آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-04-21, 11:32 AM
| #11 | ||||||||
| مراقبة عامة ومشرفة منتدى الروايات المنقولة  
|  بارت٧ وضاقت_الأرض_بي للكاتبة لبنى_الموسوي طب الولد سمعت صوتة گال شيخنا حرمة بالباب تنشد عليك رد علي - ما گالت ياهي وشنهي نشدتها دفعت الباب وطبت - بت مريدي يشيخ ضاري هو وهيبتة وگعدتة بشموخ وسط المضيف ما گدر إلا ما يطفر من مكانة اول مشافها گبالة - نجمة هاي انتِ - اي آنه بشحمي ولحمي اجيت من الحلة للبصرة گاصدتك وادريك ماترد صاحب حاجة - افا عليچ انتِ بس أمري والتردي يجرالچ من گبل لا يرد الحچي الزردومچ - بيها مجال نتحچة الوحدنة - حتى الحريم يطلعون يعني - اي بس موش الحوشك يضاري - عليوي وليدي تعالي - امرك شيخنا - انده اعله حبيب بلغة والدك يريدك بأمر مستعجل - صار طلع الولد يركض اشر الخالة تگعد وگعد مقابيلها بقيت واگفة عيني علي ما ادري ليش حسيت بي شي مميز يشبة الحسيته بخالة ام هناء بأول يوم شفتها بي رفع راسة باوع علينة - منو البنيات ذني - هاي هنيوة بنيتي وهاي غسوقة هماتين حسبت بنيتي واچثر والأمر الگاصدتك بي يعنيها - شلونچن بنياتي هناء.. الحمد لله شيخنا بخير اذا انت بخير - وانتِ يابة - الحمد لله برحمة الله - يستاهل الحمد اندگت الباب بهلأثناء دخل ولد شاب اسمراني وطويل كلش بي شبه من الشيخ عرفتة ابنة حبيب.. امرك يابة - دش سلم على عمتك نجمة تقرب سلم وباسها من راسها بعد عنها وعيونة ع الشيخ چان تباوعلة خالة ام هناء وتبتسم - والله وصرت زلمة يحبيب انتَ ما تعرفني بس انة اعرفك عدل - لا عمة شلون ما اعرفچ صحيح ما تشاوفنا من مدة بس اول ما صديت صوبچ عرفتچ عبن ما ناسي وجهچ النوراني - ههههه دهر صابك حبيب بلوة مثل ابوك ما ينگدرلك الشيخ ضاري.. هههههههه خلف الله عليچ يبت مريدي مقبولة منچ - اتغشمر وياك يلة مشيهن ويا وليدك ما ظل صبر لازم احچي العندي - وليدي اسمعني عدل هذني بنيات عمتك نجمة تاخذهن وتمشي غاد للبستان ما ترد بيهن إلا ما انده عليكم آنه - ليش مو لدارنا يبوي - لا للبستان ولا تخلي احد يصد عليهن تراهن امانتك يالنشمي - لا توصي حريص شيخي اشر النة وطلع قبلنة باوعت الخالة ابتسمت بوجهي وهزت راسها بمعنى روحي اخذت هناء وطلعنة ورى هناء.. غطي وجهچ كلها زلم هنا - وشلون اشوف امشي - ارفعي من الطرف وانتِ تشوفين ميرادلها روحة للقاضي دار الولد علينة - امشن خوية شمتانيات هناء.. اي جايين مشينة مسافة طويلة وراها دخلنة البستان چبير شفت هناء كشفت وجها سويت مثلها وبقيت اباوع دايري مدايري مو بستان جنة من الجمال البي هناء.. حييييل شلون متغير هالبستان حبيب.. ليش انتِ جاية لهنا من گبل - اي بس چنت جاهل صف رابع ابتدائي - چا اكيد يتغير عگب هالسنين - اي صحيح خلنة نفتر شوية هنا والله مشتاگة التراب البصرة - يتدللن بنات عمتي يلة امشن افرنچن بي شبر شبر ظلينة نفتر بالبستان چان چبير كلش بس على گد مچان حلو ولا حسيت بشي لا بالتعب ولا بالوقت ولا حتى بالملل صافنين على اشجار البرتقال وحبيب يشرح الهناء شلون يزرعوها وشوكت منسمع إلا صوت خشن صاح - شگاعد تصخمون هنا ؟!! نزيت من مكاني من الهبطة الأكلتها والكل نز وياية حبيب.. هاي انتَ صهيب شبلاك فززتنا صهيب.. ياهو ذني الوياك - بنيات عمتي نجمة اكيد تعرفها - وشيصخمن جارك هناء.. هوب هوب شني هلأسلوب هذا - هوب بعينچ لچ من تتحچين ويا الزلم تحترمين نفسچ مااايعة رادت تجاوبة لزمت ايدها حيل - هناء كافي مو وكت مشاكلكم هسه - متشوفي شلون يحچي - عوفي هذا الولد يجاوبة ليش تكرهين روحچ وانتِ خطار يمهم باوعتلي وسكتت ظل حبيب يحچي ويا واحنه واگفين مسافة عنهم اخير شي سألت هناء غسق.. اگول هو الشيخ شيصير من امچ - ابن عمها - ياااا والله عبالي اخوها - لا مو خوان بس حسبت الخوان - زين هذا عرفتة ابنة الثاني منو ؟؟ - ياهو؟!! تقصدين هذا المجعوص - اششش ولچ ليسمعچ - ويسمع قابل ارجف منة - كافي هنااء گولي يلا منو هذا - يمكن ولدة الثاني بس غدي ولا يشبه ابو واخو شايف روحة - ههههه وتالي وياچ اليوم التفت علينة شافنة نضحك صاح بخزرة خير ضحكنة وياچن ردت هناء لا سوالف بنات مو يمك السالفة - حبيب انة رايح لأبوي ظل جارهن منا لما ارجعلك ولتتحركون من مچانكم - تامر خوية بقت هناء تباوع ورى بس راح التفتت على حبيب وگالت - شبي هذا مسودن - لتحچين على اخوي ما ارضى - ما شفتة شسوة - خايف عليچن غير غيرتة ما تسمح يشوف حريمة بنص الزلم ويسكت - اي بس ماكو احد هنا - لا اكو الفلح تارسين البستان لكت انتِ لاهية عنهم ما شفتي حاجة - وهسه شراح نسوي - ننطر هنا مثل ما گال باوع للشجرة وضحك هساع صار واجب اضيفكم اباوع علي صار يتسلق الاشجار بكل سهولة جمع الفواكه وصاح على واحد من العمال گلة اغسلهن وجيب صحن وياك شوية ورجع بـ ايدة الفواكه فرش بالگاع وصاح اتفضلن ولو المجلس مو گد مقامچن يبنيات عمتي هناء.. ههههه شوفي الذوق مو اخو بس يزمخ بينة حبيب.. شمالچ انتِ لويش ماتشبهين اختچ تنوعي عليها من اجت لساع حسها ما نسمع - هههههه هي اختي فقيرة بس آنه هم فقيرة ترى - الأمام علي سلام الله علي شني يگول - شني يگول ؟!! - لو كان الفقر رجلاً لقتلته - هههههه يعني لو آنه زلمة چان كتلتني - مو بس كتلتچ چان طريتچ بالگاع من هاللسان الشايلتة كفيلچ محمد - ههههه چا من هيچ خن نحچي جد شوية - اسمعنچ - سؤال لويش حچيك ميشبه حچي امي وابوك وانت انولدت وعشت بالبصرة - مامش شي يبقى اعلة حالة بعدين اهل امس مو مثل اهل اليوم وضيفي عليهن آنه ادرس طب ببغداد - احلف بالله - لويش موش بعينچ - لا العفو بس اتفاجأت يعني ما توقعتك طالب كلية مو النوب طب - وهاي وينچ عرفتي - يا مرحلة - كلها سنة واتخرج ان شاء الله - بالتوفيق - شكراً وانتن طالبات لالة - آنة خريجة تربية وغسق مرحلة ثانية قانون - ملعبنة القانون - شلون يعني - خلها تسأل هي موش انتِ هناء.. احچي غسق لويش ساكتة سمعينة حسچ غسق.. هاي اني اسمعكم حبيب.. ههههه تدرين كل ضني خرسة لأن مالچ حس غسق.. ههههه لا بس ما عندي شي اگولة - وتضحكين همينة بيها الخير ان شاء الله هناء.. ما گلت شني قصدك تراني الفضول ياكل ويشرب وياي - مو بعدة يحچي صاح اخو من بعيد بصوت عالي صهيب.. حبيييييب جيب البنيات وامشينة ابوي دز خبر ينده عليكم حبيب.. اي جاين هناء.. لوين نروح - نرد للمضيف غير - واخوك ويانة - عوفي اخوي بحالة واليرحم والديچ - اااي هسه آنه شگلت قابل - صيري مثل اخيتچ خرسة وكرمينا بخفى حسچ باوعتلي وضحكت - سمعتي صار ينضرب بيچ المثل من اول يوم صهيب.. فضوووووني غسق.. امشي ولچ واترجاچ لتتلاسنين ويا مناقصنة مشاكل حتى هنا - الخاطرچ بس - شكراً شلنة الغراض ورجعنا للمضيف صار حبيب يمشي ويا اخو واحنة وراهم وكل شوية يلتفت صهيب يباوع علينة ويرجع الطريقة وصلنة للمضيف چان الولد واگف بالباب بس شافنة گال هاي البت تطب وانتم انطروا شوي باوعتلهم صافنين بوجهي مستغربين الموضوع مثلي بالضبط عفتهم ودخلت چان الشيخ گاعد ويا خالة ام هناء بس شافني گام بسرعة اخذ وجهي بـ ايدة وباسني من راسي - من هالساع انتِ بحمايتي بحماية الشيخ ضاري وابن امة وابو اليگرب صوبچ او يمس منچ شعرة وحدة - رحم الله والديك شيخنا ام هناء.. بنيتي غسوقة الشيخ ضاري وعدني وعد حر ثلثة ايام ويحلچ السالفة جاعدين وياچ بالبصرة آنه وهنيوة هساع اخذچ وامشي لخواني وما اردن لحوشي اذا ما آمن عليچ هنانة الشيخ ضاري.. شني منچ هاي والخلگ هالكون بسبعة ايام ما تطلعين گاعي إلا وانتِ گاصدة دارچ بالحلة - لا شيخنا رحم الله والديك ومتگصر لكت آنة من زمن ما شايفة ولد ابوي وواجب اتفگدهم هم وعيالهم - هم والعيال وعيال العيال يجون اليمچ صگد چذب - لا تكض بية خلني امشي يضاري - افا عليچ تكسرين چلمتي تالي عمر - لا وآنة اگدر - چا من كونچ قرتتي وگبل لا تتراجعين عن چلمتچ خلني نمشي صاح بصوت عليوووي طب يركض امر شيخي - صهيب وحبيب وين - ليغاد ينطرونكم - يله امشينا طلعنا ويا الشيخ چانت هناء واگفة يم حبيب وطهيب متكتر بالزاويا بس شاف ابو طفر من مكانة - ها بوية شني - اخذ عمتك وبنياتها للحوش امشي اشوفن الضبع واردن ما اطول ساعة زمن ام هناء.. شصايبة خير - متخستك من ايام لكت هساع تعافى شوي لا يظل فكرچ يمة - وصل سلامي الحار الة ولأهل حوشة - ان شاء الله صهيب.. يله عمة امشينة - صار يبعد عمتك اخذونة الولد ورحنة ما اعرف وين عافنة صهيب يم حبيب شوية ورجع راكب سيارة فتح الباب وصاح اصعدوا ركبنا السيارة ومشينا مسافة خمس دقايق تقريباً وراها طبينا المكان كلة اشجار وبين مسافة ومسافة اكو بيوت صغيرة اخير شي بيت كلش چبير اشبه بالقلعة اشر النة انزلوا نزلت اباوع دايري مدايري بكل حياتي مشايفة هيچ شي غير بس بالمسلسلات دا امشي واباوع للمكان ما احس إلا انضربت حيل درت وجهي متفاجأة لگيت روحي بنص حضن صهيب باوعلي وگال - الله شمالچ ركزي بممشاچ شوي ام هناء.. اعذرها وليدي اخذها المچان هاي اول مرة تشوف هيچي سوالف - لا عمة شني السالفة يله تفضلوا للداخل ويا حبيبب جاي خلافكم - زاد فضلك چان الموقف غريب كلش عمري ما حسيت مثل هيچ احساس صرت اكره شكو رجال بالدنيا وبمجرد طخيت بي حسيت نفسي اريد اتقيأ لا ارادياً بس بالگوة لزمت روحي گدامهم دخلنا للبيت عبارة عن نسوان واطفال بس لفت انتباهي وجود مرة چبيرة بالعمر بنص الصالة مرجية ظهرها ع الكرسي وگاعدة مثل النسر تنطي اوامر للموجودين شيلوا حطوا سووا لتسوون چانت ملتهية عنة شوية وميلت راسها اتجاهنا بس شافت خالة گدامها گامت من مكانها متفاجأة الحجية هيلة.. هاي انتِ نجمة ام هناء.. اي آنه بشحمي ولحمي شلونچ يهيلة - حي الله من زارنا تفضلي تفضلي ليش واگفة بمچانچ - يزيد فضلچ ويعلي مگدارچ طببتنة جوة مكان مثل المضيف گعدنة وبدت خالة تسولف ويا هاي المرة واني وهناء وحدة صافنة بوجه الثانية ملينة كلش جابن السوالف من عهد العثمانين لحد سقوط النظام بحيث احس راسي هاج علية باوعت الهناء واشرتلها اجت گعدت يمي شاورتها بصوت ناصي - راح تطول هالسوالف بعد - ههههه بنات عم والهن عمر ما متشاوفات وعندچ الحساب - يعني هاي اخت الشيخ - لا حرمتة بس هم تصير بت عمة دنسولف دخلت طفلة صغيرة دمعتها بعينها والمصاص مدمر حتى ملابسها مو بس وجها حضنت المرة وصارت تبچي الحجية هيلة.. شبيچ حبوبة ياهو كدر خاطرچ حچت بتكسير ميم بادت مساستي ودبتني ( مريم باگت مصاصتي وضربتني) - اليوم اشعل شيب ابو مريم ولچ رحيااااااااان ريحان.. نعم يمة - ما تشوفين بت اخوچ ليش فروخ عمها يكدرون خاطرها ومحد مهتم - جاي اشتغل يمة بعدين هي چانت تلعب حوالية فجأة عافتني ومشت ويا مريم - چا تعاي جاري سلمي على عمتچ نجمة واخذي بت اخوچ غسل وجها وبدلي خلگاتها باوعت للبنية تقربت على خالة ام هناء بوستها وباست راسها چان تضحك وتگول هاي من يمتى فرع غصن ريحانتة الحجية هيلة.. چا غير انتِ مشيتي وما تنوعتي بظهرچ ولا گلتي عندي اهل اشوف شنهي بيهم ما بيهم - تعرفين السبب يهيلة - گومي حبوبة امشي ويا عمتچ تغسل وجهچ اخذت الطفلة ودارت وجها رادت تطلع رجعت باوعت علينة وتقربت منة بابتسامة - تعالن وياي ليش جالسات وحيدچن ام هناء.. گومن يمة امشن وي بت عمچن هي موش غريبة بالبداية مردت اگوم لان ضايجة على مستغربة بس هناء جبرتني لمن جرتني من ايدي وگومتني غصباً عني طلعنة برة نفس الهوسة التمن النسوان علينة ويا هي تسألني منو انتِ تجاوبهم هناء اختي وتضيع الموضوع للعصر واني ممفتهمة شي منهم ما شاء الله چانو هواي كلش والضاهر هذا بيت العائلة وكل الولد عايشين بي هم وزوجاتهم واطفالهم قريب الخمسة سمعت صوت الشيخ صاح يا الله طفرن النسوان لبسن الحجاب شوية وطب هو وصهيب باوعلي وابتسم - منورة السلف بنيتي - منور بوجودكم - چا وين امكم ريحان.. داخل بوية ويا عمتي نجمة عافنة وراح للمضيف يمهن تعبت كلش باوعت الهناء واشرتلها اريد اغسل چان تصيح على هاي البنية هناء.. اگول عيوني ريحان.. ها حبيبة امري - بيها مجال نغسل شوي - اي تتدللون انطت الطفلة الوحدة من البنات واخذتنة وياها طبيت للحمام وبقت هناء تنتظر بالباب ذبيت الحجاب من راسي غسلت وجهي وصدري صار شكلي گبالي بالمرايا بچيت الى متى ياربي شگد بعد لازم اتبهذل ولشوكت تنتهي هاي الغربة وترحمني من هذا العذاب بقيت ابچي بصوت مخنوگ تعبانة من روحي حتى النفس صار ثگيل على صدري ولو بيدي اگطعة واموت اندگت الباب هناء مسحت دموعي وطلعت باوعتلي عرفت چنت ابچي بس ما حچت شي لأن البنية واگفة طبت تغسل وما تأخرت دقيقة ورجعنا للصالة مر الوقت بملل صلينة والتهوا بالعشة للسبعة ونص تقريباً چنت گاعدة يم هناء وصهيب گاعد گبالنة سمعت رجال گال السلام عليكم رفعت راسي مصدومة واحد يشبه صهيب بشكل فضيع لو مو تسريحة شعرة مستحيل اميز بيناتهم هناء.. شفتي الي شفتة - اي - هسه يا هو منهم صهيب العكرة حتى اعرف ارزل بيمن گبل لا اچفص بالسالفة - هههههه شبيچ ويا الولد ترى والله حباب - خاف حباب خاف اسكتي لا اطلع ضيمي براسچ المصفح صهيب.. شو تنحي اردن افوت هناء.. اي هذا وينة گدرت اميزة من الأسلوب - العفو شني رطنتي غسق.. تحچي وياية مو وياك لتهتم باوعت للولد چانت عيونة علينة شاف هناء تتناقش ويا صهيب اجة باتجاهنا مستغرب صخر.. السلام عليكم صهيب.. هلا خوية وعليكم السلام - خير منهو هالبنيات - بنيات عمتك نجمة هناء ام لسان وغسق ما خلگ ربك الها ولا ربع لسان - ههههه اهلاً وسهلاً نورتن البصرة هناء.. البصرة منورة بعمي الشيخ وبيك حچتها وباوعت الصهيب هز ايدة وعافنه وراح مدوا السفرة على طول الصالة ما اشتهيت اتعشى گاعدة خالة يمي وتگرص بية حتى تجبرني اكل اخير شي عفتها ورحت اغسل مدنگة ع المغسلة سمعت صوتها وراية مسحت دموعي ودرت وجهي عليها باوعتلي وگالت - بسچ يمة مو كافيچ حزن - شراح يصير خالة الكل هنا عبالهم اني بنتچ شلون لو عرفوا الحقيقة - هي هاي الحقيقة انتِ بنيتي الماشالتها بطني لكت گلبي شالها - وانتِ صرتيلي ام الله شاهد بس خالة خلي نحچي واقع شوية لان بديت اختنگ من المكان والي بي - يمة حچيت ويا الشيخ بقصتچ قاطعتها بسرعة - يعني عرف كل شي - اكيدن يعرف چا شلون تردي يساعدچ وهو جاهل بالمصيبة الوگعت اعله راسچ - يعني الكل راح يعرفون - لالة ييمة حتى الحرمتة ما گال لكت فهمها انتِ دخيلة بسبب كونة چبيرة نشبت بين فروخ عمچ وهلچ - وبعدين - اصبري بنيتي الرجال وعدني يشوفلچ حل وآنه ادري بضاري گد الچلمة اليحچيها - شعندي غير الصبر خالة جبت عمري صابرة ع الدنيا ومصايبها - وأن الله مع الصابرين - ونعم بالله سحبتني من ايدي ورجعتني للصالة باوعت جايين رياجيل اثنين غرب ما شفتهم طول اليوم گعدت مستغربة شلون اعيش بين كل هالزلم ؟!! ومعقولة يطلعون احسن من العرفتهم قبل وسودوا حياتي بحقارتهم للعشرة گامن البنات يفرشن للنوم شوية واجت ريحان گالت - گومن وياي تنامن بحجرتي خاطر تاخذن راحتچن اكثر من غرفة الضيوف اخذت ملابسي من يم خالة ورحت دخلت للحمام غيرت دشداشة سودة ولبست الصاية فوگاها دا اطلع صار واحد منهم گدامي باوعت بخوف مو بـ ايدي صايرة اخاف حتى من خيالي اذا مر بصفي إلياس.. العفو ماعرف انتِ هنانة تنحى للحايط سوالي مجال فتت ع السريع وهمزين لگيت هناء گبالي هناء.. ها ها شبيچ - اريد انام تعبت - يلا امشينة الغرفة ريحان رحت للغرفة ويا هناء لگيت البنية تفرش للنوم ساعدناها بالفرش وطلعت جابت مي وراها طفت الضوة وتمددنة هناء.. هواي عندچ اخوان ما شاء الله - اي ستة - الله يحفظهم - شكراً حبيبة - وخوات عندچ - لا آنه الوحيدة لأمي وابوي - آنه عندي 3 وكلهن متزوجات بالبصرة - اي اعرفهن بس هاي اختچ ما اعرفها - اي اول مرة تعتب البصرة - شو ما حچيتي اي چلمة ولويش متگبعة غسق.. مرتاحة هيچ بس حچيتها جرت الحجاب من راسي - ذبي هو آنه اختنگت شحال انتِ صفنت علية چان تگول الله شني هالشعر الحلو كل هذا ومتگبعة هناء.. عوفيها ترى بسرعة تخجل - ههههه اي مبين عليها هناء.. اگول عندچ اخوان يتشابهون كلش - ياهو صهيب وصخر قصدچ - اي - شگاية توم ذولي - ياااا والله گلبي حسني لأن الشبه مو طبيعي بس بالشكل طبعاً إما الأسلوب ااااابد عفتهم يحچون ودرت وجهي تمددت انام وكالعادة شكو شي حقير صار وياية مر على بالي كتمت صوت بچيتي لحد ما اختنگت محتاجة امي هواي ومشتاقتلها اكثر ما اتمنى شي بالدنيا غير حضنة منها حضنة وحدة وراها خلي تروح مرتاحة وتخلص من هالدنيا وناسها ما اعرف شلون غفيت حسيت الفجر على صوت الأذان شفت ريحان توها دتفتح الباب حتى تطلع من الغرفة غسق.. صباح الخير ريحان.. هلا حبيبة صباح النور - اريد اتوضى علمود اصلي - اي امشي وياي گمت ذبيت حجابي على راسي وطلعت لگيت الكل گاعدين عبالك الدنيا نهار سلمت عليهم ورحت توضيت دخلت للغرفة لگيت الطفلة تحوس انتبهت عليها البارحة نامت يم عمتها واستغربت لأن ما شفت لا امها ولا ابوها وهي هم مذكرت احد بيهم بس صليت گعدت تبچي رحت شلتها وصرت ادگ على ظهرها بلكت ترجع تنام ماكو - بس حبيبتي بس باوعتلي وبچت ازيد صارت تصيح عمة وتشهگ اريد اطلع اصيحلها عمتها ما اگدر اخير شي طبت على صوتها تركض ريحان.. لا عمة لا غسق.. مدتقبل تسكت بـ ايدي - اي مو تستغرب - امها وين لعد باوعتلي وسكتت وراها اخذت الطفلة وطلعت من الغرفة بقيت صافنة سألت شي مچان لازم اسألة؟!! صارت السبعة الكل گعد گامت هناء لبست حجابها راحت غسلت وراها رجعت اخذتني وطلعنة للصالة للعصر اجن بنات خالة ام هناء وهم كالعادة الكل يسأل عني منو هاي وخالة تسكتهم بطريقتها بدون متنطي بية مرت الايام مثل ما هي چنت اگعد بيناتهم بجسمي وبس لا اسأل ولا اجاوب ولا حتى اشاركهم الحديث ثالث يوم اتصل عمو ابو هناء عليهم هواي حاولت ويا خالة علمود تبقى بس ما گدرت إلا ما تخضع الرغبتة ونرجع للحلة چنت گاعدة بالغرفة اقرا قرأن وهناء تلملم بالملابس طبت علية ريحان - گومي حبيبة ابوي يريدچ - اني ؟!! - اي هو وعمتي نجمة صدقت ورحت وياها دخلت للمضيف چان گاعد هو ومرتة وخالة ام هناء وياهم بس شافني اشرلي اگعد يمة الشيخ ضاري.. بوية انتِ تعرفين اليوم خالتچ رادة لاهلها - اي واني وياهم غير - لا طبعاً شعندچ تعنيتي للبصرة اذا ناوية تردين صفنت بوجها چان يگول - آنة وعدتكم تنحل السالفة بثلثة ايام لكت ما صارت الشخص الناطرة مارد لساع لذا راح تظلين هنانة تاج اعله راسي قبل راس اهل الدار منا لما تدبر ويحلها الباري باوعت الخالة ونزلت دموعي - شلون اظل وحدي والله ما اگدر الشيخ ضاري.. مو وحيدچ آنة وياچ ابوچ المايخاف اعله بزرة بگد مايخاف عليچ من هالساع ام هناء.. يمة والله ردت اخذچ واردن لكت الشيخ مارضى وگال غسق من هالساع بحمايتي ومسعولة (مسؤولة) مني آنه ما اگطع وياچ كل ساع اخابر اعله الأرضي لحد ما تملين من يمي ضميت عبرتي وسكتت ظلوا يحچون وياية هي والشيخ على امل يخففون من تعبي والقهر الي بصدري بس چذب اذا گدروا يسووها صارت الـ 11 واجة الوقت حتى افارگ الأنسانة الوحيدة الوگفت وياية وصدگتني لمن خذلوني كل الناس وأولهم اهلي حضنتها ابچي بصوت عالي طفل وديفارگ امة جسد وديودع روحة نبتة ودتفارغ گاعها هيچ احساسي واكثر چان بوقتها ام هناء.. بسچ يمة شلون اروحن مرتاحة وانتِ هذا حالچ - راح اشتاقلكم - اجيچ وروحه المريدي الغالي ما اتعطل واليمتة ما تعتازيني تلگيني بجارچ هناء.. بس حبيبتي آنه وصيت ريحان وامي وصت عمي الشيخ عليچ واكيد مراح يقصرون وياچ غسق.. اني استحي اتصل الله عليكم اتصلوا بية دوم مو تعوفوني ام هناء.. اكو ام تترك ضناها لا توصين اميمتچ على بنيتها يغسق شمرت نفسي بحضنها ورجعت ابچي طول وداعنة قريب الساعة اخير شي راحوا لأن تأخروا كلش وسايق الشيخ ينتظرهم بالباب يومين مرت بالضيم كل شي بالبيت صار يخنگني واولها الغربة شگد حاولت ريحان تحچيني بس منجحت وصرت اخلص يومي يا بالصلاة يا بالنوم حتى اشرد من الواقع وغربتة فد يوم گاعدة بالغرفة اقرا قرأن طبت ريحان وبـ ايدها الطفلة تبچي وهي تحاول تقنع بيها حتى تقبل تاكل غسق.. شبيها ريحان.. وچ عيني تعبت لا ترضى تنام لا ترضى تهيد عجزت وياها غسق.. شو جيبيها اخذتها من ايدها اهز بيها واسوي حركات بوجهي حتى تسكت شوية وگامت تضحك اني هم ضحكت على ضحكتها چان تشمر ريحان نفسها ع السرير وتصيح واخيراً رررررربي - هههههه الله يساعدچ مبين طالعة روحچ منها - كلشششششش لكت احبها مو بـ ايدي - مراح تگولين وين اهلها باوعتلي وسكتت ردت اگعد اندگت الباب قوي انطيتها الطفلة وذبيت الحجاب على راسي صاحت ريحان تفضل بس حچتها اندفرت الباب حيل بحيث نزيت من مكاني وطب واحد صاح بية بكل صوته - ياهي انتِ ومنهو المسلط علينننننة.... يتبع لتنسووون ⭐⭐⭐⭐⭐⭐ | ||||||||
|  |
|
12-04-21, 11:33 AM
| #12 | ||||||||
| مراقبة عامة ومشرفة منتدى الروايات المنقولة
| وضاقت_الأرض_بي - البارت الثامن - وضاقت_الأرض_بي للكاتبة لبنى_الموسوي انطيتها الطفلة وذبيت الحجاب على راسي صاحت ريحان تفضل بس حچتها اندفرت الباب حيل بحيث نزيت من مكاني وطب واحد صاح بية بكل صوته - ياهي انتِ ومنهو المسلطچ علينننننة باوعت علي بتردد - اااااني - اي ياهي گولي ريحان.. خوية شمالك اعله البت - اااانتِ لا تحشرين رويحتچ بشي ما يخصچ باوع علية ورجع كرر سؤالة - منهو المسلطچ علينة سمعيني حسسسچ التمن النسوان على صوته العالي بقيت بموقف ما اتمنى حتى العدوي موقف عبارة عن ذل وأهانة وانكسار الحجية هيلة.. شمالك وليدي صگد تحچي عيب ضيفتك هاي شلون تعلي صوتك اعليها وهي بنص دارك - لا يمة مو ضيفة ابوي ناوي يسويها منه وبينه واحنه لا نعرف اصلها ولا فصلها منين وشلون - شنهو قصدك يحنظل - خلني اعرف سالفة الحرمة اول تالي عودن اشرح قصدي واگفة اسمع نقاشهم وعيوني تمطر ما عندي شي احچي ولو يسأل ألف مرة ميلگة عندي جواب الأسئلتة رجع يصيح علية من جديد حسيت نفسي مثل الطفل اليتيم الديرزلة المدير گدام المعلمين والطلاب صار عصبي بسبب صمتي بدا صوته يرتفع وأمة تحاول تسكت بي اما الباقين صافنين باستغراب بلكي يفتهمون شنو ديصير هنا فجأة انهز المكان بصوت الشيخ الكل دار وجها بخوف لأن محد چان متوقع جيته بهيچ وقت بس ما ادري شنو الي جابة يمكن حظي الي نصفني لأول مرة بكل حياتي الشيخ ضاري.. انت شلون تتجرا وتعلي حسك اعله البت حنظل.. احاول اعرف منها الما عرفته منك يبوي - الما عرفته مني مراح تعرفة من غيري إلا بموتي تسسسسمع - ليييش عرفني ليييش حتى اسكت لا تعاملني مثل الجاهل - مالك غرررررض بهذي الدار الحچاية الأولى والاخيرة الي مامش كلمة تصعد اعله كلمتي ولا حس ينرفع فوگ حسي - محد يتجرا ويحچي غيرها بس احنة ما عدنا صغار بوية وما يصح تعاملنة مثل الحريم المالها كلمة - آنه لو اعاملكم مثل الحريم ما چان وديت اعليك واعلى اخوتك الخاطر ابلغكم بقراري - هاي حضرتك گلتها وديت عليكم الخاطر ابلغكم مو اخذ شوركم يعني اكو فرق بين الاثنين - حنظل لا تصير ازلمة براس ابوك خل لسانك بحلگك خاطر لا تشوف مني شي ما يلوگ للشيب التارس هامتك - وليش اسكت اعله الشر جايب وحدة ما نعرفها من يا گاع طلعت وبكل سهولة تريد تزرعها بنص دارك - حسسسسك لا تعلي علييييييية حچاها ورجع للباب لزم بيها الكل طفروا علي سندوا قبل لا يوگع طبوا صهيب وحبيب بـ هلأثناء يركضون على صياح النسوان صهيب.. شنهو الصار ريحان.. خوية انده للدكتور ابوووي راح يموووت الحجية هيلة.. گرت عينك يبچري وأول فرحتي والله العظيم بسابع سما اذا طاح ابوك بلاية گومة بس رب العالمين يكضني عنك حبيب.. عينوني حنظل صهيب خلنه نودي لحجرتة اخذوا من يمي وطلعوا رحت سديت الباب ورجعت گعدت بفراشي صرت ابچي بحرگة وادعي يگوم بالسلامة وميصيرلة شي بسببي ساعات مرت والبيت مخبوص بقيت بمكاني ما اگدر اطلع اطمان علي وما عندي غير الدعاء الي ما وگع من لساني ولا دقيقة وحدة شفت ريحان طبت للغرفة گمزت من مكاني - ها بشري شلون صار - لا تخافين حبيبة مرت سلامات - اي الف الحمد لله والشكر - شني سالفة حنظل وياچ - اخوچ هذا ؟!! - اي اخوي الچبير - ساعديني ريحان اريد اتصل بخالة ام هناء ضروري - هساع وبهيچي وضعية ؟!! - گتلچ ضروري - چا امشي وياي طلعنة سوة چانوا الولد گاعدين بالصالة باوعت الحنظل خزرني گبل نزلت عيوني منة نظراته تأذي اكثر ما هي تخوف اخذت ريحان الأرضي وسحبته مسافة عنهم دگت الرقم شوية وسمعتها تحچي ويا هناء سلمت عليها وراها انطتني السماعة وراحت - الو هناء - هلا غسوقة شلونچ - الحمد لله اشتاقيتلكم كلش - واحنه هماتين شلونچ هناك مرتاحة ان شاء الله - على الله اگول خالة يمچ اريدها - وهي تريدچ هاي وينها وياچ ام هناء.. ها يمة غسوقة شلونچ - خالة فدوة ما احس إلا واحد مد ايدة وفصل الخط درت وجهي لگيتة صهيب جر السماعة من اذني وطبگها بعصبية - ليش سديت الخط - شجاي تصخمين شمالچ تسودنتي ناوية تحچين العمتي وتخلين ابوي بالوجه الاسود گدامها بعد ما اتنخت بي - لازم اروح لأن - اششش لا تكملين هذا الدار ما تمشين منه إلا اذا الشيخ امر بهالشي - ما شفت شصار قبل شوية - كل احنه تنوعنه ولا تفكرين لا آنه ولا اخوتي راضين بلي جاي يصير او متقبلين وجودچ المفاجئ بيناتنا العقل ما يحملها وحدة غريبة تقتحم حياتنا بلاية سبب وبلاية تبرير والمفروض من عدنه نتقبل وجودها واحنه ساكتين الفرق هنانة بسيط كلش احنه ما نگدر نوگف بوجه الشيخ ولا نتجرأ ونعارض قرارة لكت حنظل وكونه چبيرنة گدر يسويها فـ يا بت الناس هودي شوي وخلي السالفة تمر على خير ما ناگصين وجع راس ومشاكل ويا ابوي تالي عمرنا حچاها ورفع ايدة رجع الخط گبل دگت هناء جاوب هو ولأن صوت الأرضي چان عالي سمعت كلامة ويا هناء صهيب.. الوو نعم هناء.. الوو منو وياي - صهيب - هااا آنه هناء بت عمتك نجمة - اهلاً وسهلاً - اهلاً بيك وين غسق امي تريد تحاچيها - اي هاي وينها جاري منساع فصل الخط عبن الأرضي عطلان وآنه اجيت صلحته الها - اي عرفت لأن نخابر عليكم ومانحصل انطاني السماعة وهمس بصوت ناصي - لا تنسين شني رطنت وياچ گبل شوي مفهوم هزيت راسي واخذتها من ايدة مجبورة اسمع كلامة لأن مستحيل ارجع للحلة بعد كل شي صار بقيت احچي ويا خالة ام هناء وصهيب فوگ راسي بالبداية شكت بوضعي وظلت تتوسل شبيچ ما بيچ بس بلأخير قطعت شكها باليقين لمن حلفتلها حتى تصدگني نهيت الأتصال ورجعت الغرفة ريحان مخنوگة والدنيا طالعة من عيني واني افكر ويا نفسي شراح تشوفين بعد اكثر من كل هذا يا غسق الليل كله ما گدرت انام ودموعي تارسة عيوني ثاني يوم الضهر گاعدة ع السجادة اقرا قرأن كالعادة علمود ارتاح والتهي عن التفكير طبت علية ريحان - گومي حبيبة ابوي يندهلچ فتحت عيوني فرحانة - شنو يعني صار احسن - اي الحمد لله صدقت وبست القرأن ع السريع گمت وياها لگيته گاعد بالصالة ويا الحجية سلمت علي وتقربت بسته من راسة - الحمد لله ع السلامة شيخنا - الله يسلمچ بنيتي تعاي لية اگعدي بجاري عندي حچايتين وياچ گعدت قريب منه چان يگول - الصار امس ما اريدنچ تذكري اليوم - شيخنا ممكن... قاصعني بسرعة وهو يگول خلني اكمل - العفو تفضل اسمعك - اريدنچ قوية بنيتي اليحب يعيش بهالدنيا من كل وبد يحارب لأجل يحظه بعيشة حرة كريمة اي الدنيا مو عادلة وآنه اعرفنها كلش زين هواي علمتني والباگي من عمري مو اكثر من الي عشتة من هيچ آنه حفظتها وصار عگلي يختلف عن عگل اي واحد جاي تشوفي گدامچ بـ هالدار مامش بشر يفهم عليچ گدي وآنه الوحيد الأكدر أأمن الچ عيشة سوية بعيد عن الظلم الشفتي بحياتچ بس ساعديني - شنو المطلوب مني ؟!! - لا تجادليني بقرار اتخذة بحگچ وأي شي تشوفي من اي بشر بـ هالدار تبلعي وانتِ ساكته من هالساع لحين ما يتقبلون وجودچ بيناتهم والأهم من كل هذا ما تسولفين سالفة تخص حياتچ المشت لأي مخلوگ ولو چان هالمخلوگ آنه بذات نفسي - ان شاء الله - عفية بنيتي السباعية وهسه گومي ويا اخيتچ ريحان ولا تخجلين من شي هذا دارچ گبل لا يكون دارها - رحم الله والديك شيخنا استأذنت منهم ورجعت للغرفة ما ادري على شنو ناوي ولا اعرف شلون راح ابقى بهذا البيت وبأي صفة بس مجبورة امشي ورى واني مغمضة لأن ما عندي غير حل لليل متمددة بفراشي ومغمضة افكر بالمجهول حسيت الباب انفتح عرفتها ريحان بقيت على نومتي ما تحركت شوية وگالت غسق نايمة - لا - چا ما تگومين نسولف شوي - شنحچي يعني - سولفي عنچ مثلاً ياهي انتِ وهلچ وين وشني الجابچ اعلينه - ميعجبني احچي بـ هالموضوع - وآنه احب اعرف - الشيخ ميقبل احچي شلون ترديني اكسر كلمتة - لا اذا هيچي بلاها احسن باوعتلها ورجعت غمضت چان تگول - گومي وياي نشم هوى مو احسن من هاي الحبسة - وين - امشي وانتِ تعرفين گمت ذبيت حجابي على راسي وطلعت وياها چان البيت هدوء لأن الكل نايمين فتحت ريحان الباب وطلعنة للحديقة هي بالأسم حديقة بس بالواقع جنة الخضار تارس المكان والهوى بيها يرد الروح ركضت گعدت ع المرجوحة واشرتلي تضحك تعاي ليش واگفه يمچ تمشيت واني اباوع داير مدايري چان الماي مفتوح ع الزرع بس شي بسيط شلت الصوندة حطيتها بـ ايدي صار الماي ينزل من بين اصابيعي صفنت ويا روحي الزرع بدون هذا الماي يموت زين الانسان بدون اهل يگدر يعيش لو هم يموت مثل هالزرع بالضبط صحاني صوت ريحان - غسق شمالچ عليش ضاربة دالغة ذبيت الصوندة من ايدي وگمت - لا هيچ بس عجبني منظر الزرع كلش - رجعي الماي للساجية - شنو يعني ما فهمت ؟!! - هذا المجرى الي بنص الزرع جاي تشوفي - اي - اتركي الماي يجري بي حتى يتوزع اعليهن بالتساوي - هاا فهمتچ خليت الصوندة بالمجرى ورحت گعدت يمها بقينة صافنين ع السما وهي تحرك المرجوحة ببطئ بحيث من الهدوء الچان عام ع المكان اجيت اغفى إلا شوية لو ما صوتها صحاني - غسق - نعم - هم تشتاگين لأمچ انعصر گلبي من سؤالها غمضت بحسرة ودموعي بللت خدي طبعاً اشتاق الها - چا شلون حاملة فراگها - غصباً عني - والله مامش شي بالدنيا يجبرني اعوفن امي وامشي - امي ميتة ريحان بس حچيتها باوعتلي بصدمة درت وجهي عنها ورجعت اباوع للسما چان تگول اسفة مااعرف بيها ميتة الله يرحمها - ويرحم امواتچ - ودراستچ چا شلون - راحت بعد - مااعرف شني المفروض ينحچه بهيچي موقف عبن مااعرف السبب الدفعچ تتركين دراستچ واهلچ وتجين لدار الغرب بس الله وابوي يحلون الچ المشكلة ان شاء الله لو شما چانت - ان شاء الله وانتِ تدرسين لا - اي آنه سادس وهساع جاي اراجع للأمتحانات - اي صح شفتچ تقرين البارحة بس ما توقعتچ هالگد صغيرة ولو انتِ ناعمة - هههههه آنه الود ودي ما اكبر اصلاً بعد ما تنوعت اعله الدنيا ومصايبها دنحچي سمعنا احد يگح ورانة درت وجهي شفتها وحدة من البنات بس لحد الأن ما تعرفت عليهم زين ثناء.. گحيت علمود لا تخترعون مني صفنت عليها شو هاي متحچي مثلهم گعدت يمنه بعد ما سوتلها ريحان مجال شوية وگالت چنت ضايجة وطلعت اشتم هوى ما ادري بيكم هنا ريحان.. هلا بيچ حبيبة غسق.. منو هاي ريحان عرفيني عليها ثناء.. اني زوجة حنظل اخوها الچبير باوعتلها مصدومة - بس انتِ حيل صغيرة عبالي بت اخوها مو مرتة ريحان.. اي هي بعمر بنتة غسق.. عززززززة ثناء.. هههههه شبيچ ليش انصدمتي غسق.. لا بشرفچ ولو هسه ريحان تزعل علية بس شلون قبلتي بي وهو بگد ابوچ ثناء.. لا مو بگد ابوية ترى ابوية شايب كل الموضوع الفرق بيناتنا 24 سنة غسق.. اي هواي شنو الجابرچ تاخذين واحد اكبر منچ هالگد وفوگاها متزوج وجهالة بطولچ ريحان.. امي وامها خية طبخنها سوة ودبسوهم واحد بلاخر غسق.. ليش هم اقارب ريحان.. اي ثناء بنيت خالتي غسق.. لعد شو متحچي مثلكم ريحان.. خالتي متزوجة ببغداد يعني هالتشوفيها گدامچ بغدادية موش بصراوية هههه غسق.. ها مو اگول اي وحدة منچن تكمل شلون صارت القسمة ريحان.. تنوعي حبيبة الموضوع كلة عناد بعناد بس يظل كل شي بالقسمة غسق.. شلون فهميني ريحان.. اخوي حنظل متزوج بنيت عمي يمكن ما تعرفينها چبيرة كلش حتى اكبر منه بسنتين غسق.. لحظة وحدة وحدة ثناء شگد عمرچ انتِ وحنظل شگد عمرة ثناء.. اني 24 سنة وهو 48 غسق.. معناها مرتة الاولى عمرها 50 سنة هسه ريحان.. عليچ نوررر غسق.. اي وشصار بعدين ريحان.. هاي الله ما يگحمها وحدة عرمة وصاحبة مشاكل راوت امي واخوي النجوم بعز الضهر امي جزعت منها رادت تخلي ابوي يعزل الهم ما رضا حنظل اخوي كلش حباب لا تشوفي تعارك وياچ امس لكت والله مامش بشر بطيبتة وحنيتة بالدنيا خصوصاً اعله اهل دارة غسق.. زين ليش ما قبل ريحان.. ما هان علي يترك امي وابوي وهو چبيرهم وبذات الوكت چانت نجيبة يعني مرتة اقصد صغيرة ولاهية بطلايب اهلها وما تحتام (تهتم) حتى الفروخها من هيچي ما آمن يتركهم بـ ايدينها اقلها هنانة كلنة موجودين وعينة عليهم يصير ميصير والصراحة آنه اشوفن الحگ ويا غسق.. وبعدين شصار ريحان.. الدنيا تتغير ونجيبة ما تتغير ظلت اعله نفس عيوبها وكل شي ما فاد وياها حار اخوي شني يسوي حتى يروضها لكت بلاية رجى عبن الاعوج يظل طول عمره اعوج هي هم من شافتة ساكت تخبلت فرد نوب هو مو ضعف منة سكت الها لكت ما يريد يجيب المشاكل الأبوي ويا عمي تالي عمرهم لا اگلچ ولا تگليلي طگت حوصلة امي منها ومن وضع اخوي مشت البيت خالتي ببغداد يومين وردت گالتلة اريد ازوجنك غسق.. ثناء - اي ثناء - وشسوة هو - چا غير طار عبن اجته من الله حتى يكسر نجيبة - وهي شسوت - اول ما رضت وظلت تتوسل بي راح اتغير وبس تنوع تالي من شافت ما بي رجى يرجع عن قرارة سكتت وردت العواجها غسق.. وانتِ ثناء شلون وافقتي ثناء.. امي جبرتني لحد ليلة العرس اني دموعي على خدي واتوسل بيها حتى تفركش هالزواج بس اني قسمتة وهو قسمتي والقسمة ما منها مهرب - يا سودة علية وتالي شلون گدرتي تعيشين ويا انسان متحب ريحان.. ياهي هاي الما تحبة ههههه ثناء.. يا ما احبة غير اموت ع التراب اليمشي علية هسه فتحت عيوني عليها ولا ارادياً صحت يااااا چان تضحك وتباوع الريحان ثناء.. شبيچ حبيتة بعدين غسق.. شوكت يعني بعدين ثناء.. من ليلة العرس تقريباً غسق.. هههههه هذا غير حب سريع الاشتعال ثناء.. اي مو ما چنت اعرفة بس هو بطيبتة وحنيتة گدر يحتويني ويجبرني احبه من اول يوم اعاشرة بي حسسني وكأنو طفلة ولگت حضن ابوها ريحان.. مو گتلچ اخواني مامش بشر بالدنيا يوازيهم غسق.. وهم تغارين من مرته ثناء.. اموت مو بس اغار مع ذالك اضم غيرتي بگلبي حتى لا اضوجه وياية خصوصاً اني اعرف شنو هي وشنو اني بالنسبة اله - صار عدكم اطفال - اي اني ولد وبنية وهذيچ بچرها بنية بگد ريحان واربع ولد - ما شاء الله هاي مشاكل وهالگد مخلف لو متصافين شچان سوة - ههههه ولچ شبيچ مو عرب يتباهون بالخلفة الزايدة خصوصاً خلفة الولد - يمعودة والولد شيجيبون لأهلهم غير المصايب اسأليني اني - اي صح هسه حنظل يومية معرس عليه لأن يريد اطفال بس اني مستحيل اسوي هم اثنين ومخبليني هالدور ازيدهم - بربچ ريحان ابوچ شگال النفسة من سما اخوچ حنظل ريحان.. ههههه خايبة شمالچ غير الوادم من شبابة يصيحون الة ضاري ابو حنظل عاد هو ما قصر اول ما خلف ولد سما حنظل ثناء.. ولچ لتعيبين على اسم رجلي يجوز انتِ ضجتي منه لان صار خلاف بيناتكم البارحة بس والله حنظل مو مثل متتصوري والأيام تثبتلچ اذا بقيتي هنا - لا يمعودة ليش اضوج منه ترى حقة بكل شي يسوي - صدگ انتِ شنو سالفتچ - يبووووو خلي اگوم انام اشرفلي - ههههه هاي شبيها ريحان ريحان.. خية عوفچ من سالفتها ابوي ما يرضى تحچي عنها لاحد - ها ما ادري والله غسق.. يلا متنامون تأخر الوقت ريحان.. اي امشينة نعست آنه هستونه دنگوم نزينة على صوت قريب الباب رفعت راسي شفت حنظل صاح المرتة شجاي تسوين هنانة عافتنة وراحت تحچي ويا تقربت من ريحان وهمست بصوت ناصي - خاف يضوج لأن شافها گاعدة وياية - لا خايبة شني السالفة باوعت عليهم ديتناقشون بس شكلة عصبي شوية وراحت ويا طبينة اني وريحان چان صوته واضح ديتعارك وياها فتت للغرفة وسديت الباب مچان لازم اطلع ولا احچي ويا احد منهم حقهم ميأمنون ليش منو اني حتى ادخل بيناتهم واعرف عن حياتهم كل شي بسرعة تمددت بفراشي اجت ريحان حچت وياية مجاوبتها بقيت اتگلب فوگ الساعتين يلا گدرت انام ثاني يوم دز علية الشيخ حتى اگعد وياهم انتبهت علي يحاول يخليني اختلط بيهم شگد ميگدر ورغم هو يعرف الكل ما راغبين الوجودي بعد ما عرفوني دخيلة مو بت عمتهم مثل ما اعتقدوا اول مشافوني بس مع ذالك يحاول يخليهم يتعودون على وجودي او بلأصح ينجبرون علي گعدت بالزاويا وريحان تقرا يمي كل شوية يجي واحد يزور الشيخ بحساب چان مريض ويگوم للمضيف يستقبل الخطار شوية ويرجع يمنه للمغرب دخل واحد منهم لحد الان ما اگدر اميز ان چان صخر او صهيب إلا بعد ما اخذلي صفنة قريب الدقيقة على شكلهم باوعت اكو شخص غريب ويا اول مرة اشوفة سلم ع الموجودين وگعد بيناتهم الضاهر اخوهم او واحد من الاقارب لأن ما طب من باب المضيف مثل باقي الخطار الشيخ ضاري.. اي يجمار شني صار بموضوعنا جمار.. كل شي جاهز مثل ما طلبت بالضبط شيخنا صخر.. يابة انت تعرف بحجي حميد شسوة الشيخ ضاري.. اي اعرف ليظل فكرك ويا صخر.. چا يابة شناطر ما تگلي حنظل.. جاي يسوي اعله نار هادية بس انطر شوي صهيب.. هذا عينة گوية ماينعرف زينة من شينة ويومية اله راي شكل تتصورون هيچي امور تنفع ويا واحد مثل حميد حنظل.. تنفع صهيب تنفع الحجية هيلة.. من كون طرگاعة توگع على راسك يحميد ونفتك منك ومن شرك حبيب.. هاي هي انتهت ماطول الحجية هيلة دعت علي معناتها طاح حظة الشيخ ضاري.. هههههه هو انت خوفك من امك ودعواتها مجربها بالمچان الحجية هيلة.. هسه يظنوني داعية اعليك فرد مرة رؤى.. حبوبة هو انتِ لون داعية علي چان ما تلگي گاعد بيناتنا بقوا يتشاقون بيناتهم رغم اعدادهم وكبر عائلتهم بس لمست بيهم حب مچنت المسه لمن اگعد بنص اهلي مر يوم بعد يوم والوضع مثل ما هو بديت اتعرف عليهم اكثر وصرت اميز اشكالهم واسمائهم صح اكو شغلات مجهولة وغيرها مخفية بس هالشي طبيعي لأن ابقى غريبة عليهم ومستحيل اعرف عنهم كل شي بين ليلة ويوم چانت خالة ام هناء تتصل بية بأستمرار وكلما اسألها لشوكت ابقى هنا وشنو الحل الراح يقدمة الي الشيخ تجاوبني اصبري الصبر حلو يمة جزعت واني احاول الگة حل النفسي ومستغربة سكوت الشيخ كل هالمدة رغم هو وعدني ايام ويحل الموضوع وهاي اني صارلي اكثر من اسبوع يمهم وماكو شي تغير ولا اكو امل بالتغيير گاعدة العصر يم الشيخ دگ جهازة انطاني گلاص الچاي وطلعة من جيبة بس باوع للشاشة گام من مكانة الشيخ ضاري.. ها يالضبع اخوك الميزان شني قضيتة چا گوم اسبقني اعله المضيف جاي خلافك آنه دار وجها علية بعدت نظري عنه ع السريع گال آنه رايح لون يسأل احد اعليه يلگاني بالمضيف وخلة وطلع بس راح اني هم گمت من مكاني ما اگدر اگعد بنصهم وهو مموجود اصلاً گعدتي هنا كلها الخاطرة رحت للمطبخ الكل چانوا ديشتغلون ردت اساعدهم حتى الهي روحي بس ما قبلت ريحان اخذتني وطلعنة للحديقة الدنيا مغرب والهوى هستوة دتصير بي نسمة حلوة جابت ريحان حب گعدنه بالمرجوحة والجهال ديلعبون گدامنة صارت عيني على بت اخوها الما عرفت سالفتها شنو للأن - ريحان - ها حبيبة - شنو اسمها بت اخوچ هاي - ياهي منهن - هاي المتعلقة بيچ - ها قصدچ ود - الله اسمها حلو كلش باوعتلي وابتسمت ظلت عيوني ع البنية ما اعرف ليش من دون الاطفال كاسرة خاطري يمكن لأن احسها تشبهني بلا اهل ومجبورة تبقى تحت رحمة هذا وهذاك في سبيل تعيش بعدني صافنة عليها سمعت احد صاح من بعيد لتندعم اثووووول درت وجهي اني وريحان نفسة الرجال الاجاهم هذاك اليوم بس نسيت اسمة - منو هذا - ابن عمي جمار - شبي يصيح لعد - شو ياهو من الفروخ نزل النص الشارع جمار.. ريحان صدگ تحچين - خير شمالك اظن من الاوصل تسلم بلاول - شعندچ گاعدة هنا اذا ما تخلين عينچ ع الجهال - والله ما خلفتهم ونسيتهم آنه عدهم امهات وهن اولى من يمي يديرن بالهن اعله فروخهن - شبيچ انتِ شو صايرة مدري شلونچ - انت الي شمالك بس تشوفني تعاركني كاتله احد من هلك ومااعرف بروحي - هذا كله بس لأن گتلچ ديري بالچ على جهال اخوتچ مو امير اجه ينمرد جوة سيارتي لو ما ستر الله - آنه گاعدة بالحديقة شلون ادير بالي عليهم وهم برة بالعگد - كافي بس دوختيني هاچ الزمي هذا الظرف سلمي لأخوچ صخر بداخله الحساب مال حجي حميد گوليلة جمار مرلك للمضيف ما لگاك واتصل عليك مغلق - صار امر ثاني استاذ جمار - لا بس ديري بالچ ع الجهال وبطلي حجج حچاها وراح گامت ريحان دفرت طرف المرجوحة برجلها وعاطت ابتسمت على شكلها وهي عصبية - هههههه شبيچ هيچ تحچين ويا - اكرها اموتن من شوفة خلقتة كلما صد لية حسسني ثولة وگاعدة كبالة ليش مااعرف - بس هو ما گال شي غير خايف ع الجهال - لچ خايبة ما تعرفي هذا فرد واحد شايف روحة عبن چان عايش بالخارج - هههه لا انتِ تتحسسين زايد ما شفت بي هالشي - شو اسكتي انتِ الاخرة عافتني وطبت بعصبية بقيت اضحك عليها يعني الولد ما صدر منه شي بس مع ذالك ضاجت بسبب جيته الهم لليل گاعدة بالغرفة اندگت الباب صحت تفضل چان يطب الشيخ گبل گمت من مكاني - العفو شيخنا ما ادري هذا انت - گربي صوبي بنيتي تقربت منه وعيوني بالگاع حسيت علي سد الباب وباوعلي رفعت راسي چان يبتسم ويگول - اجه الوكت خاطر يعقد اعليچ.... يتبع لتنسوووون ⭐⭐⭐⭐⭐⭐ | ||||||||
|
| |
|
12-04-21, 11:34 AM
| #13 | ||||||||
| مراقبة عامة ومشرفة منتدى الروايات المنقولة
| وضاقت_الأرض_بي البارت التاسع - وضاقت_الأرض_بي للكاتبة لبنى_الموسوي ملاحظة/ ابوس وجهكم الحلو بدون تجاوز لتستعجلون بالحكم على فلان وعلان لأن القصة بعدها بالبداية وكل شي متعرفون عن ابطالها متابعة شيقة ♥🥀 لليل گاعدة بالغرفة اندگت الباب صحت تفضل چان يطب الشيخ گبل گمت من مكاني - العفو شيخنا ما ادري هذا انت - گربي صوبي بنيتي تقربت منه وعيوني بالگاع حسيت علي سد الباب وباوعلي رفعت راسي چان يبتسم ويگول - اجه الوكت خاطر يعقد اعليچ واحد من وليداتي صفنت علي مصدومة - عقد شنو شيخنا ما اريد اتزوج الله يخليك ما اريد - آنه شني وصيتچ گلت ما تجادليني بقرار اتخذة بحگچ لو لالة ؟!! - اي بس... - لا بس ولا هم يحزنون امشي وياي للمضيف خاطر اجمعكم واحچي وياكم بمچان واحد - ممكن اغسل واجي وراك اذا تسمحلي - اخذي راحتچ بوية عفتة ورحت للحمام اركض سديت الباب اباوع الروحي بالمرايا ودموعي تجري مثل الجمر على خدي زواج شنو ؟!! رجال شنو ؟!! شراح يصير الچ غسق بعد هاللحظة ومنو هذا الراح يقبل بيچ بكل هاللعيوب اباوع الانعكاس صورتي بالمرايا متغيرة هاي منو ؟!. وين اني وليش صرت وحدة ثانية ما اعرفها ولا اريدها تاخذ مكاني اريد ارجع غسق القديمة غسق الچان كل همها تاكل وتداوم حتى تخلص الوقت ويا بت عمها واختها الوحيدة اريد انام بحضن امي اريد اسمع صوتها وهي تطمأني وتگول راح تصيرين غسق وراح تثبتين للكل انتِ ناجحة وهم الفاشلين اشتاقيت النفسي اشتاقيت للحنان الچنت احس بي من انام بحضن امي وللأمان الأشوفة اول ما تصير عيوني بعيونها مسحت دموعي ودنگت ع المغسلة صرت اشمر الماي على وجهي سريع احاول اصحي روحي بـ هالطريقة حتى اتقبل الواقع الأنفرض علية غصباً عني منو هذا الراح يزوجني الشيخ اله ؟!! حبيب صهيب صخر إلياس حنظل لو منو بالضبط وشلون راح يتقبلني بهذا الوضع اكيد ينجبر علية مثل ما اني راح انجبر علي سديت الماي وبقيت واگفة بمكاني بعد ما هدأت قررت اروح للمضيف حتى اواجه مصيري الماكو مهرب منه فتحت الباب وطلعت صارت الحجية بوجهي چانت ضايجة وتباوعلي بنظرات تختلف عن نظراتها المعتادة يمكن عرفت بالموضوع وما تقبلته حالها حال غيرها وأولهم اني مشيت من يمها للمضيف وصلت دگيت الباب صاح الشيخ تفضل فتحتها وطبيت چان گاعد وحدة بس شافني ابتسم واشرلي اگعد يمة عشر دقايق واحنة گاعدين بهدوء حسيت علي ضاج اخذ تلفونة واتصل بأبنة الما اعرف اي واحد منهم بالضبط - ها وليدي وينك ما تگلي بسك عاد تعال لية وفضني سد الخط وطلع سبحتة من جيبة اسمعة صار يستغفر بصوت عالي وأول ما كمل السبحة اندگت الباب ضمها ووگف على حيلة صاح تفضل بقت عيوني تراقب منو هذا يا ترى الراح ينربط مصيرة بمصيري وشنو ردة فعلة من هذا الأرتباط طب شخص ما اعرفة استغربت كلش هو گال واحد من ولدي بس شو هذا اول مرة اشوفة هنا چان وجها ميتفسر مبينة علي العصبية وشكلة واضح مثل عين الشمس مجبور يتواجد بمثل هيچ موقف باوعت علي بتركيز الخوف تملكني من الشر الموجود بعيونة الجاحظة وملامحة الحادة كل شي بي غريب حسيته شخص مختلف عن كل الموجودين بهذا البيت اكثر جدية واكثر ضخامة نظراتة غريبة والغموض البيهن اغرب صارت عيونة بعيوني صدفة نزلت راسي گبل نظرة من عندة عابرة هيچ هزتني شلون لعد راح اگدر اتقبلة بحياتي طول العمر يارب ساعدني إسحاق.. السلام عليكم الشيخ ضاري.. هلا وليدي وعليكم السلام تعال جاري استريح حسيت علي گعد بالجهة الثاني ظليت اباوع للگاع ما اگدر ارفع راسي لا ترجع عيني تلتقي بعينة صدفة سمعت الشيخ گال تنوعوا واحد للأخر ما گدرت استجيب الكلامة رجع كرر الطلب اخير شي عاط بية بصوت عالي - تنوعي مو ويااااچ رفعت راسي باوعت علي بخوف چانت عيونة تحچي هواي امور ما گدرت افهمها بهذاك الوقت - هاي غسق الراح تصير مريتك بعد شوي واظنك عرفت عنها كل شي لازم يعرفة اي ازلمة عن حرمته ويكفي آنه ابوك كافلها الك من هلساع لحد ما انزل بـ لحدي وينتهي حز الچلمة الصارت مثل السيف اعله رگبتي وحط ببالك يالميزان هالتشوفها گدامك بحسبة ريحانتي وانت اكثر من يعرف اليمس ريحان بريشة حمام شني الشر الراح يصيبة مني تالي يحچي ويا واني صافنة عليهم من گال يالميزان فتحت عيوني متفاجأة هالأسم سمعتة اليوم بس مچنت اعرفه ابنة لأن مالة ذكر بالبيت طول الفترة الفاتت طولت صفنتي بالتفكير شلون يعني عرف عني كل شي ومع ذالك قبل يتزوجني وهو ابن شيوخ هالشي راح يخبلني چان هادئ ما تنفس بحرف واحد طول ما الشيخ يحچي هو ساكت،، مرات يباوع علية ومرات يلتفت على ابو تفاجأت بالشيخ اثناء مديحچي گلة إسحاق زين الميزان شنو لعد ؟!! فجأة گال الشيخ روحي بنيتي انتهى شغلي وياچ ما صدگت اگوم طلعت ع السريع وسديت الباب وراية دا امشي بالصالة حطت الحجية عكازتها گبال رجلي قطعت بيها طريقي الحجية هيلة.. ها ولچ راح تاخذين وليدي باوعتلها بدون ما ارد شالت العكازة وطخت بيها رجلي بهدوء اكثر من مرة - هذا الميزان مو حي الله يعني لو ما الشيخ ضاري تحلمين تتنوعين لأظفر ايدة الصغير تسمعين لو لالة بس ااااااخ شردن اگول وعضت ايدها حيل چلمتة ما تتثنى وغصباً اعلينه ننفذها وأن چنة ما راضين بيها اسمعي لچ اي راح تصيرين مريتة غصباً عني وعنة بس لا تظنين الحبل ينهد الچ وتلعبين مثل ما يحلالچ بوليدي چاعدتلچ مثل السلة بالزردوم تغلطين اغلط تمشي اعوج اعدلچ بهاي العصا تلعبين بذيلچ اگصة واشمرة لچلاب العگد الجايعات اسألي عني وتعرفين ياهي آنه الشيخة هيلة بت الشيخ مزعل على سن ورمح الچانت ولازالت تدافع عن وليداتها برجليها وايديها واليمسنهم بسوء اكلنة بسنيناتي حتى لو چان لحمة زهر ويسمم البدن وانتِ تابعة النجيمة والله يستر من نجيمة وحبايبها الما اعرف اصلهم من فصلهم منين قصتچ كلها ما خشت العقلي لكت تقبلتها وآنه ساكته لأجل چلمة الشيخ ضاري مو لاجل عيونچ وعيون بت مريدي حطي هالحچايات ببالچ واياچ تنسيها حچت هيچ وشالت العصا من گدامي ردت امشي سمعت الباب انفتح درت وجهي شفت الشيخ وإسحاق طلعوا من المضيف اجه باس راس الحجية وصاح على ريحان طلعت من الغرفة تركض وبـ ايدها ود بس شافتة ضحكت وصارت تصيح بابا بفرحة انصدمت للمرة الثانية إسحاق هو ابوها الـ ود واني عبالي الطفلة يتيمة !!! ريحان.. طولت خوية شني السالفة إسحاق.. جيبي بنيتي اشتاگيت الها اخذها يبوس بيها وايدها تلعب على وجها ظليت صافنه عليهم علاقتة ببنتة مبين قوية لعد شلون گدر يفارگها كل هالمدة شوية وتذكرت امها لعد وين ؟!! معقولة انصدم بيها موجودة مثل ما انصدمت بوجودة وراح ينزلني ضرة عليها التفت الشيخ عليه بـ هالأثناء وصاح تعاي لحجرة ريحان بنيتي اريدنچ بموضوع عفتهم ورحت للغرفة هواي امور اريد اعرفها بس مستحيل اتجرأ واسأل عن تفسيرها حتى ويا نفسي بعد كل شي صار طبيت لگيتة دينتظرني اول ما شافني گبالة گال ركزي وياي عدل يبت الناس - اي شيخنا امرك - إسحاق وليدي امانة برگبتچ هذا غير عن كل اخوتة ولو ما عرف بي راح يعوضچ عن الظلم العشتي بحياتچ ما چان اختاريته الچ دون عن الكل اسمعي مني ونفذي يبنيتي مثل ما راح يصيرن دوة الجروحچ صيري مرهم الاوجاعة ومثل ما راح يصيرنلچ اهل صيريلة وطن والزلمة من عدنة ما يريد غير الحرمة الحوك التعرف شلون تحتوي وتحافظ على اسمة طول ما هي حاملتة آنه اعرف مظلوميتچ سألت عنچ چثير وعرفت چثير منهو انتِ ومنهو هلچ وشلون دارت بيچ هالدنيا وجابتچ لينة دخيلة امچ رحمة الله على روحها چانت ونعم الحرمة معدلة وبت اصول ورغم عيوب ابيچ لكت حوتة وصبرت اعلي حد ما سلمت الأمانة الربها ومشت من هاي الدنيا وهي ما تاركة وراها غير الأثر الزين والذچر الطيب وانت بت امچ يغسق آنه ما انسى حچاية نجمة الترست اذني وهي تگول هاي مظلومة مثل اميمتها وجيتك حتى تصيرلها سند بعد ما ضاگت الدنيا بيها اذا الدنيا ضاگت بيچ راح تلگيني فضا واسع دنيا جديدة سند ثابت بس صيري گدها ولا تخيبين رجاي بيچ يبت مسلم - ان شاء الله شيخنا اكون گد هاي الثقة - من اليوم آنه ابوچ لا تناديني غير بوية ابتسمت بوجها بدون ما ارد باوعلي وگال إسحاق ما عرف كل الحقيقة - شلون يعني - ارجع واعيد حياتچ الفاتت اطويها من الجذر مثل ما يگولون الفات مات وانتِ بنيت اليوم موش بنيت امس طلابة بين هلچ وبيت عمچ چانت الضحية بيها انتِ والمسيچينة شجن واثنينچن تعرضت الذات القدر لا تذكرين اچثر من هالچلمتين هذا في حال سألچ إسحاق اما اذا غض نظر عن الموضوع فيكون احسن ساعتها - ما فهمت يعني شنو اجاوبة اذا سألني عن حياتي - اخوچ اعتدى اعله حرمتة ونكر هالشي گام اخوها وبعد ما چتلوا بنيت عمچ اعتدى اعليچ خاطر يردلة الضربة وهيچ انتِ اجيتي لهنا دخيلة تاركة كل شي وراچ خاطر لا تواجهين المصير الوگعت بي اخيتچ شجن الله يرحمها - اي فهمت - والقضية الأهم بنيتة ود هاي الفرخة يتيمة الأم وراح تصير امانتچ من هالساع راعي الله بيها يبوي - بعيوني بدون متوصيني - سالمة عيونچ يابة راد يطلع رجع باوعلي - غيري هاللون الي اعليچ شوي بعد وتصيرين عروس ميصح تظلين بالهديمات السود فال شين يبوي باوعتلة ودمعت عيني رجع سد الباب وتقرب مني باسني من فوگ الحجاب وگال - لون چان الأسود يرد ميتينه چا ما نزعنا طول العمر خاطر لا نفارگهم الحزن بالگلب والحي ابگى من الميت نزعي يابة واذكري اميمتچ بالدعاء عبن ما يفيدها شي غير العمل الصالح التسوي لاجلها حچاها وطلع من الغرفة گعدت بالگاع منهارة نار بصدري وماكو شي يطفيها غير الدموع ربع ساعة واني ابچي بحرگة ما ادري شلون راح تصير حياتي بعد هالليلة والمشكلة مداتقبل وجود رجال بحياتي بعد ما كرهت جنس ادم كلهم بسبب الي صارلي واني على هالحالة انفتحت الباب رفعت راسي شفت خالة ام هناء گبالي لو روحي ردتلي چن بنية وشافت امها گبالها بعد طول غياب گمت ع السريع شمرت نفسي بحضنها ابچي ممصدگة داشوفها بعيوني بالوقت الي چنت بي اتمنى وجودها يمي اكثر من أي شخص ثاني ام هناء.. بسچ يمة كافيچ هم ونوح - خالة همزين اجيتي والله محتاجة الچ بهذا الوقت بالذات - اعرف ييمة الشيخ ضاري دز لية الولد خاطر احضر عرس بنيتي الخامسة - خالة فدوة الله يخليچ اطلبي منة يأجل العقد والله مجاهزة - عليش تأجلي بنيتي آنه اشوف العجلة احسن الچ خاطر لا تصير شغيلة وتخرب الأول والتالي بعدين لا تخافين هو مجرد عقد والعرس فرد يومين ويصير - ميخالف كم يوم ميأثر خايفة خالة والله خايفة ومطايقة وجود اي رجال بحياتي هسه - لكت يمة هذا إسحاق حگچ ما تعرفي هساع تصيرين مريتة وتعاشري وتشكرين الشيخ تالي عبن ربط اسمچ بأسمة - فدوة خالة اترجي يأجل الزواج اليوم مو سبت خلي العقد يصير الخميس هم قابلة هناء.. يمة ما تشوفين البنية شغادي حالها شني الضرر لو تأجل زواجهم اربع ايام هذا وينة الخميس غمضي فتحي يصير ام هناء.. امري لله ماشية احچي ويا والله يعيني على ردت فعلة هو ورجلي عبن گتلة يومين ورادة غسق.. لا عفية خالة لترحين وتعوفيني - هسه آنه رحت شمالچ بس تنوحين هناء.. اتركيها يمة تعبانة خطية مسحت دموعي بـ ايدها وطلعت تحاچي الشيخ ظليت گاعدة ويا هناء هي تسولف واني صافنة ع الباب انتظر خالة ترجع وتبشرني بتأجيل الزواج وفعلاً عشر دقايق ورجعت تضحك گمزت من مكاني عليها واني اصيح تأجل مو خالة ؟!! - اي تأجل صحيح ضاج الشيخ لكت آنه امونن اعلي وما احب يرفض ليه الطلب بعد ما ترجيته - الله ليحرمني منچ خالة - هاچ هاي هديمات جبتهن الچ من الحلة ذوق هنيوة - هههه عاشت ايدچ وايدها فتحت العلاگة جايبتلي ملابس الوان باوعت على هناء بـ ابتسامة ها هناء شو الوان ليش - غير راح تعرسين ما يصح تبقين بلأسود - اي يمة بسچ عاد انزعي الأسود من كون ما تلبسي بعد غير اعلة مصاب ابا عبد الله واهل بيتة - غسق هواي ضعفانة اكلي شبيچ اول ما شفتچ وين وهساع وين - حگها القهر ما خلالها عافية ييمة - بس موش هيچي حتى الملابس ما اظن تصير اعليها بعد غسق.. خليها عريضة احسن البيت متروس زلم واني هم ما اخذ راحتي اذا الملابس ضيقة حچيتها واخذت العلاگة رحت للحمام سديت الباب اباوع بالمرايا وزني چان 95 يا ترى هسه شگد صار بعد هالضعف كلة باوعت للعلاگة كل الملابس الوانها صارخة احمر ووردي واصفر عود بس وحدة لون فضي وهم بيها لمعة واضحة اخذت الدشداشة الفضية لأن اهون من باقي الألوان بدلتها وطلعت سريع چانوا گاعدين بالصالة كلهم حتى خالة ام هناء ردت اروح للغرفة صاحني الشيخ رحت يمهم گال تعاي جاري اجيت اگعد صار إسحاق گبالي گاعد وببنتة تلعب بحضنة باوعت للشيخ وگتلة - اروح اگعد يم خالة مشتاقة الها - اخذي راحتچ بوية گعدت يم خالة ام هناء وهمزين چانت گاعدة بنفس الجهة الگاعد بيها إسحاق حتى لا تصير عيوني بعيونة هناء.. المن يريد يزوجچ الشيخ - لأبنة غير - ولچ ادري لابنة چا الة اقصد ياهو منهم بالضبط هم هواي ما شاء الله - هذا الگاعد وبنتة بحضنه - ياااا لا تگولين متزوج - حسب ما فهمت مرتة ميتة - اي اشوة باوعتلها وابتسمت بقوا يسولفون فوگ الساعة بعدين گاموا ينامون لأن تأخر الوقت تقرب إسحاق الريحان چانت بصفي انطاها بنتة وصعد فوگ بقيت اباوع ورى هو هيچ هادئ لو اكو شي خافي ورى هذا الهدوء المو طبيعي هناء.. آنه تعبت تگومين ننام غسق.. اي ريحان تجين ويانة رايحين للغرفة ننام صهيب.. وهذا منو ياكلة لعد هناء.. شني هو صهيب.. هيچي حاجات مال سهرة هناء.. لا بالعافية آنه ما بية اسهر عبن تعبانة من الطريق صهيب.. چا اخذوا حصتكم وياكم تقرب من ريحان انطاها علاگة جرتني هناء وحچت بهمس هذا ياهو منهم اكيدن صخر مو - هههههه لا ولچ هذا صهيب - احلفي بالله من يمته المجعوص گام يوجب ويحچي بذوق - هههه كافي لتحچين علي والله حباب - لا خية شلي غرض بي لا احچي اعلي ولا يحچي اعلية افوت انام احسنلي گامت هي وريحان للغرفة رحت للمطبخ علمود اجيب ماي لگيت حنظل واگف يم الشباك صافن ع الحديقة ومرجي نفسة ع الحايط فتحت الثلاجة حس علية باوعلي بطرف عينة ورجع الصفنتة بدون ميحچي اخذت البطل والگلاص داطلع من المطبخ وگفني صوتة - انطري شوي درت باوعت علي - نعم - انتِ تعرفين بالكولبة (الهوسة) النشبت بين إسحاق وابوي اليوم بسببچ ها شمالچ ساكتة يعني عرفيني بسرچ وليش ابوي محتام الأمرچ هالچثر - دخيلة وانت تعرف الدخيل شنو بالنسبة الكم اكثر مني - الدخيل اعله الراس انشيلة لا وبعد نفدي بدم الگلب والضرر يصيبنا من گبل لا يصيبة لكت مامش شي يجبرنة نسوي واحد من عدنة لون چنتي دخيلة وبس ما تجرأت اسألچ ياهو انتِ وشنو قضيتچ عسى ما ظليتي بهالدار الاخر يوم بعمرچ اما لمن تنفرضين على اخوي ومو اي اخو إسحاق تحديداً هنا آنه انجبر اتدخل كلة ولا إسحاق تسمعين - شمعنى إسحاق شو الشيخ يگول إسحاق غير الحجية تگول إسحاق غير انت تصيح كل شي ولا إسحاق اريد اعرف ليش واذا إسحاق معترض خلي يحچي هو ليش ما سمعت منة اي كلمة من شفتة لحد ما صعد ينام باوعلي صفح بعصبية واجة باتجاهي خفت كلش عبالي شو شراح يسوي شو هذا عافني وطلع من المطبخ بدون ميجاوب على اسئلتي - لا يا الله اريدلي شخص صاحي بهذا البيت غير الشيخ ماكو كلهم طگة ونص وساعاتهم براحاتهم ثاني يوم گعدت على صوت الهوسة باوعت الساعة بالتسعة گمزت من مكاني مخروعة خصوصاً من شفت البنات ماكو هن البارحة نامن بسرعة بس اني اخذني التفكير وما شفت نفسي إلا صار الفجر واذان الصبح ديأذن واني بعدني گاعدة لبست حجابي وطلعت اكو نسوان غريبة بالصالة رحت غسلت ورجعت شو وحدة منهن گامت تلگتني بالهلاهل والاحضان سكينة.. هلا بعروستنا هلا ومية هلا بالغالية مرت الغالي - هلا بيچ خالة باوعت للنسوان وضحكت - حگها بعدها ما ماخذة اعله عادات اهل البصرة ام هناء.. هاي عمتچ سكينة اخت الشيخ ضاري بنيتي غسق.. اهلاً وسهلاً عمة اعذريني ما عرفتچ سكينة.. يمااا سبع فدوات للمعدلة حچتها واخذتني من ايدي صارت تعرفني ع النسوان شي خالاتة شي عماتة شي بنات عمة وصايرة لخه للضالين الي افتهمتة من خلال گعدتي وياهم الشيخ مفهم الكل اني يتيمة وعمي منطيني هدية لأبنة إسحاق وهيچ گدر يبرر وجودي ببيتهم قبل العقد للعصر اخذوني حتى يجهزوني بجهاز العرس تفاجأت من هالموضوع بس عرفت من خالة ام هناء هذا امر من الشيخ اتجهز مثل اي عروس ثانية لأن ما ناقصني شي ما اعرف حجم الغصة الصارت بصدري ساعتها ولو شما اسوي لهل الأثنين ما اگدر اجازيهم على وگفتهم وياية بالوقت الأهلي تخلوا بي عني وموتوني واني عايشة طلعنة اني وخالة ام هناء والحجية وعمة سكينة لگيت جمار هستوه واگف يم الباب باوعت للسيارة ويا بنية من گصتي تقريباً نزلت سلمت عليهم وراها باوعتلي وابتسمت ظلت تسلم علية وتباركلي واني صافنة بوجها اريد اعرف منو هي حتى اعرف شلون ارد ماكو لحد ما عمة سكينة عرفتني عليها سكينة.. هاي نهلة بت اخوي واخته الجمار غسق.. هااا اهلاً وسهلاً حبيبتي نهلة.. هلا بيچ عروستنا الحلوة جمار.. كافي طبي جوة خلي اوصلهم ما ظل وقت نهلة.. عمة ريحان موجودة الحجية هيلة.. چا وين تروح يمة خشي ليها ناطرتچ من الصبح وبت عمتچ نجمة وياها نهلة.. اي رايحة توصلون بالسلامة سكينة.. الله يسلمچ بنيتي صعدنا ويا جمار وصلنة وگال من تخلصون رمشولي هن الشباب واني العجوزة بيناتهن رجلي راحت من الفر اريدهن يتعبن ماكو شادات محرك سيارة مو عصا يستندن عليها بعد ما هلكت من التعب گالت عمة سكينة لهنا وبس اليوم نكمل اعلة باچر ما صدگت روحي سحبت الموبايل من الحجية ورمشت على جمار خمس دقايق واجة اول ما دخلنة لگاعهم صار گبالي موقف خلاني اصرخ من مكاني خوف واحد من جهال حنظل طفر گدام السيارة فر جمار الستيرن بسرعة مو طبيعية بحيث كل احنه انشمرنة ويا شمرتة فتح باب السيارة ونزل يغلط جر الطفل من ياختة وراح للبيت عفتهم ونزلت ورى چان عصبي خفت لا يأذي الطفل وصلت ويا ما وصل هو دگ الباب حيل طلعت ريحان چان يشمرة عليها بحيث انرگع بالگاع جمار.. چم مرة گلتتتتت ديرن بالچن ع الجهااااال ريحان.. شمالك فهمني ليش تصيح جمار.. لچ اجه ينمرد جوة سيارتي هاي ثاني مرة تصير المن البيت متروووس نسوووان ريحان.. نجيييييييييبة نجيبة.. ها ها شمالچ ريحان.. فروخچ ليش ما تكضيهم - شنهي الصار - لا سلامتچ شني يصير يعني بس راد يندعم ويموت وانتِ ولا چنچ - عمرة صار عشر سنوات شني تريدين اشربة ممة وامسد اعله شعرة الخاطر ينام بمچانة وما يتحرك - ها سمعت خاطر بعد لا تصيح اعليه هاي امة گدامك وشوفها شلون تحچي اعلي جمار.. انتن ما يفيد وياچن اروح احچي ويا عمي يخلي الچن حل احسن شي ريحان.. ما تروح احد كاضك جمار.. نننننننننهلة - لا تصيح آنه هسه اندها الك - خاف ازحمچ ست ريحان - من يمته صاير تدور زحمة - لچ نننننننهلة نهلة.. ها هااا جمار.. امشي يلا ارجعچ للبيت قبل لا اروح نهلة.. تعالي بلليل اريد اشوف جهاز العروسة وياهم جمار.. امشي لتشلعين گلبي نهلة.. حباب جمار اول وتالي انت تمر لهنا شخسران يعني ريحان.. اتركها شمالك قابل دار غرب باوع على ريحان بخزرة وراها راح جاب النسوان نزلهن يم الباب وحرك السيارة بسرعة طبيت للبيت چانت نجيبة تريد تضرب ابنها وثناء واگفة بنصهم تحاول تمنعها عنة وكل الضرب واگع براس هالمسكينة بقيت ويا البنات لليل رؤى ونهلة وريحان وثناء وامل وهناء گاعدت بالغرفة وفارشات الجهاز على كبر الگاع فرحانات بي حتى اكثر مني ديسولفن والملابس بـ ايدهن اندگ الباب صاحت ريحان تفضل طب إسحاق وبـ ايدة بنتة انطاهيا وطلع بدون ميباوع علينة چانت ريحان ملتهية تتفرج على الجهاز والطفلة تريد شيل اخذتها من ايدها افتر بيها بالغرفة شوية وگالت مي باوعت ع البنات استحي اطلع وحدي خصوصاً الولد كلهم بالبيت گامت نهلة استغليت الفرصة وگلتلها انتظري جاية وياچ طلعنة سوة الكل گاعدين بالصالة رحت للمطبخ انطيت ود النهلة وصبيتلها مي صاح صهيب بهالأثناء مي وياچ بلاية زحمة صبيتلة گلاص وانطيتهيا چان يطب صخر گال آنة هم اريدن مي باوعت عليهم يمكن خربطت بيناتهم وهذا صهيب مو صخر انطيتة المي وعيوني علي انتبه علية اباوعلة ابتسم وگال خيرچ بوية مضيعة شي بوجهي غسق.. لا بس انت منو تيهت كلهم ضحكوا علية حتى نهلة استحيت وگلت والله حيل تتشابهون ما اگدر اميز بيناتكم نهلة.. لعد اني شلون اميز غسق.. غير انت بت عمهم نهلة.. صح بت عمهم بس ماصارلي وياهم هواي صخر.. ما صار شي بوية آنه صخر وهذا اخوي صهيب غسق.. اي اني عرفتكم بالبداية بس بعدين شككت بنفسي صخر.. هههه لا خليچ اعله معرفتچ الأولية حچاها واخذ ود من ايدي طلعوا من المطبخ ونهلة راحت وراهم غسلت الگلاصات ورجعت للغرفة لگيت البنات بعدهن مگابلات الجهاز وگاعدات مر الأسبوع بسرعة وكل يوم چانت عمة سكينة تجي من الضهر لحد الليل حتى تكمل الجهاز من ذهب وملابس وغيرها اهتمت هي بـ أدق التفاصيل وچان هالشي امر من الشيخ ضاري حسب ما افتهمت من خالة ام هناء كل هاي الأيام والوضع ظل مثل ما هو اغلب وقتي چنت اقضي بالسوگ اما إسحاق فما شفتة غير مرتين وبالمرتين ما باوع حتى بوجهي الخميس الصبح چانوا مخبوصين بتجهيز العرس گاعدين بالصالة يحضرون للغدة والدنيا مخبوصة بالهوسة ما نسمع إلا صوت عياط برة شوية وصار اطلاق نار قوي بحيث حتى جام البيت تطشر علينة..... يتبع لتنسوووون ⭐⭐⭐⭐⭐⭐ | ||||||||
|
| |
|
12-04-21, 11:35 AM
| #14 | ||||||||
| مراقبة عامة ومشرفة منتدى الروايات المنقولة
| البارت العاشر وضاقت_الأرض_بي للكاتبة لبنى_الموسوي ملاحظة/ ارجوا من الجميع ان يشاركون الأراء ويعلقون على هاي الفقرة بالتحديد هواي منكم ديعانون من صعوبة اللهجة وهي بالحقيقة لهجة بصراوية عربية اصيلة بدت تضمحل شي بعد شي لذالك دتواجهون صعوبة بفهمها وهسه انطوني ارائكم تحبون ابسطها الكم ؟!! لو اصلاً اسردها باللهجة العامية البغدادية واترك لهجتهم الأصلية ؟!! القرار الأخير حيكون حسب رأي الأغلبية متابعة شيقة ♥🥀 الخميس الصبح چانوا مخبوصين بتجهيز العرس گاعدين بالصالة يحضرون للغدة والدنيا مخبوصة بالهوسة ما نسمع إلا صوت عياط برة شوية وصار اطلاق نار قوي بحيث حتى جام البيت تطشر علينة اباوع للاطفال صارت تتصارخ طلعوا الولد من غرفهم يتراكضون ثواني ونزل إسحاق من فوگ وهو يصيح - ابوووي بررررررررة صهيب.. صخر ناوشني سلاحي بسرررعة حنظل.. الجهال الزمن الجهاااااااال ولچن سحبوا الأسلحة وطلعوا يركضون البيت انترس بالرصاص وكل النسوان تمددن بالگاع يحمن اطفالهن من الطلقة التايهة بعد ما طلعوا بدقيقة توقف الرمي واگفة يم ريحان وعيوني ع الباب شصار ؟!! بس لا واحد منهم متأذي لذالك ما رجعوا لحد الأن البيت انخبص بصياح النسوان الرعب الصار بيومها مينوصف خصوصاً للأطفال صرنه ما نگدر نتحرك خطوة وحدة لأن الگاع عبارة عن رصاص وگزاز بدت الأصوات ترتفع كل وحدة تنعى عزيزها ان چان زوج او اب او ابن ما چنة نعرف شديصير برة وليش لحد الأن محد رجع منهم يطمأنة ع الباقين صاحت الحجية - ريحان خابري اعلة ابوچ اردن اعرف القضية شنهي گامت انطتني ود وراحت حتى تتصل بيهم الطفلة تتصارخ احتاريت شلون اهدئها خايفة ومچلبة بثوبتي تصيح بابا شگد حاولت وياها ولا ترضى تسكت باوعت الريحان رجعت لأمها وگالت ولا واحد يرد بس حچتها بدن النسوان يولولن عبالك مات الهن ميت ثواني وسمعنا صوت الباب انفتح كلهن طلعن يركضن علمود يستقبلوهم إلا اني ظليت بمكاني حايرة اسكت بود النفسها انگطع من البچي بهاي الأثناء انخبصت الدنيا بالصياح خفت كلش ليش هيچ ديصيحون معقول صاير شي اخذت الطفلة وتحركت توني اريد اطلع طبوا لازمين إسحاق ودشداشتة متروسة دم حضنت ود حتى لتشوف ابوها بـ هالمنظر نوموا بالصالة وگعد حبيب يم راسة صاح مي حار بسررررعة الحجية هيلة.. يمة وليدي ياهو السوة بي هيچي الشيخ ضاري.. بسچ يهيلة لا تنوحين مابي شي ان شاء الله الحجية هيلة.. شلون يعني مابي شي والزلمة سابح بدمة !!! إلياس.. يمة بسچ كل شي ما نعرف خلي اخوي يگوم بالسلامة وتنحل تالي گعد حنظل بصف حبيب نزع الغترة من راسة وگام يمسح الدم من جسم إسحاق وهو يصيح - والله ما اعدي هالعملة للي سواها كائن من يكن جابت ريحان المي الحار ويا خاولي صغير اخذة حبيب مسح زند إسحاق ومد ايدة حتى يشوف الجرح گبل درت وجهي عنهم لأن لعبت نفسي سمعتة يگول - الچيلة جوة وجرحة يحتاج خياط خابروا الدكتور باوعت علي بأستغراب - ليش ما تعالجة انت مو دكتور ؟!! بس حچيتها باوعلي حنظل بخزرة دنگت راسي فشلانة چان اسمع صخر يجاوبني صخر.. بعدة ما تخرج يعني ما يملك لا خبرة كافية ولا ادوات طبية صهيب.. ريحان گومي خوية اخذي الجهال الحجرتچ ولا تطلعين منها منا لما يجي الدكتور ويعالج اخوچ ريحان.. صار خوية گمت قبل ريحان رحت للغرفة ويا ود ظليت شايلتها وافتر لحد ما غفت بـ ايدي حطيتها بفراشها وطفيت الضوة وطلعت صارت ريحان بوجهي دتطب للغرفة - ها وين وديتي الجهال لعد - مو حسيت اعلة ود تعبانة فأخذتهم الحجرة ثناء خاطر اتركچ تنيمينها براحة - اي نامت بس بالگوة خطية خافت من اطلاق النار گلبها راح من البچي - كل الفروخ هيچي بس يتصارخون محد راضي يهيد - شلون صار اخوچ - مااعرف والله بالمضيف والدكتور يمة محد طلع خاطر نعرف شني الصاير وياهم حچتها وراحت للصالة رحت وراها شفت النسوان مجتمعات هناك بس شافتني وحدة منهن صاحت حتى تسمعني - يا عرس الأگشر عليكم چا غير گرفة العروس فگر من اول يوم انسبت الوادم والزلمة طاح ام هناء.. امر ربچ يرازقية حرام اعليچ تذبين الصوچ براس هالمسيچينة - چا شني يتسمى كل هذا حتى العرس خرب وذاك الزلمة طايح بالفراش سابح بدمة والله اليعلم يگوم منها لالة الحجية هيلة.. شمالچ تفاولين اعلة وليدي يرازقية - هسه آنه شني حچيت الله اكبر عفتوا راس الطلابة وچلبتوا بذيلها صايرة دايرة سكينة.. بسچ يرازقية چفي الوادم شر لسانچ البيهم كافيهم رحت گعدت يم هناء والدمعة بطرف عيني سحبتني عليها وگالت لتضوجين ترى معتمدة تحچي هيچي لاجل المغثة اشرت الها براسي بدون ما احچي شوية وطلعوا صخر وصهيب من المضيف گامت الحجية تلگتهم والنسوان وراها بقيت بمكاني بس تركيزي وياهم اريد اعرف شصار ومنو هذا اليتجرأ يهجم على بيت الشيخ ويصوب ابنة الحجية هيلة.. ها يمة شلون صار اخيكم صخر.. عدت يمة لا تشيلين همة الحجية هيلة.. ومنو السوا بي هيچي صهيب.. مانعرف يمة ازلام ملثمين طلعوا من ظهر البساتين وچانوا گاصدين يرمون اعلة دار الشيخ سكينة.. چا عمة عليش صوبوا اخوك صهيب.. چيلة تايهة عمة إسحاق طلع گبلنة خاطر يشوف ابوي واجت الچيلة بي وراها شردوا النسواين سكينة.. وشني النية يصهيب باوع علية وگال - الشيخ ينطيكم خبر تأجل العرس للخميس الجاي عبن إسحاق حالتة مخوطرة شوي الحجية هيلة.. اي من كل وبد وينة وين العرس اهم شي يگوم وليدي بالسلامة ونعرف غريمنة ياهو خاطر نحاسبة صخر.. ان شاء الله نعرفة يمة عفتهم يحچون ورجعت لغرفة ريحان صح فرحت لأن تأجل العرس بس بنفس الوقت ضجت ع الشيخ انسان بمعنى الكلمة ميستاهل واحد يتجاوز على حرمة بيتة وولدة بهذا الشكل وهو الماكو اطيب منة للعصر البيت فرغ لأن تأجل العرس بقيت بالغرفة ما لي عين اطلع واگعد بنصهم بعد كلام هاي المرة حسيت صدگ اني السبب بالنحس الديصير وياهم خصوصاً هاي اول مرة يتعرضون الهيچ مصيبة حسب ما سمعت من مرت إلياس گاعدة ع السجادة اقرا قرأن طبت علية خالة ام هناء صدقت وگمت الها بسرعة - ها خالة رايدة شي - يمة عليش عازلة رويحتچ بين حيطان هالحجرة - احسن خالة - بنيتي لا تكدرين خاطرچ بحچايات فلان وعلانة الجرة اليوم مگدر ومكتوب على اصحاب هالدار انتِ مالچ دخل بي - حقهم خالة يعني الصار اليوم اكبر دليل على حظي النحس مو بس علية لا على كل شخص ادخل الحياتة واولهم إسحاق - استغفري ربچ بنيتي حرام اعليچ هالحچي ربچ ما يخلگ بشر زين وبشر شين الواحد من عدنة هو اليربي روحة ولون گلتي على ارويحتچ نحيسة صگد راح تصيرين نحيسة ومن ايدچ انتِ ما اريدن اسمعچ ترطنين بهالحچي مرة ثانية ولا تسمحين لأي مخلوگ يتنفس اعليچ بسوء تراهم مو احسن منچ ولا انتِ ادنى من يمهم بالعكس كلها اسبوع وتصيرين حرمة الميزان وهم لو ما محروگين من نار الغيرة والحسد ما چان سمموا افكارچ بهيچ حچايات باطلة يلا امشي وياي لا تعزلين رويحتچ عنهم چا شلون تردينهم ياخذون اعلة وجودچ بيناتهم وانتِ ماخذة ركن بهالحجرة ما حچيت شي يمكن كلامها صح ميصير اتشائم من اولها ولا صح انعزل عنهم ومصيري انربط بيهم لأخر يوم بعمري هاي حياتي ولازم اتقبلها مثل ما هي حتى لو مچنت راضية بيها لبست حجابي وطلعت للصالة چانوا الكل مجتمعين بأستثناء الشيخ ما شفتة شوية وطلع من المضيف سلم عليهم وراها اشرلي اگوم باوعت علي مستغربة رجع اشر بـ ايدة وراح گمت ورى تفاجأت من شفتة طب للمضيف اترددت ادخل وبقيت واگفة بمكاني دقيقة وطلع صافن بوجهي - آنه شگلت - خفت ادخل لا يطلع اكو رجال جوة - يعني تتصورين انده عليچ لو اكو زلمة بالمضيف - لا - چا امشي للداخل وانتِ ساكتة بلاية حچي زايد فتح الباب وابتعد سوالي مجال طبيت لگيت بس إسحاق متمدد وبنتة تلعب يم راسة اول مشافني تفاجأ وحد نظرتة علية الشيخ ضاري.. اعرف الوكت موش وكتة والظرف اعوج لكت باچر لازم يتم عقدكم ما اريدن اسمع اعتراض لا منك ولا منها اعقد اعليها باچر والخميس الجاي عرسكم هيچي آنه قررت خاطر تداريك بوگعتك هاي باوعت علي ساكت ما اعترض اني هم سكتت ما حچيت شي چان يگول الشيخ - چا بيها الخير يبوي جهزوا ارويحاتكم للعقد باچر من الصباحيات غسق.. ان شاء الله يابة تردون شي بعد لو استأذن منكم إسحاق.. تعاي بلاية زحمة عليچ اخذي ود العمتها ريحان تنحست چنها تريد تنام رحت شلتها من يمة وطلعت من المضيف بلغهم الشيخ العقد راح يكون باچر واجت عمة سكينة حتى تشرف علي لأن كل شي بـ ايدها حتى جهازي هي رتبتة بغرفة إسحاق ثاني يوم گعدت على هوسة النسوان گمت فتحت ريگي بكوب حليب وراها دخلت سبحت من رجعت للغرفة لگيت عمة سكينة وخالة ام هناء موجدات يجهزن بالغراض غسق.. هاي شنو بالگاع سكينة.. هذا مي ورد تطمسين رجلچ بي - ههههه وليش عود اطمس رجلي مثل متگولين - سوالف جاهلة بيها انتِ لكت راح تفيدچ بحياتچ بعدين ام هناء.. يلا يمة تعاي لية امشط شعراتچ خاطر تجهزين للعقد انطيتها المشط وگعدت على طرف السرير بدت تمشط شعري واني مرتاحة بين ايدها شوية ونزلت دموعي تذكرت بيها امي كلما اضوج او تشوفني تعبانة تگول جيبي المشط خلي امشط الچ وتگعد تسولفلي عن طفولتي لحد متنسيني همي سكينة.. شمالها البت ليش تنوح ام هناء.. حگها يبت عمي هذا اليوم آنه وانتِ مرينة بي من گبل ونعرف شكثر صعب اعلة البنيات سكينة.. يمة لا تبچين انتِ راح تصيرين مريت إسحاق مو شوي يعني حچيت بگلبي يا هل إسحاق الما اعرف ليش ممجدي هالگد اليگول شيخ عشيرتهم وشايلي بالصلوات طبت ريحان هي وهناء علينة گبل عمة سكينة گالت الهن صيحن لية مرت إلياس خاطر تجهز عروستنا دقايق وطبت شايلة ابنها بحضنها امل.. خيرچ عمة سكينة.. تعاي يمة جهزي البت آنه ماعرف هواي بهاي السوالف انتِ زينيها امل.. اي عمة تامرين هنيوة هاچ وليدي كضي شوي بين ما اشتغل للعروس غسق.. عمة ميحتاج هو عقد بيناتنا حتى معازمين احد سكينة.. ما يصح يمة فال شوم تعقدين وانتِ مصفرجة ومغندبة ام هناء.. كلام سكينة صح خليهم يزينوچ بنيتي خاطر تصيرين عروس گول وفعل هناء.. يلا چا ناوشيني ابنچ وبلشي بيها بدت امل تجهز بية قريب النص ساعة اخير شي لبسوني فستان سادة لون ابيض من جهازي وگعدوني ع الكرسي اجت عمة وبدت تشرحلي هيچ سوي وهيچ لا تسوين واني بس اهز براسي شوية وسمعنا الباب تندگ صاحت هناء منو رد صهيب - آنه جاهزين اجيب الشيخ يسمع ردها هناء.. ها عمة سكينة.. گوليلة خل يندها هناء.. اي جيبة وگفت خالة ام هناء يمي وايدها على چتفي اعرف بيها تحاول تقويني لأن هي الوحيدة من بين الواگفين تعرف شكو بگلبي بمثل هيچ لحظات شوية وسمعت صهيب گال خليچ وياي خوية بدا الشيخ يحچي ايات قرأنية وهواي كلام عن الحياة الزوجية اخير شي طلب يسمع موافقتي دنگت ودموعي صارت تجري اي اني خسرت كل شي حياتي مدينتي شرفي اهلي امي ظلت على ارادتي هم اخسرها حالها حال غيرها حسيت خالة ام هناء ضغطت على ايدي اختنگت كلش وبالگوة طلعت من حلگي كلمة النعم بس حچيتها صارن النسوان يهلهلن وكلما يزيدن بفرحهن كلما يكبر الهم بصدري اكثر واكثر مسحت دموعي وگمت علمود اغير ملابسي لزمتني ريحان تبوس بية وتباركلي على العقد وظلت وحدة تجر وحدة لحد ما اندگت الباب وصاح الشيخ وينها بنيتي سكينة.. تفضل يخوي مامش غريبة بيناتنا اول ما طب صارت عينة بعيني ابتسم واجه بأتجاهي باس راسي وگال - هساع صرتي بنيتي من صدگ الف مبروك بوية زواجة الدهر ان شاء الله وتفرحوني بفروخكم - رحم الله والديك يابة - ذبي شي اعلة راسچ وامشي وياي - وين ؟!! - تگعدين يم زلمتچ بوية سحبت الحجاب لفيته على راسي وطلعت ما اريد اگعد ويا وكلش اخاف من اباوع بعيونة بس مجبورة على هالشي لازم اتعود صار امر واقع بعد ومفروض علية شفت ود دتلعب ويا الجهال استغليت الوضع وشلتها ع الأقل اشغل نفسي بيها ما اظل صافنة بوجها محتارة شسوي بس اخذتها گامت تبچي حطيت ايدي على حلگها وهمست بصوت ناصي - اخذچ الباب ينطيچ ببح باوعتلي صافنة رجعت عدلت كلامي يجوز ما فهمت علية اول مرة لأن لهجتهم غير لهجتي - نمشي البابا عندة عم وحاجات حلوة طلعت سنونها بضحكة بست شفتها حيل وتحركت من مكاني لگيت الشيخ بباب المضيف ينتظرني بس شاف ود بـ ايدي باوعلي بخزرة - شجاب الفرخة الحضنچ - شفتها تبچي خطية گلت اجيبها تشوف ابوها - علية يبوي مامش بشر يفهم حيل النساوين بچثري باوعتلة ودنگت فشلانة ادري بروحي ما فالحة حتى بالچذب ويوم الاجيت اچذب ورطت نفسي ويا الشيخ ضاري حسيت علي فتح الباب بقيت بمكاني حايرة اطب لولا شوية وصاح الشيخ - تفضلي بنيتي ليش واگفة بمچانچ عدلت حجابي وطبيت سلمت چان إسحاق متمدد بس شافني گبالة گام عدل گعدتة رد السلام وراها اشر البنتة تعاي بابا باوعت للشيخ عافنة وطلع تمشيت للجهة البيها هو وگعدت قريب منة حتى لتصير گعدتي گبالة صارت المرايا گدامي باوعت الشكلي فاتحة عيني من الصدمة ما شفت نفسي بعد ما مكيجتني امل مكياجي طوخ والحمرة ماروني صارخ عزززة هسه شيگول علية ما صدگت عقدنا وجايتني بهيچ مكياج درت وجهي علي ديلعب ويا بنتة ويوكلها نستلة وهي منطلقة تضحك ولسانها ماسكت ولا لحظة اريد احچي ويا استحي شنو المفروض اگول إسحاق ؟!! لا عيب إسحاق شنو قابل بگدچ هو وتصيحي بأسمة زين اگولة عيني عيوني شبيچ غسق !! بعد فدور گولي حبيبي وصيري خفيفة من اولها خاف هو طايقچ بحياتة اخذتلي صفنة عليهم شوية وطخت براسي اي هاي بنتة گاعدة گبالي يعني اصيحة ابو ود اكيد هذا اكثر اسم يناسبة وما بي احراج لا الي ولا ألة بلعت ريگ وصحت الة بتردد - ابو ود رفع راسة باوعلي بأستغراب - نعم !! - اكو حمام غير البرة لأن اريد اغسل وما اريد اطلع بنفس الوقت - اي هذا وينة بركن المضيف باوعت على ايدة ديأشر ع الحمام زين يعني جوة چنت شايلة هم خاف خارج المضيف ويمنعني اطلع علمود الرياجيل طبيت وقفلت الباب وراية اباوع الشكلي بتركيز هاي شمسوية امل !! هو المكياج حلو كلش وحتى ما توقعت يطلع منها هيچ شي بس لأن بچيت خرب نوعاً ما والكحل عادم جوة عيوني بديت اغسل زين ما بقيت ولا شوية وجهي صار احمر على گد ما فركته بالصابون لمن امنت رجع شكلي طبيعي يلا اكتفيت طلعت من الحمام لگيت إسحاق متمدد گامت ود شالت موبايلة بس ما انتبه عليها ردت اخذة منها خفت لا تبچي ويطلع يقبل تلعب بي گعدت نفس مكاني وعيوني عليها شوية واجت مدتلي الموبايل وصاحت تحي (افتحي) - لا حبيبتي بابا ميقبل باوعتلة وبرطمت - تحي امه (افتحي عمة) درت وجهي علي نايم ولا يمة اخذت الجهاز من ايدها فتحتة بي رمز - روحي انطي البابا هو يفتحة الچ اني ما اعرف بعدة بـ ايدي صار يرن باوعت علي رقم ومكتوب م ر و 30 رفعت راسي شفتة صافن علية استحيت منة كلش -اسفة مو قصدي اتطفل بس صدفت الجهاز بـ ايدي من اتصلوا عليك - ناوليني التلفون انطيتة الموبايل وشلت ود لأن گامت تبچي تريد الجهاز سمعتة رد بس بكلام مبهم ما گدرت افهم منة شي - الو نعم اي اي مو گلت اي شني السالفة بعدين آنه اتصل ماشي بوية ماشي بسكم من الملحة سد الخط وباوعلي - تعبت اريدن انام اذا ما تصير زحمة اعليچ - اي اخذ راحتك طلعت وسديت الباب علي ما ادري شبي احسة مو طبيعي ابد مو شغلة مجبور لا هسه اني هم مجبورة علي بس تصرفاتي طبيعية إلا هو غامض وغريب بشكل لا هو المعاملني بقسوة على وجه ولا المعاملني بطيب حتى اگدر افسر شخصيته بحيث صرت ما اعرف موقفة من هذا الزواج ان چان راضي بي او لا مشت الأيام مثل ما هي ماكو شي تغير وعلاقتي بإسحاق باردة ميجمع بيني وبينة غير الشيخ وقت اليكون موجود نتواجد بمكان واحد واذا مموجود كل واحد من عدنة بمكان طبعاً ما گدروا يعرفون منو ورى الرمي الصار هواي حاولوا واشوفهم مخبوصين رايحين جايين يحچون بالموضوع بس بلا نتيجة واجة يوم الخميس برمشة عين گعدت من الستة الصبح على صوت الهلاهل كل النسوان مجتمعين هنا من قبل يوم ومخبوصين بعرس ابن الشيخ وكأنما هذا اول زواج الة عمة سكينة اتفقت ويا ام الصالون تجي تشتغلني بالبيت وگالت هيچ احسن لأن برة البيت ناصبين الچادر مال الزلم وصعب نتحرك براحتنة كل شي هي دبرتة حتى بدلة العرس واحلى ما بالموضوع چان ذوقها نازك كلش رغم عمرها الچبير وتبين هالشي من تجهيزاتها للعقد رغم بساطتها بس طلعت فد شي مرتب وهادئ هستوني گاعدة اجن البنات هجمن علية گومني سحل اريد البس حجابي مثل العالم ماكو طببني للحمام وراحن بقت عمة سكينة يمي تحچي بالخط العريض من الفشلة بعد ما اگدر اباوع بعيونها سكينة.. يمة لا تصيرين طماطة اريدنچ لهلوبة بحيث تسودني لابن اخوي،، المستحة ما يوكل خبز بهذا الزمن - اي والله عمة فهمت بس خليني اسبح - ما تسمحيلي اظلن وياچ صدگي تحتاجيني وتغمين رويحتچ عبن ما خليتني اظلن تالي - هههههه لا ما اغم روحي وكل شي تمام لتشيلين همي - چا خوش اروحن آنه ولون اعتازيتيني بشغيلة بس اندهي اعلة اي فرخ يمر جار الحمام وهو يبلغني - صار بس حچيتها عافتني وراحت سبحت بسرعة وطلعت لگيت البنات كلهن مجتمعات بغرفة ريحان مر الوقت سريع ويا هوسة العرس صبوا الغدة عبارة عن لحم وعلي تمن برياني مو العكس هواي سامعة بعادات العرب وكرمهم بس هاي اول مرة اشوف بعيوني بعد الغدة مباشرتاً اجت ام الصالون بدت تشتغل بية والبنات لزمن سرة على أمل لأن مكياجها حلو وكلهم يردون هي تمكيجهم مو غيرها هناء.. تمكيجت يم مرت إلياس اول وحدة من البنات باوعت ملابسي ماكو بجنطتنة نسيت اجيبهن لبست العباية على راسي وطلعت لأمي چانت گاعدة ويا عماتي سكينة وهيلة ونسوان عمامي الباقين - يوم وين الجنطة اريد ملابسي سكينة.. يا ما شاء الله غزالة غزالة بت نجيمة عين الباردة اعليها - ههههه شكراً عمة الحجية هيلة.. يمة لا تفرين طولچ وانت متزينة تراها الزلم تروش بكل كتر بالدار - اي عمة اعرف بس اجيت اخذ ملابسي وارجع يم البنات ام هناء.. بحجرتي الجنطة امشي غيري هديماتچ هناك مامش احد بالحجرة هناء.. اي چا خوش عفتهم ورحت للغرفة بدلت ولبست العباية لفيت روحي بيها ما طالع مني غير وجهي جاي اطلع سمعت باب غرفة صهيب انفتح درت وجهي صار گبالي بس شافني حد ملامحة وخزرني صهيب.. من كل عقلچ طالعة هيچي - ليش شبية - لا يبوي شني البيچ سلامتچ ردت اروح عاط بية بصوت عالي - الزلم تارسة الحوش وانتِ ولا چنچ ندريچ موش ترباتنة لكت المستحة حلو للبنيات - هاي شمالك اجيت ابدل وما عرف بيك هنا - تعرفين ما تعرفين ما اريدن هالشي ينعاد وإلا الحچي يصيرن ويا عمتي موش وياچ هزيت ايدي ومشيت والله ياربي اليشوفة يحاسبني هيچي يگول اخوي وآنه ما عرف غسق.. بعدها ام الصالون تشتغل بية طبت مرة ما اعرفها شكلها مو منهم لبسها وكلامها وكل شي بيها يختلف عن الموجودين دتحچي چان تصيح الها نهلة ماما عرفتها مرت عمهم ام جمار بقت تحچي ويا مرت إلياس شوية وباوعتلي مبتسمة فاتن.. ما شاء الله ع النزاكة الف مبروك خالاتي شايفة كل الخير - الله يبارك بيچ خالة نهلة.. ماما جمار ياخذنة لو نروح ويا النسوان - لا ويا جمار - زين لعد رمشيلي خاف مو يمچ ساعة الزفة - ان شاء الله يلا ارجع العماتچ بس اجيت اشوفكم وابارك للعروس حچتها وطلعت من الغرفة للأربعة ونص خلصتني ام الصالون لبست البدلة البيضة واخذوني للصالة گعدوني وبدت الحفلة ما حسيت بأي شي الشي الوحيد الچنت احس بي الخوف الچان مسيطر على كل جوارحي بمثل هيچ يوم بعد الأذان بنص ساعة انخبصن النسوان چانت ريحان واگفة يمي وبـ ايدها الكاميرا دتصور سألتها شكو گالت رجلچ راح يطب شوية وسمعته صاح يا الله اريد اسيطر على دگات گلبي ماكو إلا شوية ويوگف من الخوف والتوتر الحسيت بي گامن النسوان يهلهلن دقيقة وحسيتة گعد بصفي ما رفعت راسي ولا شفتة بس عطرة ترس المكان خبصوا الدنيا بالگفلات العراقية وكل شوية ريحان تصيح رفعي راسچ خاطر اگص الكم صورة اما إسحاق فكل شي ما سوة حتى الذهب نسوان اخوتة لبسوني بس يا دوب صاح العمتة حتى تلبسني الحجاب علمود تتحرك الزفة لبسني البنات وإسحاق بصفي حاط بنتة بحضنة ويوكلها كيك اول ما خلصن گام طلع برة،، خمس دقايق ورجع صاح يلا راح نتحرك صار بصفي مد ايدة لزم چفي كشت نفسي من لمستة لدرجة ردت اتقيء ادري هواي راح اعاني من الحالة النفسية السببوها الي هذولاك الوحوش بس لازم اقاوم حتى تظل حياتي ماشية طلعني من البيت بوسط رمي مو طبيعي گلبي راح عبالك ديضربون بـ أذني وما وگفوا رمي إلا من صعدنا بالسيارة تحركت الزفة وطولت ساعة تقريباً مچنت اشوف شي ولا يمهم اصلاً يا دوب اشغل نفسي بأيات الذكر علمود اطمن روحي وابعد الخوف عن گلبي وتفكيري چانت الزفة شي خيالي عبارة عن سيارات سادة الشارع من الطول للطول اباوع اشكال ضباط على شيوخ على معممين يمكن العراق كلة جاي العرس إسحاق فجأة وگفنة رفعت راسي شفت البيت گبالي جريت نفس براحة واخيراً وصلنة نزلني إسحاق وصاح شيخ ضاري الذبيحة يولد جابوا الحيوان ذبحوا يم رجلي والدم يتطافر علية حتى بدلتي تدمرت وراها طببني للبيت وطلع يسلم ع الرياجيل گعدت بالصالة شوية وصعدوني فوگ الغرفتة اول ما طبينة صاحت عمة سكينة الكل يطلع بس عمتچن نجمة تظل هنا صفنت على الغرفة اول مرة اصعدلها چبيرة كلش بس شبه فارغة مبين علي ميحب الهوسة ويميل للهدوء من الديكور واضح هالشي سدت عمة سكينة الباب بعد ما طلعن البنات اجت باتجاهي قدمتلي قطعة قماش لون ابيض صفنت بوجها مستغربة چان تگول - هاي وصلة النيشان يمة اكيد تعرفين شلون تستخدميها لو حابة نعلمچ آنة وخالتچ نجمة ام هناء.. لا خية آنه فهمتها كل شي باوعت على خالة مصدومة چان تهز راسها بمعنى اي وترجع تكمل كلامها ويا عمة سكينة ظلن يحچن بيناتهن واني مدنگة دموعي چانت تتسابق على خدي وينچ ماما حيل محتاجتچ بهاي اللحظة ليش رحتي وعفتيني اندگت الباب بـ هالأثناء راحت عمة سكينة فتحتها سمعت صوت إسحاق لو اني گلبي وگف بقيت جامدة بمكاني حايرة شلون اواجه مصيري واتقبل إسحاق رجال بحياتي مثل اي مرة بالدنيا واني افكر ويا نفسي حسيت خالة دنگت علية وحچت بهمس - الله وياچ يمة لا تخافين من شي - ونعم بالله خالة عافوني وطلعوا گبل گمت من مكاني باوعت على إسحاق سد الباب وطگ القفل ما اشوفة إلا رفع دشداشتة ونزعها بدون مقدمات..... يتبع لتنسوووون ⭐⭐⭐⭐⭐ | ||||||||
|
| |
|
12-04-21, 11:37 AM
| #15 | ||||||||
| مراقبة عامة ومشرفة منتدى الروايات المنقولة
| وضاقت_الأرض_بي وضاقت_الأرض_بي البارت ١١و١٢ وضاقت_الأرض_بي للكاتبة لبنى_الموسوي عافوني وطلعوا گبل گمت من مكاني باوعت على إسحاق سد الباب وطگ القفل ما اشوفة إلا رفع دشداشتة ونزعها بدون مقدمات صفنت علي بخوف ياربي هذا شديسوي من كل عقلة ؟!! شمر الدشداشة ع الچرباية وظل بالسروال والفانيلة الداخلية ما احس إلا صار يمي بدون ميباوع علية دنگ ع الميز وطلع منة خنجر رجعت ليورة بخوف چان يگول الوصلة وين ناوليني هزيت راسي بدون ما احچي لان احس لساني انبلع من رهبة الموقف - يابة شمالچ وصلة النيشان وين فضيني عاد درت ع الجرباية شلت الوصلة وانطيتهيا شو هذا فتح اللفاف من زندة ولچم الجرح مالتة گبل طگ دم غمضت عيني باشمئزاز - هاي ليش سويت هالشكل !!! ما جاوبني فتحت لگيتة حاط الوصلة على جرحة ويباوع علية بقيت صافنة بوجها معقولة هذا الدم عود نيشان عذريتي شوية وحط الوصلة ع الميز اباوع عليها كلها دم زين شلون لو اكتشفوا هذا مو دم عذرية اكو نسوان متفوتهن هيچ سوالف درت وجهي علي شفتة گاعد ع الچرباية بـ ايدة الگطن والديتول يحاول يعقم بجرحة تقربت گعدت بصفة لازم نحچي اريد اعرف بشنو ديفكر بالضبط - ابو ود - نعم - تحب اساعدك جرحك دينزف لازم تضمدة وتلف علي اللفاف انطاني الگطن بدون ميحچي سحبت الديتول من ايدة الثانية وبديت اعقم الجرح چان الخياط مفتوح من الطرف لذالك الدم دينزل بكثرة شگد حاولت اوگف النزف بس ما گدرت - ميصير تظل هيچ جرحك مفتوح ويجوز تحتاج خياط ثاني - ما بي شي بس اضغطي اعلي باللفاف حيل وهو يوگف - براحتك عقمت الجرح ولفيتة الة حيل مثل ما طلب مني باوعت الروحي منا بدلتي متدمرة من دم الذبيحة ومنا دم إسحاق حتى نفسي لعبت من ريحتي رفعت راسي لگيتة يباوعلي - اريد اغسل شلون - هذا وينة الحمام گدامچ درت اباوع اكو حمام بالغرفة يمكن هذا احسن شي چنت شايلة هم شلون اطلع من الغرفة واني بهذا الوضع فتحت الكنتور ما اندل شي بي كل الجهاز عمة سكينة رتبته على ايدها حتى الملابس بقيت ادورلي شي البسة شوية ولگيت ملابس البيت سحبت دشداشة مستورة وسديت الكنتور فجأة سمعت صوتة صاحني باوعتله وهزيت راسي چان يگول لبسي شي مال نوم فتحت عيوني علي مصدومة معقولة ناوي يتقرب مني واني فرحت كل ظني ميريدني وراح اخلص من هذا الهم شافني صافنة علي باوعلي بطرف عينة وگال - تعاي اگعدي جاري مشيت بخطوات بطيئة گعدت بصفة خايفة چان يحچي وهو داير وجها عني - اسمعي يبت الناس آنه ادري الصار وياچ موش سهل والله يعينچ اعلي لكت بذات الوكت لا تترجين مني شي آنه سترت اعليچ وهذا حدي وياچ اكثر من هيچي تعذريني - واني مرايدة منك اكثر من هذا خلف الله عليك من سترت علية بالوقت المحد تقبلني بالعيب البية حتى اهلي - خلني اكمل - تفضل - تظلين حرمتي وان چان هالشي بس بلأسم كل حگوگچ توصل اليم رجليچ وبذات الوكت كل الحگوگ العليچ مجبورة تأديها وانتِ الممنونة گدام الخلگ انتِ حرمة الميزان يعني واجب اعليچ تصونين اسمة طول ما انتِ حاملتة برگبتچ گدام رب العالمين وعبادة بية عيوب بگد ما ربچ خالگ بشر تتحمليهن مني مثل ما راح اتحمل عيوبچ العرفتهن والما عرفتهن بعد وبنتي ما تگربين صوبها هي بكتر وانتِ بكتر ما اريدن اشوفها بـ ايدينچ لا بحضوري ولا حتى بغيابي تسمعين مني اشيلنچ فوگ هامتي لا والله مشيتي اعوج وما همچ شي بالدنيا بس لأن ابوي بظهرچ هنا راح تشوفين وجهي الاخر واحسنلچ لو تخليني خافي لأنة مراح يعجبچ صدگيني ها شگلتي ؟!! سمعيني حسچ لا تظلين ساكتة هيچي باوعتلة واني حابسة الدمعة بعيني - صار مثل متحب - چا خوش گومي لبسيلچ هدمة مال نوم خاطر من يجن عماتي ما يشكن بشي - شنو ناوي تسوي - تعرفين الوادم هنا ما مرتاحة الجيتچ المفاجأة ضروري نثبت الهم انتِ بت بيت وما اجيتينا لهنا بمكسورة مثل ما جاي يتحچون بظهرچ - وشلون لو وحدة من النسوان عرفت هذا مو دم... وسكتت - لا تخافين ابوي اتفق ويا عمتي نجمة اعلى كل شي لا آنه ولا هم راح نرضى احد يمسچ بحچاية سوء وانتِ حرمة الميزان آنه ما احبن هالسوالف لكت انجبرت عليها خاطر اثبت للكل انتِ هدية موش دخيلة ووراچ عملة مثل مايگولون هيچي يلا يبلعون لسانهم ويسكتون عنچ وعن سيرتچ وانسد هالسالفة كلش خاطر تستمر حياتنا طبيعية گدام الوادم گومي غيري بسرعة ولون اجن النساوين الحجرتچ لاتتنفسين وياهن بحرف وغير چلمة المشكورة ما اريدن اسمع من لسانچ گمت بدون ما ارد علي فتحت الكنتور اباوع الملابس النوم ردت اسحب لون بيجي لأن استر من غيرة چان يصيح الأبيض موش هذا باوعت علي واخذت الروب الأبيض طبيت للحمام صار انعكاس صورتي بالمرايا باوعت على روحي ونزلت دموعي لا ارادياً اي يا غسق هذا هو حالچ مراح يتغير ابد لتتصورين هالدمعة راح تنشف بيوم من الأيام عشتي غريبة وراح تموتين غريبة ومظلومة هاي اذا چنتي عايشة اصلاً وما متي من يوم ما اعتدوا عليچ ولد الحرام وخسرتي بساعتها حتى نفسچ گعدت بالگاع ابچي بصوت مخنوگ انهانيت هواي وانذليت اكثر ولو ما حرام علية چان سويتها ورجعت لاهلي حتى يكتلوني خلاص والحگ بشجن وامي وارتاح من هالعيشة المرة ما ادري شگد مر وقت واني ابچي سمعت الباب يندگ وراها إسحاق صاح يلا بوية شمالچ بطيتي هيچي مسحت دموعي وگحيت حتى يتغير صوتي گتله اي جاية جاوب استعجلي بلاية زحمة اعليچ گمت من مكاني ع السريع نزعت البدلة وغسلت جوة عيوني لأن سال المكياج ودمر وجهي بسبب الدموع لبست الروب الابيض چان مفتوح بشكل فضيع وما ينطلع بي عاد همزين فوگا تور على طولة اگدر استر جسمي بي باوعت الروحي بالمرايا مبين من عيوني باچية سحبت شعري ليورة لأن التسريحة نازلة وخففت الحمرة وراها طلعت لگيت إسحاق يفتر بالغرفة بس شافني ظل صافن شوية وانتبه على روحة دار وجها ع الميز شال النيشان حطة ع الچرباية وفات من يمي طب للحمام دقيقتين وطلع غاسل ايدة من الدم سحب الدشداشة البيضة لبسها وفتح الباب وقبل لا يطلع گال - هذا النيشان ما تسلمي غير العمتچ نجمة تفهمين - اي بس طلع دخلن عماتة للغرفة ما عاولي شفت خالة ام هناء گمت من مكاني بسرعة حضنتها ابچي ظلن يصيحن يا شبيها الفرخة ما اهتميت وبقيت على نفس وضعي لحد ما حچت عمة سكينة - شنهي الجرة ييمة كون لا يطلع الزلمة مأذيچ ام هناء.. النيشان وين بنيتي باوعت عليها ومسحت دموعي رحت للچرباية شلتة وسلمته بـ ايدها مثل ما طلب إسحاق بس شافنة گامن يرگعن بالهلاهل اخذتة خالة ام هناء وطلعت من الغرفة ما ادري على شنو متفقين وياها بس هي حتى ما راوتة الهن يادوب بس لمحنه من بعيد وصارن يهلهلن اقل العشر دقايق طلعن من يمي بقيت گاعدة اخاف اروح اسبح ويجي إسحاق مدا اگدر اتحرك براحتي لأن ما احس هالمكان مكاني انتظرتة بالربع ساعة يلا اجة سد الباب وتوجه للكنتور سحب ملابسة ودار علية ديروح للحمام باوعلي بطرف عينة - ليش لساچ ما سابحة - چنت انتظرك شمر ملابسة ع الچرباية وتمدد بالجهة الثانية - گومي بوية اسبحي وغيري الهدوم العليچ بعد محد يزعجچ من هالساع - وانتِ مو تريد تسبح - اسبح خلافچ بس حچاها گمت للكنتور طلعت ملابس مستورة واخذت المنشفة الوردية اكيد هي مالتي لأن منشفتة عندة اخذها ويا ملابسة دخلت للحمام افتح بالتسريحة وماكو شعري ثخين وحايرة ام الصالون شلون تثبتة بالماشات خلص صبري وشعري ما خلص تأخرت كلش اكيد الرجال تعبان ويريد يسبح وينام لو ادري هيچ اتأخر چان خليتة يطب قبلي للحمام سبحت ع السريع وطلعت لگيتة مغمض عيونة بالبداية عبالي متمدد بس لمن تحركت وما فتح عرفتة نايم وگفت ع الميز امشط شعري بهدوء رفعتة ليفوگ دارجع المشط بدون ما انتبهه طخت ايدي بالعطر وگع گبل فز إسحاق - اسفة گعدتك - نعيماً - شكراً تگوم تسبح لو تكمل نومتك - لا اسبح شريت المنشفة واخذت ملابسة للحمام علگتهن الة وطلعت لگيتة ينتظرني بالباب بس شافني گبالة گلي مشكورة ودخل يسبح بقيت گاعدة ع الچرباية اباوع بزوايا الغرفة بين ميطلع حتى اشوف شلون ووين اگدر انام ما طول خمس دقايق وطلع نشف شعرة وطفة الضوة اباوع علي شو هذا تمدد ع الچرباية ونام ولا كأني موجودة وگاعدة انتظرة - ابو ود - نعم - اني وين انام ؟!! - هنانة واشر على الچرباية صح الغرفة چانت ظلمة بس اكو ضوة خفيف من البستان ضارب عليها باوعت علي بأستغراب رفع تك حاجبة وعدل گعدتة - شمالچ بوية عليش استغربتي هيچي غير انتِ حرمتي وآنه زلمتچ - لا مو قصدي بس يمكن لأن ما توقعت منك هالكلام - شني الرايدتة هساع اگوم انامن بالگاع خاطر تاخذين راحتچ - لا اني الأنام بالگاع هذا مكانك ردت اگوم جرني من زندي حيل باوعت علي شو هذا خزرني بعصبية وشد قبضتة على ايدي بحيث توجعت كلش - ها عليش ناوية ست غسق تردينة نتهاوش (نتعارك) من اول يوم بسبب اعنادچ - ليش اني شسويت - گلت تنامين هنا يعني تنامين صحيح آنه ما تگربت منچ بس تظلين حرمتي يعني هاي الحركات مالهن لازم - ايدي وجعتني ممكن تهدها - چا ظلي بمچانچ ولا تطلعين جنوني اعليچ حچاها ودار وجها عني سحب الغطا على راسة ونام ظلت الغصة بصدري اريد ابچي بس لا لازم اقوي نفسي كافي دموع لأنها مراح تسويلي شي ولا تعدل حياتي العوجة ماكو دقايق وگام يشوخر اريد انام ما اگدر،، للفجر واني اتگلب منا صوت شخيرة عالي ومنا هذا مو مكاني تعودت على غرفة ريحان للفجر اذن الأذان گمت صليت ورجعت تمددت بصفة توني اريد اغفى سمعت صوت جهازة يدگ منبه گعد طفا وگام صلى ما حسيت بشي بعد لان نمت گعدت الصبح على صوت الهلاهل فتحت عيني ماهو يمي گمت داروح للحمام اندگت الباب صحت تفضل طبت خالة ام هناء تهلهل - ألف مبروك يمة شايفة كل الخير وبوستني - الله يبارك بيچ خالة - شلونچ وشلون زلمتچ وياچ باوعت عليها بدون ما ارد چان تگول - يمة مو سهلة اعلي يتقبل وضعچ من اولها اي لا تتنوعيلي هيچي اعرفة ما تگرب صوبچ وحگة يمة مثل ما انتِ ما تردي وما راغبة بي زلمة الچ هو ذات الشي يبنيتي لكت إسحاق خوش إسحاق زلمة من ظهر زلمة معدل واخو خيتة وساعة اليتقبل وجودچ بحياتة يا كبر حظچ لأن راح تعيشين أميرة ويا وهو الملك اعلى راسچ اصبري يبنيتي تراچ وحيدة وهو من هالساع صار كل هلچ والما بي خير لأهلة ما بي خير للوادم خليچ ويا حرمة معدلة ولون چانت طاعتة بالخير طيعي يغسق خاطر تكسبين گلبة وتأسسين عايلة ويا تعوضچ عن الضيم الشفتي بحياتچ - ان شاء الله خالة بس ادعيلي دوم الله عليچ لتنسيني بدعواتچ الطيبة - مامش ام تنسى ضناها وانتِ ضناي الماخلفتة بست راسها وحضنتها حيل چان تگول فوتي اسبحي والبسي شي يبينچ عروس گبل لا يصعدن النساوين خاطر يباركن ليچ طبيت للحمام وخالة ظلت تنتظرني بالغرفة سبحت ولبست فستان طويل علمود اگدر انزل بي جوة من طلعت لگيت النسوان بالغرفة بقن هلاهل ومباركة بالنص ساعة اخير شي لبسني حجابي ونزلوني جوة وياهم باوعت للصالة ماكو بس النسوان چانت الحجية گاعدة من شافتني دارت وجها صاحت ريحان الريوگ نزلت المسعدة من حجرتها ندستني خالة ام هناء باوعت عليها اشرت بمعنى روحي بوسيها عفت النسوان الواگفات علمود يباركنلي ورحت بستها من راسها - مبروك - الله يبارك بيچ يمة سكينة.. شمالچ خية ما تنطين الفرخة نگوطها خلها تفرح - اي نسيت مدت ايدها الجيبها طلعت علبة ذهب انطتنياها وگالت تتهنين بلبستها ان شاء الله ابتسمت بوجها واخذتها بدون ما ارد صاحت عمة افتحيها خاطر النسوان يتنوعن ليها فتحت العلبة چانت سوار وحجل ذهب رجعت بست راسها وانطيت الهدية العمة سكينة ورحت ابوس النسوان لأن واگفات ينتظرني ربع ساعة وطلعوا الرياجيل من المضيف بس شفت الشيخ گمت من مكاني ع السريع ورحت بست راسة اما هو تلاگني بابتسامة - بالمبارك بنيتي منه المال ومنچ العيال خاطر تترسينة هالدار فروخ - رحم الله والديك يابة صاح الريحان جيبي هدية اخيتچ راحت الغرفتة شوية ورجعت بـ ايدها علبة چبيرة اخذها من ايدها وباس راسي - عليچ بالعافية يابة اجت عمة سكينة سحبتها من ايدي فتحتها وهي تصلي على محمد وآل محمد باوعت تخم كامل ذهب شنو السالفة شو هداياهم كلها ثگيلة معقولة بس الي لو هم عاداتهم هيچ صخر.. بالمبارك خوية الله يسعدكم صهيب.. مبروك خوية حنظل.. مبروك إلياس.. مبروك مرت اخوي زواجة الدهر ان شاء الله حبيب.. الف مبروك خوية اباوع الهم مبتسمة وبس اهز براسي ما متعودة ع هيچ شي ولا اعرف اجامل بالمناسبات لأني اصلاً مو اجتماعية وعمري ما طلعت خارج دائرة اهلي وبيت عمي سالم شوية وصبوا الريوگ توني گاعدة بصف إسحاق اجت بنتة تريد تگعد بحضنة شالها حطها بحضنة وصار يوكلها ما اشتهيت اكل كالعادة بس گعدت اجاملهم اول ما خلصنة ردت اخذ ود اغسللها تذكرت كلام إسحاق وبطلت فجأة الشيخ گال گومي غسلي للبت باوعت الأسحاق هز راسة بمعنى اي،، اخذتها ورحت للحمام غسلتلها وغيرت ملابسها بغرفة ريحان بعدني امشط بشعرها طبت خالة ام هناء علية والجنطة بـ ايدها گمت ع السريع فاتحة عيوني - شنو خالة راح ترجعين للحلة - اي يمة چا عمچ من اسبوعين وهو وحيدة هم خطاية - واني - شمالچ انتِ عين الله عليچ تزوجتي ومن زينة الزلم بس عاد لازم اروحن اتطمنت اعليچ وزوجتچ ما اظن گصرت بشي وياچ - لا حشاچ من القصور بس الله عليچ لتگطعين وياية ترى مالي غيرچ بالدنيا انتِ صرتيلي ام واكثر - لا الچ زلمتچ واهلة هم اهلچ من هالساع واذا اعلية اكيدن ما اعوفچ چا غير انتِ بنيتي بستها وحضنتها حيل - راح اشتاقلچ هواي فدوة لا تطولين بالجية للبصرة - لا يمة كل شهر امرلچ لون الله خلانة طيبين طبت هناء شافتنة متحاضنين - ااااااحممممم ترى بديت اغارن موش سالفة هاي - ههههه تغارين من اخيتچ ولچ - لا يمة اتشاقى حچتها واجت حضنتي راح نشتاگ الچ هواي ظلي اتصلي اعلينة - وانتِ هم خابريني دوم مرات استحي اتصل من كيفي - هاي بس هسه كلها چم يوم واگفلچ من التفلون صار البيت لأم طيرة وطارت بي فرد طيرة ههههه - هههههه والله راح اشتاق لسوالفچ الحلوة - وآنه هماتين ديري بالچ اعلة نفسچ وصيري قوية ما اريدن اشوف الدموع بعينچ من اجي مرة لخ - ان شاء الله رحم الله والديكم ما قصرتوا وياية ابد - لا هذا واجبنا انتِ صرتي منة وبينة موش غريبة - والنعم منكم ومن اصلكم حچيتها ورجعت حضنت خالة ام هناء نص ساعة وصاح الشيخ الزلمة برة ناطركم سلموا عليهم وراحوا للحلة حسيت نفسي اختنگت والعبرة تارسة صدري بس مع ذالك وعدت نفسي ما ابچي بعد ولازم اكون گد كلمتي ووعدي اسبوع مر والوضع مثل ما هو بالنهار إسحاق يگضيها بالمضيف يم الزلم وبلليل يلزم الكتب يقرا ما ادري شنو لحد مينام على روحة من يحتاج شي يطلب مني عادي واذا شافني خجلانة انزل يمهم يفهم علية بدون ما احچي وينزلني ويا يخليني يم ريحان ويوصيها علية يلا يروح للمضيف وبعد الأسبوع طلع إسحاق الصبح من البيت لليل يلا رجع متأخر حميت الة الأكل وحطيتة گدامة تعشى وگام غسل ديريد يصعد چان يگول الشيخ - يابة غسق من هالساع الفرخة تنام يمچ انتِ امها بعد باوعت على إسحاق ضاج بس ما اعترض عافنة وصعد اخذت ود من ريحان حتى اصعدها وياية گامت تبچي اجة الشيخ شالها يسكت بيها - بنيتي اسمعيني عدل هاي الفرخة امانتچ صيري گد الأمانة وعامليها باليرضي رب العالمين خاطر تكسبين محبة زلمتچ - صار يابة - الحجرة البصف حجرتچ جهزتها ليها عوديها من هالساع تنام الوحيدها ما يصح تظل وياكم بمچان واحد - ان شاء الله تأمر باوعت عليها سكتت شوية اخذتها من ايدة وصعدت فتحت الباب چانت غرفة جاهزة من كل شي حتى العاب بيها ظليت گاعدة العب بيها كل شوية تتنحس وتبچي تريد ريحان واني احتار شسوي حتى اسكتها بعد ساعتين انهد حيلي يلا نامت هي مو صغيرة عمرها سنتين تقريباً ومفطومة من الممة يعني مستحيل تگعد بلليل طلعت وطفيت الضوة عليها فتحت باب غرفتي چان إسحاق گاعد يقرا بالكتاب ويدخن اخذت تراك من الكنتور ورحت بدلت بالحمام طلعت بعدة على نفس وضعة گعدت بصفة چان يگول - وين صرتي - انوم بود - وين نيمتيها - بالغرفة البصفنا ابوية مجهزها من كل شي علمود بنتك باوعلي ورجع يقرا بالكتاب - ابو ود - خير - اني ما گدرت اگول لا للشيخ - مامش بشر هنا يگدر يگول للشيخ لا نفذي اوامرة وانتِ ساكتة لأن الچلمة الأولى والأخيرة الة موش الغيرة - زين لعد تصبح على خير - وانتِ من اهلة تمددت افكر بكلامة همزين ما زعل مني عبالي راح يضوج لأن ابو فرض علينة شي هو ما رايدة صارت الأيام تمشي بهدوء تعودت على حياتي وياهم وصرت اشاركهم الشغل واني ساكتة حتى اتجنب المشاكل واظل عايشة بسلام الكل چانوا زينين وياية باستثناء الحجية ومرت حنظل نجيبة احسهن واگفاتلي ع الزلة وينتظرن مني الغلط حتى ينهدن بية بدون سبب وبعد اسبوعين ضبط نومت ود البدت تتعود علية شي ورى شي صح بعدها تبچي وتشلع گلبي يلا تنام بس اهون من اول ايام طفيت الضوة ورحت الغرفتي اتفاجأت بإسحاق واگف ديجهز بجنطة السفر سديت الباب وتقربت منة بأستغراب - هاي شنو - باچر عندي روحة البغداد - لعد چان صحتني اني اجهزها الك - غير چنتي تنومين البت بعدين انتِ ما تعرفين شني تجهزيلي اعلة الجايات ان شاء الله - جايات ؟!! ليش انت دوم تسافر البغداد - اي شغلي هناك باوعتلة بتعجب ورحت تمددت ع الچرباية بقت عيوني علي اراقب حركاتة وافكر ويا نفسي شدت انتباهي ملابسة عبارة عن ملابس رسمية ليش هو شيشتغل معقولة تزوجنا وما اعرف عنة شي لحد الأن ؟!! كمل الجنطة وطفا الضوة تمدد بصفي ما طول عشر دقايق ونام ظليت گاعدة افكر بغموضة لحد ما غفيت حسيت الصبح على صوت المنبة فتحت عيوني ماهو دا اگوم من الفراش طلع من الحمام ينشف بشعرة إسحاق.. صباح الخير غسق.. صباح النور اجهزلك الريوگ لو مستعجل - لا جهزي عندي وقت رحت غسلت وجهي وطلعت لبست حجابي ونزلت جهزت الريوگ شوية ونزل وراية بـ ايدة الجنطة گعد يتريگ وهو ساكت كمل گام غسل ومد ايدة الجيبة طلع فلوس من محفظتة - خلي هذني يمچ خاف اعتازيتي الشي وعينچ اعلة البت ما اوصيچ بعد وعودن اتصل اعلة امي خاطر اطمن اعليچ واعليها - توصل بالسلامة - الله يسلمچ بوية حچاها وطلع من المطبخ سلم عليهم وراح بقيت بمكاني صافنة شلون اگدر اعرف شنو البيك يا إسحاق !!! للظهر گاعدة ويا ريحان بالغرفة چانت تلعب ود ومنطلقة وياها انتبهت عليهم علاقتهم هاي مستحيل تكون علاقة عمة وبت اخو لا دا احس علاقتهم علاقة ام وبتها بحيث الحب الأشوفة بعيونهم البعض ما شفتة غير بعيون امي الله يرحمها لمن چانت تباوعلي ماكو غير ريحان هي وبس تگدر تجاوبني على كل تساؤلاتي گمت من مكاني گعدت بصفها وسحبت الطوبة من ايدها شمرتها على ود حتى تلتهي بيها - هاي ليش دادة مو جاي العب الفرخة - خليچ وياية شوية عندي موضوع مهم لازم نحچي بي - خير يارب - اخوچ - شمالة !!! - شنو قصتة وين مرتة وشيشتغل وليش الكل مهتمين بي دون عن البقية - روحي اسألي هو ليش جاية تسأليني - ما عندي الجرئة افتح ويا هيچ موضوع بعدين انتِ صديقتي الوحيدة بهذا البيت شكو بيها لو حچيتيلي - لا خية اني شلي غرض ذاك وينة وروحي سألي - ريحان حبابة والله ما احچي لأحد وروحها لامي بس احچي ريحيني ميصير اني مرتة وكل شي ما اعرف عنة لسه صفنت بوجهي شوية وگالت احچي لكت عندي شرط ومجبورة توافقين اعلي... يتبع وضاقت الأرض بي فـ لجأت لغير ارضي باحثتاً فيها عن الأمل هل ياترى سـ أجد الاستقرار هناك ام تضيق بي مجدداً !!! وبدأت الحكاية لتنسووون ⭐⭐⭐⭐⭐⭐ البارت الثاني عشر وضاقت_الأرض_بي للكاتبة لبنى_الموسوي البصرة (الفيحاء)/ مارس 2010 - العودة الى الماضي... ريحان.. هستوني راجعة من الدوام بعدني بالباب واسمع صوت الهوسة بالبيت ما اهتميت للسالفة اكيدن هاي امي ويا نسوان اخوتي نجيبة وصابرين دخلت للصالة لگيت امي تشحرج ويا مرت إسحاق وهي كالعادة ضاربة الدنيا بعرض الحايط ومو بعينها شي الحجية هيلة.. اذا ما جبرتة يتزوج اعليچ واكسر خشمچ مثل ما سويت ويا نجيبة ما اطلع آنه الشيخة هيلة بت الشيخ مزعل بس انطري اعلي ريحان.. السلام عليكم الحجية هيلة.. وعليكم السلام هلا بنيتي الله يعينچ ريحان.. شمالچ يمة عليش تتكاونين وياها ما تعلمتي اعلة سوالفها يعني الحجية هيلة.. ما مجبورة اشوفها عوجة واسكت ليها يا تجر عدل وتصير خوش حرمة يا ازوج زلمتها خاطر تعرف ان الله حگ صابرين.. عمة شمالچ ما تتنوعين الحالتي حامل وحال الضيم حالي الحجية هيلة.. ليش هي كل حامل هيچي تنام للضهاري وما تشيل الريشة من جوة رجليها صابرين.. لا بس آنه تعبانة وبعدين ما مجبورة اخدمكم المهم ممگصرة بحگ إسحاق وهذا كافي الحجية هيلة.. چا ياهو اليرضاها نايمة مثل الدجاج ونساوين حموينچ يخدمون بجانبچ الكسيف باوعت عليهم طلابتهم ما تخلص اخذت الجنطة وطبيت لغرفتي اجتني بت إسحاق عبن متعودة من ارجع اجيبلها شي وياية ورد.. شني جبتيلي اليوم عمة ريحان.. ما جبت شي نسيت باوعتلي ضايجة - عمة صدگ تحچين !!! - عليش ضجتي موش ابوچ كل يوم يجيبلچ اشكال وارناگ - اي بس آنه اريد منچ انتِ - ليش ؟!! - لان احبچ وما اريد تنسيني - هههههه يروح عمتچ ليش آنه اگدر انساچ افتحي الجنطة راح تلگين بيها عصير ونستلة اكليهن بالعافية - ههههه يعني تتشاقين وياي چنتي وما نسيتيني - اي طبعاً وين اگدر انسى وردتي آنه ركضت حضنتني تضحك بست خدها حيل وبادلتها الحضن ورد مو بت اخوي وبس لا هاي قطعة من روحي من اول ما بدت توعى اعلة الدنيا وهي تنام جاري بحيث صارت تريدني حتى اكثر ما تريد امها ووين ما اروح تجي وياي لليل اجوي ابوي واخوتي واگفة بالمطبخ اشتغل واسمع الهوسة شگدها عرفت هالسالفة مراح تخلص لأن لا امي التسكت الصابرين ولا صابرين تتعدل وتصير ادمية خاطر تتچفى شر المشاكل وتريحنة نصيت النار ع الشوربة وطلعت لگيت إسحاق واگف بوسط الصالة وامي مستلمتة هيچي مرتك وهيچي سوت وهيچ عملت وهيچ گالت اباوع علي ساكت ما تنفس حرف حب ابوي ينهي الطلابة فـ گالة اخذها واطلع وليدي احسن ليك ولينة - بس آنه ما اريد اعزل بوية - وليدي انت وياها حياتكم مستقرة عليش تخربها بمشاكل النسوان الما راح تگضي ولا تهيد ظل إسحاق يتجادل ويا هو ميريد وابوي مُصر تعزل يعني تعزل اخير شي جبرة على العزلة وما گدر إلا ما ينفذ اوامر الشيخ آنه اعرف ابوي شلون يفكر اخوي إسحاق اخد صابرين عن حب الكل يشهد علي وبذات الوقت هي بت عمة يعني ابوي ما راد تشب مشاكل بينة وبين اخو بسبب لغوة نسوان ما الها لازم لهذا قرر هيچي قرار وحسم الموضوع وفعلاً نفذ الشيخ كلامة مو اكثر من اسبوع وعزل إسحاق بنفس البستان بواحد من البيوت البانيهن ابوي لاخواني بعد ما طلعوا من يمنة هدأ البيت شوي گبل صابرين ونجيبة شاعلات الدنيا بمشاكلهن الما تخلص لكت هساع ارتاحينة من وحدة وظلت بس نجيبة شگد حاول ابوي يجبر حنظل على العزلة بس عينة گوية مو مثل إسحاق يعني مستحيل ينفرض علي راي حتى لو چان راي الشيخ بذاتة شهر وصار موعد ولادة صابرين راحت امي البيت اخوي وآنه ظليت بالبيت لاجل ورد تظل يمي وما تاكل خوفة من تسمع امها تطلگ نص ساعة شرفت ود للدنيا طار بيها إسحاق عبنة يحب الجهال كلش خصوصاً خلفة البنيات بحيث شايل ورد بالصلوات على گد ما يحبها بعد ولادة صابرين بأسبوع چنت گاعدة بغرفتي ويا بت حنظل رؤى نسولف طب علينة إسحاق گمت سلمت چان يگول لرؤى عوفينة وحيدنة عمي عافتنة وطلعت اخذني من ايدي وگعدني ع السرير - خير خوية صاير شي - اريدن منچ خدمة - من عيوني انت تامر - رحم الله والديچ خوية وما يامر اعليچ لا ظالم ولا عدو انتِ تعرفين بصابرين هستوها جايبة البيت يريد والطفلة تريد و ورد همات بعدها صغيرة وتحتاج رعاية واهتمام وامها ما تگدر اعلة كل ذول لوحيدها - اي صحيح شني تحب اجي اساعدها - لا تجين تعيشين وياي آنه ما اريدن افتح الموضوع ويا ابوي لكت لو انت طلبتي هالشي ما يردچ وبذات الوقت ترفعين الزحمة عني - وهلي شلون - خوية هو آنه وين عايش هذا داري بصف داركم شوكت ما تحبين تشوفيهم اخذچ ليهم براسي - ماشي يجي ابوي بلليل واشوف شيگول بس شگد اظلن يمكم عبن المدارس كلها 3 اشهر وترجع - منا لما ترجع الله كريم هساع شوفي ابوي شيگول ورديلي خبر تراني راح اظلن ناطرچ - صار خوية باسني من راسي وطلع لليل اجة ابوي وفتحت الموضوع ويا وافق بسرعة لكت امي شلعت گلبي وگلبة علما وافقت اروحن البيت اخوي خابرت إسحاق وفرح لمن عرف بموافقتهم ثاني يوم من الصبح اجة علية جهزت قسم من ملابسي ورحت ويا حسيت صابرين ما صدگت اجيت ليهم شمرت كل شغل البيت علية بحجة هستوها جايبة وتعبانة من الولادة والسهر ويا بتها ما اهتميت عادي آنه متعودة على الشغل حتى عد اهلي وإسحاق يستاهل اتعب لاجل عيونة عبن مامش اخو مثلة بالدنيا وبعد اسبوعين من گعدتي ببيت اخوي صارت صابرين تشكي من السهر ويا الجاهل وطلبت مني اعينها بلليل گبل وافقت خصوصاً ود ما استقبلت صدر امها وتعلمت ع الممة يعني مراح اتعب وياها مثل لو چانت ترضع من امها ومتعودة عليها بالأيام الأولى چانت تسهر وياها بلليل يأذن الفجر تنزل تخليها يمي وتروح تنام فرد جرة للصبح وراها تغير الوضع گامت تعوفها طول الليل علية بدون متسأل ولا چنها ام وهاي بتها تعودت عليها وتعودت علية كلش حتى الطفلة صارت تدور ريحتي عبالها آنه امها عبن كل الوقت هي يمي وبحضني بمرور الأيام صارت ورد تغار من ود وحقها عبن ما شافت اهتمام من امها وآنه لاهية بأختها طول اليوم فهيست نفسها وحيدة صرت اشوف صابرين شالت ايدينها من كل شي لا من شغل بيت لا من بنياتها و24 ساعة حابسة روحها بالغرفة ما اشوفها بالبيت إلا من يجي رجلها وبس يروح ترجع تختفي رجعت المدارس وصار عمر ود اربع اشهر تعدلت نومتها وصارت ما تگعد بلليل إلا لمن تجوع تاخذ الممة وترد للنوم هالسنة ورد استحقت المدرسة سجلها إسحاق بالأول وصار هو يوديها ويجيبها إما وكت سفرة البغداد آنه لو واحد من اخوتي نرجعها بطريقنة حسب ياهو يكون فارغ بيومها بعد ما رجع الدوام حيل تبهذلت منا دراستي ومنا شغل البيت ومنا ود بعدها صغيرة وتحتاج رعاية واهتمام زايد هاي من غير ورد لو يقريها إسحاق بلليل من يرجع من شغلة لو تظل محد يقريها لأن امها شايلة ايدها من كل شي گاعدة بالغرفة اقرا وحاطة ود على حضني شوية وطبت ورد حضنتني وهي تبچي رفعت راسها مسحت دموعها بـ ايدي - شبيچ عمة ياهو الغاثچ ورد.. عمة ماما ما ترضى تقريني والمعلمة اليوم گالت اعلية كسولة عبن جبت 2 بالاملاء وصلت وياي حدها گمت ذبيت ود من حضني وگلت الورد عينچ اعلة اختچ شوية وراجعة صعدت فوگ دگيت الباب حيل بالدقيقة يلا فتحتها باوعتلي وگالت ها ريحان رايدة شي - اي اريدنچ تصيرين ام معدلة تلتفتين البيتچ شوي الحياتچ البنياتچ الرجلچ موش حابسة روحچ بهالحجرة 24 ساعة ولا چن عندچ مسؤوليات ومجبورة تأديها بس عبنچ معتمدة اعلة وجودي بدارچ - شمالچ خية انهديتي بية فرد هدة اليگول احد دافعچ اعلية - تصرفاتچ دفعتي موش غيرها وهساع اسمعي مني عدل خاطر لا نتخارب آنه وياچ ونظلنة حبايب يا تجرين عدل وتعينيني ببزرچ وبيتچ يا احچي ويا اخوي واردن لهلي تراها نفسي لعبت من هالوضعية - شمالچ هساع بس فهميني - عبن إسحاق مسافر وآنه لاهية بدراستي وبالطفلة ظلت البت بلاية قراية واجت تبچي چيف المعلمة مرزلتها والطالبات يتمضحكن اعليها - جيبي ود وقريها انتِ - لا والله خاف ما ترضين تمشين انتِ تقريها عبن آنه لاهية بدراستي وهساع صخر يجي اريدن اجهزلة العشى - حبابة ريحان والله ما عرف اقريها واقل شي اضربها عبن اصير اعصاب قريها انتِ وانطيني ود واذا اعلة صخر آنه اجهزلة العشى بعد شني حجتچ - امري لله انزلي انتِ اخذي الجاهل وظلي جوة لا تطبين الحجرتچ خاطر من يجي صخر تعشي - صار عفتها ونزلت شوية واجت وراية اخذت ود وگعدت بالصالة صحت الورد تعاي عمة خاطر اقريچ اجت يمي وبـ ايدها القراءة - عمة لازم اكتب الحرف وجهتين والواجب مرتين - ميخالف عمة هساع نكتبهن سوة بس حچيتها باستني من خدي ابتسمت وگرصت خشمها حيل چان تضحك وتگول - عمة آنه احبچ اكثر من امي - لا عمة هاي امچ ما يصح تحچين اعليها هيچي - بس هي ما تقريني وتضربني دايماً - ميخالف عمة هي عصبية ومتسيطر اعلة روحها من تطگ فيوزاتها اعذريها بعد عمتچ لكت هي تحبچ وتحب اختچ ود عبن ما عدها غيرچن بالدنيا انتن وبابا - اشتاقيت لابوي يمتة يجي ما گالچ عمة - اي امس گال يومين وارد يعني يمكن باچر من تگعدين من النوم تلگي جارچ - يلا چا قريني بساع خاطر انام واگعد الگا جاي - هههههه تتدللين يروح عمتچ گعدت اقريها واسمع ود فحطانة من البچي ما عرف شلون كملت الها المادة گمت للصالة لگيت صابرين شايلة بتها وتفتر تحاول تسكت بيها - شمالها تبچي - يمكن تريدچ تعودت اعليچ ما ترضى تسكت بـ ايدي - گرت عينچ ست صابرين باچر آنه اولي شلون راح تدبريها وحيدچ - لا وين لا تعوفيني وحيدي ما اگدر البنيات تعودن اعليچ - ناوليني ود وامشي لبسي الحجاب صخر شكلة بالباب انطتني الطفلة وصعدت اريدنها تنزل ماكو طب صخر بدل وغسل لأن يظل يمنة من يسافر إسحاق كل هذا وصابرين ما نزلت صحت بصوت عالي وين صررررتي ردت اي هساع نازلة بس انطري شوية جاي اخابر امي هزيت ايدي ورحت للمطبخ اذا اظلن وراها معناها صخر يموت جوع جهزت الأكل بالگوة لان ود بـ ايدي وصلت للصب ما سيطرت بعد انطيتها الصخر ورجعت صبيتلة العشى ثاني يوم اجة إسحاق انتبهت علي ضايج وشكلة غريب حاولت اعرف شبي بس ماكو شي على لسانة غير الما بية شي وبعد يومين الضهر چنة نتغدة رن تلفون إسحاق عرفت من كلامة ابوي المتصل - نعم يابة خير ان شاء الله شني الجابهم امرك بس اخلص الغدة اصير يمك نص ساعة موش اكثر ريحان.. خير خوية - عايلة عمي فاتح جايين للبصرة - انت تعرفهم - لا ما شايفهم كل حياتي - وما عرفت عليش جايين - عمي ومات شعدهم بالغربة اكيدن الهم نية يستقرون بالعراق بس ما اظن بالبصرة - چا وين - ببغداد عد خوالهم - هو عمي عندة ولد وبنية مو - اي خوية يلا خلصن الغدة خاطر نروح البيت هلي صابرين.. ضروري يعني - عليش ضجتي صارلچ چم اسبوع ما معتبة دار هلي وانتِ گاعدة جارهم - موش قصدي لكت آنه تعبانة شوي لو تأجلها الباچر دفر الصحن وگام - لغوة زايدة ما اريدن كملي بساع وفوتي جهزي نفسچ وبناتچ عبن راح نظل هناك لليل - اي ميخالف لتصير عصبي بس حچتها راح يغسل ظلت هي گالبة وجها ما عرف عليش تضوج من اهلي هيجي رغم ابوي واخواني شايلها بالصلوات بس امي شدت وياها وچان لازمها تنضب شوي للأربعة اخذنة اسحاق البيت اهلي ذبنة يمهم وراح لأبوي بالمضيف ما رجع إلا بعد صلاة المغرب طب علينة گال سون طريق گمت لبست الحجاب ورجعت للصالة شوية وطبت مرة چبيرة بالعمر وياها ولد وبت عرفتهم بيت عمي فاتح عمي التبرة جدي منة بحياتة بعد ما عاندة واخذ بت سافرة ومو من ثوبنا وهيچ هاجر وياها الخارج العراق وانگطعت اخبارهم حد موتة بعد ما توفى ووصل خبرة الابوي عرف صاير عندة بت وولد ووضعهم المادي متأزم عبن عمي چان يشتغل بالتجارة وخسر كل شي وعلى اثرها مات بسكتة قلبية افتهمت بعدين ابنة جمار متصل بأبوي وطالب منة يساعدهم ويتقبل وجودهم بالبصرة بعد ما خسروا كل املاكهم بالغربة وافق ابوي وبلغ العشيرة بقرارة گال ليهم يظلون ولد اخوي وما اگدر اعوفنهم حايرين من بعدة وهم مالهم غيري استقبلناهم ببيتنا اول ما وصلوا ظلوا يمنة قرابة الأسبوعين بعدها ابوي جهزلهم بيت بالبستان مالنة واستقروا بي من وكتها بعد جيتهم بفترة تعلمت عليهم صرت اخذ بنات إسحاق واروحن لبيتهم اظلن ساعتين وارد عبن اتعلقت ببت عمي نهلة كلش وصارت صديقتي جمار ابن عمي ما حبيتة حيل چنت اتنوع للغرور بعيونة بس يصد لية وهالشي خلاني اكرها وما اطيق اشوفنة گبالي رغم ما جمع بيناتنا اي كلام من وصل للبصرة ولساع وبيوم خابرت نهلة خاطر تجي البيت إسحاق نص ساعة واندگ الجرس ذبيت حجابي على راسي وطلعت لگيت جمار جايبها سلم علية وچانت هاي اول مرة يحجي وياي بيها - شلونچ ريحان - هلا بيك - شبيچ شو تحچي من ورى خشمچ - شني چنك فحصت خشمي خاطر تفسر شلون احچي - ههههه حقچ متعرفين شنو معنى الجملة تلكيچ ممخلصة ثالث ابتدائي - عليش شايف نفسك انت ؟!! ترى آنه بالخامس كلها سنتين وادخل كلية مو عبالك الثقافة بس الكم واحنه ولد العرب الهمج - ههههه صدمتيني والله ما ادري بيچ واصلة بالدراسة صديت النهلة بعصبية - تجين يمي لو ناوية تمشين ويا اخوچ - ههههه لعد ليش جبتها اذا ترجع وياية صيري ذكية شوية واعرفي شلون تحچين جريت نهلة من يمة وسديت الباب بوجها كلش استفزني بكلامة بحيث كرهتة اكثر ما چنت كارهتة من گبل لثمانية طب إسحاق گال جمار وياي سون طريق گمت لبست حجابي ورجعت للصالة حطيت ود بحضني وگعدت بس طب باوعلي وضحك درت وجهي عنة حتى ما رديت السلام علي راد جمار ياخذ نهلة ويروح ما رضى إسحاق ولزم بيهم على العشى گمت ويا صابرين جاي نجهز بالاكل اندگ الباب حيل عفتها تشتغل وطلعت اشوف منو شوية وطب إسحاق بـ ايدة ظرف جمار.. شنو هذا إسحاق.. ما عرف لگيتهم شامري بالباب گام جمار وگف يمة وگال افتحة نشوف شبي فتح إسحاق الظرف ومد ايدة بداخلة ما نسمع إلا صوت صار بالگاع باوعت والصدمة سيطرت اعلية شني هاي طلقة !!! الكل انصدم بقينة لا ناخذ ولا ننطي بس واگفين وواحد صافن بوجه الثاني شوية وصاح جمار شنو هاي إسحاق ؟!! من الصدمة ما رد علي سحب جمار الظرف فتحة وطلع ورقة صغيرة من داخلة رحت اركض وگفت بصفة اقرا بيها چان مكتوب هالنص انت الردتها إسحاق ومثل ما خالفت كلامنا راح تتحمل عواقب مخالفتك باوعلة جمار هذا تهديد تدري لو لا اخذ إسحاق الورقة قراها وضمها بجيبة وراها اخذ جمار وراحوا للأستقبال ظليت اكل بنفسي اريد اعرف شجاي يصير ويا ليش ميحچي شي يريحني نهلة.. ريحان - هاا - هاي منو المهدد اخوچ - ما عرف اكيد جماعة يخصون شغلة - ليش هو شيشتغل - قاضي - ياااا لعد اكيد هذا هو السبب والله اليستر منهم يومين وإسحاق مو على طبيعتة لليل گاعدة اقري بورد طب علينة شال ود بوسها وگعد بصف ورد إسحاق.. شلونها بنيتي الحلوة ورد.. زينة بابا - وشلونچ بالدراسة - زينة عمة جاي تقريني وصرت اجيب عشرات - شاطرة بت ابوها هاچ هاي العشرة هدية مني اشتري بيها دفتر والوان خاطر ترسميني آنه واختچ والباقي اشتري بي اليعجبنچ گامت باستها براسة - شكراً بابا احبك هواي - وآنه احبچ حبيبتي باس ود وانطانيها - خوية آنه باچر رايح البغداد واخوچ يجي يمكم عينچ اعلة البنيات - صار خوية تامر ثاني يوم جاب صخر يمنة وراح البغداد حسب ما افتهمت سفرتة چانت لاجل هذا الموضوع خاطر يحط الهم حد گبل لا يتمادون ورى يوم گعدت الصبح بالسبعة بدلت الورد واخذها صخر للدوام بس گبل لا يطلع گال انتِ رديها اليوم عندي شغل وخاف اتأخر اعليها بالرجعة كملت الدوام وطلعت آنه وصديقتي فاطمة چان اخوها الضبع واگف ينتظرنة بالباب لأن ابوي مكلفة يودينة ويردنة يومية سلمت علي وصعدت ورى بس شغل السيارة تذكرت ورد لازم نردها ويانة ريحان.. ايوب ايوب.. نعم ريحان - مر اعلة مدرسة ورد من طريقك لازم نردها ويانة عبن صخر عندة شغل اليوم - اي صار تتدللين - شكراً طول الطريق عيوني ع الشارع صافنة وبالي يم ود تجي بعيوني فرحتها اول ما ارجع من الدوام وتشوفني گبالها فجأة گلبي نغزني لزمت صدري وآنه اسمي بسم الله الرحمن الرحيم هاي الحالة بس تجيني تصير مصيبة جربتها اكثر من مرة وبكل مرة تصيب وما تخطي ابد وصلنة المدرسة ورد چانوا الطلاب هستوهم ديحلون ردت انزل گال ايوب خليچ بمچانچ آنه اجيبنها باوعت من الجامة طلعت ورد بس شافت ايوب گبالها ضحكت وسوتلة هلو اشرلها لا تتحركين ديعبر الشارع اجة ماطور سريع ما عرف ليش ظل تركيزي وعيوني وياهم چانوا 3 اشخاص صاعدين الدراجة حسيتهم جايين مخصوص لينة وفعلاً صارت الدراجة تقترب من جهة ورد فجأة واحد منهم سحب سلاحة ورمى على بت اخوي گبل وگعت بالگاع فتحت باب السيارة ونزلت مفزوعة عبرت الشارع اركض حتى ما انتبهت للسيارات بس المهم اوصل الها واخذها الحضني صار ايوب يصرخ بكل صوتة رفع سلاحة وگام يرمي عليهم بلاية تعين لحد ما صوب واحد منهم ووگع من الدراجة اباوع الجماعتة ما اهتموا تحركوا بالدراجة ليگدام وراها رجعوا سريع داسوا بيها على صديقهم خاطر لا يظل عايش ويفتن عليهم راح ايوب يركض للولد بلكي بس نفس وصلت الورد وگلبي راح من شفت الطلقة بنص راسها چانت مفتحة عيونها والدم تارس وجها اخذتها الحضني ودموعي تجري صرت اصرخ ورد لا،، ورد الله يخليچ لا ترحين وتعوفينة باوعتلي وابتسمت - عمة آنه احبچ واحب ابوي واختي حضنتها وگمت اصرخ - واحنه نحبچ يروحها العمتچ فجأة وگعت ايدها بالگاع وخرتها من حضني شفتها مغمضة لو آنه تخبلت - ورد لاااااااا لا عمة لا تموتين لچ گومي ابوچ يمووووت وررررراچ اجة ايوب يركض سحبها مني يضرب على وجها - ورد عمي اگعدي اگعدي عمي ااااااااااگعدي - ماتت ايوب ماااااااااااتت الناس ملتمين لكت ولا واحد منهم اتدخل الكل يخافون الشغلة غريبة طفلة ويجون مجهولين يكتلوها بنص الشارع شالها ايوب وركض بيها للسيارة حطيتها بحضني ودمها ترس المكان طول الطريق آنه ابوس بيها عسى ولعل تفتح عيونها وتفرح گلبي وصلنة للمستشفى بسرعة قياسية دخلها ايوب بـ ايدة ليجوة حتى ما رضا ياخذوها منة سلمها للدكتور وظل واگف بالباب شوية وطلع الطبيب گمز ايوب من مكانة ها دكتور - البقية بحياتكم هو گال هيچ لو آنه گلبي وگف روحي فرفحت من القهر بقيت انوح بصوت عالي هاي مو بس بت اخوي لا هاي بنتي التعبت عليها حتى اكثر من امها انهاريت كلش وما اهتميت للناس اليمي محد گدر يحركني من مكاني غير ابوي من اجة ورجعني بنفسة لبيت إسحاق طبيت جوة اسحل بروحي سحل لگيت صابرين بنص الصالة تدگ وتلطم والنسوان يواسن بيها داير مداير ما اعرف شگد مر وقت گاعدة بالزاويا حاضنة ود بـ ايدي وابچي بحرگة وهي تبچي على بچيتي سمعت جهاز امي دگ الحجية هيلة.. ها يمة اي تعالن لية اخذني آنه اغسلها گمزت من مكاني - يمة اجي وياچ عفية - يمة وين آنه رايحة للمغتسل انتِ شكو جاية - الله يخليچ اريدن اشوفنها للمرة الأخيرة والله ما شبعت منها - لا ماتجين - بروحة الابوچ الشيخ بروح ورد الماتت گبل لا نشبع منها اخذيني وياچ - لا إله إلا الله يمة رويحتي مفرفحة لا تزيديها اعلية - بروح ابوچ يمة لا ترديني - ثناء يمة تعاي ثناء.. نعم يمة - اخذي الفرخة وعيونچ اعليها بين ما نرد - اي تأمرين انطيتها ود ورحت لبست اسود طلعت ويا امي چان حبيب ينتظرنة بالباب صعدنا ويا والطريق صار شطولة ميقبل يخلص وآنه گلبي ما يطيق يصبر بعد وصلنة للمغتسل طبيت ويا امي چانت نايمة ع الدچة مثل الملاك رغم الزراگ الاحتل كل شبر بجسمها بسبب النزف غسلتها امي بـ ايدها اباوع عليها وعيوني تجري معقولة هاي اخر مرة اشوفچ بيها عمة؟!! معقولة رحتي وعفتيني واحنة ما لحگنة نشبع منچ ولا لحگتي تشبعين من عدنة خلصوا تغسليها وچفنوها طلعت من المغتسل صار إسحاق گبالي چان گاعد وايدة فوگ راسة وابوي يمة يحاول يواسي بي شوية وطلعوها سلموها لابوها اخذها بـ ايدة حتى ما قبل واحد يشيلها ويا وصلنة للگبر كل شي جاهز گبل نزلها بي وراها انهار بالبچي اول مرة اشوف اخوي بهالحالة مرت ايام بس رب العالمين يعلم بصعوبتها كل شي بينة تغير لا الضحكة نفسها ولا حياتنة عادت مثل ما چانت ورد من راحت اخذت كل شي حلو وياها وأول ما اخذت ضحكة إسحاق الچانت متفارگ وجها لدرجة صار شخص ثاني مو ذاك القديم ما گدروا يوصلون للقتلة بس عرفت من اخوي صخر هم هذولة نفسهم الدزولة تهديد عبن مقاضي زعيم منهم ورادوا يخلون إسحاق يمشي بالرشوة ويفرج عنة بس ما نجحوا لأن إسحاق ميزان اسم على مسمى إما صابرين بعد وفاة بتها تغيرت بس هالتغير مادام غير شهرين وبس وراها رجعت نفس ما هي منعزلة وعايفة بيتها والي بي على راسي وبعد شهرين ونص صار الي ما چنت متوقعتة يصير الشي الي قضى على إسحاق نهائياً وغيرة من شخص يحب الحياة الشخص عايش بيها علمود بنتة وبس بيومها طلع إسحاق من الصبح البغداد صعدت صابرين الغرفتها كالعادة وسدت الباب اما آنه ما گدرت اردن للنوم استغليت نومة ود وگمت على شغل البيت اقل الساعة سمعت الباب انفتح باوعت من الشباك هذا إسحاق !!! ذبيت وصلة المسح من ايدي وطلعت تلگيتة - ها خوية شو رديت - اجلت سفرتي صابرين وين جوة لو بحجرتها - لا بالحجرة اول ما طلعت ردت ليها وما نزلت بعد بس حچيتها عافني وطب ع السريع دخلت ورى شفتة يدگ بالباب الضاهر قافلتها شوية وطلعت صابرين ركزت وياها الصدمة مرسومة على ملامحها مثل الچانت خايفة من شي طب إسحاق للغرفة وهي لحگتة عافوا الباب مفتوحة بقيت واكفة واباوعلهم من جوة حسيت اكو شي غريب جاي يصير بدت الأصوات ترتفع جاي اسمع حسهم بس ما اگدر افهم شني يحچون عبن الصوت عالي كلش فجأة صار رمي قوي 3 طلقات على التوالي رجت البيت كلة حطيت ايدي على اذني خايفة سمعت ود صرخت حيل..... يتبع لتنسووون ⭐⭐⭐⭐⭐ | ||||||||
|
| |
|
12-04-21, 11:40 AM
| #16 | ||||||||
| مراقبة عامة ومشرفة منتدى الروايات المنقولة
| وضاقت_الأرض_بي البارت الثالث عشر وضاقت_الأرض_بي للكاتبة لبنى_الموسوي طب إسحاق للغرفة وهي لحگتة عافوا الباب مفتوحة بقيت واكفة واباوعلهم من جوة حسيت اكو شي غريب جاي يصير بدت الأصوات ترتفع جاي اسمع حسهم بس ما اگدر افهم شني يحچون عبن الصوت عالي كلش فجأة صار رمي قوي 3 طلقات على التوالي رجت البيت كلة حطيت ايدي على اذني خايفة سمعت ود صرخت حيل ظليت حايرة بمكاني اروحن للطفلة لو اصعد اشوفن شني من مصيبة صارت وياهم فوگ فجأة هدأ حس ود ركضت ليها خايفة بس لا بيها شي باوعت عليها گاعدة تناغي ويا الألعاب الموجودة فوگ سريرها عفتها وطلعت على السريع همزين ياربي سكتت خاطر اشوفن شني الصاير وياهم صعدت فوگ دخلت الغرفتهم بخوف چان إسحاق منطيني ظهرة بـ ايدة السلاح والأيد الثانية يتصفح بيها بجهاز ما شايفتة من گبل اباوع الصابرين واگفة تتراجف الحايط الوراها مزرف بالطلق افتهمت هو رامي اعلي خاطر يخوفها بس ليش ماعرف بعدني صافنة على وضعها ما اسمع إلا إسحاق عاط بصوت عالي وهي عيطة هي ركضة حط بوجها بوكس ماعرف الدم منين صار يتطافر اعلينة سب وغلط وفشار مو هذاك إسحاق الما تطلع العيبة من حلگة وگع بيها دگ ضرب اريدن اجرة منها مالي طاقة عبن چان فاقد كلش ومايحس على نفسة شجاي يسوي حسب ما چنت متصورة طبعاً بعد ما جنزها من الضرب ابتعد يتنفس سريع باوعلي وعاط بكل صوته - ريحاااااااان جيبي لية حبل بااااالعجل ظليت جامدة بمكاني من الخوف رجع عاط بية بچيت - دخيلك خوية عليش سويت بيها هيچي ما جاوب عافنة وطلع بساع بس من طلع قفل باب الغرفة علينة من برة درت على صابرين طفرت من مكانها تبوس بـ ايدي - ساعديني ريحان الله يخليچ ساعديني إسحاق راح يكتلني خلاص - شنهي الصخمتي ولچ الخليتي الزلمة هايج اعليچ هيچي سكتت وعرفت من سكوتها وراها سالفة بس مع ذالك مستحيل يخطر اعلة بالي الشي الصار بيومها عبنة ما يخش العقل كلش باوعت عليها كسرت خاطري لازم اساعدها بس غير اعرف شعاملة من طرگاعة خاطر اگدر اوگف وياها بعدني اردن احچي انفتحت الباب درت وجهي شفت إسحاق طب وبـ ايدة كرسي وحبل ثخين كلش جر صابرين من يمي بعصبية ذباها اعلة الكرسي وصار يشد بيها وهاي تتسول بي ارحمني ما ارحمني اباوع علي خلقتة ما تتفسر شدها من فوگ ليجوة وراها ربط الكرسي بالميز وگام على حيلة صاح بوجهي - قسماً بالله العلي العظيم لو حاولتي مجرد محاولة خاطر تفكين الحبل عن هاي الفاجرة يا ريحان بس ربچ يخلصچ مني ومامش بشر يعرفني گدچ امن احچي چلمة انفذها حتى لو حان اجلي - خوية بس علمني شني الجاي يصير وشمالك اعليها بروح بنيتك - فاجرة هاي فاجرة تخوني وبوسط بيتي لچ صايرة دايرة فهيننننني بس حچاها ما گدرت إلا ما اصفن علي من الصدمة الچانت اكبر من استيعابي فات من يمي وهو يحلف كل يمين يكسر ألف ظهر ما راح يرحمني لو تگربت صوب صابرين او على الأقل حاولت اساعدها جمدت بمكاني ما جاي استوعب الموضوع صابرين تتوسل خاطر اساعدها وود تتصارخ من البچي الوحيدها وما بين هاي وهاي ظليت حايرة آنه تقربت منها وبچيت - ليش صابرين؟! فهميني ليش بشنهو گصر وياچ اخوي خاطر تجازي هيچي دنجت تبچي بلاية مترد عفتها ونزلت ود چانت تناشغ من البچي اخذتها الحضني ابوس براسها - لا عمة لا بسچ لا تبچين هاي آنه اجيت اليمچ بقيت شايلتها وافتر فكري يودي ويجيب شلون المفروض اتصرف ؟!! خايفة لا احچي وهو حذرني گبل لا يطلع زين اسكت ؟!! هم ما ينطي گلبي اخافن يرد للبيت وتصير الطلابة شگدها ترددت هواي وفكرت اكثر بالنهاية ما گدرت إلا ما اخابر على صخر عبنة اقرب واحد من اخوتي لإسحاق دگيت مرتين ما جاوب ود بحضني وكل شوية تريد تجر الموبايل من ايدي آنه فكري مو براسي ولا عرف شلون اتصرف اخير شي زمخت بيها بصوت عالي بسچ عمة باوعتلي وبرطمت وراها صارت تصرخ من البچي ظليت ابوس بيها بلكي تسكت ماكو تالي اخذتها ومشيت للحديقة التهت تتنوع للأشجار والطيور ظلت صافنة عليهن وآنه صافنة وياها بس الخنگة تارسة ريتي بحيث النفس گوة اجرنة الداخلي بهاي الأثناء دگ الجهاز بـ ايدي ما صدگت من شفت آسم صخر گبل جاوبتة - ها صخر وينك - ها خوية آنه بالشغل رايدة شي - ما تگدر تاخذ اجازة وتجي البيت أخوك - خيرچ صاير شي - مصيبة صخر مصيبة تعال لينة بساع گبل لا يرجع إسحاق وتكبر الطلابة - خوية ما تحچين تراچ وگعتي گلبي - إسحاق لگف مرتة تخونة ما احچيلك شلون تسودن تالي ربطها بحجرتهم وما عرف وين راح الله يخليك خوية تعال خايفة لا يرجع گبل جيتك ويفقد اعليها - ريحان شني هذا الحچي !!! - والله يا خوية هذا الي صار - جايكم جايكم حچاها وسد التلفون بوجهي ظليت شايلة بت اخوي اروحن وارد بالحديقة خاطر يمشي الوكت ويجي صخر يخلصنة من هالطلابة الوگعت على روسنا ما عرف منين نص ساعة واندگ الباب حيل صحت ياهو اجاني صوت صخر افتحي بساع آنه اخوچ ركضت فتحت الة الباب طب وجها ما يتفسر مصدوم حتى اكثر مني - اجيت خوية والله جابك الحگ الصابرين گبل لا يرد اخوك ويكتلها بمچانها گال وينها ؟!! رديت رابطها فوگ بالحجرة مشى للداخل گبل لا يدخل صدلي بعيونة - اصعدي ذبي الحجاب اعلة راسها المصخم - اي صار بس هاك عني ود خاطر اسيطر البسها اخذها مني وصعدت طبيت لغرفتهم لگيت صابرين تناشغ من البچي فتحت الكنتور طلعت الها شال وعباية لبستها وهي لاهية بالبچي حتى ما سألت عليش تلبسيني صحت الصخر تعال خوية طب ناولني ود وراح جلس يم رجليها صدت عيونها عنة خجلانة شد قبضتة على طرف الكرسي وصرخ بيها بكل صوتة - لييييييش ليش ولچ يبت عمنة ليييييش لون چنتي غريبة ما چان انصدم لا والله فلا انصدم لكت الطعنة التجيك من اگرب الناس الك تمووووتك بشني گصر إسحاق وياچ هلچ واحنة بشنهو مگصرين جاوبي لا تظلين بالعة لسانچ وساكته عليش سويتي هيچي ؟!! ياهو اليسوة تطعنينة وتنزلين روسنا بالارض لأجلة هاي تاليها يبت الشيوخ هاي تاليها يبت عمي يبنيت الحسب والنسب أحنة الي كل هاي الوادم تحلف بتربيتنا وباخلاقنا تجين انتِ اعلة تالي الوكت تدنسين شرفنا بقذارتچ لچ اااااااااااخ اااخ بس لو يحلي الزمنچ خمس دقايق موش اكثر لچان عرفتچ الامهات شتجيب من زلم ما ترضى الذلة والخسة اعلة رواحتها نفض هدومة وگام من يمها طلع جهازة من جيبة ركضت علي اخافن لا ينطي خبر لأبوي وإسحاق ما يرضى - خوية لا تتصل اعلة هلي - جاي اخابر المسچين اخيچ الما عرف ليا طلابة انطا وجها ظل يتصل بي وما يجاوب ساعة وساعتين واربعة وأحنة على نفس الگعدة صار الضهر ومامش خبر من إسحاق صخر خلصها يلوب بس يريدة يجاوب خاطر نعرف عليش ناوي بالضبط لكت الكل حافظ إسحاق مامش بشر يلحگة بالعناد والراس اليابس للعصر چنت گاعدة بالصالة ويا صخر سمعنا الباب انفتح طفر من يمي ع السريع سحبت حجابي هستوني اريدن اطلع طب إسحاق بـ ايدة سلاحة والوجه احمر دم صخر يتوسل بي يحاول يهدي بس ولا يسمع منة صعد للغرفة وصخر ويا ركضت لحگتهم چان إسحاق لازم مرتة من فچها وموجه السلام بنص راسها إسحاق.. لچ ويا صااااااااحبي ما لگيتي غير بهاء تخونيني ويا يا بت الحراااام صخر.. إسحاق شني هذا الجاي تحچي يا بهاء بس لا هذا اليجينا للمضيف دايماً وانت تستقبلة ببيتك إسحاق.. اي لك هو هو هوووووو لكت وين يروح مني الزمة يعني الزمة وساعتها اعلمة شلون يعتدي اعلة حرمة البيت التزوهر خبر وملح بي - هدي يخوي هدي اعرف حگك لكت الأمور ما تنحل بالعياط والعصبية بس حچاها جر الاقسام من سلاحة لزم ايدة صخر يتوسل بي - لا يخوي اترجاك لا لا توسخ ايدينك بهاي السافلة اتركها لاهلها هم يغسلون عار بتهم الما عرفوا يربوها چان إسحاق تعبان كلش ما گدر يقاوم صخر وهو يتصارع ويا خاطر ياخذ السلاح من ايدة واستلسم بالتالي ركض إسحاق على صابرين وصار يضربها بكل قوتة ظل صخر يتفرج حتى ما حاول يهدي يمكن يريدنة يبرد گلبة بيها بلكي يرتاح شوي جنزها من الضرب الدم ترس حتى هدومها وهي تتوسل بي بس ولا چنة يسمع ليها ابتعد عنها بعد ما اغمى عليها تقريباً اخذ تلفونة خابر ابوي وطلب منة يجي البيتة ما عرفت سبب تصرفة دقايق واندگ الجرس نزل إسحاق وتأخر بالرجعة لحگة صخر يشوف شجاي يصير جوة ظليت اباوع الصابرين مفتحة عيونها لكت بشي بسيط بين الصاحية والفاقدة الوعي وبس الونة تنسمع من عدها نص ساعة وصعد ابوي صد الصابرين يستغفر الله وراها گال الصخر اخذ اختك وبت اخوك الدارنا وليدي نزلت جوة جهزت غراضي آنه والطفلة لميت كل شي حتى كتبي عبن ما اتصور اردن لهذا البيت بعد كل الصار اليوم وصلني صخر ورد لبيت اخوي دخلت جوة وبـ ايدي ود تفاجأت امي لمن شافتني گبالها سألت شني الجابت خفت لا احچي وما يرضون گلتلها صابرين مريضة واخذها إسحاق للدكتور من هيچ جابني ليكم لليل وهم ما رادين ظليت الوب ويا نفسي اريدن اعرف شجاي يصير وياهم هناك معقولة يكتلوها خلاص بسبب عملتها العايبة ومن تأخيرهم امي شكت بالسالفة نزلت بية تحقيق جزعت وهي ما جزعت اخير شي انجبرت اسولف ليها كل شي خاطر اخلص من ملحتها بس عرفت بالطلابة ظلت تدگ وتلطم ويا حظك يإسحاق ويا غضب الله اعلة راسچ يصابرين شوية ورادت تروح لبيت عمي لزمت بيها - يمة اترجاج لا تسوين هيچي احتمال بعدهم ببيت إسحاق لا تتصرفين گبل لا يجون ونعرف السالفة منهم - وآنه شني اليصبرني بلا تعرفين بحال اخوچ هساع شنهي الصاير بي سودة بوجهي - اي يمة اعرف چا غير چنت يمهم وتنوعت الكل شي صار بعيوني - وهاي الـ×××× شلون سوتها لچ جاوبيني شلون خانت اخيچ وهو شايلها اعلة چفوف الراحة شيل - نفسية يمة نفسية - لا موش نفسية گولي ناگصة تربية وماعرفوا اهلها يربوها عدل اگلچ اي لكت تگولين نفسية لالة مامش حرمة معدلة ورابية صح تسوي هالعملة الي لا تنحچي ولا تنگال جاي تحچي سمعنا صوت الباب عفتها ورحت اركض لگيت أبوي واخواني بالصالة والوجوه صايرة شحالها تقرب ابوي مني همس بصوت ناصي - خوبن ما سولفتلي لأحد هنانة - بس امي - اهم شي حريم اخوتچ ما اريدنهم يعرفون بالسالفة نهائي - صار يابة - جهزي بنيت اخوچ خاطر تروح لأمها بقيت صافنة بوجها مصدومة حچت امي من يمها - عليش ماخذها للعايبة فوگ شينها يعني - بسچ يهيلة استري اعلة وليدچ وبنيتة وسدي هاي السالفة يستر اعليچ رب العالمين من سابع سما ريحان.. بوية شني يعني تروح يمها للتالي - لا بنيتي يومين وترد لينة هي هيچ هيچ مرت اخوچ ايامها بهاي الدنيا معدودة ما فهمت قصدة معقولة إسحاق يريد يكتل صابرين لو ابوي يبصر الشي محد يگدر يبصرة غيرة رجعت للغرفة شلت ود ابوس بخدها ودموعي تجري صعب علية افارگها عبن تعودت اعليها لكت مجبورة شما يصير تظل صابرين امها وهي اولى بيها مني هدومها بعدهن جاهزات بالجنطة اخذتهن وطلعت چان إسحاق گاعد بأول الدرج وايدة على راسة تقربت خليتها بحضنة وهمست - ربي يعينك يخوي انت أنسان مؤمن وتعرف كل شي يصير مكتوب اعلينة مثل ما تنكتب اسماءنا ساعة الولادة هز راسة وباس ود گام اخذ الغراض مني وسلمهن ويا ود الحنظل خاطر يوديها لأمها كل الي بالبيت عرفوا بذاك اليوم اكو مشكلة بين إسحاق وحرمته لكت محد عرف السبب الحقيقي الهاي المشكلة ثاني يوم سألت امي عن السالفة هي الوحيدة التعرف كل شي عبن ابوي ما يخش اعليها سالفة گالت رايحين وماخذين صابرين البيت عمي صارت گعدة وطلابة شكبرها اخر شي عمي گايل الإسحاق هاي حرمتك وانت حر بيها عسى ما تذبحها محد من عدنة يحاسبك ابوي هنا اعترض گال حرمته مؤقت ومردها الكم بزينها وبشينها انتم تتصرفون وياها وابني ما يربطة بيها بعد غير بنيتة ود موش غير بعدها ابوي بلغهم راح يجيب ود خاطر تشوفها امها وهاي راح تكون المرة الاخيرة التشوف بنيتها بيها يومين عدن والوضع هادئ كلش انصدمت لمن عرفت صابرين خانت إسحاق ويا صاحبة المقرب آنه من چنت يمهم شفتة اجاهم اكثر من مرة وانتبهت الصابرين اطوال فترة وجودة ببيتهم تظل جوة وبس يطلع تتنوعلة من الشباك لكت ما شكيت بيها لأن الشغلة ما تخش العقل بهاي اليومين سافروا إسحاق وحنظل لبغداد چانوا گاصدين بهاء لكت ردوا خايبين عبن الزلمة فص ملح وذاب حتى هلة ما يعرفون عنة اي شي بوكتها إسحاق تسودن افتهمت هو چان شاك بصابرين من فترة وتعمد يسويلها كمين بذاك اليوم الرد بي للبيت وهو المفروض يسافر البغداد لكت ما چان متأكد ولا شاك بصاحبة وهيچي صارت الضربة ضربتين على راسة وانهار كلش من طب الغرفتها چانت خافية الموبايل السري ولمن وصل إسحاق ولگف الجهاز چان بهاء يتصل فجاوبة إسحاق ومن ساعتها هالزلمة طفر لان يدري بينة عشاير وما نتفاهم بسالفة الشرف بذات اليوم الرجع بي إسحاق من بغداد اتصل عمي طلب من عندة يجي لدارهم خاطر ياخذ ود گايلة ابوي يجي بمچاني لكت عمي اصر على جية إسحاق موش غيرة چنت گاعدة ويا امي نزل إسحاق من فوگ مبدل سألتة امي على وين العزم رد عليها رايح اجيبن بنيتي وصد اعلية - ريحان مشي وياي خوية - عليش ماخذ اختك وياك - البت متعلقة بيها بعدين شلون اسوقن وهي بـ ايدي - اي خوية تامر هساع ابدل واجيك دقايق ما اتعطل - ناطرچ برة رحت غيرت ملابسي على السريع وطلعت لگيت سيارة إسحاق بالباب صعدت ويا چان لازم راسة - خيرك خوية شني ضغطك صاعد - اي شوي حچاها ومد ايدة بحضني مرخيها خاطر اگدر اسوقن احسنها كلش خدرانة ظليت امرخ الة بالخمس دقايق بعدها شغل السيارة ورحنة البيت عمي طبينة چانوا الكل موجودين بالصالة من عمي لحد أصغر ولد عندة ومرت عمي وياهم عيوني تدور على ود مشتاگ ليها كلش چن ام ومفارگة ضناها من يومين صاح عمي تفضلوا عليش واگفين بمچانكم إسحاق.. لا عمي گعدة بداركم مالي من اليوم،، ناولوني بنيتي خاطر اروحن - هيچي صارت تالي - چا شلون تصير غيري واحد يذبحها ويسلمها الكم وصل ما تندلون راسها من رجليها - وآنه گتلك اذبحها واغسل عارها بـ ايدك لكت انت وابوك رفضتوا - عاركم اعليكم آنه ما گصرت وياها بشي ذول الزلم اشكال وارناگ واحدهم يخون ويصاحب ويلعب جولة واخير الليل يجي يدمغ بحرمته وهي الممنونة لكت آنه تربية الشيخ ضاري مو حي الله دللتها وصنتها وصرت ليها صاحب واخو وابو گبل لا اصيرن زلمتها تحملتها بكل عيوبها وعيشتها بعيشة تحلم بيها كل نساوين ديرتنة لكت شوفة عينك جازت دلالي خوش مجازا آنه بكل جاهي ومالي وحسبي ونسبي وسلطتي ما عبيت عينها الفارغة عبن ما مربيها صح واعذرني عمي اعلة هالچلمة لكت هي هاي الحقيقة ان رضيت او ما رضيت هز راسة بلاية جواب ما احس إلا ابن عمي الچبير عذاب لازم صابرين وواگف گبالنة باوعت علي بـ ايدة سچينة لو آنه تسودنت كل جسمي صار ينفض صديت على إسحاق صافن مثلي چان يگول عمي - وهاي العار التگول اعلي عاركم راح ينغسل وچدامك يبن اخوي بس حچاها مد عذاب صابرين بالگاع مچنت مستوعبة الموقف لحين ما ذبحها گدام عيني مثل ما يذبحون الذبايح هنا آنه ما تحملت الصدمة طحت من طولي وما دريت شني الصار غير وآنه بالمستشفى فتحت عيني لگيت صخر جاري بس تذكرت الموقف صرت اناشغ بالبچي وهو يحاول يهدي بية - صخر صخر ذبحها عذاب گدام عيني ذبحهاااا - هدي يخوي هدي بت عشاير ونزلت راس عايلتها بالگاع شني التتوقعي منهم - بس مو يذبحونها والله تكسر الخاطر لو شايف حالها شلون چان من ذبحها اخوها وهي ترافس بين ايدة شلون گلبة طاوعة يسوي هيچي بأختة آنه ما ينطي گلبي اطرد البزونة من اوگف اطبخ وهي تظل تحوم جاري چا هو شلون گدر يموت اخيتة - انتِ تعرفين شني الي سوتة صابرين لچ هاي نزلت راس اخوچ بسابع ارض وهي تدز صور mms لصاحبة وهي..... ما كمل كلامة وگام يستغفر باوعلي وگال يظلون اهلها وهم احرار المهم احنة طلعنة من السالفة كلش حسيت ريگي ناشف حطيت ايدي على شفتي يابسة سألتة شمالي ليش طحت بالگاع صد وجها عني بلاية ميجاوبني رجعت سألتة صخر احچي شنهي الصار وياي عليش تصد عني نظرك هيچي - صار بيچ سكر خوية صفنت بوجها مصدومة - شلون يعني ؟!! - من الهبطة ارتفع سكرچ والله ستر چان رحتي بيها من ايدنة - يعني ما يروح بعد باوعلي وسكت فهمت من سكوتة هالمرض دخل لحياتي بلاية اذن وراح يرافقني الاخر يوم بعمري وفعلاً صار هالشي والسكر الصابني ما چان يفيد بي غير ابر الأنسولين خاطر اگدر اعيشن حالي حال كل الوادم بهاي الدنيا مرت الأيام وكل شي بحياتنا تغير بيت عمي دفنوا سالفة صابرين بيناتهم وفهموا العالم ماتت موت الله وگدروا يطلعون ارواحتهم من السالفة بالفلوس وراها هاجروا البصرة لأن مالهم عين يظلون بيناتنا بعد كل شي صار خصوصي الجرالهم چان ويا بيت عمهم وشيخ عشيرتهم بذات الوكت إسحاق اخوي ما عاد إسحاق النعرفة كل شي بي تغير صار انسان منعزل وكل وكتة يگضي ببغداد بين شغلة وحياتة المحد يعرف عنها شي غيرة إما ود فهاي بنيت گلبي من يوم الماتت امها وصاني بيها ابوي وصرت احسنها مسؤولة مني وكأني آنه الخلفتها لـ هالدنيا واكيدن إسحاق مرتاح لهذا الموضوع عبن هو من اول مأمنها عندي موش عد صابرين يعني ما حس اكو فرق بين امس واليوم وكلها عندة شي واحد وهيچ صارت الأيام تمشي اكثر من سنة عدت على هاي السالفة الي اندفنت بمچانها بين اهلي وبيت عمي وبس وبيوم صار شي غريب ما متوقعي اجت لينة عمة نجمة الما عتبت دارنا من چان عمري 7 سنين ووياها بنيات اثنين بلأول ظنيناهن بنياتها تالي انصدمنة وحدة منهم دخيلة والسبب مجهول محد يعرفة غير ابوي وبس وبعد سفر عمة نجمة نده علية ابوي الشيخ ووصاني بغسق گال من هاليوم اعتبريها اخيتچ واريدنچ تراعين الله بمعاملتها بنيتي سألتة ليش راح تعيش ويانة رد اي عبن صارت وحدة منة وبينا وراسها براسچ من اليوم مشت الايام وصارت هاي البت من نصيب إسحاق آنه اكثر وحدة چنت اعرف هو شگد رافض هالزواجة وحتى اول ما فاتحة ابوي بالموضوع رفض وصارت كولبة شكبرها بيناتهم بس بلأخير ما گدر إلا ما يخضع لأوامر الشيخ خصوصي البيناتهم موش هين وبعد زواجهم بأسبوع اجاني ابوي وطلب اعوفن ود لغسق خاطر تربيها أول شي ضجت وما گدرت اتقبل الموضوع لكت بعد ما گعدت ويا امي قنعتني اعوفنها عبن اول وتالي آنه اتزوج ومحد يدوم للبت غير مرت ابوها چانت غسق خوش بنية ما شفت منها شي مو زين طول فترة تواجدها ببيتنه يعني مثل ما يگولون اهلنة الها حلگ ياكل مالها حلگ يحچي ولهذا السبب صارت صديقتي واخذت اعليها وبيوم من الايام چنت گاعدة العب ود بغرفتي دخلت علينة غسق سحبت الطوبة مني خاطر تلهي ود بعدها فتحت وياي موضوع إسحاق وچانت مُصرة تعرف سالفتة حاولت هواي اشرد من الموضوع ما گدرت وعبن مستحيل احچي ليها بالسر الندفن ألة قرابة السنتين ما لگيت غير هاي الطريقة گلتلها احچي بس بشرط ردت وشنو هذا الشرط گلتلها تحچيلي سالفتچ مقابلها احچيلچ كل شي عن إسحاق باوعتلي وصفنت چنت متأكدة مراح تحچي شي وهيچي آنه هم اطلع من الموضوع خاطر تصير وحدة بوحدة - ها سكتي - ريحان ابوچ ما يرضى احچي بموضوعي لأي بشر - چا وآنه هم ما عندي شي احچي اخوي قاضي ومرتة ميتة الها سنة و10 اشهر غير هذا ما كو شي ينگال - شلون ماتت ؟!! - موت الله - الله عليچ احچي الحقيقة - شمالچ متفاجأة يعني مامش بشر يموت موت الله لو هي أول وحدة تموت ناگصة عمر غسق.. باوعتلها ممصدگة داحس اكو شي غريب بالموضوع وشكلها قافلة مراح تحچي شي گمت من يمها صعدت الغرفتي ما انكر تفاجأت من عرفت بشغل إسحاق لأن مچنت متوقعتة قاضي ابد بس سالفة مرتة شغلتني عن كل شي حتى هالموضوع مر اسبوع تقريباً وإسحاق ما اتصل غير مرتين بالمرة الاولى حچة ويا أمة سأل عنة وسد الخط بس بالمرة الثانية صاحتني گالت تعاي لية زلمتچ يريد يحاچيچ اخذت الموبايل حطيتة على اذني سمعت طگت الجداحة وراها نفخ بصوت واضح يعني ديدخن گحيت بهدوء لأن استحي احچي چان يگول ها بوية شلونچ ان شاء الله بخير - الحمد لله انت شلونك ؟؟ - بخير بنيتي شلونها خوبن ما متعبتچ بالنوم - لا عادي تعودت عليها - باچر اردن للبصرة محتاجة شي منا اجيبنة وياي - لا سلامتك - گولي بوية لا تستحين - والله ممحتاجة - ماشي چا خلي بالچ اعلة ود واعلة نفسچ هماتين - وانت هم - مع السلامة - الله وياك فصلت الخط ورجعت الموبايل للحجية لليل صعدت الغرفتي نفضتها نفض صح هي نظيفة بس لازم اسويلها تعزيل كامل الرجال صارلة فوگ الاسبوع مسافر ثاني يوم گعدت الصبح على صوت الهوسة عادتهم يگعدون من السبعة حتى اطفالهم وياهم صح ما اشبع نوم بس انجبر اگعد وياهم علمود لا تجيني احچاية اني في غنى عنها دخلت للحمام غسلت وطلعت بدلت ثوبي لأن مال نوم ولبست دشداشة طويلة وگفت گبال المراية ارفع بشعري حتى البس الحجاب دخل إسحاق تفاجأت بجيتة هو هم سلم گبل رديت علي وبقيت ساكتة ذب چنطتة وفتح الكنتور راد يطلع ملابس ركضت علي - شدتسوي اني اطلعلك - لا انت روحي صحيلي ود عبني مشتاگ ليها - صارلك شگد من اجيت - ساعة تقريباً لكت چنت گاعد ويا امي وابوي بالمضيف - الحمد لله على سلامتك - الله يسلمچ بوية درت وجهي ع الكنتور طلعتلة ملابس انطيتهن الة بدون ما احچي وعفتة ورحت الغرفة ود چانت بعدها نايمة عصرت خشمها حيل فتحت عيونها شلتها من السرير ابوس بيها وهي تضحك،، شگد طبيعتها نحسة بس عكس الأطفال من تگعد مزاجها عالي غسلت الها وغيرت ملابسها وراها اخذتها الغرفتي لگيت إسحاق توة طالع من الحمام بس شافها ذب الخاولي واخذها مني يبوس بيها حيل - متريگ لو لا - لا - تريد اجهزلك الريوگ - اي بلاية زحمة اعليچ - لا ماكو زحمة غير هذا واجبي باوعلي وابتسم ببتسامة خفيفة عدلت حجابي ونزلت جوة جهزت الريوگ وأول ما خليتة بالصالة نزل إسحاق هو وبنتة مر اليوم بالهوسة كل شوية يجي واحد يشوف إسحاق واني ما عندي شغل وعمل غير غسق ودي الچاي وغسق جيبي الچاي لليل هلكت من تعب صعدت الغرفتي قريب العشرة بعد ما نظفت المطبخ ويا ثناء لأن الدور علينة اليوم دخلت چان إسحاق يلعب بجهازة اخذت ملابسي سبحت وطلعت جبت ود من ريحان علمود انومها 11 ونص طبيت الغرفتي چانت الغرفة ظلمة شكلة نايم نزعت الحجاب وتمددت بصفة وجها علية مغمض بس ميشوخر حچيت ويا نفسي معقولة إسحاق نايم بدون شخير شو السالفة مدتدخل بعقلي لا وفوگاها چان مسافر اليوم ظليت صافنة بوجها اكو خط بين الحاجبين يمكن جرح وظال اثرة لأن كلش واضح منين اجا هذا ؟!! شنو غسق شبيچ سلامات غير هو ابن شيوخ تلگي هو والطلايب اخوان بالرضاعة بعدني احچي ويا روحي نزيت على صوت موبايلة گبل فتح عيونة باوعلي لازمة صدري گام اخذ جهازة باوع علي وفصل الخط رجع تمدد ينام بس انطاني ظهرة نص ساعة وارتفع شخيرة اي هسه صدگ هذا إسحاق معناها قبل شوية مچان نايم تأخر الوقت واني منايمة ما ادري ليش وجودة يمي يزعجني بشكل من چان مسافر ارتاحيت كلش وصرت انام عادي بس احط راسي ع المخدة فجأة تذكرت ذاك اليوم المشؤوم صارت صورتهم وهم يغتصبوني واحد بعد الثاني بعيوني نزلت دموعي وكتمت شهگتي بـ ايدي ما ادري شصار بية بس اختنگت كلش بحيث حسيت روحي دتطلع اخذت حجابي ونزلت جوة البيت هدوء والكل نايمين رحت للباب فتحتها على كيف وطلعت تمشيت بالحديقة واني اباوع للسما اريد ارتاح واشيل الموضوع من عقلي ماكو اخير شي فتحت الباب الخارجية وطلعت للبستان صح چنت خايفة بس هو بستانهم يعني ماكو غريب باوعت من بعيد الحارس واگف يم القاطع الأول وبـ ايدة استكان الچاي رايح جاي مشيت بلاتجاه المعاكس ريحة التراب المبلل ترد الروح رغم الجو خنگة والهوى شرجي ما اعرف شنو هذا الزرع الگدامي شلعت غصن اشتم بس شو هذا مابي ريحة وأول مرة اشوفة بحياتي شمرت الغصن بالگاع ومشيت اباوع داير مدايري فجأة خفت اني وين طالعة ؟!! بلا تيهت وما عرفت ارجع بـ هلليل درت وجهي حتى ارجع للبيت شفت رجال ملثم عبر السياج بس شافني ركض بأتجاهي بكل سرعتة.... يتبع لتنسوون ⭐⭐⭐⭐⭐ | ||||||||
|
| |
|
12-04-21, 11:44 AM
| #17 | ||||||||
| مراقبة عامة ومشرفة منتدى الروايات المنقولة
| البارت ١٤و١٥ وضاقت_الأرض_بي للكاتبة لبنى_الموسوي شمرت الغصن بالگاع ومشيت اباوع داير مدايري فجأة خفت اني وين طالعة ؟!! بلا تيهت وما عرفت ارجع بـ هلليل درت وجهي حتى ارجع للبيت شفت رجال ملثم عبر السياج بس شافني ركض بأتجاهي بكل سرعتة اني هم ركضت سريع ما صرت اميز الطريق منين المهم بس اخلص من الورطة الوگعت روحي بيها بهذا الليل حسيتة اقترب مني كلش صرخت بصوت عالي وعثرت على وجهي من السرعة درت اباوع وراية شو هذا ما موجود !! گمت نفضت هدومي ومشيت واني اتلفت داير مدايري شنو معقولة راح لأن خاف لا ينكشف؟!! لو بعده موجود بالبستان وعلى ساعة يطلع ويلزمني ما ادري وين اني حالياً ما بعدت عن البيت إلا بمسافة بسيطة بس من شفت هذا الرجال الملثم ركضت هواي وتيهت طريقي باوعت للأشجار وبچيت شحسيتي غسق من طلعتي للبستان وانتِ كل عمرچ ما طالعة وحدچ حتى لباب البيت معقولة الصار وياية موت گلبي معقولة اني اتحجج علمود اذب روحي بالمشاكل عسى ولعل اموت وارتاح من حياتي !!! بچيت بشهگة وراها صرخت ساعدووووني عادي عندي حتى لو حچوا علية لأن طالعة بـ هالليل المهم ما يتكرر الصار وياية بالماضي مرة ثانية بقيت اصيح بدون نتيجة شكلي بعدت هواي رغم صوتي العالي بس محد سمع الصراخي مسحت دموعي ومشيت يارب يطب الحارس للبستان يفتر بلكي يجي يشوفني ويدليني ع الطريق قبل لا ابعد اكثر باوعت للأتجهات منين امشي ؟!! حاولت اركز عسى ولعل اوصل للطريق الصح بس ما گدرت كل الدروب ظلمة ومليانة اشجار خفت لا اتحرك بعد ويطلع الأتجاه خطأ وساعتها اكون بمصيبة اصير بـ اثنين تقربت من الشجرة ابچي فجأة انسد حلگي من ورى وسمعت واحد همس يم اذني - اششش لا تتنفسين جمدت بمكاني من الصدمة حط السچينة على نحري صار يمررها بهدوء وهمس - يعجبچ تجربين الذبح هزيت راسي بـ لا گال چا حتى النفس اريدنچ اتگطعي بعد عني وهو موجه السجينة علية باوعت هو هذا نفسة الرجال الملثم بـ ايدة دبة صغيرة من الريحة عرفت البيها نفط صار يرش على الگاع بحركات سريعة وراها طلع شخاطة من جيبة شغل العود وشمرة ع الزرع تقرب مني انطاني الدبة وهمس بضحكة - اجيتيني من السما تعرفين لو لا بس حچاها عافني وراح رجعت ليورة والدبة بـ ايدي لأن النار دتمشي بسرعة رهيبة والموقف مينوصف ماكو دقيقة واجة الحارس يركض شافني گدامة قيد ايدي وصاح ياهو انتِ وعليش حرگتي بستان الشيخ اكتفيت بالسكوت لأن ماعندي شي احچي من هول الصدمة سحبني حيل وهو مچتفني،، ظل يركض ويجر بية ورى لحد ما وصلنة للبيت دگ الباب سريع وهو يصيح - احترگنا شيخنا احترگناااااااااا ثواني وفتحها إسحاق صرخ بوجها - شني الصار جبر - احترگ البستان الداخلي عمي انتبه علية فاتح عيونة بسرعة سحبني من ايد الحارس دفعني ع الحايط - شني الجابچ هنانة جبر.. هي هاي الحرگت بستانكم آنه شفتها واگفة يم الزرعات وبـ ايديها الشخاط وهالدبة التشوفها گبالك ما جاوبة واكتفى بالصدمة الكل طلع بـ هالاثناء على صوت الصياح وريحة الدخان الترست المكان حتى النسوان طلعن الحارس خبص الدنيا بـ هالجملة - هالبت هي الحرگتكم وآنه شفتها بعيني فجأة صرخ بي إسحاق بصوت نززني من مكاني - بسسسك عااااااد اشرلي بـ ايدة وعيونة دم من العصبية - فوووتي للداخل انتِ والحريم بسااااااااااع طبيت للبيت اسحل روحي بالگوة ركض الشيخ هو وولدة حتى يطفون النار أسمع الهوسة برة صارت لأن كل الناس فزعت علمود ينقذون بستان شيخهم فوگ الساعة والدنيا مخبوصة گاعدة بالصالة افرك بـ ايدي ورجلي ترجف خوف كل الموجودين يباوعولي بنظرات شك ويتهامسون بيناتهم حرمة الميزان سوتها !!! تمنيت لو ميتة بيومها ولا انحط بـ هالموقف محد يهمني هنا لكن الشيخ الي حماني ووگف وياية بالوقت التخلوا عني اقرب ناسي صعب لمن يحس جازيتة بالطعن بدت الأصوات تهدأ تقريباً دقايق وطب ابن حنظل الچبير يركض الـ بيبيتة گمت من مكاني خايفة وكل شي بية يراقب كلامة وادعي كون مطفين النار بدون خسائر جعفر.. حبوبة ابشرنچ طفوها طفوها الحجية هيلة.. اللهم صلِ على محمد وآل محمد گلي يجعيفر خوبن محد من الوادم تأذة بنار هل ما يخافون ربهم - لا مامش خساير لكت الزرعات تلفت والبستان صار أسود بـ أسود - فدوة يمة فدوة بالمال ولا بالعيال اهم شي انتم سالمين غانمين دتحچي طب الشيخ والحارس ويا بعدة ما گاعد اجو الولد بس شحالهم من فوگ ليجوة متروسين بالصخام درت عيني ع الشيخ يباوعلي بنظرات عتب وراها سأل الحارس - احچي بوية شني الصار بالضبط جبر.. آنه واگف بمچاني مثل كل يوم سمعت صوت صريخ لكت بعيد كلش گلت اكيدن يتراوالي عبن الوادم كلها نايمة شگفت سلاحي ودخلت للبستان اتمشى خاطر اتأكد خافن اكو شي غريب جاي يصير هناك وآنه امشي تنوعت للنار صعدت من فوگ البستان دخلت اركض واشوفلك هالحرمة واگفة چدام الزرعات وبـ ايدها الدبة جاي تحرگ بالگيعان غسق.. لا والله مو اني الحرگتة الحجية هيلة.. هاي تاليها حويناچ بدارنا وسويناچ منة وبينة تالي تجازينا بالغدر حنظل.. ها يابة شني حچيت وهاي الچنت احذرنك امس من عندة صار اليوم غسق.. والله مو اني الحرگتة والله والله إلياس.. وكلام الحارس شني تفسيري غسق.. صح اني چنت بالمكان بس مو اني الحرگتة صهيب.. چا شنهي الوداچ لنص البستان حنظل.. تنوع الها شلون ساكتة حگها تسكت ليش تگدر تحچي شي وهي عاملتها باوعتلهم وبچيت اشتد النقاش بيناتهم الكل چانوا يحچون بعصبية بـ استثناء الشيخ وإسحاق گاعدين يتفرجون عليهم رجع الحارس عاد كلامة حتى يثبت التهمة علية صاح حنظل بصوت عالي - ها يبوي راح تظلك انت واخوي ساكتين وانتو اهل الأنة هنا صار المچنت متوقعتة يصير گام إسحاق سحبني من ايدي گدام الشيخ وصاح بكل صوتة - لحد يتهم حرمتي بشي هي ما عاملتة وإلا تشوفون مني الما يعجبكم حنظل.. چا شنهي الچانت تسوي بالبستان بهيج وكت إسحاق.. چانت وياي حنظل.. شلون يعني وياك ؟!! إسحاق.. يعني انت تعقلها اكو حرمة تتجرأ وتطلع للبستان بهيچ وكت لوحيدها ها عليش ساكت ؟؟ اكيدن يخوي مامش وحدة براسها عگل تسويها حتى وان چانت ناوية اعلة الشر حرمتي چانت وياي آنه اخذتها ومشيت للحديقة عبن ضاگ صدرها شوي حنظل.. لكت جبر گال شافها بالبستان وحيدها دار إسحاق علية باوعلي - آنه دخلت للبيت خاطر اجيبن ماي وماعرف شني الصار خلافها حنظل.. تمشي وتخليها بالبستان ؟!! الشيخ ضاري.. بسكم عاد من اللغاوي الزايدة الطلابة هاي ما تخص بشر غيري آنه وإسحاق ومن هيچ ما اريدن اي واحد منكم يتدخل بيها إسحاق وليدي اخذ حرمتك واصعد للحجرة خل يطر الصبح وعودن نحچي بالسالفة خاطر احلنها بهدوء وانتم هم امشوا تجددوا للصلاة وخلافها ناموا ما مش مشكلة مالها حل والحمد لله بالزرع ولا بوحيد منكم سحبني إسحاق من ايدي وصعدني فوگ بس دخلنة للغرفة رگع الباب حيل باوعت علي راح للكنتور يدور بالرفوف طشر الدنيا كلها اريد اسألة شتدور ما اگدر خاف احچيلي كلمة ويطلع قهر گلبة بية ظل قريب الربع ساعة يحوس بالغرفة اخير شي باوعلي وصاح جنسيتچ وووووين ؟!! عيوني انفتحت علي بخوف ما اگدر انطيهيا لأن هي المستمسك الوحيد الچان بجنطتي بيوم الحادث بدونها اني مو غسق ليش شنو اليثبت البشر هذا منو وشلون غير جنسيتة وبس تقرب مني لزم فچي حيل - ج ن سي تچ وووووووووين باوعت علي صار غير واحد شگد خفت بأول مرة شفتة بيها بس چذب يوصل للخوف الداحس بي هسه واني اباوع بعيونة دفعني ع الكنتور وصاح - ناوليني الجنسية بالعججججل درت وجهي ما عندي غير حل چنت ضامتها هي وباج الكلية والفلوس جوة الكنتور اريد اطلعهن سحبني إسحاق شمرني ليورة ومد ايدة طلعهن هو فتح العلاگة اخذ الجنسية يباوع عليها شوية وطلع الفلوس صفن عليهن بعدين باوعلي بعصبية - هذني منين ؟!! - مالاتي - منيييين - چنت اشتغل مربية للاطفال قبل لا اجي للبصرة وخالة ام هناء تعرف بهالشي لأن هي شغلتني يم دكتورة تعرفها واذا ممصدگني اتصل عليها حتى تتأكد خزرني وشمر الفلوس علية تطشرن على كبر الگاع رجع باوع للعلاگة طلع الباج مال كليتي صفن بي شوية وراها ضمة هو والجنسية بجيب دشداشتة وراح للحمام ظليت گاعدة بمكاني اريد ابچي بس لازمة روحي بالگوة انتِ هيچ هيچ واگعة بيها ضحية مثل العادة غسق سواء غلطتي او ما غلطتي خمس دقايق وطلع متوضي فرش السجادة صلى وتمدد ع الچرباية گمت لازمة ظهري بوجع من قوة الدفعة انرگعت بطرف الميز علي رحت توضيت وطلعت لگيتة حاط المخدة على وجها لأن الضوة معلوگ طفيتة وصليت بالظلمة وراها تمددت بصفة وغمضت عيني بلكت انام بدون تفكير ما سمعت الة صوت چان هادئ بشكل حتى ما تحرك من مكانة شغلت نفسي بالأستغفار لحد ما غفيت قبلة وياريتني ما نمت انعاد الحادث الصار وياية على شكل حلم شفتهم شلون يغتصبوني بطريقة ابشع من الواقع بس ببستان الشيخ الضاري مو بالخرابة چان مهيمن واگف گبالي يضحك اتوسل بي وهو يهز راسة بسخرية وديشوف جماعتة شلون يغتصبوني گدام عيونة فجأة شغل الجداحة وشمرها ع الزرع گمت اصيح لا حرام عليك الشيخ ممسويلك شي حتى تضرة هالشكل بهاي الأثناء اجت امي بس شفتها گمت اركض شمرت روحي بحضنها ابچي واصرخ - ماما مهيمن الحقير اغتصبني هو وجماعتة - اي بنيتي ادري چانت النار قريبة منها سحبتها علية - تعالي منا لتحترگين ماما - لتخافين علية متلوحني نارهم بس خافي على روحچ منها باوعت للنار وابتسمت - شنو رأيچ هسه لو اشمر نفسي هنا حتى ارتاح من هالعذاب ها شتگولين اسويها بس والله ماما أخاف مو من النار لا أخاف من رب العالمين الما قسملي الموت مثل شجن وتركني وحيدة لهل الناس الما ترحم بعدني احچي ما احس إلا مهيمن شمرني بنص النار روحي طلعت من الألم واني اسمعة يصيح بكل صوتة - احترگي مثل ما احترگت اختي بناركم ذوقي ولو شوية من الألم الحست بي شجن بسبب اخوچ الناااقص فزيت مرعوبة بشكل كل جسمي يأذيني وكأنما صدگ چنت احترگ مو مجرد حلم باوعت الإسحاق چان نايم سحبت نفسي من يمة بهدوء طبيت للحمام وقفلت الباب علية هنا صدگ انهاريت بعد وگعت بالگاع ابچي واني اتمنى الموت بيومها اكثر من أي وقت ثاني ليش عايشة ؟!! والمن عايشة ؟!! شو حتى النفس محسوب علية أن چان قبل يم اهلي لو هسة ببيت الشيخ صارت عيوني ع المنظفات الي برف الحمام گمت سحبتهن بدون تفكير فتحت واحد منهن وصلتة يم حلگي ردت اشرب بس تراجعت - لا غسق لا استغفري ربچ واعقلي حرام تضيعين حقچ بهذا التصرف انتِ مظلومة ومستحيل رب العالمين يقبل بالظلم او يضيع حق عبده المظلوم راح ياخذ حقي منهم اليوم باچر بعد سنة عشرة المهم بالأخير كلمن يلگة جزاء أفعالة الناقصة ويوگع بشر أعمالة الحقيرة رجعت كل شي المكانة وغسلت وجهي طلعت من الحمام مخنوگة ما اگدر ارجع انام شيجيب الصبح ضحكت على روحي على أساس تنتظرچ حياة سعيدة حتى تترجين الصبح يطلع ظليت گاعدة اتصفن ساعة افكر بالحلم وساعة الوم نفسي على طلعتي المراح تعدي على خير للسبعة دگ المنبة گام إسحاق فصلة،، راح للكنتور اخذ ملابسة وطب للحمام ربع ساعة وطلع دار وجها ع الميز يمشط وگال - جهزي روحچ خاطر تجين وياي - وين ؟!! - للمضيف شني تظنين السالفة خلصت ونفذتي منها - اي بس اسبح - لا تتعطلين آنه نازل گدامچ تلگيني بالمضيف حچاها وطلع من الغرفة حسيت البوخة صارت تطلع من بين عيوني شسوي هسه وشلون اواجه الشيخ وبشنو ابرر طلعتي بمثل هيچ وقت اخذت ملابسي وطبيت للحمام بالنص ساعة واني واگفة جوة الماي نار بگلبي ما تقبل لا تخمد ولا تهيد حسيت روحي تأخرت كلش نشفت ع السريع وطلعت لفيت الحجاب على راسي ونزلت كلهم چانوا مجتمعين بالصالة سلمت عليهم اكو منهم ما جاوب واكو الي رد السلام من ورى خشمة بس ريحان ابتسمت بوجهي تقربت منها همست - ود بعدها نايمة واني رايحة للمضيف عينچ عليها - لا توصيني حبيبة عفتهم ورحت للمضيف دگيت الباب صاح الشيخ تفضلي بوية طبيت لگيت إسحاق گاعد يمة بس ما باوعلي ولا حتى رفع عينة بعيني اشرلي الشيخ بسبحتة گعدت مقابيلهم ونزلت راسي ادعي ياربي ساعدني شوية وگال - احچي بنيتي شني الطعلچ للبستان - ما ادري چنت مخنوگة وما جايني نوم نزلت للحديقة اشتم هوى بس هم ما ارتاحيت اخير شي طلعت للبستان - يعني جاية تقنعيني انتِ هيچي سباعية خاطر تطلعين للبستان بعز الظلام - ما اعرف اني هم تفاجأت من نفسي واعترف بغلطي بس صدگ شيخنا مچنت رايدة اطلع هي صارت بعد مفكرت بأي شي المهم بس ردت ارتاح ومن شفت الحارس امنت لأن كلها گيعانكم وماكو غريب بيها - واحنة ما عدنة حرمة تطلع الوحيدها لا بعين الشمس ولا بمغيبها - واني هم ممتعودة اطلع وحدي هاي اول واخير مرة صدگني منها وحرمت بعد وشغلة ثانية اريدك تعرفها اني عايشة وشايلة جميلك برگبتي حايرة شلون ارد افضالك علية شلون تتوقع مني اگدر اضرك ولو بشي بسيط - وآنه ما گلت هذا الشي لون الكل شك بيچ آنه ما اشكن لكت شغلة وحدة ما جاي استوعبها وهي طلعتچ للبستان بهيچي وكت زلمتچ گاعد هنانة ويريدن منچ تفسير من واجبچ تحچين كل شي خاطر تبعدين الشك عن عگلة - يعني حضرتك مصدگ مو اني الحرگت البستان - من الصبح آنه وإسحاق نتدانش بالموضوع مامش شي يثبت انتِ عملتيها حتى الدبة الچانت بأيدينچ ما تابعة لينة لكت الي نريد نعرفة منچ شني الوصلها لأيدينچ وعليش چنتي بالبستان ؟!! نزلت راسي وحچيت الهم كل شي من وقت ما طلعت للحديقة لحد ما اخذني الحارس وسلمني لإسحاق رفعت عيني لگيتهم صافنين علية شوية وگال الشيخ منچ لزلمتچ آنه مجبور اطلع من السالفة كلها گام إسحاق واشرلي اطلع رحت ورى لگيتة واگف يحچي ويا الحجية عفتهم وصعدت فوگ ظليت افتر بالغرفة فكري يم الجنسية ليش اخذها مني وعلى شنو ناوي بس الله اليستر دقايق ودخل للغرفة فتح الكنتور يدور گتله شتريد ما رد علية اخذ ملابس رسمية وراح بدل بالحمام وراها سحب سلاحة وجنسيتي من دشداشتة وطلع من الغرفة حتى بدون ميسلم بيومها ما نزلت جوة خجلانة منهم وبنفس الوقت نفسيتي تعبانة ما اتحمل اسمع كلمة زايدة واني بهيچ وضعية صارت الساعة فوگ الـ 11 وإسحاق ماكو گاعدة ع الچرباية وصافنة ويا نفسي طبت علية ريحان وبـ ايدها صينية الأكل گمزت من مكاني اخذتها منها - هاي ليش تعبتي نفسچ - چا شنهي الحل شفتچ ما نزلتي لا اعلة الغدة ولا العشى گلت ما بيها مجال لازم اصعد ليچ آنه - ما اشتهي والله - ابوي وصاني ما انزل الصينية إلا وانتِ ماسحتها - هههههه لعد ود وينها ليش ما جبتيها علمود تنام - هساع اجيبنها اگعدي اكلي اول خاطر يصيرنلچ حيل تتعبين وياها ابتسمت بوجها واكلت مجاملة شوية وصعدت جايبتلي ود اخذتها من ايدها ابوس بيها اشتاقيت الها لأن طول اليوم هي مو يمي ربع ساعة ونزلت ريحان اخذت ود الغرفتها بدلت ملابسها وبقيت انوم بيها قريب الساعة يلا غفت رجعت الغرفتي صارت عيني ع الساعة شنو إسحاق ما ناوي يرجع اليوم مو راح تصير الوحدة وهو ماكو بقيت انتظرة بخوف شديسوي وليش هيچ تأخر فوگاها اخذ جنسيتي ويا صارت الـ 2 وهو ما جاي نعست كلش سحبت المخدة وتمددت انام بعدني ما غافية رجعت حلمت بس هالمرة شفت سيف ديحرگ شجن بنفس الموقف فزيت مرعوبة تعبت والله تعبت شوكت ارتاح من هالعذاب فوگ الواقع المر هالدور الكوابيس علية... بچيت شوية وگمت للحمام غسلت وجهي رجعت احاول انام للفجر واني گاعدة اخير شي صليت يلا گدرت اغفى ثاني يوم لليل وإسحاق ماكو ظل بالي كلش لبست حجابي ونزلت بس شافتني الحجية گالت نزلتي يالخاتون ما رديت عليها دورت على ريحان لگيتها واگفة تسوي العشى ويا أمل - ريحان - ها حبيبة واخيراً شفناچ - إسحاق وين صار انشغل بالي علي - اي خابر گال آنه ببغداد لا يظل بالكم يمي - شوكت اتصل ؟!! - امس باوعتلها وسكتت چانوا ديشتغلون گلت خلي اساعدهم ميصير صارلي يومين عازلة روحي عنهم بعدني ممتحركة من مكاني طبت نجيبة بس شافتني صاحت - تعمل عملتها وتلبد بحجرتها ريحان.. نجيبة بسچ نجيبة.. عليش تسكتي موش هاي الشعلت النار ببستانكم وهل واگفة چدامچ ولا چنها عاملة شي ثناء.. هسة انتِ شتسوين هنا اليوم شغل المطبخ مو على ريحان وامل اطلعي وخليهن يشتغلن براحة بعيد عن مشاكلچ نجيبة.. لا يال **** تطرديني بكل عين صلفة آنه اعلمنچ حچتها وركضت على ثناء لزمتها تضرب بيها اني وريحان وامل نريد نخلصها من ايدها ماكو ثور وهاج بعد فجأة سمعنا صوت حنظل صاح بيها درت وجهي شفتة ركض عليهم سحب ثناء منها وهي هم من حرگتها حضنتة گدامنة تبچي حنظل.. انتِ شلون تتجرأين تمدين ايدچ اعليها نجيبة.. چا ترضاها تگول اعلية ام المشاكل و**** ثناء.. عزززززة والله ما گلت هيچ ريحان.. نجيبة فشلة والله فروخچ صاروا بطولچ ولساچ تجذبين ثناء.. حنظل والله ما گلت الها شي كل الموضوع واگفين نسولف وهي دخلت تسوي مشاكل وتحچي على مرت إسحاق عاد اني گلتلها شغل المطبخ اليوم مو عليچ اطلعي وخليهن يشتغلن بلا مشاكل هذا كل شي صار وهي اصلاً الفشرت علية مو اني حتى اذا ممصدگني اسأل البنات حنظل.. ثناء روحي الفروخچ وانتِ نجيبة لحگيني للحجرة حسابچ وياي عسير اليوم حچاها وطلع من المطبخ اباوع النجيبة وجها صار ينطي الوان مچنت متخيلتها تخاف منة الـ هالدرجة راحت ورى شوية وسمعنا صياحة ضجت كلش عود نزلت اشتغل والهي نفسي ثاري الفگر فگر حتى لو عاش بقصر طلعت للصالة چانت ود تلعب ويا الجهال گعدت يمها والحجية بس تخزر بية لو بـ ايدها يمكن تگوم تكتلني وترتاح للتسعة خلصنا من العشة وهوستة ظليت گاعدة يمهم قريب الساعة لأن الشيخ موجود وراها اخذت ود وصعدت الغرفتي ردت ابدل واخذها تنام بعدين تراجعت إسحاق ومموجود خليها تنام يمي اليوم ع الأقل انشغل بيها عن التفكير طلعت الغرفتها جبتلها ملابس بدلت الها وگعدت العب وياها احط ايدي على وجهي واسويلها دددي وهاي خربانة ضحك ساعة تقريباً وتعبت جرت المخدة من الچرباية وصاحت ليلو يعني تريد تنام بستها حيل وخليتها على رجلي ظليت اهز بيها ربع ساعة ونامت حولتها على مخدة ابوها وگمت طفيت الضوة ورجعت تمددت يمها اباوع عليها مبتسمة هنيالچ حبيبتي بعدچ طفلة بريئة ما شفتي شي من هالعالم القذر غمضت عيوني واني حابسة الدموع بيها چنت تعبانة صارلي يومين منايمة زين لذالك غفيت بسرعة ما ادري شگد مر وقت حسيت الباب انفتح فزيت مرعوبة عبالي احلم باوعت هذا إسحاق چنت لابسة ثوب خفيف مال نوم لأن صيف وحارة كلش،، ما گدرت اگوم ويشوفني بي رجعت تمددت وسحبت الغطا علية طب ذب غراضة ع الميز وراح للكنتور انطيتة ظهري حتى يبدل براحتة شوية واجة رفع الغطا علمود ينام تفاجأ بود نايمة بمكانة رفعت نفسي وگتلة - هسه اشيلها منا فد لحظة - لا عوفيها لا تشيلينها تقرب عليها باس راسها ودناها علية تمدد بمكانة بس ما انطاني ظهرة مثل كل مرة بقى يباوع البنتة ويمرر اصابيعة بين خصلات شعرها باوعت علي شكلة چان تعبان من السفر ترددت اسألة اخير شي گلت - ابو ود تريد اسويلك شي تاكلة - لا بوية مشكورة - وين چنت ؟!! - مسافر - وليش ما گتلي ظل بالي يمك باوعلي وسكت اني هم سكتت بس حسيت بشي غريب نظراتة چانت مو طبيعية أول مرة يباوعلي هيچ بحيث حسيت بيها حچي هواي ما گدرت استمر اكثر درت وجهي للجهة الثانية وغمضت شبي ياربي ليش ديباوعلي بـ هالغرابة ؟!! بعدني مغمضة حسيت ايدة صارت على چتفي دمي نشف من الخوف ما تحركت اخاف ادور ويصير شي ممتوقعتة دقيقة وهو على نفس وضعة بس يحرك ايدة من چتفي ينزلها على زندي وبالعكس فجأة حسيتة گام طلع من الغرفة گمت ع السريع لازم اغير ملابسي قبل لا يرجع عاد همزين چنت متغطية من حط ايدة علية لبست شلون مچان ورجعت المكاني نص ساعة وهو ماكو ما ادري وين راح بس همزين راح غمضت عيوني اهدي بنفسي لتخافين غسق مراح يصير شي بس نامي كافي تفكرين ما اعرف شلون نمت حتى للصلاة ما گعدت بيومها للصبح فزيت على صوت ود دتضحك فتحت عيني لگيت إسحاق يلعب وياها گلت صباح الخير ورحت للحمام غسلت ونزلت اسوي الريوگ مرت الأيام بلا جديد ما تكررت الحالة ويا إسحاق ورجعت علاقتنا رسمية يا دوب على گد الطلب والتنفيذ صار وقت الأمتحانات حبيب سافر البغداد يمتحن مرحلة خامسة طب وريحان سادس اعدادي بـ هالفترة تقربت من ريحان كلش ولأن چانت ادبي ساعدتها هواي لأن المواد اسهل من العلمي چنت انزل يمها واسهر للفجر تقرا واني اراجعلها علمود لتضوج وحدها والضهر اعوض النوم على نومة الكل ريحان طبيعتها جبانة هواية بكل امتحان تگعد تبچي واني اظل ساعة اقنع بيها انتِ گدها وراح تجاوبين بس شيلي الخوف من گلبچ وصلت بيها الحالة قبل كل امتحان يصعد سكرها وچنت انقهر عليها كلش بعدها صغير منين اجاها هالسكر !!! خلصت امتحاناتها على خير بأخير يوم گاعدة بالصالة عيوني ع الساعة وانتظرها ترجع تبشرني بالعشرة ونص طبت تضحك گمت الها ع السريع - ها بشري - الحمد لله خلصت - جاوبتي يعني - اي جاوبت كلش زين - اي الحمد لله الف مبروك حبيبتي يوم القبول الزين - يبارك بعمرچ مرت اخوي الغالية باوعتلها وابتسمت راحت تبدل واني اخذت ود سويتلها ريوگ وگعدت اوكل بيها بالصالة فجأة صارت هوسة برة ما نسمع إلا صهيب يصيح ولك ماااااااات ركضنا نباوع من الشباك نريد نعرف منو وشنو ماكو بس الزلم تتطافر گدامنة... يتبع لتنسوون ⭐⭐⭐⭐⭐وضاقت_الأرض_بي #البارت الخامس عشر وضاقت_الأرض_بي للكاتبة لبنى_الموسوي ملاحظة/ ان شاء الله بس باچر وراها نرجع للنظام القديم (يومين نشر بيوم استراحة) متابعة شيقة ❤🥀 فجأة صارت هوسة برة ما نسمع إلا صهيب يصيح ولك ماااااااات ركضنا نباوع من الشباك نريد نعرف منو وشنو ماكو بس الزلم تتطافر گدامنة شوية واجة حنظل شايل ولد بـ ايدة ممبين منو لأن الدم تارس جسمة من فوگ ليجوة فتح صهيب باب السيارة وصعدوا صاح حنظل چا وين ابو رد علي صخر هذا وينة واگف جارك درت وجهي وچان انصدم بـ إلياس هنا الدنيا انخبصت خو أمة گعدت بالگاع تملخ بشعرها وتنوح علي سمعت واحد صاح بيهم - چم مرة گلتلكم الجهال عينكم عليهم لا يگمزون مثل القرودة گدام السيارات باوعت علي هذا جمار ركض اخذ السويچ من صهيب وساق السيارة هو بقينة بالبيت بس حالتنة حالة كلها بكوم وأمل بكوم ثاني إلا شوية ويوگف گلبها على گد ما بچت وصيحت بحرگة الجهال صاروا يتصارخون بخوف حضنت ود احاول اهدي بيها كلما تشوفهم يبچون تبچي على بچيهم ما اگدر اخذها واصعد لازم ابقى وياهم خصوصاً واني اشوف الكل موجودين حتى اقاربهم اجو من سمعوا بالحادث گاعدة وحاضنة ود على صدري باوعت للحجية مدري شصارلها رجعت راسها ع التخم ولزمت گلبها بـ ايدها گمت ع السريع انطيت ود الريحان وركضت عليها اضرب بخدها حيل - يمة تسمعيني يييمة ريحان.. يا شمالها امي دخيلك رببببي ثناء.. ماي ماي بسرعة نشمر على وجها عفتهم وركضت للمطبخ ترست الگلاص ورجعت لگيت عمة سكينة تهفيلها بشيلتها دخلت بنصهم رشت عليها بـ ايدي گبل فتحت عيونها النسوان گامن يجرن صلوات بكل صوتهن باوعت علينة وصاحت الفرخ ولكم الفرخ خوبن ما مااااات ريحان.. لا يمة اسم الله اعلي كل شي ما بي ان شاء الله بس گولي يا الله الحجية هيلة.. يا الله يا ربي دخيلك لا تفجع وليدي بوليدة امشي اعليك نبيك واهل بيتة سكينة.. امين خية امييين فاتن.. يمة نهلة جيبي گلاص ماي وغسلي المرت ابن عمچ مو راح تموت نهلة.. صار يمة راحت نهلة جابت مي من المطبخ ورجعت رؤى وريحان يم أمل يحاولون يهدون بيها بس هي شبه الفاقدة وكأنوا ابنها مات وخلص اباوع عليها ودموعي تجري حقها ماكو أم تتحمل تشوف ابنها بهذا المنظر ومتنهار من الصدمة ساعتين مرت واحنة بالضيم عفتهم ورحت للشباك اباوع ع الباب الخارجي وادعي يارب كون واحد منهم يجي حتى يطمنة بعدني ممكملة دعائي انفتحت الباب باوعت هاي سيارة إسحاق طلعت أركض فتح الباب ونزل انصدمت بملابسة متروسة دم فات من يمي خازرني - شنهي المطلعچ برة !!! - گلبنة يم محمد بشرني شلون صار - بالعمليات امشي للحجرة جهزيلي لبس خاطر اسبح واردن ليهم عفتة وطبيت بس شافنة النسوان گامن تلگنة وأولهن الحجية وأمل صعدت للغرفة جهزتلة الملابس ردت انزل انفتحت الباب وطب هو ينزع بساعتة - جهزتيهن - اي ذني بالحمام مد ايدة الجيبةانطاني المفتاح وگال طلعيلي مليون من القاصة لبين ما اسبح،، الرمز ××××××× حچاها وطب للحمام باوعت للقاصة مترددة اخاف افتحها بس مجبورة احسن ما يتعصب علية من يطلع ويشوف الفلوس ماكو تقربت منها وايدي ترجف حچيت ويا نفسي شبيچ غسق لشوكت تظلين جبانة هالشكل ما تعلمتي من كل الصارلچ قويت نفسي وفتحتها چانت كلش هوسة عبارة عن أوراق بـ أوراق طلعت شدتين مكتوب على كل وحدة منهم خمسمية يعني صارن مليون ردت اسدها انتبهت الجنسيتي صايرة جوة سلاحة اخذتها متفاجأة ليش ضمها هنا ؟!! مدافهم سبب تمسكة بيها شو حتى باج الكلية ما انطانيا بعد رجعتها المكانها وسديت القاصة بقيت بالغرفة انتظرة يطلع خمس دقايق وسمعت صوت باب الحمام انفتح طلع ينشف بشعرة مشط ع السريع وگلي جهزتي الفلوس ؟!! شلتهن من الميز خليتهن گدامة باوع عليهن وسحب علاگة من المجر ديضم بيهن دگ جهازة طلعة من جيبة وگال ها خوية خيرك لاااااااااااااا لك شلون ويمتة لا اله إلا الله انا لله وانا اليه راجعون باوعتلة بخوف عفية لتگول مات رفع ايدة حط اطراف اصابيعة على شفتي علمود يسكتني ورجع كمل كلامة - اي خوية آنه ما اگدر اجي عبن أبن اخوك محمد انسحگ لا لا تخاف ان شاء الله هينة شلون تجي چا والحرمة تظل وحيدها كلنة هنا لا تشيل هم الشي ظل جارها وآنة ارسلك صخر بس گول شگد محتاج اي سهلة خوية فدواتك وآنه ان شاء الله بس يمشي صخر اتصل اعليك هو يحچي واني فاتحة عيوني بصدمة معناها هذا حبيب المتصل،، زين منو هاي المرة وشنو قصتها وياهم سد الخط وراح للقاصة باوعت بتركيز طلع منها 4 شدات وقفلها گام حطهن بعلاگة ثانية وحد عن المليون واخذ الغراض وسلم علية وطلع - ~~~~~~(العودة الى الماضي)~~~~~~~ بغداد الحبيبة _ 2012/5/26 شمس.. عيوني بالكتاب واقرا بـ استعجال امتحاني بعدلة يومين واني ممسيطرة ع المادة لأن التهيت اراجع ببقية المواد لحد ما وازيت نفسي صاحتني امي - شموسة ماما تعالي تعشي سديت الملزمة وگمت الكل مجتمعين حتى بابا جاي استغربت مو عادتة يجي من وكت سلمت عليهم وگعدت بصف اختي بدينة ناكل بهدوء مثل العادة لأن بابا عودنة وكت الاكل ممنوع نحچي احتراماً للنعمة خلصنة العشة وگمت علمود اساعد ماما داطب للمطبخ وگفت اختي جوهرة بوجهي باوعتلي متعصبة واخذت المواعين من ايدي بنترة جوهرة.. اني شگلت !! مو گتلچ لتشتغلين شي اني اساعد ماما المهم تقرين - حياتي جوجة انتِ ممقصرة اصلاً شايلة كل شغل البيت عني ولسة عمرچ ما كمل 11 سنة - واذا 11 سنة ترى اني صرت چبيرة ما اقبل تعامليني مثل الاطفال - ههههه لا والله مو قصدي بس يعني انتِ مو حمل كل هالشغل وماما تعبانة لازم اساعدكم - ساعدي نفسچ عيني اني عندي طاقة اشتغل عشر مرات اضعافچ بس انتِ متدرين انفال.. هسه بدل هالحچي كلة لو رايحة مكملة امتحانچ مو احسن شمس.. ههههه اي والله ماما بس ميهون علية اكل وادير وجهي واگوم - معذورة حبيبتي امتحاناتچ صعبة كل شي منريد منچ بس فرحينا بالمعدل العالي حتى تكملين دراسات مثل ابوچ - بدعواتچ اصير احسن دكتورة بالدنيا - الله يوفقچ ويرضى عنچ بنيتي يلا دروحي ادرسي واختچ تكمل عنچ الشغل احمد.. تعالي انتِ والبنات رايدكم بموضوع انفال.. خير احمد.. بالصالة نحچي يم ولدچ حچاها وطلع من المطبخ رحنة ورى لگينا گاعد يم اخواني واول ما گعدنة گال - اني واركان عدنة سفرة للشمال تخص الشغل شنو رأيكم تجون ويانة منها تساعدونة حتى لا نتبهذل ومنها تغيرون جو انفال.. وشمس مو عدها امتحانات شلون؟!! اركان.. عادي يمة خليها تبقى يم خالتي جوهرة.. زين ليش مننتظرها تخلص ونروح سوية ع الواهس كيان.. تويتي انت شبيك !! مو ديگولون عدهم شغل شلون يعني يأجلوا علمودچ انتِ وست ميكي شمس.. لا عادي روحوا لتحرمون نفسكم من السفرة بسببي بس لازم تعوضوني هاا احمد.. هههههه اكيد اعوضها الچ بابا بشهر السابع نسافر سياحة مثل كل سنة يعني هالسفرة مراح تغير شي شمس.. وشگد تبقون هناك احمد.. 18 الى 20 يوم مو اكثر شمس.. زين يعني ويا ما اخلص الامتحانات يلا بعد احسن حتى ادرس براحتي بعيد عن كيان وچاياتة كيان.. هههههه اتصل بيچ مناك شموسة چاي راسي يوجعني شمس.. علمودك اخليك بالقائمة السوداء اركان.. هههههه حتى القائمة السوادء ترجع تشمرة عليچ كيان.. ها اتفقتوا مو بسيطة دكتور اركان شوف منو اليساعدك بالتقارير بعد اركان.. لا يمعود اتشاقى وياك كل شي ولا هالسالفة احمد.. بابا شموسة احنة بعد يومين نسافر جهزي نفسچ حتى اخذچ البيت خالتچ تبقين يمهم لحد رجعتنا شمس.. ان شاء الله بابا اني اگوم اكمل امتحاني تردون شي بعد احمد.. الله يوفقچ بنيتي عفتهم ورحت للغرفة ما انكر ضجت لأن راح يعوفوني ويرحون بس بنفس الوقت ما اگدر احرمهم من الونسة بسببي بابا جراح معروف يعني تواجدة ويانة ينعد ع الأصابع بسبب انشغالاتة وماما واختي مستحيل يلگون فرصة احسن من هاي حتى يكونون ويا وقت اطول اهلي هم كل شي بالنسبة الي بهاي الدنيا بوجودهم ما حسيت بالذل ولا فد مرة واحد تجرأ وگال على عينچ حاجب اني نشأت ببيئة سوية وعائلة مثقفة والحمد لله بتعب ابوية وسهر امي كل احنة وصلنة مثل ما چانوا اهلي يتمنون واكثر اخوية اركان دكتور يشتغل تحت أشراف بابا وكيان خريج طب أسنان واني هم ادرس طب مرحلة خامسة إما اخر العنقود جوهرة بيتنا واختي الصغيرة بعدها بالابتدائية بس شطورة كلش بيوم سفرهم چنت ضايجة كلش صادف ليلة إمتحاني الأول وهم من الصبح المفروض يسافرون تركت المادة ورحت يمهم ما اعرف شنو سر هالضوجة يمكن لأن أول مرة يعوفوني ويسافرون وحدهم چانوا كلهم گاعدين بالصالة رحت يم ماما حضنتها وميلت راسي على چتفها وگوة لازمة نفسي حتى لا ابچي انفال.. ليش گاعدة هنا مو باچر امتحانچ شمس.. كملت المادة ماما فـ گلت خلي اجي اگعد وياكم شوية قبل لا افارگكم عشرين يوم احمد.. هههههه ادري وين رايحين هو هذا وينه الشمال شمس.. ميخالف هم راح اشتاقلكم انفال.. من وراچ بطلت ما راح اسافر شمس.. لا والله ماما مو قصدي روحوا تونسوا لتفكرون بية بس اكيد اطلعها منكم بسفرة شهرين بدل الشهر احمد.. هههههه وشغلي بلا شلون ست شمس شمس.. معلية والله شهر حقي والشهر الثاني تعويض على هاي السفرة ودبرها بمعرفتك بعد ظلينة نتشاقى قريب الساعة وراها گاموا ماما وبابا ينامون بقينة اني واخواني بالصالة چانوا اركان وكيان گاعدين واحد بصف الثاني گمت من مكاني ووگفت گدامهم شو سوولي مجال حتى اگعد بيناتكم اركان.. تعالي ميكي كيان.. ادري المكان شكبرة شعندچ حاشرة روحچ هنا شمس.. انت اسكت جاية يم اخوية مو يمك بس حچيتها لزم خشمي حيل وگال - ليش ولچ اني منو لعد ابن الجيران مثلاً شمس.. يجوز شعرفني المهم بس هذا اخوية الحباب.. وگرصت اركان من خدة كيان.. تعالي توتيتي بس انتِ الحبابة وتستاهلين اشتريلچ هدية من نسافر شمس.. لا عفية لتغلس علية الهدية كيان.. ماكو بعد سقط حقچ اركان.. ههههه اني اجيبلچ ميكي ولا يهمچ شمس.. انت منتهين منك بس اريد هدية من عندة هو هم كيان.. تحلمين بابا تحلمين جوهرة.. لتضوجين شموسة اني من يجيبلي الهدية انطيها الچ بس مو تگوليلة كيان.. همزين كيان ما سمعچ جوهرة.. هههههه بيومها سهرنة للوحدة ونص بس نضحك كيان هو ملح البيت بحيث مستحيل واحد يگعد يمة ومينسى كل همومة بدمة العسل راحوا ينامون لأن وراهم سفر واني رجعت الغرفتي هواي حاولت علمود اقرا بس ما گدرت اخير شي نمت حتى ارتاح من التفكير گعدت الصبح على صوت ماما چانت الساعة بالستة گمت غسلت ورحت اتريگ وياهم چنت ناسية اليوم عندي أول امتحان فكري كلة يم اهلي الدنيا طلعت من عيني لأن راح افارگهم كل هالمدة رجعت الغرفتي بدلت وطلعت غراضي چانوا كلهم يم الباب ينتظروني اجي حتى يودعوني ويرحون وگفت مقابيلهم وعيوني عليهم حضنت بابا وبست ايدة وراها حضنت ماما واخواني من وصلت يم جوهرة بچيت صرت احس نفسي جاهلة بهذا التصرف شنو يعني واذا سافروا وعافوني شدعوة كل هالضوجة قابل اني صغيرة حتى ما اگدر بدونهم جوهرة.. لتبچين شموسة ترى والله راح ابطل واجي وياچ البيت خالتي شمس.. لا حياتي روحي تونسي ولتنسين هديتي ترى ازعل عليچ جوهرة.. لا شلون انساچ اني اختار وبابا يدفع ولا يهمچ احمد.. ههههه يابة تتدللين انتِ وياها ليش شعندي غيركم رجعت بست بابا وشميتة من رگبتة درت على ماما حضنتها حيل واني اشتم بعطرها حتى اصبر نفسي على غيابها باوعت الأخواني واگفين يضحكون علية رحت يمهم سحبت راسهم علية حضنتهم بوقت واحد شمس.. راح اشتاقلكم اركان.. واحنة راح نشتاقلچ اكثر كيان.. كافي ميكي ماوس بطلي بچي اذا ع الهدية لتخافين راح توصل الچ احلى واغلى هدية بس لتصيرين ام دميعة مسحت دموعي اضحك - اي عفية تدرين بية احب الرشوة كيان.. ههههه بالعافية عليك يالعراق بعدها ممتخرجة وتدور رشاوي الله اليستر من تاليها شمس.. لا عيني لهنا وكافي ترى اني الرشوة ما اقبلها غير منكم لا تنسى اني بت دكتور أحمد لكل الدنيا تحلف بنزاهتة احمد.. والله والنعم من بت ابوها بس ياريت تتحركين لأن مو بس احنة تأخرنة حتى انتِ ما ظلچ وكت شمس.. راح اشتاقلكم والله كيان.. شووووو دمششششي حچاها ودفعني للممر كلهم گاموا يضحكون علية طلعت برة صعدت سيارتي وكالعادة بابا صار يوصيني سوقي زين وانتبهي للطريق ودير بالچ على نفسچ من الشارع والي بي اشرتلهم باي وتحركت بسرعة لازم اقوي نفسي واذا يعني سافروا كلها كم يوم ويرجعون ترى حيل زودتها وصلت للجامعة بوقت متأخر دخلت للكلية شايلة هم لا كملت المادة ولا راجعت القريتة حتى اكرسة بدماغي صار حبيب گبالي مرچي نفسة ع الحايط ويراجع بس شافني سد الملزمة واجاني ع السريع - عليش هيچ تعطلتي ظل فكري وياچ - اهلي سافروا للشمال اليوم وانشغلت وياهم بشر شلونك مسيطر ع المادة لو مثلي كل شي ماكو - اذا آنه ما اسيطر چا ياهو اليسيطر امشي وياي اشرحلچ المهمات اعلة السريع گبل لا ندخل للقاعة - اي والله ياريت رحت ويا گعدنة بعيد عن الطلاب مچان اكو وقت غير ربع ساعة مع ذالك شرحلي المادة واجت نصاً مثل ما حچاها لأن حبيب الأول ع دفعتنا خمس سنوات طلعت من الامتحان چان واگف ينتظرني - ها بشري - عاشت ايدك والله لو ما انت مچان جاوبت - ما سويت شي خوية انتِ شاطرة كل السالفة بس راجعتلچ المهمات - رحم الله والديك ما گتلي شلونها الدولمة مال ماما - جا غير وگعت بيها اعلة وجهي موش دولمة عسل عاشت ايدينها والله - چانت تريد تسويلك كبة وبورگ گالت ياكلهن قبل لا تخلص الامتحانات ويرجع للبصرة بس سافرت بعد - ما تقصر السنة الجاية تعوضها الضعف - ههههه مو تتدلل بقيت ويا حبيب لـ 11 وراها رجعت البيت خالتي محد اكو بناتها 4 متزوجات وابنها الچبير مسافر للخارج وزوجها بالشغل سلمت وگعدت يمها شوية بعدين رحت الغرفة اسماء بتها الصغيرة رتبت غراضي بالكنتور وبدلت وصليت توني خلصت دگ جهازي بابا يتصل جاوبتة ع السريع عبالك صارلي سنة مفارگتهم طمني وگال وصلنة بقيت احچي ويا ماما وجوهرة بالربع ساعة لحد ما اتطمنت شوية وحسيت گلبي ارتاح مرت الايام بملل چنت طول الليل احبس روحي بالغرفة والتهي بالدراسة علمود لا اشوف رجل خالتي ما ارتاحيت الگعدتي يمهم طول ما هو بالبيت احسة يتضجور من وجودي وحتى مرات يسمعني كلام يحسسني نايمة على گلبة رغم حتى الأكل اكلة بالجامعة ان چان ريوگ او غدة بس العشى اكل شي خفيف مثل اي نوع من الفواكه لو زلاطة خالتي ممقصرة وياية حنينة كلش وشايلتني بعيونها من ارجع ماكلة تحچي علية وتضوج ومع ذالك اظل اكل برة حتى لا تصير مشاكل بينها وبين زوجها بسببي بأخر يوم امتحانات صحيت الفجر على صوت الموبايل ماما دتتصل علمود تگعدني مثل كل يوم گمت من فراشي فرحانة واخيراً اليوم يجون هم راح اشوفهم وهم ارجع وياهم للبيت واخلص فتحت الخط وابتسمت - صباح الخير ماما - صباح النور بنيتي بشري كملتي المادة لو لا - اي الحمد لله كملتها - ديلا لعد گومي غسلي وتريگي حتى تراجعين قبل الدوام - شوكت تطلعون - فد ساعة تقريباً - يعني قبل الضهر انتو هنا - اذا الله راد - تمام لعد اخذي راحتچ وسلمي ع الكل - يوصل حبيبتي عود خابريني اول متطلعين من الامتحان - بدون متوصيني سديت الخط وگمت بنشاط وصلت للجامعة كملت امتحاني واتصلت عليهم طلع خارج نطاق التغطية اكيد بالطريق وماكو شبكة باوعت للقاعة حبيب بعدة يمتحن بقيت انتظرة هذا اخر يوم خلي اشوفة قبل لا يسافر للبصرة شوية وطلع مبتسم گمت من مكاني تلگيتة بضحكة - ها مبين مزاجك عالي - ليش انتِ ما جاوبتي ؟؟ - لا جاوبت الحمد لله - چا شكو بعد هساع ما گلتيلي اهلچ اجوي - اتصلت بيهم مغلق يمكن بعدهم بالطريق - چا امشي عازمچ لبين ما يردون اعليچ - ليش اني اگدر ارفض العزيمة - ههههه هي امچ توكلني منا وانتِ تعصرين بية منا - هههههه عود عبالك من هيچ تسوي ازعل وابطل اكل لا عيني لا حركات الكرامة مو يم الأكل وراك وراك واريد منك ريوگ وغدة بوقت واحد - ههههه بوية تتدللين چنچ على اكل ابتسمت ورحت ويا بالبداية اكلنة وراها تمشينا بالجامعة نضيع وقت بين ما يتصلون اهلي صارت قريب الـ 12 وهم ماكو رجعت دگيت هم طلع خارج نطاق التغطية هنا خفت وبديت اكل بنفسي بس حبيب طمني من گال يجوز متأخرين بالطلعة وبعدهم ما واصلين بـ 12 وخمسة دگ جهازي باوعت بلهفة عبالي اهلي طلعت خالتي دتتصل استغربت لأن مو بالعادة بعدت عن حبيب ورديت بنبرة خوف - ها خالة خير - انتِ وين شو تأخرتي حسيت من صوتها اكو شي لأن چانت مخنوگة گلتلها بعدني بالجامعة ليش اكو خبر من اهلي ؟!! سكتت شوية وراها بچت - خالة فدوة اهلي بيهم شي - لتخافين مجرد حادث بس هم بخير - حادث شنووووو بس حچيتها اجة حبيب يركض صاح شكو ما جاوبتة ابچي وايدي على حلگي حتى الطلاب لينتبهون علية اخذ التلفون حچة وياها سمعتة يگول يا مستشفى لو اني تخبلت لزمت طرف قميصة وحچيت بشهگة - اهلي وين حبيييب - انطري شوي اي خالتي هساع اجيبنها ليكم مسافة الطريق سد الخط وضم موبايلي بجيبة مشيت ويا للكراج واني اتعثر كل شوية واريد اوگع على وجهي من الصدمة ما صدگت وصلنة للسيارة ردت اصعد بسيارتي گال تعاي وياي وين بيچ تسوقين صعدت ويا وصلنة للباب وصى الحارس على سيارتي طول الطريق واني ادعي كون يعدي الحادث سلامات واشوف اهلي ما بيهم شي وصلنة للمستشفى تفاجأت اثنين من عمامي موجودين وخالتي ورجلها وياهم ليش كل هالهوسة معقولة صاير شي اكبر من الحادث !! عفت حبيب وركضت الخالتي صرخت بيها خالة شصار وين اااااهلي شو هاي دنگت تبچي تخبلت من منظرها بقيت اروح وارجع بينها وبين عمامي بس اريد واحد منهم يريح گلبي ولو بكلمة ماكو صحت بيهم بكل صوتي - ااااااااااااهلي ووووووووين چان يگول رجل خالتي البقية بحياتچ عمو باوعتلة مصدومة وضحكت - شنو يعني البقية بحياتچ منو المات - اهلچ - اي منو من اهلي - كلهم بس حچاها ركضت على خالتي اجر بثوبها - هذا الكلام صحيح اااااحچي خالة صح هالكلام لو مسوين بية مقلب - انا لله وانا اليه راجعون رجعت ليورة مصدومة كل هذا وما نزلت مني دمعة شلون تنزل واني لحد الأن ممستوعبة الموضوع ولا رايدة اصدگة گعدت ع الكرسي وايدي على رگبتي اختنگت كلش اكيد هذا كابوس شوية واگعد منة مرتاحة سمعت حبيب سألهم شلون توفوا جاوبة عمي مغتاليهم ع الطريق الخارجي باوعت علي فاتحة عيوني شنو يعني مغتاليهم ؟!! لا لا اكيد اكو اشتباه مستحيل اهلي كلهم يموتون ويعوفوني وحدي بهالدنيا بقيت گاعدة بمكاني سمعتهم يگولون ديجيبوهم بالطريق ضحكت بداخلي اكيد يجون على رجلهم ويطلع هذا مقلب مسوي بية حتى يخوفوني نص ساعة وانخبصت المستشفى باوعت من بعيد 5 سديات والچراچف العليها مليانة دم ركضت بكل سرعتي سحبت أول چرچف چان واحد ما اعرفة الدم تارس وجوها وملامحة مختفية قطعت الطريق وانتقلت ع الثاني هم ما عرفتة من هذا بسبب الدم بس من شعرها افتهمت هاي مرية الثالث والرابع نفس الحالة اخير سدية چان الچرچف العليها صغير سحبتة بـ ايدي وانصدم بـ أختي اميزها لو من بين ألف طفل وطفلة هنا اني صرخت من اعماق گلبي شمرت نفسي بالگاع ممستوعبة الديصير معقولة كلهم راحوا وعافوني !!! المستشفى انخبصت بهالحادثة كلهم راحوا ويا جثث اهلي وعافوني بس حبيب ظل واگف فوگ راسي مو بوعيي ولا ادري شديصير سمعتة خابر اخو إسحاق بس ما ركزت شنو گال شوية وگعد بمستواية حاول وياية علمود يسكتني واني بغير عالم حتى كلامة ما سمعتة ساعات مرت من اسوء لحظات حياتي لا والله بل هي الأسوء على الأطلاق لأن ماكو ألم بكل هالدنيا يعادل ألم فقد البنية لواحد من اهلها شلون لو فقدتهم كلهم بنفس اليوم عليمن ابچي ومنو اتذكر ابوية الچان الي أمان وطيب صافي لو امي الچانت الي وطن وحضن دافي لو سندي وكل شي حلو بحياتي اخواني وعزوتي اركان وكيان الما لحگت افرح ولا اتباهى بيهم اااخ يا خيتي الوحيدة يا جوهرة گلبي وضحكة أيامي الي انطفت ويا ما طفت ضحكتچ الحلوة شگد ما احچي وشما اگول ما اگدر اوصف ذرة من شعوري بمثل هيچ اليوم لأن مستحيل ينوصف چنت ابچي بحرگة وماكو على لساني غير الله يساعد گلبچ مولاتي زينب شلون تحملتي وجع فقد الأهل وظليتي صابرة ما وگف گلبچ نشفت دموعي ونار گلبي ما انطفت بعدني گاعدة وايدي على راسي كل شوية واگول هذا كابوس هسه تصحين منة شمس وكل هالألم يزول بس اصبري سمعت صوت احد سلم علينة ما رفعت راسي ولا رديت بس عرفتة اخو حبيب من خلال كلامهم اخذة وبعدوا مسافة يحچون رفعت راسي الخالتي منهارة مثلي توني اريد اگوم انفتحت الباب باوعت عليهم طلعوا اهلي من الغرفة عمامي يبچون خالتي تصرخ رجلها يستغفر الناس كلها بصوت واحد تصيح لا حول ولا قوة إلا بالله العلي العظيم مشيت وراهم مثل المخبلة وصلوا النهاية الممر صرخت بكل صوتي - اااااااگفوا اريد اشووووووفهم بس محد يسمعني هنا تدخل حبيب گلهم شني ما تسمعووووون اشر الممرض الجماعتة وبعدوا عني علمود اودعهم رفعت الچرچف عن اول واحد چان اخوية اركان منشفين وجها من الدم بس شكلة ازرگ كلش بحيث خفت منة دنگت حضنته وصرت اصرخ - گوووم ااااركان گوووم لتموت وتعوفني وحدي گوم يروح اختك گوم يا چبيرنااااااا گوووووم ركضت ع السدية الثانية چانت امي حضنتها وصرت اناشغ بالبچي يمكن لو ما ضلوعي لازمة گلبي چان نط من مكانة رحت لأبوية ابوس براسة المليان دم - گوم بابا گووووم حرام عليك تروح وتعوفني لو ماخذني وياااك ولا تاركني بالدنيا وحدي بوست كيان من كل شبر بوجها - گوم يبو دم الحلو گوم اختك رايدتك گووووم شلون تروح انت واخوك بوقت واحد مو والله العظيم كسرتوا ظهري بروحتكم هاي ركضت على جوهرة بعدت الجرچف عنها واخذت وجها الصغير الحضني - لا انتِ لا بعدچ صغيرة ولچ لو منطيتچ عمري وميتة بمكانچ گومي حبيبتي گومي ترى الأخت ما تسوة بدون اختهاااا باوعت عليهم ودموعي تجري المن عفتوووووني ؟!! والله لو ادري هيچ يصير چان عفت كل شي واجيت وياكم سمعت حبيب سأل الممرض شلون صار الاغتيال رد علي ع الطريق الخارجي الأب 6 طلقات والباقين 3 وحدة بالراس واثنين بالصدر تقربت من جوهرة دنگت يم اذنها وحچيت بهمس - شلون تحملتي هالعذاب؟!! شگالت روحچ وانتِ تحسين بحرارة حقدهم بجسمچ وتشوفين اهلچ يموتون گدام عينچ حسيت الممرض غطاها لو اني تخبلت رفعت روحي اصرخ بكل صوتي وخررر لتاخذهااااااا ما سمع مني وغطاها بدوا يحركون بالسديات واني مچلبة بيهن كل المستشفى التمت على صوتي حسيت احد سحبني من ورى باوعت هذا اخو حبيب بقيت ادفع بي اريد الحگهم وهو لازمني بقوة اخير شي سحبني الصدرة وحضني حيل صخر.. هدي خوية امر ربچ هذا شمس.. عوووفني وخر اريد اروح وياهم خلي يدفنوني ما اريد اعيش حبيب.. كفر الجاي تحچي بسچ عاد سحبوني بالگوة رجعوني يم عمامي شگد حاولت علمود ياخذوني للدفنة بس محد قبل ولو اعرف اروح وحدي چان سويتها صارت الفاتحة واني جسد بدون روح بقيت ببيت خالتي اسبوع كامل وراها اجة عمي الچبير حتى ياخذني يمهم صح مو كلش احب اهل بابا بس يظلون مني وبية احسن من الغريب خصوصاً واني اعرف رجل خالتي ما راغب الوجودي ببيتة لميت غراضي ورحت ويا عمي أول ما طبيت استقبلتني مرتة بوس واحضان استغربت من شوكت هاي تحبني ؟!! مچنت بحالة تسمح افكر بشي كل الاريدة هسه بس انام حتى اخلص من الواقع وانسى الصار وياية بهل كم يوم لليل اتصل بية حبيب ما عرف عني اي شي من يوم الحادث مع ذالك ما گدرت ارد علي لأن مابية احچي نمت ساعتين وگعدت من كيفي باوعت للساعة چانت بالثنتين الفجر شمرت حجابي على راسي ورحت للمطبخ شلت الگلاص ردت اشرب نزلت دموعي واختلطت بالماي شمرتة ع الحوض ورجعت توني طابة انفتحت الباب درت وجهي متفاجأة شفت ابن عمي فرات طب للغرفة گتلة شجابك لهنا رد اجيت اعزيچ بس چان كلامة مو طبيعي معقولة شارب !!! تقربت منة ع السريع ردت ادفعة ليبرة لزم ايدي من المعصم وعصرها بقوة فرات.. احبچ شمس.. يا حب هذا الخاطر الله اني بيا حال هسه - مو إلا هسه المهم انطيني امل للمستقبل - اطلع بررررة لو تظل اخر رجال بالدنيا هم ما افكر بيك - لتصيحين ترى اگولهم هي غوتني وجابتني لنص غرفتها باوعتلة فاتحة عيوني - شحدك تحچي علية بحرف واحد غير اگلب الدنيا على راسك القذر - اني ما احچي اني بس انفذ حچاها ودفعني حيل دار وجها قفل الباب وتقرب مني ركضت اريد اصرخ سد حلگي وشمرني ع السرير.... يتبع.. فقد ضاقت الأرض بي وها انا جئت ارجوا من رحمتك يا الهي نصيب ابحث في طريق الخلاص عن سبيل هل الأرض تتسع بعد ضيقها ؟!! إم تضيق اكثر فـ أُكسر وأُنحر وأُقتل لتذبل زهرة شبابي واغدوا بقايا امرأة تمت لتعيش 💔 لتنسووون ⭐⭐⭐⭐⭐ | ||||||||
|
| |
|
12-04-21, 11:47 AM
| #18 | ||||||||
| مراقبة عامة ومشرفة منتدى الروايات المنقولة
| وضاقت_الأرض_بي البارت السادس عشر وضاقت_الأرض_بي للكاتبة لبنى_الموسوي انضر لمرأتي بـ انكسار من تلك ؟!! مالي لا ارى نفسي اين نور شمسها ولما انطفئ احدق النظر كثيراً فـ اذا بوحوش جائعة تسير خلفي تحاول اللحاق بي لتنهش ما تبقى من جسدي الهزيل التفت اليهم بين الحين والأخر ارمي هذا بالمال والأخر بالذهب علهم يتركوني خذوا حتى تشبعوا كفاكم من مطاردتي لا اريد شيء منكم سوى ان ترحموا بقايا روحي التي لم تفارق الحياة كما فارقوها اهلي استنجد بهم ولكن دون جدى حاوطوني من جميع الجهات حتى ضاقت الارض بي وها انا داخل ضيقها انازع الحياة فـ هل من مُجير ؟!! باوعتلة فاتحة عيوني - شحدك تحچي علية بحرف واحد غير اگلب الدنيا على راسك القذر - اني ما احچي اني بس انفذ حچاها ودفعني حيل دار وجها قفل الباب وتقرب مني ركضت اريد اصرخ سد حلگي وشمرني ع السرير بقيت اقاومة وهو چنة ثور نايم فوگاية وايدي تتلمس جسمي بشكل مقزز چان الميز قريب مني شلت المزهرية وضربتة على مقدمة راسة گام من فوگاية دايخ مبين من ريحتة وتصرفاتة شارب فـ الدوخة صارت عندة ضعف ركضت اريد افتح الباب لزمني - تعالي ما اسويلچ شي بس اريد احچي وياچ - شو وخر لا اصيح بصوت ألم عليك بغداد كلها باوعلي وابتسم چان تندگ الباب حيل ما ادري اخاف لو افرح بس ركضت فتحتها حتى اخلص من شرة چانوا عمي ومرتة واگفين بس فتحتها خزرني وجرني من ايدي للغرفة دفعني يم فرات احسان.. شگاعد يصير هنااااا فرات.. يابة هسه نفهمك بس اهدأ ما احس إلا عمي ضربة راشدي من قوة الصوت حسيت الألم بخدي مو بخدة فرات.. ليش دتضربني ترى اني مو طفل حتى تعاملني هالشكل احسان.. انچب ادب سززز ما فاتحلكم هنا ملهى لو بيت ***** چان استحيتوا على روحكم والله فرات.. اني معلية هي صاحتني بحجة ضايجة والشيطان لعب بعقلي وعقلها شمس.. عمى بعينك ان شاء الله عمو والله هو دخل علية للغرفة وگال اذا صيحتي اگول هي الغوتني مثل مديسوي هسه سراب.. لتشمرين بلاويچ على ابني اني مربيتة عدل ومستحيل يسوي هيچ إلا اذا انتِ غويتي بالفعل شمس.. لا كلش مربيتة دشوفي هم شارب وهم يريد يعتدي على عرضة لعد وين التربية شو ما شفت منها شي بس حچيتها ضربني عمي راشدي فر راسي بي لزمت خدي والدمعة بطرف عيني رحم الله والديك عمو ما قصرت احسان.. حسابچ وياية بعدين واحمدي ربچ انتِ بت احمد وإلا چان شفتي مني شي ما متوقعتة اااااابد سحب فرات من ياختة ودفعة برة الغرفة وراها طلع وسد الباب بس قفلها من برة هزيت ايدي اضحك ودموعي بعيني والله ياربي مغشم روحة حضرتة ميعرف ابني شنو من بشر لو هاي مرتة الحية اذا ما طلعوا طابخيها سوة فلا اتسمى شمس سحبت المخدة من السرير وتمددت بالگاع عطشانة كلش وهذا قفل الباب بس ميخالف المهم انام واني مأمنة على روحي بقيت اتگلب اكثر من ساعتين اااخ يا ذكريات النحبهم اذا راحوا شگد تزرف الگلب اسبوع مر على غيابهم وبعدني ممصدكة عافوني وبعد ما اشوفهم للأبد ما اعرف شلون نمت فزيت الصبح على صوت عمي ديفتح الباب لبست حجابي وطلعت الكل چانوا گاعدين بالصالة حتى ما سلمت عليهم رحت للحمام غسلت ورجعت للمطبخ شربت ماي وبقيت گاعدة هناك اباوع للحديقة من الشباك واتذكر حديقة بيتنا شوية وحسيت احد يمي رفعت راسي شفت مرت عمي گبالي رادت تحچي عفتها ورجعت الغرفتي طول اليوم واني محبوسة هناك حتى ما اكلت شي ولا واحد منهم ذكرني وگال جاعت عطشت بس هو هذا حال الغريب ينذل بغربتة لليل سمعت عمي يصيحني گمت بالگوة لأن كل جسمي يرجف من الضعف لبست حجابي وطلعت چان گاعد بالصالة هو ومرتة وفرات بيناتهم شمس.. نعم احسان.. جهزي نفسچ اسبوع واعقدلچ على فرات حتى انسد الموضوع الصار البارحة بلليل باوعت على مرت عمي متفاجأة گبل ضحكت بوجهي افتهمت السالفة عدل هي وابنها متفقين علية وتقصدوا يسوون هالفلم حتى يوصلون عمي للقرار الي اتخذة هسه غمضت عيوني احاول اقوي بنفسي شلون راح اخلص من هالورطة واني اعرف كلش زين الفلوس راح تعميهم واحد ورى الثاني سمعت عمي گال فهمتي شگلت ؟!. فتحت عيني مبتسمة بـ انكسار فهمت عمي فهمت احسان.. يلا رجعي الغرفتچ شمس.. ممكن بس مفتاح الغرفة احسان.. شتسوين بي ؟!! شمس.. اريد اقفلها من جوة احسان.. هاچ بس اياني واياچ المح ولو خطف حركة متعجبني ساعتها لا ارحمچ ولا ارحم فرات شمس.. ان شاء الله اخذت المفتاح ورجعت الغرفتي كلش زين يعرف اني مستحيل اسوي هيچ شي بس صدگ اوهامة بسبب طمعة هو وزوجتة گعدت ع السرير اصارع افكاري مو بت احمد التضحكون عليها وتسكت الكم ما عاش ولا كان اليكسر روح اهلي بية طول ما اني عايشة واشتم هوى بـ هالوجود اخذت الجهاز وخابرت خالتي مكالمتين يلا ردت بس چان صوتها كلش تعبان اكيد بعدها متأثرة على خسارة اختها الوحيدة - ها خالة شلونچ - هلا بيچ يمة انتِ شلونچ بالي يمچ واخابر متجاوبين - تعبانة اعذريني - حقچ حبيبتي حقچ شلونچ يم بيت عمچ مرتاحة ان شاء الله - تتصورين اكو غريب يرتاح بغربتة - صاير شي احچي - عمي يريد يزوجني لأبنة فرات - صخام اي والله وما لگة غير هذا الصايع يزوجچ الة بعدين يا زواج ديحچي عنة وتراب اهلچ بعدة اخضر ما نشف - خالة ممكن اطلب منچ طلب - تفضلي حبيبتي عيوني الچ - اريد اجي يمچ فد أسبوع اعرف رجلچ راح يضوج بس ضروري اجي حتى اگدر اتحرك براحتي - صدگ چذب خالة اذا ما شالتچ الگاع احطچ فوگ راسي لتفكرين بشي جيبي غراضچ وتعالي من عين باچر - الله يخليچ الي - ويخليچ يريحة خيتي الوحيدة حچتها وبچت اني هم انهاريت بالبچي مو بس دموعي نزلت حتى راسي نزل من بعدهم سديت الخط منها ونمت على وجهي صرت اصرخ بالمخدة بكل صوتي لييييش ؟!! ليش عفتوني ورحتوا لو ع الأقل بس واحد باقيلي من عدكم احتمي بي من غدر الدنيا واهلها مرت علية ليلة من اصعب ليالي عمري بـ هاللحظة بالذات خسرت كل شي اهلي بيتي حياتي حتى نفسي احس خسرتها وما عادت شمس القديمة الصبح قريب السبعة گمت جهزت ملابسي وخفيت الجنطة ورى الباب خاف واحد يطب ويشوفها طلعت من الغرفة لگيت عمي گاعد يتريگ بالصالة وحدة سلمت علي واستغليت الفرصة حتى افتح الموضوع ويا مدام ماكو احد يمة - عمو اني اريد اروح ببيت خالتي فد اسبوع - ليش ؟!! - احسن ما اريد ابقى هنا وفرات موجود من يصير وقت العقد ارجع حتى اخذ راحتي بالبيت - ورجل خالتچ ؟!! - مو هو راح يسافر واني استغليت الفرصة هم علمود خالتي لتظل وحدها وهم علمود الموضوع الگتلك علي هسه - ماشي روحي بس شوكت ما ادز عليچ تجين - ان شاء الله - عندچ فلوس لو انطيچ - لا عندي شكراً حچيتها ورحت الغرفتي بقيت انتظرتهم يرحون للدوام وراها سحبت الجنطة وطلعت صارت مرت عمي گبالي هي وبتها ينظفن بالصالة ما حچت وياية اي شي الظاهر عمي گايللها على روحتي اني هم فتحت الباب وطلعت بدون ما اسلم عليها صعدت سيارتي باوعت مابيها بانزين المشكلة فلوسي خلصت وكل غراضي بعدهن ببيت اهلي مچان البانزين يكفي اوصل لهناك وارجع افول شغلت السيارة وبنص الطريق نزلت يم صايغ ذهب فتحت الجنطة طلعت واحد من محابسي بعتة ورحت فولت بقيت امشي بالشارع ضايعة ما ادري وين روح بس ما عندي وقت كافي لازم اشوفلي حل خلال هالاسبوع وإلا ينقضي علية للاخير ما شفت نفسي إلا واني يم بيتنا كملت طريقي لحد ما وصلت للفرع ركنت السيارة بأول الشارع ونزلت اتمشى وصلت يم الباب باوعت للقفل مخنوگة شلون شمس راح ترجعين لو تدخلين للبيت وانتِ تعرفين بنفسچ مو حمل هيچ موقف ترردت هواي بس ما گدرت إلا ما ادخل بالأخير فتحت الباب چانت الحديقة كلها تراب وورق وكأن البيت متروك صارلة سنين مو شهر باوعت السيارة ابوية واگفة بالممر لمستها امسح التراب عنها كل هذا واني اقوي بنفسي لان بعد ينتظرني الأكثر جوة ظليت گاعدة بالحديقة رغم الجو حار بس مچنت احس بشي ربع ساعة وگمت فتحت الباب الداخلية وطبيت بس درت وجهي بچيت هنا ودعتهم اخر مرة وهنا شفتهم اخر مرة وهنا سمعت صوتهم اخر مرة انرسم الموقف گدامي لفحت ريحة امي وابوية من شميت عطرهم واني اودعهم وشفت ضحكة اركان وكيان بعيوني وسمعت صوت جوهرة وهي تگول بطلت ما اروح وكأنها واگفة گبالي ودتحچي انهاريت بالبچي ماكو كلمة بكل هالدنيا توصف الوجع الداحس بي بهيچ لحظات طبيت للصالة واني گوة اشوف الطريق بعيوني باوعت لميز الطعام الي ياما وياما جمعنا سوية وهذا هو گبالي خالي من اصحابة وما على مقاعدة غير الذكريات سندت نفسي على كرسي امي گعدت بمكانها ونزلت راسي ع الميز وصرخت بكل صوتي - كافي اختنگت ارجعولي مرووووتكم حسيت الصوت ترس المكان شگد لعد چان يحمل وجع بحيث الصدى خلاني انهار اكثر واكثر بقيت نص ساعة مغمضة وابچي ما اتجرأ افتح عيوني لأن كل زاوية بالبيت بيها ذكرى تنهش بروحي وجع گمت من مكاني بدون ما اباوع الشي مشيت بأتجاه غرفتي وعيوني عليها ما اريد نظري يروح منا ومنا اريد بس اخذ الغراض واطلع من البيت قبل لا اموت فتحت الباب وطبيت گبل رحت ع الكنتور اخذت فلوسي والذهب وعفت كل شي وطلعت ما التفتت لأي زاوية بالبيت عيوني ع الباب بس اريد اوصل حتى اطلع وارتاح الطريق صار مثل الساعة واني امثل ميل الدقايق اليتحرك بصعوبة واخيراً وصلت واني واگفة على رجلي الحمد لله ما وگعت قفلت الباب وطلعت من البيت ع السريع كل شي بغيابهم اختلف حتى الشوارع هاي فقدت جمالها بعد ما فارگت خطواتهم الحلوة صعدت السيارتي وتحركت انكسار البنية من تفقد اهلها ميعادلة اي انكسار بالدنيا مثل الفراشة ويكسرون اجنحتها شتظل الها قيمة بالحياة بعد ما فقدت الشي الوحيد اليحملها ويحميها بنفس الوقت بقيت افتر بالشوارع افكر عسى ولعل اوصل الحل يخلصني من بيت عمي وطمعهم اني بالأساس ما عندي غير 3 عمام واحد بالخارج وماعندي تواصل ويا نهائياً واثنين وجودهم وعدمة واحد اذا لجئت العمي الوسطاني يا ترى يساعدني لو هو هم يطمع بية حالة حال اخو ويشوفلي واحد من ولدة حتى يزوجني الة فكرت هواي وبالأخير قررت اروحلة لازم احاول وان كانت هالمحاولات مكتوب عليها الفشل من بدايتها المهم ما استسلم الهم انتظرت الضهر يصير لان الكل هسه بالدوام نزلت اشتريت لفة واكلتها گوة بالسيارة من سوء التغذية حتى ما اگدر ارفع نفسي للوحدة ونص رحت البيت عمي دگيت الباب طلعلي ابنة الصغير سلمت علي ودخلت چانوا گاعدين يتغدون بس شافني گام حضني وباسني من راسي توفيق.. ها عمو شلونچ شمس.. الحمد لله بخير رملة.. تعالي تغدي ويانة ليش واگفة شمس.. لا عمة شكراً متغدية انتظركم تكملون لأن عندي موضوع وياكم توفيق.. تفضلي استريحي گعدت ع التخم قريب الربع ساعة كملوا الغدة راح عمي غسل واجة گعد يمي الكل التموا صار عدهم فضول يعرفون شنو هذا الموضوع الجايتهم علمودة توفيق.. اي بنتي گولي شمس.. ما اعرف منين ابدي وخجلانة منكم بس تدري بعد وفاة اهلي ما بقالي احد بالدنيا غيركم توفيق.. گولي بابا عيوني الچ شمس.. عادي اجي اعيش يمكم لأن بصراحة ممرتاحة ببيت عمو احسان هاي من غير قرارة المفاجئ اليريد يزوجني بي لأبنة فرات توفيق.. لا شنو هالحچي اني من زمان رايدچ لأبني تيسير وحتى ابوچ الله يرحمة فاتحتة بالموضوع باوعتلة مصدومة - عمي اني وين احچي وانت وين ؟!! اني ما اريد اتزوج اريد اكمل دراستي اشتغل اوگف على رجلي لا فرات ولا تيسير ولا غيرهم توفيق.. ليش بنتي ولد عمچ اولى بيج من الغريب شمس.. عمو مو مسألة ولد عمي لو غريب بس اني ما اريد اتزوج ولا مفكرة بالموضوع خصوصاً بهيچ وضع ارجوك افهمني توفيق.. فكري بيها زين ترى فرات مو مال زواج واحسان مراح يعوفچ بحالچ لحد ميزوجچ لأبنة يلا يرتاح هنا الخيار يظل الچ تيسير لو فرات وهم ثنينهم ولد عمچ وتعرفين اخلاق كل واحد بيهم زين درت وجهي عنهم حابسة دموعي هه هسه صرت عزيزة والكل يريدني !! لعد وين چنتوا قبل ليموت ابوية شو ما اشوفكم غير بالمناسبات بس رغم هذا كلامة بي نوع من الصحة عمي احسان ومرتة راح يلبسوني فرات غصباً عني خصوصاً بعد الشي الصار لذالك لازم اقرر تيسير يفرق عن فرات فرق السما عن الأرض أنسان دارس ومثقف وواعي من غير التزامة الديني وهالشي يشفع البيت عمي وطمعهم بورث اهلي بقيت يمهم للعصر مرت عمي وبتها گعدن يقنعن بية ويمدحن بتيسير كله بس حتى اوافق وهمَ الكل عمرهم ما كلفوا نفسهم ورفعوا الموبايل علمود يسألون عني بالقليل وبعد تفكير عميق قررت اقبل بحكمهم فعلاً تيسير ولا فرات اقلها هذا يخاف الله بية مو مثل ذاك الماعندة غيرة حتى على شرفة صارت الساعة بالخمسة العصر استأذنت منهم علمود اروح البيت خالتي ابقى يمها فد أسبوع وراها ابلغ عمي بقراري سلمت عليهم وطلعت اجة تيسير يوصلني للباب لاحظت شكلة مثل اليريد يحچي شي بس متردد ما اهتميت للموضوع فتحت باب السيارة وصعدت چان يگول شمس باوعتلة بـ استغراب - نعم - ما اريدچ تفهميني غلط بس اني منطي وعد بالزواج الزميلة وياية بالشغل وما اگدر اتراجع عن كلمتي يعني قصدي... قاطعت كلامة بسرعة - فهمت تيسير ميحتاج تكمل لتخاف راح ارفضك - لتزعلين مني - لا هذا حقك والحق مينزعل مني درت وجهي شغلت السيارة وتحركت ظلت عليك يعني هه عادي هي من تريد تلتم تلتم غسق.. مرت ايام صعبة وابن إلياس بين الحياة والموت طول الوقت واحنة ايدنة على گلبنة لا فجأة ويجيبولنة خبرة خصوصاً حالتة چانت كلش خطرة اسبوع ظل محمد بالمستشفى وطول هالفترة إسحاق ظل ويا ما اجة غير مرة وحدة سبح وشاف ود والحجية ورجعلهم وبيوم من الايام اتصل بينة إلياس من الصبح بشرنة محمد تحسن ورجع الوعية وراها بيومين طلعوا من المستشفى صار عدهم عرس بذاك اليوم ذبايح ومزيقة وذاك الغدة بحيث ماكو مكان للزلم تگعد لا بداخل البيت ولا بخارجة الكل فرحان برجعتة بالسلامة بس اكيد محد يوصل الفرحة امة وابو الماتوا بغيابة إلا شوية اسبوع ثاني مر واحنة مخبوصين بالناس العالم طابة طالعة تتحمد بالسلامة والشغل بالبيت ميخلص بحيث وصلت مرحلة ما احس بظهري بعد رغم كل البنات يشتغلن وياية بعد الاسبوع خفت الزحمة شوية بس الاقارب يرحون ويجون علمود الحجية وهم يظلون يا غدة يا عشى يا تعلولة طول الليل گاعدة بالغرفة ابدل الود علمود انومها طب علية إسحاق گال جهزيلي جنطتي باچر مسافر هزيت راسي بـ اي ورجعت درت وجهي عنة بقيت انومها بالساعة تقريباً شلعت گلبي متقبل تنام وكل شوية تشيل لعبتها تعالي لعبي وياية اخير شي سويت روحي نايمة يلا نامت طبيت للغرفة چان إسحاق هستوة طالع من الحمام - نعيماً - الله ينعم عليچ بوية جهزيلي جنطتي خلصت اجازتي ولازم ادوام - اي تتدلل رحت للكنتور ردت اسحب الطبلة حتى انزل الجنطة ما احس إلا إسحاق صار وراية سحبها من فوگ وحطها گبالي - آنه هنانة موش فزاعة وكت التريدين شي احچي لا تظلين بالعة لسانچ - ماكو فرق - اشتغلي وانتِ ساكتة - هسه ما فهمت ابلع لساني لو احچي !! - شمالچ بوية ليكون صايبتچ حمى شو تعاي خن اكضچ حچاها وحط ايدة على گصتي باوعتلة وبعدت عنة ع السريع - ما بية بس انت حيرتني ساعة اسكتي وساعة احچي - شني عاجبچ اعلم بيچ ليمتة المفروض تحچين وليمتة تسكتين درت وجهي بدون ما اجاوبة راح يمشط شعرة واني وگفت اجهز بالجنطة شوية وسمعت موبايلة دگ - الو تفضلوا اي نعم آنه ياهي وياي ؟!! هلا هلا خوية البقية بحياتچ والله يرحم هلچ بواسع رحمتة وربچ ادري مگصر بحگكم لكت ابن اخوي عمل حادث بذات الوكت الصار بي مصابكم عيوني الچ بس امريني اي باچر جاي البغداد وچنت ناوي امرن اعليچ يمتة تحبين حاضر بس اتصلي واجيچ بنفسي گولي خوية محتاجة شي تراچ بت الغالي ومعزتچ بمعزتة الله يشهد رحم الله تراب اهلچ اشوفنچ بخير ان شاء الله ألف سلامة سد الخط ورجع يمشط صار عندي فضول هي نفسها الچان يقصدها يوم حادث محمد من اتصل بي حبيب لو لا كملت الجنطة وكترتها چان متمدد وايدة على عيونة طفيت الضوة ورحت تمددت يمة ترددت بيني وبين نفسي اسألة لو لا ؟؟ شكو بيها قابل اني غريبة اظل مرتة حتى لو بالأسم ولازم يحچيلي گحيت حتى اقوي روحي وصحت علي - ابو ود - خير بوية - هاي منو المرة الي اتصلت عليك بس حچيتها رفع ايدة عن عينة باوعلي بخزرة - عليش تسألين ؟!! - هيچ بس اريد اعرف منو هي نفسها الاتصل بيك حبيب علمودها لو لا ؟؟ زين حسب ما فهمت من كلامك اهلها ميتين يعني شنو كل اهلها واذا كلهم شلون والله خطية - هههههه يا بوية اعلة الفضول الياكل ويشرب وياچن - منو ؟؟ - النسوان غير - هسه مراح تگول منو - لا ويلا عوفيني انامن وراي گعدة من الصباحيات حچاها وانطاني ظهرة نام باوعتلة وهزيت ايدي شدعوة هالغموض ينقص منك شي يعني اذا گتلي منو هاي بقيت اتگلب نص ساعة ونمت گعدت الصبح على صوت المنبه نزلت سويتلة ريوگ طب للمطبخ وراية اكل ع السريع وانطاني فلوس وطلع البغداد شمس.. اسبوع مر واني ببيت خالتي ما لگيت حل والأوضاع كلما جالها تسوء اكثر واكثر بس مع ذالك مراح استسلم گاعدة بلليل بالغرفة يم خالتي اتصل عمي احسان نفخت بقلة صبر ورديت - نعم - ها عمي جهزي نفسچ راح اجي اخذچ بعد ساعة - لا عمو اريد ابقى يم خالتي - مو بكيفچ اني گلت شوكت ما ادز عليچ تجين وباچر راح اعقدلكم انتِ وفرات يلا جهزي نفسچ راح اجي اني ويا بس ارمشلچ اطلعي من الباب ناخذچ ونروح سديت الخط بدون ما اجاوبة گمت من مكاني ابچي وخالتي تحاول تهدأ بية بس شلون اهدأ ووراية كل هالوحوش اخذت جهازي وخابرت عمي توفيق عندي أمل ولو واحد بالمية يصير بگلبة رحم ويجي يخلصني من اخو وابن اخو شرحتلة كل شي واني ابچي بس كملت صار عصبي وگال جايين بالطريق واليوم اريد اشوف شلون يزوجچ غصب نص ساعة واجة قبل عمي احسان طب سلم على رجل خالتي وگعد بالصالة ماكو دقايق ودگ جهازي باوعت عمي ديتصل طلب عمو توفيق من رجل خالتي يطلع يدخلة بحجة اني بعدني مجاهزة وفعلاً طلع رجل خالتي شوية وطب عمي ويا شاف عمو توفيق گاعد لو هو انصدم بس مع ذالك حاول ميبين وگال استعجلي ماعندي وقت توفيق.. وين تستعجل ؟!! احسان.. البيتي لو نسيت هي عايشة وياية توفيق.. لا ما نسيت بس الظاهر انت الي نسيت شمس بنية بالغة راشدة ومو من حقك تزوجها غصب احسان.. ومنو گلك غصب هي رايدة فرات وفرات هم رايدها شمس.. لا عمو هذا الكلام مو صحيح اني حتى لو فكرت بالزواج فـمستحيل افكر بواحد مثل فرات فرات.. ليش شبية مو قبل اسبوع چنتي تتوسلين تزوجني ما تزوجني شمس.. چذبك مشي على نفسك كل الموجودين يعرفون ماكو عاقلة تباوع على واحد مثل شاكلتك احسان.. لتتجاوزيييين لچ تردين احچيلهم شلون لگفتچ بالغرفة ويا بنصاص الليالي والباب مسدودة عليكم حتى يعرفون انتِ شنو من شي شمس.. ابنك هو الدخل علية وهو التحارش بتخطيط من امة طبعاً علمود تكوش على فلوس اهلي هي وابنها احسان.. هذا لسانچ اگصة الچ بس اصبريلي حچاها وجرني من ايدي ركض عمو توفيق سحبني من عندة ظل هذا يجر منا وذاك يجر منا بحيث ايدي صارت توجعني احسان.. اني عمها الچبير وهي تحت مسؤوليتي توفيق اطلع من الموضوع عيب عليك توگف بوجه اخوك توفيق.. شمس ما رايدة فرات هي گوة احسان.. لا رايدتة بس تتدلل بعدين ابن عمها اولى بيها من الغريب توفيق.. اذا هيچ اني رايدها التيسير احسان.. ها بدت سوالفكم شمس متتزوج غير فرات لو تنطبگ السما ع الگاع توفيق.. لا راح تتزوج تيسير فرات.. لا شمس الي واني رايدها قبل ابنك عمي تيسير.. اسكت انت خلي الكبار يحلوها احسان.. امشي شمس فضيني توفيق.. متجي وياك وراح تجي وياية احسان.. موووو بكييييفك حطيت ايدي على اذني وصرخت - خلاااااااااااااااااص كافي كافي كاااافي ارحمونننني لا اريد هذا ولا ذاك كلكم اطلعوا برررة احسان.. عيب ترفعين صوتچ على عمامچ وفوگاها تطرديهم - هههههه گتلي عيب مووو ؟!! ليش انتو تعرفون العيييييييب حاچوني تعرفروا لو لاااا ولكم اخوكم مصارلة اسبوعين من مات وهسه انتو جاين بكل عين وقحة تتعاركون على فلوسة وتكسرون بالقطعة الوحيدة التركها بأمانتكم وراح اني تعبت ومليت وزهگتتتت ارحموني حسوا بية خلوا الله بين عيونكم مو كافي علية خسرت اهلي واماني وحياتي لحتى جايين تقضون علية بسوالفكم هاي ما اريد شي منكم بس عوفوني بحالي الله يخليكم عوفوني وحق رب العالمين بعرشة اختنگتتتتتتت حچيتها ونزلت بالگاع اشهگ بحرگة سمعت عمي توفيق صاح على اخو كافي عوفها البنية انهارت عود نتفاهم بغير يوم بس طلعوا اجت خالتي حضنتني ظل رجلها يتأفأف ويستغفر كل شوية،، عرفت بي ضايج وميريدني ابقى يمهم گمت رجعت الغرفتي لو اعرف اعيش بالصحراء وحدي ولا اظل يم اي واحد بيكم وهسه تشوفون اخذت جهازي اتصلت على حبيب من أول رنة جاوب وصاح هاي وينچ يمعودة - ها حبيب شلونك - آنه زين بس بالي ظل يمچ عليش مختفية هيچي - اريد رقم إسحاق عندي ويا موضوع ضروري - خيرچ صاير شي احچي آنه اساعدچ - لا بس رايدتة بشغلة قانونية - هساع ادزنة الچ برسالة - تمام راح اسد الخط واخابرك بعدين - براحتچ خوية سديت الخط وبقيت انتظر الرقم دقيقة ورسلة الي بمسج گبل انطيت اتصال جاوب إسحاق وظل يعتذر مني لأن ما اجة الفاتحة اهلي وراها اتفقنا نلتقي على باچر صبح الصبح استأذنت من خالتي وفهمتها الموضوع اتصلت بي گال ساعة واوصل تواعدت ويا بمكان قريب علي حتى اختصر الطريق واشوفة بأسرع وقت وصلت للمطعم ظليت گاعدة انتظرة ربع ساعة واجة سلم علية وبقى يعزيني لحد ما گال امريني خوية سولفت الة كل الموضوع من موت اهلي لحد المشكلة الصارت البارحة وگتلة اريد حل قانوني علمود اخلص منهم اخذلة صفنة علية شوية وگال - تنوعي خوية القانون بصفچ بكل شي لكت المجتمع موش بصفچ - شلون يعني ؟!! - يعني بالقانون انتِ بالغة سن الرشد ومامش بشر بالدنيا يجبرچ اعلة شي انتِ ما رايدتة والورث هم ورثچ موش ورثهم لكت احچيلي بالمجتمع شلون ياهو الراح يرحمچ وانتِ لساچ صغيرة وعزابية وعمامچ تتوقعين منهم يعوفونچ بحالچ لو يرضون تعيشين الوحيدچ بهذا العمر !! - وشلون لعد الله يخليك ساعدني اني تعبت واحد ما رايدني والثاني الله غاضب علي وع البنية الراح ترتبط بي - اتركيني افكر شوي وان شاء الله محلولة - ماشي ما اعطلك اكثر من هالشي وكلش اسفة لأن اخذت من وقتك وتعبتك وياية - لا تحچين هيچي ترى ازعل اعليچ يمتة ما احتاجيتيني بس احچي وتلگيني جارچ برمشة عين - رحم الله والديك متقصر سلمت علي وطلعت ما اتصور اكو منفذ من هالمشكلة وشكلي راح انكسر للمرة الألف حتى ينقضي على اخر ما تبقى بشمس يومين مرت وصار وقت النتائج بيومها قررت اروح للجامعة علمود التهي شوية وبنفس الوقت اشوف حبيب فشلة كلما يتصل ما ارد علي والولد ما قصر وياية طول السنين الفاتت وصلت للجامعة بالتسعة صفيت السيارة بالكراج ونزلت اتمشى فجأة صار صخر گدامي باوعتلة مصدومة شوية وانتبهت النفسي ليش مستغربة؟! يجوز جاي ويا اخو لأن هاي مو اول مرة يجي بيها للجامعة هواي شايفتة هنا بس شافني اجة باتجاهي بقيت بمكاني محتارة امشي لو اوگف ؟؟ مداعرف قاصدني لو هو هذا طريقة واني متوهمة وصل يمي سلم وعزاني جاوبتة وراها گال عندي موضوع وياچ ومراح اعطلچ شغلة خمس دقايق موش اكثر چانت الحديقة قريبة علينة اخذتة ورحنة گعدنة ع المصطبة شگد انتظرتة يحچي ماكو گضاها بس يعرگ ويمسح بوجها من يمي توترت - اسمعك صخر احچي - تنوعي هو صح موش وكت هالحچي بس هم وكتة - شلون يعني مو وكته ووكته مدافهم - من احچي راح تعرفين قصدي - احچي ترى خوفتني - اسمعيني يبت الناس اذا موافقة تصيرين شمس تشع بدنياي آنه انطيچ وعد راح اصيرنلچ گمرة تنور عتمة حياتچ.... يتبع لتنسوون ⭐⭐⭐⭐⭐ | ||||||||
|
| |
|
12-04-21, 11:48 AM
| #19 | ||||||||
| مراقبة عامة ومشرفة منتدى الروايات المنقولة
| البارت السابع عشر وضاقت_الأرض_بي للكاتبة لبنى_الموسوي - اسمعيني يبت الناس اذا موافقة تصيرين شمس تشع بدنياي آنه انطيچ وعد راح اصيرنلچ گمرة تنور عتمة حياتچ باوعتلة متفاجأة كل شي خطر ببالي اول ما راد يحچي وياية بس هذا الموضوع الوحيد الما توقعتة ولا يمكن چنت اتوقعة حتى لو رجع بية الزمن يعني اني وين وصخر وين !! اي نعم اعرفة واعرف اهلة ناس والنعم منهم بس فرق شاسع بين عيشتي وعيشتة وما اتصور راح اگدر اتأقلم ويا ولا بأي شكل من الاشكال درت وجها عنة ساكتة ما ادري شلون ارد ولا اعرف شنو المفروض يكون جوابي بعد الأمل الي شفتة بعيونة والطريقة الي طلبني بيها - راح تظلين ساكتة - صخر باوع اني مو قصدي انتقص... - بسچ لا تكملين ما اريدن اسمع كلام يغث فكري عدل گبل لا تردين حچاها وگام من يمي طلع قصاصة من جيبة وسحب القلم كتب رقمة وانطانيا - يمتة ما احتاجيتي شي راح تلگيني جارچ ولون فكرتي عدل وقررتي بعگل آنه موجود وعرضي هو هو ما يتغير ولا ينسحب - انت وين رايح ؟؟ - الحبيب - اي نروح سوة لعد - يلا امشينا تمشيت ويا واحنة ساكتين حسيت ضاج وحتى اللهفة الچانت بعيونة طفت بعد ما وصلة جوابي بس والله صعبة ما اگدر اظلمة وياية واني ادري مراح نرتاح بحياتنا الفرق بيناتنا عظيم لأن ميجمعنا شي لا مدينة ولا اهل ولا عادات ولا حتى عقلية وصلنة الحبيب چان واگف وكأنو دينتظرنا حسيت علي يباوع الصخر معقولة يدري جاي حتى يتقدملي لأن نظراتة مو طبيعية صخر.. يلا امشوا خاطر تستلمون نتيجتكم حبيب.. ما تجي ويانة ؟!! صخر.. لا ناطركم هنانة تمشيت قبل حبيب وهو ظل يحچي ويا اخو شوية وحسيتة صار بصفي گال شلونچ جاوبتة برحمة الله وانت ؟؟ - آنه زين المهم انتِ - لا ينشغل بالك وياية بعدني عايشة ما متت - وافقي اعلة صخر شمس اخوي فرصة تجي مرة بالعمر وما تتعوض مو لأنة اخوي بس لأنة صخر وهذا الشي كافي اقلها تخلصين من طلابة عمامچ وطمعهم - وانت شعرفك !! - مع الأسف اعليچ والله آنه وياچ عشنة سنين مثل الاخوان وتالي من توگعين بهيچي طلابة تسكتين وما تحچيلي - مو قصدي والله بس يعني شتريد تسوي وهم عمامي - وأن چانوا عمامچ المفروض منچ تحچين خاطر اساندچ بهيچي ظرف چا الخوان المن ينرادون - والنعم منك وادري بيك متقصر - يلا امشينا نستلم النتيجة وارجع واعيد فكري عدل ولا تضيعين الفرصة من ايدينچ باوعتلة وسكتت چان يبتسم بوجهي ويمشي قبلي رحت ورى استلمنا النتيجة والحمد لله كالعادة ناجحين وبامتياز رجعنا الصخر چان گاعد يدخن وضارب صفنة ع الحديقة بحيث حتى ما حس علينة إلا لما وصلنة يمة صخر.. ها بشروا حبيب.. الحمد لله خوية ناجحين صخر.. سباع والله حچاها وسحب النتيجة من حبيب باوع الدرجاتة وابتسم چان يجر حبيب نتيجتي وينطيها الة رفع راسة علية وگال مبروك شمس.. شكراً الله يبارك بيك صخر.. من يمتة ما زايرة گبور اهلچ شمس.. ما رحت ابد صخر.. ليش ؟!! شمس.. محد يقبل ياخذني صخر.. تمشين نزورهم هساع باوعتلة بفرحة - ياريت والله گلبي متلهف عليهم صخر.. ناوليني رقم خالتچ خاطر انطيها خبر بروحتنا شمس.. خو اني اتصل صخر.. لا آنه احسن رديت الرقم واحس نفسي طايرة معقولة راح ازورهم وروحي راح تعانق ارواحهم البريئة الراحت بلا ذنب انطا صخر اتصال شوية وردت خالتي - السلام عليكم شلونچ ام مرتضى وياچ صخر ولد الشيخ ضاري بالمهلي رحم الله والديچ لا تخافين بس اريدن استأذن منچ خاطر اخذ شمس تزور اهلها وللعلم حبيب ويانة ببطن عيني لا توصين حريص هاي جاري تردينها ماشي تتدللين وياچ هي انطاني الجهاز واخذ حبيب بعدوا مسافة - ها خالة - ها يمة صدگ تردين تروحين ويا الشباب تزورين اهلچ - اي لو سمحتيلي طبعاً - خالة اخاف عليچ يعني شگد ما چانوا خوش ناس يظلون غربة والغريب مالة امان بـ هالوكت - الغربة الدتحچين عنهم بالنسبة الي احسن من كل اقاربي مع احترامي الچ طبعاً لتخافين هذولة ولد الشيخ ضاري وبعدين نسيتي بابا الله يرحمة اول ما دخلت للكلية اختار حبيب من دون الكل علمود يوصي علية بس لأن عندة ثقة بي - اي ادري بس... - لتعرضين خالة فدوة ما عندي غير حل اريد ازور اهلي راح اموت واني مزايرتهم وعمامي الهيبة ملتهين يتعاركون على ورثي محد بيهم گال هالمسكينة تحتاج اهلها ولازم نوديها - زين يمة لعد ظلي اتصلي بية مراح ارتاح إلا من اشوفچ واگفة گبالي لتخلين بالي يظل وياچ كافي علية قهر اهلچ - تتدللين خالة شو لعد ما سألتي على نتيجتي - ميحتاج اسأل ادري سباعية ومينخاف عليچ - احبچ - واني اموت عليچ يروح خالتچ سديت الخط منها وتمشيت الصخر چان داير ظهرة ويسولف ويا حبيب بس صحتة التفت الي ع السريع - شكراً ولو خلصنا رصيدك - فدواتكم يمعودة هساع شني نمشي لالة - اي طبعاً وصلنا للنجف بعد طريق مليان تعب ولهفة اول ما طبينة للوادي سمعت حبيب سأل صخر حافظ الطريق لو نسيت رد علي لا طبعاً شلون انسى مشينا مسافة طويلة يلا وصلنة لمقبرة بيت جدي اني ادري المقبرة جوة بالسرداب لأن اكثر من مرة جاية ويا اهلي نزور قبر جدو وبيبي بس ولا گدرت احفظ الطريق لأن الوادي هوسة وكلش چبير فتح صخر الباب وطب قبلنة اول ما نزلت انعصر گلبي وبچيت قبل شهر هم يشتمون الهوى واليوم نايمين جوة التراب وتاركيني بـ هالدنيا وحدي اول قبر چان الأبوية لزمت صورتة بـ ايدي وصرت اناشغ من البچي ليش عفتني ورحت والله الدنيا ولتني من بعد عينك ارجع الله يخليك ارجع عوف كل شي چنت تسوي شغك نشاطك المدني الدنيا الناس بس المهم تظل ويانة وميغتالوك ولد الحرام بقيت احچي ويا وابچي بالخمس دقايق وراها رحت القبر امي حضنتة واني اشتم بي كل هالدنيا بچفة وغيابچ ماما بچفة ثانية والله البنية تموت بدون امها والله ساعة مرت وروحي حاضنة روحهم فصلت عن العالم وما ظل شي غير اني وهم وبس رفعت راسي بعد ما بندت من البچي صرت اودعهم بچف ايدي واحد بعد الثاني ابوية امي اخواني الكسروني بروحتهم وخيتي الوحيدة المستحيل تبرد نار گلبي على مصابها درت وجهي لگيت بس صخر واگف وعيونة دم مسحت دموعي وصعدت نزل هو قرالهم الفاتحة ورجعلي - ما گدرت اعوفنچ واطلع عبن ما يصح تظلين الوحيدچ بـ هالمچان - زين سويت - شلونچ هساع ارتاحيتي ان شاء الله - الحمد لله - الحمد لله امشينا نطلع منا كافيچ هالحد هزيت راسي وطلعت بس شافني حبيب دخل جوة يمكن قرالهم الفاتحة دقايق وطلع مشينا مسافة لحد ما وصلنة الأهل الدهينة تذكرت بابا كلما نجي لهنا واجب يشتريلنا منهم لأن دهينة اهل النجف متجي مثلها دهينة فجأة صخر گال انطروا هنا باوعت علي عافنة وراح الواحد منهم اشترى علاگتين كبار كل وحدها بيها كيلوين اذا مو اكثر اجة باتجاهي انطاني وحدة منهن رجعت ليورة لا شكراً ما اريد اصلاً ما اشتهي صخر.. الزمي لا تكدرين خاطري منچ واتمناچ تاكلين عدل خاطر يرد الدم الوجهچ شوي شمس.. بس والله... صخر.. لا تبسبسين الزمي عاد شمس.. شكراً صخر.. ولو واجبنا هذا حبيب.. عودن انطي الخالتچ وياچ موش تاكليها الوحيدچ وتخلين المرة تتنوع الحلگچ شمس.. هههههه حبيب.. واخيراً ضحكتي عيشي خوية عيشي الحياة مستمرة اذا اليوم هم باچر احنة وما يدوم بالتالي غير وجه الكريم شمس.. انا لله وانا اليه راجعون صخر.. شني رايكم نتغدة تراني جعت كلش شمس.. لا والله ما اشتهي بس تعبت خلينة نرجع صخر.. باينتچ بخيلة وما تريدين تعزمينة شمس.. لا والله مو قصدي تتدللون اختاروا المكان وغداكم علية ما حچة شي بالبداية رحنة زرنا الأمام علي عليه السلام وصلينا قريب الساعة يلا طلعنة من الحضرة وراها اخذنة صخر للمطعم هم طلبوا تمن ومن هالسوالف بس اني نزلي صخر مشاوي علمود فقر الدم العندي خلصنة الأكل گمت غسلت ورجعت لگيتهم ينتظروني فتحت جنطتي طلعت الفلوس حتى ادفع الحساب ما احس إلا صخر دفعهن من ايدي تطشرن ع الميز شمس.. هاي ليش ؟!! صخر.. رجعي فلوسچ للجنطة فشلة بحگنا والله شمس.. بس احنة اتفقنا العزيمة علية ميصير حبيب.. جاي نتشاقى وياچ خاطر نغير جو من كل عگلچ تصدگين شمس.. بس والله.. قاطعني صخر بنترة صخر.. بس عاد لا تتعبين نفسچ وتتعبينة وياچ والله حلوة هاي عجايب اخر وكت الزلم گاعدة والنسوان تدفع عيب اعلة الشوارب اذا هيچي تاليها باوعتلة وسكتت هم صح هم ولد شيوخ وين يقبلون المرة تدفع چان لازم اعرف بيهم ديتشاقون من أول رجعنا البغداد وصلوني يم سيارتي ظلوا يمشون وراية لحد ما وصلت لبيت خالتي لزمت بيهم يطبون بس گالوا تأخر الوقت يادوب نوصل قبل لا يليل الليل دخلت للبيت چانت خالتي بالصالة تروح وتجي بس شافتني اجت تركض وصاحت ليش تأخرتي مو گلبي وگف من الخوف - خالة مو كل شوية تتصلين بية شنو السالفة - اي صح بس هم خفت بست راسها وانطيتها الدهينة - هاچ هاي من صخر ألف عافية - لعد وانتِ - عود عزليلي شوية منها - لا مو شوية هواية اكلي متشوفين روحچ شصايرة راح تموتين - اي تتدللين بس خليني ارتاح هسه بستها ورحت الغرفتي بقيت للمغرب نايمة ولو بـ ايدي فلا اگعد حتى اخلص من الواقع الينتظرني اجت خالتي طبت للغرفة شغلت الضوة وگالت گومي موزين تنامين المغرب گمت بملل غسلت وتوضيت وبعد الصلاة ساعدتها شوية بشغل البيت طول هالوقت واني افكر شلون ينحل الموضوع ويا عمامي واني ادري الطمع عاميهم ولا يمكن يخلوني بحالي المشكلة حتى مكان ما عندي اروح يم عمي الچبير يريد يزوجني الفرات ارجع للثاني قافل على تيسير ورجل خالتي ساكت على اعصابة على ساعة توصل بي يطردني من بيتة ويرتاح واگفة انظف بالكاونتر حتى التهي شوية دگ جهازي باوعت عمي احسان ديتصل ما جاوبتة بس من لح بالاتصال اضطريت ارد علي - نعم - جاي اخذچ وما اريد اسمع اي اعتراض - واني ما اريد اجي وياك شلون يعني - مو بكيفچ لچ عمامچ موجودين وگاعدة يم الغرب وين صايرة - بس اني مگاعدة يم الغرب گاعدة يم خالتچ - ورجلها مو غريب سكتت چان يگول جهزي روحچ بسرعة سديت الخط مخنوگة ما عندي غير اتصل على عمي توفيق ع الأقل يجي يتعارك ويا مثل ذيچ المرة والگالي حجة اسكتهم بيها دگيت علي رد بسرعة طلبت منة يجي وبقيت ابچي علمود اشد اعصابة اكثر حتى يگدر يوگف بوجه اخو ويا ما طب رجلي خالتي اندگ الجرس طلع يشوف منو شوية واجة گال عمچ احسان بالباب طلبت من خالتي تحاول تخلي رجلها يدخلة حتى نكسب وقت بين ما يجي عمو توفيق وفعلاً بس طب اندگ الجرس مرة ثانية دقيقة وطب عمو توفيق يرعد وبلش يتعارك ويا اخو لأن جاي ياخذني من ورى ظهرة صارت مشكلة اكبر من المرة الفاتت اكتفيت بالسكوت وظليت واگفة اتفرج عليهم هذا يصيح تجي وياية وذاك يجاوبة لا وياية مو بكيفك وبعد ساعة من الصياح والمشاكل صرخت بكل صوتي ما اجي ويا اي واحد بيكم تسمعوووون ظلوا صافنين علية بصدمة راد عمو احسان يسحبني ركض عمو توفيق منعة وهم رجعوا تلازموا بيناتهم اخير شي راحوا بس عمو احسان قبل لا يطلع هددني يومين ويجي ياخذني بدون اتصال وصاح رجال اليگدر يمنعني ساعتها ما اهتميت الكلامة اعرف عمو توفيق مراح يسكت الة خليهم هيچ يتمالخون بيناتهم لحد ما اشوف وين تصفى بالاخير طبعاً هذا چان حد تفكيري بس للاسف الي صار خربط كل موازيني لمن طلب رجل خالتي اطلع من بيتهم - شوفي عمي اني رجال چبير وصحتي على گدي يعني مو حمل المشاكل فـ ياريت من يجون عمامچ بعد يومين ترحيهن وياهم باوعتلة والدمعة بطرف عيني حالي صار هنا مثل الغريق الچان مچلب بگشاية وفجأة سحبوها من ايدة وگالولة يلا روح اغرگ عفتهم ورجعت الغرفتي الدنيا من تحارب شخص تذب روحها ويا لحد ما تنهي للأخير شگد اني قوية وابوية چان دوم يگول شمس بت ابوها وماكو بشر بالدنيا يگدر يكسرها بس هنا حسيت بروحي صدگ انكسرت دفنت راسي بالمخدة وصرت ابچي من گلبي يا الهي شنو حكمتك لمن اخذت كل اهلي وعفتني وحيدة شيصير لو ماخذني وياهم ومخلصني من هالعيشة بهاي الاثناء طبت علية خالتي شافتني ابچي ركضت سحبتني الحضنها وهي تگول اسم الله عليچ يمة اسم الله حبيبتي - خالة والله تعبت حچيتها وشهگت بالبچي - سودة علية بنيتي معليچ بكلام رجلي اذا طلعتي من هذا البيت اطلع قبلچ والله العظيم - لا خالة شنو هالحچي تردين تخربين بيتچ بعد هالعمر بسببي - بيتي يخرب ولا اتخلى عنچ وانتِ مالچ غيري بهالدنيا - ميخالف اول وتالي تنحل سالفتي لتفكرين بية - شلون ما افكر !! ولچ الليل ما اگدر انامة واني احاول الگالچ حل يخلصچ من هالعالم الماترحم - خالة اليوم صار وياية شي ورايدة اسولف الچ - خير ان شاء الله - صخر ابن الشيخ ضاري طلب ايدي للزواج - والله صدگ تحچين ؟!! - اي شبيچ شو فرحتي - يا شلون ترديني ما افرح هاي معجزة من رب العالمين دزها الچ وانتِ گاعدة هنا تبچين - شلون يعني ؟! خالة افهم من كلامچ تردين اوافق علي !! - خو ما رفضتي يمعزاية - لا ردت ارفض بس هو ما سمحلي وگال فكري زين - اي رحمتك يارب لچ لتصيرين ثولة وين تلگين فرصة مثل هاي بعد - يعني انتِ تشوفين صخر فرصة !! شنو نسيتي الفوارق البيني وبينة شلون اوافق بس فهميني - وشنو هالفوارق بلا هو ابن ريف وانتِ بت مدينة ؟؟ هو ابن شيخ وانتِ بت دكتور ؟؟ هو عندة اهل يسدون عين الشمس وانتِ وحيدة ؟؟ غير هذني اكو بعد شوفي لتصفنين اريدچ تناقشيني واليوم يا اقنعچ يا تقنعيني ما بيها مجال - لا ماكو هو اني خايفة من بيئتة - عوفچ من بيئتة هو شخصياً عندچ اعتراض علي - لا صخر يظل ابن شيوخ يعني مستحيل احصل شخص بأخلاقة وادبة - مو بس اخلاقة نسيتي هو شبعان وعينة متروسة لأن ابن عز يعني مستحيل يطمع بيچ مثل غيرة وهاي اهم نقطة وبعد الولد مثقف خريج هندسة نفط مو جاهل علمود تخافين على مستقبلچ ويا وشكلة هم مرتب احسن من شباب هالوكت المخربطين الما تميزي اذا چان مرة لو رجال من خلقتة المگلوبة - صح خالة بس والله مداقتنع شيوديني للبصرة وشلون اعيش ويا عائلة چبيرة اخاف ما اگدر اتأقلم وياهم - ليش يمة بالعكس يعوضونچ عن وحدتچ ويصيرولچ اهل وحسب ما سمعت من امچ هم خوش ناس يعني مينخاف منهم مع ذالك اذا هالگد خايفة اطلبي منة يغزلچ حتى ترتاحين من هالنقطة - لا ما اگدر هسه شيگول علية من اولها تريد تفرقني عن اهلي - لعد اسكتي اذا لا هيچ قابلة ولا هيچ قابلة حيرتيني والله - تعبت يربي تعبت حچيتها وضربت على راسي حيل - يمة جاوبيني فرات الأرعن المامخلي حرام ما مسوي ؟ لو تيسير الما يريدچ ؟ لو صخر ابن الاصول !! منو انسب واحد بيناتهم تگدرين تأمنين على نفسچ ويا - رغم كل شي طبعاً صخر احسنهم - لعد خلاص وافقي علي لأن ما عندچ غير هالخيارات يا هو يا فرات يا تيسير وافقي يمة وروحي للبصرة يجوز تلگين هناك الأمان الخسرتي ببغداد ويا ناس يخافون الله بيچ ومينهشون لحمچ بطمعهم - زين خالة هو ليش خطبني احنة ما متشاوفين غير كم مرة بالجامعة من چان يجي ويا اخو شلون هيچ فجأة يخطبني معقولة عرف بالقصة وحب يساعدني ؟!! - يجوز انعجب بيچ عادي ويمكن حبيب اخو حاچي الة هواي عنچ لحد ما دخلچ براسة واحتمال صدگ عرف القصة وحب يساعدچ - يجوز - انتِ وحبيب خو ما... - لا خالة لا شنو السالفة حبيب مثل اخوية وهو هم معتبرني اختة بعدين هو بنفسة اليوم طلب مني اوافق على صخر اصلاً لو حبيب الطلبني مو صخر مستحيل اوافق لأن معتبرتة مثل اركان وكيان الله يرحمهم - اي اذا هيچ نعمة - هسه شسوي گوليلي - ردي موافقتچ الة خلي يجيب اهلة ويستعجل هم شيوخ وعمامچ مراح يكونو گدهم كافي اخوهم القاضي وربچ إلا يخليهم يتراجفون بس يطب عتبة بابهم وعود ساعتها خلي يفيد طمعهم - راح اتوضى واصلي ركعتين الوجه لله اول اذا گلبي برد وارتاحيت اتصل بس اذا ظليت هيچ خايفة ومخنوگة مستحيل اقبل - زين تسوين يمة ماكو احسن من رب العالمين حچتها وعافتني وطلعت اني هم گمت توضيت وصليت بس شنو انهاريت ع السجادة ابچي واترجى رب العالمين يخلصني من هالحيرة ويرشدني للطريق الصحيح بعد نص ساعة گمت من السجادة سبحان الله فجأة هدأت حتى نفسي انفتح بالوقت الچنت گوة اسحب الهوى الصدري رحت جبت جنطتي طلعت رقم صخر وصفنت علي يا رب كون ما اندم على قراري هذا بيوم من الأيام دگيت الرقم وانطيت اتصال خلصت المكالمة وهو ما راد اني هم گلت احسن هيچ هيچ اني مترددة بعدني ما حطيت الموبايل ع الميز رجع دگ باوعت للجهاز وكلي ارجف خوف مو طبيعي من المجهول والأهم خوفي من الحاضر فتحت الخط بس ما حچيت صاح الو نعم تفضلوا جاوبت صخر مو - اي نعم ياهي وياي ؟؟ - اني شمس - هلا والله شكيت انتِ من صوتچ لكت حبيت اتأكد - صخر اني موافقة بس حچيتها سكت اني هم سكتت شوية وگال عودن شعجب غيرتي رايج بالعجل ؟! - ماكو سبب فكرت هواي وشفتك فرصة متتعوض بس طبعاً اني هم ما اتعوض حتى لتنغر - هههههه چا بوية آنه گايل غير هذا اكيدن ما تتعوضين وإلا ما اختارچ دون عن كل البنيات - رحم الله والديك - ورحم الله هلچ زين چا انطريني يومين زمان لبين ما يرجع إسحاق من بغداد واتصل اعليچ - صخر عمامي... - اعرف شمس لا تشيلين هم طول ما انتِ شاريتني ما ابيعچ لو اعلة گص الرگبة اصبري اعلية يومين موش اكثر عبن ما بية اتحرك بلاية إسحاق بس يوصل للبصرة ثاني يوم تلگينة مزروعين بداركم - ماشي انتظرك - محتاجة شي گبل لا اروحن - لا سلامتك وشكراً على كل شي سويتة وياية اليوم - لا تشكريني اعلة شي نابع من گلبي يلا بوية اخذي راحتچ - الله وياك سديت الخط منة مرتاحة نوعاً ما ذبيت كل شي ورى رب العالمين وحاشا لله ان يخيب ظن عبدة بي غسق.. مرت 3 إيام هادئة باليوم الرابع اتصل إسحاق بريحان وگالها باچر من الصبح جاي للبصرة لليل صعدت نظفت الغرفة وبدلت الچراچف حتى من يجي هو الصبح كل شي يكون جاهز وينام على راحتة ثاني يوم فزيت على صوت الباب فتحت عيني لگيت إسحاق ديطب للغرفة جريت الروب لبستة وگمت ع السريع - الحمد لله على سلامتك - الله يسلمچ جهزيلي الملابس اريدن اسبح - اي من عيوني جهزت ملابسة ونزلت للمطبخ سويتلة ريوگ وصعدت چان هستوة طالع من الحمام بس تريگ طفى الضوة ونام للعصر چنت وياهم بالصالة حسيت اكو شي غريب صخر وحبيب گاعدين يم إسحاق يتوشوشون بصوت ناصي وراها گاموا للمضيف بلليل تعشوا وگعدوا يتعللون فجأة الشيخ گال صخر ناوي يتزوج جهزوا ارواحتكم الكل انصدم بـ هالقرار المفاجئ صاحت الحجية وياهي هاي الولدك حاط عينة اعليها جاوبها بت دكتور احمد الله يرحمة - شني خلصن النسوان يعني صخر.. يمة الله يخليچ البت ما بيها عيب لا تبلشيلنا بسالفة صفح - انت اعرف اني شلي غرض الشيخ ضاري.. جهزوا ارواحتكم باچر ماشين لبغداد زلم ونسوان خاطر نطلبها من عمامها الحجية هيلة.. شني سالفتكم عليش هالعجلة حتى تراب اهلها لساعة ما نشف الشيخ ضاري.. البت ولد عمها رايدينها يظل ابنچ ينطر اربعين اهلها علما تروح من ايدة الحجية هيلة.. وياهي تريد اخذها وياي من اروحن الشيخ ضاري.. اختي سكينة وريحان وغسق نجيبة.. چا وآنه عمي تدز الصغار وتعوفنة صايرة دايرة الشيخ ضاري.. من احچي حچاية مامش بشر يتجرأ يجادلني اعليها سااااامعة بس صرخ بيها سكتت كلهم ضاجوا لأن يردون يجون ويانة واني هم استغربت قرارة بروحتي بالتحديد ويا ريحان من دون باقي البنات صعدت فوگ نومت ود ورجعت الغرفتي شوية وطب إسحاق وراية بالعادة من يكون موجود انام بملابس البيت بس اغيرهن علمود ريحة الطبخ چنت توني طالعة من الحمام راح تمدد ع الچرباية اني هم نشفت شعري وطفيت الضوة وتمددت بصفة درت ظهري علي وگتلة تصبح على خير ما احس إلا سحبني الحضنة من الصدمة جمدت بمكاني خايفة ثبت راسة على راسي وصار يلعب بشعري سحبني الجسمة حيل وايدة الثانية تنزل وتصعد على بطني بهدوء لدرجة صرت ما احس بدگات گلبي بعد ما عرفت افسر الديصير لا بية اظل بحضنة ولا بية ارفضة واني ادري بنفسي كلش زين مو گد إسحاق وعصبيتة بقيت شادة على روحي ومغمضة حيل فجأة باس رگبتي بهدوء وگال تصبحين على خير ما رديت علي عبالي راح يبعد شو هذا ظل حاضني غفيت وگعدت واني بحضنة بس فتحت عيني فز گبل - صباح الخير - هلا بوية صباح النور گومي جهزي نفسچ خاطر نتحرك - ما عندي شي بس انزل اسوي ريوگ عفتة ونزلت جوة جهزت الريوگ ويا البنات وراها حضرت روحي وبدلت الود رغم چنت شايلتها هم شلون راح تتحمل كل هالمسافة بس ما عندي غير حل ما أمن اعوفها يم احد اخذتها هي والغراض ونزلت چان إسحاق واگف بالدرج بس شافها بـ ايدي گال عليش ما تركتيها يم نسوان عمومتها جاوبتة لا اخذها احسن طلعنة كلمن بسيارتة الحجية وعمة سكينة ويا الشيخ وريحان صعدت بسيارة صخر هي وحبيب واني ويا إسحاق وباقي الولد بسياراتهم الطريق طويل وود صارت حلاوة من التعب شايلتة وادگ على ظهرها بس هي مستمرة تبچي اخير شي وگف إسحاق السيارة وسحبها مني حطها بحضنه وساق احس بي ممسيطر بس عاند ميقبل يرجعها وهي هم كيفت ع الستيرن وبطلت بچي وصلنة لبيت عم البنية حسب ما فهمت طبوا الزلم للأستقبال واحنة گعدنة بالصالة شوية واجت البنية چانت شايلة شعرها ليفوگ ولابسة اسود حتى قطرة مكياج ما حاطة ورغم هي حلوة بس التعب مبين على ملامحها سلمت علينة وگعدت بصف خالتها شوية والحجية گالت يمة الله يرحم هلچ بواسع رحمتة بس ما يصح تلبسين اسود والعالم جاية تطلب يدچ ردت خالتها اي والله اني هم گلتلها بس عاندت اخر شي سكتتهم البنية من گالت الهم بالعقد اذبة ان شاء الله بقوا يحچون بالتفاصيل واني وريحان صافنين عليها الانكسار ذاك وينة واضح بعيونها وحقها لأن جربت قبلها شنو يصير بالبنية من تفقد اهلها شوية وجابولنة كيك وببسي اكلت شويونة لأن خالتها شكلتني الذمة وراها عفتهم وگمت مسافة حتى اذب ود من حضني نامت فوگ الساعة تقريباً گاعدين يسولفون بالحاضر والغايب منسمع إلا صوت واحد يصرخ وكأنو روحة دتطلع بالضبط نفس الصرخات السمعتهن من شجن يوم الاحترگت ركزت بي زين لا يربي هذا چنة صوت صخر !!!!.... يتبع لتنسوون ⭐⭐⭐⭐⭐ | ||||||||
|
| |
|
12-04-21, 11:49 AM
| #20 | ||||||||
| مراقبة عامة ومشرفة منتدى الروايات المنقولة
| وضاقت_الأرض_بي البارت الثامن عشر وضاقت_الأرض_بي للكاتبة لبنى_الموسوي فوگ الساعة تقريباً گاعدين يسولفون بالحاضر والغايب منسمع إلا صوت واحد يصرخ وكأنو روحة دتطلع بالضبط نفس الصرخات السمعتهن من شجن يوم الاحترگت ركزت بي زين لا يربي هذا چنة صوت صخر گمزت الحجية هي وعصاها صاحت منين الدرب اشوفن وليدي شببببي دلتها مرت عم البنية بس تحركت رحنا وراها باوعت عليهم من الباب چان صخر لازم بطنة يصرخ والرياجيل كلهم داير مدايرة إسحاق.. سوولنة طرررررريق بساااااااع صهيب.. شنهي الصابة بس لا تسمم حنظل.. والله لون صار باخوي شي ما راح ارحمكم يحچون وصخر يتلوى بـ ايد إسحاق سندة هو وحنظل ديطلعون چان يدور إسحاق وجها ويصيح ماعون الكيك جيبة صهيييب صهيب.. اي يخوي فهمت اعليك اخذ صهيب الماعون وطلعوا ماكو ثواني ودگ جهاز ريحان من گد ما چان صوت إسحاق عالي وصل يمي وسمعتة من گلها تعالن لينة بساااع ريحان.. يمة اخوي جاي ينده اعلينة سكينة.. چا شني المنطرچن تحركن بساع رحت ركض شلت ود لأن نايمة ردت اخذ غراضها سبقتني البنية ودنگت جابتلياهن - شكراً شمس.. تتدللين عفتها وطلعت لگيت الشارع مخبوص بالرياجيل بس شافني إسحاق گال صعدي ويا ابوي ولا تتحركين من مچانچ إلا آنه اگلچ مفهوووم - اي صار رحت السيارة الشيخ چانن الحجية وعمة سكينة ويا طول الطريق وهو بس يهدد ويتوعد الهم هسه اريد اعرف شصار وياهم ماكو وصلوا للمستشفى نزلوا كل الزلم وبقينة احنة بالسيارات لا ساعة ولا ساعتين اذا علينة عادي مو مشكلة بس ود خطية تبهذلت كلش وحتى اكل متقبل تاكل ايدي تعبت من گد ما هزيت بيها اخير شي اخذتها عمة سكينة مني ونزلت ودتها الريحان تساعدني بيها شوية صافنة على باب المستشفى شفت إسحاق طلع صحت للحجية بفرحة يمة باوعي منو اجة بس شافتة فتحت باب السيارة ونزلت تركض اشرلها لتتحركين وصل يمنة باس راسها - لا تخافين اخوي بخير يمة - شني علتة ريح گليبي يبعد امك - متسمم لكت هساع صار زين لا تشيلين همة - وياهو السممة لا تگلي اهل البت الهم يد بالسالفة - غسق چا وينها بنيتي - يم ريحان - انطروا شوي باوعت علي راح جاب ريحان ورجع فتح الباب وگال امشوا السيارتي حاولت الحجية تعرف الموضوع بس ما جاوبها اخر شي صاح بسچ يمة صعدنة السيارتة وتحرك طول الطريق وهو يلعب بجهازة اخير شي اتصل بواحد بس انصدمت من حچة بلهجة تختلف عن لهجتة المعتادة - الوو شلونك استاذ حاتم اريد امرلك وين انت ؟؟ اي موضوع ضروري اذا متصير زحمة عليك ساعة مو اكثر واصير يمك خادم ربك استغفر الله ممنون رحم الله والديك سد الخط وشمر الموبايل ع الدشبول اباوع علي من الجامة ينزع ويلبس بمناظرة وكل شوية يمسح العرگ من گصتة مبين علي ذاك وينة متوتر ربع ساعة ووگفنة گدام واحد من الفنادق نزلنة ويا،، والحجية خبصته بالاسئلة بس هو ولا عندة خلگ يرد عليها دخلنة ليجوة وگف إسحاق يحجز غرف واني قريبة علي سمعتهم گالوا الة زين بس عقد الشيخ ع الأقل دار وجها باوعلي ورجع يحچي وياهم بصوت ناصي مدري شنو طلع الهم اخذوا منة شوية ورجعوا سلموها الة وانطوا مفتاح الغرفة وصلنة للممر طببهم بوحدة من الغرفة واخذني الغير غرفة گال شمري الغراض هنانة وامشي خاطر تظلين يمهن لبين ما اردن حطيت الغراض ع الچرباية ورحت للحمام غسلت وجه ود ورجعت اخذتلها ملابس حتى اغيرلها وراها وداني يمهم وخلة وراح شمس.. بعد يومين من اتصالي بصخر دزلي مسج بلغني تم الموضوع وراح ابو يتصل بعمي علمود يجون يطلبوني من عدهم باچر لليل اجة عمي احسان اخذني البيتهم بالبداية لأن على اساس يمهم تصير المشية بس مرتة ما قبلت اخير شي وداني البيت عمو توفيق ثاني يوم النهار كلة مخبوصين اسمع عمامي وولدهم يحچون بيناتهم احنة اولى ببت اخونة من الغريب ومستحيل نقبل ننطيها للغرب وولدنة موجودين گال عمي توفيق بس ذولة واصلين واحنة مو گدهم رد علي عمي احسان بس ميگدرون يجبرونة ننطي بتنة الهم او يتجرئون وياخذوها غصب عنة وهم ولد شيوخ استمر النقاش بيناتهم للضهر ومن كلامهم عرفت مراح يوافقون على صخر بس بنفس الوقت ادري بي مراح يستسلم لان هو وعدني للعصر وصلوا وصارت المشية شگد حاولت خالتي وياية علمود انزع الاسود بس رفضت اخر شي عافتني وطلعت لبست فستان طويل ورفعت شعري ليفوگ ذبيت الشال على راسي وطلعت ما بية حتى اجامل بس مجبورة لازم احاول علمود اخلص من عمامي وجشعهم من وصلت يم الأستقبال سمعت عمي احسان يعتذر منهم ويگول ابن عمها رايدها واظن انتم تعرفون ابن العم اولى ببت عمة من الغريب عفتهم ودخلت للصالة نزعت حجابي ورحت يمهم يحچون واني بغير عالم گاعدة وياهم جسد بلا روح بعدني صافنة وافكر ما اسمع إلا واحد يصيح بصوت عالي فزيت على صياحة وگمت وياهم ع السريع حتى اشوف شگاعد يصير هناك باوعت هذا صخر !!! لازم بطنة ويلوب بروحة من الألم ما استوعبت الموقف معقولة مريض واني ما ادري لو تسمم من الأكل ؟؟ اخذوا اخوانة وطلعوا رجعت للأستقبال لگيت عمامي وولدهم مخبوصين واحد يگول للثاني شصار معقولة الكيك بي شي بس شلون مو الكل اكل ويا ومصارلهم شي شال عمي احسان واحد من المواعين اكل القطعة كلها علمود يتأكد وگعد ع التخم ينتظر النتيجة شوية وگال مابي شي جاوبة عمو توفيق احتمال الولد مريض مو شرط يعني تسمم من الكيك لليل وهم يحچون بالموضوع بالهم يم صخر بس يخافون يتصلون علمود لا يبلونهم بالسالفة ويگولون مسوين شي وخايفين منة قريب التسعة اندگت الباب حيل عمامي بعدهم مجتمعين ينتظرون خبر منهم گام تحسين يشوف منو شوية وصاح يا الله سوو طريق گمت وياهم وگفت يم باب الأستقبال حتى اسمع فجأة اجاني صوت إسحاق صاح بيهم انتو تسممون اخوي اليوم ياهو اليخلصكم مني حطت خالتي ايدها على حلگها متفاجأة اشرتلها اسكتي ورجعت اسمع كلهم اجتمعوا علي يصيحون بصوت واحد انت شدتحچي ؟!! احنة عالم معروفين ومو مال هالسوالف منسمحلك تذب علينة هيچ اتهمام خطير بس طبعاً مستحيل يگدرون لإسحاق إسحاق.. وحگ الحگ ذاتة اذا ما اخليكم تخيسون بالسجن زلم ونسوان ما اطلع آنه إسحاق وهساع تشوفون احسان.. ليش تهدد الكل اكل من الكيك وانت اولهم شمعنى اخوك الي تسمم من دون الموجودين إسحاق.. ما جاي اتبلى اعليكم ذاك وينة الكيك عرضتة اعلة الفحص وتأكد شكي عبن تبين وياي بي مادة سامة بس حچاها صفنوا علي خايفين شوية وعمي توفيق گلة شنو تقصد افهم من كلامك احنة متقصدين نكتل اخوك ؟!! إسحاق.. شني رايك انت !! توفيق.. بس احنة ما سويناها إسحاق.. انت ما سويتها غيرك سواها وعبن كلكم ما تعرفون الفاعل من هيچي راح اخذكم بالجملة للتحقيق وهناك عودن يشوفون شغلهم وياكم والعمل هالعملة يضطر يقر بيها من الألف للياء احسان.. گول يا الله تريد تبهذل عائلة كاملة بنسوانها بس علمود تعرف منو السمم اخوك إسحاق.. چا ان شاء الله تريدني اسكت عن حگة واعوفن السواها ينفذ بريشاتة توفيق.. ميخالف خلي نحلها ودية وتأكد حقكم راح يرجعلكم واخذها من هالشارب إسحاق.. مامش شي يمحي فعلتكم العايبة احسان.. شگد تريد احنة حاضرين إسحاق.. هههههه بوية احنة عالم عينة مليانة وعمر الفلوس ما چانت تعني شي لينة لتظنون كل اصابعكم تشبه بعضها من حچاها واحد باوع للثاني كلام چان واضح بسمار الهم بس رغم هذا ما گدروا يردون علي لأن الحق ويا مو وياهم توفيق.. لعد شتريد بس فهمنا إسحاق انت ابن شيوخ وتعرف كلش زين السجن مو شي هين وميصير تاخذ عشرة بذنب واحد إسحاق.. ماشي راح اجي وياكم انطونة البت بلاية شروط واحنة اكيدن مراح نگصر وياها بشي احسان.. انت شگاعد تحچي !!! توفيق.. موافقين احسان.. توفيق شبيك ؟!! إسحاق.. والله لو هيچي لو تجمعنا المحكمة توفيق.. لا بلا محاكم احنة موافقين إسحاق.. چا خلي الزلمة يگوم بالسلامة وعودن نتفاهم توفيق.. على راحتكم سلم عليهم وطلع گبل سحبتني خالتي للغرفة بحجة تبدل حتى ترجع البيتها - عزة بعينهم سسموا الرجال علمود طمعهم - خالة شتگولين منو سواها - بيت عمچ توفيق اكيد غير المشية ببيتهم - لا لا ما اتصور السالفة وراها فرات وامة تدرين شلون عرفت - شلون ؟؟ - لأن مرت عمي احسان رفضت المشية تصير ببيتها علمود من تنكشف عملتها هي وابنها توگع براس بيت عمو توفيق وهم يطلعون منها مثل الشعرة من العجين - دخيلك ربي هيچ الفلوس تسوي بالبشر ما فكروا اذا مات شيگولون لرب العالمين باچر - يمعودة ولا يهتمون وبنفس الوقت ممتوقعين راح ينكشفون لأن مخططين للموضوع كلش زين بس إسحاق طلع اذكى منهم واخذ الدليل قبل لا يخفوا - قصدچ الماعون مالت صخر - بالضبط - يلا وعسى ان تكرهوا شيئاً وهو خير لكم رادوا يخلصون منة حتى تتزوجين فرات تالي راح ينطوچ الصخر وهم الممنونين - شنو انتِ رايحة - اي يمة بعد لازم اروح رجلي وحدة اذا تردين تجين وياية فوتي لبسي ع السريع - لا خليني هنا لازم تبقى عيني عليهم خاف يلعبون بذيلهم من وراية - اي هو هذا رأيي بس خفت لا اگلچ ظلي يمهم وتظنين مستثقلة منچ - هههه لا خالة قابل ما اعرفچ - ادري يمة بس المثل وضعچ يتحسس من الكلمة شگد ما چانت بسيطة حچتها وباستني وراها طلعت سلمت على نسوان عمامي وراحت البيتها غسق.. تأخر الوقت ومحد منهم بين بس صهيب خابر الحجية وبشرنا صخر تعافى وراح يبات بالمستشفى للصبح يلا يطلعوا علمود يراقبون وضعة تعبت كلش گاعدة من الفجر وفوگاها سفر وطريق طويل وما اگدر انام لأن الكل گاعدين لـ 11 ونص اندگت الباب گامت ريحان فتحتها شفت إسحاق بالباب ما صدگت گمت لبست حجابي ع السريع طلعت الحجية ويانة وداها إسحاق يم الشيخ ورجعنا الغرفتنا چنت شايلة ود سحبها من حضني ونومها على چتفة بس وصلنة للغرفة اخذت المفتاح منة فتحت الباب ودخلت سحبت المخدة النص الچرباية گبل گال نيمها بالگاع السرير صغير فرشت الها بالگاع ونزلها باوعت الروحي صدگ بهذلة بهدوم الطلعة وحتى مجايبة شي وياية لا الي ولا الإسحاق لأن مچانت نيتنة نبات طب للحمام بالعشر دقايق وراها طلع سابح وبالسروال والفانيلة حسدتة بداخلي راح ينام براحة إلا اني شينومني بالبنطرون مشط شعرة واني گاعدة ع الچرباية يعجبني اطب اسبح قبل لا انام بس الملابس شلون دار وجها باوعلي بـ استغراب - اگول خوية آنه راح انامن وانتِ اخذي راحتچ بالحجرة صفنت علي شبي هذا خوية شنو ؟!! باوعلي يضحك وهز بـ ايدة - عليش استغربتي چا غير صارلچ بالنص ساعة گاعدة بالعباية ما لگيت تفسير التصرفچ غير چلمة الخوية انتبهت النفسي صدگ بعدني بالعباية ما ادري اخجل لو أخاف منة بس كل الاعرفة استصعب انزعها گدامة واني بالبنطرون گمت للحمام سبحت ورجعت بنفس الملابس ذبيت العباية على جسمي وطلعت لگيتة متمدد ومغمض عيونة استغليت الفرصة وگفت ع الميز نشفت شعري شلون ما چان ورحت تمددت يمة وجريت الغطا على جسمي فز من نومتة - اسفة گعدتك - لا بوية عادي انطاني ظهرة وگال تصبحين على خير - وانت من اهل الخير ما انكر بيني وبين نفسي صفنت إسحاق انسان غريب الأطوار لدرجة ممعقولة غامض ممفهوم تصرفاتة متناقضة والأهم من كل هذا طبعة يختلف البارحة عن اليوم وعن باچر الأفكار اخذت مني الوقت الكافي يلا گدرت انام الصبح حسيت على حركة بالغرفة فتحت عيني لگيت إسحاق واگف يبدل صبحت علي وگمت للحمام غسلت وجهي وطلعت گلي استعجلي خاطر اخذچ يم ريحان وعمتي سكينة گبل لا اروحن عفتة ورحت گعدت ود غسلت الها ورجعت دا ابدل ملابسها سمعتة يحچي بالموبايل يم باب الغرفة - ايوب شجرالك هاي وانت تعرف كل السالفة لا اله إلا الله لك بوية بسك موتتني اي هو هيچي اصح حتى الصخر موش بس النة اكيدن الشيخ يعرف وهذا قرارة ماشي جايكم للمستشفى بس اخذ حرمتي ليم هلي هههههه الضبع انت ياهو اليگدر اعليك لا عمي آنه فقير جارك البلة كلة تلگا تحت راسك من گال الضبع صفنت ويا نفسي اكثر من مرة سمعت هالأسم بس لحد الأن لا شفتة ولا عرفت هو شيقرب البيت الشيخ من خلال مكالمتهم استغربت العلاقة القوية التجمع بينة وبين إسحاق معقولة يكون واحد من ولد عمة واني ما اعرفة نهى الاتصال ويا ما كملت تبديل ود لبست حجابي وطلعت ويا وصلني يمهم وراح لليل اجانة صهيب گال جهزوا ارواحتكم خاطر ترحون الاهل البت سألتة الحجية على صخر گال الها موجود يمة ولا تخافين ما بي شي مجرد تسمم من الأكل عبن معدتة ما تتحمل انتبهت عليها ما اقتنعت حالها من حالنة بس مع ذالك سكتت لأن تعرف ولدها يمشون بشور ابوهم ومستحيل واحد يتجرأ ويخالف اوامر الشيخ لو من ما كان وصلنة البيتهم قريب العشرة بعدنة ما گاعدين صارت الهوسة بالباب عرفت الرياجيل اجوي ما طولت الگعدة هواي الحچي كلة صار للزلم بأمر من الشيخ إما احنة مجرد جاها گدام اهل البنية مو اكثر رجعنا للفندق عافني إسحاق وراح يم صخر من التعب بس نومت ود نمت على وجهي وما حسيت إلا والمنبه يدگ يم راسي ساعة واجتمعنا يم الشيخ اليوم تقرر عقدهم وبعد اربعين اهل البنية يسون العرس بالبصرة مو هنا حسب ما سمعت من ريحان وصلنة البيتهم طببتنة خالتهم للغرفة يمهم چانت البنية بعدها بالأسود بس شافتها الحجية صاحت جيبولي شي ابيض تلبسة البت راحت بت عمها جابت فستان ابيض واجت اباوع ع البنية دموعها تصب تحاول تداري بيهن علمود لحد ينتبه عليها تقربت من ريحان وهمست - اگول احچي ويا امچ خلي تطلعهم خطية شوفي الهوسة شلون راح تبدل گدام كل هالنسوان ريحان.. يمة اطلعن احنة راح نغير ليها ونجي خلافكم بس حچتها صاحت خالتها يلا الكل برة طلعن النسوان وبقت بس بت عمها نباوع عليها نريدها تروح ماكو اخر شي البنية بنفسها طردتها شمس.. اطلعي ربى اريد ابدل ربى.. اي عادي بدلي منو يمچ شمس.. ابدل گدامچ يعني ؟!! ربى.. لعد مو راح تبدلين گدامهن لو هن وحد هي حچت هيچ ما اشوف إلا ريحان دفعتها برة وهي تصيح - خايبة طلعي لطشتي خو ما لطشتتتتي غسق.. ولچ ريحان عيييب ريحان.. خية يا عيب غير مسوين ليها عملية شايلين من جوفها الأحساس غسق.. اعذرينة عيني صارت بوجهچ شمس.. لا عادي تستاهل اصلاً ريحان.. اي الحمد لله طلعت تضوج منها شمس.. ههههه منو انتِ ام دم الحلو ريحان.. آنه اخت العريس وهاي غسق مرت حماچ إسحاق شمس.. مو اگول لهجتها غير من وين انتِ من بغداد صح ؟؟ غسق.. لا من الحلة ريحان.. چا يلا خية گومي نغيرلچ باوعت عليها رجعت ضاجت تقربت منها وحچيت بهمس تحملي بس يخلص العقد ويرحون العالم رجعي لبسي الاسود ما حچت شي اخذت الفستان من ايد ريحان وگالت اني ابدل درنا وجهنا شوية وگالت خلصت اخذناها وطلعنا النسوان من شافنها گامن يهلهلن فرحانات بس اني الوحيدة الأحس بأحساسها لأن اثنينة تزوجنا واحنة فاقدين اعز شي عد البنية الي هم اهلها خلص العقد ورجعنا للبصرة اكثر من اسبوعين وهم مخبوصين بعرس صخر لأن وقت ماكو والتجهيزات متخلص اباوع الإسحاق چان ميشوف دربة كل الشغل علي تقريباً النهار كلة يركض يجهز ومن يجي الليل ينام على وجها من التعب شمس.. بعد العقد بقيت يم بيت عمي توفيق هناك انسب مكان الي لأن يم عمي إحسان ما امن على نفسي بسبب فرات ويم خالتي رجلها ما يتحملني وبس يريد يخلص مني اليوم قبل باچر خلال هاي الفترة ظلت خالتي رايحة جاية علمود تجهزني ما چان الي نفس بشي بس اروح وياها من لا چارة لأن اذا گلت ما اجي بعد ما اخلص من المحاضرات التنطيها الي بدون تعب طول هالمدة ما حچيت ويا صخر غير مرتين مرة بعد العقد مباشرتاً اتصل بية باركلي وسد الخط والمرة الثانية چان ديصبغ الغرفة وخابر يسألني عن اللون الأحبة حتى يصبغها بي بيوم اربعين اهلي گعدت الصبح على صوت الموبايل سحبتة من الميز هذا صخر!! خير يا رب شعندة من الصبح متصل؟ رديت علي والله اليعلم شلون چان صوتي لأن توني گاعدة من النوم بس اتفاجأت بي تغزل بية لأول مرة تحديداً تغزل بصوتي - الووو - هو ياهو اليجي ويگول الو من يگعد من النوم - شلونك - بخير لون انتِ بخير آنه بالباب شني تستقبليني لالة - صدگ والله - چا اتشاقى وياچ - هسه جايتك - لا انطري غيري هدومچ خاطر تجين وياي - وين ؟!! - تعرفين تالي بس استعجلي سديت الخط وگمت غسلت فكري يودي ويجيب شعندة جاي واحنة عرسنا بعدلة بس 4 ايام لبست ورحت العمي استأذنت من عندة ما حچة شي اخذت جنطتي وطلعت لگيتة گاعد بالسيارة يدخن بس شافني طفا الجگارة ونزل استقبلني - هي ياهي التجي وتلبس اسود - ههههه انت شنو سالفتك اليوم - هيچ بوية بس نازل اعلية الوحي فگلت خن اتغزل بمريتي شوي - زين وين رايحين - هساع تعرفين فتح باب السيارة واشرلي صعدت بالصدر وتحركنا شو هذا وصل الحدود بغداد باوعتلة بـ استغراب - شنو رايحين للنجف ؟؟ - اي دمعت عيوني بفرحة يمكن لو بـ ايدي چان حضنتة على گد السعادة الحسسني بيها ساعتها شوية وتذكرت بيت عمي - زين ليش ما گتلي علمود انطيهم خبر راح اتأخر - آنه اتصلت اعلة عمچ لا تفكرين بشي رجعت نفسي ع الكرسي مسترخية كلها كم ساعة وارجع ازور اهلي من جديد وبيوم اربعينهم يمكن هاي احلى هدية يقدمها الي صخر بعد هديتة الاولى صح الطريق طويل بس ولا حسيت بي لأن خلصتة نايمة بسبب سهر البارحة وما حسيت إلا وصخر گعدني گال وصلنة طبينة للوادي تمشينة مسافة لحد ما وصلنا للمقبرة نزلت بالسرداب وانعاد علية نفس الألم الحسيت بي لمن زرتهم اول مرة حطيت راسي على قبر امي وبچيت - ادعيلي ماما هذا الأنسان الدتشوفي واگف بصفي صار رجلي ادعي الرب العالمين بلكت يعوضني غيابكم ويكونلي سند بعد ما خسرتكم بين ليلة ويوم بقيت احچي وياهم بيني وبين نفسي ما اعرف شگد مر وقت بس كل هذا وصخر واگف يمي ما مل ولا استعجلني حتى درت وجهي بعد ما اكتفيت من البچي لگيت صخر مگنبص بالگاع ومرچي نفسة ع الحايط بس انتبه علية گام ع السريع - ها نمشي - تعبتك وياية تقرب مني مسح دموعي بـ اطراف اصابيعة وگال - لا تحچين هيچ ليش آنه عندي اغلى منچ خاطر اتعبلة ابتسمت بوجها بدون ما ارد قرالهم الفاتحة وطلعنة من الوادي مثل المرة السابقة اخذني للحضرة زرنا وتغدينا وراها رجعنا البغداد مر يومين باليوم الثالث اجو علينة من الصبح اخذونا للبصرة لأن الزفة تصير هناك وبس وصلنا چان الشيخ وولدة واگفين بمدخل البصرة ينتظرونا سلمنا عليهم وراها تحركنا مسافة طويلة يلا وصلنة المكان مثل البستان اول ما دخلنة بي نزلنة الشيخ يم بيت چبير وگال هذا الكم خاطر تاخذون راحتكم هنا منا لباچر غسق.. قبل العرس بيوم اجوي اهل شمس للبصرة راحوا يستقبلوهم شوية ورجعوا وحدهم صفنت ويا نفسي وينهم لعد شو ماكو وياهم ؟!! بعدين عرفت الشيخ منطيهم واحد من بيوتة علمود يگعدون براحتهم اجتمعوا بالصالة مخبوصين لأن باچر العرس انتبهت ع الشيخ اشرلي وراها راح للمضيف خفت بداخلي خير يارب بس لا تطلعلي مشكلة صفح رحت الريحان وصيتها على ود ولحگتة دگيت الباب صاح تفضل،، طبيت لگيتة واگف على حيلة والسبحة بـ ايدة - نعم بوية - رايد منچ خدمة - انت تأمر واني انفذ شيخنا - رحم الله والديچ بنيتي تعرفين باچر عرس اخيچ وضروري الكل يجون - ما فهمت - اقصد عمتچ نجمة اتصلنة اعليها نعزمها لكت رفضت تجي للعرس - اي صح گالت ما اگدر شنو المطلوب مني ومن عيوني - اتصلي خاطر تقنعيها هي تحبچ واكيدن ما تردلچ طلب - گلتلها والله تجي بس رفضت - لون تردين تقنعيها راح تقنع - ماشي هسه اتصل بيهم - ناطر خبر منچ بنيتي - تتدلل يابة طلعت من يمة للصالة اخذت الأرضي وظليت اقنع بيها بالربع ساعة وصلت بية حتى بچي بچيت لأن مشتاقتلها عود ساعتها يلا قبلت تجي رجعت للشيخ بلغتة بموافقتها بس عرف دزلهم السايق گتلة خليها على باچر رفض على ابو يضيع كل اليوم بالطريق شيلحگون يشوفون من العرس لـ 12 يلا وصلوا للبصرة بس شفت خالة ام هناء ركضت حضنتها من گلبي صدگ احسها مثل امي وارتاح بشوفتها ام هناء.. شلونچ ييمة غسق.. زينة خالة اسأل عنچ - تنشدچ اعليچ جنة الباري ان شاء الله هناء.. ها غسوقة شلونچ باوعتلها بضحكة وحضنتها - مشتاقتلكم هوااااي - يعمري واحنة هماتين بقيت يمهم نسولف للوحدة حتى نسيت إسحاق شفتهم نعسوا طفيت الضوة وصعدت الغرفتي چان نايم ومطفي الضوة اخذت ملابسي سبحت ع السريع وطلعت نشفت وتمددت يمة انطيتة ظهري ونزعت قراصتي من شعري داخليها ع الميز سحبني الحضنة نزيت بخوف لأن چان نايم وفاجأني بحركتة بس رغم هذا ما حچيت شي ويا ضمني بحضنة ودفن راسة بشعري يشتم بي - ليش تعطلتي جوة - چنت مشتاقة الخالة وهناء واخذتني السوالف وياهم - چا يلا نامي وراچ گعدة من الصباحيات - تصبح على خير - وانتِ بخير ردت اوخر من حضنة رجع سحبني علي بقيت ساكنة لحد ما غفيت واني بحضنة مرات اخاف منة ومرات احسة اطيب أنسان بهاي الدنيا گعدت الصبح على صوت المنبه باوعت المكانة ماهو گمت غسلت ونزلت جوة كل شي يمي جاهز ملابس عندي لأن مصارلي شهرين من تزوجت والمكياج أمل موجودة چانوا گاعدين قبلي ومتريگين رغم بعدها بالسبعة رحت الخالة ام هناء عفت ود يمها ورحت للمطبخ افتح ريگي بلگمة حتى اگدر اشتغل نص ساعة وصاحني إسحاق معناها اجة صعدت ع السريع لگيتة يدور على ملابسة بخبصة رحت للكنتور بس طلعتهن اخذهن مني وراح للحمام يبدل نزلت قبلة شفت خالة ام هناء گاعدة يم الحجية استغربت ود مو يمها باوعت للصالة ماكو ويا الجهال يربي وين راحت لعد ؟!! - خالة ود وين - دمرت هديماتها واخذتها نجيبة تغسل ليها عفتها ورحت اركض باوعت النجيبة دتشتغل ويا البنات لو اني تخبلت - نجيبة ود ووووووين - عليش تصيحين غسلت ليها وعفتها جار الفروخ تلعب - يا جهال يمعودة ما هي ما هييييييي بس حچيتها طلعت ريحان تركض رحت وراها افتر بالبيت مثل المخبلة ما خلينة زاوية تعتب علينة ما دورنة بيها ماكو ود اختفت فص ملح وذاب نزل إسحاق يدگم بدشداشتة باوع علينة وگال شبيكم مخبوصين؟!! ركضت يم الدرج امسح بدموعي - بتك ما هييييييي - شني يعني ماهي !! الحجية هيلة.. البت راحت يالميزااان البت اختفتتت بس حچتها سوة الدرج بايتين صار يركض بالبيت ويصيح عليها بكل صوتة اسمع النسوان يصيحن وينها البت بس لا مشت للعگد گعدت بالگاع ابچي لو يصيرلها شي مراح اسامح روحي ما إحس إلا وإسحاق رفعني من رگبتي وشد قبضتة علية بحيث انگطع النفس عن صدري نهائياً.... يتبع تابعوا تنقل الكم كل شي يخص القصة من غش واعتذار وتنبيهات الي انشرها على گروب الفيس بوك لتنسووون ⭐⭐⭐⭐⭐ | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
