آخر 10 مشاركات
583 - دور القدر - باتريسيا ويلسون - ق.ع.د.ن ( إعادة تنزيل ) (الكاتـب : * فوفو * - )           »          حب في الصيف - ساندرا فيلد - الدوائر الثلاثة (حصريــا)** (الكاتـب : بنوته عراقيه - )           »          عــــادتْ مِنْ المـــــاضيِّ ! (1) * مميزة ومكتملة *.. سلسلة حدود الغُفران (الكاتـب : البارونة - )           »          جنون المطر (الجزء الثاني)،للكاتبة الرااااائعة/ برد المشاعر،ليبية فصحى"مميزة " (الكاتـب : فيتامين سي - )           »          الجريئة - آن ميثر (الكاتـب : ^RAYAHEEN^ - )           »          حب و كبرياء - بني جوردان - الدوائر الثلاث** (الكاتـب : لولا - )           »          440 ـ الحب المجنون .دار ميوزك ( كتابة / كاملة )** (الكاتـب : monaaa - )           »          قلب التنين - سلسلة دمـــــ(3)ـــاء الشمس- للكاتبة::أمل القادري*مكتملة&رابط التحميل* (الكاتـب : امل القادري - )           »          {{ همس الصباح والمساء }} * مميز * (الكاتـب : فراس الاصيل - )           »          341 - قمر الأحلام الضائعة - ليز فيلدينغ (الكاتـب : سيرينا - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree514Likes

إضافة رد
 
LinkBack أدوات الموضوع انواع عرض الموضوع
قديم 03-02-21, 09:11 PM   #71

ررمد
 
الصورة الرمزية ررمد

? العضوٌ?ھہ » 478403
?  التسِجيلٌ » Sep 2020
? مشَارَ?اتْي » 157
?  نُقآطِيْ » ررمد is on a distinguished road
افتراضي


اقتباس:
المشاركة الأصلية كتبت بواسطة هيدراانجياا مشاهدة المشاركة
قريب اليوم الاربعاء ههههه

والله هالوصية لعبت فينا لعب
اي والله لعبت فينا :7r_001:


ررمد متواجد حالياً   رد مع اقتباس
قديم 03-02-21, 09:59 PM   #72

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 40,938
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



الفصل السادس عشر قريبا



وبينهم النمر والذيب همست بنفسي / هو حدا اثنتين يا ان عليهم غرور غير طبيعي ما يلتفتون ولا يناظرون احد او شكلهم شياب مستحيل شباب وجذى ما يقزون ابدا وعلى طول يطالعون السقف عشتوا يعني اني …

،

الشيم / اكيد
وضحي / تادبي لا اخلي النمر يادبك
الشيم تلوي فمها / وحش البيت
مهره ضحكت / شكل القمرا اختك نفس تعابيرك وكلامك
تغيرت ملامح وضحي..

،

القمرا بطنازه وهي تتكتف/ وطلبي سعد معهم يا رفيجة سعد
فلتت اعصاب ريما وتشابكت مع القمرا …
،

اخذ نفساً عميقاً ثم زفر / اخذها يا سلطان لان كلمه ثانيه قسم با الله لامردغها هنا
القمرا بلعانه / عاد كان ودك بوحده ما لها ماضي قلبها بكر ما شاء الله قلب زوجتك عامر ههههههه وأنت اسمك مثل هيتك حيوان
،

حطيت نفسي اتكلم بالتلفون وبصوت شوي عالي / ها حبيبي لا هذا رقمي الثاني مطلعته لعيونك زين متى اشوفك اسمعني بالدوام اذا انشغل الكل بحاول اطلع معك نص ساعه ما تضر ان شاء الله ، ايه على وعدك لي ضبطي اموري ونسافر هالاسبوع ما بقول لاحد واذا وصلت لندن كلمتهم وخبرتهم بقراري ، قلت لك اجهاض مستحيل اجهض اذا انت ما تبيه انا ابيه

،

،

شهقت بصوت عالي / …..
لتهمس / ما تبين تسلمين على
القمرا برعب / اخاف تطقيني

،
فردت يداها / تنكسر يدي جايه بس اسلم والله

،،،،،،،

الى الملتقى باذن الله




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 04-02-21, 06:15 PM   #73

ام ايثو

? العضوٌ?ھہ » 422431
?  التسِجيلٌ » Apr 2018
? مشَارَ?اتْي » 36
?  نُقآطِيْ » ام ايثو is on a distinguished road
افتراضي

رواية رائعة جدا وبالتوفيق يارب🌹🌹🌹

ام ايثو غير متواجد حالياً   رد مع اقتباس
قديم 07-02-21, 11:23 PM   #74

ررمد
 
الصورة الرمزية ررمد

? العضوٌ?ھہ » 478403
?  التسِجيلٌ » Sep 2020
? مشَارَ?اتْي » 157
?  نُقآطِيْ » ررمد is on a distinguished road
افتراضي

اقتباس:
المشاركة الأصلية كتبت بواسطة ام ايثو مشاهدة المشاركة
رواية رائعة جدا وبالتوفيق يارب🌹🌹🌹
شكرا يا قلبي على المرور

اسعدني تواجدك

تحياتي


ررمد متواجد حالياً   رد مع اقتباس
قديم 07-02-21, 11:25 PM   #75

ررمد
 
الصورة الرمزية ررمد

? العضوٌ?ھہ » 478403
?  التسِجيلٌ » Sep 2020
? مشَارَ?اتْي » 157
?  نُقآطِيْ » ررمد is on a distinguished road
افتراضي


اعتذر من الاخت فيتامين سي بس حبيت انزل الفصل

لان الفصل الاخر بعد يومين


اللهم ارفع عنا الوباء و البلاء و المحن
اللهم ارفع عنا الوباء و البلاء و المحن
اللهم ارفع عنا الوباء و البلاء و المحن
اللهم ارفع عنا الوباء و البلاء و المحن
اللهم آمين يارب العالمين

،

الفصل السادس عشر

الجولة السادسة من الحرب

وأقتربت لحظة اللقاء




القمرا


بل بل زفني وهاوشني عشان قلت لكل واحد الف ؟
حشى جني قايله لكل واحد مليون، لا لا جذى مو اخو ابوي هاي بخيل قحي ،
اووف صعدت درج البوابة الرئيسية وأنا أبتسم واتسعت ابتسامتي
اكثر وأنا أتذكر الذيب لما كان يساوهم وضحكت ،
توجهت للاستقبال ليرن هاتفي التقطته

القمرا بحب وصوت عذب / متيم في الهوى يحكي حكاية حب مخفيه
كائد بملل / أيه غني وش يهمك اسمعي يا الطيبة لا عاد تسعسعين
القمرا باستغراب / يعني شنو .. وكملت مكتوب الشقى ليا معاهم صادق النيه
كائد بتافف / يعني عن الدوارة من الدوام للبيت ومن البيت للدوام انا بروح يومين لزوجتي اشوف ولدي وخلي عنك الاغاني
القمرا بفرح / صج زين تكفي بعطيك جوالي وصوره لي
كائد بطنازه / وشلون بتكلميني
القمرا بفرح / لا هاي جوال بدون شريحة تكفى لا تردني
كائد يضحك / يا الله جيبيه انا برا عند المدخل
القمرا وهي تهز راسه / لقيت القلب يهواكم
كائد رفع راسه للاعلى وضحك / خبله والله خبله يا الله خلصيني


………….

الذيب


عدتُ الى القصر وبخطواتً واسعه نحو الدرج متجهاً للغرفة
ليصرخ الجد وعيونه طايره / عسى ماشر وش فيك
فز النمر وبصوت فخم/ أنا بطلع وبشوف وش موضوعه
ليتبعهُ النمر وهو يضحك دف الباب واستند على طرف الباب
وبصوت شامت / ها انضربت
تحرك الذيب بخطواتً مُتعبة للخزانة وهو يقلد صوت القمرا
ويدها / طقوه بدون اصابات ولا كسور
ليضحك النمر بصوتً عالي / قلت لك لا تأمنها
الذيب بقهر / نيتي صافيه ناحيتها والله بس تخيل الكلبه قالت
بعطيكم الف لكل واحد بس قطعوا شعره وملابسه
النمر بابتسامةً خبيثه / كفو ما تخلي حقها
الذيب يرفع حواجبه ويغمز له / صدق عاد ابشرك تقول دورك جائ
النمر انفجر بالضحك وهو يغادر المكان / يا عم بدل وخل نحرك الا
انا ما بتقربني تعرف ان زعلي شين وباخذ حقي بساعتها

الذيب بتافف امام المراية / يعني ما لقت تقول الا قطعوا هالشعرتين
يا الله بالغصب طلعوا اووف

………….

وضحي

لبست نقابي وعباءتي وقفازاتي وأنا منهارة من الداخل خذيت نفس عميق
احس من كثر الكتمه قلبي بينفجر الكل ينتظر يوم الوصية ، أما أنا ما
عاد اقدر اصبر زيادة رجعت خطوة وراء تنفست بهدوء أحتاج أغادر
هالمكان حتى لو لساعات بسيطة محتاجة أنسى طلعت من الغرفة
وتوجهت للبنات وكلمتهم يروحون معي للسوق انا ومريم خاصة الشيم
الى احس نفسيتها جدا تعبانه ولا تكلمت بشيء ..
صعدوا السيارة .. الشيم في عالم ثاني صمتها غريب على الرغم من
انه واضح انها داخلياً تعاني رفعت الشيم يدها لنقابها ترفعه شوي وكانها
تبحث عن الهواء لاحظت وضحي رجفت يد بنتها و عيونها متحجرة
بالدموع
وضحي بهدوء / تعوذي من الشيطان ازمة وتعدى
الشيم انفجرت تبكي والكل التزم الصمت ما يعرفون سبب بكاءها
وصلوا بيت مريم طلعت لهم صعدت وسلمت بهدوء بس واضح عليها الهم
وضحي بصوت حاني / يومه انتِ عروس استانسي
مريم تحاول تخفى عبرتها / استانس وأنا لا ام ولا اب ولا اخ ولا احد حولي حتى الوحيدة
الى قلت اختي سكرت الباب بيني وبينها
وضحي بشك / القمرا
تهز راسها بالايجاب
وضحي بهدوء / تتواصلين معها
مريم بصوت باكي / يا ليت توافق اواصلها هي الغتني نهائيا من حياتها
وضحي بحنان / عندك البنات كلهم خواتك واطلبي عزك
ابتسمت مريم بحزن وهمست بهدوء / ماحد يسد مكان امي ولا مكان
القمرا
ثم اسندت راسها على نافذة السيارة وقد تمكن منها
الحزن وتغلغل بداخلها
أغمضت عينيها تتمنى أن يكون كل ما تمر به الان حلم ..

…………..


القمرا


واقفه بالاستقبال احس بتعب قلت بصوت هامس /
عنود بروح اخذ كوفي بموت راسي يعورني
العنود تهز راسها / لا تاخرين الظاهر فيه حشد عسكري بعد
القمرا وهي تعدل نقابها / قطع شنو هاي اكي نمرض ماحد يعطينا ويه
العنود تتجاوزها / روحي ورجعي تري الدكتور منفس عليك عقب كلامك الاخير
همست القمرا بداخلها / اشفيها منفسه ذي اليوم رفعت كتوفها بتعجب
وتوجهت الى ركن القهوة لتسمع أصوات خطوات قادمة لتستدير
وترى الحشد العسكري قادم بقيادة النمر والذيب
همستُ بنفسي / هو حدا اثنتين يا ان عليهم غرور غير طبيعي
ما يلتفتون ولا يناظرون احد او شكلهم شياب مستحيل شباب جذى وبعدين هاي توني طاقته مفروض طايح بالسرير هزيت رأسي باستغراب وضحكت بنفسي
ومشيت لاخر الممر وانا اغني
ومستطربة وبحركة بطيئة امشي وأنا مندمجة بأنوار الممر زوايا
غرف المرضى الهدوء المحيط بهذه البيئة حياة متعبه في هذا المكان
استندت على حائط الممر وابتسمت وأنا أهمس بصوتً خافت
كل يوم نقول اليوم

تتحقق الأحلام

يا قلب يا محروم

من فرحـــة الأيـــام

تاهت خطاوينا

ومن بدنيــــا اليوم

ياخـــذ بأيادينـــا

كل يوم نقول اليوم

متى بس يمر يوم الوصية تعبت والله تعبت ابتلعت غصتها وهدئت من نفسها وكأنها على حافة الانهيار قد تسقط باي لحظة

الدكتور عماد يتوجه للاستقبال وبصوتً عالي / يا الله يالعنود
لغرفة المريض بوتركي وجيبي الملف مدير المشفى هناك يبي
بالتفصيل عن حالته قدام الحشد يهمهم يعرفون
شلون تصوب بسرعة انتِ والثانية سلمي
العنود بارتباك / مادري وينها
عماد بهدوء / كلميها تجينا للغرفة او بتنطرد
العنود تلتقط الملف وهي ممسكة بهاتفها وتهمس /
زين عطتني رقمها ما كانت تبغي تعطيني
القمرا وهي ثابته في مكانها باخر الممر/ نعم
العنود تتلفت تدور لها / لحقي تعالي غرفة بوتركي الملف معي
الدكتور معصب اذا ما جيتي بياخذ فيكِ اجراء
القمرا بتافف / خلاص بيي اللحين
سكرت منها وتاففت هالدكتور مستقعد لي شبح ويه ، سفهتهم وكملت مشي
لين وصلت لاخر الممر الا اشوف واحد شكله غريب
متلثم ما يبان الا عيونه ومتكتف وفطريا وبدون لا اسال ليش هو
واقف بهالهيئة تحركت بخفه على خطوتين لوراء حاولت ما الفت الانتباه
عشان ما تتعقد الامور ، استدرت بهدوء وفجأه ركضت بسرعة خفت
يكون حزام او أحد من طرفه هرولت بسرعة لين وصلت غرفة
بوتركي وفتحت الباب بشكل مفجع ومفاجئ بدون حتى استأذن
جثيت على الأرض والنفس عندي متقطع
وانا احرك عيوني حول الحشد بشكل عشوائي
المدير الدكتور بوخالد باستغراب للدكتور عماد / من هذي ؟
عماد بقرف/ بنت ام سلمي
بوخالد يبتسم / سلمي عسى ما شر
القمرا وهي بالكاد تتنفس وتعدل وقفتها /
جلب يلاحقني وانا ركضت منه
بوخالد يعقد حواجبه باستغراب / شلون كلب في المشفى
ابتسمت بهباله تحت النقاب ما عرفت ارقع وتبرير فاشل
بس كيف قالت كلب ما تعرف اهم شيء تتخلص من هالورطة
ليقطع الحديث صوته المخيف النمر / دكتور بس وضح لنا الاصابة
معقولة ما عرفني ؟ لا عرفني وتجاهلني ؟ لا وين يتجاهلني وتوني طاقه عمه ؟
حتى الذيب ما التفت ولا ناظرني مشغول يسولف مع الى حوله ، ويعه ولا كاني طقيته الصبح ؟! هاي اكيد ما يحسون نفسنا انا لو انطقيت بس كف يومين تعبانه وهذول ينطقون ويقومون بساعتها طاح حظهم
بوتركي بتعب / من هذي شكلها وصوتها مو غريب
بوخالد يبتسم / من بنات الاستقبال عندنا
بوتركي يعقد حواجبه / الاستقبال
بوخالد يردف / سلمي وامها تشتغل هنا بالارشيف
هز راسه

يمه بغى يوقف قلبي على بالي عرفني بوتركي الحمدالله خلصنا
وطلعنا من غرفة المريض برجع للاستقبال
وصوت الدكتور بوخالد / سلمي
القمرا لم تنتبه له مكمله طريقها نست ان اسمها سلمي
سرحانه في ملامح النمر تحبه بس كرامتها فوق
لو يموت ما بينت له ها الحب تموت ولا تموت كرامتها
عماد بتافف / واجد تسفهه يا عمي ولسانها شبرين
بوخالد /تقدم وسبق القمرا ووقف امامها /
سلمي اشفيك ساعة اناديك وماتردين
القمرا بارتباك / اسمح لي سرحت شوي امرني
بوخالد بشك / وين حصلتي الكلب الى تقولين
القمرا ترفع كتوفها لفوق / كنت اتقهوي برا وشفته يركض
من البوابة الرئيسية وبس
قاطعنا مرور ام سلمي / دكتور بوخالد اشحالك
الدكتور بووخالد / طيب ان شاء الله بنتك مرتاحة
ام سلمي بهدوء / الحمدالله
هز راسه بابتسامة عذبه وغادر المكان
القمرا تصغر عيونها بشك / خالتي اشفيه شوي وبيخمج
ام سلمي بصدمة / تادبي يا بنت وش هالكلام دكتور تقولين عنه الكلام
القمرا بتبرير/ والله مو انا الى اقول عيونه الى تقول
ام سلمي بتافف / خلصيني احمد برا
القمرا تتحرك بهدوء / مبجرين ليش باقي ساعتين
ام سلمي ترفع راسها وبزفر / استاذنت لك بروح للبنك احول لبنتي مصروف وعندي بوفيه اليوم باحد المزراع
القمرا وهي تصفق بيدها / تري بساعدج بالوفيه ، وبروح وياج
ام سلمي تحط يدها على جبينها / يوه نسيت اغراضي برجع للقسم اخذها انتِ انتظريني برا لا تركبين بروحك مع احمد
القمرا تبوس راسها / ابشري
خذيت شنطتي واغراضي وتوجهت للبوابة الرئيسية
ولفيت على جنب ووقفت انتظر خالتي
احمد ترجل من سيارته وجاء صوبي ارتبكت من قربه
وش جابه ليه ما انتظر في السيارة
وبصوت مستغرب / ليش واقفه ما صعدتي السيارة
القمرا برجفه / لا بس انتظر خالتي تيي
احمد ياشر بيده صوب نفسه / شدعوه
باكلك انا احد قالك اسد والا نمر
لتضحك القمرا بصوتً عالي بدون ان تنتبه لنفسها ليخرج الحشد
متقدمهُ النمر والذيب لتقع عيني النمر التي تشعُ غضبً عليها
ليضحك احمد / زين والله ما بغينا نسمع ضحكتك ، يا الله
حياك السيارة
القمرا تقدمت بهدوء وانحنت وصعدت
الذيب باستغراب لنمر / هذي هي الخبله هنا اشرايك اخذها
النمر بغضب / خلها بترجع يا ابن الناس بس الحبيبة
تسولف وتضحك وماخذه راحتها صدق ما تستحي
الذيب يهز راسه / وراء هدوءك مصيبة كبيره اعرفك ودي ادخل
مخك واشوف وش تخطط له
النمر يبتسم نصف ابتسامة / كل شيء بوقته حلو واحب انا كل
شيء برواقه وقلتها قبل املاكي ماحد يقربها ليصعد سيارتها
ويدير المقود ويتجه الى العمل .
الذيب يبتسم / تدري ان احسن شيء في هالبنت وش
النمر بطرف نفس وباله مشغول / هممم
الذيب يبتسم / ما خربت علاقتي مع هنادي
النمر يصغر عيونه / اصبر عليها ما بعد تفرغت لهنادي لا تنسى
هنادي فضحتها عند سعود يعني ما بتقصر فيها
الذيب بتوتر/ من صدقك
النمر يهز راسه / اتوقع
الذيب وهو يبلل شفايفه / بكلم باسل عجل الملكة مو لازم ننتظر
هالوصية بموت قهر لو خربت بينا
النمر وهو يعض شفايفه/ والله كل شيء جايز منها لا تامن لها بس
لا تنسى تري زوجتك ما تتغطى يعني بتمقل فيها على كيفي
الذيب يضربه بخفيف على كتفه / تهبى اول شروطي تتغطى اغار انا

………..

متيّم بالهوى يروي
حكاية حب مخفيّـة مع من عاش وياهم
ولولا الأمر ما يحوي
ما قلت الذي بيّـه ولكن بعد فرقاهم
لقيت القلب يهواهم
خطائي والخطى ما هو خطاهم
مكتوب الشقى ليّه
معاهم صادق النيّه


القمرا

في الطريق للبيت من شفته بعثر مشاعري بشكل كامل حان الوقت اعترف انه هزم قلبي بس ما هز كرامتي الى مستعده ادوس على قلبي عشانها كرامتي هي الحاجز بيني وبينك يا النمر خلاص ضاعت دورب ها الحب بسبب الخراب الى تسببت فيه … تنفست بضيق وتعوذت من الشيطان لازم انساه

وصلت للبيت ومزاجي متقلب مره رايقه مره ضايقه دخلت غرفتي وتميت اغني بصوت عالي ( ظلموووني وانا عزيز الروح يا أهل العشق دلوووني وين الصبر ينباع )

خلعت عباءتي ونقابي وتمددت على السرير فرحانه بالانجاز خذيت حقي من الذيب باقي النمر بس قلبي حيل خايف ايه خايف عليه من الاذيه ودي انتقم منه بس بيتعبني هالقلب ملعون هالقلب لازم يفهم ان كرامتي فوق فوق ليستلم هاتفي رسالة ويقطع حبل افكاري ، فتحت الرسالة
وابتسمت احمد ( تسمحين لي اتكلم معك شوي اذا ما يضايقك )
القمرا ( ممكن )
ثواني واتصل احمد
احمد بتوتر / مساء الخير
القمرا ضحكت / مساء النور
احمد بارتباك / اخبارك
ضحكت القمرا ولم تستطع السيطرة على نفسها / صج عاد توك شايفني وسالني نفس السؤال طيبه ولله الحمد
احمد بهدوء / سمعي انا انسان واضح ولا احب الف وادور وانا من اول ما شفتك الشاهد الله دخلتي قلبي وانا احب كل شيء حسب العادات اذا فيه ولو نسبة قبول بسيطة بتقدم رسميا لك وخلال الخطوبة نتعرف على بعض اكثر
القمرا بصدمة / بس
احمد باندفاع / لا تقولين شيء فكري وردي لي خبر انتظرك وتكفين لا تطولين على

أغلقتُ الهاتف وانا احس مشاعري متضاربة تائهة ضايعة اول مره احس بهالشعور بعد فترة طويلة من موت جاسم لا لا لحظة حسيت بنفس هالمشاعر يوم عقد قران النمر وهالمشاعر لليوم تكبر وتكبر بس كرامتي حجرت عليها تمددت بهدوء وفي بالي عدة افكار يعني حب جديد حياة جديدة انسان جديد ما انكر ارتحت له من اول يوم شفته فيه بس اذا فكر فيني فمعناته لازم يعرف كل شيء عني يمكن لاعرف يلغي فكرة الارتباط ما فيني احتمال لقهر جديد خاصةً مشاعر جديدة لو انسفت فيها راح اتضرر اكثر ، اي مشاعر جديدة قاعده اكذب الكذبة وأصدقها ، المصيبة اني احب النمر بس عزة نفسي وكرامتي فوق ها الحب وتامرني ادفنه وانا فعلا دفنته بس كل ما شفته فز قلبي يارب ثبت قلبي على حبك يا الله ، لازم ادفنه واكيد اذا ارتبطت بشخص ثاني مستحيل اسمح لقلبي يخونه حتى لو في الحلم .

…………..


وضحي


يا الله يا بنات جهزتوا بنلحق على البنت نساعدها قبل الملكة
تغريد بتوتر / بس ماخذينا لها شيء
وضحي تبتسم / عادي يا قلبي ما فيه الا احن بنشغل المسجل نحسسها بالجو العائلي البنت يتيمة ولا أم ولا أخت ولا عمه ولا خاله
مهره بوناسه / عمتي بيدش زوجها يلبسها الشبكة
الشيم تمد بوزها / اكيد على بالك عقد جدي والنمر عندهم
وضحي بغضب / تادبي لا اخلى النمر يادبك
الشيم تلوي فمها / وحش البيت
مهره ضحكت / شكل القمرا اختك نفس تعابيرك وكلامك
تغيرت ملامح وضحي
مهره بارتباك / اسفه عمتي مو قصدي
وضحي تجاوزتهم وبصوتً عالي / يا الله خلصوا

…………

مريم


اليوم مشاعري مضطربه لا ام تبارك لي ولا اخت بقربي ولا اخ يكون عزوة لي
اليوم راح يرتبط اسمي بشخص ما كان من اختياري بس ما يحق لي
ارفضه مسحت دموعي بطرف اصابعي خايفة متوترة حاسه
أني قاعدة اختنق
وضحي بحنان / يومه ما يصير يا الله اطلعي البنات برا ولا تبكين
أدري متوترة وخايفة بس شعور طبيعي يتلاشى مع الوقت
بدأ مستوى صوت الاغاني بالارتفاع في الصالة
الجميع يشارك مريم فرحتها الجميع سعيداً من أجلها
دخل الجد وبصوتً عالي / ام عزام خلي مريم تجي توقع
تقدمت مريم وبيدً ترتجف تحاول تثبيت القلم
ليهمس الجد / سمى يا بنتي ما من شر ان شاء الله
تنفستُ بعمق وبالكاد استطاعت التوقيع انزل الجد الكتاب
ليتقدم ويحضن مريم وبنبرة فرح / ربي يوفقك
اجهشت مريم بالبكاء لتمسك بها وضحي / ما يصير يومه
لا تخربين مكياجك خل عريسك يشوفه

بعد ربع ساعة بصوتً عالي الجد / وضحي خل البنات يتغطون
بيدش نايف يلبس مريم شبكتها
نايف جنب الجد / كان لازم قدام الناس تحرجني
الجد بعصبية / انكتم خل تحس بالفرحة
دخل نايف وهو مرتبك قرب من مريم وباس راسها
وبصوت رجولي فخم / مبروك
مريم بخجل / الله يبارك فيك
امسك الدبلة ولبسها وهي حيل منحرجة مسك أطراف آصابعها الى تنتفض ابتسم وهمس لها بهدوء / ربي يقدرني واسعدك واعوضك انسى
حن عيال اليوم ولك عهد مني أكون لك الأخ والأب وكل شيء
بس ساعديني الله يرضي عليك
مريم خف توترها بعد كلامه الهادئ معها .. ما توقعت أنه
يخفى بداخلة مشاعر جميلة توقعته انسان عديم
الاحساس ،،
ابتسمت بهدوء ثم أردفت / إن شاء الله

مهره تهمس لتغريد / طلع مزيون هالنايف عكس مريم
تغريد بهدوء / مملوحة ولا تنسين حياتها قبل أكيد
اللحين بيتغير فيها كل شيء

……….


عزام


لين متى وانا بالي مشغول بهالموضوع لازم اشوفها واحط النقاط على الحروف اكيد هي عندها خلفية يمكن تعرف شيء عن الوصية لو طلعت اختي بموت قهر يكفي كنت صنم وهي تنهان بدون سبب

فهد بتوتر / يا ولد النمر اتصل ومعصب يقول ارجعوا للبيت
عزام بقرف / برجع بس زواج لا ولو يطلع في راسه نخله
فهد بخوف / ولو رفضت عمتي وضحي كلامك
عزام بتاكيد / بطلق
فهد بصدمة / صاحي انت
عزام بصوت عالي / اعتقد اختي اهم والمرآه بدالها مراه بس الاخت ما تتعوض
امسك فهد بيده / لا تتهور كل شيء يتاجل بس لا تخسر زوجتك

عزام بضيق / اسمحي لي يا فهد بس منقهر من
الموضوع بكبره اسمحلي وانا اخوك
فهد بابتسامه / افا عليك والله انت اخي ما ينشرهه عليك جعلني فدوه والله
عزام بهدوء / ممكن اطلب منك طلب اذا سمحت
فهد يبتسم / تامر
عزام بهدوء / عطني رقم مهره بكلمها
فهد يضحك / زين عطني رقم الشيم واعطيك
ابتسم عزام وقال / ماطوف شيء


يتبع



ررمد متواجد حالياً   رد مع اقتباس
قديم 07-02-21, 11:26 PM   #76

ررمد
 
الصورة الرمزية ررمد

? العضوٌ?ھہ » 478403
?  التسِجيلٌ » Sep 2020
? مشَارَ?اتْي » 157
?  نُقآطِيْ » ررمد is on a distinguished road
افتراضي


ريما


ريما وهي تلعب بشعرها / يومه تري النمر بيحدد الزواج
ام ريما تبتسم / زين ما قال متى بالضبط
ريما تنهدت / لا بس يوومه طلع ميت على وانا مادري
ام ريما تبتسم / الله يوفقك يا يومه
ثم أردفت / اليوم المغرب معزومة بمزرعة ام خالد خالتك
ريما بفرح / مهوي بتجي
ام ريما تهز رأسها / من الصبح وهم هناك يجهزون

……….

بيت ام سلمي

القمرا واقفه تساعد ام سلمي ،
ام سلمي باحراج / يومه روحي ارتاحي
القمرا تبتسم / شدعوه يا الغالية مو بنتج
لتنفجر بالبكاء فجأه لتترك القمرا ما بيدها وتقدمت لها وقبلت راسها
وبصوت حنون / انتِ من امس مو طبيعية فيج شيء اقدر اخدمج فيه
ام سلمي تمسح دموعها / لا يوومه بس خلينا نخلص عشان احمد يودينا
ابتسمت القمرا / ابشري

وصلنا للمزرعة وبديت اساعد خالتي وجهزنا كل امورنا

………….

ريما


مها بصوت خافت / ريوم لحقي تخيلي من شفت عند البوفيه يرتب هناك
ريما تعقد حواجبها / من ؟
مها وهي تأشر بيدها / الى قالت بخلي النمر يطلقك
ريما تبتسم / احلفي فزت ريما بدون شعور
بسرعة مها مسكت يدها / وين بتروحين خبله
ريما بخبث / بشوفها بحط عيني بعينها
مها تلوي فمها / خل تولى عنا مو هامتنا
ريما تبتسم / اشرايك اليوم نخليها تنام بمكان حلو
مها تعقد حواجبها / يعني وش قصدك
ريما تهمس / نلفق لها تهمه خل تفارق نهائيا وترجع بلادها
مها تاشر بيدها / لا لا تدخليني بمشاكل
ريما بهدوء / وش دخلك انا بضبط الوضوع
مها / كيف
ريما بخبث / تعرفين سهى بنت خالتي ام خالد مغرورة
وغثيثة نضرب عصفورين بحجر
مها / شلون
ريما بخبث / بس اشغلي سهى وأنا اضبط الوضوع ، تقدمت مها وانحنت وهمست لسهى بكلمة لتقف سهى وتذهب مع مها، بينما ريما استغلت الموقف وفتحت شنطة سهى لتجد مبلغ مادي كبير التقطتهُ ثم عادت ادراجها ،
ونادت عاملتها الخاصة لتهمس لها بما تفعل مقابل مبلغ مالي
وبتهديد / اذا علم أحدً بالموضوع سيتم تسفيرك
العاملة / لا سيدتي سافعل ماتردين

……………

القمرا


خلصنا العزيمة كاملة استانست حيل اني ساعدت خالتي ما شاء الله اكلها خنينه وايد لذيذ ذكرتني بطباخ امي الله يرحمها قبل لا يتمكن منها المرض .. تنهدت بضيق وبديت بتجميع أغراضنا بنغادر للبيت ،،
لاسمع صوت خالتي ام سلمي بنبرة بكاء / والله ما خذيت شيء
تقدمت وخرجت لاجد حشد حريم حول خالتي ام سلمي
وبصوت عالي / خير وش عندكم
سهى بغضب / انتِ معها
القمرا بملل / نعم هذي خالتي خير وش صاير
سهى بصوت عالي / مسروق من شنطتي خمسة الالف ريال
ودورت بكل مكان حتى بشنط الضيوف دورت ولا حصلت ،
فطلعوها احسن لكم
القمرا بقرف / اعلى ما بخليك ركبيه ، احن ما نمد يدنا على الحرام
لالمح طيف ريما وتتسع عيني على وسعها / لا يكون انتِ الى متبليتنا
ريما بخبث / سهى هذي اعرفها كانت بضيافة وطردوها لسمعتها
القمرا بقهر / تخسين يا راعية الشباب
ام ريما بعصبية / خير وش هذا الكلام شلون تتجرين
ريما بقهر / طلبوا الشرطة هم يطلعون الفلوس صدقوني عندها
رفعت سهى هاتفها وطلبت الشرطة
القمرا بطنازه / وطلبي سعد معهم يا رفيجة سعد
فلتت اعصاب ريما وتشابكت مع القمرا وتضاربوا وفزوا البنات مع ريما ،
اما ام سلمي حاولت تفصل بينهم عشان تحمى القمرا

وصلت الشرطة خلال دقائق
وبدأو بالتفتيش وحصلوا المبلغ في شنطة القمرا
القمرا بصدمة / والله مو انا خالتي والله هالجلبه الى وراءج هي اكيد الى مسويته
ام سلمي ببكاء / معليه يومه بكلم بوراكان يتصرف
القمرا بتوتر/ لا خالتي تكفين كلمي احمد خليه ييني هناك تكفين الا عمي لا تكلمينه
خذيت اغراضي وقبل لا اطلع قلت كلمة لريما / خليته لج ومع ذلك ماقدرتِ تكسبينه ، كسرتيني عشان ما لي سند أقولج في يوم تجتمع الخصوم بيسالج الله عن عين بكت بسببج وعن قلب أوجعتيه وعن روح كنتي السبب في فقدانها لأمانها بشتكيج لربي لأنج السبب في فقداني للأمان وحسبي الله وكفي
مها بخوف / ريما البنت تدعى علينا
ريما بملل / خل تدعى عاد كلش مقبولة دعوتها

توجهت مها بخوف بعد سماع القهر والحسرة بصوت القمرا وهمست لسهى / سمعيني سهى تري الى سوت هالحركة ريما تبي تنتقم من هالبنت
سهى بعصبية / من صدقك يعني ظلمت البنت
مها بخوف / ايه بس تكفين لا دخليني بمشاكلكم
ثم أردفت / عن اذنك

دخلت المركز وانا ابكي مقهوره كل ما قلت خلاص تسهلت رجعت تعسرت ..
وصلت وقفني عند الباب قال انتظري هنا
سلطان يبتسم / القمرا برا
النمر وهو مشغول بالاوراق دخلها وخلك هنا معها
دخلت وانصدمت لما شفت النمر احساس الخوف
وضح على وكأن الموقف القديم ينعاد الان
رفع نظره عن الاوراق وكانه لا يعلم من أنا وبصوت غاضب / شلون سرقتي
بلعت ريقي وبتوتر / بنت محمد العالي ما تسرق
ليضرب بيده على الطاولة / جاوبي على قد السؤال
ناظرت سلطان ثم ناظرت النمر / ممكن على انفراد بقول لك شيء
النمر بهدوء / سلطان اخذها للذيب يتصرف معها
سلطان بهدوء / تفضلي
القمرا بسخرية / أقول يا بو قانون انت لو فيك خير ضف مرءتك الى طايحة مغازل مع سعد حبيب قلبها وتواعده وتطلع معه وانت يا غافلين لكم الله
دفع الكرسي بقوة ليتقدم لها ويلقى بقبضته على عنقها /
ما تتغيرين لسانك مثل السم وانت ابشرك بتلحقينها
سلطان بخوف / تكفى خلها يا بوسطام تكفى
النمر وهو يمسح على وجه / اقلعها من وجهي اخذها للذيب يتصرف معها
القمرا تتخصر / شوي شوي لا ينط لك عرج بس مو رايحه مكان بيي هني خطيبي احمد بيطلعني
اخذ نفساً عميقا ثم زفر / اخذها يا سلطان لان كلمه ثانيه
قسم با الله لامردغها هنا
القمرا بلعانه / عاد كان ودك بوحده ما لها ماضى قلبها بكر ما شاء الله قلب زوجتك عامر ههههههه وأنت اسمك مثل هيتك حيوان
وبصوتً غاضب / طلعها لاذبحها والله
طلعت امشي جنب سلطان ابتسم بغباء تحت النقاب احس نفسي ضايعة

وقفت مع سلطان برا وبصوت هادئ / وقفي هنا
بطنازه / هنا والا هناك
هز راسه باسف ، الذيب / مرحبا امرني
سلطان / البنت الى ارسلها لك النمر برا
الذيب بملل / طرشها لغيري ما لي خلق بنات ومشاكلهم
سلطان بهدوء / القمرا بنت محمد
اتسعت عيني الذيب / خل تدخل
سلطان / تفضلي
دخلت القمرا ولم تستطيع الاستحمال أكثر لتنفجر بالبكاء
الذيب بهدوء / بسم الله عليك هدي هدي ما يضيمك شيء وانا هنا
القمرا ناظرت سلطان وبصوت مبحوح / ممكن اتكلم معك بروحنا
الذيب بهدوء / تسلم يالغالي
غادر سلطان لتخلع القمرا نقابها بهدوء وبصوتً باكي /
تخيل الجلبه زوجة النمر ملبستني تهمة سرقة بس لاعنه وانفجرت بالبكاء
الذيب بحزن / هدي زين فديتك تبين تشربين شيء
القمرا تهز راسها بهدوء / لا
الذيب يبتسم / زين باستاذن وبطلعك على مسؤوليتي
وباخذك ناكل شيء اشرايك
القمرا باحراج / مادري ما زعلت عشان الى سويته
الذيب يضحك / ههه لو ما قطعتي شعري بس
دف الباب النمر وبعصبية خلفه سلطان بصوت عالي / شوي سلطان
ليلتفت لها وبصوتً غاضب / خير فاصخة نقابك وقاعده وماخذ راحتك
الذيب رص على اسنانه / هدي يابوالشباب واذا بدون نقاب وش دخلك
النمر بصوت غاضب / تغطي لا اللحين اكسر لك ذا الوجه
الذيب بهدوء / لبسي نقابك فديتك
النمر بغضب / اشرايك بعد تلمها
الذيب يلوي فمه / اقول لا تلعب دور المحب والزوج تري اوراقك مكشوفة
النمر بصدمة / صاحي انت شلون تكشف قدامك وانت مو محرم لها
الذيب وهو ياشر / ما يخصك وفارق
النمر بطنازه / احمد برا طلعتِ نفس ريما
القمر بصوت هادئ / بالنور ما سويت شيء بالظلام
استدار لها الذيب / ما فهمت وش
القمرا تبتسم وهي تلتقط نقابها / خطبني وانا وافقت
الذيب بفرحة / صدق جعل ربي يوفقك
دفعه النمر جانباً / تذكري زين ما راح تعرفين رجال غيري فاحسن
لك من البداية اجبهيه عشان ما اضره ابتسم وغادر
الذيب بهدوء / ما عليك منه هو كلام يحذفه اذا عصب
القمرا ترفع كتوفها / ما فهمت وش يبي مني والله
الذيب باستغراب / صدق والله ما فهمتي والا تسوقينها على
القمرا / يعني شنو ما فهمت
الذيب بهدوء / النمر يحبك يموت عليك بس هو طبعه قاسي كذا
القمرا بزفر / خل يحب نفسه بعدها يفكر يحب احد

خرجتُ من المكتب بجانب الذيب لاجد احمد بانتظاري
وبصوتً خافت / ها اخبارك انا من جيت انتظر
الذيب بهدوء / طيبه ما عليها
القمرا بصوتً هادي / شكرا لك يابومطلق عمرك طويل يارب
ناظرت احمد / يا الله مشينا
احمد / يا لله خالتي ام سلمي بالسيارة تنتظرك

مشيت جنب احمد وغادرت مركز الشرطة وانا حيل مكسورة ، انحنيت وصعدت جنب خالتي وقبل لا اتكلم خالتي قالت لي / تدرين آبو سهى
كلم واحد بالمركز وقال انك بريئة بس مادري ليه اصروا يسون لك محضر
القمرا بهدوء / لعل في الامر خيرة ان شاء الله ما فيه مضرة
اسندتُ راسي على نافذة السيارة وغادرتُ الى مكانً بعيدا جداً
وصلنا للمنزل ليهمس احمد وبصوت خافت /
بكرا بنطلع بعد العصر للبحر بجي عشانك
ابتسمتُ بهدوء ونزلتُ مع خالتي الى واضح حيل متوتره بس شنو فيها مادري ؟!
دخلت غرفتي وحذفت نفسي على السرير وبهدوء افكر في ريما
الوحيده الى ما بقدر اوصلها جان زين يتمم زواجه عليها النمر عشان
تفج عني خلعت عباءتي بتعب قررت أخذ شور بس قلت اول بروح لخالتي اطمئن عليها شكلها فيها بلاء طلعت وتوجهت لغرفة خالتي وقبل لا أدق الباب سمعت صوتها وواضح مرتبكة / ايه اقولك تونا واصلين من المركز ، والله مادخلت معها احمد مارضي انزل ، والله ما قالها شيء في السيارة ،
انا مثل ما وعدتك كل اخبارها بس بنتي لا احد ياذيها
صغرت عيوني بشك / اشوفها متغيرة على حسبي الله عليهم مهددينها في بنتها ابتسمتُ بخبث / وجات الكورة في ملعبي يا الله بدينا يا الى ما عرف من انت بس اكيد الجلب رجعت على اطراف اصابعي للغرفة ولما سمعت صوت خطوات خالتي حطيت نفسي اتكلم بالتلفون وبصوت شوي عالي / ها حبيبي لا هذا رقمي الثاني مطلعته لعيونك زين متى اشوفك اسمعني بالدوام اذا انشغل الكل بشوف لي طريج واطلع معك نص ساعه ما تضر ان شاء الله ، ايه على وعدك لي ضبطي اموري ونسافر هالاسبوع ما بقول لام سلمي ولا لعمي راكان لاوصلت لندن كلمتهم وخبرتهم بقراري ، قلت لك اجهاض مستحيل اجهض اذا انت ما تبي هالياهل انا ابيه انزين يا الله بسكر ابى اخش الجوال ما ابى خالتي تعرف عنه شيء ،، سكرت الخط وانا ابتسم ادري مليون بالمئه انها سمعت الكلام كامل هي ما لها ذنب ومن حقها تحافظ على حياة بنتها وانا باخذ حقي بس بطريقتي هي ما بضرها بس الشخص الى يتواصل معها يومين ويترقد بالمشفى بجلطة باذن الله …

عادت ام سلمي لغرفتها ومحتاره تتصل او تسكت واذا سكتت والبنت سافرت فجاه راح تاكلها هي تنهدت بضيق وتعوذت من الشيطان ، رفعت التلفون
المجهول بزفر / هلا ام سلمي
ام سلمي بخوف / سمعتها تكلم واحد وتتفق معه بتسافر لندن
وبارتباك / تقول تبي تجهض يعني حامل
المجهول بصدمة / حامل ؟ ومن هذا او قالت اسمه
ام سلمي بتوتر / ما عرف بس قالت ان هالشريحة مطلعتها بس خاصة له
المجهول بقهر / سمعي اعرفي لي الرقم طلعيه لي من تحت الارض هذي مهمتك
ام سلمي / كيف اطلعها لك ماعرف
المجهول بغضب / تبين تجلطيني كيفك تصرفي
ام سلمي / طيب بشوف لي طريقة
وبتردد / بعد بقولك
المجهول يغمض عيونه بقهر / غردي
ام سلمي تبلع ريقها / مواعدته بالدوام بس تكفي لا تاذيها
تراها بزر ويبغي لها توجيه
المجهول / بس عرفي لي متى بتشوفه

…….


القمرا


غطيت بنومً عميق واستمتعت بالنومة لعبت على وتر الشخص المجهول الى تكلمه خالتي وهو اذا مفكرني غبية يبشر بي غبية حد النخاغ .. نمت وانا اتخيل طيف محمد ومزنه .. نمت وانا ادعي حسبي الله وكفي اللهم انتقم لي ممن ظلمني ..

…….

صباح يوم جديد


القمرا تبتسم / صباح الخير يا الخير كله اخبارج خالتي
ام سلمي تبتسم / طيبه يومه
القمرا وهي تتمغط / اووف وناسة عالمية الراحة بعد الشغل شيء اول مره احس بجي راحة
ام سلمي بتوتر ومستغربة من فرحتها / بنطلع اليوم البحر مع سميه وولدها
القمرا ترمش بسرعة / اووكي

…..

قصر الجد مطلق


الجد بهدوء / اشحالكم يا عيال من زمان ماخذينا وعطينا
النمر بارهاق / الحمدالله على ما تحب
وضحي / بسم الله عليك يومه اشفيه وجهك كذا تعبان
الذيب بضحك / لا ابدا ارتفع ضغطه امس ونزف خشمه لين قال بس
غيث وهو يسحب كوب القهوة / من ويش
الذيب يبتسم / بنت محمد
النمر بعصبية / خلصنا
وضحي بخوف / وش فيها صايبها شيء
الذيب وهو يصب الحليب / لا امس جاية للمركز بتهمة سرقة بس طلعت براءه وشكلها زودت العيار على بوالشباب
وضحي بتافف / الله يهديها
الجد / كان جبتها معك يوم حصلتها
الذيب وهو يسحب صحن الخبز / راحت عليه انخطبت
ليرفع النمر حاجبه / والله وهذا انا حلفت ماتعرف غيري رجال ولو ادفنها بيدي
وضحي بغضب / بسم الله عليها ليش تدعى عليها
النمر باستغراب / ليه عصبتي
النمر وهو يناظر المتواجدين وكان الجميع يتكتم على
خبر لا يريدون له ان يعلم عنه
النمر بهدوء مخيف / شالموضوع فيه شيء
غيث / الحمدالله عن اذنكم
الذيب / ابدا ما شيء ابتسم وغادر


…………..

وضحي غادرت لغرفتها التقطت الهاتف وكلمت السايق وطلبت منه خدمة ..

………

فهد


البشارة يا بوخالد
عزام بفرح / بشرني
فهد يبتسم/ عرفت وين تشتغل
عزام بابتسامة واسعة / من صدقك يا ولد
فهد يهز راسه / افا عليك والله لاقلت فعلت
عزام وهو يرفع يده / الله يعز قدرك انشهد انك عزوه
فهد يغمز له / يالله روح لها
عزام باستغراب / يعني مو رايح معي
فهد يهز راسه / لا بينا حرب بكون من بعيد لبعيد

…………..

غادر غيث القصر واتجه الى حيث منزل القمرا
ترجل ونزل دق الباب ليفتح له الباب رائد / نعم
غيث يبتسم / هلا حبيبي ناد القمرا
القمرا بابتسامة / مرحبا غيث اهلين
غيث بحب / والبقي فديتك لبسي نطلع نتقهوي ونرد
القمرا / اوكي

………..

عساهم يذكروا ودي عساهم
في الروحات والجيّـة


بوسعود / طلعت
المجهول بعصبية / وين طلعت ومع من
بوسعود / غيث
المجهول يضرب جبينه / يا الله وش قاعد يصير فيني
بوسعود / شكلها قلبت الطاولة عليك
المجهول بقهر / وشكلي بفقد اعصابي لا يكون يحبها والله لادفنهم سوا
اليوم جهز لي باقة ورد وطرشه لها واكتب الكلام الى بقوله

………….

غيث / مممكن اعطيك اهداء عاد انا حاط هالكاسيت لك
القمرا تبتسم / اوكي
غيث ادار المشغل / اقول الى يبي القمره
لتضحك القمرا بصوتٍ عالي / ذكرتني في ابوي اغنيته المفضلة
،
،

همست وضحي بكلمات خاصة باذن الجد الذي هز راسه بالموافقة

الجد بهدوء / النمر والا انت يا الذيب حد فيكم عنده علم وين يروح ويجي غيث
الذيب بهدوء / لا والله علمي علمك ليه يوبه
النمر بتأفف / اربه مو مهدف صيدة جديدة
الجد يهز راسه / امبلا بس مادري وش هي

بعد ساعتين عاد غيث بعد ان قضى وقت
ممتع مع القمرا ليدخل وهو يبتسم
ويتفاجئ من صوت النمر الغاضب / وين كنت
غيث يعقد حواجبه / اشم هواء ممنوع
الذيب وهو يرمش / من البنت الى معك
غيث ابتسم بخبث / حبيبتي الجديدة اعتقد من حقي احب
الجد تطايرت عيونه / ما تتوب انت ما تتادب من هي ؟
النمر يهز راسه / لازم لك تاديب عشان تعقل
وضحي / انا اعلمكم من هي
غيث بصدمة / تعرفينها
وضحي بصوت عالي / القمرا هي الى تطلع معه
ليفز النمر ويسحبه بياقته وبغضب / كلام عمتي صدق
نفض غيث يد النمر وبقهر / ايه صدق
ارتخت ملامح النمر وبصوت مكسور /
ضاقت عيونك على البنت الى ابغيها
غيث / والله عاد هالتوضيح مفروض وضحي توضحه
انقض النمر على غيث ليفصل بينهم الذيب
وبصوت عالي يفصلهم الجد /
مجنون انت انهبلت تمد يدك على عمك
الذيب بقهر / ما تحل عليه يا النمر
اتسعت عيني النمر / شلون ما فهمت
الجد وهو يتلفت بصدمة / يكذب الذيب يكذب
الذيب / لا ما اكذب والقمرا يا بنت سلطان يا بنت وضحي
ثم استدار لوضحي وقال على الاقل البنت الى دفنتيها
ما هي المها فاحتمال هي بنتك
وضحي وعينيها ترمش بشكل سريع ولم تستطع الرد او الكلام
النمر بصدمة / بنت عمتي لينفض راسه مستحيل والله مستحيل
الذيب بقهر / ليه مستحيل تعرف شيء مانعرفه
النمر وهو ياشر على نفسه / اخذ الكلام مني وكلامي اكيد القمرا
ما هي من بناتنا القمرا بنت محمد العالي
اهتز الجد ليفقد توازنه ويقع ..
تراجعت وضحي خطوتين للخلف ثم ذهبت الى غرفتها ،
التقطت نقابها وقفازتها وعباءتها واتصلت بالسائق وخرجت
بشكلً سريع ولم يلاحظ احد ذلك فالجميع مشغول بالجد ..
وضحي بهدوء / روح نفس البيت الى راح له غيث
وصلت للبيت ونزلت وضربت الجرس ، فتحت الباب وحده كبيره
ام سلمي / نعم
وضحي بصوت هادئ / السلام عليكم
ام سلمي / وعليكم السلام امريني
وضحي بهمس / ابغي اشوف القمرا
ام سلمي بهدوء / تفضلي الصاله اناديها
ام سلمي باستغراب من هذي ؟
وصلت لغرفة القمرا دقيت الباب لقيت القمرا تراجع القرآن
قلت بصوت حاني / يومه فيه مرءه تبيك برا
القمرا باستغراب / انا
ام سلمي / ايه شكلها حرمة كبيره قومي روحي لها وانا بجهز الضيافة
وقفت بسرعه والتقطت الربطه وضبطت شعري لابسة بجامه قطنيه طويلة وباكمام طويلة ولونها زهري طلعت وبخطواتً سريعه دخلت الصاله وانا اسلم واول ما شفتها نشف الدم بعروقي ورجعت خطوتين وراء
وبصوت عالي / خالتي وضحي
لتهمس وضحي / ما تبين تسلمين على
القمرا برعب / اخاف تطقيني
وضحي فردت يداها / تنكسر يدي جايه بس اسلم والله
تقدمت القمرا بخوف واحتضنتها وضحي بكل هدوء ثم ما لبثت لتنفجر بالبكاء انصدمت القمرا من بكاءها الغير مبرر ،، صمتت قليلا ها هو الشعور نفسه يعود لها مرة اخرى مثل شعور تلك المرءة التي كانت بالكوفي احساس غريب اجتاح قلبي ، ابعدتني وضحي قليلا لتمسح دموعها في ظل تبلد مشاعري الغريب
جلست وضحي وهي تاشر / تعالي جنبي
جلست القمرا بجانبها لم تستطيع النطق بكلمةً واحده
تنهدت وضحي ثم قالت / بقول لك سالفة وسمعيها لين تخلص
القمرا باستغراب / تفضلي
وضحي / تزوجت خالد وانا حيل صغيرة ستة عشر سنة ، كان يشتغل مع ابي بنفس الشغل وابي كان حاب اخلاقه وفوق هذا عائلة ذو حسب ونسب وناس عندهم خير ولما تقدم لي ابي وافق على طول ما انكر اني حبيته لان خالد ينحب حملت وجبت ولد ثم بلعت ريقها ولما صار عمره سنه اجهشت بالبكاء مات مات ودفنته بيدي وبعدها ربي عوضني بعزام وغسل ربي على قلبي وبعد كم سنة حملت ابتسمت وهي تتكلم وقبل لا ادخل شهري الاخير جاني خبر ان خالد توفي وهو جاي بالطريق من بلاد اهل امه ومعه ابيه الله يرحمهم خالد كان له اخ اسمه مقرن بس ماعمري شفته لان من ام ثانيه وعايش مع امه الى طلقها عمي من زمان وربي راد بعد اسبوعين من وفاه خالد ادخل بحالة حزن شديدة واضطروا يولدوني جبت بنتن توأم الشيم والمها طلعتهم بعد ما مضيت اسبوعين بالمشفى ولما صار عمرهم شهر واسبوع قررت خلاص ارجع لقصر ابي واعيش هناك خاصة ما فيه الا زوجة ابي ام الذيب وتغريد وغيث وسطام وزوجته وعياله النمر وفهد ، وبدون لا انتبه شلت الصينية الى فيها القهوة وانزلقت الدله بالى فيها على ظهر بنتي المها والحمدالله اني كنت باطحتها احترقت حرق يخوف بغي قلبي يوقف خذواها للمشفى ودخلت العناية ادري بتقولين مهمله بس والله ما كنت اعرف ان الدله مو مسكره عدل وبعد اسبوعين جاني خبر انها توفت انهرت خذوها دفنوها صحيح ما شفت وجها ابي وعمي صالح مارضوا اشوفها خافوا انصدم بس شفتهم وهم يدفنونها ثم اجهشت بالبكاء ،
بلعت القمرا ريقها وبتوتر / الله يرحمها
وضحي وهي تشاهق / اذا فعلا هي ماتت اساسا
ثم اردفت / بسالك وبذمتك لا تكذبين
القمر تهز راسها
وضحي / سالتك قبل ولا علمتيني وش كان اسمك قبل
القمرا بصوت راجف / المها
وضحي بصوت باكي / قلتها انتِ بنتي
وقفت وترجعت خطواتين وراء وبصوت خاف / ماعرف يمكن كلامك مو صحيح واذا انا مثل ما قلتي بنتج عيل من الى دفنوها ومحمد ومزنه من هم ؟
وضحي / تعالي معي القصر ولك عهد مني ما احد يدوس
لك على طرف وانت الداخلة وهم الطالعين
هزيت راسي بالرفض / قلتوها قبل وخليتوا الجلب النمر يتجاوز حدوده وحدود ربي معي موكفاية كسرني بنظر نفسي يدخل غرفتي ويتلمسني ويتقرب مني وانا ما احل عليه خلاص تركوني تعبت منكم تركوني بحالي تكفين تكفين وغلاة عيالج ما ابى شيء منكم انهارت القمرا لتخاف وضحي من منظرها وترتدي بسرعة نقاءبها وتخرج خارجا ..

لتصادف عزام عند باب المنزل …

……………….

عزام


عزام بتاكيد / هذا البيت على حسب الوصف
فهد يهز راسه / يا الله انزل انتظرك
نزلت واول ما وصلت للباب وقبل لا اضرب الجرس
انفتح الباب وطلعت وحده هيئتها مو غريبه أمي
وضحي بصوت باكي / عزام وش تسوي هنا
عزام بتلعثم / ها
وضحي وهي تضرب على صدرها / بنتي تدري انها بنتي
عزام تجاوزها لتمسك وضحي بيده / وين رايح
عزام / باخذها اختي مستحيل اخليها
وضحي هزت راسها / مارضت خلها بقي اسابيع قليلة
ونشوف الوصية
عزام بغضب / مو بكيفها
وضحي بنبرة بكاء / تكفي تكفي لا تكسرها خلها
عزام بعصبية / بكلم جدي
وضحي / ولا تكلم احد خلها عشاني يوومه

……….

القصر

عادت وضحي لتجد النمر والذيب في الصاله
الذيب باستغراب / وين رحتي ؟
وضحي بهدوء / اغير جو
ليدخل خلفها عزام / راحت لبنتها القمرا ورفضت ترجع
معنا بسبب النمر وفعايله معها
وقف النمر كالبركان الخامد / ما هي بنتها واقطعوا الحديث
الشيم ومهره قادمين من السيب
الشيم بخوف / يومه ليه تبكين
وضحي / تعبانه ولا احد يزعجني
عزام ناظر مهره / اتصل لك ماتردين ليه ؟
مهره بخوف وهي تناظر النمر / مارد على ارقام ماعرفها
عزام يبتسم / خايفه منه لا تخافين على الاقل انا حلال عليك اكلمك واقعد معك المشكلة الى كان يدش على اختي وهي ما تحل عليه وماخذ راحته
النمر فز بعصبية وهو ياشر باصابعه ناحيته /
لاحظ للحين ماسك اعصابي عنك لا تخليني اكفر فيك ونخسر بعض
عزام بنصف ابتسامة / الخساره الي وراءها مكسب اخت ابغيها
الذيب بتافف / يا عيال تعوذوا من الشيطان
عزام بامر / ردي عاد النفس طيبة عليك
تركهم وغارد المكان


الى الملتقى باذن الله

وبدون قفلة لعيونكم


ررمد متواجد حالياً   رد مع اقتباس
قديم 08-02-21, 12:19 AM   #77

هيدراانجياا
عضو ذهبي
 
الصورة الرمزية هيدراانجياا

? العضوٌ?ھہ » 478636
?  التسِجيلٌ » Sep 2020
? مشَارَ?اتْي » 2,297
? الًجنِس »
? دولتي » دولتي Saudi Arabia
?  نُقآطِيْ » هيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond reputeهيدراانجياا has a reputation beyond repute
¬» مشروبك   7up
?? ??? ~
;وكيف يا ربّ نخشىٰ ما نكابدهُ .. وفي حماك يضيء الفأل والأمل;
?? ??? ~
My Mms ~
افتراضي

السلام عليكم
صباح السعادة

ههههههههههه القمرا ناوية تجلط المجهول إلي هو النمر ^_^
الحمد لله تعدلت الاوضاع بين القمرا وامها

الشخصية الوحيدة إلي كارهتها في روايتك هي ريما
النمر بديت احبه ^_^ ههههههه😳


حبيبتي رمد كم باقي بااارت وتنتهي الروايه؟

وتكفين اذا عندك روايه غير هذي قولي لي لان بصراحة اسلوبك ماشاء ياخذ العقل


دمتي بحفظ الرحمن


هيدراانجياا متواجد حالياً   رد مع اقتباس
قديم 08-02-21, 12:31 AM   #78

ررمد
 
الصورة الرمزية ررمد

? العضوٌ?ھہ » 478403
?  التسِجيلٌ » Sep 2020
? مشَارَ?اتْي » 157
?  نُقآطِيْ » ررمد is on a distinguished road
افتراضي

اقتباس:
المشاركة الأصلية كتبت بواسطة هيدراانجياا مشاهدة المشاركة
السلام عليكم
صباح السعادة

ههههههههههه القمرا ناوية تجلط المجهول إلي هو النمر ^_^
الحمد لله تعدلت الاوضاع بين القمرا وامها

الشخصية الوحيدة إلي كارهتها في روايتك هي ريما
النمر بديت احبه ^_^ ههههههه😳


حبيبتي رمد كم باقي بااارت وتنتهي الروايه؟

وتكفين اذا عندك روايه غير هذي قولي لي لان بصراحة اسلوبك ماشاء ياخذ العقل


دمتي بحفظ الرحمن
اهلا وسهلا نورتي يا قلبي

الله يسعدك على كلامك الجميل الى بعث السعادة في نفسي


هههه القمرا بتجلطه وبتمرضه كل يوم بطلع موضوع جديد عن نفسها


النمر هو شخصيتة انسان متمسك بالعادات والتقاليد وما يعرف يوضح مشاعره

بطريقة الصحيحة له طريقته الخاصة حتى لو كانت خاطئه ...

باقي ان شاء الله تقريبا اربع بارتات ونقول خلصنا

والله عندي رواية جاهزه

( تائهون الى ان يشاء الله )

بس ما اتوقع انزلها الا بعد رمضان

للحين ما قررت والله

اسعدني مرورك لا خلا ولا عدم من طلتك

تحياتي


ررمد متواجد حالياً   رد مع اقتباس
قديم 08-02-21, 12:40 AM   #79

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 40,938
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

السلام عليكم ورحمة الله وبركاته

الله يعطيك العافيه رمد وشكرا على تنزيل البارت انشغلت وما انتبهت إنه نزل

تسلم يمينك



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 08-02-21, 12:43 AM   #80

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 40,938
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




ولكل بداية نهاية

ونقووووول

،
،

حن الغريب ورجع لاهله
عوّد مع الغيم لاحبابه
هب الهوى وقام ينده له
حي الشتا وحي ماجابه




انحنت القمرا لتُساعد أم سلمي على الوقوف
وبصوتً هادئ / ربي يخليج لي
ولمتها وبصوتً باكي / تعبت والله ابى أرد ديرتي
خلاص ما عاد فيني اتحمل اكثر …

،


وبصوتً مخيف / أنا اذا قلت فعلت لا تخليني
اتفرغ لك واشتري سلامة نفسك
وقف بهيبته واتجه الى شباك المكتب
وبصوتً هادئ / خلص وقتك توكل على الله


،

النمر رفع حواجبه باستنكار / من سمح لها تدخل
القمرا وهي تأشر بأصبعها ناحيته / مثل ما سمحت لنفسك
تحشرها بكل شيء يخصني
النمر يأشر براسه / برا طلعي برا أشوف رجلك تعودت
على دخول المراكز يا بنت محمد بررااا

،

مهره بخوف / عمي تري النمر خشمه ينزف ولا بغى يوقف ورافض يروح للمشفى
الذيب بعدم اهتمام / كيفه يحرق اعصابه ويعصب ويرتفع ضغطه خل يشتري راحة باله

،


صالح بهدوء / ما يامر عليك عدو سؤال واحتاج الاجابة بالتفصيل اختي مزنه يوم جاتك ورضعتي القمرا كم كان عمرها البنت
وهل شفتيها ترضعها بعيونك
،


المجهول بعصبية / ام سلمي اشفيك خرفتي تعطيني كلام واروح ابحث وراءه يطلع خرطي
ام سلمي بتوتر / مادري والله انقل لك الى اسمعه

،

القمرا بنبرة بكاء كاذبه / ايه نادوا امي والا عشان على قد حالنا بتستقون علينا
بوخالد بهدوء / خلاص سلمي شوفي شغلك وانا بحل الموضوع
قلبت عيونها لنايف واشارت بيدها عشان تقهره ورجعت للاستقبال
هز نايف راسه باسف على حركاتها وهمس / صدق خبل مو صاحيه

،

،

قبلت راس ام راكان وبصوتً هادئ / خارجة من الشر
ناظرت سعود يتوسط الشباب تنهدت بحزن وصديت بعيني واتجهت للجهة الاخرى وجلست بجانب عمي بوفارس ابتسم لي ثم قال يا الله نقول بسم الله ….


الوصية الأولي

نفتح الاولي ونقول بسم الله

اللهم اغفرلنا وارحمنا وتجاوز عنا


انا محمد العالي اقر واعترف وانا بكامل قواي العقليه بما يرد بهذه الوصية

،

،

الى الملتقى باذن الله

مساء الثلاثاء

تحياتي



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:23 PM



Powered by vBulletin® Version 3.8.9
Copyright ©2000 - 2021, vBulletin Solutions, Inc.