آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-11-21, 03:07 PM
| #71 | ||||||||
| مراقبة عامة ومشرفة منتدى الروايات المنقولة  
|  بارت ٥١ #أماً_لهُن #مريم_السعدي ازل.... رائد متغير لا بل ساءت حالته بالشغل كام ميباوع بوجهي واني اضوج افرض روحي على اخد يكفي السويته علموده بمكتبي انهي شغلي اطلع ظناً مني انه راح يستفقدني لكن عبث مبقه غير ايام عالحنه وبس بيبي تضبط الم اعيد الشغلات الضروريات جاب غرفه جديده حتى مسالني شتحبين او شون تعجبج وراكان يطب ويطلع يم وسناء بمكتبها يتريكون سوه سوالف قليله تجمعهم تهرب من جبروت امه عدها واتفقوا عالعرس اللي وافقت امه عليه على مضض بعدما كاللها انه حيسكن بيت رائد ضعف ايمانها وكالت واني تخليني وحدي خواتك بليل يرحون لبيوتهم واني ابات وحدي جيبها وتعال امري لله واتفق وي وسناء اشترطت الام العرس بسيط وميعزمون اهلها فقط اختها وقبلت. مكانت مهتمه وفعلا اجه يوم عرس راكان كان قبل حنتي بيومين وكانما اتفقوا ان يواجهون ضعفهم راكان ورائد سوه وحتى اني كانما اعلنوا نزع الحداد مزايق لمنطقتهم واخذناها لبيته اني مدخلت مالي خلك امه المهم طبو الحجيه هم مدخلت بس لخاطر راكان جتي بالزفه بسياره رائد كاعده بالصدر اني ليوره عيون رائد جانت تعبانه بالم تعاين للزفه ويفرك وجهه حدما ترك الزفه بباب بيت راكان وطلع لبيته اني بالسياره حتى نساني واني الثانيه اختنك بيه النفس احسها تغار عليه وراكان ياعيني ماكدر حتى يمثل الفرح وجهه مغضب ويعاين لعمه بالم وينصي من وصلت لبيت الحجيه نزلت قبل الكل حتى قبل بيبي كبل رحت لغرفتها وسديت الباب شبيه تعب ذبيته بسريرها صورها ويا عالبوفيه توجع والله توجع وج تزوج حبيبيج وج تزوج ميت قهر يدور وجهج بوجوهنا لج اساور روحي طلعت اليوم الله يساعد ابوج يابه احتركت روحي حرك هاي ابتسامتها الهادئه الخجلانه بالصور وكانما تحاجيني تعبت من البجي البيت هدوءه مزعج حيل مزعج توضيت بحمامها وفرشت سجادتها وصليت وبقيت اقره قران بقرانها وصلت حد جزءين ارتاحت روحي وهدات من هديته الها داسد القران شفت موضع حد فتحته لكيت صوره راكان قبل خطوبتهم يبتسم واكف وي رائد تجدد حزني بس مختنكت بجيت هواي بس مرتاحه احس تكولي امنت علي لفيت السجاده وانفتحت الباب رائد طب بهدوء عيونه حمر باوعلي ونصه كال - تلفونج دك عمتج هزيت راسي بهدوء كثر البعد والبرود بيننا خلق حاجز قوي فتت من يمه همس باسم ازل؟ التفتت باوعت بعينه كال - تبقين اليوم يمنا شوي - متقبل للومه اسفه بقه يباوع بعيني هز راسه نصه طلعت من الغرفه ولبست شوي واجه عمو انور عليه سلمت على بيبي وطلعت . . عسل.... مثل ماكال اجوي جنت لابسه ثوبي وافتر طبت خاله اميره وراها نور انصدمت بجيتها بكل قباحه بوستني وتكولي - عالخير اخيرا وكع امها وراها نغتها هي دارت وجهه هالبنيه من كاعها تكرهني ليش مادري كعدوا وره شوي طب عمو انور كال - يابه سمعونا هلاهل اني نصيت راسي واحس روحي طرت من الفرح نصه على راسي باسه وباوع للومه - صارت جنتي هاي كالها وعيونه تلمع بالدمع حضنتني للومه وازل وادورها والله ادور مكانها ردتها ويايه اليوم رغم شينها لزمت وجهي ازل شاورتني - اني موجوده وللومه هم شبيج تبجين وردت حضنتني وبوستني بحنان عمو حضنني من وكفت باوع بعيني - تمنيتج اله ديري بالج عليه والله يستاهل حياوي - لتخاف عليه عمو بعيوني هز راسه وهمس - لبسي عمو لبسي ديعقد الشيخ لبست كلبيه جابتها ازل البارحه بيضه ووياها شال عدلتلي حجابي ودخلت كان عم ابويه موجود وولده ثنين ويحيى وحسن حسن شوكت اجه وعمام عمو انورثنين وولدهم اربعه نصيت راسي وفتت كعدت يم عم ابويه كونه اسم الله الوصي باوعت لحسن يبتسم بس تعب الدنيا بوجهه خاله جاي وياه ضعفان حسن حيل ضعفان وجوه عينه اسود كمل العقد وصارت عيني بعين يحيى ابتسم وغمض براحه واني كمت بأمر من عمو انور رجعت لبست الفستان وطوختلي ازل مكياجي الخفيف وطب يحيى مجنت اشوف عكازته ابد بس اشوف فرحه وجهه اليلمع اثر زيانه لبسني الذهب وباس راسي وتلمس شعري على طوله شهك ورجع باس راسي همس - هسه اني كامل هسه يله من صدك ماحس بعجز انتي نصي الثاني ونص ديني وعافيتي غزالي بست ايده التتلمس شعري جريتها وبستها اباوع بعينه المدمعه بس فرحانه حيل معرفت شكول ماعرف اصوغ الحجي اكتفيت احجي بعيوني تعرف تحجي بعفويتها نص ساعه وطلع شوي احتفلنا بعدها راحو النسوان واحنا ركض عالبيت لان مبقه شي لحنه ازل كويت بدلاتها واركص فرحانه فرحتي فرحتين عمه توصي كيك وعشه حايره بكلشي وزيودي يعيط مرتين دك عليه يحيى مكدرت ارد لليل يله رديت اتصلت - وينج وينج - هياني هياني - ادري مرتين دكيت - دنشتغل حبيبي عكبه حنه ازل - اي بالخير عليها وعلينا واحنا وراها باسبوع الغرفه جابوها ونصبناها - الحمد لله اشو خل اشوفها - حسن نايم فد ساعه خاف من صوت الباب يكعد - خطيه شصاير بي - سكتي لزم كلبه من طبينا منطقتكم وجع رهيب راح انتهى شوي شوي حدما هدا وراح وهذا خاله تخبل عليه - خطيه همزين اجه اليوم - اي هو لخاطر حسن اني قبلت - خوش - شطالع حبيبي اليوم ريحتج معلكه بيدي - هههه مال ازوله هاي من الامارات - بعد غنيلي النشيد الوطني مالتهم - ههههه متنطينياها احبها - اصلا ام الف ونص شحلاتها - اي والله صدقت ازل.... وسناء يومين من عرسها واتصلت ابارك الها كانت مرحبه بشكل احجيلي شونج وياه حباب بس متاذي ازل كيفت من حجت كبل اخذت عليه احجيلي استفاد منج وسناء لان دامر بنفس العذاب واني من الصفحتين هي روحي الراحت وهو اللي كلبي يريده وحايره بينهم وتعبانه ماعرف اتصرف اريداساعده لتخافين اللي ببالج لازم يصير لان كرغبه ورجل بالغرفه يمه مره لاول مره بحياته تنسد باب عليهم وحلاله لابد يصير شي يعني اني بصراحه بصراحه انتي اختي البارحه يله حضنني وتوسل بيه مااهده حد ما يغفى ونفذت لان بصراحه احبه يعني ماتم زواجكم اني عدي عذري وهو كان محتاج للهدنه فعلا صح فكل السويته احجي وياه وهو يتجاوب بس محتصر بيدي طلعتله صورها تفرجنا حجالي عنها وعن اماكن اخذ الصور ضحكت لضحكته وتونست لونسته بعدها شلتهن وضميتها وهو بله وعي اجه حضنني كلي اعرف اني مقصر بس خليج ويايه اخرتي اميل واطلع من حدادي بحضنج وفراشج واني جاوبته اني ملكك وتحت امرك شوكت متريد عسى مامرت سنه عشره اني وياك ابتسم خطيه ورجع حضنني حتى من يحضنني احسه يدور حضنها وعطرها تدرين هالشي شنو معناه معناه هالانسان وفي وفي واذا حبني باذن الله يوفيلي - ان شاء الله غمضت متطمنه لكلامها بردتني وتواعدنا منقطع اتصال بيناتنا اشتكت من امه وخواته واذيتهم بالكلام حتى بجت بس ترجع وتهدي روحها يجي يوم ارتاح سديته منها كملت تحضيراتي ثاني يوم كان حنتي تهيات ورحت للصالون للومه ويايه عسل وبيبي الحجيه رادت تصبغ شعرها اكثر وحده كانت فرجانه هي كلسا تذب اهزوجه بالصالون والعاملات يصفكن ويهلهلون للومه وعسل ميعرفون هالسوالف بس يصفكون والتمت العالم جيراننا صديقاتي بالعمل بيت عم ابويه مرته وجناينها وحتى ام اركان وبيبي تصالحو خاله اميره هم جتي صارت لمه بسيطه بيننا وكل الجان يسال وين رسل مسافره ومتزوجه بالخارج بيبي ركصتني وسناء الكانت لابسه ثوب دزاين السمكه على طولها وجمال جسمها الاسمر شامات اللي بجسمها مغريه حيل شعرها وثخنه بس ماكان طويل ترتيب مكياجها الهاديء يربي شكد متعب تفاصيل هالبنيه عيشتها ذكائها هدوئها ونضافتها حيل احب اصفن بيها طكتلي عسل كومه صور بفونها كملت الحنه وكلمن راح لبيته بيبي حنتني وللومه هم بيومها حضنت زيد ونمت تمنيت رائد يتصل بس متصل للفجر دك تلفوني دكه وسكت نومتي خفيفه زيودي ماخذته امه عسل فارشه ونايمه بالكع يمي باوعت للتلفون واتفاجا بي متصل راسا اتصلت شوي ورد خوما نايمه للا كعدت خومبيك شي لا والله ههه بس ردت اسلم عليج جنت نايم قبل شوي كعدت همم اي شونج نعسانه تنامين لا بقه نوم كوه قنعت روحي اغفه باجر ميحتاج تقنعين روحج نبقى نسولف للصبح ان شاء الله متشوق اشوفج ببيتي مثل قبل ان شاء الله غراضج الحجيه رتبتها خطيه بيبي ليش تتعب روحها يمعوده طايره خليها ممصدكه بيه عرست ههههه حبيبتي بيبي ماشي يابه ماشي محتاجه شي لاسلامتك يله ب٤. العصر نجي كلتلج امي اي اعرف بيش ساعه تروحين للصالوان ب٩ ماشي ب١٢ امر عليج علمود المصور اذا متردد عوفها ها تقبلين خاف تنقهرين لاعادي جريت حسره عادي رائد كال زين اوصي مصوره ببيتنا تصور شنو رايج اي اوك يله احسن هيج براحتنا اي احس روحي مقصر حيل بس وداعتج هاي كل طاقتي تكفي حجايتك بس احساسك ليفاركني محتاجه احس بامانك رائد والله يابه موجود بس شوي لود عليه عرس راكان اذاني ووووسكت انت الشرطت هسه نتزوج لعبت نفسي من الحجي تريد ناجل ازل شبيج يابه ليش تشجعيني عالبعد جبريني ابقى وياك اوك يله نلتقي نامي ارتاحي ماشي تصبحين على خير انت من اهله سديته وراحت نومتي طبت للومه تباوعلنا وزيد بيدها غافي تلمست شعري واني مغمضه شهكت بهدوء وطلعت حبيبتي صعبه طلعتنا عليه وصلت للباب وسدتها سمعت صوت عمو انور تالي شون حنكضيها بواجي مو موزين كليبي شو دجيبي هذا الجرو تعاي شوي بحضني انتي وياه تعاي اختفه صوت كلماته الحنينه ودخلو غرفتهم عوض الله جبير هاي ثقتي بربي عوض الله جبير مكياج وصالون وهوسه وسناء ويايه ويايه واخيرا لمحت اثر قبلاته وره شعرها من دتصبغه بقيت اباوعلها ابتسم راسلتها مكدرت احجي عسل وللومه يمي - وج هاي شنو - شكو شبيج تكتب وتباوعلي - تم - ههههه شكد فاسده لا والله بعد بس يعني جسد مره نايمه بصفه لابد رجال ورغبه يعني موصح - اي لعد ليش متم - مكدر بس باوع بعيني غمض حضنني - ميخالف تهون - يهون كل تعبي ويا ويتدلل - وامه واخواته - والله البارحه من رجعنا منكم هوسه سوالي عالثوب اللابسته شبي محلو - يخبل شبي - شكته عليه تكولي خلاكين لتلبسين احنا ناس النا سيطنا - يوو - سكتي راكان مجان موجود صعدت فوك كلشي محجيت - الج اجرج - ازل احبه متتصورين شكد بس هو تعبان - اي خطيه ويريد حياته تمشي دير بالج عليه - ان شاء الله ادعيلي انتي عروس - ههههههه ادعيلي اول - تصير سوالف ونصير مثل عمتج للومه التلفون خاف رجلها يخابر يكلها مديسكت ابنج - اي ههه ان شاء الله زفه وهوسه وكملت واخذني لبيتهم مصوره كانت بارقى لقطات واجه وكت القرب طلبت من عدنا عين بعين نصير ياربي بس باوعت بعينه نسيت كلشي وذبلت جفوني هو مثل المضيع شي بيه يدور ملامحي ويغمض لقطات الحرجه مارضه عنها خجل بس بيبي تعاركت وياه تضل ذكرى كالتله وانجبر ماعدت باوعت بعينه حضنني اطراف انامله كانت ترتعش بارده واني الخجل ذابحني حتى من طلبت منه يباوع بعيني مكدرت اخلي عيني بعينه بعد باس راسي وكملت اللقطات طلعوا العالم وبقت بيبي تلملم شوي وراحت بيت اهلي يم للومه استلمتها عسل بقيت بس اني ويا بالبيت تعارك وي امه بيومها شنوتروحين عيب شيكولون كلتله اريد اشبع من عسل بدلت تراكسود ستن جابته للومه مستر ويدفي وتعشينا سوه بعدما غسلت مكياجي وعفت شعري مفتوح مسرح سولفنا عالشغل سولفنا على رراكان امه سيدار وزوجته الولدت طفل ميت ووو ياكل ويسولف واني اتفاعل مخله عينه بعيني حدما كملنا اكل وشلته الباقي ضميته ونضفت الميز التفتت شفته يباوعلي ابتسمت كال يبتسم كاصه شعرج مو هزيت راسي ليش حرامات مكرطف ومذايل محلو هز راسه وتكتف تثاوب وباوعلي نعسان واني هم والله هذا يا مكروه وعديم ذوق مخلاج تنامين ههههه مادري غابت ابتسامته كال منصي يله يابه دننام هزيت راسي فرشت اسناني طلعت لكيته متمدد بالفراش استغربت من حالي باوعلي ولزم الفون كال لازم نتعلم تعاي ارتاحي حلوه الغرفه كلش حلوه تخبل الحمد لله عجبتج مرديت تمدد وتغطيت وهو هم تغطي دقايق ساكتين بعدها طفه التيبلام متحرك بعد وغفيت اني تعبانه حسيت بليل ملكيته كمت من مكاني ادور شفته نايم بغرفه اساور الضاهر متعلم بليل يجي ينام هنا خليته براحته ورجعت مكاني مكدرت انام للصبح افكار مخربطه شي ميشبه شي ماضي وحاضر ومستقبل خبط لبط باوعت تلفوني اكلب بي وسناء كاعده دزيت شمكعدج ها ولج عروس انتي شمكعدج اني عدي عرس هههه انتي شعجب نامي ارتاحي ههه عرس واني ممعزومه ياعيبه العيبه شبيج شكو راكان وين امه تخربطت عزه شبيها والله مادري شكولج تعاركو ياا اي والله والمفروض من ورايه بس المشكله ماكو ولا غلطه لاعبختج هههه احجيلي والله باجر اخابرج عيب من الاستاذ لالا وج نايم بغرفه اساور وحدي خابريني تمام تخابرنا رديت ها ولج علكتيها بينهن ههههههه والله اني معليها بشرفج لعد شكو باعي نزلت عادي نضفت بس هي البارحه من شافته من دا اغسل مواعين واشتغل يعاينلي باوعتله والله العضيم شارد ومبتسم ويباوعلي صافن فد فرحت كلت بلكن اكدر لشيل من وجع كلبه فاهمتني ازل مو احنا بنفس السفينه اممم اعرف كملي اي عاد كملت وجيت يمه شاورته بناتها كاعدين استحي احجي صوت عالي هي كاعده المهم شاورته كتله حصعد اسبح وانام تعبانه بقه صافن بوجهي ازل اني دااتعلق بي وداموت علي من دااشوفه دينجذب ببطيء الي اذا هذا الشي انتهى بسبب اهله يمكن اموت يمكن دخلت معركه خسرانه قصدي بيها اعينه واعين روحي الحبته كولي يا الله جرت حسره همست يارررب كملي تالي تالي ابتسم بوجهي هز راسه كلي اي وصعدت سبحت وبدلت بالحمام طلعت شفته كاعد جايب كرزات وعصاير خطيه ونساتل وموطه ممخلي شي ومعدله عالميز الصغير امم كتله شنو هالشغلات التسوي واهس سهر وبدينا ناكل نسولف عادي مثل العالم والناس حيل تقربت منه وهم دخلنا بشريط الماضي ومسحنا تراب الهم حجيتله عن ايامنا السوده المرت علينا صبرنا وتعبنا وحجيتله عنها مره لخ شون تقاسمت ويايه الينطيها اياها ابوها جان يسمع مركز بكل كلمه حدما سكتنا دفع الميز من كدامه وبعده وجر الكرسي مالتي وصله اله رجليه انطخت برجلي نصيت خجلانه من سرعه حركته ارتبكت عرفت يريد قربي بقه يباوعلي احس يخجل يواجه روحه لزم وجهي ازل احنا خوات اي كوليلي تقرب اي بس طلعت من عينه مكرود لزم وجهي باسني واخيرا واني نطيته مطلق المجال وبيده طفه الضوه وشاورني اني زوجج وانتي زوجتي تسمحيلي اشاركج بكلشي تملكي كتله اني ملكك من يوم العقدت عليه وانتظر منك نضره دافيه حضنني وتقرب بكل حاجته ورغبته اعرف جتي نوبات وهو بهاي حالته تذكرها وهدا سكنت روحها لذكراها بس رجع كمل امه بهالفتره دكت عليه سبع مرات وهو يرفضها يكولي ماكدر اعوفج بعد واني مناقشت الحمد لله مثل مالازم يكون صار وبعدها كال عطشان كتله هسه اجيب مي بدلت ولبست روبي بس كوه وكفت كلي ارتاحي كتله لا غمض عينه احس بي مخنوك بس يبتسملي نزلت شفت امه وخواته بعدهن كاعدات نصيت نترت بيه راكان وين كتلها خاله نايم وردت كالت وليش مرد من داخابره هاي انتي دترفضي جاوبت اعاين للبنات متخوصرين يباوعولي كتلها لا مو اني ترست الدولكه كالت شو دتاخذين مي خاله راكان عطشان جان تعيط موتكولين نايم وتعيط وتصيح دا اتعداها جان تجر شعري وبتها اللخ بعكسها نغتني شون نغه ملختني بخاصرتي كامت تحجي الام موعبالج العبيد من يلبسون لبس راقي صارو اسياد تضلين بعينه هلكدوتج وهو نزل ركض بطرك البجامه صيح شكو هاي شيلي ايدج هي وخرت ايدها واني طفرت فوك هي تعيط وهو يعيط اخر شي سمعت صياح خواته يمه امي حتموت يمه وهو ركض صعد فوك لبس وطلع اخذها مستشفى ميباوع بوجهي واني شعليه طبيت اتعلى لان يمكن صار نزف ماعرف هو لازم هيج طلعت لكيت غراضي مطشرات والمكياج مكسر والعطور مكلوبه الغرفه بربع ساعه مهتميت قفلت الباب عليه ورجعت كلشي بمكانه وهسه دانتظره يرجع عزه بعينهن وج ذنه شنو ولا مبين عليهن والله مادري شسويلهم ااكولج حروح هذا رجع سدته غمضت عيني تمددت طلع الصبح وسمعت مشيته نزل من غرفه اسو طلع للحديقه لبست وطلعت للمطبخ شغلت الجاي اندل كلشي بهالبيت وكانما ولدت بي هنا لعبنا وهنا بليل سهرنا وهنا مرات عالمرجوحه ننام اني وياها راس وجعب ابتسم واعاين لكل انحاء البيت واصفن بوجع كلب داتذكر وحدي محد يشاركني ذكرياتي حدما صحاني صوته صباح الخير هلو صباح النور باوعتله ابتسم شبيج شو تتصفنين وتعاينين للبيت جربت نفس هيج شتذكرتي كالها وكعد على ميز المطبخ ابتسمت اشرت عالمرجوحه مره بتنا بالحديقه اني وياها ابتسم وهز راسه ايوا اني الفجر رجعت من اربيل غطيتكم كصايبكم نازله بالحشيش اي ههه بقه يباوع بوجهي عض اصبعه بهدوء وجر حسره وذبها كال شوي مكدرت انام مكاني متغير لاعادي على راحتك باوع للطرمه ورد باوعلي عدي شغل اروح ساعتين وارجع وين للشركه امم كالها واخذ كمع الصمونه اجي وياك عادي اضوج وحدي ب١١ تجي الحجيه نلحك جايين اي بقه يباوع بعيني هز راسه ماشي طفيت الجاي باوعتله نتريك هناك اي يله لعد دخلت بدلت وطلعت طلعت لكيته مبدل شنو وين بدلت ببغرفتي اقصد غرفه اساور عدك هدوم هناك هز راسه اي ويباوع للحديقة مهتميت طلعنا للشركه فعلا شغل كومه راكان مكدر يجي وخابره مرد مكدرت احجي شصار البنيه سرتني كملنا شغل كال تعاي يمي جيت جبت كرسي وخليته بصفه بده يشرحلي شغله ويخطط شغله بالاقتصاد وهاي لعبتي المفضله كمت انطي افكار بس صايره افكاري بارده كوني ممستمره بالبحث كلما انطي فكره يكولي لا موهاي هيج وانقهر اخرتها كال عوفيها فكري بيها بالبيت اوك طلعنا تريكنا سوه طلب الشي الاحبه وشون ما احبه مناقيش جبنه وزعتر بزعتر قليل من دون زيت زيتون ابتسمت صافنه عليه راح الولد وكتله انت شون حافظ هالشي بقه ببالك ابتسم همس وميباوع بوجهي يوم يومين سنه سنتين ازل اني ربيتكم على ايدي غثتني الحجايه وحبيت اوضحها سبحان الله وهسه صرت مرتك هز راسه ويعاين لايده عالميز يزح الملح والفلفل اسود اجه الريوك اكلنا بهدوء وشرب الجاي وطلعنا للبيت بيبي جان جايبها عمو انور ومركبه خطيه بطبتنا من الشغل لكينا سيدار بالباب ووياه كصاب باوعلي نصه كال مبروك زواج الدهر ان شاء الله جاوبته تسلم وطبيت بقه هو ورائد بره ساعه اكثر وراح طب رائد واني وبيبي تسولف بعيد عن موضوع الزواج وكانما تكولي من تحتاجين تجين تكوليلي واكولج شتسوين تغدينا كان بيتهم ناقصه حياه شغلت الشاشه بيبي سالت شنو متابعه مسلسل اي بيبي مصري شو خل نشوف شغلته وعلينه وعيوني عليه بله وعي كمت اسولف مافاتهم من الحلقات وانتبهوا ويايه بيبي كامت تبلع حب بها بعد الاكل واني عيوني عالشاشه كال ازل اكلي شوي خضره لاماحبها باوعتله ابتسم كال لاشون مو تحبين مقبلات اي مثروم ممبين بس هيج ماحب مفيده يابه علمي روحج هسه اكوم اسوي عود وي الغده مثرومه واكل حجيت وابتسمت تذكرت من جان يلح علينا ناكل اني واسو كال ويباوع لابتسامتي شبيج ههه بعدك تلح بالاكل ابتسم وجر حسره نصه راسه ياريت فادها الخضره والاكل الصحي شالفايده وتمرضت تلاشت ضحكتي من دمعت عينه ودفع الماعون وغمض وكام فات للغرفه مالتها باوعت لبيبي شاورتها بيبي كالت ها بلا وعي تترقب بيبي اااا بيبي البارحه نام بغرفه اساور لتعلمي زعلي علي كوليله اخاف وحدي اضوج اكذب ماما هاي كذبه حتى يطيب من وجعه من يلمه الحنان هنا ولزمت نبضي اللي بركبتي من يلكاه هنا بعد ميكدر يحزن وحده اوك بيبي يله فوتي غسلي وبدلي مكيجي شوي وجج اصفر مو منمت والله فوتي حتى اسويلج فدكلاص عصير اوك طبيت نمت الاحد اليجي مهر عسوله لليل يله كعدت طلعت شفت بيبي تقره قران واني من الصبح ليهسه ولافرض صليت فرشت السجاده وصليت بالجمله طلعت ادور على رائد جان توه ديفوت السياره نزل متسوك كومه كالعاده اخذت منه وارجع بالثلاجه حدما كملت يحجي ويجيب الغراض واني ارد علي خابرتي عمتج تره خابرت ضل بالها اي هسه خابرتهم زين عسل شوكت مهرها الاحد باذن الله بيها الخير امي وين دتقره قران هاي باجر تخلص تره هههه تسويلي كهوه ازول بينما اصلي اي هسه تدلل كلتها باوعتله ابتسم ابتسملي ومثل قبل جر خشمي بين اصابعه يضحك مكيف بوجودي اعرف حاسه بي مكيف كون صوتي رجع بالبيت يمكن يحس بصوت اساور وي صوتي سويت كهوه وشربنا بالحديقه ساكتين بس صوت رشق المي بالنافوره عالاشجار ينسمع اخر شي كال وجودج بالبيت حيل مريحني هزيت راسي ابتسم باوعت بعينه اعرف دااحس بيك بقه يباوع بعيني شوي وحجه ام راكان البارحه داخله مستشفى سكتت ونصيت تدرين مو امم بس لتحجي اي عرفت مشغوله وي زوجته وخواته مو اي هنه متزوجات يحشن براس امهن علي يغارن اي صح من وكت اساور هيج تالي مره تتذكرين ردنا نفسخ امم وهو تخبل كام يبات بالمكتب والام انجنت تالي سكتت شيسوي متحاجي هسه متكيف مرتاح ابنها والله مادري الله يهديها جنت رافعه شعري ومفتوح مخليته صفح يحجي يباوع يعني يرد يباوع لشعري سكت وجر نفسه اي بيش مضروبه بايدج باوعت لساعدي مكان زراكات مال شمع بشرتي حساسه باوعتله هاي بالصالون بالعرس شنو ضربتج لا هه مال شسمه شمع ها نصه راسه وقرب ايده من ساعدي فركها بخفيه همس مزوركه يا الله متوجعج لالا هز راسه وباوع للشجر ورد باوعلي اشر على شجره الرمان كال هاي صادف من زرعتها حبلت باساور الله شون حلو امم حبيت شي يكبر وياها تالي الشجره كبرت وبنتي راحت الله يرحمها جر حسره وباوع للسما حلو صوتج بالبيت ضحكتج العاليه تذكرني من جنتو تضحكون امم باوعت بعينه اني هم من اباوعلك اتذكر ايامها لحضاتنا ودلالك النا محضوضه بيك كام من المرجوحه كال خل نفوت يم امي شوي احجيلها على ام راكان طبينا وبقه يحجي واني صافنه بادق تفاصيله شكد احبه كلشي بي مرتب وحنون وذوق ديحجي انتبه اباوعله ابتسم بغير عالم بقه يباوعلي شوي رجع يباوع لبيبي يكمل كلام كمت للغرفه خابرت وسناء شوي وسديته لل١٢ سمعته يصعد كانما تعلم من صدك فتحت كنتوره شفت هدوم الصيف بي والشتائي ماكو يعني شنو ناصب عليه بس مخليهن هيج صرت نار صعدت فوك بيبي شافتني ونصت دكيت الباب كال تعاي امي طبيت شفته مشغل تلفزيون ومتمدد والريموت بيده يتفرج فلم عاكد حاجبه همس شبيج تعاي تقريت فتحت كنتوره شفت غراضه كلهن سالته بنتره هاي شو غراضك هنا بقه يباوعلي كتم التلفزيون وباوعلي كال احب اخذ راحتي و حدي اي لعد ليش شفت روحي عصبت هدأت روحي كوه وعدلت نبرتي لعد ليش شتريت غرفه كال غير الج بقيت صافنه عليه غمض فرك وجهه كال بابا اني متعلم يعني مداعرف افهمج بس احنا متفقين بقيت اباوعله اشرلي تعاي كعدي يمي كعدت عالفراش همس بهدوء ازل بابا لتضلين كل ما اختفي من يمج وصحتي وينه لتضلين ها شو منام بغرفتي شو هدومه هنا ومو هنا رحميني بلعت ريك ونصيت راسي حسيت بذله رهيبه باوعتله جان كتلي منتزوج غمض وفرك وجهه هز راسه كتلج الدااحس بي نطيتج حريه الاختيار وواعدتيني نتعاون بس هيج مدنتعاون تونا يومين ازل طيني صبر ماشي طيني مجال انسجم وي الوضع واتآلف ويا اوك تركته ونزلت لبيبي بجيت هواي وهي تمسد على راسي وتقره حدما سكتت باوعتلي كالت ليش صعدتي ليش بينتي ضعفج خلي هو الضعيف هو الينزل ويحتاج موانتي هزيت راسي ومسحت وجهي قوانين جديده ترتبت براسي بعد هاليوم ابد محتكيت بي ناكل نشرب سوه شغلنا وعملنا حتى ماباوع بعينه ابد الا يكولي شو باوعيلي شنو مغثوثه واكوله لاعادي صرت ببروده وبده هو يهتم بدت عيونه تترقب مشاعري . . . . . يتبع | ||||||||
|  |
|
13-11-21, 03:08 PM
| #72 | ||||||||
| مراقبة عامة ومشرفة منتدى الروايات المنقولة
| بارت ٥٢ #أماً_لهُن #مريم_السعدي ازل .... وكت الفراغ العندي كمت ارجع اسجل ابحث اجيب كتب من يحيى اقره عن الاقتصاد الافكار سألت يحيى اكثر من مره عن الكتب وكال حدورلج وفعلا تمعنت دخلت عالم الاقتصاد الفكري وخبلته بالشغل فكره ومدورتها بكل ايحجابياتها سلبياتها خبلت الوكلاء واثقه بكلشي مسيطره وفاهمه اربع عقود وقعنا اثنين منهم بعمان والباقي باربيل طلعوا الوكلاء وراكان وسيدار وعون وسدو الباب واني تماصرت ابتسم وهو يفتر عالكرسي ابتسم وايده جوه خده يراقبني شلوني بله مو خبلتهم ابتسم بفخر وصفكلي استاهل استراحه تره ههههه شكرا شكرا عالتصفيق تستاهلين استراحه باجر ماداوم ابقه ناااايمه كال باستغراب منو وراج شنو شون يعني بلع ريك وجر نفس ويامن تحجين منو علمج كتله اقره كتب بليل عن عملنا سمعتج قبل يومين تحجين وي عسل وو قاطعته اي عسل ويحيى اوصي على كتب وهو خطيه مقصر ٣٠ كتاب دز امم نصه ورد رفع راسه كال مو عبالي اوسع عملي بس لخاطرج ولخاطر الولد عاشت ايدج شكرا ههه يله شوكت نروح جوعانه بيبي اليوم تسوي تبسي دجاج احبه مالتها مكيفه بيج الحجيه اي فدوه رحت الها يله رائد دكوم جريته من ايده وكف يبتسم لفرحتي ولهفتي بقه لازم ايدي الاثنين يبتسم ويعاينلي مميل ركبته كال تعاي مباركتلج تقربت ابتسم متردده مفهمت قصده حدما جرني وحضنني ويحجي الف مبروك يوم التلزمين شركه وحدج هو عادي واني بحضنه وانترست انفاسي عطره تخربطت حتى وضع اعضاء جسمي كمت احس كلبي براسي صار ارنبه انفي طكت بركبته شميتها وغمضت ابتسم بهدوء ايده على ضهري عاين بعيني نصيت غابت ملامح الفرح مشه وايده على ضهري رد يله يابه خنروح بثكل مشيتي حس عليه دخت ازل ؟ باوعتله ونصيت بيج شي هزيت راسي هادئه طلعنا وصعدت بالسياره ومشينا بالطريق يحجي يسولف واني منطقت ابد حدما وصلنا سأل ازل بيج شي هزيت راسي بالرفض معقوله حضني مااثر بي ابد هيج ولاشوي نزلت وهو ورايه بدلت وغسلت تغذينا غسلت مواعين واحس بي يراقبني واني ماعدت اباوع بعينه اكتفيت والحضن كدما دفاني كدما نغزني كونه بارد عليه ومو مهتم بي عادي عده طلع عصريه مثل كل يوم مسالت وين رايح حرمت من يوم الكعدت ويا اسأل مكدرت انام لل٣ بليل الضوه يشتغل غفيت واحلم بكابوس رجعت اقره منمت مره لخ صار اسبوعين متزوجين دك تلفوني رقمه رديت الو هاازل شو كاعده شعجب جريت حسره وارتجيت بالتاج شنو اكو شي مضوجج شباكي عالحديقه هزيت راسي بالرفض والتفتت انت ليش منمت كال شوي نزلت للحديقه مخنوك درت وجهي عالشباك شفته ديعاين علي بقيت اباوعله وايدي على اذني تلفون بيها كال بهدوء ليش منمتي شوي خايفه كلتها وتذكرت بيبي ليش ياستار بقيت اباوع بعينه همست استوحش انام وحدي متعلمه وي عسل خابرتها تحجي وي خطيبها عبالي شوي احاجيها خابرت وسناء مردت يعني راكان يمها وانت وحدج كالها وعيونه بعيني ذب الجكاره هزيت راسي اي نعسانه نامي ميته نعس بس كال نامي اني هنا كدام شباك غرفتج اوك سديت الخط نزلت لفراشي شفته شال الكرسي وتقرب يم الشباك وبيده التلفون يكلب وكلسا يباوعلي اغمض عيني من يدير وجهه افتح كوه غفيت حسيت بالفراش تحرك والضوه مطفي حسيته اقترب جمدت غطاني زين وراسه بس قربه صار يم ركبتي ناحيه ضهري جر نفس بعمق وهمس ارتاحي هاي يمج غمضت مرتاحه لقربه اول مره لهالحد يقترب متحرك ابد مرت ساعه اكثر توقعته نايم انداريت على كيفي ردت اتامل ملامحه بوكت راحته شون تكون بكل هدوءي التفتت فزيت من شفته فاتح عينه ابتسم وغمض من صرت قريبه بقه مغمض كال بهدوء ليش منمتي مو يمج جيت شوكت تتعلمين على مكانج الجديد يحجي وجفنه يكرمش ويهدا سكت ينتظر جوابي بقه مغمض احس يخاف يباوعلي ويتلوث تفكيره بالواقع اللي بي اني زوجته شكد احبه واعشق كل تفاصيل ملامح الرجوليه الرزنه استغليت غمضه عينه وتلمست باطراف اناملي حاجبه الكان متخربط رتبته وحاوطت وجناته بايدي الاثنين ارتفع صدره تنهد فتح عينه بهدوء نظره جامده كانت خلتني انزل جفون عيني حدما غمضتها خجلانه منحرجه خطوه مفروض هو يبديها بس مديكدر مشلت ايدي توقعته حيكوم ويتركني وحدي بقيت بهالهاجس واني اتلمس بوجهه ببدايه اطراف اصابعي مررتها على جبينه وجفنه ووجناته اذنه لحيته وحنكه تجنبت حد شفافه لكن تجرات لشاربه كمت اسمع تسارع نفسه اخذني فضولي لنبضه اللي وره اذنه اتحسس سرعته بلع ريك لاحظت سرعه دكات كلبه ليش هيج كلبك يدك سريع رد راسا مادري مغمضه عيني ومنين اجيب اكثر جراه بعد اتمنى اشوف نظرته هسه واخاف يخيب ضني بيها وبين هالتفكير وذاك حسيت بنفسه قريب وجهي استسلمت كل جوارحي لهالبادره منه حسيت بلمسه ابهامه لوجهي بعدها بشفافه الدافيه على جبيني لزمت تيشرت بجامه بحركه متقلصه بله وعي قربته مني جر راسي وباس خدي كان نفسه متلهف كل قبله منه اني روحي تحاجيني يحبج والله والا مكان كدر يكسر مقاومته لذاته رفعت وجهي اعاينله مغمض بكل قوته وباس خدي بصوره اقرب لشفتي رخت ايدي المقلصه على تيشرته قابضه على القماش بقوه وهو محاط كتفي وايده على ضهري يمشيها بهدوء من رخيت فتح عينه حمر وصارت بمحور عيني تلاكت عيوننا بلع ريك ابتعد بسرعه واني تركت التيشرت كعدت ونزل رجله على طرف السرير المعاكس لطرفي روحي متلهفه لقراره اكيد راح يرجعلي بعد هاي الراحه والكم من الحنان اللكاه عدي فرك وجهه ووكف ضهره عليه ترك الغرفه وطلع بثكل غطيت راسي مصبره روحي ميخالف اكو تطور ميخالف يجي يوم ميكدر يعوفني ويعترف قلب وجسد وعقل بانه زوجي اصبري يطلع من حداده واكون اول وحده كدامه اني غفيت والصبح رحنا للشغل اما عسل كانت حفلة حنتها بموعده عسل .... بدلت و ازل سوت شعري صفح نزلته ومن الليل جنت مفيرته والصبح هم رجعت عليه صار سرح ومن جوه ملفلف بهدوء للومه اخذتلي ماشات كرستال وي فستاني الاحمر الدموي توسل بيه يشوفه قبل يوم واني اكوله مفاجئه البيت احس فرحان ويايه عمو من الصبح يحضر الجاي ويغني اريد افرح واهوس واكطع السير وللومه خربانه ضحك علي صاح وينها جنتي يله ولج كومي تريكي سويتلج عصير وين لاكيتلج عم يريكج ويحضرلج عصير للومتي ممسويها خرب حضي ان ما سويتلج عصير كعد يعصر لللومه هم وحضر ريوك مرتب خطيه مخلمه وبيض عين حتى صوصج جايب يدري احبه كعدنا ناكل جان وضعي حيل فاول اتريك وي عمي ههه دك تلفونه باوعلي يبتسم كال هذا خطيبج حس رد ها عريسنا هههه لا يابه تونا كعدنا دنتريك اي عمي حتى عصير سويتلها متروح صالون تارسه شعرها كواغد يمكن استماير الدائره كالها وقرب وجهه مركز عينه على الكتابه بالفافات مال شعري للومه خربت ضحك باوعلي عمي ترحين صالون لالا مو كتله ماروح كلتها ونصيت لوومه عوجت حلكها كالت دنطيهيا عيني يتفاهمون عساس محاجيه ويا لا والله للومه مو فوني طفه وشحن مدياخذ مفتهم مني يتاكد عمو كال يعني بله صالون وازل تمكيجج مو اي ديله هاي هي بابا وين لاكيها عروس متروح صالون اضررب نزل فلوس صالونها بجيبك محتاجين شي بعد الكيك ساعه ويجي وي البارد لا كالت للومه سلامته بس يحيى مكتفه حتى الغده دزه من المطعم كال اليوم غداكم عليه منوع حبيبي كلشي احبه بدلت وازل ويايه تفتر داير مدايري كلسا تريد تدمع واباوعلها هاا لا والله ساكته خليت الماشات وابتسمت لروحي التاخذ التحبه ميحتاجله مكياج فرحتها تحليها طلعت صارت بوجهي للومه هلهلت ونزلت دموعها حضنتها ماريد ابجي اليوم فدوه اخذت منها زيودي وراحت تكمل مكياجها طلعت عمو رائد وبيبي جانو كاعدين حضنت بيبي وخطيه كعدت تقره عليه طلعت من صدرها دنبوس بي خرزه زركه وخلته بضهره بدلتي ممبين ماكنت البس حجاب من عمو رائد وبدلتي مستره تقرب عمو باس راسي يبتسم ورجع يم ازل انتبهت عليها خلت مجال بينهم باوع لحركتها ومكانها ورد باوع عالساعه المعلكه وجر نفس ازل مكانت تبادل نظرات وي رائد ابد واضح انهم مو على وفاق لكن فرحتها بيه غلبت مغثتها كاعده ببدلتي صافنه واتذكر اني مبدله باحلى لبس انتظر جيته العصر نطلع بعد يوم مهري اول مره نطلع من سالته وين نروح كال اليوم بس الي اوك شحتلبسين كيفك سترتج الطويله البنفسجي اوك زين يعني نطلع نفتر لو شون بعدين نحجي روحي عدي معاميل تحضري جايج اوك اباوع للباب والفون بيدي اللهفه البداخلي حلوه كلش للومه تطب وتطلع تعاينلي اخر شي كالت ها مااجه خاف يضربج بوري جاوب عمو منو حياوي لالا بالطريق باوعلي ضحك لك هاي شطالع الحلو لك مواعد حبيبي اني مواعد حبيبي غنه ويضحك ويباوع للوم وعليه كان فرحان كلش ضحكت نصيت كملها استعجل يميل الساعه دك هو رن سياره حسن باوعلي وكفت كمزت كال بنتره لاا لاا كعدي هاي شنو يطب يسلم ويستاذن وياخذج شنو هي وكاله بله بواب واشر لروحه يضحك وطلعله تعال لاااك حسن صاح شكووو القاء قبض والله اني معليه اني سايق عمي انت معليك عانس كله عمو واشر ليحيى اباوعلهم واضحك يحيى ضحك وفرك وجهه حجي منين طلعتنا تورطت ناسبتك عمي فك ياخه هاا هيج دشوف منو يخليكم تطلعون تره مرتي السلام عليكم شونج عمه هله يمه جاوبته للومه وعيونه عليه ابتسم جر نفس باوع لحسن ينزل الغراض اللي عمو انور وصاه عليها مسواك وبوريات مال حمام كال يله حسن اي يابه كملت شونج عسل هلو بيك حسن دمشي عود خجلانه يله يابه فيماللا انور : تعالو شرب كهوه يحيى : حجي صدك جذب خزر ابوه عمو انور ضحك كله نتشاقه شكد نحس وصلت للباب وللومه تقره تنفخ يمكن لان اصغر وحده تخاف عليه لزمت ايدي شاورتني مو ترحين لبيته ليش عيب بقيت اباوع بعينها كالت لا ماكو داعي اوك طلعت عمو كال وينه حياوي كال بنتره هااا يمعود تعالو عود هنا تعشو جاوبه لا مترهم كله هاااا تتعشون بره ملاعين لعد شتاكلون جيبولنا اني خربت ضحك يحيى يباوعلي مبتسم كال ميخالف بس عوفنا طلعنا الفرحه اللي بكلبي جبيره حلوه علاقته بابو كلش صارت كعد بالصدر وطلع حسن دك تلفون حسن بس طلع جاوب ها خالي اي بلي صار تدلل لاماعدي شي باجر الصبح امر بعيني الله وياك سده وجر نفس ساله يحيى شكو باجر راس السنه مال امي وخالي مسوي غده عزمك تروح لاماريد مخابرك اربع مرات ماريد اروح كيفك هاهي والعينتين تجي باوعله حسن خزره ويحيى دار وجهه عالشباك جر حسره باوعلي بالمرايه وجهه غيم راحت ضحكه عيونه اول مشافني كال حسن نزلني ببيتي وين موكلت مطعم ماريد بطلت ذبني ببيتي وروح اني من اريد اخابر عثمان مناقش بقه ساكت وصلنا لبيته مكدرت اكوله لامتقبل عمه خفت على كلبه اللي انجرح فجاه نزل وباوعلي فتح باب الوره نزلت اباوع عالباب مال بيت صغيره تك واحد ابتسمت اشر لحسن روح طلع حسن وباوعلي ابتسمت من شفت الزرع نازل عالباب صاير مثل الباقه الخضره هذا بيتنا ابتسم بتعب كال جج بيتج ههه يخبل مد ايده فتح الباب باوعلي شوفي هيج تنفتح اوك ههه طبينه شفت المرجوحه نفرين صابغها وردي وحديقتنا بيها ورد توه طالع وبي قفص جبير طيور حب اتلفت وابتسم طفه الماطور وراح المي بالنافوره الدافنها بنص الحديقه ترش جر نفس ابتسم من شاف بعيوني اللهفه لكل ركن حديقه مترتين باربعه شفتها جنه طرمه تكفي سياره وماكدر اوكف وره السياره بعد انجعص شفتها شوسعها لزم سياج الحديقه كلي باعي هاي الورده الحمره تخبل توها طلعت اليوم يوميه احاجيهن اكولهن كبروا بسع حتى من تشوفكم غزالي تفرح ههههه فدوه باع الطيور امم هاي اخذتها بيوم الاشتريت البيت اخذت فحل ونثيه يحيى وعسل بعد تكاثروا زعلنا ورضينا وهسه صار خمسه اوي صدقه باوعتله تقربت منه يحيى هنا حنكون عائله هز راسه ابتسم عينه بيها حزن خفت اساله شبيك فتح باب المطبخ بمفتاحه وباوعلي لتقلدين عالباب خل اكمل دين وابدلها بيبي سي اوك الكاونتر جان كلش صغير بس ملحق بابتين وسنك بابتين وكاونتر لخ بابتين مطبخ مربع صغير بي ميز وكراسي ثنين باوعتله منو نضف ههههههه ام راضي مره يعرفها عثمان وكربته هزيت راسي راضيه لزم ايدي وهد العكاز انتبهت اكو مثل البوري على طول حايط البيت يمكن يلزمه ويمشي لزمه واجه بصفي كال نطب نشوف الغرفه هزيت راسي جج ليش كالها وعاين ملامحي شال ايده وخر الدنبوس ونغزه بالملحق بالحافه وخر شالي من راسي نزلت كذلتي جر حسره غمضت عيني عدل كذلتي ورجع لزم ايدي كال غزالي همم فكيت عيني بخجل جانت عيونه تعبانه بس وجودي تارسه لهفه من عضه شفته حسيت بي لزم ايدي قوي وانتجه عالحايط كال شبيج مابيه لاخايفه شوي مو شنو للومه كالت لتروحين لبيته ابتسم تك خد بمكر قرب وجهه عطره سكر انفاسي غمضت شاورني لعد انتي ليش معترضتي من وصلنا حسن ممردت اخجلك ووعبالك ضجت خفت اضوجك اكثر غمض عينه بهالقرب ورففع زوج حواجبه يبتسم ججج محد بعد يكدر ياثر بيه غيرج محد يضوج خاطري وانتي عدي اكتفيت من الدنيا كلها الله جازاني بيج ابتسمت نصيت راسي كال زين وهسه نشوف اوك طبيت وراه باوعلي كال هذا السياج بالحايط الي لتستغربين اني اعرفك مااستغرب منك ابتسم كمل مشيته كال ماشر عالباب مال هول هذا الهول وبصفه الصاله فتحهن مابيها اثاث بس منادر ومغلفه كلها نفس الجراجف ومخاد جديدات عرفتها لان دبل ابتسمت بفطاريتي كلت شون بيها نومه شون شون ههههههه ننام عمي شكو منها لالااقصد يعني ههه والله موقصدي يعني شي عيب شون يعني وج هههههه يضحك على فطاريتي عيونه دمعت عوفي كلشي شنو العيب يحيى شنو هاي ضربته على كتفه غمض راحت ضحكته باوع بعيني عسل كلشي ولا الاحترام ايدج لتمديها عيب اوك سوري مو حرجتني جر نفس اتشاقه كلبي لزم البوري وباوعلي كال ماشر ذيج غرفه النوم وفوك اكو وحده هزيت راسي هاي الماستر كالها باوعلي غرفتنا يعني هزيت راسي اترقب حركته تمشه وصل للباب فتحها باوعلي جانت مصبوغه جديد ريحه الصبغ بارزه كلشي مبيها فارغه بس بردات جديده راقيه مال عرسان الضوايات تشتغل اضاءتها وسط طفه الضوه فزيت باوعتله هاي ليش سد الباب توني الزم ايده كال شبيج خايفه شغل الضوه الناعم كلش همس داشوفج هاي رجعت باوعت وانتبه كتاباته النثريه بخطه الاعشقه بصوره ناعمه صفح متبين بس من يطفه الضوه ويشتغل انعم ضوه شعر يفصل عسل تفصال من شعرها لحد اصبع رجلها شي خاص بينا وكل جزء مني شسوه بيه علي وقساوته ووقع اثره علي نظراتي الحايره كلها شارحها بنثر اقره وعيوني تجري وهو مكتف ايده ومرتجي بالحايط بصف الباب مبتسم مميل راسه اخر النثر يطلب حضن دافي وصف حضني بوطن وهو مغترب ورجع للوطن بعد عذاب كملت الشعر والتفتت عليه اشرلي يبتسم باصابع تعاي تقربت حاول يوكف ويتقدم خطوه لخ تقدمتها بمكانه غمض وجرني لحضنه كانت اول مره تترابط ارواحنا شاورني يتنفس بغضب تعرفين شنو الحضن عسل اني روحي راحت واكفه باتزان خاطر ميوكع هو الحضن الحضن وعصرني بحضنه كل قوته كال بصوت مليان بحه الحضن اكتشفه انسان اخرس راد يوصف لحبيبه عذابه واشتياقه ومكدر يحجي ترجمها بحضن هزيت راسي كوه لزمت روحي دخت اريد اريد اكعد دخت ذبي حملج عليه خاف توكع كلتها واختفت لهفه حضنه هدا راسا شوي وحر حسره باوع بعيني بعتب ابتسم ونصه شفته رجع ضهره عالحايط سنده بي ولزمني من خصري وحضني بقوته محسيت روحي اله انرفعت رخيت كل جسمي حضنته بكل قواي احبك اعشقج وحق عافيتي ووكفتي ههههه ضحكت ودموعي نزلت مسح وجهي وغمض باس راسي وتلمس شعري اللي اننثر لزمني من ايدي كادني واشرلي بركبته يله طلعنا واني عيوني عالغرفه عجبتج اكثر من ما تتصور باوع للدرج وباوعلي مجرد غرفتين عاديه اوك لا عادي غرفتنا الاحد تجي متردين تضيفين شي عليها لالا هي هاي الختاريناها هز راسه ابتسم لزم تلفونه شافه ديدك مسوي صامت هاي عثمان دقيقه ها صديق اي اي عزل لا هاهي عزل نضف ونام تعشيت لو ادزلك دليفري اي هذا بالعافيه الله وياك باوعلي يبتسم لنظراتي للبيت كان قديم ومرممي اكو رطوبه معالجيها وراده طالعه كال هاي الممر اصبغه البيبان ان شاء الله ابدلهن بس شوي شوي لان حدقت دا اريد اوفي الدين واشتغل عالبيت اني وياك نرتب بعد هههه ابتسم كرص خدي رجعنا طلعنا كال شو تعاي شوي المرجوحه تكفينا لا كعدت وانحشك بصفي باوعلي يبتسم على غفله توكع بينا هههه لالا مو ثكيلين امم بصفه كاعده تلمس شعري وطرف اذني جر نفس مبتسم يااجمل لحضات جنوني نصيت راسي رفعه بكرصه خفيفه بحنكي عيونه تكحلت بحمار ماكر تامله لملامحي اختلف من بلعت ريكه عر فت ناوي على شي خفت منه كال بهدوء حضنج فكفك عكد روحي كلها رخيت بيدج مثل خيط البكر ابتسم هاي منين تجيب الحجي غمض حلف والله من خاطر خاطري شكد حلو عسل اني متيم بيج تاثرين بيه حيل دمعه عيونج هدت عهود ووعود روحي لروحي مكدرت عليج اني شون حكون عائله واني مسلوب الاراده كدامج معرفت شرد على جمال كلامه ختمها شون متردين نعيش تدللي بيتنا هذا اشر عالبيت وعيونه علي حيصير ملجانا وكل ركن بي كومه حنان مشاكلنا بيننا مو راضيه عن شي كوليلي مقصر بشي كوليلي گلبي لتربين حقد ربي حنان ووفه خلي يشيب ويانا حبنا ويكبر وي سنينا اوك كلتها بثقه عضت شفته وجر نفس همس خايف هالحب يختفي ساعتها انتهي اني مو انور واقاوم معرفت شون اواعده وابينله اختلافي عن امه كل وعد مني يجرحه سكتت عيوني دمعت وي دمعته كلت البداخلي تتوقع اللي انحرمت من شي اسمه حنان الاب والام وبحياتها محاسه بي من تعيش بهيج مشاعر تفرط بيها يحيى اني جربت كلتها ودموعي نزلت الحياه دونك مرض مو قضيه تعلق بس حنان البيك محاسته ابد لااب ولاام غير للومه وعطفها انت نطيتني حب مو لان مقهور عليه مو لان عاطف عليه انت حبيتني وهو هم كال ويايه نفس اللحضه اني حبيتج هزيت راسي لهذا من جنت تكولي روحي مافيدج اتوسل تخليني قريبه منك متحملت بعدك يحيى غمض وعصر ايدي شالها وباسها خلاها على وجهه وركبته كل حركه من يطك سن بسن وتلزمه رجفه ويهدي روحه لزم وجهي ويعاين بعيني بغضب شنو السحر البيج اللي خلاني اتعالج من الكرسي حتى اثبتلج مدى قوتي حتى اثبت العجز بالعقل مو بالجسد بيه حبك يحيى تدري بيه احبك ردت تاذيني باهمالك الي انت تعافيت وشليتني الي بس كملت حجايتي حضنني بلهفه نتر لالا گلبي اسم الله لتكولين هالحجايه ابد اسم الله عليج يمسح بشعري ويحضن بقوته تعبني اهمالك الي موتتني لعد اني شكول تانيب ضمير وحقد وبالليل الوب على صوتج ااني هم والله تمنيت بس اشيل البلوك واخابرك من عمو تسده بوجهي احجي وابجي وجهه صار احمر انعكاس صورتي بشباك المطبخ لزم وجهي بلهفه باثتين اديه ويرد كافي عمري خلصت راحت مرتي انتي هسه مرتي وام بيتي مسح دموعي وباسني بسرعه من خدي بوسه وره بوسه ويمسخ وجهي كافي عمري بس لتبجين اوك غمضت لازم وجهي بيده فتحت عيني بهدوء شفت نضرته وكانه ذئب عطشان لثغري تقرب بهدوء جر وجهي بحنان و و و باسني غمضت وتفاعل بهدوء مره ومره لهفه موذيه ثواني وابتعد خله كصته على كصتي يتنفس ويخليني اتنفس ورجع كرر الصار لزمتني دوخه بس ابتعد خليت راسي على كتفه ردد بصوت مختفي عسل شو باعيني مكدرت افتح عيني ضمنني لصدره همس شبي حبيب روحي دخت ماعرف ليش رجع باسني بهدوء ويردد تتعودين حبيبي تتعودين يادم كلبي انتي اااخ عسل شكد احبججج بعدها طلعنا تمشينا للشارع لازم ايدي والايد الثانيه بالعكازه تمنيت اشوف المكتبه وواعدني ياخذني غير مره اخذنا تكسي وطلعنا تعشينا نسينا عمو وللومه رجعني ساعه١٢ بليل وعمو جلب بي الا تبات يمنا للومه جانت موافقه ورحت لغرفتي نمت اتصل بيه ب٢ رديت جنت توني طالعه من الحمام الو وينج اربع مرات اتصلت نايمه ههه لا جنت اسبح هاي الريحه بالحمام منج اي ههه راح اشبع حنان اني ههه يحيى نام حبيبي عسل عطشانج شسويتي بيه مداكدر انام شعليه ههه تعاي يمي شوي انور راح يم عمتج تسحب ذيج الساعه لا فدوه استحي ثواني عسل وروحي فدوه اوك بحجه اجيب مي مي غاز نفط بس تعاي اوك الخاولي براسي داريد انشف شعري رد اتصل وينج دانشف شعري لالالا خلي لخاطر حياوي اوك فليته وطبيت بتراكسودي جان واكف وره الباب جرني بسرعه وحضنني بلهفه يشم رمكبتي شعري ويوزع قبلات دافيه على ركبتي وخدي حضنني بكل قوته واستند عالحايط وجهه ذبل وغمض جر ايدي خلاها على كلبه بس باعي دكه كلبي ابتسمت اخذت ايده بستها جر راسي وباسني من كصتي شم شعري بلهفته وتقرب يطفي عطشه لكن صوت باب غرفه للومه فززه وابتعد كعد عالفراش واشرلي كعدي كانما دنسولف متت خجل عمو انور مطب عفت الباب مفتوح مال هول وفعلا سولفنا سالته بتردد شنو خال حسن عازمك عبس حلكه وباوعلي هز راسه ساكت ونصه عالزوليه يلعب باطرافها زين ليش متروح هز راسه بالرفض اااا امك تجي رفع راسه بهدوء باوعلي ورد نصه جر حسره ورد باوعلي تجين نروح الهم اني وياج راسا رديت اي اريد ليش حتى تشوفك خطبت وحتكون حياه ممحتاجها هز راسه ورد باوعلي منطول بس عشر دقايق اوك باجر الضهر اي ماشي جر حسره همس منصي صار عشر سنين مشايفها بقيت صافنه عليه باوعلي تردين ام مو ليش هي كل ام ام اكتفي بعمتح اشرفلج جر حسره ورفع راسه ملامحه تغيرت همس ها حجي انداريت عمو ورايه وكفت لميت شعري عمو كال روحي عسل نامي بابا عدي حجي وي حزامي وسندي باوعت ليحيى نصه راسه ووكف لزم الحايط كله اكعد بابا اكعد رد كعد وعيونه عليه طلعت ماعرف وين وصل الحديث بس كان الصباح شي اروع مايكون التمينا سوه هو وابو يسوون ريوك حسن اجه هم بس مو مثل قبل ضحكته ابد وكلما يحط عينه بعيني يسالني عنها ويخجل يحجي راحت الفرحه الجنت اشوفها بعينه طفت لهفته تمنيت يفرح مثلنا نفرحله مثل ماهو فرحان لابن اخته انجمعنا فد سفره موضوع غده اليوم منفتح لحد ماحسن فرك ايد بايد همس الف الحمد لله والشكر سفره دايمه ام زيودي سفره دايمه يابه انور : اكعد حسون ماكلت شي - لا والله برايه غده باوع ليحيى ونصه يحيى معلق منصي عالاكل ياكل صفن عالماعون الكدامه كاعدد بصفه ردت بس احتوي اكون وياه لزمت كف رجله باوعلي بهالقرب عيونه و رموشه تسال شبيج خطوط جبينه بينت من رفع حواجبه يستفهم وفهمني شريد غمض وهز راسه مطمني بنظرته شرب اخر كمع من استكانه وغمزلي كال حجي يله ايدك ويايه دنشد الغرفه تره جابوها خلوها بالطرمه لتروح تمطر ها صدك بابا يله لعد حسن : بيها الخير اجي وياكم لعد خل اخابر خالي اكله مرد يحيى عليه غسلو وطلعو باوعلي قبل ليطلع حبيبي جواريبي بقت يمكم صارت مالتي باوعتله ابتسم بغرور عمي ولاديه رصاصي ترهم وي تراكي لا هاهي ربط الدوشيش ادزلج داخلياتي خاف تحتاجيهن لا ممحتاجه خليهن الك عود بالصيف نتلابس اويلي عليك حياوي دفوتي فوتي طرمتكم سامحني يبابا كشفه والعرض بربع فوتي يابه اوك فدوه رحت لليابه مالتك تعاي اوكفي هااا يا الله ميكدر ميكدر بليايه الثقه الثقه يربي جيبيلي مفتاح البيت نسيته جوه البوفيه من دانام شمرته هههه هسه ركضت جبته ورجعت يله فيماللا تردين شي نو يله يحييييى اي اييييي سد الباب طبيت للومه ويايه تحضر مستعجله شبيج داريد انزل للسوك ولج هذا الخميس اللخ يريد يتزوج شنو منو شو مكلي مادري البارحه بليل اتفق وي ابو اليوم الصبح انور كلي امشي فضيها دنكمل شغل نكمل حاجياتج خابري ازل تجي ويانا خرب ببليسك يحيى ميجوز من مفاجاته ارتبكت خوف ولهفه فرح مادري شحس بس هم مكانها خالي ولو بس تسمعني وتكولي ها لج شسويتي وي لحيه لوزه زرفت كلبي وراحت بدلت وطلعنا للومه كانت كارت مفتوح الجهاز مفروض عليه بس مقبلت كالت الولد لحيمي ماعده خطيه وانور اشتراله الغرفه خلص فلوس ازل كانت تختار ويانا بس غير عالم للومه صحتها من سالتها وانتي شونج ازل زينه الحمد لله اكولج هذا الجينز حلو تاخذين وي عسل وهذا التيشرت هم حلو يبين طولكم ورشاقتكم اخذت اني وازل اخذت حياه مابيها اختي حايره بس تتصفن كل ما اسالها عن شغله تتحسر يله تركز وترد كملنا كلشي حتى فرشه خطيه اشترت للومه مواعين سيت جديد دولكه وجهالها جداري ٣ وطاوتين وسجاجين يعني كلشي حتى مناشف مغسله رجعت اصفط احجي ويا زعلانه اصالحج مومشكله لا مااتصالح مممم فد شي تحبي شنوه ااا قصدي ماريد اتصالح زعلانه اكوله اهو غزالي فدوه لعينج والله بليل حجينا وره منمتي ليش مكتبلي الصبح شوكت هو كعدنا قبلكم دنحضر الريوك اني وي الحجي ماه غزالي تعالي بحضني تدلعي هذا الدلع مو عالتلفون يربي وتكولي اجل اني البارحه كوه نمت عطرج بيه وشعرج واكع على تيشرتي والوب عليج النوب تتزعل اكولج منو يمكم ماكو احد انور وين مادري مو هنا يمكن راحو يتسوكون بسياره حسن ها وانتي وحدج اي لتجي لا المكتبه فارغه شجي استغفر الله ساعه السوده عشنو شبيك روحي دخابر انور عدي شغله دك الجرص نتر اوكفي لتطلعين لا مااطلع لا اطلعي بس مو هسه دقيقه هسه اخابرج سده مني هذا شبي شوي ودك صوته مرتاح اطلعي فتحي الباب طلعت ركض عرفت هو داز شي وخاف عليه لان وحدي بالبيت لكيت لعابه لابسه بدله بيضه واكفه وتغني اخاصمك اه اسيبك لاه خليتي ايدي على حلكي واضحك جريتها شكبرها هاي فدوه تخبل شعرها طويل وملفلف والبدله تجنن يحيى عفيه تجنن هاي هديه لبنيتي وحبيبتي عفيه تخبل شكرا حبيبي حلوه غزالي مو ايي ههه اي كلش بس انتي احلى حتطلعين بالبدله بعد اسبوع اسبوع واحد وهالكمر ينور بييتي ليل نهار اسبوع والبيت الموحش عليه بليل ينكلب جنه اسبوع ويبدي عمري وياج وانسى كلشي يوجع كلبي وانسيلج وجعج حبيبي فدوه رحتلك جر حسره وكال بهدوء دروحي كلبي معاميل جوي سديته واباوعلها كانت سنه رجعيه لطفوله اني معشتها كانت لحظه صبا امنيه من اطلع واتفرج عالالعاب واشوف مثلها اضل صافنه شون حلوه ياما وياما اشوف اب وطفله او ام وطفله ياشرون عليها ويتقرب الاب او الام ياهو تردين بابا تحركني روحي لهالذكريات حركته هاي زلال شلال وطفه شكو جرح بيه حضنتها بكل عقلي محتظنه طفوله اني معشتها حنان ديتعوض متاخر رضا من الله على صفاء نيتي والله صافيه نيتي واخاف ااذي احد عمري مكتله امنيتي كانت لعابه جبيره عمري مكتله على مشاعري المكبوته كانت سفرتي لتركيا من اجمل امنياتي الوحيده اللي تحققت على ايد للوم يمكن الله جازاها بعمو وزيد لان دارت بالها علينا . . . يتبع | ||||||||
|
| |
|
13-11-21, 03:10 PM
| #73 | ||||||||
| مراقبة عامة ومشرفة منتدى الروايات المنقولة
| بارت ٥٣ #أماً_لهُن #مريم_السعدي ازل... بيوم الحضنني يومين بعدها استغراب رهيب بيننا ابد مو يمي ولايحط عينه بعيني بل حتى ميحجي ويايه من وحدنا نتريك ثلاثتنا ونحجي بس عادي من نكون وحدنا ميحجي واني لبست الجينكو هواي ناطيه الموضوع اهميه خلي صح اني اتمنى قربه بس ادري كوه خلي اعيش شون ميكون ولا افرض روحي لاحد وسناء حامل وراكان فرح حيل وكال لامه تكول سكوتها خوفني حتى مباركتلنا ولازمه روحها لان هددها اذا تردين اطلع من البيت وحامها قوي طلع مره للشغل ومكدرت تداوم هي كانت كايلتلي قبل فتره انها دتنزف شي بسيط والدكتوره مطمنتها بس حذرتها تشتغل شغل قوي بيوم كعدتها عمتها من الصبح صعدت تكول على راسي وكفت كومي يله بسع عدنا تعزيله استحت تحجي تكول نزلت وراها شفت الطرامي كلها مفروشه والساعه ٨ الصبح تقريب الاربع زوالي ٥ ب٦ راشه تايت وزاهي بطريقه جنونيه كالت جلفيهن يله ادري شنو مو حالج حال الجناين لو من الهايشه للقصر عشتو رجل على رجل محاجتها تشلهت وبدت تجلف تكول اغسل بالزوليه وتكول بعد عيديها جلف نامي عليها نيوم تكول وعدت عرفت شغله خباثه مردت انطي مجال حجه خطيه يوميه متعاركين خل اكسر الشر واجلف عادي كملت وحده تكول امسح المي ميروح التايت وارد امسح روحي طلعت وتكولي بعده بي مليان تايت كملت وحده روحي طلعت بلشت بالثانيه حسيت نزل عليه شي عفت كلشي وطبيت شفت نازل هواي تخبلت خابرت راكان وهي الام من جوه تصيح يله نكعت حتتشكك كل وحده تسوه عدالج تكول بس كتله راكان ذابه هواي دم يمكن سقطت كلي جايج اني راس الفرع مدري شرجعه بس طب واسمع صياحها جوه وهو يصيح حرام عليج الله و اكبر عليج اريد اعييييييش يابشر عوفيني اعيش صيح عليه انزل نزلت لابسه صايتي ومناوش حجي ودعوه عليه وعلى لبطني عساك متتهنه بشوفته عساك متخلف من بت الفكر وهو يصيح اني مرديت جريت ايده بس اخذني فدوه واخذني كبل يرجف بالسياره منطق وصلنا مستشفى فحصتني دكتوره خاصه كالت مهدد ابر تثبيت وكومه شغلات طتني بيومها مرجع للبيت افتر وداني بيت عمه ازل ... راجعين الضهر من الشغل سكوت مقيت بيننا بالسياره بعد اربع ايام من اجاني للغرفه بعدها بيوم كاعده وي بيبي بالحديقة نسولف وطلع هو وبقينا نسولف ونضحك شوي لل٢ بس كان يتحاشه عيوني وكمنا يوميه هالحال يوجه الحجي لامه واني اضحك وياهم يبتسم ميباوعلي كام يتسوك لليل من يطب يخلي المسواك يكولي هاي خليهن بالمجمده لليل بيبي كالتله متغير صاير تكعد بالبيت جنت متبقى لو نادي لو كهوه لو فوك تتفرج فلم واني وحدي لو هاي علمود ازل شسالفه يوم الجو طيب هالايام والحديقه حلوه لتسويها قضيه غيرت الموضوع اكولج بيبي صدك تذكرت ذيج المره بيت ام سيدار اكلنا دولمه بس بيضه هاي شون مسويها عفيه تخبل هاا هاي دولمه مال كراد كالتها ومسحت طرف شفتها وغمضت تشرح فكت عينها بنصح كالت عايني هاي مو تلفيها دولمه تخلين شوي بالحشوه ملتها لبن ولمن تلفيها بدل المي تخلين لبن حامض تصيرلج تخبل هاي المضروبه ام سيدار شون اكل اكلهم اف اف هاي الكبه تسويها اشكال تحجي وعيوني تراقب حركاتها فدوه شكد تنحب ضحكت من شافتني اتاملها ابتسمت شبيج تعاينيلي هيج ولج مكموعه بيبي فدوه شكد بيبي شكد تنحبين هاي من جنتي صغيره شون جنتي لعد شسوه عليج جدو يله اخذج كالت متباهيه وتفر بايدها اووو جيش جيوش يله نطاني ابويه ههه فدوه تستاهلين باوعت لرائد كالت خل افوت انام تعبت ازوله يوم طفي البراد لتنسين اخاف تحترك الدكمه ويصير حريق شفتي ذيج النوبه ببيتكم هههه صار بيبي انداريت كعدت عدل شفته ضارب ركن وعيونه عليه ابتسمت تحسر ودار وجهه كال بهدوء هم جنتي تتمنين عرس وقاعه وشهر عسل وهالسوالف مال شباب نصيت راسي ابتسم رديت باوعتله اني بنيه رائد كل وحده تتمنى هيج بس هاي مترسم حياه ترى هز راسه وتامل ملامح وجهي بتعب احس يشكيلي من روحه بيك شي جر حسره كال والله مادري شبيه عرفت قصده عالصار قصده عالجفاف الاحنا بي انتظرت يحجي بقه ساكت عبس وجهه كال تعرفيني وتعرفين ضروفي ماريد تكرهين حياتج هنا هه لا بالعكس اني اساسا عايشه نص حياتي هنا من جنت اروح لبيتنا احس روحي خطار بس صار سنتين بعيده ميخالف حتى تشتاق روحي لهاللمه الحنينه هز راسه لم شفته وجر حسره جنت مسجل بنادي رياضي واهسي بطل منه جان نص الوقت يطير بي ونص سفر والباقي شغل وارجع اقنع روحي انام يعني هيج اقنع روحي باحياه ابتسمت وهسه هسه جر حسره ابتسم افترت عينه عالاشجار ورد باوعلي هسه اول مره اعرف الهوا طيب بالحديقه والكعده وي امي تسوه الدنيا ومبيها وسناء حامل كلك راكان هز راسه ابتسم اي خطيه كال الحمد لله رائد : امه محد يجرعها مدري شون جارعه العيشه وياها تحبه كلتها واختنك صوتي بقه يباوع بوجهي تصبر وياه عالحلوه والمره لان تحبه تتحمل من وعلموده كلشي وتصبر علي هز راسه جر حسره كام الكرسي مالته حول عالكرسي مال بيبي الجانت كاعده بي بصفي اندار عليه كال تتذكرين من طلعتي من حفله عيد ميلاد اساور مخلي الحجاب عراسج وشعرج من وره طالع كالها وتلمس شعري يباوع لشعري من فوك لنزله ايده اي اتذكر كلتها وغمضت جنتي مصبغه اضافرج ومطولتها حيل لبستني هذا شلت ايدي شوفته المحبس ابتسم وهز راسه كتلج حالج حال اساور كتلي دير بالج على نفسج لتصبغين اضافرج طوخ بالشارع اي اتذكر دخلت شعري بالحجاب غمض وتقرب باس خدي بلهفه وغمض بعد شعري على كتفي الثاني ونزل من خدي لركبتي باسها بهدوء ورفع عينه عليه راسا انكلبت حمر روحي غاصت بشعر شاربه ميلت ركبتي عليه كال بصوت مبحوح صبري على روحي والله توها احتتيت الك كل صبري رائد بس لتحرمني من حنانك فدوه عمري محسيت بحنان بس منك غمض وبلع ريك نصه راسه ولزمه بيده عدل شعره وباوع للسما جر حسره خنكتني ووكف كلي يله نفوت ننام بعد اوك صعد نام عيونه عليه واني سويت روحي مشفته نمت وثاني يوم رحنا للشغل ساعتين ورجعنا كان يوم سبت عطله بس عدنا امور متعلقه بالمشروع الجديد ادارته راكان هم اجه ساعتين ورجع رجعنا للبيت اني ورائد توني انزع وطبت بيبي عليه للغرفه كالت وج هذا جايب مرته وجاي هاي تعبانه خطيه منو بيبي ياستار راكان هاي امه النسره حتموته للولد حتهججه طلعت لبست حجابي وركض للهول رائد كاعد يم راكان يحجي ويلهث روحه محتركه باوعت لوسناء باوعتلي وجهه اصفر وترجف شبيج ولج كالت عفيه ازل وباوعت للولد همست كومي ويايه جوه ارتاحي كيفت وطبت جوه للغرفه نزعت صايتها واباوع ركبها حمر حيل وج هاي شنو شمدريني مطلعتلي زوالي معرف منين وتاريستها تايت تعاي جلفي تالي مهدد الطفل نامي ارتاحي وج اي لج عيني كالت مددي فدوه ازل شسوي خاف الطفل يروح اتخبل متدرين شون فرح بي يكولي من يجي لدنيا اعتبريني انولدت وياه من جديد نامي لتخافين نامت بفراشي غطيتها همست خاف الاستاذ يجي لا عيني استريحي فوك غرفته نامت طفيت الضوه وطلعت كعدت بالهول بيبي تلكط خضره وتسمع كلسا كالت يا جفاها ربها وك هاي امك من وراها ابوك مات بيبي هو ابويه مات وعافها تموتني انجب لك امك هاي خربت ضحك كتمت ضحكتي رائد ضحك كال اثبتي على جبهه يوم ويانا علينا لوياك ولاعليك اكوم اغسل الخضره احسلي كومي ولج شعدج بنص حجي الزلم تره كلها غيبه ونميمه نوبه يحجي على امه ياويلك من عذاب الله كالتها وتاشر باصبعها فك حلكه راكان وضرب على كصته صاح خرب حضيي ضحك رائد بقوه واني انصدمت حيييل صار شكد مسامعه ضحكته هيج ترن بقيت اتامله وراكان يفرك بوجهه ويحجي يعيد و يصقل اكولها راح تسقط تكولي ياويلك من عذاب ربك ربيييي دتشووف يباوع للسما وياشر ورائد يضحك يقهقه بيني وبين نفسي تمتمت يمن فدوه لضحتك رحت وكانما سمعني فرك عينه من الدمع كدما ضحك وباوعلي ماعرف شون جنت اباوعله اللي صفن بوجهي بيدي المصفي حاضنته واعاينله ابتسم بيبي تدردم عالسنك الام تربي تالي من يكبر يهج منها عاب هالولد بيبي شيسويلها كلشي لتسوي انجببببب صار بيبي رجع يضحك رائد وعيونه بعيني بيبي نترت دجيبي المصفي عاد حاضنته وكاعده طيتهيا اي اي والله هاج بيبي نادرا متعصب بس من شي بي مخافه رب العالمين متقبل سكتوا شوي ورائد كله كوم نام ارتاح يم مرتك كوم والله عمي منايم شيبت كلبي نترت بيبي وهي من وراك ماشاب شعرها كله ماكبرتك وسوتلك كل جتف هالثخنه وهسه كاعد تحجي عليها تحجي وترجف وتنفظ بالخضره لفتها بوصله بازه بيضه وضمتها بالثلاجه ونترت باصبعها شوف اكولك اهلك اهلك دونهم تهلك لو شماصير هاي امك جنتك ونارك افتهمتتتت تتحمل اي بيبي صار بس خل كم يوم ترتاح وسناء عوفها عدنا وروح اوكع على راسها لتخليها تكول عافتي ابن بطني وركض وره مرته لتخليها ساعه مقهوره نصه راسه وباوعلها كاللها تجين ويايه بيبي تحاجيها تحننين كلبها بروح ابويه عدج اي فد ساعه انهمد هسه ارتاح وعود من تكعد نروح خوش كام وباوعلي وين وسناء تعال ورايه اجه ورايه كال والله منحرج منكم يااا هاي شبيك عزه راكان صدك حذب اي عيب قلقت راحتكم دفوت يم مرتك خطيه برد كلبها لتاذيها تحملت هواي ازل تستاهل التعب راكان انت تستاهل واحد يتعب لخاطرك فدوه لعينج هي خطيه متشكي ابد ربج ستر جان راح الطفل الله يكومها بسلامه يارب طب بالغرفه مسد على راسها ابتسمت بتعب مبيه شي عيني انت عفتهم وطلعت شفت رائد ديصعد فوك حاولت ماباوعله وكف نص الدرج من شافني وكمل مشيته كملت وي بيبي الغده وصوت ضحكته يرن باذني كلسا ابتسم كلسا اتذكر من باسني من ركبتي بهدوء نعومه جلدي يكزبر وكلبي يدك سريع ببالي بالليل اذا باتو اصعد انام يمه وقطعت بيبي افكاري انتي نامي عدي اليوم باوعتلها حايره كالت مغمضه تنصح يمه خلي هو يكولج تعاي اذا كلج غير حساب ينحسب خوش بيبي لعصر راحو بيت الام وتعاركت وطردته لراكان بيبي حايره شمسويه بيها وهي محترمت بيبي طلعت بيبي مغثوثه لليل رائد جاب مشاوي واني كالعاده فرشت الميز بالحديقة مثل كل يوم خليت بي الزلاطات والخبز والاكل وانجمعنا ووسناء ويايه رغم ما دكتورتها منعتها بس عكيفها اكلنا بلمه حلوه بس راكان خطيه مغثوث جان كملنا لمينا الهوسه وبيبي ترشدني خلي الجاي عالنار المواعين انفضت على ايد وسناء اني داامسح ميز الحديقه وارجعه طبيت شفتها ترجع بهدوء وج شبسع لالا كملت بس اروح ابدل ونصب جاي يله انتضرج صبيت وطلعت بقينا نحجي جانت وسناء تسالنا عنها احنا نحجي بالشغلات التضحكنا الذكريات الحلوه سكتنا وراكان جر حسره ونصه هي كاعده بصفه تقربت لزمت ايده ابتسم يباوع لايديها وعصرها ورفع عينه بعينها ابتسم برضا باوع لبيبي كال بيبي على حجايتج حاجر لا هالعناد هي تريد اختي يمها وحدهم واني مبعيد راح ااجر نفس الفرع بقيت اباوع لايدهم وابتسم راكان يحجي ياشر ومفارك ايد وسناء انزرع بيه امل رفعت راسي باوعت عليهم شفت رائد عاكد حاجبه يباوعلي ل١ بليل كلمن راح لفراشه رائد ابد محرجه لراكان وكله نام فوك عافه جوه بغرفتي طبو نامو سمعت ضحك وسناء ضحكه ابتسم واني اغسل ايدي عالمغسله رفعت راسي شفت بالمرايه رائد يباوعلي مستغرب نصيت وطبيت يم بيبي بقه يباوع لمكان اتجاهي من طبيت وسديت الباب بقه يباوع بعيني تمددت اشحن فوني واندار لبيبي نسولف وهي انفتحت على امه تحجي شوي ودك تلفوني هو رائد رديت ها رائد شنو نمتو لا بعدنا دنسولف همم لعد حنزل يمكم اكو فراش تفرشيلي فزيت بكل نفسي الرايده اله التغيير اي اي اكو اكو اي لعد جيت تقبلوني خطار هههه اوك نقبلك فرشت وبيبي تبتسم الي وللهفتي عدلت نفسي عللمرايه من كحل بيبي الاثمد خطيت ومن حمرتها السحريه خليت شوي وحليته لشعري حتى عطر منها خليت وتمددت فرشتله بصفي وكلت لبيبي سولفي سولفي بيبي عود دنسولف وصفحت روحي بين نحافه خصري همست بيبي الله يفك عينه وروحه عليج يربي غمضت لدعوتها وابتسمت كملي بيبي يمه عاد طبينا دنتفاهم وهي جنها احد مكوكها للللللا ماريده خيولي ابن رائد هذا مو ابني اكلتنا حاصل فاصل طب رائد كال الله يساعدهم لابس فانيلته نص ردن وسرواله الابيض واني بدشداشه ربع ردن فانيله ثلث اربع مخصره عالجسم طبيعه الفانيله تخصر باوع لنومتي وكلشي بيه خجل كعدت عدل راحت مكارتي اني شكول وحده تغري رجلها والله يا الله تمدد نطاني ضهره وشال راسه بكف ايده كال اي حجيتنا سولفي بدت بيبي تحجي عالصار هناك والمناوشات ختمتها هي امه مينعاش وياها غير اني مانطي بيها كدامه اله هي ولاتنكحم ضحك رائد على لفضتها جر حسره ونزل اي اندار ونام على ضهره اني ضاربه عكس وهو كبالي نايم يباوع لامه عالجربايه نايمه واجنا بالكع والله يمه اني كتله اجر ولتكطع رجلك كل يوم روحلها عسى ماطردتك من باب البيت اي يمه ميصير نشجعه عالعقوق حرام لا مشجعته والله كل مره ماقبللها بس هالمره كلت هذا يطفر وميرجعلها بعد خصوصا هالوسناء رادها بعقل يعني غنته عن امه وعن الحلقه الضلمه الجان عايش بيها بيبي باوعتلي وجرت نفس وانت يمه شوكت تطلع من هالحلقه جر حسره وغمض كال من اشوف الضوه يمه ضحكت وباوعتلي بله هاي ساحه الاحتفالات كلها ومدتشوف ضوه لعد اني شمكعدني بالبيت غيرها باوعلي ابتسم كال هي مونستني ماريد ابقى بره هواي خاف سالفه من سوالفها تفوتني ردت الروح لبيت اضلم نصيت راسي بخجل نمت عالمخده واعاينله داير وجهه يبتسم بممنونيه كالت بيبي واندارت ذول يمكن طلعو للحديقه عوفوهم شوي يتفاهمون البنيه حامل تركناهم وبيبي طفت الضوه كدامي شباك الحديقه صارت.طكه وخرت البرده على نومتي باوعت بدون ماكوم الشباك للكع واصل شفت راكان ووسناء نايمه على كتفه ويبوس براسها و لاف ايده على كتافها رائد ورايه همس مو عيب التجسس فزيت نزلت ايدي رجعت البرده انسدت جريت حسره كال شبيج تتحسرين لاهيج عادي ليش بقيتي تباوعيلهم بقيت ساكته كال تذكرتيها جج لعد حلوين كلتها بحسره بدون قصد اوحسد جر نفس حسيته اقترب ورايه غمضت شاورني ممكن المج بحضني والله ماخلي كابوس يطوف نومج التفتت عليه ابتسم كان وجهه بكتفي كل قريب ومن التفت قرب وجهي من وجهه شون تكدر ابتسم اكدر لتشوفيني ضعيف واذا حلمت اطبلج للحلم اخليج تامنين انتي مو تامنين بيه انته اصلاااا الامان الوحيد بحياتي كلتها وتقرب حضن حصري بلهفه بسيطه مكبوته يشم شعري هدات روحي من قرب وجهه من ركبتي يمشي شفافه عليها حضنني اكثر حسيت روحي اختنكت كد ما قوه حضنه رائد همم اريد اندار عليك لا خليج هيج اريد اشوف وجهك لا ماريد متريد تشوف وجهي جج اشششششش نامي نامي اوك غمضت ونمت للصبح بيبي حسيت عليها غطتنا تستغفر لله وطلعت انتبهت علي كف رجله على كف رجلي ولاف ايده على جسمي نفس وضعيتنا انداريت مكيفه شدد حضنه وفك عينه مستغرب عاكد الحاجب موكتلج لتندارين تضوج تباوع بوجهي لا وج ليش انتي وجهج عافيتي كلها لعد لي قاطعني مغمض نعسان ازل نامي اوك كعدت بيبي طبت ضوه الشمس بين ملامح حضننا ابتعد دار ضهره عليه وغفيت لازمه طرف تيشرته ورجعنا كعدنا ب١١ ماكو احد بالغرفه فكيت عيني شفته يباوع لايدي الازمه بيها تيشرته كمت عدلت شعري ولبست كلبيتي علمود الحجاب مو راكان هنا طلعت شوي طلع ورايه تحمحم خاف وسناء ملابسه بيومها طلعوا هو وراكان واجرو ورجع اخذ وسناء ولمو غراضهم وغرفه نومهم من فوك وراحو لبيتهم عطله كانت مداومنا رجع من راكان تعبان كلش اني دالملم الغرفه توقعت حيطب ينام يمي بس صعد لخلوته تركته وبراسي الف سوال رجع نزل ب٩ بليل وطلعنا بره كالعاده سولفنا وضحكنا واكلنا شغلات كرزات وموطه جان جايب وبقينا نسولف وبيبي متخلص سوالفها واتمعن بكل كلمه من تحجي عن طفولته لل١٢وبيبي طفت بقيت وياه كاعده تقرب من كرسي مالتي خلاه بصفي وشال ايده وره ضهري وخر قراصتي نزل شعري مخربط عوفي حلو اوك جر راسي على كتفه وباسه بهدوء باوعتله امتعض جفنه يرجف شم شعري بكل هدوء وباوع للسما ذب نفس بقه محاوط كتفي ومنيمني على كتفه كال محتاجج حيل محتاج كلبج يذكرني باول حب وارجع احبه بيج واني يمك انت المدتشوفتي يا ريت صدك ماشوفج بس احسج كالها وباوع بعيني بهالقرب لحضات ورفع راسه للسما ورجع باس راسي مغمض هدانا دقايق ونصع لركبتي باسها بهدوء روحي رفرفت اعشق عطرج ودفو جسمج شكد ناعمه يامعشر النساء اللي انجمعو بجاذبيتج ماقاوم ماقاوم بلعت ريك باوعتله مغمض يحجي خفت احجي يفززه صوتي عفيه مره من راسها لرجلها تضخ نعومه وعطر عفيه مره مبيها شي ميهدني هددد صافنه بوجهه من يحجي بحركه مشدد اعصابه تلمست خده وقربته بسته بهدوء كرمش جفنه قوي ورجه راسه عالكرسي همس بعد بسته مره ثانيه اقره لنبض عنقه باوعت لوجهه رخت جفونه وغمض بكل هدوء بسته مكرره ركبته وخده وابتعدت اباوعله من يسمع صووتي يتاثر لو لا همست رائد بقه مغمض قربت وجهي منه بسته بهدوء من خده قرب شفته افتح عينك فتحها بهدوء وباوعتله ركز نضره وعيونه حمر كعد عدل وكتف ايده دار وجهه عالشجره مال رمان وجر حسره شوي وكام طفه الماطور باوعلي يله منننام كمت وراه وسد الباب قفلها مشيت للغرفه توقعت حيطب صعد باوعتله رفعت راسي باوعلي باسف نصه وكف حك جفنه كال ارتاح شوي وانزل انتي نامي ارتاحي طبيت للغرفه وقفلت الباب صرت اعصاب كوه قنعت روحي اغفه حتى فكرت انه ميسوه هالمغثه تره حد ب٣ بليل حسيت احد فتح كيلون الباب بهدوء منفتح كونه مقفول من يمي دك الباب بهدوء مرديت ورد صعد ثاني يوم ب٧ الصبح كعدت حضرت ريوكنا اني وياه نزل مبدل واني طبيت بدلت وطلعت جان ينتظرني مماد ايده عالريوك كعدت كباله وبده ياكل كال شوكت نمتي البارحت جاوبت بدون ماباوع بعينه ببرود مادري ماتذكر نزلت بليل قافله الباب شعجب مرديت اباوع لماعوني واكمل اكل كال حتى خطج مشغول باوعتله حاير يعاين بعيني مرديت نصيت راسي يمكن ابو الشبكه ازرني وحب يحرك فضوله وحيرته مكدر ياكل غير كم لكمه بهالبرود الغيشته بي طلعنا كل حسره يجرها ولاغيرها التهينا بالشغل شغله وره شغله لل٢ يله كعدنا ننتضر الوفد يجون وحدنا بالغرفه عدلت الميز وعطرت الغرفه وبدلت الورد عشتو حضرت فناجين كهوه بالعاده احنا نشرب بالورقي بس كوله اليكول جايينا خطار جبت ويايه فناجين وصينيه كزاز وخليتها يم الولد ابو الكوفي جان يراقب حركتي واني متجاهلته اشتغل سريع مشروعي هذا ويهمني من اكعد كدامهم واثقه من ترتيب المكان وكلشي جاهز اريد اركز وي كل شرط وكلمه بالبنود عدلت هدومي واكفه كدام المرايه اللي كبال مكتبه اصبعه جوه خده يباوعلي عاكد الحاجب انعكاس صورته تضهر بمرايتي عدلت الحجاب والكحل ورتبت ملامحي وكعدت بثبات وعزم كال ليش مرتبكه بالعكس كلش جاهزه لتخافين اني وياج بالعكس مخايفه الله ويايه واعرف اسيطر على عملي باوعتله بثقه كال مبتسم يتمنى رضايه عالمي سيطرتي عليه مو بس عملج درت وجهي ابتسم بثقه جر حسره كال ضايجه مني مو؟ مباوعتله اساسا طب راكان يركض ويعدل رباطه تره فاتو جوي يله نستقبلهم وكفت وهو تقدم كدامي مد ايده الي يباوع لراكان خلاها وره ضهري ايده ومشينا سوه رحب بالوفد استقبلناه عرفتي على انه زوجته كانت اول مره يكول هيج اول مره يعرفني حتى من كالها باوع بعيني يبتسم خلنا والاجتماع تم والحمد لله وقعوا اقتنعوا بالعروض القدمتها رائد منطق اي كلمه راكان كان يكملي من اوكف بكلمه واريد تفسيرها ويكول تقصد فلان شي وفلان شي والولد يرد فاهمها مبدعه ماشاء الله عليها اكيد ماخذها علومها من زوجها رائد كال هي ممحتاجلها تعلوم كمل المشروع وطلعوا واني طابوكه انزاحت من على صدري رجعنا للبيت احجي لبيبي واضحك كالت لعد ذاك اليوم شجان عدكم خبصتيني بي هو بيبي هم اجتماع بس بعدين نصهم مجوي اليوم عغفله خابروا كالو حيجون وانلبكنا الحمد لله خلصت الهوسه ديله الحمد لله عسل شوكت حنتها سوده عليه الخميس بعد اني عكب باجر اروحلهم ابات هناك للعرس حتى وياهم احضر بيبي كالت اي يوم شكو منها اني بالحنه ابات عدكم شعدي خطيه مرتين خابرت كالت بيبي انتي تحنيني اي بيبي فدوه استباخت بيج ان شاء الله اجت بيبي للغرفه هو جان كاعد يسمع ناطيته ضهري مخبوصه احجي وي بيبي من راحت كال ليش تباتين خو روحي الصبح واجي تالي الليل عليج اخذج لالا مالحك اريد وياها ابقى خطيه زين يعني شنو الفرق عالنومه نامي هنا واني من الصبح اجيبج باوعتله بجمود عاكد حاجبه ديحجي ضايج رديت بهدوء وشنو الفرق انت كلي شو صارلي شهر انام وحدي احسن مانام وحدي انام يم اختي كلتها وجريت عيني مغمضه مدري شون طلعت مني مكدرت اباوع بعينه بعد طبيت للغرفه وقفلت الباب عليه هالمره اني الاشن الحرب مو انت كل ممنوع مرغوب بيبي تكول راح امنعك مني حتى بليل مااطلع بعد اطب لبيبي للغرفة احجي وياها وفعلا مدري شتغير بازل حتى اني معرفت شتغير بنفسيتي اعاقب اراقب وبدت حربي البارده مثل ميسموها ومنا ملتهيه ورايه عرس عسول يوم سويت جسمي ويوم صبغت شعري فتحته عسلي صار تغير غريب بيه صار وداخلي يحجي وي ضميري بلكن يشوفني غير انسانه موهاي الرباها وارجع اعصب من نفسي لنفسي ازل تبقى ازل مثل مد وجزر حسيت روحي اعاركها واصالحها مارضالها الذله مرتين اسمعه بيومها يجي يسأل لعد ازل وين وبيبي تجاوب بغرفتها ويجي يدك الباب على كيفه وارد منو اكون قافلتهه ازل شو مطلعتي بيج شي لالا بس داحضر للعرس عدي شغلات كال اوك براحتج وهيج خلص يومين هومشايفني غير بالحجاب بالدوام ومن ارجع كبل افوت للغرفه انام من اكعد ماالكاه يكون وي شريكه الجاي من عمان اتغده اسوي شغل البيت وارجع للغرفه سوينا اقنعه اني وبيبي سوه حفيت الها والي بالمكينه هواي شغلات كضيناها ام وبنتها اني مضيعه هالفقره حتى وي للوم خطيه كونها مرتبطه بعمل وضيفي حنيتلها شعرها وي مصبغت شعري وكملنا باجر اروح لعسل ليله اربعاء باجر اربعاء مسشوره شعري حتى مالتهي بروحي هناك التهي بس بيها الصبغ كلش مغير بيه مدري اني هيج احس كاعده يم بيبي وهو بالحديقه وحده حس بيه دااتهرب منه كم مره اجه للغرفه بعدها موصل ضاج من كمل مره رديته ومطلعت جان صافن بالسما وبيبي تسولف واني عيوني عليه كالت خو طلعي يمه يبيبي ليش تخلي يرد يرجع لسالفه الكهاوي براحته بيبي خلي كيفج وكملت كلام شفته كام وطب للبيت الجام مال بيبي مضلل ومسدود البرده بس كدرت استرق النضر للحديقة توجه للبيت وقفل البوب توقعته حيصعد باوعت من جوه باب بيبي تعداه ورد رجع رجليه يم الباب وكفت سمع بيبي تحجي فتح الباب على كيفه بيبي مشغله تيبل لام اني كاعده بالكع وهي عالجربايه متمدده تسولف فتح الباب على كيف واني التفتت كلبي حسيته حيوكف من سرعه دكته اليوم جنت وياه بالشغل شبيه هيج ارتبكت طب كال مبتسم كاعددين وعايفيني بالحديقه لازم حجي متردون وسكت من شغل الضوه وباوعلي متفاجأ رمش مرمش واني فاكه عيني لامه رجلي لصدري وحاضنتها مرتجيه عالحايط كبال جربايه بيبي بيبي تباوعله وتباوعلي كال باستغراب هاي شوكت صبغتي من نضرته الكسلانه روحي انلبجت جاوبت البارحه هز راسه وباوع لبيبي كال حجيه حبايه وجع راس عدج كالت اي يوم هسه انطيك خيرك شبي راسك مادري شو متنك بس لافلاونزه يحجي ويباوعلي واني صافنه بنضرات عيونه وكفت انطي مجال لبيبي تفوت كاعده بالطريق طلعت بيبي وهو بقه يباوعلي جر نفس وابتسم ماكو هيج واكعلج اللون شكرا يعني اكو تغيير ههه كال تغيير متتغيرين الاصيل يبقى اصيل ازل تبقى ازل بس حلو شعرج لونه وكعلج هزيت راسي لبتسم صاحته بيبي طلع وعيونه عليه طبيت للغرفه مالتي وبيبي رجعت عدلت روحي كدام مرايتي وحضرت ثوبي مال حنه اسود قديفه قصير وعدل بسيط كلش وبزمه فصوص كريستال عالصدر بس بساطته بينت تخصيره جسمي ومعالمه وحذاء لفت عالرجل رهمته وياهم قديفه فضي كعب طب واني اعلك ثوبي كال ممكن ادخل لوو؟ لاعادي تفضل كلتها اني اخبي الحذاء بالزاويه تقرب مني شنو هالثوب لزمه من نهايه وهو معلك باوعلي يبتسم هذا حتلبسي بالحنه اي ان شاء الله منين اشتريتي شوكت وسناء خطيه وصيتها لان طلعت وي راكان يشترون ثوابة حمل لان بطنها راسا سمنت ودتكبر اي منفوخه ههه امممم كدرتي لو اي اي طبعا اكيد جر حسره وباوعلي اكيد طلع يخبل عليج هزيت راسي واباوع للثوب اي حلو اسود اخذتي شعجب مادري كلتلي الالوان وعجبني هاالون ابيض من يلبس الاسود يضوي هههه اي تلمس شعري مبتسم هواي لايكلج كالها ذايب تعب الدنيا بي نصيت راسي متت خجل من عيونه ليش متطلعين بليل ضايجه مني مو جج بس ملتهيه بشنو عادي بنيه عدها تحضيرات هد راسه متنهد عيونه والنضرات عذبت كلبي من الحيره ممكن طلب شنو رفعت عيني باوعتله ممكن اشوفه عليج باجر موالبسه هناك و ابات عبس وجهه كال تعوفيني وحدي انت دوم عايفني كلتها وخطيت خطوه تجاهه باوع بعيني كال مقهور حقج عليه اذا قصرت محجيت بعد يكفي الحجيته بس شالفايده تلمس خدي وغمض تقرب باس راسي وصعد اني مو مريضه رغبه لا والله بس مديخليني اساعده احساس الرفض كلش مكروه ثاني يوم اخذت اجازه ورحت لبيت اهلي معالم الفرح مبينه عليهم حبيبة كلبي عسولتي طايره وتفر بشعرها طفله صغيره حسيتها وتعوض طفولتها يحيى صباح الحنه واكف مرتجي على عكازته ويعاينلها يبتسم وكانها اعضم انجازاته كانت موافقتها الارتباط بي للوم تفهمها عالبدلات شوكت تلبسهن وهي تفتر تضحك كلنا نباوعلها ونضحك نسمه شته بليالي تموز بيبي تعجن بالحنه وتردد حنوها حنوها لعسوله حنوها يحيى ابتسم من گلبه وباوعلها كال غير عود اني احنيها بيبي كالت اي عيني انت واني هم هز راسه يباوعلها اشر بحاجبه وغمزلها فاتت للغرفه مالتها وراحو هو وعمو انور يحضرون لحنته للعصر تهيانا لحنتها جانت شبه طايره اهل عمو انور كلهم جوي نحبهم هواي بسيطين وحبابين وسناء جتي هم واجه يحيى حناها بطارف اصبعه بوكفته تركص كدامه ويصفكلها شايفها دنيا وليله عيد كذلته السرحه مغطيه طرف عينه النسه الخجل لخاطرها وخاطر فرحتها سوه كلشي يسوو حتى يثبتون حبهم بس كان احلى من كل عرس عرس عشاك فرحتها تزينت بوجه كل المعازيم وفرحته نزلت دموع ابو وحسن بالباب من اجو ياخذو هيج كضت ليله الحنه كانت يمكن اول عروس متنقهر لان حتترك بيت ابوها لان مشافته ولان تعشك بيتها الثاني وتعشك راعيه البدله وصلت بلليل ودموعها نزلت حضنت للومه وللومه بجت هواي عمو انور كانت مهمته التصوير دلوعه للومه هاي مثل اللعابات طلعت بي حجاب كانت سندريلا بيتنا تمنيت بس اليوم ابويه يشوف دلولته تمنيت حتى رسل موجوده لان جانت تحبها كالت عفيه لتبجون اني كلش فرحانه وللومه يوميه يمج اني حبابين لحد يبجي اريد تفرحون اني اني داابجي لان شسمه مادري ليش ههههه هي نزلت دموعي دك تلفونها يحيى كامت تكمز عفيه صوروني خلي يشوفني كالت للومه لالا لج باجر مزين مو خوش فال ها اي صح لعد خل اروح انزع وباوع عالكامره مال عمو انور عمو لتشوفه لالا ماشوفه روحي طبت نامت والتلفون بيدها تركتها بعدما كعدنا حجينا هواااي علمتها الواجب كانت تستمع وتاكل باضافرها اعرف تفهم وتعرف كلشي بس لازم افهمها طلعت من يمها طبيت بغرفتي بيبي متمدده بفراشي القديم نمت بصفها ها ام رائد صافنه بجتتني عسوله والله الله يهنيها يارب اكولج يوم هذا تلفونج دك يمكن رجلج اربع مرات خابرت اوك بيبي هسه اشوف جيت باوع تسع مكالمات رائد خفت رديت خابرته وطلعت للمرجوحه رد راسا ها رائد خو ماكو شي ها لا ماكو بس انتي مرديتي ها ملتهين والله يله عادي اي وين انتي بالمرجوحه همم نايمين اي كلهم وبيبي توها نامت تونستو بالحنه اي والله الحمد لله عسل كلش كيفت الله يسعدها وانتي شنو اني لبستي ثوبج اي طبعا وشو مشفته شون تشوفه يعني طكيتي صور اي سكت كملت كلام شكو ماكو شتعشيت جاني راكان جايب لفات همبركر وتعشينا بالحديقة حلو زين دزيت صورتين اله الثوب قصير جان كلش حلو عليه دزيتها واني احجي وياه خو مضايج لا كاعد جر نفس همس دقيقه بقيت ساكته انتظر همس بحسره وصوت مبحوح ياررربي همم شبيك بقه ساكت رائد مرد حبيبي جر نفس ساكت عجبتك حتى الاعياء كالها بصوت موصوته ابد صوت روح متلهفه تطلب الغوث بقيت ساكته غمضت روحي وي عيوني كال بتعب ياتعب كلبي شنو البيك والقران مادري ليش قربي ياذيك جر حسره تكره تشوف وجهي من اقترب لاازل موهيج اي لعد شنو انتهي من اكون وياج انسى عمري وسنيني اصير اصغر منج طفل بيدج بس من المح عيونج اتذكر ذيج الطفله التاخذ الكلب بضحكتها وماكدر سكت والحل محجه شي بقينا شوي وكال اروح انام وانتي هم روحي نامي . . . . . يتبع . | ||||||||
|
| |
|
13-11-21, 03:11 PM
| #74 | ||||||||
| مراقبة عامة ومشرفة منتدى الروايات المنقولة
| بارت ٥٤ #أماً_لهُن #مريم_السعدي . . ياجشع كلبك ياسواد البيك اضلم كبريائك قاسي ومدمر بجهل لحضات عمري فصلت روحي عليك ضنيتك اصيل ماحسبت جوكر عكس وياي وترهم بس وي الغير بس شخصي اليعذب شخصك اليغدر مو مفهوم ياطبع الغموض البيك سبع فرات كلبي ب دوامه غضب تفتر هاهي انتهت اخر نفس للموت ماضل بس وجع كلبي بنارك التسعر احركهن شلع كلبي وذكريات البي لتبقى ابد لا صوت لا صور لتبقى بعد لا صوت لا صور ازل ..... ثاني يوم الصبح جتي ام صالون للبيت سشورت شعرها ولفته من من جوه بترتيب وسوت الحجاب الها ومكيجتها تميكحجلها وتتمركص خبلتنا - وج ماما ثكلللل عيب وج عزه شيكلون عينها كويه - خيكلون عشتو شيحجون خلي يحجون عسل.... يعلم الله مابقلبي من فرح قد شافى ما ارتشفته من قرح يعلم ربي هاجس قد نما بقلب قد توقفت دقاته عن النبض وعادت بمعجزه قد عشت طفولتي ومراهقتي وصباي على يده وها انا اعيش شبابي اربع مراحل قد مرت بسنين عليه العوض ومنه العوض شكرا يارب على مجمل عطاياك التي تجسدت بانسان بل هو اكثر من كلمه انسان حبيبي خاطرتي جبران خاطري جداري الثابت سقفي المضل ياكل اشيائي ياكل تفكيري يا انااااا يا نفس نفسي يا اكتمال قمري دزيتها برساله بصباح العرس رد عليه الللللله كلها بجفه وال (يا انااا ) بجفه بعدج معشتي كلشي وياي وياي تعيشين مرحله مرحله لا اعوض حق سنه سنه عشناها بتعب ثنينا منريد شي بعد عمري احنا واحدنا يكمل اللخ - صباح الحب - صباحي عسل ياغزالي - وين انت - بالمزين ديزين السياره كملتي - امم داانتضر - هسه رايح للبيت وصلنا وحسن بالباب هااااا خال شدتسوي - داسوي كلوبات عرسك بعد شيب كلبي انت روحي عسل كالها وسد الفون غمضت عيني وباوعت بمرايتي همست للوم - اقري سوره الفتح - اوك طتني القران طبت بيبي تحضر بمي الورد والياس حتى تبدل الحلقات طب عمو رائد ابتسمت تقرب باس راسي ولبسني سوار باوعت لازل ابتسمت وعيونه تشكلت عليها تسحب وكعد بصفها عدلت القاط اله وشعره وهو يباوعلها يبتسم بس عيونه تسولف حب هاي اختي شمسويه بي شنو هالتغيير الصابه باع شون يتاملها للومه تباوعله وتتبسم حرملت للوم وبيبي تنشر وتباوع لازل ورائد كلنا انتبهنا عليهم نظراتهم ابتساماته توعد بدنيا جديده وبسعاده انولدت وي ولاده فرحتي خابر عمو انور كال ساعه ونص ونجي ينتظرون اهل ابو عمو انور وديحضرون بالبيت حسب مكالت للوم واني النسوان يمي نسوان عمام عمو ونسوان خواله حفله ثانيه وركص واني اترقب الباب ازل اختفت وي رجلها - للومه ازل وين غمزتلي جوه سكتت مو وكتها ماعدكم بيت كلتها بس تارس كلبي الفرح ازل... عدلت دكمه قميصه شاورني - ممكن احجي وياج شوي وحدنا باوعتله - هسه يعني - اي دقيقتين - تعال بالغرفه فوت قبلي عساس دتفوت للحمام وطب لغرفتي هاي الكبل - خوش حجي كام واني يم عسل عدلت بدلتها وكعدتها وتركتها رحت لرائد طبيت للغرفه جان ديكلب بالصور ويفتح بالكناتير القديمه مالتي مبتسم شال وحده كال - هاي منو الدبدوبه - ههه اني - فدوه شون دبدوبه مال تعضعض نوب لبسها كله طز ببابا والبطن طالعه - اي ههه امي جانت تلبسنا لبس مال بره وبيبي تتعارك وياها - الله يرحمهم - تعاي عدي حجايه وياج - ها عيني وكفت كدامه بطرف ابهامه مسح احمر شفاهي - هاي شنو ابتعدت خطوه ليوره - شبيك شكو - موطوخ - تره عرس - وان يكن شفافج بارزه بي كالها وعيونه على شفتي خرب المكياج والزفافه راح تجي عدلتها كدامه ورجعت طوخت - يله نطلع - اكول اني شداكولج تره مدا اتشاقه - رائد شبيك اول تالي تحاسب صباح الخير عصبت عيونه نتر - ممخليه هاللون الطوخ قبل مسحي دكولج - مامسحه وعادي مو طوخ كلما هنالك اني الاخلي بيج بس وهسه من خليت اطوخ شوي انت انتبهت تره عادي والله - اي مااقبل تطلعين بي وحرام عليج تره انتي تصلين بقيت اباوع بوجهه - حرام عليه مو عليك داا طللع جرني من ايدي وسد الباب قفلها تفاجات مو هو عبالك وجهه كدامي تحول كتله غضب - هاي شبيك همست بكل هدوءي مستغربه هالانسان اول مره هيج يتصرف - داكولج مسحي كالها بوجهه قريب عليه وحاصر جسمي وره الباب عصبيته ونحاسيتي قطبين متشابهين تنفارنا نترت - واذا ممسحته - متطلعين - رائد مداعرفك تره - اي هذا هو جنتي ادميه وما قاطعته - جنتتتت ادميه عمي والله زين اشكرك - دمسحي مسحي - افتح الباب عناد براسي صار وهو تخبل وكف بوجهي - اكولج شنو تكسرين حجايتي بقيت صافنه عليه - تستصغريني مثلا - لاحشاك بس متعجبه عليك ابد مم - اي اي هو منا وهيج - هو وشنو منا وهيج اني وين مخليه هالللون بالشارع بس هيه عرس بالبيت - دمسحي ميهم - ماه نترت مخنزره جر وجهي من حنكي بلحضه تركزت عاطفه عينه غضب وضغط على سنونه وتقدم بلهفه غاضبه وباسني بقوه لحضه وكف بيها الزمن دادفعه اخترعت وهدات كل احاسيسي من تركزت عالم توقف بس هدات هو هدا ويايه ايده الكانت ضاغطه على زندي صارت تتحرك حركات دافيه على ضهري يقربني اله اكثر واني الجنت ادفع لكيت روحي اقبض بايدي على قماش قميصه اسحبه اكثر ناحيتي بدون مااعرف ولااعي لحضات سجلت اول مرحله تطور فعلي بحياتي جان فاتح عينه من تقدم هالخطوه ماكان بغير عالم غمض قوي ورجه جبينه على جبيني جر نفس يرتجف وفتح عينه اني فاتحه عيني بذبول وكفه مابيه اوكف بعد لزم وجهي يباوع بعيني بلعت ريكي اخاف انطق تلمس شفافي بطرف ابهامه بكل هدوء ويعاينها هز راسه متحسف همس - صارت بعد اطوخ غمضت وين اضمج كالها بحسره تارسه صوته - لتعاندين فدوه هزيت راسي دمعت عيني - باس ارنبه انفي بهدوء تنفسه ابدا مو نضامي رغم حاول ميبين كعد عدل ربطه عنقه واني واكفه مكتفه بكل قوتي صافنه عالصار بينه منصي راسه ميعاينلي رفع راسه باوعلي ورد نصه - سسسويلي طريق داروح يم انور هزيت راسي لزمت اليده ودخت ارتكزت عاليده راسا شفته بصفي واكف بقيت اعاين حذاءه بالكع دايخه جرني بهدوء وحضنني حضن متردد يسحبني ويوكف ويرجع يسحبني وكانما توسل الغفران كومه مشاعر يريد يحجيها جسدها بحضن قوي هدانا ثنينا دقايق واحد ب حضن الثاني ولاكلمه عالفراش كاعد ومرتجي نازع حذاءه ماعرف شوكت نزعه واني بحضنه بثوبي ومكياجي وحجابي متحضره للزفاف حدما اندكت الباب حسيت روحي داغفي وهو مغمض بس دكه كلبه سيمفونيه عذابه تدك فزيت كمت وهو وكف عدلت نفسي وهو لبس حذاءه اشرلي فتحي فتحت ملكيت احد كال - سويلي درب - تمام طلع كاتم لهفته ماكان بضغفي وتخلل اوصالي ابد كان راكز الخطوه مااعرف لان مجرب قبلي بس نفسه كان فاضحه دكه كلبه وارتباكه مكدر يوكف كعد على طرف الجربايه ونصه تغيرت خلال لحضه كبرت واكفه يم عسل واطرافي ترجف مثلها معقول تكون دخلتنا اليوم سوه اقل الساعه وجوي الزفافه ورحنا كلنا بيت عسل مسوي عرس بسيط للاهليتنا ب٤ العصر رائد اختفى سالت بيبي كالت مادري غير يم الولد بس ماكان يمهم اتصلت بي مغلق خفت لل٦ العصر اتصلت محصلت خابرت راكان كلي - عمي بزاخو - هااا! - اي ليش متدرين - شعده شوكت راح - ب٥ طياره من بغداد لا ربيل صاحبه جاي وراحله - شمدريك انت - مو خابرني صاحبه الي واني خابرت عمي - ها اوك - اكولج وسناء مداخت اجي عليها - لاعوفها متونسه خطيه - ها ديله على راحتها كلبي انلجم من حركته حتى مكلي جوز مكدر يفوت شافني ملتهيه حتى ممحضرتله هدوم جوز متعلم هو يحضرها مادري بعد لل٩ بليل رجعنا من العرس وبيبي رادت تروح خابرته اخيرا حصلت رد - ها ازل - انت وينك - والله طلعت للشمال طيران - ادري مكلت محجيت - عادي قابل شصار يابه مو ملتهيه هم امي رجعت لو بقت - لا هسه حنروح - انتي ترجعين - مادري كيفك شتكول - والله كيفج لاباتي باجر هم كيمر مكيمر - امم اوك تمام فكرت ارجع وي بيبي ماكوله مدري شبيه اشتعلت شعل رجعت صعدت فوك رتبت الغرفه شفته مطشر كنتوره ماخذ هدوم يمكن الجنطه الماروني ماهي اكيد ماخذها رتبت ونزلت رتبت غرفتي ومسحت مكياجي بالي يم عسل ويمه هو نار تشعل بيه من صفحتين ممرتاحه ابد نمت يم بيبي بيومها حست بيه موعلى بعضي لل٣ دزت عسل رساله ازل كلشي تمام ليضل بالج هدات روحي من صفحه وبقت صفحه الثانيه يمه نايمه لل١٢ الضهر خابرت للومه كالت ودينا الكيمر ورجعنا رديت نمت تعبانه احس روحي مال ركضه وي عسل والركص عسل... - يحيى صدك هاي زفتنا - هههههه لا داكذب هاي كامره خفيه هسه هسه حيطلع رامز - شكد خبيث شاركني مشاعري المرهفه - اي ميخالف بليل بليل من يرحون العالم يحجي وميباوعلي جان اكثر مني فرح مسوي عرس بسيط بس للمقربين من الاهالي يعني كلهم ميطلع ن٣٠ نفر ركص وغنه وعمو انور مخله بنفسه من بده العرس حدما كمل يركص وي خواله وللومه وانتهت الحفله حسن قبل ليطلع لم شكو كراتين وهاي نوسه بت خاله شكد يا الله شكد حبابه مخلتنا نسوي شي بس تفتر وترتب وي حسن كلسا ماشرتله وهو يفهمها لو عالببسي لو عالمي لو عالصور لو عالكيك والاكل وكذا حبيبي جان موصي صواني لحم عالتمن شي مرتب وراقي صديقاتي من جامعه بس اثنين جوي ومكانها فارغ بقه تمنيتها هي ورسل موجودين يشوفوني شكد فرحانه اخر شي قبل ليطلع حسن اللي هو اخر واحد بقه طفه نشره الباب وباوع ليحيى من باب الطرمه صاح حياووي هااا جاوبه وترك ايدي المعرف ليش رجفت من دخل البيت طفي الشمع يابه لتحتركون مرتك عدها سوابق ههه صار مشكور خال فدوه لكلبك الله يهنيك ويوفقك بحياتك فيمالا وطلع انسدت الباب بقه ناطيني ضهره واحنا بالهول ذب عكازته بقه واكف نزع سترته يباوع للطرمه تمشه بهدوء لازم البوري الستيل طبك باب الطرمه وطفه كلشي وقفل والتفت عليه يبتسم جر نفس وفتح رباطه وتقدملي نصيت راسي ها حبيبي ها شو وين الوعد شنو باوعتله شنو ياوعد مادري كولي لنفسج مو انت الامان وانت الحنان وانت انت شو جني صرت جلادج مادري نصيت راسي بارده اي صح بردت مو البوب مفتحه تعاي بالغرفه دافيه اوك مشيت وراه فتح الباب كانت بس مشتغله تبلامات صغار معلك ملابسي وملابسه مشغل الضوابات وكانه اختار الهدوء بالضلمه حتى نخفي ارتباكنا ثنينا وكفت كدام المرايه انزع الحجاب وهو وكف ورايه يفتح دكم القميص يعاينلي يبتسم شبيك هيج تباوع هاليوم البيت هذا حيشهد بدايه حياتنا اي مرت عم ابويه اميره ايه الله هههه كالت صلو قبل كلشي اي اوك اني ناذر اصلي على عباتج اني ماعدي عبايه بس اباوعله حايره ابتسم وفتح الديلاب الفوك نزل جيس وفتحه طلع عبابه تخبل قماشها ولبسها الي همس على طولج تريد البس عبايه اتمنى وانتي بكيفج بعد يحجي بتمني هزيت راسي باوعت للعباه وباوعتله يعني حتى بالجامعه هز راسه وانتي براحتج اني هاي امنيتي اوك مو اني ممتعلمه عليها تتعلمين ياستري انتي وعافيتي تقرب باس راسي ونزل الحجاب منه غلغل ايده بشعري وحضني بهدوء كال اخذي راحتج ليش هيج مرتبكه لا بس مادري شايله هم هو موفرض علينا كلبي عادي براحتنا اني هم مثلج مرتبك واكره هالخوف البعينج مني جنت اعشق شعاع الامان بيها هسه مداشوف بس خوف يعني ميخالف تنطي صبر مو قاطعني اصلا اني دانتضر لحظه التنامين بيها بحضني البيننا اكثر من شي اسمه حب جسد عسل اوك تقربت باوعت لجلنطه الصغيره هاي مال الاحد اي هاي لتلعبين بيها وانتي من تحضرين هدوم حضري ثخان لان بارده هناك تره اوك انتي رايحه لتركيا قبل مو اي وانت امم مرتين طالع يله نبدل اني حفوت بحمام البيت لان اندار عليه الببسي اوك اني هنا دابدل وبدلنا التقينا من جديد ببجايمنا الناعمه هو كان لابس كحلي واني الزهري فاتح تركت شعري وغسلت مكياجي وتمددنا بالصاله لان بس تلفزيون واحد اكو شغله على فلم وتمدد كعدت بصفه جرني لحضنه وتنهد شكد جنت اتمنى نتفرج سوه ونضحك معقوله هاي احلامنا تتحقق الحمد لله دنتفرج وثنينا مدنفتهم شي من الفلم طفاه واندار عليه ليش لان ثنينا ممنتبهين بقه يباوع بعيني نظرات حنيه بهل اللحضه دك تلفونه جره وباوعله عكد حاجبه منو هاي منو مادري رقم غريب رد نعم وبقه ساكت شوي شوي ملامحه تغيرت انعصر وجهه صار احمر وعيونه دمعت نصه راسه بلع ريك وسده وذبه بكل هدوء كام بهدوء وتمشه مرتجي علحايط وصل للغرفه وتمدد واني وراه اخاف اسال منو او يمكن شكيت واخاف اتاكد نام وغطه راسه كل واحد بينا عده جرح ميطيب يخاف احد يدوس عليه وياذي وضع الكره معناه حب مختلف اذا المشاعر بردت حيل ومهتم معناه انتهى الحب ويحيى مكدر ينساها ابد ولاينسى ليله التركته وخذلته ولاكدر ينسى اشتياقه الها حتى اني غزالته معوضته ساعه اكثر اني بره الملم بهدوء بالبيت راسي الف فكره كملت ورحت للغرفه اريد احتوي واخاف اجرحه اكثر لا رجلي شون اعوفه تقربت منه وخرت الجرجف بهدوء وجريت راسه لحضني وحضني بكل قوته محجه شي بس تنهيدته تشكي وكانه طفل بقيت امشي ايدي بهدوء بشعره حدما هو حجه موكتلج متريدلي الراحه شوفي شوكت اتصلت عود دتبارك بست راسه ميخالف حبيبي لتنقهراني يمك عسل ماريد فد يوم تجيبين سيرتها اختنك انتي وجودج يغنيني عنهم اني موجوده وياك مثل مصرتلي كلشي اصيرلك كلشي باسني من ركبتي وتطور بحركاته وكانه يريد ينساها بهالرغبه دفعته وباوعت بعينه مو اليوم ماريد هيج نبدي اريد بخالص مشاعرك وحبك موشي مضوجك وتريد تنسه غمض وهز راسه صح كل كلمه كلتيها صح رجع حضنني ونمنا الصبح للوم جابت الريوك وي عمو وطلعو مضلو عشر دقايق تريكنا وشغلنا تلفزيون وبدينا نحجي يراد هنا نص تخم ليش خو كامل ها اي والله كامل اكولج هذا دفتر يمج جيبي اوك نزلته كال كتبي تخم يراد اوك بعد وباوع للبيت ابتسم ميز وكراسي لان هاي نايلون ولونها رايح اي اوك ناخذ هذا الكزاز عاجبني اي ان شاء الله بعد شنو بردات تعبانه اي صدك بردات اريدها كلها تول ابيض اوف وايت هممم يعني يصير حلو هيج عاجبني مادري بعد تامرين وبعد فرن ماعدك فرن ماجيب اسكتي لاحباب لا عسل رحمه لاهلج اخاف هههه شون سمعه هاي تتذكر امم كالها وضحك رفع راسه ليفوك جانت اول مره تشوفيني منتبهت جنت فاصله من الهبطه اي حبيبتي حسج مطلع كرص خدي يبتسم شكد حبيتج نعنعلا متت خوف بذاك اليوم تدري للوم هم محروكه اي ادري شايف ركبتها خطيه تدري جانت متعقده منها بس من تزوجت ابوك كامت متهتم حجي بيناتنا حاجزلها بعد شهر عد دكتور يسوي عمليه لحركها جذب اي والله خوش دكتور هذا عيد ميلادها عساس ب٢ فدوه اي ب٢ اي هو حجز الها مندري بعد شيصير امم خليت ايدي جوه خدي انت وابوك غيرتو حياتنا والله انتو بيت عمران شقلبتوها شعلينا احنا من الله ننحب اي بالقران تاخذين الكلب اي بعدشنو مادري شوفي انتي اريد قواري مال اتراك هههه بسيطه مناك من نروح عودين خوش ههه واريد طبلات ماشي سجلي بعد نبدل البيبان محلوه موكتلج اغيرهن ان شاء الله شوكت تكدر توفي دينك ب٢٠٢٠ يتوفن خوش مبقه شي شغله شغله ننفذ بيتنا هذا زين اني عدي اجار عادي اساعد اي يجوز اخذ منج اتداين وارجعلج شوي شوي اي حباب ههه جر نفس لزم ايدي باسها كال وتالي وياج شكو يله منعستي لا شنعس هو ب١١ ونص كعدنا دكومي داكولج شغله كمت وراه متوقعت فد يوم راح احب شخص بهالكثر وانسدت علينا الباب انسدت وياها كل احزاننا ازل .... نمت بعد تعب الزفه لل٢ يله كمت عيني منفخه ريحه السبيناغ بيبي مسويته يخبل - اويلي بيبي الريحه اوووف - صبي اكلي اني تغديت - عاشت ايدج يربي يربي تاخذين مركز الاول بالطبخ انزول عليج اكولج اني حروح بيت ام سيدار الله يرحمها اختها جايه من كركوك احبها هواي صديقتي يمكن ابات خطيه سيدار توسل ومرته هم خابرت - روحي بيبي - تجين - لالا شعدي جايه خل اكوم اعزل البيت - ديله براحتج اذا ضجتي خابري حتى راكان يجيبج لو سيدار - ان شاء الله راحت بيبي وكمت عالبيت عزلته واتخيل هي ويايه اخر تعزيله عزلنا جنت اني وياها سوه وراها كامو يجيبون خدامات مخليت شي حتى الجام حتى سيراميك الواجهه والقرميط جلفته دااكوي هدومه اعلك اخر قميص بيدي سمعت صوت القفاله فزيت اني وحدي بالبيت ساعه١٠ رغم اكو سيطره براس فرعنا بس خفت مديت راسي شفت طب ديجر بجنطته شافني وكف اتفاجا ابتسم - ها شو هنا شعجب - بقيت صافنه عليه - شنو قصدك عمي خل اروح لبيت اهلي احسن - لا والله بس الحجيه كالت بيت سيدار عبالي رحتي انتي لاهلج - لا جان عدي شغل - هاي انتي جالفه البره طالع وجهه ابتسمت وجريت عيني بغرور طب للغرفه مالتي شاف قمصانه داعلكها هنا حتخلين هدومي لا مو قصدي بس داكويها واصعدها لا اااشسمه خليها لتصعديها كالها وتكتف منصي ورفع عينه شوي شوي باوعتله ابتسم تقدمت اخذ الجنطه همست - الحمد لله عالسلامه - الله يسلمج جرني من زندي باس راسي مبتسم - ليش مكتلي - والله صارت مفاجا وانتي ملتهيه طفرت هذا جاي زياره وراها حيروح لسويسرا بعد ميرجع وعدنا اعمال متعلقه فضيناها ولله الحمد - الحمد لله وين بتت - ااا فندق عادي وين يعني هو كل مره نبات بي - همم - تنزع تتعشه - اي و الله مكلت بالطياره هاي امي مسويه اخضر - اي ههه - اكو تصبين - اي بينما احمي انت تبدل - يله يله رحت للمطبخ وانشف بشعري توني مخلصه سبح وجنت لافته بخاولي واكوي بالملابس لبسي البسيط دشداشه كودري قصيره موكلش وربع ردن كلوش ومن فوك تخصيره صبيت وحضرت وصحته رائد تره صبيت اي يابه جيت طب كعد بالمطبخ توه طالع من الحمام مشط وكعد عالميز كال جبت كرزات مناك خطيه جايب كومه صوغات عود حضريهن اي اوك طبيت بين ما ياكل اجيب الجياسه جبتهن وفرغتهن بترتيب يباوع لحركاتي ورجلي بعدني بجو الحفله الحنه البيدي وصبغ الاضافر وهو يراقب وياكل جبت جنطته يمه هاي شنو الباكيت هاي عسل لامي مال سكري والثانيه ااا خليها بالغرفه جوه اوك كلتها ونصيت وهاي شنو العلاكه باوعلي ابتسم واللكمه بحلكه هاي زي الج الله زي كردي امم بس مو مال حجاب اي عاشت ايدك فتحته جان شي يخبل عفيه كلش حلو بالعافيه ورجع كمل اكله كملت الغيارات الوصخه داشيلهن ونفضت الجنطه واحجي هاي الغراض وره البيت تره صفيتهن اللله امي هسه تكتلج كتلها كالت فدوه لعيونج عيني وج بيها مكينه ام الفتل والصوبه علاء الدين مبقيت لاعلاء الدين ولا علي بابا احجي وارتب بغياراته الوصخه ضحك كال والسندباد باوعتله وشلت الجنطه عيني السندباد شايل عليجته ويفتر وهسه ديتغده اخضر ههههههههه ضحك من كلبه وغص شرب مي وضربت على ضهره بخفيه بقه يباوع بعيني يبتسم وعيونه حاوطت شفتي نصيت اخذ الغراض وجفلت روحي بشي رعبني وكل ذره بيه تتكهرب فانيلته بيها اثر باوعتله دياكل مندمج انشليت والله شلتها وعيوني تسورب اي هذا حمره وبصدره بفانيلته صفحه صدره رائد همم كالها واللكمه بحلكه ممهتم رائد هاي شنوو شنو عكد حاحبه لرجفه ايدي وكف يشوف الداشوفه وانفضحت ملامحه من بهت صفن بلع اللكمه واني رعشه كهرباء مشت بجسمي شكو احساس حقير حسيته باوعلي عيوني انترست دمع هسه عرفت ليش متريد تتقرب لان مكتفي موو ازل هاي مو لتكذب همست واختنكت العبره بصوتي لتكذب حرامات تنهز صورتك بلع ريك ساكت بس عيونه تنتقل من الفانيلا للجنطه نصه راسه وكان يبين خجله رائد اني ماكدر بعد رفع راسه راسا خانس فك عينه على وسعهن همس تثقين بالله هزيت راسي برفض عوفني كافي عادد ذليت روحي دكافييي مو خلصت كرامتي تركته نصيت راسي كوه شالتني رجلي طبيت لغرفتي لميت هدومي دمعه منزلت تحجرت عيني بقسوه اجه وكف يم الباب محجه كلمه وحده من شافني دالم جر الجنطه وجريتها بكل قوه صرخت ديررر بالك تمننعنيييي ازل باعي اني رائد توكع من عيني واني شايفتك جبل بلع ريك لعصبيتي دزيت رساله للومه دزيلي حسن فدوه دزت راسا همزين جان يمنا اجاج لبست صايتي اطلع من الغرفه وكف بوجهي دفعته ونار احس بضلوعي وصلت باب البيت ولزمني من طرف صايتي ردني وكفت والدموع جرت مكدرت بعد التفتت عليه قتلت حلم عمره سنين كتلها وشهكت ليش هيج بلع ريك ملامحه تعبت كال مغمض ازل اني مخليتها والله العظيم صدكيني اسمعي مني مو موو جايج محتركه روحي اشتياق والله النوبه نار وشطت بيها طلعت واخذت الجنطه امشي اطلع عالشارع حدما يجي حسن مكدر يلحكني لااعيط بنص الشارع لان هددته حسن طب للفرع صعدت ورجعت كوه كتمت دموعي حسن حس بس باوعلي ودار وجهه دك تلفونه رد الو ها نوسه لا ليش تعبتو روحكم عاشت ايديج والله متقصرين احسن بت خال اني دا ودي بنت اخو مرت انور لبيت اهلها تردون شي ها لا والله بعد فد نص ساعه يعني ساعه اني يمكم اي تمام اخوج رجع ها اوك ديله ممنون ياب نوسه هله عيني سده وباوعلي تردين شي من الاسواق لو كبل للبيت بلعت ريك بصعوبه للبيت اوك وصلت للومه جانت دتغسل لزيد باوعتلي كالت هلا بازول جتي حبيبتك باوعتلي عكدت حاجبها كالت بيش شي ماما شو وجهج اصفر لا مابيه تعبانه معزله البيت رجلج اجه ها لا بعده زين سويتي جيتي حتى متضوجين تعاي تعاي انور بليل كلش يجي تعاي نسوي كهوه نسهر عالكرزات بس خل انيم شمشون اوك كلتها وجريت حسره ذبيت الجنطه بالغرفه شافتها بس غلست روحي تحترك حرك تمنيت مشايفتها تمنيت مصاير الزواج طفيت الضوه وقفلت الباب مطلعت بعد روحي تستعر نار الوب بالغرفه مثل الطير المذبوح اني شسويت بحياتي شسويت بروحي ليش هيج ليش ليش فعلا ضاهر الانسان مونفس باطنه اكثر من مره كاللي ضاهر البشر مو نفس باطنهم ازل تلفوني دك بيبي رديت صوتي مشحط من الخنكه ها بيبي ها يوم وين انتي اني بييتنا ها رحتي زين سويتي ضل بالي عليج لا رحت ديله عود تعاي باجر مو تطولين الله يسهل راحت ورجعت غطيت راسي دكت الباب للومه مرديت تركتني متاذايه حيل واني البيدي جرحت روحي وضلمت نفسي للصبح مبطلت بجي وندم وحسره تالي تعبت كمت طلعت للحديقه شفت عمو كاعد فاتح الصونده عليها مبدل ديروح للشغل الدنيا بارده بس اني مداحس بس بنار طلع وسد الباب داشوفه من شباك المطبخ سد الباب وطلعت بالحديقه كعدت عالحشيش منده واباوع للسما الك بيها اراده ربي معقوله هاي طبيعته معقوله هو هيج زاني وخوان لو يمكن متزوج اي اكيد اكيد واني اكبر قشمر اني الجبتها لروحي وتذكرتها من صدك بجيت بخنيك بخنيك شفتي اساو شفتي ابوج شسوه بيه لو موجوده انتي جان مخليتي ياذي كلبي جان مسمحتي بهالمهزله تصير اني الجبتها لروحي رجال ديكولج شايفج بتي وانتي مثل الزمال جلبتي احرك بروحي واحجي منهاره تاليها كمت نمت راسي حيطك طبكت حبايتين ونمت نومتي تعذيب مونومه سمعت الاذان وسمعت كلشي تحرك بالبيت وبجي زيد وحجي للومه وياه ولاكانما غافيه وصورته كبالي ازل اني والله العضيم مخليتها وانشال واندك نحسه اني نحسه ومحد يجرعني شكو ورطتي روحج وي واحد وسكتت شريد اكول عليه لل٣ الضهر دكت عليه وسناء مرديت دكت اكثر من مره ومرديت وراها راكان اربع مرات دك اخر شي بيبي دكت رديت اخجل منها احمم الو بيبي ها بيبي شونج هلو الحمد لله انتي شونج زينه الف الحمد لله اكولج بيبي متجين لا مو شوي للومه محتاجتني ممريضه ففباقيه يمها ياا موهذا هم مدري شبي فوك واجه راكان عليه جاب طبيب وراح كتله شبي عمك يكولي مصخن بيبي تغير جو اربيل عليه مادري والله يمه مو اني مفاصلي ماكدر انزل واصعد يعني متكدر للومه تضل وحدها سكتت كالت وجرت حسره لعد ارتاحي هسه اشوف شون يله عدها العافيه تسلمين دير بالج عنفسج بيبي اوك سديته وشمرت اللحاف كمت صليت حتى فروضي نسيتها كملت صلاه طبت للوم كال ادري لاعشه البارحه لاربوك اليوم ولاغده شبيج ماما خاف مريضه انداريت عليه جنت ناطيه ضهري فكت عينها كلها نترت شبيج لللج شبيها عيونج منفخه تقربت تنتر نصيت راسي والسبحه بيدي كالت كملي وتعاي اشو هزيت راسي بله صوت ماشي طلعت وسدت الباب تلفوني دك راكان مرديت عفته طلعت يم للومه سالتني اكلي واحجي باوعت للاكل الصابته مالي نفس لاي شي احجي شكو وي رائد مو حسدناككم ولاتتحملون نفس دمعت عيني باوعتلها بلعت ريك همست شكو ماما احجي يعني للومه تتوقعي ميقرب مني لان عده غيري فكت عينها وج صار اربع اسابيع من تزوجتي ماكو همست ونصيت دموعي نزلت عالميز البارحه جان بزاخو من رجع بليل شفت اثر بفانيلته مسحت دموعي ودرت وجههي شنو اثر يعني حمره بلعت ريك باوعتلها بجمود كالت وصوتها رجف واجهتي لو واجهته ارتبك بعدين كال مخليتها ضربت على كصتها وباوعتلي معبسه ساكته واني ساكته نصيت راسي نترت اتزقنبي هسه ماريد ماشتهي اكلللي داكولج جريت الماعون ناحيتي عيون للومه تلوم بيه وتكولي حذرتج ومسمعتي اكلت لحد الان اتذكر من كدما حسيته مر بحلكي جان تبسي دجاج كملت وكمت للغرفه قفلت الباب عرفتها راح تجي تسال استفسر تعاتب واني تعب كلبي من وكت وفعلا جتي فتحت الباب شافتها مسدوده ردت راحت متلح بطبيعتها . . يتبع تحية حب وتقدير للمتابعين من الدول العربية من كل مكان شرفتونا ونورتونا ❤ | ||||||||
|
| |
|
14-11-21, 05:05 PM
| #75 | ||||||||
| مراقبة عامة ومشرفة منتدى الروايات المنقولة
| بارت ٥٥ #أماً_لهُن #مريم_السعدي النهااااااااااايه ازل ... اول ٣ ايام مرت بيبي معاد اتصلت وكانها فهمت اكوشي راكان مرتين اتصل وبعد خلص وسناء الضلت تراسل وتتوسل - لج عيني لاتخلين بالي عدج زين تعاليلي ببيتي بس ردي احجي كلمه وحده وخلص بس عبث روحي تعاتب روحي اني الدخلت روحي بمعمعان اكبر مني اني صوجي توهمت انه روحي تعرفه كلش زين وطلعت كلشي ماعرف انسان غامض يوم يزعل وعشره يرضى والاثنين ماعرف ليش شنو سببها ثالث يوم بالليل دك تلفوني رقم غريب باوعتله مشايفته قبل رديت ساكته راكان اجه صوته لا يا بذات اني شعليه ههه هلو راكان لابله هلو راكان مو امشي ولي زعلان جريت نفس وجاوبت شوي مالي خلك لا مو مالج خلك كولي متمالخين انتي والمدير زين اني شعليه الموظفين المكاريد شعليهم ابوعون المكرود شنو ذنبه يعيط بوجهه استغفر الله شنو داوم هو اي عيني داووم وريته ماسواها وج مخله واحد معاط بوجهه تالي فات للحمام ذب من راسه وطلع كلي وديني شو تخربطت وديته وره ساعه خابرت ببيتي كالت عمك مصخن كلش وجبت الطبيب وجيت امم شكو ماكو شي اهو حتسوي ذني ملاتها لج بابا شكو ماكو شي شكو عد اهلج لعد مخمخمه رجعي لبيتج. لا شوي مالي خلك اوهو اكولج تره خلكي هلكدوته صاير بس داكولج رجلج مريض وانتي ومروتج بعد خوش اكولج تره الاحد اللخ يجون علمود الموقع ويردون لان انتي صاحبه التوقيع رجلج كبر راسج وساعه يشعر بيج تالي ضربتي بومبه وعفتي المشروع مادري منا لبعد ثمن ايام ميت عمامه تنكلب اي مو هي جدر دولمه دروحي روحي باي هلاو ازوله باعي وينج نعم محتاجه شي بروحها التمشي بدمج جريت نفس وسكتت ازل اول تالي وج اني راكان اريدها جاوبت وبجيت اي محتاجتها تكدر ترجعها فد ساعتين سكت شوي وجاوب همس جايج هسه عمتج بالبيت اي دسويلي كهوه جايج سديته منه وبجيت طلعت الخنكه بالي يمه بالي الحقير اليحب اليذله يمه مريض يربي خاف يصبرله شي ويطبني مرض اني العشمت كلبي بي اقل الساعه وطب راكان للوم ماكانت تعترض على علاقتنا ابد تعرفني شكد اعزه وشكد قريب مني كعدنا بالحديقه قدمتله كهوه تريد تطب خاف بارده كعدي دنحجي لا مبارده كعدت باوعلي ونصه باوع وجهه يربي باع العيون مدفنه راكان اذا جاي تصنف قاطعني عبس حلكه جاي اسمعج لج تعرفين بمعزتج لو لا نصيت راسي شبي شسوه احجيلي معرفت اصوغ الحجي بقيت منصيه كال من وحده السالفه بيها نسوان يعني معروف الضاهر نصيت راسي بجيت وراسا مسحت موعي وتمالكت روحي كال بصوت ناصي شنو تاكدتي لو بس خربطة نسوان ازل انتي واعيه واني كلش اثق بعقليتج ااثر لكيت كلتها وبلعت ريك صوتي يرجف كوه مسيطره مترجع عيوني تدمع كال شنو يعني بلعت ريك مكياج على فانيلته صفحه صدره هز راسه ونزل عينه ساكت يفرك باصابعه ورد باوعلي ازل خجلان من سوالي بس صار بينكم شي نصيت راسي هز راسه متفهم منصي عيونه جر نفس ورد رفع راسه حركتي دمي ماريد احد يعرف بيبي خطيه تنقهر شكت العينتين تكولي اكيد عمك مكاعد راحه ميخالف لتكوللها ماشي ماشي وهسه شون ماداوم بعد خلي الملم روحي اشوفلي غير شغله اني شلي بحرك الاعصاب اني اعرف اصيغه الج لا داومي الاحد بس اذا سالني اكوله كالت بطلت واحرك البصله اكوله نامت مستشفى وعلى اي اساس تكذب وتتشكاله معايزه على قلقه وشفقته لا موهيج بس اني اعرف عمي مينزل روحه لبشر ويتوسل وعذابه من يبتعد عنه معليه بهالسوالف مال جهال اسمعي مني ازل الاحد داومي وباشري بمشروعج وابد لتحجين وياه نصيت راسي ماكدر اي تعاي يم سونه سونه !! عكدت حاجبي وسناء اقصد ابتسمت شونكم راكان جر حسره وابتسم وسناء غيمه ندى تغيم وتضلل عليه والله اساور تعرف والله شون احجيلي تصوري اغلب الوكت احجيلها عنها وهي تبتسم واذا صفنت ساكت تتركني بخلوتي بصفنتي وماضيي الاحبه ماعرف بيش اجازيها تدرين اني اني ضربتها مره من وره امي صدك تحجي ابد محجت متحجي خطيه جيت من الشركه امي وخواتي كالو نزلت وراددت وي امك صعدت سالتها كالت اي راددت لان اني بشر وضربتها تركتني بس متت بدمي من شفت خدها احمر بقت بالحمام متقبل تطلع ساعتين ضليت وره باب الحمام احاجيها ليش راددتي وياها كالت لان مستني بكلام ماكو شريفه تتحمله شكلتلج كلتلي شو ششايف منج وستر عليج مقشمرته سحوره مسحوره واني جاوبتها اني متربايه احسن تربيه ببيت ماله قياس بالافضليه الماديه صح فقره بس عمرنا مادخلنا الحرام ببيتنا وهاهي صعدت النوب اريد تفتح باب الحمام متقبل كسرتها وتعذرت منها وكتلها تحمليني سكتت بس هي وراها صارت سالفه مهدده بالاسقاط اني متحملت وطلعت هسه الف الحمد لله كلش مرتاح حيل متتصورين شكد مع العلم ثنينه نداوم ونرجع ماكو عليها تقصير خطيه واني هم اريد اعيش ازل الله يرفقكم بحياتكم فرحتني بعد كون انتو هم تعيشون مثلي رغم كلشي ازل عمي طاير بيج هاي صخونته ووكعته موهينه ميحجي بس صافن ومغضب عفيه لتحجيلي بي ولتحاول تحنن كلبي ماشي براحتج بس كتلج داومي وعاقبي باهمالج اله اوك يله عالاحد اي ديله فيماللا الله وياك راح راكان واليوم ميمشي احس حتى دكات الساعه بxxxxبها تتحداني عسوله سافروا تركيا هي ويحيى ونتخابر دوم فرحانه طايره ورجلها يتداهر وياها حنييين كلش هاليحيى واني صارت مهمتي زيد معاد اتصلت بيبي ولا رائد وراكان ووسناء يوميه يخابرون واساله عنه شونه لا احسن داوم اليوم ويعاين للباب وي كل موظف يطب ويخاف يسالني بس يوميه يسال على صاحب المشروع اللازمته انتي شوكت يجي. اكوله مادري ليش حتى ينصدم بطبتج ويا اوك وهكذا للاحد ضعفت هالاسبوع ماكدر اكل شي للومه تفهمت ماريد احجي وتركتني براحتي بدلت وتمكيجت ورحت للدوام كلبي احس مقبوض اتمنى ماشوفه طبيت للمكتب مال وسناء جانو يتريكون هي وراكان ويضحكون اول مطبيت كلت السلام عليكم كال وعليكمممممم بت حلال والله توني اكولها هسه تطب ممتريكه لا والله تريكت وي عمو انور احجي وياهم ولمحت راكان واكف عيونه ورايه وكملت كلام خطيه سوه مخلمه وجايات وعمتي نايمه هههه تريكنا بالحديقه شفته اشر بعينه ورايه شبيك همس لتندارين قيس ابن الملوح وراج بلعت ريك ابتسم كال تره ابو المشروع ب٩ يجي محضره كلشي جاهز كعدت محضره فايل المشروع لمحته نصه وفات من يم غرفتنا من الجام شفته للتسعه ونص مرتين خابر راكان وراكان يروحله ويرجع يكمل شغل وي وسناء اجه صاحب المشروع وسوو اجتماع بالمكتب وهنا جان لازم اللقاءيكون يكفي تهرب طبيت وره راكان الاشرلي اني بضهرج فدوه لعينك طب راكان وطبيت وراه رائد كان ديتصافح وياهم مبتسم بس انفتحت الباب صارت عينه عالباب خزرني ونسه واحد متصافح وياه بقه عينه عليه مديسيطر على روحه خانس بس عيونه تراقبني نصيت عيني ببرود وسلمت عليهم وبلش الاجتماع واني عالاوراق العدي بس للاسف مو كامله صاحب المشروع انتقص من خبرتي وراكان كمل النقص وكله احنا نشجع الطاقات الشبابيه بس منتركهم وقع وصار عدي هيكليه المشروع بقيت بالمكتب لان الفايلات كلها هنا فتحتهن عالميز الجبير مال اجتماع واخطط وارسم واربط واجهز نسيت كوني بغرفته راكان ساعدني شوي ووكف كال اي شي تريدي اتصلي بيه اوك ضهري ناطيته للمكتب انثبرت باجر لازم تسليم انتقص مني تخبلت ركبتي كامت توجعني اخطط وارسم واحدد واكتب معلومات كملت تقريبا واني اشرب المي لمحته كاعد على ميزه ويعاين لضهري وصابعه جوه خده نظرات معرفت افسرها من باوعتله دار وجهه بهدوء وتحسر وكام طلع كملت شغلي وكمت اطبك بترتيب وارجع كلشي بمكانه بهدوء كلبست الاوراق مالتي وي طكه الكبس الباب تفقلت مال مكتب التفتت راسا باوعتله شال المفتاح وخلاه بجيبه التفتت اباوعله باوعلي رافع تك حاجب ونصه يمشي بهدوء لمكتبه سويت روحي ممهتمه بس والله كلبي راد يوكف شبي شيريد مرجعت التفتت ضليت اكمل شغل باوعت للساعه ب٣ وربع شنو ناوي دكو الباب مرد بقه ساكت ويعاين عالشباك عاكد حاجبه صافن راحوا واني صافنه عليه اني مرته قابل يقتلني بقيت اكمل شغلي دك تلفوني للومه الو ها ازل شوكت تجين والله عدنا كومه شغل اتاخر ديله براحتج عبالي نتغده سوه لا والله مجوعانه اصلا عالمخلمه مال رجلج غير فاتتج لا حبيبتي بقالي بالفرن تريكت بيها الله يحفضه الج يا ربي يهديلج الباشا يارب تسلمين ديله باي بوسيلي هذا الادبسز شتاقيتله هههه وصل سديته منها متقصده ماالتفت ضلمت الدنيا دزيت رساله لللومه تره حروح لعيالي جاوبت اوك كلت انطي كل وكته وماراح التفت خلي هو اليجي يبرر واذا فعلا صار هالشي بالله ميبقى بيننا عقد كملت رتبت كلشي وكعدت بمكاني داكلب بالتلفون عالفيس وهو ورايه خرب يومك شكد خلكك طويل بطل مي يمي كملته ولزمت راسي نعست انسطرت خليت راسي على ايدي ونمت عالميز ولاحاجيته خل نشوف منو الخلكه اطول كمت اغفي سمعت طكه الكرسي مالته يعلن حركته غمضت عيني حسيته بخطواته المتردده تجاهي ثواني وحسيت بدفو ايده على ركبتي من وره بقيت مغمضه تقرب تلمس جبيني بنعومه وهدوء وخفيه بقيت مغمضه كال بهدوء ماعدي غيرج والله صوته مخنوك ويكطع ارحمي بحال كلبي كالها برجفه بصوته تلمس خدي بهدوء همس عدي نظره منج تسهرني ليلي تسوه الف علاقه منهم مرديت بس كلبي طك وهو يبرر وصوته يتوسل كال ازل ادري دتسمعين اني ماعدي غيرج مرديت عليه باوعيلي يكفي هالحرب البينا بس فتحت عيني ببرود بلع ريك وابتسم بتعب غمض وفتح عينه بهدوء كال هيج تاذيني جاوبته ببرود مماذيتك اني كلشي ممسويه تعوفيني ازل كالها ماشر على روحه وعيونه ذبلانه وحمر انت البدلتني بغيري غمض وحلف وروحها وعذابي ببعدها ماعدي غيرج والشفته شنووو لتحلف ك وسكتت مكدرت اكوله كذب غمض وهز راسه متخسف بهدوء واللله العضيم مخليتها شنو مخليتها فكيت عيني بغضب وكفت ارجف اعصاب يباوع لوكفتي يبتسم بتعب يعني يعني شون بله مخليتها والله العظيم طبت للغرفه وتقربت واني دفعتها كتلها رجال متزوج اني رجاءا طلعي من الغرفه بقيت اباوعله بغضب مداكدر اصدك وهو يبتسم بتعب وكف ومد ايده يريد يلزمني من كتفي يحضنني ابتعدت خطوه ليوره غمض ميل راسه ازل بيمن احلفلج وحق عفتج وتعففي عنج وحق شوقي ولهفتي الج وحق عذابي وبعدني عنج اني مكايس غيرج من تزوجتج لليوم بلعت ريكي تقرب بوجهه وج هي مره كالها باوع لشفتي مره وحده جربت واندار مخي انهزمت من روحي انهزمت من يمج خاف ماسيطر من ترجعين وليش هلكد مانع روحك مو مرتك غمض عينه وجر حسره واشر على صدره صراع بين روحي وبين كلبي كلما اصد لعيونج اتذكر علاقتج بيها وشون جنت اشوفج اتذكر ذاك الوجه البريء الميشوبه شائبه شون راح اكدر اني اخربط هالبراءه نصيت راسي ايدي رجفت ولزمها تقرب مني باسها وشمها بقوه مغمض فتحت عيني شمت عطرك الاحبه التارس جنت روحك بي دمعت عيني ابتسم وجر راسي على صدره حضنني بقوه المهم اني ماشم غير ريحه عفتج متعرف شصار بيه هالاسبوع كلتها بهدوء دوختني ريحته غصت براسي بين ركبته وخده جر نفس وضغط على جسمي بحضنه بصوت هاديء ومتدرين شعانيت حتى مكلفت روحك وخابرت مكدرت منطيتيني مجال ابرر ادافع عن روحي طول عمرج متسرعه ليش مجيتني للبيت باوعت بعينه مبتعده عنه غمض وعبس وجهه خجلت من عمتج ورد باوعلي شكو ضاربه سفره وي انور بيك ابتسمت بغرور ريكني عدك اعتراض عقاب الك هذا اممم دمشي خل اغديج لعد ماشتهي والله هز راسه وعض شفته سال بجراءه صدمتني مفروض البارحه انتي مكمله شمكمله باوعتله مستغربه جر نفس صعد راسه ليفوك ورد باوعلي شغلاتج الشهريه عززه نصيت ضربته على صدره بهدوء انت شمدريك ابتسم ونصه منتبه من بطنج وجعتج ومصليتي عرفت بقيت اباوع بوجهه ابتسم بمكر انت هيج مركز واني عبالي ممهتم مسوي روحي ممهتم بس بادق تفاصيلج اعرفج غمض عينه وجر نفس وهسه شنو باوعلي يبتسم تلمس خدي بابهامه بهدوء وحنان مميل راسه كال نروح وين نتغده اوك جوعانه مو اي عالمخلمه ورفعت حواجبي ونزلتها اضوجه بس شلون مخلمه عبس حلكه وخله ايده بجيبه كال امشي كدامي لا تنبسطين شلت الجنطه بقه الشك بداخلي واتذكر حلفانه ويهدا كل وجداني داخلي يريد يصدكه لان ممتحمل كونه خاين مداكدر ولاهو الهيج طلعنا اتذكر لليوم نظرة الحارس منصدم منين طلعو توقع كلنا طلعنا والشركه فارغه واحنا من داخل الشركه طلعنا صعدنا بالسياره وطلع عود انت ليش قفلت الباب جر نفس باوعلي يبتسم اعوض عن الاسبوع الاكشر ردت ابقى وياج بفد غرفه وفد اوكسجين نتنفس هيج من احس روحي وياج بنفس الغرفه وحدنا اعصابي تبرد امممم كلتها ودرت وجهي عالشباك ابتسم ارضى كل ذره بغروري ورجعت تذكرت هي منيه هاي منو كالها وعكد حاجبه مبتسم يعاين للطريق راائد لتغشم روحك يابه وحدها هاي شغلتها وهاي قاصدتك قصد لج بابا لتكول بابا كلتها وباوعتله ابتسم وباوعلي ليش هيج اني زوجتك زوجتي وبتي واللي محببتني بالدنيا اوك اذا هيج تمام نرجع لموضوعنا اي وبعدين اي هي موجودين بالفنادق غرفه بيها نفر واحد يطبوله نص الليل ايع طاحضهم سكت مبتسم ليش دتبتسم شتذكرت نترت بي جر نفس وضحك مكدر لج بابا وغلاتج ماعدي شي وممسوي شي كل عقلج ادمر نفسي بهالشكول زواج وبالك عنه وكوه تلعب روحي لان غيري متقرب منها اممم جعت درت وجهي عالشباك تذكرت بيبي رجعت باوعتله كتله رائد صدك كال بتعب ها حبيبي صارت بديهيه اول مره ينطقها ارتبك وباوع بعيني جر نفس ووكف السياره بقه يباوعلي واني صافنه بهتت مو ذيج ازل الذكيه النحسه لا كل صفاتي توحدت بالهدوووء النطلق اي حبيبتي متردين اكولها لا موهيج بس بس شنو ازل احجي اذا جنت مااكولها فاني هاي طبيعتي شغلي فعل موحجي اني احب لسمعك ابتسم تدللين اليوم انت مختلف اليوم اني احبج علللنا ليش اليوم لان بعد كافي مو هزيت راسي ساكته وعيني بعينه كال لتحجين شي بعد ماركز بالسياقه وي نوتات صوتج اركز ونندعم اوك وصلنا للمطعم تغدينا جانت ب٦ ياكل بهدوء ويبتسم مميل راسه يعاينلي وتجرا يوكلني رائد العالم كاعده محد ديشوف ضوكي هاي طعمها يخبل اكلتها وهو عيونه مفاركت كل تفصيل بيه كال صديقي خابر بوكت جنت شارد من الدنيا بخيالي وياج امم ابتسمت لطريقه كلامه كال اني بزاخو متجي اي كتله شيجيبني بعدين كلت خل اطفر لان مداكدر انتظرج ترجعين من عرس اختج بعد توقعت تباتين علمود الصبح ترحين وي عمتج فطفرت راسا للمطار وطرت لاربيل التقينا هناك وراها رحنا لزاخو عدنا اعمال فضيناها بعد ميرجع سحب كل اهله هناك هاا اي وهذا الصار بعد ست ازل اي اساله مقابل النوبه اشرت بايدي اهدد كال مبتسم اصبعج نزلي نزلته باوع للساعه وباوعلي يله منروح وين لبيتنا كالها وتامل كل ملامحي يبتسم لا اروح بيت اهلي اجيب غراضي جج كالها بهدوء بعدين عود خل نروح للبيت كومي شلبس متكولي محد كلج تاخذين رحله الشتاء والصيف كالها وميباوع بوجهي يدفع الحساب طلع كدامي ورجعنا اول مطبيت البيت بارد باوعتله بيبي وين شو بارده جق السبلت وباوعلي نظراته تغيرت ماكو احد امي بيت سيدار بعدها رجعت اليوم كالها بلا مبالاه طبيت للغرفه واتفاجا بوجود ساعاته عالميز وعطوره واني بصفنتي عليهن طب وانقفلت الباب التفتت باوعتله فاكه كل عيني تكتف وارتجه عالباب وينه حمرتج الطوخ بله فتحت جراري طلعتها متردده جنطتي بيدي وبهدوم الشغل تقرب جر جنطتي بهدوء خلاها عالميز سحب دنابيس حجابي وذبه عالتلعلاكه بصفه بكل هدوء ميفارك عيني بلع ريك تقرب شم ركبتي قشعرت مغمضه همس باذني بدفو كوليلي رائد كلتها وحرف حرف يذبلني اكثر وينزل سنتين ثلاثه من عمري قبل عنقي بقبلات هاديه جنونه متلهفه واني ماضل بيه حيل حتى اصحى من كومه عشقه حدما حسيت باطراف انامله لبشره بطني وعرفت فتح دكم قميصي باسلوب اني محسيت باي حركه وكل تركيزي يم نفسه اللي بركبتي فزت روحي خجل لزمت ايده فدوه اخجل ااخاف علكيفك بس دقدقيقه لمني بحضنه قوي كلشي ولا تخافين مني اني حبيبج باعيني لتستغربين عمري هاي باعي طفيت طفه الضوه القوي بقه الخافت-- بهالليله انتهت كل مخاوفنا وانتهى الماضي وياهن وانولدت اساور من جديد باحاديثنا صرت اله كل مشاعره المخربطه وبعده نوبات من يختنك يصعد ينام بغرفتها ونوبات اصعد انام يمه بس يطلب مني اخلي خاولي مثل ماهو مسوي جوه راسه حتى متروح ريحتها من المخده كان الي ملجا ولروحه كنت خليل كلما ضاقت بي واختنك نكعد بالحديقه نسهر للفجر يسولفلي عنها ويسولف احساسه بمرضها ودموعه ميخجل من تنزل ب حضني ايامي ويا كانت كله تعويض رباني عن اب واخ وكل معنى لاسم الرجوله تقبل نحاسيتي عنادي وتسرعي وتقبلته بكل عقده وتعب كلبه .. عسل ... حبيبي يحيى عصبي وغيور بشكل راسا يدلغم وميحجي ولازم اني احزر شبي حجايه شبيك يعني متعرفين شبيه موتتني ورغم هالشي بس بسرعه يرضه يعشقني حد النفس من يطب شكد مكان تعبان بس احضنه يبتسم سافرنا برحله عمر طلعنا بيها من كل وجع جان صادمني بمعرفة اللغه التركيه ومن سالته جاوب بغرور احد انجازاتي هاي يوم واحد ميقبل ابات بيت اهلي واذا بتت هو يبات ويايه كملت جامعه ومقبل يكمل توسلت بي تالي قبل انتساب تعلمت اطبخ من خاله اميره ولحد الان منظر شكله من صله على عبايتي ماكدر انساه كلما صله اتذكر نصف السنه وحياتنا الهادئه رغم بساطة بيتنا بيوم حسيت بتشنج موذي بشكل بفخذي فجاه مثل الدمار عطت ولزمت رجلي لو تخبل تخبل منين تاذيج بس كوليلي شنو مضروبه لالا لتبجين كلبي هسه اوديج خابر عثمان يتعارك خابر حسن اجاه وركض رحنا مستشفى طك الدمار عادي بس هو مو مرتاح باليوم سال الف مره حبيبي توجعج لا كلبي لتكذبين عسل لا وداعتك مخلاني اسوي شي ٣ ايام خبلني لتشيلين لتحطين لتمشين سريع حتى مكتبه مداوم حد ثالث يوم كاعده بالحديقه وياه ولزمتني دوخه قويه عيوني غوشت منها وهو خاف كلش حاضنني ويمسد بشعري بس كوليلي شبيج ليش ديصير بيج هيج بس كوليلي بيومها سمعته يحجي وي ابو ها حجي والله مادري خايف عليها والله اعصابي تدمرت مادري ومدتقبل تروح دكتور خلي خاله الهام تحاجيها لخاطر حياوي عدك وفعلا للعصر جتي للوم عباله مسمعته من ديحاجي ولخاطر يرتاح رحت وياها تحاليل سوينا وانصدمت من الدكتور كلي بابا انتي شوكت تزوجتي صار شهرين دكتور هز راسه كال اريد تحليل ثاني ورجعنا سوينا ابو المختبر كال عسل عمران منو كمت تقربت منه وللومه ورايه كال مبروك حامل شنو ليش هذا تحليل مال شنو اوكف خل افرزن يعني اني حامل ضحك ونطاني الورقه طلعت حتى مرحت للطبيب بعد طبينا لبيتي جان يحيى ديرش بالزرع وعمو ديحفر مدري شيزرع بخديقتنا للومه تضحك باوعلها عمو كلها ها شو تضحكين تعاي شوفي شسويت بالبنطرون كالت فدوه وتضحك كال لا اكو شي يحيى بس يباوع بعيني تقرب يهمس لزم راسي ها شكال الطبيب عسل وباوع لللومه ورد باوعلي نطيته بوكتها الورقه شافها قره وصفن كعد مكدر يوكف رفع راسه باوعلي وعيونه انترست دمع ونصه عمو كلتله لومه وتقرب منه حضنه جان شكلهم يقهر من بعد زمن كله حصير اب بابا والله اني هم متت بجي وطبيت شوي وراحو وطبلي للغرفه من يومها ومافارك بطني كل شوي بايسها ويباوعلي ممصدك كان موعد حملي بنفس الشهر وي ازل ازل اللي عمو رائد بجه بحضن امه بيومها ازل.... يوم عن يوم تغلبنا عالفروقات العمريه خليته يجوز من حجايه اني بهذا عمري مو مال عمري بله اني مال هالسوالف كلما كالها ازعل بدلناها بكلمه بعدني صغير بعدني شاب روحي خضره وفعلا خضرت بيوم كان رايح للشغل واني مداومت مكسله صار فتره وهو مجلبلي فلاونزه بالعضم جسمج حار ومجلب بحضني بيبي مقبلت اخذ اي علاج براسيتول مخلتني حدما كضه اسبوع كلتلي غسلتي شنو بيبي يمه غسلتي لوبعد وفهمت قصدها لابيبي ماكو متاخره اسبوع فكيت عيني على وسعها ووكفت كالت هسه تكمين ويايه نروح نحلل يمه دخيل الحمزه ابو حزامين البارحه نخيته تخضر دار وليدي ماشاف شي والضنه اللي كضه حياته يكبره ربج اخذ امانته كومي يمه ورحت وياها مجنت متصوره ان اكون ام وكالت ام التحليل اكو حمل بيبي الهلهلت بنص المختبر وتبجي وتبوس بيها انفضحنا واني متلهفه الطريق كله شنو ردت فعله واحنا قبل كم يوم بالحديقه كلي اتمنى يصير عدي بس ماتصور لان نسلنا ضعيف واني بعد كبرت مرديت عليه وعرف زعلت راسا كال لا الروح خضره والكلب ينبض عشك وصلنا بيبي جيس جكليت اشترت خطيه متوقعتها بهالفرحه هيج يصير بيها هالانسانه الراكزه الواعيه الثكيله للضهر وطب رائد جنت مسشوره شعري وممكيجه نوعا ما ثكيل بيبي جانت نايمه واني جنت منتظرته بلهفه طبب السياره وفات ابتسم من شافني همس فدوه لهالشعر شون صار حبيبي الحمد لله كلش زينه هاا باوع بعيني كلش كلش خاف اني الممرضج يابه اي طبعا كلسا فايته سابحه هههههه اي شسوي صمت سنين وفطروني على هرفي صغيرون يمممممه فدوه اروح بلهالطول لابسه ابيض اليوم طالعه جنج حتروحين لمكه ههههه هو هذا غزلك امي وين نامت شاورته واقربت لزمت طرف ياخه قميصه ابتسم وسنح اييي هاي الحجي شتردين امم باوعت بعينه شاورته اريد افرحك فرحيني بغرفتنا عيب مره شكبرها هسه تكولي ا ريد اعرس رائد ركز ويايه مركز وداعت عيونج بس خل افوت الحمام مو حركز على روحي عافني ديفوت للحمام وحجيت رائد حتصير بابا كلتها وخليت ايدي على وجهي خايفه من رده فعله وطلعت بيبي من غرفتها تلبس بنظارها وجيس الجكليت بيدها كالت اجه يااا وهلهلت طشت الجكليت هو نصه راسه تقربت بيبي منه همست لتبجي يوم لتبجي كول حمد لله وحضنته كام يشهك بحضنها وصوته عله بجاني والتفت عليه اشرلي تعاي حضن امه وي حضني مسح دموعه وفات للحمام باوعت لبيبي مسحت دموعها بفوطتها كالت يمه يتمم عليكم بالعافيه كون من الله وليد ربي قبل ماموت اشوف فرحته بالولد سكتت مرديت عليها صبيتله طلع بدل واجه عيونه حمر رائد من يفرح يخنس ومن يزعل هم يخنس وره كم ساعه خابرت عسل وبشرتني كتلها اني هم صدك بجيت بيومها من سمعت عسل حامل جننا نجهز سوه ونطلع نشتري سوه رائد متوالم وي يحيى بطلعاتنا سوه فارق العمر يمكن ويمكن دلاله لعسل وحركاتهم ابسط شي الطلعه كلها لازم ايدها انتقده كم مره بيننا كتله منطلع بعد سكت معادها ويحيى كذلك كلها شحجي ويا اطلعي انتي واختج احسن رائد مصيبته ماخذ عمري مقياس لشخصيتي من احجي ويا احسه يكولي متعرفين طفله ومياخذ بكلامي راسا الا يفكر بي يله واني متقصده ذكرت الشي السيء حتى لمن يقره القصه واخجل اكولها اله وجه لوجه رغم كل هذا احبه وبعمري مختاريت لافكرت ولاحبيت لحضه غيره اني انسانه اقرر الحياه الاريدها واعيشها ماامن بالقسمه النصيب اامن بالله واحسن الظن بي واحسنت ظني بربي بيوم حسيت كلبي دك اله وماكدرت اكذب على روحي ايام حملي كانت مووهن على وهن لا والله كانت عسل على عسل من عيوني يفهمني موجوعه مرتاحه تحرك الطفل اولا ا كملت التسع شهور والله رزقني ببنوته كمر حلفني رائد ان مااخذ سونر فقط اسال عن صحه الطفل وبس من جتي لمار كانت اروع انتقاله بحياتي ويا كف عن الدموع اليذبها خلسه صار يحاجيها ويحجيلها عنها ايام الكوفيهات واصدقاءه اندثرت صارت للمار وكانما خاف لا يعيشها نفس العاشته اساور من حرمان منه اثناء سفره واني وبمساعدته ومساعده بيبي كملت شغلي ومتركته راكان ووسناء صار عدهم ولد وراكان اول رساله رسلها الي بعد ولادتها بساعه كال الله لايحرمني منج والله يكومج بسلامه يا رب صدقا كلتيها بس الضنه ينسيك عذابك او يهونه عليك وسناء ولدت ازل صار عدي ولد صرت اب فرحان هواي فرحان وتمنيتها موجوده تفرح الي والله مندمان لحضه وحده لان ارتبطت بسونه ابد بس خطيه اول مولدت كلتلي تمنيت الطفل منها مو واني لاول مره بحياتي كتلها لا ابد اعترفتلها بحبي لان حسيت بذيج اللحظه اني احبها ومدري ليش غرت على روحي خاطر اساور شنو الاسوي ازل نصحيني مبروك راكان كلبي يتربه بعزك عيش حياتك وانطي وكتك الهم ومشاعرك حصرا الها حرام عليك يكفي قبل ولادتي باسبوع خابرت عسل ها عسل بشري حضرتي اي كلشي جاهز اكولج هاا شو اكو لون بالداخلي مالتي شنو لون مادري شو على خضار مجان اكو من لبسته بس شوي موهواي عسل افحصي روحج دقيقه واخابرج دانتضر سدته شوي وردت خابرت كالت عسل نزل شي على خضار اكوهيج شي لو عيني تسورب خابري دكتوررتج مترد خرب خابري سكرتيرتها اوك خابرت شوي وردت خابرتني كالت اني حروح ادعيلي كالت تعاليلي فورا اوك امانه الله ورسوله اندعيلي ازل لتخافين لج انتي سباعيه لا ماخاف حبيبي ويايه فدوه كلبي سدته مني واني لزمت بيبي والسجاده نسبح ونصلي ودموعي تجري تمنيت اني وياها مكدرت طب رائد شافني منتهيه بجي كلي بدلي اوديج تشوفيها وركضت وهو ورايه لج كلبي على كيفج لج عيني انتي حامل وصلت الها كانت بالطلك متت من سمعت صوتها تصيح وتكول ( يمممه ) اول مره انهار هالانهيار اعض بيدي ودموعي تجري حضنني رائد يتوسل بيه وللومه جوه يمها مدري شون دخلوها من اباوع يحيى يعض باصابعه مغمض من يسمع صوتها تالي طلعه انور دقيقه ورد رجع عيونه حمر تعارك ويا الحرس يكوله اطلع ماكو رجال يدخل بالممرات رد طلع وطلعو رائد ساعتين وجابت بس تعذبت حبيبتي و اجانه ولد لخ طلعو ويحيى ميباوعله ركض لعسل حضن راسها ودموعه تنزل على وجهه وهي تبتسم بتعب همست ابني للومه ابني للومه نزلت دموعها وشايله االطفل كالت مثل الورد يشبه ابو تقرب يحيى بثكل مستغرب باوعله وباوع لانور انور انتهى ماكو يمسح دموعه ويعاين علي كله بابا هذا مالتي هذا ابني اي حبيبي حجي صرت اب اي بابا يتربى بدلالك ان شاء الله ماقصر علي بشي انطي من روحي اذا راد هو وامه موقفهم انهكني للومه ماعافتنا دارت وباتت بالمستشفى وزيد يم اميره بقيت اني رجعت ورائد يضحك عليه هاي طوج درس تطبيقي قبل لتولدين عفيه لتخوفني وج عسل الزعطوطه اسبع منج سوده عليه تعذبت بيضه عليج انشاء الله اسبوع خلص وصارت عدي الام بليل رائد فز على ونيني كال ازل دتونين شبيج بطني توجعني شبيج شماكله ماكلت شي والله داموت كومي اوديج خاف ولاده طلعنا وبيبي صارت بوجهي ها عدها وجع مو رائد كلها شمدريج شكعددج كالت توني حلمت باسو تكولي كومي حضري هدوم اختي رائد كبل باوعلي ابتسم يا الله يا الله يله يوم بدلي اني اون وهو يمشط بشعره خبلني لك عيني يله اي اي غير حتى الطفل يشوف ابوه حلو وجتي لموره اسمع صرخاتها واتذكر ضحكات اساور العاليه منو جان يصدك اصير ام لاختها للومه اصرت ان اكون عدها وره الولاده وي عسل ومنضرنا يخبل اني من صفحه وهي من صفحه يحيى ميقبل اخلي ابنه يم بنتي يكولي ينخبطون وخبصها مو ترضعين لمار خاف من يكبر يحبها خطيه ورجعنا لسالفه الكامره عسل ويحيى حتى ميفارك ابنه انور طاير بيهم يشوي لهاي وذيج وللومه مقصرت اجزم راتب هالشهر كله النا صار وفوك كل هذا لبست كل واحد مننا ايه الكرسي وبليه من الليالي كاعدين نرضع بالجهال رائد بيومها بات علمود لموره نايم بغرفتي ويحيى بات بغرفه عسل كاعدين اني وعسل وحده تضحك عاللخ نرضع الجهال وغصينا ضحك عليهم طبت للومه زيد كعد ميقبل ينام لان صوت الجهال كعده كعدت كبالنا تنيمه على رجلها كلمن كفشته شعلاتها ووجهنا اصفر نخرب ضحك صفنت علينا للومه وكالت بنات تتوقعون رسل مرتاحه بحياتها بقينا نباوعلها كالت تتوقعون ضلمتها من طردتها جاوبت ازل لو باقيه جان لبستنا العار خفت عليكم وطردتها ولوما اطردها مياخذها زوجها صح سكتنا نصت راسها وجرت نفس باوعتلنا تدرون لو ماانتو جان اني هسه وحدي ماعدي اهل ابتسمنا باوعت لازل باوعتنا وكانه احنا انجازها واروع هديه من اخوها يعني لوما انتو جان حسيت بالوحده رغم انور ويايه بس وجودكم سبب سعادتي الاهل عزوه ولمه فرح عسل : اني بعمري معرفت امي بس عرفتج الج بكل تشجيع وبكل حضنه حسبيها بيج دمعت عينها تبتسم ازل : اي يشهد الله كنتي ام النا طيتينا حياتج وعمرج وراتبج وتعبج ومتركتينا حتى رسل عذبتج ومفاد وياها شي هزت راسها تبتسم اكثر شي فخوره بي بحياتي اني ربيتكم كون اخويه راضي عني اكيد راضي للومه سكتنا عسل جرت نفس وباوعتلي ازل شون ممكن نوصل لرسل ونعرف اخبارها لو تريد هي تجي صح تدرون لو هي ادميه جان صرنا ٣ وي جهالنا اي فعلا الهام : بنات منا وهيج كل خميس انتو يمي والجمعه العصر ترجعون نلتم نطلع نتونس خوش اني موافقه كالت عسل خل اكول لرائد اكولج صدك شونه حسن عسل : جريت نفس وباوعت لا زل وحجيت ذاك اليوم بات عدنا بليل سمعته عالمرجوحه يحجي بالتلفون بقيت اتصنت فضوليه تعرفيني اي وحيات عينج اي فسمعته متمدد ويسولف يكول - لا شسالها اخجل ولج وماعدها اخبار اخر مره سالتها كالت ماعرف اي شي عنها ..... وج وين تجين ويايه ونروح نسال مخبله انتي ....... اي بله شون ...... اي تنزلين تكوليله اني صديقتها وينها تكوليلهم اطلبيها فلوس والله مسيبه انتي يطلعولج بالقامات .... ههه اي عفيه بالساطور لالا يابه لا اني بس ردت اعرف اخبارها وهاهي بس ردت اعرف مرتاحه لو لا ..... لا ممنون اي لامداومت ..... خل تروح وضيفتي ...... شسوي ماكدر موبيدي نوسه انتي هم مثل حياوي يكولي لمن عافتني عسل كتلي واجه عذابك وعيش كدامها حتى تكدر تنساها ليش متسوي هيج روح وداوم بالمكتبه راح تصير عدك عادي ...... لج شسوي هيج نوسه يحيى جانت كدام عينه اني فاقدها اشتاقلها مكانها الفارغ يحرك بروحي حرك الكرسي الجانت كاعده بي قبل سنه وكم شهر بي خيط من شالها مجلب ببسماره بعد شكولج سكت وجر حسره همس وين تجين انتي بابا هههه اي وتكعدين بمكانها عود شنو حتعوضين عنها لابابا لاماريد وين باجر شبيج نوسه لاماكدر اي وبعدين شيصير كلبي راح يوجعني اي وبعدين يعني بس اول مره صعبه وراها اسهل ماريد اخاف اي لعد اكذب عليج اني من اشوف مكانها ارجف اي لاماريد اي لتلحين شنو قوه تحدي هو ماريده اتحده رجال غصب عنج شنو تستفزيني نوسه اي عادي لا محد مات وره احد بس مالي خلك تعب اي ماشي امر عليج الصبح ماابجي باع هاي اي اتراهن اي هاهي عليج هالمره بس كون تشوفين حبيبج القديم وي مرته وتكوليله صدك نسيت اكولك غير اني جنت احبك واخجل ابينلك وانت لابسني سكت باوعتله فرك وجهه ورد استانف نوسه خوما زعلتي مني تره من اضوج اكوم امسلت الو هانمتي لعد دروحي نامي بس تعاي خاف زعلانه اي فدوه هيج اريدج دوشك مال كتل متتاثرين هله ببت الخال هاي صدك يعني اي يله امر عليج بس تتحملين مني اي شي يطلع اي كعدي كبالي ارزل اذبلج حجايه اني طاب روحي طالعه تدللين يله واذا ربحت الرهان غده وعشه لالا مو مطعم تگلين ادري بيج تكرهين تگلاه الكباب اي اله كباب عروك ههههه ديله روحي دافوت انام لج طفيت باع هاي شبجي مخبله انتي لا والله انجبي مبجيت هو خالي حمه دولي باي ولي عاد ههههههه سدي لج اباوعله من الشباك جر نفس وفرك وجهه ضم تلفونه وكام طبيت راسا خفت ليشوفني للومه : ياعيني علي شكد حباب ميستاهل هالتعب ازل : هسه تالي بت خاله تتزوجه بلكن الله يسمع منج تدرين شون حبابه ورده اي مثله خدومه خطيه بس ما اعتقد يقبل بعد موقف ذاك اليوم ليش شصار عسل .... ذاك اليوم حسن وغدير معزومين عدنا عالغدا ورطني يحيى كعدت الصبح وخابرني من المكتبه صباحو غزاله صباح الخير شتريكت تريكت هنا ليضل بالج هذا البارحه شمسوي بيج اللي لابسه بجامتي ونايمه لا واليكتلك مكلوب اسكت وخليها لعب بيه طوبه متعرف شيريد ميريد ينام ويريد بحضني يريد يرضع وميريد ينزل حليب هيج يريد عالمواصفات ابن الزفره ههههههاي ابو منو امم كرت عينك اكولج تره عزمت حسن ونوسه عالغده عدنا عزه غير تكولي جوزي من هالحجايه يمره جوووزي اي شنو سبب العزيمه تعال شوف البيت بس يرادله جروخ ديصير عربانه حبيبي لملمي هو نضيف بس تلملم واذا هاي اوصي شي من بره لا شنو عيب هسه حسن يصنفني ميصدك عاد هو تردين ادزلج شي مسواك بيد عثمان لا عدي واذا حتاجيت اطلع للاسواق يمنه اكولك اسوي برياني ومي لحم لا سوي دجاجه محشيه ذيج المره صارت عذاب منو كلك مرتك سوتها هاي ازل سوت اثنين طبخت وحده ودزتلي اللخ لان معرف احشي ميستوي عدي لان ماعدي فرن مثل النسوان امم بسمار بحضن بسمار المهم سوي اي شي المهم اللمه شنو سبب العزيمه وج من يوم كله خاله عليها بعد ممر الهم ولاحاجاها ولا هي حاجته حرامات صداقتهم حلوه ونوسه ورده كلت اعزمها واعزمه ادري خاله شون يكوله هيج اعتذر منه وخابره يتوسل عمي سد الموضوع مافتحه بعد بس لتكطع رجلك وهو مستحي من البنيه يعني ميريدها حسن تعبان عسل وتره هو كلش وفي يكولي شون ارتبط بله حب شون ارتبط بوحده تعرف علاقتي السابقه مترهم لاعادي والله مادري المهم كلت اعزمهم هي وحد وهو وحد خوش ديله تره ب١ اجي حتى اساعدج وهو فد ب٢ يرجع من دوامه ويجي اوك هله بيهم سديته منه وركض ركض مخليت شي بيت خاله لحسن مخابيل مال نضافه حتى قنينه الغاز قبل ليفوتوها تنجلف يله تفوت عقدوني نظفت كلشي وخليت الجدر عالنار واستعانين ببوراك العائله بيبي خابرتها وتعلمني سويت تمن احمر ومي لحم و دجاجه مشويه بفرن الطباخ بس صارت رهيبه رحت للاسواق تسوكت حلويات لان كلشي ماعرف اسوي بس الكيك جان عدي كيك بالمجمده طلعته عصاير وحلويات جهزت ورتبت هالاكدر عليه واتخيل حسن حيقلد اذا هو وحده بعشر نسوان كلشي يعرف داهيه والنوبه نوسه هم ام بيت هالوحده لامها وطبخهم رهيب صار بيه واهس اللحم خاف ميستوي وبيبي تكولي خلي عالنار الهاديه عوفي وهو يستوي ليش كعدت اروح واجي انجخ بالجطل تالي تعبت عفته بدلت لابني وبدلت اني بقت كشه اخيره حتى تضل ريحه البيت طيبه بطبتهم طب يحيى شكرت عليه ابنه كملت شغل جان العينتين نايم طبعا كاضيها سهر المهم حبيبي هم لبس كلبيه نص ردن خليجي كعدنا ننتظر شوي واجه خاله وصل ونوسه وراح خطيه جانت مرتبكه من عزمته ومكدرت تكول لا مجانت تدري او يمكن شاكه انه حيجي حسن داسولف وياها بمجامله اخجل منها مماخذه عليها يحيى راح للباب باوعلي كلي لبسي حجابج عسل اجه حسن باوعلها ابتسم هي نصت تبتسم كلها خو مبيها احراج احنا الي م العزيمه لانقاذ صداقتكم حرامات جاوبت اذا هو ابويه خجله خطيه لاعادي ابن عمتي هذا وراها طب يصيح حتى مفتحناله الباب حسن : وييينكم هووي يله باع يكولك ليش تزوج زعاطيط همه عازمين وندك الباب ميفتحوها المن عازمين بابا طب يصيح ويشتم وكفنا يحيى بس فتح باب المطبخ يضحك ولك صوتك فضحتنا محد كلك تعزم صب لي جوعاان وينه هذا الارعن مالتك داشد براغيه صاير مهتلف وسكت من شافها ابتسم باوعلها وباوعلي شونج عسل ورد باوعلها شونج لج تخوصر شو هنا بله بقت كاعده تباوعله تبتسم بعتب ليش ميصير اجي وعود ليش متخابرين وانت ليش متخابر انتي خابري اول حتى اني ارد لا والله انت التخابر ذاب ثكل عشتو مغزرت بعينك كيكه المحروكه بالككو الللله كالها وغمض بالقران فد عاجبني شجايبتلي وياج كلشي ماكو صفكت ايد بايد جايه معزومه وانت موعود زعلان لا لج والله كالها ورفع راسه ليحيى لك غضب غير تكولي عازمها داجيبلها فد شي ويايه اصالحها كالها وكفخ راسها ويباوع ليحيى يحيى ضحك حسن : جوعان جووووعان صبو عافنا وراح للجداري فتحها باوع لعسل هاي عود مسويه تمن عسل : اهووو حيقلد لك بيبي علمتني علي باع المي لحم هبر هبر ايبااااخ خبز خبز ماكو عدي هسه اطلع يله حفرش السفره عاط بنوسه كومي لج ويايه مسويه روحها خطار صبينا ودنتغده وحسن يسولف وي يحيى ويحيى يتجاوب على سالفه التوقيف مال طبع الكتب المدرسيه. ونوسه ساكته الحمد لله الاكل جان طيب اكلو هواي بينما نشيل المواعين ونرتبها اني ونوسه ونغسلها تلفوني بالغرفه يدك ويحيى يصيح من الهول عسل تلفونج اي عوفه هسه اروح صبيت الجاي حسن ونوسه تحولو بالهول ديشربون وهي بدت تحجي ويا وهو يجاوب علاقتهم كلش صارت بذيج الفتره فضلت تسال هالشي شسويت عليه ويجاوبها ويرد هو يسال انتي شسويتي بذيج الفلان شلله وهي ترد تشوفه صوره بالفون وهو يشوفها قدمت الجاي داكص الكيك ويحيى يباوعلي يبتسم كاعد عالميز اللي بالمطبخ ادير النستله عالكيك ورجع دك تلفوني باوعلي لج صار اربع مرات اي مو مشغوله خل اجيبه راح يحيى يجيبه وجاب وياه ابنه جان كاعد باوعلي كال رقم غريب والتلفون بيده يدك رد فدوه ايدي كلها نستله رد نعم وماكو رد حسن ديشرب جايه سبحان الله. اللي تثبت توقيت المكالمه بهيج يوم فتح يحيى سبيكر رجع كال الو اجه صوتها الو السلام عليكم حسن اللي توه يشرب اخر. كمع اندار عليه الاستكاان فك عينه كلها يباوع للتلفون والصوت اليطلع منه قربت وجهي راسا لج لووزه ردت تضحك هههه ايي شونج عزه بعينج وين هالكككطعه كلتها وعيوني تشكلت على حسن الفك عينه يباوع صافن عيونه غرغرت كثر مفاتحها شلت التلفون داروح للمر منه لغرفتي وكف بوجهي حسن يتوسل بله صوت ابقي مااحجي بس اسمعها اسالي اساليها شونها مرتاحه باوعت ليحيى ميعرف شيكول رجعت كعدت نوسه وكفت تكتفت وميلت راسها عالحايط تعاينله بقلق مقهوره عليه بقيت سبيكر مفتوح كالت زينه الحمد لله تزوجتي لحيه كالو وصار عدج ولد والله تمنيت افرح وياج بعرسج بس شسوي ضروفي انتي شونج زينه الله عليج اي والله الحمد لله بخير ومرتاحه صارو عدي بنوته وولد ثنين فدوه مشاء الله باوعت لحسن غمض ونصه شبسرعه ولج والله عالاربعين وصار عدي الحمد لله انتي شونه ابنج رجلج حباب حنين عليج الدنيا شونها وياج والله الحمد لله بخير زين لج انتي شونه ههه زين رجع لمرته عززه ولج ليش تضحكين وج هسه يله ارتاحيت همه الظاهر عدهم مشاكل شرف فاهله جبروا ينفصل عنها وياخذني فمن اخذني شهرين وعرفت انه رجعلها تلفونات وتبشبش عزه شصار بيج وداعتج صببه ولااحساس اني ميجمعني بي حب عسل تحجي واباوع لحسن يعض باصابعه المهم ماطول عليج صارت عدي بنتي واهله عرفو انه راجعلها وكبت العيطه تصوري اخو الجبير حتى ضرب ضربه اني معليه منهم بينهم تالي صارو التوم وره البنوته فرد رجعلها من ابو مات بعد محد كدرله المهم كعد كلي اريدها ماعوفها كتله روح والهوا بضهرك خاف من اخوتي كتله لعد طلعني بيت وحد وطيني مصرفهم كل شهر ولتشوفني وجهك هي تكوله الا تطلكها يله ارجعلك اخوتي الشرفاء مقبلو كلوله نشمر جهالك بالشارع واهله مقبلو ياخذون الجهال عاد اضطر ياجرلي ارتاااحيت بيت شكبره الي محد يضايقني اربيهم لجهالي مثل مااحب وحمودي سوده عليه يبات يمي يطلعني يونس الجهال تعلقو بي وهو يجي كل اسبوع عالجهال يشوفهم يكعد وياهم ويروح هي هاي هم حياه احلى حياه اني حياتي لجهالي واخوتي ههه للاسف عدي تسعه بس كثره عدد تتذكرين من جنت اكولج حزام الضهر لو تافله بوجهي ذاك الوكت احسن هيج طلعو طردتهم كلولي ترجعين بيت عمج وبالطابق الفوك ونلزم علي يوم هنا ويوم هنا غصب عنه عاد اني تفرعنت كتلهم اكتلها لروحي لعتبو لعب شرب ولعبان نفس وسكر وضرب يوميه واشكال شتايم وشلتوني وشمرتوني اله اطلعو ماريدكم حمودي يضل ويايه ماريد اشوف احد منكم والا اطالبكم بحصتي من البيت اخليكم تتفرهدون خنسوا وراحو وذاك يوم وهذا يوم مشفت جهرت واحد بيهم بعد الله يساعدج الحمد لله وج مرتاحه والله احجيلي اكولج ها حسن شونه متزوج كلتها وحسن كح عباله نفسه انكطع كوه كتم خنكته ركضت نوسه جابتله مي شربه وخنس كالت هاي يمج هو هاي كحته اي يمي ديسمع مو اي سمعج عادي خلي يسمع اني ردت احجي ويا ديسمع كال وتقرب كعد مقرفص وكانما التلفون مينشال من مكانه يحجي يرجف وجهه دم صار شونج لينا هلو حسن الحمد لله لينا لينا تطلكي منه تطلكي واخذج انتي وجهالج والله اداريج بمي عيني والله ههه حسن شونك لا يابه احنا ماعدنا طلاك ممنوع البنيه تتطلك واني مرتاحه بجهالي وشوفه عيونهم صدك كل حب كدامهم ينسي نسيت بيهم اوجاعي بضحكه من وجهم فدوه كل تعب وعذاب الهم تزوج حسن ارتاح وخلف الخلفه تنسيك العشته والاذيه التاذيتها وماكدر احرمهم من ابوهم رغم كلشي هو يحب جهاله و يحبو انتي زينه لينا كلش زينه ومرتاحه اتمنى من الله ترتاح وتحللني وتوهبني اني الدخلتك بهالعذاب وادري باهلي مينطون غربه اعتذر منك حسن غمض عينه وباوعلي همست يله اترخص عسل لتكطعين هذا رقمي يمج اوك نتخابر ماشي وردت كالت الله يوفق بحياتك حسن حللني واوهبني محلله وموهوبه انتي هم حلليني واوهبيني وادعيلي كون الله نفس الراحه المرتاحتها ترتاح واكثر راحت لوزه لحضات سكوت صار حسن لزم راسه ورفعه باوع لنوسه ورد نصه يحيى جرني همس خليهم وحدهم طلعت من الهول اني ويا وابني واسمع همس كلامهم وهي تصبر بي حدما سمعنا الباب انسدت طلعوا سوه - يااا خطيه ... اكولج هاي نامت خل اوديها حروح انام اني هم حفوت كومي للومه انتي هم روحي لعمي خطيه عايفته وحده ديله تصبحون على خير عسل ... فتت جان يحيى كاعده يكلب بالتلفون ذبيت ابنه باوعلي شال اللحاف يبتسم نمت يمه وحضنني جر نفس كال والله ماكدر انام بس بحضج شحدك تنام وحدك ايام تمر سريعه بحلوها ومرها يحيى صادف عليه القاء قبض كونه يطبع الكتب المدرسيه بدون اذن من التربيه وهو يعاند الله يسلمه كوه انحلت بالف يا الله بوكتها الرجفه الاكلتها تسوه حياتي ديننا ووفينا شوي شوي والحمد لله ازل ... ومرت الايام عمره لمار صار شهرين وعرفت اني حامل فرحت ورائد كيف خطيه ردت اسويله عائله جبيره مثل مجان يحلم بس للاسف نزل من وحده بيبي خطيه كلش انقهرت وحتى هو بس مبينها وداني لبيتنا ملمومين العصريه على غده عمو انور عازمنا كملنا الغده والولد بالهول تمددو واحنا دنسولف واندكت الباب كامت للومه تشوف منو طلع عمو انور وطب مخطوف لونه كال بنات اندارينا علي شكو بلع ريك وباوع للومه وابتعد عن الباب شفنه وراه بنيه كأنما منعرفها لبسها المو محتشم ومكياجها وشعرها وبيدها طفل وكفت كدامنا وعسل ركضت عليها حضنتها وهي ببرود غمضت وبعدتها كالت هله وباوعتلي وباوعت للومه الجحضت عينها عليها كالت وينه حرك ركبتج الظاهر راح مردت عليها باوعتلي ببرود واني صافنه ماعرف شسوي كالت متسلمين على اختج لو كلبج بعده قاسي تالي اخذتي لرائد طول عمرج تحبين تباوعين عالشي اللي اني اريده وتردين مثله طول عمرج تقلديني مرديت عليها بس الصدمه الاحنه بيها تفزز امي وابويه بكبرهم باوعت للومه كالت انتي وحده كذابه وحراميه عايشه بمال ايتام وين تقاعد ابويه سنين يابو سنين تاخذين تقاعد وينههه عاطت واحنا اني وعسل جاوبنا شتردين منه عسل كالت عساس انتي حابه ابويه ذاكرته لو فعلا حاسه بي متطمسين اسمه ولا تدمرين سمعته والتقاعد سوينا بي بيت النا الاجار يجي والجنتي تاكلي واشربي تصرفين منه اعتبري راتب ابوج ازل : سكتتي ماكو داعي احجي رسل بس تباوعلها صافنه عليها وعالبيدها ابنها ابتسمت كالت هذا ابنج من الاعرج المعاق عاطت عسل احترمي نفسج انتي المعاقه فكريا شتردين فلوس تدللين لازم الدنيا فرتج وتذكرتي ابوج نترت معايزه على فلوسكم اني زوجي بالحكومه واحسن بيت واحسن عيشه بس قصدي من جيتي ابينلكم وجه عمتكم اللي مغشوشين بيها ازل : والله انتي المغشوشه بروحج ودنيتج يارسل خسرتينا خسرتي هاللمه الحلوه وخواتج صفيتي وحدج محد يحن عليج لاحبيبتي لااا خوتكم ولاخوه يوسف اني اطفالي وزوجي بالدنيا خليكم بهالقمامه العايشين بيها. باوعت للجهال وللومه وطلعت وجهه ميتفسر سياره طابكه بالباب وصلت للباب وعسل لحكتها رجلي معادت شالتني كعدت عسل : اوكفي رسل رسل التفتت شتردين مو تطرديني علمود هاي شتردين انتي انتي مرتاحه نترت اي كلش مرتاحه اني جيت انوركم مادري بيكم متنعمين وناسيني احنا مناسيج يااختي انتي اذيتينا ليش مترجعين ونبلش صفحه جديده احنا كل جمعه هنا ملمومين على حب الله يم للوم والله تنسه فطيره تعرفيها ماريد اشوف جهرتها براحتج بس كتلج مترفضج تعاي من تحتاجين شي عافتني وراحت بس جانت عيونها على ابني صعدت السياره الكان بيها سايق خاص وعيونها عالبيت وعلى جهالنا وعلينا تقهر يمكن تحس بوحده لان الماله خير باهله ماله خير بنفسه رجعت حضنت للومه اريد احضنها حدما اكتفي شوي وازل هم جتي حضنتها باست راسها كالت نشتريج ونبعيها ولا تنقهرين كالت تبقى اختكم لتخسروها من ورايه باجر حساب وكتاب جاوبت عسل كتلها احنا كل جمعه هنا تعاي اذا تردين بعد كيفها هزت راسها وتعاين للباب عمو انور واكف اشرلها تعاي طلعت بالحديفه وياه اباوعله يحجي وياها همس محاوطها بكتفه ويبوس براسها هدات واني وازل كعدنا نستذكر مر الذكريات والسوته بينا جرينا نفس نبتسم شفتي ابنها شون حلو يخبل يشبهه وحتى الثاني هم حلو اي يعني صارو اثنين عدها اي الله يهديها لبسها معجبني اي اني هم كانت اخر جيه الها ترابطنا هواي تعلقنا بللوم اكثر واخر شي حمل ازل الثاني حاليا بال٧ وعدها ولد واني نجحت هالسنه تخرجت ويحيى كذلك والحمد لله حسن لساته متزوج بس رجع للشغل القديم حياتنا تحسوها مابيها نقص بس ككل بيت منخله من المشاكل اني عسل ودلالي وطلباتي المتخلص افقد وماحس بيحيى الا يدكلي جرص غزالي على كيفج وي المصرف والزم ايدي و ازل ونحاسيتها واقل شي تزعل الا بيبي ترزلها يله تجر عدل للوم سوت عمليه لركبتها والحمد لله اثر قللليل بقه زيودي سنه التجي روضه واخيرا صادف لقاء ام يحيى بعمو انور وللومه كانت مرعوبه من هالشي عسل ... معزومين بيت خال حسن جاي من الحج ورحنا نودي فضل اني عمو انور وللوم ويحيى طبينا ونتفاجا بووجودها اني ماعرفها بس ضغطة ايد يحيى على ايدي فسرت نظرتها وكفت تباوع عليه باوعتله كتله طب ببرود سلم عادي غمض وفات سلم على خال حسن وتحمدله بالسلامه وباوعلها هي شالت ايدها فاكه حلكها وعينها كلها اهلا اهلا ودار وجهه كال تعال يابه تفضل عمو انور ميدري شنو القضيه للومه بصفي شكت هي مو هي طب عمو وصفن من شافها دار وجهه على للومه للومه غمضت وهزت راسها همست فوت سوي مثل ابنك لتضعف دير بالك هو هسه ياخذ قوته منك تبشبشبت وهو نصه وطب تصافح وي خالهم كعد بحضنه زيد لابس كلبيه حبيبي واني ابني بحضني طبيت بست ايد خالهم حسن ضل مرتبك يعاين منا ومنا طيته ابني شاله وباوع لخاله خالو باوع خدود هذا الارعن وينها نوسه باعي تتباهين بخدودج عدي هيج خدود ضحكنا بس كلمن بكلبه شكل عاللخ بقت باهته جهالها يمها ثنين متوسطه باوعله يحيى ونصه راسه والخال انحرج خطيه عمو انور مباوع لناحيتها ابد بده يستدرج اطراف الحديث يصنف اي شونه النبي كال للخال والخال ضحك والله ابو يحيى كون عايش ديشوف امته شديصير بيها بالعافيه عليك حجتك العوده ان شاء الله اجمعين يكتبها الكم يارب تسلم حجي والله احنا جينا نشوفك ونروح لان رادو يكعدون هاي هنا منتزه يغيرون جو تدري بيه اعشق الحدايق كل الهلا بيكم وترخصنا وطلعنا كلنا يحيى ضل اخر واحد علمود رجله واني وياه واكفه بصفه اخذت ابني من حسن شفت امه تقدمت ناحيته كالت همس يحيى ماما متسلم على امك حبيبي باوعلها ابتسم ببرود مو سلمت شسوي بعد كالت هذوله اخوتك متعرفت عليهم ليش مترد على اتصالاتي اعتقد واضح من عدم ردي معناها لترجعين تتصلين عسل : نصيت على رجله لبسته الحذاء واسمعها هاي اختك وهذا اخوك شوفهم باوعلهم ابتسم باوعلها دير بالج عليهم مو تعلقيهم بيج وتعوفيهم وتروحين بجت وتقربت تحضنه الصدمه انه دفعها نتر ابتعدي لتتقربين اني حلفت هالصدر ميضمه غير العرف قدره واحتواه بعد لتخابرين يله عسل طيني ابني بقت تباوع لابني وعليه نصيت وطلعت حسن ورانا همسلي عسل دير بالج عليه تره انهار اعرف اعرف باي باي بليل امرلكم اوك طلعت بسياره عثمان وانور بسيارته وصلنا للبيت عكرت مزاجنا راحت الطلعه علينا هاي ازل عينها بيها عورضتلنا اول مطبيت ذبيت ابني بالحجله وركضت للغرفه شفته مخلي ايده على كصته متمدد حضنته وحضنني بكل قوته نتر بحركان دم شفتيها بعد كل هالسنين تريد تحضنني لا وتعرفني على جهالها بكل وقاحه ربي ربي برد كلبي مو راح اططططك راح يطك كلبي لاحبيبي فدوه لتسوي هيج حضنته وبجيت خوف اول مره هيج ينهار هدا روحه كوه مغمض قوي ابني بالحجله كال بصوت طفولي ببا صفن هو باوعلي ورد عادها ببا ببا وكف ولزم البوري مشه بسرعه عليه وهو جلب ببا شالها واسمع شهكته بصوت مكتوم عيون ابوك كانت اول مره ينطقها بلسم ونزلت على كلب يحيى وكانما ربي استجاب دعوته من طلب يبرد كلبه الله اكرم الاكرمين رحيم بعبده وانور حلفت عيونه واقسمت للوم انها الاخيره بحياته وعوضته عن كلشي واثبت هالشي وداها نفس المطعم ياكلون سمج كلها تتذكرين هالمطعم اي اتذكر هذا المطعم العفتني بي وركضت واني اركض وراك جبتج هنا حتى اثبتلج شوفتي الها ماحركت ساكن وانتي عدي بالدنيا كلها الله لايحرمني منك لهنا وانتهت قصتنا اتمنى تكون عبرتها وافيه لهدف كتابتها واترك الرأي لكم عن العبرة من بين سطور القصة كانت اكثر قصه طولت بيها كوني مريت بضروفي واعتذر من ابطالها الذكور منهم والاناث ومن المتابعين . . للومه شتكول كنت اما لهن كانت رحله عذاب ووهن على وهن وكنت اولى بهن صار انسي معهن كاخت لم تلدها امي وكبنت لم تلدها بطني ربحتهن واعطيتهن من سني عمري وتعبي واعطوني مالم يعطني اياه بشر الالفه والنقاء دامت ايامكم سعاده . وشكرا للمتابعه . . . النهاية #مريم_السعدي | ||||||||
|
| |
|
14-11-21, 05:24 PM
| #76 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته رابط لتحميل الرواية هنـــــــــــــــــــــــ ــــــــــــــــا قراءة ممتعة لكم ................ | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
