أما لهن للكاتبة / مريم السعدي ، "عراقية" ( مكتملة )

[فيتامين سي]

بارت ١٤
#أماً_لهُن
#مريم_السعدي
.
.
الهام.....
غفيت وبعز النومه
اتصل
باوعت ساعه٤ الفجر
فزيت رديت رأساً
- الو انور
- الو هلو الهام ادري كعدتج
- شكو شبيك
- ماكو شي هيج شوي ردت احاجيج
- بشرفك متصل فجريه تحجي دروح روح داكمل نومتي. شون. جنت احلم. حلم حلو
رد بتعب
- الهام لتروحين خليج فد ساعه وروحي حتى لو منحجي
- شبيك انور
جر نفس وسكت
- انوور
- ها للومه
- شبيك
- مادري شكولج والله
- يابه دحجي وفضها اوهو
رجع سكت
- انور
- ها للومه
- شبيك يابه اكو شي
- للومه من الاخير بنيه تخبل كدامي واني ماريد
صفنت قشعر جسمي
- ايييع متلعب روحك
- اي بعد لعبيها لنفسي
- ادري شكو عينك عليها لعد والله يا الله
- مو استغفرالللله. مو انيييي. السريريه. كلمن عينه ع وحده
- ومتروح. لعد
- ماريد
- انت غير مخربط شبيك بابا
- للومه ابقي عالخط وسدي حلكج.
- ماسده
- ابقي تجالبي بس لتولين
- انت دتسب دتسولف شنو قضيتك
- يا الللله. يا الله لج بابا افصلي افصلييي جري نفس
- ماريد روح يله. روح كمل البديته. لتصير مضحكه لجماعتك
سكت
- انور روح
- تعبان للومه والله
اول مره يكولها
اول مره يستنجد بيه رغم عصبت ماعرف ليش من كال بنيه كدامي . بس مكدرت اعوفه
- منو وياك
جر نفس سكت
- تريد تحجي
- لا
كالها بعصبيه
- ماشي براحتك
بقه ساكت ويتنفس
واني ساكته
كال
- اذا تردين نامي بس لتسدي
- لا راحت النومه
احسن كالها وورث
ضحكت. واريد اسكت ماكدر
همس
- ووجع شبيج
- دااتخيلها تنتظر هسه عبالها تخجل هههههههه
- هههه والله عليج سوالف اخجل شنو ولج مو اروحلها
- واني شنو تهدد عشتو
سكت جر نفس باجر نرجع
- اخيرا
- وانتي شكو من يمج مضغوطه
- يابه دارد اتسوك خلصت يابس
- شنو يابس
- يعني بقوليات
- ها ههه اي والله اني هم داريد اتسوك
- انت. تطبخ
- اي نوبات اني نوبات خال الولد
- همم وياك بالبيت مو
- اي عايش ويايه بيت اهله جان اجار ومن توفو داح
- زين منك مخلي
- ليش يعني علمود اخته مطلكها لا جج لا للومه متنحسب هيج. تدرين ابني شكد متعلق بي معوده اقلها واحد عواهس اللخ
- شكبره هذا
- اكبر من ابني اربع سنين طالب كليه
- همم حلو ومن تشوفه متذكر اخته
- اسكتي وخليها كلسا وسابه النوبه نفس لون عيونها
- ليش عينها ملونه جانت
- اممم... وجر نفس
غيري موضوع غيري خرب غيرتج.
- ههههه وحده لوحده يشب وينطفي
- اي بعد سولفي شسويتو اليوم مسويتو
- والله شسوينا ست عسل باجر عدها سفره للزوراء
- اي جان رحتي وياها غيري جو
- معود عدي شغل طيتها اسبوعيتها وكتلها روحي
- سباعيه عسوله ازل شونها بالشغل
- زينه مكيفه
- معرف ابو صديقتها بنسيبه الشفيه
- لا تخاف تحجي تكول استحي واخاف ابو يتخذ موقف. ورا يفصخ و اساور تنقهر
- مشكله هاي والله
- شسوي تدري اخذت التلفون وهم اشك بعدها تحجي المصيبه وين
- وين
- المصيبه. داشوف بالزبل اوراق مال مطعم اغلفه
- يعني مال لفات
- ها منو يجيب منين فلوس كلي انت
- عمي هاي ثكيله بت اخوج.
- اي شسوي فهمني
- شمدريني حيره والله
جر نفس وسكت
- يابه لضل تتحسر روح وفضها
بقه ساكت
- الو
- ها للومه
سمعته تثاوب
- اي اذا نعسان روح نام
- اخاف
- ها ههههه معود ليسمعك احد عمي كلها روحي مافيدج مو احسن
- اخاف اروح واضعف
سكتت
كال
- مو جننا اخذنا واحدنا عاللخ دااحجي بدون تكلف يربط لساني جن داحاجي صاحبي
- رحم الله والديك
- ههههه لج لا بابا
- زين يعني لتحجي بوضوح كلش بس الفضول قتلتي
- احجي
- انت ماعدك هالسوالف قبل
- اي جان عدي
- لعد شنو التغير
- ماعرف مكتفي ماريد اخربط وراها اندم
- مفهمت
- ولا راح تفهمين تغيرت وخلص
- اوك كيفك هاي شي زين الله يبعد عنك اي شي حرام ان شاء الله
جر نفس همس
- ان شاء الله
- متتزوج لعد مو احسنلك
- خل احير بابني هسه.
- شبي رجال موصغير تره تزوج شوف. حياتك
- يله شوفيلنا مره.
- تدلل شون تريدها
- دكعدي عمي شو جنج. عجبتج السالفه
- كيفك
- اي يا الله
- شكو
- طلعت راحت ههه اخيرا
- من كيفها راحت
- اي هاي طلعت وبيدها قبوطها راحت همزين
- انت وين انور
- بالسطح مال فندق
- ها شعدك شون يخلوك
- همه مسوي مثل الكافتريا ودااتفرج عالباب مال فندق من فوك شفتها طلعت
- دروح نام لعد
- اي حنزل
سمعت طنه المصعد جر نفس وضحك من كلبه
- شبيك عابتلك
- تره مخابيل احنا
- ليش ههه اني ادري بروحي. انت ليش
- دعايني حاته كدامي وخابرتج انتظرها تروح ورديت رجعت ادري شكو تباوعلها
- انت غير
- مو ذوله السريريه. لزموها عليه صاير مؤمن وصاير صاير وكبران لازم ومن هالحجي استفزوني
- لامع الاسف
- شفتي
- داشوف داشوف
سمعت سده الباب
- ها خاف طابه الغرفه وخامطه شي منك معود
- لا جيتي عليه. بالمجر وقافله مثل فد وحده اني. يبوكون جوازها
- ههههههههه
تنهد براحه
- هاي شبيك شنو هالصوت
- صوت الجربايه شمرت نفسي نمت
- دنام يله تصبح على خير
- دبقي حدما نغفى
- بله متطير
- هاااا بده التجاوز
سكتنا
- للومه؟
- همم
- علاقتنا غريبه كلش
- ادري
- وج والله عبالك صاحبي
- يابه شنو سالفتك شفتني مطوله شاربي
- لا والله
- بعد شلزكتلي صاحبي وصاحبي
- اسف
- لاعادي اتشاقه اكلك ع سر اريد اعترفلك بشي
- ياستار احجي احجي طلعيهن
- تره اني عمري٣٨ مو٣٤.
- هههه وليش كذبتي
- هيج ماعرف عجبني اصغر بعمري
- والله ممبين عليج شبيج مخليه الرقم. براسج بابا -طلعي العمر من راسج
- هو هم هيج يلا كافي روح نام هههههه
- يله نامي
- باي
- هلاو الف شكر للومه
- على شنو بلكن من وراك حصلتلي كم حسنه
- اكيد اكيد
سدينا ورجعت نمت جنت اضحك بكل ما اتذكر موقف وانام واكعد مبتسمه
ومن يصنف اضحك من كلبي
ماعاد فكرت باجر اذا تزوجو شسوي ابد
يومين ورجع.
خابر عالرصيد
- هاي شنو صاير تلااف
- هاي بس حتى تعرفين اني ببغداد
- حمد الله عالسلامه
- ممنون يله شوكت تتسوكين
- باجر باريت
- عدج شي هسه
- ساعه٧ انور
- ميهم شعدنا اجيج للباب وارجعج للباب
- واذا سالوني منو
- عالاتفاق سايق واكطع وانتي كاعده ليوره
- خوش حجي
- يله تحضري جايج
- باي
- سديته وكمت بدلت رأساً ولاول مره نزلت لازل
- ازول
- ها للومه
- تعاي سويلي شالي انتي حلو تلفي
عدلته الي باوعت بعيني تبتسم
- وين رايحه بس مسواك
- اااي ليش تردين شي
- اول مره ترتبين شالج هيج تشدي
- ها للاا مو من اتسوك كلسا ينفتح اضوج
- همم اوك
عسل : للومه وياج نبك حبابه
ازل : شششش ريحته تلعب النفس وتجلب بالبيت اليوم غسلته بالديتول
عسل : اكله بالخديقه
للومه : ماشي شتردون بعد
وصارت عيني بعين رسل الجرت عينها تبتسم وطبت للغرفه
صدقا اخاف منها
عسل : نوتيلا للومه حبابه
الهام : ممكعدني صفح غير النوتيلا مالتج. وج باع وجج حيطك.
عسل: تحب خديداتي
ازل : فدوه للومه اريد خيار جزر لهانه مبلشه دايت زايده اربع كيلوات
الهام : ميخالف بعد هاهي اسجل واكلب بالكاونترات جنت متلهفه. عكس كل مره اسجل واحسب بالفلوس حدما دك تلفوني انور
- الو
- ها للومه اني بالباب
- اي هسه طالعه ... يله بنات طالعه اني
عسل : منو اجه عليج.
للومه : باوعتلها وجهه كله اسأله وازل انتبهت عكدت الحاجب مستغربه جاوبت ببديهيه
- انور... صفنو عليه
عسل فكت حلكها وعيونها متفاجئه تضحك
- صددك عمو انور
- اي هو ههو عده سياره وويشتغل بيها تكسي ككلت مدام. عرفنا خوش انسان خو اخلي جوه ايدي. احتاج سايق شي هو يوصلني. ونسواك هواي شهري حتى اخلي. مواشيل واحط
ازل : احسن فكره للوم روحي روحي تاخرتي علي
هزيت راسي خجلانه طلعت واحس ورايه يحجون عليه. شحيكولون عليه. عمتنا مصادقه
طبيت للسياره مزاجي انكلب
- السلام عليكم
- هلو للومه رفع راسه باوعلي بالمرايه
كال
- ياحافظ. شبيها خلقتج انكلبت
- جفصت كلتها وخليت ايدي على وجهي
- شكو بيش
- كتلهم وي انوررايحه
ابتسم وهز راسه. همس
- زين سويتي
- شكو عليك انت
- يابه. مدنسوي شي غلط سايق. اني ساييييق.
- لتصيح فدوه اني صايره. اعصاب
- يبوو عالكآبه
- انور سد الموضوع
- لج بابا احسن حتى تبينين انه البيننا صداقه. من تسويها بالختله. حتبين عدج شي غلللط افتهمييي ذوله مو زعاطيط كبار تره واعين. الجانو صغار كبرو للومه
- اوك ماشي
بردت قنعني كلامه وتغير مودي
مشغل اغنيه محمود انور نفسها
كلت مايوم انساك ضاع تعبي وياك ضيعتني.
كاعده ليوره. وهو يسوك وكفنا ازدحام. طفاه تثاوب. وتمعصر
ابتسمت باوعلي بالمرايه
- شبيج تضحكين لج
- مابيه شي منقص نوم
- هو من اكعد اتكسل اكولج مسويه قائمه لو شيل وحط تره اضوج من الشتله
- لا عيني قائمه
- عشتي
- وانت
- لا اني شيل وحط بس ماطول اعرف شريد
- همم
- تطبين لهذا السوبر ماركت
- لااتسوكً دوم من ال— اسعارهم زينه وبضاعتهم جديده
- يله نجرب شكو منها بي كراج
- اي بي مجاني
- حلوو
- طبكنا ونزلنا يمشي وامشي وراه. اعاين تقاسيم ضهره ونصيت.
عطره الترس الشارع
- ادري سابح بالعطر
- لا والله هو قوي هذا هديه. من الامارات
- اي ليش لاا عيني
- شعبالج بابا ثكييل اني
- ههه بالعافيه
- التفت مبتسم الله يعافيج منا نطب
- اي منا مناك طلعه
- خوش
طبينا شال سله جبيره ونطاني وحده. باوعلي منصي التفت صار قريب ابتسمت مكدرت الزم. تعابير وجهي دار وجهه مبتسم ضم ضحكته
- هاي كافيتج
- لاهاي العربانه
اخذناها وطلعنا انتبهت عليه بالهبل ياخذ كبب وبورك. صوصج يشيل ويحط. كنتاكي علبتين كبار
همبركر ومقرمش دجاج
هاي شكو شعدك
اسكتي كل اكلي تكلاه. بس نوبات الخال يركب. والله تركيبه. اخته مجانت تركب هيج. غير يخبل
- ههه خطيه
- حسن غير والله ولافرط بي ذهب. احسن من اخته
- الله يوفقه
- امين
- اكولج هاي شنو اخذتي
- شنو هذا ها هاي عسل تحبه بالريوك كورن فليكس
- يعني حبوب مال ريوك. عود طيب
- اي والله طيب وبي فيتامينات
- يانوع تاخذين طيب خل اجرب
- ابو الككو يخبل الناعم واساده هم
- حاخذ الساده. واذا مطيب انطياج.
- اوك
- هذا الجبن طيب.
- اي دوم اخذ منه
- خل اجرب تغيير
- زين هذا الكنتاكي طيب
- اووو يخبل اخذيلج قوطيه جربي
اخذت وصلنا المحاسب تحاسبنا وطلعنا. خله الغراض بالسياره. وكفنا يم الكصاب اخذت لحم وهو هماخذ انتبهت عليه. يصرف. ميدير بال ورجعنا. للمخضر من يستنكي عبالك ام بيت سال عالكلم. والفطر وكانما ام بيت.
تعجبت بس صافنه عليه
تسوكت كامل وخلا بالسياره عزله عن مسواكي
الوره انترس
باوعلي
- تكعدين يمي متكفي تره الصندوك انتزس
- اوك
صعدت وطلع جان يحجي ويايه كانما صاحبه. ياسر ويسولف
هنا هيج مره صار
هوا انباكيت مره
وهنا اندعمت
وهنا يحيى اجه للدنيا بهاي المستشفى
واني استمع
جان كلش اريحي
طبك على غفله
- ها وين يمعود حتدك التسعه
- انزلي اعزمج انزلي
- وين مااتعشى
- ياعشه باع هاي اني اقصى حدي. عالعزيمه موطه. انزلي هذا الموطه مالته عجيبه
- ها
نزلت عجبني. وهو استغرب عدم اعتراضي
كعدنا عالميوزه وطلب لي من غير ميسال شتحبين والعجيب عرف شحب. بعدها تذكرت بتركيا طلبت مره ويا وعرف شحب
كعد كدامي ناكل. يبتسم ويدير وجهه
- هاي عود ليش تضحك
- لا والله هههه مو قصدي بس مستغرب
- ليش عود
- معترضتي من عزمتج
غمضت صعدت البروده براسي لزمت راسي وغمضت قوي
شوي وفتحت عيني
شفته صافن
كال
- هاا
- اكلت لكمه جبيره
- على كيفج شبيج منو راكض وراج
جربت نفس وباوعتله.
ميل راسه مبتسم. بحنيه. كال بصوت ناصي
ليش معترضتي. ست الهام
- والله هه والله مادري بس كلت اعوف روحي ماعاند هالمره. ودااحس روحي مرتاحه هيج
هز راس حتى تعرفين الكدامج موشوي
كالها بغرور
- اهووو تره. ارجع للبيت انطيك بلوك واكوم ماجاوب
هز راسه. بسخريه
- ليش جديد الكول على احمد راضي
- شنو
- هه مثل مثل
- همم. يله يابه كمل عاد دنروح. تأخرت
- يله معوده كومي
رجعنا للبيت انزل بالغراض. بالطرمه وهو يساعدني طلعت عسل
هلاو عموو
هله بعسووله. هاج هاج هاي الج
تقدمت مخجلانه طلع من جيبه. علج. الينطو بالباقي. مال الاسواق. اخذته. تضحك وترخص
- يله ست محتاجه شي بعد
- لالا سلامتك شكد تأمر
جر نفس كال
- والله مالها داعي اني داتسوك وانتي. ويايه. موعلمودج طالع
- لا ميخالف متفقين
- كيفج شكد تردين تنطيني ماعرف كروتها
- اني انطي١٠ كل مره
- هذا هو
نطيتها اخذها وخلاها بجيبه اشر يله. باي. عسول
باي عمو
وراح
ارجع بالغراض واتذكر سوالفه تصنيفه بالاسواق. وضحكنا. شكد تونست
طلعت ازل العين منفخه
شبيج ازل
عفت العراض ترجعهن عسل تقدمت عليها شكو
برطمت ووجهه تخربطت ملامحه
- سويلي جاره شسوي وياها
- بعدها
- اي سمعتها توني لج جابلها لفات للباب
- ايا رخيصه
- حتخبل للومه هاي اساور شكوللها
- واجهي واجهي اله هددي
صفنت بوجهي
- شبيج كوليله اكُول لاسلور وابوها
- اوك اكوله باجر
- هاهي المن خايفه. ماما اخلصي
- اوك
ازل....
ثاني يوم من الصبح. جنت واكفه كدام مرايه. غرفتي والقن نفسي بكلام اني احضره اله واحجي. جنت. احس روحي موقفي قوي. وميكدرلي. راح يخجل راح يخاف راح يتوسل يتركها وميعيدها. ويمكن ميعرف بيها اختي وطلعت للجامعه وويايه اسو ورجعنا وره محاضراتنا للشركه جنت متهيأه كلش حتى اسو انتبهت
اسو : شبيج اليوم متلهفه للشغل.
ازل : مابيه شي اسسو
- الله عليج
- والله مبيه
وصلنا طبت. هي لابوها واني لكيتها فرصه رحت سنتر لمكتبه.
شفته توه. ديطلع
راسا نترت
- تعال عدي حجي ويااك لتطلع
وطبيت لغرفته. طب ببرود يباوع باستهزاء جاوب
- نحجي ليش منحجي
وكفت بوجهه كتفت. بحيل صدر احجي وهو يباوع ببرود
احجي ست
- من الاخير استاذ راكان. انت تلعب على اساور.؟
كلتها بنبره غضب
جاوب مبتسم
- شنو عيني
- سمعتنييي انت تلعب على اساور مااسمممحلك. مااسمح.
- اششش صوووتج. صايرتلي. مره.
ديطلع جريته
- اسمعننني
- لج راح امد ايدي ترررررره كوه هاضمج لخاطر اساور والله العظيم اطلع وصاختج كلها
عطت بي
- شنو رايك اروح لاساور وابوها واكوله. عده علاقه باختتي.
رفع حواجبه يبتسم بسخريه جاوب. وعينه على ساعه ايده الرفعها
- شنو رايج اروح احجي. لاساور وابوها انج. عاشكتته. وعينج عليه.
شنو كالها وتخربطت ملامحي. صدك. مس گلب گلبي مشكلتي ماعرف اكذب نكرت
- كذاب انت واحد كذاب
- هههه ست ازل تضحكين على اساور على ابو اساور على راكان. متعبر ترررره خلك وحده. مخيله على واحد كد ابوها مدري على فلوسه. وج اني. ناطيج. وكت بس اصفالج اصفيج. وابعد اساور عنج وحده. رخيصه
- انجبببب ساقط احترم نفسك
- اشششش لسانج لااكصه
بلحظتها طبت اساور
فاكه عينها تتلفت من وجه. لوجه.
احتقن وجهه وبلعت. ريك عينها غرغرت
راكان ركض عليها همس
اسو
دفعته لهدوء عينها عليه
مدري شصار بيها
احس
سنه سنه توكع. من عيونها من نظراتها
راكان همس
- اني افهمج كلبي
رجع تقرب رجعت دفعته بهدوء وعينها عليه
ازل : همست اسو هذا كذاب. تصدكين بي. واني ماعرف شسمعت
نتر
- كااافي عاااد ابتعدي عنننها. يكفي كذب كافي الاخذتي من هالصداقه
- انت لتتتدخل كلتها وشهكت ابجي. حرام عليك تفرق. بيننا.
اساور همست
- عفيه. الله يخليكم لتأذوني. الله يخليكم شنو السمعته
ازل : حظي. لساني. تلجمم وهذا بقيافته. وكلامه. وفضح شكو مشاعر عدي
جاوب
- اسو انتبهي عليه هنا اني راكان
واسو عيونها عليه اريد احجي مداكدر
كال
- صارلها كومه. نظرات وحركات تحاول تحذب انتباه ابوج الها موتت روحها حتى ينتبه. عليها
همست اساور وسدت اذنها
- اسكت راكان فدوه اسمع مننها
بقت صافنه بوجهي
- ازل شنو عدج وياه
- هو ادبسزززز ميستحي. هو يحجي وي رسل. اسو يحجي وياها. احجي وانهاريت بجي
جاوب
- احجي وياها صح اخذ معلومات عنج ست
اساور اختها كالت حاجيه لعمتها عن حبها لابوج اساور صديقتج متقربه منج علمود فلوس ابوج تره
احجي ويغالط واعصابي تفور
اساور عافتنا وطلعت ركض
وهو وراها
بقيت بمكتبه اعصابي ترجف. رسل. ررسلللللللل.
طلعت رحت لمكتب ابوها
شفتها كاعده هي وراكان تبجي وهو يتوسل بيها ولازم اديها وهي نايمه على كتفه
من هالموقف عرفت
عرفت انها صدكته وكذبتتي
مكدرت لحظه ابقه بعد
مكدرت خذت غراضي وطلعت. من الشركه. سلمت كل عملي. وكملته باتم مايكون
وطلعت
احس عفت قطعه من روحي بالشركه
اساور
كانت اخت وبنت الي موصديقه عاديه
الطريق من الشركه. للبيت. مشيته مشي ركض وابجي منصيه محاسه عروحي ودموعي تجري
رجعت بعمري من صف رابع ابتدائي. حد هاليوم. امشي واتذكر وابجي. كلبي انعصر حيل. دقايق اكطع النفس وارجع اشهكه حدما وصلت
للباب فتحتها
وعسل صارت بوجهي توها تذب الزباله كالت بفهاوه
هلاوو ازول
وصفنت عليه
طلعت للومه تلف بالصونده وشافتني
ذبتها وصلت يمي متفاجئه رجلي رخت وبجيت. بقهر حضنتني. اول مره تحضنني بهالقوه
همست باذني
- ذبتها براسج مو
- للومه. اساور كذبتني ومصدكته. اختي هاي بنتتي. موبس اخت
- ميخالف. عوفيها تهده واهدي
- للومه الحقيره. حاجيتله حجي يشيب الراس لراكان
- توقعت هالشي
- هاي اخت هاااااي هاي اختتتتتت
- اهدي ازل فدوه
- اذبحهااا
- متسوه. كلمه
- لج شووون شسويلها لهاي خسرت عملي بسبببها للومه خسرت اسو تعرفين اسو شنو بالنسبه الليي
- اعرف والله اعرف
- لامتعرفين محد يعرف
هي وابوها وببيتها وج ذوله عائلتي الاولى
للومه وانتو الثانيه
وج ذوله احبهم كد ماحب امي وابويه
واكثر لان اعرفهم اكثر من مااعرفكم واعرف امي وابويه شون اعيش دونهم شووووون
جرتني جوه وتهدي بيه تغسل بوجهي وتهدي وتواعدني
اني احجي وياهم
اني اكوللهم
واني رافضه انتهت انتهت خلللاص
.
من
.
يتبع

[em esoos]

السلام عليكم ورحمة الله وبركاته عاشت ايدك حلوه واسلوبك رووعه راسل لازم حد يوقفها عند حدها لانها ما تحسب حساب لحد ومافي رجال اللي يوقف بوجهها والهام بنيه زيها ما تقدر عليها ازل الغلط انها سكتت ولازم حكت من اول مكالمه سمعتها من اختها مع راكان لانها ترف اختها وحده ساقطه بكل معنى الكلمه ومستعده تضحي بالكل مقابل انها تنبسط
علاقه الهاو وانور حرام بس ما عملو الحرام كونها صداقه وما تتعدى حدود الشرع بس كونها تحكي مع رجل غريب عليها حرام ولا يجوز الله يكتبه من نصيبها
هل لها تكمله او لهنا وخلصت
تسلم الناقله الورده عالمجهود فيتامين سي

[فيتامين سي]

بارت ١٥
#أماً_لهُن
#مريم_السعدي
ملاحظة بارت قصير بدون تعديل
ازل....
اصعب. ليله مرت عليه. من وفاه. امي وابويه لليوم. من صغري ماكنت طفله عاديه عمري ٦ سنين. توفت امي. وبعدها. بثلث سنين ابويه. كلشي كبالي عبالك البارحه عموي منسيت هاليومين. واليوم. انعاد عليه. عائله. اسو هواي. ترست فراغ. محد كدر يترسه.
بيبيتها. كانت. مثال. الجده الصالحه هواي اخذت. منها يمكن اكثر من اسو هواي. تعلقت بيها. ودوم اسالها. وتجاوبني. مافد يوم كالت لا
البيبيات بعمرها تضوج من هوسه. من صياح من اغاني وركص واني واسو نلعب لعب ابد متكول بس يمه تبتسم بتعب وتعايننا مكيفه بينا
وابو اسو. اووف ياعمو رائد الاخذ. ٣ ارباع الكلب
مره اب
ومره سند
ومرات دكه بكلبي. احبه. اعشقه اشوفه بوجهي. كلما عاينتالمرايه. واتخيل لو اني بكده
اني اول. مره تتمنى تكون اكبر من عمرها
اني اول شابه . تجز روحها من الشباب
باحساسي بخسارتهم هواي تغيرت. بليلتها. من كملت بجي. بس مطفت نيران كلبي
لمحتها واكفه. يم باب المطبخ تعاينني صدمه بعينها قريت ونضره قلق.
وكفت اهجم عليها ولزمتني. للومه حضنتني. شاورتني
لبسيها كانما مموجوده. عوفيها تولي
ولبستها عسل تبجي لبجايه وتتوسل. صوتج راح ازل
هدات كوه لزمت نفسي
محد يسوه. صدكته ويطبببببها. طوووب. خلي تصدكه. طبيت لغرفتي
كانت ساعه٦ العصر
لل٣ بليل اني بفد صفنه. بهدوم دوامي. اعيد واصقل بالموقف اعيد واصقل
نضره نضره منها اتذكرها كلمه كلمه. منها. حرف حرف. يدك بكلبي.
غمضت عيني وفتت الحمام سبحت وطلعت. وكانما. ذبيت. كل هم عدي
وطلعت
حضرت هدوم دوامي. محاضرااتي وكعدت
اول شي اجه ببالي الشركه مااوصلهت بعد بيا وجه وتذكرت وجه عمو وائد
شون حتكون رده فعله. من يعرف. عزه. اذا عرف عزه شكد عييب شحيكول عليه شون ححط عيني بعينه. ياااالله.
كون بعد ماشوفه. حتى بالجامعه اي من تكون هي بمكان ابتعد هي سنه واخلص
شي ناقصني. تلفونها ب١٢ شحتلبسين
دزيلي المحاضرات
قريتي
شو هذا مفتهمته
تفاصيل عشت وتعايشت بيها اساور. نصي الثاني
منمت للصبح. وداومت هالمره وحدي
مو خطها يجيني
وصلت الكليه. وعيوتي تدورها ممداومه
ليش منداومه
خاف مريضه
خاف بيها شي طبيت محاضرات وانتضر ماكو مجتي
طلعت من وكت. مكدرت ابقى محاضرتين. عفتها
طبيت لبيتنا لكيت رسل تحجي بالتلفون بالهول لان وحدها بالبيت
تعديتها وكانما مشفتها
لاكتلها منين التلفون
لا ويامم تحجين انتهت مني بعد خاف جان الها شي غير الدم
صعدت فوك توني اذب الجنطه
التلفون بيها دك
طلعته والكه رقم عمو رائد
خفت ارد وخفت مارد
لزمته سكت ورجع دك
رديت مستجمعه قواي
الو عمو
ها عمي وينج اليوم
اني بالبيت
هاي شنو انتي هم ممداومه. تتفقون حتى عالغياب. معودات عفتوتي وحدي والشغل فوك راسي
بقيت ساكته
ازل بابا
نعم عمو
بيج شي خما مريضه
لالا
ماشي محتاجه شي ارتاحي ارتاحي. باجر تعاي
بقيت ساكته
ازوله بابا شبيج
نعم عمو مابيه
تردين ادز السايق يوديج طبيب خاف عمتج بالدوام
لا كلتها واختنكت
ازل شبيج
بقيت ساكته مكدرت احجي اختنكت
نصه صوته
ازل شبيج احجي
الو الو ازل
سديته وبجيت هذا قلقه. حيروح مني مجرد ما اساور تحجيله.
رجع دك
مره
ومرتين وثلاثه واني مارد
مارجع دك بعد
تقريب الساعه وهورنه صار بالباب تفاجئت ممعقوله اجه نزلت ركض تاكدت. من بين اشجار الحديقه انه هو رجعت طبيت للبيت مفتحت الباب دك الجرص اكثر من مره واني مفتحت
راح ورجعت صعدت
حسسني باهميتي عده
ضل باله عليه?
نمت لليل يله حسيت. اربع مكالمات من اسو وللومه يم واسي تسوي كمادات
طلت عسل بكعدتي
بيدها كوب حليب وككو مشروبها المفضل عاينتلي بقلق
ها كعدتي
باوعت للومه
شكو
للومه- شكو بعد صخونتج ٤٠ طخت
لا والله محسيت بيش ساعه
ب١١ بليل
باوعت التلفون يدك
منو
للومه- اساور هاي خامس مره تتصل من غير ابوها الحرك. خطي مادري شحاوب واكول الله ياخذج رسل
ازل- بكل كبرياء رديت مدري منين جتني القوه.
الو
جاني صوت اسو مبحوح. رايح صوتها
الو
ازل بس كوليلي. كذب واصدك
مرديت
ازل اني. اصدك بيج. والله كوليلي كذب واصدك بيج
هو شكلج
ككلي اختها حاجتني كالت. لايفه على ابوها وحاجيه لعمتها
اممم وبعد
كايلتله تكولين لعمتج انج تردين تجذبين نضره وتدرسين هاي وتتطلعين بس حتى ينتبه. بحت بقهر
انتي موهيج ازل موهيج
لمن تعرفين ليش تصدكي
خابرتج اسمع منج. بداعه. خوتنا احجي. كوليلي كذابه اختي تكذب
دامج مصدكته انسيني بعد وكولي لعمو رائد ليخابر بعد كلشي بيننا انتهى حرامات الايام المضيناها سوه. خلي يفيدج. راكان. باي
سديته بوجهه ومسحت دموعي للومه صافنه عليه وعسل
عفتهم ىكمت غسلت وجهي دتحجي للومه
رجاءا هالموضوع ينسد ولح. يحجيني بي
احترمو رده فعلي وتركوني
الهام...
طلعت من يمها طبيت للغرفه دكيت لانور
الوووو
ها انور شونك
بخير وانتي
زينه الحمد لله. رايدتك بسالفه
كولي
حجيتله الموضوع بحذافيره
كملت كلام وسال
زين هي ازل فعلا تفكر بابو صديقتها لوو؟
لا طبعا هاي سوالف رسل
لا اني مو وياج
شون
اساسا ازل مكدرت تحلف لاسو بانها ممفكره بابوها لان اليعشك ميكدر ينكر حبه
معود انت شدتحجي
صدمي واعتقدي
فرق عشرين سنه انور
الحب ميعرف عمر للومه
لا مستحيل ازل متفكر هيج
اني مو وياج بهاي
شون بله
تكدرين تكوليلي ليش رفضت احمد
لان كالت تضوج ىاحد قريب لعمرها. تريد اكبر عززززززه بعيني.
اها فهمتي مربط الفرس
لاعفيه شون
شكو قابل بنيه تعرلتتصرف واعيه ومثقفه وعاقله. خافي على روحج
زين خاف تتاذه
جر حسره وكال
هي مال تتاذه تتاذه. الله يساعدها بس بعدها. صغيره. تتعلم
بقيت ساكته
للومه باجر عدج عطله مو
اي
تطلعين ضايج شوي واريد لشتري ملابس هم تجين ويايه
خاف احد يشوفنا
لا نروح ل—- اشتري هدوم. ونكعد فد مكان عالشط بالخضار شنو رايج
نروح نتسوك
مصار سبوع كتيلي رحت اتسوك لان جنت مسافر
اريد اسواق محتاجه شامبو ومعطر ارضيه وغراض للبنات
يله ماشي
اوك
يعني فد بال٦
اي اوك
يله الحمد لله
هم مشغل محمود انور متكولي شتحب منه
بس هالاغنيه احبها
يحيى شونه
زين لكم دينكم ولي دين
ليش هيج
ماتوالف ويا يغث. ياذيني
لاحول ولاقوه الا بالله. يداوي الناس وهو عليل
لا اني. سالفتي مكيسه للاخيرمامنها رجه
ها هيج
اي والله عوفينا. معوده
زين حاول تتقرب منه
حاولت وفشلت
متسولف وياه
لا والله. كلما اكعد يمه يسمني تنتعي السالفه بعركه فليش احرك دمه ودمي
لعد منو اله
خاله موجود
عفيه هالخال
للومه سدي السالفه تره لعبتي نفسي
اشكرك
هله بيج اي سولفيلي
شسولف
عسوله. امتحنت
اي الحمد لله كلش زينه
شوكت نتايجهم
عشر ايام وتطلع
سباعيه. عسوله اكولج. تدري انج تحاجيني
لا تدري. بس من نروح نتسوك
همم صورها يمي. مال سفره البارحه سحبتهابالفلاش
عود دزهن تكيف
ماشي —واحد بالشهر اطلع للبنان
ها
اي والله
ويامن حتسوك
سالفه سبوعين وارجع متشوفيني داريد اشتري هدوم
خوش انشاء الله
صار. شهر ممتشاىفين
مو دنحجي شرايد من جهرتي
ههه هم صدك
انورسوال
جواب
متمل
والله سوالفج تملل سوك مال مشاكل
هااا
والله. العضيم. بس شسوي ضوجه وين اولي
اصدقاء ماعدك
عدي يبوو كوام.
لعد كمت متروحلهم
ملوني
ليش ههه شكد تنحب لعد
لا والله. من كدما مااشكي ضاجو كامو نيدرون عليه بلماتهم. ومن عرفت. ينلمونوميدزون عليه. كمت اخجل ادكلهم واعتب
بس انت متشكيلي ابد
ماريد تملين و اخسرج عود
لا والله هسه اني مواشكيلك
ماعدي شي للومه اتشاقه وياج
سكتت جر نفس كال
اروح انام احسن لي باجر اروح اطلع فيز الكروب
اوك تصبح على خير
هلو لاومه
هاي جانت يومياتنا
صارلنا٤ شهور صداقه. مسواك. صار اربع مرات اسوكنا نوبات يم. سبوع محاجين.
ونوبات يروح لاهله. اطراف بغداد عمامه يغير جو
نوبات سفراته. تمنعه يحجي ويايه
مافد يوم اتصل معصب
مافد يوم ضايج
بس دوم اسمع محمود انور ضيعتني.
جان. بالنسبه الي حياته لغز
نوبات اندم لان حاجيتله. كلشي عننا. اكول اني شعزفت منه واجي احجيله كلشي
واكول وي روحي مااحجي بعد بمجرد ان. اخابره احجيله كلشي
رسل
اخ يارسل
راكان تركها. ماعرف شلون ولا ازل تعرف اكو تغيير للافضل بس مابيننا كلام
نرجع نلكه الغدا جاهز والبيت يلمع.
عسل كانت تتصنت عليها. وكالتلي—
للومه رسل تحجي وي. وحده. تكولها. بعد كمت من اخابره. برفضني. الحقير ومره. سمعناها تبجي بعدها عرفنا من خلال الفيس انه الكان حبيبها تزوج صديقتها
اربع ايام مطالعه من غرفتها خفت عليها طبيت. وشفتها. نايمه كانت
حاجيتها بلكن لان كلبها تغيرت لكن. عبث
عاطت بيه
اطلعي ماريد شماتتج. اطلعي عانس عجوز
تركتها وطلعت
بعد فتره. تقريب الشهر
هالفتره
ازل تداوم جامعه ونتايجها الاولى عالقسم ابو اساور اكثر من مره اتصل يتوسط بين البنات ويتوسل بيه
الله يخليج ست الهام رجعي علاقتهم تره اساور ضايعه
استاذ رائد بينهم مااتدخل اني
زين فهنيني شنو الصار واتي اتصرف
ماعرف شنو الصار
ماشي براحتها
وراح ماخذ على خاطره منها
عسل. نجحت من الخامس بمعدل. زين وتتهيا للسادس خليتلها مدرسين بالعطله. مال خامس وبلشت
عطلت ازل بعد نجاحها. وكعدت بالبيت
ونتفاجا برسل مبدله الصبح. بقينا صافنين. عليها
وين رايحه رسل سالتها
حاوبت وتقربت مني
للومه ممكن اسبوعيتي
وين رايحه سالتج
رايحه لوضيفتي بس اليوم اخد علمود الكروه بعدها خذ اسجل
بقبنا صافنين عليها كلنا
وين وضيفه غير اعرف
وضيفه بشركه. اهليه شركه—-
بقيت صافنه
ومنو قبلج منو قدملج وانتي بالبيت
صديقتي قدمتلي كالتها كوه تحجي من وره الكروه. نزلت نفسها
كتلها
اروح وياج
كالت امشي كالتها لحيل صدر
ورحت وياها فعلا كان اسمها موجود بالاستعلاامات شركه جبيره. كلش صديقتها جانت تنتضرها بس وصلت اخذتها ومشت
وقعت ترست فايلها بالمعلومات. عاد صدكت انها شركه بيها خير
اجه زوج صديقتها وهي عرفتني
نور هاي عمتي موضفه بالدفاع
عمه هذا زوج نور صديقتي وهاي صديقتي
جاوب يااهلا وسهلا
نور- يله رسل تره. ينتضروج بالارشيف
اي اوك يله. للومه باي
كانت تتصاهر بالادب بالاحتواء للعائله والسلميه. طلعت واردد بروحي
الله بهديج. يارب
طلعتنا بذاك اليوم اني وانور انلغت مكدرت اطلع. لان عسل وحدها بالبيت رسل يمهااخاف اعوفها
وهوً راح سافر ورجع
مكالماتنا قلت
عده شغل واني انلبكت. بشغلي والبنات
توقعت حنبتعد بس عكس توقعاتي. صار
اتصل متلهف
لج الووو
هله وينك
وج شونج وج مشتااااق كد رحمه الله للنكد مالتج
ههههه عابتلك انت عايفني
عمت عيني اي والله ولج مخبوص والله تحولت غير بيت ورممته.
ها صدك
اي والله. مو هاي ام البيت طلعتناال—-
استغفر الله
اسف عمي ناسي حتى الحجي وياج
شفت
اي اكولج خل نطلع باجر بروح اخيج والله روحي طاكه اعزمج على غده. على سمج بالكريعات شلونني
هاهي صايرين ههههه
لاا بربج صدك بدون مااتوسل
والله اني هم روحي طاكه
ماشي اي شكو ماكو شخبار البنات
رسل توضفت
لاااا ايييي عالخير خلصتي
المفروض
بعدها تنغبش
اي بعدها موذيه. انور
ليش شتريد بعد
شمعرفني يوميه ذابه. سم لوحده من البنات ويجن يكمزن. يمي
بطرانه هاي
انت شونك وي ابنك
والله انشاء الله احسن
ها خير انشاء الله
والله شو شويه. يسولف. ميسم.
الله يجعله.
الله يسمع منج دروحي دازين. حتى باجر نتشاوف. يولي
ديله اني هم اروح
الله وياج موتضربين بوري مثل ذاك اليوم
لالا هههه لااجي والله
سديته منه وحضرت هدومي مبتسمه للهفته توقعته. ضايج مل من علاقتي
بي
تحضرت وتجهزت لثاني يوم داومت كل الشافني استغرب. لبسي الجديد وترتيبي الرتبته الي ازل
طلعت من الدوام شفته بالسياره بالباب نزع نضارته مبتسم
صعدت بالسياره ليكدام صيح
لك هلللله. بالعييييد.
ههههه
والله مشتاقلج.
دطلع اطلع ميته جوع تره
طلع مبتسم. كلسا يعاينلي. نزلنا. مدرجات المطعم تونا نكعد سمعنا. صوت رياجيل تلفت ورجع. باوعلي يحجي عالبيت. وين اجره
شكد اجاره
شكل البيت
بي خديقه والصاله حبيره. احار ارخص
يوصف متلهف
انور/ صبغته. ورتبته. طلع عاللوك. صبغت الحمام بويه. وبدلت بواري.
كهربائيات وباب البيت صبيتها والحديقه رتبتها. زرعت حشيش هذا القطع. صارتلج. جننه والله عصريه. نكعد بيها اني والولد شوي صارت لغه حوار بيننا.
اي زين تسوي انت حاول. تغير من روحك جوز بيك الغلط ياعيني.
لا هو خاله. محاجي. على ابو ابوك جنتك ونارك. مرايد منك شي بس. يريد يتواصل وياك وكذا
الله يهدي عليك
يهديلج البنات
تسلم اي وشوكت تسافر
ديحجي مندمج ويتلفت ياشر للولد ابو المطعم وجاوب
على اساس الخميس نطلع. لتر—-
وقطع كلامه.
بقه داير وجهه ركبته عالورانا
الكرسون بيده الورقه والقلم. يكوله
شتامر استاذي
وهو صافن
وجهه اندغم صار احمر وعيونه ورانا
باوعت لمكان نضره
لمه. رجاليه. من٧ نفرات ورجال بالاربعين يحجي.
من انتبه على كلامه
يحجي عن سفرته وعيشته بالخارج
واحد من الكاعدين نغه للديحجي واشرله على انور باوعله وخنس
كلهم التفتو عليه وهو صافن عليهم
واحد منهم صاح
ها
ها. هذا ابو النوور
التفت عليه همس
الهام كومي نطلع
مناقشت ابد راسا وكفت طلع. يمشي سريع مشيت وراه. —-
يتبع

[حبيبتو]

واااااو تسارع رااائع نطق ابو الهول
شكرا 🙏

[حبيبتو]

هل هتاك تجديد؟ ننتظر ؟؟ ام نذهب للنوم؟؟

[فيتامين سي]

بارت ١٦
#أماً_لهُن
#مريم_السعدي
مناقشته. كمت ويان جان يمشي بسرعه ويتعثر وابد ملتفت رجع للسياره. وصعدت راسا شغل وطلع
ابد منطق. بس عاكد الحاجب وعيونه كبل
انسان ثاني. موهو ابو ضحكه الحلوه ابد
منطقت. ولاحرف. وصلني لباب بيتنا ومباوعلي وكف اخذت جنطتي عاينتله ونزلت سديت الباب وطلع راسا
لااعتذر
لا كال شي ابد
خفت عليه بشكل.
طبيت. للبيت مسطوره
منو ذوله
منو
ازل وعسل توهم ياكلون كامت عسل صبتلي بدلت ىكعدت رياهم
ازل- للومه موكلتي. علساس معزومه بره
ااا انلغت العزبمه شونكم اليوم
عسل- للومه تعبت من الروحه والجيه بالكيات. ميخالف. اسجل خط ري البنات لًو متكدرين
لا ميخالف. هسه اسجلج شوفي صديقاتج
لاماريد هاله. اخوها يوديها. استحي. من عده. والبقيه مسجلين كلهم فد سيارت متكفي الي مكان
شون لعد هسه اشوفلج خط
ميخالف عمو انور
التفتت عليها راسا هزيت راسي ماشي هسه عود اكوله.
طبت. رسل كالت
السلام عليكم
جاوبناها وعليكم السلام
ازل مردت
عسل كالتلها متاكلين
كالت
لا اكلت بالشركه
وطبت للغرفه
ازل- مكدرت اتخطى الموقف واعيش. بصوره عاديه صديقات. ابد متواصلت ثقه ماشل عدي بعد حتى بروخي. وضليت ادور شغل بالعطله.
اخر شي لكيت شغل. بمحل. تجهيزات نسائيه
من ٩ الصبح لل٦
يمنا نفس المنطقه. اروح واجي. وبدربي شنحتاج للبيت. اجيبه
شهرين على فراكنا. وكلما تتصل ارفضها
حدما فد يوم كاعده بالمحل. وطب راكان وعسل
طب ابتسم وعسل كالتله.
هاي ازل بس مو تضوجها
شكرا عسل جاوبها ويعاينلي يبتسم
مدري شصار بيه
نترت راسا
شكو جاي
جيت احاحيج واروح وانتي كيفج بعد
عمضت ودوت وجهي
ماعدي حجي
واذا كتلج لخاطر العشره. البينج وبينها وماعتقد تهون عليج لان بت حلال
رفعت تك حاجب مستغربه
هاي منو ديحجي
ابتسم وحك طرف انفه.
يابه واحد ميغلط وعمي كدام عسوله اني اعتذر والله. عرفت غلطي. وجيت اعتذر منج. حدما ترضين يله اروح
وبعدين
بعدين كيفج بعد انتي وصديقتج
انت شجابج
والله جر نفس رفع راسه ليفوك ورجع باوعلي
والله ازل صديقتج تعبانه متضحك بس ضايجه ومن اطلعها عود داونسها حجيها كله بيج حجتلي حتى عن مشاكلها وي رسل والله متوقعت هيج
عسل رجعل للبيت
اوك باي راكان
هلو عسوله شكرا.
هلو بيك
ارل- افتريت وره الميز وطلعت من المحل نزلت الكبنك وطلعت ورا اشرلي. صعدي
صعدت وطلع كعدنا. بمكان عام.
كوفي كعدت وايدي على خدي صافنه علي
شوكت تحجي
دقيقه هل نشرب كهوه. وراها نسولف.
نشرب ليش منشرب
طلب واجه طلبنا وبده يسولف
يابه. اني تره هم بشر وهم انغش والله متوقعت عدكم اشكالات بينج وبين خواتج
غمضت ونصيت راسي شكد فشله
والله اختج تواصلت ويابه بالبدايه معرفتها هي وراها كالت اني اختها واتصلت احذرك منها لان مهليه عينها على ابو اساور
غمضت عيني ودرت وجهي
راكان هالحجي اعرفه كله
انطيني صبر خل اكمل
ماشي
يعني اني من سمعت هيج وداشوف. شغلج وركضج عالمعلومات وتتعالبين. ويايه وويه الموضفين كلت معناها صدك حجيها.
هاااا
يابه. دنطي مجال هاي ىشوون قضييه
كمل
المهم يعني اني صدكت
تدري راكان
نعم باوعلي مميل راسه
تدري اني مضايجه منك
لااني ضلمتج ازل
لا والله اني اعرفك معرفه سطحيه بس مقهوره من صديقه عمري منعمر العشر سنين لليوم تعرف كل شيعني. وتعرف شحس
حقج بس اني هم اثرت عليها تره
يعني برايك اذا اجه احد وحجه عليها كدامي اصدكه لو اصدكها
اساور فطيره. تره كلش. بريئه وتعرفيها انتي
بقيت صافنه عليه.
ابتسم.
لخاطر خوتكم. تره مكابله الصور وكاعده داريد اسوي المهر فدوه.
شعليه اني
وتعوفين. صديقتج وحدها. ينطيج كلبج
كالها بابتسامه. دمعت عيوني نصيت وغطيت وجهي. تخيلتها بالبدله. واني اعرف. وحده شكد تحبه.
لالا. بروح ابوج اسف. والله كلش متاذي تره.
مادري ماعرف
عمي كلي ماانطيكياها اذا مرجعت صداقتهم لان من وراك. تخاربو
فكيت عيني كلها
كتله. ليش تخاربنا
لا لا لتخافين ميدري. بس كناله سوء فهم
هزيت راسي
كال
الحجيه. رادت تجي ويايه خطيه. وشوي تعبت. كالت سلم عليها
حياتي بيبي شونها
مريضه والله.
نصيت راسي
هسه ماشي الاحد عيد ميلاد اسو
ادري ابتسمت ومحضره هديتها جنت ناويه ادزها بيد احد بدون كرت
لا الله. ليكولها كلت اسوي بمطعم— واسويلها مفاجاه. بطبتج شتكولين
ماشي
٤ بالشهر الجاي حجزنا قاعه المهر ولخد الان كلشي ممجهزين. لا ملابس. ولا ذهب ولا. غراضالبيت بطرك الغرفه اللله وكيلج والوالده جانت بره. اول بارحه جتي واساور تكول ماعرف. ششتري.
هزيت راسي
بعد هاي شغلتح. انتي وياها
الله كريم
هاهي تصافينا. ازوله
انشاء الله
عليك الله خومشايله بكلبج. عليه
لا راحت
الحمد لله. يله. نكوم اخرتج عن عملج. بمناسبه عملج. تره. عمي. وكلني بهالمهمه. ترجعين محتاجيج مكانج. فارغ
الله يسهل. هسه بعدين نتفاهم
خوش
رجعني للمحل وراح
واني بقيت افكر تالي. ايامنا. ومواقفنا. فازت
—-
الهام- متصلت بي وقررت مااتصل اعوفه يبررررد وراها اخابره واذا مرد يحجي كيفه
لحضتها حسيت لروحي انانيه. بس اني مستفاده. بس اني اشكي وارتاخ. وينطيني الحل
بس اني. احس روحي. عدي. منقذ ويايه. سند مووحدي. وهو وحده.
لليل مكدرت ضل بالي حسيته محتاجني. رغم متصل. بيه ولا رساله
اتصلت. مرد
تركته شوي
ورجعت اتصلت دك هواي اخر شي رد بصوت. عدل
نعم
الو انور
نعم
كالها بثقه وقوه حسيته. يتضاهر
بقيت ساكته. وهو ساكت
شوي وكال
تردين شي
اا وسكتت هوًهم ساكت
تاليها حجيت بصوت. مرتبك
ضل باالي عليك
مرد بقه ساكت
انور
مرد
خفت عليك
كلتها ودمعت. روحي موعيوني
جر حسره ساكت
احجي. همست خفت افزز روحه. التعبانه
همس
ماريد
ماشي ابقى ساكت بس ماروح
مرد عليه
انور
مرد
تريد اروح خاف تريد ترتاح خاف داضوجك
سوه
جج
ضليت ساكته. غمضت. مرتين غفيت. ورجعت كعدت وهو على سكتته. فاتت نص ساعه
كلت هذا نام.
كلت صوت ناصي
نمت؟
جر حسره. ورجع. سوه
جج
تعبان تريد تنام
واخيرا نطق
ماريد اضل وحدي
وياك. هياتني مواحنا اصدقاء
سكت
انور
ماريد احجي الهام
لتحجي خلص
لتروحين
من كالها رجفت حروفها بشفته ر
ماشي ماروح
ورجع سكت غفيت والسماعه باذني. حسيت. بصوت شهكه. مصدكت اذني. كعدت. عدل
فركت وجهي. لا والله ديبجي.
انو؟
ها الهام
شبيك
تعبان
كالها ورجع شهك
شبيك ياعيني
خرب حضي.
لاانور ميصير تذم حضك
خرب. حضي الف مره.
يحجي كوه. احس مواعي
انور شارب مو
مرد
انوررر
هااا صاح فزيت
اي شارب يللله
شهاللعبان نفس
مجاوب
انور شبيك شجاك
مرد كام يكح بقسوه وانكطع الخط
مرجعت اتصلت لعبت نفسي كلش وره ساعه دزرساله
اعتذر وانسي الصار
دكيتله راسا شخص وكف ويايه بكل مصيبه صارلي. ذخر وانيس. ماعوفه محنته
رد صوته كان واعي.
الو
ها شونك
زين خربطت وياج. بالحجي. حقج عليه
لاعادي
احجيلي
لاهاهي الحمد لله عدت
احجيلي. والله متندم.
لا ماريد احجي ههه متسوه هههههه هي الدنيا شلع. متسوه ههههه
انور بيك شي
جر حسره رد اي والله بيه
احجيلي اني مو صديقتك
خاف تنهزمين مني من تعرفين.
ليش شمسوي
مرد سمعته ورث جكاره
سكتنا. شوي. وحجه
يعني سنين. ختيلان العب. وياهم حتى ماشوفه تالي صار بوجهيييي خرب حضي اي والله
منو ذوله احجيلي
ااااخ. الهام. الشفتيهم السبعه. ورانا.
امم
ذوله اصدقاء الطفوله. ولد متطقه. فد مدرسه. فد جامعه وفد طبه وطلعه وحتى من توضفنا توضفنا. بشركه. مال ببسي بغداد مال ابو هذا الديحجي. ابو الاخضر
امم
اخوتي مو اصدقائي بعدين تفرهدنا كلمن منطقه. جننا باطراف بغداد صرنا كلنا بنصها
لان كلنا نشتغل بشركه ابو مازن الجان ديحجي
امم
بال٩٥ واني بمطعم الساعه اذا تعرفي.
اي اي بالمنصور
اها
المهم بنيه. جذبتني. كلش حلوه وذبيتلها رقم تلفون الشركه لان ابات بيها. اني والولد
امم
المهم رجعت وكلهم نايمين. بالغرفه واني دانضف مكتب الحجي ودك الارضي مال شركه
رديت وطلعت هي
ساعات احجي وياها عرفت من لهجتي مو من بغداد. اني. وحجيتلها واقعي كله وصرنا يوميه نحجي من الليل للصبح.
بين عليه. كمت اتعب. ومنحل. كم مره ترزلت قللت ساعات مكالماتي. جماعتي كلهم يعرفون بيه ومن ضمنهم مازن.
يعرفون اني عاشق وخده اسمها. شيماء
امم
بيوم استلمت الراتب طلبت من مازن جان عده سياره سوبر انه. يجي ويايه. للمنصور لان متواعد عازم شيما وبنت خالتها على غده. بطلعتها من الجامعه كالت حيب صاخبك وياك لان بنت خالتي ويايه. كتلها ماشي يابه
ومازن. كيف. ضلينا ننتضر بالساعه حدما طبو شيما. حلوه كلش وبنت هالتها. محلوه
كعدت كدامي. نضراتها وابتسامتها. طايرين واخد باللخ. مازن. انتبهت عليه مشال عينه وشال العزيمه. وابويه هيج عده واني وحيد ابويه. وباحر داروح لامعارض اشتري سياره جديده
شيماء ماكانت تجذبها هالسوالف عاطفيه. واني ترستها حنان. عزل وعشق. عشقتها الهام.
خوش
تزوجنا بال٩٦ طبعا ابوها طلع روحي. يله نطه بشروط انه اجرلها بيت ببغداد ووافقت. كمت اشتغل وادفع اجار وعيشه اني جانت عايشه. بالبيت. اللي. بحدود بغداد وخواتي ممتزوجات بس وحده
صار عدي يحيى
وعايشه عيشه مرتاحت. بس بدت تشكي من ضيق الحال. لاهلها. وهمن يسااعدونً تعاركت مره مرتين مفاد عفتها. تريد طبه وطلعه وفلوس واني علىكد حالي
جماعتي السبعه الشفتيهم. ذوله. اني طبه وطلعه وياهم. ببيتهم وببيتي. يوميه بببت نلعب. طاولي وورق. نتونس سوه اعرف نسوانهم وولدهم وبناتهم. وهمه هم
مازن. جان دوم يمي واحسه. بعاينلها. لمرتي بس اكول لا اتوهم وهي من يجي متضوج. عكس من يجون جماعتي. ولازم جايب شي. من بره. هاي. لاهلك.
تزوج مازن. بت عمه بعدها راسا صار السقوط
انسدت الشركه وامي دحت
حشاك
لا والله ضليت بله شغل
ابو شيما مات وامها. وره فترههم. بقه. بس حسن اني ضاقت احوالي. كلش خوالي كلولي تعال يمنا. مدام مبقه شي. يربطك. بلغداد. جيب عائلتك وتعال
مكذبت خبر جانت جنى اختي الصغيره بعدها ممتزوجه وامي متوفيه. وهي خطيه باقبه عد خوالي وسادين بيت ابويه
اني هم مكذبت خبر ماعدي اجار منين انطي كتلها يابه. نروح لاهلنا
لو تخبلت كلبت الامه. كلاب. اروح لاعرب للجول يمعوده. ماعدي. مالات ماكوو انت واعدت ابويه. تخدعني هسه
ماعدي اجار لو عدي ابقىً ميفيد تالي. لمي جوالاتج وروحي. لبيت خالج زعلت
واني لبستها اخذت حياوي وطفرت لخوالي
بقيت تقريب شهر وخابروني جماعتي. يردون. يصيرون طباب خير ماكو
امم
ورجعت كلت بلكن. تفنع. جماعتي كلهم مثل الرزلوها. بس كازن كال حقها. متكدر على عيشتها عوفها
هي ماكو قافله. تكولهم كارهته. رجال مو كد حجايته. يابه اني كيفي. قابل
كمت يوميه. اروح لما زن اشكيله. يكولي حقك ومن ننجمع. مرته ومرتي يكولها حقج.
شون النافق بس اني ويدمي. ماتخيلت بيوم يغدر بيه اني الجنت اشكي منها. متداريني بفراشي مداريني باكلي طلع. غير نيه. عده
مقبلت. ترجع واني. استقريت هناك. كم شهر دزيت جنا ومن رجعت من عمان. اتصلت بيه. زوجته لمازن. توقعت علمود شيما.
رديت. وعادي سلام وكذا بعدها كالت. ابو يحيى. شيما يوميه تتصل بمازن. تشكي منك
ضحكت. كتلها خل تشكي ماز ن مرزلها. بله
كالت
والله مادري شكولك بس. انور تره. شيما. دتسويلي مشاكل واتي مادري وين انطي وجهي هاي مازن صار مرتين يضربني واني صاحبه جهال وانت مثل اخويه
شنو الصارام. علي احجيلي
والله من وره شيما ادري يوميه تتصل ساعتين. سوالف وصحك من الزمه يكول خطيه تشكيلي.
عيني صارت بكصتي. ثاني راسا رجعت لبغداد بيت خوالها واشوف سياره. العينتين طابكه بالباب طبيت اني ويحيى هو ارتبك. وخالها كاعد الك—- مالتها
استغفر الله
اي عاد كتله. وينك شوًمتمر كال اشغال كتله وتمر هنا كال خالها يشتغل ويايه عديتها وشيما افندي مطلعت ابد دزت حياوي يابه صيح امك احاجيها. يكولي. متقبل ويطبها طوب عاد الخال. كلي يابه. مدام. ابو علي موجود وهوًموغريب شيما تريد تتطلك
ليش يابه. اني مثل الفهمت كلشي بس اكذب روحي. وتطق مازن
عوفها يابه. حرام عليك. مترتاح. بالعرب عوفها اني طبك. بيه هي. من كالها كمت اكمز
كتله واعوفها الك مو والله ولاطلك لااخليها معلكه لا سما ولا كاع
تالي شسويت
شسويت عفتها. ٣ شهور جاني ابلاغ قضيه طلاق خوالي تخبلو شنو مره ترفع قضيه طلاق عرفها انعل ابوها لابو واني. مجلب احجي وي جناعتي.اشكي من مازن مخد يصدك. كلها صارت ضدي كدما شكيت. ملوني وكلها تصيح طلكها اعتقها متكدر تعيش بغير منطقتها موعاد بالعرب. تالي. طلكتها. وبقه حياوي يمي هذا جان شرطي مجنت ادري. حتى هوًكالب عليه من السمعه منها
طلكتها. وره فتره عفت بي. متزوجها ومسافر بره. بسوريا.
ولا سالت عن يحيى وكالت عدي ولد وهوويوميه وكال
من وراك امي عافتني انت موكد كلمتك. واني اتخبل. بقيت هناك اربع سنين. وراها رجعت احرت بيتي الهناك واشتغلت. بشركه مال. سفر. فد مره خالها هابر كال هذا حسن. يريد يشوف يحيى مشتاقله. كتله خلي يجي واجه. شفتهم توالموًلعبو سوه درسو كتله للخال خلي يمي. وي يحيى. وبقه.
بس لليوم. يحيى ماذيني ماذيني حيل
الهام- الله يساعدك
هاي كل قصتي
بطرانه. وخسرتك
لا والله ربحت مازن وفلوس تفتهم لج هاي تفتهم ولو تزوج عليها وخده سوريه.
لازهههه الشماته حرام
ماتت بعيني بعد بس شوفه مازن اليوم هدت حيلي. واني انتضر يوكع. ويتصل يكولي حللني واوهبني طلع. لاااموتاااح
لتفكر بي محبيت وراها
والله كمت اخاف من النسوان.
ها ههههه
هههههه انتي غير شي للومه. انتي ضلعي.
والله.
والله شبيج اووف. شصار بيه. طبعا اني اعتذر. ضربتج بوري بس شي بيه طفه وداعت حياوي
ميخالف. تهون
الله كريم اكولج دياذن ترن
لا صدك
اي والله
شنوبيش ساعه
ب٥ ونص
حييل
اي سطرتج مو
لا والله جنت بالنسبه الي لغر
لالغز ولاشي بس كمت اضوج احجي
انور
نعم الهام
الله عليك تحتاج. شي كول تره عدي
اي والله فد شدتين اريد استري سياره. دكولي يا الله معوده.
لا والله عده الشقه. خاف شغلتك. ممكفبنك وعدك ولد شاب
لا والله الحمد لله بس اتمنى اتوضف. مقدم من زمن الجاهليه. لليوم ابوجهل توصف واني بعدني
ههههه انت شمكمل
مكمل— ومقدم ومطلعت وضيفتي
اقدملك يمنا
هااا يصير بعد الله وايدج
خل اشوف معود واسطات
وانتي باجً وعلم
هههه تسلم
اكولك رايدتك بشغيله
امري
عسوله محاضرات عدها والمدرسه. شالت من يمنا.
ايي اوديها اني تدلل
اي فدوه بس تاخذ فلوس
بسيطه عود ماكو وياها بنات
لا والله بس هي
شوكت باجر عدها
اي عدها محاضرتين
ماشي زين شون تتصل بيه اتصل بيها
اي اخذتلها تلفون هالسنه من نجحت
ددزيلي رقمها
اوك
دزيت رقمها اله
وصلك
اي وصل
ابنك شونه
زين من طبيت. كالب خلقتي. سالني شبيك بابا اول مره يسال
اي جان حجيتله
مالي هلك اسمع سم للومه
حقك
عاد اجه. يمي. راد كامره. تلفوني. صافيه. عده. اوراق لازم يصورها.
اوراقيش ليش هو موضف
هو عالاستتساخ. مو خاله عده مكتبه. وهو عالاستنساخ.
هاازين
اي احسن من الكعده.
ليش ميكمل دراسه
ااخ. ميريد بطل واهسه
الله يساعدك
تسلمين. فديصور ودياخذ الصور طب للستوديو طلعت اني من يمه. لان. روحي. ملبوجه
تالي
عاد شوي واجانيً كلي يابه منو هاي البنيه اللي صورها بتلفونك. من اعاين هاي. عسل والله بنص الضوجه ضحكت كتله عسوله هاي ويانا. بنيه. بالكروب. وهسه. صداقه. بين عائلتها وبيني
تصدكين ابتسم وهو يعاينها الاهو بومه. مثل امه
هههههه عسوله مو لعب جعاب
اكولج عايني اذا جنت مسافر عادي بوصلها. حسن. لعسل
ميهم هسه تشوف شون
—-
يتبع
بارت بدون تعديل
موعد النشر سيكون بعد ساعه ١٢

[فيتامين سي]

بارت ١٧
#أماً_لهُن
#مريم_السعدي
الهام....
سديته. منه. اللي ريحني صوته تحسن اخر شي. كمت. حضرت هدومي وجيت انام. فد ساعه. فتحت الفون اوقته شفت رساله منه
- الف شكر لوجودج
دزيتله وجه ضاحك وسديته
ساعه ونزلت. اروح للدوام شفت عسل دتقره. وازل تتريك بينما رسل. تعدل بحجابها. بدقه
صبيت جاي. وحجيت وي عسل
- عسوله. عمج انور اليوم يمرلج. بيش ساعه محاضرتج
- صدك للومه ب٢ محاضرتي. يعني يجي للبيت
- اي هسه يخابرج ب١١ يتفق وياج. عينج عالفون
- اوك شكرا
- يله بنات اني رايحه تردون شي
تلفتت شفت رسل تعاينني صافنه نسيت وجودها وحجيت عن انور خفت منها. طلعت ازل صيحت ورايه
- للومه. تره ماعدنا. بصل. وياج كيلوين
- اوك بسيطه.
رجعت طبت. واني مشيت بخطوات. متسارعه لان حسيت رسل طلعت ويايه. جنت اخاف اسمع منها كلمه وانغث خل انهزم بروحي.
ازل....
كم يوم انكضت. واتصل راكان.
رديت
الو
ها راكان
ها ازل عليها
اي
يعني ادز السايق
دزه
اوك ساعه ويوصلج تحضري
اوكف اوكف
ها شكو
اكولك خاف كعده عائليه وتردون وحدكم
لا والله وج انتي اقرب مني الهم دروحي تحضري بابا
اوك
بدلت جنت متردده. خجلانه ماعرف شون اتصرف. لبست. ونزلت انتظر السايق. دك هورن طلعت
وتفاجأت بوجود ابو اساور بسيارته. بالباب
طلعت متردده. للومه بالطرمه تشر هدوم انتبهت عليه. ترددت كالت
ها شبيج عليج لو موعليج
لا عليه. ييله باي
باي الله وياج سلمي عليها
اوك
تقدمت يم السياره. عاينت ملامحه ابتسم برزانه. فتحت الباب ميته خجل.
السلام عليكم
هلو عمو هلو بابا. عليكم السلام
صعدت ليكدام وايدي بحضني
سمعت جرة نفسه. واني اعاين كبل . ووي نفسي احجي. لاراكان كال ميدري. مستحيل يدري.
كلسا جار نفس بحسره. ساكت مو عمو رائد القديم ابد
وكفنا ازدحام واني ابد مخليت عيني بعينه.
ساكتين. والوكت. احسه ميمشي عركت كثر الخجل.
تاليها. حجه. بصوت ناصي
ازوله
فزيت ورديت عاينتله.
همم
لكيت. عيونه تنضح عتب. ومخلي. قبضه ايده. جوه خده يعاينني
بلعت ريك. ارتبكت. نظراتي رأساً دمعت حسيت حركه بعيني كثر مفاتحتها
جر حسره. ودار وجهه. فر الستيرن فكك الازدحام كال وهو يعاين للطريق
زعلان عليج
روحي رخت واني اترقب ترجع عيونه بعيوني شنو سبب زعله. ليش بس لايعرف بقيت ساكته
مكدرت انطق. بس مدري ليش نزلت دمعتي.
حجه وهو يمشي ميعاينني
متردين تعرفين ليش زعلان عليج. عمو
كالها بحنان
بلعت ريكي هزيت راسي التفت عليه بهدوء بين. رفه. و رفه. من عيونه بيها كومه عتب نظراته
بقت عيني بعيونه تضايق. وجهه وداره عني
همس ودار وجهه
ليش تبجين
هيج هزيت راسي بالرفض
هنت عليج اخابر. ومتردين عمي
عضيت شفتي. ونصيت خفت لا يعرف سبب زعلتي طلع زعلان لان مارد عليه
توني احجي
عمو والله
اشششش همس وغمض. موضوع انسد. بس ماريد. من تزعلين على صاحبتج تشمليني الي هم
اوك عمو اوك
مسحت دموعي. ورجعنا وكفنا ازدحام ثاني بقه ساكت
خليت ايدي عالجكمجه. حذائي مفتوح البزيم. نصيت عدلته
بقه يعاين لايدي باوعت وين عيونه شفته عالمحبس الجابه. الي
ابتسم
شلابسه بيدج عمو
جان محاوطني بنظراته الحلوه حيل جنت مشتاقتله
باوعت ايدي ابتسم
المحبس الجبته
جر نفس وعاين للطريق
المحبس الجبته الج بعيد ميلاد بنتي. تعرفين ليش
ابتسمت ليش عمو
باوع بعيني. لان عادج مثلها ازل انتي عدي مثل اساور زين بابا
نمل جسمي خجل عرفت يدري السبب
نفسي تخربط وي تضارب دكات كلبي
فكيت عيوني اعاين وادير وجهي وارجع اعاين
كال وغير موضوع
من باجر ترجعين للشغل. بابا
بقيت اباوعله مارد
كال وباوعلي
بيج شي
للا بس ردت اكولك عمواني سبب مشكلتي وي اساور
قاطعني
عمو شي بينج وبينها ماحب اعرفه. بس مره لاخ. من تتعاركون. عيب متردين على اتصالاتي اني شعليه. موصح
اوك عمو
عفيه بابا.
هسه الباجر تدامين مو
ااي
عفيه
وصلنا كانو مزينين ميز ومكتوب اسمها عليه اول مطبينا سال عمو طاوله باسم
راكان غازي ودلونا
كعدنا شوي وجتي بيبي الحجيه السايق جايبها ووياها ام راكان واخته وبنتها تسالمو ويانا وبيبي ضمتني لحضنها خطيه كامت تبجي وعتبت.
وج انتي بنيتي اني ربيتج. علمتج صلاه ووضوء. وتسبيح. تالي. تكطعين بيه
اسفه بيبي
لا زعلانه عليج. بله لو ميته. بوكت زعلتي عليج ترضين
لا بيبي فدوه لتجيبين اسم الموت مالي خلك
ابو اساور : يوم كافي اني. بالطريق. بجيتها على هونج
ختولي حياله. ولا احبج بعد
لا بيبي فدوه. لتزعلين والله ماسويها بعد
وج مكموعه انتي زعلانه وي صاحبتج تزاعلينا النا شعلينا
لا بيبي ماازعل بعد والله
شحدج. تزعلين بعد.
لفتني جوه ايدها واني اضحك ام راكان كان مستغربه عمق العلاقه وتبتسم. فجاءه طفو الاضويه وشغلو اغنيه الميلاد وطبت حبيبتي. تتلفت. على ضوه الشموع ابتسمت تقربت للميز توها تكول
شكرا راكان ولمحتني
صيحت
ازولتي. ازوله
حضنتتي وبجت
جانت غضه بكلبي وهسه طلعت بالدموع. واني اكول على روحي قويه.
شي اني ويا من صغري. يمكن. اكثر شي طول ويايه. هي اساور. اكثر شي بالدنيا اعرفه من الالف للياء
تبجي وتتعذر اسفه. مو قصدي. اسفه والله. سامحيني مادخل احد بيننا والله لتعوفيني بعد
واني بس اهون عليها وياها ضحكو علينا باوعت لراكان عاطت بي
بعد لتبعدني عنها
يمعوده اني الرحت عليها وصالحتها ارضي عاد ياعيني
والله ولا ارضه وماانسالكياها.
يبو عليك راكان.
امه. همست
ليش شمسوي ولك
جاوب
- هيج يوم سالفه تعبانه وولت مو ازل
- اي هاهي الحمد لله باوعتلها ورجعت حضنتها تبسمت شاورتني
- انتي احلى هديه لكل حياتي ازل انتي اختي وامي.
- ادري والله ادري
فراكج موشي سهل بس مرد اضغط عليج اكثر ومن جنت اتصل يوميه ردت اعتذر وجيت وي بابا بيوم الاجاج ومطلعتي بس من مطلعتي عرفت جرحتج كلش هواي
نصيت راسي باستني من راسي
- سامحيني
هزيت واسي باوعت لعمو ابتسمت بعتب. ودار وجهه
كعدنا نطيتها هديتها جانت ملابس نوم مال عرايس فرحت بيها راكان كان يحلف بانها اليوم يله ضحكت ورضت عنه
راكان : ها عيني شوكت المهر بعد صاحبتج ورجعناها
ازل : باوعتلي وتبسمت
- باجر اذا تردون
كملنا العيد ميلاد ورجعت ويايه باتت طبت بثقه للبيت وتحضن بيه للومه شافتنا ابتسمت
للومه : الله ليجيب فراك بينكم
- شكرا للومه
جانت اساور تتلفت لكل ركن بالبيت تريد تثبت لرسل انه متفيد مناوراتها بعد رسل مطلعت اصلا بذيج الفتره. حسيتها هادئه ببالها افكار اكبر واوسع من عدنا
كاعدين دنتفق عالمهر بالمطبخ عالميز وطلعت رسل كانت غالبا من ترجع من الدوام تجرها نومه لليل وتكعد تاكل شي بسيط وترجع تنام
واني لحد الان كلمه محاجيه وياها وهي ولايمها ولاكانه.
طلعت من الغرفه شافتنا اني واساور كاعدين وعسل يمنا. كاعده على جدر الخبز وبيدها الملزمه وتباوع بالفون مال اسو كلسا لو على ثوب لو على تسريحه ومكياج تريد اسو تختارها لمهرها
وطبت رسل
اساور باوعتلها وباوعتلي كالت بصوت ناصي
عفيه بس بليلتها باتي عدي واذا للومه مقبلت خلي عسل تبات هم لان من الصبح نطلع للصالون
هزيت راسي موافقه اوك ميخالف
رسل باوعتلها ودارت وجهه توقعت حتذب حجايه الحمد لله محجت اخذت اللبن ورجعت طبت للغرفه وجه اساور صار احمر
بقيت اعاين ملامحها.
اسو
همم
شبيج
للا مابيه
- اني اسفه لان ضميت عليج
- لاعادي اصلا كلي جنت احاجيها شفقه بس لان كالتله يومين مماكله وعادوني وهالكلام وقبل ليعرفها كال سطرتني بمعلومات عننه ردت اعرف منو هاي وخلص تره اني ماغار من هيج وحده لتخلين ببالج
هزيت راسي موافقه سمعت طبكه باب غرفتها بهدوء عرفت سمعتها
عسل : للومه اليوم اجه عمو عليه ووداني خطيه ورجعني وشغلي الاغاني الاحبها اني اختاريتهن
للومه: ههههه زين الحمد لله
الهام....
صعدت بعد يوم متعب لكيته داز اربع رسايل
وينج
للومه نمتي
يمعوده بس شوي نحجي واروح انام
لاصدك نمتي نامت عليج تريله. بله رقم
ضحكت رديت علي
بيش طالبني
رأساً رد اذا شلعتي كلبي نايمه موووو
لا والله جنت يم البنات مو اساور يىنا
اي عالخير خلتفرح ازوله نتخابر
اوك
دك رديت
ها الله يساعدج
هلاو شونك خوما تعبتك عسوله اليوم
فدوه لكلبها وج هاي اللي صدك تعبها راحه تصنيف.
اي ادري بيها اليوم دتقره ادب. لو طلعت الشعراء من المقابر
ياستار ههه ليش
يمعود مينحفظ وتعيد وتصقل كامت وي روحها تصيح. شعر ومال واحد كافرر ويردون نحفظه حتى حررام واشراك بالله
هههه منو هذا
يمكن مجنون ليلى قيس
ليش حان كافر
والله مادري هذا حجي عسول
ههههه. اي. ازوله. شنو معنوياتها
والله طايره وباجر ترجع للشغل وصديقتها بايته
وذيج شونها مخبثت
لا والله مويمنا. هادئه
الله يستر من عاصفتها
اي والله
اييي وانتي شونج اليوم
زينه الحمد لله.
للومه سؤال
نعم جواب
انتي شوكت تنامين اول
بعد نص ساعه
زين لعد دكملي من تردين تنامين خابريني هو سؤال ورد غطاه
اوك
سديته ورجعت اتصلت من كملت وتهيات للنوم جنت متلهفه اريد اعرف سؤاله
خابرته رد وهم كانت اغنيه كلت مايوم انساك وضاع تعبي وياك
جاوب بهدوء والاغنيه هم كانت بصوت كلش ناصي
- هاانور
- للومه اريد اسال وجاوبيني بكل صراحه
- امم
- بصراحه
- اي والله
- انتي لو مكان شيما يعني اقصد كمرأة مو مزوجه قصدي يعني احساس. كمره.
- اي فهمتك
- للومه منو الغلطان
بقيت ساكته شوي جر حسره
- يعني اني المكابره والعناد وقله الحيله
وسكت
- تحبها بعدك؟
كلتها وندمت
جر حسره وذبها انتظرت يجاوب
شوي وكال
- والله مادري
- تشتاقلها انور
- اي اشتاق لايامنا الهام اني محبيت غيرها اول واخر حب صادفني
- صار هواي
- هه عبالك البارحه
جن البارحه التكينا
وجن اليوم تواعدنا ومشينا
وجن باجر عرسنا
وجن بعد شوي حياوي بحضننا
-شعر هذا الله يساعدك
- لا هيج خريط اااخ ربي
- شكد تحبها لعد
- جنت
- وهسه
- هسه احساس التانيب ياذيني هذا ابني من يكولي انحرمت منها بسببك
- انت شنو ذنبك والمفروض المره وي رجلها حلوه ومره
- مو بله اي والله صح لسانج
- اي هي التريد بس الحلوه شون تكون العيشه وياها
- صح يعني اني هم عاندت صراحه بس من شفتها بايعه متوسلت لبستها متوقعت باعت العشره فد نوب
- هاهي شي راح انور عيش حياتك
- هو قابل شمسوي زين اذا اذا انتي بمكانها تتذكريني كتفكير نسائي اقصد
- والله مادري ماعرف احساسها او مشاعرها او انت شون حبك بكلبها مأثر لو لا
- اني شبعتها حب ومشاعر حبيتها حبيتها الهام
- ميخالف راحت ليش دتكلب بدفاتر مشككه من زمن الجاهليه كولتك
- زين سوال لخ
- نعم
- وانتي من عفتي نسيتي
- المن عفت
- خطيبج
سكتت مغمضه
- جاوبيني
- تناسيته
- حبيتي
- اي حبيته للاسف
- اذا رجعلج نادم
- ابد مو قشمر اني اتقشمر
- والنعم زين ليش انفصلتي
اوووي انور
لخاطري لخاطري داشوف ياهو الاقوى
هههههه انت ارتاح. انت الاقوى
لعد خل اشوف شنو الشغله التافهه الخلتج تعوفي
هههههههه لك انت فد واحد
شنو لك. ولج
اسفه. يمعود
ماارضه الاتحجين
اهوو انور ماكوشي بس امه واخته. ميردوني يردونبت خالتهم
هااا والام والاخت رسل الجزء الثاني
اي. بس تقهر حجايتك تره
حقج عليه. اي وهو شنو طلي
تقريبا بس الطلي هم ذكر هو معزه صراحه
ههههههههاي نعنعلا بليسج
اي والله تصور اني ناطيته فلوس يفتح مشروع. وفتح. كتله اني وياك واحد. واخذهن ودزلي الغرفه مفللللشه مفلشه خابرت امه تكولي شنو رايج واني فقدت اعيط واصيح. وهو سمع مقبل وطلكني مختصر مفيد
بقه ساكت شوي تخيلته فاك حلكه شوي وهمس
طاحح ححضضه
وشدد عالحاء
ضحكت وهوساكت
جر حسره همس
اغبر هذا
يمعود تزوج وخلف واني ع الاطلال
عوبه حشاج
شنو عوبه وشنو حشاج ههه اثبت
شمدريني مخربط هذا
هاهي راح
كل هاي ومن شافته اخترعت وضلت صافنه. جنها وحده صافكها العباس
هههههههه يابه. سنين. مشايفته وشفت جهاله
جنهم منغوليه. جهاله
شبيهم المنغوليه تره حلوين بريئين
همه جهاله. راسهم مستطيل. تره. بيهم غلط فني
استغفر الللله لتقلد على خلقه ربك. انوررر
استغفر الله ربي واتوب اليه. يله عاد شوني اني چني. مسحاه
هههه لاشبيك كول الحمد لله
الله عليج اني حلو
شبيك لعد كول الحمد لله
شبيه اخمبل دااتشاقى ولللج
يله انور خل اروح انام
اوكفي بس دقيقه
نعم
اااا شوكت نتسوك
بعد ممكمله
موداريد اعزمج
امممم هالمره نشوف المدام. وتفقد الذاكره
ههههههههاي لالا اسوي روحي طالع وي مرتي. تندمت اني لو باقي ولابسهم شبيه انهزمت
سكتت وهو هم سكت
يابه غير احنا. شركه. بالمصايب
اممم
يعني انتي من شفتي خطيبج معباله اني وياج. متزوجين
مادري رالله
اي مشفتي. صفن واخذ مرته وطفر
ها
والله خبلتي انتي ورجلج هم جنه تركي. انضغط
اهو حيصير مهند
ههههه ديله نامي باجر عدج دوام
تصبح على خير
هلو للومه
الايام تمشي ازل منعتها تبات كامت اسو هي تبات عدنا يحضرون. ويطبون ويطلعون
ازل- اداوم بالشركه. عمو كمت نادرا ماشوفه. من اكون بالمكتب. يحاول. ميكون هو موكود الا اطلع منه اروح لمكتبي. وكت اللي جان كلسا يدز عليه. تعاي للمكتب ازوله. مكام يدز عليه. الا اني اكمل شغل بالاوراق واوديها
ويكتفي بكلمه
عفيه بابا خليهن هنا يمج
اخلي وانهزم.
اطلع من الشركه وي اسو غرفه نوم بدلتها ومطبخ. سوت جديد. اختارينا سوه بفصال اختارينا سوه. وراكان تنفيذ فقط
اسو ابوها قرر تكعد يمه وراكان وافق لان عده اخ اصغر منه يم امه كملنا من الكاونترللخاشوكه مال جاي
تعبت هواي من التعب وجع. براسها لازمها.
ترجع تنام واني ارتب بالغراض. للومه محذره. عسى ما كملتي ب١٢ ترجعين
واني مخالفتها
عمو يطب ويطلع يشوفني احضر وياها يكتفي بابتسامه كلامه ويايه انعدم. بس السلام.
راكان تقرب مني كلش
اسوي هيج تكيف اسو
تحب هيج لو هيج
شتكولين لو اسوي هيج لوًموحلو
واني انطي معلومات حسب عشرتي وي اسو
صخنت اسوً من التعب يومين والخميس. مهرها واليوم احد
بدلات بعد مماخذين انسطرت شون خاف منلحك وراكان وكلني بهالمهمه
لج ماما كومي عاد
ازوله بس ساعه وكعديني
وج يعزلون يااا
حبابه حبابه
نروح باجر لعد ?
اي
اي باجر باجر
ديله كلبي طيني بوسه داروح.
باي
بوستها وطلعت ورديت رحعت
اسووو مبقالنا بس باجر تره
فتحت عينها وتفرك بيها اي اوك
شبيج تفركين بيها
شمدريني مغوشه صار ثلث ايام
هاي بعدها شنو. الفلم. شو باعيني خاف طاب بيها شي شو
عاينت بعينها. حمر. خفيف. بياضها وردي.
مبيها شي اسو بس البياض احمر متحسسه من شي
مادري
تحكج
لا بس متنكه وراسي متنك احس
نامي ارتاحي نامي
طلعت بالي يمها وصيت بيبي تنطيها حليب دافي. ورجعت للبيت طبيت بهدوء صننطه وعسل دتقره الكتب والملازم يمها
و بيدها فون تراسل تبتسم
ويامن تحجين عسل
اخترعت. كالت
وي لوزه عابتلج فززتيني
جريت الفون منها لكيت. مكتوب لوزه طيتهيا ديله كومي نامي
خل اكمل الجابتر واروح
تصبخين على خير
هلو ازول
عسل- اليوم من وصلني عمو وراح طبيت لكيت المدرسه. دتلغي المحاضره وكلهم طلعو
ها شكو
انلغت الست مريضه
لايابه غير تحجي
وج هسه على غفله صعد ضغطها
اي هي يصعد ضغطها واني اديح وين اولي هسه
روحي لبيتكم
باعت كلمن صعدو بالسيارات مكان الي ماكو خابرت عمو رد
الو عمو تعال عليه الست. ضغطها صاعد. عشتو واني عبالي المدرسات كلشي ميصير بيهم
وين اجي
عمو شبيك بيت المدرسه الصاكه
ها انتي عسل
لا بصل عمو فدوه لتتاخر تره. بالشارع كاعد ومتربعه عالرصيف. صرت سبنما
صار
سديته منه شوي ودك
ها عمو عسوله
ها عمو وين صرت
شنو لغوها
لعد اني شجنت احجي
وج جنت بالحمام
عزززا وهسه يله حتجي. عمى فدوه بسرعه. علما توصل
اي اي عمو ها اهااطلعت
اي حباب
لليل رجعت دااقره.
انكتب
هلو
رقم غريب ماعرفه
رأساً رديت
منو
كتب انتي عسل
اي اني عسل منو حضرتك
كتب
ويني الدبدوب هههه
يتبع
.

[حبيبتو]

واااو بدت مغامرة عسل

[فيتامين سي]

بارت ١٨
#أماً_لهُن
#مريم_السعدي
عسل...
- شنو يمه. شنو هالظرافه. يا الله. منو انت من الاخير
-هههه وشدعوه. مستعجله.
- مالي خلك والله منو احمد و علي
- ههه لاهذا ولاهاذ
-عمر بكر لو يوسف لو نعيم.
-يبوعليج ولا واحد
- اهووو عبد الله. صادق.
- وج شنو انتي. ولا واحد منهم
- لعد محسن مووكت شقاك. اكول للوزه والله
- ههههههه ولامحسن. اكولج شعدج. فريق طوبه. ومصادقته. كله. لو مسويه. اتفاقيه. منع فتنه بالعراق.
- يعني شنو مفتهمت اهوووو اني كوه دروسي دتطب بعقلي ممتحمله معلومه لخ. اكول للوزه. والله
- منو لوزه يمعوده
- صديقتي
- وهي شعليها
- غير اختك ياا
- ههههه ماعدي خوات اوكفي هذول كلهم اخوتها
- اي غير كلتها وصفنت منو هذا الديكتب رجعت عالرقم. ماعرفه
- كذابه. اوكفي خل احسب. يايابه. ٩ اخوه عدها. الله يساعد امها
- وواحد ميت هههه
- النوب وعدها خوات
- لا هههه وحدها
- لا صدك هاي حتى شارب عدها
- اي صح اكولك انت منو
- واحد
- يعني تعرفني
- يعني
- وعود شتريد
- هيج احاجيج
- باع هاذ واني عدي وكت اكولك منين تعرفني انت منو اعرفك اني
- ياب دنطي مجال شبيج. متعرفيني انتي
- لا والله منو يكول عود اصلا انت واحد من الولد
- لا والله. ههه لا لا مو منهم
- دزلي صوتي حتى اتاكد بله
- بسيطه
- دز سمعته. كال. الو هااا موكتلج متعرفيني
_ صفنت بي سمعته اكثر من مره
- عزه منو انت
- مكتلج متعرفيني
- واني شنو داحاجيك. على يا اساس وشتريد
- هيج معجب
- ياااعزا والله اني بطله
- ههه شون بله
- مصار سبوع من اخذت الشريحه وحصلت معجب شكد عيب من الشركه روح حباب روح دااقره
- شتقرين بله
- رياضيات مثلثات تعرفهن
- امم الزوايا المثلثيه.
- اي صخمانات تعرفهن
- امم شبيهن اصلا يخبل هالموضوع
- امم هسه يجي
- والله شبيج عود تشوفين بي صعوبه
- اصلا يملخ.
- منو يدرسج عالمدرسه مال مدرسه
- اي مداخله. بس كيميا وفيزيا خصوصي اني زينه بالرياضيات بس هالدرس
- اكو مدرس عاليوتيوب والله خوش شرح يشرح.
منو —-
- لالا هذا هم اعرفه مو هذا اسمه—-
اوكف خل اسجل اسمه
-سجلي وللانكليزي استاذ—
- اكولك ذوله منين شو مسامعه بيهم
- كبار بالعمر طالب مسجل عدهم ومصور المحاضرات
- هاا شكرا. هسه شسمه مكتلي
- شنو
منو انت
يابه والله متعرفيني
انت منين تعرفني
هيج من بعيد
الله. معجب بيه وتلحكني وين ماروح وكذا وتوكف عالحله.
هههههه لامو هالحد
وتدزلي رسايل وهدايا ودباديب وكارتاات. وحبيبي وحياتي. اوي صدقه
اي عادي اذا تردين اجيبلج. دباديب بسيطه
اكولك متروح منيمييي. اني البيه كافيني. باي
هلو عسل ههه هله بيج.
اوكف دقيقه
ها
منين جبت رقمي
مالج دخل اني اعرفه
عرفتك والله عرفتك
ها منو.
ابو علي الشيباني. ويايه
ههههههههاي خرب ببليسج وهم مو هو
ديله باي
هله بيج
طلعت من المحادثه و عفت الفون بس. غير اقره
بس افكر منو هذا وارجع اباوع خاف داز شي وماكو شي
حاجيت لوزه
لوزه
ها اا
وجعه اهلي اكولج اخوتج وين
بالهول.
كلهم
اوكفي دحسبهم
حسبيهم
اي كلهم بس علي وصادق نايمين
منو منهم لازم فون
بس عمر
شوفي ويامن ديحجي
دقيقه.
مديحجي ديتفرج يوتيوب
ها
شبيج. عسل شكو
مادري منو دخللي عالفايبر
منو دزيلي الرقم
دزيته الها شوي وكالت
مكتوب عبد الحي وصوره مال صديق علم دار
اهو
منو شكلج دزيلي السكرينات. خرب رباطج توج ماخذه السيم كرت وكبلتي
شفتيني شون سباعيه
ددزي دزي سكرينات وين ماكو حافي على كلبي لافي
دزيت ودنسولف طبت ازل فززتني
وصعدت
معرفنا منو ولوزه. امرتني. اسويله حضر لوزه ولكون عدها تسع اخوه نمط الامر دوم غالب على لهجتها من تحاجيني تومر واني بله وعي انفذ. احسها دوم فاهمه واعيه. وتفتهم اكثر مني ومن اخاف التجا الها ركض احسها. رامبو وهذا الجنت اسمي الها
خشونه جسمها ووجهه المماشي خيط علي. مضيع جمالها النازك.
تشبه البدويات وسع عيونها وسوادها ورمشها الكثيف الاسود وحاجبها. متروس وثخين واسود
ووجهه مدور وشفتها. بيها كبر بارزه بانف مستدق حنكها بي دكه. بس من تحجي بخشونه رغم. نعومه صوتها تتقصد تخشنه. يعني اني. سبعه
سافره. بس لبسها مستر شعرها كثيف. وملفلف اسود دوم تضفره. نازل على ضهرها
جانت اخويه مو صديقتي واي شي احتاجه. او اريد اشتري. تجي ويايه
ماكانت تجي بيتنا اخوتها ميقبلون
ولااني اروح. متقبل للومه لان عدهم ولد كومه
امها متوفيه
كل هذا البيننا بس مسويت حضر ماعرف ليش ردت يراسل. بعد ردت اعرفه منو منين يعرفني وايش راسل صدك يعني معجب بيه
ثاني. يوم للعصر مرسل واهس بالفون صار عدي اروح واجي. اباوع داز لو لا وراها انتبهت على روحي شبيه تخبلت اوي. خلي يولي
مدز شي
التهيت بدراستي. ينام الكل. واني اقره ايام مرت
الهام- ها انور ماكو اليوم
مشغول والله.
بيش. مشغول
والله ترتيبات بالبيت. تدرين جديدومتروك السطح. المرزيب مالته يخر مرمطني
الله يساعدك
ابنك شونه
زين. مكابل الشيطان الصغير وكاعد
منو الشيطان الصغير
التلفون حتى خاله. انتبه. كله هالايام. كلش تليفوتي صاير
كله. شرايد مني حسن كله اسفين معود نعتذر وعافه
هعوفه شرايد منه بلكن. عاشك
الله يستر بس
كالها همس داحاجي وطفت الكهرباء بس الضوايات. تشتغل
عاي شنو
شكو شبيج
كهرباء عللنص طفت
ها خاف فيز وفيز
لاهي صار فتره مخربطه وينزل السيركد
نزلت وهو ويايه. عالفون
وين وايحه. للومه
داشوف السركد نازل ثلاجات. مطفيه لتموع
ها ديله خليج علخط
اوك
طلعت للمنور رفعت السيركد رد رجع
هو صاح
ها للومه
ها اوكف
دتسويييين متفهميني
اوكف
رديت رفعته رد نزل
صيح لللومه وينج عوفي
اوكف
رديت رفعته وطك نار
عطت وابتعدت
صيح وي عيطتي
الهاااام
مرديت بس صافنه عالسركد
صيح الهااااام وينج احجييي
هاه همست خايفه
شبيج وينج شصار
مادري شو طلعت نار
منين عوفي. وخري وهرررري
اي وخرت شبيك
لتلعبين بلميزانيه.
اي وخرت
شنو منين طلعت نار
هو من عدها اصعد وتنزل تالي طكت
اي دتشوفين مدتصعد عوفيها جلبتيييي
اي وخرت
مطفيه كهرباءكم
اي
كلها لو نص
نص
اي خليها ختولي. هففف خرب ببليسج.
شبيك انت من يمك فزيت
اي كلبي خلصان من الكهرباء والنار
ابتسمت وصعدت.
جريت نفس طبيت غرفتي وسديت الباب
خفت عليه
لايابوي كالها بعصبيه
ليش خفت
مرد
انور
هااا صيح
ليش خفت عليه. خل احترك فد مشكله
دسدي حلكج
ليش يعني. تخاف فد نمونه اني
هو اني ضللي غيرج كالها بصوت ناصي
واني قابل مسويتلك
يكفي وجودج ويايه كالها بنفس النبره
شنو اني بالنسبه الك
صديقتي
سكتت خجلت اكوله وبعد بس ردت اسمع. اكثر. اريد كلبي يدك. اريد احس بكوني انثى
وهو سكت
شوي وكال بصوت ناصي ورديت نفس النبره
رايح انام
اوك
محتاجه شي
لا سلامتك
دير بالج عروحج لخاطري
اول مره يكولها بقيت ساكته
للومه
نعم انور
جر نفس لتنزلين عالسركد فدوه
لا ماانزل بعد
اذا مصار وسكت ورجع كمل
اذا مصار اني احي اشوفه
ماشي
يله بامان الله
اول مره يكول هيج. كل مره باي. وخلص.
الله وياك
سده ونمت
جنت بدوامه حيره متعبه حبيته اعترف تعلقت. بي. واني اكره سالفه الفون والهمسات والمخابرات شورطني. بس هو هواي خادمني مسواك. وعسل. وهواي شغلات شايللي هلصانه منها
ازل- سبوع مر واني. احضر وياها اجهز. ونرتب ونعدل. البيت. مال عمو رائد غيرنا بردات وعلكانهن جنت اني واساور والحجيه. نشتغل ونركص مشغلين الديجي
حتى راكان من يطب جايب الغراض يطب يركص وي بيبي الحجيه وهي تهلهل يخربنا ضحك واساور فرحانه. البدلات مال مهر جتي. كدرتها اسو. ورجعنا وحده تعدل قياسها. وطلعت بيبي. بدله. مخصره الي. من الغرفه
كالت
وهاي بدله. سردوكه العروس
هههه شنو بيبي شنو يعني هالمصطلح. سردوكه. بس لامسبه
لا بيبي السردوكه. شون الوصيفه للعروس هاي البدله. الج
منين بيبي هاي
شتريتها اني الج ميصير لو عم متقبلين انتي موجبتيلي. بعيد الشجره. كلبيه. من راتبج
اي بيبي غير انتي الخير والبركه
واني جبتلج هالبدله خاف معاجبتج. يمه
لا والله تخبل اصلا متعجبه على ذوققج
انتي اللي شتلبسين يضوي وياج. يوم
لبستها ممحتاجه. شي بس شوي مكياج. وسشوار بسيط
.
.
يتبع
.
كتبت اكثر من ثلاثة الف كلمة وما اعرف شلون انحذفت وهذا كل الي كدرت ارجعه
محبيت ابقيكم ع انتظار للبارت لان واعدتكم اليوم ينزل
باجر ان شاء الله انزل التكملة
#مريم_السعدي

[فيتامين سي]

بارت ١٩
#أماً_لهُن
#مريم_السعدي
( بارت بدون تعديل)
ازل...
افتر كدام المرايه. مال غرفه اسو اللي على طولي. واتخيل عيونه. وحجايته براسي تدك
هاي صاحبتج صايره تخبل. اسو
وارجع. انفض الفكره من راسي
الله سبحانه عز وجل شال من عيني كل الزلم. وخلاه متربع بيها. مدري شيطان. الرجيم حتى اتعذب وااتخارب وي صديقه العمر
سالفه متيقنه ومعتقده بيها مخليه. مخافه الله بين عيوني. والباقي. عليه. هو يطلعه من روخي وعيني وكلبي وعقلي
نزعته والتهيت وي بيبي واسو تنضيف وتعزيل والمنضفه ويانا وبيبي كلسا مرزلتها
وتصيح
مننا مننضفته زين. والله شلعت كلبي. هالمفكوسه العين
عوفيها بيبي اني واسونسوي. لتحركين. دمج
بيبي غير ناطين فلوس غير تحلل لكمتها.
اساور- بيبي خطيه عوفيها. هم. تعبانه الله العالم كم بيت مشتغله.
استغفر الله. هاهي. سكتت شوو متنضفه خل تنضفه واحنا وراه نكربه شتكولن
اي بيبي خوش
ازل- هيانا كعده. ازل للعقد مال سيد وبيبي. تقره وتسمي. عالمي والياس. تمنيت روحي عدي. هالبيبي. ام.
تشتغل بهدوء من اثر الم المفاصل وعيونها تدمع وتمسحها. وتردد
يمه الله يهنيج بحياتج. حبيبتي. الله يباوكلج. هالزواج. كون كفيتج. ووفيت وياج.
واسو تبتسم وتحضنها. وتردد اموت عليجج بيبي
جابو بدلاتها وقصرنا وكصفنا المحتاج والممحتاح تركنا وكفت عالكاونتر واسو تناوش بالوصل لان وكفت ويايه وداخت نزلتها بيبي وصاحت بيه
مزلتي انتي لتوكعون عليه. نزلوو مابيكم خير فاهيات بنات هالوكت. هذا كله من الجباسه والنمنمات الفاتين. مصارينكم بيها
لابيبي هههه مبيه شي والله. اسو لح روحي غسلي الوصل وناوشيني
اي ماشي
امسح والمع واسو تغسل الوصل وتنطيني بيبي كانت وضيفتها. ترتب بالياس. وتقره عالمي وتحضر بياضات المهر وتقره. عليهن تشتغل. بمنتهى الهدوء
هي بالصاله واحنا بالمطبخ. عالكين الديجي معلكه. عالكاونتر واسو تهز جوايه
والضحك مشتغل
شعري كله صار زاهي ووغف بهالاثناء طب عمو راءد داانزل مستعجله. طب. واسا للمطبخ زلكت رجلي واسو صيحت. وكعت. بس الكاونتر موكلش عالي عدهم راسا صيح
هااا. هااا تاذذت
لا
لا بابا لتطب لتطب
ادزي ليش شنو ملابسين.
لا ازل ملابسه حجاب
كمت على كيفي وهي تردد
عليج الله خوممكسًره رجلج عليج الله منو يوكفلي وخربانه ضحك حنموت
وتصيح اخ بطني وعمو يصيح
هااا يبنات. شبيكم خنستو احجووو اططب
لالا بابا وتضحك
وقزززرقططط البسووو خلصوني سفيهاات
بابا لتطب ازل ملابسه حجاب
وازل من يمتى تلبس حجاب مني. جديده هاي ودفع الباب وطب
جان عصبي باوعلي وباوعلها اني بالكع. بس جلبت الضحكه وهي لازمه بطنها تضحك. كوه. كتمتها
باوعلها بغضب وباوعلي
كومي اشو شون وكعتي
لا عمو والله هه والله مبيه شي
كومي اكووولج
وكفت كوه. كتمت ضحكتي باوعلي خازرني ونصه على رجلي
امشي كدامي
مشيت دار وجهه. باوع لاسو. كال
شوكت تكملون امي وين شنو هالطرطيبه. المي بره. مفتوح حتوكعو للبيت هوهيج اللي ينضففف
اسو - كملنا بابا والله
فضوها جايب غده. دناكل
ازل- رجع باوعلي. نتر
غسلي شعرح انتي كله. تايت وزاهي. هاي مواد كيميائيه توكع الشعر
اسو امشي صيحي ببيتج
اي بابا
طلع. بدلت. اني وغسلت. بحمام. اسو طلعت تغديت وياهم
بدون حجاب. جنت واثقه من نضرته. الي حالي حال اسو بس. شكول. لليدك عالًيسره
كملنا. وكمت قبلهم شلت الصينيه وي اسو دنغسل بالمواعين انتبهت اسو تفرك بعينها
ها هم دتغوش
كتلتني
اكولج خاف من العدسات ذاك اليوم لبستينا هواي
لا والله قبلها حانت تغوش وتنك
هاي شنو. السالفه.
شمدريني عطلات على كوله. بيبي اصلا وجع راسي منها
اكولج خلي نكمل المهر ونروح لابو العيون اني وياج اني هم عدي قصر
خوش اتفقنا
كملنا شغل شفتها انزوت دارتب هدومها بغرفتها الجديده. شفتها. رجعت. طلعت الحبوب
ايو هاي شنوًحنرجع
لا هو واكان طانياها كال مال وجع. راس. متاذي
ها بس موهواي ثنين ثنين
الا ثنين يله يفك ااخ يابه
تمددت دقايق ونامت
كملت ترتيب ورجعت للبيت. وي السايق. تحضرت لباجر. لان محضرين حمام مغربي فتره توتر مرت بيها اسو بلكن ينفعها الحمام حجزت الها ولبيبي
ومن الصبح ثاني يوم. اتصلت علًى ابو مهند اللي بالشركه تعذرت ماكد اداوم وكبل لبيت بيبي الحجيه
كعدتهم ورحنا للمركز بيبي هواي كيفت عالمساج والحمام المغربي فاد مفاصلها. واسو خسيتها ارتاحت كلش. واول مرجعنا من المركز نامت
يمعوده كومه شغلات عدنا شو حتنامين
عوفيني فدوه البارحه كوه نمت
انتبهت الشريط خلصان. تخبلت
تركتها وطلعتت توني اكول لبيبي دك تلفوني راكان
ها راكان
ها ازل اكولج اساور وين
نايمه رجعتا من المركز نامت
خاطر الله شبيهز بس تنام تلفونها ليش مغلق زين
مادري جوز شحنه خلص
اوهوو هاي شبيها حتخبلني. شنوومريضه
والله راسها يوجعها راكان
هاي بعده
اي كالت انت نطيتها حبوب
ادري. موطيتها مبلعته
لا بلعت خلصته
صيح
خللللصتتته وج هاي قويه شوكت خلصته خرب روحي روحي جاي اني
اوك
رحعت طبيت عليها وجهه اصفر لزمت الشريط.
وطلعت طب راكان وره شوي كبل طب للغرفه. سمعتها تعلس رياه. كوه. تطلع الحجايه. متر
وج هاي فقط وقت الضروره انتي ماهذته تكزرررز
مردت عليه. طلع حجه وي بيبي
بيبي لتنطيها بعد دوه.
لا يمه هو اني كيفي.
اني نطيتها عبالي هو بس ذاك اليوم وجعها. ثاري. مطيرته. يله اني حروح احيب الكاسات مال مهر كملوها البنات. واجيب البارد. والكيك. عمي كال فرغتو المجمدات
اي فرغناها
زين حجيه رايح اني ازل فدوه عينج عليها
اي ماشي
محتاجين شي بعد
الحجيه- لايمه هاهي الله وياك
ازل - اليوم كمل واني بالتحضيرات حايره وترتيب مكان العقد كملت كلشي
مقرر الصبح العقد مال سيد والعصر يبدي الحفل بالقاعه صارت ب-١٠ واني وي بيبي مخبوصين كملت كلشي وبيبي خابرت السايق. مرد
كالت
يا هذا مديرد
اهو هسه للومه تزفني
بعد ممكمله كلامي وطب عمو وائد
كال
سلام عليكم
هله يوم هذا وينه السايق
اخته. بالمستشفى واندار عليه نتر
انتي وين تلفونج
تفاجات صار مرتين ينتر بيه ليش عصبي ويايه.
اا هياته انتبهت خلصان شحنه
نتر ليش عمتج تخابرج مغلق.
عمو والله مادري بي ملتهين
الحجيه- يمه شبيج صاير بريمز غير دنشتغل خوبتك عافتنا ولفت راسها ونامت راسي وراسي
شبيها اساور عافنا وفات للغرفه شبيج بابامشيت وراه اشوفها حتكوم لو لا
شبيج شيوجعج شو كومي داشوفج
كامت وتفرك بعينها
مبيه بابا شو ي راسي مال شغل صفن عليه. رجعت نامت غطاها. وباوعلي
بله هاي شكول زواج وعرس.
طلع. يفر بايده باوعلي بدلي خلي اوديج عمي
اي عمو بدلت راسا. وطلعت وراه حان بالسياره ينتضر موبيدي صايره ارتبك من الكعده يمه صعدت وطلع كلسا اباوعله وادير وجهي. وهو عينه كبل ابد مصد ناحيتي
واني درت وجهي عالشباك معاينته بعد
قريب مدنوصل جر حسره وحجه
ازل عمو؟
نعم
فزيت من حجه. لان الهدوء . جان كلش. مسيطر
باوعتله اترقب سواله. كان خجلان. من السوال ومتحير بس سال
اختج بعدها تحجي وي راكان صارحيني
هزيت واسي بالرفض. ونصيت شكد خجلت شكد فشلت. تمنيت متربطني بيها قرابه. ابد بقيت منصيه. تحسر ووطبك قبل بيتنا بشوي الشارع فارغ
زعلتي ؟
هزيت راسي بالرفض داافتح الباب لزمها. وسدها
دقيقه دقيقه
بقيت منصيه. حيل انحرجت.
باعيلي. عمو انتي مالج ذنب
مرديت
شو باعيلي
مباوعتله اختنكت موضوع اختي اختي بنت امي وابويه واجع كلبي
ازل ؟
مد ايده رفع حنكي. غمضت ونزلت. دموعي. بله. جهد.
حنانه وي احراجي من اختي. تعاونو على عيوني
هالعيون الحلوه. ميلوكلها الدمع. عمو اني اعتذر.
لا عمو اختي هواي. تجاوزت. مره عليك ومره على اساور ولاعبالك اختي باوع بعيني ودار وجهه
هز راسه وعض اصبعه بهدوء دار وجهه على البيت هنس
نزلي عمو نزلي
نزلت اشرتله باي اشرلي بقه واكف حدما فتحت الباب وسديتها يله حرك
هو بعالم واني بعالم.
عالم الابوه والحب عمره ملتقه. وصلت حد كمت ادعي على روحي. احب. وانساه
طبيت لكيت عسوله صافنه
ها عسل افندي
ها
الله بالخير وين للومه
توها صعدت من شافتج طبيت للبيت
ها زعلانه
صارت عصبيه شوي
همم ديله. دتقرين
اي
محتاجه شي
لا شكرا
تجين باجر لمهر اسو
لا ماريد عدي دراسه بس للومه مشتريه. ستره. بنفسجي. عنابي. يخبل كالت على مهر اسو وسوتلج. حذاءج. بالاسكافي
عاشت اديها
صعدت نمت. باجر يوم متعب وحلو
عسل- سبوع مر على المحادثه مارد دز ابد فضول عدي قاتل. بوكت استراحتي منو هذا وين يعرفني صدك معجب الف بطرف. زلفي وافكر باوعت لمحادثته مكتوب
متصل الان
بيش اتحجج
ردت شوي التهي انداهر اتشاقى اضحك واضحكه. شتحجج سكوله بله بله
دزيت
عفوا شنوًاسم الاستاذ نسيته
واسا رسل
الا نتخابر يله اكولج
ليش يعني دزيت واصبعي بحلكي ابتسم. كال
نو الا مكالمه يله. انطيج. اسم الاساتذه
اوك عادي ادك
يله دكي؟
دكيت راسا رد خربان صحك
عليكم السلام والرحمه شو تضحك هيج دكه التلفون تضحك
لا والله اضحك عليج
هاااه هيج ؟
اي
ليش عود
راسا جيتي للدرب. هه
سكتت اذتني الحجايه
ها. هه الو شبيج
الو كلتها. مخنوكه صدك ضجت من نفسي
اسمه استاذ —
لاميحتاج
ليش مو ردتي
يعني كذذبت كلتها
وغمضت دكه كلبي المخنوكه. لهالكلمه الحقيره الكالها. مدتعفرلي ابد ردت انتقم واخجل نفسي. كدامه حتى اتوب. وماسويها. بعد
همس.
ليش كذبتي عسل
هيج ردت اتحجج واخابرك
مم حلو
باي
وين
لاهاهي شكرا
اوكفي احاجيج
لاماريد بعد
ليش
لان كرهت روحي
مو قصدي تره اتشاقى وياج
لااني استاهل صدك شنو مااستحي ممتربيه شنو اخابرك
سكت همس
حشاج عسل بس
يله باي
اوكفي مو داحجي وياج
اي ماااريد عطت سديته وحضرته. واسب بروحي. اميد يعرفني. يمكن يعرف بابا الله يرحمه او اقاربنا. شيكول عليه لان ماكو ام واب فوك راسها على حل شعرها. طاحح حضي اي والله
عصبت مني وبيه. اتصل مره وحده. ودز من غير رقم
مو اعتذرت شسوي بعد
عالعموم كيفج اذا تحتاجين شي. اذا تردين راسلي. كيفج بعد
حضرت الرقم اللخ هم واسب بروحي
رجعت لدراستي. وكلسا اتذكر واشوط
شكد اني. سبورت وتصنيف بس نفس الوكت فركاس مينكاس
الهام- من يومها ماتخابرنا بعد رسايل. قليله.
قبل لانام
تصبحين عل خير ماكدراتصل تعبان من هوسه الفيزالاخدطالع تركيا
واردله
اوك
ابتعد هاالفتره. واني تعلقت واخجل ابين اله. اذيه بعده واشتياقي.
قبل ليسافربيوم دز
ديري بالج على نفسج والبنات اخاف ماكدر اراسلج مناك التهي بهوسه الكروب. لوًنت ماكو ليضل بالج
دزيت اوك
شويه شوي كام يبتعد حتى الرسايل. كامت. تقل وكت اللي جان من يسافر يتصل يوميه عسى ما ب٢ يكعدني يتشاقه. ويعاند ميروح. ويضل يحجيي حد ميمل واني اغفه.
كامت الرسايل تصعب عليه. مو ماافتهم اني واعرف. اليريد يتصل ويهتم. يدورله فرغله. بازدحام يومه. ويتصل. او يراسل. يثبت حضوره. بيوم اليريد يحاجي.
بس قل الاهتمام. واني. قل نومي. تعلقت للاسف. رجعت العن. احساسي.
ادري بروحي خبيته. شي حتى وي روخي اخاف احجي واصدكه قررت اني هم ابتعد واذا لاحظ بعدي وعاتب عود ارجع اهتم
مثل ميعامل اعامل.
بس يومي. فرغ بعد ماكان مليان كمت اتحجج المسواك عليه حتى اطلع كمت اريد اسوك اشتري واخذ ذوقه وكلماااشر على ستره او قميص الي يضر ايده بكصته. يكلي
لج بابا هذا ببيتي متقبل تلبسه هذا هذا اخذي.
واخذه بدون نقاش ضحكت هواي وياه. وتونست. لكيت نفسي واضيه عن مضهري كدام مرايتي العمر مكام يشكل عدي اي. ضعف بالعكس. كمت اتغالب وي عمري واكول
ممبين عليه هالعمر
كمتاشتري مكياج واسال ام الصيدليه.
هاي لشنو
وهايلشنو
اتقصد اسالها اريد شي. للتجاعيد في سبيل تكولي
ممحتاج وجهج.
وفعلا ماكان محتاج. رغم بي مناطق اغمق من مناطق عالجتها بكورسات علاج عد الطبيب الجلديه الدلاني علي انور
بالاحرى اجه ويايه من كملنا مسواك
خل نمر لبو الجلديه. شتكولين
مو اللحم خاف يشم ريحه
لايابه منتعطل صاحبي كبل يطببج
بيومها يفحص بشرتي وانور واكف وراه يبتسم متخوصر ويعاينلي
من بعد المكبره الدمتور وراح يكتب الراجيته
شبيك تضحك هيج وجهي يضحك
زروف خشمج بالمكبره صارت هالكبرها سلمت عالمخ. بدربي ههه
ههههه
جننا باقل مرقف واحنا سوه نضحك
بس هسه. صار يبتعد
مفتقده اله كلش وياريت يخس ببادي نفس مااحس اني.
يمكن لكه غيري فكره موتتني رعب بحيث بجيت وكلبيانعصر
تركتها للايام. ان كان عدي معزه بكلبه معزتي تجيبه
قدمتله. عالوضيفه وواعدني المدير العام ان لكه شاغر. يبلغني
قبل ليسافر كال
عسوله حسن. يوديها ويجيبها انطو اجره يوم بيومه
ازل- يوم المهر صحيت بنشاط السايق جاي عليه. ينتضر بالباب وللومه تركض ورايه بالخليب الدافي والعسل
عسل- دعوفيها متزيد
للومه- لج. ازل توكعيننن
عسل- شتوكع دباعي خدودها مدندله
للومه- عسل راسج بكتابج. هاج ازل متطلعين اذا متشربي. تجرعي جعليه دوه
ازل- جيبي شربته كله ذبيت الكلاص باي باي. للومه
للومه- متروحين للجامعه
لالا ماروح باجر عود
طلعت اني وغراضي ركض عبالك المهر مهري مو مهرها. توني سابحه. علمود اسشور شعري بالصالون طبيت بيت بيبي عمو جان بالفانيلا التعاليك يشرب جاي
رحال بعمره. بهالهيئه اللي هو بيها ارشق من شباب الجامعه وارزن ولامبينه عليه سنين عمره من شافني طبيت. بالصايه. جر تيشرت بجامته لبسه واتي درت وجهي ادوراساور
هابيبي ها عمو صباح الخير
هله بيج عمو طبي كعديها
طبيت وكض لج كوووميي
كالت بفهاوه.
هااا
كومي خرب لشته لبوش كووومي
كامت وتفرك بعينها. الحمار زايد صفنت اشرتلها
يله للحمام لا فوتتج بيدي اغسلج
ابتسمت وتمعصرت كالت بابتسامه
لا صيحيلي راكان
شمرت عليها البرنص
ايا سااافلهايا منحطه مو اصيحلج ابوج اكوله شكلتي
كالت لا اتساقى
فاتت واني احضر هدومها مثل الجهال تمشي وتطشر بغراضها. طلعت. تنشف. بشعرها وتلبس. اللي حضرته وطلعت للمطبخ. سويتلها لفات توست. جبن وزعتر
التفتت شفت عمو يباوعلي مبتسم
كال لبيبي
هسه لو عدي هيج صاحب اني بخير
عفتهم وطبيت. اهاف نامت ياالله
لكيتها تتخابر وتبسبس
لججج يللله جريت الفون
راكان رووح
راكان- شكو فززتيتي خرب يومج قطار مو مره.
سديته بوجهه واخذتها للنطبخ
كعدت يم ابوها تاكل وهو يتلمس شعرها واني لزمتني العطسه
عمو انتبه. كال لبيبي
هاي تمرضت تره جايه سابحه وشعرها اخضر
اساوور- بابااخضر لو احمر جاوبها
كركركر صايره كلش تنكتين. ست اساور
طلعنا. للصالون تمكيجت وسوت شعرها واني شسورت ومكيجت بيدي. هاديء وطلعنا لبيت عمو لكيت للومه واهل راكان خواته وامه. وخوات بيبي. هوسه البيت صاير ركض ركض. لبست السيت. وكعدت تنتضر السيد
دلغمت
تقربت اخلي المي ورد بالطشت اللي تخليرجلها بي
وانتبهت عليها
شبيج اسو
راسي يون عليه وعيوني
شو باعيني باوعتلها عيونها وردي البياض صاير بس المكياج. ضام
ميخالف هسه تطبين
عفيه حيبيلي حبايه
لاااا هسه احيب عصير شوي ينعشج
جبتلها. بارد والله. استعدلت
كملت المراسيم. وهلهلو. هي كلش. فرحت دخل ابوها بوسها الموقف هد حيلي. دمعت عيونها وعيونه واني بجيت مكدرت. اضبط مشاعري
للومه كبل عاينتلي
بس انهزمت منعيونهم
رحت. بدلت علموعد القاعه وطبت بدلتلها ركض وياها اتعاون وخوات واكان هم وطلعنا.
راكان كان مزين سيارته كشفه. مسوي السكف مالتها لونها. برونزي. لون بدلتها ورباطه هم برونزي تخبل صارت فيكه
حتى الورد عالسياره هم برونز
طلعنا وهوسه القاعه والركص. راكان مكعد بس يعرف. واني بيبي كلسا جايتني جايبتلي مره. وتعفها عليه
بيبي جوزي من سوالفج
اي يبيبي غير افرح بيكم سوه
اوف بيبي اوف
كانت تركص ويا عالديجي. طايره كلسا وماشره الي اروح يمها لو اعدل بماءشه من ماشاتها لو مكياج لو حمره
جنت احاول ابتعد من الكوشه سالفه. ها اني صديقه العروس شوفوني اتهبل منها
فستاني. يجذب اخس العيون عليه مدري لان خجلانه
بقيت كاعده يم للومه من خزرتني اكعد متحركت. جماعه راكان افواج افواج. يمه يروحون يتصورون ويرجعون كومه عازمين معارف عمو ومعارف راكان واهله
شفت اسو كعدت اشرتلي. وجهه تغيرت ملامحه
رحت راسا
ها اسو شبيج
راسي فدوه
خل اجيبلج عصير شوي حلات
اي اوك
نزلت من الكوشه ركض ارتطمت بصدر ولد كان ضخم وطويل ابتسم همس
على كيفج عيني اسفه اسفه نزلت راسا اهذت عصير داودي عمو صار بوجهي
ها عمو
ها دا اودي. العصير
باوعلي وباوغ للولد اباوع على مسار عيونه. الولد بقه يباوعلي وين ماروح واجي لبسته. فتحت القبغ لاسو شربته من رفعت راسها تشرب البطل انتبهت قطعه دمويه. جوه جفن عينها. رجفت من شفتها
اسو عينج توجعج. سالتها محاوله اضم خوفي
ردت
لا بس متنكه. راسي خيطك. ازل عفيه كولي لبيبي بلكن جايبه. حبوب
متتحملين
شفتها غمضت.
اسو
مداكدر ازل هبه اخت راكان كالت
شبيعا
مابيها تعبت من الصبح ليهسه
اي صدك الله يساعدها
همست اسو
ازل روحي
اوك
نزلت واسا وصلت لبيبي واسمع عيطه هبه
اساورررر
التفتت شفتها وكعت
راكان
عمو رائد
ركضو عليها واسمع صيحه عمو
بنتي— بنتي — وخروا سوي وهرو شبيها بنتي
يتبع