09-11-17, 12:54 AM
| #1 | ||||
|  رواية بلهجة ليبيا ’’ مشاعر مطرطشة #مشاعر_مطرطشة الحلقة الاولى وكاملة مازن يسكن في منطقة الوحيشي في بنغازي مازن من طفوولته حشيش وسكير وبيّاع كبير بككل ومعرووف في بنغازي امتاع ممنووعات حتى الحكومة خايفة منّا ولقبه العقرب مافش راجل يقدر يدويلة ولّا يوقفة عند حدّة مازن عنده اختين اسماهن فاطمة ونرمين يقرن في كلية الاداب طبعا مازن باته متوفي عايش هو وامه وخواته الاثنين """" فاطمة : نوض نوض هيا يامازن مازن : كنك يا افطوومة مزال بدري فاطمة : بدري في عينك وقت عالجامعة مازن : خلّي امي اتوتي الفطوور حنووض فاطمة : تي هيا نووض واتي الفطووور نرمين : هيا نوووض شيلنا مازن : جت الهبلة الاخرة نرمين : هبلة طالعتلك هههههههه " كان مازن نفس باتهن وخووهن كان هوو مصدر الامن والامان كان بالنسبة لهم شي كبير في حياتهن صح كان امتاع حشيش وسكير لكن الوضع خلا هكي عشان يوفر قوت اهله ويعيّش اهله احلى حياة اضطر يتجه للطريق هذا شالهن للجامعة وهو امروح شاف بنت عند مكان اسمه القبة الفلكية اتعيط بصووت عالي حوّوول حوّووول فكوووني منّا طبعا مازن بعد ثورة فبراير ديما يطلع بالسلاح امتاعه وطبيعة عمله يخلي لازم مع اسلاح ديما هو ماشي شوور المكان يبي يستكشف قبل مرات مشكلة عائلية مايبش يخش هكي وخلاص وكانت البنت اللي اتعيط لابسه خمار وعبايا سودة فضفاضة تي حوّل حوّل حوّل ياااااارب يااااااااارب مازن خلاص قال اللي ايصير ايصير قعد يجري شوور الراجل اللي يحاول يمسك فيها خش فيه دغري بدووون اي نقاشات مازن : اووي انت شن تحساب رووحك معقوولة اتمد يدك علي بنت مابيتش ندخل قلت مرات خوها اوقريبها الشاب : انت شن دخلك خليك في حالك مازن بدوون اي مقدمات قعد يضرب فيه ويقوول للبنت عدّي امشي فيش اتراجي عليش مزلتي امصبية اجري عدّي البنت امصبية واتفرج جوو الامن امتاع الجامعة مسكووهم وشالووهم هما الثلاثة لمركز الشرطة امتاع الجامعة يحققو امعاهم مازن يسمع صوت ابكاء وراء الخمار امتاع البنت لدرجة الخمار قعد كله مبلووول اللي علي وجه من كثرة الدموووع وصلوو لمركز حطوو مازن والشاب الاخر في الحجز وبدت تحكي البنت اللي تحت الخمار الافندي : حولي الخمار وقولي اسمك وسكن واحكي شن صار البنت امتاع الخمار : انا اسمي حنين من سكان الليثي والشاب اللي كان يضايق فيا هذا كان خطيبي وعشان امتاع سكير وحشيش فسخنا الخطبة وتفارقنا وقعد كل مرة ايجي يضايق فيا لكن المرة هذي كثّر عليا بككل وحاول يركبني امعا بالسيارة بالغصب علي جيّت الشاب الاخر مانعرفش الحق حاول يساعدني منّا عما قعدوو يتضاربووو بالبووني انتم جيتووو في الوقت المناسب هذا اللي صار الافندي : سجل الاقوال امتاعها عطينا رقم باتك انكلموو عشان ياخذك وويقعد عنده علم حنين : حاضر """" بعدها الافندي كلّم مازن الافندي : اسمك واحكي كل شي عليك مازن : مازن من سكان الوحيشي الافندي : قصدك انت مازن المعروف باسم العقرب مازن : ان شاء الله الافندي : حكتلي حنين عليك وقالت انك جيت ساعدتها بس مازن : حنين من تطلع هذي الافندي : البنت امتاع الخمار اللي نقذتها مازن : اسماها حنين هيا الافندي : المهم تقدر تمشي انت توا ,, وهي نرجو باتها ياخذها واتروح والاخر حنعرفوو شن انديروو فيه مازن : تم يا افندينا ربي يحفضكم """ مازن وهوو طالع من غرفة التحقيق جاته حنين حنين : بارك الله فيك يا اخانا جزاك الله خيرا على هذا العمل البطولي مازن : كيف صار شكلك ابلة عربي انتي كنك تحكي هكي حنين : وهي مضايقة ومتنكدة ابتسمت من وراء الخمار بدون مايعرف ومشت حنين مازن يحكي مع روحه شكلها طايحة من كتاب تاريخ عنجد اخانا """" فاطمة طلعت من المحاضرة رنت علي نرمين فاطمة : وين قاعدة طلعت انا توا نرمين : تعالي قاعدة عند كلية الهندسة فاطمة : فيش اديري غادي راك اتقوليلي قاعدة مع الصادق نرمين : كنك انهدرز اشوية بس لو مش حتجي حنجيك انا فاطمة : حي عليك راه يشووفك مازن طريحتك سودة نودة نرمين : لا متخافش مزال بدري مش حيجي فاطمة : هيا اني جايتك غادي """"" الصادق هذا حبيب نرمين ودايره مع علاقة حب في الجامعة وديما تنصح فيها فاطمة واتحذر فيها من غضب مازن لكن هيا فايتة ومش امعدله بككككل علي فاطمة """""" جا بات حنين لمركز الشرطة ورّوّح بيها للحوش وحكت الهلها علي كل شي صار في الجامعة "طبعا عائلة حنين عائلة ملتزمة جدا ,, ومحافضة حياتهم كلها قال الله وقال الرسول صلى الله عليه وسلم كانت حنين صوامة وقوامة عابدة قانته """"" فاطمة وصلت في نرمين عند كلية الهندسة رن نقال فاطمة مازن : كيف خشيت للجامعة وين نلقاكم فاطمة : تلقانا في باركي الهندسة مازن : تم جايكم غادي نرمين : سمعتي علي اللي يحكوو عليه امبدري قالو واحد نزل دافع علي بنت لابسه خمار من واحد معرووف في الجامعة كلها اتخاف منها فاطمة : اها سمعت عليها ,, بس انظر شن قصتها البنت هذي لابسه خمار معناها وراها وجيج وقصص نرمين : اتقي الله شن اي بنت لابسه خمار معناها مش اكويسة فاطمة : ريتو من اللي تحكي هههه اخر وحدة تحكي عالالتزام يا امتاع الصادق نرمين : مبردك فاطمة : علي قولت مازن طالعتلك خخخخخ نرمين : اهوو جا مازن مازن : مرحب مرحب بالنفاخات والسكنات فاطمة : مرحب بخوونا الغالي نرمين : مرحب بخونا الحنون مازن : غالي وحنون اطلعن علي راس حاجتكن شن تبّن فاطمة : نجيلي خوونا يفهم عالطاير نرمين : نبوووو شوكلاطة بابلي ماتقوولش لالاالالا باهي باهي باهي باهي فاطمة : باهي باهي باهي مازن : تي باهي وانتن سكنتن فاطمة : يس يس يس يس نرمين : تكبير ياشيخ مازن : خرياطات كلّا انتن فاطمة ونرمين بصوت واحد : طالعيلك علي قوولتك مازن : هههههههه فاطمة : اليوم يحكو علي شاب دافع ع بنت لابسة خمار عند القبة الفلكية ودار عمل شجاع كلها تحكي عليه مازن : اكويس مزال في شباب اكويسيين """" وصلووو للحووش لقووو امهم اموتيّة الغداء """"" حنين قصاد القايلة قعدت اتهدرز مع اختها لامار المتزوجة حنين : عارفه يالامار راجل بمعنى الكلمة ماخافش منّا عليك شخصية عليه لامار : كيف صار كنها الشيخة انعجبت ولا شن حنين : انعجبت شن استغفر الله انهدرز عادي عالموقف اللي صار لامار : صدقتك ههههه اختي وحافضتك ,, """""" كالعادة في العشية مازن ايبيع في الحشيش امتاعه في الشارع وبعد العشاء ييبدا يسكر ويحشش وهكذا روتينا كل يووم """"" ثاني يوووم ناض عشان ايشيل نرمين وفاطمة للجامعة و حطهن عند الكلية لكن المرة هذي مابش يطلع دغري مشى شور القبة الفلكية عليش ماشي مش عارف ماشي وخلاص اتقوول رايحة منّا حاجة قعد امكسد وامقعمز عالكرسي وطبعا في بنات واجد في الجامعة لابسات خمار وحجاب فضفاض امولع السبسي وامقعمز وحاط اكراع عالكراع قال في باله تخيل منظرك وانت اتكحل والتنابش في البنات راك كبير وشارف ياهبل يحكي ويضحك مع رووحه وهوو يهدرز مع روحه خطمت من تلا بنت لابسه خمار قالت السلام عليكم وامصبية بعيدة منّا مازن : كيف صار حتى اللي لابسات الخمار ينابش قعدن قعدت تضحك البنت وقالت حنين : انا البنت اللي امس ساعدني حبيت نشكرك بس مازن : لالا مش انتي بطلي كذب حنين : عليش نبي نكذب عليك مازن : مش انتي وخلاص حنين: والله انا حلفت راه مازن : نعطيك دليل انّك مش انتي حنين : شن مازن : اللي امس كانت تحكي بلغة عربية فصحة وانتي تحكي تحكي بلهجة عامية حنين : قعدت تضحك بدون صوت وسكتت مازن : شفتي كيف زرقت عليك هيا شوفي حالك اكذبي ع واحد غيري ومشت حنين وتضحك عليه وعلي حركاته وحظرت محاضراته وطلع مازن قال شكلنا مش حنشووفها اخرة الطير موضوع ,, لازم نحكي مع كل بنت وانشوفها هي ولا لا صح الافندي قالي اسماها حنين توا نمشي انشووف حالي وانروح خير """" حنين في المحاضرة كلها اتفكر فيه واتفكر فيه خفة دمّه لكن اضايقت بعد شفاته يدخن لانّها ما اتحبش الرجل المدخن " اماله لو تندري انّ يبيع في حشيش ويسكر شن حدير جت علي دخان ساهلة " """"" نرمين في المحاضرة سكن يرن عليها الصادق وما اتردش قاعدة في المحاضرة دزتله مسج راني في المحاضرة قاعدة رد عليها بمسج " اطلعي نبيك ضروري " وكانت محاضرة مهمة فيها مراجعة للامتحان امتاع الجزئي المهم طلعت لقاته امصبي قدام القاعة نرمين : شن شغلتني كنك معش وقفت رن صادق : رايفت عليك بس نرمين : بالله عليك امطلعني عشان هكي ,, اتخرب عليا المراجعة عشان اتقولي هكي صادق : كنك امركبة علي روحك رايفت عليك بس نرمين : خليني انخش لمحاضرتي عندي مراجعة ضرورية وخشت للمحاضرة وفاتت الصادق برة """"" تقابلن فاطمة ونرمين في كفتريبا وحكتلها علي لقطة الصادق فاطمة : من يوم ماتعلقتي بيه وانتي تصفياتك كيف وجك نرمين : الله غالب حبيته فاطمة : اوكان حبيتيه متخلش ياثر علي مستقبلك الدراسي نرمين : ان شاء الله حندويله """ جاء مازن يروح بيهن ويرجن فيه عن الباركي ,, بالصدفة حنين شافت مازن بالسيارة ماشي للباركي قعدت اتراقب فيه من بعيد لين شافت شال مع بنتين وطلع قالت شكلهن خواته هذينا فكرت انّها اتحاول كيف اتخش فيهن واتعرف عليهن مع انّها ملتزمة بكككل لكن مش عارفة ليش قعدت ادير هكي بدوون قصد """"" جا بات حنين وروح بيها ,, حنين هدرزت مع اختها وحكتلها عاللقطة اللي صارت بينها وبين مازن وتشكر في خفة دمه """""" فاطمة : امتى نفرحوو بيك يامازن مازن : بعد نفرح بيكن انتن قبل نرمين : خوونا الحنووون ديما يفكر فينا نحنا بس وهما يهدرزو في السيارة رن الصادق علي نرمين نرمين تفلوجت وحاست وتوترت قدام خوها مازن مازن : من اللي رن توا وسكرتي عليه نرمين : صاحبتي نور مازن : كنك سكرتي عليها مرات تبيك ظروري نرمين : لا ديما انشفطوو نحنا وانسكرو علي بعضنا رن اخرة صادق ,, درتله مشغوول شاف الرقم طلع مكتووب عليه نووور صح قال عليك بصارة سامطة بينك وبين صاحبتك تريّحت نرمين ان مازن مازرقش عليها وفاطمة اتبحت في نرمين ومش عاجبها الكذب وصلوو للحوووش لقووو امهم تعبانة واجد ومريضة وراقدة عالسرير ماااازن : امي امي امي كنك فيش اتحس فاطمة : ماما كنك نرمين : تبكي ماما لاباس عليك فيش اتحسي امهم : يامازن دير بالك ع خواتك امانة عندك مازن : فيش تحكي انتي شن هالدووة هذي فاطمة : دبالك ماما اتسيبينا ماما لالالالالا نرمين : مازن ماتخلش ماما اتسيبنا ارجوووك دغري مازن سعفها للعيادة وخشووها للعناية المركزة وقعدن يتباكن فاطمة ونرمين قدام غرفة العنايا مازن : بطلن ابكا وادعن ربي يشفيها بعد اشوية هكي طلع الدكتوور قال متخافووش الضغط كان راقي عليها لكن الحمد الله لحقتوو عليها بدري بدري توا حاليا قاعدة راقدة خلووها اتريح تقدروو اتخشوو واتشوفوها عادي خش مازن وخواته مازن ماسك يد امه ويبوس فيها ويقوول انتي سندي في هالدنيا انتي اللي عطتيني القوة انتي حياتي وكل شي في دنيتي ويبكي """"""" حنين في العشية عندها خلوة " تمشي للمسجد اتحفظ في الاخوات كتاب الله " هكي روتينها اليوم ,, الصبح جامعة العشية في المسجد """" ناضت ام مازن فرحوو مازن وخواته وروحوو بيها للحووش مازن : ماشاء الله عليش تدلعي وادووخي توا اتحركي عادي فاطمة : اتقيس في غلاها عندنا نرمين : تبكي من الفرحة ومضبطه امها "" مازن من الفرحة جاب باسطي ومشرووب وداروو حفلة عشان امهم صحت وتعالجت نفس اليووم """"" بعد المغرب وقته يبيع حشيش مازن في الشارع وكان تاجر شاطر في الحشيش والمخدرات وهكذا روتينا اليومي لاصلاة لاعبادة لاشي ممكن بار بامه ومهتم بخواته فقط لاغير """ فاطمة : نرمين فووتي الصادق خيرلك كنك انتي لو يحبك صح ايجي لخونا اقل شي يعطي فيك كلمة بس ,, نرمين : قالي انوتي روحي وحنجيك رسمي لخووك فاطمة : ان شاء مايطلعش يكذب ويجيك صح نرمين : قولي خير ولا اسكتي بالله عليك فاطمة : انا فاضية ننصح فيك هيا تمرقدي بكرة ورانا جامعة """" ثانوو يووم شالهم مازن للكلية ومازن مابش يروح مشى نفس المكان وقعد امقعمز غادي وفعلا كانت ترجى فيه حنين ومرة هذي حكت امعاه باللغة العربية فصحة مازن شاف وحدة لابسه خمار وعبايا فضفاضة جايا شووره مازن : ياعليك قصة شكلها هذي اللي امس حنين : السلام عليكم اخانا مازن : اخيرا جتنا ابلة العربي وعليكم السلام اختنا في الله حنين : مبتسمة تحت الخمار مازن : كيف حالك اليوم هل انتي اكويسة قصدي بخير حنين : نعم بخير الحمد الله مازن : ماذا تفعلين هنا هل كنتي تسنتيني فيا قصدي تنظري في شخص معين حنين مبتسمة تحت الخمار : نعم انتضرك لاشكرك مازن : لكن هل نسيتي لقد شكرتيني هذكي اليوم ,, هذكي اليوم ماعندي كيف نقدر انقولها باللغة العربية الفصحة حنين : ماهو اسمك مازن : ههههههه حنين : لماذا تضحك مازن : عنجد لماذا تضحك ههههههههه ,, المهم اسمي مازن حنين : نستاذنك وقت عالمحاضرة امتاعي مازن : تعالي هنا طلعتي تحكي نفسنا تعالي هنا وين ماشيا ومشت حنين شوور المحاضرة امتاعتها ومازن طلع من الجامعة وماشي يشووف امه كيف حال صحّتها ,, يتبع ,,,,, مازن الغارق في الذنووب والمعاصي وحنين العابدة القناتة الصوامة القوامة زعمك شن حيصيير بيناتهم ,,, , | ||||
|  |
|
09-11-17, 12:57 AM
| #2 | ||||
| #مشاعر_مطرطشة الحلقة الثانية مازن : تعالي هنا طلعتي تحكي نفسنا تعالي هنا وين ماشيا ومشت حنين شوور المحاضرة امتاعتها ومازن طلع من الجامعة وماشي يشووف امه كيف حال صحّتها """ كانت نرمين في المحاضرة رن عليها صادق اخرة طلعت من المحاضرة اتشووفه عالصبح نرمين : يا صادق مش املاحظ انك كثرت عليا بكل مش هكي الحب راه الصادق : انحبك انا موووت نرمين : باهي مانبش علاقتنا اتاثر علي دراستي مش هكي راني بديت نتزمط منك بككل الصادق : كنا حبيبي زعلان ومضايق عالصبح وقالب وجه "وحط يده علي خدها نرمين : حول يدك كنك انت شن تحساب روحك رانا في الجامعة الصادق : شن رايك نطلعوو انديرو برمة بالسيارة نرمين : عندي محاضرة بيش تفهم انت الصادق : هيا حبيبي كنك انتي حصلة ارخي رووحك اعيووني "وفعلا ركبت مع في السيارة وطلعوو من الجامعة نرمين : وين ماشي بيا ياهبل الصادق : ندهوروو طشة وانردوو للجامعة نرمين : المهم قبل 10 انردوو للجامعة نبش اختي فاطمة تفطن الصادق : تم اعيوووني """"" مازن وصل للحووش عشان يطمن علي صحة امه ويشووفها مازن : مرحب بنع الحنان مرحب بمصدر الامن والامان ام مازن : مرحبتين بنوور اعيووني وكبدي ودنيتي كلها مازن : شن جو صحتك اليووم يانبع الحنان ام مازن : الحمد الله في نعمة , احسن من امس بواجد مازن : المهم نبيك تمشي عالدواء نفس ماقالك الدكتوور ام مازن : باذن الله مازن : نجك ليا يا احلى ماما في هالدنيا ام مازن : مش ناوي اتفكر تزوج يا مازن ,, شقتي كلها ليك وعيش امعانا هنا مازن : غير نفرحوو بفاطمة ونرمين وساهل بعدها ام مازن : لكن حتى انا خاطري انشوفك متزوج وانشووف احفادي مازن : حيجي اليووم هذا وحتشووفيني يا امي وتفرحي بيا ام مازن : نسالك سؤال اخر لكن ماتضايقش مني مازن : في حد يضايق من امه ام مازن : امتى تقعد اتصلي ,, قلبي يوجعني لما انشووفك ما اتصلش لازم اتصلي يا اعيووني اهم شي في هالدنيا الصلاة مازن : حنقعد انصلي حاضر ام مازن : ديما ندعيلك بالهدايا في صلواتي وندعيلك بالزوجة الصالحة اللي تصلحك مازن : ربي مايحرمنش من حنانك ودعائك يا احلى ام في هالدنيا ام مازن : عارفة شن ندعيلك في كل صلاة مازن : شن تدعي ام مازن : اللهم ان كان مازن رجل صالح فارزقه بزوجه صالحة وان لم يكن رجل صالح ارزقه بزوجه صالحة تصلحه مازن : تي نعليا منك وخلاص ام مازن : عيب في حد يقوول الامه يانعلي منك وخلاص مازن : انا انقوولها عادي ام مازن : ربي يخليك لنا ومايحرمنش منك يامازن """" حنين كانت في المحاضرة واتخربش في المذكرة وتكتب في اسم مازن عالمذكرة امتاعتها وكل ماتذكر خفت دمه تقعد مبتسمة قالت بينها وبين نفسها حنحاول انخش في البنات اللي روّح بيهن هذكي اليووم ونكسبهن ليش تبي ادير هكي مش عارفه هيا """"" نرمين : خلاص هيا الساعة 9:30 رد بيا للجامعة الصادق : اشوية بس خلينا منسجمين نرمين : نبش فاطمة تزرق عليا سالتك بالله رد بيا للجامعة الصادق : هاتي بووسه قبل نرمين : كنك وقح انت انقوولك نبش اختي تزرق عليا اتقولي هاتي بووسة الصادق : حبيبك انا كنك امعصبة نرمين : ياربي شن درت انا بس في دنيتي الصادق : هيا هاتي ,, نرمين : مانبش وفكنا من الجو هذا الصادق : تي انتي طلعتي امعايا جت علي بووسه قلتي لا نرمين : راك تفهمني غلط راني بنت ناس وبنت محترمة ,, راه عقلك يعدي البعيد مش شووري انا افطن الروحك الصادق : بنت ناس وخووك معرووف اكبر بياع حشيش وصايع نرمين : توا شن دخل خوويا اتجيب فيه في الموضوع ,, خويا ارجل منك اقل شي خويا ماعمره كذب علي بنات الناس كيف ما انت كذبت عليا الصادق : باهي سكري فمك خلاص نرمين : باهي رد بيا للجامعة هيا الصادق : هاتي بووسة انردك نرمين : قتلك رد بيا للجامعة خيرلك انا الصادق : شن حديري مثلا نرمين : شن حندير صار الصادق : اها نرمين : حتشوووف شن حندير راجت لعند ما وصلوو لاشارات المرور ونزلت من السيارة الصادق : تي تعالي وين ماشية انتي تعالي نحكي انا نرمين ماعدتلتش عليه ووقفت تكسي وقالت له نبي جامعة بنغازي وهي راكبة في التاكسي اختها فاطمة اترن عليها وما اتردش عليها وكانت خايفة بككل ,, ومش عارفة شن حدير لعند ماوصلت للجامعة تريحت رنت علي فاطمة فاطمة : تي وينك انشغلت عليك انرن عليك من امبدري نرمين : النقال كان صامت وقاعد في الشنطة فاطمة: شغلتيني عليك نحساب صارتلك حاجة بس نرمين : لا متخافش كنت امكسدة في كفتريا كلية الاقتصاد فاطمة : باهي جعانة تعالي نفطروو ,,, اليوم عندنا لعند الساعة 1 """"" طلعت حنين من المحاضرة مشت شوور كفتريا عشان تفطر بالصدفة شافت البنتين اللي ركبن مع مازن امقعمزات ويفطرن قالت هذا وقتي انخش فيهن طلبت سندوتش ومشرووب ومشت شوورهن وكانت وقتها الكفترياء ادعاك وامعبية بكككل وزحمة حنين : السلام عليكم ورحمة الله وبركاته فاطمة و نرمين : وعليكم السلام حنين : ممكن انقعمز جنبكم غير مالقيتش مكان نفطر فيه فاطمة : عادي حبيبتي خووذي راحتك حنين : بارك الله فيكن هذا من ذوقكن وقعدن ياكلن وكانن فاطمة ونرمين يهدرزن عادي نرمين : معلش نسالك اختي سؤال فضول بس حنين : تفضلي نرمين : كيف تاكلي والخمار قاعد علي وجك كيف تاخذي راحتك حنين : في البداية صعب بعدها تعودت عادي لكن نادر ماناكل في الكلية والاماكن العامة فاطمة : ماشاء الله ربي يثبتك حنين : شن تقرن انتن اي كلية نرمين : انا نرمين وهذي اختي فاطمة وهي اكبر مني بسنة ونقرو مع بعضنا في كلية الاداب حنين : موفقات يارب وانا حنين نقرا في دراسات اسلامية فاطمة : موفقة ياااارب حنين : اجمعين وقعدن يهدرزن ويضحكن ويغيرن في جوهن """"" مازن قاعد في الشارع يشووف في جماعته شن صاير امعاهم لانّ اموصي علي بضاعة جايا من طبرق حشيش فاخر درجة اوولى مازن : ياقوبعة شن صار امعاكم وصلت البضاعة ولا مزال قوبعة : طوّلت يالعقرب ان شاء الله خير مازن : المشكلة قتلهم فووتوو المدن وخليكم عالصحراء خير قوبعة : ربك يستر حندير تليفوناتي وانشووف شن صاير اماعهم مازن : لازم تسكلهم شووف وين وصلوو نبو نعرفوو شن صاير امعاهم قوبعة : تم حنحاول مازن : اتحاول في عينك البضاعة امكلفة نص مليوون دوونها المووت هذي قوبعة : تم يالعقرب """"" حنين : شكلنا حنقعدوو صحبات نرمين : شن اسمك عالفيس حنين : المستحية من الله نرمين : قصدك حتى عالفيس لابسه خمار حنين : هابا عليك ياهزّايا نرمين : لالا انبصر , حندزلك طلب الصداقة واسمي رافعة حاجبها ومحد عاجبها حنين : هههههههه اسمك سمح عالفيس فاطمة : تضحكي ياحنين معناها لو تسمعي اسمي شن حتقوولي حنين : شن اسمك فاطمة : برقاوية اعيوني عسلية حنين : ههههه لا اكويس اسمك فيه جو نرمين : خذتنا الهدرزة وقت عالمحاضرة حنين : لا انا ماعندش خلاص نرجى في بابا فاطمة : خلاص لنا لقاء حنين وسررنا بمعرفتك واجد حنين : انا اكثر """ حنين مشت ترجى في باتها ,, ونرمين مشت لمحاضرتها وفاطمة لمحاضرتها ,, ونرمين وهيا ماشيا قعد يرن عليها الصادق قعدت اديرله في مشغول وخلاص وخشت للمحاضرة امتاعتها """"" قوبعة : يالعقرب كلمت الجماعة قالوو ماسكووهم في العقوورية مسكهم استيقاف وحاليا اموقفينهم مازن : السيارة اللي فيها البضاعة وين قاعدة المهم قوبعة : قاعدة في العقورية غادي مازن : متاكد ولا لا قوبعة : متاكد يالعقرب مازن : زيد تاكد اخرة وكلم الجماعة قوللهم وتوو ارواحكم والبسوو لبسة الجيش اللي جبتها لكم علي اساس جيش وشباب مطوعين في الجيش علي ماروحت بالبنات من الجامعة المهم تاكدلي وين مكانها ضروري قوبعة : تم يالعقرب مازن خش للحووش لبس لبسة جيش كاملة وداير روحه من الجيش وركب سيارته ومشا شور الجامعة ودز رسالة لفاطمة ونرمين اطلعن ظروري وتعالن عند باركي الهندسة عندي موضوع ومرات امطول لازم انروح بيكن توا """"" نرمين شافت رسالة من مازن طلعت دغري ورنت علي فاطمة نرمين : كنا مازن شن يبي فاطمة : مش عارفة طلعت قاعدة عند باركي الهندسة نرجى فيه نرمين :جايتك حتى انا يارب استر ان شاء الله مافش حاجة صايرة لماما """" وكانت حنين ترجى في باتها عند الباركي شافت من بعيد فاطمة وبعدها جتها نرمين بعد اشوية هكي جا مازن وكان وجه نفس اللي امعصب اشوية وكان لابس لبسة جيش قالت قصدك هو في الجيش ولا كيف """" فاطمة : شن فيه شغلتنا يامازن مازن : مافش شي غير عندي ماشية لمشرق قلت انجيكم خير,, انروح بيكم نرمين : كنك لابس هكي ,, ماتلبس هكي الا في موضوع في راسك مازن : كنكن من امتى وانتن تسالن فيا هكي فاطمة ونرمين : معلش انشغلنا عليك بس """ يجري بسرعة شوور الحووش وحاطهن وعدّا شوور الجماعة لقاهم لابسين نفس ماقال وجايبيين ثلاث سيارات عسكرية مازن : شن عرفت وين مكان السيارة اللي فيها البضاعة قوبعة : تم يالعقرب عرفت نفس ماقتلك في العقورية يرجوو في الشرطة اتجي تاخذها بس مازن : تم هيا ياشباب اليوم يووومكم مش حنروحوو الا بالسيارة "" مشووو بثلاث سيارات وكل اربعة راكبين في سيارة ويجرووو ومش محترمين حد لا مروور لا اشارات مروور عشان يووصلوو بسرعة في العقووورية ولعوو السرينة امتاع السيارة العسكرية وكانهم ماشيين امداهمين مكان في معين مازن : قوبعة مانبش يصيرن اشتباكات الا للظروورة افطنوو انا حنحكي حنحاولوو ناخذوو السيارة بالود قوبعة : تم يالعقرب """" حنين حست بضيقة في قلبها مش عارف كنها اتحس في روحها مضايقة كنها لما شفت مازن حست صدرها قعد مخنووق ,, """" فاطمة : خايفة ع مازن نرمين : اشر منك ,, ربي امعاه يارب فاطمة : يااااارب """" كانت اتصلي في الظهر ام مازن ولما كملت صلاتها قعدت تدعي بالهداية لمازن ام مازن : يارب اهدي مازن يارب احمي يارب اجبر بخاطره يارب احمي يارب احمي ,, وكان قلب الام حس بشعوور مش تمام شوور مازن """""" بعد ساعة هكي قوبعة : قريب نووصلوو يالعقرب مازن : تم وتوو ارواحكم لو صار اي شي اضربوو دغري اهم شي عندي البضاعة قوبعة : تم يالعقرب وصلوو للمكان مشا مازن شوور الاستيقاف اهلا امعاكم النقيب فؤاد من الامن داخلي بنغازي جتنا بلاغية انكم ماسكين سيارة فيها حشيش الشرطي : لكن نحنا ماكلمنش حد من بنغازي ’’ ممكن انشوفو تعريفك "دغري مازن طلع اسلاحه وظرب طلقتين في كراع الشرطيين اللي حاطينهم عند السيارة قوبعة فهم الاشارة ,, نزل هوو وجماعته شوور السيارة قوبعة مشى شور السيارة امتاع البضاعة : يالعقرب مفتاح مش قاعد مازن : دبر راسك ولّعها اخيووط ابسرعة هيا فيش اتراجى قوبعه ولّعها بخيووط مازن : قوبعة اسم ع مسمى مانك عادي يا احسن زميل عندي قوبعة : تلميذك يالعقرب مازن : هيا ابسرعة نمشووو ولعوو سيارتكم ولعوو سيارتهم ومشوو شور بنغازي منقطة العقورية مش بعيدة واجد عن بنغازي :::: فاطمة : انقاني نبي انرن علي مازن نطمن عليه نرمين : حتى هذا راي """ مازن : كنها اترن هذي ,, نعم كنك فاطمة : ماما تسال عليك بس مازن : امروح في الطريق ,, " وهو يحكي سيارات شرطة قعدن يطاردن فيهم سكّر في وجه فاطمة وقفل نقاله مازن رن علي قوبعة لانّ راكب في السيارة اللي فيها البضاعة مازن : اسمع حنكلمهم يوخروو سيارتين وتعال انت بينتهم ومتوقفش بكل لعند مانوووصلوو لمنطقة الوحيشي قوبعة : تم يالعقرب مازن كلم جماعته وفهمهم يخلي السيارة اللي فيها البضاعة هيا اللي في النص وقعدووو يجروو باقصى سرعة عندهم """ مازن كلم جماعته اللي في الوحيشي اول ما اتخش السيارة اللي فيها بضاعة كلكم سكروو الطريق وسوقوو عكسي عشان اتسكروو الطريق وفعلا خشوو لمنطقة الوحيشي والشرطة معش عرفت كيف تووصلهم فرح مازن عشان البضاعة وصلت تمام ومافش حد مصاب ولا حد مات من الطرفين ومشت علي خير وقعدوو يتراقصوو ويتغنوو في المخزن عشان البضاعة وصلت كاملة """"""" روح للحووش مازن شاف خواته يضبطن فيه ويبكن فاطمة ونرمين : انشغلنا عليك يامازن مازن : نجكن ليا ياخياتي وراني جعان بكككل في حاجة نكلووها فاطمة : اكيدة فيه كان ماطيبنلكش المن نبو انطيبووو ياغالي """""" حنين : اليوم هدرزت مع بنتين شكلهن خواته يالامار لكن ماعرفتش كيف انقصقصهن ونعرف شن وضعهن خوهن او قريبهن لكن خلاص قعدنا صحبات لامار : اللي فيه خير ربي حيجيبه لكي حنين : ربي يسمع منك """ مازن : بعد خطرها في بنت نبيكم اتعرفن عليها في الجامعة فاطمة : كيف صار خوونا يبي يزوج خلاص نرمين : لولوولولوولي مازن : عليك اللي كبارات اشورخ كلا انتن """" تذكرن لما قتلّي في بنت لابسه خمار نقذها شاب انا هووو لقيت شاب يضايق فيها هدرزت امعاها هذكي اليووم لكن مش عارف شكلها لكن نعرف اسماها اسمها حنين فاطمة ونرمين : شن شن شن حنين حنين فاطمة : كيف شكل عبايتها وخمارها مازن : عبايا فضافضة كحلية وخمار وتلبس في اقونتيات نرمين : هذي جت تعرفت علينا ,, شكلها عرفت ان خواتك فاطمة : لولوولولوولوي خويا طلع يحب مازن : بطلي سماطة ,, قصدكم جتكم كيف جتكم مافهتمش نرمين : قعمزت امعانا في الكفتريا وهدرزت امعانا هدرزة عدية وضحك مرات هيا ومرات مش هيا المهم اسماها حنين حتى هيا فاطمة : الايام الجايا حنجيبولك زبدتها اذا كانت هيا ولا لا """"" نفس الوقت عيّنوو افندي جديد في الامن الداخلي اسمه احمد وجابوله ملف باسم العقرب وهو اللي قعد ماسك قضيته ويبّي يمسكه ويحطه عند حدّه كلّف وحدين من المخابرات عشان يراقبوو تحركاته في منطقة الوحيشي وبرة المنطقة عشان يبوو يداهموو مُتلبس والافندي احمد حاليّا ماعندش ولا قضية خاطي ملف العقرب وخصيصا حطووه هوو عشان المهمه هذي """""""" مازن قبل مايرقد يفكر في امه وخواته ويخاف علي مستقبلهن ويقوول : تخيل يامازن تنحبس شن حيديروو هلك ماعندهم الا انت امتى اتفووت هاللبز واتعيش حياتك نفس هالناس فكّر في امك وخواتك قبل فوات الاوان ديما يحكي هكي مع نفسه لين يرقد """ لامار : لولولوولولوولولوولي مبروووك فرحنالك واجد حنين : مبروووك فرحتلك ياخووويا ,, احلى خبر سمعنا اليوووم وين الباسطي أحمد : الله يبارك فيكن ياصقع ,, مزال الباسطي بكرة حنجيبه لين انقعمز في المكتب قبل وبكرة اول يووم في المكتب حنقعمز فيه وانجيبلكم باسطي حنين : ربي يحفضك وانت قد الامانة وحتحافظ عليها ,, ماحطووك في الامن الداخلي الّا لانك امين واتخاف عالوطن احمد : عندي مهمة نبيك ماتنسنش من الدعاء من صلواتك حنين : يارب يسرلك امرك ,, وتنجح في مُهمتك علي اكمل وجه .... هيا دعت من هنا وحسّت بنفس الضيق في قلبها والضايقت بككل احمد : كنك اضايقتي شن فيه ,, حنين : لا شي من الصبح كل شوية نضايق وجوي يتعدل بعدها احمد : خلاص توا خليني نمشي للشقة انرووح اكيدة ترجى في الولية لامار : تم احمد وراك تنسى الحلوو بكرة حنين تعكر جوّها واضايقت مش عارف ليش يتبع .... | ||||
|
| |
|
09-11-17, 12:58 AM
| #3 | ||||
| #مشاعر_مطرطشة الحلقة الثالثة احمد : خلاص توا خليني نمشي للشقة انرووح اكيدة ترجى فيا الولية لامار : تم احمد وراك تنسى الحلوو بكرة حنين تعكر جوّها واضايقت مش عارفة ليش """ احمد طلع منهم وعدّى شور شقته "أحمد مزوج وعنده بنووته اسماها روان " رقدت حنين مضايقة ومش عارفه عليش جوّها قعد مضايق فجأ هكي وخلاص """" نرمين قعدت تبكي في نص الليل سمعتها فاطمة ناضت فاطمة : كنك شن في نرمين كنك تبكي نرمين : نبكي عشان خنت الثقة امتاع مازن فاطمة : اي ثقة فهميني وبطلي ابكاء نرمين : مازن ماعمره فتش نقالي ماعمره شك فيا ماعمره ضغط علينا بالعكس وامخلينا علي راحتنا بكككل فاطمة : صح كلامك كله بس ليش تحكي هكي نرمين قعدت تبكي وماوقفتش ابكاء فاطمة : سالتك بالله فهميني را نبدا نبكي حتى انا امعاك نرمين : اليوم طلعت مع الصادق بالسيارة برة الجامعة فاطمة : شن شن شن شن من امتى نحن نركبوو في سيارات نرمين : مش عارفة كني ضعفت والله نادمة بكككل فاطمة : كيف جاتك الجرءة بس وتركبي معقووله اديري حاجة كيف هكي يانرمين بجديات انصدمت فيك بكككل نرمين : خلاص انا نادمة وسكّرت عليه بكككل واضبطت فاطمة وقعدت تبكي مازن كان نايض ومش راقد يفكر ويحاسب في نفسه ويقوول امتى التوووب علي حالك واتفوووت هالوجيج وهالقصص اللي خاش فيهن وفجا سمع صوت من دار البنات مشى شوور الدار وخبّط عالباب مافش حد رد فتح الباب لقاهن رقدات قال شكلي تهيالي دارن روحن راقدات لما خش مازن عليهن في الدار مايبنش مازن يفطن انهن كانن يبكن """" احمد وصل للشقة سهام : انست حبيبي نورت كنت نرجى فيك كنك طولت معقوله اتروح تو نص الليل احمد : كنت في حووش هلي وخذتني الدوة والهدرزة امعاهم سهام : باهي رن عليا معش تشغلني عليك ,, المشكلة رنيت عليك ماردتش كالعادة هالحركة البايخة اللي فيك احمد : مانفطنش بس سهام سهام : باهي عشاك واتي انسخنه لكي احمد : لاتعشيت في حوش هلي سهام : تعشيت اخرة تمام بكل بكل احمد : تي كنك انتي ناوية مشكلة ولا شن سهام : مكني شي جو تمام حمادي احمد : وين روان سهام : راقدة قاعدة """""" نرمين : نووض نووض مازن هيا وقت عالجامعة ناضوو وافطروو وشالهم للجامعة """"" حنين فرحانة عشان تعرفت علي فاطمة ونرمين وتبي اتعرف عليهن اكثر واكثر واتصاحبهن اخرة قاعدة مع باتها في السيارة وشايلها للجامعة ,, وجوّها تعدل احسن من امس في الليل بواجد """" وصلن نرمين وفاطمة للجامعة وكل وحدة مشت لمحاضرتها وحنين مشت لمحاضرتها حتى هيا ومازن ماشي يشووف البضاعة عشان يتمم عليها شن صاير امعاهم الجماعة """" أحمد مشى لمبنى الامن الداخلي عشان يستلم شغله الجديد رحّبوو بي كلهم ودار مؤتمر صحفي نقلنا جميع القنوات الليبية """" قوبعة : تعال يالعقرب هذا اللي حطوو جديد ماسك الامن الداخلي مازن : اها شكل جديد علينا هذا ,, لكن حنخفّفو ونلعبوو ارضي """" سهام : روان تعالي بسرعة بابا عالتلفزيوون جابوووه روان : امبش شوفه بابا لعبش معايا ضبطتها سهام وزعلانه علي معاملة احمد ليهم """"""" بعد كمل المؤتمر الصحفي مشى احمد للمكتب يقلّب في الملفات قابلة ملف العقرب شاف صورته وشاف القضايا والمحتوى اللي فيه اللي شغلت باله ولفتت انتباه ان العقرب ماعندش ولا حالة قتل ولا حالة سرقة كلهن قضايا بيع مخدرات واسلاح فقط """"" امكسدات فاطمة ونرمين في الكفتريا لين جتهن حنين رحبن بعضهن اتقوول يرجن في بعضهن من امس قعدن يهدرزن عادي نرمين : نسالك انتي البنت اللي هذكي اليوم جا واحد نابشها في حد دافع عليها وبعدها جت الشرطة شلتهم كلهم حنين : اها انا ,, هذا كان خطيبي وفسخنا الخطبة نرمين : عليك حظ عارفة من هذا ولا لا حنين : نعرفه انّ يشيل فيكن ويروح بيكن فاطمة : انا انقوول عليش خشيتي فينا هكي من الاول نرمين : اها توا فهمت حتى انا حنين : ههههه حرام عليكن كنكن ركبتن فيا دغري نرمين : هذا خونا مازن وامس سالنا عليك حنين : بجديات سألكن عليا فاطمة : كنك فرحانة حنين : بطلن سماطة كنكن هكي نرمين : اها سالنا عليك وقالن شوفن زبدتها شن وضعها بالزبط فاطمة : شكله خويا انعجب بيك بدوون مايشووفك نرمين : بعد خطرها سمحة ولا شينة انتي حنين : شينة انخووف بككل فاطمة : اهم شي الاخلاق ههههههه نرمين : صح الجمال جمال الرووح حنين : هابا عليكن كلا انتن وقعدن يهدرزن ويضحكن عادي """"""" قوبعة : كنك رايح اتفكر واجد يالعقرب مازن : العقرب شكله لذع روحه بروحه قوبعة : كيف صار مازن : في بنت شاغلة تفكيري مع اني مش شايف وجه قوبعة : كيف جت هذي ,, انت بعقلك ولا مسطول مازن : بعقلي ,, قصدي لابسه خمار مش باين وجها قوبعة : العقرب طلع عنده مشاعر واحاسيس مازن : راني انسان كيفي كيفكم هههه قوبعة : مانك عادي ياعقربنا مازن : مستغرب معش كلمني ايمن " ايمن تاجر مخدارات واسلاح معروف في طبرق " قوبعة : صح اقل شي يطمن عالبضاعة اللي بعثها لنا مازن : اكيدة حيرن ,, قوبعة : نرجو رادا الله علينا ايش ورانا """"" احمد بعد ماطلع من العمل مشى شور الحلواني عشان يشري باسطي .. وشرا باقة ورد لسهام ,, """" اول حاجة مشى شور حوشهم وعاطهم الباسطي عشان اول يوم للعمل رسمي وبعدها مشى لشقته روان : بابا جا بابا جا سهام : انست حبيبي نورتنا احمد : النور نورك اعويناتي ,, احلى روان تعالي في حظن بابا هيالا هووب سهام : لكي واجد ماجبتلش باقة ورد ,, رايح راضي علينا الايام هذينا احمد : ديما ضلمتيني حرام عليك سهام : نمشي انديرلك حاجة تاكلها """""" نرمين : اليوم فتنا المحاضرة الثانية وخذتنا الهدرزة فاطمة : عادي غيرنا جونا وتعرفنا علي حنين حنين : انا فرحانة عشان كسبت خيات نفسكن نرمين : تو انجي ماشيا الحمام حنين : خذوني امعاك ماشيا امعاك فاطمة : خلاص حنرن علي مازن ايجي يروح بينا بما ان نص المحاضرة فاتت نرمين : حتّى هذا راي ,, هيا حنين وبعدها جا الصادق شوورهن عند الكفتريا صبّت فاطمة قدام وجه فاطمة : اسمع فوووت اختي خيرلك ومعش اضايقها ولا تجري وراها راه انكلموو مازن واللي ايصير ايصير هيا وجك شووف حالك الصادق : كنك انرن عليك ما اتردش يانرمين فاطمة : نحكي امعاك انا ,, اقلب وجك هيا ,, لما تقعد راجل اترد عليك : وعدن مشن وسيبّنا ابرووحه : فاطمة مشت شوور الباركي وحنين ونرمين شوور الحمام حنين حولت خمارها في الحمام قدام المرايا شافتها نرمين نرمين : اوووووووو حي علي امه وحي حنين : تي كنك ياهبلة نرمين : اووووو حي علي امه وحي حنين : كنك بجديات شن فيه نرمين : تي اتهبلي وسمووحة طلعتي ,, عنجد التواضع امتاعك وخلاص حنين : اي سمحة انحس في روحي عادية بكككل \ نرمين : سمحة راك طلعتي طررف ,, انا اللي بنت وانعجبت بيك ههههه حنين : تي كنك انتي انهبلتي تليفون نرمين رن وهنا في الحمام نرمين : نعم يافاطمة فاطمة : تعالي مازن اقريب بكككل قريب يووصل نرمين : جايتك حنين : كنها فاطمة نرمين : نستاذنك نبي انعدي مازن قريب يووصل حنين : خلاص رقمكن عندي ,, لو في حاجة دوريني نرمين : تم تم هيا سلام حنين : سلام " حنين فرحانة اخيرا خليت اخته اتشوووفني هكي حتحكيله عليا تي فرررررررحانة بكككككككككل انا حتى انا انرن علي بابا ايجي ايروح بيا مدام المحاضرة فاتت """"" فاطمة : كنك طولتي عارفة مازن وهرجته واجد نرمين : تي طلعت طرف بكككككل فاطمة : من طلع طرف بكل نرمين : حنين حولت الخمار في الحمام ماشاء الله لاقوة الا بالله فاطمة : يافرحة مازن ,, حنبشروو في السيارة نرمين : جا مازن هيا مازن : مرحب بالنفّاخه واختها نرمين : مرحب بالغالي مرحب فاطمة : عندنا لكي اخبار اكويسة مازن : شن بشرووونا نرمين : هات الحلوو قبل مازن : انقانكن اكبر نصبات في العالم فاطمة : المهم طلعت هي نفس البنت حنين ومش مرتبطة نرمين : تبي القاضية الاخرة ولا لا مازن : شن نرمين : طلعت طرررف واتهبل مازن : احلى شوكلاطة لا حلى نصابات وبعدها علق وصلة المسجل امتاع السيارة بالنقال ولع اغنية يابنات يابنات امتاع نانسي عجرم وقعدن يغنن امعاه وفرحان هووو واجد """""" لامار : غريبة فرحانة اليوووم حنين : اها قريب انطير طلع مازن داوي هله عليا لامار : ماشاء الله ان شاء الله يكووون وجه خير عليك حنين : امين يااااااااااارب """" مازن يتغدى هو وخوته وامه رن نقاله طلع قوبعة مازن : كنك ران عليا توا ان شاء الله خير قوبعة : قتلك يالعقرب ايمن جاي اليوم بعد العصر يكوون في بنغازي مازن : تم حنتقابلووو في المخزن """" احمد وهو يهدرز مع سهام ويلعب مع بنته رن نقاله احمد : نعم اسلام : قتلك يا افندي اليوم جايهم واحد من طبرق وحيجتمعوو في مكان معين شن انديرو من راي احمد : حاليا راقبوووو بس ما اديروو شي فاهمين اسلام : حاضر يا افندي " اسلام يعتبر المساعد الشخصي لــ أحمد والذراع اليميين امتاعه " سهام : امتى تفضالي انت وروان واتفوت عملك حتى اسبووع احمد : هذا واجب وطني مايصيير شي """""""" بعد اذان العصر مشى مازن شوور المخزن عشان يرحب بزميله في العمل مازن : مرحب مرحب يا ايمن ليك وحشة ايمن : مرحب بالعقرب وايامه مازن : راحت علينا خلاص ايمن : اي راحت عليك وانت هربت البضاعة من العقورية لعند الوحيشي مازن : حتى هيا البضاعة حقها نص مليوون ههههه ايمن : سمعت عليه اللي حطووه جديد في الامن الداخلي اسمه احمد مازن : شفته داير مؤتمر صحفي ايمن : لازم يحصل قرصة وذن عشان يفطن مازن : كنّا لعند توا مادار شي ايمن : فيش تحكي انت ,, عندك علم ان يراقب فيك اول باول وماسك ملفك الشخصي ,, هذا كان مش عارف ان دايريين اجتماع سري ,, مازن : تحكي جديات انت ايمن : مخترقينهم نحن واي شي نبوو انحصلوووه مازن : معناها لازم من قرصة وذن رسمي ايمن : عنده بنت اسماها روان ,, وانت فاهم قصدي مازن : اكيدة ,, لو اضطررنا لقرصة وذن ,, حنستعموولها اخر ورقة هذي ,, امتاع بنته ايمن : خلاص توا خليني نمشي ,, التطويلة مع بعضنا مش في صالحنا مازن : لو في اي جديد قووولي يا ايمن ايمن : تم يالعقرب """"" حنين مشت للخلوة والمسجد في العشية لكن في عقلها مازن بس واخذ عقلها قعد تدعي ربي يكوون من نصيبها ومش عارفة شي ولا فاهمة حاجة """""" روّح بعد المغرب مازن للحوش كلم نرمين نرمين : نعم يامازن مازن : نبيك بكرة اتقولي الحنين ,, راه ناوي نخطب بجديات خلاص نبيك تاخذي منها وصف الحووش ماشيين اعمامي شور باتها عشان نطلب يدها الاسبوع الجاي,, لازم انفرحوو امي نرمين : تم تم يامازن حااااااضر """"" تقابلن في الجامعة الاخرة خوات مازن مع حنين نرمين : نبيك تعطينا وصف حووشكم ,, جينكم رجالة للحووش الاسبوع الجاي حنين : مش لازم ادير نظرة شرعية مرات مانعجبش فاطمة : عنجد التواضع اللي عندك بكل حنين : لا نحكي بجديات افطوومة نرمين : هو ماشي بكلامنا وقلناله اكويسة حنين : براحتكم ,, راه يقوولو بعدها لقد وقعنا في الفخ فاطمة : ههههه رسمي لقد وقعنا في الفخ """"" وصفتلهم الحووش في الليثي حنين ومازن كلّم اعمامه عشان يمشوولهم """"" حنين : فرحانة يا لامار , يبوو ايجوو يخطبووو لامار : طيب فيك ,, اهم شي مايدخنش ومش امتاع حشيش وسكير ومحترم حنين : دخان يدخن بس ,, وحنخليه يسيبه فترة الخطووبة لامار : ان شاء الله ياااارب """"" سهام : فيش اتفكر يا احمد احمد : لا شي عقلي سرحان بس سهام : ان شاء الله ربي يحفضك يا اعيووني احمد : ويحفضك ياغلايا " أحمد يفكر مزال كيف يخش في موضوع مازن وكيف يقدر يخش للوحيشي ويمسك مازن متلبس هو وجماعته " """"" مازن الايام هذينا ضميرة يانب فيه علامات التوبة والرجوع الى الله بدن يابانن عليه لكن يبّي من ياخذه من يده يبي من يقعد سند له """" نفس الروتين العادي لاجديد بعد اسبووع نسّقووو يووم مشووو اقارب مازن لهل حنين لكن مازن ماعدّش .. انتم عارفين عادات والتقاليد في ليبيا يمشوو كلهم الرجالة ماعدى العريس نفسه رحبوو بيهم خو حنين وباتها وعمّها وهدرزوو عادي في البداية وبعدها خشوو في الموضوع بات حنين : قال اهم شي عندي راجل يخاف الله ويصلي وفي فترة الخطووبة ماعندش جو تكليم بالتليفون والنت لين يطلع الفرح اقارب مازن قعدوو يبحتوو فيه بعضهم عم مازن : اكيدة هذي اهم حاجة ,, لكن للعلم هو يبي يسكن مع امه في نفس الشقة ,, لو عاجبكم عادي ,, لو ماتبووش عادي ,, يقعد مافش نصيب بات حنين : عطوونا مهلة وحنردوو عليكم " ولعند توا احمد مزال مش عارف ان اللي جي يخطب هوو مازن العقرب" اتفقوو علي كل شي يرجوو في موافقة حنين ترضى اتعيش معا مع امه ولا لا """" بعد روّحوو اقارب مازن مازن : شن صار اموور طيبة عم مازن : انت متاكد تبي اتناسبهم راهم عائلة ملتزمة كلها مازن : اها متاكد عليش شن صار عم مازن : قالو اهم شي يصلي مازن : كنك ياعمي راني قعدت انصلي من فترة عم مازن : باهي تمام " مازن اضطر يكذب وخلاص قدام اقاربه " """" احمد : خذيت رقمه اللي جي يبيك ,, حنرن عليه وانتقابل امعا في كافيه وانهدرز امعا وانشووفوو ميّته وين اتصب ,, وبعدها نمشي لشارعهم نسال عليه الجيران ,, قبل مانعطووهم الموافقة حنين : نجك ليا يا احن اخ عندي في الدنيا ::::: مازن امكسد في المخزن مع الجماعة رن علي رقم غريب مازن : الوو من امعايا احمد : امعايا مازن مازن : تفضل أحمد : انا احمد ونبي انتقابلوو انهدرزوو امعاك في كافية بكرة بعد المغرب " مازن عارف ان حنين عندها خو اسماه احمد لكن مش عارف هو نفس الافندي امتاع الامن الداخلي " مازن : ماعندكش اي مشكلة عادي """" فاطمة رنت علي حنين فاطمة : شن انزغرتوو ولا لا حنين : عن نفسي موافقة عادي ,, لكن خويا احمد يبي ايشوفه ويهدرز مع قبل فاطمة : ان شاء الله خير حنين : ان شاء الله فاطمة : كنك من صوتك مضايقة حنين : مش عارف انحس في روحي مش متفائلة فاطمة : عيب شن هالكلام مهناك الا كل خير حنين : ربي يسمع منّك """""" مازن لبس احسن لبسة عنده ولبس هذكي القيافة قال اليوم نبوو انشووفوو خو المدام لازم يشووفنا بقيافة سمحة قوبعة : نمشوو امعاك يالعقرب مازن : شن تبي اتخرب كل شي انت ,, قوبعة : قعد معش اتشرف بينا مازن : تي عيب ياهبل انبصر عليك ياغالي """" احمد : اليوم نبي انشووف اللي يبي يناسبنا وانهدرز امعاه سهام : لازم تبي اتحقق امعاه طبعا حشيشتك الجو هذا احمد : يابال موضوع في اختي روان : بابا امتى شيلنا مول احمد : بكرة يرووح بابا العشية كلها نمشوو للمول انا وانتي وماما ونلعبوو جميع اللعبات احمد فتح ايديه عشان اتجي روان تجري في حظنة مشت شوور امها وحضنتها احمد مضايق اشوية يحس رووحه امقصر في حقووقه """" نرمين : كلمتي حنين شن قالت فاطمة : حنين اموافقة ,, قالت خويا يبي ايشوفه ويهدرز امعاه ام مازن : يارب يسر امر مازن وفرج عليه نرمين وفاطمة : آمين يااااارب """""" مازن امكسد في الكافيه ويشرب في القهوة امتاعه يرجى في احمد احمد جا للكافية ومش عارف شكل مازن مازن كان امقعز قدامه لكن معطيه بظهرة رن عليه احمد مازن : وينك قاعد في الكافية احمد : وين قاعد انت في اي جهة "أحمد كان وراء مازن " " مازن وهو يحكي بالنقال صبَّى من عالكرسي وبحّت وراء مازن : وينك انت احمد : قولي شن لابس بس جت عينهم في عين بعضهم وتغيرن ملامح وجهم احمد : قصدك مازن العقرب هو اللي يبي اختي مازن : قصدك انت هوووو خوووها يتبع ..... | ||||
|
| |
|
09-11-17, 01:00 AM
| #4 | ||||
| #مشاعر_مطرطشة الحلقة الرابعة مازن : وينك انت احمد : قولي شن لابس بس جت عينهم في عين بعضهم وتغيرن ملامح وجهم احمد : قصدك مازن العقرب هو اللي يبي اختي مازن : قصدك انت هوووو خوووها أحمد : جابك ربي ليا لعندي مازن : كيف صار قصدك ادوّر فيا ا نت " ابتسمو لبعضهم ابستامة خباثة " أحمد : مش حناخذوو راحتنا هنا مازن : وين ماتبينا نمشو حنمشوو احمد : هيا نمشوو في مكان مافش زحمة خير مازن : عليش كنك احمد : كيف صار العقرب خايف مازن : العقرب ماعمره خاف من حد وانت عارف هذا اكويس احمد : هيا باهي نمشوو المكان آخر مازن : هيا مشى احمد بالسيارة ولحقة مازن وراء بسيارته مازن رن علي قوبعة قوبعة : نعم يالعقرب مازن : ارجى مني تليفون بس انقولك وين قاعد لاي طارئ قوبعة : كنك شن فيه مازن : الافندي احمد طلع خو البنت اللي نبيها قوبعه : المعنى الحقيقي لكلمة ولعة ياحي عليها ولعة ويش اطفيها مازن : المهم ارجى مني تليفوون قوبعة : تم """" احمد رن علي " اسلام " اسلام : نعم يا افندي احمد : خليك واتي لاي طارئ عرفت من يطلع العقرب اللي ماسك الملف امتاعه اسلام : من احمد : هذا اللي يبي يخطب وياخذ البنت اسلام : طاح في صاحب الزرع احمد : ارجى مني تليفون وخلاص اسلام : تم يا افندي """"" حنين مابتش تمشي للجامع وقاعدة علي اعصابها ومش عارفة شن صاير مع احمد ومازن وهي اتفكر رنت عليها نرمين حنين : اهلين نرمين نرمين : اهلين حنين شن جوك حنين : مضايقة اشوية مش عارفة شن صاير مع احمد ومازن نرمين : كل شي قسم ونصيب واللي فيه خير ايجيبه ربي خليك متفائلة حنين : حنحاول ,, نضايق واجد لما نعرف يتقابلو مع بعضهم احمد ومازن نرمين : هاكي تبيك فاطمة فاطمة : بكرة ماشية للجامعة انتي حنين : اها ماشية فاطمة : بكرة نبش نحضر ولا محضارة نبي انكسد امعاك وخلاص وانهدرزو مع بعضنا حنين : تم يافاطمة """"" مازن : هذا وين يبرم بيا معش درّس بكل """ احمد وقف عند ساحة الكيش درّس السيارة ودرّست جنبه ونزلنا من السيارة احمد : حتى بعد عرفتني خوها مزال تبي البنت مازن : اكيدة نبيها شن نبي نزوجك انت ولا هيا احمد : معقولة انا نعطي اختي الواحد امتاع مخدرات وممنوعات وبيع اسلاح ,, انت عايش اوهامك مازن : يعني شن المطلووب مني توا احمد : راني امراقبك ونعرف كل حاجة عليك مازن : حتى انا نعرف كل حاجة عليك وتقريبا بنتك روان غاليا عليك صح بدوون مقدمات احمد طلع اسلاحه وحطّة في راس مازن احمد : تي عارف اتقوول اسم بنتي اخرة علي فمك انطربقك مازن بحركة سريعة منّة طلّع اسلاحه حتى هو وحط اسلاح علي راسه مازن : راك تلعب مع الاكبر منك ,, مش انا اللي يرفعوو عليا اسلاح أحمد : اتهدد فيا ,, اتصير حاجة في هلي انطربقك مازن : نزل اسلاحك خلينا نحكو عادي ,, العصبية مش اكويسة احمد نزّل اسلاحه ومازن نزّل اسلاحه مازن : توا انت جي اتشووف في اللي يبي يخطب اختك ولا جي تبي اتصفي احسباتك احمد : تي المشكلة مش عارف انك انت اللي تبي اختي لو كنت عارف انت راه من اول ماجيتوو رفضت لكن ماكنتش عارف مازن : حتى انا لو كنت نحسابها اختك راه ماجيتكم ونسبتكم احمد : المهم اختي مش حتاخذك انت طلعها من راسك مازن : انت قتلي اتراقب فيا صح اول باول احمد : اكيدة وعارف كل حاجة عليك مازن : وينك لما جا واحد عرّض الاختك في الكلية وجا يبي يركبها امعاها بالغصب كلها اتبحت فيها مافش حد ساعدها أحمد : فيش تحكي انت مازن : عارف اللي اتراقب فيه اول باول هو من ساعد اختك من هذكي الراجل وهي حتحكيلك احمد : حكولي ان اللي كان خاطبها هو اللي دار هكي وتقعمز توا في الحجز ممسوك مازن : اوووبه ,, حاضر حنفووت اختك مدام انت اللي تبي هكي احمد : يامازن والله ايصيير اي شي لبنتي معنا منك مازن : انا حنفووتك عشان البنت اللي كنت نبيها طلعت اختك ,, يعني حنقوولك شي ,, حتى لو حرمتني من اختك عشان العار اللي دايرة في حياتي ,, لكن خليها في بالك مش حنخلي حد ايجي شوورك وحنصبي امعاك احمد : وانا نووعدك حنسكر ملفك وانفووتك وانطلعك من راسي بككل مازن : مش هامني اتحطني في راسك ولا لا ,, احمد : عارف عليش نبي انفووتك وانطلعك من راسي مازن : مع انها مش فارقة عندي بس عليش ,, احمد : لاني مالقيتش عليك ولا قضية قتل مع انها كلها اتخاف منك مازن : هيا نستاذنك خليني انشووف حالي احمد : مزال ماكملتش نقاشي امعاك مازن : حل عن سمايا وركب السيارة وقعد قريب يبكي ويظرب في السيارة بايدي حتى البنت اللي تبيها ريحتها من يدك يامازن حقّاته ادير هكي حتى انت لو كنت مكانه مش حتخلي واحد يقعد نفسك ياخذ فاطمة ونرمين وبلقطة عفوية من مازن قال ياااااااااااااارب تقريبا من زمان ماذكرش ربي ياربي سامحني ياربي شن داير انا تي لعند امتى نقعد هكي ننتحر ونفتك من روحي وهو بدوون قصد مش فاطن الرووحه قعد يجري بالسيارة بسرعة قصوة دار حاااااااااادث """"""" حنين : قلبي يالامار مخنوووق بككككل لامار : كنك شن فيه حنين : انحس في ظيقة صدر مش عارف كني لامار : غير اقري المعوذتين علي روحك """"" أحمد قعد في مكانة في ساحة الكيش وماتحركش اذكر كلام مازن لما حكاله علي بنته روان قعد خايف علي بنته ومراته مش حاط ثقة في مازن أحمد : ياريت حنين اتفهم كلامي وماتزعلش مني """"" مازن انقلبت سيارته الناس اتحاول اطلعه مش قادرين الباب مابش ينفتح قعدوو يحاول يفتحوو في الباب الاخر فتحووو الباب بعد نص ساعة من المعاناة طلعووو من تحت السيارة كان الدم مطرطش علي وجه ودبشه امحصل خبطة قوية علي راسه ركبووو للسيارة وسعفوو شور مستشفى الجلاء واللي سعفه خذا نقاله يرجى في اي حد يرن عليه عشان يقووللهم راه في المستشفى السيارة اللي سعفته تجري باقصى سرعة """""" قوبعة امكسد مع الجماعة في المخزن قوبعة : غريبة العقرب قالي ارجى مني تليفووون مارنش ماعندكش حظ حتى البنت اللي خشت خاطرك طلع خووها من اعدائك حنرن انا وخلاص """""" احمد وصل لحووش هله شاف حنين ترجى فيه حنين : شن صار امعاكم احمد : لالا مش لنا هذا ,, هذا معروف بإسم العقرب وتاجر مخدرات واسلاح معرووف حنين : يعني احمد : مش لنا قصدي هذا ,, شن اللي يعني حنين : انا شن دخلني لو طلع من عدوك اللدود ,, انا شن ذنبي بس احمد : كنك تحكي امعايا هكي انت حنين : انت اللي كنك اتخرب عليا في حياتي ,, احمد : بالله عليك في بنت ملتزمة تحكي مع خووها هكي حنين : تي معش نبي نلتزم لو حطين الالتزام شماعة عشان تحرموونا من ابسط حقووقنا احمد : كنك تحكي هكي انتي امعايا ركزي علي كلامك """"" وصلت السيارة اللي ساعفة بمازن جابووو البريلا وحطووو عليها ويجروو بي لغرفة العمليات والدم علي وجه ونزف واجد في السيارة حلووو باب غرفة العمليات وحطوو جوا حليا بين الحياة والمووت اللي سعفوو قاعدين برة رن تليفون مازن قوبعة : وينك ياالعقرب كنك معش رنيت " صاحب النقال لقينا سيارته مقلوووبه سعفناه للجلاء لو خوه او قريبه تعال توا ظروري للجلاء " قوبعة سكر الخط نوووض انت وياه بسرعة العقرب داير حادث بسرعة شووور الجلاء ركبووو سياراتهم كلهم ومشووو شوور الجلاء """"" حنين : كل مانحكي حاجة اتقولو كيف ملتزمة وادير هكي ’ تي راني بنت نفس هالبنات شن ملتزمة معناها من عيشش حياتي كيف هالناس ولا كيف احمد : وسعي بالك كنك عصبتي انتي ,, بس هذا مش لكي امتاع معاصي حنين : امتاع معاصي بالك ربي يهدي عليش انت امسكرها ولا عشان عندك امعاه مشكلة شخصية احمد : شن دراكي ان مرات ربي يهدي حنين : ربي قال في كتابة ( ذَلِكَ هُدَى اللَّهِ يَهْدِي بِهِ مَنْ يَشَاءُ وَمَنْ يُضْلِلِ اللَّهُ فَمَا لَهُ مِنْ هَادٍ ) وقال اخرة مَنْ يَشَأِ اللَّهُ يُضْلِلْهُ وَمَنْ يَشَأْ يَجْعَلْهُ عَلَى صِرَاطٍ مُسْتَقِيمٍ وقال اخرة ربي في كتابه ( مَنْ يَهْدِ اللَّهُ فَهُوَ الْمُهْتَدِي وَمَنْ يُضْلِلْ فَأُولَئِكَ هُمُ الْخَاسِرُونَ ) يعني مرات الراجل يندم وربي يهدي احمد : ان شاء الله خير " احمد وهو يتناقش مع حنين رن عليه اسلام احمد : نعم يا اسلام اسلام : مازن دار حادث وقاعد في العناية المركزة في الجلاء هذا وقتنا نقبضوو عليه احمد : تحكي جد انت قاعد في العناية امبدري كان امعايا فيش تحكي انت حنين : من من من من في العناية راك اتقوولها من من احمد : تي اسكتي انتي بس اسلام : شن انديرو من راي احمد : امشي وصي الدكاترة عليه وقوللهم هذا شوورنا حنين : من من في العناية شن فيه احكيلي احمد : مازن دار حادث وراقد في العناية رنوو عليا جماعتي حنين : لالا ياربي قوولي انبصر بالله عليك احمد : تي كنك انتي كان في بيناتكم علاقة حب ولا حاجة حنين : عدي شووفه عدي عشان خاطر خيتك باهي باهي عدي احمد : ياحنين فيه حاجة بينك وبين مازن حنين : تي عدي شووفه عشاني قاعده نبيكلك كنك قلبك هكي انت احمد : تي مانش ماشي الواحد معرووف امتاع مخدرات ,, خلاص خليتهم يوصوو عليه حنين خشت للدار وقعدت تبكي وتبكي وتبكي واحمد روح للشقة امتاعه """" قوبعة : وين العقرب وين وصفووله غرفة العمليات لقاء ناس لابسين عسكري قاعدين قدام غرفة العمليات انسحبوو جماعة قوبعة وقال انرن علي هل العقرب انقوللهم خير عشان ايجووو ام مازن : من امعايا الوو قوبعة : انا صاحب مازن ,, ومازن دار حادث قاعد في غرفة العمليات في الجلاء ام مازن طاح النقال من يدها قوبعة : الو الو الو الو نرمين : كنك ياماما فاطمة : كنك يا ماما شن في قوبعة : الو الو الو نرمين : من انت قوبعة : انتي اخت مازن نرمين : اها شن فيه امي طاحت شن قتلها قوبعة : انا قوبعة مازن داير حادث وقاعد في غرفة العمليات نرمين : فاطمة مازن دار حادث ابسرعة شور الجلاء ركبن تكسي ومشن شوور الجلاء نرمين وام مازن يبكن في التكسي وفاطمة اتهدي فيهن واتقوللهن ان شاء الله ساهلة ,,\ """ حنين تدعي يارب اشفي مازن يارب اهدي مازن يارب اشفيه واهديه """""" قوبعة هو والجماعة قاعدين برة المستشفى رن عليه ايمن ايمن : كيف صار سمعت ان العقرب في المستشفى صح قوبعة : اها انقلبت بيه السيارة وقاعد في العناية بين الحياة والمووت ايمن : ربي يطلعه سالم ان شاء الله لما سكر ايمن الخط من قوبعة ايمن : يارب ايموووت قتلهم خلوو ديسكوو العجلة مرخي امتاع سيارته يارب يبشروونا بمووتك عشان تفضالي الساحة """""" وصلن ام مازن وخواته للمستشفى لقوو شرطة قدام غرفة العمليات عدت تجري ام مازن شوور الغرفة قالولها ممنووع ام مازن : هذا كبدي لو ارتيح مني انريح وراء انا وقعدت تبكي وهي تبكي من هنا طلع الدكتور من الغرفة الدكتور : ماتخفووش ,, امحصل ضربة في راسه قووية لكن لحقنا عليه ,, والامن الداخلي ابرووحه اموصيين عليه المريض احسن الدكاترة اللي قاعدين جوّا تقدروو اتريحوو توا ام مازن : الحمد الله يارب نرمين وفاطمة : الحمد الله الحمد الله قوبعة رن علي ام مازن نرمين : تمام حالته مستقرة قوبعة والجماعة الحمد الله فرحانين الحمد الله ياربي """" اسلام رن علي احمد اسلام : العقرب حالته مستقرة توا ,, لولا الله اولا ولولا توصيتك مالحقوو عليه ,, احدث الدكاترة جوو في نفس الوقت احمد : تمام نفس ماكان سبب انّ نقذ اختي في الجامعة انا قعدت سبب اني نقذته من الموت """"" قوبعة لما شاف اللي لابسين عسكري طلعوو من المستشفى خش هو وجماعته قوبعة : خلاص تريحوو في الحووش ,, وعد بكرة انجيبكم في الصبح بدري فاطمة : صح هيا ياماما قاعدين امعاه جماعته نرمين : ديروو بالكم ع خونا واجد روح بيهم عقرب للحوووش وعلامات الحزن علي فاطمة ونرمين وام مازن فاطمة تذكر في خفة دم مازن نرمين تذكر في نصائح مازن ام مازن تذكر في حنيته روحوو للحوش هدووء وسكوووت نرمين رنت علي حنين تحكيلها شن صار حنين وهي تبكي شافت رنت نرمين مش قادرة اترد خايفة تسمع حاجة اخرة نرمين : غريبة مابتش اترد رنت اخرة مسكت النقال وخايفة وترعش وامثلجة حنين : نعم نرمين : كنا صوتك حنين : لا مريضة بس اشوية نرمين : حبيت انقوولك ان مازن دار حادث لكن حالته تمام توا وقاعد في الجلاء حنين : امتنحه ومستكه ومش فاهمة شي اه اه اه امتى دار حادث نرمين : امبدري لكن توا تمام ماشتغلش بالك حنين : اسمحيلي غير مريضة بكككل ومش قادرة نحكي المهم طلع تمام الحمد الله علي كل حال ,, ماسكة عبرتها ماتبش تبكي عالخط بمجرد مسكرت منها نرمين قعدت تبكي الحمد الله ياربي الحمد الله ياربي الحمد الله ياربي والله لو صبت الدنيا قدامي ماني راضية براجل خاطي مازن لين رقدت من البكاء وهي اتقوول الحمد الله ياربي ناضت ثاني يوم الصبح ناضت انسانة متمردة انثى متجبرة مش خايفة من حد صلّت الصبح وولبسة عبايتها وخمارها قصاد الساعة 10 قالت الباتها حنين : اتشيلني لمستشفى الجلاء غير صاحبتي قاعدة مع امها نبي نعطيها امانا وانرد عليك ما انطولش واجد بات حنين : حاضر """ جا قوبعة وخذاهن وشالهن للمستشفى وقاعدات جنب مازن مزال راقد ماناضش يرجوو فيه يفتح في عينه """ وصلت حنين للمسشتفى خشت ادور عليه في اي غرفة شافت امه وخواته واحد بارني متعرفش اللي هو قوبعة بمجرد ماخشت طلع قوبعة قعمزت هي جنبهم واتحمدلهم عالسلامة وماسكة عبرتها من البكية نرمين : عليش اتعبي في روحك حنين : كيف انتم نفس هلي ولازم انحمدلكم عالسلام فاطمة : بارك الله فيك ياحنين حنين : ان شاء الله هذا حد السو ام مازن : اللهم امين نرمين : هذي حنين اللي يبيها مازن ياماما حولت الخمار لان كانت فاضية الغرفة مافهش الا مازن وامه وخواته هيا حولت الخمار من هنا علي فتحة اعيووون مازن مازن دار روحه مزال مغمى عليه يفتح في اعيونه ويسكر يبي يتاكد هل هي حنين ولا لا ونفس ماتوقع البنت اللي كانت اتهدرز مع امه وخواته هي حنين وجه حنين كان بلسم شفاء بالنسبة لمازن وكمل دار روحه راقد رن عليها باتها حنين : خلاص نبي انعدي ,, ماحوتي كيف جيت طمنووني عليه طلعت من هنا اشوية هكي مازن قعد يفتح في اعيوونه فرحة امه وخواته وقعدوو يحضنوو فيه مازن في عقله قال "نقعد مش راجل كان ماخذيتك يا حنين ,, انتي ليا وحتقعدي مراتي " يتبع ... | ||||
|
| |
|
09-11-17, 01:02 AM
| #5 | ||||
| #مشاعر_مطرطشة الحلقة الخامسة حنين : خلاص نبي انعدي ,, ماحوتي كيف جيت طمنووني عليه طلعت من هنا اشوية هكي مازن قعد يفتح في اعيوونه فرحة امه وخواته وقعدوو يحضنوو فيه مازن في عقله قال "نقعد مش راجل كان ماخذيتك يا حنين ,, انتي ليا وحتقعدي مراتي " ام مازن : خفنا عليك يامازن معقوولة تبي اتسيبنا قبل نرمين وهي تبكي : حي عليك تفجعنا مرة ثانية عليك فاطمة : هيا نووض راه مش ماشية للجامعة لين اتشيلني انت ابرووحك " مازن مبستم ويبحت فيهم ومش قادر يتكلم واجد " """" بات حنين : كنك طولتي هذا كله اتهدرزي حنين : اسفة بابا خذتنا الهدرزة بس """"" سهام : خاطري النووض نلقى احمد قاعد جنبي ,, خاطري يحس بمسؤولية الحووش " احمد متعود ينووض الصبح بدري يفطر ابروحه ويدوش ويمشي العمل امتاعه هكي روتينا " """" أيمن يحكي لجماعته : اخسارة ماصارش شي من مووتة العقرب حنلعبلا لعبة اخرة ,, يا انا انت العقرب وبيناتنا الايام """""" قوبعة روّح بام مازن وخواته للحووش وجا قوبعة لمازن يطمن عليه وهو جماعته :::: قوبعة : حمد الله علي سلامتك يالعقرب انشغلنا عليك مازن : الله يسلمك ياصقر يشهد بالله انك رفيق الدرب مايسبتش هلي قوبعة : بس كيف صار الحادث ,, لان مافش حد خاش فيك والعجلة طارت وانقلبت السيارة مازن : حتى انا مستغرب نجري عادي والطريق فاضية بعدها السيارة حلت مني برووحها وانقلبت مانضت الا وانا في المستشفى مش فاهم حاجة قوبعة : المهم الحمد الله علي سلامتك مازن : باهي نبيك اتقوولي شن صار لما اغمى عليا قوبعة : انا رنيت عليك رد عليا واحد هو اللي ساعفك وقالي قاعد في الجلاء وصاحب النقال دار حادث وبعد وصلت القيت ناس لابسه عسكري عند غرفة العمليات ,, قالو الامن الداخلي اموصيين عليك مازن : الافندي احمد هذا اكيدة .. يعرف كل شي عليا ويراقب فيا قوبعة : شن رايك انقربعووه لكي مازن : لالالا هذا خوو المدام توا ,, لازم نكسبة .. عشان خاطر اخته حنتنازل واجد قوبعة : لهدرجة تبيها مازن : حندير المستحيل عشان خاطرها وحتشووف ياقوبعة """" احمد قاعد في المكتب جا اسلام يعطي في اخر الجديد اسلام : جماعته قاعدين عنده في الجلاء احمد : تمام نبيكم ما اتنزلش عينكم عليه اسلام : لكن عندي خبر اخرة مش اكويس احمد : شن قوووول اسلام : في وحدة لابسه عبايا سودة وخمار نزلت من سيارة فيها باتك وخشت هدرزت مع هل مازن ومشت لكن ماطولتش احمد : البنت هذي راسها امسكر ,, مش عارف فيش اتفكر ,, اسلام : لكن المرور قالوو ان الحادث مقصوود احمد : فيش تحكي انت اسلام : في واحد راخي عجل السيارة يبي يقتله شكله من اعدائه احمد : زعمك من ادير هكي اسلام : مش عارف احمد : شن اللي مش عارف اماله شن تخدم عندي انت لازم اتحقق وتعرف من همّا اعدائه ضرووري اسلام : تم افندي احمد """"" فاطمة : ماقتّلش يا ماما شن رايك في حنين ام مازن : عيني ما اضرها ماشاء الله عليها سمووحة وشكلها عاقلة ورازنة نرمين : مش عارف شن صار امعاهم قالوو خووها احمد يبي يقابل مازن فاطمة : صح خاطر عليا سالت حنين في المستشفى شن هدرزوو """""" حنين رنت علي لامار حنين : ياريت اتجينا اليوم نبيك نبي انهدرز امعاك ضرووري لامار : كنك ان شاء الله خير حنين : غير نبي انهدرز امعاك في كم موضوع لامار : تم حنجيك في العشية """"" قوبعة : ايمن قاعد يرن يا العقرب ايمن : الحمد الله علي سلامة عقربنا قوبعة : الله يسلمك ياغالي ايمن : قووله جيينكم بكرة نحنا والجماعة انحمدولك عالسلامة ايمن : اتنور بيكم بنغازي مازن : صاحب صاحبه ايمن احسن من عرفت قوبعة : انقانه جنتل واصلي مازن : راكم اتقصرو امعاهم في الضيافة قوبعة : عيب الكلام هذا مش لنا """" احمد اتصل بحنين حنين : نعم احمد : شن الديري ماشيا عند مازن ,, انتي كنك شن تحسابي روحك حنين : انا مش ماشية لمازن ماشية لهله كيف هلي ومشيت انحمدلهم عالسلامة احمد : انتي كنك شن تبي بالزبط حنين : انت اللي شن تبي راني مش اصغيرة خليني انعيش حياتي ,, بابا موافق قالي مدام انتي موافقة عليش انت اتخرب في كل حاجة احمد : لاني عارف مصلحتك حنين : يا اخي مانبيكش تعرف مصلحتي انا عارفة روحي شن اندير , وانا قتلك مشيت عشان هله انحمدلهم عالسلامة ياريت اتصدقني أحمد روّح للشقة لقاء سهام مش قاعدة في الحووش خاف بكككل وانشغل عليهم رن عليها ردت عليه سهام : ها كنك احمد : تي وينك انشغلت عليك سهام : حرجانة عند هلي جا خويا خذاني ,, لما تعرف الحياة الزوجية واتقدرني انا وبنتك حنرد انعيش امعاك احمد : هذا الحل اللي طلع عندك انتي سهام : بالله عليك انت مقتنع بالمعاملة اللي اتعامل فيها ليا احمد : باهي جايك توا تو ناخذك سهام : مانبش انروح امعاك لين تعرف قيمتي عندك احمد : ماعنّك ماروحتي خليك خللّي عند هلك سهام : تمام بارك الله فيك " وسكّرت الخط منّا " سهام قعدت تبكي روان : كنك ماما سهام حظنت روان وهي تبكي احمد : معش عرفت شن اندير ,, انا اللي غلط ولا مراتي واختي معقوولة معش عرفت كيف انرضيهم ولا نكسبهم معقووله الواجب الوطني خلا زوجتي واهلي آخر اولوياتي ولع سيارته ومشى شوور اهله """"" مازن : نبي نطلع يادكتور انحس روحي اكويس دكتور : مزال تقدرش تطلع توا ,, لين اتخف اشوية مازن : اوووووووف ,, باه مليت بس بعدها رن علي ايمن مازن : مرحب بصديقي الصدووق ايمن : حمد الله علي سلامتك خفنا عليك واجد ,, الحمد الله طلعت طيب مازن : الحمد الله جت ساهلة ايمن : عندي موضوع مش حنقدر انجيك ,, هذا عليش رنيت عليك ,, لما تطلع من المستشفى حنجووك ياعقربنا مازن : كل واحد بعذره ,, رنّتك ابرووحه تكفي ياصقر ايمن : نقصاتك اي حاجة دورني ياعقربنا مازن : تم ايمن علي خشت قوبعة بالغداء لمازن مازن : تي كنك جبتلي من المطعم قوبعة : امك حلفتلي قالت ماياكل الا من ايدية وفكنا من اوكال المطاعم مازن : ربي يطولي في عمرها الحنووونة قوبعة : اللهم امين مازن: ايمن رن عليا قالي مش حنقدر انجي صارله موضوع ,, قال حنجي لما نطلع من المستشفى قوبعة : تمام ابجوّه """""" نرمين : معش نبوو نمشوو الجامعة لين يطلع مازن من المستشفى ام مازن : خلاص هانت قريب يطلع ,, ان شاء الله اكويس فاطمة : ان شاء الله نرمين وهي اتهدرز مع امها واختها جتها رسالة عالواتس من حبيبها القادم الصادق فتحت الرسالة طلع مقطع فيديووو خلّاته يتحمل الفيديووو طلع تسجيل امسجله لنرمين ايام كانت اترن عليه فيديو واتس ومش هكي بس كانت تعرضله في جسمها ايام ضلالها ودزلها مسج ,, لو ماتطلعش امعايا حنزل الفيديو عاليوتويب وقرووبات الفيس وعارفه شن حيدير خووك لو شاف فيديوو نفس هذا نرمين : ثلجت وريقها نشف معش عرفت شن ادير ولا شن اترد عليه فاطمة : نرمين كنك سكتي نرمين وين رحتي نرمين : لالا شي ,, صبّت مشت للدار "قعدت اتخبط واتكسر واتخبش في رووحها واتشرط في دبشها واتخبش في شعرها وتضرب في راسها في الساس " قعدت اتقوول حرام انا انعيش انا عار عليكم انا جبت العار لكم وتضرب في راسها في الساس جتها تجري فاطمة وامها فاطمة : كنك نرمين شن فيه كنك شن صارلك كنك تضربي في روحك نرمين : تي حوّلي انا عار عليكم انا مش بنت ناس انا بنت " طووووط فاطمة : عيب شن هالكلام وسعي بالك نرمين : " نبي نقتل رووحي انا عار عليكم انا جبت العار لكم ام مازن : شن في يانرمين كنك تحكي هكي بالله عليك شن في نرمين : طاحت وقعدت تبكي وتبكي وماوقفتش ابكاء اتحاول فاطمة اتهديها حظنتها امها شن في اعيووني قعدت حاظنة امها وتبكي """""" """" حنين تشكي لـ لامار انها حالدير المستحيل عشان مازن حنين : عارفتيني هبلة ,, عارفتيني بمئة راجل ومش هامني حد لما انحط موضوع في راسي لامار : وسعي بالك كل شي في وقته حلووو حنين : ان شاء الله خير لامار: ان شاء الله حنين مش قاردة ترقد واتفكر في مازن واجد """ احمد قاعد في المربووعه ويفكر في سهام وروان صح يذكر اكثر من مرة وعدهم وفاتهم قال في باله انقاني هاملهم بكل وفايتهم ومش امعدل عليهم مش قادر يرقد يفكر في سهام وروان """" وسهام مش قادرة ترقد اتفكر في احمد وقالت في بالها درت هكي عشان بالك تفطن انك هاملنا وفايتنا انا وبنتك """" مازن مش قادر يرقد يفكر كيف يغير من نفسه للاحسن ويقعد انسان جديد وكيف يكسب احمد عشان ياخذ حنين """" نرمين قاعدة في حظن امها ومش قادرة ترقد اتفكر في الكارثة اللي دايرتها وامها اطبطب عليها وتمسح علي شعرها """""" في الصبح ناضت فاطمة شافت رنات من حنين رنت عليها فاطمة : صباح الخير ياحنين حنين : صباح الورد فاطمة : لقيت رنات واجد منك حنين : نبي رقم مازن فاطمة : كيف حنين : هههه قوية كيف ,, تي نبي رقم مازن فاطمة : استغربت بس حنين : لا ماتستغربش ,, ماتبش تعطي عادي فاطمة : تو نعطيه لكي واندزه لكي توا في مسج حنين : خلي الموضوع بيناتنا ياصقووعية فاطمة : متاكد انتي حنين حنين : اها هههههه عليش فاطمة : حسيتك بشخصية جديدة ومتغير طريقة كلامك حنين : لا نفس ما انا فاطمة : خلاص تم حندزلك الرقم توا حنين : تم """"" وتّت الفطور الخووها حنين قبل مايعدي للعمل امتاعه خشت للمربوعه لقاته ماشي للعمل هكي اشوية سمعت مسج رسالة عرفاته رقم مازن من فاطمة """" مازن : هههههههه خلاص ياقوبعة بطني من الضحك فكونا من النكت قوبعة : ربي يدوووم الضحك يالعقرب مازن : نشهد بالله انكم اصقوووره ياغوالي قلبي ,, لكن مرات حنغيروو مجال عملنا ,, قوبعة : كيف صار شن حدير مازن : لما نطلع من المستشفى حنقوولك ومازن وهو يهدرز رن رقم غريب مازن : زعمك من هذا اكيدة واحد يبي يحمدلي عالسلامة مازن : الوووو حنين : كيف حالك يا اخانا مازن : هههههه نعليا وخلاص رنت عليا ابلة العربي حنين ضحكت : بطّل شهدرة واسكت مازن : هيا ياقوبعة شمّوو الريح انت وياه اربحووو هبهبوو قوبعة : كلا انت ماعندكش صاحب يالعقرب هههههه مازن : تي نجكم يا احلى اقرووب عندي قوبعة : هيا ياشباب انخلوو العقرب ياخذ راحته حنين : العقرب شن ,, قصدك لقبك العقرب مازن : اها حنين : وكنك فرحان بي مازن : باهي كيف جت منك الشجاعة ورنيتي عليا ومن عاطاك الرقم حنين : شن تبيني انسكر مازن : لالالالا حنين : بالك انسكر مازن : تي قتلك لالالا بطلي ابصارة حنين : نحسابك بس مازن : دوالك خووك حنين : دوالي عليك اها عندي علم بكل شي مازن : باه حنين : توا حوّل خويا علي جنب طمني علي صحتك قبل مازن : صحتي تمام في تحسن حنين : ربي يشفيك مازن : تسلمي بارك الله فيك حنين : الله الله في صلاتك يامازن راك اتقصر فيها اهم الشي الصلاة هي عماد الدين وهي اول شي اتحاسب عليه مازن : كيف صار من ابلة عربي قعدتي ابلة دين حنين : هههههه ضحكتني توا عشان ننصحك فيك باهي باه """""""" فاطمة : احكيلي يانرمين شن في,, خيتك انا معقوله ادسي عليا حاجة نرمين حكتلها ان الصادق دزلها مسج عالواتس فيديوو وانتم عارفين شن فيه الفيديووو فاطمة : معقوولة يانرمين اديري هكي وين عقلك بس نرمين : ضحك عليا نحسابه يبي ياخذني فاطمة : توا شن يبي منك نرمين : يانسمع كلامه ينزل الفيديوهات فاطمة : لازم نحكوو الماما كل حاجة ,, حتى لو دار حاجة اقل شي ماما عندها علم نرمين : انا مش خايفة من ماما انا خايفة من مازن فاطمة : ربي معانا ومتخافش ,, المهم توا عطلي احسابك عالواتس بس """"""" احمد في المكتب خش علي اسلام احمد : نعم اسلام : في بضاعة مسكووها الجماعة شور تاجر من طبرق خاشة لبنغازي احمد : دز دعم بسرعة في المكان اللي مسكتو فيها البضاعة قبل مايجوو وياخذووها نفس من قبل اسلام : تم """""""""" مازن : لنا ساعة ونص انهدرزو اكيدة رصيدي قريب يكمل حنين : بطل كذب انا اللي رانه عليك مازن : نسيت حنين : المهم كل اذان صلاة حنديرلك رنة وانسكر ,, اعرف انك لازم اتصلي ,, لو كنت تبيني حلالك صلي مازن : لو مانبيكش حلالي حنين : حتي هي صلّي مازن : تمووووم وسكرت حنين "" وقعدت اترن عليه واتسكر كل اقامة صلاة وفاطمة ونرمين حكن الموضوع امتاع الصادق لامهن وام مازن زعلت واجد خايفة من فضيخة تنتشر عالنت """""" بعد يومين هكي طلع مازن من المستشفى طلق رصاص في الشارع والعاب نارية وفرحانين الجيران وفرحانين هله قوبعة : امنووور المنطقة يالعقرب انستنا من جديد دارووو عشاء في الشارع جووو كلهم الاقارب الجيران الاحباب حتى ايمن من طبرق جا مع جماعته مازن حس نرمين كيف اللي مكسور خاطرها ومش فرحانة واجد وكأن في شي امزعلها """" ايمن وهوو يتعشى مع مازن ايمن : الافندي احمد هذا يلعب مع الاكبر منا مازن : كنا ايمن : مسك بضاعة كنت دازها لبنغازي مازن : ما قتلي مخترقينهم ,, شكله هو مخترقك ايمن : حتى لو مخترقني ,, حنديرله قرصة وذن اللي قتلك عليها مازن بتعصب : لا ردبالك بنته مش شورها ,, احسابنا مع هو مش مع بنت ايمن : كيف صار العقرب قعد مُسالم توا ولا كيف مازن : مش قصة مُسالم ,, بس هذا كلام الحق ايمن : جماعتي قاعدين يراقبوو في بنته وامهم , لانها حرجانة وقاعدة عند هلها يرجوو اول ما تطلع البنت ويخطفوها مازن : ننصحك انقوولك فوووت خير ايمن : حنشووفوو من يقرص وذن الاخر """""" ثاني يوم الصبح سهام رنت علي احمد احمد : نعم سهام : قتلك راه مشيين مع خويا للمول عشان يقعد عندك علم نبي انلعب روان اشوية احمد : ديرو بالكم علي ارواحكم سهام : حاضر """"""" جماعة ايمن يراقبوو في حووش هل سهام طلعت سهام وبنتها وخوها ومرات خووها وتلحق فيهم فوورد امظلمة """""""""" مازن : نرمين نرمين نرمين جت تجري نرمين : نعم مازن : كنك زعلانه شن فيه ,, مش على بعضك من اول ماطلعت من المستشفى نرمين بحتت في امها : مافش شي بجديات يامازن مازن : متاكدة راك تقعدي داسه عليا حاجة """""" وصلت سهام للمووول ,, نزلووو وحدين ملثمين مسلحين اخطفوو البنت وركبو سيارة فورد سوودة ولاذوو بالفرار سهام اتعيط رنت علي احمد """"" احمد في المكتب يشووف في الملفات الامنية رن نقاله طلعت سهام احمد : نعم سهام سهام : اخطفووو روان اخطفووو روان يا احمد احمد : وين خطفوها وانتم وين قاعدين سهام : وحدين امسلحين خطفووها احمد : حي عليك وحي يالعقرب حفرت قبرك بيدك من الافندي احمد الى جميع الوحدات الامنية حوّل الكل يجمع عندي في الامن الداخلي من الافندي احمد الى جميع الوحدات الامنية حول الكل يجمع عندي في الامن الداخلي ضروري احمد رن علي حنين احمد : اللي دافعي عليه وتبيه خطف بنتي شن حجّتك توا حنين : شن اتقوول انت احمد : العقرب خطف بنتي ,, حفر قبره بيده ,, حنين : استحالة ادير هكي مازن """" جت الوحدات الامنية للمبنى الافندي احمد : اشوية اخرة حنداهموو منطقة الوحيشي جميع السيارات العسكرية حووش العقرب هو الهدف امتاعتنا كلمت حتى مديرة امن بنغازي حنحاصروو منطقة الوحيشي من جميع المحاور وحنخشووله وحنقوودكم انا في المقدمة لازم نقبضو عالعقرب جاااايك ياروان """""" مازن : احكي يانرمين مرات انساعدك ام مازن : كنك امركبك عالبنت مافش شي راه يامازن ,,, حنين اترن علي مازن ما يردش كان حاط نقاله في الشحن وقتها وهوو يهدرز مع هله """" باب حووشهم قعد يخبّط بالقووة طلع مازن يشوووف قوبعة : يالعقرب جاي امر بالقبض عليك وسيارات عسكرية واجد امحاصرة المنطقة من جميع المحاور اشوية اخرة حيخشوو للمنطقة مازن ماحوتك كيف يتحرك مزال اثار الحادث اماثر عليه مازن : الكل ياخذ وضع الاستعداد ام مازن : شن فيه يامازن كنهم يبوووك فاطمة : كنك يامازن شن امداير مازن : خووذ هلي ياقوبعة وحطهم في مكان اكويس """" فضّووو الحوووش امتاع مازن وطلعوو منّا كلهم ,,,,, مازن : عارف روحك شن حدير ياقوبعة قوبعة : يالعقرب انت مش قادر تمشي من الحادث ,, نحنا قدها مش اول مرة يداهموونا مازن : انسيت اسمي العقرب ولاكيف ,, مازن وقوبعة وجماعتهم توزعوو فوق الحواشين بسلاحاتهم وخذووو وضع الاستعداد """ من الافندي احمد الى جميع الدوريات التقدم نحو الهدف الآن يتبع ,,, | ||||
|
| |
|
09-11-17, 01:04 AM
| #6 | ||||
| #مشاعر_مطرطشة الحلقة السادسة قوبعة وجماعتهم توزعوو فوق الحواشين بسلاحاتهم وخذووو وضع الاستعداد """ من الافندي احمد الى جميع الدوريات التقدم نحو الهدف تقدمن السيارات العسكرية وتقدموو المشاة وفي المقدمة قاعد الافندي احمد ماشي شوور حوش العقرب """" حنين : هيا رد رد رد يامازن حنين اترن علي نقال مازن ومازن ناسي نقاله في الحوش لما طلع اترن اترن اترن تعطي روحها امل يرد عليها مشغوووله وخايفة عليه واجد """" الافندي احمد معطيهم امر محد يضرب بالرصاص الا اذا هما بدوو في الضرب اولا الافندي احمد قريب يووصل لحوش العقرب مافش اي مقاومة لعند توا """" مازن : نفس ماقتلكم ياقوبعة اول مايخشوو لشارعنا ابدوو ضرب انتم الاولين وبعدها انجووهم من لاورا قوبعة : تم يالعقرب حنطيحووهم في الكمين """" ام مازن : اللهم كن في عون ابني مازن نرمين وفاطمة : يارب فرج علينا ياااااااارب """"" مزالت اترن حنين ومافش حد يرد """" احمد وصل لحووش مازن كسروو الباب وخشووله القوات التابعة للامن الداخلي "" قوبعة : يالعقرب الافندي احمد هو اللي خاش للحوش نبدوو فيهم مازن : من من من من الافندي احمد قوبعة : هوو اها حافظ شكله انا مازن : راجووو راجووو راجووو محد يضرب ,, قوبعة قوللهم العقرب قال محد يضرب خلووهم اشوية قوبعة : كنك شن صار غيرت رايك مازن : يا ايمن ودرتنا امعاك قوبعة : كنا ايمن ,, مازن : شكله خطف بنته ويحسابني انا قوبعة : شن الحل توا ,, جماعة قوبعة : خلينا انجيفووه الافندي احمد مازن : غير اهدووو كلكم بس خلووه يخش محد يضرب ولا طلقة """" اسلام : افندي احمد فاضي الحووش مافش ولا واااحد احمد : وين عدا هرب شكله اسلام : شكله كمين داروو لنا يا افندي احمد احمد سمع صووت نقال يرن قعد يدور عليه لقا نقال طايح قاعد فوق الصالون في شحن مسكه شافه رقم اخته هي اللي اترن احمد : تي كيف صار احمد : الوو حنين : اهرب اهرب يامازن خوووويا جايك تووا اهرب عشان خاطري احمد : انا خوووك احمد حنين وهي تبكي : شن درت فيه يا احمد والله ماني امسامحتك شن درت في مازن حسبيا الله ونعم الوكيل فيك راك ضلمته " سكر الخط علي وجها احمد " """ مازن : اسمع ياقوبعة انا لازم نتنازل عشان نكسبه ونكسب اخته و نبي انسلم رووحي ,, انتنم انسحبوو ودسوو اسلاحكم قوبعة : مانش امسيبك ابرووحك انا ,, كنك انت يالعقرب انمووت دوونك مازن : هو جي يبيني انا مش جاي يبي حد قوبعة : حتى لو كان كلهم ينسحبوو لكن انا حنسلم روحي امعاك مازن : تي افهم من حيقعد مسؤول علي امي وخواتي لو صارتلي حاجة قوبعة : يالعقرب خليني انسلم روحي امعاك مازن : قوول للجماعة انسحبوو كلكم ودسوو اسلاحاتكم العقرب حيسلم رووحه قوبعة متعصب : حاضريالعقرب قوبعة : قاللكم العقرب انسحبوو ودسوو اسلاحتكم حيسلم رووحه مازن نزل من الدرووج يمشي بشواش طلع للشارع مش قادر يمشي من اثار العملية ماشي شوور حووشهم وامرفع ايديه فوووق راسه علي طلعت احمد من حووش مازن دغري القوة التابعة للامن الداخلي مسكووه وجابوو عند احمد قعد احمد امصبي قدامه احمد : وين بنتي يالعقرب مازن : مش عارف وماعندش فكرة عالموضوع احمد ظرب مازن بووووني في بطنة مازن : آآآآآه أحمد : وين بنتي قتلك انا مازن : وانا قتلك مش عارف ع شن تحكي احمد ضرب مازن بووووني اخر في بطنة وين بنتي بوني في بطنة وين بنتي بوني في بطنة بوني اخر مازن : آه آه آه قعد ينزف من اثار العملية """ قوبعة يراقب من فووق ومش قادر يحرك ساكن وراقيله """" احمد : راه نقتلك قتلك وين بنتي يالعقرب مازن : بجديات مش عارف علي شن تحكي احمد قعد يضرب فيه مازن ماوقفش ضرب بكل احمد : راه نقتلك وين بنتي احكي انطق هيا العقرب اغمى عليه من الضرب لان نزف واجد وطاح علي راسه """""" جت تجري امه وخواته الاثنين ام مازن : خلاص كنكم هكي همج كيف طالع من العملية احمد : شيلوووو لعيادة خاصة وحطوو عليه حراسة شديدة """" قنوات الليبيات كلهن اخبار عاجلة " القبض على اكبر تاجر مخدرات في بنغازي المعروف باسم العقرب " " في اول ايامه الافندي احمد في الامن الداخلي يقبض على التاجر المعروف باسم العقرب " """" ايمن : نبوو نقرصوو وذن احمد ,, اقبضوو علي العقرب اكيدة امسكوو السلاح والحشيش كله اللي في حوشهم والمخزن امتاعه اخبار سمحة مفرحة بككككل معش في تاجر في المنطقة الشرقية الا ايمن قتلك حنلعبها لكي يالعقرب """" ركبوو مازن في سيارة عسكرية مغمة عليه ام مازن صبّت قدام السيارة خوات مازن صبّن امعاهم قدام السيارة جيران مازن نساء ورجال واطفال وشياب كلهم صبوو امعا ام مازن العقرب مش يحطلع من المنطقة الافندي احمد : ياريت اتفضوو الطريق مانبووش نستعملوو القوووة هوو قالها من هنا جماعة قوووبعة اطلعوو كلهم من فووق الحواشين بسلاحاتهم برشاشتهم بقنصاتهم اسلام : افندي احمد بحّت فوق الحواشين افندي احمد : شكلنا حنستعملوو القوة وخلاص امعاهم افندي احمد : اخر مرة ندوي ياريت اتفضوو الطريق مانبووش نستعملوو القوة علي طلعة قووبعة وماسك رشاش طلع من وراء ام مازن قوبعة : العقرب قالي انا حنسلم رووحي العقرب قالي انسحبوو وماتضربووش ولا طلقة العقرب قالي لازم تنازل عشان يكسبك وانت اتقوولي مانبش نستعمل القووة انت عارف روحك منطقة الوحيشي مقبرة لكل غازي ياريت معش اتقول نستعملوو القووة قوبعة بصوووت عالي : فضووولهم الطريق خلوووهم يطلعووو اللي كانوو فووق الحواشين انسحبووو وفتحوولهم الطريق وطلعوو بمازن وطلعن السيارات العسكرية كلهن بعدها ام مازن : ياقوبعة شن حتسيبوو مازن خلاص قوبعة : ماتخافش العقرب ماسلم روحه الا في راسه خطّة فاطمة : اي خطة وهو مغمى عليه قريب يمووت نرمين : من يطلع الافندي احمد هذا قوبعة : هذا خو حنين اللي يبي يخطبها العقرب """"" حنين هربت من الحوووش ,, ادوروو فيها مالقوووهش لامار : حنين طلعت وشالت شنطة دبشها ومش عارفة وين ماشيا بات حنين : كيف خلتيها تطلع ,, كنك مارنيتي عليا لامار : قلت اكيدة ماشيا لعيت عمي ولا خالي رنيت عليهم كلهم ماجتهمش بات حنين : وين عدت البنت هذي ياربي حنرن علي احمد احمد راكب في السيارة اللي شايلة مازن للعيادة ويذكر في كلام قوبعة كيف قاله نبي انسلم روحي وكيف يبي يكسبني وهو يفكر هكي رن نقاله طلع باته يرن احمد : نعم ياباتي بات حنين : حنين طلعت من الحووش ومعش روحت احمد : البنت هذي فيش اتفكر مش عارف تم حندير تليفونات بات حنين : ياريت اطمنا عليها امها خايفه عليها بكل اسلام هو اللي يسووق بــ احمد احمد : باتي كلمني قالي حنين طلعت معش روحت يا اسلام نبيك تقلب بنغازي كلها وتعرف وين قاعدة ولو مالقيتهش مش داعي اتجيني واعرف روحك مفصوول اسلام : تم افندي احمد """"" وصلوو لعيادة النجاح وحطوو في غرفة العمليات وكثفوو الحراسات علي غرفة العمليات من برة """"" راقد في العناية مغمة عليه نزف واجد وهوو مغمة عليه مازن حلم بحنين يجري هو وهيا في كيف البستان الاخضر وكانت امحوله خمارها لابسه نفس الفستان الابيض وجها كلها نوور يلعبو مع بعض مازن : مش قتلك حناخذك حناخذك حنين : انحبك موووت يا احلى حب في حياتي مازن : وين قاعدين نحنا ياحنين حنين : قاعدين في قلبي جوا """" احمد : شن حالته دكتور : حالته خطير مرات يعيش ومرات لا احمد : لو مات تلحقى ودبّر راسك دكتور : الجرح امتاع عمليته مزال مابرش وامحصل ضرب عليها واجد احمد : قتلك لو مات حتلقى ودبر راسك """" مازن مزال يجري ويلعب مع حنين في البستان الاخضر :: دكتور : يا افندي احمد خط امتاع القلب بدا يضعف احمد : طلّع اسلاحه وحط علي راس الدكتور قتلك يمووت تلحقه دبّر راسك """"" مازن وهو يلعب ويجري مع حنين طاح حنين جت جنبه كنك حبيبي شن صارلك مازن مش قادر يحكي ومبتسم حنين : احكي كنك سكتت وينك راك اتسيبني ابرووحي مازن غمض اعيوووونه وهو في حظنها """" الدكتور : يا افندي احمد قعد خط واحد القلب شكله مات احمد سحب اسلاحه : شهّد علي روحك معناها الدكتور : جرب دارله ظربات الكهربائية علي قلبه يجربوو الدكاترة اللي امعاه لكن مافش اي فائدة """"" حنين : يامازن نوووض نوووض نوووض ياماااااااااااااااااااااا ازن قعدت تبكي نزلت دمعة علي وجه مازن وهو في حضنها """"" الدكتور : افندي احمد بدا يتحرك الخط القلب الحمد الله ياربي الطاقم اللي امعاهم فرحانين احمد مش فرحان واجد اهم شي عنده بنته وين قاعدة """" لما نزلت الدمعة علي وجه مازن من حنين فطن انّ قاعد في غرفة عمليات وعليه دكاترة واجد لكن مش فاهم شي بعدها داخ ورقد الدكتور : يا افندي احمد انقوولوو ان شاء الله تمام كوون هاني احمد : رد اسلاحه وحطّه في جنبه وطلع من غرفة العمليات """"" فاطمة : اكيدة هلك منشغلين عليك حنين : معش عندي هل انا ,, انتم هلي وناسي نرمين : اقل شي طمني امك وباتك حرام عليك حنين : حنطمنهم انشووف شن ايصير مع مازن واحمد قبل فاطمة : صار اللي اقتحم حوشنا خووك ,, حنين : من قال اللي يبيني يقعد العدو اللدود الخويا ام مازن : الباب يدق نرمين ترا شوفي من نرمين : اكيدة قوبعة اموصيتا علي حاجات للحوش قوبعة : هاكي نرمين : مافش اخبار جديدة ع مازن قوبعة : قاعد في العيادة وعلي حراسات شديدة محد يقدر يقرب شووره نرمين : باهي مش عارف شن صحته قوبعة : الله اعلم حراسة شديدة غادي لكن لو عرفت اي حاجة حنقوللكم """"" احمد مشى الحووش هل سهام وطمّن فيها ,, انهم شبه لقوو مكان روان بالكذب عشان مايبش سهام تنشغل اكثر من هكي اسلام رن علي احمد الافندي احمد : وين قاعدة اختي اسلام : مزال اندورو عليها الافندي احمد : ماترقدووش بكككل لين تلقووها بعدها احمد دار برمة علي حووش هله يطمن في باته وامه علي حنين انّ جاري البحث عن حنين ورد للعيادة اللي فيها مازن وقعد راقد في السيارة قدام عيادة النجاح يفكر في بنته واخته تي كيف العقرب سلم رووحه وعليش جماعته مابووش يظربوونا في حاجة مش فاهمها انا راسي قريب يطربق """" حنين اتهدرز مع فاطمة حنين : كنها نرمين ساكته واجد وحالتها حالة في موضوع اخر خاطي مازن فاطمة : فيه اها حنقوللها لكي في وقتها نرمين ساكته وسرحانة واتفكر واتأنب في ضميرها واجد زعلانه علي مازن وزعلانه عشان خذلت ثقة مازن """"" سهام تبكي الليل كله خايفة علي بنتها سهام : يارب كوون في عوون زوجي وحبيبي احمد وفرج علينا """ مازن قعدت صحته اكويسة ثاني يوم ويقدر حتى يحكي بحت لقاء جنبه اثنين لابسين عسكري اذكر اخر حاجة لما كان يضرب فيه احمد في الشارع علي خشت احمد للدار الاثنين اللي كانو لابسين عسكري طلعووو احمد : تبي اتقوولي بنتي وين ولا لا مازن : انا لو خاطف بنتك نبي انسلم رووحي بالعقل احمد : باهي من خطفها مازن : انا لو خاطفها عارفني نقدر مانخليكش تطلع حي من المنطقة احمد : اصلا استغربت مافش اي مقاومة منكم مازن : انا نعرف من خطف بنتك لكن نبيك توثق فيا بس احمد : نوثق فيك انت ,, اكبر تاجر مخدرات مازن : كنت تاجر مخدرات سيبتهن بعدها ,, احمد : لكن معقووله الشرطة فتشوو حووشك والمخازن امتاعات مالقوووش لا اسلاح لا حشيش لا شي مازن : ماقتلك بادي انغير من روحي ,, لو قتلك سيتهن مش حتصدقني احمد : ماتحكش واجد مزالت صحتك بلهووون مازن : لما كنت في المستشفى ايام الحادث قلت لجماعتي تخلصوو منهن وبيعووهن حتى بخسارة وفلووسهن وزعووهن عالفقراء المنطقة احمد : انا انقوول اغلبهم صبوو قدامي ماحوتنا كيف طلعنا مازن : اسمع راه اندير هكي عشان نبي اختك وربي عالم اني بديت نتغير عشان نكسبك ونكسب الثقة امتاعك احمد : حنين مختفيه طلعت من الحووش ومعش روحت مزال اندورو عليها مازن : متخافش عليها خيتك اتهني علي روحها احمد : باهي بنتي وين مازن : قبل ما انقوولك بنت وين عندي ثار عندك والضرب اللي ضربته ليا مش ناسيه لكي ومردوود مستقبلا احمد : حتى انت تعبان ماتنسش بكل مازن : انا عارفك متعصب علي بنتك وحقاتك ادير اي حاجة احمد : باهي بنتي وين مازن: هربني من العيادة حنجيبلك بنتك احمد : فيش تحكي انت مازن : حط فيا الثقة وهربني من العيادة قتلك حنجيبلك بنتك احمد : باهي قوولي من خطفها مازن : انت مخترقينك لو قتلك حتووصلهم اللي خاطفين بنتك احمد : مش حتضحك عليا يالعقرب مازن : ياراجل انت كنك ,, حط فيا الثقة لو تبي بنتك احمد : باهي افرض انك ضحكت عليا وهربت مازن : انا لو نبي نهرب نقدر انهرّب روحي وانطيّح امها العيادة ع روسهم وعارفني ,, انهني العقرب مايوحلش احمد : تم لكن مش حنسامحك لو طلعت تضحك عليا مازن : مش حتندم ومد يده لــ احمد وحطوو ايديهم علي بعضهم """" احمد رن علي اسلام وفهّمه علي كل حاجة حتى هوو """" قوبعة كاين داير علاقة مع بنت تخدم ممرضة ممرضة : قوبعة اليوم العقرب حالته اكوويسة بواجد قوبعة : نعليا منك يالحب ,, ممرضة : نجك ليا حبي , """" قوبعة مشى شوور حووش مازن وفرح امه وخواته الاثنين وحنين انّ العقرب حالته اكويسة اليوووم """ ام مازن : الحمد الله يارب فاطمة : يارب يلقوو بنت الافندي عشان يطلع خويا براءة نرمين : الحمد الله حنين : يارب الف القلووب بين احمد ومازن ويكشف الظالم """""" الافندي احمد : اسلام هاك رقم واحد اسمه قوبعة هذا الذراع اليمين للعقرب وفهمّه علي كل حاجة اسلام : حاضر """ ايمن : ردبالكم عالبنت اهتموو بيها هذي نبي ناخذ علي راسها مليوون دوولار ايمن : راحت عليك يالعقرب توا معش فيه الا ايمن بس ,, """"" اسلام رن علي قوبعة وفهمة علي كل حاجة بين احمد ومازن """"" جا اليوووم الموعووود اسلام جاء بسيارة عسكرية وخذوو العقرب عشان ايشلووه لحبس الكويفية اسلام غيّر طريقة ومشى شوور القوارشة كان قوبعة وجماعته يرجوو فيهم في مكان متفقين عليه وصلووو للمكان قوبعة بالاحضان مع العقرب قوبعة : كفّارة كفارة يالعقرب جماعة العقرب : قعدوو يفرغووو بالرصاص فوووق وفرحانين اسلام مشى ورن علي احمد الافندي احمد : شن صار اسلام : تم نفس ما اتفقتووو الافندي احمد : صرح بتصريح لاحد القنوات الليبية "كمين لسيارة عسكرية تحمل العقرب اثناء نقله لسجن الكويفية وتم تهريبه " عاجل القنوات الليبية " هروووب العقرب " " العقرب يهرب من جديدة " """ ايمن : تاريتك مش ساهل يالعقرب انهنيك لانك هربت من جديد لازم انرن عليه وانباركله """ فاطمة : ياماما تعالي بسرعة شووفي العاجل ام مازن : لولوولولوولولي حنين : الله اكبر عليك يامااااازن نرمين : العقرب خوونا كيف ماعرفنا ::: العاب نارية واحتفالات في منطقة الوحيشي بعد انتشار خبر هرووب العقرب """"" مازن وقوبعة وجماعتهم مشوو شوور بوهديمة وفي الطريق قوبعة حكاله كل شي صار مازن : اول شي قوول الحنين لازم اتروحي لهلك ظرووري بكل ونبيك اطمن هلي وقوللهم مازن قاعد في مكان آمن وصحته اكويسه قوبعة : حاضر مازن : انا وعدت احمد انّ لو عرفت مكان حنين وين قاعدة حنقووله عليه ياريت اتقوللها روّحي الهلك ضرووري عشان خاطري قوبعة : تم تم ياعقربنا """"""" مازن : متخافش يا روان حبيب عمتك حينقضك ... يتبع ,,, | ||||
|
| |
|
09-11-17, 01:05 AM
| #7 | ||||
| #مشاعر_مطرطشة الحلقة السابعة قوبعة : مشى لحووش العقرب وطمنهم عليه انّ صحته اكووويسة ام مازن : قوول الحق ياقوبعة مازن اكويس قوبعة : شن نبي نكذب عليه نحكي بجديات انا حنين : كيف حال صحته قوبعة : قالي قوول الحنين اتروح ضروري الهلها ,, قالي لو كنت غالي عليك صح روّحي الحووش هلك حنين : مدام هوو يبي هكي حاضر فاطمة : وين قاعد نبوو انشووفوو اقل شي نسمعوو صوته قوبعة : نقاله معش لقا اخر مرة قالي نسيته في الحوش وماخذيتش امعايا نرمين : مافش نقال برمنا الحووش كله """" احمد : خليك علي تواصل مع العقرب اي شي جديد قووولي اسلام : حاضر افندي احمد احمد : انت عندك علم ان جهاز الامن الداخلي مخترق اسلام : معقووله من يعطي فينا احمد : لازم يطلع وحنعرفووو """"" قوبعة مشى لبوهديمة في الشقة اللي قاعد فيها العقرب خش عليه لقا العقرب يصلي اول مرة في حياته قوبعة يشووف العقرب ياصلي مازن كان في اخر ركعة : السلام عليكم قوبعة : تقبل الله يالعقرب مازن : بدعة هذي لايجوز قولها للمصلي قوبعة استك : ارقي ياحرارة كيف صار العقرب التزم ولا شن مازن : ههههههه كنك عشان قعدت انصلي اتقوولي التزمت قوبعة : لا حتى لحيتك معش حلقتها وامحول اشنباتك ناقص ترفع ايزارك بس وتقعد ملتزم مازن : ضحكتني ماعندش جو نضحك قوبعة : ربي يدووم عليك ياعقربنا مازن : المهم نبيك تعزم جميع تجار الحشيش في المنطقة الشرقية وانديروو حفلة عشان طلعت لازم نستدرج ايمن بطريقة بدوون مايعرفني قوبعة : تم يالعقرب """"" حنين روحت للحوش بات حنين : انشغلنا عليك معقووله اديري فيا هكي حنين : كنت بايتة عند صاحبتي عندهم مناسبة بات حنين : بطلي كذب حكالي احمد كل شي علي مازن العقرب وانّ يبيك حنين : المهم توا انا تمام قاعدة امعاكم بات حنين : باهي قوليلي الصراحة وين كنتي حنين : كنت مع هل مازن وطلعوو ناس طيبيين بكككل بات حنين : عارفك راسك امسكر لكن امك مشغووله عليك " طبعا ام حنين عندها جلطة ومش قادرة تكلم واجد " حضنتها حنين وقعدت تبكيلها واتقووللها اسفة شغلتك عليا واجد علي خشت احمد للحوووش اول ماشافها احمد اذكر لما قاله مازن " متخافش عليها خيتك اتهني علي روحها " ابستم وجت تاسفت منا حنين : اسفة خليتكم تنشغلوو عليا احمد : فرحانة العقرب هرب حنين : اكيدة فرحانة ,, لاني عارفته مظلوووم مش هو اللي دارها احمد : سالتك الله ماتنسش روان من الدعاء مشغول عليها واجد حنين : اكيدة بدوون ماتحكي ياغالي عليا أحمد لما شاف حنين عرف ان مازن صادق في كلامه """" نرمين كانت ساكته مصدووومة ومش فاهمة شي نرمين معش قعدت اتصلي نرمين يأست من رحمة ربي نرمين استحوذ عليها الشيطان فانساها ذكر الله خلاص ادمرت نفسيتها معش تاكل معش تشرب معش تطلع من الدار اتقوول ملمووسة ام مازن : شغلتني واجد نرمين فاطمة : مزالت خايفة من قصة الفيديووو ام مازن : ياريت ماتووصلش لمازن خير افضل لنا فاطمة : حتى انا قلت هكي خير ام مازن : ان شاء الله ربي يفرج عليها فاطمة : امين يارب """ قوبعة : تم يامازن كلهم جيين بكرة في مزرعة في القوارشة وكل حاجة واتية ,, حتقعد افضل عزوومة عشان هرووبك من الامن الداخلي مازن : اهم شي عندي ايمن ايجي بكرة قوبعة : رنيت عليهم كلهم ,, الروووس الكبار في المنطقة الشرقية مازن : احسن مادرت """"" حنين : اتقيم في الليل وتدعي ربي يغفرلها ويهدي مازن ويلقوو روان مازن : يستغفر في الله في نص الليل ونرمين تحكي مع رووحها اتقوول ملمووسة او مجنوونة من الصدمة احمد يانب في ضميره يقوول غير نلقى روان معش انقصر في حقووقي امعاهم بكككل """" مازن ناض الصبح ومشى مع جماعتة شوور المزرعة اللي في القوارشة اللي فيها العزوومة ولقى قوبعة داير جميع الترتيبات ومنسق في كل حاجة وكل مرة خاش واحد يحمد الله عالسلامة لين خش ايمن ايمن : الحمد الله علي سلامتك مازن : الله يسلمك ايمن : عرفناك انت قدها مازن : عرفنا كيف نبلطوو منها علي خير ايمن : من يوومك عقرب وقعدوو يهدرزوو عادي لين جا واحد حظن مازن مازن : من الدرناوي : كيف صار انسيتنا عليك وقت شين مازن : بس انا مانعرفش واحد شيخ الدرناوي : هههههههههه حاول تذكر بس مازن : الضحكة هاذي مرة عليّا الدرناوي : امعاك الدرناوي اللي يجرح ويداوي مازن : اوووووووووووووووو رفيق القلب " الدرناوي هذا كان صاحب مازن الروح بالروح ايام زمان بعدها الدرناوي اعلن توبته وفات المخدارت وقعد شيخ في درنة وماسك خلوة " الدرناوي : لكي وحشة يالغالي مازن : انت اكثر , بس تغيرت بكككل الدرناوي : الله غالب كبدنا علي بنت ملتزمة التزمنا كيفها مازن : ماشاء الله حتى وجك قعد نور في نور الدرناوي : عارف لانك غالي عليا وبيناتنا عيش وملح هذا عليش جيتك من درنة وانحمدلك عالسلامة مازن : اخر مرة سمعت انك درت مشكلة مع ايمن الدرناوي : هذا مش راجل وماعندش صاااحب وافطله واجد واجد مازن : بالعكس امعايا اكوويس ,, الدرناوي : مسكين تحكي مازن : باهي شن اخر جديدك الدرناوي : شي من الحووش للجامع للعمل للجامع للحووش وهكذا تمضي الايام مازن : راحن ايام الاهياجة والتكسيد في درنة الدرناوي : حيتعاودن باذن الله ,, مازن : ان شاء الله الدرناوي : ننصحك نصيحة ,, خووذ بنت ملتزمة وافطن كيف حياتك اتغير مازن : كيف الدرناوي : مراتك ,, مرّات تقعد جنتك ومرّات تقعد نارك علي حسب اخيتارك مازن : ربي يسهل ان شاء الله الدرناوي : بس وين طالق اللحية وامحلق اشنباتك لو امرفع الايزار راه قلت شكله سلفي الاخ قعد مازن : ههههههه مزلت خرياط يالدرناوي وقعدوو يهدرزووو ويضحكوو مع بعض """"" مازن انفرد بايمن ابرووحه مازن : لازم نقرصله وذنه ونخطف بنته ايمن : كيف صار ماعندكش علم ,, مخطوفة وقاعدة عند واحد في بنغازي في الحفظ والصوون مازن : صحة لكي ,, ايمن : نبي عليها نص مليووون لو يبيها بنتها مازن : باهي لو قتلك نبيها بكم تطلقها ليا ايمن : عارفني شن نبي لكن انت ماتبش مازن : شن ايمن : اسلاح اللي حصلته في حرب فبراير وداسة عندك نبيه كله بالذخائر وخووذها البنت حلال عليك ,, مازن : انا نبي انذل بيها الافندي احمد ايمن : خلاص جيب اسلاح قبل مازن : اعتبر السلاح وصل لطبرق ’ ايمن : حتى انا اعبتر البنت خذيتها خلاص اتفقنا ,, تم انتقابلوو في مصنع البشكووط في بوعطني " مصنع مهجووور وقديم معش يستعلموو فيه " :::: خلاص حنوتيلك السلاح واندزها لكي لطبرق ايمن : كيف حيووصل وانت عارف الايام هذينا امكثريين الاستيقافات العسكرية مازن : انسيت اسمي العقرب ايمن "تم بعد يومين انتقابلوو في المصنع , لكن خليها في بالك لو السلاح ماوصلش مش حتاخذها بنت الافندي احمد مازن : متفقين """"" حنين كل عشية تمشي اتكسد مع ام مازن وفاطمة ونرمين حنين : كنها نرمين شن صارلها فاطمة : مش عارفة رايحة لا اتصلي لا تاكل لاشي ساكته وخلاص " ام مازن وفاطمة حلفن بالله ان الموضوع مش حيطلع منهن بكككل ويخلوو سر يمووت بينتاهم لين ربي يفرج علي نرمين " حنين : ربي يشفيها عرضتوها علي شيخ مرات ملموسة ولا حاجة ام مازن : قلناله نعرضووك ماتبش هي حنين : لا حول ولاقوة الا بالله كانت تضحك واتغير في جوها ديما """"" اسلام : وهذا اللي صار احمد : صار لازم يدزله اسلاح عشان ياخذ بنتي اسلام : هذا الكلام اللي قال ليا قوبعة كله احمد : المهم اي شي يبيه العقرب ديروه انشووفوو شن نهاية هالفيلم اسلام : قصدك اسلاح حتخلوو يمشي لعند طبرق احمد : حتى لو وصل حتقعد مراقبة البضاعة من بنغازي لعند وين ماتمشي وبعدها حنداهموو المكان كله اسلام : العقرب يلعب عالثقيل """"" درناوي مابش يرووح وقعد مقيم مع العقرب في بنغازي لانهم كانووو رفاقة العقرب مايدس فيه شي علي الدرناوي زمان وحكالى كل شي صار بالتفصيل درناوي : ربي امعاك يالعقرب , لكن افطله ايمن راه يغدر بيك وماعندش صاحب مازن : ان شاء الله خير """" """"" كانوو مازن واحمد يتاقبلوو في السر ويهدرزوو وشن حينسقوو """" مازن : وتيت السيارتين وبكرة ماشي السلاح لطبرق وانت الباقي عليك احمد : تم ,, لكن افطن راه يغدر بيك مازن : بكرة ماشي انا وقوبعة بس عشان نستلم بنتك احمد : تم وانا حنوصل قبلكم للمكان مازن : لالالا مش داعي اتجي احمد : ساهل ساهل مازن : السيارة حتطلع الصبح ,, وانا حنتقابل مع ايمن عالعصر ,, لو جا تليفوون ان السيارة فاتت مدينة درنة وماشيا لطبرق صح حيعطيني بنتك احمد : تم معانا الله يامازن مازن : مش املاحظ انك اتقولي مازن مش العقرب احمد : الله غالب حتقعد بونسيب توا مازن : بالجودة بيك يا افندي احمد احمد : بالله عليك بنتي بس يا مازن """ أحمد اتصل بقوبعة واسلام من وراء مازن ونسقو مع بعضهم في حاجة بدوون علمه """"" نرمين ثاني يوووم الصبح سكرت علي روحها الباب وجابت السم تلاها وكباية امية ومزال مش عارفات شي اختها وامها """" مازن تاكد عالسلاح والذخائر في الصبح بدري ومشن السيارتين شور طبرق ومشت وراهم سيارة تابعة للامن الداخلي اتراقب فيها لاي طارئ يصير """" قوبعة : يالعقرب صارلي موضوع انا حنخليك تمشي ابرووحك مازن : احسن مادرت ,, لو صارلي اي شي هلي امانة عندك قوبعة : غير قوول خير بس """" فاطمة : حلّي الباب يانرمين كنك سكرتي علي روحك الباب ام مازن : حلي يابنتي حرام عليك عليش اديري فينا هكي شن صارلك فاطمة : تي حلي كنك هكي انتي تي حلي راه انكسر الباب عليك نرمين : ماسكة السم واتفرج عليه واتامل فيه واتقول صار اتصورني يالصادق صار اتهدد فيا يالصادق صار تبي اطلعني قدام العالم مش بنت ناس ام مازن تبكي : حلي الباب سلّم ابنيتي """ قصاد العصر مشى مازن ابرووحه شوور مصنع البشكوووط وكان شايل تحته اسلاح يرجى في ايمن بعد نص ساعة هكي جا ايمن ومع روان مازن : مرحب بالغالي انستنا ايمن : مرحب بالعقرب وايامه مازن : دزيتها لكي السيارة هيا عطيني البنت ايمن : هههه تضحك عليا يالعقرب مازن : كيف نضحك عليك ,, نحكيلك بجديات ولا انت رديت في كلامك ايمن : تبي تلعب عليا انا مازن : فيش تحكي انت ايمن : قتلك انا مخترق الامن الداخلي وعارف ان الافندي احمد هو اللي هرّبك مازن : مافش منها الدوة هذي ايمن : مسكين انت تبي تلعب عليا ولعبتها عليك مازن : حتى لو فرضنا كلامك صح ,, في اتفاق بيني وبينك وانا دزيتلك السلاح لطبرق ايمن : ضربت عصفورين بحجر واحد ,, حنحصل اسلاحك وانجيفك هكي نقعد تريحت انا مازن تذكر كلام الدرناوي واحمد لما قال افطن راه يغدر بيك لكن خلاص فات الاوان طلّع اسلاحة ايمن يبي يقتل العقرب مازن : اشهد ان لا اله الا الله واشهد ان محمد رسول الله """ علي طلعة الافندي احمد من وراء ايمن ومن قالك العقرب مافش وراء رجاله جماعة ايمن وجهوو اسلاحهم علي الافندي احمد والافندي احمد اموجه اسلاحه علي ايمن وايمن اموجه اسلاحه علي مازن الافندي احمد عطا بضهرة لـ ايمن ايمن جا يبي يضرب احمد بطلقة دغري مازن طلّع سلاحه وضرب ايمن علي كراعة طاح ايمن من هنا قوبعة وجماعته طلعوو من جهة اليمين اسلام وجماعته طلعو من جهة اليسار الافندي احمد : قتلك المكان محاصر يا ايمن جماعة ايمن اعزقوو اسلاحاتهم وقتي واستسلموو ايمن : صدقني حتندم يالعقرب وبيناتنا الايام """"" مازن : جيتوو في وقتكم ,, ماكنتش متوقعين حتجووني قوبعة : صاحبك هوو صاحب الفكرة هذي مازن : اي صاحب درناوي : ومن غيره يالعقرب صحباك الدرناوي اللي يجرح ويداوي مازن : صقر من يومك جت روان تجري شور باتها حضنها ورفعها فوووق بلقطة عفوية من روان قالت الله اكبر مازن : الله اكبر قوبعة وجماعته : الله اكبر الافندي احمد وجماعته : الله اكبر واصوات التكبير تعالت في المصنع المهجور اشوية هكي وجن سيارات الشرطة وخذن ايمن وجماعتهم اللي سلموو ارواحهم بدوون مقاومة """"" نرمين شربت السم وانتحرت يأست من رحمة الله فاطمة : من الصبح امسكرة علي ورحك افتحي حرام عليك ام مازن : فاطمة كسري الباب وخلاص فاطمة كسراته بساطووور لقوووو نرمين طايحة وفمها امعبي رووغه انتحرت وودعت الدنيا عشان غلطة منها ماكنتش تعرف انّ ربي غفور رحيم فاطمة تبكي وام مازن تبكي حاولوو يسعفووووها بسرعة لكن فات الاوان خلاص بمجرد ماوصلوو للعيادة عرفووها منتحرة انشتر الخبر بسرعة البرق """" عواجل صفحات الفيس "انتحار فتاة من منطقة الوحيشي بسبب لعبة اتشارلي فتاة انتحرت بسبب السحر والشعودة فتاة تناولت حبة الفيل الازرق وانتحرت ....... الافندي احمد : طلعت قد كلامك يامازن ,, ومش حنلقى راجل يحافظ علي اختي نفسك مازن : ليا الشرف الناسبك الافندي احمد : لكن لازم اتسلم روحك توا ,, والباقي خليه عليا حتى المحامي شوري.. وحتطلع براءة معزز مكرم ,, مازن : بعدها نبي انطلع الفرح وقتي لانّي واتي يتبع ,,,, | ||||
|
| |
|
09-11-17, 01:07 AM
| #8 | ||||
| #مشاعر_مطرطشة الحلقة الثامنة حاولوو يسعفووووها بسرعة لكن فات الاوان خلاص بمجرد ماوصلوو للعيادة عرفووها منتحرة انشتر الخبر بسرعة البرق """" عواجل صفحات الفيس "انتحار فتاة من منطقة الوحيشي بسبب لعبة اتشارلي فتاة انتحرت بسبب السحر والشعودة فتاة تناولت حبة الفيل الازرق وانتحرت ....... الافندي احمد : طلعت قد كلامك يامازن ,, ومش حنلقى راجل يحافظ علي اختي نفسك مازن : ليا الشرف النّاسبك الافندي احمد : لكن لازم اتسلم روحك توا ,, والباقي خليه عليا حتى المحامي شوري.. وحتطلع براءة معزز مكرم ,, مازن : بعدها نبي انطّلع الفرح وقتي لانّي واتي """ ام مازن وفاطمة يبكن قدام غرفة العمليات فاطمة : يانعليا يانرمين عليش درتي هكي في روحك ام مازن : يارب يارب يارب يارب دكتور : تعالوووووو مزال قلبها ينبض من قاللكم انتحرت من الممرض الكذاب اللي حلل شخصية المريض بدوون مايكشف عليها ابسرعة ديروولها غسيل للمعدة بسرعة قبل ماينتشر السم " جووو جميع الدكاترة لغرفة العمليات " """ فاطمة : ماما طلعت حيّ نرمين يارب يارب يارب ام مازن : وينك يامازن نبوووووك تعااااااااال """"" درناوي : خلاص لازم نمشي لدرنة ضروري انت عارف الايام هذينا مازن : تم يالغالي ,, درناوي : لازم تعرفوو الجاسوس اللي بيناتكم يا افندي احمد الافندي احمد : ومن قالك مانش عارفة الجاسوس مازن : من الجاسوس هو الافندي احمد : اقبضوو على اسلام اسلام : كنك يا افندي معقوله عمري كله نخدم فيك معقوولة نعطي فيك انا قوبعة : اسلام هو من ساعدني في حاجات واجد ياا فندي احمد مازن : تحكي بجديات يا افندي احمد الشرطة اللي امعاهم مسكوو اسلام اسلام : يا افندي احمد راك ظلمتني عارف انت شن ادير افندي احمد : بطّل كذب حطيت واحد يراقب فيك وانت كنت تعطي المعلومات اول باول مافش حد من المرور قالك ان عملية الحادث مقصوودة ومايطلعش من النفس اليوووم التقرير يطلع بعد فترة بسيطة انت جيتني وقلتها ليا ثاني يووووم انّ في واحد ناوي يقتل مازن الحاجة الثانية مازن لما خش المستشفى ايمن رن علي قوبعة في نفس الوقت كيف عرفها وقتي ومن قالها له مكالماتك كلهن امسجلات شيلووو الكلب الخائن للحجز """ حنين : كانت في المسجد اتحفظ في البنات وعقلها مع مازن ومش عارفة وين مشى بعد هرب """" مازن : توا خليني نمشي للحوش انطمن هلي عليا الافندي احمد : لا مايصير شي انت هارب لازم اتسلم روحك قبل مازن : تمام ,, قوبعة ترا رن علي امي نبي نسمع صوتها قوبعة يرن ويتصل طوّلت وماردت ام مازن تبكي عالنقال : تعال بسرعة نبوو حد امعانا في المستشفى قوبعة : في المستشفى مازن سمع كلمة مستشفى خذا النقال من قوبعة مازن : شن فيه يا امي ام مازن : مازن حبيبي تعال ابسرعة نرمين حاولت تنتحر نحسبوها ماتت لكن طلعت مزالت حيّة تعال ابسرعة مازن :اي مسشتفى ام مازن : الجلاء قاعدين تعال فاطمة : تعال يامازن تعاااااااااااااااال مازن طلع يجري من المصنع الافندي احمد : وين يامازن تعال انت راه يدوروو فيك مازن : تي اختي في غرفة العمليات فيش تحكي انت الافندي احمد : تي باهي انت ادوروو فيك ,, حتطلع حيسمكووك مازن : تعرف اتفووتني توا مش وقتك بكل انت الآخر الافندي احمد : مش ابجوك هيا قوبعة : صح يا العقرب خليني تو نمشي انا مازن : باهي تو نقعد في السيارة مش حننزل """""" الدكتوور : حالتها خطيرة بكككككل ,, مالكم الا الدعاء """"" سهام تبكي وخلاص وتدعي ربي يكوون في عون احمد ويفك اسر بنتها روان """" قوبعة : وصل للمستشفى ام مازن : وين مازن قاعد برة في السيارة مايقدرش ينزل عارفة انتي مطلووب هوو ام مازن طلعت من المستشفى اتقوول رايحة منها كبدها ولا قلبها مازن في السيارة شافها نزل يجري مازن : امي امي امي امي ام مازن : وليدي حبيبي حظن امه وقعدت تبكي عليه فيه شرطة كانت قدام باب المستشفى الجلاء " حي علي امه العقرب في الجلاء قاعد ابسرعة ديرو استدعاء للدوريات " وهوو حظن امه طلعت فاطمة : مازن مازن مازن مازن شافت مازن برة في حظن امه مشت تجري شووورهم حظنتهم فاطمة والشرطة جايا عشان القبض علي مازن مازن خش للمسشتفى مع امه واخته وامصبي قدام غرفة العمليات معش قدر يمسك روووحه ضرب غرفة العلميات بكراعه وخش عليهم """"" الافندي احمد جا علم ان في دورية ماشية للقبض على العقرب احمد : شن قتلك انا يالعقرب عليك تسكير راس عندك """"" مازن مسك يد نرمين ردبالك اتمووتي هيا نووضي انتي نوارة الحووش """"" احمد مشى شوور حووش هل سهام ومعاه روان في حظنه في السيارة وصلوو للحوووش احمد : امشي ياروان دقي انتي ابرووحك سهام : فتحت الباب من من من من من من من روااااااااان سهام وهي تبكي : الحمد الله ياربي الحمد الله ياربي والزغاريت تعالت حووش سهام وفرحانين برجوووع بنتهم طيبة سهام : ربي يخليك ليا يا احن زوج في حياتي احمد : بكرة الصبح وتي دبشك مش اتردي للشقة سهام : اكيدة ياعيووني امرايفة عليك وفرّحتني برجووع بنتي طيبة """"" دكتور : تقدر تطلع ياخونا راه حالتها قعدت اكويسة توا مازن : مش طالع انا لين انشووفها ناضت دكتور : والله حالتها اكويسة لكن قاعدة تحت تاثير البنج توا """" الافندي احمد ركب سيارته وماشي شور الجلاء عشان يلحّق يساعد مازن ويطمن علي نرمين """" لامار : لولوولولوولولوولي حنين : شن فيه لامار : لقووو روان حنين : الحمد الله ياربي ,, حنرن علي سهام انحمدلها علي سلامة بنتها """" قوبعة : الشرطة برة ترجى فيك تطلع عشان يقبضو عليك مازن : المهم اطمنّت علي نرمين طلع مازن سلّم رووحه للشرطة علي جيّت الافندي احمد جت عينه في عين مازن غمزله وابتسم الافندي احمد "وكأنّ يقووله كووون هاني موضوعك في جيبي " ركبوو للسيارة العسكرية من لاورة واحد من الشرطيين قاله هيا اركب ياكلب بدوون نقاش خش فيه بدماغ مازن انا مش كلب بووني علي بطنة انا مش كلب رفسه بكرااااعة اسمي العقرب مش الكلب راه انحكك راه الشياطيين قاعدات قدام وجي الافندي احمد : خلوو ابرووحه لاورا الافندي احمد محد يضربه او يعذبه في الحجز """" قوبعة عارف ان الافندي احمد حيطلعه """" والافندي احمد وصّى الدكاترة علي نرمين شفاته ام مازن اذكرت كيف كان يضرب في ولدها ام مازن : شن تبي مزال منّا فاطمة : ياريته مازن مااختار بنتكم ولافكر يناسبكم الافندي احمد : جي انحمد علي سلامة بنتكم فاطمة : غير خطانه مابنوو منّك شي احمد وصيتهم ينقلووها لعيادة افضل وحيهتموو بها احسن من هالمستشفى """"" مازن قاعد من لاورة راكب في الشيلا اللي اتشيل في المساجين ويضرب في الحديد في ايديه مازن : تي لعند امتى تقعد هكي معقووله نهايتك مستشفيات واحبوووس يامغمي عليك يامحبووس معقوولة الحب يخليك اتنازل هالتنازل كله لعند امتى هكي بس مليييييييت معقووله قعدت اتمعيل ابرووحك عشان حنين يارب الصبر يارب الصبر """ حنين في الليل رنت علي فاطمة حنين : اهلين كيف حالك فاطمة : مش تمام نكد في نكد حنين : شن صار فاطمة : نرمين حاولت تنتحر لكن وصلنا فيها في الاخير حنين : لاحول ولا قوة الا بالله فاطمة : ساعدنا خووك هو اللي نقلها لعيادة الطارق حنين : باهي الحمد الله ,, فاطمة : لكن في خبر مش تمام حنين : شن فاطمة : اقبضوو علي مازن بعدها جا شافنا في الجلاء حنين : شن شن امتى صار الكلام هذا فاطمة : هذا اللي صار ,, """""" قوبعة قاعد تحت العيادة الطارق يرجى في اي تليفون من ام مازن ولا اخته ومشغوول باله وااجد علي مازن وعلي نرمين واللي ماتعرفووش انتم ان قوبعة معجب بنرمين واجد ويحبها من قبل لكن مش قادر ادير اي حاجة عشان خووها رفيقة وصاحبه ونفس الوقت مش قادر يقوول للعقرب نبي اناسبك لان يحس في رووحه مكانته اقل من العقرب وكان بلعاني يمشيلهم علي اساس يسال عالعقرب وهذا كله عشان يبي يشووف نرمين بس قوبعة في الحقيقة اسمه فارس باته مات في حرب فبراير في سرت باته كان مؤيد للفاتح بعد مات باته انحرم من جميع حقوقه هو وامه وتهجروو من سرت لبنغازي وقعدوو ساكنين في اجار وقعدت حياتهم صعبة بكككل كان فارس يخدم نظافة في واحد من المطاعم مازن ماشي يبي يتغدى مرة شاف شاب ينظف في طاولة زبوون بالغلط جت مية علي دبش الزبوون الزبوون قعد يفلم ويشتم صبّلى مازن ,, قاله اول شي احترم اللحية اللي ع وجك ثاني شي هذا اصغير مش من جيلك """" قال الفارس ,, لو تبي اتفووت المطعم عملك واتي وعندي وهذا رقمي ومن يوومها فارس قعد اليد اليمنى لمازن ويخدم في المخدرات وبيع السلاح مع مازن """ مازن في الحجز امتاع الحدائق يستغر في الله مازن : استغفر الله استغفر الله استغفر الله """" حنين ترجى في احمد خوها يروح عشان تساله شن صاير في مازن وعليش شال اخت مازن لعيادة خاصة معش فهمت شي """" نرمين : وين قاعدة انا ام مازن : قاعدة في العيادة الحمد الله اكويسة انتي فاطمة : الحمد الله ياربي سمعتك تحكي ,, تبي اتسيبيني ابروحي معقولة نرمين : وين مازن نبي مازن فاطمة : مازن توو اجيك اهم شي انتي طيبة ام مازن حضنتها بالقووة : ذالك فضل الله يؤتيه لمن يشاء والله ذو الفضل العظيم """"" احمد روّح متاخر للحووش لقى حنين ترجى فيه في المربووعة ولع ظي المربوعة لقاها امقعمزة حنين : الحمد الله علي سلامة روان فرحتلك واجد الحمد الله أحمد : الحمد الله ,, ربي في الوجود حنين : عليش ساعدت اخت مازن ,, احمد : حسيت روحي ضلمتهم وشكلهم عائلة اكويسة وحتى مازن متخافش ,, حيديرو تحقيقات لو طلع مش هو اللي خاطفها ومالقووش عليه شي حيطلع حنين : باهي لو قتلك صبي امعا مازن عشان خاطري احمد : حاضر حنصبي جنبه ونقعد امعاه ,, وحنكلف حتى محامي لكن يطلع براءة من التهم المنسوبة اليه قبل """" قوبعة رن علي فاطمة قوبعة : تبوو حاجة انجيبه لكم من المحل فاطمة : لا نبوو سلامتك لو حاجة في حنرنوو عليك قوبعة : كيف حال صحة نرمين فاطمة : الحمد الله حالتها اكويسة ,, دوت امبدري اشوية قوبعة : الحمد الله ,, لو في حاجة دوريني وسكر الخط منها قوبعة في السيارة : الحمد الله ياربي الحمد الله ياربي ياريتها فيا ولا فيك يانرمين ,, غير اتصحي بس وتقعد حالتك تمام حنطلب ايديك من العقرب مستقبلا """ ثاني يووم الصبح جت حنين زيارة لفاطمة وامها فاطمة : مرحب بالغالية حنين : مرحبتين بيك سمووحتي ,, ها طمنوونا عليها اكويسة اليوم فاطمة : الحمد الله قاعدة ناضية توا حنين : حمد الله علي سلامتك هيا صبي امرايف عالهدرزة امعاك في الجامعة نرمين : نجك نجك حنين ,, ذوق من يومك ,, اسفة شغلتكم عليا """"" الافندي احمد كلّف محامي في قضايا مازن السابقة وكل شي ماشي تمام كيف ماتوقع """" يالعقرب عندك زيارة طلع العقرب لقاء قوبعة احضنوو بعضهم قوبعة : امرايفيين عليك يالعقرب واجد مازن : طمني علي نرمين قوبعة : الحمد الله حالتها اكويسة اليووم سيبت امبدري امعاهن حنين جيتهن زيارة ممكن يومين وتطلع مازن : الحمد الله ياربي فرحتني ,, قوبعة : الافندي احمد هو من نقلها لعيادة خاصة ع احسابه الشخصي مازن : المهم انت ردبالك اتقصر في شي مع هلي قوبعة : عيب الدوة هذي "" المحامي : افندي احمد كل شي ماشي تمام , لكن اقل شي يقعد محبووس شهر ,, لين انكملوو جميع ملفاته ,, بعد يطلع حيقعد ماعليه ولا حاجة ,, الافندي احمد : يعني بعد شهر تقعد ناهي كل حاجة انت بالقانون المحامي : باذن الله الافندي احمد : توكلنا على الله """" بعد يومين طلعت نرمين وروحت الحوووشها وبدت اتحسن صحتها واجد وخشت للمسجد مع حنين تحفظ في القرآن وكان ايشيل فيها قوبعه للمسجد اتحاول حنين اطلعها من النكد اللي فيه ويحاول قوبعة يخش فيها اكثر لكن مش عارف وبدت نرمين اتحس بان قوبعة مهتم بيها اكثر من اللازم """" سهام : هيا نووض حبيبي وقت عالعمل احمد : هيا توو انووض سهام : دبشك واتي وامحدد احمد : نجك ليا اعويناتي روان : هيا بابا عاد نووض راك تنسى اليوم العشية نمشوو الموول احمد : شن نوضك عالصبح بدري ا,, خلاص وعد العشية حنشيلك للموول انتي وماما روان طلعت تجري فرحانة من الدار """"" ام مازن : الووو مازن اعيوووني كيف حالك مازن : تمام كيف حالك وحال البنات ,, ام مازن : الحمد الله امورهن طيبة ,, انت كيف حالك في الحجز طمني عليك مازن : الحمد الله حالي اكويس ,, يكملن التحقيقات حنطلع نقصتكم اي حاجة كلموو العقرب ام مازن : الحق قوبعة ماقصرش في شي بكل """" فاطمة : مش املاحظة نظرات قوبعة رايحات كاثرات علي نرمين حنين : بالك الراجل امكبد فاطمة : زعمك هههههه حنين : عليش تضحكي ,, فاطمة : عجبني الوصف امتاعك بالك الراجل امكبد """" قوبعة عندة رقم نرمين يلقى فيها متصل عالواتس ابس لكن مش قادر كيف يخش فيها لين مرة كانت منابسبة المولد النبوي دزلها مسجد تهنئة بالمولد النبوي نرمين : قوبعة دازلي تهنئة عالمولد النبوي قالت في بالها ,, اطلع ع راس حاجتك هيا حنرد عليه وخلاص نرمين : راهي بدعة معش بتعثهن لحد دزلها قوبعة عالوات اس قوبعة : ههههههههه نرمين :عليش تضحك قوبعة : حنين شكلها خشت علي مازن وعليك ,, عقبال فاطمة نرمين : في عينك عرفتها من قبل بدعة اماله تحسابني مش فاهمة شي في الدين وقعدوو يهدرزوو ويضحكوو عادي قوبعة فرحان عشان كسر الحاجز الرسميات اللي كان بين وبين نرمين """" يالعقرب عندك زيارة طلع مازن لقا الافندي احمد مازن : مش عارف نشكرك ولا نكرهك الافندي احمد : كنك شن فيه مازن : نشكرك عشان اهتميت باختي ,, ولا نكرهك عشان شكله المحامي امتاعك مادرلي شي لعند توا ليا اسبوع مافش اي جديد ,, الافندي احمد : متخافش المحامي قاعد ادير اللي عليه مش حتطلع الا تقعد معش عليك سوابق ولا قضايا مازن : معناها اول مانطلع من الحبس ’’ حنطلع الفرح طووووول الافندي احمد : وانا قتلك مش حنلقى راجل كيفك يحافظ علي اختي """" نرمين : اليوم قوبعة دزلي مسج وهدرز امعايا وتس اب فاطمة : قاعدة اتعيط وانتي تستعبطي نرمين : لكن فضيحتي مع الصادق مابتش تطلع من راسي فاطمة : بالك قوبعة يقعد بلسم لجروحك اسمه فارس اسم علي مسمى صقر امصوقر واللي تعرفه احسن من اللي ماتعرفش نرمين : لكن تخيّلي ارتبط بيا وانتشر الفيديوو امتاعي فاطمة : انتي صارحي بكل حاجة عشان يقعد عنده علم نرمين : لكن مزلت مش عارفة هل يبي يرتبط ولا لا لان هدرز عادي امعايا فاطمة : مع الايام حتعرفي نرمين : ان شاء الله خير ,, يتبع ,,,, | ||||
|
| |
|
09-11-17, 01:08 AM
| #9 | ||||
| #مشاعر_مطرطشة الحلقة التاسعة مازن قعد صلاة ويذكر الله في الحبس لاجديد عنده نفس الروتين """" الافندي احمد ادير في المستحيل هو والمحامي عشان يطلّع مازن براءة من جميع القضايا """" حنين تمشي لجامعتها واتشووف في نرمين وفاطمة وشبه يوومي اتكسد امعاهن في الجامعة """"""" نرمين بدت حالتها في تحسن وبدت تنسى قصة الفيديوو امتاع الصادق """" ام مازن وفاطمة خلّن موضوع الفيديو سر ومابش يطلع منهن بكككل قصة الانتحار مشت علي اساس كانت ملمووسة وعالجوها """" قوبعة مهتم باهل مازن وخاصة نرمين وقعد يهدرز امعاها فوون ودردشة واجد وبدت حتى هي اتريحله """"" قوبعة : انرن عليك كنك اطولي في الرد نرمين : كنت انهدرز مع شاب غيرك قوبعة : شن قلنا نحن عالسماطة نرمين : باهي بس بجديات انا شن نعنيلك قوبعة : ماقتلك كل شي في حياتي نرمين : متاكد قوبعة : فكينا من السماطة امتاعك نرمين : نسمط عندك مانع قوبعة : تي لا شن هالبنت نرمين : حتى انا اخت العقرب قوبعة : خطرها عالعقرب ليا اسبوع معش مشيتله زيارة نرمين : كان مشيت ادويله عالموضوع اللي قتلي عليه " قوبعة واعدها لما يطلع مازن براءة حيخطبها رسمي من خووها " قوبعة : قتلك لما يطلع حنقووله توا مايصير شي نرمين : دخنّش ,, قووله اول ما اتشووفه قوبعة : حنشووف شن ايصير امعايا """" روان : ماما بابا قاعد لووطة هيا نمشو سهام : هيا روري توو نطلعوو وسعي بالك "احمد يرجى فيهم لووطة عشان يبي يشيلهم للموول " نزلت سهام وروري للسيارة احمد : جت الهرجة تجري سهام : تعال اركبي من هنا عليش ماشيا من غادي " روري مشت لعند باتها وقعمزت علي كرعيه " سهام اتبحت في احمد وفرحانة عشان قعد مهتم بيهم نفس زمان وقعدت هيا وروان من اولوياته """"" حنين : زعمك شن داير في الحبس يامازن المشكلة حلفت مش حنرن عليك ولا نحكي امعاك لين تطلع من الحبس وادير حاجة رسمية سامحني ياحبيبي ياريت يعذرني ومايقوولش كنها لا اترن ولا تسال عليا سامحني ياحبيبي معش نبي انخلي المشاعر يخلني نعصي الله باسم الحب احمد خويا طمني وقالي كان طلع براءة حياخذك عادي واتعيشي امعاهم في الشقة امتاعتهم """"" مازن : عشان حبيت بنت صارت نقلة نوعية في حياتي تغيرن في حياتي حاجات واجد يارب اتكووني بخير ياحنين غير نطلع من الحبس حنجي ناخذك ونزووجوو وانجيب احلى بيبي منّك " وهوو يحكي مع روحه سمع صوت يالعقرب عندك زيارة طلع شافه قوبعة مازن : رايفت عليك واجد وينك يالغالي قوبعة : سامحنا غير كنت مشغوول في المواضيع اللي قتلي عليهن مازن : اللمهم بعت كل شي عندي في الممنوعات وتصدقت بيهن للمنطقة ,, قوبعة : خلاص معش عندنا ولا حاجة مازن : هلي شن جوهم اكويسيين قوبعة : اشوية حنرنلك عليهم قوبعة : ام مازن هاكي العقرب ام العقرب : وليدي حبيبي كيف حالك معش طلعت مليت وانا نرجى فيك امتى تطلع مازن : هانت يا امي خلاص تنسِنَش من الدعاء ام مازن : فضيت وحدة من دار البنات وجبتلك فيها غرفة نووم زوجية عشان نفرحوو بيك مازن : من وين الفلوووس ام مازن : بعت ذهبي كله اللي شاري ليا وجاب مبلغ خيالي بككل شريتلك غرفة نووم كاملة وركبتلك فيها شاشة ومكيف وفضيت الدارة الاخرة عشان تقعد دار معيشة لكي وعقبتلك مبلغ عشان تزوج بيه مازن قعد يبكي عالنقال : عليش يا امي حندبر راسي انا ليش هكي بس من قالك اديري هكي ام مازن : اسمع خليها في بالك انت في نظر الناس كلهم عقرب , لكن في نظري انا بيبي وطفلي ودلووعي مزلت مازن : ربي مايحرمنش منّك ياغالية " فاطمة ونرمين كانن جنب ام مازن وقعدن يزغرتن عشان يسمعنّا مازن : السكنات قوللهن بطلن اهبال فاطمة : هيا امتى تطلع امرايفة عليك ياخيي نرمين : هيا عاد تعالي يا احن اخ عندي في هالدنيا مازن : كيف حال صحتك نرمين نرمين : الحمد الله في نعمة ,, قعدت نمشي للجامع اللي تقرى في حنين قعد جوي تمام بككككل اخرة مازن : الحمد الله يارب " وسكّر الخط منهن " قوبعة : بس وين ماشاء الله يالعقرب تغيرت بكككل مازن : كيف قوبعة : قعدت ملتحي والنور علي وجك مازن : الدنيا نهايتها مووت ,, وفي حاجة اسماها حياة البرزخ حنعيشووها في القبر لين اتقيم يووم القيامة قبرك يقعد وحدة من حاجتين ياروض من رياض الجنة ياحفرة من حفر النار ربي يهديك ويهديني يالغالي " قوبعة جسمه اقشعر من كلام مازن " لكي ثلاث اسابيع في الحبس حلّك تعلمت بسرعة مازن : هازي عليا ياطحّان باهي باه قوبعة وهوو يهدرز جاته رساله شاف نقاله طلعت من نرمين " راك تنسى " وقعدوو يهدرزوو عادي مازن وقوبعة """""" حنين : بابا نبيك بكرة اتشيلني لعند هل مازن نبي نطمن عليهم ليا فترة عليهم بات حنين : حاضر حنووو لامار : شن صار امعاك في مازن حنين : احمد قالي اول مايطلع مازن براءة ايجي يخطبك عادي لامار : ان شاء الله ربي ايجيب اللي في خير لكي والمازن حنين : اللهم امين """"" ام مازن : قتيلي تبيني في موضوع يافاطمة فاطمة : نحكوولها توا ولا لا يانرمين نرمين تحشمت : احكي عادي فاطمة : فارس يبي يخطب نرمين ومرات حيحكي المازن اليووم في الحبس ام مازن : بالعكس فارس اسم علي مسمى راجل ماشاء الله عليه فاطمة : يعني اموافقة عليه ام مازن : نرمين شن قالت فاطمة بحتت في نرمين شفتها متحشمة فاطمة : تي اوكي بكل علي اساس متحشمة علي من ياطبرق هههههههه ام مازن : بطلي ابصارة مع اختك ما اتركبش عليها فاطمة : السكووت علامة الرضا """" تلعب روان بالالعاب وقاعد احمد مع سهام احمد : عارفة اني انحبك سهام : لا مش عارفة احمد : باهي شن عارفة سهام : عارفة انك اتحبني احمد : نجك ليا اعيووني سهام : عارف يارووحي فرحانة عشان قعدت مهتم بيا انا وبنتي فرحانة بككككل احمد : ربي يدووم الفرح سهام : في حاجة لو انقوولها لكي مرات انقول مش وقتها احمد : شن قولي ان شاء الله خير سهام : انا ح ا م ل احمد : يانعليا وخلاص داسه عليا خبر كيف هذا سهام : وطي صووتك جنبنا نااااس احمد : تي انحبك انحبك انحبببببببببببببببك سهام : تي بطل كنك انت الناس جنبنا قاعدين جت تجري روري لامها بعد سمعت باتها روان : كنك ياماما بابا يحبك روان بصووت عالي : بابا يحب ماما بابا يحب ماما سهام : البنت انهبلت طلعتلك احمد اضبط روان وخلاها في حضنه """" مازن : هذينا اخر الاخبار ياقوبعة قوبعة : هذا هووو ,, نبي نفتح موضوع امعاك وناخذ رايك ونرضى بردة فعلك مازن : شن ان شاء الله خير قوبعة : نبي اختك نرمين بالحلال وناوي نخطب ,, عارف توا مش وقته الكلام هذا ,, لكن ناوي نخطب وندفع لين انكمل البني امتاعي وبعد نزووجوو مازن : انت نصي الثاني وخويا وكاتم اسراري مش حنلقى واحد كيفك ,, قوبعة : ربي يحفضك يالعقرب مازن : لكن نسالك قوبعة : اسال مازن : قتلي حتخطب وتدفع بصراحة هلي هنا افلووس الحرام اللي بيناتنا ولا شن قوبعة : استحالة اندير شي بفلووس الحرام ,, عارفني عندي عملي الثاني نخدم مسوق منتجات عطور ومواد زينة مازن : تمام ريحتني ياقوبعة ,, خلاص اول مانطلع تعال اخطب وادفع ودير اللي اريحك ,, انت اكثر شخص مطمن عليه من ناحية هلي صبووو هما الاثنين وحضنوو بعضهم """" قوبعة لما طلع من مازن قعد فرحااااان وقريب ايطير من الفرحة مازن قال اخيرا اطمنت علي نرمين عقبالك يا افطوومة نفرحوو بيك """"" نرمين اتفكر زعمك شن قال مازن وزعمك قاله ولا لا فارس اتفكر الليل كله وهي اتفكر رن عليها فاااااااااارس نرمين : الووو وينك مابيتش انرن قلت لين يرن هوو قوبعة : شكلك امرايفة عليا واجد نرمين : مش امرايفة لكن فقدتك قوبعة : عنجد الكبرياء اللي عندك نرمين : باهي كلمت مازن ولا لا قوبعة : كلمته وقالي اموافق نطلع من الحبس قبل نرمين : ربي يخليك ليا وانحبك واجد يا احسن واحد في حياتي قوبعة : حتى انا انحبك واااااااااااجد ,, لكن حنصارحك بحاجة نرمين : شن هيا قوبعة : انا انقاني كلمت بنات واجد من قبل لكن كلهن كنت انبصر ونلعب عليهن ,, اخر وحدة كنت داير علاقة معاها ممرضة ,, لكن من يووم قعدت انهدرز امعاك ,, سكرت عليهن كلهن ,, توا ماعندش الا انتي في حياتي نرمين : مرات حتى انا تلعب بيا نفس باقي البنات قوبعة : نلعب بيك اماله عليش حكيت الخوك عليك نرمين : اصلا كنت نختبر فيك ونجحت في الاختبار قوبعة : هههههه اخت العقرب شن يبي يطلع منك نرمين : نجك انت والعقرب خيي قوبعة : باهي نسالك عمرك حبيتي شاب او كلمتي شاب ودرتي امعاه علاقة " نرمين اذكرت كيف كانت تعرض في جسمها للصادق في مكالمة الفيديوو وهوو كان يسجلها من وراها " قوبعة : الوووووو وينك قوبعة : الوووووو " سكرت الخط في وجه وقعدت تبكي " قوبعة : شكلي فترشت ولّا قلت حاجة مش وقتها بكل قوبعة يرن اخرة مابتش اترد عليه """"" سهام : فرحانه ياحبيبي عشان اليوم طلعنا غيرنا جوّنا احمد : تي انا اللي فرحان عشان قتيلي حامل روان : بابا نبي نرقد امعاكم في الدار احمد : ارقدي يا احلى رووري عادي روان : ماما شن معنى حامل سهام : رد عليها يا احمد احمد : معناها ماما حتجيبلك بيبي جديد يقعد امعاك وتلعبي امعا روان : من وين تبي اتجيبه يابابا سهام : هههههههههههه احمد : روري شن رايك ترقدي ياعسوولتنا روان : باه نرقد ا معاكم في الدار """" مازن كالعادة كل ليلة يقيم في الليل ويدعي ربي يفرج عليه ويغفرله ذنوووبه وبعدها يقعد يقرا في القراءن """" حنين كالعادة ونفس كل ليلة اتفكر في مازن واتقيم في الليل وتدعي بدعاء واحد يارب مازن يقعد من نصيبي """"" نرمين تبكي ومشّت الليل كلّه ابكاء لين رقدت """" قوبعة يرن يرن لكن مااتردش عليه نرمين رقد وقال بكرة حنشووفها كنها اضايقت فجاة """ احمد : هيا بما ان رقدت روري ,, شليها للدار ونبيك سهام : ههههههه شن تبي ماقاعدة امعاك توا احمد : غير شليها بس وتعالي سهام : تم ياحبيبي احمد : انحبك يا احلى انثى في حياتي سهام : جيتك ياحبيبي """" ناضت حنين الصبح ودارت فطوور الباتها وامها وتّت رووحها للجامعة اتصلت بي فاطمة حنين : صباح الورد فاطمة : صباح النوور غلاتي حنين : عارفة اليوم ماعندكمش جامعة فاطمة : اها اليوم راحات انا ونرمين حنين : العشية جيتكم غادي انهدرزوو فاطمة : الحووش ينوور بيك ,, بس مش عندك جامع حنين : لا مش ماشية اليووم امرايفة عليكن واااجد ونبي منكن اخر اخبار مازن فاطمة : يعني جايا عشان مازن حنين : لا جايا عشانكم فاطمة : تي نجك لنا ياصقووعية ,, تو بعد ياخذك مازن حتملي منّا حنين : انمل من عينك ,, هلي انتم """"" نرمين كانت اتكنس واضم في الحووش نرمين : من اللي كان يحكي امعاك فاطمة : حنين وقالت جيتكم العشية تبي اتهدرز نرمين : بالمرة حتشووف غرفة النووم الجديدة فاطمة : حنخلووها مفاجئة لها نرمين : احلى مفاجئة فاطمة : كنك امس سمعت تبكي لكن مابيتش ندويلك قلت مرات اذكرت قصتها الاولى قلت خليها ع راحتها نرمين : حي ماقتلكش فاطمة : شن شن وانا ديما فيتتني الزيطة نرمين : فارس حكى لمازن وافق ,, قاله بعد نطلع من الحبس تعال اخطب رسمي فاطمة : لولوولولوولولي لولولوولي نرمين : تي اس امي في الدار قاعدة ام مازن : شن فيه يابنات مازن روّح ولا شن فاطمة : ياريت ياماما نرمين : تسمط عليا بس ياماما فاطمة : نسمط ع عروستنا نرمين : ههههههه ام مازن : يارب تكمل فرحتنا ببراءة مازن نرمين وفاطمة : ياااااااااااارب """"""""" احمد : معقووله ياسهام ما اتنووضنش وقت عالعمل سهام : والله خذاني النووم ياحبيبي اسفة واجد احمد : هههه عنجد اسفة انقولك وقت عالعمل سهام : امس كانت احلى ليلة في حياتي ذكرتني بايام كيف كنّا متزوجين يا اعيووني احمد : تي حولي انقوولك وقت عليا خليني اندووش بسرعة وتيلي ادبشي بسرعة سهام : حاضر يا اعيووني """" اتفرج عالتلفزيون نرمين شافت نقالها يرن طلع قوبعة نرمين : اسفة امس سكرت اشوية كنت مضايقة قوبعة : انشغلت عليك بس اعيووني نرمين : بعدين نبيك في موضوع نبي انصارحك بشي قوبعة : شن نرمين : موضوع صار امعايا ونبيه يقعد سر بيني وبينك قوبعة : شن في شغلتيني ,, نرمين : في الليل حنحكيلك قوبعة : تم اعيوووني """" احمد في المكتب قاعد يشووف في اخر مستجدات امن بنغازي رن نقاله ,, طلع المحامي المحامي : الو افندي احمد ,, ان شاء ما ازعجناكش احمد : لا عادي ,, بشرنا في حاجة جديدة ولا لا المحامي : خلاص تميت جميع اوراق العقرب احمد : شن يعني يطلع توا عادي المحامي : بكرة يطلع الامر الافراج عليه من النيابة ويطلع احمد : الحمد الله ياربي ,,, المحامي : اي خدامة منّي يا افندي احمد احمد : باقي حقاتك بكرة ينزلن في احسابك في المصرف المحامي : اي حاجة تبيها يا افندي احمد نحنا في الخدمة """" احمد رن علي سهام سهام : نعم ياحبي احمد : هههه فكينا منهن هالمصطلحات عليش تبي اذوبيني سهام : ههههههه نجك ليا وخلاص احمد : قتلك مش جاي للغداء اليوم سهام : عليش كنك احمد : ماشي للحبس انشيل غداء لمازن وانبشرة بالاخبار ,, بكرة يطلع براءة سهام : يعني نتغدى ابرووحي معقووله احمد : الله غالب كنك سهام : لالا تعال تغدى ولا نزعل منك يا اعيووني احمد : خلاص تو نمشيله انقووله وانشيله غداه وانجيك دغري سهام : والله ماني واكله حاجة لين اتجي انت احمد : تي باهي راك نفختيهن سهام : انحبك احمد : حتى انا """" قوبعة ماشي زيارة للعقرب وشايله الغداء العقرب : انستنا يالغالي ,, عليش اتعب في روحك قوبعة : كم عندنا عقرب نحنا مازن : واحد بس وقعدوو يهدرزوو عادي """"" فاطمة : تعالي تغدي يانرمين هيا جت نرمين اتغدى مع امها واختها وتاكل وكيف السرحانه واتفكر حسّت فاطمة ان نرمين في حاجة شاغله تفكيرها فاطمة خلّت امها لين اتصبي من الغداء فاطمة : كنك يانرمين كوولي فيش اتفكري نرمين : نبي انصارح فارس بعدين في الليل علي كل حاجة واللي ايصير ايصير فاطمة : صارحي لو يحبك صح حيتقبل الموضوع عادي خليها على الله وماشتغلش بالك نرمين : ان شاء الله ::::: احمد خش علي مازن لقا امعا قوبعة احمد : العصابة كلّها هنا شكلها مازن : عليش امتعب رووحك وجايب غداء احمد : ريت هالحاجة هالكبيرة عقاب سندوتشات قوبعة : اوو افندي احمد لكي وحشة مازن : افندي احمد مش امقصر ديما ايجيني الحق احمد : عندي لكم اخبار اكوويسة مازن : شن فيه احمد : بكرة يطلع امر الافراج عنّك من النيابة وتطلع براءة مازن بلقطة عفوية : الله اكبر الله اكبر الله اكبر قوبعة : الله اكبر الله اكبر الله اكبر احمد : خلاص بكرة اتروح الحووشكم واترد حياتك الطبيعية مازن : سجد سجدة شكر لله ويبكي الحمد الله ياربي """"" حنين : انستكن يا اعويناتي فاطمة : انستينا اكيدة كنّا انراجوو فيك نرمين : افطووومة السمووحة حنين : نرمين البكايا شن جوك نرمين : تمام بشووفتك ياهبلة ام مازن : انستي حنين كيف حالك وحال هلك وقعدن يهدرزن عادي """ احمد : نبي نمشي الحووش هلي نبي انهدرز مع حنين اشوية شن تمشوو امعايا اتغيروو جوكم اشوية سهام : هيا عادي احسن من كساد الشقة روان : هي هي ماشيا لجدووو سهام : مع انك تاخرت والغداء صقّع لكن عادي المهم جيت احمد : تي نجك ليا وخلاص هيا وتي رووحك نمشوو """"" فاطمة : تعالي انوريك حاجة ياحنين حنين : شن فاطمة : شن رايك حنين : دار من هذي فاطمة : دارك انتي ومازن بعد يطلع براءة وياخذك حنين جسمها ثلّج ومسكتها العبرة يارب يطلع براااااااءة """" احمد : وين حنين بات حنين : شلتها عند هل مازن روان : هي هي جدووووو بات حنين : روروي العسل "حضنها وقعد يلعّب فيها " """ حنين وهي اتهدرز مع هل مازن رن عليها احمد احمد : جيتك في الحوش قبل نبي انبشرك حنين : شن بشرني احمد : مدام قاعدة عندهم تقعد بشارة سمحة حنين : شن شن شن احمد : بكرة يطلع براءة مازن حنين : لوولولولوولولوي احمد : طربقتيلي وذني حنين : لولوولولي لولي ولي احمد : هيا حبيت انقولك سلام فاطمة : شن فيه شن فيه ياحنين حنين : احمد قالي بكرة مازن يطلع براءة فاطمة : الحمد الله ياربي ام مازن قعدت تبكي : الحمد الله ياربي ديما جابر بخاطري نرمين : الحمد الله الحمد الله احلى خبر سمعناه """"""" حنين فرحانة وام مازن وخواته فرحانات وقوبعة فرحان ونفس الوقت يفكر في الموضوع اللي تبي تحكي له نرمين "" مازن قعد متريح البال : خلاص ياحنين ايام قليلة وتقعدي حلالي : يتبع ,,,, | ||||
|
| |
|
09-11-17, 01:10 AM
| #10 | ||||
| #مشاعر_مطرطشة الحلقة 10 روّحت حنين فرحانة للحووش عشان بكرة حيطلع براءة مازن حنين : كنك تبكي يالامار لامار : درت مشكلة مع فتحي " فتحي راجل لامار , ولامار من اول ما ازوجت وهي ديما حرجانة عند هلها " حنين : بس هذي مش اول مرة اتجينا حرجانة لامار : المرة هذي قالي حيطلقني حنين كانت فرحانة وقعدت زعلانه علي اختها واطبطب عليها """" قوبعة مزال يفكر في موضوع نرمين بعد الساعة 12 رن عليها نرمين سرحانة مش عارفة شن ادير وشن اتقوول رن نقالها طلع فارس نرمين : اهلين فارس كيف حالك فارس : انفكر وشاغل بالي في الموضوع اللي قتيلي عليه نرمين : نبي انصارحك بشي لكن نبيك ما اتعصبش واتوسع بالك عليا فارس : تمام شن نرمين : انا كنت دايرة علاقة مع شاب وانحبه ويحبني فارس : باهي نرمين : لكن توا كل واحد في شاف روحه فارس : عادي شن المشكلة ,, اكيدة لازم تقعدي متعرفة علي شاب وحبيتي او هدرزتي امعاه نرمين : مش هنا المشكلة فارس تعصب : مشكلة كيف ؟؟؟؟؟؟؟ نرمين : وسع بالك بس فارس : بالي واسع كملي نرمين : كنت انحبه واجد وكنت نحسابه حيقعد حلالي فارس : اطلعي ع راس حاجتك نرمين : كنت انكلم فيه فيديوو ونعرضله في جسمي فارس : شن شن معقوله نرمين هكي انتي نرمين : تبي اتعصب عصب تبي تخسرني اخسرني اهم شي مانكذبش عليك وتقعد عارف الموضوع انت عادي فارس : بس كيف جاتك الجرءة اديري هكي مافكرتش يسجلهن لكي ويهددك بيهن نرمين : وهذا اللي صار لما سيبته ,, دزلي مقطع فيديو وهددني بيه كان ماسمعتش كلامك فارس " تمام بكل نرمين : تمام بكل ,, هذا اللي طلعت بي انت توا فارس : سامحيني مش حنرتبط بنت دارت العار من واره هلها نرمين قعدت تبكي : عادي تخسرني ولا نقعد داسه عليك حاجة فارس : اتوصي بشي مني توا نرمين تبكي : قصدك تبي اتسكر يافارس فارس : شن تبيني اندير نرمين : باه تمام سكّر علي راحتك ,, لكن خليها في بالك راني حبيتك بجديات وتريحتلك ونبيك راجلي لكن خلاص اللي تبيه هو يمشي فارس : من يطلع هذا اللي دار هكي وشن اسمه وين يقعد اغلب وقته نرمين : اسمه الصادق ديما تلقى في قهاوي الكيش وتو نعطيك رقمه فارس : تمام نرمين : خلاص تبي اتفووتني قصدك فارس : هيا سلام """"" قوبعة اضايق بكككل اخسارة حتى البنت اللي كنت تبيها طلعت امجربه علاقات حب شكلنا مش امتاعين حب بكل نحنا """" نرمين وهي تبكي عادي تخسرني ولا نجري بيك واندس عليك حاجة كيف هذي ورقدت وهي تبكي """"""""""""""""""'" سهام : هيا نووض ياحبيبي احمد : صباح الورد اعيووني سهام : هيا فطوورك واتي ودبشك امحدد واتي احمد : نجك ليا يا اعيووووني ,, وعطاها قبله علي خدّها """" مازن ناص الصبح فرحان يرجى في قرار الافراج قوبعة وجماعته قاعدين قدام الحبس حنين ترجى في الاخبار من فاطمة ونرمين فاطمة ونرمين وامهن وتّن الحلووو وكل شي منطقة الوحيشي كلها ترجى في العقرب يرووح للمنطقة """"" احمد : هذا يووم يالعقرب ,, ان شاء الله تبدا حياتك من جديد """" جا القرار من النيابة للحبس مازن طلع من الحبس يمشي بشواش كانوو يرجوو فيه قوبعة وجماعته طلع راجل ملتحي امرفع ايزاره ماسك اسواك في يده وكان النوور علي وجه قوبعة شافه من قبل يعني مش جديدة عليه لكن جماعة قوبعة مايعرفوووش كلهم تفاجئوو بشكله كيف تغيير عاجل القنوات الليبية وصفحات الفيس بوووك " الافراج عن اخطر تاجر مخدرات في ليبيا " "" فاطمة : تعالي ياماما ماما نرمين : لولوولولولوولي ام مازن : الله اكبر الله اكبر الله اكبر فاطمة : اخيرا يامازن امرايفيين عليك """"" حنين شافت الخبر علي صفحات الفيس جتها فرحه هسترية ومش عارفة شن ادير حنين : الحمد الله ياربي الحمد الله ياربي حضنتها لامار وفرحانة امعاها """" قاعد في المكتب احمد شاف الخبر احمد : هيا يالعقرب نشهد بالله انّك ليث من ليوث بنغازي ومش عقرب """" سهام : صار هذا هو العقرب ,, اللي يبي حنين روان : ماما هذا اللي كان مع بابا لما خذاني سهام : عارفة عارفة حكالي كل شي بابا وخذت روان في حضنها """"" كان رتل سيارات قدام الحبس لما ركب العقرب وشالوو للوحيشي اول ماخشوو لبداية الوحيشي كلها طلعت اسلاحتها وتطلق في رصاص في فوووق وزغاريت صبايا والعاب نارية في عز النهار العقرب جاااااا العقرب جااااااا نرمين : ماما صوت سيارات ورصاص فاطمة : شكله مازن جا ام مازن : طلعت تجري برة الحووش وخنقتها العبرة يرجن فيه قدام الحووش نزل مازن من السيارة فاطمة : هذا من نرمين : كيف صار كنا تغير شكله ام مازن بدون مقدمات مشت تجري شور ولدها وحضنتها وتبكي وهوو قعد يبووس في يدها فاطمة : شن نبي نقعدوو انتاملوو في خوونا مشن شوو مازن وحضننا هنا الاثنين ام مازن حاضنة مازن وفاطمة ونرمين حاضنات امهن والرصاص فووق والعاب نارية وزغاريت وافراح منطقة الوحيشي """ احمد : محد يمشي شور الوحيشي الضرب هذا فرحانين بس ,, مش مشكلة لا شي الشرطي : حاضر يافندي """" فارس كان ورا مازن نرمين حاولت اتبحت في فارس لكن هو استحقرها وفاتها ومعدلش عليها """" خش مازن لحووشهم فرحانة امه بككككل تي قريب اطير من الفرحة فاطمة : شن اللي خلاك هكي تغيرت بكككل مازن : لا شي بس ربي هدانا كنكن متسغربات نرمين : امرايفة عليك واجد ياهبل مازن : انتن اكثر يانفسيات """ فارس وهو قاعد برة حووش العقرب خطر في باله الصادق رن عليه """ الصادق امكسد في القهوة الصادق : العقرب طلع براءة ,, اختك نرمين اكبر عاهرة وانت طالع براءة وهوو يحكي مع اصحابة رن نقاله الصادق : تفضل من امعايا قوبعة : امعايا الصادق الصادق : تفضل فارس : وين قاعد انت توا الصادق : في قهاوي الكيش فارس : تم جايك نبيك في موضوع يخص الوالد الصادق : من انت فارس : انا صاحب الوالد نبي نعطيك امانة تعطيها الباتك """"" فارس كلّم جماعته عندنا مهمة ياغوالي في واحد نبوو نخطفووو من قهاوي الكيش لكن حنحاول نستدرجة بعيد عن القهوة انتم تعالووو بالسيارة وانجيبوو للمخزن لكن مانبش العقرب يعرف """" مازن : شن جو صحتك توا نرمين نرمين : تمام بشووفتك الحمد الله مازن : خلاص عريسك واتي قاعد توا نرمين : اهم شي انت طلعت براءة اما الباقي مش مهم مازن : امتى اتحركي رووحك يا افطوومة فاطمة : عزقنا السنارة لكن مافش اسماك مازن : هههههههه عطك الخير فاطمة : شوية في واحد يبي يكلمك مازن : من "فاطمة رنّت علي حنين " """""" الصادق وهوو يضحك مع اصحابة رن نقاله فارس : تعال في ساحة الكيش نرجى فيك الصادق : تو انجيكم عالسريع فارس : كان شايل اسلاحه من وراء شافه من بعيد جي شووره حط ايديه عالسلاح غير وعدت العقرب معش نقتل هكي وخلاص حوّل يده من عالسلاح الصادق : مرحتين فارس : انت الصادق الصادق : ان شاء الله ,, من انت فارس : انا فارس اللي يحطك عند حجمك وضربه بدماغ في نص وجه خشمه قعد دم وطاح داااااااااخ جوو جماعة فارس وركبوو للسيارة وشالوو شور المخزن """" حنين فرحانة واضم في الحوووش نقالها رن حنين : لولوولوولي شفت الاخبار فرحلتكم واجد فاطمة : نجك ليا ياغلاتي ,, هاكي يبيك واحد مازن : من هذي يافاطمة فاطمة : غير هاك واحكي مازن : الووو حنين : من مازن مازن : من ابلة العربي حنين : ههههههه مزلت هبل مازن : كيف حالك وحال صحتك حنين : انت اللي كيف حالك وحمد الله علي سلامتك مازن : الفضل لله اولا ثم خووك حنين : ان شاء تقعدوو حبايب ديما مازن : خلاص وتي رووحك ,, ممكن شهرين بس وانطلعو الفرح حنين : حتى توا تعال خووذني عاديى عندي مازن : ربي يحفضك حنين : ربي يجمعني بيك بالحلال """"" ناض الصادق لقا رووحه في نفس الدار وسالحيله دبشه وعريان قاعد وقاعد امقابله فارس وماسك نقال يصور فيه "" الصادق : من انت وعليش ادير هكي شن درتلك انا مازن : ضربه بوووني علي وجه ,, اس لما القوبعة يحكي انت تسكت الصادق : قوبعة صاحب العقرب قوبعة : وهل يخفى القمر الصادق : والله الفيديو حذفته وانخووف فيها بس ,, معقولة نبي ننشرهن انا قوبعة : يعني عارف روحك غلطان قوبعة قعد يضرب فيه علي وجه وبطنه وكل جسمة وصوّره فيديوو واااجد وهو بلا ملابس قوبعة : توا جاتك ساهلة وصورتك لكن خليها في بالك لو فكرت بس تنشر الفيديو امتاع نرمين اعرف انك حفرت قبرك بيدك حبيت انذلك ونكسر خشمك بس هيا توا نبيك تلبس دبشك وحنصورك فيديو نبي اتقوول جملة معينة حندزها للشخص اللي يحبك وحطّك جوا اعيوونه قبل ماتلعب بي الصادق لبس دبشه وكان وجه منتفخ من الضرب قوبعة : راجي انصور واحد اثنين ثلاثة ابدا الصادق : انا مش راجل يانرمين ,, لكن راني الفيديو حذفته وفارس وراني حجمي وذلني عشان خاطرك وراه فارس يحبك واجد وكان يبيك بالحلال قوبعة : شيلوو الكلب في ساحة الكيش اعزقوو غادي """"" سهام : فيش اتفكر يا حبيبي كنك ما اتغدى احمد : مستغرب كيف اسلام كان يعطي فيا ماعمري قصرت امعاه سهام : خلاص يا اعيووني معش اتفكر واجد هيا كووول عشان خاطري ,, هيا مش نبيك في موضوع بعد الغداء احمد : هههههه خطيني مش وقتك سهام : في عينك ماعندك وين هارب مني روان : شن الموضوع ياماما احمد : ههههههههههه سهام : خخخخخخخخ """""" قوبعة : عطيت وعد للعقرب اني حناخذ نرمين ,, كلا انرد في كلامي كذبة حنمشّي الجو عادي وخلاص معش نقدر انرد في كلامي """" يتغدوو مع بعضهم مازن وخواته وامه مازن : صار هذينا اخر الاخبار نرمين : قعدت صحبتنا واجد حنين واتجي اتكسد امعانا واجد مازن : ربي يدووم المحبة نرمين : مش املاحظ ان طريقة الحكي امتاعك نفس حنين مازن : تي وجك فاطمة : نرمين طلعت امخوطة عالزمار من ورانا ويبيها اذراعك اليمين نرمين : بطلي سماطة مازن : مش حتلقي نفس فارس راجل بمعنى الكلمة ويهني عليك ام مازن : ربي ايجيب اللي فيه خير لنا مازن وخواته : اللهم آمين نرمين وهكي تحكي مع هلها شافت رسالة واتس من فارس فيديو مشت للدار اتشووفه الصادق : انا مش راجل يانرمين ,, لكن راني الفيديو حذفته وفارس وراني حجمي وذلني عشان خاطرك وراه فارس يحبك واجد وكان يبيك بالحلال """" نرمين : صار كان يبيك بالحلال يعلم الله انك راجل يافارس خذيت حقي , هكي توا نقعد متريحة وحندير المستحيل عشان مش حنفقدك يالغالي دزتله مسج عالواتس نرمين : انت بالنسبة ليا حياتي كلها الرسالة طلعت تم الرؤية لكن مابش يرد عليها """" تقابلوو مازن وقوبعة وجماعته مازن : شن رايكم اناجروو المخزن ولا نفتحوو مشروع قوبعة : افتحه محل مواد غذائية كبير خير مافش محل اقريب منّا مازن : عادي ,, انشووفوو باقي المجمووعة شن رايهم جماعة قوبعة : حتى نحنا انقوولوو هكي مازن : معناها توكلنا على الله ,, ياقوبعة نبيك تستلم كل حاجة ولو نقصنك افلووس اسحب من احسابي في المصرف قوبعة : على بركة الله """"" روان : ماما ماما سهام : بنتك هذي مش حتخلينا ناخذوو راحتنا بكل روان : لا خفت ابروحي في الدار ,, بس نبي نقعد جنبكم احمد : تعالي تعالي يارووح بابا سهام : يا احمد كنك انت مش وقتها توا جت تجري روان وزقبت عالسرير امتاعهم وقعدت بيناتهم ناض احمد توضى يبي صلّى العصر احمد : ماشي لحووش هلي ياسهام روان : شيلنا لجدووو سهام : هيا تو نمشوو مع بعض """""" مازن : يا امي عندي لكم خبر مفرح ام مازن : شن يا غالي مازن : قررت نفتح سوبر ماركت في المخزن ام مازن : احسن مادرت ربي يوفقك ويحفضك فاطمة : اخيرا قعد عندنا مكان رزق ابرووحنا نرمين : خلاص امتى مانبي شوكلاطة نمشي غادي وناخذها مازن : انقصلك كرعيك بعدها ههههههه """""" روان : هي هي جدوووووو بات حنين : روري السموحة جت حنين : انستي سهام سهام : تانسك الجنة لامار : مرحب مرحب احمد : اهلين لامار ,, كيف حال صحة امي لامار : قاعدة في الدار اكويسة ,, وقعدوو يهدرزوو عادي """""\ نرمين اترن علي فارس معش يرد عليها ولايهدرز معاها واتس يشووف في كلامها ومايردش عليها """"""" ايمن في الحبس يعاملو فيه معاملة الملك ايمن : يحساب رووحه العقرب لعبها علينا اسلام : يحسابك حتى وانت في الحبس ماتقدرش اديرله شي ايمن : الصبر الصبر ,, قاعد نلعبلك في لعبة كبيرة كبيرة حتندم يالعقرب اسلام : مش حنتريح لين انجيف الكلب احمد ايمن : اشوية بس خلي الامور تهدا وحنلعبوو لعبتنا عليهم يتبع .... | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
