلمتني عليه شلون يشتغل وكالت سوي انترنت حته تحجي وياي طهرو حسن وهيثم ماحظر ولاسئل بالسبوع يخابر مره لو مرتين كال راح يسافر لااهله يشوفهم وتعاركت وياه لان محد من اهله سئل لو اجه طلع الف حجه وعذر الهم واني اصدك بي بسرعه وره الاربعين كلت لحسام يرجعني للبيت لان هيثم بالشغل وماعنده مجال يجي ياخذني من رجعت للبيت لكيت البيت وسخ والمواعين شكد نورهان مااجت وياي ماقبل زوجه خاف ابوي يزعل عليه فتحت الثلاجه فارغه مابيه اكل ولاشي الغرفه وسخه وهوسه حسام جاب لحسون جربايه وكنتور بس كوه كفت بالغرفه رحت بس بدشداشتي رجعت كومه جنط وياي جنت مشتاقه لهيثم كلش وفرحانه لان راح اشوفه اخر مره من جبت ضاج من الحجي مالتي وزعل كلت لازم اراضي واصالحه خابرت ام سيف كتله ادز ابن بته اريده يتسوك الي ماعندي شي بالثلاجه صح جانت نورهان شاويتلي بطه مشويه وتمن ومرك باميه وكلشي مسويه الي بس ماعندي المسواك الاساسي ب١٢ بدلت وتعطرت وخليت مكياج احس صارلي هواي ناسيه روحي مشطت شعري وفتحته ماعندي شسوار بس خليت طوك بشعري لبست تراك ماروني ضيك نص ردن والبجامه قصيره واختي اشترتلي نعال للبيت كله فرو لونه اسود كلش حلو جنت فرحانه بروحي وطايره كل شوي اباوع للساعه وانتظر هيثم شوكت يوصل كال اليوم ب١ يرجع للبيت مايتأخر حضرت السفره بالمطبخ اخاف على حسون من ريحه الاكل اجه هيثم رحت اركض اله للطارمه شبكته وكمت ابوس بي بس حسيته بارد مو متلهف يشوفني اول ماسئلني على حسون ابني بعدين كام يباوع على الذهب الي لابسته والملابس هيثم .. منيلج كل هذا الذهب وهاي الجنط شنو بيهن بعدين شنو هاي الغراض هاي اهانه الي من يجيبولج نوران .. لاحبيبي شكو بيه هذول اهلي وهذا الذهب مالتي من قبل لاتزوج ومن حقي هيثم .. من شوكت اهلج موشمروج وماسئلو عليج نوران .. ماشمروني اني اختاريت اعيش وياك هيثم .. وشنو هذا الجمال راجع صاكه والله تعاي بله خلي اشوف تقرب من عندي بكل رقى ورومانسيه ليكول اول ايام زواجنه لان هو يحب الكشخه واللبس من شافني بالدشداشه والفقر ماكمت اعجبه تغدينه وكملنه لميت المواعين وكلت اغسلهن من اكعد العصر رحت اريد انام شفته يلعب بالتلفون بس شافني ضم التلفون عبالك بايك بوكه مااهتميت اله كلت يجوز ينتضرني علمود ينام جاي اجر البرده اريد اسده وسمعت صوت وخرت البرده وشفت قلم حمره مستعمل موالي الوان طوخ ومو جديده انصدمت من شفته ....يتبع مااعرف ليش هاي القصه الوحيده الي وانه اكتبه شبعت قهر وضوجه عبالك عايشه وياها 😟 | ||||||||
|
| |
|
22-09-18, 10:33 AM
| #8 | ||||||||
| مراقبة عامة ومشرفة منتدى الروايات المنقولة
| زهره_النرجس #زوجه_ثانيه #البارت_السابع هنا احس جسمي كله نمل ويبست مااعرف شنو اسوي اني ابد ماعندي هجي حمره وهذا مو اللون الي احبه معقوله ...لالا استغفر الله اصلا مااريد افكر مامعقوله هيثم يخوني اصلا هو يحبني وترك اهله واجه عاش وياي لاياربي مااريد اشك بي مامعقوله شنو هسه هذا مو دليل هيثم .. شوكت تجين تنامين تعاي خلي اشبع منج مشتاقلج اوووف رجعتي على جمالج نفسه والجسم نفسه نوران .. رحت كعدت على حافه الجربايه بصفه هيثم راح اسئلك سؤال وجوابني بصراحه هيثم .. بربج هي مال سؤال هسه مابقى شي على العصر وهسه تكعد بنتج نوران .. هيثم اكو احد جاي للبيت بغيابي حسيت ارتبك وطفر من فراشه هيثم .. شنو قصدج بااحد وضحي نوران .. هاي الحمره مالت منو ممكن تفهمني هيثم .. يعني المن اكيد الج اني شعرفني بهاي الشغلات نوران .. هذا اللون مو الي ومو من النوع الي استعمله هيثم .. شنو تقصدين خلي افهم نوران .. هيثم انت جايب نسوان للبيت هيثم .. حقيره ادبسز ماتسحين شنو شايفتني وهيج تكولين اشو ماكل خره وتبن وياج اركض من الصبح لليل علمودج نوران .. ليش تغلط مااسمحلك هيثم .. واكسر راسج فاهمه لولا انتن النسوان مو مال احترام فوك ماملفيج بيتي واصرف عليج شوفي اهلج محد سئل عليج لو مااختج تخابرينه وتبجين ماتجيلج نوران .. رحم الله والديك ماقصرت مامحتاجتك رحت للمطبخ افور على زماني وين وصلني اني جنت عزيزه ابوي الي جان مايرفضلي طلب اي صح هو مايرفضلي طلب حته من طلب اتزوج هيثم مااعترض كمت اعضعض بااصابعي ندم بيه طبيعه من انقهر على شي واتندم اعضعض اصابيعي بس اني وين اشوف الندم واني بيت اهلي ماكدرت ابجي اني الي وصلت نفسي لهجي مكان خابرت نورهان وسولفت اله كلشي نورهان .. خيولي الفكر نوب فوك فكره يصاحب ويجيب نسوان وهيج يرزلج والله اذا مااخلي ابوي واخواني يطيحون حظه نوران .. لافدوه لاتوصلين الحجي لخواني فدوه مااريد مشاكل نورهان.. هسه تاخذين ملابسج وملابس ابنج وتنتظرين يجي عليج حسام نوران.. لافدوه لاتكبرين المشكله اني رجلي وابو بيتي ومااريد اتعارك وياه اني صوجي اني اتهمته هيج اتهام نورهان .. تعاي يمي كم يوم على الاقل يحس بيج عندج سند ويجي ويكلف نفسه ويعتذر منج نوران .. راح اجي وياج بشرط ماتحجين شي يم اي احد خوش نورهان .. تعاي والله كريم بدلي وراح ادز حسام عليج دخلت للغرفه شفته نايم ولامهتم واني القهر موتني اتذكرت من جبت نورهان جابت كومه حلويات وعلب جكليت وغراض معقوله كلهن اكلهن شنو هاي والمسواك وين راح والجربايه وياها كاروك الجربايه ماموجوده بس الكاروك معقوله ضامهن لان البيت مايشيل غراض بدلت وطلعت لان حسام خابر عليه حسام .. شنو صاير السايق مالج هليام حسام روح حسام جيب نوران .. ميخالف حبيبي اتحملني اني عمتك حسام .. والله لوقبل سنتين يكولون نوران المتكبره ام خشم يابس هيج راح تصير مااصدك ولج شنو هاي صايره فقيره نوران .. لان صرت ام ثكلت حسام .. اكلج ابنج شكله يشبهنه بس وجه خبيث حقير على ابوه نوران .. لاعابتلك ماماخذ شي من ابوه يشبه ابوي كلش اجابه على هيثم رحت لنورهان وره ساعه خابر هيثم وحجيت عليه وكتله عندي اهله واذا تريد تعال رجعني من اهلي هيثم .. خلي الي اخذج يرجعج بسيطه يانوران اذا مااخليج تتندمين سده بوجهي ومالحكت احجي شي انقهرت كلش وضجت عزلت روحي بالغرفه ومن يجي ابوي تكله جايه تغير جو شهر مر عند نورهان واني مشتاقه لهيثم واكول ابني خطيه مااجه ولاسئل ولاخابر وكال شلونه يوميه باليل اشتاق اله ومرات يجن بنات نورهان ونور الهدى وبنت رضا ويكعدن يتشاقن ويكولن شلون تحبينه وهو مايسئل عليج لويحبج جاسئل عليج. اضوج وانقهر واضل ابجي بيت نورهان سمنت صار جسمي يجنن وتغير وجهي وحسون هم دنفش وتغير تعلمنه على الدلال والشغاله تخدمنه لاطبخ ولاغسل ولاتنضيف كاعده وساكته بس جنت ماارتاح من يجي زوج نورهان لان تغير صار مومثل الاول يحبني لان تزوجت هيثم جنت اضوج اكول لان فقير مايحبونه حلفت نورهان ماتحجي شي لزوجه لو لاابوي لوسئلو تكلهم بيتهم بي ريحه مجاري ومايتحمل الطفل خابر عمي وعزم نورهان وبناته لزواج ميعاد بعد يومين واصر تجي وزوج نورهان جان مسافر ويه اخواني عدهم شغل نوران .. انتم روحو اني مااروح نورهان .. امشي ويانه غيري جو زين الهوا الطبيعي الج وللطفل نوران .. يمعوده مالي خلك الناس تتشمت نورهان .. عمي ماله غرض ولااحد دخل امشي وياي مااكدر افارك حسون كوه اقتنعت اروح وياهم مالي خلك راحت نوران اشترتلي ملابس وحذاء وجنطه ودشاديش جاي احظر الجنطه والغراض وكاعده نورهان تشيل بالجنطه نورهان .. اكلج ذهبج وينه اشو ماشفتج لابسته نوران .. عفته بالبيت شعندي جايبه نورهان .. ولج خاف رجلج ياخذه نوران .. لاشسالفه ماياخذه موكتلج نفسه عزيزه من جنت اشوف الفلوس والمسواك بالطارمه جان مايقبل يصرف منهن ربع الصبح اخذنه حسام بالسياره سياره ٧ راكب كال النفسيات مايصعدن وياي كله تكله نوران ماتصعد طول الطريق نتشاقه ونضحك وحسون من ايد لاايد نوربان شوي فكت وياي ورجعت علاقته بيه حلوه جانت تغلر لان ابوي يحبني اكثر منه واخواني يحبوني وصلنه لمنطقه بيت عمي جان وكت مغرب غروب الشمس يجنن والجهال توها تدخل للبيت الي يغسل راسه ورجليه بالشارع والي لازم نعاله بأيده ويركض للبيت عدهم يصلون المغرب ومباشره يتعشون وصلنه لبيت عمي نفس شكله مااتغير بي شي ابد جنت لابسه بدله مثل الجبه لونه نيلي وشال سمائي وابني ويا نوران اول ماطلعت من السياره كمت اتقيئ بالطارمه ودارت الدنيا بيه احس روحي راحت نغمى عليه وره مااعرف شكد كعدت شفت عزيز يقيس ضغطي شلونج ام حسون انشاء الله بخير لازم باجر ترحين تحللين اعتقد حامل .....يتبع والله بنات ب١٢ رجعت للبيت على مارتبت ونيمت بنتي واجيت اكتب بس علمود لاتزعلون انشاء الله باجر اكثر من بارت كتبت شلون ماكان بس حته ماتزعلون مني احبكم حكم علي بالعشق مع وقف التنفيذ !! فلا انا اللذي عشت عقوبتي وقضيتها ولا ظفرت بك ،، كتب علي الحنين كتب علي ان ابقى مسكونٌ بالذاكرة مسكون بك | ||||||||
|
| |
|
22-09-18, 10:46 AM
| #9 | ||||||||
| مراقبة عامة ومشرفة منتدى الروايات المنقولة
| #زهره_النرجس #زوجه_ثانيه #البارت_الثامن نورهان.. لايمعود حامل شنو هي توها جابت ومن اول ماجابت هي يمي عزيز ..والله ماادري بعد هي اعرف بروحها استحيت كلش وطول ماهو يقيس بالضغط لازم ايدي وايده عركانه وتجوي من الحروره شاورت نورهان نوران .. اكلج خاف صدك حامل لان الشهريه مااجتني من وره الاربعين نورهان .. مصخمه انتي رجعتي لبيتكم نص نهار شنو هاي السرعه الي انتي بيه نوران .. شنو قابل هو غريب غير زوجي وجان مشتاقلي نورهان .. طاح حظج وامداج وامده زوجج شنو بزونه انتي ولج بعدج ابنج ماكمل ٣ اشهر استحيت وسكتت عزيز حس عدنه شي عافنه وكام لان امه محمد كله جانت فوك راسنه واحنه نتهامس رحت سبحت وبدلت واجيت يمهم بالمطبخ لابسه تراك عادي موضيك زين بس التشيرت مال التراك قصير واني سمنانه ومتغيره اول مادخل عزيز خزرني وصاح عليه عزيز .. شوفي ام لسان اذا تبقين هيج تتكسحين تجعدين بالحجره ولااطلعين اهاليتنه كله تعبر منا موعبالج جاعده بيتج وهيج تلبسين دمعت عيوني ورحت للغرفه ابجي ومارديت عليه .......................... اسمي عزيز عمري ٣٤ سنه صيدلاني عندي صيدليه بالناحيه وحده حذانه بمنطقتنه اخوي جاعد بيه حبيت بت خالي وعشت وياها قصه حب كوه اقتنع ابوي اتزوجه عرسنه وسوينه احلى عرس والديره كله بقت تحجي بعرسنه ماطولت وياها بس اربع سنوات واتوفت سحر وعافتلي ولد فروخ اثنين صالح وفقار من ماتت ضعفت كلش جنت كلش حلو بس ماتحملت فراكها جنت سامع بعمي فالح بس ماشايفه الي اعرفه هو وابوي بينهم خلاف ومختاض عليه بيوم ابوي كال عمي فالح جاي النه هو ولده يتصالح ويه ابوي انه جنت بالمذخر اجيب دوه كلت لاابوي مااطول واجي اجيت شفت عمي واولاده عدنه سلمت عليهم وردت اروح اشوف اولادي وين راحو لجحت وحده داخله لوره البيت فتحت السرقي مال الباب الجلاب انه عايفهم مفككات وهن يعرفنه واحد واحد مربينهن للحراسه من هن جراوي صحت عليه شفت الشعر طالع اللبس شنو الشعر احمر ويلمع الجسم يخبل توقعته بت احمد لان كالو عنده بنيه شابه شو هاي كلتني حاصل فاصل بالسان مغروره كلش ولسانه يرعد حجيه بتكبر الي عرفته بت عمي كامت تجادلني ومشت شوي ورجعت حضنتني من ضهري احس جسمي كزبر وارتعش صار هواي ماكو مره لازمتني من موتت سحر صح هي بت عمي وعرضي بس ماادري ليش ارتخيت من لزمتني انه من النوع احب هيج بنات لبس وكشخه بس اريد بس الي موللكل تلبس هذا اللبس تعارك وياها ماردته تعوفني هي لسان وترادد رجعت شبكتني من ضهري افيش كون للصبح انه والجلاب نخوفها هههههه بس خفت اهله يحسون بينه من راحت حذرته تغير لبسه وتكعد يم النسوان شفته جاي تغسل وابن خالي طلع من المضيف لباب البره يريد يروح لاهله وانتبه اله ماظل براسي عقل لزمته من زنده ورزلته بس هي اخ لسانه وعناده ذبحنه الذبايح والكل اجت للمضيف جاي نصب وانصب عليه الدهن مال السوب تعارجت وياهم وصعدت شايط للغرفه شفت الفرشه مالتي معكوطه بالجاع وام لسان نفسه نايمه بغرفتي ربي لاتختبرني تراني رجيح ماتحمل اطيح بساع بوياي بقيت صافن بيه فتحت عيونه وكامت ترعد عليه لوباقيه نايمه ومتلفلفه بالغطه اشرف الي وعلي بقيت مركز بكل شي بجسمه كل شوي اكول اللهم اجعلها بعيني بقره والشيطان الي بداخلي يكول واجعلني ثور لاانكحها كامت تتجاوز بالحجي وجابت سيره مرتي هنا رجعت لعقلي واتذكرت حبيبه كلبي سحر طردته من الغرفه وكمت اسغفر ربي هاي لو اكابله واكعد اتخبل كمت يوميه ابات بالمضيف وماادخل للبيت لحد ماراحو ماطولو وكفت يم باب المضيف واشوفها شلون تتغامز وتعيب ضحكت على تصرفاته ليكول طفله عجبني كلشي بيه عناده لسانه وكاحته ضحكها اتمنيت يمنه واشوفها يوميه وره فتره عرفنه متزوجه وابوي زعل شلون ماكالو وماحجو عمي كال ماراضي عليه وهي عاندت ورادته غضب عليه ودزه لااخته تتزوج عده بيومها تسودنت الناس حجت اشكال والوان ويوميه اتعارج ويا الوادم الي اسمعها حاجيه ابن عم ابوي ابنه ماخذ نورهان دائما يسولف بيه يكول رجله شحاله وفكر يباوع حته عرس مثل الناس ماسواله زفه عاديه بطل عصير ماجاب للوادم جنت متوقع بهذا لسانه وغرورها تاخذ احسن واحد سمعت صاير عده ولد وشفت صورته عد عمي بيوم عرس ميعاد اختي اجت هي وابنه شفته نزلت من السياره صايره مربربه وحليانه اكثر بس تخربطت وطاحت قست ضغطها شفته هابط بس وجهه والبياض الجوه عيونه علامات حمل بس من كلت حامل نورهان كالت كله يمنه من جابت لهسه دخلت للمطبخ وشفت نويره لابسه بجامه حته بالغرف هم كون ماتلبسه ضابه الخلفيه والشال على شعرها ومن التيشيرت صدرها نصه طالع وهذول الولد طابين طالعين رزلته وصحجيت عليه انتضرت تتعارك واضوجه ردته تطلع لسانه وترشكنه بالحجي اشو هاي بجت وراحت للغرفه وماطلعت تندمت شلون حجيت وياها هيج يمكن هي متغيره مومثل طبع اول وصيت البنات مايخلونه تطلع هيج تلبس مثلهن عمي الحجي وده على ابنه للمضيف واشوفه شلون يبوس بي ويشتمه هو نسخه مال عمي ................... خلص زواج ميعاد لاابن عم ابوي يصير حمه نورهان ورجعنه ثاني يوم وشكد حاولت نورهان احاجي ابوي واخواني وانه معنده مااريد احجي زعلانه لان ما اجوني وسئلو عليه العصر رحت حللت واندعي كون موحامل طلعت النتيجه حامل رحت للسوك ويه نورهان اشتريت لحسون ملابس وممه لان لازم افطمه اشتريت حليب وغراض محتاجتهن باليل من رجعنه سمعت زوج نورهان يحجي وياها وماقابل على كعدتي يكله لو تطلك لوترجع لرجله تريد الوادم تاكل راسنه مثل بيوم اتزوجت باوعت للساعه ب٩ لميت غراض حسون وغراضي وطلعت من باب المطبخ بنات نورهان بلغوها انو انه سمعتهم اجت وتعتذر مني وتكول مومثل مافهمتي هو يريد مصلحتج اني ضليت مااهتم احس الناس كله ماتريدني ارجع لبيتي ولرجلي احسلي كوه اقتنعت ياخذني السايق مال اهلي لو حسام كتله اريد السايق احسن رجعت للبيت نزل الغراض السايق بالطارمه وراح البيت ضلمه وحار وليكول مهجور صحت شكد على هيثم بس مبين ماموجود بالبيت حسون يبجي وكالب الدنيا ومحتاره شنو اسوي كمت ابجي ويه حسون خابرت على هيثم شكد مارد ضل كلبي يلعب وخفت وين رايح بهذا الليل خابرت اكثر من ١٠ مرات اخر شي رد احجي وابجي هيثم وينك محتاجتك اني بيتنه فدوه تعال هيثم .. احم اح شجابج للبيت بنص الليل نوران .. والله تعبت هيثم فدوه تعال والله مااكدر احجي دقايق واجه ماحجيت شي ولاسئلته وين جان ركضت لحظنه شبكته وكعدت ابجي هو كام يسكت بيه ويبوس كوه سكتت جاب حسوني وكعد يلعبه ويبوس بي هيثم .. الحقير ماماخذ مني شي يشبه ابوج كلش نوران .. هيثم انه حامل هيثم .. شنو منين حامل نوران .. شنو منين شبيك اتخبلت تسئلني هيج سؤال هيثم .. لاولج موقصدي مثل مافهمتي بس هو احنه يمته سوينه شي بس من رجعتي شنو هاي السرعه الي حبلتي بيه لاقط انتي شنو فلمج ماكلف نفسه حته يكلي مبروك لو شي نوران .. هيثم اهلك وين وليش ماجاي يجون ولااحنه نروحلهم حته ماخابروني وتحمدولي السلامه حسيت هيثم ارتبك وتغيرت ملامحه هيثم .. اهلي بغير محافظه واذا يردون يجون لازم يباتون وين ينامون واحنه ماعدنه مكان ومااكدر اخذج واروح يرادلي كومه فلوس وامي رادت رقمج ونسيت انطي اله تعاي ولج شو حليانه كلما ترحين لااختج وترجعين تصيرين احله واحله كعد يبوس ويتغازل الليل كله شفت على صدره اثر ازرك كلت معقوله من وحده خفت اكله شي بس الغيره موتتني ماتحملت نوران .. هيثم هذا شنو الي على صدرك الزراك ارتبك وكعد على حيله هيثم .. هاي بالباب انضربت بالسرقي وصار ازرك نوران .. ياعنيني سلامتك يمكن الحب يسويني غبيه لو اني غبيه لو احاول اتغابه حته مااخسره لونتعارك جنه اتصور هو يحبني اكثر من حبي اله هيثم .. اكلج هاي التراجي والكلاده ذهب لوفالصو نوران .. لاحبيبي ذهب هاي زوجه احمد جابتهن الي من رحت زواج مياده بنت عمي لان ماشافتني من جبت هناك شفته ومره رضا ومحمد وفرقان هم جابولي هدايه وذهب هيثم .. والله عمي اهلج طاكين مايهتمون للفلوس نوران .. اكلك حبيبي سؤال من جبت نورهان جابتلي هواي حلويات علب وجكليت وغراض كومه وجربايه لحسون اشو مالكيتهن من اجيت شنو وينهن هيثم .. الحلويات وزعتهن على جماعتي وانطيت واحد فقير الجربايه خطيه ماعنده نوران .. اي انطيهم لسلامه ابنك اكلك حبيبي الذهب مالتي عفته هنا من رحت لنورهان هيثم .. اي ضميته عند صاحبي عنده قاصه وكتله يضمه يمه لان خفت ينباك وهو بي ١٥ مليون وهذا ذهبج هم جيبي اضمه وياهن اشو الباب مال البيت بسرعه ينفتح وخاف ينباك وها ملابسج انطيتهن لناس فقره لان مايعجبني هيج ملابس نوران .. ليش حبيبي والله جانن عاجباتني اريد يوميه اكشخ وابدل يمك هيثم .. انه احبج هيج بهذا شكلج نوران .. اكلك حسام شافلك وضيفه بشركه اجنبيه راتبهم كلش قوي وكال اكو شقه للاجار حلوه وجبيره وشكد دفعون بالكاعدين بيه تعالو كعدو بهاي وبنفس الاجار هيثم .. منو كلج انه محتاج وضيفه لو اريد اخوانج يوضفوتي انه عاجبني شغلي وقانع بي والشقه اذا تعجبج نكعد بيه بس تره اكلج من هسه انه انطي ٧٥ بالشهر بهذيج الشقه هم نفس السعر ادفع واذا موحلوه ادفع اقل مره ايام وبطني بدت تكبر بسرعه وبس اكل واتعب بسرعه نوران تخابرني دائما بس مااجتني ولارحت اله شلت للشقه الجديده جانت تجنن كلشي متوفر بيه وسيراميك ومأثثه هيثم من شافه تعجب كل شوي يكول خاف يردون فلوس على هاي الغراض تعبت كلش من شلنه وكمت اصخن ومابيه اتحرك خابرت نوران عليه وسمعت بيه مريضه اجت بسرعه وخذتني لدكتوره نسائيه حجت عليه لان مااراجع ومامنتبه لصحتي كالت ماما انتي بيج تؤام بنات اثنين .....يتبع اسفه على التأخير | ||||||||
|
| |
|
22-09-18, 10:53 AM
| #10 | ||||||||
| مراقبة عامة ومشرفة منتدى الروايات المنقولة
| #زهره_النرجس #زوجه_ثانيه #البارت_التاسع نورهان .. يااا ولج شلون بيج شلون تعيشينهم الدكتوره .. صلي على محمد ماما الطفل يصير ويجي رزقى وياه واني جاي اشوف صحتهن زينه نوران .. ليش يبين الجنس مالتهم الدكتوره .. ماما انتي وين عايشه ماتعرفين شكد عليج نوران .. والله جاي اتعب انتقلنه بمكان جديد وابني زغير وشالع كلبي لان يريد يطلعن اله اسنان واركض الدكتوره انتي بنهايه الخامس ويرادلج راحه وكون ابد ماتكومين وشهر وتراجعيني اغير علاجج انطيج غير علاج رادت تدفع فلوس العلاج نورهان بس ماقبلت انه دفعتهن لان عندي من زمان مجمعه فلوس حسون الي ينطيهن اله ابوي توسلت بيه نورهان اروح وياها لبيتهم وارتاح بس ماقبلت مالي خلك رجله اول مارجعت للبيت شفت هيثم يلم بالغراض ويعزل بيهن نوران .. خير حبيبي ليش هجي شايل الغراض هيثم .. لازم نرجع لشقتنه اليوم بسرعه نوران .. لافدوه وين نرجع الدكتوره منعت عليه الحركه موزين هيثم .. انعل ابو الدكتوره لمي غراضج بسرعه نوران .. لافدوه والله حبيت هاي الشقه ليش تريدنه نشيل انطيني سبب هيثم .. والله اذا ماسمعتي الحجي اعوفج واروح بحدي صرخ بيه بصوت قوي امشي كوووووومي بقيت اشيل وياه الغراض راد ياخذ من اغراض الشقه نوران .. هذني موالنه مالنه حق ناخذهن شمرهن بالارض وصرخ عليه صوت فضيه بسرعه نوران .. فهمني شنو صاير احد مسمعك حجايه حسام حاجي يمك شي صاير عندك شي كول احجي اني زوجتك ومن حقي اعرف كلشي يصير وياك كام يغلط ويفشر وانتي ماتحبيني وتردين بس تعيشين بعز ودلال وتعلمتي والمره تتبع زوجه وين مايروح كمت الم بالغراض وابجي الغرفه هو فاتحها قبل لااجي وماعدنه غراض هواي قليل كلش ب١٢ باليل شلنه كلشي احس بطني تتكطع وحسون بس يصرخ ويبجي انقهرت على حالي وين اريد اوصل بعد جنت مااشيل هم لشي الي اريده يوصل لغرفتي لاادري شنو اشترو لوشنو باعو وصلنه للبيت المجاري تلعب النفس والريحه تخنك نوران .. بربك هيثم هي هاي سالفه ليكول حراميه بنص الليل جاين للبيت لاكلت تعشيتي اكلت شربتي ابنك يبجي ومايقبل يشرب ممه والدكتوره كلتلي صحتج موزينه هيثم .. تكدرين تسدين حلكج وتسكتين الي بيه مكفيني مالي خلكج كلش نوران .. احجيلي شنو صاير ليش هيج عصبي هيثم .. تعاي جيبي المندر هنا خلي انطمر انام مالي خلك كلش المندر اسفنج وثكيل وبره بالطارمه ومااكدر اجيبه كعدت بالارض وكمت ابجي بحركه احس توني بديت اصحه وافتهم الحب مايوكل خبز هيثم والله تعبت تعبت انت الصبح بالشغل تجي تتغده وتنام وتطلع باليل ماادرين ماترجع ال بنص الليل ابنك لاتدري بي كبر حجه كال لاتلعبه لاتشيله حامل بتوم وانت اصلا مامفكر تاخذني للطبيب هيثم .. توم مره وحده منيلي اوكلهم منين اجيب نوران .. شنو نعترض لارزق ربك هيثم .. كلت راح اتزوج وحده فاهمه واعيه مهتمه بجسمه وبشكله شعرها نوب صرتي مثل البزونه يوميه حامل لاتعتنين بروحج شعرج كله لامته لبسج ليكول مال بيبيتي نوران .. يعني انت ابد ماحاس بيه عندي طفل توه صاير وحامل بتوم واركض بحدي للبيت ولاابنك الملابس مااكدر البسهن مختنكه كلش احس روحي تريد تطلع من التعب انت من شلنه جبت الغراض وخليتهن بالبيت ماكلت منو يشيلهن وينضف ويرتب انه تعبانه والله اتعبت الله كون ياخذني وارتاح لاطلعني لانروح لااهلك مثل الغربه عايشين هنا احس منبوذه من كل الناس كمت اناشغ وابجي مثل الاطفال واعضعض بأيديه مثل كل مره ندم وقهر اوووف لو سامعه كلمه اهلي اي استاهل قابل الي سويته بأبوي واخواني شوي لازم اتحمل مااريد ارجع لنورهان تعبت حسون يبجي اخذهة هيثم وراحو مااعرف وين شوي واجه جايب جبن وصمون كهربائي وعصاير جاب حصيره ومندر وفرشهن نوم حسون واجه صب اكل وانه على كعدتي نفسه هيثم .. يلا تعاي حبيبتي اكلي لاتبقين تبجين موزين عليج اهم شي صحتج نوران .. ماريد اكل انت هيثم .. مااكل لحد ماتاكلين انتي ام روان ورانيه سكتت وصفنت نوران .. ومنو هذول هيثم .. بناتج غير نوران .. مااسمي لاروان ولارانيه اسمي بنتي نور ونواره هيثم .. دخيل ربج شنو عائلتكم كله نور مااريد اسمي هجي نوران .. وحده انتي سميه وحده اني اسميه رجعت ضحكت وياه وكأنما ماصاير شي ولاتوني جنت ابجي بكلمه انسه كلشي مرت الايام نفس الحياه لايمكن ازيد نورهان تجيلي مرات لان زوجه مايقبل شكد حاولت وياي نورهان اجي وياها لبيته بس ارفض بالسبوع مرتين كلما نكعد الصبح نشوف علاكه بيه انواع المسواك وفلوس هواي اتأكدت ابوي وره هاي الفلوس بس هيثم جان رافض اصرف منهن فلس كال يضمهن ويشوف شلون يتصرف بيهن بنص السابع تعاركت ويه هيثم لان طول الوقت عايفني بحدي وطالع وكام يتأخر باليل بديت اغار واشك وهرمونات الحمل والضوجه والخنكه صارت طلعتي بس لبيت جارتنه ام سيف ومرات ياخذون حسوني يمهم نوران ..هيثم كافي مليت من حبسه البيت اريد اتوضف مادام انت رافض تتوضف اريد راتب اريد اغير من حياتي مايصير هجي شوف السواد الي جوه عيوني صايره شبح بطني صايره شكبرها تعبانه منك ومن جهالك هيثم .. كتلج وضيفه ماكو حاليا انتظري عله صوتنه وتعاركنه عافني وراح بده عندي وجع قوي ومايات توكع عليه وحسون يبجي ب١ وهو ماجاي دزلي رساله ( لاتخابرين مالي خلكج راح ابات يم صاحبي واغلق جهازي ) تخبلت كمت افتر بالغرفه مثل المخبله والوم روحي الوكت موحلو وخاف يصير بي شي اي انه عنوديه والح هواي لالا وين لحيت اصلا تغيرت والله اخخخخخ يمه وينج لحكيني نورهان وزوجه وبناته بدبي راحت كالت اسافر قبل لاتجيبين المن اخابر واشكي همي بده الوجع قوي ماكدرت اتحمل عفت حسوني نايم وطلعت لبيت ام سيف لان ماعندي رصيد.مخابره بس ترميشه طلعت ابو سيف كال البنات وامهن بالزياره راحو المغرب ويومين ويرجعن عمو فدوه اخذني للمستشفى ماجاي اتحمل عندي الم قوي وهيثم اليوم موهنا يم اهله بغير محافظه اخذني ابو هيثم وخليت حسون يم زوجه سيف نوران .. عمو انطيني تلفونك اريد اخابر ابن اخوي يجي وياي للمستشفى ماعندي رصيد اخابر الو حسام فدوه الحكني اني رايحه للمستشفى ومحد وياي دقايق وصلت للمستشفى حسام جاي بسيارته هو وامه زوجه احمد وزوجه رضا ونورالهدى بنت احمد ونوبان هم اجت جنت مااحجي وياها ضايجه منه لان هواي تحجي على هيثم ومااقبل نورالهدى .. عمه وين حسون نوران .. عفته يم جارتنه جنت شكد متمنيه اشوف ابوي لو اخواني جاين للمستشفى بس هم نفس حالتي يعاندون اخذني حسام على مستشفى اهلي لان بالحكومي كالو عمليه والاطفال زغار خاف يموتون بعد طلوك صعب وتعب جبت بناتي اثنينهن بيهن نقص وحده ماخذه من اخته بيه كلشي ضخم وحده ضعيفه كلش بكد جف الايد خفت من شفتهن نقلوهن للخدج واني لغرفه لوحدي نوران .. عفيه ام حسام شلونهن بناتي رورو وننو ام حسام .. ههههههه هاي شنو الاسماء نوران .. روان ونور وهن بطني اسميهن ننو ورور ام حسام .. والله عليج سوالف اندعيلهن يطلعن من الخدج بخير وسلامه لان توم وبالسابع يتعبن وانتي اصلا تعبانه الصبح خابر هيثم جنت نايمه واسمع ام حسام تكله شلون تعوف زوجتك بحده وتسافر لااهلك وكلتله جابت بالمستشفى حسون اخذته نورهان لااهلي وتكول ابوي واخواني مايقبلون يعوفونه كلواحد يريده بصفحه بس ابوي يكلهم بس يمي ينام اجه هيثم للمستشفى ايد لوره وايد كدام حته علبه جكليت ماجاب ورده فعله عاديه من سمع بناته بالخدج مارحت شفتهن ابد ماقبلت الممرضه كالو طلعو وخلوهن هنا بالخدج واني رفضت هيثم .. من هسه اكلج دينار ماادفع للمستشفى انه ماجبتج هنا ولا عندي ادفعلج نوران .. لاتخاف ابيع من ذهبي واسدد الفلوس هيثم .. ياذهب هذا تردين اروح للولد واكله مرتي تريد قطعه تريد تبيعها نوران .. ومنو كلك اريد تخليهم عند الولد اشو انه كله بالبيت وين رايحه وينباك باجر تروح وتجيبه منه ام حسام .. العفو خاله سمعتكم بدون قصد بس تره حسام دفع فلوس المستشفى كلهن ماكو داعي ادفعون هيثم .. شفتي ابن اخوج طلع دافعهن وانتي توج جايبه وعصبيه نامي خلي اروح اشوف بناتي للعصر واتوفت وحده منهن ولثاني يوم الصبح هم توفت وحده ثانيه حزنت عليهن وضجت بس شفت هيثم تغير وياي كله حبيات وحنان بقينه بس اني وياه بالبيت حسون مايقبلون يجيبونه الي ابوي يكلهم خليه ترتاح وهو يبقى يمنه هيثم عاملني مثل الاميره دللني اخر دلال وره فتره هم حبلت وهلمره خواتي ماقبلن وهيثم هم ماقبل بس كتلهم حرام اكتل روح الله ناطيه الي الذهب بعد نسيت سالفته ومافتحت الموضوع ويا هيثم لان هو نساني كلشي جان يوميه يكلي راح اتزوج عليج جنت اضحك ومااصدكه يوميه يكلي بس تجيبين هاي الغرفه انطيه لمرتي وانتي بالمطبخ انيمج مرات ازعل واصدك وهو يصالحني ومرات اكول لايتشاقه منيله ويتزوج حسون يجيبونه الي بس الخميس والجمعه واصلا نساني يجنن صار شكله ابن عز من يجي يمي يضل بس يبجي سوله اهلي احلا عيد ميلاد شوفتني نور هان الصور شلون ابوي واخواني فرحانين بي شكد اتمنيت اني وياهم بالعيد ميلاد واتونس مره اشهر وبدخولي بالتاسع هيثم كعد بالبيت وضايج ومايقبل يطلع وكلما اكله اطلع اشتغل يكول ماكو شغل كعد يقنعني ابيع ذهبي وجيب سياره والباقي يضمه الي بالبنك جان بوكته المثقال كلش صاعد يعني ذهبي يجيب ضعف سعره بمرتين وافقت واني خايفه بس كلت السياره تفيد على الاقل يطلع ويطلعني بيه ام سيف دائما تكلي ديري بالج على رجلج من النسوان تره عنده شهاده ولسانه حلو والمنطقه شعبيه ومتروسه شابات ومطلقات لحكي عليه نوران .. خاله مايكدر ياخذ اعلى مني بالشهاده لو بالجمال ويدري بيه بنت خير وشابعه منو تاخذه ومنين يجيب ويصرف عليه بعد خاله انه حذرتج وكتلج ديري بالج منه خاله انتي شايفه شي سامعه شي ها لاخاله كلشي ماشايفه ولاسامعه اترخص انه اجه هيثم بالسياره واول مااجه صعدني بيه وفرني بالمنطقه اكو وحده جارتنه بس مويمنه كلش بعد.شارعين عنه مطلقه ومو راحه كلش مااحبه والمنطقه تشكي منه ومن لسانه وعرايكها اشو هاي اول ماعبرنه من يمه خزرت هيثم ودخلت للبيت هيثم ضاج ورجعني للبيت نوران .. حبيبي وين راح تروح وشبيك ضجت هيثم .. لامارايح لمكان اريد افول بانزين واجي نوران .. لاتتأخر بره هاي ايامي خاف اجيب وتلفونك لاتغلقه راح وتأخر باليل والشك دخل كلبي بس كلت لامومعقوله يجوز كروه لو يم جماعته بالكهوه اجه ب١٢ كال متعشي ونام ب٢ كعدت عندي الم قوي خابرت نورهان واخذني بسيارته للمستشفى ومناك خواتي اجن وجبت الحمد لله سميت بنتي هنادي هم مارحت يم اهلي بقيت بيتي تعلمت على السهر والجاهل يوم ثامن هيثم جاب غرفه تركيا تجنن وفراش وملابس جدد اله وسواها تعجب نوران .. هاي شنو لازم تريدنه نجدد عرسنه هيثم .. لاانتي قديمه صرتي هاي الغرفه لمرتي الجديده يومين وتشرفنه يضحك ويغمزلي ماصدكت من كال الصبح اجه وكال راح اتزوج وماصدكت حلف كال زواجي باجر فرغي الغرفه منا لحد مانشوفلنه شقه جديده ونكعد بيه نوران ... انته ضارب بعقلك شي بيك شي ولك تتزوج شنو منيلك وتتزوج وشبيه وتتزوج روح بابا روح هيثم .. احترمي نفسج خوش اليوم ابات بالفندق وباجر نجي حضري روحج روحي يم اختج لو نامي بالمطبخ نوران .. لزمت ياخته وكمت اصرخ عليه واغلط فقدت رجعت مثل قبل لنفس لساني لزمني ملخني شبعني كتل هيثم .. انتي مثل الجلبه تبقين هنا لان لازم اتحملج اهلج الكوا....د شمروج عليه اريد اكسر هذا غرورج وتكبرج بوحده ثانيه بقيت صافنه بوجه وماابجي كلش بس خازرته وافكار افكار تجي ابالي ولكم توني جايبه بعدني مابيه حيل للصدمات راح وماشفته بعد العصر اجت جارتنه المطلقه تبجي يمي لج عيني الله يساعدج ربي ينتقم منه ويطلع حوبتنه رجلج جان واعدني بالزواج وماتزوجني تزوج وحده خايسه وصخه تلعب ستين روح جنت مااكدر ارد عليه جسمي مبنج بس صافنه كتله وين تعرفين زوجي مادام هو راح وعافج خلي اسولفلج عليه رجلج الساقط جان واعدني يتزوجني وكال اربي ابنج ويه ابني ونكعد بيت ومن هذا الحجي من جبتي نكل عليه كومه حلويات ونساتل ومسواك ويوميه يبات يمي وقشمرني بالحجي الحلو صح هو اكبر مني بس عشكته حته جربايه لاابني هم جابله محبس ذهب جابلي يوميه ينام وياي ويروح تره جذب مايروح لجماعته لاعنده جماعه ولاشي انتي تدرين رجلج شالح كبل ويا وحده من محافظتهم ومهدور دمه واجه هنا عاش بمحافظتنه وجان معيد وبطل لان اندلو مكانه ماتشوفينه معيشج بالعش هذا انتي خيه خوثه مدري غبيه مدري ساحرج ومصدكته هذا حته وضيفه بالدوله مامتوضف ياخذ منج ويصرف احس عقلي وكف معقوله حجيه صدك اي صدك لان هو لايقبل يتوضف ولايقبل يطلعني وطلعاته قليله كلش احس لويمي هسه الزمه املخه واعذبه واراوي شلون تعذبت من عرفته لهسه هي تحجي وانه احس صبعي طلع منه دم هي حست عليه بي شي خلت وطلعت بقيت احرك جسمي واعضعض صابيعي ندم المن اروح واشتكي لااهلي الي راددتهم وكفت بوجه ابوي المن ياربي شكديت دشداشتي وصرخت ربببببببي اريد حوبتي تطلع بي ربي والله مامسويه شي من عرفته لهسه ماحله بعيني احد غيره بس هوه ربي لاتفشلني ويا احد الناس تريدني اطيح وتتشمت بيه هنادي تبجي فرفحت وانه بغير عالم صحيت على فتحت الباب ام سيف دخلت ام سيف .. لج عيني صحيح الي سمعته رجلج اليوم عرسه ماجاوبته اخذت بنتي زوجه سيف وراحت لبيتهم ام سيف .. ماما خيولي هذا ابو النسوان مايستاهلج جنه نشوف سوالفه ونسكت مانكدر نحجي شي يولي عوفي ورجعي لدلال ابوج واخوانج ومها يكون هذول اهلج مايتخلون عنج شنو جابرج على هاي العيشه شبكته وبجيت احسه امي كمت انحب بحضنه وابجي خاله احبه والله مااعرف شنو صار بيه من عرفته لهسه تخربط كلشي بداخلي اعشكه ام سيف .. يمه الحب مايوكل خبز خلي ربج ياخذ حقج منه نوران .. خاله هو تزوج بفلوسي اني المغفله اني كمت ادك على صدري حيك ملخت روحي موبس عليه على كلشي بس الي بمكاني يحس بيه صعبه عليه الي جنت معتبرته سندي وحاربت اهلي علموده يتزوج عليه ويعوفني مثل الجلبه الجلبه قليله عليه بس هو مبين ابن حرام لان سالفته مو مال ابن حلال نامت يمي ام سف للصبح ونهاد يم زوجه سيف احس مثل المخبل صرت دشداشتي مشكوكه وشعري مكفش وبدون اكل ام سيف .. يمه رايحه اجيبلج لكمه تاكلينه موزين عليج راحت هي وانه اتذكرت هو اليوم الصبح كال يجي هو ومرته لبست فستان مصلخ ولطخت نفسي بالمكياج ايدي ترجف مااعرف اخلي صرت مثل الشبح والفستان ضيك وبطني توني ١٠ ايام بعده ماراجعه طبيعيه وجهي اصفر لان نفسه شعري بقى منفوش ولابسه الفستان فتح هيثم الباب ودخل ودخل الجنط وياه مالته كلووووووش كلووووش تفضلي عيني البيت بيتج نورتي . بالمبارك شايف كل خير هيثم .. الله يبارك بيج مهى .. هي هاي زوجتك الي تهوس لو اني متوهمه هيثم .. اي هاي ام جهالي اريد انتي وياها تصيرن مثل الخوات نوران .. نورتي بيتج ....................... مهى .. عفيه ماكو مي حار بالحمام وتدرين عرسان واريد اسبح نوران .. حبيبه انتي كعدي وهسه اخليلج ماي حار تدللين هاج هذا كدر الماي الحار شمرته عليه وسمعت بس الصريخ مالته بالحمام ....يتبع بنات حابه اكلكم تنويه مهم اني من نشرت القصه كلت بيه عبره للبنات اول شي الاهل هم السند الج مهما صار بيج وثانيه الي ماتسمع حجايه اهله تضيع وتخسر وثالث شغله الرجال ماله امان لاتجي وحده وتكول يحبني وزوجي يختلف اذا مايتزوج يصاحب واذا مايصاحب يبصبص وهذا وكتنه تغير صارت المره هي تخطف الرجال ودائما الفقير ماعنده شغله وعمله غير تحبل وتجيب ونوران بنيه شابعه وشايفه والحب يعمي عيونه مانشوف الي الناس تشوفه نشوف الي كلبنه يشوفه ولو خانه الحبيب الف مره نبقى نحبه لان عقلنه يقفل وكلبنه يقفل عليه وكتلهم هي مغروره ومتكبره بس دائما جاي نشوف هواي متكبرات ومغرورات بس تتزوج يكولون نكسرت شوكته تتغير تغير جذري تتأقلم ويه الي تحبه تصير هادء وفقيره علمود تكسب رضاه بس اكو هواي من امثال هيثم يعشقون هيج بنات وكحات ومغرورات لبس ترتيب مكياج جسم يردونهن مثل المليكانات مايخربن بس هي المره من اول طفل تتغير تلتهي ويه الطفل موتهمل نفسه بس كاعده بكبر وتعب ولاطلعه لاونسه تصير بيه حاله نفسيه وتتكأب تحاول تصير قويه بس ماتكدر ماتتحمل والمره مايكسرونه بس اطفاله ماتكدر تسوي شي تتندم عليه بعدين بس نوران مادام وراها هيج اهله راح تربي وترجع لغرورها 😈😈😈😈😈😈😈 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
