خطة يومية لتحسين المحادثة و الاستماع
 

معظم الناس دلوقتي عندها مشكلة في المحادثة انا بتكلم لو انت بتذاكر self study او مش بتلاقي حد تتكلم معاه
عامة انا في مستوى A2 او قربت اخلصه
انا لما بدأت اذاكر ذاكرت من منشن وقفت فيه شوية لاني زهقت الصراحة فدخلت على دلفن و بعدين رجعت لمنشن بعد ما خلصته نزلت شوية من امتحانات جوته و شوية ل تيلك و كتاب Hören und Sprechen و سمعت حلقات من مسلسل nicos weg
طبعا محلتش في كل ده لكن اصبح عندي داتا كتير هقولكوا استفدت منها ازاي
فانا كانت كل مشكلتي ازاي افهم اللي بسمعه و اعرف اتكلم
بعدها بشوية قريت كذا بوست مش فاكر لمين الصراحة عن طريقة احسن بيها المحادثة
الطريقة بتتلخص انك تسمع الاوديو مرة او اتنين و بعدين تبص في الاسكربت و تطلع ترجمة الكلمات الصعبة من القاموس و بعدين تكرره كذا مرة لحد ما ودانك تاخد عليه و بعدين تبتدي تردد وراه و تقلده كذا مرة لحد ما تعرف تتكلم زيه بنفس السرعه و يا سلام لو تعمل ريكورد لنفسك و تسمعه كل شوية
فانا من تجميعة الكتب اللي كتبتها فوق قسمتهم بحيث كل فولدر فيه ملفات صوتيه بالاسكربت بتاعها مدتها من 15 - 20 دقيقة لكل يوم ممكن تستخدمها في الطريقة و في نفس الوقت مناسبة لمستوى A2
حابب اشارك معاكوا الملفات دي بس هما عايزين شوية تنظيم فهنزل كل يوم ملف زي دلوقتي لحد ما خلص اللي عندي
وده رابط ملف اول يوم من الخطة الملف مساحته 15.4 ميجا مضغوط ومتقسم لاربع ملفات جواه
https://www.up-4ever.org/vxk3bgbn6zcu