آخر 10 مشاركات
ندبات الشيطان- قلوب شرقية(102)-للكاتبة::سارة عاصم*مميزة*كاملة&الرابط (الكاتـب : *سارة عاصم* - )           »          602 - عودة الحب الى قلبي - كارول مورتيمر - ق.ع.د.ن *** (الكاتـب : ^RAYAHEEN^ - )           »          ❤️‍حديث حب❤️‍ للروح ♥️والعقل♥️والقلب (الكاتـب : اسفة - )           »          [تحميل]من قريت الشعر وانتي اعذابه من كتبت الشعر وانتي مستحيلة لـ /فاطمه صالح (الكاتـب : فيتامين سي - )           »          متاهات بين أروقة العشق(1) *مميزة و مكتملة* .. سلسلة قلوب شائكه (الكاتـب : hadeer mansour - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          كُنّ ملاذي...! (92) للكاتبة: ميشيل ريد *كــــاملة* (الكاتـب : Gege86 - )           »          وأغلقت قلبي..!! (78) للكاتبة: جاكلين بيرد .. كاملة .. (الكاتـب : * فوفو * - )           »          ساحرتي (1) *مميزة , مكتملة* .. سلسلة عندما تعشق القلوب (الكاتـب : lossil - )           »          بقايـ همس ـا -ج1 من سلسلة أسياد الغرام- للكاتبة المبدعة: عبير قائد (بيرو) *مكتملة* (الكاتـب : noor1984 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 06-02-21, 05:29 AM   #11

ع عبد الجبار

? العضوٌ??? » 460460
?  التسِجيلٌ » Jan 2020
? مشَارَ?اتْي » 260
?  نُقآطِيْ » ع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond repute
افتراضي


سلمت اناملك للنقل قصة حلوة ابداع بالانتظار



ع عبد الجبار غير متواجد حالياً   رد مع اقتباس
قديم 07-02-21, 01:12 AM   #12

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بارت ٨
#أماً_لهُن
#مريم_السعدي

الهام.....
.
.
بعد ماقرروا يروحون ويه احمد مساعد استاذ انور عسل كالت..
عسل : اني ابقى ماروح
الهام : لاروحي اريد ارتاح.. روحي وي ازوله
عسل : لا ماريد
الهام : ويامن احجي وج شبعي باجر نرجع للحبسه
عسل : اي اوك تضوجين وحدج
الهام : لااخلص منج
عسل : اوك
راحو واني كملت ريوك وصعدت نمت للضهر دك تلفون الغرفه استاذ انور لازم نروح السفاره ورحت ويا بتكسي كملنا شغلنا وطلعنا كالوا انتظرو يومين يعني الكروب يرجع واحنا وراهم بيوم ردت اتخبل بنات اخويه شون وين يرحون
تعذر مني كال ماعدي غير حل
خابرت عمي كال اخليهم يمي
الهام....
بطريق الرجعه من السفارة كان لازم نصعد ميترو
صعدت وكعد بصفي خليت الجنطه بيننا كان حريص يدفع الكروه بنفسه
عيوني عالشباك اتفرج
وسأل سؤال غثني بي
انور : انتي ليش هيج
تفاجأت التفتت عليه رأساً
- شنو؟!!!
ابتسم وباوع للشباك ورجعت نظراته عليه.
- ليش هيج هامله روحج
- شنو هامله روحج شنو ششايفني هدومي مكطعه
- لا حشاج
- لعد شنو مناسبه سؤالك
- تعرفي مو
- منو انت شدتحجي كلتها ووجههي كله غضب
ارتبك وندم حسيته عالسوال جر نفس وتلفت ورجع باوعلي
- اللي شفنا بميني اسطنبول خطيبج السابق التركج
- وانت شعليك منو كلك تتدخل.
- صح حقج
- هاي ياهو اليسافر وياك تعرف سيفيهم كله
- لا مابيها شي تعارف حبيت انصح
- خلي نصحك الك ابو وجهين
تغيرت ملامحه وعكد حاجبه همس
- عذرا نافقت وياكم شي ليش هالحجايه
- لا موهيج بس انت هم عدك شغلات تاذيك ومضوجتك ومكدره حياتك.
- لا شبيه الحمد لله صاحب شركه وسفر وطبه وطلعه وشكلي مرغوب والضحكه تارسه وجهي
- هذا الشي اللي الناس تريد تشوفه وتحب تشوفه
انت انت داخلك شنو تريد ومنين تعاني
صفنت بعينه بثقه
فك عينه بصدمه وراساً لمعت الدمعه ودار وجهه عني منطق بعد ابد
وصلنا و صعدت رأساً فوك
لفيت راسي ونمت رغم جنت شايله هم شكبره شون حبقه اربع ايام لخ هنا بدون البنات اكثر من مره خابرت عمي اكدت عليه البنات يبقون عده حدما اجي كومه وصيتهم
الحلو بالموضوع
رسل تخاف من عمي نوعا ما وتخاف من ولده
كعدت على صوت الفون ازل تتصل.
- ها ازل
- للومه انتي وين
- بغرفتي ليش شكو
- لا ماكو دنحضر نفسنا باجر طالعين فهاي اخر طلعه للمطعم عالبحر متجين
- والله مالي واهس
- للومه اخر يوم حبابه وكعده حلوه هاي عسل اكلت راسي
- استغفر الله ربي ديله نازله
كمت بدلت راسا ونزلت
لكيت رسل كاعده بصف استاذ انور وديسولفون وحدهم وببعد عنهم كرسيين البنات مال كروب الباقيات.
عسوله يم ازل واساور وابوها رحت يمهم وطلبنا الاكل وعيوني على رسل وعليه يضحكون ويسولفون وحدهم الكروب كله انتبه
احمد المساعد مالته بالشركه السياحيه فات من يم ازل بسمرها
- صايره عوائل ليوره
ازل نصت ولزمت الفون راسلت رسل اللي رفعت راسها باوعتلنا اخيرا وتوجهت ناحيتنا نترت
رسل : شكو شبيج تدزيلي خزيتينا
ازل : صوووتج رسل الكروب كله يضحك عليج خاطر الله اخجللللي
عسل : حتى احمد ومنصور ديحجون يكوله استاذك غركان بالعسل شكد استحيت
رسل : انجبي انتي
وباوعتلنا شفتيني طبيت لغرفته لتصيرين شريفة روما انتي عساس ملازكه باسو ووابوها شو محد حجه لو من يمي غير شي
ازل : تورطت فكيت حلكي كامت تتقصد تعلي صوتها خفت لااسو تسمع دفعتها وسديت حلكها ودفعتها للحمامات
ازل : لو تسكتين لو يصير شي موزين
رسل : لا بالله ست ازل شنو الموزين علميني بله
ازل : يعني اني ولااتذكر فد موقف حنين وياج. ليش هيج شمسويلج
رسل : كلشي ممسوين كلمن عليه بروحه حبيبتي اني هيج من الله اكرهكم
بقيت صافنه عليها عفتها ورجعت
صدك اختنكت صدك روحي طلعت
ولافد يوم فكرت بينا احنا احنا خواتها
كعدت واهز برجلي بله وعي اعصابي فلتت للومه بقت تباوعلي وتهدي بيه بنظره عينها وعسل ضايجه
فجأه سمعنه عيطه استاذ انور
- شنو انييي هنا طرطورررر
فزينا كلنا
شفت وحده من بنات الكروب تبرر
- استاذ والله طلعت العصر كالت ساعه واجي بعد مجتي شسوي
- انتي غير تحجين مسؤوليتها براسيييي هاي خابريها
- اامغلق
- وتااالي شون طيارتكم بال٢ الفجر وهي ب١٢ مجايه شون
- والله ماعرف
- ويامن جايين انتو
- احنا اربعه صديقات جينا سوه
- احممممممد تعال هناا
- نعم استاذي
- تنتظر بباب الفندق حدما تشرف ست ختام مجتي تخلي جوازها يم الريسبشن مالي دخل بعد بيهااا
وعاف كلشي وصعد فوك دمه فاير
الهام.....
بقيت صافنه الكروب تحول على البنيه الطلعت يحجون
اللي يكول متواعده
واللي يكول خاف بايته يم واحد
اووه حجي الناس ميخلص
رسل : بقت لازمه الفون بيدها وتراسل
اخر شي كامت دتعوفنا ازل صاحت
- وين شو عالمصعد
- شعليج انتي وعافتها وراحت
شفناها صعدت فوك
راسي افتر بس لاصعدتله
متحملت بعد خلي تصير فضيحه
صعدت وراها وبقت ازل وعسل جوه نار نار بگلبي صارت
صعدت وصلت الطابق الطلبته هي شفتها بالممر دتحجي وياه وهو نتر بيها
- يابه اني مجرد حمله شركه وانتي. سائحه بكفالتي وخلص
الهام : من سمعتها الدم جمد بجسمي شكدد عيب شيكول عليه معرفت اربي واني عود دارزل بي من شوي تماده مشيت سريع هو فك عينه صفن لوحودي وعصبيتي
وصلت لرسل
الهام : رسل تعاي احاجيج
رسل : ها شتريدين هسه انزل بس داسلم عالاستاذ باجر طالعين
الهام : رسل تعاي داكولج
مهتمت جرت عينها
اباوع الاستاذ عافنا وراح بالمصعد واني مصدكت الطابق مال غرفتي وجريت رسل من ايدها رادت تنترها بس مكدرت عصبيتي شددت عليها بايدها حسيت روحي اقوى وحده من العصبيه
وصلت لغرفتي فتحتها وطببتها للغرفه صيحت عيطت
رسل : وخري ماوخري شنو زعطوطه اني
واني صرت مخبله ضربتها على وجهه
صفنت رجعت ليوره دتريد تتقدم تضربني
وكملت ضربتي ملختها تملخ
لدرجه هي بجت واني بجيت حتى هي ضربت
بس محسيت على روحي
كعدت عالجربايه عركانه مي غاديه وهي تغلط
رسل : عانس— غياره — فكريه — وجه المكادي محد مكلبج وترديني اصير مثلج
غمضت كمت دفعتها وطردتها من الغرفه تدفع هي تصيح
- خل اعدل شالي حقيره
واني مهتميت طلعتها وشمرت شالها تعبتني حيل تعبت طبيت للحمام
من كل عقلي بجيت سبحت وطلعت اريد ابدل حيل مبيه
فتحت سلايد الشباك وبالبرنص كعدت بالبلكونه
عالقنفه وجريتها بصف السياج
الهوا يكص كص من البروده واني مرتاحه من نار گلبي ردت بس شي يبردني
وكفت عالسياج واجر نفس المنشفه من راسي وكعت واني مهتميت. البروده تغلغلت براسي رغم صيف بس هوا عالي وبارد
والغرفه بطابق عالي لدرجه اللي اشوفهم جوه. كلش صغار صافنه عالعالم رايحه جايه
باوعت لايدي مشرمخه. اثار اضافر رسل
اول تالي اضرب بس وصلتني حد. متعب طريق مسدود اقلها خل ابرد كلبي
وكمت وي روحي احضر الها متحلفه شنو اسوي بيها من ارجع
اكطع المصرف
اقفل الباب ورايه من اطلع
ووووووو
حدما تعبت من تفكيري واعرف هذا كله مينفع شتريد شتريد بس اريد افهم
صحت الداد منها
غمضت اتنفس بكل قوتي اريد اطلعها من مخي ارتاح شوي
فززني صوت چقة جداحه تلفتت البلكون البصفي الاستاذ انور
صافن عليه ويسحب نفس الجكاره بعمق ويذب دخانها
ثواني مسطوله وكفت صافنه علي
وهو صافن عليه مبتسم بطرف شفته
وييين يله انتبهت لروحي اني بالبرنص وطبيت ركض
البرنص جوزي طوخ عبالك جبه
احجي ويه روحي
ممبين برنص ممبين برنص مو
شعري محلول اباوع بالمرايه واعض بشفتي خجلانه فشلانه كل الخجل بيه
شون شسوي شكد عيب
سديت السلابت وطفيت الضوه لل٢ مكدرت انام خابرت عسوله تودعني هي وازل وراحت يله كدرت اغفى
هالاربعة ايام شون حكضيها وين اولي
فلوس تداينت من ابو اسو ٥ اوراق كلشي يصير رغم ما احمد مساعد استاذ انور كلي الشركه تتكفل بكل شي
بس مكدرت اضل بله فلوس
انام واكعد بالي يم ازل وعسل وحتى رسل
الصبح تقريب ال١٠ دك تلفون الفندق رديت كان الاستاذ انور
- الو صباح الخير
- صباح النور كلتها مرتبكه
اخذ نفس وكمل كلام
- ست الهام تفضلي للبوفيه المفتوح لان بعد ساعه ينغلق
- اوك جايه
وكمت بدلت ونزلت ماكان موجود بالمطعم الخاص بالفندق والحمد لله تريكت وبقيت بالمطعم اتفرج عالعمال شون ركض ركض شالو اواني البوفيه ويتحضرون للغداء
رجعت صعدت بعدما اشاروا انهم حيسدون المطعم ساعه لغرض التنضيف
بقيت اكلب بالتلفزيون
للعصر رووووحي طكت اتصلت بيه ازل تبلغني وصولهم لبيت عمي وهم نطيت حزمه توصيات وارشادات الها ولعسل
ورجعت نمت المغربيه لل١١ بليل يله كمت صدك اختنكت
طلعت للبلكون بس هالمره لبست
واتفرج عالماره الرايحين والجايين عالم عايشه صح. هوا نقي ومكان يخبل وعيشه مستوره مرتبه مااعرف ان كان ماخفي كان اعظم بس هذا الواضح
وهم سمعت صوت الجداحه
بقيت اباوع عالشارع ملتفتت جنت خجلانه من الصار قبل يوم ومنحرجه كلش حدما تحمحم
وكال
- مساء الخير؟
بصوره استفهاميه
التفتت مرتبكه
- ااااهههلا
ورجعت باوعت عالشارع
جر نفس وتقرب للسياج صار بصفي تقريبا يفصل عننا بس الحايط اللي بي زخرفه وفتحات
كال
- حلوه تركيا مو؟
هزيت راسي وعيوني عالشارع بدون صوت
- لان اول مره هيج تشوفيها
باوعتله ابتسم باستفزاز
- والله شبيج تره عاديه اني عدي شمال العراق دهوك وسليمانيه احلى رغم هنا الرقي والنشاط التجاري بس هناك تحس بيها محنه اهلنا
هزيت راسي صافنه
- مرايحه للشمال مو
- جج
- واضح من صفنتج
جر حسره وطفا الجكاره همس وهو عينه عالنفاضة
- تنزلين تتغدين تتعشين كيفج دك بيه الجوع
باوعتله وهزيت راسي
- اني هم جعت ومااندل
- امشي لعد او اذا تحبين اصعده للغرفه الاكل
- لا اختنكت من الغرفه
- لعد اني نازل اذا تحبين تعاي جوه انتظرج ربع ساعه واذا عبرت اطلع لان عدي موعد علمود جوازج
- اوك
نزل واني لبست ماعدي غيره ومااندل اروح اتيه وتنلاص وهنا العشا ماعدهم ووكت الغدا فات
بدلت عالسريع ونزلت
لكيته يخابر ممنتبه لوجودي يحجي بعصبيه وصوت ناصي
- ابويه لتشلع كلللبي ليش تعانددد
.........
بابا افتهم لتخربط بالحجي حبيبي عيبب
.........
ميهم زين اي هاهي.. اني كلب ابن كلب اذا خابرتك بعد دولي انعل شرفك وشرفها لامك يا—
رجعت ليوره انهزم وارجع اجي عساس توني جيت انتبه وراه وكف كال
- اعتذر ست الهام اااا نطلع لو عدج شي
- لا ماعدي كيفك
وطلع كدامي واني وراه مستغربه
هم عدة ضيم مثل رسل
هم عده قهر مثلي
يجوز ابنه نفس اللعبان نفس الله اعلم
.
.
.
طلعنا تمشه كم متر ووكف يم مطعم شعبي التفت عليه ذب النظاره
- تاكلين تمن برغل ولحم
- اي عادي
- زين
بقه يحجي تركي ويأشر اخذه سفري لان ماكو مكان كعده كلهم كاعدين
باوعلي
- كال ناكل بالفندق احسن
- اي عادي
طب ديحاسب نطيت من يمي
- لاعفيه اني ادفع
- لاست رجاءا كالها منصي عالمحفضه وعافني وطب للمطعم وطلع بيده الاكياس
رجعنا للفندق وصعدنا فد مصعد كان ساكت حتى نفسه هاديء واني مراح من بالي الموقف الزباله الي نحطيت بي قبل يومين بالبرنص
وصلنا طابقنا
التفت بثقه همس مأشر على باب غرفته البصف غرفتي
- غرفتي بصف غرفتج اي شي تحتاجي دكي عليه او دكي باب الغرفه
هزيت راسي وتركته فتت للغرفه بدلت وطلعت البلكونه لبست شال ذبيته على راسي الغرفه تخنك احتصرت
خليت الاكل عالميز وبديت اكل سمعت بصفي صوته يحجي بالتلفون كان هاديء ويحجي بثقه وي شخص يطلب منه يقنع شخص ثاني. هذا الفهمته
من كلمه
- قنعه مو موتني
تجرات اباوع من فتحات الجدار بيننا كان كاعد والميز كدامه والاكل لابس فانيلا وزنجيل فضه وبرمودا رجعت لمكاني خاف يحس
كملت اكل ولزمت الفون اكلب بي
حجيت وي ازل وعسل ورجعت عاليوتيوب شغلت فيروز بصوت هاديء
صافنه عالسما وكعدت اتذكر
شخص شخص مر بحياتي
رافد
واللي بعده وشون وكفلي بسالفه رسل
امي واخويه وابويه
واني صافنه على روحي
لاول مره اطلع اسافر
اول مره اكون بهذا الاحساس من الهدوء والسكينه
وكفت عالسياج اتفرج عالعالم. صفنت وي نفسي عجبني اطلع افتر ضايجه لبست ونزلت
افتر وبيدي بطاقه الفندق اخاف اضيع
متنزهات هواي كعدت توها تغورب الدنيا اتفرج عالعالم اغلبهم عوائل
ناس يحبون يبينون مشاعرهم كدام العالم
اثنين يتحاضنون او يتبادلون القبل عادي كلش
ضحكاتهم عاليه وتنبع من الكلب مو بيدي من اقارن بين هالبلد وبلدي.
شنو ينقصنا حتى نكون مثلهم مرتاحين كبشر وحياة طبيعيه
بقيت اتمشى شفت روحي ابتعدت ومعرفت ارجع. طلعت البطاقه نطيتها لبو تكسي هز راسه. فاهم
افتر افتر وصلني لمكان واشرلي نزلي واشر بعد كم متر هذا الفندق كدامنا
نزلت ونطيته الكروه
صفنت وهو راح بقيت اتلفت. حضي المصخم نسيت البطاقه مال فندق عده
بقيت اتلفت صدك خفت
مشيت هواي ورديت رجعت لنفس النقطه الذبني بيها التكسي
المصيبه الفون كنك ماعرف عليمن كنك بقيت اتلفت. حرت وتذكرت استاذ انور شفته نشط الان
رأساً راسلته
- استاذ اني بره وضعت
راسا اتصل
رديت
- الو
- ها ست الهام وين انتي
- مادري ذبني ابو تكسي من نطيته بطاقه الفندق ونسيتها عده
- وشون مكنكه عالرصيد
- لا مادري هو كنك
- هاي شنو
- انتي وين اقري فد شي صوري فد نقطه داله
تلفتت طكيت صوره للمحل مال كامرات كدامي
ودزيتها
رأساً رد
- ابويه انتي بالفرع الوره الفندق وكنك تلفونج عالفندق هاي وصلتي اوكفي بمكانج جيتج
دقايق ومد راسه شفته غمضت براحه وايدي على جوه ركبتي.
ابتسم فر ايده. هذا ضهر الفندق شبيج
باوعت مفاجأه
- يا صدك
- امشي يله
مشيت وراه طبيت للفندق وصعدت ويا.
ضحك عليه وهو يضغط على ازرار ارقام الطوابق
- شسوي غريبه ومومكاني
- شطلعج جان كلتي. اطلع وياج
- مردت اضايقك
- لااني احتصرت من الغرفه
- اني حصعد ارتاح من الهبطه
- اخذي راحتج ست ههه
تركته وطبيت بدلت ورجعت للبلكونه راسي افتر من الهبطه.
سمعت صوت طكه جداحته التفتت على سياج بلكونته
شفته يباوع ناحيتي شال ايده هو ويسحب النفس يسلم
ابتسمت ودرت وجهي عالشارع
سال بهدوء
- تشربين جاي
- للا شكرا
- زين گهوه
التفتت عبااي يتشاقى طلع عده مثل الهيتر يسوي كهوه وجاي جاوبته.
- اي اشرب گهوه
ابتسم هز راسه ومغمض عينه. تك لان يشتغل والجكاره بين شفته ودخانها عمه عينه
ماعرف شنو تغير وتمنيت اعرف قصته
سالفه تغيير موده بلحظه من حال لحال رغم لزكه بالبنات ودوم يسولف و يضحك ويدلع بس هسه شخص ثاني من سافر الكروب
مد ايده وعيونه بعيد عني عالشارع كال بصوت ناصي
- تفضلي
مديت ايدي واخذته
- تسلم
- هلاو
بقينا ساكتين دقايق دك تلفوني ازل تتصل
رديت
- الو ها ازل
عسل : للومه هاي اني
- ها عسوله شبيج
- للومه اريد ارجع لبيتنا ضجت من هوسه جهال ولد عمو دخت
- عكب باجر اجي ونرجع
- فدوه خل نرجع وعمو يبات يمنا هوكلي ميخالف كولو للومه
- ها زين مو مسواك ماكو
- ناخذ فلوس من عمو ومن ترجعين انطي حبابه للومه
- ماشي طيني عمي
- اوك
حجيت وي عمي واكدت عليه ينتبه وسديته جريت نفس شون سالفه طلعتلي
التفتت على صفحه بلكونته شفته يباوعلي ويشرب بالكهوه
درت وجهي رأساً سأل
- تدرين انتي سبعه
- باوعتله شون
ابتسم ودار وجهه
- واحد وثاولني ثول لاعب بيه طوبه شون مسيطره على ٣ الله يساعدج
هزيت راسي ابتسم
- كبروا من جانو صغار اسهل كلما كبروا كبر همهم
- صح والله صحيح
عدك ولد
هز راسه وجر نفس
- اي عدي ولد شاب
- ها الله يخلي الك
عرفت انه متزوج قطع تفكيري وسأل
- شكد عمرهم وتوفه ابوهم
- رسل جانت ٦ ابتدائي او بعدها مداخله سادس
وازل وعسل اصغر
- عسل شون تحملت
- متذكر الحمد لله. بس جانت متعلقه بي فتره من راح تمرضت صخونه والتهاب امهاء رادت تروح. بس الله ستر
- شكد تنحب. تطب بالكلب شكد حبيتها
- اي هي دلوعه رغم. يتيمه. بس متبين ضعفها
- امم متحب احد يشفق عليها مثل العدي
- ليش هم يتيم
هز راسه بالرفض ويشرب الكوب عيونه عالشارع
كال
- لا انفصلنا و كان عمره ٢ ابتدائي و تزوجت وما سألت عنه بعد ... بس قبل فتره من كمل اعداديه بيوم عيد ميلاده اتصلت تتوسل بي بس تشوفه ورفض حتى يسمع صوتها
.
.
.
يتبع
مريم السعدي



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 09-02-21, 01:47 AM   #13

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بارت ٩
#أماً_لهُن
#مريم_السعدي

انور.....
- لا انفصلنا كان بالثاني ابتدائي و تزوجت وما سألت عنه بعد ... بس قبل فتره من كمل اعداديه بيوم عيد ميلاده اتصلت تتوسل بي بس تشوفه ورفض حتى يسمع صوتها
الهام : اوو خطيه ياعيني
انور : شسويله وهالعناد مالته مموتني بي محملني ذنبها من وراك انفصلت عنك
الهام : وهو صدك من وراك؟
- متوالمنا احنا الاثنين راسنا يابس وهي تهين الواحد تحسسه بانه صفر متحملت وهي الطلبت الطلاك واني مصدكت
- الله يعينك على تربيته
- جر حسره والتفت باوعلي بطرف عينه عيونه تسأل
درت وجهي اتهرب منه
بس متحمل فضوله ونطق
- هذا الرجال الشفنا كان خطيبج السابق مو
هزيت راسي ونصيت اعاين عالشارع
- هو انتي ليش هيج عايشه
باوعتله متفاجأة
- شون عايشه
بقه يباوع بعيني عاكد الحاجب وكمل كلام
- ماعرف بس منطويه عازله روحج وانتي دفاع يعني ثكيله
- شسوي يعني
- مادري... بس لبسي اطلعي تآلفي ليش معقده روحج ليش تخليهم يكولون همزين تركتها
- هو انت شعرفت وهيج تحجي
- عرفت تراطيش كلام
- من رسل مو
- هز راسه يتأمل نظراتي
ابتسمت
جاوبته
- رسل تره نظرتها تختلف عن نظرتي للامور
اللبس والكشخه والطبه والطلعه اخر همي
- لعد شنو همج تمتعي بشبابج باجر يتزوجن ويعوفنج
- شسوي يعني
- يعني طلعي عيشي سياره اخذ صغيره اسوي كل اسبوع اسبوعين سفرات قريبه او طلعات بالمطعم وي صديقات تختاريهم يغيرون نفسيتج
- ماعدي كلهم كبار بالعمر والصغار يطلعون وي عوائلهم
- زين ميهم لتضلين بوجه كئيب العالم تنفر منج
- اني وحده واضحه اللي بگلبي على لساني ماامثل شي بوجه ضاحك كذوب وداخلي شي ثاني
نصه راسه يبتسم ورد رفعه يباوعلي
- تقصديني مو
- اي انت... ليش هيج عايش
عايش نفس مالناس تريد
وانت؟؟!
انت وينك ارادتك وطبيعتك الحقيقبه وينها؟
- موجوده من اطب بغداد تطلع باب رزقي هذا ولازم اتعايش بي
- امم تكهنت بهالشي
- وشدعوه شاغل فكرج وشون حسيتي بيه امثل الفرح
- حسيت وخلص
- تدرين انتي الوحيده الحسيتي كلهم مو بس كروبكم اي كرروب اكفله يحسدوني على عيشتي
متونس ومرتاح وسفر وونسه وتسوالف وضحك ميدرون باللي بداخلي
واشر على روحه
هزيت راسي
- الناس الها الظاهر
- صح
- بس سوال
- جواب
- حجابج مضبوط
باوعتله وهزيت راسي بالرفض
- لاممضبوط
- امم زين ليش متذبين الربطه
- لا ماريد شنو هالجرأة
- لايعني موهسه هو تطلعين بدون حجاب ليش جابره روحج عليه اذا ممقتنعه.
- اني هيج
- لا مو انتي هيج خايفه من شي
كالها ورجه عكوسه عالسياج مال بلكونه عيونه كبل يحجي وميباوعلي
مرديت علي
التف صفح وهز راسه ساكت
بقيت صافنه عليه. شيقصد؟
كال بهدوء
- مو بالله خجلانه من شي خلاج تنجبرين عالحجاب
- شنو تقصد كلتها وعليت صوتي.
ابتسم
وهز راسه موافق دار وجهه طفه جكارته بالكوب الورقي الباقي بي شوي كهوه وجر نفس
وعيونه عالكوب
- احجي شتقصد
- اذا حتتعا ركين افوت انام احسن
- اول كلي شتقصد من شنو اخاف وشنو مجبوره منو يكدر يجبرني اذا رب العباد كال الدين مواجبار
- على كيفج على كيفج مقصدي شي.
- لا كولي عدك قصد من كلامك هذا وتدخل
- لاشعليه كالها ودار وجهه يهز برجله ومرتجي بعكوسه عالمحجر وعيونه عالعالم التروح وتجي
بقينا ساكتين مطقت اباوع بوجهه بعد
تقريب دقايق وحجه
- تدرين اني والدتي توفت محتركه
جمدت بمكاني باوعتله ميباوعلي يباوع كبل ويجر حسره
منطقت ردت اسمعه وماعرف ليش
كمل كلامه
- اتصلو بيه كلولي والدتك بمدينه الطب جابوها محروكه نسبة الحرق ٧٥ بالميه
رحت اركض ملحكت عليها. من طبيت جانت الممرضه دتخلي الجرجف على وجهه واني قبل يوم جانت عازمتني على ريوك باكلا بالدهن
- الله يرحمها
كلتها والتفت عليه يباوعلي احس يعرف كل نقاط ضعفي
- اني والدتي ماتت من قهرها على عمران اخويه
- الله يساعدها همزين توفت جان ضلت تلوب علي
- اي خطيه روحها من الدنيا عمران وبناته الف رحمه على روحها
- الله يرحمهم - ايي
- اي شنو اي
- الحجاب عقيده وايمان لو ينلبس لو ينزع
رفعت راسي ليفوك وجريت نفس
كمل كلامه التفت عليه البينا فاصل بس الحايط المنقش نقشاته. بيها فتحات
بقيت اباوع لوجهه وهو ويحجي كان هاديء وواعي يختلف عن الشاب الملكلك للبنات وصوت ضحكته عالي ويدلع و ميحجي غير حبيبي وحياتي.
لا كان يختلف
كمل كلامه وعيونه بعيوني
- لو تنطين قيمته وتلبسي عدل لو نزعي احسن.
- الدين مو اجبار
- واني مكتلج غصب عنج تلبسي كتلج لو تنزعي لو تلبسي. من شنو خايفه
ربكني وردت اتهرب. واسد الموضوع ماله حق
- منو كلك خايفه وانت شنو تتدخل منو سمحلك
جر نفاضته وعاين للشارع دار عينه عني جر نفس وفتح السلايت اللي منه يدخل لداخل الغرفه. همس بنتره
- اعتذر من رخصتج.
وفات للغرفه وسد السلايت والبرده
بقيت كاعده ضجت
لليل واني ماعرف شسوي مليت حيل حتى النت كطع ساعه ساعتين ٣ سمعت سلايت باللكونه انفتح مره ثانيه رنة النفاضه عالمحجر وورث جكاره. التفت لبلكونتي رفع تك حاجب مستغرب
كال ودار وجهه منزعج
- بعدج هنا
درت وجهي ولفيت روحي بالروب. زين. مرديت عليه
رجع لوره الحايط كعد
الحايط البيننا نقشاته. فتحات كد البرتقاله. اكدر اشوفه التفتت شفته باوعلي ودار وجهه مدد رجله عالطبله االكدامه
درت وجهي مليت كلش ووجوده ينرفز
سمعت صوت الهيتر مال كهوه الصغير التفتت شفته صب ورجع ارتجه عالقنفه باوعلي من الفتحات لكفني اباوعله
شال كوبه. بدون ميحجي. باشاره
- تردين؟
اشرت بسرعه
- لا ماريد
يدخن ويشرب كام ميباوع وحاس بيه داعاينله ابتسم تك خد. بمكر وعيونه عالبنايه كدامنا
درت وجهي هسه اني شكو داعاين فد جرجوبه
البنايه الكدامنا هم فندق شبابيكه علينا كدامنا شباك بردته خفيفه همه كل برداتهم خفيفه
صارت عيوني. وين مديعاين انور
وانصدم باثنين بالغرفه. متحاضنين. وتقرب يريد يبوسها
غطيت عيني انحرجت. كمت اباوع داير مدايري. اريد ابعد عيوني عنهم سمعت ضحكته. التفتت باوعتله ابتسم ورد ضحك نصه متت فشله وين اروح كمت دافوت للغرفه. صخام. شنو ذوله
اريد افتح السلايت. ميفتح حاولت حاولت شككل جريته قوي اجتي اليده بيدي
بقيت صافنه
اجاني صوته ورايه
- شسويتي كسرتيها
التفتت عليه صافنه
هز ايده. فرها ودار وجهه.
كمل كلامه من دون ميعاين
- غرامه عليها هاي
انفجرت متحملت
- همه صوجهم بيبانهم سلابات عاويه شوف شكلت. متفتح. وحده بمكاتي تكلب الدنيا عليهم هذا فندق هذا طاح حظهم
احجي وااشر هو صفن عليه
ضحك صوت عالي رفع راسه ليفوك نصه مسح على لحيته التوها. تنبع
- اشرلي فتحيها بله
- متفتح متفتح هاك. باوع ماكو مشككله.
عبس حلكه اشرلي عوفيها
- شوي حعبر احاول افتحها
- وين تعبر عزه
- لعد شون تضلين هنا بارده كيفج
- لا لا شنو ابات هنا قابل
- غير انتي
باوعت عالباب وباوعتله طيته مجال من دون مااحجي جر نفس طفه جكارته ووكف عالسياج لازم الحايط وعبر ببلكونتي. برشاقه كمز
وحاول بالباب ماكو
- سجينه سجينه ماكو
- لا شسوي بيها
- فاكهه البارحه جنتي تاكلين
- اييي رجعتها
- اهووو - دنبوس بحجابج ماكو
- لا
- اي طبعا مخليته تكماله عدد
- انت معللليك
- صوووتج. رجاءءا لتعلللي
- لتدخل لعدد
التفت خززرني خززره بحياتي محد معاينلي هالنظره ابد رجعت ليوره ارتجيت عالسياج حسي مطلع
رجع عبر لغرفته ورد اجه جايب ويا درنفيس صغير وفتحها نتر
- فوتي
مرديت فتت ساكته ورد طلع من باب الغرفه لغرفته
لل٢ بليل نوم مكدرت انام اختنكت
طلعت البلكون. كلت اتفرج عالعالم سمعت صوت اغاني
القيصر
( وجهين والعمله وحده وثوب مكدر عليهم)
صوته يغني من كلبه بهدوء والاغنيه هم كانت صوتها ناصي بقيت استمع اله
طفت الاغنيه دك التلفون مالته
رد وغمض
- ها يابه
.....
اي
.....
هاهي براحتك
.....
وسكت
جر نفس وفرك وجهه جنت اباوعله من الفتحات
ورد كال
- هاهي بابا براحتك وضرب على فخذه همس الله وياك. سد التلفون وشمره
غلط ولزم راسه مغمض
تلفوني رن يعلن ارتباطه بالانترنت
باوعتله رأساً
هو ولازم راسه فتح عينه بكل هدوء تجاهي
صارت بعيني مباشره
صفنت وهو متحرك بوبؤ عينه.
يباوع بتعب ولازم راسه متمدد بس رجله ومرتجي ولازم بتك ايد راسه بيها الجكاره
نص جفنه فاتحه وعيونه. تحجي تعب كلبه
مدري شصار بيه
تطشرت وانلميت
احسه يكولي محتاج احجي
واحس روحي محتاجه اسمعه واطلع من تفاهه همي وتعبي الكانت افضعها
اني عانس
محركت عيني تحجرررت رمش مرمشت
وهوو يرمش بتعب ويباوع ساكت. ساكت بس سكوت ناطق. بمشاعر تعبانه
نصيت راسي بعد دقيقه او يمكن اكثر حسيت روحي عركت ونمل عقلي من نظرته
رجعت رفعته. شفته علىً نفس النظره
كمت وكفت اريد انهزم
رفع نظره وي وكفتي
مدري شحجاني
وسالت
- اااا باجر بيش ساعه
اشر براسه مستفهم بدون صوت
- الباجر الباجر بيش ساعه
بلع ريك ونزل رجله نصه. وفرك وجهه ورد رفعه تجاهي
- همس براحتج
- شنو براحتج شوكت نروح
- كيفج الصبح تردين. عادي
-ريعني اني كيفي
جر حسره ودار وجهه
هز راسه كيفج ماعدي شي
- اوك الصبح حتى منتاخر
عكد حاجبه مستغرب
عفته وفتحت السلايت
- ااتصبح على خير
جاوب بحيل بايد
- وانتي من اهله
سديت السلايت طفيت الضوه واخذت الفون وقتته وانتبه.
باجر اربعاء
عزززه شكد فشله الخميس سفرنا منهاي يكولي كيفج قصده نطلع. شكد غيب
خرب يله باجر نكعد واكله ماروح
.
.
.
ثاني يوم حسيت على دكه التلفون مال غرفه رديت
- الو
- الو صباح الخير.
- هلو
- شنو نايمه
- اي - لا كعدت
- اني لبست وجاهز ودا انتظرج جوه بالريسبشن
- ليش وين
- مو كلتي نطلع الصبح
- اني مكلت كلتها وكمت كعدت عدل باوع اني عبالي شسمه عبالي اليوم خميس والله
- اي ؟
- اي ففكتلك نطلع تلصبح عبالي نرجع يعني اقصد
- همم وهسه شنو متنزلين
- لاانزل طبعا اتريك
- وين تتريكين ساعه ١١ تره بقه ريوك بقه اكل حتى البوفيه شالوه
- ها
- اي والله
- لعد شون
- دكومي لبسي ونزلي نطلع نتريك اني هم متريكت
- مااشتهي اكل
- اني هم مااشتهي دنزلي ونتفاهم نضل نحجي بالفون
- اوك
سديته بدلت ونظراته تفتر براسي
لااني اتوهم
لااني لان ماكو احد يباوعلي هالنظره
لا لان وحدنا
زين شون حطلع وياه
حصرت تفكيري بزاويه الغربه
اني بغربه وهو الوحيد الاعرفه وهو من اخذنا تكفلنا شسوي يعني جوازي باكو
بدلت عدلت روحي ولكيت وجهي بمرايه الغرفه.
باهتمام اكثر من قبل
محزم الستره شديته اكثر من قبل
العطر كان اقوى من قبل
ويمكن لون الكحل اطوخ
الشال ولفته ترتبت اكثر
وانتبه على روحي تحاجي روحي
شبيج للومه؟
شبيه!!
شبيج اليوم شنو التغير وصرنا نركز لادق التفاصيل لكيت روحي بنظرات عيونه انحصرت
لالا مويمه اني اني لان مسافره حبيت اترتب اكثر شنو هو شعلي
وخرت من يم المرايه قبل لاانزع هدومي وابطل من الروحه كلها انهزمت منها ولبست حذائي ونزلت بالمصعد
حسيت كل مري العالم اليوم صارت كدامي المصعد كله مري منين مادير وجهي صرت اعصاب
توني افتح المحزم ارخي عن خصري وكف المصعد وانفكت الباب
وانور كدامي
ايده بجيب البنطرون الكتان الضيق ولابس قميص كابوي ثلجي ومدخله ببطن محزم البنطرون ناطي طلعه شبابيه اكثر
ارتبكت نصيت ونزلت ايدي راساً كال
- توني داصعدلج
- ليش بطلت
- لا تاخرتي
- مومو دااسبح
كلتها وندمت
التفتت علي دار وجهه اشر يسلم على شاب يشتغل بالفندق وطلعنا.
مشه بموازاتي
وجر نفس وايدي بعدها بجيبه
ساكت حيل هادي
- ها وين نروح
سألته وضايجه من ارتباكي وترددي
جاوب برسميه
- بالبدايه نروح للسفاره اتصلوا بيه طلبو يشوفوج عمود الجواز الجديد
- اوك
- وبعدها نتريك ماشي
- اوك
- ماعدج شي
- للا
- محضرلج جدول بماانه انتي ما تبقى من الكروب فواجب عليه اونسج
مثل المطي سألته باستعجال وكفت مبهوته
- تونسني شون يعني تونسني
وكف صافن فك حلكه ونزع نظارته يباوع بعتب
- شبيج اليوم بس تردين تتعاركين يمعوده وشون مفتهمه كلامي. شفتي مني شي موزين لهاللهجه والظن. صدك جذب صارلي عشر سنين اشتغل عالشغله محد ملمح هالتلميح الي
ارتبكت وندمت كمت الزك
- وواني شكلت ااني قصدي ماريد افتر بس اتريك وارجع
- اي زين خل اخلص من الجواز هسه امشي هاي المترو استغفر الله ربي واتوب اليه
صعدنا وبعد مباوع بوجهي وصلنا مكتب مو مقر السفاره مكتب يتواصل وي السفاره واخذنا الجواز بعد كم سؤال انسال الي وطلعنا توني وصلت بالباب داخلي الجواز بجنطتي
اشر
- جيبي وينه
- شنو
- الجواز جيبي عمي خاف هم يبوكوج
- هاك
نطيتهيا باوع بعيني وابتسم ويحاول يخفي الابتسامه بالتفاته على الشارع العام
اخذ نفس ورجع باوعلي
- ها تاكلين لا
- اي يله ناخذ غدانا ونروح للفندق
- براحتج مو صوجج صوج الفكر يو - وقطع الكلمه باوعلي منزعج يطلع عمي يطلعج
بقينا نمشي ساكتين لفت نظري منتزه كلش حلو تصميمه بقيت اعاينله عالورد والناس الكاعده بي عالشط كان
شردت بذهني على جمال الطبيعه
انور : تردين نفوت
- ها شنو
باوعتله اشر عالمنتزه
- نفوت نكعد اكو مطاعم هنا ومسابح كلش حلو داخلها
- اوك
هزيت راسي موافقه وعيوني تخيطت باسوار المنتزه الخضره
طبينا نمشي اني طبيعتي امشي سريع
كلسا اتعداه وارجع اوكف خاف اضيع
- اوكفي ست الهام شبيج تطاردين
- اطارد؟! شنو اطارد
- يابه امشي على كيف شورانه
- متعوده كلتها وجريت عبير العطر مال ورد والهوا خفييف وبارد بخفيه
كلسا اصفن على نوع ورد يجنن
كال
- شتحبين تاكلين
عاينتله جان ينتظر جوابي واني صفنت بوجهه
بقه ساكت صعد نظارته بهدوء على كصته وبقه يتأمل نظرتي
واني نسيت كلشي مزعج بولايتي
المكان وهدوءه
جماله وغربتي
نفسيتي الخفيفه بهل كم يوم بعد ارهاق رسل
حسيت روحي ماعدي مسووليه وشابه مراهقه بعمر ١٨
صافنه بوجهه
واشر بكل هدوء بهزه راسه بدون صوت يستفهم بكل هدوووء وعيونه تامنني
- شبيج؟!
هزيت راسي برفض ودرت وجهي
رجعت امشي واتفرج وهو ورايه ساكت منطق حرف احس يكولي تونسي وتنفهي حدما تملين
بقه ساكت ويمشي ورايه
مثل ضلي او كأنما حارسي
مضت ساعه واني افتر واتفرج صافنه حدما كرصتني معدتي. من الجوع
وتذكرت لااني لاهو ماكلين شي
باوعتله بخجل
- اني اسفه نسيت الاكل
هز راسه مبتسم بهدوء
- براحتج شوكت متردين نروح عادي مجوعان
- لالااني جعت
- يله لعد
مشينا وكلما يريد ينحرف عن مساره. بالمشي ياشرلي على اتجاه التغيبر بالمشي فات لمطعم مقبط وكفت اشرلي كعدي ومستغرب لملامحي المرتاحه ومتفاجئه بالمكان
كال بصوت ناصي
- نكعد هنا
كعدت بدون ماناقش وعيني عالشبابيك المفتوحه عالخضار والنافورات
- شتحبين تاكلين
صفنت رغم جوعي لو لفه جبن تكفي وي هالجمال
- كيفك
- اوكلج على ذوقي يعني
صفنت بوجه هز راسه
- شنو احجي
- اي اي كيفك
- ماشي
راح طلب ورجع ديكعد
جر بنطرونه وكعد اشر لصفحه اللخ كال
اكو مناك بعد بحيره بيها وزات وبط تخبل
وكفت رأساً بلهفه
- خل اشوفها
ابتسم للهفتي
- نكعد ناكل بره تحبين
- اي اي حباب
- يله امشي
اشر للولد كله جيب الطلب بره كان يحجي بطلاقه. بلغه تركيه.
طلع ومشيت وراه
افتر وره المطعم وكعدنا يم البحيره
ضحك بصوت نوعا ما عالي
باوعتله وتقربت للبحيره اجه ورايه سال والضحكه على وجهه
- انتي شكد عمرج
صفنت بوجهه كأنه ذكرني بكم المسؤوليه اللي شايلتها ببغداد ونساني الراحه
تكركبت ملامحي وغمضت متنهده بتعب
- براحتج براحتج انسي كلشي
- مو مرتاحه. هسه ليش تكلبها عليه
- لا والله حسكت
ابتسمت تقربت مني وزه يمكن توقعت عدي اكل بيدي تلمست ريش راسها الناعم ورجعت راحت تسبح
جاوبته بصوت ناصي
- ٣٤ سنه
باوعتله
جان سؤالي بكل مره يسألون بيها عن عمري واسألهم
مبين عليه اكبر مو؟
رأساً رد وعيونه بعيني
- لا والله حتى نظراتج اصغر بس بالبدايه انعزالج توقعتج يعني شون يعني اقصد حزينه او هذا
- ارمله قصدك مو
سكت صافن عليه
- اسف.... كالها ودار وجهه عالبحيره
وكمل كلام
- بس انتي غريبة الاطوار كلش
- وضعيتي غريبه عيشتي وحياتي كلها غريبه لدرجه نوبات اني استغربها
بقه ساكت واني عيوني عالبحيره سمعته حجه بالتركي التفتت جابو الاكل
فرش سفره جابها الولد وياه خطيه ابو المطعم كال
- تعاي يفوتج
- شنو طلبت كعدت بالكع الحشيش اخضضضر ريحة طين مبي
كال
- طلبت طاووق وكفته غير تخبل عدهم
- اي كلتلي ازل بس اني اكلت همبركر
- دتعاي تعاي
تربعت وكعدت بدينا ناكل واتي اسوي لفات صغار واعاين عالبحيره والناس تروح وتجي
عشاق
عوائل
واطفال
.
.
.
.
.
.
يتبع
#مريم_السعدي
.



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 10-02-21, 12:53 AM   #14

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بارت ١٠
#أماً_لهُن
#مريم_السعدي

تربعت وكعدت بدينا ناكل واني اسوي لفات صغار واعاين عالبحيره والناس تروح وتجي
عشاق
عوائل
واطفال
الراحه بوجوههم والحب والهدوء
كمت اراقب شكو بشر بالحديقه وانور هاديء ابد محجه لم السفره وذبها باقرب حاويه
ورجع واني بس اتفرج
بيده خبزه اشرلي تعاي يم الحافه مال بحيره قطع منها وذبها والتمو الوز عليها ياكلون
منظر يخبل طانياها وقلدته لمحته بصورني واني بفرحتي بيهم واكفه بنصهم وياكلون من ايدي
خفت لايعضوني من لمتهم كمت ابتعد عنهم وهمه يلحكوني
انور : لتخافين لتخافين جيف عرفو عدج اكل يلحكوج
- شون خاف يعضوني
- لايابه شيعضون
عاد انتبهت اجه حارس من حراس الحديقه رجعهم للبحيره
واكفه يم شجره بيها. مصطبات ويمها نافورات واستاذ انور بصفي ببعد شبر كاعد يتفرج ابد ميحجي بس عيون تراقب
والمح ثنين بوضع خبلني صح شايفه مسلسلاتهم بس متوقعت صدك توقعت تصوير وهيج سووها لاوالله طلعت صدك درت وجهي رأساً نار احس تطلع من وجهي
انتبه انور وضحك بقه يباوع بوجهي
- كوم دنروح منا
- كل مكان اكو هالسوالف عدهم عادي تره
- ادري مو عيب وحرام هالشي خو بالبيت لعد بالبيت شيسوون
- الله وكيلج ذوله غير ههههاي ذوله بالبيت كلشي ميسوون بس كدام العالم انه يبينون حبهم حتى يكولون الله شون حلو يحبها وتحبه مظاهر
كمت من مكاني وكفت باوع لطولي
- ها على خير
- نروح مناك مرحنا
- كومي يله بس خل اخذ جكاير من هالكشك
- اوك
طب وطلع بيده نستله صغيره
قدمها ناحيتي
- ليش خوااني لشتري
- ميهم عالجايات
اخذتها وبقينا نتمشى
الغريب بالموضوع ابد ميحجي ولااني
بس عيوني تفتر عالمناظر التخبل
لليل تعبنا كال
- تره لازم نروح نستلم الفيز للجواز الحديد ب١٠
- ها يله لعد
وطلعنا جانت احلى طلعه بحيث من طلعت من باب الحديقه رجعت باوعت نظره اخيره وانور كال
سنه التجي هم تعاي ليش حابسه روحج
- اني محابسه روحي بس مسؤوليتي جبيره
مصدكت سال محد عدي يسألني
وعمي من يسال وابدي احجي كبل يسد الموضوع ميريد يدوخ راسه
صديقات ماعدي مجال عملي دقيق وناس تريد تصعد على ناس فتخاف تنطي سر او تأمن معلومات خارج عملك
ودت بس افرغ كلبي اشارك همي
كمل كلام
- راتبج عدج واخذهم واطلع طلعه بالسنه متفرق.
- صح كلامك بس هالطلعه تأثر مصرف هواي
- انتي شوي لازمه روحج عليمن العمر يخلص وانتي لا وراج ماما ولاداده
- و بنات اخويه
- بنات اخوج باجر يكبرون وكلمن عدها حياتها وتضلين وحدج اطلعي تنفهي غيري جو لتضلين بس بيهم تفكرين
هزيت راسي واباوع بعينه صح كل كلمه كالها مقصره بحق روحي هواي
وصلنا المكتب فيزنا ورجعنا للفندق رأساً صعدنا فوك بغرفتي سبحت وبدلت باجر نرجع اريد اشبع من هالهوا النظيف طلعت البلكون دك تلفون الغرفه رديت عليه
- الو
- ها ست الهام طلعت اجيب موطه تاكلين
- لا بس اذا تكدر شاورما من هذا الذاك اليوم جبت منه
- ها اوك بعد
- وعصير
- اوك هاهي
- لاهاهي سلامتك
- ماشي
سديته وكعدت بالبلكون شوي وسمعت صوته بغرفته البصفي
دك تلفوني عرفته هو
رديت
- الو
- ها ست هاي اللفات والعصير جبتهن
- اي اوك
فتحت الباب هو هم فتحها لباب غرفته عدلت شالي يم اذني ومديت راسي
نطاني العلاكه وبيده قوطيتين كولا وميرندا
هزهن
كولا ولا ميرندا
صفنت باوعتله.
- خيار صعب ثنينهم عزاز
- هههه مثلي
- طيني الميرندا
- تفضلي
- شكد الحساب
- عالشركه ست
- لا مومعقول تره
- ماشي بعدين نتحاسب
- اوك هيج تمام
- بالعافيه
- وانت هم
- تصبحين على خير
- وانت من اهله
سديت الباب وفتحت الجيس يا الله شكد احب شاورمتهم
كعدت بالبلكون
وفتحت الجيس لمحته كعد هو هم عالقنفه. مال بلكون ابتسم وبيده لفته طك الببسي
وبده ياكل
واني كملت لفتي
وبعدني جوعانه
كمت ماباوعله خجلت
كال
- شبعتي جايب لفتين الي وتورطت
- لا مااكدر
- خفيفه لفاتهم بس اني ماكل هناك وحده وطلبت ٢ الي والج وحده وهسه فد مره شبعت
باوعتله
ابتسم كام يم السياج ومد ايده
كمت من مكاني واخذتها والميرندا بيدي
وكفنا عالسياج اكل ونتفرج عالعالم
عيني بالغلط والله بالغلط صارت عالعلبه مال ببسي البيده
اشرلي
- تردين
ابتسمت ودرت وجهي
- بالغلط تره
- يابه عادي طيني ميرندا واخذي الببسي
- شربت من عدها
- عادي اني هم هاي شلت القصبه مالتي هاج العلبه وطيني علبتج واخذي قصبتج
- خوش
كمل وبده يدخن سأل وعيونه بعيني
- شغلج متعب لو ؟
هزيت راسي مسؤوليته جبيره اقل غلط عقوبه
هز راسه وعيونه بعيني
- من ياسنه متعينه
- من قبل السقوط اربع سنين
- خريجه بكالوريوس لو ماستر
- لا بكلوريوس
- هم يعني وره شكد من تخرجج تعينتي
- سنتين وتعينت عينني اخويه
- واسطه
- اي واسطه شيعنني
- يكولون خوش راتب بي
هزيت راسي
بس طبيعتج مو صرافه حلو لازمه ايدج بس للهمات
باوعتله رافعه حاجبي وانت هيج منتبه
- ههههههاي طبيعه عملي تجبرني موقصدي حسد والله بس طبيعه عملي انتبه عالكل خاف احد موطبيعي حرامي نفسيه قاتل والله العالم متنحزر واني مطلعهم على كفالتي فتخوف
-صح
- ممكن اتدخل
بشنو باوعتله عاكده حاجبي ابتسم
- ليش وي رسل ممتصافين.
- شون يعني بنت اخويه شون ممتصافين
- ماعرف بس هواي بينكم خلافات انتبهت يعني
- لا غلطان
- احتمال ماعرف
- لا غلطان شنو احتمال غلطان دكولك
عصبت حيل
بقه صافن عليه كال بصوت ناصي
- ليش عصبيه هاهي براحتج
جريت نفس ونصيت راسي
- هي مو طبيعيه كل تعبي وياهم ونطيتهم عمري ووقتي تالي مثل المخبله يوميه سالفه ومشكله واي شي تعاني منه تلزك براسي وتتعارك وي خواتها وويابه ورتني الويلات من جانت صغيره خبلتننني
كمت احجي سريع وانهد وماباوع علي
كملت كلام
- تكرهنا. تكرهنا. ودوم مفشلتني اريد اعرف شمسويتلها. اريد افهم اني وخواتها تعبنا منها. هاي هاي عسل احسن منها وافهم. بس طيها فلوس وصرف. خبلتنيييي
كلتها وفركت وجهي
كال بصوت ناصي
- على كيفج اهدي
سكتت وغمضت عفته. وكعدت عالقنفه من بين الحايط ضل يراقبني. ويدخن
واني مدري شصار بيه الحقيره اكيد حاجيه عليه كدامه ليش انكر كم مره بلمحتها تضحك وتصنف كدام الكروب كله
دك تلفوني بوقت غلط عسل
رديت
- ها عسل
- للوم شوكت تجين
- شكو شبيج
- اييي رسل خبلتنا
- شبيها صخمه
- ماكدر احجي من تجين
- لج عسل شكو
- اااي ماكو شي بس ابن عمو علي مادري شون يباوعلها وهي تضحك ومرته تعاركت وياه شوكت نرجع لبيتنا
- باجر جايه استغفر الله ربي جايه باجر ازل وين
- ازل يم اساور بالحديقة الخميس تداوم بشركه ابو اسو
- صدك
- اي والله كلهم باجر كلتله تجي للومه يله
- فدوه لعينها ديله الباجر بسلامه اذا وصلت فد ب١١ يمكم
- خوش شتاقيتلج كلش
هه سكتت اخجل ابين مشاعري
- مشتاقيتيلي
- لا شون مشتاقيت
- صدك
- والله واشتريتلج السيت مال فرش المكياج الردتي لكيته ارخص
- والله ههه شكرا للومه احبج والله احبج عشر كيلوات احبج
- ههه دروحي مكموعه
- باي
- باي
سديته ابتسمت وارجع اتذكر رسل صدك صرت اعصاب حتى هذا مخلص منج شتردين يايابه شكد تحب واحد يباوعلها خزتنا
انور : عسوله هاي
- اممم
- فدوه شكد تنحب يعني ولا مره صادفتني هيج بنوته بسفراتي نشطه وعاقله وتجيب الهوا بضحكتها الله يخليها الج
- شكرا يخليلك ابنك
- ممنون
كالها وجر حسره
- عدي وياج فد سالفه وخايف احجيها وتتنرفزين وتتورعشيني
- شنو
باوعتله ضيق عينه وتقرب للحايط كال
اني كتلج قبل والدتي توفت محروكه
امم كلت كلتها وعيوني بعينه جان متردد بطريقه كلامه كلش ويكول كلمه ويردها ويرجع يحجيها
- اي كملل داسمعك
- جنت اتمنى لو بقت عايشه واخذها لكل مكان تريد
بقيت صافنه شنو الموضوع وشنو ربطه بيه.
- الله يرحمها حرام تحجي هيج
- والله حتى لو محترك كل وجهه ااهنا اكو مراكز تجميل يعالجون الحرق. فد شي موطبيعي
- الله يرحمها
- ويرحم والديج
سكت شوي وكمل
- شنو رأيج نروح باجر الهم
- وينن باوعتله مستغربه.
بلع ريك
- للمركز
- ليش قابل شسوي هناك
كلتها ومتردده خايفه خجلانه وحيل معقول رسل كلتله كلشي اتوقع منها
صرت نار
- شعدي هناك قابل ااني محروكه يعني قابل شسوي ااني ممحتاجه شي
- اوك على كيفج
- شوف كلامك تر تره تره متعرف تحجي كلتها بعصبيه وانتر وااشر بيدي فك حلكه وهز راسه يصبر نفسه
- رحم الله والديج
- اي والله شنو هو هذا هم حجي شنو سامع عليه شي ححتى افهم
- لا والله مسامع
- لعد شننو تكولي اوديج
- يعني اقصد تشوفين التغيير الصاب المحروكين
- ماريد اشوووف نترت عله صوتي
اشرلي بتحذير وشال اصبعه يحذر بهدوء برفعه حاجب وخزره عين
- رجاءا صوتج ليعلى شوي احترمي رجولتي
مثل ما موقرج ودااحجي بهدوء
- اي لعد لتحجي ويايه مومحترمه اني
مد شفته ببرود كال
كيفج.... شال نفاضته وتيشرته المشمور على القنفه. واشر بدون ميعاين ناحيتي
- تصبحين على خير
وطب وسد السلايت والبرده
اعصابي ترجف
سري عرفه احس روحي يعرف كلشي عني معقوله رسل حجتله شكد عار اذا صدك
الفجر يله طبيت وبداخلي امل كلسا اكول هسه يطلع
بس مطلع
طبيت نمت بعدما حضرت كلشي لرجعتي
حسيت الصبحيه على دكه التلفون مال غرفه رديت والنومه بعيني
- الو
- ست الهام كاعده
- اي اي اي كمزت عزه تاخرت
- يله حتى تتريكين
- خخوش
وركض لبست وكملت تحضير الجنط اتصل مره لخ
- الو هسه حنزل
- دفتحي الباب دااخذ الجنط
- ها اوك
فتحتها فات هو وولد ويا بالفندق يشتغل اخذو الجنط واني داعدل بشالي
طلع الولد وهو ويا باب الغرفه مفتوح
رحت طبكت الباب مال غرفه ورجعت كدام المرايه اعدل روحي
وتفاجأت بي يطلع من الحمام وينشف بيده
باوع للباب مسدود وباوعلي
- انت شجابك للحمام
باوعلي مستغرب لهجتي
- داغسل ايدي شكل سحاب حنطتي. دهنته والزيت صار بيدي
- وشنو تسد الباب وراك
- اني سديتها!!!
اشر على روحه رافع حواجبه وبينت خطوط كصته
تذكرت اني بيدي طبكتها
- لالا اني سديتها غمضت ودرت وجهي عالمرايه اعدل شالي
وكف ورايه ساكت يرفع راسه يعدل بشعره وياخه قميصه عالمرايه ويرجع ينصي على شاشه الفون
- اكولك افتح الباب
- اي هسه حننزل شبيج انتي بابا شبييج بيج. عقده مرض نفسي تره طكت روحييي
عافني ونزل كملت وطلعت بس اريد اوصل بغداد شديصير ويايه ماعرف احس اريد انهزم منه
نزلت جوه شفته ينتظر بالمطعم سويتلي ماعون وكعدت اتريك نفس ميزه
وهو مخلي اصبعه جوه خده يباوعلي رافع تك حاحب حسه مطلع حتى مااكل
كمت ماباوعله نصيت لماعوني
فتره من الوكت رفعت راسي شفته يتأمل بوجهي بتمعن دار وجهه رأساً بارتباك خفيف
- بيش ساعه طيارتنا
- بعد ب٢ نطلع كالها ودار وجهه
- حيييل بعد كومه
- اي تأجلت الرحله يحجي ويكلب بالفون
كملت اكل شفته كام جاب كهوه يشرب ويدخن وعينه بالفون
- لعد ليش من هسه. خابرتني لو باقبه نايمه احسن
- مو ينحسب يوم علينا وره العشره كالها وجر عينه بعيد عني واشرلي
- عدلي حجابج ركبتج. طالعه يعني اذا تردين تضميها
نزلته ودنبست الشال بقيت صافنه مداصدك تصرفاته ليش هيج هاي وي اي وحده تسافر وياه هيج
مكدرت الا اساله
- انت ليش مهتم
التفت باوعلي معاجبه ورد نصه عالفون
يعني هاي ياهو التسافر هيج تدخل بحياتها
جر نفس ورد وعيونه بالتلفون
- والله مادري شكولج بس انقهرت عليج
- شنووو تنقهر عليه ليش يمه
- مادري وضعج غريب حبيت اساعدج
- تره انت الغريب والله شنو تساعدني شبيه شناقصني روح ساعد كومه فقره
- والله الحاجه مو للمال المصيبه الحاجه معنويه
- يعني شون شنو قصدك
تقرب وذب الفون قرب جسمه من الميز وباوع بعيني اخيرا
- ست الهام نصيحه مني مدام بعد ساعه او ساعتين. كلمن يروح لدربه وبعد متشوفيني تقبلي مني هالنصيحه حرامات عمرج ديركض
بهتت ملامحي نصيت راسي
- يعني شنو اسوي
كلتها بضيك خلك بصبر نافذ صدك ردت احجي طفيت بعد ماكنت مشتعله منه
حسيته حينطيني حل لمخاوفي المستقبليه
- تردين نصيحتي
باوعت بوجهه يباوعلي باهتمام كأنما وحده من عائلته
- اي اريد نصيحه
- كل سنه سافري طلعي غيري جو عوفيهم مو صغار همه صديقات ماجدج
- جج... هزيت راسي برفض وخجل باوعت بعينه عبس حلكه وارتجى
- انتي ليش باخله على روحج اشكال البنات اشتروا وانتي كلشي مشتريتي
- خطيه شابات ويحبون يلبسون ويكشخون ويطلعون
- انتي هم موجبيره عجوز انتي؟
- شبقه بعمري
- بابا توج ب٣٠ كولي يا الله اطلع واشتري والبس ليش اخلي زعطوطه مثل رسل تضحك عليه وهي تتمتع بفلوسج ليش اخلي عسل تخجل مني
- عسل تخجل مني؟!!
- اي طبعا بهذا اسلوبج ونفرتج من الناس طبعا تخجل اختلطي عاشري حتى لو تنحرجين غلسي هاي حياة
بقيت اباوع بوجهه
نصيت راسي كال
- ممعقول علمود واحد فصخ خطوبته منج طميتي روحج مو وضع هذا حتى كفران
- لاموعلموده
- لعد شنو ليش هيج انتي ممعقول من اول هيج طبيعتج طبيعتي اقره وجوه البشر وهاليومين الكضيناها سوه كدرت اجزم انج انسانه تحب الحياة وتحب تضحك وتاكل وتحب الطبيعه ليش مغلفه روحج بهالبرواز الابيض واسود
- مادري
- اي اطلعي منه عيشي لنفسج موبس الهم
- ماعدي احد
- خالات عمات
- عدي عم واحد وعلاقتنا موشي
- اكو وحده ماعدها صديقات
- اي اني ماعدي
- زين اذا كتلج نتبادل ارقامنا ونطلع كاصدقاء وواحد يشكي للخ همه تاخذيها بغير قصد
كالها بهدوء ومنصي عينه ورافع زوج حواجبه
- يعني العالم اذا شافتنا سوه عيب
- انتي بهالعمر اكيد عدج علاقات عمل
- اي
- واكيد اكو طبه وطلعه ومطعم وعزايم
- لاماروح وياهم
- يعني بيناتهم اكو
- اي
- إذاً اعتبريني من عملج
- ليش هيج دتسوي
- لان اني هم محتاج صديقه كالها وغمض
- بس انت عدك كومه علاقات
- اي عدي بس بوججهي البشوش البس يضحك ومرتاح مو وجهي اللي لكفتي وانكشف كدامج
يعني كل انسان عده نقاط ضعف عادي تره
ماحب ابينها لاحد بس انتي للاسف كشفتيني
كالها وهز راسه متحسف
- تره موعبالك محملها اكثر من طاقتها مجرد سمعت مكالمتك وخلص مصار شي كل انسان عده هموم
- اي صح ماكولج لا بس مو كل انسان عده شخص يشكيله وميمل منه اني جماعتي ملو من شكواي وبطلتهن وبصراحه اريد اتعلم اسيطر على ابني منج اريد اكون ام واب مثلج
- اني بصراحه احجيها اني وي البنات متربطنا علاقه قويه بس عسل
- ميخالف نتعلم شتكولين
كالها وارتجى مبتسم
بلحظه حسيت الديصير غريب فلم بس مردته يخلص ردت ابقى على تواصل مردت يجي يوم اندم من احتاج اشكي واطلب نصيحه
همس مبتسم
- متفقين
هزيت راسي مبتسمه
شلت فوني كال
- سيفي رقمي
رده وسجلته ودكيت عليه
خزنه مبتسم
كال
- اذا فد يوم ضجتي مني كولي واني كذلك لان طبيعتي امل بسرعه
- واني هم اضوج احد يتفلسف براسي
- هههههه لتخافين مااتفلسف بس اشكي هواي جني عجيزه
- هه هههه
- يله يابه يله. طار الوكت
.
.
.
.
.
يتبع
.
.
اعتذر اذا بارت قصير هذا الي اكدر عليه لان فترة امتحانات وطفل صغير والوقت ميساعد
ان شاء الله نعوضكم بعد الامتحانات
.
.
#مريم_السعدي



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-02-21, 09:46 PM   #15

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بارت ١١
#أماً_لهُن
#مريم_السعدي

الهام.....
يمكن ردت حجه حتى ابقى على تواصل ويا
يمكن صارت مثل مردت
ويمكن باجر عكبه اندم.
ويمكن انخدع ويمكن يغدر
ويمكن يختفي على غفله.
يمكن حتاذه
كل هاي العيوب خليتها براسي
بس هم اريد ابقى وياه
اريد احس
اريد احجي اشكي لاحد
اريد اكون ضعيفه كدام احد كافي اكون القويه كدام الكل
اريد اكون الحقيقيه كدامه
اريد اسند واستند
واذا غدر للومه؟!! واذا غدر الج خلك قهر جديد؟!!
لا بعد تعلمت خلي ابقى اتواصل ويا خلي اطلع من قوقعتي اريد اتنفس
اريد اتنفسسسس واعيش مثل البنات شو جن عمري انباك مني
صعدنا بالطياره كان مكان جلوسه بصفي
بهالساعه
هواي هواي شلنا حواجز
رأساً شوفلي صوره ابنه بالموبايل
- ماشاء الله شاب وحليوه
- غير طالع لابو
- شايف روحك بالمرايه.
- شايفها ومن كد ماحلو قبلتي صداقتي هههه
- ضريف حضرتك... انور ماعدك خوات اخوه
- عدي اربع خوات كلهن بره هههه هجنن
- لاصدك
- اي والله وحده تزوجت وجرتهن اخذتهن لاقارب زوجها
- خوش شغله هههه
- مو بله والله لان حلوات اختي العليها تسوي ماده اعلانيه والباقي الصوره تشتغله ويدزون سكتي شبعت سفر براسهم يوميه رايح لعمان اروح عمود مقابله لم الشمل شم النمل ههههه
- هههه
- اي فاروح وياها هم اغير جو وهم اكمل شغلتهم
- مرتاحين
- والله يكلون اي بس الصغيره عنفوصه خطيه. بس خواتي لازميها
- الله يسعدهم
- اجمعين
- ليش متروح هناك
- وششتغل ازواجهم مكملين اللي دكتوراه. هندسه واللي طبيب واللي بستغل بالسفاره كلمن بشهادته. اذا اروح اغسل مواعين. بشهادتي
- هم صدك
- هنا اني تره حيل مرتاح طبيعه عملي وووو.... والباقي خلي بعدين يجي وكته
- الله كريم
- اي والله... جر نفس وباوعلي ابتسم
- كم يوم وازورج لعملج. عزمينا على شي طلعيهن البلوكات
- تدلل اجيبلك لفات ويايه من البيت
- هههههه الله عليج شكد لامه
- عمي الله اكبر من اولها دكيتني ليزر على كوله عسل
- اني اول مره اشوف بنيه منطبق اسمها عليها
- عسوله. فلم
- تصنيف الكلبه بس داخلها هش تره لتشوفيها تخفي المها بابتسامتها. تره هاي دير بالج عليها
- ادري بيها على طول اسمعها تبجي تحجي وي روحها وي اهلها تاذيني بس شسوي اكثر
- لو شماسويتي متعوضين.. اني هذا الچلب غير شيريد يتنفذ وعلى غفله ينجلب عليه يكولي امي هجت من وراك شون عاشت وياك مادري يخليني اكفرر
- استغفر الله ربي
يحجي بعصبيه زنبر وجهه وجر حسره
- بس مو صغير يعني مفروض واعي
- ضروفه صعبه خليها هسه نحجي ان شاء الله
علاقتنا كصداقه التفت مبتسم كملت كلام بيناتنا ابد متطلع
- المن اكول يعني هههه هو قابل احنا عرف
- مم صدك
- صيري قويه لتضلين ها خاف عيب ها خاف يشوفوني ممسوين غلط ومكان عام طلعاتنا والمهم احنا البينا نعرفه شنو صدقا الهام بالوكت المناسب لان مبقالي احد
كالها وسكت جنت اشكي لشخص ثاري اوووف راحت بعد بعدين نحجي كلشي
الله كريم
.
.
.
سكتنا حد وصولنا بغداد ونزلنا بالمطار اخذ غراضي وغراضه ووكف تكسي
صعدت الغراض وصعدت ليوره وهو كعد بالصدر
كال المنطقه الاني ساكنه بيها
وطلع ابو التكسي
غريب الشي صار اخر يومين كمت احس روحي ذبيت نفسي علي خجلت من فعلي وبلحظه قبل لااوصل بشوي قررت مااتواصل ويا بعد
شنو شو اني حيل مستهتره صرت
واعاين لركبته وشعره واكل بروحي
بس احب احجي وياه عادي مبيها شي
وارد اكول
الله اليعلم شاخذ فكره عني اني غلطت غلطت
وكل موقف صار باسطنبول ياكل بروحي والندم كتلني
وصلنا منطقتي وسأل
يله ست منين بعد
وكمت ادلي حدما وصلنا للباب
نزلت وهو هم نزلي الغراض وتقرب مبتسم فتحت الباب من جوه وطبببت الجنط
كال ويعاين عالبيت
هذا بيتكم
مجاوبته استغرب باوعلي شافني ماباوعله
كال
- سويت شي غلط
مجاوبت
نتر
- الهاممم
وفعت عيني كمت احجي بسرعه
- ااني تراجعت مماريد لا صداقه ولاابد جذب ااعتبرني اي زبونه عدك
صفن فك حلكه بقه يعاين بعيني مستغرب متعجب
- شبيك اني يعني مومال هالسوالف
- ياسوالف
كالها بصوت كلش هاديء وضايج
- مادري شنو صداقه شنو نطلع ماريد يله مع السلامه.
- همس الله وياج
سديت الباب بوجهه ثواتي حسيته هاديء وبمكانه متحرك بعدها سمعته مشه وصعد السياره وسد الباب طببت الغراض وفتحت باب بيتي ورجعت كلشي بمكانه واتصلت بعمي يجيب البنات
دقايق وجوي
واشتغلت الهوسه
حتى الحلفان التحلفته لرسل نسيته.
بليلتها بقيت كاعده بس اتصفن
ازل شكت من رسل وعسل حجتلي ببيت عمي شسوت وي مرت ابن عمي وابن عمي
واني ماعلق بس صافنه عليهم
تالي عسل تعبت ونامت
وازل ضلت يمي
ازل : للومه شبيج صافنه من جيتي ليهسه ليش ضايجه هيج
- لا تعبانه مال سفر
- ليش جيتو بري
- لا طياره
- لعد ليش التعب
- مادري والله.... تمعصرت وجريت حسره تعبانه
- زين شسويتي بهالاربع ايام مضجتي
- مسويت شي يعني شسوي
- زين باجر تداومين
- اي بإذن الله
- اني باجر اطلع وياج
- زين انتي ثالث بعدج شون تشتغلين
- والله عمو رائد كال ادربكم حدما تنضبط
- زين وراكان موجود شون باسو
- اني مو على اسو على اختي خاف يعرفها اختي وهنا المصيبه
- اووووف اوف اختج يرادلها كلب ممدشن
- ادري استغفر الله ربي
- شحتلبسين باجر
- اتفقنا اني واساور نلبس نيلي وبيجي سيتات الاخذناهن من تركيا
- صدك ذكرتيتي هاج هاي فلوس ابو اساور عيب وكوليله عمتي. تتشكر منك
- زين ماشي تعبناج هناك
سكتت مرديت راحت ازل واني تمددت وليلة قبل بيوم تفتر براسي
وارجع اكول اي احسن هيج لا مالي گلب عشتوو.
صورته انحفرت براسي وحركاته وحجيه ومن فتح گلبه حبيت اسمع منه ويسمعني
غمضت عيني وشلت الفكره غمضت ورجعت لروتيني التافه المتعب الممل يوم ياكل يوم حدما اطب الكبر هيج حكضي حياتي لاتغيير ولا تطوير. اعرف روحي اذا طبيت بعلاقه حتعلق حطير لسابع. سمه وانشمر لسابع كع
منو يباوعلي بعد عكب ماشاب الراس هو من جنت شباب تقدمولي٢ بس هسه من خشيت نص الثلاثين. شترجى بعد
غفيت يمكن. حسيت الساعات دقيقه. كثر عمق التفكير وتعبه
كمت الصبح كالعاده تريكت اني وازل عسل ورسل نايمين لان ماكو دوام بعدها نهايه العطله
ازل مخليه مكياج شوي اكثر من كل مره. نبهتها. وخففت
- موحلو مكان عمل ومختلط تجيج حجايه انج. جايه. تتونسين مو تشتغلين خصه شغلهم جدي شويه
- اي صح للومه هسه اخفف
طلعنا سوه لراس الفرع وطبكت سياره سايق اساور يمنا اخذت ازل وراحت وياهم كملت طريقي مكان انتظار الخط ووصلت عملي
اشتاقيتله هواي
سنين اني ممفاركه هالميز وهالكرسي وهالغرفه رغم ترقيتي بس بقيت بمكاني
التهيت هواي اليوم واشتغلت بكل. قواي. الجسديه تاخرت للاربعه الا كملت نقل الملفات عالحاسبه يله طلعت رجعت للبيت عسوله دتمسح
- هلو عسوله
- هلو للوم ذبي حذائج بره فدوه
- اوك
ذبيته وجرت جنطتي فتحتها بلهفه
واخذت البسكت المتعوده اكلها وي الجاي واليبقى منها. عسل تاكله من صغرها هيج
جانت تكولي
للومه اكو بالجنطه بسكت لو كملتي كله
وارد عليها
لا بقيتلج
وتعلمت
نص الها ونص الي
تنتظر جيتي واول شي تسوي تجر الجنطة تطلع البسكت او النستله
عسل رغم كم مره من استلم راتبي تشوفه بالجنطه. وهو مو قليل. بس مافد يوم طلبت فوك اسبوعيتها ابد
الوحيده الاخليها تفتح ديلابي وادزها تجيب شغلات منه واشدد عليها قفلي الباب وجيبي المفتاح وراج
مافد يوم انشال شي لو نقصت من الفوس الضامتها بالقاصه
مافد يوم طلبت طيني اكثر لو اشتريلي اكثر من اسبوعيتها
جانت تحسني الامان بطفولتها ومن كبرت كذلك
مره طلبو اجتماع اولياء امور وطلبو الاهالي
كلتلي كتلها اشوف
كل مره ماروح هالمره صادفت عدي بريد وطلعت من وكت ورحت لمدرستها
فرحتها جانت متنوصف والمدرسات من سألوها هاي امج تجاوب
لا بس هاي كل اهلي البقوا هي ولية امرنا
هي وازل يشوفوني كلش قويه وحتى رسل واني اتضاهر بالقوه والسيطره
بس داخلي.
گطن
اترف من الگطن
بأقل موقف ارجف رغم اتظاهر بالسيطره
حتى عمي ابو حسام
بأقل ميحتاج شي بأقل مشكله وينضنك بيها بجيني ركض
وهو عده ولد فحل شثخن شاربه
صبينا الغده وطبت ازل هادئه كلش ومغيمه محجت ولاكلمه لكمتين اكلت ومتحملت
كالت
ازل : رسل ليمتى تضلين تحجين وي قنادر راكان
رسل : ههه ليش لازم ست الحسن انتبهت عليه عاشق
ازل : لا ياعاشك ههه حبيبتي ميدري شون يعاينلها انسطر سطر اليوم بيها.
ازل....
اساور ردت. عافيتها وروحها لمن شافت راكان وعيونه اما اني فلعبت روحي لان اعرف بي يحجي وي اختي واحس يلعب على اساور كلت احاول وي رسل بلكن يتعاركون حتى تعوفه او يعوفها لو تبزع روحه
رسل : خلي يعاين عادي هو من يشوفني بعد يااساور يا كلايد اصير الكل بالكل بس طيني مجال
كمت على حيلي متحملت وكفت وصيحت
- انت شتردين فهميييني
- مرايده شي حياتي ليش مغثوثه بس عن قريب حتوظف وياج
كالتها وحركت حواجبها باستفزاز
غير تخبلت خنكتها وكامت للومه جرتني ودفعتني ورسل تبتسم وتكمل اكل
الهام : شناويه لج حقييره
رسل : شبيكم بابا شنو الدنيا بس الكم تطبون وتطلعون اني هم اريد اتوظف ابقه على بحاثيرج التنطيها بمنيه كل شهر
ازل : منو يوظفج هوووو والله اكول لعمو رائد
رسل : اوووي عمو اوي فدوه عمو ملايكلج دور الطفله وياه تره كلش كخه وايع طالع التمثيل
ازل : جني وتلبس بيه تخبلت تمالخنا بالروس صارت وعسل ولادايره بال تكمل اكل وللومه تصيح وتدفع واحنا ابد ماكو حدما مكدرتلي لان اسمن منها وهي هواي ضعيفه دوم ريجيم علمود الرشاقه راحت بأديه تعبت وتركتها
للومه هم تعبت من كد متفاكك
وهي مستمره تحجي
رسل : اذا مخليت حلقته باديه مو بنت عمران اني واخليها تموت قهر دصبريلي
مجاوبتها بعد تعبت وطبيت للغرفه. هالفتره عزلت غرفتي عنها اخذت الغرفه الجوه الدرج وعسل صعدت فوك يم للومه تعبنا منها
شسوي ياربي شسوي دخت وحرت بامري خجلانه منها حيل لاسو ومستحيه اكول الحقيقه النوبه اليوم ماتت واحتيت من شافته يلحكها بعينه
واني افور بددمي
تالي كعدت وسكتت كمت مااحتك بيها ابد مااحجي ومن اشوفها بالمطبخ. اصعد فوك
الهام.....
رسل مامنها امل كمت ادعي يوميه. اخلص منها زواج صخام كطعت المصرف ومستمره مكالماتها حسب متكول عسل
منين دتجيب يجوز همه بخابروها اخذت التلفون مهتمت وهم كالت عسل سمعتها تحجي
عسل تخاف تكولي بس من خوفها منها لتسوي فضيحه تحجي
تركتها كبرتني عشرسنين باليوم
بليل كمت ماكدر انام ردت بس اشكيله اريد حل لهالمخلوقه يريحني
تمنيت مكايلتله هيج
رقمه بيدي بورقه نقلته قبل لابدل سيم كرتي لان وقفته الشركه كون ماترس رصيد
بس مكدرر اتصل خفت لايكولي شتردين مو كلبتي
لو خفت يكولي ماعدج شخصيه ومتقلبه وصغير عقلج ذاك الوكت شكبرها
عقجت الرقم وذبيته
ازل.....
جنت اباوع لراكان يوميه خصوصا من سافر ابو اسو وامنه علينا
يعلمنا عالشغل وعيونه على اسو وتلفونه كلسا رساله لو رنه واسو انتبهت
من طلعنا كالت
اسو : طبعا عده وحده
فزيت باوعتلها
- شون عرفتي
- مدتشوفين المسجات والمكالمات
سكتت
- بس شفتي شون يعاينني تتوقعين عده مشاعر
- مادري اسو والله مادري
الهلم....
اسبوع مر وره رجعتي من السفر وبيوم رجعت من الشغل عسل دتسوي زلاطه سلمت وصعدت ابدل والمح جوازي عالميز مال جربايه
كلشي بيه جمد
من نظر عيني
لحد الدم باصبع رجلي
تقربت للجربايه كلبته جوازي هذا حصرت مخي وتذكرت اخر مره جان بيده هو من اخذه مني من طلعنا من مطار تركيا وخلاه بجنطته الصغيره كلي بس نوصل انطياج شجابه اني متاكده مااخذته لبست بسع ونزلت
الهام : عسلل عسلل
عسل : ها للومه
- اكولج جوازي منو خلاه فوك منو جابه
- جابه عمو انور نسيت اكولج
- اي اي كملي
- اي هو الصبح ب-١٠ دك الباب واني فتحتها. سلم عليه وهاي كلي هاي جواز عمتج
- هاااا
- اي والله وكلي خابريها الي واني ماعدي فون عاد كلي رديلي رقمها رديتله رقمج الجديد محصلج عاد كال عوفيها اني بعدين اخابر
صفنت والجواز بيدي فتحته وايدي ترجف وعيوني احس حتى الكتابه بي تنهز
صبت عسل وتغديت بس مداحس بطعم الاكل ممنتبهه شنو طبخت البارحه. بليل
ازل تسولف عالشغل ورسل تكلب بالتلفزيون بعيده عننا سكتت من شافتني. اباوعلها بدون تركيز
ازل : للومه شبيج ههه موويايه مو
- لااا ليش وياكم
- شجنت احجي
- عالشغل غير
بقت صافنه عليه ونصت عالماعون تكمل اكل وكملنا ووكفت تغسل مواعين. كالت
- للومه هالسنه ملابس عسل مال دوام عليه
الهام- شنو ليش موحلوه الاخذها الها
- لا بالعكس اصلا راح اخذج انتي تختارين اللها بس اني ادفع
- ليش
باوعتلها مستغربه. ردت تبتسم
استلمت اليوم وحبيت اول شي اشتري. اجيب لعسوله.
عسل : فدوه لاختششي فدددوه لگلبج اريد حذاء سكجر ماركه.
ازل : غالي لجج
عسل : اهو مسواك مال كديه ماريد عيني خليني على للومه
- لاعمي تدللي
- هله هله.
- بس بشرط عسول اريد معدل
- اصلا ميحتاج توصين
كالتها وشمرت ضفيرتها ليوره بغرور جرت عينها
طلعوني من جو التوتر والترقب الجنت بي وابتسمت كانت اول مره احس بحب الخوات بين عسل وازل رغم موجود بس مو ظاهر
ازل....
فتت انام ودك تلفوني اسو
ازل : عيناي
اسو : ازل شسوي ازل فدوه تعاي يمي اليوم باتي حبابه
ازل : لج شكوووو
- خابر خابر ازل والله خابر علميني شكوله
- وج منو راكان
- اي اي اي تعاي شوفيني حتى بجي بجيت
- شوكت و شكلج
- خابر لج والله خابر رديت كتله تفضل بس كون طلعت
- اي اي كملي
- اي كال شونج
كتله زينه محتاج شي
كال لا
لعد ليش دكيت
يكولي والله مادري ليش دكيت اذا تردين سدي بوجهي
- اييي تالي
- اييي فاني سديته
- عزه بعينج ههههه لج انتي فلم بعرضي فلم
- اي صخام بوجهي وابيض واسود هم لج شووون
- تجين يمي
- وين ببيتكم لاعفيه رسل كلما اجي تغثني
- معليج حولت غرفتي موكتلج عوبه نبقى بغرفتي
- اي اوك واجيب هدومي نطلع من يمج
- خوش
- هسه حكول للسايق يجيبني
- ماشي
سديته منها لملمت الغرفه حسيتها محتاجتني حسيتها خايفه متريد تبقى وحدها
واني اكثر وحده اعرف شنو معنى الوحده. واليتم. واساور عدها گلب طفله بسبب دلال ابوها الها
شوي ووصلت جايه بصايه
نصها مفتوحه وطالعه البجامه
شالها حتى دنبوس منخليه بي ونعال اخضر والهدوم بجيس مكطوعه اليده مالته
يابه من شفتها خربت ضحك حضنتني وبجت
- لج ماما شبيج
- شسويي
- اصبري خل نطب للغرفه
- يله اوك.. اكولج للومه كاعده
- اي ليش
- خل نحجي وياها ميخالف
- امشي يله
- انتي فتحي موضوع
- شكوللها
- اامادري انتي تعرفين شتووووصلين الها
- عمي ميهم امشي
طبينا وصعدنا كبل للومه جانت تسمع ابراهيم تاتلس
- الله الله ياست للوم شنو هاي عيني
الهام : شمرت عليها التعلاكه مال هدوم شكو لج عابتلج وطبت وراها اسو رحبت بيها جان وجهه شاحب وبملابس البيت عرفت جايه تبات
عسل على رجلي نايمه والعب بشعرها وهي تلعب بفوني اللعبه مال مزرعه
كعدت كبالي ازل مفلول شعرها على اكتافها وثنت ركبتها عالجربايه تك واحد ونزلت الثاني اشرت لاسو وكعدت يمها بخجل
الهام : ها شبيكم ياستار
ازل : للومه جيناج بسالفه
الهام : كولو ... كمت اباوع لازل واسو عرفت السالفه تخص اسو
وبدت ازل تلف وتدور تالي اسو كلتلها
- كوليلها ميخالف
وحجت واني و كأنما اول مره اسمع بالسالفة وحتى مااحرج اسو ولاابين ازل موصاحبه سر
رجعت نصحتها تحتفظ بكرامتها والا هو يبادر يله هي تنطي الضوء الاخضر وفي حاله اذا متقدم هالضوه هم يصير احمر ونبتعد لان احنا مو لعب
كالت بخجل
اسو : خاله هو اتصل كلي ماعرف ليش اتصلت اذا تردين سدي واني سديته مثل الهبله
كالتها وبجت منحرجه
ضحكتني وازل حضنتها تضحك
الهام : بسيطه خاله اتصلي بي كوليله اعتذر سديته
اسو : وواذا راد يححجي
الهام : خلي يحجي انطي فرصه يبادر
اسو : عزه اموتت
الهام : ها ههه لعد لتخابرين
اسو : لالا ازل تخابر
ازل : نعال شعللليها
اسو : لج مواحنا خوات
ازل : لج بابا حتى الله مايرضى الجمع بين الخوات بزيجه هاي شون قضيههه
اسو : لخاطري لج
ازل : اي ماشي يله
الهام.....
كلسا عيني تصير بتلفوني وعسل تلعب بي انتظر لحظة لحظة يدك
بلكن يدك
خاف يدك
كون يدك
شكول اذا دك
خاف يعتب
لا ميعتب
لاجوز يعتب وافشل
تعبني الانتظار حيل ارهقني الساعه حسيتها وكفت همزين صعدو يمي البنات
شوي مشه الوكت
ازل......
نزلنا لغرفتي فاتت من يمنا رسل تبتسم والسماعه باذنها جرت عينها
اسو : ههلو رسل
رسل : هله بيج
وعافتنا وراحت
عرفت دتحجي ويا
طبيت لغرفتي صافنه لحاله اسو
شون اخاف اخليها تخابر وتتعلق بي وهو ابو علاقات
بقيت صافنه وهي تلح
- يله
- يله شبيج
- اكعدي اهدي شوي
- اي يله
لزمت الفون مالتها ودكيت تمنيته مغلق ولا مشغول
وفعلا كان انتظار سديته رأساً
ازل : عايني انتظار بابا هذا ابو علاقات خيولي ارعن ادبسز لو بي خير ميلعب على كرابته لا والنوبه يشتغل عد ابوج واحد لو يدخل بالحلال لو ليلعب بعرضه اغبر
نزلت نزله ونص وهي صافنه بوجهي همست بحيره
- هسه احنا شفهمنا يجوز يحجي وي صاحبه
بعدها ممكمله ودك تلفونها
- هو
- هو هو هو والله هو عفيه شون
- يابه شبييييج صحت بوجهه كعدي كعدي شو
كعدت وتهز براسها اي
- اهدددي
- اي اي هديت
- ردي
- لزمت الفون يله ردي
- ماريد ماكدر
خلصت الدكه سكت
وهي تمددت براحه همزين راح
ورجع دك
فزت وغطت وجهه
- هذا اليوم حالف اسو ردي عيب هالسوالف
- ماكدر شكوله نسيت
رديت اني وخليته على اذنها اشرت احجي
هي ضامه حلكها بكف ايدها فاكه عينها مصدومه لحركتي
.
.
.
.
يتبع
#مريم_السعدي


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-02-21, 10:15 PM   #16

ع عبد الجبار

? العضوٌ??? » 460460
?  التسِجيلٌ » Jan 2020
? مشَارَ?اتْي » 260
?  نُقآطِيْ » ع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond repute
افتراضي

سلمت اناملك الذهبية لنقل الكاتبة مريم السعدي روايتها فذة ومختلفة دائما ابداع منقطع النظير فعلا ابداع بإنتظار الاحداث القادمه رسل تركيبه انانية وجاحدة اتوقع نهاية مؤسفه بالنسبة الهام وعلاقة بأنور اعجاب هل ستتطور علاقتهم ام تنتهي الي فعلا استغربته ليش ابو أساور مافكر بالهام كزوجه له وام لاساور .... بانتظارك دوما لا تطيلي الغياب دمت بخير وود 🌸🌸🌸
وشكرا لكن للنقل 🌹


ع عبد الجبار غير متواجد حالياً   رد مع اقتباس
قديم 13-02-21, 01:52 AM   #17

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بارت ١٢
#أماً_لهُن
#مريم_السعدي

ازل.....
.
.
راكان رجع يتصل
رديت اني وخليته على اذنها اشرت احجي
هي ضامه حلكها بكف ايدها فاكه عينها مصدومه لحركتي
وهو اسمعه
الو
الو اساور
الو
اشرتلها بعصبيه ردي
- االو
سكت وهي سكتت
وسمعت صوته وره شوي
- شونج
سكتت عاينتلي
نغيتها
حجت وعقجت وجهه متألمه من نغتي بخصرها
- زززينه
جر نفس وسكت
شوي وحجه
- داكه عليه
سكتت عضيت اصبعي بعصبيه ردت وعيونها عليه
- اي
- ليش دكيتي كالها وصوته تكسر من الخشونه للنعومه
كالت بدون مانبهه ولاااشر
- مادري
وغمضت نزلت دموعها وتعصر بيدها
- سديتي بوجهي قبل ساعتين
- ااي خابرت اعتذر
بقت مغمضه عينها اسمع حسرته وسكوته
بعدها همس
- انتي وين
- ااني ببيت ازل
- ها بيبي وحدها
- راحت بيت اختها من جيت
- اممم واني عبالي انتو بالبيت جيتكم
- شوكت.... كالتها وفتحت عينها كلها متفاجئه
جاوب بحسره
- جيت من سديتي بوجهي ردت اعتذر عن مكالمتي السخيفه
بقت ساكته تركتها وطلعت من الغرفه حسيت لازم اخليها تصوغ الكلام وحدها وتعيش المشاعر وحدها
جلبت بيدي جريت ايدي واشرت كملي
سمعته كال
- منو يمج ازل
- لا طلعت وحدي
جر حسره وسكت وكمل كلام
- اساور
- نعم
ورجع سكت طولت سكتتنا واني على صوت نفسه جيت اغفه من تعب التوتر
ورجع كال
- اساور؟
- همم
- نمتي
- للا
- شبي صوتج
- شبي
- ليش هلكد بريئه ليش هلكد على نيتج تتعبين انتي اكبر واحد تهلكي من التعب
- اني اتععبك
- اي ووحيل هم موشويه
- ليش مافتهم عليك بالشغل والله رأساً داافهم ومادااغلط
خرببب كالها وسكت
سكتت من عصبيته متفاجاه
جر نفس كال
- اساور؟
- نعم
- ليش خابرتي
- موكتلك اعتذر لان سديته
- زين اني ليش خابرت
سكتت
- احجي
- شنو
- ليش خابرتج
- مادري
- اساور شسوي
- شنو بيش على شنو
- يا اللللله قشطه وفلفل اسود مينجمعون يا الللله شورط گلبي شورطه
جان عصبي كلش واني ساكته
- الو نمتيييي
- لا
- دروحي نامي وتغطي زيننننن ماشييي
جان عصبي حيل
واني ارتبكت اكثر.
- ليش عصبي
- اي مو لاننن.. اوف ربي هاهي روحي تصبحين على خير
- اوكف
- ها
- تجي باجر الشغل
سكت وتنهد
- ترديني اجي
- اي
- ليش
- حتى نتعلم عالشغل هذا الولد صادق ميفهمنا
جر حسره كال بهدوء
- صار باجر اجي
- اوك
- تصبحين على خير
هالمره كالها بهدوء مفرط
- وانت من اهل الخير
سديته وذبيت الجهاز عالميز وخليت ايدي جوه اذني وصفنت بكل كلمن ترجف روحي ودكه كلبي
ازل....
طبيت شفتها متمدده ومكنفده عالجربايه وصافنه
- ها شو سديتي
- هزت راسها بالرفض بكل هدوء
- شحجيتو
باوعتلي وغمضت مبرطمه
- شبيج
- مادري والله مادري
- عوفيها للوكت
هزت راسها موافقه جرت ايدي وحضنتها ونامت غطيتها حدما غفت جريت ايدي ونمت صافنه عليها شدعوه هلكد بريئه شدعوه تأثرت
اذبحه اذا حاول يقشمر عليها
نوبات احس روحي مسؤوله عنها
من صغري عمو بكل مره يجي من سفره يوصيني
دير باالج على صديقتج تره ماعدها غيرج
ارد بعيوني عمو
نوبات اطبق الامومه الي انحرمت منها بيها اكون اني الام التمنيت تكون عدي الها
.
.
.
وفي ركن اخر في بيت
جمع اصعب واشد المشاعر ضياعاً وتعباً وفراغاً واحتياج
نبض قلب لايعلم بما يشعر.
احتياج
ام نفور
قلق الانتضار
واحتياجه ودقه قلب متسارعه
ام خوف من رنه هاتف
علها توذي مشاعر باتت متجمده من الم الماضي
.
.
.
الهام.....
مدري شصار بيه من اجه الليل جنت متاكده حيدك اعاين عالساعه وگلبي كل ماله يدك اسرع حدما تعبني الانتظار ومليت كمت غسلت حضرت هدومي وجيت تمددت دكت ال١١ بليل مو معقول يدك بعد
توني تمددت
ووصلت رساله عالفايبر من رقم غريب سويت اضهار
لكيت مكتوب
- السلام عليكم
بقيت حايره ارد لا صافنه عالشاشه وصلت رساله ثانيه
- ست الهام اني انور بس ردت اتطمن وصل الجواز لحضرتج
يعني انسان عادي كل الربطني بي اربع ايام وحدنا و١٥ وي الكروب شنو الديصير بيه؟!!
معقوله من الفراغ العايشه بي!!
معقوله محتاجه احد يسمعني يشاركني حياتي!!
ولو بس صوت
بس صوت
اي بس صوت
ولكيت روحي اقنع گلبي انه بس صوت
بدون مقابلات ومواعيد
بس احجي ويا بالتلفون انسان اسمعه ويسمعني وخلص
واقتنعت بضرف اربع دقايق مو خمسه
رديت رأساً
- اكدر اتصل
راسا دك مجرد ان صار مرأي
ترددت ارد من جديد واباوع لرسالتي هاي اني كتبتها!!
اني المتردده الماعدها ثقه بروحها
باجزاء من الثانيه اريد
ونفس الثانيه ارفض شبه انفصام شخصيه
عاندت روحي ورديت
ورديت على روحي وحجيت بقوه ولا مبالاه
- الوو
- الو مساء الخير
جاوب بصوت هاديء وصوت باسم العلي يمه يغني
( انا الربيت انا الداريت حك رباي انااريده
حرام رباك ضاع وياي يا ابن ادم.)
سكتت اسمع وهو هم سكت عرفني دااسمع انتظر يكمل المقطع وطفاه.
جر نفس غميج كال وكال بهدوء
- شونج
- الحمد لله
رديت وكعدت عدل وجهي انعكس بالمرايه ملامحي تغيرت حمرت خدودي ابتسامتي توتري البين بلمه شفافي لداخل فتحه شفتي
بعدت نظري وكان خجلانه من فعلي احس كبرت عيب عليه هالسوالف
- اي وين ماوين
كالها ونعم صوته
- بهالدنيا
جاوبت بتردد
- اممم... وحجه سريع وعله صوته
هسه اني شنو شون احاجيج والله حرت خاف تسدي بوجهي
- هههه لا ليش
- لايابه هاي هم تضحكين
- اي لعد شبيه
- شبيج عمي كامله والكامل الله
- تسلم
سكت شوي وحجه
- مكتيلي
- شنو
- شون احاجيج.
- شنو يعني
- يعني شون تردين احجي وياج
كصديق
لشخص ميعرفج
لووو
وسكت
- لو شنو
- هسه دختاري من الخيارين الا تجين عاللو حتى اني مادري شنو
- هههههه
- الهام هاي انتي
- اي لعد منو
- وج هاي ضحكتج بس ببغداد تطلع عمي بعد لتسافرين صدك جذب
- هههه لا والله تونست
- اول مره اشوف وحده من تتونس تقفل
- لا بس جنت احس روحي بغربه وسالفه الجواز زادت الطين بله
- صح حقج
- وانت شعجب ممسافر
- شعدي مصار اسبوع لمن رجعت خل تخلص فلوس الراتب وارد اطلع
- يعني انت كل راتب
- انيي وجر نفس
هسه انتي شنو تردين احجيلج عن عملي يعني
- والله كيفك سر هو
- لايابه سريش بس داشوف شون ابدي وانتي تخوفين
- ههههه شون اخوف
- والله زهايمر مستعجل.
- لا اخذ راحتك
- ها !!
- اي براحتك احجي
- ماشي
- انييي اطلع كل سبوعين تركيا ولبنان ونوبات سوريا وماليزيا
- امم حلو
- اي بس تعب والكروب متطلب. كلمن يريد شكل وتعاي دوري شفتيهم من كلمن كام يطلع وتعال لمهم
- صح
- اي بس كلشي بفلوسه طبعا
- اي
- هاهي وانتي
- شبيه اني
- باجر تداومين
- اي طبعا موكافي تسخت
- عفيه والله كصو راتبج مال اجازه
- لا ليش ديكصوا
- والله عمي الدفاع غير. فوك النخل
- شغلنا هم متعب كلش
- اي حقكم اخبار البنات عسوله صدقه لربها اليوم تكولي شونك عمو ابو النور يمه يمه هاي لو عدي هيج بنيه ييابه ماحس باكتئاب
- ههه ورده عسل
- اكولها هاج الجواز تكولي خل اعلي ايدي نكسه مال مسح
- يابه هو جواز قابل تصلين عليه
- نكولي خاف فد يوم تروح بي لبيت الله شمدريك
- ههههه الله يسمع منها تصنيف الحيوانه
- اي الله يخليها الكم __
جر نفس وسكت شوي وكمل كلا بهدرء
احجيلي شونج وي رسل شسوت مسوت بغيبتج
- شحجي صخام وجهي اسكت احسن
- براحتج
- انت شونك ابنك شونه
- زين ماشي الحمد لله
- الحمدد لله
- اكولج هذا بيت اخوج الكاعده بي
- لا بيت ابويه
- ها
- اي
- ملك مو
- اي طبعا
- رحمه من الله همزين مواجار
- لازم كاعد باجار
- اني اي والله ماجر بيت صغير بس عدي بيت ابويه جبير هم ماجره واخذ اجاره ادفع لعالبيت
- وشهالدوخه خو اكعد بي
- جبير الهام والمنطقه. بعيده اطراف بغداد اخذ اجاره وادفع بيت صغير وحلو ومكفينا اني وهالولد وبنص بغداد صح لو لا
- صح
- يعني اهلك محافضات جانو
- لا اطراف بغداد
- ها
- اي — اكولج خاف تردين تنامين باجر عدج دوام
- اي والله نعست
- دنامي نحجي غير وكت اذا تردين انتي دكي
- خوش
- هسه شنو احنا هههههه
- شنو يمعود اصدقاء اصدقاء.
- هاهي تمام
- اللله اشتاقيت للتمام التركيه
- سنه التجي روحي ويايه طلعيهن النايمات على كلبج
- ان شاء الله والله كلش عبالي
- ان شاء الله ديله. تصبحين على خير
- وانت من اهله
سديته منه وعبالك عدي شي جديد اتونس. بي ومكيفه بي سديته. بثقه. جديده ونفس متلهفه. لباجر ملل قبل بلحظه اختفى.
احساس العنوسه وانتهت الحياه. راح بمكالمه.
غمضت ونمت والصبح. جنت نشيطه وبدلت. ركض ونزلت تريكت وي البنات
ازل واساور كاعدين جانو يتريكون كعدت وياهم اضحك واحجي انتبهت عليه ازل
كالت
ازل : للومه السفره حيل والمتج دوم اطلعي حتى لو وحدج
الهام : الله كريم يله ازل باي باي اسو. ودوم تعالي زين
اساور : خوش
الهام : يله مع السلامه
طلعت للشغل وبكل شغله اشتغلها اتذكره والكه روحي ابتسم
ازل....
طلعت للشغل واساور كلش مرتبكه. كعدت بصفي عالطاوله ولا عبالك شركه ابوها طب راكان بذاك اللبس والنظاره والكشخه.
فات وسلم عالموظفين. وانتبه علينا كاعدين توجه علينا ونصه نظره للكع من وصل
سلم وعيونه صارت لاساوراللي راسا جرت الحاسبه. تلتهي وتخفي ارباكها بيها
شغلتها وفرتها عليه حتى يبلش شغل راسا
عبس وجهه وداره على صفحه اللخ ورفع تك حاجب
جر الكرسي وكعد متنهد
جنت مراقبته بكل امعان واكول اكيد عاف رسل اكيد ميحاجيها نضراته لاسو صادقه مومعقول يخدعها
وبده. يشرح ويعلم عالشغل كم. شغله شرح واسو متعاينله. بس تكتب المعلومات بنقاط ومتعاين لكت طريقه تخفي ارباكها بالدفتر والقلم حدما نتر
راكان : اساور شتكتبين متكوليلي
رفعت راسها فازه فاكه كل عينها عليه ورجعت عاينتلي
جر نفس ارتجه عالكرسي وغمض لزم طرف انفه. بين عيونه بتعب. ورجع كعد عدل مثل المتحضر يحجي
باوعلي كال بأدب
- انسه ازل ممكن تعوفينا وحدنا شوي عدي حجي وياها
- اوك توني اكوم وجلبت بيه اسو بزندي كعدتني
- لا لالا ااتبقى يمي ازل اني ماضم عليها شي
فك عينه بغضب رافع تك حاجب هز راسه متحلف ماشي اساور
محجيت ولا نطقت رجعت كعدت كمل تعليمنا بكل ادب بس صاير نار كمل نص ساعه وراح واحنا بلشنا
ازل : اسو. بشش.
- هاا
- شناويه عالولد يريد يحاجيج
- مادري خايفه كالتها وغطت وجهه
- شبيج لج
- ماريد خاف بابا يعرف وويزعل هو اذا يريدني غير يطلبني من بابا المن اللف والدوران
- اوكفي اوكفي هاي انتي. اسوو
- اي هه اني اسو
- لالا انتي اسو الماتت على صوته بس تريد اسمعه
- اي غير زعطوطه جنت
- ها وبكم يوم كبرت
صفنت بوجهي راحت ضحكتها
- جنت اتوقع مومهتم هسه من عرفت مهتم. ردته يدخل صح. مردت نبلش غلط بابا ميستاهل
- اي والله انتي علمممم علم ام السوس حبيبي انتتت
ضحكت وكملنا شغل
التهينا
جننا كل شغله نشتغلها نطول بيها ساعات بينما الموضفين القدامى ضرف ربع ساعه خلصها
مااكدر اذكر تفاصيل عن ماهية الشركه خوفا لا اتميز وانعرف
ايام مرت. وابو اسو مسافر
خلص الاسبوع بيوم الخميس. ساعه ٤ قريب طلعتنا. دااسجل واسو تردلي واني ادون عالحاسبه
وانفتحت الباب. كال بصوت
هله ببناتي الحبابات.
ترس المكان عطره بلحضات. كشخته. وضحكته وحمار خده خان وعدي لنفسي ان اشوفه واحسبه كأب وبس
كامت اسو ركض عليه حضنته يضحك ويحضن بيها شال ايده اشر
- شونج عمو ازوله
- هله عمو نورت الشركه
- جاوب نوركم باباتي نوركم
باوع. لبنته
شبيج يابويه كلها سبوع رحت وجيت
اساور : تعودت عليك من سافرنا يوميه اصبح بوجهك
- فدوه لحلكج بابا يله تغديتو لو بعد
اساور : نسينا الغده بابا
- ليش ابويه ليش اني موصي عثمان. عليكم
ازل : عمو عثمان خطيه طلع صديقه بالمستشفى وراحله
رائد : يله دمشوا نتغده اني هم ميت جوع اساور تعزمينا. استلمتي راتبج لا
اساور : لا كلشي ماكو
رائد : حتى ازل مستلمت
اساور : لا مستلمت
ازل : عمو الشهر بعدله ٥ ايام
رائد : حتلو بابا اعطي الاجير اجره قبل ان يجف عرقه
ازل....
بقيت اباوع بعينه همست. صح ههه
يعاينلي ويضحك طلعنا وتغدينا بره
كال
- هالمره عليه مره لخ عالروس ها
- تدلل عمو
- ببيتج مو بالبيت بابا
- راحت بيت اختها البارحه
- ليش ياستار
- مو اني بتت يم ازل
- اويلي هالازل عمي تعاي ينطوج اهلج
ازل.... حجايه خربطت كياني ارتبكت وغابت ضحكتي صفنت عليه. عدلها. بلحظة
- راح اروح لعمتج اكولها نسجل بتكم اخت لازل واخلص
مكدرت اضحك جاوبت اساور
- عالواه بابا الله ويوميه نتريك سوه
هي تحجي واني عيوني شابحه تعاينله. ناسيه نفسي وهوو يعاين بعيني مبتسم. بس مستغرب نظرتي
ترخصت بلحضتها اغسل
بقيت بالحمام هديت نفسي وغسلت وجهي
خطواتج. غلط ازل غلط غلطط اصحي من حلمج القديم كبرتيي عيبببب ً
طلعت ورجعنا وراحو هو واساور
رجعت لكيت البيت. مكلوب
مرت حسام ابن عم بابا وامها عدنا
وللومه كاعده وعسل و رسل رجل على رجل
سلمت جاوبو عيون مرت حسام مورمه من البجي
شكو همست بوجه للومه
للومه وجهه صاير هلكدوته وكلسا تمسحه وتتحسب وتعاين لرسل بغضب ورسل تجر عينها
كعدت بس نزعت الشال وكعدت
وحجت مرت حسام وتبجي
- والله العضيم اسالي خواتها هي من بقوا عدنا. بقت تتقرب منه واني ملتهيه. بابني كلما انزل الكاهم كاعدين سوه
رسل : شوي احترمي نفسج هو رجلج دببك. حبيبتي.
للومه : سدي حلللكج رسل
ربى هسه هي موببيتكم ياعيني هسه رجعت اتهاماتح مالها معنى
ربى : والله عمه. دايخ بيها كلسا مخابرها ويطلع من يمي ساعات يحجي بالتلفون بره
رسل : ومنو يكول ويايه عدج اثبااات
كالتها بهدوء وتعاين لاضافرها تستفز
ربى : شكد حقيره شتردين منه رجال متزوج. وعده جهال تردي. على شنو حتى فلوس ماعده
رسل : حبيبتي هو اللاحكني. كتل روحه. ترحين فدوه لمرتي وترحين فدوه لمرتي
كلمه كالتها وكامت عليها امها ضربتها والله العظيم بردت كلبنا. للومه كمزت دفعتها وايدها على صدرها
- امسحيها بيه ام ربى
- ممتربايه هاي بتكم متستحي
- ميخالف اني اربيها واواعدج متوصل بيت عمي بعد
رسل : وانتي شنو كيففج. وخرري هديني صايرتلي وكيله عنني. واندارت لمرت حسام
- الا اخلي يطلكج بسيطه. اني تضربني امج. دباعي خلقتج. موحقه يلحكني. دباعي لروحج جنج عجوز
رجعت امج كمزت عليها وللومه دفعته. وجرتها من شعرها للغرفه وقفلت الباب طلعت تنهد وام ربى تغلط عليها وتصيح وهاي الفاهيه مرته تبجي
للومه : اني اعلمج اني اعلمج ياادبسز. عذريني فدوه ام ربى والله الزمها. والقران ماخليها توصل واحجي وي عمي يحاجي حسام
ربى- يمه فدوه خال يضربني من يعرف بيه جايه
ام ربى- دخل يفكر يوصللج لا اجفص بمصارينه امشي يله. كدامي
طلعوا وربى تبجي لكيت عسل صافنه تبتسم
ازل : ششش هييي شبيج
عسل : شفتيها لامها شتكول صدقه لفوطتها وعبايتها
ازل : شتكول
عسل : مسمعتيها تكول اجفص بمصارينه
كالتها وضربت بوكس بالهوه وعضت اصبعها
اخخخ لو اكو وحده تجفصلي بمصارين اليضوجني
ومنو يسترجي عسل منو يسترجي
فدوه لاختي
لج مواني باع هاي انتي بابا انتي. اليدكج. تنحري
اي لعد شنوو اني عسل صح بس وكت الجده اصير اكبر راس بصل
لحضه وسكعنا صياح للومه وضربها
وركضنا اني وعسل
جانت مفرفحه. تجر بشعرها لرسل ورسل تدفع اخرتها ضربتها رسل للومه بخدها
صفننه وجرينه رسل
للومه بقت صافنه شعرها. انفل وروحها رايحه. نذبحها قطره دم متنزل ورسل صافنه بغضب
والنبي افضحكم اهج من البيت ومتلكوني لااخلي حتى ذني. ميطلعون للسارع من الفضيحه.
تسويها والله.
كالتها للومه بعضب
وصيحت
اذبحج واخلص منننج. اخلص مننننج
دفعتها وكعتها ولزمنا للومه وطلعناها
طلعت ولزمت تلفون رسل طحنته طحن
وكعدت بالكع تتنفس بتعب
كامت تحجي وي روحها وتلطم على صدري
شسويلها اقتلهاااا ننفضح ليش كتلوها
وين اوديها بيت جدها. محددد بققه
اوديها لعمي ماعده سلطه ولابي حيل حتى ابنه. صادقها
لج حيه حييييه. ام عشر روس
تريد كل الزلم الها شبييييج. مشايفه شيكولون بله بت عمران. داوووويه. لج موتتنني شسويلهاااا
عوفيها للومه فدوه لتضربين روحج
عسل تتوسل وتبوس بيها وتحضن وهي مستمره تضرب بروحها وكاعده بالكع تلطم
بقيت صافنه عليها
اول مره تفقد اعصابها هيج
حلفت وقسمت يمين متفتح الباب عليها مثل الجلب تنطيها اكلها وشربها
واحنا خانسين
صعدت. فوك وركعت الباب مال غرفه
بقينا اني وعسل وحده بوجه اللخ صافنه
عسل : ازل
- ها
- هاي شنو بالعلاكه عدج
- ها هاي غدايه اكلت منه وشلت الباقي سفري
- عادي اكله جوعانه متغديت من وره اختج
- للومه متغدت
- لا تغدت همزين قبل ليجون بس اني تريكت فايت وكت فمااكلت وياها
تعاي اكلي خلصيني
—-
.
.
.
.
يتبع
#مريم_السعدي



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-02-21, 09:37 PM   #18

حبيبتو

? العضوٌ??? » 416706
?  التسِجيلٌ » Jan 2018
? مشَارَ?اتْي » 144
?  نُقآطِيْ » حبيبتو is on a distinguished road
افتراضي

ابدعت الكاتبة الكبيرة ..شكرا لنقلك🌺🔴❤

حبيبتو غير متواجد حالياً   رد مع اقتباس
قديم 14-02-21, 09:41 PM   #19

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بارت ١٣
#أماً_لهُن
#مريم_السعدي

الهام....
يعني احساس الفشله والنار الحسيتها بيها بحياتي متوقعت امر بهيج دوامه شتريد وين تريد توصل وبعدين شون وياها من نار گلبي قفلت الباب عليها واخذت المفتاح فوك ويايه اعتكفت بالغرفه افكر شسوي الحل وين يربي دليني
من انقهر الله يذب عليه النوم تمددت واعصابي ترجف بس اريد اهدي روحي وارجع اشوط
دك تلفوني عمي علي رديت
الهام : ها عمي... ادري اعرف... مو هو حسام كزززه وينلعب عليه... عمو عيب هالحجي خاطر الله
ادري بيها الغلط ادري ببت اخويه ادبسز بس ابنك هم شوي خل يثكللل عده مره وجهال شوي خل يستقر مزين من العالم نطو مره
نهيت المكالمه شون مجان وخابرت اخذت اجازت لباجر صدك تعبانه مداكدر
سديته من شريكتي بالغرفه بمجال عملي
ودك راسا
جانت ساعه ب٨ المغرب من اباوع عالشاشه.
( انور )
رديت واني بعصبيتي
- الو
- الله يساعدهمممم
- هلو انور هلو
- هاي دتسلمين لو تضربين راشديات
- انور مووكتك
- ها هم انطردت مره لخ
- انورفدوه بعدين
- شنو عدج طلعه
- لا يا طلعه اريد انطمر بلكن ارتاح
- شبيج ياستار موعساس اصدقاء وصقيقي وصقيقي
- يابه اكوله مووكتها
- ماروح شنو ضايج وين انطي وجي توني كاعد والله روحي طاكه
- احد كلك اني خرخاشه تتونس بيها
- انتي فلم اضحك عليج من تعصبين شبيج. الله عليج
- مابيه
- لا بداعتي
- بداعتك شنو هو شوكت تعارفنا
- هم صدك بداعه عسل عمي
- انور والله مووكت شقاك
- ماروح بابا. اكولها ضايييج
- يبووووو حسده بوجهك. تره
تغيرت نبرته صارت حازمه وهادئه
- دجربي تسويها وشوفي اذا بعد لمحتي رقمي بكل حياتج
هدأت راسا خفت افقده بهل الهوسه والعصبيه
وهو سكت
دقيقه مرت
سمعت نفسه صار حسره وحجه بهدوء
- منو مضوججج احجيلي
- اكو غيرها
- رسل
- اي صخمه
- شبيها شسوت
- شون احجيلك
- براحتج بس ترتاحين من تحجين يمكن الكاالج الحل كرجل
- استغفر الله ربي واتوب الليه
- شكوو
- حتخبلني انور حتجلطني ولك بفاتح— قاطعني
- ولك شنو هاي بعد ابلعها عمي كملي يابه كملي
- اسفه اعتذر والله. ماعرف شحجي
- احجي براحتج كملي
- والله بفاتحه امي ملاطمه هيج لطم
ن لا بربج ههههه لطمتي لطمتي
- انور بالقران مومال تصنيف
- احجيلي احجيلي
لكيت روحي احجي كلشي بحذافيره. واعصابي ترجف وهو سكت بس الاممم اممم وبعدين اممم وشسويتي اممم
اخرتها كمت اتنفس سريع ورجف صوتي اختنكت
- لو اني اموت لو اذبحها وحده من ثنين
- لج بابا — هاي شون شغللله لج بابا هاي دواها لبس
- ادري هو اني حاجييييه وياااها صيحت
- هاي شنو هاي اششش صوتتتج
عاط وجر حجايه صووتج.
- اي انت تفت الگلب تكلي لبسيها عساس شون معبرتها حتى مصرف كاطعته
بقه ساكت
- انور
حجيت بصوت ناصي
مرد
- انور هاي شبيك توقعته زعل بس بعدها رد بصوت مثل اللكف فكره
- عدي حل
- اي كول
- عايني هاي غرور عدها والمغرور يعرفو حده الهام
- شون يعني
- يعني تذليها يله تسويلها الشغله خليها تعرف من دونج متسوه كاله
- يعني شون ماوكلها ويانا
- اذا اضطر الامر ممكن
- انور ويايه بالبيت
- حتى لو سوي بس الكم اكلو وحدكم ملابس بس الكم طلعي البنات من دونها وكذا
- وتتوقع يفيد
- احسن حل هذا
- خوش نجرب
برد كلبي سكتت
- ها فشيتي
- اي والله ارتاحيت
- بس تدرين — والله مادري شكولج حيره
- كول عادي
- الهام هاي تره تعبانه كلش اللي دتاذي حواليها نفس اذيتها
- شسويلها بعد انور
- لا شسوين هذا هو عوفيها... اييه داومتي اليوم
- امم
- شكو ماكو
- ماكو شي دوام عادي
- اني الاحد طالع اذربيجان
- لا صدك
-راي والله
- زين. حلوه اذربيجان
- حلوه بس بوخه نسوانهم تكتل كتل
- ها
- والله يكطعن
- وانت يعني تروح هناك. تكعد وياهن
- لا اتفرج هههههه
سكتت خنست وهو هم خنس شوي وكال
- غيري موضوع. فري الموجه. اخذني الواهس والله اخذت راحتي اذا انتي هم سوالج بي ليك
بقيت ساكته
- اهو هم زعلت يمعوده
- ها
- الحمد لله اكولج سوال
- جواب
- ازل تنطوها اذا احد تقدملها
- ها
- كلتها مصدومه
- ههه شبيج ازل ازل تنطوها
- المن منوو
- حمودي الجان ويايه الگايد كلي اذا عدك رقمهم اريده اريد اتقدم لبتهم.
- نطيته
- لا غير اخذ الاوك منج
- مادري هو هو شعده شمكمل
- والله خريج حاسبات خطيه بس ممتوضف وگايد بالشركه يعني مرتاحين حالتهم بيت اهله جبير اربع اخوه ٣ متزوجين ثنين طالعين باقي واحد
- امم
- عده سياره الولد وخدوم اخلاق حمودي ذهب وماعده مكسرات هاي من نسافر شكد شباب نروح بارات ملاهي هو ابد يضل بالفندق
- امم
- اي فاذا تنطون حتى انطي رقمج تتواصل امه وياج
- مادري... تتزوج ازل صدك يعني
- يابه مصيرهم كلهن يعرسن ويعوفوج
بقبت ساكته اتخيل الموقف واحس هاليوم قرب
- ها الهام
- ها
- صفنتي
- لاهيج
- اني ابقى مااتزوج عود ههههه
- هههه
همس
- انطي لو لا
- اي انطي
- اذا على شغله الولد فهو كلما نسافر مثلا اذربيجان. ياخذ ملابس اللي موديل الموسم المنتهي يشتريها ربع السعر ويشتري كميات احنا تكون توها نازله عدنا ويجيبها لبغداد وعده ابن خاله محل البسه يعرضهن عده شكد تجيب ربع ربح لابن خاله وتلث ارباع اله سبع حمودي والله
من غير راتب الشركه يعني كل اسبوعين ٥٠٠ شبيها وتشبع سفرات
- مادري والله مادري لازم اسألها
- اي طبعا بس دافهمج وانتي من يمج فهميها اني لو ادري بي سكط مااكوله ولاكولج
- تسلم
- اكولج؟
- همم
- موجننا قطعنا شوط بصداقتنا همزين الله توقعت تضلين جامده لاالحمد لله اخذتي ونطيتي
- اهووو تره اگلب
- لاخويه لا سكتنا اووف جعت شتغديتو
- تمن ومرك بيذنجان
- اي بالعافية والله صار هواي مماكلي التمن والمرك درب التكلاه ديله خل اروح اكللي لكمه تردين شي
- لا سلامتك
- لا جديات احجي تره كاعد عطال بطال وسياره خال الولد هنا يمنه
- لا شحتاج
- يعني مسواك هاي كولي اني هم من اتسوك شهري حتى ويايه فد نوبه
- والله فكره اخلص مو يوميه من درب الدوام على افادي شايلتها
- اي والله شبيج
- زين ميكولولي ويامن صاعده سايق الخلفني
- سايق الخلفني شنو؟ اي كوليلهم سايق وكعدي ليوره هم امري لا الله
- انطيك كروه
- خوش شغله بعرضي طيني كروه لهدات على كلبج. الراتب ليش مااخذ
- هاهي اتفقنا الخميس نتسوك شتكول
- لا باجر الخميس ينزل لاهله.
- ها اوك زين يله باجر سهلتلي امر شكرا
- تدللي ديله اترخص
- انور اوكف
- ها
- متخابر بعد
- كيفج كاعد ماعدي شي
- اخاف تخابر مارد لتخاف مكلبت بس انام اسوي صامت
- ها ماشي الله وياج لاعلى باجر بعد
- اوك
- ماوصيج برسل
- لالا عرفت شون
- عفيه يله مع السلامه
ازل.....
ثاني يوم داومنا ابوها جان موجود بالشركه اني واسو بغرفته نرتب بالفايلات مال حاسبه واني عالتسجيل بالسجل ارقام وحسابات وقروض ومزايدات كل شي احبه واهواه بالتجاره جان بين ايدي والاحلى من هذا كله
من يكول
شنو رايكم بهل الخطوه نسوي هالمشروع لو هذا
ودومي جنت انط
لاعمو هذا
لان هذا هيج ميزته هيج ميزته هيج هيج هيج
راكان واساور صافنين عليه وعمو يبتسم منبهر بيه
جنت ليل نهار ابحث عالفيس واتعلم واقره كتب وافهم المشاريع نص المصطلحات التجاريه
تجارة المعاوضة
تحجيم
تداول يومي
تزايد
تعرفة الحماية الجمركية
تعهد افهمها من غير ميكول معناها لان هواي قاريه هواي كلش متطلعه
مجال دراستي بسيط جنت اقضي اوقات الرييست بالمكتبه مال جامعه اسو يمي دتاكل وتكلب بالفيس واني اقره اتطلع.
بوكت اسو تسأل يعني شنو ويجاوبها راكان اني داافهم كل كلمه. تطلع منه وافرزن واخطط بالبيت بكل المشاريع. اللي تجي وثاني يوم اناقشها وياه وهو يتخبل
ويصيح راكان
غير لهاي الفكره افضل وانطي عموله. لأزوله
اسو من كملنا امتحانات كامت تريد تقره مثلي واني مقصرت بس هم مو بنشاطي
عمو طلب مني انه اعلمها
- ازوله بابا شتقرين كوليلها تقره وياج اولها وتاليها انتو تلزمون الشركه
- ان شاء الله عمو تدلل
وبدت نظرات راكان من كملنا الرابع. تثبت حبه اكثر رغم ما متاكده. لحد الان يحجي وي رسل
جانت تتقصد تحجي وياه بالتلفون كدامي. واني انشب وانطفي ادري باسو تعشقه وتنتظر جيته. بس شكول الها عليه ماكدر اموتها اذا عرفت
وبيوم جنت اسجل الحسابات عالحاسبه اساور كالت
افوت للحمام واجيج اجيب كهوه ويايه تردين
- لاكلبي جاي اريد اذا لكيتي
- اوك
وراحت
واني التهيت اسجل منخبصه طب عمو رائد ووياه. مره تطلع. بكد للومه
وكفت شلت الغراض عن مكتبه وعيوني تحجرت عليها
باوعلي ابتسم واشرلها واشرلي
- هاي ازوله الكتلج عليها
كالت تبتسم
- يااهلا وسهلا لعد رفيقتج وين
صفنت اسو بعد مجتي وينها وين صارت
عمو باوعلي ابتسم
صيحي اساور وتعالو
اوك
وطلعت عيون عالبنيه حبيبته يمكن. يمكن اي يتزوجها ليش لا وبالي على اساور بالنص ساعه هي مرجعت وينها
رغم ما شركه ابوها بس لازكه بيه راكان هم ماكو افتر راسي
كمت اتلفت ادور وماكو لمحت الجايجي
- عمو مشفت اسو
- اساور راحت وي استاذ راكان بره
مدري شصار بيه طلعت ركض للحديقه الحول الشركه ولمحته كاعد وياها عالمصطبه ببعد مناسب هي منصيه وترفع راسها تبتسم وتنصي مره لخ
وكفت واباوعلها لمحتني وكفت وعافته واجتي يمي
التفتت عليه وردت باوعتلي خزرته بغضب. وهو استغرب نضرتي
جرتني اساور وطبينا
عطت بيها
- شون تطلعين وياه
- هو كلي رايدج بحجايه
كالتها رايحه ذايبه وايدها ترجف.
- موكلنا لو عده شي يكول لبابا
- ازوله كلي حدز امي ازل كلي حدزها لابويه.
صفنت عليها ابتسمت وهي ترجف وخدها احمر تباوع اكل واحد فات من يمنا وتباوعلي
- ازل ححيخطبني واصير مرته
حضنتني ومسدت على كتفها اضحك
كالت
- ازل حموت كلي اليوم ادزها
صفنت
اكولج امه سمره وعدها يم خشمها شامه
هزت راسها صافنه
ابتسمت وتقربت اضحك شاورتها
- كاعده يم ابوج بالاداره. خطابه خطابه
غنيت وهي فكت عينها تتلفت
- صدك عليج الله صدك
- والله شبيج وعمو كال صيحي اسو وتعاي امشي يله
- استحي لستحي
- ابقي اروح اني هههه
- لالا وياج
وجريتها ياببه شكد ارتاحيت
مو حبيبته طلعت ام راكان موحبيبته طبينا للمكتب واساور وكفت. خجلانه ابوها صاح
- تعاي بابا تعاي
طبت خجلانه وتقربت بوست ام راكان ورجعت بوست ابوها
حسيت روحي لاول مره مو منهم ترخصت
- عمو محتاج مني شي
- لاعمو اخذي راحتج
لاول مره اساور متكولي ابقي.
طلعت بس شي بيه انفقد
سديت الباب بهدوءالتفتت شفت ضهر راكان يحجي بالفون
- اي بسيطه بسيطه عوفيها بابا مخبله هاي اني ادزلج لفات الضهر قبل جيتهم موتدللين ديله باي
سده
واني كل ذره بيه انترست حقد مو اختي كمت اشوفها شيطان خزرته التفت عكد حاجب
دار وجهها بكل بساطه وطب لغرفه عمي وسد الباب
كعدت لزمت راسي
شسوي شسوي احركهااااا
واحركه وراها العار دينسق ويخطب وهو باقي وي ذيج العار الثانيه.
شسوي
اكول لعمو
استحي والله استحي
اكول لاساور تكرهني
كمت املخ بروحي اريد اجمع رافكار مداكدر
خلص اليوم واني بصفنتي طلعت امه من المكتب و راكان واسو وابوها
اسو وجهه احمر دم وراكان يبتسم يراقب خجلها كرهته ومكمت اصدك كل نظراته
واني بصفنتي على اسو وراكان بنظرات ماعرف شون كانت اللي خله ابو اساور يبتسم. وكدام ام راكان يتباها بيه
- اميره شفتي ازوله مو
ابتسمت بتصنع باوعتلي وباوعتله كالت
- اي مو عرفتني اول مطبينا.
اشرلي تعاي تقربت حاوط كتفي بايده وربت على كتفي بهدوء يبتسملي.
كال
- هاي هم بنيتي تره ربت عدنا ومحبتها من محبة اسو
مااعرف شصار بيه
صار هواي لاخر حضن حضنه من جنت طفله. بس دخلت متوسطه صار يحترم عمري
نصبت مرتبكه خجلانه
يمكن حس بيه. وباستغرابي. كون. طلعت من دائرتهم لاول مره
اساور تقربت لزمت كف ايدي وراكان التفت بنظراته تجاهي
صدمني
صدقا صدمني
نظرلي نظره. كأنما يستهزا يكذب حبي لاسو وابوها ممصدكه و يشك بي
هذا الشفته بعيونه واني متاكده
قطع سكوتنا كال
- يله يوم السايق وصل
- اي ماما يله اترخص ابو اساور هسه انشاء الله امر للحجيه. واتفاهم وياها. ان شاء الله بس تطلع سنه امي. نعقد.
وباوعت لاساور تبتسم
او شتكولين اسو ها هههه فدوه لليخجل. ست العرايس ولك راكان. هاي اذا مخليتها بعيونك. اني اوكف ضدك
جاوب بثقه
- الله يقدرني واصيرلها مثل متريد
نصت اساور خجلانه
وراحو
بس اندارو
اساور حضنتني ترتعش
- لج لج ليش عفتيتي ليش لج خطبنيييي يعاين بعيوني ويكول لبابا اريد اميرتك تنور حياتي وشتريد حاضر
وبابا كله اسمع رايها منها.
ابتسمت حضنتها وطبينا لمكتب ابوها حجت بالتفاصيل ترجف ودموعها تجري وفرحانه فرحه عمري مشفتها بيها قبل
اني اعرف اسو. بتالي الليل شتفكر
اني اعرف نبض نبض بكلبها من يدك
احس بيها سبحان الجمع بيننا. بس اشعر بيها من عيونها وربكه كلامها
كعدتها وبقت تحجيلي
شفتي شكال
شفتي شون باوع
شفتي. شون يغمز
- اسووووو ثكل ثكل
- زين شوكت يكوم يخابر
- هو بقت يمه. بعد جوز وره العقد
- زين تتوقعين يحبني لو هيج. خطبه اقارب
- والله مادري اسو هاي بعد هو من يحاجيج يكوم يسولفلج
- زين تتوقعين شوكت نتزوج
- تره ماما نتزوج وتنسد باب علينا اسو وتعوفيني وحدي
كالتها وبجت.
والله نوبات احسها بنتي حضنتها واضحك
طب عمو ابتسم
كال
- هاي شكووو مكلوب فلم هندي هنا شبيج بابا حبيبتي باوعلها مقدم راسه يفتهمها
مراضيه عنه هسه انهي كلشي
- صفنت وراسا ردت لالا بس مادري خايفه. ماعرف مرتبكه ازل تعرف شبيه
ازل : اسو مبيج شي امي هاي خجل واستغراب عادي كلش لان اول مره
ابو اساور : ها ازوله. اليسمعج يكول ميت مره ماره بهالشي
- لاعمو اني فاهمتها
اسو طبت للحمام تغسل وجهه واني دالم الاوراق. ارتب ميزه. باوعلي يراقب حركتي بابتسامه اعجاب. والله. متاكده منها
- ها عمو شبيك محتاج شي
- ازوله انتي. شون تفكرين هيج بهذا عمرح
- ليش شبي تفكيري ابتسمت فتحت عيني ابتسم وميل ركبته
- ناضجه عمي وواعيه احس نوبات تفهمين اكثر مني
- لاعمو العفو تربايتك احنا
هز راسه وجر نفس ترس ريته وترس كلبي. فرح. كمت ارفع راسي وانصي الملم بسرعه
ارتبكت يمكن اكثر من ربكه اسو بس اني اعرف اخفيها
كملت ترتيب
كال بصوت ناصي
- نيال اساور عليج الله يستر عليج ويحفظج بابا
- الله يخليك النا
كلتها وطلعت بره
كعدت نص ساعه اعيد واصقل. صافنه بنظراته وكلماته
انتهى الدوام ورجعت
نسيت رسل وراكان وبس شفتها تذكرت.
صحت
- للومه
- ها ازل هنا تعاي
- ابشرج راكان خطب اسو
وباوعت لرسل ابتسمت وجرت عينها
للومه. كيفت وخابرت باركتلها
عسل كانت تقره بتكثف صف خامس علمي وطموحها صيدله
للومه هالفتره شنت الحرب على رسل
بس حرب من نوع ثاني
كامت تطبخ على ٣ نفرات متصيحها عالغده واذا حدث وطلعت كعدت عالميز تصب بس النا
وهي تكوم تركب الها
هالشي خله رسل تشتاط لان لابستها ومدايرتلها بال
الباب البره تقفلها. من نطلع للوضايف ورسل تبقى وحدها
ايام مرت واني بحاله مراقبه
لراكان ولرسل
اعرف تحاجي بالتلفون بس ماعرف كايلتله انهااختي او لا ومن تجي عدنا. اساور
ابد رسل متبين. الشي اللي فر راسي هذا
شهرين مرت حدما فاض بيه الوضع وطكت روحي
تمرمرت احس روحي خادعه اساور ومن تصير عيني بعين راكان يباوعلي باستحقار
واموت خجل وفشله
متاكده كايلتله انها اختي
وشسويله هو اليخاف مني مواني الاخاف والنبي افضحه كدام عمو اخلي. يمشي ويتلفت وعمو يعرف رسل اي اهدده وشيسوي خلي يسوي
الهام....
كل. ما تغيب الشمس وتلبس السما الثوب الاسود اللي يلمع بالنجوم
وتحديدا
الساعه٩ بليل
كان الي موعد
وي ضحكه جنت مفتقدتها قبل
شكوى وصوت مخذول. عباره عن كلمتين ويقطع الموضوع ويغير السيره
واغاني وسوالف تافهه.. وعميقه... منوعه
حياه ثانيه عشت
كمت اضحك
كمت انام بدون سهر ولا تفكير
نوبات اخر شي اتذكر تصنيفه واضحك واغفه
تغيرت ملامحي
حلويت ياهو الشافني وسال
شنو المتغير بيج
سافر اذربيجان وبقه على تواصل.
جان بذيج الفتره شهر على تواصلنا وتلفوناتنا
نوبات نبقى للفجر بالذات بالعطل
حدما سافر اذربيجان
فجأه حسيت بفرق كونه مسؤول عن كروب قليله مكالماتنا صارت رسايل وصور
اني فلان مكان
عايني هذا المكان
شوفي ششتريت بهلكد بفلوسنا بلاش
تردين شي مناك اجيبه عمي عود اخذ فلوس
يعني باليوم تقريبا ميه رساله
من الصبح لليل وبليل يتصل قبل لينام.
ويسأل
ها شونج اليوم العينتين شونها اخر ابداعاتها. وانطي الموجز
يوكف يم نقاط يعلمني او يرشدني ويحذرني اذا جنت. غلطانه ويختمها
وبعد انتي كيفج
جنت اخجل اكول
وانت ليش متحجيلي
لان من كان يحجي كلمتين ويسكت يتكدر اخاف ااذي مومثلي من يحجي يرتاح احس يتعذب
جنت ابتعد عن اي شي يغثه
حدما. مره حجينا قبل لانام. وتسالمنا ونهينا الاتصال كان باذربيجان
غفيت وبعز النومه
اتصل
باوعت ساعه٤ الفجر
فزيت رديت راسا
الو انور
الو هلو الهام ادري كعدتج
شكو شبيك
ماكو شي هيج شوي ردت احاجيج
.
.
.
.
يتبع


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 14-02-21, 11:39 PM   #20

حبيبتو

? العضوٌ??? » 416706
?  التسِجيلٌ » Jan 2018
? مشَارَ?اتْي » 144
?  نُقآطِيْ » حبيبتو is on a distinguished road
افتراضي

قفلة مشوووقة ...هل من مزيد..تحياتي

حبيبتو غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:06 AM



Powered by vBulletin®
Copyright ©2000 - 2024, vBulletin Solutions, Inc.