آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-02-21, 09:18 PM
| #101 | ||||
 
|  بصوت باكي وضحي / بنتي كنت عارفة أنها بنتي تقدمت القمر وهي تمسح دموعها وتفتح عينيها التي أتعبها البكاء وبصوت مرتجف / حللي محمد علات الصدمة وجه وضحي ووجوه الجميع وبصوت خايب سقوط تلو السقوط لا شيء ينصفها رفعت عينيها لتنفجر بالبكاء وبصوت متقطع / وش قلت القمر وهي تحاول أن تكون نبرتها متزنة وهادئة / ايه حلليه ما قلت شيء تري محمد رباني وأحسن تربيتي حفظت القرآن التزمت باللبس الشرعي ما كان لي خرابيط حياتي كانت أبوي وأمي وضحي وهي تضرب على صدرها بقهر والدمع يبلل نقابها والصمت يعم المكان الا من صوتها وصوت ابنتها / وأنا ما فكرتي فيني من يعوضني بطفولتك من يعوضني بمراهقتك من يعوضني وبيجمعني معك بذكريات القمرا عضت شفتها السفلية حتى نزفت / حللي محمد قلت لج وضحي زمجرت بغضب / مو محللته الله لا يحله ¨القمرا أخذت شهيق عميق ثم قالت / وابوج لا تحللينه ووحده بوحده نتساوى¨ وضحي بكت بصوت مسموع / ليش تساوميني ليش آه يا القهر¨ جثت القمر على ركبتيها / أنا خدامتج تحت طوعتج يمينج يسارج اخدمج باقي عمري لا أتزوج ولا اطلع مكان واعوضج عن كل شيء¨ صمتت وضحي للحظات ثم قالت بصوت باكي / احلله بس بشرط¨ القمرا تهز رأسها / موافقة¨ وضحي بصوت متزن / تممي زواجك على النمر القمرا هزت رأسها ولتذرف الدموع وبقهر واضح / الا ذا على موتي طلبي إلى تبين الا الزواج منه أموت ولا يجمعني معه مكان واحد ولو أنساك باقي عمري وأتم على ذكرى مزنه ومحمد ولا يكون هو زوجي ليزمجر بصوت غاضب كالرعد/ ونفسي تعز على أنتِ طال.. لتصرخ وضحي / طلبتك لا تنطقها طلبتك وأنتي اسمعي لك الخيار وفكري وردي لي خبر احلل محمد وتممي زواجك وعيشي عندي أو الله لا يحله ولا عاد اشوفك عزام بعصبية / يومه ليش تقولين كذا ليتقدم للقمرا ويحضنها وبصوت حاني / فديتك والله أنتِ أختي لتدفعه وضحي جانبا / تبغين رضاي قلت لك القمرا بصوت مغبون / وإذا رفضت جلس النمر ووضع رأسه بين يده ( بنت عمتي ولا كان عندي خبر ليه يا محمد ما قلت لي حتى عمتي بتشك إني عارف ) تنهدت بقهر وبصوت مختنق / عمتي خليها تكفين والله العظيم مادري أنها بنتك والله لو أدري أنا من نفسي جبتها لك تقدم لعمته وقبل رأسها وضمها لتنفجر وضحي وتبكي بصوت عالي / بتقهرني مثل ما قهرني عمها وقف الجد صالح / يعني أنا خالك ماودك تسلمين على القمر تتجاهل الجد صالح وهي ترمش وبصوت متقطع / عمي بوراكان ماكنت تدري بوراكان بعيون حائرة / لا والله أول مرة اعرف أن ما كان اسمه محمد الله يرحمه وأنه عقيم تقدمت وحضنت كائد وبصوت مهزوز / عمي لا تخليني كائد يهز رأسه / ابشري بعزك دفعها قليلا ليبتسم الشيم تعالي يا عمي سلمي، صدت القمرا ليلتقطها سعود من الخلف ويشد عليها ما خلصنا زعل ابتسمت القمرا / خلصت بس ممكن تطلعني أحس بختنق سعود بهدوء / يالله امسك يدها وخرجوا تحت أنظار الجميع وبصوت عالي ومقهور / راحت ولا همها ولا فكرت فيني لهدرجة أنا ما لي قيمه لهدرجة هي عديمة إحساس حسبي الله عليك يا مقرن كائد باندفاع / لا يا أم عزام رجاء الا محمد وضحي بصوت مبحوح / قهرني محمد قهرني قهرني كائد بعين دامعة / حلليه إذا مو عشان القمرا عشان تربيته الصالحة فيه واذكري كلامي تربيته الصالحة لها بترجعها لك وتركهم كائد، لتقع العمة وضحي الجد مطلق / بنتي بنتي نايف بخوف / يسوي الإسعافات الاولية وبصوت غاضب الاسعاف بسرعه نبضها نزل بسرعة …… المشفى جالس يراقب الزوار دون أن ينطق ملامح الصدمة تنرسم بدقة على وجه أخذ نفسا عميق وكأن هذا النفس سينتشله من هذا الحُب الذي غرق به ، وهذا القلب العاشق الذي ابتلي بحُب هذه العنيدة ، أخفض رأسه الارض تدور من حوله كيف له أن يصلح ما كان همس بداخله ( أحبها والله العظيم أحبها ) تنهد بضيق ليقطع أفكاره صوت الدكتور نايف بملامح مرتاحة / الحمد لله أبشركم طيبة بس خلوها ترتاح النمر يغمض عينيه / الحمدالله ثم أالتفت للبنات خلاص انتوا رجعوا وأنا بجلس عندها الشيم بنبرة باكيه / بروح أدور لها بترجاها ترجع لامي نايف بهدوء / يا عالم تري وجودكم ما منه فأيده هي مأخذه منومة يعني لتقوم قبل الفجر تعالوا الصبح خلوها ترتاح تكفون خلوها تغريد بصوت خافت / ياربي الا وضحي الله يهديها وترجع لامها مهره تبتسم / قلت لكم تراها أخت الشيم ما حد صدقني النمر باستغراب / ليه قلت كذا مهره بهدوء / نفس التعابير نفس الكلام نفس التفكير يختلفون أن الشيم على وجها اما القمر حذره ………. ليه الصدق نادر وليه الكذب قاهر وليه الوفا غايب وسيف الغدر آه ضالم آه وينك يالامان وينك يالحنان ماعرفتك وماسكنتك القمرا القمرا عند النافذة تناظر فناء المنزل وتبكي بصمت لا تعلم لماذا ولكن تمنت ولو للحظة أن تسامح وضحي والدها لا تستطيع أن تتخيل أنه لم يكن والدها طرق الباب العم بوراكان / بنتي عادي ادخل القمرا تسمح دموعها / تعال يووبه بوراكان تقدم وجلس / أنت تبكين على إلى صار لوضحي والا على نفسك القمرا تشاهق / أحب محمد ولا ودي يلحقه شيء ولو هو بقبره ثم بكت بصوت مسموع لتدخل أم راكان وتمسك بيدها / يمه تعرفين أن فقدان الضنى شيء صعب أنا فقدت راكان وبغي عقلي يضيع بس الحمد لله ربي صبرني ووضحي ما تنلام بردة فعلها القمرا بغصه / يعني أنا إلى أنلام بردة فعلي بعد أربعة وعشرين سنه يقولون أنت بنت فلان واسمك مو نفس الاسم بوراكان بحكمة / في النهاية إلى رباك عمك يعني والدك وتري أمك بالمشفى اتسعت عيني القمرا ليهز رأسه / روحي لها يوبه ومثل ما عهدتك وأصله لتتقدم وتقبل يد عمها / ابشر ………… المشفى وصلني سعود بعد ما تأكد أنه ما فيه أحد وأنا قلت له بنام عندها دخلت وكان الحدث ينعاد مرة ثانية يوم زرتها مرقده لما شافت الحرق إلى فيني تقدمت وسحبت الكرسي وتميت أنظارها ودي تقوم والمها وأحضنها وأبوسها من ساسها لرأسها واخدمها باقي عمري مسكت يدها وقبلتها بعمق نزلت دموعي بغزارة ما قدرت أسيطر عليها بكيت بكيت بصمت تميت عندها من بعد صلاة العشاء اقرأ عليها قران ومرة أناظرها ومرة أسرح للبعيد هناك ومرة تغفي عيني ومرة اصحصح ما عرف وش وضعي والله، أشعر أن الحياة صفعتني بما يكفي لم تعد لدي القدرة لان أقف شامخة أكثر. . هي أمي وهو أبي وتلك أمي جميعهم خذلوني وإن كان خذلان عن خذلان يفرق، محمد قهرني بتزويجي دون علمي ومزنه خذلتني عندما لم تصرح لي من هي ووضحي أقوى من خذلني عندما شعرت ناحيتي بإحساس الأمومة ولم تصرح به الساعة الرابعة وقت إذان الفجر فتحت عينيها بهدوء والتفت وناظرتني وبصوت مبحوح تاعب / القمرا أنت هنا القمر مسكت يدها / هنا من العشاء ولو يحصل خذيت المرض عنك ما بقصر لتقبل يد والدتها قبلة عميقة وضحي تصغر عيونها / ليه الساعة كم اللحين القمرا تبتسم / الفجر وضحي بقلق / مانمتي القمرا تهمس / أنام وما عرف وش وضعك لا والله يجفاني النوم بكبره فردت يدها الثانية الخالية من المغذي / تجين ¨القمرا تبتسم / أكيد نزلت عباءتي وطرحتي وتوجهت لها وتمددت بحضنها¨حب عظيم يسكن بقلبي اتجاه هذه السيدة منذ أن وقعتي عيني عليها لأول مرة وإن كنت لا أعلم أنها أمي أما الآن شعور غريب يخالطني داخليا هل كلمة أمي تكفي هل أستطيع تعويضها عن القهر الذي عاشته لا مجال ابدا سأفنىِ ما بقي من عمري لها ¨وضحي بهمس / قمرا القمرا ترفع رأسها قليلا / لبيج أنا وضحي بنبرة باكية / الله يحل ويبيح محمد ومزنه لتنفجر القمرا بالبكاء ثم تستعدل وتقبل يدها / ربي يخليك لي والله أني لج باقي عمري خدامتج واحطج بعيوني ها هي تتنازل عن حق من حقوقها لأجل تلك الفتاة تريد فقط أن تكسبها لا تريد أن تحقد عليها تحتاج إلى أن تبني لها ذكرى مع ابنتها التي لم تهنئ بها منذ طفولتها. . حطت القمرا جوالها جنبها وقبل لا تنام همست لوالدتها / الله يأخذ من عمري ويعطيج وضحي تبتسم / بسم الله على قلبك نامت بحضن أمها بهدوء راحة كبيرة تخللت قلبها النقي والدها ينام بقبرة ووالدتها وقد أحلتهم وضحي إذا هي بالفعل أمي وأنا أشابهها لا قلبا حاقد ولا قلبا كارهه بل قلب متسامح ، الساعة الثامنة صباحاً في الممر الجد والنمر والذيب وغيث والبنات وعزام وفهد مهره بتوتر / نمر عادي أبغي كوفي فهد يبتسم / خلاص روحوا لعمتي أنا وعزام بنروح نجيب لكم الشيم وتغريد وش تبون يوبه تبي، الجد / لا تجيب لي من ذا البلية الذيب والنمر بصوت واحد / بلاك كوفي أما البنات / نبغي كابتشينو غادر فهد وعزام والباقين توجهوا للغرفة فتحوا الباب بهدوء شافوا وضحي متغطية ونايمه بهدوء الجد ياشر بعصاه / تعالوا نجلس وخلكم هادئين لفتحت عيونها تشوفنا جلسوا ودقائق سموا صوت بالحمام تغريد بخوف / يومه من هنا الذيب يزم شفايفة / أكيد التنظيفات انفتح باب الحمام لتخرج وضحي وبصوت خافت / مرحبا ومسهلا الشيم بخوف / يومه من نائم بمكان وضحي بهدوء / القمرا ورجاءً قصروا حسكم ما نامت الا عقب الفجر مقابلتني النمر وهو يلعب بجواله / زين جاء منها شيء عدل وضحي بعتب/ نمر رن هاتف القمر بصوت عالي ليفصل ويعود يرن مرة آخر لتسحبه وترد بصوت عالي / نعم نعم نعم خير، يعني اتصلتي مارديت خلاص لا تزعجيني، خير شنو عندج من الصبح متصلة، إنزين في ذمتج متصلة لي عشان تقولين لي عن مشاعرج أقول انجلعي، أحمد ربج خالي عطاج ويه وش حلاته صج غثيث ودمه ثقيل بس يا الله يمشي الحال يا الله فارجي بنام ميته فيني نومه، الا صج لا يكون متنقبة عشانه تري كلج ما عندج سالفة يا الله بكمل نوم سكرت الخط وتاففت وانقلبت الجهة الثانيه وكملت نوم الذيب بقهر / لا احساس ولا ضمير النمر يبتسم / لاقامت اللعن خيرها رجعوا الشباب طلع لهم نمر وبصوت هادي / معليه فهد القمرا نايمه ومو متغطيه عزام / خلاص بنروح الكافتيريا اذا صحصحت كلمونا نجي اركض واركض واشوف ريال وراءي يركض لابس أسود شكله يخرع اركض بسرعة وهو ورائ وفجأة بغيت أطيح ومسكني فزيت من نومي ونزلت من السرير وركضت للشباك بفتحه وأنا أصرخ / لا لا ييييبه وضحي بخوف وصوت باكي / بنتي بسم الله عليك أمي تمسكني والنمر مثبتني وخالي يضرب على خدودي بخفيف يا بنت تعوذي من الشيطان جابت الشيم ماء ورشتني / أنت بخير خذيت نفس وسندت راسي على صدر خالي / بغي يذبحني الذيب يعقد حواجبه / من القمر بصوت باكي / ماعرف وبكت بشكل يخوف وقفتها أمها / قومي غسلي وجهك وتعوذي من الشيطان غسلت ويهي ونشفته وطلعت وسلمت عليهم بعدها رجعت لطرف السرير خذيت عباءتي وبصوت مبحوح / يومه بخلي غيث يوديني للبيت أحس تعبانه النمر بامر / تغطي فهد برا بيدش وقفت القمرا وتخصرت / وإذا ما تغطيت وش بتسوى النمر هز رأسه بتأفف / شكلي بكسر يدك الثانية القمر بتذكير وهي تباشر باصبعها / هذاك قبل اللحين عندي أخوي عزام وعمي كائد وخالي الذيب وخالي غيث وأخوي سعود وعلي رأسهم يدي مطلق الجد مطلق / احتزمي بي ما حد يتجرأ عليك وأنا هنا النمر وقف وبدا خشمه ينزف خذا كلينكس يوقف النزيف وبصوت هادئ / جربي تطلعين قدامه كاشفه وأوريك شغلك سحبت نقابها وبصوت ضاحك / عشان عمي كائد مو عشانك الذيب وهو متكتف / توك طايحه مداه لسانك يطلع القمر ترفع حاجبها / للحين كافة نفسي عنك ومحترمتك الذيب بغضب/ واضح والدليل مكالمتك مع هنادي غيث بحب / يا الله أوصلك وضحي بصوت حاني / نامي بغرفتي أبغي ارجع اشوفك فيها ابتسمت القمرا / تامرين يا قلب بنت الذيب بفرح / تري ملكتي على هنادي الاربعاء الجاي وعرسي الخميس واتفقت مع سعود عرسه مع عرسي وضحي بسعادة بانت على ملامحها / خلاص عزام وفهد يعرسون معكم الذيب يرفع كتوفه / كيفهم انا بعد اسبوع اذا جايز لهم خير وبركه الجد بشك / وانت يالنمر النمر ناظر القمرا / انحديت من العرس ما عاد لي شف وتركهم وغادر المكان القمرا بانتصار / حمدالله والشكر معقد ماحد حدك روح اعرس ثم أردفت وضحكت بصوت عالي رجعت للبيت مع غيث وغطيت بنوم ثقيل قمت على العصر وعلاقتي جدا سطحية مع الكل الا غيث بس وأمي حتى عزام اتجنبه أخاف أتصادم معه مع أنه حيل طيب معي .. كلمت المدبرة اسالها من موجود قالت بس الجد وعياله والعمه عرفت أن المعاريس راحوا يتسوقون الا الذيب في البيت والبنات خذاهم غيث يخلصون حاجاتهم .. طلعت وشعري مكركب ولابسه بجامة وسلمت عليهم وحصلت النمر والذيب قاعدين جنب بعض قربت ليدي وبست رأسه وقلت / مساءك الله بالخير وبست رأس أمي مساءج الله بالخير يا جميلة المحيا امي بحب / مساءك خير يا قلب امك الذيب بطنازة وهو ياشر على نفسه وعلى النمر / مو شافيتنا ما فيه مساء الخير القمرا بهبل / وويه صج سوري ما انتبهت لكم مساءكم الله بالخير الذيب ياشر بيده لجبهته / خبله حمد الله والشكر القمرا تغمز له / عشان أنت خالي وتربيتي ما تسمح لي أغلط عليك وإلا كان مسحت فيك القاع الجد / بنت سحبت الكوب وصبت لها شاي وهي تناظر عيون الذيب الشامتة وقف النمر وبصوت فخم رجولي / عمتي جهزي بنتك شهر وبدخل عليها وقفت وبصوت عالي / خير ما سمعت يا عين أمك والله إن تبطئ النمر وهو يلتقط أغراضه الشخصية / بعد ثلاث أسابيع وفتحي حلقك مرة ثانية بعد أسبوعين أخليه وكلمه زيادة قسم با الله أتلك اليوم ووريني من بيوقف بوجهي وقفت وضحي بارتباك / تكفين يومه خلاص خلاص إلى تبيه بيصير روح بس روح الذيب يضحك / وين لسانك سكتك بكلامه القمرا بقهر / شاسوي خال العازه حالك حال الكرسي واحد وضحي بخوف / يومه ليه تحارشينه النمر ما يتحارش كلمته مثل السيف القمرا حطت الكوب / يعني افهم أن كلامه راح يمشي وضحي بترجى/ يوومه تكفين ريحي قلبي ووافقي وخلينا نفرح القمر وهي تشرب / طيب طيب بعد عرس الشباب العلم عندي ونشوف من العروس إلى بتنتظره ……… كائد كائد بغضب / متى بتعقلين والله أخبر محمد الله يرحمه يقول حمامة سلام أنا أشوف غراب الخراب القمرا بتأفف / اسمعني عمي بتنفذ زين مو مساعدني خلاص اشوف غيرك كائد يزمجر / جربي عشان تعرفين زعل كائد ما اني النمر إلى يدور رضاك وكلمتين ورد غطاءهم بساعدك ولا هو بخوف منك بس عشان أعطيك مجال تفكيرين وأسبوع وتردين لي خبر يا تممين زواجك وتعيشين عند أمك والنمر محرم لك أو تشيلين قشك وتنتقلين معي لين يجيك نصيبك .. القمرا بطنازه / ما ودك تحطني بمتحف وتحنطني رقع الخط بوجها وطرش مسج ( إذا صرتي تتكلمين بأدب وعرفتي حدودك معي اتصلي ) حذفت الجوال وبتأفف / امحق عم ما منه فايده وتقلد صوته / انا سندك رن تلفونها سعود القمرا / عمري المعرس سعود بحب / ناا برا حياك نتمشى وندردش شوى اشتقت لك القمرا / يا الله دقايق طلعت لقيت النمر قاعد مع البنات وأمي ويدي ويسولفون الجد باستغراب / على وين يا بنت خالد القمرا بغضب / بنت محمد شكلي كل شوى بذكرك بعيش وبموت وأنا بنت محمد العالي وأردفت / طالعه مع سعود بتمشي شوى وضحي بارتباك / ربي يحفظك لا تتأخرين يومه بنام عندهم اليوم وغادرت القمرا لتردف وضحي / يوبه وش جاب طارئ أبيها اللحين الجد / والله رافعة ضغطي ضاربتنا بالطوفة شورها من رأسها مفروض تستأذن منا قال محمد حتى اسمه مقرن وهي غصب متمسكة باسم محمد وضحي بتوتر / يوبه خلها ما صدقت البنت صفت من ناحيتنا الجد بغضب / ليه وش عندها علينا تغريد بتعب / حاقدة على معاملتنا لها قبل النمر يهز راسه / بتكبر وتنسى وإذا ما نست انسيها ، ، الى الملتقى باذن الله | ||||
|  |
|
13-02-21, 10:32 PM
| #103 | |||||||||||
| نجم روايتي  
|  الذين يشاهدون محتوى الموضوع الآن : 16 ( الأعضاء 3 والزوار 12) موضى و راكان, ررمد, سجى الإحساس, مريم1396 أخيرا كشفت الوصية الحقائق الغائبة و لكن للأن لم نكتشف من هو المجهول الذى يرسل الورد للقمرا تسلمى كاتبتنا العزيزة على روايتك الممتعة المثيرة | |||||||||||
|
| |
|
13-02-21, 10:54 PM
| #104 | |||||
| اقتباس:
وبانتظار تعليقك يا قلبي تحياتي | |||||
|
| |
|
13-02-21, 10:55 PM
| #105 | |||||
| اقتباس:
النمر هو المجهول اسعدني مرورك الجميل كجمالك تحياتي | |||||
|
| |
|
14-02-21, 07:52 PM
| #108 | |||||||||
| عضو ذهبي 
| البارت حلو وتضحت أشياء ما كنت اتوقعها كايد كان عندي احساس انه عمها ياترى وش فبال القمرا وش بتسوي ؟؟ شفت كلام ما عجبني ههههه اشفيكم على النمر ليش كاارهين النمر لهدرجة قريت في المنتدى المجاور انهم يتمنون الموت للنمر حبيبتي رمد وصلي لهم اني ما أرضى على النمر فلا يدعون عليه هههههههه واتفق على كلام حبك المدينة نبي البارتات في هالاسبوع  | |||||||||
|
| |
|
| أدوات الموضوع | |
| انواع عرض الموضوع | |
|
|
64Likes
.png)
.png)
العرض العادي
