آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-08-21, 10:18 AM
| #52 | |||||||||
| مراقبة عامة ومشرفة منتدى الروايات المنقولة  
|  اقتباس:
لأن الروايه غير مكتمله مالها رابط تحميل رابط التحميل نعمله للروايات المكتمله | |||||||||
|  |
|
16-09-21, 03:08 PM
| #53 | ||||
 
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي | ||||
| |
|
28-10-21, 02:07 AM
| #54 | ||||||||
| مراقبة عامة ومشرفة منتدى الروايات المنقولة
| بارت ٣٤ #أماً_لهُن #مريم_السعدي ازل..... اني وحده عاشت وكبرت بدون رجل بحياتها لا اخ لا اب لا خال لا عم سالفه انه ضل راجل ولاضل حطيه عدي متشتغل ابد اذا اكو بحياتي رجل فهو انت ماعرف شون احسبك بس الصدك غير حاسبتك كلهم عمري مفكرت بزواج عمري منتظرت شوكت رغم على طول خطابه يتقدمون وارفض قبل لاكعد وياهم كلام للوم ويايه يفوتج القطار تكبرين جاهل باجر عكبه تفتخرين بي ماجانت تأثر بيه ابدد مو ضروري رجل اني كامله بربي وبثقتي بنفسي تربيتي وعافيتي وشغلي و شهادتي وذكرياتها ويايه حتى وان رفض وجودي بحياته ميهمني مخليه ببالي وقافله. لو وياه لو مو ضروري ارتبط عمري معشت احساس حب والمصيبه ماريد انطي مجال لروحي احس سيدار مو قاصر بس اني مداشوفه مو قضيه غرور بس شخصيته مو اللي كلبي يحبها متاثر بيه شعره كلامه وحركاته غزله ودلاله الرافضته بشده . . . - ازل اذا تقدملج احد توافقين بصفنتي بين كلماته فزز شكو ذكرى بينه اني اني راسمتها يمكن هو مو يمه ومحاس بس اني اتخيل وارسم من مرااااااهقتتتتي للليوم جاوبت راسا - لا صفن وارتجه مكتف ايده معالم وجهه بينت الضيق بداخله والانزعاج رفع تك حاجب همس - ليش بابا لشوكت غير لمن تعرفين منو الولد اول جوز ترتاحيله - ابد... كلتها وغركت عيوني دمع وكانما كان يبادلني العشق وهسه غيرته ترضه يقدمني لغيره وكانما واعدني وخلف جر نفس ونصه عالميز عدله رتبه هاي طبيعته من يتوتر يرتب الكدامه عيوني تراقب حركه ايدي نشفت الدمعه ببطن عيني قبل نزولها كال ويراقب بؤبؤ عيني من يتحرك ورد عاد الكلام بغير صيغه - عمو سيدار وكلني اطلبج من اهلج واني جيت اخذ رأيج فكيت عيني هزيت راسي بدون صوت ب لا غمض ودار وجهه نتر - ليش يابابا شبي الولد بيت وسياره شهاده ووضيفه سفر وطبه وطلعه واني اكفله الج اذا فد يوم غثج تلفون واحد اني المربي - لاعمو ماريد لا جريت جنطتي داكوم نتر - كعدددي... كعدي ممكمل كلام كعدي وسدي الباب - عمو الله يخليك - لج بابا المن منتتتظره فهميني شمنتظره اكو احد ببالج خل افهم بقيت صافنه بوجهه بلع ريك ودار وجهه وكف وافتر وره الميز وكف كدامي وياشر واني بعيونه التعبانه طبيت ادور ولو صوره وحده الي كانثى تأثر بملامحه الاربعينيه كمت ماسمعه من يحجي نتر - جاوبي مو وياج - ها عمو... همست ضايعه غمض بقوه ورجع شعره ليوره. كال - اكعدي احجي وياج - لالا - اكعدددددي احجي ويا اسمعي اجحي ويا شوفي شيكول بلكن تقنعين - اي ماااريد كيفي اني ماريد نترت محاسه بروحي ترجف رجف كبريائي درت وجهي افتريت بالغرفه وهو واكف صافن عليه كال - يعني انطيني سبب - هيج عمو بله سبب اني ماريد اتزوج وخلص - ابويه الناس تحجي ازل عمي اني لوماعادج مثل بنتي اني مااحجي وياج واحرجج صفنت عليه ونصيت راسي هزيت راسي بالرفض - سد الموضوع عمو اذا عدي خاطر يمك - زين ممكن سبب اني وياج من اول صراحه عمو مثل ابوج احجيلي شبي سيدار ترفضي - مرافضته لان هو سيدار رافضه اي طاري رجل اني ماريد ارتبط - طيب ليش - كيفي - عموالناس تحجي اشكال الوان حبيبتي اني خايف عليج تكبرين وتندمين - منو يحجي قصدك - ماعرف يحجون - منو غيرر اعرف محد يتجرا يجيب اسمي بحجايه واثقه من نفسي وتربيتي هز راسه جر نفس وذبه همس - والنعم منج بس ماعدهم غير اللغوه - منو الحجه عمو يعرفوني اني شنووو - اي يعرفوج اول ما راكان كال مااتصور تقبل ثنين تقدمولها ورفضت - اي وشنو يعني - يعني تقبليها عليج يكول حجي اختها صدك تقبليها الولد شك من رفضج اله بلعت ريك بقيت صافنه بعينه همست وصوتي راح - وانت شكتله عمو شجاوبته - جاوبته كتله ماكو هيج شي مربيها على ايدي لو صدك كلامك جان حتى مداومت بعد لتخافين ماخلي احد يجيب طاريج حتى راكان تره رايد مصلحتج هواي يريد خاطرج الولد بقيت ساكته صافنه بعينه وهو صافن بعيني اكو حجي بين العيون مكدر لساننا ينطقه مكدرت ابقه بعد جزيت جنطتي و طلعت حتى مترخصت منه الشارع امشي واحس الدنيا تفتر بيه ذكرى ذكرى احساس احساس ودكه دكه بالكلب اني شسويت بروحي شون هيج تغلغل بيه شون كمت اشوف كل الزلم صفر يمه عاش وتعشعش بداخلي وي كل جره نفس ادعيله يبرد كلبه هيج معقوله اي احساس ماكو تجاهي منه امشي واخذ قرارات ماانزل الله بها من سلطان اقرر والغي القرار باجزاء من الثانيه وصلت البيت كانوا ديحضرون عرس للومه عمو كان دقيق لابعد حد وكانما اول مره يتزوج ويحب يدللها الهام.... هواي شايفه تحضيرات عرس زايد عن حده وانتقد مكان اله داعي مصرف زايد مكنت اعرف شعور الكمال انه ممخلي بنفسي شي التبلامات الورد الناعم المزهريات ادق تفاصيل غرف النوم يوميه جايب شغله بالسياره ويكولي للومه هاي تخيلتها بهالركن بالغرفه تطلع حلوه واني اوافقه غرفة نومي جبيره بالزاويه سوه كعده عربيه ديوان صغير وبي كوشات مربعه والبلازما خلاها بهالزاويه عن لسانه ( هاي هنا من نتفرج قابل عالجربايه نكرز حب لا مترهم) ثلاجه صغيره جاب بركن من اركان الغرفه ( هاي ليش مو عدنا بره جبت ذاك اليوم) ( لاكلبي هاي لزوم شغلات الليل نساتل منساتل محسوبج جماعه الليل واخره) واخر شي صدمني بي حمام للغرفه رغم مال الغرفه بصف غرفتي وبصفها اكو حمام رئيسي بالبيت وبي بانيو بس قفل الا حمام داخلي كان شفاف صغير وبي جاكوزي. موسيقى ودوش مجرد حمام بدون تواليت نصبه وفتح الدوش وسده يباوعلي يضحك همس مبتسم بمكر وين ترحين مني حتى وانتي تسبحين مخلصانه كله شفاف دفعته بقوه عيب عيب عيب سكتنا يمعودده الخميس نعررس الله كريم هسه شنو بعد نواقص هاي جابت الفرشه. البارحه شفتيها عجبتج تخبل خوش تكول الصالون تجي للبيت وحده تعرفها مدري منين اي كالتلي اي اذا معجبج مكياجها تسريحاتها كبل سبحي وروحي غير صالون معليج بالوكت مو يوميه معرسين اي ان شاء الله تره اجي احنيج كالها مبتسم ويتامل ملامح وجهي واستقرت عينه بشفتي همس اتحنه بيج واحنيج هزيت راسي ساكته هدأ كل جوراحي للومه ها عيني شكد متحبيني احبج ضغفين كالها وشال ايده يأشر باصبعين ذايب هزيت راسي تقرب تنفس بعمق وجرني لحضنه بكل قوته انور همم ليش احسك تعبان تعبتك تحضيرات العرس؟ جج كل تعبج راحه الي.. شوي هذا ديضوجني بالبيت بس اريد اخلص واجي شبي وياك ليش هلكد يضوجك كلتها ولزمت وجهه بين ايدي غمض وميل راسه لركبتي تنفس بكل قوته وذب نفس متقطع يرجف شبيك ياگلبي والله العظيم يمج راحتي هنا هنا انسى كلشي فدوه لتتغيرين مستحيل اتغير مصدكت لكيتك حب تالي العمر وكت الايست اشارك حياتي وي احد وكت الفكرت اقبل باي احد عده نقص كان يكون متزوج او منفصل ماعده بيت عده اطفال ومرته متوفيه طلعتلي انت بكل كمالك دللتني حببتني بالدنيا رغم رعب الارتباط عدك احجي وهو مغمض و راسه على كتفي رغم كلشي مرينه بي عيشتني بغيمه ندى ابتسم رفع راسه باوعلي عابتلج شون توصفيني حلو امشي خل نطلع حتى مي اللحم نشف ميه... عسل وين شو مشفتها اليوم دتقره هممم كالها وهز راسه باوعلي باستفهام انتي ليش بعيده عنها هالطفله لا والله معايفتها تعرفين ويامن تحجي تدرين منو صديقاتها منو عدها عالتلفون بس لوزه صديقتها همم هز راسه وطفه الطباخ همس ويباوع للغرف الجوه رسيله وين بالشغل مراجعه وازل هم على جيه هز راسه وفرك وجهه تغدينا بيومها سوه اني وياه عسل وازل . . . عسل.... السماعات باذني اربع وعشرين ساعه نقره نغني نضحك نسولف ومن يبيع اضحكه بالكوه حدما اترزل من يروح الزبون واضل اتوسل بي وهو يكابر امشي روحي كم مره صار كتلج مترهم عيب يعرفوني ثكيل غير اني احب اضحكك موكل وكت غزالي مترهم هيييج عيب بابا عيب اييي حياوي ممم يحيى هاااا روحي دااسبح كذاب الصبح سبحت عسل روحي ضوجتيتي ماه ماه ضوج ويايه عالخط اويلي يابببه عناد عناددد ابوك عدنا اصيحه خلي الج خل تشبع بي عمتج والله مقهورر عليها شبي عمو تره حباب لتكول هيج ماقبل لا شعليه دروحي بعدني زعلان لا حبيبي احبك سكت وجر حسره همس اي وبعد واموت عليك هم امم وبعد هاهي بس مرضيت هيج شون ترضى وارضيك بوسيني يحييى هااا هههه احسن حتى متضوجيني بعد سكتت وهو هم سكت غزالي مرديت عليه غزالي زعلت واحنا نضل كلسا واحد يزعل واحد يرضى هاهي تباوكنه حبيبي اوك يله وين وصلتي موضوع ال- مدافهمه شون ماحله غلط ليش دقيقه ياصفحه هاي ١٢٣ اي بسيط هسه افهمه الج وفهمني حلينا سوه تسابقنا غلبني مره وغلبته مرتين ادري شنو لاب توب مو ايد شبسع تكملين اني سريعه ديله شكد النتيجه شنو نوع المحلول ...... غلط هههاي غلط شوفي استعجالج شسوه لا ليش راجعي بابا راجعي لتلعبين وي ثكال لا مستحيل راجعي لججج راجعت وعرفت غلطي فتحي كام بربج اشوف وجهج من يفشل ماريد لخاطر حياوي ماريد ماريد هاهي انت ربحت غصبن عنج بس فدوه الج ولا تزعلين واحد صفر ماريد بالغش ها يعني واحد كل اي يله شسوي الايام هواي امم صح هواي ااااخ شكد روحي تحبج ليش والله مادري ليش خليني دايخ بيج ماريد اعرف العواقب والنتايج خليني طاير ليش تتوقع مني اعوفك والله خايف ليش مادري هم حنرجع نسكت لتسألين لعد البارحه عمو من ديجيب هدومه بسمرني اي شكلج الحوك عفيه لتحجي هيج عليه سكتت شكلج كلي ويامن تحجين وي روحج وتضحكين ومنوو سمحله ليش تنطي مجال بابا لتنطي مجال ابوك هذا شون هيج تحجي علي دخل يطير مبعازته اني ابوك شون متعتازه انت حتخبلني مبقه شي دادور بيت يروح يدفع اجار شهر ويصير اب حنون براسي يحيى كلتها بغضب صاح هااا.. روحي عسل باي سده بوجهي بقيت صافنه علي شوي ورجع خابر رديت ساكته ورجع يشاقيني ومعلينا من غيرنا كانت حياتي عباره عن سماعه وصوته وصورته ريوك غده عشه هو ويايه اربع وعشرين ساعه دراسه وسوالف غنه ودلال مامر اسبوع اذا مدز شغله بيد حسن خلاها بالباب نوبات اضل اسال يضوج وين مكتبتك زين المحافضه الانت بيها ميعرفون بيك مطلوب ويتهرب من سوالي شون حتمتحن مو انت مطلوب ميعرفون اسمك عالشكل اي عالشكل وعود البس كاسكيته ونظاره انت شمسوي بس هاي وهاهي غزالي حزعل واني اسكت مبوزمه تعبني بعلامات استفهام هواي وارجع واكول مكتفيه بي ووياه الخميس زفه للومه حجزوا بفندق من طلعت وسلمها عمها ياهو الشافها من اهلنا وكال ولاعبالك هاي للوم تره الفرح يصغر العمر جانت خجلانه وتضم باذنها وتتلفت عسل مبين الحرك مال اذني لا للوم ممبين وطبت اميره قبل الزفه جايبه بيدها مثل البوند كرستال ابد ابد مشايفين منه كانت قطعه هاند ميد صناعه يدويه توصا عمو انور موصيها اميره : داده هاي انور كال خل تلبسها مادري ترهم ماترهم خل بنات اخوج يسونها شو صلوات على محمد وال محمد كل اصبع يشتغل شكل ازل : شنو هاي يااااا باعي لومه هاي مثل البوند على الاذن. تغطيها. الهام : صددك عليج القران ازل : اي والله باعي باعي فدوه كرستال لبسته الها وانضمت الاذنين وصارت عالشعر نطه منضر كلش مميز. وبسيط ازل : فدوه يجنن عسل : حبابه للومه من يخلص العرس طينيا الهام : ميخالف والله هههه ضحكت مرتبكه واميره تصور وتهمس ياعيني عليج يا الهام شكد قنوعه ودكت المزايق للومه بلحضتها لزمت ايدي قوي وعيونها ترجف ازل : ها للومه ها يا امنا شو خفتي يمعوده احنا النختل وراج من الدنيا هيج هالرجفه بيدج يمعوده رتبه شاده. الهام : ازل فدوه سكتي شون هسه شون وين اروح اميره : تعاي تعاي ياااا حيطبون اهلنا يربي دلبسي لبسي شي عايني كله مدلع واحنا خربانين ضحك على كلامها طلعت للهول والمزايق تدك بره عسل..... ركضت اباوع من الشباك ادور بلكن الكاه ماكو كالعاده حسن واكف يم انور. وعمي وولده وعمام عمو انور جماعه للومه ٢ تثق بيهم بالوضيفه هم جايين للومه فرشت بدلتها واميره يمها تقره بالقران وتكولها اقري هاي ازل كانت تعبانه كاعده يم بيبيه اساور بس تعبانه عبالك وكالعاده رسل مو موجوده طالعه يم صديقتها طب عمو وي الهوسه ولبسها مبتسم باس راسها مغمض بقوا شويه وبعدين وطلعوا ماعرف شفرق عدنا من راحت الزفه طلعنه للزفه ويه اميره شويه ورجعنه وطبينه للبيت وبقينا وحدنا اني وازل حسيت البيت ضاق علينا ازل ساكته واني صافنه عالجوكليت المطشر بالكع شلت ٢ وضميتها ازل بغير عالم باوعتلي كالت - شبينا شو كلبناها مناحه كومي دننظف باجر الصبح تجي كمت وياها كلبنا البيت عالبطانه حتى الحديقه ازل من دتنظف تحسها دتنتقم مو تنضف بالها غير مكان وتجلف كلبته البيت كلاب حتى السطح عزلته نزلت وجهه احمر وميته عرك تلفونها يدك ركضت عليه تنهد صاحت عسل سدي بوري السطح نسيته ازل.... باوعت التلفون عمو رديت رأساً الو الو هلو ازل شونج عمي هلو الحمد لله شنو امي رجعت من يمكم ايي من زمان ها واني جيت للبيت اخذها عبالي بعد عرسكم ماخلص لاعمو ب٣ خلصت الزفه مو عمام عمو انور لازم يرجعون من وكت وراهم طريق ها اي حقهم زين انتي بالبيت اي شبيج شو مدري شون صوتج لا جنت انضف الهوسه زين يعني انتي بالبيت مو اي عمو خوش تجين باجر للشغل لو عدج جامعه ها لا مااكدر عدي امتحان زين دطلعيلي انطيج راتبج فد مره مو كتلج مري للمحاسب بابا ليش تغثيني بقيت ساكته اطلعي بالباب اني اوك طلعت وامسح بوجهي لبست الحجاب وفتحت الباب مديت راسي نزل من سيارته توجه للباب وصفن بوجهي من شافني همس ازل بيج شي هزيت راسي بالرفض نار احس تطلع من وجهي من الحر والشغل وارتباكي منه ومن حديثنا قبل يوم نصه راسه ورد باوع بوجهي احجي عمو بيج شي لاعمو ليش هيج وجهج احمر كالها عاكد حاجبه ويتامل ملامحي بقلق لاعمو شوي عركانه هز راسه طاني الضرف وباوع وراه جر نفس لتتمرضين عمو لتوكفين كدام الهوا اوك يله رايح اني فيماللا راح وسديت الباب وافرزن نظره نظره وكلمه كلمه يعني هذا قلقه ابوي هاي عيونه ونظراتها ابويه اي احساس تجاهي ماعده ماعده لا بس انتي هيج تحسين طبيت للبيت سبحت طلعت من الحمام وصارت بوجهي رسل طلعت والتلفون بيدها مبدله وكاشخه رسل وين ساعه٦ ونص شغل عدي باوعتلي وباوعت لعسل كالت وطلعت واني وراها شوكت تجين هسه ساعه واجي رايحه لصديقتي عازمتني على كهوه باي طلعت واني كعدت اقره واقرر جنت وحدي ولاول مره بحياتي وحدي اقرر ماكو صوت اسو يسمعني يوميه احس اليوم ماتت يوميه يتجدد احتياجي عسل دتباوع كارتون وتكلب بالتلفون وتسمع اغاني طلعت للحديقه حصرت راسي بحضني بالضلمه بس صوت الهوا العذيبي صافنه واقرر ماداوم بعد ماكدر اكذب على روحي واكذب علي طول عمري طول عمري صادقه وي نفسي مثل ما بابا علمني ( بابا صيري صادقه وي نفسج حياتج تثمر) رغم عمري صغير بس انحفرت ببالي كذبه صغيره كذبتها بيوم من الايام علي وكلي متأكده من كلامج صفنت علي اخاف اكوله اي وكللي هالكلمتين ( صيري صادقه وي روحج تتقدمين وحياتج تثمر بباتي) من يومها كل كلمه تطلع من حلكي افكر بيها هل صحيح اني هيج حسوي كأن اكول باجر اسبح جنت اجبر روحي ثاني يوم اسبح في سبيل مااكذب حتى وي نفسي وهيج كبرت كبرت روحي ولاغلطه عدي ماشيه صح بصح بصح وكانما اكبر من عمري بشي عشر سنين حدما كمت اشوف الشباب اصغر مني كمت مااتحمل تفاهه وسخافه وكمت اشوفه مكمل لروحي اني واخيرا قررت شركه ماداوم بعد ولاريد اتواصل وياه طبع بيه اللي اتخيله واتعايش وي خيالي بي خلص ماكدر اغيره ولاريد يتغير حتى لوعشت وحدي ويا وهيج صار بيه وياه من حبيته وحدي لوحدي اتاثر كلبي يدك اذوب اسهر اعشق واتحسس وهو بعالم واني بعالم بلكن من ابتعد يتغير احساسي وخلي يفهم انه اني مثل مكال سيدار يكفيني احساس اخرررس يطلع من ذاتي انتهت جلسه مقاضاتي لنفسي واصدرت حكمي خلاص ازل اتركي اللي يأذيج طبيت ونفضت التعب من افكاري امشي بتثاقل بتعب والله احس حمل على ضهري عبالك عجوز سنين سنين اني وياهم شون حفاركه هو وبيبي انتهت ازل لتبررين طبيت توني وطبت رسل من باب الطرمه وسدت الباب اعصابها فارطه اول مطبت داخل البييت صيحت - شفتوووو شفتووو شفتوها للنذله شمسويه موكتلكم تكرهني تغااار مني ازل : باوعتلها عليمن هاي شبيج رسل : الحقيره عمتج الشفيه مخابره اخو مديري تكوله دير بالك منها تهجم بيوت تحجي وتفرفح وتتضرب عالميز واني صافنه عليها عسل طلعت ركض من غرفتها وهي تصيح وتحلف بروح ابويه تنتقم اذا مخليته يطلكها موبت ابويه اذا مخليتها بحسره الرجال شون كضت حياتها خل تصبرلي يمها حواليها شعليها منييييي - منو كلج على كيفج هسه غير نفتهم وليش هيج تسوي للومه صيحت - بشير اخو امير مديري صفنت عليها - بشير الجان عده علاقه وياج وتفاركتو - اي هو اخو مديري بالعمل وعمتج الشفيه مخابرته لبشير تكوله دير بالك تره لايفه على اخوك - وانتي شعدج وي اخو - شعدي هو ميت عليه اني شعليه - وانتي شمدريج مستحيل تسويها للومه - اني هم كلت هيج هاي جبانه متسويها بس اليوم طلع الرقم باسم منو طلع باسمها رجل صديقتي طلعه من تلفون بشير يصير صديقه وحجاله واجه حجه لصديقتي هي نفسها الي وضفتني والله شبيج بقبت اباوعلها تقربت منها - وانتي مراسمه عليه بروح ابوج - محد علللليه بيه راسمه مراسمه محد عليه بيه ممسويه شي حرام والله وهي شعليها بيهه الفكر ام فليس المشوهه مكيفه بالعرس خل تصبرلي مثل مفرفحتني وسوتلي مشكله الا اخليها نار بينهم اني تندك بيه انييي بسيطه الهام ازل... طبت واني فريت بيدي ميفيد وياها حجي بس الله يستر منها اختي خلصت كل السبل لطرق هدايتها مخلينا لاكلام لاتهديد بماده ولا غير شي استنفذتها كلها من كانت مراهقه لليوم عسل رجعت طبت واني نمت عسل.... خابر ورفضته رجع دك رديت نعم نعم الله عليج شنو زعلانه اي ليش بله لان مجيت موكتلج ماااجي ليش هالملحه بس حسن واكف تمنيتك موجود شكرا جزيلا شعدي جاي انت وين بالبيت وين همم خاله اميره وبنتها عدكم اي شمدريج مو حسن كلها تعاي يمنا اليوم انتي والحجي وعرفت همم اي عدنا ضلت باجر يرجعون شسويتي مسويتي دكيت عليج العصر جننا ننظف السطح شعدكم بي مادزي ازل جاها واهس همم حلو التنظيف يريح اني ساعات بالمكتبه انظف وامسح واعدل بس شنو تشرح الكلب حلو طبعا يمكن حاخذ المحل اللي بصفنا ها ليش اوسع علمود اخلي طابعه مال كتب ملازم اسئلة ام اربع اوراق اسرع واجود حلو تشتري لا ششتري اجار ااجره ها اي تعبانه شكلج شوي ضجت من راحت للومه باجر تجيج وجايبه علاكه وياها هههه اي اخذنا ابوك من عدك عيني عيني اخذي بالعافيه انطيكم حسن عرض خاص وياه نزوجه لازل هههه خوش مشروع ههههههه واني المن تزوجيني سكتت ابتسم سكتت غزالي يحيى ؟ عيونه خل اشوفك لا خليها هسه اهووو يابه خاف يطب حسن يمكن حينام هنا لان عم انور ومرته نايمين بغرفته زين خل اني اشوفج ماريد ليش داشوف شعرج مو كلتي اسشوره ماشوفه الك ها هيج اي كيفي امم غزالي كلهم شافو مو اي طبعا شوكت تتحجبين والله احتركت روحي بقيت ساكته عسل نعم اتخيل الحجاب يخبل عليج ماه ليش مادري احب شعري واني اموت عليه بس ماتحمل غيري يشوفه مادري شو خل اشوفج فتحت كام وهو هم فتح باوعلي ابتسم يلعب بشعره صور بس وجهه همس شلبستي بالعرس فستان اخضر طويل موكلش طويل شمدريك شفته صورج حسنكه بعد شكو تسأل ليش مطلعه رجليج كالها وغمض والله بالمحل جان طويل من جيت طلع بي كصر مره لخ من تشترين قيسي بالفيته طول ١٧٠ اخذي اقل لتاخذي وانت شون عرفت هلكد طولي عرفت شوون كلي جر نفس وابتسم واني باهته صافنه علي همس وين تكعدين بالسياره مال حسن بلعت ريكي صافنه ليوره ابتسم وغمض همس مفد يوم انتبهتي عالكشن الوره اكو مثل اللون الابيض بودر صفنت علي من زمان مره صارت هيج وسالته شنو هذا كلي طحين هههه هاي اني مخلي حتى اشوف قالب كعدتج غزالي يعني اني طولي ١٨٠ لان شوي جوه حد راسج فعرفت١٧٠ بقيت فاتحه حلكي تره انته كارثه امم هواي افكر بيج حيل يابو حيل يعني عود ليش اني مشايفه طولك كلتها وملامحه تغيرت اريد اشوفك يله اوكف بقه يباوعلي صافن عيونه قلقت يحيى كوم اوكف عسل غير وكت تعبان ارد انام ماه اله هسه مابيه وج اشوفك انت ونايم بقه صافن باوع لروحه ورد باوعلي بقلق شوو ملابس بطرك فانيلا و الكابوي عادي قابل انت بنيه ههه عمي رحم الله والديج وصور روحه طوله تارس الكرويت ورد رفع الكامره خجلت من شفته مادري ليش ابتسم عرف خجلت همس بتحطي نفسك بمواقف بايخه لاعادي... اي بت اميره حلوه امم شكو منها يحيى هااااا ليش دتصيح اندري شبيج اليوم مشتغله خطابه شتردين حلوه اي شسويلها عبست حلكي سألته وين نامت يابه شمعرفني عسى ما بحضن حسن كالها يصيح وطب حسن رأساً كال هذا ياحسن اللي مدري منو نايم بحضنه بس لااني يابه متت ضحك كال عمي دتشمرون واني تره الله وكيلكم بزونه ماكو بحضني شنو انتو تتبلون علينا هسه هم ياريت صدك كوم لاااك كوووم طيني مخدتي ها هجولوك انجب عم ابوك هذا خطار هسه اني شكلت باوعلي يله عسل روحي باجر نتخابر الصبح تره اليوم بالخساير راح اي سديته ودزيت رساله رأساً ( حسن يمك يعني انت ببغداد ماراح افتح موضوع بعد بس يجي يوم امل واعوفك مو معقول نضل بس صوت وصوره واعرف انت متفرق عدك لان من اول سهله عدك وتنازلت عني) رأساً رسل ( بس نمتحن وراها الله يسهل ) سديت الموضوع ماعاد فتحته وبقيت مستمره بالدروس ويا والمحاضرات قبل لااحتاج شي الكاه بالباب محضر كلشي كلشي كملنا جابترين يحيى باجر نبلش ب٣ خل تدز لوزه المحاضرات ونبلش ميخالف مالج دخل انتي لاهالمره عليه مو كل مره انت والله ضجت جاهزات كلبي كلهن محضرهن لتفكرين عدج اوراق اي عدي بقه من البند الجبته هاي شنو شو اني كمل بندي زين اقلام عدج لو محتاجه شي لالا ممحتاجه اكولج صدك الهويه مال امتحانات طلعت باجر ادزها وي المحاضرات شون طلعتها مالح دخل طلعتها يحيىىىى يحيى يحيى انت حتخبلني جر نفس وذبه همس لتفكرين گلبي لتدوخين روحج بس اقري وخلص سكتت وادري الهويه تطلع ب ٤٠ الف ومستحيل ياخذهن غلست وسكتت شو سكتتي لاهيج لتضوجين لخاطري العليج تقرين والباقي مسووليتي ليش انت ابويه قابل لان انتي حبيبتي واني حبيبج مو لو عدج اعتراض حتى على هاي سكتت ضل يشاقيني واني ساكته كال بنتره هاي شوون ترضى بله. اني اعرف شون اراضيج مجاوبته بس صافنه بالديسوي كال يله روحي ارتاحي باي باي سديته منه تمددت نص ساعه دز رساله فتحي الباب اخذي غراضج شجايب شنو دكومي المحاضرات بابا اخذيهن بالباب اوك كمت فتحت باب الحوش شفت ولد بنغلاديشي ديمشي على كيفه بالفرع والتفت من فتحت الباب وسرع بمشيته طببت العلاكه فتحتها سله بيها كل انواع النساتل الاحبها والعصاير مليانه كاتب عليها ( حلي گلبج خلي دنيتي تحلى بيج ) كلبي صار هالكبره. بند اوراق واقلام كومه والمحاضرات مكتوبه بخط يخبل طببتها لغرفتي طكيت صوه اني وياها بضحكه من گلبي ودزيتها رأساً رسل ( هسه يله كدرت اتنفس عدل) كعدت اقره رسالته بلشت بالثالث وين وصلتي صفحه٦ رسل صوره الملزمه نفسها بس النسخه عنها يمه صفحه٢٠ عااا شوكت بلشت وياج عمري انتي بس انتي تطولين لا ميصير هيج ابطل انتظرج اي انتظرني هاذ هوه وكفت رسل صور ساد الملزمه مني وبيه كمت اقره باستعجال وتركيز حتى الحك بي لليل. كملت رسلتله وصلتلك راسا دك الو عمري انتي سباعيه بنيتي ههه تعبت كلش اكليلج نستله اكلت زين عمتج جتي اي من الضهر نايمين بالغرفه لعد شتغديتي عمو جاب غده من بره هممم اي دز النا هم خطيه شكد يحبك خلي حبه لعمتج ممحتاجي ليش هيج موخطيه استغفر الله سدي الموضوع اوك عدج شي جج ماعدي سمعت صوت حسن يمه همس ها يله امشي كال اا باعي ساعه واخابرج وين رايح يحيى اغسل وازين ونحجي اوك بس باوع اوكف ها اا لتاخذ شاربك سكت وره شوي كال شكلتي شاربك شاربك لتاخذه حلو هيج هه ماشي اخفف اللحيه كلش اي نعمها وبقي الشارب امم تحبين الشارب اي ينطي هيبه زين وشعري هو مثل كل مره خفف الصفاح حتى تبين الشامه الفوك اذنك وبقي الگلبه. حلو هيج غزالي همم متوقعت هالكد منتبهه عليه حافظتني حفظ سكتت همس نحجي بعدين حسن ينتظر باي هلاو سديته كمت اني هم سبحت ورتبت غراضي للومه وعمو مطلعوا من الغرفه بس وكت الغده وردو طبو ازل رجعت من الجامعه ومراحت للشركه اجاها السايق ورجعته طبت ضايجه ليش رجعتي من يجي بعد كوليله نايمه كوليله متروح مادري كولوله اي شي طبت معصبه ورسل رجعت من دوامها ب٢ بعد مطلعت من الغرفه تروح وتجي تعاين لغرفه للومه تريدها تطلع تريد تحاجيها صايره نار سبحت دا اضفر بشعري وصلتلي صورته مزين مثل ماحب ورافع تك حاجب برجوله ابتسمت اكبر واصغر بيها اتصل قفلت الباب ورديت الوو ها گلبي وينج جنت اسبح اني هم هاا تتغالبين حتى بهاي ههه اي ضفرتي شعرج صفح مو اي ونزلتي كذله وخليتيها وره اذنج الصغيره امم ههه وبين تك التراجي وتك اللخ ضايع لا ههه لاوالله بس راخي ينفتح مضايع هههههه شمدريني تك واحد موجود انت هم حافضني اووو اذا احجي تخترعين ههه شنو ردت تحجي امممم اريد اخذ رايج بموضوع شنو اريد اخذ بيت اي كتلي اكو بيت ٥٠ متر بس توهم مكملين بناء واكو بيت ٧٠ بس بناء يعني مو كلش قديم قديم بس مو حديث وثنينهن ب٦٠ حاير حسن يكولي اخذ ابو٧٠ عمو انور شكلك انور ميدري ليش ماريد ... هالحجي ميطلع غزالي اوك زين صور ماكو اي عدي دقيقه دزلي صور كومه البيت الحديث عالي ومابي طرمه نوعا ما يخنك والقديم مو قديم بس بناء مو مودرن بس يخبل بي حديقه وطرمته كاشي طابقين فوك بس غرفه وحمام وسطح وجوه غرفه وهول ومطبخ وممر من المطبخ عريض على الطرمه الوره البيت عزززه يحيى القديم يجنن فصاله مو بله ههه اني هم وقعت بحبه بس هو مو قديم بس صبغ يرادله اي بس قياس بالحديث سيراميك نصه مطبك والجام حديث اصلا القديم احلى عبالك نفه ميخنك والله نفس تفكيري هاهي توكلنا على الله زين منين فلوس من ابوك راسا عاط تخسسسه ليش شبيه دااخذ منه هاي شبيك وياه ليش تكرهه نتر عمي لاحابه ولاكارهه معليه منه منيلك لعد يابه مجمع صار سنين اشتغل واضم ماعدي مصرف وهو ميقبل اصرف عالبيت جان شايله هو وحسن واني بقيت الم حيل عشر سنين اي من جنت طالب فتحت مكتبه وبقيت اكبر واطور بيها زين منيلك هالمكتبه يعني مالتك اي ورث سهامه الشغله البراسها حظ الطلعت منها زين شعجب تاخذ منها متاخذ من ابوك ليش مو جان معيشني اكلي وشربي كهرباء واجار بيت وملابس واحذيه ودواياتي سكت من كمل هالكلمه يادوايات بقه ساكت يعني صدك بيك سكر دار وجهه ورد باوع يحك براسه غزالي هسه احدد عالبيت القديم زين ليش تسألني رايج يهمني حبيبي ليش ابتسمت وهو ابتسم يجوز الله يقسملنا نعيش بي سوه بقيت اباوعله عيوني بين عليها الفرح وهو بقه يهمس ويتخيل ويعاين بعيني مميل واسه همس واسويلج غرفه نومنا مثل غرفتج واحلى حتى غرفه للجهال اسوي مو عدنا غرفه فوك هزيت راسي بهدوء جر نفس وغمض ويحجي وياشر بايده بهدوء والحديقه الصغيره اكبرها منحتاج صبه. جبيره اسويها حديقه مربعه ولو سبعين متر بس واجهه ٥ تصير حلوه وازرع بيها ورد قرنفل مو تحبي المشخط امم احبه اجيب كل الالوان ماخلي مكان بالحايط فارغ سنادين سنادين اخلي مرتبه هزيت راسي خليت اصبعي بحلكي اتخيل نزل ايده وجر نفس مبتسم همس واخلي ميز صغير وكراسي ثنين نقره بره هزيت راسي منقله على صفحه اخلي.. وبلابل اجيب فناجز وطيور حب واسكف الطرمه بعنبيه الله اي وبعد شنو تردين ببيتكم بحدود بغداد جان اكو مثل القفص صغير هاا مال كتاكيت اي اي مو يوصخن ذني حبيبي ميخالف حلوات ميهم اجيب تدللي والله لا ادللج دلال واكلب البيت جنه ميهلج تطلعين منه هزيت راسي ابتسم قبض ايده جوه خده همس هايم بيج اني نصيت راسي جر حسره وهمس سدي الكامره كلبي اتضايق من تخجلين مني خليج براحتج اوك سديتها جان كل نبض بيه يدك لحن شكل امان حب ثقه وامل وطموح كلشي بيه سوا كلشي بي بناه صلح الخربان مني بدقه و رقه اسمع واصدك حرف حرف مافد يوم خذلني ابددد نسيت شكي وعلامه الاستفهام الجبيره الدوم اطلع منها ممكتفيه بكلمه ( الله كريم بعدين تعرفين) امنت حيل اسمع ضحك لومه وعمو واضحك لضحكهم للومه احلى شي من تضحك احس حيطان البيت تغني وي لحن ضحكتها . . . الهام.... بيوم العرس من طلع السياره مال زفة من باب البيت كان اول عريس يسد باب بيت مرته وراه ويطبكها ويشمر الزنجيل كان اول عريس يطفي الماطور وينزل الجوزه قبل ليطلع حرصا منه عالبيت اباوعله واحس نص مسؤوليتي وكعت من على كتفي نفض ايده وشالها يسلم ويتشكر من الاجوي يباركون وصعد كانت الزفه بس سيارتنا وسياره عمه وسياره ابن خاله افترينا شوي وعافونا طلع كبل للفندق نغني نضحك بالسياره وايدي بيده مجنت فرحانه لا جنت بقمه البهجه والامان روحي استقرت بيده وامنت واستسلمت وصلنا الفندق وطبب السياره للكراج صعدنا واني ببدلتي خابر حسن تعال اخذ السياره من الكراج رجعها للولد وبقي سيارتك عدي فدوه وحسن نفذ سد الباب وكعدنا ثنينا عالفراش نضحك باوعلي ابتسم ها شبيك. تضحك شو صادقتني تعاي بابا عدي وياج سالفه كمت من يمه وجلب بيدي من صفحه اللخ حضنني من ضهري هدأت ضحكتي وضحكته تنهد بصوت عالي اممم للومه اوف اوف شبيك تندمت اني اندم لااا يابه لا اني هذا القرار قرررته بكامل وعيي وارادتي امم داشوفك كل يوم تريد تكلب حدما خطبتني يابه دااتاكد عايني بعيني باوعتله ابتسم لزم وجهي جر نفس وذبه يبتسم للومه اكو ٣ انواع من الانفس عكدت حاحبي شديحجي والله اللي ذكرها القران اي النفس اللوامه واني هاي النفس اذتني سنين و سنين الوم بروحي كالها وغمض صك على سنونه وكمل والنفس الثانيه الاماره بالسوء خو هاي ماشاء الله بيها وعليها اخذ جائزه نوبل وادخل غينيس من يمها عبست وجهي واكو النفس المطمئه كالها وتلمس بشرتي عيونه تكحلت بحمار يابت الناس اني وياج غير عن العالم مكلوبي بدت قصتنا العالم من تبدي باعجاب وانبهار اني وياج لاا بالعكس بدينا بعدمه حددماا واحدنا تطمن للثاني اني وياج مطمئن نفسي لنفسج اطمأنت فلو تدخليني جنتج كالها ونزل طرف بدلتي من الكتف طلع كتفي عاينله وجر حسره لوو وعض شفته لوو شنو كلتها جتني الضحكه وضميته ومكدرت ابتسمت لزمتني الضحكه ليش مترجع نفسك المطمئنه لربها راضيه مرضيه فز فك عينه كلها هاااا وللج انسى كلتها وركضت حبيت الوعه لوعه الوكلنياها ركض ورايه ولزمني حضنني كييفج ولج كيفج بعد طبيتي كمين مسويلج كمين ههه احلى كمين وبكل حب واطمأنان صرنا روح وحده بعدها طبينا سبحنا وبدلنا من طلعت كان ديدخن مدلي ايده منضره بالبجامه حيل رجولي واني نفس بجامته بس بلون زهري مد ايده لايدي كادني واخذني للبلكون كعدنا مد رجله عالسياج وباوعلي يبتسم شبيك جر حسره ونصه ورد رفع راسه كال كلما اكعد بلكون اتذكرج تدرين اول مره اصفن بعينج بيومها شصار بيه مدري شكسرتي هنا بقيت اباوع بعينه دك على كلبه ولا من شفتج بالبرنص اويلي الله جرني لحضنه حضنني مكزكز كال والله العضيم من كمت احجي وياج اي مره ملزمت بعد كشت روحي عبالك سبحان الله عبالك نزهت روحي الج واخاف اعترفلج بس خوفي من الارتباط منعني وهسه تورطت غير احلى ورطه اللله جهجر الوكت امم تنزلين لحدايق الفندق حلوه نفتر بيها خاف ميصير بفلوسنا ياب اوك بدلت ونزلنا كان الجو بي كسره بروده مال فجريه بس يخبل الهوا وتذكرني بتركيا يمكن تذكر نظراتي للعالم هناك لف ايده على خصري ويمشي ويسولف ويعاين بوجهي نص الحديقه ووكف ها شبيك اكولج امشي خل نصعد ليش خوماكو شي بقه يباوع بعيني ابتسم همس مادري شو هههه شو اشتاقيت نصيت راسي تقرب باسني من راسي ويباوع بعيني شكد طيب طعم الحلال وياج اماااان وثقه غمضت مرتاح حيل الهام مرتاح ومأمن بيج اطلع وارجع ورايه رجال مو مره ضهر مسنود بي هزيت راسي واني سندك واني بضهرج ارجع واكولها الج اني موجوود الله لايحرمني منك ولامنج . . يتبع | ||||||||
|
| |
|
28-10-21, 02:09 AM
| #55 | ||||||||
| مراقبة عامة ومشرفة منتدى الروايات المنقولة
| بارت ٣٥ #أماً_لهُن #مريم_السعدي الهام..... ثاني يوم الصبح حسيت بلمسات ناعمه على اثر الحرك باذني حكيتها ووخرت ايده رد رجعها رديت وخرته انووور اريد انام جتفني وضل يتلمسها شبيك توجعج لا باسني منها برقه مبتسم همس بطرانه جهي يا الله ليش شسويت كضيتي عمرج بحجاب جاك وجاك من وراها حدما حجت وياج ايه الله العضمى سكتت وتغطيت جر الغطا عاط كوومي عاد ضجت مدا كدر ارجع انام كومي خل نرجع نتريك وي البنات بيش ساعه ب٨ كالها وجر الغطا كله اهووو انور ارد انام منمت البارحه ضحك وحك راسه ليش منمتي بله. غمضت عيني دفنت راسي بالمخده سمعت ضحكته الشامته وطب للحمام يغني بالله ياطير الحمام اللي تسافر وصل احبابي سلام كمت رتبت الفراش ومن يمي كمت اغلي وهو يغني طلع بالبرنص ويكمل الاغنيه عطت عسى بطلقه تايهه عكد حاجبه باوعلي متفاجا منو؟ طير الحمام اللي يسافر اللي تريده يوصلك السلاام بقه عاكد حاجبه بس لكفها ضحك وتقرب حضنني ويضحك دفعته اخذت البرنص وطبيت للحمام كملنا تلملم ونزلنا رحنا للبيت اخذنا كيمر وكاهي جان يشاقى ويضحك بالازدحام يصفن عليه مبتسم بهدوء واني يترس عيون خجل من يجر النفس براحه هذا كلبي يطمأن قبل لنوصل همس للومه ها عيني نكمل الريوك ونطب للغرفه ليش كلتها ببرود عبس وجهه وداره على الجامه البصفه شبيك انور يابه رجال صايم سنين بله حنان تحمليني خل اشبع هالشهرين ثلاثه من المحنه صار تدلل كلتها ابتسم رجع ابتسم وصلنا نزلنا دانزل الغراض طلعت عسل تركض عليه حضنتني تضحك وباوعت لانور نورت بيتك عمو فدوه للبنات عسوله تعاي اخذي العراض وحضرينا جاي اوك كالتها وتباوعلي بتحذير اعرف نظرتها من تباوعلي يعني شي يخص رسل تقربت شكو شاورتني (عزه للومه متدرين شصار مدري منو مخابر بشير اخو مديرها كايللها اخذ حذرك منها وبعدين. طلع الرقم المخابر باسمج انتي مخابره) كالتها وباوعت بوجهي تستفهم جمد الدم بيه مدري ليش خفت يمكن مردت مشكله تصير باول يوم انور موجود رغم اتفقنا اني ويا اي مشكله بيني وبين البنات لياخذ على روحه. او يمكن لان هددت اذا طلعت وره الموضوع تنهي زواجي. واني شبيه داصدك كتلها عوفيها معليج منها طبيت ونحضر بالريوك طلعت ازل وكعدنا تريكنا كلنا سوه ازل رغم كلشي بس مذبت حجابها واني ولاول مره بكل حياتي كاعده بدون حجاب او شي يستر. اذني بصفه والادهى من هالشي من كعدت يمه والبنات ملتهين خله خصل شعري المغطيه اذني المحروكه وراها. حتى يبينها ليش هيج احبها معليج نصيت راسي واشوف عيونه تتاملها بدقه كعدت بصفه ناكل عالميز ايده من جوه الميز تدور ايدي لزمها ويشرب الجاي يدري بيه يسراويه باوعتله ميباوعلي ويباوع للطرمه كدام باب المطبخ كبل وكانما ملازم ايدي تركته براحته انتبهت كل ماكان. وي البنات يكون بوضع محرج يدور ايدي يلزمها بس بشكل مخفي كان يستمد قوه كان محرج من وجوده عده شي اسمه عقده الزوجه الاكثر غنى من الزوج نفس الوكت احساس المسؤوليه عده شي جبير مشايفته عد احد قبل سالفة المسواك والزبل العفو غسل الطرمه وباب البيت. وتنظيف الحديقه لازم هو يسويها هاي شغلته شنو انتو تسووها شغلات بسيطه بس يحسسني بوجوده عسل مافد يوم طلبت شي مني ابد من صارت بالسادس على غفله ماكامت تطلب من اسبوعيتها تشتري رغم دومي اسالها محتاجه شي وتكولي لا عدي ملابس كتب ملازم. اقلام كلشي جنت اعرف ب لوزه تساعدها بهالشي ومطمئنه واليوم صار النا يومين من زواجنا ولحد الان مشفت رسل بس اشوفها طبت من باب البيت اطب لغرفتي هربا من المواجهه وخجلا وكرامه لانور انور اللي محوللي غرفتنا جنه صفحه من صفحات حايط الغرفه بي شبابيك تنفتح عالحديقه وبي دجه جاب قفص طيور خلاه وحوض سمج داخل الغرفه كان مسؤول عن تنظيفهم واكلهم والكعده العربيه نهاية الغرفه يوميه شكل متسوك ويوميه فلم شكل يعرضه بالشاشه ونتفرج فاكهه غريبه وكرزات ونساتل ويترس بالثلاجه والنركيله اهم شي 2 صاحب كيف كلش يفتح الشبابيك ومخلي النركيله بصف الشباك ونتفرج كم مره سالته اصدقاء ماعدك ويجاوب مكتفي بيج انتي كل اصدقائي يوميه بليل يروح لبيت ابنه ويجي نكعد ويحاوط كتفي بايده ونتفرج لازم يضلم الغرفه وكبر الشاشه مشوق وكانما سينما ولحد الان مضغط عليه باستعمال الحمام كان كل كلمه يكولها اريد من كيفج مااطلب منج من اطلب ماحس بيها اربع ايام مرت طلعت من الغرفه داسوي كهوه بليل عجبه وانصدم برسل وجه بوجه وكأن حانت ساعه الحساب بيننا وكفت بوجهي نترت - تعاي للغرفه عدي حجي وياج ماريد افشلج كدام الافندي مالتج - اوك جنت محضره كلام الها يكفي الاجه منها طبيت وراها ركعت الباب و كأنما تخوفني بهالتصرف تكتفت رافعه تك حاجب - خيير ست رسل + راحت لتلفونها وشالته شوفتني صوره بالتلفون بيها اسمي وعنوان بيتي ورقم هويتي - وشنو يعني كلتها ببرود صيحت هالرررقم اللج هزيت راسي ببرود - اي اني اتصلت بي كتله دير بالك هاي تهجم بيوت بعد تردين شي صيحت وعيطت وغلطت واني مكتفه ايدي صافنه عليها ابتسم ببرود طبت ازل وعسل ركض ازل دفعتها ازل : عيب احترررمي عمتج رسل : وخري انتي هم وحده انكس من اللخ مكيفه بروووحها مشتريتلها رجااال بفلوووسها تقربت خطوه وضربتها راشدي بكل قوتي رفعت اصبعي بتهديد الهام : دير بالج تطولين لسانج هالبيت نصه اله هو البناه وكت الجنتي تتوسلين بيه نطلع من بيت عمي لو تحترمينننن نفسسسج لو تطلعين متبقين مثل ماهو بيتي انييي بيته هو فاحسلج احترمي وجودج هنا.. تره بمزاجي مبقيتج واي غلللطه متبقين شوفيلج مكان مو استقليتييي وصرتي مخشخشه بالذهب روحي دوريلج مكان صيحت - وحده عانس ممصدكه حصلت رجال - اوي حبيبتي عود حصلي مثله حتموتين 2 جاوبت باستهزاء - حموووت شنووو بابا انور وامثاله واي رجال يعجبني باشارره اشاره لاحضي يجي جوه رجليه مو انتي سنين سنين تنطين فلوس ووضفتي عود يله نفكج وتزوجج تقهرين ضحكت بثقه - عود اشريله ارد اشوف شون يجيج عفت الغرفه وطلعت شي بيه برد من المواجهه شي كاتم على گلبي طلع وخلصت سويت الكهوه واسمع ازل تحاجيها وهي تجاوب بوكاحه عسل طلعت باوعتلي تتفقدني عسل : للومه لتحركين دمج هي هاي طبعها - لاكلبي ممهتمه ها دتدرسين - اي حكمل قبل الجامعه - شوكت امتحانج - ٢ بالشهر الجاي - يو مضل شي - اي مسيطره اني - عفيه عسول تركتهم وطبيت انور جان مرتبك واكف وره الباب يدخن اول مطبيت سأل - هاي شكو رفعت تك حاجب ابتسم - اني شكتلك - اي بس دتصيح عبالي دتضربيها - اي ضربتها لان استحقت - خاف من ورايه - لاحبيبي انت شعليك هي كل فتره يرادلها كفخه تعرفها مقامها بقه ساكت ورجع كعد بس بين على وجهه عدم الراحه حاوطته باهتمامي كمت ادور واشوف اليعجبه والكفها وينصدم من الكفها واكوله مو تحب هيج يصفن بعيوني متفاجئ هاي هاي النظره اشتريها بسنين عمري مفاجأت وطلعات عشنا ايام تخبل واني.. اني الجنت اخاف اصرف هسه كمت من صالون لصالون بشرتي تخبل صارت ليزر كامل سويت انواع الصبغ والعدسات وكانما الحك قبل ليخلص عمري اسوي الشغلات المسويتهن بمراهقتي وشبابي دومه يتفاجأ دومه يحير بيه واني اعشق اكون لغز اله مثل الشباب تونات تراكات كمت اخذ الي واله نفس الشي جنت اشوفه يفرح كلش من يسأل هسه هذا تيشرتي لو تيشرتج ثنينا ضعاف رغم اكلنا الموطبيعي والتزمنا عاده جديده نتمشه سوه انور هووواي يحب يحجي عن سوابق صارت ويا وعن مواقف حاليه واني احب اسمع اكثر من ماحب اسمع سبحان الكملنا ببعضنا نمشي يوميه ساعتين ويوميه نختار منطقه ناخذ تكسي وننزل نمشييي لحد من نكون قريبين لبيتنا نرد نرجع كيات نوبات نمشي ونشوف شي يجذبنا بالشارع مره شفنا كمأ ( الچمه) كال - لج هذا چمه تعاي تعاي خل ناخذ اللله فد عاجبني تعرفين تسوي - اي اعرف بس تنضيفه مكروه - مالج دخل اني اعرف انضفه بس طبخينا اموت عليه - خوش وفعلا رجعنا جان متلهف يضحك من كل عقله ربط فرجه بدريل وخلاه بنجانه بيها مي وكام يجلف طلعت تلك ثلج طبختها وهو على راسي - ها بي رمل ولا ذره مو بله خرب عرضك ابو النور بيومها طبخته ووده نصه لبيت ابنه ورد رجعه مكسور مسألته ليش ابد ادري اليوجع كلبه يحيى ابد ميحجي بي ومن اسأله تتغير معالم وجهه يتضايق تركته مره مشينا من القادسيه للمنصور ومحسينا. على روحنا ايدي بيده ونمشي حدما انكطع حذائي واحنا بنص الشارع نزع حذاءه وطانيا وبقه يمشي تك ونضحك حدما وصلنا الشارع ووكفنا تكسي خربانين ضحك ويكولي سوالف سندرلا جوزي منها مره شفنا فستق عبيد بكشره وكتل روحه اله ياخذ شون نسوي ماعرف تره مالج دخل اني اسوي يخببل وفعلا سواه بالفرن كان طعمه يجننن وهو مكيف بالسواه انور شخص انسلبت اتعابه منه كل التعب التعبه لمرته الاولى كانت تبادله ببرود ومتحس بي واني هنا بدون تكلف اي شي يسوي عدي شكبره لان جنت اني اسوي بتعب ومالحك واي شي جديد يجدد نفسيتي ونفسيه البنات ازل الكامت تطلع وياه وتضحك وتسولف تقلم الاشجار وتزرع وتساعده بالطيور عسل التسوي الجاي والمعجنات ونكعد بالحديقه ولازم كل اسبوع شوي بالطرمه البنات الزلاطات عليهم وهو يوم كباب بالفستق ويوم تكه حبل ضهر ويوم جايب جوانج مكيف. يشوي ويكول اوو عالمي ضوكي ازول هاج للومتي والبنات مكيفين وياه وكملت من جاب جهاز ام بي ثري ويشغل اغاني من نكعد نشوي المصرف اللي مقسمه خله راتبي يزيد و ارد اجمع للبنات قنعني افتحلهم دفاتر بالبنك بتقاعد ابوهم واني اليبقه من راتبي لان اريد اعوض اللي احترك من ذهبنا وفلوسنا بس المتاكده منه انور كلشي ميبقاله ومن اجي اوجهه يتعارك ميقبل بعده بنفس النقطه خاف باجر اعوفه لان ماعده خاف يقصر ويايه + راس الشهر هو محفضته تفرغ مجان يعرف انه اكو من يدور وراه يشوف شكد بقاله بشكل يومي يتصل بابنه دقايق وينهي الاتصال ولازم يسبه . . عسل..... كلما اتصلت لوزه اختنك من تكولي توني طبيت من الجامعه نوبات اندم لان تركتها من وره واحد ميسوه ومن اتذكر الخوف والارتباك اتراجع بس موبيدي من اختنك وماالكه غيره اصب ضوجتي عليه ها كلبي صباح الخير هلو كلتها بتملل شبي غزالي بس لاحلمان موخوش حلم اكيد حلمانه بيه لا اصلا محلمت لعد شبيج مخنوكه يعني والله حرام ليش شبيج عيني انتي يحيى هاي صايره شكو انحرمت من جامعتي والله من يفرغ البيت وكلهم يروحون لشغلهم اموت بددمي امم حقج اي شنو كلتها وبجيت سنين ادرس واتعب والله اباوع هدومي واتحسر جان مفروض اني هسه مبدله وبالقاعه مالتي سهله شنوو سهله شكولك وكتلي سهله بسيطه كلشي عدك اله حل يله حلها ملامني ابد ولاكلي كتلج وحذرتج ابد راسا كال كومي دنبدل اني وياج اني هم انحرمت نبدل ونفتح فديو ونكعد نقره سوه يله كومي باع هذا البطران اخذيني على كد عقلي ضحكت والعبره بصوتي غزالي اي هااا كومي لبسي لبس الجامعه اففف يحيى مداشاقه ولااني وداعتج هاي اني هااها داابس قميصي الابيض والبنطرون الاسود يله انتي بدلي وخابريني يله هههههه والله شبيج لج يله تاخرنا محاضرتنا بدت اوك هههه سديته منه وكمت من كل عقلي بدلت اشتاقيت للزي بدلت وضفرت شعري وخليت مكياج رغم بالجامعه ماخلي بس اخذني الواهس وادري بي يتخبل من المكياج داسشور برجمي ودك رديت كال ويينج يله عدنا دراسه اي بس داالبس حذائي اوك كملت وفتحت فديو شفته كاعد على ميز وكدامه ملازمنا وكالب شعره ومخلي جل وقميصه مكوي ابيض والقلم بالجيب ابتسم ميل راسه يركز نزل راسه عالملازم همس يله نقره اوك كعدت اني هم الوي بطرف ضفيرتي واحجي اقره بصوت عالي وكلما باوعله اشوفه يباوعلي مبتسم غير عالم من تصير عيني بعينه ينصي عالملزمه حرف منطق واني كملت الاربع اوراق حفضتهن كملت جر حسره بقه عينه بعيني كال انتي متتمكيجين بالجامعه جج ليش متمكيجه لعد لان بس اني وياك عسل همم جر حسره وهز راسه موافق كال روحي حروح افتح المكتبه + والجامعه اي كملنا محاضرات ساعه١١ كومي اجه الخط ها صدك خل اروح لعد ههههههههه ضحك من گلبه وكتف ايده صفن شبيك شون شكو داحبج كل يوم ازيد من اليوم القبله مو بيدي انحب هز راسه وغمض شبيك يجي يوم تعرفيني عسل يجي يوم هاي سوالفنا تصير ذكرى مستحيل ليش وين الكه واحد يتحمل طباكاتي غيرك ابتسم ونصه راسه همس روحي حبيبي الولد ينتظر منو السايق ها تروح تفتح امم شوكت تخابر اليوم عدي معامله فد لل٨ بس مو متقرين عسل اوك يله حتى اني هم اقره هاي الملزمه موقريناها انتي قريتي اني مقريت جنت اقره بيج كالهاوابتسم باي حبيبي باي . . عسل.... ارتباط روحي النوبه كمت اصفن على عمو انور من يتشاقى وي للومه واتخيل اني ويا بحياتي مدخل رجل خيالي غير يحيى ازل كانت اربع وعشرين ساعه الحجاب براسها والدشداسه عريضه هالشي خله عمو مو دوم يطلع يمنا بس كل اسبوع من اني اتوسل نسوي كباب وجوانح من يجي من الشغل وي للومه يطب يصيح يا الله كم مره يله يطب شي خلاه يتضايق واخيرا لكه الحل شباك غرفتهم اللي عالحديقه طكه سواه باب كام يطب لغرفته من باب البيت للغرفه مالته كبل ازل متدخلت بس ارتاحت يمكن اكثر كام ياكل بالغرفه بس الريوك سوه ومن نسأل للوم تكول خلو على راحته اما رسل كامت تطلع وره طلعه للومه وترجع قبلها من الغرفه متطلع. بس اني وازل حتى ازل وجودها يمي فقط جسدي روحها مويمي تقره بهوس هوس اربع وعشرين ساعه بيبيه اساور تتصل بيها يحجون شوي وتروح. . . ازل.... مر سبوع وره عرس للوم واتصل بيه عمو رديت الو ها ازوله شونج هلاو الحمد لله لعد متجين يابه نطيناج اسبوع طلابه كلنا عرس ومكيفه بقيت ساكته الو ازل نعم عمو تعاي بابا للشغل الله كريم ديله اعوفج ترتاحين دتداومين جامعه اي خوش يله اترخص باي عمو سديته وفركت وجهي شسوي شون اتصرف دكيت لبيبي ردت هله ازوله هابيبي شونج زينه حبيبتي زينه انتي شونج زينه العروس شونها زينه للومه الحمددلله الله يجعلها شبي صوتج ضايجه اكو احد غثج بيبي طالبتج يا كولي وتامرين فدوه لكلبج ااا اريد منج تكولين لعمو ازل بطلت صفنت شوي وكالت وين تبطلين بالشركه غير يتخبل ليش بيبي ماريد بيبي ماريد يعني علمود سيدار خيولي معليج ميحجي وياج لابيبي ماريد فدوه شبيج ازل منو الغثج + محد بس اني ماريد اداوم اريد ابطل ومداكدر افتح موضوع وي عمو ها يله كيفج اني احاجي اليوم اوك شكرا العفو زين متجين يمي فد يوم واحشتني بيبي اي امرلج والله من درب الجامعه فد يوم خوش انتضرج اوك وراحت بيبي ساعه اكثر توني اغفه ودك تلفوني باوعت ساعه١٢ ونص عمو رائد رديت عليه ها عمو ازل بابا ليش تبطلين سكتت ازل عمو احجي كوليلي احد سمعج حجايه لا كلتها بهدوء مغمضه سكت وجر نفس بابا اني احتاجكم ويايه بقيت ساكته زين ليش غير اعرف مكدرت ارد يعني هاهي ماخذه قرارج اي مرد شي بقه ساكت واني ساكته شوي وهمس براحتج الله وياج وسده بجيت لحد ماغفيت وكانما اليوم ماتت اساور راكان اتصل ثاني يوم واني مارد وماعاد اتصل وهيج مر اسبوعين وهذا الثالث بيبي يوميه اتصل بيها دقيقتين ثاالثه نحجي وننهي الاتصال كانت تشكي من عصبيته المفرطه تشكي من عده لان مينام واني اتكرضم وبيوم كملت محاضراتي من وكت خابرت بيبي الو بيبي هله يوم شونج زينه الحمد لله بالكليه انتي اي والله وكملنا من وكت كلت امر اشوفج نشرب كهوه تعاي يافدوه شفايتلي اي ههه شنو اجيبلج ويايه جيبي ازول وتعاي هههه ثكيله بيبي شيشيلها انزول عليج مريتلها كانت وحدها وبقينا نسولف تشكي من عمو هواي عدم اعتناءه بروحه عصبيته ومزاجيته سهره وجكايره وميقبل يروح طبيب واني اسمع وگلبي يعصرني داسولف عالجامعه واسأل ل بيبي كم استشاره دينيه وطبت سيارته كلشي بيه جمد مردت التقي بي بعد وكت جيته شجابه طب شافني من الشباك نصه سد باب البيت وطب همس السلام عليكم ومنصي راسه وفات من يمنا وطب بعصبيه بيبي ردت منحرجه وعليكم السلام وعاينتلي همست زعلان منج جيف عفتي الشغل عادي بيبي يله اني حروح دضلي عالغدا بيبي لا بيبي خطيه عسل تضوج تاكل وحدها وللومه تاكل وي رجلها ها حقها اخذي راحتج رجعت للبيت عسل تمسح والسماعه باذنها احجي متسمع تضحك تمسح وتضحك كالت اي مو داامسح نفسي انكطع وفاتحه خط وتفاجأت بوجودي صيحت - يمااا - شبيج وجع صار ساعه احجي وياج - اي مداسمع دامسح واحجي ووي للوزه - دروحي سدي البوري طكت الصونده القفيص فالت طبيت ذبيت هدومي وتمددت اتذكر نظرته شوي وخابرت بيبي كالت ه ازل ترجعين للشغل عمج محتاج احد ويا لا بيبي فدوه يمه حتخلص امتحاناتج وتضلين كاعده بله شغل اني كتله اي ترجع معليك بركبتي + لا بيبي لخاطري يا انتي لخاطري تكسرين حجايتي سكتت مغمضه يله كوليلي صار صار بيبي همست بنفاذ صبر باجر اريدج بالشركه قبل الكل صار همست بتعب يمه وين تشتغلين ماامن عليج صح وهذا شركه انتي من مدرائها وتحت عين الولد خاف احد يريد يتعرضلج وسيدار ميفتح موضوع محذري اوك عفيه بازل هو كلج عمو ها لا اني كتله وكال خل ترجع لعدد بيبي خلي اتخرج عود وراها مو مالحك ادرس امتحانات سكتت بيبي حسيت اكو احد يمها شوي وكالت ها يله يله براحتج سدته وراحت واني لهيت روحي كوه كوه بالدراسه بالشغل مادري شسوي اكبر غلللط اكبر غلط يسوي الانسان يتعلق بشخص لان الارواح موبدينا بيد الرحمن لازم يخلي مجال لدكه كلبه تدك من دون متشترك بدكتها وي مخلوق ثاني حياتي فارغه دونها ومن بعدها تعلمت على سيدار وراكان وعمو وشغلي الوكت ميمشي صعبه وموحشه الوحده واني طبيعتي من المستحيل اامن واثق بسرعه يرادلي عمر ومنين اجيبلي صديقه بصداقه عمرها ٢٠ سنه زعله وحده بيننا صارت ورجعنا احسن من اول منين اجيب گلب يأمن ويثق بيمن اثق والدنيا غابه التهيت بدراستي والبيت عمو خطيه انحرج مني من يطب واركض البس الحجاب سوه طبته وطلعته من غرفته ومن يريد يطلع يجي من باب الغرفه الخارجي لباب المطبخ يدك الباب ويصيح يا الله اعرف مماخذ راحته ببيته ادري بس شسوي بقه هو متجبجب واني مهتمه بستري كان كل مسوليات البيت مخلصها ممخلينا محتاجين شي رغم تقسيم المصرف بس سالفه ابسط شي الخط لازم عمه تروح تنطي ونوبات متلحك المسواك لازم للوم تروح وهم متلحك نوبات هواي هواي شغلات نوبات هوايه الكلوب يحترك الطوافه عطلت الماطور وكف الكيزر خرب اوتومانك مي البراد خلص. ها كلها خلصنا منها بادق ادق التفاصيل يهتم ومرتب للاخير اغلب وكته كضاه بالحديقه للومه : حبيبي شدتسوي متكولي انور : هاي جايب اقلام مال رازقي تخبل ودازرعها للومه :اووف شون حديقه هي هلكدوتها انور : نعمه للومه نعمه - تتذكر حديقه بيتك القديم شكبرها جانت سوده عليه بعته من ورايه ضحك ونصه همس فدوه الج - اكولك صدك كعدو بي بيت عمك - لا ديريد ياجره ها بقيت اباوعله ملتهي حيل - اسويلك جاي - اي اي سوي عسل... جنت بغرفتي كالعاده دااسمع ااغاني دك يحيى رديت فديو ابتسمت هلاو هله كلبي شونج زينه زينه زينه اممم ابتسم وفر الكامره كال اني ويننن وكفت واباوع وافتر من اللهفه وين ببيتك الجديد اممم كملنا خطيه الولد مقصرو الله باع البياض اي توهم كملو صبغ زين هاي شنو + هاي مطبخ عنوني بس مفتوح المنور بره وهاي هول مو صغير الهول تره اي بي كبر هاي درج بس سطح ماكو غرف يا ماكو لالا ماكو دفتر شوي اي دقيقه ااا روحي وارجع ادكلج اشوفج الحديقه والطرمه خوش سديته شوي ورجع دك ها يله باعي الله مرتبه بس الحديقه تره يرادلها مداراه اي فلاح اخليلها شون حلو هاي حسن اي روحي ليش اروح مو داتفرج جر نفس حسن شال ايده مبتسم وتخوصر شونج عسل هلاو انت شونك الحمد لله كلتها وعدلت شعري يحيى وجهه غييم منطق ورجعت كملت حجي حسن صديقتي راما رادت تسجل ويايه بالخط عساس قبل لابطل عكد حاجبه متخوصر اي وبعدين فاني من بطلت كتلها بطلت كالت لعد خاف ميقبل يوديني ويجيبني كتلها اسأله وين بيتهم هاي بيتهم با- ها قريبه اي لعد انطيها رقمي عادي يعني كلتها وعدلت شعري اني سولتي بشعري اي اي عادي كالها وباوع ليحيى ال كاعد خله ايده على كتفه يحيى بس يباوعلي عاكد حاجبه باوعله حسن ورد باوعلي كال يله اني اروح اترخص الله وياك جاوبته باوعلي يحيى عاكد حاجبه شبيك؟ هز راسه ساكت يحيى دار وجهه صفح همس مخنوك روحي عسل شوي واخابر اوك سديته وانتظر انتظر لليل ماكو هاي شنو دكيتله مرد طكت روحي تركته للصبح ثاني يوم اتصل من وحده جنت اتريك مرديت عليه مره مرتين مرديت دز رساله مجاوبته حتى ملحكت اقره شكاتب بيها بقيت اقره ومافهم شي ضجت كلش منه ليش لبسني كم رساله دزيت ومرد للضهر اجه عمو قبل للومه ودك باب المطبخ فتحتها. - هلو عمو مفات للبيت تبسم كال - شونج عمو - زينه انت شونك تعال الغده صار - لالا خل تجي للومه كالها وباوع لتلفوني عالميز - تلفونج مقفول سال ويباوع - لا بس شحن مبي - اي خلي عمي عالشحن - اي اوك خليته. شفته راح للحديقه كال من شافني طلعت - عمو تكدرين تصعديلي بالسطح - ليش عمو محتاج شي - اي والله اكو كتايب خشب مصفطات صفح - اي اي شايفتها - اي جيبي وحده رفيعه داريد اصفط الزرع عليها - اوك صعدت ادور ارفع وحده لكيت ونزلت بس بنزلتي لمحته طلع من بيتنا من داخل البيت من المطبخ بقيت صافنه راح رأساً للحديقه شافني طلعت اجه اخذها من ايدي يضحك وراح كمل شغله تركته براحته وفتت اكمل الشغل فتت سبحت وطلعت التلفون يدك بغرفتي يحيى مرديت بدلت هدومي وگلبي يفور اريد ارد اريد اسمعه يتوسل رضايه بس لابعد حتى يعرف مو راسا ارضى بقه يدك دكه وره دكه بدون انقطاع واني خلص صبري رديت ساكته وهو يحجي غزالي ردي عليه الو واني ماجاوب افف هيج زعلج مؤذي شتريد هاا ههه شريد شنو غزالي زعلانه يله فتحي فديو اشوفج اكدر اعرف ليش مخابرت ومرديت وتقره الرسايل وتغلس ههه انسي كلشي اليوم ليش بله لخاطر يحيى مو تحبي مجاوبت فتحي فديو ما غزالي كالها بتوسل مرديت زين بس هاي وراها زعلي الشهر كله واني كل يوم اراضيج مثل متحبين شنو فتحي اوك فتحت فديو ابتسم مطفي الضوايات يمه ضلمه وبيده شمعه وجداحه ومثبت الموبايل عالميز شغل الشمعه وهمس وعيونه تبتسم بفرح ( هبي بيرث دي تو يو) يغني بكل هدوء وعاطفه فكيت كل عيني خليت ايدي على حلكي اليوم اليوم شكد بالشهر همس وعض شفته - اليوم شكد بالشهر اليوم اجيتي للدنيا يمكن اني بغير بيت وغير حال بس والله يمكن فرحت يمكن گلبي علمني انه حبيبتي جتي - هههه يحيى شمدريك جر نفس وغمض قفلي باب غرفتج ليش ماكو احد بالبيت ميخالف قفليها اوك قفلتها وارتجيت بيها همس نصي شنوو ابتسم نصي نصي جوه جربايتج ها ليش لتناقشين غزالي نصيت لكيت باكيتين جريتها واحد منهم بي كيكه صغيره كلها ككوه والثاني مغلف هديه هاااي شنووو عفيه ولامره محتفله بعيد ميلادي لا يحيى خجلتني ياعمري معقوله هاليوم يروح بلاش خلي الشمعات وطفي الضوه اوك هههه اوك اوك خل نتمنى سوه غزالي اي اي اوك دقيقه جيبي جداحه هسه طلعت ركض ورديت طبيت كلي لهفه وقفلت الباب عرفت عمو الطببها شغلت الشموع وشلت الفون باوع فدوه لعمرج اروح يوم يوم يله نغني اني وياج اعلك شمعتك علكناها يله هو يغني وره مطفيت الضوايات ونفخنا سوه ميل راسه وتنهد تمنى امنيه عزالي اتمناك انت كلتها وغركت عيني دمع نصه راسه يبتسم همس شوي عليج اني وهواي عليه انتي غمضت عيني ورديت فتحتها گلبي موكف دك كلسا اريد ابجي حجيت وي ابوك علمودي امم خابرته لان عجزت منج كتله صارلي شكد مطالب منك شي كلي من جنت صف ثاني ابتدائي كتله رايدك بخدمه تسويها كال طبعا كتله بس هاي طببها لغرفه عسل اليوم عيد ميلادها وشوفها بيها شي داخابر مترد هههه شون حلو والله دبرت رجع من الدوام من وكت امم الضاهر. اخذ زمنيه اي خطيه بلله لو اني يمج مجان اكلنا كيك سوه لااكل وحدي كلها الي كلها الج كلبي يله اكلي ونسولف اي عدي سوالف وياك كمت اكل واحجي انت ليش مترد ابتسم همس عسل ليش متتحجبين صفنت وكفت اللكمه وبلعت ريك ماه احب شعري كلتها ونصيت اكمل كيكه جر نفس كال موكد حبي اله احبه لدرجه اضوج احد يشوفه غيري هزيت راسي مادري ممقتنعه مممم ليش مادري احس روحي اختنك بالحجاب ها ههه هاي العالم كلها تختنك ماحب الحجاب اضوج منه ابتسم همس وين العلبه الثانيه يا هديتي نسيتها يله فتحيها بس بشرط شنو تحزرين شنو بيها اممم دفاتر لااذا محزوتي شطلب تقبلين اهو شنو هاي قصص لالا ههه لا اقلام الوان لفكس لاا هههه عود كلشي اله علاقه بالمكتبه اي لعد شنو اوكف صوره اطار مال صوره لااالج اهو لعد شنو استسلمت واللي اطلبه يتنفذ اممم يله فتحي فتحتها بلهفه لكيت رولات رولات حجابات ١٢ واحد ٦ ساده وست مشجر قماش يخبل ناااعم ووياها كبات همس شعرج بس لعيني باوعتله جان ذايب اذا تحبيني لبسي احبك غمض مبتسم هزيت راسي راح البسه هلكد تحبيني اكثر من ما تحبني انت ابتسم.. كدرت واحد منهم كدامه فعلا لاكلي حبيته ورجعت كلشي وكعدت كباله ساكتين اني ويا همس حبيبي؟ ها نعم شون تطلعين بالبرموده كدام انور عادي هو عمو مثل ابويه هز راسه رافع حواجبه ثنينهم اخر مره لتكولين عمي نحس اني ماتحمل عمو ميباوع تعرفين شي واعرف شي مااقبل تحجي عليه محاجي معليه بي انت ليش تكرهه لاحبه ولاكرهه نكره بالنسبه الي ليش مو ابوك صارحني لخاطر عيد ميلادي غمض عينه همس هيج شغله قديمه اي خل اعرفها اني حجيتلك كلشي بعدين تعرفين . . يتبع | ||||||||
|
| |
|
28-10-21, 02:11 AM
| #56 | ||||||||
| مراقبة عامة ومشرفة منتدى الروايات المنقولة
| بارت ٣٦ #أماً_لهُن #مريم_السعدي عسل.... يحيى انت ليش تكرهه لابوك لاحبه ولاكرهه نكره بالنسبه الي ليش مو ابوك صارحني لخاطر عيد ميلادي غمض عينه همس هيج شغله قديمه اي خل اعرفها اني حجيتلك كلشي ابتسم بثكل وهز راسه كال بصوت ناعم - شعلينا من الكل غزالي خلينا نحتفل وحدنا كال بتقطع احنا وحبنا و مستقبلج - مستقبلي بس خو انت هم دتدرس دار وجهه وجر نفس كال مصبر روحه - ماشي ماشي واني هم - احجيلي - استغفر الله كالها وفرك وجهه ونتر - يابه انور خيخه ارتاحيتي - عزه يحيى شون تكول هيج على ابوك تقبل جهالك هيج يكولون عنك - واني كل عقلج اخلي جهالي يشوفوني مثل مشفته اكتل روحي قبلها. - هو شمسوي تره عمو حباب - اي زين زين روحي داانطمر - ماروح كلي تره بالقران ازعل ومارد عليك بعد - يعني مصررره تغثيني كالها بنتره ومدري ششمر يمه بقيت صافنه عليه وصافن عليه تخسر وغمض - انت عباره عن كتله مال اسرار تعبت عقلي من كد ماافترض عكد حاجبه ودار وجهه - باوعلي لتفر الكامره - هااا - لتصيح - شتردين عسل بقيت ساكته جر نفس وكال بكل هدوء - يعني رجال مرته استغفر اللللله ربي واتوب اليه بقيت ساكته انتظر يكمل وكمل ضاغط على اعصابه - رجال مرته تصادق صاحبه وتكوله طلكني وعادي عده يطلك ويدري حتروح تتزوجه هذا شون رجال بربج تفاجأت وفكيت حلكي نتر - لتباوعيننننن هييج انتي ردتي تعرفييين ارتاااحي بلعت ريكي عيونه صار بي خط احمر يصيح داير وجهه - واحد خيخه لدرجه صاحبه يطب و يطلع لبيته ومصادق مرته وهووووو مططططفيييي صيح واني غمضت لعصبيته يخوف صار كمل بهدوء كوه يتنفس - بعيني جنت اشوف نظراته الجلللب ونظراتها النكسه وهو ممنتبه هيج غبببي مشايف اني اني زعطوط ٩ سنين وافتهمت من يجي تبدل وتكشخ وتحضر اطيب اكل حتى يمددددحها وهو مكيف هاي كوا- ة على اصولهااا تره لا واليقتلك عادي طلكها حتى تتنعم بحياتها ويا تكمل البدو.. من اهمممممداك اي والله كالها واشر بقوته داير وجهه عن الكامره يحجي بحركان دم واحد غيييره يخليها معلكه يحببببسسها بيت طاعه بيت صخام يوريها الامرين تموت وميخليها تتهنه بس هو سووو كييوت وحده اللللجلبه اوفى منها واكثر امومه طايحة دين وشششرف - ككافي ماريد اسمع خلص غمض وفرك وجهه غطاه بديه كال بنتره - عسل نوبات اكو شغلات تردين تعرفيها ولو تبقين متعرفيها هووواي احسن غرغرت عيني بقه صافن بوجهي نصه راسه همس - اني اروح - اوك رد رفع راسه ابتسم بتعب وعيونه دم - كل عام وانتي غزالي ابتسمت وبجيت نصيت راسي مغطيه وجهي وابجي - هسه شبييج كالها بهدوء جرها بدلال - مابيه مابيه - شو باعيلي كلبي همم كلتها وامسح بعيوني واباوعله - رحت فدوه لهالزوج العيون يله اكلي داشوف - متفتح اليوم - جج اليوم عساس بس الج بس انتي خربتي ورديتي عدلي بدموعج وضحكتج - ههه احبك غمض وارتجي وراه وقبض ايده جوه خده يعاين عليه واني اكل واباوعله - تخبل الكيكه تجنن هز راسه همس - ادري - مااكلت منها - ماكل هواي قبل -اوك كال - شون بدنيتي وياج اني فهميني - شنو؟ - هيج ماكو شي يله روحي عمتج على جيه - اوك - ب٨ نتخابر ادزلك الملازم - اي اي صح - كلها اقل الشهر عسل ونمتحن - اي واشوفك هههه - راحت ابتسامته عمض - الله كريم - شوكت تتحول - بعد اسبوع اللخ بقت كم شغله تانكي وسخان ونتوكل على الله - انت وحسن - اي ههه طبعا غير يطلبني ١٥ مليون - حييل - تتوفى باذن الله تتوفى - يعني يكعد وياك - اي متعلم عليه هو عده مقدم على شقه اقساط وبعد مخلصانه اقساطها وماجرها ويندف اقساطها من الاجار - ها زين - اي سبع حسون يله حروح يابه جوي الولد ياخذوني - اوك بباي - هلو كلبي سديته منه مرتاحه كلش كمت اقيس واجرب حجاب حجاب واطك بي صور ردت ادزها وترددت ضميتهن جنت مقرره من نداوم افاجئه وهم فد شي حتى نوعا ما اختل بي من هذا الحقير خابرت لوزه حجيتلها كلشي كل الكالته - مسكين هذا يله رجال شكو علي - لاخطيه حبيبي - حبج مطيي - هههه سديته منها وكمت وي للومه اصب ازل شفتها جتي من الدوام سلمت وفاتت للحمام بطلعتها طبت رسل كانت مكشخه حيل راجعه وبيدها علاكه ومسويه شعرها لون جديد يخبل ازل هالكم يوم تقربت منها وللوومه ماعادت تدخلت . . ازل.... خوفي عليها وثقتها الي حتوكعها خوفتني طبيت يمها جانت دتبدل ابتسمت كالت - تعاي شوفي هذا يصير عليج شنو تقربت اشوف شفتها جايبه كوتات ستر راقيه حيل ووياها بناطير بيها عرض بس تحز عالجسم - المن هاي - الي بس مرهمن عليه سمنانه اني ههه من المطاعم كانت مو فرحانه لا طايره طير لزمت الكوستم اجاريها كالت - ازل طاوعيني لج انتي مشيتي اول خطوه صح من بطلي من هذا الشيبوب لج تعاي ويايه داومي - ششتغل رسل - مالج دخل بس امشي ويايه وشتردين اشغلج بقيت فاكه حلكي وقررت اختي اماشيها اشوف منو المله الدتطب وتطلع وياهم اشوف يجوز اني غلطانه للومه هلكت ملت تعبت وايست وغسلت اديها خل احاول اني هزيت راسي كيفت حيل - صدك صدك ازل تجين - اي والله - باجر ازل ماعدج دوام مو - اي اوف - دمشي ويايه خوش - اي اوك - ههه اعرفج على جماعتي والله لانخبلهم هزيت راسي طلعتلي كوستم ثاني كالت - اكيد هذا يجي عليج - اني مالبس هاللبس رسل اني اصلي وملتزمه - هسسه مميهم لبسي اي شي بعدين تتغير وجهه نظرج من تشوفين الجمال هناك والطبقه المخمليه هزيت راسي اوك ثاني يوم بدلت وياها من دااطلع شافتني للومه صفنت عليه همست - وين موليه ازل - حرروح وي رسل اشوف لاكيتلي شغل فكت كل عينها عمو رفع راسه ورد نصه. عسل وكفت كالت - وتعوفين عمو رائد بس كالت اسمه رخت رجلي نصيت راسي باوعت للومه ورسل طلعت بسرعه كالت - يله ازل امشي - اي جايه طلعت رسل ولزمت ايد للومه اللي قبضتها على كف ايدي بقوتها - للومه لتخافين الهام : الله يخليج لتسمعين منها انتي مو مثلها ازل شنو تردين فلوس خير من الله عدي شكد متردين - ههه شتعرفيني للوم ادور فلوس - لالا والله متدورين بس كوليلي خاطر الله شدتسوين بحياتج اخاف من طريقها هاي اخاااف - اني هم خايفه عليها تبقى اختي واحنا كبرنا للوم خل نعتمد على روحنا شوفي حياتج ولتتوقعين البنيته بحياتي اهدمه لخاطر كواغد هزت راسها وعيونها قلقه كلش وتباوع لرسل ولبسها وللبسي - زين زين وين رايحه - بس خل لشوف دربها لخاطر الله هم اختي هاي اريد اشوف ويامن تشتغل خل اروح واشوف - اوك بس فدوه - ادير بالي لتخافين للومه - الله ومحمد وروح امج وابوج وصلاتج وحجابج تحفظج ابتسمت وطلعت ردت احضنها على هالقلق بس مبيننه هالامور استحي اقترب استحي احضنها مثل عسل ويعلم الله شكد محتاجه احتواء بعد اساور محد حضنني طلعت وياها كانت بسيارة خط خاص وحدها سياره راقيه طلع ابو السياره باوعلي بالمرايه مضيق عينه كلمه محجه اتضايقت من نضراته من طلعنا دك تلفونها ردت تبتسم - يعني متتحمل عشر دقايق تنتظر هههه جايه بالطريق والله بس مو وحدي اوصل وتشوف هلاو سدته وباوعتلي همست - راح تتغير حياتج وتنسين الكديه من ست الهام تكومين انتي تتصدقين عليها - اني ممكديه منها رسل المره مقصرت ومو ملزمه بينا - دخل تولي ممصدكه محصله رجال متدري بتاشيره اخلي جوه رجلي بس مقهوره عليها غير خلي يجر منها فلوس ويشبع ويشمرها - انور يحبها رسل انتي غلطانه - لج بابا منو يباوع بجهرتها هاي معنسه ومحروكه وحقنه انتي متعرفين هالنماذج اني اعرفها على احبج واموت عليج وهاك راتبي منو وضفه وهو لاعلم ولافهم - عده شهاده رسل - اي منو وضفه - اي هي وضفته - اي خلااص كعدته كعيدي لو لا سكتت ماكو جاره الها وصلنا شركه جبيره حيل طبت وتجر بيه واني بس افر براسي اضخم من شركه عمو رائد بس تحس الناس البيها جايين ملهى مو مكان عمل النسوان هنااا نسوااان من صدك والزلم كلمن ماخذله وحده على صفحه من صباح الله ويسولف وياها طبت واني وياها والعيون افترت عليها وعليه باستغراب كلها تتهامس ... منو هاي الوجه الجديد ... لازم يراد تجديد وجابتها ... يمكن اختها تشبهه وهي ممهتمه رافعه راسها وتمشي بشموخ تبتسم حدما سمعت صوت صاح - صباحو ساسه واندارت تضحك - هلااو شونك - هلو كبد هاي منو الكمر الطالع الصبحيه ضحكت وباوعتلي - اختي الكمر ابتسم ونظراته اكلتني كال بصوت ناصي - متزوجه لا كالت - لاطبعا هالسنه تتخرج وجبتها هنا بلكن نلكالها وضيفه كال بطريقه لعوبه اني الماخاف خفت - نلكالها ليش لا فوتي استاذ امير مرتين سأل عليج - اوك ههه مرتك جتي - اي دتاكل بالكافتريا تدرين نزاكه كون تكمل على كيفها - بالعافيه شرايد منها طبت وباوعتلي - باعي انتظري هنا بمكتبي اشوف المدير واجيج اوك - اي كلتها وعيوني تترقب الديباعولي ليش هيح يباعون شبيهم اخر كلمه سمعتها (جديده هاي ممدشنه والظاهر المعاون حيدشنها هههه) ضحكتهم رنت لاذني مدري شصار بيه طلعت رسل تبتسم خدها تك احمر طبيعه بشرتها من هي طفله حساسه بس بابا يبوسها تصير حمره المنطقه جسمي كام يرجف سنتين اني اشتغل بشركه ابو اساور بحياتي منهانيت هيج بنظرات وكلام كله ايحائات شافت وجهي انكلب كالت بقلق - شبيج ازل - انتي شنوو شغلح هنا رسل تره تره المكان مدري شسوه بيه خوفني عبالك شركه مال دعاره - لاحبيبي شركه عاديه بس راقيه - ليش الموضفين هيج يباعولي جرت عينها وباوعتلي - ازل هنا كلمن يريد يصعد على اكتاف غيره لبسي الكل ركزي وي المعاون هذا اجه وراج ضحكت بتصنع - هلااو استاذ - هلو هلو رسل دزيلي فايلات شركه المدار بسع الوكيل مالهم بقاعه الاجتماعات ينتظر وصفن بوجهي - موضفه جديده؟ كالها وعكد حاجبه رسل كالت بدلع - اختي استاذ هالسنه تتخرج واستاذ امير كال خل تجي و وائل يشوفلها شغله باوعلي من فوك ليجوه كال رافع تك حاجب - محجبه شو ؟ جاوبت عني - ااا حاليا وان شاء الله تتغير اااا تدري ملحكت تعدل شعرها وكذا هز راسه اشر عليه - خليها هي تجيب الفايلات لقاعه الاجتماعات بلعت ريك فكيت كل عيني عافنا وراح كان شاب بدايه الثلاثينات مضهره مرتب ارزن من الشباب الشفناهم بس نظراته افضع منهم ركض ركض طلعت رسل الفايلات وخلتها بيدي وشعرها يتحرك وياها وتحجي بسع - ركض ركض وراه ازل روحي - وين اروح وين - لج روحي وراه مشيت وراه واباوعلها ببالي اروح وارد ارجع افتهم. امير شعده رياها هي شدتصخم وديتها القاعه فارغه بس هو و رجال يحجي بالانكليزي باوعلي كال - خليها وابقي واكفه بقيت صافنه وكفت كمل كلام وي الوكيل وقع وطلع الوكيل وكف اللي يسمو وائل وتك ايده بجيبه كبالي كال - شتردين تشتغلين ست ااا بلعت ريك رفعت راسي بشموخ همست - ازل - اممم عاشت الاسامي تامل ملامحي وابتسم احلى من اختج بعد نصبت راسي - هز راسه مكتيلي شنو تحبين تشتغلين - ماعرف كلتها وبلعت ريكي بس اريد اطلع كال - زين تشتغلين مثل اختج لوو؟ رفعت راسي اباوعله مضيق عينه مبتسم بمكر - شنو قصدك - انتي تعرفين طبيعه عمل اختج - هزيت راسي اي اعرف - هز راسه طيب ممتاز اخنج عد المدير وانتي عدي شتكولين بلعت ريك - يعني شنوو عدي جاوب بجديه - انني سألت تعرفين طبيعة عمل اختح وكتيلي اييي وواثقه صوته عله وهسه تكوليلي شنو تقصد منطقت بس صافنه هز بيده واشرلي كال بصوت هادي - روحي خل تفهمج شنو عملج ومره لخ اذا ردتي تجين لتجين بهاللبس اني امير كلي مثل رسل طلعت مكدر ابقى مكدرت امشي واتعثر بتعب ابويه وسنين اني القليله سمعتنا وشرفنا حجي امشي وحجي هواي ورايه كدامي صفح ... راح تبلي اختها ... باع لبسها ... يومين وتشوفين تغيير محوري ... اولي عليها الله يستر على ولايانا بس ردت اشوف رسل بس ردت اشوفها وصلت مكتبها وطبيت راسا واتفاجا بمنظر يلعب النفس وي واحد ب٤٠ ابتعد رأساً عنها وصيح - انتتي باي حقق تدخلين ددون استاذان همست - ااختي اختي امير على كيفك صفن عليه مخنزر وعاف مكتبها وطلع لزمت راسي وكعدت بالكع انتي انتي شدتسويين رسلل كلتها ومتت بجي سدت الباب رأساً وتقربت يمي تريد تلزمني دفعتها من كل عقلي اخاف اتنكس - كومي بس افهمج - لج شففففهممم لج شتشتغلين - هذا شغلي - وج هاي موشغل هذااا -- - لا بالحلال - فكيت عيني متزوجه - اااا لاهيج ولاهيج باعي ازل ركزي بشغلج - لج ياشغغل كلتها ضاغطه على سنوني ارجف واضرب براسي لج ابويه ابويه مات لخاطرنا انتي شبقبتي بشرفنا لج ليش سمعتنا والله الهام كالت - تاكلل تبن هاي هي شونها ام العلاقات والتلفونات اقلها اني الا وكعته يله شاف مني ريك مو اضل اتوسل بالتلفونات والمسواك واشتري براتبي لتشبهيني بالهام - الله يخليج الله بخليج عوفي كلشي احجي واشهك - نترت ماريد اني مرتاحه كلش هيج وعبالي تفتهمين وتجين ويايه انتي الخسرانه فكري زين ازل فكري زين وهسه روحي اذا معجبج الشغل واذا تردين تكملين ابقي عدي طلعه باااي اخذت جنطتها وطلعت مكدرت ابقى ثانيه بعد طلعت بس ردت انهزم من عيون الموضفين شافني وائل داامشي سريع جان دينطي اوامر سكت من شافني ورد كمل كلام طلعت من كل الشركه اتعثر بممشاي وهيبه ابويه عبايه امي وصلاتها تدك براسي تعب للومه من جانت تكول هذا محدد رسل هذا يبين جسمج ازل عسل كبرتي مو ممال هاللبس بجيت بنص الشارع ساعه تسعه ونص الصبح احتاجيت بيبي واخذت تكسي وكبل لبيت عمو رائد المتاكده منه هو بالشركه وصلت للباب اخاف ادكها توني ارجع اطلع عالشارع وانفتحت الباب بيبي دتذب الزبل وشافتني صاحت ازل بيبي رجعت ركض عليها اشهك وابجي حضنتها شدددت على حضني جرتني وسدت الباب شبيج بيبي شبيج منو االاذاج احجيي لج بيبي لتخوفيني اشهك واحجي ارتعش - بيبي اختي اختي ملخت بخدودي وحجيت رجعت حضنتني ولزمت كفوفي تمنعني وتمسح بوجهي - على كيفج يوم حبيبتي على كيفج - بيبي شووون شووون فهميني شون سمعتنا بيبي بنات عمران احنا شوون - حجاره بحلك اليحجي ويطبببه طوب الله يعرفج انتي شنو وهي شنو - بيبي اختي هاي - ياامي متاخذ نصصح شتسويلها تعاي تعاي كعدي سوده عليه احجيلي شنو حجتلج هزيت راسي بالرفض وحجيتلها كلشي نترت - شوددداج يمعزايه لو حاصريج ومعتدين عللليج شوووداج - بيبي بس ردت اشوف شغلها بيمن تختلط - لج بيبي شتسويلهااا موصغيره هي ومتاخذ حجي عمتج شوفتها الويلات انتي حتكدريلها - متوقعت هيج متوقعت ابد - خلص هاهي متوصلين بعد - لازم للومه تدري - اي كليلها وبعد اذا وصلللتي اكسر رررجلج - لاماروح ااني بحياتي مخفت اليوم متت خوف عبالك مادري شونهم - استغفر الله ربي الله سترج احجي وارجف ميته بجي واعرك منصيه على بيبي لكون اكصر مني وبيبي تمسح بوجهي وتهدي وانتبه عمو وراها من بعيد بباب الصاله الخارجيه واني بالطرمه مخنزر عاكد حاجبه بغضب ويستمع جر عينه وطب من شافني شفته واني انكطع حبل الكلام انعدلت بوكفتي قويت روحي والشهكه بصدري تتكسر بيبي التفتت عرفت جان واكف همست - تعاي بيبي يمي شوي - لابيبي حروح - وين يمه - بيبي داارجع تعبانه عذريني فرفحتج ويايه - لايكلبي يااا بنيتي انتي تربات اديه حضنتني بقوتها همست - كل يوم مريلي زعلانه من رائد اني شعليه - لابيبي مزعلانه والله - ميخالف بيبي مريلي عود - ان شاء الله طلعت من يمها داامشي بشارعهم شوي وحسيت سياره ثكلت يمي تستدار من الفرع داعبر شفته عمو بقه يباوعلي بغضب نصيت راسي شنو الصار وانتهى الكلام لاهو يعرف ولااني لاهو يحاول ولااني الي جرأه خاف يكولي ليش بطلتي كل هاي السنين انكتلت ومفتهمتني وصلت للبيت شفت عسل دتقره ويمها كيكه تاكل بيها والسماعه باذنها تبتسم وتكتب فزت من شافتني لان مسمعت دخلتي - ويامن تحجين عسل خاطر الله صار ساعه اصبح عسل : اااوي زميلي بالدراسه فكيت عيني ارتباكها خوفني - عسل فدوه - شبيج ازل روح يحيى باي - شبيج هاي ديدز ملازم الولد ديساعدني بقت تكلب بالتلفون كله صور ب١٠٠ صوره داز يحيى بيومها غمضت وكعت لزمت راسها - شبيج ازل وجهج كلش اصفر رجت راسها وغمضت - حفوت انام بس تجي للومه كعديني - اوك فاتت نامت واني اعصابي راحت من الخوف دزيتله - سلامات كتب - مليون مره كتتتلج تك سماعه خلي - مو ماسمعك بكل عقلي اريد اسمعك بس انت دز گلب وكتب وره شوي - طالع للمكتبه عدي طبع كتابين اليوم اتاخر لل٦ وهاي النسخ يمج اقري زين لبينما ادز الاورق بيد حسن - اوك حبيبي - لتضلين تاملين كيك گلبي خاف مزين عليج - لالا يوميه قطعه ههه - بالعافيه راح وطبيت للغرفه اقره واجه كلام عمو انور ببالي قبل يوم من شافني بالحديقه وماكو احد يمنه كال - عسل بابا انتي متاكده من قرار كلبج خاف يجي يوم وتندمين هزيت راسي بالرفض ورد كمل كلام - اذا مواثقه من احساسج يابنتي تركي لتعلقي بيج نصيت راسي متت خجل رديت رفعته احس نار من خدي تطلع ابتسم وهز راسه - واني وين الكه مثلج لابني نصيت راسي وطبيت ركض للبيت گلبي يدك سريع مستحيل اغير رايي هذا حبيبي واللي مدللني هذا عوض الله عن ابويه اللي ماتذكر شون صاير وجهه لقطات خفيفه تروح وتجي والصور تحاول توثقها ....... ( كانت حكايه من الالف حتى الياء كانت روايه بفصولها الاربع صيف فخريف فشتاء بلا ربيع وكانها ضمن الخيال خيال صورة مسموعة وكفى احلام قيلولة العصر حتى غفوه المساء ) عسل.... الاسبوع اليجي امتحاني كلي لهفه وحماس لشوفته وصلنا حد يسأل -غزالي شنو اليخليج تتركيني -خيانه - غيرها - نو ثنك - اكييييده - اكيد - ماشي - يعني انت ممطلوب - ههههه بس الله يطلبني غزالي كلشي بوكته حلو - اوك يعني بعد ماكو شي ينضم من نتشاوف جر حسره شكبرها وجاوب - ان شاء الله اذا مجبنت - من شنو قابل مشوه - اممم واذا مشوه. تعوفيني - حتى لو فنست هم ماتركك - هههه ربج يسهلها يله حروح انام وانتي هم نامي. اخر سبوع هذا غزالي - اوك والتهينا دراسه وتعب نسينا حبنا هالفتره بس ردنا نخلص قبل الامتحانات و بيوم بشرني بسفر الولد اللي ترقن قيده بسببي ومرجع لليوم شوي خوف البيه راح وتأكدت من لوزه امتحانه بغير جامعه موجامعتي جنت اريد افاجئه بالحجاب اللي قررت اتحجب يوميه اوكف كدام المرايه واجرب واحد منهم واتخيل عيونه من ينصدم اقتنعت بالحجاب وصلاتي اللي حاولت اضبطها بمؤقت للومه وهاي الاسبوع كمل سمعت عمو مره يشكي للومه عنه - للومه لاكال لاحجه حتى من طلع من البيت المأجري وفرغ غراضه بس حسن خابرني مو هو كال يابه هذا البيت فرغنا اذا تريد الغراض البي ادزهن الك ببيكب انصدمت كتله وين رايحين كال حياوي اشتره بيت ليش مادري سكتت شكوله كتله بيها الخير الهام : يعني بعد متدفع اجار - اني مو عالاجار بس باعي شكد شايفني خنثه اللي حتى مكلي يابه اشتريت بيت.. افرحله والله - هاهي بالخير عليه بعيد علينه البيت - اي بعد نص ساعه - رحتله - لا تصدكين خاف تأذيني نظرته خاف ميرحب بيه كوليلي بيش قصرت ويا والله ايام اني حتى. نوم مانام اسهر على راحته خاف يعتاز شي ليش هيج ينكر والله ارد احجي حجايه بس يبقى ابني بس تدرين هم مثل امه نكر كل تعبي عفيه بني ادم ميوافي بي طبع حيه - لاحبيبي لتقهر روحك اني عدك - الله لايحرمني منج والله من احترك اتذكرج اكول هاي عوض الله - الحمد لله وانت هم عوض الله الي عسل.... وبلش الامتحانات تحضرت ولبست ميت مره ترددت اطلع وارد ارجع اباوع بمرايتي حسن يمر عليه جنت اتمنى اشوفه ويا بالصدر كاعد بس لا ولا سواها انصدم حسن من شافني بالحجاب ابتسم وهمس - اللهم يامقلب القلوب الله يهديج. - ههه شكرا حسن ثكيل ميحجي هواي ولايسولف ابد على كد السلام والتوصيل والتوجيه رغم نوبات يحجي كلمتين واحس يندم وصلت للجامعه لوزه يمه الله لايحرمني منها بالباب تنتظر بس نزلت تبسمت حضنتها ودفعتني - بالشارع احنا خبله امشي يله دنطب - مستحيه - محد يعرفج لابسه حجاب وحتى كب هم جواه ايبااااه حديده حاره - لا والله من قناعة روحي - هممم سبحان الله دمشي لج حيبلش الامتحان جاهزه - اممم احسن منج - خلنشوف طبيت نصهم معرفوني اللي بسبب الحجاب اللي نساني ونسه المشكله واللي يصفن وين شايفني واني اضيعها من انصي راسي كعدت انتظر وكلمه كلمه منه تدك براسي . . - خوف ماريد غزالي الأسئلة تجيج بنفس الصيغه الدنحلها اريد درجه كامله. - اوك - اكو عدج شي مواثقه منه - لا الحمد لله - نروح ننام - ب١١ يحيى - ميخالف كلبي لازم نرتاح هذا العسل اللي بعيونج لازم يهدا - ههه اوك - عسل - همم - اعشقج وحق عافيتي اعشقج - اني هم والله - تصبحين على خير باجر اخابرج - لالا خاف للومه تنتبه هالايام دتركز جيف دوم سماعات تضوج كلسا تعيط بيه لان ماسمع من تحجي - اوك خليها من نرجع حسنكه يجيج ب٨ الا ثلث - اوك . . توزعت الاسئله واني كل كلمه منه تبردني حليت وكانما من نحل سوه عالفديو كل ما احل بثقه ابتسم اتذكر من يسأل واجاوب رأساً ويبوس اصبعه ويخلي عالشاشه يضحك ويهمس - شطوره مريتي هاله من الخيال هاله من المشاعر حاوطني بيها بست جهات ابتسامتي الصارت متفاركني دكة كلبي اللي تزيد بوقع كل كلمه موثره اتذكرها منه كملت امتحان وسلمت وطلعت افتر واحس روحي راح اشوفه رسلت - كملت اني راسا رد - احجيلي شونج اعصابي تعبت - كلش كلش زينه بس النقطه الاخيره - عرفت والله شختاريتي zمو - اي - غلط r يله فدوه جنت متاكد حتغلطين بيها لان من سالتج ترددتي - حرامات - فدوه الج هاذ هو يله شوكت ترجعين - هسه دكيت لحسن - حسن بالباب ينتظرج حبيبي - ياا شمدريك - مو خابرتي كتله روحلها اول - وانت شون ترجع - عثمان العامل مر عليه - ها عده سياره - لا يله روحي بعدين نسولف - باي - هله گلبي سديته وطلعت لحسن ورجعت ويوم وره يوم ابدا مافكر يمرلي للجامعه جنت انتظر وعيوني تترقب من تستقر على حسن انصي اعرف. وصله ورجع حدما قبل يوم الامتحان الاخير شنو حماس ولهفه شنو من مهرجان بالگلب دكيتله جاوب بتردد - ها عيني - انت وين - بالمكتبه - شوكت ترجع - ب٨ اعزل - مراجعت - لا اراجع قريتي الدزيتهن - اي اي اي كلهن - شبيج ملهوفه ههه - باجر اليوم الموعود سكت وتحسر - يحيى - ها كلبي كالها بتعب - متريد تشوفني - اريد... كالها بضيقه نفس - لعد شبيك - هاهي غدا نلتقي - امم ههه محضرتلك مفاجأه بقه ساكت - يحيى - ها گلبي - شبييييك رجع سكت - حبيبي شبيك كلبك مقبوض؟ - اي واللله - ليش - هيج هسه باجر نتشاوف من بعد سنتين - اممم باجر تنحل الالغاز بقه ساكت - هم سكت هم سكت - لاحبيبي ماكو شي... هذا شتردين البسلج - كيفك وانت - لبسي التحبي - اوك - شنو اجيبلج ويايه - ماريد شي بس اشوفك وخلص خلص - اوك شنو كايله لحسن ليجي عليج باجر - اي كتله ارجع وي لوزه - لوزه تجي وياج - اي - اني هم حسن يجي ويايه - ها هههه خوش... ليش دتسكت ممتشوق كدي - لاشون ممتشوق - شون نلتقي تمرلي للجامعه - اشوف نتخابر عود - اوك تسالمنا وسديته تضايقت حيل عبالك ميريد اشوفه متصل بعد ولااني اتصلت لثاني يوم الصبح دز - عسل المرشحات وصلنج راجعيها - راجعت كلشي - يامسهل يارب اخر امتحان - اليوم اشوفك - اخر يوم ونخلص - اليووووم اشوفك - اي الله كريم - باي طالعه - الله وياج طلعت واكو خنكه بگلبي حسن وصلني جانت عيونه حايره ويعاينلي بطريقه مغايره لكل يوم جنت بس اتبسم وارجع اختنك من اتذكر عدم لهفته كملت الامتحان باقل النص ساعه بجواب ١٠٠ من ١٠٠ واثقه منه طلعت ملهوفه انتظر لوزه الواعدتني متعوفني اليوم كانت تخاف عليه من الغلط ممرتاحه ليحيى دزيتله - كملت طلع مراي ومرد - يحيى كملت اخذ درجه كامله طلع مراي ومرد - يحيى وينك مرد عليه - اذا مترد وتتحجج حتى منلتقي انسى عدك وحده اسمها عسل طلع مراي وكتب - اوك - مجاوب انت بالامتحان - اي الحمد لله - يله وين نلتقي دز صورة كافتريا يم جامعتي قريبه كلش وهو كاعد عالميز كتب - اني يمج - جيتك - مووحدج عسل انتظري لوزه - شمدريك مطلعت بعدها كتب - هاي طلعت جتج التفتت عالباب مال ممر القاعات طلعت لوزه ووشالت الملزمه تشوف حلها لفتها وشالت الجنطه وتفر بعينها لكفتني وجتي كالت - شونج - ميه - عفيه يله نروح - وين مو متواعدين - يووو نسيت والله كلت للسايق ب١٠ ونص - اي كلش زين عدنا ساعه يله يله - وين - هذذذا هذا هذا الكافتريا يمنا - وين ياصخام لج عسل اثكلي - وج والله هاي هنا هو كاعد دز صوره عايني عوجت حلكها من شافته كالت - مكلف روحه يجيج للجامعه رجال طاسه محلبي امشي امشي خل نشوف تاليها طلعت وياها واني فراشه احس الكاع جوايا مثل القوس قزح لليوم اجمل لحظات حياتي هاي دكه گلبي الملهوفه وارد واعاهد لو شميصير اواعده ماتركه واني بالطريق تخيلت اصبعه مبتور او عده عوق بايده والله اول مره احس هالاحساس واني اعاهد حتى لو ماتركه قابل شيسوي لو صدك جان مكدر يكتب لالا هاي اني هيج دافكر هذا يخاف يتزوج لا مثل امه تعوف ابو هذا كل ما بالامر كلك التلفون اسهل وصلنا ولوزه ورايه طبيت وادور ميت مره اغير الملزمه من ايد لايد واعدل بشالي ولمحته لمحت ركبته يراقب شبابيك الكافتريا مضيق عينه بتعب بخوف وقلق مشيت مشيت لمحت حسن جر الكرسي وكعد كباله وشافني ابتسم اشرلي واني مدري شصار بيه جمدت مكدرت امشي بعد لوزه تدفع بيه واني تحجزت عيوني عليه ورجلي وكفت شفته نصه راسه وفرك وجهه واندار على كيييفه عليه ابتسم بكل تعب الدنيا بابتسامته دفعه لخ طتني لوزه مشيت يحيى همس - تفضلي كالها وتبسملي جرلي الكرسي وهو كاعد منصي كعدت مرتبكه. احس العرك بالحذاء صار والملزمه تندت اوراق صفحاتها الاولى رفع راسه باوعلي وانترست عينه دمع ورجع نصه لوزه همست حكعد هناك حسن توه جرلها كرسي الميز الورانا الها وهي تعدته بخزره واني اعاينها هو همس حسن : تره ما أكعد يمج شبيها هاي الحمد لله على تمام العقل عافته وراحت همس ملازم اني اكعد والتفتلي همس - معليكم من الكل تفاهمو وحدكم ونطاني ضهره وكعد التفتت مرتبكه بس ردته يحجي يرفع راسه رجفة ايدي تخف دكة كلبي تبطيء مو راح يوكف گلبي ليش منصي ليش ميباوعلي يفر بحلقه المفاتيح بيده بكل هدوء شعرايه شعرايه باصابيعه حسببتها تأملته كله كله مابي ولاغلطه ولا اثر ولاتشوه حتى احلى من الكامره وروح بابا احلى مرت تقريب العشر دقايق هو ينصي ويبعد عينه عني داير مداير الكافتريا ويرد يباوع لايده واني اتامله البنيه المفروض تستحي مو الولد بس اني داشوفه مو خجل عبالك ميريد يشوفني مكدرت اسكت بعد صوتي طبك همست - شنو خجلان على نصيه عيونه عالمفاتيح طكها بضحكه وفرك وجهه بتك ايد هز راسه .. لا بله صوت واخيرا رفع عينه غابت الابتسامه وميل راسه خدر جفن عينه وتنهد صدره ارتفع وهز راسه بكل هدوء همس - وجهج لو مرايتي ؟ وجهي احس الدم صعد بي من الحراره خجلت حيل ثاري الواقع احلى من الافتراضي نصيت وافرك باصابعي وقرب ايده بكل تردد كبر ايده وخشونتها حسستني بقوته حسستني اني بضهر رجال عكفت اصابع ايدي واني اباوع لايده تتقدم لايدي جراه هاي تونا اول كلمه احجي وي روحي واعاين وياويلي على رجفة گلبي وصل لايده ووكفه من شافني لفيت اصابعي ببعد عنه - باعيلي شو رفعت عيني باوعتله شي يرجف المخ سنتين اني ويا صوره وصوت افتراضيييي. وهسه واقع ينلمس تلفت بهدوء داير مدايرنا همس ورد باوعلي - مدري شديصير بيه عسل يحجي احس مخنوك هزيت راسي مستفهمه - شنو؟! بلع ريك وفك ايده بين باطنها ونصه راسه لنصيتي يعاين من جوه حاجبه بتوسل همس - تسمحيلي بقيت اباوع لايده واعاين بوجهه - ششون يصير ابتسم وهز راسه بس لمسه حتتهدأ روحي كالها غمض بقيت ساكته همس متقرب - غمضي ويايه - خاف يشوفونا - ماكو احد بس حسن وناطي ضهره ولوزه بعيده يحجي ونبرته ترجف غمضت وانتظر بكل حواسي احساس الواقع وحسيت بدفو ايده بكل هدوء يلزم ايدي همس - ههه ههاي انتي عسل هاي اني بيدي فتحت عيني ومدري ليش دموعي نزلت جفن عينه تكرمش وعيونه غرغرت تقرب يحجي بتوسل وعصبيه يحرك بروحه - وووج تدرين شكد حبيتج اني هزيت راسي ودموعي نزلت - دددير دير بالج تنزل دمعه منج ابددد لتحسسيني بضعف من تبجين واني وياج - اوك اوك مسحت دموعي ابتسمت. شبك اصابعه باصابعي وجر نفس اي تعبير بوجهه ماكو بس يعاينلي بتامل وتعب واجه الولد الكرصون ترك ايدي راسا. الولدكال شتحبون تشربون جاوب عني - كرواسون وجاي ثنين هز راسه وراح ابتسمت وهو هم ابتسم گلب ايدي يباوع لباطنها لخطوط ايدي ويتلمس يمشي عالخط - شدتسوي - دااحفضا - ها حترسمها - امم .. كالها مبتسم وهز راسه موافق تنهد وعاينلي طلع قلم من جيبه وكتب عالملزمه مالتي التاريخ واليوم والساعه وكتب جواها ( اليوم ادركت فائدة خمس حواس خلقها عز وجل فحينما شممت عطرك قبل وصولك وحين رايت طرف طول خيالك وحين تلفضت انفاسي حروف اسمك وتلمست بطرفي اناملي خطوط يدك وها انا اتذوق اجمل لحظات حياتي من عسل لايكاد ينفذ من ابتسامه ثغرك قد دونت ذكرى لقائنا في شرايين قلبي لطفا لاترحلي عني) ووقع واني اقره خطه يخببل توقيعه حرفي وحرفه وليجوه مكتوب ( خلقنا للحب) - توقيعك يجنن - امم قبل سنتين تغير وباوع بعيني كتب بيدي اسمه باللاتيني واسمي بايده اعرف يحب هاللغه وميت مره دزلي صورة اسمائنا قرب راسه مني همس - احجي بعد - شنو غمض وشال ايده لزم بيها راسه ورجه عكسه عالميز - شبيك - دخت دخت - يحيى ؟ بقه مغمض - شبيك فتح عينه على كيف همس - سنين واني اتمنى هاي النفس اليطلع صوته بالسماعه يضرب بوجهي وهسه تتحقق نصيت راسي عصر ايدي قوي وتركها بسرعه وكعد عدل من لوزه كالت - عسل تره ب١٠ تفاجات شبسع ركض الوكت - ببعد ربع ساعه مو - اي كالتها ورجعت للميز حسن يباوعلها معبس هز ايده ودار وجهه اجه الكرواسون ودزو الهم هم نترت لينا (لوزه) - لالاشكرا متريكه حسن باوعلها كبال ميزه والتفت عليه - لج هاي غير نفسيه هاي ابتسمت واباوع ليحيى يغمس الكرواسون بكوبه همس - اكلي - خاف عيب - عيب بالجيب ماكو احد اكلي - هههه... نصيت اكل وهو قابض ايده يعاينلي يبتسم - اكل - لاحشرب جاي شرب وعاينلي عبس حلكه - عاب هالجاي عثمان يسوي اطيب وعاين ورايه على لوزه هز راسه اشرلي التفتت كالت - تره الخط دك - اوك كمت رأساً ابتسم واكل مكملت حجي مسالته ليش امتنعت عني مكتله ليش سنتين ترفض نتقابل وكومه كذبات كذبت شلت الجنطه وتلفوني حسن وكف نزل تيشرته وشال الكرواسونه اللخ كال اخذيها - لالا شبعت والله - عمي مبيه حيل اجيب علب واخليهن بالباب اخذيها - ههههه لابعد هو بنفسه يجيبها - غابت ضحكة حسن وباوعله بخزره ليحيى اللي ارتبك ونصه والله لاحظت هالشي ولوزه تنك - لج يللله - اوك يله باي - اشرلي بيده باي حتى موكف حتى موصلني ولوزه تنك اصلا واحد قليل ذوق حتى موصلج لج حتى موكف من وكفتي عبالك مگرم شكد كرهته - ااشش لوزه فدوه خليني طايره - اكولج هذا حسن استاذ ترجمه اداب بجامعه.... - امممم - والله شبيج شايفته بندوه رحتها وي علي - اممم تحجي واني طايره واتلفت هسه يطلع هسه يجي ورايه منطاني شي ممعقوله قريب مدنوصل الجامعه واتذكر الملزمه والذكرى - عززززه لج نسيتها الملزمه - شتصخمين بيها امشي - لالا فدوه بيها ذكرى تخبل - ياخبله رجعت وهي ورايه تدردم لوزه طبيعتها تحجي هواي وكلش صعب ارضائها طبيت وهي ورايه تلغي واني مستعجله توقعت الكاه رايح والملزمه موجوده اخذها واطلع طبيت ركض لمكاننا وانصدم مثل الحلم مداصدك عيوني حسن ديشيله ويخلي بالكرسي المتحرك توه ارتجه رفع راسه وشافني فاكه عيني همست لوزه - عزه بعيني اذا صدك حسن همس من شافنا - موكتلي حجي-- وسكت من شافنا شاف عيوني بكبرها فاتحتها ريكي نشف تخشب زردومي من شافني ارتبك انخبص لدرجه وكف مستند عالميز ووكع كعد عالكرسي واني اني اني ركضت انهزم من واقعي ارجع لذاك التلفون والسماعه والفيديو ارتعش رعش لالا مستحيل وصوته ورايه - بس خل افهمج عسل عسل بس اكولج بس احاجيج فدوه سمعيني حسن الحكها وحسن يهدي بي - اي اي هسه وركض ورايه لوزه تدردم - موكتلج مو طبيعيييي كعدته مو كتلج اكووو غلللط واني ارتعش انخض جسمي لالامستحيل معوق معوق؟!!! وكلشي يترتب براسي شغله شغله صدى صوت حسن ورايه بعدني بممرات الكافتريا الدنيا تفتر بيه مرتين تنلوي رجلي وحسن يصيح - عسل دقيييقه عسل عسللل لوزه عاطت - شتررريد وخر عوفها وهو دفع ايدها يباوعلي يرد يتقدم بس خل افهمج شبحت عيني مثل الحلم لوزه دفعته بقوتها - وخررر اكولك روح على الكذاااب ولك متستحوون - وخري انتتتي عاط بيها دفعته والعالم تباوع يا الله تعاين علينه وهو تخبل من دفعته لزمها من فكهاا ودفعها عالحايط - اكوووووولج وخررري ببسس احجي وياهااااا كلمتتتين بس كلمتين خافت لوزه من خشونته وابتعدت نتر - متدرين بي مو كايلللج هزيت راسي لالا بس صافنه عقلي يكول بسهوله تركي وكلبي حيوكف نبضه الناس جرت حسن اللي راد يضرب لوزه لان دتدفع بي وتنتر ولوزه جرتني وطلعنا ركض اركض مدري شبيه انهدم من الواقع للافتراضي ارجع لحلمي الوردي الهاديء الكامل بي هو واكذب روحي جوز متعور ويصير زين لالا هو مدام سنتين هيج هذا معوق صعدتني لوزه واني فاصله تشاور بيه بالخط خيولي لتنقهرين واني حتى دموع عيني تحجرت كلمه منطقت . . . يتبع | ||||||||
|
| |
|
28-10-21, 02:12 AM
| #57 | ||||||||
| مراقبة عامة ومشرفة منتدى الروايات المنقولة
| بارت ٣٧ #أماً_لهُن #مريم_السعدي عسل ..... وصلت البيت كان فارغ كلهم بالدوام وحدي ذبتني لوزه وهي توصي اني خنست كلمه منطقت بوجهه مباوعت بس اباوع للسما واحجي ويه روحي - ماما اني شسوي بهالحاله بطبيعة الحال الوحده من تختنك تلجأ لامها اكول للومه اخجل من علاقتي بي كون ابن عمو انور خجلت حتى من لوزه وهي تلوم بيه عصبت حتى من روحي استحيت حتى تنزل دموعي طبيت ركض للغرفه واخيرا وحدي وكأنما نسيت شفته اليوم والله ردت اخابره اكوله شجاوبت وشنو مجاوبت النوبه كلشي بيه يذكرني بي كلشي نزعت شالي بقسوه وبجيت مقهوره على روحي وانترس قسوه عليه ابجي حالي يشفق على حالي ويقسى على رجولته وكذبه عضيت اصبعي بقسوة الموقف وكد حبي اله ندددم ندم ياكل بيه معاااق!!! مقعد!!! من خرب حظيي ضربت على راسي واعيد بيها خرب حظج عسل خرب حظح عسل حدما حسيت كوكه راسي تحركني باوعت للساعه بيدي انكسر سيرها الفضي ساعتي الدزها هو كانت فحل ونثيه هو عده الفحل ودزلي النثيه حروفنا بيها واحد عكس الثاني عدي حرفه وعده حرفي طكينا صور لا دينا ودمجناها بصوره وحده بشغل ايده هو وخليناها خلفيه للفايبر والواتس مره للومه سللت ومره ازل شنو هاي الصوره ايد من وجاوبتهم لا من النت بس لان نفس الساعه خليتها سري الي وحدي طلع كله كذب مستغفللللني من كثر مبجيت وقسيت ٤ ساعات من ١ لل٥ عطت بروحي وكبال المرايه ضربت نفسي على وجهي شعري المنثور ونفخه عيني وهدوم الجامعه اللي اليوم حيل اعتنيت بيها لان راح نلتقي بعدني بيها نزعت وبدلت سبحت واني اهدد بروحي حسج ميطلع دمعه وحدة دمعه متبجين واحد كذاب استغفلج حقير منحط ميستاهل حب خللص انسي طلعي من مخججج طلعت من الحمام شخوط شخوط بوجهي شلت شعري بكل قسوه اسرح بي تكطع بديه وكانما تعتب الخصلات الوكعت واني شنو ذنبي كل ذنبي انه حبني الحبيتي ليش تكطعين بيه تعبت روحي راحت كعدت واباوع للمشط بيدي مليان لكيت حجه حتى ابجي اوهم روحي مدابجي علي كملت بجي شلت شعري بهدوء بس ايدي ترجف وكلبي مقبوض احس اي طخه كفيله بانهياري تمددت نسيت وطفيت الضوه ضلمت الغرفه وبينت الكتابه النثريه عالحيطان واذا بكلماته تداعب عيوني حقير كذاب مكدرت انام وماابذل جهد للبجي من وحدها عيوني تتذكر عيونه التبتسم وتقسم يمين العشق واذني تتذكر همساته متيم بيج اني كل التردي فانوسج السحري الصغير دلو الامنيات حبيبج اللي يتونس بدلالج كذاب كذاب شون تكدر توفر عيشه وانت مقعد حقير كذاب واتذكر من يكول - لتعوفيني لو شماصار واني اواعد كل ضنتي مشكلته نفسيه او مرض مو مقعد لالالا موهييج مومعقول حظي لهنا يوصل لااب لاام وهسه كملت ويايه اخاف اقترب من التلفون اخاف اجي يمه رغم ما دك كم مره حتى ماعرف منو وماريد اعرف للوومه طبت غمضت كبل تلمست بشرتي - عسل شبيج ماما ممجاوبه - هممم لالا جاوبت بس نعسانه ارد انام - اوك اكلتي شي - اي اكلت وي وخنكتني العبره همست بالكوه وي لوز - زين صليتي هزيت راسي تركتني وراحت كذبت مصليت ماريد اصلي بعد ماريد كلشي الله غاضب عليه من جيت للدنيا لليوم شي بداخلي يرفض كفران هذا كفران بابا ميقبل عليه امج يمكن من وراج تتاذه بترابها لان بنتها حتى لو ملحكت تربيج اسفه ياربي اسفه كمت وصليت مشكلتي وكفه مداكدر اوكف سندت روحي بالكع وكمت ورجعت تذكرته حسن- حسن - حسسن بكلشي حسن موجود اني غبيه شون محسيت شون كملت صلاه ونمت ماعرف شون غفيت حتى اني ونايمه كاعده ورسم الكرسي واخر صوره شفتها بعيني فزيت بصياح وعياط كل ضني من داخلي فتحت عيني لاوالله من بره انفزعت كلت ازل بيها شي لان صوتها هذا طلعت شفت للومه غاديه نار تخوف وجاره رسل من شعرها ورسل تصيح وتهدد للومه صيحت - متبقيييييين متبببقين تروحين على الگــ-- الحبلج متبقين متبات هنا اليوم متنكس بيتي ورسل بكل وقاحه ترد - موكييفج تغارين لان متحبلين لو للومه تخبلت شالت التخته وضربتها براسها ازل ابتعدت خايفه ماتت بجي لمت روحها بالزويه وارتجت بالكاونتر وكعدت بالكع ضمت وجهه وتضرب على راسها وتبجي تصيح ازل : فضحتنا يابه فضحتنا بنتك رسل صيحت رسل : متزوجه اني هههاي العقد جانت تنزف من راسها لا زمته وتفتح بالجنطه عمو انور منصي على صفحه وعينه على للومه كلما انهارت يتقدم يلزمها وهي تضرب بروحها الهام : فضحت خواتتتها مو متزوجه ولي طلعي بره عاللي متزوجج رسل بلعت ريك وجهه احمر ميته عرك وبجي ومكياج سايل وشعرها مكفوش ماعرف شون للومه عرفت بس اني ارجف وابجي من هول المنظر رسل كالت بصوت يرجف وتباوع لعمو انور رسل : ممممسافر ووالله من يجي ياخذني للومه صيحت الهام : مااخذج شوون شون فهميني ماكو متبقين رسل : وين اروح بالشارع انام الهام : مومشكلتي بررررا انور : موهيج الهاام الهام : لتتدخل انت انت لتتدخلللل تحجي وتنهد انور : موهيج ابويه فهميني هيج ننفضح بالزايد الهام : هوووو شبقه شبقه خواتها انفضحو من وررراج عاااار جان مفروض اقتلج جان مفروض اخليج عد خالج الله يرحمه لج عليتي حااالي رسل بس صفنت على عمو انور صلفه تعاين صيحت للومه الهام : طلععععي هاج هاج وكامت تشمر بغراضها عدج ربع ساعه تلمين هدومج وتطلعين لا اذبحج بديه وشالت سجينه من الكاونتر اتقدمت بقوه عليها وهي انهزمت تلم بغراضها وتحشي بالجنطه وغسلت وجهها لبست نظارتها الشمسيه وللومه تصيح - يللاااا - نترت رسل اييي وعمو انور يتوسل - للومه فدوه اهدي ويعاين لرسل لج يابه وين تروح غلط الدتسوي غلط صيحت - هو اني اريد اغلط شنو بس هي تغلللط خل تروح عالگ-- الحبلها جرت جنطتها رسل وباوعتلها للومه عمو انور فات للغرفه من عاطت بي للومه اخر كلمه كالتها رسل للومه - اذا مخليتج تبجين دم اذا مخليت حياتج العايشتها هسه وتتباهين بحب الدثو مالج اذا مخليتها تراب بسيطه الهامو بسيطه وللومه صيحت - طلللللعي حرامات كل فلس ذبيته عليج عااار . . . ازل تروي الحدث ازل.... رجعت من بيبي بذاك اليوم الي رحت بي ويه رسل لدوامها روحي نفرت من جسمي للومه حست عليه انتظرت انور ينام وطلعتلي للمرجوحه تبتسم من باب غرفتها الخارجي - ها للوم منايمه - لا والله مكدرت بس نام انور طلعت شبيج اليوم احجيلي - كالتها وحاوطت كتفي يمكن اول مره تسويها عمو انور حنين كم مره لكفته حاضنها بالمطبخ الصبح ويبتعد خجلان ينهزم لقفصهم الذهبي من اطب بالغلط يمكن علمها عالحنان حتى عسل كامت كل يوم تحضنها الصبح وعسوله تكيف تضحك بس حاوطتني بكتفها دمعت عيني.. خفت احجي خفت اكول شي بس جانت حاسه بيه همست - احجيلي ازل اني انتظرتج تروحين وترجعين لانج مترضين بالدرب الاعوج اني اعرفج. نصيت راسي شحجي شددت لفه ايديها وحضنتني واني انهاريت بس لازمه روحي العبره خنكتني خنك شوفه عمو رائد ونظراته القاسيه اذتني ومنا الشغلات الشفتها بشغل رسل تحملت شي فوك طاقتي وبديت احجي - وين تشتغل شصار احجيلي - مو شركه هاي للومه فندق.... هزت راسها وغمضت - لازم نبطلها بالحسنى بالقوه لا زم تبطل حجيتها و بجيت بقهر تذكرت منظر رسل ومن كالت متزوجه للومه همست - باجر اخيرها لو عملها لو تطلع منا - وكلتلج اطلع شون - رسل لو عدها مكان تبات بي دقيقه متبقه يمي تحبني هواي خطيه هزيت راسي مسحت دموعي بحنان همست - بس كوليلي فاضحتنا نصيت راسي وهزيته ممادري وكمت من يمها طبيت للغرفه بجيت حدما تجرح زردومي اباوعلها نايمه مثل الكمر والذهب اللابسته شنو احنا فلتانات يعني ممتربيات شنو غلط تربينا ليش شبيه اني وهاي عسوله بيش غلطت للوم تمددت ولاحني طيفها وتذكرت كلماتها ( ياريت اني اختج موهي متعرف قيمتج) نزلت دموعي لزمت التلفون اباوع لرقمها بهيج. ازمات جنت اتصل بيها اسب واغلط وابجي وهي تساعدني بالبجي والغلط حدما ارتاح دكيت تمنيت يدك ادري حيكون مغلق ردت اسمع المغلق حتى اقنع روحي ماكو بعد اذن تسمعج مثلها وتفهمج دكيت صارت سنطه غمضت انتظر الجهاز مغلق او خارج نطاق التغطيه وافز من دك اول رنه صدى صدى باذني صار كملت الدكه الاولى ودكت الثانيه تحلف انه الرقم مفتوح عد منو عد راكان لو بيبي لو عد.. واجاني الرد التلفون عد منو - الوو... الو نعم... بجيت بخنيك شهكه نفسي نشغه عبرتي فضحتني اكثر من اسمي وصورتي وياها الضهر بشاشه تلفونها همس - ها عمو ازل بلعت ريك - محتاجه شي عمو احجي كتمت نفسي وعبرتي اريد اكوله لا مكدرت بس افتح حلكي تطلع العبره بقوه خنكت نفسي زين واتسمع لكل نفس بصوته - ازل بابا غمضت يايابه يايابه صار شكد مسامعتها سكت وبقه على الخط وكانما افتهم حاجتي اله همس - موجود اني اذا هي راحت اني موجود جنت احسبكم بناتي هي راحت وقست موبديها بس العتب عالتقسي بارادتها دموعي تنزل واشهك بنفسي جر حسره وهمس - اااخ استغفر الله ربي واتوب اليه ازل بابا تجيني باجر للشركه نحجي شوي بلعت ريك وغمضت بقه ساكت محجه شي بعد واني سكتت غمضت بتعب رخت اعصابي ووكع الفون من اديه محسيت علي بس حسيت على لمسة للومه بكصتي همست - نايمه يمه نايمه ليضل بالج فتحت عيني فازه - شكو - اسم الله ماما اسم الله لاماكو الحجيه ضل بالها عليج كالت اتصلت عليه. احجي ومترد خاف بيها شي بلعت ريك عرفت عمو كللها هزيت راسي لابيبي مبيه اخذت التلفون وحجيت كالت - زين بيبي دنامي ارتاحي سدته للومه وباوعت لرسل الفتحت عينها مستغربه ورجعت غطت راسها ونامت للومه طفت الضوه واني اباوع الها شفتها شالت الزباله مال غرفه ووياها كارتون مال حذاء جديد مشتريته رسل جرت حسره وطلعت سدت الباب رجعت نمت بلاعيمي احتقنت ثاني يوم داومت كان اواخر امتحاناتي وتسليم بحوث رجعت متأخره برجعتي وكفت سيارة رسل واشرت باي ترجع بسلامه حشتاقلك باوعت نفس الشكول الجان وياها بالشغل بوضع يخزي نصيت راسي صايره علني طبيت قبلها واباوع للومه بالطرمه تروح وتجي وانور يتوسل بيها - الهام بس اهدي - انور انت لتتدخل اطلع روح - ماعوفج اخاف عليج هاي مخبله - لتخاف هاهي بعد انتتتتتهت وطبت رسل نزعت النظارات كالت شكووو نتر ماشوف الا للومه كمزت عليها وسحليها من شعررررها لداخل البيت وضرب ضرب وتصيح وتحجي حاااامل. هي گـ...... حااامل مووووو حامل بالحرام رسل تصيح وتعيط تتألم وتريد تقاوم وترد تضربها للومه ملختها من شعرها تالي انور اجه وره للومه - عوفيها بس ختولي حيصير بيج شي بس عوفيها جان يعيط - لج الهام عوفي السجينه من كل عقلها الهام شالت السحينه تريد تقتلها من نار كلبها وانور لزمها من اديها وحضن للومه بكل قوته - ويتوسل رحتلج فدوه اهدي وهي تصيح لك هدني خل اموتها اخلص من عارها تالي نطقت بكل صلافتها رسل : اي حامل وانتي شعليج تغااارين جيف متكدرين تحبلين هنا اني التخبلت عسل طلعت من الغرفه ميته خوف من منضر رسل بجت رأساً واني اريد افرزن صدك صدك تحجي الدنيا وكعت عليه ابتعدت خايفه متت بجي ضليت بالزويه وارتجيت بالكاونتر وكعدت بالكع ضميت وجهي ابجي واصيح ازل : فضحتنا يابه فضحتنا بنتك انطردت رسل بيومها وهي تهدد بللومه بس طلعت للومه تخربطت وضغطها ٢٠ عمو انور قاسه بجهاز الضغط ركضه وخوفه شالها بثكلها للحمام شربها مي واحنا بس صافنين نبجي اني صرت هلكدوتني لاشرف ولا اهل اذا راحت للوم. بفضيحة رسل ننتهي كلنا وره ساعه اقل نزل ضغطها من علك المغذي كان يعرف شديسوي بمهاره مطبت للغرفه بقوه بالهول نايمه علا صدره وبيده يفك المغذي ويسده ويبوس براسها ويرجي على راسه باوع لعسل همس - كافي بجي عمو عيونج راحت وباوعلي كومي عمو توكلي على الله هو اليسترها ويانا كمت طبيت للغرفه اباوع لغراضها المطشرات اخذت كم غرض مهم وعافت الباقي حسيت تنكسنا لميتهن كلهن فد مكان جمعتها وابجي انفضحنا انفضحنا موقف متعب طول عمرنا متندخل لابجيران ولااقارب ولاهمه اليتدخلون من يوم طلعت رسل من البيت اربعه نسوان من المنطقه. سألوني عنها (رسل اختج مزوجه) واني ارتبك مره كتلهم مخطوبه. ومره كلت اي ومره كلت لا وحبل الجذب كصير. احس الكل يعرف حبيبتي عسل موقفها اختلف. عني صارت متطلع من البيت ودوم دمعتها على خدها بس احد يسالها تغرغر عينها حاولت اقترب منها كانت تفضل العزله للومه قست علينا اكثر وزاد حزمها وعمو انور يتوسل - على كيفج موهيج البنات معليهم بني ادم يغلط. اكثر من مره يكررها الهام البشر خطاء وهي تتخبل وصلت اصوات عركاتهم غرفنا ومتقبل احد يتدخل وصلت حد حتى هو يصيح ويطلع يترك البيت ويجي بليل اسبوع مر عالحادثه نوعا ما البيت هدأ وللومه صارت متتركنا قفال البوب مال غرفنا انشالت محد يعرف وين ومن نسألها تنتر بينا - شتسوون بيها نسكت نقدر غضبها حدما فد مره عسل دتسمع بالسماعات مثل عادتها جتي الهام ركض وشلعتها من اذنها بقسوه وكطعتهن وذبتهن بالزبل بقيت صافنه عليها للومه صيحت - هاي بعد متخليه باذنج وعسل دمعت عينها صيحت - اني معللللليه معليه معليه تمنيت لو ماعدي اخت تمنيت لو اصلا مجايه لهالدنيا الحقيره تعاقبيني اليييي الي تحجي وتبجي تصيح وتاشر لروحها وعمو من بعيد يراقب كون للومه حذرته من تكرار التدخل كملت عسل - تعاقبيني الي فوك طيحان الحظ لاام لااب حتى ذكرى الهم مببببقت وضربت على راسها بقسوه تقربت للومه خايفه متندمه وردت وكفت من خطوتها الخطتها عسل انهارت الظاهر سكوتها كان كبت فوق طاقة تحملها خدودها صارت حمر وعيونها هم اما شعرها كان اله الحصه الاكبر من العقاب الروحي وكانه عدها مازق اكبر من رسل وفضيحتها بحياتها حتى للومه تفاجأت من نظراتها عرفتها متفاجاه تقربت منها بسرعه وحضنتها كعدت بالكع تبجي وكعدت وياها حتى هي بجت لبجاها وترد اسفه اسفه والله اسفه وتبوس براسها هدأت عسل بلحظه وشددت حضنها كالت - للومه لتخافين ماكسر تربيتج مثلها اني منو عدي غيرج مااعرف ام غيرج بجت للومه متحملت كان موقف مؤذي للگلب قبل العين حتى عمو دمع وطلع من البيت للحديقه يدخن عسل : موعلمود السماعه اني شوي مخنوكه والله مومن عدج لتبجين للومه باستها وطبت للغرفه بقت تباوعلي بقلق وكانما تكولي وانتي عاتبي هم ابتسمتلها ونصيت راسي كل الكدرت اكوله ازل : اسفه تعبناج بتربيتنا هزت راسها تنكر الكلته وعيونها تجري تقربت مني تخجل تحضني مسحت دموعها وابتسمت وطبيت يكفينا درامه يكفي دموع الموضوع الاساسي منتهه رسل بالشارع رغم قساوة فعلتها بس اختي هاي وارجع اتذكر لاهسه اكيد يمه جان رجعت لهنا هاي بله كرامه وبيوم بعد مرور اسبوعين اني وعسل استلمنا طلعنا ناجحين وللومه رجعت لسابق عهدها المفاتيح رجعت وعسل حصلت هديه ذهب وكذلك اني سوينا عشه بالطرمه مشويات كالعاده وعمو مكيف كان لان ابنه هم ناجح حسب مكالت للومه كان يمتحن ماعرف يامرحله بالضبط طبيعتي مادخل روحي ديشوي عمو ودك تلفونه رد مستغرب من الرقم كونه غريب بدون اسم انور : الو نعم - اذا الهام يمك احجي كأنما اني رجال - منو ؟ - اني رسل صفنت وباوعت لالهام اللي صفنت عليه اشرت منو همس مجاوبتها ضليت اسمع شتكول كملت بصوت يبجي رسل : انت ابن عشاير على الله وعليك فلوسي خلصت بالفندق ماعدي مكان اروحله الله يخليك حتى صديقتي عافتني بس يجي زوجي من الامارات انور : نصيت راسي جاوبت... اي بلي محمد دقيقه اشرت للومه وطلعت بالشارع علساس محمد ابو المخضر الدليفري اجه رديت انور : ها رسل رسل : الله يخليك استر عليه اسبوع بس والله اسبوع انور : جريت نفس وين انتي هسه رسل : بالفندق باجر لازم اطلع ماعدي مكان اروحله انور : ميفيد حاجيتها قافله رسل : وين اروح ماعدك مكان توديني بي صفنت وهزيت راسي انور : ماشي باجر من ارجع من الدوام اخذج للـ.... ماعدي غير مكان بيتي القديم رسل : مو مأجرين بي انور : طلعو المؤجرين مالج دخل اسبوع واحد رسل : اي اي والله كلي هالاسبوع انزل وقفو فيزته صارت مشكله بالكمارك وتاخر انور : بسيطه نشوف رسل : الف شكر يعافيلك ابننك انور : وانتي شمدريج رسل : كلشي اعرف انور : الله وياج سديته مسطور طبيت سألتني للومه عالمسواك بقيت صافن وتذكرت ها كال ماكدر اجي . . عسل... ايام مرت عليه واني طافيه حتى جهازي وكل مشاعري ميته طفت ذيج لهفه اللقاء الجنت انتظرها ومن اتذكر نظراته شكو جرح بيه ينرش عليه ملح نوبات افكر يعني حتى من شافني مجان ناوي يكولي الا اني اكتشفت هالشي يعني لشوكت ناوي يكذب عليه انسان مريض واناني اني شون محسيت شووون كل الصور الجان يدزها لو منتجي عللحايط لو كاعده لو متمدد ويدز عثمان وحسن وياك فلان شغله فترة مرت قررت اقوي شخصي يكفي حزن مو عسل التوكع. اني امي وابويه. راحو وممتت لو ردت اموت جان متت من وكتهم واني طفله مو لمن قوه عودي وكبرت. كل موقف يذكرني بي احمده ذنب كذبه وانانيته. انت انسان عاجز حبلك وحده مثلك فتحت الجهاز اموت روحي ينتهي خزني خلص فتحته ولكيت ١٢١ مسج منه ومن لوزه ٦٦ واحد جانت ايدي ترجف واني اقره توسله بيه ردي عليه بس سمعيني وافتهمي وخلص حبيبي مداكدر اعيش دونج اروحلج فدوه لتضلميني وتضلمين حبنا اخر مسج كان ( براحتج ان كدرتي تعيشين دوني اني هم مثلج بس نصيحه سمعيني حتى متندمين باجر الله وياج وموجود شوكت متردين تواجهين مستعد للمواجهه) طلع عده مرأي وطلع يمي متصل اباوع للرسايل واتخيل يباوع توقعت حيرسل شي لا مرسل. انتظرت تقريبا نص ساعه كلشي مرسل طلعت وذبيت جهازي راسا دك فزيت من رنته وكانما لهفتي القديمه رجعت شلته اباوع الشاشه شفتها لوزه جريت نفس الزم روحي عن البجي ورديت - الو - عسوله شونج. - هلاو زينه الحمد لله سكتت شوي وحجت - عفتج ترتاحين فتره وارجع اتصل بيج ضل بالي كلش - امم - ضايجه مني - لا انت شعليج - مادري اني هم انهديت بيج وانتي جنتي بحاله تصعبين عالكافر. - لاهاهي. - تدرين خال يحيى اجه حاجاني بالكليه واني عفته ورحت - منو حسن - اي اجه ديكولي اعتذر مديت ايدي عليج واني عفته كطعت كلامه بقه صافن - ليش هو ضربج شوكت هاي - من صرت بوجهه وهو ديحاجيج لزمني من فكي قوي ودفعني بس الولد يعني مرتب ابد متعده حدوده من شافني تركته ورحت ملحكني بس ورده صديقتي تكول ضل صافن فر بايده وراح - اي هاهي - عسل اجي يمج تردين شوي نسولف - لا والله مبيه شي - اسبوع اليجي النتائج - امم اعرف - تمام زين ااااا شسمه - شكو - حجيتي ويا بعد - لا ولاريد احجي - احسن خيولي سكتت مااتحمل احد يحجي عليه كالت - اخذي راحتج اخاف عدج شي - اوك يله باي - الله وياج ماعرف اعيش دونه النوبه شكو اغاني خازنتها جننا ندندنها سوه كلشي بغرفتي مكتبتي تذكرني بي اطلع اشرب جاي الكوب مالتي من عده شون شون انسى. شون مثل السرطان توغل بيها خليه خليه اعصابي فرطت ياهو اليحاجيني اعيط بي وللومه. بس تباوعلي ازل خلص صبرها دتحجي ويايه نطلع نتمشى واني عطت ماريد نترت - ويطببببج طوببب - وكفت واصيح بوجهه وهي تهمس بس عسل : شبيج ويايه شبيكم عوفوني اني معليه روحو لذيج الغلطت ازل : بس عسل سدي حلكج عسل : لالا ارد افتهم اني شعليه كلكم مخلين كوركم بكوري نترتت وغمضت - عسسل بسسسس - ماااااسكت عوفوني عوفوني لحد يحجي ويايه ماريد اطلع اكل مااكل محد اله علاقه بيه عاطت ازل بقسوه ورفعت ايدها تجاه وجهي ضربتي كف صحاني من نوبه العصبيه وصيحت ازل : بس انجبببي بسسسس بسسسس بسسس بقيت صافنه لازمه وجهي واباوعلها لومه وكفت مخنزره وردت كعدت لزمت راسها ازل خزرتني بغضب ازل : ادبسززز رعنه مو بكدج اني وتعيطين بيه شمسويلج علمودج دااطلعج كلت مخنوكه شنو انتي ششايفه روحج زعطوطه كلنا مرينا بهالفضيحه كلنا اكلناها مو وحدج كافي دراما وتراجيدي استحي خلي احترام لعمتج ولاختج الجبيره خاف عبالج دخلتي جامعه كبرتي متكبرين على ازززل فاهمه. احتتترمي رووووحج عسل.... نصيت راسي وتعديتها ركض لغرفتي وقفلت الباب ركزت المفتاح موجود بجيت من گلبي وواعدت نفسي اخر دمعه تنزل يكفي. عاااد اعتبري مات ابوج مومات. امج موماتت اعتبري مات وخلص دوره بحياتج انتهى من يومها احاول احاول اعيش كانت نظرات عمو انور الي غريبه. واني من يباوعلي انصي. التلفون اغلب الوقت الواي فاي طافيته لان من مفعلته لوبه تصير بيه عالواتس والفايبر اروح واجي اشوف متصل لو لا يحيى ميستعمل مسنجر بس عده صفحه عللفيس مال مكتبته جنت اتابعها وارد اطلع بحجه اواجه عذابي حدما يصير سهل عليه وعادي لوزه يوميه تتصل كامت تسولف ويايه مثل قبل تحاول تملي وكتي واني حتى هوايه ماعدي غير المكياج كمت اخذ مكياج للومه وخطيه متكول لا تعرف امكيج بالغرفه. وامسحه من اطلع امكيج واتعلم. واسوي شعري واطك صوره وامسح المكياج واطلع ارجعه الها اسبوعين مرت عالامتحانات وطلعة رسل من البيت باجر كالو النتائج جنت انتظر بس بأمل ضايع لهفتي بكل شي راحت انضف واعيد تنضيف. مرتين ٣ باليوم وللومه تكولي نضيف واني اكولها عوفيني التهي باجر نتايجي تذكرت بالسادس من اتصل بيه يكولي النتيجه غمضت ونمت الصبح. لبست لوزه جتي عليه وي اخوها ورحنا نستلم جنت متأكده حسن راح يستلم نتيجته كالعاده لان هو عاجز مقعد شون يستلمها وصلت ولمحت ضهر حسن مركز بالاسماء لوزه شافته همست - هذا الخال - اي. بعد شيبي وصلت للاسماء كانت رجلي ترجف اي شي من صوبه يرجفني التفت مرتين من شافني وابتسم كال بصوت مسموع يبتسم ها السلام وكطعها عبس وجهه متحسر من شافني ماباوعله اعاين للاسماء المعلقه همس والتفت للوزه ورد باوعلي تلاثتكم ناجحين. لوزه مدارتله بال تقدمت واني وياها سمعته. يحجي بالفون عيوني تباوع للجدار واذني وبالي يمه كلبي يدك مو دكه طبل يحجي ويضحك - لك ملعون درجاتك فول الفول ههههههاي اي حضر نفسك اخسرك اخسرك ها اي وهمس لا اقل منك بمادتين همس هيانها جايه كدامي دتشوف درجاتها تمام تمام محتاج شي مسواك اجيب ويايه ها بس جاي تمام فيمالللا سده وغمضت عيني اتمنى اني السمعت صوته التفتت على حسن يخلي فونه بجيبه ويباوعلنا عابس وجهه شافني باوعتله ابتسم غمز واشرلي على لوزه الناطيه ضهرها النا اشر - شنو مخبله بس بدون صوت اشرت براسي لا هز راسه واشر باي ورد باوعلي كال - اوصلج - لالا راجعه وي صديقتي - كيفج نصه وطلع .. طلعنا رجعنا للبيت جنت وحدي كلهم بادوام وازل راحت تستلم نتيجتها هم. لزمت الفون اريد ادز شي ومداكدر اني نسيت شون جنت عايشه قبله بلله خل اتذكر والله مااتذكر ابد بقيت اباوع للواتس متصل الان شوي وانكتب جاري الكتابه مدري شصار بيه مدري. شداحس كره واريد اعارك واعاتب للصبح اريد اقسي نفس قسوته وكذبه اريد ااذي نفس مااذاني اريد يحس بعذابي بفراكه ليش علمني عليه اذا انت معاااق ليش ارسل - مبروك... ماضاع تعبنا رسلت - انت متستحي ... لزمت نفسي كوه اهدا كلمه طلعت رأساً دك واني اباوع للرقم بكل وقاحه وصلافه يتتتتصل قفلت الباب واعاين للرقم ابلع ريك عدلت روحي وكعدت ورديت وكفت فليت شعري ورديت ضفرته بحيث ميضايقني من احجي احضر حجي باللحضه الف كلمه وانسى عشر الاف والتلفون تخبص دكته ويرجع يدك رسل - فتحي خط خلص. صبري واجهيني عاركيني مستعد بقيت صافنه عالرساله شطت غضب كل عقله ابقى ويااا كلللل عقلللله كعدت عالسرير ولزمت الفون ربطت السماعات شنو ارجف كلشي بيه يختض. اشتياق غدر كره وحقد وحاجه لامانه القديم بلعت ريك. ورديت بنتره - الووو وجاني صوته مثل كل مره. يسترسل بهدوء سكت شوي وهمس بجره حروف الكلمه اليدري بيها بس من اريد انام احب اسمعها لان تهدا كل عصب بيه همس بصوت مبحوح - حبيبيي ؟ غمضت واحس نار من عيوني تطلع اريد احجي تبنجت همس - احجي احجي لاتخلين شي بكلبلج ادري هالوكت كله تردين تعتبين واني عفتج ترتاحين تفكرين زين بعدين نحجي نترت بصوت يمكن وصل للمطبخ - حقيييييييير كلتها وشهكت ابجي ناااقص ذمه وحقيير انانننني جر حسره وهمس - كملي ولايهمج حقج عليه تمالكت نفسي بس مداكدر انفجرت. وهو هادديء صوته كله حنية قبل وكانه كلشي مصار اريد ااذي بدون ميتاذه اريد اقسي عليه واوجع كلبه. ويحس بالحسيت بي ونفس الوكت اريد ينساني وخلص كال بصوت مليان. حزن وحسره - احجي؟ نترت - مادري شوصفك نذل حقير اناني بقه ساكت - متحجججججي. احجي ليش هيج سويت - مكدرت احجي اعتذر - وششششصخم باعتذاررك لك سنتتتين اني وياك شاغلل كل. ذره بيه. من الله لايوفقك همس - امم ... وتحسر ورد كمل صوته يرجف - حبيتج عشقتك - ميييفيدددد كان مفروض تكولي واني الي حق الخيار سكت - انت واحد اناني كلت اضحك عليها وهي تحبني متكدر تعوفني مووووو. كلت هي يتيمه. مكطمه. موزين مني قبلت بيها - شهالخريط هذا حبيبي؟ - لتكول صخااام بعيني لتكول حبيبيييي موحبيبتك اني بعد - ماشي اهدي براحتج خلص - لا موخلص - عسل ؟ - لتصيحني ماريد اشوف. اسمك بشاشه تلفوني. ماريدددك بعد ولاريد اسمع عنك شي - وتكدرين تكملين حياتج؟ كالها بصوت مليان حسره - اي اكدر لعد قابل اكدر اعيش وي نص بشررر - ليش نص بشر حسيتي من جنتي ويايه كوني انسان بيه نقص - لا يابو بس حسن يجيب ويودي وعثمان خلف الله عليهم تحسر وسكت - انت واحد بدون مسؤوليه واناني تفكر بس بروحك المهم انت عايش حب. توهم روحك بالكماللل وانت ناقص - مو ناقص اني لحد الان. هاديء عسلل مخليج تطلعين قهرج براحتج. تره. دتتجاوزين هوووواي يكفييييييي صيح بعلو صوته وهذا الردته ردته يصيح واصيح يبرد كلبي - كان مفروض تحجي كان مفروض تكول صيح - من اول كتلج ياببببشر اني مااكدر اكمل وياج منوووو الجللللب بمنووو منو الكال ماتركك. - اني لو ادري بي معاق قاطعني بصياح مفرط كان صوته يختنك. بصياحه ويرد يعدله يكمل كلام - موووو. معااااق اني مومعاااق اني مجرد مقعد - اي نفس الشي - لا مو نفس الشي مو نفسسسه المعاق عقله معاق ميكدر يفتح بيت ومكتبه شكبرها المعاق ميكدر يقره ويكتب اني مقعد بس مقعدددد سكتت وهو يتنفس بصعوبه وسرعه بقينا ساكتين ردت اهديء واخلي الصوج بي همست - كان مفروض تعشق وحده مثلك يكون الميزان متعادل انت تتقبلها وهي تتقبلك جر حسره همس - اسف على حبج - اني الاسفه. اني الغلطانه ليش طبيتلي خلينا نرجع من اول ليش دخلتلي لييش تحسر وصوته اختنك كال - عجبتني الحيويه والنشاط العدج صورج بتلفون انور وضحكتج. شعرج وعيونج جذبتني وصوتج من سمعته ارقني بليلي واخذت من دراستج موقف وحجه. ردت اساعدج خفت عليج ماعرف شون حسيت انج جزء مني. هواي رسمتج هواي. تخيلت ضحكتج بكل اغنيه. بكل فلم اشوفه اتخيلج. انتتي - من شنو بله تخاف عليه. بقه ساكت - متحجي لو خلصن الحجج بقه ساكت بس يتحسر واني روحي تحترك. ببروده. الضاهري كلت بنتره - شووف. ماريد ادعي عليك البيك كلش كااافي بس اذا عدك مخافه الله لتخابر بعد - اني سالتج وارجع اسأل تكدرين دوني - ليش انتتتت ششايف روحك. - همس لتستعجلين تندمين. اذا رحت مااارجع. نتر وعله صوته - ولترررجع.بعد احسن - عسل اذا رحت من صدك ماارجع. بحياتج متشوفين رقمي وتسمعين صوتي - ماررريد اشووفه صيحت نتر - صووتج لللج لتعللي مااسمحلج - معليك مني كيفيي فوك شيننه كوات عينه بقه ساكت واحس نفسه يخترق اذني يمكن لويمي يملخني - بس كولي مفكرت اني شون اوافق اعيش وياك ماريد اجرحك بس بس اللي مثلك تقبل بيك - اني انسان كامل فد يوم ويايه حسيتي بنقص فديوم احتاجيتي شي وموصلج للباب قبل لاحتى تطلبين بقيت ساكته كمل كلام همس - تندمين ومتلكين واحد يحبج مثلي - يحيى اني مااتذكر وجود ابويه واني بحياتي تعرف هالشي كلش زين - اممم ومره كتيلي عوضتني حسيت روحي كامله وياك - اي موعبالي انسان عادي كامل بدون نقص جر حسره. وبقه ساكت شوي وكمل - ماعاني من نقص اني انتي النقص بعقليتج المريضه عسل اني انسان واعي كونت روحي بروحي مثقف. بدون تعليم صاحب اهداف طموح رغم مقعد بس اعرف. شون اتحكم. والحمد لله كدرت اكون بيت وعمل ناجح يمكن قله قليله من البشر المبيهم نقص مثل متسميهم حضرتج مكدروا يسوو. ويمكن لو صرتي الي مجان خليتج. تحسين بنقص بيه اعوضج. كل الفقدتيهم - اريد انسان قوي يدافع عني - احد تعرضلج واني موكفت بوجهه ذاك النذل شهججه من العراق غيري اني بقيت ساكته متفاجئه شويه وكملت - ماشي وياك حجي وياك فالنفرض فرضا فرضا - اممم - فرضا اني طالعه وياك شون حطلع وياك - هي هالشكليات الهامتج متوقعت هالحد عقلج صغير - اووك زين زين فرضا طفر علينا حراميه منو يدافع عني - بقه ساكت تحسر همس يله كافي - اي والله شبيك يلحكوني يغتصبوني وانت متكدر تسوي شي - بسسسسسسس صرخ بعلوو حسه بس انجبي بس روحي انعل ابو اليذل رحه علمودج - يحيى مابيها زعل. انت الجبت لروحك العب والذله مثل مااني استفاديت منك لان بصراحه ماانكر لوما انت اني ماامتحن انتساب ونفس الوكت لومااني انت متمتحن موصح. - ست عسل اني موبحاجه الشهاده انتي بحاجتها عالعموم كانت سنتين حلوه كضيتها وياج - امم اني هم داكولك ثنينا استفادينا - ايي تمام الله يوفقج بحياتج ولتدعين عليه حلليني واوهبيني سكتت همست ماشي كمل كلام بجديه - اخر مكالمه بيننا - اوك ااشوفك بخير - لاااا... همس صوت ناصي لا عسل لااااا اذا فد يوم شفتيني دير بالج توصلين يمي سلام بعيونج متسلمين فاهمه ااذيج والله بقيت ساكته - فاهمه عسل تنسين كلشي متعرفيني سنتين ابددد بعد هالكلام السمعته اني نسيتج من قبل عشر دقايق اني امي امي الجابتني نسيتها تتوسل تخابر ومارد مو يحيى اليتعير بكرسيه ست عسل - تمام ااالله يوفقك بحياتك يجوز تتزوج يصير عدك اطفال - اي ليش لعد قابل عاجز اني -- اني مجرد عصب قدمي بي قطع عن الساق والا الساق الثانيه مبيها شي عالعموم مو يمج الموضوع روحي الله وياج - باي - هلا يتبع... | ||||||||
|
| |
|
28-10-21, 02:16 AM
| #58 | ||||||||
| مراقبة عامة ومشرفة منتدى الروايات المنقولة
| بارت ٣٨ #أماً_لهُن #مريم_السعدي عسل... بعد اتصالي ويه يحيى سديته بس شبي گلبي يرجف. شبيها عيني تيزاب يحرك بخدي مودمع ينزل. هذا اخر يوم اسمع صوته اراجع مكالمتنا الاخيره وگلبي دم كل كلمه بيها الف حسره وندم شحابك لدربي لاثوبي ولاثوبك ردت حايط استند عليه مو يستند عليه. من يومها واني قنننعت روحي وكياني يحيى ماكو بحياتي. حتى الضوه كمت ماطفي حتى متبين الكتابه الفسفوريه اللي هو كاتبها. بصوره شعر نثري يومين عدت واني لكمه. مااكدر اكل. بس مي وللومه تلوب عبالها زعلانه علمود ازل ضربتني ازل الثانيه. كانت قلقه تاليها حبيبتي ختمتها بلفات من المطعم وكرواسون جيز جبرتني اكل ازل : اذا مااكلتي يعني زعلانه خجلتني فوك السويته وياها هي الصالحتني اكلت لخاطرها عمو انور صار يومين بس يتصفن واني كل بالي يم يحيى كان يباوعلي نظرات استفهام ويخاف يحجي لو يسأل واني اقطع النضره مدنكه حدما صار الخميس بليل داسوي حميسه. وي ازل دتحجي للومه عن الاماكن القدمت بيها كونها تخرجت ومدتلكه وضيفه. تالي لكت وي بنيه تعرفها بشركه اهليه باجر حتروح تشوف شكو ماكو دتسولف وعمو يسأل مهتم انور : وين صايره عمي هالشركه منو صاحبها شنو اسمها تعزفين ازل : عمو شركه ال--- بشارع ال-- انور : تمام طيني مجال اسأل عنها بابا خاف موشي ازل : اي والله عمو ياريت اكون ممنونه واول راتب اعزمكم والله هههه انور : الله يسهلج. قطع كلامنا تلفون عمو والله من رنته كلبي عصرني ابتسم ورد - هله يابا شعجب كالها وباوعلي يبتسم بس ابتسامته لحظات مطولت ووجهه غيم همس حسن شبيك ليش مخابر من تلفون يحيى نتر - شبيييي شبيي على كيفك حاجيني جر محفضته عالركن مال مطبخ للومه صاحت شبي منو اشرلها اششش - ادري حسن غير اعرف شبييي صيح غمض وفرك وجهه نتر - وين انتتتت ديله جايك سده وباوع لومه اني رخت رجليه كال - يحيى متخربط بالحمام ومضروب راسه للومه : عززه متاذي يمه اسم الله - والله مادري رايح اني قفلو الباب ماارجع اخر كلمه باوعلي واني ايدي على وجههي ارتعش طلع وقفلت للومه واني بنفس وكفتي تبنجت. ازل همست - عسل شبيج فززتني من يقضتي وطبيت ركض للغرفه قفلت الباب واتصل يطلع مشغول رقمه وارد اتصل وهم يطلع مشغول كعدت اتمالك روحي دكيت لحسن يدك وميرد ميرد اربع مرات اتصل ماكو بجيت لميت روحي راسه مضروب خاف متاذي خاف خاف حيصير بي شي. ساعتين اكثر ازل مرتين دكت الباب طلعت الها بقت تباوعلي باستفهام فضحتني ورمه عيوني بس محجت شي للومه نامت اني بقيت بالمطبخ اكلب بالتلفون وارد احاول اتصل كرهت ام الشركه التكولي الرقم المطلوب مشغول حاليا همريض شون شون يشغله ويامن يحجي للوحدة طب عمو من باب المطبخ ناسي مفتاح غرفته الخارجي ماخذ بس مفتاح البيت شافني كاعده وكفت بطبته ولازمه ايد بايد قابضتها متوتره بقه صافن عليه بعتب ومضيق عيونه كل نظره منه تكولي ليش اذيتي بس مسألت ساكته اخجل اساله شونه بي شي. خوممتاذي بس صافنه بلعت ريك باوعلي جر حسره ونصه راسه وطب للغرفه تعداني الهام..... ايام الي دا اعيشها ويا طمأنينة وامان وعهد ابدي يوميه يتجدد بكل صباح الحب والثقه صباح الامان يكولها بطرب وابتسامه وعده عاده الورده الكاطعها توه من الحديقه من يكمل رشها ب٦ الصبح ولازم محضر الريوك. من الثلاجه مالتنا. توست وجبن لو قشطه ومربى بصينيه صغيره ويخليها بالفراش هواي متاثر بالافلام حبيبي بعد حادثه رسل حسيت صار شوك مني صدمه دوم صافن عليه ومن اساله شبيك يكولي متخيلتج بهالقسوه هواي حاول يحنن كلبي بس ابد مكدرت احن وحده عرضت حتى خواتها للفضيحه ماريدها حتى مافكرت وين راحت ويامن عجزت وتعبت منها ميفيد وياها لاقوه ولاحسنى اخر مره فتح الموضوع زعلت ٣ ايام عنه لانتفرج مسلسلاتنا لا نباوع الافلام سوه وشيجيب مامد ايدي علي ولاارد تاليها صالحني وواعدني ميتدخل مره ثانيه حالة يحيى. تعقدت. من سالته كال خاطب وحده يحبها واهلها مانطو كونه مقعد ونفسيته تأذت واذه ابو ويا - شبي شكلك جيت هيج تعبان - للومه رايح عليه للمستشفى طاير بطلين دم خليتله ضعف عام عده ونازف هواي من راسه تالي اول مصحه يكولي - الدا امر بي كله بسببك انت انت موزلمه مورجال وابقى طول حياتي استصغرك مااحتاجك حتى لوجنت مقعد اطلع بره - ليش اني شسويت فهميني ليش لليوم محملني ذنب امه ليش اكون اني الادفع الثمن فوك الجرالي ليش بس كوليلي - عقله صغير الله يساعده خطيه. شيسوي. هذا من يذب حموله على غيره يرتاح وانت حبيبي ابو وسنده - هو دينطيني مجال اسنده عدو عدو ميكرهه كدي - ميخالف حبيبي انت اعذره موسهله عليه كلبي انت كلبك حنين ويتحمل - اخخخ ربي يعني حيف طلكتها يكولي لو رجال متطلكها وتخليها تتزوج صاحبك لو يكولي انت -- وتبرعت بيها لصاحبك يااب يتحمل هالحجي مو صغير دااضربه ولا جاهل داغير وجهه نضره - عوفه حبيبي براحته يجي يوم يتفهمك انت ابو الماله غيرك - عايفه هو اني اكدر الح علي - شونه هسه - طلعه حسن ودا لبيته يكولي لتطب روح ماريدك تطب لبيتي كالها ودمعت عينه حضنته وبست راسه حبيبي لتنقهر اني ماعدي غيرك فدوه يجي يوم يتفهمك - هو شبقى بالعمر - ميخالف كلبي انت لخاطري - استغفر الله ربي طفي الضوه خل انطمر تعاي شوي يمي انعل ابو لابو امه سكتت طفيت الضوه وجرني لحضنه حتى حضنه تعبان بس كل شوي يشدده ويجر حسره ويحضنني قوي كعدني الفجر عالصلاه كمت صليت ويا من كملنا التفت عليه كال - الهام اذا فد يوم شفتي من شي واجهيني اول واحجي وتفهمي يله تحكمين بس هذا الاريده منج - اكيد - خليها ببالج اني للموت ماخونج اني لكيت ثقه مضيعها سنين بحضنج استحاله اضيع هالامان هزيت راسي ابتسم واثقه بيك اني هز راسه وغمض ورجع نام هسه يله غفه. من تغير صوت نفسه والا هو للفجر منايم انور واخيرا ضبط الصلاه بعد زواجنا بثلاث شهور بعد شهور معاناه. بس من ضبطها كام ميكدر اذا ميصلي بوكتها هالشي زيد حبي اله. ازل دتعاني من سالفه المصرف ورجعت الاسبوعيه الها مدتكدر من بعد ماكانت تصرف على نفسها ونوبات تصرف على عسل هسه هي تريد اسبوعيه تخجل تطالب حبيبتي بس اني كمت اخليها على ميز جربايتها نوبات افكر افاتحها بوضوع التقاعد مال ابوها وارجع واكول مبقه شي واشتريلهم شقه بمجمع اسمه مجمع النور واسجله باسمهم طبعا رسل مستحيل اخلي شي الها اسجلها باسم ازل وهي كيفها بعد اميره اتصالي بيها منكطع كل فتره اتصل أسألها سؤال عن الدين عن عافيتي والخربطه مال هرمونات وتنصحني واخيرا طلع اسمها واسم زوجها للحج خطيه كيفتلها كلش واني الكصيت الها الملابس مال احرام الحج وهديته الها ولو هي متتجازه الكبب والمعجنات مالتها يوميه جايبه شي ومتقبل تاخذ فلوسها خبلتني ازل.... داومت لان عمو انثبر بابنه خجلت ارجع اسأله والح علي كانت الشركه صغيره غرفتين وحمام سبع موظفين ٣ منهم مثلي ممستلمين راتب من شهرين لحين تثبيتهم ديتعلمون المهنه زين الروحه الجيه كلها عليه وفوكاها ماكو راتب شهرين تركت المكان وطلعت ميصرفلي داامشي بشارع الشركه واباوع للشركات اليمها قريت مطلوب موظفات تسويق كلت اطب اشوف شنو المواصفات توني طبيت وسألت عن الاعلان كالت تفضلي بالانتظار بقيت انتظر ويايه بنات اثنين لبسهم سبورت ومو مثلي بقيت اكلب بالمواصفات مستحيل انقبل هنا وكفت دااطلع سمعت صوت مألوف يحجي - اي ان شاء الله شوف القوائم واليعجبك نجهز الشركه بي بشكل عام والك تخفيض ١٠ بالميه. ابتسمت راكان التفت صار بوجهي ابتسم كال - لا واللله ههه صدك جذب عمي تتشاقين نصيت راسي - شونك استاذ راكان - عمي يااستاذ تعاي بابا تعاي تعاي وياج قصاص بنت الاودام بلوك تنطيني - شسوي انت تلح - دتعاي مدام لكفتج وممتريك .. متريكه كالها ورفع حواجبه ابتسم هز راسه وباوع لساعته لا طبعا لان الست ازل تتريك ب١٠ يله امشي - وين داده داروح - لج دمشي لججج امشي لا بالقران اسحلج امشي تره سويتيها بله ملح كل هاي المدة مشبعتي توسل لج عمي شنو انتي ملحنا مااغزر ياحيفة الحيف - لاحشاك يله تمام امشي طلعت ويا بالسياره يمشي وكلسا ذاب حجايه - بالقران بذات صاحبتج .. صاحبتج موفيتي وي روحها ليششش لييش يحجي بهدوء يجر اللييييش واني ابتسم درت وجهي عالشباك - ادري كلهاي علمود سيدار يابه بطل خطب بت عمته الحوله تكوله هلو وتبوس امه ارتاحيتي - هههه استغفر اللله .. الله يوفقه وتندل خده - شكد حرامات العشره وياج وج حتى من واحد للخمسه هم حرامات. - اهووو بعدك فطير - ديله عيني فطر ولا بذاتين وناقصين جريت حسره ونصيت وصلنا وتريكنا وبده يعتب حجالي عالشغل والتحديث الصار حجالي على عمو اللي تحسن ورجع لزم عمله واني بس صافنه علي كمل كلام وابتسم كال - أسأل سؤال بروح اساور لتكذبين - ماجاوب راكان ... كلتها ونصيت - ليش تركتي الشغل فهميني بقيت دايره وجهي صفح مبتسمه جنت مشتاقه لكل لحظاتي بنصهم اهميتي واهميه ذكائي الي كانو مقدري هذا مكاني بقيت صافحه وجهي عنه مبتسمه همس - كلام اختج واتهامها قبل سنين صح مو باوعتله متفاجئه غابت كل ملامحي بلعت ريك ابتسم وهز راسه جر نفس همس وتقرب - ليش تخجلين جتي ايام انفض قهري يمج واسد الخط متطمن محد يدري بهالدموع الذبيتها يمج - راكان اني .. انت تفكيرك غلط - لا صح ولتكذبين منظرج يصير كخ على كوله اسو الله يرحمها نصيت راسي وباوعتله بتوسل - راكان فدوه - لج بابا شبيج راكان راكان اني - بس تفكيرك غلط - لج لتكذبين نصيت راسي عبست وجهي كلي - لتكلبين الجهره لج ترجعين ترجعين مكانج فارغ - لابابا ماررجع - لا ترجعين غصب عنج دتدورين وضيفه يم محمد تنوره - اني شعليه منهم - ازل اسمعي الكلام وخلي للعشره حساب رجعي ابويه. مكانج ومعززه مكرمه متلكين مثل اهلج احنا اهل وخلي سرج بكلبج. نصيت راسي - شون ارجع كلتها ودمعت عيني - معليج انتي انني جيت لبيتكم بست ايدج ورجلج. ورجعتج بعد. نصيت راسي ورديت باوعتله. - ماانسى وكفتك هاي - ياما وياما وكفتي ويايه بمحنه صعبه منكضت الا بطلعان الروح هزيت راسي تمام - يله كومي - هسه - اي هسه عدي شغل لج كومي ويايه. - اوك زين طلعت وياه بالطريق احس اكو حجي بحلكه. يباوعلي ويرد يباوع للشارع - شكو احجي - اكولج ااا عدج اتصال بوسناء - ليش مو رجعت تشتغل عدكم .. لاوالله ماعدي اتصال بيها هالفترة - هاا لا مو قبل ست شهور هيج بطلتها - ليش عزه هاي شبيك مخبل انت متجوز من سوالفك اخر مرة وبسبب تسرعك كوة رجعها عمو رائد نسيت لو اذكرك شلون خليتنه بموقف محرج كدام البنيه وعمو راح بنفسه رجعها ولوما سوت خاطر العمو واسو الله يرحمها مجان رجعت - هيج خبل يله اني مخبل - راكان صدك تحجي شسوت هالمرة - اهوووووو ازل شمدريني اني شفتها وي ولد دتتبشبش بالغرفه الاخيره وحدهم كتلها بعد لتداومين كالتلي هو كلي تعاي طبعي بالغرفه واني اشتغل عده مااسمحلك تشكك باخلاقي ماعرف شنو واني مسكتت طردتها وطيتها راتبها - اي وتالي عززه - تالي طلع هو هذا ساقط وره فتره جتي شكوه عليه. من بنيه متحرش بيها وطرده عمي بالدفرات - اوووف يعني انت متتعض بقه ساكت عابس وجهه - اهو هاي شون بله ... هممه شنو اصلا مموجودين ببيتهم شنو شايلين - اهااا ورايحلها للبيت - لامو هيج ديله وصلنا بعدين نحجي خل ننزل كلشي لتحجين شيسألج كوللي راكان تمام - اوك - يله عيني كونتيسا جبناها واجت ويانا جبناها واجت ويانا وكعتج سوده عدي اضابير مال سنه تنتظر تدقيق والله لاطلع الكعده. الكعدتيها غير لااطلعها من عينج بسيطه اخذين وياج للبيت خاننم بيتيهم بصفج هيج هيج حضن وبوس اريدج بسيطه تخلص قابل شنو ازل..... جنت احس بضيق كلما اقترب من باب الشركه. حدما طبينا ابو اساور جان واكف يحجي وي الحراس تعيين جديد يمكن وراكان كال - صباح الخيرات عمي التفت رافع تك حاجب رد هله ياب-- وسكت من شافني نظراته تحولت للعتب وهو يتأمل كل تفضيل بوجهي نصيت راسي متحملت نظرته. عيونه المنفخه توه كاعد من النوم وجهه اليلمع مثل وجه الصبح لحيته الخيفيفه اللي اختلطت اللون الابيض بيها بطريقه متناثره هاي كلهن حافظتهن قبل رجعت رفعته راسي شفته التفت جر حسره كال يله يابه على شغلكم راكان رد - عمي سحلتها وجبتها جانت دتتوظف يم محمد التفت راسا بخزره باوعلي وهز راسه متحسف ونصاه كال - براحتها بعد ماضغط واتوسل باحد اني يله راكان ب١٢ القوائم قبل ليخلص الدوام يمي - اي عمي صار يله ازل ازل... صفنت على روحي حتى مسلمت عليه شكد عيب نسيت راكان : انه ادري صفكج ابو فاضل يله من تشوفي مره لخ كوليله عمي شونج مال ذيج السع ازل : ماكول عمي بعد استاذ حالي حال اي موضفه رجعت لنفس الغرفه راكان حاجه البنيه الجانت كاعده وهي رأسا شيلي غراضج مكيفه باوعتلي تبتسم كالت - الله يساعدج شون جنتي تكدرين وحدج ويايه اربعه ومداسيطر مرديت عليها التفتت خليت جنطتي وادور باوعت لراكان ابتسم عرف علشنو ادور - وين ميزها - اخذته يمي - منو كاعد عليه - اني مالتي خليته الي تخوصرت ابتسم رفع تك حاجب معاجبه ابتسم بمكر - هلللو معاجبها الاخت امشي بابا صارلها كومه غايبه جاي تحاسب عقوبه الج ميرجع لمكانه - فدوه راكان اضوج وحدي راحت ابتسامته وهز راسه منصي كال بحسره - لعد اني شكول ماشي ارجعه بس بشرط - امم تفضل اشرط بعد صرت صاحب فضل براسي - غصبا ماعليج ام خشه كالها ورفع زوج حواجبه - اامر - وسناء - امشي لك اني معليه انت تجفص تجفص وتعاي ازل لزكي احجي عالسريع وااشر وادفع بي ضحك ونصه راحت ضحكته كال يبعد عيونه عني - لج لا بابا اني ههه اني بس علمود عيشتهم صعبه وخلص - واني شعليه منو الغلط - شعريه عالتمن - كركركركر شكد فكاهي. بقه صافن عليه يبتسم ونصه رد رفع راسه غابت ابتسامته كال بنبره توسل - حبابه كسر كلبي غمضت ورديت فتحت مميله راسي اتامل ملامحه شكو بكلبه ضدها تجاهه ماعرف كل الي سألته - شبيك وياها جاوب مستنفر وضرب فخذه - ماعرف توترني تنرفزني ماعرف ليش - ولك كدرتك عليها - تتوقعيني هلكد چلب هاي شبيج - ادري لعد شبيك كلته ودرت وجهي ارتب غراضي بالميز وجريت الكرسي كعدت - هاي شنو داده حتكعدين ان شاء الله وج هسه يكوم الشركه علينا كومي وكفت شكوو - كومي عدنا شغل لحكيني بعدين نسولف - تمام ... سديت المجر بي جنطتي وقفلته وطبيت المكتب وراه بلشنا شغل هلكت مااحس على روحي بالوكت حدما دك تلفوني للومه - الو - ها ازل وينج - بشركه ابو اساور رجعت للوم ليضل بالج - جرت نفس وهمست الله يهديج خوما حجه شي - لالا ماكو محتكيت بي مخليه ببالي استاذ وموضفته - تمام تمام وكلبج - من اجي نسولف للوم - انتظرج شوكت تجين يعني - يعني فد لل٥ كومه شغل عدي راكان يوصلني راكان : نعال شعلي خلي السايق يوصلج ازل : غصبا عنك توصلني باجر عود اتفق وي جيراننا سايق راكان : تمام حاضر ست سديته من للومه كملت شغل بس بعد كومه باوعت لراكان يكبس بالقوائم باوعلي يضحك بشماته - حييل بابو زايد - لك عيني شكد جنت مشتاقه اشتغل كملت انت - اي يله طبكي باجر خلصي تخطيط - تمام هاي حاخذهن ويايه اكملهن بابيت - اخذيها الف عافيه دالم وانفتح الباب رفعت راسي شفت ابو اساور باوعلي ودار وجهه ابد موصل للمكتب مال راكان يعرف بيه يمه بس شفته نصيت فات اوان السلام المتأخر هسه كال - راكان يله دنعزل فضها ساعه ٥ ونص - اي عمي صار ديطلع من المكتب رد رجع مدري شخذ من مكتب اساور مباوعلي وطلع بقيت صافنه راكان شمر عليه ورقه معقجه - هاا - شو مسلمتي - مادري شمدريني مداعرف اتصرف - باجر من تطبين تسلمين وخلص - اوك انشاء الله طلعنا وصلني راكان وراح اول موصلت لكيت عمو انور يحفر بالحديقه ومدري شيزرع حتى محس عليه من طبيت شارد بغير ملكوت طبيت المطبخ عسل دتغسل مواعين تك سماعه باذنها تسمع وبالها غير مكان وللومه تثرم بالبصل والكرفس يمكن تسوي كباب طاوه سلمت باوعتلي بقلق - ها بشري - شنو - حجه وياج - لا ابد اكولج حبابه بس اتفقي وي ابو سرمد يوصلني للشغل ويرجعني - اي عادي هسه اكوله اصلا يكيف هو كلي شوكت متردون عسى مانص الليل اني موجود - اي لعد دتفقي ويا - هسه اروحلهم طبيت سبحت جنت كلي حماس ونشاط طلعت اكلت لفه واكلب بالاوراق وكعدت كملت تخطيط وتدقيق حد ما صارت ال٣ بالليل وكلسا مخابره راكان سمطت صفحته اخابر واساله على امور اني مجنت موجوده بيها بالاورق واكمل شغل كملته ودكت ال٣ طلعت للمطبخ اكل شي المطبخ ضلمه والممر هم كلها نايمه والمح عمو انور يخابر بره انصدمت مدري شصار بيه يحجي بهدوء ويفرك بوجهه بقيت اتصنت - هسه واني شعليه ساعدتج بعد معليه اكثر من هالشي ماكدر علي عذريني تهدمين بيتي سده التلفون ومدري شكلب بي بس كلام الكاله يريح رجع لغرفته واني بقيت بالمطبخ كملت اكل داطب لغرفتي شفت غرف عسل مشتغل الضوه دكيت الباب مردت فتت شفتها نايمه وعالكه الضوه طفيته تفاجآت من شفتها فزت صيحت - شغلي شغلي - شبيج شكو شغلته غمضت عينها وتتلفت عالحياطين همست - لتطفي اخاف - اوك ماطفي نامي. رجعت نامت بقيت صافنه عليها طلعت متردده اتركها رديت رجعت اتلمس شعرها باوعتلي وردت خلت راسها عالمخده - روحي اضوج احد ينام يمي - كيفج .... طلعت وسديت الباب شنو البيها اختلف عبالك على غفله كبرت متنعاف منا وجاي متنترك ابد . . عسل.... الصبحيه كاعده من وكت نومتي المخربطه احتياجي اله لضحكته لانسه لامله وطموحه النا سوه همساته من يشرح مستقبلنا سوه. بيتنا من يكولها جان بلهفه ليش عيشتني بحلم كاذب ليش مكدرت اطلع من عذاب فراكه لحظه واراقب عمو بأي اتصال يجي افز واترقب خبر منه والافضع من هذا كمت اتجسس على تلفونه بمجرد ان يتركه اكلب بي بسرقه. مره كاعد تريك وكمل كام يغسل وهو عالريوك دز رساله شفته يكتب من كام يغسل كعدت بمكانه للومه دتحضر الغده وتتركه على نار هاديه واني اطفي بعدها منتبهت من كعدت بمكانه باوعت جته رساله من يحيى روحي ردت كاتب مبيه شي حجي الحمد لله احسن ليضل بالك ولتزعل مني شوي هالفتره ضغط عمل ورد كتب كل الهلا بيك ما فد يوم طردتك حتى اطردك من بيتي شسوي تبقى ابويه واسمك وره اسمي بضهر جنسيتي ويوم ثاني كان مراسله بس الكدرت اقراه قبل ليجي عمو كاتب ممحتاج احد حجي مخلي ممرضين اثنين حسن وياهم والاسبوع اليجي ابلش كورسات علاج مراح اكون موجود بالبيت خاف تجي متلكاني علاجيش بعد شبي لليل متحملت وكأن لكيت حجه احاجي بيها اتصلت بي لكيته مشغول عرفت مسوي حضر لرقمي من الشبكه وعلى كل البرامج متحملت طلعت شفت للومه تشر هدوم كتلها اريد تلفونج داخابر لوزه ماعدي رصيد كالت اخذي عالشحن ركض اخذته عمو التفت عليه انتبه نصيت راسي اتحاشه نضرته طبيت للغرفه قفلت اباب كللي لهفه لسماع صوته ارجف ارتعش دكيت رقمه وغمضت دك دك دك رد برزانه صوته ورسميته - الو نعم وصوتي اختفى - الوو بلعت ريك همست - يحيى شونك سكت حتى نفسه راح يحيى كلتها وانترس صوتي عبره كال - نعم بس مليانه حقد بنتره حجاها بقيت ساكته مغمضه وهو ساكت محجه شي بس اني حجيت بتردد وارتباك مفرط - اانت شنو مريض بيك شي ليش دتاخذ كورسات علاج جر حسره وسده بوجهي تخبلت رديت دكيتله رفضه مره مرتين ست مرات انهاريت بجي واعض باصبعي مدري ليش كرهت روحي اريده ربي شوون شتاقيتله رديت خابرت مسحت دموعي واجاني الصوت الرقم المطلوب مشغول حاليا ومره لخ وهم طلع الرقم المطلوب مشغول حاليا سديت مسحت المكالمه والرقم مسحت وجهي طلعت خليت التلفون بمكانه دارجع انركع باصبع رجلي الصغير بطرف الحايط شاغت روحي ومصدمت لكيت سبب للبجي بخنيك التفتت شفت عمو يعاينلي بعتب نصيت وطبيت للغرفه واقنع بروحي ابنك السبب هو الكذب عليه. هذا كان اخر يوم قبل المصيبه الطلعت رسل محضرتها النا للومه .... نايمه بحضنه ونتفرج بالتلفزيون مسلسل اجنبي متابعي باس راسي رفعت وجهي ابتسم تلمس شعري بحنان مبتسم بتعب - شبيك حبيبي جاوب مغمض - شوي تعبان - ليش اكو شي بالشغل متعبك - امم ... هز راسه ورجع باس راسي جر نفس همس باجر اتاخر ليضل بالج - شكو وين - بالشغل عدي بريد بالمحافظات اذا ملحكت ارجع جوز ابات خفر - وين تبات ياااا صدك جذب كعدت عدل وكفت المسلسل جر حسره وعدل شعره حركته من يرتبك يحاول يخفي سر - انور اطلعلي بالنظيف اكو شي - لا والله ههه قابل شكو هسه سامي خابر كال باجر طالعين محافظات بريد ل قائم مقام مجلس القضاء المحاويل لليل منكمل جوز نبات بالحله. كتله هذا هو سكتت اتامل ملامحه التغيرت دار وجهه عالتلفزيون طفاه همس - باجر اذا رجعت نكمله - خوش كيفك غسلت بالحمام ورجعت نمت جرني بقوته لصدره ويحضن بيه وكأنما رايح سفر - شبيك انور - شبيج شكو اول مره حاضنج قابل - لاانت اليوم موطبيعي - شو وي يحيى متناكر - الله يهدي عليك صدكته بمزاجي وعديتها غفيت على صدره حسيت بالليل ونه بتلفونه فصله ورجع نام جان ديكبر بالجامع توقعته منبه رد دك مره لخ فصله وكام توضه وصله كعدني كمت صليت باوعت للجهاز مطفي - جهازك مطفي - اي ادري دديخربط طفيته - ها - اي يله تكومين تسوين ريوك لو ترجعين تنامين - لا بعد وكت ب٥ فد ساعه اكوم - رجع نام بس ادري بي من نضافه نفسه منايم ولااني النمت شي حاجز كان ببيننا اكثر من كونه يحيى اكو شي خافي عني ببساطه داومنا للشغل ورجعني كال عدي بريد بلكن ارجع من وكت وطلع الله ويا التهيت وي ازل نسولف عالصار بالشغل تكول صار اربع ايام مداومه ابد ميجي لمكتب راكان ومن يريده يدك علي يروح راكان لمكتبه بس حتى ميشوفها ويحاجيها جان متسائله وحايره خاف مرايدها بالشغل واني حرت لحيرتها لل٨ المغرب انور مرجع اتصلت بي كلت جوز يبات مرد ضل بالي كلش كمت اتصلت بموفق ولد ويانا جان وانقل عالبريد وي انور بس انور ميدري رقمه عدي لان علاقاتي محدوده بالشغل كلش بس موفق خطيه خوش ولد حباب كم مره دازته على لفات من يطلع يجيب ومردني بشغله اطلبها منه اتصلت ورد - هلا ست الهام شونج - هله استاذ انت شونك شون صحتك - الله يخليج كولي محتاجه شي - والله ردت اسالك عالخفر - وين قصدك - بالشغل مو البريد نوبات يطلع محافظات وتبقون خفر - وين اكو وين بدائرتنا لاعمي بس داخل بغداد. - ها - اي منو عدج بدائرتنا ست امريني - لا العفو استاذ بس داريد اعين ولد معارفي وووامه مالها خلك كال ماكدر عالخفر فد اتاكد - لالا تطمني ماكو خفر بس داخل بغداد شغلنا - زين هاي كل المكاتب مال بريد بالداخل - اي اي كلها مال دائرتنا بالداخل - اوك شكرا جزيلا - هلا بيج ست الف هلا سديته وغمضت شعدك انور شعدك لزمت راسي انسطرت المن اخابر اكلب بالتلفون وافكر بيمن اتصل رديت خابرته خلصت الدكه ومرد ردت اتخبل شوي ودز رساله - گلبي بالشغل اني بيج شي رديت - لاحبيبي ضل بالي. كتبتها وادري حبل الكذب كصير عفت التلفون وكمت صليت وكعدت اسبح شعلمتني اميره تعبت اعصابي من التفكير كوه قنعت روحي انام توني اخلي راسي عالمخده دز -مشتاق لدفو حضنج رديت راسا - تبات - اي كلبي ابات - وين بفندق - اي - طكلي صوره دز - تردين اصير مضحكه كدام الولد دز صوره لروحه نايم بفراش بالفانيلا والشورت شي بيه ارتاح مدري لان راسلني حاولت اقنع روحي وفعلا غفيت لل١٢ ونص بالليل دك تلفوني رقم غريب رديت مستغربه وكلبي عصرني - الو جاني صوتها نرفزني وحسسني بحقارتها من جديد - هله للوم افندي - ووجعه ببكلبج شكو مخابره نصاص للليالي - يمه اسم الله عليه ببطن عدويني واليكرهني الوجع كون - شرايده لج - للومه رجلج الميت عللليج وينه هههههه - وانتي شعليج - هيج بس ردت اذكرج بالتهديد الهددته الج ههههه عود رجعي نامي رغددد. والله تقهرين كعدت عدل - شتقصدين لج - والله تردين الصدك ميتفوت وبصراحه اللي ببطني يريد اب او لا خليج على عماج هههه مو انتي هم عاقر ياللومه اقلها الرجال يريد طفل ثاني يشيل اسمه - انجبببي رجلي ميباوع لزبايل مثللج. عار - هههههه لا يباوع للعجايز الكركمه ههههههه حبيبتي هو يمي ببيته متحمل ابات ليله بره البيت اصلا حتى من تزوجج جان تالي الليل يجيني من كل عقلج علمودج بابا انتي عجوووز عاانس - لج دمشي ولي لج وحده فارغه - متصدكين تعاي وشوفي عمي اذا بيج زووود وواثقه منه تعاي هسه وشوفي - انجبي وولي يله - متكدرين مو بس والله حنين حقج هيج تحبي عجوزه و لكت هيج حنان. وج اني شباب ومتت من وره حنيته ودلاله هههههه بقيت ساكته جرت نفس كالت بجديه - الهام رجلج ببيته القديم جابني وحاليا هو يمي تقبلي واقع ليله الج وليله الي خلص لو تخسرين الرجال الوحيد الباوعلج بحياتج البائسه فكريه ام الفلس بلعت ريك - كذابه انتي همست ارتعش كالت بثقه - تعاي ( لل..... ) لبيته وشوفي تاكدي بنفسج ارتاحي سدته بوجهي واني طبيت بدوامه مثل المخبله صرت . . يتبع التعديل الأخير تم بواسطة فيتامين سي ; 30-10-21 الساعة 08:50 PM | ||||||||
|
| |
|
30-10-21, 08:55 PM
| #59 | ||||||||
| مراقبة عامة ومشرفة منتدى الروايات المنقولة
| بارت ٣٩ #أماً_لهُن #مريم_السعدي ازل ..... هالاسبوع ابد مشفت ابو اساور بيبي على اتصال دائم من يوم مشكله للومه اتصلت حايره ماعرف وين اروح خفت عليها جبل وانهار كدامي خفت كلش واتصلت كل الكالته تبات نار تصبح رماد لتخافين هسه تبرد وفعلا بردت او تضاهرت بالبرود جنت اداوم واصنف وي راكان واني شبه مرتاحه بس بداخلي كنت بحاله توتر دائمي شو من مريت مباوعلي شو من يحجي ميهتم ابد كانما مواكفه. يم راكان ابد محتك بيه سلام مسلم. ولااني الحجيت وراكان خربان ضحك علينا توسل راكان بيه احاجي وسناء واتصلت بيها بعد توسل وحلفان انه مو اله الشغل تشتغل ويايه يله قبلت ترجع اعرف بيها بامس الحاجه للعمل جنت وي راكان اني ايد وحده اقل شي صاح ازوله تعاي هنااا واركض نبدي نشتغلل حدما احس عالموبايل يدك للومه شنو السالفه ازل حتباتين بالشركه وارد هاها نسيت والله يله حنجي وراكان يرد ليش بيش ساعه واكول ليش جوعان هاي كل يوميه جنت ارسم واخطط وياخذ افكاري يعرضها على ابو اساور وهو يقبلها ونوبات بيها مضره للشركه تنلغي كان يعرف هاي افكاري كون ماره عليه قبل ولكون راكان يكوله فكرة ازل يوم وره يوم فد مره دنشتغل طبت وسناء بعد اسبوع من عملها ويانا كانت اول مره تلتقي براكان طبت للمكتب لان ابو عون راد منها اوراق. ابو عون : تعاي تعاي بابا هنا اي عاشت ايدج صفنت عليها مباوعت حتى ناحيتنا اني وراكان رغم نفس الغرفه اني وابو عون وراكان واكفه بشموخ تتلقى الاوامر وتسجل هزت راسها وطلعت التفتت لراكان فاك حلكه ابتسمت عبس وكام يخرط ( هلو شونك استاذ شون صحتك ااهلا انسه وسناء نورت الشركه والله عذرينا ضنينا بيك سوء لاعادي استاذ اني اصلا لابستك ) كالها وغم الباب يحجي بنتره وصوت ناصي معبس لان لبسته. اهانه اعتبرها يسأل ويجاوب روحه ختمها ب مااالت عليج وعلي يوضفج وغم روحه يابه لزمت بطني خربانه ضحك باوعلي كالب خلقته ضربني بالفايل البيده وطب ابو اساور مزنبر نتر - اجتماع عاااجل شباب بسرعه للصاله الاجتماعات ركض راكان نتر وراه شكوو ياستار رد - مشروع ( -- ) انلغى وفلوسنا انكرطت كمت الملم بسع وراهم اوراق المشروع ابو عون توجه للصاله واني وره راكان فعلا قلقت على وضع الشركه وكانما شركتي طبيت وياهم وهو ديحجي الاداره كللها متسطره حتى الكرسي مالتي فارغ توني اكعد وقطع كلامه وباوعلي اول مره يحط عينه بعيني - انسه ازل وكفت فازه كمل ونصه راسه ويحجي - كلت اجتماع اداره الشركه بسس بلعت ريك راكان عكد حاجبه هزيت راسي مرتبكه العيون توجهت عليه كمل كلام لابسني عفتهم وطلعت راكان همس - عادي ازوله غلسي مديت شفتي ااي عادي شكو قابل طلعت ركض لغرفتنا كعدت عالقنفه الجلد صدك بجيت لان مكاني وياهم تعبي اكثر منهم وما قدره بجيت شوي ومسحت وجهي جنت بردانه الجو كلش بارد وماعرف اطفي السبالت ريموتات مشيوله وشايلين الچنل اليطفي التبريد حتى محد يلعب والجوزه من بره تلفلفت بيدي وخليت راسي عالكشن عيوني صارت على صوره اسو تبتسم وكانما ... وكانما تكسر عليه وتكولي ميخالف شتاقيت عمري شتاقيتلج كلش غمضت وذبلت ملامحي اني من انقهر انعس اطفي غفيت فجأة طفت الكهرباء وتحول عالخط ماكو تباريد بس سبلت عالخط اخف البروده شوي هدات حيل من دفيت وغفيت وره شوي سمعت صوت راكان بين النايمه والكاعده مو بكيفهم همه ههه راكان بجلاله قدره سكتهم وسكت همس هاي شنو نايم ياشليل الصوف نايم فجاءه احد ثاني بالغرفه حجه عوفها خليها اكيد تعبت ها ماكعدها لا خليها ترتاح كان صوت ابو اساور بهدوء يحجي واني الغفوه اخذتني حسيت وره شوي بانخفاض كشن القنفه الجلد النايمه عليها فتحت عيني بهدوء شفته كاعد بالطرف يباوعلي رمشت دار وجهه راسا عالاوراق خلاه راسه يكلب كعدت بلعت ريك عدلت هدومي فشلت وكفت راسا وهو ميباوع بوجي يكلب ورقه وره ورقه طلعت بهدوء متسحيه لكيت راكان كاعد بالمكتب البصف مكتبنا مكتب وسناء ورحيم كاعد على مكتب رحيم يكمل شغله ووسناء على مكتبها متباوعله هو يشتغل ويباوعلها ويرد يكمل طبيت رفع راسه ابتسم نتر يضحك صح النومه ياحلو عبست حلكي والتفتت على وسناء - فدوه جيبيلي جاي باردتلي - اي هسه عاط راكان - اني هم بله شكر مردت عليه كعدت يم راكان همس - اي شفتيني شون خليت الجو الكم عبست وجهي وباوعتله - شكد غثيث صاير متنجرع - يابا اضحك متقبلون ابوم متقبلون درت وجهي عنه كال - يا ستار ياربي متتباوعين اول متكعدين اجه الجاي جابته وسناء ستكانين قدمت الي وهو مد ايده همس - ايي مشكور قبل ليوصل جرت الصينيه كال مكطع - هاي وي... ن شنو هاي شبيها .. اوكف- بعدني وسكت من شافها شربت منه وكعدت على ميزها تكمل شغل علحاسبه والتفت عليه - اكولج ازل اني موجود لو طالع ضحكت ونصيت - انت ملبوس مثلي راكان - مواكوم اعدل جهرته بكاغد جام بالقران تره هواي زودتها - والله عيوني تستاهل - خرب حظي اذا بقيت يمج كومي كومي داطلللع - متفتر مناك - ماريد منا طبيت الا منا اطلع - اهووو فوت يله طلع ويدردم ويباوعلها بخزره وهي ولامهتمه رافعه تك حاجب بابتسامه ثقه عجبتني رغم حاجتها للماده بس بنيه واثقه من نفسها محترمه ذاتها ومحترمه للتربه اللي انخلقت منها ناطيه روحها حقها الكاامل لبسها البسيط لابعد حد متغيره ابد عمري مشميت بيها ريحه مطيبة شكد اوكف بصفها قريب منها عالحاسبه ابد لافد يوم شميت ريحه هاي هاي سنونها تلمع والله مره من حيرتي سألتها هاي اسنانج ليزر ضحكت بصوت ناصي بس بينت سنونها المصفطه - لا ست العفو ههههه لاست اغسلها بملح وراها معجون اسنان واغرغر بالقرنفل وخل ابيض وويا مي فاير مثل الخلطه تضل الاسنان قويه وتلمع واللثه قويه حتى البلاعيم متعود تلتهب بسرعه فركاس ميطلع عدج - بله بربج متعلميني عليها - بعيني ست اني اجيبلج بطل باجر وغرغري بي - فدوه لعينج تسويلي فضل لان دوم عدي نزف باللثه. مضوجني - اي ست هاي التهاب هسه اسبوع عالغرغره تستمرين تصير مثل الورده - عاشت ايدج طلعت من الدوام للومه كانت مداومه نص دوام وراجعه نايمه بالمطبخ جيت يمها كنبصت - للومه فتحت عينها بكسل وتعب - همم - شبيج شو هنا - مابيه حيل راسي حيطك اخذت اجازه وطلعت - خاف مصخنه خليت ايدي على راسها ماكو صخونه همست - لالا ممصخنه فدوه شوفي عسل تطبخ كلاصين تمن مابيه اكوم - زين كومي نروح طبيب صخام شنو هيج كاعده - لااريد انام عوفوني عفيه لحد يضغط عليه - براحتج تركتها عرفت علتها عمو تساولات هواي براسي ليش عمو هيج سوه رسل نعرفها من اول مريضه بالحقد والغيره عسل كانت تعزل غرفتها وجوه الدرج والحمامات تلتهي بالشغل دا بدل ودك تلفوني رقم غريب - الو تفاجأت من جاني صوتها - ازل شونج - رسل !!!! - اي شونج شونها عسل بقيت ساكته شوي ردت انهد بيها بس صفنت هذا الرايدته - زينين بخير انتي شونج - كلش زينه اني ردت اشوفج انتي وعسل اني باچر مسافره لعمان مارجع بعد - اي روحي الله وياج لاعذريني مااكدر التقي بيج - ليش يعني - عذريني اخاف تجينا حجايه الي ولاختي اخاف احد يشوفنا وياج روحي عيشي وحدج - هههه هاي صدك تحجين هههه لازم للومه تطلكت ههههههههه ماثره عليكم هواي حاكه الصبه هههههه ومنعمتها زايد - شهالكلام حتى كلامج كلام شارع - ديله عيني ست ازل غير تستقر اوبرا اكولج مكتيلي تطلكت الهام - ليش تطلك يعني قابل شكو - هاااه يعني انور رجع عدكم - اي عادي البارحه جان عدنا فيزو لتركيا يردون يجددون شهر عسل - هاااا صدك عشتو بعد عليه الكركمه. - اي كلمن ياكل نصيبه وللومه تعبت لخاطرنا هواي. - شتعبت اوكفي اوكفي هيي شو شبعتنا جوع وعازه ونباوع عالعالم وهي بالدفاع كومه راتبها على كلبها - ليش معتازين نمنا ليله بله عشه - لا يابو كضيناها السنه كلها فد لبس الشته فد ثوب والصيف فد ثوب كل موسم ثوب اتوسل بيها تكولي هاهي ماعدي وهي تلعب بالفلوس وتضم تصفطها على كبرها انشاء الله - فوك متنطينا من فلوسها - غصب عنها بنات اخوها بس هي حاقده لان حلوات وشباب تحقد تخاف نطلع حلوات ويباعون علينا وتبقى وحدها مدري شون باوعلها انور مدري ياسحاره رايحه عليها وسوتله جذب - انتي وحده ناكره المعروف رسل - دروحي انتي هم بطرانه خليج بهذا عقلج انتي اصلا اعقد منها لو بيج خير متحبين واحد كد ابوج النوبه ياريت معبرها لابسها بابا اني اني بعضمتي ماباوعلي حيباوع الج - مجاوبتها ههههه انتي مريضه روحي تعالجي - امم زين المهم سلمي على عسل - الله وياج عذريني ميوصل عسل كامت من تسمع اسمج تتخربط - هههه خليج هيج خليج يجي يوم تحتاجين وتتوسلي بيه اساعدج - الله ليعوزني عليج بجاه تراب ابويه وتعبه لخاطرنا خنست وسدته بوجهي لغيت رقمها عسل كلها شهر وتداوم واحد بالشهر استلم جنت مواعدتها اني اشتريلها الملابس بس استلم اشتريلها رائد قهرني حيل يمكن لان طلعتي من عائلته ولو اني من وحدي طلعت بس اختنكت من حركته وياخذني بصفنه تنحل كل عضم وعصب بيه من كلام راكان - وج والله ضارب ركن بصفنه ثلاثيه الابعاد عليج من نايمه منتهي تايخ وايده على خده عود من طبيت اخطب نصه وسوه روحه يكلب بالاوراق الله وكيلج نصها فارغه ونصها لازمها مكلوب عليمن اجه على راكان تره ملاعيبي ذني - راكان تره رايح زايد انت وين تره اني مو ببالي - اي اي صح بكلبج مو ببالج صادكه حتى نوبات تصير بعيونج - اهووو اكوم احسلي انت صاير ماعدك سالفه - شسوي طيني سالفه اتونس بيها التهي عنج والله - دطير انت هم صح كلامه يضوجني بس بيني و بين نفسي وبعزلتي قصه من سطور ورديه اتخيله صدك دايخ بيه من يومها صار من يجي قريب مني ارتبك اني الرزنه الصبه ارتبك اصفن باللي بيدي حتى ابعد نظري ومتبين الخربطه بدكات كلبي وهو ولايمه بيبي كل يومين ثلاثه متصله بيها واسولفلها عن راكان وتسولفلي عن خواته وامه اللي خطيه يردون يفرحون بي وهو رافض الفكره سيدار اللي تزوج ومشاكل وي مرته واهله متخلص يجي مهزوم بيت ابو اساور يشكي لبيبي ويروح كان عمله يسافر ويرجع مكمل لعملنا بره القطر ابو اساور هالاسبوع يسافر يوقع عقد جديد بيننا وبين شركه اردنيه كالو سبوع ويرجع واني مدري شصار بيه والله جنت على صوته يكفي. يكسر شوقي ولهفتي بعزلتي. يونس وحشتي هسه حتى هاي انحرم منها اسبوع من يومها عرفت روحي تعلقت اكثر من اول. من جد وجديد حبيته صوته لبسه اناقته ضحكته وغضبه ونظراته القليله كلش حتى عدم اهتمامه الي ولا كانه موجوده كل هاي عشقتها بي عشق عذري واكفه ارتب فايلات اللي منريدهن اذبها بالمخزن وفكره تجيبني وعشره توديني بمكتب راكان وابو عون وثلث موضفين وياهم من ضمن الاداره. واكفه همه كاعدين يشربون كهوه ويحجون ويضحكون واني بزاويه. من زوايا الغرفه ارتب وافكر قطع تفكيري صوته - هااااا منجمعين بالخير كصيتوني مو راكان : ههه هله عمي لاوالله توني داكوله لرحيم شوما اجه نطانه الارشادات والتوصيات المعتاده ازل .. نسيت عيوني ملتفته ركبتي عليه واتامل تقاسيم ًضهره الدايره عليه يمكن منتبه لوجودي جان عركان قميصه بالنص من ذب الستره. منده صاير اطوخ من الصفاح وبده يحجي - راكان انت العليك الموضفين الجدد ذوله تره كلش طايشين تره حركه تخربط شغل-- وسكت من التفت وشافني بهالنظره والوكفه جان دياشر ونزل ايده مادري شون كانت نظرتي اللي نظرته راسا حنت تحولت من جدية العمل للحنيه بلع ريك واني بنظرتي غمض ودار وجهه عني كمل كلام - ااا شسمه ورحيم عالصادر والوارد تترقب الايميلات التجي وتشوف الحوالات لتاخرها كون الاثنين حاضرات كمل كلام وي رحيم ورجع باوعلي وكانما يريد ياخذ بعد من رحيق عيوني باوعلي كال - اسبوعين تكضي العقود وارجع دمعت عيني وانتبه لاول مره يبقي عينه بعيني رمش بهدوء لانت قساوه عينه دار وجهه بهدوء همس - دزلي على جاي راكان فرك وجهه جر كرسسي وكعد ضهره عليه انتبهت على روحي راكان صافن يبتسم بمكر غمزلي من صارت عيني علي الموظفين التلاثه نصو والتهو كلمن بالاوراق اللي بيدهم نصيت راسي من راكان طلعت بهدوء حتى نسيت اترخص بس كلبي العاصرني حاكمني ومسؤول عن حركه جسمي طلعت لمكتب وسناء ووختلت وجهي بيدي صدك وابجي كيفت من ماكو احد والاحلى طفت الكهرباء. التحويل يتاخر خمس دقايق الغرفه موكلش ضلمه بس مابين وحدي جنت فجأه الباب انفتح وانسد بهدوء مسحت وجهي راسا واشهك بكلبي ختلت شهكاتي اشتغل لايت فون رفعت راسي شفت هيبته ووكفته عمو مو كلش طويل بس هيبه يطلع طوله ١٧٠ وكفت راسا وجهه حاير نظراته ضايعه تقرب مني وجه اللايت على وجهي كانت نظراته تتحدى عيوني ونبض كلبي متضعف بس ضعفت من نزلت دموعي عبس حلكه ودار وجهه مستغفر - استغفر الله العضيم بابا محتاجه شي - للا استاذ كلتها مشدده عالاستاذ لااستاذ ممحتاجه بس سلامتك هز راسه وجر نفس ميل راسه واللايت الخاص بالفون بيده نصيت راسي مكدرت اقاوم بعد مداعرف شون عيوني تباوع اللي هو حار بيها بلعت ريك ورفعت راسي بكل ماعدي من قوه كلت تروح ترجع بالسلامه اخر كلمه كانت مهزوزه برجفه صوتي غمض عينه وهز راسه اجتي الكهرباء وهو دار وجهه وطلع راسا بدون اي كلمه زايده هد حيلي وخلص خلصت طاقتي لااني الارد ارتبط بغيره ولامفكره بالزواج من غيره مو اني اللي ببالها لازم تتزوج ولااني المخليه الرجل نهايه امالي اني وحده كلبها دك لشخص شفته اب واخ حبيب وسند من كلب وعقل لسان وجسد وعيون حبيته بكل طاقتي لاعمري فكرت بشباب مثل بنات هالوكت ولافد يوم حسيت روحي اميره وتدور عالامير ردته هو ومشفت بحياتي غيره كرجل ردته هو وميتغير بي شي ابد لاعصبيته لا اهماله الي ولاحتى شيب القليل. الاكتسه شعره وحواف لحيته الخفيفه . . الهام ..... شهر مر اميره على طول اتصل بيها وتحجي كلام متفرق ابد متحيب سيرته واني الوب عليه كم مره لمحته ينزل من درج دائرته تفز روحي واكول هسه يجي وميجي بس كل مره يلتفت لبنايه دائرتنا اكيد ميشوفني لان جان عازل ويرجع يكمل طريقه تمنيت يجي يعتذر يراسل يوميه ميت مره. اتفحص تلفوني. حتى واتسابه ممتصل من اخر يوم تعاركنا. روحي تحترك حرك معقوله ماصدك نترك معقوله بعده وي رسل بعدها عدهم غرفتي وعالمي الملون صارت رصاصي بعيني اختنك منها كعدتنا والكوشات الجهاز مال افلام حاسبته كلها منلعب بيها اختنك من اشوفها حتى الكرزات. والنساتل. والعصاير مصفطه مملعوب بيها والفاكهه تلفت وذبيتها شتاقيت لحياتي بس الضاهر هو ارتاح وياها اكثر حيره تاخذني وحدي لوحدي يعني شنو تزوجها عقد عليه واتبخر غضب ونار الغيره تحرك واتذكر وجهه عالسجاده من لزم وجهي الهام لتتخيلين فد يوم اخونج لتصدكين واضرب على وجهي من اريد ابجي كذاب كذب كذب. لعد شيسموها فجريه كاعده بالحديقه اراقب شجره الفلفل الصغيره الزرعها هو بيده بده الفلفل يطلع صغاركلش مرتجيه عالحايط وطلعت ازل بهدوء ساكته واني بيدي ياس افتفت بي واشتمه كعدت بصفي تبتسم محجت ابد ساكته مرت تقريبا عشر دقايق وجرت نفس حسيت عدها حجي - هاازل محتاجه شي - هزت راسها لا ورجعت سكت شوي كالت - خابرت رسل فززني اسمها باوعتلها - شرادت باوعتلي عيونها تعبانه وكانها شالت غلط اختها. وكانما. تحملت ذنبها كالت وعيونها دمعت - كالت اني مسافره ردت اشوفج انتي وعسل وكتلها ماكدر فكيت عيني حايره - زين شنو يعني وحدها - لالا اللي تزوجها اجه اخذها من بيت عمو وسافروا فكيت عيني درت وجهي خجلانه - للومه فدوه لعينج خابري الرجال اخذته غيرته مكدرت الزم روحي واني صايره جدا ضعيفه وعاطفيه. بجيت وغطيت وجهي - هو ميريدني لو يريد يتصل - جرحتي انتي للومه بين عمامه تخزه شافو موخوش غمضت وانهاريت ابجي - خلي يجي يبرر عبالك خلص مني - اذا انتي مانعته ومحذرته هنتي كتيله ماريد اشوف وجهك نسيتي منو البنه البيت تره شغله ثقه مخله نصه باسمه بس بالمكاتبه واحد غيره يروح طابو بس الرجال كلج قابل بينتا هالسوالف وتسامحي اذا وصل الهام ... نصيت ودموعي تنزل جاوبت بانكسار - هو رادها من الله - يعني اذا اجه تسامحي بقيت ساكته - متحجين للومه اذا اجه الرجال متطردي وتهيني بلعت ريك رفعت راسي للسما - يجي يفهمني يكسر عليه غضبي يحجيلي مو ميصدك يروح ويتركني بعذابي سكتت خلص الكلام سكتت وجرت نفس وجهه انكلب كامت ركض استفرغت بمغسله الطرمه مشيت وراها - هاي شبيج - مادري روحي لايبه يمكن من الحليب الصبح شربته مدري شون طعمه ازل ... للومه أمورها مخربطة هذه الفترة بقيت صافنه عليها اخاف اكولها خاف حامل واجرحها للومه طخت الاربعين معقوله يصير عدها طفل وتذكرت كلام وشماته رسل عجيز شمطاء حتى طفل ميصير عدها شكو ماخذها مادري ششايف منها مادري بقيت ساكته طبت للغرفه وتمددت عفتها وطلعت عسل صفناتها ووحدتها مو مثل نشعه قبل ومن اسالها شبيج تجر نفس بحسره تاذي بس تهز راسها بالرفض اسبوع واستملت راتبي اخذتها وطلعنا مالها نفس بشي تعبانه ودوم عيونها. مدمعه باقل موقف وكفنا بكلفتريا دخلنا طلبتلها كرواسون لان ادري بيها تحبه وي الجاي شفتها منصيه تاكل وعيونها مدمعه - شبيج - لامابيه شي اختنكت قنعت روحي اصدكها كملنا مسواك ورجعنا للبيت ولاحسيت فرحانه تذكرت من طلعنا نتسوك اني واساور سبحان الله حتى ابو المحل معميلنا تذكرني موتني بحجايه - انتي موكم مره جيتي وي اختج تلبسون وحده عكس اللخ كالها وعيوني انترست دمع وابتسمت اي اني هز راسه يضحك داكول شايفج كم مره جايه وهالمره جيتك اريد تجهزلي. اختي الصغيره تمام وبده يطلع بالقمصان واحد احلى من اللخ والتنانير كذلك وهي مالها نفس ترد بكله اختاريلي انتي اللي يناسبني ماعرف وبديت انسق سيتين اخذت وياها حجابات كالت مااحتاج عدي سيت كل الالوان اخذت احذيه وجنط نص راتبي طار فدوه الها رجعنا بعد اسبوع دوامها واني مفترض بعد كم يوم يجي ابو اساور الدوام دون صوته ميمشي دااشتغل بحماس واتحدى الساعه اليوم اكمل شغل كله. حتى باجر مااجي من وكت اجازي روحي بعطله زمنيه وانام بيها ساعتين. و وسناء ويايه خطيه تكبس وتنسخ ركض ركض وطب راكان فتح الباب بعصبيه - يابه شنو السالفه. فززني - شكووو؟؟ باوعلي وعيونه من كيفها تروح على وسناء اللي هاملته وكانما محد دخل كمل كلام - دثو اني صارلي ساعه اخابرج وانتي مغلسه ملبوس اني ملبوس قياس٤٥ ومادري بروحي - هههه حشاك معود هسه كملت - جوعان متاكلون لو متجوعون انتو باوعتله وباوعت لوسناء يعاينلي ويعاينها جاوبت - هسه يله حسيت بالجوع باوع نص ساعه وتعال كملنا والله ⁃ لج بابا جري نفس بعد عدنا مجال ⁃ ارد انام باجر راكان فدوه اجي فايت وكت وهم دوام عسل اريد اروح ويتها للجامعه ⁃ اهوو بجت ديله انتضركم يعني شوي واطلب شتاكلون ميثاق ورحيم رادو مندي انتو شتردون ⁃ اني لفه اي شي كلتها وعاينتله كوه لازمه الضحكه ميعرف شون يعتذر لوسناء وهي اصلا متتقبل منه كلمه وحده كمل كلام ⁃ و وانسه وسناء راسا ردت - اني تغديت مشكور تحجي ومتباوعله كال - شكلتي شوكت مردت جر نفس كال بصوت ناصي - براحتج عافنا وطلع محجيت وياها شي كملنا شغل ودك عليه بالوكت المناسب - هاااا اها كملنا - ديله راح اجي عدكم - ليش خو يمك - لالا يمكم رحيم وميثاق اكلو وحدي اني - ديله تعال شوي واجه بيده جياس الاكل الشركه فرغت بس احنا كادر الاداره طلع الباكيتات مال لفات ويسولف - عيني هاي همبركر ب٦ وانتي تطلبيني مال قبل كم يوم تباوكنا هاي البيبسي من عدي شلوني بعد وين لاكيه هيج مدير - اي فدوه لعينه شكد حباب - امم ديله تفضلو وسناء دتطلع كلها - وين حسبت حسابج رفعت تك حاجب بغضب ومتباوعله - اعتقد كتلك تغديت اني اترخص اكمل استنساخ بره جاوبت - على راحتج باوعتله. وجريت الفه ياكل من وره خشمه - شعدك وياها - راسا رفع راسه - ليش شكو كلتلج شي - لا والله بس داشوفك سحلت روحك - لا شكو قابل ههه بس داحاول اوصل اعتذاري والخاتون مكبره راس شسويلها يعني. - راكان اسال سؤال وجاوب بصراحه - اهوووو كلشي ماكو واللله. هنا واشر على كلبه بقوه هنا مات ودفنته بديه. بكاع النجف تررره نصيت راسي عالميز من حركه دمه انقهرت عليه شمر كاغد الاكل وفرك وجهه ورد كمل - اساور ارد اعيش شون نسيت اعيش وحدي رفعت راسي ابتسم وانتبه لروحه نصه راسه مبتسم - شوفي لحد الان اغلط باسمها علمتني بس وياها الحياه حلوه وتنعاش - كول يا الله الله يعين ابوها - والله الله يعينه بس اني جانت قريبه قرب الدم كالها بقهر عيونه دمعت واحتقنت بلاعيمه من صوته. بينت خنكته - شسوي طيني حل علميني - وتريد تبدي وي وسناء غمض بقوه جفنه تعقج وجر حسره وارتجه عالكرسي مال مكتب فك دكم القاط وجر الرباط - سدي حلكج رحمه لاهلج - ليش تضوج من اواجهك .. واجه روحك كول شرايد منها - مرايد شي والله كالها بصوت ناصي - لعد شبيك شنو التريد امي ارسي على بر - اريد ... اريد اعيش - وليش هي .. هي موحقل تجارب - لان كالها وغمض لان جانت. تحبني كالها ودار وجهه عالشباك - شنووو ههه هاي منو كلك - اني اعرف - راكان ثقتك وغرورك. حتسكطك - لا والله شبيج مدافيك كالها وباوع بعيني جر اخر كمع بالقوطيه مال ببسي - منو كلك هز راسه وتحسر - اسو - شنو اوكف لتخبلني - اي والله كم مره اجيها للجامعه وتكون واكفه وياها ووسناء تصفن بجهرتي عود من عرفت خطيب اساور كامت تنهزم - اييي وبعدين كمل - هاهي كالها وعظ شفته مبتسم ومنصي راسه عالميز يعدل الثاقبه والاقلام بدون وعي وكمل - عاد سالت اساور كتلها هاي شبيها كالت. مادري يمكن تشبه بطل من ابطال فارس احلامها وضحكنا واننسى الموضوع من تمرضت كلش كلتلي كلشي كالت اول مره جيت وشافتني بقت صافنه كالت هذا يشبه الممثل المفضل الي وكتلها كرايبي سكتت ومره ثانيه من جيت ضلت تباوع عليك كلتلي اجه كرايبج وابتعدت اكثر من مره حدما انخطبنا كالتلي الله يهنيج ويحفظج من كل حاسد قريب وغريب تالي قبل وفاتها بفتره قليله كالتلي خابرت وسناء كتلها راكان اذا احتاج شي وخابرج لتردي - لا عليك الله - وروحها ... كالها وغمض - لعد شبيك خابرها - اكرهه جنت لان حسستها بغيره بيوم من الايام - بس البنيه مغلطت وياك ولا ويه اسو - اي صح مادري بس كمت كل ماشوفها انغث. واغثها احاول ابعدها عني النوبه وصتني بيها كلتلي لتعوفها. امانه واني موبديه نار اصير من اشوفها احقد - لاخطيه تره يتيمه وتعبانه حياتها هز راسه ونصه وكال - وهيج شي ميعجب الوالده وخواتي ماصدك يوافقون لان مومن ثوبنا - اي لعد لو تبلش تبني حياتك باساس قوي صحيح. لو لتبني على رمل راكان هز راسه منصي - البنيه متعوبه مناقصتك - اني كل ماهنالك ردت اعبرلها عن اعتذاري لان اذيتها. بس مدتنطي مجال باعيها جنها بومه - انت هم مقصرت - ياب شمدريني اني شفت منظر معجبني ورزلتها هي مبررت تكتلني متبرر داتعارك وياج برري دافعي عن صخامج روحج يحجي بعصبيه وصوت ميكدر يعلي وجهه صار احمر يحرك بدمه طبت بهاللحضه وسناء سكت مستغفر شلت الجياسه والباكيتات باوعتلها معاين لصفحتنا ابد طلعت وهو بقه كاعد عيونه عليها وساعته النزعها من دياكل بيده يفرك بيها من طلعت وسناء عيونه توجهت عليه وكفت راسا دتطلع من شافته كاعد وحيبقون سوه وحدهم وكفت تطلع واني حجيت - وسناء فدوه بس كمليلي طباعه عالحاسبه وسيفي الباقيه. باجر نريدها باوعتلي وهزت راسها - صار ست ... ورجعت كعدت طلعت واشرتله من الجام بحركه. اصبعي يم شفتي وحركته بمعنى حاجيها هز راسه ونصه تركتهم رحت للمكتب الم غراضي شوي واجه وجهه احمر - ها - هاهي - شنو شسويت - اعتذرت بعد هي كيفها - شون احجيلي - هو كتلها جانت دتطبع وكتلها بالكوه طلعت كتلها اسف اذا غثيتج. فد يوم وطلعت راسا. مباوعت بوجهه فكيت عيني اضحك شمر عليه العلبه الصغيره وغمض دار وجهه وكعد - هههههههاي والله وكت راكان يعتذر - اي لعد شسوي اروح اموت وتبقه بذمتي مالي خلك - لاهاهي عاشت ايديك يله اني كملت حروح باجر ب١٠ يله اجي. تريد شي - لا هاهي عاشت ايدج وين خليتي الاوراق - هيانها باوع - اييي عاشت ايديج - يله باي - باي اوكفي تعاي وينج - هاا يمعود تعبت. - ااا هالحجي بيننا ليطلع ماشي - ماشي ماشي باي - الله وياج طلعت شفت وسناء دتطلع - ها كملتي - اي كلها نقلتهن ... جانت ملامحه مرتاحه بغير عالم تصفن بالطريق للشارع نمشي تبتسم وتنصي ماعرف شدعيلج ومادري شدعيله بس كون الله يجمع روسكم بالحلال كلتها بداخلي هي ركبت الكيه واني صعدت بالخط وصلت كانت للومه بالبيت تتوسل بيها عسل تشرب لبن بارد وهي متقبل وجهه اصفر كلش شكو شبيها - ازل مماكله شي من الصبح طلعت للدوام ورجعت وتخربطت بالحمام - للومه شنو الفلم - عوفوني ... همست وغمضت بتعب. وكفت تلمست الحيطان تتكا عليها وطبت للغرفه ونامت تركناها وطلعنا وبقينا اني وعسل نفكر شون نحلها عسل اخر شي نطقت - اني اخابر عمو - شتكوليله احنا منريد اهانه لعمتنا عسل - لاطبعا اكوله عمو للومه مدري شبيها تخربطت واحنا وحدنا - لايابه لا هسه عباله دتسوي هيج حتى ترجع للومه تضوج من هالسوالف - لعد شون - نخابره نسأل علي وكذا - اي والله صح خوش فكره - اي واكيد حيسال عنها نكوله شوي تعبانه - اوك يله دكي انتي علاقتج بي اقوى - اوك عسل .... دكيت دك هواي يله رد بس مو هو الرد مدري حظي مدري الصدفه الغبره - الو بلعت ريكي وازل كدامي لاحضت تخربطت ملامحي ورجفتي بلعت ريك لازم ابين ماكو شي - االو سكت وتحسر - ااالو عمو سويت روحي معرفته وعبالي عمو شوي واجاني صوت حسن - الو ها عسل - ههاا حسن هاي انت هه معرفتك - اي هه مو شوي منشول كولي - اا لعد عمو وين - والله نايم وروح امي - هو وين يعني - ببيت يحيى وين يعني - هاا اوك - اي تردين شي - لا بس حبيت اسلم وهاهي - عليكم السلام من يكعد اكوله - اوك باي - اكولج لحضه اوكفي - ها نعم - اكولج باجر تداومين مو - اي ان شاءالله - اي عرفت زين عدج خط - بعد ممخليه - تردين امرلج خاف علمود هالشي خابرتي عمج يولو - لا والله ردت اسلم عليه يعني عادي انت تاخذني خط مثل قبل - اي ليش لعد موعدي طالبه هم وياج نفس منطقتج كلت حتى فد نوبه ولو تشوفيلي فد طالبتين نفس المنطقه. هم حتى مااتعب فدوه - اي تدلل خل اداوم اول والله يسهل - الله يسهلج ويسهللنا ديله محتاجه شي من يكعد اكوله يخابر - اوك شكرا جزيلا - عفوا هلا يابه سديته وازل تترقب ملامحي - منو جان حسن ؟ - اي ... كلتها وفركت وجهي - شنو انتي ليش ارتبكتي منه وبعدين عادي - لا عادي والله بس مستحيه من عمو - همم تمام يله خل اكوم اسبح وانام باجر اخذت زمنيه لل١٠ بالتسعه نطلع - اوك ... كلتها ونصيت راسي كامت ازل واني تمددت روحي رخت الف مره تكررت الالو براسي بشر كذب عليه خدعني ليش ماكدر انساه ليش .. بصفنتي ودك التلفون عمو انور تخيلت يكون هو تمنيت يمكن رديت بلهفه واجه صوت عمو - عسوله - هلو عمو - هلا يابه بيج شي خوماكو شي - لا عمو ماكو شي هيج دنسال انت متسال كلنا نسال عليك - ههه ملعونه شونج عمو - زينه الحمد لله مشتاقيلك - شكرا. شكرا اي شكوماكو ازول شونها - زينه الحمد لله دتداوم وصايره تصرف عليه ههه - عفيه عفيه سبعه وبميت زلمه وانتي شونج ام المصايب باجر حتداومين - اي انشاء الله - مو تحركين الكليه - هههههه عمو انسه عاد - وج وكعتي بيت بحاله هديتي - هههه غير جنت اريدك تجدده شو عفته ورحت الظاهر معجبك يراد حركه لخ ومره لخ تبني حتى على ذوقك ومتروح بعد - هههههههه ملعونه كالها وسكت جر نفس محتاجين شي - لاعمو سلامتك - امم الحديقه دتسكوها - والله عمو للومه قبل فتره جانت تسكيها هسه شوي تعبانه وبس نايمه فيبست هسه من غسلت الطرمه سكيتها بقه ساكت - الو عمو - ها يابه يله الله كريم. ممحتاجه شي - لا عمو بس حبيت اسلم عليك اني وازل - عليكم السلام سديته منه واني احلف وي روحي باجر يجي ثاني يوم حضرت هدومي وتواصلت ولوزه ومر عليه حسن صعدت ويايه ازل وطلعنا جانت الطريق كله توصي حدما انتفخ راس حسن حسن : يااابه شكووو شكو رايحه جبهه اني هناك ترى اداوم عمي شتحتاجين دكي علي لوما سنه ثانيه ازل : والله الصار بيها العام اخاف يتكرر شبيكم مو بديه عسل : لالتخافين ماكو شي سافر حسن : غير طفرنا لابس حفاضه من الخوف كالها ودار وجهه متحسر ازل مفهمت باوعتلي مستغربه واني درت وجهي عالشباك وتفاجأت بسوال حسن - هاي مو صديقتج عالشارع - منو .. كمت اتلفت هاي لوزه اشرت الها التفتت تبتسم وتقربت من عدنا كالت لوزه : هااا هه عسل : شو هنا عالشارع لوزه : اي موالخط خربانه سيارته عاد علي ديوصلني عسل : يبووو حيحملج منيه لوزة : سكتي غسلت سيارته وكويت كل هدومه وريكته. معلاك. يله طلع ويايه ذلني مذله مصايره عسل : ههههه همزين ماعدي اخ لوزه : لا لج عزوه يله روحي نلتقي بالجامعه عسل : امشي ويانا .. عادي حسن حسن : يابه مخليها على راسي شو فارغه السياره عسل : صعدي عادي لوزه : لا ميحتاج شكرا كالتها بزمجره من يومها متحب حسن وتضوج منه مدري ليش هو هذا اكو واحد ميحبه. راحت لاخوها وطلعنا شوي واشر اخوها لحسن ونصه راسه بقه يباوعله عبالك يقره ملامحه وعيونه صارت لازلال دارت وجهه بنظراته والي واني نصيت كال علي صباح الخير صديقي جاوب حسن بثكل عليكم السلام ورحمه الله وبركاته علي : انت خط هنا بيتكم حسن " لا والله ب(....) بس لازم خط بنات جامعه ( ..... ) ومعيد بيها علي : ها زين كم بنيه لازم حسن : والله ٢ بس من نفس المنطقه والجامعه علي : بيها مجال نسجل كريمتنا يمك لان خطنا سيارته تعبانه حسن : اي شكو منها عادي علي : هاهي عادي تصعد هسه لو عدك احد حسن : لا يابه ماعدي علي : على بركه الله صعدي يله باوع للوزه وجهه صار احمر غضب ورد نصه علي على حسن علي : امانه عدك فدوه وطيني رقمك حسن : اوك اخذه رده حسن واشر علي علي : اعتذر اخرتكم توكلو بالله حسن : سلمك الله طلع حسن والهدوء ساد باوعت للوزه كوه لازمه اعصابها تخرب ضحك وازل بدت الحديث ازل : هيج احسن انتي وياها حتى متتفاركون مردت لوزه بس عيونها عالشباك حسن سأل - وين بيتكم حتى من ارجعج ردت بدون متعاين - ميحتاج ماارجع وياك - براحتج جاوب بدون ميباوع الها بس ضحكه بخدوده. مضمومه على عصبيتها وصلنا ونزلت جنت متردده خجلانه من الصار قبل سنه واتأمل نسو كل شي واتمنى نسو حتى اسمي طبينا وازل ويايه وكفت شوي وراحت بقينا اني ولوزه. هي بقت نار - انتي شبيج شكو - اموت منه اشوف دم سنوني وماشوفه - ايع كبر شلون تشبيه - لج فد قندره شسايف روحه - يابه شمسوي الولد - هيج هيج من الله اكرهه اني يمد ايده عليه اني لا وجماله علي افندي يريد اسجل وياه خط اكوله ماريداضوج منه يكولي موكيفج شنو بكيفج نمشي حضرتج تردين سايق مواصفات - هسه هو شبي والله حباب لا فد يوم تعطل عليه ولا فد يوم صعد احد ماعرفه - اي ماريد غثيث. - كيفج. طبينا المحاضره والحمد لله محد تذكر الا كم طالبه جنت علاقتي بيهم طوخ كاعده بالبدايه يم لوزه جنت مشتاقه لهالاجواء حجابي معدلته وداسجل شينذكر من المحاضره من يحجي الدكتور كمل الدكتور وكال - شباب المحاضرات كلها تلكوها باجر بالمكتبه وباوع ليوره - استاذ يحيى ٢٠٠ نسخه مو تنسى والف شكر جاوب بهدوء - تأمر امر دكتور الشكر لله صوته والله صوته وهاي حجايته تأمرين امر التفتت ركض حتى ركبتي طكت وتفاجأت بوجوده . . . . يتبع | ||||||||
|
| |
|
30-10-21, 08:56 PM
| #60 | ||||||||
| مراقبة عامة ومشرفة منتدى الروايات المنقولة
| بارت مفاجئ لعيون الطيبين بارت ٤٠ #أماً_لهُن #مريم_السعدي عسل ... من التفتت شفت يحيى بالقاعة باوعلي بلا ملامح عتب تارس عيونه وجر عينه عنني ببرود باوع للي بصفه يحك بكصته احتركت روحي رجفه بضلوعي مشت وخنكت الهوا بريتي باوعت للوزه وبجيت بس دموع تجري امسح وارتعش ولوزه صفنت - شبيج شبيج عزه بعيني شبيج بقيت منصيه ارتعش وامسح بوجهي الطلاب طلعو واني بقيت بقه كم واحد ردت ارجع التفت اخاف من نظرته ردت أتأكد هو لو لا واخاف خاف داتخيل رجعت التفتت شفته يبتسم وي بنيه لبسها نوعا ما بسيط كلش ومستر كلش لزم الكرسي وتوجه عليه وجر عكاز ومشه بسلاسه وهدوء اباوع طوله فاكه عيني ولا باوعلي ولا اهتم ولا كانه بيوم جنت غزالته طلع ويسولف وي البصفه نور مثل ماسماها و ولد وياهم اسمه رشيد هم يشتغل بمكتبة الجامعه طلعوا باوعتلي لوزه فاكه كل عينها - وج خرب حظج هذا هنا كام يداوم - ايي كلتها وبجيت ايي ايي اي شون حداوم شون ماداوم بعد مااجي - انجبي باعي شون لابسج خبصتني خاف اعوفه ويصير بي شي لوزه ممتعافي حرام عليه تحجي بحلك معووج وتقلد نار صايره واني ابجي مسحت دموعي وتهدد - بالقران اذا شفتج تعوين بعد الا افكس عيونج شوي قوي روحج بابا دباعي مرتاح ومتونس ووياه بنيه ولاعبرج ولا كانه شافج بابا ميحبج نصيت راسي اشتعلت بيه نار - اني اعرفه بس اني اعرفه اعرف شيحب ويكره محد يعرفه كدي - اي واضح مبين شون عرفتي بي معاق كذبه عشتي بيها سنتين وكتلج شي متكدرين علي عوفي تتحملين تضلين وياه رجعيله وتحملي وياه بقيت ساكته اباوعلها هزيت راسي - اريد بشر كامل - اي لعد سدي حلكج وكانما شفتي طالب من طلاب القسم حاله حالهم هزيت راسي بصعوبه كوه كمل اليوم واني اتختل حتى ماشوفه ولايشوفني وهو يتنقل بسلاسه بعكاز وكانه تعلمت ايده عليها كل الطلاب تعرفه كلسا واحد مسلم وراكض عليه يبوسه كلسا استاذ صايحه وجاي يمه ينطي اوراق بممنونيه وطيب خاطر اكثر من بنيه رادت طبع على گفر تلفونها ويكولها بثكل دزيلي صورتج عالواتس واني اطبعها تدللين واكثر من وحده تكوله عفيه لازم تاخذ فلوس وهو يكولها بين الزماله ماكو ماده اخذي راحتج واني اكمززز لنهايه الدوام حسن دكلي طلعت من القاعه الحابسه روحي بيها واراقبه من شباكها عالسنتر بيدي التلفون واحجي - اي حسن طلعت هسه وصلت باب الجامعه ولوزه ويايه من لاجاره لان اخوتها مقبلو بعد اتفق علي وي السايق مقبل ترجع حجايته وصعدنا ارتعش رعش مو بيدي حسن باوعلنا وكعد عدل من شاف لوزه متباوعله كال - ها اطلع هاهي ماعدكم شي - اي ... جاوبت واباوعله عيونه تدور - يله اطلع - دقيقه نور بنت خاله لانور وياكم اوصلها واريج بنيه قسم كهرباء هاي اريج نور وين لزم الفون خابر كال - ها حياوي اكولك نور يمك اي كولها اني بالباب سايق عد ابوج اهووووو اعوفها واروح وانت رجعها هاي بس لخاطرك احترام ماكو مو هاي البنات وياها ديله ماشي ماشي سده وزفر شوي وجتي نور همس - عسل نور وياكم بالقسم نور-- تعرفيها نترت - اول يوم داومت شمعرفني منو هاي احجي واباوعلها تدور عالسياره تتلفت وكفت عيونها عليه جرت عينها وتقدمت نصت للشباك همست - السلام عليكم جاوب حسن - وعليكم السلام تفضلي - انت حسن مو - ها انتي نور - اي اي - يله صعدي يابه تاخرت عالبنات خطيه منا وجاي لل١ ونص طالع تره والعدها محاضره او امتحان بالمسائي ترجع تكسي مااكدر مسؤولية جاوبت نور - اعتذر بس ماعرفك جنت ادور - يله مصار شي طلعنا واني اباوعلها كاعده بالصدر اريد اكلها وين حيوديها بيت يحيى عزه عليه بيت يحيى تروح تبات هناك نار واستعرت بيه هذا مالتي اني هذا العشت سوه وياه. سنتين اعرف كل تفاصيله ويعرف تفاصيلي منو انتي عالحاضر تاخذي عيوني تنضح نار ودمع نغتني لوزه فزيت من صفنتي من انتبه حسن يباوعلي بالمرايه دار وجهه من شافني انتبهت عليه همس - وين بيتهم صديقتج عسل كالها وباوع بالمرايه لوزه تعاين صفح عالشباك بغضب تنهد همس - يا مثبت العقل يا الله - نترت شنو قصدك اني مخبله - لالا عمي اني طابك بيه واير وكف نتر - نزلي نور طبكي الباب وراج مال بيت زين ولتفتحين لاحد اوصلهم وارجع اجيب امج واجي همست - اوك نزلت واني اباوع للبيت هذا بيت يحيى واتخيله من حجالي يمكن هو طلع حسن بس مزنبر وميباوع حسه مطلع طب بفرع شافه مسدود راد يرجع بگ وافتر بجتفه علينا يباوع عالشباك الوره ديرجع رجعع لوزه منصيه رفعت راسها صارت عينها بعينه نترت - شبييك تباوع هاا متستحي - حسسسج للللج داارجع بگ شون ارجع شون امشي وهي ترد - اي باوع عالشباك لتباوع بالوجوه فك عينه بغضب ونزل من السياره - تعاي تعاي نزلي سوقي بمكاني خاف ماعرف اسوق سكتت مزبره دارت وجهه عالشباك اليمي حتى اني خفت رد صعد وركع باب سيارته غمضت عيني وطلع باقصى سرعته كلشي محجه وصلني نزلت ولوزه باوعتلي ودارت وجهه رافعه تك حاجب طبيت لبيتنا وطلع حسن يوصلها طبيت بدلت وخابرتني حجت الصار حسن : منين افوت احجي كان يننتر بعصبيه جاوبت بهدوء لوزه : منا هذا الفرع طب بي لوزه : اوكف اوكف حسن : هاا وين لوزه : هاي هذه الباب الزركه حسن : يله نزلي وكولي لاستاذ علي يشوفلج خط وهاليوم وصلتج على روح ابويه اجوره سديت الباب ماباوعله وطلع باقصى سرعته فد شايف روحه عسل : تالي هسه شون لوزه : هسه يجي محمد واكوله يغيرولي الخط اني اموت منه النوب اصبح بجهرته يوميه اكتئاب يصير عدي عسل : انتي مخبله لوزه : خلينا العقل الج عسل : خل اروح اغسل اليوم متت عرك من التوتر لحد الان ممصدكه ممصدكه لوزه : يابه دصدكي باجر تكون عادي دروحي باي الهام..... ثاني يوم مكدرت اداوم كسل صابني ونحلت عضامي خابرت اخذت اجازه ونمت بدون مااغفى بس هيج متمدده بروده الهوا عليه تريح اعصابي وتفكيري بي معقوله نساني مرت اكثر من شهر هيج ذكرى وحده موجعت كلبه هيج مرته الاولى لليوم يبجي عليها واني ولامهتم دموعي نشفت صارت قساوه ادري بس طيني مجال اعتب براحتي توسل بيه كرامتي تردلي بس اتضح حبه كذبه عشت بيها توني اغفه واسمع صوت القفل مال باب الحديد مال غرفتي عالحديقه انفتح بالمفتاح فزيت من العطر الترس الغرفه بثواني عرفته هو غمضت وهاي روحي ترجف محنه واشتياق حسيت بخطواته وكفت ورجع مشه ورجع وكف سوه احمم بهدوء رجع مشه بسلاسه. واني تحجرت متحركت الكنتور بصف الجربايه من صفحتي ومن نايمه متكشفه بلبس نوم مو كلش مستور نايمه على بطني رجلي طالعه والغطا مذبوب بخفيه مغطي اجزاء وضاهر اجزاء من بشرتي بقيت مغمضه سمعته فتح باب ديلاب الملحق مال الكنتور مالته بي ونه من ينفتح ورجع سده اتوقع اوراقه دياخذهن جرت نفسه صوت نفسه والاحمم التنهيده رجع ديطلع ورد وكف حسيت جر نفس وحسره ورد رجع بخطواته اسمعها بقرب صارت حسيت واخيرا باطراف انامله على الجرجف فزت روحي الشوق قتلني والعتب قساني والبعد خذلني خذلني هواي غطاني وبقه لازم الجرجف رجع بعده بهدوءء ورفع جزء من ملابسي تبين جسمي لحد ركبه رجلي وتلمسها برجفه ايد وتنهيده فتحت عيني ردت اشوفه مكدرت بعد باوع بوجهي فتحت عيني بعدها لايده وقبضها بلع ريك رفع راسه ليفوك وغمض ورد باوعلي همس بكل هدوء وعيونه ذبلانه - شبيج ليش ممداومه - مكدرت انطق بس دموعي نزلت واني اعاينله اعتب احقد اقسي عليه اطرده احضنه اقتله وارتاح ميل راسه بكل هدوء احس تعب الدنيا بوجهه صار بهاللحضه هز راسه بعتب واني اباوعله طوله ووكفته العدله حنت بهاللحضه ونزل على ركبه مثل جبل وانهد كدامي صار بموازاتي وجهه قريب عليه واني امسح بدموعي بله صوت تنزل قرب ايده ترجف وتلمس بوجهي بهدوء غمض واختنك بعبرته همس مغمض - واللله مخنتج هزيت راسي اشهك تقرب مني وحضنني بكل قوته ويشتم بركبتي تقرب اكثر فات للفراش وحاوط جسمي بصوره غريبه بايده بكل قوتها مرت دقايق فجأه حسيت بدموعه على ركبتي بعدته عني وجهي بوجهه بهالقرب وعتب كلبي عليه اذيتني نصه راسه هواي تأذيت هز راسه وحجه ممكدرت اتركها ووالله مكدرت دخيل طبت و روح امي وحركتها ووجعها طبتلي دخيل مكدرت ماساعدها ووانتي مقبلتي شكد كتلج مقبلتي يبرر وعيونه ميحطها بعيني لزمت وجهه سكت باوعلي بلع ريك يباوع لشفتي وعيوني وركبتي - كدرت تعوفني كل هالفتره ذبلت كل ملامحه ورجع يحضني اقوى ونتر - طررردتيني وتدرين نقطه ضعفي مره تتركني ومتريدني عذاب عذاب. اتعذب كل يوم اموووت - حتى متصلت - ردتج تتصلين تتعاركين وابرر بس اتصال واحد يثبت انه اني فد شي بحياتج اااني غيرت فد شي عدج حسستج بامان وحب فد يوم اطلبي تبرير - وهذا وضعي يثبت الك شي بعدتها وباوعت بوجهه وحجيت غمض ورجع حضنني تنهد بتعب وبده يحجي - تسمعين وحسج ميطلع بقيت ساكته - اربع ايام هي بالشارع بالفندق تبات اسمها بت اخوج وخواتها ببيتج اي شي يصير مردها عليج تخابر تتوسل ساعه١١ بليل واني ارفض اي شي يساعدها تالي مكدرت كالت اني بباب فلان فندق مرايده منك شي بس مكان انام بي من الصبح افتر محد استقبلني بس يجي زوجي من السفر ياخذني سالفه شهر والله تالي كلت لعمامي عيالها ياذوها يردون يطرحوها وكعدتها ببيتي كتلهم. عينكم عليها شتحتاج ومتطلع من البيت باوعتله بعتب - ليش بتت عدها لعد - مو عدها وغلاتج بتت بيت عمي البصف بيتي وطلعت من باب المشترك عالحديقه. لان خابرت الفجر كالت اني بالحمام وانكطع المي حتى عطشانه كمت لكيت واير الماطور مكصوص من راسه علما جبت تطواله وسويته انتي جيتي متوقعت فوك ماساعدتها تاذيني بيج بقيت اباوع بعينه يحجي بعصبيه باوعتله وكتله - وره مرجعت راحت طردتها - لا طبعا كتلها تضلين يومين انتي وربج تتجازين اني راجع وعمامي يومين ياجرون البيت وعفتهم وطلعت هي يومين و جايه عليها سياره عاليه وانكلعت بقيت اباوعله بعتب - كتلي البيت بعته راسا نصه راسه تقرب باس راسي همس - خليته باسم يحيى والقرض مال بناء داوفي بي - ليش مكتلي تشوفني هيج ماديه تخاف مني - خفت لافد يوم تطرديني من بيتج وفعلا صارت كالها وعاين بعتب - اني كتلك ماريد اشوفك - لاكلتي متوصل لبيتي بجيت بقهر وانتر واضرب بصدره - اي عاندني تعارك ويايه ابقى توسل روح وتعال تتركني هيجججج احترك واطفى - ارتاحيتي مني شفتج وكلت خليها براحتها دكه وحده جان جيتج ركض بس حتى سوال مسالتي - انت الغلطان - ثنينا غلطنا گلبي انتي حضنني بقوه ويهمس - كافي ارحميني تعبت بهالجفا - كذب مرتاح جر حسره وشدد حضنته - بس عشر دقايق اغفه هيج ماريد شي - اريد ... سكتت وامسح بدموعي - عيوني انتي شتريدين - اريد انام على جتفك وانسى كلشي - اخخخ يمه جاوب بحسره ونزع قميصه وكام سد البرده ويعاينلي تعبان ذبلان جفنه بنظرات اخترقت روحي يحجي بعيونه اشتياق وتعب صارت شوي ضوه من سد البرده رجع بفراشي وحضنني ويتلمس خصلات شعري وغمض اقل العشر دقايق غفيت براحه محرومه منها شهر حسيت على صوت تلفونه يدك طلعه من جيب البنطرون ورد - ها ابو علي لالا مااجي هذا هو طلابه روووحو اني يم مرتي .. ههه يوم الافرح بيكم يارب ممنون حبيبي اكولك صدك وينك ... اكولك بلكن تمر انطيك الجوزات تحجزلي بدربك ... اي نفرين ... بلي هاهي وياكم الف رحمه على روح اهلك حسن ديله فيماللا ... سده وجر حسره رفع راسي ابتسم من فتحت عيني باسني بلهفه سكرت كل جروحي وطيبتها من ابتعد وعاين بوجهي نتر بعصبيه - اخذج وانهزم لتركيا اريد اشوف عيونج من تضيع شلون تصير اريد اعيد اول نظرات بيننا نفس الفندق والبلكون بس الفرق احنا سوووه شتكولين مثل الطفله برطمت مبتسمه باسني يضحك ورد حضنني ونتر - لتطردينييي بعدد فاهمه - اي لتضم عليه شي اني مرتك - اخرر مره والله عسى ما تحركيني المهم اكولج على كلشي اندكت باب غرفتي فزيت ابتعد هو وتغطه كون باب الغرفه مفتوح ممقفول راسا صحت دقيقه عسل اوك وكفت ولزمتني دوخه وكعت محسيت بشي غير ضلام يومين مماكله شي وبس نايمه ازل ..... دوامي صار كل حياتي وتركيزي ارجع مثل قبل اجذب نظره بذكائي واني ليش مااكدر انساه مااكدر افكر بغيره شباب داير مدايري واني مداشوف غيره رجل. دااشتغل وافكر اخط وارسم وارتب بالخطط وحده وره اللخ حدما كملت مشروع عدته مره مرتين اربع مرات ولاغلطه ازل ولاغلطه وكفت شلت الاوراق بلهفه اوديها لراكان توني اطلع ووكفت بفكره سريعه جتني ليش مو انتظر جيته من السفر واخليها بيده اشوف رايه ابتسمت التفتت انتبهت وسناء تباوعلي مستغربه باوعتلها وابتسمت نصيت رجعت لمكتبي كالت - ست بيج شي اليوم - لا وسناء سلامتج ماكو شي ... كملتي طباعه. - اي ست ممكن توديها لاستاذ راكان - لا والله داروح عالتعدين اشوف وين وصلو وديها انتي عفتها وكمت راكان اختارج يطلع من دائره اسو بيج وسناء اتمنى تفتهمي واذا فعلا تعشقي مثل مكالت اسو حتتحملين تقلبات كلبه وعقله وصراعهم احجي بداخلي واتجه للتعدين شفتها طلعت وتعدل بالاوراق وحجابها وتتوجه للغرفه مالت راكان طبيت لغرفه الثانيه اكمل شغلي وعيوني على غرفه الاداره من الجام انتظر طلعتها شوي وطلعت مزنبره وهو وراها طلع لزم ساعدها يأشر بايده ويعاين بوجهه بتوسل راكان : بس دقيقه شبيج دااتشاقه نترت ايده ورجعت لغرفتها جر حسره متضايق وذب نفس افترت عيونه عالمكان يشوف منو شافه وانتبه عليه صارت عيوني بعيونه نظراته تشكيلي من كلشي ديمر بي گلبه واني ماعرف شون اساعده رجع طب للغرفه وسد الباب بهدوء كملت شغلي ورحتله طبيت لكيته لازم مقدمه انفه ونغمض عينه بقوه - ها راكان رفع راسه متضايق حيل ورجع نصه - شبيك احجيلي - اريد مساعدتج - اتمنى اكدر جر نفس وعاين بعيني همس - تجين ويايه نخطب وسناء فكيت عيني كلها والمح عيونه انترست دمع كام بسرعه من مكانه ترك الغرفه وطلع تركني بصدمتي كعدت بس صافنه شنو اليريده ليش يخطبها خلي يرضه بالرادتها اله امه وخواته ليش وسناء. شوي ورجع بيده كلاصين جاي همس - تشربين - اشرب يابه اشرب خل اصحى من صدمتك بالجاي عبس وجهه وكعد همس وعيونه عالجاي يخوط بي - لاصدمه ولاشي عادي - يعني شنو هو زواج وخلص كلوله عرسك مبارك كال اله الليله - ههه لا بس امي البنات ديلحون عليه كتلهم ماريد امي تكولي اروح اخطبلك اريز واني هاي اشوف ملك الموت وماشوفها كلت اخطب بمعرفتي - وليش وسناء غمض وارتجى همس - اقلها تعرف اسو وتحبني تتحملني بلكن وفقيره تتحمل لخاطر اوفر الها حياة - حرام عليك تضلمها - لعد اني مو حرام تناخذ مني حياتي بشهرين سوده بس كوليلي مو حرااام بيت الاحلام الجنت متخيل روحي حعيش احلى حياة بي وياها اخاف امر اخذ اجار من الماجرين وثاني يوم اوكع بالفراش اخاف افوت منطقتنا واتذكر حجيها هنا نخلي ورد ياسمين متسلق وينزل هيج عالباب ركوني اني مداكدر اعيش كبشر وكلما مامر وكت دتصير اصعب هاجس كوني رجل نسيته دتفهميني هزيت راسي ونصيت خجلانه وجهه احمر يشرح منفعل بغضب ويعرك. ميعرف شديسوي وميدري شيريد - اني برايي اذا سمحتلي انطيك رايي - انتي صديقتي .. جاوب بسرعه .. انتي شدتحجين اني ليش داالطم كدامج لعد - نصيحه انتظر انطي مهله لنفسك تبات نار تصبح رماد - اكثر من سنه مرت ودتصعب الامور عدي دااحجي وياها ليل نهار ازل تعبانه حالتي وداعتها هي وصلت حد اتخيل ترد عليه - ليش متحجيلي - وشيفيد - وشنو ممكن يكون الحل اذا تزوجت يعني مو حتاذي البنيه - اريد طفل كالها ولزم راسه اريد شي احبه واعيش لخاطره واريد منها هي بالذات - ليش يعني كلتها ودمعت عيني قهرني كلش - لان مره كالتها لاسو اذا تزوجت وخلفت حربي اطفالي نفس متربيتي بلكن يصيرون بحنانج وقوتج هزيت راسي فعلا جانت اساور دوم تكولها صيري قويه صيري سبعه الدنيا. تكره الضعيف هز راسه ساكت ويعاين عالميز بغير عالم جر حسره وعاينلي - تجين ويايه - زين امك واختك - امي فتحت موضوع وياها كامت تصيح وتعيط عفت البيت وطلعت صار يومين بايت بيت عمي رائد - وشون تريد تخطب لعد - اخليها كدام الامر الواقع اكولها يابه خطبت شتريد تسوي ختسوي - ووين تعيش يم امك. - اي طبعا ماعدي غير مكان ذاك البيت ماجره مااكدر افوت المنطقه اكللها - ماشي ماشي غمضت خاف متقبل الا امك تجي - لا يقبلون اخذ بيبي الحجيه وياي - اوك اشوف بس لتاذيها فدوه رفع راسه باوعلي بجمود همس - ان شاء الله ادعيلي فدوه انتي كلبج صافي افتر ووكف كدامي والله ازل مو ذوله خواتي ماارتاح بس من احجي وياج اوكفي ويايه لخاطر روحها ماعدي غير حل اريد اعيش بروح مو بدون روح - تدلل عيوني الك بس الله يدري شكد اعزك وارتاح من اشوفك مرتاح كلتها وسمعت احم السلام عليكم هايابه شونكم ابتسم راكان والتفتت بسرعه ابتسم راكان : ياهلاااا نورت الشركه عمي بقيت ابتسم اعاينله يباوع ويدير وجهه مبتسم بوس راكان وعيونه تصير عليه ويبعدها مكدرت احجي بس اتبسم يعلم الله حجم اشتياقي اله ردت روح روحي بطبته الاوراق بيدي عركت اشر الي يحجي وعيونه لراكان - شونج ازل - هلو استاذ حمد الله عالسلامه اف اف افتقدناك هواي. - كلاص مي بارد وكهوه فدوه بلعت ريك انحرجت راكان راسا عينه عليه صارت غمض وهز راسه بهدوء يعني غلسي طلعت دزيت على كهوه جبتها اله وصلت للباب طلع راكان يبتسم شافني همس فوتيله الكهوه تره عباله عدي شي وياج يكولي هاي نمشيلك عليها فكيت عيني - شكتله عزه - ههههه باع وجهها انكلب كتله ابقه طول عمري عانس ومااخذ ازل اني مخبل وهي مخبله فكيت عيني صافنه دك تليفون راكان باوعلي كال رايح جوني الولد شوكت تطلعين - خلي يكمل الدوام - ها زين عايني فدوه بس قفلي جراري عود كالها ودار وجهه يرد ... ها سيدار طالع طالع طبيت للغرفه جانت فارغه مابيها احد لميت غراضه لراكان وخليتها بالجرار وقفلته اخذني الواهس رتبت ميز عمو وميزه وبالي يم المشروع اريد اشوفه اله. صافنه شون حكوله. وجتني فكره ارتب الاوراق واخليها على ميزه اكيد حيقراها طلعت جبت الاوراق ركض ركض ورتبتها على ميزه واتخيل حيجي ويشوفها ويشجعني ويثني عليه واحصلي كم نظره لالا ميحتاج يكفي ثناءه عليه او اني اكتفي. بنفسي مو ضروري مو ضروري عدلتهن دااندار واطلع طب هو ويحجي لالا باقي للاربعه اليوم داانتظر الجماعه روح رحومي اذا تريد وكفت بمكاني التفت شافني سد الباب بقه يعاينلي ونصه كال - ها يابه مطلعتي لعد دوامج خلص - ااي استاذ هسه حطلع جر نفس وافتر واني اباوع لخطواته وكف باوعلي فاك عينه نصيت منحرجه شبيه وعمه بعيني. كال - تردين شي احجي - ها لا بس هاي ملاحضات عالمشروع ردتك تقراها بلكن تفيد - يامشروع مشروع ..... - اي استاذ كلتها ابتسم هز راسه وكعد همس - احجيلي شعدج من افكار ولو حاخرج بس باجر ماداوم - للا استاذ هسه بس دقيقه اخابر السايق ياخذله درب. كروه فد ساعه بينما نكمل اخابره يجي - يله هاهي ماعدي شي لل٤ ونص يلا يجي الوفد ونبلش توقيع سولفيلي كال هيج ولبس نضاراته مال كتابه كملت مكالمه وي السايق وهو يعاينلي من احجي سديت الخط وجريت الفايل مرتبكه. ومتلهفه بقه يعاين لابتسامتي ابتسم وضم ضحكته تنهد وارتجه همس - كعدي ازل كعدي كعدت كدامه وفتحت الفايل اباوعله واباوع ملاحضاتي هز راسه كال احجي وبديت احجي استاذ اول شي المكان مال مشروع بي اغلاط شون يعني يعني ااا ااا الغاز البطاله مال غاز مكان تخزينها غلط قريب عالللوريات ومكان طبكتها سواق يجون تعبانين من طريق خارجي رجع ليوره بالغلط تنداس حادثه تصير يكب الكراج والمخزن ويا نزع نضاراته تقربت شوفتله الورقه ورسم المكان رفع حاجبه وهز راسه بدون صوت وبهالقرب كملت ملاحضاتي الجام ضروري مضلل حتى ميكسب حر الشمس البناء طابق واحد. يكول حار بجونا لو طابقين مراح يضر بشي. ونكدر نستفاد من الطابق الثاني كمخزن لخ هز راسه. سامت ويعاين لمنطق كلامي من انطقه. مره لتغيير ملامحي مره يبتسم من ابتسم ومره للهفتي وثقتي بنفسي كملت ١٢ ملاحضه وغمض مبتسم. همس احد كلج قبل انتي قنبله. فكريه ابتسمت من كلبي فرحت وبينت فرحتي فتح عينه بهدوء وابتسم هز براسه متحسف ياريت ابوج عدل ويفخر بيج. خلي الملاحضات وخابري السايق كوليله لتجي ابقي ويايه. من يجون انتي طرحي هالافكار نفس هالاسلوب الحلو الشرحتي مشروع ال-- انتي مسؤوله عنه - ههه شكرا استاذ - شكرا الج ازل عصرت ايد بايد واندكت الباب كال وعيونه على وكفتي الفرحانه مبتسم براحه وهدوء ادخلل دخل الحارس كال استاذ رائد الجماعه وصلو ودخلو غرفه الاجتماعات ادزلهم على كهوه اي والله عاشت ايدك باوعلي همس يله ازل طبينا سوه ونطيت ملاحضاتي خمسه منهن رفضوها والباقي ناخذ بي ابد محجه ولاكلمه كل الحجي اني حجيته كل الكاله المسووله عن المشروع كدامكم اني العليه بس اوقع العقد فعلا توقع بانجاز اقل من الواقع الكانو يردو بنسبه ٣٠ بالميه من التكاليف ماانكر هذا كله. بسبب افكار اخذتها من قراءه الكتب الاقتصاديه والكوكل نت هواي كلبت بي هواي اخذت افكار هواي شغلات موعالبال سجلتها جنت فرحانه بانجازي السويته وهو فرحان بيه طبينا سوه للغرفه مال اداره وهو ويبتسم كال - خبلتيهم شون ٣٠ بالميه نزلت تره ابو القوائم كلب خلقته يريد يقط ابو الشركه. بس انتي فلشتي مخططاته - هههه حتى يعرفون منو ازل - ميعرفوج كالها وصاركدامي كمل كلام بهدوء - محد يعرفج كدي من انتي طفله باوع لطولي وجر نفس من وصل لوجهي. همس حدما صرتي شابه واعيه هزيت راسي واني افتخر بمعرفتي بيك طول عمري كالها وهو مخنوك كمل كلام بهدوء مفرط طول عمري احسبج حالج حال اساور حتى وان راحت بقيتي انتي وارجع اكولج اني مثل ابوج لتخجلين من تحتاجين شي نترت - بس اني مشايفتك مثل ابويه عكد حاجبه وضيق عينه - شنو يعني طبعا كلمن يشوف ابوه احسن كطعت كلامه - لالا ممفتهمني لا بقه صافن عليه غمضت جمعت قواي لهفتي بنجاحي غرتني. كلت - ااني مشايفتك مثل ابويه او حتى اخويه. لو عمي اني شايفتك. مديري بالعمل. واني. موضفه عدك - تحسيني غريب ازل نسيتي اشر على روحه ويهمس يسأل بقهر هزيت راسي دمعت عيني ومسيطرت صوتي تغير من ترست عيوني العبره - لا استاذ لاوالله جريت حسره بقوه اختنك نفسي انت اقرب رجل الي بحياتي بلع ريك نزل نظره ورد رفعه عاكد حاجبه وساكت - ااني ماشوفك ابويه بقه يعاين ملامحي همست بجرأه بريئه. وبجيت - اخاف احجيلك تطردني نصيت راسي همس واني منصيه - ازل بابا خابري سايقج - لتكول بابا غمض ودار وجهه ساكت - تعرف ليش بطلت كلتها وهو ممهتم ناطيني ضهره - استاذ تعرف ليش تركت العمل كال بلا مبالاه - رجعي للبيت اني عدي شغل ماكدر اوصلج اضلمت الدنيا - مسالتني ليش بطلت قبل غمض ولزم راسه - ازل روحي - لازم احجي حتى متكول ليش تركتني ونكرتي المعروف فتح عينه وباوعلي ببرود - ليش تركتي ليش عفتيني باكثر وكت محتاجج بي وتدرين بيه اشوفها بيج غصه بكلبي صارت واعرفج متنكرين العشره ليش رحتي واختفيتي تنهزمين مني اني الربيتج اني تتهزمين مني وتعلين عليه. كالها بغضب وكان مصدك فتحت جروح حتى يعتب جاوبت ودموعي تنزل - اني لان تشوفها بيه انهزمت تركت العمل لان كلت لراكان لو فعلا هيج متضل تداوم واني تركت العمل حتى اثبتلك ومتلومني بعد بقه يباوعلي بغضب ساكت واني احجي برجفه همس كلمتين هدت كياني صوت ناصي ونزل راسه - ليش الومج ... وانت اختج رسل . . . يتبع قبل شويه صار غلط بالنشر | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
